Bowers & Wilkins公布兩款新一代真無線藍牙耳機： Bowers & Wilkins Pi8 及 Pi6 ，全新設計的機身線條優美、低調奢華盡顯氣派，佩戴感更加舒適。當中旗艦產品 Pi8 藍牙耳機升級至 12mm 碳膜動圈單元、支援 aptX Lossless 技術，自適應降噪功能亦進一步強化，無論新用家或系列支持者，均會一聽傾心。

今年 Bowers & Wilkins 與萬人迷 David Beckham（碧咸）合作，碧咸本身是 Bowers & Wilkins 的忠實用家，他的加盟為 Bowers & Wilkins 增添令人難以抵抗的時尚魅力，碧咸亦率先佩戴了真無線 Pi8、Pi6 藍牙耳機系列拍攝造型照，無論是對音色有高要求的真音愛好者、或是追求極致設計的時尚型人都會愛上 Pi8及Pi6，樹立無線耳機新標杆。

Pi8 卓越工藝打造流線外觀
旗艦款的 Pi8 全新設計的外觀耳目一新，外形尺寸均重新雕琢、線條更流線貼服，選用優質材料的機身提供 4 種優美耐看的配色，觸控面板印有 Bowers & Wilkins 字樣，四圍還有金屬色圓環包邊，環迴耳際的優越、細節顯現細緻優雅，尤如將 Bowers & Wilkins 屢獲殊榮的旗艦級頭戴式耳機 Px8 濃縮進這支小巧精美的入耳式藍牙耳機之中。配合人體工程學考證， Pi8 的穿戴過程更輕鬆簡單

Pi6 高階入門機｜性能直迫上代旗艦
同步推出的 Pi6 入門級真無線藍牙耳機，繼承了上一代旗艦耳機 Px7 S2e 的大部份規格及專業技術。支援 Qualcomm 最新 ANC 晶片，同樣能提供高品質的降噪能力及自然的通透模式。藍牙解碼制式升格為支援 24bit / 96kHz 高保真音訊的 AptX Adaptive 規格，樂迷可以用相宜價錢，投進 Bowers & Wilkins 的高品質無線音樂世界。

The post B&W推出Pi6及Pi8新一代真無線耳機 超卓音色 低調奢華 appeared first on GameOver HK.

官方資訊：

The post Denon PerL真無線耳機系列　純白 PerL 清新登場 聲音品味純音昇華新境界 appeared first on GameOver HK.

英國音響品牌Bowers & Wilkins和萬人迷David Beckham近日宣佈攜手合作。

官方資訊：

今次的宣佈標誌著一個長期合作的開始,這將會探索 David Beckham 與音樂的關係,以及音樂在他生活中擔當著一個特殊角色。作為 Bowers & Wilkins 的長期粉絲,David Beckham 選擇與 Bowers & Wilkins 合作,正是因為其無與倫比的聲譽,擁有著卓越的音質、精湛的工藝,以及領先的高品質設計。
David Beckham 表示:「我多年來一直都是 Bowers & Wilkins 的粉絲,而擁有多款Bowers & Wilkins 產品的用家身份也讓我很自豪。性能和設計對我來說都是一直都很重視的,這就是為何今次的合作會如此自然地一拍即合。」
音樂對於碧咸來說一直都是非常重要 —— 這源自於他父母的音樂影響,以至他成功的足球生涯,音樂都為他在球場上一些精彩偉大的表現時刻中提供了美妙的背景音樂,同時為他與家人留下很多特別的時刻。
「音樂一直在我生活中扮演著一個相當重要的角色。我可以聽到一首歌就馬上記起當時身在何處及所做的事情。在我們家庭中,每當發生特別時刻,總有一首歌與之相伴。」—— David Beckham。
今次長期合作會先圍繞 Bowers & Wilkins 屢獲殊榮的頭戴式降噪無線耳機 Px8 展開新活動,Px8 為碧咸提供了無與倫比的出色性能表現、優質設計與超卓的舒適度。
Bowers & Wilkins 品牌市場營銷副總裁 Giles Pocock 表示:「我非常高興能夠歡迎 David Beckham 加入 Bowers & Wilkins 這個大家庭。今次合作建基於真實性之上,Bowers & Wilkins 和 David Beckham 同樣致力追求性能表現、工藝及風格。我們非常興奮地期待在未幾幾個數月內將今次合作付諸實現呈現給大家。」了解更多關於今次合作。

The post Bowers & Wilkins和David Beckham合作　極致音色結合型格時尚 appeared first on GameOver HK.

久違了的面書專頁「THE ONE COMICS一漫年」忽然有新Post彈出來，講真我差啲忘記呢個網頁存在了。有乜新料？原來係杜比推出網上連載小說《四環 命運規劃委員會》，暫時Post咗兩個序章同兩回內容。我睇晒，甚有追看性，圍繞「解離症」、多重人格、天才學霸、人類精英、宇宙解讀、驚天大陰謀等等。文字好睇，插圖亦係上佳之作，值得一撐。

資料來源：面書「THE ONE COMICS一漫年」

The post 杜比小說《四環 命運規劃委員會》 網上連載 appeared first on GameOver HK.

