Cinema News Updates

Malayalam Movie Pranayam Songs (mp3)

2011-08-16T02:54:00.000-07:00

Paatil Ee Paatil - P.Jayachandran
Mazhathulli Palunkukal - Vijay Yesudas & Sreya Ghoshal
Paatil Ee Paatil - Shreya Ghoshal

Kalamozhikalayi - Sharreth

സിദ്ദിഖ് ചിത്രത്തില്‍ മോഹന്‍ലാല്‍ നായകന്‍

2011-08-09T00:55:00.000-07:00

വിയറ്റ്‌നാം കോളനിക്ക് ശേഷം സംവിധായകന്‍ സിദ്ദിഖും മോഹന്‍ലാലും വീണ്ടും ഒന്നിക്കുന്നു. ഈ വര്‍ഷം അവസാനം ഷൂട്ടിങ് തുടങ്ങുന്ന പുതിയ ചിത്രം 2012 ലെ ലാലിന്റെ പ്രധാന റിലീസായിരിക്കും. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് ചിത്രം നിര്‍മ്മിക്കുക. 1992 ലാണ് സിദ്ദിഖ്-ലാല്‍ ടീമിന്റെ വിയറ്റ്‌നാം കോളനി എന്ന സൂപ്പര്‍ ഹിറ്റ് ചിത്രം തിയേറ്ററുകളെ ജനസമുദ്രമാക്കിയത്. ബോഡിഗാര്‍ഡിന് ശേഷം തുടങ്ങാനിരുന്ന ചിത്രം സിദ്ദിഖിന്റെ തിരക്ക് കാരണം മാറ്റിവെക്കുകയായിരുന്നു. ബോഡിഗാര്‍ഡിന്റെ തമിഴ് പതിപ്പിന് ശേഷം അത് ഹിന്ദിയില്‍ റീമേക്ക് ചെയ്യുന്ന തിരക്കിലായിരുന്നു സിദ്ദിഖ്. സല്‍മാന്‍ നായകനാകുന്ന ഹിന്ദി പതിപ്പിന്റെ ഷൂട്ടിങ് പൂര്‍ത്തിയായി. ഇതിന്റെ റിലീസിന് ശേഷമാകും ലാല്‍ ചിത്രത്തിന്റെ തിരക്കഥാ ജോലികളിലേക്ക് സിദ്ദിഖ് കടക്കുക.

Happy Independence Day Wishes To All Viewers

2011-08-08T01:50:00.000-07:00

അരക്കള്ളനും മുക്കാക്കള്ളനും ഇനി വൈകില്ല

2011-08-05T00:48:00.000-07:00

മലയാളി പ്രേക്ഷകരൊന്നടങ്കം കാത്തിരിയ്ക്കുന്ന അരക്കള്ളന്‍ മുക്കാക്കള്ളന്‍ പ്രൊജക്ടിന്റെ വാര്‍ത്തകള്‍ വന്നുതുടങ്ങിയിട്ട് കാലമേറെയായി. മലയാളത്തിലെ നമ്പര്‍ വണ്‍ തിരക്കഥാകൃത്തുക്കളായ സിബി ഉദയന്‍ ടീമിന്റെ തിരക്കഥയില്‍ താരരാജാക്കന്മാരായ മമ്മൂട്ടിയും ലാലും ഒന്നിയ്ക്കുന്ന സിനിമയെപ്പറ്റി തന്നെയാണ് പറഞ്ഞുവരുന്നത്.

ഇരട്ടതിരക്കഥാകൃത്തുകളുടെ ആദ്യസംവിധാസംരംഭമെന്നായിരുന്നു ഈ പ്രൊജക്ടിന്റെ മറ്റൊരു പ്രത്യേകത. എന്നാല്‍ മമ്മൂട്ടി ലാലിനെയും പോലെ ഒരുപക്ഷേ അവരേക്കാളേറെ സിബിയും ഉദയനും തിരക്കില്‍പ്പെട്ടതോടെ ഈ സിനിമയും നീണ്ടുപോയി.

സിനിമയുടെ കഥയെഴുതി വന്നപ്പോള്‍ ജനപ്രിയ നായകന്‍ ദിലീപും ഈ സിനിമയിലെത്തിയിരുന്നു. അരക്കള്ളനെയും മുക്കാക്കള്ളന്റെയും എര്‍ത്തായി നടക്കുന്ന കഥാപാത്രമായിട്ടാണ് ദിലീപ് അവതരിപ്പിയ്ക്കുന്ന കഥാപാത്രത്തിന്റെ രംഗപ്രവേശം.

എന്തായാലും തങ്ങളുടെ ഡ്രീം പ്രൊജക്ട് ഇനിയും വൈകിയ്‌ക്കേണ്ടെന്ന ഉറച്ച തീരുമാനത്തിലാണ് സിബി ഉദയന്‍മാര്‍. മറ്റുള്ള സംവിധായകര്‍ക്ക് തിരക്കഥയെഴുതിക്കൊടുക്കുന്നത് തത്കാലത്തേക്ക് നിര്‍ത്തി തങ്ങളുടെ അരക്കള്ളനെയും മുക്കാക്കള്ളനെയും സ്‌ക്രീനിലെത്തിയ്ക്കാന്‍ ഇവര്‍ തീരുമാനിച്ചുകഴിഞ്ഞു.

ദിലീപിനെ നായകനാക്കി ജോസ്‌തോമസ് സംവിധാനം ചെയ്യുന്ന മൈ നെയിം ഈസ് അവറാച്ചന് ശേഷം സ്വന്തം ചിത്രത്തിന്റെ ജോലികള്‍ ആരംഭിയ്ക്കാനാണ് സിബിയും ഉദയനും തീരുമാനിച്ചിരിയ്ക്കുന്നത്. മമ്മൂട്ടിയുടെ പ്ലേഹൗസ് നിര്‍മിയ്ക്കുന്ന ഈ ബിഗ് ബജറ്റ് ചിത്രം 2012 ആദ്യം തിയറ്ററുകളിലെത്തുമെന്നാണ് കരുതപ്പെടുന്നത്.

പൃഥ്വിയുടെ നായികയായി തൃഷ മലയാളത്തില്‍

2011-08-05T00:45:00.000-07:00

പുതിയ മുഖം എന്ന ചിത്രത്തിലൂടെ സംവിധായകന്റെ വരവറിയിച്ച ദീപന്‍ ഹീറോ എന്ന പുതിയചിത്രവുമായി എത്തുന്നു. പൃഥ്വിരാജ് തന്നെയാണ് രണ്ടാമത്തെ ചിത്രത്തിലും നായകന്‍.

തെന്നിന്ത്യന്‍ താരം തൃഷയാണ് പൃഥ്വിയുടെ നായികയായി എത്തുന്നത്. തൃഷ ആദ്യമായി അഭിനയിക്കുന്ന മലയാളചിത്രമാണിത്. തമിഴ് താരം ശ്രീകാന്ത് പ്രതിനായകനായ് എത്തുന്നു എന്നതും ഹീറോയുടെ പ്രത്യേകതയാണ്.

പുതിയമുഖത്തിന്റെ വിജയത്തിനുശേഷം ദീപന്‍ വലിയ ഇടവേള പിന്നിട്ടാണ് ഹീറോയുമായ് എത്തുന്നത്.
രണ്ടാമതൊരു ചിത്രം ചെയ്യുമ്പോള്‍ പുതിയമുഖത്തേക്കാള്‍ ഒരു പടി മുന്നില്‍ എന്ന ചിന്തയാണ് ദീപനെ ഉടന്‍ മറ്റൊരു ചിത്രം വേണ്ട എന്ന തീരുമാനമെടുക്കാന്‍ പ്രേരിപ്പിച്ചത്.

രഞ്ജിത്, ഷാജികൈലാസ്, എന്നിവരോടൊപ്പം പ്രവര്‍ത്തിച്ച ദീപന് മികച്ച ഒരു തുടക്കമാണ് തന്റെ ആദ്യ സിനിമ സമ്മാനിച്ചത് എന്നത് ശ്രദ്ധേയമാണ്. അതുകൊണ്ട് തന്നെ നിര്‍മ്മാതാക്കള്‍ ദീപന് പിന്നാലെ കൂടിയിരുന്നു.

എന്നാല്‍ ശ്രദ്ധാപൂര്‍വ്വം നീങ്ങാന്‍ ഉദ്ദേശിക്കുന്ന ഈ സംവിധായകന്‍ ഹീറോയിലൂടെ പുതിയ പ്രതീക്ഷകള്‍ നല്കുന്നു. സെവന്‍ആര്‍ട്‌സ് ഫിലിംസിന്റെ ബാനറില്‍ ജി.പി.വിജയകുമാറാണ് ചിത്രം നിര്‍മ്മിക്കുന്നത്.
വിനോദ് ഗുരുവായൂരാണ് രചന നിര്‍വ്വഹിച്ചിരിക്കുന്നത്.

ബാല, തലൈവാസന്‍ വിജയ്, നെടുമുടിവേണു, കോട്ടയം നസീര്‍, ഗിന്നസ് പക്രു, അരുണ്‍, അനില്‍ മുരളി, കെ.പി.എ.സി ലളിത തുടങ്ങിയവരാണ് മറ്റ് പ്രധാന താരങ്ങള്‍. അനില്‍ പനച്ചൂരാനും ഷിബു ചക്രവര്‍ത്തിയും എഴുതുന്ന വരികള്‍ക്ക് ഗോപി സുന്ദര്‍ ഈണമിടുന്ന അഞ്ചു പാട്ടുകള്‍ ഹീറോയിലുണ്ട്. ചിത്രത്തിന്റെ ഛായാഗ്രഹണം ഭരണി കെ.ധരനാണ്.

