Dinahicious-Sex, Relationships & Love

Wivu

2012-01-15T21:43:00.002+03:00

Mambo vipi!

Hebu leo tulizungumzie hili suala la Wivu, natambua watu wengi wanaamini kuwa Wivu ni chanzo cha kufarakana na kutokuelewana. Baadhi huamua kuficha hisia hizo za wivu kwa vile wanaogopa kuachwa na wenza wao.

Vijana wa sasa ndio wanaongoza kwa kupinga hisia hizi za wivu, lakini tukirudi nyuma enzi zile za Hayati Bibi yangu kumfanya mtu akuonyeshe wivu ilikuwa ni sehemu ya mapenzi na ikiwa mpenzi wako hakuonyeshi wivu ni dalili kuwa humvutii tena (namna ya kumfanya mume awe na wivu ni somo kwenye kufundwa).

Pia wapo wanaopenda kuweka "Wivu" kama ubora wa hali ya chini sana kwenye uhusiano wa kimapenzi na hata ndoa. Ukifuatilia kwa ukaribu utagundua kuwa sehemu kubwa ya watu wanaopinga hisia za Wivu kwenye uhusiano ni ama wanawapenzi zaidi ya mmoja au hawajui Wivu ni nini? kama sio wanachanganya wivu na kuwa "obsessed"(kwa kiswahili ni?).

Inashangaza unapomkuta mtu anataka mpenzi wake awe mlevi wa penzi lake (addicted) lakini hataki mpenzi huyo awe na wivu juu yake....hapo huwa najiuliza ikiwa unamkolezea mwenza wako mapenzi motomoto kiasi kwamba unakuwa "tiba" yake na bila tiba hiyo hajiwezi tena, kwanini asiumie kihisia ikiwa haupo karibu yake au umechelewa kurudii nyumbani?

Wivu ni hisia kama ilivyo penzi, hupangi au kuchagua bali inatokea tu. Wivu mara zote uhusisha mtu wa watatu, inaweza kuwa jirani, rafiki, mfanyakazi, mpenzi wa zamani n.k.

Wivu hauna tafsiri wala sababu kama ilivyo kwenye hisia za kimapenzi, anaekupenda siku zote huwa hana sababu ya kukupenda bali hutokea tu anakupenda, japokuwa kukupenda huko kunaweza kuongezeka siku hadi siku kutokana na matendo mema au mapenzi unayompa n.k basi hata wivu ni hivyo hivyo na huongezeka kutokana na matendo mema na mapenzi unayotoa.

Wivu unaweza kuwa maumivu ya hisia (mtu unakonda tu...lol), hasira, Uoga, hofu, na huzuni. Vilevile wivu unaweza kujionyesha kwa mhusika kuwa mfuatiliaji, muuliza maswali, uhakiki wa muda/mahali au kutaka kujua maisha ya mpenzi wako ya kimapenzi kabla yako.

Wivu unahimarisha uhusiano na kukufanya uhisi/ujue kuwa mwenza wako anakujali, inakufanya wewe mpenzi kuona namna gani unamrusha roho japokuwa mmekuwa pamoja kwa miaka mingi.

Wivu mzuri nii ule unaokwenda sambamba na na mapenzi na kujaribu kumsukuma mtu wa 3 ambae labda humuamini mbele ya mpenzi wako kutokana na mazoea yao.

*Kuna ila hali ya kutomuamini mpenzi kwa vile tayari amewahi kukutenda, au umewahi kumfuma na mtu mwingine "wakidukuana", hali hiyo sio Wivu kama wengi ambavyo huita bali ni kutomuamini mwenza wako.

Pia kuna ila hali ya "umilikishi" kwamba kwa vile tu ni mpenzi wako basi hutaki awe karibu na mtu yeyote....yaani ni marufuku hata kwenda kwao, shughuli zote za kutoka unazifanya wewe kwa vile unahofia watu wengine watamuona na kumtamani....wengi huita wivu, lakini kiukweli sio wivu ni kuwa "obsessed".

Kila la kheri.

*Samahani L inagoma-goma kwani mwanangu kaing'oa hivyo nahitaji kubonyeza kwa nguvu na mie nasahau kutokana na mwendo wa haraka wa kuchapa.....

Siri ya Mafanikio kwenye uhusiano wako.

2012-01-04T19:35:00.003+03:00

Sio pesa....Lol!!

Hakuna mtu asiependa kuwa na uhusiano wa kimapenzi mzuri na wenye afya, mimi binafsi napenda sana kuona watu wanapendana, huwa napata maumivu na wakati mwingine hasira ninaposikia au kupata kesi ya uhusiano au ndoa kuvunjika.

Wakati wa kufundwa mara zote niliambiwa kuwa ukizubaa mapenzi kati yako na mumeo hayatokuwa kama mtakavyoanza hivyo basi unahitaji kuwa mstari wa mbele kuhakikisha hakuna kuzoeana bali kujuana.

Sasa kwa vile Mfundaji mwenyewe alikuwa ni Hayati Bibi yangu aliezaliwa na kukua enzi za Mfumo Dume aliwakilisha somo kwangu kwa kusema “hakikisha unakuwa mstari wa mbele” lakini kutokana na maisha yalivyo sasa mimi nitasema kwako HAKIKISHENI (wake kwa waume) kuwa hamzoeani na badala yake mnajuana kiundani zaidi.

Uhusiano huwa mtamu kweli kweli unapoanza, hakuna hata mmoja kati yenu anaekumbushwa na mwenzie kufanya mambo/jambo, unajikuta tu unafanya mambo mazuri-mazuri kwa mpenzi wako, uhusiano unaendelea mnafikia mahali mnakubaliana kuishi pamoja part time(mf: mwisho wa wiki tu) au full time kwavile inakuwa ngumu sana kupitisha siku nzima bila kumuona Asali wa Moyo na baadae
ndoa.

Baada ya kuishi pamoja au kufunga ndoa mmoja wenu au wote mnaanza kupunguza speed na hatimae inafikia mahali wote kwa pamoja mnajikuta mnadharau kufanya mambo mliokuwa mkifanyiana awali kwa sababu ya mapenzi......hatua hii ni mbaya sana na ndio huwa chanzo cha ugomvi au kutafuta mtu atakaekufanyia mambo bila kumkumbusha, hatua hii inaitwa KUZOEANA.

Baada ya kuzoeana na ku-miss hamasa, chachu ya mapenzi kutoka kwa mwenza wako, unaanza kulinganisha uhusiano wako na uhusiano wa watu wengine na kuanza kuona wivu na hata ku-wish kuwa mkeo au mumeo angekuwa kama yule au
tungekuwa kama wale n.k.

Sasa nini siri ya mafanikio kwenye uhusiano?

1-Usijisahau na hakikisha unarudisha uliyokuwa ukimfanyia mwenza wako miaka 4 iliyopita, kabla hamjafunga ndoa, yafanye tena sasa. Inawezekana
maisha yenu yamebadilika na sasa mmekuwa familia kwamba kuna watoto,
bado watoto hawakuzuii wewe mume/mke/mpenzi kuwa wapenzi. Ndio ni
baba na mama lakini pia ni Wapenzi.

