Coolworld Biyahe ATBP

Repainting CB110 mags

2020-04-28T11:00:00.001+08:00

Please watch full video

ERS 150 3pins stock flasher relay to 2pins

2019-06-19T16:27:00.002+08:00

Nagawa ko rin na mai-convert ang 3 pins stock flasher relay ng ERS 150 ko to 2 pins. Ngayon, di na mahirap mag hanap ng kapalit kapag nasira siya. Nilipat ko rin location niya kung saan madali lang siyang palitan di tulad ng location ng original na kelangan mo pang baklasin ang ulo ng motor bago mo mapalitan. Eh, di bale nga sana kung madali lang tanggalin eh, kaso hindi.

Sa mga nag paplano ring mag convert, panoorin niyo na lang ang video ko.

Finding....Short Circuit

2019-05-07T16:46:00.000+08:00

Halos ilang buwan din akong pinahirapan nito. Halos ayaw ko ng gamitin ang ERS namin dahil sa abala na ginagawa niya tuwing gagamitin ko siya. Isipin mo ba naman, kada hinto mo mag papalit ka ng fuse. Habang bumabiyahe ka, mamamatay ang kuryente mo. Eh lalo na ang pasok ko ay sa gabi.

Naka ilang palit rin ako ng fuse at sa kada palit ng fuse ay Php 10.00 ang ginagastos ko, ok lang sana eh, kaso ang tinatagal lang ng fuse ay pag start ng motor, pag tumakbo na, putok na naman. Nanawa ako sa kakabili ng fuse at naisip ko na mamumulubi ako sa kakapalit ng fuse. Kaya naisipan ko na gumamit ng palara para gawing fuse, tutal kelangan lang naman mag start ang motor para makauwi ako o makapunta kung san man ako dapat pumunta.

Hanggang nung linggo, May 5, 2019, naisipan ko na wakasan na ang paghihirap at gastos ko. Binaklas ko ang ERS ko dahil ang napapansin ko, pumuputok ang fuse kapag ginagalaw ko ang manibela kaya ang target ko ay icheck ang wiring sa bandang ulo ng motor. Pero di pa nga ako umaabot sa ulo ng motor nakita ko na ang deperensiya.

Pakitignan na lang ang mga picture at ang suggestion ko lang din ay paki check niyo rin ang mga wiring niyo kung sakaling bagong kuha pa ang ERS niyo.

Sana makatulong itong post ko na ito sa iba pang owner ng ERS.

Huli Ka

Tignan niyo kung paano tumatama yung bracket sa wires

First Change Oil at Gear Oil ni ERS.

2019-03-16T17:38:00.001+08:00

Hays...after 4 months ay napa change oil ko rin si ERS. Tagal na rin pero nasa 1K palang ang tinatakbo niya. Di ko rin kasi siya magamit palagi dahil sa dami ng check point ngayon at wala pa ring OR/CR yung motor. Pero ngayong araw ay nakuha ko na ang OR/CR niya kaya puwede ng bumiyahe kahit saan.

Sa susunod ako na ang mag cchange oil nito, pupunta lang kami ng casa para sa tune-up.

Drain ng gear oil

Drain ng gear oil 2

Gear Oil

Gamit kong gear oil

May hose naman pala para sa gear oil eh

Ang nabili ko nga palang engine oil ay Castrol Active Scooter 10w-40. Presyo niya ay Php 233.00 / 800ml.

Ito naman ang spec ng langis na ito:

My ERS 150RII axle cover and helmet hook

2019-02-20T17:21:00.000+08:00

Tagal ko ng inorder ito pero ngayon ko lang naikabit. Kelangan ko pang bumili ng socket wrench para magawa ko ito. Paano ba naman, yung kasamang tools ng motor ay basic tools lang pero ang mga turnilyo niya nakalubog lahat. Di bale sana kung mga philip screw head eh, kaso hindi.

DIY lang nakabit yan mga bossing. Just sharing. Black/Violet ang theme ng MS ERS150RII ko.

