Click News Kerala

സ്വകാര്യ നിമിഷങ്ങൾ പങ്കുവെച്ച് കാമുകന്റെ ആത്മഹത്യ: വിശദീകരണവുമായി നടി

noreply@blogger.com (Manu Marshal) — Fri, 21 Sep 2018 09:12:00 +0000

ഷൂട്ടിങ് സൈറ്റിലെത്തി കാമുകൻ തീവെച്ചു അത്മഹത്യ ചെയ്ത സംഭവത്തിൽ വിശദീകരണവുമായി പ്രശസ്ത തമിഴ് സീരിയൽ നടി നിലാനി രംഗത്ത്. നിലാനിയുടെ കാമുകനായി അറിയപ്പെട്ടിരുന്ന ഗാന്ധി ലളിത് കുമാർ എന്ന യുവാവാണ് കെ.കെ നഗറിലെ സീരിയൽ സെറ്റിലെത്തി തീകൊളുത്തി ആത്മഹത്യ ചെയ്തത്. സെപ്റ്റംബർ 15ന് ആയിരുന്നു സംഭവം. നിലാനിയുമൊത്തുള്ള സ്വകാര്യ നിമിഷങ്ങൾ സാമൂഹിക മാധ്യമങ്ങളിലൂടെ പ്രചരിപ്പിച്ച ശേഷമായിരുന്നു ഇയാളുടെ ആത്മഹത്യ.

എന്നാൽ ലളിത് കുമാറിന്റെ മരണത്തിൽ തെളിവുകൾ ഇല്ലാതിരുന്നിട്ടും തനിക്കെതിരെ അപസർപ്പക കഥകൾ മെനയുകയായിരുന്നുവെന്നാണ് നിലാനിയുടെ ആരോപണം. ഇൗ കാര്യം ഉന്നയിച്ച് കഴിഞ്ഞ ദിവസം നിലാനി കമ്മീഷണറെ കണ്ടിരുന്നു. ഇതിനു പിന്നാലെയാണ് വിശദീകരണവുമായി മാധ്യമങ്ങൾക്കു മുൻപിലും നിലാനി എത്തിയത്. ലളിത് ഒരു മാനസിക രോഗിയാണെന്നും തന്റെ കുഞ്ഞുങ്ങളെ കൊല്ലാൻ ശ്രമിച്ചുവെന്നും നിലാനി ആരോപിക്കുന്നു.

മൂന്ന് വർഷം മുൻപാണ് ലളിതിനെ പരിചയപ്പെടുന്നത്. രണ്ട് കുട്ടികളെ ഒറ്റയ്ക്കു വളർത്തുന്ന സ്ത്രീയെന്ന നിലയിൽ പല കാര്യങ്ങളിലും അയാൾ സഹായിക്കുമായിരുന്നു. ആ പരിചയത്തില്‍ അയാൾ വിവാഹ ആലോചനയുമായി മുന്നോട്ട് വന്നു. എന്നാൽ വിവാഹാഭ്യർത്ഥന താൻ നിരസിച്ചു. കുഞ്ഞുങ്ങളെ ബാധിക്കുമെന്നതിനാലാണ് അത്. ലളിതുമായുള്ള വിവാഹം ഒരു സംരക്ഷണം ആകുമെന്ന ചിന്തയും എനിക്കുണ്ടായിരുന്നു. എന്നാൽ അയാൾ ഒരു സ്ത്രീലമ്പടനാണെന്ന് പിന്നീട് മനസ്സിലായി.

സഹോദരനും സഹോദരിയും അയാൾക്ക് എതിരായിരുന്നു. അയാളുടെ സ്വാഭാവംമൂലം അമ്മ ഹൃദയം പൊട്ടി മരിക്കുകയായിരുന്നുവെന്നും നിലാനി ആരോപിക്കുന്നു. പല സ്ത്രീകളിൽ നിന്നു പണം തട്ടി ലളിത് കടന്നു കളഞ്ഞിട്ടുണ്ടെന്നും നിലാനി പറയുന്നു. ഇതോടെയാണ് അയാളുമായി അകലം പാലിച്ചത്. അതിനുശേഷം അയാളെ കാണുകയോ സംസാരിക്കുകയോ ചെയ്തിട്ടില്ല.

തൂത്തുക്കുടി സമരത്തിന്റെ പേരിലുളള കേസിൽ എന്നെ പുറത്തു കൊണ്ടു വന്നത് ലളിതായിരുന്നു. ഞാൻ ആവശ്യപ്പെടാതെയാണ് അയാൾ അത് ചെയ്തത്. നിരവധി സ്ത്രീകളുമായി ബന്ധമുണ്ടെന്ന് അയാൾ സമ്മതിച്ചതുമാണ്. എന്നോ‌ട് പ്രണയമാണെന്നും അയാൾ പറഞ്ഞു. പിന്നെ അഭ്യർഥന ഭീഷണിയാകാൻ തുടങ്ങി. വിവാഹത്തിനു സമ്മതിച്ചില്ലെങ്കിൽ എന്നെയും കുഞ്ഞുങ്ങളെയും കൊല്ലുമെന്ന് പറഞ്ഞു. ഒരുപാട് ശാരീരിക മർദനങ്ങൾക്കും ഞാൻ വിധേയയായി. എന്റെ സീരിയൽ സെറ്റിൽ വന്നാണ് അയാൾ സ്വയം തീ കൊളുത്തി മരിച്ചത്. ഞാൻ ഒളിവിൽ പോയിട്ടില്ല. നിങ്ങൾക്കു മുൻപിലുണ്ടെന്നും നിലാനി പറഞ്ഞു.

തമിഴ് സീരിയലുകളിലെ ശ്രദ്ധേയമായ സാന്നിധ്യമാണ് നിലാനി. തൂത്തുക്കുടി സ്റ്റെർലൈറ്റ് കമ്പനിക്കെതിരായി പ്രതിഷേധത്തിനിടെ പതിമൂന്ന് പേരെ വെടിവെച്ചു കൊന്ന പൊലീസ് നടപടിക്കെതിരെ ശക്തമായ വിമർശനം ഉന്നയിച്ചാണ് നിലാനി വാർത്തകളിൽ ഇടം നേടിയത്. പൊലീസ് വേഷത്തിൽ ലൈവിലെത്തിയതിന് നിലാനിക്കെതിരെ പൊലീസ് അന്ന് കേസെടുക്കുകയും ചെയ്തിരുന്നു.

നടുറോഡിൽ പെൺകുട്ടികളെ 'തൊട്ടുതലോടൽ'; ഹോംഗാർഡ് പൊലീസ് കസ്റ്റഡിയിൽ

noreply@blogger.com (Manu Marshal) — Wed, 19 Sep 2018 17:56:00 +0000

ട്രാഫിക് ഡ്യൂട്ടിക്കിടെ വിദ്യാർഥിനികളോട് അപമര്യാദയായി‌‌‌‌ പെരുമാറിയ ഹോം ഗാർഡ് ശിവകുമാർ പൊലീസ് കസ്റ്റഡിയിലായി. വഴിയിലൂടെ നടന്നു പോകുന്ന വിദ്യാർഥിനികളെയും യുവതികളെയും ഇയാൾ ദുരുദ്ദേശപരമായി സ്പർശിക്കുന്ന വിഡിയോ വൈറലായതോടെ തേവര പൊലീസാണ് ശിവകുമാറിനെ കസ്റ്റഡിയിലെടുത്തത്. തേവര ലൂർദ് പള്ളിക്കു മുന്നിലുള്ള കവലയിൽ ഡ്യൂട്ടിയിലുണ്ടായിരുന്ന ഇയാൾ പെൺകുട്ടികളെ ലൈംഗിക താൽപര്യത്തോടെ സ്പർശിക്കുന്നതു കണ്ട നാട്ടുകാരിൽ ഒരാൾ പകർത്തിയ വിഡിയോയാണ് സമൂഹമാധ്യമങ്ങളിൽ വൈറലായത്.

ഈ പാതിരാത്രിയിൽ ഞങ്ങൾ എങ്ങോട്ടു പോകാനാണ്? ഹോസ്റ്റൽ അനുഭവങ്ങളുമായി പെൺകുട്ടികൾ

noreply@blogger.com (Manu Marshal) — Wed, 19 Sep 2018 17:53:00 +0000

"ദേശാടനക്കിളി കരയാറില്ല" എന്ന പദ്മരാജൻ സിനിമയിൽ നിമ്മിയും സാലിയും കയറി ചെല്ലുന്ന ഹോസ്റ്റലിന്റെ മേട്രൺ അവരെ അവിടെ താമസിപ്പിക്കാൻ മടിക്കുന്നുണ്ട്, അപ്പോൾ സാലി പറയുന്ന വാചകങ്ങൾ ഇതാണ്, "ഈ പാതിരാത്രിയിൽ ഞങ്ങളെവിടേയ്ക്കാണ് പോകേണ്ടത്?. പുറത്തിറങ്ങിയാൽ ആരെങ്കിലും ഞങ്ങളെ ആക്രമിച്ചാൽ നിങ്ങളാണ് മറുപടി പറയേണ്ടി വരിക. ഞങ്ങൾ നിൽക്കണോ പോണോ...?
ഇതേ ചോദ്യം ഇവിടെ എത്ര ഹോസ്റ്റൽ മേട്രൻമാരോട് എത്ര പെൺകുട്ടികൾ പറഞ്ഞിട്ടുണ്ടാകും. കോട്ടയം മെഡിക്കൽ കോളേജിലെ വനിതാ ഹോസ്റ്റലിൽ നടക്കുന്നതും മറ്റൊന്നല്ല, രാത്രി 7 .30 നു മുൻപ് ഹോസ്റ്റലിൽ കയറിയില്ലെങ്കിൽ പിന്നെ ഗേറ്റിന് പുറത്ത് എന്നാണു ഇവിടുത്തെ ചട്ടം. ഇതുവരെ പെൺകുട്ടികൾ ഹോസ്റ്റൽ നിയമങ്ങൾ അനുസരിക്കുകയും അതനുസരിച്ച് മുന്നോട്ടു പോവുകയും ചെയ്തു, പക്ഷേ കോളജിന്റെ അടുത്തുള്ള പരിശീലന കേന്ദ്രത്തിൽ നിന്നും ക്ലാസ് കഴിഞ്ഞ് കുട്ടികൾക്ക് ഇറങ്ങാഃ്‍ സാധിക്കുന്നത് ഒൻപത് മണിക്കാണ്. ഇതോടെയാണ് പ്രശ്നം രൂക്ഷമായത്. ഔദ്യോഗികമായി അറിയിച്ചെങ്കിലും ഹോസ്റ്റൽ മേട്രൺ കുട്ടികളെ പ്രവേശിപ്പിക്കാതിരുന്നതോടെ കുട്ടികൾ ഹോസ്റ്റലിനു മുന്നിൽ സമരം തുടങ്ങി.

പെൺകുട്ടികൾ രാത്രി ഇറങ്ങി നടന്നാൽ എന്താണ് സംഭവിക്കുക എന്ന ചോദ്യം നാളുകളായി ഉയർന്നു കേൾക്കാൻ തുടങ്ങിയിട്ട്. പെൺകുട്ടികൾക്ക് മാത്രമായി എന്താണ് ഒരു അസമയം എന്ന ചോദ്യം "ക്വീൻ" എന്ന മലയാള സിനിമയിൽ വക്കീലായി വേഷമിട്ട സലിം കുമാർ ചോദിച്ചത് സദാചാര ഭാണ്ഡം പേറുന്ന മലയാളിയോട് തന്നെയായിരുന്നു. ഈ അസമയത്തിന്റെ പേരിലാണ് പെൺകുട്ടികൾ മാത്രമുള്ള ഹോസ്റ്റലിൽ സമയ ക്ലിപ്തത കണിശമായിരിക്കുന്നത്.എന്നാൽ സമയം കഴിഞ്ഞും അത്യാവശ്യങ്ങൾക്ക് മാറി നിൽക്കേണ്ടി വരുന്ന പെൺകുട്ടികളെ ഹോസ്റ്റൽ ഗേറ്റിനു പുറത്തെ ഇരുട്ടിൽ നിർത്തുന്നതിന്റെ സാംഗത്യമെന്താണ്?
കോട്ടയം മെഡിക്കൽ കോളേജിൽ നടക്കുന്ന സമരത്തിന്റെ ഒപ്പം കേരളത്തിലുടനീളമുള്ള ഹോസ്റ്റലുകളിലെ പെണ്ണനുഭവങ്ങൾ അറിയുന്നത് നന്നായിരിക്കും. ഇവിടെ കുറച്ചു പെൺകുട്ടികൾ അവരുടെ ഹോസ്റ്റലനുഭവം തുറന്നു പറയുന്നു:
എഴുത്തുകാരിയും ഐ ടി ഉദ്യോഗസ്ഥയുമായ സൂര്യ സുരേഷ്
ആന്റിയമ്മ എപ്പോഴുമൊന്നും ദേഷ്യപ്പെട്ടു കണ്ടിട്ടില്ല പക്ഷേ അന്ന് ട്രെയിൻ താമസിച്ചെത്തിയ ആ ദിവസം.. തൃശൂരിൽ നിന്നും ട്രെയിനിങ് കഴിഞ്ഞു മടങ്ങിയ ദിവസം, 8 മണികഴിഞ്ഞാൽ ഇങ്ങോട്ടു വരരുത് മറ്റെന്താണെന്നുവച്ചാൽ നോക്കിക്കൊള്ളൂവെന്ന് ഒരു ദാക്ഷണ്യവുമില്ലാതെ പറഞ്ഞ ആ ദിവസം ഫോൺ കട്ട് ചെയ്ത് ഞാൻ കുറേയധികം സമയം വെറുതേയിരുന്നു. എന്തു ചെയ്യും സമയം 7.30 ഇനിയും 1 മണിക്കൂറിലധികം എങ്ങോട്ട് പോകും.
സഹയാത്രിക വീട്ടിലേക്ക് ക്ഷണിച്ചു ഒരു ദിവസത്തെ പരിചയത്തിന്റെ പുറത്ത് എങ്ങനെ പോകും?. ദൈവമേ കൂട്ടുകാരി ചിത്ര സ്ഥലത്ത് ഉണ്ടാകണേ എന്നു പ്രാർഥിച്ചു ചിത്രയെ വിളിച്ചു. ഭാഗ്യം കൊണ്ട് അവൾ സ്ഥലത്തുണ്ടായിരുന്നു. കൊരട്ടിയിൽ നിന്നു വീണ്ടും ഒരു മണിക്കൂർ കൂടെ.. ചാലക്കുടി എത്തിയപ്പോൾ ഒരിക്കൽക്കൂടി ആന്റിയമ്മയെ വിളിച്ചു 'ങ്ങാ വന്നേക്ക് ഇനി ഇതാവർത്തിക്കാതിരിക്കരുത്' എന്നു പറഞ്ഞു. ആവർത്തനങ്ങൾ.. ഇനി ഒരു ട്രെയിനിങ് കൂടെ എന്നുണ്ടാകാൻ വെറുതെ ഒന്ന് ചിരിച്ചു ചെന്നു കയറിയപ്പോൾ മനസ്സിൽ ചോദിച്ചു നിങ്ങളുടെ മകളായിരുന്നെങ്കിലോ ആന്റിയമ്മേ..?