വെനീസിലെ വ്യാപാരിയില്‍ മമ്മൂട്ടിയ്ക്ക് 3രൂപം

2011-08-05T00:43:00.000-07:00

തൊട്ടതെല്ലാം പൊന്നാക്കുന്ന സംവിധായകന്‍ ഷാഫി സംവിധാനം ചെയ്യുന്ന വെനീസിലെ വ്യാപാരിയെന്ന ചിത്രത്തില്‍ മമ്മൂട്ടി വേറിട്ട മൂന്ന് ഗെറ്റപ്പുകളിലെത്തുന്നു.

എണ്‍പതുകളിലെ പൊലീസ് ഉദ്യോഗസ്ഥന്‍, കയര്‍ വ്യാപാരി എന്നിങ്ങനെ മൂന്നു ഗെറ്റപ്പിലാണ് മെഗാസ്റ്റാര്‍ വരുന്നത്. മൂന്നാമത്ത ഗെറ്റപ്പ് സസ്‌പെന്‍സാണെന്നാണ് സംവിധായകന്‍ പറയുന്നത്.

പൊലീസ കോണ്‍സ്റ്റബിളായ പവിത്രന്‍ ആലപ്പുഴയുട ഉള്‍ഗ്രാമത്തില്‍ കയര്‍വ്യാപാരിയായി എത്തുകയാണ്. ഇതെന്തിനാണെന്ന ചോദ്യത്തിനുള്ള ഉത്തരമാണ് ചിത്രത്തിന്റെ കഥ. എണ്‍പതുകളുടെ തുടക്കത്തിലെ ആലപ്പുഴയുടെ പശ്ചാത്തലത്തിലാണ് കഥ നടക്കുന്നത്. ഷാജി കൈലാസിന്റെ കിങ് ആന്റ് കമ്മീഷണര്‍ എന്ന ചിത്രത്തിന്റെ രണ്ടാ ഘട്ട ഷൂട്ടിങ് മാറ്റിവച്ചതിനാലാണ് മമ്മൂട്ടി വെനീസിലെ വ്യാപാരിയുടെ സെറ്റില്‍ ജോയിന്‍ ചെയ്തത്.

ഈ വര്‍ഷം പറയത്തക്ക ഹിറ്റുകളൊന്നുമില്ലാത്ത മമ്മൂട്ടിയ്ക്ക് ഷാഫിയുടെ ചിത്രം ഭാഗ്യമാകുമെന്ന് പ്രതീക്ഷിക്കാം. മേക്കപ്പ്മാന്‍, മേരിയ്ക്കുണ്ടൊരു കുഞ്ഞാട് തുടങ്ങിയ വിജയചിത്രങ്ങള്‍ക്കുശേഷം ഷാഫിയുടെ സംരംഭമാണ് വെനീസിലെ വ്യാപാരി.

ജനാര്‍ദ്ദനന്‍, ജഗതി, കാവ്യാമാധവന്‍, സലീംകുമാര്‍, ശ്യാംദത്ത്, വിജയരാഘവന്‍, സുരാജ് വെഞ്ഞാറമൂട്, ശ്രീരാമന്‍, കലാഭവന്‍ ഷാജോണ്‍, തുടങ്ങിയവരാണ് മറ്റ് താരങ്ങള്‍.

അമ്മായിയമ്മയുടെ കാലൊടിഞ്ഞു; ഓണത്തിന് മരുമകനില്ല

2011-08-05T00:41:00.000-07:00

മമ്മൂട്ടിയുടേയും മോഹന്‍ലാലിന്റെയും വമ്പന്‍ സിനിമകള്‍ ഒഴിഞ്ഞതിന് പിന്നാലെ ദിലീപ് ചിത്രമായ മിസ്റ്റര്‍ മരുമകനും ഓണത്തിനുണ്ടാവില്ലെന്ന് റിപ്പോര്‍ട്ടുകള്‍. സിനിമയുടെ ഷൂട്ടിങ് അനിശ്ചിതമായി വൈകുന്നതാണ് സിനിമയുടെ റിലീസിങ് സാധ്യതകളെ ബാധിയ്ക്കുന്നത്.

ഉദയ് സിബി ടീം തിരക്കഥ രചിയ്ക്കുന്ന ചിത്രത്തിന്റെ സംവിധായകന്‍ സന്ധ്യ മോഹനാണ്. ദിലീപും സനുഷയും പ്രധാന കഥാപാത്രങ്ങളാവുന്ന ചിത്രത്തിലെ മറ്റൊരു പ്രധാന ഹൈലൈറ്റ് നായകന്റെ അമ്മായിയമ്മയായി അഭിനയിക്കുന്നത് തെന്നിന്ത്യന്‍ താരം ഖുശ്ബുവാണ്. എന്നാല്‍ ഖുശ്ബുവിന്റെ അഭാവം തന്നെയാണ് മരുമകന്റെ ഷൂട്ടിങ് വൈകിപ്പിയ്ക്കുന്നത്.

ഈ സിനിമയുടെ ഷൂട്ടിങിനിടെ സ്റ്റെയര്‍കേസില്‍ നിന്നും വീണ് ഖുശ്ബുവിന്റെ കാലിന് സാരമായി പരിക്കേറ്റിരുന്നു. ഇതോടെ സിനിമയുടെ ഷൂട്ടിങും നിര്‍ത്തിവെച്ചു. ദിലീപുമൊത്തുള്ള ഖുശ്ബുവിന്റെ കോമ്പിനേഷന്‍ സീനുകളാണ് ഇനി പ്രധാനമായും ചിത്രീകരിയ്ക്കാനുള്ളത്. ഖുശ്ബു സുഖപ്പെടുന്നത് വരെ ഇത് ചിത്രീകരിയ്ക്കാനും ബുദ്ധിമുട്ടുകളുണ്ട്.

അതേ സമയം ലാല്‍ജോസിന്റെ സ്പാനിഷ് മസാലയ്ക്ക് വേണ്ടി ദിലീപ് ഇപ്പോള്‍ സ്‌പെയിനിലാണ്. ആഗസ്റ്റ് 20ന് തിരിച്ചെത്തുന്ന ദിലീപ് നേരെ പോകുന്നത് മിസ്റ്റര്‍ മരുമകന്റെ സെറ്റിലേക്കാണെങ്കിലും രണ്ടാഴ്ച കൊണ്ട് ഷൂട്ടിങ് തീര്‍ത്ത് പോസ്റ്റ് പ്രൊഡക്ഷന്‍ ജോലികളും പൂര്‍ത്തിയാക്കി സിനിമ റിലീസ് ചെയ്യുന്ന കാര്യം സംശയമാണ്.

ഫാന്‍സ് മമ്മൂട്ടിച്ചിത്രത്തിന്റെ ഷൂട്ടിങ് മുടക്കി

2011-08-05T00:36:00.000-07:00

ആരാധകരുടെ ആവേശം മമ്മൂട്ടിച്ചിത്രത്തിന്റെ ഷൂട്ടിങ് മുടക്കി. ഷാഫി ഒരുക്കുന്ന വെനീസിലെ വ്യാപാരിയെന്ന ചിത്രത്തിന്റെ ചിത്രീകരണത്തിനിടെയാണ് ആരാധകര്‍ ആവേശവുമായി തള്ളിക്കയറിയത്. ആലപ്പുഴയിലെ പൂച്ചാക്കല്‍ ചന്തയിലായിരുന്നു സെറ്റ്. ആരാധകര്‍ അടങ്ങാതായതോടെ ഷൂട്ടിങ് മുടങ്ങി.

പിന്നീട് വളരെ രഹസ്യമായി കഞ്ഞിക്കുഴി ചന്തയില്‍ വച്ച് ചിത്രീകരണം നടത്തി. എണ്‍പതുകളുടെ പശ്ചാത്തലത്തിലൊരുക്കുന്ന ചിത്രമാണിത്. അതുകൊണ്ടാണ് ഏറെവര്‍ഷം പഴക്കമുള്ള പൂച്ചാക്കല്‍ ചന്തയില്‍ ചിത്രീകരണം നടത്താന്‍ തീരുമാനിച്ചത്.

വ്യാഴാഴ്ച കാലത്ത് പത്തരയോടെ മമ്മൂട്ടി എത്തി, ഇതുകണ്ട ആരാധകര്‍ ആര്‍ത്തുവിളിച്ചു. വണ്ടിയില്‍ ഇരുന്നുതന്നെ കഥാപാത്രത്തിന്റെ വേഷമിട്ട് മമ്മൂട്ടി സെറ്റിലേയ്ക്ക് വരാന്‍ ശ്രമിച്ചെങ്കിലും ആരാധകരുടെ തിരക്കിനിടയില്‍ ഇതു സാധിച്ചില്ല. പൊലീസും സിനിമാ പിന്നണിക്കാരും ചേര്‍ന്ന് ജനക്കൂട്ടത്തെ നിയന്ത്രിക്കാന്‍ ശ്രമിച്ചെങ്കിലും ഒന്നും വിലപ്പോയില്ല.

