GARGAAR

Wax garadka Deegaanka Saylac iyo Shaqaalaha Shirkada Somcable Oo Qarka U Saaran In Ay Faraha Iskula Tagaan ka Dib markii waxba lagaga Dari waayay Shaqada Dadka Deegaanka.

noreply@blogger.com (Samotalis) — Mon, 30 Jan 2012 16:14:00 +0000

Wax garadka Deegaanka Saylac iyo Shaqaalaha Shirkada Somcable Oo Qarka U Saaran In Ay Faraha Iskula Tagaan ka Dib markii waxba lagaga Dari waayay Shaqada Dadka Deegaanka.

"Wax hadda is hor fadhiya oo walaahay ah laba Ciidan kuwaas oo kalla ah kuwa Milatariga Somaliland iyo kuwo dhalinyarro ah, " Xuseen cali ducaale

Saylac (GNS)- Xubno ka mid ah Cuqaasha, Salaadiinta, waxgaradka iyo dhalinyaradda Deegaanka Saylac ayaa si weyn uga soo horjeestay Xadhiga Isgaadhsiinta Cable ka Badda hoosteedda Maraya ee Shirka Somcable, kaas oo wakhtigan soo gaadhay Magaaladda Saylac.
Masuuliyiintan ayaa sheegay in ay diidan yihiin isla markaana ka soo horjeedaan sidda ay wax u socddaan, sidaasna waxa ay ku sheegeen mar ay manta Xubno ka mid ah Caaqiladda Reer Saylac la soo xidhiidheen Shabakadda Gabiley News, gaar ahaan Xafiiskeedda Magaaladda Hargeysa.

Shabakadda Wararka ee Gabiley news oo weydiisay wax ay ku diidan yihiin Cable ka ayaa waxa ay sheegeen in sababta ay u diidan yihiin ay tahay Shaqaalaha kala duwan ee ka shaqaynaya oo laga soo qortey degmooyin kale iyga oo aan wax tallo ah laga weydiin " Adeer anagu dooni mayno inaanu wax yeeleeno dalka isla markaana diidno horumarka balse wax aanu diidanahay wax weeye shaqaalaha ka shaqynay iyo baabuurtaba wax laga keenay Gobolo kale Sidda Togdheer, Awdal iyo Hargeysa, sharciyana sidaasi ma wanaagsanaa" sidaas waxa yidhi Xuseen cali ducaale, oo ka mid ahaan jirey golaha guurtidda Somaliland.

Xildhibaanku waxa uu sheegay in wakhtigan lays horfdhiyo isla markaana ay goobta ku sugan yihiin Ciidamdda Milatariga Somaliland iyo Dhalinyaro Asal ahaaan ka soo jeedda Deegaanka "Wax hadda is hor fadhiya oo walaahay ah laba Ciidan kuwaas oo kalla ah kuwa Milatariga Somaliland iyo kuwo dhalinyarro ah, balse dooni mayno inaanu dalka khalkhal ku abuurno ee wax aanu jecelanahay oo aanu wadnaa in aanu dajino, danbiga halkaas ka dhashana wax ka masuul ah Badhsaabka gobolka"Ayuu yidhi Xuseen cali ducaale
Caaqil Maxamed Ibraahim oo isna khadka Telifoonka aanu kula xidhiidhnay isaga oo ku sugan Magaaladda Salylac ayaa noo xaqiijiyay in ay arintani jirto waxana uu sheegay in uu hadda ku sugan yahay halka ay dhibtu ka taagan tahay "Wax aan hadda ku suganahay halka uu murankani ka jirri, waxana dhibtan iyo hawshan ka masuul ah Badhsaabka Gobolka, waayo wax waajib ah in ay dhalinyaraddu shaqayso madaama ay iyagu xaq u lee yihiin in ay deegaankoodda ka xoogsadeen, runtii ma jeclin mana doonayno in Magaaladda Saylac ay dhib ka timaado, waxana aanu ognahay in amaan darro hadda ka taagan tahay Goboladda Bari, balse waxana aanu doonaynaa inaanu garab istaago Ciidamaddayadda Qaranka, laakiin wax jirra dhibaato ay sameeyeen Shirkadda Cable ka iyo Badhsaabka Gobolku, hadaan arintan wax laga qabana wax ka masuul ah Badhsaabka iyo Xukuumadiisa" ayuu yidhi Caaqil Maxamed Ibraahim.

Sidoo kale waxa uu Caqqil ku sheegay in ay goobtaas ku sugan yihiin Caaqilo iyo Madax dhaqameedyo kala duwan si ay arintan u dajiyaan, waxana ka mid ahaa Cuqaasha Goobtaas ku sugan caaqil xasan muuse indh dareele. Caaqil Cali c/laahi Hubsaamiye, Xubno kale.

Wariye: Cali-Mahdi Cismaan Axmed
Gabiley News Reporter
Hargeisa/Somaliland
contactgabiley@yahoo.com

YAA YIDHI SHIRKA LONDON EE AY ISUGU IMMANAYAAN 42-KA DAWLADOOD AYAA SOMALILAND TAGITAANKEEDA KHASAARE UGU JIRAA.!

noreply@blogger.com (Samotalis) — Mon, 30 Jan 2012 15:16:00 +0000

YAA YIDHI SHIRKA DHOWR IYO AFARTANKA DAWLADOOD EE ADUUNKA KA MIDKA AHI KA SOO QAYBGALAYAAN AYAA SOMALILAND SHAR U AH.!

Marka hore waxaan salaan diiran gadhsiinayaa ummada sommaliyeed marka xigana shabakadaha af-ka Somaliga warka inoogu soo bandhiga iyo hawl-wadeenadooda sharafta iyo maamuuska mudan.

Sidda aynu la wada socono Somaliland waxa marti qaaday Madaxda Mamulka Boqotrooyada Britian, runtiina waa maamuus iyo qadarin si gaara loogu casuumay madaxweynaha Jamhuuriyadda Somaliland, waana arrin mihiima in aynu ka qeyb galaa shirkaas waxana aynu ku tagaynaa shirkaas innagoo ah Jamhuuriyadda Somaliland ee aynu hadaba nahay fursadanina maaha fursad hore u soo martay guud ahaan madaqaddan aynu ku noolay iyo maamulkeena JSL.Midna aynu xasuusnaano shacab,mucaarad iyo dawladd-ba Somaliland kuma ay dhismin shir iyo kulamo sida shirkan London oo kale ah, kumana dumi karto shir iyo kulamo toona, waxa ay ku dhisantay halgan iyo dareen shacbi oo taariikh lama ilaawaana lahaa oo ku muddan ummada reer Somaliland.

Shakhsi ahaan waxa aan odhan lahaa Somaliland waxa ay ka mid tahay ummadaa caalmakan ku dhaqan ee xidigan dushiisa "Rabi SWT" ku uumay, waxa aaynu la wadaagnaa xidhiidh iyo wada hadal waana in aynu xoojinaa wixii danta caama ah ee aynu la wadaagno ee ummaduhu ay u kulmayaan gaar ahaan shirkan London ee hada laynooga yeedhay. Arrintan maanta loo kulminayaa maamulada kooxa Somalida iyo Somalilandna waaba mid ka sii dhow wax walba, waxa aynu ku dhaqanay dhulka yar ee aynu ogg-nahay inta uu leeg yahay, ummad ahaana waxa aynu nahay ummad isku sinji ah oo wadaagta Diin, Af, iyo dhaq, iyo weliba isu socod joogto ah sida ganacsatada reer Somaliland oo badhkeed ka soo rogto alaabta maamuladaa kale qaar ka mida dekedahooda, waxa kale oo maanta ku dhaqan JSL, Somali tiro badan oon ahayn reer Somaliland balse ugu nool si xoriyad ah oo xidhiidh la leh konfurta dalka Somalia iyo ismaamulada kale siyaasiyana taagersan.

Runtii taa ugama jeedo aynu wadaagno dawladnimo iyo maamul ee waxaan yara iftiiminayaa sida aynu isugu dhafanay ee aynaan meela u kala jirin waana daruuri in wada hadal iyo xidhiidh aynu yeelano oo aynu meel wax isla dhigayno sida amniga inagoon wax maamula oo inaga dhexeeyaa aanu jirin, waxa laga wadda hadli karaa isu socodka iyo jiidaha inoo dhexeeya iyo amniga guud, waxa laga wada hadli karaa in Somaliland aynu qancinno Somalida weli aminsan in aynu ka midnay ee weli riyada ku jirta ee inta badana ummada gelisa faalada dheer.Tusmadaa gaaban waxa aan ugu gogol xaadhayaa in aynaan sas iyo walaac toona aynaan ka qaadin ka qeyb galka shirkaa London ee uu Madaxweynaheenu tagayo.

Shacbi ahaan iyo mucaaridba waxa loo baahan yahay in aynu kalsooni buuxda siino madaxweynaha JSL, si uu uga qeyb galo shirkaa si werwer la'aan ah.Madaxweynaha iyo xubnaha kale ee shirkaa tagayana waxa looga baahan yahay in ay lahadaan muuqaal dawladeed iyo qorshe cad oon marnaba aan muran galineynin qaranimada iyo gooni isu taaga jsl. Waxana mihiima in ay madashaas ka jeediyaan khudbad dheer oo ay kagga waramayaan kuna koobaan qadiyadda Somaliland iyo taariikhdii halgankii ay soo martay iyo taariikhdoodii ay ku dhiseen dawladan nabada iyo horumarka la taaban karo mutaysatay.

Waa in ay soo ban dhigaan taariikhdii hore ee ay xornimada qaateen iyo tii ay kula midoobeen Somalidan maanta kunka weji u kala socota een iyadiiba is haysan iyo wixii ina kala qabsaday iyo shacbigii ay xasuuqday dawladii aanu la midownay ee aanu walaalaha moodaynay, waana in la diyaariyaa muuqaaladii foosha xumaa ee ay kula keceen ummada reer Somaliland ee ay ka midka ahayeen xasuuqii shacbiga ay diyaarada ku garaceen, waa in la soo bandhigaa wixii qoraal ah ee cadaymaha u ah cadawtinimada iyo caqli-xumada lagula kacay shacbigan reer Somaliland, Waa in halgankii hubaysnaa ee maal iyo naf lagu waayey ee lagu xoreeyey wadanka loo soo bandhigaa ummada shirkaa isugu imanaysa si loola wadaago dareenka inagu mudan ee aynu goonidda isugu taagnay ee aynu kaga goosanayno iyo waxa inagu kalifay.

Waa in uu Madaxweyne Siilaanyo, si badheedha ugu so bandhigaa Somalia-da imanaysa shirkaas iyo caalmka kaleba in ay muqadis tahay gooni isu taaga JSL, waana in uu si cad ugu sheegaa kuna adkeeyaa kooxaha matalaya Somalia una sheegaa in ay lama huraan tahay in ay Somaliland la soo noqoto gooni isu taageeda iyo qaranimadooda oo ay faral tahay in loo marayo jid wal oo lagu helayo.Waa in si cad loogu sheegaa in dawladan Shariif-ka ee dhuumaleysiga dhabarku muuqdo ka wada taleex iyo buuhoodle ay kala baxdo faraha arrimaha shacbiga reer somaliland iyo u calan waleynta xumaantu haggeyso ee ay u gacan haadinayaan kooxa tirada yar ee dibadaha la wareegaya riyadda qaldan ee fadhiidka ah Awdal state iyo Khaatumo seeg.

Madaxweyne Ahmed.M.M.Siilaanyo,waa in uu caalmaka u sheegaa in qadiyada Somaliland ay gacanta ugu jirto shacbi weynaha reer Somaliland ee gooni isu taagooda ugu fooday "97%-YES" soona doorta hogaanka dalka maamulaya, waa in uu u sheegaa in shacbigu hogaanka u doortay yahay ka leh tixgelinta iyo weliba u hogaansanka rabitaankooda.

Waa in madaxweynahe Ahmed M.M,Siilaanyo, uu u sheego dawlad ku sheega loo yaqaan ku meel gaadhka TFG, ee sida aynu la socono aan ku imman sida sharciga iyo rabitaanka shacbiga ah, runtiina aan xaqaba u lahayn in ay ka hadalka qadiyadda iyo gooni isutaaga Somaliland iyo ka hadalka arrimaha shacbiga reer Somaliland. Waayo? dawlada Somaliland waxa ay ku timi rabitaanka ummadeeda markaa waxa sharci daro ah ba hadal hanta joogtada ah iyo qoryo qoryeynta ay ku hayso TFG-du dawladaa shacbigeedii soo doortay ee nabad gelyaada iyo degenaashaha ku caano maashay ee caalmku intiisa inoo jiidh dubaaxinaysaa markhaatiga ka yahay.

Gunaaned: Siddaa daraadeed somaliland iyo madaxdeeda maanta waxa ay ku taagan yiin jidkii toosnaa waxaanay tagayaan madashii ku haboonayd in aynu ku soo bandhigno dareenkeena dhabta ah iyo taariikhdeena runta ah ee aan caalamka badhkii oggeyn iyo in gooni isu taageenu yahay mid wax walba aynu u mmaray unna marayno.Marka waa in aynu madaxweynaheena siinaa kalsooni buuxda si ay u gutaan waajibaadkooda runtana ugu sheegaan kooxaha isu kaashaday muran galinta jititaanka qaranimadeena JSL iyo gocorada ku dherersanaya qaranimadeena.

Guul iyo Gobanimo Somaliland

Maxamed-Amiin Dahir Caynaanshe

“Cali Khaliif Galaydh Iyo Madaxwayne Siilaanyo Kala Dhexgali Maayo Oo Waa Laba Nin Oo Saaxiib Ah Oo Iskaga Kay Dhaw, Shirkii Taleex Intaanu Dhicin Way Wada Hadleen”

noreply@blogger.com (Samotalis) — Sun, 29 Jan 2012 16:16:00 +0000

"Cali Khaliif Galaydh Iyo Madaxwayne Siilaanyo Kala Dhexgali Maayo Oo Waa Laba Nin Oo Saaxiib Ah Oo Iskaga Kay Dhaw, Shirkii Taleex Intaanu Dhicin Way Wada Hadleen"

"Cali Khaliif Galaydh Iyo Madaxwayne Siilaanyo Kala Dhexgali Maayo Oo Waa Laba Nin Oo Saaxiib Ah Oo Iskaga Kay Dhaw, Shirkii Taleex Intaanu Dhicin Way Wada Hadleen"

"Dhulbahante Waxaan Leeyahay Xamar-ta Aad Doonaysaan Waatii Ninkii Habar Yoonis Ee Ba-Dhulbahante Lagu Yidhi Gadaal Ayuu Ka Galay Dhulbahante Ee Dila" Eng Faysl Cali Waraabe

Hargeysa (Togaherer) – Guddoomiyaha xisbiga mucaaridka ah ee UCID Eng. Faysal Cali Waraabe ayaa maamul goboleedka Puntland ku eedeeyey inay iyagu daaha dabadiisa ka soo hurinayaan dagaalada ka dhacay Magaaladda Buuhoodle, kaas oo tilmaamay in Cadaawada ay siyaasiyiinta maamulkaasi u hayaan dadka reer Somaliland ay u yagleeleen 1998-kii Maamulka Majeerteeniya ee xaruntiisu tahay Garoowe.

Faysal Cali Waraabe waxa uu sidaas ku sheegay waraysi khaas ah oo uu xalay Wargeyska Haatuf khadka tilifoonka ku siiyey isaga oo Hargeysa ku sugan, ayaa waxa kale oo uu sheegay in ka hor shirkii Taleex ee maamulka ma dhalayska ah lagaga dhawaaqay inay Telefoonka ku wada xidhiidheen Madaxwayne Axmed Siilaanyo iyo hogaamiyaha shirkaasi Cali Khaliif Galaydh, kaas oo tilmaamay inay arimo badan ka wada hadleen.

Guddoomiyaha UCID Eng Faysal Cali Xuseen ayaa baaq u diray shacbiga deegaanada gobolka Sool iyo Buuhoodle oo ugu baaqay inaanay wax dan ahi ugu jirin gacan haadinta dawladda Sheekh Shariif ee taagta daran.

Ugu horayna isaga oo ka hadlaya dabka ay maamulka Puntland ka hurinayaan deegaanada bari ee Somaliland waxa uu yidhi "Ilaa iyo maalintii lagu dhawaaqay maamulka Garoowe ee 1998-kii, waxa uu badh ka sheeganayey khariirada Somaliland waxaanay ahayd arin inagu lidi ah, laakiin inaga nabad jeclaanteena ayuun bay ahayd iyo dawladihii Somaliland soo maray iyo tan hada oo ka sii daran oo aan mihiimad wayn siinin. Waxaanu maamulka fidmada badan ee Garoowe ee dadka deegaanka Sool iyo Buuhoodle kula dhexjira Qabyaalad iyo wax aan soconayn oo Soomaali isku timaada ah, taas oo hore Soomaali ugu suurta gali wayday".

