UVA Province ඌව පළාත

වසර 2600කට පෙර බුදුන් වැඩිය මියුගුණ පුදබිම

2012-01-09T21:02:00.009+06:00

බුද්ධ වර්ෂ 2600 සපිරූ අසිරියෙන් සකල බොදු බැතියෙන් බුද්ධාලම්භන පී‍්‍රතියට පත්ව සිටී. ඒ දුරාතීතය තුළ ශ්‍රී ලාංකේය ඉතිහාසය පරිපෝෂණය වීමට වංශ කථාවන් බෙහෙවින්ම ඉවහල් විය. ඊට අමතරව ශිලාලේඛන, පුරාවෘත්ත, ජනප‍්‍රවාද, ලේඛන හා පාරම්පරික මතකවලට ද ලැබුණේ ප‍්‍රමුඛ ස්ථානයකි.

සිදුහත් කුමරු ගිහිගෙය කළකිරි බුදු බව සොයා ගියේය. බුදුවී නම වැනි මාසයෙහි දුරුතු පුර පසළොස්වක පොහෝ දින ලංකාද්වීපයට වැඩම කළහ. මහා වංශයෙහි සඳහන් වන පරිදි ඒ ප‍්‍රථම ලංකා ගමනයේ දී බුදුන් වහන්සේ මහියංගන සෑරදුන් පිහිටි ස්ථානයේ වැඩ සිටි බව ද එහි සඳහන් වේ.

උන්වහන්සේ එදින සවස් කාලයේ මහවැලි ගංතෙර පිහිටි මහානාගවනයෙහි රැස්ව සිටි යක්ෂ සමාගම දමනය කිරීම සඳහා අහසට නැගි පෙළහර පෑ බවද අන්ධාකාරයක් මවා ඔවුන් දමනය කළ බව ද දමනය කළ යකුන් ගිරි දිවයිනට පළවා හැර ලක්දිව මනුෂ්‍ය වාසයට සුදුසු දිවයිනක් බවට පත්කළ බව ද සඳහන් වේ.

අපි දැන් මහා වංශයට යොමුවෙමු. ශත‍්‍රැ මර්දනය කරන ශීලිවූ සර්වඥතෙම උරුවෙල් කස්ප් නම් ජටිලයාගේ මහායාගය එළැඹ සිටි කල්හී තමන් නොර්මෙහි වූ ඔහුගේ ඉච්ඡාවාරය දැන උතුරුකුරු දිවයිනෙන් පිණ්ඩපාතය ගෙනැවුත් අනවතප්ත නම් විල සමීපයෙහිදී වළඳා තෙමේ සවස් වේලෙහි සම්‍යක් සම්බෝධියෙන් නව වැනි දුරුතු මස පුර පසළොස්වක්හි ලංකාද්වීපය, ශුද්ධ කරනු පිණිස, ලක්දිවට පැමිණි සේක. සර්වඥයන් විසින් ලංකා තොමෝ සසුන් බබලන තැනැකැයි ද යකුන් විසින් පිරුණු ලක්දිව යක්ෂයින් බැහැර කටයුතු යැයි ද දක්නා ලදී.

ලංකාද්වීපයෙහි මනෝරම්‍ය වූ ගං ඉවුරෙහි තුන් යොදුන් දිගු එක් යොදුන් පුළුල් වූ රම්‍ය වූ මහානාගවන නම් උයනෙහි යක්ෂයන්ගේ යුද්ධ භූමියෙහි ලක්දිව වැසි යකුන්ගේ මහා නිශාචර සමාගමය ප‍්‍රසිද්ධ විය.

ඒ මහා යක්ෂ සමාගමයට පැමිණි සර්වඥතෙම එහි සමාගම මැද ඔවුන්ගේ හිස් මතුයෙහි මයියංගන ථූපයාගේ ස්ථානයෙහි අහස්කුස වැඩ සිටි සේක. ඔවුන්ට භයජනක වූ වර්ෂාවාකාන්ධකාරය මැවූ සේක භීතියෙන් පෙළුණා වූ ඒ යක්ෂයෝ නිර්භය වූ තථාගතයන් වහන්සේගෙන් අභය ඉල්ලූහ. අභයදායී වූ තථාගතයන් වහන්සේ ඉතා භයින් පීඩිත වූ ඒ යකුනට මෙසේ වදාළ සේක.

”යක්ෂයනි තොපගේ මේ භය හා දුක් මම පහ කරන්නෙමි. තොපි සමගිව මෙතැන්හිම හිඳිනා තැනක් දෙන්නහුද? නොමදෙන්නහුද?

නිදුකාණෙනි, නුඹ වහන්සේට මේ සියලූම ලක්දිව දෙම්හ. අපට අභය දුන මැනවැයි ඒ සියලූම යක්ෂයෝ තථාගතයන් වහන්සේට කිවූහ.

ඔවුන්ගේ බිය ද, ශීතය ද, අන්ධකාරය ද නසා ඒ දුන් භූමියෙහි පත්කඩ අකුට එහි වැඩ හුන් සර්වඥතෙම එතැනින් ඒ පත්කඩ ගිනිගෙන දිලිසෙන්නක්කොට හාත්පසින් විශාල කළ සේක.

ගී‍්‍රෂ්මයෙන් පීඩිත වූ ඒ යක්ෂයෝ බියපත්ව (ලක්දිව) අන්නයෙහි හාත්පසින්ම සිටියෝය. ඉක්බිත්තෙන් සර්වඥයන් වහන්සේ ඔවුන් රම්‍ය වූ ගිරි දිවයින මෙහි ළඟා කළ සේක. උන් එහි වත්කළ තිබුණ තන්හි තැබූ සේක. සර්වඥතෙම ඒ පත්කඩ හැකුලූ සේක. (එකල්හි දෙවියෝ සර්වඥයන් වහ්නසේ කරා පැමිණියෝය.) ඒ සමාගමෙහි ශාස්තෲන් වහන්සේ ඔවුන්ට ධර්ම දේශනා කළ සේක. නොයෙක් කෙළ ගණන් සත්වයන්ට සෝවාන් ඵලාදියෙන් ධර්මාවබෝධ වූයේය. සංඛ්‍යාපථාතීන තිසරණ පන්සිල්හි පිහිටියෝය යනුවෙන් මහාවංශයේ සඳහන්වේ.

එහෙත් වැදිනායක ඌරුවරිගේ වන්නියලැ ඇත්තෝ මේ කතා පුවතේ සදොස් තැන් ඇතැයි අවධාරණය කරති.

ඔහු මෙසේ පවසයි. යක්ෂ කියන්නේ ගෝත‍්‍රයක්. අපේ මියයන අය යක්ෂයන් වී උපදින බව අපේ විශ්වාසයයි. ඒ අපේ නෑයකුන්. ඔවුන් අදහන්න පුදන්න අප පුරුදුවී සිටිනවා. ඔවුන් දත් විළිස්සූ භයානක පිරිසක් නොවෙයි. මිනිසුන් කොටසක්. බුදුන් වහන්සේ වැඩි කාලයේත් යක්ෂ, නාග ආදී ගෝති‍්‍රකයන් ඇසුරේ හිටියා.

