CIG BBVA

O Banco non recúa na problemática da Semana Grande A Coruña e Vigo

2026-03-24T14:00:00.003+01:00

Xa estamos a piques de chegar a unha nova Semana Grande tanto na cidade da Coruña como en Vigo e o BBVA segue erre que erre, empeñado en non dar marcha atrás.

Como xa sabedes, o ano pasado, o banco, de maneira unilateral, restounos un día de disfrute de horario reducido durante a semana das festas maiores das dúas prazas. Ante esa inxusta interpretación, emanada de non se sabe onde, desde a CIG enviamos escrito a RR.LL manifestando o noso rexeitamento á medida e esixindo que se lle devolvera ao persoal o seu dereito a ter horario reducido durante os 5 días, tal e como viña sucedendo nos últimos 20 anos. Non quixeron solucionalo e vímonos na obriga de interpoñer sendas demandas de modificación substancial das condicións de traballo nos xulgados do social.

Este mesmo feito aconteceu no Banco Santander, banco decano, e tamén alí interpuxemos conflito colectivo, pero o Santander, a diferenza do BBVA, quixo evitar a litixiosidade resultante e chegou a un acordo recoñecendo que a súa interpretación era incorrecta, e devolvendo as horas feitas de máis ao persoal que non puido disfrutalas no seu momento.

Ante a proximidade do xuízo da Coruña, o vindeiro 25 de marzo, dirixímonos a RR.LL do banco para facerlles entender que non tiña sentido continuar co xuízo e mostrando a nosa disposición a chegar a un acordo como o que se acadou co Banco Santander, para rematar con este conflito dunha vez por todas e devolverlle ao persoal afectado as horas feitas de máis.

Pero semella que a dirección do banco quere continuar sometendo ao seu cadro de persoal a máis recortes e inxustizas, despois de todo o esforzo que este mesmo cadro de persoal leva feito nestes últimos anos, despois de soportar presións infinitas, despois de mesmo enfermar a consecuencia do nefasto clima laboral que se vive acotío na rede de oficinas.

E isto faino aínda que xa na cidade de Ourense ten unha sentenza en contra por este mesmo tema. Prefiren gastar en bufetes xurídicos que en recoñecerlle dereitos ao persoal.

Pois nós non imos calar ante esta situación inxusta. Esta entidade está dirixida por persoas que toman decisións miserables e ruíns, dispostas a espremer ata as últimas consecuencias ao persoal, negándolle un dereito adquirido e consolidado durante moitísimos anos.

Lembrádevos disto a vindeira ocasión que vos pidan un esforzo.

Pola nosa banda, acudiremos ao xuízo de marzo e máis ao que está previsto para maio en Vigo sen ningunha dúbida, sabendo que temos a razón da nosa parte. Non consentiremos que nos quiten nin un dereito máis.

➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!

Súmate a CIG! Afíliate!
Folleto http://i.gal/Afiliate ^{[.pdf • 182 kB]}
Folla http://i.gal/AfiliateCIG ^{[.pdf • 1'09 MB]}

Comunicado 260323 [.pdf • 125 kB]

Intervención da CIG Xunta xeral de accionistas 2026

2026-03-20T15:00:00.221+01:00

Velaquí tedes o contido da nosa intervención na pasada Xunta xeral de accionistas do BBVA · 2026…

Un ano máis desde a CIG, sindicato maioritario e máis representativo de Galiza, trasladamos a este foro as preocupacións do persoal e compartir algunhas reflexións de tantas boas persoas que constrúen BBVA día a día.

Boas persoas, traballadoras co máximo compromiso con esta empresa xa que, coma sempre lle recordaremos, a súa vida e a das súas familias depende do seu traballo. A súa vida no presente, pero tamén no futuro.

Estas persoas dinnos que temos un problema Sr. Presidente, cando ao noso persoal sénior na REDE, non se lle dá unha saída digna despois de ata 40 anos de oficio. As persoas que se van incorporando, asoman, ven o que hai e marchan sen dicir adeus, nunhas cifras abraiantes. Pero, non nos confundamos, onde non quedan é na Rede. Onde outros competidores están tomando a iniciativa no relevo, aquí seguimos sufrindo o castigo da súa ineficacia.

Sr. Presidente, é moi sinxelo, contratan novo persoal, trasládano dun extremo ao outro do Estado, páganlle as certificacións e, a partir dese momento, xa moitos e moitas comezar recibir ofertas para traballar no sector, con mellor salario e preto da súa casa. Compañeiros e compañeiras que, hai 5 anos nestas datas, vivían un confinamento que, sen dúbida, cambiou radicalmente a súa forma de ver a vida, moito antes do que lles correspondería por idade…

Esa REDE, Sr. Presidente, de boas persoas que puxeron a súa enteira disposición e esforzo, como todo o banco, para intentar chegar onde vostedes non souberon, nunha OPA HOSTIL MAL PARIDA DESDE O INICIO. Sen compensación algunha para o persoal. Pero a recompensa da alta dirección, si será aprobarse unha vez máis un aumento salarial indecente.

O persoal, como premio, pasará 2026 abafado nunha carga de obxectivos que, en moitos casos, aumenta dun 50 a máis dun 100 % dun ano para outro. E se estás en redución de xornada (e salario), pois igualiño que as demais: que se os obxectivos… os mesmos; que se as vendas diarias… as mesmas; que se as citas coa clientela… as mesmas. Todo igual menos o salario e a presión. Isto ten nome e é discriminación directa por cuestión de xénero.

Esa REDE que insisten en desmantelar para favorecer os seus intereses de dixitalización extrema e forzada… por unha inquebrantable vontade de seguir engordando a conta de resultados a costa de todo e de todas: persoal e clientela incluída. Desmantelamento provocado por un desprazamento non consentido (e o consentimento é importante) da clientela e persoal a un modelo, o de ZONA CONTIGO, con clientela secuestrada e co persoal no peor horario de todos con diferenza, coa maior presión por obxectivos e, oh sorpresa, co mellor acordo de empresa asinado por vostedes, segundo as súas propias verbas.

Seguimos falándolles de persoas porque seguimos sendo un banco de persoas para persoas… Ou quizais, xa nin sequera esa sexa unha afirmación correcta. As persoas traballadoras do BBVA estamos moi preocupadas pola implantación da IA no banco, porque somos moi conscientes de que, tralo fracaso da súa OPA, xogámonos moito nesta baza: vostedes as súas poltronas e nós o noso futuro laboral. Non temos moi claro tampouco se a ferramenta é a IA ou, máis ben, nós, as persoas, nutrindo a un xigante chamado a dominar as nosas vidas.

E preocúpanos moitisimo que a nosa compañeira de viaxe, OPEN AI, sexa unha empresa que permitiu liberar a súa IA de calquera límite ou restrición moral para usos militares ou civís, nun novo conflito armado, o que nos leva a un NON Á GUERRA ROTUNDO, A NINGUNHA GUERRA IMPERIALISTA, contraria á legalidade internacional e, o que e máis importante, contraria á vida das persoas. O seu uso en vixilancia masiva de persoas lévanos a recordar o motivo da imputación do Banco e a súa anterior cúpula directiva xunto co comisario Villarejo, contratado até 2017… Antes de onte, coma quen di.

O anterior, lévanos de novo a esas boas persoas que necesitamos, máis que nunca, poñer á fronte. Boas persoas que dean prioridade á situación do persoal nunha REDE de oficinas na que seguimos convivindo con situacións que comprometen a súa saúde: risco por amianto, convivencia con cheiros e augas fecais, todo tipo de humidades, risco eléctrico, filtracións… Sempre coa mesma resposta tipo «Xa se denunciou á CC.PP». Pero se che toca prestar servizo nunha desas sucursais, Poio por exemplo, mala sorte! Non se vai facer nada máis polo persoal. Importa máis manter un contrato de renting que adecuar unha oficina con accesibilidade imposible para persoas con mobilidade reducida.

Abonda de hipocrisías e teñan máis coherencia entre mensaxe e realidade señoras e señores.

Non se confundan, É O SEU SISTEMA E NON O CADRO DE PERSOAL QUEN REBAIXA O RCP.

Eskerrik asko, señoras e señores.

➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!

Súmate a CIG! Afíliate!
Folleto https://i.gal/Afiliate ^{[.pdf • 182 kB]}
Folla https://i.gal/AfiliateCIG ^{[.pdf • 1'09 MB]}

Comunicado 260320 [.pdf • 202 kB]

Por unha iguladade real no BBVA

2026-03-06T08:30:00.000+01:00

BBVA asinou en 2023 un Plan de Igualdade no que asume que ten unha Auditoría Salarial fallida.

Os sindicatos asinantes deron un balón de osíxeno de 18 meses no propio Plan para negociar un novo Sistema de Avaliación de Postos de Igual Valor. Os 18 meses remataron en xaneiro de 2025 e chocaron cunha OPA que, sendo o único importante nese momento, deixou na «lista de agarda» o desenvolvemento dun sistema que nos permita coñecer a fenda salarial real no BBVA. Cousa imposíbel até o momento.

En xuño de 2025 o banco convocou só aos sindicatos asinantes a unha xuntanza na que presentou un novo sistema para a avaliación de postos, non negociado.

A CIG non foi convocada e, como xa lle indicamos á empresa, a negociación deste novo sistema é unha competencia da Mesa Negociadora na que temos que estar todas as partes. Non se pode deixar fóra a ninguén baixo o pretexto de facelo a través dunha comisión de seguimento. Cada cousa para o que é. O Plan de Igualdade remata en 2027. Botade contas.

