Da' Mija na wanawake wa shoka.

TAARIFA KWA VYOMBO VYA HABARI

2012-01-29T21:30:00.000Z

`
National Arts Council BASATA

27/01/2012
TAARIFA KWA VYOMBO VYA HABARI
BASATA NA JESHI LA POLISI KUENDESHA PROGRAMU MAALUM YA SANAA SHIRIKISHI KATIKA KUFANIKISHA POLISI JAMII TAREHE 30/01/2012
Baraza la Sanaa la Taifa (BASATA) kwa kushirikiana na Jeshi la Polisi Tanzania limeandaa programu maalumu ya Polisi Jamii na Sanaa Shirikishi itakayofanyika Jumatatu ya Tarehe 30/01/2012 kwa lengo la kuwaelimisha wasanii, wadau wa sanaa na jamii kwa ujumla kuhusu dhana ya ulinzi shirikishi kupitia Sanaa.
Programu hiyo inatarajiwa kufanyika makao makuu ya BASATA yaliyoko Ilala Sharif Shamba jijini Dar es Salaam ambapo lengo kuu ni kutoa fursa kwa wasaniii, wadau wa Sanaa na wananchi kwa ujumla kujifunza na kuona umuhimu wa matumizi ya Sanaa shirikishi katika kujenga dhana ya ulinzi shirikishi inayoratibiwa na kusimamiwa na Jeshi la Polisi Tanzania.
Aidha, programu hii, inalenga kutoa elimu kwa wasanii na wadau wa Sanaa juu ya mbinu mbalimbali za kutumia Sanaa katika kupambana na vitendo vya kihalifu ili kujenga jamii yenye amani na utulivu.
Ikumbukwe kuwa, BASATA kila Jumatatu limekuwa likiendesha Programu ya Jukwaa la Sanaa ambayo imekuwa ikitumika kama chanzo mahsusi cha habari na elimu kwa wasanii na wadau wa Sanaa. Programu hii ya Polisi Jamii na Sanaa Shirikishi itatumia Jukwaa hili katika kuifikia jamii.
Katika programu hii, vitengo mbalimbali vya Jeshi la Polisi kama Uhamiaji, zima moto, usalama barabarani, udhibiti madawa ya kulevya nk. vinatarajia kushiriki ambapo mbali ya kupambwa na burudani kutoka jeshi hilo itakuwa na kipindi cha maswali na majibu ambapo changamoto na kero mbalimbali kuhusu usalama wa raia zitatolewa ufafanuzi.
Ili kuonesha jinsi sanaa shirikishi ilivyoweza kuleta mabadiliko kwenye dhana ya polisi jamii nchini, Kundi la Sanaa la Lumumba Theatre la jijini Dar es Salaam nalo linatarajia kutoa burudani kemukemu ambazo zitabeba elimu juu ya Sanaa Shirikishi na Polisi Jamii.
Baraza linatoa wito kwa Wasanii na wadau wote wa Sanaa kujitokeza kwa wingi kwenye programu hiyo ili kujifunza mbinu mbalimbali za kufikisha ujumbe kupitia sanaa na hata kuitumia Sanaa katika kujenga jamii yenye utulivu.
Sanaa ni Kazi, kwa pamoja Tuikuze na Kuithamini

Godfrey Lebejo - KATIBU MTENDAJI (K)

Watoto wakitupa ukweli watu wazima..

2012-01-26T06:21:00.002Z

Hivi kama watoto wa kitanzania/Afrika wakiamua kuandika hotuba kama hii unadhani wangesema nini juu yetu?

Hebu fananisha habari ya Angie Dodoma na video hapo chini..

2012-01-19T06:25:00.003Z

Mada hii imetokana na mada iliyopita ya Jinsi ya kumsikiliza mtoto..Msomaji wetu Angie Dodoma amechangia kitu ambacho wazazi wengi tunakifanyia makosa kutokana na uchovu wetu wakazi au kwa kuwadharau tu watoto.. Soma hapo chini, nini maoni yako?

Angie Dodoma said,

..Da Mija mwenzio yalinikuta mambo haya ya kutosikiliza mtoto, nimerudi kutoka kazini choka mbaya, mwanangu akaanza mama gazeti sijui nini, mi nikadakia...unaweza kusoma gazeti wewe nipishe bwana nimechoka napumzika, akaondoka kwa unyonge. Kesho yake nimerudi kazini naona mwanangu mdogo hana amani, hacheki hanisumbui yuko kimya sana, nikamchukua nikakutana na harufu isiyo yake, si nikaanza kumchunguza, nakuta ana ligazeti puani, wacha nishtuke nikamuita dada, mbona hamjaniambia hili, mwanangu yule alokuwa ananambia kuhusu gazeti akasema kwa upole mama si nilikwambia jana ukanambia siwezi kusoma gazeti... nilichokajee nikabeba mwanangu mdogo hospitali mbio wakalitoa, nikakoma nasikiliza sasa hivi hata lisilotakiwa kusikia...

