சின்ன பையன்

நிரந்தரமாக அழித்த கோப்புகளை மீட்பது எப்படி?(மென்பொருள் இல்லாமல்!) :-

noreply@blogger.com (CP) — Sun, 27 Jan 2013 21:13:00 +0000

Previous version or restoring files:-

இது விண்டோஸ் 7-இல் இருக்கும் ஒரு பயனுள்ள வசதி என்று கூறலாம். அந்த வசதியின் பெயர் "முந்தைய பதிப்புகள்",ஆங்கிலத்தில் Previous Version எனப்படும்.

Previous Version?

Previous Version என்பது கோப்புகளின் முந்தைய பதிப்பு ஆகும், சுருக்கமாக ஒரு பெட்டகம் என்று வைத்துக்கொள்வோம்.இந்த வசதியின் மூலம் நீங்கள் நிரந்தரமாக ஒரு இயக்கியில் (local disk) அழித்த கோப்புகளை எளிதாக மீட்க முடியும்! இது நீங்கள் ஒவ்வொரு முறை அந்த இயக்கியில் அழித்த அல்லது திருத்தம் செய்த கோப்புகளை மீட்டிக் கொண்டே வரும் அதனோடு அந்நேரத்தில் அந்த இயக்கி எப்படி இருந்ததோ அப்படியே காட்டும் அதனை நீங்கள் திறந்து /நகலெடுத்து/மீட்டிக் கொள்ளலாம்.

இது எப்படி வேலை செய்கிறது?

இந்த வசதியை நீங்கள் திறந்து வைத்தால் இது கோப்புகளுக்கான ஒரு மீட்பு பகுதியை உருவாக்கும் (restore point ). இந்த மீட்பு பகுதியின் மூலம் உங்களது அழிந்த கோப்புகளை மீட்டிக் கொள்ளலாம்!
கவனிக்க:- இதனை திறந்து வைத்த பிறகே நீங்கள் அழிக்க அல்லது திருத்தம் செய்யப்போகும் கோப்புகளை மீட்டித் தரும்.

இதனை திறந்து வைப்பது எப்படி?

(கிழே உள்ள படங்களை பார்த்து படிப்படியாக செய்யவும்....)

1.My Computer -->System Protection.

2. இது எந்த எந்த இயக்கியில் (local disk ) இந்த வசதி உள்ளது என்று குறிப்பிடும். இதன் மூலம் நீங்கள் உங்களுக்கு தேவையான இயக்கியில் மட்டும் இந்த வசதியை நிறுவ முடியும்.

3. நீங்கள் ஒன்று அல்லது பல இயக்கியில் இந்த வசதியை நிறுவ விரும்பினால் அந்த அந்த இயக்கியை சொடுக்கி configure என்பதனை அழுத்த வேண்டும்.

4. இதனை கடைசியாக பாப்போம்.

5. இது அந்த இயக்கியில் எதனை மீட்க வேண்டும் என்பதனை குறிப்பிடும். நீங்கள் அந்த இயக்கியில் அந்த இயக்கியின் அமைப்பையும் மற்றும் கோப்புகளையும் மீட்க விரும்பினால் முதலில் உள்ளதை சொடுக்கவும் அல்லது இயக்கியில் உள்ள கோப்புகளை மட்டும் மீட்க விரும்பினால் இரண்டாவதாக உள்ளதை சொடுக்கவும் அல்லது எதுவுமே வேண்டாம் என்றால் மூன்றாவதாக உள்ளதை சொடுக்கவும்.இவ்வாறு செய்வதன் மூலம் நீங்கள் ஒவ்வொரு முறை அந்த இயக்கியில் மாற்றம் செய்யப்போகும் அல்லது அழிக்க போகும் கோப்புகளை மீட்டிக் கொண்டே வரும்.

6. இந்த பகுதி அந்த இயக்கியில் எவ்வளவு வரை மீட்க வேண்டும் என்பதனை குறிப்பிட.இது நீங்கள் அந்த இயக்கியில் எவ்வளவு திருத்தம்/அழித்தல் செய்கிறீர்கள் என்பதை பொறுத்து குறிப்பிட்டுக் கொள்ளுங்கள்.நீங்கள் அதிகமாக இடம் கொடுத்தால் ஆடி,அம்மாவாசையில் அழித்த அல்லது திருத்தம் செய்த கோப்புகளும் இருக்கும்!
இப்பொழுது இந்த வசதியை முழுவதுமாக நிறுவி விட்டீர்கள்!தொடர்ந்து விட்டதை பாப்போம்!

4. இது நீங்கலாக ஒரு மீட்பு பகுதியை உருவாக்கி மீட்டி எடுக்க!

7. இது இதுவரை விண்டோஸ் மீட்டி எடுத்த கோப்புகள் அனைத்தையும் அழித்து புதிதாக தொடங்க.

8.சரி,இப்பொழுது நீங்கள் ஒரு இயக்கியில் சில கோப்பினை அழித்து விட்டீர்கள் அதனை எங்கு சென்று எடுப்பது? என்ற கேள்வி இப்பொழுது உங்களிடத்தில் எழும்,அக்கோப்பினை எடுக்க நீங்கள் எந்த இயக்கியில் அக்கோப்பினை அழித்தீர்களோ அங்கு சென்று வலச் சொடுக்கி -->Properties -->Previous Version. அங்கு சென்றவுடம் இப்படி இருக்கும்....

அதில் நீங்கள் இதுவரை செய்த திருத்தங்கள்/அழித்தல்கள் எல்லாம் இருக்கும்(நேரமும் தேதியும் குறிப்பிட்டு இருக்கும்).இது ஒரு தனிப்பட்ட கோப்புக்கும் பொருந்தும்.

கவனிக்க:- சில நேரங்களில் விண்டோஸ் சில கோப்புகளை மீட்டெடுக்காது! அச்சமயம் என்னை திட்டவோ பழிக்கவோ கூடாது! அதற்கு நான் பொறுப்பல்ல!

android கைபேசிக்கு தேவையான சில நிரல்கள் (app ):-

noreply@blogger.com (CP) — Tue, 09 Oct 2012 16:02:00 +0000

Some utility apps for android :-

android-இன் பயன்பாட்டினை அனைவரும் அறிவீர்கள் என்று நினைக்கிறேன்! இருப்பினும் சிலர் இதனை வெறும் Nokia 1100 போல் பயன்படுத்தி என்னை சோதிக்கின்றனர் ( அதனால் தான் இந்த பதிவை இடுகிறேன்). இதனை முழுமையாக பயன்படுத்துவது என்றால் அதில் நாம் நிறுவி இருக்கும் நிரலை பொறுத்தே! சரி இப்பொழுது சில நிரல்களை பார்ப்போம் (இந்த நிரல்கள் யாவும் நான் பயன்படுத்திக் கூறுவதே ஆகும)

1. App backup & restore:-

இந்த நிரல் நீங்கள் நிறுவியுள்ள நிரல்களின் நகலை எடுத்து SD கார்டில் சேமித்து வைத்துக் கொடுக்க உதவும்.பின்பு அதனை நீங்கள் எப்பொழுது வேண்டுமானாலும் நிறுவிக்கொள்ளவும் உதவும் . அது மட்டும் அல்லாமல் அந்த நிரல்களின் நகலை வேறு நபர்களிடமும் பகிரிந்துக்கொண்டு அதனை அவர்கள் பயன்படுத்திக் கொள்ளவும் உதவும்!

2. Camscanner:-

இந்நிரல் முக்கியமாக மாணவர்களுக்கு பயன்படும் என்று நினைக்கிறேன்.இதன் மூலம் உங்கள் கைப்பேசியின் புகைப்படக் கருவியை ஒரு வருடியாக (scanner) பயன்படுத்தி பல தாள்களை வருடிக்கொள்ளலாம். பின்பு அதனை அச்சுப்பொறியின் மூலம் அச்செடுத்துக் (print) கொள்ளலாம்.இதற்கு ஒரு 2.5 மெகா பிக்சல் புகைப்படக் கருவியே போதுமானது.

3. Airdroid:-

USB கேபிள் இல்லமால் ஒரு கோப்பினை உங்கள் கணினியிலிருந்து கைபேசிக்கோ அல்லது கைப்பேசியிலிருந்து கணினிக்கோ பரிமாற்ற இந்த நிரல் மிகவும் உதவும். அதற்கு நீங்கள் ஒரே இணைய இனைப்பில் இருப்பது அவசியம். அதாவது கைப்பேசியில் வேறொரு இணைய இணைப்பில் இருந்துக்கொண்டு மற்றும் கணினியில் வேறொரு இணைய இணைப்பில் இருந்தால் இதனை பயன்படுத்த முடியாது.

4. Mxplayer:-

இந்த ஊடக இயக்கியின் மூலம் நீங்கள் எந்த விதமான ஊடகத்தையும் பார்க்க இயலும் மற்றும் கைப்பேசியில் படம் பார்க்க சிறந்த நிரல் எனக் கூறலாம்!

5. ttpod:-

பாட்டினை பாட்டு வரிகளுடன் கேட்க சிறந்த நிரல் இது. இது minilyrics மென்பொருள் போன்று இயங்கும். நீங்கள் கைபேசியை உலவிக்கொண்டிருக்க பாட்டு வரிகள் பின்னே நகர்ந்துக் கொண்டே இருக்கும். இதன் பின்னடைவு ஆங்கிலம் மற்றும் சில ஹிந்தி பாடல்களுக்கு மட்டுமே பாடல் வரி சொல்லும். இருப்பினும் இது உங்கள் கைப்பேசியில் இருக்கும் ஊடக இயக்கியை விட சிறந்தது!

6. Dolphin Browser:-

இவ் உலாவியின் தனிச் சிறப்பு அதில் உள்ள கூட்டுருபே (addon) ஆகும்.அதன் சில சிறப்பான கூட்டுருபுக்கள் வருமாறு...
அ)web2pdf - வலைப்பக்கத்தை pdf கோப்பாக மாற்ற.
ஆ )Desktop Toggle - வலைப்பக்கத்தை கணினியில் காண்பது போல காணலாம் அல்லது வலைபக்கத்தை கைப்பேசி உருமாட்டிலும் காணலாம் (mobile version )
இ )Dolphin Reader - வலைப்பக்கத்தை விளம்பரம் மற்ற தொல்லையிலிருந்து அகன்று பக்கத்தை மட்டும் காண (இரவில் இணையத்தில் உலவும் பொது மிகவும் உதவும்)

7. Wordweb :-

இதுவே android-இல் சிறந்த இணைய இணைப்பில்லா ஆங்கில அகராதி ஆகும். அதனால் இதனை எப்பொழுதும் கைப்பேசியில் வைத்துக் கொள்ளவது நல்லது!