ഇതിനിടെ മമ്മൂട്ടിയെ തൊട്ടടുത്ത വീട്ടിലേക്ക് മാറ്റി. ഇതോടെ ആരാധകര്‍ ഈ വീടിന് ചുറ്റം തടിച്ചുകൂടി.
രണ്ട് മണിക്കൂര്‍ കഴിഞ്ഞിട്ടും തിരക്ക് നിയന്ത്രിക്കാന്‍ കഴിയാഞ്ഞതിനെത്തുടര്‍ന്ന് മമ്മൂട്ടി അഭിനയിക്കുന്ന ഭാഗത്തിന്റെ ചിത്രീകരണം ഉപേക്ഷിച്ചു. മമ്മൂട്ടി കാറില്‍ മടങ്ങുകയും ചെയ്തു.

മമ്മൂട്ടി പോയതിനു പിന്നാലെ ആരാധകര്‍ ഒഴിഞ്ഞ തക്കം നോക്കി സുരാജ് വെഞ്ഞാറംമൂട്, സാജു കൊടിയന്‍ എന്നിവര്‍ ഉള്‍പ്പെട്ട സീനുകള്‍ ചിത്രീകരിച്ചു.

ആള്‍ത്തിരക്കുമൂലം പൂച്ചാക്കലില്‍നിന്ന് മാറ്റിയ ചിത്രീകരണമാണ് വ്യാഴാഴ്ച ഉച്ചക്കു ശേഷം പൊടുന്നനെ ആരോരുമറിയാതെ കഞ്ഞിക്കുഴി ജങ്ഷനു പടിഞ്ഞാറു ഭാഗത്തെ മാര്‍ക്കറ്റില്‍ നടന്നത്. ഷൂട്ടിങ് തുടങ്ങി നിമിഷങ്ങള്‍ക്കകം ഇവിടെയും ആരാധകര്‍ എത്തിയെങ്കിലും അവര്‍ മര്യാദക്കാരായതിനാല്‍ ചിത്രീകരണം തടസ്സപ്പെട്ടില്ല.

കുഞ്ഞാലി മരയ്ക്കാരാവാന്‍ മോഹല്‍ലാല്‍?

2011-08-05T00:34:00.000-07:00

മലയാള സിനിമ ഇപ്പോഴും രണ്ടു മഹാരഥന്‍മാരുടെ തോളിലേറി സഞ്ചരിക്കുന്നു. അതിനാല്‍ ഇവര്‍ തിരഞ്ഞെടുക്കുന്ന കഥാപാത്രങ്ങള്‍ വെള്ളിത്തിരയിലെത്തുന്നതിനു മുന്‍പേ വാര്‍ത്തയാകുന്നു.

പല ഇതിഹാസ കഥാപാത്രങ്ങളെയും മമ്മൂട്ടി വെള്ളിത്തിരയില്‍ അനശ്വരമാക്കിയിട്ടുണ്ട്. ഒരു വടക്കന്‍ വീരഗാഥ, പഴശ്ശിരാജ തുടങ്ങിയ ചിത്രങ്ങളില്‍ മമ്മൂട്ടി അവതരിപ്പിച്ച കഥാപാത്രങ്ങള്‍ ഏറെ ജനശ്രദ്ധ നേടി.

അത്തരം കഥാപാത്രങ്ങള്‍ തനിയ്ക്കും നന്നായി വഴങ്ങുമെന്ന് തെളിയിക്കാനൊരുങ്ങുകയാണ് ലാല്‍. ജയരാജ് സംവിധാനം ചെയ്യുന്ന പുതിയ ചിത്രത്തില്‍ പതിനാറാം നൂറ്റാണ്ടില്‍ കോഴിക്കോട് അടക്കിവാണിരുന്ന കുഞ്ഞാലി മരയ്ക്കാരായാണ് ലാലെത്തുന്നത്. ലാലും ജയരാജും ഒന്നിക്കുന്ന ആദ്യ ചിത്രമാണിത്.

നാഷ്ണല്‍ അവാര്‍ഡു നേടിയ നടി ശാരദയുടെ ജീവിതം സിനിമയാക്കുന്ന തിരക്കിലാണ് ജയരാജിപ്പോള്‍. നായിക എന്നു പേരിട്ടിരിക്കുന്ന ചിത്രത്തില്‍ പത്മപ്രിയ, ജയറാം, മംമ്ത മോഹന്‍ദാസ് എന്നിവര്‍ പ്രധാനകഥാപാത്രങ്ങളെ അവതരിപ്പിക്കുന്നു.

CASANOVA - New Stills

2011-07-27T00:57:00.000-07:00

Ammukuttiyammayude Ajayan

2011-07-27T00:52:00.000-07:00

Prnayam - Stills (Mohanlal's 300th Film)

2011-07-26T22:20:00.000-07:00

ആഷിഖിന്റെ ദോശക്കഥ

2011-07-20T02:30:00.000-07:00

ദോശ കഴിക്കാന്‍ പോയിട്ട് ഒരു ബിരിയാണി കഴിച്ച അനുഭവം''- ആഷിഖ് അബു സംവിധാനംചെയ്ത 'സോള്‍ട്ട് ആന്‍ഡ് പെപ്പര്‍ ' എന്ന ചിത്രത്തെക്കുറിച്ച് ഒരു സഹൃദയന്‍ ഫേസ്ബുക്കില്‍ ഇങ്ങനെ എഴുതി. ഒപ്പം ' വെറും വയറ്റില്‍ ഈ സിനിമ കാണരുതെന്ന' ഉപദേശവും. പ്രേക്ഷകരെ നല്ല സിനിമയുടെ രുചിയറിയിച്ച ഒരു കൊച്ചു സിനിമയുടെ വിജയത്തിലേക്കുള്ള കുതിപ്പ് ആ കമന്റില്‍നിന്ന് തുടങ്ങുന്നു. ഫേസ്ബുക്ക്, ട്വിറ്റര്‍, ഓര്‍ക്കുട്ട് തുടങ്ങിയ സോഷ്യല്‍ നെറ്റ് വര്‍ക്കിങ് സൈറ്റുകളിലെ കമന്റുകളിലൂടെയും മൊബൈല്‍ എസ്. എം. എസ്സുകളിലൂടെയും മൗത്ത് പബ്ലിസിറ്റിയിലൂടെയും സോള്‍ട്ട് ആന്‍ഡ് പെപ്പറിന്റെ രുചിപ്പെരുമ പതുക്കെ പ്പതുക്കെ നാടാകെ പാട്ടായി. ഫലമോ, കേവലം 20 തീയേറ്ററുകളില്‍ മാത്രമായി റിലീസ് ചെയ്ത ചിത്രം, രണ്ടാഴ്ച പിന്നിടുമ്പോള്‍ 40 തീയേറ്ററുകളിലേക്ക് ഉയര്‍ന്നു.

ആളുകള്‍ കണ്ടുകണ്ട്, കണ്ട ആളുകള്‍ പറഞ്ഞു പറഞ്ഞ്, അങ്ങനെ ഒരു കുഞ്ഞുപടം കൂടി തിയേറ്ററുകളില്‍ ആളെ കൂട്ടുന്നു. പരസ്പരം കണ്ടിട്ടില്ലാത്ത, വിവാഹപ്രായം കഴിഞ്ഞിട്ടും വിവാഹം കഴിക്കാത്ത രണ്ടുപേര്‍. ആര്‍ക്കിയോളജിസ്റ്റ് കാളിദാസനും ഡബ്ബിങ് ആര്‍ട്ടിസ്റ്റ് മായയും. ഇരുവരെയും തമ്മില്‍ ഒന്നിപ്പിക്കാന്‍ നിമിത്തമാകുന്നത് ഒരു ദോശ. ആ ദോശ ഉണ്ടാക്കിയ കഥയാണ് ആഷിഖ് അബു സോള്‍ട്ട് ആന്‍ഡ് പെപ്പറിലൂടെ വളരെ കൂളായി പറയുന്നത്. കാളിദാസനായി ലാലും മായയായി ശ്വേത മേനോനും അഭിനയിക്കുന്നു.

ഒപ്പം ആസിഫ് അലി, മൈഥിലി, ബാബുരാജ്, വിജയരാഘവന്‍, കല്പന എന്നിവരും അതിഥിതാരമായി അര്‍ച്ചനകവിയും എത്തുന്നു. ' ഡാഡികൂള്‍ ' എന്ന മമ്മൂട്ടി ചിത്രത്തിനുശേഷം ആഷിഖ് അബു സംവിധാനം ചെയ്ത സോള്‍ട്ട് ആന്‍ഡ് പെപ്പറിന്റെ കഥ, തിരക്കഥ, സംഭാഷണം ശ്യാം പുഷ്‌കരന്‍, ദിലീഷ് നായര്‍ എന്നീ നവാഗതരുടേതാണ്. ഒരു ദോശ ഉണ്ടാക്കിയ ആ കഥയുടെ പാചകക്കൂട്ടുകള്‍ ഇവിടെ സംവിധായകന്‍ ആഷിഖ് അബു' നഗര'വുമായി പങ്കുവെക്കുന്നു.

