Dona Dona Katona

Txatxilipurdi elkarteko jolasen erakusketa

noreply@blogger.com (Nora Araiz Renteria) — Thu, 24 Jan 2008 12:41:00 +0000

Hona hemen, Txatxilipurdi Elkarteak Sopelanan orain dela hilabete batzuk egindako jolas ezberdinei buruzko umeentzako erakusketa. Hauxe da nik grabatutako bideoa.

Txatxilipurdi Elkartea

noreply@blogger.com (Nora Araiz Renteria) — Thu, 24 Jan 2008 12:17:00 +0000

Txatxilipurdi Haur eta Gazte Ekintzak elkartearen xede nagusia Arrasateko haur eta gazteen euskara normalizazioa bultzatzea da, horretarako bitarteko gisa aisialdia landuz. Ildo honetatik, hainbat ekintza eta egitasmo ezberdin gauzatzen dituzte, euskarazko eta kalitatezko aisialdi aukerak eskainiz: udalekuak, ludoteka eta gazte txokoak, eskola eremurako proiektuak...

Bere lehen urratsak AED elkartearen baitan eman zituen Txatxilipurdik haurren sail bezala. 1994. urtean, sailak hartu zuen tamaina ikusirik, elkarte autonomo bat eratzeko erabakia hartu zuten. Ordutik, hamaika aisialdi ekintza ezberdin eskaini dizkio herriari eta azken urteetan Euskal Herri mailan ere bere lehen urratsak ematen ari da.

Gaur egun Txatxilipurdi elkarteak bere hasierako helburua lantzen jarraitzen du, Arrasateko haur eta gazteen euskara normalizazioa bultzatzen, alegia. Horrtarako zenbait lan esparru edo sail ezberdin dauden elkartearen baitan:

Haur saila. Jarduera nagusiak: Arrasateko udal ludoteken kudeaketa eta dinamizazioa, udaleku irekiak eta jostailu erakusketa.

Gazte saila. Jarduera nagusiak: Arrasateko udal gazte txokoen kudeaketa eta dinamizazioa, udaleku itxiak eta Txatxiartistak.

Aisialdia eta Eskola. Eskola eremuan euskararen normalizazioa lantzeko egitasmoak.

Kultur zerbitzuak. Eguzkilaru eta Txikilandiaz gaina, jaialdien antolaketa zerbitzua.

Elkarte honen helburu nagusia euskararen normalizazioa da, Arrasaten, ume eta gazteen aisialdian, eta haren helburu zehatzak hauek dira:

- Euskararen normalizazioa herrian, aisialdiko ekintzak trena bezala erabilita.

- Herriko haur eta gazteen aisialdia euskaldundu, hauen aisialdiko esparru ahalik eta gehienetera helduta.

- Kalitatezko aisialdiko ekintzak eskaini, haurraren adinari eta errealitate soziolinguistikoari egokituta.

Betizu webgunea

noreply@blogger.com (Nora Araiz Renteria) — Fri, 18 Jan 2008 20:02:00 +0000

EiTB Taldeak haurrentzat prestatu duen Interneteko ataria da hau eta 3 eta 14 urte arteko neska-mutikoei zuzenduta dago. Webgunearen helburua umeek ondo pasatzea eta ikastea da, eta adin txikikoentzat pentsatuko webgunearen bidez, eduki berritzaileak eskaintzen dira, beharrezko segurtasun-neurriak kontuan hartuta, ez da publizitaterik onartzen eta ez dira kanpoko webguneetarako loturak egiten.
Webgune honetan Betizu Klubari, EITBko haurren klubari, buruzko informazioa ere aurki daiteke.

Baina, webgune hau etxeko txikienentzat ere bada? Irakurtzen ez dakitenentzat ere baliagarria da?

Bai, Betizu webguneak, gainera, eskolaurrekoei eskainitako atal berezia du eta eduki ikusgarriagoak eta errazagoak daude hor. EMEU (Betizuko behi gozoena) da atal horretako protagonista, eta "EMEUren Txokoan" denetik dago: jolas oso errazak, kantatzeko karaokea, margotzeko plantillak...

Zer eduki eta atal dauzka webguneak?

Hauek adibide batzuk dira soilik, webguneak atal gehiago dituelako...

Agenda

Euskal Herrian haurrentzat egiten diren ekitaldi guztien agenda eguneratua. Atal honetan 9 azpiatal aurkituko ditugu: Betizu ikuskizunak, pailazoak, antzerkia, zinea, magoak, musika, ipuin-kontalariak, jaiak eta denetarik (ikastaroak, lehiaketak?).

