Diary of a Stethoscope

မင်္ဂလာပါ ဘလော့ဂါ

noreply@blogger.com (Dr. Junior) — Mon, 25 Jun 2012 15:12:00 +0000

ဘလော့ဂ်ဆိုတာကို မရောက်တာကြာခဲ့ပြီပဲ။ အကြောင်းပြချက်အမျိုးမျိုး၊ ခံစားချက် အလီလီနဲ့ စာတစ်ပိုဒ်ကိုတောင် အစအဆုံး မတွေးနိုင် မရေးနိုင်တော့ ဖေ့စ်ဘွတ်မှာ စတေးတပ် တင်ရုံ သူများ မှတ်စုတွေ ဝေမျှရုံနဲ့ ကျော်ဖြတ်နေမိတယ်။
ဒီနေ့မှ ဘလော့ဂ်ဂါကို ပြန်လည်ပတ်မိတော့ တော်တော် တိုးတက်ပြောင်းလဲနေတဲ့ တမ်းပလိပ်လေးတွေ တွေ့ရတယ်။ အရင်တုန်းကလို ကိုညီလင်းဆက်တို့ ကိုစေတန်ဂေါ့တို့ ဘလော့တွေ ဖတ်ပြီး ပြင်ဆင်ခဲ့ရတာလေးတွေ သတိရမိတယ်။
ဘွဲ့လွန်သင်တန်းက တစ်နှစ်နီးပါး ကျန်သေးတော့ မှတ်စုရေးဖို့ ရင်ဖွင့်ဖို့ အချိန်ကို လုနိုင်ဖို့ မလွယ်လှသေးဘူး။ မြောက်များလှစွာသော ဦးစားပေးဟု ယူဆရသော အရာများကို စနစ်တကျ ပြန်စီပြီးကာမှာ ဘလော့ဂ်လေးဆီ တစ်ခေါက် ပြန်လာဦးမှ ...

ယူနစ် ပြောင်းရန်

noreply@blogger.com (Dr. Junior) — Sun, 07 Feb 2010 17:26:00 +0000

ဓါတ်ခွဲခန်း အဖြေတွေကို ဘာသာပြန်ရတာလည်း ခေါင်းခြောက်တဲ့ အလုပ်တစ်ခုပါ။ Standard Units နဲ့ Scientific Units ကြားမှာ ဟိုဓါတ်ခွဲခန်းက တစ်မျိုး ဒီဓါတ်ခွဲခန်းက တစ်မျုိး ထုတ်ပေးလိုက်ရင် ပြောင်းရတာ တော်တော် ပင်ပန်း အလုပ်ရှုပ်လေသည်။

အခုတော့ Site လေးတစ်ခု တွေ့မိသည်။ ကိုယ်လိုရာကို ရှာ၍ ဂဏန်းထည့်ပြောင်းရုံသာ။ အသုံးလိုမည့်သူများအတွက် အောက်မှာ သွားကြည့်လိုက်ပါ။

http://www.vin.com/calculators/default.htm

ရောက်တတ်ရာရာ

noreply@blogger.com (Dr. Junior) — Sun, 07 Feb 2010 17:03:00 +0000

ပို့စ် မတင်ဖြစ်တာ ကြာပြီဖြစ်တဲ့ ဘလော့လေးကို blogger ပြန်ပွင့်နေတယ် ကြားလို့ ပြန်ဝင်ကြည့်ရင်း ရောက်ဖြစ်ပြန်တယ်။ မရေးဖြစ်သလို မဖတ်ဖြစ်တာလည်း ၁နှစ်ကျော် လောက် ရှိပြီပဲ။

စိတ်ထဲမှာ ရှုပ်ထွေးမှုတွေနဲ့ ရေးချင်တာတွေကို ထိန်းချုပ်ရတာနဲ့ အနာဂတ်အတွက် ပူပန်ရတာတွေနဲ့ ဆိုတော့ ဘလော့ရေးဖို့ အကြောင်းအရာတွေ ရှိပေမယ့် တင်ဖို့ရာ စိတ်မပါဘူး။

ဆရာဝန်တွေ အခုတလော လျော်ကြေးတောင်းခံရတာ ခဏခဏပဲလို့ ကြားရတယ်။ စိတ်မကောင်းစရာပဲ။ ဆေးကုတာ မှားလို့ လျော်ရရင် မထောင်းသာပေမယ့် မှန်ရဲ့သားနဲ့ ပြဿနာတက်မှာ စိုးလို့ လျော်နေရရင်တော့ မထောင်းသာလှဘူး။ မှန်နေရင်လည်း အခြေအနေနဲ့ အချိန်အခါက ကိုယ်မှန်တိုင်း ပြဿနာ မဖြစ်နိုင်ဘူးလို့ အာမ မခံနိုင်ဘူးလေ။ အဲဒီတော့လည်း အဆင်ပြေအောင် ကြည့်ရှင်းနေရတော့တာပဲ။

ဆရာဝန် တွေကို တော်တော်များများ မုန်းကြတဲ့ ကွန်မန့်တွေ ဖတ်ပြီးတော့လည်း စိတ်မကောင်းဖြစ်မိတယ်။ ဆရာဝန်တွေ အသက်မွေးဝမ်းကျောင်းအတွက် ရုန်းကန်နေတယ်လို့ မမြင်ဘဲ ပိုက်ဆံအရမ်းမက်တယ်လို့ မြင်နေကြတာတော့ အံ့သြစရာပဲ။ ဆေးရုံမှာ အိတ်ထဲက စိုက်ကုနေရတဲ့ ဆရာဝန်တွေ၊ အားလပ်ချိန်မှာ ကုသိုလ်ဖြစ်ဆေးခန်းထိုင်ပေးတဲ့ ဆရာဝန်တွေ အကြောင်းတော့ လူတွေ မမြင်ကြဘဲနဲ့ အနည်းစုသော ငွေမျက်နှာတစ်ခုတည်း ကြည့်သူတွေနဲ့ပဲ ဆရာဝန်တွေဘဝကို တန်းဖြတ်နေကြတာတော့ မသင့်လျော် မတရားဘူးလို့ပဲ ထင်မိတယ်။

အခုတလော ဖြစ်သွားတဲ့ အခြေအနေတွေ အရဆိုရင် ဆရာဝန်တွေ ကိုယ့်ဘက်ကို လုံခြုံအောင် ပိုကြည့် လာကြမယ်။ မတတ်သာရင် တစ်ရွာမပြောင်း သူကောင်းမဖြစ် လို့ တွေးလာကြမယ်။ လူနာကို အရင်ကထက် ပိုဂရုစိုက်လာမယ် လို့ ယေဘုယျ တစ်ခုတည်း ယူဆလို့ မရဘူး ဆိုတာကို ပြောချင်တာပါ။ ကြည့်ရတဲ့ လူနာဦးရေ လျော့သွားပြီး ပိုလည်း ယူလို့ မရဘူး ဆိုရင် အခုကတည်းက ရုန်းကန်နေရတဲ့ ဆရာဝန် အများစု လမ်းရွေးချယ်ဖို့ စဉ်းစား ကြရမှာပဲ။

လူနာသေတိုင်း ဆေးကုသမှု မှားတယ်လို့ ပြောလို့ရတာ မဟုတ်ပါ။ ထိုက်သင့်တဲ့ အတွေ့အကြုံ ရှိတဲ့သူက သင့်လျော်တဲ့ လုပ်ဆောင်မှုကို လုပ်ပေးတယ်ဆိုရင် Medical Negligence မမြောက်ပါဘူး။ ဒါပေမယ့် စစ်ဆေးတဲ့သူတွေရဲ့ သမာသမတ်နဲ့ တခြား အကြောင်းအရာတွေ လွှမ်းမိုးမှု ကလည်း စစ်ဆေးမှုတွေကို မှန်ကန်တဲ့ အဖြေရအောင် ဆောင်ရွက်ပေးဖို့ ခက်ပါ လိမ့်မယ်။ ဘယ်သူမဆို အလုပ်ပြီးမြောက်ဖို့ ဆိုရင် အလုပ်ခွင်သာယာမှုနဲ့ လုံခြုံမှု ရှိမှုက အရေးပါပါတယ်။ အပြစ်ပေးတာ တစ်ခုတည်းနဲ့တော့ ကျန်းမာရေး စောင့်ရှောက်မှု ကို တိုးတက်အောင် ဆောင်ရွက်နိုင်မယ်လို့ ဂျူနီယာကတော့ မထင်ပါဘူး။

မီးဖွားပြီး ချွေးထုတ်ခြင်း

noreply@blogger.com (Dr. Junior) — Mon, 31 Aug 2009 05:43:00 +0000

ကလေး မွေးပြီးရင် ချွေးထုတ်ရတယ် ဆိုတဲ့ အယူအဆက နယ်တော်တော်များများ မှာ အမြစ်တွယ်နေတာ တွေ့ရတယ်။ ဆေးရုံမှာ ကလေးမွေးပြီး ခဏနေလို့ ဆရာဝန် သွားကြည့်မယ်ဆိုရင် တံခါးတွေ အကုန်ပိတ်လို့။ စောင် အထပ်ထပ်ခြုံလို့။ ဆနွင်းတွေ လိမ်းလို့။ တံခါးတွေ ဖွင့်ပြီး ဝင်ကြည့်တဲ့ အချိန်တောင် ပူ ကျက်နေတာပဲ။ အမေ ခမျာလည်း ချွေးတလုံးလုံးနဲ့။ ခလေးကို ကျတော့ အပြင်က အမျိုးတွေက ချီထားကြတယ်။ ဘာလုပ်တာလဲ ဆိုတော့ အပုတ်အစပ်တွေ ထွက်သွားအောင်တဲ့။

လူဆိုတာ သွေးနွေးသတ္တဝါပါ။ ဆိုလိုတာက ပါတ်ဝန်းကျင် အပူချိန် ပြောင်းလဲမှုကို အံတုပြီး ကိုယ်ခန္ဓာ အပူချိန်ကို တသမတ်တည်း ထိန်းသိမ်းထားပါတယ်။ ကိုယ်ခန္ဓာရဲ့ အင်္ဂါ အဖွဲ့အစည်းတွေ၊ သွေးဆဲလ်တွေ၊ အင်ဇိုင်းတွေ အကုန်လုံးက အပူချိန် ၃၇ ဒီဂရီ ဆဲလ်စီးယပ် မှာ အကောင်းဆုံး အလုပ်လုပ်ပါတယ်။ အဲဒါထက် နည်းသွားရင် ဒါမှမဟုတ် များလာရင် အလုပ်ကို အပြည့်အဝ မလုပ်နိုင်ပါဘူး။ သတ်မှတ် အပူချိန် ပြန်ရအောင် ကိုယ်ခန္ဓာက ပြန်လည် ချိန်ညှိပါတယ်။ အေးလွန်းရင် တုန်တက်လာတာ (shivering)၊ ပူလွန်းရင် ချွေးထွက်တာ ဒါတွေဟာ ကိုယ်ခန္ဓာက ချိန်ညှိနေတာပါ။

ကိုယ်ဝန်ဆောင်တာဟာ အပုတ်သဘောဆောင်တယ်လို့ မြန်မာလူမျိုးတွေက ယူဆကြသလား မသိဘူး။ ဥပမာ ကိုယ်ဝန်မရအောင် ကေသီပန် သွေးပုတ်ချဆေး သောက်တာတို့ ဘာတို့ ရှိပါတယ်။ ကလေးမွေးပြီးတဲ့အခါ သားအိမ်ထဲမှာ အချင်းကွာသွားတဲ့နေရာလေးတွေက သွေးထွက်တာ နည်းနည်းရှိပါတယ်။ အဲဒါတွေက မွေးပြီး ၆ ပတ်အထိ ဆင်းတတ်ပါတယ်။ သားအိမ်ကျုံ့လာတာနဲ့ အမျှ ဆင်းတဲံ ပမာဏ နည်းသွားမှာပါ။ ချွေးထုတ်တာ မထုတ်တာနဲ့ မဆိုင်ပါဘူး။

ချွေးထွက်တယ်ဆိုတာ ကိုယ်ခန္ဓာရဲ့ အပူချိန် ထိန်းသိမ်းမှု စနစ်တစ်မျိုးပါ။ ယူရီးယားနဲ့ ယူရစ်အက်ဆစ် အနည်းငယ် ပါဝင်ပေမယ့် အဓိက အညစ်အကြေးစွန့် အင်္ဂါမဟုတ်ပါ။ ကိုယ်ခန္ဓာအတွက် မလိုတဲ့ အညစ်အကြေးတွေက ဆီးနဲ့ ဝမ်းကနေ အဓိက စွန့်ထုတ်ပါတယ်။

