FunCounter.Com

Democracy

toriphani@gmail.com (Phani Madhav ) — Fri, 22 Mar 2019 22:58:00 +0530

నచ్చితే నలుగురికీ చెప్పండి! నచ్చకపోతే నాకు చెప్పండి...!!

మొహబతే...ఈళ్ళకెప్పుడు మొహం మొత్తే

toriphani@gmail.com (Phani Madhav ) — Tue, 20 Feb 2018 21:58:00 +0530

సమయం రాత్రి 7 గంటలు : టీవీలో ఏదో హిందీ చానెల్లో సీరియల్ :

రమణ్ భల్లా అనే పారిశ్రామికవేత్త మూడోపెళ్ళి జరుగుతుంటే, ఒకటో భార్య వచ్చి పెళ్ళి ఆపండి అని గొడవ. కారణం ఏంటి అంటే అతని రెండో భార్య (ఇషిత - ఈమే హీరోయిన్) కనపడకుండా పోయింది.. అది ఈ మూడో భార్య (ఇంకా పెళ్ళి జరగలేదు.. బహుశా ఒక నెలలో జరగొచ్చు), ఆమె కుటుంబ సభ్యులే కారణం అని అభియోగం. విచిత్రం ఏమిటంటే.. ఆ కనపడకుండా పోయిన అసలు భార్య తల్లి తండ్రులు ఆ వివాహ వేడుకలో అతిధులుగా ఉండడం. ఇప్పటికే కిడ్నాపు, మర్డరు, పిచ్చిపట్టడం, మతిమరుపు వల్ల భార్యని మర్చిపోవడం, లాంటి వివిధ పైత్యాలు చూపడం ఐపోగా.. ఈ పెళ్ళి ముందు దాకా, సదరు హీరోయిన్ గారు మారు వేషం లో పనిమనిషిగా అదే ఇంట్లో భర్త దగ్గర పనిచేస్తూ, ఆఫీసుకెళ్ళి పనిచేసుకోవడం.. లాంటి త్యాగభరితమైన ట్విస్టులు కూడా చాలా జరిగాయి.. ఇదంతా నాకెలా తెలుసు నేను ఫాలో అవుతున్నానా అనుకోకండి.. గత 5-6 నెలలలో అప్పుడప్పుడు ఆ సీరియల్ సమయంలో టీ వీ ముందుకు రావడం వల్లనున్నూ, కధ ఎలాగు 'కొనాసాగుతూ ఉండడంవల్లనున్నూ నాకు కలిగిన కనువిప్పు.. (ఇక్కడ నానోదయం అని రాసా కానీ ఫేసుబుక్కోడు ఇంకా ఒప్పుకోవట్లేదు_ యాపిల్ జనాలను కాపాడ్డానికి - ఈ సీరియల్స్ నుండి మనల్ని ఎవరు కాపాడతారో )

ఇషిత..రమణ్ భల్ల..మొహబతే...ఈళ్ళకెప్పుడు మొహం మొత్తే ????

నచ్చితే నలుగురికీ చెప్పండి! నచ్చకపోతే నాకు చెప్పండి...!!

చెల్లియో చెల్లకో !

toriphani@gmail.com (Phani Madhav ) — Sat, 30 Dec 2017 17:11:00 +0530

నచ్చితే నలుగురికీ చెప్పండి! నచ్చకపోతే నాకు చెప్పండి...!!

2ఛీ

toriphani@gmail.com (Phani Madhav ) — Fri, 22 Dec 2017 21:25:00 +0530

అవినీతి జరిగింది కానీ అందరూ నిర్దోషులే .... 2ఛీ

నచ్చితే నలుగురికీ చెప్పండి! నచ్చకపోతే నాకు చెప్పండి...!!

ఆధార్

toriphani@gmail.com (Phani Madhav ) — Wed, 22 Nov 2017 23:54:00 +0530

ఆధార్ - లింకింగే అనుకున్నా, అన్‌లింక్ కూడా చేస్తుందన్నమాట ;)

నచ్చితే నలుగురికీ చెప్పండి! నచ్చకపోతే నాకు చెప్పండి...!!

నంది

toriphani@gmail.com (Phani Madhav ) — Fri, 17 Nov 2017 00:19:00 +0530

ఎవ్వడంట ఎవ్వడంటా... నిన్ను మెచ్చుకుంది

ఏ సినిమాకి ఇస్తారో ఈ నంది కాని నంది

ఎవ్వరూ కనందీ... ఎక్కడా వినందీ

బాబు ఆన అయ్యిందేమో బావ దరికి నందియే... కదిలొస్తానంది!

