Christus Gemeente - Vaalharts

God se Gees maak die verskil

christusgemeente@gmail.com (Pieter Etzebeth) — Sun, 3 Apr 2016 00:00:00 +0200

Baie gelowiges worstel met 'n gebrek aan oorwinning in hul daaglikse lewens. 'n Moontlike rede is, dat ons "verhouding" eerder gemodifiseerde gedrag is as om versoen te wees met die nuwe skepping. Daarvoor is die plofkrag van God se Gees nodig - die ware geesgeboorte!

Die MP3 kan hier gekry word.
(Regs kliek en kies "Save as" om dit op jou rekenaar te save)

Bewaar jou hart

christusgemeente@gmail.com (Pieter Etzebeth) — Sun, 27 Mar 2016 13:48:00 +0200

Geregtigheid is nie iets wat ek ontvang en ook het nie. Geregtigheid is die Nuwe Testamentiese definisie van die mens! Versoening met die Here wat my gedefinieer het, en ook my geregtigheid is, is net moontlik as ek met Hom kan saamstem oor die prestasie in Sy dood en opstanding wat Hy namens my behaal het. Die resultaat sal 'n lewe wees wat vrugte dra wat by die bekering (veranderde denke) pas.

Die MP3 kan hier gekry word.
(Regs kliek en kies "Save as" om dit op jou rekenaar te save)

Nuwe website vir gemeente

christusgemeente@gmail.com (Pieter Etzebeth) — Sun, 27 Mar 2016 08:49:00 +0200

Die gemeente het 'n nuwe website gekry
Julle kan voortaan gaan na goeienuus.co.za om al die inligting en nuus daar te kry.
Die opnames vir die gemeente se dienste is ook nou daar.

Vernuwing is gelyk aan visie

christusgemeente@gmail.com (Pieter Etzebeth) — Sun, 20 Mar 2016 13:42:00 +0200

Wat ons sien en hoe ons onsself sien bepaal ons rigting en ons lewe. Ons het die voorreg om soos hy te sien en daarvolgens te lewe. Christus in ons die hoop op heerlikheid. Kom ons vernuwe ons denke sodat ons anders dink en praat. My begeerte is 'n lewende verhouding met die lewende God sodat lewende water uit my binneste vloei wat 'n positiewe verskil gaan maak met wie ek ookal te doen het!

Die MP3 kan hier gekry word.
(Regs kliek en kies "Save as" om dit op jou rekenaar te save)

Die simptome van geregtigheid

christusgemeente@gmail.com (Pieter Etzebeth) — Sun, 13 Mar 2016 13:39:00 +0200

Soos wat sonde die oorsaak was dat God en mens van mekaar geskei is, is geregtigheid die "gom" - die herstel waarmee God die mens in Sy Seun weer aan hom verbind het. Uit die oortuiging van die waarde van die offer word die liefdesverhouding herstel wat die simptome van God se lewe in ons sal dra. Ons leefwyse sal dus korrespondeer met wie ons is. 'n Lewe van geestelike mislukking en frustrasie dui slegs daarop dat ons die boodskap nog nie verstaan nie - die openbaring daarvan nie het nie.

Die MP3 kan hier gekry word.
(Regs kliek en kies "Save as" om dit op jou rekenaar te save)

Die suigstokkies van die lewe

christusgemeente@gmail.com (Pieter Etzebeth) — Sun, 6 Mar 2016 00:00:00 +0200

Anton deel met ons oor die suigstokkies van die lewe.
Die opsomming van sy bediening kan hier gekry word.

Die MP3 kan hier gekry word.
(Regs kliek en kies "Save as" om dit op jou rekenaar te save)

Nuwe generasie - Nuwe liefde

christusgemeente@gmail.com (Pieter Etzebeth) — Sun, 28 Feb 2016 12:40:00 +0200

André deel met ons oor die nuwe generasie, die nuwe liefde.

