Chittarkottai Sunnath Jamath

துன்பம் நீங்கி நிம்மதி மலரட்டும் ஹிஜ்ரி 1442.Penderitaan akan berakhir d...

noreply@blogger.com (Unknown) — Thu, 27 Aug 2020 23:14:00 +0000

https://www.facebook.com/UstazMohamedHabeebOfficial/

Request Regarding Covid-19 Situation in Tamilnadu from Maulana Maoulavi Al Hajj P.A Haja Moinuddin Baqavi, President of Tamilnadu State Jama'athul Ulama Sabai.

noreply@blogger.com (Unknown) — Thu, 02 Apr 2020 01:20:00 +0000

தலைப்பு - ஏன் இந்த முடக்கம்? by Maulana Maoulavi Al Hajj P.A Haja Moinuddin Baqavi

noreply@blogger.com (Unknown) — Sat, 28 Mar 2020 01:16:00 +0000

அஸ் -- ஸத்தாரிய்யா நர்சரி & பிரைமரி ஸ்கூல் !!!

noreply@blogger.com (Unknown) — Tue, 02 Apr 2019 00:00:00 +0000

அது ஒரு மோசமான காலம் !!!

noreply@blogger.com (Unknown) — Tue, 02 Apr 2019 00:00:00 +0000

மவ்லவிகள் மிக மோசமாக மேடைகளில் விமர்சிக்க பட்டார்கள்.

மத்ஹபு தர்ஹா போன்ற வார்த்தைகள் கெட்ட வார்த்தைகளாக

மக்களிடம் சொல்லப்பட்டது.

மேடைக்கு தைரியம் இருந்தால் வா வந்து பதில் சொல். தைரியம் உண்டா?திராணி இருக்கிறதா?என்று மேடைக்கு மேடை சவால் விட்டது

வஹாபிஸ பிஸாசுகள்.

பதில் சொல்ல முடிந்த ஆற்றல் உள்ள பல மவ்லானாக்கள் நமக்கு

எதற்கு வம்பு என்று ஒதுங்கி இருந்தார்கள்.

சில ஆலிம்கள் வஹாபிஸ கொடியவர்களால் தாக்கப்பட்டார்கள்.

கல்யாண வீட்டில் இருந்து கபர்ஸ்தான் வரைக்கும் குழப்பம்.

தீனுக்காக உள்ள பல விஷயங்களை தீனிக்காக செய்கின்றார்கள் என்று மக்களில் பலர் ஆலிம் களை இழிவாக எண்ணத்துவங்கியிருந்தார்கள்.

இந்நேரத்தில் அல்லாஹ்வின் அருளால் தமிழகத்தின் தலைநகரில் இருந்து புறப்பட்ட மாமனிதர் ஷேக் அப்துல்லா ஜமாலி ஹலரத் கிப்லா.

எளிய மனிதர்.பழக இனிய மனிதர்.சிறந்த கல்விமான்.ஒழுக்கத்தை உயிராக எண்ணுபவர். பெருமானாரை (ஸல்) உயிரினும் மேலாக எண்ணுபவர்.சிறிய வயது ஆலிம் களையும் ஆளாக்கி உருவாக்க என்னும் பெரிய மனதுக்காரர்.சமரசமில்லா கொள்கைவாதி.எதிரிகளின் சிம்ம சொப்பனம்.

கேள்விக்கு பதில் சொல்ல பத்திரிகையில் கட்டுரை எழுத ஒவ்வொரு மேடைக்கும் தெருமுனை பிரச்சாரத்திற்கும் மாநாட்டு உரைக்கும் வெளிநாட்டு பயானுக்கும் ஆன்லைன் பதிலுக்கும் பணம் .எல்லாவற்றிற்கும் பணம்.இப்படி எதிரிகள் பணமழையில் குளித்து உயர்தர வாகனத்தில் வந்த இறங்கி பாதுகாப்பு வீரர் களுடன் பவனி வரும் போது தனது சொந்த செலவில் பயணம் செய்து பணத்தை எதிர்பார்க்காமல் களப்பணி செய்து மகத்தான வெற்றி பெற்றவர் எங்கள் ஜமாலி ஹலரத் கிப்லா.

அவரின் வறுமையால் புதிய பயணம் பத்திரிகையை

தொடர முடியாமல் போனது.

மூன் டிவியில் விளக்கம் தருபவரால் மூன் மார்க்கெட் வைக்க

முடியாமல் போனது.

இன்னும் வாடாகை வீட்டு வாழ்கை வாழ்கிறார் சொர்க்க

மாளிகைகளின் அதிபதி.

எளியவனின் ஓட்டு வீட்டிற்கு வருகை தந்து கட்டிலில் கூட

அமராமல் சிறிய வயது மவ்லவிகளுடன் தரையில் அமர்ந்து உணவு உண்ட போது

பல அலுவல்கள் இருந்தபோதும் தொலைபேசியில் சந்தேகம் கேட்கும் போது நிதானமாக புரியும் படி பதில் அளித்து திருப்தி படுத்தும் போது

உங்களது வடகரை எனக்கு ரொம்ப பிடிக்கும் மவ்லானா என்று குழந்தை போல இயற்கை அழகை ரசிக்கும் போதும்

உயர்ந்து நின்றவர் எங்கள் ஜமாலி ஹலரத் கிப்லா.

இப்போது பல்கலைக்கழகத்தில் பட்டம் பெற்றுள்ளார்கள்.இது

அவர்களுக்கு சாதாரணம்.எனினும் எங்களின் மனம்

மகிழ்கிறது.இதயம் இனிக்கிறது.

யா அல்லாஹ் ஜமாலி ஹலரதின் ஆயுளை

ஆரோக்கியத்துடன் அதிகரிப்பாயாக

யா அல்லாஹ் இன்னும் அவரின் களப்பணி தமிழ் மக்களுக்கு தேவைப்படுகிறது.அதற்கு

மனபலத்தை அவருக்கு வழங்குவாயாக

வஹாபிஸ பிஸாசுகள் அவரால் அழிந்தது என்ற பெரும்

பேற்றினை அவருக்கு வழங்குவாயாக

நபி புகழ் பாடிய ஹஸ்ஸான்(ரலி)க்கு ஜிப்ரீலை கொண்டு பலப்படுத்தியதைப்போல மலக்குமார்களை

கொண்டு அவர்களை பாதுகாப்பாயாக

எழுத்தால் பேச்சால் அவர் புரிந்த சேவையை

பொருந்திக் கொள்வாயாக

அதற்கு உண்டான மகத்தான கூலியை இம்மை

மறுமையிலும் நிறைவாக வழங்குவாயாக...

ஆமீன்.

ஷாஹூல் ஹமீது வாஹிதி.

முனைவர் பட்டம் பெற்ற எங்கள் ஆசானுக்கு இதயமார்ந்த வாழ்த்துகள் !!!

noreply@blogger.com (Unknown) — Tue, 02 Apr 2019 00:00:00 +0000

ஆண்டுதோறும் ஜமாலிகள் வெளியானாலும், அவர்களின் எண்ணிக்கை ஆயிரத்தைக் கடந்தாலும்,ஜமாலி என்னும் நட்சத்திரக் கூட்டங்களிடையே இலங்கும் பௌர்ணமியாய் துலங்கும் எங்கள் உஸ்தாதே !

முனைவர் பட்டம் பெற்ற உங்களால் அல்லவா பட்டம் தனக்கு கிரீடம் சூட்டுகிறது.

சுன்னத் வல் ஜமா அத்தின் நூற்றாண்டு கண்ட பாரம்பரியமிக்க தாருல் உலூம் ஜமாலியா அரபிக்கல்லூரியில் தெளிவுறக் கற்று, ஜமாலி என்னும் பட்டம் பெற்று, அங்கேயே ஆசிரியராய் பொறுப்பேற்று, பல நூறு ஆலிம்களை உருவாக்கி, சமூகத்தில் தன் கொள்கை சாம்ராஜ்ஜியத்தின் விதைகளைத் தூவி, பல விருட்சங்களைக்கண்டு, விழுதுகள் பல ஊன்றி, சப்தமில்லாமல் பல சாதனைகளை சாதித்து வரும் மாபெரும் சகாப்தம் *ஜமாலி உஸ்தாத்*

தமிழகத்தில் மார்க்கத்தின் பெயரால் மூர்க்கம் செய்து வந்த வஹ்ஹாபியர்களின் மூக்கணாங்கயிற்றைப் பிடித்து கட்டியவர் நீங்கள்.

குர்ஆன் ஹதீஸ் என்ற பெயரில் சமூகத்தில் உளரி உலவி
வந்தவர்களின் அடிசுவட்டை அழித்தவர்கள். அவர்களின் முகவரிகளை ஒழித்தவர்கள் நீங்கள்!

தன்னை யாரும் விவாத களத்தில் சந்திக்க முடியாது என்று தலைக்கனம் கொண்டு அலைந்தவர்களின் செருக்கை தகர்த்தவர்கள் நீங்கள்!

ஷிர்க் பித்அத் என்று ஒப்பாரி வைத்து ஓலமிட்டவர்களுக்கு வேத வசனங்களை ஓதிக்காட்டி சுன்னத், முஸ்தஹப் என்று பாடம் நடத்தியவர்கள் நீங்கள்!

நாகத்தைக் கண்டு பயந்தோடும் படை போல
ஜமாலியின் நாதத்தைக் கேட்டு பயந்தோடின படைகள்.

ஜமாலி உங்களின் வாதத்திறமையை சமாலிக்க முடியாமல் ஓடியது சண்டாளர் கூட்டம்.

உங்களால் வைக்கப்பட்ட பல கேள்விகள் இன்னமும் கேள்விகளாகவே நின்று விட்டனவே, இதுவரையில் வராத பதில் இனியா வரப்போகிறது.

உங்களை அல்லாஹ் எங்களுக்கு அருளாக வழங்கினான். அதனாலன்றோ அப்பாவி மக்கள் தம் ஈமானை காத்தனர். தடம் மாறிப் போன பலர் திரும்பி வந்தனர், திருந்தி வந்தனர்.

வஹ்ஹாபிகள் சொல்வதில் சில சரியாக இருக்கலாம் தானே என்று ஏமாந்து போன எங்களில் எத்தனை உலமாக்களுக்கு வழிகாட்டியது உங்களின் உரைகள்.

உங்களின் உன்னத உரைகளன்றோ எங்களுக்கு உரமானது.

பதில் சொல்லியே ஆகவேண்டிய பல இக்கட்டான சந்தர்ப்பங்களில் கிதாபுகளை நாங்கள் எங்கே புரட்டினோம். எங்களுக்கு தெரிந்ததெல்லாம் உங்களின் பத்து இலக்க அலைபேசி எண் தானே?