Jokoak

Ordenagailuan bertan jolasteko joko-sorta. Webgunea 3 eta 14 urte arteko haurrentzat dela kontuan izanik, maila ezberdineko jokoak biltzen ditugu hemen. Beraz, umearen adinaren arabera, joko bat edo beste komenigarriagoa izango da. Jokoen artean daude, memoria-jokoak, puzzleak, letra-zopak, tetris-jokoa, eta telebistako zenbait marrazki-bizidunen jokoak ere bai.

Abestiak

Atal honetan hainbat kanta ezagun daude, eta bertan, abestiak entzuteaz gain, hitzak ere irakur litezke. Abestiak motaren arabera daude sailkatuta. Hortaz, Betizu Kantak azpiatalean Betizu Klubeko abestiak entzun daitezke. Euskal Kantak azpiatalean, berriz, Euskal Herrian sortu eta ezagun diren abesti herrikoiak daude. Telebistako Saioak azpiatalean, Euskal Telebistako aurreneko katean, euskaraz emititzen diren eta haurrentzat aproposak diren saioetako abesti guztiak daude. Horien artean dira, esaterako, Egin Kantu saio arrakastatsuko kantu guztiak. Azkenik, Gabonetako Kantak azpiatalean, izenak berak dioen bezala, gabon sasoian entzun eta abesten diren kantarik ezagunenak biltzen ditugu. Webguneko atal hau etengabe berritzen dugu. Abesti berriak izan ahala webgunean jartzen ditugu erabiltzaile guztiek entzun eta ikas ditzaten.

Eskulanak

Haurren sormena eta trebetasuna lantzeko atala da hau. Eskulanak atalka banatuta daude. Hortaz, Dida 1ean atalean telebistan izen-bereko saioan eskainitako magia eta eskulanak aurki daitezke. Guztiek azalpen testu txiki bat dute eta baita bideo bana ere, eskulana nola egiten den ikusteko. Margotzeko atalean, berriz, ordenagailuan bertan edota inprimatuta paperean margotu daitezkeen hainbat txantiloi daude. Azkenik, Mozorroak egin atalean, egiteko oso erraza diren eta inauterietan zein beste edozein ospakizunetan erabiltzeko mozorroak aurki ditzakezue.

Eta bukatzeko...Zer egin behar dute Euskal Herriko umeek bazkide egiteko?

Betizu Klubeko bazkide egitea doakoa da eta 15 urte arteko Euskal Herriko edozein haur egin daiteke bazkide. Klubean izena emateko hainbat modu daude:

1.- La Caixako bulegora batera joan eta postala eskatu. Ondoren, zure datuekin bete eta gurasoetako batek edota tutoreak sinatu dezala. Azkenik, postala posta arruntez Betizu Klubera bidali ( Ez du zigilurik behar).

2.- Kioskora batera joan eta postala erosi (60 zentimo balio du). Ondoren, zure datuekin bete eta gurasoetako batek edota tutoreak sinatu dezala. Azkenik, postala posta arruntez Betizu Klubera bidali ( Ez du zigilurik behar).

3.- Postala webgunetik bertatik inprimatu ( http://www.eitb.com/betizu2006/bk_nola.asp ).Ondoren, zure datuekin bete eta gurasoetako batek edota tutoreak sinatu dezala. Postala gutun-azal batean sartu

Munduko jolasak

noreply@blogger.com (Nora Araiz Renteria) — Thu, 17 Jan 2008 19:37:00 +0000

Hona hemen mundu osoko jolasei buruzko web orrialde bat. Web honek, munduko bost kontinenteetako jolas ezberdin asko erakusten eta azaltzen dizkigu. Hauek dira adibide batzuk:

Amerika:

Izena: Balompie indio.
Jatorrizko herrialdea: Mexiko.
Materiala: Futbol bi pilota.

Lehenik eta behin, 3-6 pertsonez osatutako bi talde sortu behar ditugu. Talde bakoitzak pilota bana izango du eta zelai luze batean (2 km-koa gutxi gora behera) kokatuko dira. Ondoren irteera marraren atzean kokatuko dira eta parte hartzen ez duen norbaitek, guraso bat adibidez, txistu egingo du jokuari hasiera emanez. Momentu honetan talde bakoitzak bere pilota jaurtitzen hasiko da, hasieran bat eta gero bestea, horrela helmugara ailegatu arte. Joku honen irabazlea helmugara ailegatzen den lehenengo taldea izango da.

Europa:

Izena: El godo.
Jatorrizko herrialdea: Portonovo.
Materiala: Begizta bat.

Nahi ditugun beste parte-hartzaile parte har dezakete. Hasteko begizta bat arez estaltzen dugu eta ondoren parte-hartzaile bakoitzak duen makil batekin begizta harrapatzen zaiatu beharko da.

Asia:

Izena: A pancake is burning.
Jatorrizko herrialdea: Grodno, Bielorrusia.
Materiala: Tiza bat.

