ഹലോ മലയാളീ

"മേഘങ്ങൾ വന്നു കിന്നാരം ചൊല്ലുന്ന..നന്ദി ഹിൽസ് "

2015-02-13T01:52:00.003-08:00

നന്ദി ഹിൽസ് / NANDHI HILLS

..........................................

ഇന്ത്യയുടെ സിലിക്കണ്‍ വാലി എന്ന് അറിയപ്പെടുന്ന ബംഗളുരുവിന്റെ തിക്കിലും, തിരക്കിലും, പൊടിയിലും ,മണിക്കൂറുകൾ നീണ്ട ബ്ലൊക്കിലുമെല്ലാം നിന്ന് അൽപ്പം മാറി ..ബാഗ്ലൂർ ടൌണിൽ നിന്നും കേവലം 60 കിലോമീറ്റർ ദൂരത്ത്,ചിക്കബല്ലാപൂർ ജില്ലയിൽ ,ബംഗ്ലൂർ അന്താരാഷ്‌ട്ര വിമാനത്താവളത്തിനു അടുത്തായി ,എൻ .എച്ച് 7-ൽ (ബെല്ലാരി റോഡ്‌) സമുദ്ര നിരപ്പിൽ നിന്നും 1478 മീറ്റർ (1478 m /4,849 ft)ഉയരത്തിൽ ആകാശത്തെ തൊട്ടു നില്ക്കുന്ന അതിശയമാണ് നന്ദി ഹിൽസ് ....

രാവിലെ 6 നോടടുത്ത് സഞ്ചാരത്തിനു തുറന്നു തരുന്ന നന്ദി ഹിൽസ് ഒരു അത്ഭുതം തന്നെയാണ് ..നന്ദി ഹില്ല്സ്ന്റെ അടിവാരത്തിൽ നിന്നും 3 കിലോമീറ്റർ യാത്ര ചെയ്‌താൽ മുകളിലെ പ്രവേശന കവാടത്തിൽ എത്താം , ബൈകുകൾ ആണെങ്കൽ അവിടെ പാർക്ക് ചെയ്യണം , മറ്റു സ്വകാര്യ വാഹനങ്ങൾ ഏറ്റവും മുകളിൽ പാർക്ക് ചെയ്യാം .

ടിപ്പു സുൽത്താന്റെ വേനൽക്കാല വസതിയായിരുന്നുവത്രേ നന്ദി ഹിൽസ്, ടിപ്പു സുൽത്താൻ പണികഴിപ്പിച്ചു എന്നുകരുതുന്ന കോട്ടയും കെട്ടിടങ്ങളും ഉണ്ടിവിടെ , കുറ്റവാളികളെ താഴേക്കിട്ടു കൊല്ലുന്ന 'ടിപ്പുസ് ഡ്രോപ്പ്' എന്ന ശിക്ഷാ രീതി ഇവിടെ നടന്നിരുന്നു എന്ന്

പറയപ്പെടുന്നു .

നിറയെ മരങ്ങളും , പൂന്തോട്ടങ്ങളും ,ചിത്ര ശലഭങ്ങളും , നിറഞ്ഞ പ്രകൃതി രമണീയമായ പ്രദേശമാണ് നന്ദി ഹിൽസ്,കൂടാതെ യോഗനന്ദീശ്വര ക്ഷേത്രവും , നന്ദിശ്വര പ്രദിഷ്ടയും ആകർഷണങ്ങളാണ്‌, എല്ലാറ്റിനും ഉപരിയായി ..കോടമഞ്ഞിനു മുകളിൽ നിൽക്കുന്ന അല്ലെങ്കിൽ തണുത്തുറഞ്ഞ മേഘങ്ങൾ നമ്മുടെ കാൽച്ചുവട്ടിലൂടെ ഒഴുകി നീങ്ങുന്ന ഒരു അവസ്ഥ .. പറഞ്ഞറിയിക്കാൻ കഴിയാത്ത അനുഭൂതിയാണത് .. ഒപ്പം സൂര്യൻ പതിയെ പതിയെ ആ മേഘങ്ങളെ വകഞ്ഞു മാറ്റി ഉദിച്ചുയരുന്നതും .. ആ സൂര്യകിരണങ്ങൾ വെളുത്ത് പഞ്ഞിക്കെട്ടുകൾ പോലെ ഒഴുകി നടക്കുന്ന മേഘങ്ങളെ സ്വർണ്ണവർണ്ണമണിയിക്കുന്നതും കാണേണ്ട കാഴ്ചയാണ് ..

മേഘമലകളും ,ചുറ്റിനും കോടമഞ്ഞും,മോശമില്ലാത്ത തണുപ്പും അൻന്റാർട്ടിക്കയിലെ മഞ്ഞു മലകളെ അനുസ്മരിപ്പിക്കുന്നു ;അതുകൊണ്ട് നന്ദി ഹിൽസിനെ പാവങ്ങളുടെ അൻന്റാർട്ടിക്ക എന്ന് നമുക്ക് വിളിക്കാം .

ബംഗ്ലൂർ ടൌണിൽ മാത്രം വന്നു പോകുന്ന പല സഞ്ചാരികൾക്കും അത്ര സുപരിചിതമല്ലാത്ത നന്ദി ഹിൽസ്സിൽ പക്ഷെ തിരക്കും ഒട്ടും കുറവല്ല ..

പോകാൻ ഉദ്ദേശിക്കുന്നവർ അതിരാവിലെ 6 നു തന്നെ എത്തുന്നതാണ് ഉചിതം , കയ്യിൽ ജാക്കറ്റോ സ്വെറ്ററോ കരുതുന്നത് നല്ലതാണ് ..

(10 / 2 /2015 രാവിലെ നാലരയ്ക്ക് ബംഗ്ലൂർ ടൌണിൽ നിന്നും ഞാനും 4 സുഹൃത്തുകളും കാറിൽ നടത്തിയ 'നന്ദി ഹിൽസ്' യാത്ര )

നിളയുടെ രോദനം

2012-03-22T10:19:00.001-07:00

നിളയുടെ രോദനം

കേരളത്തിന്റെ അഭിമാനമായി മാലോകര്‍ വാഴ്ത്തുന്ന ഭാരതപ്പുഴ, ഒട്ടനവധി കലകളുടെയും , കലാകാരന്മാരുടെയും , ആചാരാനുഷ്ടാനങ്ങളുടെയും പെറ്റമ്മ , പ്രീയപ്പെട്ടവരുടെ ആത്മാക്കള്‍ക്ക് മോക്ഷം കിട്ടുവാന്‍ ശതകോടികള്‍ ഇതിനോടകം തര്‍പ്പണം ചെയ്തു കഴിഞ്ഞിരിക്കുന്നു ഇവിടെ .... മണല്‍ മാഫിയകള്‍ ഇന്ന് നിളയുടെ ഹൃദയം ചുരന്നു ചുരന്ന് വടുക്കള്‍ വീഴ്ത്തി പണം കൊയ്യുന്നു .. ആരുണ്ട് നിളയുടെ രോദനം കേള്‍ക്കാന്‍ ... ? മുരുകന്‍ കാട്ടാക്കട തന്റെ കവിതയില്‍ പറയുന്ന ഭഗീരഥനും ഇന്ന് എവിടെ ..? ഗായത്രി ചൊല്ലാന്‍ അരക്കുമ്പിള്‍ വെള്ളം പോലും നീക്കാതെ വില്‍ക്കാന്‍ മണല്‍മാഫിയ കാപാലികര്‍ അക്ഷരാര്‍ത്ഥത്തില്‍ കരാറുകെട്ടി കഴിഞ്ഞു ഇന്നിവിടെ .. എവിടെ നമ്മുടെ നിയമം .. ? എവിടെ നിയമ പാലകര്‍ ..? എവിടെ പോയി ഘോര ഘോരം വീമ്പു പറഞ്ഞു നടക്കുന്ന പരിസ്ഥിതി പരിപാലനക്കൂട്ടങ്ങള്‍ ..? എല്ലാം കണ്ടും കേട്ടും നമ്മെ ആണ്ടു വാഴുന്ന കപട രാഷ്ട്രീയ രാഷ്ഷസര്‍ വീണ്ടും ചിരിക്കുന്നു ......എല്ലാത്തിനും ഒടുക്കം അവരുടെ കൈകള്‍ കൊണ്ട് തന്നെ പവിത്രമായ ഈ ഭാരതപ്പുഴയ്ക്കും വൈകാതെ ഇനി തര്‍പ്പണം നടത്താം .അങ്ങനെ നിളയുടെ ആത്മാവിനെങ്കിലും നിത്യ ശാന്തി കിട്ടട്ടെ ...

പ്രണാമം !!!

2011-07-16T03:00:00.000-07:00

*~*~*വന്ദേ ഭാരത മാതരം *~*~*

അഖിലാണ്ഡ ബ്രഹ്മാണ്ഡ നക്ഷത്രരാജിയില്‍
ആഗോള ഭൂലോക കൂട്ടത്തിനുള്ളിലെ
വിശ്വമഹാത്ഭുതമായൊരീ ഭൂമിതന്‍
ഉത്തരപൂര്‍വ്വാര്‍ദ്ധ സ്ഥാനത്തിനര്‍ഹനാം
കേമനാം വന്‍കര എഷ്യതന്‍ ദക്ഷിണ
ഭാഗേ വിളങ്ങുന്ന - ഭാരതം എന്‍ രാജ്യം .

വിന്ധ്യഹിമാചല മകുടമണിഞ്ഞു കൊണ്ടാ-
പൂര്‍വ്വ-പശ്ചിമ-ദക്ഷിണ ജലധിതന്‍
വീര വിരാജിത രാജകുമാരിയായ്
ഭാരതീ ദേവിതന്‍ ആത്മാംശശക്തിയാല്‍
യുഗയുഗാന്തങ്ങളായ് താഴാത്ത ശിരസ്സുമായ്‌
വീറോടെ വാഴുന്ന നാടെന്റെ ഭാരതം .

സിന്ധൂനദീതട സംസ്കാര ശേഷിപ്പിന്‍
ആയിരമായിരം ആത്മാര്‍പ്പണങ്ങളെ
പിന്തുടര്‍ന്നെത്തിയ പൂര്‍വിക വീരര്‍ തന്‍-
പ്രൌഡിയില്‍ തലമുറ സാഗരം തീര്‍ക്കുന്ന
എവിടെയും തോല്‍ക്കാത്ത തലകുനിച്ചീടാത്ത
യുവരക്തമൊഴുകുന്ന സിരകള്തന്‍ ഭാരതം .

വേദങ്ങള്‍ ഉപനിഷത്തുക്കളും ഇതിഹാസ -
പുണ്യപുരാതന പൈതൃകസൃഷ്ട്ടികള്‍
നിരവധി അനവധി ജന്മമെടുത്തൊരീ
സംസ്ക്കാര സാമ്രാജ്യ സായൂജ്യ ഭാരതം .

പത്തു തലയുള്ള രാവണനെ പണ്ട്
സാഗര മദ്ധ്യേയൊരു പാതയൊരുക്കീട്ടു
വാനരന്മാരുമായ് ചെന്നങ്ങു ലങ്കയില്‍
വച്ചങ്ങു കൊന്നോരാ രാമന്റെ ഭാരതം .

സംഘബലം കൊണ്ട് ഹുങ്കു വളര്‍ന്നപ്പോള്‍
അധികാരദുര്‍വിനിയോഗത്താല്‍ ക്രൂരമായ്‌
സ്വന്തം ജനങ്ങള്‍ക്ക്‌ നാശം വരുത്തിയ
കൌരവ വീരരെ വേരോടഴിക്കുവാന്‍
പാണ്ഡവര്‍ അഞ്ചിനേം കൂട്ട് പിടിച്ചിട്ടു
കൊന്നങ്ങു തള്ളിയ കൃഷ്ണന്റെ ഭാരതം .

ശാക്യവംശത്തിന്റെ വേരിന്റെ അഗ്രത്തില്‍
മഗധയുടെ നെറുകയില്‍ തിലകക്കുറിയുമായ്
സ്വര്‍ണ്ണ സിംഹാസനം വേണ്ടെന്നു വച്ചൊരു
ബോധിവൃക്ഷത്തിന്റെ കീഴിലിരുന്നുകൊണ്ടാ-
ബാലവൃദ്ധരെ ഉത്ബോധനം ചെയ്ത
ഗൌതമബുദ്ധന്റെ നാടാണ് ഭാരതം .

യുവ ജനങ്ങള്‍ക്കെന്നും ഉള്‍ക്കരുത്തേകിടും
ആശയ സമ്പുഷ്ട്ടമായ തന്‍ ഭാഷയാല്‍
നാടിന്‍ യശസ്സെട്ടുദിക്കിലും എത്തിച്ച്
ലോകം വിറപ്പിച്ച വിവേകാനന്ദന്റെ ഭാരതം.

അധിനിവേശങ്ങള്‍ തന്‍ സംഭ്രമമായയില്‍
തെല്ലുനേരം നാം മയങ്ങിയ നേരത്ത്
കണ്‍കണ്ടവ ഒക്കെയും കട്ട് കയ്യേറിയീ-
നാടിന്റെ സമ്പത്ത് കൊള്ളചെയ്തെങ്കിലും
ആര്‍ക്കും തരിമ്പും തകര്‍ക്കുവാനാവാത്ത
നാടിന്റെ പൈതൃകം പിന്നെയും ബാക്കിയായ്

പിന്നങ്ങ് വന്നിങ്ങു വെള്ളപ്പറങ്കികള്‍
ചതുരംഗക്കളിയിലെ വെള്ളക്കരുക്കള്‍ പോല്‍
ചതിയുടെ കുടിലമാം ബുദ്ധിയുമായവര്‍
നാടിന്റെ നെറുകയില്‍ ആണിയടിച്ചിട്ടു
കയറു വരിഞ്ഞൊരു കൂടാരം കെട്ടിപോല്‍

ഒരു നവ തേജസ്സിന്‍ അഗ്നികണങ്ങളായ്
ചോരയില്‍ എഴുതിയ സമരചരിത്രങ്ങള്‍-
പിന്നായിരമായിരം രക്തസാക്ഷിത്വവും-
കണ്ടങ്ങ്‌ തലമുറ ശക്തിയാര്‍ജ്ജിച്ചതും
ഒടുവിലൊരു ഇന്ത്യനാം വൃദ്ധനാം ഗാന്ധിജി
ക്ഷമയെന്ന വടികൊണ്ട് കോട്ട തകര്‍ത്തിട്ട്
ബ്രിട്ടനെ ഞെട്ടിച്ച നാടാണ് ഭാരതം .

