The Gilgit Baltistan Tribune

Global warming: Massive Baltoro Glacier witnesses rapid melting

noreply@blogger.com (gbtribune) — Tue, 3 Sep 2024 21:51:00 +0500

موسمیاتی تبدیلی کے باعث قراقرم کا بڑا گلیشیئر بالتورو پگھلنے لگا

موسمیاتی تبدیلی کے باعث بالتورو گلیشیئر پر25 سے30 چھوٹی بڑی جھیلیں وجود میں آ چکی ہیں جو برف کے پگھلنےکی وجہ سے بنی ہیں۔

پاکستان دنیا کے ان چند ممالک میں شامل ہے جو موسمیاتی تبدیلی سے بری طرح متاثر ہو رہے ہیں اور موسموں کی شدت میں اضافے اور بڑھتے درجہ حرارت کےباعث پاکستان میں واقع گلیشیئرز کے پگھلنے کا عمل تیز ہو رہا ہے۔

رواں برس بھی پاکستان کے شمالی علاقہ جات میں معمول کی برف باری تین ماہ دیر سے شروع ہوئی اور ہیٹ ویو نے قراقرم ریجن میں پھیلے بڑے گلیشیئرز کو خطرے سے دوچار کر دیا ہے۔

دنیا میں قطب شمالی اور قطب جنوبی کے بعد پاکستان کے شمالی علاقوں میں سب سے زیادہ اور بڑے گلیشیئرز پائے جاتے ہیں جن میں قراقرم ریجن کا دوسرا سب سے بڑا گلیشیئر، بالتورو جس کی لمبائی 63 کلو میٹر ہے، بھی شامل ہے۔

انڈپینڈنٹ اردو کی نمائندہ مونا خان نے 12 دن بالتورو گلیشیئر پر پیدل ٹریک کیا ہے جس دوران گلیشیئر کی بدلتی اور پگھلتی صورت حال کو دیکھا اور عکس بند کیا گیا۔

موسمیاتی تبدیلی کے باعث بالتورو گلیشیئر پر 25 سے 30 چھوٹی بڑی جھیلیں وجود میں آ چکی ہیں جو برف کے پگھلنے کی وجہ سے بنی ہیں۔

اس کے علاوہ برف کے بڑے تودے بھی پگھلاؤ کے عمل سے گزرتے ہوئے غاروں میں تبدیل ہو رہے ہیں۔

بالتورو گلیشیئر جو ایک سخت چٹان کی مانند تھا جس کی سطح کو آج تک کوئی جانچ نہ سکا اب یہ کٹاؤ کا شکار ہو چکا ہے۔ یہ صورت حال آنے والے دس سالوں میں مزید پریشان کن ہو سکتی ہے جس کا سدباب بہت ضروری ہے۔

گلیشیئرز کے پگھلاؤ سے پہاڑی علاقوں میں گزشتہ تین برسوں سے سیلاب آنا بھی معمول بن چکا ہے۔ 2022 کا سیلاب جو شمالی علاقوں سے شروع ہوا اس نے پاکستان بھر میں بڑے پیمانے پر جانی اور مالی نقصان بھی کیا تھا۔

گلگت اور ہنزہ کے گلیشیئر بھی سطح سمندر سے اونچائی کم ہونے کے باعث پگھلنے کے خطرے کی قریب ہیں۔

جبکہ بالتورو گلیشیئر کے قریب پیجو کیمپ سائٹ کے سامنے پیجو پہاڑ جن کی چوٹیاں سارا سال برف سے ڈھکی رہتی تھیں تاہم اب مقامی افراد کے مطابق گزشتہ دو تین برسوں سے گرمیوں کے مہینے میں ان چوٹیوں کی برف بھی پگھل جاتی ہے۔

موسمیاتی تبدیلی کے ماہر آصف شجاع نے انڈپینڈنٹ اردو سے گفتگو کرتے ہوئے کہا کہ ’اوسطاً گلوبل درجہ حرارت 1.5 کے حساب سے بڑھ رہا ہے اور اگر یہ اوسطاً دو درجہ حرارت تک بڑھ گیا تو بہت تباہی آئے گی گلیشیرز پگھلیں گے، سیلاب کا سبب بنیں گے۔

’سمندر بھر جائیں گے جس کی وجہ سے ساحلی علاقے ختم ہو سکتے ہیں، کھانے کی قلت بھی ہو سکتی ہے۔ اس کا حل یہی ہے کہ ترقی یافتہ ممالک رضاکارانہ طور پر گلوبل درجہ حرارت پر قابو پانے کی کوشش کریں۔‘!!

مونا خان،

انڈیپنڈنٹ اردو

اتوار، 1 ستمبر، 2024!!

Gilgit Baltistan Reforms Bill 2024

noreply@blogger.com (gbtribune) — Sun, 1 Sep 2024 23:11:00 +0500

گلگت بلتستان لینڈ ریفارمز بل 2024

گلگت بلتستان کے آئینی حقوق کے حوالے سے تھوڑا بھی سیاسی شدبد و شعور رکھنے والے افراد ہمیشہ سے گلگت بلتستان کے وسائل کو لےکر شدید تحفظات رکھتے ہیں۔

گلگت بلتستان کو پچھلے سات دہائیوں سے کسی آئینی کور میں نہ رکھنے کی وجہ سے یہاں بہت ساری پیچیدگیاں پیدا ہوئیں ہیں، یہاں کے قدرتی وسائل کی بندر بانٹ ہوتی رہی ہے، اسٹیٹ سبجیکٹ رولز 1927 کو عملاً معطل رکھا گیا، نوتوڑ رولز 1978 کو حاوی رکھا گیا، اوپر سے لینڈ ریونیو ایکٹ 1967 کو بھی اپنایا گیا جبکہ یہ تمام وقتی انتظامات اور قوانین یہاں کے وسائل کو لوٹنے کےلئے اپنائے گئے، ان میں سے کوئی ایک اقدام بھی عوامی مفادات کو مدنظر رکھ کر نہیں کیا گیا۔ لامحالہ اس کا اثر یہاں کی غریب عوام کی زندگیوں میں بہت برا پڑا۔ غیر مقامی افسر شاہی اور بیروکریسی کو بے تحاشا اختیارات ملے جنہوں نے نہ صرف یہاں کے فنڈز پر بے تحاشا کرپشن کی بلکہ یہاں کے قدرتی وسائل کو مال بےجا و مال غنیمت سمجھ کر نہ صرف لوٹ مار کی بلکہ یہاں کے حقیقی مالکان کو ان ہی کی اراضیات سے بے دخل کیا گیا نتیجتاً یہاں کے باسی اپنے ہی وطن میں پناہ گزینوں کی طرح زندگی بسر کر رہے ہیں ۔ اگر ان مظالم پر کوئی آواز اٹھا لے تو ان کی آواز دبانے کےلئے ان کے خلاف غداری کے مقدمات بنائے گئے، کالے قوانین کا بےدریغ استعمال کر کے ان کو ہمیشہ کےلئے خاموش کرانے کی کوشش کی جاتی رہی۔

اس بابت کتابوں کے کتابیں لکھی جا سکتی ہیں مگر مضمون کے دامن میں اتنی کشادگی ممکن نہیں اس لئے اختصار کے ساتھ عرض کرتا چلوں کہ لینڈ ریفارمز گلگت بلتستان کے لیے زندگی اور موت کا مسئلے سے بھی اہم مسئلہ ہے۔

پی ٹی آئی کی پچھلی صوبائی حکومت نے بھی اس مد میں لینڈ ریفارمز کرنے کی کوشش کی، اس وقت بھی میں نے کچھ اہم نکات پر توجہ رکھ کر لینڈ ریفارمز کرنے کی تجویز دی تھی مگر بدقسمتی سے وہ یہ اہم کام کسی نہ کسی وجہ سے نہیں کر سکے۔ اب اگر موجود حکومت لینڈ ریفارمز میں سنجیدہ ہے اور شنید ہے کہ گلگت بلتستان لینڈ ریفارمز کا ابتدائی مسودہ پارلیمانی خصوصی کمیٹی نے منظور بھی کیا ہے اور آگے کے مراحل میں داخل ہو چکا ہے تو قانون سازوں کو یہ بات اپنے پلے باندھ لینا چاہیے کہ گلگت بلتستان کے نوجوان ملک کے دیگر علاقوں کے مقابلے میں زیادہ علم، آگاہی اور شعور رکھتے ہیں اس کے باوجود یہاں بے روزگاری بالے کھولے غریبوں کے گھروں میں سوئی ہوئی ہے، کوئی فیکٹری ، کوئی کارخانہ کوئی کمپنی کا وجود نہیں، زمین داری اور کاشتکاری کےلئے بھی مواقع نہیں، گلگت بلتستان کے بڑے بڑے قابلِ کاشت قطعات کو پہلے ہی نوتوڑ رولز 1978 کے آڑ میں خالصہ سرکار گردان کر ہتھیا لیا گیا ہے، گلگت بلتستان کے سارے پہاڑ لینڈ ریونیو ایکٹ 1967 کے سیکشن 49 اور مائننگ کنسیشن رولز 2016 کے نام پر غیر مقامیوں کو الاٹ کر کے فارغ کیا گیا ہے، بڑی تعداد میں عوامی اراضیات ، جنگلات و چراگاہوں کو نیشنل پارکس کے نام سے اٹھایا لیا گیا ہے اور بچی کچی کسر اب گرین ٹوریزم کمپنی کے نام سے پورا کرنے کی کوشش کی جا رہی ہے۔

ایسے میں عملاً گلگت بلتستان کا پڑھا لکھا نوجوان بےروزگاری کے دھندلکوں میں پھنسا ہوا ہے، کوئی بھی وقتی انتظام اور چالاکی کو گلگت بلتستان کا پڑھا لکھا نوجوان قبول کرنے کےلئے تیار نہیں، اس لئےمستقل طور پرایک ہی باربہتر لینڈ ریفارمز کرکے ان مسائل کا ایک حد تک تدارک کیا جا سکتا ہے۔

لینڈ ریفارمز کا یہ کام کئی دہائیوں بلکہ گلگت بلتستان کی تاریخ میں کئی صدیوں بعد کیا جا رہا ہے تو اس میں جلد بازی میں بڑے فیصلے کرنے کے بجائے سنجیدگی کے ساتھ تمام اسٹیک ہولڈرز اور سمجھ بوجھ رکھنے والوں کے ساتھ مشاورت کرکے ریفارمز کئے جائیں تو سب کےلئے قابل قبول ہوگا ورنہ تو پھر ایک نئے فتور کو جنم دینے کے مترادف ہوگا۔

اب میں وہ بنیادی سوالات، اور نکات کی طرف توجہ مبذول کراونگا جو لینڈ ریفارمز کرتے وقت مدنظر رکھنے ضروری ہیں بلکہ ان میں سے کئی ایک کو درست کرنا اور کچھ کو لینڈ ریفارمز میں شامل کرنا بھی ازبس ضروری ہے۔

1۔ یہ کہ UNCIP اور اقوام متحدہ کی قراردادوں میں پاکستان کی جانب سے گلگت بلتستان کی متنازع حیثیت کو تسلیم کیا گیا ہے۔ اس کا مسئلہ کشمیر میں اس ایکٹ کے ممکنہ مضمرات کیا ہونگے اگر کوئی ہیں تو ان کو مربوط طریقے سے حل کیا جانا چاہیے۔

2۔ گلگت بلتستان چونکہ پاکستان کا آئینی حصہ نہیں اس لئے صوبائی سرحدی تنازعات خاص طور پرخیبرپختونخوا نے گلگت بلتستان کے جغرافیائی حدود کی خلاف ورزی کی ہوئی ہے اورباشا ایریا، قرمبر ایریا اور شندور ایریا میں بڑی تعداد میں اراضیات ہتھیا لی گئی ہیں، ان علاقوں میں یکم نومبر 1947 سے پہلے والی حدود کا تعین کرکے حدودِ بندیوں کی جائے۔

3۔ ایک سوچی سمجھی سازش کے تحت 31 جنوری 1927 کے اسٹیٹ سبجیکٹ رولز کو گلگت بلتستان میں عملاً معطل رکھا گیا ہے جس کی وجہ سے غیر مقامیوں نے نہ صرف یہاں اراضیات خریدی بلکہ بڑے بڑے قطعات کو جعلی اور غیر قانونی طریقے سے اپنے نام الاٹ بھی کرائے، اس کے علاؤہ نوکریوں میں بھی ہاتھ صاف کیا گیا، یوں اس اہم قانون کے معطل رہنے سے گلگت بلتستان کے باسیوں کو ناقابل تلافی نقصان ہوا، لینڈ ریفارمز کے نام پر اس اہم قانون کو ختم نہ کیا جائے بلکہ اس قانون کو تحفظ بھی دیا جائے۔

4۔ کچھ باثر لوگوں نے محکمہ ریونیو کے ملازمین کے ساتھ ساز باز کر کے نوتوڑ رولز 1965(جواعلان نمبر 38 مورخہ 14 جولائی 1932 آرڈر نمبر 21 آف 1936 مورخہ 10 جنوری 1936 اور ناردرن ایریاز نوتوڑ رولز 1978) کی خلاف ورزی کرتے ہوئے الاٹمنٹس اور انتقالات کی ہیں ۔ ان غیر قانونی الاٹمنٹس اور انتقالات کو منسوخ کیا جائے۔

5۔ یہ کہ تمام غیر قانونی کان کنی لیزز کو منسوخ کیا جائے جو مائننگ ایکٹ اور گلگت بلتستان مائننگ کنسشن رولز2016 کے خلاف ہیں، اس کے علاؤہ کان کنی کے قوانین میں اہم ترمیمات کرنے کی ضرورت ہے ۔ لینڈ ریونیو ایکٹ 1967 کے سیکشن 49 کو گلگت بلتستان میں ختم کرکے گلگت بلتستان کی عوام کو ان مائنز کا اصل مالک قرار جائے۔

6۔ گلگت بلتستان میں جاگیرداری نظام کا خاتمہ نوٹیفکیشن نمبر Res-misc/23/72 مورخہ 12-10-1972 کے ذریعے کیا گیا تھا لیکن بدقسمتی سے یہاں کے راجوں کے غیر قانونی اثر و رسوخ کی وجہ سے ابھی تک گلگت بلتستان کے بہت سے علاقوں میں جاگیروں کی زمینیں ان کے حقیقی مالکان کو منتقل نہیں کی گئی ہیں۔ یہ انتہائی اہم مسئلہ حل ہونا چاہیے اور نوٹیفکیشن کے مطابق جاگیر کی زمینیں ان کے حقیقی مالکان کو منتقل کی جائیں۔

7۔ مقامی کمیونٹی کی شکایات کو دور کرتے ہوئے پارکس کے تمام قوانین اور جنگلات کے قوانین/ ایکٹس پر نظرثانی کی جانی چاہیے اور نیشنل پارکوں کے لیے ان کی قیمتی اراضیات ، چراگاہیں، نالہ جات ، بروکس وغیرہ بغیرمعاوضے کے اٹھا لئےگئے ہیں ان اراضیات کا معاوضہ وہاں کی مقامی کمیونٹیز کو دی جائے۔

8۔ گلگت بلتستان کے عوام کے مفادات کے خلاف کی گئی تمام غیر قانونی انتقالات، جمعبندیاں، ریکارڈ آف رائٹس، الاٹمنٹس کو منسوخ کیا جائے اور اس ایکٹ کے سائے میں ایسے غیر قانونی اندراجات کو کوئی پناہ فراہم نہ کی جائے۔

9۔ گلگت بلتستان استور اور بلتستان کے بہت ساری عوامی اراضیات، چراگاہیں اور جنگلات جموں و کشمیر کے بارڈرز کے ساتھ لگتی ہیں، لائن آف کنٹرول سے منسلک صرف 5 یا 10 کلومیٹر علاقے کولائن آف کنٹرول کا علاقہ گردانا جائے باقی کے علاقے جو سیاحتی اہمیت کے حامل ہیں وہاں کی زمینیں مقامی عوام کی ملکیت قرار دےکر وہاں کے مقامی لوگوں کو حوالے کیا جائے۔

10۔ گلگت بلتستان میں اب تک جتنے اراضیات سے متعلق قوانین بنے ہیں سب کو ختم کرکے پورے گلگت بلتستان کے لیے ایک جیسے قوانین بنائے جائیں ۔۔

قدرت نے موجود قانون سازوں کو یہ موقع عطا کیا کہ وہ عوامی مفادات کے قوانین بناکر تاریخ میں امر ہو جائیں اور یہ سب کچھ اب ان کے ہاتھ پر ہے کہ وہ اس اہم تاریخی ریفارمز کو کس طرح دیکھتے ہیں، تاریخ میں امر ہوتے ہیں یا ایک بار پھر بربادی کا باعث بنتے ہیں۔

پیوستہ رہ شجر سے امید بہار رکھ کے مصداق ہمیں اچھے کی امید رکھنی چاہئے مگر ماضی کے تلخ تجربات کچھ اور کہتے ہیں۔

تحریر: جی ایم ایڈووکیٹ

GB minister's official vehicle found Smuggling herbs

noreply@blogger.com (gbtribune) — Sun, 25 Aug 2024 20:49:00 +0500

گلگت بلتستان کی بیش قیمت ممنوعی جڑی بوٹیوں کی اسمگلنگ

سرکاری فارچونر گاڑی کروڑوں روپےمالیت کی جڑی بوٹیاں لےکرفرار

اسمگلنگ میں ملوث گاڑی صوبائی وزیرجنگلات شاہ بیگ کی نکل آئی

وزیرجنگلات شاہ بیگ کی تردید، کہا ٹمبرمافیا کا گیرہ تنگ کرنےپر سازشی عناصر پروپیگنڈا کررہےہیں۔

