Extra Sansar

नेपाली जोक्सहरु...

2013-03-06T16:44:00.002+05:45

एउटा आर्मीको पार्टिमा पार्टी सकिए पछि एउटा सैनिक बियर आफ्नो सर्टमा लुकाउदै थियो ।
यो एउटा मेनेजरले देखेछ र रिसाउदै भनेछ : यो तिमी के गर्दै छौ ? बियर सर्ट भित्र किन लुकाएको ?
सैनिक : सर तपाईं आँफैले नै भन्नु भएको होइन , जसलाई तिमी मार्न सक्दैनौ त्यसलाई बन्दी बनाउनु भनेर ...

युद्दको समयमा एक सिमावर्ती गाउँमा दुश्मनको एउटा फौज घुस्यो । गाउँको सबै तरुनी केटीहरु उनिहरु सँग बच्न गाउँको बाहिर एउटा सुरक्षित ठाउमा भाग्न थालेछन , एउटा बुढी महिला पनि उनिहरु सँगै भाग्न थाले ।एउटा केटीले सोधेछन : आमा तपाईं किन भाग्नु भएको ? खतरा त हामी तरुनी केटीहरुलाई पो छ त .. बुढीले भनेछन : तिमीले देखिनौ त्यो फौजमा एउटा बुढा पनि छ ।
**
शिक्षक : राम भन त काल कती प्रकारको हुन्छ ?राम : ३ प्रकारको सरशिक्षक : स्याबास , अब तिनै वटाको एउटा एउटा उदाहरण देउ तराम : सर , मैले हिजो तपाईंको छोरीलाई देखेको थिए , आज म उनिलाई माया गर्छु र भोली म उसलाई भगाएर लानेछु ।
**
शिक्षक : राम तिमीलाई किन गणित बिषय राम्रो लाग्दैन ?राम : किन भने त्यसमा खाली समस्यै समस्या हुन्छ ।दुई जना पागल कुरा गर्दै थिएपहिलो : यार म यो संसारको सबै हिरा मोती किन्ने बारे सोची रहेको छु ।दोश्रो : होइन म तिमीलाई त्यो बेच्दै बेच्दिन कसरी किन्छौ ?एउटा केटीले आफ्नो दिदी सँग सोधेछनबहिनी : दिदी यो दुल्हा भनेको के हो ?दिदी : दुल्हा सँग बिहा गरिन्छ , यदि तिमी ठुलि भएर राम्रो चरित्रकी भयौ भने तिमीलाई पनि एउटा राम्रो दुलहा जुर्नेछ ।बहिनी : यदि म राम्रो चरित्रकी भईन भने नि ?दिदी : तिमीलाई हरेक दिन नयाँ नयाँ दुल्हा मिल्नेछ ।

एकछिन हास्ने कि....

2013-03-01T08:00:00.001+05:45

New Song Yahan Pirma Chha Manchhe

2013-02-28T09:00:00.000+05:45

Maile Samjhen Ta... Anish K.C.

2013-02-27T23:55:00.001+05:45

अनिश के.सी.को बैंस चढेछ...हेर्नुहोस...

2013-02-27T23:51:00.001+05:45

Most Humorous Movie...Watch this...

2013-02-23T23:25:00.001+05:45

Most Viewed Song Gangnam Style

2013-02-23T23:19:00.002+05:45

Bee fighting for life

2013-02-23T23:17:00.001+05:45

Aatma ma...

2013-02-23T23:15:00.002+05:45

Aatma ma....

2013-02-23T23:14:00.002+05:45

बसको ठक्करबाट एक युवकको मृत्यु

2012-11-22T13:50:00.000+05:45

दाङको तुलसीपुर-अमिलिया सडकखण्डमा बसले ठक्कर दिंदा एक युवकको मृत्यु भएको छ । तुलसीपुरबाट फूलबारी गाबिसको दमारगाउँतर्फ जाँदै गरेको ना ३ ख ८०० नम्बरको बसले बुधबार राति रजौरामा ठक्कर दिंदा उरहरी गाबिस २ गरगरियाका १९ वर्षीय राजु नेपालीको मृत्यु भएको हो ।
बसको ठक्करबाट नेपालीको घटनास्थलमै मृत्यु भएको इलाका प्रहरी कार्यालय तुलसीपुरले जानकारी दिएको छ । बस र चालकलाई नियन्त्रणमा लिएको प्रहरीले जनाएको छ ।

१५ मिनेटमै सकियो ‘बजेट भाषण’

2012-11-21T07:53:00.002+05:45

प्रतिपक्षी दलहरूको विरोधका बीच सरकारले जम्माजम्मी १० वटा बुँदामा समेटिएको ‘बजेट’ सार्वजनिक गर्‍यो । आकार ठूलो भए पनि यसमा बजेटको कुनै स्वरूप छैन ।राष्ट्रपति डा. रामवरण यादवले पनि तत्कालै बजेट अध्यादेश स्वीकृत गरेका छन् । सरकारले मंगलबार दिउँसो पेस गरेको बजेटसम्बन्धी अध्यादेश राष्ट्रपति डा. यादवले बेलुका प्रमाणीकरण गरेका हुन् । सरकारले राष्ट्रपतिसमक्ष मंगलबार दिउँसो ३ खर्ब ५१ अर्ब ९३ करोड ६७ लाख रुपियाँको बजेट अध्यादेश पेस गरेको थियो ।

पूर्णबजेटमा प्रमुख राजनीतिक दलबीच सहमति जुट्न नसकेपछि सरकारले चालू आर्थिक वर्षको बाँकी आठ महिनाका लागि दुई तिहाई अध्यादेश बजेट सार्वजनिक गरेको हो । गत आर्थिक वर्षको वास्तविक खर्चको आधारमा चालू आर्थिक वर्षको बाँकी अवधिका लागि सो रकम विनियोजन गरिएको छ ।

हाल जारी गरिएको बजेटमा यसअघि गत असार ३१ गते गरिएको एक तृतीयांश बजेटको रकमसमेत समेटिएको छ । मंगलबार मन्त्रिपरिषद्ले पारित गरेको दुई तिहाई बजेटलाई राति अबेर राष्ट्रपतिले अनुमोदन गरेपछि अर्थ मन्त्रालयमा आयोजित पत्रकार सम्मेलनमा अर्थमन्त्री वर्षमान पुनले १५ मिनेटमै बजेट वक्तव्य पढिसिध्याए । आजको सौर्य दैनिकमा समाचार प्रकाशित छ । उनले सहमतिमा पूर्णबजेट ल्याउने बाटो खुला राखेर दुईतिहाइ बजेट ल्याइएको बताए । ‘यो दुईतिहाइ बजेट गत वर्षको बजेटकै निरन्तरता हो । यसअघिको सरकारले ल्याएकै पुराना कार्यक्रमलाई हामीले निरन्तरता दिएकाले विपक्षी खुसी हुनुपर्ने हो । तिनीहरूले विरोध गर्नुको कुनै नैतिक आधार छैन,’ अर्थमन्त्री पुनले पत्रकार सम्मेलनमा भने ।

गत असार ३१ गते ल्याइएको एक तृतीयांश बजेटमा पनि यी निकायका लागि वर्षभरिकै बजेट व्यवस्था गरिएको थियो । सञ्चित कोषबाट व्ययभार हुने रकम दुई तिहाइ बजेटमा ३ खर्ब ६४ करोड १० लाख रुपैयाँ तोकिएको छ । कुल बजेट रकममध्ये चालूतर्फ २ खर्ब ४६ अर्ब ८७ करोड ३३ लाख रुपियाँ र पुँजीगततर्फ ५१ अर्ब ३४ करोड ३९ लाख र वित्तीय व्यवस्थातर्फ ५३ अर्ब ७१ करोड ९५ लाख रुपैयाँ रहेको छ ।