அழைக்கும் போதெல்லாம் கொஞ்சமும் அலுப்புத் தட்டாது பச்சப் பிள்ளைக்கும் புரியும் வகையில் புரிய வைக்கும் போங்கு அல்லாஹ்வே உங்களுக்கு அளித்த சன்மானம்.

வாதத்தில் ஒரு துணிவு, மாணவர்களிடமும் பணிவு, எல்லோரிடமும் கனிவு,
என உங்கள் குணாதிசியங்களுக்கு நாங்கள் சாட்சி.

எங்களுக்குத் தெரியும். உங்களைப் புகழ்ந்து பேசுவது உங்களுக்குப் பிடிக்காது.

ஆம் ! எந்தையே! எம் ஆசிரியத் தந்தையே ! தகுதியற்றவர்களை புகழ்வது எப்படி தவறோ அப்படியே தகுதியுள்ளவர்களை புகழாததும்.

இறைவா ! எங்கள் ஆசானின் வாழ்வில் உன் வசந்த கால பூங்காற்றை இரவுபகல் முற்றாக வீசச்செய்.

சொல் மாரி பொழியும் அவரின் வாழ்க்கைப் பந்தலில் தினமும் நீ தேன் மாரி பொழி.

தீன் மாறிப்போனோரை இவரின் அழைப்பால் திசை மாறி வரச் செய்.

இவரின் நாவில், பேனாவில் உன் அருள் சுனை ஊற்றெடுக்கச் செய்.

அவரின் முன்னும் பின்னும் வலதும் இடதும் மேலும் கீழும் நீயே காப்பு வழங்கி காத்தருள் நாயனே.

அன்பர்கள் யாரிடமும் தேவையாகாத இவரின் தேவையறிந்து நீயே நிறைவேற்று.

உன் அருளாலும், உன் ஹபீப் நாயகம் ஸல்லல்லாஹு அலைஹி வஸல்லம் அவர்களின் அருளாலும் உயர் வலிமார்களின் வாழ்த்துக்களாலும் எங்கள் உஸ்தாதின் வாழ்வில் எல்லா வளங்களையும் வழங்குவாயாக.
அவர்களின் வாழ்நாளை சரீர சுகத்துடன் நீ நீட்டித்தருள்.

அன்புடன்

*ஜமாலிகள்*, மற்றும் ஜமாலி உஸ்தாத் அவர்களின் நேச உலமாக்கள்.

ஜமாலி எனும் பேராளுமை !!!

noreply@blogger.com (Unknown) — Mon, 01 Apr 2019 23:59:00 +0000

மணம்சூழ் மல்லிப்பட்டிணத்தில் மங்கலமான நேரமதில் 03-06-1960 ல் மாண்பான தம்பதியாம் முஹம்மது மஜீத், ரஹ்மத்துல் குப்ரா (அல்லாஹ் இவர்களை பொருந்திக் கொள்வானாக!) விற்கு மைந்தராக பிறந்தவர்

தமிழகம் தந்ததனியொருவர்

தன்னடக்கத்தில்தன்னிகரில்லாதவர்

புதிய பயணம் எனும் ஹழ்ரத் அவர்களின் மாதஇதழின்

வழியே அகீதாவை கற்றோர் ஆயிரமாயிரம்.

ஆதாரங்கள் அடுக்கப்பட்ட ஆய்வு கட்டுரைகளால் அது நிரம்பி வளிந்தது
எழுத்தெனும் ஆயுதங்களை ஏந்தியும் பேச்செனும் தற்காப்பு கலைகளை சூடியும் வஹ்ஹாபிகளுக்கு எதிரான போர்களத்தில் புகுந்து புகழாரம் பெற்றவர்
இன்றும் சுன்னத் வல் ஜமாஅத்தின் தலைப்புக்களில் தேடுகையில் தனியாக இணையத்தில் வந்து குவிவது ஹழ்ரதவர்களின் பதிவுகளே
அரபி பாண்டித்துவத்தின் அசுர திறமையினை ஹழ்ரத் அவர்களிடம் மண்டியிட்டு ஓதிய மாணவர்களிடம் கேட்கலாம்.

எவரும் தொடுவதற்கு துணியாத தலைப்புக்களான வஸீலா, இஸ்திகாஸா, மவ்லித் போன்றவற்றையும் பொதுமேடைகளில் புரியும்படி போட்டுடைத்தவர்
வாதம் செய்ய வா வா என மாதம் மாதம் கத்திய வம்பர்களையும் ஆதாரங்கள் எனும் வாளால் வாலை வெட்டியவர்.

வாதிப்போர்களின் வாதங்களை அவர்களின் வடிவங்களின் பாணியிலேயே வென்றவர்.

நாகூர் பாதுஷாவை நாகூசாது வசை பாடிய நாதாரிகளை *ஸகீரத்* எனும் வார்த்தையால் நாவடக்கியவர்.

தப்ஸீரின் கருத்தெல்லாம் பிஸ்மியின் நுக்தாவிலுள்ளதோ காட்டுமென கத்தியோரை லேப்டாபில் பிரதிபலிக்கும் புத்தகங்கள் முழுதும் சீடியில் உள்ளதே அவற்றை அப்படியே காட்டுமென கருத்துரைத்து காதறுத்தவர்
கொடுக்க நிதியில்லாத பற்பல ஊர்களில் தன்னுழைப்பால் மஜ்லிஸினை ஏற்படுத்தியவர்.

நேர மேலாண்மையிலும் திட்டவடிவாண்மையிலும் சிறந்தவர்
தான் கலந்து கொள்ளும் எந்த மஜ்லிஸாக இருப்பினும் முன்னரே வருகை தந்து கிராஅத் துவங்கி நன்றியுரை, துஆ வரை முழுவதையும் மும்முரமாய் கவனிப்பவர்.

இந்நாள் வரை தனியாகவே பயணிக்கிறார்கள் வலிமார்களின் துஆ பரக்கத் எனும் பெரும் படை எனக்கிருக்கையில் பூணைபடை எதற்கென கூறுபவர்
வலிமார்களின் அருட்பார்வையினை சம்பூரணமாக பெற்றவர்
நாதாக்களை தேடி தேடி தரிசிப்பதில் அலாதியான இன்பம் கண்டவர்
சூபித்துவ வாழ்வை தன் வாழ்வாக கொண்டவர்.

தரீக்கத் ரீதியில் தர்க்க ரீதியில் பல்வேறு கூறுகளாக பிரிந்திருந்த சுன்னத் வல் ஜமாஅத் நபர்களை முதன்முதலாக ஒரே மேடையில் தஞ்சையில் அணிவகுக்க செய்தவர்.

தன்னோடு தனியாளாக தரணிமுழுதும் தடைநீக்க தன்னிகரில்லா பைசல் எனும் கோவையின் சிம்மத்துடன் ஊர் ஊராக இளைஞர்களை ஒன்றாக்கி சுன்னத் வல் ஜமாஅத் பேரியக்கம் எனும் ஆளுமை இயக்கத்தினை உருவாக்கியவர்.

ஹழ்ரத் அவர்களின் நற்குணங்களில் பிரதானமானது *"கண்ணியம் கொடுத்து கண்ணியம் பெறுவது"

வயதில் மிகச்சிறிய ஆலிமாக இருப்பினும் மத்ரஸா மாணவர்கள், பொது மக்கள் என எவரையும் கண்ணியக் குறைவான வார்த்தைகளை வெளியாக்கியதேயில்லை வாங்க, போங்க என ஹழ்ரத் அவர்கள் அழைக்கும் போதெல்லாம் மெய் சிலிர்ப்பேன்.

காயல்பதி மஹ்ழராவில் ஹிப்ழ் ஓதும்காலத்தில் ஹழ்ரத் அவர்கள் ஜியாரத்திற்காக காயலிற்கு வருகை தந்தார்கள். முதல் சந்திப்பிலேயே இவர் ஒரு சிறந்த வழிகாட்டி என்பதை உள்ளுணர்வால் உணர்ந்து கொண்டேன்
அன்றிலிருந்து இன்று வரை ஹழ்ரத் அவர்களின் தொடர்பு தொலைபேசி வாயிலாக தொடர்கிறது.

எவ்வளவு நேரமும் ஐயங்களை தீர்க்க ஹழ்ரத் அவர்கள் சளித்ததேயில்லை
பற்பல சமயங்களில் குதர்க்க கேள்விகளால் குத்தும் போதும் குழம்பிய மனதிற்கு குதூகலத்தையே கொடுத்தது குருநாதரின் குரல்
எவராக இருப்பினும் எளிதில் நெருங்கி பேசலாம், தொலை பேசியில் உரையாற்றலாம்.

எச்சூழலிலும் தனக்கென தனி மரியாதையினை ஹழ்ரத் அவர்கள் எதிர்ப்பார்த்ததேயில்லை.அதே சமயம் எந்த சபையிலும் அவர்களின் கண்ணியம் குறைந்ததுமில்லை.

மூத்த ஆலிம்கள் விடயத்தில் தன் இருக்கையை ஒதுக்குவது, எழுந்து கண்ணியப்படுத்துவது, தன் கரங்களாலேயே தண்ணீரும் தேனீரும் ஊற்றிக் கொடுப்பது, கரம் முத்துவது ஏன் காலணி எடுப்பது வரை ஹழ்ரத் அவர்களின் செயல்களை சுற்றியிருந்தோர் பற்பல சூழல்களில் பார்த்துள்ளனர்
ஹழ்ரத் அவர்களின் இந்த பணிவு கலந்த கண்ணியத்தை பெற்ற ஆளுமைகள் வியப்பின் விளிம்பிற்கே சென்றுள்ளனர்.

சமீபத்தில் சென்னையின் ஓர் ஆன்மீக மஜ்லிஸில் கலந்து கொள்ளும் சமயம் மேலப்பாளையம் தந்த பெருமேதை ஒருவர் தானும் ஹழ்ரத்தும் மேற்கொண்ட இலங்கை பயணத்தை பற்றியும் அதில் தன்னுடன் நடந்துகொண்ட நற்குணங்களை பற்றியும் விவரிக்கையில் இறுதியாக ஓர் வாக்கியத்தை உரைத்தது இப்போதும் செவிகளில் ரீங்காரமிடுகிறது
*"நாடி நரம்பு சதையென இயற்கையிலேயே உடல்முழுதும் பணிவு கலந்த ஒருவரால் மட்டும் தான் இது சாத்தியம்"* என்பதாக
ஹழ்ரத் அவர்களின் இந்த பிரமாண்ட நட்பு வட்டாரம் எனும் சமுத்திரத்தில் மூழ்கியவர்களிடம் கேட்கலாம்.