Celebramos este 8M con sobrados motivos para reclamar ao BBVA que se suba «de verdade» ao carro do feminismo, con plena consciencia:

Queremos coñecer a Fenda Salarial real e os seus motivos.
Queremos non ter que acadar os mesmos obxectivos se estamos en redución de xornada e salario.
Queremos facer extensiva a concreción horaria como a mellor ferramenta de conciliación e non ter que renunciar ao noso salario.
Queremos eliminar o chan pegañento que discrimina a tantas compañeiras e frustra carreiras e talento.
…(escribe o teu motivo)

Sobran os motivos para saír á rúa, tamén por unha igualdade real no BBVA, porque o 8M vai de loita e reivindicación, súmate á CIG!

Feministas e Combativas

En loita pola nosa Dignidade!

116 anos despois de celebrarse a Conferencia Internacional de Mulleres Socialistas, orixe da conmemoración do 8 de Marzo como Día Internacional das Mulleres Traballadoras, facemos un chamamento a debater sobre a situación social e política que atravesan as mulleres traballadoras galegas e a expoñer que medidas deben adoptar os gobernos e as patronais para rematar coa situación de discriminación e precariedade.

Se no ano 1910 as mulleres denunciaban a carestía dos alimentos, as duras condicións laborais, os baixos salarios e a fin dos conflitos bélicos, non será até o ano 1977 cando as Nacións Unidas proclamen o Día para os Dereitos das Mulleres e a Paz Internacional.

A CIG mantén a perspectiva de clase e a orixe que deu lugar á xornada de loita internacional denunciando que:

Pese a que as mozas galegas puideron acceder de maneira masiva a estudos superiores, seguen abocadas a emigrar se queren emanciparse e acceder a unha profesión acorde aos seus coñecementos e a unha vivenda digna.
Un posto de traballo nas distintas administracións públicas (sectores claramente feminizados) non garante hoxe en día un salario nin condicións dignas, como tampouco superar a fenda salarial.
A falta de persoal precariza as condicións de traballo.
O recorte de persoal no ensino público, nomeadamente en atención á diversidade, así como a precarización do servizo e das condicións laborais nos sectores de infantil 0–3, centros de menores e de atención á discapacidade, afondan na desigualdade social.
O desmantelamento da atención primaria, as listas de agarda e a falta de camas nos hospitais, xunto cun enfoque da saúde que non ten en conta os procesos físicos e psicolóxicos que afrontan as mulleres, a falta de recoñecemento de doenzas relacionadas con enfermidades profesionais, e a inexistencia de coeficientes redutores de cara á xubilación en ocupacións feminizadas dificultan unha vellez digna.
O modelo privatizador do PP non só afecta a sanidade. Os continuos recortes e a privatización dos servizos sociais, para a igualdade e atención á dependencia deterioran o servizo público, imposibilitando que as persoas maiores ou con doenzas incapacitantes poidan acceder aos coidados, precarizando o tipo de empregos que se crean para este fin e obrigando as mulleres a que asuman ese rol coidador de balde.
As traballadoras galegas seguen ocupando maioritariamente traballos temporais e a tempo parcial. A fenda salarial acúrtase só por mor da suba do salario mínimo. Pero cada vez hai máis traballadoras pobres, o cal vai determinar as prestacións futuras (lembremos que as pensións da Galiza seguen a ser as máis baixas do estado).
Os traballos feminizados seguen a ser minusvalorados económica e socialmente malia os intentos lexislativos para identificar e diminuír a fenda salarial. Cómpre o incremento salarial das profesións feminizadas e esixir que o réxime especial de persoas empregadas do fogar sexa regulado dentro do sistema ordinario da Seguridade Social, con retribucións acordes a importancia dese labor.
Os permisos e licenzas deben axustarse aos novos modelos familiares. Tanto a recuperación do parto como a situación de lactación natural debe garantirse até os 12 meses que recomenda a OMS por medio dunha prestación económica específica para amparar ámbalas situacións. A incorporación ao traballo ten que ter lugar con todas as garantías tamén en canto á protección de riscos laborais.
As denuncias de acoso e violencia no traballo deben ser investigadas con celeridade e concluír con sancións exemplarizantes no caso de comprobarse os feitos, e naquelas situacións que non fique acreditado por falta de probas, farase un seguimento dos riscos psicosociais asegurando que non se produce máis dano. Os protocolos de prevención e actuación existentes deben revisarse e simplificarse para garantir a axilidade dos trámites. E debemos esixir, naquelas profesións cun alto risco de sufrir violencia no traballo, que se dispoña dun dispositivo de alerta xeolocalizado que permita facer unha chamada de emerxencia, alén dos protocolos e plans de prevencións correspondentes.

Fronte a esta situación, temos que mobilizarnos e rematar co silencio fronte aos ataques. Do mesmo xeito que fixeron as antergas nas manifestacións populares xurdidas contra o descontento coa situación económica e social da época loitando por obter produtos básicos a prezos xustos, denunciando os abusos no traballo (a folga das cigarreiras en 1857, a das lavandeiras de 1907, as «revoltas da fame» e as «revoltas das pedradas» do ano 1918), contra o peche de empresas e o ataque ao medio de vida (conflito da conserveira Odosa, na Illa de Arousa no 1989; a loita de Caramelo no 2009 así como a das teleoperadoras contra a deslocalización, dependentas de Inditex no 2017, as folgas de mulleres de 2018, 2019 e 2021, o conflito da limpeza de Lugo no ano 2024, as do SAF e residencias, así como as do profesorado e da sanidade pública no ano 2025, entre outras) demóstrase que só cunha acción combativa nos lugares de traballo, nas urnas, na negociación colectiva, nos fogares e nas rúas poderemos avanzar.

Desde o feminismo galego e de clase comprometémonos a loitar contra as discriminacións incorporando a perspectiva de xénero na nosa acción sindical, animando as mulleres traballadoras de calquera sector a afiliarse á CIG, participar nas candidaturas ás eleccións sindicais, combatendo o capitalismo, o imperialismo, o colonialismo, o machismo, o racismo e o fascismo con rebeldía.

MOBILÍZATE COA CIG O 8 DE MARZO

Compostela ás 11:30 horas dende a estación de trens

Pola tarde, participa nas mobilizacións organizadas pola Marcha Mundial das Mulleres, da que a CIG forma parte.

➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!

Súmate a CIG! Afíliate!
Folleto https://i.gal/Afiliate ^{[.pdf • 182 kB]}
Folla https://i.gal/AfiliateCIG ^{[.pdf • 1'09 MB]}

Panfleto 8M 2026 [.pdf • 1,4 MB]

A trampa da Retribución Variábel Vs. Incremento dos Obxectivos

2026-02-12T15:00:00.059+01:00

O que o banco vende como unha «Gratificación Extraordinaria» no incentivo non é máis que afondar no de sempre: maiores retribucións para quen xa cobran grandes bonus (mandos intermedios e dirección) e migallas miserentas para quen realmente xerou os enormes beneficios de 2025 (o persoal das oficinas).

Porque ese 0,75 % (non chega nin ao 1 %), a maiores sobre o bonus percibido no primeiro cuadrimestre, e o 25,05 % do percibido no segundo, non é igual para quen cobrou 1.000 € no cuadrimestre que para quen recibiu 10.000 €.

Aínda máis aumento da desigualdade e fenda salarial, xa que os postos cos maiores bonus están ocupados maioritariamente por homes.

Se a dirección do BBVA quixese recompensar dalgún xeito o enorme esforzo realizado polo persoal o ano pasado, ben podería fixarse por exemplo na actuación do Banco Sabadell, que retribuíu con 300 accións a cada traballador/a.

O que tampouco vai ocultar esa «Gratificación Extraordinaria» é o incremento brutal e inxustificado dos obxectivos nestes meses de 2026, nunha suba media de entorno ao 50 % con respecto ao período anterior (nalgúns casos superior ao 60 %). Isto implicará, sen dúbida, un gran incremento da carga de traballo e da presión e o acoso comercial, producirá maior malestar psíquico e rebaixará de xeito significativo os importes a percibir de retribución variábel.

A retribución variábel é un salario incerto, cobrarase ou non, e canto, é todo un misterio (e máis no BBVA, acostumado a mudar á súa conveniencia as regras cando lle interesa) e a quen lles sae ben a conta é a mandos intermedios e dirección que se dedican a esmagar ao persoal das oficinas para poder cobrar sempre os seus gorentosos e inxustificados bonos. E farán o que sexa para conseguilo.

Cómpre, máis que nunca, pór en valor o salario certo, o do convenio colectivo, e deixar de seguir acumulando perdas nel.

➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!

Súmate a CIG! Afíliate!
Folleto http://i.gal/Afiliate ^{[.pdf • 182 kB]}
Folla http://i.gal/AfiliateCIG ^{[.pdf • 1'09 MB]}

Comunicado 260211 [.pdf • 307 kB]

Continúa a perda salarial (e a banca con beneficios históricos)

2026-01-16T15:00:00.120+01:00

O IPC pechou en 2025 no 2,9 % e a suba dos nosos salarios para este ano non chega nin a cubrir a suba do custo da vida (con este nefasto convenio nin recuperamos a brutal perda de poder adquisitivo anterior nin cortamos a mesma). En 2026 a suba do Salario Base de Nivel será do 2,75 % e a de outros conceptos como as antigüidades (xeral e de técnicas/os) do 2 %.