अब घुँडा छोपिने स्कर्ट लगाउनुपर्ने

2012-11-21T07:46:00.001+05:45

सरकारले निजी विद्यालयका छात्रले चुज र हिपहप पाइन्ट तथा छात्राले घुडा छोपिनेगरी स्कर्ट लगाउनुपर्ने गरी विद्यालय पोशाकको मापदण्ड तयार गरेको छ । शिक्षा विभागले कार्यान्वयनका लागि अन्तिम तयारी गरिरहेको निर्देशिका लागू भए विद्यार्थीले लगाउने जुत्ता, पेटी, मोजा र टाइमा पनि मापदण्ड लागू हुनेछ ।
विशेषगरी सहरी क्षेत्रका निजी विद्यालयका छात्राले लगाउने स्कर्टको तल्लो भाग घुडाभन्दा केही इन्च माथिसम्म र छात्रले हिपहप शैलीका पाइन्ट प्रयोगमा ल्याउन थालेपछि पोशाक नियमन गर्नुपर्ने आवाज उठेको थियो । सरकारले तयार गरेको प्रस्तावित निर्देशिका अनुसार विद्यार्थी पोशाकका रुपमा प्रयोग गरिने पाइन्टको मोता आधारभूत तहका लागि १२- १४ र माध्यमिक तहको लागि १६ इन्चभन्दा कम हुन नहुने, कम्मरभन्दा कम्तिमा १ इन्च माथि सम्म पाइन्ट/स्कर्ट हुनु पर्ने, छात्राको स्कर्टको तल्लो भाग घुडा भन्दा कम्तिमा २ इन्च तल सम्म हुनु पर्नेछ ।'नेक भन्दा ३ इन्च तल सम्म मात्र सर्टको वटन खोल्न मिल्नेछ । सर्ट भन्दा अन्य पोसाक कुर्ता सुरुवाल प्रयोग गर्ने भए नेक भन्दा १ इन्च तल सम्म खुल्ला भएको पोशाक प्रयोग गर्न सकिनेछ', निर्देशिकामा भनिएको छ, 'कम्मर पेटीको हकमा १.५ इन्च भन्दा कम चौडाई भएको कम्मर पेटी प्रयोग गर्नु पर्नेछ र फेसनेवल प्रकारको पेटिको वकल प्रयोग गर्न पाइने छैन ।' पोसाकसंग मिल्ने कोट, स्वीटर, ज्याकेट, मफलर तथा जुत्ता मोजा विद्यालयले तोके बमोजिमको रंग र डिजाइनको प्रयोग गर्नु पर्ने पनि निर्देशिकामा छ । त्यस्तै पोशाकमा टाइ लगाउने व्यवस्था भए टाइको गााठो नेकसम्म हुनुपर्नेछ ।
निजी विद्यलायले नियमित पोशाकको हकमा हप्तामा सामान्यतया २ किसिमको ड्रेस मात्र प्रयोग गर्न पाउने भएका छन् । अहिले तीन रंग वा दिन विराएर नया रंगका पोशाक चल्तीमा ल्याएका छन् । यसो गर्दा विद्यालयले तेाकेकै ठाउबाट पोशाक किन्नु पर्ने बाध्यता छ । निर्देशिकामा 'ड्रेस तोक्दा सकेसम्म नेपाली संस्कृती तथा परम्परा सुहाउने खालको ड्रेस तोक्नु पर्ने र नेपाली उत्पादनका कपडाहरूलाई प्राथमिकता दिनु पर्ने' व्यवस्था गरिएको छ । जाडो र गर्मीका पोशाक छुट्टा छुट्टै व्यवास्था गर्न पनि विद्यालयलाई निर्देशन दिइएको छ ।निर्देशिका जस्ताको तस्तै लागू भए निजी विद्यालयले वर्षेनी पोशाकबदल्न पाउने छैनन् । 'डे्रस कोड कम्तिमा ३ वर्ष भन्दा बढी अवधिका लागि लागू गर्नु पर्नेछ,', निर्देशिकामा छ, 'निर्धारित डे्रस कोडको नमुना विद्यार्थीलाई उपलब्ध गराउनु पर्नेछ । तोकेको स्थानमा डे्रस खरिद गर्न विद्यार्थीलाई बाध्य गरिने छैन ।' शिक्षा विभागका अधिकारीहरुले निर्देशिका अन्तिम तयारी भइरहेकेा र मन्त्रीस्तरीय निर्णयबाट पारित भएपछि आउदो शैक्षिक सत्रबाट लागू गरिने बताएका छन् । निजीका सञ्चालकले भने निजीलाई मात्रै कस्ने नभइ निर्देशिका सबै विद्यालयलाई लागू हुनु पर्ने बताएका छन् ।

पठनपाठनमा मोबाइल विकृति

2012-11-11T17:36:00.001+05:45

शिक्षा विभागले कक्षा १२ सम्म मोबाइल फोन निषेध गर्ने निर्णय गरे पनि कार्यान्वयन हुन सकेन

मानेभन्ज्याङ (ओखलढुंगा), कार्तिक २६ - दुर्गम गाउूको सामुदायिक विद्यालयमा कक्षा ६ का सोह्रमध्ये दसजनाले मोबाइल फोन बोक्छन् भन्दा सायदै पत्यार लाग्छ । उनीहरु कक्षा कोठाभित्रै मोबाइलमा गीत सुन्ने, फिल्म हेर्ने गर्छन् । त्यतिमात्र होइन, उनीहरुलाई पढाउने शिक्षक-शिक्षिकासमेत मोबाइलमै फेसबुक चलाउूछन् । जसका कारण कक्षा कोठामा ढिलो आउने, निदाउनेसमेत गरेका छन् ।
'मिसले फेसबुकको वालमा राख्न राम्रो विद्यार्थीलाई छानेर फोटो खिचाउनु हुन्छ,' विद्यार्थी भन्छन्, 'हाम्रो मिस रातभरि फेसबुक चलाउने, फिलिम हेर्ने गर्नु हुन्छ र बिहान अबेर उठेर आूखा मिच्दै कक्षामा आउनु हुन्छ ।' यो भनाइ मानेभन्ज्याङ-१ स्थित भगवती उच्च मावि र मानेभन्ज्याङ-५ स्थित देवीस्थान निमाविमा अध्ययनरत विद्यार्थीको हो । सुन्दा आरोपजस्तै लाग्छ । घटना भने दैनिक घटिरहेको छ ।
मानेभन्ज्याङ-५ उदयपुरगाउूका विद्यार्थी नियमित एसएलसी परीक्षामा पास नभएको दशक नाघिसकेको छ । 'आठ कक्षा पढ्दै गरेकी मेरी भतिजीले राम्ररी आफ्नो नामसमेत लेख्न जानिनन्,' आफ्नो गाउूमा झन्डै एक दशकदेखि एसएलसी शून्य परिणाम आएपछि अन्तरक्रिया चलाउनु परेको उल्लेख गर्दै पत्रकार गजुरधन राईले भने, 'त्यो पत्तोपाएपछि छलफल चलाउनै पर्ने लागेर यस पटक गाउू आउूदा बहस चलाएका हौं ।'
दुई दशकअघि जुन हदसम्म पढाइप्रति लगाव हुन्थ्यो अहिले शून्य प्राय रहेको उनको ठहर छ । 'उतिखेर हामी कसको अक्षर राम्रो र कसले छिटो लेख्छ भनेर प्रतिस्पर्धा हुनेगथ्र्यो,' उनले थपे, 'अहिले त अक्षर लेख्न होइन, चिन्नसमेत नसकेको पाइयो ।'
सामुदायिक विद्यालयका शिक्षकले विद्यार्थीलाई नपढाएर शिक्षाको गुणस्तर खस्किएको आरोप तीव्र छ । एसएलसी परीक्षामा सबैभन्दा बढी विद्यार्थी सामुदायिक विद्यालयबाटै असफल हुने गरेका छन् । पछिल्लो पटक अभिभावकले मोबाइल फोनले गर्दा छोराछोरी बिगि्रएको बताएका छन् । तर तिनै अभिभावक आफ्ना नानीहरुलाई मोबाइल किनिदिने गरेका छन् ।
'मोबाइल फोनले गर्दा हाम्रा बालबच्चाको पढाइ बर्वाद हुदैछ,' स्थानीय अभिभावक बलबहादुर राईले भने, 'मोबाइन नलैजाऊ भन्दा साथीहरु र गुरुगुरुआमाले पनि चलाउूछन् । चलाउन सिकाउूछन् भन्छन् । यसले विकृति बढेको छ ।'
देवीस्थान निमाविका शिक्षक अमृतबहादुर राई विद्यार्थीले किताब, कापी थोत्रो तर मोबाइलचाहिं नयाू लिएर आउूने गरेको सुनाउूछन् । 'कुटे, सजाय दिए पढ्न छाड्छन्, बाबुआमालाई खबर गर्‍यो कोही आइदिंदैनन्,' शिक्षकले कक्षाभित्रै मोबाइल प्रयोग गरेप्रति स्वीकारोक्ति जनाउूदै उनले भने, 'मोबाइल फोन कति बेला प्रयोग गर्ने भन्नेबारे कुनै नियम छैन । त्यसैले नियन्त्रण गर्न/गराउन गाह्रो छ ।'
शिक्षा विभागले कक्षा कोठामा शिक्षक र विद्यार्थी दुवैले मोबाइल फोन प्रयोग गर्न नपाउने निर्देशन जारी गरेको वर्षदिन भइसकेको छ । यो नियम कक्षा १२ सम्मका निम्ति हो । विभागले सबै जिल्ला शिक्षा कार्यालयमा परिपत्र गर्दै विद्यालयले आन्तरिक अनुशासन बनाउनसमेत भनेको छ । तर व्यवहारमा लागू हुन सकेको छैन ।
विभागका महानिर्देशक डा. लवदेव अवस्थीका अनुसार निर्देशन नमान्ने विद्यालय, शिक्षक र विद्यार्थीलाई कारबाही गर्न स्थानीय तहमा अनुगमन समिति गठन गर्न पनि निर्देशन दिइएको छ । देशभरका १ करोड ५० लाख मोबाइल प्रयोगकर्तामध्ये करिब २० प्रतिशत स्कुले विद्यार्थी रहेको अनौपचारिक अनुमान छ । अधिकांश शिक्षकका साथमा मोबाइल हुन्छ ।
शिक्षा ऐन तथा नियमावलीमै मोबाइलको दुरुपयोगबारे कडा प्रावधान हुनुपर्ने शिक्षकको ठम्याइ छ । त्यसनिम्ति विद्यालयका शिक्षक, प्रधानाध्यापक, विद्यालय व्यवस्थापन समिति, स्रोत व्यक्तिले आन्तरिक नियम कायम बनाउनुपर्ने उनीहरुको ठहर छ ।