ഭാഷകള്‍ വേഷങ്ങള്‍ അനവധി എങ്കിലും
നാനാ മതങ്ങള്‍ക്ക് കീഴിലാണെങ്കിലും
കൊടിയുടെ നിറമിന്നു വേറെയാണെങ്കിലും
സ്നേഹത്താല്‍ വിശ്ശ്വാസം കോട്ടം വരുത്താത്ത
നാമെല്ലാം ഒന്നെന്ന സത്യമറിയുന്ന
ഹൃദയങ്ങള്‍ ഒരുമിച്ചു വാഴുന്ന ഭാരതം .

കാലാന്തര്‍ഗമനത്തില്‍ മുറതെറ്റാതെത്തുമീ
അനിവാര്യ വിധികളാം കഠിന പരീക്ഷകള്‍
നാടിന്റെ ശത്രുകള്‍ മുതലെടുത്തീടുമ്പോള്‍
ഇവിടെ ഉറങ്ങുന്ന പൈതൃകം കാക്കുവാന്‍
ഇനി നമ്മള്‍ ഒന്നായി വന്മതില്‍ തീര്‍ത്തിടും

പെറ്റമ്മയെക്കാള്‍ നമുക്കേറ്റം പ്രിയമാകും
പെറ്റുവീണപ്പോളായ് താങ്ങിയ മണ്ണിനെ
പ്രാണന്‍ കൊടുത്തുമിനി കാത്തുസൂക്ഷിക്കുവാന്‍
ഇവിടെ കിളിര്തൊരു പുല്‍ക്കൊടി പോലുമേ -
തോളോട്തോള്‍ ചേര്‍ന്ന് കവചമായ് മാറിടും .
~~~~~~~~~~~~ ~~~~~~~~~~~~~~~~~~~~~~ ~~~~~~~~~~~~~~~~~~~~~~~
ഓരോ ഭാരതീയനും എന്റെ ഹൃദയം നിറഞ്ഞ സ്വാതന്ത്ര്യദിനാശംസകള്‍ മുന്‍കൂറായി നേരുന്നു
~~~~~~~~~~~~~~~~~~ ~~~~~~~~~~~~~~~~~~~~~ ~~~~~~~~~~~~~~

~~~~~~~~~~~~~~~~~~

... മായിക ...

2011-05-30T22:13:00.000-07:00

_____________________________________
========================
... മായിക ...
===================

അമ്പലമുറ്റത്തെയാല്‍ത്തറ ചോട്ടിലായ -

ന്നൊരു സന്ധ്യക്കു ഞാനിരിക്കെ
കുങ്കുമം ചാര്‍ത്തിയ സന്ധ്യയിലായിരം

കാര്‍ത്തിക ദീപങ്ങള്‍ കണ്ണു ചിമ്മേ
ഭക്തി ഗാനത്തിന്റെ ലഹരിയില്‍ അന്നൊരാ -
പ്രകൃതിയും ഞാനും ലയിച്ചു നില്‍ക്കെ
പട്ടും വളയും അണിഞ്ഞും കൊണ്ടാ ദേവി
കൊവിലിനുള്ളില്‍ വിളങ്ങി നിന്നു .

അന്നത്തെ യാത്രയ്ക്ക് അന്ത്യം കുറിച്ചും
കൊണ്ടാകാശ പറവകള്‍ കൂടണയെ
ദൂരെയിരുന്നൊരു നാരായണക്കിളി
കൂവി വിളിക്കണ പാട്ടും കേട്ട്
ആല്‍മരമുകളിലിരുന്നൊരിണക്കിളി
നാണിച്ചു നിന്നോരാ നേരത്ത്
ചെമ്പകപൂമണം തന്നില്‍ നിറച്ചും കൊണ്ട -
പ്പോളെന്‍ അരികിലൊരു തെന്നല്‍ വന്നു .

ചുറ്റുവിളക്കിന്റെ പ്രഭയിലന്നേരമൊരു -

പൊന്‍ പ്രഭാ വലയമായ് നീ വരുമ്പോള്‍

അമ്പലം ചുറ്റുന്ന നിന്നുടല്‍ ചലനത്തിലാ -

പാദകൊലുസ്സുകള്‍ വീണമീട്ടി ,

കാര്‍ക്കൂന്തലിളകുന്ന താളത്തിലാ കാറ്റ്

കാച്ചെണ്ണമണമങ്ങു കട്ടെടുക്കെ ,
നിന്‍ പാദസ്പര്‍ശനം ഏല്‍ക്കുന്നനേരമാ -
മണ്‍തരി പോലും മയങ്ങി നിന്നു .

നടതുറന്നാ ദേവി സ്വയമിന്നു ഭൂമിയില്‍

വന്നിതാ നിന്നുവെന്നോര്‍ത്തു ഞാനും
കലികാലഭൈരവി ദേവി ഭഗവതി
ഭക്തന്റെ ചിത്തം പരീക്ഷിക്കുകില്‍

അറിയാതെഴുന്നേറ്റു പോയി ഞാനപ്പൊളെന്‍

കൈകളും തോഴുതുപോയ് ഭക്തിയാലെ
ആ അസുലഭസൗന്ദര്യ നിമിഷത്തിലെന്‍മനം
മായയില്‍ അലിയുന്ന കാഴ്ച കണ്ട്
സര്‍വ്വാഭരണ വിഭൂഷിതയായോരാ
ദേവിയൊന്നപ്പൊളായ് പുഞ്ചിരിച്ചോ ?.

വിണ്ണിലെ താരകം പാരിതില്‍ വന്നപോല്‍

ആ മണ്ണില്‍ നിന്നു നീ പ്രഭചോരിയെ
തിങ്കളും തോല്‍ക്കുന്ന നിന്‍മുഖം കണ്ടന്ന്
ദീപങ്ങള്‍ നാണിച്ചു തലകുനിയ്ക്കെ

ഞാനറിയാതെയെന്‍ കണ്ണുകളാരൂപ -

മൊന്നാകെ ഹൃദയത്തില്‍ കൊത്തി വയ്ച്ചു

ഒരു ദര്‍ശനത്തിന്റെ ചന്ദനം ചാര്‍ത്തി നീ

പതിയെ തിരിഞ്ഞു നടന്നിടുമ്പോള്‍

ആല്‍ത്തറ ചാരത്തു ശിലയായി മാറിഞാന്‍

പ്രജ്ഞയറ്റങ്ങനെ നിന്ന നേരം

ഒരു മന്ദഹാസത്താല്‍ മോക്ഷമേകാതെ നീ

ദൂരേയ്ക്ക് പതിയെ നടന്നു പോയി .

ആ കണ്ണിന്‍മുന കൊണ്ടു ചങ്ങല തീര്ത്തെ -

ന്നെയമ്പലമുറ്റത്തായ് കെട്ടിയിട്ട് ,
പാറി പ്പറന്നു നടന്ന മനസ്സിനെ

ഒരു ഞൊടി കൊണ്ടങ്ങു കൂട്ടിലിട്ട് ,

ചക്രവാളത്തിന്റെ അങ്ങേ തലയ്ക്കല്‍ നീ

ഒരു പൊട്ടു പോലന്നു മാഞ്ഞു പോയി .

MY FRIEND = MY SHADE

2011-05-26T05:17:00.000-07:00

SHADOW

SHADOW

SHADOW

SHADOW

SHADOW

SHADOW

The darkness

I can't see U
But U'ill be with me .

U're
Always with me ,

holding my palpitations,

from my birth till this day .

From my childhood days

U've been familiar to me .

U're not a silent spectator .

Looking
Up at the lovely moon,u said-

" Although the moon has million friends,

who is his true friend ..? "

Even
In the very hot midday

U're still close to me

U're the one with whom-

i shared my gains

I'm sure not alone but with

"MY

FRIEND

SHADE"

ആ മരതണലില്‍ ഒരിക്കല്‍ കൂടി ...

2011-05-01T02:20:00.000-07:00

ആ മരം..

അതെന്നെ തിരിച്ചറിഞ്ഞിരിക്കുന്നു ...
ചെമ്പകത്തിന്റെ മണമുള്ള ആ കാറ്റിതാ വീണ്ടും ..

ആ കാറ്റില്‍ നിന്റെ സുഗന്ധം അവിടമാകെ പരന്നു ..

അല്‍പ്പനേരം ഞാന്‍ അതിന്റെ ചുവട്ടിലിരുന്നു, ഓര്‍മകള്‍ ചിറകടിചെത്തി എന്റെ മനസിലേക്ക്...

ഒപ്പം കണ്ണ് നിറയുന്നത് ഞാന്‍ അറിഞ്ഞിരുന്നില്ല ..

ആരെയോ കാത്തു നീ നില്‍ക്കുന്നുവെന്നു കരുതി അന്നു ഞാന്‍ കാണാത്ത മട്ടില്‍ കടന്നു പോയി.
എല്ലാം അറിഞ്ഞിട്ടും ഏന്തേ നീ പറഞ്ഞില്ല , നിന്റെ കണ്ണുകളും മനസ്സും തേടിയത് എന്നെ ആണെന്ന്..
അന്ന് നീ ആ മരക്കൊമ്പില്‍ നഖം കൊണ്ട് കോറിയിട്ട വാക്കുകള്‍ ..
തെളിഞ്ഞു തന്നെ നില്‍ക്കുന്നു ഇന്നും ആ കൊമ്പിലും എന്റെ മനസ്സിലും ...

ആ മരത്തിനെ സാക്ഷി നിര്‍ത്തി നൂറു നൂറു സ്വപ്നങ്ങള്‍ കണ്ടിരുന്നു അന്ന് നമ്മള്‍....
ഇന്നാ മരക്കൊമ്പ് കരിഞ്ഞിതാ വാടി നില്‍ക്കുന്നു നമ്മള്‍ കണ്ട സ്വപ്നങ്ങള്‍ പോലെ..

ഇപ്പോള്‍ ആ മരം പഴയതിനേക്കാള്‍ സുന്ദരിയാണ് ..
ആ മരക്കൊമ്പും, മരവും നമുക്കിപ്പോള്‍ അന്ന്യമാണ് ..
പുതിയ അവകാശികള്‍ വന്നിരിക്കുന്നു അതിന്..

ഒത്തിരി ഒത്തിരി പ്രണയങ്ങള്‍ക്കും, പ്രണയ സ്വപ്നങ്ങളും
മൂക സാക്ഷിയായ് നിന്ന് ആ മരം അവരോടെല്ലാം പറയുന്നുണ്ടാവും
"ഞാന്‍ ഇതെത്ര കണ്ടതാ മക്കളെ ".എന്ന് .

ഞാന്‍ തിരികെ പോരാന്‍ നേരം ആ കാറ്റിതാ വീണ്ടും
എന്റെ കണ്ണുനീര്‍ കാറ്റില്‍ തുടച്ചു ആ മരമെന്നെ യാത്രയാക്കി.........

mookambika - പരാശക്തിയുടെ നടയില്‍

2011-04-26T13:38:00.000-07:00

*** സമുദ്രവസനേ ദേവി പര്‍വതസ്തന മന്ധലെ

വിഷ്ണു പത്നി നമോസ്തുഭ്യം

പാദസ്പര്‍ശം ക്ഷമസ്വമേ ***

മൂന്ന് ദിവസം അടുപ്പിച്ചു കിട്ടുന്ന ഈ കഴിഞ്ഞ ഈസ്റ്റര്‍ ദിനാവധിയില്‍ ഒരു യാത്ര പോകണം എന്ന് മുന്‍കൂട്ടി തീരുമാനിച്ചിരുന്നു എവിടെയ്ക്കെന്നോ എങ്ങിനെയെന്നോ ഒഴിച്ച് , അങ്ങിനെ ചെന്നയില്‍ ഉള്ള എന്റെ സുഹൃത്തിന്റെ നിരന്തരമായ ക്ഷണം സ്വീകരിച്ചു ചെന്നയില്‍ പോകാമെന്ന് ആദ്യം തീരുമാനിച്ചു , പക്ഷെ പിന്നീടത്‌ മാറ്റി തഞ്ചാവൂര്‍ ആക്കി , തഞ്ചാവൂര്‍ പണ്ട് സ്കൂളില്‍ തക്ഷശില എന്ന പാഠം പഠിച്ച അന്നു മുതല്‍ മനസ്സില്‍ കേറിക്കൂടിയതാണ് , ചെന്നയില്‍ ഉള്ള സുഹൃത്ത്‌ അവിടെ എത്താമെന്നും പറഞ്ഞു, അതനുസരിച്ച് ട്രിപ്പ് അവിടെയ്ക്കെന്നു ഉറപ്പിച്ചു ഇരിക്കുമ്പോളാണ് യാദ്രിശ്ചികമായി ആ സുഹൃത്തിന്റെ ബിസ്സിനെസ്സ് ആവശ്യങ്ങള്‍ മൂലം എത്താന്‍ പറ്റില്ലെന്ന് അറിയിച്ചത് , മാത്രമല്ല തന്ജാവൂരില്‍ ഇപ്പോള്‍ ചുട്ടു പൊള്ളിക്കുന്ന വെയിലാണെന്നും കേട്ടു ,ചൂട് ഇഷ്ടമല്ലാത്ത ഞാനങ്ങനെ ആ പരിപാടിയും വേണ്ടെന്നു വച്ചു , അപ്പോളാണ് കൂടെ ജോലി ചെയ്യുന്ന മറ്റൊരു സുഹൃത്ത്‌ മൂകാംബിക പോകാം എന്ന് പറയുന്നത് .ഇതുവരെ ഞാന്‍ പോകാത്ത സ്ഥലം , അങ്ങനെ മൂകാംബിക യാത്ര ഉറപ്പിച്ചു ,ഒരുക്കങ്ങള്‍ തീര്‍ത്തു ഞങ്ങള്‍ യാത്രയായി.