സൂര്യ സുരേഷ്

പഠിച്ചകാലം മുതൽ ഇങ്ങോട്ട് 8 വർഷക്കാലം ഹോസ്റ്റലുകൾ പലതരം വാർഡൻ മാർ പലതരം സുഹൃത്തുക്കൾ. ലോകവിവരം തീരെ ഇല്ലാത്ത ചില വാർഡൻമാർ.. ,ഐ വി കഴിഞ്ഞു 10 മണിക്ക് ഹോസ്റ്റലിനു മുന്നിൽ കോളേജ് ബസ് നിർത്തിയപ്പോൾ ഹോസ്റ്റലിൽ കയറാൻ അനുവാദം നൽകാത്ത വാർഡൻ അങ്ങനെ ഒരുപാടോർമ്മകൾ. വൈകുന്നേരം 6.30 വരെ ജോലി കഴിഞ്ഞ് ഒറ്റക്കു വിശന്നു പൊരിഞ്ഞു എവിടേലും കേറി ഒറ്റയ്ക്ക് മടുത്തു മടുത്തു ഭക്ഷണം കഴിച്ചു എങ്ങനെലും ഒന്നു കിടന്നാൽ മതിയെന്നു കരുതി കയറി ചെല്ലുമ്പോൾ ശകാരവർഷം ചൊരിയുന്ന ദൈവത്തിന്റെ മണവാട്ടികൾ. ഹോസ്റ്റലോർമ്മകൾ ഒരുപാടാണ്. ജീവിതത്തിൽ ഒറ്റയ്‌ക്കായിപ്പോയ ചില മനുഷ്യർ വാർഡൻ എന്ന സ്ഥാനം ഏറ്റുകഴിഞ്ഞാൽ പിന്നെ ജീവിതം ഒരു മുറിയിൽ നിന്നപ്പുറത്തെ മുറിയും പിന്നെ അടുക്കളയും അതും കഴിഞ്ഞാൽ പെൺകുട്ടികളോടുള്ള വെറുപ്പുമായി ജീവിതം തീർക്കുന്ന ചിലർ...ഇരുട്ടിൽ കൈമടക്കു കൊടുക്കുന്ന ചിലരെ എപ്പോൾ വേണമെങ്കിലും കയറ്റുന്ന വാർഡന്മാർ.. അങ്ങനെ അങ്ങനെ എന്തൊക്കെ...
ഫ്രീലാൻസ് മാധ്യമപ്രവർത്തകയായ ശ്രുതി രാജേഷ്
"നാലു വർഷക്കാലം തിരുവനന്തപുരം നഗരത്തിലെ രണ്ടു വനിതാ ഹോസ്റ്റലുകളിൽ നിന്നിട്ടുണ്ട്. ഹോസ്റ്റൽ ജീവിതം നൽകുന്ന അനുഭവങ്ങൾ എന്നും ജീവിതത്തിൽ ഓർത്തുവയ്ക്കാൻ തക്ക പ്രിയപെട്ടവ തന്നെയാണ്. എങ്കിലും ചിലനേരങ്ങളിൽ ഹോസ്റ്റലുകളിലെ ചില നിയമങ്ങൾ മൂലം ചെയ്യാത്ത കുറ്റങ്ങൾക്ക് പഴി കേട്ടു നിൽക്കേണ്ടി വന്നിട്ടുണ്ട്.. പിജി ക്ക് പഠിക്കുമ്പോൾ നിന്നിരുന്ന കോളജ് ഹോസ്റ്റൽ മറ്റു ഒട്ടുമിക്ക കോളേജ് ഹോസ്റ്റലുകളെപ്പോലെ തന്നെ ഒരേ അച്ചിൽ വാർത്തതു തന്നെയായിരുന്നു. അഞ്ചരയ്ക്കുള്ളിൽ ഗേറ്റ് കടക്കണം. രജിസ്റ്റർ ബുക്കിൽ പോയ സ്ഥലവും സമയവും വന്ന സമയവും സഹിതം ഒപ്പിട്ട് രേഖപ്പെടുത്തണം അങ്ങനെ അങ്ങനെ..
ഒരിക്കൽ യൂണിവേഴ്സിറ്റിയിൽ പോയി തിരികെ വരുമ്പോൾ ഒരൽപ്പം വൈകി. അഞ്ചര കഴിഞ്ഞു പത്തു മിനിറ്റ് ആയിപോയതിനു ഗേറ്റ് അടച്ചിട്ടു.. അന്നൊക്കെ പ്രതികരിക്കാൻ ധൈര്യം പോരായിരുന്നു. ഗേറ്റ് തുറക്കാനായി ഒടുവിൽ വാർഡന്റെ കൈയ്യിൽ നിന്നും ഒരുപാട് വഴക്ക് കേൾക്കേണ്ടി വന്നു.. അവിടെ മിക്കപ്പോഴും ഇതൊരു പതിവായിരുന്നു കൊണ്ട് അന്നത് മറന്നു. പിന്നെ വീണ്ടുമൊരു കോഴ്സ് ചെയ്യുമ്പോൾ നിന്ന ഒരു ഹോസ്റ്റലിൽ ആറു മണിയായിരുന്നു അകത്തു കയറേണ്ട സമയം. കൂടെ ഉള്ള ഒരാൾക്ക് വയ്യാതെ ആശുപത്രിയിൽ പോയിട്ട് വരാൻ പോലും വൈകിയാൽ പിന്നെ അന്ന് പൂരപ്പാട്ടായിരുന്നു.

ശ്രുതി രാജേഷ്

ഒരിക്കൽ ലൈബ്രറിയിൽ പോയിട്ട് തിരികെ വരാൻ ഓട്ടോയും ബസ്സും ഒന്നും കിട്ടിയില്ല. രണ്ടു കിലോമീറ്ററോളം വെപ്രാളപ്പെട്ട് ഓടിക്കിതച്ചു വരുമ്പോഴേക്കും ഗേറ്റ് ക്ലോസ്ഡ്. അന്ന് വാർഡന്റെ വക ചീത്ത കിട്ടാണ്ടിരിക്കാൻ എന്റെ മാല കളഞ്ഞു പോയി അത് തപ്പി നടന്നതു കൊണ്ടാണ് താമസിച്ചു പോയത് എന്നു വരെ കള്ളം പറയേണ്ടി വന്നിട്ടുണ്ട്... ഇന്നോർക്കുമ്പൾ തമാശ ആണെങ്കിലും അന്നൊക്കെ ഇതെല്ലാം വലിയ വലിയ ആശങ്കകളായിരുന്നു..എന്തെങ്കിലും ആവശ്യത്തിന് പുറത്തേക്കു പോയിട്ടു വൈകി വരേണ്ടി വന്നാൽ അവരെ എല്ലാവരെയും സംശയകണ്ണോടെ നോക്കുന്നതാണ് സഹിക്കാൻ കഴിയാത്തത്"
നഴ്‌സായ ആതിര ഗീത രമേശ്
"ഞാൻ എറണാകുളം ജനറൽ ആശുപത്രിയില്‍ നഴ്സ് ആയി ജോലി ചെയുന്നയാളാണ്. കടവന്ത്ര രാജീവ് ഗാന്ധി ഇൻഡോർ സ്റ്റേഡിയത്തിനടുത്തുള്ള ഒരു ഹോസ്റ്റലിൽ ആണ് താമസിക്കുന്നത്. കഴിഞ്ഞ 2 വര്‍ഷം 8 മാസമായി അവിടെത്തന്നെയാണ്‌ താമസിക്കുന്നത്. വാർഡൻ,വാച്ച്മാൻ , 2ക്ലീനിങ് സ്റ്റാഫ്‌ , 3 മെസ്‌വർക്കർമാർ എന്നിവരാണുള്ളത്. വർക്കിങ് വിമൻ ഹോസ്റ്റൽ ആണെന്നാണ് പേരെങ്കിലും കൂടുതലും വിദ്യാർഥികൾ തന്നെയാണിവിടെയുള്ളത്. വാടക കുഴപ്പം ഇല്ല, പക്ഷേ ഭക്ഷണം, മറ്റു സൗകര്യങ്ങൾ അതായത് ബാത്ത്‌റൂം, ഒക്കെ തുറന്ന അവസ്ഥയിലാണ്. ബാത്ത്‌റൂമിന് ലോക്ക് ഇല്ല, വസ്ത്രങ്ങൾ വയ്ക്കുന്ന ഇടത്തത്തിനു ലോക്കില്ല ഇപ്പോഴും അവസ്ഥ ഇത് തന്നെ.. രാവിലെ 6 മണിക്ക് ഗേറ്റ് തുറക്കും , വൈകിട്ട് 7 മണിക്ക് അടയ്ക്കും .ആശുപത്രിയിൽ ഡ്യൂട്ടി ഷിഫ്റ്റ് ഉള്ളത് കൊണ്ട്‌ എനിക്ക് ഡിഎംഒയുടെ ഔദ്യോഗിക കത്തിന്റെ പുറത്ത് ഇളവ് കിട്ടാറുണ്ട്. ഇവിടെയാണ് കഴിഞ്ഞ വര്‍ഷം ഒരു രാത്രി വായന മുറിയുടെ ജനാല വഴി അടുത്ത കോളനിയിൽ ഉള്ള ഒരാൾ അകത്തു കടന്നത്. അന്ന് വാച്ച്മാൻ പോലും ഉണ്ടായിരുന്നില്ല.

ആതിര ഗീത രമേശ്

പ്രളയത്തിന്റെ സമയത്ത് വാർഡൻ ചാലക്കുടിയിൽ ആയതു കൊണ്ട്‌ ഹോസ്റ്റലിൽ ചാർജ് മെസ് വർക്കറിനായിരുന്നു . കുറച്ച് പേര്‌ ഹോസ്റ്റലിൽ ഉണ്ടായിരുന്നു എന്നിട്ടും അവർ ഹോസ്റ്റൽ പൂട്ടി പോകുകയാണു ചെയ്തത്. കുട്ടികൾ വേണമെങ്കിൽ വീട്ടില്‍ പൊയ്ക്കോ ഇല്ലെങ്കില്‍ ഇവിടെ തനിയേ ഭക്ഷണം ഉണ്ടാക്കി കഴിക്കണം എന്നു പറഞ്ഞാണ് അവർ പോയത്. ഞാൻ എംഎൽഎയെ വിളിച്ച് അറിയിക്കുകയും അതിനുസരിച്ച് എല്ലാ സർക്കാർ ഹോസ്റ്റലുകളും നടത്തണം എന്ന് തൊട്ടടുത്ത ദിവസം ഓർഡർ ഉണ്ടാവുകയും ചെയതു. ഹോസ്റ്റൽ ഫീസ് എല്ലാ മാസവും 10 നു മുമ്പ് അടയ്ക്കണം. പലപ്പോഴും കാശ് കൈയിൽ കൊണ്ട്‌ നടന്നാലും വാർഡനെ കാണാറില്ല. ഓരോ ദിവസം ലേറ്റ് ആകുമ്പോൾ അഞ്ചു രൂപ വീതം ഫൈൻ വാങ്ങും അങ്ങനെ കുറെ ബുദ്ധിമുട്ടുകളെ അതിജീവിച്ചാണ് മുന്നോട്ടു പോകുന്നത് .."
ഗൾഫിലെയും മുംബൈയിലെയും ഹോസ്റ്റൽ അനുഭവം തുറന്നു പറയുന്നു ധന്യ മോഹൻ
"അറബികളായ വീട്ടു ജോലിക്കാർ പലപ്പോഴും ഒത്തിരി സങ്കടമുണ്ടാക്കിയിട്ടുണ്ട്. മിനിസ്റ്ററിയുടെ ഹോസ്റ്റലായുകൊണ്ട് എല്ലാ സൗകര്യവുമുണ്ടെങ്കിലും ചില നിയമങ്ങൾ പ്രശ്നമാണ്. എപ്പോഴുമുള്ള റോൾകോളുകൾ, ഉറങ്ങിപ്പോയാൽ രാത്രിയിൽ വന്നെഴുന്നേൽപ്പിക്കും. തിരിച്ചു പറഞ്ഞാൽ അവരുടെ നോട്ടപ്പുള്ളി ആകും. സമയത്തു തിരികെ വരാൻ സാധിക്കാതെ വരുമ്പോൾ അതു വിളിച്ചറിയിക്കുമ്പോൾ ദേഷ്യപ്പെടും പിന്നെ പ്രധാന വാർഡന്റെ ചോദ്യം ചെയ്യൽ ഇതൊക്കെ ബുദ്ധിമുട്ടുകൾ ഉണ്ടാക്കാറുണ്ട്. പ്രധാനമായും മൂന്നു രാജ്യക്കാരാണു ഹോസ്റ്റലിൽ ഫിലിപ്പീനികൾ, ഇന്ത്യക്കാർ കൂടാതെ ഈജിപ്ഷ്യൻസ് പിന്നെ 2 ഇന്തോനേഷ്യൻസ് കൂടിയുണ്ട്. ഭാഷയറിയാവുന്നതുകൊണ്ട് ഈജിപ്ഷ്യൻസിനു ആ പരിഗണന ലഭിക്കുമ്പോൾ പലപ്പോഴും ഇന്ത്യക്കാർക്കു ശകാരമായിരിക്കും ഇവിടെ ലഭിക്കുക.

ധന്യ മോഹൻ

മുംബൈയിൽ പഠിച്ചു കൊണ്ടിരിക്കുന്ന സമയത്താണ് ആദ്യമായി ഹോസ്റ്റലിൽതാമസിച്ചിരുന്നത്. മുംബൈ നഴ്സിങ്ങ് കോളേജ് ടൈം പ്രശ്നമാണ് .അവിടെ ആഴ്ചയിൽ ഒരു ദിവസം വൈകിട്ടു 3 മണിക്കൂർ വെളിയിൽ പോകാം. കുട്ടികൾ ഫോണുപയോഗിക്കരുത് . 7 to 9.30 പഠിക്കുന്ന സമയമാണ് . ഉറപ്പായും വാർഡന്റെ കറക്കം ഉണ്ടാകും . കത്തുകൾ പോലും വായിച്ചിട്ടേ കിട്ടൂ. ഇവിടെ നമുക്ക് തന്നെ ഭക്ഷണം ഉണ്ടാക്കാം,, എങ്കിലും പലവിധ പ്രശ്നങ്ങളെ അഭിമുഖീകരിക്കേണ്ടി വന്നിട്ടുണ്ട്. "
നീതു വിജയൻ പറയുന്നു
എറണാകുളത്തെ ഹോസ്റ്റൽ അനുഭവമാണിത്, കൃത്യം 7 മണിക്ക് രാത്രി ഹോസ്റ്റൽ ഗേറ്റ് അടയ്ക്കും. അതു കഴിഞ്ഞു വന്നൽപ്പിന്നെ ബുദ്ധിമുട്ടാണ്. വാച്ച്മാൻ വാർഡനെ വിളിക്കും. 3 വാർഡന്മാരുണ്ട്. ഒരാൾ മെയിൻ വാർഡനും . പിന്നെ വീട്, പഠിക്കുന്ന സ്ഥാപനം, ജോലിചെയ്യുന്ന ഓഫിസ് എല്ലായിടത്തേയ്ക്കും വിളിയോടു വിളി .. പിന്നെ ഒരു പൂരമാണ്...
ഇതൊക്കെ കഴിഞ്ഞ് ഉള്ളിൽ കേറുമ്പോഴേക്കും. രണ്ടു മണിക്കൂർ ആവും. കൃത്യം 9 ആവുമ്പഴേക്കും മെസ് അടക്കും. കഴിച്ചോ എന്ന് ചില മെസ്സ് ചേച്ചിമാർ അപൂർവമായി കണ്ടാൽ ചോദിക്കും. ചൊവ്വാഴ്ചകളിൽ കലൂർ പള്ളിയിലെ തിരക്ക് , ട്രാഫിക്ക് ബ്ലോക്ക് എന്നിവ കണക്കാക്കി പകുതി വഴിയിൽ ക്ലാസ് നിർത്തി നേരത്തെ ഇറങ്ങേണ്ടി വന്നിട്ടുണ്ട്, ഈ ഹോസ്റ്റൽ സമയ പ്രശ്നം കാരണം. ക്രാഷ് കോഴ്‌സുകൾ ചെയ്യുമ്പോൾ നന്നെ ബുദ്ധിമുട്ടിയിട്ടുണ്ട്. പിന്നെന്തിനാ അവിടെത്തന്നെ നിൽക്കുന്നതെന്നു ചോദിച്ചാൽ കാരണം പറയാനുണ്ട്, അതും പറയാനുണ്ട്, ഒരു സ്വകാര്യ ഹോസ്റ്റൽ അനുഭവം പറയാം

നീതു വിജയൻ

ഒരു ഫാമിലി നടത്തുന്ന ഹോസ്റ്റൽ താഴത്തെ നിലയിൽ ഭാര്യയും ഭർത്താവും താമസം,മുകളത്തെ നിലയിൽ വാടകയ്ക്ക്. ഗ്രൗണ്ട് ഫ്ലോറിലൂടെ ലൂടെ മാത്രമേ മുകളിലേക്കു പോകാൻ പറ്റൂ..
കൂട്ടു കുടുംബ മോഡൽ ഹോസ്റ്റൽ -
ജോബ് പ്ലസ് സ്റ്റഡീസ് (Job + studies )ആയിരുന്നു മിക്കവരും . ക്ലാസ് നാല് വീടുകൾക്കപ്പുറം. എന്നാലും നേരം വൈകിയാൽ പ്രശ്നമാണ്. പഠിപ്പിക്കുന്ന അധ്യാപകൻ തക്കം കിട്ടിയാൽ ഉപദ്രവിക്കും എന്ന രീതിയിൽ അപഖ്യാതി പറഞ്ഞ് കുട്ടികളുടെ വീട്ടുകാരെ പേടിപ്പെടുത്തും. ക്ലാസിലെ പുതിയ കുട്ടികളിൽ ഒരാവശ്യവും ഇല്ലാതെ സംശയത്തിന്റെ തീ കോരിയിടുകയാണ് ഹോസ്റ്റൽ നടത്തുന്ന വീട്ടുടമസ്ഥന്റെ സ്ഥിരംപരിപാടി.
കുറച്ചു കഴിഞ്ഞപ്പോൾ ഈ വ്യക്തിയുടെ പെരുമാറ്റം സംശയാസ്പദമായി. ചില കമന്റുകൾ സുഖകരമായി തോന്നിയില്ല,.. ഒരു രാത്രി സ്വന്തം ഭാര്യയെ അയാൾ തല്ലുന്നതും തൊഴിക്കുന്നതും കണ്ടു. ഒട്ടും താമസിച്ചില്ല അവിടുന്ന് രക്ഷപ്പെട്ടു. അതുകൊണ്ടാണ് സ്ട്രിക്ട് ആണേലും ആദ്യം പറഞ്ഞ ഹോസ്റ്റലിൽ തന്നെ നിന്നത്."