ஹழ்ரத் அவர்கள் எந்த தனிமனிதர் பற்றி குறை கூறியதையோ, புறம் பேசியதையோ இந்நாள் வரை எவரும் செவியேற்றதேயில்லை
ஒற்றுமை களைந்துவிடக் கூடாதென தீவிரப் போக்கை ஹழ்ரத் அவர்கள் பற்பல சமயங்களில் விட்ட போதெல்லாம் தன்னுடன் பயணித்த பலரை இழந்துள்ளார்கள், அவர்களின் வசைப்பாடல்களுக்கு இலக்கானார்கள் ஆனாலும் இன்று வரை தன் முஹிப்பீன்கள் ஏதேனும் சூழலில் அவர்களை பற்றிய கடும் வார்த்தைகளை உபயோகித்து விட்டால்
*"நமக்கு ஏன் அடுத்தவர்கள் பேச்சு, நம்மை பற்றிப் பேசலாமே"* என பேச்சை திசை திருப்பி விடுவார்கள்.

ஏன் கொள்கையில் நேர்முரணாக உள்ளோரின் கூட்டங்களை கூட வேண்டுமென்று எந்த கூட்டங்களிலும் வசைப்பாடியதில்லை
அவர்களின் பெயர்களை தனியாக குறிப்பிட்டு கூறுவதில்லை *"வஹ்ஹாபிகள்"* எனும் பொது பெயருடனேயே அழைத்தார்கள்
எந்த சூழலிலும் எதிர் தரப்புவாதியின் தனிமனித ஒழுக்கங்களை தாக்கியதோ தரங்கெட்ட வார்த்தைகளை உமிழ்ந்ததோயில்லை.

*"கொள்கைகளை கொள்கைகளால் மட்டுமே மோத வேண்டும்"* என்ற கருத்தை கொடுத்தவர்கள்.

பற்பல தருணங்களில் தன்னை சந்திக்க வந்த அல்லது தான் சந்தித்த மாற்றுக் கொள்கையுடையோர்களுக்கு ஹழ்ரத் அவர்கள் செய்த கண்ணியத்தை அவர்களின் நாவுகளாலேயே மெச்சிப் புகழ்ந்ததை பன்முறை நான் செவியேற்றுள்ளேன்.

சமீபத்தில் அல்அஸ்ரார் பத்திரிக்கையின் ஆசிரியர் மௌலவி T.S.A.அபூ தாஹிர் மஹ்ழரி ஹழ்ரத் அவர்களுடன் ஏற்பட்ட உரையாடலின் போதும் ஜமாலி ஹழ்ரத் அவர்களின் மகனார் மௌலவி முஸ்தஃபா பிலாலி ஹழ்ரத் அவர்களுடன் ஏற்பட்ட உரையாடலின் போதும் ஏற்கனவே ஹழ்ரத் அவர்களை பற்றி ஹழ்ரத் அவர்களின் கொள்கைக்கு முரணான ஓர் ஆலிம் கூறியதை உறுதிபடுத்த நேர்ந்தது.

அதாவது *"தனி மனித வாழ்வின் நற்குணங்களை நிரப்பமாக பெற்றவர், தன் வாழ்வின் பெரும் பங்கை வறுமையிலும் சிரமத்திலும் கழிக்க நேரிட்டாலும் தன் குடும்ப உறுப்பினர்களின் ஒரு சில சிகிச்சைக்கு பணம் தேவைபட்ட போதும் இந்நாள் வரை தேவையென ஒரு வாசலிலும் நின்றதில்லை*
*தன் விரலசைவிற்கு கொட்டிக் கொடுக்கும் கொடையாளர்கள் கூடியிருந்தும் அண்ணா நகரில் வீடு கட்டுகிறோம் அம்பத்தூரில் வீடு கட்டுகிறோம் என பன்முறை கூறியிருந்தும் புதுபேட்டையின் வாடகை வீடே போதுமென வாழ்பவர்".

கூறுவதற்குண்டு கூற்றுக்கள் ஆயிரம் ஆயினும் நிறுத்துவது விரிவெனும் சடைவை அஞ்சியேயாகும்.

இத்தகைய பேராளுமையின் பேராசிரியர் மௌலவி அபுத் தலாயில் ஷைகு அப்துல்லாஹ் ஜமாலி ஹழ்ரத் கிப்லா பெறப் போகும் பெருமைமிகு பட்டயமான முனைவர் பட்டத்தால் மென்மேலும் மேன்மை பெற மனமாற வாழ்த்துகிறேன்.

இருலோக சிறப்புக்களை இரஸூலின் பரக்கத்தாலும் இறைநேசர்களின்

வஸீலத்தாலும் இனிதாக பெற்றிடவே

இருகரமேந்திஇறைஞ்சுகிறேன்

*-நபிநேசன்*

*மௌலவி ஹாபிழ் M.முஹம்மது ஃபாழில் நாஃபிஈ*

*(26-03-19)*

தமிழ் பேசும் உலகின் முதலாவது அரபு மதரஸா !!!

noreply@blogger.com (Unknown) — Wed, 13 Feb 2019 23:58:00 +0000

தமிழ் பேசும் உலகின் முதலாவது அரபு மதரஸா தென் இந்தியா தமிழ்நாடு கீழக்கரை அரூஸிய்யா மத்ரஸா مدرسة العروسية‎
மறைக்கப்பட்ட வரலாறு

தமிழ் நாட்டிலும், இலங்கையிலும் வாழ்ந்த தமிழ் முஸ்லிம்கள் தமிழ்துறைக்கு ஆற்றிய பங்களிப்புக்கள் எவ்வாறு திட்டமிட்டு மறைக்கப்பட்டதோ அதேபோன்று தான் இஸ்லாத்திற்கு வழங்கிய பங்களிப்புக்களும் மூடிமறைக்கப்பட்டுள்ளன.

போர்த்துக்கேயரின் வருகையின் பின்னர் தமிழ் முஸ்லிம்களுக்கிடையில் பாரிய சமூக சமயப் புணர் நிர்மாணப் பணிகளை மேற்கொள்ள வேண்டிய தேவை ஏற்பட்டது. இதனை செவ்வனே நிறைவேற்றிய அறிஞராக செய்ஹ் ஸதகதுல்லாஹ் காஹிரி றஹிமஹூல்லாஹ் (ஸதகதுல்லாஹ் அப்பா) வரலாற்றில் இடம்பிடித்திருக்கிறார்கள்.

முகலாய மன்னர் அவுரங்கஸீப் அவர்களுடன் நெருங்கிய தொடர்புகளைப் பேணிய செய்ஹ் ஸதகதுல்லாஹ் காஹிரி றஹிமஹூல்லாஹ் அவர்கள் "பத்வா ஏ ஆலம்கீரி" சட்டவாக்க நூலை தொகுக்கும் குழுவிற்கு பொறுப்பாக இருந்தார்கள்.இமாம் அவர்களின் பரிந்துரைக்கு அமைய மன்னர் அவுரங்கஸீப் அவர்கள், சீதக்காதி அவர்களை மேற்கு வங்க மாநிலத்தின் ஆளுனராகவும் நியமித்தார்கள்.

செய்ஹ் ஸதகதுல்லாஹ் காஹிரி றஹிமஹூல்லாஹ் அவர்கள் மக்கா, மதீனா, டமஸ்கஸ், பலஸ்தீன் உட்பட பல இடங்களுக்கும் விஜயம் செய்தார்கள். மஸ்ஜிதுன் நபவியில் இமாம் இப்னு ஹஜர் அல் ஹைதமி ரஹிமஹூல்லாஹ் அவர்களின் மாணவர்களும் செய்ஹ் ஸதகதுல்லாஹ் காஹிரி றஹிமஹூல்லாஹ் அவர்களிடம் கற்றதாக வரலாறு கூறுகிறு.

துருக்கியின் சுல்தான் முராத் அவர்களோடும் தொடர்புகளைப் பேணிவந்தார்கள். இவ்வாறான பயணங்களின் பின்னரே கீழக்கரையில் கி.பி 1671ல் அரூஸிய்யா மத்ரஸாவை உருவாக்கினார்கள்.

கீழக்கரை அரூஸிய்யா மத்ரஸா பல சிந்தனையாளர்களை உருவாக்கியிருக்கிறது. இந்த மத்ரஸாவிற்கு ஆர்காடு நவாபுகள் ஆரம்பம் முதல் உதவி வழங்கிவந்தார்கள். செய்யித் முஹம்மத் மாப்பிள்ளை மாப்பிள்ளை லெப்பை ஆலிம், முதல் அரபு - தமிழ் Dictionary ஐ தொகுத்த செய்யித் ஜமாலிய்யா யஸீன் மௌலானா, அமெரிக்காவின் Pacific Colombia பல்கலைக்கழகத்தின் முன்னாள் பேராசிரியர் கலாநிதி தைக்கா சுஐப் ஆலிம் போன்றவர்கள் முக்கியமானவர்கள்.

வேலூர் அல்பாகியாதுஸ் ஸாலிஹாத்

ஆனால் வேலூர் அல் பாகியாதுஸ் ஸாலிஹாத் மத்ரஸாவே முதலாவது தமிழ் அரபு மத்ரஸா என்ற கருத்து தெரிந்தோ தெரியாமலோ சமூகமயப்படுத்தப்படிருப்பதை அவதானிக்க முடியும். அஹ்லா ஹஸ்ரத் என்று அழைக்கப்படும் வேலூர் ஷா அப்துல் வஹாப் ஸாஹிப் அவர்களே வேலூர் அல் பாகியாதுஸ் ஸாலிஹாதின் ஸ்தாபகராவார்.

இந்த மத்ரஸா உருவாக்கப்படுவதற்கு சுமார் 186 வருடங்களுக்கு முன்னரே கீழக்கரை அரூஸிய்யா மத்ரஸா உருவாக்கப்பட்டது. மற்றுமொரு விடயத்தை நாம் இங்கு அவதானிப்பது அவசியமாகும் அஹ்லா ஹஸ்ரத் என்று அழைக்கப்படும் வேலூர் ஷா அப்துல் வஹாப் ஸாஹிப் அவர்களின் தந்தை அதாஉல் ஹாபீஸ அப்துல் காதிர் லெப்பை ஆலிம் (1784-1866) அவர்கள் கீழக்கரை தைக்கா சாஹிப் றஹிமஹூல்லாஹ் அவர்களிடம் அரூஸிய்யா மத்ரஸாவில் கற்றவராவார்.