8. Kingsoft Office:-

இது android-க்கு சிறிய Microsoft Office போன்றது! இதில் Power Point,Pdf,Docx அல்லது doc போன்ற பெரும்பாலான கோப்புகளை திறந்து அதனுள் திருத்தம் செய்யவும் வசதி தருகிறது!

9. Astro File Manager & Bluetooth Module:-

SD கார்டில் உள்ள கோப்புகளை Copy/Paste/Move மற்றும் Drag செய்ய எளிமையான நிரல் இந்த நிரலே!மேலும் இதனோடு இன்னொரு நிரலான Bluetooth Module, ப்ளுடூத் மூலம் மற்றவர்களின் SD கார்டில் உள்ள கோப்புகளை காணவும் அதனை சேகரிக்கவும் மிகவும் உதவுகிறது.

12. Viber:-

ஒரு SIM கார்டு செய்யும் அடிப்படை வேலைகள் அனைத்தும் இது செய்யும்.இலவசமாக குறுஞ்செய்தி மற்றும் அழைக்க இது மிகவும் உதவும் !அவ்வாறு அவர்களை அழைக்க மற்றும் குறுஞ்செய்தி அனுப்ப அவர்களிடமும் இந்த நிரல் இருப்பது அவசியம்.மேலும் இணைய இணைப்பு இருப்பதும் அவசியம்.

11. Free SMS India:-

இதனை வைத்து நீங்கள் இந்திய முழுவதும் இலவசமாக குறுஞ்செய்தியை அனுப்ப இயலும்.அதற்கு ஒரு இணைய இணைப்பு உங்கள் கைப்பேசியில் இருந்தால் போதுமானது!.முப்பது ரூபாய்க்கு SMS பேக் போடுவதற்கு அறுவது ரூபாய்க்கு Internet பேக் போட்டால் மிகவும் பயன்படும் மற்றும் குறுஞ்செய்தியை இலவசமாகவும் அனுப்ப இயலும். (இதனைத்தான் நான் செய்து கொண்டு இருக்கிறேன்)

12. Pdanet:-

கைப்பேசியில் உள்ள இணைய இணைப்பை கணினியுடன் பகிர USB Tethering உபயோகப்படும். ஆனால் android-இல் உள்ள USB Tethering Mode சரியாக Windows-இல் நிறுவ இயலாது (எனது கணினியில் நிறுவ முடியவில்லை!). அந்நிலையில் இது மிகவும் பயன்படும். மேலும் இதற்கு நீங்கள் Pdanet-ஐ கணினியிலும் நிறுவ வேண்டும்!அதனை தரவிறக்கம் செய்ய இங்கே செல்லவும்:-

http://junefabrics.com/android/download.php

(பின்பு உங்கள் கைப்பேசியிலும் இந்த நிரலை நிறுவவேண்டும்).

13. Pocket :-

இணைய இணைப்பில்லாமல் ஒரு பக்கத்தை காண இந்த நிரல் மிகவும் உதவும்.அவ்வாறு காண அந்த பக்கத்தை நீங்கள் இணைய இணைப்புடம் காணும் போதே பாக்கெட்டில் சேமித்து வைத்துக் கொள்ள வேண்டும்!

14. MyCalendar:-

நண்பர்கள்,உறவினர்களின் பிறந்த நாட்களை மறக்காமல் இருக்க உதவும் ஞாபகமூட்டி! இது Facebook-இல் உள்ள அனைத்து நபர்களின் பிறந்த நாளும் மற்றும் நீங்களாக சேர்க்கும் பிறந்த நாட்கள் அனைத்தையும் ஞாபகப்படுத்தும்!

15. NewsHunt:-

இந்தியாவில் உள்ள பெரும்பாலான மொழிகளில் (தெலுகு,மலையாளம்,கன்னடம் ...) உள்ள பெரும்பால செய்தித்தாட்களை(இந்தியன் எக்ஸ்பிரஸ்,டெக்கான் ....) படிக்கலாம்! உதாரணத்திற்கு தமிழில் தினமலர்,தினகரன்,தினமணி,ஒன் இந்திய,பி பி சி ஆகிய செய்தி தாட்களை படிக்கலாம்.(இணைய இணைப்பு அவசியம்)

16. SMS Backup And Restore:-

குறுஞ்செய்தியை சேகரிக்க மற்றும் சேகரித்ததை மீண்டும் நிறுவி படிக்க இந்த நிரல் உதவும்.சேகரித்த குறுஞ்செய்தி அனைத்தும் .xml வடிவில் இருக்கும்.

+2 முடித்த பிறகு?

noreply@blogger.com (CP) — Sat, 28 Apr 2012 04:29:00 +0000

AFTER +2 ?

இந்த கேள்வி என்னிடத்தில் நீண்ட காலமாக இருந்தது ஆனால் இப்பொழுது கொஞ்சம் தெளிவு அடைந்து இருக்கிறது! காரணம் என் அண்ணன் என்னிடம் கூறிய அறிவுரைகள் அப்படி! (ரொம்ப நல்லவங்க). பொதுவாக +2 முடித்த அனைவருக்கும் ஒரு சிறந்த பொறியியல் கல்லூரியில் சேர விரும்புவதே கனவாக இருக்கும். அதேபோல தான் எனக்கும் இருந்தது. ஆனால் சில நாட்கள் கழித்து என் அண்ணன் என்னிடம் பேசிய போது அது ஒரு கெட்ட கனவாகவே போய்விட்டது :) பொறியியல் படிக்க விரும்பும் அனைத்து மாணவர்களும் அந்த பொறியியல் படிப்பை விரும்பி எடுப்பதில்லை, எதிர்காலத்தில் அதன் வருமானத்தை எண்ணியே அதனை எடுக்கிறார்கள். உதாரணமாக என் நண்பன் என்னிடத்தில் கூறிய வார்த்தைகள் இவை.. "டேய் எப்படியாச்சு AIEEE நல்ல மார்க் எடுத்தா போதும் டா! NIT-ல சேர்ந்து படிச்சி மாசத்துக்கு லட்சகனக்குல சம்பாதிக்கலாம்". அவனின் எண்ணம் எல்லாம் அப்படிப்பின் மீது அல்லாமல் பணத்தின் மீதே இருக்கிறது. (சரி போதும் இதோட நிறுத்திக்குவோம்).

இப்பொழுது யாரும் பொறியியல் படிப்பின் மீது ஆர்வத்தை காட்டும் அளவிற்கு அறிவியில் படிப்புகளில் ஆர்வம் காட்டுவத்தில்லை. யாரும் ஆராய்ச்சியில் ஈடுபட விரும்புவதும் இல்லை. அதனை வலியுறுத்தவே இந்த பதிவு!

IISER (Indian Institute Of Science Education and Research) :-

இந்த ஐந்து வருட BS மற்றும் MS (இரெண்டும் சேர்த்து) படிப்பில் சேர்வதற்கு KVPY , IIT-JEE எழுதி இருக்க வேண்டும் அல்லது நம் தமிழ்நாடு அரசு (State board), மத்திய அரசு (CBSE) நடத்தும் பொதுத் தேர்வுகளில் மிகச் சிறந்த மதிப்பெண்களை பெற்றிருக்க வேண்டும் அதாவது OBC (non-creamy layer) மாணவர்கள் தொண்ணூறு சதவீதத்திற்கு மேலும் SC/ST மாணவர்கள் அறுவது சதவீதத்திற்கு மேலும் பெற்றிருக்க வேண்டும் மற்ற மாணவர்கள் 95.5% சவீதத்திற்கு மேல் பெற்றிருக்க வேண்டியது அவசியம் (இங்கு குறிப்பிட்டது போல) . IIT-JEE நுழைவுத்தேர்வு எழுதிய மாணவர்கள் அந்த நுழைவுத்தேர்வில் ஓர் இடமும் (Rank) +2 பொதுத் தேர்வில் 60% பெற்றிருக்க வேண்டியது அவசியம். இக்கல்வி நிறுவனமானது போபால்,கொல்கட்டா, பூனே,மொஹாலி மற்றும் திருவனந்தபுரத்தில் அமைந்து இருக்கிறது. இப்படிப்பில் சேர விரும்பும் மாணவர்கள் கட்டாயமாக் அங்கு தங்கியே படிக்க வேண்டும் அது அவர்களின் சாபக் கேடு!இப்படிப்பை முடித்த பிறகு உங்கள் கையில் இரண்டு பட்டமும் ஓர் ஆராய்ச்சி நிறுவனத்தில் வேலையும் இருக்கும் மற்றும் பல விவரங்கள் கீழே உள்ள இணைப்பிலும்,படத்திலும் இருக்கிறது.

http://www.iiser-admissions.in/

மேலும் சில சந்தேகங்கள் இருந்தால் இதனை சொடுக்கவும் --->

http://www.iiser-admissions.in/faq.php

TNAU -Coimbatore (Tamilnadu Agricultural University) :-

விவசாயத்தின் பயன் அனைவருக்கும் தெரியும் என்று நினைக்கிறேன் மற்றும் இதனை நம்பியே நம் எதிர்காலம் இருக்கிறது என்று தெரிந்ததாலும் அதனை நாம் விரும்பி எடுப்பதில்லை! அதனாலேயே இந்த கல்வி நிறுவனத்தில் சேர்வதற்கு அதிக பதிப்பென்கள் தேவைப்படுவதில்லை.+2-வில் கணிசமான பதிப்பென்கள் எடுப்பவர்கள் இந்த கல்வி நிறுவனத்தில் தாராளமாக சேரலாம்!

http://www.tnau.ac.in/

http://www.tnau.ac.in/ugadmi/admi/apply.html

+2 பொதுத் தேர்வில் அதிக பதிப்பெண்கள் பெற முடிய வில்லையே என்று எம்மை போன்ற மாணவர்கள் யாரும் வருத்தப் பட தேவை இல்லை ஏன் என்றால் என்னை பொறுத்த மட்டில் இது பொதுத் தேர்வு அல்ல மனபாடத் தேர்வு (அப்படின்னு மனச தேத்திக்கணும்) மேலும் அதிக மதிப்பெண்கள் பெற்றவர்கள் யாரும் அலட்டிக் கொள்ளவும் தேவையில்லை!