گلگت(مانیٹرنگ ڈیسک) گلگت بلتستان کے وزیر جنگلات شاہ بیگ کے زیراستعمال سرکاری گاڑی بیش قیمت ممنوعہ جڑی بوٹیوں کی اسمگلنگ میں ملوث پائی گئی۔سرکاری فارچونر گاڑی میں پرائیویٹ گاڑی سے تھوم نامی جڑی بوٹی کی بوریاں منتقل کی جارہی تھی۔محمکہ جنگلات کےاہلکاروں کے چھاپے پر دونوں گاڑیاں فرارہوگئیں، جلد بازی میں 4 بوریاں چھوڑ گئی جن میں موجود جڑی بوٹیوں کی مالیت ایک کروڑ روپے سے زائد بتائی جارہی ہے۔

تفصیلات کے مطابق 24 اگست کی رات نو بجے کے قریب محکمہ جنگلات کومخبر کےذریعے اطلاع ملی کہ شاہراہ قراقرم سے چقرکوٹ جانےوالے لنک روڈ پر دو مشکوک گاڑیاں کھڑی ہیں۔ محکمہ جنگلات کے دو اہلکار مجاہدین اور حفیظ الرحمان پڑی بنگلہ فارسٹ چیک پوسٹ سے پرائیویٹ گاڑی لےکر وہاں پہنچے۔موقع پر دیکھا گیا کہ ایک سرکاری فارچیونر گاڑی میں دوسری پرائیویٹ گاڑی سے جڑی بوٹیوں کی بوریاں منتقل کی جارہی ہیں۔ سرکاری گاڑی کا نمبر جی ایل ٹی 30 تھا جو صوبائی وزیر جنگلات شاہ بیگ کے زیر استعمال ہے۔ فارسٹ عملے کو دیکھ کو شاہ بیگ کی گاڑی جس پر آدھی سے زیادہ بوریاں لوڈ کی جاچکی تھیں،گلگت کی طرف فرار ہوگئی۔ مال سے بھری دوسری پرائیویٹ گاڑی چقرکوٹ کی جانب بھاگ گئی لیکن جلد بازی میں اپنے ایک ساتھی اور چار بوریاں موقع پر چھوڑی گئی۔ فارسٹ عملے نے ملزم اور جڑی بوٹیوں کی چاروں بوریاں تحویل میں لے کر پڑی بنگلہ فارسٹ چیک پوسٹ منتقل کردیا۔ چالیس چالیس کلو گرام کی چاروں بوریوں سے 160 کلو گرام بیش قیمت ممنوعہ جڑی بوٹی تھوم برآمد ہوئی جس کی مالیت کا تخمینہ ایک کروڑ روپے سے زائد لگایا جارہا ہے۔ تحویل میں لیے گئے ملزم کی شناخت زید الرحمان ولد امیر حمزہ ساکن چلاس کھنر کےنام سے کی گئی۔ فارسٹ عملے نے ملزم کو ایف سی کے حوالے کردیا، جسے بعد میں گلگت منتقل کردیا گیا۔

معاملے پر پولیس کی جانب سے کیا کارروائی عمل میں لائی گئی اس کی کوئی تفصیل تاحال سامنے نہیں آئی۔تاہم قوی امکان یہی ہے کہ شاہ بیگ اپنے عہدے اور اثرورسوخ کو استعمال کرتے ہوئے نہ صرف قانونی کارروائی سے بچ نکلیں گے بلکہ جو جڑی بوٹی ان کی گاڑی میں لےجائی گئی ہے وہ بھی برآمد نہیں ہوگی۔

وزیرداخلہ گلگت بلتستان شمس لون پر بھی جڑی بوٹیاں اسمگل کرنے کے سنگین الزامات لگ چکے ہیں، لیکن ان کےخلاف نہ کوئی انکوائری ہوئی،نہ کارروائی عمل میں لائی گئی۔ وہ آج بھی اس اہم عہدے پرفائز ہیں۔

سوشل میڈیا میں جوڑی بوٹیوں کی اسمگلنگ سے متعلق تشویش کا اظہار کیا جارہا ہے۔ علی شیر نامی ایک صارف نے لکھا ہے۔

سیکرٹری جنگلات وحید شاہ کا اصل امتحان یہ نہیں کہ جڑی بوٹیوں میں ملوث حکومتی کرداروں کےخلاف بلاتفریق کارروائی کرے، اصل امتحان یہ ہےکہ استور میں جڑی بوٹیوں کے حامل ایریا میں لاحاصل اختیار کے حامل کرداروں کی سرپرستی میں ہونے والی جڑی بوٹیوں کی بربادی پر اقدامات اٹھانا۔

ادویات کی مد میں مقامی لوگ اگر جڑی بوٹی کہیں سے لاتے ہیں تو ان پر قانون فوری حرکت کرتا ہے۔ اسی قانون کا دہرا معیار یہ کہ وہاں (وزیر اسمگلنگ کرے تو) قانون خاموش ہے۔ وحید شاہ صاحب آپ کے بس کا یہ کام نہیں، وزیر داخلہ کےخلاف جڑی بوٹیاں اسمگلنگ پر آج تک کچھ نہیں ہوا۔

یہاں طاقتور اور تمام طاقتوں کے حامل کردار کے وفا شعاروں کےخلاف کوئی کچھ نہیں کر سکتا۔

یہاں بس وہی قانون کی پکڑ میں آتا ہے جو سیاسی، اداریاتی طور پر لاوارث ہے۔

مشیر جنگلات و جنگلی حیات حاجی شاہ بیگ نے کہا کہ میری سرکاری گاڑی میں جڑی بوٹی اسمگل کرنے کے حوالے سےخبر بےبنیاد اور منگھڑت ہے۔ مشیر جنگلات کا قلمدان سنبھالنےکے بعد ٹمبر مافیا کا گرد گیرہ تنگ کردیا جس کے بعد بعض سازشی عناصر بےبنیاد اور منگھڑت الزامات کے ذریعے سوشل میڈیا پر پروپیگنڈا کر رہےہیں جن کا حقیقت سے کوئی تعلق نہیں۔انہوں نے کہا کہ محکمہ جنگلات جگلوٹ رینج میں پکڑی جانے والی جڑی بوٹیوں کے حوالے سے مزید تحقیقات جاری ہیں۔

Places in Gilgit Baltistan with Burushaski names

noreply@blogger.com (gbtribune) — Sat, 24 Aug 2024 12:29:00 +0500

جگہوں کے بروشاسکی نام

یوں تو پورے گلگت بلتستان میں بہت سے جگہوں علاقوں، ندی نالو ں اور دریاؤں کے نام بروشاسکی میں ہیں۔ لیکن چند ایک جو اِݜقَمیࣷن/ اِݜقم مڵ(موجودہ اشکومن) میں ہیں کا ذکر کیا جار ہا ہے۔ (1) اِݜقَم تیࣷر ( سرسبز نالہ) (2) باردُم چھر(سرخ پہاڑ)، (3) غوࣷڅھرمڵ (آ بشاروالی کھیت)، (4) بُش مڵ (بلی والی کھیت)، (5) اِݜقَم مڵ(سرسبز کھیت)، (6) متھن تیࣷر(دور والا نالہ)، (7) ڎھن تیࣷر(سیدھا یا سچا نالہ)، (8) اِݜقمیࣷن (اشکومن) سرسبز یعنی موجودہ اشکومن کا نام بھی بروشاسکی اݜقَمیࣷن یعنی سرسبز یا سبز سے پڑ گیا ہے، (9) بِرگل ( بَر اور گل کا مجموعہ ہے) نالہ کا سرو کا درخت (گل)، (10) ٹوپاشل ایک اہم مقام ہے یہ بون مذہب کے پیروکاروں کا شاید کسی زمانے میں مرکز رہا ہوگا اسی لئے ٹوݩپا شن رب می بوچی کی مناسبت سے ٹوپاشل بن گیا ہے۔

(لیکن دوسری اصطاح یہ ہے کہ یہ ٹوپاشی کی بگاڑ ہے جس کا مطلب ہے گندم کی فصل کاٹنے کے بعد بارش وغیرہ سے اور جانوروں سے بچانے کے جو سٹاک یعنی ہُݜڅ بنایا جاتا ہے اگر وہ چھوٹا ساہو تو اس کو ٹوپاشی کہا جاتا ہے اور اسی سے ٹوپاشل بن گیا)، (11) چٹور کھن چٹور کا قلعہ چٹور بندےۡ کا نام تھا کھن قلعہ اور بعض لوگوں کاخیال کہ(چٹور ایک مخصوص پھل یہاں بکثرت ملتے ہیں جنہیں اردو میں بہی کہتے ہیں کا قلعہ)، (12) اِیࣷمت ( گونسلا یا اسکی رہنے کی جگہ)، (13) دَڵ مڵ(بالائی کھیت یا اوپر والا کھیت)، (14) قُرُم بَر (قُرم کا نالہ)،

(15) اسی طرح غذر کے بارے میں بعض لوگوں کی رائےۡ ہے کہ یہ جگہ چٹیل میدان اورغیرآباد تھا اور اس علاقے میں گدھ بہت زیادہ پائے جاتے تھے، گدھ کو بروشاسکی میں گڎھرکہا جاتا ہے تو اس کی وجہ سے اس کانام گڎھۡر پڑ گیا اور بعد میں ݜین سماج کے لوگ اس علاقے میں آبسے اورگڎھۡر کی تلفظ کی صحیح ادائگی نہ کر سکنے کی وجہ سے گزھر کہا اور امتداد زمانہ اور کثرت استعمال سے غرز بن گیا پھر غیرملکیوں کی آمد نے اس کوغذربنایا۔ (16) اسی طرح غذر میں ایک قلعہ چھومر کھن یعنی لوہے کا قلعہ، تھا، (17) تیࣷر موجودہ ٹیروجس کو مقامی لوگ آج بھی تیࣷر کہتے ہیں، لیکن فرنگیوں نے یہاں ایک رسٹ ہاوۡس بنایا اور ٹیلی فون کا انتظام کیا اور تیࣷرکو ٹیرو لکھا۔

(18) پھنڈر وہ جگہ جہاں دریا کا پانی بھنور کی صورت میں گھومتا ہے جیسا کہ پھنڈر کا جھیل ہے، (19) چھݜیࣷ جوچھݜ یعنی کانٹےۡ، کانٹوں والی جگہ چھݜکݜ سے بگڑ کر چھݜیࣷ رہ گیا، (20) شمَرن جو کہ شوارن کھیل کا میدا ن یا پولو گراؤنڈ سے بگڑکر شمَرن رہ گیا، (21) پنگڵ جو پِن اورگڵ کا ملغوبہ ہے کوئی بڑا سرو کا درخت تھا۔ کسی بروشو نے کہا کہ پِن گڵ دوا یعنی زبردست گڵ کا درخت ہے جس سے پِنگڵ بن گیا، (22) دہِمڵ جو کہ دھے مڵ گاؤں والا کھیت سے بگڑکردھیمل ھو گیا، (23) خلتیࣷ جو کہ بروشاسکی کے خلتیا کی بگاڑ ہے جس کا مطلب تھیلہ ہے یہ گاؤں دو پہاڑں کے درمیان انتہائی کھائی میں ہے اوپر سے ایک تھیلہ نما دکھائی دیتا تھا جس کی وجہ سے خلتیا کہا گیا اور بگڑ کر خلتیࣷ رہ گیا۔

(24) گوپَس جو کہ غوپَس یعنی کپاس، کسی زمانے میں گوپس میں کپاس کاشت کی جاتی تھی۔ جس کوبروشاسکی میں غوپَس کہا جاتا ہے امتداد زمانےاورکثرت استعمال سے گوپس رہ گیا۔ (25) دلومڵ(دلمڵ کا بگاڑہے)، (26) بروم دن یعنی سفید پتھر، (27) التوبرِݩ (برنگ)، (8 2) ڎِھیࣷل غݜ یعنی پانی کی پگڈنڈی ، (29) بݜڅ یعنی پل ، (30) پُھمبریࣷݜ ( آگ کا الاوࣷ جو موسم سرما میں ایک رسم کے طور پر ایک مقر رہ رات کو آگ کے بڑے بڑے الاوࣷ جلایے جاتےتھے جس سےپورا علاقہ بقائے نور بن جاتا تھا، شاید اسی نسبت سے نام پُھمبریݜ پڑ گیا (31) متُم دن یعنی کالا پتھر ، (32) سبو یا صدوم کھن (یہ کسی کےنام پر بنایا ہواکوئی قلعہ ہو گا جو اب معدوم ہو گا)۔

(33) دڵ مڵ یعنی بالائی کھیت یہ نام تین مختلف مقامات پر آئے ہیں ، (34) چھاغمل یہ شاید ڎغا مڵ ہوگا یعنی باغ کی طرح کا کھیت یا سائے والا کھیت ، (35) گمُئی یعنی پائن یا پائنتی، (36) کھݜین یا کھڅیࣷݩ یعنی دریا کے گزر گاہ کوکھڅ کہا جاتا ہے اور کھڅیݩ ( کھڅ ینگ)، (37) ہرے ݜُݩ (شُنگ) بیل کا نالہ، یا یہ ہیࣷر ݜُݩ (ݜُنگ) بالائی نالہ ہو گا (38) دڵُم دس یعنی اوپر کی طرف والا غیر آباد زمین، دلُم بالائی اور داس غیر آباد زمین (39) بَریࣷنژ وہ جگہ جہاں فال ڈالا یا نکالا جاتا ہو۔

باؤݜٹرنالہ غذرمیں چند بروشاسکی نام۔(40 ) گمون (بنیاد)، (41) ھرنگ بر(درمیان والا نالہ)، (42) پئی تہہ (گرامائی چراگاہ کا وہ جگہ جدھر رات کو جانورجمع ہو کرآرام کرتے ہیں)، (43)قبرستان کھول (قبروں والا غار)، (44) ورور( ورور پھٹا ہوا)، (45) ھورگو ڎے ( چڑھائی کی جانب)، (46) میر گوسینگ (وہ زمین جو زلزلے کے سبب اندر دھنس گیا ہو)، (47) سآ گلینگ۔ (سورج کی پکڈنڈی ،بروشاسکی میں گلنگ باریک بگڑنڈی کو کہا جاتا ہے اور سآ سورج کو)، اشکومن سے ملنے والا بت شمولین ار اورل سٹین ساتھ لے کر گیا ِ۔

(48) غیربر، انوکھا نالہ، (49) ہغوست بر(درہ والا نالہ)، (50) غوٹ بر(گونگہ نالہ)، (51) تھالوࣷبڵݩ (بلنگ) یعنی سات دیواریں) ،(52) ڈوڈُم بر(ڈوڈوم کا نالہ) ، (53) جوجاٹی بر(جوجاٹی جگے کا نام ہے اور بر نالہ) اور(54) بٹیࣷلی بر(بٹیلی جگہ کا نام اور بر نالہ) ، یہ نام بتھریت نالہ میں ہیں ،( ماخز سلیم خان دھیمل)

پویال یعنی پونیال میں بھی بہت سے جگہوں کے نام بروشاسکی میں ہیں، (55) ببُر کھن یعنی ببُر شیر اور کھن قلعہ جس کو بعد میں شیر قلعہ کہا گیا، اسی طرح شیر قلعہ کا یک دوسرا نام بھی ہے یعنی(56) چھو ہر جو کہ بروشاسکی میں اس کے دو معنی ہے چھو خالی یا ننگا اور ہر خشک نالہ اور دوسری اصطلاح ہے کہ چھو بیل کو ھانکنے کی آواز اور ہر کا مطلب بیل، یعنی بیل کو ھانکنا چھو ہر چلو اے بیل۔ تو اسی سے اس کا دوسرا نام چھوہر جو بگڑ کر چھیر کہا جاتا ہے (واللہ عالم) اسی طرح (57) بوبُر جو کہ بوم ہر یعنی سوکھا ہوا نالہ چونکہ ادھر ایک برساتی نالہ ہے جو اکثر خشک رہتا ہے جس کی وجہ سے بوم ہر کہا گیا اور وہ بوبُر کی صورت اختیار کیا۔

(58) گاہکوچ جو کہ گیئےࣷ کُش یعنی برفیلہ یا برف جہاں زیادہ دیر تک رہے کو کہا جاتا ہے اور کثرت استعمال سے گئیے کُش سے گاہکوچ بن گیا، (59) آیشی،آیش یا عیش آسمان سے بگڑ کر عیشی رہ گیا، (60) سلپی یعنی ڎھیࣷل اپی( سے سلپی بن گیا) یعنی پانی نہیں ہے، (61) ٹھنگ داس جو کہ تھنگی داس سے بگڑ کر تھنگداس بن گیا، تھنگی جو کہ دریا اپنے پاٹ میں دو تقسیم ہو کر اگر درمیان میں کچھ جڑی بوٹیاں، درخت اور سبزہ اُگ آئے تو اُس جگہ کو بروشاسکی میں تھنگی کہا جاتا ہے جو کہ بگڑ کر ٹھنگداس بن گیا۔

(61) دریائے سندھ کا نام بھی بروشاسکی سندے سے ہے بروشاسکی میں دریا کو سندے کہا جاتا ہے جس کو بیرونی حملہ آوروں نے اور لکھاریوں نے سندے سے ہی سندھ رکھا اور اس دریا ہی کی وجہ سے وادی مہران کا نام سندھ پڑ گیا اصل میں سندے ہے۔