Parte-hartzaile guztiek bat izan ezik tiza baten laguntzaz zirkulu bat margozten dute lurrean eta honen barruan sartzen dira. Bestea kanpoan geratuko da 3 edo 4 metroko distantzian eta esaldi honekin hasiko da jolasa: "¡A pancake is burning!". Hau entzun ondoren zirkulu barruan dauden umeak kanpora ateratzen dira eta une honetan kanpoan dagoen umea beste ume bat harrapatzen saiatuko da. Lortu ezkero kanpoan zegoen umea zirkuluan sartuko da.

Ozeania:

Izena: Sigue a la madre.
Jatorrizko herrialdea: Zelanda Berria.
Materiala: Leku zabal bat, zelai bat adibidez.

Hiru parte-hartzaile baino gehiago behar ditugu, eta hauen artean bat "ama" (madre) izango da. Parte-hartzaile guztiek lerro bat egingo dute eta "ama" lerro aurrean kokatuko da. Gainontzeko parte-hartzaileek "amak" egiten dituen gauza guztiak imitatu beharko dute. "Amaz" aldatzen joango dira, denok parte hartu eta paper ezberdinetan haien burua kokatu ahal izateko.

Kulki elkartea

noreply@blogger.com (Nora Araiz Renteria) — Thu, 17 Jan 2008 18:08:00 +0000

Luisfer Etxeberriak eta Asier Lafuentek osatzen dute Kulki elkartea. Kulki, kultura eta kirola hitzen laburbildura da eta bi hitz hauek biltzen dute KULKIren helburu nagusia: Euskal kulturako arlo ludikoa, hau da, herri jolas, jokoak eta herri kirolak ezagutu, praktikatu eta baloratzea.

Kulkiren abiapuntua ondorengoa hau da:

Kulturak herriari izaera ematen dio. Herri jolas eta jokoak kulturaren zatia izanda, bertako jolas eta jokoak ezagutzea eta praktikatzeak bertako nortasuna emango du.
"Zer ikusi hura ikasi" hauxe da umeek egiten dutena. Beraz, etxean, herriko plazan edo eskolan ikusten baditu bertako jolas eta jokoak, horixe bera ikasiko du. Horrela gizarteratuko da.

Kulki Elkarteak horrela gauzatzen ditu bere helburuak:

Ikerketak egiten dituzte jolas eta jokoak berreskuratzeko eta jendearengana hurbiltzeko. Beharrezkoa da jolas eta jokoaren egitura ezagutzea, baita jolas eta jokatzeko garaia, lekua, eta noski jokalariek ematen dioten esanahia.

Aktibitate ezberdinak plazaratzen dituzte, jendeak parte har dezan:

Baserriko Jolas eta Jokoen Jaia.

Artzainen Jolas eta Jokoen Jaia.

Arrantzaleen Jolas eta Jokoen Jaia.

Meatzarien Jolas eta Jokoen Jaia.

Horrez gain jolaserako materiala berreskuratu eta sortzen dute eta beste lurraldetako elkarteekin harremanak mantentzen dituzte, gure kultura zabaltzeko eta besteena ezagutzeko.
Jaia herritarrak plazan biltzeko momentu paregabea da. Jaigiroan herriak bere zaletasun minenak adierazten ditu: musika eta dantza, jana eta edana, berriketa eta farrea, jokoa eta jolasa...
Joko eta jolasen inguruan, plaza herritar guztien topalekua izaten da, zaharrek umeei betiko joko eta jolasak erakusteko tokia. Eta gauzarik inportanteena, herritarrek parte hartzen dute herriko bizitzan. Hauxe da modu on bat bertako gizarte eta kulturan barneratzeko.

"Zertan jolastuko gara?" Hauxe da lagunek elkarri beti egiten dioten galdera.Eta ondoren jolas bat aukeratzen dute, edo-ta irudimenaren bitartez, jolas bat asmatzen dute. Baina han eta hemen, jolasak desberdinak izaten ohi dira: Goimendietan artzainek haien jolasak dituzte; behemendietan baserritarrek bezalaxe; eta itsaserrietan arrantzaleek ere beren jolasak aukeratzen dituzte. Kulkirekin gertatzen den bezala. Jolastuko al zara gurekin?

Euskaraz soilik egindako betiko jolasen lehen bilduma

noreply@blogger.com (Nora Araiz Renteria) — Thu, 17 Jan 2008 17:27:00 +0000

Play-Station, Nintendo edo Game-Boy bezalakoez haratago haurrek jolasteko mila aukera dituztela, eta jolasak taldean eta euskaraz egiteko ere bai. Horixe gogora ekarri, erakutsi eta aldarrikatu nahi izan dute Oiartzungo hiru gurasok. Hasieran beraien herriko familiei zuzendutako lanak oihartzun zabalagoa izan du, eta "Betiko Jolasak" izeneko liburua Euskal Herriko hainbat saltokitan ere eskura daiteke jada.