എറണാകുളത്തു നിന്നും വെള്ളിയാഴ്ച വൈകിട്ട് 8നു പുറപ്പെടുന്ന ദുര്‍ഗാംബാ എന്ന ബസ്സില്‍ ടിക്കറ്റ് ബുക്ക്‌ ചെയ്തു ,ഞാന്‍ എറണാകുളത്തു നിന്നും അവര്‍ തൃശൂരില്‍ നിന്നും കയറി , ശനിയാഴ്ച രാവിലെ 9 30 നു കുന്താപുരത്തു ഞങ്ങള്‍ എത്തി അവിടെ നിന്നും കൊല്ലുര്‍ക്ക് ബസ്സില്‍ യാത്ര , കുടജാദ്രി മലയുടെ താഴ്വരയിലെ അതി സുന്ദരമായ ഒരു ഗ്രാമമാണ് ഉടുപ്പി ജില്ലയിലെ കൊല്ലൂര്‍ .ഇവിടെയാണ് ലോക മാതാവായ ദേവി കുടികൊള്ളുന്ന പ്രസ്സിദ്ദമായ മൂകാംബിക ക്ഷേത്രം .

വിശ്വജനനിയായ ദേവിയെ കേരളത്തിലേക്ക് കൊണ്ട് വരുവാന്‍ ശ്രീശങ്കരാചാര്യര്‍ തപസ്സു ചെയ്തു പ്രത്യക്ഷയാക്കുകയും , കൂടെ അനുഗമിച്ച ദേവിയെ "യാത്രയില്‍ തിരിഞ്ഞു നോക്കരുത് "എന്ന ദേവിയുടെ ആജ്ഞ മറന്നു ശങ്കരാചാര്യര്‍ തിരിഞ്ഞു നോക്കിയപ്പോള്‍ ദേവി ആ സ്ഥലത്ത് സ്വയം ഭൂവില്‍ ലയിച്ചു , മൂകാസുരനെ ദേവി വദിച്ച ആ സ്ഥലം മൂകാംബിക ആയി അറിയപെട്ടു ,അങ്ങിനെ ശ്രീ ശങ്കരാചാര്യരാല്‍ പ്രതിഷ് ഠിതമായ ക്ഷേത്രമാണ് മൂകാംബിക ക്ഷേത്രം , ഇതാണ് ഐതീഹ്യം .

പുണ്യനദി സൌപര്‍ണ്ണികാ തീരത്ത് സ്വര്‍ഗ്ഗതുല്യമായ പ്രകൃതി രമണീയതയില്‍ സ്ഥിതി ചെയ്യുന്ന മൂകാംബികാ ക്ഷേത്രത്തില്‍ ചെല്ലുമ്പോള്‍ അനിര്‍വചനീയമായ ഒരു ആനന്ദം മനസ്സിന് ലഭിക്കുന്നു .

( ഒരിക്കലെങ്കിലും പോയവരുടെ അനുഭവമാണിത് )

കേരളത്തിലെ പൂജാരീതികള്‍ തന്നെയാണ് ഇവിടെയും അനുഷ്ടിക്കുന്നത്.പക്ഷേ കേരളത്തില്‍ ഒഴിച്ച് മറ്റെവിടെയും ശ്രീകൊവിലിനുള്ളില്‍ വരെ ഫോട്ടോ എടുക്കാം. ഒത്തിരി ആളുകള്‍ ദേവീ വിഗ്രഹം ക്യാമറയില്‍ പകര്‍ത്തുന്നുണ്ടായിരുന്നു എങ്കിലും ദേവിയുടെ ഫോട്ടോ എടുക്കാന്‍ എനിക്കു ദൈര്യം കിട്ടിയില്ല ദൈര്യം കിട്ടിയാലും ആ അഹങ്കാരം ചെയ്യാനെനിക്കു മനസ്സ് വരുമായിരുന്നില്ല പകരം ദേവിയെ മനസ്സിലും അമ്പലവും പരിസ്സരവും ഞാന്‍ ക്യാമറയിലും പകര്‍ത്തി .

ആ ചൈതന്യം ആവോളം അനുഭവിച്ചു ഞങ്ങള്‍ തിരിച്ചു പോരുമ്പോള്‍ പെറ്റമ്മയെ പിരിയുന്ന കുഞ്ഞിന്റെ വേദന എന്റെ മനസ്സില്‍ നിറഞ്ഞു നിന്നു.

എന്റെ ഈ യാത്ര മൂന്ന് പോസ്റ്റുകള്‍ ആയാണ് ആഡ് ചെയ്തിരിക്കുന്നത് അതെല്ലാം വായിച്ചു അഭിപ്രായം പറയുമല്ലോ ല്ലേ ..

ഈ രണ്ടു ലിങ്കുകള്‍ കൂടി വായിക്കുക

kudajaadri - കുടജാദ്രിയിലെ മേഘങ്ങള്‍ക്കൊപ്പം

2011-04-26T13:33:00.000-07:00

.. കുടജാദ്രിയില്‍ കുടികൊള്ളും ഭഗവതി ..

മൂകാംബികാ ദേവിയുടെ മൂലസ്ഥാനം അതാണ്‌ കുടജാദ്രി , കൊല്ലൂരില്‍ നിന്നും ഏകദേശം 20 കിലോമീറ്ററുകള്‍ യാത്രചെയ്തു നാഗോഡി എന്ന സ്ഥലത്തു ചെന്ന് ,അവിടെ നിന്നും കാട്ടിലൂടെ യാത്ര തിരിച്ചു കുത്തനെയ്യുള്ള കയറ്റങ്ങളും കയറി പച്ച പുല്ലുകള്‍ നിറഞ്ഞു നില്‍ക്കുന്ന മലയും താണ്ടി ചെന്നാല്‍ കുടജാദ്രിയുടെ നെറുകയിലെത്തുന്നു .മൂകാംബികയില്‍ നിന്നും ജീപ്പ് മാത്രമാണ് ഇവിടെയെത്താന്‍ ശരണം അല്ലെങ്കില്‍ ഈ ദൂരമത്രയും നടക്കണം .

ചില സമയങ്ങളില്‍ ഇവിടെ നിന്ന് നോക്കിയാല്‍ താഴെ മേഘങ്ങള്‍ ഒഴുകി നടക്കുന്നത് കാണാം ,കോട മഞ്ഞു കൊണ്ട് പ്രകൃതി ഇവിടെ ചിലപ്പോള്‍ നമ്മുടെ കണ്ണ് കെട്ടിക്കളയും , ആഞ്ഞു വീശുന്ന തണുത്ത കാറ്റും പ്രകൃതി രമണീയതയും കുടജാദ്രിക്കു ദൈവികതാ പരിവേഷ്യം വേണ്ടുവോളം നല്‍കുന്നു , ഹിമാലയത്തിലെ മാനസസരോവര യാത്രയുടെ വളരെ ചെറിയൊരു പതിപ്പാണ്‌ കുടജാദ്രി യാത്ര .

ഔഷദ സസ്യങ്ങളുടെ കലവറയായ ഇവിടം സാക്ഷാല്‍ ശ്രീ ഹനുമാന്‍ മൃതസഞ്ജീവനി മല കൊണ്ടുപോകുമ്പോള്‍ അടര്‍ന്നു വീണ ഭാഗമാണെന്നു ഐതീഹ്യം പറയുന്നു .കുടജം എന്ന സസ്യം ധാരാളം കാണുന്നതിനാല്‍ കുടജാദ്രി എന്ന പേര് വന്നത്രെ .

കുടജാദ്രി മലയില്‍ നിന്നും മൂകാംബിക ക്ഷേത്രത്തിലേക്ക് എത്തിച്ചേരുന്ന ഒരു ഗുഹ ഇവിടെയുണ്ട് ,ഗണപതി ഗുഹ എന്നത് അറിയപ്പെടുന്നു,

കുടജാദ്രിയുടെ നെറുകയില്‍ ശ്രീ ശങ്കരാ ചാര്യരുടെ വിഗ്രഹം കുടികൊള്ളുന്ന ഒരു കല്‍മണ്ടപം ഉണ്ട് ,സര്‍വജ്ഞ പീഠം എന്നറിയപ്പെടുന്ന എവിടെ നിന്നും താഴോട്ടു കുത്തനെയുള്ള ഇറക്കം ഇറങ്ങി ചെന്നാല്‍ ചിത്ര മൂല ഗുഹയും അതിനടുത്തായി ഒരിക്കലും വറ്റാത്ത ഒരു നീരുറവയും കാണാം (ശങ്കരാ ചാര്യര്‍ ഇവിടെ തപസ്സനുഷ്ടിച്ചിരുന്ന കാലത്ത് അദ്ദേഹത്തിന്റെ ദാഹമകറ്റാന്‍ ദേവി സ്വയം സ്രിഷ്ടിച്ചതാന്നു ഈ നീരുറവ എന്നും പറയുന്നു ) ഈ ജലധാര തലയില്‍ വീണപ്പോള്‍ എന്റെ ക്ഷീണമെല്ലാം പമ്പ കടന്നു ആ വെള്ളം കുപ്പിയിലെടുത്തു ഞങ്ങള്‍ മലയിറങ്ങി ..

അടുത്ത പേജിലെ മുരുഡേശ്വര യാത്രാ വിവരങ്ങളും ചിത്രങ്ങളോടും കൂടി ഈ യാത്ര അവസാനിക്കുന്നു

ഈ പോസ്റ്റുകള്‍ കൂടി വായിക്കുക

mookambika - പരാശക്തിയുടെ നടയില്‍

murudeshwaram - മുരുഡേശ്വര സന്നിധിയില്‍

murudeshwaram - മുരുഡേശ്വര സന്നിധിയില്‍

2011-04-26T13:29:00.000-07:00

!! ഓം:നമോ ഭഗവതേ .. രുദ്രായ !!

മൂകാംബികയില്‍ നിന്നും (കൊല്ലൂര്‍ ) ബസ്സില്‍ ഭട്കല എന്ന ഗ്രാമം വഴി 68കിലോമീറ്ററുകള്‍ സഞ്ചരിച്ചു ഞങ്ങള്‍ ബൈന്ദൂര്‍ എന്ന ചെറിയ പട്ടണത്തില്‍ എത്തി അവിടെ നിന്നും ആളുകളെ കുത്തി നിറച്ചു ട്രിപ്പ് അടിക്കുന്ന ടെമ്പോയില്‍ 8 കിലോമീറ്ററുകള്‍ യാത്രചെയ്തു അതിപുരാതനമായ ഒരു ശിവ ക്ഷേത്രത്തിന്റെ പേരില്‍ അറിയപ്പെടുന്ന മുരുഡേശ്വരത്തു എത്തിചേര്‍ന്നു.

ഒട്ടനേകം തമിള്‍, കന്നഡ ,തെലുങ്ക്‌ സിനിമകളിലൂടെ പ്രസിദ്ദമായ ഭീമാകാരമായ ഒരു ശിവ പ്രതിമയും അതിനടുത്തായി ആകാശം മുട്ടുന്ന ഒരു ഗോപുരവും അടങ്ങുന്ന ഒരു ഉദ്യാനം കടല്‍ തീരത്ത് സ്ഥിതിചെയ്യുന്നതാണ് മുരുഡേശ്വരം .

അങ്ങനെ ജഗത്മാതാ ആദിപരാശക്തി മൂകാംബികാദേവി എന്ന അമ്മയെയും , കാലഭൈരവന്‍ കൈലാസനാഥന്‍ എന്റെ ഇഷ്ട ദൈവം ശിവനെയും കണ്ടു വീണു കിട്ടിയ ഈ അവധികള്‍ ഉത്സവമാക്കി ഞങ്ങള്‍ മുരുഡേശ്വരത്തു നിന്നും പൂനെ - എറണാകുളം ട്രെയിനില്‍ തിരിച്ചു നാട്ടിലേക്ക് പോന്നു .

ഒരു രഹസ്യം പറയട്ടെ ഈ യാത്രയില്‍ ഞങ്ങള്‍ ഓരോരുത്തര്‍ക്കും
ആകെ ചിലവായത് വെറും 1700 രൂപയില്‍ താഴെ മാത്രമാണ് .

simply the best

എന്ന് വിശേഷിപ്പിക്കാം ഈ യാത്രയെ

ഈ ലിങ്കുകള്‍ കൂടി വായികുക

..................................

**~*~***~*~**

!! ശുഭം !!

-*-

മുടിനാരിഴക്കൊരു രക്ഷപ്പെടല്‍ ..!!

2011-04-25T04:53:00.000-07:00

ഈ കഴിഞ്ഞ ദിവസം ഞാന്‍ ഡ്യൂട്ടി കഴിഞ്ഞു വരുന്ന വഴിക്ക് ,രാത്രി 11 30 കഴിഞ്ഞു ,വീടെത്താന്‍ ഇനി 5 മിനിറ്റ് മാത്രെം ബാക്കി വേമ്പനാട്ടു കായലിനു കുറുകെ കെട്ടിയ അരൂര്‍ കുമ്പളം പാലം എത്താന്‍ അര കിലോമീറ്റര് കൂടി ഉണ്ട് , അതിനു കുറച്ചു മുന്നിലായി പുതുതായ് പണിതു കൊണ്ടിരിക്കുന്ന എല്ലാ വിധ സൌകര്യങ്ങളും ഉണ്ടാകും എന്ന് അവകാശപെടുന്ന ടോല്‍ ബൂത്ത്‌ , അതിനു മുന്നിലും പിന്നിലുമായി പണി തീര്‍ന്ന രണ്ടു വരി ഹംബുകളും ....

മര്യാദക്ക് വണ്ടി ഓടിച്ചു വന്നുകൊണ്ടിരുന്ന എനിക്ക് ദൂരെ നിന്നും അതി വേഗതയില്‍ വരുന്ന ഒരു കാറിനെ ബൈക്കിന്റെ മിററിലൂടെ കാണാന്‍ സാദിച്ചു ,ഞാനത് കണ്ടില്ലായിരുന്നു എങ്കില്‍ ഇന്നീ ബ്ലോഗ്‌ എഴുതാന്‍ ഞാനുണ്ടാവുമായിരുന്നില്ല . .

ആ കാറിന്റെ വരവില്‍ പന്തികേട്‌ തോന്നിയ ഞാന്‍ എന്റെ ബൈക്ക് റോഡ്‌ സൈഡില്‍ കഴിയാവുന്നത്ര ഒതുക്കി നിര്‍ത്തി , എന്നെയും എന്റെ മുന്നിലുള്ള മറ്റൊരു ബൈക്കിനേയും തട്ടി തട്ടിയില്ല എന്ന മട്ടില്‍ ഓവര്‍ ടേക്ക് ചെയ്തുകൊണ്ട് അതി വേഗത്തില്‍ ആ കറുത്ത കാര്‍ പാഞ്ഞു പോയി .