Die MP3 kan hier gekry word.
(Regs kliek en kies "Save as" om dit op jou rekenaar te save)

Hou jou byl skerp!

christusgemeente@gmail.com (Pieter Etzebeth) — Sun, 21 Feb 2016 00:00:00 +0200

Ingesluit in die pakket van die geregtigheid van God, vind ons alles wat nodig is vir die oorvloedslewe hier en nou - en uiteraard die voortsetting van die ewige lewe wat reeds nou begin het in die ewigheid. Die oorvloedslewe vir nou kan ons saamvat as Beskerming, Genesing en Voorsiening. Hierdie drie vloei vanuit en manifesteer deur verhouding. Van die begin af hou God aan ons die twee weë voor - Die lewe en die dood, die seen en die vloek, die boom van kennis of die boom van die lewe. Psalm 1 spel die twee weë nogeens uit. Hy eindig met: Die sonddaar kan nie bestaan in die vergadering van die regverdige nie. Die keuse is weereens: Sondaar of regverdig! Die hoë weg van geregtigheid is verhouding. Daaruit vloei die lewe in oorvloed..Die manifestasie van die drie waarin ons oorlewing lê, sluit nie noodwendig verhouding in nie, maar verhouding sluit al drie komponente van oorlewing in. Dit laat my opvaar met vleuels soos die van 'n arend, laat my sit in hemelse plekke en vanuit daardie posisie kan die slaggate van die lewe - wat nog daar is - geen invloed meer op my oorvloedslewe uitoefen nie!

Die MP3 kan hier gekry word.
(Regs kliek en kies "Save as" om dit op jou rekenaar te save)

Aan sulkes behoort die koningkryk!

christusgemeente@gmail.com (Pieter Etzebeth) — Sun, 14 Feb 2016 17:36:00 +0200

Jesus sê: Laat die kindertjies na My toe kom.
....aan sulkes behoort die koninkryk van die hemele.

Kinders is absoluut onskuldig en daarom ook vrymoedig. Die openbaring van ons onskuld voor God op grond van die offer van Sy Seun gee vir ons die vrymoedigheid nodig vir verhouding. Dit is uit so 'n verhouding dat gesag (koninkryk) vloei.

Die MP3 kan hier gekry word.
(Regs kliek en kies "Save as" om dit op jou rekenaar te save)

Visie (5) - Opsomming

christusgemeente@gmail.com (Pieter Etzebeth) — Sun, 7 Feb 2016 16:05:00 +0200

Opsomming: "SIEN JOUSELF SOOS GOD JOU SIEN" Sien jouself binne God se visie , sien jouself as deel van 'n Gemeente wat besig is met God se visie. Vind jou hierin, wees beskikbaar, betrokke, verantwoordelk, toegewy, word 'n bemarker, laat God toe om dit met jou te doen en jy sal sien hoedat die volwassenheid en die getuienis, en die leierskap en die prediking in jou opstaan, hoedat jy God se stem hoor en hoedat jy God se stem word, en hoedat God Sy doel kan bereik, dat die gemeente, dat ons gemeenskap vol sal word van die heerlikheid van die Here soos die waters die seebodem bedek.(Hab 2:14)

Die MP3 kan hier gekry word.
(Regs kliek en kies "Save as" om dit op jou rekenaar te save)

Visie (4) - Getuies & Leiers

christusgemeente@gmail.com (Pieter Etzebeth) — Wed, 3 Feb 2016 16:38:00 +0200

Ons gaan voort om die visie van gemeente te definieer. Die instrument wat God gebruik om Sy doel te bereik is die gemeente - Efes 3:10. In die gemeente ontwikkel Hy die volwasse man, getuies, leiers, gesante (predikers) en so word gemeente God se stem op aarde. God het ons bemagtig tot ver bo wat ons kan bid of dink - ons het slegs nodig om te sien soos Hy sien! Wanneer ons beskikbaar is, dan sal Suid Afika vol word van die kennis van die HEERLIKHEID VAN DIE HERE, soos die waters die aardbodem bedek (Hab 2:14).