මහියංගණය ප‍්‍රදේශයේ විශාල වශයෙන් අපේ නෑ යකුන් ඉඳල තියෙනවා. එම කාන්තාවන් පවා විලිවහන්න ඇඳුම් ඇඳගත් ශිෂ්ට පිරිසක් බව විහාරයේ චිත‍්‍රවලින්ම පෙනෙනවා. ආගන්තුකයෙක්, නාඳුනන කෙනෙක් තම ප‍්‍රදේශයට ආවම සැකයෙන් බලන එක ඕනෑම කෙනකුගේ සිරිතක්. අවසරයක් නැතිව ආව බුදුන් වහන්සේට (යක්ෂ ගෝති‍්‍රකයන්) අපේ අය විරෝධය පාල තියෙන්නේ ඒ නිසයි. එවිට බුදුන් වහන්සේ තමා කව්දැයි දැන ගැනීම සඳහා පෙළහර පාලා තියෙනවා.

ඒ උත්තමයා කව්දැයි තේරුම් ගැනීමෙන් පසු අපේ අයත් බණ අහල මහවැලි ගෙඟන් එගොඩවෙලා ඔවුන් ජීවත්වූ කඳු මුදුන්වලට ගිහින් තියෙනවා. එහෙම නැතිව බුදුන් වහන්සේ අපේ අය බයට පත්කරල ගිරිදිවයිනකට පළවා හැරියයි කියන කතාව අපි නම් විශ්වාස කරන්නේ නැහැ.

මොකද? බුදුන් වහන්සේ කාටවත් හිරිහැර කළ කෙනෙක් හෝ බියට පත්කළ කෙනෙක් නොවෙයි. තමා ඝාතනයට පැමිණි අංගුලිමාලට මෙන්ම නාලාගිරි ඇතා ද බියට පත්කළේ නැහැ. බොහොම කරුණාවෙන් ඒ අයට කරුණු අවබෝධ කර දුන්නා. අපි නෑයකුන් අදහන පිරිසක්. ඒ වගේම බුදුන් වහන්සේත් අදහනවා. අපි පන්සල් යනවා බුදුන් වඳිනවා. දානය දෙනවා.

මාවරගල ආරණ්‍ය සේනාසනයේ දායක සභාවේ සභාපති මමයි. වැදි අනන්‍යතාවය ඇති පස් දෙනෙක් ”මාවරගල”දී පැවිදිවෙලා තියෙනවා යැයි ද වන්නියලැ ඇත්තෝ පැවැසූහ.

මහියංගන රජමහා විහාරස්ථානයේ වාර්ෂික (ඇසළ) පෙරහර අවසන් දිනයේ අලූයම් කාලයේ මහියංගණ චෛත්‍යය වැඳ පුදා ගැනීමට වැදි ජනයා පෙරහරින් පැමිණෙති. ඔවුන් අත දිග රිටි දක්නට ඇත. රිටි උඩට විසිකරමින් ඒ මේ අත සහ පොළොවේ ගසමින්. ආවේශ වූ පිරිසක් මෙන් රංගනයක යෙදෙති. එසේ රඟමින් චෛත්‍යය වටේට ද පන්සල් භූමියේ ද සැරිසරා රිටි කෑලි කෑලිවලට කැඩුන පරිදි අලූයම් කාලයේ මහවැලි ගඟට පැන එගොඩ පීනා යති. මේ අනුව මහා වංශයේ සඳහන් පුරාවෘත්තයට වැදි ජනයාගේ මේ හැසිරීම සාක්ෂියක් බව සමහරු කියති. බුදුන් වහන්සේ අහස්කුස වැඩසිට අන්ධකාරයක් මවා යක්ෂයන් දමනය කිරීම හා ඔවුන් දමනය කොට ගිරි දිවයිනට පළවා හැරීම මේ නිරූපනය බව ද කියති.

වැදිනායක වන්නියලැඇත්තෝ පවසන්නේ නාඳුනන පුද්ගලයකු වූ බුදුන් වහන්සේට විරෝධපෑම මෙහිදී සංකේත වුවත් ගිරිදිවයිනට පළවා හැරීමක් නොවූ බවයි. ඔහු යළිත් අවධාරණය කළේ දහම් අසා යක්ෂ ගෝති‍්‍රකයන්. මහවැලි ගෙඟන් එගොඩව තමන් විසූ කඳු මුදුන්වලට ගිය බව මෙතුළින් සංකේතවත් කරන බවයි.ලංකාවේ පළමු වැනි චෛත්‍යය ගොඩනංවා ඇත්තේ කතාබහට ලක්වූ මෙම ස්ථානයේය.

මහියංගණ චෛත්‍යය ඉදිවූයේ කෙසේද?

සමන්තකූට පර්වත වාසී මහා සුමන දිව්‍ය රාජයා ද එහි රැස්වූ දෙවියන් අතර විය. බණ ඇසීමෙන් සෝවාන් ඵලයට පත්වූ දෙවිරජ තෙමේ බුදු රජාණන් වහන්සේගෙන් පූජා කිසිවක් ඉල්ලා සිටියේය. බුදුන් වහන්සේ හිස පිරිමැද කේශ ධාතු මිටක් පමණ දෙවියන්ට දුන් සේක. රත්තරන් කරඬුවකින් එය පිළිගත් දෙව්රජ බුදුන් වහන්සේ වැඩ සිටි තැන සත් රියන් දිග අවට එක්විසි රියන් ඇති රුවන් රැසෙක තබා එය ඉන්ද්‍රඛීල චෛත්‍යයකින් වැසීය.

බුදුන් වහන්සේ පිරිනිවන් පෑමෙන් පසු සර්වඥ නම් සමිඳුන් සඳුන් දර සෑයෙන් සර්වඥ ගී‍්‍රවා ධාතුව ගෙන දොළොස් රියන් සෑයක් කළේය. දෙවැනි පෑතිස් රජුගේ සොහොයුරා වූ උද්ධචූලාභය මේ චෛත්‍යය තිස්රියන් කොට මියුගුණ සෑය කරවූ බවද ඉතිහාසයේ සඳහන් වේ. ඉන්පසු දුටු ගැමුණු රජු විසින් මෙම සෑය තවත් විශාල කරවා ඇත.

ශ්‍රී මහා බෝධීන් වහන්සේගෙන් පැන නැගුණු දෙතිස්ඵල රුහ බෝධි අංකුරයක් මහියංගණයේ රෝපණය කළ බව සිංහල බෝධිවංශයේ සඳහන් වේ.

සේලාභය රජු විසින් සිරිසඟබෝ කුමරු මහ සඟරුවනට පුදන ලද්දේ මේ බෝ සෙවණේදීය. ”ස්වාමීනී මාගේ මේ කුමරුවා මහා සංඝයා වහන්සේගේද බෝධීන් වහන්සේගේ ද සරණ යන්නේයි. කුමරතෙම මෙතැන් පටන් සංඝබෝධි නම් වේවායි” පවසා සේලාභය රජු විසින් සිරිසඟබෝ කුමරු මහ සඟරුවනට පුද ලැබ තිබේ. කුමරු හොවා තැබූ ගල් පුවරුව අදත් මේ බෝ සෙවණේ දැකිය හැකිය. පිය රජුගේ අභාවයෙන් පසු සත් හැවිරිදි සඟබෝකුමරු සිය මාමා වූ නන්ද මහ තෙරුන් ඇසුරෙහි වැඩුණේය.

වෝහාර තිස්ස රජුගෙන් බේරීමට ඔහුට මහියංගණ විහාරය හොඳ ස්ථානයක් විය. සිරිසඟබෝ රජු මේ බෝ සෙවණේ දී සියලූ ආභරණ ගලවා දමා සිවුරු පොරවා තිබේ.