ချွေးထွက်များရင် ကိုယ်ခန္ဓာ ရေဓါတ် ဆုံးရှုံးပါတယ်။ ဒါဆို နို့ထွက်လည်း နည်းသွားတတ်ပါတယ်။ နောက်တစ်ခုက အမေ ချွေးထုတ်နေရင် ကလေး နို့မစို့ရလို့ ကလေး နို့စို့ချိန်နောက်ကျသလို နို့ထွက်လည်း နည်းသွားတတ်ပါတယ်။ ချွေးထွက်များရင် ဗီတာမင် စီ လျော့နည်းသွားနိုင်ပါသေးတယ်။ နောက်တစ်ခုက ကိုယ်ခန္ဓာ အပူချိန်ကို အမြင့်ကြီး ထားသလို ဖြစ်တဲ့အတွက် သားအိမ်ကျုံ့တဲ့ ဖြစ်စဉ် နှေးကွေးသွားနိုင်ပါတယ်။

အန္တရာယ် သိသိသာသာကြီး မရှိပေမယ့် ကျနော်တို့ ကျန်းမာရေးဝန်ထမ်းတွေ အနေနဲ့ ပြည်သူကို ကျန်းမာတဲ့ အနေအထိုင်ကို သိရှိ နားလည် လိုက်နာ (knowledge, attitude, practice) စေဖို့ ရှင်းပြဖို့ လိုအပ်မယ် လို့ ထင်ပါတယ်။

နတ်သိကြား ပေးတဲ့ဆေး

noreply@blogger.com (Dr. Junior) — Fri, 28 Aug 2009 04:43:00 +0000

ယခုခေတ်ကား နတ်သိကြားပေးသော သို့မဟုတ် ရှေးနန်းတွင်းသုံး ဆေးတို့ကား များလှချေ၏။ ခုနှစ်နာရီ ဇာတ်လမ်း အတွင်းတွင်လည်းကောင်း၊ အောင်မြင်နေသော မန္တလေး FM အစီအစဉ်တွင်လည်းကောင်း ၄င်းတို့သာ မင်းမူကုန်၏။ ဆေးဆိုင်၊ စတိုးဆိုင်၊ ကွမ်းယာဆိုင် တို့၏ ဗီရိုများသည်လည်း ၄င်းတို့ဖြင့် ပြည့်ကုန်၏။

ရောဂါအခြေအနေ ဘယ်အဆင့်ရောက်ရောက်၊ တစ်ချက်ကြည့်စရာမလို သောက်ချင်သလိုသာသောက် ရောဂါတို့သည် နေ့ချင်းညချင်း ပျောက်ကြကုန်၏။

မှန်မှန် မှီဝဲပါက အသက်ရှည်၏။ အနာကင်း၏။ ငယ်စဉ်က မလှခဲ့သော ရုပ်ရည်တို့ပင် ချောမောလှပကြကုန်၏။

အထက်ဖော်ပြပါ အရည်အချင်းများနှင့် ပြည့်စုံသော ဆေးများ ရှိရက်နှင့် အဘယ့်ကြောင့် ဆေးရုံတွင် လူများပြည့်နှက်၍ နေကြသနည်း။ ကု၍ မပျောက်ဟု သိုးဆောင်းသားတို့ ပြောကြသော အေအိုင်ဒီအက်စ် အသည်းရောင် အသည်းဝါ ဘီမှ စ၍ လေးဘက်နာ၊ အအေးမိအထိ စုံလင်စွာသော နတ်ညွှန်းဆေးများ ရှိပါရဲ့နှင့် အဘယ့်ကြောင့် နိုင်ငံခြားမှ ဆေးများ တင်သွင်းနေရသနည်း။ ဥာဏ်မမီသူ ကျွန်ုပ်အဖို့ စဉ်စားရခက်လှသည်။

ဤဆေးများရှိရဲ့နဲ့ နားမလည် ပါးမလည် လာကြော်ငြာနေကြသော ယိုးဒယား၊ စင်ကာပူ ဆေးရုံကြီးများကား သနားစရာ ကောင်းလှသည်။ ဤဆေးများ ထုတ်လုပ်ရောင်းချနေသော သမားတော်ကြီးများကလည်း မေတ္တာတရား ရှေ့ထားပြီး နားကြပ်ကိုင်ပြီး အနောက်တိုင်းဆေးများကို တပြားနှစ်ပြား တိတိကျကျ တွက်ချက်ပေးနေရသော ဓါတ်ခွဲခန်း အဖြေများကို အားထားနေရသော ဆရာဝန်လေးများကို သင်ကြားပေးမည် ဆိုပါက မည်မျှ ကောင်းမည်နည်း။ မေတ္တာတရား ရှေ့ထားပြီး ကမ္ဘာ တစ်လွှားရှိ လူနာများကို ကယ်မစောင့်ရှောက်လျှင် မည်မျှ ကောင်းမည်နည်း။ စဉ်းစားပေးကြပါကုန်လော့။

သုံးသပ်ခြင်း

noreply@blogger.com (Dr. Junior) — Sun, 02 Aug 2009 18:26:00 +0000

သူငယ်ချင်းတစ်ယောက် ပြန်လာတယ်။ သူ့အလုပ်အကြောင်း ကိုယ့်အလုပ်အကြောင်း ပြောကြ ဆိုကြပေါ့လေ။

ဒီမှာ ဘာ သတိထားမိလဲ ဆိုတော့ သူငယ်ချင်း စကားပြောတာ တော်တော်ကောင်းလာတယ်။ ဦးတည်ချက်လည်း ရှိတယ်။ အချိတ်အဆက် လည်း ရှိတယ်။ တကယ့် ပညာတတ်တစ်ယောက် သူ့ပညာကို ဆွေးနွေးနေသလိုပဲ။ ကိုယ်လည်း လျှောက်ပြောနေတာတော့ မဟုတ်ဘူးပေါ့။ သူ့မှာ ရှိတဲ့ ယုံကြည်မှု ကိုယ်မှာ မရှိတာကို ပြောတာ။

ဒါကတော့ အကြောင်းနှစ်ချက်ကြောင့်လို့ ကိုယ် သုံးသပ်မိတယ်

တစ်အချက်ကတော့ ပါတ်ဝန်းကျင်ပဲ။ သူပတ်ဝန်းကျင်မှာက ဆရာဝန်က ဆရာဝန်အလုပ်ပဲ လုပ်ရတယ်။ လေ့လာစရာ စာအုပ်တွေလည်း လေ့လာရတယ်။ အဲဒီ လေ့လာချက်တွေ အတိုင်းပဲ သူလုပ်ရတယ်။ ဥပမာ နှလုံးရောဂါသည် လာတယ် ဆိုပါစို့။ သူလုပ်စရာ ရှိတာက ECG ဆွဲ၊ ဓါတ်မှန်ရိုက်၊ သွေးစစ်ဆေး စရာရှိရင် စစ်ဆေး။ ပြီးရင် တွေ့ရှိချက်အတိုင်း ဆေးပေးရုံပဲ။ ကိုယ်တို့ကတော့ ဒီလို မဖြစ်သေးဘူးလေ။ ECG ဆိုတာ နယ်မြို့လေးတွေမှာ မရှိနိုင်သေးဘူး။ သွေးစစ်ဖို့ဆိုတာကလည်း နေရာတိုင်း မဖြစ်နိုင်။ တကယ်လို့ ကိုယ်က ဒီလိုထင်လို့ ပေးမယ် စဉ်းစားရင်တောင် ကိုယ်တာဝန်ကျတဲ့ဒေသမှာ ဝယ်မရတဲ့ဆေးတွေက အများကြီး။ အဲဒီတော့ နောက်ဆုံးပေါ် ကုသနည်းတွေနဲ့ ကိုယ်နဲ့က နည်းနည်းဝေးနေတယ်။ သူတို့ဆီမှာ ရှော့ခ် (Shock) ကို Central venous line (femoral vein) ထည့်နေချိန်မှာ ကိုယ်တွေက venous cut down လုပ်နေရတုန်းပဲ။ နောက်ပိုင်းစာအုပ်တွေဆို venous cut down ဆိုတာ သိပ်မြင်ရတော့မှာ မဟုတ်ဘူးလေ။ တချို့ ရောဂါတွေဆို Diagnosis ကို သူတို့ ဆီမှာ CT scan, MRI, Scope တွေနဲ့ပဲ Confirm လုပ်နေချိ်န်မှာ ကိုယ်တွေက ကိုယ့်ရဲ့လက်တွေ နားတွေ ကို အသုံးပြုနေရတုန်း။ အဲဒါမျိုးတွေဆို ဟိုခေတ်က စာအုပ်အဟောင်းတွေ ပြန်ရှာဖတ်ရတယ်။ နောက်ထွက်တဲ့ edition တွေဆို မပါတတ်တော့လို့။

နောက်တစ်ခုကတော့ သူဟာ တကယ် ဇောက်ချလုပ်ကိုင်ခြင်း ဆိုတဲ့ Professional ဖြစ်နေပြီ။ သူတို့ဆီမှာ ဆရာဝန်တွေက ဆေးကုဖို့က လွဲလို့ ဘာမှ ပူစရာမရှိဘူး။ သူတို့ဆေးရုံမှာဆို ဆရာဝန်တွေ စိတ်ဖိစီးမှု နည်းပါးရေး ကော်မတီတောင် ရှိတယ် ဆိုပဲ။ ဒီမှာကတော့ အမျိုးစုံပါပဲ။ လူနာစောင့်တွေ၊ ဆေးဖိုးဝါးခ၊ ဆေးခန်း၊ ဆက်ဆံရေး၊ သန့်ရှင်းရေး ကအစ ကိုယ့်ခေါင်းပေါ် တော်တော် ရောက်တယ်။ ဒီမှာက နောင်တစ်ချိန် ဆရာဝန် ဖြစ်မယ့် ဟောက်ဆာဂျင်တွေ ဆေးရုံလာမလာကိုတောင် စောင့်ကြည့် စာရင်းယူနေရတာ။ ပညာယူဖို့ တက်တက်ကြွကြွ ဖြစ်နေရမယ့် ကိစ္စကို ဘယ်လိုကြောင့်များ ဆေးရုံမလာချင် ဖြစ်နေကြတယ် မသိဘူး။ (ကိုယ့်ဘာသာရပ်ကို ကိုယ်တန်ဖိုး မထားတာ အံ့သြဖို့ ကောင်းတယ်) အဲ ... အပို အလုပ်တွေ လုပ်ရတာကို ပြောတာပါ။ ကိုယ်တို့ ဒီက ဆရာဝန်တွေက Semi-pro ဖြစ်နေတာပေါ့နော်။

ဒါပေမယ့် ဒီမှာလည်း တကယ် ပရိုဖက်ရှင်နယ်ကြီးတွေ ရှိပါတယ်။ အခု ဆရာဝန်ကြီးတွေ ပရော်ဖက်ဆာကြီးတွေကလည်း ကိုယ်တို့လို ဘဝကို ဖြတ်သန်းပြီး နိုင်ငံတကာ အသိအမှတ်ပြု အထူးကု ဘွဲ့တွေ ယူထားကြတာပဲ။ တကယ်တမ်း ပြဿနာက ကိုယ် ကြိုးစားဖို့ လိုနေပြီ၊ အခုထက် အားထည့်ဖို့ လိုနေပြီ ဆိုတာပဲ ဖြစ်မှာပါ။

အာဇာနည်နေ့

noreply@blogger.com (Dr. Junior) — Sat, 18 Jul 2009 08:17:00 +0000

အာဇာနည်နေ့ တစ်ခေါက်ရောက်လာပြန်ပြီပဲ။

တိုင်းပြည်အတွက် အသက်စွန့်သွားတဲ့ အာဇာနည်တွေ။ သူတို့အတွက် ဘာတွေ လုပ်ပေးပြီး ကြပြီလဲ။ သူတို့ ချစ်တဲ့ တိုင်းပြည်အတွက် ဘာတွေ လုပ်ဖြစ်ကြပြီလဲ။ သူတို့ အသက်စွန့် ကာကွယ်သွားကြတဲ့ လူမျိုးအတွက် ဘာတွေ လုပ်ပေးပြီး ကြပြီလဲ။