،(62) کپل کھن، کھوبڑی والا قلعہ، یہ گلگت میں تھا، (63) گرِگلت ، مارخور کی باری، یہ گلگت کا نام تھا ، اسکو سارگن یاسرِ گن بھی کہا جاتا ہے۔ جس کے دو مطلب ہیں ایک خرگوش کا راستہ، دوسرا، جھیل کا راستہ، بگٹرکر سارگن اور گرِگلت سے گلیت بن گیا، (64) گلگت میں ایک جگہ قبرستان ہےجس کو اج کل کھولتوشنگ کہتے ہیں جوکہ التوسنگ کا بگاڑ ہے(یہ سید محمدیحیٰ شاہ صاحب نے لکھا ہے لیکن میرے خیال میں یہ گولتُس آپکی قبریا گولتوشاۡ یعنی آپ کی قبر میں سے شین سماج نے کھُلوتُشنگ کیا ہوگا یہ قرین قیاس ہے) جس کے معنی قبرستان ہے۔ (65) بسین جو کہ ہنزہ نگر کی بروشاسکی لفظ بسنگ (بسݩ) بسی جو کہ باغ کوکہا جاتا ہے اوربسنگ باغات ہو گیا سے بگڑ کربسین رہ گیاہے۔ (66) بروم موئݩ( موئنگ) یعنی سفید جھاڑی۔

(67) ڎھیࣷلمِنݜ ( مێݜ نگر کی بروشاسکی میں دلدل والی زمیں کو کہا جاتاہے) سے بگڑکرڎھێلمݜ رہ گیا، (68) متُم داس ( کالا اوربنجر جگہ یعنی داس کا ملغوبہ ہے) اس جگہ کالے پتھر تھے اور بنجر جگہ تھا۔ جس کی وجہ سے کالا زمین نظرآتا تھا، (69) چھپ روٹ ( جہاں گوشت کی فروانی ہو)، اسی طرح اِݜقَمیࣷن میں چند یک اور نام یہ ہیں، (70)غٹوم (گہرا)، (71) دیࣷران (اُترائی)، (72)ہندس (ایک غیر آباد زمیں اگر ہندِس کہا جائے تو اس کا مطلب ہو گا انتہائی گرم)، (73) ہن گل(ایک سرو کا درخت)،(74) غوچھار(آبشار)، (75)گل تِر(سرو کے درخت والا نالہ)، (76) گِݜ گِݜ(بےڈنگی چال چلنا)۔

مرکزی ہنزہ کے کچھ جگہوں کے بروشسکی نام جو جاوید بروشیࣷن کی ماخذ ہیں ۔

(77)غرݺ یٹ، (78) سرٹ، (79) غمیس ہر، (80) بوروم کھن، (81) ماموہر، (82) گیرم، (83)ہرچی، (85) گنش، (86) بل دس، (87) ڎھل گنش، (88) ہرملنگ، (89) دلدس،(90) ہراݜونگ، (91) بل مل، (92) کھئی، (93) کئی جگہے قباءل کے اجداد کے ناموں سے منسوب جو شاید ان کے اباد کار تھے۔ جیسا کہ(94) بِیریشل، (95) چبوئیکوشل، (96) براشل ݽنوکشل، (97) برونگشل،(98) درامیشل،(99) خروکشل،(100) شکونوشل، وغیرہ۔ ان کے علاوہ(101) بسینگوشل، (102) غرہ بریس، (103) اولوبسی، (104)، ٹݹقٹ، (105) ہرا ݜݸنگ، (106) ݽݵقاکیئنڎ، (107) بولےغݽ، (108) تورےغݽ، (109) جل مل، (110) ایندیلینگ، (111)غونونگ، (112) چھمرکھن، (113) ڈورکھن، (114) فوروہر، (115) ایݜاہر، (116) ٹوٹنگ ݜونگ، (117)غول کھن، (118) گاوٌوکھن، (119) بروم موس، (120) نرے دس وغیرہ۔

برشو نام: معیز حکل

(121)منہ پن، (122) تھول، (123) ہوپر، (124) ہیربر، (125)برم کھن،(126) ہیرا، (127) اولتر، (128) رت پھری، (129)غیمݜ،(130) سومو یریا سمہ یر، (131) دوݩے دس، (132)خہ بسی، (133) ہنقچی، (134) گلمت یا گلم ایت یا گلے ایࣷمت، (135)غلمیت یا غلم ایت یا غُلے ایࣷمِت، (136) غینݜ یا گنش، (137)خووٹ، (138)بلدیٹ(بلدی یٹے )، (139) مدالے تلینم، (140) سرگانے تلینم، (141)اولو تلینم، (142) میسے گآر یا مسگار، (143) دلدس، (144) ششپر، (145) ہرچی، (146) پھئ ہر، (147) ہونے چھݜ، (148) بل لم، (149) بلغݜ، (150) پھݜو یا پھسو،

محمد اسماعیل تحسین سے ماخذ:

(151)ہسپر، (152)غݜوشل ۔۔۔غݜوٹ کی بستی، (153)ہولشل ۔۔۔ہلو کی بستی، (154)بروشل ۔۔۔بروݜ بل سنگھ کی بستی، (155)رتل ۔۔۔مسطح علاقہ، (156)ہکلشل ۔ بکو کی بستی (157) ہغوچار ۔۔ہغوڅ یارے۔۔۔گلیشر کے نیچے، (158)ݜامن ۔۔۔ݜہ کا چبوتر، (159)نگر ۔۔۔وطن ' بستی، (160)منالوکشل۔۔۔ملو کی بستی، (161)پݩیالوکشل ۔۔۔۔پݩیالو کی بستی (163)دسگویو دس ڈس گویو کی بستی، (164)ہمری ۔۔۔ (162)گوٹکوشل ۔۔۔گوٹ کی، بستی

(165)گݜہ کشل۔۔۔گݜہ کی بستی، (166)نکو کھن ۔۔۔ݩکو کی بستی، (167)چلی کشل (169) چلیکو کی بستی، (170)ٹوکورکوٹ ۔۔آجڑا بستی (168)غوٹس (171)غوٹ دس خاموش بستی

(174)میلوکشل۔۔ بٹہ کھن ۔۔۔گنجا قلعہ،(173) (172)ہرائی گرم،ہرائی کی بستی

(175)چھ ملینگ۔۔۔څھا ملنگ ۔۔باجرے کے کھیت

نوٹ: ڈاکٹر معیز حکل کا کہنا یہ بھی ہے کہ ہنزہ اور نگر میں کچھ ہندی سنسکرت نام کے ساتھ بےشمار بروشو نام موجود ھیں۔ اس کے ساتھ دونوں کے مشترک نام بھی موجود ہیں۔

سنسکرت نام :

نگر 2 اگائے کوٹ 3 چغتاے کوٹ 4 ہندی یا ہنی 5

جرمݜ برشو سنسکرت (مشترک نام)

شنو کو شل 2 ہکل شل 3 برشل 4 بروݩوشل 5 چھکوشل 6 ہولشل 7 سنہ کھن 8 شیمشل یا شمشال 9 تݜکوٹ یا ݜݜکٹ 10 غرئ کوٹ یا غرئیٹ 11 دھوئ کر 12 پھہ کر

کچھ واخی نام وادی گوجال میں بھی موجود ہیں ۔ مورخون ، غوݜبین

ماخذ: وادی اشکومن تحریر محمد جان اشکومن،

سید افسر جان(سابقہ ماہر تعلیم)اݜقمیࣷن اورڈاکٹرارشد شیدائی اِݜقَمیࣷن

سینہ بہ سینہ کہانی تاریخ گو المعروف ٹھل بے گل نلتی تھوئی،

بروشو قبائل اور بروشال سید محمد یحیٰ شاہ،

سلیم خان دھیمل اور نصیرالدین پنگل غذر

نظام الدین حکیمیں پنگل

چاوریلو جاوید حیات ٹیرو(تر) غذر

جاوید احمد ساجد ہویلتی(سلطان آباد) یسین ، غذر، گلگت بلتستان

ہنزہ اور نگر میں جن جگہوں کے بروشاسکی نام ہیں ان کے ماخذ، محمد اسماعیل تحسین، جاوید بروشیࣷن اور ڈاکٹر معیز حکل ہیں

مورخہ : 2 جون 2024 ، بروز اتوار ، زیقعدہ 1445 ھ

Tourism industry melts as temperatures rise

noreply@blogger.com (gbtribune) — Sat, 20 Jan 2024 07:48:00 +0500

گلگت بلتستان،چترال اورآزادکشمیرمیں ٹمپریچربڑھنےسےسیاحت کی صنعت پگھلنےلگی

قراقرم ،ہمالیہ اور ہندوکش کے پہاڑی علاقوں میں موسم سرما کا مطلب برف کی چادر ہے جہاں ونٹراسپورٹس کےایونٹ ہزاروں سیاحوں کی توجہ کا مرکز بن جاتےہیں۔

جہاں برف کی گہری تہہ کومعمول سمجھاجاتاتھا اس سال غائب ہے، میدانی علاقے گردآلود، ڈھلوانیں بھوری اور پہاڑوں کی بلند چوٹیاں بدستور ننگی ہیں جوکہ تیزی سے گرم ہونےوالےسیارےکی وجہ سے شدید موسم کے اثرات کی واضح مثال ہے۔

برف کی کمی نہ صرف سیاحت کو متاثر کررہی ہے بلکہ زراعت پر گہرے اثرات مرتب کرےگی۔

گلگت بلتستان کے مقامی ٹور آپریٹرز کا کہنا ہے کہ برف نہ پڑنے کی وجہ سے سیاحوں کی آمد نہ ہونےکے برابر ہے، جوسیاح اس کے باوجو آچکے ہیں وہ مایوس ہیں۔ ٹریول ایجنسیاں اور ہوٹل انڈسٹری سیاحوں کا راہ تکتی رہ گئی ہیں۔ جہاں سرمائی اسپورٹس کے رنگ سجنی تھی وہ کیچڑکے تالاب جوہڑ بن چکے ہیں۔

موسمیاتی ماہرین کا کہنا ہےکہ موجودہ خشک سالی شدیدموسم کا نتیجہ ہے جو مستقبل میں زیادہ شدید اور بار بار ہونے کی پیشگوئی کی جارہی ہے۔

Independence of Gilgit Baltistan.. Special addition

noreply@blogger.com (gbtribune) — Wed, 1 Nov 2023 07:51:00 +0500

یادگارشہدا گلگت بلتستان

یوم آزادی گلگت بلتستان، خصوصی مضمون

تحریر: راحت علی شاہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گلگت بلتستان کشمیرکاحصہ نہیں، یکم نومبرکومہاراجہ کشمیرسےآزادی حاصل کرچکاہے، اس کا ذکرآئین میں موجود ہے،اسے پانچواں صوبہ بناکرپارلیمنٹ میں نمایندگی دی جائے

گلگت بلتستان کشمیرکاحصہ ہے، جب تک مسئلہ کشمیرحل نہیں ہوتااسےآزادکشمیرمیں ضم کرکےوہاں کی پارلیمنٹ میں نمایندگی دی جائے۔

گلگت بلتستان پاکستان کاحصہ ہےنہ کشمیرکا، جب تک مسئلہ کشمیرحل نہیں ہوتا گلگت بلتستان کوخودمختارحیثیت دےکراختیارات مقامی آبادی کومنتقل کیےجائیں۔ غیرمقامی بیوروکریسی کونکال دیاجائے۔

گلگت بلتستان پاکستان کاحصہ نہیں، اس کافیصلہ رائےشماری کےذریعےہوناہے،حکومت کےیک طرفہ فیصلےسےمسےاقوام متحدہ میں پاکستان کا کیس کمزورہوگا۔

-------------------------------------------------------------------------------------------------------

اٹھائیس ہزارمربع میل پرپھیلی گلگت بلتستان کی 30 لاکھ سےزائدآبادی گزشتہ 72 سالوں سےان نعروں اورمطالبات کےبیج جس الجھن کاشکار تھی اس کا ڈراپ سین جنوری 2019 میں سپریم کورٹ کا تاریخ ساز فیصلہ آنےکےبعد ہوگیا۔ عدالت عظمی نےپہلی مرتبہ واضح فیصلہ دیا کہ گلگت بلتستان کےمستقبل کا تعین نہ پاکستانی پارلیمنٹ کرسکتی ہےنہ ہی اعلیٰ عدلیہ۔ جوبھی فیصلہ ہوناہے اقوام متحدہ کےتحت رائےشماری کےذریعےمقامی آبادی کوخود کرنا ہے، جب تک یہ وقت نہیں آتا حکومت وہاں بنیادی انسانی حقوق کی فراہمی کویقینی بنائے۔

اعلیٰ عدلیہ کےاس فیصلےکی بنیاد اقوام متحدہ کی وہ قراردادیں ہیں جو 1948 کے بعد وقتا فوقتا منظورہوئیں اورجن پرپاکستان بطورفریق زیردستخطی ہے۔ ان میں واضح طورپرکہاگیا ہے کہ چونکہ معاملہ اقوام متحدہ میں ہے، خطےکا کوئی یونٹ یا فریق ممالک ایسی کوئی قانون سازی نہیں کرسکتےجوخطےکےمستقبل کےتعین پرمنتج ہو، ایسے کسی بھی یک طرفہ فیصلےکوسلامتی کونسل کی قراردادوں سے انحراف سمجھا جائےگا۔

واضح رہےکہ سلامتی کونسل کی یہ قراردادیں گلگت بلتستان، آزادکشمیراورمقبوضہ کشمیرپریکساں طورپرلاگو ہوتی ہیں۔ لیکن عارضی انتظام کےتحت آخرالذکر دونوں متنازعہ علاقوں کےشہریوں کووہ تمام حقوق حاصل ہیں جوانسان کا پیدائشی حق ہے۔ آزادکشمیرکی مثال لیجیے، وہاں باقاعدہ ایک حکومت قائم ہے،ان کااپنا صدر، وزیراعظم، سپریم کورٹ اوردیگرتمام حکومتی ادارےقائم ہیں، ان کےنمایندے سرکاری سطح پرعالمی فورمز پرنہ صرف اپنےخطےبلکہ وفاق کی نمایندگی بھی کرتےہیں۔ اسی طرح مقبوضہ کشمیرکو دیکھاجائےتووہاں کی صورتحال بھی آزادکشمیرسےزیادہ مختلف نہیں ہے، بھارت مقبوضہ کشمیرکو متنازع تسلیم کرتاہےلیکن مہاراجہ کشمیرکےالحاق کےبعد خطےکوباقاعدہ صوبےکی جوحیثیت دی گئی تھی وہ کسی حد تک برقرار ہے، تاہم 5 اگست 2019 کو مودی سرکار نے آرٹیکل 370 اور آرٹیکل 35 اے کو ختم کرکے اسےبراہ راست بھارتی وزیرداخلہ کے نگرانی میں دیا۔ اس فیصلے کو بھارتی سپریم کورٹ اسے غیرقانونی قرار دے چکی ہے۔بھارتی حکومت بھی عدالت میں کہہ چکی ہے یہ عارضی انتظام ہےجسے جلد ختم کرکے پرانی حیثیت بحال کی جائےگی۔ اس کے علاوہ مقبوضہ کشمیر میں قابض بھارت فوج کوجولامحدود اختیارات دیےگئےہیں وہ بےنقاب بھی ہورہےہیں۔ بھارت کےعالمی اثرورسوخ کےباوجودکشمیرمیں اس کےمظالم کی داستانیں لمحہ بہ لمحہ دنیاکے کونےکونےمیں پہنچ رہی ہیں۔

اس کے برعکس گلگت بلتستان دنیا کی نظروں سےاوجھل ہے۔ وہاں بنیادی انسانی حقوق سلب ہیں۔ گزشتہ 72 سالوں سےخطے کوعارضی پیکجزکےتحت چلایا جارہاہے۔ حتمی فیصلےتک خودمختاری کا مطالبہ غداری قرار پانےکےبعد عوام کےپاس ایک ہی مطالبہ رہ جاتا ہےکہ خطےکوصوبےکی حیثیت دے کرپارلیمنٹ میں نمایندگی دی جائے، اس پردوٹوک جواب ملتا ہے کہ اقوام متحدہ کی قراردادیں اس کی اجازت نہیں دیتیں۔عالمی فورمزپرنمایندگی تو دور کی بات ہے،یہاں کےدوسرےدرجے کے شہریوں کواس قابل بھی نہیں سمجھاجاتا کہ انہیں مقامی سطح پرانتظامی عہدوں پرتعینات کیاجائے۔ 28 ہزارمربع میل رقبے پرآباد 20 لاکھ سےزائد لوگ کس کرب سےگزررہےہیں، کوئی جانتا بھی نہیں۔ اس کی وجوہات بھی معقول ہیں جنہیں سمجھنےکےلیےتاریخ کی چند کڑیوں کو ملانا ضروری ہے۔

تقسیم ہند سےقبل جموں کشمیرکاشمار ان ریاستوں میں ہوتاتھا جہاں مہاراجوں کےتحت شاہی ریاستیں قائم تھیں۔ برطانوی وزیراعظم کلیمنٹ ایٹلی نےہندوستان سےنکلنےکےجواعلان کیاتھا ،3 جون 1947 کےمنصوبے،انڈیا آزادی ایکٹ اور پھرلکیر کھینچنےتک اس میں کئی داو پیچ آئےلیکن شاہی ریاستوں سےمتعلق گائیڈ لائن ایک ہی تھی کہ انہیں ہندوستان یاپاکستان میں کسی کےساتھ بھی رہنےکاحق حاصل ہوگا۔

تقسیم ہند سےمحض دوہفتے پہلے،یکم اگست 1947 کوبرطانیہ نےریاست جموں وکشمیرمہاراجہ ہری سنگھ کوواپس کردی جو11 سال قبل ہی ساٹھ سال کےلیےپٹےپرلےرکھی تھی۔ مہاراجہ نےریاست کوانتظامی لحاظ سےتین صوبوں (گلگت بلتستان لداخ، جموں، وادی کشمیر)میں تقسیم کیا۔ اپنی فوج میں میجربراون سمیت برٹش آرمی کےدواعلیٰ افسران کی خدمات بھی برقراررکھیں۔