Habari hii ya Da'Angie inafanana sana na hii kwenye video hapa chini. Ninachokiona hapa ni kwamba wazazi bado tunahitaji kujifunza zaidi kuwalea watoto wetu. Unasemaje msomaji?

Why You Must Listen To Your Kids by kimothy777

Jinsi ya kumsikiliza mtoto..

2012-01-13T06:52:00.003Z

Ni muhimu sana kumsikiliza mtoto si kila wakati huwa hajui analolifanya..

Kaka Mubelwa Bandio aliomba kutaka kujua jinsi ya kumsikiliza mtoto badala ya kumpa maelekezo tu wakati wote. Nimeanza kulifanyia kazi ombi lake..

Professor Sospeter Muhongo's Latest CV...

2012-01-12T06:49:00.004Z

Someni CV hii halafu sema una maoni gani?

Watakabahu,
F.Tungaraza.

Prof. Sospeter Muhongo, (Officier, Ordre des Palmes Academiques), FGSAf, FAAS, FASI, FASSAf, FGIGE, FTWAS, HonFCAGS, HonFGS, CGeol, EurGeol

Professor Sospeter Muhongo, a Tanzanian, Officier, Ordre des Palmes Academiques, is a full professor of Geology at the University of Dar es Salaam, Tanzania, and an Honorary Professor of Geology at the University of Pretoria, South Africa. He is an Honorary Fellow of the Geological Society of London (HonFGS), an Honorary Research Fellow of the Chinese Academy of Geological Sciences (HonFCAGS), a Fellow of the Academy of Sciences for the Developing World (FTWAS), a Fellow of the Geological Society of Africa (FGSAf) and a Fellow of the African Academy of Sciences (FAAS). He is a fellow of eight highly learned professional societies, and the first recipient (2004) of the Robert Shackleton Award (Outstanding Research on the Precambrian Geology of Africa). He is the Vice President of the Commission of the Geological Map of the World (CGMW). Prof. Muhongo is the Chair of the Jury of the African Union (AU) Kwame Nkrumah Scientific Awards - Continental Awards for Outstanding Scientists 2011 Edition. He is a member of the Executive Board of the African Inter-Parliamentary Forum on Science, Technology and Innovation (AIPF-STI).

He is Editor-in-Chief of the Journal of African Earth Sciences (Elsevier), Associate Editor of Precambrian Research (Elsevier) and a member of several editorial boards of science journals and bulletins. Prof. Muhongo is the Senior Editor of the published book (2009) on "Science, Technology and Innovation for Socio-Economic Development: Success Stories from Africa."

Prof. Muhongo was the President of the Geological Society of Africa (1995 - 2001). He was the founding Regional Director (2005 - 2010) of the ICSU Regional Office for Africa, Pretoria, South Africa. He was the Chairperson of the UNESCO-IUGS-IGCP Scientific Board of International Geoscience Programme (2004 - 2008), and the Chair (2007 - 2010) of Science Programme Committee (SPC) of the UN-proclaimed International Year of the Planet Earth (IYPE). Prof. Muhongo is a Member of the International Experts Group (Global Science Forum) of OECD.

He was the Chairman (1999 - 2005) of the Board of Directors of the State Mining Corporation (STAMICO), Tanzania; and was the Head (1997 - 2000) of the Department of Geology, University of Dar es Salaam, Tanzania. Prof. Muhongo was the Chairman (2002) of the Tanzania Government's Commission of Inquiry on the deadliest Mererani Tanzanite mine's accident.

Prof. Muhongo has published over 200 well acknowledged research articles, geological and mineral maps. He has delivered more than 300 invited keynote speeches around the world at international conferences. He has undertaken over 100 contracted scientific research projects, and consultancy services in the mineral industry, environmental issues and STI policy matters. Pro. Muhongo has been on many STI review/evaluation panels and advisory boards for both national and international institutions and organizations. He has been an external Examiner/Referee for numerous universities, i.e. examinations moderator and academic staff referee/evaluator (e.g. candidates for professional positions). Over the past two decades, Prof. Muhongo has co-organized over 100 expert group meetings and international earth sciences, STI and science policy conferences, including those on "Science with Africa (Rapporteur-General)" which are hosted by the United Nations Economic Commission for Africa (UNECA), the African Union Commission (AUC) and their partners. He has occupied numerous important national, regional and international professional positions dealing with science, technology, innovation, earth resources, science policy and science diplomacy.

Prof. Muhongo is intensively mentoring young scientists, engineers and technologists around the world and has developed a special interest in the application of STI for the sustainable growth and socio-economic development of the global society. Prof. Muhongo, recipient of numerous scholarly and professional awards, recognitions, grants, and fellowships studied geology at the Universities of Dar es Salaam and Goettingen (Germany). He graduated with Dr.rer.nat. degree from the Technical University of Berlin, Germany. Prof. Muhongo is fluent in Kiswahili, English, German and French (basic). s.muhongo@bol.co.tz

Hongera kwa siku ya kuzaliwa Isaac.. 10/01/2012!!