"Waxaan u malaynayaa in inaga iyo Maamulka Garoowe aynu is huranahay waayo in badan ayeynu ka meer meernay oo way garanwaayeen, hadii aynu bari hore talaabo ka qaadi lahayna waynu kala meermeeri lahayn. Waayo inta uu maamulkaasi jiro si aynu nabad u helnaa way adkaanaysaa waa in talaabo laga qaado, maamulka Garoowe-na waa maamul cadaawada Somaliland loo sameeyey".

Faysal Cali Waraabe isaga oo hadalkiis sii wata ayaa waxa uu talo ka dhiibtay sida loo wajihi lahaa shacbiga deegaanka Buuhoodle, waxaanu yidhi "Beesha Dhulbahante waa beel reer Somaliland ah iyaga waa in wax walba nabad lagu waydiiyaa oo nabad lagula hadlaa xili kasta, laakiin waxaan nasiib daro u arkaa in magaaladii Buuhoodle ay noqoto Badhama oo ay isku dileen Ethiopia iyo Erateria inay noqoto, waxaan ugu baaqayaa beesha Dhulbahante oo aan waliba ka codsanayaa inay qaataan gogoshii nabada ee Madaxwayne Siilaanyo hore ugu fidiyey, isla markaana waxaan leeyahay yaan la idinkaga ciyaarin nabada aad haysataan".

Eng Faysal mar uu ka hadlayey xidhiidhka ka dhaxeeya Madaxwayne Siilaanyo iyo hogaamiyaha Shirkii Taleex Cali Khaliif Galaydh, waxa uu yidhi "Cali Khaliif Galaydh waa nin doonaya Magac uu siyaasada ku galo oo uu ku maxaafsado, laakiin maan jeclayn inuu hogaamiye maleeshiyaad noqdo. Cali Khaliif Galaydh iyo Madaxwayne Siilaanyo kala dhexgali maayo waa laba nin oo saaxiib ah oo iskaga kay dhaw, shirkani markuu dhacayeyna way wada hadleen. Markaa inay Madaxwayne Siilaanyo iyo Cali Khaliif kala noqdaan laba hogaamiye kooxeed ayey malaha doonayaan, taasina waa looga qurux badan yahay ayaan leehay inay dadka walaalaha ah isku diraana ma qurux badna".

Isaga oo hadalkiisa sii wata oo baaq u diraya Ciidanka Qaranka Somaliland, waxa uu yidhi "Ciidamada Qaranka Somaliland ee geesiyada ah waxaan leeyahay iska jira gaadmada maamulka Garoowe, isla markaana ilaaliya nabada iyo amniga shacbigiina lagu dhex dhuumanayo ee reer Buuhoodle, kuwaas oo saar qabiil lagu soo dhextuuray, waxaanan si wayn u rajaynayaa in sida ugu dhakhsaha badan ay xumadan yari u dagi doonto. Waxaanan leeyahay Magaalada Buuhoodle yaan lagu duulin ee wada hadalo ha la bilaabo, halka ay balaayadu ka imanaysaa waa Garoowe ee waa inaynu gaadhnaa xuduudeena Garoowe oo aynu xooga saarnaa nimankaas, waana inaynu tusnaa in dhulkan ay ku hadaaqayaan uu yahay dhul reer Somaliland leeyihiin. Dhulbahante-na waxaan leeyahay waar waa inagu wada foolxumo inaynu maanta isku dilno Xamar-baan tagayaa, labadeenaba Xamar waa la inagu soo dilay oo badhna xiligii Kacaanka ayaa Xamar lagu dilay oo waatii Xeebta Jaziira lagu xasuuqayey, idinkana waatii markii Afwayne dhacay la idin yidhi ninkii Habar Yoonis gadaal ayuu ka Dhulbaahntoobaye toogta, markaa meesha khayr meel uu yaalo maahee ka fiirsada ayaan leeyahay beesha aanu walaalaha nahay".Haatuf

TACSI KA TIMID LA-TALIAYAHA MADAXWEYNAHA EE DHAQAALAHA IYO GANACSIGA

noreply@blogger.com (Samotalis) — Sat, 28 Jan 2012 19:34:00 +0000

TACSI KA TIMID LA-TALIAYAHA MADAXWEYNAHA EE DHAQAALAHA IYO GANACSIGA

Shuuriye Biixi Cabdi

Shuuriye Biixi Cabdi, waxuu ahaa siyaasi weyn isagoo ahaa raggii gobannimo doonka ahaa, noqdayna xildhibaankii ugu horeeyey ee beesha Gabooye ee Tumaalada, doorasho xor ah oo xalaal ah ku guulaysata welina ayna cidi labayn. Waxuu noqday xildhibaan laga soo doortay Hargeysa 1960 isagoo sidaas ku noqday xubin ka tirsan barlamankii ugu horeeyey ee Soomaliya.

Waxaan ILLAAHAY uga baryayaa Marxuumka inuu naxariistii Janno ka waraabiyo, Qoyskii, Eheladii, Qaraabadii, Asxaabtii iyo Dhamaan Shacbiga Reer Somalilandna uu waafajiyo Samir iyo Imaan iyo duco ay u fidiyaan marxuumka. Amiin.

Axmed Xasan Carwo

La-taliayaha Madaxweynaha ee

Dhaqaalaha, Ganacsiga iyo Maalgashiga

eci.advisor@ymail.com

http://samotalis.blogspot.com/

Ogeysiis KULMIYE UK

noreply@blogger.com (Samotalis) — Sat, 28 Jan 2012 18:58:00 +0000

Ogeysiis KULMIYE UK

Asalaamu Caleykum,

Waxa Bulsho-weynta ku nool Dalka Britain ee taageerta Xisbiga KULMIYE la ogeysiinayaa in lagu qaban doono shirweynihii 4aad ee xisbiga KULMIYE laantiisa UK, magaalada London maalinta Axadda ee taariikhdu tahay 05/02/2012. Waxa taageereyaasha xisbiga si xishmad leh looga codsanayaa inay la xidhiidhaan Guddiyada laamaha Xisbiga deegaannada ay ku nool yihiin, halkaas oo ay ka heli karaan faahfaahin dheeraad ah oo la xidhiidha shirweynaha.

Cinwaanka madasha shirku waa sidan:
Harrow Civic Centre
Station Road, London, HA1 2XF

Waqtiga shirku waa: 14:00 ilaa 19:00pm.

Train station: Harrow Wealdstone – Bakerloo line.
Buses: 182, 140,183, 340.

Wixii faahfaahin dheeraada ah kala fadlan xidhiidh Guddiga qabanqaabada
Ali-07957396330, Xariir-07588570023, Ibrahim-07983408914

Allaa Mahad leh,

Guddiga Qabanqaabada Shirweynaha KULMIYE UK

Shuuriye Biixi Cabdi Halgamaa Waynaa Ee Reer Somaliland

noreply@blogger.com (Samotalis) — Sat, 28 Jan 2012 17:00:00 +0000

Shuuriye Biixi Cabdi Halgamaa Waynaa Ee Reer Somaliland

Scwr wbr, inkasta oo aan qoraal kaliya lagu soo koobi karayn taariikh nololeedkii ale ha u nax ariisstee halgamaagii waynaa ee reer Soomaliland Maxamed Biixi Cabdilaahi balse waxaan isku dayi doonaa inaan wax ka sheego taariikhdiisa. SHURIYE 1925, alaha unaxariistee waxa uu ku dhashay xaafadaJameecada ee magaalada Har gaysa caasimada jamhuuriyada somaliland, waxa uu ahaa halgamaa door wayn ka ciyaaray madaxbanaanida iyo qaranimada somaliland.

Waxbarashada Dugsiga Hoose iyo Dhexe waxa uu ku qaatay magaalada HARGAYSA,alaha u na xariistee, Shuuriye waxa uu ka qalinjabiyay dugsigii sare ee Sheekh waxaanu madax ka noqday wasaaradii hawlaha guud ee ay boqortooyadii ingiriisku kulahayd somaliland PWD ,isagoo markii dambana kanoqday madixii ugu sareeyay, 1948 waxa uu alaha u naxariistee Shuuriye Biixi Cab dilahi kooras utagay dalka ingiriiska.

Shuuriye alaha unaxariistee waxa uu furay caymiskii ugu horeeyay ee laga furo somaliland isagoo Hargaysa uga wakiil ahaa xafiiskii shirkadii caymiska ee kutaalay magaalada cadan.

Alaha u naxariistee marxuumku 40dii, waxa uu kujiray dhaqdhaqaaqyadii gobonimo doonka ee lagaga soo horjeeday maxmiyadii ingiriiska isagoo ahaa xubnihii ugu firfircoonaa ee hogaaminayay dhaqdhaqaayadaasi gobonimo doonka ah sida uu ku xusay alaha u naxariistee Maxamed X. Iibraahim Cigaal , 1993 qudbad uu ka jeedinayay khayriyada magaaladaHargaysa , ayaa Cigaal uu ku sheegay qudbadiisa in isagoo jooga Laascaanood uu badhisaabkii ingiriiska u fadhiyay Ha rgaysa fariin u diray Cigaal, si uu u soo galo Hargaysa, markii cigaal Hargaysa yimidna uu badh isaabku u sheegay in nin Shuuriye Biixi la yidhaahdaa uu miiska ku garaacay kuna hanjabay ha dii ay xornimada si dhakhso ah ingiriisku u siin waayo ay dhegta dhiiga u dari doonaan.

Sanadkii 1954 , waxa uu Shuuriye Biixi , si rasmiya ugu biiray xisbigii SNL , isagoo ka mid ahaa siyaasiyiintii ololaha wayn u galay in ale aha u naxariistee Maxamed X. Ibraahim Cigaal uu noq do Xoghayihii Guud ee Xisbigii SNL 1956ki.

Alaha u naxariistii Shuuriye waxaa uu ka mid noqday barlamankii ugu horeeyay ee ay somaliland yeelato, isagoo ka mid noqday shakhsiyaadkii ugu codka badnaa doorashadii baarlamaankii xiligaa.

1969 kadib markii dawladii miltariga ahayd ay xukunka boobtay waxa uu marxuumku u baydhay dhanka ganacsiga isagoo caana ku ahaa ka soo horjeedka maamulkii siyaad bare oo uu ku ahaa mucaarid.

shuuriye biixi waxa uu ahaa nin aad unaxariisbadan,gaar ahaan wuxuu ahaa nin si fiican u xidhiidhiya qaraabadiisa,marka laga yimaad xilka siyaasiga ah ee qaranka ugu suntanaa waxa kale oo uu ahaa hogaamiyaha guud e beesha uu ka dhashay ee tumaalada,xilkaa hogaamiyaha guud ee beesha waxaa maanta haya wiilka uu dhalay ee maxamed shuuriye cabdi oo runtii ah hogaamiye wax badan kashabaha aabihii inkastoo beel ahan aanay jirin xilkii siyaasiga ahaa ee uu hayay cid badashay hadii ay jiraana ay yihiin qaar fadhiida oo dalka iyo beesha midna aan waxba ugu filnayn tasina ay sabaab u tahay aqoon la,aan iyo iyaga oo aan ehel u ahayn shaqada ay hayan. shuuriye biixi cabdi waxa uu kasoo jeedaa qoys magac kuleh jamhuuriyada somaliland.

shuuriye biixi waxa ay walaalo ahayeen oo aan ka xusi karnaa gabyaagii waynaa suldaan haybe biixi cabdi.waxa kale oo ay ilmaadeer yihiin,suldaanka caanka ah ee maanta haya talada beesha tumaalada suldaan baashe cilmi aadan.
alaha u naxariistee shuuriye biixi cabdi waxa uu ku geeriyooday magaalada Jabuuti 1993

geesiga dhulkiisa
guusha u horseeda.
geerida dishaay
gedkaa ha ba,o

cabdijaylaani@hotmail.com

YAA KA SHAKISAN QANANNIMADA IYO JIRITAANKA SOOMALILAND..

noreply@blogger.com (Samotalis) — Fri, 27 Jan 2012 15:41:00 +0000

YAA KA SHAKISAN QANANNIMADA IYO JIRITAANKA SOOMALILAND..!

Axmed Xasan Carwo

La-taliyaha Madaxweynaha ee Dhaqaalaha

Waxa Soomaliland jirtay 22 sano oo nabad ah iyo 10 sano oo halgan ah iyo 76 Sano oo isticmaar ah. Waxa midnimo niyad sano oo lagu doonaayo mideynta shanta Soomaaliyeed ay ku jirtay 21 Sano ( !960-1981). Taasi waxay marag u tahay in muddada ay Soomaaliya wax wadaageen ahayd muddo aad u yar kolka aad u eegto inta ay goonida u jirtay. Muddadaas dheer ee ay goonida ka ahayd Soomaliya, waxa unkumay beelaha Soomaliland oo is-dhexgalay oo abuuray degaano beelahu isku dhafan yihiin, waxayna yeesheen dabci, dhaqan, iyo hiddo ay wadaagaan ooy Soomalida inta kale kaga duwan yihiin. Waxa abuurmay hab iyo dhawaaq hadalka iyo ereyo u gooni ah, hab-guurka iyo dhismaha qoyska oo mideysan, iyo nidaamka maamulka oo ah mid ku salaysan habka dawladda UK. Intaasi waxay u yeeshay astaan iyo aragti u gooni ah oo reer Soomaliland mideysa. Waxaana ka markhaati ah hadalka laf-jabka ah ee mataaneentii Soomaliya lagala kulmay iyadoo dadka reer Soomaliland min Ceelaayo iyo Lowyacaddu reer Soomaliya ay ugu yeedhaan "Soomali Qaldaan"..yacnii dadka iyaga ka duwan uun dhe.

Soomaliland oo beelaha dega dhammaantood ay si xor ah ugu shireen magaalada Burco, islana qaateen inay midnimadii ay Soomaliya sida xorta ah ula galeen oo dhib, hadardaamo ay weheliso cadaalad darro iyo horumar laáan ay ka baxeen ayna yihiin dal madaxbanaan oo qaran gooni u taagan ah, ikhtiyaarkoodna ay ku gaadheen dhismaha qaran dimuquraadi ah oo dunida ka tirsan. Waxa dhidibka loo aasay Jamhuuriyadda Soomaliland 18 May 1991 iyo kheyriyadda Burco.Waxa xigay dastuur loo codeeyey haa 97%, doorashooyinka degaanka, kan wakiilada iyo ka madaxtooyada. Waxa soo maray laba Madaxweyne oo beelahu doorteen si dadban iyo laba si dimuquraadi ah codka muwaadiniintu ku doorteen.

Waxa ayaamahan la hadal hayaa shirka dawladda UK ay u qabanayso Soomaalida. Waxa xog-waranka dawladda UK ay baahisay ka mid ah dadka lagu casuumay Dawlad KMG, Ahlu sunna, Puntland, Gal Mudug iyo Soomaliland. Haddaba iyadoo xukuumadda Soomaliland cadaysay inay ka-qaybgalka ay kala tashan doonto axsaabta qaranka, wakiilada iyo waxgaradka Soomaliland, ayaa halkii rayi dhiibasho iyo taageero loo fidin lahaa xukuumadda xiligan loo baahan yahay midnimada iyo wadajirka ayaa waxa muuqata in dad danta gaarka ah ka hormariya tan guud oo indhehoodu arkaan waxa ay doonaan dhegahooduna maqlaan waxa ay doonaan, ayaa ula kala baxay fidinta dacaayado aan meesha oolin oo kas gaabka iyo maatada lagu beeraayo shaki iyo cabsi aan meesheed oolin.

Waa ayo cidda qarannimada dalka hooyo burburinaysaa, ma cidda soo halgantay ee labataneeyo sano u samirtay ee manta hoggaanka ku guulaysatay, ee sharaf, magac iyo maamuus maqaamkii ugu sareeyey ku gaadhay ayaa laga dardaar warinayaa..Waa fikir lunsan oo u baahan in qashinka lagu rido. Inta been abuurka lagu jiro miyeyna ka fiicnayn inaynu eegno oon ku taageerno la-tashiga xukuumaddu ku dhawaaqday. Weli ma jirto go'aan shirka laga gaadhay. Waxaana habboon inaynu isla eegno sifaha iyo shuruudaha aynu ku tegi karno, amba ku diidi karno..labaduba wey inoo furan yihiin. Haddaan diidno, iyo haddaan tegno midna ma keeni kato burburka Soomaliland oo waa dal hano qaaday oo dadkiisu yihiin ilaalayaaha jiritaankeeda, ayna diyaar u yihiin badbaadintiisaa cid kasta oo gar darro ula timaada. Taas ninka ka cabsi qaba iyo kan ka shakisani waa nin cidla ka didey, ayna ka tahay fulaynimo amba nin isagu muraad kale leh.

