HajiyarpallyOnline

മലപ്പുറത്തിനു പുതിയ കലക്ടർ

2015-07-23T23:27:00.001+05:30

ജില്ലാ കളക്ടറായി ടി. ഭാസ്‌കരന്‍ ചുമതയേറ്റു. 2004 ബാച്ച് ഐ.എ.എസ്. ഉദ്യോഗസ്ഥനായ അദ്ദേഹം കോഴിക്കോട് ജില്ലയിലെ താമരശ്ശേരി സ്വദേശിയാണ്. നേരത്തെ വിവിധ തസ്തികകളില്‍ മലപ്പുറത്ത് ജോലിചെയ്തിരുന്നു.

അറസ്റ്റിലായി

2015-07-22T04:42:00.001+05:30

വെറുമൊരു ഓട്ടോ തൊഴിലാളിയിൽ നിന്ന് മലപ്പുറത്തെ പാസ്പോർട്ട് ഓഫീസിനെ നിയന്ത്രിക്കുന്നതിലേക്കുള്ള അസൂയാവഹമായ വളർച്ച...ഒരു വേള അനൗപചാരികമായി മലപ്പുറത്തെ പാസ്പോർട്ട് ഓഫീസർ അമീർ ആയിരുന്നു എന്ന് പറഞ്ഞാൽ പോലും അധികപറ്റാകുമായിരുന്നില്ല..

ജീവിതം മോടികൂട്ടാന്‍ ഓട്ടോതൊഴിലാളിയുടെ വേഷം മതിയാവില്ലെന്നായപ്പോള്‍ പണംകണ്ടെത്താന്‍ പുതിയ വഴികള്‍തേടി. ഇങ്ങനെയാണ് അഴിമതിക്കേസില്‍ ഇടനിലക്കാരനായ മലപ്പുറം ഹാജിയാര്‍പ്പള്ളി സ്വദേശി അബ്ദുള്‍അമീര്‍ പാസ്‌പോര്‍ട്ട് ഇടപാടിലേയ്‌ക്കെത്തുന്നത്. മണല്‍ക്കടത്തിലൂടെയും പണമുണ്ടാക്കി. എന്നാല്‍ അതിനേക്കാളേറെ ലാഭമുണ്ടാക്കാന്‍ കഴിയുന്നത് പാസ്‌പോര്‍ട്ട് കച്ചവടമാണെന്ന കണ്ടെത്തലോടെ അബ്ദുള്‍അമീര്‍ മുഴുവന്‍സമയം പാസ്‌പോര്‍ട്ട് ഓഫീസില്‍ കയറിയിറങ്ങി. കുറഞ്ഞ കാലയളവില്‍ത്തന്നെ ഇയാള്‍ വലിയ സാമ്പത്തികനേട്ടമുണ്ടാക്കിയിട്ടുണ്ട്.
വര്‍ഷങ്ങളായി ഇയാള്‍ക്ക് പാസ്‌പോര്‍ട്ട് ഓഫീസുമായി അടുത്ത ബന്ധമുണ്ടെന്നാണ് അന്വേഷണസംഘത്തിന്റെ കണ്ടെത്തല്‍. എല്ലായ്‌പ്പോഴും പാസ്‌പോര്‍ട്ട് ഓഫീസര്‍ ഉള്‍പ്പെടെയുള്ള ഉയര്‍ന്ന ഉദ്യോഗസ്ഥരുമായി ബന്ധം സ്ഥാപിച്ചാണ് ഇയാള്‍ ഇടപാടുകള്‍ നടത്തുന്നത്. ഏജന്‍സി വഴിയല്ല അമീര്‍ ഉദ്യോഗസ്ഥരെ സമീപിക്കുന്നത്. എന്നാല്‍ മുന്‍പ് ഇയാള്‍ക്ക് ഏജന്‍സിയുമായി ബന്ധമുണ്ടായിരുന്നതായും സൂചനയുണ്ട്. നേരിട്ടെത്തി വ്യക്തിപരമായ ബന്ധം വളര്‍ത്തിയെടുത്ത് കാര്യങ്ങള്‍ മുന്നോട്ടുകൊണ്ടുപോകുകയാണ് രീതി.
മാസങ്ങളായുള്ള സി.ബി.ഐ നിരീക്ഷണത്തില്‍ ഇതു വ്യക്തമായിരുന്നു. ഇതോടെയാണ് പാസ്‌പോര്‍ട്ട് ഓഫീസര്‍ പി. രാമകൃഷ്ണനോടൊപ്പം ഏജന്റ് അബ്ദുള്‍അമീറിനെയും കൈക്കൂലിക്കേസില്‍ തെളിവുകളോടെ സി.ബി.ഐ ഉദ്യോഗസ്ഥര്‍ അറസ്റ്റ്‌ചെയ്തത്. പാസ്‌പോര്‍ട്ട് അപേക്ഷകനില്‍നിന്ന് 50,000 രൂപ വാങ്ങുന്നതിനിടെയാണ് ഇവര്‍ സി.ബി.ഐ സംഘത്തിന്റെ പിടിയിലായത്.
പാസ്‌പോര്‍ട്ട് ലഭിക്കാന്‍ സാങ്കേതിക തടസ്സമുള്ളവരെയും വ്യാജ പാസ്‌പോര്‍ട്ടുകള്‍ ആവശ്യമായവരെയും സമീപിച്ചാണ് പണം വാങ്ങുന്നത്. ഇതില്‍ മിക്കവരുടെയും വിവരങ്ങള്‍ പാസ്‌പോര്‍ട്ട് ഓഫീസര്‍ തന്നെ അമീറിന് നല്‍കിയാണ് ഇടപാടുകള്‍ നടത്തുന്നതെന്നും സൂചനയുണ്ട്. ആളുകളുടെ ഫോണ്‍നമ്പറില്‍ ബന്ധപ്പെട്ട് പണം വാങ്ങി പാസ്‌പോര്‍ട്ട് ഓഫീസറുടെ ഒത്താശയോടെ വ്യാജ പാസ്‌പോര്‍ട്ട് ഉള്‍പ്പെടെയുള്ളവ ആവശ്യക്കാരിലെത്തിക്കും. വര്‍ഷങ്ങളായി ഇത്തരം ഇടപാടുകള്‍ നടക്കുന്നതായി അന്വേഷണസംഘത്തിന് സൂചനലഭിച്ചിരുന്നു.

കടപ്പാട്: മാത്രുഭൂമി.

മരണപ്പെട്ടു..

2015-07-21T06:00:00.001+05:30

ഹാജിയാർ പള്ളി മുതുവത്ത് പറമ്പ് സ്വദേശി പരേതനായ കുഞ്ഞിത്തങ്ങളുടെ ഭാര്യ കുഞ്ഞാത്തുമ്മ ബീവി നിര്യാതയായി, പരേതയുടെ പേരിലുള്ള ജനാസ നമസ്കാരം ചൊവ്വാഴ്ച രാവിലെ പത്ത് മണിക്ക് മുതുവത്ത് പറമ്പ് മഹല്ല് ജുമാമസ്ജിദിൽ വെച്ച് നടത്തപ്പെടുന്നതാണു..

പാസ്പോർട്ട് ഓഫീസർ അറസ്റ്റിൽ

2015-07-21T05:37:00.001+05:30

കൈക്കൂലിക്കേസില്‍ മലപ്പുറം പാസ്പോര്‍ട്ട് ഓഫിസര്‍ പി. രാമകൃഷ്ണനെ സി.ബി.ഐ അറസ്റ്റ് ചെയ്തു. 50,000 രൂപ കൈക്കൂലി വാങ്ങിയ കേസില്‍ സി.ബി.ഐ കൊച്ചി യൂനിറ്റാണ് തിങ്കളാഴ്ച രാത്രി 7.30ഓടെ മലപ്പുറത്തെ താമസസ്ഥലത്തു
വെച്ച് ഇദ്ദേഹത്തെ അറസ്റ്റ് ചെയ്തത്. കൈക്കൂലി ഇടപാടിന് ഇടനിലക്കാരനായിരുന്ന ഏജന്‍റ് ഹാജിയാർ പള്ളി സ്വദേശി അബ്ദുല്‍ അമീറും അറസ്റ്റിലായി.
പാസ്പോര്‍ട്ട് ഓഫിസര്‍ അരലക്ഷം രൂപ കൈക്കൂലി ആവശ്യപ്പെട്ടെന്ന പരാതിയുമായത്തെിയ ആളോട് തുക രാമകൃഷ്ണന് കൈമാറാന്‍ സി.ബി.ഐ സംഘം നിര്‍ദേശിക്കുകയായിരുന്നു. പാസ്പോര്‍ട്ട് ഓഫിസിന് പിറകിലുള്ള താമസസ്ഥലത്തുവെച്ച് തുക കൈമാറുന്നതിനിടെയാണ് അറസ്റ്റ്. രാമകൃഷ്ണന്‍െറ വാടകവീട്ടിലും ഓഫിസിലും രാത്രി വൈകിയും സി.ബി.ഐ സംഘം തെരച്ചില്‍ തുടരുകയാണ്. പാസ്പോര്‍ട്ട് ഇടപാടുകളില്‍ ക്രമക്കേട് ആരോപണങ്ങളത്തെുടര്‍ന്ന് മലപ്പുറം പാസ്പോര്‍ട്ട് ഓഫിസ് സി.ബി.ഐയുടെ നിരീക്ഷണത്തിലായിരുന്നു. പാലക്കാട്ട് തപാല്‍ വകുപ്പില്‍ ഓഫീസറായിരുന്ന പി. രാമകൃഷ്ണന്‍ 2014ലാണ് മലപ്പുറം പാസ്പോര്‍ട്ട് ഓഫിസിന്‍െറ ചുമതലയേല്‍ക്കുന്നത്. മുമ്പുണ്ടായിരുന്ന പാസ്പോര്‍ട്ട് ഓഫിസര്‍ അബ്ദുറഷീദ് ക്രമക്കേട് സംബന്ധിച്ച് കുറ്റാരോപിതനായതിനത്തെുടര്‍ന്നായിരുന്നു ഇത്.
തിങ്കളാഴ്ച രാത്രിയോടെ പി. രാമകൃഷ്ണനെ സി.ബി.ഐ സംഘം കൊച്ചിയിലേക്ക് കൊണ്ടുപോയി. ചൊവ്വാഴ്ച പ്രതിയെ സി.ബി.ഐ കോടതിയില്‍ ഹാജരാക്കും.