2012-01-10T06:49:00.002Z

Isaac, leo umetimiaza miaka 5 kamili, sisi familia yako tunakupa hongera sana kwa kutimiza miaka hiyo na tunaomba Mungu akujaalie miaka mingi sana ya kuishi pamoja na busara na werevu kama wa Solomoni.

Wadau kwa kumuelezea Isaac kidogo tu, ni mtoto anayejua kujieleza sana, hakurukupuki kujibu swali kama hajalielewa na ni mtu anayetoa maelekezo mengi anapokuomba umfanyie kitu, mfano akikuomba umtengenezee mkate kabla hujaanza lazima akwambie mkate yeye huwaje, unapakwa nini, unakatwaje, vitu gani havipendi katika mkate na uviondoe...na mengine meeengi. Lakini kubwa zaidi hukwambia kwa hali ya upole kiasi kwamba unakuwa unafurahia maelekezo...

Haya msikilize anavyoielezea birthday yake kwa mtazamo wake mwenyewe...

Angalia stori ya mtoto Genie aliyefungiwa na baba yake kwa miaka 13 katika chumba cha giza..

2012-01-08T21:57:00.002Z

Habari yake kamili inapatikana hapa.

Karibuni tena 2012... Mwaka wa watoto!! My Resolution.

2012-01-05T16:25:00.004Z

Habari za tangu mwaka jana wadau wangu wapendwa! Ni furaha iliyoje kujumuika nanyi tena katika mwaka mwingine 2012 mwaka ambao kwangu mimi nimeufanya kuwa ni mwaka wa WATOTO.
Lakini kabla sijaendelea kuwaeleza jinsi mwaka huu nitakavyoupelekapeleka, kwanza ningependa kuwashukuru wasomaji wangu wooote popote mlipo, siwezi kuwashukuru mmoja kwa jina ila kwa moyo wa dhati kabisa nasema asanteni sana, ninaomba amani, upendo na baraka vizidi kuwafuata kila muendako. Amen.

Ama baada ya salamu hizo sasa niuelezee mwaka wangu wa watoto utakavyokuwa.

Nitajifunza sana kuhusu watoto, nataka niwajue kiundani sana. Nataka nijue ni kwa nini wana tabia walizonazo, wanafikiri wanavyofikiri, je wanauonaje ulimwengu na mambo yake, wanatuonaje watu wazima, nini wanapenda na nini hawapendi na mambo mengine meeengi.

Katika kulifanikisha hilo nitatumia njia mbalimbali kama mahojiano na watoto wenyewe, watu wazima, michoro, video n.k.

Wadau ninaamini tutajifunza mengi kutoka kwa watoto katika mwaka huu. Karibuni sana!!

Heri ya mwaka mpya....

2011-12-31T22:03:00.002Z

Wadau wangu ninawatakia heri ya mwaka mpya....2012.

Neno langu la kuumalizia na kuuanzia mwaka ni PENYE NIA PANA NJIA.... hivyo tukaze buti!!

Da' Mija.

Neno la leo..

2011-12-28T10:53:00.002Z

Don't let anybody tell you that,

You have to be a certain way.

Be unique. Be what you feel.

Melissa Etheridge

Neno la leo..

2011-12-23T10:09:00.002Z

It is no sin to attempt and fail.

The only sin is not to make the attempt.
Suellen Fried.

Wadau mpo hapo?

Mwaka huu nitaumalizia kwa kuwapa maneno ya kutia moyo... (Inspiring words)

2011-12-22T09:40:00.003Z

Inasemekana kwamba jinsi unavyoimaliza siku ndivyo utakavyoianza, maana kumaliza na kuanza vimepangana. Hivyo basi tukiwa katika lala salama ya kuumaliza mwaka 2011, nimeona ni vyema tuumalize kwa kupeana maneno ya kujenga ili tuweze kuuanza mwaka 2012 kwa nguvu hiyo hiyo, NGUVU CHANYA.

Na leo tuanze na Mwanamama Oprah Winfrey... anasema,

Let your light shine.

Shine within you,

so that it can shine on someone else..

Let your light shine...

Siku njema wadau.

Mafuriko Dar es Salaam... Tuwakumbuke katika Maombi.

2011-12-21T22:22:00.000Z

Wimbo wa kumalizia Mwaka..

2011-12-21T07:37:00.002Z

Binafsi yangu ningependa Mungu anisaidie kunipa UPENDO wa kweli, upendo aliokuwa nao bwana wetu Yesu.

Je mdau ungependa muujiza gani Mungu akufanyie?

Siku njema wote na mbarikiwe sana.

Neno la ijumaa..