Hona hemen, haien esperientzia polit honen kontaketa:

Lan hau kalean gure garai bateko jolasetan haurrak jolasten ikusten ez genituelako otu zitzaigun. Askotan modaren arabera, txibarekin adibidez, ikusten dira haurrak kalean, baina dantzatzen besterik ez dakite eta txibak baditu jolas bat baino gehiago. Beraz, galera hau ikusirik zerbait egitea pentsatu genuen.Gure asmoa Oiartzungo haurrei liburua doan banatzea zen, ahalik eta herriko etxe gehienetara iristea. Eta euskaraz jolastea bultzatzea, abestiak erakustea.

Bilketa lana "Betiko Jolasak" libururako lana hiruron artean egin dugu. Batetik liburuak begiratuz, bestetik bakoitzak gogoratzen zituen jolasak idatziz eta inguru hurbilekoei galdetuz, eta herriko bi eskoletan inkesta bat eginez. Interneten ere aurkitu dugu zertxobait.
Argazkiak egiteko larunbat arratsaldetako ludoteka ibiltariak, guk noizean behin antolatutako aintzinako jolasak, herriko udaleku irekiak, herriko jaietan Gaztetxekoek antolatutako jolasak eta eskoletako jolas garaiak aukeratu ditugu. Behin gure ustez dena idatzia genuenean marrazkilari eta itzultzailerarekin elkartu eta hauek egin zuten beraien lana, diseinuaren azken urratsa arte.

Egia esan, lan asko eta ordu ikaragarri pila sartu ditugu lan honetan. Ezin dira lan orduak kontatu. Liburuak irakurri, jolasak aukeratu, zein sartu eta zein ez erabaki (burla edo biolentzizkoak ez ditugu sartu), argazkiak atera eta aukeratu, inkestak egin eta gero jaso ondoren irakurri eta zerbait berria bazegoen liburuan sartu, adineko jendearekin hitz egin, antzinako jolasak antolatu, jostailuak egin... 2004ko irailean hasi ginen honekin eta inprimategitik 2005 eko abenduaren 30ean atera zen.
Ondorioa 200dik gora jolas eta joko biltzen dituen bilduma dugu. "Betiko Jolasak" liburua hamar ataletan banatzen da:

Zozketa jolasak eta formulak.
Antzinako jolasak.

Harrapaketa eta kukuka jolasak.

Soka saltoan, goman, borobilean eta kulunkan aritzeko kantuak eta jolasak.

Jostailu txikiekin aritzeko jolasak.

Baloia eta pilota jolasak.

Jaurtiketa eta zehaztasun jolasak.

Lasterketa jolasak.

Munduko jolasak.

Uste dugu euskaraz soilik egindako betiko jolasen lehen bilduma dela. Gainera munduko jolasen atala ere hor dago. Liburu honetan etnografia lan bat ere egina dago eta jolas askotan jolasaren historia pixka bat ere aipatzen da, beraz ez da jolasaren azalpen soila.

Berreskuratze lana:

Azken 15-20 urtetan galdu egin da guk orain bildu ditugun jolas askoren informazioa edo jolastea bera, eta horri buelta eman asmoz berreskuratze lana egin dugu. Gure ustez, aipatutako galera horrek azken urte hauetako bizimodu aldaketarekin du zerikusi handia. Ez dago kaleko bizitzarik, honek suposatzen du lagunartea, imajinazioa, soziabilizatzea, eta zenbait balore gehiagoren galtzea.

Honetaz gain, gurasoek ere ez dute haurrekin jolasteko denborarik eta askotan gogorik ere ez. Guraso askok gure garaiko jolasak edo jostailuak seme-alabei ez zaizkiela interesatzen ere pentsatzen dute. Haurrak pikutara bidaliko dituztela edo, baina guk konprobatu dugu hau ez dela horrela. Adin bateko haurrak erabat pozik jartzen dira gurasoak beraiekin jolasten ikusten badituzte. Guk noizean behin herrian antzinako jolasak antolatzen ditugu eta, egia esan, ikaragarrizko arrakasta izaten dugu. Haurrak, gurasoak eta zenbait aiton-amon ere ikusten dira gurekin jolasean.

Beraz, gure arrakasta ikusirik eta hasierako asmo horiek bete ondoren, gure lanak interesa piztu zuela jabetu ginen eta, horrela, Zabaltzenen bidez hainbat saltokitan eskura daiteke dagoeneko. Espero dugu zuen gustukoa izatea!