2020 ക്ലാസുകൾ പൂർത്തീകരിച്ച് നാസ ഗഫൂർ

2015-07-01T20:00:00.001+05:30

ബഹിരാകാശഗവേഷണരംഗത്ത് മനുഷ്യന്‍നേടിയ വിജ്ഞാനത്തിലേക്ക് വെളിച്ചംവീശി നാസയില്‍ അംഗത്വം നേടിയ അധ്യാപക അവാര്‍ഡ് ജേതാവ് നാസ ഗഫൂര്‍ 2020 ക്ലാസ്സുകള്‍ പൂര്‍ത്തിയാക്കി.
ചന്ദ്രനിലേക്ക് ഒരു യാത്ര എന്ന വിഷയത്തില്‍ നെല്ലിശ്ശേരി എ.യു.പി.സ്‌കൂളിലായിരുന്നു അദ്ദേഹത്തിന്റെ 2020-ാമത്തെ ക്ലാസ്. സ്‌കൂള്‍ സയന്‍സ് ക്ലബ്ബിന്റെ ആഭിമുഖ്യത്തില്‍ നടന്ന ക്ലാസ്സില്‍ ഉപജില്ലയിലെ എല്ലാ വിദ്യാലയങ്ങളിലെയും സയന്‍സ് ക്ലബ്ബ് പ്രതിനിധികള്‍ പങ്കെടുത്തു.
പ്രഥമാധ്യാപകന്‍ അടാട്ട് വാസുദേവന്‍ അധ്യക്ഷത വഹിച്ചു. പി. മറിയക്കുട്ടി, വി. ഇബ്രാഹിം, ബി.പി. ഷഹീന, അബ്ദുള്‍ ജലീല്‍ കെ.പി. എന്നിവര്‍ പ്രസംഗിച്ചു.

പനിച്ച് വിറച്ച് മലപ്പുറം

2015-06-28T18:44:00.001+05:30

മഴക്കാലമെത്തിയതോടെ മലപ്പുറം പനിക്കിടക്കയിലാണ്. പകര്‍ച്ചവ്യാധികളുടെ എണ്ണം കഴിഞ്ഞവര്‍ഷത്തേക്കാള്‍ കൂടുതല്‍. ഡെങ്കിപ്പനി, എച്ച് വൺ- എന്‍വണ്‍ തുടങ്ങിയവയില്‍ കഴിഞ്ഞവര്‍ഷത്തേക്കാള്‍ ക്രമാതീതമായ വര്‍ധനവുണ്ടായിട്ടുണ്ട്. ശ്രദ്ധിച്ചില്ലെങ്കില്‍ അതീവഗുരുതരമാകുന്ന കോളറയും രണ്ടു വര്‍ഷത്തിനുശേഷം ജില്ലയില്‍ സ്ഥിരീകരിച്ചു. ഇത് മലപ്പുറത്തിന്റെ ആരോഗ്യരംഗത്ത് ഭീതിപരത്തിയിട്ടുണ്ട്.

ഈമാസം മാത്രം 81 പേര്‍ക്കാണ് ജില്ലയില്‍ ഡെങ്കിപ്പനി സ്ഥിരീകരിച്ചത്. രോഗം പിടിപെട്ട ഒരാള്‍ മരിക്കുകയുംചെയ്തു. കഴിഞ്ഞവര്‍ഷം ജൂണ്‍മാസത്തില്‍ 36 പേര്‍ക്കാണ് ഡെങ്കിപ്പനി പിടിപ്പെട്ടത്. ഇത്തവണ ഇരട്ടിയിലധികം കേസുകള്‍ റിപ്പോര്‍ട്ട്‌ചെയ്തതും ഒരാള്‍ മരിച്ചതും പ്രതിരോധപ്രവര്‍ത്തനങ്ങള്‍ ഊര്‍ജിതമാക്കേണ്ടതിന്റെ ആവശ്യകത ചൂണ്ടിക്കാട്ടുന്നു.

കഴിഞ്ഞവര്‍ഷം മൂന്ന് എച്ച് വൺ- എന്‍വണ്‍ കേസുകളാണ് ജില്ലയില്‍ സ്ഥിരീകരിച്ചത്. എന്നാല്‍ ഇത്തവണ ഇത് 15 ആയി ഉയര്‍ന്നു.

സാധാരണ പകര്‍ച്ചപ്പനികളുടെ എണ്ണം ഇത്തവണ കുറവാണെന്നതാണ് ഏക ആശ്വാസം. 32,224 പേര്‍ക്കാണ് ജില്ലയില്‍ പകര്‍ച്ചപ്പനി ബാധിച്ചത്. കഴിഞ്ഞ ജൂണില്‍ 41,652 പേര്‍ക്ക് പകര്‍ച്ചപ്പനി ബാധിച്ചിരുന്നു.
കഴിഞ്ഞവര്‍ഷം 21 മലേറിയ കേസുകള്‍ സ്ഥിരീകരിച്ചിരുന്നു. എന്നാല്‍ ഇത്തവണ നേരിയ കുറവുണ്ട്. 13 പേര്‍ക്കാണ് ജില്ലയില്‍ മലേറിയ ബാധിച്ചതായി ആരോഗ്യവകുപ്പ് റിപ്പോര്‍ട്ട്‌ചെയ്യുന്നത്. കാലവര്‍ഷമെത്തുന്നതിനു മുന്‍പ് ജില്ലയില്‍ മഞ്ഞപ്പിത്തം പടര്‍ന്നിരുന്നെങ്കിലും ഇത്തവണ കുറവ്
കാണുന്നുണ്ട്.

മഴക്കാലത്തെ രോഗങ്ങളും ലക്ഷണങ്ങളും ഒന്ന് മനസ്സിലാക്കി വെക്കാം...

പൊരുതാം പനിക്കെതിരെ (ജില്ലയില്‍ സ്ഥിരീകരിക്കപ്പെട്ട പനികളുടെ ലക്ഷണങ്ങളും മുന്‍കരുതലും)

കോളറ

കോളറ പടരുന്നത് ശുചിത്വമില്ലാത്ത ഭക്ഷണത്തിലൂടെയും വെള്ളത്തിലൂടെയുമാണ്. വിബ്രിയോ കോളറ എന്ന ബാക്ടീരിയയാണ് രോഗകാരണം. ഛര്‍ദ്ദിയും കഞ്ഞിവെള്ളം പോകുന്നതുപോലുള്ള വയറിളക്കവുമാണ് പ്രധാന ലക്ഷണങ്ങള്‍. പനിയും തലവേദനയും കൂടെയുണ്ടാകും. വയറിളക്കലക്ഷണങ്ങള്‍ കണ്ടാല്‍ ഉടന്‍ ചികിത്സതേടണം. ഇല്ലെങ്കില്‍ ശരീരത്തില്‍നിന്ന് വലിയതോതില്‍ വെള്ളം നഷ്ടപ്പെട്ട് (നിര്‍ജലീകരണം) സ്ഥിതി ഗുരുതരമാകും.
വെള്ളത്തിലൂടെ പടരുന്ന രോഗമായതിനാല്‍ രോഗം വ്യാപിക്കാതിരിക്കാന്‍ അതീവ ജാഗ്രതവേണം. തിളപ്പിച്ചാറിയ വെള്ളംമാത്രം കുടിക്കുക. പഴകിയതും തുറന്നുവെച്ചതുമായ ആഹാരങ്ങള്‍ കഴിക്കരുത്. ഏറെനേരം മുറിച്ചുവെച്ച പഴങ്ങള്‍ കഴിക്കരുത്.

മലമ്പനി

വിറയലോടുകൂടിയ ഇടവിട്ടുള്ള പനി, പനി മാറുമ്പോള്‍ അമിതമായ വിയര്‍ക്കല്‍, അസഹ്യമായ തലവേദന, വിശപ്പില്ലായ്മ, പനിയുണ്ടാകുന്നതിന് രണ്ടുമൂന്നു ദിവസം മുന്‍പുതന്നെ ശരീരക്ഷീണം, തലവേദന എന്നിവയുണ്ടാകാം.
രോഗാണുവാഹകരായ അനോഫിലസ് കൊതുകുകള്‍ കടിച്ചാല്‍ 20 മുതല്‍ 30 ദിവസങ്ങള്‍ എത്തുമ്പോഴാണ് രോഗലക്ഷണങ്ങള്‍ കാണാന്‍ തുടങ്ങുക. ഉടന്‍ ചികിത്സതേടിയാല്‍ ഒന്നുരണ്ടാഴ്ചകൊണ്ട് അസുഖം പൂര്‍ണമായും മാറും.

എച്ച് വൺ - എന്‍വണ്‍

വായുവിലൂടെ പകരുന്ന വൈറസ് രോഗമാണിത്. പനി, തൊണ്ടവേദന, മൂക്കൊലിപ്പ്, ചുമ, ശ്വാസതടസ്സം, ഛര്‍ദ്ദി എന്നിവയാണ് ലക്ഷണങ്ങള്‍. ഈച്ചകളും രോഗവാഹകരായേക്കാം. സാധാരണയില്‍നിന്ന് വ്യത്യസ്തമായ പനി, തൊണ്ടവേദന, ജലദോഷം, ചുമ എന്നിവയുണ്ടെങ്കില്‍ ഉടന്‍ ചികിത്സതേടണം. പോഷകാഹാരങ്ങള്‍ കഴിച്ച് പ്രതിരോധശേഷി വര്‍ധിപ്പിക്കണം.
പകര്‍ച്ച തടയാന്‍ ചുമയ്ക്കുമ്പോഴും തുമ്മുമ്പോഴും തൂവാല ഉപയോഗിച്ച് മൂക്കും വായും മറയ്ക്കുക, കൈകള്‍ ഇടയ്ക്കിടെ കഴുകുക. പൊതുജനസമ്പര്‍ക്കം കുറയ്ക്കുക, രോഗികള്‍ മാസ്‌ക് ഉപയോഗിക്കുക.