ഒരു 'ഫീല്‍ ഗുഡ് സിനിമ' ചെയ്ത സന്തോഷം

ആദ്യ സിനിമയ്ക്ക് കിട്ടിയതിനേക്കാള്‍ നൂറിരട്ടി ത്രില്ല് എനിക്ക് തന്ന സിനിമയാണ് സോള്‍ട്ട് ആന്‍ഡ് പെപ്പര്‍. ഈ സിനിമയെടുക്കുമ്പോള്‍ ഞങ്ങള്‍ക്ക് അത്ര വലിയ ലക്ഷ്യങ്ങളൊന്നുമുണ്ടായിരുന്നില്ല. സിനിമ കണ്ടിറങ്ങുന്നവരുടെ മനസ്സിന് സന്തോഷമുണ്ടാക്കുന്ന, ഒരു ' ഫീല്‍ ഗുഡ് സിനിമ ' ചെയ്യണം. അതായിരുന്നു ടാര്‍ജറ്റ്. പക്ഷേ, ആ ടാര്‍ജറ്റിനെയെല്ലാം ക്രോസ് ചെയ്ത് ഒരുപാട് മുന്നോട്ടുപോയി സോള്‍ട്ട് ആന്‍ഡ് പെപ്പര്‍. ആ സന്തോഷത്തിലാണ് ഞങ്ങളെല്ലാവരും.
പരസ്യം പ്രേക്ഷകവാക്കുകള്‍

വലിയ പോസ്റ്ററുകളോ കൂറ്റന്‍ ഫ്ലക്‌സ്‌ബോര്‍ഡുകളോ ഒന്നും സോള്‍ട്ട് ആന്‍ഡ് പെപ്പറിന്റെ പ്രചാരണത്തിനില്ലായിരുന്നു. ചിത്രം കണ്ടിറങ്ങിയവരുടെ വാക്കുകളായിരുന്നു സിനിമയുടെ ഏറ്റവും വലിയ പരസ്യം. ഫേസ്ബുക്ക് കമന്റുകളിലൂടെയും മൊബൈല്‍ എസ്. എം. എസ്സുകളിലൂടെയും പ്രേക്ഷകര്‍തന്നെ ചിത്രത്തിന്റെ പ്രചാരണം ഏറ്റെടുക്കുകയായിരുന്നു. സൂപ്പര്‍സ്റ്റാര്‍ പടമല്ലാതിരുന്നിട്ടും ആദ്യ ദിവസങ്ങളില്‍ ചിത്രം ഹൗസ്ഫുള്ളാകാന്‍ കാരണം ഫേസ്ബുക്ക് പോലുള്ള സൈറ്റുകളാണ്. പാട്ടുകള്‍ നേരത്തേമുതല്‍ ചാനലുകളില്‍ വന്നുതുടങ്ങിയതും സഹായകമായി. ആദ്യ ഷോയ്ക്ക് ടിക്കറ്റ് കിട്ടാതെ എറണാകുളം പദ്മ തിയേറ്ററിന്റെ ഒരു മൂലയില്‍നിന്ന് പടം കണ്ടപ്പോള്‍ത്തന്നെ ഒരു മാജിക് സംഭവിക്കുമെന്ന് എനിക്ക് ഉറപ്പുണ്ടായിരുന്നു. എല്ലാത്തിനും നന്ദി പറയേണ്ടത് പ്രേക്ഷകരോടാണ്.
ടൈറ്റില്‍ സോങ്ങിലൂടെ സിനിമയുടെ രസക്കൂട്ടിലേക്ക്

പ്രേക്ഷകര്‍ക്ക് അത്ര പരിചിതമല്ലാത്ത ടോണിലുള്ള ഒരു സബ്ജക്ടായതിനാല്‍ അവരെ സിനിമയുടെ മൂഡിലോട്ട് കൊണ്ടുവരാന്‍ വേണ്ടിയാണ്, കേരളത്തിലെ പ്രധാന ഹോട്ടലുകളെയും റെസ്റ്റോറന്റുകളെയും എല്ലാം ഉള്‍പ്പെടുത്തി ടൈറ്റില്‍ സോങ് അവതരിപ്പിച്ചത്. കേരളത്തിന്റെ വിഭിന്ന രുചികളെ തൊട്ട് പാട്ട് കടന്നുപോകുമ്പോള്‍ കാണികള്‍ അറിയാതെ സിനിമയുടെ രസക്കൂട്ടിലേക്കെത്തും.
ബാബുരാജിന്റെ കുക്ക്

കുക്ക് ബാബുവിന്റെ വേഷത്തില്‍ ബാബുരാജിന് കസറാന്‍ കഴിയുമെന്ന് എനിക്കുറപ്പുണ്ടായിരുന്നു. ഒരു കൊമേഡിയന്‍ ചെയ്താല്‍ ചിലപ്പോള്‍ ഏറെ ചളമായിപ്പോകാന്‍ സാധ്യതയുള്ള ഒരു റോളായിരുന്നു അത്. ഒരു നേര്‍ത്ത വരയിലൂടെയാണ് ആ വേഷം കടന്നുപോകുന്നത്. അങ്ങോട്ടോ ഇങ്ങോട്ടോ നീങ്ങിയാല്‍ പാളും. ബാബുവേട്ടന്‍ വളരെ സമര്‍ഥമായി അത് കൈകാര്യം ചെയ്തു.

അദ്ദേഹത്തിന്റെ ഇതുവരെയുള്ള ഇമേജും ആ വലിയ ശരീരവുംവെച്ച് വളരെ സില്ലിയായിട്ടുള്ള, ' രണ്ട് രാധാസ് ' പോലുള്ള ഡയലോഗുകള്‍ പറയുമ്പോള്‍ ആളുകള്‍ക്ക് സ്വാഭാവികമായും ചിരിവരും. കാളിദാസനെയും മനുവിനെയും പോലെ കുക്ക് ബാബുവിനും ഒരു ജീവിതപ

ങ്കാളിയെ കിട്ടുന്നതായി ക്ലൈമാക്‌സില്‍ ചിത്രീകരിക്കാന്‍ ഉദ്ദേശിച്ചിരുന്നു. വാണിവിശ്വനാഥിനെത്തന്നെയാണ് ആ വേഷത്തിലേക്ക് പരിഗണിച്ചിരുന്നത്. അത് പിന്നീട് നടക്കാതെ പോകുകയായിരുന്നു.

മുന്‍വിധികളാണ് പ്രശ്‌നം

ഇത്തരം ചെറുപടങ്ങള്‍ വിജയിച്ചാല്‍, ചെറിയ സിനിമകളെടുക്കാന്‍ ആഗ്രഹിക്കുന്ന ഫിലിം മേക്കേഴ്‌സിന് അതൊരു പ്രചോദനമായിരിക്കും. ഇങ്ങനെയുള്ള പടങ്ങള്‍ക്കും കേരളത്തില്‍ സ്‌പേസുണ്ടെന്ന ഒരു ഉറപ്പ് അവരില്‍ ഉണ്ടാകുകയും നല്ല നല്ല സിനിമകള്‍ ഇന്‍ഡസ്ട്രിക്ക് ലഭിക്കുകയും ചെയ്യും. കൊമേഴ്‌സ്യല്‍ സിനിമയ്ക്ക് ക്വാളിറ്റി വന്നാല്‍ കുഴപ്പമായിപ്പോകും, ക്ലാസ്സ് സിനിമ എന്നാല്‍ അവാര്‍ഡ് പടമായിരിക്കും എന്നൊക്കെയുള്ള ധാരണകളെ മാറ്റിയെഴുതാന്‍ ഈ ചിത്രം ഒരു നിമിത്തമായെങ്കില്‍ അതിലാണ് എനിക്ക് ഏറെ സന്തോഷം. സോള്‍ട്ട് ആന്‍ഡ് പെപ്പര്‍ ഇറങ്ങിയപ്പോള്‍ ലോക്കല്‍ ഓഡിയന്‍സിന് ഈ ചിത്രം ഇഷ്ടപ്പെടുമോ, അവരിലേക്ക് എത്തുമോ എന്നൊക്കെയുള്ള സംശയങ്ങള്‍ എല്ലാ ഭാഗത്തുനിന്നും ഉയര്‍ന്നിരുന്നു. എല്ലാത്തിനെയും ഒരേ അച്ചില്‍ കാണുന്ന ഇത്തരം മുന്‍വിധികളാണ് യഥാര്‍ഥ പ്രശ്‌നം.

മൈഡിയര്‍ കുട്ടിച്ചാത്തന്‍ ഡിജിറ്റല്‍ ഓണത്തിന്

2011-07-20T02:07:00.000-07:00

ഇന്ത്യന്‍ വെള്ളിത്തിരയിലെ അദ്ഭുതമായി മാറിയ ആദ്യ ത്രിഡി സിനിമ 'മൈഡിയര്‍ കുട്ടിച്ചാത്തന്‍' ഡിജിറ്റല്‍ ഫോര്‍മാറ്റില്‍ വീണ്ടുമെത്തുന്നു. ഓണത്തിന് ചിത്രം കേരളത്തില്‍ റിലീസ് ചെയ്യുമെന്ന് നവോദയ അപ്പച്ചന്‍ വാര്‍ത്താസമ്മേളനത്തില്‍ അറിയിച്ചു.

പുതിയ ചില കൂട്ടിച്ചേര്‍ക്കലുകളുമായാണ് കുട്ടിച്ചാത്തന്റെ മൂന്നാം വരവ്. തമിഴ് നടന്‍ പ്രകാശ്‌രാജ്, ബോളിവുഡ് നടി ഊര്‍മ്മിള മണ്ഡോദ്കര്‍ തുടങ്ങിയവരും ഈ ചിത്രത്തില്‍ വേഷമിടുന്നുണ്ട്. മുന്‍ പതിപ്പിനേക്കാള്‍ 25 മിനിട്ട് ദൈര്‍ഘ്യം കൂടുതലുണ്ട് പുതിയതിന്.

മലയാളത്തില്‍ റിലീസ് ചെയ്തതിന് ശേഷം ഇന്ത്യയിലെ മറ്റ് ഭാഷകകളിലേയ്ക്കും മൊഴിമാറ്റി പ്രദര്‍ശിപ്പിക്കും.