నచ్చితే నలుగురికీ చెప్పండి! నచ్చకపోతే నాకు చెప్పండి...!!

toriphani@gmail.com (Phani Madhav ) — Thu, 26 Oct 2017 16:15:00 +0530

గ్రూపులు కట్టడాన్ని బాగా ప్రోత్సహిస్తున్నాయి - వాట్సాప్, ఫేసు బుక్కులు (ఫణిమాధవ్ కస్తూరి)
నా పేరు తీసేసి పోస్ట్/షేర్ చేసిన వారికి 81% జీ ఎస్ టీ తగులుగాక ..

నచ్చితే నలుగురికీ చెప్పండి! నచ్చకపోతే నాకు చెప్పండి...!!

వాట్సాప్

toriphani@gmail.com (Phani Madhav ) — Thu, 26 Oct 2017 16:15:00 +0530

toriphani@gmail.com (Phani Madhav ) — Thu, 26 Oct 2017 16:14:00 +0530

ప్రొడ్యూసరు..

toriphani@gmail.com (Phani Madhav ) — Mon, 24 Jul 2017 00:03:00 +0530

తిరిగొచ్చిన డబ్బాలకి,
పేపర్లో వచ్చిన డబ్బులకి పొంతన లేక
పాపం ప్రొడ్యూసరు..

నచ్చితే నలుగురికీ చెప్పండి! నచ్చకపోతే నాకు చెప్పండి...!!

GST - God Save from Taxes

toriphani@gmail.com (Phani Madhav ) — Fri, 30 Jun 2017 04:01:00 +0530

#GST నెలంతా కష్టపడి పనిచేసి సంపాదించిన జీతానికి ఇన్‌కం టాక్స్ 

బాంక్ వాడిచ్చే డెబిట్ కార్డ్ వాడినందుకు 1% సర్వీస్ టాక్స్

క్రెడిట్ కార్డ్ ఐతే 2% టాక్స్

పెట్రోలు దగ్గరనుంచి బియ్యం, పప్పు దాకా ఏదికొన్నా ఏదో టాక్స్

వ్యాట్, సర్వీస్ టాక్స్... స్వచ్చ భారత్ సెస్సు.. ఇంకోటి మరోటి..

ఇప్పుడు కొత్తగా మరోటి మొదలు.. అవన్నిటి బదులు అంటున్నారు కానీ...

రేప్పొద్దున్న ఏ షాప్ కెళితే ఎవడు ఏమి రేటు చెప్తాడో.. తెలీదు.

అడిగింది కట్టడమే కానీ అర్ధం తెలీదు కాబట్టి... కట్టెయ్యడమే..

ఒకటే చేయగలం,,,,ప్రార్ధించడం.. 

GST :

God

Save from 

Taxes 

నచ్చితే నలుగురికీ చెప్పండి! నచ్చకపోతే నాకు చెప్పండి...!!

హేమలంబ నామ సంవత్సర ఫన్‌చాంగం

toriphani@gmail.com (Phani Madhav ) — Wed, 29 Mar 2017 12:13:00 +0530

హేమలంబ నామ సంవత్సర ఫన్‌చాంగం

నచ్చితే నలుగురికీ చెప్పండి ! నచ్చకపోతే నాకు చెప్పండి !! ఫణి మాధవ్ కస్తూరి

ఫేస్ బుక్ రాశి :

ఆదాయం : ముఖం తెలీని ఫ్రెండ్లు వ్యయం : విలువైన సమయం

రాజ పూజ్యం : లైకులు అవమానం : ప్రొఫైల్ పిక్ కి వచ్చే కామెంట్లు

ఈ రాశివారికి 365 రోజుల్లో 50% సమయం వృధా. వేలాది మంది ఫ్రెండ్స్ ఉన్నా.. అందులో పరిచయం ఉన్నవారు, పనికొచ్చే వారు సున్నా. ప్రొఫైల్ పిక్ ఎవరో హీరోది/హీరోయిన్ ది ఉండడం వల్ల ఎంతో మంది ఆకర్షితులైనా..నిజం తెలుసుకుని వదిలి వెళ్లే వళ్ళే ఎక్కువ. లైకులు, కామెంట్లు మెసెంజర్ లో మెసేజులు.. సినిమాలు-రాజకీయాల గురించి చర్చలు తప్పవు. తెలీక తలదూరిస్తే, అవమానాలు తప్పవు.