യുവെ നിരയുമായി റൊണാൾഡോ

noreply@blogger.com (Manu Marshal) — Wed, 19 Sep 2018 17:34:00 +0000

മഡ്രിഡ് ∙ റയൽ മഡ്രിഡ് വിട്ടതിനു ശേഷം ക്രിസ്റ്റ്യാനോ റൊണാൾ‍ഡോ വീണ്ടും സ്പെയിനിലേക്കു തിരിച്ചെത്തുന്നു. മഡ്രിഡിന്റെ സ്വന്തം മൈതാനമായ സാന്തിയാഗോ ബെർണബ്യൂവിലേക്കല്ല മടങ്ങിവരവ്. ഇറ്റാലിയൻ ക്ലബ് യുവെന്റസിന്റെ ജഴ്സിയിൽ റൊണാൾഡോ ഇന്നു സ്പാനിഷ് ക്ലബ് വലെൻസിയയെ നേരിടുമ്പോൾ കണ്ണും കാതും ക്രിസ്റ്റ്യാനോയിലാണ്. യുവെന്റസിനു വേണ്ടി സെരി എയിൽ ഗോൾ അക്കൗണ്ട് തുറന്നതിനാൽ സമ്മർദങ്ങളുടെ മേൽക്കുപ്പായം റൊണാൾഡോ ഊരിവച്ചു കഴിഞ്ഞു.മഡ്രിഡ് ∙ റയൽ മഡ്രിഡ് വിട്ടതിനു ശേഷം ക്രിസ്റ്റ്യാനോ റൊണാൾ‍ഡോ വീണ്ടും സ്പെയിനിലേക്കു തിരിച്ചെത്തുന്നു. മഡ്രിഡിന്റെ സ്വന്തം മൈതാനമായ സാന്തിയാഗോ ബെർണബ്യൂവിലേക്കല്ല മടങ്ങിവരവ്. ഇറ്റാലിയൻ ക്ലബ് യുവെന്റസിന്റെ ജഴ്സിയിൽ റൊണാൾഡോ ഇന്നു സ്പാനിഷ് ക്ലബ് വലെൻസിയയെ നേരിടുമ്പോൾ കണ്ണും കാതും ക്രിസ്റ്റ്യാനോയിലാണ്. യുവെന്റസിനു വേണ്ടി സെരി എയിൽ ഗോൾ അക്കൗണ്ട് തുറന്നതിനാൽ സമ്മർദങ്ങളുടെ മേൽക്കുപ്പായം റൊണാൾഡോ ഊരിവച്ചു കഴിഞ്ഞു.
പക്ഷേ, സ്ഥിരം തന്റെ ഇഷ്ടഅരങ്ങായ ചാംപ്യൻസ് ലീഗിൽ റൊണാൾഡോ കാത്തുവച്ചിരിക്കുന്നത് എന്താകും? റയൽ മഡ്രിഡ്–എഎസ് റോമ, ബെൻഫിക്ക–ബയൺ മ്യൂണിക്, പ്ലേസൻ–സിഎസ്കെഎ മോസ്കോ, മാഞ്ചസ്റ്റർ സിറ്റി–ലയോൺ, യങ് ബോയ്സ്–മാഞ്ചസ്റ്റർ യുണൈറ്റ‍ഡ് എന്നിവയാണ് ഇന്നത്തെ മറ്റു മൽസരങ്ങൾ പ്രധാന മൽസരങ്ങൾ:
∙ റയൽ മഡ്രിഡ്–എഎസ് റോമ
റൊണാൾഡോ പോയതിനു ശേഷം റയലിനു ഒത്തിണക്കം കൂടി എന്നാണു ഗാരെത് ബെയ്ൽ കഴിഞ്ഞ ദിവസം പറഞ്ഞത്. പറഞ്ഞതു തെളിയിക്കാനുള്ള കടമ ബെയ്‌ലിനും കൂട്ടർക്കുമുണ്ട്. സിദാനും റൊണാൾഡോയും പോയതിനുശേഷം റയൽ എങ്ങനെ മാറി എന്നതും കണ്ടറിയാം. റോമ ഇപ്പോഴും കഴി‍ഞ്ഞ വർഷം ബാർസിലോനയെ വീഴ്ത്തിയതിന്റെ ഹാങ്ങോവറിൽ തന്നെയാണ്. ബാർസയ്ക്കു പിന്നാലെ റയലിനെയും അവർ വീഴ്ത്തുമോ..? ഗോൾകീപ്പർ ആലിസണും മിഡ്ഫീൽഡർ റാജ നെയ്ങ്കോളനും ഇത്തവണ ടീമിലില്ല.
∙ ബെൻഫിക്ക–ബയൺ മ്യൂണിക്
യൂറോപ്യൻ കിരീടം എന്നതു ബയണിനെ അലട്ടാൻ തുടങ്ങിയിട്ടു കാലം കുറച്ചായി. പെപ്പ് ഗ്വാർഡിയോളയെ കൊണ്ടുവന്നിട്ടും അവർക്കതിനു സാധിച്ചില്ല. ഐൻട്രാക്റ്റ് ഫ്രാങ്ക്ഫുർട്ടിൽ നിന്നു നിക്കോ കൊവാസിച്ചിനെ കൊണ്ടുവന്നാണു പടപ്പുറപ്പാട്. റോബർട്ട് ലെവൻഡോവ്സ്കി, തോമസ് മുള്ളർ, ഹാമിഷ് റോഡ്രിഗസ് എന്നിവരടങ്ങിയ താരനിരയിൽ തന്നെ പ്രതീക്ഷ. അയാക്സും എഇകെ ആതൻസുമുള്ള ഗ്രൂപ്പിൽ നിന്നു ബെൻഫിക്കയും നോക്കൗട്ട് പ്രതീക്ഷിക്കുന്നു.
∙ മാഞ്ചസ്റ്റർ സിറ്റി–ലയോൺ
ചാംപ്യൻസ് ലീഗ് മറ്റൊരു ‘ലെവലാണ്’ എന്നത് എല്ലാവരെക്കാളും അറിയാവുന്നയാൾ പെപ്പ് ഗ്വാർഡിയോളയാണ്. മാഞ്ചസ്റ്റർ സിറ്റിയെ തന്റെ സ്റ്റൈലിലേക്കു കൊണ്ടുവന്നു പ്രീമിയർ ലീഗിൽ കിരീടം ചൂടിച്ച പെപ്പിന്റെ ഇനിയുള്ള ലക്ഷ്യം യൂറോപ്യൻ കിരീടം തന്നെ. കെവിൻ ഡിബ്രൂയ്നെ പരുക്കേറ്റു വിശ്രമിക്കുകയാണെങ്കിലും സിറ്റിയുടെ താരപ്പകിട്ടിന് ഒട്ടും കുറവില്ല. ഫ്രഞ്ച് താരം നബിൽ ഫെകിറിന്റെ നേതൃത്വത്തിൽ ഇറങ്ങുന്ന ലയോൺ അത്യധ്വാനം ചെയ്യേണ്ടി വരും കളി ജയിക്കാൻ.

ലക്ഷ്മി നായരുമായി അടുപ്പമുണ്ടായിരുന്ന ചില പെണ്‍കുട്ടികളെ രാത്രി എട്ടുമണിക്ക് ശേഷം കാറില്‍ കയറ്റി കൊണ്ടു പോകുന്നത് എങ്ങോട്ട്; ഞെട്ടിപ്പിക്കുന്ന വെളിപ്പെടുത്തലുമായി ലോ അക്കാഡമിയിലെ പൂര്‍വ്വ വിദ്യാര്‍ത്ഥിയായ അഭിഭാഷകന്‍

noreply@blogger.com (Anonymous) — Wed, 25 Jan 2017 08:16:00 +0000

കൊച്ചി: സംസ്ഥാനത്തെ സ്വശ്രയമാനേജ്‌മെന്റുകളുടെ ക്രൂരത വെളിപ്പെടുത്തി പാമ്പാടി നെങറു കോളേജ് സംവത്തിന് പിന്നാലെ തിരുവനന്തപുരം ലോ അക്കാഡമിക്ക് എതിരേയും പ്രിന്‍സിപ്പല്‍ ലക്ഷ്മിനായര്‍ക്കെതിരെയും അനിദിനം ധാരാളം പരാതികളാണ് ഉയര്‍ന്നു വരുന്നത്. അക്കൂട്ടത്തില്‍ ലക്ഷ്മിനായര്‍ക്കെതിരെയുള്ള പുതിയ വെളിപ്പെടുത്തലുകളുമായി അഡ്വ കരകുളം ആദര്‍ശ് രംഗത്തെത്തിയിരിക്കുകയാണ് ഇപ്പോള്‍. ഡോ. ലക്ഷമി നായര്‍ കള്ളക്കേസില്‍ കുടുക്കി പീഡിപ്പിച്ച എസ്എഫ്‌ഐ നേതാവായ ആദര്‍ശ് ഒരു മാധ്യമത്തോടാണ് തന്റെ ജീവിതത്തിലെ കയ്‌പ്പേറിയ അനുഭവങ്ങള്‍ പങ്കുവെച്ചത്. ലോ അക്കാഡമി ലോ കോളജില്‍ പ്രിന്‍സിപ്പല്‍ ലക്ഷ്മിനായര്‍ വിദ്യാര്‍ത്ഥികളോട് കാണിക്കുന്ന ക്രൂരതകള്‍ പുറത്ത് വന്നുകൊണ്ടിരിക്കുന്ന സാഹചര്യത്തില്‍ മുമ്പ് പ്രിന്‍സിപ്പല്‍ കരിയര്‍ തകര്‍ത്തിട്ടും തോറ്റുകൊടുക്കാതെ ജീവിതത്തിലേക്ക് മടങ്ങിവന്ന പൂര്‍വ വിദ്യാര്‍ത്ഥി തന്റെ അനുഭവങ്ങള്‍ ഈ മാധ്യമവുമായി പങ്കുവയ്ക്കുകയാണ്. തിരുവനന്തപുരം കരകുളം ഷീലാഭവനില്‍ ബാഹുലേയന്‍ നായരുടെയും ഷീലാകുമാരിയുടെയും മകനായ ആദര്‍ശ് ഇപ്പോള്‍ വഞ്ചിയൂര്‍ കോടതിയിലെ അഭിഭാഷകനാണ്.
2008 2013 ബാച്ചിലെ വിദ്യാര്‍ത്ഥിയായിരുന്നു ആദര്‍ശ്. ചെറുപ്പത്തില്‍ ബാലസംഘത്തില്‍ പ്രവര്‍ത്തിച്ച് തുടങ്ങിയ രാഷ്ട്രീയ പാരമ്പര്യം ഈ എസ്എഫ്‌ഐ നേതാവിനുണ്ടായിരുന്നു. എസ്എഫ്‌ഐയുടെ ജില്ലയിലെ കോളജുകളുടെ ചുമതലയും ആദര്‍ശിനായിരുന്നു. 2012ല്‍ ലക്ഷ്മിനായര്‍ പ്രിന്‍സിപ്പലായി ചുമതലയേറ്റു. ആ കാലത്ത് പ്രമുഖ ചാനലിലെ കുക്കറി ഷോയ്ക്ക് വേണ്ടി പ്രിന്‍സിപ്പല്‍ പെണ്‍കുട്ടികളെ കൊണ്ടുപോകുമായിരുന്നു. അതിനെ ആരും എതിര്‍ത്തില്ല. എന്നാല്‍ ലക്ഷ്മി നായരുമായി അടുപ്പമുണ്ടായിരുന്ന ചില പെണ്‍കുട്ടികളെ രാത്രി എട്ടു മണിക്ക് ശേഷം കാറില്‍ കയറ്റി കൊണ്ടുപോകുന്നതിനെ ആദര്‍ശിന്റെ നേതൃത്വത്തിലുള്ള എസ്എഫ്‌ഐ നേതാക്കള്‍ എതിര്‍ത്തു. പതിവായി കൊണ്ടുപോയിരുന്ന പെണ്‍കുട്ടികളില്‍ ഒരാള്‍ എഐഎസ്എഫ് പ്രവര്‍ത്തകയായിരുന്നു. അവരിന്ന് ഹൈക്കോടതിയില്‍ പ്രാക്ടീസ് ചെയ്യുന്നു. അടുത്തിടെ മാധ്യമപ്രവര്‍ത്തകര്‍ക്കെതിരെ നടന്ന സമരത്തിന് നേതൃത്വം കൊടുത്തവരില്‍ അവരും ഉണ്ടെന്ന് ആദര്‍ശ് പറഞ്ഞു.

പെണ്‍കുട്ടികളെ രാത്രി ഏഴ് മണികഴിഞ്ഞാല്‍ പുറത്ത് കൊണ്ടുപോകാന്‍ പാടില്ലെന്ന് പറഞ്ഞ് എസ്എഫ്‌ഐ പ്രക്ഷോഭം തുടങ്ങിയപ്പോള്‍ പ്രിന്‍സിപ്പല്‍ ആദര്‍ശിനെ വിളിച്ച് ഭീഷണിപ്പെടുത്തി. ‘ ആദര്‍ശ് ഇനി ഇവിടെ പഠിക്കുകയുമില്ല, എല്‍എല്‍ബി എടുക്കുകയുമില്ല’. ഏതാനും ദിവസങ്ങള്‍ക്ക് ശേഷം കെഎസ്‌യുവിന്റെ ജില്ലാ കമ്മിറ്റി അംഗമായ പെണ്‍കുട്ടിയെ ആദര്‍ശ് അപമാനിക്കാന്‍ ശ്രമിച്ചെന്ന പരാതി പ്രിന്‍സിപ്പലിന് കിട്ടി. തലസ്ഥാനത്തെ ഒരു പ്രമുഖ മാധ്യമപ്രവര്‍ത്തകനെ ഉപയോഗിച്ച് ലക്ഷ്മിനായര്‍ 14 ദിവസം തുടര്‍ച്ചയായി ഈ വാര്‍ത്ത ഫോളോഅപ്പ് ചെയ്തു. ഇതെല്ലാം കണ്ട് സഹിക്കാനാകാതെ അമ്മ ഷീലാകുമാരി ആത്മഹത്യയ്ക്ക് ശ്രമിച്ചു. അങ്ങനെ ഒരുപാട് ദുരിതങ്ങളാണ് ഈ ചെരുപ്പക്കാരന്‍ നേരിടേണ്ടി വന്നത്. പക്ഷെ, നാട്ടുകാരെല്ലാം തനിക്കൊപ്പം നിന്നെന്ന് ആദര്‍ശ് ഓര്‍മിച്ചു. പക്ഷെ, തന്നെ അറിയാത്ത പലരും ഇത് സത്യമാണെന്ന് വിശ്വസിച്ചു.
പരാതിക്ക് പിന്നില്‍ വേറൊരു കാര്യം കൂടിയുണ്ടെന്ന് ആദര്‍ശ് ഓര്‍മിച്ചു. കോളജ് യൂണിയന്‍ തെരഞ്ഞെടുപ്പ് അടുത്തിരിക്കുന്ന സമയമായിരുന്നു അന്ന്. എസ്എഫ്‌ഐയുടെ ചെയര്‍മാന്‍ സ്ഥാനാര്‍ത്ഥിയായി ആദര്‍ശ് നോമിനേഷന്‍ നല്‍കുന്ന വിവരം മറ്റ് ചില എസ്എഫ്‌ഐക്കാര്‍ പറഞ്ഞ് ലക്ഷ്മി നായര്‍ അറിഞ്ഞിരുന്നു. ആദര്‍ശ് ചെയര്‍മാനാകാതിരിക്കുക എന്നത് പ്രിന്‍സിപ്പലിന്റെ കൂടി ആവശ്യമായിരുന്നു. ആദര്‍ശിനെതിരെ പരാതി നല്‍കിയ പെണ്‍കുട്ടിയെ സ്വദേശമായ ആലപ്പുഴയിലേക്ക് പ്രിന്‍സിപ്പല്‍ പറഞ്ഞയച്ചു. പരീക്ഷ എഴുതാന്‍ മാത്രം വന്നാല്‍ മതിയെന്ന് നിര്‍ദ്ദേശിച്ചു. എന്നാല്‍ പത്രത്തില്‍ വാര്‍ത്തവന്നതും ആദര്‍ശിനെ കോളജില്‍ നിന്നും എസ്എഫ്‌ഐയില്‍ നിന്നും സസ്‌പെന്‍ഡ് ചെയ്തത് പെണ്‍കുട്ടി അറിഞ്ഞിരുന്നില്ല. കേസ് വഞ്ചിയൂര്‍ കോടതിയില്‍ എത്തിയപ്പോഴാണ് പെണ്‍കുട്ടി തനിക്ക് പറ്റിയ ചതി മനസിലാക്കിയത്. ആദര്‍ശ് തന്നെ ഒന്നും ചെയ്തിട്ടില്ലെന്ന് പെണ്‍കുട്ടി മജിസ്‌ട്രേറ്റിനോട് തൊഴുത് പറഞ്ഞു. ആലപ്പുഴയില്‍ അഭാഭാഷകയാണ് അവരിപ്പോള്‍.