ഒരു തലമുറയെ ആകെ വിസ്മയിപ്പിച്ച കുട്ടിച്ചാത്തന്‍ 1984ലാണ് ആദ്യം പ്രദര്‍ശനത്തിനെത്തിയത്. പ്രായഭേദമന്യേ പ്രേക്ഷകര്‍ ഇരുകൈയും നീട്ടി സ്വീകരിച്ച ചിത്രം 1995ല്‍ വീണ്ടും പുതിയ കൂട്ടിച്ചേര്‍ക്കലുകളോടെ പ്രദര്‍ശനത്തിനെത്തിയപ്പോഴും വിജയചരിത്രം ആവര്‍ത്തിച്ചു. ജിജോ സംവിധാനം ചെയ്ത ചിത്രം ഇപ്പോള്‍ വിതരണത്തിനെത്തിക്കുന്നത് യൂണിവേഴ്‌സല്‍ മൂവി മേക്കേഴ്‌സ് റിലീസാണ്.

ലാല്‍ @ 300

2011-07-18T23:12:00.000-07:00

അഭിനയനാള്‍വഴിയില്‍ മോഹന്‍ലാല്‍ 300 സിനിമകള്‍ പൂര്‍ത്തിയാക്കുന്നു. ബ്ലെസി സംവിധാനം ചെയ്യുന്ന പ്രണയമായിരിക്കും ലാലിന്റെ 300 ാമത് ചിത്രമായി പ്രദര്‍ശനത്തിനെത്തുക. ഏറെ അഭിനയസാധ്യതയുള്ള വേഷത്തിന്റെ തിളക്കവുമായാണ് ലാലിന്റെ 'പ്രണയം' ഒരുങ്ങുന്നത്. സമീപകാല ചിത്രങ്ങളില്‍ കണ്ട ഗെറ്റപ്പുകളില്‍ നിന്ന് ഏറെ വ്യത്യസ്തമായ ലാലിനെയാകും 'പ്രണയ'ത്തില്‍ കാണാനാകുക. ചിത്രത്തിലെ ലാലിന്റെ കഥാപാത്രത്തെ സംബന്ധിച്ച് സംവിധായകനും സസ്‌പെന്‍സ് നിലനിര്‍ത്തുന്ന സ്ഥിതിക്ക് ആരാധകരും തികഞ്ഞ ആകാംക്ഷയിലാണ്. തീവ്രപ്രണയം സൗഹൃദമായി വഴിമാറുമോ എന്നതായിരിക്കും ചിത്രത്തിന്റെ കാതല്‍.

നിര്‍മ്മാതാക്കളായ ആശിര്‍വാദ് സിനിമാസ് ലാലിന്റെ മുന്നൂറാമത് ചിത്രം എന്ന നിലയിലാകും പ്രണയം മാര്‍ക്കറ്റ് ചെയ്യുക. വന്‍ പബ്ലിസിറ്റിയോടെ പ്രണയം ഈ ഓണക്കാലത്ത് വിരുന്നെത്തും. കാസനോവയാണ് ഓണച്ചിത്രമായി ആദ്യം നിശ്ചയിച്ചിരുന്നത്. എന്നാല്‍ ചിത്രത്തിന്റെ ജോലികള്‍ അനിശ്ചിതമായി നീണ്ടു. ഇതിനിടെയിലാണ് സപ്തംബര്‍ ഏഴിന് പ്രണയം മാക്‌സ് ലാബ് റിലീസ് ചെയ്യുമെന്ന റിപ്പോര്‍ട്ട് വരുന്നത്.

ലാലിന് പുറമേ അനുപം ഖേറും ജയപ്രദയും പ്രണയത്തിലെ പ്രധാന കഥാപാത്രങ്ങളെ അവതരിപ്പിക്കുന്നു. എം ജയചന്ദ്രന്‍ ചിട്ടപ്പെട്ടുത്തി ഒ.എന്‍.വി കുറുപ്പ് എഴുതിയ നാല് ഗാനങ്ങളുണ്ടാകും സിനിമയില്‍

'ദൈവതിരുമകള്‍' 15 ന് പ്രദര്‍ശനത്തിനെത്തും

2011-07-13T02:00:00.000-07:00

ചെന്നൈ: പ്രേക്ഷകര്‍ ഏറെ പ്രതീക്ഷയോടെ കാത്തിരിക്കുന്ന വിക്രം നായകനാവുന്ന പുതിയ ചിത്രം 'ദൈവ തിരുമകള്‍' ജൂലായ് 15 ന് പ്രദര്‍ശനത്തിനെത്തും. 'മദ്രാസിപ്പട്ടണ' ത്തിലൂടെ ശ്രദ്ധേയനായ എ.എല്‍. വിജയ് ആണ് ചിത്രം സംവിധാനം ചെയ്യുന്നത്. ''ദൈവ തിരുമകള്‍ ആര്‍ട്ട് സിനിമയല്ല. പ്രേക്ഷകരെ വിനോദിപ്പിക്കാനുള്ള എല്ലാ ചേരുവകളുമുള്ള വാണിജ്യ സിനിമ തന്നെയാണ്'' - വിജയ് പറയുന്നു.

മുപ്പതാം വയസ്സിലും അഞ്ചു വയസ്സുകാരന്റെ മാനസികവളര്‍ച്ച മാത്രമുള്ള കഥാപാത്രത്തെയാണ് 'ദൈവ തിരുമകളി'ല്‍ വിക്രം അവതരിപ്പിക്കുന്നത്. അനുഷ്‌കയും അമലപോളും ചിത്രത്തില്‍ മികച്ച വേഷത്തില്‍ അഭിനയിക്കുന്നു. ഹാസ്യത്തിന് കൊഴുപ്പേകാന്‍ സന്താനത്തിന്റെ പ്രകടനവുമുണ്ട്.

'ദൈവ തിരുമകളി'ലെ കഥാപാത്രം തന്നെ കൂടുതല്‍ പ്രശസ്തിയിലെത്തിക്കുമെന്ന പ്രതീക്ഷയിലാണ് വിക്രം. ''നിരവധി ചിത്രങ്ങളില്‍ ഞാന്‍ മികച്ച വേഷം അവതരിപ്പിച്ചിട്ടുണ്ട്. എന്നാല്‍ ഈ ചിത്രത്തിലെ പ്രകടനത്തിനാണ് എനിക്ക് ആദ്യമായി സെന്‍സര്‍ ബോര്‍ഡ് അംഗങ്ങളില്‍ നിന്നുതന്നെ അഭിനന്ദനം ലഭിക്കുന്നത്.'' 'ദൈവ തിരുമകളി'ലെ കഥാപാത്രം അവതരിപ്പിക്കുന്നതിനു മുന്നോടിയായി താന്‍ കാര്യമായ ഗവേഷണവും പരിശീലനവും കൂടി നടത്തിയിരുന്നുവെന്നും വിക്രം പറയുന്നു.

ബുദ്ധിവളര്‍ച്ചയില്ലാത്ത കുട്ടികളുടെ സ്വഭാവവും പെരുമാറ്റരീതിയും നേരില്‍ക്കണ്ടു പഠിക്കാന്‍ ഇത്തരം കുട്ടികള്‍ പഠിക്കുന്ന സ്‌കൂളുകളില്‍ കുറെ ദിവസങ്ങള്‍ ചെലവഴിച്ചിരുന്നു. കൂടാതെ മാനസികരോഗ വിദഗ്ധ കൂടിയായ തന്റെ ഭാര്യ ഇത്തരം കുട്ടികളുടെ സ്വഭാവ സവിശേഷതകളെക്കുറിച്ച് വിശദമായി പറഞ്ഞു തന്നുവെന്നും വിക്രം വ്യക്തമാക്കി. കഥാപാത്രത്തിനു വേണ്ടി 12 കിലോഗ്രാം ശരീരഭാരം കുറച്ചിട്ടുണ്ട് വിക്രം.

വൈവിധ്യങ്ങളായ കഥാപാത്രങ്ങളെ എങ്ങനെയാണ് ഇത്രയും മികവുറ്റതാക്കുന്നത് എന്ന ചോദ്യത്തിന് വിക്രം അഭിമാനത്തോടെ ഉദാഹരിക്കുന്നത് നടന്‍ മമ്മൂട്ടിയെയാണ്. ''തന്റെ അഭിനയ ജീവിതത്തില്‍ വ്യത്യസ്ത സിനിമകളിലായി മമ്മൂട്ടി 40 ഓളം പോലീസ് കഥാപാത്രങ്ങളെ അവതരിപ്പിച്ചിട്ടുണ്ട്.

എന്നാല്‍ ഈ കഥാപാത്രങ്ങള്‍ക്കൊന്നും സാമ്യമില്ലാതെ, വേറിട്ട രീതിയില്‍ അവതരിപ്പിച്ചു ഫലിപ്പിക്കാന്‍ മമ്മൂട്ടിക്കു കഴിഞ്ഞിട്ടുണ്ട്'' - വിക്രം പറയുന്നു. ചിത്രത്തില്‍ മൂന്നു ഗാനങ്ങള്‍ ആലപിക്കുന്നതും വിക്രം തന്നെയാണ്. ഇതില്‍ ഒരു ഗാനം വിക്രം തന്നെ ഒറ്റ ദിവസം കൊണ്ട് കംപോസ് ചെയ്തതാണ്. ജി.വി. പ്രകാശാണ് സംഗീത സംവിധായകന്‍. ആദ്യം ചിത്രത്തിന് ദൈവ തിരുമകന്‍ എന്നാണ് പേരിട്ടിരുന്നത്. എന്നാല്‍ പിന്നീട് സംവിധായകന്‍ പേര് മാറ്റുകയായിരുന്നു.