I'M BACK......!

noreply@blogger.com (CP) — Mon, 02 Apr 2012 17:20:00 +0000

ஒரு வழியாக திக்கித் தடுமாறி இந்த +2 பொதுத் தேர்வை முடித்து விட்டு வீட்டில் நிம்மதியாக இருக்கிறேன். இனி யாரும் என்னை உட்கார்ந்து படி! என்று கூற முடியாது அதனால் மிகவும் சந்தோஷமாக இருக்கிறேன் :) இருந்தாலும் இந்த தேர்வை நான் சிறப்பாக எழுதவில்லை என்று சில! சில! நேரத்தில் வருத்தம் தருகிறது(அது ஏனோ தூங்கும் போது மட்டும் வருகிறேது ). எது எப்படியோ நான் இப்பொழுது முழுவதுமாக சுதந்திரமாக உணருகிறேன் (சில நாட்களுக்கு மட்டும்) எனவே இந்த நாள் முதல் என் பதிவுகள் தொடரும் என்றும் அறிவித்துக் கொள்கிறேன்!

சோக்கா போடு சட்டைய! (நெருப்பு நரிக்கு மட்டும்) :-

noreply@blogger.com (CP) — Wed, 13 Jul 2011 14:18:00 +0000

Personas for firefox :-

நான் பார்த்த வரை அதிக நபர்கள் நெருப்பு நரியை (Firefox) மட்டுமே உபயோக்கிக்கிரார்கள். அதற்கு காரணம் மற்ற உலாவிகளை விட இது நிறைய வசதிகளை பெற்றுள்ளதுதான்! சரி இப்பொழுது விசயத்திற்கு வருவோம்.

நான் இப்பொழுது கூறப்போகும் தளமானது உங்கள் நெருப்பு நரியை மாற்றி அமைக்கும்.அதாவது உங்களுக்கு பிடித்த நடிகர்கள், நடிகைகள், இயற்கை காட்சிகள் என எதை வேண்டுமானாலும் உங்கள் நெருப்பு நரிக்கு உடுத்திக் கொள்ளலாம். இது நெருப்பு நரியை மேலும் கவர்ச்சியாக்கும். இதனை நிறுவுவதும் மிக சுலபம்.

http://www.getpersonas.com/

கவனிக்க:- நாம் பொதுவாக நெருப்பு நரிக்கு உடுத்தும் சட்டையானது நெருப்பு நரியின் பொத்தான்,நாடா (tab) என அனைத்தையும் மாற்றி விடும். ஆனால் இந்த வகையான சட்டையானது (theme) உலாவியில் உள்ள எதையும் மாற்றாமல் உலாவியின் பின் புறத்தில் ஒரு புதிய பொலிவினை தரும் (உதாரணத்திற்கு மேலே உள்ள படத்தை பார்க்கவும்).

ஜில்லா விட்டு ஜில்லா வந்த.......! (சில பிரச்சனைக்கு தீர்வு!)

noreply@blogger.com (CP) — Thu, 26 May 2011 11:48:00 +0000

Audio and subtitle synchronization in VLC :-

இன்று நான் ஒரு ஒளித்தோற்றத்தை (video) கடினப்பட்டு தரவிறக்கம் செய்தேன் அது வேறு ஒன்றும் இல்லை ஈசன் படத்தில் வரும் ஜில்லா விட்டு..... என்னும் பாட்டுத்தான்.அதில் நடனக்கலை நன்றாக உள்ளதே என எண்ணி உயர்ந்த தரத்தில் தரவிறக்கம் செய்தேன். சில நிமிடங்களுக்கு பிறகு தரவிறக்கம் செய்த ஒளித்தோற்றத்தை திறந்து பார்த்தேன். பார்த்த எனக்கு கணினியை நொறுக்கும் அளவிற்கு கோபம் வந்தது, காரணம் அப்பாட்டில் இசைத்த ஒளியானது பாட்டிற்கு சம்பந்தம் இல்லாமல் தனியாக கேட்டதுதான்! சரி என்ன செய்வது என எண்ணி இதற்கான விடையை கண்டறிய கூகுளை நாடினேன். எப்படியோ திக்கித் திணறி தத்தளித்து விடையை கண்டறிந்தேன்.

அதனை செயல்படுத்தி பார்த்த போது நல்ல பலன் கிட்டியது.

இப்பொழுது அதனை எப்படி சரி செய்வது என கூறுகிறேன் (இது VLC ஊடக இயக்கிக்கு மட்டும் பொருந்தும்).

முதலில் அந்த ஒளித்தோற்றத்தை VLC ஊடக இயக்கியில் திறந்து வையுங்கள். பிறகு Tools --> Track synchronization --> Advance of audio over video சென்று நான் சொல்வது போல மாற்றுங்கள்.

உங்கள் ஒளித்தோற்றம் முதலில் ஒலி எழுப்பினால் அதாவது அங்கு நிகழும் அசைவுக்கு முன்பு ஒலி எழுப்பினால் மேல் பொத்தானை அழுத்தவும் அல்லது இதற்கு நேர் மாறாக வந்தால் கீழே உள்ள பொத்தானை அழுத்தவும் (அது சரியாகும் வரை அழுத்தவும்).

சில நேரங்களில் நாம் படம் பார்க்கும் போது துனைமொழியானது (subtitle) அவர்கள் பேசிய பிறகு பொறுமையாக வரும் அதனை நீங்கள் கீழே உள்ள subtitles/video என்னும் பிரிவில் சரி செய்து கொள்ளலாம்.

டிவிட்டர் பறவை பறக்கும் நிரல் இப்பொழுது வெவ்வேறு நிறங்களில் ப்ளாகருக்காக :-

noreply@blogger.com (CP) — Tue, 19 Apr 2011 16:31:00 +0000

Twitter bird flying widget for blogger in different colours :-

-----------------------------
இந்த நிரலை யார் வடிவமைத்தார்கள் என்று எனக்கு தெரியவில்லை. ஆனால் இதனை நான் இந்த வலைப்பூவில் கண்டறிந்தேன்
http://vandhemadharam.blogspot.com/2011/04/blog-post.html மற்ற சில தளங்களிலும்.மேலும் இந்த Javascript குறியீடுகளை திருத்த எனக்கு உரிமை இருக்கிறது என எண்ணி இதனை நான் உங்களுக்கு பல நிறங்களில் மாற்றினேன்!
---------------------

இந்த நிரல் மிகவும் வித்தியாசமானது. வாசகர்களை கவர்ந்து இழுக்கக்கூடியது. இதனை நீங்கள் உங்கள் வலைப்பூவில் இணைத்தால் முகப்பு பக்கத்தை தவிர மற்ற பக்கம் அதாவது பதிவுகள் எழுதிய பக்கங்களில் இந்த டிவிட்டர் பறவையானது வாசகர்கள் எங்கெல்லாம் செல்கிறார்களோ (உங்கள் பக்கத்தில் மட்டும்) அங்கெல்லாம் பறந்தது வந்து நிற்கும். அதனை சொடுக்கினால் Tweet this மற்றும் Follow me என்று காட்டும்.இதனால் உங்களுக்கு டிவிட்டரில் பலர் பின்தொடரவும்,டுவீட் செய்யவும் அதிக வாய்ப்பு உண்டு.

இப்பொழுது இதனை எப்படி நிறுவுவது என்று பார்ப்போம்.

1. முதலில் blogger.com செல்லவும்.

2. அதன் பிறகு Design --> Edit HTML செல்லவும்.
கவனிக்க:- இதனை செய்வதற்கு முன்பு Download full template என்பதனை சொடுக்கி ஒரு தற்காப்பிற்காக பலகைகையை சேகரித்து வைத்துக் கொள்ளவும்.

3. அங்கு சென்று </body> என்பதனை தேடவும். (Ctrl + F அழுத்தி தேடவும்)

4. அதன் பிறகு கீழே உள்ள குறியீடுகளை சேகரித்து </body> என்ற குறியீட்டின் மேல் ஒட்டவும்.

இக்குறியீடு நீல நிறப் பறவைக்காக:-

<script src='http://dl.dropbox.com/u/8936154/Flying%20twitter%20bird%20for%20blogger-blue.js' type='text/javascript'>
</script>
<script type='text/javascript'>
var twitterAccount = "Your Twitter Account Name";
var tweetThisText = " <data:blog.pageTitle/>: <data:blog.url/> ";
tripleflapInit();
</script>

கவனிக்க :- மேலே உள்ள குறியீட்டில் சிகப்பு மையினால் சுட்டிக் காட்டியதில் உங்களது டிவிட்டர் கணக்கின் பெயரை கொடுங்கள்.

5. ஒட்டிய பிறகு Save template என்பதனை அழுத்தவும் அவ்வளவுதான்.

இந்த நீல நிறப் பறவை பிடிக்கவில்லை என்றால் இந்த பச்சை நிறப் பறவையை பார்க்கவும்:-

இதற்கான குறியீடு:-

<script src='http://dl.dropbox.com/u/8936154/Flying%20twitter%20bird%20for%20blogger%20-%20green.js' type='text/javascript'>
</script>
<script type='text/javascript'>
var twitterAccount = "Your Twitter Account Name";
var tweetThisText = " <data:blog.pageTitle/>: <data:blog.url/> ";
tripleflapInit();
</script>

இதுவும் பிடிக்கவில்லை என்றால் இந்த சிகப்பு நிறப் பறவையை பார்க்கவும்:-

இதற்கான குறியீடு:-

<script src='http://dl.dropbox.com/u/8936154/Flying%20twitter%20bird%20for%20blogger%20-%20red.js' type='text/javascript'>
</script>
<script type='text/javascript'>
var twitterAccount = "Your Twitter Account Name";
var tweetThisText = " <data:blog.pageTitle/>: <data:blog.url/> ";
tripleflapInit();
</script>

கடிசியாக இந்த இளஜ்சிவப்பு நிறம் உங்களுக்கு பிடிக்கும் என எண்ணி.... (முக்கியமாக பெண்களுக்கு!)

இதற்கான குறியீடு :-

<script src='http://dl.dropbox.com/u/8936154/Flying%20twitter%20bird%20for%20blogger-pink.js' type='text/javascript'>
</script>
<script type='text/javascript'>
var twitterAccount = "Your Twitter Account Name";
var tweetThisText = " <data:blog.pageTitle/>: <data:blog.url/> ";
tripleflapInit();
</script>

கவனிக்கவும் நண்பர்களே இது போன்று வெவ்வேறு நிறங்களில் நீங்கள் இணையத்தில் தேடினாலும் கிடைக்காது. இது நான் உங்களுக்கு பயன்படும் என எண்ணி , முயன்று பல வண்ணங்களில் செய்தது. உங்களுக்கு வேறு ஏதாவது நிறங்களில் அல்லது உங்கள் பலகைக்கு ஏற்றவாறு வேண்டும் என்றால் எனது மின் அஞ்சலிலோ அல்லது கீழே உள்ள கருத்துரை பெட்டியிலோ கேளுங்கள் செய்து தருகிறேன்.இதில் ஏதேனும் பிழை இருந்தாலும் கூறவும்.

you tube ஒளித்தோற்றத்தை நல்ல தரத்தில் தரவிறக்கம் செய்வது எப்படி?

noreply@blogger.com (CP) — Tue, 19 Apr 2011 05:29:00 +0000

How to download youtube videos in high qulaity :-

சுத்தி வளைக்காமல் விசயத்திற்கு வருகிறேன்.