Waxa manta aan helay su'aal lagu weydiiyey guriga guurtida ee UK ( House of Lords) mudane ah Wasiiro Dawlaha arrimaha Debedda ee UK Lord Howell oo ka jawaabaaya su'aal ay weydiisay Lord Luce..waa kan iyagoo aan sideeda idiinku soo naqiley oo af Ingiriis ah deedna aan turjumaada idiinku xigsiiyey:

Lord Luce (Crossbench)

To ask Her Majesty's Government, further to the Written Answer byLord Howell of Guildford on 21 December 2011 (WA 391-2), who has been invited to the London conference on Somalia on 23 February; and whether they have invited the president of Somaliland.

Lord Howell of Guildford (Minister of State, Foreign and Commonwealth Office; Conservative)

As we noted previously, we have invited Governments and multilateral organisations that are active and influential on Somalia, as well as representatives from Somalia.

We are pleased to say that we have secured very senior attendance from representatives from the region (for example Ethiopia, Kenya, Uganda) and the international community (for example Turkey, Qatar, Nigeria, Sweden, and the European Union) alongside a host of Somali representatives; as well as theAfrican Union and United Nations Secretary-General.

We have invited Somaliland to attend the London conference on Somalia. We are following up the invitation with discussions with the Somaliland authorities, working to find a basis for their attendance that is acceptable to them and to us. We very much hope that President Silanyo will attend: Somaliland has much useful experience to share of creating relative stability in the region.

Lord Luce waxay weydiisay Wasiirka cidda lagu casuumay shirka iyo in Madaxweynaha Soomaliland lagu casuumay…

Waxuu ku jawaabay Lord Howell: "Sidaan hore u sheegnay waxaanu casuumnay xukuumadaha iyo ururada caalamiga ah ee ay khusayso arrimaha Soomalidu iyo wakiilo ka socda Somaliya. Waxaanu ku faraxnay inaanu helno inay ka soo qayb galayaan dad muhiim ah ee mandaqadda( Matalan Ethiopia, Kenya, Uganda) iyo mujtamaca adduunweynaha (sida Turkey, Qatar, Nigeria, Sweden, and the European Union) iyo cid ka socota. oo matasha Soomaalida iyo African Union and United Nations Secretary-General

Waanu casuumnay Somalialnd inay shirka timaado Shirweynaha London ee Somaliya. Waanu dabasoconaa oo waxaa noo socda wadohadal sidii loo heli lahaa hab iyo wax keeni kara inay ka soo qayb galaan oo u cuntama iyaga iyo anaga. Waxaan rajeynayaa inuu Madaxweyne Siilaanyo yimaado: Soomaliland waxay leedahay khibrad faaíido badan oo ay u soo tebin karto lana qaybsan karto deganaansha gobalka."

Haddaba waxa manta loo baahan yahay ma aha in qof waliba sida uu doono uu u arko oo siyaasad madhalays ah iyo aragti gaaban wax lagu eego. Waa in la darsaa oo la helaa wadatashi loo dhan yahay oo qaraar cad laga gaadho deedna bulshada si wada jir ah loo wacyi galiyaa, lagana daayaa shaki abuurka iyo fidnada laga abuuraayo meel ayna ku juirin.

Waxaad ogaataan marxaladda dalku marayo dhinaca gobalada bari iyo ololaha kala qaybinta ee ay wadaan dawlad xafadeedka Xamar. Waxa inala gudboon inaynu is barbar taagno xukuumadda aynu sida dimuquraadiga ah ku dooranay, taas mecnaheedu ma aha indho-la'aan in lagu raaco. Waa in nidaamka la ilaashaa oo la-xisaabtanka dhaleeceyntu ahaadeen qaar xadkooda haysta iyo inaan loo faaídeyn cadowga.

Wakiiladu ha gutaan waajibkooda oo ha ka baxaan xilkas la'anta ka muuqata iyagoo laba maalmood fadhigu u buuxsami waayey.

Warbaahintuna ha noqdaan kuwa muujiya dareenka dhabta ah ee dadweynha ee aan noqon qaar si dadban ugu adeega cadowga.

Tvga qaranka waxa saran xil weyn oo ah inuu kor u qaado midnimada iyo wadajirka ummadda, iyo inuu yeesho birtilmaameed wacyigelin iyo faaqidaad amuuraha khuseeya qaranka iyagoo makarafoonka si xor ah looga soo qaybgeliyo xusbiyada mucaaridka ah, aqoonyahannada iyo qurbajooga dalka. Waa kaalin gaabis ah ee marxaladdan ha laga faa'ideysto.

Qadyadda qarannimdu ma laha mucaarid iyo muxaafid waa mid muwaadin kasta waajib ay ku tahay difaaceeda iyo ilaalinteeda. Qaranka cidina marti kuma aha, cidna marti loogama aha. Soomaliland waxa leh reer Soomaliland oo dhan oo si siman u leh xuquuq iyo waajibaad saran.Min Ceelaayo ilaa Lowyacaddu min Buuhoodle ilaa Berbrera waa dal iyo dad mideysan, una baahan inay helaan qorshe iyo siyaasad lagu hawl galo oo khilaafkooda si nabad ah u suuliya. Waa waajib ina wada saran si gaar ahna u saran mas'uuliinta siyaasadeed mid hoggaanka haya iyo mid sugaayaba.

Waxa iyana habboon in inta xukuumadda ka tirsan ee xilka haysaa ahadaan duul ilaaliya midnimadooda oo doodaha ay ka yeeshaan hawl-qabadka xukuumadda ayna noqon mid ay ku muujiyaan warbaahinta, Ma jirto xukuumad aan dhexdeeda afkarta ku kala qaybsanayni, waxa se sharcigu yahay in afkaarta lagu qaybsamo ee lagu doodo ay gun yeelato, taas oo ah go'aanka leysla gaadho in dhammaan la wado daafaco, oo ninkii fikirkiisa Golaha lagaga xoog bataa ilaaliyo ga'aanka Golaha oo ay waajib ku tahay inuu daafaco. Waa sida keliya ee xukuumad dimuquraadi ahi ku shaqayn karto.Waa in wadajir xukuumaddu u daafacdaa go'aamada ka soo baxa. Waa in sirta Golaha la ilaaliyaa oon suuqyada la gelin.Cidda nidaamkan aasaasiga ah aan dhowreyni waa in wax laga qabtaa oo la joojiya nabarka boogtiisu fideyso.

Aqoonyahanka waxa habboon inay fikir wax ool ah u gudbiyaan xukuumadda ooy noqdaan dar ku soo biiriya afkaar horumar siyaasadeed, bulsho, dhaqaale iyo ganacsigba dhali kara. Waxaan halkan idinku balan qaadayaa inaan gacanta ka geliyo Madaxweynaha waxii talo ah ee waxtar u leh dalkeena, iyo waxii tabasho iyo dhaliil ah ee si asluub ah oo dhammays ah loo soo bandhigo. Mid run iyo marag leh

. Dalkeena waxa yaal dhibaatooyin badan ooy barbar socoto faa'idooyin iyo kheyraad aan la taaban, fursado dhaqaale iyo baahi is huwan. Waxa aynu kaga bixi karnaa inagoo waqtiga ku qaadana inaynu ku fakirno danta guud iyo horumarinta dalka, inaynu ilaalino dakhliga yar ee inoo soo hoyda, si gaar ah waa waajib saran xukuumadda iyo shaqaalaheedu inay noqdaan qaar ilaaliya khrashka, oo kol walba ka fakira baahida dalka taal iyo itaal yarida cidda lacagta laga soo xareeyey.

Maanta waa maalintii Midnimda, waa maalintii Wadajirka, waa ayaantii Gacmaha leys-qabsan jiray, waa dharaartii cududa Mucaaridka iyo Muxaafidku mataanoobi jireen, waa ayaantii waxgarad, waayeel, dhalin iyo dumar danta guud la dhowri jiray. Waa dharaar qarannimada la qadarinaayo ee muwaadin gudo waajibkaaga.

Tan iyo maqaal kale, ammaano Alla.

Mahad oo dhan Alle ayaa leh,

Ahmed Hassan Arwo

La-taliyaha Madaxweynaha ee arrimaha

Dhaqaalaha, Ganacsiga iyo Maalgashiga

samotalis@gmial .com

Habar Xuseen Kursi Ugama Kici Karto Dhulbahante, Balse Habar Jeclo Ha Uga Kacdo..!

noreply@blogger.com (Samotalis) — Thu, 26 Jan 2012 18:34:00 +0000

Habar Xuseen Kursi Ugama Kici Karto Dhulbahante, Balse Habar Jeclo Ha Uga Kacdo..!

Kursiga dalka Somaliland ugu sarreeya waxa ku fadhiya Madaxweyne Siilaanyo oo reer Bari ah, kursiga madaxtooyadana waxa ku fadhiya Xirsi oo isna reer Bari ah, labaduna waa Habar Jeclo-Isaaq. Haddii reer bari iyagu dhexooda is qancinayaan, Habar Jeclo labadaas kursi ha uga kacaan Dhulbahante oo iyaguna reer Bari ah.

Madaxweyne ku xigeenka Somaliland mudane SAYLICI, waa nin reer Galbeed/Awdal ah gaar ahaana kasoo jeeda Habar Xuseen-Maxadcase-Samaroon, dee kuraastaaba ku yar reer Awdal, kursi looga kaco dhulbahantana meesha maba yaalo. Sidaa daraadeed waxanu leenahay madaxweyne ku xigeenka Somaliland waxba ugama gidhiish ah hadduu dalku dhinaca bari kasoo gubanayo, iyagaa iska kaaya xigee ha isku banneeyaan kuraasta.

Farriinta an u dirayno madaxweyne ku xigeenka muxtarimka ah ee Somaliland, mudane C/Raxmaan Cabdilaahi Ismaaciil (Saylici) waxay tahay; tolbaa kula halgamay oo ku saaray kursigan walibana tolkaasi waxay tirsanayaan tabashooyin badan oo meesha kuma haystaan xitaa hal wasiir oo buuxa. Habar Xuseen meesha way ku dulmanyihiine maxaa inaga galay habar dhulbahante.?!. Ka joog hana ku fikirin badbaadada bariga Somaliland, iyagaa is xiga isna badbaadin karee, aduu miisaanka saar sidii Awdal xaq buuxa ugu yeelan lahayd Somaliland. Isla mar ahaantaana adiga laftarkaaguna ad isaga dhicin lahayd kuwa toorida kuula hor fadhiya ardaaga madaxtooyada sida Xirsi, oo an kugu taageerayno inaad madaxtooyada ka tuurto si aanu dib danbe idiinku dhaxayn adiga iyo madaxweynaha muxtarimka ah ee Mudane Al-Xaaj Axmad Maxamad Maxamuud (Silaanyo).

Hadal iyo dhammaantii; 'Habar Xuseen Kursi ugama kici karto Dhulbahante, ee Habar Jeclo ha uga kacdo'. Hadalkii madaxweyne SAYLICI dhawaan ka dhawaajiyay ee gundhigiisu ahaa inuu kursigiisa uga kici doono haddiiba ay Dhulbahante ku bogsanayaan, waxay Habar Xuseen hadalkaasi saartay awoodda diidmada qayaxan ee VETO.!!!

Nabad iyo Caano

Abdiqani Ateyeh (HiilDan)

http://hiildan.com

“Ka Qaybgalka Shirka London Waa Go’aan U Yaala Dawladda Iyo Shacabka S/land

noreply@blogger.com (Samotalis) — Wed, 25 Jan 2012 23:54:00 +0000

"Ka Qaybgalka Shirka London Waa Go'aan U Yaala Dawladda Iyo Shacabka S/land, Balse Maraykanku Si Adag Ayuu U Taageersan Yahay Shirkaasi, Waana Fursad"

Ergayga Maraykanka u Qaabilsan S/land Iyo Somalia James Swan

Hargeysa, January 25, 2012 (Haatuf) – Ergayga dawladda Maraykanka u qaabilsan Somaliland iyo Somalia James Swan oo booqasho ku yimid Somaliland doraad ayaa sheegay inuu la kulmay Masuuliyiinta sarsare ee Somaliland, kuwaas oo ay ka wada hadleen xidhiidhka labada iyo sidii nabada iyo Dimuqraadiyada Somaliland loo adkayn lahaa.

Mr Swan oo maalintii shalay shir jaraa'id warbaahinta ugu qabtay hotel Ambassador ee magaalada Hargeysa ayaa sidoo kale ka hadlay shirka London ee February loogu qabanayo Soomaalida ayaa tilmaamay in ka qaybgalka shirkaasi ee Somaliland uu yahay go'aan u yaala dawladda iyo shacabkeeda, balse dawladooda Maraykanku ay si weyn u taageersan tahay shirkaasi, isla markaana ay dawladda Britain kala qaybgalayaan qabanqaabada shirkaasi.

Ugu horayn Ergayga USA u qaabilsan Somalia iyo Somaliland ayaa waxa uu hadalkiisa ku bilaabay sidan "Magacaygu Waa James Swan waxa aan ahay Ergayga Dawladda Maraykanka u qaabilsan Somalia oo fadhigaygu yahay Nairobi, kanina waa socdaalkaygii kowaad ee aan dib ugu soo noqday Somaliland tan iyo 1996-kii waxaanan halkan ku arkay isbedel iyo horumar, marka aan u soo noqdo Maraykanku waxa uu xidhiidh wanaagsan la leeyahay oo toos ah masuuliyiinta dawladda Somaliland, waxa kale oo fursad ii ah intii aan ku guddo jiray socdaalkaygan in aan la kulay Xubno Maraykan ah oo halkan ka wada horumarinta iyo nidaamka Dimuqraadiyada, Horumarka Bulshada oo la shaqeeya wasaaradaha Somaliland, waxa aanu sii wadaynaa xidhiidhka wanaagsan ee aanu la leenahay Dawladda iyo Shacabkeeda Somaliland.

Waxa aan aad ugu niyad samahay xidhiidhkan aanu la leenahay Somaliland, sida cadna amaanka Somaliland waa mid wanaagsan waxa aananu dadaal dheeraad ah iyo taageeri doono ka geysan doonaa la dagaalanka Al-Shabaab sida aanu guud ahaan gobolka uga taageerno iyadoo Somalia ay ka socdaan hawlgalo ay ka mid yihiin wadamada Midawga Africa ee ku sugan Somalia iyo wadamada kale ee la jaarka ah. Maxaa yeelay waa in Somaliland aanu ka wada shaqaynaa arimahaasi sababta oo ah waa khatar guud waana in laga yeeshaa dan guud".

Ergayga dawladda Maraykanka u qaabilsan Somaliland iyo Somalia oo wax laga waydiiyey shirka bisha soo socota ka furmaya London ayaa waxa uu yidhi "Tani waa go'aan u yaala dawladda iyo shacabka Somaliland, balse waxa aan kuu sheegayaa in go'aanka dawlada Maraykanka ay si adag u taageersan tahay shirka ka dhacaya London ee bisha February 23 ka dhacaya London inuu yahay fursad ay hogaamiyeyaal badan oo aduunka ah oo meeqaam sare leh oo ay ka mid yihiin kuwa gobolkan inay ka hadlaan dhibaatada ka jirta Somalia iyo Mandaqada, dawladda Maraykankuna waxa ay si firfircoon u taageeraysaa diyaarinta oo ay kala talinayso dalwadda Britain diyaargarowgiisa".

Mr James waxa kale oo la waydiiyey waxa uu kala socdo ajandaha shirka London, waxaanu tilmaamay in shirkaasi lagaga hadli doono arimo ay ka

Guddoomiye Cirro Muxuu Ku Macneeyay Khilaafkii Madaxwayne Siilaanyo Iyo Ku Xigeenkiisa…?

noreply@blogger.com (Samotalis) — Wed, 25 Jan 2012 19:17:00 +0000

Guddoomiye Cirro Muxuu Ku Macneeyay Khilaafkii Madaxwayne Siilaanyo Iyo Ku Xigeenkiisa…?

Hargeysa,( Waaheen )–Guddoomiyaha golaha wakiilada Somaliland, ahna Guddoomiyaha ku meel-gaadhka ah ee urur siyaasadeedka WADANI Md Cabdiraxmaan Maxamed Cabdilaahi (Cirro) oo ka mid ahaa guddi isku xil-qaantay inay soo afjaraan khilaaf ka dhex qarxay Madaxwayne Siilaanyo iyo ku xigeenkiisa Md Saylici ayaa si kooban uga hadlay dhammaadka khilaafkaasi.

Md Cabdiraxmaan Maxamed Cabdilaahi (Cirro) waxa uu sheegay in hadda khilaafkii labada masuul ee dalka ugu sareeya uu dhammaaday, balse inta aanay xalka arintaasi guddo galin ay labada masuul midba dhinaciisa u wareysteen, markaana ay ogaadeen in waxa la isku hayey ay ahayd hawlaha qaranka.