Helmet Hook

Axle Cap

XRM 110 Caliper on CB110

2019-02-20T17:11:00.000+08:00

Marami ang nag tatanong kung anong front caliper daw ang puwede sa CB110 na pamalit sa original. Marami ang nag sasabi na puwede daw ang caliper ng XRM110 pero walang makapag pakita ng picture ang makapag sabi kung paano nila kinabit.

Anyway, dahil tight ang budget ko at kelangan ko ng palitan ang front caliper ni Hansel, napilitan akong bumili ng XRM110 front caliper. Ang ginawa ko, nag hanap muna ako ng mababang presyo ng caliper at ng meron na akong napagtanungan, tinanong ko kung kasya sa CB110, di rin nila masabi. So sabi ko, bahala na dahil di ko magamit si Hansel na wala akong front brake.

Ginawa ko binaklas ko ang original at dinala ko dun sa bibilhan ko para isukat. Nalaman ko na sukat ang caliper pero di ang bracket. Di siya plug and play, kelangan mag butas sa original bracket para mailagay ang caliper ng XRM, problema kelangan ko ng gamitin at wala akong panahon mag pabutas pa.

XRM 110 Caliper

XRM110 Caliper on CB110

Ito ang picture ng XRM110 caliper na nakakabit sa CB110 ko. Isang turnilyo lang ang naikabit ko dahil di na abot yung butas ng kasamang bracket sa turnilyuhan ng CB110. Alam kong medyo delikado to dahil isa lang ang sumosuporta sa caliper, ang ginawa ko na lang ay hinigpitan ko ng todo ang turnilyo para walang alog at walang play at ni road test ko.

So far, mag ttwo weeks ko ng gamit ang caliper, nakakapit pa rin siya, di pa ako nag aadjust. Tamang takbo lang naman ako, mga 40-60kph kaya ok lang at mas ginagamit ko ang rear brake ko kesa sa front brake. Kumbaga, pantulong na lang yung front brake.

Sa mga naghahanap ng solution diyan sa pagkabit ng XRM110 na caliper sana makatulong itong post ko.

Installing seat damper in Motorstar ERS 150

2019-01-11T17:14:00.000+08:00

Sa wakas at nainstall ko rin ang seat damper na binili ko bago pa ang Pasko pero hindi ko nagawang iinstall dahil sa napakabait na bagyo na dumaan sa Pilipinas noong huling 2 linggo ng December.

Dahil nauuso ang mga ubox ngayon lalo na sa mga underbone na motor at mga scooter, malaking tulong ang seat damper sa pag bukas ng upuan ng mga motor natin at panatiliin itong naka bukas habang meron tayong kinukuha o nilalagay sa loob ng ubox natin. Naranasan mo na bang habang may kinukuha ka sa ubox mo o di kaya kapag nag papa-gas kay ay babagsak na lang ang upuan mo dahil biglang humangin ng malakas. Ngayon, kapag may seat damper ka, di mo na problema ito dahil mananatiling naka bukas ang ubox mo hanggang hindi mo ito sinasara.

Pakitignan na lang ang pictures at simpleng video na ginawa ko para mapakita ang advantage ng seat damper.

Specs ng Motorstar Easyride 150 RS II

2018-12-03T11:00:00.000+08:00

Ano ba ang specs ni Motorstar Easyride 150 RS II? Paki-check na lang ang image sa baba na shinare sa group ng mga naka ERS.

Puwera diyan, ang bagong model nila ay may built-in USB port na kaya madali ng mag charge ng phone niyo.

Sino ba si Motorstar

2018-12-02T11:56:00.001+08:00

Halos lahat tayo ay kilala / alam natin ang history ng big 4 ( Honda, Yamaha, Suzuki at Kawasaki ) pero pag dating sa mga China brand di natin alam kung saan o sino ba ang nag papatakbo ng company. Alam natin na galing sa China ang mga ito at ni rerebrand lang dito sa Pinas. Kahit ako di ko ma-search sa internet kung san galing ang motor ng Motorstar.

Anyway, sa aking pag hahanap, nakita ko na ang assembler / distributor ng Motorstar na brand ay ang Eastworld Motor Industries Corporation, na may office sa Caloocan, Metro Manila. Nag start sila mag assemble at mag distribute ng China motorcycle noong 2002. Ang hindi ko lang mahanap ay kung anong company sa China ang source nila ng mga motor nila.

