Escuela de Música Tradicional Llangréu

Marchamos de vacaciones

noreply@blogger.com (EMT Llangréu) — Wed, 30 Jul 2008 04:17:07 -0500

Cuanta ya que finó el cursu y marchamos, agora, de vacaciones, eso si, con la mente enllena de proyeutos que continuaremos al regreso.

En setiembre tornaremos y entamaremos lo que sedrá el cursu 2008/2009 que tendrá asignatures nueves y alguna que otra sorpresina.

Pasar un prestosu branu.

Escuela de Música Tradicional Llangreú
A.pp.aa. Conservatoriu Valle del Nalón

Semeya de Tuxi

VIII Alcuentru bandes de gaites de Llangréu

noreply@blogger.com (EMT Llangréu) — Fri, 25 Jul 2008 06:04:05 -0500

Esti domingu díi 27 de Xunetu cellebrase el VIII Alcuentru bandes de gaites de Llangréu. Na presente edición participen:

Banda gaites Narancu.
Banda gaites Llariegu.
Banda gaites Rei Aurelio.
Banda gaites la laguna' l torollu.
Banda gaites Conceyu Llangréu.

L' alcuentru ta organizau pela Banda gaites Conceyu Llangréu y la Sociedá de Festexos Santiago. Les bandes concentraranse na Plaza l' ayuntamientu en Sama a les 18h. Dende ellí entamarán un pasucais dende l' ayuntamientu fasta la plaza Adaro y dende elli fasta el parque Dorado donde entamaran los conciertos a les 20h.

Enhorabuena pa los organizadores y suerte col tiempu, que de toes tará protexiu per una carpa dotada también de silles pa disfrutar de les bandes comodamente.

La BGCLL l'añu pasau nel alcuentru

El XII Festival Intercelticu d’Avilés

noreply@blogger.com (EMT Llangréu) — Mon, 21 Jul 2008 04:48:28 -0500

Un añu más cellebrase el Festiva Intercéticu d' Avilés, que ta en plenu funcionamientu dende el 18 d' esti mes.
Aún se pue asistir a munchos eventos . Güei mesmu se puen ver amueses d' arte y pintura, una feria d' artesanía, música na cái con CLASAC IRISH DANCERS, un desfile de toes les delegaciones participantes, participar en xuegos y deportes populares, una taller de baille escocés y los conciertos de LANN BIHOUÉ, KORRIGANED PANVRID, MERZHIN y FALANUNCADUCA, y eso que güei ye llunes. Non dexeís d' asistir que non sabemos cuantes vegaes se repetirá esto. La Banda Gaites Conceyu Llangréu tará presente na Marcha Celta y la Lluna Celta espectáculos estos que se cellebrén el vienres 25.

Programa completu del XII Festival Intercelticu d’Avilés
Consulta también fia.esbardu.org

2ª Edición del Trofeu Hermanos Cueli en Vidiago

noreply@blogger.com (EMT Llangréu) — Wed, 16 Jul 2008 16:31:39 -0500

La Asociación Cívico, Cultural y Deportiva de Vidiago entama la segunda edición del TROFEU HERMANOS CUELI pa pareyes de tambor y gaita. El concurso englobase dientro d' una xornada campestre qu' entamase cada añu en feches cercanes a la fiesta de La Sacramental de Vidiago y que cuenta con diferentes actividaes. Esti añu ye el Domingo 24 de agosto a las 11:00h.

Más información na páxina web oficial

Dende equi suerte col tiempu y la meyor de les enhorabuenes pa la organización pol so trabayu.

Gaiteros de cinco países protagonizen una conferencia y conciertu los díes 21 y 22 de Xunetu

noreply@blogger.com (EMT Llangréu) — Mon, 14 Jul 2008 16:19:39 -0500

La Escuela Internacional de Música de la Fundación Principe Felipe d' Asturies xunta una representación de los meyores gaiteros del mundo. La cita ye n'Uvieu los próximos díes 21 y 22 de Xunetu, y faese con motivu del entamu de los XIII Cursos de la Escuela Internacional.