2-Jipende ili uvutie, usipojipenda wewe mwenyewe na kuvutia itakuwa ngumu kwa
mwenzio kuvutiwa nawe. Kwavile tu mmefunga ndoa au mnaishi pamoja
haina maana ndio mwisho wa kuvutia.
3-Penda/pendezwa,
kukubaliana au kubali mchango wa mawazo yake kwenye jambo mnalotaka
kufanya, mshirikishe mwenza wako kabla ya kufanya uamuzi wowote,
peaneni matumaini na ushirikiano inapobidi....sio kila wakati wewe
ndio msemaji mkuu na muamuzi wa mwisho na yeye ni wa kupokea tu, hata
akichangia mawazo yake huyafanyii kazi(unadharau).

4-Muda, kazi na watoto huchukua muda mwingi na hivyo kutopata muda wa
kuzungumza na kuonyeshana mapenzi, hivyo kutenga muda wenu kama
wapenzi ni muhimu. Ninaposema muda wenu kama wapenzi sina maana ya
kufanya ngono kwani ngono inaweza kufanyika watoto wakiwa wamelala,
nazungumzia ule muda wa ninyi wawili kama ilivyokuwa mf: miaka 4
iliyopita kabala hamjafunga ndoa.

5-Mawasiliano kwa maana ya kuzungumza ni njia pekee ya kumwambia mwenza wako vile unavyojisikia, unataka nini, kwanini umefanya jambo fulani, usaidiwe
vipi, kwanini uko hivyo ulivyo n.k. Hii ni njia pekee ya kuwekana sawa na kuepuka maumivu ya kihisia ambayo yanaweza kukupa upweke ndani ya uhusiano/ndoa.

6-Kubali mabadiliko,
jinsi miaka inavyozidi kusonga ndivyo ambavyo tunabadilika/tunakua,
maisha yetu yanabadilika....japokuwa wakati mwingine mabadiliko hayo
hayaji kama tulivyotarajia bado hatuna budi kuyakubali na kwa pamoja
ku-adopt badala ya kulalamika na kufananisha.

*Mabadiliko yanaweza kuwa upungufu wa hamu ya kungonoka, kupendana zaidi, kuwa wazazi, kuishi maisha ya chini au ya juu kuiko ilivyokuwa hapo awai,
kuugua, ulemavu n.k

7-Kuzozana/gombana kwa maneno, kubishana sio ukorofi inategemea mnabishanaje na kuhusu nini? Katika hali halisi kubishana kwenye uhusiano kunahashiria afya ya uhusiano wenu....ikiwa kuna watu wanaishi pamoja kama wapenzi na hawajawahi kubishana basi ni either wanadanganya au mmoja wao anamuogopa mwenzie.

Pamoja na kuwa ninyi ni wapenzi bado mnatofautiana kijinsia, kimawazo,
kikazi, kipato, matumzi binafsi ya pesa, kimalezi na hata kasoro zenu
hazifanani....hivyo kubishana ni lazima ikiwa kunatofauti hizo na
nyingine ambazo unazijua.

Kubishana kunaweza kuwasaidia mmoja wenu kujirekebisha kwani itawawezesha
kutambua kosa lako ni lipi hasa kama mwenza wako sio mtu wa kukosoa
papo kwa hapo (kosa linapotokea), pia itakuwa nafasi nzuri ya kutambua au kugundua nini hasa mwenzako anafikiria kuhusu kosa/tendo ulilofanya au tabia yako na nini anataka kifanyike ili kuepuka mabishano ya mara kwa mara.

8-Shukuru, omba radhi ni maneno mafupi na pengine unaweza kudhani kuwa hayana umuhimu wowote, licha ya kwamba yanaashiria kuwa umelelewa katika maadili mema pia yanauzito na maana kubwa sana kwenye maisha yetu kuliko unavyofikiria.

Unapohisi kuwa umemuudhi mwenza wako, sio mpaka akununie kwa wiki moja au
akufokee ndio uombe radhi, akionyesha tu kuwa hajafurahia tendo lako
au maneno yako basi omba radhi.

Shukuru kwa kila jambo unalofanyiwa na mpenzi wako....unakumbuka wakati
mnaanza uhusiano akiku-check during the day unasema “asante mpenzi
kwa kunijulia hali”, sasa kwanini ushindwe kusema asante kwa chakula mpenzi?!!

Kila la kheri!

Badili Mwenendo wa Maisha yako ya Kingono!

2012-01-03T21:23:00.002+03:00

Heri ya Mwaka mpya,
Asanteni wote kwa Salamu za Rambirambi na Mwenyezi Mungu awajaalie
mema zaidi mwaka huu 2012.

Katika harakati za kuukaribisha mwaka huu mpya 2012 sio mbaya kama nitakukumbusha mawili-matatu ili kufurahia utukufu wake Bwana (Ngono), sasa leo nitagusia kidogo tu namna ya kubadili mwenendo wa Maisha yako ya
Kingono ili kufurahia zaidi uhusiano wako wa kimapenzi na mwenza
wako.

Najua unatambua kuwa kwenye kila uhusiano wa kimapenzi kuna “maisha ya kimapenzi” na “Maisha ya kingono”

Kitu cha kwanza unachopaswa kuzingatia ni kutambua na kukubali kuwa kuna vitu ambavyo huwezi kuvibadilisha na hivyo basi unatakiwa kujifunza kuishi navyo
kwa kuvichukulia kama vilivyo, kuvidharau au kutafuta namna ya
kuvifurahia.

Vitu hivyo ni kama Ukubwa/Udogo wa Uume/Uke, Uwezo mdogo wa kungonoka, rangi na umbile la nyeti yako.

Kwenye kubadilisha mwenendo wako wa kingono unategemeana zaidi na wewe mwenyewe au ninyi wenyewe kama wenza kwani routine huwa zinatofautiana na vilevile hubadilika kutokana namazingira, mtindo wa maisha yenu (how busy you
are n.k.).

Kuna ile “routine” ya kushikana-shikana mikono ikiwa mikavu tena kwa kuanzia mapajai kupanda juu, badilisha hiyo na sasa tumia mafuta ya ngozi ya maji yasiyo na harufu (baby oil inafaa) au lotion mnayotumia kwa ajili ya ngozi kuepuka matatizo ya ngozi na badala ya kuanza kushikana mapajani kwenda juu anzia popote alafu bila kufuata "routine". Hilo moja.

Pili, sote tunajua uhusiano mkubwa uliopo kati ya vyakula tunavyokula na uzuri wa miili na ngozi zetu, pia niliwahi kuelezea uhusiano wa ngono na ngozi, mwili wa kuvutia na wepesi wakati wa kufanya ngono! Basi badili mtindo wako wako wa kula ili ngozi na mwili wako upendeze na kuvutia na hivyo kuwa managable kitandani (wakati wa kufanya mapenzi).