So mga kagulong, ang Motorstar ay hindi company kundi brand ng motor ng isang kumpanya dito sa Pilipinas na nag ddistribute ng China motorcycle. Susubukan ko pa rin na mag research o mag hanap pa ng ibang impormasyon tungkol sa kumpanyang ito para lubos natin siyang makila. Siguro panahon na rin na pag bigyan natin ang mga China motorcycle kung ito ay kaya talagang tumapat sa mga Japanese brand na kinalakihan natin.

Sa uulitin mga kagulong, RIDE SAFE!

Ang aming Motorstar Easyride 150 II

2018-12-01T17:46:00.001+08:00

Ito na ang sinasabi kong bagong motor namin at ang bagong brand na sana ay pagkatiwalaan ko rin sa hinaharap.

Sa ngayon ay ilang araw ko palang siyang nagagamit at di pa ako makapag bigay ng matinong feedback kaya puro picture lang muna ito.

built-in USB port

Bagong motor?

2018-12-01T08:56:00.002+08:00

Malapit na ang pasko, ano kayang magandang regalo sa sarili? Bagong cellphone, bagong gamit sa bahay o bagong motor kaya? 7 years na rin si Hansel at kahit papaano ay di siya sumuko sa akin pero sa tingin ko panahon na para magkaroon ng ka-relyebo si Hansel sa pag serbisyo sa akin papasok ng opisina.

Madaming pag pipilian motor ngayon, ang big 4 ay walang tigil sa pag labas ng bagong model ng motor nila pero di kaya ng budget ko. Pati na rin ang mga China bike ay meron na ring mga bagong model.

Eh anong klaseng motor ba hanap ko? Underbone, scooter, pang tricycle, enduro, etc. Pinag isipan ko mabuti kung ano nga bang klaseng motor kukunin ko. Nag simula ako sa Underbone na motor, Honda Super Cub C70, na tumagal sa akin ng 10 years bago ko ibinenta.

Honda Super Cub C70

Sumunod ay ginamit ko naman ang Honda XL125 ng tatay ko na halos 20 years na ring nag serbisyo sa amin pagka tapos namin siyang ipa overhaul.

HONDA XL-125

Sumunod naman ay kumuha ako ng underbone. HONDA Bravo. Na tumagal sa akin ng mahigit 4 years. Ayaw ko mang bitawan si JASS (Honda Bravo), wala kaming magawa dahil sa kinulang ang budget at halos 2 buwan wala akong work kaya naibenta namin siya.

Honda Bravo ( JASS)

After naming maibenta si JASS ay tamang-tama naman na natanggap ako sa bago kong work kaya kelangan ko ng panibagong service. Kaya, kumuha kami ng bagong motor at dito na dumating si Hansel (Honda CB110).

Honda CB110 ( Hansel )

Simula ng kinuha namin si Hansel noong 2011 ay gamit ko pa rin siya hanggang ngayon. Sa 7 years na magkasama kami ay di ako masyadong binigyan ng sakit ng ulo ni Hansel. Wala major na problema. Pero sa ngayon, dapat na sigurong ipa check up ng todo si Hansel para matagal pa kaming mag sasama. Di ko naman siya mapagawa hanggang wala siyang kapalitan. Kaya, nag isip kami kung anong puwedeng idagdag sa kanya, na puwede kong gamitin habang inaayos si Hansel.

Sa pag pili ng bagong motor, nakapag desisyon ako na wag ng tumingin sa 4 na major player ng motor. Bakit? Sa panahon ngayon, lumalaban na ang mga China na motor sa Japanese brand. Maganda na rin ang quality ng makina nila at pag dating sa mga design ng motor ay halos di na rin nalalayo ( kasi kinokopya na nila hitsura ng major player).

Anong brand ang kinuha ko ngayon? Wait for my next post dun ipapakita ko ang bago naming motor at anong model ang kinuha namin.

Unang goody bag para kay Hansel

2018-06-16T08:43:00.001+08:00

Gusto ko talagang kumuha ng panibagong motor para matutukan ang pag ayos kay Hansel ng dirediretso pero dahil kulang ang budget at sa dami ng bayarin ay di na ako nakakuha ng bagong motor at unti-unti ko na lang siyang aayusin o papagandahin.