အချိန်ကြာရင် မေ့မှာပဲ ဆိုပြီးတော့များ သဘောထားနေကြပြီလား။

ဒီမေးခွန်းအတွက် အဖြေ မရှိသေးတဲ့ အတွက် ကျနော် ရှက်မိပါတယ်။

ရန်ကုန်

noreply@blogger.com (Dr. Junior) — Mon, 13 Jul 2009 16:44:00 +0000

ဘယ်လိုပဲ ဖြစ်ဖြစ် သူ ရန်ကုန်မှာ ပိုပျော်ပါသည်။

သူ့ကို မြို့ငယ်လေး တစ်မြို့မှာ မွေးဖွားခဲ့ခြင်း ဖြစ်သည်။ သူတို့ မြို့မှာ အထပ်မြင့် တိုက်တွေ မရှိပါ။ ကတ္တရာလမ်း ဆိုတာလည်း စက်ဘီးနဲ့ ဆိုက်ကားများ ကြီးစိုးရာနေရာသာ ဖြစ်သည်။ စတိုးဆိုင်ကြီးတွေ၊ ဈေးဝယ် စင်တာတွေ ဆိုတာ ရုပ်ရှင်ထဲမှာသာ သူမြင်ဖူးလေသည်။

သူ ဆယ်တန်းအောင်တော့ ရန်ကုန်ကို ပထမဆုံး ရောက်ဖူးခြင်း ဖြစ်သည်။ လမ်းသစ် ဗောတံတားကနေ ကုန်ဈေးတန်းလမ်းရှိ အမျိုးအိမ်သို့ လေးဘီးကား ဖြင့်လာရင်း မော့ကြည့်ရသော တိုက်မြင့်များကို စမြင်ဖူးခြင်း ဖြစ်သည်။ သူအရမ်းသဘောကျသွားသည်။ သိမ်ကြီးဈေးဆိုတာကလည်း သူ့မြို့က ဈေးနဲ့မတူ။ လမ်းဘေးမှာ ရောင်းသော ဘဲပေါင်းဆီချက်ကလည်း ကောင်းမှကောင်း။ ညအချိန် ရွှေတိဂုံဘုရားလမ်း ကုန်းကျော် တံတားပေါ်မှ နေ၍ နီယွန် မီးရောင်စုံများကို ကြည့်ရသည်မှာလည်း ရှုမငြီးဖွယ် ဖြစ်သည်။ ထိုစဉ်ကတည်းက သူရန်ကုန်မှာ နေဖို့ ကြိုးစားရန် ဆုံးဖြတ်မိသည်။

အခုတော့ သူ ရန်ကုန်မှာ နေတာ ဆယ်စုနှစ်တစ်ခု ကျော်ခဲ့ပြီ ဖြစ်သည်။ တိုက်တွေကလည်း သူ့ကို မဆွဲဆောင်နိုင်တော့ပြီ။ အထပ်မြင့် တိုက်တွေထဲက မွန်းကြပ်တဲ့ ဘဝတွေက စိတ်မောစေသည်။ သိမ်ကြီးဈေးသည်လည်း အရင်လောက် မစည်တော့ သလိုပင်။ နီယွန်မီးချောင်းတွေ လင်းဖို့ လျှပ်စစ်မီးက ရှားပါးစာရင်း ဝင်သွားပြီ ဖြစ်ရာ ညတွေက သဘာဝအတိုင်းသာ လှနေတော့သည်။

သို့သော် သူ ဇာတိမြို့တော့ မပြန်ချင်သေးပါ။ ထို့အတူ ရန်ကုန်ထက်သာသော အခြား မြို့များဆီသို့လည်း သူ ထွက်သွားရန် စိတ်မကူးတော့ပါ။ ရန်ကုန်နှင့်အတူ သူ့အား ချည်နှောင်ထားသော မိသားစုဆိုတာကို သူပိုင်ဆိုင်သွားသောကြောင့် ဖြစ်သည်။ ထို မိသားစုကို သူသယ်ဆောင်သွားနိုင်သော တစ်နေ့တွင်တော့ သူ သွားချင်စရာ မြို့တော်အသစ် တစ်ခုသို့ သွားဖြစ်ဦးမလား သူ မသိသေးပါ...................

ညီးညူခြင်း

noreply@blogger.com (Dr. Junior) — Mon, 13 Jul 2009 16:30:00 +0000

အချိန်တွေ အကုန်မြန်တယ်ဆိုတာ စာမေးပွဲအတွက် စာကျက်မှပဲ သိတော့တယ်။ စာကဖြင့် ဘယ်လောက်မှ မပြီးသေး။ နောက်တစ်လကျော်ဆို စာမေးပွဲ ဖြေရတော့မယ်။ အောင်ရန် ရာနှုန်း ( ) လောက်ပဲ ရှိမယ်။

ပိုးဖလံတွေ မီးကို ဘာလို့ တိုးကြလဲဆိုတာ ငယ်ငယ်တုန်းက တွေးလို့ မရခဲ့ဘူး။ အခုလည်း ဘာလို့ ဆရာဝန်ဘဝမှာ ဖက်တွယ် နေမိလည်း မသိဘူး။ ညမအိပ်ရတဲ့ အလုပ်၊ လခ နည်းတဲ့ အလုပ်၊ မိသားစုနဲ့ အတူမနေရတဲ့ အလုပ်၊ နေရာ အတည်တကျ မရှိတဲ့ အလုပ်၊ တစ်ခါတစ်လေ ကိုယ်မတတ်နိုင်လို့ လက်လွှတ်လိုက်ရရင် ကိုယ့်အမျိုး မဟုတ်ဘဲ ဝမ်းနည်းရတဲ့အလုပ်။ ပျော်ရတယ်ဆိုတာ တစ်ခါတစ်လေလည်း ရှိပါရဲ့။ ဒါပေမယ့် စိတ်တိုင်းမကျ စိတ်ဓါတ်ကျစရာ အချိန်တွေက ပိုများနေသလိုပဲ။

အခုလည်း လက်ထောက်ဆရာဝန် ဘဝကနေ အထူးပြု ဆရာဝန်ဘဝ ဖြစ်အောင် စာအသေအလဲ ဖတ်နေရတယ်။ နယ်မှာဆိုတော့ ကျူရှင်လည်း မတက်နိုင်ပါဘူး။ ပိုက်ဆံကုန် သက်သာသွားတာပေါ့လေ။ စာဖတ်ဖော် မရှိတာတော့ မကောင်းဘူး။ တစ်ခုခုဆို အင်တာနက် တက်ရှာဖို့ကလည်း ဖုန်းလိုင်းတောင် မရှိတဲ့နေရာ ဆိုတော့။

တစ်ခါတစ်လေတော့လည်း ကျောင်းတုန်းကတည်းက ကြိုပြီးကျက်ခဲ့ရင် အခု ဒီလောက် ပင်ပန်းမှာ မဟုတ်ဘူး တွေးမိပါရဲ့။

ရွေးချယ်မှု ....

noreply@blogger.com (Dr. Junior) — Thu, 25 Jun 2009 19:20:00 +0000

တကယ်တမ်း နောက်ဆုတ်ရမယ် ဆိုတော့ နောက်တွန့်နေမိပြန်သည်။ ဝါသနာ မပါဘူးလို့ တစ်ချိန်လုံး ကြွေးကြော်ခဲ့သော်လည်း ရလာတဲ့ ပီတိတွေကို လိုချင်တပ်မက် ဖြစ်နေတတ်တာတော့ အသေအချာ ဖြစ်သည်။ ဝေးကွာသော တစ်နေရာ၊ မိသားစု လိုက်နေရန် အဆင်မပြေသော တစ်နေရာ၊ ဆေးခန်းဖွင့်ရန် မဖြစ်နိုင်သောနေရာ၊ မီးအမြဲလာသည်က လွဲ၍ အစားအသောက် အနေအထိုင် အဆင်မပြေသော နေရာ၊ ထိုနေရာကို ရောက်သည့်အချိန်မှ စ၍ သူ့ခေါင်းထဲတွင် အမြဲ တွေးနေတတ်သည်က အလုပ်ဆက်လုပ်လို့ ဖြစ်ပါ့မလား ဆိုတာပဲ ဖြစ်သည်။ နေရာကောင်းရရန် ကြိုးစားအားထုတ်ရမှာ ရှက်တတ်သော၊ အများ မိုးခါးရေသောက်ပစေ ကိုယ်ကတော့ ကိုယ့် ကျင့်ဝတ်နဲ့ ကိုယ်ပဲ ဟု အမြဲ ကြွေးကြော်ခဲ့သူ တစ်ယောက်အနေဖြင့် ဒီအခက်အခဲတွေက ထင်တာထက် ပိုများနေတာကိုတော့ ဝန်ခံမိသည်။ ပထမဆုံးလာသည့်နေ့က လိုင်းကား မရှိဘူး၊ ကုန်ကားနဲ့ လမ်းကြုံလိုက်ရမှာ ဆိုတုန်းက အတွေ့အကြုံဟု သဘောထားနိုင်သေးသော်လည်း နေစရာ အဆင်မပြေ အစားအသောက် က ဝယ်စားစရာ ဆိုင်ကမရှိသောအခါ သူအားလျော့တတ်လာသည်။ ပစ္စည်းကိရိယာ စုံလင်မှု မရှိသော၊ ပေးသင့်သော ဆေးထက် ပေးနိုင်သော ဆေးကို ဦးစားပေးသုံးရသော၊ ဓါတ်ခွဲစမ်းသပ်ခြင်းထက် မိမိ၏လက်၊ မျက်စိနှင့် နားကိုသာ အားထားရသော ဒီနေရာမှာ သူ့ကို သူ အပြည့်အဝ ယုံကြည်မှု မရဘဲ ဖြစ်နေတတ်သည်။
ရောမရောက်ရင် ရောမလိုကျင့်ရမှာပဲ ဆိုသော အကိုတစ်ယောက်၏စကားကို ကြီးနိုင်ငယ်ညှဉ်းနိုင်သော လောကတွင် ဘယ်လိုမှ ဆက်စပ်မရ ဖြစ်နေတတ်သေးသည်။ လာမတွေ့၍ ဟိုရွှေ့မည် ဒီရွှေ့မည်ဆိုတတ်သော လူကြီးတစ်ယောက်ကိုလည်းကောင်

း၊ လစာယူ၍ အလုပ်မလုပ်ချင်သော လုပ်ဖော်ကိုင်ဖက် တစ်ချို့ကိုလည်းကောင်း သူရိုးသားစွာ နားမလည်နိုင် ဖြစ်ခဲ့ရသည်။
သို့သော်လည်း ရိုးသားလွန်းလှသည့် ဒေသခံတွေကတော့ သူ့ကို အမောပြေစေခဲ့သည်သာ။ ကိုယ်တိုင်ကတော့ လုံချည် အပြဲနှင့် ဆေးရုံလာရသော်လည်း ဆရာဝန်ကို ဦးဂျမ်းပုဆိုးလေးနဲ့ ကန်တော့ချင်ကြသော ရင်ထဲက စေတနာက သူ့မျက်ရည်ဝိုင်းသည်အထိ ခံစားစေပြန်သည်။ သူမယူရက်၍ ပြန်ပေးလေတိုင်း စိတ်မကောင်းဖြစ်ကြသည်မှာလည်း သိသာလှပေသည်။ သူတတ်နိုင်သမျှ ကုသ၊ မတတ်နိုင်၍ လွှဲရသည့်အခါတိုင်း ဆရာတတ်နိုင်သလောက်ပဲ ကုပါ ကျနော်တို့ မသွားနိုင်တော့လို့ပါဆိုလာတိုင်း သူ မလုပ်နိုင်သော အရာအားလုံးကို ချက်ချင်း လုပ်တတ်ချင်လာသည်။
ဘာပဲဖြစ်ဖြစ် သူအလုပ်က ဒီလူတွေကို ကူညီနေတာပဲ ဆိုတာ သဘောပေါက်တိုင်းတော့ သူကျေနပ်မိသည်။
ဒီလိုနဲ့ပဲ သူ ... ဆုံးဖြတ်ရခက်နေဆဲဖြစ်သည်။

သင်တန်းတက်ခြင်း

noreply@blogger.com (Dr. Junior) — Sat, 07 Mar 2009 13:40:00 +0000

ဘာလိုလိုနဲ့ ၁၄ ပတ်ဆိုတဲ့ အချိန်ဟာ ကုန်ခါနီးပါပြီ။ ၄ ပတ်ပဲ ကျန်တော့မယ်။ အဲဒီအခါကျရင် အင်တာနက်ကို အရင်လို ပြန်သုံးနိုင်ပြီပေါ့။ မီးလာရင် ပြီးတော့ connection ကောင်းရင်ပေါ့လေ။

၁၀ ပတ်ကုန်သွားတဲ့ အချိန်နောက်မှာ ကိုယ့်ကိုကိုယ် ပြန်ဆန်းစစ်ကြည့်တယ်။ ဘာတွေ အကျိုးရှိလာသလဲ လို့။