鄺彬強《新著龍虎門》來到2500期了，無論鍾唔鍾意呢本書都好，始終都係一個值得高興嘅里程碑，但觀乎各大中小討論區同面書專頁，我發覺贈興者極少，嘲笑者極極極極極極極多，嘲乜？嘲個龍虎三皇打手勢做「2500」嘅封面，甚麼——「好核突。」、「懶風趣。」、「好老土」、「隻手畫到唔知想點。」、「BL三皇」諸如此類。呢個封面真係咁肉酸咩？個人認為，橫睇掂睇都不但合格有餘，仲幾靚幾搶眼添⋯⋯

世界好奇妙，有啲讀者好鍾意乜都鬧一餐，奇在期期搵嘢鬧又期期Keep住睇喎，照計講到本書咁差應該棄書喇，但又唔棄喎，究竟為乜呢？今次鬧到連封面都唔放過，會唔會無嘢搵嘢鬧咗啲呢？打手勢好柒？期期畫主角齋戙企擺Pose又嫌悶，家陣做個手勢食番「2500」主題又嫌三嫌四寸人懶風趣，都幾難服侍喎。BL？睇幾廿年書，不嬲《龍虎門》無論正傳外傳乜傳物傳都係以男主角掛帥，十個高手八個係男，打來打去打足咁多年都仲未慣？依家先寸人BL，B乜L呢請問？為鬧而鬧雞蛋挑骨頭邊個唔識？問題係，可唔可以鬧得有Point少少？
或問，睇公仔書初心係乜？想睇得開心嘛，娛樂之一嘛，睇到咁激心，睇到連封面都礙你眼的話，咁何苦仲要睇呢？
講真，要鬧應該係鬧唔知講緊乜嘅暴走劇情，馬小靈居然練毒、十戰無厘頭要滅龍虎門、白朗無端端同天網扯上關係但又唔交代乜關係就死咗、白無涯忽然販毒變奸、石黑龍同鐵五郎唔記得老豆點死忽然變Friend、龍天下約東方無敵出嚟食Tea唔知為乜、吞天鬼忍刀魂三個小丑話死就死、武當罪人唔知邊個係罪人、邪王又離火又玄冰煩到一個點、天網講咗咁多期都仲未知係個乜嘢組織，今期阿天下無敵仲同疑似龍九州拼掌添，唔係Crossover《如來神掌》嘛？究竟幾時先可以收老祖宗皮？唔再講天牢？繼續出老祖宗只會繼續崩壞《龍虎門》世界觀同武功秩序，唔好再咁喇好無？
於我，真心，封面無問題，畫功亦收貨。
只遺憾，劇情痴線地爛並繼續爛；旁白同對白九唔搭八，明粒粒中文字，但砌埋一齊睇唔明。
惟望，可以請番個正常少少嘅編劇幫幫手，係，唔奢求有乜轟天動地出類拔萃估你唔到無限扭橋嘅劇情，正正常常就夠了。
鄺彬強，你明白嗎？
加油。

The post 為鬧而鬧？ 《新著龍虎門》2500期封面何罪之有？ appeared first on GameOver HK.

之前介紹過塵阿力10月14日有個《留下雅座》作品展，無得唔睇，我一定去打卡。羨慕佢一手好畫？唔使羨慕，直接拜師學藝咪得囉，事關佢真係開咗個《Procreate進階人像繪畫班》，咁霎眼望吓啲Terms，估計都要有一定功底先可以報名，所以咪「進階」囉。收費方面，6堂$2280，每堂個半鐘，有興趣就PM佢本尊喇。

資料來源：面書「塵阿力映畫」

The post 塵阿力開班教畫人像畫 appeared first on GameOver HK.

有時真係抵邱福龍多Fans的，早兩個禮拜有部份第13期《虎甲人》甩轆，第五至八頁出現印刷移位同紙痕問題，雖則讀者們猛話唔介意直頭當錯體版咁儲，但佢都即刻出Post say sorry，兼Promise送貼紙補鑊，而貼紙將會喺今期第15期隨書附送，仲要一送就送兩大張。不過話時話，今次貼紙係釘裝埋喺書入面，如果可以獨立兩張好似《復刻龍虎門》咁夾喺書中間奉送就更佳了，方便攝入卡簿收藏嘛。Anyway，有錯即認，做個找數真漢子，要讚。龍少，加油。

資料來源：面書「邱福龍」

The post 邱福龍有擔當要讚 《虎甲人》送大貼紙補鑊 appeared first on GameOver HK.

我係好鍾意睇江湖書的，《火武耀揚2》碩果僅存，點可以唔買？最新消息係，第三期將於10月14日見街，呢個10月我又要乖乖畀錢邱瑞新使了。照舊全書116頁，每本$128。今期封面見到道理哥，唔通新記坐館正式出場？係就好咯，因為我好鍾意睇道理哥講道理。

資料來源：面書「火武耀揚2。邱瑞新」

The post 邱瑞新《火武耀揚2》第三期 10月14日見街 appeared first on GameOver HK.