As previsións son que neste ano continúen a subir, de xeito significativo, os prezos dos servizos básicos como o a vivenda ou a alimentación (o importe da axuda alimentar para as xornadas partidas, continuará en 11 €, sen suba desde 2023).

E para quen lle apliquen a cláusula de compensación e absorción do art. 5, a perda será aínda moito maior. A suba (por chamarlle algo) TOTAL de salarios será só do 50 % da suba do salario base de nivel, do 1,375 % da suba só do salario base. A modo de exemplo, a suba total dun salario de nivel 6 será de 503 euros brutos para todo 2026.

Despois dunha loita exemplar e decidida das traballadoras da banca (con 2 xornadas de folga e paros na Galiza moi exitosas) para recuperar a enorme perda salarial de anos anteriores e que non se volvese a producir no futuro, os asinantes do Convenio (CC.OO, UGT e FINE) apresuráronse a asinar un mal preacordo antes do verán de 2024, que ratificaron coa sinatura en novembro, sen dar oportunidade a que as traballadoras e traballadores decidísemos democraticamente sobre se aceptar o ofertado pola AEB ou continuar coa loita e as mobilizacións para acadar mellores condicións.

No vindeiro ano iniciarase a negociación dun novo convenio e a mesa negociadora configurarase co resultado da eleccións sindicais a celebrar a comezos de ano, o que dependerá de todas e todos nós. Como mínimo, agardamos que os asinantes habituais tomen boa nota das demandas reais e máis que merecidas das traballadoras da banca, porque estamos fartas de perder e perder salarios e dereitos convenio tras convenio.

Continuarmos con perda de salarios e de dereitos mentres os bancos seguen a incrementar ano tras ano beneficios históricos non é de recibo!

➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!

Súmate a CIG! Afíliate!
Folleto http://i.gal/Afiliate ^{[.pdf • 182 kB]}
Folla http://i.gal/AfiliateCIG ^{[.pdf • 1'09 MB]}

Comunicado 260116 [.pdf • 238 kB]

Calendario laboral 2026

2026-01-01T08:00:00.061+01:00

Consonte ao decreto 46/2025 da Xunta de Galicia, foi publicado no Diario Oficial de Galicia (DOG nº 46 e 210) o calendario laboral para o ano 2026 na Comunidade Autónoma de Galiza. As festas laborais locais e nacionais serán as seguintes:

1 de xaneiro: Aninovo.
6 de xaneiro: Reis.
19 de marzo: San Xosé.
2 de abril: Xoves Santo.
3 de abril: Venres Santo.
1 de maio: Día do Traballo.
24 de xuño: San Xoán.
25 de xullo: Día Nacional de Galiza.
15 de agosto: Asunción.
12 de outubro: Festa Nacional de España.
8 de decembro: Inmaculada.
25 de decembro: Nadal.

As festas mencionadas terán carácter obrigatorio e non recuperábel.

➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!

Súmate a CIG! Afíliate!
Folleto https://i.gal/Afiliate ^{[.pdf • 182 kB]}
Folla https://i.gal/AfiliateCIG ^{[.pdf • 1'09 MB]}

Ligazóns relacionadas:: Portal de Traballo
Seguridade Social

Desexos aninovo 2026

2025-12-23T12:00:00.002+01:00

Esta é a listaxe de desexos e metas que conformarán os nosos obxectivos de loita neste novo ano e que compartimos con vós:

Salarios xustos (STOP perda salarial)
Igualdade real e efectiva
Clima laboral saudable
Máis persoal e menos carga de traballo
Fixar obxectivos posíbeis
Máis dereitos de conciliación para todas
Eliminar a presión e acoso comercial
Relevo xeracional (+ contrataccións + prexubilacións voluntarias)

Nese camiño atoparédesnos!

Por un 2026 cheo de conquistas!

➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!

Súmate a CIG! Afíliate!
Folleto http://i.gal/Afiliate ^{[.pdf • 182 kB]}
Folla http://i.gal/AfiliateCIG ^{[.pdf • 1'09 MB]}

Comunicado 251224 [.pdf • 1'3 MB]

BBVA… O mellor banco para traballar mollarse

2025-12-15T15:00:00.106+01:00

No Banco dos 8.000 millóns de beneficios, o seu persoal ten que convivir con teitos que caen, cheiros insalubres, riscos eléctricos, ratos e cascudas e, por riba de todo, cun absoluto desprezo polo seu benestar e a prevención de riscos. E isto non é unha excepción.

Dende a sección sindical da CIG, levamos anos traballando a prol do cumprimento da lei de prevención de riscos laborais, velando pola saúde do cadro de persoal. Ademais de soportar a brutal presión comercial do banco, o persoal ten que soportar situacións dantescas como as descritas.

O BBVA ten oficinas con risco por amianto, con inundacións por augas limpas ou sucias, con cheiros permanentes a excrementos, e convivencia con ratos e/ou cascudas. Temos unha longa lista de exemplos. Xa temos denunciado por: risco de aspergillus, amianto, colapso de estrutura (que levou a un peche da oficina), calidade do aire pésima na pandemia (que obrigou a facer informe en todas as oficinas). É unha barbaridade ter que reclamar ano tras ano melloras en sucursais onde entras pola porta e o cheiro tira para atrás, ou soportar que os arranxos se fagan traballando na oficina (unha práctica que soamente BBVA persiste en manter).

Este mes denunciamos ante Inspección de Traballo, a situación catastrófica que se viviu nunha oficina da provincia de Pontevedra: inundación da oficina, auga caendo do teito a través dunha maraña de cables durante máis dunha semana; augas fecais que se recollen nunha cubeta que se baleira unha vez por semana (única solución adoptada); tubaxe de amianto con buracos (feitos probablemente por ratos) e, coa grave sospeita de que no local do lado (co que se comparte tubaxe e deterioro), mudáronse todas as tubaxes sen as medidas de seguridade axeitadas, nin para as persoas traballadoras nin para a clientela. Mentres acontecía todo iso, a oficina permaneceu aberta cada día, co seu persoal facendo o seu traballo como mellor podía, coa preocupación no corpo. O inspector, despois de xirar a visita, fixo un requirimento á empresa dándolle un mes para corrixir as deficiencias detectadas. O banco foi coñecedor desde o primeiro momento por nós da situación da oficina, pero non actuou coa dilixencia debida. A información dada a esta Sección Sindical foi, resumida, a seguinte:

Informe de calidad del aire, óptimo para la salud de la plantilla.

Non daba ese valor o purificador posto polo propio banco, que indicaba o contrario.

Tras visita al local colindante, no se observó ningún peligro ni zona de posible conexión con la oficina.

Información totalmente contraria á manexada por esta Sección Sindical.

Dende a CIG demandamos que o banco arranxe a oficina xa e que o seu persoal non teña que soportar, a maiores, as molestias dos arranxos. Hai moitas maneiras de facer obras e manter certo grao de servizo sen ter que pasar sempre polo lombo do persoal da oficina. Facemos extensiva esta petición para o resto de sucursais nesta ou similar situación.

Requirimos de BBVA que nos faga traslado do «Protocolo de peche de oficinas» e deixe de facer recaer a responsabilidade última desa toma de decisión ás direccións das oficinas que, por veces vénse entre a espada e a parede. Dende a CIG estaremos pendentes da evolución deste asunto para comprobar que se cumpre o requirimento da inspección.

Se precisas asesoramento tes preto de ti a un delegado ou delegada da CIG!

➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!

Súmate a CIG! Afíliate!
Folleto http://i.gal/Afiliate ^{[.pdf • 182 kB]}
Folla http://i.gal/AfiliateCIG ^{[.pdf • 1'09 MB]}

Comunicado 251215 [.pdf • 193 kB]

Retroceder en dereitos incrementa a violencia

2025-11-21T15:00:00.004+01:00

Os casos de Alfonso Villares (o Concelleiro do Mar da Xunta de Galiza foi imputado por un delito de agresión sexual) ou de Matías González Cañón (candidato do PP na Illa de Arousa condenado por violencia de xénero contra a súa expraella) demostran que, desde o goberno do PP na Xunta de Galiza, defenden e perdoan condutas machistas e violentas, asentando no imaxinario colectivo do pobo dúas perigosas mensaxes: que a violencia de xénero é algo que se pode perdoar, e que as mulleres realizan denuncias falsas que poñen aos homes nunha situación de indefensión, situándose a carón deles e non das vítimas.

A reorganización do organigrama da Xunta en materia de loita contra a violencia machista non foi casual. Suprimiron a Secretaría Xeral de Igualdade, reducíndoa a unha dírección xeral (só de Promoción), desvinculando a Violencia de Xénero da Promoción da Igualdade e poñendo á fronte un home (abordando a violencia desde unha perspectiva técnica e xurídica, non integral), orixinado que en xuño do pasado ano a CIG, xunto con outros 41 colectivos feministas galegos, instaramos a Valedora do Pobo a que interviñese.

É a maior parálise na institucionalización das políticas de Igualdade de xénero desde a supresión do SGI (Servizo Galego de Igualdade) na Xunta de Galiza logo de que o PP volvese ao goberno no ano 2009 tras o bipartito PSOE–BNG, e realizada xusto cando a taxa de violencia de xénero en Galiza aumentou case un 10 10 % a respecto do 2024. De media, os xulgados de violencia contra as mulleres reciben 21 denuncias, case unha denuncia cada hora.