அல் பாகியாதுஸ் ஸாலிஹாத் மத்ரஸாவில் இருந்து 1930 ம் ஆண்டில் வெளியிடப்பட்ட "அல் பாகியாதுஸ் ஸாலிஹாதின் அழகிய சரிதை" என்ற சிறப்பு மலரில் இந்த வரலாறு மறைக்கப்பட்டிருந்தாக மதுரை காமராஜர் பல்கலைக்கழகத்தின் தமிழ் ஆய்வுத்துறையின் முன்னாள் பேராசிரியர் P.M அஜ்மல் ஹான் அவர்கள் குறிப்பிட்டுள்ளார்கள்.

வட இந்தியர்கள் தமிழ் முஸ்லிம்கள் செய்த உதவிகளை ஒர் ஆவணத்திலேனும் பதிவு செய்யவில்லை. குறிப்பாக தாருல் உலூம் தேவ்பந்த், ஸஹ்ரான்பூர், முபாரக்பூர் போன்ற தேவ்பந்த் மத்ரஸாக்களுக்கு பொருளாதார ரீதியில் செய்யத உதவிகளைக் கூட நன்றியுடன் நினைவுகூற மறந்துவிட்டார்கள். இவ்வாறு தான் தமிழ் நாட்டில் பேசும் முஸ்லிம்களின் வரலாறுகள் மெதுமெதுவாக மறைய ஆரம்பித்துவிட்டன. விரும்பியோ விரும்பாமலே மறைக்கப்பட்ட எமது வரலாற்றை ஏற்றுக்கொண்டு தான் ஆக வேண்டும்.

படம் -- கீழக்கரை அரூஸிய்யா மத்ரஸா

பஸ்ஹான் நவாஸ்
செய்தி ஆசிரியர்
இலங்கை வானொலி
கொழும்பு.

இந்தியாவின் 70 வது குடியரசு தின விழா !!!

noreply@blogger.com (Unknown) — Tue, 29 Jan 2019 02:12:00 +0000

70 வது குடியரசு தின விழா இனிதே நடைபெற்றது.
தேசியக் கொடி உயர்ந்து, அவிழ்ந்து, பூமாரி பொழிந்து பட்டொளி வீசிப் பறக்கிற போது இந்தியன் என்ற பெருமிதத்தில் எல்லா சிரமங்களையும் கடந்து நெஞ்சு புடைக்கத்தான் செய்கிறது.

1947 ஆகஸ்ட் 15 தேதி சுதந்திரம் பெற்றோம். மூன்றாண்டுகள் நமது தேசத்தின் அறிவாற்றலும் தியாக உணர்வும் மிக்க நேரு , அம்பேத்கர் காயிதே மில்லத் இஸ்மாயில் சாஹிப் போன்ற மூத்த தலைவர்கள் பாடுபட்டு உருவாக்கிய அரசியல் சாசணம் நடைமுறைக்கு வந்தது 1950 ஜனவரி 26 ம் தேதி. அன்றைய தினம் இந்தியா மக்களாட்சி தத்துவத்தை ஏற்றுக் கொண்ட குடியரசாக மலர்ந்தது.

இங்கிலாந்து அமெரிக்க உள்ளிட்ட நாடுகளின் அரசியல் சாசணங்களை முன்னோடிகளாக கொண்டு இந்திய அரசியல் சாசணம் உருவாக்கப் பட்டது என்றாலும் உலகில் உள்ள அனைத்து அரசியல் சாசணங்களையும் விட இந்திய அரசியல் சாசணம் பெரியது. குடிமக்களுக்கு அதிக உரிமைகளை தரக் கூடியது. எந்த ஒரு குடுமபமோ அதிகார பீடமோ அரசியல் சாசனத்தை விட உயர்ந்தது அல்ல.

இந்தியக் குடியரசு, நாட்டு மக்களுக்கு அதிக உரிமைகளை தந்துள்ளது. இந்தக் குடியரசை காப்பாற்ற மக்கள் செய்ய வேண்டிய முக்கியக் கடமை தேர்தல்களில் வாக்களிப்பதாகும். நம் நாட்டில் வாக்களிப்பு சதவீதம் 60 % குறைவாகவே உள்ளது. இது கவலைக்குரியது. பிரம்மாண்டமாக கொடியேற்றி வைப்பதை விட தேர்தலில் வாக்களிப்பதே உண்மையில் ஒரு குடியரசுக்கு நாம் செய்கிற கடமையாகும். உள்ளாட்சித் தேர்தலோ நாடாளுமன்றத் தேர்தலோ குடியரசுக் கான சோதனைகளம் அது தான். அந்த வாக்களிக்கும் கடமையை எந்தச் சூழலிம் தவற மாட்டோம் என உறுதியேற்போம் என உரையாற்றினேன்.

நேற்றிரவு நீண்ட நேரமாக தப்லீக் ஜமாத்தில் ஏற்பட்ட பிளவுக்ள குறித்து படித்துக் கொண்டிருந்த்ததில் மெளலானா சஃது சாஹிப் பற்றிய அதிர்ச்சியளித்த குற்றச் சாட்டுக்களில் ஒன்று நினைவுக்கு வந்தது.
மெளலானா சஃது சாஹிப் தேர்தல்களில் ஓட்டுப் போடக் கூடாது என்று கூறுகிறார்.

ஒட்டுப் போடும் போது விரல்களில் வைக்கப் படுகிற மை யினால் ஓளு கூடாது என்கிறார்.
சஃது மெளலானாவின் பத்வாவை எந்தக் குப்பை தொட்டியில் வீசுவது ?
சஃது மெளலானா 50 கோடி மதிப்பில் பண்ணை வீடு வைத்திருக்கிறார். மோடியின் நணபருடன் சேர்ந்து மிகப் பெரிய இறைச்சிக் கூடம் வைத்திருக்கிறார் என்றெல்லாம் அவர் மீது கூறப்படுகிற குற்றச் சாட்டுக்களை அது வெறுப்பில் பேசப்படக் கூடியது அல்லது தனிநபர் சார்ந்ட்து என்று நாம் ஒதுக்கி விடலாம். ஆனால் அவருடைய இந்தக் கருத்து அப்படி ஒது க்கி விடக் கூடியதா ?
ஒரு குடியரசு தினத்தில் திருச்சியில் கூடியிருக்கிற 50 இலட்சம் பேருக்கு இந்த வழிகாட்டுதல்கள் வழங்கப் படுமானால் எதிர் வரும் நாடாளுமன்ற தேர்தலில் நமது நிலை என்ன வாகும் ?
அவருக்கு எவ்வளவு தடவை புரியவைத்தும் எத்தனை பெரிய மனிதர்கள் புரிய வைத்தும் அவர் புரிந்து கொள்ளாமல் பிடிவாதம் பிடிக்கிறார் என்று அழுகையோடு புலம்புகிறார் ஷூரா பிரிவின் முக்கிய தலைவர் அஹ்மது லாட் சாஹிப்.

இதற்கெல்லாம் பதிலளிக்காமல், அல்லது எங்களது தலைவர் இப்படி எல்லாம் பேசவில்ல என்று விளக்கம் தராமல் , மார்க்க தீர்ப்புக்களை கடந்து தனி நபர் துதி பாடுதலில் அல்லது அமைப்பை தூக்கிப் பிடிப்பதில் கவனமாக இருக்கிற தமிழ ஆலிம்கள் இது வரை தேவ்பந்த் – மற்றும் பாக்கியாத்தின் பத்வாக்கள் குறித்து வாய் திறவாமல் இருப்பது என்ன நியாயம் என்று அல்லது என்ன தைரியம் என்று எனக்கு இது வரை புரியவில்லை. நான் இதைக் கள்ள மெளனம் என்று சொனால் அதை கண்ணியமில்லாத வார்த்தை வழக்காட வந்து விடுகிறார்கள்.

குறைந்த பட்சம் அவர்களது அரபுக்கல்லூரிகளிலிருந்து சஃது மெள்லானாவின் மீதான குற்றச் சாட்டுக்களை மறுத்தே அல்லது அவரது கருத்துக்கள் அனைத்தோடும் தங்களுக்கு உடன்பாடு இல்லை “தாவத்” உடைய வேலைகளில் மட்டும்தான் தங்களுக்கு தொடர்பு என்றோ எந்த விளக்கமும் தராமல் இருப்பது நாட்டில் நடைபெறும் கொடூரங்கள் குறித்து வாய் திறக்காத மோடியை விட பெரிய மெளனிகளாக அவர்களை காட்டுகிறது.

தமது தரப்பை நியாயப் படுத்தி ஒரு மதரஸாவின் சார்பாகவேணும் பத்வா வெளியிடாமல் இத்தகை பெரிய மக்கள் கூட்டத்தை கூட்டுவது தமிழக முஸ்லிம் சமுதாயத்திற்கு எந்த விதமான சிக்னல்களை தரக்கூடியது ?

ஏ கியா ஹோராஹே பாய் !

மன்னிக்கனும். மறந்து விட்டேன்.

இனிய குடியரசுதின வாழ்த்துக்கள்.

சித்தார் கோட்டை முஹம்மதியா மேல் நிலைப் பள்ளி 70 வது குடியரசு தின விழா

noreply@blogger.com (Unknown) — Tue, 29 Jan 2019 01:39:00 +0000

சித்தார் கோட்டை முஹம்மதியா மேல் நிலைப் பள்ளியில்,
26-01-2019 அன்று 70 வது குடியரசு தின விழா
சிறப்பாக கொண்டாடப்பட்டது.

தீனைக் குலைக்கும் பிளவுகள் !!!

noreply@blogger.com (Unknown) — Tue, 29 Jan 2019 01:24:00 +0000

திருச்சியில் பிரம்மாண்டமாக ஏற்பாடு செய்யப் பட்ட தப்லீக் இஜ்திமா குறித்து தொடர்ந்து விசாரிக்கப் படுகிறது. அதில் மார்க்கத்தின் அடிப்படையில் தெளிவை தேடி இந்தக் கட்டுரை- தப்லீக் ஜமாத்தின் பெயரில் நமது எண்ணத்தை புரிந்து கொள்ளாமல் பிரச்சனை செய்கிற மூடர்கள் இருப்பார்கள் எனில் இத்தகைப்பில் திருச்சி இஜிதிமா குறித்த செய்தியை ஆலிம்கள் தவிர்த்துக் கொள்ள வேண்டுகிறேன். நாம் உண்மையை சொல்லப் போய் அது சர்ச்சையாகி விடக்கூடாது அல்லவா ? )

இஸ்லாம் மகத்தான சமூக ஒற்றுமையை நிலை நாட்டிய மார்க்கம்.
தலை முறை தலைமுறையாக சண்டையிட்டுக் கொண்டிருந்த அரபுக் கோத்திரத்தார் லாயிலாக இல்லல்லாஹ்வின் குடையின் கீழ் பரஸ்பரம் அன்பு கொண்ட சகோதர்ர்களாக ஒன்றினைந்தனர்.