Di ko alam kung ilang goody bag ang kelangan kong bilhin pa para kay hansel para maibalik siya sa dati niyang alindog kaya subaybayan niyo ang mga piyesang bibilhin at papalitan ko sa kanya sa ilang blog post ko.

Ito ang unang goody bag ko kay Hansel, at ang mga binili ko muna ay:

Handle Grip ( Php 150.00 )
Throttle Pipe ( Php 19.00 )
Busina ( Php 150.00 )
Brake Master (XRM) ( Php 250.00 )

Hindi naman ganon kalakihan ang presyo pero di rin kasi ako magastos ng basta-basta.

Update ako ulit kapag naikabit ko na itong mga piyesang ito.

Ride safe mga kagulong.

Lipat bahay ang peg ni APV

2018-03-02T12:20:00.004+08:00

Di ko na maalala kung kelan kami bumiyahe nito pero ito yung isa pang malayong biyahe ni APV, Mariveles, Bataan. Ang kaso lang, di ito pasyal kundi naarkila para mag lipat bahay.

Bilib din naman ako kay APV kasi fully loaded yung sasakyan pero di mo maramdaman sa kanya ang pag iba ng takbo, kayang-kaya pa rin niya ang bigat namin at isa pa, di mo rin makikita na bumaba ang likurang bahagi ng sasakyan, ganda ng suspension niiya. Di tulad ng iba na kapag puno na ang likod halos dikit na rin ang body sa gulong.

Unang malayuang biyahe ng APV namin

2018-02-23T17:07:00.001+08:00

Na rentahan ang APV namin na bumiyahe sa Manuel Uy beach sa Calatagan, Batangas. 4 hours na biyahe galing Cainta.

Umalis kami ng 1am at nakarating ng Tagaytay Rotonda ng mga 3am. Ok lang ang biyahe, smooth at walang trapik (ewan ko lang kung mag ttrapik pa ng ganyang oras.) Pagkatapos mag stop over sa 7-11, biyahe na ulit. Ang masama, naka baba ang makapal na hamog, as in zero visibility. Ang makikita mo lang ay 1 metro galing sa hood ng kotse kaya dahan-dahan ang takbo at tinitingnan ko na lang ang linya sa kalsada para iwas disgrasya. Halos 1 hour din kaming napaligiran ng hamog. Awa ng Diyos na lusutan naman namin na walang masamang nangyari.

Nakarating kami sa Calatagan ng eksaktong 5am.

2018 Pyro Musical

2018-02-18T08:49:00.001+08:00

Biyahe na naman si APV kahapon pero malapit lang, sa MOA, para lang manood ng 2018 Pyro Musical.

Unang kita namin ng personal ni APV

2018-02-13T17:34:00.001+08:00

Ito ang kuha namin ng una naming makuha ang APV namin. Sa Suzuki Biñan pa namin nakuha dahil sila lang ang mabilis gumalaw at nag asikaso kaagad ng application namin. Di tulad ng iba na umabot na ng buwan pero wala pa ring update. Salamat sa ahente namin na si Jalex.

Bagong Alagain

2018-02-09T17:09:00.001+08:00

Guys, pakilala ko ang bagong miyembro namin.

Mag ppost ako ng biyahe din namin nito at mga mods niya. Matagal-tagal kaming magkakasama nito at marami pa kaming lugar na pupuntahan.

Mag eeight months na siya sa amin pero wala pa din kaming naibibigay na pangalan. Ano kayang maganda? Hmmm...

Time to Start Blogging Again.

2018-02-07T17:39:00.001+08:00

Tagal ko na ring di nakakapag post sa blog kong ito. Sobrang busy at ang dami ng nangyari at nag bago. Di na rin kasi makapag blog dahil sa daming ginagawa at minsan tinatamad ng humawak ng computer.

Anyway, ihahanda ko lang ulit sarili ko at balik na rin ako pag dadagdag ng laman dito. Maaring ipost ko yung mga dating nangyari (2017), para maging updated lang siya.