Die MP3 kan hier gekry word.
(Regs kliek en kies "Save as" om dit op jou rekenaar te save)

Visie (3) - Geestelik volwasse

christusgemeente@gmail.com (Pieter Etzebeth) — Sun, 24 Jan 2016 15:22:00 +0200

Ons praat steeds oor visie. Wat sien ons in die toekoms? As gemeente en individue het ons nodig om te sien soos en wat God sien. God sien nie aan wat voor oë is nie, Hy sien die hart aan. Sy oë deurloop die aarde om diegene kragtig te steun wie se harte onverdeeld op Hom gerig is (2 Kron 16:9) God weet dat Sy doel bereik kan word in elke mens wat sy/haar hart onverdeeld op God rig. God kan so iemand se visie lig om Sy visie te akkomodeer.

Die MP3 kan hier gekry word.
(Regs kliek en kies "Save as" om dit op jou rekenaar te save)

Visie 2

christusgemeente@gmail.com (Pieter Etzebeth) — Sun, 17 Jan 2016 14:17:00 +0200

Ons gaan voort om die visie van gemeente te definieer (Hab 2:14). Die instrument wat God gebruik om Sy doel te bereik is die gemeente - Efes 3:10. In die gemeente ontwikkel Hy die volwasse man, getuies, leiers, gesante (predikers) en so word gemeente God se stem op aarde. God het ons bemagtig tot ver bo wat ons kan bid of dink - ons het slegs nodig om te sien soos Hy sien!

Die MP3 kan hier gekry word.
(Regs kliek en kies "Save as" om dit op jou rekenaar te save)

Visie

christusgemeente@gmail.com (Pieter Etzebeth) — Sun, 10 Jan 2016 00:00:00 +0200

Die visie van gemeente wees moet uiteraard ooreenstem met dit wat God sien vir die gemeente. Hab 2:14 "Die aarde sal vol wees van die heerlikheid van die Here soos die waters die seebodem bedek." Heerlikheid verwys na God se oorspronklike bedoeling. Die eerste "aarde" is elke individu se denke en persoonlike lewe, daarna die gemeente se denkwyse as geheel en vandaar na die mense rondom ons en verder!

God se bedoeling is dat almal sal kom tot die volwasse man, besig met hul dienswerk en dat die gemeentelede waarlik gestuuurdes sal wees met die getuienis van ons lewens. Dit sal van almal van ons dissipelmakers maak!

Die MP3 kan hier gekry word.
(Regs kliek en kies "Save as" om dit op jou rekenaar te save)

Wysheid sal in jou hart kom

christusgemeente@gmail.com (Pieter Etzebeth) — Sun, 3 Jan 2016 00:00:00 +0200

Die visie van gemeente is om saam met God te sien dat die aarde vol word met die kennis van die heerlikheid van die Here soos die waters die seebodem bedek.(Hab 2:14)

Dit begin by my. My denke is die "aarde" wat vol word met God se heerlikheid (Sy oorspronklike plan met die mens.) Die eerste "aarde" is my denke, dan my huis, my besigheid, en die gemeente.

Hierdie oortuiging kom vanaf die oortuiging van vergifnis. Vergifnis gee vir ons onskuild. Saam met onskuld kom vrymoedigheid, gevolg deur die bevestiging van verhouding. Verhouidng (huwelik met Hemelse Bruidegom) bring my by intimiteit (liefdespel) waarin saadoordrag en bevrugting plaasvind. Bevrugting lei tot swangerskap en uiteindelik geboorte. Die liefdespel hoef nie tydens die swangerskap op te hou nie, geniet die liefdespel met God - dit bring wysheid, lankmoedigheid en vervulling selfs voordat die beloftes manifesteer. Dit bring uiteindelik die vervulling van die beloftes.

Die MP3 kan hier gekry word.
(Regs kliek en kies "Save as" om dit op jou rekenaar te save)

Lydsaamheid

christusgemeente@gmail.com (Pieter Etzebeth) — Sun, 27 Dec 2015 00:00:00 +0200

Heb 10:36 .."Nadat ons die wil van God gedoen het, het ons lydsaamheid nodig om die beloftes te verkry (gemanifesteerd te sien in my lewe)

Die wil van God is om die Een te glo wat God gestuur het. (Joh 6:36) Wat glo ons? Die absoluutheid van ons vergifnis. Die oortuiging (om te glo) van die grootsheid en tydloosheid van God se vergifnis verdwerg elke siekte, gebrek, tekort en aanslag wat ons hier kan ondervind.