Gurasoentzako aholku batzuk

noreply@blogger.com (Nora Araiz Renteria) — Wed, 02 Jan 2008 21:00:00 +0000

| View | Upload your own

Umeen gabonetako parkea

noreply@blogger.com (Nora Araiz Renteria) — Sun, 23 Dec 2007 20:19:00 +0000

Umeen Gabonetako Parkea

Urtero bezala, Bilbora ailegatu da Umeen Gabonetako Parkea (G.U.P). Aurten berriz ere Barakaldoko BEC erakusketa azokan izango da eta umeek bertan dauden tailer, jolas eta txosnekin izugarri gozatuko dute.

Umeen Gabonetako Parkera etorri nahi baduzue, hauxe da bere ordutegia eta sarreraren prezioa:

Egunak: 14, 17, 18, 19, 20, 21, 24, 31 eta 5 .

Ordutegia: Goizeko 10:30 etatik, arratsaldeko 17:00 ak arte

Egunak: 15, 16, 22, 23, 26, 27, 28, 29, 30, 2, 3 eta 4 .
Ordutegia: Goizeko 10:30 etatik, arratsaldeko 19:30 etararte.

Sarreraren prezioa: 7 euro.

Olentzero joan zaigu...!

noreply@blogger.com (Nora Araiz Renteria) — Sun, 23 Dec 2007 19:25:00 +0000

Ordu gutxi falta dira Olentzero Euskal Herriko ume guztien etxeetara ailegatzeko! Prest al zaudete? Espero dut baietz...eta Olentzerori animatzeko hauxe dugu modurik onena: Olentzeroren kanta abestea!

powered by ODEO

Umeei zer oparitu?

noreply@blogger.com (Nora Araiz Renteria) — Sat, 22 Dec 2007 11:49:00 +0000

Gabonak heldu dira!

noreply@blogger.com (Nora Araiz Renteria) — Sat, 22 Dec 2007 11:08:00 +0000

Gabonak heldu dira eta honekin batera gurasoak haien seme-alabei zein jostailu erosteko buruhausteak ere.
Umeentzako opari egoki bat aukeratzea ez da batere erraza, baina askotan denbora falta dela eta, "modan" dauden opariak edo gure seme-alabek eskatutakoak erosten ditugu haien egokitasuna edo desegokitasunari erreparatu barik. Baina...zer hartu behar da kontuan jostailu bat hautatzeko unean?
Batetik umea bera, eta bestetik bere ingurunea. Ume jakin horri erreparatu behar zaio, zer trebetasun dituen landuenak eta zeintzuk gehiago garatu beharrekoak, nortasun aldetik zer premia dituen, zein zaletasun dituen. Haur hori bere gurasoek ezagutzen dute inork baino hobeto. Horrez gain, ez da pentsatu behar oparia haur horrek jasotzeko bakarrik denik, haurrak jolasteko dela baizik, beraz, ingurunean jostailu horrekin jolasteko aukera behar du izan, espazioa aproposa behar du izan, eta norekin jolastu eduki behar du. Jostailua ez da isolatzeko gauza bat, elkarbanatzeko gauza bat da, eta askotan hartu-emanak eraikitzeko, komunikaziorako elementu bat izan daiteke.
Gainera, ia jostailudenda guztietan, telebistan eta abarretan, jostailuak horrela banatuta agertzen dira: Neskentzako jostailuak, kolore larrosakoak, lasaiak, etxeko giroari erreferentzia egiten dutenak (sukalde txikiak, amak umea saintzen...) eta mutilentzako jostailuak, askoz aktiboagoak eta inoiz ez larrosa kolorekoak.
Txikitatik egiten diren banaketa hauek, errol zehatz eta markatu batzuk ezartzen laguntzen dute. Beraz, betiko errol hauekin bukatu nahi baldin badugu, joera hau aldatzen hasi beharko ginateke. Horretarako jolas es sexistak erosi behar ditugu. Eta...zeintzuk dira jolas ez sexistak?
Sexu gainetik jolastu ahal izateko aukera ematen dutenak.
Sexuari lotutako genero rolak errepikatzen ez dituztenak (ez indartzeko).
Genero estereotipoei erantzuten ez dietenak.
Generoak garatzen dituen gaitasunak baino askoz gehiago lantzeko aukera ematen dutenak.
Generoari dagozkion bestelako baloreak bultzatzen dituztenak, hau da, balore positibo guztiak (generoa kontuan hartu gabe).
Gure bizitzara eramateko eredu berri bat luzatzen dutenak.
Gizarteko ekitatea bultzatzen dutenak.
Eredu zabal eta ez itxietan jolasteko aukera ematen dutenak.
Pertsona moduan, gaitasun anitzak bultzatuz, osotasunean garatzeko laguntzen dutenak.