لَوْ أَنفَقْتَ مَا فِي الْأَرْضِ جَمِيعًا مَّا أَلَّفْتَ بَيْنَ قُلُوبِهِمْ وَلَٰكِنَّ اللَّهَ أَلَّفَ بَيْنَهُمْ ۚ إِنَّهُ عَزِيزٌ حَكِيمٌ (63
)
அஸ் அது பின் ஜராரா ரலி அவர்கள் தான் மதீனாவிலிருந்து பெருமானார் (ஸல்) அவர்களைச் சந்தித்து இஸ்லாமை தழுவிய முதல் நபித்தோழர்.
முதலாம் அகபா உடன்படிக்கையின் போது பெருமானாரை முதன் முதலில் சந்தித்த ஆறுபேரில் ஒருவர். பெருமானாரின் தஃவா வை கேட்ட பிறகு மற்றவர்கள் தயங்கி நின்ற போது குதித்துக் கொண்டு முன்னால் வந்து பெருமானாரிடம் பை அத் செய்து கொடுத்தவர். அவர் மதீனாவின் கஜ்ரஜ் குடும்பத்தைச் சார்ந்தவர்.
أنه أول من بايع ليلة العقبة
இரண்டாம் மூன்றாம் அகபா உடன்படிக்கைகளின் போது இடம் பெற்றவர். மூன்றாம் அகபா உடன்படிக்கையின் போது பெருமானாரை மதீனாவிற்கு வந்து விடுமாறு அழைப்பு விடுத்தவரும் அவர் தான்.
நபி (ஸல்) அவர்கள் மதீனாவிற்கு ஹிஜ்ரத் செய்து வந்து குபாவில் தங்கியிருந்தார்கள். ‘குபாவில் பெருமானார் பனூ அம்ரு பின் அவ்பு களின் குடும்பத்தாரின் ன் வீடுகளில் தங்கியிருந்தார்கள் . அந்தக் குடும்பம் அவ்ஸ் களின் ஒரு உட்பிரிவு.
அஸ் அது ரலி அவர்களுக்கு குபாவிற்கு பெருமானார் (ஸல்) அவர்கள் வந்து சேர்ந்து விட்டார்கள் என்று தெரிந்தது. பெருமானாரைப் பார்க்க வேண்டும் என்ற ஆவல் மேலிட்டது. ஆனால் என்ன செய்வது பெருமானார் அவ்ஸ்களின் குடும்பத்தில் அல்லவா தங்கியிருக்கிறார்கள். அங்கு சென்றால் அஸ் அதை அவர்கள் பழைய பகையில் கொன்று விடுவார்களே! அஸ் அது ரலி தயங்கித் தயங்கி நின்றார். ஒருகட்டத்தில் பெருமானாரைச் சந்திக்கும் ஆவலை அடக்க முடியாமல் இரவு நேரத்தில் ஒரு யாருக்கும் தெரியாதவாறு ஒரு போர்வையை எடுத்துப் போர்த்துக் கொண்டு ரகசியமாக பெருமானார் (ஸல்) அவர்களைச் சந்தித்து விட்டு வைகறையிலேயே புறப்பட்டுச் சென்றார்.
சற்று நேரத்தில் குபா வாசிகளில் மூன்று பேர் பெருமானாரை வந்து சந்தித்தார்கள். அவர்களிடம் அஸ் அது வந்து சென்றதை பெருமானார் (ஸல்) அவர்கள் கூறினார்கள். அம்மூவரும் ஆச்சரியமடைந்தனர். அவர் இங்கு வந்தாரா என்றனர். பெருமானார் (ஸல்) அவர்கள் அவர்களிடம் அவர் இப்போது தான் சென்றிருக்கிறார். அதிக தூரம் சென்றிருக்க முடியாது அவரைச் சந்தித்து அழைத்து வாருங்கள் என்றார்கள். அஸ் அது ஒரு மரத்தின் அடியில் தங்கியிருந்தார். அவரைச் சந்தித்த அம்மூவரும் அவருக்கு நிம்மதியளிக்கும் வார்த்தைகளை கூறி அவரை ஆரத்தழுவிக் கொண்டார்கள்.
இஸ்லாம் ஏற்படுத்திய சகோதரத்துவத்தின் முதல் அடையாளம் இது. ஒருவரின் ஆடு இன்னொருவரின் தோட்ட்த்தில் மேய்ந்து விட்ட்து என்பதற்காக 400 ஆண்டுகள் சண்டையிட்ட பகைவர்களாக இருந்த குடும்பத்தினர். ஒரு தாய் மக்களைப் போல மாறினர்.
இதே சகோதரத்துவத்தையும் ஒற்றுமையையும் இஸ்லாம் பரவிய தேசமெங்கும் ஏற்படுத்தியது.
மால்கம் எக்ஸ் தன்னுடைய வரலாற்றில் வெள்ளையர்களை சைத்தான்கள் என்றே கருதியதாக கூறுகிறார். ஹஜ்ஜுக்கு வந்த போதுதான் தனது மனநிலையில் மாற்றம் ஏற்பட்ட்து வெள்ளையர்களை சகோதரர் களாக கருதத் தொடங்கியதாக கூறுகிறார்.
அன்றிலிருந்து இன்று வரை இஸ்லாம் மனிதர்களை ஒன்றினைப்பதில் மற்றதையும் விட மகத்தான வெற்றியைப் பெற்றிருக்கிறது.
மிக ஆச்சரியமான முறையில் வெளிப்பட்ட ஒற்றுமை
கர்பலா மைதானத்தில் ஹுசைன் ரலி அவர்கள் தனது குடும்பத்துடன் தங்கியிருந்தார்கள். அவரை எதிர்ப்பதற்காக இராக்கின் ஆளுந்தர் இப்னு ஜியாத் அப்துர் ரஹ்மான் உமர் பின் சஃது என்பவரை 4000 பேர்களுடன் அனுப்பி வைத்தார். அவர் ஹுசைன் ரலி அவர்களோடு பேச்சு வார்த்தை நடத்தினார். அவர் மென்மையாக நடந்து கொண்டார். லுஹர் தொழுகையின் நேரம் வந்த போது இரு அணியினரும் ஹுசைன் ரலி அவர்களின் தலைமையில் ஒன்றாக இணைந்து தொழுதனர்.
இந்த ஒற்றுமையை தவறாக சித்தரித்து இப்னு ஜியாத் அனுப்பிய படைத்தளபதி ஹுசை ன் ரலி அவர்களுடன் குலாவிக் கொண்டிருப்பதாக கோள் சொன்ன சம்ருப் பின் தில் ஜோஷன் தான் பிறகு படைக்குப் பொறுப்பேற்று ஹுசைன் ரலி அவர்களைக் கொன்றான். அவரின் தலையை தனி வெட்டி எடுத்தான்.

முஸ்லிம்களுக்கிடையே இருக்கும் ஒற்றுமையை குலைப்பதுதான் சைத்தானின் பிரதான வேலையாக இருக்கும் என முஹம்மது நபி (ஸல்) அவர்கள் மிகத் தெளிவாக எச்சரித்துள்ளார்கள்.
عن جابر قال قال النبي صلى الله عليه وسلم إن الشيطان قد يئس أن يعبده المصلون ولكن في التحريش بينهم

ومعناه : أيس أن يعبده أهل جزيرة العرب ، ولكنه سعى في التحريش بينهم بالخصومات والشحناء والحروب والفتن ونحوها .

ஒருமுறை சஹாபாக்களிடையே ஒரு சர்ச்சை எழுந்தது மதீனத்து அன்சாரிகள் முந்தைய காலகட்டத்தில் பாடிக் கொண்ட ஒரு பழியுணர்வூட்டு கவிதையை ஒருவர் படித்தார். இன்னொருவர் அதை எதிர்த்துப் படித்தார். இறுதியில் ஒவ்வொரு குடும்பத்தினரும் மற்றவர்களுக்க்கு எதிராக அணிதிரளத் தொடங்கினர்.

பெருமானார் (ஸல்) அவர்கள் எனக்குப் பின்னரும் ஜாஹிலிய்யாவின் எச்சங்களா என்று மிக கடுமையாக கண்டித்துக் கூறினார்கள்

لا تَرْجِعُوا بَعْدي كُفَّاراً، يَضْرِبُ بَعْضُكُمْ رِقابَ بَعْض ))
(( كُلُّ المُسْلِمِ على المُسْلِمِ حَرَامٌ: دَمُهُ ومَالُهُ وَعِرْضُهُ ))
(رواه مسلم عن أبي هريرة)

அதன் பின் அப்படி ஒரு நிகழ்வு தன் வாழ்நாளில் ஏற்படாமல் பார்த்துக் கொண்டார்கள்.

لَقَدْ جَاءَكُمْ رَسُولٌ مِّنْ أَنفُسِكُمْ عَزِيزٌ عَلَيْهِ مَا عَنِتُّمْ حَرِيصٌ عَلَيْكُم بِالْمُؤْمِنِينَ رَءُوفٌ رَّحِيمٌ (128

என்ற வசனம் அந்த சந்தர்ப்பத்தில் இறங்கியது என்று கூறப்படுவதுண்டு.

حَرِيصٌ عَلَيْكُم என்ற வார்த்தைக்கு உங்களது ஒற்றுமையில் பேராசை கொண்டவர் என்றும் விளக்கம் சொல்லப்படுகிறது.

எனவே சமுதாயத்தில் பிளவுகள் குழப்பங்களை ஏற்படுத்துவதிலிருந்து மக்களை பெருமளவில் எச்சரித்தார்கள்.

وعن أَبي أُمَامَة الباهِليِّ t قَالَ: قَالَ رَسُولُ اللَّه ﷺ: أَنا زَعِيمٌ ببَيتٍ في ربَضِ الجنَّةِ لِمَنْ تَرَكَ المِرَاءَ وَإِنْ كَانَ مُحِقًّا،

عن أبي الدرداء - رضي الله عنه - قال: قال رسول الله - صلى الله عليه وسلم -: " عليكم بالجماعة (1) فإنما يأكل الذئب القاصية

عن النعمان بن بشير - رضي الله عنه - قال: قال رسول الله - صلى الله عليه وسلم -: " الجماعة رحمة، والفرقة عذاب

عن أبي هريرة - رضي الله عنه - قال: قال رسول الله - صلى الله عليه وسلم -: " من خرج من الطاعة , وفارق الجماعة , ثم مات، مات ميتة جاهلية

عن ابن عباس - رضي الله عنهما - قال: قال رسول الله - صلى الله عليه وسلم -: (" من رأى من أميره شيئا يكرهه فليصبر) (فإنه ليس أحد من الناس خرج من السلطان شبرا فمات عليه , إلا مات ميتة جاهلية

عن بشير بن عمرو قال: شيعنا ابن مسعود - رضي الله عنه - حين خرج , فقلنا له: اعهد إلينا , فإن الناس قد وقعوا في الفتن , ولا ندري هل نلقاك أم لا , فقال: اتقوا الله واصبروا , حتى يستريح بر , أو يستراح من فاجر , وعليكم بالجماعة , فإن الله لا يجمع أمة محمد على ضلالة.