వాట్సాప్ రాశి :

ఆదాయం : శూన్యం వ్యయం : డాటా చార్జీలు

రాజ పూజ్యం : రోజూ గుడ్డు మార్నింగు మెసేజిల్లో అవమానం : గ్రూప్ లోంచి పీకేయడం

ఈ రాశి వారికి నిమిష నిమిషానికి మెసేజులు ఖాయం. ప్రతీ రోజు పదహారు గ్రూపుల్లో మనకు తెలీకుండానే జాయిన్ అవడం, వందలాది గుడ్డు మార్నింగు మెసేజీలు, వీడియోలు, జోకులు, కాపీ పేస్టు కధలు.. రాజకీయ చర్చలు. పనికొచ్చేవి లేకపోయినా. పని చెడగొట్టడానికి చాలా శీర్షికలు. బ్లూటిక్కుల వల్ల చిక్కులు. అడ్డమైన ఫొటోలు, వీడియోల వల్ల మీకు, మీ ఫోనుకు మెమరీ లాసు.

మొబైల్ ఫోన్ రాశి :

ఆదాయం : ఇన్ కమింగు వ్యయం : అవుట్ గోయింగ్

రాజ పూజ్యం : కస్టమర్ కేర్ కాల్స్ లో అవమానం : ఆఫీసు, హౌస్ బాస్ ల కాల్స్ తో

ఈ రాశి వారికి ఫోన్ మోడల్స్ తోనే అవమానం ప్రారంభం. ఇవాళ కొన్నదాని కన్నా కొంచెం ఎక్కువ ఫీచర్లతో మరో మోడల్ రేపే విడుదలయ్యే అవకాశం. కెమెరా, ఫోన్ స్పీడు, ఇతర ఫీచర్లన్ని బాగుంటే సిగ్నల్ ప్రాబ్లెం అదీ బాగుంటే బాటరీ డవున్ అయ్యే సూచనలు ఉన్నాయి. డ్రైవింగ్ చేస్తూ మొబైల్ మాట్లాడే వాళ్లకి ప్రాణాపాయం లేదా భారీ ప్రమాదాలు సూచిస్తున్నాయి. వాట్సాపులున్నవారు ఫోన్ ఇంట్లో వాళ్ళకు కనిపించినచో విపత్కర పరిస్థితుల్లో ఇరుక్కోవచ్చు. గరల్ ఫ్రెండ్స్ కోసం మీదగ్గరకన్న మంచి మోడల్ కొనిపెట్టడం వల్ల ఆర్ధికంగా నష్టం.

జియో కస్టమర్స్ :

ఆదాయం : మార్చి 31 వరకు ఉచితం వ్యయం : నెల నెలా బాదుడు

రాజ పూజ్యం : అంబానీకి అవమానం : సిగ్నల్ దొరకని నీకు

ఈ మధ్యే కనుగొన్న ఈగ్రహం వల్ల, ఇతర మొబైల్ కంపెనీలకు గ్రహణం పట్టుకున్న సూచనలున్నా.. అది కస్టమర్లకు లాభమే తెచ్చింది. వోల్ట్ మీద ఆధారపడ్డం వల్ల ప్రారంభంలో ఇబ్బందులు తప్పవు. మార్చి 31 వరకు గ్రహ స్థితి బాగానే ఉన్నా.. ఏప్రిల్ 1 నుండి ఉచిత మిత్రులను కోల్పోయే అవకాశం.

ఈ ఫన్‌చాంగం కేవలం సరదాగా నవ్వుకోడానికి రాసిన వ్యంగ్య గల్పిక మాత్రమే. ఎవరినీ ఇబ్బంది పెట్టడానికి కాదు.

అందరికీ శ్రీ హేమలంబ నామ సంవత్సర ఉగాది శుభాకాంక్షలు.

నచ్చితే నలుగురికీ చెప్పండి! నచ్చకపోతే నాకు చెప్పండి...!!

స్పందించా...

toriphani@gmail.com (Phani Madhav ) — Mon, 23 Jan 2017 21:37:00 +0530

లాస్ట్ వీక్ అంతా పండగ అన్నయ్య సినిమా హడావిడి.. నెక్స్ట్ మంత్ అంతా షూటింగు, గోల

అందుకే ఇప్పుడు స్పందించా...

స్పందించడం లేటేమో కానీ .. స్పందించడం మాత్రం పక్కా... అ ఆ ఆ....

నచ్చితే నలుగురికీ చెప్పండి! నచ్చకపోతే నాకు చెప్పండి...!!

సమాజం

toriphani@gmail.com (Phani Madhav ) — Fri, 2 Dec 2016 12:53:00 +0530

నగదు రహిత ఐపోయింది -
ఇక నగ రహిత సమాజం ..

నచ్చితే నలుగురికీ చెప్పండి! నచ్చకపోతే నాకు చెప్పండి...!!

వందా ! బందా !!

toriphani@gmail.com (Phani Madhav ) — Sun, 27 Nov 2016 17:03:00 +0530

వందా ! బందా !!