12 ستمبر1947 کووزیراعظم لیاقت علی خان نےفوجی اورشہری حکام کےساتھ ملاقات کی جس میں مبینہ طورپردومختلف منصوبوں پرعمل درآمد کی منظوری دی گئی، اس میں کشمیر پرشمال سےحملہ کرنےکےلیےقبائلی فورس کی تیاری اور پونچھ میں باغیوں کو مسلح کرناشامل تھا۔ چوہدری رحمت علی نےاپنی کتاب میں لکھاہے قائداعظم محمدعلی جناح کو اس منصوبےسےمکمل لاعلم رکھاگیا تھا۔

22 اکتوبر1947 کوقبائلی لشکرمظفرآبادمیں داخل ہوا ،وہاں ڈوگرا فوج کوپسپا کرنےکےبعد اگلے دو دنوں کےدوران بارہ مولا کی طرف پیش قدمی کی، کچھ جنگجوسری نگرکےمضافات تک پہنچ گئے۔ لشکرنے قتل عام، خواتین کی عصمت دری اورلوٹ مارکی ان گنت داستانیں بھی چھوڑیں۔

24 اکتوبر 1947 کوپونچھ میں سردار ابراہیم نےآزادجموں وکشمیرکی حکومت بنانےکااعلان کیا اور خود کواس کا سراہ مقررکردیا۔

26 اکتوبرکومہاراجہ ہری سنگھ نےبھارت سےالحاق کرلیا جس کےبعد 27 اکتوبرکوبھارت نےاپنی فوج کشمیرمیں اتاردی۔

ادھرگلگت میں مہاراجہ ہری سنگھ کی فوج نےبغاوت کردی۔ 31 اکتوبرکی رات ریزیڈنسی کامحاصرہ کیاگیا۔ یکم نومبرکی صبح گورنرگھنسارا سنگھ کوگرفتارکیاگیا۔ دودن کی افراتفری اورغیریقینی صورتحال کےبعد 3 نومبرکوپاکستانی پرچم کوسلامی کی تقریب ہوئی جس میں کرنل عبدالماجدخان اورصوبیدارمیجربابرخان نےایک ٹیلی گرام میجربراون کےسامنےپیش کیاجس میں لکھا گیاتھا کہ گلگت کوحکومت گلگت کےسپرد کردیاگیاہے۔ صدرشاہ رئیس خان کی قیادت میں عبوری حکومت تشکیل دی گئی، کرنل مرزاحسن خان کو انقلابی کونسل کاسربراہ اور کرنل غلام حیدرکوکشمنرمقررکردیا گیا۔ یہ انتظام محض 15دن قائم رہا۔ 16 نومبرکو وفاق کا بھیجا گیا نمایندہ تحصیلدارسردارعالم گلگت پہنچا اورعنان حکومت اپنےہاتھ میں لےلیا۔ اس کےبعد نوآزادریاست گلگت کےصددراورانقلابی کونسل کےسربراہ کےساتھ کس قسم کا سلوک روارکھا گیا یہ بھی علیحدہ موضوع ہے۔ مسئلہ کشمیر سلامتی کونسل میں جانےکےباوجودجنگ کا سلسلہ جاری رہا اور گلگت اسکاوٹس نےبلتستان کوبھی لداخ سےآزادکرالیا۔ اس مہم جوئی کےنتیجےمیں ڈوگروں سےآزادکرائےگئےعلاقوں کی وحدت بکھرچکی تھی، سردارابراہیم نے28 اپریل 1949 کوپاکستان کےساتھ ایک معاہدہ کرکےاس پرمہرتصدیق ثبت کردی جسےمعاہدہ کراچی کےنام سےیاد کیاجاتاہے۔

یکم جنوری 1948 کوبھارت اقوام متحدہ میں گیا، ایک ہفتےبعدپاکستان نےبھی اقوام متحدہ میں درخواست دارکردی۔

20 جنوری 1948 کوسلامتی کونسل نےقرارداد 39 کےذریعے اقوام متحدہ کاکمیشن برائےانڈیاو پاکستان (یواین سی آئی پی) قائم کیا۔جس کو دونوں ممالک کےالزامات کی تحقیقات کرکےثالثی میں معاونت کی ذمےداری سونپی گئی۔

21 اپریل 1948 کوقراردادنمبر 47 کےذریعےکمیشن کےمینڈیٹ میں اضافہ کرکے شفاف وغیرجانبدار رائےشماری کےذریعےریاست کشمیرکےمستقبل کےتعلق میں معاونت کی ذمےداری بھی دےدی گئی۔ اس قرارداد میں پاکستان یا بھارت کےساتھ الحاق کےعلاوہ تیسرا کوئی آپشن شامل نہیں کیاگیا۔ قرارداد میں سفارش کی گئی کہ پاکستان کشمیرسےقبائلی لشکراورفائٹرز کوواپس بلائے۔بھارت بھی اپنی فوج کی تعدادکم کرے۔

جولائی 1949 کوجنگ بندی کی لکیرکھینچی گئی جس کی نگرانی کےلیےاقوام متحدہ کےفوجی مبصرمقررکیےگئے۔

1951 میں یواین سی آئی پی کوختم کرکےیونائیٹڈ نیشنزملٹری آبزرورگروپ (یواین ایم اوجی آئی پی) قائم کیاگیا۔

1952 میں منظورکی گئی قرارداد نمبر98 کےتحت سیزفائرلائن کےساتھ پاکستان کو تین ہزارسے 6 ہزار جبکہ بھارت کو 12 ہزارسے18 ہزارتک فوجی تعینات کرنےکی اجازت دی گئی۔

سیزفائرکےذریعےریاست جموں وکشمیرعارضی مگرعملا باضابطہ طورپر دوحصوں میں تقسیم ہوگئی۔ موجودہ آزادکشمیروگلگت بلتستان پاکستان کےکنٹرول میں آگئے۔ مسلم اکثریتی وادی کشمیر، ہندواکثریتی جموں اورمسلم بدھسٹ اکثریتی لداخ بھارت کےزیرانتظام دیےگئے۔ ریاست کشمیرکےکچھ حصوں پر چین نےبھی قبضہ کرلیا۔ شمال مشرق بھارت میں واقعہ اقصائے چن پر چین نے1962 میں بھارت کےساتھ مختصر جنگ کے نتیجےمیں قبضہ کیا جبکہ ہنزہ سےمتصل شکسغم کا علاقہ 1963 میں پاک چین سرحدی انتظام سےمتعلق معاہدے کےتحت چین کودیاگیا۔

پاکستان اوربھارت کاسوال 1957 تک سلامتی کونسل کےایجنڈےپرموجودرہا۔ اس دوران کئی قراردادیں منظورہوئیں مگرنہ رائےشماری ہوسکی اورنہ ہی فورسز واپس بلانےکےمطالبےپرعمل ددرآمدہوسکا۔ آل جموں وکشمیرمسلم کانفرنس کی سفارش پرقانون اسمبلی کی تشکیل کومدنظررکھتےہوئےسلامتی کونسل نے 1957 میں قرارداد نمبر 122 منظورکی جس میں کہاگیا ہے کہ اس اسمبلی نےپورےجموں وکشمیر اسٹیٹ یا اس کےکسی حصے کےمستقبل یا الحاق یا اس حوالےسےکوئی بھی اقدام کیا یا کسی فریق ملک نےاس کی حمایت میں کوئی اقدام کیا تواسے بنیادی اصولوں کےخلاف سمجھاجائےگا۔

سیزفائرکی خلاف ورزیوں کی نتیجےمیں 1965 میں دوبارہ جنگ چھڑگئی۔ دسمبر1971 میں ایک اورخونریز جنگ کےبعد سیزفائرلائن کولائن آف کنٹرول کی شکل دی گئی۔

1972 میں شملہ معاہدےکےتحت دونوں ممالک نےتمام حل طلب مسائل باہمی مذاکرات کےذریعےحل کرنےپراتفاق کیا۔ بھارت کا دعویٰ ہےکہ شملہ معاہدےکےبعدسلامتی کونسل کی تمام گزشتہ قراردادیں ختم ہوچکی ہیں۔ جبکہ پاکستان اب بھی ان قراردادوں پرعمل کرنےکےموقف پرقائم ہے۔ اقوام متحدہ کےسیکریٹری جنرل کاموقف ہے کہ یواین ایم اوجی آئی پی کو ختم کرنےکافیصلہ سلامتی کونسل ہی کرسکتی ہے۔ جب تک ایسا کوئی فیصلہ نہیں ہوتا اقوام متحدہ کے مبصرگروپ کاکام جاری رہےگا۔

1990 میں بھارت نےمسلح گروپوں کابہانہ بناکرمقبوضہ کشمیرمیں فوج اتاری جن کی تعداد 5 لاکھ سے7 لاکھ کےدرمیان بتائی جاتی ہےجواب بڑھ کر12 لاکھ سےتجاوزکرگئی ہے۔ دوسری جانب دیکھاجائےتو آزادکشمیراورگلگت بلتستان میں کسی مسلح تحریک وجود نہیں رکھتی لیکن اسٹریٹیجک اہمیت کےباعث بھاری فوج اورپیراملٹری فورسز تعینات ہیں اورانٹیلی جنس کاجال چپےچپےتک پھیلاہواہے۔

اورسب سےبڑھ کریہ کہ تقسیم ہند کی جو داستان بیان کی جاتی ہے اس سےیہاں کی سرزمین اوراس کےمکین یکسرغائب ہیں۔ آزادی کی قیمت کا تخمینہ لگاتےہوئےسابقہ شاہی ریاست کے 2 کروڑ مکینوں کےمسلسل اضطراب اورمحرومیوں کا ذکرہر بارکیوں رہ جاتاہے؟ یہ لمحہ فکریہ بھی ہے اور اس کی معقول وجوہات بھی ہیں جن میں غیرمنظم سیاسی جدوجہد، حقیقت سےمبرا مطالبات اوروفاق کا مبہم موقف شامل ہیں۔

مقبوضہ کشمیرمیں صوبےاورپارلیمنٹ میں نمایندگی کےباوجود بھارت سےآزادی کی جدوجہدجاری ہے،اس کےبرعکس گلگت بلتستان میں آج تک جتنی بھی تحریکیں پیدا ہوئیں، وقت گزرنےکےساتھ ساتھ یاتو خود ہی منظرسےغائب ہوگئیں یاپھر پوری طرح سانس لینےکےقابل ہونےسے پہلے کچل دی گئیں۔ گلگت لیگ سےلےکر موجودہ بالاورستان نیشنل فرنٹ تک اس کی مثالیں جابجا ملتی ہیں۔

جنگ آزادی کے ہیروکرنل حسن 1957 میں گلگت لیگ قائم کی تھی جس پرایک سال بعد 1958 میں پابندی لگادی گئی اور کرنل حسن نے آزادکشمیرسول سروس جوائن کرلی۔

ساٹھ کی دہائی میں گلگت بلتستان جمہوری محازکا قیام عمل میں آیا۔ اسی تنظیم کی جدوجہدکا نتیجہ تھاکہ آزادکشمیراسمبلی نےگلگت بلتستان کوشامل کرنےکی قرارداد منظورکی۔ 1973 کےبعد یہ تنظیم غیرفعال ہوگئی۔

ساٹھ کی دہائی کےآواخرمیں تنظیم ملت کا قیام عمل آیا۔ سترکےاوائل میں گلگت میں ایک اسکول کی ہیڈ مسٹریس کی برطرفی کےنتیجےمیں پیدا صورتحال کےدوران تنظیم ملت نےجو فعال کردارادا کیا اس کےنتیجےمیں قائدجوہرعلی، شیرولی ایڈووکیٹ سمیت تنظیم کے15 سرکردہ رہنماوں کوجیل بھیج دیاگیا۔ مظاہرین نےجیل توڑکرقائدین کو آزادکرایا لیکن دوبارہ گرفتارکرکےہری پورجیل منتقل کیاگیا۔ 1972 میں ذوالفقارعلی بھٹو کی جانب سےعام معافی کےاعلان کےبعد ہی ان اسیران کورہائی مل سکی جس کےبعد تنظیم ملت پیپلزپارٹی میں ضم ہوگئی۔

1973 میں کراچی میں مقیم گلگت بلتستان کےطلبا نے گلگت بلتستان اسٹوڈنٹس فیڈریشن کی بنیاد رکھی۔ 1976 کےبعد یہ بھی غیرفعال ہوگئی۔

سن اسی کی دہائی میں قراقرم نیشنل موومنٹ کا قیام عمل میں آیا، اس تنظیم کوطلبا اورنوجوانوں میں بہت مقبولیت حاصل ہوئی لیکن 2003 میں تنظیم کےچیرمین مظفرریلےنے اچانک مسلم لیگ ق میں شمولیت اختیارکرلی اور مشرف دور کےانتظامی سیٹ اپ میں مقامی وزیربن بیٹھے۔

نوےکی دہائی میں بالاورستان نیشنل فرنٹ قائم ہوئی جس نےپہلی مرتبہ آزادی کا نعرہ لگایا۔ یقینا یہ پوزیشن اقوام متحدہ کی قراردادوں سےتجاوزتھا تاہم بہت حد تک عوامی توجہ حاصل کرنےمیں کامیاب رہی۔ انہوں نےدیگرتنظیموں سےمل کر1997 میں بلیک جوبلی منائی جس پرتنظیم کے رہنماوں کوقیدبند کی صعوبتیں بھی جھیلنی پڑی۔ 1999 میں اس کےایک فعال رہنما بیرون ملک چلےگئےجہاں سےخودساختہ چیرمین کاکرداراداکرنے پرپارٹی قیادت میں پھوٹ پڑگئی جو2005 میں باقاعدہ دودھڑوں میں تقسیم ہوگئی،ایک دھڑےکی قیادت نوازخان ناجی نےاوردوسرے کی قیادت عبدالحمیدخان نےسنبھال لی۔ رکن اسمبلی بننےکےبعد نوازخان ناجی کےموقف میں نرمی کےآثار بھی نمایاں ہوگئے،تین سال بعدعبدالحمید کےبارےمیں بھی اطلاعات آرہی ہیں کہ وہ وفاقی دارالحکومت کےایک گیسٹ ہاوس میں بطورسرکاری مہمان براجماں ہوچکےہیں۔

گلگت بلتستان میں دیگرکئی مقامی تنظمیں بھی موجودہیں لیکن ان کی کوئی فعالیت نظرنہیں آرہی۔ بلتستان اسٹوڈنٹس فیڈریشن جوکسی زمانےمیں بہت مقبول جماعت تھی،بھی منظرسےغائب ہے،تاہم اس پلیٹ فارم سےمنظرپرآنےوالےغلام شہزادآغا اورمنظورپروانہ نےاپنی موجودگی کا احساس زندہ رکھا ہواہے۔

مقامی تنظیموں کی ناکامی کےاسباب میں کڑی نگرانی کےعلاوہ بھی کئی عوامل کارفرما ہیں جن میں پارلیمانی سیاست میں عدم دلچسپی شامل ہے۔ مگریہ بھی حقیقت ہےکہ انتخابی سیاست کےلیےغیرمعمولی وسائل کےساتھ ساتھ بلند بانگ وعدوں اورپھر ان وعدہ سےپھرنےکا فن بھی آنا چاہیے جوان تنظیموں کےبس کی بات نہیں۔ گلگت بلتستان قانون سازاسمبلی کےآج تک جتنےبھی انتخابات ہوئےہیں ان میں ہمیشہ وہی پارٹی جیت کرحکومت بناتی ہےجس کی وفاق میں حکومت ہو۔ وجہ صاف ظاہرہے، اس پارٹی کے امیدواراوران کی انتخابی مہم میں رنگ ڈالنےاسلام آباد سے آنےوالےلوگ اعلانات کرتےہیں کہ وہ ترقیاتی کاموں کےجال بچھائیں گےہی، ساتھ ہی اس بار خطےکوپانچواں صوبہ بناکرہی دم لیں گے۔ الیکشن جیتنےکےبعدوعدوں سےپھرنےکےفن کاعملی مظاہرہ اپنی جگہ مگرسوال یہ ہےکہ صوبےکےوعدے پرانہیں پذیرائی کیوں ملتی ہے؟ یہ بھی اہم سوال ہے۔

اس کی پہلی وجہ یہ ہے خطےکی 99 فیصد آبادی مقامی تاریخ سےناواقف ہے، تعلیمی نصاب میں جوتاریخ پڑھائی جاتی ہےاس کا فوکس علاقائی تاریخ سےآگاہی کےبجائے توجہ ہٹانےاورغیرمتعلقہ معاملات میں الجھانےپرمبنی ہے۔ نصاب سے بنیادی تنازع کونکالنےکا نتیجہ یہ نکلتاہے کہ جب لوگ غیرحقیقی نعروں پریقین کرنےلگتےہیں تووہ غیرارادی طورپران عناصرکےہتھےچڑھ جاتےہیں جن کی ترجیحات ہی زیادہ سےزیادہ مال بنانا ہوتاہے۔

دوئم، تنازع سےمتعلق غیرواضح حکومتی پالیسی اورمبہم عدالتی فیصلےبھی بھی وجوہات میں شامل ہیں۔

جنرل ضیا الحق نےجب 1977 میں مارشل لا نافذ کیا تو گلگت بلتستان کو بھی مارشل لا زون ای قراردیا تھا اورگلگت بلتستان کےتین نمایندوں کو شوریٰ میں بطور مبصرشامل کیاتھا۔ ان نمایندوں کو ابھی شوری کے ایک ہی اجلاس میں شرکت کی سعادت حاصل ہوئی تھی کہ کشمیریوں کےشدید ردعمل کےباعث حکومت کوپیچھےہٹنا پڑا۔ جنرل ضیا نے گلگت بلتستان کےمستقبل کےتعین کےلیے 1984 میں ایک اعلیٰ سطح کمیٹی بھی بنائی تھی، جس کی رپورٹ آج تک منظرعام پرنہیں آسکی۔