പിന്നെ ഞാന്‍ കണ്ടത് ഒരു വലിയ ശബ്ദത്തോടെ ആ കാര്‍ ഹമ്പ് ചാടുന്നതാണ്,ക്യാരംസ് ബോര്‍ഡിലെ കോയിന്‍ ബോര്‍ഡിലെ വശങ്ങളില്‍ തട്ടുംപോലെ ആ കാര്‍ ഹമ്പ് ചാടിക്കടന്നു വശങ്ങളില്‍ കെട്ടിയിരിക്കുന്ന കോണ്‍ക്രീറ്റ് ഭിത്തികളില്‍ തട്ടി വലിയൊരു ശബ്ദത്തോടെ റോഡില്‍ നിരങ്ങി നീങ്ങി നിന്നു .തൊട്ടു പുറകില്‍ ഉണ്ടായിരുന്ന എന്റെ മേല്‍ ആ കാറില്‍ നിന്നു എന്തൊക്കെയോ അടര്‍ന്നു വന്നു കൊണ്ടു , എന്റെ ഹൃദയമിടിപ്പ്‌ ഒരു നിമിഷം നിന്ന് പോയി ..

മുന്നിലുണ്ടായിരുന്ന ആ ബൈക്ക് കാരനെ ഞാന്‍ നോക്കി അയാളെ അവിടെയെങ്ങും കണ്ടില്ല , ആ കാറില്‍ നിന്നും പുക ഉയരുന്നുണ്ടായിരുന്നു അപ്പോള്‍ , എന്റെ ബൈക്ക് ഒതുക്കി നിര്‍ത്തി ഞാന്‍ എന്ത് ചെയ്യണമെന്നറിയാതെ നില്‍ക്കുമ്പോള്‍ , എന്റെ അടുത്തേക്ക് നടന്നു വരുന്ന ആ ബൈക്ക് കാരനെ ഞാന്‍ കണ്ടു , അയാള്‍ക്കും എന്റെ അതെ അവസ്ഥ ആയിരുന്നു , അയാളുടെ കൈകള്‍ വിറക്കുന്നുണ്ടായിരുന്നു അപ്പോള്‍ ..

ആ കാറില്‍ ഉള്ളവരെ നോക്കണ്ടേ .. ? അയ്യാള്‍ ചോദിച്ചു

വാ നോക്കാം .. ഞാനും പറഞ്ഞു

ആ കാറില്‍ എത്ര പെരുണ്ടെന്നോ അവര്‍ക്കൊക്കെ എന്ത് പറ്റിയെന്നോ അറിയില്ല , നെഞ്ചിടിപ്പ് ഉച്ചത്തിലായി ശരീരം മൊത്തം വിയര്‍ക്കുന്നു എന്ത് ചെയ്യണം എന്നറിയില്ല , ഒരു കണക്കിന് ദൈര്യം സംഭരിച്ചു ഞങ്ങള്‍ മൊബൈലിലെ ടോറച്ച് തെളിച്ചു ആ കാറിനടുത്ത് ചെന്നു , അതില്‍ ഒരാളെ ഉണ്ടായിരുന്നുള്ളൂ , ചെറുതായി പിടച്ചുകൊണ്ട് അയാള്‍ ഡ്രൈവര്‍ സീറ്റില്‍ നിന്നും മാറി ഇടതു വശം ചരിഞ്ഞു കിടക്കുന്നു ,കാലുകള്‍ സീറ്റില്‍ കുടുങ്ങിയിട്ടുണ്ടെന്ന് കാണുമ്പോളേ അറിയാം , അപ്പോളേക്കും മറ്റു ചില വണ്ടികളിലെ ഡ്രൈവര്‍മാരും അടുത്ത വീടുകളിലെ ചില ആളുകളും എത്തിയിരുന്നു ,

ഞാന്‍ മൊബൈല്‍ എടുത്തു അടുത്തുള്ള അരൂര്‍ പോലീസ് സ്റ്റേഷനില്‍ വിളിച്ചു വിവരം പറഞ്ഞു ,

ആ കാറിന്റെ ഒരു വശം തീര്‍ത്തും തകര്‍ന്ന അവസ്ഥ ആയിരുന്നു , കാറിനു ചുറ്റും പച്ച നിറത്തില്‍ എന്തോ ഒഴുകി പടരുന്നു , കാറിന്റെ ടയര്‍ റോഡില്‍ ഉരഞ്ഞ മനം മടുപ്പിക്കുന്ന ഗന്ധംഅവിടെയാകെ നിറഞ്ഞു ,ഞങ്ങള്‍ കുറച്ചു പേര്‍ ചേര്‍ന്ന് ആ കാറിന്റെ ഇടതു വശത്തെ ഡോര്‍ തുറന്നു , ആ കാറിലെ ആള്‍ക്ക് ബോധം നശിച്ചിരുന്നു, ടയര്‍ റോഡില്‍ ഉരഞ്ഞ ആ മണം പിന്നെയും സഹിക്കാം പക്ഷെ അയാളില്‍ നിന്നും വരുന്ന മദ്യത്തിന്റെ മണം സഹിക്കാന്‍ ഞങ്ങള്‍ നന്നേ പാടു പെട്ടു .

അപകടത്തില്‍ പെട്ടവനോട് അനുകമ്പ തോന്നെണ്ടതിനു പകരം മദ്യപിച്ചു വണ്ടി ഓടിച്ചു എന്റെ ജീവിതം കൂടി ഇല്ലാതാക്കാന്‍ ശ്രമിച്ചവനെ അറപ്പോടെയാണ് ഞാന്‍ നോക്കിയത് .

വലതു വശത്തെ ഡോര്‍ ഒരു വിധത്തില്‍ തുറന്നു സീറ്റുകള്‍ പിറകിലേക്ക് മാറ്റി അയാളുടെ കാലുകള്‍ നേരെ വയ്ച്ചു , അയാളുടെ വായില്‍ നിന്നും രക്തം വരുന്നുണ്ടായിരുന്നു സ്ടിയരിംഗ് നെഞ്ചില്‍ ഇടിച്ചതാവം കാരണം . ഒരു 20 മിനിറ്റ് കഴിഞ്ഞപ്പോളെക്കും പോലീസ് എത്തി അയാളെ ആശുപത്രിയിലേക്ക് കൊണ്ട് പോയി ...

മുടിനാരിഴ വ്യത്യാസത്തില്‍ തിരിച്ചു കിട്ടിയ ജീവനും കൊണ്ട് ഞാന്‍ വീട്ടിലേക്കും പോന്നു .ഒരു ഫുള്‍ ജഗ്ഗ് വെള്ളം കുടിച്ചു തീര്‍ത്താണ് ഞാന്‍ അന്ന് ഉറങ്ങാന്‍ കിടന്നത് .

പിറ്റേ ദിവസം അതുവഴി പോയപ്പോള്‍ റോഡില്‍ ഒതുക്കി ഇട്ടിരുന്ന എന്റെ കാലനാവേണ്ടിയിരുന്ന ആ കാര്‍ കണ്ടപ്പോള്‍ മൊബൈലില്‍ ഞാന്‍ വെറുതെ ഒന്ന് ക്ലിക്കി , അയാള്‍ക്ക്‌ എന്ത് പറ്റി എന്ന് ഞാന്‍ തിരക്കാന്‍ പോയില്ല .

"മദ്യപാനമാണെടോ മനസ്സിനോരാനന്ദം

തുള്ളിയോളം ഉള്ളില്‍ചെന്നാല്‍

സ്വര്‍ഗലോകമാണെടോ "

എന്ന് കരുതുന്നവന്‍

ചത്തോ ജീവിച്ചോ എന്നെന്തിനു ഞാന്‍ തിരക്കണം .

യാത്രക്കിടയില്‍ തടസ്സം സൃഷ്ട്ടിച്ചു കൊണ്ട് ഊതിക്കാന്‍ നില്‍ക്കുന്ന ഹൈവേ പോലീസുകാരും മറ്റും , കൈക്കൂലി വാങ്ങി ഒതുക്കാതെ ഇത്തരക്കാര്‍ക്ക് തക്ക ശിക്ഷ നല്‍കി മദ്യപിച്ചു വണ്ടി ഓടിച്ചു മറ്റുള്ളവരെ കൂടി അപകടപ്പെടുത്തുന്ന ഈ പ്രവണത അവസാനിപ്പിക്കാന്‍ ഇനിയെങ്കിലും കുറച്ചു ശ്രദ്ധിച്ചിരുന്നെകില്‍ ..!!

നിരോധിക്കപ്പെട്ട സ്ഥലങ്ങളില്‍ മൊബൈല്‍ ഫോണ്‍ ഉപയോഗിക്കരുത്‌.

2011-04-25T03:34:00.000-07:00

എനിക്ക് ഈ അടുത്ത് വന്ന ഒരു മെയില്‍ ആണിത് , ഉള്ളടക്കത്തിന്റെ പ്രാദാന്യം കൊണ്ട് അത് അപ്പാടെ തന്നെ ഞാന്‍ എന്റെ ഈ ബ്ലോഗില്‍ ഇടുന്നു

****************

ഒരിക്കലും നിരോധിക്കപ്പെട്ട സ്ഥലങ്ങളില്‍ മൊബൈല്‍ ഫോണ്‍ ഉപയോഗിക്കരുത്‌... അത് ജീവിതത്തിന്റെയും മരണത്തിന്റെയും കാര്യമാണ്... സൂക്ഷിക്കുക... നിങ്ങളുടെ അബദ്ദം ഒരു പക്ഷെ മറ്റൊരാളുടെ ജീവന്‍ തന്നെ അപകടത്തിലക്കിയേക്കാം...

ബംഗ്ലൂരിലെ ഒരു ലോകല്‍ ഹോസ്പിറ്റലിലാണ് ഇത് സംഭവിച്ചത്‌.

നാലു വയസുള്ള ഒരു പെണ്‍കുട്ടിയെ എല്ല് സംബന്ധമായ ഒരു ഒപെരേഷന് വേണ്ടി ഇവിടെ അഡ്മിറ്റ്‌ ചെയ്തു. അതൊരു മൈനെര്‍ ഒപെരേഷനായിരുന്നെന്കിലും ചില സാങ്കേതിക കാരണങ്ങളാല്‍ ലൈഫ്‌ സപ്പോര്‍ട്ടിംഗ് സിസ്റ്റം ഉപയോഗിക്കേണ്ടതായി വന്നു. ഓപ്പറേഷന്റെ പാതി വഴിയില്‍ വെച്ച് ഈ സിസ്റ്റം പെട്ടെന്ന് നിന്ന് പോയി.. നോക്കുമ്പോള്‍ ഓപറേഷന്‍ തിയേറ്ററിനു പുറത്ത്‌ ആരോ മൊബൈല്‍ ഫോണ്‍ ഉപയോഗിച്ചിരിക്കുന്നു. ലൈഫ്‌ സപ്പോര്‍ട്ടിംഗ് സിസ്റ്റത്തില്‍ ഡോക്ടര്‍മാര്‍ സെറ്റ്‌ ചെയ്തിരുന്ന ചില വാല്യുസുമായി മൊബൈല്‍ ഫോണില്‍ നിന്നുള്ള ചില ഡാറ്റാസ് വിപരീതമായി പ്രവര്‍ത്തിച്ചതിന്റെ ഫലമായാണ് സിസ്റ്റം നിന്ന് പോയത്‌. തല്‍ഫലമായി പാവം നിഷ്കളങ്കയായ കുട്ടി മരിച്ചു പോയി.

ഓര്‍ക്കുക- മൊബൈല്‍ ഉപയോഗിക്കരുതെന്ന് വിലക്കിയിട്ടുള്ള സ്ഥലങ്ങളിലൊന്നും അത് ഉപയോഗിക്കരുത്‌.... അതൊരു പക്ഷെ മറ്റു ചിലരെ നിങ്ങളറിയാതെ തന്നെ കൊല്ലുന്ന അവസ്ഥയിലേക്ക് എത്തിച്ചേക്കാം... അധിക പേരും ഇത്തരം കാര്യങ്ങളെ ക്കുറിച്ച് ബോധവാന്മാരല്ല.

Last Word :
Please avoid using your mobile phones in hospitals / petrol pumps / aircraft etc ... wherever it is mentioned no use of mobiles, go by the rules, it's a matter of life & death.

.......

ഈ മെയില്‍ എനിക്ക് അത്ര നിസ്സാരമായി വെറുതെ വായിച്ചു തള്ളി കളയാന്‍ തോന്നിയില്ല , ഗൌരവമായെടുക്കേണ്ട ഒരു വിഷയം അല്ലെ കൂട്ടുകാരെ ഇതും ...

ഒരു മയില്‍‌പ്പീലി പോലെ

2011-04-20T09:57:00.000-07:00

ഒരു മയില്‍‌പ്പീലി പോലെ

മമ മനതാരിനെ പ്രണയാര്‍ദ്രമാക്കുന്ന -

സ്നേഹ സൗന്ദര്യമാം പൊന്മയില്‍ പീലി നീ .

ഏകാന്ത മായോരെന്‍ ജീവിതത്താരയില്‍ -

ഒരു കുളിര്‍ തെന്നലായ് നീ അന്നണഞ്ഞതും .

നിന്റെ സൌഹാര്ദ്ദമാം കിരണങ്ങള്‍ ഏറ്റു ഞാന്‍ -

ആകെ അലിഞ്ഞുപോയ് ഹൃദയം നിറഞ്ഞു പോയ്‌ .

സാമോദ നിമിഷങ്ങള്‍ മാത്രമായ് അന്നു നാം -

ഈ സ്നേഹവാടിയില്‍ പാറിപ്പറന്നപ്പോള്‍ ,

ഒരു മാത്രയന്നെന്‍ മനസ്സില്‍ നിനച്ചു ഞാന്‍ ,
ഈ വിശ്വ വിജയികള്‍ നാം മാത്രമാണെന്ന്.

നിഴലിന്റെ തണലേകി നീ ചാരേ നില്‍ക്കുമ്പോള്‍ -

ഒരു മാത്രപോലുമീ ഞാനറിഞ്ഞില്ലന്നും ,

ഇത്രമേല്‍ നിന്നെ ഞാന്‍ ആശിച്ചിരുന്നെന്നു .

ഒരു കുഞ്ഞു രോഷത്താല്‍ നീ മാറി നിന്നപ്പോള്‍ -

ഒരു ഞൊടി കൊണ്ടെന്റെ ചലനങ്ങള്‍ നിന്നുപോയ് .

ഒരു പ്രണയത്തിന്റെ പോന്മയിലായി നീ -

വേണ്ടുമെന്‍ മുന്നിലന്നാടി തിമിര്ക്കുമ്പോള്‍ ,

പ്രണയാര്‍ദ്രമായോരാ നിന്‍ മാനസത്തെ ഞാന്‍ ,

ദൂരെനിന്നാശയാല്‍ നോക്കുന്ന നേരത്തും ,

ഒരു മാത്ര പോലുമീ ഞാനറിഞ്ഞില്ലന്നും ,

ഇത്രമേല്‍ നിന്നെ ഞാന്‍ സ്നേഹിച്ചിരുന്നെന്നു.

ഒരു പാട് സ്വപ്‌നങ്ങള്‍ മനസ്സില്‍ മെനഞ്ഞു നാം -