පළමුවැනි විජයබාහු රජු සොළීන් සමග සටන් කරන කාලයේ දී මහියංගණයේ කඳවුරු බැඳ සිටියේය. එවකට මහියංගන දාගැබ නටබුන්ව පැවැතියේය. රජතුමා ජයග‍්‍රහණයෙන් පසු දාගැබ පිළිසකර කරවා ගම්බිම් පුදා ඇත. පොළොන්නරු යුගයේ කීර්ති ශ්‍රී නිශ්ශංක මල්ල රජු මියුගුණ මහ වෙහෙර ප‍්‍රතිසංස්කරණය කළේය. දෙවැනි විමලධර්මසූරිය රජ දවස (කි‍්‍ර.ව. 1687-1707 ඕලන්ද හමුදාව මියුගුණ වෙහෙර කොල්ල කෑ බවත් ඉතිහාසයේ සඳහන් වේ.

මහියංගණ විහාරස්ථානයේ පාලන තනතුරට භික්ෂුන් වහන්සේ නමක් පත් කිරීම අස්ගිරි මහා පරපුරෙන් සිදුවේ. 1851 දී අධිපතිධුරයට පත්වූ අතිගරු ඉඳමළුගොඩ ධම්මපාල හිමියෝ මහියංගණ සෑය පිළිසකර කරවා ගර්භය සාදවා ධාතු නිධානය ද කරවා ඇත. එම ප‍්‍රතිසංස්කරණයේ දී දුටු ගැමුණු රජු විසින් කරවූ රන් මුවා සධාතුක කරඬුව ද මෙහිදී හමුවී ඇත.

1949 වනවිට ගර්භයේ උඩකොටස කඩා වැටී පැවතිණ. ගර්භයේ විශාල කොටසක් පුපුරා ඇදහැලෙන තත්ත්වයකට පත්විය. ලංකාවට නිදහස ලැබුණහොත් ලංකාවේ ප‍්‍රථම ස්තූපය වූ මහියංගන දාගැබ ප‍්‍රතිසංස්කරණය කරන බවට ලංකාවේ ප‍්‍රථම අග‍්‍රාමාත්‍යවරයා වූ ඞී.එස්. සේනානායක මහතා අධිෂ්ඨාන කරගත් බව කියති.

ඒ අනුව ලංකාවට නිදහස ලැබූ අගමැතිවරයාගේ ප‍්‍රථම කාර්ය වූයේ මෙම සෑයේ ප‍්‍රතිසංස්කරණ ඇරැඹීමයි.

එම ප‍්‍රතිසංස්කරණයෙන් පසු 1961 සැප්තැම්බර් මස 21 වන දින ඞී.එස්. සේනානායක මහතා විසින් කොත පළඳවා තිබේ.

එදා මෙදා තුර මෙම විහාරස්ථානයේ නාහිමිවරුන් හා භාරකාර ස්වාමීන් වහන්සේලා විහාරස්ථානයේ උන්නතිය සඳහා විශාල මෙහෙවරක් සිදුකරවා ඇත. මෑත භාගයේ ශ්‍යාමෝපාලී මහා නිකායේ අස්ගිරි විහාර පාර්ශ්වයේ අතිගරු මහානායක අග්ගමහා පණ්ඩිත උඩුගම සද්ධර්ම කීර්ති ශ්‍රී ධම්මදස්සී රතනපාල බුදීම රක්ඛිතාභිධාන මා හිමියන්ගේ හා විහාරාධිපති අස්ගිරි පාර්ශ්වයේ අනුනායක ගලගම ශ්‍රී අත්තදස්සී හිමියන්ගේ අනුශාසනා පරිදි මහියංගණ විහාරයේ භාරකාර අස්ගිරි පාර්ශ්වයේ ජ්‍යෙෂ්ඨ කාරක සංඝසභික උරුලෑවත්තේ ධම්මරක්ඛිත හිමියන්ගේ මෙහෙයවීම යටතේ ඉතිහාසයේ නොවූ තරම් වූ සංවර්ධනයක් සිදුකර තිබේ.

බුදුන් වහන්සේ මියුගුණ පුද බිමට වැඩම කර වසර 2600ක් පිරීම නිමිත්තෙන් සංවිධානය කළ පින්කම් මාලාව මේ මස 7, 8, 9 යන දිනයන්හි පැවැත්වේ. (8 වනදා) දුරුතු පෝය දා පැවැත්වෙන විශේෂ පින්කම් මාලාව සඳහා ජනාධිපති මහින්ද රාජපක්ෂ මහතා ද සහභාගී විය.

2012 ජනවාරි මස 09 12:51:19 | ලංකාදීප කර්තෘ මණ්ඩලය

http://lankadeepa.lk/index.php/articles/21131

ඌව පළාත් පුෂ්පය - ගුරුළු රාජ

2011-10-23T21:25:00.004+06:00

ඌව පළාත් පුෂ්පය - ගුරුළු රාජ

2011 මැයි මස 15 22:56:38 ලංකාදීප | සජිව විජේවීර

ගුරුළු රාජ ඌව පළාත් පුෂ්පයයි.. ශී‍්‍ර ලංකාවට ආවේණිකය.. වන සත්ත්ව හා වෘක්ෂලතා ආඥා පනත යටතේ ආරක්ෂක පැළෑටියක් ලෙස නම් කර ඇත.. වඳවී යාමේ තර්ජනයට ලක්වූ වන සත්ව හා වෘක්ෂලතා වෙළඳාම පිළිබඳ අන්තර්ජාතික සම්මුතියට ද ඇතුලත් කර තිබෙන ශාකයකි.

රයින්කොස්ටයිලිස් රෙට්‍යුසා නමින් උද්භිද විද්‍යාත්මකව හැඳින්වේ. ඉංගී‍්‍රසියෙන් ෆොක්ස් ටේල් ඕකීඞ් නමින් ප‍්‍රචලිතය.

ගස් මත වැවෙන ශාකයක් වන මෙම උඩවැඩියා විශේෂය වඳවීයාමේ තර්ජනයට ලක්ව ඇත. ඌව පළාතේ තණ බිම් වල ස්වභාවිකව වැවෙන බැවින් එය ඌව පළාතට විශේෂ වූ ශාකයකි.

දැඩි ඝනකමින් යුතු පිටත විහිදුණු පත‍්‍රය. දැඩි සෘජු කඳකි. ශාකය අඩියක් පමණ උසට වැඬේ. නොවැම්බර් සිට අපේ‍්‍රල් කාලයේ ඉතාමත් අලංකාර පුෂ්ප මංජරියක් හටගනී. ගුරුළු රාජ ශාකයේ පුෂ්ප මංජරිය හේතුවෙන්ම එය ෆොක්ස් ටේල් ඕකීඞ් නමින් හඳුන්වයි. සෙන්ටි මීටරයක් දෙකත් අතර පළලය.. කුඩා මල් විශාල සංඛ්‍යාවක් එක් පොකුරට එල්ලා වැටෙන ආකාරයෙන් පිපේ. සුදු පාට පුෂ්පයේ රෝස පැහැති පුල්ලි දැකිය හැකියි.

www.dunhinda.com

කඳු දෙකක් යාකර තැනූ ආරුක්කු නවයේ පාලම

2011-10-16T18:08:00.001+06:00

2011 ඔක්තෝබර් මස 16 10:51:23 | නයන තෙන්නකෝන් / Lankadeepa

උඩරට මැණිකේ කොළඹ සිට බදුලූ ආවාය. පොඩි මැණිකේ බදුලූ සිට කොළඹ ගියාය. ඔවුනට යාල් දේවියත් රුහුණු කුමාරියත් අතර මගදී හමුවන්නට ඇත. කන්ද උඩරටට ළඟා වන බදුලූ දුම්රිය ගමනේදී ලැබෙන චමත්කාරය වෙනත් දුම්රිය ගමනකදී ලැබෙතැයි කිව හොත් එය පිළිගැනීමට මඳක් අසීරු කරුණකි. බදුලූ කෝච්චියේ ඔබ කොතෙකුත් ගමන්කර ඇතුවාට සැකයක් නොමැත. එසේම ගමනේදී හමුවන සොඳුරු දසුන් සේයාවකට නගා මෙම වන විටත් ඔබ සන්තකයේ ඇතැයි මම සිතමි.