ഡെങ്കിപ്പനി

ഈഡിസ് ഈജിപ്തി കൊതുകിലൂടെ പടരുന്ന വൈറസ് രോഗമാണ് ഡെങ്കിപ്പനി. പെട്ടന്നുണ്ടാകുന്ന പനി, അസഹ്യമായ തലവേദന, കണ്ണിനുള്ളിലെ വേദന, സന്ധികളിലും പേശികളിലും വേദന, തിണര്‍പ്പ്, ഛര്‍ദ്ദി, വിശപ്പില്ലായ്മ തുടങ്ങിയവയാണ് ലക്ഷണങ്ങള്‍. രോഗം മൂര്‍ച്ഛിച്ചാല്‍ വായ, മൂക്ക് എന്നിവിടങ്ങളില്‍നിന്ന് രക്തസ്രാവം, രക്തം ഛര്‍ദ്ദിക്കുക, കഠിനമായ വയറുവേദന എന്നിവയാണ് വരിക.
രോഗിയുടെ ശരീരത്തില്‍നിന്ന് രക്തവും പ്ലാസ്മയും നഷ്ടമാവുമെന്നതിനാല്‍ വളരെ അപകടകാരിയായ ഡെങ്കിപ്പനി വന്നാല്‍ എത്രയുംവേഗം വൈദ്യസഹായം തേടണം.

പകര്‍ച്ചപ്പനി

പനി, തലവേദന, മൂക്കൊലിപ്പ്്, തുമ്മല്‍, തൊണ്ടവേദന, സന്ധിവേദന, ശരീരവേദന എന്നിവയാണ് ലക്ഷണങ്ങള്‍. വായുവിലൂടെ രോഗാണുക്കള്‍ മറ്റൊരു വ്യക്തിയിലേക്കു പകരാനുള്ള സാധ്യതയും കൂടുതലാണ്. രോഗംവന്നാല്‍ എത്രയും വേഗം വൈദ്യസഹായം തേടണം.

വേണം പ്രതിരോധം

മഴക്കാലത്ത് വെള്ളത്തിലൂടെയും കൊതുകുകള്‍ വഴിയുമാണ് രോഗങ്ങള്‍ കൂടുതലുണ്ടാകുന്നത്. വ്യക്തിശുചിത്വം, പരസരശുചിത്വം, കുടിവെള്ളശുചിത്വം എന്നിവയാണ് പ്രധാന രോഗപ്രതിരോധമാര്‍ഗങ്ങള്‍.
തിളപ്പിച്ചാറിയ വെള്ളം മാത്രം കുടിക്കുക. ഭക്ഷണസാധനങ്ങള്‍ മൂടിവെക്കുക. കൈകള്‍ വൃത്തിയാക്കിയശേഷം മാത്രം ഭക്ഷണം കഴിക്കുക.
വീടും പരിസരവും വൃത്തിയായി സൂക്ഷിക്കണം. കിണറുകള്‍ അണുവിമുക്തമാക്കാന്‍ ബ്ലീച്ചിങ് പൗഡര്‍ ഉപയോഗിച്ച് ക്ലോറിനേഷന്‍ നടത്തണം. വെള്ളം കെട്ടിനിന്ന് കൊതുകുകള്‍ പെരുകുന്നത് തടയുക. പാഴ്‌ച്ചെടികള്‍ നീക്കംചെയ്ത് പരിസരം വൃത്തിയാക്കുക.

ഡിജിറ്റൽ ലോക്കർ

2015-06-25T18:40:00.001+05:30

വ്യക്തികളുടെ അവശ്യരേഖകള്‍ ഡിജിറ്റല്‍രൂപത്തില്‍ സൂക്ഷിക്കാനുള്ള 'ഡിജി ലോക്കര്‍' പദ്ധതിവരുന്നു. ജൂലായ് ഒന്നിന് ഡല്‍ഹിയില്‍നടക്കുന്ന പരിപാടിയില്‍ പ്രധാനമന്ത്രി നരേന്ദ്രമോദി പദ്ധതിയുടെ ഉദ്ഘാടനം നിര്‍വഹിക്കും. തിരിച്ചറിയല്‍കാര്‍ഡ്, പാന്‍കാര്‍ഡ്, വിദ്യാഭ്യാസയോഗ്യതാരേഖകള്‍, മറ്റ് ഔദ്യോഗികരേഖകള്‍ തുടങ്ങിയവയെല്ലാം ഡിജിറ്റല്‍ രൂപത്തില്‍ സൂക്ഷിച്ചുവെക്കാം. കേന്ദ്ര വിവരസാങ്കേതിക വകുപ്പാണ് പദ്ധതി നടപ്പാക്കുന്നത്.
ആധാര്‍കാര്‍ഡുള്ള ഏതൊരാള്‍ക്കും digitallocker.gov.in വഴി പ്രധാനരേഖകള്‍ സൂക്ഷിച്ചു വെയ്ക്കുന്നതിനുള്ള അക്കൗണ്ട് ആരംഭിക്കാം. സ്വന്തം വിരലടയാളമൊ പാസ് വേർഡോ ഉപയോഗിച്ച് അക്കൗണ്ടില്‍ പ്രവേശിച്ചതിനുശേഷം രേഖകള്‍ സ്‌കാന്‍ചെയ്ത് അക്കൗണ്ടില്‍ സൂക്ഷിയ്ക്കാം.
സ്മാര്‍ട്ട് ഫോണോ മറ്റ് ഇന്റര്‍നെറ്റ് സംവിധാനങ്ങളോ ഉപയോഗിച്ച് ഏതുസമയത്തും േരഖകളുടെ പകര്‍പ്പ് എടുക്കാനും പരിശോധനകള്‍ക്ക് ഉപയോഗിക്കാനുമാകും.

കനത്ത കാറ്റും മഴയും

2015-06-24T07:44:00.001+05:30

വൈകിയെത്തിയ കാലവര്‍ഷം ജില്ലയില്‍ നാശനഷ്ടങ്ങളുണ്ടാക്കുന്നു... മഴയേക്കാള്‍ കാറ്റാണ് നാശംവിതയ്ക്കുന്നത്. പലയിടത്തും മരങ്ങള്‍ കടപുഴകിവീണു. വീടുകള്‍ക്ക് കേടുപാടുകളുണ്ടായി. പലറോഡുകളിലും ഗതാഗത തടസ്സവും േനരിട്ടു.
ജില്ലാഭരണകൂടത്തിന്റെ കണക്കുപ്രകാരം കനത്തമഴയും കാറ്റും തകര്‍ത്തത് എഴുപതു വീടുകളാണ്. ഇതില്‍ നാലെണ്ണം പൂര്‍ണമായും തകര്‍ന്നു. 4,25,000 രൂപയാണ് നഷ്ടം കണക്കാക്കിയിട്ടുള്ളത്. ഭാഗികമായിത്തകര്‍ന്ന 66 വീടുകള്‍ക്ക് 23,11,700 രൂപയാണ് നഷ്ടം.
കൃഷിനാശവും കുറവല്ല. 25.33 ഹെക്ടര്‍ കൃഷിഭൂമിയിലാണ് മഴ നാശംവിതച്ചത്. 10,62,041 രൂപയുടെ നഷ്ടം കണക്കാക്കി.

മഴ ഇനിയും ശക്തിപ്രാപിക്കുമെന്നാണു കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകുന്നത്..

സ്വയം തൊഴിൽ വായ്പ

2015-06-04T14:44:00.001+05:30

സ്വയംതൊഴില്‍സംരംഭങ്ങള്‍ തുടങ്ങാന്‍ ഒരുലക്ഷംവരെ എംപ്ലോയ്‌മെന്റ് എക്‌സ്‌ചേഞ്ച് മുഖേന വ്യക്തിഗതവായ്പയായി കേരള സെല്‍ഫ് എംപ്ലോയ്‌മെന്റ് സ്‌കീം ഫോര്‍ രജിസ്‌ട്രേഡ് അണ്‍എംപ്ലോയ്ഡ് (കെസ്‌റു) പദ്ധതിപ്രകാരം ലഭിക്കും. 20 ശതമാനമാണ് സബ്‌സിഡി. രണ്ടുപേര്‍ക്ക് ഒന്നിച്ച് രണ്ടുലക്ഷം വായ്പയെടുത്തും സംരംഭം തുടങ്ങാം. ചെറുകിട വ്യവസായം, ഉത്പന്നനിര്‍മാണം തുടങ്ങിയവയ്ക്കാണ് വായ്പ നല്‍കുന്നത്. 'ജോബ് ക്ലബ്'പദ്ധതിയിലൂടെ സംഘങ്ങളായി വായ്പയെടുത്തും സംരംഭങ്ങള്‍ തുടങ്ങാം. നാല് അംഗങ്ങളുള്ള സംഘത്തിന് പത്തുലക്ഷംവരെ വായ്പ ലഭിക്കും. 25 ശതമാനമാണ് സബ്‌സിഡി. എല്ലാ പ്രവൃത്തിദിവസങ്ങളിലും ജില്ലാ എംപ്ലോയ്‌മെന്റ് എക്‌സ്‌ചേഞ്ചില്‍ വായ്പയ്ക്ക് അപേക്ഷ നല്‍കാം. മൂന്നുമാസത്തിലൊരിക്കലാണ് വായ്പ അനുവദിക്കാന്‍ നടപടിയുണ്ടാവുക.

വിജയികളെ അനുമോദിക്കുന്നു

2015-05-30T18:33:00.001+05:30

മണ്ഡലം സമഗ്ര വിദ്യാഭ്യാസപദ്ധതിയുടെ ഭാഗമായി ഹൈസ്‌കൂള്‍, ഹയര്‍സെക്കന്‍ഡറി വിദ്യാലയങ്ങളില്‍നിന്ന് എസ്.എസ്.എല്‍.സി, പ്ലൂസ്ടു പരീക്ഷകളില്‍ മുഴുവന്‍ വിഷയങ്ങള്‍ക്കും എ വണ്‍ നേടിയവരെയും മെഡിക്കല്‍/എന്‍ജിനീയറിങ് പ്രവേശനപ്പരീക്ഷകളില്‍ ഉയര്‍ന്ന റാങ്ക് നേടിയവരെയും ജൂണ്‍ ആദ്യവാരത്തില്‍ അനുമോദിക്കുമെന്ന് പി. ഉബൈദുള്ള എം.എല്‍.. അറിയിച്ചു. അര്‍ഹരായവര്‍ സര്‍ട്ടിഫിക്കറ്റിന്റെ സാക്ഷ്യപ്പെടുത്തിയ പകര്‍പ്പുകള്‍സഹിതം സ്ഥാപനമേധാവി മുഖേന മലപ്പുറം കോട്ടപ്പടിയിലെ എം.എല്‍.എയുടെ ക്യാമ്പ് ഓഫീസില്‍ എത്തിക്കണം. വിവരങ്ങള്‍ക്ക് ഫോണ്‍: 9446971907.