1. முதலில் நீங்கள் பார்த்த you tube ஒளித்தோற்றத்தின் முகவரியை சேகரித்து வைத்துக் கொள்ளவும்.

2. பிறகு கீழ்கண்ட முகவரிக்கு செல்லவும்

http://keepvid.com/

3. அங்கு சென்று சேகரித்த முகவரியை url என்ற இடத்தில் ஒட்டி Download என்ற பொத்தானை அழுத்த வேண்டும்.

4. சிறிது நேரத்தில் ஓர் pop up வரும் அதில் Run என்பதனை அழுத்தவும்.

கவனிக்க :- pop up வரவில்லை என்றால் உங்கள் உலாவியின் முகவரிப் பட்டையின் கீழ் ஓர் குறஞ் செய்தி தோன்றும் அதாவது pop up-ஐ அனுமதிக்க வேண்டுமா வேண்டாமா என்று அதில் Allow pop ups என்று அழுத்தவும்.

5. கடைசியாக நீங்கள் தரவிறக்கம் செய்ய விரும்பும் ஒளித்தோற்றம் எந்த உருமாட்டில் எந்த தரத்தில் வேண்டும் என்று பட்டியளிடம். அதில் உங்களுக்கு தேவையானதை தரவிறக்கம் செய்து கொள்ளவும்.

கவனிக்க:-

இவ்வாறு நீங்கள் தரவிறக்கம் செய்ய இந்த JAVA நிரலை உங்கள் கணினியில் நிறுவ வேண்டும். அதனை தரவிறக்கம் செய்ய

http://www.java.com/getjava/

எனக்கு இந்த மாதிரி தலைவலி எல்லாம் வேண்டாம் பா! (அல்லது) நீ சொல்லறது ஒண்ணுமே புரியல! என்று கூறுபவர்கள் இந்த தளத்திற்கு சென்று தரவிறக்கம் செய்யுங்கள்:-

http://catchvideo.net/

(இத்தளம் அத்தளத்தை போல தலைவலி தராது ஆனால் தரவிறக்கம் செய்ய விரும்பும் ஒளித்தோற்றத்தை நாம் வெவ்வேறு உருமாட்டில் தரவிறக்கம் செய்ய முடியாது! )

புதிய ப்ளாகர் பலகைகள்:-

noreply@blogger.com (CP) — Fri, 08 Apr 2011 08:37:00 +0000

New blogger templates :-

Alias :-

தரவிறக்கம் செய்ய , நேரடி மாதிரி

Contare :-

தரவிறக்கம் செய்ய , நேரடி மாதிரி

Define :-

தரவிறக்கம் செய்ய , நேரடி மாதிரி

Groove :-

தரவிறக்கம் செய்ய , நேரடி மாதிரி

Innova :-

தரவிறக்கம் செய்ய , நேரடி மாதிரி

News slide :-

தரவிறக்கம் செய்ய , நேரடி மாதிரி

Pharse :-

தரவிறக்கம் செய்ய , நேரடி மாதிரி

Renown :-

தரவிறக்கம் செய்ய , நேரடி மாதிரி

Sparks :-

தரவிறக்கம் செய்ய , நேரடி மாதிரி

Spate :-

தரவிறக்கம் செய்ய , நேரடி மாதிரி

மேலும் சில ப்ளாகர் பலகைகளுக்கு இங்கே செல்லவும் :-

http://cp-in.blogspot.com/search/label/blogger%20templates

வரைகலைக்கு தொடர்பான அனைத்து பொருள்களும்...!

noreply@blogger.com (CP) — Sun, 03 Apr 2011 07:33:00 +0000

All graphics related things....!

என்னிடம் எப்பொழுதாவது சரக்கு தீர்ந்து போனால் என் அண்ணனிடம் கேட்பது வழக்கம்... சொல்லப் போனால் இங்கு இருக்கும் பெரும்பாலான மென்பொருட்கள் என் அண்ணன் என்னிடம் கூறியது. அவ்வாறு நான் எதாவது செய்தி இருக்கிறதா என கேட்டபோது ஒரு தளத்தின் முகவரியினை கொடுத்தார்.

அத்தளத்தில் வரைகலைக்கு தொடர்பான அனைத்து மென்பொருள்களும், இணைப்புகளும்,ஒளித்தோற்ற பயிற்சி, மின் புத்தகம் என அனைத்தும் இருந்தது. அது உங்களுக்கு பயன்படும் என எண்ணினேன். இதோ அந்த முகவரி

http://gfxworld.ws/

இத்தளத்தில் நீங்கள் HTML,PHP,CSC,Photoshop என அனைத்தும் மின் புத்தகம் மூலமோ அல்லது நிகழ்பட பயிற்சியின் மூலம் கற்றுத்தேறலாம். மேலும் இங்கு Wordpress பதிவர்களுக்கு தேவையான பலகைகளும், புதிதாக இணைய தளம் உருவாக்குபவர்களுக்கு தேவையான பலகைகளும், குறும்படம் (icon ), காவி வரைகலை (vector graphics ) என அனைத்தும் கிடைக்கிறது.

இத்தளத்தில் குறிப்பாக Lynda ஒளித்தோற்ற பயிற்சி நிறைய இருக்கிறது. இந்த Lynda ஒளித்தோற்ற பயிற்சி ஏறக்குறைய நாம் பயன்படுத்த கடினம் என்று நினைக்கும் அனைத்து மென்பொருளையும் சின்ன பையனுக்கு :) சொல்லித்தருவது போல சொல்லித்தரும்!

மேலும் இத்தளத்தை போன்று வேறு சில தளங்கள் உள்ளன. அதனை காண...

இப்பொழுது நீங்கள் சென்ற தளமானது, அதாவது http://www.similarsites.com/ தளமானது நீங்கள் தேடிய இணையதளம் போன்று வேறு ஏதாவது தளம் இருக்கிறதா என தேடிக் கூறும்.

இணையப் பக்கத்தை எப்படி pdf உருமாட்டில் மாற்றுவது? (நெருப்பு நரி மற்றும் கூகுள் குரோமிர்க்கு கூட்டுறுபு)

noreply@blogger.com (CP) — Wed, 30 Mar 2011 05:24:00 +0000

How to change a web page into pdf format? (Firefox addon)

நாம் இணையத்தில் உலாவும் போது சில முக்கியமான இணையப் பக்கங்களை சேகரித்து அல்லது அதனை அடையாளப்படுத்துவது (bookmark) வழக்கம். ஆனால் அவ்வாறு செய்வது நமக்கு சில சங்கடங்களை ஏற்படுத்தும். உதாரணத்திற்கு நீங்கள் அந்த பக்கத்தை சேகரிக்க விரும்பினால் சேகரித்த பக்கமானது இரண்டு கோப்புகளாக உங்கள் கணினியில் இடம்பெறும். அதில் ஒன்று தொலைந்தால் அம்பேல்! அந்த பக்கத்தை அடையாளப்படுத்த விரும்பினால், அந்த பக்கத்தை காண உலாவியை திறந்து அந்த உலாவி அந்த பக்கத்தை திறந்து நம் கண் முன் நிறுத்தும் வரை நம்மவர்க்கு பொறுமை இருக்காது. அதுவே அந்த பக்கத்தை pdf உருமாட்டில் மாற்றி கணினியில் சேகரித்து வைத்தால் நாம் எப்பொழுது வேண்டுமானாலும் அதனை படித்து கொள்ளலாம்.

அவ்வாறு செய்ய இந்த கூட்டுறுபை நீங்கள் உங்கள் நெருப்பு நரி அல்லது கூகுள் குரோம் உலாவியில் நிறுவ வேண்டும்.

http://pdfcrowd.com/save-as-pdf-addon/

இதனை நிறுவினால் உங்கள் உலாவியில் முகவரிப் பட்டைக்கு அருகில் ஓர் சிறிய படம் புதிதாக தோன்றும் (மேலே உள்ள படம் போன்று). அந்த படத்தை சொடுக்கினால் நீங்கள் மாற்ற விரும்பும் பக்கத்தை சுலபமாக pdf உருமாட்டில் மாற்றி தரும். நீங்கள் மாற்றிய பக்கம் A4 பக்க வடிவில் இருக்கும்.

இல்லை எனக்கு A7 பக்க வடிவில் தான் வேண்டும் என்று அடம்பிடிப்பவர்களுக்கு நெருப்பு நரியில் Tools --> Add-ons --> Save as pdf --> Option செல்லவும். அங்கே சென்று உங்கள் விருப்பம் போன்று மாற்றிக் கொள்ளுங்கள். அவ்வாறு மாற்ற அந்த தளத்திற்கு தனியே வெட்ட வேண்டும் (பணத்தை சொன்னேன்!).

கவனிக்க:- உங்களுக்கு இந்த கூட்டுறுபை நிறுவ விருப்பம் இல்லையென்றால் கீழ் கண்ட தளத்திற்கு தனியே சென்று அந்த இணையப் பக்கத்தின் முகவரியை சேகரித்து pdf உருமாட்டில் மாற்றி கொள்ளுங்கள்.

http://pdfcrowd.com/

(இவை அனைத்தும் இணைய இணைப்பு இருந்தால் மட்டுமே வேலை செய்யும்! )

நிரல்கள் உருமாற்றி (Format converter ) :-

noreply@blogger.com (CP) — Sun, 13 Mar 2011 06:31:00 +0000

Format Factory:-

இந்த மென்பொருள் என் நண்பன் என்னிடம் கொடுத்தது. அதனை நான் ஒரு வருடமாக பயன்படுத்தி வருகிறேன். மற்ற மென்பொருளை விட இது வேகமாக ஒரு உருமாட்டில் (Format) இருந்து மற்றொரு உருமாட்டில் மாற்றுகிறது மற்றும் இந்த மென்பொருளை வைத்துக்கொண்டு எல்லா விதமான நிரல்களையும் (பெரும்பாலானவை!) ஒரு உருமாட்டில் இருந்து மாற்றொரு உருமாட்டில் மாற்றிக்கொள்ளலாம். உதாரணத்திற்கு ஒளித்தோற்றம் (video), பாட்டு (audio), படிமம் (image), DVD-இலியிருந்து ISO, ஒளித்தோற்ற இணைப்பி (video joiner), பாட்டு இணைப்பி (audio joiner) என அனைத்தும் ஒரே மென்பொருளில் செய்து கொள்ளலாம்! பயன்படுத்துவதற்கும் எளிதாக உள்ளது.