ကိုယ်အလေးချိန် ကျသွားပါတယ်။ ၁၀ ပေါင်ကျော်ကျသွားတာပါ။ ပြီးခဲတဲ့ နှစ်ဆန်းပိုင်းလောက်က စဝလာလိုက်တာ သင်တန်းမတက်မီ အထိ ကျနော် ၁၃၁ ပေါင်အထိ ရောက်သွားပါတယ်။ အခု ၁၂၀ လောက်ပဲ ရှိပါတော့တယ်။ လေ့ကျင့်ခန်းတွေ မှန်မှန်လုပ်၊ အချိန်မှန် လမ်းလျှောက်ရတာတွေရဲ့ အကျိုးကျေးဇူးပေါ့။ အစားအစာ စားမကောင်းလို့ မစားနိုင်တာလည်း ပါပါတယ်။

စာကျက်ဖို့ အစပျိုးဖြစ်ပါတယ်။ အဆောင်က hall type ဆိုတော့ စာကျက်ရတာ အာရုံ စူးစိုက်မှု မရပေမယ့် နည်းနည်းတော့ ကျက်ဖြစ်ပါတယ်။ စက်တင်ဘာ မှာ ဖြေရမှာ ဆိုတော့ နည်းနည်း မြန်မြန် ဖတ်ဖို့တော့ လိုတာပေါ့လေ။

လူတွေနဲ့ ပိုဆက်ဆံဖြစ်ပါတယ်။ အရင်က လူနာရယ် ဆရာဝန်ရယ် အလုပ်သမားရယ် မိသားစုရယ် သူငယ်ချင်းတွေရယ် ဒါတွေနဲ့ပဲ တွေ့ထိ ဆက်ဆံနေတာကနေ အခုတော့ နေရာအနှံ့က အရာရှိအမျိုးမျိုးနဲ့ ဆက်ဆံရတာပေါ့လေ။ နည်းနည်း အခက်အခဲ ရှိပေမယ့် မဆိုးပါဘူး။

Presentation skill တက်လာပါတယ်။ Discussion တွေမှာ ရှေ့ထွက်ပြီး များများပြောဖြစ်တယ်။ ဘယ်လို ပြောရင် ဆွဲဆောင်မှု ရှိလဲ။ ဘယ်လို ပြင်ဆင်ရမလဲ စသည်ဖြင့် အရင်ထက်တော့ ကိုယ့်ကိုကိုယ် ယုံကြည်မှု ပိုလာပါတယ်။

အနားရပါတယ်။ အလုပ်ကနေ ခဏ အနားရပါတယ်။ စိတ်လွတ်ကိုယ်လွတ် မဟုတ်ပေမယ့် အလုပ်မှာ ရှိတဲ့ စိတ်ဖိစီးမှုတော့ နည်းနည်း လျော့သွားတယ်။

ပိုတွေးဖြစ်ပါတယ်။ အနာဂတ်အတွက် ဘဝအတွက် ကိုယ်ဖြစ်ချင်တာ ကိုယ်လုပ်ပေးချင်တာ ကိုယ်ယုံကြည်တာတွေကို မျှတအောင် ဘယ်လိုလုပ်မလဲ ဆိုတာ ပိုနားလည်လာတယ်။ အရင်လို တဇွတ်ထိုး လုပ်ချင်ရာလုပ် ပြောချင်ရာပြောလို့ မရဘူးဆိုတာ ပို နားလည်လာပါပြီ။

ကျနော့ Consultant က ပြောဖူးတယ်။ "Life depends on your perspectives" တဲ့။ အရင်က နားမလည်ခဲ့ဘူး။ အခုတော့ နားလည်သွားပြီ။ ဘယ်လို အခြေအနေမှာပဲ ဖြစ်ဖြစ် ကိုယ်အနေနဲ့ အကျိုးရှိမယ့် အရာကို အချိန်သုံးတတ်ဖို့ပဲ လိုတယ်။

--
junior
gmail ဖြင့် ဘလော့ သည်။

30 years struggle

noreply@blogger.com (Dr. Junior) — Sat, 13 Dec 2008 16:10:00 +0000

ဘာရယ် မဟုတ်ပါဘူး။ ဘဝဆိုတာ struggle ပဲ ဆိုတဲ့ ဆိုရိုးလေးကို သတိရလို့ပါ။ ဘာလိုလိုနဲ့ နှစ်သုံးဆယ် ရှိခဲ့ပြီပေါ့။ ရုန်းကန်ခဲ့ ရုန်းကန်ဆဲ ရုန်းကန်ရဦးမှာပါပေါ့လေ။
ဒီနေရာမှာ ကျေးဇူးအတင်ဆုံးက မိသားစုပါပဲ။ အချိန်ကြာလေ တန်ဖိုးရှိမှန်းသိလေ ပြန်မရလေ ဆိုတဲ့ အကောင်းဆုံး မိသားစုတစ်ခု ရှိခဲ့လိုသာ ကျနော် ဒီအခြေအနေကို ရောက်လာတာပါ။
နောက်တစ်ယောက်ကတော့ ကျနော့် နဲ့ အတူ လက်တွဲဖော် ပေါ့။ သူရဲ့ အားပေးမှုနဲ့ ဂရုစိုက်မှုတွေသာ မရှိရင် ဘဝကို အကောင်းမြင်တတ်ဖို့ ကျနော် မတတ်နိုင်ပါဘူး။ ကျနော့်ရဲ့ အောင်မြင်မှု ကျရှုံးမှု၊ ပျော်ရွှင်မှု ဝမ်းနည်းမှုတွေ ဝေမျှခံစားပေးနိုင်တဲ့ သူပါပဲ။
နောက်ကျေးဇူးတင်ချင်တာကတော့ သူငယ်ချင်း ဆိုတာကိုပါပဲ။ ကျနော် မွေးနေ့တိုင်း အလိုချင်ဆုံးက သူငယ်ချင်းတွေဆီက မွေးနေ့ဆုတောင်း ဖြစ်သလို သူငယ်ချင်းတွေကလည်း အမြဲ မပျက်မကွက် ပေးလေ့ရှိတာကတော့ ကျေနပ်မိတယ်။
ကျနော့်ရဲ့ ဘလော့ဂ်လေးကို လာလာ အားပေးနေသလို ကျနော့်အတွက်လည်း မွေးနေ့ဆုတောင်းပေးတဲ့ အမ kom, sin dan lar, အမ နုသွဲ့တို့ကိုလည်း အရမ်းကို ကျေးဇူးတင်မိပါတယ်။ အနီးအနားမှာသာ ဆိုရင် မုန့်ဝယ်ကျွေးဖြစ်မှာ သေချာပေမယ့် အခုတော့ နောက်ကြုံရင် ကျွေးခိုင်းဖို့ မှတ်ထားနိုင်ပါတယ်။
ဖောင်ကြီးသွားမယ့် တစ်လအတွင်းမှာ ပို့စ်လုံးဝ မတင်ဖြစ်နိုင်ပေမယ့် ပြန်လာရင် တင်မှာ ဖြစ်လို့ လာလည်ကြဖို့လည်း သူငယ်ချင်းအားလုံးကို ဖိတ်ခေါ်ပါတယ်။ မေ့မသွားကြပါနဲ့။

အခုတော့ မီးပျက်ခါနီးပြီမို့ ရှည်ရှည်မရိုက်နိုင်တော့ပါဘူး။
ဂျူနီယာတစ်ယောက် လူသားပီသတဲ့ လူတစ်ယောက် ဖြစ်ပါစေလို့ ဝိုင်းဝန်း ဆုတောင်းပေးကြပါဦး။

--

dr-junior.blogspot.com

မျှော်နေမယ်နော်

noreply@blogger.com (Dr. Junior) — Tue, 09 Dec 2008 15:51:00 +0000

ဒီအချိန်ဆို ဒီလိုပဲ ဆိုတာ သိရက်နဲ့ သူရောက်မလာတော့ တော်တော် အံ့သြသွားသည်။ ဒီဇင်ဘာတောင် ရောက်ပြီပဲ။ နှစ်စဉ်နှစ်တိုင်း ဒီအချိန်ဆို သူပျောက်သွားသည်ပဲ။ ဥသြတွေ ရောက်လာသည် အထိ မစောင့်တော့ဘူးပေါ့နော်။ မရမှန်း သိရဲ့နဲ့ တောင်းပန်ကြည့်ချင်သည်။

တကယ်ဆို သူနှင့်ကိုယ် က ခွဲမရ။ ကိုယ် အလုပ်က ပြန်လာလို့ စာဖတ်ချိန်၊ အင်တာနက် တက်ချိန်များတွင် သူသည် မရှိမဖြစ်။ သူမရှိ၍ အဝတ်တွေကို လက်နဲ့ လျှော်ရသော် အခါများတွင် အဝတ်လျှော်ပျင်းသော ကိုယ့်အတွက် စိတ်ညစ်ရပြန်သည်။ အချိန်မရ၍ ကိုရီးယား ဇာတ်လမ်းတွဲသာ မကြည့်ဖြစ်ချင်နေမယ်။ ဟောလီးဝုဒ် ကားများကို အသည်းအသန်ကြိုက်သော ကိုယ့်ကို သူက အလိုက်သိတတ်ပြန်သည်။ ဆေးရုံတွင် အလုပ်များသော အခါများတွင်လည်း သူရှိနေရင်သာ မသိသာ။ သူမရှိသောအခါ အလွန်သိသာသည်။ ဘာမှ ဖြောင့်ဖြောင့်တန်းတန်း လုပ်မရတော့။ အကုန် နောက်ကျကုန်သည်။

တစ်ခါတစ်လေ သူမရှိလည်း ဖြစ်အောင် ကြိုးစားနေကြည့်ချင်သည်။ သို့သော် နေမရသေးမှန်းလည်း ကိုယ့်ကို ကိုယ် သိနေပြန်သည်။ သူမသွားအောင်လည်း ကိုယ်က မတတ်နိုင်။ နောက် ဘယ်တော့များမှ သူ ကိုယ့်နား အမြဲရှိမလဲ မျှော်လင့်မိသည်။ လောလောဆယ်တော့ မဖြစ်နိုင်သေး။

လျှပ်စစ်မီးသည် ကိုယ့်ဘဝမှာ မရှိမဖြစ်နည်းပါး ဖြစ်နေတာ စိတ်ကုန်စရာ ဖြစ်လာသည်။ အစားထိုးစရာလည်း ကိုယ်က မတတ်နိုင်သေး။ အခုခေတ် မီးစက်တွေက သိန်းဂဏန်းမှာ။ ဆီဖိုးကလည်း ကုန်ဦးမည်။ အင်ဗာတာနဲ့ ဘတ္ထရီနဲ့ တွဲသုံးကြည့်ဖူးသည်။ အမြဲတန်းတော့ အဆင်မပြေလှ။ မီးမှန်မှန်လာသောအခါ ဘတ္ထရီအားမသွင်းဖြစ် မသုံးဖြစ်သဖြင့် ပျက်ပြန်သည်။ ဘယ်လို လုပ်ရပါ့။ အခုလည်း မနက်ဖြန် seminar အတွက် powerpoint ရိုက်နေရင်းက ဘယ်တော့ ပျက်သွားမလဲ စိုးရိမ်နေရပြန်လေသည်။

အမြဲ မှန်ပါတော့ မီးရယ်။ ကိုယ် ဆုတောင်းနေဆဲပါ။
--
dr-junior.blogspot.com

စိတ်ကူးနဲ့လက်တွေ့

noreply@blogger.com (Dr. Junior) — Tue, 09 Dec 2008 15:09:00 +0000

အစာများများ စားပါ
ဟုတ်ကဲ့
ဒီဆေး မှန်မှန်သောက်ပါ
ဟုတ်ကဲ့
သွေးလေးစစ်ကြည့်ပါဦး
ဟုတ်ကဲ့
အနားလည်း ယူဦးနော်
ဟုတ်ကဲ့
ဆေးခန်းက အထွက်မှာ
ကွမ်းယာဆိုင်ကိုပဲ
အားကိုးစရာလို့
ပုံအပ်လိုက်ရတယ်။