Tatu, Ondoa shombo ya Uke wako kwa kujiswafi angalau mara mbili kwa siku, ikiwa harufu ya Utoko haiishi pamoja na jitihada zako za kujiswafi basi kupunguza au acha kabisa kunywa Pombe, ukiweza ongeza ulaji wa maziwa ya Mgando
(mtindi) asilia, matunda na mboga mboga bila kusahau unywaji wa maji
badala ya vinywaji ambavyo vina sukari nyingi (soda).

Unapokuwa na Uke msafi,inakuongezea hali ya kujiamini na hivyo kufurahia na kujiachia kwa mpenzi wako bila kuweka mipaka au kujishitukia/kujishuku kuwa unatoa kijiharufu.

Nne, Jifunze kuizungumzia ngono na mpenzi/mwenza/mumeo kwa njia za kisasa za kimawasiliano, Mf: kumwambia kilichofanyika jana usiku na nini hasa
kilikupendeza, unachotarajia kumfanya usiku wa leo, nini ungependa
kufanyiwa/kujaribu n.k.

Usipo ongea na mpenzi wako katika mtindo wa kingono-ngono au kimahaba kwa njia za kisasa za kimawasiliano alafu ikatokea Mf:“facebook friend” au BBM contact akawa anazungumzia hayo kwa mke/mume basi usije kushangaa kuona mwenza wako anatumia muda mwingi kwenye BBM, Facebook au mikusanyiko
mingine ya Mtandaoni (wapo wakaka na wadada wanapenda sana mtindo huu
wa kuongea na wapenzi wa watu wenyewe wanaita ku-flirt).

Hakuna mtu asiependa ku-flirt lakini unapokuwa kwenye uhusiano/ndoa unaweza kudhani kuwa huitaji kufanya hivyo tena, kiukweli unaweza kabisa ku-flirt na mwenza wako na ninapenda kukuhakikishia kutokana na uzoefu wangu kuwa "mtindo huo wa mawasiliano" huwaongezea chachu kwenye uhisiano wenu na ile hamu ya kutaka kuwa pamoja japokuwa mnaishi pamoja. Yaani unatamani kurudi
nyumbani kuwa na mume/mke wako kuliko kukaa Bar au Salon.

Tano, ongeza kiwango cha "romance" kwa kuwa na mazoea ya kubadilishana mate au kubusu shingo na kuitafuna kimahaba, kunyonya chuchu bila kukusudia kufanya ngono, kwamba unafanya hivyo kama sehemu ya kuonyesha mapenzi au ukaribu wenu kama wapenzi.....sio msubiri mpaka mnapokwenda kungonoka.
Jitahidi kutumia midomo na ulimi mara kwa mara mnapokuwa pamoja.

Sita, jifunze Kuponografika ikiwa mwenzio anapenda hizo bue movies, karibu wanaume wote wanazipenda hizi kitu na sio dhambi kuziangalia kwa pamoja kama
mnaweza ila tu angalieni msipitilize na kuwa addicted. Natambua huwezi kujifunza jambo lolote ili kuboresha uhusiano wako lakini unaweza kuburudika kama anavyoburudika yeye (mimi Binafsi sipendi
kuona watu wanangonoka).

Saba, Kuza au ongeza uwezo wako wa kungonoka kwa kujitahidi kufanya ngono mara kwa mara, jinsi unavyofanya mara nyingi kwa mitindo na mikao tofauti ndivyo ambavyo utakuwa na hamu ya kutaka kufanya tena...unajua zile “moments” za kila “event” ndizo zitakazokuongezea nyege kila utakapokuwa unazikumbuka na hivyo kumtamani mwenza wako na kutaka kufanya tena na tena.....

Huitaji dawa unless Daktari athibitishe kuwa uwezo wako wa ngono ni Mdogo....untill then uwezo wako unaweza kuwa juu zaidi ya ufikiriavyo.

Kila la Kheri.

Nipo Msibani

2011-11-20T18:03:00.002+03:00

Nimempoteza Baba yangu mzazi Tarehe 17 November 11.

Sitokuwepo kwa muda kwani nashughulikia masuala muhimu ya Kifamilia.

Mungu ampokee na kuilaze roho ya Baba yangu Mahali pema Peponi.
Amin

Naomba Ufumbuzi wa Haraka nisimpoteze Mpenzi!

2011-11-15T16:44:00.000+03:00

"Habari da Dinah? I hope wee mzima na unaendelea na shughuli nzito ya uelimishaji wa jamii. Am greatful topics zako nyingi zimenisaidia. Mimi ni mdada mwenye umri wa miaka 24, nina ujauzito wa miezi sita na nusu sasa.

Niliposhika mimba nilipata taabu ya kutapika na kushindwa kula kwa miezi kama 4 hivi. Mpenzi wangu alivumilia sana kwani nilimfanyia visa sana ingawa haikuwa makusudi.

Sasa shida ya kwanza ni kwamba anataka tufanye mapenzi lakini mimi nashindwa kwani uchafu umezidi kutoka na ni mwingi mno mpaka inakera, imefikia hatua navaa pantyliners kila siku.

Hii hali inanifanya nihisi kama vile mpenzi wangu hatosikia raha na mimi sipendi kuwa weti hivyo kwani nasikia kichefuchefu lakini wakati huohuo sitaki mpenzi wangu anaitelekeze.

Pili Sehemu zangu za siri zimebadilika rangi na kuwa nyeusi wakati rangi yangu ya ngozi ni lighter kiasi, pia nikinyoa natokwa na vipele vidogo vidogo, sasa sitaki mpenzi wangu anione nikiwa hivyo, je nitaondoaje vipele na kurudisha rangi yangu ya awali?

Nilikwenda kwa Gyno wangu kuangaliwa na sikuwa na maambukizo yeyote

Je kuna dawa asilia ambayo naweza kuitumia? maana hizi dawa za kizungu nyingi hazifai kutumiwa wakati wa ujauzito.

Tatu Matiti yangu yanauma na kuwasha sana, basi huwa najikuna mpaka najikwaruza ili kupoza napaka mild steroid lakini wapi!! Sasa how will we have sex when matiti yako hivyo?

Nne Mpenzi wangu hupenda mwili wangu ukiwa bonge kiasi, sasa kpindi cha miezi 4 nilipokuwa naumwa na kushindwa kula nimepungua sana, yaani na tumbo langu kubwa bado sijafikia mwili wangu kabla ya ujauzito kwani nilikuwa a bit kibonge.

Mpenzi kaniletea Dada zake waje kunisaidia kupika ili nile na kuwa na afya lakini wapi! alafu mbaya zaidi ni kuwa nikikonda naonekana so terrible na I really feel unattractive na i think nikikubali kumvulia nguo hatoniona navutia tena. Sitaki kumpoteza mpenzi wangu.

Kila siku natoa sababu za kuumwa, tafadhali naomba ufumbuzi wa haraka kwani mpenzi ameanza kuwa bitter and unhappy ninapomkwepa kwani anasema anataka kuwa karibu na mimi."

Kuinuka kwa mara ya pili ni Mbinde....dah!!