വിധിതന്‍ കരാളമാം ഹസ്തങ്ങളില്‍ പെട്ടു ,

ഒരു ജയത്തിന്നായ് അടരാടിടുമ്പോഴും ,

ഒരു മാത്ര പോലുമീ ഞാനറിഞ്ഞില്ലന്നും ,

ഇത്രമേല്‍ നിന്നെ ഞാന്‍ പ്രണയിച്ചിരുന്നെന്നു .

ഒടുവിലാ ക്രൂരനാം വിധി നമ്മെ ജയിച്ചപ്പോള്‍ -

അശ്രു കണങ്ങളാല്‍ അരുവികള്‍ തീര്‍ത്തുനാം ,

ജീവിതതാരയില്‍ ഇരുവഴി തേടിപ്പോയ് .

അബലരായ് മൂകരായ്‌ തമ്മില്‍ പിരിഞ്ഞപ്പോള്‍ -

ഒരുമാത്ര പോലുമീ ഞാനറിഞ്ഞില്ലന്നും ,

ഇത്രമേല്‍ വിരഹമാണിനീയെന്‍ വിധിയെന്ന് .

എങ്കിലും ഇന്നും ഞാന്‍ ഓര്‍ക്കുന്നു ,കേഴുന്നു -

എന്‍ മനതാരിലിതാ .... കാത്തു വയ്ക്കുന്നു ,

മങ്ങാത്ത മായാത്ത മധുരമാം ഓര്‍മകള്‍ -

ഒരു പാട് നല്കിയിന്നെന്നെ പിരിഞോരീ ,

നീയെന്ന എന്റെയീ പൊന്മയില്‍ പീലിയെ ..

ചില്ലറകള്‍ കിലുങ്ങുമ്പോള്‍ ..

2011-04-18T15:51:00.000-07:00

ചില്ലറകള്‍ കിലുങ്ങുമ്പോള്‍

തിരക്കിട്ട് പായുന്ന നഗര വീഥികളില്‍ അഴുക്കിന്റെ ആടയാഭരണങ്ങള്‍ അണിഞ്ഞ് ,
വിശന്നോട്ടിയ വയറുകളോടെ ,കണ്ണുനീര്‍ ചാലുകള്‍ കീറിയ കവിളുകളുമായി ,
നീട്ടിപിടിച്ച കുഞ്ഞു കൈകള്‍ നമുക്ക് നേരെ നീളുമ്പോള്‍
ഒരു മാത്ര മനസ്സറിയാതെ കൈകള്‍ കീശകളില്‍ ചില്ലറകള്‍ തേടിപ്പോകാറില്ലേ.?

ദൈന്യത വില്‍പ്പന ചരക്കാക്കുന്ന ഈ കാലത്ത് പിച്ച തെണ്ടല്‍ ഏറ്റവും നല്ല ബിസിനസ് ആയി കണ്ട് , ആളെ വച്ച് തെണ്ടിക്കുന്ന ഒരു കൂട്ടം മാഫിയകള്‍ക്ക്‌ മുന്‍പില്‍ ഇരയാവുന്ന ബാല്യങ്ങള്‍ ഇന്ന് ഒട്ടേറെ,തെണ്ടിക്കാന്‍ വേണ്ടി കുഞ്ഞുങ്ങളെ ജനിപ്പിക്കുന്നവരും ,പകല്‍ തെണ്ടലും രാത്രി കളവുമായി നടക്കുന്നവരും ,തട്ടിയെടുത്ത കുഞ്ഞുങ്ങളെ നാടുകടത്തി വിരൂപരാക്കി തെണ്ടിക്കുന്നവരും സിനിമകളില്‍ മാത്രമല്ല ഇവിടെയും സത്യമാകുന്നു .

അവിശ്വസനീയമായി തോന്നാമെങ്കിലും സത്യമിതാണ്.. മനുഷ്യരെ അടിമകളാക്കി പണിയെടുപ്പിച്ചിരുന്ന കാലം കഴിഞ്ഞിട്ടില്ല , സമൂഹത്തിനു വേണ്ടാത്ത ആരോരുമില്ലാത്ത അനാഥ ജന്മങ്ങളെ പിച്ച തെണ്ടിച്ചു കാശുണ്ടാക്കി ജീവിക്കുന്ന ഒരു കൂട്ടം മാഫിയകള്‍ ഇന്നു ഇവിടെയുണ്ട് വലിയൊരു നെറ്റവര്‍ക്ക് ആണ് ഇവരുടെ . കുറ്റകൃത്യങ്ങളുടെ നിഗണ്ടുവില്‍ ഇതുവരെ സ്ഥാനം പിടിക്കാത്ത ഈ തെണ്ടിക്കല്‍ പരിപാടി ഇന്നു തഴച്ചു വളരുന്നത്‌ കണ്മുന്നില്‍ എങ്കിലും കണ്ടില്ലെന്നു നടിക്കുന്നു ഭരണകൂടവും, നിയമപാലകരും , മീഡിയകളും .

ജനനന്മ വീമ്പു പറഞ്ഞു നടക്കുന്ന മനുഷ്യാവകാശ കമ്മീഷനുകളും മറ്റും കണ്ണ് കേട്ടിയാണോ ആവൊ റോഡിലൂടെ നടക്കുന്നത് ( സൗമ്യയെ കൊന്ന ഗോവിന്ദ ചാമിയുടെ ക്ഷേമം ചോദിച്ചിവര്‍ ജയിലില്‍ ചെന്നിരുന്നുവത്രെ ..!! മരിച്ചവരെ ഇവര്‍ക്ക് എന്തിനാ അല്ലെ ..!! ) പരാതിക്കാരന്‍ ഇല്ലാതെ എന്ത് അന്വേഷണം എന്നായിരിക്കും ഇവരുടെ ഒക്കെ മറുപടി ..

കമ്പനിയില്‍ നൈറ്റ്‌ ഡ്യൂട്ടി കഴിഞ്ഞു ഞാന്‍ രാവിലെ 7 മണിക്ക് എറണാകുളം മെഡിക്കല്‍ ട്രസ്റ്റ്‌ ഹോസ്പിറ്റലിന്റെ മുന്‍പിലെ പേ -ആന്‍ഡ്‌ -പാര്‍ക്കില്‍ ബൈക്ക് എടുക്കാന്‍ വരുമ്പോള്‍ എന്നും ആ ഹോസ്പിറ്റലിന്റെ മുന്‍പിലെ ഫുട് പാത്തില്‍ ഒരു വൃദയാചകന്‍ ഉണ്ടാവും ,രണ്ടു കാലുകളും ഇല്ലാത്ത ഇയ്യാള്‍ കൊച്ചു വെളുപ്പിന് എങ്ങനെ ഇവിടെയെത്തി എന്നു പലപ്പോഴും ചിന്തിച്ചുപോയിട്ടുണ്ട് , നട്ടുച്ചനേരത്തും പൊള്ളുന്ന വെയിലില്‍ ഇയ്യാള്‍ അവിടെ കാണും , കുറച്ചു ചില്ലറ തുട്ടുകള്‍ക്ക് നടുവില്‍ കയ്യും നീട്ടിപിടിച്ചു കൊണ്ട് ...

ആശുപത്രികള്‍ക്ക് മുന്നിലും ,ആരാദനാലായങ്ങളുടെ മുന്നിലും , ബസ്സ്‌ സ്ഥാന്റുകളിലും ,റെയില്‍വേ സ്റ്റെഷനുകളിലും മറ്റുമൊക്കെ നാലാള്‍ കൂടുന്ന സ്ഥലങ്ങളില്‍ യാച്ചകവൃത്തി വര്‍ദ്ദിച്ചു വരുന്നത് ഇത്തരം മാഫിയാകളുടെ വിളയാട്ടമാണെന്ന് മനസിലാക്കാന്‍ തല പുകഞ്ഞു ആലോചിക്കേണ്ട ആവശ്യം ഇല്ല .ശരീരം തളര്‍ന്നവരും , കാല്‍ സ്വാദീനം ഇല്ലാത്തവരും , കാഴ്ച നഷ്ടപെട്ടവരും തുടങ്ങി യാചക വൃത്തിയില്‍ ഏര്‍പ്പെടുന്നവര്‍ എങ്ങനെ ഈ മലകള്‍ കയറി ശബരി മലയിലും ,പളനിയിലും എത്തുന്നു , കൊച്ചു വെളുപ്പാന്‍ കാലത്ത് തന്നെ തിരക്കേറിയ തെരുവ് വീഥികളില്‍ പ്രത്യക്ഷപ്പെടുന്നു ..?

save children's from the street എന്ന് ജനസേവ ശിശുഭവന്‍ ഫ്ലെക്സ് വച്ചിരിക്കുന്ന എറണാകുളം നോര്‍ത്ത് പാലത്തിനു സമീപം പോലും ഒട്ടിയ വയറുമായി പൊരിവെയിലില്‍ ബ്ലോക്കില്‍ പെട്ട് കിടക്കുന്ന വാഹന ചില്ലുകളില്‍ ചില്ലറ തുട്ടുകള്‍ക്കായി തട്ടുന്ന കുഞ്ഞു കൈകള്‍ കാണാം ....

ദൈന്യതയില്‍ മനസലിഞ്ഞു കിട്ടുന്ന ചില്ലറകള്‍ പോലും സ്വന്തം വിശപ്പടക്കാന്‍ ഉപയോഗിക്കാന്‍ അനുവാദമില്ലാത്തവര്‍

പ്രതികരിക്കാന്‍ ശേഷിയില്ലാത്ത , ചോദിയ്ക്കാന്‍ ആരുമില്ലാത്ത ഈ അനാഥ ജന്മങ്ങളുടെ ജീവിതം എന്നും ഒരുകൂട്ടം മാഫിയാകളുടെ കയ്യിലെ ചങ്ങലകളില്‍ ഒതുങ്ങുമോ .?

മേല്‍വിലാസം ഇല്ലാത്തതു കൊണ്ട് ഒരു വോട്ടിനു പോലും ഇവരെ ആര്‍ക്കും വേണ്ട ...

ഈ തെണ്ടിക്കല്‍ പരിപാടി അവസാനിപ്പിക്കാന്‍ ഏതെങ്കിലും സംഗടനകള്‍ മുന്നോട്ടു വരുമോ ..? സാദ്യതയില്ല കാരണം

ചില്ലറ തടായാത്ത പരിപാടി ആണേ ...

എറണാകുളം മറൈന്‍ ഡ്രൈവില്‍ ഞാന്‍ കണ്ട

ഒരു അന്ധ ബാലനെ കുറിച്ച്...

ആ പിഞ്ചു മനസ്സിന്റെ ആഴത്തിലെരിയുന്ന

ആയിരം ചോദ്യങ്ങള്‍ തേടുന്നു ഉത്തരം
ആ കുഞ്ഞു ചുണ്ടുകള്‍ പതിയെ വിതുമ്പുന്നു

അറിയില്ല പറയേണ്ടതെങ്ങിനെ എങ്കിലും

ആ മുഖം വ്യക്തമായ് പറയുന്നതിങ്ങനെ

"കേവലം നാണയ തുട്ടുകളിലോതുങ്ങാത്ത

ഒരു കുഞ്ഞു സാന്ത്വനം ആരുണ്ട് ചൊല്ലുവാന്‍.? "

ഏവരും സര്‍വതും കണ്ടു വര്‍ണ്ണിക്കുന്നു

ഏവരും ചൊല്ലുന്നു സൂര്യനിന്നെരിയുന്നു .

ആ പിഞ്ചു ബാലന്റെ കവിളത്തു വീഴുന്ന

സൂര്യപ്രകാശത്തിനുഗ്രമാം താപത്താല്‍

അവനുമിന്നറിയുന്നു സൂര്യനെരിയുന്നു .

കാഴ്ച്ചയുടെ ലോകത്തിലെത്താന്‍ കഴിയാത്ത ആ

കണ്ണുകളില്‍ പകല്‍ പോലും കൂരിരുള്‍ രാത്രികള്‍

അന്ധനാണിവന്‍ അനാഥനാണിവന്‍

കൈകളില്‍ ചങ്ങല ബന്ധനം തീര്‍ത്തൊരീ

ഇവനെന്നും വെറുമൊരു അടിമയാം യാചകന്‍

എങ്കിലും അവനുമിന്നിവിടെ ജീവിക്കുന്നു

തന്‍ മനോവാടിയാം സങ്കല്‍പ്പ രാജ്യത്തില്‍

അവനുമിന്നരചനായ് നാടുവാനീടുന്നു ..

*** * ***

ഈ കുഞ്ഞു ജീവിതം തട്ടി തെറിപ്പിച്ച
വിധിയെ ശപിച്ചു ഞാന്‍ തിരികെ നടക്കുമ്പോള്‍
അവനെന്റെ മനസ്സിലേക്കൊരു ചോദ്യം പകര്‍ന്നുതന്നു

പാഠപുസ്തകം പിടിക്കേണ്ട കൈകളില്‍
ക്ലാവ് പിടിച്ചൊരു പിച്ച പാത്രമോ .?
തെരുവിന്റെ മടിയിലെക്കിന്നിവനെ നിര്‍ദാഷിണ്യം നടതള്ളിയതാര് .?
ഈ വിധി ആരുടെ ശാപമോ .?
മുന്‍ ജന്മ പാപത്തിന്‍ കര്‍മ ഫലമോ .?
അതോ
മനുഷ്യന്റെ ക്രൂരത കാടുകടന്നെത്തി
ബലി നല്‍കി പോയൊരു പിഞ്ചു ജീവനോ .?

കന്യാകുമാരിയിലെ കവിത ...!!

2011-04-16T00:44:00.000-07:00

കന്ന്യാകുമാരി തന്നെ ആണ് കവിത

കന്യാകുമാരിയില്‍ പോയിട്ടുണ്ടോ .?
അവിടുത്തെ അസ്തമയം കണ്ടിട്ടുണ്ടോ ..?
ബംഗാള്‍ ഉള്‍ക്കടലും , ഇന്ത്യന്‍ മഹാ സമുദ്രവും ,അറബി ക്കടലും, സംഗമിക്കുന്നിടത് അര്‍ക്കന്‍ തന്റെ ഒരു പകല്‍ സഞ്ചാരം അവസാനിപ്പിച്ചു ആഴിയില്‍ മുങ്ങുന്ന ആ അസ്തമയ കാഴ്ച ..!!

അതിലും മനോഹാരിത ഏത് കവിതയ്ക്ക് നല്‍ക്കാന്‍ കഴിയും , അല്ലെങ്കില്‍ അത് തന്നെ ഒരു കവിതയല്ലേ ...??

നിത്യ കന്യകയാം ദേവി കനിഞ്ഞു അനുഗ്രഹം ചൊരിയുന്ന ,
കന്യാകുമാരിയില്‍ പോയിട്ടില്ലെങ്കില്‍ പോകുക ,

പോയി അസ്തമയം കാണുക .....
കടലിലൂടെ വിവേകാനന്ത പാറയിലേക്ക്‌ ഒരു ബോട്ട് യാത്ര നടത്തുക...