--

dr-junior.blogspot.com

ဒီဇင်ဘာ

noreply@blogger.com (Dr. Junior) — Sun, 07 Dec 2008 09:38:00 +0000

တကယ်တော့ ဒီဇင်ဘာ ဆိုတာ နှစ်တစ်နှစ်ရဲ့ လတစ်လမျှသာ ဖြစ်သည်။ သို့သော် ဒီဇင်ဘာ ကို ကျနော် တခြားလတွေထက် ပိုချစ်လေသည်။ ပထမဆုံး အချက်ကတော့ ကျနော့် မွေးလ ဖြစ်သောကြောင့် ဖြစ်သည်။ မွေးနေ့ကို ကျင်းပဖြစ်သည် ဖြစ်စေ မကျင်းပဖြစ်သည် ဖြစ်စေ၊ မနက်စောစော ဘုရားသွား ရခြင်းကို မပျက်ကွက်အောင် ကြိုးစားခဲ့သည်။ နှင်းတွေ (တချို့ကတော့ မြူတွေလို့ ပြောကြသည်) ဝေနေအောင် ကျနေလို့ကတော့ အဲဒီနေ့မှာ နေထွက်လို့ နှင်းကွဲသည်အထိ လမ်းလျှောက်နေမိသည်။ ခေါင်းမှာ နှင်းတွေနဲ့ စိုနေတာ၊ အသက်ရှု ထုတ်လိုက်တိုင်း အငွေ့တွေ ထွက်သွားတာ သဘောကျမိသည်။ ဘုရားက ပြန်အလာ လမ်းမှာ ဘယ်သူ အရင်ဆုံး Birthday wish လုပ်မလဲ ဆိုတာ မျှော်မိသည်။ အမြဲတမ်း အစောဆုံးလုပ်တတ်တာတော့ သူငယ်ချင်း ချောစု ဖြစ်တတ်လေသည်။ (သူ့မွေးနေ့ဆိုရင်တော့ အမြဲတမ်း သုံးရက်နောက်ကျပြီးမှ ဖုန်းဆက်ဖြစ်လေသည်။ သူက ဂျူလိုင် ၁၆ ဆိုတော့ အာဇာနည်နေ့ကျမှ သူ့မွေးနေ့ ကျော်လာမှန်း သတိရ၍ ဖြစ်သည်။)

ဒုတိယ အချက်ကတော့ အေး၍ ဖြစ်သည်။ အဲယားကွန်းဆိုတာနဲ့ တစ်ခါမှ မအိပ်ဖူးသူ၊ အမြဲတမ်း စောင်ခြုံမှ အိပ်တတ်သူ ဖြစ်ရာ ဆောင်းရာသီသည် အိပ်ရာထဲတွင် ဇိမ်အကျဆုံး ဖြစ်သည်။

တတိယအချက်ကတော့ ရုံးပိတ်ရက်အများဆုံးလ (ဧပြီလမှလွဲ၍) ဖြစ်ရာ ကျောင်းသားဘဝရော ဝန်ထမ်းဘဝတွင်ပါ မကြိုက်စရာ ဘာရှိသနည်း။ အဲ .. ပိတ်ရက် ဂျူတီကျရင်တော့ ပျင်းဖို့ကောင်းလေသည်။ ဆေးရုံတွင်တော့ ၃၁ ရက် ဂျူတီကို အမြဲ မဲနှိုက် ရွေးရလေ့ရှိသည်။ လူတိုင်းက သူ့အစီအစဉ်နဲ့သူကိုး။

ဒီနှစ် ဒီဇင်ဘာကတော့ နည်းနည်း ပျင်းဖို့ကောင်းမည် ဖြစ်သည်။ ၂၀ ရက်ဆိုလျှင် ဗဟို ဝန်ထမ်းတက္ကသိုလ် သွားတက်ရတော့မည် ဖြစ်သောကြောင့်။ ဘလော့ဂ်ရေးတာလည်း ခဏတော့ နားရပေဦးမည်။

--
dr-junior.blogspot.com (from Gmail)

ရှုံ့ချခြင်း

noreply@blogger.com (Dr. Junior) — Thu, 27 Nov 2008 15:55:00 +0000

အပြစ်မဲ့ သူများအပေါ် သေကြေ ထိခိုက် ဒဏ်ရာ ရစေသော အိန္ဒိယနိုင်ငံ မွန်ဘိုင်းမြို့ အကြမ်းဖက်တိုက်ခိုက်မှုနှင့် ကမ္ဘာတစ်ဝန်းရှိ အကြမ်းဖက်သူ အားလုံးအား ပြင်းထန်စွာ ရှုံ့ချပါ၏။

I strongly condemned the terrorism in india and all over the world which cause innocent people death and injuries.

--
gmail ဖြင့် ရေးသည်။
dr-junior.blogspot.com

G mail ရဲ့ အသွင်သစ်

noreply@blogger.com (Dr. Junior) — Fri, 21 Nov 2008 13:22:00 +0000

Internet connection လေးရက် ပြတ်တောက်ပြီး သကာလ ယနေ့ ပြန်ရတဲ့ အခါကျတော့ G mail ရဲ့ နောက်ခံက တစ်မျိုးဖြစ်နေပါတယ်။ log in လုပ်လိုက်တော့ Themes ပြောင်းလို့ရတယ် ဆိုတဲ့ message လေးက အပေါ်ဖက်မှာ ပေါ်လာပါတယ်။ click လုပ်လိုက်တော့ အောက်က ပုံမျိုး ပေါ်လာပြီး Theme တစ်ခု ရွေးခိုင်းတယ်။

ကျနော်ကတော့ ဒီ နင်ဂျာ ဆိုတဲ့ theme လေးကို သဘောကျတယ်။ မျက်လုံးအေးတယ်။ ထင်ရှားတယ်။ နောက်ခံအရောင်က စာနဲ့ မရောဘူး။
Theme ကြောင့် သိသိသာသာ လေးသွားတာကို မတွေ့ရပါဘူး။
ထပ်ပြောင်းချင်တယ်ဆိုရင်တော့ setting ထဲကို ဝင်လိုက်ရင် ဘယ်ဘက် ထောင့်ဆုံးမှာ Themes ဆိုတဲ့ Tab လေးကို နှိပ်ပြီး ဝင်ရောက် ပြောင်းလဲနိုင်ပါတယ်။ အခု စာရေးနေတုန်းအထိတော့ အခုပေးထားတဲ့ Themes တွေ အပြင် ထပ်မံ ပြောင်းလဲလို့ ရတာတော့ မတွေ့သေးပါဘူး။

G mail ရဲ့ support site မှာတော့ အခုလို ရေးထားတာ တွေ့ရပါတယ်။

Themes

Themes allow you to customize the look and feel of your Gmail account. To choose a theme, click a thumbnail on the Themes tab of your Settings page.

In some cases, you can also customize by location. Some themes change during the day, and we use the location information you provide to correctly time these changes with your local sunrise, sunset, and/or weather. If you select one of these themes, you'll see a Country/Region drop-down menu appear. Select the country you want, and then enter a city in the field provided. If you don't enter a city, or enter an invalid one, we'll set your location to the capital city of the country you selected. When you're done, click Save.

Note: Google developed most of the themes, but three were designed by external artists; Phantasea Renewal was designed by Matthew Ferreira, Summer Ocean by Jim Honeycutt, and Cherry Blossom by Vania Sofandi.

ထွင်တော့ ထွင်နိုင်တဲ့ လူတွေပဲ။ လှသွားတာတော့ အမှန်ပဲ။
အဲ ... အရင်ပုံလေးပဲ ကြိုက်တယ် ဆိုသူတွေအတွက် အပေါ်ဆုံးက log out ထွက်တဲ့နားမှာ Older version လို့ ပေးထားပါတယ်။ ကဲ ... ဘာလိုသေးလဲ။
--
dr-junior.blogspot.com
dr-junior.site40.net

အင်ဒရူးမေဆန် သို့ အိတ်ဖွင့်ပေးစာ

noreply@blogger.com (Dr. Junior) — Fri, 21 Nov 2008 13:04:00 +0000

Bi Weekly Eleven journal No. 35 Vol .1 (Friday November 14 2008) ဂျာနယ် စာမျက်နှာ ၂၃ မှာပါတဲ့ ဆောင်းပါးတစ်ပုဒ်က ကျနော့် စိတ်ကို နောက်ကျိ ရှုတ်ထွေးသွားစေပါတယ်။ "ဆရာဝန်တော့ ဆရာဝန် …. ဒါပေမဲ့" ဆိုတဲ့ ခေါင်းစဉ်တပ်ထားတဲ့ ဆောင်းပါးရဲ့ ဆိုလိုရင်းက မန္တလေးမြို့မှာ ဖျားလို့ ဆေးခန်းသွားပြရာက ဆရာဝန်က HIV positive ဆိုပြီး ဆေးနှစ်လသောက်ရင် ပျောက်တယ်လို့ ပြော၊ အပြင်မှာ ပြန်စစ်ဆေးကြည့်တော့ ပိုးမရှိဘူး ဆိုတာကို ဖွဲ့နွဲ့ရေးထားတာပါ။ ဆောင်းဦးမိုးကျန်စနေမိုးသွန်းဖြိုး လို့ စထားပုံအရ သိပ်မကြာသေးခင် ဖြစ်ထားတာလို့ ယူဆရပါတယ်။
သူဆိုလိုတာကို ကျနော် သဘောပေါက်တာကတော့ ဆရာဝန်က HIV ပိုးရှိတယ်လို့ ညာပြော ဆေးအတင်းရောင်း ဒီလို အဓိပ္ပါယ် ထွက်ပါတယ်။ တစ်လ တစ်သိန်းနှစ်သောင်း၊ နဲ့ နှစ်လ သောက်ရမယ်၊ အပြီးပျောက်တယ်လို့ ပြောတယ်လို့ ဆိုပါတယ်။ လူနာရှင်က မယုံလို့ သူငယ်ချင်းနဲ့ တိုင်ပင် ဆေးပြန်စစ်၊ အဖြေက ပိုးကင်းစင်၊ BAD DOCTOR GOOD DOCTOR ဆိုတာရှိတယ်။ ဆရာဝန်တွေကို မယုံကြနဲ့။ ဒီလိုလား။
စိတ်ကူးယဉ်လား တကယ့် အဖြစ်အပျက်လား လို့ မရေးထားပါဘူး။ ဖွဲ့နွဲ့ ရေးသားပုံအရလည်း သတင်းဆောင်းပါးလို့ မသတ်မှတ်နိုင်ဘူး။ ဒါဆို ဒါဟာဘာလဲ??????
ကျနော့်အနေနဲ့ကတော့ ဒီလို အဖြစ်အပျက်မျိုးကို ရေးမယ်ဆိုရင် အဖြစ်မှန်လား စိတ်ကူးယဉ်လား ဆိုတာကို ထည့်သွင်းဖော်ပြသင့်တယ်လို့ ထင်ပါတယ်။ ဘာလို့လဲ ဆိုတော့ ဒါက Professional တစ်ခုကို အနည်းနဲ့ အများ ထိခိုက်တယ်လို့ ကျနော် ယူဆပါတယ်။ မြန်မာနိုင်ငံမှာ အစဉ်အလာ ယဉ်ကျေးမှု အရ ဆရာဝန် လူနာ ယုံကြည်မှု ကို ပျက်ပြားသွားစေနိုင်လို့ပါ။ ဒီယုံကြည်မှုဟာ ကျနော်တို့ ကျန်းမာရေးလောကမှာ အရေးကြီးပါတယ်။ ဘာကြောင့်လဲဆိုတော့ လူနာတစ်ယောက်ကို လုံလောက်တဲ့ အချိန်ပေးဖို့နဲ့ လူနာတွေရဲ့ ကျန်းမားရေး အသိပညာ အခြေခံရှိဖို့ ဆိုတာ လတ်တလော မဖြစ်နိုင်သေးတဲ့ အရာတွေလို့ ထင်ပါတယ်။