Salt N Pepper Wall Paper

2011-07-11T03:53:00.000-07:00

അവന്‍ വരുന്നൂ, പരമശിവം ഫ്രം വാളയാര്‍

2011-06-23T22:54:00.000-07:00

അയാള്‍ ബുദ്ധികൊണ്ട് കളിക്കുന്നവനാണ്. എതിരാളികള്‍ക്കുമേല്‍ എന്നും വിജയം നേടാന്‍ ആഗ്രഹിക്കുന്നവനാണ്. സ്പിരിറ്റു കള്ളക്കടത്തിലായാലും അതേ, നാലാം‌കിട ഗൂണ്ടായിസത്തിലാണെങ്കിലും അതേ. വിജയം എന്നും അയാള്‍ക്കൊപ്പമായിരിക്കണം. വാളയാര്‍ പരമശിവം വ്യത്യസ്തനാകുന്നത് അവിടെയാണ്. വീണ്ടും വരികയാണ്, പ്രേക്ഷകരെ ത്രില്ലടിപ്പിക്കാന്‍, പരമശിവം ഫ്രം വാളയാര്‍!

റണ്‍‌വേ എന്ന തന്‍റെ മെഗാഹിറ്റ് ചിത്രത്തിന്‍റെ രണ്ടാം ഭാഗം ഉടന്‍ ആരംഭിക്കാനുള്ള തയ്യാറെടുപ്പിലാണ് മാസ്റ്റര്‍ ഡയറക്ടര്‍ ജോഷി. വാളയാര്‍ പരമശിവം എന്ന കേന്ദ്ര കഥാപാത്രത്തെ അവതരിപ്പിക്കുന്നത് ജനപ്രിയനായകന്‍ ദിലീപ് തന്നെ. കോമഡിയും ആക്ഷനും കൂട്ടിക്കലര്‍ത്തിയാണ് ജോഷി ‘വാളയാര്‍ പരമശിവം’ ഒരുക്കുന്നത്. ദിലീപ് തന്നെയാണ് ചിത്രം നിര്‍മ്മിക്കുന്നത്.

2004ലാണ് റണ്‍‌വേ റിലീസാകുന്നത്. ദിലീപിനെ നായകനാക്കി ഒരു ആക്ഷന്‍ ചിത്രം ഒരുക്കാന്‍ പോകുന്നു എന്നറിഞ്ഞ് പലരും ജോഷിയെ പിന്തിരിപ്പിക്കാന്‍ ശ്രമിച്ചു. ആത്മഹത്യാപരമായ തീരുമാനമായിരിക്കും അതെന്നൊക്കെയാണ് ജോഷിക്ക് ലഭിച്ച ഉപദേശങ്ങള്‍. എന്നാല്‍ അതൊന്നും വകവയ്ക്കാതെ മുന്നോട്ടു പോയ ജോഷി റണ്‍‌വേ മെഗാഹിറ്റാക്കി മാറ്റി.

ഉദയകൃഷ്ണയും സിബി കെ തോമസും തന്നെയാണ് വാളയാര്‍ പരമശിവത്തിന്‍റെയും തിരക്കഥ രചിക്കുന്നത്. സ്പിരിറ്റ് കള്ളക്കടത്തിന്‍റെ പശ്ചാത്തലത്തില്‍ കഥ പറയുന്ന ഈ സിനിമ സെവന്‍‌സിന് ശേഷം ജോഷി സംവിധാനം ചെയ്യുന്ന ചിത്രമാണ്. കാവ്യാ മാധവനായിരുന്നു റണ്‍‌വേയിലെ നായിക. വാളയാര്‍ പരമശിവത്തിലും കാവ്യ തന്നെ നായികയാകും.

ജയറാം ഇനി 'കമ്മീഷണര്‍ ആന്‍റണി തലശ്ശേരി

2011-06-23T22:51:00.000-07:00

ഈ വര്‍ഷം ജയറാമിന് വിജയങ്ങളുടെ വര്‍ഷമാണ്. ജയറാം അഭിനയിച്ച ആറ്‌ ചിത്രങ്ങളാണ് ഈ ആറുമാസത്തിനുള്ളില്‍ പുറത്തിറങ്ങിയത്. അതില്‍ മൂന്നെണ്ണം മെഗാഹിറ്റുകള്‍. ചൈനാ ടൌണ്‍, സീനിയേഴ്സ്, മേക്കപ്പ്‌മാന്‍ എന്നിവ കളക്ഷന്‍ റെക്കോര്‍ഡുകള്‍ ഭേദിച്ചപ്പോള്‍ കുടുംബശ്രീ ട്രാവല്‍‌സ് ശരാശരി വിജയം നേടി. സബാഷ് ശരിയാന പോട്ടി, പൊന്നാര്‍ ശങ്കര്‍ എന്നീ തമിഴ് ചിത്രങ്ങളും പുറത്തിറങ്ങിയെങ്കിലും ബോക്സോഫീസില്‍ പരാജയപ്പെട്ടു.

നല്ല നര്‍മ്മമുള്ള കുടുംബചിത്രങ്ങള്‍ തെരഞ്ഞെടുക്കാനാണ് ഇപ്പോള്‍ ജയറാം കൂടുതല്‍ ശ്രദ്ധ വയ്ക്കുന്നത്. ഇപ്പോള്‍ അഭിനയിച്ചുകൊണ്ടിരിക്കുന്നത് ‘ഉലകം ചുറ്റും വാലിബന്‍’ എന്ന ചിത്രത്തിലാണ്. ഒരു തട്ടിപ്പുകാരന്‍റെ വേഷമാണ് ആ ചിത്രത്തില്‍. കൃഷ്ണ പൂജപ്പുര തിരക്കഥയെഴുതുന്ന ചിത്രം രാജ്ബാബു സംവിധാനം ചെയ്യുന്നു.

തട്ടിപ്പുകാരനില്‍ നിന്ന് ജയറാം പോകുന്നത് പൊലീസാകാനാണ്. അതേ, ജയറാം നായകനാകുന്ന പുതിയ ചിത്രത്തിന് ‘സിറ്റി പൊലീസ് കമ്മീഷണര്‍ ആന്‍റണി തലശ്ശേരി’ എന്ന് പേരിട്ടു. കമ്മീഷണറായ ആന്‍റണി തലശ്ശേരി എന്ന കഥാപാത്രത്തെയാണ് ജയറാം അവതരിപ്പിക്കുന്നത്.

നവാഗതനായ ലെന്നി പി തോമസ് ആണ് ഈ ചിത്രം സംവിധാനം ചെയ്യുന്നത്. കമ്മീഷണര്‍ എന്നൊക്കെ കേട്ട് ആക്ഷന്‍ പടമാണെന്നൊന്നും തെറ്റിദ്ധരിക്കരുത്. ഇതും ഒരു സമ്പൂര്‍ണ കോമഡിച്ചിത്രം തന്നെ.

നന്‍‌മ നിറഞ്ഞവന്‍ ശ്രീനിവാസന്‍, ഞങ്ങള്‍ സന്തുഷ്ടരാണ്, സരോജ, രഹസ്യപ്പോലീസ്, ഫിംഗര്‍ പ്രിന്‍റ്, ഇവര്‍, കൊല കൊലയാ മുന്തിരിങ്ങ തുടങ്ങിയ സിനിമകളിലാണ് മുമ്പ് ജയറാം പൊലീസ് കഥാപാത്രങ്ങളെ അവതരിപ്പിച്ചിട്ടുള്ളത്.

മോഹന്‍ലാലിന്‍റെ മുന്നൂറാം ചിത്രം ഓണത്തിന്

2011-06-23T22:45:00.000-07:00

യൂണിവേഴ്സല്‍ സ്റ്റാര്‍ മോഹന്‍ലാല്‍ 300 സിനിമകള്‍ പൂര്‍ത്തിയാക്കുന്നു. ബ്ലെസി സംവിധാനം ചെയ്യുന്ന ‘പ്രണയം’ ആണ് ലാലിന്‍റെ മുന്നൂറാം ചിത്രം. അതിലും ആഹ്ലാദകരമായ വാര്‍ത്ത, മോഹന്‍ലാലിന്‍റെ ഓണച്ചിത്രമായി ‘പ്രണയം’ തീരുമാനിച്ചു എന്നതാണ്. മോഹന്‍ലാലിന് ഓണച്ചിത്രം ഉണ്ടാകില്ലെന്ന നിരാശയിലായിരുന്നു ലാല്‍ ആ‍രാധകര്‍. എന്തായാലും ബ്ലെസിയുടെ സിനിമ ഓണത്തിനെത്തുന്ന കാര്യം ഉറപ്പായിക്കഴിഞ്ഞു.

റോഷന്‍ ആന്‍ഡ്രൂസ് സംവിധാനം ചെയ്യുന്ന കാസനോവ ലാലിന്‍റെ ഓണച്ചിത്രമായി മാസങ്ങള്‍ക്ക് മുമ്പേ തീരുമാനിച്ചതാണ്. എന്നാല്‍ ഷൂട്ടിംഗ് തീരാത്തതിനാല്‍ കാസനോവ ഓണത്തിനെത്തിക്കാനാവില്ലെന്ന് റോഷന്‍ അറിയിച്ചു. തുടര്‍ന്ന് സത്യന്‍ അന്തിക്കാടിന്‍റെ സിനിമ ഓണച്ചിത്രമാക്കാന്‍ ആലോചിച്ചെങ്കിലും ഓണത്തിനിറക്കാനായി ഒരു സിനിമ തട്ടിക്കൂട്ടാന്‍ താനില്ലെന്ന് സത്യന്‍ അറിയിച്ചതോടെ ആ വഴിയും അടഞ്ഞു.