ആദര്‍ശിനെതിരായ പരാതി പത്രങ്ങളില്‍ വാര്‍ത്തയായപ്പോള്‍ എസ്എഫ്‌ഐയുടെ ചുമതലയുണ്ടായിരുന്ന സിപിഎം നേതാവ് വികെ മധു അടക്കം തള്ളിപ്പറഞ്ഞു. അദ്ദേഹത്തിന് സത്യങ്ങളെല്ലാം അറിയാമായിരുന്നു എന്നും ആദര്‍ശ് വിശ്വസിക്കുന്നു. എന്നാല്‍ കരകുളം ലോക്കല്‍ കമ്മിറ്റി ആദര്‍ശിനൊപ്പം നിന്നു. എസ്എഫ്‌ഐയില്‍ നിന്ന് സസ്‌പെന്‍ഡ് ചെയ്തപ്പോള്‍ ആദര്‍ശ് സംഘടന വിട്ടു. ഡിവൈഎഫ്‌ഐയില്‍ സജീവമായി തുടര്‍ന്നു. വിഎസ് പക്ഷക്കാരനാണെന്ന് ആരോപിച്ചാണ് പാര്‍ട്ടി ജില്ലാ നേതൃത്വവും സംസ്ഥാന നേതൃത്വവും തന്നെ സഹിയിക്കാതിരുന്നതെന്ന് ആദര്‍ശ് പറഞ്ഞു.

Cristiano Ronaldo Night vision Amazing Talent

noreply@blogger.com (Anonymous) — Wed, 25 Jan 2017 07:19:00 +0000

കുട്ടികളെ കുറ്റവാളികളാക്കുന്ന സോഷ്യൽ മീഡിയ

noreply@blogger.com (Anonymous) — Tue, 03 Jan 2017 09:21:00 +0000

കുട്ടികളെ കുറ്റവാളികളാക്കുന്ന സോഷ്യൽ മീഡിയ
കുട്ടി സൈബർ കുറ്റവാളികളുടെ എണ്ണം പെരുകുന്നു
കഴിഞ്ഞ വർഷത്തെ അപേക്ഷിച്ച് 75 ശതമാനം വർദ്ധന
85 ശതമാനം കേസുകളും ശാസനയിൽ ഒതുക്കുന്നു
അശ്ലീല ദൃശ്യങ്ങൾ നിയന്ത്രണമില്ലാതെ കുരുന്നുകളിലേക്ക്
കൗമാരക്കാരിൽ കടുത്ത മാനസിക പ്രശ്നങ്ങൾക്ക് വഴിവയ്ക്കുന്നു
സെക്സ് ചാറ്റിങ്ങിൽ ഒളിഞ്ഞിരിക്കുന്ന ഓൺലൈൻ ചതിക്കുഴികൾ
കുട്ടികൾ മനോരോഗികൾ വരെയാകുന്നുവെന്ന് മനശാസ്ത്രജ്ഞർ

സോഷ്യൽ മീഡിയയുടെ ബെല്ലും ബ്രേക്കുമില്ലാത്ത ഉപയോഗം കുട്ടികളേയും കൗമാരക്കാരേയും കുറ്റവാളികളാക്കുന്നു. 85 ശതമാനം കേസുകളും രജിസ്റ്റർ ചെയ്യാതിരിന്നിട്ടും കുട്ടി സൈബർ കുറ്റവാളികളുടെ എണ്ണത്തിൽ 75 ശതമാനത്തിലേറെ വർദ്ധനവാണ് ഈ വർഷം ഉണ്ടായത്. വാട്സാപ്പ് ഗ്രൂപ്പ് കളിലൂടെയും മറ്റ് സോഷ്യൽ മീഡിയകളിലൂടെയും നിയമവിരുദ്ധമായി പ്രചരിക്കുന്ന അശ്ലീല ചിത്രങ്ങളും വീഡിയോകളും കുട്ടികളിൽ കടുത്ത മാനസിക പ്രശ്നങ്ങൾക്കും വഴിവയ്ക്കുന്നു.
പതിനാലു വയസ്സുകാരൻ 10 വയസ്സുകാരിക്ക് അശ്ലീല സന്ദേശമയച്ചു. മധ്യതിരുവിതാംകൂറിലെ ഒരു മുതിർന്ന പൊലീസ് ഉദ്യോഗസ്ഥന് ദിവസങ്ങൾക്ക് മുൻപ് കിട്ടിയ പരാതിയാണ്. ഇതില്‍ നിന്നാണ് കുട്ടികൾ ഉൾപ്പെട്ട സൈബർ കുറ്റകൃത്യങ്ങളെ കുറിച്ച് ഞങ്ങൾ അന്വേഷണം ആരംഭിച്ചത്.
ഞെട്ടിപ്പിക്കുന്ന വിവരങ്ങളായിരുന്ന പൊലീസ് ഉദ്യോഗസ്ഥർക്ക് പറയാനുണ്ടായിരുന്നത്. ദിവസേനയെന്നോണം കിട്ടുന്ന കുട്ടികളുടെ സൈബർ കുറ്റകൃത്യങ്ങളെ കുറിച്ചുള്ള പരാതികൾ. ഫോട്ടോ ദുരുപയോഗവും ബ്ലാക്ക് മെയിലിംഗും തുടങ്ങി ഇതരസംസ്ഥാനക്കാരുടെ ഐ ടി കാർഡ് ഉപയോഗിച്ച് സിംകാർഡ് എടുത്തുവരെ നിയമവിരുദ്ധ പ്രവർത്തനം നടത്തുന്ന കുട്ടികൾ.
സ്ഥിതി ഏറെ ഗുരുതരമാണെന്ന് അധ്യാപകരും സാക്ഷ്യപ്പെടുത്തുന്നു.
കേസിലുൾപ്പെട്ട കൗമാരക്കാരേയും ഞങ്ങൾ കണ്ടു.
സൈബർ ഇടങ്ങളിലെ കുട്ടികുറ്റവാളികളുടെ എണ്ണത്തിൽ കഴിഞ്ഞ വർഷത്തെ അപേക്ഷിച്ച് 75 ശതമാനം വർദ്ധനവുണ്ടെയെന്നാണ് പൊലീസിന്റെ കണക്ക്. 85 ശതമാനം കേസുകളും ശാസനയിലൊതുക്കുന്പോഴാണ് ഇങ്ങനെയുള്ള അവസ്ഥ.
പതിനെട്ടിലറിയേണ്ടത് പത്തിലേ അറിയുന്നു. കുട്ടികളുടെ സോഷ്യൽ മീഡിയ ഉപയോഗത്തെ കുറിച്ച് ഒരു ടീച്ചറുടെ വാക്കുകളാണ്. സോഷ്യൽ മീഡിയകൾ വഴി അശ്ലീല രംഗങ്ങൾ പ്രചരിപ്പിക്കുന്നത് നിയമപരമായി കുറ്റമാണ്. പക്ഷേ നി‍ർബാധം വാട്സ്ആപ്പ് ഗ്രൂപ്പുകൾ വഴിയും ഇന്റർനെറ്റിലൂടെയും ബലാത്സംഗങ്ങളുടെയും ലൈംഗിക വൈകൃതങ്ങളുടെയുമുൾപ്പടെ ദൃശ്യങ്ങൾ കുട്ടികളിലേക്കെത്തുന്നു.
കുരുന്നുകളിൽ സ്വഭാവ വൈകല്യങ്ങളിൽ തുടങ്ങി മാനോരോഗങ്ങൾക്ക് വരെ ഇത് കാരണമാകുന്നു.
സ്കൈപ്പ് , ഐഎംഒ തുടങ്ങിയ സോഷ്യൽ മീഡിയ സൈറ്റുകൾ വഴിയുള്ള ലൈവ് സെക്സ് ചാറ്റിംഗിൽ വരെ കുട്ടികൾ ഏർപ്പെടുന്നുണ്ടെന്നാണ് കുട്ടികളിലെ മനോവൈകല്യങ്ങൾ ചികിത്സിക്കുന്നവർ ചൂണ്ടിക്കാണിക്കുന്നത്.

ഇതര സംസ്ഥാന തൊഴിലാളി സ്ത്രീയെ വെട്ടിക്കൊലപ്പെടുത്തി

noreply@blogger.com (Anonymous) — Tue, 03 Jan 2017 09:12:00 +0000

കുട്ടിക്കാനം: ഇടുക്കിയിലെ കുട്ടിക്കാനത്ത് ഇതര സംസ്ഥാന തൊഴിലാളി സ്ത്രീയെ വെട്ടിക്കൊലപ്പെടുത്തി കുറ്റിക്കാട്ടിൽ ഒളിപ്പിച്ച നിലയിൽ കണ്ടെത്തി. കുട്ടിക്കാനത്തുള്ള സ്വകാര്യ തേയില എസ്റ്റേറ്റിലെ തൊഴിലാളിയായ ഒഡീഷ സ്വദേശി സബിത മാജി ആണ് കൊല്ലപ്പെട്ടത്.

എസ്റ്റേറ്റിനുള്ളിലെ കുറ്റിക്കാട്ടിലാണ് സബിത മാജിയുടെ മൃതദേഹം കിടന്നിരുന്നത്. കഴിഞ്ഞ ഒരു വർഷത്തോളമായി സബിതമാജിയും ഭർത്താവ് കുന്തൻമാജിയും കുട്ടിക്കാനത്തെ കള്ളുവേലി എസ്റ്റേറ്റിലെ തൊഴിലാളികളാണ്. ഞായറാഴ്ച കുന്തൻ മാജി പണിക്ക് പോയി അഞ്ചു മണിയോടെ തിരികെ എത്തിയപ്പോൾ ഭാര്യയെ വീട്ടിൽ കണ്ടില്ല. തുടർന്ന് ഭർത്താവും സമീപത്തെ ലയങ്ങളിൽ താമസിക്കുന്നവരും ചേർന്ന് നടത്തിയ തെരച്ചിലിൽ രാത്രി പതിനൊന്നു മണിയോടെയാണ് മൃതദേഹം കണ്ടെത്തിയത്.

ഭൂരിഭാഗവും നഗ്നമായ നിലയിലായിരുന്നു മൃതദേഹം കിടന്നിരുന്നത്. തലക്കും ദേഹത്തുമായി 10 ഓളം വെട്ടേറ്റ മുറിവുകൾ ഇൻക്വസ്റ്റിൽ കണ്ടെത്തി. സബിത ശേഖരിച്ചതെന്നു കരുതുന്ന വിറകുകൾ മൃതദേഹം കിടന്നിരുന്ന സ്ഥലത്തു നിന്നും കുറച്ചകലെയായി കിടപ്പുണ്ടായിരുന്നു. ഇതിനു സമീപത്തായി രക്തം തളം കെട്ടിക്കിടപ്പുണ്ട്. ഇവിടെ നിന്നും 100 മീറ്ററോളം മൃതദേഹം വലിച്ചുകൊണ്ട് പോയാണ് കുറ്റിക്കാട്ടിൽ ഒളിപ്പിച്ചത്.

എറണാകുളം റേഞ്ച് ഐ ജി എസ് ശ്രീജിത്ത് സ്ഥലത്തെത്തിയ ശേഷമാണ് ഇൻക്വസ്റ്റ് നടത്തിയത്. ഫോറൻസിക് വിദഗ്ദ്ധരും ഡോഗ് സക്വാഡുമെത്തി പരിശോധന നടത്തി. പോലീസ് നായ സബിതയും കുടുംബവും താമസിച്ചിരുന്ന ലയത്തിലെ മുറിയുടെ തൊട്ടടുത്ത മുറിയിലാണെത്തി നിന്നത്. അതിനാൽ തോട്ടത്തിൽ താമസിക്കുന്നവരെ കേന്ദ്രീകരിച്ചാണ് അന്വേഷണം നടക്കുന്നത്.

പുറത്തു നിന്നും ആരും ഇവിടേക്ക് എത്താൻ സാധ്യതയില്ലെന്നാണ് പൊലീസ് പറയുന്നത്. ഇടുക്കി എസ്.പി. എ.വി. ജോർജ്ജിൻറെ നേതൃത്വത്തിൽ ആറു സംഘങ്ങളാണ് അന്വേഷണം നടത്തുന്നത്. കൊല്ലപ്പെട്ട സബിത പീഡനത്തിനിരയായിട്ടുണ്ടോ എന്ന് പോസ്റ്റുമോർട്ടത്തിനു ശേഷമെ സ്ഥിരീകരിക്കാൻ കഴിയുകയുള്ളുവെന്നും ഇടുക്കി എസ്പി പറഞ്ഞു.

വിവാഹ വാര്‍ത്തയോട് ആദ്യമായി പ്രതികരിച്ച് മഞ്ജു

noreply@blogger.com (Anonymous) — Mon, 02 Jan 2017 05:25:00 +0000

മഞ്ജു വാര്യര്‍ 2017ല്‍ വിവാഹിതയാകുമെന്ന് ചില മാധ്യമങ്ങള്‍ വാര്‍ത്ത നല്‍കിയിരുന്നു. ദിലീപ്-കാവ്യാ മാധവന്‍ വിവാഹ വാര്‍ത്തയ്ക്ക് പിന്നാലെയാണ് സിനിമാ മംഗളവും പിന്നീട് ഈ റിപ്പോര്‍ട്ടിനെ ആധാരമാക്കി ചില മാധ്യമങ്ങളും മഞ്ജുവിന്റെ വിവാഹം 2017ല്‍ എന്ന രീതിയില്‍ വാര്‍ത്തകള്‍ നല്‍കിയത്.

തന്നേക്കുറിച്ച് പ്രചരിക്കുന്ന പല വാര്‍ത്തകളും പ്രതികരണം അര്‍ഹിക്കാത്തതാണെന്ന് മഞ്ജു വാര്യര്‍. മഞ്ജു ആത്മഹത്യ ചെയ്യാനൊരുങ്ങിയെന്നും 2017ല്‍ വിവാഹമുണ്ടെന്നും തുടങ്ങിയ വാര്‍ത്തകളോടാണ് മഞ്ജുവിന്റെ പ്രതികരണം.

പ്രതികരണം അര്‍ഹിക്കാത്ത വാര്‍ത്തകള്‍ ആയതിനാലാണ് ഇതേക്കുറിച്ചൊന്നും മിണ്ടാതിരിക്കുന്നതെന്ന് മഞ്ജു വാര്യര്‍ ഗൃഹലക്ഷ്മിക്ക് അനുവദിച്ച അഭിമുഖത്തില്‍ പറയുന്നു.അഭിനയിക്കാതിരുന്നപ്പോഴും കേരളത്തിലെ ആളുകളുടെ സ്‌നേഹവും പിന്തുണയും തനിക്കൊപ്പമുണ്ടായിരുന്നുവെന്ന് മഞ്ജു. പുറത്തിറങ്ങുമ്പോള്‍ സങ്കടങ്ങള്‍ വന്ന് പറയാനൊരു ആശ്രയമായിട്ട് പലരും വന്ന് കണ്ടിട്ടുണ്ടെന്നും മഞ്ജു.

കാല്‍ തൊട്ട് തൊഴാന്‍ വരുന്നവരുണ്ട്. അതിനുള്ള അര്‍ഹതയൊന്നും എനിക്കില്ല. സിനിമയിലെ വിജയപരാജയങ്ങള്‍ തന്നെ ബാധിക്കാറില്ലെന്നും മഞ്ജു വാര്യര്‍.

സോണി ആന്റണി സംവിധാനം ചെയ്യുന്ന കെയര്‍ ഓഫ് സൈറാബാനു എന്ന ചിത്രത്തില്‍ മഞ്ജു ഇപ്പോള്‍ അഭിനയിച്ചുകൊണ്ടിരിക്കുന്നത്. അമലയും ഈ ചിത്രത്തില്‍ പ്രധാന റോളിലുണ്ട്. മോഹന്‍ലാല്‍ ആരാധികയുടെ റോളില്‍ 'മോഹന്‍ലാല്‍' എന്ന് പേരിട്ടിരിക്കുന്ന സിനിമയിലും മഞ്ജു അഭിനയിക്കുന്നുണ്ട്.