കോട്ടക്കുന്നിൽ " ഹരിതം- 2015"

2015-05-25T18:28:00.001+05:30

ഏതുസമയത്തും സഞ്ചാരികള്‍ക്ക് സമയം ചെലവഴിക്കാവുന്ന രീതിയില്‍ കോട്ടക്കുന്നിനെ ഹരിതാഭമാക്കി മാറ്റുന്നതിനുള്ള 'ഹരിതം-2015' പദ്ധതിയ്ക്ക് കോട്ടക്കുന്നില്‍ തുടക്കം. പദ്ധതി മന്ത്രി എ.പി.അനില്‍കുമാര്‍ െതെ നട്ട് ഉദ്ഘാടനം ചെയ്തു.
കോട്ടക്കുന്നില്‍ വിവിധ ഇനത്തില്‍പ്പെട്ട 501 മരങ്ങള്‍ വെച്ചു പിടിപ്പിക്കുന്ന പദ്ധതിയാണ് നടപ്പാക്കുന്നത്. അത്യുല്പാദന ശേഷിയുള്ള ടിഷ്യുകൾച്ചർ ഇനത്തിൽ പെട്ട നൂറു ഈന്തപ്പന ത്തൈകളും ഇതില്പെടും... ഇരുവശങ്ങളിലും തണല്‍ മരങ്ങള്‍ക്കിടയില്‍ സൈക്കിള്‍ ട്രാക്ക്, സ്‌കേറ്റിങ് റിബ്ബ് എന്നിവയും പണിയുന്നതാണു...

മലപ്പുറം നേർച്ച

2015-05-24T21:38:00.001+05:30

മത സൌഹാർദ്ധത്തിന്റെ നേട്ടങ്ങളും സ്വസ്ഥതയും മതവിദ്വേഷത്തിന്റെ നഷ്ടങ്ങളും ദുരിതവും എത്രമാത്രമായിരിക്കുമെന്ന് വ്യക്തമാക്കുന്ന രീതിയിൽ ചരിത്രത്തിൽ ഇടം നേടിയ മലപ്പുറം വലിയങ്ങാടി ജുമുഅത്ത് പള്ളി,

അതിനോട് ചേർന്ന് കിടക്കുന്ന മഖ്ബറയിൽ അന്ത്യവിശ്രമം കൊള്ളുന്ന നാല്പത്തിനാലു ശുഹദാക്കൾ, മലപ്പുറം ശുഹദാക്കളുടെ 292 മത് ആണ്ട് നേർച്ച 27,28 തിയ്യതികളിലായി സംഘടിപ്പിക്കുന്നു...
27 നു രാവിലെ മുതൽ ആരംഭിക്കുന്ന ഖുറാൻ പാരായണത്തോടെയാണു പരിപാടികൾക്ക് തുടക്കം കുറിക്കുക,
പ്രാർത്ഥനാ സമ്മേളനം മലപ്പുറം ഖാസി മുത്തുക്കോയ തങ്ങൾ ഉദ്ഘാടനം നിർവഹിക്കും, മുദരിസ് അബ്ദുസലാം ഫൈസി, മണ്ണാർക്കാട് ആദ്ധ്യക്ഷം വഹിക്കും...തുടർന്ന് അന്നദാനവും ഉണ്ടായിരിക്കുന്നതാണു...

ഫുട്ബാൾ ടീം സെലക്ഷൻ

2015-05-23T14:41:00.001+05:30

ജില്ലയിലെ 16 കേന്ദ്രങ്ങളിലായി ആരംഭിക്കുന്ന സി.എച്ച് ഫുട്‌ബോള്‍ അക്കാദമിയിലേക്ക് 12നും 15നും ഇടയിലുള്ള കുട്ടികളെ തിരഞ്ഞെടുക്കുന്നു. പങ്കെടുക്കുന്നവര്‍ വയസ്സ് തെളിയിക്കുന്ന സര്‍ട്ടിഫിക്കറ്റ് സഹിതം രാവിലെ എട്ടുമണിയ്ക്ക് എത്തണം. 1.1.2001നും 31.12.2004നുമിടയില്‍ ജനിച്ച കുട്ടികള്‍ കിറ്റുമായി എത്തണം.
മലപ്പുറം, കൊണ്ടോട്ടി മണ്ഡലങ്ങളിലുള്ളവര്‍ 24ന് രാവിലെ 8ന് പൂക്കോട്ടൂര്‍ ഗവ. ഹൈസ്‌കൂള്‍ മൈതാനത്ത് എത്തണം. മങ്കട, പെരിന്തല്‍മണ്ണ മണ്ഡലങ്ങളിലെ തിരഞ്ഞെടുപ്പ് പി.ടി.എം കോളേജ് മൈതാനത്തുനടക്കും.

ഒരു നിമിഷം ശ്രദ്ധിക്കുക,

2015-05-21T05:51:00.001+05:30

ചെറുപ്പക്കാര്‍ ഒരു നിമിഷം ഇത് വായിക്കുക.

ഗുണ്ടല്‍പേട്ട്... നോക്കെത്താ ദൂരത്തോളം പരന്നു കിടക്കുന്ന പാടത്ത് വിരിഞ്ഞു നില്‍ക്കുന്ന സൂര്യകാന്തി പൂക്കളും,റോഡരികില്‍ വള്ളി തൂങ്ങി തണലേകി നില്‍ക്കുന്ന കൂറ്റന്‍ ആല്മരങ്ങളും,ഒക്കെയായി ആരുടേയും മനസ്സ് കുളിരുന്ന പ്രകൃതി മനോഹരമായ സ്ഥലം.കര്‍ണ്ണാടക സ്റ്റേറ്റില്‍ മൈസൂര്‍ എത്തുന്നതിനു മുമ്പുള്ള ഗുണ്ടല്‍പേട്ട് ,നിരവധി സിനിമകള്‍ക്കും ആല്‍ബങ്ങള്‍ക്കും ലൊക്കേഷന്‍ ആയിട്ടുണ്ട്.പക്ഷെ ഗുണ്ടല്‍പേട്ട് എന്ന് കേള്‍ക്കുമ്പോള്‍ പലരുടെയും മനസ്സിലേക്ക് ആദ്യം ഓടിയെത്തുന്നത് ഇതൊന്നുമല്ല.,ഹോട്ടല്‍ മുറികളില്‍ തങ്ങളുടെ ഇരകളെ കാത്തു ശരീരം വില്‍ക്കാന്‍ തയ്യാറായി നില്‍ക്കുന്ന സ്ത്രീകളെ ആയിരിക്കും. ഗുണ്ടല്‍പേട്ടും പരിസര പ്രദേശങ്ങളിലും അനധികൃതമായി പ്രവര്‍ത്തിക്കുന്ന പല റിസോര്‍ട്ടുകളിലും ഹോട്ടലുകളിലും ശരീര വില്‍പ്പന നടക്കുന്നത് പരസ്യമായ രഹസ്യമാണ്.ഇത്തരം റിസോര്‍ട്ടുകളുടെ മുന്നില്‍ കൂടുതലും നിര്‍ത്തിയിട്ടിരിക്കുന്നത് കേരള രെജിസ്ട്രേഷന്‍ വാഹനങ്ങള്‍ ആണ് എന്നതാണ് ഏറെ ഖേദകരം.
ഗുണ്ടല്‍പേട്ട് എത്തുമ്പോഴേക്കും ഓടിയെത്തുന്ന ഗൈഡുകള്‍ ആദ്യം ചോദിക്കുന്നത് പെണ്ണ് വേണോ എന്നാണ്.ആവശ്യക്കാരന്‍ ആണെങ്കില്‍ അയാളുടെ മോപ്പടിനെ പിന്തുടര്‍ന്നാല്‍ മതി,അയാള്‍ നമ്മെ എത്തിക്കുന്ന റിസോര്‍ട്ടുകളില്‍ പെണ്‍കുട്ടികള്‍ നിരന്നു നില്‍ക്കുന്നുണ്ടാവും.ചുണ്ട് ചുവപ്പിച്ചു,ഇറുകിയ വസ്ത്രവും ധരിച്ച്,കണ്ണില്‍ കാമം നിറച്ചു ഓരോരുത്തരും നമ്മെ മാടി വിളിക്കും, ഇഷ്ട്ടമുള്ളത് നമുക്ക് സെലക്ട്‌ ചെയ്യാം.ഒരു മണിക്കൂറിനു മതിയെങ്കില്‍ അങ്ങനെ,അതല്ല ഒരു ദിവസത്തിനോ.ആഴ്ചക്കോ വേണമെങ്കില്‍ അങ്ങനെ..ഇനി നല്ല മലയാളീ പെണ്‍കുട്ടികള്‍ തന്നെ വേണം എന്നുണ്ടെങ്കില്‍ കുറച്ചു നേരം വെയിറ്റ് ചെയ്‌താല്‍ മതി. ഏതെങ്കിലും കോളേജില്‍ ഉന്നത പഠനത്തിനു എത്തുന്ന തറവാട്ടില്‍ പിറന്ന പെണ്‍കുട്ടികള്‍ റെഡി.. പക്ഷെ കാശ് കുറച്ചു കൂടും എന്ന് മാത്രം. പോലിസ് പിടിക്കില്ല എന്ന ധൈര്യവും നാട്ടുകാര്‍ അറിയില്ല എന്നാ വിശ്വാസവും ആണ് മലയാളികളെ കൂടുതല്‍ ഇങ്ങോട്ട് ആകര്‍ഷിക്കുന്നത്...
ഇതൊക്കെ എല്ലാവര്ക്കും അറിയുന്ന കാര്യം.. എന്നാല്‍ കര്‍ണ്ണാടകയിലെ ഒരു സ്വകാര്യ ചാനല്‍ നടത്തിയ അന്വേഷണത്തില്‍ ഞെട്ടിപ്പിക്കുന്ന വിവരങ്ങള്‍ ആണ് അവര്‍ പുറത്തു വിട്ടത്. '''' ഗുണ്ടല്‍പേട്ട്,മസിനഗുടി തുടങ്ങിയ ഇടങ്ങളില്‍ പ്രവര്‍ത്തിക്കുന്ന വ്യഭിചാര ശാലകളിലെ ലൈംഗിക തൊഴിലാളികളായ 70% സ്ത്രീകളും എയിഡ്സ് ബാധിതര്‍ ആണത്രേ..എയിഡ്സ് ഇല്ലാത്ത ഒരു സാദാരണ സ്ത്രീക്ക് 45% മുതല്‍ 65% വരെ കമ്മിഷന്‍ കൊടുക്കേണ്ടി വരുമ്പോള്‍ എയിഡ്സ് ബാധിച്ച സ്ത്രീകള്‍ക്ക് വെറും 15% കമ്മിഷന്‍ കൊടുത്താല്‍ മതി എന്നതാണത്രേ ഇത്തരം ക്രൂരതക്ക് എജന്ടുമാരെ പ്രേരിപ്പിക്കുന്നത്.വാര്‍ത്ത പുറത്തു വന്നിട്ട് ഒരു ആഴ്ചതോളം ആയി .കര്‍ണ്ണാടക സര്‍ക്കാര്‍ ഇത് വരെ നടപടി ഒന്നും എടുത്തിട്ടില്ല.. കിടന്നു കൊടുത്ത് വിയര്‍പ്പു വറ്റുംമുമ്പേ കിട്ടുന്ന കൂലിയില്‍ നിന്നും പങ്കു പറ്റാന്‍ എത്തുന്ന സര്‍ക്കാര്‍ ഉധ്യോഗസ്ഥരും,വിനോദ യാത്രക്ക് എത്തുന്ന സഞ്ചാരികളെ ബോറഡ്രില്‍ തടഞ്ഞു നിര്‍ത്തി അഞ്ചും പത്തും രൂപ ഇരന്നു വാങ്ങുന്ന പോലിസ് ഉദ്യോഗസ്തന്മാരും ഉള്ള നാട്ടില്‍ കൂടുതല്‍ നടപടികള്‍ ഒന്നും പ്രതീക്ഷിക്കേണ്ട. അല്ലെങ്കിലും നിയമങ്ങളെ പഴി പറഞ്ഞിട്ടെന്തു കാര്യം??? നമ്മെ സൂക്ഷിക്കേണ്ടത് നാം തന്നെയല്ലേ...
മക്കളെ അന്യ സംസ്ഥാനങ്ങളിലേക്ക് പഠിക്കാന്‍ വിടുമ്പോഴും,മക്കളെയോ,അനിയന്മാരെയോ,ഇത്തരം സ്ഥലങ്ങളിലേക്ക് വിനോദ യാത്രക്ക് വിടുമ്പോഴും ഒന്ന് സൂക്ഷിച്ചാല്‍ നന്നായിരിക്കും..
ഓണം,പെരുന്നാള്‍,ക്രിസ്തുമസ്. തുടങ്ങിയ ദിനങ്ങള്‍ ആഘോഷമാക്കുവാന്‍ ചുരം കയറി കാടും കടന്നു ഗുണ്ടല്‍പേട്ട് എത്തുമ്പോള്‍ '''ഫ്രഷ്‌ ആണ്,ടെസ്റ്റ്‌ കഴിഞ്ഞതാണ് തുടങ്ങിയ എജന്ട്ടിന്റെ മോഹന വാക്കുകളില്‍ മയങ്ങി മതിയായ പ്രതിരോധ മാര്‍ഗം പോലും സ്വീകരിക്കാതെ ഇത്തരം സ്ത്രീകളുമായി ബന്ധപ്പെടുമ്പോള്‍ ചെറുപ്പക്കാരാ ഒന്നോര്‍ക്കുക.. അഞ്ചു നിമിഷത്തെ സുഖത്തിനു ചിലപ്പോള്‍ നീ പകരം നല്‍കേണ്ടി വരിക നിന്റെ ജീവിതം തന്നെയായിരിക്കും... സൂക്ഷിച്ചാല്‍ ദൂഖിക്കേണ്ട.

