Guilt, Grace & Gratitude

Christmas Alphabet Family Activity Guide

2012-12-03T07:30:00.002-08:00

I Am Yours

2012-06-05T21:03:00.002-07:00

Kayo ay kay Cristo at si Cristo ay sa Diyos.

-- 1 Corinto 3:23

Sabi ng lyrics ng "Who Am I" ng Casting Crowns

Lord, You catch me when I'm falling
And You've told me who I am
I am Yours, I am Yours
[watch the video here]

Ang mensahe natin nitong nakaraang tatlong araw ay patungkol sa idea "Na hindi ko pag-aari ang aking sarili. Sa halip, ako ay pag-aari . . . ng aking tapat na Tagapagligtas na si Jesu-Cristo." Ang mga taga-Corinto ay nag-aaway-away sa kung kaninong leader sila dapat ma-identify, kung sino ang tunay nilang tagapagturo. May mga nagsasabi ng pangalan ng isang pastor na hindi sinasangayunan ng iba. Nagkakagulo. Sinabihan sila ni Pablo na sila ay pag-aari ng Diyos kaya nararapat lamang na ang kanilang kaguluhan ay kanila nang itigil at ituun nila ang kanilang pansin sa kalooban o gusto ng nagmamay-ari sa kanila.

Minsan o malimit magulo ang ating buhay kasi hindi natin alam kung ano ang susundin natin. Ang masamang udyok ba, paghihiganti o pagsasawalang kibo? Pagbubulakbol ba, pagkalulong sa DOTA, o anupaman? Hindi ka mapakali kasi hindi mo alam kung ano ang susundin mo. Yan ay sa dahilang hindi mo kinikilala ang sarili mo at ang mga actions mo ay taliwas sa tunay mong pagkatao bilang anak ng Diyos.

We often fail to consider the gradual, cumulative effect of sin in our lives. In Saint Louis in 1984, an unemployed cleaning woman noticed a few bees buzzing around the attic of her home. Since there were only a few, she made no effort to deal with them. Over the summer the bees continued to fly in and out the attic vent while the woman remained unconcerned, unaware of the growing city of bees. The whole attic became a hive, and the ceiling of the second- floor bedroom finally caved in under the weight of hundreds of pounds of honey and thousands of angry bees. While the woman escaped serious injury, she was unable to repair the damage of her accumulated neglect.

Ipanalangin mo sa Diyos ang iyong struggles. Lumapit ka sa Kanya kasi Siya ang nagmamay-ari sa iyo.

Sa Katawan at Kaluluwa, Sa Buhay at Kamatayan

2012-06-04T20:58:00.001-07:00

Ito ay sapagkat walang sinuman sa atin ang nabubuhay para sa kaniyang sarili lamang at walang sinumang tao na namamatay para sa kaniyang sarili lamang. Ito ay sapagkat kung tayo ay nabubuhay, nabubuhay tayo sa Panginoon. Kung tayo ay mamamatay, mamamatay tayo sa Panginoon. Kaya nga, kung tayo ay nabubuhay o kung tayo ay mamamatay, tayo ay sa Panginoon. Sa dahilang ito si Cristo ay namatay at bumangon at nabuhay muli upang siya ay maghari kapwa sa mga patay at sa mga buhay.

-- Romans 14:7-9)

Panoorin ang maikling video na ito galing sa pelikulang I Am Spartacus (1960).

Kanino Ka Ba?
Nagkaisa ang mga prisoners na itago at protektahan ng tunay na identity ni Spartacus -- yan ay sa gitna ng pananakot ng prison officers na sila ay ipapako sa krus kung walang magsasabi na siya si Spartacus. Ang kahalagahan ng pagkakaisa sa isang common goal ay napakahalagang adhikain sa buhay lalo pa't ang pagkakaisa ay pagkakaisa sa tamang loyalty -- tulad ng nangyari sa film clip.

Ang Roma ay isang napaka-progressive na lungsod. Sa kagandahang loob ng Diyos, nagkaroon dito ng malagong simbahan. Ang mga mananampalataya sa Roma ay halu-halo. May mayaman, may mahirap; may new believers, may matagal na; may maraming problema, mayrong kaunti; may masaya, may magulo. Marahil alalahanin ni Pablo na hindi sila magkasundo, kaya naman hinihikayat nya sa verse na ito na sila ay magkaisa dahil sila ay nasa ilalim ng pangangasiwa ng Diyos. Oo magkakaiba sila ng estado ngunit sila ay iisa dahil iisa ang kanilang Diyos.

Malimit ang ating buhay ay magulo kasi hindi natin alam kung kanino tayo lumalagay. Minsan pinaghaharian tayo ng takot, galit, lust, addictions at loneliness. Kaya naman tayo din ay lumalapit sa mga taong ganon din ang sitwasyon. Ang nangyayari tuloy kung isang addict ka lang, magiging marami na kayong addict. Kung isa ka lang na galit, lumalaki lalo kasi ang mga kasama mo mga galit din. Ang napaglalagyan tuloy natin ay kasalanan. Nagmumukha tuloy tayong hindi pag aari ng Diyos.

Ang Ebanghelyo at Ang Fruit of the Spirit
Inalay ng Panginoong Hesus ang Kanyang buhay para may panghawakan tayo na tayo ay pag-aari ng Diyos. Ginawa nya ito para ang mga anak ng Diyos ay maipon sa ilalim ng kanyang sacrifice. Lahat tayo -- mayaman man o mahirap, matanda o bata, may ipen o wala -- ay magkakaugnay at pag-aari ng Diyos dahil sa dugo ni Kristo. Napanghahawakan natin ito sa pamamagitan ng ating pagtitiwala sa Ebanghelyo. Si Kristo na ating Ebanghelyo ay patotoo sa isang tao na ang kalagayan ay nasasakupan ng Diyos. Kaya naman alam mo na ngayon kung kanino ka lalapit kapag ikaw ay nahihirapan: hindi sa galit, hindi sa addiction, hindi sa takot -- kundi kay Kristo, ang nagligtas sa'yo.