කොළඹ සිට පැමිණෙන මෙම දුම්රිය ගමන කොතරම් සුන්දර වුවත් මෙම දුම්රිය මාර්ගය ඉදිකරන සමයේ පොළොව සිපගත් ලේ දහඩිය හා කඳුළු කොතෙක් වේදැයි අපි නොදන්නෙමු. කන්දක් සිදුරු කරගෙන යන දැවැන්ත බිංගෙය මෙන්ම කන්දක් තවත් කන්දකට යාකරන විශාල පාලම් ආදිය මෙම මාර්ගයේ දුෂ්කරතාව දනවන සාක්ෂි කිහිපයකි. ඇල්ල දුම්රිය ස්ථානය හා දෙමෝදර දුම්රිය ස්ථානය අතර ඇති 169 සැතපුමේ ආරුක්කු නවයේ කවාකාර දුම්රිය පාලම උඩරට දුම්රිය මාර්ගයේ සංචාරකයන්ගේ ඇස රඳවා තබාගත් තවත් ස්ථානයකි. අප පරිහරණය කරන ඇතැම් මුදල් නෝට්ටුවකද මෙම පාලම මුද්‍රණය කර තිබීම මගින් මෙම පාලමේ ඇති ඓතිහාසික වැදගත්කම පිළිබිඹු වෙයි.

එදා සුදු ජාතිකයන්ගේ තාක්‍ෂණය පවා පරදවමින් පාලම ඉදිකළා යයි සැලකෙන වැලිමඩ ප‍්‍රදේශයේ පදිංචිව සිටි පී.කේ. අප්පුහාමි නමැති සිංහල පෙදරේරුවෙකු මෙම පාලමේ වැඩ නිමකළ බවට ජනප‍්‍රවාදයක් පවතී. එමෙන්ම එදා පාලම ඉදිකළ මෙම පුද්ගලයාට ශක්තියක් වෙමින් අත් වැඩ සැපයූ පුංචි කොලූ ගැටයා අදත් ජීවතුන් අතර සිටිනවා යැයි පැවසුව හොත් ඔබ මවිතයට පත්වනු ඇත.

එකල පාලමේ අප්පුහාමි බාස්ට අත්වැඩ සැපයූ මෙම කොලූ ගැටයා අදත් පාලම අසල ඇති හුදකලාවූ නිවසේ හුදකලාවෙන්ම කාලය ගත කරයි. ඔහු අවුරුදු 99 වයසැති රාජමුනි දේවයලාගේ බබානිස් මහතාය.

පසුගිය දිනක මෙම අපූරු පුද්ගලයා සොයා ඔහු වෙසෙන දනවුවට අපි පිය නැගුවෙමු. දිගැටි මුහුණේ වල ගැසුණු කම්මුල් වලින් ඔහුගේ වයෝවෘද්ධ භාවය මොනවට කැපී පෙනෙයි. අවුරුදු 99කින් වියපත් වූ එහෙත් කිසි විටක වියපත්භාවයක් නොපෙන්නන මෙම පුද්ගලයා සමග අපි කතාවට වැටුනෙමු. මෙම පාලම ගොඩ නගනා සමයේ වැලිමඩ ප‍්‍රදේශයේ සිට දෙමෝදරට පැමිණි රාජමුණි දේවයලාගේ බබානිස් සිය කටහඬ අවදි කළේය.

”ඔය පාලම සැදු කාලය මට යන්තමින් මතකයි. 1913 වර්ෂය වෙන්න ඕනි මං ගොඩක් පුංචියි. මට මතකයි ඇල්ල පැත්තේ ඉඳන් පාර කපාගෙන පීලි දමමින් ආවා. ඒත් මෙම ස්ථානයේ වැඩ නැවතුනා. මොකද වතුර පාරක් යනවා ගොඩක් පහළින් කඳු දෙක සම්බන්ධ කරන්න ඕනෑ. කෙළින් සම්බන්ධ කළොත් ආපු පාර යන්නේ කන්ද ඇතුළට. ඒ නිසා වංගුවක් දාන්න ඕනෑ. පාර බාරව වැඩ කළ සුද්දාට පිස්සු වැටිලා වගෙයි හිටියේ. ලොකු බස්තමකුත් අතේ තිබුණා. හැබැයි මෙම මාර්ගයේ යකඩ වැට යකඩ පාලම් එංගලන්තයේ ඉඳන් හදාගෙනයි ආවේ. ලංකාවේදී හයි කරන්න විතරයි තිබුණේ. කළුගල් පාලම් වල වැඩ කළේ සිංහල බාස්ලා. මෙම පාලමේ වැඩකළ අප්පුහාමි බාස්ගෙන් සුද්දා ඇහුවා උඹට මේ පාලම හදන්න පුළුවන්ද කියලා.

බාස් කීවා, පුළුවන් මං ඉල්ලන දේවල් ලබෙන්න ඕනෑ කියා.

උඹට මොනාද ඕනෑ කියා සුද්දා අහනවා,

මට පිරිසිදු වැලියි, කළුගල් කුට්ටියි, සිමෙන්තියි, මිනිස්සු 300ක් විතර ඕනෑ කියා බාස් කීවා.

සුද්දා බාස් ගැන විශ්වාස කරලා සියලූ දේ දුන්නා.

මේවා ලැබුණාම වැඬේ පටන් ගත්තා. අපට වැඩක් නැති හින්දා උදේ ඉඳන් මේවා බලාගෙන ඉන්නවා.

මේ සුද්දා හරි කරුණාවන්තයි. හැබැයි වැඩ පිළිවෙළට තියෙන්න ඕන. වැලි ගෙන ආවාම සාක්කුවේ තියෙන සුදුම සුදු ලේන්සුව ඇදලා වැලිගොඩෙන් අහුරක් අරගෙන ලේන්සුවට දාලා පොඩි කරනවා. පසුව ලේන්සුව ගසා දානවා. ලේන්සුවේ මඩ තැවරිලා තිබුණොත් එම වැලි විසි කරලා දානවා. නැවත ගන්නේ නෑ. හැමදාම මම මෙම ස්ථානයට එන නිසා බාස්ට බුලත් පුවක් ගේන්න කියනවා. වැලි මනින්න, ආයුධ පිසදාන්න වගේ පොඩි පොඩි වැඩ මට පැවරුවා. ඒවා කළාම සත දෙකක් විතර දෙනවා.

මෙහෙම අවුරුද්දක් විතර යනවිට පාලම හැදුවා. සුද්දා කූඩාරමක් ගසාගෙන තමයි හිටියේ.

”පාර දෙමෝදර දක්වා ගෙන ගියාම තවත් ප‍්‍රශ්නයක්. පාර ලකුණු කළාම එහා පැත්තෙන් පාර හදලා තියෙන්නේ, පහතින් මෙහා කන්දේ රේල් පාර උසයි. මේකට පාලම් හදන්න ගොඩක් අය ආවා. කාටත් බැරිවුණා. අවුරුදු තුනක් විතර පාරේ මේ හරියේ වැඩ නතර වෙලායි තිබුණේ.