Por outra banda, os centros de atencións ás vítimas 24 horas, os servizos de axuda ao fogar, os centros de día ou as residencias para persoas maiores e dependentes, están en mans de empresas lucrativas que gañan licitacións públicas a cambio de precarizar dereitos das persoas usuarias e traballadoras destes servizos, de igual xeito que acontece coa atención á discapacidade, conciliación e responsabilidade (comedores escolares, campamentos, comedores e cociñas, limpeza, servizos de madrugadores, escolas infantís, casas niño no rural… etc.) ou cos centros residenciais construídos ou equipados por oligarcas que logo ceden a institucións públicas, co afán de deducir e branquear o capital.

Nin a pandemia, o envellecemento da poboacíón, a crise demogóráfica ou a dispersión xeográfica, nin a presión das mulleres esixindo cambios, foron motivos dabondo para que os gobernos invistan orzamentos públicos destinados a un cambio do sistema no que a vida das persoas se sitúe no centro das políticas públicas. A Lei de Dependencia segue sen ser desenvolvida e os dereitos das persoas a seren coidadas continúan sen ser garantidos. Por iso, seguuimos a exixir servizos sociais de atención ás persoas públicos e de xestión directa, e que tanto a tramitación como a asignación dos recursos e a súa xestión non sexan privatizados nin empregados para o lucro das empresas, nin para a explotación das mulleres traballadoras, onde hai unha importan presenza de migrantes.

Pese a que o Goberno do Estado presumía de poñer en marcha as políticas máis avanzadas de Europa, o certo é que estas se reduciron a simples transposicións de directivas europeas, que mesmo supuxeron un tirón de orellas á coalición PSOE / SUMAR tanto en materia de dereitos de conciliación como de igualdade.

A meirande parte destas medidas foron reducidas a propaganda. Non hai unha aplicación real de medidas nos centros de traballo, nin protocolos efectivos que preveñan, actúen e sancionen os acosos nas empresas, ao non existir nin sequera un desenvolvemento normativo do Convenio 190 da OIT que protexa contra a violencia no traballo. Tampouco existen datos e investigacións oficiais que recollan o número de denuncias de apertura dos protocolos de acoso, as resolucións adoptadas, ou que afonden nos erros detectados no sistema de denuncia e na atención ás vítimas de violencia machista para evitar que se produzan máis agresións ou mesmo feminicidios.

Os plans de igualdade de oportunidades entre mulleres e homes, xunto coa lexislación en materia retributiva, non serviron para eliminar a fenda salarial, que só se reduce por mor da igualación da precariedade do traballo tanto de homes como de mulleres.

Os nesgos de xénero seguen a dominar os ensaios clínicos, diagnósticos e tratamentos. Non se investigan problemas de saúde específicos como a endometriose, menstruación e menopausia. Os dereitos sexuais e reprodutivos seguen pendentes dun acceso universal (sexa á anticoncepción ou ao aborto legal e seguro, pendente aínda de ser unha realizade). O uso excesivo de antidepresivos, analxesia e somníferos por parte das mulleres (cis ou trans) é unha evidencia de falta de atención da saúde con perpectiva de xénero.

En vez de empregar os fondos europeos en igualdade e interseccionalidade enfocan a transición dixital, verde e ddemográfica cara a descarbonización e dixitalización das economías europeas, polo que a segregación profesional seguirá permanecendo inalterábel, beneficiando as carreiras STEM fronte ás profesións vinculadas ao coidado das persoas, que permanecerán infravaloradas e mal remuneradas.

➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!

Súmate a CIG! Afíliate!
Folleto https://i.gal/Afiliate ^{[.pdf • 182 kB]}
Folla https://i.gal/AfiliateCIG ^{[.pdf • 1'09 MB]}

Díptico 25N 2025 [.pdf • 1,5 MB]

Non ao peche de oficinas no BBVA

2025-11-18T15:00:00.050+01:00

Como xa anunciamos no noso anterior comunicado, o martes 18 continuamos coas mobilizacións nas oficinas que o banco está pechando debido á implantación do modelo de negocio que se basea na dixitalización forzosa da clientela.

Neste caso, concentrámonos diante das oficinas afectadas de Ourense, a que pecha en Xoán XXIII e a receptora da Rúa do Paseo. Non nos cansaremos de denunciar as consecuencias do modelo do BBVA en relación co servizo e atención aos colectivos vulnerábeis: peches de oficinas, amortización de postos de traballo, incremento da carga de traballo, dificultades de conciliación para as persoas traballadoras e deterioro na atención á clientela.

O banco segue coa súa política de redución de custes a costa dunha peor atención e peores condicións de traballo do seu persoal, nun ano de beneficios históricos que pretenden seguir incrementando as retribucións obscenas da súa cúpula directiva.

Ourense 18/11/25: Xoán XXIII–Paseo

Pechan oficinas.

Deixan a clientela sen servizo.

Reducen persoal.

Espremen ao que queda.

Aumentan os beneficios do banco.

Suben os salarios do Consello de Administración.

Alá onde o banco anuncie novos peches, a CIG estará mobilizándose na rúa para denunciar a situación.

Pola defensa dos nosos postos de traballo e da nosa saúde

➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!

Súmate a CIG! Afíliate!
Folleto http://i.gal/Afiliate ^{[.pdf • 182 kB]}
Folla http://i.gal/AfiliateCIG ^{[.pdf • 1'09 MB]}

Comunicado 251118 [.pdf • 476 kB]

Non ao peche de oficinas no BBVA!

2025-11-12T15:00:00.141+01:00

O modelo de negocio que o BBVA está implantando a marchas forzadas, apoiándose na dixitalización forzosa da clientela e nunha atención remota (centros CSE), vai en contra do que publicamente defende en relación co servizo e atención aos colectivos vulnerábeis. Este modelo ten como consecuencias: peches de oficinas, amortización de postos de traballo, incremento da carga de traballo, dificultades de conciliación para as persoas traballadoras e deterioro na atención á clientela. Desde a sección sindical da CIG, entendemos que é hora de denunciar publicamente estas actuacións do banco e por iso comezamos o pasado martes 11 de novembro (en Compostela), unha campaña de mobilizacións que terá continuación nas vindeiras semanas.

Compostela 11/11/25: Santiago del Estero–Senra

Pechan oficinas.

Deixan a clientela sen servizo.

Reducen persoal.

Espremen ao que queda.

Aumentan os beneficios do banco.

Suben os salarios do Consello de Administración.

Continuaremos coas nosas mobilizacións para frear esta ofensiva do banco. Xa estivemos en Compostela, e o próximo 18 de novembro estaremos en Ourense.

Pola defensa dos nosos postos de traballo e da nosa saúde

➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!

Súmate a CIG! Afíliate!
Folleto http://i.gal/Afiliate ^{[.pdf • 182 kB]}
Folla http://i.gal/AfiliateCIG ^{[.pdf • 1'09 MB]}

Comunicado 251112 [.pdf • 332 kB]

Un día para lembrar: Adeus BBVA-PSICO

2025-10-23T15:00:00.010+02:00

Durante o día de onte, mércores 22 de outubro, tivo lugar unha sesión histórica do CESS (Comité Estatal de Seguridade e Saúde) do BBVA.

Despois de moitos, moitos anos, nos que reclamamos un sistema de avaliación de riscos psicosociais que considerásemos válido en canto a metodoloxía e resultados, o banco finalmente anunciou que, a partir de agora, o método que vai a empregar para este fin será o método FPSICO. Un método validado polo INSST (Instituto Nacional de Seguridade e Saúde no Traballo), considerado unha ferramenta neutral con recoñecido prestixio institucional. O banco indicou que van a facer unha enquisa a todo o cadro de persoal para evitar demoras indebidas. Previamente, teremos unha xuntanza monográfica relativa a metodoloxía. E non haberá que agardar moito.

Deixaremos atrás un sistema fabricado «ad hoc» para BBVA, no que durante a súa existencia, tivo a maior logro ter acreditado CERO resultados en riscos psicosociais no cadro de persoal.

Dende o seu nacemento e posta en marcha, este sindicato e outros, estivemos de acordo en que ese método non servía porque non medía o que tiña que medir. Criticamos e reclamamos permanentemente que se mudase, que se actualizase, que se adoitase outra metodoloxía… E finalmente, ese día chegou.
E temos que parabenizarnos por iso.

Os riscos psicosociais son o grande elefante agochado na habitación que as empresas do sector financeiro empéñanse en meter debaixo da alfombra de xeito histórico. Ter unha ferramenta que expoña a verdadeira situación do persoal permitirá, a lo menos un chisco, facer verdade esa frase de que somos un banco de persoas para as persoas.

Por iso, dirixímonos a todos e todas vós para recomendarvos encarecidamente que, no momento de cubrir estas enquisas, o fagades con toda a sinceridade e expoñendo todo aquilo que vos estea a acontecer.

Só deste xeito conseguiremos que se poidan mudar as cousas, á vista dos resultados, coa implantación de medidas efectivas que, por suposto, esixiremos.

Queremos tamén defender e validar a importancia do bo funcionamento dun foro como é o CESS onde sempre debemos caber todas as voces e aportar todas e todos. Así si.

➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!