ഞാന്‍ ബലാത്സംഗം ചെയ്യപ്പെട്ട നിമിഷം; തപ്സി പറയുന്നു

noreply@blogger.com (Anonymous) — Mon, 02 Jan 2017 05:23:00 +0000

പിങ്ക് എന്ന ചിത്രം വലിയ പ്രേക്ഷക നിരൂപക പ്രശംസ പിടിച്ചുപറ്റുകയാണ്. സ്ത്രീകള്‍ക്കെതിരായ ആക്രമണത്തിന്‍റെ കഥയും അതിന്‍റെ നിയമവശങ്ങളും സാമൂഹിക പ്രശ്നങ്ങളുമാണ് ചിത്രം ചര്‍ച്ച ചെയ്യുന്നത്. അനിരുദ്ധ് റായ് ചൗധരി സംവിധാനം ചെയ്യുന്ന ചിത്രത്തില്‍ മുഖ്യ വേഷത്തില്‍ അമിതാഭ് ബച്ചനും, തപ്സിയും എത്തുന്നു. ബലാത്സംഗം ചെയ്യപ്പെട്ടപോലെ എന്നാണ് തപ്സി ചിത്രത്തിലെ ഒരു രംഗത്തെക്കുറിച്ച് പറഞ്ഞത്.

തപ്‌സി പറയുന്നു, 'പിങ്ക്' എന്ന ഹിന്ദി പടത്തില്‍ അഭിനയിച്ചുകൊണ്ടിരിക്കുന്നു. ഈ പടത്തില്‍ ബലാത്സംഗത്തിന് ഇരയായ ഒരു യുവതിയായി ഞാന്‍ അഭിനയിക്കുന്നു. ഈ രംഗത്ത് അഭിനയിച്ചപ്പോള്‍ യഥാര്‍ത്ഥ ബലാത്സംഗം ചെയ്യപ്പെടുന്ന പെണ്ണുങ്ങള്‍ എത്രമാത്രം ക്രൂരത അനുഭവിക്കുന്നു എന്ന് ഞാന്‍ മനസിലാക്കി.

അന്നു രാത്രി ഒരുപോള കണ്ണടയ്ക്കാന്‍ എനിക്കു കഴിഞ്ഞില്ല. എന്നെ ബലാത്സംഗം ചെയ്യുന്ന രംഗം ചിത്രീകരിച്ചപ്പോള്‍ യഥാര്‍ത്ഥത്തില്‍ ഞാന്‍ വിതുമ്പിപ്പോവുകയാണുണ്ടായത്. ഉടനെ സംവിധായകനും മറ്റും വന്നിട്ട് ഇത് അഭിനയമാണ്, വിഷമിക്കേണ്ട എന്നു പറഞ്ഞ് സാന്ത്വനിപ്പിക്കുകയുണ്ടായി.

സ്ത്രീകളെ ബഹുമാനിക്കണം. 'പിങ്ക്' സിനിമ കാണുന്നവര്‍ ബലാത്സംഗത്തിന് പാത്രീഭവിച്ച ഒരു പെണ്ണിന്റെ ദയനീയാവസ്ഥ മനസ്സിലാക്കും. ഈ സിനിമ മൂലം 80 ശതമാനം ബലാത്സംഗങ്ങള്‍ കുറഞ്ഞുകിട്ടുമെന്ന് തപ്‌സി പ്രത്യാശ പ്രകടിപ്പിച്ചു. പക്ഷേ സഹകരണ സംഗമാകാം. അത് വ്യക്തികളെ സംബന്ധിച്ചുള്ളതാണ്. തപ്‌സി കൂട്ടിച്ചേര്‍ത്തു.

മഞ്ഞുമലയില്‍ ഇടിച്ചതല്ല, ടൈറ്റാനിക്ക് തകരാന്‍ കാരണം; പുതിയ വെളിപ്പെടുത്തല്‍

noreply@blogger.com (Anonymous) — Mon, 02 Jan 2017 04:53:00 +0000

ലണ്ടന്‍: ലോകത്തിലെ ഏറ്റവും വലിയ കപ്പല്‍ ദുരന്തത്തിന്‍റെ കഥയില്‍ വലിയ ട്വിസ്റ്റ്. ടൈറ്റാനിക് കപ്പല്‍ തകരാന്‍ കാരണം മഞ്ഞുകട്ടയല്ലെന്ന് റിപ്പോര്‍ട്ട്. ഒരിക്കലും മുങ്ങില്ലെന്ന് കരുതിയ കപ്പലിന്‍റെ അവസാനം കുറിച്ചത് ബോയിലര്‍ റൂമിലുണ്ടായ തീപിടുത്തമാണെന്നാണ് പുതിയ റിപ്പോര്‍ട്ടുകള്‍. ടൈറ്റാനിക്ക് സംബന്ധിച്ച പുതിയ ഡോക്യുമെന്‍ററിയാണ് ഈ വാദം മുന്നോട്ട് വയ്ക്കുന്നത്.

1912 ഏപ്രില്‍ 15നാണ് ടൈറ്റാനിക് കന്നി യാത്ര പുറപ്പെട്ട് നാലാം ദിവസം മഞ്ഞുമലയില്‍ ഇടിച്ച് തകര്‍ന്നത്. എന്നാല്‍ കല്‍ക്കരി കത്തിക്കുന്ന കോള്‍ബങ്കറില്‍ ഉണ്ടായ തീപിടുത്തമാണ് കപ്പല്‍ അപകടത്തിന്‍റെ യഥാര്‍ത്ഥ കാരണമെന്ന് മാധ്യമപ്രവര്‍ത്തകനായ സെനന്‍ മോലോനി സംവിധാനം ചെയ്യുന്ന പുതിയ ഡോക്യുമെന്‍ററി അവകാശപ്പെടുന്നക്. ടൈറ്റാനിക് ദുരന്തത്തെക്കുറിച്ച് 30 വര്‍ഷമായി ഗവേഷണം നടത്തിയാണ് ഈ ഡോക്യുമെന്‍ററി തയ്യാറിക്കിയിരിക്കുന്നത്

കോള്‍ബങ്കറില്‍ ഉണ്ടായ തീപിടുത്തം കപ്പലിന്‍റെ പ്രധാന ബോഡിക്ക് കാര്യമായ തകരാറുണ്ടാക്കി. ഇതേസമയം തന്നെ കപ്പല്‍ മഞ്ഞുമലയില്‍ ഇടിക്കുകയും ചെയ്തു. എന്നാല്‍ കപ്പല്‍ മുങ്ങാനുള്ള യഥാര്‍ത്ഥ കാരണം തീപിടുത്തമാണെന്ന് സെനന്‍ പറയുന്നു. സതാംപ്റ്റണില്‍ നിന്ന് ന്യൂയോര്‍ക്കിലേക്കുള്ള യാത്രാമദ്ധ്യേ ബെല്‍ഫാസ്റ്റ് ഷിപ്പ്‌യാര്‍ഡില്‍ നിന്ന് പുറപ്പെട്ട ഉടനാണ് കപ്പിലിനുള്ളില്‍ തീപിടിച്ചത്.

തന്‍റെ വാദം ശരിയാണെങ്കില്‍ ടൈറ്റാനിക് ജീവനക്കാരുടെ ഭാഗത്ത് നിന്ന് കുറ്റകരമായ അനാസ്ഥാണ് ഉണ്ടായതെന്ന് സെനന്‍ ചൂണ്ടിക്കാണിക്കുന്നു. കപ്പലിന്‍റെ അവശിഷ്ടങ്ങളില്‍ കറുത്ത പാട് കണ്ടെത്തിയത് തീപിടുത്തം നടന്നുവെന്ന തന്റെ വാദം ശരിവയ്ക്കുന്നുവെന്ന് സെനനന്‍ പറയുന്നു. ഡോക്യുമെന്‍ററി പുതുവത്സര ദിനത്തില്‍ ചാനല്‍ 4ല്‍ പ്രദര്‍ശിപ്പിക്കും.

ബ്രിട്ടീഷ് റെക്ക് കമ്മീഷണര്‍ ലോര്‍ഡ് മെര്‍സിയുടെ നേതൃത്വത്തിലാണ് ടൈറ്റാനിക് ദുരന്തം അന്വേഷിച്ചത്. 1912 മെയ് 2ന് ആണ് അന്വേഷണം തുടങ്ങിയത്. തീപിടുത്തത്തിന്‍റെ സാധ്യതയും അന്ന് അന്വേഷിച്ചിരുന്നെങ്കിലും വേണ്ടത്ര ഗൗരവത്തോടെ അന്വേഷിച്ചില്ലെന്ന് സെനന്‍ ആരോപിച്ചു. ടൈറ്റാനിക്കിലെ 2,224 യാത്രക്കാരില്‍ 1500 പേരും അപകടത്തില്‍ മരിച്ചിരുന്നു.

ബോളിവുഡിനെക്കാള്‍ മെച്ചം പോണ്‍മേഖല; സണ്ണിയുടെ തുറന്ന് പറച്ചില്‍

noreply@blogger.com (Anonymous) — Sat, 17 Dec 2016 04:04:00 +0000

മുബൈ: താന്‍ നേരത്തെ ഉണ്ടായിരുന്ന പോണ്‍ചിത്ര മേഖലയാണ് ബോളിവുഡിനേക്കാള്‍ നല്ലതെന്ന് സണ്ണി ലിയോണ്‍. ബിബിസിക്ക് നല്‍കിയ അഭിമുഖത്തിലാണ് സണ്ണി രണ്ട് മേഖലകളെയും താരതമ്യം ചെയ്ത് സംസാരിച്ചത്. ബോളിവുഡില്‍ പലരില്‍ നിന്നും പലപ്പോഴായി നേരിടേണ്ടി വന്നത് കടുത്ത അനുഭവങ്ങങ്ങളാണ്. ബോളിവുഡിലെ ലിംഗ വിവേചനത്തെ കുറിച്ചും മറ്റു അവഹേളനങ്ങളെക്കുറിച്ചും താരം അഭിമുഖത്തില്‍ വെളിപ്പെടുത്തുന്നുണ്ട്.

ബോളിവുഡില്‍ വന്നതിന് ശേഷം പലരില്‍ നിന്നും തനിക്ക് പലപ്പോഴായി ലിംഗവിവേചനം നേരിടേണ്ടി വന്നിട്ടുണ്ട്. മുമ്പ് നീലച്ചിത്ര രംഗത്തായിരുന്നപ്പോള്‍ ഇത്തരം ദുരനുഭവങ്ങള്‍ ഉണ്ടായിട്ടില്ല. ബോളിവുഡില്‍ ഒരു സ്ത്രീയെന്നതു കൊണ്ടുമാത്രം കടുത്ത ലിംഗ വിവേചനമാണ് നേരിടേണ്ടി വരുന്നത്. മാത്രമല്ല തന്റെ ഭൂതകാലത്തെചൊല്ലി അനവധി മോശം അനുഭവവും ഉണ്ടായിട്ടുണ്ടെന്നും സണ്ണി തുറന്നു പറയുന്നു.

ഭൂതകാലത്തില്‍ എന്താണ് ചെയ്തിരുന്നത് എന്നതിന്റെ പേരില്‍ താനിപ്പോഴും വേട്ടയാടപ്പെടുകയാണെന്നും എന്നാല്‍ തനിക്കതില്‍ വിഷമമില്ലെന്നും സണ്ണി ബിബിസിയോട് പറഞ്ഞു. ഹോട്ട് ലുക്ക് എന്നത് തന്‍റെ പ്ലസ് പോയിന്‍റിലാണ് അതില്‍ താന്‍ അഭിമാനിക്കുന്നുവെന്നും ആളുകള്‍ തന്നെ അങ്ങനെ കാണുന്നതില്‍ ഒരു വിരോധവുമില്ലെന്നും സണ്ണി ലിയോണ്‍ പറഞ്ഞു. ബിബിസി തയ്യാറാക്കിയ 2016 ല്‍ ലോകത്തെ സ്വാധീനിച്ച 100 വനിതകളുടെ പട്ടികയില്‍ സണ്ണി ലിയോണും ഉള്‍പ്പെട്ടിരുന്നു.

റിലീസിന് മുന്‍പ് മുടക്ക്മുതല്‍ തിരിച്ചുപിടിച്ച് ദങ്കല്‍

noreply@blogger.com (Anonymous) — Sat, 17 Dec 2016 04:02:00 +0000

ദില്ലി: ഡിസംബര്‍ 23നാണ് ആമീര്‍ഖാന്‍ നായകനാകുന്ന ദങ്കല്‍ തിയറ്ററുകളില്‍ എത്തുന്നത്. ഗുസ്തി താരങ്ങളായ ഗീത ഭോഗട്ടിന്‍റെയും ബബിത കുമാരിയുടേയും അവരുടെ പിതാവായ മഹാവീര്‍ ഭോഗട്ടിന്‍റെയും കഥയാണ് ദങ്കല്‍. ചിത്രത്തിന്റെ ട്രെയിലറുകളും ഗാനങ്ങളും പ്രേക്ഷകര്‍ക്കിടയില്‍ തരംഗമായി കഴിഞ്ഞു.

70 കോടി മുതല്‍ മുടക്കില്‍ എടുത്ത ചിത്രം 75 കോടി സ്വന്തമാക്കി കഴിഞ്ഞു. ചിത്രത്തിന്‍റെ സാറ്റലൈറ്റ് അവകാശം 7 കോടി രൂപയ്ക്കാണ് വിറ്റു പോയത്. അമീറും ഡിസ്‌നിയും ചേര്‍ന്നാണ് ചിത്രത്തിന്‍റെ നിര്‍മ്മാണം. എന്നാല്‍ 70 ശതമാനം ഷെയറുകളും അമീറിനാണ്. റിലീസ് ദിവസം തന്നെ ചിത്രം 24 കോടി നേടുമെന്നാണ് കണക്കുകള്‍. ഉത്തര്‍പ്രദേശ് സര്‍ക്കാര്‍ ഇപ്പോള്‍ തന്നെ ചിത്രത്തെ ടാക്സ് ഫ്രീയായി പ്രഖ്യാപിച്ചിട്ടുണ്ട്. വിവിധ വിതരണകരാറുകളും നല്‍കിയതോടെയാണ് ദങ്കല്‍ ലാഭം നേടിയത്.

സിനിമയുടെ ഒരു സീനിലും സെന്‍സര്‍ ബോര്‍ഡ് കത്തി വെച്ചിട്ടില്ലെന്നതാണ് മറ്റൊരു പ്രത്യേകത. ചിത്രത്തിനായി രണ്ട് ഗെറ്റപ്പുകളിലെത്തുന്ന അമീറിന്‍റെ വീഡിയോയും വന്‍ ഹിറ്റായിരുന്നു. ഫാത്തിമ ഷെയ്ക്ക്, സാന്യ മല്‍ഹോത്ര എന്നിവരാണ് ചിത്രത്തില്‍ ഗീതയേയും ബബിതയേയും അവതരിപ്പിക്കുന്നത്.

ജയലളിതയുടെ മരണം: ഞെട്ടിപ്പിക്കുന്ന വിവരം പുറത്ത്

noreply@blogger.com (Anonymous) — Sat, 17 Dec 2016 04:00:00 +0000

തമിഴ്‌നാട് മുന്‍ മുഖ്യമന്ത്രി ജയലളിതയുടെ മരണത്തില്‍ അവ്യക്തത തുടരുന്നതിന് പിന്നാലെ ഞെട്ടിപ്പിക്കുന്ന വെളിപ്പെടുത്തലുമായി എന്‍ഡിടിവിയിലെ പ്രമുഖ മാധ്യമപ്രവര്‍ത്തകയായ ബര്‍ഖ ദത്തിന്‍റെ ഇ-മെയില്‍ പുറത്ത്. മരുന്ന് മാറി നല്‍കിയതാണ് ജയയുടെ മരണത്തിന് കാരണമായതെന്നാണ് ബര്‍ഖയുടെ മെയില്‍ പറയുന്നത്.

ബര്‍ഖ ദത്ത് തന്‍റെ സഹപ്രവര്‍ത്തകര്‍ക്ക് അയച്ച ഇമെയിലിലൂടെയാണ് ഈ വിവരങ്ങള്‍ പുറത്തായത്. ഇമെയില്‍ സന്ദേശം ചോര്‍ന്നതാണെന്നാണ് നിഗമനം. സെപ്റ്റംബര്‍ 22ന് ആശുപത്രിയില്‍ പ്രവേശിപ്പിക്കുന്നതിന് മുമ്പ് ജയലളിതയ്‌ക്ക് മരുന്നുകള്‍ മാറിയാണ് നല്‍കിയിരുന്നത്.

