Comentarios para O soño de Iliá

Comentario en O fracaso da loxística: Un caso lugués por Iliá Ilich

Iliá Ilich — Wed, 05 Mar 2014 21:36:43 +0000

Non o pensara.
Como diría Edgar de QQCCMH: “¡Touché!”

P.D. Non entrei coa miña conta por cuestións de preguiza.

Comentario en O fracaso da loxística: Un caso lugués por Anónimo

Anónimo — Thu, 30 Jan 2014 21:12:47 +0000

Pero home, nada de cadea de suministros!
Ese establecemento era sen dúbida unha casa de troco de divisas e o cartel en cuestión, unha promoción de moeda alemá a un cambio favorábel para o cliente.
Co decorrer dos anos transformouse nunha exaltación europeísta da moeda común.

Comentario en Tú tenías La Razón y no te hice caso por Anónimo

Anónimo — Sun, 22 Sep 2013 21:07:14 +0000

A Razón tamén ten cousas boas. A min, por exemplo, gústanme os artigos de Alvite. En todas partes podes encontrar algo aproveitable (e non só para o tránsito intestinal).
En canto ao formato, nada pode superar as grapas do ABC

Comentario en Vórtice trouleiro por AntiTheosis

AntiTheosis — Tue, 27 Aug 2013 16:54:14 +0000

Home, home, home. O vello Iliá retorna á blogsfera. ¿Canto pasou, tres anos, catro? Pero home, nen sequera cambiache o aspecto do blog…
Un vello RSS que, incomprensiblemente, olvidara eliminar avisoume do teu retorno. Non é que e te botase de menos, claro.
Hoxe voute deixar escapar sen levar un pao, por ser o primeiro día. Pero xa irei volvendo por aquí. Ímonos divertir (polo menos eu).

Comentario en Vórtice trouleiro por Epaminondas

Epaminondas — Tue, 27 Aug 2013 07:56:02 +0000

O que máis se achega ao que comentas, arrecendista, é a imprescindible “sesión vermú”. Ao estar máis achegada as horas do xantar cumpre máis a característica que ti indicas, comida súpeta. Coido que Ilia debería ben completar o post con esta tipoloxía, ben adicarlle outro post. (Bastante raquítico o post este por certo, as verbenas ben merecen moiitísimo máis)

Comentario en Vórtice trouleiro por Arrecendo de Pachanga

Arrecendo de Pachanga — Tue, 27 Aug 2013 07:24:41 +0000

Aaah… As verbenas orquestreiras. Un fenómeno a estudar. Debe de ser a única expresión da vida galega que non tén un vencello directo coa comida. Se a alguén se lle ocorrese mesturar as duas cousas teria un éxito ainda maior. Non sei, algo así como verbena-churrascada ou verbena-exaltacióndopementodeherbón (non haberá think tanks que se adiquen a cousas serias coma esta?).

Comentario en Cambio de estación por Gelbros J3

Gelbros J3 — Fri, 20 Mar 2009 23:34:41 +0000

¡Mala polilla me pique! Tamén eu estiven repasando Watchmen tras ver a peli, e mesmo tiven a osadía de deixárllelo a miña nai para que o examinase, aínda que non saiba/poida ler cómics. Sí amigos, hai xente “maior” ou de mediana idade con esta carencia. O caso é que xa vai unha semana e non mos devolveu.

Todo irá ben mentres non atope os cómics postos de salvamanteis baixo unha apetitosa tarta de mazá.

Comentario en Morriña da boa por Gelbros J3

Gelbros J3 — Sun, 08 Mar 2009 01:48:18 +0000

Ah, meu deus. Quedei tocado novamente no corazón. Só 4 cousas:

1) Eu tomaba a miña bolsa de patacas fritidas nun banco da Praza Roxa (entón de San Antonio) de Santiago, mentres miraba cara a gran fonte que alí había co meu pai ó meu carón.

2) O xamón de York, no meu caso, dábanmo nun pratiño e cortadas as lonchas en anacos, cando polo serán sentábanme no alto interior da fiestra da miña casa para merendar. Coido que era porque de raparigo comía moi mal e me distraían coa paisaxe, a rúa, o monte Pedroso e o campus sur.

3) A nosa tenda de ultramarinos era a de Gervasio, un home que podía saltar áxilmente por riba do longo mostrador e que sempre me dicía cun marcado acento: “Qué hai, hooven”. Por fora da porta de entrada tiña unha máquina de bolas de chicle das antiguas, que xa non sei se funcionaba cunha peseta ou cun duro. Coido que era cunha peseta.

4) Pase vostede a recolle-lo seu premio polo noso blog de Cuervolandia (entrada do 8 de marzo de 2009), grazas.

Comentario en Morriña da boa por Iliá Ilich

Iliá Ilich — Sun, 25 Jan 2009 23:07:10 +0000

Por certo, nótase que o meu padal está adaptado aos novos tempos.
A bolsa de patacas TAS fun incapaz de rematala. O sabor forte e amargo do aceite vexetal (barato seguramente) que emprega a freiduría TAS fíxome moi desagradable a inxesta das patacas fritidas.
Está de máis dicir que cando era pequeno, esas patacas, o sabor das cales apostaría que non cambiou desde entón) eran ambrosía pura para min.

Comentario en Touciño glacé por Gelbros J3

Gelbros J3 — Sun, 18 Jan 2009 02:22:50 +0000

Samovariano amigo Illich, sinto fondamente a dilatada ausencia na obrigada visita ó seu blog dende hai tempo… Pero entradas coma a de hoxe son talmente pendentes de río: un pódese despistar, pero a fin non hai deus que che evite toma-lo camiño correcto e chegar ó mar: o seu blog.

Así que poreime a face-la tarefa de contado, que son bastantes posts os que teño de retraso. Pero segundo di o proverbio chinés, “con paciencia a formiga se come ó elefante”. Neste caso, por suposto, o elefante é a imponente doctrina, filosofía ou tal vez tan só boa narrativa iliana ou iliá. Enténdase isto tendo en conta: a) que poido ser moitas cousas pero non pelotilleiro, e b) que ben temos en conta, como din os máis vellos, que o halago debilita; e aínda así, se é axustado á realidade, é menos halago que verdade.

Ademáis, nas próximas semanas darémoslle unha nova que levamos argallando eones. E xa van sendo horas, carallo.