සුද්දා කල්පනාකර කර ඉන්නකොට හරක් බලන මනුස්සයෙක් කෙවිට කරකවනවා දැකලා කෙවිට කර කවන ආකාරයෙන් කන්ද වටේ පාර ගිහිල්ලා පහතින් පාරට සම්බන්ධ කළා. පලවැනියට ආවේ ගල් අගුරු කෝච්චිය, මං රේල්ලූවේ වැඩට ගියා 1930දී. කම්කරුවෙක් විදියට මට තිබුණේ රේල් පාරේ ග‍්‍රීස් ගාන්න, පීලි සවි කරන්න, සිල්පර මාරු කරන්න වගේ වැඩ. පඩිය රුපියල් හතරයි. ඇඳුමක් සත විසි පහකට ගන්න පුළුවං. සම්බා බුසලක් සත විස්සයි. සරමක් සත විසි පහයි. අද ජීවත් වෙන්න සල්ලි ගොඩක් ඕන.

ආරුක්කු නවයේ පාලමේ ඉහළ සිට බලන්න බයයි. අඩි 300ක් විතර පහළින් තමයි වතුර පෙනෙන්නේ.

ඔය කාලයේ පාලමේ මැද නුග පැළයක් පැළවුණා. මේක කපා දාන්න කියලා සේවකයින් 35 දෙනකු කැඳවා සම්මුඛ පරීක්‍ෂණක් තිබුණත් කිසිවෙකු කැමැති වුණේ නෑ. මම 35 වැනියා. මම කැමැතිවුණා. ලියුමකට අස්සන් කරලා කඹ දාගෙන පාලම පහළට එල්ලී නුග ගස කැපුවා. පැය හතරක් විතර එල්ලිලා සිටියා මට යන්තමින් මතකයි. කවුරු හරි රටේ රාජ්‍ය නායකයෙක් හිටියා නම මතක නෑ. මං පාලමින් බහිනකොට අත් ඔසවා මට ආචාර කළා. උන්නැහේ ඉන්දියාවට ගිහින් මැරුණා කියා රාවයක් එවකට තිබුණා. 1958 දී මං විවාහ වුණා. දරුවන් හැදුවා. 1970දී මං පැන්ෂන් ගත්තා. අදත් මට පැන්ෂන් පඩියක් ලැබෙනවා.

මට දරු මුණුපුරන් 126ක් ඉන්නවා. මම බැඳලා හිටිය කෙනා නැතිවුණා. එදා ඉඳන් අද දක්වාම මම තනියෙන්ම ජීවත් වෙනවා. බදුලූ කෝච්චියේ ශබ්දය දිනපතාම ඇහෙනවා. කෝච්චිය යන්නේ නැතිවුණොත් හිතට මහා පාළුවක් දැනෙනවා.

ඒත් අද දුම්රිය දෙපාර්තමේන්තුව පිළිබඳ කළකිරීමක් තියෙන්නේ. ඉස්සර පාරවල් කොච්චර ලස්සනද පිරිසිදුද ඉදිකට්ටක් වැටුණත් සොයන්න පුලූවං. අද මෝල් ගහක් වැටුණත් හොයන්න බෑ. මං ජනාධිපතිතුමා දකින්න ආසයි. යුද්ධය නවත්තපු ඒ උත්තමයාට කතා කරන්නත් ආසයි. ඒත් එච්චර දවසක් ජීවත්වෙයිද කියන්න බෑ. මට තනියම යන්න හිතෙනවා උන්නැහේ බලන්න. මට අතර මගදී ලෙඩක් වුණොත් දරුවන්ටයි කරදරේ යයි බබානිස් මහතා පැවසීය.

සමුදීමට මත්තෙන් බබානිස් පැවසූදේ ආපසු එන ගමනේදී බොහෝ දුරක් මා සිත රැව් දුන්නේය.

මහත්තයා අපි ආයේ හමුවෙයිද කියන්න දන්නේ නෑ. ඒත් රේල් පාරේ යකඩ නමපු බබානිස් පාලම ළඟ සිටියා කියා විතරක් මතකයේ තියාගන්න. මම හැමදාම පාලම ආරක්ෂා කළා ඉදිරියටත් එහෙමයි. ඔහු කීය.

www.dunhinda.com

දුන්හිඳ සුරකිමු - www.dunhinda.com

2011-09-27T21:51:00.002+06:00

දෙස්‌ විදෙස්‌ සංචාරක ආකර්ෂණය දිනාගනිමින් නරඹන්නන්ගේ මනදොළ සනසාලමින් ඇද හැලෙන දුන්හිඳ ඇල්ල දිනපතා විශාල පිරිසක්‌ නැරඹීමට එන ස්‌ථානයකි. විශේෂයෙන් පාසල් නිවාඩු කාලයට සහ විදේශීය සංචාරකයන් මෙරටට පැමිණෙන සමයේදී දුන්හිඳ ජනයාගෙන පිරී ඉතිරී යයි. විශේෂයෙන් විදේශීය සංචාරකයන් ශ්‍රී ලංකාවේ දියඇල අතර නැරඹීමට වඩාත්ම ප්‍රිය කරන දිය ඇල්ලක්‌ බවට දුන්හිඳ ඇල්ල පත්ව ඇත. මෙහි ඇති අධික ජලකඳ සුකොමාල ලීලාවෙන් පහළට පතිත වීම ඔවුන්ගේ වින්දනයට හේතූවී තිබේ. එහෙත් දුන්හිඳ නැරඹීමට දිනපතා පැමිණෙන පිරිසට ප්‍රමාණවත් පහසුකම් සපුරාලීම මගින් තවදුරටත් දුන්හිඳ ඇල්ලේ වටිනාකම ලොවට ගෙනයා හැකිය.