"La Birlocha" ludoteka

noreply@blogger.com (Nora Araiz Renteria) — Tue, 27 Nov 2007 11:27:00 +0000

Hona hemen, 2006. urtean Murtziako "La Birlocha" ludotekan umeen eskubideetan oinarrituz umeek egindako jarduera batzuk

Aurreko komentarioarekin erlazio zuzena du bideo honek. Ludoteken funtzioak eta helburuak zeintzuk diren ikusi ondoren, beharrezkoa da ludoteketan egiten diren jarduerak, jolasak, eskulanak eta abar zeintzuk diren ikustea eta teoria hutsarekin soilik ez geratzea, beraz, hona hemen, 2006. urtean Murtziako "La Birlocha" ludotekan umeen eskubideetan oinarrituz umeek egin zituzten jarduera batzuk.

Ludotekak

noreply@blogger.com (Nora Araiz Renteria) — Wed, 14 Nov 2007 19:38:00 +0000

Ludotekak gaur egun gizarte beharrizanen erantzun gisa agertzen dira. Haurrak jolasak mailegu bezala har ditzaketen tokia da eta horrez gain, haurrak jolas desberdinekin, gurasoekin, ludotekariaren laguntzarekin edota animatzaile batekin jolas dezake. Ludoteken zeregina, haurren izaera joko eta jolasen bidez garatzea da. Horretarako, haurren jokoa ahalbidetzen, mesede egiten eta estimulatzen dute, haurrei jolasteko behar dituzten elementu materialak, orientazioak, laguntzak eta laguntasuna eskeiniz.

Alde batetik, ludotekek funtzio ugari betetzen dituzte, baina hauek dira aipagarrienak:

Funtzio pedagogikoa: Ludoteka hezi, irudimena garatu eta ispiritu ludikoa garatzen du, bertan dauden jolasak umearen garapenaren aspektu guztiak ongarrituz.
Funtzio soziala: Diru asko ez daukaten familietan bizi diren zenbait ume, normalean ez dute jostailu ugariekin jolasteko aukera, bere prezio altua dela eta. Horrexegatik ludoteken lana, ume guztiei aukera berdinak eskeintzea da. Zentzu honetan ludotekak umeen arteko ezberdintasun soziokulturalak murrizteko leku bihurtzen dira.
Elkarteko funtzioa: Ludoteka prestakuntza funtzio garrantzitsu bat du. Jolas guztiak duten umeentzat baita, bertan jolas hoiekin jolasteko ume asko daudelako eta lagun asko aurkituko dutelako. Gainera, umeak materialak saintzen eta errespetatzen ikasten dute.
Familiaren komunikazioaren funtzioa: Ludoteka umea eta familiaren arteko erlazioak ugaritu eta hobetu ditzake batez ere, komunikazioa eta parte hartzea handituz.

Bestetik, hauek dira ludoteken helburu nagusiak:

Hauek betez gero, ludotekek gaur egun jolasen inguruan dauden arazoak konpontzeko balioko dute.

Haurren gustuen arabera aukeratzen dituzten jolasak uztea.
Taldeko jolasak egin adin parekatuetako haurrekin.
Haurra eta helduaren eta guraso eta seme-alaben arteko komunikazioa gehiagotu eta hobetu.
Gurasoei informazioa eman erosten dituzten jostailuekiko.
Material ludiko egokia eskeini ezintasunen bat edo gaixotasunen bat duten umeei.
Apurtu diren jostailuak konpondu.
Joku sinpleak asmatu eta pentsatu.
Jostailuekin eta jolasekin erlazionatutako animaziozko ariketak egin.
Jarauntsi jostailuak materiala eta haurren erreakzioa ikertuz.
Informazio hau eskatzen duten fabrikatzaileei jakinarazi.

Beraz, ondorioztatu dezakeguna da, ludotekak oso onuragarriak direla umeentzat, ume hauen familientzat eta baita ume hauek bizi diren auzoentzat ere. Horrexegatik, haurrek haien auzoetako ludoteketara joatea aukera ezin hobea dela uste dut, bertan beste umeekin erlazionatzeko aukera izango dutelako, haientzat egokiak diren jostailuekin jolastu ahal izango dutelako, haien sormena eta irudimena landuko dutelako etab.

"Jolastu nahi dut!"

noreply@blogger.com (Nora Araiz Renteria) — Mon, 05 Nov 2007 11:39:00 +0000

"La matatena", Mexikon sortutako elkarte bat da. Elkarte honek haurrei zinemaren arlora hurbiltzeko helbururarekin sortu zen eta aukera ugari eman die egoera eroso batean bizi ez diren umeei haien gaitasunak eta sormen lanak mundu osoari erakusteko, hain zuzen ere, Nazioarteko umeentza ko zinema jaialdiaren bidez.

Gainera, "La matatena" elkartean hainbat tailer eskaintzen dira, adibidez, animaziozko tailerrak, fikziozkoak, dokumentalak eta zinematografi apreziazioa.