اسی طرح سپریم کورٹ کے1999 کےفیصلےکی مثال لےلیں۔ حبیب وہاب الخیری کی پٹیشن پرعدالت نےحکم دیاتھا کہ حکومت پارلیمنٹ کےذریعےآئین میں ترمیم کرکےگلگت بلتستان میں بنیادی انسانی حقوق کا حصول یقینی بنائے۔ جب فیصلےپرعمل درآمد کا وقت آیا تومشرف دور کےوزیرامورکشمیرمجید ملک کی سفارشات پرآئینی اصلاحات کےبجائےانتظامی اصلاحات پرمبنی پیکج ہی پیش کیاگیا۔ بعدمیں آنےوالی پیپلزپارٹی اورمسلم لیگ ن کی حکومتوں نےبھی اسی سلسلےکوجاری رکھا۔

یہ پہلا موقع ہے کہ سپریم کورٹ نےایک واضح فیصلہ سناکران غیرحقیقی نعروں اور وعدوں کا دروازہ ہمیشہ کےلیےبند کردیا ہے۔ گزشتہ سال جب عدالت میں 34 درخواستوں پر سماعت جاری تھی تو پی ٹی آئی کی وفاقی حکومت نےسبقت لےجانےکی کوشش میں مبینہ طورجوسفارشات تیارکی تھیں۔ سپریم کورٹ نے یہ سفارشات منگوائی بھی تھیں لیکن اٹارنی جنرل انورمنصورخان نےکمال مہارت سےمعاملہ ایسےگھول مول کردیاکہ دوبارہ اس پرکوئی بات نہ ہوسکی۔ یوں سمجھیں کہ کیس کی سماعت کےدوران کوئی بھی حکومتی اقدام عدالت پراثرانداز ہونےکےمترادف سمجھاجاتا۔ رواں سال جنوری میں کیس کا تحریری فیصلہ جاری کیاگیا۔اچھا ہوتا کہ فیصلےکےبعدآیندہ سیٹ اپ کےلیےکم ازکم مشاورت کی حدتک ہی سرگرمی دکھائی جاتی۔ مگرروایات کےعین مطابق وفاق نےمکمل خاموشی اختیارکررکھی ہے۔ قانونی ماہرین کا کہنا ہے کہ خطےکو مقبوضہ کشمیرکی طرح باقاعدہ صوبہ بنانے اورپارلیمنٹ میں نمایندگی دینےکے لیےآئین میں ترمیم ضروری ہے۔ مگروفاقی حکومت سےایسی کوئی امید رکھنا حماقت ہوگی تاہم پارلیمنٹ کےمعاملات میں الجھےبغیربھی بہت حد تک مسئلےکاعارضی بنیادوں پرحل نکالا جاسکتا۔ جہاں تک آزادکشمیرطرزکےانتظام کا تعلق ہے وہاں صدر،وزیراعظم اور تمام ادارے ہونےکےباوجود اختیارات کےمالک آزادکشمیرکونسل کےسربراہ کی حیثیت سے وزیراعظم پاکستان ہیں جوچیف سیکریٹری کےذریعےاحکامات پرعمل درآمدکراتےہیں۔ فورس کمانڈرکی قیادت میں فوج کا متوازی حکمرانی اس کےعلاوہ ہے۔ آزادکشمیرکی منتخب حکومت کےلیےکرنےکوکچھ بچتا ہی نہیں مسوائےخوش آمد کے۔ ان تمام خامیوں کےباوجود بھی اگرکسی حلقےسےآزادکشمیر طرزکےسیٹ اپ کا مطالبہ آرہاہے تو وفاق کو اس پرپھرتی دکھانی چاہیے۔ اس کےلیےاعلیٰ عدالت کےفیصلےمیں بھی واضح حکم موجود ہے۔ حکومت کی خاموشی برقرار رہی توپھراس موقعےکوبھی ضائع کرنےکےمترادف ہوگا جس کا نتیجہ زیادہ موثرسیاسی تحریک کےلیےجوازپیدا کرسکتاہے۔

The biggest ever animal in our era

noreply@blogger.com (gbtribune) — Sun, 24 Sep 2023 08:08:00 +0500

دنیا کا سب سے بڑا جانور،،ہمارے عہد میں

تاریخ سے معلوم ہوتا ہے کہ زمین چند بڑے جانوروں کا مسکن رہی ہے۔ ڈائنوسار سمیت بہت سے ایسے جانور تو ناپید ہوگئے مگر دلچسپ بات یہ ہے ان میں سب سے بڑا جانور آج ہمارے عہد میں موجود ہے اور گہرے سمندر میں تیر رہا ہے۔

اس حیران کن جانور کا نام ہے بلیو ویل

ٹویٹر پر ہسٹورک وڈز نامی ہینڈلر نے بلیو ویل کے دل کی تصویر شیئر کرکے بتایا ہے کہ 590 کلو وزنی اس دل کا سائز ایک چھوٹے کار کے برابر ہے، یہ ایک منٹ میں 8 سے 10 بار دھڑکتا ہے، دھڑکن کی آواز 2 میل دور تک سنی جاسکتی ہے، شریانیں اتنی بڑی ہیں کہ ان سے ایک جوان آسانی سے تیرتے ہوئے نکل سکتا ہے۔

پیدائش کے وقت بلیو ویل کی لمبائی 25 فٹ ہوتی ہے، روزانہ 150 گیلن ( 568 لیٹر) دودھ پیتا ہے، پہلے سال کےدوران روزانہ 90 کلوگرام تک اس کا وزن بڑھتاہے،اس کا خوراک ایک سے دو سینٹی میٹر لمبے سمندری کیڑے کرل ہیں۔ بلیو وہیل روزانہ 4 سے 6 ٹن کرل کھاتا ہے، جوانی میں ان کی لمبائی 110 فٹ ( 33 میٹر) اور وزن 200 ٹن تک پہنچتا ہے۔

حیران کردینے والےاس تخلیق سےحیران کن حقائق وابستہ ہے، بلیو وہیل کےدانت نہیں ہوتے۔ اس کے اوپری جبڑے سے ہڈی کے جیلی نما پلیٹس لٹکے ہوتے ہیں جسے بالین کہا جاتا ہے، وہ پانی سےکرل کو اسی بالین کے ذریعے فلٹر کرکے اپنا خوراک حاصل کرتا ہے، بلکہ ایسے جیسے مچھیرےجعلی کے ذریعے مچھلیوں کا شکار کرتےہیں۔

بلیو ویل ارکٹک کے علاوہ دیگر سمندروں میں پایا جاتا ہے۔ وہ سماجی جانور ہیں، گروپوں میں سفر کرتےہیں جنہیں پوڈ کہا جاتا ہے۔ وہ آواز دار جانور ہیں، ان کی آواز سیکڑوں میل دور تک سنی جاتی ہے۔

بلیو ویل بھی ناپید ہونے کے خطرے سے دوچار ہے، انیسویں اور بیسویں صدی میں بلیو ویل کا بےدردی سےشکار کیا گیا تاکہ ان کا تیل اور بالین حاصل کیا جاسکے۔ اب بلیو ویل کو عالمی قوانین کے تحت تحفظ دیا گیا ہے تاہم جہاز ٹکرانے، آلودگی اور موسمیاتی تبدیلی کے باعث اس کی زندگی کو بدستور خطرہ موجود ہے۔

Gilgit-Baltistan Govt Cars To Bear “Purchased By Public Fund”

noreply@blogger.com (gbtribune) — Thu, 21 Sep 2023 22:09:00 +0500

یہ گاڑی گلگت بلتستان کے ٹیکس گزاروں کی ملکیت ہے

گلگت بلتستان سرکاری گاڑیوں پر عوامی ملکیت کا لوگو لگےگا

لوگو لگانےسےکچھ نہیں ہوگا،گاڑیاں واپس لی جائیں،شہری

گلگت بلتستان میں سرکاری گاڑیوں پر لوگو لگے گا جس سے گاڑیوں کا غیر ضروری استعمال کم کرنے میں مدد ملے گی۔

چیف سیکرٹری کے دفتر سے جاری نوٹی فکیشن کے مطابق سرکاری گاڑیوں پر لگائے جانے والے لوگو میں اردو اور انگریزی زبان میں واضح انداز میں لکھا جائےگا کہ یہ گاڑی گلگت بلتستان کے ٹیکس گزاروں کی ملکیت ہے۔نوٹی فکیشن کے مطابق یہ اقدام سرکاری گاڑیوں کا غیر ضروری استعمال کم کرنے کےلیےاٹھایاگیاہے۔

واضح رہےکہ گلگت بلتستان اسمبلی میں رواں ہفتے سرکاری افسران کی زیراستعمال گاڑیاں زیربحث آئی تھیں۔ وزیر داخلہ شمس لون نے مطالبہ کیا تھا کہ سرکاری افسران سے 4000 سی سی گاڑیاں واپس لی جائیں۔ اسمبلی میں حکومت اور اپوزیشن اراکین نے ان کی تائید کی تھی جس کےبعد اسپیکر نے وزیر ایکسائز و ٹیکسیشن کو ہدایت کی تھی کہ سرکاری گاڑیوں کی تفصیلی رپورٹ پیش کی جائے۔

جمعرات کو جو رپورٹ پیش کی گئی اس میں گلگت بلتستان میں سرکاری گاڑیوں کی مجموعی تعداد 4165 بتائی گئی ہے۔ یہ گاڑیاں سرکاری افسران اور اراکین اسمبلی، مشیروں، معاونین خصوصی کے زیر استعمال ہیں۔ایک ایک سرکاری افسر اور رکن اسمبلی کو دو دو، تین تین، چار چار لکژری گاڑیاں دی گئیں ہیں، ان کے ساتھ سرکاری ڈرائیور اور پٹرول بھی دیا جارہاہے۔ ایک گاڑی افسر کے دفتر آنےجانے، دوسری ان کے بچوں کو اسکول لےجانے، تیسری بیوی کو شاپنگ پر لے جانے اور چوتھی گھر کا سودا سلف لانے کےلیے استعمال کی جاتی ہے۔ وہ ان گاڑیوں کو رشتےداروں کی شادیوں اور مہمانوں کو سیر سپاٹے کرانےکےلیے بھی استعمال کررہےہیں۔ ان کے گاڑیوں کے ڈرائیور بھی سرکاری اور پٹرول بھی مفت فراہم کیا جاتاہے۔

رپورٹ پیش ہونے کے چند گھنٹے بعد چیف سیکرٹری کے دفتر نے نوٹی فکیشن جاری کیا کہ سرکاری گاڑیوں پر لوگو لگایا جائےگا تاکہ ان کا غیر ضروری نہیں کیا جاسکے۔

شہریوں نے چیف سیکرٹری کے ایک نوٹی فکیشن کو ڈرامہ قرار دے کر تمام سرکاری افسران اور اراکین اسمبلی سے ایک سے زائد گاڑیاں واپس لینے کا مطالبہ کیا ہے۔

شہریوں کا کہنا ہے کہ لوگو لگانے سے کوئی فرق نہیں پڑےگا۔ جس کے پاس جتنی گاڑیاں ہیں وہ اس کے استعمال میں ہی رہیں گی، فیول اور ڈرائیور کی تنخواہ بھی سرکاری خزانے سے جاتی رہے گی۔ بجٹ بچانا ہے تو سرکاری افسران اور اراکین اسمبلی سے ایک سے زائد گاڑیاں واپس لینی پڑیں گی۔

ایک شہری نے کہا کہ اتنی اخلاقی جرات نہ سرکاری افسران میں ہے نہ ہی اراکین اسمبلی میں کہ وہ سرکاری گاڑیاں واپس کریں۔ امکان یہ ہےکہ چیف سیکریٹری کے نوٹی فکیشن کو احسن اقدام قرار دے کر معاملہ گول کردیا جائے گا تاکہ سانپ بھی مرجائے اور لاٹھی بھی نہ ٹوٹے۔

GB Law makers demand withdrawal of Luxury vehicles from bureaucrates

noreply@blogger.com (gbtribune) — Tue, 19 Sep 2023 23:51:00 +0500

گلگت بلتستان اسمبلی میں حکومت اوراپوزیشن یک زبان

بیوروکریسی سے4000سی سی گاڑیاں واپس لینےکامطالبہ

گلگت بلتستان قانون ساز اسمبلی میں حکومت اور اپوزیشن کے ارکان بیورو کریسی کےخلاف ایک پیج پرآگئے، مختلف محکموں کے سیکرٹریز سے 4000 سی گاڑیاں واپس لینے کا مطالبہ کردیا۔

قانون ساز اسمبلی کے 26 ویں اجلاس سے خطاب کرتے ہوئے وزیرداخلہ شمس الدین لون نے کہا کہ گلگت بلتستان میں عوامی نمایندوں کی حیثیت منشی سے زیادہ نہیں، غریب صوبے میں مختلف محکموں کے سیکرٹریز 4000 سی سی گاڑیوں میں گھومتے ہیں، ان کے سامنے وزرا اور ممبران اسمبلی بےبس ہیں۔ شمس الدین لون نے کہا کہ انہیں جھنڈا اور گاڑی ملنے کے بعد معلوم ہوا کہ اندر کتنی رسوائی اور بے بسی ہے۔

خطاب کے دوران حکومت اور اپوزیشن اراکین نے یک زبان ہوکر ان کی تائید کی اور مطالبہ کیا کہ صوبائی سیکرٹریز سے 4000 سی سی گاڑیاں واپس لی جائیں۔

اجلاس کے دوران اسپیکر گلگت بلتستان قانون ساز اسمبلی نذیر احمد ایڈووکیٹ نے وزیر ایکسائز و ٹیکسیشن سے ہدایت کی کہ سرکاری گاڑیوں کی تفصیل قانون ساز اسمبلی میں جمع کرائیں۔اسپیکر نےاسمبلی کا اجلاس جمعرات 21 ستمبردن 3 بجے تک ملتوی کردیا۔

Egypt bans niqab in Schools, Al-Azhar scholar supports

noreply@blogger.com (gbtribune) — Wed, 13 Sep 2023 23:17:00 +0500

مصر کے اسکولوں میں طالبات کےنقاب پہننے پر پابندی عائد

جامعہ الازہر کےممتاز عالم دین کی نقاب پر پابندی کی حمایت

مصر کی وزارت تعلیم نے نئےتعلیمی سال کے آغاز پر اسکولوں کےلیے نیے ڈریس کوٹ کا اعلان کردیا، اعلامیے کے مطابق مصر کے اسکولوں میں بچیوں کے نقاب پہننے پر پابندی ہوگی۔

مصر کے ممتاز عالم دین اور جامعہ الازہر کے پروفیسر ڈاکٹر احمد کریمہ نے وزارت تعلیم کی طرف سے اسکولوں میں نقاب پر پابندی کی حمایت کردی۔ پروفیسر احمد کریمی کےبیان میں کہا گیا ہےکہ چہرے کا نقاب نہ تو واجب ہے نہ ہی سنت، اسلام میں خواتین کے لیے سر کے بال ڈھانپنے کا حکم آیا ہے۔ سال 1997 میں سلطنت عمان کے مرحوم سلطان قابوس بن سعید نے تعلیمی اداروں میں نقاب پہننے پر پابندی عائد کی تھی جس کی کوئی مخالفت نہیں کی گئی۔

پروفیسرڈاکٹراحمدکریمہ نے تجویز دی کہ نقاب پر پابندی الازہر الشریف کے زیر انتظام اداروں سمیت تعلیمی اداروں کے تمام سطحوں پر ہونی چاہیے، سرکاری دفاتر میں بھی نقاب پر پابندی عائد کی جانی چاہیے۔

ان کا کہنا تھا کہ آزادی اظہار اور شخصی آزادی کا اطلاق کام کے اوقات کار کے بعد لاگو ہوتےہیں۔


2020: دادی جواری پارک گلگت میں پہلی بار پردہ ڈے منایا گیا

Volatile Law and Order in GB: Section 144 imposed

noreply@blogger.com (gbtribune) — Sat, 2 Sep 2023 07:46:00 +0500

گلگت بلتستان میں امن وامان کی صورتحال مخدوش

متاثرہ علاقوں میں غیرمعینہ مدت کےلیےدفعہ144 نافذ

جیونیوز کےمطابق جی بی کابینہ کا فوج طلب کرنے کا فیصلہ

وزیراعلیٰ گلگت بلتستان کی زیرصدارت امن و امان سےمتعلق اجلاس کےبعد جاری اعلامیےمیں کہا گیا ہے کہ بلتستان ڈویژن میں ایک مذہبی رہنما کے مبینہ توہین آمیز کمنٹ کےنتیجےمیں دیامراور دیگرعلاقوں میں دھرنوں اور جلوسوں کے بعد خطےمیں امن وامان کی صورتحال انتہائی مخدوش ہے۔ ان حالات میں ٹرانسپورٹیشن، سیفٹی اور لوگوں کی بلا روک ٹوک نقل وحرکت کو یقینی بنانےکےلیےکےکےایچ،غذر روڈ سمیت تمام رابطہ سڑکوں کو کھلا رکھنا ضروری ہے۔

امن وامان کی صورتحال کومعمول پرلانےکےلیےصوبائی حکومت بھائی چارے اور فرقہ وارانہ ہم آہنگی کو فروغ دینے اور اس کےلیے تمام اقدامات بروئےکارلانے کےلیےپرعزم ہے۔

پرامن ماحول کو خراب کرنےوالےسختی سےنمٹاجائےگااس کےلیے تمام ضروری اقدامات کیےجارہےہیں۔ اس سلسلے میں سیکرٹری داخلہ رانا محمد سلیم افضل نےکوڈ آف کریمنل پروسیجر1898 کی دفعہ 144 نافذ کردی ہے۔جس کے تحت ہرقانونی و غیر قانونی قسم کااسلحہ ساتھ رکھنے اورنمائش کرنے، ہوائی فائرنگ پرپابندی ہوگی۔ کے کے ایچ، جے ایس آر، اے وی آر، غذر روڈ اور صوبےبھر میں تمام رابطہ سڑکیں بند کرنے پر پابندی ہوگی۔