La gaita, un de los instrumentos de música tradicional más extendidos y asentaos nel mundo, sedrá la protagonista d' esti alcuentro internacional que constará de dos actividaes fundamentales: una conferencia y un conciertu.

Como exponentes de les principales modalidaes de gaita universal acudirán a Uvieu los músicos:

Fred Morrison (gaitas Highland y Border, Escocia)
Jarlath Henderson (gaita Uilleann, Irlanda)
Jurak Dufek (gaida, Eslovaquia)
Anxo Lorenzo (gaita gallega)
Xuacu Amieva (gaita asturiana).

El conciertu contará además cola actuación de Marie Le Cam (gaitas Biniou Koz y Braz, Francia), como solista, y acompangada también de la Banda de les Fuerzes Aeronavales de Francia, la Bagdad Lann-Bihoué, de la que ye direutora.

La víspera del conciertu cellebrarase una conferencia a cargu de estes seis grandes figuras de la gaita, qu' abordarán individualmente la descripción de los sos respeutivos instrumentos, tras lo que seguirá una breve intervención musical. La conferencia sedrá moderà por Xuacu Amieva, profesor de gaita asturiana y conxuntu de música Folk na Escuela Internacional de Música. La conferencia tendrá llugar el llunes 21 de xunetu, a les 20,00 hores, na Sala de Cámara del Auditoriu Príncipe Felipe d' Uvieu.

Al díi siguiente, martes 22 de xunetu, cellebrarase un conciertu, nel que xuntaranse ocho de les modalidaes más interesantes de gaita procedentes de los seis países más representativos. El conciertu tendrá llugar nel Auditoriu Príncipe Felipe d' Uvieu, a les 20,00 hores. L' entrada sedrá llibre fasta completar l' aforu.

Biografías de los gaiteros

Fonte: WEB Escuela Internacional de Música de la Fundación Principe Felipe d' Asturies

49 Grupos folk participen nel concursu de Navelgas

noreply@blogger.com (EMT Llangréu) — Thu, 10 Jul 2008 06:26:42 -0500

Ya tan a puntu en Navelgas pal Campeonato Mundial de Buscadores de Oro y el Concurso Internacional de Folk. 49 Grupos participen na presente edición que promete una gran final.

EQUI EL PROGRAMA COMPLETU:

Martes 22 de julio
18:00 h. Desfile inagural del Campeonato del Mundo de Buscadores de Oro , con la
participación de todos los paises inscritos , Banda de Gaitas Ciudad de Oviedo , Banda
de Gaitas Tabladar , Banda de Gaitas y grupo de baile Sulabarda , Transhumancia
Vaqueira , performance de esclavos y romanos , etc…
21:00 h. Noche temática asturiana
Anabel Santiago + Jorge Tuya + Valentín Fuente
Colectivo Muyeres
La Bandina´l Tombo.
Tejedor + Banda de gaitas Tabladar.

Miércoles 23 de julio
21:30 h: Bailes populares de acordeón

Jueves 24 de julio
21:30 h. Orquesta Dominó

Viernes 25 de julio
22:00 h. Final del Concurso Folk “Cuartu los Valles” (49 participantes a concurso)
Avelaiña (Pontevedra)
Ginga (Portugal)
S´albaida (Menorca)
01:00 h. Concierto : Los Niños de los Ojos Rojos

Sábado 26 de julio
22:00 h. Concierto : La Shica
24:00 h. Concierto : La Madre que los Parió.

Contactos:
Campeonato Mundial de Buscadores de Oro.
Alba Iglesias (Museo del Oro de Asturias)
985 80 60 18 info@museodeloro.es www.navelgasoro.com
Concurso Internacional de Folk
César Castaño
625 33 00 71 www.navelgasfolk.com

FONTE: Organización

Xornaes monográfiques de la pandereta

noreply@blogger.com (EMT Llangréu) — Thu, 10 Jul 2008 06:27:37 -0500

El Muséu del Pueblu d'Asturies organiza, esti fin de selmana del 11 de xunetu, l'alcuentru "Pandereteres"; xornaes monográfiques qu'esti añu tarán dedicaes al mundu de la pandereta.