അങ്ങനെയാണ് ബ്ലെസിയുടെ സിനിമയെക്കുറിച്ച് ലാല്‍ ക്യാമ്പ് ആരാഞ്ഞത്. ‘പ്രണയം’ 15 ദിവസത്തോളം ഷൂട്ടിംഗ് നേരത്തേ പൂര്‍ത്തിയായതാണ്. അതുകൊണ്ടുതന്നെ ഷൂട്ടിംഗ് വേഗം തീര്‍ത്ത് ചിത്രം ഓണത്തിന് പ്രദര്‍ശനത്തിനെത്തിക്കാന്‍ കഴിയുമെന്ന് ബ്ലെസി ഉറപ്പു നല്‍കി. അതോടെ മോഹന്‍ലാലിന്‍റെ ഓണച്ചിത്രമായി ‘പ്രണയം’ ആന്‍റണി പെരുമ്പാവൂര്‍ പ്രഖ്യാപിക്കുകയായിരുന്നു.

ഒരു സമ്പൂര്‍ണ പ്രണയചിത്രമാണ് പ്രണയം. മോഹന്‍ലാല്‍, ജയപ്രദ, അനുപം ഖേര്‍, അനൂപ് മേനോന്‍ എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. മുതിര്‍ന്നവരുടെ പ്രണയം എന്ന കണ്‍‌സെപ്ടാണ് ബ്ലെസി ഇവിടെ പ്രയോഗിക്കുന്നത്. ഒ എന്‍ വി രചിച്ച നാലു ഗാനങ്ങളാണ് മറ്റൊരു സവിശേഷത. എം ജയചന്ദ്രനാണ് സംഗീതം. സെപ്റ്റംബര്‍ ഏഴിന് ചിത്രം പ്രദര്‍ശനത്തിനെത്തും.

'പ്രണയം' ഓണത്തിനെത്തും

2011-06-23T20:58:00.000-07:00

ലാല്‍ ആരാധകര്‍ക്ക് സന്തോഷവാര്‍ത്ത. ബ്ലെസിയുടെ മോഹന്‍ലാല്‍ ചിത്രം 'പ്രണയം' ഈ ഓണക്കാലത്ത് പ്രദര്‍ശനത്തിനെത്തും. കാസനോവയാണ് ഓണച്ചിത്രമായി ആദ്യം നിശ്ചയിച്ചിരുന്നത്. എന്നാല്‍ ചിത്രത്തിന്റെ ജോലികള്‍ പൂര്‍ത്തിയാക്കാന്‍ ഇനിയും സമയമെടുക്കും എന്ന് വന്നതോടെ ഓണത്തിന് ലാല്‍ചിത്രമുണ്ടാകില്ലെന്ന് സൂചന പരന്നു.

ഇതിനിടെ പ്രണയത്തിന്റെ ആദ്യ ഷെഡ്യൂള്‍ പൂര്‍ത്തിയാക്കി കാസനോവയില്‍ ലാല്‍ വീണ്ടും ജോയിന്‍ ചെയ്തു. വിദേശത്തെ ഷൂട്ടിങ്ങിന് ശേഷം മടങ്ങിയെത്തിയ ലാല്‍ സത്യന്‍ അന്തിക്കാടിന്റെ പുതിയ ചിത്രത്തിലാണ് ഇപ്പോള്‍ അഭിനയിച്ചുവരുന്നത്. സൂപ്പര്‍താരങ്ങള്‍ വമ്പന്‍ ചിത്രവുമായി ഓണക്കാലത്തെത്തുമ്പോള്‍ തങ്ങളുടെ താരത്തിന്റെ ചിത്രമുണ്ടാവില്ലെന്ന വാര്‍ത്തകള്‍ ലാല്‍ ആരാധകരില്‍ നിരാശ പടര്‍ത്തിയിരുന്നു. ഏതായാലും സപ്തംബര്‍ ഏഴിന് പ്രണയം മാക്‌സ് ലാബ് റിലീസ് ചെയ്യുമെന്നാണ് ഒടുവിലത്തെ റിപ്പോര്‍ട്ട്.

ലാലിന്റെ 300 ാമത് ചിത്രം എന്ന നിലയിലായിരിക്കും പ്രണയം മാര്‍ക്കറ്റ് ചെയ്യുക. ലാലിന് പുറമേ അനുപം ഖേറും ജയപ്രദയും പ്രണയത്തിലെ പ്രധാന കഥാപാത്രങ്ങളെ അവതരിപ്പിക്കുന്നു. എം ജയചന്ദ്രന്‍ ചിട്ടപ്പെട്ടുത്തി ഒ.എന്‍.വി കുറുപ്പ് എഴുതിയ നാല് ഗാനങ്ങളുണ്ടാകും സിനിമയില്‍

'ബോംബെ മാര്‍ച്ച് 12' റിലീസ് നീട്ടി

2011-06-23T20:55:00.000-07:00

മമ്മൂട്ടിയെ കേന്ദ്ര കഥാപാത്രമാക്കി തിരക്കഥാകൃത്ത് ബാബുജനാര്‍ദനന്‍ ആദ്യമായി സംവിധാനം ചെയ്യുന്ന ചിത്രം '1993 ബോംബേ മാര്‍ച്ച് 12' ന്റെ റീലീസ് നീട്ടി. ജൂണ്‍ 24ന് സിനിമ തിയേറ്ററിലെത്തിക്കുമെന്നാണ് വിതരണക്കാരായ പ്ലേ ഹൗസ് അറിയിച്ചിരുന്നത്. എന്നാല്‍ ആദാമിന്റെ മകന്‍ അബുവും ഇതേ ദിവസം തന്നെ പ്രദര്‍ശനത്തിനെത്തുന്നതിനാല്‍ ഒരാഴ്ച റീലീസ് വൈകിക്കാന്‍ തീരുമാനിച്ചത്. മറ്റ് മാറ്റങ്ങളുണ്ടായില്ലെങ്കില്‍ ഈ പരീക്ഷണ ചിത്രം ജൂണ്‍ 30 നെത്തും.

റെഡ് റോസ് ക്രിയേഷന്‍സിന്റെ ബാനറില്‍ ഹനീഫ് മുഹമ്മദ് നിര്‍മിക്കുന്ന ഈ ചിത്രത്തിന്റെ തിരക്കഥ ബാബു ജനാര്‍ദനന്‍ തന്നെ നിര്‍വഹിക്കുന്നു. ലാല്‍, ഉണ്ണി, ഇര്‍ഷാദ്, ജയന്‍, ശ്രീരാമന്‍, സാദിക്, ബാലചന്ദ്രന്‍ ചുള്ളിക്കാട്, ചെമ്പന്‍, സുധീര്‍ കരമന, അനില്‍ മുരളി, മണികണ്ഠന്‍ പട്ടാമ്പി, കൊച്ചു പ്രേമന്‍, ജോ, സന്തോഷ്, അരുണ്‍ നാരായണന്‍, മാസ്റ്റര്‍ ഫ്ലെമിന്‍ ഫ്രാന്‍സിസ്, റോമ, ശാരി, ജ്യോതി, ശരണ്യ ശശി, രഞ്ജുഷ മേനോന്‍, ശോഭാസിങ്, ബാവിക, ചിന്നു, മീനാക്ഷി, മിനി അരുണ്‍, സുധാനായര്‍, അര്‍ച്ചന, ബിന്ദു വരാപ്പുഴ എന്നിവരാണ് മറ്റ് താരങ്ങള്‍.
ലോകത്തെ നടുക്കിയ ബോംബെ ബോംബ് സ്‌ഫോടനം, അതുമായി ബന്ധമില്ലാത്ത മൂന്നുമലയാളികളുടെ ജീവിതത്തിലുണ്ടാക്കിയ സംഭവ ബഹുലമായ കാര്യങ്ങള്‍ സമകാലിക പശ്ചാത്തലത്തില്‍ ദൃശ്യവത്കരിക്കുകയാണ് ബാബു ജനാര്‍ദനന്‍.
ഛായാഗ്രഹണം-വിപിന്‍ മോഹന്‍, ഗാനരചന-റഫീക് അഹമ്മദ്, സംഗീതം-അഫ്‌സല്‍ യൂസഫ്.

മേയ് മാസപ്പൂക്കളുമായി പൃഥ്വിരാജ്

2011-06-14T22:26:00.000-07:00

മാണിക്യക്കല്ലിലൂടെ തന്‍റെ ഇമേജ് മാറ്റിപ്പണിയുകയായിരുന്നു ബിഗ്സ്റ്റാര്‍ പൃഥ്വിരാജ്. ആക്ഷന്‍ ചിത്രങ്ങളില്‍ മാത്രം തിളങ്ങുന്നു എന്ന പേരുദോഷമാണ് മാണിക്യക്കല്ലിലൂടെ പൃഥ്വി മാറ്റിത്തീര്‍ത്തത്. സത്യന്‍ അന്തിക്കാട് ലൈനിലുള്ള സിനിമകള്‍ക്ക് പ്രേക്ഷകര്‍ക്കിടയിലുള്ള സ്വീകാര്യത തിരിച്ചറിഞ്ഞാകണം ഇനി കുറച്ച് ‘ലൈറ്റ്’ സിനിമകള്‍ക്ക് പ്രാധാന്യം കൊടുക്കാമെന്നാണ് പൃഥ്വിരാജ് തീരുമാനിച്ചിരിക്കുന്നത്.