Source-ekantipur

पन्ध्र वर्षे बालकको तौल १२० केजी !

2012-11-11T17:16:00.002+05:45

२६ कात्तिक, भैरहवा । रुपन्देहीको थुम्हवाँ पिपरहवा गाविस-५ का अब्दुल रज्जाकका १५ वर्षीय छोरा अब्दुल रसिद चुरिहारको तौल १२० किलो रहेको छ । नेपालकै नमुना रहेको मोटो र १२० किलो तौल भएका चुरिहार काँचो मासु एक किलो र पाकेको मासु दुई किलो खाने गरेको बताएका छन् ।

उनी साइकल, मोटरसाइकल चलाउन नसक्ने भएका कारण कहीँ जान परे पैदलै जाने गर्दछन् । मोटोपनले हालसम्म कुनै समस्या नभएको परिवारले बताएका छन् । उनी थुम्हवास्थित ज्ञानज्योति निमाविमा कक्षा ७ मा अध्ययन गर्दछन् । रासस

बर्मामा शक्तिशाली भूकम्प, १२ को मृत्यु

2012-11-11T16:43:00.000+05:45

२६ कात्तिक, काठमाडौं । बर्मामा आइतबार ६ दशमलव ६ रेक्टर स्केलको शक्तिशाली भूकम्प गएको छ । स्थानीय समाचार एजेन्सीलाई उदृत गर्दै एपीले जनाए अनुसार कम्तिमा १२ जनाको मृत्यु भएको छ भने सयौं घाइते भएका छन् ।

बर्माको मध्य भागतिर स्थानीय समयअनुसार बिहान पौने ८ बजे गएको भूकम्पको धक्का छिमेकी देश थाइल्याण्डमा समेत महसुस गरिएको थियो ।

भूकम्पको केन्द्र बर्माको दोस्रो ठूलो शहर मन्डाले शहरबाट करिब १ स य १७ किलोमिटरको दूरीमा जमिनभन्दा १० किलोमिटर तल रहेको अमेरिकी भूगर्भ विभागले जनाएको छ ।

भूकम्पका कारण भौतिक संरचनाहरुमा क्षति पुगेको छ भने थुप्रो बौद्ध गुम्बा र स्तुपाहरु समेत भत्किएको अधिकारीहरुले बताएका छन् ।

Source-onlinekhabar

फेसबुकमा १९ लाख नेपाली

2012-11-11T15:33:00.001+05:45

फेसबुकमा नेपाली प्रयोगकर्ताहरुको संख्या १९ लाख १९ हजार नाघेको छ । सामाजिक सञ्चालबारे अध्ययन गर्ने संस्था सोशल बेकर्सका अनुसार यदि हरेक प्रोफाइललाई एक जीवित व्यक्तिका रुपमा गणना गर्ने हो भने नेपालको कुल जनसंख्याको ६ दशमलव ६३ प्रतिशत मानिसले फेसबुक प्रयोग गर्ने गरेका छन् ।

फेसबुक प्रयोगकर्ताहरुमा सबैभन्दा बढी १८ देखि २४ वर्ष उमेर समूहका छन् । फेसबुक प्रयोयकर्तामा यो उमेर समूहका नेपाली ९ लाख २ हजार छन् । त्यसपछि २५ देखि ३४ वर्ष उमेर समूहका छन् । फेसबुकमा महिलाको तुलनामा पुरुषको संख्या बढी छ ।

सावधान! एकै क्लिकले तपाईँको पैसा लुटिएला

2012-11-11T14:03:00.000+05:45

के तपाईँ नेपाली बैँकहरुको इ बैँकिङ सेवा चलाउनु हुन्छ? त्यसो भए सावधान है। आजभोलि साइबर अपराधीहरुले तपाईँको इमेलमा बैँकको नाममा झुट्टा इमेलहरु पठाई तपाईँबाट पासवर्ड थुत्ने प्रयास गरिरहेका छन्। इमेलमा तपाईँको अकाउन्ट डिसेबल गरिएको, सस्पेन्ड गरिएको र पुनः चालु गर्नका लागि फलानो लिङ्कमा गएर आफ्नो युजरनेम र पासपवर्ड हान्नुस् भनिएको हुन्छ। त्यो लिङ्कमा गएर आफ्नो विवरण हाल्नुभयो भने तपाईँ डुब्नुभयो।

किनभने त्यो लिङ्क बैँकको हैन, तिनै साइबर अपराधीहरुको हुन्छ। हेर्दा दुरुस्तै बैँककै साइट जस्तै बनाएका हुन्छन् उनीहरुले साइट। बैँककै लोगो राखेका हुन्छन्, उस्तै डिजाइन हुन्छ। प्राविधिक भाषामा यसलाई स्पूफ वा फिसिङ वेबसाइट भनिन्छ। यो गैरकानुनी हो।

तर जब तपाईँले त्यसमा आफ्ना पासवर्डसहितका विवरणहरु भर्नुहुन्छ, त्यो उनै लुटेराहरुकहाँ पुग्छ। त्यसपछि तपाईँको पासवर्ड लिएर उनीहरुले तपाईँको खाताको रकम एकै सेकेन्डमा उनीहरुकोमा ट्रान्सफर गर्न सक्छन्।

यो साइट हेर्नुस्, ठ्याक्कै नबिल बैँकको जस्तो देखिन्छ। तर ध्यान दिएर एड्रेस बार हेर्नुस् त, यो नबिल बैँकको हैन त्यसमा http://nabil-web-css.com/active/nabil.htm पो लेखिएको छ।

नेपाली प्रयोगकर्ताहरुलाई लक्षित गर्दै अहिले नेपाली बैँकहरुको नाममा यस्ता इमेल व्यापक सर्कुलेट गरिएको छ। सामान्य इन्टरनेट चलाउन जान्नेहरुलाई राम्रैसँग झुक्याउन सकिने भएकोले त्यो गिरोहले कयौँको पासवर्ड आफ्नो नियन्त्रणमा लिएको हुनसक्ने अनुमान पनि गर्न सकिन्छ।

नबिल बैँकका ग्राहकलाई झुक्याउन पठाइएको फेक इमेल-

इन्भेस्टमेन्ट बैँकका ग्राहकलाई झुक्याउन पठाइएको फेक इमेल-

शायद् त्यही भएर नेपाल इन्भेस्टमेन्ट बैँकले त आफ्ना इ बैँकिङ ग्राहकहरुको खाताबाट कारोबार नै रोकेको छ। इ बैँकिङबाट कारोबार गर्न कस्टमर सर्भिस डेस्कमा सम्पर्क गर्न बैँकले आफ्नो वेबसाइटमा सूचना राखेको छ।