പുലി വരുന്നേ..പുലി

2015-05-19T14:21:00.001+05:30

ജില്ലയിലെ വിവിധ ഭാഗങ്ങളിൽ പുലിയെ കണ്ടതായി വാർത്തകൾ വന്നിരുന്നു....ഇപ്പോൾ ദാ മലപ്പുറത്തും പുലിപ്പേടി. മുണ്ടുപറമ്പ് ബൈപ്പാസ് പരിസരത്താണ് പുലിയെ കണ്ടതായി അഭ്യൂഹം പരന്നത്. തിങ്കളാഴ്ച രാത്രിയോടെയാണ് പുലിയെ കണ്ടതായി വാര്‍ത്ത പരന്നത്.
ചില നാട്ടുകാര്‍ പുലിയെ കണ്ടെന്ന് പറയുന്നുണ്ട്. പുലിവാര്‍ത്ത പരന്നതോടെ പ്രദേശത്തുള്ളവര്‍ ഭീതിയിലായി. എന്നാല്‍, പുലിയുണ്ടെന്ന് ആരോ കള്ളക്കഥ ഉണ്ടാക്കിയതാണെന്നാണ് ഭൂരിപക്ഷം നാട്ടുകാരും പറയുന്നത്.

ദിവസങ്ങള്‍ക്ക് മുമ്പ് കൂട്ടിലങ്ങാടി, ചെലൂര്‍ പ്രദേശങ്ങളില്‍ പുലിയെ കണ്ടതായി വാര്‍ത്ത പരന്നിരുന്നു. എന്നാല്‍, കാല്‍പ്പാടുകള്‍ പരിശോധിച്ച ഫോറസ്റ്റ് അധികൃതര്‍ പുലിയുടേതല്ലെന്ന് സ്ഥിരീകരിക്കുകയായിരുന്നു

പരി കുടുംബ സംഗമം

2015-05-16T22:27:00.001+05:30

പരി കുടുംബസംഗമം ഈ മാസം 24ന് ഹാജിയാര്‍പള്ളി താജ് ഓഡിറ്റോറിയത്തില്‍ നടക്കും.

മുതിര്‍ന്നവരെ ആദരിക്കല്‍, തലമുറകളുടെസംഗമം, കലാകായികമത്സരങ്ങള്‍, പാചകമത്സരം, എസ്.എസ്.എല്‍.സി പരീക്ഷയ്ക്ക് എപ്ലസ് നേടിയ കുടുംബത്തിലെ വിദ്യാര്‍ഥികള്‍ക്കുള്ള അവാര്‍ഡ് നല്‍കല്‍ എന്നീ പരിപാടികള്‍ സംഘടിപ്പിക്കും.

പ്രസിഡന്റ് പരി മുഹമ്മദ് എന്ന മാനുപ്പഹാജി , പരി കുഞ്ഞിമുഹമ്മദ്, അനീസ്, അബ്ദുല്‍മുനീര്‍, അബ്ദുല്‍ ഹമീദ് സൂപ്പി, ഹമീദ്, ഫസലു എന്നിവരാണു സംഗമത്തിനു നേത്രുത്വം നൽകുന്നത്...

സർവ്വ കക്ഷി യോഗം

2015-05-10T18:26:00.001+05:30

മലപ്പുറം നഗരസഭയിൽ ഹർത്താൽ നിരോധിക്കുന്നത് സംബന്ധമായ കാര്യങ്ങൾ ചർച്ച ചെയ്യുന്നതിനായി നഗരസഭ വിളിച്ച് ചേർത്ത സർവ്വകക്ഷി യോഗം തീരുമാനമാകാതെ പിരിഞ്ഞു..ഇന്നലെ മുനിസിപ്പൽ കൗൺസിൽ ഹാളിലായിരുന്നു യോഗം...

യോഗം അടുത്ത മുപ്പതാം തിയ്യതി വീണ്ടും ചേരും...

സൗജന്യ ശില്പശാല

2015-05-08T22:31:00.001+05:30

സിജി ജില്ലാ ചാപ്റ്റര്‍ പ്ലസ് വൺ കോഴ്‌സിന് അപേക്ഷ സമര്‍പ്പിക്കാന്‍ ആഗ്രഹിക്കുന്ന വിദ്യാര്‍ഥികള്‍ക്ക് കുറ്റമറ്റ രീതിയില്‍ ഓണ്‍ലൈന്‍ അപേക്ഷ സമര്‍പ്പിക്കുവാന്‍ സൗകര്യമൊരുക്കുന്നു. വിദഗ്ധരായ ഹയര്‍സെക്കന്‍ഡറി അധ്യാപകരുടെ നേതൃത്വത്തില്‍ തിങ്കളാഴ്ച രാവിലെ 10ന് മലപ്പുറം സിജി ഓഡിറ്റോറിയത്തിലാണു സൗജന്യ ശില്‍പശാല നടത്തുന്നത്. വിവരങ്ങള്‍ക്ക്: 7736652542,

മഴ കനക്കുന്നു.

2014-08-03T00:35:00.000+05:30

കഴിഞ്ഞ മൂന്ന് ദിവസമായി തുടരുന്ന കനത്ത മഴ ജനങ്ങളിൽ ഭീതിയുണർത്തുന്നു.കടലുണ്ടിപ്പുഴയിൽ ജലനിരപ്പ് ക്രമാതീതമായി ഉയർന്ന് കൊണ്ടിരിക്കുന്നു.ഹാജിയാർപള്ളിയിൽ ക്രുഷിചെയ്തിരുന്ന ക്രുഷിയിടങ്ങളിൽ വെള്ളം കയറിയത് കർഷകരെ ദുരിതത്തിലാഴ്തി.താഴ്ന്ന പ്രദേശങ്ങളിലും പുഴയോരങ്ങളിലും താമസിക്കുന്ന ജനങ്ങൾ ഏറെ ഭീതിയിലാണു..മഴ അതിശക്തമായിത്തന്നെ ഇപ്പോഴും തുടരുന്നു.

.. കര കവിഞ്ഞൊഴുകിയ പുഴ ..

പരിസ്ഥിതി ദിനാചരണം.