සොරණාතොට ප්‍රාදේශීය සභාවට අයත්ව පිහිටි දුන්හිඳ ඇල්ල බදුල්ල දිස්‌ත්‍රික්‌කයේ උස්‌කඳු මුදුනකින් ආරම්භ වී මහවැලි ඟඟට දියවර සපයයි. දුන්හිඳ ඇල්ල ට පිවිසෙන දොරටුවේ සිට කිලෝමීටර් 1.25 ක්‌ පමණ රක්‍ෂිතය දෙසට ගිය පසු එම ඇල්ල හමුවේ. එම ගමන් මාර්ගය අති දුෂ්කරය. ගල්තලා මතින් ඉහළට සහ පහළට ගමන් කළ යුතු මේ ගමන ඒ දුෂ්කරතාවයන් නිසාම සුන්දර අද්දැකීම් නරඹන පිරිස්‌ වෙත ලබාදෙයි.මෙරට සංචාරක ව්‍යාපාරයට දුන්හිඳ දිය ඇල්ල සම්පතකි. මෙය නැරඹීමට එන දෙස්‌ විදෙස්‌ සංචාරකයන්ගේ ගමනට දින්හිඳ දුෂ්කර ගමන් මගෙහි ඇති අනාරක්‍ෂිත ස්‌ථාන අවදානමක්‌ව පවතී. අඩි 70 - 100 ක පමණ ආගාධ එහි පවතින අයුරු දක්‌නට ලැබේ. කුඩා දරුවා, පාසල් සිසුවාගේ සිට වැඩිමහල්ලා දක්‌වා උනන්දුවෙන් දුන්හිඳ ඇල්ල නැරඹීමට යන්නේ මෙම අවදානම් සහිත ස්‌ථාන ඔස්‌සේ වීම නිසා එම ස්‌ථානවල පවතින අවදානම අවම කිරීම තුළින් සංචාරකයන්ගේ රැකවරණය සැලසෙන බව එය නැරඹීමට එන පිරිස්‌වල අදහස වී ඇත. ඇතැම් ස්‌ථාන වල අත් වැලක අවශ්‍යතාව ද තවත් තැනක ආරක්‍ෂිත තාප්පයක අවශ්‍යතාව ද පවතින බව ඔවුහු පවසති.අගෝස්‌තු වැනි මාසයක සාමාන්‍යයෙන් දුන්හිඳ ඇල්ල නැරඹීමට දිනකට 500 ට වැඩි පිරිසක්‌ සති අන්ත දිනක එහි පැමිණෙන බවත් සතියේ දිනකට එය 150-200 අතර පවතින බවත් සොරණාතොට ප්‍රාදේශීය සභාව පවසයි. දුන්හිඳ ගමන් මගේ මීටර් 200 ක්‌ පමණ ගිය පසු හමුවන සංගිලි පාලම (වැල් පාලම) මීටර් 20 ක්‌ පමණ දිගින් යුක්‌තය. එහෙත් මේ දිනවල එය භාවිතයට නුසුදුසු වන පරිදි අබලන්ව ඇත. මීට මාස 07 ට පමණ පෙර සිට මෙම සංගිලි පාලම කැඩී යාම ආරම්භ වූ බවත් ඒ නිසා මීට මාස 02 පමණ සිට එය වසා දැමූ බවත් සොරණාතොට ප්‍රාදේශීය සභාව පැවැසීය. සුන්දර වන අරණට එම සංගිලි පාලම සුන්දරත්වයක්‌ එක්‌කළ ද අද එහි ගමන නැවතී ඇති බැවින් නරඹන පිරිස්‌ එම පාලම පිහිටි ස්‌ථානයට පහළින් බිම් මාර්ගය ඔස්‌සේ වෙනම මගකින් ගොස්‌ දුන්හිඳ ඇල්ල නරඹති.දුන්හිඳ ඇල්ලට පිවිසුම් දොරටුවේ සිට දුන්හිඳ ඇල්ල දක්‌වා ගමන් මාර්ගයේ ස්‌ථාන රැසක කුඩා වෙළෙඳ සැල් තනා තිබේ. සොරණාතොට ප්‍රදේශයේ දිවිගෙවන දුප්පත් ජනතාව එම වෙළෙඳසැල් තනාගෙන සංචාරකයන්ගේ ගමන් පහසුවට අවශ්‍ය ඔසුපැන් වර්ග හා විවිධ ආහාර වර්ග අළෙවි කරති. ඇතැම් වෙළෙඳසැල්වල විවිධ භාණ්‌ඩ වර්ග අලෙවි කරයි. මෙම අලෙවිසැල් වලින් සොරණාතොට ප්‍රාදේශීය සභාවට ආදායමක්‌ ලැබේ. පිවිසෙන දොරටුව අසල පළමු කඩකාමරයෙන් රුපියල් 6500 ක මුදලක්‌ මාසිකවද දෙවැනි කඩකාමරයෙන් මසකට රුපියල් 500 ක්‌ ද තෙවැනි කඩකාමරයේ සිට මසකට රුපියල් 400 බැගින් ද අයකරන අතර එසේ මුදල් අයකරන අලෙවිසල් අතර අනුමත අවසරය ලත් කඩකාමර 30 ක්‌ ද, අනවසර අලෙවිසැල් 10 ක්‌ පමණ ද පවතින බවට වාර්තා විය. මෙලෙස අලෙවිසැල් පවත්වාගෙන යන පිරිස්‌ අතර වසර 15 ට වැඩි කලක සිට අලෙවිකරණය කරන පිරිස්‌ ද හමුවිය.සංචාරකයන් ලෙස විදේශයන් ගෙන් පැමිණෙන දුන්හිඳ ඇල්ල නරඹන අයකුගෙන් රුපියල් 200 ක මුදලක්‌ ද, දේශීය වැඩිහිටි සංචාරකයකුගෙන් රුපියල් 20 ක්‌ ද, දේශීය කුඩා දරුවන් හා පාසල් ළමයකුගෙන් රුපියල් 10 ක මුදලක්‌ද සොරණාතොට ප්‍රාදේශීය සභාව අයකරයි.මෙහි ඇති තවත් ගැටළුවකි, පැමිණෙන පිරිස්‌ වලට ප්‍රමාණවත් වැසිකිළි හා කැසිකළි පහසුකම් නොමැතිකම. විශේෂයෙන් විදේශීය සංචාරකයන්ගේ පහසුකම් වලට සරිලන වැසිකිළි පද්ධතියක අවශ්‍යතාව පවතී. සොරණාතොට ප්‍රාදේශීය සභාව මගින් දුන්හිඳ ඇල්ල දොරටුව ආසන්නයේ වැසිකිළි පද්ධතියක්‌ ඉදිකර ඇත. එහෙත් එය නරඹන පිරිස්‌ වලට ප්‍රමාණවත් නොවන බව ඔවුන්ගේ අදහසයි. ගමන් අතරතුර වැසිකිළි අවශ්‍යතා සපුරා ගැනීමට ඇතැම් පිරිස්‌ සුන්දර පරිසරය භාවිත කරන බවට වාර්තා විය.මෙරට සංචාරක ව්‍යාපාරය ඉහළ නැංවීමේ කාර්යයේදී දුන්හිඳ ඇල්ල ද සංචාරක ආකර්ෂණයට නතුවූ ස්‌ථානයක්‌ ලෙස සංවර්ධනය කිරීමේ අවශ්‍යතාව දැඩිව පවතී.එහි ස්‌වාභාවිකත්වයට හා පාරිසරික සමබරතාවට හානි ඇති නොවන පරිදි පරිසරය ද රකිමින් සංචාරකයන්ගේ ආරක්‍ෂාව හා සුවපහසුව වැඩි දියුණු කිරීම කළ යුතු කාලය උදාවී ඇති බව දුන්හිඳට ආදරය කරන සංචාරකයන්ගේ අදහස වී ඇත.

දර්ශන කරුණාරත්න

Dunhinda

2011-02-17T19:45:00.001+06:00

සුන්දර, පෞරාණික වටිනාකමින් යුක්ත ඌව පළාතේ සෞන්දර්යය අත්විඳ ඔබගේ අනාගත පරමිපරාවටත් එය ‍එලෙසම අත්විඳින්නට ඉතිරි කර යෑම අප කාගේත් යුතුකමකි.

www.dunhinda.com

ඔබ ගැන විශ්වාසය තබන්න

2010-09-01T09:46:00.001+06:00

1. මෙ සියල්ලටම මුල ඔබයයි කියමින් ඔබ අවට සිටිනා සියලු දෙනා මුලාවෙන් වියරුවී හැසිරෙන කල වියරු නොවැටී දැඩි ආත්ම විශ්වාසයෙන් යුතුව කලබල නොවී සිටිය හැකිනමි.

2. වෙහෙසට පත් නොවී ඉවසා සිටිය හැකි නමි.

3. බොරු නොකියා සිටිය හැකිනමි.

4. ද්වෙශ නොකර සිටිය හැකිනමි.

5. වැඩි උජාරු බවක් නොපෙන්වා අති පණ්ඩිත කථා නොකියා සිටිය හැකිනමි.