Guddoomiye Cirro oo ka mid ahaa Guddi afar qof ka kooban oo ay ka mid ahaayeen Guddoomiye ku xigeenka golaha wakiilada Md Cabdicasiis Maxamed Samaale, Guddoomiyaha xisbiga KULMIYE Muuse Biixi Cabdi iyo masuul kale oo aanu magaciisa sheegin ay arintaasi ku guntadeen kuna guulaysteen inay Madaxwayne ku xigeenka oo muddo todobaad ku siman aan xafiiskiisa Madaxtooyada iman ay shaqada ku soo celiyaan "Markii aanu arrintaas galnay waxaanu waraysiyo la yeelanay dhinacyadii uu khilaafku u dhaxeeyey oo ahaa Madaxweynaha Somaliland Md Axmed Maxamed Siilaanyo iyo Ku xigeenkiisa Cabdiraxmaan Saylici, arrintuna waxa ay ahayd oo kaliya hawlaha qaranka" ayuu yidhi Cabdiraxmaan Cirro oo xalay u waramay Telefishanka madaxa-banaan ee HCTV, waxaanu intaa ku daray in dhexdhexaadinta khilaafka Madaxwaynaha iyo Madaxwayne ku xigeenka ay isku hawleen "Arrintaas dhex-dhexaadinta waxaanu ku galnay aniga oo ah Guddoomiyaha Wakiillada, Guddoomiye ku-xigeenka Wakiillada, Guddoomiyaha Xisbiga KULMIYE iyo Nin kale oo Masuul ah, Madaxweynaha iyo ku-xigeenkaba waanu u mahadnaqaynaa, markaanu wareysanay waxaanu isla garanay in wixii jira la soo afjaro, hawlaha qaranku ay socdaan. Madaxweynaha iyo Ku-xigeenkuba hawshaas way naga aqbaleen, Madaxweyne ku-xigeenkuna shaqadii si caadi ah ayuu u bilaabay, waxaanu ku kalsoonahay in hawshaasi ay soo afjarantay"

Md Cabdiraxmaan Cirro waxa uu sheegay inay ka masuuliyiin ahaan ay diyaar u yihiin inay xaliyaan haddii khilaaf dambe yimaado "Haddii baahi kale timaadana diyaar baanu u nahay"

Waaheen

Pro.Maxamuud Afay oo Xukuumadda ugu Baaqay inay Cadaaladda ilaaliso oo Sii Daayaan Wiilkiisa oo Xukuumadu u Xidhay Dilkii Seemaal

noreply@blogger.com (Samotalis) — Mon, 23 Jan 2012 02:08:00 +0000

Pro.Maxamuud Afay oo Xukuumadda ugu Baaqay inay Cadaaladda ilaaliso oo Sii Daayaan Wiilkiisa oo Xukuumadu u Xidhay Dilkii Seemaal

Pro.Maxamuud Muxumed Warsame (Maxamuud Afay) oo Xalay la soo Xidhiidhay Wargeyska Caalami

Hargeisa (GNS)-Pro.Maxamuud Muxumed Warsame (Maxamuud Afay) oo ka mid ah Macalimiinta wax ka dhigta Jaamacadaha Dalka Somaliland tan iyo intii Dalka la soo galay, isaga oo ahaa Macalin Muddo 52 sanadood ah, arday tirro badana soo saaray ayaa Cambaarayn Xoogan usoo jeediyay Xadhiga lagula kacay Wiilkiisa oo uu sheegay in ay Ciidamada Boolisku ka soo qabteen Gurigiisa isaga oo aan Wax Waaran ah loo soo jarin, Ujeedada Xadhigiisana aan loo sheegin, pro Afay ayaa Baaq u diray Xukuumada Somaliland oo uu sheegay in Cadaalad la dhawro oo Xuquuqda dadka iyo dalkaba hoos loo eego, isaga oo Cadaalad Darro ku Tilmaamay Xadhiga Wiilkiisa oo muddo laba Todobaad ah ku Xidhan Xarunta CID-da iyada oo aan Wax maxkamad ah la hor keenin.

Pro.Maxamuud Muxumed Warsame (Maxamuud Afay) oo Xalay la soo Xidhiidhay Wargeyska Caalami ayaa khadka Tilifoonka ugu Waramay isaga oo ka hadlaya Xadhig uu sheegay in lagula kacay Wiilkiisa oo mar xoghaye ka ahaa Magaalada Gabiley kaasi oo Xeer illaalintu kusoo eedaysay lunsi hanta qaran isaga oo arimahaasi ka hadlaya waxa uu yidhi "Wakhtiguu xogyaha ahaa rag uun baa meesha kala baxayay oo siyaasad bay ahayd, laba bilood buu joogay ee ma nin laba bilood jooga ayaa wax Cuna, wiilkayu laba bilood iyo Badh ayuu joogay Dawlada hoose, Mudadaasi waxa uu Jaamacadda Gabiley u dhisay Afar Makhsin, mushaharadii shaqaalaha oo dhana wuu bixiyay, cilmiga illaahay ninka sidaa u shaqeeyay in bilad la siiyaabuu istaahilaaye ma nin sidaa loola dhaqmaabaa"

Pro. Maxamuud Afay waxa uu Sheegay in Wiilkiisa loo Xidhay tuhun Dilkii Seemaal ah kaasi oo aanu wax lug ah luhayn, xukuumaduna inta ay sheegeen inay sii daynayaan haddana dib ugu celiyeen jeelka, Afay waxa uu sheegay in aanu Wiilkiisu ku jirin Dadkii Loo haystay dilka seemaal ee Wasiirka arimaha guduhu yeedhiyay Magacyadooda, waxaana uu Xusay in Wiilkiisa Axmed Maxamuud Afay uu Muddo labada Todobaad ah ku Xidhanyahay Gabiley, kaasi oo aan illaa hadda Wax Maxkamad ah la horkeenin, waxa kale uu sheegay in Rag lacag Qaaday iska soo qorteen Wiilkiisa iyo Dad kale.

Pro.Maxamuud Waxa uu Baaq u diray Madaxwaynaha Jamhuuriyadda Somaliland iyo Hay'adaha amniga isaga oo Sheegay in aanu difaacayn nin Danbiile ah balse uu Sheegay in lagu Tacadiyayo Wiilkiisa isaga oo codsaday in Xoriyadiisa loo soo celiyo haddii aanay Xukuumadu Wax danbi ah ku haynin, waxaanu Sheegay inuu ahaa muddo 52 sanno ah Macalin Maskaxdiisa u huray Horumarka Ardayda Somaliland sidaa awgeed Xukuumadu qadariso Baaqiisa.

Gabiley News Desk
Hargeisa Somaliland
contactgabiley@yahoo.com

WAFDI WASIIRO SOMALILAND AH OO KU SUGAN DHAHAR IYO BADHAN EE GOBALKA SANAAG

noreply@blogger.com (Samotalis) — Mon, 23 Jan 2012 01:51:00 +0000

Wasiir Gacmay Oo Gaadhey Degmadda Dhahar Iyo Wasiir Cadami Oo ku sugan Magaaladda Badhan.

.Badhan - Wasiirka Wasaaradda Gaashaandhiga Somaliland Mudane Axmed X. Cali Cadami iyo Wasiirka Horumarinta miyiga & Degaanka Maxamuud Siciid Gacamey oo maalmihii u danbeeyay safar shaqo ku joogey Magaaladda Ceerigaabo ee Xarunta Gobolka Sanaag, ayaa xalay fiidkii hawlo shaqo ugu kicitimay Magaalooyinka Badhan iyo Dhahar oo labadduba Magaaladda Ceerigaabo kaga began dhanka Barri.

Wasiirka Gaashaandhiga Somaliland Mr Axmed X. Cali Cadami, oo ay weheliyaan Waayeel ka soo jeedda Degmooyinka Badhan,iyo Hadaaftimo ayaa iyagu u kicitimay Magaaladda Badhan, halka uu Wasiirka Horumarinta miyiga & Degaanka Maxamuud Siciid Gacamey iyo Madax dhaqameedyo kallena ay ukicitimeen Deegaanka Dhahar.

Dhanka kale Wasiirka Horumarinta miyiga iyo Degaanka Maxamuud Siciid Gacamey ayaa gaadhey Magaaladda Dhahar, waxana si weyn loogu soo dhoweeyay wasiirka.

Wararku wax ay sheegayaan in Wasiir Gacamey kulamo kalla gadisan la qaatay odayaasha deegaankaas.

Si kastba ha ahaatee Deegaanadda Badhan, Hadaaftimo iyo Dhahar ayaa waxaa wadda jooga laba Ciidan kuwaas oo kala taabacsan Ciidamadda Qaranka Somaliland iyo Meelishiyadda Maamul Goboleedka Soomaaliyeed ee Puntland, waxna inta badan muran ka siyaasadeed ka taagan yahay Magaalooyinkaas.

Waxaase muuqata in ay xoogaysatay awoodda Soomaliland ku leedahay degmooyinkan. Waana guul weyn oo ay Somaliland gaadhay xiligan oo dabeelo siyaasadeed kaga socdaan dhanka gobalka Sool.

Yuusuf Nuur Gurruuje oo Qoddobo u Adeegsaday in Dawladda Somaliland ka Qayb-sho Shirka Soomaalida ee London

noreply@blogger.com (Samotalis) — Fri, 20 Jan 2012 01:52:00 +0000

Yuusuf Nuur Gurruuje oo Qoddobo u Adeegsaday in Dawladda Somaliland ka Qayb-sho Shirka Soomaalida ee London

Hargeysa(Togaherer)-Agaasimaha Waaxda Building Capacity-ga ee Komishanka la dagaalanka AIDS-ka Somaliland Md. Yuusuf Nuur Maxamed (Guruuje) ayaa Dawladda Somaliland ugu baaqay inay u diyaar garawdo ka qayb galka shirka beesha caalamku isugu keenayso qaybaha maamulka ee Soomaalida, kaasi oo uu sheegay inay Somaliland dan weyn ugu jirto.

Yuusuf Nuur Gurruuje oo caawa Qoraal uu ka soo saaray Magaalada Hargeysa soo gaadhsiiyay Togaherer.com ayaa qoddobo u adeegsaday sababta ay muhiim u tahay in Somaliland badheedhaheeda ka dhiibato shirkaas.

Qoraalkaas oo dhamaystiranina waxa uu u dhignaa sidan:

markad eegto waayaha siyaasadeed, nabadgalyo iyo diblumaasiyadeed ee ku xeeran qaranka somaliland

- markad eegto hawlgalada bulshada caalamku in mudo ahba ku fara galinaysay arimaha somalida oo majara habawsan si xaqiiqda jirtana ka fog loo wado

- markad eegto ku xad gudubka bulshada caalamku ay ku xad gudbayso xuquuqda qaranka somaliland

- markad eegto ku tumashada bulshada caalamku ay ku tumanasyo xeerarka caalamiga ah iyo axdiga qaranmada midoobay

- markad eegto sida loo dabray somaliland somalida kalena loo dilaayo

waxaa waajib muqadasa ah in dawlada somaliland si fiican uga qayb gasho shirka dawlada Britain u qabanayso ee arimaha somalida lagaga hadlaayo.

waa in diyaar garaw farabadan xukuumadu samaysaa. Waa in ay diyaarisaa wafti culus oo ka kooban qaybaha bulshada, hay'addaha dawlada, axsaabta mucaaridka iyo haweenka.

sidoo kale waa in la sii falanqeeyaa, meelna laysla dhigaa waxa shirka lala tagayo.

shacbiga somaliland wuxuuu u baahanyahay in shirka lala tago su'aalo murugsan oo jawaab u helidooda la gaadhi waayay.

su'aalahaas waxaa ka mid ah waxay bulshada caalamku uga jeedo magaca soomaaliya. Waxaynu maqalnaa somaliya ayaa loo sameeyay dawlad ku meel gaadh ah iyo waxaa loo qorayaa distoor iyo waxaa laga saarayaa ku meel gaadhka oo waxaa loo dhisayaa dawlad rasmi ah, waa ayo hadaba soomaaliyadaasi? somaliland miyay ku jirta mise kuma jirto? haday ku jirto yaa haysta sharciyada wakaaladeed(mandate) ee shacbiga ee wax u dhisaysaa somaliland? siday ku dhici kartaa dhisme dawladeed iyo qoraal distoor oo aanay qayb ka ahayn sida loogu sheegi karo ka mid ahaanshaha somaliland.

waxaynu ognahay in jamhuuriyadii soomaaliya ay ka joobnayd laba dal oo mid waliba xoriyadiisa si gaar u ah uga qaatay dawladihii gumaysan jiray, kuwaasoo kala ahaa somaliland iyo sooomalita oo waliba somaliland ahayd ta xoriyada hor qaadatay.

waxa kale oynu ognahay in jamhuuriyadii soomaaliya ay mudo 21 sanadood ah ay ahayd dawlad fashilan sidaa darteed iyo sida uu qabo sharciga caalamiga ahi waxaa fashilmay heshiiskii midnimada somaliland iyo soomaalita maadaama oo nuxurkii midnimada oo ahaa jiritaanka jamhuuriyada soomaaliya uu fashilnaa 21 sano.

sidaa darteed waa maxay sharciga u diidaya in somaliland ay aayaheeda ka tashato maadaama aanay jirin dawlad lawada leeyahay oo arintaa laga wada hadlaa?

Qaramada midoobay miyay xaq u leedahay soo celinta midnimadi fashilantay? mise waxa ku waajib ah in ay xurmayso aaya ka tashiga somaliland sida ku cad axdiga qaramada midoobay?

somaliland waxay raacday dhabbe dimuqraadi ah waxaanay qabatay doorashooyin xor iyo xalaala oo beesha caalamku maal galinaysay makhraatina ka ahayd. Halkaa waxaa ka soo baxay wakiiladii sharci ee shacbiga somaliland haday tahay xukuumad, baarlamaan iyo dawlado hoose. Waa in bulshada caalamku aqoonsato qirtana wakiilada sharci ee doorashooyinka kusoo baxay, cid kale oo matali karta shacbiga somalilandna aanay jirin. Waa in xukuumadu arintaa culayska saartaa madasha LONDONna la hortagtaa jawaabo cadna ka heshaa, si meesha ay uga baxdo dad aan cidna ka wakiil ahayn oo magaca somaliland lahuwiyaa.

Suaasha kale ee loo baahan yahay in bulshada caalamka aynu isla fahanaa waxay tahay danta soomaaliyeed, ta geeska africa iyo ta caalamkuba ma waxay ku jirta in laysku qoofalo oo la mideeyo soomaaliya mise waxay ku jirta in somaliland iyo somalia mid walba gaarkeeda u taagnaato waxna loola qabto? xukuumadu waa inay bulshada caalamka ama madasha shirka LONDON horgaysaa in nabada iyo xasiloonida iyo horumarka ay ku imanayaan aqoonsiga madax banaanida somaliland. Hadii somaliland la aqoonsado somaliyana waxa ka dhalan doonta iyo tartan horumarineed oo ay la gasho somaliland iyo gobolkaba

Aqoonsiga somaliland wuxu dhidibada u taagayaa nabad ku wada noolaanshaha dalalka geeska africa(sidii ay SNM meesha uga saartay colaadi u dhaxayn jirtay soomaalida iyo Ethiopia)

balse soo celinta dawlad midaysan oo soomaaliyeed waxay dib u abuuri karta dagaal sokeeye waxaanay soo celin kartaa mabdi'ii soomaali wayn ee qori ku xoraynta ku salaysnaa.

Waxaan xukuumada kula talinayaa in arimaha kor ku qoran iyo wixii kale ee ay ku daraysaba ay degdeg ugu hawl gasho.

Waxaan ku soo khatimayaa waftiga somaliland waa in uu hogaamiyaa madaxwaynuhu isla markaana ay la socdaan gadh cas ka tirsan guurtida, aqoonyahano ka socda golaha wakiilada iyo aqoonyahano ka socda haweenka

WABILAAHI TAWFIIQ

Yousuf Nour Mahamed ( Guruuje )

Capacity Building Director

Somaliland National Commission Aids( SOLNAC )

Dawlada Ingiriiska Oo Somaliland Ku Marti-qaaday Shirka London

noreply@blogger.com (Samotalis) — Fri, 20 Jan 2012 01:46:00 +0000

Dawlada Ingiriiska Oo Somaliland Ku Marti-qaaday Shirka London

Hargeysa,–Dawlada boqortooyadda Ingiriiska ayaa Madaxwaynaha Somaliland Md Axmed Maxamed Maxamuud (Silaanyo) ku casuuntay inuu ka qayb-galo shir Dawladaasi u qabanayso kooxaha Soomaliya oo ka dhacaya Magaaladda Lodon.

Ku xigeenka Safiirka Ingiriiska u fadhiya dalka Itoobiya Chris Allan oo shalay socdaal ku yimid Magaaladda Hargeysa isla-markaana la kulmay Madaxwayne Siilaanyo ayaa ka war bixiyay nuxurka dawlada Ingiriisku qabanayso, kaas oo lagaga hadlayo arrimaha siyaasadeed ee dalka Soomaaliya iyo arimaha ay ka mid yihiin argagixisada iyo budhcad-badeeda.

