Bi forma erraz daude historia ikusteko:

Potlatch-en (openstreetmap.org webgunean editatzea zuzenean):

• Intereseko lekuan jarri eta egin klik “edit” (euskaraz “aldatu”) botoian
• Aukeratu nahi duzun puntu, lerro edo segmentua
• Behean dagoen “advanced” aukeran egin klik eta ondoren “way history”-n
• Hor ikusten dira aukeratutako horrek historian zehar eduki dituen aldaketa guztiak. Horrela, aurreko bertsioetara itzul gaitezke.

JOSM editorean:

• Jaitsi zerbitzaritik intereseko eremua
• Aukeratu nahi duzun puntu, lerro edo segmentua
• Goian, menuan, dagoen Tools (”erremintak” euskaraz) botoian klik egin, eta ondoren “History of element”-en (Ctrl + H)
• Honek nabigatzailean leiho berri bat irekiko digu, eta han ikusiko dugu historikoa

EuskalMapa posta-zerrendara bidalitako mezua artikulu bilakatu dugu.

Iturria: Nestoria

Grabaketa Getxoko mapa jaia egin zenean burutu genuen. Eskerrik asko emandako aukeragatik Nick dut Nik!

Ikastaroaren hasieran aurreko urteko kronika eta 2010. honetarako desioak eskatu genituen. Argi daukagu desio nagusia maparen kalitatea hobetzea dela, eta horretarako mapazale gehiago erakarri behar ditugu proiektura eta datu publikoak erabil ahal izan behar dugu. Pixkanaka komunitate sendo bat eratzen ari gara, horixe da mapa on bat izateko lehen pausua.

Hona hemen grabatu genituen hainbat irudirekin egindako bideoa:

Eskerrak eman nahi dizkiegu Josu Mendicute, Asier Sarasua eta Urtzi Azkueri errealizazio, grabaketa eta musikagatik, hurrenez hurren.

Facebook-eko EuskalMaparen taldean hainbat argazki ikus daitezke.

• Non: Tagzaniaren bulegoan, Eibarren.

• Noiz: Urtarrilak 22, ostirala, arratsaldeko 17:00etatik 19:00ak arte.

Eman izena beheko formularioan:

Lehenago ere aipatu izan dugu Mikel Maron ekintzailea (Map Kibera eta Gazako maparen atzean bera dago). Bere jardunari esker hainbat pertsona hasi dira OSM-n Port-au-Prince mapeatzen. Hemen wikian sortu duten atal berezia, eta hemen mapa nola hobetzen ari den. Mapa hobetzen laguntzea nahi baduzu, jakin ezazu ondorengo mapa libre hau erabil dezakezula.

Eguneraketa (2010-01-15): Mikel Maronek bere blogean ondorengo bi irudiok jarri ditu:

Port-au-Prince mapeatu aurretik:

Eta bolondresen lanari esker oraintxe duen itxura:

EuskalMaparen posta-zerrendan eman dute ezagutzera bi erabiltzaile abilek B5Mren datuekin egindakoa.

Asier Arsuagak WMS helbide berriak lortu ditu, eraikinak eta planimetria erakutsiz.

Hona hemen JOSM-n Zumarraga nola ikusten den B5M-ren WMS irudi normalarekin:

Eta hemen berriz B5M-ren eraikinen WMS-arekin:

Bestalde, Asier Etxebestek B5M-tik Arrasateko atari edota pegoren inportazioa egin du. Hona hemen Arrasateko maparen irudi bat:

B5M-ren datuen liberazio honi esker, OSM-ko Gipuzkoako mapa izugarri hobetzen ari da.

Eguneraketa (2010-01-13): Asier Arsuagak WMS gehiago lortu ditu B5M-tik eta OSMren wikian jarri ditu Luistxok.

Eskerrik asko ekimena zabaltzen laguntzearren!

Hurrengo mapa-jaia Donostian egingo dugu:

• Data: abenduak 19, larunbata
• Ordua: goizeko 10:30
• Lekua: Miramongo Bic Berrilanen bulegoa

Bilkura hau hasiberriei zuzendua dago gehienbat, OSM zer den, zergatik sustatu nahi dugun eta nola editatzen den erakutsiko dugu.

Izen-emateak eta informazio guztia hemen aurki dezakezu (hala ere, ez da beharrezkoa hor izena ematea).

Animatu zaitez OSM ezagutzera!

Bertan izena emateko, hemen beheko kutxatxo honetan sartu zure Google kontua. Ez badaukazu Google konturik bidali mezu bat mlizarralde (a bildua) tagzania.com helbidera (Mikelen eposta helbidera).

Harpidetu EuskalMaparen posta-zerrendara

Eposta:

Artxiboa ikusi

Jakin ezazu sarean badaudela beste posta-zerrenda batzuk OSM dela eta: gaztelerazkoa edota ingelesezko garrantzitsuena.