6. සිහින බැලුවත් සිහින වලට රජ කරන්නට ඉඩ නොදී සිටිය හැකිනමි.

7. ජය පරාජය දෙකටම මුහුණදී ඒ දෙකටම එකසේ සැලකිය හැකිනමි.

8. ඔබෙ සියලු සේසත සුදු පිටියේ පරදුවට තබා ඉන් පැරදී පැරදුම ගැන වචන මාත්‍රයක්වත් කථා නොකල හැකි නමි.

9. දිවි හිමියෙන් ඔබ සුරැකි දේ සියල්ල විනාස වනු බලා සිට නැවත ඒ සියල්ල ගොඩ නැගීමට උත්සාහ ගැනීමට සිත යෙදීමට ඔබට හැකි නමි.

10. ඔබෙ වැහැරුණු, සිතට ගතට දෙකටම තවත් බොහෝ කල් සේවය කිරීමට බල කොට සිටිය හැකි නමි. සිතේ වෙර අඩියටම සිදී ගියත් පසු නොබා සිටින්නට තරමි සිතේ ධෛර්්‍යයක් ඇත්නමි.

11. ඒ කටුක කෘරතම විනාඩිය කෙසේ හෝ විද දරා ගත හැකි නමි.

12. මෙ මුලු මහ පොලොවම ඔබෙය. එහි ඇති සියලු දේ ඔබෙය. එපමණක් ද ‍පුත නුඹ නියම පිරිමියෙක්ද වෙයි.

ගස

2010-08-31T07:47:00.001+06:00

ගසක් නමි ඉහලට වැඩෙයි
සැඩ හිරුට නොබියව මුහුණ දෙයි
බහල පෘථිවිය විනිවිදියි
දිය සොයාගෙන
මිස නොනවතියි.

ගිමන් කල හාමත්ව යෙයි
කොළ දළු සලා
නිහඩව ඉදියි.

එහෙත් ඒ නිශ්ශබිදතාවයෙහි
අධිෂ්ඨානය කැටිගැසෙයි
පොළෝ ගැබ සංචිතව යෙයි.

වැලක් දුබලව වැදහෝන සද
වාරුකොට දෝතට වඩයි
දහක් සිරසට ගිමි තාපයට
සෙවණ වී සිසිලස සදයි
නැතත් දුක්මැද සෘජුව සිට
හර සොය සොයා අරටුව තනයි
බීඩළු ගලවා බලත්
හර මිසක බොරු නැති බව පෙනෙයි

ගසක් නමි ඉහලට වැඩෙයි
සැඩ හිරුට නොබියව මුහුණ දෙයි
අදුර පිළිකෙවි කරයි
සද එළියෙනුදු සෑහී නොනවතියි
මලක් සිරසෙයි පැළ මිසද
කිසිදාක සැතපෙන්නේ නොවෙයි...

බුද්ධ ධර්මයට අනුව උපතේ සිට මිනිසාගේ ජීවිතය

2010-08-29T19:46:00.002+06:00

බුද්ධ ධර්මයට අනුව උපතේ සිට මිනිසාගේ ජීවිතය දශක කොටස් දහයකට වෙන්කර තිබෙ.

මන්ද දශකය - කුඩා දරුවෙකු ලෙස ඉපිද සිටිනා මිනිස් දිවියේ මුල් වර්ෂ දහයවෙ. එහිදී වෙන අයගේ උදවිවෙන් බොහෝ කටයුතු කර ගනී.

කඩිඩා දශකය - ක්‍රීඩා දශකය මිනිසෙකු කමයෙන් තරුණ වියට එළඹෙන වසර දහයේ සිට විස්ස දක්වා කාලයයි.

වර්ණ දශකය - ශරීරය අලංකාර වී උපරිම වර්ධනය යුතුව පැවතීමයි.

බල දශකය - වස‍ර තිහෙන් අනතුරුව කමයෙන් ඉගෙනීම සහ රැකියාවෙන් ඉහළට ගොසින් සමාජයේ තම බලය පදර්ශණය කෙරෙන්නේ බල දශකයේදීය.

පඥා දශකය - වයස අවුරුදු හතලිහෙන් පසුව එළඹෙන්නේ තරුණ කළ දී මෙන් කාර්ය ශූර කලබලකාරී නොවන, හොදින් සිතා බලා කටයුතු කරන බුද්ධිය භාවිතා කර කටයුතු කරන දශකයයි.

හායන දශකය - වයස පනහෙන් ඇරඹෙන මනුශ්‍ය ශරීරයේ පිරිහීම.

පබ්බාර දශකය - වයස හැටෙදී ඇරඹෙන දශකයේ තමන්ට තම ශරීරය බරක් බව දැනෙන හෙයින් එය පබිබා දශකය වෙ.

පවංක දශකය - කොදු ඇට පෙලේ දුර්වලත්ව නිසා වයස හැත්තැවෙන් ඔබිබට එළඹෙන පවංක දශකයේ මානවයා දෙකට නැමී ගමන් කරයි.

මොමුහ දශකය - වයස අසුවෙ සිට අනූව දක්වා වන මොමුහ දශකයේදී අමතක වීමි ඇතිවන අතර

සායන දශකය - අනූවෙන් පසුව තව දුරටත් දුර්වල වන ශාරීරික හා මානසික කියාකාරීත්වය හේතුවෙන් වැඩි කාලයක් නිද්‍රාශීලීව ගත කරනා මානවයාගේ දශකයයි.

බුදු බණේ මෙපරිදි දක්වා ඇත්තේ සාමාන්‍ය මිනිසෙකු ගේ සාමාන්‍ය ආයුකාලය තුලදී ඒ ඒ අවධි වල ඇතිවන ක්‍රමිකතාවන් වන අතර මෙය මත්පැන් බොන්නෙකුගේ නමි එකී දශකවලට පෙරද උසස් මානසික තත්වයක් හෙබි අයෙකුගේ නමි එකී දශක වල වූ සිදුවීමි මීට පමා වද සිදුවෙ.

වෙනස

2010-08-29T09:13:00.004+06:00

වෙනසක අරුමය
සිතට සිතනු බෑ
සිතුවිලි මිලින වෙලා
මතක සිහිනයත්
කොහෙ සැග වුනිදෝ
සිත ඇත සලිත වෙලා

එම නටබුන් ගැන
සිහිපත් කර කර
විඩාව ළගට වෙලා

එනමුත් සැමදා
මා සැනසෙන්නමි
මතකය ඇත වළලා

සිතට සිතනු බෑ
සිතුවිලි
මිලින වෙලා

රවීන්ද්‍රනාත් තාගෝර් ආත්ම ශක්තිය

2010-08-29T07:26:00.005+06:00

ඔබේ ඇමතුම අසා
කිසිවෙකු නාවොත්
තනිවම ඉදිරියට යන්න
සියලු දෙනාම බියෙන්
මුහුණ හරවා ගත්තොත්
ඔබෙ සිතැගි තනිවම නොබියව
පවසන්න.........

සියලු දෙනාම
ආපසු හැරීගිය හොත් දුර්ග මාර්ගයේදී
කිසිවෙකු හැරී නොබැලුවහොත්
මග ඇති කටු
ලේ ගලන දෙපයින් මැඩගෙන තනිවම ඉදිරියට යන්න..........

කුණාටු අදුරු රැයක
කිසිවෙක් ඔබට පහනක් නොදැල්වුවොත්
සියලු දෙනාම
දොරවල් වසා ගත හොත්
වෙදනාවෙන් තනිව දැල්වෙන්න
වෙදනාව නැමති ගින්නෙන්
ඔබෙ හදවත එළිය කරගෙන
තනිවම දැල්වෙන්න..........