அந்த மென்பொருளை தரவிறக்கம் செய்ய :- http://www.formatoz.com/

நிரல்களை ஒரு உருமாட்டில் இருந்து மற்றொரு உருமாட்டில் எப்படி மாற்றுவது? (கீழ்கண்ட ஒளித்தோற்றத்தை பார்க்க)

http://www.youtube.com/watch?v=MaXAJlj-l-w

http://www.youtube.com/watch?v=dZqN74sE2rs

Sandboxie...?

noreply@blogger.com (CP) — Sun, 06 Mar 2011 16:15:00 +0000

sandboxie........ அப்படி என்றால் என்ன என்பது உங்களுக்கு தெரியாது என்பது எனக்கு தெரியும் (தெரிந்தவர்கள் மேலும் படியுங்கள்:). அதனால் அதனை பற்றி ஓர் சிறிய தொடக்கம். Sandboxie என்பது ஓர் அருமையான மென்பொருள்.அது நீங்கள் நிறுவப்போகும் ஒவ்வொரு மென்பொருளையும் மற்ற நிரல்களுக்கு மற்றும் உங்கள் கணினிக்கு பாதிப்பு உண்டாக்காமல் கட்சிதமாக நிறுவ உதவும். ஒரு வேலை நீங்கள் நிறுவப் போகும் மென்பொருளில் ஏதுனும் தவறு அல்லது வைரஸ் கண்டறிந்து அது உங்கள் கணினிக்கும் மற்ற நிரல்களுக்கும் பாதிப்பு உண்டாக்கும் என்று கருதினால் இந்த மென்பொருளை வைத்து நீங்கள் விரும்பும் மென்பொருளை நிறுவுங்கள் பிரச்சனை முடிந்தது. அது மட்டும் இல்லாமல் நீங்கள் இணையத்தில் யாருக்கும் தெரியாமல் உலாவ விரும்பினால் அந்த உலாவியை இந்த மென்பொருளை கொண்டு நிறுவி சுலபமாக மற்றவர்கள் கண்களில் மண்ணை தூவிவிட்டு உலாவலாம் ! இதனால் உங்கள் கணினியும் அதில் உள்ள நிரல்களும் பத்திரமாக இருக்கும். மேலும் நீங்கள் ஒரு மென்பொருளை நிறுவினால் அதனால் சில மாற்றங்கள் கணினியில் செய்ய வேண்டிய கட்டாயம் ஏற்படும் அந்த மாற்றங்கள் மற்ற நிரல்களிலும் செயல்படும் இது போன்ற செயலினை தடுக்க இந்த மென்பொருள் மிகவும் உதவும்.இன்னும் புரியும் படி சொல்ல வேண்டுமானால் இல்லை இந்த படத்தை பார்த்தால் உங்களுக்கு புரியும் என்று நினைக்கிறேன்... (இதுக்கு மேல எனக்கு விளக்க தெரியல அவ்!)

image source :- Sandboxie.com

மேலும் விவரங்களுக்கு மற்றும் தரவிறக்கத்திற்கு (கவலைபடாதிங்க இலவசம்தான்:) :- http://www.sandboxie.com/

விண்டோஸ் நிரல்களை லினக்ஸ்ஸில் நிறுவுவது எப்படி?

noreply@blogger.com (CP) — Thu, 03 Mar 2011 10:42:00 +0000

How to install windows programs in linux?

நிறைய நபர்களுக்கு லினக்ஸ் பிடிக்காமல் விண்டோஸ் இயக்குதளத்தையே பயன்படுத்துவதற்கு முக்கிய காரணம் விண்டோஸ் நிரல்களை (program) லினக்ஸ் இயக்குதளத்தில் நிறுவ முடியாது என்பதன் காரணமாகத்தான். இதனை சரி செய்யும் வகையில் லினக்ஸ் இயக்குதளத்தில் இந்த மென்பொருளை நிறுவினால் போதுமானது! இதனை நான் பயன்படுத்தி பார்க்கும் போது மிக நன்றாக வேலை செய்தது. இதில் நான் winamp,vlc,MS office என நாம் அன்றாட விண்டோஸ் இயக்குத்தலத்தில் பயன்படுத்தும் மென்பொருளை பயன்படுத்தி பார்த்தேன் ம்ம்ம்ம்.... வேலை செய்தது ஆனால் மிகப் பெரிய மென்பொருள்கள் அதாவது வரைகலை (graphics) மிகுதியாக இருக்கும் மென்பொருள் வேலை செய்யவில்லை. மேலும் இதில் நான் நிகழ்பட விளையாட்டை நிறுவி பார்க்கவில்லை அதனால் நீங்கள் இதனை பயன்படுத்தி எனக்கு கூறுங்கள்!

இந்த மென்பொருளை உங்கள் லினக்ஸ் இயக்குதளத்தில் நிறுவ :- http://www.winehq.org/download/

கவனிக்க:- இந்த மென்பொருள் ஆப்பில் ,சொலாரிஸ் என பல இயக்குதளங்களில் வேலை செய்யும்! அதனால் இதனை வைத்து கொண்டு எந்த இயக்குதளத்திலும் விண்டோஸ் நிரல்களை நிறுவலாம்!

உங்களது வலைப்பூவை இரெண்டே வாரங்களில் பிரபலப்படுத்த, alexa தரவரிசையில் முன்னிலை வகிக்க சில வழிகள்:-

noreply@blogger.com (CP) — Tue, 30 Nov 2010 16:51:00 +0000

How to make your blog popular in two weeks?

இது மிகவும் எளிது (நீங்கள் நினைத்தால்!).
1 . முதலில் நீங்கள் தொடங்க இருக்கும் வலைப்பூவை சரியாக திட்டமிட வேண்டும். உதாரணத்திற்கு நீங்கள் தொழில்நுட்பம் பற்றி எழுத வேண்டும் என்றால் அதனை மட்டுமே எழுதுங்கள் வீணாக அதில் வெட்டிக் கதை பேச வேண்டாம்.

2 . உங்கள் வலைப்பூவின் முகவரியை தேர்ந்தெடுப்பதில் நீங்கள் மிக கவனமாக இருக்க வேண்டும். உதாரணத்திற்கு என் வலைப்பூவின் முகவரியை இப்படி வைத்தால் chinnapaiyan.blogspot.com வாசகர்களுக்கு சிறிது கடினாமாக இருக்கும். அதனால் அதனை அப்படியே சுருக்கி cp என்று வைத்தேன்! அதனால் நீங்கள் உங்கள் முகவரியை தேர்ந்தெடுப்பதில் மிக கவனமாக இருக்க வேண்டும். மேலும் வலைப்பூவின் தலைப்பு மிக முக்கியமானது எனவே அதனை நறுக்கென்று நாலு வார்த்தையில் முடிக்க வேண்டும். அப்படி இருந்தால் தான் கூகுள் தேடலில் முன் வர முடியும்.
(இதனையும் படிங்கள் http://cp-in.blogspot.com/2010/06/how-to-make-your-blog-good-at-google.html )

3 . நீங்கள் தேர்ந்தெடுக்கும் பலகை மிக எளிமையாக இருக்க வேண்டும். கண்ணுக்கு குளிர்ச்சி தரும் வகையில் பலகையின் வண்ணம் இருந்தால் வாசகர்களுக்கு தலை வலி வராமல் இருக்கும். உதாரணத்திற்கு பச்சை நிறத்தை உபயோகப் படுத்துங்கள். மேலும் முக்கியமானது வலைப்பூவில் குறிப்பிட்ட,தேவையான நிரல்களை மட்டும் சேர்த்துக்கொள்ளுங்கள். இதனால் உங்களது வலைப்பூவின் வேகம் (loading time) அதிகரிக்கும். அதை விட்டுவிட்டு வலைப்பூவில் ஒலிவலை (radio ), மினு மினுக்கும் இணைப்பு ஆகியவற்றை அதிகம் சேர்க்க வேண்டாம். இது உங்களுக்கு பார்க்க நன்றாக இருக்கும். சில‌ வாசகர்களுக்கும் பிடிக்கும் ஆனால் பெரும்பாலான வாசகர்களுக்கு பிடிக்காது. மேலும் இறக்கமும் (loading) தாமதமாகும்.
(இதனையும் படிக்க http://cp-in.blogspot.com/2010/04/blog-post_21.html )

4 . சரி,இப்பொழுது வலைப்பூ நீங்கள் பதிவெழுத தயாராகி விட்டது. அனைவரும் கூறுவது போல உங்கள் பதிவுகள் தரமானதாகவும், சுடாத பழமாகவும் இருக்க வேண்டும் [சுட்ட பழத்தை பற்றி கூறுவதாக இருந்தால், அதைப்பற்றிய கருத்துரையை(opinion) உரைக்கலாம்.சுட்ட பழத்தை மேற்கோள்(reference) காட்டவும் மறந்துவிடாதீர்].. அதில் நீங்கள் ஒவ்வொரு பதிவுக்கும் இடும் தலைப்பு மிக முக்கிய மானது. நீங்கள் இடும் தலைப்பு ஆங்கிலத்திலும் மற்றும் தமிழிலும் தனித் தனியாக இருந்தால் நல்லது. உதாரணத்திற்கு இந்த பதிவையே எடுத்துக் கொள்ளுங்கள். (மேலே தலைப்பை பார்க்கவும்)

5 . நீங்கள் பதிவு எழுதி முடித்து விட்டீர் அதனை அப்படியே வலைப்பூவில் போடாமல் ஒன்று,இரண்டு முறை நீங்களே படித்து பாருங்கள். அப்பொழுது நீங்கள் அதில் உள்ள எழுத்துப்பிழையை கண்டறியலாம். முடிந்தவரை ஆங்கிலம் கலக்காத தூய தமிழில் எழுத பழகுங்கள். இது நம் தாய் மொழியான தமிழுக்கு செய்ய வேண்டிய பெருங் கடமை. உங்களுக்கு ஒரு சில ஆங்கில வாரத்தைகளுக்கு தமிழ் அர்த்தம் தெரியவில்லை என்றால் நீங்களே அதற்கான தமிழ் அர்த்தத்தை உருவாக்குங்கள்.
(இதனையும் படிக்க http://cp-in.blogspot.com/2010/04/blog-post_24.html )

6 . பதிவினை வலைப்பூவில் எழுதி விட்டோம் ஆனால் அதற்கு கருத்து ஒன்று கூட வரவில்லை என்று கவலைப்படாதீர். ஏன் என்றால் நீங்கள் வலைப்பூ ஒன்றை ஆரம்பித்து விட்டீர்! என்று இந்த உலகத்துக்கு தெரியாது. அதானால் உங்களது பதிவுகளை சில திரட்டிகளை இணைக்க வேண்டும். அதனை எப்படி செய்வது என்று இங்கு பாருங்கள் http://tvs50.blogspot.com/2009/05/tamil-blog-traffic-source.html மற்றும் http://tvs50.blogspot.com/2009/06/guide-to-use-feedburner-in-blogger.html . மேலும் இதோடு விட்டு விடாமல் பேஸ்புக்,ஆர்குட்,டிவிட்டர் என அனைத்து சமூக வலைத்தளங்களிலும் உங்களது இடுகையை நண்பர்களிடம் பகிர்ந்துக் கொள்ளுங்கள். உங்களது வலைப்பூவுக்கு என்றே தனியே ஒரு சமூக வலைத்தளைத்தில் கணக்கை உருவாக்கினாலும் நல்லது.