Sa pa rin sa babaguhin ko ay yung content ng ippost ko sa blog na ito, imbes na tungkol lang sa motorsiklo namin ay mag ppost na rin ako ng mga biyahe namin ng APV namin, kaya di na lang siya puro sa motor lang.

Sa mga bumisita at nagbasa sa mga post ko, maraming salamat. Pipilitin kong makapag post ng mas marami ngayong taon.

DIY Dual Horn Installation

2016-10-16T18:18:00.001+08:00

Ilang buwan din akong nag tiis na walang busina dahil sa laki ng gagastusin ko, battery at busina. Pero nung nakaraang buwan lang ay nagkaroon ng budget at naka bili rin ng battery at mga ilang linggo lang ay naisunod ko na ang busina.

Ilang taon ko ding gamit ang stock na busina ng CB110 ko hanggang bumigay siya ilang buwan na nakaraan.

Nag hanap ako ng murang busina pero malakas at ito ang nahanap ko.

So, ngayong araw ay pinagbigyan ako ng panahon, kahit na may bagyong Karen ay di siya umulan ng buong araw at nagkaroon ako ng chance na ikabit ang busina.

Pansamantala ay puro mga temporary ang connection ko, di kasi naka bili ng terminal para sa relay at horn pero aayusin ko ulit siya pag day off ulit.

Kamusta busina? Ok naman, malakas siya, mapapansin ka rin sa kalsada.

Para sa mga mag kakabit o mag dDIY, ito ang sinunod kong diagram.

Ngayon... Trigger happy na naman ako sa mga pasaway sa kalsada.

posted from Bloggeroid

Bye, bye stock busina

2016-10-10T10:26:00.001+08:00

After 5 years bumigay na ang stock busina ko at kelangan ng mag palit.

Ito naman ang ipapalit ko, dual horn na.

posted from Bloggeroid

DIY Motorcycle Taillight LED conversion

2016-08-13T09:26:00.004+08:00

Naghahanap ako sa net ng conversion ng tail light ng CB110 from stock bulb to LED. Since mahilig naman ako mangalikot puwede kong gawin ito during my day off.

Madami-dami na rin akong nahanap pero siguro ito ang the best guide na nahanap ko.

Please click here to see the original post.

Ito yung diagram niya:

Parts/Material Required –

1 Perforated PCB prototype board (Size depends on your tail light, for me 10 cm x 10 cm was enough)

LEDs -
Red LEDs (Number of LEDs depends on your configuration. I used 46 in my setup),
3 x 1w white LEDs for number plate illumination,

Resistors -
11 x 100 ohm 1/4w,
1 x 100 ohm 1w,
1 x 50 ohm 1/4w,
2 x 250 ohm 1/4w

Diodes-
2 x 1N4001 (If this is not available you can go for 1N4007 as well)

Small Pieces of Wires (Preferably of different colors), 1 Old Tail Lamp Bulb, 3 mm Heat Shrink Tube or Insulation Tape, Hot Melt Glue, (I think M-seal can also be used in this place), Fevicol, Feviquick, Mount board.

Tools Required -
Soldering Iron & wire, Wire Cutter, Hack Saw, File, Scissors, Cutter, Nose Pliers, Lighter (If you are using heat shrink tubes), Glue Gun or Stove (If you are using hot melt glue), 3V & 9V/12 volt battery for testing (You can connect small AA batteries together to make 9V/12V or you can use laptop charger for testing).

Methodology: There are two ways of making the LED running lamp + brake light. Either you can have 2 different sets of LEDs for running light & brake light or you can have all the LEDs (same set) for running light as well as brake light. In the first option you have to make 2 different circuits, connect one to the running lights & other to the brake lights. You will not need diodes & some of the resistors in this type of set up. I have used the same set of LED’s for running light and brake light.
Whichever setup you employ, I would recommend connecting at least 3 and max 4 LEDs in series. These strings of 4 LEDs in series can then be connected in parallel to form the complete circuit. Please refer to the circuit diagram given below. I have total 46 red LEDs; the result is satisfactory (But not too bright). If you want higher intensity then you will have to pack about 90 red LEDs, 46 may not be enough. This is because our tail lamp has diffused lens and our setup does not contain any LED reflector as well. Alternatively, you can find the clear tail lamp lens & find out some LED reflector or fit LEDs in the bezel which will improve the intensity a lot and you may not need to increase number of LEDs. I think the stock tail light reflector from the Hero Hunk can be installed in FZ16, of course with few modifications. (I have not tested this, only kept as an option for version 2 setup)

Para sa step by step instruction kung paano niya ginawa, paki click na lang yung link. Pinost ko lang ito dito para reference ko at baka ma-delete yung post niya.