പാസഞ്ചര്‍, അര്‍ജുനന്‍ സാക്ഷി എന്നീ സിനിമകള്‍ സംവിധാനം ചെയ്ത രഞ്ജിത് ശങ്കര്‍ അല്‍പ്പം കട്ടിയുള്ള വിഷയങ്ങള്‍ സിനിമയാക്കണമെന്ന അഭിപ്രായക്കാരനാണ്. അര്‍ജുനന്‍ സാക്ഷി പരാജയമായെങ്കിലും തന്‍റെ അടുത്ത ചിത്രത്തിലും പൃഥ്വിയെ നായകനാക്കണമെന്നാണ് രഞ്ജിത് ശങ്കര്‍ ആഗ്രഹിച്ചത്. പൃഥ്വിയെ സമീപിച്ചപ്പോള്‍ അല്‍പ്പം ലളിതമായ സബ്ജക്ടുമായി വരാനുള്ള നിര്‍ദ്ദേശം കൊടുത്തതായാണ് വിവരം. എന്തായാലും പൃഥ്വിരാജിനെ നായകനാക്കി രഞ്ജിത് ശങ്കര്‍ സംവിധാനം ചെയ്യുന്ന ചിത്രത്തിന് പേരിട്ടു - ‘മേയ് ഫ്ലവര്‍’.

ലളിതമായ ഒരു ലവ് സ്റ്റോറിയാണ് മേയ് ഫ്ലവര്‍. പൃഥ്വിയുടെ നായികയായി ഒരു പുതുമുഖത്തെയാണ് പരിഗണിക്കുന്നത്. ഈ വര്‍ഷം അവസാനം ചിത്രീകരണം ആരംഭിക്കാനാണ് പദ്ധതി. രഞ്ജിത് ശങ്കര്‍ തന്നെ രചന നിര്‍വഹിക്കുന്നു.

അതേസമയം, ലാല്‍ ജോസ് സംവിധാനം ചെയ്യുന്ന കസിന്‍സ്, അമല്‍ നീരദ് സംവിധാനം ചെയ്യുന്ന ചിത്രം എന്നിവയുടെ ചര്‍ച്ചകള്‍ പൃഥ്വിയുടെ നേതൃത്വത്തില്‍ നടന്നുവരികയാണ്. കസിന്‍സില്‍ പൃഥ്വിക്കൊപ്പം മോഹന്‍ലാല്‍ അഭിനയിക്കുമ്പോള്‍ അമല്‍ നീരദ് ചിത്രത്തില്‍ മമ്മൂട്ടി എത്തുന്നു. അമല്‍ നീരദ് ചിത്രം നിര്‍മ്മിക്കുന്നതും പൃഥ്വിരാജാണ്.

‘ഇന്ത്യന്‍ റുപ്പീ’ ജൂലൈയില്‍, അമലാ പോള്‍ നായിക

2011-06-14T22:07:00.000-07:00

രഞ്ജിത് സംവിധാനം ചെയ്യുന്ന ‘ഇന്ത്യന്‍ റുപ്പീ’യില്‍ അമലാ പോള്‍ നായിക. തമിഴകത്തെ ഈ ‘മൈന’പ്പെണ്ണ് മലയാളത്തില്‍ നായികയാകുന്ന ആദ്യ ചിത്രമാണ് ഇന്ത്യന്‍ റുപ്പീ. പൃഥ്വിരാജാണ് നായകന്‍. സുരേഷ്ഗോപി ഒരു പ്രധാന കഥാപാത്രത്തെ അവതരിപ്പിക്കും. ജൂലൈ 15ന് ചിത്രീകരണം ആരംഭിക്കുന്ന ചിത്രം, പൃഥ്വിരാജിന്‍റെ 'ഓഗസ്‌റ്റ്‌ സിനിമ’യും രഞ്ജിത്തിന്‍റെ കാപിറ്റോള്‍ തീയേറ്ററും ചേര്‍ന്ന്‌ നിര്‍മ്മിക്കും.

മെയിന്‍‌സ്ട്രീം സിനിമയിലേക്ക് മഹാനടന്‍ തിലകന്‍റെ തിരിച്ചുവരവും ഈ ചിത്രത്തിലൂടെ ഉണ്ടാകും. നെടുമുടി വേണു, ഇന്നസെന്‍റ് തുടങ്ങിയവരും അഭിനയിക്കുന്നു. ഷഹബാസ് അമനാണ് സംഗീതം. കോഴിക്കോടാണ് പ്രധാന ലൊക്കേഷന്‍.

വളരെ വ്യത്യസ്തമായ ഒരു കഥയാണ് ഇന്ത്യന്‍ റുപ്പീയുടേത്. ഇന്നത്തെ യുവത്വത്തിന്‍റെ കഥയാണിത്. ‘ജെ പി’ എന്ന ജയപ്രകാശിനെയാണ് പൃഥ്വിരാജ് ഈ ചിത്രത്തില്‍ അവതരിപ്പിക്കുന്നത്. പുതിയ തലമുറയുടെ പ്രതീകം. പുതിയ തലമുറയുടെ കഥയെന്നു പറയുമ്പോള്‍ ആട്ടവും പാട്ടും ബൈക്കും റൊമാന്‍സും കോളജുമൊക്കെ ചേര്‍ത്തൊരു മസാല ഒനുമല്ല ഉദ്ദേശിക്കുന്നത്. അതിനപ്പുറത്ത്, പണത്തിനോട് അത്യാര്‍ത്തി പൂണ്ട് നടക്കുന്ന യുവത്വത്തിന്‍റെ കഥയാണിത്.

ജെ പിയുടെ മുത്തച്ഛന്‍ ഗാന്ധിയനായ ഒരു കള്ളുചെത്തുകാരനായിരുന്നു. ഒരു തുള്ളി കള്ള് പോലും കഴിക്കാത്ത കള്ളുചെത്തുകാരന്‍. മഹാത്മാഗാന്ധിയോടുള്ള ആദരവ് കാരണം അയാള്‍ മകന് ഗാന്ധി എന്ന് പേരിട്ടു. മുഴുക്കുടിയനായിരുന്നു ഗാന്ധി. ഗാന്ധിയാകട്ടെ മകന് ജയപ്രകാശ് എന്ന് പേരിട്ടു. ഒരുദിവസം കൊണ്ട് എങ്ങനെ പണക്കാരനാകാം എന്നായിരുന്നു അവന്‍റെ ചിന്ത. എല്ലാ പണക്കാരും അവന്‍റെ ദൈവങ്ങളായി. പൃഥ്വിരാജിന്‍റെ ഏറ്റവും മികച്ച കഥാപാത്രങ്ങളില്‍ ഒന്നായിരിക്കും ഇന്ത്യന്‍ റുപ്പീയിലെ ജെ പി.

മോശം സിനിമയ്ക്കുള്ള പുരസ്‌കാരങ്ങള്‍ പ്രഖ്യാപിച്ചു

2011-06-14T21:56:00.000-07:00

കോഴിക്കോട്: പ്രഥമ ഡൂള്‍ന്യൂസ് മലയാളം ഫിലിംബോര്‍ അവാര്‍ഡുകള്‍ പ്രഖ്യാപിച്ചു. 2010ല്‍ മോശം പ്രകടനം കാഴ്ചവെച്ച അഭിനേതാവിനുള്ള 'പുരസ്‌കാരം' മോഹന്‍ലാലിന് ലഭിച്ചു. മോശം നടിക്കുള്ള പുരസ്‌കാരം അര്‍ച്ചനാ കവിയും റിമ കല്ലിങ്കലും പങ്കിട്ടു. വിജി തമ്പിയാണ് മോശം സംവിധായകന്‍. ഏറ്റവും മോശം സിനിമയായി വിജി തമ്പി സംവിധാനം ചെയ്ത ഏപ്രില്‍ ഫൂള്‍ തിരഞ്ഞെടുക്കപ്പെട്ടു.

ഏറ്റവും ജനരോഷം ഉയര്‍ത്തിയ സിനിമ മേജര്‍രവി സംവിധാനം ചെയ്ത കാണ്ഡഹാറാണ്. ജഗദീഷ് മോശം തിരക്കഥാകൃത്തിനുള്ള ഫിലിംബോര്‍ അവാര്‍ഡ് നേടി. ചിത്രം ഏപ്രില്‍ഫൂള്‍. മോശം ഹാസ്യനടനായി സുരാജ് വെഞ്ഞാറമൂട് തിരഞ്ഞെടുക്കപ്പെട്ടു.
പ്രമുഖ മാധ്യമപ്രവര്‍ത്തകനും എഴുത്തുകാരനുമായ ബാബു ഭരദ്വാജ് അധ്യക്ഷനായ ജൂറിയാണ് ഫിലിംബോര്‍ പുരസ്‌കാരങ്ങള്‍ക്ക് അര്‍ഹമായ സിനിമകള്‍ തിരഞ്ഞെടുത്തത്.

ജൂണ്‍ 11ന് കോഴിക്കോട് പ്രസ്‌ക്ലബ്ബില്‍ നടത്തിയ വാര്‍ത്താസമ്മേളനത്തില്‍ അവാര്‍ഡുകള്‍ പ്രഖ്യാപിച്ചു. ജൂറി അംഗങ്ങളായ വി.എച്ച് നിഷാദ്, മജ്‌നി,നദീം നൗഷാദ്,മുഹമ്മദ് സുഹൈല്‍,ഡോ.കവിതാ രാമന്‍ എന്നിവര്‍ പങ്കെടുത്തു