రేపేది గెలుస్తుందో ?

www.FunCounter.in

నచ్చితే నలుగురికీ చెప్పండి! నచ్చకపోతే నాకు చెప్పండి...!!

వినరమామ !!

toriphani@gmail.com (Phani Madhav ) — Mon, 14 Nov 2016 23:00:00 +0530

కప్పులోన చాయి చెవిలోన ఎఫ్ ఎం
వంటిపైన జీన్సు సెల్లు సొల్లు
యువతరం జోరు ఇంతింత కాదయా
విశ్వదాభి రామ! వినరమామ !!

నచ్చితే నలుగురికీ చెప్పండి! నచ్చకపోతే నాకు చెప్పండి...!!

న్యూనుడి

toriphani@gmail.com (Phani Madhav ) — Mon, 31 Oct 2016 02:00:00 +0530

నానుడి : అడ్డాలనాడు బిడ్డలు కానీ గడ్డాలనాడు బిడ్డలా ?

న్యూనుడి : నోట్ బుక్కులనాడు బిడ్డలు కానీ ఫేసు బుక్కులనాడు బిడ్డలా ??

నచ్చితే నలుగురికీ చెప్పండి! నచ్చకపోతే నాకు చెప్పండి...!!

పచ్చదనం

toriphani@gmail.com (Phani Madhav ) — Mon, 26 Sep 2016 06:02:00 +0530

ఈమధ్య సినిమాల్లో, పచ్చదనం ఎక్కువైపోతోంది - అన్నీ గ్రీన్ మాట్ ఎడిటింగ్ లే ... ;) #FunCounter

నచ్చితే నలుగురికీ చెప్పండి! నచ్చకపోతే నాకు చెప్పండి...!!

తమ్ముడూ...

toriphani@gmail.com (Phani Madhav ) — Tue, 13 Sep 2016 00:40:00 +0530

తమ్ముడూ...
బాగా తీయకపోతే 3 గంటల సినిమానే 3 రోజులు కూడా చూడట్లేదు... మన ఫౌజు..
మరి....

నచ్చితే నలుగురికీ చెప్పండి! నచ్చకపోతే నాకు చెప్పండి...!!

మేకింగ్

toriphani@gmail.com (Phani Madhav ) — Thu, 30 Jun 2016 23:12:00 +0530

మేకింగ్ - ఇన్స్పైర్ అయి తీసేది

రీ మేకింగ్ - రైట్స్ తీసుకుని తీసేది 

ఫ్రీమేకింగ్ -  అడక్కుండా చెప్పకుండా తేసేది    ....

నచ్చితే నలుగురికీ చెప్పండి! నచ్చకపోతే నాకు చెప్పండి...!!

నాలుగు రాళ్లు

toriphani@gmail.com (Phani Madhav ) — Tue, 14 Jun 2016 16:59:00 +0530

ఎనకటి రోజుల్లో తిండానికిచ్చినవి అడ్డదిడ్డంగా వాడకుండా నాలుగు రాళ్లు కిడ్డీ బాంకులో వేసుకునే వాళ్ళు
ఇప్పుడు అడ్డమైనవి తిని నాలుగు రాళ్లు కిడ్నీ బాంకులో వేసుకుంటున్నారు.. అంతే తేడా..మిగతాదంతా సేం 2 సేం..

by Phani Madhav Kasturi

నచ్చితే నలుగురికీ చెప్పండి! నచ్చకపోతే నాకు చెప్పండి...!!

బీరకాయ్....

toriphani@gmail.com (Phani Madhav ) — Sat, 21 May 2016 13:57:00 +0530

స్టోరీ ఉన్నా లేకపోయినా పెద్ద హీరో ఉంటే, ఆడినా ఆడకపోయినా సూపర్ హిట్టు - బ్లాకు బస్టరు - బాక్సాఫీసు బద్దలు - కలెక్షన్ల వర్షం గట్రా ....

రెండు పెద్ద పేద్ద ఇళ్ళు - ఇంటినిండా జనాలు - నౌకర్లు - చుట్టాలు - గట్రా ఉంటే అది గొప్ప ఫ్యామిలీ సిత్రం - నందులు గట్రా అవార్డులు

ఒక్క మగాడు కొడితే ఎముకలు ఇరిగిపోయి - మెదళ్ళు చిట్లి కపాలాలు పగిలిపోతుంటే - కోమాలోకెళ్ళిపోతుంటే అరుపులు పెడబొబ్బలు తొడ కొడితే రైళ్ళు - మీసం మెలేస్తే సూమోలు గట్రా పేలిపోతుంటే యాక్షన్ సినిమా ఫాక్షన్ సినిమా

కోటలు - కట్టడాలు - గ్రాఫిక్కుల్లో సెట్టింగ్లులు గట్రా వేసేసి - హిస్టరీ లో ఒక పేరు వాడేసుకుని - హీరో గారి కొసం మొత్తం మార్చేసి - అసలు కధని మొలతాడులో తాయెత్తు లా కనపడకుండా చేసేస్తే అవి హిస్టారికల్ - అదే చారిత్రాత్మక సిత్రాలు..