FONTES:
ASTURIES.COM
FOLKENLARED

El fin de cursu nel Youtube

noreply@blogger.com (EMT Llangréu) — Thu, 10 Jul 2008 06:28:22 -0500

Dende el canal de la escuela nel youtube puen vese unes muestres de lo que foi el conciertu del fin del cursu 2007/2008.

EQUI LOS ENLLACES:

Asignatura de Xipla - Fin de cur...
Asignatura de Canción Asturiana ...
Alumnos de zanfoña y bandurria d...
Alumnos de curdión - Fin de curs...
Adrián Muñiz y Fani Moro - Fin d...
Actuación de la BGCLL seición B ...
Actuación de la BGCLL nel fin de...
Combos de baille con gaiteros y ...
Combo-Ensame Folk
Combo-Aniciu na banda gaites
Asturies patría querida - fin de...

Puen alcontrase estos y dalgún más de la "Xornada d' estudiu de la música tradicional nel País Vasco" dende el Canal de la escuela http://es.youtube.com/user/llangreumusicatradic

El Grupu Reija fai foru

noreply@blogger.com (EMT Llangréu) — Wed, 02 Jul 2008 18:19:36 -0500

El Grupu Reija de Llangréu entama un foru dedicao a la llingua y cultura asturiana. Temes como la vistimienta, los bailles tradicionales, les nueves y una montonera d' apartaos ocupen les distintes secciones del foru. Un puntu d' alcuentru na rede altamente recomendable.

Puese facer rexistro nel mesmu dende equi: http://eyfasturiano.mforos.com/

Cursillos de branu

noreply@blogger.com (EMT Llangréu) — Fri, 27 Jun 2008 09:34:36 -0500

Esti branu daranse cursillos aplicaos de gaita asturiana, mecánica de la gaita y tambor. Les clases son particulares y danse individualmente dos veces por selmana durante el mes de Xunetu. Cada clase tien una duración d' una hora.
Los cursillos dan respuesta a xente que quier un aniciu na especialidá o pretendi meyorar aspeutos concretos de teunica o repertoriu y que dende llargo nos bien solicitando.

El ñumeru d' alumnos ye limitáu.

También queda abiertu el plazu d' inscripción pal cursu 2008/2008, ambes coses puen consultase nel
985 67 71 13 o nel e- mail llangreumusicatradicional@hotmail.com

Conciertu fin de cursu

noreply@blogger.com (EMT Llangréu) — Fri, 20 Jun 2008 05:04:38 -0500

Esti sábadu 21 de Xunu cellebramos el tradicional conciertu fin de cursu. Del programa orixinal pal cursu quedaron coses nel tineteru, como sempre por falta de presupuestu, que la escuela consigue de les cuotes d' alumnos y subvenciones del Ayto. de Llangréu y la Conseyería d' Educación y Ciencia del Principáu d' Asturies a les cuales agradecemos la so collaboración. Loxicamente los recortes entamaron peles activadaes complementaries tipo talleres fin de selmana, protexiendo les asignatures, clases de conxunto y otres especialidaes semanales.

"La zanfona", "El baille a lo sueltu na Cuenca Minera", "Acompañamientu de gaita na Canción Asturiana", "Teuniques pal trabayu de campu, "La pareya de gaita y tambor na Fiesta" y "Mecánica y mantenimientu de la zanfona" foron proyeutos que non vieron la lluz nesti cursu, pero que tan los primeros na llista pal del 2008/2009.

Queda también pendiente pal añu que bien visitar la Segundo Olaeta Musiko Eskola en Gernika, faciendo amuesa de la música d' Asturies nel País Vasco, de la mesma forma que ellos ficieron con nos nes Xornaes que mos dedicaron.