Mr Chris Allan oo shir-jaraa'id ku qabtay Magaaladda Hargeysa kulanka Madaxwaynaha ka dib ayaa yidhi "Waxaan ku faraxsan nahay socdaalkaygan Somaliland, waxaan kulamo la yeeshay madax badan oo Somaliland ah oo aan kala hadlay arrimaha shir London lagu qabanayo oo ku saabsan dhibaatada Soomaaliya, waxaanan faahfaahin ka siiyay ajandaha shirkaasi oo lagaga hadlayo arrimaha saamaynta ku leh gobolka oo dhan ee ay ka mid yihiin Budhcad badeeda iyo argagixisadda."ayuu yidhi waxaanu intaa ku daray "Waxa kale oo lagaga hadlayaa horumarinta, mashaariicda samofalka ee Ingiriisku siiyo Somaliland iyo Somaliya, Waxa kale oo lagaga hadlayaa mawduucyo kale oo la xidhiidha dhaqaalaha, waxa kale oo lagu soo qaadi doonaa xaalada siyaasadeed ee Soomaaliya

Safiirku wuxuu sheegay inuu aaminsan yahay inay muhiim tahay in Somaliland ka qeyb gasho shirkaasi isla-markaana ka jeediso aragtideeda iyo wixii u qabsoomay "Raysal wasaarahayaga iyo Xoghayaga arrimaha dibadduba inaan arrimaha shirkan u sharaxno Madaxweyne Siilaanyo iyo bulshada Somaliland-ba si shakhsi ah ayaanu u danaynaynaa in Madaxweynaha Somaliland uu Hoggaamiyo ergada Somaliland ee ka qeyb galaysa shirkan, raysal wasaarahayaga ayaa si toos ah ugu marti qaadi doona shirkan Madaxweyne Siilaanyo oo dhawaan qoraal u soo qori doona." Ayuu yidhi Mr Allan waxaanu intaa sii raaciyey "Xoghayahaga Arrimaha dibadu waxa laga yaabaa inuu Telefoon u soo diro si uu tafaasiil uga siiyo shirka"

Mr Chris Allan, waxaanu intaasi ku daray "Dariiqada ugu wanaagsan ee ay Somaliland ku gaadhi karto himiladeeda waxay tahay inay la kulanto beesha caalamka waxay noqon lahayd Madaxweyne Siilaanyo inuu gudbiyo qadiyadiisa shirkan oo ah mid aad iyo aad u sareeya, waxaanu aaminsan nahay in sida ugu wanaagsan ee Somaliland ku gudbin karto qadiyadeeda ay tahay in Madaxweyne Siilaanyo ka jeediyo shirkaasi arrintaa (Qadiyada),"

Safiir Ku xigeenku wuxuu sheegay in shirkan ay goob joog ka ahaan doonaan ilaa afartan Hoggaamiye kuwaasi oo ay ka mid yihiin Madaxweynaha Faransiiska, Raysal wasaaraha Itoobiya, Xoghayaha Guud ee Qaramadda Midoobay iyo dalalka qaadhaan bixiyeyaasha, Wasiiro arrimo dibadeedyo iyo masuuliyiin kale.

Dhinaca kale, safiir ku xigeenka dawlada Ingiriiska u fadhiya Magaaladda Addi-ababa ee dalka Itoobiya Mr Allan ayaa la sheegay inuu Madaxwayne Axmed Maxamed Maxamuud (Siilaanyo) kala hadlay xadhigii 21-kii War-fidiyeen .oo markii dambe lagu soo daayey waan-waan uu ka galay ururka Saxafiyiinta Somaliland ee SOLJA.

http://gargaar.blogspot.com/

Xaglo-Toosiye oo qaadacay go'aankii shirkii Taleex soo dhaweeyay gogoshii nabadeed ee Madaxwaynaha

noreply@blogger.com (Samotalis) — Fri, 20 Jan 2012 00:44:00 +0000

Hargeysa (HWN) Guddoomiyaha kooxda Nabad Diidka Ah ee SSC Saleebaan Xaglo Toosiye ayaa si weyn u qaadacay Shirkii dhawaan ka dhacay Degmada Taleex iyo maamulkii lagaga dhawaaqayba, sheegayna inuusan Ogoleyn Magaca loobixiyay ee Khaatuma oo ay dad badan oo deegaankaa u dhashay ku qanacsanayn.

Xaglo toosiye waxa uu sheegay in shirkaasi uu ahaa mid baalmarsan shuruucda isla markaana ay wateen kooxo mabaadii fogfog wata.

Ilo xog ogaal ah oo ka ag dhaw Saleebaan Xagla toosiye ayaa Shabakaddan Caalamiga ah ee Hadhwanaagnews u sheegaya in uu soo dhaweeyay gogogashii nabadeed ee uu Madaxweynaha Somaliland Md. Axmed Maxamed Maxamuud Siilaanyo u fidiyay kooxaha nabad diidka, waxaanu sheegay in uu soo dhaweynayo gogashaas.

Dhawaaqan ka soo yeedhay Saleebaan Xagla Toosiye, ayaa dhabar jab weyn ku noqonaysa shirkii dhawaan ka dhacay Degmadda Taleex.

Dhinaca kale ogolaanshaha gogosha nabadda ee uu hore ugu baaqay Madaxweyne Axmed Siilaanyo ayaa waxa ay tahay mid ay si aad ah ugu soo dhaweynayaan shacabka iyo xukuumadda Somaliland.

Hadhwanaagnews Ayaa isku dayay inay la xidhiidhaan Saleebaan Xagla Toosiye hase ahaatee khadka telefonka oo aad u xumaa daraadeed ayay isku maqli waayeen.

Wixii war ah ee ka soo kordha kala soco Shabakad wararka ee Hadhwanaagnews.

Hadhwanaagnews/Office

Hargeysa/Somaliland

Contact@hadhwanaagnews/Office

TACSI KA TIMID LA-TALIAYAHA MADAXWEYNAHA EE DHAQAALAHA IYO GANACSIGA

noreply@blogger.com (Samotalis) — Thu, 19 Jan 2012 16:00:00 +0000

MARXUUM XAAJI CABDILAAHI IBRAAHIN (XAAJI DOOL)

Anigoo ku hadlaaya magaca Xafiiska La-taliyaha Madaxweynha ee Dhaqaalaha, Ganacsiga iyo Maalgashiga, ka reer Cabdi Carwo iyo kan xaaskayga Amaal Cumar Carte waxaan
dhambaal tacsi ah u dirayaa ehelka, tafiirta, qaraabada, xigto iyo xigaal, culumada, shacbiweynaha Somaliland Geerida Naxdinta leh ee ku timid Guddoomiyihii Guddida Wanaag farista iyo Xumaan-ka reebida MARXUUM XAAJI CABDILAAHI IBRAAHIN (XAAJI DOOL) oo ku geeriyooday Magaalada Hargeysa 18/01/2012

.
Marxuumku waxa uu ka mid ahaa Culimada waa weyn ee Dalka, bulshada dhexdeedana xurmo iyo tixgelin badan ku lahaa. Isagoo horeyna ahaa ganacsade caan ah iyo oday dhaqan min Muqdisho ilaa Hargeysa.

Waxaan ILLAAHAY uga baryayaa Marxuumka inuu naxariistii Janno ka waraabiyo, Culimada, Qoyskii, Eheladii, Qaraabadii, Asxaabtii iyo Dhamaan Shacbiga Reer Somalilandna uu waafajiyo Samir iyo Imaan

Axmed Xasan Carwo

La-taliayaha Madaxweynaha ee

Dhaqaalaha, Ganacsiga iyo Maalgashiga

eci.advisor@ymail.com

Wasiirka Maaliyadda oo soo saaray Wareegto uu ku fasaxayo kharashaadka Dawladda qaybo ka mid ah inta Miisaaniyadda la soo samaynayo

noreply@blogger.com (Samotalis) — Thu, 19 Jan 2012 01:21:00 +0000

Wasiirka Maaliyadda oo soo saaray Wareegto uu ku fasaxayo kharashaadka Dawladda qaybo ka mid ah inta Miisaaniyadda la soo samaynayo

"Si aanay hawl socodsiintu u istaagin waxa la idiin sheegayaa in Miisaaniyaddii 2011-ka ee sanadkii tagay aad kaga dhaqantaan 1/12 bishiiba ilaa waqtiga la soo Ansixinayo" Wasiirka Maaliyadda

Hargeysa- Wasiirka Wasaaradda Maaliyadda Maxamed Xaashi Cilmi ayaa soo saaray Digreeto uu kula socodsiinayo Hay'adaha Dawladda inay sii isticmaali karaan qaybo ka mid ah kharashaadka Hawl socodsiinta inta laga soo Ansixinayo Miisaaniyada 2012 ka oo uu sheegay inay wali diyaarinteedii socoto.

Wasiir Maxamed Xaashi Digreetadiisa waxa uu ku dhaqan galiyay Hay'adahaasi inay sii isticmaali karaan Miisaaniyadii sanadkii hore ee 2011 ka 1/12 bishiiba kharashaadka hoos ku qoran ilaa inta la Ansixinayo Miisaaniyada cusub si aanay u istaagin Hawl socodsiinta hawlaha Qaranku.

Wareegtada Wasiirka oo soo baxday 10 janauary 2012 ku waxay u qornayd sidan:-

Ku: Dhamaan Wasaaraddaha iyo Hay'adaha Madaxa banaan

Og: Golaha Guurtidda

Og: Golaha Wakiiladda

Og: Madaxweyne Xigeenka JSL

Og: Madaxweynaha JSL

Ujeedo; Wareegto sii dayn kharash

Waxa dhamaan Wasaaradaha iyo Hay'adaha wareegtadani khusayso lala socodsiinayaa in Miisaaniyadii sanadkan 2012 ay noqotay mid ay socoto diyaarinteedu.

Sidaas darted si aanay hawl socodsiintu u istaagin waxaa laydiin sheegayaa in Miisaaniyaddii 2011ka ee sanadkii tagay aad kaga dhaqantaan 1/12 bishiiba ilaa waqtiga la soo Ansixinayo iyada oo kharashka la isticmaali doonaa noqonayo sida kuwa soo socda.

Waxa lagu isticmaali doonaa

A)   Gunnooyinku waxay ku eeg yihiin Gunno Xill & Guri, Guno Maaliyadeed oo ku salaysan Miisaaniyadii 2011.

B)   Shidaalada waxa la isticmaali doonaa 80% kii Miisaaniyadii 2011

1.     Mushaharka iyo Gunooyinka (Guno Gaareed kuma jirto aan ka ahayn ta la siiyo dhakhtarada Ceerigaabo iyo Saylac)

2.     Raashinka Ciidamadda & Agoomaha

3.     Shiidaalka

4.     Spare parts

5.     Stationary

6.     Kirada Xafiisyada (haddii ay jirto)

7.     Isticmaalka Nalka iyo Biyaha

Allaa Mahad leh

Eng: Maxamed Xaashi Cilmi

Wasiirka Wasaaradda Maaliyadda

Madaxweyne Siilaanyo Oo Wafti Baalaadhan Oo Isugu Jirra Wasiiro Iyo Xildhibaaano U Kala Direy Goboladda Togdheer, Sool Iyo Sanaag

noreply@blogger.com (Samotalis) — Thu, 19 Jan 2012 01:07:00 +0000

Madaxweyne Siilaanyo Oo Wafti Baalaadhan Oo Isugu Jirra Wasiiro Iyo Xildhibaaano U Kala Direy Goboladda Togdheer, Sool Iyo Sanaag

Waftiga loo direy Gobolka Sool ayaa wax ka mid ah Wasiirka Warfaafinta Somaliland Axmed Cabdi Xaabsadde iyo Wasiirka Ganacsiga iyo Warshedaha Somaliland.....

Hargeysa (GNS)- Madaxweynaha Jamhuuriyadda Somaliland Axmed Maxamed Maxamuud (Siilaanyo) ayaa wafti balaadhan oo isugu jirra Waiiro iyo Xildhibaano, waxa uu u direy Gobaladda Togdheer, Sool, iyo Sanaag.

Waftigan ayaa la sheegay in ay la kulmi doonaan qaybaha kala duwan ee Goboladaas, iyaga oo sidda la sheegay soo mari doono degmooyinka kalla duwan ee Goboladaasi.

Waftigan ayaa loo xilsaarey inay u kuurgalaan xaaladaha dhinaca amni iyo siyaasadeed ee gobollada loo diray, isla markaana ay bulshada degaamadaas ku booriyaan muhiimada nabadgelyada iyo dawladnimadu leedahay. Sidoo kale, Waftigani ayaa la tilmaamay in ay ka hawlgeli doonaan sidii ay bulshada ku dhaqan magaalooyinka waawayn ugu abaabuli lahaayeen muujinta madaxbanaanida iyo qaranimada Somaliland iyo isku-duubnida dhexdooda.

Waftiga loo direy Gobolka Sool ayaa wax ka mid ah Wasiirka Warfaafinta Somaliland Axmed Cabdi Xaabsadde iyo Wasiirka Ganacsiga iyo Warshedaha Somaliland Cabdirisaaq Khaliif Axmed, halka Waftiga loo direy Gobolka Sanaag ay kala yihiin Wasiirka Gaashaandhiga Somaliland Axmed Xaaji Cali (Cadami), Wasiirka Deegaanka iyo Horumarinta Maxamuud Maxamed (Gacamay), iyo Wasiir ku Xigeenka Maaliyadda Warsame Siciid Cabdi.

Safarkan ayaa ku soo beegmaya xili uu shir ka dhacay Deegaanka Talleex ee Gobolka Sool, kaas oo la doonayay in lagu majara habaabiyo dadka deegaankaas, isla markaana laga dhaadhiciyo in deegaanadaasi ay samaystaan Maamul u gaar ah.

Sidoo kale waxa uu safarkani ku soo beegmaya xili uu uu dagaal ka dhacay deegaanka Buuhoodle., kaas oo u dhaxeeya Ciidamadda Qaranka Somaliland iyo Maleeshiyadda Hubaysan ee Nabad diidka ah ee ka dagaalanta Deegaankaas.

Xukuumadda uu gadh wadeenka ka yahay Axmed Siilaanyo oo ka seexatay tan iyo intii uu socdey shirka Talleex, isla markaana ay dadku is weydiinayayeen waxa ay wax uga qaban la'dahay Shirka lagu diiddan yahay Somaliland ee ka socdda Talleex, ayaan la garanayan wax ay ka tiri doonto waftigan ay u dirtay deegaanadda Sool.

Cali-Mahdi Cismaan Axmed
Gabiley News Reporter
Hargeysa Office
Contactgabiley@Yahoo.Com

SHIRWEYNAHA XISBIGA KULMIYE UK

noreply@blogger.com (Samotalis) — Wed, 18 Jan 2012 13:57:00 +0000

Asalaamu Caleykum,

Ku: Guddoomiyayaasha Laamaha Xisbiga Kulmiye ee UK

Og: Guddoomiyaha G fulinta Xisbiga Kulmiye ee UK

Taageerayaasha xisbiga kulmiye ee UK

Ujeeddo: Shirweynaha Xisbiga Kulmiye ee UK

Guddiga qabanqaabada shirweynaha xisbiga KULMIYE laanta UK ee lagu xulay shirkii ka dhacay Magaalada Bristol UK 17/12/11, waxay dhammaan ergooyinka Laamaha Xisbiga Kulmiye ee UK Iyo xubnaha marti sharaftaba ku marti qaadaysaa shirweynaha Afraad ee xisbiga Kulmiye UK oo ka dhici doona haddii ALLA idmo:

Harrow Civic Centre ,Station Road, London, HA1 2XF,

Maalinta Axada 5/02/2012 (Sunday 5th Febuary 2012).

Train station-ka ugu dhow: Harrow Wealdstone (Bakerloo line)

Buses: 182, 183, 140,340

................................

Shirweynaha afraad ee Xisbiga KULMIYE UK ujeedadiisa ugu weyni waxay tahay in lagu doorto guddiga fulinta Kulmiye UK, madaama uu guddigii hore waqtigeedii dhammaaday, isla markaana lagu dardar geliyo wax-qabadka iyo hawlaha laamaha xisbiga ee magaalooyinka iyo gobolada wadanka UK.

Haddaba guddiga qabanqaabada shirweynuhu markay ka baaraan-dagtay sida ugu fudud ee uu shirweynahaasi u qabsoomayo waxay isla garteen sida soo socota:

1. In shirku furmi doono 2:00pm soconna doono ilaa 7.00pm (05/02/2012).

2. In dhammaan Laamaha Xisbiga Kulmiye ee ay soo dirtaan ergooyinkii uga qeyb geli lahaa shirweynaha afraad ee xisbiga kulmiye UK.

3. In ergooyinka laamaha ka imanaaya ay ku jiraan ugu yaraan laba xubnood oo dumar ahi, taasoo lagu xoojinaayo siyaasadda xisbiga ee ku dhisan dhiirri-gelinta in dumarku ka qayb qaataan dhismaha qaran cusub oo dimoqraadi ah.

