Let's fly

පශ්චාත් කොස්ලන්ද හෙවත් මිනී විකුණා අරක්කු බීම

2014-11-04T00:55:00.002-08:00

කොස්ලන්ද ඛේදවාචකය සිදුවී හමාරය. මේ වන විට වැළලුනු පිරිස කියදැයි කියා හරියට කියා ගන්නට වත් රජය අපොහොසත් වී සිටියි. තවමත් පස් කදු පීරමින් මිනි සොයාමින් සිටින්නේ මියගිය ගණන මේ යැයි තහවුරු කර පෙන්විමට මෙනි.

තත්වය එසේ තිබියදී මෙරට සිදුවු සෑම ඛේදවාචයකදීම සිදු කළ ආකාරයට කොස්ලන්දෙන් ජීවත් වන මාධ්‍යකරුවන් පිරිසක්ද බිහිව සිටියි.වරෙක ඔවුන් ජීවත් වුයේ වාරියපොළ නංගී ගෙන්ය. තවත් වරෙක් රත්නපුරේ බට්ටී ගෙන්ය. මේ වනවිට ඔවුන් සිය බඩකට පුරවා ගනිමින් සිටින්නේ කොස්ලන්දේ මළ සිරුරු වලින්ය.

දශක තුනකට අධික කාලයක් යුද්ධයක් පැවති රටක ජන මනස ප්‍රචණ්ඩත්වය ඉල්ලා සිටින බව හැබෑය. සටන්කාමීන් කොළඹ බෝම්බ පුපුරුවද්දී ඇතැම් රූපවාහිනී නාලිකා සංස්කරණය නොකළ දර්ශණ පෙන්වමින් මිනී මස් විකිණු හැටි තවම මතකය. අපි ඉතිහාසයේ සිට ම්ලේච්ඡ ජාතියක් බව අමුතුවෙන් කිව යුත්තක් නොවේ. විජය රජු ලංකාවට එනවිට මිනී මස් කමින් සිටි කුවේණිගේ යක්ෂ පරම්පරාවේ අපි තවමත් අමු මිනී මස් වලට ප්‍රිය ජනකය. ආර් ප්‍රේමදාස ආමර් විදීයේදී කුඩු වී යන විට කිරිබත් උයා කන්නේ එම කුවේණි පරපුරේ අපිමය. එමෙන්ම නන්දිකඩාල් කලපුවේ ලේකැටි සමග ප්‍රභාකරන් වැටී සිටිනු දැක රතිඤ්ඤා දල්වා කැවුම් ඉව්වේද මේ අති උදාර ජාතියම ය. තවදුරටත් වාරියා පොල නංගී බඩුවක් කරන්නේද , රත්නපුර බට්ටී සමග පිරිමි නිදාගන්නට ඇත්තේ කෙසේදැයි සිතමින් ස්වයං වින්දනයේ යෙදෙන්නේ ද මේ ජාතියම ය.
එවන් ජනතාවක ගේ ම්ලේච්ඡත්වය සමනය කරනු වෙනුවට එය තවදුරටත් උත්සන්න කරමින් ඇතැම් මාධ්‍ය කටයුතු කරමින් සිටියි.මෙම තක්කඩි “ එඩිටර් “ ලා කොස්ලන්දේ මියගිය දරුවන් ගොඩගන්නා දර්ශණ මෙන්න කියා හෙඩ්ලයින් දමන්නේ එම මළ මිනී විකුණා හවසට අරක්කු කාලක් බොන්නට මිස මාළිගා තනන්නට නොවේ.

මෙම තක්කඩි මාධ්‍යවේදීන් “කොස්ලන්දේ මියගිය දරුවන් ගොඩගන්නා දර්ශණ මෙන්න“ කියා නොනැවති තව අතුරු කථාවක් ද එකතු කරයි. එනම් “සංවේදී අය මෙම දර්ශණ නැරඹීමෙන් වළකින්න“ යනුවෙන් සදහන් කරයි. ඔවුන්ට අනුව සංවේදී නොවන මිනිසුන් මේ වන විට බිහිවී ඇතැයි ඔවුන් සිතමින් සිටියි.එය ඔවුන්ගේ බුද්ධියේ පරිමාව යැයි සිතා හිත හදාගත හැකිය.අනෙක් අතින් මේ ඔවුන් කියන්නට උත්සහ කරන්නේ තම ප්‍රවෘත්ති කියවිය යුත්තේ සංවේදී නොවන මිනිසුන් බව නොවේද ?මිනිසා ස්වභාවයෙන්ම තිරිසනුන්ගෙන් වෙනස් වෙන්නේ සංවේදී බව නිසා බව මෙම ඔලමොට්ටල “එඩිටර් “ලාට තේරෙන්නේ නැත.

ඇමරිකාවේ ලෝක වෙළද මධ්‍යස්ථානයට බොම්බ ප්‍රහාර එල්ලවීම සිද්ධිය සිදුවු දිනයේ එරට රූපවාහිනියේ පෙන්වුවාට මේ වන තෙක් කිසිදු රූපවාහිනි නාලිකාවක එය යළි යළිත් පෙන්වා නොමැත.එය ඇමරිකාවේ මාධ්‍ය සදාචාරයයි.නමුත් කිසිදු ජාතියක් ජන්මයක් නැති අපේ රටේ ඇතැම් තක්කඩි “එඩිටර්“ ලා තවදුරටත් කොස්ලන්දේ මිනි විකුණා රේටින්ග්ස් සහ හිට්ස් වැඩිකර ගනිමින් සිය මල්ල පුරවාගෙන අරක්කු බොමින් සිටියි. මෙවන් ඔලමොට්ටල තක්කඩි මාධ්‍ය කරුවන් හෙට දිනයේ “අපේ අම්මා දුෂණයට ලක්වු හැටි මෙන්න (වීඩියෝ සහිතයි)“ කියා හෙඩිමක් දැම්මොත් ඔබ කලබල නොවන්න!

වාරියපොල නංගී වීරවරියක්

2014-08-20T11:37:00.001-07:00

වාරියපොල දී තරුණියක් තරුණයෙකුට කම්මුල් පාරක් දීම මේ දිනවල රටේ ජාතික මාතෘකාව වී තිබේ.මෙතුවක් කාලයක් හලාල් වලට එරෙහි වන්නට හම්බයින් පතුරු ගහන්නට වෙන්වී තිබු ෆේස් බුක් ඉඩකඩ වාරියපොල නංගී බඩුවක් කිරීම සදහා නොමසුරුව වෙන් කර ඇත.

මෙම සිද්ධිය මගින් රටේ පුරුෂ ප්‍රාණින්ට පුරුෂ භාවය මතක් කර දෙන්නට වාරියපොල නංගී දක්ෂ වී ඇත.එපමණක් නොව මෙම සිදුවීම ටීවී නාලිකාවලට පත්තර වලට වෙබ් වලට කෝටි ගණන් හම්බකරගන්නට සහ ඒ මුදල් වලින් එවායේ හිමිකරුවන්ට තමන් කැමති ස්ත්‍රියක් මත සිය ආශාවන් පහ කරන්නට අවස්ථාවක් ද වාරියපොල නංගී ලබාදී තිබේ.
පංචසීලය රකින සැදැහැවත් ෆේස්බුක් චණ්ඩින්ට අනුව වාරියපොල නංගී වීථි ගණිකාවකි.ඔවුන් කියනා ආකාරයට මෙම තරුණයාට පහරදීම වැරදිය.ඔවුන් කියන විදිහට අර තරුණයාට ඕනෑ එකක් කියා ස්වයං ආතල් එක ගන්නට ඉඩදී තරුණිය නිහඩව සිටිය යුතුය.

තවද මින් පසු තරුණයින්ට කිසිවක් කිව නොහැකි වන ආකාරයට සියල්ල වසාගෙන ඇදිය යුතුය (හිසේ සිට පාදාන්තය දක්වා වැසී ඇති හිජාබය ඇදි මුස්ලිම් කාන්තාව පතුරු ගැසුවේද මෙම ෆේස්බුක් චණ්ඩින් විසිනි) මෙම තරුණිය බස් එකකට නැග සිටගෙන සිටින විට පසු පසින් තෙරපන විට ඊට ඉඩදී තරුණිය නිහඩව සිටිය යුතුය.මෙම චණ්ඩින් ගේ පෙම්වතී , අක්කා හෝ නංගී පාරේ යනවිට පාරේ ඉන්න එකෙක් “පට්ට කෑල්ල“ යැයි කිවහොත් “නියමයි මචන් දාපන් පහක්“ කියන්නට මෙම ෆේස්බුක් චණ්ඩින් සුදානම් ද? යන්න මේ තරුණියට ගරහන පිරිමියා අගයන ඊනියා පුරුෂයින්ගෙන් ඇසිය යුතු කාරණාවකි.

ඉතිහාසයේ සිටම මෙරට කාන්තාව පිරිමියාට රැවටී තිබේ. මෙය ඇරඹෙන්නේ කුවේණි ගෙනි. කුවේණි විජයට රැවටුණේය. රැවටී රාජ්‍යය පවා දුන්නාය.විජය රජවී කුවේණියට බුට් එකදී මධුරාපුරයෙන් කෑල්ලක් ගෙන්වා ගත්තේය.පසුකලක ස්වර්ණා මල්ලවාරච්චි, මාලනී ෆොන්සේකා, අනෝමා ජිනාදරී , පබා, අනර්කලී පමණක් නොව ගයේෂා දක්වා මෙම රැවටීමට හසුව තිබේ.

මේ රැවටීම් අදටද සිදුවෙයි. ඔබ මෙය කියවන මොහොතේ කාන්තාවන් කී දෙනෙක් මෙරට ලිංගික සුරාකෑම්වලට ලක්වනවා ඇතිද? පෞද්ගලික අංශයේ හෝ රාජ්‍ය අංශයේ කියා බේදයක් නැත.

රූමත් කාන්තාවකට ඉහළට යාම සැප පහසුකම් විදීම අපහසු කාරණයක් නොවේ. මහපාරේ සිටින රියදුරු කොන්දොස්තර වරුන්ගේ සහ පොලිස්කාරයාගේ සිට තට්ටු ගණන් උස ගොඩනැගිලි වල ඉන්න ආයතන ප්‍රධානින්ගේ, සභාපති වරුන්ගේ, කරුණාව දයාව කාන්තාවන්ට හිමිය.විශේෂයෙන් පෞද්ගලික රූපවාහිනි ආයතනවල ජනප්‍රිය කියමනක් තිබේ.නිවේදිකාවක් ගොඩ යාමට නම් එක්කෝ මහන්සි විය යුතුය නැතිනම් හාන්සි විය යුතුය. මෙරට බොහෝ තැන්වල වැඩි වශයෙන් සිදුවන්නේ පළමුවැන්න ද දෙවැන්න ද කියා පැහැදිලි කර ගැනීමේ වලකීම ඔබට භාරය.

කාන්තාවන් රැවටෙන තාක්කල් පිරිමියා ආරක්ෂාවට , සංස්කෘතියට , සමාජ වටපිටාවට, සහ ලැජ්ජාවට මුවාවී සිය කාර්යය කරගත් බව සියවස් ගණනාවක සිට අප දන්නා කරුණකි. කාන්තාවන් කිහිප දෙනෙක් ඇසුරු කළ පිරිමියා “බඩුකාරයෙක්“ යැයි කියා “පොරක් “ ලෙස පිළිගැනීම සහ පිරිමින් කිහිප දෙනෙක් සමග ලිංගිකව එක්වු කාන්තාව “බඩුවක්“ කර කොන්කර දැමීමෙන් ම මෙරට පිරිමියා පෙළෙන ගෝත්‍රික ලිංගික ව්‍යාධිය පැහැදිලි වෙයි.

ලංකාවේ පිරිමින්ට sex පිළිබදව arrears එකක් තිබේ. යමක් කමක් ඇති උන්ට ඇති අපිට නැති හැගීමක් තිබේ. උපන්දා සිට ලෝකයට ශිෂ්ට බව පෙන්වීමට ගොස් සැගවු වල්කම arrears වී තිබේ.

බස් දුම්රිය වලදී, රෝහල් සහ බැංකු පෝලිම් වලදී කාන්තාවන්ට හේත්තු කරන්නේ නියම ඉන්ද්‍රිය නොව එම arrears එකයි.එදා වාරියපොලදී එම තරුණයා පිරිමසා ගැනීමට ගියේද එම arrears එකය.

එම නිසා වාරියපොළ නංගී වීර වරියක් වන්නේ කුවේණිගේ සිට ගයේෂා දක්වා කාන්තාව රැවැට්ටු සමස්ථ පිරිමි ජාතියට ම කම්මුල් පාරක් ගැසු නිසාය.ලංකාවේ ගෝත්‍රික පිරිමියාට එම කම්මුල් පාර සිරාවට වැදී ඇත්තේ ද තවදුරටත් අර arrears එක Cover කර ගැනීමට ඉඩ නැති නිසාය. මේ නංගීගෙන් ලාංකිය කාන්තාව ආදර්ශයක් ගතහොත් බස් වල එක අසුනේදී යාබද කාන්තාවගේ ඉගට වැලමිටෙන් ඇන හමාරය.ඉදිරියෙන් ඉන්න කාන්තාවට හේත්තු කර හමාරය. මන්ද මෙම සිද්ධිය ආදර්ශයට ගෙන කම්මුල් පාරකට ලක්විය හැකි නිසාය.මේ නිසා තවදුරටත් arrears Cover කර ගැනීමට නොහැකි වනු ඇත.ඒ නිසා දැන්ම මැදිහත් වී උත්සහ කර වරකාපොළ නංගී ට “බඩුවක්“ යන ලේබලය ඇලවිය යුතුය යන සංකල්පයෙන් මෙම නාම මාත්‍රික අර්ධ පිරිමින් ෆේස් බුක් ඔස්සේ උනන්දු වන ආකාරය පෙනෙයි.මෙම කුහක උත්සාහය අන් කවරකුත් නොව තම arrears එක Cover කර ගැනීමේ ආශාව මිසක අන් කිසිවක් නොවන බව කිව යුතුය.

(සංවාදයට විවෘතය)

“ අපි මොන වැරැද්දක් කළාට ද? “

2014-06-25T04:57:00.001-07:00

“ මොනා කරන්නද මාත්තයා ජීවිත කාලේ අම්බ කරපු ඔක්කොම ඉවරයි.කවුද ඉතුවේ මේම දෙයක් කරයි කියලා. අපි හරිම ෂාමාකාමී මිනිස්සු මාත්තයා.අපි මේ අලුත්ගම සිංහල මුස්ලිම් කට්ටි ඔක්කොම එකට හිටියේ, කාටත් වෙනසක් තිබ්බේ නෑ ඒ නිසා අපි හීනෙකින්වත් ඉතුවේ නෑ මේම දෙයක් වෙයි කියලා“
අළුත්ගම නගරය ආසන්නයේ වඩේ විකුණන කඩයක් අසල හිදගෙන සිටි වයස්ගත පුද්ගලයෙකු එලෙස පැවසුවේය. ඔහු නිනව්වක් නැතුව ඈත බලාගෙන තවත් කතා කරයි.