2011-11-07T00:00:00.000+03:00

"Pole na kazi Dada Dinah, mimi ni Mwanaume wa miaka 29 mwenye mpenzi iano takribani miaka miwili sasa. Tatizo tulilonalo kwenye uhusiano wetu ni mimi kuwahi kufika kabla ya mpenzi wangu, na nimalizapo inakuwa ngumu sana kwangu kusimamisha tena kwa mara ya pili ili tuendelee na gemu.

Sasa kwa sababu nashindwa kusimamisha mpenzi wangu analalamika sana na kutaka kuridhishwa lakini kila nikijitahidi kusimamisha tena nashindwa, hali hii humkera sana mpenzi wangu kwasababu hafurahii uhondo wa tendo lenyewe.

Nifanye nini ili niweze kumridhisha mpenzi wangu au nichelewe kidogo ili mpenzi nae afurahie tendo?"

Nimevumilia tofauti zake kwa Ex, ila hili lanishinda...

2011-11-06T18:37:00.001+03:00

"Habari da Dinah!
Jamani nimeshawishika kukuchagua wewe kama msaada kwangu, umri wangu ni miaka 29ti mwenye jitihada sana katka maisha. Kinachonikatisha tamaa ni mpenzi wangu ambae simuelewi kama ana ugonjwa au la, maana ni miezi tisa sasa hanifikishi kila tukianza kufanya mapenzi.

Hali hii aliyonayo mpenzi wangu hakuwepo awali, imejitokeza mwaka huu na sasa ni mwezi wa tisa anawahi kukojoa sekunde chache tu tangu tuanze tendo. Imefikia hatua ya kujichua mwenyewe na hata kufikiria kutoka nje ya uhusiano wetu ili niridhike kingono...so horrible!

Licha ya tatizo hilo nimekuwa nikivumilia tofauti alizonazo compared to my ex relations, ukweli ni kuwa he is not smart as my either he is romantic, nimejaribu kum-pimp atleast aweze kunivutia lakini habadiliki, yaani ni kama anapuuzia vile.

Tatizo ni uoga wa kumuacha kwani ataniona kama namkimbia kwa mapungufu aliyonayo kimwili na kikazi. Nisaidieni mwenzenu kwani nahisi nina mwanaume jina. Asanteni"

Nifuate ndoa nchi nyingine, niache ajira?-Ushauri

2011-11-06T17:53:00.000+03:00

"Dada Dinah na wachangiaji wote, tafadhali naomba ushauri au mawazo kwani nipo kwenye kipindi cha kufanya maamuzi magumu.

Nina mchumba wangu ambae tunataka kufunga ndoa, lakini nitakapofunga ndoa nitalazimika kuhama kutoka Nchi moja kwenda nyingine na kuacha ajira yangu.

Kinachonichanganya hasa ni suala la kuacha kazi, yaani mawazo juu ya hilo hunipa maumivu ya tumbo na huonga huniingia.

Naomba ushauri kutoka kwa yeyote aliyepitia hii hali katika maisha yake, asanteni"

Naogopa kumuumiza tukifunga ndoa, nifanyeje?

2011-10-18T00:00:00.001+03:00

"Dada Dinah habari yako,

Pole kwa kushauri watu, ningependa na mimi nipate ushauri kwa hili jambo ambalo limenikaa rohoni na sina raha na maisha. Mimi ni kijana wa kuime mwenye umri wa miaka 30 na sijaoa bado ila nategemea kuoa hivi karibuni.

Tatizo langu kubwa ni kuwa na maumbile makubwa kuliko, nimekuwa sina furaha kabisa kwani ninapata hamu ya kufanya mapenzi kama wanaume wengine ila nina uhakika haitoweza ku fit kwa mwanamke na ninahofia kumumiza.

Nina mchumba ambae nimemuahidi kumuoa lakini kila nikifikiria itakuaje na hili umbile sipati jibu. Kumuacha siwezi labda aniache yeye, mimi na wazazi wake tunafahamiana sana lakini kinachonichelewesha nisione ni hili tatizo.

Naomba ushauri nifanye nini ili kuepuka aibu siku nitakayofunga ndoa.

Msomaji kutoka USA"

Nahisi Bf hajali, je nifanye nini?

2011-10-17T00:32:00.003+03:00

"Da Dinah pole na majukumu, mimi nina tatizo kidogo na boyfriend wangu wa miaka 34. Tumefahamiaka kwa muda wa miaka 3 na tumekuwa wapenzi kwa miezi 8.

Kipindi chote hicho sijawahai kufika kwake wala kukutana na ndugu yake mmoja, mawasiliano ni ya tabu hata nikianza kumshirikisha jambo langu huonyesha kama vile hana interest. Kwa kifupi I dont feel secured with him.

Je! nifanye nini kuimarisha uhusiano wetu kama kuna hiyo nafasi? Maana nikimwambia kuhusu tabia yake hiyo huwa anasisitiza kwa kusema kuwa ananipenda no matter what na atajirekebisha.

Kweli huwa anabadilika lakini mabadiliko hayo hayadumu muda mrefu, je napaswa kufanya nini?"

Dinah anasema: Asante kwa mail, Kutokana na maelezo yako inaonyesha kuwa mpenzi wako anaendesha maisha mengine ambayo hayuko tayari kukushirikisha kwa sasa na pengine kutokukushirikisha kabisa ikiwa utomwambia au kuonyesha nia ya kutaka kujua anapoishi (sio lazima ufike/uende).

Mabadiliko hayo ya muda mfupi ni ya kukusikiliza, kuonyesha interest kwenye issues zako na mawasiliano sio? Kama anaweza kubadilika kwa muda fulani basi ni wazi kuwa anajua kosa lake na anajitahidi kujirekebisha. Lakini hiyo isikufaye u-relax kwani huyo ni mpenzi wako wa miezi 8 na una haki ya kujua anapoishi japokuwa sio lazima uende nyumbani kwake mapaka mwenyewe awe tayari.

Huwezi juwa huenda anaishi na wazazi wake na hivyo sio heshima kukupeleka wewe nyumbani kwako, vilevile isije kuwa mpenzi wako anafamilia (miaka 34 kibongo-bongo wengi huwa tayari wanawake na watoto), ni vema kama utafanya uchunguzi kimya-kimya ili kujua ukweli kuliko kuendelea kupoteza muda na mtu ambae anaku-treat kama Kimada na sio mpenzi wake.

Ukipata ukweli kuwa jamaa hana familia (mke na watoto au mpenzi mwingine), basi hakikisha unamuweka chini na kuzungumza nae kuhusu uhusiano wenu na kuweka wazi kero zako, umuhimu wake kwenye maisha yako na mengine yote yalioujaza moyo wako na wote kwa pamoja kutatua tatizo kama wapenzi(ikiwa tu hana mtu mwingine).

Lakini kama ukigundua kuwa jamaa anamaisha mengine basi ni vema kuachana nae na wewe kupata nafasi ya kupenda na kupendwa na mkaka mwingine asie na "mzigo", Mkaka atakae weka akili yako na moyo wake wote kwako, Mkaka atakae jali hisia zako na kukusikiliza, mkaka ambae anajua umuhimu wa wewe kujua wapi anaishi....kwa kifupi ni makaka atakae kupenda kwa dhati na mwenye kuthamini uhusiano wa kimapenzi.