Súmate a CIG! Afíliate!
Folleto http://i.gal/Afiliate ^{[.pdf • 182 kB]}
Folla http://i.gal/AfiliateCIG ^{[.pdf • 1'09 MB]}

Comunicado 251023 [.pdf • 34 kB]

Non hai OPA. Non hai fusión

2025-10-20T15:00:00.083+02:00

A CIG mantivo desde o primeiro momento unha posición firme e coherente en contra da OPA hostil e de calquera intento de fusión entre o BBVA e o Sabadell, advertindo do impacto laboral, económico e social que unha operación destas características tería sobre o persoal, o emprego en Galiza e os servizos á cidadanía.

Fixemos pública a nosa oposición mediante comunicados, mobilizacións e accións reivindicativas, alertando dos riscos de destrución de postos de traballo e peche de oficinas, nun sector bancario galego xa moi afectado por anteriores reestruturacións.
Presentamos unha iniciativa no Congreso rexeitando a OPA.

Estivemos presentes en encontros sindicais, roldas de prensa e actos de denuncia para facer visible a nosa postura e reclamar medidas en defensa das traballadoras e traballadores.

A fusión ou absorción só traería consecuencias negativas para as traballadoras e traballadores do BBVA e Sabadell (despedimentos, aínda maior incremento de presións e carga de traballo, modificacións das nosas condicións laborais: mobilidades, xornadas…) e a CIG contribuíu a esa fronte en contra da OPA desde o primeiro momento.

Seguiremos, como sempre, defendendo os nosos dereitos laborais, a transparencia e a estabilidade no emprego, así como o mantemento dun servizo financeiro próximo e de calidade.

É hora de que as persoas que provocaron que os cadros de persoal estivesen saturados, presionados até límites insospeitables, cunhas esixencias de obxectivos salvaxes durante todo este proceso, asuman a súa responsabilidade e deixen de xogar co futuro e as vidas dos e das excelentes profesionais que teñen baixo o seu mando. Queremos traballar e queremos traballar sen enfermar polas condicións dos nosos traballos.

Porque o noso compromiso é coas persoas e co país.

➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!

Súmate a CIG! Afíliate!
Folleto http://i.gal/Afiliate ^{[.pdf • 182 kB]}
Folla http://i.gal/AfiliateCIG ^{[.pdf • 1'09 MB]}

Comunicado 251020 [.pdf · 35 kB]

Horario reducido Semana Grande A Coruña e Vigo

2025-09-10T15:00:00.001+02:00

A finais de xullo, o Banco enviou correos con instrucións ás DCBC da cidade da Coruña e de Vigo relativas ao horario reducido do persoal na Semana Grande das Festas Maiores da cidade.

Neses correos, a empresa indicaba que a Semana Grande nestas localidades pasaría a ser de 4 días de xornada reducida, dende o martes 5 até o venres 8. Basean a súa decisión nun criterio de AEB que interpreta o art. 26.6 do actual presente Convenio Colectivo.

A Semana Grande tanto na cidade da Coruña, como na de Vigo, vén disfrutándose na primeira semana completa despois do primeiro domingo de agosto, dende sempre.

Dende a Sección Sindical de CIG, ante esta decisión unilateral da empresa, contactamos telefonicamente co responsable de relacións laborais da AEB para preguntar por este criterio indicado polo BBVA, e a resposta foi que non existe ningún criterio máis alá do artigo do Convenio Colectivo. Tampouco existe ningunha acta da Comisión Paritaria.

Por tanto, dende esta Sección Sindical enviamos un escrito a RR.LL do BBVA manifestando o noso rexeitamento ante esta decisión que entendemos unilateral, inxustificada e inxustificábel. Tamén en conversa telefónica, manifestámoslles que de non mudar as instrucións, tomariamos as accións legais ao noso alcance para recuperar un dereito disfrutado pola totalidade do cadro de persoal destas dúas cidades dende hai moitas máis décadas que antigüidade temos a maioría das persoas traballadoras nas mesmas.

O BBVA pretende ampararse nun criterio inexistente, xa que a AEB en ningún caso vai dirimir en cada praza na que exista entidade bancaria, nin cando se celebra a semana grande, nin durante cantos días corresponde realizar xornada reducida.

Queremos lembrarvos que xa en 2020 a empresa tentou quitarnos as xornadas reducidas de Nadal e, a consecuencia dun conflito colectivo da CIG, que se gañou tanto no TSXG como no Tribunal Supremo, conseguimos recuperar o que era uso e costume, sendo agora un dereito incuestionábel. Tanto é así, que a propia empresa propuxo a extensión do dereito ao resto do persoal dentro do Plan de Igualdade.

A finais de agosto, dende a CIG xa interpuxemos conflitos colectivos na Coruña e en Vigo para que se clarifique esta decisión arbitraria, abusiva e totalmente inxustificada, e nos devolvan os nosos dereitos.

➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!

Súmate a CIG! Afíliate!
Folleto http://i.gal/Afiliate ^{[.pdf • 182 kB]}
Folla http://i.gal/AfiliateCIG ^{[.pdf • 1'09 MB]}

Comunicado 250910 [.pdf • 128 kB]

28 de xuño, Fronte a unha Lei e uns acordos que só lavan a cara dás empresas: MOBILÍZATE!

2025-06-26T15:00:00.248+02:00

Ante a conmemoración do 28 de xuño, Día do Orgullo LGBTI+, denunciamos a falta de medidas efectivas para avanzar na igualdade, a Lei 4/2023 quedou reducida a simples cláusulas declarativas e á negociación dun protocolo de acoso. O que a súa vez se traduciu en acordos baleiros de contidos a nivel sectorial asinados coa AEB.

A lei non contemplaba a obriga de realizar diagnósticos, enquisas de clima laboral ou outras ferramentas que permitisen identificar as problemáticas reais ás que se enfronta o persoal LGBTI+ en cada centro de traballo. Tampouco se avaliaba a capacidade real da organización para acoller con garantías a persoas deste colectivo. As nosas propostas nesa vía, foron rexeitadas pola AEB que acadou un acordo que é un lavado de cara sen garantir a igualdade.

A loita continúa e chamamos a participar nas mobilizacións convocadas para o vindeiro sábado por diversos colectivos en Galiza (AVANTE LGBT+, Alas, Nós Mesmas, Arelas, Orgulho Ourense…):

Horas e lugares das mobilizacións

A Coruña: sábado 28, na praza de Ourense, ás 19:30 h.
Ferrol: sábado 28, na praza de Amada García, ás 12 h.
Compostela: sábado 28, na praza 8 de marzo, ás 20 h.
Lugo: sábado 28, na praza Horta do Seminario, ás 12 h.
Ourense: venres 27, na praza Bispo Cesáreo, ás 20 h.
Pontevedra: sábado 28, no parque das Palmeiras,ás 20 h.
Vigo: sábado 28, na Dobrada, ás 20 h.

➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!

Súmate a CIG! Afíliate!
Folleto http://i.gal/Afiliate ^{[.pdf • 182 kB]}
Folla http://i.gal/AfiliateCIG ^{[.pdf • 1'09 MB]}

Comunicado 250626 [.pdf • 85 kB]

Non á OPA do BBVA

2025-06-18T15:00:00.076+02:00

Concentracións da CIG contra a OPA BBVA–Sabadell e pola defensa dos nosos postos de traballo

O vindeiro 26 de xuño remata o prazo para que o Goberno tome unha decisión sobre a OPA hostil do BBVA ao Banco Sabadell.

As seccións sindicais da CIG no Banco Sabadell e no BBVA, mobilizámonos na Coruña, diante da Delegación do Goberno na Galiza para esixirlle que se opoña rotundamente a esta operación que só beneficiaría aos grandes fondos de investimento especulativos estranxeiros. Tamén estivemos diante da DT Noroeste do BBVA e da OP do Banco Sabadell.

De saír adiante a OPA, a posterior fusión terá consecuencias laborais nas dúas entidades moi graves, sabendo que as fusións son demolicións das entidades absorbidas. Non só pola enorme destrución de emprego que suporá, senón porque as condicións de traballo do persoal que quede empeorarán (máis mobilidades xeográficas, cambios de xornadas, maior presión comercial… etc.)

Ao mesmo tempo demandamos do Goberno que, se autoriza calquera fusión, habilite procedementos extraordinarios que faciliten prexubilacións, sabendo que os EREs poden ser duros e que se centran en persoas de 40 a 50 anos que, con carácter xeral, teñen difícil recolocación no mercado laboral.

En Galiza, o sistema financeiro xa presenta un alto grao de concentración bancaria, con máis do 90 % en mans de 5 entidades, e coa fusión continuará o peche de oficinas no rural e nos barrios das grandes cidades, onde reside unha poboación moi envellecida que esixe atención presencial.

Se o Goberno non se opón a esta OPA hostil, endurecendo as esixencias para levala a cabo, a CIG continuaremos manifestando o noso rexeite público na rúa e loitaremos por manter os nosos postos de traballo no noso país e as nosas condicións laborais.

➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!

Súmate a CIG! Afíliate!
Folleto http://i.gal/Afiliate ^{[.pdf • 182 kB]}
Folla http://i.gal/AfiliateCIG ^{[.pdf • 1'09 MB]}

Comunicado 250618 [.pdf · 699 kB]

OPA hostil BBVA-Banco SABADELL

2025-05-16T15:00:00.004+02:00

Hoxe remata o prazo establecido polo Goberno español da consulta pública sobre a OPA.