“ යුද්දේ ඉවර වුණාම අපි හරි ෂතුටින් හිටියේ මාත්තයා. බෝම්බ පුපුරන්නේ නැති රටක නිදහසේ අපිට ජීවත් වෙන්න පුළුවන් කියලා. අපි ඉතුවේ බය ඉවරයි කියලා“
මග දෙපස යුද හමුදා සෙබලුන් තුවක්කු රුවාගෙන බලා සිටියි.ඒ අසලින් දුඹුරු පැහැ බෆල් රථයක් ගමන් ගත්තේය.

“බලන්න මාත්තයා මේක දැන් උතුර වගේ. ඔය තුවක්කු අපි පුරුදු නෑ . ළමයින්ට යන්න ඉස්කෝල හෙට අරිනවලු. ඒත් උන්ගේ පොත් පත් ඇදුම් ඔක්කොම පිච්චිලා ඉවරයි. අපි මොන වැරැද්දක් කළාටද මහත්තයා මේ ?“
අළුත්ගම නගරය පෙර පරිදි යැයි මාධ්‍යය වාර්තා කළ ද අළුත්ගම නගරයේ වෙනදා දක්නට ලැබුණ ප්‍රබෝධය දක්නට නැත. සෑම ඇසකම රැදී තිබුනේ සැකයේ සේයාවකි.
කොයි මොහොතේ කොතැනින් ප්‍රහාරයක් එල්ලවේ දෝ යි යන බිය ඒ ඇස් වල රැදී තිබුණි.

අළුත්ගම සහ බේරුවල ගැටුම් වලින් මරණ හතරක් සිදුවී හමාරය.නිවාස හා දේපළ රැසක් විනාශ වී හමාරය.මෙම ප්‍රහාර සම්බන්ධයෙන් වගකිවයුතු පුද්ගලයෝ අත් අඩංගුවට ගැනීමට පොලිසිය කටයුතු කරමින් සිටියි.

“ මිනිස්සු ඇරෙස්ට් කලාට මාත්තයා නැතිවුන මිනිස්සු ආයේ ගන්න බෑනේ.කොච්චර වන්දි දුන්නත් ආධාර කළත් නැතිවුන දේවල් ආයේ ගන්න පුළුවන්ද? “
ප්‍රහාරය සම්බන්ධයෙන් අදහස් දක්වන බොදු බල සේනා සංවිධානය කියන්නේ එම ප්‍රහාර වලට තමන් සම්බන්ධ නැති බවයි. ඔවුන් පවසන ආකාරයට ගැටුම් ඇතිවීම වැලැක්වීමේ අරමුණින් අළුත්ගම රැළිය පවත්වා තිබේ.

“ගැහුවේ මෙහේ අය නෙවෙයි මාත්තයා, මුස්ලිම් අය කුලියට අරං හිටපු සිංහල කඩ වලටත් ගිණි තිබ්බා, මුස්ලිම් පේන්න හිටපු ගෙවල් වලට ගිණි තිබ්බා. කාගෙද කියලා බැලුවේ නෑ. දකින දකින දේවල් වලට ගිනි තිබ්බා. ඇමතිලට මන්ත්‍රිලටත් ගැහුවානේ , මෙහේ අයනම් ඔහොම කරන්නේ නෑ. ඒක ෂුවර් “
අළුත්ගම බේරුවල ප්‍රදේශවල නොසන්සුන්කාරී තත්වය පහව ගියද සැකය තවමත් ඉතිරිව පවතියි.

“ දැන් මෙහේ මුස්ලිම් මිනිස්සුන්ට අපිට මුණ දෙන්න බෑ ඒ තරම් ලැජ්ජයි . මේක වුනේ පුද්ගලයෝ දෙන්නෙක් අතර ගැටුමක් මුලින්. ඒකට හාමුදුරුවෝ සම්බන්ධ නෑ. හාමුදුරුවෝ ගිය වාහනේට කෙනෙක් හැප්පෙන්න ගියාම රියදුරා කුණුහරපෙන් බනිනවා.එතකොට ඒ පුද්ගලයාත් ප්‍රතිචාර දක්වනවා එහෙම ම. ඊට පස්සේ මේ දෙන්නා බහින් බස් වෙනවා.පස්සේ ගැටුමකට ගියාම හාමුදුරුවෝ ඇවිත් තියෙන්නේ බේරන්න.ගැටුමෙප් පස්සේ හාමුදුරුවෝ රෝහලට ගියේ නීතියෙන් පියවර ගන්න මිසක් ජාතිවාදේ අවුස්සන්න නෙවෙයි.ජාතිවාදීන් මේක අවස්ථාවක් කරගත්තා ඒකයි වුනේ“ අළුත්ගමදී හමුවු පුද්ගලයෙකු අප සමග කීය.
“අපි අපේ ගෙවල් වල හංගගෙන මුස්ලිම් මිනිස්සු පරිස්සම් කළා.පල්ලියට කොටු වෙනකොට අපි කෑම උයාගෙන ගියා.මේක මේ අළුත්ගම සිංහල මුස්ලිම් මිනිස්සුන්ගේ ප්‍රශ්නයක් නෙවෙයි. පිටින් ආපු අයට තිබුන ප්‍රශ්නයක්.

අළුත්ගම මුස්ලිම් පල්ලියේ ශ්‍රිලංකා යුධ හමුදාවේ බස් රථයක් ගාල් කර තිබිණි.පල්ලියේ තාප්පයේ කිහිප දෙනෙක් අළුතින් තීන්ත ගානු දක්නට ලැබිණ.අදුරු දින දෙකක කළු මතකය සුදු තීන්තෙන් සදාකාලිකව වසා දැමෙන්නේ නම් කම් නැත.නමුත් එයින් මේ මිනිසුන් තුළ ඇති සැකය පහව නොයනු ඇත. අළුත්ගම නගරය හරහා යන වෙනත් පළාත්වල සිංහල මිනිසුන් ද ඒ හරහා ගමන් ගන්නේ සැකයෙනි.සැකමුසු හදවත් දෙකක් අතර විෂබීජ ඇතිකිරීම ඉතා පහසුය.විෂබීජ වපුරා එම අස්වැන්නේ වාසි සහගත ප්‍රතිලාභ ලබන්නේ වෙනත් පාර්ශවයකි ඔවුන්ගේ කිසිවෙකුත් මිය යන්නේ නැත.තුවාල වන්නේ ද නැත. ඔවුන් තවදුරටත් ඊනියා වීරයින් වී මන්ද බුද්ධික මිනිසුන් අතර වැජඹෙනු ඇත.

(Pix - Shehan gunasekara)

මං උඹව හොයනවා

2014-02-07T10:21:00.001-08:00

මං තවමත් ඔයාව හොයනවා
බොන වයින් වීදුරුවක් ගානේ
ගෑණියෙක් එක්ක ඇදකට යන වාරයක් ගානේ
උරන උරන සිගරට් එකක් ගානේ
මං තාම උඹව හොයනවා

පත්තර පිටු ගානේ මං උඹේ නම හොයනයවා
පාරේ යන එන වාරයක් ගානේ මං හොයනවා

උඹ මට ආයෙ කවද හරි කොහේ හරි ඉදලා කථාකරයි කියලා
උඹම එදා කිව්ව “ අයිඩියා කන්ද “ බලාගෙන ඉන්නවා .පුළුවන් නම් කථා කරන්න මගේ පරණ නොම්මරේ වෙනස් කරලා නෑ

ඇඟ පෙන්වලා ඡන්දේ ගන්න බැරිද ?

2014-01-27T01:19:00.000-08:00

ගයේෂා, ජින්ජර්, නදීෂා, මල්ෂා, රුවන්ති, හිරුණිකා...මේ නම් කීපය ගැන තමයි මේ දවස් වල වැඩි පුරම කථා කරන්නේ. මේ වෙනකොට ලංකාවේ තියෙන හොදම සමීක්ෂණ නියැදිය වන ෆේස් බුක් එක බැලුවහම මෙයාලා ඡන්දේ ඉල්ලන එක හොදයි කියලා එක post එකක් වත් නෑ. ඒ කියන්නේ රටේම තියෙන්නේ පට්ට විරෝධයක්. බිකිනි පිංතූර අඩ නිරුවත් පිංතූර එක්ක පක්ෂ පාට ලාංඡන දාලා විවිධ නිර්මාණ ශීලි දේවල් මේ දවස් වල අම්බානක Share වෙනවා.

මේ ගැන ඇහුවම ගොඩාක් අය අහන්නේ “ මුං මොනාද Politics ගැන දන්නේ “කියලා.හරි ඒක එහෙමෙනම් අනිත් පැත්තට අහන්න තියෙන ප්‍රශ්නේ තමයි එතකොට දැන් පළාත් සභාවට ඉදිරිපත් කරල ඉන්න,කරන්න යන, (නිළියන් නොවන) අනික් මැති ඇමති පුතාලා, සහෝදරයෝ මුන් ඔක්කොම Politics දන්නවද කියලා.එහෙම බැලුවම ඒ ප්‍රශ්නය තාර්කික නෑ.“ පළාත් සභාව කියන්නේ ඇමති පුතාලගේ මොන්ටිසෝරිය“ මෙහෙම කිව්වේ ටිල්වින් සිල්වා.ඒක ඇත්ත පහුගිය වයඹ මධ්‍යම ඇතුළු සමස්ත පළාත් සභා මැතිවරණ වලදී ඇමති පුත්තු, සහෝදරයෝ කොයි තරම් පළාත් සභාවට රිංගුවද තාත්තගේ, අයියගේ මල්ලිගේ බලේ පෙන්නලා .ඔවුන් එහෙම ප්‍රවේණිය හොයාගෙන යනව නම් පළාත් සභාව කියන්නේ අම්මගේ අප්පාගේ බුදලයක් නෙවෙයි කියල පෙන්නන්න නිළියෝ ටිකක් රිංගුවාම තියෙන වැරැද්ද මොකක්ද?

ලිංගික ප්‍රශ්නයක්

ඇත්තටම අරං බැලුවම මෙතන තියෙන්නේ ලිංගික ප්‍රශ්නයක්.“පියාඹන මාළුවෝ “එකේ ලිංගික දර්ශනයක ඉන්න ගයේෂා නිලීයක් නොවී නිකම්ම නිකම් ගයේෂා වුණා නම් කිසි කෙනෙකුට පත්තු වෙන්නේ නෑ. ප්‍රසංග වේදිකාවේ ස්ටැග් ඩාන්ස් දාන ඇග කිලිපොලායන නැටුම් නටන ජින්ජර් නොවී ඇය සාමාන්‍ය කාන්තාවක් වුණා නම් මේ ප්‍රශ්ණ නෑ.නදීෂා හේමමාලී ඉන්දියාවේ ගිහිං බිකිනිය ඇදලා පිංතූර ගත්තෙ නැත්තං මෙතන කිසි ප්‍රශ්නයක් නෑ . ඒකයි මේක ලිංගික ප්‍රශ්නයක් වෙන්නේ. පළාත් සභාවට තරග කරන අනිත් කුඩු කාරයින්ගේ, ස්ත්‍රී දුෂකයින්ගේ, ජාවාරම් කරුවන්ගේ ,හොරුන්ගේ පැටිකිරිය හොයනවාද මෙහෙම? නෑ.එහෙම හොයන්නේ නෑ වැඩිපුර දෙනවා කියන එකාට, දුන්න එකාට, ටීවී එකේ වැඩියෙන්ම ඇඩ් දාන එකාට, ඇග පුම්බපු එකාට, ළමයි වඩාගන්න එකාට ඡන්දේ දාන්නේ. එහෙනම් මෙතන තියෙන්නේ තනිකරම ලිංගික කුහක කමක් මිසක් වෙන මොකක් වත් නෙවෙයි.

ශ්‍රිලංකාවේ ආණ්ඩු ක්‍රම ව්‍යවස්ථාව ඇතුළේ ඡන්ද බලය හිමි ඕනෑම කෙනෙකුට මැතිවරණයට ඉදිරිපත් වෙන්න පුළුවන් ස්වාධීන කණ්ඩායමකින් හරි. මේ නිසා මේක මේ නීති විරෝධී වැඩක් නෙවෙයි.අනික මේ රටේ නීතියේ කොහෙවත් ලියවිලා නෑ ගණිකාවන්ට හෝ කුඩුකාරයින්ට,ජාවාරම් කාරයොන්ට ඡන්දේ ඉල්ලන්න බෑ කියලා. එහෙම වුනා නම් අද දේශපාලනේ ඉන්න 98% ක් ඔතන නෑ.එහෙනම් කොහොමද නදීෂයි ගයේෂයි ජින්ජරුයි අපිට ප්‍රශ්නයක් වෙන්නේ? අනික් අතට දේශපාලනයේ දැන් ඉන්න හැමෝම සත්පුරුෂයො නම් එක් පාරිශුද්ධ නොකිලිටි නිකම් පුජා භූමියක් වගේ තැනක් නම් මේ හෙළුවෙන් රගපාන, බිකිනි ඇදන් නටන ගෑණු එතන්ට යවන එක අවුල් වෙන්න පුළුවන්.

look එක

ලංකාවේ සිද්ධ වෙච්ච තරුණ නැගිටීම් තුනකදි උතුරේ සහ දකුණේ තරුණයෝ ලක්ෂයකට වැඩි ප්‍රමාණයක් මරා දැමෙනවා. මේ විදිහට වැඩිපුරම මැරෙන්නේ රටේ දේශපාලනය ගැන සවිඥානකව හිටපු තරුණයා. ඒ කියන්නේ එතන දේශපාලනිකවම විශාල gap එකක් එනවා. එතනින් පස්සේ ඉතුරුවෙන බහුතරයක් දේශපානලය ගැන මෙලෝ රහක් තියෙන උන් නෙවෙයි. උන් තමයි මේ දැන් තින්දු තිරණ ගන්න තැන් වලට පත් වෙලා තියෙන්නේ. අර අහිමිවුන බුද්ධිමතුන් ඉන්න ඕන තැන්වල ඉන්න බහුතරයකට දේශපාලනේ දැනෙන්නේ නෑ. කොටින්ම උන්ට උන්ව වත් දැනෙන්නේ නෑ . මේ නිසාම දේශපාලනය දැනීම සහ අවබෝධය ලංකාවේ දේශපාලනයෙන් අතුලගෑවිල ගිහින් ඉවරයි .සල්ලි තියෙන ඕනම එකෙකුට තමන් කැමති ඕනෑම පක්ෂයකින්(ජේවීපිය හැර )ඡන්දේ ඉල්ලන්න පුළුවන්.ඉල්ලලා දිනන්නත් පුළුවන්. වැඩිපුරම පෝස්ටර් වලට වියදම් කරන්න පුළුවන් නම් , ටීවී ඇඩ්ස් ටිකක් කරගන්න පුළුවන් නම්, නළු ලුක් එකක් තියෙනවා නම්,ටිකක් ඇග පුම්බලා නම් වැඩේ ගොඩ දාගන්න එක අමාරු වැඩක් නොවෙයි.ඒක පහුගිය අවුරුදු කීපය තුළ වර්ධනය වුන තත්වයක්.ඒ කියන්නේ මේ වෙනකොට දේශපාලනයේ පුද්ගල වටිනාකම් අහෝසි වෙලා ගිහින්. මේක මාර ඛේදනීය තත්වයක්. දැන් මේ වෙනකොට පාර්ලිමේන්තුවේ ඉන්න අයගෙන් බහුතරයක් ඉන්නවා ආණ්ඩු ක්‍රම ව්‍යවස්ථාව වත් දන්නේ නැති.ඔහේ අණ පණත් වලට අත උස්සන, වාද විවාද නොකරන කීයෙන් කීයක් ඉන්නවාද?