ఆట బొమ్మల్లా గన్నులు పట్టుకు తిరుగుతూ, పాటల మధ్యలో కూడా అడ్డదిడ్డంగా కాలుస్తూ - కావాలంటే సీ ఎం లని మినిస్టర్లని గట్రా ఇరగేస్తూ - అర్ధం లేని మారు వేషాలు - అర్ధం కాని అండర్ కవర్ ఆపరేషాన్ లు గట్రా ఉండేవి పోలీసు సినిమాలు

ఇలా సెప్పుకుంటూ పోతే సానా రకాలు. అందులోనూ మన హీరోలు - పులులు సింహాలు ఏనుగులు ఇంకా ఇంకా కదా..

నీకు సినిమా చూడ్డం రాదురా.. పోనీ నువ్వు తియ్యరా... నీకెందుకురా .... ఐతే మానేయ్ టైపులో ...ఇంక బీరకాయ్ ఫాన్స్ దాడి షురూ...

నచ్చితే నలుగురికీ చెప్పండి! నచ్చకపోతే నాకు చెప్పండి...!!

పండగ ఆఫర్

toriphani@gmail.com (Phani Madhav ) — Sun, 1 May 2016 22:54:00 +0530

పండగ ఆఫర్

పండగ ఆఫర్
తెలుగు జాతి మనది నిండుగ వెలుగు జాతి మనది, హుషారుగా పాట వినిపిస్తోంది బాత్రూం లోంచి..ఏంటండీ చాలా హుషారుగా ఉన్నారు..ఈపూట……..
వంటింట్లోంచి భార్యామణి కేక..(పాట భరించలేక ఆర్తనాదం అనుకోవచ్చేమో !)

ఇవాళ ఉగాది కదోయ్! ఇవ్వాళ సంతోషంగా ఉంటే, సంవత్సరమంతా సంతోషంగా ఉండొచ్చు అందుకని ………నా సమాధానం..
ఇంకా నయం ఇవ్వాళ తింటే సంవత్సరమంతా తిన్నట్టే, అని, ఇంక మాకు కూడు అదీ పెట్టరా ఏంటి భార్యా మణి రుస రుస…
అది కాదోయ్, అది…. చిన్న చిన్న వాటికే…..
రోజూ చేసే పనులకి కాదు, కనీసం ఈ రోజైన ఆనందంగా ఉంటామని…. పెద్దవాళ్ళు పెట్టిన ఒక విధమైన ‘ఇది’…. ఏం పేరు పెట్టాలో తెలియక తికమక..
అంతేలేండి ఈ పండక్కి ఒక చీర నామొహం మీద పడేసి, ఇక సంవత్సరమంతా పండగ చేసుకో అనచ్చనేగా మీ ఆలోచన..మళ్ళీ భార్యామణి లా పాయింటు..

అబ్బ అదికాదే..అర్ధం లేకుండా మాట్లాడకు..ప్రతీది రాద్ధాంతం చేస్తావ్ …పొద్దున్నే తలకాయ నొప్పి..కాస్త కాఫీ నీళ్ళు నా మొహాన కొట్టు, అలా వెళ్ళి వేప పూత, అదీ… తెస్తా..నా నిరసన

అంతే లేండి! పెళ్ళైందగ్గరనుంచీ నేనేమన్నా అడిగానా? నన్ను చూస్తేనే మీకు తలనొప్పి…అందుకే అన్నా, మా నాన్న తో, అబ్బాయి గురించి అన్ని తెలుసుకోండి నాన్నా! అని, ఎప్పుడు చూసినా తలనొప్పి అంటారు ఏం మాయదారి జబ్బో ఏమిటో..?

నాకే జబ్బులు…మాయరోగాలు లేవు, ముందు కాఫీ నీళ్ళు ఇచ్చేదేమన్నా ఉందా ? లేకపోతే అది కూడా బయటే తగలడమంటావా…?

అంటే! నేనిచ్చే కాఫీ నీళ్లన్నమాట బయట అమ్రుతం దొరుకుతుందా ..అట్లాంటప్పుడు నన్ను అడగడం ఎందుకు.?

అబ్బా! కాలికేస్తే వేలికెయ్యకే…ఏదో మాటవరసకి అన్నా..