Kila la kheri!

Nakosa amani kabisa kwani "misimamo" imezidi...

2011-10-13T00:26:00.000+03:00

"Pole na kazi ya kuelimisha vijana. Ninaumri wa miaka 27, mara nyingi nilikuwa ni mtu wa kufanya Punyeto. Ila tangu nimeacha tabia hiyo uume wangu umekuwa unasimama na kutoa lubricant hadi Tumbo na Mapumbu yananiuma.

Ninapokua na mpenzi wangu uume husimama mara kwa mara hadi nakosa raha maana najihisi vibaya sana, yaani nakosa amani ya kuwa na mpenzi wangu karibu je nifanye nini ili kuondokana na shida hii ili niwe kawaida tu?
Asante!"

Je nitamjuaje kama ni "bingwa"?....

2011-10-11T15:27:00.001+03:00

"Habari za kazi dada dinah na wadau wote? samahani mimi nina swali kwako na kwa wadau wote. Mimi ni kijana wa miaka 36 elimu yangu ni ya Chuo kikuu. Tangu nimeanza mahusiano ya mapenzi mpaka sasa nimeshakuwa na wasichana 8 ila katika hao nilivutiwa na msichana 1 tu kwenye suala la sex.

Kwa bahati mbaya hatukudumu zaidi ya miaka 2 niliporwa na jamaa mwenye pesa zake lakini hawa wengine kwa kweli walikuwa bomu kabisa kwenye sex, kutokana na hali hiyo imenibidi nitulie kwanza nisiwe na mwanamke yeyote kwa muda maana nisipotulia matokeo yake nitaitwa malaya wa kiume.

Ninaomba msaada kwako na wadau pia je kuna muonekano au dalili na alama yoyote ya kumgundua msichana anaejua sex bila kufanya nae sex? Maana nilishasikia vijiweni watu wakisema kuna sifa za kumjua msichana anaejua ku-sex kwa kumuangalia je ni kweli?

Kama ni kweli dalili hizo ni zipi? naomba msaada ili nami nizijue maana nina mwaka 1 sasa sina mpenzi kwa kuhofia kuwapata wale wale wasiyojua mambo.

Natanguliza shukrani kwa wote".

Hivi Shanga zinatumika vipi?

2011-10-11T00:38:00.001+03:00

"Mambo Dinah! nakupongeza sana kwa Blog yako nzuri, nimekuwa nikijifunza vitu vingi na nina imani kuwa wanawake wengi wamefaidika pia. Naomba nitoe shukrani zangu za dhati kwako kwa kazi yako kubwa na nzuri. Mungu akubariki sana.

Mimi natarajia kufunga ndoa mwaka huu mwishoni, tafadhali dada na wengine mnaojua naomba unipatie maufundi ya kutumia Shanga wakati wa shughuli. Natamani sana kujua namna ya kutumia Shanga ili nikiwa ndani niweze kumpatia mume wangu mautundu.

Najua kutakuwa na Kitchen party lakini najua siwezi kufunzwa haya mambo kwani familia yetu ni watu wa Dini sana, hata dada yangu alipoolewa miaka kadhaa iliyopita hakupewa haya bali yale ya kawaida tu.

Nitashukuru kama mtanisaidia hili, nakutakia kazi njema na watakia baraka tele."

Dinah anasema: Asante kwa pongezi na shukrani sana kwa ushirikiano wako, pia hongera sana kwa kuchumbiwa na sasa unaenda kuolewa (karibu kwenye Jumuia ya wanandoa).

Mimi binafsi sijawahi kutumia shanga hivyo sijui namna ya kuzitumia, niliwahi kuzungumzia suala hili mwaka 2007 na ndani ya Topic yangu hiyo niliweka link ambayo nadhani itakusaidia.

Bonyeza hapa kupata Topic Shanga

Kila la kheri!

Mjamzito, Kazini Moto nyumbani hakuna mapenzi, Nifanyeje?

2011-10-10T15:29:00.000+03:00

"Habari dada Dinah,
Hongera kwa kazi kubwa unayoifanya ya kutuelimisha, ubarikiwe sana. Mimi nina umri wa miaka 28, ni mama wa mtoto mmoja na kwa sasa ni mjamzito.

Dada Dinah ninapitia kwenye kipindi kigumu kwani baba mtoto hanijali kabisa yaani hajishughulishi kunisaidia kitu chochote na anapachukia nyumbani. Hana mapenzi na mimi na nimeacha kazi baada ya manyanyaso kazini.

Maisha yangu yamekuwa na huzuni kubwa, najiona nina bahati mbaya nasijui nifanyeje? Mume wangu hana muda wa kuongea na mimi, nashindwa hata kula chakula vizuri. Naombeani msaada wa mawazo na namna ya kumfanya mume wangu anijali na kunionyesha mapenzi kipindi hiki cha ujauzito."

Dinah anasema: Pole sana, kwakweli ni kipindi kigumu kwani sasa najua mtu unavyojisikia unapokuwa mjamzito. Ni ngumu kuamini mume anaweza kumfanyia mkewe vitendo hivyo.

Nashindwa kujizuia kuuliza maswali hili:-
Kabla hujashika Ujauzito huu wa pili mliwahi kujadili suala la kuzaa mtoto wa pili au mimba imetokea tu bila kupanga?

Mimi nakushauri uzungumze na Mama mkwe wako kuhusu tabia/vitendo vya mume wako na yeye anaweza kuzungumza na mwanae (lazima atamsikiliza mama yake) na wakati huohuo zungumza na mama yako mzazi wa ndugu yeyote wa karibu kutoka upande wako na wote kwa pamoja wanaweza kuitisha mkutano/kikao.

Ikiwa mumeo ataendelea na tabia yake baada ya kikao cha familia zote mbili, usilazimishe sana na badala yake wewe tafuta namna ya kurudi nyumbani kwenu/kwa wakwe (inategemea na taratibu za huko uliko olewa) kwajili ya mapumziko mpaka utakapojifungua.

Ujitahidi kula vizuri na kujitahidi kuondoa mawazo ili usiharibu afya yako na ya mtoto tumboni. Baada ya kujifungua utakuwa na nguvu ya kukabliana na mumeo uso kwa uso na kujaribu kurekebisha tofauti zenu.

Sasa hivi jitahidi ku-focus kwenye afya yako na afya ya mtoto alafu hayo mengine yafuate baadae. Mungu akutie nguvu, akupe amani na ujasili ili uweze kujifungua salama.

Kila la kheri!

Kabla ya ndoa alidai ni "bikira" nilipoingia break ya kwanza mbupu!

2011-08-30T19:54:00.004+03:00

"Dada Dinah na wachangiaji wengine naomba ushauri na unisaidie kimawazo kwenye mambo mawili, mimi ni mwanaume na nimefoa mwaka Mmoja sasa. nilipofunga ndoa mke wangu aliniambia kuwa yeye ni Bikira lakini siku ya kwanza ya kufanya nae mapenzi uume wangu uliingia wote bila taabu ukeni mwake na hapakuwa na damu wala nini!