ध्यान दिनुस्

इ बैँकिङ प्रयोग गर्नुहुन्छ भने ध्यान दिनुस्, तपाईँको पासवर्ड कहिले पनि बैँकले इमेल पठाएर माग्दैन। तपाईँलाई इमेल गरी पासवर्ड अपडेट गर्न पनि कहिले भन्दैन। इ बैँकिङ प्रयोग गर्दा नै तपाईँलाई यसबारे जानकारीसहितको पत्र दिइएको हुन्छ। तर हामीमध्ये धेरैको यस्तो पढ्ने बानी हुँदैन। बैँकले राखेका शर्तहरुमा केही गरी तपाईँको पासवर्ड त्यसरी गलत प्रयोग गरेर हानी भयो भने पनि तपाईँ आफै दोषी हुनुपर्ने लेखिएको हुन्छ। त्यसैले सावधानी हामी आफैले अपनाउनु पर्छ।

सबैभन्दा पहिला इमेलमा आएको लिङ्कमा क्लिक गरेर कहिले पनि इबैँकिङ प्रयोग नगर्नुस्। दोस्रो इबैँकिङ प्रयोग गर्दा सँधै एड्रेस बारमा बैँककै ठेगाना छ कि छैन ध्यान दिएर हेर्नुस्। तेस्रो, साइट सेक्योर हो कि हैन हेर्नुस्। सेक्योर साइटमा https:// हुने गर्छ। त्यो भन्दा अघि साँचो लगाएको जस्तो चिह्न पनि हुने गर्छ।

इन्भेस्टमेन्ट बैँकले आफ्ना ग्राहकहरुलाई एउटा इमेल पनि पठाउँदै यस्ता फेक/स्पाम मेलबाट सावधान रहन भनिएको छ।

इमेलको विवरण

Dear Valued Customer,

Please be aware of fake/spam emails that are being circulated by fraudsters (impersonating NIBL) to steal your eBanking Username and Passwords citing some urgent security issues. These fake emails have links supposedly to enable/update/unlock eBanking details which when clicked opens a webpage (with look and feel similar to NIBL eBanking login page) asking for your eBanking Username and Passwords.

Never ever provide your username and passwords to these pages.

Please be reminded that NIBL never asks you to change or share your Username and Passwords through emails.

Please do not reveal your passwords to links in these fake emails. Please do not share your passwords to anyone. NIBL will not be held liable if you reveal your passwords either knowingly or unknowingly to unauthorized sites/users.

Please ensure the following while logging in,

Type your Username and Password only in https://www.nibl.com.np web address. Please notice https (https stands for secured website).
Do not enter login or other sensitive information in any pop up window.
Please verify the security certificate by clicking on the padlock icon (in the address bar as shown below).
Please refer to the image below to identify the correct web address for NIBL eBanking.

For more information,

Regarding safety tips
Recognizing and reporting phishing emails
Please communicate this message to all your friends and colleagues.

Nepal Investment Bank Limited

Note:

Should you require any further information or assistance, please contact Customer Service Department at your nearest NIBL Branch office