Tailerren helburuak hauek dira:

Umeek beste haurrekin harremanetan egotea.
Lan talde artistikoen bidez espazio bat aurkitzea haien interesak, ametsak eta irrikak adierazteko.
Haur eta gazteentzako interesgarriak diren hainbat gai ezagutzea, umeen eskubideak, adiskidetasuna, elkartasuna, ekologia, haien beldurrei nola aurre egin etab.

Elkarte honen web horrialdean umeek egindako lan guztiak ikus ditzakegu eta hemen bertan, nire blog-aren gaiarekin zerikusia duen film labur interesgarri bat aurkitu dut. Film labur honen izenburua "Quiero jugar" da eta irudien bidez ume zoritxar baten istorioa kontatzen du. Ume honek, bere aitak behartuta, etxea garbitzen pasatzen ditu orduak. Berak, bere lagunekin jolastu nahi du, baina bere aitak etxean geratzera behartzen du. Egoera hau guztiz aldatuko da bere etxeko lehiotik zerbait sartzen denean...

Laburmetrai honek ondo adierazten du munduko ume askoren egoera, haien bizi baldintzak direla eta jolastu ezin dutenak, horrexegatik polita iruditu zait 12-17 urte bitarteko gazte hauek egindako film labur hau. Jolastea, umeen eskubidea delako!

Piramidea

noreply@blogger.com (Nora Araiz Renteria) — Mon, 29 Oct 2007 20:09:00 +0000

Hementxe dugu umeentzat gomendagarriak diren ekintza edo jarduera ezberdinen piramidea.

Piramidearen oinarrian umeek egunero praktikatzeko ekintza gomendagarrienak agertzen dira; aire librean jolastu, jolasak batu, kaletik ibili, eskolara oinez joan...
Hurrengo mailan, astero 3-5 alditan praktikatzeko ekintza ezberdinak agertzen dira. Kasu honetan hauek dira: igeri egitea, korrika egitea, futbolean, saskibaloian, tenisean etabarren aritzea, bizikleta erabiltzea etab.
Hirugarren maila batean astero bitan edo hirutan gutxienez praktikatu behar dituzten ekintzak aipatzen dira: lagunekin parkean ibili, dantza egin, karatea praktikatu...
Eta azken maila batean, umeek gutxien praktikatu beharko lituzketen ariketak ditugu: telebista ikustea, ordenagailuarekin aritzea edo bideojokoekin jolastea.

Hik Hasi "jolas kooperatiboak"

noreply@blogger.com (Nora Araiz Renteria) — Mon, 29 Oct 2007 18:42:00 +0000

Hik Hasi web orrialdean agertzen den artikulo interesgarri bat dugu hementxe. Bertan, EHUko Psikologia Fakultatean 20 urte lanean daramatzan irakasle bati, Maite Garaigordobilari , egindako jolas kooperatiboei buruzko hainbat galdera agertzen dira.

Maite Garaigordobilak sormenezko jolas kooperatiboak garatzeko hainbat programa landu ditu eta hauek sariak eta aipamenak jaso dituzte: 8-10 urteko haurrentzako programak Hezkuntza eta Kultura Ministeritzak ematen duen Ikerketa eta Berrikuntza Pedagogikoko Sari Nazionaleko 1. saria jaso zuen eta nerabeen programak 3. saria.

Galdera hauen bidez berak gertutik eta ondo ezagutzen duen mundu hau erakutsi digu eta sormenezko jolas kooperatiboen ezaugarriak, funtzioak, helburuak, burututako esperientziak eta lortutako emaitzak azaleratu dizkigu.

Hauek dira artikulu honetan aurki ditzakegun hainbat galdera:

Zer ulertu behar dugu jolas kooperatiboez hitz egiten dugunean? Zer dira jolas kooperatiboak?

Noizkoak dira jolas kooperatiboen lehen erreferentziak?

Zertarako balio dute jolas kooperatiboek?

Zein ezaugarrik bereizten ditu sormenezko jolas kooperatiboak beste jolasetatik?

Jolas kooperatiboak gelan lantzeko hainbat programa egituratu dituzu. Zertan oinarritzen dira programa horiek?

Zer eta nola egiten da programa horiekin gela barruan?

(...)

Haur kontuak

noreply@blogger.com (Nora Araiz Renteria) — Mon, 15 Oct 2007 21:22:00 +0000

Aukeratutako azken blog honetan haur jolasei buruz hitz egiten da; Jolas motak (jolas kooperatiboak, ezagutza jolasak, jolas sinbolikoak eta ariketa jolasak), jolasen ezaugarriak, jostailuak (adibidez, ze jostailu aukeratu behar dugun umearen ezaugarrien arabera), munduko jolasak etab.

Bitakora hau aukeratzearen arrazoietako bat, honen praktikotasuna izan da, bertan agertzen den informazioa oso ondo ulertzen delako eta informazio hori praktikan jartzeko egokia iruditzen zait.