4. Inay laamuhu soo gudbiyaan magacyada xubnaha shirka uga soo qayb galaya ugu dambayn 31/01/2012.

Waxa dhammaan guddiyada laamaha Xisbiga Kulmiye ee UK laga codsanaynaa in ay sida ugu dhakhsaha badan ugala soo xidhiidhaan guddiga qabanqaabada shirka arrimaha kor ku xusan, waqtigana dhawraan mar haddaynu saacado kooban haysanno.

Wixii faahfaahin dheeraada ah fadlan kala soo xidhiidh:

Ibrahim-07983408914, Ali-07957396330, Xariir-07588570023,

Wa billaahi tawfiiq.

Guddiga Qaban Qaabada Shirweynaha 4aad UK

Qaybinta ergooyinka laamaha

Laanta	Ergada
West London	15
East London	15
Birmigham	15
Bristol	15
North London	10
Cardiff	10
Shieffeld	10
Liverpool	7
Southeast London	8
Miltion Keynes	5
Manchester	8
Guddiyada iyo Marti Sharaf	32

Total	150

Dawladda KMG ah ee Soomaaliya oo Ka Hadashay Dagaalka Buuhoodle [Warsaxaafadeed]

noreply@blogger.com (Samotalis) — Mon, 16 Jan 2012 01:49:00 +0000

Dawladda KMG ah ee Soomaaliya oo Ka Hadashay Dagaalka Buuhoodle [Warsaxaafadeed]

Muqdisho[RBC Radio] Dawladda KMG ah ee Soomaaliya ayaa ka hadashay dagaalkii ka dhacay magaalada Buuhoodle ka dib kulan uu maanta yeeshay Guddiga Amniga Qaranka ee DKMG ah.

Kulankii ay yeesheen maanta Guddiga Amniga Qaranka DKMG ah ayaa loogu baaqay dhinacyada dagaalamaya in ay joojiyaan dirirta,waxaana wax laga xumaado ay ku tilmaameen dagaalkaas.

Warsaxaafadeed.

01. Wuxuu walaac ka muujiyey dagaaladii maanta ka dhacay degmada Buuhoodle ee gobolka Sool,halkaasoo ay ka dhaceen dhibaatooyin isugu jira dhimasho iyo dhawaac.

02. Wuxuu u tacsiyeynayaa eheladii ay ka baxeen dadka geeriyooday asagoo dhinaca kalana u rajeynaya dhaawaca in illaahay ka kiciyo dhibaatada gaartay.

03. Wuxuu baaq nabadeed usoo jeedinayaa dadka dega deegaanka kuwaasoo wadaaga xiriir iyo dhaqan soo jireen ah.

04. Xiriirkaas wuxuu u baahanyahay in lagu ilaaliyo nabad lagana fogeeyo Xumaanta& dagaalada waxaana hubnaa in aysan cidna ugu jirin gacan ka hadal iyo fidno ka dhex abuuranta bulshada walaalaha ee deegaanka.

Sidaas awgeed,wuxuu Guddigu ku baaqayaa in si deg-deg ah oo aan wax sharuud ah lahayn loo Joojiyo gacan ka hadalka iyo shidada,laguna xaliyo wax kastoo khilaafaad ah wadahadal laguna gaaro is afgarad Walaaltinmo/

Ugu danbeyntii Dawladda KMG ah ee Federaalka waxa ay diyaar u tahay in ay gacan ka geysato wax kasta oo lagu celinayo nabada iyo Walaaltinimada soo jireenka ah ee bulshada deegaanka.

Dhamaad.

http://www.raxanreeb.com/?p=127482

Tiradda + Magacyada iyo institution ay ka tirsan yihiin Wariyayasha Ku jira Saldhiga Dhexe

noreply@blogger.com (Samotalis) — Mon, 16 Jan 2012 01:20:00 +0000

Tiradda + Magacyada iyo institution ay ka tirsan yihiin Wariyayasha Ku jira Saldhiga Dhexe ee Hargeysa ee ay maanta Qaqabteen Xidheena Ciidamada Bilayska Somaliland

Magacyada iyo institution ay ka tirsan yihiin Wariyayaasha Ku jira Saldhiga Dhexe ee Hargeysa ee ay maanta Qabqabteen Xidheena Ciidamada Bilayska Somaliland.

1-Maxamed Cumar Cabdi (Cirro) Tifaftiraha Wargeyska Jamhuriya
2-Maxamuud Cabdi Jaamac (Xuuto) = Tifaftiraha Waaheen
3-Najax Aadan Cunaaye -Agaasimaha   Hadhwanaagnews

4- C/qani C/laahi Axmed(Asparo) Shabakada Hadhwanaagnews

5-Maxamed Fayr (M.Taajir) Wargeyska Geeska Afrika

6- Maxamed Axmed Muuse (Kuraase) = Telefishanka HCTV

7- saleebaan Cabdi Cali (kalshaale) = Wargeyskan Waaheen

8- Hodan Cali Cajabi =  Telefishanka HCTV

9-  Safiya Sh. Nuux =  Telefishanka HCTV

10- Xamze Cali Bulbul = Madax Wararka Ee HCTV

11- Axmed Aadan Dheer = Wargeyska Haatuf

12- Nimco Cumar Maxamed (Nimco- Samriye) Telefishanka HCTV)

13- Khaalid Xamdi Axmed = Wargeyska Waaheen

14- Jaamac Cumar C/laahi = Wargeyska Waaheen

15- – C/raxmaan Sheekh Yoonis =  Telefishanka HCTV

16- Suhuur Barre = Telefishanka HCTV

17- Axmed C/raxmaan Xirsi (hello) Telefishanka HCTV

18- Maxamed Siciid = Shabakada Berbera News

ilaa iyo hadda Xukuumada Somaliland ayaan si rasmi ah uga hadlin Xadhiga iyo Ugaadhsiga ay kula kacday Wariyayaasha Ka hawlgala Dalka Guud ahaan iyo Kuwan maanta oo noqonaya Tiradii ugu badnayd ee Wariyayaal ah ee la xidho.

Warqabadka ToggaHerer

Hargeysa

Halkan Ka Akhriso Khudbadii Madaxweynaha Oo Dhameystiran

noreply@blogger.com (Samotalis) — Sun, 15 Jan 2012 02:33:00 +0000

Halkan Ka Akhriso Khudbadii Madaxweynaha Oo Dhameystiran

"Waxa Milgo iyo Maamuus ii ah in aan hor imaado aqalka Baarlamaanka Somaliland ee Guurtida iyo Wakiiladda, taas oo aan ka hor jeedinayo khudbad sanadeedka uu Dastuurkeenu igu waajibiyay,"

Bismilaahi raxmaani raxiim

Al-xamdu-lilaah, Ilaahaybaa mahad leh,

Shirgudoonka Baarlamaanka, mudanayaasha labada Gole,
Wasiirada, Xisbiyada Qaranka, marti sharafta, dadweynaha iyo saxaafadda. Waxan idinku salaamaya salaanta islaamka "Assalaamu calaykum waraxmatullaahi wa barakaatu".

Ugu horeyn, waxan salaan iyo mahadnaq u dirayaa dhamman shacbiga Somaliland gudo iyo dibedba meelkasta oo ay joogaan. Aniga oo og mar kalena uga mahad celinaya taageerada buuxda ee ay xukuumadda la garab taagan yihiin, waxaanan idinka rajaynayaa inaad halkaa ka sii waddaan annaguna waxaanu ballanqaadaynaa in aanu dhinacayaga dedaalka halkaa ka sii wadi doono oo aanu sii kordhin doono.

Mudanayaal iyo Marwooyin,

Waxa Milgo iyo Maamuus ii ah in aan hor imaado aqalka Baarlamaanka Somaliland ee Guurtida iyo Wakiiladda, taas oo aan ka hor jeedinayo khudbad sanadeedka uu Dastuurkeenu igu waajibiyay, Waxaanan khudbadayda kaga hadlidoonaa Warbixintii sanadkii ina dhaafay 2011, xaaladan cusub ee inagu soo korodhay oo aan si gaar ah wax uga tilmaami doono iyo Qorshaha Xukuumada sanadkan 2012.

Somaliland waa qaran labaatan jirsaday oo qaangaadh ah, waa qaran ay dadkiisa iyo dawladdiisuba mar kasta iyo goorkastaba u soo jeedaan, Labaatankaa sannadood ee ay somliland jirtayna shacbi iyo dawladba, Somaliland, waxay u halgan ugu jirtay, dadaal ay ku xaqiijinayso qaranannimadeeda, adkaynta nabadgalyada, kor u qaadidda adeegyada aasaasiga ah ee waxbarashada, caafimaadka, biyaha iyo horumarinta kaabayaasha dhaqaalaha.

Somaliland, waxa ay la timid siyaasad cad oo ku salaysan nabad ku wada noolashaha dadyawga caalamka iyo dawladaha jaarka ah, maantana Somaliland waxay maraysaa meel aan indhaha laga qarsan karin, iyadoo buuxisay shuruudihii looga baahnaa waxaa hubaal ah in cadawga Somaliland tan iyo maalintaa ku foognaa hagardaamooyin uu ku waxyeelaynayo himilada umadu ay gaadhay.

Warbixinta Xukuumada ee Sanadkii 2011

Mudanayaal iyo marwooyin; muddo sanad iyo badh ku dhaw oo aanu talada haynay, waxqabadkii xukuumadda iyo halkii ay ka soo bilowdayba inta badan waxa uu ku xusan yahay buugga idin horyaalla ee saaka la idiin qaybiyay.

Kal hore haddaaya, waxaaan halkan ka jeediyay khudbad sanadeedkii taasoo xambaarsanayd xog-waran buuxa oo la xidhiidha duruufihii markaa yaallay ee ay xukuumadda cusubi la kawsatay, sidii ay uga soo dabbaalatay, iyo ballanqaadyo tiro badan oo aanu hortiinna ka sheegnay inay xukuumaddu qobandoonto sannadkan dhammaaday.

Ballanqaadyadaa fulintooda waxaanu u soo kala horreeysiinay sidii ay u kala muhiimsanaayeen ee ay baahida dalku ahayd, isla-markaa ay awooddu dhaqaale inoo saamaxaysay, waxaanan idiin sheegayaa in balanqadayadaa 85% ka mid ahi qabsoomeen, oo ay sidii loogu talo galay u fuleen, halka 10% gacanta lagu hayo oo aanu ku rajo weynnahay inay maalmaha soo socda dhammaadaan, 5% keliya ayaan filaynaa waxa aan noo qabsoomin ku talogalkayagii.

1. Nabadgelyada:

Nabadgelyadu waa halbawle, waana waxa ugu qiimaha badan ee aynu haysano sanadkana waxa ina soo maray dhawr shaqaaqo oo ka kala dhacay meelo kala duwan, waxaanay kala ahaayeen Kalshaale, Ceelbardaale, Ceerigaabo Yagoori iyo Seemaal, Waana ogtihiin oo dhamaantood waxa ay xukuumadu uga hawl-gashay sidii ugu wanaagsanayd ee lagu xakamayn lahaa, laguna baajin lahaa dhiig sii daata, Waxaan u mahadnaqayaa Masuuliyiintii, odayadii, waxgaradkii iyo culimadii ka hawl galay, waxaana hawlgal nabadeed laga sameeyay Widhwidh, Laascaanood, Ceerigaabo, Gebilay iyo Dilla, dhamaantood waxay ku dhamaadeen is-afgarad iyo jawi nabdoon. Waxaanu kor u qaadanay hawlaha adeega nabadgelyada.

2. Dhaqaalaha:

Dhaqaaluhu waa laf dhabarta horumarka waxaan sanadkii hore aanu miisaaniyadiisa kordhinay 70% marka loo eego miisaaniyadii ka horaysay, waanay soo xerootay odoroskii la qorsheeyay qadar aad u yar mooyaane.

A. Waxaanu sanadkan soo daabacnay lacagta Somaliland ee 1000 iyo 5000 iyadoo ay timi baahi lacageed lana hor keenay golahan oo uu ansixiyay.

B. Bedelaada Lacagtii Giinbaarta ahayd ee laga isticmaali jiray Gobolada qaar. Waa ogtihiin culayska dhaqaale ee ay lahayd, maantana waxa dhulkaa laga isticmaalaa lacagta Somaliland.

3. Waxbarashada:

Ballanqaadku waxa uu ahaa in dugsiyada dawladda loo shaqaaleeyo 1500 oo macalimiin oo cusub, waxaanu shaqaaleeynay 1700 oo macallin, waxaanu billaash ka dhignay waxbarashada dugsiyada aassaasiga ah, arintani waxa ay culays weyn ka qaaday danyarta iyo inta bulshada ugu nuglayd, waxaanay fursad siisay arday badan oo ay ku adkayd inay helaan xaqa ay u leeyihiin waxbarashada. Waxa kale oo aanu ballanqaadnay inay xukuumaddu kafaaloqaadanayso oo lacagta Fiiga jaamacada laga bixin doono 20ka arday ee imtixaanka ugu sareeya dugsiyada sare ee dawlada, iyo waliba 6-da hablood ee ugu sareeya imtixaanka dugsiyada sare oo iyagana laga bixiyo Jaamacada, ballantaasina way fushay oo 150 arday ayaabay gaadhaysaa tirada ardayda sanadkan fiiga laga kafaaloqaaday.

4. Caafimaadka:

Waxaanu ka qabanay in ka badan intii aanu balanqaadnay, Dhammaan gobolada waaweyn waxaa lagu sameeyay dib u habayn, dayactir iyo qaar wax lagu kordhiyayba, weynu ognahay baahida dalkeenu way ka mug weyn tahay mid aynu kaligeen wada dabooli karayno sidaa awgeed waxa gacan muuqata ka siiya dawlada oo ka caawiya haya'do caalamiya, inkastoo aanay gaadhsiisnayn heerkii loo baahnaa laakiin haba iska yaareetee waynu ugu abaal haynaa, waxaanan ku rajo weynahay in ay kordhin doonaan kaalmadaa caafimaad. Waxaan odhan karaa sanadkan dhammaaday waxa caafimaadka laga qabtay waxyaabo muuqda, haddii ay noqon lahayd dhinaca dhismayaasha xarumaha caafimaadka, hadday tahay qalabka caafimaadka iyo kor u qaadidda aqoonta hawlwadeenada caafimaadka iyo hadday tahay ololeyaasha lagu cidhibtirayo cudurada dilaaga ah iyo kuwa faafa, waxaa Ambalance-yo cusub loo qaybiyey Boorame, Gabiley iyo Ceerigaabo.

Waxaa Hargeysa laga Billaabay dhismaha Cusbitaal weyn oo caalimi ah iyadoo kii horena lagu qalabeeyay 235 sariirood oo cusub, sidoo kale Gabiley waxa laga furay cusbitaal cusub, Waxaa ballan-qaadkayagii ka mid ahaa inaanu shaqaalayno 443 isugu jira dhakhaatiir iyo kalkaaliyaal caafimaad oo ka soo qalinjabiyay jaamacadaha dalka iyo dugsiyada caafimaadka, waana la fuliyay oo way hawlgaleen.

5. Xoolaha:

Xooluhu waa laf-dhabarta dhaqaalaha dalka, sidaa darteed waxa lagama maarmaan ah in lagu dadaalo caafimaadkood iyo daryeelka iyo deegaanka ay ku nool yihiin. Ballanqaadkayagii horena waxa uu ahaa in la Hawl-galiyo 6 kooxood oo ku wareega Gobolada dalka oo ah Dhakhaatiirta Xoolaha, nasiib wanaag waxa hawshaa ka qayb qaatay 30 kooxood oo dhakhaatiira.

Waxaa sanadkan ka dhoofay Dekeda Berbera xoolihii ugu badnaa, taasi oo muujinaysa in dhoofka xooluhu uu sare u kacay. Waxaana xoolaha dhoofay kala yihiin:

· Adhi = 2,386,705 neef
· Lo'o = 529,195
· Geeluna = 470,540
Deegaaanka si loo xoojiyo ilaalinta dhirta iyo badbaadinta Deegaanka, waxa la shaqaaleeyay in ka badan boqol qof oo aqoon iyo khibrad u leh ilaalinta dhirta, deegaanka iyo duurjoogta kuwaasoo ka hawl galay goboalada iyo degmooyinka dalka.

6. Cadaalada iyo Garsoorka:

Si kor loogu qaado waxa la qabtay kulan ballaadhan oo lagaga dooday isla markaana daraasad ka sameeyay xaaladda caddaalada iyo garsoorka, kulankaas oo ay u dhammaayeen, Gudida Caddaalada, Garsoorayaasha, Sharciyaqaanada, Xeerilaalinta, Culimada, madaxdhaqamedka iyo guud ahaanba intii lagu tuhunsanaa inay hawshaa wax ka tari karaan. Kulankan oo ay ujeedadiisu ahayd inuu soo saaro talo cilmi ku dhisan oo lagu saxo caddaalada iyo garsoorka dalka waxa ka soo baxay oo laga soo saaray Buug indha-fur u noqonaya dadaalka aynu ku doonayno inaynu dhisanno nidaam cadaaladeed iyo garsoor lagu bogsado.