De esquerda a dereita: Sefi Romero, Néstor Rego, Miguel Lis e Xosé M. Fernández

A federación de Banca da CIG, mantivo onte, 15 de maio, unha xuntanza co deputado do BNG no Congreso, Néstor Rego, na que participaron os secretarios das seccións sindicais da CIG nas dúas entidades, ademais da secretaria da federación, para trasladarlle a nosa firme posición contraria a esta operación e os nosos argumentos para rexeitala. O deputado comprometeuse a presentar unha iniciativa no Congreso para abordar o impacto desta operación, despois da reunión coa CIG.

Se se permite a OPA, suporá unha nova destrución de emprego no sector financeiro, que xa sufriu unha dura reconversión, sabendo que as fusións rematan sendo unha demolición das entidades absorbidas, destruíndose a curto prazo emprego equivalente ao persoal destas.

Neste sentido, a CIG—Banca levamos anos advertindo sobre que a lexislación penaliza as saídas brandas (prexubilacións), polo que, de autorizar calquera fusión, sería necesario que o Goberno habilitase procedementos extraordinarios para facilitar prexubilacións. Doutra forma os EREs poden ser duros, centrándose no despedimento de persoas de 40 a 50 anos que, con carácter xeral teñen cargas familiares e difícil recolocación no mercado laboral.

Considerando que o sector financeiro é estratéxico para a economía e que no Estado ten características de oligopolio, a aprobación de calquera fusión, incluída a OPA, profundaría nesa liña. Hai que subliñar que a suba de intereses do BCE non repercutiu na clientela (subiron os intereses dos préstamos, pero non a retribución ao aforro) e que a política de préstamos é a mesma, obrigando á contratación de produtos que a clientela non demanda, encarecendo o financiamento a empresas e particulares.

Ademais, as entidades comparten accionistas maioritarios, fondos de investimento de EE.UU, nun escenario de incerteza nas relacións entre a UE e EE.UU. Calquera fusión só beneficiaría a eses accionistas, sen que a CNMV, que só pide medidas temporais durante 3 anos, valorase como afecta á competencia que a gran banca española comparta accionistas maioritarios (BlackRock, Vanguard…). A maiores, a fusión permitiría ao BBVA desgravar inxustamente pagos dos impostos sobre futuros beneficios.

En Galiza, onde o sistema financeiro presenta un alto grao de concentración bancaria, coa OPA quedaría unha cota superior ao 90 % en 5 entidades. E preocúpanos especialmente que a fusión reduza a rede de oficinas no rural e barrios das grandes cidades, onde reside unha poboación moi envellecida que demanda atención presencial.

Finalmente, se o Goberno autoriza esta OPA hostil, a CIG estaremos manifestando o noso rexeite público na rúa, e loitaremos para manter os postos de traballo no noso país, coma xa temos feito en procesos anteriores.

➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!

Súmate a CIG! Afíliate!
Folleto http://i.gal/Afiliate ^{[.pdf • 182 kB]}
Folla http://i.gal/AfiliateCIG ^{[.pdf • 1'09 MB]}

Comunicado 250516 [.pdf · 171 kB]

Incorporación ao convenio das medidas planificadas para acadar a Igualdade Real e efectiva das persoas LGTBI

2025-05-02T08:00:00.075+02:00

O pasado día 24 de abril, parte da representación legal das persoas traballadoras, concretamente CC.OO, UGT, FIB e FINE, con presenza na mesa de convenio, asinou un acordo para incluír un novo capítulo no convenio (capítulo décimo sexto) que recolle medidas planificadas para acadar a igualdade real e efectiva das persoas LGBTI. Acordo que a CIG NON ASINOU.

Desde a CIG participamos activamente na negociación, iniciada o 8 de xaneiro, aportando unha proposta con medidas que melloraban e ampliaban as recollidas no Real Decreto que establece a obrigatoriedade de negocialas (RD. 1026/2024 de 8 de outubro).

As que recolle acordo asinado, limítanse ao contido de mínimos que establece o Real Decreto, deixando no ámbito da negociación das empresas as posibles medidas que vaian máis alá deste.

Non recollen ningunha das nosas propostas específicas.

No que respecta ao protocolo de actuación fronte ao acoso, en relación coa composición da comisión instrutora, nós demandamos que fose paritaria para dar maiores garantías as persoas afectadas. A patronal non admite a participación da Representación Legal das Persoas Traballadoras na mesma e no acordo queda recollido que a comisión instrutora estará constituída unicamente por persoas representantes da empresa.

Desde a CIG manifestamos na mesa de negociación que non ten sentido asinar un documento coas medidas que xa están recollidas na norma; máxime cando sabemos que no caso de non haber acordo, existe a obriga de aplicar esas medidas.

A CIG asinaría un acordo que mellorase e profundase no que establece o Real Decreto.

Agardaremos a negociación do próximo convenio para seguir aportando e defendendo propostas que melloren o Plan de Igualdade do Colectivo LGBTI para o conxunto das empresas do sector.

➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!

Súmate a CIG! Afíliate!
Folleto http://i.gal/Afiliate ^{[.pdf • 182 kB]}
Folla http://i.gal/AfiliateCIG ^{[.pdf • 1'09 MB]}

Comunicado 250428 [.pdf • 146 kB]

1º Maio: Traballo, dereitos, soberanía. Galiza contra as guerras

2025-04-29T10:00:00.003+02:00

Este Primeiro de Maio as traballadoras e traballadores galegos temos que tomar as rúas nunha xornada de denuncia e de loita contra as guerras imperialistas e a militarización da sociedade; contra a UE do capital e da extrema dereita e pola defensa dos servizos públicos, os dereitos laborais e un proxecto soberano para Galiza.

Vivimos nun momento de profunda crise global, marcada pola ofensiva do capitalismo neoliberal que pretende reforzar as súas estruturas de dominación de clase e opresión colonial sobre os pobos e nacións.

A Unión Europea amosa a súa submisión aos intereses dos EE.UU, mentres a extrema dereita medra no seu seo, consolidando un proxecto reaccionario que prioriza os gastos militares sobre os dereitos sociais.

O Estado español acepta plans de axuste que recortan o gasto público e camiñan cara a privatización dos servizos básicos en materias como a sanidade, a educación ou a vivenda. Políticas que precarizan as condicións de vida da clase traballadora con reformas que teñen como obxectivo rebaixar salarios e flexibilizar os dereitos das traballadoras e traballadores.

Mentres avanza a desertización industrial e social en comarcas enteiras, abandonadas polas administracións, o Partido Popular mantén a súa carreira desenfreada pola depredación dos nosos recursos naturais e minerais. O espolio dos nosos recursos ao servizo do desenvolvemento doutros territorios, aprofundando os impactos sociais e medioambientais negativos.

E todo isto ocorre avalado por un diálogo social fraudulento, usado como cortina de fume para impor todas estas medidas e todo unha paquete de reformas laborais e da seguridade social que legalizan a precariedade, os baixos salarios, a pobreza laboral, aumentan as desigualdades e o desmantelando do sistema público de pensións.

Por todo iso, neste 1º Maio, son urxentes unhas novas relacións internacionais sen subordinacións, sen explotación nin dependencias, fundamentadas no dereito de autodeterminación, no respecto á soberanía económica e política dos pobos e nacións para a construción dun mundo necesitado de xustiza, solidariedade, cooperación, igualdade e paz.

Saiamos ás rúas a clamar por «Traballo, dereitos, soberanía. Galiza contra as guerras».

Manifestacións ás 12 h. *agás en Ourense e Vilagarcía (11:30 h) e Cangas (18 h).

A Coruña: dende a praza de Vigo
Carballo: dende a praza do Concello
Cee: dende a praza Otero Lastres
Ferrol: dende o local da CIG
As Pontes: dende a praza América
Compostela: dende a praza Roxa
Ribeira: dende o Mercado
Lugo: dende o local da CIG
Cervo: dende Sargadelos
Ourense: dende o local da CIG *
Verín: dende a praza do Concello
Pontevedra: dende a praza da Ferrería
Cangas: dende a praza do Concello *
A Estrada: dende a praza do Mercado
A Guarda: dende a praza Avelino Rivero
Vigo: dende o cruce da Dobrada
Vilagarcía: dende a casa do Mar *

Neste Primeiro de Maio mobílizate coa CIG

Ligazón relacionada:

Vídeo: YouTube [.mp4] 46'8 Mb

➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!

Súmate a CIG! Afíliate!
Folleto https://i.gal/Afiliate ^{[.pdf • 182 kB]}
Folla https://i.gal/AfiliateCIG ^{[.pdf • 1'09 MB]}

Panfletos 1 de maio [.pdf • 1 MB]

Intervención da CIG Xunta xeral de accionistas 2025

2025-03-24T15:00:00.004+01:00

Velaquí tedes o contido da nosa intervención na pasada Xunta xeral de accionistas do BBVA · 2025…

Moi bo día señoras e señores accionistas. Membros do Consello de Administración, Sr. Presidente, Sr. Conselleiro delegado, buenos días, egun on.

Son Carmen García portavoz da Confederación Intersindical Galega (CIG), o sindicato maioritario e máis representativo de Galiza.

Veño contarlles que 2024 foi un ano moi complicado, por moitos motivos. E algúns teñen moito que ver coa súa xestión. Porque mentres non se aclara o futuro da súa OPA hostil, o presente do seu persoal vese comprometido pola falta de solución aos seus problemas cotiáns.