പ്രമേഹത്തിനുള്ള മരുന്നാണ് മാറി നല്‍കിയത്. ഇത് അവരുടെ ആരോഗ്യനില വഷളാക്കിയെന്നാണ് ഇ-മെയില്‍ ഉള്ളടക്കം. ജയലളിതയെ പ്രവേശിപ്പിച്ചിരുന്ന ചെന്നൈ അപ്പോളോ ആശുപത്രിയുടെ മേധാവിയായ പ്രതാപ് സി റെഡ്ഡിയുടെ മക്കളായ പ്രീത, സുനീത, സംഗീത, ശോഭന എന്നിവരുമായി സ്വകാര്യമായി നടത്തിയ കോണ്‍ഫറന്‍സ് കോളില്‍ നിന്നാണ് ജയലളിതയ്‌ക്ക് മരുന്ന് മാറി നല്‍കിയ വിവരം വ്യക്തമായതെന്നും ബര്‍ഖ പറയുന്നു. അതേസമയം വാര്‍ത്തയോട് പ്രതികരിക്കാന്‍ എന്‍.ഡി.ടി.വി തയ്യാറായിട്ടില്ല.

വിവാഹിതരാകുന്ന യുവതികള്‍ ചെയ്‌തുകൂട്ടുന്ന 5 അബദ്ധങ്ങള്‍

noreply@blogger.com (Anonymous) — Sat, 17 Dec 2016 03:56:00 +0000

വിവാഹം എന്നത് ഏതൊരു പെണ്‍കുട്ടിയുടെയും ജീവിതത്തിലെ ഏറ്റവും പ്രധാനപ്പെട്ട മുഹൂര്‍ത്തമാണ്. അതുകൊണ്ടുതന്നെ, ഈ ദിവസത്തിനുവേണ്ടിയുള്ള തയ്യാറെടുപ്പ് പെണ്‍കുട്ടികളെ സംബന്ധിച്ചിടത്തോളം ആകുലതകളും സമ്മര്‍ദ്ദവും നിറഞ്ഞതായിരിക്കും. അതുകൊണ്ടുതന്നെ വിവാഹത്തിന്റെ തയ്യാറെടുപ്പിനായി, നല്ലതെന്ന് കരുതി ചെയ്യുന്ന പല കാര്യങ്ങളും അബദ്ധമായിരിക്കും. ഇത്തരത്തില്‍ വിവാഹിതരാകാന്‍ പോകുന്ന പെണ്‍കുട്ടികള്‍ ചെയ്‌തുകൂട്ടുന്ന 5 അബദ്ധങ്ങള്‍ ഏതൊക്കെയാണെന്ന് നോക്കാം...

1.എടുത്തുചാടിയുള്ള ഭക്ഷണനിയന്ത്രണങ്ങള്..

ശരീരഭാരവും വണ്ണവും കുറവുള്ള പെണ്‍കുട്ടികള്‍, വിവാഹം നിശ്ചയിക്കുന്നതോടെ ഭാരവും വണ്ണവും കൂട്ടാനുള്ള ശ്രമം നടത്തും. ഇതിനായി ഭക്ഷണം വാരിവലിച്ചു കഴിക്കും. അമിതഭാരവും വണ്ണവും ഉള്ളവര്‍, ഒന്നോ രണ്ടോ നേരത്തെ ഭക്ഷണം ഒഴിവാക്കും. എന്നാല്‍ കുറച്ചുകാലത്തേക്കുള്ള ഈ ഭക്ഷണനിയന്ത്രണങ്ങള്‍ ഉദ്ദേശിച്ച ഫലം തരില്ലെന്ന് മാത്രമല്ല, വിപരീതഫലം ഉണ്ടാക്കുകയും ചെയ്യും.

2. ജിം പരീക്ഷണങ്ങള്‍...

വിവാഹത്തിന് മുമ്പ് ആരോഗ്യസംരക്ഷണത്തിനായി അബദ്ധങ്ങള്‍ ചെയ്‌തുകൂട്ടുന്ന പെണ്‍കുട്ടികളുണ്ട്. പേശീബലം വര്‍ദ്ധിപ്പിക്കുന്നതിനായി രാത്രിയെന്നോ പകലെന്നോ വ്യത്യാസമില്ലാതെ കൂടുതല്‍ സമയം ജിമ്മില്‍ ചെലവിടുന്നു. ദിവസവും ഒന്നോ രണ്ടോ മണിക്കൂര്‍ വ്യായാമം ചെയ്യുന്നതിന് പകരമാണ് ഈ പരാക്രമം. ഇത് പേശികള്‍ക്ക് ക്ഷതമേല്‍ക്കാന്‍ കാരണമായിത്തീരുമെന്ന് ഇവര്‍ അറിയുന്നില്ല.

3. അബദ്ധജടിലമായ സൗന്ദര്യപരീക്ഷണങ്ങള്‍...

വിവാഹം നിശ്ചയിക്കുന്നതോടെ, ചിലര്‍ക്ക് വേണ്ടത്ര നിറം പോരെന്നും, ആവശ്യത്തിന് മുടിയില്ലെന്നുമുള്ള ആകുലത ഉടലെടുക്കും. ഇതിനായി ത്വക്ക്‌രോഗ വിദഗ്ദ്ധരെ കാണുകയും, ആവശ്യമില്ലാത്ത മരുന്നുകള്‍ ഉപയോഗിക്കുകയും ചെയ്യും. ചിലര്‍ വിപണിയില്‍ ലഭ്യമാകുന്ന സൗന്ദര്യവര്‍ദ്ധക ഉല്‍പന്നങ്ങള്‍ വാരി ഉപയോഗിക്കുകയും ചെയ്യും. ഇതൊക്കെ വിപരീതഫലം ഉണ്ടാക്കുമെന്ന് അറിയാതെയാണ് ഇവരിത് ചെയ്യുന്നത്.

4. വ്യായാമം മുടക്കില്ല, പക്ഷെ ഭക്ഷണം ഒഴിവാക്കും...

വണ്ണം കുറയ്‌ക്കുന്നതിനുവേണ്ടി ചിലര്‍ ചെയ്യുന്ന അബദ്ധമാണിത്. കാര്യമായി വ്യായാമം ചെയ്യുകയും, ആവശ്യത്തിന് ഭക്ഷണം കഴിക്കാതിരിക്കുകയും ചെയ്യും. ഇത് ആരോഗ്യമല്ല, അനാരോഗ്യമായിരിക്കും ക്ഷണിച്ചുവരുത്തുക.

5. അനാവശ്യ സമ്മര്‍ദ്ദം-

വിവാഹസമയത്ത് ഏവരുടെയും കണ്ണുകള്‍ വധുവരന്‍മാരുടെ മേല്‍ ആയിരിക്കും. അതുകൊണ്ടുതന്നെ ആ മുഹൂര്‍ത്തത്തെ പലരും ആശങ്കയോടെയാണ് കാത്തിരിക്കുക. എന്നാല്‍ ഈ സമ്മര്‍ദ്ദം, നിങ്ങളുടെ സൗന്ദര്യത്തെതന്നെ ബാധിക്കുക. മാനസികസമ്മര്‍ദ്ദം വര്‍ദ്ധിക്കുന്നതോടെ, ചര്‍മ്മത്തിന്റെ തിളക്കവും ദൃഢതയും നഷ്‌ടമാകുമെന്ന കാര്യം മറക്കരുത്...

ക്രിക്കറ്റിനെക്കുറിച്ച് ഒരു ചുക്കുമറിയില്ല; പക്ഷെ സച്ചിന്‍ ഇന്ത്യക്കാരാണെന്ന് മനസ്സിലാക്കാന്‍ കഴിഞ്ഞുവെന്ന് ഹോസു പ്രീറ്റോ

noreply@blogger.com (Anonymous) — Fri, 16 Dec 2016 09:02:00 +0000

കൊച്ചി: ക്രിക്കിറ്റിനെക്കുറിച്ച് ഒന്നും അറിയില്ലെങ്കിലും സച്ചിന്‍ ഇന്ത്യക്കാരാണെന്ന് മനസ്സിലാക്കാന്‍ കഴിഞ്ഞുവെന്ന് ബ്ലാസ്റ്റേഴ്‌സ് താരം ഹോസു പ്രീറ്റോ. സച്ചിനെന്ന പേര് ഇതിന് മുമ്പും കേട്ടിണ്ടുണ്ടെങ്കിലും എനിക്ക് ക്രിക്കറ്റിനെക്കുറിച്ച് ഒന്നും അറിയില്ല. പക്ഷെ അദ്ദേഹം മൈതാനത്തേക്ക് വരുമ്പോള്‍ ആരാധകര്‍ ആരവം മുഴക്കുന്നു, അതിലൂടെ അദ്ദേഹം ഇന്ത്യക്കാരാണെന്ന് മനസ്സിലാക്കാന്‍ കഴിഞ്ഞു, ആ വികാരം എനിക്ക് മനസ്സിലാക്കാന്‍ കഴിഞ്ഞു. ഈ ടീമിന്റെ ഭാഗമാവാന്‍ കഴിഞ്ഞതില്‍ അഭിമാനമുണ്ടെന്നുമാണ് അദ്ദേഹം ഫെയ്‌സ്ബുക്കില്‍ കുറിച്ചത്. സച്ചിനോടൊപ്പം നില്‍ക്കുന്ന ഫോട്ടോയും അദ്ദേഹം ഫെയ്‌സ് ബുക്കില്‍ പങ്ക് വെച്ചിട്ടുണ്ട്.

അതേസമയം കൊച്ചിയില്‍ നടക്കുന്ന കലാശപ്പോരാട്ടത്തില്‍ ബ്ലാസ്‌റ്റേഴ്‌സ് നിരയില്‍ ഹോസു ഉണ്ടാവില്ല എന്ന നിരാശയിലാണ് ആരാധകര്‍. തുടര്‍ച്ചയായി രണ്ട് മത്സരങ്ങളില്‍ മഞ്ഞക്കാര്‍ഡ് കണ്ടതിനാലാണ് അദ്ദേഹത്തിന് ഫൈനല്‍ കളിക്കാന്‍ കഴിയാത്തത്. ഡെല്‍ഹി ഡൈനമോസിനെതിരേയുള്ള സെമിഫൈനല്‍ മത്സരത്തിന്റെ രണ്ടുപാദ മത്സരങ്ങളിലും ഹോസുവിന് മഞ്ഞക്കാര്‍ഡ് കിട്ടിയിരുന്നു.

ടീം ഫൈനലില്‍ എത്തിയിട്ടും ടീമിന് വേണ്ടി കളിക്കാനാവത്തില്‍ നിരാശയുണ്ടെന്നും ആരാധകരോട് മാപ്പ് ചോദിക്കുന്നതായും ഹോസു പറഞ്ഞു. പ്രതിരോധനിരയിലെ കരുത്തായ ഈ സ്പാനിഷ് താരത്തിന്റെ അഭാവം ഫൈനലില്‍ ബ്ലാസ്റ്റേഴ്‌സിന് തിരിച്ചടിയാണ്. പക്ഷെ തന്ത്രങ്ങളുടെ ആശാനായ കോപ്പലാശാന്റെ കയ്യില്‍ അതിനും മറുമരുന്ന് ഉണ്ടാകുമെന്ന പ്രതീക്ഷയിലാണ് ബ്ലാസ്റ്റേഴ്‌സ് ആരാധകര്‍

അറിഞ്ഞതിലും വലുതാണ് കോപ്പല്‍ എന്ന സത്യം; കാണാം, ബ്ലാസ്റ്റേഴ്സ് പരിശീലകന്റെ മനോഹരമായ ഏഴ് ഗോളുകള്‍

noreply@blogger.com (Anonymous) — Fri, 16 Dec 2016 08:56:00 +0000

കൊച്ചി: നിര്‍ണ്ണായകമായ രണ്ടാം പാദസെമിയില്‍ ഡെല്‍ഹി ഡൈനാമോസിനെ തകര്‍ത്ത് ഒരിക്കല്‍ക്കൂടി കേരളാ ബ്ലാസ്‌റ്റേഴ്‌സ് ഐഎസ്എല്‍ കലാശപ്പോരട്ടത്തിലേക്ക് കടന്നിരിക്കുന്നു. തോല്‍വികളും സമനിലകളും നിറഞ്ഞ് പ്രതീക്ഷയറ്റ ഒരു ടീമായിരുന്നു സീസണിന്റെ തുടക്കത്തില്‍ ബ്ലാസ്റ്റേഴ്‌സ്. മറ്റു ടീമുകളുമായി മുട്ടിച്ചു നോക്കുമ്പോള്‍ അത്രയൊന്നും പേരും പെരുമയുമില്ലാത്ത താരങ്ങള്‍. സീസണിന്റെ തുടക്കത്തില്‍ കീരീട പ്രതീക്ഷപുലര്‍ത്തുന്ന ടീമുകളില്‍ ബ്ലാസ്റ്റേഴ്‌സിന്റെ പേര് ആരും വെറുതെപോലും പറഞ്ഞ് കേട്ടില്ല. എന്നാല്‍ പതിയെ പതിയെ കയറി വരുന്ന ബ്ലാസറ്റേഴ്‌സിനെയാണ് നാം പിന്നീട് കണ്ടത്. കളിമികവിലും ഉപരി കോച്ച് കോപ്പലിന്റെ തന്ത്രങ്ങളായിരുന്നു ബ്ലാസ്റ്റേഴ്സിനെ തുണച്ചത്.

നാം കണ്ടു ശീലീച്ച് പരിശീലകരെപ്പോലെ ആര്‍ത്തു വിളിക്കുകയോ ദേഷ്യപ്പെടുകയോ ചെയ്യാത്ത കോപ്പലിന്റെ സ്വഭാവ സവിശേഷത മലയാളികള്‍ക്ക് പുതുമയുള്ളതായിരുന്നു. നിര്‍വികാരനായ കോപ്പല്‍ പക്ഷെ ബ്ലാസ്റ്റേഴ്‌സിന്റെ ചാണക്യനാണെന്ന കാര്യത്തില്‍ ആര്‍ക്കും എതിരഭിപ്രായമില്ല. ബ്ലാസ്‌റ്റേഴ്‌സിന്റെ പരിശീലകന്‍ എന്നത് മാറ്റി നിര്‍ത്തിയാല്‍ ആരാണ് സ്റ്റീവ് കോപ്പല്‍ എന്ന് ചോദിച്ചാല്‍ അധികം പേര്‍ക്കും ഉത്തരമുണ്ടാകില്ല. ശരാശരിയില്‍ നിന്ന ബ്ലാസ്‌റ്റേഴ്‌സിനെ ഇന്ന് ഫൈനലില്‍ എത്തിച്ചത് പോലെ ഇംഗ്ലീഷ് ലീഗില്‍ എടുത്ത് പറയാന്‍ ഒരു കളിക്കാരനും ഇല്ലാതിരുന്ന ക്രിസ്റ്റല്‍ പാലസിനേയും റെഡിങ്ങിനേയും ഒന്നാം ഡിവിഷനിലേക്ക് കയറ്റി വിട്ടൊരു ചരിത്രമുണ്ട ഈ മുന്‍ മാഞ്ചസ്റ്റ്ര്‍ സിറ്റി പരിശീലകന്.

1955 ജൂലൈ 9 ന് ലിവര്‍പൂളില്‍ ജനിച്ച കോപ്പല്‍ 1977-1983 കാലത്ത് ഇംഗ്ലണ്ട് ടീമിന്റെ ജഴ്‌സിയണിഞ്ഞു. വിങ്ങറായി കളിച്ച അദ്ദേഹം 42 കളികളില്‍ നിന്നായി നേടിയത് 7 ഗോളുകളായിരുന്നു. ദേശീയ ടീമിനേക്കാള്‍ കോപ്പല്‍ എന്ന കളിക്കാരന്റെ മികവ് ലോകം മനസ്സിലാക്കിയത് മാഞ്ചസ്റ്റര്‍ യുണൈറ്റഡിലൂടെയായിരുന്നു. 1975 മുതല്‍ 1983 വരെ അദ്ദേഹം യൂണൈറ്റഡിനായി 322 മത്സരങ്ങളില്‍ ബൂട്ട്‌കെട്ടിയ അദ്ദേഹം 53 ഗോളുകള്‍ നേടിയിട്ടുണ്ട്. ഗോളുകള്‍ അടിക്കുന്നതിലുപരി എതിര്‍ പ്രതിരോധത്തെ കീറിമുറിച്ച് മുന്നേറ്റത്തിലേക്ക് പന്തെത്തിക്കുന്ന തന്ത്രഞ്ജനായിരുന്നു യുണൈറ്റഡില്‍ കോപ്പല്‍.