Otros talleres que si se realizaron foron:

Hestoria de la Música Folk n' Asturies
(14-6-08)
Xornada d' estudiu de la Música Tradicional nel País Vascu.
(7-6-08)
Taller de teunica vocal pa interpretes de Canción Asturiana y pandereteres.
(26-4-06)
Mantenimientu del tambor Asturianu.
(17- 11-07)

Impartios por Alberto Ablaned o, Maiteder Olano, Iñaki Xavier Olano, Ana Abio, Begoña Calleja, Carlos Do Viso y Manuel D uran respeutivamente.

También se entamaron especialidaes nueves como XIPLA, pa la que Luis Mondelo fai ruta ca vegada dende Lleón y que la nuesa escuela ye la única n' Asturies n' ofertala e impartila.

ZANFOÑA con Hector Braga, CURDIÓN con Xose Ramón G. Navia, ANICIU NA MÚSICA TRADICIONAL con Fani Moro, PANDERETERES con Laura Ruiz o CANCIÓN ASTURIANA con Begoña Calleja foron otres de les especialidaes nueves con éxitu.

Sigueron con éxitu les asignatures de años anteriores como GAITA con Chus Solís, MECÁNICA DE LA GAITA con Pelayo Ferná ndez oTAMBOR ASTURIANU con Chema Fombona, ademas de los COMBOS de BANDA GAITES, PAREYA y BANDINA.

Otres especialidaes que non tuvieron éxitu foron ENSAME FOLK, BANDURRIA y CANCIÓN y BAILLE A LO SUELTU pero que nel próximu cursu intentaremos ofertar y promocionar.

Seguimos paralelamente, trabayando polos proyeutos del Grupu d' Estudios Etnográficos y el Taller de datación y recuperación d' instrumentos musicales, también queremos meyorar l ' Archivu Sonoru con una web esclusiva con una sección pa partitures y estudios, nel próximu cursu veremos el desenllace

De momentu, que non ye poco, queda el trabayu realizau nesti añu y del que se amuesa gran parte nel presente Conciertu Fin de Cursu.

La A.pp.aa. Conservatoriu Valle del Nalón.

Escuela de Música Tradicional Llangréu
A.pp.aa. Conservatoriu Valle del Nalón.
CONCIERTU FIN DE CURSU
Auditoriu de Cámara del Conservatoriu Valle del Nalon
21 de Xuno de 2008 - 17h.
Entrada llibre.

PROGRAMA

HECTOR BRAGA
Bandurria

ALUMNOS DE ZANFONA

F. JAVIER GARCÍA
Canción Asturiana

ALUMNOS DE XIPLA y TAMBORIL

ASIGANATURA D' ENSAME FOLK
Pelayo Fernandez y Alberto Ablanedo- Duo de Uilleann pipe y buzuqui.

ASIGANTURA DE PANDERETA Y BAILLE ASTURIANU

ALUMNOS D' INICIACIÓN A BANDA GAITES

LEONTINA IGLESIAS- VALENTÍN FUENTE
Canción Asturiana - Gaita

ALUMNOS DE CURDIÓN.

ADRIÁN MUÑIZ y FANI MORO
Pareya gaita y tambor - Campeones de Concursu de la Nueva 2008.

BANDA GAITES LLANGRÉU sección B

BANDA GAITES LLANGREU sección A

ASTURIES PATRIA QUERIDA
Con todos los alumnos de la escuela.

Pincheu y pieslle del cursu 07/08
.

http://www.radiolangreo.com/programas/xipla/xipla.wma

Más pal Folk d' Asturies.

noreply@blogger.com (EMT Llangréu) — Tue, 17 Jun 2008 08:18:39 -0500

Fino' l taller de Hestoria del Folk n' Asturies, con más bien poca asisitencia.

De toes el taller fue per interesante con audiciones ineditas, fasta de discos de pizarra de gaiteros (material de Pepin), otres curiosidaes y grabaciones mitiques de los grupos punteros asturianos.