అంతే లెండి ఎంతసేపూ నన్ను ఏదో ఒకటి ఆడిపోసుకోవడమేకానీ పెళ్ళాన్ని పండక్కి బయటకి తీసుకెళ్ళి ఏదైనా కొనిపెడదాం..హోటల్లో భోజనం చేద్దాం అని ఉండదు కదా ..నా బతుకంతా ఇంతే…ఉగాదైతే ఏంటి …దీపావళి ఐతే ఏంటి..మళ్ళీ కుళాయి..

ఆపవే..ఆపు..ఆ కుళాయి ఆపు …నిన్ను గానీ ఆపకపోతే హైదరాబాదులో సునామి అదీ వచ్చేస్తుంది..జనం నమ్మరు కూడాను …ఇంతకీ బయటకెళ్దాం అంటావ్ అంతే కదా..

ఊ..ఇంద కాఫీ…గోముగా భార్యామణి..

మరీ అంత వంకర తిప్పకు మూతి చూళ్ళేను…

పోదురూ బడాయి ..సర్రున గుండెల మీద బొచ్చు పీకింది…నోరు కాలడం వల్లా..బొచ్చు పీకడం వల్లా ఒక్క సారిగా గుండెల మీద మంట…అర్ధాంగి కొంటె చూపు వల్ల గుండెలోపల మంట,,,మొత్తానికి కారంగా తిన్న ఫీలింగు…

ఒసేయ్ నీ మెలికలాపు..అలా మెలికలు తిరిగి తిరిగి అలానే ఉండిపోతావేమో…కొంచెం బయటకు వెళ్ళి …ఆ వేప్పూత తెస్తా..కొంచెం ఉగాది ప్రసాదం తిని అలా బయటకెళ్దాం లంచుకి…సరేనా….హుయ్ ఏదో సౌండు పక్కనుండాల్సిన నా భార్యామణి బీరువా మీద…

అదేంటే అక్కడున్నావ్..కావాలంటే బీరువాలో చీరకట్టుకుని రెడీ అవు..అంతేకానీ అలా బీరువా మీద కూర్చోకూడదు..

అది కాదండీ మన పెళ్లైన తరువాత మొట్టమొదటి సారి మీరు నన్ను బయటకు తీసుకెళ్తున్నారన్న ఆనందంలో గాల్లోతేలినట్టై ఇక్కడొచ్చి పడ్డా…కొంచెం నన్ను దింపండి గోము గా అడిగింది కొంచెం సిగ్గుపడుతూ…

సరేలే నిన్ను దింపితే..ఇంక నా నడుము ఉన్నట్టే..మరీ సిగ్గు పడకు..నీకు సూటవదు ..కానీ ఇవ్వాళ పండగ కదా..ఇవ్వాల్టికి ఇంట్లో నే తినేసి వచ్చే ఆదివారం బయటకెళ్దాం సరేనా…..

సుయ్ ఈ సారి సౌండు మారింది..చూస్తే నా పక్కనే మా ఆవిడ…నేను ముందే అనుకున్నాను అడగ్గానే మీరు ఒప్పుకున్నప్పుడే అనుకున్నాను..ఏదో ఒకటి చెప్పి బయటకెళ్ళే ప్రొగ్రాం మార్చేస్తారని…మళ్ళీ కుళాయి తిప్పింది..

అబ్బ ఆపవే..నీ నస, సందు దొరికితే చాలు కుళాయి తిప్పేస్తావు..దిక్కుమాలిన టీ వీ సీరియల్స్ చూడకే అంటే వినవు..నీ గోల నీదే కాని నన్ను పట్టించుకోవే…ఊరికే, నిన్ను బీరువా మీద నుంచి దింపడానికి అల్ల అన్నానంతే..ఎలా ఉన్నాయి మన తెలివితేటలు..

భలె భలే …అంటూ గెంతులేస్తుండగా,,,,ఠంగ్ ఠంగ్ మని సౌండు ఏంటా అని చూస్తే ఆ గెంతులకి భార్యా మణి పైకెగిరి రూఫు కి తల తగుల్తోంది..

నీ సంబరం బంగారం కానూ ఆగవే…ఉగాది పచ్చడి కి అన్ని రెడీ చేసుకో…అంటూ బయటకి కదిలా…

———–

లంచు పూర్తి అవుతుండగా…భార్యామణి విశ్వ రూపం చూపించడం మొదలైంది..