එන් එම් ලගේ , කොල්වින්ලගේ , ජේ ආර් ලගේ ජාතියේ දේශපාලඥයෝ බිහිවෙනකල් අපිට තවත් දශක ගණනාවක් බලං ඉන්න වෙන තත්වයක් දැන් තියෙන්නේ.මේක සුද්ද කරන්න මේ නදීෂයි ගයේෂයි ජින්ජරුයි පබයි ගීතයි අයින් කළාට මදි. ඕකේ ඇතුලේ ඉන්න හොරු ඔක්කොම එළවන්න ඕනේ.එහෙම නැතුව මේක කරන්න අමාරුයි.

ආතල් ගන්නවා

මේ නිළියන්ව දාන එක එක පැත්තකින් දේශපාලනික ඇමක්.මොකද මේ නිලියන්ව දැම්මම රටේ කථාව ඕක ගැන විතරයි, පත්තර වෙබ් ටීවී පෙන්නන්නේ මෙයාලව විතරයි.කථාකරන්නේ මෙයාල ගැන විතරයි. ඒ කියන්නේ අනික් රටේ ප්‍රශ්ණ ඔක්කොම වහන්න ගයේෂගේ රංගනයට, නදීෂගේ බිකිනියට සහ ජින්ජර් ගේ නැටුමට පුළුවන්.ඡන්ද දායකයිනුත් බහුතරයක් කරන්නේ බැන බැන ගිහිං අර කොටුව ඇතුළෙදි තමන්ගේ සිහින ආතල් එකක් වුන එයාලටම මනාපේ දීලා එනවා. ඒක තමයි බුද්ධිමතුන් වැඩිපුර ඉන්නව කියලා කියන ගම්පහ දිස්ත්‍රික්කයෙන් පහුගිය පාර්ලිමේන්තු ඡන්දෙදි පබා වැඩිම මනාප ගන්නේ. මේක තමයි ඇත්ත තත්වය.මේකට මේ ඉදිරිපත් වෙන නිලියන්ට බැනලා වැඩක් නෑ. ඉදිරිපත් කරන පක්ෂ නායකයින්ට බැනලා වැඩක් නෑ. ඡන්දදායකයා ඡන්දයේ නියම වටිනාකම තේරුම් ගන්න කල් මේ ක්‍රමය වෙනස් කරන්න බෑ. ඒ වෙනකල් උන් ඔක්කොම ඡන්ද දායකයාගේ ඡන්දෙන් ආතල් ගන්නවා.

( lfn.lk වෙබ් අඩවිය සදහා ලියන ලද්දකි)

ගයේෂා..උඹ ගැන ආඩම්බරයි

2013-10-28T12:21:00.000-07:00

සංජීව පුෂ්ප කුමාරගේ ‘ඉගිලෙන මාළුවෝ “චිත්‍රපටිය තහනම් කළාට මේ වෙනකොට ඒක ලංකාවෙන් භාගයක් විතර බලල ඉවරයි.ඕක එලියට දැම්මනම් ඒ තරම් පිරිසක් ඕක බලන එකක් නෑ ඒක හොදටම ෂුවර්.එත් අර තහනම් කරපු නිසා, තහනම් කලේ ගයේෂාට ගහන සීන් එකක් තියෙන බව කියලා කනින් කොනින් ආරංචි වුන නිසා ගොඩාක් උන් මේක පෙරලගෙන බැලුවා.

මට මේ film එක ආවේ අපේ ඔෆිස් එකේ තේ හදන කොල්ලගෙන්. ඕක ඒ වෙලාවේ copy කරගත්තට ඇත්තටම බලන්න වෙලාවක් තිබුනේ නෑ.ඒත් මේ ළගදි දවසක කම්මැලිකම නිසාම ඕක බැලුවා..
ඇත්තටම මේ film එක හොරකමක් . මටනම් සංජීව කියන්නේ අමු හොරෙක්. ඌ මේ ෆිල්ම් එක ඇහිදගෙන තියෙන්නේ විමුක්ති ජයසුන්දරගේ සුළග එන පිණිස ෆිල්ම් එකෙන්.ඒකේ මාළුවාගේ ඉදල වැසිකිලියට යනකල් සංජීව හොරකම් කරලා.(මගේ මතකේ හැටියට නම් අපි “සුළග එනු පිණිස“ SLTTI එකේ බලද්දි ඔතන සංජීවත් හිටියා) විමුක්තිගේ ෆිල්ම් එකේ අන්තිමට අහසින් මාළුවැසසක් වැටෙනවා ඒකේ මාළුවා හොරකම් කරපු සංජීව ඒ මාළුවගෙන් ෆිල්ම් එකක් කියල එකක් හදලා විමුක්තිගේ ෆිල්ම් එකේ හිටපු කෞෂල්‍යා, බස් එක, හමුදා භටයා, ග්‍රාමාරක්ෂකයා විතරක් නෙවෙයි වැසිකිලිය පවා හොරකම් කරනවා.ඒක් මහා සුන්දර හොරකමක් නොවෙයි අමු හොරකමක්.

සංජීව මේ කියන ඒවා මොනතරම් සිම්පල් කථාද? කිලිනොච්චි මුලතිව් වල සිද්ධ වෙන දේවල් වල හැටියට. පශ්චාත් යුධ සමයේ ලංකාවේවත් හිටපු නැති සංජීව දැං අවිල්ලා අම්පාරේ ගමට ගියාම පෙන්නේ මේවා තමයි. සංජීව අපිට ඇත්ත හංගලා හමුදාවට සුදුහුනු ගාන්න හදනවා.ඒකයි මගෙනම් තර්කය.

මේකේ පෙන්නන්නේ හමුදා සෙබලෙක්ගේ ලිංගික ජීවිතය විතරයි.මේකේ සෑම සිදුවීමක්ම බලහත්කාරකමක් හෝ ස්ත්‍රී දුෂණයක් නෙවෙයි.දෙන්නගේ කැමැත්තෙන් වෙන දේවල්.එතනදිත් සංජීව අපිට ඇත්ත හංගනවා.බොරුවම කියනවා.හමුදාවේ මානුෂියත්වය පෙන්නවා.අර අන්තිම සටනේදි තුවාල කාරයෝ කරපින්ගෙන ගිය ඊනියා වීරයෝ තමන් අතින් ගැබ් ගත්ත කෙල්ලව අමාරුවේ නොදා ගබ්සා කරන්න අරං යනවා.කෙල්ලත් එක්ක දුක බෙදා ගන්නවා.හරිම මානුෂියයි.අනිත් පැත්තේන් සංජීව සල්ලි දුන්නේ නැති මිනිහෙක්ව වෙඩි තියලා දාන කොටි කියලා හදුන්වන්න පුළුවන් පිරිසක් පෙන්නලා සංජීව අපිට කියන්න හදනවා හමුදාව හොදා..යි කියලා.එතකොට හමුදාව හොදයි කොටි නරකයි.එතකොට කොහොමද අගෞරවයක් වෙන්නේ.

මෙතනදි සංජීවගේ මේ ප්‍රකාශනයත් එක්ක ආණ්ඩුවට ප්‍රශ්නයක් තිබුනේ නෑ.ඇත්තටම ඕක ප්‍රංශ තානාපති කාර්යාලයේ පෙන්නුවට පස්සේ ගයේෂට ගහන සීන් එක දැකපු ආණ්ඩුවේ ලොක්කො කියලා හිතාගෙන ඉන්න දෙන්නෙකුට තමයි තරු පෙනුනේ.“යකෝ මේකා අපිට වගේම සැපක් ගන්න අර පඩත්තර නළුවෙක්ටත් චාන්ස් එක දීලනේ“ කියලා. නැත්තං ගයේෂාටවත් ප්‍රශ්නයක් නොවුන ගයේෂාගේ හෙළුව ගැන එයාගේ අම්මට තාත්තිට වත් නැති රුදාවක් අයිටීඑන් එකටයි ආණ්ඩුවටයි හැදුනේ කොහොමද?

හැබැයි ගයේෂා පෙරේරා ඒ අතින් අගය කළ යුතුයි. ඇගේ වෛරයේ රගපාපු චන්දි රසිකාත් “මුණ විතරයි මගේ ඇග වෙන කෙනෙක්ගේ “කියලා පවුඩර් බබාල වෙන්න හදන කාලෙක මේ ෆිල්ම් එක දැකලා අංගජාතය ප්‍රාණවත් කරගත්ත උන්ටයි,එහෙම දෙයක් වෙන්නේ නැති ඕක තහනම් කරපු උන්ටයි කණ් වල ඇගිලි ගහගන්න ගයේෂා කියනවා “ඔව් මං තමයි මේ සීන් එකේ ඉන්නේ කියලා‘ මං හිතන්නේ මේක හදපු සංජීවට වත් හමුදාව ගැන ඇත්ත කියන්න තිබුනේ නැති පිටකොන්දක් ගයේෂා ලග තියෙන එක ඇත්තටම ආඩම්බරයක්.

දෙදරු මව කීනවලදී කෝච්චියට තල්ලු කරලා

2013-10-15T18:07:00.003-07:00

රනිල්, කටුනායක අධිවේගී පාර, CHOGM එක, TNA එකේ අවුල මේ වගේ හරිම boring දවස් කීපයක් ගතවෙමින් තියෙද්දි එකපාරටම පට්ට feel වෙන සිද්ධියක් වුණා වේයන්ගොඩදී.ඒ පෙර පාසැල් ගුරුවරියක් වුණ අම්ම කෙනෙක් දරු දෙන්නත් එක්ක කෝච්චියට පණිනවා.මේ සිද්ධිය අහපු දැකපු ගොඩාක් අය කිව්වේ මෙහෙම

“මහ කාලකන්ණි ගෑණියක්“
“යකො අර කිරි සප්පයො දෙන්න මොන වරදක් කලාටද“
“මැරෙන්න ඕනෙම නම් තනියම මැරෙන්න තිබුණනේ“
“පිස්සු ගෑණියෙක්“

අර ජීවත්වෙන්න වාසානාව ලැබුන පුංචි එකා කියන විදිහට මේක හරියට අර ෆිල්ම් එකක කතාවක් වගේ අම්මා අතේ ලියුමක් තියෙනවා “මුසල රෑක“ කියලා පටන් ගත්ත, අම්ම දරු දෙන්න එක්ක එනවා ඇවිල්ලා දරුවන්ට කඩෙන් කන්න බොන්න අරං දෙනවා, බස් එකේ එනවා , කෝච්වියේ එනවා, සෙනග අඩු කීනවලදී බහිනවා, ලොකු දුවට පනිමු කියනවා ලොකු දුව බෑ කියනවා, කෝච්චි 3කටම පනින්න try කරලා හතරවෙනි එකටද කෙහෙද පනිනවා. ලොකු දරුවා අත අතෑරල දුවල පණ බේර ගන්නවා.
මේ සියදිවි හානි කර ගැනීම ආවේගයටම වුන එකක් නෙවෙයි.මේක දේශපාලනිකයි.ආවේගයඅහරි ක්ෂණික් කොපයට හරි මැරෙන්න පුළුවන් එකපාරයි ඒක වැරදුනොත් ට්‍රයි කරන්න හරි පුළුවන් තව එක පාරයි. ඒත් අර අම්මා ලියුමක් ලියාගෙන රෑ ඉදලා සැලසුම් කරලා දරුවො අරගෙන කන්න බොන්න දීලා කෝච්චි 3කටම පනින්න ගිහින් වෙලාවෙ හැටියට ගත්තොත් උදේ ඉදල දවල් 1 විතර වෙද්දි මැරෙන්න ට්‍රයි කරලා මැරිලා තියෙන්නේ. මෙහෙම මැරුණට පස්සේ අවසානයේ මියගිය කාන්තාවගේ සැමියා කට උත්තරේදී කියනවා “එයාට ටිකක් තරහ යන කෙනෙක්“ කියලා.

මේක එහෙම “ටිකක් තරහ යන කෙනෙක් “ කියලා අත පිහිදගන්න පුළුවන් කථාවක් නෙවෙයි. ඒක වුනේ ක්ෂණික කෝපයට නෙවෙයි. එතන වැඩිමහල් දරුවට අවුරුදු 8යි. ඒ කියන්නේ මේ දෙන්නා කසාද බැදල අඩුම ගාණේ අවුරුදු 9 ක් වත් වෙන්න ඕන නේ ලංකාවේ හැටියට. ඒ නිසා මේක කෂණික කෝපය නෙවෙයි.එහෙනෙම් මේ අවුරුදු 9 ඇතුලේ ඒ අම්මට තරහ ගිය එකම අවස්ථාව මේකද නෑ.එහෙනම් මේක ඒ අවුරුදු 9ක දරාගැනීම්වල පුපුරා යාමක් වෙන්න බැරිද? අවුරුදු 9ක් ඒ කාන්තාව ජීවත් වුණේ මොන තරම් පිඩාවකින් ද කියලා මේකෙන් පැහැදිලි වෙනවා නේද?

මේක දේශපාලනික කාරණාවක් වෙන්නේ ලංකාවේ විවාහය තවමත් දේශපාලනික නිසා. ගෑණු බහුතරයක් කසාද බදින්නේ ආරක්ෂාවට කෙනෙක් ඕන නිසා, නැත්තං ජීවත් වෙන්න ආදායම් මාර්ගයක් ඕන නිසා. ලංකාවේ කාන්තාවකට දරු දෙන්නෙක් හදාගෙන තනියම ජීවත් වෙන්න සමාජ ආර්ථික වටපිටාවක් දේශපාලනිකව නිර්මාණය වෙලා තිබ්බනං අර අම්ම දරු දෙන්නත් එක්ක කොච්චියට පනින්නේ නෑ. මිනිහා එපානම් මිනිහාගේ දෙමව්ලියො එපානම් අතෑරල ගිහිල්ලා දරු දෙන්නත් හදාගෙන ජීවත් වෙන්න තිබුනා.ඒ කියන්නේ එහෙම බැලුවොත්මේ සමාජ ආර්ථික සහ දේශපාලනික වටපිටාව විසින් මේ අම්මාවයි දරු දෙන්නවයි කෝච්චියට තල්ලු කිරීමක් හැටියට මේක හදුන්වන්න පුළුවන්.