කල්‍යාණ මිතුරෙකුගේ ලක්ෂණ

2010-08-28T08:03:00.003+06:00

1. දීමට දුෂ්කරදේ දෙයි.

2. කිරීමට දුෂ්කරදේ කරයි.

3. ඉවසන්නට දුෂ්කරදේ ඉවසයි.

4. අනුන්ගේ රහස් ආරක්ෂා කරයි.

5. තමන්ගේ රහස් මිතුරාට පවසයි.

6. විපතේදී තම මිතුරා අත් නොහරියි.

7. ධනය නැත කියා මිතුරා අත් නොහරියි.

හිතන්න

2010-08-27T17:16:00.006+06:00

එපා කිසිවිටක උඩඟු වන්නට
එයින් යහපත නැසෙනවා

එපා කිසිවිට කෝප වන්නට
එයින් හොඳගති නැසෙනවා

එපා කිසිවිට දුකක් දෙන්නට
එයින් හදවත් රිදෙනවා

එපා ආසා පොදි බදින්නට
මැරෙනවා අපි මැරෙනවා

සන්සුන් ජීවිතයක මග සලකුණු

2010-08-27T17:04:00.005+06:00

විවෙක සුවයෙන් විසීමටද කරන ඔනෑම කටයුත්තකින් වඩා හොඳ ප්‍රතිඵල ලබා ගැනීමට ද පහත සදහන් වගන්ති උපකාරවෙ.

1. මුළු ලෝකයේ බර ඔබෙ කරට ගන්න හිතන්න එපා. ප්‍රමාණයට වඩා කිසිදේකට වෙහෙසෙන්න එපා. බොරු ලොකුකමක් මවා ගෙන ඔබ නැතිව කිසි දෙයක් හරියාකාරව වෙන්නේ නැතැයි සිත්නඩ එපා.

2. ඔබ කරන රැකියාව හෝ වැඩය කුමක් වුවත් කමක් නැත. එයට ආශා කරන්න තීරණය කරන්න.

3. ක්‍රමයෙන් කාල සටහනක් අනුව වැඩ කිරීමට පුරුදුවන්න. ප්‍රධාන තැනට ප්‍රධාන දෙයත් අප්‍රධාන තැනට අප්‍රධාන දෙයත් දමන්න.

4. හැම දෙයක්ම එක පාරට කරන්ඩ හදන්න එපා. එක විටක එක දෙයකට පමණක් සිත යොමු කරන්න.

5. ඔබ යමි දෙයක් අමාරුයි කියා සිතතොත් එය අමාරුය. ලෙහෙසියි කියා සිතතොත් එය ලෙහෙසිය.

6. කරන වැඩක් සාර්ථකව කිරීමට එයට අතගැසීමට ප්‍රථම ඊට අවශ්‍ය නිපුණත්වය ලබාගන්න. 'දැනුම බලයකි'.

7. කලබල නොවී වැඩක යෙදෙන්න. හරි ගස්සන්ඩ බැරි දේ ගැන නොවෙහෙසවන්න.

8. අනවශ්‍ය ලෙස වැඩ කල්දාන්න එපා. කල යුතු දේ අතපසු කරන්න එපා.

9. ඔබෙ වැඩ පොලත් ඔබෙ ආගම ධර්මයට අයත්ය.

10 ඔබෙ සහායට ඔබට ගත හැකි අදෘශ්‍යමාන මහා බල ශක්තියක් ඇති බව කිසි විටක අමතක නොකරන්න.

දියුණුවීමට බාධාවක් වන ඊර්ෂී්‍යාව

2010-08-27T16:44:00.004+06:00

ඊර්ෂි්‍යාවෙන් මිදෙන මඟ

1 ඊර්ෂි්‍යාව ඇතිවූ බව දැනගැනීම

2 ක්‍රියාකිරීම සමිබන්ධව විනයක් ඇති කරගනීම

3 සුභපතන්න පුරුදුවන්න

4 ක්‍රියාවෙන් නැවතත් හිත හදාගන්න

5 මට හරි සන්තෝෂයි එයා ගැන කොචිචර හොදයිද යන වචන භාවිතා කරන්න

6 ඝෘණාත්මක සිතුවිලි හදුනාගෙන ධනාත්මක සිතුවිලි හිතට ගන්න

යහපත් ජීවිතයකට දස පනතක්

2010-08-27T16:31:00.003+06:00

1. මිතුරු මිතුරියන් සමඟ කතා කරන්න. සුහඳව කතා කිරීම අසා සිටින්නාගේ සිතට සැනසිල්ලකි.

2. සිනාසෙන්න, සිනාසීමෙදී ක්‍රියාත්මක වන්නේ මාංශ පේශීන් 14කි. රවා බැලීමෙදී මාංශ පේශීන් 72ක් ක්‍රියාත්මක විය යුතුය.

3. කෙනෙකුට කතා කරන විට නම කියා කතා කරන්න. කෙනකුගේ කනට ඇසිය හැකි මිහිරිම හඬ තමන්ගේම නමයි.

4. මිත්‍රශීලීවන්න. එසේම හැකි සෑම විටම උපකාර කරන්න.

5. සුහදශීලීවන්න. කතා බහේදීත් ක්‍රියාවෙදීත් ඔබ කළ හැම දෙයක්ම සතුටින් කළ බව අඟවන්න.

6. ඇසුරු කරන අය පිළිබඳව අවංකවම සැලකිල්ල දක්වන්න.

7. අවශ්‍ය තන්හිදි ප්‍රශංසා කරන්න මැළි නොවන්න. විවෙචනය කිරීමෙදී පරිස්සමිවන්න.

8. අනෙක් අයගේ සිතුමි පැතුමිවලට ගරු කරන්න පුරුදුවන්න. එය ඔබ ඔවුන් අතරේ ජනප්‍රිය වීමට හේතුවක් වනු ඇත.

9. අනෙක් අයගේ අදහස් පිළිබඳව කල්පනාකාරීවන්න. හැම ප්‍රශ්නයකටම පැති තුනක් ඇත. එනමි ඔබෙ අනෙක් පක්ෂයේ සහ නිවැරදිතාවයේ.

10. සේවය සඳහා හැමවිට සුදානමි වන්න. ජීවිතයේ වඩාත්ම වැදගත් වන්නේත් වටින්නේත් අනුන් වෙනුවෙන් අප කරන මෙහෙයයි.

Uva Province

2010-08-22T14:53:00.000+06:00

Uva Prvoince (Sinhala: Uva Palatha) is Sri Lanka's second least populated province, 1,187,335 people, created in 1896. It consists of two districts: Badulla and Monaragala. The provincial capital is Badulla. Uva is borderd by Eastern, Southern and Central provinces. Its major tourist attractions are Dunhinda falls, Diyaluma Falls, Rawana Falls, the Yala National Park (lying partly in the Southern and Eastern Provinces) and Gal Oya National Park (lying partly in the Eastern Province). The Gal Oya hills and the Central mountains are the main uplands, while the Mahaweli (Sinhalese meaning: great-sandy) and Menik (Sinhalese meaning: gemstone) rivers and the large Senanayake Samudraya and Maduru Oya Reservoirs are the major waterways.

Uva is famous throughout SriLanka and the world as a tourist paradise. There are many tourist attractions here. Some of them are ancient ruins, waterfalls, sanctuaries. thousands of tourists visit these places almost everyday.