എന്റെ ക്യാമറയില്‍ പതിഞ്ഞ അസ്തമന കാഴ്ചക്ക് നേരില്‍ കാണുന്ന ആ ഒരു അനുഭൂതി അല്ലെങ്കില്‍ നിര്‍വൃതി നല്‍ക്കാന്‍ കഴിയില്ല ..

അത് കൊണ്ട് ..

Don't miss it ..

happy vishu ........... pictures

2011-04-13T12:05:00.000-07:00

സന്തോഷപ്രദമായ വിഷു ദിനാശംസകള്‍ നേരുന്നു

എന്റെ എല്ലാ ബ്ലോഗും വായിച്ചു കമന്റ്‌ അയച്ച എല്ലവര്‍ക്കും ഇത്തവണ അടിപൊളി വിഷു ആയിരിക്കും ,

ബ്ലോഗ്‌ വായിച്ചു കമന്റ്‌ അയക്കാതെ പോയവര്‍ക്കും നല്ല വിഷു ആയിരിക്കും ,

എന്റെ ബ്ലോഗ്‌ വായിക്കാതെ ചുമ്മാ നോക്കി പോയവര്‍ക്ക് ഒരു സാദാരണ വിഷു പ്രതീക്ഷിക്കാം,

ഇനി എന്റെ ബ്ലോഗിലൊന്നും വരാതെ , ഒന്ന് മൈന്‍ഡ് പോലും ചെയ്യാതെ ഒടുക്കത്തെ ജാടയും കൊണ്ട് നെറ്റില്‍ വിലസുന്നവര്‍ക്ക് ഇത്തവണത്തെ വിഷു ..ഹി ഹി ഞാന്‍ ഒന്നും പറയുന്നില്ല

*************

എല്ലാ മലയാളികള്‍ക്കും എന്റെ വക ഒരു

ഹാപ്പി വിഷു

..............................................................................

cricket world cup amzing pictures

2011-04-10T08:17:00.000-07:00

ആവേശം അലതല്ലിയ ക്രിക്കറ്റ് വേള്‍ഡ് കപ്പിലെ ചില രംഗങ്ങള്‍ , കണ്ടു മറന്നതാവാം കാണാത്തവര്‍ ഉണ്ടെങ്കില്‍ അവര്‍ക്ക് വേണ്ടി ,

ജയ് ഹോ....

ലങ്കന്‍ ക്രിക്കറ്റ് ടീമിന് ശനിദശ

2011-04-09T12:46:00.000-07:00

ലോക കപ്പിന് ശേഷം

******************************************

1983 നു ശേഷം അങ്ങനെ ഇന്ത്യക്കിതാ ലോക കപ്പ്‌ കിരീടം..!!
കപില്‍ ദേവിന് ശേഷം ലോക കപ്പ്‌ ഇന്തയ്ക്ക്‌ നല്‍കിയ ക്യാപ്റ്റന്‍ മഹേദ്ര സിംഗ്ധോണി..!!

കയ്യും കണക്കുമില്ലാതെ തല്ലുകൊണ്ട് നാറിപ്പോയെങ്കിലും ടീമിലുണ്ട്ടായ ഒരേഒരു മലയാളി എന്ന നിലയില്‍ശ്രീശാന്തിനും കുടുംബത്തിനുമൊപ്പം നമുക്കും അഭിമാനിക്കാം (ചാത്തന്‍ സേവക്കൊക്കെ ഇപ്പോ ഡിമാന്‍ഡു കൂടിയിട്ടുണ്ടെന്ന് പറയുന്നുണ്ടേ)

എന്ത് തന്നെ ആയിക്കോട്ടെ , കട്ടതും പിടിച്ചു പറിച്ചതും ഒന്നുമല്ലല്ലോ (അവന്മാര്‍ ഡ്യൂപ്ലിക്കേറ്റ്‌ കപ്പ്‌ തന്നു എന്നും കേള്‍ക്കുന്നു ആണേലും സാരമില്ല .കിട്ടിയല്ലോ )

ആ പൂനംപാണ്ടേ ചേച്ചിയെ പറ്റി പിന്നെ ഒരറിവും ഇല്ല ,ആയമ്മ ഇന്ത്യ ജയിച്ചത്‌ അറിഞ്ഞില്ലെന്നു തോന്നുന്നു(ഏപ്രില്‍ ഫൂള്‍ ആക്കി പറ്റിച്ചു വെറുതെ പാവപ്പെട്ട ആണുങ്ങളുടെ ശാപം വാങ്ങല്ലേ മോളെ )

കളിക്കാരുടെ ബാങ്ക് അക്കൌണ്ടുകളില്‍ കോടികള്‍ കുമിഞ്ഞു കൂടുന്നു (ശ്രീശാന്തിനു പച്ചരി ഇനി ഒരു ഒരൂപക്ക് കിട്ടുമോ അതോ രണ്ടു രൂപയ്ക്കു കിട്ടുമോ എന്ന് ഇല്ലക്ഷന്‍ കഴിയുമ്പോള്‍ അറിയാം)

ഏതായാലും ഇന്ത്യയിലെ ജനങ്ങള്‍ക്ക്‌ കുറെ കാലത്തേക്ക് ഇനിഒന്നും വേണ്ട , ഇപ്പോ തന്നെ പാടത്തും പറമ്പിലും ക്രിക്കറ്റ് ചൂട് പിടിച്ചു തുടങ്ങി .

എന്നാല്‍

ഈ ലോക കപ്പില്‍ തോറ്റു പോയ ശ്രീ ലങ്കന്‍ ടീമിന്റെ അവസ്ഥആരെങ്കിലും അറിഞ്ഞോ

ഇന്ത്യയേക്കാള്‍ നനായി ഫൈനല്‍ വരെ കളിച്ച ടീം ആയിരുന്നു അവര്‍ പാവങ്ങള്‍ !!നല്ല മര്യാദയുള്ള കളിക്കാര്‍ ,അവര്‍ക്കീ ഗതി വന്നല്ലോ

ഒന്നും അറിഞ്ഞില്ലാ ല്ലേ

മുത്തയ്യ മുരളീധരന്‍ തോല്‍വിയുടെ കയ്പ്പുനീര്‍ കൂടിച്ചു ക്രിക്കറ്റില്‍ നിന്നും വിരമിച്ചു ,ശ്രീലങ്കന്‍ ക്യാപ്റ്റന്‍ കൂമാര്‍ സംഗക്കാര ക്യാപ്റ്റന്‍ സ്ഥാനം ഒഴിയാന്‍ പോകുന്നു , ജയവര്ദ്ദനെയും തന്റെ വൈസ് ക്യാപ്റ്റന്‍ സ്ഥാനം ഒഴിയുന്നു ,ശ്രീ ലങ്കന്‍ ക്രിക്കെറ്റ് സെല്ലക്ഷന്‍ കമ്മേറ്റിയും സ്ഥാനം ഒഴിയുന്നു
ഇതെല്ലാം സഹിക്കാം

ഇനിയൊരു സംഭവം നടന്നു

അത് കേട്ടാല്‍ ചങ്കൂ തകര്‍ന്നു പോകൂം

മുടി വെട്ടാതെ ആ മുടിയില്‍ സ്വര്‍ണ്ണ കളറു തേച്ചു സ്പ്രിങ്ങ് പോലെ ഒക്കെ ആക്കി , ഓടിവന്നു മാങ്ങാക്ക് ഏറിയും പോലെ ബോള്‍ ചെയ്തിരുന്ന ഒരാളില്ലേ ശ്രീലങ്കന്‍ ടീമില്‍ ,ഹാ ... പുള്ളി തന്നെ നമ്മുടെ ...മലിംഗ , ആ പാവം മനുഷ്യന്റെ അവസ്ഥ ഇപ്പോ എന്താണെന്നറിയാമോ ..??

ടെ ഒന്ന് കണ്ടു നോക്കിക്കേ ...

പാവം ചെക്കനു വട്ടായിപ്പോയി

ശ്രീലങ്കന്‍ ടീമിന്റെ ശനി ദശ മാറാന്‍ ശ്രീശാന്തിനോട് പറഞ്ഞു ഒരു പൂജയോ അല്ലെങ്കില്‍ ഒരു ചരടോ മറ്റോ ജപിച്ചു കെട്ടണം അതെ ഇനി വഴിയുള്ളൂ എന്നറിഞ്ഞു ജയവര്‍ദ്ദന ശ്രീയുടെ വീട്ടില്‍ പോകാന്‍ ഇരിക്കുന്നുണ്ടത്രെ ..!!

..........................................................................................................

തിരഞ്ഞെടുപ്പിനായ് തിരഞ്ഞെടുത്ത കവിത ..!!!

2011-04-07T06:22:00.000-07:00

ഇനി പോളിംഗ് ബൂത്തുകളിലേക്ക്

ആദ്യം വോട്ടു തെണ്ടാന്‍ പിന്നെ വേട്ടയാടാന്‍

കടിച്ച പല്ലില്‍ വിടരുന്ന ചിരിയുമായ് ഇനിയവര്‍ വരും
കാപട്യത്തിന്‍ കരിനിഴല്‍ വീണ കാല്പ്പാടുകളൂമായ്
വെണ്മയുടെ വെഞ്ചാമരം വീശുന്ന ശുഭ്ര വസ്ത്രധാരികള്‍
ചന്ദനത്തിന്‍ സെന്റു പൂശി ചോരമണം മാറ്റിടും
അഴിമതി കറകള്‍ പുരണ്ട കൈകളിലിനി കയ്യുറകള്‍ ധരിക്കും
വാക്കുകള്‍ കടമെടുത്തു മാറ്റമെന്നതോതിടും
തോടുകളും മലകളുമിവര്‍ ഇനി താണ്ടി വന്നിടും
ചേരിയിലും ചാവടിയിലും ഇനിയിവര്‍ക്ക് സ്വീകരണം

കൊഴുപ്പടിഞ്ഞ ഇവര്തന്‍ കണ്‍തടങ്ങളില്‍ ഇനികാണാം -

പെറ്റമ്മ തോല്‍ക്കുന്ന സ്നേഹവും ,

ഈശ്വരന്‍ നാണിക്കും കരുണയും .
ഒരു പിടി ചോറിനായ് കേഴുന്ന വയറിന്റെ -
മുകളില്‍ കയറി ഇനി ഇവര്‍ നല്‍കും വാഗ്ദാനം
അവരുടെ വാക്കുകളിലിനി തേനും പാലും ഒഴുകും
കുഷ്ഠ രോഗിയെ പോലുമിനി ഗാഡമായ് പുണരുമ്പോള്‍
കണ്ടു നില്‍ക്കും വിഡ്ഢികള്‍ നമ്മള്‍ , പൊതുജനം കഴുതകള്‍

ഒളിപ്പിച്ച വാളിന്റെ തലയ്ക്കലെ ചോരനാം
കാണണം ഇനിയിവര്‍ ആരെന്നരിയണം
കവലപ്രസംഗങ്ങളില്‍ മാത്രം ഒതുങ്ങുന്ന -
കണ്ണു പൊത്തി കളിയാണിന്നത്തെ രാഷ്ട്രീയം .
അഭിനയ കലയില്‍ ഭരതമുനി തോല്‍ക്കുന്ന -
പ്രകടനം കണ്ടു നാം കോരിത്തരിച്ചിട്ടു -
ഒരു ഞൊടി കൊണ്ട് നാം ചെയുന്ന വോട്ടിനാല്‍
പണയപ്പെടുത്തുന്നു നാടിന്റെ ആധാരം .
ഒളിപ്പിച്ച വാളിവര്‍ കയ്യില്‍ എടുത്തിനി -
കാട്ടുന്ന പരാക്രമം പണത്തിനു വേണ്ടിയോ..?
കട്ടു മുടിച്ചു കുളം തോണ്ടി ..എന്നിട്ടോ -
വീണ്ടും വരുന്നു ചിരിച്ച മുഖത്തോടെ

തല്ലു പിടിച്ചും , തല തല്ലി കീറിയും

കൊമ്പ് കോര്‍ത്തീടുന്ന രാഷ്ട്രീയ പാര്‍ട്ടികള്‍

ജന്മ വൈരികള്‍ ബദ്ധശത്രുക്കള്‍ ,
ഇവരല്ല ഇവരുടെ അണികളെന്നോര്‍ക്കുക
കെട്ടി പിടിച്ചിട്ടു മുത്തം കൊടുക്കുന്നു

അണിയറക്കുള്ളിലെ രഹസ്യ സമാഗമം .

കട്ട് മുടിക്കുന്ന , പാടേ വിഴുങ്ങുന്ന

സൂത്ര വാക്യങ്ങളിവര്‍ ഒരുമിച്ചു സൃഷ്ട്ടിക്കും

അധികാര ചക്രമിനി ഇവരാരു തിരിച്ചാലും

ലക്ഷ്യവും വേഗവും എല്ലാം ഒരു പോലെ

ഗവേഷണം നടത്തുന്നു അഴിമതി ചെയ്യുവാന്‍

എന്നിട്ടോ ..

അധികാരത്തിന്റെ കൊടിവച്ച കാറിലിരുന്നു വീണ്ടും ഇവര്‍ പറയുന്നു ..

ഈ പൊതു ജനം എന്നും എന്നെന്നും കഴുതകള്‍

പാറി പറന്നു വളര്‍ന്നു വരേണ്ടുന്ന
നാളേതന്‍ സങ്കല്‍പ്പ സ്വപ്നമാം മുകുളത്തെ

കോടി പുതപ്പിക്കും രക്തസാക്ഷിത്ത്വവും
നവജാത ശിശുവിനും തലയെണ്ണി വാങ്ങുന്ന
പണമാണ്ട് വാഴുന്ന നാടിന്നു ഭാരതം .

ഇതു ജനാദിപത്യമോ അതോ പണാധിപത്യമോ ..?

പറയുക പറയാന്‍ കഴിവുള്ളവര്‍ മാത്രം .

ഇന്ത്യ ജയിച്ചു ഞങ്ങള്‍ തോറ്റു (സംഭവ കഥ )

2011-04-06T16:16:00.000-07:00

അരൂര്‍ ടൈഗേര്സ് ..മ്യാവൂ ...