2011-12-16T06:28:00.002Z

... Mdau kumbuka kwamba,

You can have anything you want,
if you want it desperately enough.

You must want it with an exuberance that erupts
through the skin and joins, the energy that created the WORLD.

By Sheila Graham.

Picha ya Siku..!!

2011-12-08T12:29:00.003Z

...Kutoka kushoto ni Asiimwe Rugemamu, Isaac Ismail na Mija Manju. Picha zimepigwa septemba mwaka huu 2011.

Je mdau unadhani picha ni muhimu kwa kumbukumbu au hazina ulazima sana?

Siku njema wadau.

Ninamlaumu Mzazi!!!

2011-12-05T06:48:00.002Z

Wadau eti ni kwa kiwango gani mzazi anawajibika katika maisha ya mtoto?

Jumatatu njema na abarikiwe kila atakayepitia hapa.

Nimeipenda sana hii Rap..!!

2011-11-29T06:48:00.000Z

Leo umetimiza miaka 32 kamili tangu ulipotutoka ..Bi Elizabeth Kachima Sayi 1954 - 1979!!

2011-11-26T22:23:00.005Z

Siku zinakimbia na sasa wanao tumekuwa watu wazima...!! Tutakukumbuka daima mama yetu mpendwa Mama Elizabeth kachima Sayi, mama mzazi wa Da'Mija, Da'Nyanzu na Da'Nyanzala Sayi.

Bwana alitoa na Bwana ametwaa jina lake lihimidiwe..!!

Sherehe za miaka 50 ya uhuru wa TZ, Ujerumani hakuna kulala mtu..!!

2011-11-24T06:32:00.002Z

Watanzania wanaoishi Ujerumani ! na Full Shangwe ya Miaka 50 ya Uhuru !

Kuanzia München hadi Berlin Chereko !Chereko !

FFU wa Ngoma Africa Band kutoa burudani ya kukata na Mundu !

Umoja wa Tanzania Ujerumani (UTU) kuzinduliwa rasmi ! 10-12-2011 Berlin!

Watanzania waishio Ujerumani wameanza shamra shamra za kusherekea miaka 50 ya uhuru

wa Tanzania bara, kwa kasi kubwa inayotingisha kila kona,sherehe hizo zinaanzia mjini

München siku ya 3 Dec 2011 ambapo kutakuwa na maonyesho mbali mbali ya bidhaa za

Tanzania,mavazi,na mdahalo rasmi na usiku kutakuwa na muziki wa Ngoma Africa Band

katika mtaa wa Siebold Str,11 ndipo penye ukumbi.

Kuanzia 9 hadi 10-Dec-2011 mjini Berlin ambako ndipo hupo Ubalozi wa Tanzania na ndio

mji mkuu wa Ujerumani,kutakuwa hapatoshi kwani sherehe hizo zitaambatana na ufunguzi

wa UMOJA WA WATANZANIA UJERUMANI (UTU) siku ya jumamosi 10-12-2011,umoja

huo unawaunganisha watanzania wote waishio ujerumani,ulitiliwa nguvu na balozi Mh.Ngemera, umeshasajiliwa na viongozi wake ni Bw.Mfundo Peter Mfundo(mwenyekiti) na

Bi.Tullalumba Mloge (katibu),utaratibu unaonyesha kuwa sherehe hizo mjini Berlin zitaanza saa 9 mchana hadi usiku usio kwisha ambapo Ngoma Africa Band aka FFU,watatumbuiza na muziki wao,mahala patakapo fanyika sherehe Apostelkirche 1, 10738 Berlin,

UMOJA NI NGUVU WATANZANIA JITOKEZENI ! KUSHREKEA MIAKA 50 YA UHURU !

sikiliza muziki at www.ngoma-africa.com

Kaka Manju ni noma jamani Khaa!!... Ni swahili Fashion week 2011

2011-11-20T08:50:00.008Z

..Na hii ndiyo kazi yake!.. Semeni hata nyie wadau..!!

Uraia wa nchi mbili shinikizo kwa mafisadi..

2011-11-07T06:43:00.000Z

Jamani!
Mwandishi nguli Joseph Mihangwa anaendelea kutoa somo kwa Watanzania na kushamirisha hoja yake juu ya athari za uraia wa nchi mbili. Huu ni muendelezo wa makala ya aliyoiandika wiki iliyopita iliyokuwa na kichwa cha habari Uraia wa Nchi Mbili Utaua Uzalendo.

Nilicheka sana niliposoma makala ya kwanza ya Joseph Mihangwa ya Uraia wa Nchi Mbili Utaua Uzalendo. Lakini baadaye nikastuka kwamba lile halikuwa suala kucheka wala kukasirika wala kusikitika isipokuwa kilichotakiwa kufanywa ni kumpa somo Muandishi Joseph Mihangwa juu ya dhana ya uraia wa nchi mbili. Joseph Mihangwa aidha hajui jambo analolijadili na kulituma kwa umma au anapotosha ukweli kwa makusudi kwa sababu anazozijua mwenyewe.