Un de les conclusiones sobre' l Folk asturiano ye la asignatura pendiente que tien sobre la Canción Asturiana, entendiendo como música folk unos parametros ,acordaos nel taller y basaos na tendencia y corrientes que se xeneraron n' Asturies dende finales de los 70 y principios de los 80.

Tambiés se falo de la necesidá de nueves formaciones que refresquen el panorama folki como de muches otres coses que faen falta, el casu ye que mentres consumiamos el tiempu destinau al taller, más nos dimos cuenta de la necesidá d' una asignatura sobre el Folk pa la escuela pa facer estudiu y bibliografía del xéneru.

De momentu Alberto comprometese pa que ofertemos l' asiganatura pal próximu cursu 08/09. Esperemos que tenga meyor acoyida.

Un de les coses que se pretenderán como novedá y complementu de l' asignatura, ye preparar les formaciones pa presentales a concursos, dedicar una parte del curso a teuniques y trucos pa la sonorización y meyora del soníu en direuto y equipar un aula col material necesariu pa l' actividad (bateria, equipo, etc.)

Por nuestra parte nun faltarán esfuerzu y trabayu.

Alberto fai resume de lo que foi' l taller dende el so blog.

Averamientu na Hestoria de la música Folk n'Asturies

noreply@blogger.com (EMT Llangréu) — Mon, 09 Jun 2008 17:23:06 -0500

Esti 14 Xuno de 2008, cellebramos el taller "Averamientu na Hestoria de la música Folk n'Asturies" qu' imparte Alberto Ablanedo.

El taller ye una muestra de l' asigantura de Ensame Folk que ofertose nel entamu d' esti cursu 2007/2008 pero que non se pudo realizar por falta de alumnao.

El filu conductor pal conteníu del taller son les audiciones que non solo van provenir de discos/cds, sino también de maquetes y direutos e incluso d' algo de material inédito, el oxetu ye tresmitir la perspectiva hestórica de más de 20 años de folk n' Asturias y facelo de forma amena, atractiva y divertida.

Pa xunto les audiciones tendranse en cuenta y complementaranse los seguientes puntos:

Datos hestórico-biográficos de los grupos.
Discografíes.
Evolución en formatos (duos, trios, grupos).
Evolución na instrumentación y na téunica interpretativa.
Influencies de dientro y fuera d' Asturies.
Presencia de las diferentes formes musicales d' Asturies nel folk (muñeires, saltones, jotas y demás).
Presencia e influencia de los diferentes formatos (tonada, bandes de gaites, coros, baille...).
Canciones vs. temas instrumentales.
Efecto de la industria discográfica n' Asturies.
Anécdotas y datos de interés.

En definitiva el taller ye un gran trabayo d' Alberto Ablanedo tan bueno como lo que nos tien aconstumbraos a lleer dende el so BLOG.

La sesión entamará a les 17h. nel Conservatoriu Valle del Nalón.
Les plazes son llimitaes siendo el preciu de 15 euros y 10 euros pa los alumnos de la escuela.
El plazu d' incripción fina el xueves a les 20h. y puen facese nel teléfonu 985 67 71 13 o nel e-mail: llangreumusicatradicional@hotmail.com

Una xornada de lo más prestoso

noreply@blogger.com (EMT Llangréu) — Tue, 10 Jun 2008 14:33:30 -0500

"Xornada d'estudiu de la música tradicional nel País Vasco"
7 de Xuno de 2008

Esti sábado a eso de les 21h pusimos puntu final a la que foi un de les más prestoses xornaes d' estudiu que fixieremos na escuela y qu' entamara sobre les 10h.

Collacios nuestros son ya Andeka, Ana, Iñaki Xavier y toes les neñes de la Segunda Olaeta que nos visitaron. Tamos especialmente agradecios a Maiteder Olano, que foi la persona que más trabayo, andechando con nos na realización d' esti alcuentru faciendolu posible. GRACIES FONDERES

Dende el taller d' Aurresko pasando pel d' Alboka, trikititxa y txistu, fasta el conciertu didáuticu, los de la "Segundo Olaeta" demostraron el gran nivel de la so escuela en toes les disciplines que nos amosaron.