Again, credit goes to the original poster GauravB728 of xBhp.

Advantages / Disadvantages of Bravo According to Jet Lim

2016-06-05T11:16:00.000+08:00

Performance:

Outstanding ang performance ng Bravo. Nabili ko Bravo ko last December. Average distnce travel ko ay 2,000 kilometers per month. All stock ang Bravo ko pero meron lang akong dinagdag para sa aethetics tulad ng "araro", crossbar sa manubela, palit passenger grab handle na pang wave 100, repainting ng muffler/pipe bracket, rear coil spring, front forks at front fender, and palit ng honda emblem sticker. Medyo malaki rin gastos ko kasi brand new original Honda ang grab handle, anzahl ang pinturang ginamit at customized ang sticker na pinagawa ko.

Regular ang maintenance ng Bravo ko. Honda motor oil, Havoline motor oil at Castrol motor oil ang ginagamit ko. Sa ngayon, stick to Havoline ako. Pero baka mag shift ako sa elf. Sa regular maintenance na ginawa ko, halos motor oil lang ang pinalitan not until pag dating sa 16,000 kilometer reading na. Nag palit nako ng drive chain (EK brand na heavy duty) at denso iridium spark plug. Medyo mahal lang pero satisfied ako at ayoko ko rin tinitipid ang Bravo ko.

Mula ng pagkabili ko, ang naging problema ng Bravo ko ay busted dim headlight at busted rear park light. Although, gumagana pa ang filament ng bright light at ang brake light, pinalitan ko na pareho. At 4 times ako na flat tyre. Napalitan ko na rin rear tyre ko after 16,000 kms dahil pudpod na. Original Bravo tyre pa rin ang pinalit ko, galing sa Bravo na nagpalit ng dunlop tyres.

Hindi pa ako tinirik ng Bravo ko. Hindi pa rin ako pinalya. Fastest speed na naitakbo ko ay 110kph downhill from Tagaytay. Nagagawa ko na rin ang full throttle for about 1 hour sa Bravo at wala syang problema. Walang overheat at walang palya until now.

Medyo alerto lang ako sa hataw kasi parehong drum brake ang preno ng Bravo. OK naman ang rear drum brake kasi malakas din naman kumapit sa kalsada. Narasan ko na rin magmuntikan ng ilang beses. Dalawa lang naman ang pwedeng mangyari sa biglang preno ng Bravo, ang mag fishtail at ang skidding on one side sa biglaang preno. OK naman, stable ang motor, wag lang kabahan ang rider baka mawalan ng control.

Sa Bravo ko, nakakaya kong iwanan ang xrm 110, wave 100, raider j 110. Ilang beses ko silang nakakasabay at kahabulan sa kalsada. Isang beses palang ako naunahan sa dami ko nang encounter, yun ay dahil short distance lang ang tinakbo namin at lumiko na ako. Pero, di ko sinasabi na malakas ang makina ng Bravo, 100cc lang sya. Bravo can only do so much. Ang sekreto dyan ay ang gamay o pagkakabisado ng rider sa motor, skill ng rider sa pagmomotor, experience ng rider at ang lakas ng loob.

Ang hindi OK sa Bravo:

Generally OK ang Bravo. Kakaibang body design nya. Wala kang makitang imitation sa design ng body nya. Pero "beauty is in the eye of the beholder", so kanya-kanyang gusto yan. Ang pinaka malapit nyang kamukha sa Philippine market ay ang raider j.