Niliwahi kusoma somo la Mass Communication.Wakati tulipokuwa tunasoma somo la Nguvu ya Vyombo vya Habari kwa Umma, Mhadhiri wetu alitugawanya kwenye vikundi vya watu wawili wawili. Kila kikundi tukapatiwa Camera, Video camera (CamCorder) na Recorder. Mhadhiri wetu akatupa wiki mbili tupige picha, turekodi tukio au matukio yoyote kwenye video kamera na tuhoji au turekodi kitu chochote kwa uhuru wetu na baadaye tuje kufanya presentation darasani kwa wenzetu.

Siku ya Presentation akawaalika waadhiri wengine na wanafunzi wa darasa la mwaka uliotangulia kuja kuangalia na kushiriki kwenye mjadala wa presentations. Asilimia kubwa ya presentations aidha zilikuwa ni za kuonyesha mabaya au kuupotosha umma aidha kwa kutojua au kwa makusudi. Palitokea mijadala mikali sana wakati wa baadhi ya presentations na pia kulikuwa na vikundi ambavyo vilikataa kabisa kufanya presentation na havikutaka kuonyesha aidha picha walizopiga ua filamu walizorekodi au mazungumzo waliyorekodi.

Katika kuhitimisha kozi Muadhiri wetu alituambia kwamba "..Akili zetu pamoja na hivi vifaa tunavyotumia pengine ni silaha kali hata kuliko silaha nuklia. Muandishi wa habari anaweza kuwa hatari zaidi ya askari wa vifaru ambaye mtutu wake una tundu moja tu la kulengea na linalenga target moja kwa wakati mmoja. Habari unayoandika hailengi target moja inasambaa kama upepo na inawafikia welevu na maamuma. Habari tunazoandika ni kama bomu la nuklia linavyoangushwa toka angani halichagui mlengwa awe binadamu, miti, majengo, au magari. Bomu lile linakusudia kutekeza chochote kitakachokuwa ndani ya eneo litakapoangukia. Halimalizi kazi yake pale pale bali linaaendelea kuathiri na vizazi vijavyo wa waathirika wa bomu lile. Akili zetu pamoja na vifaa hivi vimeleta athari nyingi sana katika jamii nyingi duniani. Kwa hali hiyo basi ni lazima tuwe waangalifu sana tunapovishika vifaa hivi..."

Kwa maoni yangu ni wakati muafaka sasa wa Watanzania kupewa elimu sahihi juu ya dhana ya uraia wa nchi mbili sambamba na suala la mabadiliko ya Katiba kutoka kwa wataalamu na watu wenye kuzijua dhana hizi kwa dhati.

Ndiye Mimi F. Tungaraza.

Uraia wa Nchi mbili utaua uzalendo...!

2011-11-02T17:56:00.002Z

Habari hii nimetumiwa na MtiMkubwa Tungaraza!!

Mwenzenu,

Nimeisoma hii makala nikacheka mpaka jamaa wakafikiri nimepatwa na ugonjwa wazimu. Halafu jingine lililonijia kichwani ni kwamba makala hii inasawiri akili za Mtanzania!

Uraia wa nchi mbili utaua uzalendo

Na Joseph Mihangwa
Mnaojali kusoma historia, kazi za waandishi na za watu wenye uchungu na nchi yao, msikieni Shaaban Robert, katika shairi lake, “Fahari ya mtu”, akisema:
“Fahari ya kila mtu, kwanza ni taifa lake,
Kutimiza wake utu, afe au aokoe,
Pasipo hofu ya kitu, halipendi liondoke
Fahari ya kila mtu, ya pili nchi yake,
Mtu hakubali katu, kutawaliwa pake,
Hilo haliwi kantu, halina heshima kwake.
Fahari ya kila mtu, ya tatu ni nchi yake,
Kuwaye chini ya watu, wageni wa nchi yake,
Ni jambo gumu kwa mtu, japo vipi aridhikie,
Pasipo hofu ya kitu, hulipenda liondoke”.

Ni jambo la kuhuzunisha na kughadhabisha pia, kuona zama hizi, baadhi ya Watanzania wenzetu, hasa wanasiasa, wametekwa nyara na ubepari wa kimataifa na mitaji kiasi cha kupoteza uzalendo na moyo wa kuona fahari kwa taifa lao, badala yake wanaabudu vya nje. Na kwa kuwa Watanzania walio wengi hawana kiwewe na vya nje, wala fikra kwamba siku moja watafika au kuishi ughaibuni; wananchi wa kawaida sasa wanaanza kuona ufa unavyozidi kupanuka kati yao na viongozi wao wenye kuabudu hivyo vya nje, badala ya kushikamana na watu wanaowaongoza katika matatizo, mafanikio na kwa kila kilicho cha nchi hii.