Nel próximu cursu 2008/2009 devolveremos la visita a la "Segundo Olaeta" faciendo amuesa de la música d' Asturies en Gernika, fasta entós AGUR.

La Segundo Olaeta

Taller teóricu-práuticu d' Aurrescu

Cambios d' ultima hora na Xornada sobre la música nel País Vasco

noreply@blogger.com (EMT Llangréu) — Thu, 05 Jun 2008 16:43:04 -0500

Por fueza mayor camudamos horarios de les sesiones y facemos dalgún cambiu más na Xornada d' estudiu pa esti fin de selmana, les coses del direutu son asinsa.

Esti ye el programa oficial final pal sábadu, sentimos y esperamos disculpeis los cambios.

Xornada d' estudiu de la música tradicional nel País Vasco
Sábado 7 de Xuno de 2008

• 10:30h.- Taller de danza sobre AURRESKU
por el Dantzari Iñaki Xavier Olano Revuelta

• 13:00h.- Conciertu didáctico de la
FANFARRIA de la SEGUNDO OLAETA MUSIKO ESKOLA

• 14h.- Comida de confraternidad.

• 16h.- Ponencia sobre la ALBOKA
por Maiteder Olano Revuelta

• 17h.- Taller de TRIKITIXA
por Ana Abio Zapirain

17h.- Proyección de la pelicula NOMADAK TX

• 17h.- Taller de TXISTU.
por Maiteder Olano Revuelta

• 18.30h.- Taller de TXALAPARTA

• Despedida y cierre de la xornada.

Para más información o inscripciones : llangreumusicatradicional@hotmail.com 985 677 113

Nomadak Tx trailer

Xornada d' estudiu de la música tradicional nel País Vasco

noreply@blogger.com (EMT Llangréu) — Mon, 02 Jun 2008 14:28:42 -0500

Esti sábadu 7 de Xuno cellebramos una Xornada d' estudiu al rodiu de la música tradicional nel País Vasco, la mesma ta dientro de les actividaes que pretendemos realizar nel intercambiu cultural que tamos faciendo cola Segundo Olaeta Musiko Eskola de Gernika.

Nos, intentaremos facer lo propio cola música d' Asturies na nuesa visita a Gernika.

PROGRAMA:

10h.- Taller de TXALAPARTA
12h.- Taller de danza sobre l' AURRESKU
13h.- Conciertu didáctico de la
FANFARRIA de la SEGUNDO OLAETA MUSIKO ESKOLA

14h.- Comida de confraternidad.

16h.- Ponencia sobre la ALBOKA
17h.- Curso de TRIKITIXA
17h.- Cursu de TXISTU.
Despedida y cierre de la xornada.

EQUI EL PROGRAMA COMPLETU

Para más información o inscripciones :
llangreumusicatradicional@hotmail.com
985 677 113

La V Nueche Fok de Soto Rei a lo grande

noreply@blogger.com (EMT Llangréu) — Thu, 22 May 2008 08:46:44 -0500

La banda gaites Soto Rei entama col sofitu del Coceyu de la Ribera la V Nueche Folk Soto Rei con un programin per curiosu:

Boys of the Hills

Patriband Folk Orl.lestra

Fred Morrison

La cita ye pal vienres 30 de Mayu a les 22h.

Intentamos alcontrar dalgún sitiu web oficial pero non atopamos na, cualesquier información de xuru sedrá facilitada dende la Banda Soto Rei.

Titeres na Pola Siero

noreply@blogger.com (EMT Llangréu) — Wed, 21 May 2008 08:17:15 -0500

Esti fin de selmana cellebrase na Pola Siero la tercera edición de TítereSí, Festival del títere y la pallabra, organizau pela Fundación Municipal de Cultura y Kamante Teatro.