7 . இதன் பிறகு நீங்கள் இடைவிடாமல் வாரத்திற்கு மூன்று அல்லது இரண்டு இடுகைகள் எழுதினால் உங்களது தரம் அலெக்ஸ்சியாவில் எகிறி விடும். Alexa தரவரிசையில் நிலைத்து நிற்க இது சிறந்த வழி. மேலும் நீங்கள் அவர்கள் தரும் நிரலை உங்கள் வலைப்பூவில் வைத்து, அவர்களது கருவிப்பட்டை உங்களது உலாவியில் நிறுவி, நண்பர்களை கொண்டு உங்களது வலைப்பூவை பற்றி சிறு குறிப்பு வரைந்தால் உங்களது வலைப்பூ அலெக்ஸ்சியாவில் ஓஹோ என தரம் எகிறி விடும்.

8 . இதன் பிறகு பிற வலைப்பூக்களுக்கு சென்று நீங்கள் அவர்களை உற்சாகப் படுத்த வேண்டும். உற்சாகம் குறையாமல் பதிவெழுத வேண்டும்.

9 . நீங்கள் பெரிய பதிவராகி விட்டீர் ஆனாலும் கூகுள் தேடலில் சிறந்து விளங்க முடியவில்லை என்று வருத்தப்படுவோர் இங்கு அதிகம். அதற்கு காரணம் அவர்கள் கூகிளைப் பற்றி நன்கு அறியவில்லை என்று பொருள். எனவே அவ்வாறு சிறந்து விளங்க வைக்க கீழே உள்ள சில பதிவுகளை படியுங்கள்
http://bloggerstop.net/2008/09/blogger-help.html

10 .கடைசியாக உங்களது பதிவுகளை யாரும் திருடாமல் இருக்க காப்புரிமை பெறுவது நல்லது.

இப்பொழுது நீங்கள் அனைத்தும் கற்று விட்டீர் அதனால் இதனை அப்படியே உபயோக்கித்துப் பாருங்கள். உங்களது வலைப்பூ இரெண்டே வாரங்களில் பிரபலமாகிவிடும். அலெக்ஸ்சியா தரவரிசையிலும் சிறந்து விளங்க முடியும்! வாழ்த்துக்கள்!

நமக்கு தேவையான கோப்புகளை குறுவட்டு இயக்கியில் (cd-player) படிப்பது எப்படி?

noreply@blogger.com (CP) — Sun, 28 Nov 2010 10:44:00 +0000

How to read all type of documents in a cd-player?

என் அண்ணன் ஒரு ஆசிரியர் போல (ஆனால் ஆசிரியர் அல்ல!). அவர் தனது மாணவர்களுக்கு சில புத்தகங்களை இணையத்தில் தரவிறக்கம் செய்து தருவார். அவ்வாறு அவர் தரும்போது ஒரு மாணவன் "என் வீட்டில் கணினி இல்லை" என்று கூற உடனே ஒரு மென்பொருள் இணையத்தில் தேடிக் கொடுத்து என் அண்ணன் உதவினார் (ரொம்ப நல்லவருங்க). அதை அப்படியே எனக்கும் சொன்னார் அதனை நான் இங்கு உங்களுக்கு கூறுகிறேன்! :)

(கீழ்கண்ட மென்பொருள் உங்கள் கோப்புகளை ஒரு படமாக மாற்றிவிடும்,அதனால் நீங்கள் எளிமையாக குறுவட்டு இயக்கியில் படிக்கலாம்)
முதலில் இந்த மென்பொருளை தரவிறக்கம் செய்யுங்கள் http://www.geardownload.com/system/imageprinter-free-download.html
பிறகு அதனை கணினியில் நிறுவுங்கள். நிறுவிய பிறகு உங்கள் கணினியின் முகப்பு பக்கம் சென்று பாருங்கள் அங்கு

இது போன்ற குறுக்கு வழி குறும் படம் (icon) இருக்கும். அதனை சொடுக்கி உங்களின் விருப்பம் போல அமைத்து கொள்ளுங்கள். அதில் SYSTEM என்ற தத்தலில் (Tab ) OUTPUT FOLDER என்ற இடத்தில் நீங்கள் படமாக மாற்றிய கோப்பை எங்கு சேமிக்க வேண்டும் என்று குறிப்பிடுங்கள். FILE FORMAT என்ற தத்தலில் இவ்வாறு செய்யுங்கள்.

இவ்வாறு .jpg வடிவில் கோப்புகளை மாற்றுவதால் அதன் தரம் மாறாமல் அதனின் அளவும் சிரியாதாக இருக்கும். Quality of compression என்ற இடத்தில் உங்களின் தொலைகாட்சி பெட்டியின் அளவிற்கு ஏற்றவாறு வைத்துக்கொள்ளவும்.சரி இப்பொழுது உங்கள் கோப்புகளை எப்படி குறுவட்டு இயக்கியில் காண வைப்பது என்பதனை பார்ப்போம்!
இதற்கு நீங்கள் மாற்ற விரும்பும் கோப்பை ஒரு சன்னலில் திறக்க வேண்டும். திறந்த பிறகு Ctrl + P அழுத்தவும்,அதில்

NAME என்ற இடத்தில் Image Printer என்று சொடுக்கி OK அழுத்தவும். இப்பொழுது நீங்கள் OUTPUT FOLDER என்ற இடத்தில் குறிப்பிட்ட முகவரியில் சென்று பாருங்கள்! அங்கு நீங்கள் விரும்பிய அனைத்து கோப்பும் .jpg என்ற வடிவில் மாறி இருக்கும்.அதனை அப்படியே உங்கள் குறுவட்டில் சேகரித்து குறுவட்டு இயக்கியில் பாருங்கள்! மேலும் இதனை நான் உபயோகப் படுத்தி பார்த்ததில் POWER POINT கோப்பு மட்டும் படமாக மாறவில்லை மற்ற எல்லா கோப்புகளும் மாறுகிறது. மேலும் இந்த மென்பொருள் .pdf கோப்பாகவும் மாற்றுகிறது! இதனை நீங்கள் நேரலையில் கூட செய்யலாம் http://www.convertpdftoimage.com/ . இதில் ஏதேனும் குறைகள் உங்களுக்கு தென்பட்டால் கருத்துரை மூலம் தெரிவிக்கவும்.

திரைப்படங்களுக்கு துணை மொழியை சேர்ப்பது எப்படி?

noreply@blogger.com (CP) — Wed, 17 Nov 2010 13:46:00 +0000

How to add subtitles for movies?

பொதுவாக நாம் ஆங்கிலப் படங்களை பார்க்க ஆர்வம் காட்டுவது உண்டு. ஆனால் சில நேரங்களில் அவர்கள் என்ன சொல்லுகிறார்கள் என்றே புரியாது! அதற்கு உதவியாக அந்த படத்திற்கு துணை மொழி ஒன்று இருந்தால் நமக்கு நன்றாக புரியும். சரி நண்பா இதெல்லாம் எப்படி அந்த படத்திற்கு கொண்டு வருவது? என்று யோசிப்பீர்கள் அதற்கான விடை இதோ, கூகிளில் சென்று இவ்வாறு தட்டச்சவும்

movie name english subtitle srt

இதில் movie name என்ற இடத்தில் அந்த படத்தின் பெயரை குறிப்பிடுங்கள். இதில் srt என்பது அந்த கோப்பின் வடிவம் (format). பிறகு அதனை தரவிறக்கம் செய்து உங்களது கணினியில் வைக்கவும். VLC ஊடக இயக்கியை (media player) பயன்படுத்தி படத்தை பார்க்கவும் அதே சமயத்தில் அந்த துணை மொழி கோப்பை இழுத்து ஊடக இயக்கியில் போடா மறந்து விடாதீர்!! மற்றும் நீங்கள் இதற்கு minilyrics மென்பொருளையும் பயன்படுத்தலாம். சில நேரங்களில் நீங்கள் தரவிறக்கம் செய்த துனைமொழியானது படத்திற்கு சம்பந்தம் இல்லமால் ஓடிக்கொண்டிருக்கும் அதனால் நீங்கள் பார்க்கும் படத்தின் கோப்புப் பெயர் எப்படி இருக்கிறதோ அதே போன்று கூகளில் தட்டச்சி தேட வேண்டும். தரவிறக்கம் செய்த அந்த கோப்பை படத்தின் பக்கத்திலயே ஒட்டவும் மறந்து விடாதீர்!

துணை மொழியை தரவிறக்கம் செய்ய சில தளங்கள்:-

http://www.opensubtitles.org/en

http://www.moviesubtitles.org/

உங்களுடைய பேஸ்புக் கணக்கை மற்றவர்களிடம் சுலபமாக பகிர்ந்துக்கொள்வது எப்படி?

noreply@blogger.com (CP) — Sun, 22 Aug 2010 13:45:00 +0000

How to share your facebook profile easily to others?

அவரவர் வீட்டில் இணைய இணைப்பு இருக்கிறதோ? இல்லையோ? ஆனால் அவர்களிடத்தில் பேஸ்புக் கணக்கு மட்டும் நிச்சயமாக இருக்கும். ஒரு ஐந்து வயது சிறுவனிடத்திலும் பேஸ்புக் கணக்கு இருக்கிறது. மூன்று வருடங்களுக்கு முன்பு சென்று பார்த்தால் கூகுளின் ஆர்குட் தான் மிக மிக பிரபலமாக இருந்தது ஆனால் இப்பொழுது அது தலைகீழாக மாறிவிட்டது. அமெரிக்காவில் பேஸ்புக் கூகுளை முந்திவிட்டது! என்றெல்லாம் தகவல் வந்தது அந்த அளவிற்கு பேஸ்புக் காய்ச்சல் பரவியுள்ளது.சரி இப்பொழுது விசயத்திற்கு வருவோம்.
பொதுவாக நம் பேஸ்புக் கணக்கின் முகவரி இப்படி இருக்கும்
http://facebook.com/123455669854537.
இதுவே அந்த முகவரி இப்படி இருந்தால் http://www.facebook.com/cpimran மற்றவர்களிடம் பகிர்ந்துக்கொள்ள எவ்வளவு வசதியாக இருக்கும்!

