ദേശീയ കായിക ദിനം

ഇന്ത്യന്‍ ഹോക്കി മാന്ത്രികന്‍ ധ്യാന്‍ ചന്ദിനോടുള്ള ബഹുമാനാരത്ഥം അദ്ദേഹത്തിന്റെ ജന്മദിനമായ ആഗസ്റ്റ് 29 ദേശീയ കായിക ദിനമായി ആചരിച്ചു വരുന്നു

                                    ധ്യാന്‍ ചന്ദ് 

 

ഇന്ത്യന്‍ ഹോക്കി മാന്ത്രികന്‍ 1905 ആഗസ്റ്റ് 29 ന് അലഹബാദില്‍ ജനനം ഇന്ത്യന്‍ ആര്‍മിയില്‍ ശിപ്പായിയായി ഔദ്യോഗിക ജീവിതമാരംഭിച്ച ധ്യാന്‍ചന്ദ് മേജറായി പിരിഞ്ഞു. ഇന്ത്യ ഹോക്കിയില്‍ സ്വര്‍ണം നേടിയ 1928,1932,1936, ഒളിമ്പിക്സുകളില്‍ കളിച്ചു. ‘പരിശീലനം,പരിശീലനം,പരിശീലനം, ഇതാണ് വിജയ രഹസ്യം’ -തന്റെ വിജയരഹസ്യം ദ്യാന്‍ ചന്ദ് ഇങ്ങനെയാണ് വിശദീകരിച്ചത് .1956-ല്‍ പത്മഭൂഷണ്‍ ബഹുമതി ലഭിച്ചു. 1979 ഡിസംബര്‍ 3ന്‍ അന്തരിച്ചു.

  28

   2011

 

 

 

                                             അയ്യങ്കാളി

ഹരിജന നേതാവ്. 1863 ആഗസ്റ്റ് 28 ന് തിരുവനന്തപുരത്തിനടുത്തുള്ള വെങ്ങന്നൂരില്‍ ജനനം. ചെറുപ്പക്കാരെ ചേര്‍ത്ത് 1905 ല്‍ രൂപീകരിച്ച ‘സാധുജന പരിപാലന സംഘം‘ തിരുവിതാംകൂറിലെ നാട്ടുപ്രമാണിമാരുമായി ഏറ്റുമുട്ടി. ‘തൊണ്ണൂറാമാണ്ട് ലഹളകള്‍‘ ( കൊല്ലവര്‍ഷം 1090) എന്നാണിവ അറിയപ്പെട്ടിരുന്നത്. ഇരുപതു കൊല്ലത്തോളം അയിത്ത ജാതിക്കാരുടെ പുരോഗതിക്കുവേണ്ടി പോരാടി ‘സാധു ജന പരിപാലന സംഘം‘ പില്‍ക്കാലത്ത് പുലയമഹാജനസഭയായി മാറി. 1910 മുതല്‍ 25 വര്‍ഷകാലം അയ്യങ്കാളി ശ്രീ മൂലം പ്രജാ– സഭാംഗമായിരുന്നു ഹരിജന ശിശുക്കള്‍ക്ക് വിദ്യാലയ പ്രവേശം നിഷേധിക്കപ്പെട്ടിരിക്കുന്നതിന് എതിരെ പ്രക്ഷോഭം സംഘടപ്പിച്ചു. 1914-ല്‍ ഹരിജന ശിശുക്കള്‍ക്ക് വിദ്യാലയ പ്രവേശനം അനുവദിചചുകൊണ്ട് ഗവണ്‍മെന്റ് കല്പന പുറപ്പെടുവിച്ചു. ഹരിജന സ്ത്രീകള്‍ക്ക് മാറുമറയാക്കനുള്ള അവകാശങ്ങള്‍ക്കുവേണ്ടി നടത്തിയ സമരങ്ങളും ഫലവത്തായി. 1941 ജൂണ്‍ 18 ന് അന്തരിച്ചു.

 

 

      28    

      2011

 

                      എം. ജി. കെ .മേനോന്‍

പ്രശസ്തനായ ഇന്ത്യന്‍ ശാസ്ത്രജ്ഞന്‍. 1928 ആഗസ്റ്റ് 28 ന് മംഗലാപുത്ത് ജനനം.മുഴുവന്‍ പേര് മാമ്പിള്ളി കലത്തില്‍ ഗോവിന്ദകുമാര മേനോന്‍. 1949-ല്‍ ഉപരിപഠനത്തിന് ഇംഗ്ലണ്ടിലെത്തിയ ഇദ്ദേഹം നോബല്‍ സമ്മാന ജേതാവായ സി എഫ്. പവലിന്റെ കീഴില്‍ ഗവേഷണം ആരംഭിച്ചു. 1952-ല്‍ ഫിസിക്സില്‍ ഡോക്ടറേറ്റ് നേടി. 1955-ല്‍ ഇന്ത്യയില്‍ തിരിച്ചെത്തിയ മേനോന്‍ Tata Institute of fundamental research-ല്‍ റീഡറായി ചേര്‍ന്നു. 1960 ല്‍ ഈ സ്ഥാപനത്തിന്റെ ഡയറക്ടറുമായി.കോസ്മിക്ക് രശ്മികളെ ക്കുറിച്ച അദ്ദേഹം ഗവേഷണം ആരംഭിച്ചു. ഇലക്ട്രോണിക് കമ്മീഷന്‍ ചെയര്‍മാന്‍ ( 1971) , വകുപ്പു സെക്രട്ടറി, ഐ.എസ് .ആര്‍.ഒ ,ചെയര്‍മാന്‍ പ്രതിരോധമന്ത്രാലയത്തിലെ ശാസ്ത്രോപദേഷ്ടാവ്, പ്രധാന മന്ത്രിയുടെ ശാസ്ത്രോപദേഷ്ടാവ്, കേന്ദ്ര ശാസ്ത്ര സാങ്കേതിക വകുപ്പു മന്ത്രി(1989-90) എന്നീ നിലകളില്‍ സേവനമനുഷ്ഠിച്ചിട്ടുണ്ട്. അറുപതോളം ഗവേഷണ പ്രബന്ധങ്ങള്‍ രചിച്ചിട്ടുള്ള ഇദ്ദേഹത്തിന്റെ ഇന്ത്യയിലെ പതിനന്ന സര്‍വകലാശാലകള്‍ ഡോക്ടറേറ്റ നല്‍കി ആദരിച്ചിട്ടുണ്ട്. ലണ്ടനിലെ റോയല്‍ സൊസൈറ്റിയുടെ ഫെല്ലോ ആയി തെരഞ്ഞെടുക്കപ്പെട്ട ആദ്യത്തെ കേരളീയന്‍ കൂടിയാണ് എം ജി കെ മേനോന്‍. 1960-ല്‍ ശാന്തി സ്വരൂപ് ഭട്നഗര്‍ അവാര്‍ഡ് ലഭിച്ചു. പ്ത്മശ്രീ (1961), പത്മഭൂഷണ്‍ (1968) പത്മ വിഭൂഷണ്‍ (1985) എന്നീ ബഹുമതികള്‍ ലഭിച്ചിട്ടുള്ള ഏക കേരളീയ ശാസ്ത്രജ്ഞനാണ് ഇദ്ദേഹം