සාදු ! ගමුද පොඩි Thrill එකක්

2013-04-06T10:31:00.001-07:00

සිංහලයා කොහොමත් කම්මැලියෙකි.සිංහලයා පැවත එන බව කියැවෙන සිංහයාද අමු කම්මැලි සතෙකි.සිංහධේනුව විසින් දඩයම් කර දෙන අහාර අනුභව කරන සිංහයා දවස පුරාම බුදියයි.එහෙව් ගති ලක්ෂන සිංහලයා තුළද පෙන්නුම් කරන බවට උදාහරණ රැසක් පවතී.

නමුත් ඒ කාරණාව පැහැදිලි කිරීමට වඩා මේ මොහොත තුළ වඩා ඉස්මතුවන අනෙක් කරුණ විමසා බැලිය යුතුය.මන්ද මේ වන විට අන කවර කාලයකටත් වඩා ජාතිමාමකත්වය ඔද වැඩී ගොස් ඇති නිසාය.

වර්ෂ 1948 අපිට නිදහස ලැබුණි.අද එය දිනාගත් දෙයක් ලෙස අප සැමරුවද මෙරට සිදුකෙරුනු නිදහස් සටනක් නැත.නිදහස් සටන සිදුකෙරුණේ ඉන්දියාවේය.ඉන්දියාවේ පිනෙන් අපද නිදහස ලැබුවෙමු.මන්ද සුද්දාට අපට වඩා වැදගත් වුයේ ඉන්දියාවයි.යම් දවසක සතුරක් උපායමාර්ගික මර්මස්ථානයක් ලෙස ශ්‍රිලංකාව භාවිත කරනු ඇතැයි යන බිය නිසා සුද්දා ලංකාවද අල්ලා ගත්තේය.නමුත් 1947 සුද්දාට ඉන්දියාව අහිමි වුයේ ඉන්දියාවේ සියලු ජනවර්ග එක්ව සැබෑ නිදහස් සටනක් කල නිසාය.පසුව 1948 සුද්දා අපිවද අතහැර දැමුවේ පලක් නැති හෙයිනි.

එලෙස පිනට ලැබුන නිදහස අද අපි මහත් ජාති ආලයෙන් යුතුව සමරමින් සිටිමු.එය අපේ දින දසුනේ Thrill event එකක් වී තිබේ.මන්ද අපි දැන් දැයට කිරුළ කියා නිදහස් සැණකෙළියක්ද පවත්වන නිසාය.දැන් එම Thrill එක දිවයින පුරා ජනතාවට විදින්නට අවස්ථාව ලැබී ඇත්තේ වසරින් වසර දිවයිනේ පලාතෙන් පලාතට මෙම නිදහස් Thrill එක රජය විසින් බෙදන නිසාය.

මෙලෙස Thrill ගැනීම අපට නුහුරු දෙයක් නොවේ.83 මෙලෙස හදිසියේ මතුවු ජාතිමාමකත්වය නිසා ගත් Thrill එකේ වන්දිය වසර 30 ක් පුරා ගෙවන්නට සිදුවිය.යුද්ධය දරුනු වන විට 83 දෙමළුන්ට ගැසු උන් ස්වේච්ඡාවෙන් යුධ පිටියට ගියේ නැත.එහිදී රස්සාවක් නැති කම නිසා හමුදාවට ගිය දහස් සංඛ්‍යාත තරුණ සම්පත වැනසෙද්දී ඒ දේශප්‍රේමීන් හිටියේ කොහේද?

අදාල දේ තිබියදී නිරන්තරයෙන් අදාල නොවන දේට අතගසන මහා සංඝරත්නය ගොස් මාවිල්ආරු සොරොව්ව ඇර තවත් Thrill එකක් ගත්හ.මාවිල්ආරු සොරොව්ව අරින්න ගිය ජාතිමාමක සංඝරත්නය යුද්ධය අවුලුවා කොළඹට පැන්නා මිසක බෝම්බ බැදගෙන ගොස් කොටිකදවුරකට පැන්නේ නැත.එලෙස ඉදිරිපත් වුයේද නැත.අද කෑගසන “සේනා“ එදා සිටියේ නම් මෙරටට හමුදාව අවශ්‍ය වන්නේ නැත.

අපි කොහොමත් Thrill එකට කැමති ජාතියකි.යුද්ධය කාලයේ බෝම්බ පිපිරුණ අවස්ථාවල සංස්කරණය නොකළ දර්ශන දැක බලා අපි Thrill ගත්තෙමු.සෝම හාමුදුරුවන් මියයන විට මරා දැමු බව කියා ගත් Thrill එක නතර වුයේ පාර්ලිමේන්තුවෙනි.(අද උන්වහන්සේලා කිව් ධර්ම රාජ්‍යය බිහිවී හමාරය)

මේ අතර බෝම්බ මස් වැදලි නැති නිසා Thrillඑකක් නැත.කම්මැලි සිංහලයා රටගිය කාන්තාවන් එවන් මුදලින් කා බී කාන්සියෙන් සිටියේය.මේ අතර සිහලයා අවදි කිරීමට බොදු බල සේනා ක්‍රිස්තියානි මධ්‍යස්ථාන වලට පහර දීම් කීපයක් කළද ප්‍රමාණවත් පරිදි සුරතාන්තයට පත්වීමට නොහැකි විය.නැවත සිංහලයා කාන්සියට වැටෙන්නට යනවිට වසර ගණනක් පුරා පැවති හලාල් මතක් විය.උපරිම Thrill එකක් ගත්තේය.හලාල් යනු වස විස යැයි සිතන තරමටම ජනතාව ඇන්දුවේය.පන්සිල් පද පහ රකින ජන සමාජයක් හදනු වෙනුවට ඥානසාරලා වීථි බැස “හලාල්“ විරෝධි ජන සමාජයක් නිර්මාණය කලේය.එයින් උද්දාමයට පත් තවත් ජාති මාමක බලවේග හදිසි දේශප්‍රේමීන් බවට පත්ව විවිධ නම් වලින් “සේනා“ හදාගෙන මාතෘකා සොය සොයා මේ වන විටත් පහර දෙමින් සිටියි.

නමුත් මේ දේශප්‍රේමීන් නොදන්නා එක දෙයක් තිබේ.ඔවුන්ගේ කුසගින්න නිවෙන්නේද අපේ කාන්තාවන්ට මුස්ලිම් රටවලින් ගෙවන වැටුප් වලින් බවයි.මන්ද අපනයන ආදායමක් නැති අපිට විනිමය ලැබෙන එකම මාර්ගය වන්නේ එය බැවිනි.

මේ මොහොතේ ලංකාවේ මතුව ඇති දැඩි ප්‍රශ්නය ආගම හෝ ජාතිය බේරා ගැනීම නොව නිෂ්පාදනය දියුණු කිරීමයි.මන්ද අද වන විට අපිට ආදායම් ලැබෙන ක්‍රමයක් නැත.චීනාගෙන් ණයට කමින් අපි ජාතිය වෙනුවෙන් සටන් කරමින් සිටිමු.මේ සියලු දේශ ප්‍රේමීන් තුළ සැබෑ ජාතිමාමකත්වයක් තිබේ නම් මේ සියලු “සේනා“ වලට රටේ නිශ්පාදනයට හවුල් විය හැකිය.සේනා පිටින් ගොස් පුරන් කුඹුරු අස්වද්දා සහල් නිෂ්පාදනය කළ නොහැකිද?

එසේ රටේ ඇත්ත ප්‍රශ්න තේරුම් නොගෙන අදාල නොවන ප්‍රශ්න අල්ලා ගෙන ගන්නා මේ Thrill එකේ කෙළවර කුමක්ද?

ඇයි ශිරාණි විතරද සියඹලා ගෙනාවේ?

2013-01-03T10:18:00.000-08:00

එක් පුද්ගලයෙකු සියඹලා ගෝණියක දමා වෙළදපලට ගෙනයන්නේ අලවි කිරීම සදහාය.නමුත් කපටි වෙළෙන්දා එම සියඹලා ගෝනිය කිරා බලා මෙසේ කියයි “මේ සියඹලාවල බර කිලෝ දෙකක් වුණාට මේකේ ඇටවල බර කිලෝ එකකටත් වැඩියි උන්නැහේ.ඊට පස්සේ මේ ගෝනියේ බරට අඩුකළාම ඔහෙට මේ ගානවත් දෙන්න විදිහක් නෑ.ඒ වුනාට කමක් නෑ හිස් අතින් යවන්න බෑනේ ඔන්න ඔහේ මේක තියාගන්නවා “ යැයි කියා සුළු මුදලක් ගෙවියා අත තබයි.මෙය ඇසූ ගොවියා “ඇටවලට කිලෝවයි ඉතුරු ටික ගෝනියට එතකොට මං සියඹලා ගෙනල්ලම නැද්ද?“යනුවෙන් අසයි

දැන් රටේ තිබෙන ප්‍රධානම ප්‍රශ්ණයද එයයි.අගවිනිසුරු වරිය දුෂිත බවත් මුදල් වංචා කල බවත් කියා ඇයට එරෙහිව චෝදනා නගන මැති ඇමති වරු සියඹලා ගෙනත් නැත.ඔවුන්ගේ සියඹලාවල බර ඒවට මේවට කැපී ගොස් සොච්චමක් ලැබී තිබේ.ඒ සොච්චම ලබා සතුටු වනවා පමණක් නොව ඉන් නොනැවතී ශිරාණි සියඹලා ගෙනත් ඇතැයි කියා ඇයට චෝදනා කරති.

පවුකාරියට ගල් ගසද්දී වැරදි නොකළ කෙනෙකු පළමු ගල ගැසිය යුතුය.මේ ගල් ගසන සියල්ලන්ම සුචරිතවත් අයද?ඔවුන් මහජන මුදල් තඹ ශතයක්වත් වංචා කර නැතිද?තම සුඛ විහරණය සදහා අයුතු ලෙස බලය යොදවා නැතිද?ප්‍රශ්ණය එයයි.තවද අගවිනිසුරු වරිය පක්ෂග්‍රාහීව තීන්දු ලබා දුන්නේ නම් සරත් ෆොන්සේකා මහතා සමිබන්ධයෙන් ලබාදුන් තීන්දු කාගේ හෝ වුවමනාවට ලබාදුන් ඒවා නොවන්නේද?

කලකදි රහ කලකදි වහ වීම මේ රජයට අරුම පුදුම දෙයක් නොවේ.මහින්දට රජකම දෙන්නට දරදිය ඇද්ද ජවිපෙට,මංගල සමරවීරට,වු දේම යුද්ධය දිනාදී මහින්ද විරුවකු කළ ෆොන්සේකාට සිදුව තිබේ.එයම පුර්වාදර්ශයට ගනිමින් ශිරාණිටද එම උරුමයම අත් වෙමින් පවතී.

සුපර්ස්ටාර් ලා බිහිවන ආකාරයට ක්ෂණිකව විරුවන් තනන්නටත් ඔවුන් ද්‍රොහීන් කරන්නටත් අවශ්‍ය කරන බලය රජයට ලබාදුන්නේද අප විසිනි.ඒ අනුව ගත් කල අපේ වල අප විසින්ම කපාගෙන තිබේ.දැන් රට ඇත්තේ දැඩි අස්ථාවර මට්ටමකය.අධීකරණය සහ ව්‍යවස්ථාදායකය අතර වන මෙම ගැටුම රට තුළ භයානක තත්වයක් නිර්මාණය කිරීමේ දැඩි අවදානමක් මතුව තිබේ.

සටන් පාඨ නැති විපක්ෂය ශිරාණි සිය සටන් පාඨය කරගෙන බඩ වියත රැකගනිමින් සිටියි.දශමයකින් වත් වැරදි නොකළ සියල්ලෝ ඇය දූෂීත බව කියමින් හඩ නගමින් සිටිති. සීතාම්බර පට හැද සිටින සාධු චරිත ශිරානිගේ හෙළුවට පමණක් ඇගිලි දිගුකරමින් සිටියි.

ආගමික ත්‍රස්තවාදය

2012-11-09T01:59:00.003-08:00

ආගමක් හෝ දර්ශනයක් යනු මිනිසා ප්‍රකෝප කරවන සංකල්පයක් නොවන බව කවුරුත් දන්නා කරුණකි. කිසිදු ආගමක හිංසාව සහ පීඩාව අනුමත කර නැත.පරම අවිහිංසාවාදී දහමක් වන බුදු දහමටද මේ තත්වය පොදුය.බුදුන් වහන්සේ දේශනා කර ඇත්තේ සියලු සත්වයින්ට කරුණාව දැක්විය යුතු බවයි.ඒ අනුව යමින් සියලු සත්වයින්ට මෛත්‍රිය දක්වන බවට උදේ හවස සපථ කරන ඇතැම් ඊනියා අන්තවාදීහු මේ දිනවල කඩු පොලු මුගුරු අතින් ගෙන බුදු දහම සුරැකීමේ සටනට එලැඹ සිටීයි.

ශ්‍රීලංකා ආණ්ඩු ක්‍රම ව්‍යවස්ථාවෙන්ම ඕනෑම ආගමක් ඇදහීමේ නිදහස තහවුරු කර තිබියදීත් ක්‍රියාත්මක කෙරෙන මෙම බෞද්ධ ත්‍රස්තවාදයේ සැබෑ අරමුණ කුමක්ද?සැබැවින්ම බුදු දහම සුරැකීමද?

මාක්ස්ට අනුව ආගම වනාහි පීඩිතයාගේ සුසුමයි.හදවතක් නෙමැති ලොකයේ හදවතයි.ආත්මයක් නොමැති තැන ආත්මයයි.ජනතාවගේ මත් ද්‍රව්‍යයයි.ක්‍රිෂ්ණමුර්තිට අනුව ආගමක් මගින් ප්‍රධාන වශයෙන් සිදුකරනුයේ මිනිසුන් අතර බෙදීම් ඇති කිරීමයි.එමෙන්ම එදිනෙදා ජීවිතයේදී කටුක යථා ස්වභාවය අමතක කිරීමහිලා මිනිසා පාවිච්චි කරන මෙවලම් අතර ආගම ද ජනප්‍රිය මෙවලමක් බව ක්‍රිෂ්ණ මුර්ති පෙන්වා දෙයි.

දැන් කාරණාව පැහැදිලිය.ඉහත කී බෞද්ධ ත්‍රස්තවාදයේ අරමුණ කුමක්දැයි හදුනා ගැනීමට මෙම නිර්වචන හොදටම ප්‍රමාණවත් වෙයි.

