O primeiro deles será o filme da década dos 2000 elexido polos socios dentro das proxeccións históricas do cineclube e os outros tres formarán parte dun ciclo de cine galego.

As proxeccións viran repartidas entre mércores e venres.

Este mércores 6 será a quenda da película danesa do 2002 “Te quiero para siempre” (Elsker dig for evigt) de Susanne Bier, un dos mellores filmes desta excelente directora e unha das obras máis representativas do movemento Dogma, coa que déronse a coñecer internacionalmente o carismático e prolífico actor Mads Mikkelsen e a propia Susanne Bier.O filme aborda a complexidade das relacións humanas, onde teñen cabida o amor, o dolor, a lealtade e un sinfín de emocións e decisións que non teñen resposta nin solución sinxela. Sen dúbida, trátase dun filme intenso onde os seus protagonistas viven e actúan a corazón aberto, como ben indica o seu título en inglés (Open hearts). O pase será de balde para os socios/as, un prezo reducido de 2,5€ para estudiantes e desempregados e 4e para o resto do público.

O venres 15 proxectaremos a gran triunfadora do cine galego deste último ano, o filme de Ángeles Huerta con guión de Pepe Coira “Antes de Nós” que acadou trece premios Mestres Mateo. Esta será unha proxección en colaboración coa concellería de cultura e coa Filmoteca de Galicia, polo que o pase será de balde para todo o mundo ata completar aforo.

O seguinte alto no camiño será o mércores 20 coa mediometraxe documental “Altas luces” (2026), dirixido por Pilar Abades, Sabela Iglesias e Adriana P. Villanueva, explora a relación entre a fotografía, a mirada e o xénero, afondando na construción da representación do corpo feminino ao longo da historia. Esta será unha nova colaboración do cineclube con Festivala. O pase e coloquio posterior de balde para todo o mundo. 

E remataremos este ciclo de cinema galego o venres 29 co filme de 2024, escrito e dirixido por Alejandro Enríquez “Rapa, xente ao monte” un documental sobre a ameaza a que se enfrenta o cabalo galego de monte. O pase será de balde para os socios/as e terá un coste reducido de 2,5€ para o resto do público por tratarse dun filme en colaboración coa Filmoteca de Galicia.

Queremos que non vos perdades nada das actividades que estamos realizando con motivo do 50 aniversaro do Cineclube Ádega por iso vos iremos informando de todo o que se coce.

É moi sinxelo accede dende este enlace Canle Cineclube Ádega ou escanea o código QR.

Comezaremos o día 8 coa nova película de Jim Jarmusch, “Father Mother Sister Brother” (2025), que tras seis anos de silencio voltou pola porta grande levándose o León de Ouro no último Festival de Venecia. Con esta obra Jarmusch volve a propoñernos un novo filme por episodios, como xa fixera entre fináis dos oitenta e principios dos noventa con obras coma Mystery Train, Noite na tierra ou as coleccións de curtas Coffee and cigarettes. Neste filme tamén volve a contar con Adam Driver e recupera a Tom Waits, ademáis de actrices tan consagradas como Cate Blanchett e Charlotte Rampling. Jarmusch encargouse da dirección, guion e banda sonora.  A película está dividida en tres episodios ao redor dun mesmo feito: o reencontro dos membros dunha familia.  

A seguinte proposta chegará o mércores 15. “Ju Dou Semilla de crisantemo” (1990). Forma parte dos actos do 50º Aniversario, xa que resultou a gañadora entre as películas dos 90 que xa foran proxectadas noutras etapas do cineclube. Filme, por certo, moi ben escollido xa que trátase dunha das mellores obras do gran director chinés Zhang Yimou. Protagonizada pola que fora a súa esposa e musa Gong Li, trátase dun melodrama ambientado na China rural dos anos vinte do pasado século.

E remataremos o mes o mércores 22 co novo documental de José Luis Guerín “Historias del buen valle” (2025), gañador do Premio especial do Xurado no Festival de San Sebastián. Trátase dunha ollada hunanista sobre Valbona, un barrio do extrarradio barcelonés, que serve de ponte entre o mundo urbano e o rural, onde conviven os primeiros emigrantes cos recén chegados, facendo de Valbona unha auténtica aldea global. 

O venres 13 será a quenda do filme que representará a década dos 80 na historia do cineclube, “Lenny” dirixida por Bob Fosse e interpretada maxistralmente por Dustin Hoffman. Lenny é o filme co seu director fixo entre os espléndidos musicais Cabaret e All that Jazz, polo que trátase dun filme feito nos anos 70 pero proxectado no cinecluble na década dos 80. Estivo nomeada a 6 Oscars incluidos mellor película, director, actor e actriz principais.