അങ്ങനെ ഇന്ത്യക്ക് വേള്‍ഡ് കപ്പ്‌ കിട്ടി , ധോനിക്കും കൂട്ടര്‍ക്കും കൈ നിറച്ചു കോടികള്‍,പാരിതോഷികങ്ങള്‍ , സച്ചിന് ജന്മ സായുജ്യം , പക്ഷെ ഈ വേള്‍ഡ് കപ്പിന്റെ ലഹരി എനിക്കും കുട്ടുകാര്‍ക്കും തന്ന ഒരു രസകരമായ അനുഭവം ഞാന്‍ പറയാം കോരിത്തരിച്ചു പോകൂം.(രസകരം ഇതു കേള്‍ക്കുന്നവര്‍ക്ക് , ഞാന്‍ പുറത്തേക്കു ഇറങ്ങീട്ടു രണ്ടു ദിവസമായി )

വേള്‍ഡ് കപ്പും കണ്ടു അങ്ങനെ ഇരിക്കുമ്പോള്‍ എന്റെ കൂട്ടുകാരന്‍ (അനില്‍)മൊബൈലില്‍ വിളിച്ചു പറഞ്ഞു " ഇവിടെ അടുത്ത് ക്രിക്കെറ്റ് ടൂര്‍ണമെന്റ് നടക്കുന്നുണ്ട് നമുക്കും ഒന്ന് കളിച്ചാലോ ഡേയ് " ഹായ് അത് കൊള്ളാല്ലോ എന്ന് ഞാനും കരുതി , പഴയ കാല ഓര്‍മ്മകള്‍ അയവിറക്കിയപ്പോ കൊള്ളം അത്യാവശ്യം ബൌളും ചെയ്യും ബാറ്റും ചെയ്യും ഒരു കൊച്ചു യുവരാജ് ആണെന്ന് പോലും തോന്നി പോയി , പോരാത്തതിനു വിളിച്ച കൂട്ടുകാരനും നല്ല കളിക്കാരന്‍ ആയിരുന്നു എന്ന ഒരു ഓര്‍മ്മയുണ്ട് ,പിന്നെ എന്താ പ്രശ്നം കളിക്കാം അത്രതന്നെ ഇതൊക്കെ ഞാന്‍ എത്ര കണ്ടതാ എന്ന ഒരു തോന്നലും പിന്നെ സച്ചിനെ എല്ലാരും കൂടി എടുത്തു തോളത് വച്ച് ഗ്രൌണ്ടിലൂടെ പോകുന്നതും കൂടി കണ്ടപ്പോ പൂര്‍ത്തിയായി , ഞാന്‍ അവനോടു പറഞ്ഞു " ഒന്നും നോക്കണ്ട ഡാ നമുക്ക് കളിക്കാം ഞാന്‍ റെഡി നീ ബാക്കി എല്ലാം ശരി ആക്കിക്കോ ," ഞാന്‍ ഇങ്ങനെ പറഞ്ഞപ്പോ അവനും ഉഷാറായി നന്നായി കളിക്കുന്ന 5 പേരെ കൊണ്ട് വരാം എന്നവന്‍ ഉറപ്പു പറഞ്ഞു ബാക്കി ആളുകളെ ഞാന്‍ ഒപ്പിക്കണം ,

ഞാനും അനിലും പിന്നെ അവന്‍ കൊണ്ട് വരുന്ന 5 പേരും അങ്ങനെ 7 പേരായി , ബാക്കി 4 ആള് കൂടി വേണം , എന്റെ മറ്റൊരു കൂട്ടുകാരനെ മൊബൈലില്‍ വിളിച്ചു ( സജീഷ് ) കളിക്കുന്ന കാര്യം ചോദിച്ചു അപ്പോള്‍ അവനും ഓക്കേ , ബാക്കി ആളുകളെ എവിടുന്നു ഒപ്പിക്കും എന്ന് ചിന്തിച്ചിരിക്കുമ്പോള്‍ ആണ് എന്റെ ഒരേഒരു പെങ്ങളെ കെട്ടിയ അളിയന്‍ ( ബൈജു )പണ്ട് ബോംബയിലെ വലിയ ക്രിക്കറ്റ്‌ കളിക്കാരന്‍ ആയിരുന്നു എന്നു പറഞ്ഞ ഒരു ഓര്‍മ്മ മനസ്സില്‍ വന്നത് അങ്ങനെ പുള്ളിക്കാരനെ മൊബൈലില്‍ വിളിച്ചു , ഞങ്ങളുടെ ഭാഗ്യം എന്നു പറയട്ടെ അളിയനും ജോലി തിരക്കിനിടയില്‍ കളിയ്ക്കാന്‍ വരാം എന്നു സമ്മതിച്ചു , ഹോ ...ഇനി 3 പേരെ കൂടി വേണമല്ലോ സാരമില്ല സമയമാകുമ്പോള്‍ ആളൊക്കെ തനിയെ വന്നോളും എന്നു കരുതി ഞങ്ങള്‍ പോയി 1000 രൂപ കൊടുത്തു ടീം രെജിസ്റ്റര്‍ ചെയ്തു . അവിടെ ചെന്നപോ വലിയ ഫ്ലെക്സ് എല്ലാം വച്ചിട്ടുണ്ട് ചെന്നത് രാത്രി ആയതു കൊണ്ട് ഗ്രൌണ്ട് ഒന്നും ശരിക്കും കാണാന്‍ പറ്റിയില്ല . അവിടുത്തെ സംഘാടകരില്‍ ഒരുത്തന്‍ ഞങ്ങള്‍ക്ക് നിയമങ്ങള്‍ പറഞ്ഞു തന്നു " ഇതു ഫ്ലെഡ് ലൈറ്റ് മാച്ച് ആണ് (രാത്രി ടുബിന്റെ വെളിച്ചത്തില്‍ നടക്കുന്ന ) 6 ഓവര്‍ ആണ് കളി , മൊത്തം 62 ടീമുകള്‍ ഉണ്ടാവും നിങ്ങളുടെ കളി ആദ്യ ദിവസം മൂനാമത്തെ ആയിരിക്കും അതില്‍ ജയിച്ചാല്‍ അടുത്ത റൌണ്ടില്‍ പോകാം , പിന്നെ ടീമിനൊരു പേര് വേണം " എന്ത് പേരിടും എന്നാലോചിച്ചപ്പോ ആ സംഘാടകന്‍ തന്നെ സഹായിച്ചു "വല്ല ടൈഗേര്സ് എന്നോ മറ്റോ ഇട്ടോളൂ " അങ്ങനെ ടീമിന് പേരും ഇട്ടു അരൂര്‍ ടൈഗേര്സ് .

രണ്ടു ദിവസമേ ഉള്ളു കളി തുടങ്ങാന്‍ ആള് തികഞ്ഞിട്ടുമില്ല കളിയ്ക്കാന്‍ ബാറ്റും ഇല്ല (ഒരേ ഒരു കളി കളിയ്ക്കാന്‍ വേണ്ടി പുതിയത് വാങ്ങാനും തോന്നുന്നില്ല ) അങ്ങനെ വീടിനടുത്തുള്ള പിള്ളേരെ സോപ്പിട്ടു കാര്യം സാധിച്ചു കളി തുടങ്ങുന്ന ദിവസം അവരുടെ ബാറ്റ് തരാം എന്നു അവര്‍ സമ്മതിച്ചു . അത് കഴിഞ്ഞു ജോലിക്ക് പോകാന്‍ ഇറങ്ങിയപ്പോലാണ് പഴയ ഒരു സുഹൃത്ത്‌ ( ചന്തു )അവന്റെ ഓട്ടോയും ആയി വന്നത് അവനെ കണ്ടപ്പോള്‍ ആണ് ഓര്‍ത്തത്‌ പണ്ട് അവന്‍ നാട്ടില്‍ പേരെടുത്ത ഒരു ക്രിക്കറ്റ്‌ കളിക്കാരന്‍ ആണെന്ന് അവനോടു കാര്യം പറഞ്ഞപ്പോ അവന്‍ ചോദിച്ചു " നമ്മളിപ്പോ കളിയൊക്കെ നിര്‍ത്തിയിട്ടു കൊല്ലം കുറെ ആയില്ലേടാ പിന്നെ ഏങ്ങനെ കളിക്കും ടച്ച്‌ ഒക്കെ വിട്ടു പോയില്ലേ " ഞാന്‍ അവനെ സമാദാനിപ്പിച്ചു പറഞ്ഞു " അളിയാ ഇതത്ര വലിയ സംഭവം ഒന്നും അല്ല ചെറിയ മാച്ച് അല്ലെ നമ്മള്‍ ഇതിലും വലുത് കണ്ടതല്ലേ ചുമ്മാ കളിക്കാം ന്നേ .." അങ്ങനെ അവനേം സമ്മതിപ്പിച്ചു ,

അങ്ങനെ കളി തുടങ്ങുന്ന ദിവസം എത്തി എനിക്ക് ചെറിയ ടെന്‍ഷന്‍ തുടങ്ങി ആകെ 9 ആളെ ആയിട്ടുള്ളൂ ഇനിയും 2 പേര്‍ കൂടി വേണം ,അനിലിനോടു പറഞ്ഞപോ അവന്‍ നോക്കട്ടെ എന്നു പറഞ്ഞു , അങ്ങനെ ഉച്ച ആയപ്പോ എന്റെ അളിയനും കളിയ്ക്കാന്‍ തയ്യാര്‍ ആയി വന്നു അളിയനെ കണ്ടപ്പോ എനിക്ക് വീണ്ടും ദൈര്യം ആയി (അളിയന്റെ സഹായം ഉണ്ടെങ്കില്‍ എവറസ്റ്റും കേറാം എന്നാണല്ലോ പഴമൊഴി )അങ്ങനെ കടം വാങ്ങിയ ബാറ്റുകളും കൊണ്ട് ഞങ്ങള്‍ ഗ്രൌണ്ടിലെത്തി

അവിടെ ചെന്നപോള്‍ ആണ് ശരിക്കും ജീവന്‍ പോയത് , ത്രിശൂര്‍ പൂരത്തിന്റെ അത്രക്ക് ആളുകള്‍ കളി കാണാന്‍, ഗ്രൌണ്ടിനു ചുറ്റും കൊച്ചി സ്റ്റെടിയത്തിലെ പോലെ ഫുള്‍ ലൈറ്റ് ഇട്ടിരിക്കുന്നു ,എയര്‍ടെല്‍ ആണ് സ്പോന്‍സര്‍ , പഞ്ചായത്ത് പ്രസിഡന്റും ,ഇലക്ഷനില്‍ നില്‍ക്കുന്ന സ്ഥാനാര്തികളും , പോലീസും എല്ലാം അവിടെയുണ്ട് ,കളിയ്ക്കാന്‍ വന്നിരിക്കുന്ന മറ്റു ടീമുകള്‍ ഒരേ കളര്‍ ജെര്സി ഓക്കെ ഇട്ട പിള്ളേര്‍ , അവരെ കണ്ടാലെ അറിയാം സ്ഥിരം കളിക്കുന്ന നല്ല കളിക്കാര്‍ ആണെന്ന്, പോരാത്തതിനു കളിക്കിടയില്‍ ആളുകളുടെ പേരെടുത്തു പറയുന്ന കമെന്ററിയും ,നാട്ടുക്കാര്‍ മുഴുവന്‍ ഞങ്ങളെ അറിയുന്ന ആളുകളും , ഹോ .. എന്റമ്മോ ..ഒരു നിമിഷം കൊണ്ട് ആകെ വിയര്‍ത്തു പോയി ....

പെട്ടന്നാണ് ഞാന്‍ ഞങ്ങളുടെ ടീമിന്റെ പേര് ഓര്‍ത്തത് അരൂര്‍ ടൈഗേര്സ്, അപ്പോളാണ് ഞാന്‍ ആ പഴയ സംഘാടകനെ അവിടെ കണ്ടത് ഞാന്‍ സര്‍വ്വ ശക്തിയും എടുത്തു പുള്ളികാരന്റെ അടുത്തേക്ക് ഓടിച്ചെന്നു എന്നിട്ട് പതുക്കെ പറഞ്ഞു "അതെ ഞങ്ങളുടെ ടീമിന്റെ പേര് ഒന്നു മാറ്റണമല്ലോ " ആ വിശാല മനസ്ക്കന്‍ സമ്മതിച്ചു എന്താ പുതിയ പേരെന്ന് ചോദിച്ചപ്പോ ഞാന്‍ പറഞ്ഞു " നൈറ്റ്സ് " അങ്ങനെ അരൂര്‍ ടൈഗേര്സ് അരൂര്‍ നൈറ്റ്സ് ആയി മാറ്റി ഞാന്‍ , എന്നിട്ട് തിരിച്ചു ഓടിച്ചെന്നു അനിലിനോടും മറ്റും പറഞ്ഞു ദേ ഞാന്‍ പേര് മാറ്റി അരൂര്‍ നൈറ്റ്സ് എന്നാക്കി കേട്ടോ ഇതു കുഴപ്പമില്ലല്ലോ ആര്‍ക്കും ..

നൈറ്റ്സ് എന്ന് ഇടാന്‍ എന്താ കാരണം എന്ന് അളിയന്‍ ചോദിച്ചപ്പോ ഞാന്‍ പറഞ്ഞു " ഏതായാലും നമ്മുടെ ഈ രാത്രി പാഴായി പോയി അപ്പൊ ഈ രാത്രി ടീമിന്റെ പേരിലെങ്കിലും കിടന്നോട്ടെ അളിയോ "

അപ്പോള്‍ അനില്‍ കൊണ്ട് വന്ന പിള്ളേര്‍ എനിക്ക് ദൈര്യം തന്നു ചേട്ടന്‍ പേടിക്കണ്ട നമുക്ക് കളിക്കാം ഞങ്ങളൊക്കെ ഇല്ലേ നിങ്ങള്‍ ചുമ്മാ നിന്ന് തന്നാല്‍ മതി എന്നു , ഹോ അത് കേട്ടപ്പോ ഒരിച്ചിരി സമാധാനം തോന്നി,ഏതായാലും നനഞ്ഞു ഇനി കുളിച്ചു കേറാം എന്നു ഞാനും വിചാരിച്ചു ,അതിനിടക്ക് ചന്തു ഒന്ന് മുങ്ങാന്‍ നോക്കി ഒരു കണക്കിന് ഞാന്‍ പിടിച്ചു നിര്‍ത്തി ,അളിയനും ചെറുതായി ടെന്‍ഷന്‍ തുടങ്ങി , ഞാന്‍ ചെന്ന് അളിയന്റെ ചെവിയില്‍ തമാശക്ക് ചോദിച്ചു " അളിയോ പെങ്ങളെ കെട്ടിയത് കുരിശായി എന്നു ഇപ്പോ തോന്നുന്നുണ്ടോ " പുള്ളി ചിരിച്ചോണ്ട് പറഞ്ഞു ഏതായാലും നമ്മള്‍ വന്നില്ലേ ഡാ ഇനി തോറ്റാലും കളിച്ചു തോല്‍ക്കാം .പക്ഷെ എപ്പോളും ഒരു പ്രശനം ഉണ്ടല്ലോ 9 പേരെ ആയിട്ടുള്ളൂ ഇനിയും 2 പേര് കൂടി വേണം , അങ്ങനെ ചന്തു പറഞ്ഞതനുസരിച്ച് ഞങ്ങളുടെ മറ്റൊരു സുഹൃത്ത്‌ റെഷിയെ വിളിക്കാന്‍ ഞാന്‍ പോയി അവന്റെ വീട്ടില്‍ ചെന്ന് ഉറങ്ങിക്കിടന്ന അവനെ വിളിച്ചു എഴുന്നെല്പ്പ്പിച്ചു കാര്യം പറഞ്ഞപ്പോ ആ തെണ്ടി പറയുവാ അവന്‍ വരുന്നില്ലാന്നു . ഒരു കണക്കിന് കയ്യും കാലും പിടിച്ചു ഞാന്‍ അവനെ ബൈക്കില്‍ കയറ്റി കൊണ്ടുവന്നു , അങ്ങനെ ഗ്രൗണ്ടില്‍ എത്തിയപ്പോ അനില്‍ എവിടുന്നോ ഒരുത്തനേം കൂടി ഒപ്പിച്ചു നിര്ത്തിയിട്ടുണ്ടായിരുന്നു ,അങ്ങനെ ഞങ്ങള്‍ 11 പേരായി .