Nel festival participen les siguientes compañies:

Fernán Cardama

La Chana

Asomados y Escondidos

El Chonchón

Alex Pring

Vita Marcik

Víctor Antonov

Tendrán también llugar actividaes paraleles, como un taller de construcción de títeres pa neños “Peque-titiriteros” y el segundu concursu de fantoches nos escaparates, nel que cada comerciu ellabora un títere con materiales del so negociu.

EQUI el programa oficial

Na presente selmana tién un que clonase; La espicha en Fitoria, Tolo d'Asturies, Intersecciones 2008, Les II Xornaes Culturales de Moreda...

TOLO D' ASTURIES 2

noreply@blogger.com (EMT Llangréu) — Mon, 19 May 2008 05:19:26 -0500

Ya ta equi la segunda edición de "TOLO D' ASTURIES".

Ta organizáu conxuntamente dende l' Asociación d' Etnografía y Folclor Reija de Llangréu col Ayuntamientu de Llangréu y el patrocíniu d' esti mesmu ya el de la Conseyería de Cultura del Principáu d' Asturies.

Esti 23 de Mayu entama l' asuntu col pre aníciu dende les 22h colos conciertos de:

Los Ciquitrinos
Marfiul (Galicia)
Nuberu

El 24 sedrá l´entamu oficial a les 12h cola apertura de la I Feria del discu y el llibru n’asturianu, los puestos d' artesanía y venta, y les distintes esposiciones. A lo llargo la mañana cellebraranse actuaciones cola Banda Música del Conceyu de Llangréu y la Banda Gaites del Conceyu de Llangréu. Más tardi tendrán llugar les actuaciones de Alfaye/Martín d' Aragón (13:30h.) , Xentiquina (18h), el monologuista Carlos Alba "Cellero" y la bandina tradicional "A Seques". A les 22h entamen los conciertos:

Iñaki Diéguez Tríu (País Vascu)
Hammon Martín-Quintet (Bretaña)
Dixebra

El díi 25 entama col Recital de canción asturiana al cargu d'Avelino Fernández Corte, Fernando Valle Roso y Marisa Valle Roso. Na tardi l' espectáculo d' Héctor Braga (18h), como broche y pa finar el festival Homenaxe a la música d'acurdión, nel que van tomar parte dellos curdionistes vieyos y mozos.

Intentamos topar un sitiu web oficial o del Ayto pa siguir cambios o novedaes nel programa, y lo mas seguro ye seguir la información que dan dende el Blog de la A.E.F. Reija (http://grupureija.blogspot.com/) que ye l' Asociación que organiza conxuntamente col Ayuntamientu, y la única que amesta información de les nueves nel programa.

Puese consultar el programa oficial, espublizáu por Asturies.com.

IX Concursu pa gaiter@s moz@s en Bimenes

noreply@blogger.com (EMT Llangréu) — Fri, 16 May 2008 09:12:12 -0500

Ya ta equi la IX edición del Concursu pa gaiter@s moz@s en Bimenes. El pazu d' inscripción fina el 30 Xuno, el tope na edá ye de 21 años.

Mas información y les bases na web del Ayto. www.bimenes.es

"Toi de camin" el primer discu de la Curuxa

noreply@blogger.com (EMT Llangréu) — Fri, 16 May 2008 04:41:34 -0500

El 24 d' esti mes el grupu baille tradicional de Fitoria entama la so ya tradicional espicha.

Pa la ocasión la Bandina la Curuxa presenta el so primer trabayu "Toi de camin".

Dempués del conciertu presentación, escenariu llibre pa los músicos que lo deseen.

El preciu en taquilla ye de 7 euros y 6 anticipada. La organización dexa un númberu de contautu: 679 460 867.

www.myspace.com/bandinalacuruxa

III CONCURSU DE BAILLE ASTURIANU POR PAREYES DE XIXÓN

noreply@blogger.com (EMT Llangréu) — Wed, 14 May 2008 10:35:39 -0500

El plazu d' inscripción fina en 31 de Xunetu a les 14.00 hores.