यस्ता छन् विपक्षीका आन्दोलन कार्यक्रम

2012-11-10T17:27:00.001+05:45

काठमाडौं, कार्तिक २५ - कांग्रेस-एमालेसहित विपक्षी १९ दलले शनिबार आन्दोलनका कार्यक्रम सार्वजनिक गरेका छन् । एमाले मुख्यालय बल्खुमा पत्रकार सम्मेलन गरी १९ दलले सरकारविरोधी आन्दोलन घोषणा गरेका हुन् ।
आन्दोलन कार्यक्रमको पूर्णपाठ
संयुक्त प्रेस वक्तव्य
नेपाल यतिबेला राजनीतिक रुपमा अन्योल, दिशाहीनता, अराजकता गतिहीनताबाट गुजि्ररहेको छ । संक्रमणकालबाट देशलाई मुक्त गर्दै संघीय लोकतान्त्रिक गणतन्त्रलाई संस्थागत गर्ने उद्देश्यले जनताबाट निर्वाचित संविधानसभा गठन भएको थियो । तर त्यो संविधानसभा पनि माओवादीहरुको उग्रवामपन्थी, संकीर्ण जातिवादी र अधिनायकवादी चिन्तन एवम् व्यवहारका कारण संविधान बनाउन नसकी असफलरुपमा विघटित हुनपुगेको छ । संविधान निर्माणका लागि पटक-पटक भएका सहमतिहरु तोडेर षड्यन्त्रमूलक ढंगले संविधानसभालाई समाप्त गरी देशका सबै लोकतान्त्रिक र संवैधानिक संस्थाहरुलाई क्रमशः समाप्त पार्दै एनेकपा (माओवादी)को नेतृत्वमा रहेको गठबन्धन सरकार नेपाली जनतामाथि अलोकतान्त्रिक र सर्वसत्तावादी शासन थोपर्न उद्यत छ ।
बाबुराम भट्टराईको नेतृत्वमा मधेशी मोर्चा संलग्न सरकारले अपराधीहरुको मुद्दा फिर्ता लिएको छ, देशमा तस्करी, भ्रष्टाचार, अनियमितता र कमिशनखोरीलाई खुला छुट दिएको छ । प्रहरी र कर्मचारीहरुको सरुवा र बढुवामा भएका अनियमितताका घटनामा कतिपय मन्त्रालयका मन्त्रीहरुका संलग्नताका घटनाहरु बारम्बार सार्वजनिक भइरहेका छन् । कमिशन खाएर विकास योजनाहरुको लागत दोब्बर-तेब्बर बनाउँदै देशलाई आर्थिक रुपले टाट पल्टाउने काममा प्रधानमन्त्रीका निकटस्थहरु, मन्त्रीहरु र सत्तारुढ दलका नेताहरु खुलेआम संलग्न छन् । देशमा चौतर्फी लुट र अराजकता मच्चिएको छ । सत्ता, शक्ति र शासनको चरम दुरुपयोग भइरहेको छ ।
देशको शान्ति सुरक्षाको स्थिति दिनप्रतिदिन बिग्रदै गएको छ । महंगीले आकाश छोएको छ । खाद्यान्नमा अनेकौं अखाद्य वस्तुहरु मिसावट गरेर बेच्दा पनि सरकार कालाबजारिया र तस्करहरुलाई कारवाई गर्न असमर्थ छ । प्रशासन र कर्मचारीतन्त्रको मनोबल कमजोर हुनपुगेको छ । सरकारको अकर्मण्यता, निस्त्रिmयता र घुसखोरीले गर्दा जनजीवन झन्-झन् कष्टकर बन्दै गएको छ ।
लोकतान्त्रिक व्यवस्थामा अन्तर्राष्ट्रिय सम्बन्धका विषयहरुमा सकेसम्म राष्ट्रिय सहमति कायम गरी अघि बढ्ने प्रचलन हुन्छ । यस्तो अभ्यासबाट मात्र अन्तर्राष्ट्रिय विश्वसनीयता आर्जन गर्नसकिन्छ, राष्ट्रिय हितको रक्षा गर्न सकिन्छ र राष्ट्रिय बिकासका लागि अन्तर्राष्ट्रिय सहयोग जुटाउन सकिन्छ । तर वर्तमान सरकारले कुटनीतिक सम्बन्धलाई समेत सत्तास्वार्थ र दलीय प्रतिस्पर्धाको विषय बनाउन खोजेको छ । सरकारको यस्तो प्रवृत्तिले देशको स्वाभिमान र आन्तरिक निर्णय क्षमता कमजोर बन्दै गएको छ । शासन टिकाउनका लागि राष्ट्रिय स्वाधीनता र स्वाभिमानको समेत बेवास्ता गर्ने वर्तमान सरकारका क्रियाकलापले स्वाभिमानी नेपालीहरुको शीर निहुरिएको छ ।
ऐतिहासिक जनआन्दोलनको मर्म र भावना एवम् संविधानसभाको निर्वाचनमार्फत् अभिव्यक्त मतका आधारमा नेपाल संघीय लोकतान्त्रिक गणतन्त्र घोषणा भइसकेको छ । यस्तो घोषणा हाम्रै सक्रियतामा भएको थियो र यो घोषणा हाम्रो सहयोग र समर्थन बिना सम्भव थिएन । तर मधेशी मोर्चा सहितको वर्तमान सरकार र एकीकृत नेकपा (माओवादी) आफ्ना राष्ट्रिय एकता र सामाजिक सद्भावलाई खल्बल्याउने दुराशयलाई ढाकछोप गर्ने कुत्सित मनसायबाट आफूमात्र संघीयता र समावेशी पक्षधर भएको मिथ्या घोषणा गर्दै सत्ताको आडमा विपक्षीहरुविरुद्ध आक्रमण गर्ने निरंकुश प्रवृत्ति देखाउँदैछन् । हामी यस्तो प्रवृत्तिको भत्र्सना गर्दछौं ।
हामीहरु गणतन्त्र नेपालको लोकतान्त्रिक संविधान निर्माण गर्न प्रतिबद्ध र क्रियाशील रहँदै आएका छौं । हामीहरु जातीय, क्षेत्रीय, लैङिगक समानता र समावेशीकरणका लागि निरन्तर संघर्षरत रहँदै आएका छौं । राज्यको पुनःसंरचनाका लागि दत्तचित्त भएर लागिरहेका छौं । विगतका कतिपय कमि-कमजोरीको समीक्षा गरेर नयाँ संविधान निर्माणका लागि ध्यान केन्दि्रत गर्न दृढ प्रतिज्ञ छौं ।
राजनीतिक निकास र सहमतिको प्रमुख बाधक बनेका कामचलाउ प्रधानमन्त्री बाबुराम भट्टराई निरंकुश र अलोकतान्त्रिक ढंगले सरकारमा रहुञ्जेल मुलुक सहमतिको दिशातर्फ अघि बढ्न सक्दैन । बाबुराम भट्टराईले संबैधानिक रुप्ामा मात्र होइन राजनीतिक दृष्टिबाट समेत प्रधानमन्त्री पदमा रहिरहने आधार गुमाइसकेका छन् । निजलाई विगतमा व्यवस्थापिका संसदमा समर्थन गर्ने मध्येका एनेकपा     -माओेवादी), मधेशी जनअधिकार फोरम -लोकतान्त्रिक) र मधेशी जन अधिकार फोरम -गणतान्त्रिक) विभाजित भैसकेका छन् र विभाजित भएर बनेका पार्टीहरुले प्रधानमन्त्री तुरुन्त पदबाट हट्नुपर्ने माग गरिरहेका छन् ।
सहमतिको सरकारले मात्रै मुलुकमा देखापर्न थालेको राजनीतिक धु्रवीकरण, अन्योल, अस्थिरता र मुठभेडको सम्भावनालाई रोकेर सहमतिको ढोका खोल्नसक्छ, र संविधान निर्माण एवम् लोकतन्त्रको संस्थागत विकासलाई अघि बढाउन सक्छ । त्यसैले संवैधानिकरुपले पदमुक्त भइसकेका प्रधानमन्त्री बाबुराम भट्टराई, गठबन्धन सरकार र एकीकृत नेकपा (माओवादी)लाई तत्काल सरकार छोड्न र सहमतिको ढोका खोल्न हामी आह्वान गर्दछौं ।
हाम्रो चाहना सहमति, सहकार्य र संविधान निर्माण नै हो । सहमति र वार्ताका नाममा अल्मल्याउने, झुक्याउने र अलोकतान्त्रिक शासनलाई तन्काउन जालझेल गर्ने शैली र प्रवृत्तिले यो कार्यमा अवरोध सिर्जना गर्छ । एकीकृत नेकपा (माओवादी) र वर्तमान सरकारमा सामेल मधेशी मोर्चाका दलहरुको क्रियाकलाप हेर्दा जसरी पनि शासन लम्ब्याउने दाउ रहेको देखिन्छ । देशलाई तत्काल राष्ट्रिय सहमति र राजनीतिक निकास आवश्यक परिरहेको समयमा गठबन्धन सरकार, प्रधानमन्त्री, एनेकपा (माओवादी) र मधेशी मोर्चाका नेताहरुको क्रियाकलापले देशलाई संकटग्रस्त बनाएको छ । यस्तो संकटबाट देशलाई बचाउन आन्दोलन गर्नु हाम्रो बाध्यता भएको छ । वर्तमान सरकार हटाएर सहमतिको सरकार बनाउन, संविधान निर्माणका लागि ताजा जनादेशमा जान र जनतालाई राहत प्रदान गर्ने कार्यक्रमहरु लागू गर्न आन्दोलन नै एकमात्र विकल्प बन्न पुगेको छ । तसर्थः देशव्यापीरुपमा आन्दोलनको प्रचार र संयुक्त कार्यक्रम गरी आन्दोलनको लहर उत्पन्न गर्न हामी सबै कार्यकर्ता र समर्थकहरुलाई आग्रह गर्दछौं ।
आन्दोलनका मुख्य उद्देश्यहरुः
१. जनताद्वारा निर्वाचित संविधानसभाबाट संघीय लोकतान्त्रिक गणतन्त्र नेपालको संविधान बनाउन आगामि २०७० साल बैशाखमा संविधानसभा-संसदको निर्वाचन गर्ने ।
२. संविधानसभा-संसदको निर्वाचनलाई स्वतन्त्र र निष्पक्ष ढङ्गले सम्पन्न गर्न संबैधानिक र राजनीतिक रुपले वैधानिकता गुमाइसकेको र सहमतिको प्रमुख बाधक बनेको बाबुराम भट्टराई नेतृत्वको सरकारलाई हटाएर सहमतिको नयाँ सरकार गठन गर्ने ।
३. दलीय स्वार्थ पूर्ति गर्ने र कार्यकर्ताहरुलाई राज्यकोष बाँड्ने वर्तमान कामचलाउ सरकारको निहित स्वार्थपूर्ति गर्ने विकासविरोधी अराजक प्रवृत्तिलाई नियन्त्रण गर्ने र देशको विकास निर्माणका गतिविधिलाई अघि बढाउने मुख्य उद्देश्य लिएर बाँकी आर्थिक वर्षका लागि सहमतिको नयाँ सरकारले बजेट जारी गर्ने ।
४. खाली हुँदै गएका संबैधानिक निकायहरु- अख्तियार दुरुपयोग अनुसन्धान आयोग, निर्वाचन आयोग, लोकसेवा आयोग आदिमा नयाँ सरकार गठन भएपछि राजनीतिक सहमतिका आधारमा योग्य व्यक्तिहरुको नियुक्ति गरी देशलाई कानूनी राज्यको मान्यताअनुरुप बैधानिक रुपले अघि बढाउने ।
५. न्यायपालिका र संबैधानिक निकायहरुको स्वतन्त्रता र स्वायत्तताको सम्वर्द्धन गर्ने ।

नयाँ संविधानको लागि एनेकपा (माओवादी) ले अघि सारेको संविधानसभा पुनःस्थापनाको प्रस्ताव संवैधानिक, राजनीतिक, लोकतान्त्रिक र नैतिक दृष्टिकोणले उपयुक्त छैन । सरकारको आयु बढाउने, आˆनो दलगत स्वार्थ पूर्ति गर्ने र राजनीतिक अन्योल लम्ब्याएर आˆनो अभिष्ट पूरा गर्ने एनेकपा -माओवादी)को दाउपेचलाई परास्त गर्दै लोकतन्त्रको रक्षा गर्नु आवश्यक   छ । सार्वभौम नेपाली जनताको ताजा जनादेशबाट गठन भएको नवनिर्वाचित संस्था मात्र साँचो अर्थमा सार्वभौमसत्ता सम्पन्न हुनसक्छ । त्यसैले सहमतिको सरकार गठन गरी संविधान निर्माणका सम्बन्धमा विगतमा भएका सहमतिहरुको स्वामित्व ग्रहण गर्दै नयाँ संविधान निर्माण गर्न र गणतन्त्रलाई संस्थागत गर्न अब ताजा जनादेश नै एकमात्र विकल्प रहेको छ । संविधान निर्माणको लागि नयाँ निर्वाचन र निर्वाचनका लागि सहमतिको सरकार आजको आवश्यकता हो । तर तोकिएको मितिमा निर्वाचन गराउन नसक्ने वर्तमान सरकार सत्ता त्याग्न तयार छैन र मुलुकलाई ताजा जनादेशतर्फ जान नदिने अवरोधको रुपमा रहेको छ । वर्तमान सरकार रहेसम्म चुनाव हुने कुनै सम्भावना छैन । त्यसैले नेपालको अन्तरिम संविधानको धारा ४३ अनुरुप सरकार संचालन हुनुपर्ने प्रावधान अनुसार धारा ३८ (१) बमोजिम राष्ट्रिय सहमितको सरकार गठन गरी नयाँ निर्वाचन सम्पन्न गर्न सबै लोकतान्त्रिक र जनपक्षधर शक्तिहरुलाई एकताबद्ध भएर आन्दोलनमा अघि बढ्न हार्दिक आह्वान गर्दछौं ।
आन्दोलनका कार्यक्रमहरूः
१. मंसिर २ गते राजधानीमा नागरिक समाजसँग आन्दोलनको विषयमा अन्तरक्रिया गर्ने ।
२. मंसिर ५ गते व्यापारी, उद्योगपति, अर्थविद् र आर्थिक क्षेत्रसँग सम्बद्ध व्यक्तिहरुको भेला गरी बजेट लगायत देशको अर्थतन्त्रसँग सम्बन्धित विषयमा छलफल गर्ने ।
३. मंसिर ८ गते आन्दोलनको तयारीका लागि विपक्षी दलका कार्यकर्ताहरुको उपत्यकास्तरीय बृहत् भेला गर्ने।
४. मंसिरको दोश्रो हप्ता भित्र आन्दोलनको तयारीका लागि उपत्यका बाहिरका सबै जिल्लामा विपक्षी दलका कार्यकर्ताहरुको संयुक्त भेला गर्ने ।
५. मंसिर ९ गते विराटनगर, १५ गते जनकपुर, २२ गते धनगढी, २३ गते नेपालगंज र ३० गते भैरहवामा र्‍याली र आमसभा गर्ने । नेपाली कांग्रेसले जनकपुर र नेपालगञ्ज, नेकपा (एमाले)ले बिराटनगर र धनगढी एवं राष्ट्रिय प्रजातन्त्र पार्टीले भैरहवाको कार्यक्रमको संयोजन गर्ने र अन्य दलले त्यसमा सहयोग गर्ने ।
६. मंसिर १५ गते शुक्रबार १० देखि १२ बजे सम्म पचहत्तरै जिल्लामा प्रमुख जिल्ला अधिकारीको कार्यालयमा धर्ना दिने ।
७. मंसिर २९ गते काठमाडौं, झापा, सुनसरी, सप्तरी, सिन्धुली, पर्सा, चितवन, कास्की, पाल्पा, बाग्लुङ्ग, दाङ, सुर्खेत, जुम्ला, डोटी र कञ्चनपुर गरी १५ जिल्लामा जुलुस र विरोध सभा गर्ने । १५ जिल्ला मध्ये झापा, सप्तरी, कास्की, पर्सा, दाङ, सुर्खेत र कञ्चनपुर जिल्लामा हुने कार्यक्रमको संयोजन नेपाली कांग्रेसले गर्ने । सुनसरी, चितवन, पाल्पा, वागलुङ् , डोटी, जुम्ला, सिन्धुली र काठमाडौंको संयोजन नेकपा (एमाले)ले गर्ने ।