කිසිදු දවසක තමන් වහන්සේ වෙනුවෙන් පිළිම ඉදිකොට වන්දනා මාන කරන්නට බුදුන් කීවේ නැත.බුදුන් දවස ගස් ගල් අදහන්නන් මිත්‍යාදෘෂ්ටිකයින් වු බව කවුරුත් දන්නා කරුණකි.එවා සත්‍යෙයන් තොර බව බුදුන් පවා අනු දැන වදාරා තිබේ.

එසේ නම් ධර්මය රකිනු වෙනුවට පිළිම රකින්නට පොලු මුගුරු අතින් ගැනීම මොන තරම් සාධාරණ වේද?මේ ඉටුවෙමින් තිබෙන්නේ සැබෑ බෞද්ධ වුවමනාවද?මෙරට ගුවන් විදුලි නාලිකා රූපවාහිනි නාලිකා සියල්ලක්ම පාහේ උදේ හවස ප්‍රචාරය කරන ආගමික වැඩසටහන් ගෙන බැලුවහොත් මෙරට ධර්ම රාජ්‍යයක් කිරීමට රතන හිමියෝ පාර්ලිමේන්තුවට වැඩම කරවිය යුතු නැත.එමෙන්ම බොදු බල සේනා වැනි ස්වයං ආතල් සංවිධාන පොලු මුගුරු ගෙන ත්‍රස්තවාදයේ නිරත විය යුතුද නැත.

තරගය වෙනස් කළ “ම“ යන්න

2012-10-07T22:10:00.001-07:00

පහුගිය අවුරුදු 5 තුල සිව්වන වරටත් ලෝක ශුරයින් වීමට ලද අවස්ථාවක් ගිලිහී ගියේය. මෙම තරගය පිළිබදව තීරණාත්මක “ම“ අකුරු කීපයක් තිබේ.එක්කෙනෙක් මහින්දය.අනික් “ම“ යනු අතර මහේල ,මාලිංග සහ මාලන් සැමුවෙල්ස් වෙයි.මේ “ම“ යනු අතරින් වැඩි දෙනෙක් බනින්නේ මහින්දටය.පිටියේ ක්‍රීඩා කලවුන්ට වඩා පරාජයට වග කිව යුත්තේ මහින්ද ද? මහින්ද තරගය නරඹන දර්ශනය රූපවාහිනියේ නොපෙන්නුවේ නම් මේ සියලු චෝදනා මහේල හෝ මාලිංග වෙත එල්ලවෙයි.

“මුන්ට බැරි වුනානේ මේක“ “අරූ නිකම් අවුට් වුනා“ “ගහන්න බෝලේ දානවා“ වැනි කථා කියමින් ,ක්‍රිකට් විශාරදයින් ලෙස චිචාර ලබාදෙන ක්‍රීඩාලොලීන්ගෙන් බහුතරයක් පිත්තක් වත් අතින් අල්ලා නැති බව නම් කිව යුතුය.මේ සියල්ලන්ටම නොතේරෙන ඇත්ත නම් ක්‍රීඩාවේ අවිනිශ්චිත භාවයයි.අප සිතන ආකාරයට ශ්‍රීලංකාව ජය ගත යුතුම නම් තරග පැවැත්වී‍මේ තේරුමක් නැත.ක්‍රිස් ගේල් දවා ගත් පමණින් කොදෙව්වන් පරාජය විය යුතු බවට නියමයක්ද නැත.එය ක්‍රීඩාවේ ස්වභාවයයි.කණ්ඩායම් දෙකින් එකක් ජය ගත යුතුම වෙයි.එය ශ්‍රීලංකාව විය යුතු යැයි නියමයක් නැත.එසේ නියමයක් වේ නම් අවසන් තරගය පැවැත්විය යුතු නැත.

මෙවර විස්සයි විස්ස තරගාවලිය පුරාම ශ්‍රීලංකාව ජයග්‍රාහී ලෙස ක්‍රීඩා කලේය. පසුගිය අවස්ථා හතරකදී ශ්‍රීලංකාව පරදා ලෝක ශුරයින් වු ඔස්ට්‍රේලියාව,පාකිස්ථානය සහ ඉන්දීයාව සුපර් එයිට් වටයෙන්ම හැරී යද්දී අප අනුශූරයින් විය.අඛණ්ඩව වසර 5ක් තුළ අවස්ථා හතරකදීම අනුශූරයින් වීම වරක් ශූරතාව දිනා ගැනීමට වඩා ශූරකමක් නොවේද?

ක්‍රිකට් සහ මහින්ද සාධකය ගතහොත් එතැන ඇත්තේ මිත්‍යාදෘෂ්ටික සංකල්පයකි.රටේ ගොඩනැගී තිබෙන පොදු මහින්ද විරෝධය ක්‍රිකට් තුලින් ප්‍රකාශ කිරීමකි.මේ නිසා මහින්ද බලා සිටීම සහ ක්‍රිකට් පරාජය අතර විද්‍යාත්මක සංකල්පයක් නැත.

ක්‍රිකට් ක්‍රීඩාවේදී වැරදි අඩුවෙන්ම කරන කණ්ඩායමට ජය හිමිවන බව අප දන්නා කරුණකි.මේ ආකාරයට අපේ කණ්ඩායමේ වැරදි වැඩිවු නිසා සංකේතීයව පරාජය හිමිව තිබේ.එම නිසා මිත්‍යා දෘෂ්ටිකත්වයෙන් බැහැරව මෙම සංකේතීය පරාජය සැබෑ පරාජයක් නොවන බව වටහා ගත යුතුය.

“අහෝ මාලිනී“

2012-09-28T01:16:00.002-07:00

“අහෝ මාලිනී“ - මාලනී ෆෝන්සේකා රගපෑ නවතම චිත්‍රපටයයි.අධ්‍යක්ෂවරයා හෙළි දරව් කිරීමට අපහසු මෙම චිත්‍රපටයේ රූගත කිරීම් තවම සිදුවෙමින් පවතී.මාලනී මීට පෙර රගපෑ අනෙකුත් සියලු චිත්‍රපට වලට වඩා මෙම චිත්‍රපටය වෙනස් වන්නේ මෙහි රූගත කරන ජවනිකාවෙන් ජවනිකාව තිරගත වීමයි.

1968 පුංචි බබා චිත්‍රපටයෙන් රංගනයට පිවිසි නිසාදෝ “අහෝ මාලිනී “ චිත්‍රපටයෙත් ඇයට ලැබී ඇත්තේ පුංචි බබාගේ චරිතයයි.මෙම චිත්‍රපටයේ මෙතෙක් තිරගත වු ජවනිකා වල ඇය එම චරිතයට උපරිම සාධාරණය ඉටු කරයි.ඇය වරෙක සිය මන්ත්‍රීධුරයෙන් ඉවත් වන බව කියන්නීය.එයට පැහැදිලි හේතුවක් නොදක්වයි.මේ අතර ජනාධීපතිවරයා ඇයගේ ඉල්ලා අස්වීම භාර නොගනී.පසුව ඇය යළී ඉවත් නොවන බව කියයි.සැමදා අධ්‍යක්ෂක වරුන්ට ඉතා පහසුවෙන් හැසිරවිය හැකි මාලනී මෙහිදී කවුරුන් විසින් හෝ අපුරුවට හුසුරුවනු ලබයි.ඇය මන්ත්‍රීවරියක්ව සිටීම සහ නොසිටීමේ බලපෑම ඇත්තේ ඇයටම මිස අපට නොවේ.මිලියන 20ක් වන රට වැසියාට ඇය පාර්ලිමේන්තුවේ සිටිමේ විශේෂත්වයක් නැත.

එදා හෙළ සිනමා නිළී රැජිණ ලෙස කිරුලු පැළැන්ද ද අද ඇයට තිරයේ අහිසංක පෙම්වතිය වීමට අවකාශ නැත.රගපෑම සදහා ඇය දායක කරගත්තද එම නිර්මාණ කරුවෝ ගරු රගපෑම් යටතට නාමාවලියේ නම් ඇතුලු කොට මුදල් නොගෙවා හරී. එවන් තත්වයක් මත මෙම පාර්ලිමේන්තු මන්ත්‍රී ධුරය නොවන්නට ඇයට සිදුවන්නේ ආකාස කුසුම් චිත්‍රපටයේ සන්ධ්‍යා රාණි ගේ චරිතය සැබෑ ජීවිතයේ දී ද රගපෑමටය.

මාලනී ඉවත් වු ප්‍රවෘත්තිය පිළිබදව මිරර් ආට්ස් වෙබ් අඩවිය ඇයගෙන් කල විමසීමකදී ඇය පිලිතුරු දී ඇති අයුරින් පැහැදිලි වන්නේ ඇයට මන්ත්‍රී ධුරය ලැබුනු ආකාරය ඇය නොදන්නවා සේම ඉල්ලා අස්වීමට ගැනත් ඇය නොදන්නා බවයි.මාලනී ඉල්ලා අස්වු බවට වන ප්‍රවෘත්තිය අසා මාලිනියගේ සමීපතමයින් සියලු දෙනාම පාහේ අතිශය සතුටට පත්වු බවද මිරර් ආට්ස් වෙබ් අඩවියේ දැක්වේ.

ගැටලුව මෙයයි ඉන් ඉවත් වීම ගැන සතුටට පත්වන අය මාලනී අක්කාට සන්ධ්‍යා රාණී බවට පත් නොවී සිටීමට කර ඇත්තේ කුමක්ද?ඒ ගැන වචනයක් හෝ ප්‍රකාශ කර තිබේද?යන්නයි.එලෙස කලා කරුවන්ගේ සුභ සාධනය හො සංරක්ෂණය සදහා පදනමක් නැති රටක පිදුරු ගහේ හෝ එල්ලෙනවා විනා මාලනීට කළ හැකි අනෙකක් නොවේ.

උපේක්ෂා හෙවත් පබා වැඩිම මනාපයෙන් පාර්ලිමේන්තු යනවා නම් මාලනී ෆොන්සේකාට ජාතික ලැයිස්තු මන්ත්‍රීධුරයක් ලැබීම ගැන පුදුම විය යුතු නැත. ගැටළුව වන්නේ ආසියාවේ හොදම රංගන ශිල්පීන් 25 අතර සිටින එකම ශ්‍රීලාංකික රංගන ශිල්පිණිය ගෞරවයට පත් කිරීම වෙනුවට දේශපාලනය තුල රූකඩයක් බවට පත් කිරීමයි.

මහා පොත් මංකොල්ලය

2012-09-23T21:27:00.001-07:00

විස්සයි විස්ස ලෝක කුසලාන ක්‍රිකට් තරගාවලිය ආවරණය කරන්නට පැමිණි විදේශීය මාධ්‍ය මිතුරන් කිහිප එක්ක නිදහස් චතුරස්‍රයට ගොස් බෞද්ධාලෝක මාවත දෙසට එන අතර බණ්ඩාරනායක සම්මන්ත්‍රණ ශාලාව ආශ්‍රිතව සිටින සෙනග දුටු විදේශීය මිතුරන් ඒ ගැන විමසීය.

මා එතැන ඇත්තේ පොත් ප්‍රදර්ශනයක් බව කී විට ඔවුන් එය අගය කළේය. යුද්ධයෙන් පසු ඇතිව තිබෙන සාමකාමී තත්වය මත ශ්‍රීලාංකිකයින් කියවීමට හුරුවී ඇති බව ඔවුන්ගේ නිගමනය විය.
වෙනත් විකල්ප අදහස් නොකියා “ඔව්“ යනුවෙන් පමණක් පිලිතුරු දීමට මම තීරණය කලේ මෙතරම් පිරිසක් පොතපත කියවන්නේ නම් කොතරම් හොදදැයි යන ෆැන්ටසිමය අදහස තනිව විදගනිමිනි.

මේ පැමිණ සිටින ජනතාව පොත් මංකොල්ලයකට පැමිණි පිරිසක් බව කෙසේ කියන්නද?නිර්මාණකරුවන්ගේ ඇට ලේ මස් නහර සූරා ලාබෙට උරා බීමට පැමිණී පිරිසක් බව පහදා දිය නෙහැකි වුයේ ඔවුන් කළ අගය කිරීම නිසාය.ඇත්තටම මේ පොරකාගෙන පැමිණෙන සියල්ලෝම කියවන්නෝද?නැත කීයක් හරි අඩුවවෙන් ලැබෙන නිසා පොත පත ගෙදර ගෙනියන්නට පැමිණී අයයි.

හොද පොත් තියෙන අලවි සැල් වලට වඩා වට්ටමේ ප්‍රමාණය බලා අලවිසැල් වලට ගොඩවෙන මේ අති මහත් පාඨක බහුතරය ලාබෙටම තියෙන පොත පත තමාට අනවශ්‍ය වුවත් හත්මුතු පරම්පරාවේ කිසියම් කෙනෙකුට කෙදිනක හෝ අවශ්‍ය වේවි යන බලාපොරොත්තු ඇතිව මිටි ගණන් මිලට ගනී.මේ හා සමානම අදහසක් පසුගිය කාලයේදී පැහැදිලිව දකින්නට හැකිවිය.ඒ කපිලවස්තු ධාතු වන්දනා මාන කිරීමේ යුද්ධයයි.මෙහිදී ධාතු වදින්නට පොරකාගෙන ගිය අය සියල්ලෝම ධාර්මික වේ නම් පොලීසියට නිවාඩු දිය හැකිය. එලෙසම මෙම එන පිරිසෙන් භාගයක් වත් පොත පත කියවන්නේ නම් ජීවත් වීම මීට වඩා පහසු වන බව අමුතුවෙන් කිව යුතු නොවේ.

එංගලන්තය සහ ඉන්දියාව වැනි රටවල පොදු මගී ප්‍රවාහන සේවා වලදී කියවන්නෝ බෙහෝ දෙනා අපිට මුණගැසෙති.නමුත් මෙම පොත් ප්‍රදර්ශනය අරඹා දැන් දශකයකට වත් වැඩි කාලයක් ගතවී තිබුනද එදිනෙදා මගීප්‍රවාහන සේවා වල දුම්රිය ස්ථාන වල හෝ නිවසේ කියවන්නෝ වැඩිවී තිබේද?යන්න සිතා බැලිය යුතු කාරණයකි.

කියවන්නා පොත් ප්‍රදර්ශන තිබුනත් නැතත් මිලදීගෙන කියවයි.එම පොතේ සැබැ වටිනාකම දන්නා නිසා නියම මිල ගෙවා සාධාරණය ඉටුකරයි.මේ ආකාරයට තමුන්ගේ නිර්මාණ ලාබෙට කුණු මාළු සේ අලවි වන විට අති සංවේදී හදවත් ඇති නියම ලේඛකයින්ට හදවත් නැත්තවුන් බලා සිටින්නට වීම තරම් කාලකන්ණි කමක් තවත් තිබේද?