တကယ့် အဖြစ်မှန်ဆိုရင်ရော …
သက်ဆိုင်ရာကို တိုင်လို့ရပါတယ်။ ဆေးရုံက ဆရာဝန်တွေမှ မဟုတ်ပါဘူး။ ဆေးကုသနေတဲ့ ဆရာဝန်တွေ အားလုံးက ကျန်းမာရေး ဝန်ကြီးဌာနရဲ့ အုပ်ထ်ိန်းမှုအောက်မှာ ဆေးကုသခွင့်လက်မှတ် ရယူပြီးမှ ကုသနေတာပါ။ မဟုတ်တာ လုပ်တယ်လို့ ယူဆရင် ပွင့်ပွင့်လင်းလင်း တိုင်ကြားနိုင်ပါတယ်။ မကောင်းတာလုပ်နေတာကို သိရဲ့နဲ့ မတိုင်ဘူးဆိုရင် နောက်လူတွေကို ထိခိုက်အောင် ပူးပေါင်းကြံတဲ့ သဘော သက်ရောက်ပါမယ်။
ဂျာနယ်လစ်တစ်ယောက် အနေနဲ့ အဖြစ်အပျက်ကို သေချာ စုံစမ်းပြီး အမည်နဲ့ တကွ ရေးသား ဖော်ပြနိုင်တယ်လို့ သိထားပါတယ်။ အင်္ဂလန်မှာ ဘောလုံးလောက လာဘ်စားတာတွေ အရှုပ်တော်ပုံတွေကို ဂျာနယ် သတင်းထောက်တွေက လေ့လာပြီး သတင်းဖော်ပြရုံသာမက အားကစား ဌာနကိုပါ အချက်အလက်တွေ ပေးအပ်တာ ဂျာနယ်တွေထဲမှာ ခဏခဏ ဖတ်ဖူးပါတယ်။
အဖြစ်မှန် မဟုတ်ဘူးဆိုရင်ရော …
တစ်ခါတစ်လေကျတော့ ဆေးပညာ အခေါ်အဝေါ်တွေဟာ ထင်ယောင်ထင်မှား ဖြစ်စေနိုင်ပါတယ်။ တစ်ယောက်ယောက်က ပြန်ပြောတဲ့ အခါကျတော့ အဓိပ္ပါယ်ကောက် လွဲမှားနိုင်ရုံသာမက စကားဆိုတဲ့ အတိုင်း ချဲ့ကား ပြောဆိုခြင်းလည်း ဖြစ်နိုင်ပါတယ်။
တစ်ခါတစ်လေကျတော့ ဒီလိုလည်း ဖြစ်နိုင်ပါတယ် ဆိုတဲ့ အတွေးလေးနဲ့ စာရေးဆရာရဲ့ အာဘော် လည်း ဖြစ်နိုင်ပါတယ်။ ဒါဆိုရင်လည်း သတင်းဂျာနယ်မှာ ထည့်ဖို့တော့ မသင်ဘူးလို့ ထင်တာပါပဲ။
နောက်တစ်ခုက စာရေးဆရာ စာမူခ ပြဿနာကို ဖြေရှင်းနည်းလည်း ဖြစ်နိုင်ပါတယ်။ အခြား အကြောင်းအရာ များစွာ ရေးစရာ ရှိမှာပါ။ ပွဲဆူစေတဲ့ အကြောင်းအရာတွေကိုတော့ဖြင့် လက်ရှောင်သင့်တယ် လို့ ထင်ပါတယ်။
ကျနော် တွေးမိတာလေးတွေ ပြောချင်ပါတယ်။ တွေးမိတာတွေပါ။ ကျနော်မှန်တယ်လို့ မဆိုလိုပါ။
ဒီလိုမျိုး လူနာကို ခြိမ်းခြောက် ဆေးကုသပြီ ဆိုရင် ဆေးကုသခွင့်လက်မှတ် အသိမ်းခံရနိုင်ပါတယ်။ တခြား ပြစ်ဒဏ်တွေလည်း ရှိနိုင်ပါတယ်။ ဒီလောက် အန္တရာယ် ကြီးတာကို တစ်လ တစ်သိန်းနှစ်သောင်း နှစ်လ နှစ်သိန်းလေးသောင်းနဲ့ လဲမှာလား ဆိုတာ စဉ်းစားစရာပါ။ (အောင်မြင်တဲ့ ဆရာဝန်တွေရဲ့ တစ်လ လူနာ စမ်းသပ် တိုင်ပင်ခ ဝင်ငွေဟာ ငါးသိန်းလောက်တော့ အနည်းဆုံး ရှိကြပါတယ်။)
ကျောင်းဆရာတစ်ယောက်အနေနဲ့ HIV ပိုးကို နှစ်လနဲ့ ပျောက်မပျောက် မသိဘူးလို့များ ဆရာဝန်ကထင်မလား။ (နယ်စပ်ကလာမှန်း မိဘချမ်းသာမှန်း ဆရာဝန်က သိတယ်လို့ ဆိုထားပါတယ်။ ဘော်ဒါလာနေတယ်ဆိုတာလည်း မေးဖြစ်မယ် လို့ ထင်ပါတယ်။) မသိရင်တောင် မန္တလေးလို မြို့ကြီးမှာ HIV ပိုးအကြောင်း မသိနိုင်ဘူးလို့ထင်တယ်ဆိုရင် ဒီဆရာဝန် တော်တော်တုံးတယ်လို့ ပြောရပါလိမ့်မယ်။
နောက်တစ်ခုပါ …. အခြားဆရာဝန်နဲ့ တိုင်ပင်ပြီးတော့ အပြင်ဆေးခန်းမှာ စစ်တယ်။ negative။ ပြီးရင် အမျိုးသား ဓါတ်ခွဲခန်းမှာ စစ်တယ်လို့ ဆိုပါတယ်။ ဆရာဝန်တစ်ယောက်နဲ့ တိုင်ပင်တယ်ဆိုရင်တော့ အမျိုးသား ဓါတ်ခွဲခန်းမှာ တန်းစစ်ရုံနဲ့ တိကျတဲ့ အဖြေ ရမယ်ဆိုတာ သိရပါမယ်။ အပြင်မှာ စစ်လို့ positive ထွက်မှသာ အမျိုးသား ဓါတ်ခွဲခန်း ထပ်စစ်ပါတယ်။ negative ဆိုရင်တော့ ထပ်စစ်လေ့ မရှိပါဘူး။ (အပြင်ဆေးခန်းမှာ positive ဖြစ်ပြီး အမျိုးသား ဓါတ်ခွဲခန်းမှာ negative ဖြစ်တာ ရှိပါတယ်။ ဒါကို false positive ဖြစ်တယ်လို့ ခေါ်ပါတယ်။ အပြင်မှာသုံးစွဲတဲ့ test kit တွေရဲ့ positive ဖြစ်ခဲ့ရင် မလွတ်စေချင်တဲ့ ရည်ရွယ်ချက်ကြောင့်ပါ။ negative ဖြစ်ခဲ့ရင်တော့ နောက်ထပ် confirmation test kit နဲ့ ဘယ်နေရာမှာမှ ထပ်မစစ်ပါ။ နောက် ၆ လ ကြာမှသာ ပြန်စစ်ဆေးဖို့ ညွှန်ကြားပါလိမ့်မယ်။ စကားချပ်)
ဇာတ်လမ်းလေးက ဒီလိုလေးလည်း ဖြစ်နိုင်ပါတယ် ….
အဖျားကြာနေလို့ အပြင် ဓါတ်ခွဲခန်းမှာ သွေးစစ်တယ်။ HIV false positive ထွက်တယ်။ ဆရာဝန်က ART (anti-retroviral therapy) အကြောင်း ရှင်းပြမယ်။ လူနာက ကြောက်ပြီး ပြန်လာတယ်။ confirmation test ထပ်လုပ်တော့ အဖြေက negative။ အိုကေ … သူ့မှာ ပြောစရာ စကားရသွားပြီ။ ဖျားရုံလေးနဲ့ HIV လို့ စွပ်စွဲထားတဲ့ ဆရာဝန်ကို မကြေလည်တာတွေ ဇာတ်လမ်း လုပ်ပြောလို့ ရပြီ။ ဒါဆို သူ့ကိုလည်း သနားမယ်။ ဆရာဝန်လည်း villain ဖြစ် … မပိုင်ဘူးလား။
လျှောက်တွေးကြည့်တာပါ။ ဖတ်မိတဲ့ သူတွေထဲမှာ မန္တလေးသားများ ပါရင် ဒါလေးကို အလွတ် စုံထောက်လေးများ လုပ်ပြီး ဂျူနီယာကို တိုးတိုးလေး လာပြောကြပါဦးလို့။

--
dr-junior.blogspot.com
dr-junior.site40.net

နေအောင်ကြည်သို့

noreply@blogger.com (Dr. Junior) — Sat, 15 Nov 2008 16:44:00 +0000

အမှန်တကယ်တော့ နာမည် တပ်မရေးသင့်ဘူးလို့ ငါထင်ပါတယ်။ ဒါပေမယ့် ဒီပို့စ်က မင်းကို ရည်ရွယ်တာပဲ။ မင်းနာမည်မှ မတပ်ရင် ဘယ်လို နာမည်ပေးရမလဲ။ နောက်ပြီး ဖတ်တဲ့သူထဲမှာ မင်းကို သိတဲ့သူ တစ်ယောက်ပါဖို့ အလွန်ခဲယဉ်းတယ်။ လူဦးရေ သန်းငါးဆယ်မှာ ငါ့ဘလော့ဂ်လေးကို လာသူက ဆယ်ဂဏန်းအောက်မှာရယ်။ ငါ.... စကားလုံးနဲ့ ဖော်မပြတပ်အောင် ဝမ်းနည်းတယ်ကွာ။ ကြားခါစက ရင်ထဲ တစ်ဆို့ဆို့ကြီး ဖြစ်လာတာ။ ပိုဆိုးတာက မနက်ဖြန် ငါဘယ်လိုမှ မအားဘူး သူငယ်ချင်း။ ငါမရှိရင် မဖြစ်တဲ့ အလုပ်တွေ ဆိုပေမယ့် ငါမရှိရင် နောက်လည်း ငါ့ကို မလိုအပ်တော့ဘူး ဖြစ်မယ့် ငါ မစွန့်လွှတ်ရဲတဲ့ အလုပ်တွေပါ။ နောက်တစ်ခုက ငါလာလည်း အခုမှ ဘာမှ မထူးတော့ဘူးလို့ ငါထင်လို့ပါ သူငယ်ချင်း။

တကယ်တော့ ငါတို့ စခင်တာ ဆယ်တန်းအောင်ပြီးမှနော်။ အဲဒီအချိန်က ငါ့ဘဝမှာတော့ အဖြူစင်ဆုံး ပြန်တွေးတိုင်း ဂုဏ်အယူဆုံး အချိန်တွေပဲ။ ပုသိမ်မြို့ရဲ့ လမ်းတွေပေါ်မှာ ငါတို့ ညနေတိုင်း စက်ဘီးစီးခဲ့တာ ငါ ရန်ကုန်ကို ကျောင်းလာတက်တဲ့ အချိန်အထိပဲ။ မင်းက စက်ဘီးကို မြင်းရေးလိုပဲ အမျိုးမျိုး စီးပြခဲ့တာ ငါတို့ အရမ်းအားကျခဲ့တာပေါ့။ တက္ကသိုလ် လမ်းဆုံက ရုပ်တုအောက်မှာ ငါတို့ညတိုင်း ထိုင်ဖြစ်ကြတယ်လေ။ မိုးရွာလို့ စောစောပြန်ရရင်တောင် နိုက်တင်ဂေးလ်မှာ အဝစားပြီး ငြင်းခုံပြီးမှ ပြန်ခဲ့ကြတာပဲ။

ငါတို့ အဖွဲ့က ထူးဆန်းတယ်နော်။ တစ်ဖွဲ့လုံး ကဗျာရေးသလို အကုန်လုံး ကဗျာစာအုပ် ထုတ်ဖူးပေမယ့် အုပ်စုလိုက်တော့ တစ်ခါမှ မထုတ်ဖြစ်ဘူး။ ယုတ်စွ အဆုံး နှစ်ယောက်တွဲပြီးတောင် မထုတ်ဖြစ်ဘူး။ တခြားသူတွေနဲ့သာ တွဲထုတ်ခဲ့ဖူးသာ မဟုတ်လား။ အဲဒီတုန်းက မင်းနဲ့ ဆင်ပေါက်နဲ့ ကဗျာတွေကို ငါ ကြိတ်ပြီး ကြိုက်နေခဲ့တယ်။ ထုတ်မပြောဖြစ်ခဲ့တာကို ခွင့်လွှတ်ပါ သူငယ်ချင်း။