Meron lang mga ilang parts na sa akin ay hindi masyadong nakaka-appeal sa ibang rider o would-be buyers. Isa-isahin natin.

handle bar - yup, marami talagang turn-off sa manubela ng Bravo. Pero actually, pareho ang handle bar ng Wave at Bravo, except ang sa Bravo ay hubad at tinakpan lang ng plastic cover kumpara sa Wave ay naka cover ang buong cowl ng headlight, signal lights, at gauges. At tulad ng Wave, hindi madali mag modify ng handle bar ang Bravo kasi hindi available ang parts for modification sa market. To modify, kailangan customize mo mismo. Marami na rin ang nagmodify nito sa mga members ng Philippine Bravo Riders Club (PBRC). Pioneer dyan si archer22. Meron din sa Mindanao area PBRC member. It takes ingenuity to modify Bravo's handle bar.

kick start - Walang kick starter ang Bravo kaya time and time again, this has be a topic of debate for pinoy riders. Personally, mas gusto ko ng walang kick starter ang Bravo. I have three other motorcycles aside from Bravo: Honda CB750, Honda XR200 and Honda Dio. The only one with a kick start is the Honda Dio. Sa totoo lang, di ko nagagamit kasi meron din electric starter naman. Maraming paraan para mag start ang motor kapag drain ang battery. Push start ang pinaka madali. Syempre, ang Hondo Dio hindi pwede sa push start dahil automatic transmission, kaya siguro nilagyan ng kickstart. And besides, masisira lang ang sapatos sa kickstart. Sayang din ang Nike. Isipin mo economic-wise. Kapag meron kick start, mas mahal mo bibilhin ang motor, di ba? Kung wala naman kickstart at pag dumating ang panahon na mahina na ang battery mo na di kaya ang electric start (siguro after three years), dun mo ngayon maisip na dapat meron kickstart di ba? OK, pero ayaw mong ma abala lagi kaka kick-start para gumana lahat ng electrical components mo kaya bibili ka agad ng battery. So malamang, tatlo o apat na beses mo lang gagamitin ang kickstart, balik ka na naman sa electric starter, di ba? 3 years ulit bago masira ang battery, tapos tatlo o apat na beses mo lang gamitin ang kick-start. E kung ganun, mas maganda pang walang kick-start (lesser engine weight at walang naka usling lever na maaring maka sagabal sa pagmamaneho, na kasama pang linisan at langisan para di kalawangin) dahil pwede naman i-push start ang motor. Sinubukan ko na mag push start, walang kahirap-hirap, maniwala ka.

passenger footpeg - This is the one I hated the most with the Bravo. Ang foot rest sa likod ng Bravo ay naka weld sa swing arm. Functional naman, di ba? Meron mga ibang modelong motor na ganito rin, naka weld sa sweing arm. Ang ayoko dito (sinubukan ko rin umangkas sa Bravo ko) ay kapag nag si-swing ang swing arm, sumasama ang tapakan, meaning akyat-panaog din ang paa ng angkas. Sa humps, mararamdaman mo ang pag galaw ng paa mo kapag pasahero ka. Medyo ok lang yun kasi dahan dahan naman tayo sa humps. Ang problema, kapag long ride na at sa mga lubak lubak. ramdam na ramdam mo ang bugbog mula sa paa hangang hita kapag pasahero ka. E di ba, usually ang inaangkas natin ay ang misis natin. Imagine mo na lang ang discomfort nila sa ganitong apakan. Unlike sa ibang motor, meron sariling footpeg bracket na naka-attached mismo sa batalya kaya di gumagalaw ang apakan.

no gear indicator - Kung baguhan ka mag motor, malaking bagay sayo na makita mo kung saan gear ka na. pero hindi advisable na lagi kang tumingin sa panel mo, delikado po. "Eyes on the road, please". Kapag nasanay ka na magmotor, mapapansin mo na di pala kailangan ang gear indicator. Actually, bihira ang model ng motor na meron gear indicator. Sabi nga ng matatandang rider sakin, tatlong beses ka lang titingin sa panel ng motor: bago ka mag start, pagkahinto sa traffic para malaman mo kung nasa neutral ka at paghinto mo. Un-necessary na yung tingin ka ng tingin.

drum brakes - gaya ng sinabi ko, drum brakes ang harap at likod ng Bravo. Di talaga masyadong kumakapit ang preno sa harap. Pipigain mo nung husto. Di tulad ng naka disc brake (at least sa harap na gulong), konting piga lang kapit agad. Mas meron control sa motor, safer at mas maganda ang handling

steady headlight - this ain't a problem. most sports (big) bikes have this kind of design. Walang problema at walang mali sa ganitong design.