இதை எப்படி செய்வது என்ற குழப்பம் உங்கள் மனதில் எழும். அந்த குழப்பத்தை போக்கவே இந்த பதிவு.

1.முதலில் உங்கள் பேஸ்புக் கணக்கை திறக்க வேண்டும். பிறகு ACCOUNT ---> ACCOUNT SETTINGS செல்ல வேண்டும்.

2.அங்கு சென்று USERNAME என்ற இடத்தில் CHANGE என்பதை சொடுக்கவும்.

3. பிறகு உங்கள் தொலைப் பேசி எண் கேட்கும் அதனை ஒப்படைத்து அது கூறும் வழிமுறையின்படி செய்யவும்,அவ்வளவுதான்!

கடினப்பட்டு விளையாடிய நிகழ்பட விளையாட்டை மீட்பது எப்படி?

noreply@blogger.com (CP) — Thu, 05 Aug 2010 16:44:00 +0000

How to restore the played games?

என் நண்பன் ஒருவன் ஒரு நிகழ்பட விளையாட்டை ஆர்வமாக விளையாடிக் கொண்டிருந்தான். அப்பொழுது அவன் தன் கணினியில் நிறுவி இருந்தது Windows xp, சில காரணங்களால் அவனது அண்ணன் Windows 7 நிறுவப்போவதாக கூறினான். ஆனால் அவனுக்கோ இவ்வாறு நிறுவினால் தான் கடினப்பட்டு விளையாடிய நிகழ்பட விளையாட்டு அழிந்து விடுமோ? என அஞ்சினான் அதனால் Windows 7-ஐ நிறுவ மறுத்தான். அச்சமயத்தில் எனது இன்னொரு நண்பன் "கவலைப்படாதே என்று கூறி,இதுவரை அவன் விளையாடி முடித்த நிகழ்பட விளையாட்டின் கோப்பை (அது என்ன கோப்பு என்பதை கீழே கூறுகிறேன்) எடுத்து தனது கைவட்டில் (pendrive) சேகரித்தான். Windows 7 நிறுவிய பிறகு அந்த நிகழ்பட விளையாட்டை திரும்பவும் என் நண்பன் நிறுவினான். அதன் பிறகு தன் கைவட்டில் சேகரித்த கோப்பையை அவனது கணினியில் ஒட்டினான், ஆச்சர்யம் அவன் இதுவரை விளையாடி இருந்த நிகழ்பட விளையாட்டு அழியாமல் அப்படியே இருந்தது.

சரி, இப்பொழுது அது எப்படி அழியாமல் இருந்தது என்று பார்ப்போம் :-

பொதுவாக நாம் இதுவரை விளையாடி முடித்த நிகழ்பட விளையாட்டு அனைத்தும் My documents-யில்அந்த நிகழ்பட விளையாட்டின் பெயரைக் கொண்டு ஒரு கோப்பு இருக்கும் அல்லது நீங்கள் அந்த நிகழ்பட விளையாட்டை நிறுவிய இடத்தில் Profiles /saved games என்ற கோப்பில் இருக்கும். பிறகு அதனை தனியே உங்களது கைவட்டில் சேகரித்து வைக்க வேண்டும்.
அடுத்த முறை நீங்கள் அதனை நிறுவும் போது கைவட்டில் சேகரித்து வைத்திருந்த கோப்பை எங்கே சேகரித்தீர்களோ அங்கேயே ஒட்டவும். அவ்வளவுதான் வேலை முடிந்தது:)

தரமான புதிய பாடல்களை (320kbps) தரவிறக்கம் செய்வது எப்படி?

noreply@blogger.com (CP) — Fri, 30 Jul 2010 13:02:00 +0000

How to download high quality songs?

புதிய பாடல்களை தரமான இசையில் தரவிறக்கம் செய்வது மிகவும் எளிது. ஆனால் அது கூகுளில் தேடுவதை பொறுத்தே அமையும். உதாரணத்திற்கு நீங்கள் நான் மகான் அல்ல பாடல்களை தரவிறக்கம் செய்ய விரும்பினால் இவ்வாறு தட்டச்ச வேண்டும் naan mahaan alla 320kbps vbr இவ்வாறு தட்டச்சினால் தான் நீங்கள் தரமான இசையை தரவிறக்க செய்ய முடியும். அதாவது முதலில் நீங்கள் தேட விரும்பும் பாடலின் படம் பெயர் அல்லது வெறும் பாடலின் பெயர் பிறகு 320kbps கடைசியில் vbr அவ்வளவுதான்.

சரி, இப்பொழுது அந்த 320kbps என்றால் என்ன? என்பதை பார்க்கலாம்:-

Kbps என்றால் kilo bits per second என்று அர்த்தம். அதாவது ஒரு பாட்டை தரம் பிரிப்பது ஆகும். உதாரணத்திற்கு பெரும்பாலான பாட்டுக்கள் 128kbps அளவில் இருக்கும். அவை யாவும் 4 அல்லது 5mb கணக்கில் காணப்படும். இதுவே அது 320kbps அளவில் இருந்தால் அது எட்டு முதல் பதினைந்து mb-யில் காணப்படும்.ஆனால் ஒரு பாட்டுக்கு இவ்வளவு இடமா? என்ற கேள்வி உங்களிடத்தில் எழும் அதனால் தான் நான் உங்களை கூகிளில் vbr (various bit rate) என்று தேடச்சொன்னேன்! இவ்வாறு தேடுவதால் ஒரு பாடல் ஆறு mb-யில் முடிவடைந்துவிடும்.

மேலும் நீங்கள் கீழ்கண்ட தளங்களில் கூட தரவிறக்கம் செய்துக்கொள்ளலாம்:-

http://rapidraja.blogspot.com/(தமிழ்,ஆங்கிலம்,ஹிந்தி பாடலுக்கு)

http://zone4movies.blogspot.com/("")

www.songs.pk (ஹிந்தி பாடலுக்கு)

Www.djluv.in (ஹிந்தி பாடலுக்கு)

www.tamilwire.com (தமிழ் பாடலுக்கு)

Www.techsatish.com (தமிழ்,ஆங்கிலம்,ஹிந்தி பாடலுக்கு)

Www.aimini.net (ஆங்கில பாடலுக்கு)

ப்ளாகரில் நேரடி தரவிறக்கம் செய்வது எப்படி? மற்றும் ஓர் இலவச ப்ளாகர் பலகை:-

noreply@blogger.com (CP) — Thu, 15 Jul 2010 14:50:00 +0000

Direct download in blogger!

அது என்ன நேரடி தரவிறக்கம்?
நாம் எப்பொழுதும் ஒரு கோப்பை அல்லது ஒரு பாட்டை மற்றவர்களுடன் பகிர்ந்துகொள்ள box.net,Zshare என பல தளங்களில் சென்று நாம் பகிர விரும்பும் கோப்புகளை மேலேற்றி பிறகு அதன் தரவிறக்க முகவரியை சேகரித்து அனைவரிடமும் பகிர்ந்துக்கொள்வோம். பிறகு அந்த கோப்பினை ஒருவர் தரவிறக்கம் செய்ய அந்த தளத்திற்கு சென்று முப்பது அல்லது அறுவது நிமிடங்கள் வரை காத்திருந்து தரவிறக்கம் செய்ய வேண்டும். அதனால் வாசகர்கள் தரவிறக்கம் செய்யவே சோம்பேறித்தனம் படுவார்கள். இதுவே அந்த கோப்பு ஒரே சொடுக்கில் உங்களது வலைப்பூவில் இருந்துக்கொண்டே தரவிறக்கம் செய்தால் எவ்வளவு வசதியாக இருக்கும். அதற்காகத்தான் இந்த பதிவு.

முதல் படி :- இதற்கு நீங்கள் ஒரு மென்பொருளை தரவிறக்கம் செய்ய வேண்டும். பிறகு அதனை உங்கள் கணினியில் நிறுவ வேண்டும்.
தரவிறக்கம் செய்ய:- https://www.dropbox.com/

இரெண்டாம் படி :- அவ்வாறு நிறுவும் போது ஒரு கணக்கை உருவாக்குமாறு கேட்கும். நீங்களும் அதற்கு சரி என்று சொல்லி உருவாக்க வேண்டும்.

விளக்கம்:- அட! என்னடா இவன் இதை உருவாக்கணும் இதை தரவிறக்கம் செய்யணும் என்று தொல்லைக் கொடுக்கிறான் என்று நீங்கள் மனதில் திட்டுவது எனக்கு கேட்கிறது. அதனால் நான் விசயத்திற்கு வருகிறேன்.
இந்த மென்பொருள் உங்களுக்கு மிக மிக பயன்படும். ஏன் என்றால் இதில் நீங்கள் பகிர விரும்பும் கோப்பையை உங்களது கணினியின் மூலமாக இணையத்திற்கு மேலேற்றலாம். இதற்கு நீங்கள் அந்த தளத்திற்கு தனியே சென்று மேலேற்ற அவசியம் இல்லை மற்றும் இது 2GB வரை இடம் அளிக்கிறது அதுவும் நேரடி தரவிறக்க முகவரியோடு (புரியவில்லை என்றால் படிப்பத்தை தொடரவும் அப்பொழுதான் புரியும்).

மூன்றாம் படி :- கணக்கை உருவாக்கி அந்த மென்பொருள் முழுவதுமாக நிறுவிய பிறகு நீங்கள் பகிர விரும்பும் கோப்பை சேகரிக்கவும். உங்கள் கணினியின் முகப்பில் உள்ள Dropbox குறுக்கு வழி குறும்படத்தை அழுத்தவும்.பிறகு நீங்கள் சேகரித்த கோப்பையை Public என்ற கோப்பில் ஒட்டவும். இப்பொழுது நீங்கள் பகிர விரும்பும் கோப்பை உங்களது கணினியில் இருந்துக் கொண்டே இணையத்திற்கு மேலேற்றி விட்டீர்கள்.

நான்காம் படி :- இதன் பிறகு உங்கள் உலாவியில் (browser) சென்று https://www.dropbox.com/
என்று தட்டவும். அங்கு உங்கள் கணக்கை திறந்து உள்ளே செல்லவும். நீங்கள் பகிர்ந்த கோப்பு public என்ற கோப்பில் இருக்கும்.ஆதலால் File-->Public என்ற கோப்பை அழுத்தவும். இப்பொழுது நீங்கள் பகிர்ந்த கோப்பின் நேரடி முகவரியை சேகரித்துக் கொள்ளுங்கள்.