ငါဆေးလိပ်ပြတ်တာလည်း မင်းကျေးဇူးပါပဲကွာ။ ဟိုတလောကလေးတင် အဲဒီအကြောင်းကို လူငယ်တွေရဲ့ ဖြူစင်မှုအနေနဲ့ ငါ ပို့စ်ရေးဖို့ ကြိုးစားနေခဲ့ဘူးတယ်။ မင်းကိုလည်း ထူးထူးခြားခြား သတိရနေမိတယ်ပေါ့ကွာ။ မင်းတော့ မှတ်မိဦးမလား မသိဘူး။ ဆယ်တန်းအောင်စာရင်း မထွက်ခင် မင်းရန်ကုန်က ဆေးလိပ်သူဌေးအိမ်မှာ အလုပ်သွားလုပ်တာ မှတ်မိသေးလား။ ငါတို့က ဆယ်တန်းအောင်ပြီးလို့ ကိုယ့်ဘာသာ ကိုယ် လူကြီး သတ်မှတ်ပြီး အရာရာကို စမ်းသပ်နေချိန်။ အရက်ကို တစ်ခါတစ်လေမှ သောက်ပေမယ့် ဆေးလိပ်ကတော့ အကုန်လုံး လက်ထဲ ညှပ်နေချိန်ပေါ့။ မင်းပြန်လာတော့ မင်းက ဆေးလိပ်မသောက်တော့ဘူးတဲ့။ ဘာလို့လဲ ဆိုတော့ မင်းအလုပ်လုပ်တဲ့ သူဌေး (နိုင်ငံခြားသား) က သူ ကျောင်းထားပေးတဲ့ ကောင်မလေးကို ဘာလိုလို ညာလိုလို မလို့ မင်း စိတ်ဆိုးပြီး ထွက်လာခဲ့တာ။ ဆေးလိပ်လည်း တစ်သက်လုံး ပျက်ပြီတဲ့။ ငါတို့ အားလုံးလည်း မင်းပြောသလို အကုန် စိတ်ဆိုးပြီး ဆေးလိပ်ဖြတ်ကြတာလေ။ ငါလည်း အဲဒီအချိန်ကစပြီး ကိုယ်တိုင် မသောက်သလို သူများသောက်ရင်လည်း နိုင်ငံခြားငွေ ကုန်တယ် ဘာညာ ဆိုပြီး ဆေးလိပ်ပြတ်တရား ဟောဖြစ်တော့တာပဲ။ ကိုယ့်ကိုကိုယ် မျိုးချစ်ရယ်လို့ ဂုဏ်မယူဖြစ်ခဲ့ပေမယ့် ပြန်တွေးကြည့်ရင် လူငယ်ပီပီ မျိုးချစ်တယ်ဆိုတာပြခဲ့တာလို့ပဲ ငါယူဆတာပဲ။ တခြားလူတွေ ပြန်သောက်ရင်သာ ပြန်သောက်မယ်။ ငါမသောက်တော့တာတော့ အခုထိပါ သူငယ်ချင်း။

နိုင်ငံခြားငွေ ကုန်တာချင်း အတူတူ မင်းအရက်တော့ စွဲသွားခဲ့တယ်နော်။ ငါ အပြစ်မတင်ရက်ပါဘူး သူငယ်ချင်း။ ဘဝမှာ ကိုယ် နှစ်သက်လို့ ဒါမှမဟုတ် စိတ်ပြေလက်ပျောက်ဖြစ်ဖို့ အကျင့်တစ်ခုတော့ လိုတာပဲ။ သာမာန်ကျောင်းစာရေးသား၊ သာမာန်ဘွဲ့ရ မင်းအတွက် ရွေးချယ်စရာ သိပ်မရှိခဲ့လို့ လို့ ငါတွေးပေးနေပါတယ်။ ဒီအချိန်မှာ ငါဘာပဲ ဖြစ်နေနေ ငါ့အရည်အချင်း တစ်ခုတည်းနဲ့ မဟုတ်ပဲ ပတ်ဝန်းကျင် ထောက်ကူလို့ဆိုတာ ငါသိနေပါတယ်။ မင်းမှာ ဒီလို ပတ်ဝန်းကျင်မှ မရှိခဲ့တာ။

ငါ ပုသိမ်ပြန်ရောက်တိုင်း မင်းကို တွေ့ချင်ခဲ့မိတယ်။ ပထမတစ်ခါ အရက်ဖြတ်တာ ဆေးရုံတက်ရတယ် ကြားတော့ ငါပြန်လာချင်ပေမယ့် ငါကြားတဲ့ အချိန်မှာ မင်းက ဆေးရုံက ဆင်းနေပြီး နယ်ကို သွားနေတဲ့ အချိန် ဖြစ်နေပြီ။ မင်း ရုံးစာရေး ဝင်လုပ်နေတယ် ငါကြားသလို မင်းအရက် ပြန်သောက်နေတယ် ဆိုတာလည်း ငါကြားပါတယ် သူငယ်ချင်း။ ဘဝမှာ စွဲလမ်းဖူးတဲ့ အရာတွေက ဖြစ်ရခက်တာကိုး။ ငါတို့ ကိုယ်တိုင်တောင် မကောင်းတဲ့ အကျင့် တစ်ခုနှစ်ခု ရှိနေဆဲပဲ မဟုတ်လား။ ငါနှစ်ဆန်းပိုင်းက ပုသိမ်ရောက်တော့ မင်း ရခိုင်ပြည်နယ်ကို ပြောင်းသွားတယ်လို့ ငါကြားတယ်။ မင်းကို တွေ့ချင်လို့ မင်းပြန်လာရင် ငါ့ဆီ ဆက်သွယ်ဖို့ ဆင်ပေါက်တို့ကို ငါမှာခဲ့သေးတယ်။ အခုတော့ မင်းပြန်လာပြီ။ ဒါပေမယ့် ငါ့ကိုတွေ့ဖို့တော့ မစောင့်နိုင်တော့ဘူးပေါ့။

ဒီနေ့ပဲ TAK ငါ့ဆီ ဖုန်းဆက်တယ်။ ငါမယုံနိုင်သေးဘူး။ စောပါသေးတယ် သူငယ်ချင်းရယ်။ ငါ အမြဲ စိတ်ကူးယဉ်ခဲ့တာ တစ်ခုရှိတယ်။ ငါတစ်နေ့နေ့ အောင်မြင်တဲ့ လုပ်ငန်းတစ်ခု ထူထောင်နိုင်ရင် သူငယ်ချင်းတွေ ပြန်စုစည်းပြီး ကြိုးစားကြည့်မယ်လို့။ မဖြစ်နိုင်ဘူးဆိုတာလည်း ငါသိနေခဲ့တယ်။ ဝန်ထမ်းတစ်ယောက်ပဲ ဖြစ်တဲ့ငါက ဘယ်လို လုပ်ငန်းတစ်ခု ထူထောင်နိုင်မှာလဲ။ ဒါပေမယ့် ငယ်သူငယ်ချင်းတွေဆိုတာ ငါ့ဘဝမှာ အမြဲ အမှတ်ရနေတဲ့ အရာပါကွာ။

သူငယ်ချင်းရေ။ လူတိုင်းသွားရမယ့် ခရီးမှာ မင်းက သွားနှင့်ပြီ။ ငါတို့ ကျန်ခဲ့တဲ့ သူတွေက မင်းကို အမှတ်ရနေမှာပါ။ မင်းဒီဘဝမှာ မြတ်သလား ရှုံးသလား ငါမသိပေမယ့် နောက်ဘဝမှာတော့ ဒီထက်ကောင်းတဲ့ ကံကြမ္မာနဲ့ အသိပညာကို မင်းပိုင်ဆိုင်ပါစေလို့ ငါ ဆုတောင်းနေမှာပါ။ မင်းရဲ့ နောက်ဆုံးခရီးကို လိုက်မပို့နိုင်ပေမယ့် မင်းဟာ ငါ့အတွေးထဲက ဒီနေ့ နောက်ဆုံးထွက်သွားမှာ မဟုတ်ဘူးဆိုတာတော့ ငါပြောရဲပါတယ်။ သူငယ်ချင်းဘဝမှာ မင်းကောင်းခဲ့သမျှအတွက် ငါကျေးဇူးတင်သလို ငါမှားခဲ့သမျှအတွက် ခွင့်လွှတ်ပါလို့ ငါ ဒီနေရာကနေ တောင်းပန်ပါရစေ သူငယ်ချင်း။

နေအောင်ကြည် ..... ကောင်းရာ သုဂတိလားပါစေ။

မင်းရဲ့ သူငယ်ချင်းတစ်ယောက်

gmail ဖြင့် ရေးသည်။
--
Myo Min Tun
dr-junior.blogspot.com
dr-junior.site40.net

ဆရာဝန် နှင့် သ၏လစာ

noreply@blogger.com (Dr. Junior) — Fri, 14 Nov 2008 15:04:00 +0000

လစာ = ရှစ်သောင်းကျပ်

ကားခ = တစ်သောင်းနှစ်ထောင်ကျပ်

ဆိုက္ကားခ = တစ်သောင်းရှစ်ထောင်ကျပ်

နေ့လယ်ထမင်းစား = သုံးသောင်းကျပ် (ရက်သုံးဆယ်လ) သုံးသောင်းတစ်ထောင်ကျပ်(သုံးဆယ်တစ်ရက်လ)

ညစာ =သုံးသောင်းကျပ်

တစ်လ အနှုတ်ပြငွေ = တစ်သောင်းကျပ်

သတိ….. နေမကောင်းမဖြစ်ရ။ အဝတ်အစားသစ် မဝယ်ရ။ မင်္ဂလာဆောင်မည့် အပေါင်းအသင်း မရှိရ။ စာအုပ် မဝယ်ရ။ အင်တာနက် မသုံးရ။

အထက်ပါ အချက်များကို ရှောင်ကြဉ်ပါက သင်သည် တစ်လ အကြွေး တစ်သောင်းသာ တင်အံ့။ မလိုက်နာသော် သင်၏လစာသည် လတစ်ဝက် မရောက်မီ ကုန်ဆုံးခြင်းသို့ ရောက်သဖြင့် အကြွေးများစွာ တင်လေသတ္တံ့။

--
Myo Min Tun
dr-junior.blogspot.com

ကောင်းလိုက်တဲ့ connection

noreply@blogger.com (Dr. Junior) — Mon, 10 Nov 2008 16:09:00 +0000

ဒီလ ညဂျူတီ နည်းလို့ အင်တာနက် တက်ရမလား မှတ်တယ်။ connection က လွှတ်ကောင်းနေရော။ web page တွေတောင် တစ်ဝက်တစ်ပျက်မှာ ရပ်။ ဖိုရမ်တွေဆို ဝင်လို့ မရ။ music video လေးတွေ ရှာချင်တာ မေ့ထားရတယ်။

dial up သမားတွေကတော့ သိပ်မဆိုးလို့ ပြောကြတယ်။ ကျနော့်လိုင်းပဲ မကောင်းတာလား မသိပါဘူး။ ဖုန်း လိုင်းသမားကို စစ်ခိုင်းတော့လည်း အိုကေတဲ့။ အင်းလေ၊ စာပိုကျက်ဖြစ်တာပေါ့။

အေအိုင်ဒီအက်စ်နဲ့ ပတ်သက်တဲ့ မြန်မာလို ရေးတဲ့ ဆိုဒ်လေးတစ်ခု လုပ်ရင်ကောင်းမလား စဉ်းစားတယ်။ သူငယ်ချင်းတွေနဲ့ပြောတော့ သိပ်စိတ်မဝင်စားကြ။ ဟုတ်ပ၊ နေ့ခင်းဆို ဆေးရုံ၊ ပြန်လာတော့ ဆေးခန်း၊ အိမ်ရောက်တော့ စာဖတ်၊ အားယားနေတာဆိုလို့ ဂျူနီယာပဲ ရှိတာ။ ဒီပုံနဲ့ဆို နင်နောက်နှစ် ဘွဲ့လွန် မဖြေနဲ့၊ စာမေးပွဲ ဝင်ကြေးကုန်တယ် တဲ့။ သူငယ်ချင်းတွေက အားပေးကြတယ်။

ခက်တာက ဂျူနီယာက အင်တာနက်နဲ့ ကင်းကွာပြီး မနေတတ်တော့တာ။ အိမ်မှာ အားရင် အင်တာနက်မှ မတက်လိုက်ရရင် နေလို့ မကောင်းတော့ဘူး။ ကျန်းမာရေး သတင်းလေး ဘာလေးဖတ်ရင်း ဖိုရမ်လေး ဖတ်ရင်း သီချင်းလေးတွေ ဒေါင်းလုဒ်လုပ်ရင်း အကိုအမ ညီညီမတွေရဲ့ ဘလော့ဂ်တွေ ဖတ်ရင်း အင်တာနက်ကို အသုံးချနေတော့တာ။