Basically, ang mga ito lang naman ang major differences sa features ng Honda Bravo.

Accessories:

Kung gusto mong malaman kung anu-anong parts na palitan, idadagdag, bibilhin at estimate/idea kung magkano ang gagastusin para pumogi ang Bravo, please visit technical thread of the Philippine Bravo Riders Club under Manufacuter>Honda>Honda Bravo Techinical Thread. Umabot ng 10 parts/chapters ang thread na yan. Maitatanong mo lahat ng gusto mong itanong sa Honda Bravo. Meron din maraming pictures dun ng mga modified na Bravo from Luzon, Visayas and Mindanao areas.

Change Brake Master

2016-06-05T11:11:00.001+08:00

Hay... Tagal na rin ng last post ko dito sa blog ko. Anyways, itong post ko ngayon ay dahil nag palit ako ng bagong Master ng front brake ko.

Yung luma kong master ay aftermarket lang dahil sobrang mahal ng repair kit ng original master ng Honda CB110, nasa 600 ang repair kit samantalang ung aftermarket na buong master ay nasa 300-450 lang kaya yun na lang ginawa ko, ang bumili ng bagong master.

Anyway, may nabasa akong comment dati sa 1 grouo sa FB na sinasabing wag bumili ng aftermarket for safety reason. Di ko lang makuha kung anong masama kung aftermarket at sa OEM dahil pareho lang function nila at di mo naman minodify ung brake mo. Sa ganang akin, ke OEM o aftermarket pa yan pero may sira, di yan safe pero kung maayos naman isserve pa rin niyan ang purpose niya.

So, bakit ko nga pala pinalitan yung aftermarket master ko? Kasi tumatagas na yung brake fluid ko at dahil diyan nasira na rin fairings ko. Pinalitan ko na rin ng repair kit pero ganon pa din. Kaya wala akong ibang option kundi ang palitan na ung buong master.

Ang pinalit ko ay aftermarket pa rin, pang XRM, pero kung wala kayong makitang pang XRM, puwede na yung sa ibang motor. Again, 1 lang ang function nila kaya ok lang. Ang bili ko ng master ay Php 425. Mura di ba? Kumpara mo sa presyo ng repair kit ng OEM. Pratikalan lang ngayon, di tayo mayaman para bumili ng puro OEM parts. Siguro kung lamang-loob ng makina, yun siguro OEM ang bibilhin ko.

Comment na lang kayo kung may tanong o reaction kayo.

CB110 Flasher Relay replacement

2014-12-29T09:11:00.001+08:00

Na encounter niyo ba ung kakapalit niyo lang ng signal light bulb niyo dahil pundido na pero pag palit niyo ayaw ng gumana o mag blink?

Ganyan ang nangyari sa akin. Ang problema, ung right side lang ang di nag bblink pero ung left side gumagana.

Nag tanong-tanong ako kung anong posibleng problema, may nag sabi RELAY, ung iba WIRING at ung iba BULB. Inuna kong icheck ang wiring at bulb pero ganon pa din kaya bumili na rin ako ng flasher relay. Nung napalitan ko ung relay gumana na.

Unang subok ko sa pag kabit ng carbon fiber sticker

2014-10-26T10:17:00.001+08:00

Madami ng mga gasgas at kupas na plastic si Hansel at pinag iisipan ko dati kung pipinturahan ko o kakabitan ko ng carbon fiber na sticker at napag desisyonan ko na mag sticker na lang.

So, bumili ako ng carbon fiber sticker at kagabi nga ay sinubukan ko sa heat guard ng tambutso ko.

Ito ang transformation na nangyari. Sa ngayon ok na ako, pero siguro katagalan ay makukuha ko na rin ang tamang technique sa pagkabit ng carbon fiber sticker.