Quero contarlles a situación de homes e mulleres que cada día viaxan polas estradas da miña terra, que non son fáciles, co fin de poder abrir a porta da súa oficina e prestar un servizo a clientela e a sociedade. Persoal a quen non só non se sobe o soldo por iso, senón que se lle termina a axuda de mobilidade e chegan facer 1.500 km. ao mes, cubrindo un destino complicado polos seus propios medios. Sen que ninguén lles dea unha solución nin se preocupe da súa pegada de carbono.

Fálolles de homes e mulleres con familia, con fillos e fillas pequenos aos que se lles ten na estrada durante anos e anos. De todas esas compañeiras e compañeiros que non poden enfermar. Nin eles e elas, nin as súas familias, porque sosteñen oficinas dunha ou dúas persoas, nun modelo territorial de infradotación extrema que alguén decidiu no pasado, e que elas e eles soportan desde entón.

Con ausencia dun equipo volante ou de asociados, suficiente para cubrir estas e outras situacións, con nivel de convenio, poderes ou perfil suficiente para poder afrontar o seu traballo.

Este, o seu Modelo, que deixou unha ringleira de baixas de longa duración con diversas CBC en situación crítica, aínda que a GALLUP dalgunha diga o contrario, a base de ir pedindo puntuacións ou ausencia de respostas, para que as medias oculten a verdade.

Un modelo onde SS.MM autoriza unha cadeira por ter problemas de costas, e pasa un ano e a cadeira non aparece. Ou onde o persoal especialmente sensible dependa de que o xestor, o seu DZ, considere necesario autorizar as medidas de adaptación propostas.

Sr. Presidente, ten ao seu persoal de máis idade, con máis antigüidade que vostede no banco, rogando para que retomen un plan serio de prexubilacións, do mesmo xeito que vemos noutras entidades. Mentres que aquí, vostedes descártanas por caras.

E pola contra, está a xente que entra. A que queda, claro, porque marchan demasiadas persoas antes sequera de chegar a un centro de traballo, ás veces na outra punta do Estado. Sen idea do noso idioma, e onde reclamamos que se corrixa o agravio comparativo de cobrar ±5.000 € en función do mes en que che contrataran.

Ou o persoal asignado a Zona Contigo, onde o que impera é a presión comercial e de tempos. Onde se obriga/recomenda coller vacacións en Semana Grande ou agosto, primando o interese da empresa sobre as necesidades do seu persoal, que demanda un período estival como o do resto de unidades. Como ocorre tamén co persoal de Consumer Finance.

Un modelo onde o «ranking» (iso que vostede di que non existe pero que lle achego en acta ao señor notario) é o que manda. Igualando realidades diversas cando nin os recursos, nin a clientela son semellantes. Esquecendo que somos persoas e asimilándonos a calquera outro recurso produtivo. Forzando tal presión comercial sobre a Rede, que agora máis parecemos unha empresa aseguradora que ofrece servizos financeiros.

E onde, se tes a valentía de denunciar os malos tratos do teu xefe, atópaste cun protocolo de acoso inútil e baleiro de contido. E a resposta é que te adaptes ao estilo de liderado, culpabilizando a vítima e amparando unhas formas do século pasado.

Porque todo isto que lles veño contar, non está pago na súa xusta medida, nin tampouco habería diñeiro que o pagase. Empeñados en compensar e absorber os nosos salarios coma se non tivesen outra opción. Porque non ven o traballo diario dun patio de oficina. Onde a atención presencial debería ser un plus en moitos sentidos e non algo que xa é a excepción.

Non quero deixar atrás seguir reclamando unha información que nos permita chegar á verdade no que se refire á brecha salarial de xénero. Nin a reivindicación dunha maior presenza de mulleres en todos os niveis de responsabilidade. Ou que os dereitos en medidas de conciliación se poidan exercer sen medo a comprometer a túa carreira.

E tampouco quero despedirme sen solicitar que se cumpra a Lei sobre o Radon e se comece a medir nos territorios endémicos, como é Galiza, tal e como se está a facer noutras entidades e empresas, sen ningún tipo de escusas, nin máis demoras.

➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!

Súmate a CIG! Afíliate!
Folleto https://i.gal/Afiliate ^{[.pdf • 182 kB]}
Folla https://i.gal/AfiliateCIG ^{[.pdf • 1'09 MB]}

Comunicado 250324 [.pdf • 161 kB]

10M: Traballo, Igualdade e Salarios Dignos nunha Galiza con Dereitos

2025-03-08T13:00:00.031+01:00

O 10 de Marzo é o Día da Clase Obreira Galega, que a CIG chama a conmemorar en todas as comarcas para reivindicar, con 12 medidas, traballo, igualdade e salarios dignos nunha Galiza con dereitos.

Ofrenda floral ás 12 h. en Ferrol no monumento 10 de marzal.

Manifestacións ás 20 h. *agás en Vigo (19 h) e Compostela (19:30 h).

A Coruña: dende a praza de Vigo.
Ferrol: dende o local da CIG
Compostela: dende a praza Roxa.*
Lugo: dende o local da CIG
Ourense: dende o local da CIG.
Pontevedra: dende a praza da Peregrina.
Vigo: dende o cruce da Dobrada.*
Vilagarcía: dende a casa do Mar.

Os dereitos conquístanse

Reclamamos as loitas protagonizadas pola clase traballadora galega en 1972 durante as que foron asasinados en Ferrol, pola policía franquista, os traballadores da antiga Bazán, Amador Rei e Daniel Niebla. Loitas que comezaron en Ferrol no mes de marzo e que, meses despois, se estenderon a Vigo por mellores condicións de traballo e por defender a negociación colectiva en Galiza.

Todos os indicadores públicos sobre a realidade laboral e social reflicten un empeoramento dos empregos e da perda de poder adquisitivo dos salarios. Cada día é máis a precariedade a e pobreza laboral, a desigualdade, a fenda de xénero e a desprotección social.

Ter traballo non implica acceder a dereitos básicos como a alimentación e a vivenda, nomeadamente entre a xente nova e as mulleres.

Un Goberno que busca reforzar a dependencia económica e política galega ao sistema centralista español, mentres agonizan máis sectores produtivos e a desertización social e industrial é maior, así como a emigración e o avellentamento da poboación.

Nesta realidade cuestiónase o noso dereito a negociar e decidir en Galiza os nosos convenios colectivos para termos mellores condicións de traballo e salarios dignos.

Recoñecer este dereito é poder democratizar a negociación colectiva ante a permanente centralización en convenios estatais negociados por cúpulas sindicais sen a participación das persoas traballadoras.

Está na nosa man e na nosa capacidade de organización sindical e de loita frearmos este retroceso e precariedade que representa a fórmula perversa de neoliberalismo-diálogo social-estatalización.

Debemos confrontar esta situación ante os gobernos e ante a patronal desde o convencemento de que as políticas favorábeis para a clase traballadora e para o pobo galego non son concesión bondadosa dos gobernos nin nacen do diálogo social. Os dereitos conquístanse loitando.

Son tempos de loita

Este 10 de Marzo mobilízate coa CIG

Ligazón relacionada:

Vídeo: YouTube [.mp4] 28'4 Mb

➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!

Súmate a CIG! Afíliate!
Folleto https://i.gal/Afiliate ^{[.pdf • 182 kB]}
Folla https://i.gal/AfiliateCIG ^{[.pdf • 1'09 MB]}

Boletín Sindical 83 | 2025 [.pdf • 1,4 MB]

8M: Traballo, Igualdade e Salarios Dignos nunha Galiza con Dereitos

2025-03-06T09:30:00.004+01:00

Nos últimos anos, paralelamente á socialización das reivindicacións do movemento feminista, a maquinaria do capitalismo vense apropiando da loita das mulleres, ideando un novo relato que exalta unha figura de «supermuller» totalmente desvinculada da revindicación feminista de clase. Unha realidade que comenza no momento en que se elimina a palabra «traballadora» do nome do día.

O 8M non pode seguir desvinculado da compoñente obreira que lle deu orixe nin das reivindicacións e denuncias polas que foi creado. Na actualidade as mulleres seguen a exixir TRABALLO, IGUALDADE E SALARIOS DIGNOS que lles permitan vivir dignamente. Porque a pesar da evolución en materia de dereitos formais conseguios durante os últimos séculos, o certo é que a lexislación en igualdade non serviu para reducir e eliminar a fenda salarial, nin garantir unha valoración xusta dos traballos feminizados, nin unhas retribucións iguais para traballos de igual valor.

A fenda salarial situouse no 18,4 % en 2023, o que implica que, de media, unha muller ingresou 4.687 € brutos anuais menos que un home. Incrementar o SMI, segundo recomenda a Carta Social Europea, até o 60 % do salario medio —13.20,04 € mensuais, 18.480,56 € ao ano— é imprescindíbel para reducir a fenda, xa que as persoas traballadoras de menores ingresos son maioritariamente mulleres.

Son varios os factores que causan a fenda salarial de xénero, entre estes: máis parcialidade e temporalidade na contratación, maior uso dos dereitos de conciliación, maior presenza nas actividades e categorías profesionais peor remuneradas. Se as mulleres traballasen a tempo completo e durante todo o ano, a diferenza de salario entre mulleres e homes situaríase no 7,7 % segundo dados da Axencia Tributaria. Por tanto, o que eleva a fenda salaril é o 18,4 % (10,7 puntos máis) é a temporalidade e a parcialidade, formas de contratación precaria que non fixeron máis que aumentar no colectivo feminino despois das últimas reformas laborais.