Siku ya pili baada ya kufanya mapenzi nikaangalia kama kuna damu au dalili yeyote ya kutokwa na damu lakini sikuona hata tone. Siku ya tatu sehemu zake za siri zilikuwa tight sana hata kuingiza uume ilikuwa taabu, japokuwa hakusema wala kulalamika alionekana anapata taabu na maumivu hata nikiingiza kidole tu.

Tukaendelea kukaa hivyo (yeye akiwa tight) kwa muda wa miezi Tisa, kila tukijaribu kufanya mapenzi haichukui hata dakika moja mke wangu anaonekana anapata maumivu na kuniomba nisiendelee hivyo naamua kuacha.

Baada ya muda mimi na mke wangu tulisafiri kwenda kumuona baba yake ambae alikuwa anaumwa, baada ya kuona Mzee anaumwa sana tulishauriana yeye abaki na mimi nirudi ili niendelee kutafuta pesa.

Mke wangu alikaa huko kwao kwa mwezi mmoja na nusu, nikawa namtumia pesa kila mwisho wa wiki na kuwasiliana nae kila siku kwa simu na tulikuwa na furaha sana kwani hakukuwa na tatizo.

Baada ya mwezi na nusu kuisha mke wangu alirudi na nilikuwa ninahamu nae kupita kiasi, niliomba tufanye mapenzi lakini akasema kuwa yeye amechoka sana hivyo tufanye kesho. Kwavile hamu ilinizidi niliamua kumbembeleza sana na hatimae akakubali.

Nilipotaka kumuingilia tu akasema nimemvunja kuta za uke wake zote na nikiingiza tu itaingia yote, mie nikadhani ni utani tu lakini nilipoingiza nikajikuta napwaya. Sikusema chochote japo ndani ya moyo wangu nilijua mke wangu si mwaminifu na amesaliti ndoa yetu kipindi alichokuwa kwao.

Siku iliyofuata nikaenda Duka la dawa mbali kidogo na nyumbani, nikaeleza mkasa wangu, nikaambiwa kuwa mke wangu atakuwa ametumia dawa ya kurudisha Bikira. Akaendelea kuniambia kuwa dawa hizo sio nzuri kiafya na zinaweza kusababisha matatizo ya uzazi.

Nikaambiwa kuwa inawezekana kuwa mke wangu ni mzinifu lakini sio sababu ya uke wake kuwa na mabadiliko ya ghafla, hata kama atalala na mwanaume mwenye uume mkubwa au kuzaa mtoto mkubwa bado hawezi kuwa na uke mpana kwa misuli ya uke huwa na tabia ya kujirudi.

Maswali ni 1. je mke wangu alikuwa Bikira? na 2.Je mke wangu ni mzinifu au mabadiliko ya uke wake ni ya kawaida kwa mwanamke yeyote?

Hatujabarikiwa mtoto bado na NAMPENDA SANA MKE WANGU.

Kwanini simwagi kama yeye?!!

2011-08-27T00:48:00.001+03:00

"Naitwa Jackie, naomba ushauri kuhusu tatizo langu, jamaa anafanya vizuri mpaka huwa sometimes nataka kupiga yowe ila sikojoi japo utamu nausikia. Huwa najiuliza tatizo ni nini lakini sipati jibu.

Ukweli Blog yako nilikuwa siijui ila kuna kitu kimenifanya nifike hapa. Mpenzi wangu alikuwa safari nikawa nam-miss tukawa tunafanya mapenzi kwa njia ya simu lakini aliporudi tuliendelea kufanya mapenzi kama kawaida mpaka nikajisikia kama nataka kukojoa lakini wapi!!

Sikuweza kuvumilia na nikalia sana kwa uchungu kwani jamaa alimwaga mara 4 mie hata moja sikupata, uume wake ukanywea nikiwa bado nataka lakini iligoma kusimama ikabidi nimwambie mie sijaridhika...najuta!

Mpenzi wangu aliumia na alikosa raha kabisa na tulipoachana siku ile mie ndio nilianza kuhaha kwa kujiuliza tatizo langu ni nini? naomba sana mnisaidie kwani nampenda sana mpenzi wangu na yeye ananipenda kweli lakini naumizwa na hii hali kwani jamaa a najitahidi sana lakini kukojoa kwangu ni mbinde!!"

Dinah anasema: Karibu sana na asante kwa ushirikiano wako. Kutokukojoa sio tatizo au niseme kwa kifupi huna tatizo kabisa. Utamu unaousikia mpaka unataka kupiga yowe ndio "kukojoa" kwenyewe huko kwa baadhi ya wanawake.

Unachotakiwa kufanya ni kuendelea kufurahia utamu huo na kama ni yowe wee jiachie tu mpaka utamu huo utakapofikia ukingoni kwamba utahisi misuli ya uke wako inamwenyua-mwenyua na unyevu kuongezeka ukeni mwako....huo ndio utakuwa mwisho wa "kukojoa kwako".

Huitaji kukosa raha kwa au kuwa na nia ya kushindana na mwanaume kwa vile tu yeye anakojoa na na kuona Manii nje. Kumbuka sisi wanawake tumeumbwa tofauti na wanaume hivyo usijaribu hata siku moja kujilinganisha na mwanaume linapokuja sula lolote lile ukiachilia mbali ukojoaji wakati wa kufanya mapenzi.

Pamoja na kusema hivyo napenda uelewe kuwa wapo wanawake wachache ambao wamejaaliwa kukojoa na mkojo kutokeza/kumwagika nje (nilikwisha zungumzia hili kwenye topics za nyuma) na wengi wetu hatuna uwezo wa kukojoa/kumwaga maji nje.

Hivyo kubali kuwa Mungu amekuumba hivyo, kuwa wewe ni mmoja kati ya wale wengi ambao hatuna uwezo wa kukojoa na kumwaga nje lakini tunafika kileleni nakufurahia tendo hili takatifu.

Ni matumaini yangu maelezo ya wachangiaji wengine yatakuwa yamekusaidia.
Kila la kheri!

Naogopa kungonoka...je anaweza subiri kwa miaka 2?

2011-08-26T00:00:00.000+03:00

"habari dada Dinah, Mimi ni binti wamiaka 23 na ni mfuatiliaji wa Blog yako, kabla sijasahau napenda kutoa shukurani zangu za dhati kabisa kwa kupata idea ya kuanzisha Blog hii kwani imekuwa ikinipa m ajibu ninapokuwa na maswali na hakuna wa kunijibu.

Kubwa lililonifanya kukuandikia ujumbe huu ni kuhusiana na post iliyotumwa na mtu mwingine enye kichwa kisemacho " Boyfriend anataka Ngono, lakini mie naogopa". Kwa kweli hata mimi nipo kwenye situation hiyo, maishani mwangu nimekutana na wanaume wengi lakini hakuna niliedumu nae kutokana na issue hiyo ya kukataa sex.