Wananchi wanaanza kutambua kwamba, wao na viongozi wao ni mbalimbali kama zilivyo mbingu na nchi; hawaabudu tena kwenye madhabahu moja, wala hawachangii sala. Wakati sala ya wananchi kwa nchi yao ni kuona maendeleo ya nchi waliyoitolea jasho wakati wa kupigania uhuru na ustawi wa jamii, ambayo ni “Mungu ibariki Tanzania, dumisha uhuru na umoja”; sala ya viongozi wetu ni kinyume chake, wao wanasali sala ndefu wakisema:
“Baba yetu uliyeko Ulaya na Amerika,
Jina lako litukuzwe, ufalme wako uje,
Utakalo lifanyike kwenye Tanzania yetu tajiri iwe “shamba la bibi”
Mapenzi yetu ya kukukaribisha nchini yatimie,
Kama tulivyokukaribisha wakati wa ukoloni,
Tupe riziki yetu ya kila siku,Mapesa ya dola na pauni,
kwa kuwa vishilingi vyetu havina thamani tena;
Tusamehe kwa mapungufu na udhaifu wetu, kiuchumi na kisiasa.
Tusaidie kuwanyuka na kuwashinda wote wanaokusakama,
Kwa kupora utajiri wa nchi yetu, eti kwamba huo ni ukoloni mamboleo.
Tusaidie kuwanyuka ipasavyo wanahabari wa nchi yetu, wasituite mafisadi
Wakate makeke na kidomo domo chao; watwange wanaharakati, wakome.
Fadhili kutungwa Sheria mbovu zenye kuwabana, wasifurukute.
Tupe nguvu, utukufu na misaada tele;
Utujalie moyo wa kukupenda wewe ambaye ni tegemeo letu pekee.
Tufanye tuwe wanyeyekevu na wenye shukrani;
Tutumie wawekezaji wenye kupora rasilimali zetu, wakombe wawezavyo,
Fadhili muswada wa uraia wa nchi mbili, wa “mbinguni” na duniani;
Milele na Milele, Amina.

Miaka ya karibuni, Watanzania wengi wamesitushwa na kughadhabishwa na taarifa ya Serikali yetu kwamba inakusudia kwa mara nyingine kuwasilisha bungeni, Muswada wa Sheria kuruhusu uraia wa nchi mbili [dual citizenship]. Awali, akijibu swali la Mwadini Abbas Jecha, Mbunge wa Wete, wakati wa kikao cha 12 cha Bunge mjini Dodoma, Naibu Waziri wa Mambo ya Ndani, Khamis Kagasheki, alisema, anawahurumia “Watanzania wengi walioko nje, waliopoteza uraia wao kwa kutokuwapo sheria hii” na kudai kwamba lazima wasaidiwe.

Juhudi zilifanyika kuandaa Muswada wa Sheria kutekeleza azima hiyo, lakini zilizimika kutokana na mazingira hasimu juu ya jambo hilo.
Akiwa ziarani nchini Marekani hivi karibuni, Rais wetu, Jakaya Kikwete, amewafunda “wakimbizi” wa Kitanzania raia wa Marekani waishio nchini humo kwamba, suala la uraia wa nchi mbili linashughulikiwa na akawapa matumaini ya mafanikio.

Jamii ya Kitanzania inajiuliza kuhusu dhana hii ya uraia wa nchi mbili: iweje “watoro” hawa, waliotorokea ughaibuni na kuukana Utanzania, leo wakaribishwe kuja kujinufaisha nchini, wakiwa mguu mmoja ndani, mguu mwingine nje, kugawana haki sawa na wazalendo waliojitoa mhanga kufia nchini; waliovumilia maisha ya raha na shida, wakati “watoro” hao wakitumbua ughaibuni?

Watetezi wa Muswada huu wanadai kuwa, sheria hiyo itawasaidia mabilionea wa Kitanzania waliochukua uraia wa kigeni kurejea nchini na “vijisenti” vyao na kutoa msisimko kwa uchumi wa nchi; na pia kwamba, raia wa kigeni wenye mitaji wataweza kuchukua uraia hapa nchini bila kutakiwa kufuta uraia wa nchi zao, wakaishi nchini bila wasiwasi kuliko ilivyo sasa.

Kuna maswali mengi yanayotaka majibu juu ya muswada huu: Uraia wa nchi mbili utamsaidiaje Mtanzania wa kawaida, kwa kugawana uraia na wageni? Kwa nini muswada huu unaletwa leo na si miaka iliyopita? Hivi, tumekuwa masikini kiasi hiki kuruhusu umamluki kwa uzalendo na utaifa wetu?
Tanzania imebarikiwa kwa utajiri mkubwa wa rasilimali za aina mbalimbali; lakini imefungua milango kwa wawekezaji hadi upana wote wa bawaba. Je, muswada huu si njia moja ya kuruhusu “wageni kupigana vikumbo” (scramble) kugombea rasilimali za Tanzania, kama ilivyotokea enzi za kina Karl Peters, Cecil Rhodes na wengine mwanzoni mwa ukoloni barani Afrika? Nini hatima ya yote haya?