විල්සන්ගේ බටහිර සෙක්ස්

2012-09-18T01:44:00.001-07:00

ස්වාසිලන්තයේ රජු පිලිබදව උපන් ඊර්ශ්‍යාෙවන් පෙළුණු මුළු මහත් ධර්මද්වීපයටම පසුගියදා සිය ප්‍රමෝදය දේශීයකරණය කරගන්නට අවස්ථාවක් උදාවිය.ඒ අගනා අවස්ථාව උදාකර දුන්නේ මහළු නිතිඥයෙකි.මාස කීපයක් තරුණියක් සමග සහවාසය කරමින් අවසානයේ මරණය උරුම කරගත් මෙම නිතිඥයා
මරණින් මතු නිවන් දැකිය යුතු වන්නේ ස්වයං වින්දනයට තුඩුදෙන කථා පුවතක් ලබාදීම නිසාය.

මෙම නිතිඥයාගේ මරණය උදේ හවස පිරිත් අසන ලංකාවේ බහුතරයකට උරුම කරදුන්නේ සංවේගයක් නොවේ.ඊර්ශ්‍යාවකි ප්‍රීතියකි ප්‍රෙමාදයකි.ජාතික පුවත්පත් එකින් එක බටහිර සෙක්ස් යන ඊනියා හැදින්වීමද සමග සංසර්ගීය ජවනිකා දෙබස් අනුසාරයෙන් මවන ලද්දේ ජාතික මෙහෙවර ඉටුකරමිනි.නීතිඥයාගේ පිහිටෙන් පත්තර මුදලාලිලා තම බඩකට සරිකරගත්තේ ඒ ආකාරයටය.

මේවා කියවු සුචරිතවාදීන් අදාල නීතිවේදියාට බැණ වැදුනේය.“දරුවො ඉන්න තාත්ත කෙනෙක් නේද මේ තමන්ගේ දරුවන්ට වැඩිය පොඩි කෙල්ලෙක් එක්ක මොකක්ද මේ නටල තියෙන නාඩගම“ මේ චොදනා සමාජය ගැන උපන් අනුකම්පාවෙන් කළ ඒවා ලෙස පෙනුනද ඒ වචන තුළ ඇත්තේ ඊර්ශ්‍යාවකි.කේන්තිය සාධාරණය තමන් නොලද අගනා අවස්ථාවක් නීතිඥයා භුක්ති විද තිබේ.එහෙම කථාකරන අයට මෙවන් අවස්ථාවක් ලැබුනොත් එය ප්‍රතික්ෂේප කරන්නේද යන්න විමසිය යුතු කරුණකි.ඒ ලංකාවේ නියුරෝසික ෆැන්ටසි වාදීන්ගේ සවරූපයයි.

පසුව තවත් කරුණු රැසක් හෙළිවිය.ඉන් කියවුනේ අදාල තරුණිය මීට පෙර විවාහ දෙකක් කරගෙන සිටි අයෙකු බවත් වස්තුව සහ දේපල සදහා මෙම නීතිඥයා සමග විවාහ වු බවත්ය.එලෙස බැලූ කල තම ආශාව නිසා ජීවිතයෙන් වන්දිගෙවන්නට සිදුවූයේ නීතිඥවරයාටය.ඔහු ආශාව උදෙසා පෙනී සිටීම සහ ක්‍රියාකිරීම නිසා ජීවිතය අහිමි කරගත් අතර අදාල තරුණිය ප්‍රිතිමත් හෙට දවසක් සදහා වන සිහිනය වෙනුවෙන් මංකොල්ල කෑමක නිරත විය.

එදා “කෙල්ල පව්“කියූ උදවිය අද “නීතිඥයා පවු “ කියා නොකියන්නේ අර කුහක කම නිසාය.තමන් නොලද අගනා අවස්ථාවක් ඔහු භුක්ති විදීම නිසාය.

සුගත්ට miss වුන ධම්මිගේ Feelings

2012-08-17T03:02:00.000-07:00

“දම්මි සුගත්ව ඇන්දෙව්වා“

“පවු සුගත්“

“ගෑනු ඔහොමම තමයි“

මේ ගොළු හදවත කියවපු කීප දෙනෙක් දුන්න Comments.මේ තියෙන්නේ පොදු මතය කියලා මම කියන්නේ මෙය ලියන්න කලින් මගේ වටේ හිටපු හතරදෙනෙක්ගෙන්ම ඇහුවම

තුන් දෙනෙක්ම දුන්න උත්තර මේ වගේ නිසා.හැබැයි මගේ අදහස ඊට වෙනස් “සුගත්ට වඩා ධම්මි Forward” ඒකයි ඇත්ත.

ආදම් ඒවා සහ විජය - කුවේණිගේ ඉදලා මේනක - නෙහාරා ට එනකල් ගෑණු Forward පිරිමියාට සාපේක්ෂව.විජය රාජ්‍ය බලය තහවුරු කරගන්න පාවිච්චි කරන්නේ කුවේණිගේ ඒ Forward කම. විජයට ලිංගිකව ආකර්ශනය වෙන කුවේණි මාර Forward විදිහට තමන්ගේ මුළු වැදි සනුහරේටම පාවලා දෙනවා.එතකොට අනුලා දේවිය තමන්ට කැමති කැමති පුරුෂයින් 32 ක් එක්ක ජීවත් වෙනවා.එතකොට ගජමන් නෝනා ඇලපාතට challenge කරනවා “තුනුවිල බලාපිය අම්මගේ දවාලක“ කියලා.බණ්ඩාරණායක මැරෙණකොට ලොකේ ප්‍රථම අගමැතිනිය විදිහට රට භාරගන්න සිරිමාවෝ Forward වෙනවා.විජය ගේ දේහය ඉස්සරහ චන්ද්‍රිකා කියනවා විජය මැරුණට විජයගේ පාරේ ඉදිරියට යනවා කියලා.අනර්කලී ප්‍රසිද්ධියේ දුමින්ද එක්ක ජීවත් වෙනවා.

මේ විදහට ගත්තම ලංකාවේ කාන්තාව පිරිමියාට සාපේක්ෂව Forward වෙනවා.අදටත් මේ තත්වය එහෙමම තමයි මේ නිසා තමයි නිරෝෂා කියන්නේ “මට ගන්න හැකි ඉර හද වුනත් ඔබ දන්නේ නෑ ඒ බව තවත්“ කියලා.මේ තමයි ලංකාවේ Forward කාන්තාව.හැබැයි ලංකාවේ බඩගෝස්තරවාදී ස්ත්‍රීවාදී සංවිධාන තමන්ගේ පැවැත්මට මේ Forward ගතිය හංගලා නැති පුරුෂාධීපත්‍යයක් පෙන්නන්න හදනවා.ඇත්තටම ගත්තොත් ඕක හණමිටි මිත්‍යාවක් පුරුෂාධිපත්‍යයක් ලංකාවේ නෑ.සියලු පුරුෂ ලිංගික තීරණ ස්ත්‍රී ලිංගයට පාලනය කරන්න පුළුවන්.

කොලේ වහල ගේම ගහපු ධමිමිලා නෙවෙයි දැන් ඉන්නේ.අද ධම්මිලා ප්‍රසිද්ධියෙම කියනවා අංගජාතය නැතත් සල්ලි තියෙන එකෙක් බැදගන්න ඕන කියලා.දැන් ධම්මිලා දන්නවා Teenage feelings ආපහු එන්නේ නෑ කියලා.ඒ නිසා ඒකාලේ උපරිම විදිහට enjoy කරලා පස්සේ සල්ලි ටිකක් කසාද බැදගෙන හොදට ජීවත් වෙන එක තමයි බොහෝ දෙනෙක්ගේ බලාපොරොත්තුව. මේ අය Open relationship ගැන, Safe sex ගැන , හොදට දැනුවත්.True spiritual love කියලා සුජීව ප්‍රසන්නආරච්චි uncle ට මෙයාලව අන්දන්න බෑ.Affair එක break වුනාම පෙම්වතා හොදම යාළුවෙක් කරගන්න මේ Generation එකේ ධම්මිලා හොදට දන්නවා.

මේ Generation එකට තවදුරටත් sex මාර සීන් එකක් වෙන්නේ නෑ.තාත්තගේ Girlfriend එක්ක වගේම අම්මගේ Boyfriend එක්කත් ගණුදෙනු කරන විදිහ මේ අය දන්නවා.Culture කියලා Sex කරේ තියාගෙන ඉන්න උන්ට මේ system එක දිරවන්නේ නෑ.ඒකට හේතුව වෙන එකක් නෙවෙයි මේ Free එක ගැන තියෙන Jealousy එක.

Human Business එක

2012-08-06T02:40:00.000-07:00

නිමල් ලක්ෂපතිආරච්චි ගැන මාර දේවල් මේ දවස්වල ලියවෙනවා.නිමල් ජීවතුන් අතර ඉන්න කාලේ ඔහුව පතුරු ගහපු පලු පැලෙන්න බැනපු උන් පවා නිමල් ගැන දෙන්නේ පට්ට ටෝක්ස්.නිමල්ට වෙලා තියෙන්නෙත් ජෝතිපාලට වුන දේ මැරුණට පස්සේ තමයි ජීවත් කරවන්න හදන්නේ.

නිමල් ගැන ලියවුන කථා අතරේ තිබුන හැම දෙයක්ම නිමල් තමන්ගේ ජීවන වෘත්තිය විදිහට කරපුවා.පඩි අරගෙන යුද්ධ කරන වුන් රණවිරුවන් නෙවෙන්නෙත් මේ නිසා.චින්තන ධර්මදාස ලියල තිබුනා නිමල් කියන්නේ Media sales rep කෙනෙක් කියලා.මේ කථාවට මම මාර විදිහට එකගයි.මේ ලියවෙන කථා හැම එකකම වර්ණනා කරලා තියෙන්නේ නිමල් Job එක විදිහට කරපු දේවල් විතරයි.

එත් සුදර්ශියේ නුග ගහ යට ජොයින්ට් එකට සෙට් වෙන “නිමල් අයියා“ ගැන එකෙක් වත් ලියලා නැත්තේ ඇයි කියන එක මට හිතාගන්න බෑ. නිමල්ගේ ඒ Reality එක ගැන කවුරුත් ලියලා නැත්තේ “නිමල් අයියට“ වඩා නිමල් ලක්ෂපතිආරච්චි කියන Media businessman ව විකුණන්න පුළුවන් නිසා වෙන්න ඇති.මොකද අද වෙනකොට Humanity කියන්නෙත් business එකක් නිසා ඒකේ වෙනසක් ගොඩක් උන්ට තේරෙන්නේ නෑ.

ඇත්ත මේ සිස්ටම් එක ඇතුලේ අපිට මුණ ගැහෙන්නේ මිනිස්සු නෙවෙයි බිස්නස් කාරයෝ ටිකක්.හැම මිනිස් සම්බන්ධකමකම තියේනනේ ගනුදෙනුවක්.දේශපාලකයෝ මිනිස්සුන්ට උදව් කරන්නේ ඡන්දේ ගන්න බලාගෙන.හාමුදුරුවො බණ දෙසන්නේ පිං කැටේ පුරව ගන්න.දෙම්ව්පියෝ දරුවන්ට සලකන්නේ හොදට උගන්නන්නේ කවදහරි තමන්ට සලකයි කියලා බලාගෙන.පිවිතුරු ආදරය කිය කිය කොල්ලො කෙල්ලෝ ආදරය කරන්නේ sex කරන්න බලාගෙන.කසාද බදින්නේ ඉස්සරහට ජීවිතේ සහයක් බලාගෙන.නිළියෝ ඇමතිවරු එක්ක බුදියගන්නෙත් සල්ලි සහ බලය බලාගෙන.මේක තමයි ඇත්ත.හොදට හිතල බැලුවොත් අපි වටේට පණට පණ දෙන්න ඉන්න උන්ගේ හිත්වල මොකක් හරි බලාපොරොත්තුවක් තියෙනවා.

අපි වුනත් එහෙමයි.ඇත්තටම අරගෙන බැලුවොත් අපි හැමෝම ආත්මාර්තකාමීයි කුහකයි ඒත් අපි බොරුවට පරාර්ථකාමී වෙන්න හදන එක තමයි දෙබිඩි කම කියන්නේ.නිමල් ගැන පොර ටෝක්ස් දාන ගොඩාක් උන්ට බය නැතුව දෙබිඩ්ඩෝ කියලා කියන්න කියන්න පුළුවන් වෙන්නේ ඒ නිසයි.

කවුද Real Star?

2012-07-19T05:19:00.002-07:00

රණවිරු රියල් ස්ටාර් තරගයෙන් අයෝමි නදීෂා දිනුවා.පට්ටයි මාර දක්ෂයි.කෙල්ල මරුවට sing කලා වගේ කථා ඇහුණා. මේ අතරේ වව්නියාව බන්ධනාගාරේ හිටපු එල් ටී ටී ඊ රැදවියෙක් වුන නිමල රූබන් කොළඹට ගෙනෙද්දි හදිසියේ මැරෙණවා.
මේවා වෙන වෙනම වුන සිදුවීම් වුණාට මේ සිද්ධී දෙක ළග ලාංකේය ජනතාවගේ හැසීරීම ගත්තොත් සම්පුර්ණයෙන් පරස්පරයි.අයෝමි ගේ ජයග්‍රහණයට මරු පට්ට සිරා කියන උන් නිමල රූබන් ගේ මරණයෙදි හැසිරුනේ කොහොමද?නිමල රූබන් කොටියා ඌ මළාට කමක් නෑ කියලයි ගොඩක් උන් කියන්නේ.

දැන් ඕක දිහා ජාතිවාදී කණනාඩිය ගලවල බැලුවම එන් ප්‍රශ්නේ තමයි නවුද ඇත්තටම රණ විරුවෝ කියන එක.රණ විරුවෝ කියන්නේ රස්සාවක් නැති නිසා වෙන කරන්න දෙයක් නැති නිසා කුලියට මිනී මරන්න ගිය උන්ද?එහෙම නැත්තං මරාගෙන මැරෙන්න හරි සත පහක Benefit එකක් නැතුව ඉස්සරහට ගිය උන්ද කිය ප්‍රශ්නේ එනවා.