El Departamentu de Festexos del Teatru "Jovellanos" de Xixón cola collaboración de Marina Fernández Hinojal, direutora de Coros y Danzes del Real Grupo de Cultura Covadonga, convoca el "III concurso de Baile Asturiano por parejas de Gijón" que se cellebrará na Plaza Mayor de la localidad el 29, 30 y 31 d' Agostu de 2008.

La inscripción formalizarase personalmente o enviando el boletín d' inscripción al departamentu de Festexos del Teatru "Jovellanos" de Xixón, C/ Cabrales, 82, 33201 de Xixón, faciendo constar toos los datos personales del interesau que se soliciten:
Nome, apellidos, edad, población, CP, teléfonu de contautu y fotocopia del DNI.

Fonte:
Archivu Música d'Asturies

VI Concursu de gaita de Xixón 2008

noreply@blogger.com (EMT Llangréu) — Wed, 14 May 2008 10:27:36 -0500

El plazu d' inscripción fina el 1 de Xunetu.

El Departamentu de Festexos del Teatru "JOVELLANOS" de Xixón a través de la Asociación Cultural Banda Gaites NOEGA, convoca la sexta edición del Concursu de Gaita de Xixón que se cellebrará nel "Tendayu del Pueblu d' Asturies" de Xixón, na fase elliminatoria el 15 y 16 de Xunetu y-en la Plaza Mayor del municipiu los el 26 y 27 de Xunetu y el 10 de Agosyu nel marcu de la programación veraniega del presente añu.

Na sexta edición trataranse les modalidaes de SOLISTA, en categorías INFANTIL y ADULTOS, PAREYESS de GAITA y TAMBOR Y PAREYES INSTRUMENTALES DE MÚSICA ASTURIANA.

INSCRIPCIONES
Personalmente o enviando el boletín de inscripción al Departamentu de Festexos del "TEATRO JOVELLANOS" de Xixón, C/Cabrales 82,33201 -Xixón, faciendo constar los datos personales del interesu que se soliciten: (nome, apellios, edá, domiciliu, población, CP, teléfonos de contauto y fotocopia dl D.N.I.).

Fonte:
Archivu Música d'Asturies

Averamientu na hestoria del folk n' Asturies

noreply@blogger.com (EMT Llangréu) — Thu, 08 May 2008 15:01:08 -0500

Agora, confirmamos esti taller "Averamientu na hestoria del folk n' Asturies" que pretendemos facer pal 14 Xuno d´esti añu.

El monográficu faese como sucedaneu de la asiganatura "Ensame folk" que ofertose n' Ochobre de 2007 pero non tuvo más que tres matrícules, insuficientes pa facer la especialidá.

El profesor sedrá Albero Ablanedo al que-y agradecemos les ganes y el ciñu col que garro el proyeutu de Ensame Folk ya agora col del taller d' Averamientu.

Dende la escuela esperamos la participación de la xente interesá, ya esperamos poder ofertar la asignatura nel cursu 2008/2009.

En breves espublizaremos tola información, si quies facer una reserva pues dirixite al nuesu correu ellectrónicu o el ñumeru de teléfonu de la escuela:

Tlf. Escuela:985 67 71 13
E-Mail:llangreumusicatradicional@hotmail .com

La BGCLL de viaxe per Pollença

noreply@blogger.com (EMT Llangréu) — Thu, 08 May 2008 07:10:35 -0500

La Banda Gaites Conceyu Llangréu tará dende el Xueves fasta el llunes 12 d' esti mes per tierres de Mallorca concretamente en Pollença. Onde tien programaes distintes acuaciones.

Esti viaxe ye un intercambiu con los xeremiers Orats que participaren nel mes de Xulio de 2007 nel VII Alcuentru de bandes de gaites de Llangréu.

Semeyes-Los Orats y la BGCLL nel VII Alcuentru.