Remataremos o mes o venres 27 co comezo dunha nova etapa colaborativa coa Filmoteca de Galicia. E para comezar a primavera cun sorriso proxectaremos a comedia francesa de 2024 “Tres amigas”, dirixida por Emmanuel Mouret.

Por unha banda este venres día 6 proxectaremos a película chinesa de 2024 Black dog

Trátase dun neowestern ambientado nunha cidade semiderruida e fantasmagórica pola que deambulan xaurías de cans ferais, que foron abandonados cando os que foran seus donos deixaron a súa antiga cidade industrial nos límites do Deserto do Gobi para mudarse ás cidades modernas na nova China.

E a esa cidade fantasmal, case marciana, coma saída dun Mad Max ateigado de cans, é á que retorna o protagonista tras cumprir unha longa pena de prisión nos días previos aos Xogos Olímpicos de Beijing.  Black dog foi considerada como mellor película na sección Un Certain Regard do Festival de Cannes, tamén está nomeada como mellor filme extranxeiro nos premios César e na Seminci acadou os premios de mellor director e mellor fotografía.
 

O mércores 18 será a quenda da coproducción irano-franco-luxemburguesa de 2025 “Un simple accidente”

Escrita e dirixida por Jafar Panahi, saltándose como de costume un dos seus innumerables arrestos domiciliarios. O filme é unha demoledora fábula en clave de thiller dramático sobre o Irán actual e tamén da propia vida do director. 

A cinta resultou gañadora de incontables premios; entre outros alzouse coa Palma de Ouro en Cannes, mellor director polo Círculo de Críticos de New York, mellor guión pola Asociación de Críticos de Los Ángeles e nomeada aos Oscars deste ano como mellor filme internacional e mellor guión orixinal.

Conversas sobre cine, libros, series e cultura audiovisual co Cineclube Ádega, Planeta Mozo, Sara García (@meigaris) e Fiona Lemos.

Abrimos un novo espazo de conversa cultural na Libraría Planeta Mozo (Vilagarcía de Arousa): Planeta Ádega: Órbitas de Cine e Libros, un podcast en directo para falar sen présa de cine, libros, series, adaptacións e cultura audiovisual.

A proposta nace como un diálogo aberto entre páxinas e pantallas, pensado para escoitar, opinar e compartir arredor das historias que nos acompañan.

Participan:

Un membro do Cineclube Ádega (Xavier Marqués)

Un membro de Planeta Mozo (Àlvaro)

Unha bookstagrammer (Sara @meigaris)

The one and only Fiona Lemos

Un diálogo aberto entre páxinas e pantallas, pensado para escoitar, opinar e compartir

Entrada libre ata completar aforo

A estrea na comarca de Decorado e a presenza da súa produtora Chelo Loureiro, recentemente recoñecida coa Medalla ás Belas Artes, marcarán o inicio dun ano de celebración da cultura cinematográfica. 

O evento incluirá a proxección da película que de xeito prácticamente unánime foi considerado o mellor filme de animación español do ano, e un dos mellores da tempada en calquer término, e a presentación dun ano tan especial para o cineclube.

Por outra banda, presentarase a imaxe especial do Cine Clube Ádega para este ano de conmemoración, deseñada polo artista vilagarcián Manuel Chazo.

Intervirán no acto representantes do Cineclube Ádega, a Concellería de Cultura e o alcalde do Concello de Vilagarcía, poñendo en valor o papel fundamental das asociacións culturais na construción dunha cidade viva, crítica e participativa.

Con esta cita, o Cineclube Ádega reafirma o seu compromiso coa difusión do cinema, co  público e coa defensa da cultura como espazo compartido, abrindo un ano que quere ser non só conmemorativo, senón tamén participativo e colectivo.

NOVEMBRO

O venres 14 será o filme de animación australiano do 2024, Memorias dun caracol (Memoir of a snail), escrito e dirixido por Adam Elliott, autor tamén do prestixioso filme de animación de culto Mary and Max (2009), o cal non se estreou no noso país ata o ano pasado, é dicir, 15 anos despois. Os mesmos anos que tardou en estrear esta segunda longametraxe o seu director. En “Memorias dun caracol” Adam Elliott segue fiel ao seu estilo: animación stop motion con plastilina, comedia negra, amistade entre unha nena e unha persoa anciá, angustia existencial… En definitiva, unha nova e maxistral mostra de animación para adultos, coa que estivo a piques de acadar o seu segundo Oscar.