Anagoo ka duulayna talooyinkii kasoo baxay daraasadaas iyo ka midho dhalinta sidii ay bulshadu u heli lahayd cadaaladad sugan, waxaanu isbedel ballaadhan ku samaynay masuuliyiinta Gudiga Cadaalada, Maxakamada Sare, iyo dhammaan maxakamadaha Racfaanka, Gobolada iyo degmooyinka.

7. Biyaha:

Biyuhu waa noloshii, waxaana xanuun wayn inagu haya abaarta soo noqnoqta iyo culayska ay biyo yaraantu ku hayso horumarkeena iyo dhaqaalaheena. Sanadkan dhamaaday waxa la dhamaystiray 22 Ceel-biyood oo dhaadheer, halka gacanta lagu hayo 19 Ceel-biyood oo dhaadheer kuwaasoo ku baahsan inta badan gobolada dalka iyadoo loo eegayo baahiyaha iyo helitaanka biyaha.

Waxa dhamaaday 23 Barkadood oo laga qoday guud ahaan gobollada dalka. Waxaana socota biyo-galin lagu samaynayo 18 Tuulo, kuwaasoo ku kala yaaala gobolada Awdal, Salel, Maroodijeex, Togdheer, Saaxil iyo Sool.
Iyadoo Xukuumaddu dedaal dheer ugu jirta sidii loo daboolilahaa baahida biyaha, waxay maal-galin dhan 27 ½
Milyan oo dollar, ka rajaynaysaa Midawga Yurub (EU), taasi oo kor loogu qaadayo habka biyo-galinta magaalooyinnka Hargeysa, Ceerigaabo, Wajaale iyo Burco. Wakaaladaha Biyaha Hargeisa iyo Burco waxay ku tallaabsadeen horumar fiican.

8. Beeraha:

Waxa la sameeyay sahan lagu qiimaynayo cuntada dalka ka soo go'day, taas oo lagu qiyaasay in ay dalka ka soo go'een isugayn 66,451 ton oo hadhuudh ah iyo arabikhi dhan 60,997 tons. Wasaarada Beeruhu waxay ogaatay celcelis ahaan roobka wadanka ka da'ay. Iyada oo kaashanaysa qalab roobbeedyada lagu rakibay gobolada, Waxa dalka laga beeray Bariis, waxaanan, Mudanayaal, idiin cadaynayaa inuu ahaa mid damcadiisa dhadhan ay aad u macaan tahay oo aan aniga laftaydu cunay aadna ugu farxay, waxaa beeralayda loo qaybiyay qalab beereedyo kala gadisan oo dhan. 10 Cagaf cagaf oo cusub oo qiimo jaban lagu tartansiiyay beeralayda dalka iyo qalab kale oo badan.

9. Waddooyinka:

Waxaa dayactir lagu sameeyay wadada laamiga ee u dhexeeya Laascaanood illa Kalabaydh, Waxaa Dawlada iyo Bulshada reer Boorame iska kaashadeen Dilla illaa Borame oo ay dhamaadeen illaa 10KM, waxaanan bogaadinayaa dhamaan intii ka qaybqaadatay. Waxaanu gacan ka gaysanay wadada cusub ee gacanta lagu hayo ee Burco – Oodweyne.

10. Siyaasadda:

Go'aan-ka-gaadhidii furashada ururada siyaasadeed iyo abuuridda gudida diiwaangalinta, iyo ansixinta axsaabta iyadana waa la fuliyay.

11. Gudoomiye, waxaanu idiin soo gudbinay Qorshaha Shanta Sanno ee dalka (5 Years Plan) oo idin horyaalla si aad ula socotaan ku talo-galka xukuumada. Qorshan oo tusmayn-doona tacabgalkeenna iyo waxqabadkeena, waxa kale oo aan ku rajo weynahay inuu cid kasta oo danaynaysa, inay Somaliland wax la qabato amaba wax la qabsato, u fududayn doono fahamka ay uga baahan yihiin baahideena horumarineed, ta dhaqaale, ta caafimaad, ta waxbarasho iyo guud ahaanba yoolkeena waqtiga dhaw.

12. Kuliyada Tababarka Saraakiisha Ciidanka oo uu dalku baahi weyn u qabay ayaa la dhisay oo dhamaatay. Waxaa la diyaariyay derajada iyo qaab-dhismeedka ciidamada kala duwan ee qaran, Waxaa lasoo gebgebeeyay inta badan tirakoobka ciidamada ee aagaga dalka anigoo rajaynaya in uu dhamaandoono bilaha fooda inagu soo haya, intaa ka dibna waxaa la dhaqangelindoonaa derajada ciidama.

Waxaa kor loo qaaday tirada iyo tayadii ciidanka illaalada xeebaha sidoo kale waxa la dardargeliyay kaluumaysiga oo dakhli intii hore ka badani uga hoyday qaranka.

13. Dhalinyarada iyo Ciyaaraha:

Shaqo abuurka, hurumarinta dhalinyarada iyo dhiirigelinta cayaaruhu waxay ka mid tahay meelaha dawladaydu ay mudnaanta siisay iyadoo aanu shaqaalaynay dhalinyaro gaadhaysa 2759 cusub. Waxaanu dhaqangelinay siyaasada dhalinyarada ee heer qaran, waxaanu suuragelinay in xayiraada laga qaado dhalinyarada oo ay u tartami karaan 25jirku golayaasha Deegaanka. Hasayeeshee shaqo la'aantu way ka badan tahay mid sanad iyo labotoona lagula tacaali-karo waxaase noo qorshaysan in la yareeyo shaqo la'aanta. Sidoo kale waxaanu qabanay tartankii cayaaraha gobolada iyadoo dibu dhis lagu sameeyey garoomada Hargeisa iyo Burco, kii Berberana gacantaa lagu hayaa.

14. Waxaanu gudi heer qaran ah u saaray inay daraasad ku sameeyaan kana soo talo bixiyaan Dumarka iyo Beelaha laga tirada badan yahay oo dhibaato ku qabo Doorashooyinka, waxaanan golayaasha usoo gudbindoonaa wixii kasoo baxa. Anigoo fulinaya balan-qaadkaygii, tixgelina siinayna xuquuqda dadka laga tirada badanyahay waxaanu shaqaalaynay 27 xubnood oo kasoo jeeda beelahaa. Waxaa dheer dhawr iyo sodon arday oo ka soo jeeda beelahaa laga tirada badanyahay oo ay xukuumadu ka bixisay kharashka waxbarashada heer jaamacadeed.

Waxaan hambalyo iyo bogaadin u soo jeedinaya Maayirka Gabiley Marwo, Khadra Xaaji Gaydh oo ka dhex muuqday sanadkan wax-qabadkeedu rag iyo dumarba.

15. Siyaasadda Dibedda:

Mudanayaal iyo marwooyin, annagoo maanka ku hayna muhimadda uu mandaqadda u leeyahay, xidhiidhka sokeeye ee waddamada jaarku, bilowgiiba waxaanu safar shaqo ku tagnay jamhuuriyada aynu walaalaha nahay ee Djibouti iyo dalka itopiya ee aynu saaxiibka nahay halkaas oo si weyn naloogu soo dhaweeyay. Waxaanu kulamo la yeelanay madaxda dawladahaa.

Booqashooyinkaa oo aan ku kalsoonahay inay sii adkaysay xidhiidhka iyo waxwada qabsiga aynu la leenahay labadaa dawladood ee aynu walaalaha nahay, waxaanu kaga wada hadalnay iskaashiga dhinacyada nabadgalyada, dhaqaalaha, iyo gancsiga, kulankaa ka dibna waxa Djibouti dib looga furay xafiiskii ay Somaliland ku lahayd oo muddo xidhnaa.

Xidhiidhka aynu la leenahay wadamada carabntu aad buu u jilicsanaa, sidaas awgeed ayaanu ku ibo furnay booqasho rasmiya oo aanu ku tagnay wadamada Imaaraadka carabta, Kuwait iyo Masar oo aanu martiqaadyo ka helay, sida runta ahna waxa naloogu soo dhaweeyay oo ay madaxda iyo Amiirada wadamadaasi nagu qaabileen maqaam sare. Iyadoo aynu garankaro muhimada uu safarkaasi u lahaa qaddiyaddeena, haddana ujeedadii ugu muhiimsanayd ee aanu halkaa u tagnay, isla markaana aanu madaxdaa carbeed kala soo hadalnay, baahida soo noqnoqota ee dalkeenna ka haysata abaaraha iyo biyo la'aanta iyo sidii aynu maalqabeennada carbeed indhahooda ugu soo jeedin lahayn, khayraadka dihin ee dalkeena oo ay u baahan yihiin. Sida runta ahna inkasta oo aannaan ka soo wada helin wixii aynu wayddiisanay iyo baahiddii aanu hor dhignay, haddana waxa hubaal ah inaynu wax la taaban karo kala soo noqonay.

Waxaanu safar kaa la mid ah ku tagnay wadanka shiinaha oo aanu ka wada hadalay maalgashiga dhulkeena isfaham fiicana waanu isla gaadhnay wakhtigan xaadirka ahna waxaa ku muqan wefti waxaana aanu ku rajaweynahay in uu xidhiidhkaasi midho dhal noqondoono.

16. Warfaafinta:

Waa markii ugu horaysay ee Tv-ga qaranku uu gaadho daafaha dunida iyadoo Raadiyihiina qandaraaskiisii la bixiyay gacantana lagu hayo dhismaha iyo dhamaystirka idaacad gaadha wadanka gudihiisa iyo debadiisaba.

17. Waxaa horumar fiican laga sameeyay Dekeda Berbera, Madaarada Hargeisa iyo Berbera.

18. Goloyaasha:

Waxaa hubaal ah in mudadii golahani shaqaynayey uu kala kulmay xukuumadii iga horaysay jawi cakiran oo dabartay shaqadiisii, balse sidii aan kalhore halkan idinkaga codsaday wada shaqayn iyo iskaashi, waxaan qirayaa inaan ka helay gacan buuxda iyo wada shaqayn fiican, waxaana sanadkan aan usoo gudbiyey golayaasha 24 Xeer oo ay ansaxday lana dhaqangeliyay 12 xeer oo ka mid ah, waxaanan goloyaasha uga mahad-celinayaa wada-shaqaynta fiican ee ay ii muujiyeen, waxaan leeyahay, aad-baad ugu mahadsantihiin.
Shirka Taleex

Shirka Taleex wuxuu ku billaabmay jawi nabadgelyo oo beel ka mid ah beelaha Somaliland ay kaga arinsanaysay arimaheeda dhaqan iyo horumarineed inta aanu ognahay, waxaase shirkaa majara habaabiyay koox fidna-walayaal ah oo qaarkood hore ugu caan baxeen Somaliland nacaybka kuwaas oo ujeedadoodu tahay inay colaad ka huriyaan deegaan nabdoon. Beesha Sool iyo dhamaan beelaha reer Somaliland waxay u baahan yihiin nabadgelyo iyo horumar kamana muuqato inay xiligan ka soo baxayaan shirkaa wax lagu tanaado ama ay dani ugu jirto beelahaa.

Dawlada Somaliland marnaba ma ogolaandoonto in qarankan lakala qaybiyo iyo in lagu qadhaabto magacayo aan jirin, waxaanu difaacaynaa midnimada iyo wadajirka Somaliland, intii mas'uulka ka ahayd shir-qoolkaasna waxaanu u aragnaa in ay yihiin dembiilayaal qaran.

Wax-garadka, Samo-taliska iyo duqayda reer Sool waxaan ugu baaqayaa inay ka feejig-naadaan iskana jiraan fidnadaa ay la wareegayaan kooxdaa kusoo duushay wadajirka umada.
Qorshe Sannadeedka 2012

1. Ammaanka iyo Difaaca Qaranka :
Gudoomiye, sanadkan waxaanu muhiimada kowaad siindoonaa kobcinta amaanka, kor u qaadida difaaca dalka si taa loo helona waxaanu tayayn-doonaa ciidamada kala duwan ee qaranka. Somaliland waxay xaq u leedahay difaaca xuduudaheeda sugan, kuwaas oo lama taabtaan ah. Waxaanay diyaar u tahay in ay iska difaacdo cid kasta oo ku soo xad gudubta qaranimadeeda. Golayaashana waxaanu ka rajaynayaa xaalad kasta oo timaada in aad nagu garab gashaan.

2. Miisaaniyadda sanadkan 2012:
Waxaanu diyaarinay Miisaniyad Sanadeedkii 2012, taas oo dakhliga odoriskeedu noqondoono lacag aan ku qiyaasnay Shan Boqol iyo Afartan Bilyan oo Somaliland Shillings (Sh.Sl. 540,000,000,000), taasoo marka la bar bar dhigo miisaaniyaddii kal hore ka badan 10%.

3. Doorashooyinka iyo Ururada Siyaasada: Sanadkan waxaa inoo qorshaysnaa in la qabto doorashadii golayaasha deegaanka ee dalka , Hadaba anigoo tix-raacaya go'aankii uu Golaha Guurtidu ku muddeeyay doorashada golayaasha deegaanada, waxaanu qabanaynaa doorashada dawladaha hoose sannadkan gudihiisa, taasoo suurta gelinaysa kobcinta iyo geedi socodka dimuqraadiyadda aynu dhabadeeda hayno. Maalinta doorashada, waxaa cayimi doona Komishanka Doorashooyinka Qaranka. Waxaanan ururada cusub usoo jeedinayaa inay si saaxiibtino leh u tartamaan, illaaliyaan midnimada isuna haneeyaan cidii ku guulaysata.

4. Siyaasada Arimaha Debeda iyo Ictiraaf Raadinta:
Waxaanu tegaynaa madal kasta oo danta Somaliland ku jirto, Waxaanu hor fadhiisanaynaa cid kasta oo aanu u aragno inay dani ugu jirto qadiyada madax-banaanida Somaliland. Waxaanu ka codsanaynaa shacbiga Somaliland gude iyo dibadba in ay ka qayb qaataan ololaha aqoonsi raadinta Somaliland.

5. Shaqo Abuurka: waxaynu ka war haynaa dhibaatada ay shaqo la'aantu dadkeena ku hayso, iyadoo si gaara ay ii damqayso dhalinyarada ka soo baxaysa jaamacadaha iyo iskuulada ee billaa camalka suuqa kula soo noqonaysa, hadana waxaad ogtihiin awoodeena dhaqaale iyo itaalkeena dawladnimo, mana haysano aqoonsi inoo suurtageliya inaynu hay'adaha dunida ee dhaqaalaha iyo maalgashiga laga martiyo sida World Bank, IMF.

Dadkii aqoonta lahaa wuxuu u yaacayaa qurbaha si uu shaqo uga helo, shaqo abuurkana waxaa aasaas u ah dhaqaalaha iyo aqoonta. Waxaa loo baahan yahay inaynu isku tashano oo eegno sidii aynu isugu habaysan lahayn waxa aynu haysano, hadaba anagoo arintan maanka ku hayna, waxaanu daraasad ku samaynay guryaha dawlada oo ka mida hantida ma guurtada ah ee qarankani leeyahay, waxaa noo cadaatay marka laga reebo inta xafiisyada dawlada in aanay guryaha dawladu qarankan waxba ugu jilayn sida ay hada yihiin, iyadoo intooda badani dad shicib ah iyo dad masuuliin ahaan jiray ay gacanta ugu jiraan, waxaana yar wax kiro bixiya, ama guryaha ay ku jiraan dayac tira, waxay ku kala yaalaan dhamaan gobolada wadanka, waana sidan:
Hargeisa
501 Guri
Burco
119 Guri
Borama
63 Guri
Berbera
264 Guri
Ceerigaabo
23 Guri
Sheekh
24 Guri
Saylac
21 Guri
Oodweyne
3 Guri
Total
1030 Guri

Bal hadaba, 1030-kaa guri markii la qiimeeyay waxaa lagu qiyaasay lacag gaadhaysa illaa $170,000,000. Waxaanan aaminsanahay inay aritani gundhig u noqon karto dhaqaale suurageliya warshado ka badan 10 warshadood iyo wax soo saar ummada u keena shaqo abuur ay ka shaqayn karaan muwaadiniin badani.

6. Samafalka iyo Mucaawinooyinka: iyadoo ay hay'adaha caalamiga qaar ka mida iyo wadamada islaamka qaarkood inaga soo gaadhaan mucaawinooyin kooban oo danyarta iyo foqorada lasiiyo, ayaa waxa muuqata in aanay isla jaan qaadin hayadaha kaalmada bixiyey iyo kuwa dawlada ee qaabilsan sida: Hay'ada AfooyinkaNERAD, Ururinta Zekada, Xafiiska mucaawinooyinka ee madaxtooyada iyo xafiiska dawlada la shaqeeya WFP. Sidaa darteed waxaanu abuuridoonaa komishin guud oo kulmiya Hay'adahaas.