උත්තරේ මොකක් වුනත් LTTE එකේ යුද්ද කරපු උන් අල්ලලා දැන් පුනුරුත්ථාපනය කරනවා.තව උන් හිරේ.උන් වැඩිය කට දැම්මොත් මරලා දානවා.ඒකයි තත්වේ.මේ අතරේ යුද්ද කරපියව් කියලා උන්ව බලෙන් යුද්දේට යැව්ව උන් ඇමතිවරු වෙලා සැප විදිනවා.මේ අතරේ මිනී මරපු තව පිරිසක් අරං අපි රණ විරුවෝ කියලා උඩිං තියාගෙන සලකනවා.ඒත් දෙපැත්තේම උන් මිනී මැරුවා.එහෙනම් ඇයි එක පිරිසක් විතරක් පුනුරුත්ථාපනය කරන්නේ.රණ විරුවො කියල සලකන පිරිසත් පුනුරුත්ථාපනය කරන්න අවශ්‍යයි.තමන් යුද්ද කලා කියලා උඩපනින,යුද්දේ කළාට ඡන්දේ ඉල්ලන මහ උන් ටිකත් පුනුරුත්ථාපනය කරන්නවෙනවා.එහෙම නැතුව මේ අපරාධ අඩුකරන්න බෑ

දැන් රණවිරුවන්ගේන් වැඩි පිරිසක් කොළඹ නගරයේ තණ පිඩිලි අල්ල අල්ල ඉදළ නිවාඩුවට ගමේ ගිහින් ගිණියම් නිවාගන්න පොඩි කෙල්ලක් ව දූෂණය කරළා ඒකට එරෙහි වෙන උන් ඔක්කොම මරාදාල අතේ හිග වුනාම මංකොල්ලයක් කාල ඉන්න උදවිය කියන එක හංගන්න බැරි ඇත්තක්.

ඒක එහෙමම වෙන්න ඉඩ අරිනවට වඩා නිමල රූබන් ලා මළත් Real star වගේ සිහින දෙන එක හොදයි.එතකොට අඩුම ගානේ සිංදු කියන්න try කරන උන් ටිකවත් ඔය වැඩ වලට නොගිහින් රියල් ස්ටාර් වෙන්න try කරනවා.

සියුමැළි කළුගල් සහ පාල අන්කල්

2012-06-13T02:29:00.001-07:00

“මේ තරම් සියුමැලිද කළුගල්“ යන ගීය මා අසා තිබුනේ නැත.නමුත් පුවත්පතක එම ගීය පිලිබද ලියවුන සටහනක් අහම්බයකින් කියවන්නට ලැබුණී.පසුව youtube පීරා ගීතය සොයා ඇසුවෙමි.

මේ තරම් සියුමැලිද කලු ගල් හිතන්නටවත් බැරි නිසා

මම ගියා අවුකන බුදුන්ටත් දෑස් දුන් මිනිසා සොයා

කලා වැව ළග ඉළුක් හෙවනක මැටි පිලක පැදුරක් එළා

රිදුම් පිරිමදිමින් බලයි ඔහු මැරෙන ඉපදෙන රල දිහා

ඉසුරුමුණියේ නුඹ තැනූ පෙම්බරිය කොතැනද කියා

මා ඇසු විට හිනැහුනා ඔහු තවම තනිකඩ යැයි කියා

http://www.youtube.com/watch?v=wplfJsgEUyE

“ මොනතරම් මනරම්ද?මෙහි මට වැදගත් වන්නේ සුනිල් එදිරිසිංහයන්ගේ හඩ වත්, ගීතයේ මවන චිත්ත රූපය වත් නොවේ.රජී වසන්ත වෙල්ගම ලියු පද පුරා දිවෙන දේශපාලනයයි.

එය විග්‍රහ කිරීමට මට හදිසියේ හමුවු “පාල අන්කල් “ ගේ කථාව යොදාගනිමි.“පාල අන්කල්“ අද ඩුප්ලිකේෂන් පාරේ ගොඩනැගිල්ලක් මුර කරයි.හදිසියේ ඇද හැළුනු වර්ෂාවක් නිසා මුණගැසුන “පාල අන්කල්“ ජේවීපී කාරයෙකි. විජේවිර ගේ ගමේ මිනිහෙකි.ඔහු එදා සිට දේශපාලනය කර තිබේ.විජේවීරලා ජේවීපීය පටන් ගන්න විප්ලව කරන්න කථා කරන විට ඔවුන්ට තේ කහට උණු කර දුන්නේ ඔහුය.එතැන් පටං ඔහු කොඩි දැම්මේය පෝස්ටර් ගැසුවේය, 71 දී මෙන්ම 89 දීත් ඔහු විප්ලවයක සිහින දැක්කේය.ඔහු විවාහ වී නැත්තේද මෙම සමාජ ක්‍රමය වෙනස් කරන තුරු පවුල් ජීවිත ගත කරන්නට සුදුසු පසුබිමක් නැති බැවිනි. විප්ලවය උදෙසා මුළු ජීවිතයම කැප කළේය.

“කසාද බැදල දරුවෝ හදල වැඩක් නෑ මහත්තයා උන්ට ජීවත් වෙන්න ලෝකයක් නැත්තං.අපි වගේම පීඩා විදින්ඩ ඇයි තව උන් බිහිකරන්නේ“

ඒ පාල අන්කල් හිතන හැටිය. එහෙත් චන්ද්‍රිකා එක්ක ජේවීපිය පූට්ටු වීම පාල අන්කල්ට දිරෙව්වේ නැත. ඔහු ඉවත් විය.ඔහු දැන් තම චයිනීස් ජංගම දුරකථනයේ රේඩියෝවෙන් විමල් වීරවංශලා,සෝමවංශලා,ටිල්වින්ලා, දේහපාලනය කරන සැටි අසා සිටියි.

“මුන් ඔක්කොම එකයි මහත්තයා.අවස්ථාවාදියො ,කුහකයෝ,රැවටුනේ අපි“

පාල අන්කල් සේම අවුකන පිලිමය සෑදු විශ්මකර්ම මිනිසාද රැවටී ඇත.රුවන්වැලි සෑය හැදුවේ දුටුගැමුණු නොවේ.ඔහු කරවූයේය.එමෙන්ම සීගිරිය හැදුවේද කාශ්‍යප නොවේ.ඉතින් JVP යද එසේය.කළවුන් පසෙක සිටියදී පෙරහැරේ යන්නේ සුඛ විහරණ ලබන්නේ වෙන උන්ය.යුද්ධය කළවුන්,මියගියවුන් අතපය අහිමිකරගත්තවුන් පසෙක සිටියදී වීරයන් ලෙස නම ලියාගන්නේ වෙනඋන්ය.ඉතිහාස ගත වන්නේද විරාජමාන වන්නේද උන් පමණි.

සංස්කෘතිය කකුල් දෙක මැද

2012-06-10T21:37:00.001-07:00

Culture ගැන chat එකක් ගිය weekend එකේ හවස හදිස්සියෙම කණට වැටුනා දියවන්නාවේ “මචං“ එකෙදි.බියර් එකක් අරං ගග අයිනට වෙන්න තියෙන සිමෙන්ති බංකුවක වාඩිවෙලා අරමුණකින් තොරව ඈත දියවන්නාවේ කෙළවර විදුලි බුබුලු දිහා බලාගෙන ඉන්නකොට එහා මේසේ දෙන්නෙක් කථා කරනවා

“අළුත් tv චැනෙල් එකක් යනවා උඹ දැක්කද?“අයියෝ මචං So sad සංස්කෘතිය ඉවරයි“

“ya why not අර දුමින්දගේ එකක්ලු නේද ?“

“ඔව් ඔව් ඒකේ කොල්ලො කෙල්ලන්ට හරියට ඉංග්‍රීසිත් බෑ සිංහලත් බෑ,ඒ මදිවට ඇදුම් බාගෙට හෙලුවෙන් මචං..අයියෝ..එක විකාරයක්“

“ඒක මචං දැන් trend එකක්නේ එක channel එකක අදිනවට වැඩිය කොටට තව channel එකක අදිනවා ඊට වැඩිය පෙන්නලා තව එකක අදිනවා.“

“ඒ කියන්නේ පෙන්නන තරමට තමයි Hit වෙන්නේ“

“yaa මචං සිරාවට“

දැන් මේ කියන සංස්කෘතිය මොකක්ද?මේ කථාබහ ඇතුලේ තියෙන සංස්කෘතිය නම් කුහක ලිංගික සංස්කෘතියකි.නමුත් ගැටුළුව තිබෙන්නේ ඔවුන් සංස්කෘතිය ලෙස හදුනාගෙන තිබෙන්නේ කුමක්ද යන්නයි.අද බොහෝ දෙනෙක් සංස්කෘතිය ලෙස මුලධර්මවාදී ගෝත්‍රික කියවීමක සිටියි.සංස්කෘතිය යනු සීගිරි ගල මෙන් ස්ථාවරව පවතින්නක් නොවන බවත් අධි ශීතකරණයක දමා ආරක්ෂා කළ නොහැක්කක් බවත් තේරුම් ගැනීමට මේ මුලධර්මවාදීන් උත්සහ නොගන්නේ උන්ගේ ඊනියා සමාජ වටිනාකම් ආරක්ෂා කර ගැනීමටය.

අද බෞද්ධ සංස්කෘතියේ ප්‍රධාන තැනක් හිමිවන බෞද්ධ කොඩිය බුදු සමයේ නිර්මාණය කළ එකක් නොවේ.බුදුන් වහන්සේ බෞද්ධ කොඩියක් හෝ බුදු පිළිම ගැන අනු දැන වදාරා නැත.නමුත් ඒවා අද බෞද්ධ සංස්කෘතියේ ප්‍රධාන අංග බවට පත්ව තිබේ.එසේම අනික් අතට එදා කොළ අතු ඇදි යුගයේ සංස්කෘතිය මේ යැයි කෙනෙකුට වැටහුනේ නම් අද වන තුරුත් අප කොළ අතු ඇදීමට සිදුවනු ඇත.

මෙහි ඇති ප්‍රබලම ගැටළුව වන්නේමේ නරුම වාදීන් ලිංගික කටයුත්තේ පමණක් සංස්කෘතික යැයි කියන වටිනාකම් සෙවීමයි.පාර මාරු වන විට ,පොදු වැසිකිලියක් භාවිත කරන විට , කුණු බැහැර කරන විට සහ මානුෂීය ගණුදෙනු වලදී නොමැති සංස්කෘතික වටිනාකමක් ලිංගික කටයුත්තේදී පමණක් සෙවීම හාස්‍යජනක වන්නේ එබැවිනි.

සංස්කෘතිය අතින් අල්ලා කිසිවකුට නවත්වාගත නොහැක්කක් බවත් එය කාලයට පුද්ගලයාට සහ සිතීම් වලට අනුව සාපේක්ෂ බව මේ නරුමවාදීන් නොදන්නවා සේ සිටිති.ඒ ඔවුන්ගේ සිවිල් වටිනාකම් වල පැවැත්ම සදහාය.සරළව ගතහොත් ඔවුන් බඩවියත රැකගන්නේ මේ සත්‍ය වසන් කිරීමෙනි.

හිරුණිකාගේ arrears එක

2012-04-19T04:57:00.000-07:00

"ඡායාරූපවල ඉන්නේ මගේ තාත්තා පාරේ වැටී මිය ගොස් සිටි ආකාරය..මේ වගේ දුකක් කිසිම දුවකට අත්නොවිය යුතුයි. දැන් මාස 6 ක් තිස්සේ නිලධාරීන් මේ සම්බන්ධ ප‍්‍රධාන සැකකරුව කොටු කර නොදී මගහරිමින් සිටිනවා. මේ නිලධාරීන් මං ඉන්න තැන හිටිය නම් තේරෙයි මේක මොන තරම් අසාධාරණයක්ද කියන එක..මරණය කාටත් පොදුයි..එත් මේ වගේ ජීවිත උදුරගන්න කාටවත් අයිතියක් නෑ..අද රටම බලන් ඉන්නෙ මේකට සාධාරණයක් ඉටුවෙනකං…එහෙම නැතිවුණොත් මේ ඔක්කොම කට්ටිය මා එක්ක ඒවි..එහෙම නැත්නම් අපි පාරට බහිනව.."

මේ හිරුණිකා ප්‍රේමචන්ද්‍ර පසුගියදා අධිකරණ භූමියේදී ඡායාරූප පෙන්වමින් මාධ්‍ය වෙත කළ ප්‍රකාශයයි.මේ ප්‍රකාශය ගැන වඩාත්ම ප්‍රමෝදයට පත්වන්නන් අතර බහුතරයක් ඉන්නේ භාරත හිතවාදීන්ට වඩා මහින්ද විරෝධීන්ය.ඒ අය හිරුණිකාව අගය කරන්නේ භාරතට ඇති ලෙන්ගතුකම නිසා නොව මහින්දට විරෝධය පෑ යුතු නිසාය.මෙම තත්වය තවම හිරුණිකාට වැටහී නැත්ද නැතිනම් වැටහුනේ නැති ගාණට සිටින්නේ දැයි යන්න වෙනම කාරණයකි.කෙසේ වෙතත් විමර්ශනාත්මකව ගත් විට හිරුණිකාට ඇත්තේ arrears එකක් cover කරගැනීමේ අරමුණයි.ඒ තම පියා මැරූ පළීය ගැනීමේ නොතිත් වුවමනාවයි.

එය හුදු පෞද්ගලික අරමුණක් මිස ජනතා හිතවාදී අරමුණක් නොවේ.මන්ද සියලූ මිනීමැරීම් අතුරුදන් වීම් වලට එරෙහිව හිරුණිකා පෙනීසිටින්නේ නම් එය ජනතාවාදී පෙනීසිටීමක් ලෙස පිළිගත හැකිය.එසේනම් අපර්ණා ෆොන්සේකා , සන්ධ්‍යා එක්නැලිගොඩ වෙනුවෙන්ද හිරුණිකා කතා කල යුතුය.පාරට බැසිය යුතුය.හලාවත දී වෙඩි ප්‍රහාරයට ලක්ව මියගිය ඇන්ටනී ප්‍රනාන්දු ගේ දියණිය පෙරටුකොට ගත් යුතුය.ලලිත් - කුගන් ආදි සහ සියලු සුදුවෑන් අතුරුදන් කිරීම් වලට එරෙහිවිය යුතුය.අද වනතුරු භාරත ජීවත්ව සිටියේ නම් හිරුණිකාට මහින්ද දෙවි කෙනෙකි.එසේනම් අද හිරුණිකාට අත්පුඩි ගසන උන්ගෙන් බහුතරයක් දේශද්‍රෝහීන් ලෙස පෙනෙනු ඇති බව නොඅනුමානය.

නමුත් මේ කිසිවක් පිලීබද නොවිමසා හිරුණිකා පාරට බසින්නට ජනතාවට අඩගසයි.මෙලෙස අඩගසන හිරුණිකා පක්ෂ සාමාජිකත්වය ලබාගන්නේ ද රාජපක්ෂ රෙජීමයට සහය දක්වන ශ්‍රීලංකා මහජන පක්ෂයේයි.එයින්ම ඇයගේ තක්කඩි කම පැහැදිලි වෙයි.රාජපක්ෂ රෙජීමය පවත්වාගෙන යාමට වක්‍රමාර්ගිකව සහය දක්වන හිරුණිකාගේ ප්‍රකාශ පිළිබදව මහින්ද විරෝධීන් ප්‍රමෝදයට පත්වීම පශ්චාත් ගාතය පොලවේ ගසාගැනීමකට සමාන වන්නේ එහෙයිනි.