மினாவில் எத்தனை ரக அத் என்பதில் கருத்துவேறு பாடு கொண்டிருந்த போதும் உஸ்மான் ரலி அவர்களுக்குப் பின்னால் நின்று தொழுத இப்னு மஸ்வூத்

عن عبد الرحمن بن يزيد قال: (صلى بنا عثمان بن عفان - رضي الله عنه - بمنى أربع ركعات , فقيل ذلك لعبد الله بن مسعود - رضي الله عنه - فاسترجع , ثم قال: صليت مع النبي - صلى الله عليه وسلم - بمنى ركعتين , وصليت مع أبي بكر - رضي الله عنه - بمنى ركعتين , وصليت مع عمر بن الخطاب - رضي الله عنه - بمنى ركعتين) (ومع عثمان صدرا من إمارته) (ثم تفرقت بكم الطرق , فلوددت أن لي من أربع ركعات , ركعتين متقبلتين) (ثم قام فصلى أربعا , فقيل له: استرجعت ثم صليت أربعا؟ , قال: الخلاف شر)

கறுத்து வேறுபாடுகளில் பிளவுகள் ஏற்படுமானால் அது தான் சமுதாயத்திற்கு ஏற்படக்கூடிய மிகப் பெரிய ஆபத்து என பெருமானார் எச்சரித்துள்ளார்கள்

இத்தக்க கட்டத்தில் பிளவு பட்டுக் கிடக்கிற எந்தப் பக்கத்திலும் சாராமல் ஒது ங்கியிருக்கவே மார்க்க ம் அறிவுறுத்தியது.

நம்முடைய விருப்பம் – கோபம் அளவு கடந்த ஆர்வம் ஏதாவது ஒரு பக்கத்திற்கு சார்பாக நிற்க தூண்டும். சற்று நிதானத்தை கடைபிடித்தால் சாதாரணமாகவே ஒரு அணி இல்லாமல் போய்விடும் . எது சத்தியமோ அது நிலைக்கும். ஓவ்வொரு வரும் தமது விருப்பத்திற்குரிய அணியை தேர்ந்தெடுக்கிற போது குழப்பம் அதிகரித்துக் கொண்டே செல்லும்.

உஸ்மான் ரலி அவர்கள் கொல்லப் பட்ட பிறகு இஸ்லாமிய உலகில் முஸ்லிம்களுக்கு இடையே குழப்ப மேகம் சூழ்ந்த போது அப்போதிருந்த சஹாபாக்களில் மிகச் சிலர் மட்டுமே ஏதேனும் ஒரு அணியின் ஆதரவாளராக இருந்தார்கள். பலர் ஒதுங்கியே இருந்தார்கள் என்பது தான் வரலாறு.

وقد روى ابن بطة عن بكير بن الأشج قال إما إن رجالا من أهل بدر لزموا بيوتهم بعد قتل عثمان فلم يخرجوا إلا إلى قبورهم

حدثنا أيوب يعني السختياني عن محمد بن سيرين قال هاجت الفتنة وأصحاب رسول الله صلى الله عليه وسلم عشرة آلاف فما حضرها منهم مائة بل لم يبلغوا ثلاثين وهذا الإسناد من أصح إسناد على وجه الأرض

சஃது பின் அபீவக்காஸ் ரலி அவர்களை பலரும் நிர்பந்தித்த போது முஃமினை வெட்டாத காபிரை மட்டுமே வெட்டுகிற வாள் இருக்குமானால் கொடுங்கள் ! நான் ஏதாவது ஒரு அணியில் சேர்ந்து கொள்கிறேன் என்று கூறினார்.
ஏதேனும் ஒரு அணியை ஆதரித்தவர்கள் அதிலிருந்து விடுபடா முடியாத நிர்பந்த சூழலில் பிளவுக்கு பலியானார்கள்.
அலி ரலி அவர்களுக்கு எதிரணியில் தல்ஹா ரலி இருந்தார்கள் . யுத்த களத்தில் அவரைச் சந்தித்த அலி அவர்கள் நம்மிருவருக்கும் பெருமானார் (ஸல்) அவர்கள் சொன்ன எச்சரிக்கையை நினைவூட்டவா என்று கேட்டு நினைவூட்டினார்கள். தல்ஹா ரலி யுத்தத்தை விட்டு வெளியேறினார்.
عن إسماعيل بن أبي حازم قال : قال علي للزبير : أما تذكر يوم كنت أنا و أنت في سقيفة قوم من الأنصار فقال لك رسول الله صلى الله عليه و سلم : " أتحبه فقلت : و ما يمنعني ؟ قال : إنك ستخرج عليه و تقاتله و أنت ظالم" قال فرجع الزبير" أخرجه الحاكم
ஆனால் அவரை பின் தொடர்ந்து சென்றவர்கள் ஒரு ஆற்றின் கரையில் அவரை வெட்டிக் கொன்றார்கள்.
என்வே சமூகத்தில் ஏதேனும் ஒரு இடத்தில் பிளவுகள் ஏற்படும் போது . இரண்டு தரப்பிலும் நியாயங்கள் முழுமையாக வெளிப்படாத போது பிளவுகளுக்குள் சிக்கிக் கொள்ளாமல் ஒதுங்கியிருப்பதே முஸ்லிம்கள் கடை பிடிக்க வேண்டிய நெறியாகும்.
பிளவுகள் பல்வேறு தீய குழப்பங்களை உண்டாக்கும். ஏன் மார்க்த்தை திருத்திக் கூற வைக்கும்.
உமய்யாக்களின் ஆட்சிக் காலத்தில் உமையாக்களின் குடும்ப அரசியலின் பாகுபாட்டை எதிர்த்து அப்பாஸிகள் புரட்சியை ஆரம்பித்த போது புரட்சியாளர்களுக்கு சாதகமாக பேசுவதற்கு வீறு கொண்டு வந்த கராஷ் என்ற பட்டப் பெயர் கொண்ட ஒருவர் தொழுவதை விட நோன்பு வைப்பதை விட அப்பாஸிகளை பாதுகாப்பது முஸ்லிம்களின் கடமை என்றார்.
நல்ல வேளையாக அப்போதிருந்த அப்பாஸிகளின் தலைவர் முஹம்மது பின் அலி இந்த தீமையை புரிந்து அவரை வெறுத்து ஒதுக்கினார்.
தபிலீக் அமைப்பு இரண்டு பிரிவாக உடைந்துள்ளது. துரதிஷ்ட வசமாக அவர்களுக்குள் நடக்கும் போட்டி பள்ளிவாசல்கள் இஜ்திமாக்களின் கடும் சண்டை வரை சென்றுள்ளது. பங்களாதேஷில் சிலர் படுகொலை செய்யப் பட்டுள்ளனர். நாட்டின் நீதிமன்றங்கள் பலவற்றிலும் இரு பிரிவினரின் பல வழக்குள் உள்ளன்.

இந்நிலையில் தப்லீக்கின் பாரம்பரிய அமைப்பான தில்லி மர்கஜ் அமைப்புக்கு எதிராக மெளாலான் சாது சாஹிப் என்ற அரசியல் பின்புலம் உள்ள ஒரு அமீரின் கீழ் நடை பெறூம் .ப்லீக் அமைப்பில் நாளை திருச்சியில் தொடங்குவதாக பெரிய அளவில் பிரம்மாண்டப் படுத்தப் பட்டுள்ள இஜிதிமா ஏற்பாட்டை கவனத்தீர்கள் என்றார்கள் பிளவுகள் ஏற்படுடும் போது ஒரு பிரிவு தன்னை நிலை நாட்டிக் கொள்ள என்னென்னெ யுத்திகளி கையாளுமோ அந்த ஆர்ப்பாட்ட உத்திகளை கையாள்வதை கவனிக்கலாம்.

தில்லி தாருல் உலூம் அரபுக்கல்லூரி. வேலூ அல்பாக்கியாதுஸ் ஸாலிஹாத் அரபுக்கல்லூரி ஆகிய இரு பெரும் இந்திய மார்க்க கேந்திரங்கள் இந்தப் பிரிவினர் குறித்து அதிருப்தி வெளியிட்டிருக்கிற நிலையிலும் தமிழகத்தில் இந்த கூட்டத்திற்கான திரளுதல்களும் ஏற்பாடுகளும் ஆச்சரியத்தை தருகிறது. குழப்பங்களில் விழுவதற்கு மக்கள் எவ்வளவு விரைந்து செல்கிறார்கள் ?.

எனவே பிளவுகளை உயர்த்திப் பிடிக்கிற இத்தகைய மாநாடுகளை தவிர்த்துக் கொள்வதே சிறந்த வழியாகும்.
إِنَّ الَّذِينَ فَرَّقُوا دِينَهُمْ وَكَانُوا شِيَعًا لَّسْتَ مِنْهُمْ فِي شَيْءٍ ۚ إِنَّمَا أَمْرُهُمْ إِلَى اللَّهِ ثُمَّ يُنَبِّئُهُم بِمَا كَانُوا يَفْعَلُونَ (159)
فهو بريء من محمد صلى الله عليه وسلم، ومحمد منه بريء
என்ற அல்லாஹ்வின் வார்த்தையை நினைவில் கொண்டு ஆடம்பரத்திற்கும் ஆர்ப்பாட்டமான வசதி வாய்ப்புக்களை பிரம்மாண்டங்களையும் கண்டு வாய்பிளந்து விடாமல் நான் இதில் இல்லை என்று ஒதுங்கியிருப்பதே இன்றைய முஸ்லிம்களின் கடமையாகும்.
எல்லோரும் போகிறார்கள் அல்லது என்னதான் நடக்கிறது என்று பார்த்து விட்டு வருகிறேன் என்ற எண்ணத்தில் ஒரு சாராரின் கூட்டங்களுக்கு செல்வது குழப்பம் தலைதூக்கியிருக்கிற காலத்தில் பொறுப்பற்ற செயலாகும்.
அல்லாஹ் முஸ்லிம் உம்மத்தை பிளவு படுத்தும் சக்திகளிடமிருந்து பாதுகாப்பானாக!