ఏవండీ బల్ల కిందనుంచి నా కాలుని తొక్కింది..(ప్రేమగా)
నోట్లో ఉన్న ఐస్క్రీం కాస్తా బయటకొచ్చి చొక్కా మీదా..కొంచెం బల్లమీదా ,,,కారిపోయి పాంటు మీదా పడ్డది..ఏమైందే…అల్ల టొక్కావు..(ice cream effect) అన్నా గాభరాగా తుడుచుకుంటూ,,

అదికాదండీ ఎలాగూ ఇక్కడి దాకా వచ్చాం కదా…పక్కనే బొందనా బ్రదర్స్ వాళ్ళు పండగ డిస్కౌంటు ఇస్తున్నారట,,ఒక్క సారి చూసొడ్డామండీ….ఎలాగూ ఎండగా ఉంది కదా..కాస్సేపు ఏ సీ లో తిరిగినట్టూ ఉంటుంది….

ఈ ఐడియా ఏదో బాగానే ఉంది అనిపించింది..ఏ ఐమాక్సుకో, వెళ్ళి అర్ధం లేని సినిమాకో అర్ధం కాని సినిమాకో, మూడొందలు తగలెయ్యడం కన్నా ఇదే నయమని పించింది..
అంతే కాదు ఐమాక్సు కెళితే క్లైమాక్సులోపల, చిప్ప పాతిక రూపయల చొప్పున, మొక్కజొన్న గింజల్ని నా బుర్రని నంచుకుని తినే బాధ కూడా తప్పుతుంది కదా అని సరే అన్నా..(అదెంత తప్పో తరువాత తెలిసింది)

లోపలకెళుతూనే..ఏసీ గాలి పలకరించింది..కాకపోతే ఎంటో ఊదరగొట్టే సౌండు తో పాటలు వినిపిస్తున్నాయి..పక్క వాళ్లు మాట్లాడేది కూడా వినిపించట్లేదు..

ఈలోగ, ఒకతను బహుశా మేనేజరనుకుంటా నవ్వు తూ వచ్చి సారీసా అమ్మా..అన్నాడు కకపోతే ఇక్కడికెందుకొస్తామని అందామనుకున్నా ..కానీ రెండు గంటలు ఏసీ లో ఉండాలి కదా వాడితో గొడవెందుకులే అని వూరుకున్నా..

..ఎంతలో కావాలమ్మా వెంటనే అతని ప్రశ్న,,,

అది నీకెందుకు నచ్చితే ఎంతైనా కొంటాం మా ఆవిడ కొంచెం గట్టిగానే అంది..నాకూ గర్వం గా అనిపించింది.కాని ఎక్కడో ఒక్కసారి భయం కూడా వేసింది..

అది కాదమ్మా …పెళ్ళి బట్టలు .డిసైనర్ సారీస్ లాంటి వైతే కొంచెం కాస్టీవి పైన ఉన్నాయి…ఫాన్సీ చీరలు అటు వైపున్నాయి మీరు వెతుక్కోకుండా ఉండాలని ….నసిగాడు (ఇలా అనే కన్నా లౌక్యంగా రేట్ల లిస్టు చెప్పాడు అనొచ్చేమో)

మా పెళ్ళి ఎప్పుడో అయిపోయిందిలే..ఏదో ఆఫరన్నారుకదా….అవి చూద్దామని ఈ సారి మా ఆవిడా నసిగింది,,,

అవా! అక్కడున్నయి రేయ్! ఆఫర్ చీరలంట చూపించండ్రా,,అని నా చెవి దగ్గరే గట్టిగా అరిచి అదో రకంగా చూసుకుంటూ.. రండి రండి చీరలా అమ్మా అంటూ అదే ప్లాస్టిక్ నవ్వు అతికించుకుని అప్పుడే లోపలికొస్తున్న వాళ్ళకెదురెళ్ళడు..
——
అతను చూపించిన వైపుకెళ్ళే సరికి ..దుశ్శాసనుడు లాగిన చీరల్లా ఒక ఎత్తైన చీరల కొండ కదులుతూ కనిపించింది..చీరలు కదులుతున్నాయేంటా అని దగ్గరకెళ్ళి చూస్తే ఆ చీరల్లో ఆల్రేడీ కొంతమంది ఆడవాళ్ళు లోపల తమ కు నచ్చిన కలర్లు..డిసైన్లు వెతికే పనిలో ఉన్నారు..మా ఆవిడా వన్ టూ థ్రీ అంటూ ఆ కుప్ప మీద దాడి చేసింది..

కాసేపు పెనుగులాట తర్వాత …రెండు , చీరల్తో బయటకొచ్చింది మా ఆవిడ…ఒక్కోచీర గురించి చెబుతూ ఇది ఫలానా సినిమాలో ఫలానా హీరోయిన్ వాడిన (సారీ కట్టిన అనాలేమో)

అసలు సినిమాల్లో హీరోయిన్లు చీరలు ఎక్కడ కట్టుకున్నారే అని అమాయకంగా అడిగా..