අළුත් අවුරුද්ද ගොඩ යන්න

2012-04-11T22:08:00.000-07:00

අවුරුද්ද ඇවිල්ලා පුරුදු TV කේන්දර කාරයො ටික ආයෙත් පලාඵල කියන්න අරං.අපලයි සුබයි මිශ්‍ර ඵල යි නොයෙකුත් දේවල්.එක එකා එක එක විදිහට කියනවා.අර චැනෙල් එකේ හොදයි කියන ලග්නෙට මේ චැනෙල් එකේ හොද නෑ.

එක එක පාට රෙදි පෙරවගෙන ලැප්ටොප් අරං ටක් ගාල සොෆ්ට්වෙයාර් එකෙන් පලාඵල කියන මිනිස්සු වැහි වැහැලා.මේ ගැන වරක් තස්ලිමා නස්රීන් ලිව්වා.අව සංවර්ධිත රටවල මිනිස්සුන්ගේ ආත්ම විශ්වාසය හීන වෙනෙකොට විවිධ අන්ධ විශ්වාසයන් හරි පහසුවෙන් ඔලු ඇතුලට රිංගනවා කියලා.ඇත්ත මෙතන තියෙන්නේ වෙන දෙයක් නෙවෙයි ආත්ම විශ්වාසයක් නැතිකම.තමන්ගේ ඊලග තත්පරය ගැන තමන්ට බයයි.අභියෝග වලට බයයි.මේකයි ඇත්ත.මෙච්චර වටින ජිවිතයක් ඔලුවක් ලැබිලත් අපි ඊළග මිනිත්තුවට ලෑස්ති නෑ.

දැන් බලන්න උදේ හවස දෙයියො බුදුන් වැදල මිනිස්සු බහුතරයක් ඉල්ලන්නේ මොනවද? ඇතතටම ජීවිතේ දුකයි නිවන් යන්න Express pass එකක්ද? නෑ ඉල්ලන්නේ සැපවත් ජීවිතයක්.ඒකියන්නේ Benefits, Profits.මට අරක ඕන මේක ඕන .බිස්නස් දියුනු වෙන්න ඕන. මගුල හරියන්න ඕන. මේ ආත්මේ නැතත් එන ආත්මේ සැප ඕන.අර ලෙඩේ හොදකරගන්න,විභාග පාස්වෙන්න,මේවා නෙවෙයිද? එතකොට ආගම අදහන්නේ ප්‍රථිලාභ බලාගෙන නෙවෙයිද?එතකොට ආගම බිස්නස් එකක් වෙලා නැද්ද?

එතකොට දියුනු වෙන්න,හරියන්න,ගොඩදාගන්න short cutපෙන්නනආගම,පල්ලිය,පන්සල,දේවාලේ,ගල,ගහ,හෝ කේනදර කාරයා විතරක් නෙවෙයි ඕන බෙට්ටක් පට්ට hit වෙනවා.ඊට පසසේ ඌ හෝ ඒක භාරව ඉන්න උන් කොටිපතියෝ වෙනවා එකයි වෙන්නේ.අපි දුක් මහන්සිවෙලා හම්බ කරගන්න රුපියල මේ කොටිපතියොන්ට දීලා අපි හෙට ගැන බලා ගන්නවා.උන් කියන විදිහට හෙට වැඩකරන්න ගිහින් අපි තවත් ඇණ ගන්නවා. ආයෙත් වෙන එකෙක් පස්සේ යනවා.අර පූජාව මේ පූජාව හැම මගුලම කරනවා.ඔහොම ඔහොම මැරෙනකල් අපි ගොඩක් දෙනෙක් අපේ ජීවිත් මේ විජ්ජාකාරයින්ට උගස් කරලා උන්ගේ රූකඩ බවට පත්වෙනවා.

මේ රූකඩ චරිත වලින් ගැලවෙන්න.තමන්ගේ ආත්ම විශ්වාසය හොයා ගන්න.ඇත්ත තමන්ව ජීවත් කරවන්න අළුත් අවුරුද්දෙවත් හිතට ගන්න පුලුවන් නම් අපි ගොඩ.

ඇන්තනි,රොෂේන් සහ රාගම කිඹුලා

2012-02-16T04:25:00.000-08:00

රාගම මහ කිඹුලා මිනිස්සු එකතුවෙලා මරලා දැම්මා.වරද මිනී කෑම.මෙතන දි ප්‍රශ්නේ තියෙන්නේ කිඹුලා කාගෙවත් ගෙදරකට බලහත්කාරයෙන් කඩා වැදිලා මිනිහෙක්ව අල්ලගෙන කෑවේ නෑ.ඌ එදිනෙදා ජීවත්වෙන කෑම සපයාගන්නා පරිසරයට ගිය මිනිහෙක්ව තමයි කිඹුලා තමන්ගේ කුසගින්න නිවා ගන්න යොදාගන්නේ.

කොහොම වුනත් මිනී කෑමේ වරදට සාහසික විදිහට මරලා දැම්ම රාගම කිඹුලාගේ දිග අඩි 19 (ලෝකේ ඉන්න දිගම කිඹුලාගේ දිග අඩි 21 යි) එතකොට රාගම කිඹුලගේ බර කිලෝ 900 යි (ලෝකේ ඉන්න ලොකුම කිඹුලගේ බරත් කිලෝ 1000 යි) ඉතිං ඒ තරම් සද්දන්තයෙක් මරලා දාන්න හේතුව මිනී මරපු එක.

එහෙම ඒ විදිහට අරගෙන බැලුවම ඊයේ හලාවත ධීවර විරෝධතාවයෙදි අමු අමුවෙම වෙඩි තියල ඇන්තනිව මරලා දැම්මා.මීට කලින් කටුනායකදි රෝෂේන් චානුකව මරලා දැම්මා.මේ දෙන්නම මැරුනේ අර කිඹුලාට බිලිවුන මිනිහා වගේ කිඹුලාගේ පරිසරයට ගිහිල්ලා නෙවෙයි.අසාධාරණයට එරෙහිව හඩ නගන්න ගිහිල්ලා.

එහෙනම් දැන් සිතිය යුතු කාරණාව වෙන්නේ අර මොළේ නැති කිඹුල කරපු වරදට දැඩි දඩුවම් දුන්න ජනතාව මොළේ ඇතියැයි සිතෙන අය සිදුකළ දේ ගැන නිහඩව ඉන්නේ ඇයි ද යන්නයි.(මේ කියන්නේ මිනී මරපු උන් සියල්ලම මරාදැමිය යුතුයි කියල නෙවෙයි)අඩුම ගානේ වචනයකින් වත් විරෝධය දක්වන්න වත් බොහෝ අය බිය වීම ඛේදවාචකයක් කියන කාරණාවයි.

වැලන්ටයින් පරක්කුයි

2012-02-13T17:49:00.000-08:00

ඊයේ එන්න හිටියේ

බස් තිබුනේ නැති නිසා

එන්න විදිහක් තිබිල නෑ

අද එයිද දන්නේ නෑ

මොකද වෙන් කරපු Budget එකට

වැඩිවුන බස් ගාස්තුව දරන්න බෑලු

මලා..

වැලන්ටයින් එනකල් හිටියොත්

මෙදා පාරත් වෙන එකෙක් මට කලින් මලක් දෙයි

එත් දැන් Natural මලක් කීයද?

‍පෙට්‍රල් ලීටර් කීයක්ද?

නපුංසක නිදහස

2012-02-03T01:08:00.000-08:00

ඇත්තටම අපි නිදහස්ද? 64 වන ජාතික නිදහස් දිනය මහ ඉහළින් සැමරෙන මේ මොහොතේ මේ ගැන තවත් වරක් සිතාබැලිය යුතුව පවතී.අද අපි නිදහස දිනාගත් බව කියමින් උදම් අනමින් සිටිමු.සැබැ ලෙසම නිදහස දිනා ගැනීම සදහා සටන් කළෝ කවරහුද?එංගලන්තයේ ඉගෙනගෙන කළු සුද්දන්ගේ පරම්පරාවේ උන් බලයට කෑදරකමින් මෙරට නිදහස වෙනුවෙන් පෙනී සිටියා පමණි.අප දිනාගත් නිදහසක් නැත.සුද්දා අපිව නිදහස් කළේද නැත.අතහැර දැමුවේය.

අපිට නිදහස ලැබෙන්නේ 1948 දීය.නමුත් ඉන්දියාව අපට වසරකට පෙර එනම් 1947 දී සියලු ජාතීන් එක්වු සැබැ පොදු ජන අරගලයකින් නිදහස දිනා ගත්තේය.ඉන්දියාව අහිමි වූ පසු ලංකාවෙන් වැඩක් නැති බව සිතූ සුද්දා අපිව අතහැර දැමුවේය.සුද්දාට අවශ්‍ය වුයේ තම ඉන්දිය බලයට බලපෑම් එල්ලවිය ඇකි එකම අවස්ථාව වලක්වා ගැනීමටයි.එම නිසා සුද්දාට ඉන්දියාව අහිමි වූ පසු ශ්‍රීලංකාවෙන් ගත යුතු කජ්ජක් නොවීය.මෙරට වැවු තේ කුරුදු කෝපි වලින් ලද ආදායම මෙන් සියක් ගුණයක ආදායමක් ඉන්දියාවෙන් සුද්දා ලැබීය.

සියල්ල අවසානයේදී සුද්දා මෙරට අත්හැර දැමුවේ සරුසාරව වැවු තේ වගාවන්,දුම්රිය මාර්ග,කදුකර මාර්ග ආදී සියල්ලද සමගිනි.සුද්දා නොවන්නට අපි තවමත් උඩරට දුම්රිය මාර්ගය හදමින් සිටිමු.එසේ නම් කුමන් හෝ චීන සමාගමකට එම කොන්ත්‍රාත්තුවද පවරා,කොහෙන් හෝ ණය ගෙන එහි කොමිස් මුදල ගෙන සුපිරි දිවියක් ගතකරන පිරිසක්ද මෙරට බිහිවීම වැලැක්විය නොහැකිය.චීන්නුන් ගෙන් ණයට ගන්නා මුදල් වලින් කෙරෙන ඉදිකරීම් වලට ලැජ්ජා නැතිව නම දමාගන්නා නායකයෝ මෙරට සිටින බව අමුතුවෙන් කිව යුත්තක් නොවේ.

රටේ අධ්‍යාපනය කඩා වැටී තිබේ.ණයට කකා බිබි ජොලි කරනවා ඇරෙන්නට ලබන ආදායමක් නැත.බන්ධනාගාර තුලදී සිරකරුවන්ට වෙඩි තබති.කටක් ඇරියොත් සුදු වෑන් රථවලින් පැහැරගෙන යති.සිරගත කරති.සිය දහසක් ජනයා උතුරේ ටකරන් මඩු වල ජීවත් වන අතර කොළඹ නෙළුම් පොකුණු,නෙළුම් කුළුණු හැදෙති.

කෙසේ හෝ මේ වන විට අපට නිදහස ලැබී ඇති බව කියවේ.හමේ පැහැයෙන් පමණක් වෙනස් එක් පෙළැන්තියක් සිය හිතමිතුරන් සමග සම්පත් සූරාකමින් කමින බොමින් ප්‍රීති වෙමින් සිටිති.හිතෙන හිතෙන ගෑණු සමග සම්භෝගයේ යෙදෙමින්,හිතෙන හිතෙන දේ පවරා ගනිමින්,තමන්ට කැමති දේවල් කරමින් අත්නෝමතික ලෙස මෙම පාර්ශවය සිය ජීවිත ගත කරති.

දැන් අප ජීවත් විය යුත්තේ ඔවුන්ට අවශ්‍ය පරිදිය.බැලිය යුත්තේ චින්තනයට අනුකූල චිත්‍රපට පමණි.කෑ යුත්තේ අල බතල පමණි.සාටකය පළදින්නේ නම් වඩා හොදය.මේ ආකාරයට මෙරට බහුතරයකගේ අයිතීන් උදුරාගනිමින් පවතින මේ මෙහොතේ සැබෑ නිදහසක් පිලිබද උදම් ඇනිය හැකිද?තවත් දෙයක් තිබේ එනම් සියලු ජාතීන් එකම ජාතියක් සේ සලකමු යනුවෙන් කෑ මොර දුන්නද ජාතික කොඩියෙන්ම අප වෙන්කර තිබේ.මේ දෙමළ ය මේ මුස්ලිම්ය මේ මහ ජාතියය යනුවෙන් ජාතික කොඩියම වෙන් කර දී තිබේ.මෙය සැබවින්ම නපුංසක නිදහසකි.එය ජාතික කොඩියෙන් වඩා පැහැදිලි වෙයි.අප උඩදමාගෙන දගලන ජාතික කොඩියේ සිංහයාගේ පුරුෂ නිමිත්ත නැත.එසේනම් අපේ සිංහයාද නපුංසකයෙකි.

2012-01-05T04:08:00.000-08:00

වරක් බර්ටෝල් බ්‍රෙට්ස් තම ‛පැන්ස තුනේ කතාව’ තුළ මෙවැන්නක් සදහන් කලේය.
යම් කෙනෙකු ඕනෑවට වඩා සතුට පසු පස පන්නාගෙන ගිය හොත් යම් මෙහොතකට පසු සතුට ඒ කෙනාට පසු පසින් ගමන් කිරීමට පටන් ගනී. එවිට සතුට පසුපස පැන්නූ කෙනා බිය වෙයි
.
අද කාලයේ සියථ දෙනා සතුට පමණක් සොයා ගෙන යන මුත් ඔවුන් නොසිතන්නේ සතුට හමු වූඅයට ඉන් පසුව සිදු වන්නේ කුමක් ද යන්නය. එබැවින් අප සිතනවාට වඩා කෙනෙකුට සතුට හමුවිම බිය ජනක අත් දැකීමකි. සතුට හමුවීම ප්‍රිය ජනක නම් අද දවසේ සංගීතා වීරරත්න,හෝ සබීතා පෙරේරා සිටිය යුත්තේ නට නටාය.
මේ නිසා සතුටෙන් නටන මෙම ජනප්‍රිය පවුලගැන සිතිය යුත්තේ කෙසේද? අපි ඇසිය යුතු ප්‍රශ්ණය වන්නේ ඔවුන් මේ තරම් සතුටින් නැටීමට පොළඹන මිත්‍යාව කුමක්ද කියාය. අපි සොයාගත යුත්තේ මෙම පවුලේ න්‍යෂ්ඨියේ ඇති ඒකාකාරී ශෝඛයයි.එනම් මොවුන් මෙතරම් සතුටෙන් නටන්නේ කුමන ශෝඛය මගහරින්නද යන්නයි…

උපුටා ගැනීම : 3mana.com