之前講過廖光祖《貓面具少年》同Felix Ip嘅燈箱君會聯乘，已經有定案嘞，就係呢本《燈箱遇上貓》，已經喺剛過去嘅D2 PLACE「玩具收藏家販售展──秋之祭」首發。杜小虎同燈箱君會擦出乜嘢火花呢？買本睇吓囉。

資料來源：面書「香港重機」、「貓面具少年」

The post 廖光祖+Felix Ip=《燈箱遇上貓》 appeared first on GameOver HK.

「港漫動力2」有後續活動，偉安《靈幻異界》、Art Ling《親愛的44號》、SandyPig《自由之歌》、Enoch Sin《神明任務》、六榊《Q》、彭康兒《時間列車》、鄺志傑《靛藍》等7位漫畫家舉辦「慢7拍簽名分享會」，買咗書嘅可以同作者互動影相，未買書嘅可以即場買書搵作者簽名。Fine，此不失為一個好節目，有時間可以捧場，課金實際支持。

慢7拍簽名分享會
日期：9月30日
地點：上環德輔道中244-248號東協商業大廈4樓Power a space
資料來源：面書「Wai On」

The post 港漫動力2七作者聚首 慢7拍簽名分享會 appeared first on GameOver HK.

仲有兩期《新著龍虎門》就會踏入總2500期(新著1220期)，咁話晒都係一個里程碑，搞番啲慶典活動唔過份。活動一，由1220期開始，普及版連續18期送龍喜卡，每期隨機送兩款，Total有36張，即係博你每期買兩本囉；活動二，限量立牌版$78，隨書送栢迪《龍虎門GO!!》角色立牌一個，由1220期開始至1223期止，先後推出角色為王小虎、石黑龍、王小龍同王風雷，四個角色我都鍾意，想要晒；活動三，《龍虎門》經典降龍十八腿海報限量立牌特別版第一彈，即係估計仲有二三四五六七彈，暫時未有定案。係呀，呢啲絕對係消費死忠嘅操作，估計唔會對升書有好大幫助，但一日死忠一世死忠，我點都係舉腳支持嘅。惟望鄺彬強可以搞番好本書，等我可以撐得再心甘情願啲。

The post 《新著龍虎門》總2500期慶典 龍喜卡+角色立牌+海報 appeared first on GameOver HK.

一提起「老夫子」三個字，又諗番起以前喺飛髮舖飛完髮賴死唔走睇《老夫子》，嗰時仲係小學雞嘅我邊有錢買書，真係面皮厚到老闆趕都唔走架。家陣人大了，有錢買書卻無買，不過呢個王澤《老夫子‧花前月下》個展都好有興趣睇睇嘅，當緬懷吓昔日美好歲月吧。展覽除咗「冇失效日」、「好時光」、「冇問題」、「把握當下」、「弦外之音」、「＋－×÷‧天曉得」等系列作品外，焦點係25幅王澤父子珍貴手稿，打卡係時候。

王澤《老夫子‧花前月下》個展
日期：即日至11月25日
地點：黃竹坑道65號志昌中心12樓C室Lucie Chang Fine Arts
資料來源：面書「邱秀堂」

The post 必睇！王澤《老夫子‧花前月下》個展！ appeared first on GameOver HK.

Good吖，確實係好消息，又多一本新港漫睇。曹偉樑《國士無雙》現已接受訂購，全書108頁，普及精裝版$120，早鳥優惠送一套4款《國士無雙》彩色明信片；手繪畫版特別版$700，除四張明信片外，加送多幅彩色私人畫板。放心，一期完故事，保證唔會爛尾，希望大家多多支持吓喺現今市道仍堅持出書嘅熱血有心人。有興趣請PM佢本尊訂購事宜。

資料來源：面書「曹偉樑」

The post 有新港漫睇 曹偉樑《國士無雙》開訂 appeared first on GameOver HK.

Why not together？對，既然大家都咁受歡迎，不如聯乘啦，話唔定會擦出新火花。講緊嘅係廖光祖《貓面具少年》同Felix Ip嘅燈箱君，將會合作推出新產品。繪本？話集？漫畫？精品？未知，暫時只得四張插圖畀大家睇吓辦吊吓你癮。我就好啱睇嘞，拭目以待。

資料來源：面書「香港重機」、「貓面具少年」

The post 廖光祖《貓面具少年》 x Felix Ip燈箱君有新企劃 appeared first on GameOver HK.

係呀，繼續食老本呀，係咪好事？當成個市場只賣舊不賣新，我諗一定唔會係好事囉。But，As一個普通讀者，黃玉郎作品推出珍藏本，我又真心Mode拍掌叫好喎。咁真係想翻睇吖嘛，真係想Keep番成套書嘛。係，係好矛盾，但如何矛盾都唔會阻止到我買《神兵玄奇》珍藏本第二期，9月22日見街，普通版$128，硬皮特別版$188，報告完畢。

資料來源：面書「玉郎有請」

The post 黃玉郎《神兵玄奇》珍藏本第二期 9月22日見街 appeared first on GameOver HK.