2014-06-08T01:00:00.001+05:30

ഹാജിയാർപള്ളി മുതുവത്തുമ്മൽ ആർട്സ് &സ്പോർട്സ് ക്ലബ്ബിന്റെ ആഭിമുഖ്യത്തിൽ വാർഡ് തല ആരോഗ്യ ശുചിത്വ കമ്മറ്റി,എ.എൽ.പി സ്കൂൾ എന്നിവയുടെ സഹകരണത്തോടെ ജൂൺ 5 നു രാവിലെ 11 മണിക്കു മുതുവത്തുമ്മൽ എൽ.പി സ്കൂളിൽ പരിസ്ഥിതി ദിനാചരണം സംഘടിപ്പിച്ചു.ഹെഡ്മിസ്ട്രസ്സ് ഗീത ടീച്ചർ സ്വാഗതം ആശംസിച്ചു.വാർഡ് കൗൺസിലർ കെ.കെ.ശിഹാബുദ്ദീൻ അദ്ധ്യക്ഷത വഹിച്ചു.മുനിസിപ്പൽ വിദ്യാഭ്യാസ സ്റ്റാൻഡിംഗ് കമ്മറ്റി ചെയർമാൻ എൻ.കെ.അബ്ദുൾ മജീദ് ഉദ്ഘാടനം നിർവഹിച്ചു .വിദ്യാർത്ഥികൾക്കുള്ള സൗജന്യ വ്രുക്ഷത്തൈ വിതരണ ഉദ്ഘാടനവും അദ്ധേഹം നിർവഹിച്ചു.മാസ്ക് ക്ലബ്ബ് പ്രതിനിധി ലുഖ്മാൻ.യു, ഗീത ടീച്ചർ ,റസാക്ക് മാസ്റ്റർ എന്നിവർ ആശംസകൾ അർപ്പിച്ച് സംസാരിച്ചു. ഷീലടീച്ചർ ശുചിത്വ പ്രതിജ്ഞ ചൊല്ലിക്കൊടുത്തു.തുടർന്ന് പ്രശസ്ത പ്രാസംഗികൻ റഹീം കുഴിപ്പുറം പഠന ക്ലാസ്സിനു നേത്രുത്വം നൽകി, വിദ്യാർത്ഥികൾക്ക് ടെലിഫിലിം പ്രദർശനവും ഉണ്ടായിരുന്നു.

വൈകീട്ട് നാലു മണിക്ക് സ്കൂളിലെ മുഴുവൻ വിദ്യാർത്ഥികൾക്കും സൗജന്യമായി വ്രുക്ഷത്തൈകൾ വിതരണം ചെയ്തു.തൈകൾ ഏറ്റ് വാങ്ങിയ വിദ്യാർത്ഥികൾ ഒരു വ്രുക്ഷത്തിന്റെ ആക്രുതിയിൽ ഗൗണ്ടിൽ അണിനിരന്നത് ഏറെ നയനാനന്ദകരമായിരുന്നു.വ്രുക്ഷത്തൈ നടലിന്റെ ഉദ്ഘാടനം സ്കൂളിൽ വ്രുക്ഷത്തൈ നട്ട് മണ്ണിശ്ശേരി അബൂബക്കർ നിർവഹിച്ചു. പരിപാടികൾക്ക് മാസ്ക് ക്ലബ്ബ് പ്രവർത്തകരായ ഷംസീർ, നൗഫൽ,റിഷാദ്,ഷാഹുൽ ഹമീദ്,റഹീം,മുനീർ.വി.ടി,അഫ്സൽ,ഫാസിൽ തറയിൽ,ഷിബിൻ.കെ.കെ, എന്നിവർ നേത്രുത്വം നൽകി..

റിപ്പോർട്ടും ഫോട്ടോയും ...കമ്പർ റഹീം

സൗജന്യ വ്രുക്ഷത്തൈ വിതരണം.

2014-06-03T00:52:00.001+05:30

ഭൂമീയുടെ കുടയാണു വ്രുക്ഷങ്ങൾ, മനുഷ്യന്റെ ജീവവായു ഉദ്പാദിപ്പിക്കുന്ന പ്രധാന ഘടകവും വ്രുക്ഷങ്ങൾ തന്നെ, എന്നാൽ അനിയന്ത്രിതമായ രീതിയിലുള്ള മരം മുറിക്കലുകൾ മൂലം പ്രക്രുതിയും അവിടെയുള്ള ജീവജാലങ്ങളും ഗുരുതരമായ പല പ്രശ്നങ്ങളും അഭിമുഖീകരിച്ച് കൊണ്ടിരിക്കുകയാണു, ഒരു മരം മുറിക്കുകയാണെങ്കിൽ പത്ത് വ്രുക്ഷത്തൈകളെങ്കിലും നട്ട് പിടിപ്പിക്കാതെ ആ വിടവ് നികത്താൻ സാധിക്കില്ല,
ഹാജിയാർ പള്ളി പ്രദേശത്ത് അനുയോജ്യമായ സ്ഥലങ്ങളിലെല്ലാം വ്രുക്ഷത്തൈകൾ നട്ട് പിടിപ്പിക്കാനായി ഹാജിയാർ പള്ളി മാസ്ക്ക് ക്ലബ്ബ് ബ്രുഹത്തായ പരിപാടികൾക്ക് നേത്രുത്വം കൊടുക്കുന്നു.
ഈ വരുന്ന ജൂൺ 5 ,ലോക പരിസ്ഥിതി ദിനത്തോടനുബന്ധിച്ച് ഹാജിയാർ പള്ളി മാസ്ക്ക് ക്ലബ്ബ് പൊതുജനങ്ങൾക്ക് സൗജന്യമായി വ്രുക്ഷത്തൈകൾ വിതരണം ചെയ്യുന്നു, മുന്നൂറോളം വിവിധ ഇനങ്ങളിലുള്ള വ്രുക്ഷത്തൈകൾ സ്റ്റോക്ക് എത്തിക്കഴിഞ്ഞിട്ടുണ്ട്...താല്പര്യമുള്ളവർ ഉടൻ തന്നെ മാസ്ക്ക് ക്ലബ്ബ് ഭാരവാഹികളുമായി ബന്ധപ്പെട്ട് അവ കരസ്ഥമാക്കി നട്ട് പിടിപ്പിച്ച് ഈ സരംഭത്തിൽ പങ്കാളികളാകണമെന്ന് ക്ലബ്ബ് അധിക്രുതർ അറിയിക്കുന്നു..

വാർത്ത‍ നല്കിയത് കമ്പർ റഹീം

ജനങ്ങളെ ബുദ്ധിമുട്ടിലാക്കി ട്രഞ്ച് കുഴിക്കുന്നു

2014-05-04T00:37:00.000+05:30

ഹാജിയാർപള്ളി മുതുവത്ത് പറംബിൽ ഐഡിയ കംബനിയുടെ ഫൈബർ ഓപ്റ്റിക് കേബിൾ സ്ഥാപിക്കാൻ കുഴിക്കുന്ന ട്രഞ്ച് ജനസഞ്ചാരം ദുഷ്കരമാക്കുന്നു.സ്വതവേ വീതികുറവും പൊട്ടിപ്പൊളിഞ്ഞതുമായ റോഡ് ഇപ്പോൾ വലിയ കിടങ്ങും കുഴിച്ചതോടെ അപകടത്തില്പെടാതെ സഞ്ചരിക്കാൻ വാഹനങ്ങൾ ഏറെ പ്രയാസപ്പെടുന്നു.വാർഡ് കൗൺസിലർ കെ.കെ.ശിഹാബുദ്ധീൻ സംഭവ സ്ഥലം സന്ദർശിച്ച് എത്രയും പെട്ടെന്ന് പ്രവർത്തി പൂർത്തീകരിച്ച് തടസ്സങ്ങൾ നീക്കിത്തരണമെന്ന് ആവശ്യപ്പെട്ടു.. പണിക്കിടയിൽ പൊട്ടിപ്പോയ വാട്ടർ അതോറിറ്റി പൈപ്പുകൾ കൗൺസിലർ ഇടപെട്ട് ശരിയാക്കി.

ന്യൂസ്‌ കടപ്പാട് : മുനീർ VT

കോട്ടക്കുന്ന് വികസനം.ആശകളും ആശങ്കകളും..

2014-05-01T21:27:00.001+05:30

കോട്ടക്കുന്ന് ടൂറിസം കേന്ദ്രത്തിന്റെ സമഗ്രവികസനത്തിനായി ടൂറിസം വകുപ്പ് നടപ്പാക്കാനുദ്ദേശിക്കുന്ന പദ്ധതികളുടെ കരട് രൂപം മന്ത്രി എ.പി.അനിൽകുമാർ അവതരിപ്പിച്ചു, പ്രകൃതിസൗന്ദര്യത്തിനൊപ്പം അത്യാവശ്യ സൗകര്യങ്ങള്‍ മാത്രമുള്ള കോട്ടക്കുന്നില്‍ ഇപ്പോള്‍ത്തന്നെ നിരവധിപേര്‍ എത്തുന്നുണ്ട്. അവധി, ഉത്സവകാലങ്ങളില്‍ ജില്ലയുടെ വിവിധ ഭാഗങ്ങളില്‍നിന്ന് കോട്ടക്കുന്നിലേക്ക് ജനം ഒഴുകിയെത്തുന്നുണ്ട്. ഈ സാഹചര്യത്തില്‍ സൗകര്യങ്ങള്‍ മെച്ചപ്പെടുത്തിയും പുതിയ ടൂറിസംപദ്ധതികൾ നടപ്പാക്കിയും കൂടുതല്‍ സഞ്ചാരികളെ മലപ്പുറത്ത് എത്തിക്കാനാകുമെന്നാണ് ജില്ലാ ടൂറിസം പ്രമോഷന്‍ കൗണ്‍സിലിന്റെ പ്രതീക്ഷ.
198.44 കോടി രൂപ ചെലവില്‍ പൊതു, സ്വകാര്യ പങ്കാളിത്തത്തോടെ ജില്ലാ ടൂറിസം പ്രമോഷന്‍ കൗണ്‍സിലാണ് പദ്ധതി നടപ്പാക്കുക. ഒരു മുഴുവന്‍ ദിവസം ചെലവഴിക്കാന്‍ പര്യാപ്തമായ രീതിയിലായിരിക്കും സൗകര്യങ്ങള്‍. നിലവിലെ സൗകര്യങ്ങള്‍ മെച്ചപ്പെടുത്തുന്നതോടൊപ്പം പാര്‍ക്കില്‍ നവീന ടൂറിസം പദ്ധതികള്‍ തുടങ്ങും. കോട്ടക്കുന്നിന്റെ പ്രകൃതിഭംഗി നിലനിര്‍ത്തി പരിസ്ഥിതിക്ക് കോട്ടംപറ്റാത്ത പദ്ധതികള്‍ക്കാണ് ഊന്നല്‍.