Todas as desigualdades que sufrimos as mulleres ao longo da nosa vida laboral derivan en que a fenda nas pensións ascenda até o 33,6 %, cobrando de media 421,88 euros menos que os homes. Unha situación que non vai mellorar se non se derroga a perversa reforma das pensións, que ten como obxectivo non só dificultar, aínda máis, o acceso á pensión, senón tamén reducir as súas contías.

Por outra banda, as modifcacións legais dos permisos de corresponsabilidade conseguiron afianzar o uso de permisos retribuídos por parte dos homes e recoñecer o dereito das persoas proxenitoras con independencia do seu xénero, mais supuxeron unha conxelación nos dereitos das mulleres. Sumando ao anterior, a demora na transposición de directivas europeas, unha incorrecta interpretación ou mesmo a negativa a aplicalas &mash;caso do permiso parental de 8 semanas sen retribuír&mash; impide o dereito de conciliar traballo con responsabilidades familiares, obrigando as mulleres traballadoras a facer uso de permisos sen soldo, reducións de xornada e mesmo excedencias, sufrindo os conseguintes prexuízos económicos e laborais.

O cada vez maior empobrecemento das mulleres traballadoras é o caldo de cultivo para o acoso laboral, unha situación de violencia no traballo que a pesar da obriga legal de prevelo, actuar e sancionalo, pola contra segue a medrar, co impacto que este ten na saúde das traballadoras que o padecen, alén da vulneración de dereitos que supón.

Hai catro grandes partidas que consumen o importe dos salarios: a alimentación, a conciliación, a educación e a vivenda. O incremento do coste da vida é moito maior que a suba salarial, polo que nestes tempos ser muller asalariada non é garantía para sair da pobreza.

Por iso desde a CIG instamos os gobernos da Xunta de Galiza e do Estado español a adoptar as seguintes MEDIDAS:

Reducir a temporalidade e a parcialidade na contratación para rematar coa desigualdade de xénero, especialmente entre a mocidade.
Garantir que as auditorías retributivas e os plans de igualdade identifiquen as causas das fendas salariais e as discriminacións laborais e implantar sistemas de control que recollan accións reais e efectivas para reducilas e eliminalas.
Reforzar o papel fiscalizador da Inspección de Traballo na aplicación destas normas. Así mesmo, activar un especial control da Administración Pública no cumprimento normativo dos convenios colectivos co obxectivo de incorporar medidas que camiñen na eliminación das desigualdades e discriminacións.
Unha clasificación profesional adecuada ao valor real do labor desempeñado polas persoas (na inmensa maioría mulleres) que realizan tanto traballos de limpeza como traballos de coidados, cunhas retribucións maiores ás percibidas actualmente neste tipo de servizos, garantindo estes dereitos a través da negociación colectiva de ámbito galego.
Ampliar a duración dos permisos relacionados coa lactación natural e o nacemento biolóxico, optar por fórmulas retribuídas no caso do permiso as 8 semanas, fortalecer o dereito á adaptación do horario de traballo sen redución, así como equiparar os dereitos das familias monomarentais/monoparentais que poidan beneficiarse dos permisos como cando existen dúas persoas proxenitoras.
Garantir a existencia de servizos de xestión pública suficientes e acordes coas necesidades da poboación para que as persoas traballadoras poidan compatibilizar traballo remunerado e coidados.
Sancións exemplarizantes ante os casos de discriminación, acoso e outras situacións de violencia laboral. A mellor prevención é a tolerancia cero.
Que a contía mínima das pensións sexa igual ao Salario Mínimo Interprofesional (SMI) e se revaloricen conforme o IPC acumulado a final de ano.

A mobilización é o único camiño para conseguir TRABALLO, IGUALDADE E SALARIOS DIGNOS. Os nosos dereitos non foron concesións, foron conquistas sociais logradas tras intensificar os conflitos. Por iso chamamos as desempregadas, estudantes, asalariadas, xubiladas, a que acudan ás concentracións e manifestacións convocadas pola CIG na mañá do 8 de marzo, e pola tarde nas mobilizacións do feminismo galego.

Lugares e horarios das mobilizacións do 8 de marzo convocadas pola CIG ás 12 h.

A Coruña: no Obelisco.
Carballo: na praza do Concello.
Cee: na praza 8 de marzo.
Ferrol: no local da CIG
As Pontes: na entrada do Mercado Municipal.
Compostela: na praza Roxa.
Lugo: na praza Maior
Burela: na praza do Concello.
Ourense: no local da CIG.
Pontevedra: na Peregrina.
Cangas: na praza do Concello.
A Guarda: na praza As de Copas.
Vigo: no cruce da Dobrada.

➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!

Súmate a CIG! Afíliate!
Folleto http://i.gal/Afiliate ^{[.pdf • 182 kB]}
Folla http://i.gal/AfiliateCIG ^{[.pdf • 1'09 MB]}

Folleto 8M Día Internacional da Muller Traballadora [.pdf • 79 MB]

Seguimos perdendo salarios

2025-01-28T10:00:00.003+01:00

Grazas á túa mobilización recuperamos algo de salario, pero seguimos perdendo un 9,40 % vía convenio.
No período 2010—2023 o IPC subiu un 27 % e os salarios por Convenio un 16,25 %.

O certo é que no ano 2024, despois dunha folga de sector convocada pola CIG en Galiza (que non foi secundada polos sindicatos estatais) e dunha folga posterior en todo o Estado (que si foi apoiada pola CIG), ambas con amplo seguimento no noso territorio, os salarios subiron por convenio un 4,25 % e o IPC pechou nun 2,8 %, polo que a recuperación salarial para ese ano foi cativa, dun 1,45 %.

Neste punto a perda total non recuperada é do 9,4 %. O último informe da AEAT sobre salarios amosa unha discriminación entre Madrid e a Galiza, froito do proceso de centralización/concentración do sector financeiro.


	Salario medio	Salario homes	Salario mulleres
Madrid	`63.895`	`78.312`	`50.274`
Galiza	`38.388`	`44.212`	`33.615`
Diferenza	-25.507	-34.100	-16.659

Estes datos confirman a posición que mantivo a CIG durante a negociación do vixente convenio, onde insistimos en que a fenda salarial de xénero no sector segue a ser moi elevada, en boa parte debido a que os postos de máis responsabilidade, nas distintas estruturas, seguen a estar ocupados maioritariamente por homes. E as subas pactadas en convenio, a través da Contía Anual Mínima Garantida, van incrementar esa fenda, como xa denunciamos durante a negociación.

A realidade pon de manifesto que, máis que nunca, debemos continuar defendendo o noso dereito a negociar aquí. Os distintos convenios sectoriais asinados pola CIG en Galiza recollen subas salariais por riba da media estatal. Debemos seguir pulando pola negociación dun convenio de ámbito galego.

O persoal, secundando as mobilizacións iniciadas pola CIG no sector, demos a batalla e cambiamos por primeira vez o discorrer da negociación, malia que outros, coma sempre, claudicaron á primeira de cambio, renunciando a recuperar máis salarios e avanzar en dereitos.

➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!

Súmate a CIG! Afíliate!
Folleto http://i.gal/Afiliate ^{[.pdf • 182 kB]}
Folla http://i.gal/AfiliateCIG ^{[.pdf • 1'09 MB]}

Comunicado 250128 [.pdf • 145 kB]

Calendario laboral 2025

2025-01-01T08:00:00.067+01:00

Consonte ao decreto 171/2024 da Xunta de Galicia, foi publicado no Diario Oficial de Galicia (DOG nº 143 e 220) o calendario laboral para o ano 2025 na Comunidade Autónoma de Galiza. As festas laborais locais e nacionais serán as seguintes:

1 de xaneiro: Aninovo.
6 de xaneiro: Reis.
17 de abril: Xoves Santo.
18 de abril: Venres Santo.
1 de maio: Día do Traballo.
17 de maio: Día das Letras Galegas.
25 de xullo: Día Nacional de Galiza.
15 de agosto: Asunción.
1 de novembro: Todos os santos.
6 de decembro: Constitución Española.
8 de decembro: Inmaculada.
25 de decembro: Nadal.

As festas mencionadas terán carácter obrigatorio e non recuperábel.

➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!

Súmate a CIG! Afíliate!
Folleto https://i.gal/Afiliate ^{[.pdf • 182 kB]}
Folla https://i.gal/AfiliateCIG ^{[.pdf • 1'09 MB]}

Ligazóns relacionadas:: Portal de Traballo
Seguridade Social

Desexos aninovo 2025

2024-12-24T12:00:00.004+01:00

Como cada ano, enviámosvos os nosos mellores desexos e o noso inquebrantable compromiso na loita por conseguir:

Salarios xustos
Igualdade real e efectiva
Clima laboral saudable
Redución da carga de traballo
Establecemento de obxectivos posibles
Fin dos excesos de xornada
Máis dereitos de conciliación
Remate da presión comercial

Nese camiño atoparédesnos!

Desexámosvos un Bo 2025!

➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!

Súmate a CIG! Afíliate!
Folleto http://i.gal/Afiliate ^{[.pdf • 182 kB]}
Folla http://i.gal/AfiliateCIG ^{[.pdf • 1'09 MB]}

Comunicado 241224 [.pdf • 1'1 MB]