യുണൈറ്റഡിന്റെ വിഖ്യാതമായ ഏഴാം നമ്പര്‍ ജഴ്‌സില്‍ കളിച്ച അദ്ദേഹം നേടിയത് എണ്ണ പറഞ്ഞ ഗോളുകളായിരുന്നു. ഇപ്പോള്‍ കാണുന്നത് പോലെ ടീം ഗോളുകള്‍ നേടുമ്പോള്‍ ഭാവമാറ്റമില്ലാതെ നില്‍ക്കുന്ന കോപ്പലായിരുന്നില്ല അന്ന് അദ്ദേഹം. ഗോളടിക്കുമ്പോള്‍ ആര്‍ത്ത് വിളിച്ച് സഹതാരങ്ങള്‍ക്കൊപ്പം ആനന്ദ നൃത്തമാടിയ ടോട്ടല്‍ ഫുട്‌ബോളറായിരുന്നു കളിക്കളത്തിലെ കോപ്പല്‍.

കോപ്പലിന്റെ ചിരിക്കുന്ന മുഖം ആരാധകര്‍ കിരീടം പോലെ ആഗ്രഹിക്കുന്ന കാര്യമാണ്. കൊച്ചിയില്‍ നടക്കുന്ന ഫൈനലില്‍ കീരീടം നോടി ആര്‍ത്തിരമ്പുന്ന കാണികളെ നോക്കി ആ മുഖം പുഞ്ചിരി തൂകുമെന്ന് നമുക്ക് പ്രത്യാശിക്കാം. 2014 ന്റെ തനിയാവര്‍ത്തനം പോല്‍ ഫൈനലില്‍ കൊല്‍ക്കത്തയെ നേരിടാനൊരുങ്ങുന്ന ബ്ലാസ്റ്റേഴ്‌സിന്റെ അദൃശ്യനായ മുന്നേറ്റക്കാരന്‍ കോപ്പലിന്റെ തന്ത്രങ്ങള്‍ തന്നെയായിരിക്കും.

ദിലീപും കാവ്യയും വിവാഹിതരാകുന്നു; വിവാഹം അൽപസമയത്തിനകം കൊച്ചിയിൽ

noreply@blogger.com (Anonymous) — Fri, 25 Nov 2016 03:55:00 +0000

ഒടുവിൽ എല്ലാ ആരാധകർക്കും ഞെട്ടൽ സമ്മാനിച്ചു കൊണ്ട് ആ വാർത്ത സത്യമാകുന്നു. ചലച്ചിത്ര താരങ്ങളായ ദിലീപും കാവ്യാമാധവനും ഇന്നു വിവാഹിതരാകും. കൊച്ചി ലിസി ജംഗ്ഷനിലെ വേദാന്ത ഹോട്ടലിലാണ് വിവാഹം നടക്കുക. മഞ്ജു വാര്യരുമായി പിരിഞ്ഞ ശേഷം ദിലീപ് കാവ്യയെ വിവാഹം ചെയ്യുമെന്ന് വാർത്തകളുണ്ടായിരുന്നു. എന്നാൽ വാർത്തകൾ ഇരുവരും നിഷേധിച്ച് രംഗത്തെത്തിയിരുന്നു. രാവിലെ 9.30 നാണ് വിവാഹം.

വിവാഹം സംബന്ധിച്ച് നേരത്തെ തന്നെ നിരവധി വാർത്തകൾ പുറത്തുവന്നിരുന്നു. എന്നാൽ അപ്പോഴെല്ലാം വിവാഹവാർത്ത പക്ഷേ ഇപ്പോൾ ഇരുവരും രഹസ്യമാക്കി വച്ചിരിക്കുകയായിരുന്നു. സിനിമയ്ക്ക് അകത്തും പുറത്തുമുള്ള എല്ലാ സുഹൃത്തുക്കളും വിവരം രഹസ്യമാക്കി വച്ചു. നടി മഞ്ജുവാര്യരെ 1998 ഒക്‌ടോബർ 20 ന് വിവാഹം കഴിച്ച ദിലീപ് 17 വർഷം നീണ്ട ദാമ്പത്യം അവസാനിപ്പിച്ച് കഴിഞ്ഞ വർഷമാണ് വിവാഹമോചനം നേടിയത്.

മഞ്ജുവാര്യരുമായി 17 വർഷം നീണ്ട ദാമ്പത്യം അവസാനിപ്പിച്ച് കഴിഞ്ഞ വർഷമാണ് വിവാഹമോചനം നേടിയത്. അന്നുമുതൽ ദിലീപ്-കാവ്യ വിവാഹം ഗോസിപ്പ് കോളങ്ങളിൽ നിറഞ്ഞുനിന്നു. 1998 ഒക്‌ടോബർ 20 നാണ് ദിലീപ് മഞ്ജുവാര്യരെ വിവാഹം ചെയ്തത്. ഇതിൽ ഇവർക്ക് ഒരു മകളുമുണ്ട്. 2009 ഫെബ്രുവരിയിൽ മറുനാടൻ മലയാളിയായ നിശാൽ ചന്ദ്രയെ വിവാഹം ചെയ്ത കാവ്യ തൊട്ടുപിന്നാലെ തന്നെ വിവാഹമോചന ഹർജി ഫയൽ ചെയ്യുകയും 2011 ൽ വിവാഹമോചനം നേടുകയും ചെയ്തിരുന്നു. ഇതിനു പിന്നാലെയാണ് കാവ്യയെ ദിലീപ് വിവാഹം ചെയ്യുന്നത്.

കാവ്യാമാധവൻ നായികയായി അരങ്ങേറിയ ആദ്യ ചിത്രം ചന്ദ്രനുദിക്കുന്ന ദിക്കിൽ ആയിരുന്നു. ദിലീപ് ആയിരുന്നു ചിത്രത്തിലെ നായകൻ. തുടർന്ന് അനേകം ചിത്രങ്ങളിൽ ഇരുവരും നായികാ നായകന്മാരായി അഭിനയിച്ചു. അന്നെല്ലാം ഗോസിപ്പ് കോളങ്ങളും ഇരുവരെയും ചേർത്ത് സജീവമായി. അടൂർഗോപാല കൃഷ്ണൻ സംവിധാനം ചെയ്ത പിന്നെയുമാണ് ഇരുവരും അവസാനമായി നായികാനായകന്മാരായി പ്രത്യക്ഷപ്പെട്ട ചിത്രം.

പുതിയ ബുള്ളറ്റ് ഉടമകള്‍ അറിഞ്ഞിരിക്കേണ്ട 10 കാര്യങ്ങള്‍

noreply@blogger.com (Manu Marshal) — Mon, 10 Oct 2016 04:24:00 +0000

പണ്ടൊക്കെ നിരത്തുകളില്‍ നൂറു ബൈക്കുകളില്‍ രണ്ടോ മൂന്നോ എണ്ണം മാത്രമായിരുന്നു ബുള്ളറ്റുകള്‍. എന്നാല്‍ ഇന്ന് ബുള്ളറ്റുകള്‍ മുട്ടി നടക്കാന്‍ കഴിയാത്ത സ്ഥിതിയാണ്. നിരവധി പേര്‍ ഈ രാജകീയ വാഹനത്തിന്‍റെ ഉടമകളായി അനുദിനം മാറുന്നു. എന്നാല്‍ ഇവര്‍ അറിയാത്ത നിരവധി കാര്യങ്ങള്‍ ബുള്ളറ്റിനുണ്ട്. കേവലമൊരു ബൈക്കാണ് ബുള്ളറ്റെന്നു കരുതിയെങ്കില്‍ തെറ്റി. സാധാരണ ബൈക്ക് പോലെയല്ല ബുള്ളറ്റ്. അതിന് കൂടുതല്‍ ശ്രദ്ധയും പരിചരണവും ആവശ്യമാണ്. പുതിയ ബുള്ളറ്റിന്റെ ആയുസ്സ് വര്‍ദ്ധിപ്പിക്കാനും യാത്ര കൂടുതല്‍ സുരക്ഷിതമാക്കാനും നിര്‍ബന്ധമായും ശ്രദ്ധിക്കേണ്ട 10 കാര്യങ്ങള്‍

1. കിക് സ്റ്റാര്‍ട്ട്

ഒരു ദിവസം ആദ്യമായി സ്റ്റാര്‍ട്ട് ചെയ്യുമ്പോള്‍ കിക് സ്റ്റാര്‍ട്ട് മാത്രം ഉപയോഗിക്കുക. ഇത് ബാറ്ററിയുടെ ആയുസ് വര്‍ദ്ധിപ്പിക്കും. സ്റ്റാര്‍ട്ട് ചെയ്ത് 30 സെക്കന്‍ഡ് കാത്തുനില്‍ക്കുക. ശേഷം മാത്രം ബുള്ളറ്റ് മുന്നോട്ടെടുക്കുക.

2. എഞ്ചിന്‍ വിശ്രമം

ഓരോ മണിക്കൂര്‍ ഇടവിട്ട് അഞ്ച് മുതല്‍ 10 മിനിറ്റ് വരെ എന്‍ജിനു വിശ്രമം നല്‍കുക. 500 കിമീ വരെ ആക്സിലറേറ്റര്‍ പകുതി വരെയേ കൊടുക്കാവൂ. 500-2000 കിമീ വരെ 80 കിമീ/ മണിക്കൂറില്‍ താഴെ വേഗമാണ് റോയല്‍ എന്‍ഫീല്‍ഡ് നിര്‍ദ്ദേശിക്കുന്നത്.

3. വേഗം 50 കിമീ മാത്രം

ആദ്യത്തെ 500 കിലോമീറ്റര്‍ വരെ മണിക്കൂറില്‍ 50 കിലോമീറ്റര്‍ താഴെ വേഗത്തില്‍ വേണം ഓടിക്കാന്‍ . എന്‍ജിന്‍ തണുക്കാനും ക്ലിയറന്‍സ് ശരിയാക്കുന്നതിനും വേണ്ടിയാണിത്. അമിത വേഗമെടുത്താല്‍ എന്‍ജിന്‍ അമിതമായി ചൂടാകും. പാര്‍ട്‍സുകള്‍ക്ക് ക്രമരഹിതമായ തേയ്‍മാനം ഉണ്ടാകും.

4.തുരുമ്പിനെ സൂക്ഷിക്കുക

ബുള്ളറ്റിന്‍റെ ബോഡിക്ക് എളുപ്പം തുരുമ്പ് പിടിക്കാറുണ്ട്. അതുകൊണ്ടുതന്നെ മുടങ്ങാതെ കഴുകി തുടച്ച് വണ്ടി സൂക്ഷിക്കുക. കവര്‍ ഉപയോഗിച്ച് വണ്ടി മൂടി വയ്ക്കുന്നതാണ് കൂടുതല്‍ നല്ലത്. Classic 350 മോഡലിന്‍റെ ഉടമസ്ഥര്‍ പ്രത്യേകം ശ്രദ്ധിക്കുക

5. റേസിങ്ങ് അരുത്

മണിക്കൂറില്‍ 100 കിലോമീറ്ററിലേറെ വേഗത്തിലും ബുള്ളറ്റ് ഓടിക്കാം. പക്ഷേ ഇതൊരു സ്പോര്‍ട്സ് ബൈക്കല്ല എന്ന കാര്യം ഓര്‍മ വേണം. ആദ്യത്തെ 2,000 കിലോമീറ്ററിനു ശേഷം പോലും ഫുള്‍ ആക്സിലറേറ്റര്‍ കൊടുത്ത് തുടര്‍ച്ചയായി ബുള്ളറ്റ് ഓടിക്കരുതെന്നാണ് നിര്‍മാതാക്കള്‍ പറയുന്നത്. ഓടിച്ചാല്‍ എന്‍ജിന്റെ ആയുസ് കുത്തനെ കുറയും.

6. ഇരപ്പിക്കല്‍ അരുത്

ബുള്ളറ്റിന്റേത് എയര്‍ കൂള്‍ഡ് എന്‍ജിനാണ്. ഓടുമ്പോള്‍ എന്‍ജിന്റെ ബാഹ്യഭാഗത്ത് പതിക്കുന്ന കാറ്റാണ് എഞ്ചിനെ തണുപ്പിയ്ക്കുന്നത്. അതുകൊണ്ടു സ്റ്റാര്‍ട്ട് ചെയ്ത് ക്ലച്ച് പിടിച്ചോ ന്യൂട്രലിലിട്ടോ വെറുതെ ആക്സിലറേറ്റര്‍ കൊടുത്ത് ഇരപ്പിക്കരുത്. ഇത് എന്‍ജിലെ പാര്‍ട്‍സുകള്‍ക്ക് അമിതമായ തേയ്മാനം അതുണ്ടാക്കും.

7.ബ്രേക്ക്

സാധാരണ ബൈക്കുകളുടെതിനു സമാനമല്ല ബുള്ളറ്റിന്‍റെ ബ്രേക്കുകള്‍. പെട്ടെന്നു വേഗമെടുക്കാത്തതുപോലെ ബ്രേക്കിട്ടാല്‍ പെട്ടെന്നു ബുള്ളറ്റ് നില്‍ക്കില്ല. അതു മനസിലാക്കി തുടക്കക്കാര്‍ ബുള്ളറ്റ് കൈകാര്യം ചെയ്യുക.

8. ഫോര്‍ക്ക്

ബുള്ളറ്റിന്‍റെ മുന്‍ഭാഗം ഇടിച്ചാല്‍ ഫോര്‍ക്ക് സസ്പെന്‍ഷനു കോട്ടം സംഭവിക്കാന്‍ സാധ്യതയേറെയാണ്. അവ മാറുന്നത് പണച്ചിലവുള്ള കാര്യമാണെന്ന് പ്രത്യേകം ശ്രദ്ധിക്കുക
അതുപോലെ ബുള്ളറ്റ് പാര്‍ക്ക് ചെയ്യുമ്പോഴും ശ്രദ്ധിക്കുക. ഭാരം കൂടുതലുള്ളതിനാല്‍ നല്ല ഉറപ്പുള്ള പ്രതലത്തില്‍ വേണം പാര്‍ക്ക് ചെയ്യാന്‍.

9. വള്ളിച്ചെരിപ്പ് ഇട്ട് ബുള്ളറ്റ് ഓടിക്കരുത്

ബുള്ളറ്റ് ഉപയോഗിക്കുമ്പോള്‍ വള്ളിച്ചെരിപ്പുകള്‍ ഒഴിവാക്കുന്നതാണ് നല്ലത്. പ്രത്യേകിച്ചും പൊക്കം കുറഞ്ഞവര്‍. മണലോ ചെളിയോ നിലത്തുണ്ടെങ്കില്‍ ചവിട്ടുമ്പോള്‍ വള്ളിച്ചെരിപ്പ് തെന്നി ബുള്ളറ്റുമായി മറിഞ്ഞേക്കും. ഷൂസോ ബാക്ക് സ്ട്രാപ്പ് ഇട്ട് മുറുക്കാവുന്ന തരം ചെരിപ്പുകളോ മാത്രം ഉപയോഗിക്കുക.

10. മോഡിഫിക്കേഷന്‍

എക്സോസ്റ്റിലും മറ്റുമുള്ള മോഡിഫിക്കേഷന്‍ പുതിയ ബുള്ളറ്റിന്റെ എന്‍ജിന്‍ വാറന്റി ഇല്ലാതാക്കുമെന്നറിയുക. ഒരു വര്‍ഷം അല്ലെങ്കില്‍ 10,000 കിലോമീറ്ററാണ് കമ്പനി നല്‍കുന്ന വാറന്റി. റോയല്‍ എന്‍ഫീല്‍ഡ് ഡീലര്‍ഷിപ്പുകളിലൂടെ വില്‍ക്കുന്ന കസ്റ്റമൈസേഷന്‍ പാര്‍ട്സ് ഉപയോഗിച്ചാല്‍ ഈ പ്രശ്നം ഒഴിവാക്കാം. കൃത്യമായ ഇടവേളകളില്‍ ബുള്ളറ്റ് സര്‍വീസ് ചെയ്യാന്‍ പ്രത്യേകം ശ്രദ്ധിക്കുക. വാഹനത്തോടൊപ്പം ലഭിക്കുന്ന കൈപ്പുസ്തകം ശ്രദ്ധയോടെ വായിക്കുക

20 സിഗരറ്റ് വലിച്ചുകഴിഞ്ഞാല്‍ നിങ്ങളുടെ ശ്വാസകോശം ഇതുപോലെയാകും! അതറിയാന്‍ ഈ വീഡിയോ കണ്ടുനോക്കൂ

noreply@blogger.com (Manu Marshal) — Sat, 08 Oct 2016 11:20:00 +0000

ഒരു സിഗരറ്റ് വലിച്ചാല്‍ ആയുസിന്റെ 11 മിനുട്ട് കുറയുമെന്നാണ് ഗവേഷകര്‍ പറയുന്നത്.