حکومت سے پیشگی اجازت کےبغیرمذہبی اجتماعات اور دھرنا دینے پرپابندی ہوگی۔

حکم کی خلاف ورزی کرنے والوں کےخلاف پاکستان پینل کوڈ کی دفعہ 188 کےتحت کارروائی ہوگی۔

فوری طور پر دفعہ 144 کو پورےگلگت بلتستان میں غیر معینہ مدت کےلیے نافذ کردیا گیا ہے۔

جیونیوز نے وزیراطلاعات گلگت بلتستان کےحوالے سے خبر دی ہےکہ کابینہ کے اجلاس میں فوج طلب کرنے کا فیصلہ کیا گیا ہے۔ سوشل میڈیا اوردیگر ذرائع سےنفرت پھیلانے پر بھی سخت کارروائی ہوگی۔

Old prison turned into public library in Gilgit

noreply@blogger.com (gbtribune) — Fri, 1 Sep 2023 08:04:00 +0500

گلگت میں پرانی جیل کی عمارت لائبریری میں تبدیل

گلگت شہر میں پرانی جیل کی عمارت کا ایک حصہ پبلک لائبریری میں تبدیل کردیا گیا ، چیف سیکرٹری محی الدین وانی نے جمعرات کو نئی لائبری کا افتتاح کیا، تقریب میں وزیرقانون گلگت بلتستان سید سہیل عباس، وزیراعلیٰ کی ایڈوائزر برائے انفارمیشن ٹیکنالوجی ثریا زمان، آئی جی افضل محمود بٹ، کمشنرگلگت ریجن قمر کمال، ڈپٹی کمشنر امیر حمزہ، طلبہ اور سول سوسائٹی کے ارکان بھی تقریب میں موجود تھے۔

اقدام چیف سیکرٹری محی الدین وانی کے جی بی ڈریم مووز آن پروجیکٹ کےتحت علاقے میں تعلیمی سہولیات کی فراہمی کے مقاصد کا حصہ ہے، جیل کے بقیہ حصے کو بہتر بنا کر وہاں سائنس میوزیم قائم کیا جائےگا۔

نئی لائبریری میں کتابوں کا وسیع ذخیرہ موجود ہوگا، اس کے علاوہ اسٹڈی کارنر، انٹرنیٹ رسائی، اسٹڈی ٹیبل، روزانہ اخبارات، میگزین اور کمپیوٹر ٹرمینل بھی دستیاب ہوں گے۔ لائبریری طلبہ اور عام شہریوں کےلیے رات 9 بجے تک کھلی رہےگی۔

لائبریری کی افتتاحی تقریب سے خطاب کرتے ہوئے چیف سیکرٹری وانی نے کہا کہ لائبریری میں طلبہ، اساتذہ اور عوام کےلیے تعلیم کی جدید سہولیات دستیاب ہوں گی۔ ان کا بنیادی مقصد علاقےمیں تعلیم، آگاہی اور مثبت تبدیلی کےلیے تعلیم کے بنیادی کردار کو اجاگر کرنا ہے۔

In a bid to transform our society into knowledge seeking and education focused, we are converting an existing old jail building into Shah Hamdan centre for learning.

This project will house of digital museum, environment and wildlife gallery, robotics and science museum, history and learning centre and sculpture and fine arts gallery. This all will be done while preserving the old outlook of the building.

Gilgit Develooment Authority has been tasked to execute our vision on fast track basis. In this regard, Consultancy services have been awarded to HA Consulting today through a competitive bidding process. We will be striving to get the drawing and design of this project completed in 1 month and completely delivering the project in next 3 months. Insha Allah.

Mohiyuddin Ahmad Wani

Chief Secretary GB

Office of the Chief Secretary, Gilgit Baltistan

Gilgit Development Authority

Indian Occupied Jammu and Kashmir to be restored as State, SC told

noreply@blogger.com (gbtribune) — Wed, 30 Aug 2023 07:38:00 +0500

بھارتی حکومت مقبوضہ جموں وکشمیرکی ریاستی حیثیت بحال کرنے کا روڈ میت کل پیش کرےگی،لداخ یونین ٹریٹری ہی رہےگا، سولیسٹرجنرل توشرمہتا نے سپریم کورٹ کو کہہ دیا۔

یہ یقین دہانی مقبوضہ جموں وکشمیرسےمتعلق بھارتی آئین کے آرٹیکل 370 کےخاتمےکےخلاف درخواستوں کی سماعت کے دوران کرائی گئی۔ کیس کی سماعت بھارتی سپریم کورٹ کے چیف جسٹس دھنانجیا یشونت چندرا چد کی سربراہی میں پانچ رکنی بنچ کررہاہے۔ منگل 29 اگست کو سماعت کےدوران چیف جسٹس نے ریمارکس دیے کہ جب یونین کی حد بندیوں کو دیکھتےہیں تو ایک طرف مثال چندی گڑھ کی ہے جو پنجاب سے نکال لی گئی ہے اور بدستور یونین سرحد ہے، پھرمخصوص علاقوں میں پیش رفت ہوتی ہے اور یونین کی سرحد بن جاتی ہے، آپ فوری طور پر اس طرح ریاستیں نہیں بنا سکتے۔

چیف جسٹس نے کہا کہ ہم چاہتے ہیں یہ ایک مخصوص وقت کے لیے مذکورہ ریاست کو یونین بنانا چاہیے تاہم واضح مؤقف پر کہ اس کو واپس ریاست کی طرف لوٹنا ہوگا۔ آپ اعلیٰ حکام سے ہدایات لے کر بتائیں کہ کیا کوئی ٹائم فریم ہے، کوئی روڈ میپ ہے؟

سولیسٹر جنرل توشرمہتا نے 5 رکنی بینچ کو بتایا کہ اسی طرح کا بیان پارلیمان میں ایک وزیر نےدے دیاہے۔ بھارتی حکومت مقبوضہ جموں و کشمیر کی ریاستی حیثیت بحال کرنے کا روڈ میپ 31 اگست کو پیش کرےگی تاہم لداخ یونین ٹیریٹری ہی رہے گا۔

یاد رہے کہ 5 اگست 2019 کو بھارت کی حکمران جماعت بی جے پی نے آٹیکل 370 اور 36 اے کو ختم کرکے جموں و کشمیر ری آگنائزیشن ایکٹ نافذ کیا تھا۔

اس اقدام سے مقبوضہ جموں کشمیر کی خصوصی حیثیت ختم ،بھارت کے دیگر شہروں کے لوگوں کو مقبوضہ جموں و کشمیر میں جائیدادیں،ملازمت حاصل کرنے اور مستقبل رہائش کی اجازت حاصل ہوگئی ہے۔ نئے ایکٹ کےتحت مقبوضہ جموں و کشمیر کو انتظامی لحاظ سے دو حصوں، جموں وکشمیر اور لداخ میں تقسیم کرکےانہیں وفاق کے زیر انتظام یونین ٹیریٹری کی حیثیت دے دی گئی ہے۔

#indian occupied Jammu and Kashmir, # article 370, #indian supreme court,

IBA-US Mission's Training workshop for journalists concluded

noreply@blogger.com (gbtribune) — Sat, 26 Aug 2023 07:34:00 +0500

آئی بی اے اور یوایس مشن کےتحت 5 روزہ تربیتی ورکشاپ میں 17 رپورٹز کی شرکت

آئی بی اے اور یوایس مشن کےتحت صحافیوں کے لیےتربیتی ورکشاپ

پانچ روز تربیتی ورکشاپ میں ملک بھرسے17 رپورٹرز کی شرکت

کراچی: سینٹرآف ایکسیلنس آئی بی اے اور امریکی قونصل خانے کےزیر اہتمام تربیتی ورکشاپ آج 26 اگست کو اختتام پذیرہوگیا۔ ٹیلی ویژن رپورٹنگ ورکشاپ آئی بی اےسٹی کیمپس میں 22 اگست کو شروع ہوا تھا جس میں ملک بھر سے17 رپورٹرز نے شرکت کی۔

ڈائرکٹرسی ای جے، سینئرصحافی عنبرشمسی شرکا کو لیکچر دے رہی ہیں

پانچ روزہ تربیتی ورکشاپ میں صحافت سے وابستہ مایہ ناز اسکالرز نے رپورٹ بنانے کے تیکنیکی اور ماہرانہ امور پر روشنی ڈالی۔پروگرام کے ماسٹر ٹرینر ویسٹرن نارتھ میڈل کے پروفیسر کریگ ویلڈن ڈف اور ایم ایس جے فیکلٹی شاہزیب احمد ہاشمی تھے۔ سی ای جے کی ڈائرکٹر و سینیر صحافی عنبر شمسی اور فوٹو و وڈیو جرنلسٹ محمد فاروق کے لیکچر بھی سیشن میں شامل تھے۔

ماسٹرٹرینر پروفیسر کریگ ویلڈن ڈف کےساتھ شرکا کا گروپ فوٹو

تربیتی سیشن میں ٹیلی ویژن کےلیے مختلف نوعیت کی بہترین رپورٹس بنانے کے جدید تیکنیک، انہیں پریمیئرپرو پر ایڈٹ کرنا سکھایا گیا۔ فیلڈ رپورٹنگ میں درپیش مسائل اور ان سے نمٹنےکےطریقوں اور میڈیا ضابطہ اخلاق پر روشنی ڈالی گئی۔میڈیا کے شعبےمیں تیز رفتار ترقی اور جدت سے خود کو ہم آہنگ کرنے کی ضرورت پر زور دیا گیا۔

ورکشاپ کے اختتام پر شرکا میں سرٹیفکیٹ تقسیم کیے گئے۔

پروفیسر کریگ ڈف، ڈائرکٹر سی ای جے عنبر شمسی اور
ایم ایس جےفیکلٹی شاہزیب احمد نے شرکا میں سرٹیفکیٹ تقسیم کیے

PTI's Fatahullah disqualified, PPP's Jamil Ahmed declared winner: Election Tribunal

noreply@blogger.com (gbtribune) — Sat, 19 Aug 2023 00:10:00 +0500

الیکشن 2020 میں دھاندلی کا الزام ثابت، رکن پی ٹی آئی فتح اللہ نااہل قرار

الیکشن ٹریبونل نے ڈھائی سال بعد پی پی کے جمیل احمد کوکامیاب قراردےدیا

گلگت: پی ٹی آئی کے رکن قانون اسمبلی فتح اللہ پر دھاندلی کا الزام ثابت، الیکشن ٹریبونل نے ڈھائی سال بھی پیپلزپارٹی کے جمیل احمد کے حق میں فیصلہ سنا دیا۔ فتح اللہ کی رکنیت ختم کر کے جمیل احمد کو کامیاب قرار دے دیا۔

فتح اللہ خان 2020 کے انتخابات میں گلگت کے حلقہ 2 سے رکن قانون سازاسمبلی منتخب ہوئےتھے،مگر ووٹوں کی متنازع گنتی کےدوران دھاندلی کے الزامات سامنے آئےتھے۔ الیکشن کمیشن کی جانب سےنتائج کے اعلان پر جمیل احمد کو 600 ووٹوں کی برتری کےساتھ کامیاب قرار دیاگیا تھا مگر اگلے دن اچانک نتائج تبدیل کرکے فتح اللہ خان کو دو ووٹوں کی برتری سے کامیاب قرار دیا گیا۔ جمیل احمد کی درخواست پر ووٹوں کی دوبارہ گنتی ہوئی تاہم فتح اللہ کے حق میں فیصلہ برقرار رکھا گیا۔ اس گنتی در گنتی کے دوران یہ بات بھی سامنے آئی کہ پوسٹل ووٹوں کی گنتی میں ہیرا پھیری کی گئی ہے۔ پیپلزپارٹی نے اس متنازع انتخاب کےخلاف احتجاجی مظاہروں اور الیکشن ٹریبول سے رجوع کرنے کا اعلان کیا۔ مظاہروں کا سلسلہ تو رک گیا لیکن فتح اللہ کےخلاف جمیل احمد اور مسلم لیگ ن کے صوبائی صدرو سابق وزیراعلیٰ حافظ حفیظ الرحمان الگ الگ درخواستیں دائر کیں۔

الیکشن ٹریبول نے کچھ سماعتوں کے بعد جمیل احمد کی درخواست خارج کردی۔ جس پر جمیل احمد نے سپریم اپیلٹ کورٹ میں اپیل دائر کی۔ عدالت کے حکم پر الیکشن ٹریبول نے کیس کو دوبارہ کھول دیا اور ڈھائی سال بعد جمعرات 17 اگست کو مختصر فیصلہ سناتے ہوئے فتح اللہ کی دھاندلی زدہ قرار دے کر نااہل کردیا اور پیپلزپارٹی کے جمیل احمد کو کامیاب قرار دے دیا۔

فتح اللہ خان گزشتہ پی ٹی آئی حکومت میں وزیراطلاعات کا قلمدان سونپ دیا گیا تھا۔ وزیراعلیٰ خالد خورشید کی جعلی ڈگری کیس میں نااہلی کے بعد پی ٹی آئی میں فارورڈ بلاک بن گیا تو فتح اللہ بھی اس کا حصہ رہے اور نئی کابینہ میں اپنی وزارت پر برقرار رہے۔ الیکشن ٹریبونل کے فیصلے کے بعد فتح اللہ خان نہ صرف نشست سے محروم ہوگئے بلکہ پی ٹی آئی کی رکنیت سے بھی محروم ہوگئے۔

نہ خدا ہی ملا نہ وصال صنم

نہ ادھر کے رہے نہ ادھر کے

یہ بھی پڑھیے

کیا پی ٹی آئی نوازشات اور نا انصافیوں کا بوجھ اٹھا پائے گی

Two athletes of GB forced to withdraw from World Youth MMA championship due to visa issues

noreply@blogger.com (gbtribune) — Wed, 2 Aug 2023 23:53:00 +0500

Zeeshan Akber and Laiba Mir, Mix Martial Art Athletes

اسپانسرشپ نہ مل سکی، مکس مارشل آرٹ کےدو نوجوان ایتھلیٹ عالمی مقابلےمیں شرکت سےمحروم

ذیشان اکبر اور لائبہ میر ابوظبی میں ورلڈیوتھ مکس مارشل آرٹ چیمپین شپ کےلیےمنتخب ہوئےتھے

امیچرمکس مارشل آرٹ فیڈریشن کےکسی ایونٹ کےلیے منتخب ہونےوالے پہلےپاکستانی ایتھلیٹ ہیں

کراچی: متحدہ عرب امارات کے شہر ابوظبی میں آئی ایم ایم اے کے تحت ورلڈ یوتھ مکس مارشل آرٹ چیمپین شپ کے مقابلے آج سے شروع ہوگئے۔ایونٹ کے لیے منتخب پاکستان کے دو نوجوان ایتھلیٹ اسپانسرشپ نہ ملنے کے باعث شرکت سے محروم رہ گئے۔ گولڈ میڈلسٹ ذیشان اکبر اور لائبہ میر آئی ایم ایم اے کے کسی ایونٹ میں منتخب ہونے والے پہلے پاکستانی ایتھلیٹ تھے۔

دونوں ایتھلیٹس نے اپنے کوچز کے ہمراہ ویزے کی درخواستیں 18 جولائی کو جمع کرائی تھیں۔ یو اے ای قونصل خانے کی طرف سے بتایا گیا کہ اٹھارہ سال سے کم عمر ایتھلیٹس کےلیے اسپانسرشپ کی شرط پوری نہیں کی گئی، یکم اگست تک دونوں ایتھلیٹ انتظار کرتے رہے، منگل کی رات یو اے ای قونصل خانہ نے ویزے کی درخواستیں مسترد ہونے سے آگاہ کردیا۔

اسپانسرشپ کیوں نہ مل سکی اس پر ذیشان اکبر کا کہنا تھا کہ پاکستان میں مکس مارشل آرٹ کو حکومتی سرپرستی حاصل نہیں اس لیے انہیں اپنے طور پر اسپانسرشپ ڈھونڈنا پڑتی ہے۔ آئی ایم ایم اے کی جانب سے لیٹر ملنے کے بعد انہوں نے تمام متعلقہ سرکاری اور نجی فورمز سے رابطہ کیا مگر کوئی رسپانس نہیں ملا۔ اس کے بعد انہوں نے بینک سے قرض لے کر 2 لاکھ روپے ایونٹ کی انٹری فیس بھری جو ناقابل واپسی ہے۔ ابوظبی کے فضائی ٹکٹ، قیام اور ویزا فیس کےلیے مزید تین لاکھ روپے کا قرض لینا پڑا۔

ذیشان اکبر کا تعلق گلگت بلتستان کے ضلع غذر کے علاقے گلوداس سے ہے۔ وہ ویزے کےلیے کراچی پہنچے تھے، ویزا درخواست مسترد ہونے کے بعد آج واپس روانہ ہوگئے۔

ذیشان اکبراس سے قبل قومی اور مقامی سطح پر آٹھ مقابلوں میں حصہ لےچکا ہے اور ناقابل شکست رہا ہے۔ وہ قومی سطح پر دو مرتبہ گولڈ میڈل بھی حاصل کرچکا ہے۔

لائبہ میر کا تعلق ہنزہ سے ہے لیکن ان کا خاندان کافی عرصے سے کراچی میں مقیم ہے۔

لائبہ میر کئی مقابلوں میں حصہ لےچکی ہے، گزشتہ سال ایک قومی سطح کے مقابلے میں سندھ کی نمایندگی کرتے ہوئے سلور میڈل جیت چکی ہے۔لائبہ میر گزشتہ ماہ جارجیہ میں ہونے والے ایک ایونٹ کےلیے بھی منتخب ہوئی تھی لیکن اسپانسرشپ نہ ہونے کی وجہ سے شرکت نہ کرسکی۔