ஐந்தாம் படி :- சேகரித்த கோப்பை உங்களது வலைப்பூவில் ஒரு முகவரியாக வெளியிடவும். வாசகர்கள் அதனை தரவிறக்கம் செய்ய வெறும் அந்த முகவரியை மட்டும் அழுத்தினால் போதும்! (எப்பூடி! :)

ஓர் இலவச ப்ளாகர் பலகை :-

நேரடி மாதிரி.

தரவிறக்கம் செய்ய.

ப்ளாகரில் வாசகர் பக்கம் மற்றும் தொடர்புக்கொள்க பக்கத்தை இணைப்பது எப்படி?

noreply@blogger.com (CP) — Sun, 04 Jul 2010 10:11:00 +0000

How to add forms and guest book in blogger?

கடந்த ஒரு வாரமாக என்னால் பதிவுகள் எழுத முடியவில்லை காரணம் பள்ளி விடுமுறை முடிந்து எனக்கு பள்ளி ஆரம்பித்து விட்டது. அதுவும் பதினோராம் வகுப்பு அப்படியே பத்தாம் வகுப்புக்கு எதிர்மறையாக இருக்கிறது. ஒவ்வொரு பாடமும் இரண்டு புத்தகமாக இருக்கிறது. காலையில் பள்ளிக்கு சென்றால் இரவு எட்டு மணிக்குத்தான் வீடு திரும்ப முடிகிறது அதனால் வாரத்துக்கு ஒன்று அல்லது இரண்டு பதிவுகள் வரை எழுதலாம் என்று இருக்கிறேன். சரி இப்பொழுது விசயத்திற்கு வருவோம்!அனைத்து பதிவர்களுக்கும் தங்களது வாசகர்களிடம் இருந்து நல்ல கருத்துக்களைக் கேட்க ஆசைதான். அவ்வாறு வாசகர்கள் கருத்துரை இட ஒரு வாசகர் பக்கம் அல்லது உங்களுடன் தொடர்புக்கொள்ள ஒரு பக்கம் என்று வலைப்பூவில் நிறுவினால் வாசகர்களுக்கு எவ்வளவு வசதியாக இருக்கும். எனவே அந்த வாசகர் பக்கம் மற்றும் உங்களுடன் தொடர்புக்கொள்ள ஒரு பக்கத்தை எப்படி இணைப்பது என்று பாப்போம் (இது மிகவும் சுலபமானது கவலைப்படாதீர்:)

முதலில் கீழே உள்ள தளத்திற்கு சென்று ஒரு கணக்கை உருவாக்குங்கள்.

http://bravenet.com/

பிறகு உங்கள் கணக்கின் முகப்பு பகுதியில் WEB TOOLS என்ற இடத்தில் Forms,Guset book,Forums என்று பட்டியலிடப் பட்டிருக்கும். இதோ கீழே உள்ள படத்தை பாருங்கள்.

இது மூன்றுமே இலவசம் தான் கவலைப்படாதீர்.இதில் எது உங்களுக்கு வேண்டுமோ அதனை சொடுக்கி பிறகு அதனை உங்களது வலைப்பூவிற்கு ஏற்றவாறு மாற்றிக்கொள்ளுங்கள். மாற்றிய பிறகு அந்த தளம் தரும் குறியீடுகளை சேகரித்து BLOGGER ---> NEW POST சென்று ஒட்டவும்.அவ்வளவுதான் வேலை முடிந்தது. இந்த தளம் இது போன்ற நிறைய தேவையான கருவிகளை தருகிறது அதனையும் நீங்கள் பயன்படுத்திப் பாருங்கள்.

கூகிள் தேடல்:-

noreply@blogger.com (CP) — Tue, 15 Jun 2010 09:33:00 +0000

கூகுள் என்றால் அது வெறும் தகவலை மட்டும் தேடித் தரும் இயந்திரம் என்று நினைக்கிறோம். ஆனால் அது நாம் கேட்கும் அனைத்து கேள்விகளுக்கும் பதில் கூறும், ஒரு மேதை போல. அவ்வாறு நீங்கள் கேள்விகள் கேட்க ஒரு சில முறைகள் இருக்கிறது அதனைப் பற்றி இங்கு பார்ப்போம்.

முதலில் ஓர் இடத்திற்கான பருவநிலையை எப்படி கண்டறிவது?

இதற்கு நீங்கள் கூகளில் தேடலில் "weather trichy" என்று தட்டச்ச வேண்டும். "trichy" என்ற இடத்தில் நீங்கள் காண விரும்பும் இடத்தின் பருவநிலையை குறிக்க வேண்டும்.

ஓர் இடத்தை தேட:-
நாம் கூகிளில் சுலபமாக ஓர் இடத்தை தேடிக் கண்டுபிடித்து விடலாம். உதாரணத்திற்கு கூகிளில் "where is kanyakumari" என்று தேடுங்கள் கன்னியாகுமரி எங்கு அமைந்து உள்ளது என்று தெரியும்.

நேரத்தை அறிய:-கூகிளில் எந்த இடத்திற்கு வேண்டுமானாலும் நேரத்தை அறியலாம். உதாரணத்திற்கு "time new york" தட்டச்சினால் நியூ யார்க் நகரத்தின் நேரத்தை அறியலாம்.

மொழி பெயர்த்தல்:-
ஓர் வார்த்தையை ஒரு மொழியில் இருந்தது இன்னொரு மொழியில் மொழி பெயர்க்க இவ்வாறு தட்டச்சவும் "translate home in hindi". இதில் நான் home என்ற ஆங்கில வார்த்தை இந்தி மொழியில் மொழி பெயர்க்க தேடி உள்ளேன். அதனின் முடிவு இவ்வாறு இருக்கும்:-

இதில் நீங்கள் தமிழில் மொழி பெயர்க்க முடியாது. இருப்பினும் இதற்கு என்று சில தளங்கள் இருக்கிறது அங்கு சென்று நீங்கள் ஆங்கிலத்தில் இருந்து தமிழில் மொழி பெயர்த்துக் கொள்ளலாம். அதனை நான் இங்கு பட்டியலிட்டு உள்ளேன் http://cp-in.blogspot.com/2010/04/blog-post_24.html
திரை அரங்குகளின் திரைப்படப் பட்டியலை அறிய:-
உங்கள் நகரத்தில் திரையிடும் திரைப்படப் பட்டியலை அறிய கூகிளில் movie <உங்கள் நகரத்தின் பெயர்> <உங்களின் நாடு> அதாவது இவ்வாறு தட்டச்ச வேண்டும் "movie madurai india" அதனின் முடிவுகள் கீழே உள்ள படத்தை போன்று இருக்கும்

விவரங்கள் அறிய:-
நீங்கள் ஓர் வார்த்தைக்கான விவரங்கள் அறிய கூகுள் மிக மிக உதவியாக இருக்கும். உதாரணத்திற்கு கூகிளில் "define: physics" என்று தேடினால் பெளதிகம் பற்றிய விவரங்கள் அனைத்தும் வரும். இதில் "define :" என்ற வார்த்தை இருந்தால் மட்டுமே விவரங்களை அறிய முடியும்.

கோடிட்ட இடத்தை நிரப்புக:-
நாம் சிறு வயதில் இருந்து இதனை அந்தர் பல்டி அடித்து மனப்பாடம் செய்வோம் ஆனால் தேர்வில் மறந்து விடுவோம். ஆனால் கூகுள் இதற்கும் பதில் அளிக்கும். உதாரணத்திற்கு "the capital of malaysia is * " என்று தட்டச்சினால் கூகுள் இதற்கான விடையை கூறிவிடும். இதில் இந்த * குறியீடு இருந்தால் மட்டுமே கூகுள் விடை சொல்லும்.

உங்களுடைய தேவையற்ற இணைய கணக்குகளை நீக்குவது எப்படி?

noreply@blogger.com (CP) — Mon, 07 Jun 2010 09:41:00 +0000

நாம் இணையத்தில் இருக்கும் போது சில தேவையில்லாத கணக்குகளை (account) உருவாக்கி,பிறகு அதனை நீக்க முயல்வோம். ஆனால் கடைசிவரை அதனை சுலபமாக நீக்க இயலாது. அந்த சிக்கலை போக்கவே ஒரு இணையதளம் இருக்கிறது. அங்கு செல்ல கீழே உள்ளதை சொடுக்கவும்:-

http://www.deleteyouraccount.com/

இந்த தளத்தின் மூலம் கீழ் கொடுக்கப்பட்டுள்ள தளபட்டியலில் உள்ள உங்களது தேவையற்ற அனைத்து கணக்குகளையும் நீக்கலாம்:-
http://deleteyouraccount.com/sites/list/all

இதில் என்ன சிறப்பு என்றால் கணக்குளை அழிப்பது மட்டும் இல்லாமல் அழிந்த கணக்குகளை எவ்வாறு மீட்பது எனவும் இந்த தளம் எடுத்துரைக்கிறது!(ரொம்ப ரொம்ப நல்லவனா இருக்குது:)

உங்களது தொடக்கப் பட்டியலை (start menu) வேகமாக்குவது எப்படி?

noreply@blogger.com (CP) — Sat, 05 Jun 2010 12:13:00 +0000

என் முதல் நிகழ்படம் பயிற்சி (video tutorial) இது. இதில் உங்களின் கணினியில் உள்ள தொடக்கப் பட்டியலை (start menu) எப்படி வேகமாக்குவது? என்று கூறியுள்ளேன். இந்த நிகழ்படம் பயிற்சி அனைத்தும் இரண்டு நிமிடம் மட்டுமே திரையாகும் அதுவும் தமிழில்:)

தமிழில்:-

you tube இணைப்பு :- http://www.youtube.com/watch?v=bV4eDuCa1F0
தரவிறக்கம் செய்ய :- http://www.box.net/shared/t7qdk1jm33
உங்களது தளத்தில் ஒளிபரப்ப:-

<object width="425" height="344"><param name="movie" value="http://www.youtube.com/v/bV4eDuCa1F0&hl=en&fs=1"></param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/bV4eDuCa1F0&hl=en&fs=1" type="application/x-shockwave-flash" allowscriptaccess="always" allowfullscreen="true" width="425" height="344"></embed></object>

ஆங்கிலத்தில்:-

You tube இணைப்பு:- http://www.youtube.com/watch?v=OlfZuiGcXTo
தரவிறக்கம் செய்ய :- http://www.box.net/shared/oa06qbz5qx
உங்களது தளத்தில் ஒளிபரப்ப :-

<object width="425" height="344"><param name="movie" value="http://www.youtube.com/v/OlfZuiGcXTo&hl=en&fs=1"></param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/OlfZuiGcXTo&hl=en&fs=1" type="application/x-shockwave-flash" allowscriptaccess="always" allowfullscreen="true" width="425" height="344"></embed></object>