Sasa nipo na kaka mmoja nampenda kwa moyo wangu wote lakini sinauhakika kama ananipenda kweli. Huyu kaka nilikutana nae miaka 5 iliyopita lakini mara ya mwisho ni mwaka 2006 ambapo tuligombana kwa sababu nilikataa katukatu kufanya nae ngono. Hata baada ya kuniita chumbani kwakwe kwa ajili ya yam aongenzi nakunishawishi kufanya ngono.

Hapo ndio ilikuwa mwisho wa mimi na yeye kuonana, then mimi nikaja Dar na yeye akaenda Arusha kikazi. sasa nikakutana nae tena mwezi wa saba mwaka huu na amesema sasa yuko more than serious na mimi kuhusu uhusiano na yuko tayari anipeleke kwao. Kusema kweli mimi sijali kujulikana au kutojulikana nyumbani kwao, ninacho hitaji ni true love kutoka kwake,na respect kwa mwili wangu.

Nimesoma sahauri nyinginena nimepata new ideas about sex nisizokuwa nazijua. Sasa swali langu: Mpaka sasa haja propose Ngono ila najua soon he will so nachukua tahadhari mapema. Mfano akisema Ok "niko tayari kusubiri hadi utakapo kuwa tayari"....nifanye kitu gani ili asiwe anafikiria zaidi kuhusu sex?

2-Do you think kwa makaka ataweza kusubiri kwa miaka zaidi ya miwili?
Samahani kwa mail ndefu, nakutakia kazi njema"

Nikiwa "stejini" nakuwa mkavu sana na upepo hujaa, Nifanye nini kuwa normal?

2011-08-25T15:38:00.005+03:00

"Hey mambo vipi!
Mimi ni manamke mrembo mwenye miaka 26, namshukuru Mungu kanijaalia kazi yenye kipato nzuri na ninampenzi ambae tunapendana sana ila tatizo langu ni pale tunapokuwa Stejini, Uke wangu huwa mkavu sana japo jamaa anajitahidi sana kuniandaa kwa muda mrefu pia K hujaa upepo wakati tunangonoka hali ambayo hunisababishia kuchukia kufanya mapenzi.

Nahisi mpenzi wangu hafurahii ndio maana naomba ushauri nifanye nini ili niwe normal when having sex kwani sijui utamu wa mapenzi japo mpenzi wangu ananiambia kuwa yeye anafurahia sana. Frida"

Dinah anasema: Hello! Mambo poa, samahani nimekuwa kimya kwa muda lakini ni imani yangu kuwa maelezo ya wachangiaji wengine yalisaidia kwa maana moja au nyingine.

Ukavu wa Uke wako unaweza kusababishwa na mambo mengi ikiwa ni pamoja na hofu, mawazo, uoga, kutokujiamini, matumizi ya madawa n.k. lakini kutokana na maelezo yako hapa nadhani tatizo la kujaa upepo ndio linalokufanya uwe na hofu ya kufanya mapenzi.

Kama ulivyosema mwenyewe kuwa hali hiyo hukufanya uchukie kufanya mapenzi. Sasa, pamoja na kuwa mpenzi wako anajitahidi kukuandaa kama wewe hauko tayari kiakili itakuwa ngumu sana kwa mwili wako ku- respond.

Nini cha kufanya: Epuka mikao ambayo itasababisha hewa kuingia ukeni kwa wingi mf doggie/mbuzi kagoma na "matawi yake" vilevile hakikasha mpenzi wako anapoingia na kutoka hatoki nje sana anatoa kiasi tu au ikiwezekana asitoke kabisa na badala yake wewe ndio uifanye kazi hiyo ya kuingia na kutoka....Mf:-

Mpenzi wako akiwa amelala chali na wewe kuwa juu yake (mlalie au ukalie uume) kisha nenda juu-chini bila kutoka kabisa pia unaweza kutumia misuli yako ya uke na kiuno badala ya nje-ndani.

Njia nyingine ya kuepuka utoaji wa hewa wakati wa kufanya mapenzi ni kutumia misuli ya uke wakati tendo linaendelea na kila siku unapofanya shughuli nyingine za kila siku.

Ukizoesha misuli yako ya uke mazoezi huwezi kupata matatizo hayo na pia itakusaida baada ya kujifungua (kama bado).

Nakutakia kila la kheri!

Nikisema sina hela ananuna, busu, kumbatio ni tatizo, nimbadilishe vipi?

2011-08-17T00:20:00.000+03:00

"Hi da Dinah
Pole na hongera kwa kutoa elimu kwa vijana wa kitanzania. Mimi ni kijana wa miaka 23 na ni muajiliwa wa kampuni moja hapa Tanzania, tatizo langu ni kutopata mpenzi anayejali na kuthamini hisia zangu .

Natamani kuwa na mpenzi anayeendana na mitazayamo yangu ya kimaisha, kwa sasa ninae mpenzi lakini ni mtu anayependa pesa zaidi, siku ukimwambia huna basi atanuna na wakati mwingine anasema kuwa anahisi humpendi.

Na mbaya zaidi huwa hapendi kutoka na mimi ila marafiki zake its okay na hata hugs and kisses huwa kwake ni tatizo.Niini nifanye niweze kumbadilisha au niachane nae na kupata yule anayeendana na hisia nizitakazo? kwamba tupendane na tuendane kwenye masuala ya kimaisha?

Kwasababu wakati mwingine nahisi kuwa labda nina mkosi na sitokuja pata chaguo la moyo wangu nitakae mpenda na yeye anipende na sio kupenda pesa zangu."

Asaliti ndoa yetu usiku asubuhi anaenda kuhubiri neno la Mungu-Nimfanye nini?

2011-08-16T19:55:00.004+03:00

"Mimi ni mwanamke ambae niko kwenye ndoa miaka minne sasa. Ila ninatatizo naomba mnipe maoni na ushauri. Mume wangu ambae nilimpenda kupitiliza nimegundua amekuwa akitoka nje ya ndoa yetu pale nilipoanza kumufatilia sana ingawa alikuwa mjanja sana.

Kinachoniuma saaana huyo mwanamke aliekuwa akitoknae nilianza kumuhisia kipindi hatujafungandoa, kila siku nilikuwa nikiona msg zake akimtukana mtu fulani ila nikijaribu kumuuliza mume wangu anasema kuwa ni mambo tu ya kazini. Lakini kila nilipokuwa nikiona msg nahisi kusutwa!

Hivi sasa tuna watoto wawili na nilikuwa muamini zaidi mume wangu nakila ninapo shitukia ishu kuwa labda anatoka kusaliti ndoa yetu na kumhoji kama ni kweli, mume wangu anakasirika na kuniomba nipige magoti nisali na kuomba Msamaha.

Nilikuwa nikifanya hivyo na hata yeye kuomba pamoja nami huku maombezi yake yakiwa Mungu atupe tuweze kuaminiana. Hajawahi kupunguza mapenzi kwangu wala kuonyesha ila siku moja nimekamata msg nyingine nikajifanya mimi ni mume wangu na hapo ndipo nilipogundua mwanamke huyo anavyo enjoy na mume wangu.