അന്താരാഷ്ട്ര നിലവാരത്തിലുള്ള സമ്മേളന ഹാള്‍, അക്വേറിയം, നീന്തല്‍ക്കുളം, ഔഷധ, പൂന്തോട്ട പാര്‍ക്കുകള്‍, കുട്ടികള്‍ക്കുള്ള ഇലക്ട്രിക് കാര്‍, പ്ലേ ഗ്രൗണ്ട്, സാഹസിക പാര്‍ക്ക് എന്നിവയാണ് കരട് രൂപത്തിലെ പ്രധാന പദ്ധതികള്‍. പാര്‍ക്കിന്റെ പ്രധാന കവാടത്തില്‍നിന്ന് ആകാശ യാത്രയ്ക്കായി കേബിള്‍ കാര്‍ സൗകര്യം ഏര്‍പ്പെടുത്തും. നിലവിലെ ഓപ്പണ്‍ എയര്‍ ഓഡിറ്റോറിയവും ഫുഡ് കോര്‍ട്ടും നവീകരിക്കും. 38 ഏക്കര്‍ വിസ്തൃതിയുള്ള പാര്‍ക്കില്‍ വിശ്രമത്തിനും സവാരിക്കും പ്രത്യേകം സൗകര്യമുണ്ടാകും.

ചെന്നൈ ആസ്ഥാനമായി പ്രവര്‍ത്തിക്കുന്ന ദാരാഷോ ആന്‍ഡ് കമ്പനി പ്രൈവറ്റ് ലിമിറ്റഡാണ് കരട് രൂപം തയ്യാറാക്കിയത്. വിദഗ്ദ്ധ ചര്‍ച്ചക്കും വിശകലനത്തിനുംശേഷം കരട് രൂപത്തില്‍ ആവശ്യമായ മാറ്റങ്ങള്‍ വരുത്തും. തുടര്‍ന്ന് സര്‍ക്കാറിന്റെ അംഗീകാരത്തിനായി പദ്ധതി സമര്‍പ്പിക്കുമെന്ന് ഡി.ടി.പി.സി. അധിക്രുതർ അറിയിക്കുന്നു.. 2015 ഏപ്രില്‍ ഒന്നിന് നിര്‍മ്മാണം തുടങ്ങാന്‍ ലക്ഷ്യമിടുന്ന പദ്ധതി ഒരുവര്‍ഷംകൊണ്ട് പൂര്‍ത്തിയാക്കും.

സംഗതികൾ ഇങ്ങനെയൊക്കെയാണു പറയുന്നതെങ്കിലും ജനങ്ങൾക്ക് ഇക്കാര്യങ്ങളിൽ പല ആശങ്കകളുമുണ്ട്, പ്രധാനമായും കോട്ടക്കുന്ന് എന്ന അതീവ ചരിത്രപ്രാധാന്യമുള്ള സ്ഥലം അതിനുതകുന്ന രീതിയിൽ സംരക്ഷിക്കപ്പെടുകയില്ല എന്ന് തന്നെയാണു,ഇന്ത്യൻ സ്വാതന്ത്രസമര ചരിത്രത്തിലും മലപ്പുറത്തിന്റെ സ്വന്തം ചരിത്രത്തിലും കോട്ടക്കുന്ന് എന്ന് പറയുന്ന പ്രദേശത്തിനു അതീവ പ്രാധാന്യം ഉണ്ടായിരുന്നു എന്നുള്ളത് സത്യമാണു, എന്നാൽ ആ പ്രദേശത്തിന്റെ ചരിത്രം നവതലമുറക്ക് അടുത്തറിയാനുള്ള ഒരു സൗകര്യമോ സാഹചര്യമോ ഇപ്പോഴും കോട്ടക്കുന്നിൽ ഇല്ല, മലപ്പുറത്ത് ആദ്യമായി ഒരു ആർട്ട് ഗ്യാലറി കോട്ടക്കുന്നിനു മുകളിൽ ആണു ഉണ്ടാക്കിയത്., അത് പോലെ ജില്ലയുടെ ചരിത്രവും ശേഷിപ്പുകളും പുതുതലമുറക്ക് പകർന്ന് നൽകാനുതകുന്ന രീതിയിൽ ഒരു മ്യൂസിയമോ മറ്റെന്തെങ്കിലും സംവിധാനങ്ങളോ ഉണ്ടാക്കിയാൽ എത്ര നന്നായിരുന്നു എന്നാണു ഇപ്പോഴും കോട്ടക്കുന്നിനെ സ്നേഹിക്കുന്ന ആ പ്രദേശത്തിന്റെ ചരിത്രം അറിയാവുന്ന ചിലരുടെയെങ്കിലും പ്രതീക്ഷ..

ഇതിനു മുമ്പ് ഏറെ കൊട്ടിഘോഷിച്ച് നടപ്പിലാക്കിയ പല പദ്ധതികളും ലക്ഷക്കണക്കിനു രൂപ പാഴാക്കിക്കളഞ്ഞു എന്നതല്ലാതെ അത് കൊണ്ട് ഉദ്ദേശിച്ച ഫലം ലഭ്യമായില്ല എന്നുള്ളത് കോട്ടക്കുന്നിന്റെ മാത്രം പ്രത്യേകതയാണു എന്ന് വേണം പറയാൻ... അമ്യൂസ് മെന്റ് പാർക്ക് പൂട്ടിക്കിടക്കാൻ തുടങ്ങിയിട്ട് നാളുകളേറെയായി, ആധുനിക സൗകര്യങ്ങൾ ലഭ്യമല്ലാത്ത ഡി.ടി.പി.സി ഹാൾ അനാഥമായിക്കിടക്കുന്നു, വൻ പ്രചാരം നടത്തി നിർമിച്ച മഴക്കുഴികളും വാട്ടർ പാർക്കും ആർക്കും വേണ്ടാതായിക്കിടക്കുന്നു.. കോട്ടക്കുന്നിൽ നടക്കുന്ന സർക്കസ്, മറ്റുള്ള പ്രദർശനങ്ങൾ എന്നിങ്ങനെയുള്ളവ മൂലം ലക്ഷങ്ങൾ ചിലവഴിച്ച് നട്ട് പിടിപ്പിച്ചിരുന്ന പുൽതകിടിയും പൂന്തോട്ടങ്ങളും നശിപ്പീക്കപ്പെട്ടിരിക്കുന്നു,ഇതൊക്കെയാണു ഇപ്പോഴത്തെ സ്ഥിതിഗതികൾ...പദ്ധതികൾ പ്രഖ്യാപിക്കാനും തുടങ്ങിവെക്കുവാനും മാത്രമേ അധിക്രുതർക്ക് താല്പര്യമുള്ളൂ.. .യഥാവിധി അത് പരിപാലിക്കുന്നതിൽ ചെറിയൊരു ശ്രദ്ധ പോലും ഇല്ല,

ഇപ്പോൾ കോട്ടക്കുന്നിലേക്ക് ഇരച്ച് കയറുന്ന ആയിരക്കണക്കായ ജനങ്ങളെ കണ്ട് ആ വരവ് എങ്ങനെ വരുമാനമാക്കാം എന്ന് കിനാവ് കാണുന്ന ഡി.ടി.പി.സിയും ചില സ്വകാര്യസംരംഭകരും പുതിയ പദ്ധതികൾ ആസൂത്രണം ചെയ്ത് നടപ്പിലാക്കുന്നു,നല്ല കാര്യം, ഉദ്ഘാടനം ചെയ്ത് പോയാൽ എത്ര കാലത്തേക്ക് അതൊക്കെ കാണും എന്ന ഒരു സംശയമേയുള്ളൂ.. സ്വാഭാവികമായും മേല്പറഞ്ഞ പദ്ധതികൾ നടപ്പിലാവുമ്പോൾ ഏകദേശം ഒരാൾക്ക് കോട്ടക്കുന്നിലേക്ക് കടക്കണമെങ്കിൽ 300 രൂപയെങ്കിലും പ്രവേശൻ ഫീസ് കൊടുക്കണം എന്ന അവസ്ഥ സംജാതമാകും എന്നാണു സൂചനകൾ, അതിനോടെല്ലാം ജനങ്ങൾ എങ്ങനെ സഹകരിക്കും എന്നുള്ളത് കാത്തിരുന്ന് കാണുക തന്നെ..ഒഴിവു സമയങ്ങൾ കുറഞ്ഞ ചിലവിൽ ആസ്വാദ്യകരമാക്കാൻ വേണ്ടി വരുന്ന സാധാരണക്കാരാണു കോട്ടക്കുന്നിൽ വരുന്ന ഭൂരിഭാഗം ജനങ്ങളും, ആ കോട്ടക്കുന്നിലേക്ക് എന്ത് സൗകര്യങ്ങളുടെ പേരിലായാലും ഭീമമായ തുക കൊടുത്ത് അവർ പ്രവേശിക്കും എന്നുള്ളത് കണ്ടറിയേണ്ടത് തന്നെ, പിന്നെ കൂടുതൽ സൗകര്യങ്ങൾ ഒരുക്കി അന്യജില്ലക്കാരെയും വിദേശികളെയും ഒക്കെ ഇവിടേക്ക് ആകർഷിക്കാൻ വേണ്ടിയാണു ഇതെല്ലാമെങ്കിൽ എതിരു പറയുന്നില്ല, നടക്കട്ടെ. പക്ഷേ അതോട് കൂടി കോട്ടക്കുന്ന് എന്ന ആ ചരിത്ര ശേഷിപ്പ് ,അവിടുത്തെ ആ സുഖശീതളിമ, ഒരിക്കലും നിലക്കാത്ത തെന്നൽ, മനം കുളിർക്കുന്ന പച്ചപ്പ് ..അങ്ങനെ അങ്ങനെ എല്ലാമെല്ലാം നമ്മുടെയൊക്കെ മനസ്സിൽ കുഴിച്ച് മൂടേണ്ടി വരും എന്ന് തീർച്ച.,

യുവധാര വായനശാല ജേതാക്കളായി.