7. Sanaag Bari, anagoo maanka ku hayna muhiimada ay qarankan u leedahay, baahida loo qabo maamul fidinta iyo horumarinta bariga sanaag waxaanu qorshaynay mashaariic gaadhaysa illaa 3 Bilyan SL shillin taasoo u dhiganta ½ million US Dollar. (Nus millyan)

8. Barnaamijka Iskaa wax u qabso oo aan sanadkii hore inoo suurto gelin, duruufihii dhaqaale darteed Waxaanu dib u bilaabaynaa barnaamijkii "iskaa wax u qabso" oo aanu jecelahay in musuuliyiinta iyo dhamaanba bulshadu ka qayb qaadato. Marka cududa ummada la isu-geeyana wax weyn ayay qaban karaan.

9. Waxaanu dedaal gelinaynaa tayayta tacliinta sare, si jaamacaduhu ugu hellaan fursad waxbarasho waxaanu abuuri doonaa nidaam suurageliya in ardayda dugsiyada sare ka qalinjebisaa ay soo maraan hal sano oo shaqo qaran ah (National sevice) iyadoo arintan suurtagalnimadeeda ay ku xidhnaan doonto haynteena, inkasta oo culayskeedu badanyahay waxaase hubaal ah inay dhalinyarada u tahay barbaarin, qarankana u tahay xoog, shaqo iyo difaac, Jaamacadanaha fursad siin-doonto.

10. Barnaamijka xaqsiinta Ciidamada qaranka, Ciidamada qalabka sida ee JSL oo ka kooban Ciidanka Millitariga, Booliiska iyo Asluubta waxay la xuquuq yihiin shaqaalaha dawlada oo iyagu hella xuquuqda ay qaranka ku leeyihiin balse xubnaha ciidamada kala duwan ee inoo haya shaqada ugu muhiimsan ee aynu halkan ku fadhino ma hellaan xuquuqdooda shaqaalanimo, sidaa darteed waxaanu abuuridoonaa Hay'adda Xaqsiinta ciidamada qaranka

Gebogebo

1) Saxaafadda

Xukuumadaydu waxay ku timi hanaan dimuqraadi ah iyo doorasho xor iyo xalaal ah, waxaanay mar walba ixtiraamaysaa xuquuqda iyo xorriyaadka asaasiga ah ee xorriyatul-qawlka. Xorriyadda saxaafadda iyo madax banaanida fikirka muwaadinka waa arin aan ixtiraamayno. Waxaanu dul qaad u leenahay dhaliilaha, toosinta ah ee naloo soo jeediyo. Hase yeeshee, waxaa soo baxay qaar ka gudbay xuduudii uu sharcigu ogolaaa sida TV-ga gaarka loo leeyahay ee Hon Cable TV oo caadaystay faafinta borobagaadada lidiga ku qaranimada Somaliland.

2) Culimada

Maadaama aynu 100% dad muslima nahay, waxa culimada door weyn iyo masuuliyadi ka saarantahay ilaalinta diinta Islaamka, dhaqanka suuban iyo ammaanka. Waxaa lagama maarmaan ah in aynu ka midowno iskana kaashano duruufaha jira si aan da'yarteena loogu marin habaabin fikrado xag jir ah oo aan diinteena waafaqsanayn.

3) Beesha Caalamka

Waxaanu diyaar u nahay in aanu kala shaqayno beesha caalamka danaha guud ee la wadaago, sida ammaanka, la dagaalanka budhcad-badeeda iyo deegaan dhawrista. Waxaanu u soo jeedinaynaa dawladaha caalamka in ay garwaaqsadaan rabintaanka iyo xaqqa ay u leeyihiin shacbiga Somaliland aaya ka tashiga madax-banaanidooda. Sidoo kale waxaanu ka codsanaynaa Qaramada Midoowbey, dalalka deeq bixiye-yaasha iyo hay'adaha samafalka in ay si mug leh noogala qaybqaataan dib udhiska qarankan.

Umada reer Somaliland waxay kasoo gudubtay maalmo badan oo qadhaadh illaa iyo marka laga soo bilaabo isticmaarkii gumaystaha, halgankii dibu xoraynta dalka iyo dhismihii qaranimada oo tacab badani ku soo baxay. Maantana waxaan ku kalsoonahay inay ka gudbi doonaan dibindaabyo kasta oo loo soo maleego,

waxaanan idinkula dardaarmayaa inaad isku duubnaataan, illaalisaan qaranimada si looga midha gaadho himilada umadani mudada dheer ku naaloonaysay.

Ganacsatada oo Madaxweyne Siilaanyo kala Garnaqsatay Cashuuraha Wasiirka Maaliyaddu kordhiyay

noreply@blogger.com (Samotalis) — Wed, 11 Jan 2012 13:41:00 +0000

Ganacsatada oo Madaxweyne Siilaanyo kala Garnaqsatay Cashuuraha Wasiirka Maaliyaddu kordhiyay

Madaxweyne Siilaanyo oo balanqaaday xukuumadiisu inay dib u eegayso korodhsiimadaasi

Hargeysa(Waaheen) Ganacsatada waaweyn ee Somaliland iyo kuwa dhexe ee soo dajiya Badeecadaha Sharaabka iyo Saabuunta ayaa shalay Madaxtooyadda Madaxweyne Siilaanyo iyo Wasiirkiisa Maaliyadda kula yeeshay kulan Garnaqsi ah oo ay kaga cabanayeen Cashuuraha Badeecadahoodaasi ee la kordhiyay.

Kulankaasi oo qaatay muddo dhawr saacadood ah ayaanay labada dhinac wax war ah ka soo saarin hase yeeshee sida ay sheegayaan warar aanu ka helnay waxa ay ganacsatadu Madaxweynaha iyo Wasiirkiisa hor dhigeen inaanay qaadan Karin cashuuraha ay kordhiyeen iyagoo sheegay inaanay ahayn Cashuur ee ay tahay in Ganacsigii dalka la xakamaynayo oo la joojinayo.

Sidoo kale waxa ay madaxda halkaas joogtay hor dhigeen xisaabtan dhab ah iyo faa’iidada ay dalka u soo hooyaan iyagoo sheegay dhismaha dalka kaalinta ay ugu jiraan haddii aan la qiimayn in ay saamayn ku yeelan doonto talaabadani dakhliga iyo ganacsiga dalkaba waxaanay ka dalbadeen in ay go’aanka ay qaateen ka noqdaan oo ay tixgaliyaan.

Hase yeeshee Madaxweyne Siilaanyo wax go’aan ah Gacsatadaasi kamuu siinin cabashadooda waxaanu u balanqaaday in ay Xukuumadiisu dib isugu noqon doonto isla markaana ay war cad ka siin doonto talaabadaasi inkastoo Wasiirka Maaliyaddu ku adkaysanayo go’aankaas uu qaatay inuu yahay mid sax ah oo loogu danaynayo sida uu sheegay Wax soo saarka dalka.

Talaabada ay xukuumaddu cashuuraha Sharaabka iyo Saabuunta ku kordhisay ayaa sababtay in ay ganacsatadu cashuuri weydo shixnadao ku xidhan Dekedda Berbera waxaanay wararka aanu ka helaynaa sheegayaan in uu dekedda ku soo xidhay Markab sida shan iyo soddon kun oo kartoon oo u kala raran ganacsato Somaliland ah iyo kuwo Itoobiyaan ah kuwaasoo sugaya inta war cad ay xukuumaddu ka soo saarayso cabashadooda.

Short URL: http://waaheen.com/?p=27891http://gargaar.blogspot.com/

Taleex oo lagaga dhawaaqay Maamul Goboleed, Awdal State oo Muqdisho ka degtay iyo Xukuumadda Siilaanyo oo macno daro xalay Madaxtooyadda ugu Ururtay

noreply@blogger.com (Samotalis) — Wed, 11 Jan 2012 13:39:00 +0000

Taleex oo lagaga dhawaaqay Maamul Goboleed, Awdal State oo Muqdisho ka degtay iyo Xukuumadda Siilaanyo oo macno daro xalay Madaxtooyadda ugu Ururtay

Wasiir Duur oo wali ku cel celinaya Siyaasad aan cadayn iyo Dadweynaha oo la Jahawareersan halka loo wado

Taleex(Waaheen)-Waxa Magaalada Taleex ee Gobolka Sool shir laba todobaad ka socday lagaga dhawaaqay Maamul Goboleed cusub oo ka madax banaan Somaliland, ka dib markii ay shalay 345 ka mid ah Ergooyinkii shirkaasi ka soo qayb galay cod ku meel mariyeen go'aamo ka soo baxay wada hadalo gaar ah labadii maalmood ee la soo dhaafay u socday Ergooyinkii shirka ka qayb galay iyo Siyaasiyiintii manjaraha u hayay.

Si rasmi ah looma shaacin qaab dhismeedka iyo miisaanka maamulkan cusub ee lagaga dhawaaqay Gobolka Sool, hase yeeshee Afhayeen u hadlay guddidii soo qaban qaabisay shirka khaatumo2 ee maamulka lagaga dhawaaqay ayaa Warbaahinta u sheegay inay maalmaha soo socda hor geynayaan Shirweynaha go'aamada ka soo baxay kulamadii Ergooyinka Khaatumo2 wada yeesheen labadii maalmood ee u dambeeyay.

Afhayeenka ayaa sidoo kale cadeeyay in maamulka ay ku dhawaaqeen ka mid noqon doono Maamul Goboleedyada ka jira dalka somaliya, hoos tegina doono dawlada dhexe ee Somaliya.

Dhinaca kale Mid ka mid ah Ergooyinkii Shirkaasi ka qayb galay ayaa Waaheen u sheegay inay maalmaha soo socda soo dhisayaan Hogaanka Maamulkaasi hogaaminaya, isla markaana si rasmi ah loo shaacinayo magaciisa, isagoo dhinaca kalena cadeeyay inaanay wax wada hadal ah la gelayn dawlada Somaliland inta ay gacanta ku hayso Gobolka sool "shirka waxa fadhiyay 375 Ergay oo ka kala yimi gobolada dhul-bahante dego waxaana laysku raacay in lagu dhawaaqo Maamul goboleed hoos tegaya DKM ah ee Somaliya"ayuu yidhi Maxamed Ismaaciil Samatar oo ka mid ahaa shirka ka socda Degmada Taleex.

Dhinaca Somaliland-na Wasiirka Arrimaha Gudaha Somaliland Md. Maxamed Nuur (Caraalle (Duur) oo xalay ka hadlayay aragtida xukuumadda ee maamul goboleedka la sheegay in lagaga dhawaaqayo shirka Taleex, waxaanu " Runtii wax maamul ah oo laga samayn karaa marka caqliga la eego dhawaaq waa laga odhan karaa oo in wax la yidhaahdaa waa wax fudud, laakiin fulintiisu waa wax adag wax laga samayn karaana ma jirto, sababtuna waxa weeye waayo goboladaasi la sheegayaa waa gobolo Maamul Somaliland la yidhaahdaa uu ka jiro oo uu ka talliyo."
Wasiirka arrimaha gudaha oo hadalkiisa sii watay wuxuu yidhi "Mar haddii uu maamul ka dhisan yahay dhawaaqaasi waa dhawaaq dhiilo oo nabadda uun wax u dhimaya, laakiin waxa weeye waa erey aan af dhaafayn oo aan ficil loo rogi Karin marnaba sidaan u arko."
"Dadka waa la eegi doonaa oo dhawaaqyada dambe ee ka soo baxa waa la arki doonaayoo, laakiin waxa weeye bulshada afar qof iyo labaatan qof oo meel iskugu tagta iyo in qol qaadaa bulshada masiirkeeda ma matasho, ummaddu waxay ku tashato ee ay goosato lama diidi karo, laakiin intan imika dibada ka timid ee baritana dibada uun ku noqon doona ee ka yaaci doona Taleex ummadda ma matelaan. Inta ciida ku joogaysa ayaa xaq u leh inay masiirkooda ka tashato xaq u leh iyagaana nabadooda ka tashanaaya,"ayuu yidhi Maxamed Nuur Carraalle (Duur), oo xalay u waramayay laanta afsoomaaliga ee Idaacadda BBC-da.
Dhinaca kalena Madaxweynaha Maamulka ay samaysteen qurbajooga ka soo jeeda Gobolka Awdal ee Somaliland C/rashiid Aw Nuur Xirsi ayaa shalay ka dagay magaaladda Muqdisho.
Weftiga kooxdaasi waxa madaarka muqdisho ku soo dhaweeyay Wasiiru Dawlaha Arrimaha dibeda ee Somaliya Xaamud Aw Cali Maansheeye oo ah siyaasi ka soo jeeda Gobolka Awdal.
Madaxweynaha Maamulka Awdal State waxa siday Diyaarad khaas ah oo ay leeyihiin UN-ku waxaana loo galbiyay dhinaca Madaxtooyadda.

Dhacdooyinkan oo ah khatar cusub oo marxaladan la soo deristay Somaliland ayay dadweynaha Reer Somaliland ee ku kala nool Gobolada Dalku si weyn uga soo horjeesteen waxaanay ku tilmaameen mid lagu wiiqayo qaranimada Somaliland iyo isku duubnida shacbiga ku nool.

Qaar ka mid ah shucuubta ku dhaqan Gobolada dalka oo la hadlay Barmaamujka ra'yiga dadweynaha ee TV-ga Horn Cable oo xalay baxay ayaa si isku mid ah u dhaliilay qorshayaasha shirka taleex ee ku aadan danaha Somaliland iyo madaxbanaanideeda, waxaanay xukuumadda ku eedeeyeen inay ka gaabisay joojintiisa "shirka ka socda taleex maaha mid dan u ah qaranimada Somaliland ee waa mid lagu dumanayo, waxa jooga oo wata siyaasiyiin Somaliweyn ah oo ka soo horjeeda Somaliland waxaanan xukuumadda Siilaanyo ku dhaliilayaa sababta ay isku hortaagi wayday in la qabto, waayo waa shir lagu burburinayo qaranimada dalka oo ay iyaduna ogtahay" ayuu yidhi mid ka mid ah dadkii ka qayb galay barmaamujka Tv-ga cable-ka.

Si kastaba ha ahaatee go'aamada ka soo baxay shirkan ayaa ah kuwo si weyn loo sugayay, waxaanay bulshada reer Somaliland su'aalo iska waydiinayeen mudadii uu socda shirka taleex jawaabta ay Xukuumadda Somaliland ka bixin doonto natiijada kama dambaysta ah ee ka soo baxda.

Short URL: http://waaheen.com/?p=27924

Amnesty International oo baadhaysa Maxaabiista ku dhimatay iyo kuwa ku xauunsanaya Jeelasha Somaliland

noreply@blogger.com (Samotalis) — Wed, 11 Jan 2012 13:38:00 +0000

Amnesty International oo baadhaysa Maxaabiista ku dhimatay iyo kuwa ku xauunsanaya Jeelasha Somaliland

Hargeysa(Waaheen) Hay'adda Caalamiga ee xuquuqal Insaanka ee Amnesty International ayaa baadhitaan ku wada xaalada ay ku nool yihiin Maxaabiis ku dhimatay iyo kuwo ku xanuunsanaya Xabsiyada Somaliland gaar ahaana Hargeysa iyo Mandheera.

Baadhista ay wado Hay'adaasi ayaa la sheegay inay ka dhalatay Maxbuus dhawaan ku dhex dhintay Jeelka iyo kuwo Cisbitaalka u jiifa xanuunka TB-da oo uu ku dhacay kadib markii sida ay sheegeen Eheladoodu ay soo food saartay Nafaqo daro iyo Dawo la'aani.

Sida uu Waaheen u sheegay Sarkaal ka tirsan Ciidanka Xabsiyada Somaliland waxa uu sheegay in ay hawshaasi hay'addu u soo dirtay Gabadh ka mid ah shaqaalaha Hay'adaasi isla markaana ay la soo xidhiidhay Wasaaradda iyo Taliskaba balse waxa uu ka gaabsaday wax faahfaahin ah in uu ka bixiyo ujeedada socdaalkeeda.

Maxaabiista ay dhibaatadu ku haleeshay xabsiga Mandheera ayaa ahaa kuwo ka tirsanaan jiray Ciidanka Booliiska kuwaasoo lagu riday Xukuno dhaadheer, waxaanay Eheladooda iyo Qoysaskoodu wadaan cabashooyin la xidhiidha Xukunkaas balse Xukuumadda Somaliland ayaan ilaa hada wax garawshiiyo ah ka bixinin inkastoo warar Suuqa soo galay ay sheegeen in Cafis loo fidinayo.

Baadhitaanka Hay'addan ayaa waxa ka horeeyay warbixin kale oo ay Hay'adda Xuquuqal Insaanka ee Human Right Watch ka soo saartay Qaxooti Itoobiyaan ah oo ay Somaliland dhawaan u mastaafurisay Dalka Itoobiya kuwaas oo ay ku canbaaraysay Somaliland iyadoo sheegtay in ay ku xad gudubtay xuquuqdii ay lahaayeen.

Short URL: http://waaheen.com/?p=27928