माथि उल्लेखित कार्यक्रमहरुसँग नजुध्ने गरि आन्दोलनमा सहभागी राजनीतिक दलहरु तथा विभिन्न जनसंगठन र पेशागत संगठन र पार्टीका जिल्ला तहका संगठनहरुले आˆनै पहलकदमीमा पनि विरोधका विभिन्न कार्यक्रमहरु गर्नसक्ने छन् । आन्दोलनका अन्य थप कार्यक्रमहरु यथासमयमा तय गरी सार्वजनिक गरिनेछ ।
अन्त्यमा, सम्पूर्ण नेपाली जनतामा दीपावली २०६९, नेपाल सम्बत् ११३३ र छठ पर्वको हार्दिक शुभकामना व्यक्त गर्दछौं ।
धन्यवाद ।
दलका नेताको नाम, पद       राजनीतिक दल   हस्ताक्षर
सुशील कोइराला   सभापति   नेपाली कांग्रेस
झलनाथ खनाल   अध्यक्ष   नेकपा (एमाले)
पशुपतिशमशेर जबरा   अध्यक्ष राष्ट्रिय प्रजातन्त्र पार्टी
सी.पी. मैनाली   महासचिव   नेकपा (माले)
चन्द्रदेव जोशी   अध्यक्ष   नेकपा (संयुक्त)
सूर्यबहादुर थापा   अध्यक्ष   राष्ट्रिय जनशक्ति पार्टी
देवेन्द्र मिश्र   अध्यक्ष   नेपाल सद्भावना पार्टी (आ.)
भूमिराज निरौला   अध्यक्ष   चुरेभावर राष्ट्रिय एकता पार्टी
हिक्मतबहादुर देउवा   अध्यक्ष   समाजवादी जनता पार्टी
लोकनारायण सुवेदी   अध्यक्ष   नेकपा (संयुक्त माक्र्सवादी)
अच्युतराज ज्ञवाली   पो.व्यू. सदस्य   नेकपा (मार्क्सवादी)
साध्यबहादुर भण्डारी   महासचिव   जनमोर्चा नेपाल
प्रकाश अधिकारी   अध्यक्ष   नेकपा (संयुक्त मार्क्सवादी)
विष्णुराज अर्याल   अध्यक्ष   नेकपा (माले जनसमाजवादी)
एस्.वी. क्षेत्री   कार्यकारी प्रमुख   नेपाली समाजवादी परिषद्

मितिः २०६९/७/२५

सफल पोखरा कपको उपाधि मनाङलाई

2012-11-10T17:21:00.002+05:45

पोखरा,- सफल पोखरा कपको उपाधि मनाङ मर्स्याङ्दी क्लवले जितेको छ ।
मोफसलको सर्वाधिक धनराशिको फुलबल प्रतियोगितामामा मनाङले शनिबार मच्छिन्द्र क्लवलाई १-० ले हराउँदै उपाधि जितेको हो । मनाङका लागि ३५ औं मिनेटमा निराजन मल्लले गोल गरी आफ्नो टिमलाई जित दिलाए ।
मनाङले एनआरटीलाई र मच्छिन्द्रले यती हिमालयन शेर्पालाई पन्छाउँदै फाइनलमा पुगेका थिए । एनसेल कप उचालेर आर्जेको कीर्तिलाई मनाङ पोखरामा पनि दोहोर्‍यायो ।
पोखरा रंगशालामा भएको खेलमा उपाधिसँगै मनाङले ३ लाख ५ हजार रुपैयाँ नगद र ट्रफी जितेको छ भने उपविजेता मच्छिन्द्रले १ लाख ५० हजार रुपैयाँ र ट्रफी पाएको छ ।