အခုတော့ ဂျူနီယာ မျက်လုံးညောင်းမှာ စိုးလို့ ထင်တယ်။ connection က လ အစထဲက မကောင်းတာ။ အခုထိလည်း ...
--

gmail ဖြင့် ရေးသည်။

ကလေးအတွေး

noreply@blogger.com (Dr. Junior) — Mon, 10 Nov 2008 15:57:00 +0000

ကျနော့်မှာ အပြစ်နှစ်ခု ရှိတယ်

ညကို ညလို့ ရေးချင်တာရယ်

ညကို ညလို့ ရေးရမှာ ကြောက်တာရယ်။

အရုဏ်ကိုလည်း ရောက်ချင်လှပြီ

ဒဏ်ရာတွေ ထပ်မနှိပ်စက်ခင်

မြို့လေးကိုလည်း ပြန်မြင်ကောင်းပါရဲ့။

ပျံပျံထွက်သွားသမျှ ပြန်လာတာ မမြင်ရ

ပညာဆိုတာ

ဟိုအဝေးမှာ သင်မှ တဲ့လား။

ဆုတ်ကပ်မှာမှ လူဖြစ်တဲ့ဘဝ

ကမ္ဘာက ကွာကျလာတဲ့ ဒေသတစ်ခုလို

ပုပုကျလာပုံက။

(အခုလည်း) အသက်မရှုဝံ့ပါဘူး

မုသားမုတ်သုံ ရာသီမှာ

တုတ်ကွေး ကူးခံရမှာ ကြောက်တယ်ကွယ်။

--
gmail ဖြင့် ရေးသည်။

ဆေးရုံမှာ

noreply@blogger.com (Dr. Junior) — Sun, 02 Nov 2008 03:58:00 +0000

အချိန်နဲ့ ဒီရေက လူကို မစောင့်သလို ဂျူတီနဲ့ ပိနေတဲ့ ဂျူနီယာကိုလည်း အားလုံးကျော်ခွသွားကြတယ်။ free hosting အနေနဲ့ တင်ထားတဲ့ 000webhost ကတောင် ကျနော့်ကို warning ပေးတယ်ဗျာ။ ကံကောင်းလို့ account လေး အဖျက်မခံရတာ။

medical professional တစ်ယောက်အနေနဲ့ internet ကို အရင်လို အချိန်မပေးနိုင်တော့တာတော့ တကယ်ပါဗျာ။ ဘွဲ့လွန်တက်ဖို့ စာကျက်ဖို့၊ ရောဂါအသစ်လေးတွေ တွေ့ရင် ရှာကြည့်ဖို့၊ မေ့နေတဲ့ ရောဂါတွေ ဆေးဝါးတွေ ပြန်ဖတ်ဖို့၊ အပိုဝင်ငွေ (တကယ်ကတော့ အဓိက ဝင်ငွေ) ရတဲ့ ဆေးခန်း အစားထိုင်ပေးဖို့ .. ဖို့ ပေါင်းများစွာနဲ့ အချိန်နာရီတွေကို ပေးဆပ်နေရတာပါပဲ။

ဆေးရုံဆိုတာလည်း ရီရတယ်နော်။ ဆေးရုံမှာ စည်းကမ်းလိုက်နာဖို့ တိုက်တွန်းနေရတာလည်း အာညောင်းတော့မယ်။ ဒါပေမယ့် မလိုက်နာတဲ့ သူတွေက များတယ်ခင်ဗျ။ အပေါက်ဝက ဝန်ထမ်းကို ပိုက်ဆံပေးဝင်လိုက်ရင် ဟိုတယ်မှာ အခန်းယူပြီးတဲ့သူတွေလို ဆေးရုံမှာ နေကြဖို့ ကြိုးစားကြတာပဲ။ ကျနော့်ထက် သက်တမ်းကြီးတဲ့ လူနာခုတင်ပေါ် မထိုင်ဖို့ ပြောလည်း လစ်တာနဲ့ တက်ပြီးသားပဲ။ မထိုင်ဖို့ ပြောတာ အကြောင်းနှစ်ချက်ရှိတယ်ခင်ဗျ။

တစ်အချက်က … ခွဲစိတ်ပြီးလူနာတွေဆိုရင် တခြားလူတွေ လာထိုင်ရင် သူတို့ဆီက ရောဂါပိုးတွေ လူနာတွေရဲ့ ချုပ်ရိုးတွေဆီ ရောက်ပြီး အနာမကျက်တာ၊ ပြန်ကွဲတာ၊ အဖျားတက်တာတွေ ဖြစ်လို့။

နှစ်အချက်က … ခုတင်ကျိုးမှာ စိုးလို့။ ခုတင်တွေရဲ့ သက်တမ်းက မနည်းဘူးဗျ။ ကြည့်လိုက်ရင် သိသာပါတယ်။ တချို့ဆို ကျိုးပြီးတာတွေ အဆင်ပြေသလို ပြန်ဆက်ထားတာ။ ဒါတွေ ကျိုးသွားရင် အသစ်က ချက်ချင်းရတာ မဟုတ်ဘူး။ အပေါ်တင်ရတာ ထုံးစံအတိုင်း။ ခုတင်တွေ မလောက်ငရင် လူနာတွေ ခုံတန်းပေါ် အိပ်နေရမှာ။ အဲဒါဆို ဘယ်လိုမှ အဆင်ပြေမှာ မဟုတ်ဘူးလေ။

တကယ်တမ်းတော့ ဒါတွေက ဆရာဝန်တွေရဲ့ အလုပ်မဟုတ်ပါဘူး။ အကုန်လိုက်လုပ်နေရတော့ ဆရာဝန်တွေရဲ့ ရောဂါကို အာရုံစိုက်မှု မကျသွားဘူးလား။ အခုတော့ ဒါလည်း ကျနော်တို့ ဆရာဝန်တွေပဲ လိုက်ပြောနေရတယ်။ ဝန်ထမ်းတွေကလည်း အောက်ဆိုက် ရတဲ့ အလုပ်တွေ (လူနာလှည်းတွန်းတာ၊ ခွဲစိတ်ဖို့ လူနာကို သန့်ရှင်းရေးလုပ်ပေးတာ၊ ဆေးရုံဆင်းရင် ပစ္စည်းကူသယ်ပေးတာ စသည်ဖြင့်) ပဲ လုပ်ချင်ကြတော့တယ်။ ဒါမျိုးခိုင်းလို့ကတော့ ဝတ်ကျေတန်းကျေ အော်ပြီးရင် မျက်စိအောက်မှာ မနေတော့ဘူး။ ထပ်ခိုင်းမှာ စိုးလို့။ တာဝန်မကျေလို့ အလုပ်ဖြုတ်တာ၊ အလုပ်ကြိုးစားလို့ ရာထူးလစာ တိုးတာ ဆိုတဲ့ ဆုပေးဒဏ်ပေး စနစ်မရှိမချင်း၊ လစာက ဘဝကို အာမခံချက်ပေးတဲ့ အလုပ်မဖြစ်မချင်း အလုပ်ကို ချစ်မြတ်နိုးစိတ်ဆိုတာ ဖြစ်မလာသလို အလုပ်ကိုလည်း ကျေပွန်အောင် လုပ်ချင်မှာ မဟုတ်ဘူးလေ …

နောက်ဆုံးတော့ ဂျူနီယာတို့ တစ်သိုက်ပဲ .. ကမ္ဘာကျော် လူမိုက် အဖြစ်ခံရတော့မှာလား …..

--
Gmail ဖြင့် ဘလော့ခြင်း

မိမိကိုယ်ကို ဆန်းစစ်ခြင်း

noreply@blogger.com (Dr. Junior) — Sat, 23 Aug 2008 18:55:00 +0000

ည တစ်နာရီထိုးပြီ။ မျက်လုံးများကလည်း ကျိန်းစပ်လို့။ ဒါတောင် ကိုယ့်ဘာသာ ကိုယ် ဒေါသ ဖြစ်နေမိတယ်။

ဘာလို့ ဒေါသဖြစ်လဲ သိချင်လား။ မသိချင်လည်း ပြောမှာပဲ။

၁။ ဘလော့ဂ်တာ ရေးတာ တန်းပလိတ်တွေ၊ ကုဒ်ဒင်းတွေ ဘာမှ မသိလို့။ သူများဆိုဒ်တွေနဲ့ ယှဉ်ကြည့် ကိုယ့် ဘလော့ဂ်လေးက သစ်ခြောက်ပင်လိုပဲ။

၂။ စာတွေ ဒီလောက်ဖတ်တာလည်း သူများတွေလို အရေးအသား မကောင်းလာ။ ပါရမီကနည်းသောကြောင့် အဓိပတိ တက်စီး .. မှားကုန်ပြီ .. လိုင်းကားနဲ့ ... ကြိုးစားဖတ်ကာ စုတုပြုပါသောလည်း အရေးအသားက ဆေးရုံက ဆရာမတွေလို မာဆတ်ဆတ် ဖြစ်နေ၏။

၃။ သူများတွေများ အသိမိတ်ဆွေ များလိုက်တာ။ ကျနော်မှာတော့ လင့်ခ် စရာ ၁၀ ယောက် ပြည့်အောင် မရှိ။ ကွန်မန့် ရေးခါနီး ကျရင် ကျော်ထားတဲ့ ultrasulf လေးက ပြုတ်ပြုတ်ကျရတာနဲ့ပဲ ... ခင်ချင်ပါတယ် လူတိုင်းနဲ့ .. လိုရင် ပိုက်ဆံ ချေးရအောင်။

၎။ Published နဲ့ draft ဆိုရင် draft က များနေတယ်။ ရေးရင်းနဲ့ မပြီးတာတွေ၊ စိတ်မပါလို့ ရပ်လိုက်ရင် ဘယ်တော့မှ ပြန်မတင်ဖြစ်ဘူး။ ၂ နှစ် ပြည့်တော့မယ် ပို့စ် က ၁၀၀ မပြည့်တပြည့်။ တော်တော်လိုသေးသည်။

ဒါလား ဂျူနီယာ။ .........

အသစ်များ

noreply@blogger.com (Dr. Junior) — Sat, 23 Aug 2008 18:06:00 +0000

တီထွင်တိုင်း ကောင်းပါသလား ....

အလုပ်စခေါ်နေပြီ ဖြစ်သော ၂၀၀၇ ဘွဲ့ရ နှင့် ၂၀၀၈ ဘွဲ့ရ ဆရာဝန်များကို ရာထူး အသစ်များ စတင် ခန့်ထားမယ် လို့ စာကပ်ထားတာ တွေ့ရပါတယ်။ ထူးထူးဆန်းဆန်း ကုသရေး ဘာသာရပ်တွေ အတွက် သရုပ်ပြဆရာ ရာထူးတဲ့။ ကျနော် တော့ ဥာဏ်မမီပါဘူး။ ကုသရေး ဆိုမှ တော့ သရုပ်ပြ နေဖို့ လိုသေးလို့လား။ လူနာနဲ့ နပန်းလုံးရင်း ပညာသင်ရတာ မဟုတ်ဘူးလား။

ကြည့်ရတာ ကုသရေး ဘွဲ့လွန် လည်း လိုချင်တယ်။ ည ဂျူတီလည်း မဆင်း ချင်ဘူး။ တခြား non-clinical ဘာသာရပ်တွေမှာလည်း အချိန်မကုန် ချင်ဘူး ဆိုသူတွေ အတွက် တီထွင် ပေးလိုက်သလား ထင်ရသည်။ သူတို့ကျတော့ နယ်မပြောင်းရ ငါးနှစ် နေရမယ်တဲ့။ တယ်ဟုတ်ပါလား။

ကုသရေး ဝင်ထားတဲ့ သူတွေ သနားစရာ ကောင်းနေပြီ။ ညဂျူတီ ဆင်းရတာ၊ ဆေးခန်းထိုင်ဖို့ အချိန်မရတာ၊ တွေ အပြင် နှစ်နှစ်တစ်ခါ နယ်ပြောင်းရတာ နောက်ဆုံး ရည်မှန်းချက်က ကုသရေး ဘွဲ့လွန် ရဖို့ မဟုတ်ဘူးလား။ အခုတော့ သူတို့နဲ့ ယှဉ်ရမယ် ဆိုရင် စာကျက်ဖို့ အချိန်ကတော့ တစ်ပန်းရှုံးနေပြီ။ ဒါတောင် ဟိုကိစ္စ ဒီကိစ္စတွေ မပါသေးဘူး။

ဒီ ကုသရေး သရုပ်ပြဆရာတွေကလည်း လူနာတွေကိုသာ ထိတွေ့မှု မရှိရင် ဘွဲ့လွန်ကျောင်းသား ဘဝမှာ သေရေး ရှင်ရေး ဆုံးဖြတ်ချက်တွေကို ဘယ်လို ချမှာပါလိမ့်။ မလွယ် မလွယ် ...

အလုပ်ဝင်သော ဆရာဝန် အချင်းချင်း အဆင့်အတန်း များ ကွာသွားမလား။ ကုသရေးအပိုင်းကို ဝါသနာပါသူ တွေလည်း သက်သာရာ သရုပ်ပြ ရာထူးကို လျှောက်ကြမှာလား။ ကုသရေး ဆရာဝန်ဆိုတာ အနိမ့်ဆုံးအဆင့် တစ်ခု ဖြစ်လာမှာလား။ ဒီမေးခွန်းတွေကိုတော့ လူကြီးတွေ သိကြမယ် ထင်ပါတယ်။ ကျနော်တို့ကိုပဲ မပြောပြသေးတာ ဖြစ်နိုင်ပါတယ်။