Tunaambiwa, dunia sasa ni kijiji ambapo watu wanaweza kuwekeza na kufanya kazi popote. Je, kwa muswada huu si kujikanganya na dhana hiyo ya “utandawazi” ambapo si lazima mwekezaji mwenye mtaji aishi nchini kama raia? Wanaotetea utandawazi na hapo hapo kututaka turuhusu uraia wa nchi mbili kwa manufaa ya wenye mitaji, wanaitakia nini nchi yetu na uzalendo uliosimikwa na waasisi wa Taifa hili?

Haya ni maswali magumu yanayotaka ukomavu wa kisiasa kuweza kuyatolea majibu sahihi kwa wazalendo wa nchi hii, bila hivyo haiingii akilini kuigawa haki ya Taifa kwa mamluki.

Aliyekuwa Waziri wa Mambo ya Ndani wakati Muswada huu ukipigiwa debe, Laurence Masha, na Naibu wake Kagasheki, wanaweza wasilijue hili kwa ugeni wao nchini, kutokana na wao kutumia sehemu kubwa ya maisha yao nje ya nchi ambako bado wanatamani kurejea. Hao ndio waliotaka kutuimbisha “Baba yetu uliyeko Ulaya na Amerika…..” wakajaribu kupima hisia za wananchi wazalendo. Tulisubiri muswada huo, lakini baada ya kuona mambo hayakuwa shwari, waliepuka baruti.

Tunaamini, muswada huo haukubuniwa na wazalendo wenye moyo wa kutetea au kujivunia fahari ya taifa kwa maslahi ya walio wengi; bali chimbuko lake ni watu wenye matanuzi, wenye kuchumia kivulini na kulia kivulini, wakiwamo wazalendo mamluki wasioweka mbele maslahi ya taifa, wakishirikiana na kina “Karl Peters” wa zama hizi, kila mmoja akiwania kwa staili yake kujinufaisha na rasilimali za nchi hii.

Je, hatujapata somo, kutokana na jinsi vigogo wa uraia wa nchi mbili walivyotupiga na kutoroka nchini kama nyamaume? Hawa ni pamoja na kina hayati Daudi Balali (BoT – EPA), Shaileth Vithlani (rada/ndege ya Rais), Chavda na wengine. Tunaweza kuuliza pia tusipate jibu, mahali aliko Rostam Aziz, baada ya kuutema ubunge Igunga! Kwa nini hakubakia kwa wananchi wake aliodai kuwaongoza vema?

Haya ni matokeo ya fungate ya “uwili mtakatifu” kati ya ubepari wa kimataifa na siasa za nchi hii, na kwa viongozi kutumika kama mkondo (conduit) wa kuingiza ukoloni mpya (historia kujirudia) kwa kujali zaidi maendeleo ya miradi kuliko maendeleo ya watu. Huu ni uhaini ulio dhahiri. Nani huyo anayetaka kutujengea Taifa la mamluki; Taifa lisilo na wenyewe, Taifa la Popo asiye na msimamo, ambaye wanaposhindwa ndege, yeye hudai ni mnyama; na wanaposhindwa wanyama, yeye hudai ni ndege?.

Sheria hii itawawezesha wageni kupata haki zote za kiraia sawa na wazalendo; lakini Popo hao, wana shabaha ya kuifanya nchi kuwa kituo cha “kuwekeza” lengo likiwa ni kupora uchumi wa nchi, wakirandaranda kati ya nchi na nchi, wasiweze kukamatika kwa urahisi iwapo watahusishwa na hujuma.
Tuambieni, ni raia gani wa aina hiyo ameonyesha fahari kwa taifa, na aliye tayari kuitetea nchi kwa lolote, kama hawa si mbwa mwitu tu ndani ya ngozi ya kondoo? Tuambieni, nani kati yao, au watoto wao, ameshiriki kujenga nchi kama ofisa kilimo, polisi au mwanajeshi; au aliyetayari kujiunga na Jeshi la Kujenga Taifa (JKT) kwa hiari?

Wazalendo wachache wanaotetea muswada huu ni wale ambao, ama walipora mali nyingi zamani na kukimbilia ughaibuni; au ni wale waliowatelekeza Watanzania, wakakimbilia nje na kuwaacha wakipambana na machungu katika ujenzi wa nchi yao wanayoipenda; au ni wale waliojiunga na ufisadi wa kimataifa na kutumika kama mawakala wa ufisadi.

Hawa hawana Watanzania na nchi moyoni mwao. Wanaona bora sheria hii ipite, ili wanachopora na watakachopora kwa kushirikiana na wageni (ambao nao sasa watapewa uraia), waweze kuwekeza nje na kukimbilia huko pale mambo yanapowaharibikia. Ni uasi, uzandiki na umamluki usio kifani kwa Mtanzania wa aina hii. Ni usaliti mkubwa kiwango cha uhaini.