2014-04-28T01:13:00.002+05:30

ഹാജിയാർ പള്ളി-വലിയങ്ങാടി പൗരസമിതികൾ സംയുക്തമായി ഹാജിയാർ പള്ളി മുനിസിപ്പൽ സ്റ്റേഡിയത്തിൽ വെച്ച് സംഘടിപ്പിച്ച സെവൻസ് ഫുട്ബാൾ ടൂർണ്ണമെന്റിനു ആവേശകരമായ പരിസമാപ്‌തി, ഇന്ന് നടന്ന ഫൈനൽ മത്സരത്തിൽ യുവധാര വായനശാല മുതുവത്തുപറമ്പ് എഫ്.സി കൂട്ടമണ്ണയെ ( കൂട്ടിലങ്ങാടി ) എതിരില്ലാത്ത ഒരു ഗോളിനു പരാജയപ്പെടുത്തി കിരീടം കരസ്ഥമാക്കി,.
രാത്രി പത്ത് മണിയോടെ മലപ്പുറം സബ് ഇൻസ്പെക്ടർ മനോജ് പറയറ്റ കളിക്കാരുമായി പരിചയപ്പെട്ട് ഫൈനൽ മത്സരം ഉദ്ഘാടനം ചെയ്‌തു. മത്സരത്തിന്റെ തുടക്കം ഇരു ടീമുകളും തണുപ്പൻ ശൈലിയിലാണു കളിച്ച് തുടങ്ങിയത്, എങ്കിലും അധികം വൈകാതെ താളം കണ്ടെത്തിയ ഇരു ടീമുകളും മികച്ച കളി പുറത്തെടുത്തതോടെ ആവേശം അലയടിച്ചു, ആർത്തലക്കുന്ന കാണികളും ആ ആവേശപ്പോരാട്ടത്തിനു മാറ്റ് കൂട്ടി, ഒട്ടനവധി അവസരങ്ങൾ ലഭിച്ചിട്ടും വായനശാല ഫോർവേഡ് കുന്തമുനയായി വർത്തിച്ചിരുന്ന നൈജീരിയൻ താരം അബു വിനു ബോൾ ലക്ഷ്യത്തിലെത്തിക്കാനായില്ല, ഇടക്ക് കൂട്ടമണ്ണയുടെ ഈ ടൂർണ്ണമെന്റിലെ ടോപ് സ്കോറർ കൂടിയായ സാബിക് ചില ഷോട്ടുകൾ പായിച്ച് വായനശാലയുടെ ഗോളിയെ പരീക്ഷിക്കാൻ മുതിർന്നു, എന്നാൽ ഗോൾപോസ്റ്റിനും ഏറെ അകലെക്കൂടി പോകാനേ ആ ഷോട്ടുകൾക്ക് കഴിഞ്ഞുള്ളൂ.എഫ്.സി കൂട്ടമണ്ണയുടെ പ്ലേമേക്കർ ശ്രീജിത്തിനാകട്ടെ കഴിഞ്ഞ മത്സരങ്ങളിലെ പെർഫോമൻസ് പുറത്തെടുക്കാൻ കഴിഞ്ഞതുമില്ല, ഇരു ടീമുകളും ഇഞ്ചോടിഞ്ച് പൊരുതിയിട്ടും ആദ്യ പകുതിയിൽ ഗോൾവല ചലിച്ചില്ല, രണ്ടാം പകുതി ആരംഭിച്ച് അധികം സമയം കഴിയുന്നതിനു മുമ്പേ ഒരു കോർണർ കിക്കിൽ നിന്നും കിട്ടിയ ബോൾ പോസ്റ്റിനു സമീപം വെച്ച് നിരവധി കളിക്കാരുടെ ഇടയിലൂടെ തന്ത്രപരമായി വായനശാലയുടെ നൈജീരിയൻ താരം വലക്കകത്താക്കി, ഗ്യാലറി പൊട്ടിത്തെറിച്ച നിമിഷം, 1-0, ഗോൾ വീണതോടെ അത്യധികം വാശിയോടെ ഉണർന്ന് കളിച്ച കൂട്ടമണ്ണക്ക് പക്ഷേ എതിരാളിയുടെ ഡിഫൻഡർമാരുടെയും ഗോൾകീപ്പറുടെയും ഫോമിനു മുന്നിൽ അടിയറവ് പറയേണ്ടി വന്നു, അതിനിടയിലും വായനശാല താരങ്ങൾ ചിലകണ്ണഞ്ചിക്കുന്ന മുന്നേറ്റങ്ങൾ കാഴ്ചവെക്കുന്നുണ്ട്, ഇടക്ക് ഗോൾ കീപ്പർ പോലുമില്ലാത്ത പോസ്റ്റിലേക്ക് പായിച്ച കിടിലൻ ഷോട്ട് ബാറിൽ തട്ടിമടങ്ങിയതും റീബൗണ്ട് ചെയ്ത് വന്ന ബോൾ വീണ്ടും ഹെഡ് ചെയ്തെങ്കിലും പോസ്റ്റിനു ചാരി കടന്ന് പോയതും കാണികൾ ശ്വാസമടക്കിപ്പിടിച്ചാണു ആസ്വദിച്ചത്, മത്സരത്തിന്റെ മുഴുവൻ സമയം പിന്നിട്ടപ്പോഴും കൂട്ടമണ്ണക്ക് സമനില ഗോൾ അടിക്കാനായില്ല,
യുവധാര വായനശാല മുതുവത്ത് പറമ്പിനു രാജകീയമായ കിരീടധാരണം,
മൈതാനത്ത് ഉയർന്ന് പൊന്തിയ അമിട്ടുകളുടെയും മാലപ്പടക്കങ്ങളുടെയും ശബ്ദമുഖരിതമായ അകമ്പടിയിൽ ശ്രീ; കുരികേശ് മാത്യു വിജയികൾക്ക് സമ്മാനദാനം നിർവഹിച്ചു, വിന്നേഴ്സിനു 25001 രൂപ ക്യാഷ് പ്രൈസും ട്രോഫിയുമാണു നൽകിയത്, റണ്ണേഴ്സിനു 15001 രൂപയും ട്രോഫിയും ആണു നൽകിയത്, ടൂർണ്ണമെന്റിലെ മികച്ച കളിക്കാരൻ സാബിക് (എഫ്.സി കൂട്ടമണ്ണ,ഫൈനലിലെ മാൻ ഓഫ് ദ മാച്ച് പ്രദീപ് ( വായനശാല) ,ടൂർണ്ണമെന്റിലെ മികച്ച ഗോളി ജാഫർ ( എഫ്.സി.മങ്ങാട്ടുപുലം ) എന്നിങ്ങനെ തുടങ്ങിയ സമ്മാനങ്ങളും വിതരണം ചെയ്തു..
ചടങ്ങിൽ വാർഡ് കൗൺസിലർ.കെ.കെ.ശിഹാബുദ്ധീൻ, പരി.അബദുൽ മജീദ്, കെ.പി.അനിൽ , മണ്ണിശ്ശേരി അബൂബക്കർ, അഡ്വ: ഷമീം, ഈസ്റ്റേൺ സലീം, കെ.പി.ചന്ദ്രൻ, എന്നിങ്ങനെ തുടങ്ങിയവരും വ്യാപാരസ്ഥാപന പ്രതിനിധികളും സംബന്ധിച്ചിരുന്നു,
വായനശാല ടീമംഗങ്ങളും ആരാധകരും മത്സര ശേഷം വാഹനഘോഷയാത്രയായി മുതുവത്ത് പറമ്പിൽ എത്തിച്ചേർന്നു, തുടർന്ന് വായനശാല പരിസരത്ത് ബിരിയാണി വിതരണവും സംഘടിപ്പിച്ചിരുന്നു,

" അൺ ടൈറ്റിൽഡ് "ചിത്ര പ്രദർശനം

2014-04-19T20:29:00.000+05:30

മലപ്പുറം കോട്ടക്കുന്ന് ആർട്ട് ഗ്യാലറിയിൽ നടക്കുന്ന ജാഫർ ക്ലാരിയുടെ ചിത്ര പ്രദർശനം ശ്രദ്ദേയമാകുന്നു, "അൺ ടൈറ്റിൽഡ്" എന്നാണു പ്രദർശനത്തിനു പേരിട്ടിരിക്കുന്നത്, പ്രക്രുതിയും ജീവജാലങ്ങളും മഹദ് വ്യക്തികളുടെയും ഒക്കെ അതിമനോഹരമായ രചനകൾ ആരെയും വിസ്മയിപ്പിക്കുന്നതാണു, പരിശുദ്ധ മക്ക യിലെ കഅബ തകർക്കാൻ വന്ന അബ്റഹത്തിന്റെ ആനപ്പടയെ അബാബീൽ പക്ഷികൾ തരിപ്പണമാക്കിയ ഇസ്ലാമിലെ ശ്രദ്ദേയമായ ചരിത്ര സംഭവത്തിന്റെ ദ്രുശ്യാവിഷ്കാരം കാൻ വാസിലേക്ക് പകർത്തിയതും കൂട്ടത്തിലുണ്ട്, കൂടാതെ പുഴകൾ താഴ്വാരങ്ങൾ, ആകാശം, പർവ്വതങ്ങൾ ,മഹാന്മാരുടെ പോർട്രയറ്റുകൾ എന്നിങ്ങനെ ഒട്ടനവധി ജീവൻ തുടിക്കുന്ന ചിത്രങ്ങളും പ്രദർശനത്തിലുണ്ട്, രണ്ട് ദിവസം മുമ്പ് അന്തരിച്ച സുപ്രസിദ്ധ ഫോട്ടോഗ്രാഫർ റസാഖ് കോട്ടക്കലിന്റെ ചിത്രം അതിമനോഹരമായി ക്യാൻവാസിൽ പകർത്തിയിട്ടുണ്ട്,

ഹാജിയാർ പള്ളി ന്യൂസ് വ്യൂസിനു വേണ്ടി ഒരു ഫോട്ടോക്ക് പോസ് ചെയ്യാമോ എന്ന് ചോദിച്ചു, പുഞ്ചിരിയോടെ സമ്മതം, റസാഖ് കോട്ടക്കലിന്റെ ചിത്രം ഭവ്യതയോടെ കയ്യിലെടുത്തു, എന്നിട്ട് അതീവ ശ്രദ്ധയോടെ അതിൽ ചില മോടിപിടിപ്പിക്കലുകൾ ചെയ്തു. ഇങ്ങനെയുള്ള ഫോട്ടോ എടുത്ത് കൊടുക്കാമോ എന്ന് എന്നോട് ചോദിച്ചു, തീർച്ചയായും.. മഹാനായ ഒരു കലാകാരനോടുള്ള മറ്റൊരു കലാകാരന്റെ ആദരം , ആ ചിത്രത്തിലും ആ കരുതലിലും ആ അഗ്രഹങ്ങളിലും അത് പ്രതിഫലിച്ചിരുന്നു,
ചിത്ര പ്രദർശനം ഞായറാഴ്ച സമാപിക്കും..