مکس مارشل آرٹ مقابلوں میں گلگت بلتستان سے انیتا کریم اور شگفتہ آصف بھی اپنا لوہا منوا چکی ہیں۔

#immaf, #world youth mix martial art championship, # youth mma in abu dhabi, #Zeeshan Akber, # Laiba Mir, Mix Martial Art athletes of Gilgit Baltistan

Global boiling is here, July to be hotest month on records

noreply@blogger.com (gbtribune) — Sat, 29 Jul 2023 21:52:00 +0500

Photo courtesy: UNILAND

گلوبل وارمنگ کا دورختم، گلوبل بوائلنگ کا دور آگیا

جولائی 2023 دنیا کی تاریخ کا سب سےگرم مہینہ قرار

ایشیا کو عالمی حدت کی تیز ترین شرح کا سامنا

پاکستان میں 36 برف کے جھیل پھٹنے کے خطرے سےدوچار

گوبل وارمنگ بھول جائیں، اب گلوبل بوائلنگ کا دور آگیا، اقوام متحدہ کے سیکرٹری جنرل انتونیو گوئٹریس نے خبردار کردیا۔

نیویارک میں میڈیا سے گفتگو کرتے ہوئے یواین چیف کا کہنا تھا کہ موسمیاتی تبدیلی آچکی ہے جوخوفناک ہے اور یہ محض آغاز ہے۔سمجھ جائیں کہ عالمی حدت کا دور گزر گیا، اب عالمی ابھال کا دور آچکا ہے۔

درین اثنا ورلڈ میٹرولوجیکل آرگنائزیشن اور یورپین کوپرنیکس کلائمیٹ چینج سروس کی رپورٹ جاری ہوئی ہے جس میں کہا گیا ہےکہ رواں سال جولائی گرفتار مہینے کا رکارڈ قائم کرنے جارہاہے۔جولائی کے پہلے تین ہفتے گرین رہے جن میں درجہ حرارت معمول کے اوسط درجہ حرارت سے 1.5 ڈگری سینٹی گریڈ زیادہ رکارڈ ہوا۔ رپورٹ کے مطابق ایشیا کو عالمی حدت کی تیز ترین شرح کا سامنا ہے جس سے غذائی تحفظ اور ایکو سسٹم متاثر ہوگا۔

ایشیا میں گزشتہ سال موسم، آب وہوا اور پانی سےمتعلق 81 حادثات رکارڈ کیے گئےجن میں زیادہ ترسیلاب اور طوفان کےتھے۔ ان حادثات میں 5 کروڑ افراد متاثر ہوئے، 5 ہزار سے زائد اموات اور لگ بھگ 36 ارب ڈالر کے معاشی نقصانات ہوئے۔

پاکستان 2022 میں مون سون بارشوں اور برف کے پگھلاو سے تباہ کن سیلاب کے زد میں رہا جس میں سیکڑوں ہلاکتیں ہوئیں، وسیع علاقے ڈوب گئے، گھروں، ٹرانسپورٹیشن انفرااسٹرکچرکی تباہی ہوئی جس سے15ارب ڈالر کے نقصانات ہوئے، یہ ریجن میں سب سے بڑا نقصان تھا۔

پاکستان میں سات ہزار گلیشیر اور تین ہزار سے زائد برف سے ڈھکی جھیلیں ہیں۔ان میں 36 جھیلوں کو پھٹنے کےلیے ہائی رسک قرار دیا گیا ہے۔

شمالی نصف کرہ میں رواں ماہ درجہ حرارت کے پرانےتمام رکارڈ ٹوٹ چکے، بہت سے ریجن کئی ہفتوں سے ناقابل برداشت تپش کی زد میں رہے۔ شدید ہیٹ ویو نے امریکا سے لے کر چین تک بیشتر ممالک کو لپیٹ میں لیا اور میڈیٹرینین ریجن سرسبز علاقے خشک کردیے۔

جرمنی کی لیپزگ یونیورسٹی کی تحقیقی رپورٹ میں کہا گیا ہے کہ جولائی 2023 گرم موسم کا عالمی رکارڈ قائم کرےگا۔

اس ماہ کا اوسط عالمی درجہ حرارت جولائی 2019 سے 0.2 ڈگری سینٹی گریڈ( 0.4 ڈگری فارن ہائٹ) زیادہ ہوگا۔ ای یو ڈیٹا کے مطابق یہ 174 سال کا مشاہداتی رکارڈ ہے۔لیپزگ کے کلائیمیٹ سائنٹسٹ کارسٹن ہوسٹین نے کہا کہ رواں ماہ اور جولائی 2019 کا فرق اتنا واضح ہے کہ ہم پورے یقین سے کہہ سکتے ہیں کہ رواں جولائی دنیا کی تاریخ کا گرم ترین مہینہ ہوگا۔

New records set on world's second tallest mountain K 2

noreply@blogger.com (gbtribune) — Sat, 29 Jul 2023 19:06:00 +0500

Photo courtesy: Apricot tours

دنیا کی دوسری بلند ترین چوٹی کےٹو پر نئے رکارڈ بن گئے

نیپال کےشرپا کا 17 سال کی عمر میں کے ٹوسر کرنے کا رکارڈ

ناروےکےکوہ پیما اورنیپالی شرپا کا تیزترین8ہزارمیٹربلند14 چوٹیاں سرکرنےکارکارڈ

ہنزہ کےشہبازخان نےبھی کےٹو سر کرلیا

شگر سےتعلق رکھنے والے پورٹرمحمدحسین برفانی تودےکی زدمیں آکرجاں بحق

گلگت: دنیا کی دوسری بلند ترین چوٹی کے ٹو پر موسم صاف ہوتے ہی جمعرات کو نئے رکارڈ بن گئے۔

میڈیا رپورٹس کے مطابق دو سو کے قریب ملکی و غیر ملکی کوہ پیما اور نیپالی شرپا کے ٹو پر مہم جوئی کے لیے بیس کیمپ پہنچے تھے۔ ناموافق موسم کے باعث کوہ پیما کئی دنوں سے سمٹ شروع کرنے کے منتظر تھے۔ 26 اور 27 جولائی کو صاف موسم کی پیش گوئی کے بعد سمٹ کی تیاریاں شروع کردی گئی اور بدھ کی رات کیمپ تھری سے رسیاں باندھی گئیں۔

امیجن نیپال ایکسپڈیشن کمپنی کے مالک منگما جی کے مطابق جمعرات کو تقریبا نوے کوہ پیماوں نے کے ٹو سر کرلیا۔

کوہ پیماوں میں ناروے کے کرسٹین ہیریلا اور نیپال کے تنجن شیرپا شامل تھے جنہوں نے آٹھ ہزار میٹر بلند تمام 14 چوٹیوں پر تیز ترین سمٹ کا رکارڈ قائم کیا۔انہوں نے یہ سنگ میل 92 دنوں میں حاصل کیا۔

دوسرا رکارڈ نیپال کے نیما رجنی شرپا کا بنا جو 17 سال کی عمر میں کے ٹو سر کرنے والے سب سے کم عمر کوہ پیما بن گئے۔ اس سے قبل وہ ماونٹ ایورسٹ، لوٹسی اور نانگا پربت پر بھی یہ رکارڈ اپنے نام کرچکے ہیں۔

الپائن کلب آف پاکستان کے کرارحیدری کا کہنا ہے کہ ہنزہ کے معروف کوہ پیما سربازخان کے چھوٹے بھائی شہباز خان نے بھی کے ٹو سر کرلیا۔ سمٹ کے دوران ایک افسوسناک واقعہ بھی پیش آیا جب شگر سے تعلق رکھنے والے محمد حسین برفانی تودے کی زد میں آکر جاں بحق ہوگئے۔

Local body elections in Gilgit Baltistan announced after 18 years

noreply@blogger.com (gbtribune) — Sat, 29 Jul 2023 17:38:00 +0500

Raja Shehbaz Khan, Chief Election Commissioner GB

گلگت بلتستان میں 18 سال بعدبلدیاتی الیکشن کا اعلان

گلگت بلتستان میں بلدیاتی انتخابات نومبر کے پہلے ہفتےمیں ہونگے،چیف الیکشن کمشنر جی بی راجہ شہباز خان نے اعلان کردیا۔

جمعرات کو گلگت میں پریس کانفرنس سے خطاب کرتےہوئےراجہ شہباز خان نے کہا کہ اٹھارہ سال بعد گلگت بلتستان کے عوام میونسپل سطح پر اپنے نمایندے منتخب کرنے کا حق استعمال کرسکیں گے۔ حکومت کے تعاون سے لوکل گورنمنٹ ایکٹ 2014 کو جولائی سے نافذ کردیا گیا ہے۔

چیف الیکشن کمشنر نے کہا کہ حلقہ بندیوں کےلیے حد بندی کا عمل شروع ہوچکا ہے، الیکشن کمیشن آف پاکستان کے حکام کو دعوت دی ہے کہ وہ جی بی الیکشن کمیشن کے عملے، بلدیاتی ادارے اور محکمہ ریونیو کے عملے کو الیکشن سے متعلق تربیت فراہم کرے۔

راجہ شہباز نے پریس کانفرنس کے دوران ایک سوال کا جواب دیتے ہوئے کہا کہ جو شخص بلدیاتی الیکشن کی مخالفت کرےگا وہ غدار سمجھا جائےگا۔

درین اثنا علاقائی الیکشن کمیشن نےحلقہ ایل اے13 استور میں ضنی الیکشن کا شیڈول بھی جاری کردیا ہےجس کےمطابق پولنگ نو ستمبر کو ہوگی۔ یہ نشست سابق وزیر اعلیٰ خالد خورشید کی نااہلی کے بعد خالی ہوئی تھی۔

Gold Medalist Zeeshan Akber set to fight in MMA Youth in Abu Dhabi

noreply@blogger.com (gbtribune) — Thu, 27 Jul 2023 22:18:00 +0500

گولڈمیڈلسٹ ذیشان اکبر ورلڈ یوتھ مکس مارشل آرٹ مقابلوں میں شرکت کےلیےتیار

امیچر مکس مارشل آرٹ فیڈریشن (آئی ایم ایم اے ایف) کے زیر انتظام 2023 یوتھ ایم ایم اےورلڈ چیمپئن شپس 2 اگست سے ابوظبی میں شروع ہورہی ہےجو 5 اگست تک جاری رہےگی۔ ایونٹ میں 40 سے زاید ممالک کے کھلاڑی حصہ لیں گے۔

ایونٹ میں پاکستان کی نمایندہ پہلی بار گلگت بلتستان کے گولڈ میڈلسٹ ذیشان اکبر کریں گے۔

منگل 25 جولائی کو ذیشان اکبر نے جیونیوز کے مارننگ شو میں بتایا کہ وہ ایونٹ میں گولڈ میڈل جیتنےکےلیے پرعزم ہیں۔

انہوں نے مزید کہا کہ پاکستان میں ایم ایم اے فیڈریشن موجودہے لیکن حکومتی سرپرستی نہ ہونےکی وجہ سے مالی سپورٹ نہیں مل رہی جس کی وجہ سے انہیں خود اسپانسرشپ ڈھونڈنا پڑتا ہے۔ ایونٹ میں شرکت کےلیے تمام اخراجات وہ بینک سے قرض لے کر پورا کررہے ہیں۔اس موقع پر جیونیوز کے میزبان ہما امیر شاہ اور عبداللہ سلطان بہت متاثر ہوئے اور ناظرین سے اسپانسرشپ کےلیےخصوصی اپیل بھی کی۔

ذیشان اکبر اس سے قبل آٹھ مرتبہ قومی اور مقامی سطح پر مکس مارشل آرٹ مقابلوں میں حصہ لےچکےہیں اور ناقابل شکست رہے ہیں۔ وہ دو بار قومی سطح پر گولڈ میڈل بھی حاصل کرچکے ہیں۔

ذیشان اکبر کا تعلق گلگت بلتستان کے ضلع غذر کے گاوں گلوداس سے ہے۔ ان کے آباو اجداد یاسین کے علاقے تھوئی سے گلوداس منتقل ہوئے تھے۔ وہ انٹرمیڈیٹ کے طالب علم ہیں۔

ابوظبی میں ہونے والے چار روزہ ایونٹ میں تین کیٹیگریز کے مقابلےشامل ہونگے، پہلی کیٹیگری یوتھ اے میں سولہ سے سترہ سال، دوسری کیٹیگری یوتھ بی میں چودہ سے پندرہ اور تیسری کیٹیگری یوتھ سی میں بارہ سے تیرہ سال کے ایتھلیت حصہ لیں گے۔

#imma, #mma, #immaf, #immaf world youth championship 2023 in Abu Dhabi, #Zeeshan Akber, #MUBADALA ARENA, ABU DHABI, UAE

Sustainable, airless tires adopt NASA technology

noreply@blogger.com (gbtribune) — Wed, 26 Jul 2023 22:00:00 +0500

چاند پر چلنے والی گاڑی کے بغیر ہوا والے ٹائر اب زمین پر بھی استعمال ہوں گے، لاس اینجلس کی ایک کمپنی نے منصوبہ پر کام شروع کردیا۔

اسمارٹ ٹائر کمپنی کے مطابق ایئرلیس ٹائر روایتی ربڑ کے بنےٹائروں سےزیادہ مضبوط اور پائیدار ہونگے جو کبھی پھٹ نہیں جائیں گے، اسپرنگ والے میش ڈیرائن کے یہ ٹائر شیپ میموری الائے سے بنے ہوئے ہیں۔

یہ ٹیکنالوجی ناسا نے چاند پر چلنے والی گاڑی میں استعمال کی ہے۔

شیپ میموری الائے کو جو چیز خاص بناتی ہے وہ سپر الاسٹک مواد ہے۔ یہ انتہائی لچکدار، ہلکی لچکدار دھات ہے جو الاسٹک ربڑ کی طرح ہے لیکن ٹائٹینیم کی طرح مضبوط ہے۔انہیں چپکا کر رم تک بھی لایا جائے تو وہ باونس ہوکر واپس اصل شکل میں آجائیں گے۔انہیں ہوا کے پریشر سے پھولانے کی ضرورت نہیں ہوگی۔ ایئرلیس ٹائر میں پنکچر کا تو تصور بھی نہیں، یہ کبھی گھس میں نہیں جائیں گے، ان کی عمر بھی اتنی ہی ہوگی جتنی گاڑی کی۔

کمپنی کے سی ای او ارل کول کا کہنا ہے کہ کار ٹیکنالوجی میں بےپناہ جدت کے باوجود سو سال سے ٹائر میں کوئی قابل ذکر تبدیلی نہیں دیکھی گئی۔ مگر ٹائر سےپیدا آلودگی میں کمی کےلیے ریگولیٹرز کے دباو پر ٹائر میکر اس میں جدت کے کوشاں ہیں۔

اسکریپ ٹائر کیمیکل کے اخراج کےباعث ماحول کےلیے نقصان دہ ہیں۔ جب ٹائر سڑک سے ٹکراتے ہیں تو چھوٹے ذرات پیدا ہوکر خارج ہوتے ہیں۔ بات الیکٹرک گاڑیوں کی آجائے تو بیٹریز کے سبب اضافی وزن سے یہ مسئلہ اور زیادہ گھمبیر شکل اختیار کرتا ہے۔

ایئرلیس ٹائر کی اوسط لائف روایتی ربڑ ٹائر سے کئی گنا زیادہ ہوگی۔ یہ نہ صرف گھسےگی نہیں بلکہ کم ربڑ کے استعمال پر ماحول دوست بھی ہوگا۔ ایئر لیس ٹائر میں سڑک پر چلنے کے لیے ربڑ کا خول استعمال ہوگا جس کے خراب ہونے کی صورت میں پورا ٹائر پھینکنے کی ضرورت نہیں ہوگی بلکہ دوسرا ربرڑ کا خول استعمال کیا جاسکےگا۔اس سے پورا ٹائر خریدنے کا خرچ بچ جائےگا۔

کمپنی کا کہنا ہے کہ دنیا بھر میں لاکھوں افراد نے نئے کمرشل پروڈکٹ کے استعمال کی فہرست میں نام درج کرادیا ہے۔ ایئر لیس اسمارٹ بائیسکل ٹائر 2024 کے موسم بہار میں لانچ ہوگا۔

اس سے قبل 2013 میں برج اسٹون نے ایئرلیس ٹائر متعارف کرانے کا اعلان کیا تھا۔ مگر ان کی جو ساخت بتائی گئی تھی وہ اسمارٹ ٹائروں سے مختلف ہے، برج اسٹون کے وائر لیس ٹائر میں اسپوکس کے درمیان ملبہ بھرنے کا بتایا گیا تھا۔

Courtesy: Reuters

Traffic incidents in GB on rise, 34 dead in 25 days

noreply@blogger.com (gbtribune) — Wed, 26 Jul 2023 01:00:00 +0500

گلگت بلتستان میں 25 دنوں میں 16 ٹریفک حادثات،34 افرادجاں بحق،50 زخمی

گلگت بلتستان میں 30 جون سے 24 جولائی تک ٹریفک حادثات کے اعدادو شمار سامنے آگئے۔مجموعی طور پر 16 ٹریفک حادثات میں 34 افراد جاں بحق اور 50 زخمی ہوگئے۔

سب سے زیادہ 8 ٹریفک حادثات مقامی سڑکوں پر پیش آئے، شاہراہ قراقرم پر5، شاہراہ بلتستان پر3 حادثات ہوئے۔