Moenie nog goed soek om te doen nie. Glo en geniet die liefdespel met God terwyl die uurglas op die probleme uitloop en net vergifnis; wat genesing en alle ander seeninge ontsluit, in ons lewens oorbly.

Die MP3 kan hier gekry word.
(Regs kliek en kies "Save as" om dit op jou rekenaar te save)

Die blywende langtermyn oplossing

christusgemeente@gmail.com (Pieter Etzebeth) — Sun, 20 Dec 2015 16:53:00 +0200

Die afdwing en toepassing van 'n / die wet is die maklike en vinnige wyse om dissipline af te dwing. Die dryfkrag is die vrees vir straf. Liefde werk nie deur vrees nie. Daarom het Jesus die straf kom dra. Liefde werk deur keuse en laat tyd toe vir die uitoefen daarvan. Liefde soek 'n hartsverandering, werk nie met dwang nie, trek met koorde van goedertierenheid. Dissipline so verkry is blywend en is nie vertoon soos in die vreesmodel nie. Net so is die beloftes van God. Die vinnige maklike pad is om iemand met salwing te kry om hande op te le. Die blywende stadiger oplossing is vir elkeen om te kom tot die volwasse man! Naby jou is die Woord, in jou mond en in jou hart. (Rom. 10:8)

Die MP3 kan hier gekry word.
(Regs kliek en kies "Save as" om dit op jou rekenaar te save)

Die ware teenoor die valse

christusgemeente@gmail.com (Pieter Etzebeth) — Tue, 15 Dec 2015 18:21:00 +0200

Ons is bevoorreg om nog ŉ nuweling babaseuntjie in die gemeente te verwelkom. Ons seën babas deur te bevestig dat hulle , soos elkeen van ons die produkte is van die Seun se sterwe en opstanding wat die mens se status voor God verander het van sondaar na regverdig. Daarteenoor verbind die kinderbesprinkeling babas aan die val van Adam. Met die ware doop waaroor elke gelowige self besluit, identifiseer gelowiges hulle met die offer van Jesus! Hierdie offer sluit alles in - elke moontlike belofte wat God gemaak het. - Jesus is God se ja daarop. As ons Israel volg op hulle uittog lees ons dat God Moses by geleentheid opdrag gee om die rots te slaan- waaruit daar genoeg water gevloei het om almal te laat drink. (Exodus 17:6) Paulus verklaar in 1 Kor. 10 dat die Rots Christus was. Daarom dat God by die volgende geleentheid vir Moses opdrag gee om met die Rots te praat. Die Rots kan nie 'n tweede keer geslaan word nie! Een offer was genoeg!! Moses slaan egter weer die rots. (Num 20:11) Dit kos hom die beloofde land! Hierdie voorbeeld het n direkte toepassing op ons lewens vandag!

Die MP3 kan hier gekry word.
(Regs kliek en kies "Save as" om dit op jou rekenaar te save)

Die verborgenhede van God geopenbaar

christusgemeente@gmail.com (Pieter Etzebeth) — Sun, 6 Dec 2015 11:30:00 +0200

Die verborgenheid van God geopenbaar. Paulus beskryf hierdie verborgenheid as 1. Die heidene is mede-erfgename, deelgenote en medelede van Christus – dus 'n nuwe nasionaliteit. Ons burgerskap is nie van ras, taal of kultuur nie, maar op grond van geloof in die voltooide werk van Jesus Christus! Dit is die ware gemeente! 2. God se droom is dat nou deur die bogenoemde gemeente aan die owerhede en magte die menigvuldige wysheid van God bekend gemaak kan word (Efes 3:10). Dit gaan verder as wat die vlees kan waarneem - 1 Kor 2:9. In Efes 3:18 beskryf Paulus dit as die 4de dimensie - die van die Gees.