Hivi Watanzania tumelogwa, kwamba wakati hatujatatua “mgogoro” wa kuwapo kwa “Wazanzibari na Watanzania; au Wazanzibari na Wazanzibara, mara hii tunajibebesha tena mzigo mwingine mkubwa zaidi wa “uraia wa nchi mbili”? Fahari ya mzalendo wa kweli ni taifa lake, na ambalo kwake anapaswa kutimiza wajibu wake; yuko tayari kulitetea na kulifia. Tuambieni, mtu mwenye uraia wa nchi mbili ataimbaje “Tanzania, Tanazania, nakupenda kwa moyo wote…”, wakati moyo wake umegawanyika kwa “mapenzi” ya nchi mbili? Atawezaje kutumikia mabwana wawili kwa wakati mmoja? Tunasema, wanaotetea muswada huu hawana lengo la kutumikia taifa na watu wake, bali ajenda yao ni kupora utajiri na rasilimali za taifa.

Na kwa kuwa Sheria hii itawapa wageni haki za kiraia sawa na Wazalendo, tusishangae siku moja nchi hii ikatawaliwa na Rais “Mjapani”, Waziri Mkuu “Mchina” au Spika wa Bunge “Mwirani” au “Myahudi”. Utawazuiaje hao kutawala, wakati nao watakuwa ni “Watanzania” bila wewe kutuhumiwa kuvunja Katiba ya nchi kwa ubaguzi wa rangi na wa asili ya mtu? (Angalia ibara 13(2) na (5) ya Katiba , 1977).

Kwa wanaosoma historia ya nchi hii, watakubali kwamba, suala la uraia ni jambo nyeti tangu enzi za uhuru na ambalo lilimgharimu Waziri Mkuu wa kwanza, Mwalimu Julius Nyerere nafasi ya Uwaziri Mkuu, mwaka 1962.
Ilikuwa hivi, mwaka 1961 Serikali, chini ya Waziri Mkuu Nyerere, iliwasilisha muswada wa uraia kwa watu wote bila kubagua rangi au asili ya mtu, mradi tu yeye awe amezaliwa au mmoja wa wazazi wake amezaliwa Tanganyika.
Muswada huo ulipita kwa upinzani mkali kutoka kwa wabunge na wananchi kwa ujumla, waliotaka uraia uwe kwa Waafrika tu ambao ndio wenye nchi wenye kustahili kufaidi matunda ya uhuru. Kwa kukerwa na sheria hiyo, Chama tawala cha “Tanganyika African National Union” (TANU), kiliitisha Mkutano Mkuu dhidi ya matakwa ya Mwalimu Januari 16, 1962, ambapo wajumbe walimshambulia na kumlaumu Nyerere kwa kubeza uzalendo, wakishinikiza kuona maendeleo ya haraka, kuanzishwa kwa Jamhuri ya Tanganyika, kufutwa kwa viti 20 maalumu kwa weupe Bungeni (minority races) wenye uraia wa nchi mbili, na kutoa madaraka ya juu kwa Waafrika katika utumishi wa umma na kwenye Vyama vya Ushirika.
Wakati mkutano huo ukiitishwa, tayari TANU kilikuwa kimeanza kugawanyika, na wanachama wengine kuunda Chama cha “The Nationalist Enterprises Party” (NEP).
Kwa kutetea msimamo wake, huku wajumbe wakimtuhumu kwa kile walichokiita “kukosa ujasiri wa kuwatimua Waingereza kwa kasi iliyotakikana”, ilibidi Mwalimu aachie ngazi na kuwaachia Rashid Kawawa na Oscar Kambona kuwaondoa Wazungu hao kwenye vyeo walivyokuwa wakishikilia. Hilo lilikuwa ni suala la Wazalendo kutaka kushika hatamu za uongozi wa nchi yao bila kuchanganywa na “mamluki”.
Ilivyo leo, uraia wa nchi mbili ni chukizo linalolenga kuigeuza Tanzania “shamba la bibi” ni hatari kwa uchumi wa nchi, uzalendo na umoja wa kitaifa. Ni Sheria ya kudhalilisha wazalendo na uzalendo. Mwenye masikio na asikie, Watanzania wanaisubiri siku ya muswada huo.
Reply to: Reply to fidelis tungaraza
Send

Wote tumepewa masaa yale yale 24 katika siku.. Mimi, Wewe, Obama...

2011-10-24T11:29:00.004+01:00

Je unayatumiaje masaa yako? Je unadhani watu wanaofanya vizuri duniani wamezidishiwa masaa na Mungu? Tafakari!!

Jumatatu njema Wadau..

Nasema Asante ..... Jumapili Njema Wadau!!!

2011-10-23T14:13:00.001+01:00