Gehien gustatu zaidan atala "jolas motak" aparte, "munduko jolasak" izan dira. Gai hau, oso interesgarria iruditzen zait, batez ere gaur egungo eskoletan munduko herrialde desberdin ugarietako umeak daudelako, horregatik, munduko jolas ezberdinak lantzea aukera ezin hobea eskeintzen die umeei bere kulturaren aportazio txiki bat egiteko, integrazioa bultzatzeko, umeen ezagutza aberasteko eta anistazuna lantzeko.

Hemen egindako deskribapen txiki honek zuen interesa piztu badu, zoazte blog hau kuxkuxeatzera!

Jolasen sexismoa

noreply@blogger.com (Nora Araiz Renteria) — Mon, 15 Oct 2007 19:39:00 +0000

Interesgarria iruditu zaidan bigarren bitakora honek gai hauei buruz hitz egiten du:

Hezkidetza eskolan eta familian, generoa eta hezkuntza, sexuaren arabera nolakoa den jasotzen dugun hezkuntza, sozializazio prozesua etab.

Gaur egun, etengabe hitz egiten da emakume eta gizonen arteko berdintasunari buruz, eskubideei buruz...baina, gaur egun aldarrikatzen den "berdintasun" hori erreala da? Eta, zer egin dezake eskolak berdintasun hori lortzeko?

Eskolaren erantzukizuna gai honetan ezinbestekoa dela badakigu, eta irakasleok izango garenok gai hauetan sakontzea, ikertzeko grina izatea eta hezkidetzaren oinarri horiek ezartzea, edo behintzat ezartzen saiatzea gomendagarria izango litzateke.

Hezkidetza zer den ez badakizue, hona hemen aurkitutako definizio on bat:

"Hezkidetza, hezkuntza sisteman parekidetasuna lortzeko metodologia didaktiko bezala definitu dezakegu. Bere banakotasun, berezitasunaren arabera, generotik at egiten den pertsonen hezkuntza litzateke. Irizpide sexistak jarraituz, gizon eta emakumeei egokitutako rol, balore, portaerak, e.a. kontuan hartu gabe hezitzea da. Pertsona autonomoak izateko, gure bizitza proiektuen jabe izateko, hurbileko inguruarekin elkarbizitzan, behar ditugun gaitasunak garatzea ahalbidetzeko helburuekin"

Beraz, aukera izanez gero, blog hau bisita ezazue!

Euskal jolasak

noreply@blogger.com (Nora Araiz Renteria) — Mon, 15 Oct 2007 17:32:00 +0000

Bitakora honi esker jolasaren inguruko hainbat informazio lor dezakegu. Bitakora honen arduradunak hainbat komentario publikatu ditu orain arte. Hauek dira adibide batzuk:

Jolas kooperatiboak, ipuinen tailerrak, liburuekin nola jolastu, hurbildu eta ulertu, jolasa eta ikaskuntza etab luze bat.

Alde batetik, bitxia eta interesgarria iruditu zait bere blog-aren planteamendua: "Hizkuntza, gure kasuan euskara, jolasteko ere erabiltzea", hau da, hizkuntzarekin gozatzea, ipuinen eta asmakizunen bidez, istorioak asmatzearen bidez...

Eta bestetik, publikatu dituen gaiak oso interesgarriak eta baliogarriak iruditzen zaizkit maisu-maistra batentzat, gurasoentzat edo umeekin kontaktuan dauden pertsonentzat.

Jolas kooperatiboek ere bere lekua dute blog honetan eta hauen garrantzia eta egokitasuna aipatzekoa da, batez ere gaur egungo gizarte konpetitibo honetan, non irabastea, hoberena izatea, arrakasta eta indibidualtasuna bezalako baloreak gero eta gehiago goraipatzen direlako.

Beraz, umeen artean talde ekintzak eta jolasak bultzatzea ezinbestekoa iruditzen zait.

Ipuinekin erlazioa duten hainbat artikulo eta informazioa publikatu du, lehen aipatu dudan bezala, ipuin tailerrak, sarean aurki ditzakegun ipuinak eta haurrentzako teatro testuak adibidez.

Ipuinek ere, haurrak jolasteko, esperimentatzeko, haien irudimena eta sormena lantzeko...balio dute. Gainera, kontutan izan behar dugu ipuinak, ahoz zein idatziz, oso lagungarriak izaten direla haurren hezkuntzan, era ludiko baten bidez hainbat gauza ikasi ahal dutelako. Horregatik, maisu-maistrek eta gurasoek ipuinak eta hauen mundua sakonki aztertu eta ikertu beharko genuke.

Hau guztiagatik, bitakora hau interesgarria eta gomendagarria iruditu zait, beraz, denbora izanez gero hura bizitatzera animatzen zaituztet!