Die MP3 kan hier gekry word.
(Regs kliek en kies "Save as" om dit op jou rekenaar te save)

Dit is volbring

christusgemeente@gmail.com (Pieter Etzebeth) — Sun, 29 Nov 2015 11:46:00 +0200

Jan deel met ons oor hoe bid ons nou en wat is gebed? Hoe om die ware jy te ontdek.

Die MP3 kan hier gekry word.
(Regs kliek en kies "Save as" om dit op jou rekenaar te save)

Die salwing vloei vanuit intimiteit

christusgemeente@gmail.com (Pieter Etzebeth) — Sun, 22 Nov 2015 11:16:00 +0200

Henda bevestig ons identiteit in Christus. Hoe oortuig is ek van my identiteit? Waar lê jou gesag? Gee jy dit weg? Bevestig deur intimiteit jou gesag! Efes 5:27 sê jy’s heilig, sonder gebrek, sonder vlek of rimpel, so staan jy voor die Here. Glo ons dit? Dis hoe God jou sien. Wees oortuig dat jy onskuldig is. Exodus 4:12 "GAAN dan nou heen, en Ek sal met jou mond wees, en jou leer wat jy moet sê."

Die MP3 kan hier gekry word.
(Regs kliek en kies "Save as" om dit op jou rekenaar te save)

Die implikasies van nuwe identiteit

christusgemeente@gmail.com (Pieter Etzebeth) — Sun, 15 Nov 2015 15:18:00 +0200

Wat is jou posisie in die wêreld vandag, is jou posisie een van gelatenheid, ek moet maar berus en aanvaar of is jou posisie een van gesag van wat God ons gegee het? Geloof is nie om vir God te vra vir goed wat Hy moet doen nie. Geloof het 'n nuwe baadjie gekry. Geloof is om te aanvaar wat God gedoen het, dan beteken dit my vergifnis, genesing en die seën van God lê in die verlede. Al wat dan oorbly is " Die blydskap van die Here is my sterkte" Ons kan nou in Gesag optree, die Gesag wat Jesus vir ons verdien het, om te heers oor die mag van die vyand.

Die MP3 kan hier gekry word.
(Regs kliek en kies "Save as" om dit op jou rekenaar te save)

Nuwe identiteit

christusgemeente@gmail.com (Pieter Etzebeth) — Sun, 8 Nov 2015 10:55:00 +0200

André deel met ons oor ons nuwe identiteit in Christus.( 2 Kor 5:17)...die ou dinge het verbygegaan, kyk dit het alles nuut geword. Ons is toegerus om te heers/regeer. Die volheid van die Koning bly binne my en jou.
Hoe regeer ons?
1. Ons is gebore met dit.
2. Dit kom natuurlik.
3. Dis ons skeppingsdoel.
4. Dis die salwing wat die juk breek!
5. HY REGEER DEUR MY!!

Die MP3 kan hier gekry word.
(Regs kliek en kies "Save as" om dit op jou rekenaar te save)

Nuwe generasie, nuwe heerskappy

christusgemeente@gmail.com (Pieter Etzebeth) — Sun, 1 Nov 2015 10:09:00 +0200

André deel met ons oor Nuwe Heerskappy. Die Heerskappy wat binne ons is, waaraan ons geen bydrae aan gemaak het nie, en waar ons in 'n situasie staan vandag waar ons kan heers. Dis God se hart vir ons, dis eintlik ons skeppingsdoel. Jes. 40;26 "Slaan julle oë op in die hoogte en kyk!.. daar word nie een gemis nie." Die Skepper het ons gemaak met die vermoë om te heers. Twyfel ons aan ons vermoë om te heers, as dit Hy is wat ons die vermoë gegee het?

Die MP3 kan hier gekry word.
(Regs kliek en kies "Save as" om dit op jou rekenaar te save)

Volg hom na!!

christusgemeente@gmail.com (Pieter Etzebeth) — Sun, 25 Oct 2015 14:17:00 +0200

Jan deel met ons oor Efes 5:1 tot 21 "Wees dan navolgers van God soos geliefde kinders."

Die MP3 kan hier gekry word.
(Regs kliek en kies "Save as" om dit op jou rekenaar te save)