Ano ba ang humaharang sa'yo upang manumbalik sa kanya? Isulat mo nga ang iyong Top 3 obstacles sa comment box sa baba at ipanalangin mo ito. Ipapapanalangin din kita. At kung may makita kang mga nagsulat na iba, ipanalangin mo rin sila.

Click here to memorize Lord's Day 1 of Heidelberg Catechism (Tagalog or English)

Memorization Page: Heidelberg Catechism, Lord's Day 1

2012-06-04T03:12:00.001-07:00

[ENGLISH] Heidelberg Catechism, Lord's Day 1

Question. What is your only comfort in life and in death?

Answer. That I am not my own, but belong— body and soul, in life and in death—to my faithful Savior, Jesus Christ. He has fully paid for all my sins with his precious blood, and has set me free from the tyranny of the devil.

He also watches over me in such a way that not a hair can fall from my head without the will of my Father in heaven; in fact, all things must work together for my salvation.

Because I belong to him, Christ, by his Holy Spirit, assures me of eternal life and makes me wholeheartedly willing and ready from now on to live for him.

[FILIPINO] Katesismong Heidelberg, Unang Araw ng Panginoon

Tanong: Ano ang tangi mong kaaliwan sa buhay at sa kamatayan?

Sagot: Na hindi ko pag-aari ang aking sarili. Sa halip, ako ay pag-aari – sa katawan at kaluluwa, sa buhay at sa kamatayan – ng aking tapat na Tagapagligtas na si Jesu-Cristo. Binayaran Niya ng buo ang lahat ng aking mga kasalanan sa pamamagitan ng Kanyang mahalagang dugo, at pinalaya Niya ako sa lahat ng kapangyarihan ng diyablo.

Iniingatan Niya rin ako sa pamaraang – kung walang pahintulot ng aking Amang nasa langit ay walang malalaglag kahit isang buhok mula sa aking ulo. Tunay na ang lahat ng bagay ay magkakatugma-tugma para sa aking kaligtasan.

Dahil dito, sa pamamagitan ng Kanyang Banal na Espiritu ay binibigyan rin Niya ako ng katiyakan ng buhay na walang hanggan. At ginagawa Niya akong taus-pusong sumasang-ayon at handang mamuhay mula ngayon para sa Kanya.

Hindi Ko Pag-aari Ang Aking Sarili

2012-06-04T02:58:00.005-07:00

"Hindi ba ninyo alam na ang inyong katawan ay banal na dako ng Banal na Espiritu na nasa inyo? Ang inyong katawan ay mula sa Diyos at kayo ay hindi sa inyong sarili."

-- 1 Corinto 19-20

Ang Ipod ni Jennifer at ang mga Taga-Corinto
Tuwang tuwa si Jennifer nung una nyang makita ang kanyang iPod Touch na 16 gig. Padala ito sa kanya ng kanyang itay na nagtatrabaho sa Saudi. Lagi nya itong inaalagaan hindi lamang sa dahil mahilig siya sa music kundi ang iPod na ito ay paalala sa kanya ng pagmamahal sa kanya ng kanyang ama na nasa Saudi. Hinding hindi nya makakalimutan ang naka-ipit na note sa karton ng iPod ang "I love you -- Dad".

Ang mga taga -Corinto ay mga suwail na mga mananampalataya at sa sulat na ito ni Pablo pinapa-alalahanan nya sila na pahalagahan ang regalo ng Diyos sa kanila. Ito ay ang kanilang buhay. Nakapaloob sa kanilang buhay tulad ng iPod ni Jennifer ang biyaya ng Ama na nasa langit. Malimit nila itong kaligtaan kaya sila'y pina-alalahanan ng mahal na apostol.

Ang Paalala sa Iyo at ang Ebanghelyo
Malimit din tayong makalimot na ang ATING BUHAY ay BIYAYA SA ATIN NG DIYOS. Nakakalimutan natin itong pahalagahan, at pinupuno natin ito ng galit, tampo, kasalanan at mga maling gawain. Minsan nakikita pa natin siguro na ang buhay natin ay pag-aari ng kasalanan imbes na pag aari ng Diyos.

Ang pagpapahalaga ni Kristo sa iyong buhay ay iyong nakita nang mamatay Siya mismo sa krus bilang kabayaran ng pagkakautang natin sa Panginoon, pagkakautang na hindi nating kayang bayaran. Namatay siya sa krus para tubusin tayo, para hindi na tayo pag-aari ng kadiliman ng kasalanan kundi ng kapangyarihan ng Panginoon. Dito mo malalaman ang pagpapahalaga ng Diyos sa iyong buhay. Ginawa Niya ito para ang ating buhay ay maging "banal na dako ng Banal na Espiritu." Salamat sa pagliligtas ng Diyos at galing sa paghahari ng kadiliman ikaw ngayo'y pag aari na ng Diyos. Magpasalamat tayo sa Kanya.

Sa comment box, itayp mo nga ang 5 bagay na pinagpapasalamat mo sa Diyos ngayong araw na ito. Tapusin mo ang pagsusulat na ito ng maikli ngunit taimtim na panalangin sa Diyos.

=============
Click here para kabisaduhin ang Katesismong Heidelberg, Araw ng Panginoon 1. Malaking benefit sa atin ang malaman ang katotohan ng pinapakabisang ito.