மௌலானா மௌலவி கோவை

அ,அப்துல் அஜீஸ் பாகவி ஹழ்ரத்

திருச்சி தப்லீக் இஜ்திமாவிற்கு ஏன் போக கூடாது. .......????

noreply@blogger.com (Unknown) — Mon, 28 Jan 2019 23:24:00 +0000

சுமெளலானா மௌலவி தாஜுல் உலூம் அல்ஹாஜ்

M.ஷைகு அப்துல்லாஹ் ஜமாலி M.A ஹழ்ரத்

துணைத் தலைவர் மஜ்லிஸூல் உலமா சபை மல்லிப்பட்டினம்

ன்னத் ஜமாத் பேரியக்கம்

சார்பாக ஒர் சுற்றறிக்கை வெளியிட பட்டுள்ளது ...

வாசகர்களுக்கு பார்வைக்கு.

தமிழ்நாடு அரசின் தலைமை காழியாரின் ஹஜ்ஜுப் பெருநாள் அறிவிப்பு !!!

noreply@blogger.com (Unknown) — Fri, 24 Aug 2018 12:26:00 +0000

ஹஜ்ஜுப் பெருநாள் அன்று நடைபெற்ற கப்ரு ஜியாரத் !!!

noreply@blogger.com (Unknown) — Fri, 24 Aug 2018 12:20:00 +0000

சித்தார் கோட்டையில் ஹஜ்ஜுப் பெருநாள்

அன்று நடைபெற்ற கப்ரு ஜியாரத்தில் ஏராளமான

ஸாலிஹீன்கள் கலந்து பயன் பெற்றார்கள்.

அல்ஹம்துலில்லாஹ்.

சித்தார் கோட்டை ஹஜ்ஜுப் பெருநாள் தொழுகை !!!

noreply@blogger.com (Unknown) — Fri, 24 Aug 2018 12:10:00 +0000

சித்தார் கோட்டை ஜன்னத்துல் ஃபிர்தௌஸ்

சுன்னத் ஜமாஅத் பெரிய பள்ளிவாசலில்

22-08-2018 அன்று நடைபெற்ற

ஹஜ்ஜுப் பெருநாள் தொழுகை !!!

புனித தியாகத் திருநாள் ஹஜ்ஜுப் பெருநாள் நல் வாழ்த்துக்கள் !!!

noreply@blogger.com (Unknown) — Tue, 21 Aug 2018 14:34:00 +0000

குர்பானி கொடுப்பதால்

இறைக் கடமை நிறை வேறுகிறது.

மன நிம்மதி நிறைகிறது.

உறவுகள் ஒன்று கூடுகிறது.

ஏழைகள் பசியாறுகிறார்கள்.

பள்ளி, மத்ரஸாக்கள் பயனடைகிறது.

இறையருல் இறங்குகிறது.

தியாக உணர்வு உயர்கிறது.

ஜீவ காரூண்யம் நிலை நாட்டப்படுகிறது.

கூட்டுறவு மேம்படுகிறது.

வறியவர்கள் வளம் பெறுகிறார்கள்.

அனாதைகள் பலம் பெறுகிறார்கள்.

முதிர் கன்னிகள் கல்யாணமாலை சூடுகிறார்கள்.

ஆகவே அத்தகைய உயர் தியாகத்தை நாம் அனைவரும்

நிறை வேற்றி அல்லாஹ்வின் அளப்பெரும் அன்பையும்,

அருளையும்,பெற்றுக் கொள்ளுமாறும்,மேலும் அனைத்து நல் உள்ளங்களுக்கும்,சித்தார்கோட்டை அஹ்லுஸ் சுன்னத்

வல் ஜமாஅத் இணைய தளத்தினர்,

தியாகத் திருநாள் நல் வாழ்த்துக்களை கூறி,அகமகிழ்ந்து

துஆச் செய்கிறார்கள். வஸ்ஸலாம்.....

www.chittarkottai sunnathjamath blogspot.com.

அல்லாமா O.M அப்துல் காதிர் பாகவி ஹள்ரத் எழுதிய திருக்குர்ஆன் தமிழுரை வெளியீட்டு விழா

noreply@blogger.com (Unknown) — Mon, 30 Jul 2018 14:42:00 +0000

அஸ்ஸலாமு அலைக்கும் (வரஹ்)

எங்களது ஆசான் பெருந்தகை அல்லாமா கலிஃபத்துஷ்ஷாதுலி

O.M அப்துல் காதிர் பாகவி ஹள்ரத் கிப்லா அவர்கள் எழுதிய திருக்குர்ஆன் தமிழுரை வெளியீட்டு விழா மிகச்சிறப்பாக நடைபெற்றது....

இச்சிறப்பு வாய்ந்த மஜ்லிஸில் ஏராளமான உலமாப் பெருமக்களும்,நூற்றுக்கணக்கான இஸ்லாமிய

பெருமக்களும் கலந்து பயன் அடைந்தனர்.வஸ்ஸலாம்.

மதுரை தாருல் உலமாவில் நடைபெற்ற ஹாஜிகளுக்கான வழிகாட்டுதல் நிகழ்ச்சி !!!

noreply@blogger.com (Unknown) — Mon, 30 Jul 2018 14:29:00 +0000

அஸ்ஸலாமு அலைக்கும் (வரஹ்)

மதுரையிலுள்ள தமிழ் நாடு மாநில ஜமாஅத்துல் உலமா

தலைமையகம் தாருல் உலமாவின் மாநாட்டு ஹாலில்

ஹாஜிகளுக்கான வழிகாட்டுதல் நிகழ்ச்சி 16-07-2018அன்று மிகச்சிறப்பாக நடைபெற்றது.அல்ஹம்துலில்லாஹ்.

மதுரை மற்றும் சுற்று பகுதியிலிருந்து புனிதப் பயணிகள்

சுமார் 300 பேர் கலந்து கொண்டுள்ளனர்.

ஆஷிக்குர் ரஸுல் அல்லாமா O.M.அப்துல் காதிர் பாகவி ஹழ்ரத் கிப்லா அவர்கள் எழுதிய திருக்குர்ஆன் தமிழுரை வெளியீட்டு விழா -அழைப்பிதழ்.

noreply@blogger.com (Unknown) — Mon, 16 Jul 2018 14:47:00 +0000

இராமநாதபுரம் மாவட்டம் பனைக்குளம் மகான் பாபா செய்யிது முஹம்மது வலியுல்லாஹ் நினைவு நாள் விழா !!!

noreply@blogger.com (Unknown) — Mon, 09 Jul 2018 15:00:00 +0000

அஸ்ஸலாமு அலைக்கும் (வரஹ்)

இராமநாதபுரம் மாவட்டம் பனைக்குளம் மகான் பாபா

செய்யிது முஹம்மது ஆலிம் வலியுல்லாஹ் அவர்களின்

52ம் ஆண்டு நினைவு நாள் விழா 07.07.2018 அன்று

பனைக்குளம் முஸ்லிம் பரிபாலன சபை,

முஸ்லிம் நிர்வாக சபை, ஐக்கிய முஸ்லிம் சங்கம்,

வாலிப முஸ்லிம் சங்கம் ஆகியவற்றின் நிர்வாகிகள்

முன்னிலையில் ஜும்ஆ பள்ளிவாசலில்,வலமை போல்

மிகச்சிறப்பாக நடைபெற்றது.

மஃரிப் தொழுகைக்குப் பின் ஷாதுலிய்யா திக்ரு

மஜ்லிஸும் அதனை தொடர்ந்து யாஸீன்

ஓதி சிறப்பு துஆவும் நடைபெற்றது.

இவ்விழாவில் பனைக்குளம், பேரையூர், மதுரை, சென்னை ,

அழகன்குளம், புதுவலசை, அத்தியூத்து, சித்தார்கோட்டை,

வாழூர்,உச்சிப்புளி, இராமநாதபுரம், மற்றும் பல்வேறு

ஊர்களிலிருந்தும் மகான் பாபாவின் நேசர்கள்

ஆயிரக்கணக்கானோர் கலந்து கொண்டனர்.

விழாவிற்கான அனைத்து ஏற்பாடுகளையும் மகான்பாபாவின்

குடும்பத்தினர் சிறப்பாக செய்திருந்தார்கள்.வஸ்ஸலாம்.

கோலாலம்பூரில் பனைக்குளம் செய்யிது முஹம்மது ஆலிம் அவர்களுக்கு குர்ஆன் ஓதி துஆச்செய்யப்பட்டது !!!

noreply@blogger.com (Unknown) — Mon, 09 Jul 2018 14:48:00 +0000

அஸ்ஸலாமு அலைக்கும் (வரஹ்)

கோலாலம்பூர்,செலாயாங் மதரஸா இமாம் கஜ்ஜாலியில்

06-07-2018 அன்று இரவு வலமை போல் கஸீதத்துல்

புர்தா ஷரீஃப் மஜ்லிஸ் நடைபெற்றது.

புனிதம் வாய்ந்த புர்தா ஷரீஃப் மஜ்லிஸை தொடர்ந்து,

பனைக்குளம் மஹான் பாவாவின் 52 ஆம் ஆண்டு

நினைவு நாளை முன்னிட்டு,பனைக்குளம்

மஹான் பாபா ஷைகுனா செய்யிது முஹம்மது

ஆலிம் ஹழ்ரத் கிப்லா அவர்களுக்கு

குர்ஆன் ஓதி துஆச்செய்யப்பட்டது.

ஆரம்பமாக ஹத்தமுல் குர்ஆன் துஆவை மௌலவி

மு.முஹம்மது ஹனீமத்துல்லாஹ் மன்பயீ ஓதினார்கள்.

மஜ்லிஸின் இறுதியாக,பனைக்குளம் மஹான் பாவாவின்

சிறப்புகளை சொல்லி, செலாயாங் மதரஸா இமாம்

கஜ்ஜாலியின் ஆசிரியர் மௌலானா அல்ஹாஃபிழ்

ஸதக்கத்துல்லாஹ் மஸ்லஹிஅவர்கள் சிறப்பு துஆ ஓதினார்கள்.

இச்சிறப்பு வாய்ந்த மஜ்லிஸில் ஏராளமான ஸாலிஹீன்கள்

கலந்து கொண்டு அல்லாஹ்வின் அன்பையும் அருளையும் பெற்றுக்கொண்டனர்.வஸ்ஸலாம்.

இராமநாதபுரம் மாவட்டம் தமிழ்நாடு அரசு காஜியின் (காழி) நோன்பு பெருநாள் அறிவிப்பு !!!

noreply@blogger.com (Unknown) — Tue, 03 Jul 2018 10:02:00 +0000

hli

ஞானக்கடல் ஆன்மீக குரு இறைநேசர் ஹழ்ரத்.முஹம்மது கமாலுத்தீன் ஆரணி பாவா ரஹ்மத்துல்லாஹி அலைஹி !!!

noreply@blogger.com (Unknown) — Tue, 03 Jul 2018 09:56:00 +0000

மிகப் பெரும் பிரபால்யமான சம்பவம்!!!