Kinachoniumiza sana alikuwa akitumia rafiki yake huku mara nyingi nyingi kujifanya kuwa ni mgonjwa anahitaji kwenda hospitoli anadai asindikizwe na mume wangu kumbe ilikuwa njia yakumtoa tu. Akitoka asubuhi kusaliti ndoa yetu anahubiri Kanisani kama kawaida na huku akisukuma Injili.

Yaani nikifikiria hapo nahisi kumchukia, hata mida mingine sijisikii kumpikia kutokana na ahadi nyingi tele tele na huku akionya watu wengi kuhusu ndoa. Naombeni jamani mniambie nifanye nini kumsamehe sijamsamehe ila aliishaomba msamaha nakunieleza kuwa kila nililoligundua ni ukweli! ninaumia sana.

Nilimwambia asubiri nitampa jibu. Sasa mawazoni mwangu najiandaa na nikipata kazi nitamuacha kwani nikifanya uamzi mapema naweza kuumia sijuwi niko sahihi au nakosea?

Hii yote ni kwasababu hakuna njia nyingine ya kumuamini hasa pale anaponiambia yote "tumkabizi Mungu" nahisi hata hilo jina asiwe analitaja. Nikiwa mbali na yeye ninajihisi kufurahi nikimuona nahisi kujinyonga sasa jamani mnasemaje hapo naombeni ushauri wenu. Asante"

Naogopa mkewe asije kujua uhusiano wetu, nifanyaje?

2011-08-08T19:06:00.000+03:00

"Thanxs dada dinah kwa ushauri unaotupa wanawake wenzio. Ila dada naomba ushauri wako pamoja na wachangiaji wengine. Mimi nina mahusiano na mume wa mtu na nampenda sana naye ananipenda sana na pia ndio mwanaume wa kwanza kwangu.

Ila dada naogopa mke wake asije kujua, huwa namwambiai huyu mwanume lakini yeye ananipa moyo kuwa hilo halitotokea. Huyu mwanaume ananitunza vizuri tu na pia kaninunulia nyumba na full furniture. Nyumba hii iko mbali na anapoishi na familia yake.

Tatizo wakati ninapomuhitaji huwa simpati kwani unakuta muda mwingine yupo bisy na kazi au familia yake. Dada nifanye nini wakati nampenda sana?"

Dinah anasema:Natambua kuwa hii Post itawakera wengi, Mimi binafsi sikubaliani na tabia hii kwani kitendo cha kutoka na mume wa mtu ni Kosa kubwa. Lakini tukumbuke matusi na maeno makali hayatosaidia huyu dada kufanya uamuzi wa maana. Tafadhali mshauri kwa busara bila kum-attack huyu Binti.
Asante!

Nini Dawa ya kupunguza Umajimaji-Ushauri!

2011-08-07T00:17:00.000+03:00

"Dinah kwanza nikupe pongezi kwa kazi kubwa unayoifanya kwa ajili ya kutuelimisha pili nikupe hongera kwa kujifungua. Nimekuwa mfuatiliaji wa blog yako kwa kipindi hivyo leo nimeona na mimi nilete shida yangu pengine yaweza kupata ufumbuzi kutoka kwako na wadau wa blog hii.

Nina umri wa miaka 28 na nina watoto 2. Tatizo nililonalo sasa ni uke kuwa na majimaji yaani sio mkavu, japo haukuwa mkavu sana hapo awali nilikuwa wa kawaida.

Tatizo lilianza mwaka jana baada ya kujifungua mtoto wa pili uke umekuwa na majimaji hata kunifanya nisifurahie tena tendo la ndoa japo mume wangu hajawahi kuongelea jambo hili ila nahisi hata yeye hafurahii kama hapo awali.

Naombeni msaada kwa yeyote mwenye kujua dawa ama nini cha kufanya ili uke uwe mkavu ili ninusuru ndoa yangu jamani.

Asanteni".

Kitu kidogo tu anitishia kuachana, nimuache kweli au?-Ushauri

2011-08-01T00:15:00.000+03:00

"Habari yako dada Dinah???
I hope upo pouwa sana and well, thanks for everything you have been taught us and may God Bless u always...

My name is (dinah kahifadhi jina) am Tanzanian but currently am in Malaysia studying, I am having a problem with my GirlLover and I completely dont understand her! My girllover lives in Tanzania and am here (in Malaysia). Every end of the year I go to Tanzania to see her, I have no other reasons for me to go there apart from seeing her.

Anapenda sana kunitishia kuniacha yaani kitu kidogo tu atanuna na kunitumia msg'z kama "maisha mema na usinipige simu wala kuni text" tena kwa kosa dogo sana ambalo liko juu ya uwezo wangu, kosa lenyewe ni kutopokea sms zake kwavile network ilikuwa inamatatizo.

Pia nikifanya kosa bahati mbaya basi atanuna wiki moja au mbili, yaani nisimsemeshe. Lakini yeye akifanya kosa kama nililofanya mimi na akiomba msamaha ni hapo hapo umsamehe na usimpomsamehe hapo on the spot ataanza kunitishia kuwa "basi kama huwezi kusamehe on the spot tuachane" na kosa hilo hilo nilikifanya mimi naweza kuomba msamaha kwa wiki mbili mfululizo lakini hanisamehei and it's annoying.

Nampenda sana na nimeshamtambulisha home na yeye ameshanitambulisha kwao na familia zetu ni friends lakini hii tabia yake inaniboa sana, pia hivi vitisho vyake vya "tuachane" vinanifanya nisisome kwa raha yaani performance inashuka.

Nampenda sana na I can't afford to loose her... sasa nifanye nini ili aache kunitishia hivo vitisho au njia ni kuachana nae na nikiongea nae sometimes anakubali kuendelea na mimi but kitu kidogo anarejea hiyo tabia.

Naomba ushauri jamaa, ni kuachana nae au njia ni ipi hasa?"

Nifanye nini ilinifike chini ya saa moja?-Ushauri

2011-07-31T18:31:00.002+03:00

"Mimi ni kijana mwenye miaka Ishirini na Mbili sio mfatiliaji sana wa makala zako ila nina tatizo la kuchelewa kufika Kileleni. Siku nikijitahidi sana kufika basi natumia saa moja lakini siku nyingine zote huwa nafikisha hadi masaa mawili kwa bao moja.

Wanawake wamekuwa wakinikimbia na kuniogopa naomba ushauri nifanye nini ili niwahi kufika kileleni niwe kama normal people".

Niliolewa nikiwa nampenda wa zamani, nimuepuke vipi?

2011-07-31T18:29:00.001+03:00

"Hi Dinah na wachangiaji wengine,
Kwa kweli napata tabu hebu nisaidie kwa hili; Mpenzi niliekuwa nae zamani nilimpenda sana lakini kwa bahati mbaya tukakosana. Sasa nimeolewa as you know ndoa hupangwa na Mungu lakini bado nampenda na huku nina mume what should I do kuepukana nae huyo wa zamani"?