మీరెప్పుడూ అంతే చిలిపి… తొక్కూడేలా చెంపమీద గిచ్చి…ఫామిలీ ఫొటోలో కట్టుకుందిలెండి…

ఫొటోలో కట్టింది కూడా చూసి గుర్తుంచుకున్న ఆవిడ సునిశిత, సూక్ష్మ,దృష్టి కి ఆశ్చర్యపోయి …సరే నీకు మరీ నచ్చితే తీసుకో అన్నా..

మళ్ళి ఎగిరి గంతెయ్య బోయి షాపు కదా అని తమాయించుకుంది..

మీరు….. మళ్ళీ ఏదైనా చేసుతందేమో అని నేనే ఒక్క గెంతు పక్కకి గెంతా…మా సర్కస్ ఫీత్లు చూసి ఇందాకటి మేన్నేజర్ లాంటి ఆయన మళ్ళీ వచ్చి నుంచున్నాడు..ఇంతలో మా ఆవిడ ఆ చీర చూసి ఏమండీ దీనికి కన్నం ఉంది ఏంటండీ….. నన్నో, ఆ అమేనేజర్నో , అర్ధం కాలే ..కానీ ఇలాంటి వన్నీ అలవాటైన ఆ మేనేజరు ..ఇవన్నీ కొంచెం పాడైన చీరలమ్మా అందుకనే ఆఫర్లో ఇస్తున్నాం.. సేం ఇలాంటి చీరే మంచివి , కొత్త స్టాకు పైన ఉన్నాయి రండి అంటూ తీసుకెళ్ళాడు..ఐదు నిమిషాల్లో ..ఐదు వేలు బిల్లుతో తిరిగొచ్చిన మా ఆవిడ ఆనందం చూసి….ఐదొందలు అనుకున్న బడ్జెట్ ఐదు వేలు ఐనా , కుళాయి గుర్తొచ్చి వెంటనే క్రెడిట్ కార్డు తీసిచ్చా..దాన్ని అపురూపంగా అందుకుంటూ…మీకు పేంట్ షర్ట్స్ ఏమీ వద్దా సార్ మంచి ఆఫర్ ఉంది… అని కొంటె గా నవ్వాడు….ఆ మేనేజర్…

పబ్లిసిటీ కోసం వాళ్ళు పెట్టిన ఆఫర్ దెబ్బకి…అప్పటికే దిమ్మ తిరిగిన నేను లేవడానికి మరో నెల పట్టొచ్చు..మళ్ళీ వచ్చే నెల కలుద్దాం…అందరికీ ఉగాది శుభాకాంక్షలు…పండగ ఆఫర్ల పట్ల పారా హుషార్….

నచ్చితే నలుగురికీ చెప్పండి! నచ్చకపోతే నాకు చెప్పండి...!!

హిస్టరీ

toriphani@gmail.com (Phani Madhav ) — Wed, 27 Apr 2016 00:24:00 +0530

మీ హీరో కోసం
హిస్టరీ ని మిస్టరీ చేయకండర్రా...

నచ్చితే నలుగురికీ చెప్పండి! నచ్చకపోతే నాకు చెప్పండి...!!

అరుపులు

toriphani@gmail.com (Phani Madhav ) — Thu, 21 Apr 2016 21:36:00 +0530

రేపు  రిజల్ట్స్ వస్తాయంట.. ఫెయిల్ అయితే ఇంట్ల అరుస్తారో లేదో కానీ ... ఏ చానల్ పెట్టినా .. ఒకటి ఒకటి ఒకటి, రెండు రెండు, రెండు ....మూడు మూడు .. ప్రభంజనం... ప్రకంపనం.. అంటూ టీవీలో అరుపులు ఖాయం. సౌండ్ పొల్యూషన్...  

రేపు టీవీలు బంద్ పెట్టడం మంచిది...  ;)

నచ్చితే నలుగురికీ చెప్పండి! నచ్చకపోతే నాకు చెప్పండి...!!

FunCounter.Com

Democracy

మొహబతే...ఈళ్ళకెప్పుడు మొహం మొత్తే

చెల్లియో చెల్లకో !

2ఛీ

ఆధార్

నంది

Whatsapp

వాట్సాప్

ప్రొడ్యూసరు..

GST - God Save from Taxes

హేమలంబ నామ సంవత్సర ఫన్‌చాంగం

స్పందించా...

సమాజం

వందా ! బందా !!

వినరమామ !!

న్యూనుడి

పచ్చదనం

తమ్ముడూ...

మేకింగ్

నాలుగు రాళ్లు

బీరకాయ్....

పండగ ఆఫర్

హిస్టరీ

అరుపులు