चीनमा सी जिनपिङको उदय

2012-11-10T17:18:00.003+05:45

हङकङ, - चिनियाँ कम्युनिस्ट पार्टी (सीपीसी) को १७औं राष्ट्रिय कंगे्रसबाट सी जिनपिङ शक्तिशाली पोलिटब्युरो स्थायी कमिटीमा तानिएका थिए । तर छैटौं वरीयताका सीनै भावी राष्ट्रपतिका प्रबल दाबेदार हुन भन्नेबारे उतिबेला थौरैले मात्र सुइँको पाए । पाँच वर्षअघिबाटै पार्टीले यिनलाई मुलुकको नेतृत्वका लागि तयार पारिरहेको यतिबेला निश्चित खुलासा भएको छ । विश्वको नयाँ आर्थिक महाशक्ति बन्ने दौडमा रहेको चीनले सम्भवतः यसै हप्ताभित्रै सीलाई ८ करोड बढी सदस्य रहेको संसारकै ठूलो राजनीतिक दल सीपीसीको महासचिव बनाउनेछ । जसले यिनलाई चिनियाँ सत्ताको सर्वोच्च शक्तिशाली पद राष्ट्रपति बन्ने मार्ग प्रशस्त गर्नेछ । तर सीको कार्यकाल चुनौतीका खातले भरिएको हुने विज्ञहरूको विश्लेषण छ । सुस्ताएको अर्थ व्यवस्था, फस्टाउँदो भ्रष्टाचार, जनताको परिवर्तित चाहनालगायतका कारण चीन पछिल्ला केहीवर्ष खराब अवस्थाबाट गुजि्ररहेको छ । यसैका कारण नेतृत्वले थुप्रै चुनौती बेहोर्नुपर्ने विश्लेषकहरूको ठम्याई छ । बेइजिङमा जारी १८औं सीपीसी उद्घाटन सत्रको मन्तव्यमै बिहीबार राष्ट्रपति हु जिन्ताओले भ्रष्टाचार चीनको गम्भीर समस्या बनेका कुरामा जोड दिँदै यसबाट छिटो उम्कन नसके देश र पार्टी पतनको कारणसमेत हुनसक्ने बताएर भावी नेतृत्वलाई चेतावनी दिइसकेका छन् ।
'चीनको सबैभन्दा तल्लो तह अस्थिर, मध्यम उदास र माथिल्लो नियन्त्रण बाहिर छ,' बेलायती चर्चित अंग्रेजी साप्ताहिक 'दि इकोनोमिस्ट' ले पछिल्लो अंकमा चीनबारे यस्तो टिप्पणी गरेको छ । 'नेतृत्वले जनताका असन्तोषलाई सही ढंगले व्यवस्थापन गर्न नसके शृंखलाबद्ध रूपमा निम्त्याउने सामाजिक अशान्ति हिंसक क्रान्तिमा परिणत हुन सक्छ,' एक वरिष्ठ अर्थशास्त्रीले चिनियाँ कम्युनिस्ट पार्टीलाई बुझाएको गोप्य रिपोर्टमार्फत यस्तो चेतावनी दिएको समेत इकोनोमिस्टले खुलासा गरेको छ । विश्वकै ठूलो जनघनत्व भएको मुलुकका राष्ट्रपति सीले राजनीतिक स्थिरता र आर्थिक विकासलाई सँगै हिँडाउने कार्य अत्यन्तै जटिल रहेको पत्रिकाको ठहर छ । नयाँ चीनका सूत्रधार माओत्सेतुङ चिनियाँ राजनीतिमा पहिलो पुस्ताका नेता मानिन्छन् । देङ स्याओपिङ दोस्रो तथा जियाङ जेमिन र हु जिन्ताओ क्रमशः तेस्रो र चौथो पुस्ताका नेता हुन् । खुल्ला अर्थतन्त्र अंगालेर चीनमा आर्थिक क्रान्ति ल्याएका देङको नीतिलाई त्यसपछिका नेता जियाङ र हुलेसमेत निरन्तरता दिए । पाँचौं पिँढीका सीले चिनियाँ अर्थतन्त्रलाई कसरी डोर्‍याउलान् ? र यसले पार्न सक्ने विश्वव्यापी प्रभावबारेको उत्सुकताले यतिबेला अधिकांशको ध्यान बेइजिङ केन्दि्रत बनेको छ ।
सी जिनपिङ चिनियाँ क्रान्तिका पहिलो पुस्ताका वरिष्ठ नेता सी झोङसनका छोरा हुन् । सुधारवादी नेताको परिचय बनाएका उनी १९८८ देखि पाँच वर्ष चीनको उपप्रधानमन्त्री रहे । यसैले सीलाई 'राजकुमार' पुस्ताका नेता पनि भनिन्छ । चिनियाँ उच्च नेता तथा सरकारी अधिकारीहरूका सन्तानलाई सञ्चारमाध्यमले यस्तो पगरी गुथाएका हुन् । सी उत्तरपश्चिम चीनको सान्सी प्रान्तका हुन् । सन् १९७१ मा चिनियाँ कम्युनिस्ट लिगको सदस्य बनेका उनी १९७४ मा सीपीसी प्रवेश गरेका थिए । बेइजिङस्थित प्रसिद्ध सिन्ह्वा विश्वविद्यालयबाट मानविकी तथा सामाजिक विज्ञानमा स्नातक गरेका यिनले 'माक्र्सवादी सिद्धान्त र वैचारिक शिक्षा' मा समेत विद्यावारिधि गरेका छन् । हेबई, फुजियान, झेजियाङलगायतका ठाउँमा क्षेत्रीय प्रशासक, नगर प्रमुख, गर्भनरलगायतका पदमा रहँदा यिनले चिनियाँ राजनीतिलाई नजिकबाट बुझ्न पाए । २००७ को राष्ट्रिय कंग्रेसमा हाल प्रधानमन्त्रीका दाबेदार ली खछ्याङलाई पछि पार्दै यिनी पोलिटब्युरो स्थायी कमिटीको छैटौं वरीयतामा तानिएका हुन् । हेर्दा सरल देखिने यिनी हकी स्वभावका रहेको चिनियाँ सञ्चारमाध्यमहरूले जनाएका छन् । बेलामौकामा कूटनीतिक मर्यादासमेत बिर्सेर यिनी कडा रूपमा प्रस्तुत हुन्छन् । मुलुकको स्वतन्त्रता, सार्वभौमसत्ता र भ्रष्टाचारका विरुद्ध सी स्पष्ट र कडा दृष्टिकोण राख्ने नेताका रूपमा चिनिन्छन् । सरकारी अधिकारीहरूलाई व्यक्तिगत लाभमा लागि पदको दुरुपयोग नगर्न चेतावनी दिएरसमेत उनी एकपटक चर्चामा आएका थिए ।
चीनलाई चौतर्फी विश्वले लगाउने गरेका आरोपमध्येको एउटा हो 'पारदर्शिताको अभाव' । राष्ट्रपतिको छनोटमा चीनले अपनाएको अति गोप्यताले यो आरोपलाई अझ बल पुर्‍याएको पश्चिमा सञ्चारमाध्यमहरूले टिप्पणी गरेका छन् । विश्व अर्थतन्त्र र राजनीतिको पहिलो शक्ति अमेरिकाले बाराक ओबामालाई नयाँ कार्यकालका लागि राष्ट्रपति चुनिसकेको छ । दोस्रो शक्तिका रूपमा रहेको चीनले केही दिनभित्रै सीलाई पार्टी महासचिवमा नियुक्त गरेसँगै सर्वोच्च शक्तिशाली राष्ट्रपतिको पद पक्का हुनेछ । सी उपराष्ट्रपति हुँदै अमेरिकाको भ्रमण गरेर ह्वाइट हाउससँग निकटता साधिसकेका छन् । भविष्यमा यी दुई मुलुकले अख्तियार गर्ने नीतिले सारा विश्व प्रत्यक्ष-अप्रत्यक्ष रूपमा प्रभावित हुनेछन् । चीनको छिमेकी राष्ट्रका नाताले त्यहाँ हुने राम्रा वा नराम्रा क्रियाकलापको बाछिटाबाट नेपालसमेत अछुतो रहने छैन ।

Source-ekantipur

अनुपम खेर एसियाकै पाँच उत्कृष्टमा

2012-11-10T17:10:00.001+05:45

मुम्बई (एजेन्सी), - करिअरका झन्डै तीन दशकमा बलिउड अभिनेता अनुपम खेरले ४ सय ५० भन्दा बढी फिल्म खेलिसकेका छन् । उनी भारतका थोरै प्रतिष्ठित कलाकारमध्येका एक हुन् । पछिल्ला समय हलिउड फिल्ममा समेत देखिन थालेका अनुपमलाई अन्तर्राष्ट्रिय म्यागाजिन 'द हलिउड रिपोर्टर' ले हालैको अंकमा एसियाका उत्कृष्ट पाँच कलाकारमा पारेको छ । 'हलिउड रिपोर्टरको पछिल्लो अंकमा मलाई पनि एसियाका उत्कृष्ट पाँच अभिनेताभित्र समेटेको रहेछ । खबर बाँड्न पाउँदा खुसी लागेको छ । भारतीयमा म एक्लो हुँ । जय होस् ।' उनले टि्वटरमा आफूबाहेक सूचीमा रहेका बाँकी कलाकारको पनि उल्लेख गरेका छन् । जसमा ली बिंग बिंग -चीन), ली बुंग हुँ -दक्षिण कोरिया), इको उवेस -थाइल्यान्ड) र आरोन क्वोक -हंगकङ) रहेका छन् । अनुपमले भारतकै प्रतिष्ठित राष्ट्रिय अवार्ड दुई पटक जितिसकेका छन् ।