Para o venres 21 faremos unha nova colaboración co CIM Vilagarcía no contexto do Día contra a violencia de xénero. Nesta ocasión proxectaremos o filme Soy Nevenka (2024), coescrito e dirixido por Icíar Bollaín e baseado nunha historia real novelada por Juan José Millás. A proxección será entrada de balde ata completar aforo.

DECEMBRO

O venres 12 con Anselm (2023), un documental dunha das lendas vivas do cine, o director alemán Wim Wenders, no que as liñas entre cine, pintura e escultura difumínanse grazas a exploración da vida e da obra do seu compatriota e coetáneo, o artista neoexpresionista Anselm Kiefer.

E o venres 19 despedirémolo ano cinematográfico a ritmo de hip hop irlandés coa película Kneecap, escrita e dirixida no 2024 por Rich Peppiatt, na que nos conta a historia do anárquico e indomesticado trío homónimo, que están dispostos a todo para salvar a súa lingua irlandesa.

A primeira parada será o venres día 10 e mergullarémonos no realismo máxico dunha zona rural da provincia de Trás-Os-Montes coa opera prima de Cristéle Alves Meira “Alma Viva” (2022). Un filme de  referencias berlanguiáns protagonizada de maneira excelente por Lua Michel, filla da directora, que sendo tan só unha nena de dez anos fai un papel moderador e conciliador entre os adultos que pelexan e rifan entre eles trala morte dun familiar.

O principal peso do filme recae en ela, e está contado dende a ollada desa nena, detentora dun realismo máxico primixenio e moi galego e do norte de Portugal. Así que non busquen as referencias en García Márquez, Borges ou Rulfo, se non en autores nosos anteriores, como Álvaro Cunqueiro, Wesceslao Fernández Flórez ou sobre todo no escritor precisamente trasmontano Miguel Torga. 

  A segunda parada será o venres 17, onde viaxaremos ao noroeste portugués cun filme español recén estreado: “Una quinta portuguesa” (2025), escrito e dirixido por Avelina Prat, onde un profesor de xeografía devastado pola desaparición da súa muller decide por rumbo a Portugal, e alí suplantar a identidade doutra persoa para quedar de xardiñeiro dunha quinta portuguesa e vivir unha vida que non lle pertence. 

  En definitiva dúas olladas femeninas diferentes e complementarias ao norte de Portugal co que como galegos compartimos tanto. 

   O primeiro deles será  “Sala de profesores” (Das Lehrerzimmer), filme de nacionalidade alemana coescrito e dirixido por Ilker Çatak en 2023, o cal foi nomeado aos Oscar dese ano como mellor filme extranxeiro. Ambientado nunha escola de educación secundaria, o filme segue os pasos de Carla Nowak (excelentemente interpretada por Leonie Benesch), unha mestra de matemáticas e deportes que xusto comeza o seu traballo nesa escola cando prodúcense unha serie de roubos alí, polo que terá que enfrentarse as implacables estructuras do sistema escolar. A proxección será mañán, venres 12, ás 20:30 no Salón García. 

  O segundo filme do ciclo proxectarémolo o venres 19, e será un gran clásico de Arthur Penn, “El milagro de Anna Sullivan” (The miracle worker), filme biográfico sobre a instructora de Hellen Kerer, a primeira muller sordocega en acadar unha licenciatura, e o desafío que supuxo a súa aprendizaxe na súa infancia. Anne Bancroft e Patty Duke repiten os seus papeis de Broadway e volven estar excelentes, de feito gañaron sendos Oscars ese ano pola súas interpretacións.    Penn foi un dos directores máis singulares e con máis talento da chamada “xeración da televisión”. El milagro de Anna Sullivan foi o seu segundo gran éxito tras “El zurdo”. Despois dirixiría as excelentes Bonnie and Clyde e La jauría humana, entre outras. 

  E remataremos o xoves 25  tamén ás 20:30 no Salón García coa película belga de 2023 “Amal”, escrita e dirixida por Jawad Rhalib. Trátase dun dos filmes máis valientes e con mellores críticas do 2023, e cóntanos a historia dunha mestra francesa nun instituto de Bruxelas que trata de inculcar aos seus alunos a paixón pola lectura, a tolerancia e a liberdade de expresión. Ideas que molestan a algúns alunos e compañeiros vinculados ao extremismo islámico.