ഒരു മനുഷ്യന്‍ 20 സിഗരറ്റ് വലിച്ചാല്‍ ശ്വാസകോശത്തിന് എന്താണ് സംഭവിക്കുക? അതറിയാന്‍ ഈ വീഡിയോ കണ്ടുനോക്കൂ...

പുകവലി ആരോഗ്യത്തിന് ഹാനികരമാണ്. ഇത് അറിയാത്തവരായി ഈ ഭൂമി മലയാളത്തില്‍ ആരുംതന്നെ ഉണ്ടാകില്ല. എന്നാല്‍ പുകവലിക്ക് വല്ല കുറവുമുണ്ടോ? നമ്മുടെ ഇടയില്‍ പുകവലിക്കാരുടെ എണ്ണം നാള്‍ക്കുനാള്‍ വര്‍ദ്ധിച്ചുവരുന്നതല്ലാതെ, ഒരു പൊടിക്കുപോലും കുറയുന്നില്ല. ഏതായാലും, പുകവലി ഉണ്ടാക്കുന്ന ആരോഗ്യപ്രശ്‌നങ്ങള്‍ ചില്ലറയല്ല. ഗുരുതരമായ ശ്വാസകോശ രോഗങ്ങള്‍ മുതല്‍ മാരകമായ ക്യാന്‍സര്‍ വരെ പുകവലി മൂലം പിടിപെടാം. ഹൃദയാരോഗ്യത്തിനും പുകവലി ഹാനികരമാണ്. ഒരു സിഗരറ്റ് വലിച്ചാല്‍ ആയുസിന്റെ 11 മിനുട്ട് കുറയുമെന്നാണ് ഗവേഷകര്‍ പറയുന്നത്. ഇക്കാര്യം ആലോചിച്ചാല്‍ തന്നെ പുകവലിയുടെ മാരക അവസ്ഥ വ്യക്തമാകും. ഏതായാലും ഒരു മനുഷ്യന്‍ 20 സിഗരറ്റ് വലിച്ചാല്‍ ശ്വാസകോശത്തിന് എന്താണ് സംഭവിക്കുക? അതറിയാന്‍ ഈ വീഡിയോ കണ്ടുനോക്കൂ...

കാഷ്‍മോര ട്രെയിലര്‍ ഇറങ്ങി Watch Now !!!

noreply@blogger.com (Manu Marshal) — Sat, 08 Oct 2016 10:17:00 +0000

കാര്‍ത്തി നായകനാകുന്ന പുതിയ ചിത്രമാണ് കാഷ്‍മോര. ചിത്രത്തില്‍ കിടിലന്‍ ലുക്കിലാണ് കാര്‍ത്തിയേയാണ് കാണാനാകുക. ഇതുവരെയില്ലാത്ത ഗെറ്റിപ്പിലുള്ള കാര്‍ത്തിയെ ഉള്‍ക്കൊള്ളിച്ച കാഷ്‍മോരയുടെ ട്രെയിലര്‍ പുറത്തിറങ്ങി.

ബാലകുമാരാ എന്ന ചിത്രത്തിലൂടെ ശ്രദ്ധേയനായ ഗോകുല്‍ ആണ് ചിത്രത്തിന്‍റെ രചനയും സംവിധാനവും നിര്‍വഹിക്കുന്നത്. നയന്‍താരയാണ് നായിക. നയന്‍താര രാജകുമാരിയായാണ് ചിത്രത്തില്‍ അഭിനയിക്കുന്നത്.

പാകിസ്താനുമായി യോജിച്ച് പ്രവര്‍ത്തിക്കും; ഒരുകാലത്തും ഭീകരരാജ്യമായി പ്രഖ്യാപിക്കില്ലെന്നും അമേരിക്ക

noreply@blogger.com (Manu Marshal) — Sat, 08 Oct 2016 10:11:00 +0000

വാഷിംഗ്ടണ്‍: പാകിസ്താനെ ഭാകരരാജ്യമായി പ്രഖ്യാപിക്കണമെന്ന ആവശ്യത്തോട് യോജിപ്പില്ലെന്ന് അമേരിക്ക വ്യക്തമാക്കി. ഇന്ത്യയ്ക്ക് ഭീഷണിയായ, മേഖലയിലെ തീവ്രവാദികളുടെ സുരക്ഷിതസ്വര്‍ഗങ്ങളെ ഇല്ലാതാക്കാന്‍ ശ്രമിക്കുമെന്നും അമേരിക്കന്‍ വിദേശകാര്യവക്താവ് ജോണ്‍ കിര്‍ബി പറഞ്ഞു. ഇന്ത്യയും പാകിസ്താനുമായി കാശ്മീരുള്‍പ്പെടെയുള്ള വിഷയങ്ങളില്‍ അര്‍ത്ഥപൂര്‍ണമായ ചര്‍ച്ചകള്‍ ആരംഭിക്കണമെന്നും അമേരിക്ക ആവശ്യപ്പെട്ടു.

ആണവായുധം തീവ്രവാദികള്‍ക്ക് ലഭിക്കാതെ പാകിസ്താന്‍ സൈന്യത്തിന്റെ കൈകളില്‍ സുരക്ഷിതമാണെന്ന് കരുതുന്നതായും കിര്‍ബി പറഞ്ഞു. പാകിസ്താനെ ഭീകരരാജ്യമായി പ്രഖ്യാപിക്കണമെന്ന വൈറ്റ്ഹൗസ് ഓണ്‍ലൈന്‍ പ്രമേയത്തെക്കുറിച്ച് ചോദിച്ചപ്പോള്‍, അങ്ങനെയൊരു കാര്യം തന്റെ ശ്രദ്ധയില്‍ പെട്ടിട്ടില്ലെന്നായിരുന്നു വിദേശകാര്യ വക്താവിന്റെ പ്രതികരണം. എന്ത് സംഭവിച്ചാലും അങ്ങനെ പ്രഖ്യാപിക്കാന്‍ പോകുന്നില്ലെന്നും കിര്‍ബി പറയുന്നു. വൈറ്റ്ഹൗസിന്റെ ഓണ്‍ലൈന്‍ പെറ്റീഷന്‍ സംവിധാനം അനുസരിച്ച് റെക്കോര്‍ഡ് പ്രതികരണമാണ്, പാകിസ്താനെ ഭീകരരാജ്യമായി പ്രഖ്യാപിക്കണമെന്ന പ്രമേയത്തിന് ലഭിച്ചത്.

പാക് മണ്ണിലെ തീവ്രവാദം ഇന്ത്യന്‍ ജനതയ്ക്ക് ഭീഷണിയാണെന്നും കിര്‍ബി സമ്മതിക്കുന്നു. പാകിസ്താനും അഫ്ഗാനിസ്താനുമായും ചേര്‍ന്ന് തീവ്രവാദത്തെ അമര്‍ച്ച ചെയ്യാനുള്ള നടപടിയെടുക്കുമെന്നും കിര്‍ബി പറഞ്ഞു. തീവ്രവാദികളുടെ സുരക്ഷിതസ്വര്‍ഗങ്ങളെ ഇല്ലാതാക്കണമെന്നും അദ്ദേഹം പറഞ്ഞു.

കാശ്മീര്‍വിഷയത്തിലെ അമേരിക്കന്‍ നിലപാടില്‍ മാറ്റമില്ലെന്നും അമേരിക്കന്‍ വിദേശകാര്യവകുപ്പ് വ്യക്തമാക്കി. ഇരുരാജ്യങ്ങളും തമ്മിലുള്ള ചര്‍ച്ചയിലൂടെ വിഷയം പരിഹരിക്കണമെന്നാണ് എന്നും അമേരിക്ക ആഗ്രഹിക്കുന്നത്. ഇന്ത്യയിലെയും പാകിസ്താനിലെയും നേതാക്കളെ വിശ്വാസമുണ്ടെന്നും കിര്‍ബി വ്യക്തമാക്കി. പാകിസ്താന്റെ ആണവ സുരക്ഷയെക്കുറിച്ച് പൂര്‍ണവിശ്വാസമുണ്ടെന്നും കെര്‍ബി പറഞ്ഞു.

ഇന്ത്യയ്‌ക്കെതിരെ നിരന്തരമായി ഭീകരപ്രവര്‍ത്തനങ്ങളാസൂത്രണം ചെയ്യുന്നുവെന്ന കാരണം ചൂണ്ടിക്കാട്ടിയാണ് അമേരിക്കയില്‍ ഇത്തരത്തിലുള്ള ഒരു ഓണ്‍ലൈന്‍ പരാതി സമര്‍പ്പിക്കപ്പെട്ടത്. ഒബാമ ഭരണത്തിന്റെ പ്രധാന നേട്ടമായാണ് വൈറ്റ് ഹൗസിന്റെ ഈ പദ്ധതി വിലയിരുത്തപ്പെട്ടിരുന്നത്. എന്നാല്‍ ആ പരാതിക്കും പ്രത്യേകിച്ച് ഒരു പ്രാധാന്യവുമില്ലെന്ന സൂചനകളാണ് അമേരിക്കന്‍ വിദേശകാര്യസെക്രട്ടറി നല്‍കുന്നത്.

പ്രിയങ്കചോപ്രയുടെ ചൂടന്‍ രംഗങ്ങള്‍ ചര്‍ച്ചയാകുന്നു

noreply@blogger.com (Manu Marshal) — Sat, 08 Oct 2016 10:07:00 +0000

ക്വണ്ടിക്കോ എന്ന ടെലിവിഷന്‍ പരമ്പരയിലൂടെ അമേരിക്കന്‍ ഹൃദയത്തിലേക്ക് കടന്നിരിക്കുകയാണ് പ്രിയങ്ക ചോപ്ര. ഹോളിവുഡില്‍ പോലും ബോളിവുഡിന്‍റെ പി.സിക്ക് അവസരം നല്‍കിയ ഈ പരമ്പരയുടെ രണ്ടാം സീസണില്‍ അതീവ ഗ്ലമറസായും, ആക്ഷന്‍ നായികയുമായാണ് പ്രിയങ്ക എത്തുന്നു എന്നാണ് റിപ്പോര്‍ട്ട്. പുതിയ സീസണിലെ ഒരു ചൂടന്‍ രംഗമാണ് ഇപ്പോള്‍ ഗോസിപ്പ് കോളങ്ങളിലെ വാര്‍ത്ത. റയന്‍ബൂത്ത് എന്ന നായകകഥാപാത്രം അവതരിപ്പിക്കുന്ന ജാക് മക്വാലിനുമായുള്ള സ്വകാര്യ രംഗങ്ങളാണ് ഇപ്പോള്‍ പ്രചരിക്കുന്നത്.

ഇതൊരു അന്യായ മസിലുതന്നെ; ഈ മസിലുണ്ടാക്കിയത് ജീവന്‍ പണയം വെച്ച്

noreply@blogger.com (Manu Marshal) — Sat, 08 Oct 2016 10:03:00 +0000

സ്റ്റിറോയിഡുകള്‍ കുത്തിവെച്ചും, മരുന്ന് കഴിച്ചുമെല്ലാം പെട്ടന്ന് മസിലുണ്ടാക്കുന്നവരെ നാം കണ്ടിട്ടുണ്ടാകും. എന്നാലിതാ ഇവിടെ വാല്‍ദിര്‍ സെഗാറ്റോയെന്ന ബ്രസീലിയന്‍ ബോഡീബില്‍ഡര്‍, മസിലുകളിലേക്ക് എണ്ണ കുത്തിവെച്ചാണ് ഇങ്ങനെ മസിലൊരുക്കിയിരിക്കുന്നത്. 25 കിലോയോളം ഭാരമാണ് ഇങ്ങനെ കുത്തിവെപ്പിലൂടെ വര്‍ധിച്ചത്. അതേസമയം മസിലുകളുടെ ദൃഢത വേണ്ടത്ര ഇല്ലെന്നും സെഗാറ്റോ പറയുന്നു. എന്നാല്‍ കടുത്ത ആരോഗ്യപ്രശ്‌നങ്ങളിലേക്കും അംഗഭംഗത്തിലേക്കും ജീവന്‍വരെ നഷ്ടപ്പെടുന്നതിലേക്കും നയിക്കുമെന്നാണ് ആരോഗ്യ വിദഗ്ധര്‍ പറയുന്നത്.

ഹീമാന്‍, അര്‍നോള്‍ഡ്, രാക്ഷസന്‍ തുടങ്ങിയ ചെല്ലപ്പേരുകളും ഈ മസിലിലൂടെ അദ്ദേഹത്തിന് ലഭിച്ചു. നിലവില്‍ കൈ മസിലുകള്‍ 23 ഇഞ്ച് വണ്ണത്തിലും, നെഞ്ചളവ് 46 ഇഞ്ചിലുമാണ് ഇദ്ദേഹത്തിന്. കൈമസിലുകള്‍ 12 ഇഞ്ച് മാത്രമായിരുന്ന സമയത്ത്, അഞ്ച് വര്‍ഷം മുന്‍പായിരുന്നു ഇദ്ദേഹം ജിമ്മില്‍ പോകാനാരംഭിച്ചത്.

സിന്തോളെന്ന എണ്ണയെക്കുറിച്ച് കേള്‍ക്കുകയും അത് ഉപയോഗിക്കാനാരംഭിക്കുകയും ചെയ്തു. കൈയിലും നെഞ്ചിലും തോളിലുമെല്ലാം ഇന്ന് ഈ മരുന്ന് വലിയ തോതില്‍ ഈ ബോഡി ബില്‍ഡര്‍ കുത്തിവെക്കുന്നുണ്ട്. കടുത്ത ആരോഗ്യപ്രശ്‌നങ്ങളിലേക്കാവും ഇത് സെഗാറ്റോയെ നയിക്കുകയെന്നാണ് എല്ലാവരും പറയുന്നത്. എന്നാലും അദ്ദേഹത്തിന് മാത്രം യാതൊരു കൂസലുമില്ല.

‘പുലിമുരുക’നിടെ പ്രദർശനം നിലച്ചു, കാണികൾ തിയറ്റർ തകർത്തു

noreply@blogger.com (Manu Marshal) — Sat, 08 Oct 2016 09:58:00 +0000

ഇരിട്ടി∙ മോഹൻലാൽ അഭിനയിച്ച പുലിമുരുകൻ സിനിമ കണ്ടു കൊണ്ടിരിക്കെ പ്രദർശനം നിലച്ചത് ഇരിട്ടി കൽപന ടാക്കീസിൽ സംഘർഷത്തിന് ഇടയാക്കി. കാണികളിൽ ചിലർ തിയറ്റർ എറിഞ്ഞു തകർത്തു. പൊലീസെത്തി നാലുപേരെ പിടികൂടി സ്റ്റേഷനിൽ എത്തിച്ചു. ഇന്നലെ 1.30ന്റെ ഷോ നടക്കുന്നതിനിടെയാണ് യുഎഫ്ഒ സംവിധാനത്തിൽ പ്രവർത്തിക്കുന്ന തിയറ്ററിൽ സാറ്റലൈറ്റ് ബന്ധം നിലച്ച് പ്രദർശനം തടസ്സപ്പെട്ടത്. ഇതോടെ പ്രകോപിതരായ കാണികളിൽ ചിലർ ടാക്കീസിന് പുറത്തെത്തി കണ്ണിൽ കണ്ടതെല്ലാം തല്ലിത്തകർക്കുകയായിരുന്നു. ജനൽ ഗ്ലാസുകളും കസേരകളും ടിക്കറ്റ് കൗണ്ടറും എറിഞ്ഞു തകർത്തു.

സാറ്റലൈറ്റ് ബന്ധം പുനഃസ്ഥാപിച്ച് വീണ്ടും സിനിമ തുടങ്ങിയപ്പോൾ ഇവർ വീണ്ടും ടാക്കീസിന് അകത്തു കയറി സിനിമ കാണുകയും ചെയ്തു. ടാക്കീസ് ജീവനക്കാരും സംഭവം കണ്ട സമീപത്തെ കച്ചവടക്കാരും പ്രകോപനം സൃഷ്ടിക്കാതെ പൊലീസിനെ വിവരം അറിയിക്കുകയും പൊലീസെത്തി അക്രമം നടത്തിയവരെ പിടികൂടുകയുമായിരുന്നു. ഇതിനിടയിൽ പൊലീസ് എത്തിയപ്പോൾ ഓടി രക്ഷപ്പെടാൻ ശ്രമിച്ച ഒരു അക്രമിയെ പിന്തുടർന്ന് പിടികൂടി. ഇതിനു മുൻപും ഇവിടെ പ്രദർശനം നിലച്ച സംഭവവും ഇതേ തുടർന്ന് അക്രമ സംഭവവും ഉണ്ടായിരുന്നു. ടാക്കീസ് മാനേജർ ഷിബുവിന്റെ പരാതിയിൽ പൊലീസ് കേസെടുത്തു.