Source-ekantipur

पुर्वाञ्चल क्षेत्रीय कारागारबाट १२ कैदी फरार

2012-11-09T09:26:00.001+05:45

फरार भएका एक बंगलादेशी र ११ भारतीय
फरार सबै कुख्यात

इनरुवा, कार्तिक २४ - सुनसरीको झुम्कास्थित पुर्वाञ्चल क्षेत्रीय कारागारबाट बिहीबार राति १२ जना कैदी फरार भएका छन् । कारागार भित्रै सुरुङ खनेर उनीहरु फरार भएको सुनसरीका प्रहरी नायव उपरीक्षक लक्षमण गिरीले जानकारी दिए ।
फरार हुनेहरुमा बंगलादेशी अपराधी अली असरफ अन्सारी, भारतीय कुख्यात अपराधी मुखिया भनिने धिरेन्द्र यादब सहित भारतीय अपराधीहरु बमबम भनिने दिनेश यादब, रमेश यादब, बिनायक यादब, सुभाष यादब, सुभाष झा, सरफराज आलम, रमेश सदाय, फारुक मिया, ममताज मिया र जाकिर मिया रहेको प्रहरी नायव उपरिक्षक गिरीले बताए ।
फरार मध्ये धिरेन्द्रमाथि कृषी बिकास बैंक राजबिराजका प्रबन्धकको हत्या , राजबिराजकै डाक्टर मुरलीप्रसाद सिंहको अपरहण लगायतका दर्जनौ हत्या र अपहरणको तथा नक्कली नागरिकता समबन्धी मुद्दा लागेको थियो । भारतको बिहारमा कोसी क्षेत्रको आतंकको उपनाम पाएका धिरेन्द्रले बिहारमा पनि कयौ्र उधोगपतिको हत्या गरेका थिए ।
उनलाइ प्रहरीले पाँचवर्ष अघि नाटकिय ढंगवाट सुनसरीको इटहरीवाट पक्राउ गरेको थियो । धिरेन्द्रले सुनसरीको पश्चिम कुसहा र सप्तरीको बभनगामा कटीवाट नेपाली नागरिकता लिएका थिए ।
यस्तै बंगलादेशी नागरिक अली असरफमाथी पनि नक्कली नागरिकता लगायतका मुद्धा थियो । भने भागेका अन्य भारतीय अपराधीमाथी हत्याकै अभियोग थियो । आज बिहान कैदी चेकजाचका बेला १२ जना कैदी नदेखिएपछि मात्र प्रहरी र कारागार प्रशासनले कैदी भागेको थाहा पाएका थिए । क्षेत्रीय कारागारको सुरक्षा नेपाल प्रहरीले गर्दे आएको थियो ।
त्यहाँ प्रहरी निरिक्षक इश्वर बस्नेतको नेतृत्वमा ४५ जना प्रहरी थिए । स्रोतका अनुसार केही प्रहरी र कारागार प्रशासनका केही कर्मचारीको मिलेमतोमा कैदीहरु सुरुङ खनेर भाग्न सफल भएका हुन् । कैदी फरार भएपछि सुनसरीका प्रमुख जिल्ला अधिकारी लक्षमणकुमार थापा सहित जिल्ला स्थित सुरक्षा निकायका प्रमुखहरु कारागार पुगेका छन् । प्रमुख जिल्ला अधिकारी थापाले कैदी भागेको बिषयमा अनुसन्धान भइरहेको जानकारी दिए । प्रहरीले फरार कैदीहरुको खोजी भइरहेको बताएपनि कारागार भएको ठाउँवाट भारतीय सिमा ३० किलोमिटर मात्र दक्षिण रहेकाले उनिहरु राति नै भारतीय क्षेत्रमा पसेको हुन सक्ने अनुमान गरिएको छ । भारतीय प्रहरीसित समन्वय गरी खोजी भइरहेको सुनसरी प्रहरीले जनाएको छ ।

Source-Ekantipur

आज अमेरिकी राष्ट्रपतीय चुनाव

2012-11-06T09:28:00.001+05:45

न्युयोर्क, कार्तिक २१ - अमेरिकी राष्ट्रपतिको निर्वाचन मंगलबार हुँदैछ । नोभेम्बरको पहिलो मंगलबार हुने प्रचलनअनुसार राष्ट्रपति बाराक ओबामा र म्यासेच्युट्स राज्यका पूर्वगभर्नर मिट रोमनीबीच ह्वाइट हाउसको चुनावी दौड निकै प्रतिस्पर्धात्मक हुने देखिएको छ ।
पपुलर र इक्लेटोरल भोटका लागि मंगलबारको प्रतिस्पर्धामा दुवै उम्मेदवारले अमेरिकी अर्थतन्त्रलाई प्रमुख मुद्दा बनाएका छन् । मध्यम वर्गीय परिवार लक्षित चुनावी स्पर्धा जित्न ५ सय ३८ इलेक्टोरलमध्ये दुई सय ७० मत ल्याउनुपर्ने छ । अन्तिम समयको चुनावी तथ्यांक एवं सर्वेक्षणले जितका लागि ओबामालाई थप २७ मतको आवश्यकता देखाएको छ भने रोमनीले ६४ इलेक्टोरल मत आफ्नो पक्षमा पारे ह्वाइट हाउस हत्याउने छन् ।
अन्तिम घडीमा चुनाव सातवटा अनिर्णित राज्यमा अडिएको छ । फ्लोरिडा, ओहायो, आइवा, विस्कन्सिन, कोलोराडो, भर्जिनिया र न्युहयाम्सायरको इलेक्टोरल कलेज हात पार्न दुवै उम्मेदवार कस्सिएका छन् । यी राज्यहरूबाट ८९ इलेक्टोरल मतको निर्णय हुनेछ ।
मत सर्वेक्षणले तीन महत्त्वपूर्ण 'ब्याटलग्राउन्ड' राज्यमध्ये दुई फ्लोरिडा र भर्जिनियामा रोमनीको अग्रता देखाइरहेको स्थितिमा ओबामाले रिपब्लिकन उपराष्ट्रपति उम्मेदवार पाउल रायनको गृहराज्य विस्कन्सिनका अतिरिक्त न्युहयाम्सायर, कोलोराडो र आइवामा अग्रता लिइरहेका छन् । दुवै पक्षका सबैभन्दा बढ्ता जोड १८ इलेक्टोरल भोट ओहायोमा छन् । ओहायोबिना दुवैलाई चुनाव जित्न गाह्रो पर्ने बताइएको छ । अधिकांश सर्वेक्षणले ओहायो राज्यमा ओबामाको अग्रतालाई संकेत गरिरहेका छन् । अघिल्लो महिना अमेरिकामा एक लाख ७१ हजार रोजगार सिर्जना भएपछि ओबामालाई यसले फाइदा पुर्‍याउने देखिएको छ ।
उता समुद्री आँधी स्यान्डीले न्युयोर्कको जनजीवनलाई प्रभावित पारेपछि मंगलबारको चुनाव प्रभावित हुने सम्भावना भएको छ । मंगलबार २० प्रतिशतभन्दा कम मत खसे अर्को दिन फेरि गरिने भएको छ ।

source-ekantipur

जुवा खेलेको आरोपमा नेविसंघ अध्यक्षसहित १३ पक्राउ

2012-11-05T19:13:00.000+05:45

सुनसरी, कार्तिक २० - सुनसरीको इटहरी-४ मा ठूलो रकम राखेर जुवा खेलिरहेको अवस्थामा प्रहरीले गएराति नेपाल विद्यार्थी संघ सुनसरीका अध्यक्ष विकास केसीसहित १३ जनालाई पक्राउ गरेको छ । पक्राउ पर्नेमा टिआर हस्पिटलका टीका अधिकारी, ठेकेदार प्रदीप तामाङ, राजन ढकाल, कृष्ण अधिकारी, दिपेश सिटौलालगायत छन् ।
इलाका प्रहरी कार्यालय इटहरीका निरीक्षक सागर थापाकाअनुसार पक्राउ पर्ने १३ जनाबाट २ लाख ६४ हजार रुपैयाँ र तास बरामद गरिएको छ । उनीहरुलाई जुवा ऐनअन्तर्गत आज नै सुनसरी प्रशासनमा मुद्धा दर्ता गरिने थापाले जानकारी दिए ।
विशेष सुराकीका आधारमा प्रहरीले नेविसंघका नेता केसीको इटहरी-४ स्थित घरमा छापा मारिएको थियो ।

Source-ekantipur

Extra Sansar

नेपाली जोक्सहरु...

एकछिन हास्ने कि....

New Song Yahan Pirma Chha Manchhe

Maile Samjhen Ta... Anish K.C.

अनिश के.सी.को बैंस चढेछ...हेर्नुहोस...

Most Humorous Movie...Watch this...

Most Viewed Song Gangnam Style

Bee fighting for life

Aatma ma...

Aatma ma....

बसको ठक्करबाट एक युवकको मृत्यु

१५ मिनेटमै सकियो ‘बजेट भाषण’

अब घुँडा छोपिने स्कर्ट लगाउनुपर्ने

पठनपाठनमा मोबाइल विकृति

शिक्षा विभागले कक्षा १२ सम्म मोबाइल फोन निषेध गर्ने निर्णय गरे पनि कार्यान्वयन हुन सकेन

पन्ध्र वर्षे बालकको तौल १२० केजी !

बर्मामा शक्तिशाली भूकम्प, १२ को मृत्यु

फेसबुकमा १९ लाख नेपाली

सावधान! एकै क्लिकले तपाईँको पैसा लुटिएला

ध्यान दिनुस्

यस्ता छन् विपक्षीका आन्दोलन कार्यक्रम

सफल पोखरा कपको उपाधि मनाङलाई

चीनमा सी जिनपिङको उदय

अनुपम खेर एसियाकै पाँच उत्कृष्टमा

पुर्वाञ्चल क्षेत्रीय कारागारबाट १२ कैदी फरार

फरार भएका एक बंगलादेशी र ११ भारतीय

फरार सबै कुख्यात

आज अमेरिकी राष्ट्रपतीय चुनाव

जुवा खेलेको आरोपमा नेविसंघ अध्यक्षसहित १३ पक्राउ