மிகப் பெரும் இறைநேசர் ஒருவர் தன் மூரிது மார்களை அழைத்து தான் சிறிது நாளில் வபாத்தாகிவிடுவேன் என்னை இந்த இடத்தில் அடக்கம் செய்யுங்கள் என்னை அடக்கம் செய்யும் போது இந்த ஊர்க்காரர்கள் ஜமாத் காரர்கள் என்னை பொது கபர்ஸ்தானில் அடக்கம் செய்ய வேண்டும் என பிரச்சனை செய்வார்கள்.

இந்த பிரச்சனையை சரி செய்ய ஒரு (தலப்பா )வரும் என்று ஒரு ஆலிம் ஆன்மீக பெரியாரை பெயர் சொல்லாமல் குறிப்பிட்டு இவர்கள் இந்த பிரட்சனையை சரி செய்வார்கள் வஸிலா செய்தார்கள்.

அதே போல் அந்த இறைநேசர் சிறிது நாளில் வபாத்தாகிறார்கள் அவர்களின் மூரீதுகள் தன் ஷெய்குவின் வஸிலா படி அவர்களை அவர்கள் சொல்லிய இடத்தில் அடக்கம் செய்யும் பொழுது அந்த ஊர் ஜமாத்தார்கள் இவர்களை பொது கபர்ஸ்தானில் தான் அடக்கம் செய்ய வேண்டும் பிரட்சனை செய்கிறார்கள்.

பெரிய சலசலப்பு எற்பட்டு கொண்டிருக்கிறது இச்சலசல இடையே அந்த கூட்டத்திற்க்குள் ஒரு அமைதி ஆம் அந்த கூட்டத்தில் மிகப்பெரும் இறைநேசர் ஒருவர் வருகிறார்கள் அவர்களை பார்த்தவுடன் அந்த ஊர் ஜமாத்தார்கள் அமைதியாகி விட்டார்கள்.

அந்த இறைநேசர் அங்கு சென்று இவர்களை அடக்கம் செய்யும் இடத்தின் உரிமையாளர் யார்? அவரை அழைத்து இவர்களை இந்த இடத்தில் அடக்கம் செய்யலாமா என அனுமதி கேட்க அந்த மனிதர் இவர்களுக்கு இடம் தராமல் நான் யாருக்கு இடம் தரப்போகிறேன் என்று அந்த இறைநேசரை அடக்கம் செய்ய அந்த மனிதர் அனுமதியளிக்கிறர்கள்.

அந்த ஊர் ஜமாத்தார்கள் அதன் பின் எதுவும் பேசவில்லை அந்த இறைநேசரின் உடல் அந்த இடத்தில் அடக்கம் செய்யப்பட்து.
அந்த முன் அறிவிப்பை அறிவித்த தென் தமிழகத்தின் ஞானச்சுடர் இறைநேசர் ஆன்மீக குரு ஹழ்ரத்.காஜா பஷீர் அஹமது(ரஹ்) அண்ணவர்களின் கலீபா இறைநேசர் ஆன்மீக குரு ஹழ்ரத். ஹக்கிம் குலாம் முஹம்மது(ரஹ்) ஆவார்கள்.

அவர்கள் சொன்ன அந்த (தலப்பா) அந்த ஆலிம் பட்டத்தின் அடையாளத்தை குறித்தது ஆம் அவர்கள் குறிப்பிட்ட அந்த தலப்பா தென் தமிழகத்தின் ஞானச்சுடர் ஆன்மீக குரு ஹழ்ரத் காஜா பஷீர் அஹமது (ரஹ்)அண்ணவர்களின் கலீபா இன்றைக்கு உள்ள இமாம்களால் தமிழகத்தின் ஞானக்கடல் என்று அழைக்கபடும் ஆன்மீக குரு இறைநேசர் ஹழ்ரத்.முஹம்மது கமாலுத்தீன் ஆரணி பாவா(ரஹ்) அண்ணவர்கள் ஆவார்கள்.

மௌலானா அல்ஹாஃபிழ் P.A.காஜா முயீனுத்தீன் பாகவி ஹழ்ரத்

noreply@blogger.com (Unknown) — Tue, 03 Jul 2018 09:42:00 +0000

அஸ்ஸலாமு அலைக்கும்...

தமிழ் மாநில ஜமாத்துல் உலமா சபை... மாநில தலைவர் கண்ணியத்திற்குறிய காஜா முஈனுத்தீன் பாகவி ஹஜ்ரத் கிப்லா அவர்களின் போட்டோவைத்தான் நீங்கள் இப்பொழுது பார்த்துகொண்டு இருக்கிரீர்கள்.. அல்ஹம்துலில்லாஹ். ஹஜ்ரத் அவர்களை பற்றி எதுவும் அறிமுகம் செய்து சொல்ல வேண்டிய அவசியம் இருக்காது என நினைக்கிறேன்.

இந்தியா மற்றும் வெளிநாடுகளில் வாழும் தமிழ் பேசும் முஸ்லிம்கள் அனைவரும் ஹஜ்ரத் அவர்களை அறிந்து இருப்பார்கள்.. தமிழக உலமாக்களுக்கு ஒரு சிறந்த தலைவரை தந்தமைக்கு அல்லாஹ்க்கே எல்லாபுகழும்.. ஹஜ்ரத் அவர்களை பற்றி நெல்லை மாவட்டம் மேலப்பாளையம் என்ற ஊரில் மக்களை வழிகெடுத்து கொண்டிருக்கும் TNTJ என்ற விபச்சார ஜமாத்தின் மேலாண்மை குழு உறுப்பினர் (ஷம்சுல்லுஹா) என்ற மமதையில் இருக்ககூடிய நடமாடும் ஷைத்தான்..,

மக்களின் பொருளாதாரத்தை தவறான வழியில் பிடுங்கி தின்னும் கொள்ளையன்., PJ என்ற காம ஆசாமிக்கு மாமா வேளை பார்த்த பெண் உறுப்பு வணங்கி., வாலிபர்களை மூளை சலவை செய்து மத பிரச்சனையை உருவாக்கும் கிழட்டு நரி., வாலிபால் விளையாடாதே அது சிர்க் என்று சொன்ன இந்த ஈன நாய்... இன்று ஹஜ்ரத் அவர்களை கைது செய்ய வலியுருத்தி போராட்டத்தை அறிவித்து இருக்கிறான்.

இவன் பேச்சு ஒரு பெரும் வஞ்சக நஞ்சு கலந்தது என்பதற்கான உதாரணம்... ஜனாஷாவை வைத்து கொண்டு போராட்டம் பன்னி.. பள்ளிவாசல் கேட்டை உடைத்தது.., எந்த குர்ஆன், ஹதீத் முன்மாதிரியும் இல்லாமல் ஜனாஷாவை தெருவில் வைத்து தொழு வைப்பது., சுன்னத் ஜமாத்காரன் கூட நீ..! வாலிபால் விளையாடாதே என வன்மத்தை தூண்டியது., ஜமாத்துல் உலமா வையும்., இந்துதுவா வாதிகளும் ஒண்ணு என்று உளறி கொட்டியது.,

காஜா ஹஜ்ரத் அவர்கள் கிருஸ்தவ பாதிரி மாதிரி பேசுகிறார் என போகிற போக்கில் எதையாவது அடித்து விடுவது., TNTJ குண்டர்களை வைத்து காரை எரிக்க சொல்லிவிட்டு.. அந்த நேரத்தில் கேமராவை ஆப் பன்னி விட்டு., அவர்கள் ஆட்களை போலீஸ்சில் சிக்க வைத்து விட்டு., இப்போ ஹஜ்ரத் அவர்கள் தான் காரை எறிந்தார்கள் என்று பொய்யாக போராட்டம் வேறு..

இவனுக்கு அறிவே இல்லை என்பதை உணர்ந்த PJ.. இவனை எந்த விவாதத்திலும்.. மாநில பொறுப்பி‌‌லும் சேர்க்காமளே இருந்தார்... PJ காலை நக்கி காலத்தை ஓட்டிய இவனுக்கு இப்போது புதிதாக ஒரு ஆசை வந்துள்ளது போலும்... அது., PJ இல்லை.. நாம் போராட்டம்., ஆர்ப்பாட்டம் செஞ்சி எப்படியாவது மாநில தலைவர் ஆகி.. PJ போலவே 2000 கோடியை கொள்ளை அடிக்கலாம் என ஆசை வந்து விட்டது..

அதற்குத்தான் இவன் மத துவேஷ விஷமத்தை மக்களிடம் விதைக்கிறான். காசுக்காகவே அந்த அமைப்பில் நுழைந்தவன்.. இப்போ காசுக்காக எதையும் செய்வான்.. எதையும் இழப்பா ன்., யாரையும் கூட்டி பிளஸ் காட்டி கொடுப்பான். இதற்க்கு பலி ஆக போவது

இந்த TNTJ குஞ்சுகள் தான்.

ஒன்றை நன்றாக புரிந்து கொள்ளுங்கள்.. ஹஜ்ரத் அவர்கள் மீது சேற்றை வாரி இறைத்து.. தமிழக ஆலிம்களை போராட தூண்டாதீர்கள்.. விளைவு மிகவும் மோசமாக இருக்கும்..

மாநில ஜமாஅத்துல் உலமா சபை நன்றி !!!

noreply@blogger.com (Unknown) — Tue, 03 Jul 2018 09:38:00 +0000

பெருநாள் மற்றும் நோன்புபிறை பற்றிய அறிவிப்பை வெளியிட தமிழக அரசு குழுவொன்று நியமிக்க வேண்டும் என்ற கோரிக்கையை சட்டமன்றத்தில் ஒரு உறுப்பினர் எழுப்பிய போது முஸ்லிம் லீக் சட்டமன்ற உறுப்பினர் அபுபக்கர் அவர்கள் அதற்கு எதிர்ப்பு தெரிவித்து தலைமை காஜியின் அறிவிப்பே இறுதியானது என்ற கருத்தை வலியுறுத்தியதற்கு தமிழ்நாடு ஜமாஅத்துல் உலமா தலைவர் காஜா முயீனுத்தீன் பாகவி அபுபக்கர் எம் எல் ஏ வுக்கு தொலைபேசியில் பாராட்டு தெரிவித்தார்கள்.
தேவையற்ற குழப்பங்களைத் தவிர்க்க தலைமை காஜியின் அறிவிப்பை ஏற்பதே சரியானது என்ற ஜமாஅத்துல் உலமாவின் நிலைப்பாட்டை சட்டமன்றத்தில் வலியுறுத்தியதற்கு நன்றியையும் பாராட்டுக்களையும் தெரிவித்தார்கள்.