مقامی لنک روڈ پر حادثات میں 10 افراد جاں بحق،33 زخمی ہوئے۔

شاہراہ قراقرم پر حادثات میں 14 افراد جاں بحق، 12 افراد زخم ہوئے۔

شاہراہ بلتستان پرحادثات میں 10 افرادجاں بحق، 5 زخمی ہوئے۔

حادثات میں ہلاکتوں کا تناسب دیکھا جائےتو شاہراہ بلتستان پر تین میں سے دو حادثات میں اموات ہوئیں جن کی تعداد 10 ہے۔ شاہراہ قراقرم پر5 میں سے4 حادثات میں 14 افراد جاں بحق ہوئے جبکہ مقامی سڑکوں پر 8 میں سے4 حادثات میں اموات ہوئیں جو 10 ہیں۔

رواں سال ماہ جولائی کے دوران گلگت بلتستان میں ٹریفک حادثات کی یہ سب سے بڑی شرح ہے۔

واضح رہے کہ گلگت بلتستان میں جہاں مقامی سڑکوں کی ٹوٹ پھوٹ شہریوں کے لیے وبال جان بنی ہوئی ہے وہاں گرمیوں میں بڑی تعداد میں سیاحوں کی آمد سے بڑی شاہراہوں میں ٹریفک کا دباو بڑھ گیا ہے۔

برف زیادہ پگھنے سے دریاوں میں طغیانی،بارشوں اور آسمانی بجلی گرنےکےواقعات میں لینڈ سلائیڈنگ کےباعث جانی ومالی نقصانات اس کےعلاوہ ہیں۔

14 member GB cabinet announced

noreply@blogger.com (gbtribune) — Wed, 19 Jul 2023 00:12:00 +0500

گلگت بلتستان اسمبلی میں 14 رکنی نئی کابینہ کا اعلان کردیا گیا، چار سینئر وزیر بنا دیے گئے۔

نئی کابینہ کی تشکیل سے متعلق دو نوٹی فکیشن جاری کیے گئے ہیں جن کے مطابق مجموعی طور پر 14 وزیروں کی تعیناتی عمل میں لائی گئی ہے،کابینہ میں 4 سینئر وزیر بنائے گئے ہیں جبکہ دیگر محکمے زیادہ تر ان منتخب اراکین اسمبلی اور مشیروں کو دیے گئے ہیں جو خالدخورشید کی کابینہ کا حصہ تھے۔

نئی کابینہ میں مسلم لیگ ن اور پیپلزپارٹی کو دو دو، جے یوآئی کو ایک اور پی ٹی آئی کو سات وزرا شامل کیے گئے ہیں۔

کابیینہ میں امجد زیدی،انجینئراسماعیل،غلام محمد اور عبدالحمید کو سینیئر وزیر بنا کر انہیں بالترتیب تعمیرات، خزانہ،سیاحت و خوراک اور بلدیات کے محکمے سونپ دیےگئےہیں۔

نوٹی فکیشن کے مطابق دیگر 10 وزارتوں میں غلام شہزاد آغا کو تعلیم،فتح اللہ خان کو پلاننگ اینڈ ڈویلپمنٹ، شمس لون کو داخلہ، مشتاق حسین کو واٹر اینڈ پاور، دلشاد بانو کو ویمن ڈویلپمنٹ، سید سہیل عباس کو صحت و قانون، حاجی رحمت خالق کو ایکسائز وٹیکسیشن، انجیئرمحمد انور کو زراعت،حاجی شاہ بیگ کو جنگلات،جنگلی حیات و ماحولیات اور سریا زمان کو انفارمیشن ٹیکنالوجی کے محکمے دیے گئےہیں۔

نئی کابینہ میں شامل سینئر وزرا میں امجد زیدی اور عبدالحمید پی ٹی آئی، غلام محمد مسلم لیگ ن اور انجینئراسماعیل کا تعلق پیپلزپارٹی سے ہے۔ دیگر 10 وزرا میں پیپلزپارٹی کےغلام شہزاد آغا، مسلم لیگ ن کے انجینئرمحمدانور، جے یوآئی ف کےحاجی رحمت خالق اور پی ٹی آئی کے 7 اراکین فتح اللہ خان، شمس لون، مشتاق حسین، سہیل عباس، دلشاد بانو،حاجی شاہ بیگ اور ثریا زمان شامل ہیں۔

کابینہ میں سب سے زیادہ حصہ دیامر کو ملا جہاں سے حاجی گلبر خان وزیراعلیٰ، حاجی رحمت خالق، انجینئر محمد انور، حاجی شاہ بیگ اور سریا زمان وزیر بن گئے۔گلگت کا دوسرا نمبر ہے جہاں سے فتح اللہ خان، دلشاد بانو اور سہیل عباس وزیر اور سادیہ دانش ڈپٹی اسپیکر منتخب ہوئیں۔گانچھےتین وزرا کےساتھ تیسرےنمبر پر رہا جن میں انجینئرمحمداسماعیل، عبدالحمید اور مشتاق حسین شامل ہیں۔ غذر کا چوتھا نمبر ہے جہاں سے غلام محمد سینیر وزیر بن گئے جبکہ نذیراحمد ایڈووکیٹ پہلے ہی اسپیکر کے عہدے پر فائز ہیں۔ استور، کھرمنگ اور اسکردو کو بالترتیب شمس لون، امجد زیدی اور غلام شہزاد آغا کی صورت میں ایک ایک وزارت ملی۔ہنزہ، نگر اور شگر کو کابینہ میں نمایندگی نہ مل سکی۔

یہ بھی پڑھ لیں۔

کیا پی ٹی آئی نوازشات اورنا انصافیوں کا بوجھ اٹھا پائےگی،خصوصی رپورٹ

ڈرامائی صورتحال

سابق وزیراعلیٰ خالد خورشید کی جعلی ڈگری کیس میں نااہلی کےبعد امکان تھا کہ اسمبلی میں واضح عددی اکثریت کے باعث نئےوزیراعلیٰ بھی پی ٹی آئی سے ہی منتخب ہوں گے مگر صورتحال نے ایسا کروٹ لیا کہ لوگ دیکھتے رہ گئے۔ وزارت اعلیٰ کےلیے پی ٹی آئی کے دو گروپوں کے چار امیدوار سامنے آگئے۔ پی ٹی آئی کے ہم خیال گروپ سے راجہ اعظم خان، راجہ زکریہ مقبون اور جاویدعلی منوہ جبکہ فارورڈ بلاگ سے حاجی گلبر خان امیدوار بن بیٹھے۔ اپوزیشن جماعتوں پیپلزپارٹی، مسلم لیگ ن اور جمیعت علمائے اسلام نے حاجی گلبر کی حمایت کا اعلان کیا۔

انتخاب سے قبل ہم خیال گروپ نے بائیکاٹ کا اعلان کیا تو میدان میں حاجی گلبرخان واحد امیدوار رہ گئے۔ 13 جولائی کو اسمبلی اجلاس میں 32 میں سے 20 ارکان نے شرکت کی جن میں سے 19 ارکان کی حمایت سے حاجی گلبرخان وزیراعلیٰ بن گئے۔

واضح رہے کہ 33 رکنی گلگت بلتستان قانون ساز اسمبلی 24منتخب اراکین، 3 ٹیکنوکریٹس اور 6 خواتین کی مخصوص نشستوں پر مشتمل ہے۔خالد خورشید کی نااہلی کے بعد یہ تعداد 32 رہ گئی ہے۔

وزارت اعلیٰ کےلیے جوڑ توڑ کی کوشش کے دوران ایک اور ڈرامائی صورتحال اس وقت پیدا ہوئی جب پیپلزپارٹی کے پارلیمانی لیڈر امجد ایڈووکیٹ نے اچانک ایک غیر متوقع اعلان کرکے سب کو حیران کردیا۔ انہوں نے پہلے اسپیکر نذیرایڈووکیٹ کےخلاف جمع کرائی گئی تحریک عدم اعتماد واپس لےلی اور پھر اسمبلی رکنیت سے استعفیٰ دےدیا۔ا مجد ایڈووکیٹ نے اس اہم اقدام کی وجہ نہیں بتائی مگر قیاس کیا جارہا تھا کہ وزیراعلیٰ کے انتخاب کے معاملے پر ان کے قمر زمان کائرہ اور گورنر مہدی شاہ سے اختلافات پیدا ہوگئےتھے۔اگلے دن امجد ایڈووکیٹ اور قمر زمان کائرہ اسلام آباد روانہ ہوئے، پیچھےپارٹی کے جمیل احمد اور سادیہ دانش نے پریس کانفرنس کرکے حاجی گلبر کی حمایت کا اعلان کردیا۔ نئی کابینہ میں امجد ایڈووکیٹ کو شامل نہیں کیا گیا۔

کیا امجد ایڈووکیٹ کو قربانی کا بکرا بنایا گیا؟

سابق وزیراعلیٰ خالد خورشید کو نااہل کرانے کے کرداروں میں ایک اہم کردار امجد ایڈووکیٹ بھی تھے، خالد خورشید کی جعلی ڈگری کا کیس پیپلزپارٹی کے رکن اسمبلی شہزاد آغا نے دائر کیا اور امجد ایڈووکیٹ نے عدالت میں بطور وکیل پیروی کی۔ 3 جولائی کو چیف کورٹ کے تین رکنی بینچ نے خالد خورشید کی قانون کی ڈگری جعلی قرار دی جو انہوں نے برطانیہ کی ایک یونیورسٹی سے حاصل کرنے دعویٰ کیا تھا۔ عدالت نے خالد خورشید کو نا اہل کردیا۔ اسپیکر نذیر ایڈووکیٹ نے نئے وزیراعلیٰ کے انتخاب کے شیڈول کا اعلان کیا تو پی ٹی آئی کے ہی ایک منحرف رکن عدالت چلے گئے۔ چھ جولائی کو عدالت نے انتخابی شیڈول کو معطل کیا، اس سماعت کے دوران نے جج نے یہ انکشاف بھی کیا کہ اسپیکر کے خلاف تحریک عدم اعتماد بھی جمع کرائی گئی ہے۔ معلوم ہوا کہ تحریک عدم اعتماد پیپلزپارٹی کے امجد ایڈووکیٹ نے ہی جمع کرائی ہے۔

ظاہر ہے امجد ایڈووکیٹ نے جو بھی قدم اٹھایا وہ پارٹی پالیسی اور ہدایات کے مطابق ہی اٹھایا ہوگا۔غلط ہی سہی مگر یہ حقیقت ہے کہ ان ہی کوششوں سے خالد خورشید نااہل ہوگئے اور اسمبلی میں پی ٹی آئی کی واضح اکثریت دھڑام تختہ ہوگئی۔ ہونا تو یہ چاہیےتھا کہ نئی کابینہ سے متعلق فیصلہ سازی میں ان کی رائے کو اہمیت دی جاتی، مگر کام ہونےجانے بعد امجد ایڈووکیٹ کو کھڑےلائن لگادیا گیا۔گوکہ اسپیکر نے امجد ایڈووکیٹ کا استعفیٰ قبول نہیں کیا لیکن نئی کابینہ میں ان کو شامل نہ کرکے ان کےحامیوں کےایک وسیع حلقے کو مایوس کیا گیا۔

یاسین میں سالانہ سرمائی کھیلوں کا آغاز ہوگیا

noreply@blogger.com (gbtribune) — Sun, 29 Jan 2023 07:56:00 +0500

گلگت بلتستان کے وادی یاسین میں سرمائی کھیلوں کا باقاعدہ ہوگیا، اس سلسلےمیں جمعے کوطاون کے شاہی باغ میں رنگا رنگ افتتاحی تقریب منعقد ہوئی جس میں کھلاڑیوں کےعلاوہ عوام کی بڑی تعداد شریک تھی۔

تین روز ونٹر اسپورٹس فیسٹیول کا اہتمام اسنو کیپڈ ایڈونچر کلب کے تحت کیا جارہا ہے جس میں آئی ہاکی اور دیگر کھیلوں کے دلچسپ مقابلے شامل ہیں۔ ایونٹ میں 14 ٹیمیں حصہ لے رہی ہیں۔ ایونٹ کا فائنل اتوار کو ہوگا، اختتامی تقریب میں یاسین کی سیاسی قیادت سمیت ہزار افراد کی شرکت متوقع ہے۔

نگر اور صحت

noreply@blogger.com (gbtribune) — Fri, 25 Jun 2021 03:22:00 +0500

نگر قدرتی حسن سے مالامال ہے۔ یہاں کے خوبصورت مقامات دنیا بھر کے سیاحوں کی توجہ کا مرکز ہیں لیکن ان دونوں نگر کے نوجوانوں تعلیم اور صحت جیسے بنیادی انسانی حقوق کو لےکر سڑکوں پر ہیں۔ آج ہم صحت کے مسائل پر بات کریں گے کہ آخر نگر میں صحت کی اتنے گھمبیر صورتحال کیسے پیدا ہوئی اور اس کا حل کیسے ممکن ہے۔

سب سے پہلے نگر میں موجود اسپتالوں اور صحت کے مراکز کا جائزہ لیں گے اور سرکاری اعدادو شمار پر ہی بات کریں گے۔

ضلع نگر میں اس وقت دو 30 بیڈ اسپتال ہیں، ایک حلقہ 5 نگر خاص اور ایک حلقہ 4 سکندر آباد میں۔ نگر خاص کے اسپتال میں کل 149 آسامیاں ہیں جن میں ڈاکٹرز، پیرامیڈیکل اسٹاف سمیت گریڈ 1 تک کے ملازمین شامل ہیں لیکن سرکاری کاغذات اور زمینی حقائق میں بہت بڑا تضاد ہے۔ 30 بیڈ اسپتال کے لئے 149 ملازمین کی ضرورت ہے جبکہ سرکار نے اب تک صرف 53 آسامیوں پر ملازمین بھرتی کیےہوئےہیں، اب فیصلہ آپ نے کرنا ہے کیا ہم 53 ملازمین سے دن رات بھی کام لیں تو بھی 96 ملازمین کی کمی کو پوری کیسے کر سکتے ہیں۔ اس سے بھی سنگین صورتحال 30 بیڈ سکندر آباد اسپتال کی ہے جہاں کل آسامیاں 149 ہیں اور بھرتی ملازمین کی تعداد صرف 27 ہے جبکہ اس اسپتال میں ہنزہ نگر سمیت شاہراہ قراقرم پر ہونے والے تمام حادثات کے زخمی اور مریضوں کو فوری یہاں منتقل کیا جاتا ہے لیکن یہاں کے صورتحال آپ کے سامنے ہے۔ ان حالات میں کیسے 27 ملازمین 122 ملازمین کی کمی پوری کر سکتے ہیں، افسوس علاقے کے عوامی نمائندے غفلت کے نیند سو رہےہیں۔

نگر کے مصائب ابھی ختم نہیں ہوئے،اسکرداس 10 بیڈ اسپتال کےلئے 39 ملازمین بھرتی ہونے تھے لیکن ابھی تک کسی ایک کو بھی بھرتی نہیں کیا گیا، میاچھر میں موجود ضلع نگر کی واحد مادر اینڈ چائلڈ اسپتال، جس کو چلانے کے لئے سرکاری کاغذ میں 7 ملازمین کی ضرورت ہے، کسی ایک کو بھی بھرتی نہیں کیا جاسکا۔

اس کےعلاوہ ڈاڈیمل نگر اور سونی کوٹ چھلت نگر کے فرسٹ ایڈ سینٹرز کی عمارتیں تو تعمیر ہوئیں لیکن 7 میں سے کسی ایک ملازم کو بھرتی نہیں کیا گیا، یہ صرف چند علاقوں کی تفصیلات ہیں، دیگرعلاقوں میں اسی طرح کے مسائل کا سامنا ہے۔

نگر کے مصائب بہت زیادہ ہیں جن کو ایک کالم میں بیان نہیں کیا جاسکتا ہے، یہاں کے عوام اکیسویں صدی میں بھی صحت جیسے بنیادی حقوق سے محروم ہیں، سیاسی اور مذہبی جماعتوں نے گزشتہ 30 سالوں سے عوام کے درمیان اتنی نفرتیں پیدا کیں کہ جس کےبدولت یہاں بھائی بھائی کا دشمن بن چکا ہے، عوام تقسیم در تقسیم ہیں، سیاسی و مذہبی لوگ اپنے ذاتی مفادات میں اتنے الجھے ہوئے ہیں کہ ان کو مشترکہ مفاد کا خیال ہی نہیں لیکن ہم سلام پیش کرتے ہیں نگر کے نوجوانوں کو جوکسی بھی قسم کےسیاسی، مذہبی یا علاقائی تعاصب سے بالاتر ہوکر نگر کے حقوق کے لئے ایک ہونے کی بھرپور کوشش کر رہےہیں اور کسی حد تک اپنے اہداف حاصل کرنے میں کامیاب بھی ہوچکے ہیں جن میں محکمہ تعلیم، محکمہ صحت کے ملازمین کی نوٹیفکیشن سمیت باب نگر کے ایشوز کو بہت ہی احسن طریقے سے حل کرنے کی بھرپور کوشش کر رہےہیں۔

نگر کی ضلعی انتظامیہ خصوصآ ڈپٹی کمشنر نگر جناب ذوالقرنین حیدرخان اور ڈی ایچ او نگر اور ایس پی نگر کی جانب سے نوجوانوں کی حوصلہ افزائی اور تعاون بھی قابل ذکر اور خوش آئند بات ہے۔ گلگت بلتستان خصوصآ نگر میں ایسا پہلی بار ہو رہا ہے کہ نوجوان اور ضلعی انتظامیہ مل کر مسائل کو حل کرنے مصروف ہیں۔

ہماری دعا ہے اللہ تعالی ان تمام لوگوں کو توفیق دے جو خلق خدا کے لئے آسانیاں پیدا کرنے میں مصروف ہیں۔ آمین

تحریر: یاورعباس