ഞങ്ങളുടെ കളി ആ ഗ്രൌണ്ടിലെ മൂനാമത്തെ ആണ് തൊട്ടു മുന്‍പ് നടന്ന കളിയിലെ തോറ്റ ടീം എടുത്തത്‌ ആകെ 14 റണ്‍സ്

അടുത്തത് ഞങ്ങളുടെ കളി .....

മൈക്കില്‍ ഞങ്ങളുടെ ടീമിന്റെ പേര് വിളിച്ചു ...
"അരൂര്‍ നൈറ്റ്സിന്റെ ക്യാപ്റ്റന്‍ ടോസ്സ് ഇടാന്‍ ആയി ഗ്രൗണ്ടില്‍ എത്തണം " ഞാന്‍ അനിലിനെ നോക്കി അനിലിനെ കാണുന്നില്ല അവന്‍ മുങ്ങി .. അങ്ങനെ ഞാന്‍ ക്യാപ്റ്റനായി ടോസ്സിടാന്‍ ചെന്നു ടോസ്സ് കിട്ടിയാല്‍ ബാറ്റിംഗ് മതി എന്നു എല്ലാരും പറഞ്ഞു , എന്തോ ഭാഗ്യം പോലെ എനിക്ക് തന്നെ ടോസ്സും കിട്ടി ഞാന്‍ ബാറ്റിംഗ് എന്നു പറഞ്ഞു എതിര്‍ ക്യപ്ട്ടാണ് കയ്യും കൊടുത്തു മടങ്ങി ...

കളി തുടങ്ങി ............

ഞങ്ങളുടെ ബാറ്റ്സ്മാന്‍മാര്‍ (അനില്‍ കൊണ്ടുവന്ന പിള്ളേര്‍ ) ഓപ്പണെര്സ് ആയി ഇറങ്ങി , അവര്‍ ബോളിംഗ് തുടങ്ങി , ആദ്യ ഓവറില്‍ തന്നെ ഒറ്റ റണ്‍സും എടുക്കാതെ ഞങ്ങളുടെ രണ്ടു പേര്‍ പുറത്ത് , അങ്ങനെ അനിലിന്റെ പിള്ളേര്‍ എല്ലാം തീര്‍ന്നപ്പോ (6 പേര്‍ അനില്‍ ഉള്‍പ്പടെ)ഞങ്ങള്‍ക്ക് 3 ഓവറില്‍ 8 റണ്‍സ് ,അടുത്തതായി ഞാന്‍ അളിയനെ ഇറക്കി , അളിയന്‍ എന്റെ മാനം കാത്തു ഒരു ഫോറൂം ഒരു സിങ്കിളും എടുത്തു 13 റണ്സാക്കി തിരിച്ചു വന്നു പിന്നെ ബാക്കിയുള്ളത് പണ്ടത്തെ പുലികളായ ഞങ്ങള്‍ നാലുപേര്‍ മാത്രം , ചന്തു ,റിഷി ,സജീഷ് ,പിന്നെ ഞാന്‍ ...ഞാന്‍ എതായാലും ഒടുവിലേ ഇറങ്ങു എന്നു ആദ്യമേ തീരുമാനിച്ചതാണ് ,ബാക്കി മൂന്ന് പേരെയും ഓരോന്നായി ഇറക്കി അതില്‍ റിഷി മാത്രം ഉറക്കപ്പിച്ചാണെങ്കിലും 5 റണ്‍സ് എടുത്തു അങ്ങനെ സ്കോര്‍ 18 ആയി ഇനി അവസാന മൂന്ന് പന്ത് ബാക്കി ഉണ്ട് ഞാനാണ് അവസാന വിക്കറ്റ് , ഇറങ്ങാതെ പറ്റില്ലല്ലോ .....

ഞാന്‍ ബാറ്റും പിടിച്ചു ഇറങ്ങി .....

അവന്മ്മാര്‍ എല്ലാം കൂടി ചക്കയില്‍ ഈച്ച പൊതിയും പോലെ എന്റെ ചുറ്റിലും വന്നു നിരന്നു നിന്നു ക്ലോസ് ഫീല്ടിംഗ് ആണ് പോലും ..
ഹും ... മാങ്ങാത്തൊലി അതും എന്റടുത്തേ....!!

എല്ലാം ഞാന്‍ ഇപ്പോ ശരിയാക്കി തരാം എന്നും പറഞ്ഞു സാക്ഷാല്‍ ധോനിയെ മനാസ്സില്‍ ദ്യാനിച്ചു ഞാന്‍ ഗ്രൗണ്ടില്‍ രണ്ടു കൂത്തൊക്കെ കൂത്തി റെഡിയായി നിന്നു .......
ആദ്യ ബോള്‍ ദേ വരുന്നു .......

ഒരു യോര്‍ക്കര്‍ ഒന്നും സംഭവിച്ചില്ല ...

ഞാന്‍ ബാറ്റ പോക്കുന്നതിനു മുന്‍പ് അതെന്റെ കാലില്‍ കൊണ്ട് തെറിച്ചു...

രണ്ടാമത്തെ ബോള്‍ എറിയുന്നതിന് മുന്‍പ് അതാ ഏതോ ഒരു വൃത്തികെട്ടവന്‍ മൈക്കില്‍ എന്റെ പേര് വിളിച്ചു പറയുന്നു " നൈറ്റ്സിന്റെ ക്യപ്ട്ടന് മുന്‍പില്‍ ഇനി അവശേഷിക്കുന്നത് വെറും രണ്ടു പന്തുകള്‍ മാത്രം" ഒരൊറ്റ ചവിട്ടിനു അവനെ അങ്ങ് കൊന്നാലോ എന്നു പോലും ഞാന്‍ ഓര്‍ത്തു പോയ നിമിഷം ,അല്ലെങ്കില്‍ ഒരു സുനാമി എങ്കിലും വന്നെങ്കില്‍ ..??

അങ്ങനെ രണ്ടാമത്തെ ബോള്‍ ....

അതാ വരുന്നു ഒരു ഓവര്‍പ്പിച്ച് ബോള്‍ എന്റെ കാലിനു നേരെ ...

ഞാന്‍ കേറി ചെന്നു ബാറ്റ് ശക്തിയില്‍ വീശി ..............
അവരുടെ ഭാഗ്യം അത് ബാറ്റില്‍ കൊണ്ട് പോലുമില്ല പക്ഷെ മിഡില്‍ സ്റ്റംപ്പില്‍ തന്നെ കൃത്യമായി കൊണ്ടു അങ്ങനെ ഞാന്‍ പൂജ്യത്തിനു പുറത്ത്,
ഞാന്‍ മാത്രമല്ല കേട്ടോ എനിക്ക് കൂട്ടായി എന്റെ ടീമിലെ മറ്റു 6 പേര്‍ കൂടി ഉണ്ട് പൂജ്യം എടുത്തു സഹായിച്ചവര്‍
ഞാന്‍ ഔട്ട്‌ ആയി ചെന്നപ്പോള്‍ എന്റെ പ്രിയ സ്നേഹിതന്‍ അനിലിനെ ഒന്നു നോക്കി ..

വെട്ടിയാല്‍ ചോര ഇല്ലാത്ത മുഖം എന്നു പറഞ്ഞു കേട്ടത് ഞാന്‍ അന്ന് ആദ്യമായി കണ്ടു ....
പിന്നെ അവരുടെ ബാറ്റിംഗ് തുടങ്ങി ..

ഞങ്ങള്‍ക്ക് 18 റണ്‍സ് 6 ഓവറില്‍ 19 എടുത്താല്‍ അവര്‍ക്ക് ജയിക്കാം ...
ഞങ്ങളെ ഒട്ടും കഷ്ട്ടപെടുത്താതെ 3 .3 ഓവറില്‍ അവര്‍ 19 എടുത്തു ...

നല്ല ആളുകള്‍ ആയതു കൊണ്ടോ , ഞങ്ങളെ നന്നായി അറിയാവുന്ന നാട്ടുകാര്‍ ആയതു കൊണ്ടോ , അതോ പഴയ കളിക്കാരോടുള്ള ബഹുമാനം കൊണ്ടോ എന്താണെന്നറിയില്ല അത്രക്ക് വലിയ കൂവല്‍ ഞങ്ങള്‍ക്ക് കിട്ടിയില്ല അതിനു ദൈവത്തിനു നന്ദി...

അവിടുന്ന് വേഗം രക്ഷ പെടുന്നതിനിടയ്ക്കു ചന്തു എന്നോട് പറഞ്ഞു "മാനം മര്യാദക്ക് ഓട്ടോ ഓടിച്ചു ജീവിച്ചിരുന്ന എന്നെ നീ നാട്ടുകാരുടെ മുഖത്ത് നോക്കാന്‍ പറ്റാതാക്കി ഇപ്പോ നിനക്ക് സമാദാനമായല്ലോ "
പിള്ളേര്‍ ആരും ഒന്നും മിണ്ടുന്നില്ല ഞാന്‍ എല്ലാവരെയും സമാദാനിപ്പിച്ചു "സാരമില്ല ഇനി അടുത്ത മത്സരത്തിനു നോക്കാം"
ഈ നാണക്കേട്‌ മാറ്റിയെ പറ്റു......
അതെ ഇതുകൊണ്ടൊന്നും ഞങ്ങള്‍ തോല്‍ക്കില്ല ...
യോദ്ധയില്‍ ലാലേട്ടന്‍ പറയും പോലെ അപ്പോള്‍ ഇനി കാവിലെ പാട്ടു മത്സരത്തിനു കാണാം ..........

ലോക കപ്പിലെ ഇന്ത്യന്‍ വിജയത്തെ കുറിച്ചൊരു കൊച്ചു കവിത

2011-04-02T13:18:00.000-07:00

ലോക കപ്പ്‌ ക്രിക്കറ്റ്‌ ഫൈനല്‍ തുടങ്ങും മുന്‍പ് ഞാന്‍ എഴുതിയ ബ്ലോഗില്‍ പറയും പോലെ തന്നെ സംഭവിച്ചു

അങ്ങനെ പോള്‍ നീരാളിയെ പ്പോലെ എന്റെ പ്രവചനവും ഫലിച്ചു ..എനിക്കിച്ചിരി അഹങ്കാരം തോന്നുന്നു ഇപ്പോള്‍

യുദ്ധം കഴിഞ്ഞു ,രണാങ്കണത്തില്‍ ലങ്കയുടെ സിംഹക്കുട്ടികളുടെ കണ്ണുനീര്‍ വീണുവോ .?രാമായണം തിരുത്തി എഴുതാന്‍ ലങ്കയുടെ കുട്ടികള്‍ക്ക് ഇനിയും ബാല്യം പോര , ഇതു ധോണി നയിക്കുന്ന ടീമാണ് , അടി പതറാത്ത, ലോകം കണ്ട ഏറ്റവും ബുദ്ധിമാനായ ക്യാപ്ടന്‍ ,പോരാത്തതിന് ക്രിക്കറ്റിന്റെ ദൈവത്തിനു കൊടുക്കാവുന്ന ഏറ്റവും വലിയ ഒരു സമ്മാനം ആണിതെന്നു കൂട്ടുകാര്‍ക്കും നന്നായി അറിയാം ,അങ്ങനെ ഒരേ ലക്ഷ്യത്തിനായ് ഒരുമിച്ചു കളിച്ചപ്പോള്‍ ക്രിക്കറ്റിന്റെ ലോക കിരീടം ഇന്ത്യക്ക് , ഇന്ത്യയുടെ സിരകളില്‍ ഇന്നോഴുകുന്ന രക്തത്തിന്റെ നിറം ചുവന്നതല്ല ,ആഴക്കടലിന്റെ ,അന്തമായ ആകാശത്തിന്റെ നീല നിറമാണ് , എവിടെയും നീല... സര്‍വവും നീല , ഇന്ത്യന്‍ ക്രിക്കറ്റ് ടീമിന്റെ നീല നിറം.

തൃവര്‍ണ്ണ പതാകകള്‍ പാറിപ്പറക്കുന്നു എന്റെ മനസ്സിലിന്നു , ഈ നിമിഷം എന്താണ് എഴുതുക , എഴുതാതിരിക്കുന്നതെങ്ങിനെ ..?

ഒരു മോഡേണ്‍ കവിത തന്നെ ആയിക്കോട്ടെ അല്ലെ ..സഹിക്കുക എന്നെ, പ്രിയ സുഹൃത്തുക്കളേ നിങ്ങള്ക്ക് അതേ ഇനി നിവര്ത്തിയുള്ളു .

പാറിപ്പറക്കട്ടെ ഇനിയീ പതാകകള്‍
ഭാരതമാതാവിന്‍ വര്‍ണ്ണ പതാകകള്‍
വിശ്വചരിത്രത്തിന്‍ ദൃക്സാക്ഷിയായിനി
ഉയരട്ടെ ഭാരതമെങ്ങും ജ്വലിക്കട്ടെ

ഉണര്‍ത്തുക ഉച്ചത്തില്‍ വിജയത്തിന്‍ കാഹളം
കേള്‍ക്കട്ടെ പാരിതിലിന്നെങ്ങും മുഴങ്ങട്ടെ
ദിക്കു വിറക്കട്ടെ പ്രകമ്പനം കൊള്ളട്ടെ
സൂര്യനും ചന്ദ്രനും ഒന്നിച്ചുദിക്കട്ടെ
ഇനിയീ നിമിഷമിനി ഞാനും മരിച്ചോട്ടെ

കാണട്ടെ ലോകമിന്നെന്റെയീ ഇന്ത്യയെ
വിശ്വചരിത്രം കുറിച്ചോരെന്‍ രാജ്യത്തെ
കാണാത്ത കണ്ണുകള്‍ കുത്തി തുറന്നിടും
കേള്‍ക്കാത്ത ചെവികളില്‍ കൂക്കി വിളിച്ചിടും
കാരണം ഇനിയെനിക്കവില്ലടക്കുവാന്‍
അത്രമേല്‍ മോഹിച്ചു ദാഹിച്ചതാണിത്
വിശ്വ ചരിത്രം കുറിച്ചോരെന്‍ നായകന്‍
ധോണിതന്‍ കയ്കളില്‍ ആയിരം ചുംബനം

ഭാരത പുത്രനാം സച്ചിന്റെ നാമത്തില്‍
മറ്റൊരു നാഴികക്കലുമിനിയില്ല
അവതാരമോരോന്നെടുക്കുന്ന ദൈവമേ
നിന്‍ കര്‍മയോഗത്തിന്‍ സായുജ്യമാണിത്
രാവണ നിഗ്രഹം രാമനാല്‍ എങ്കിലോ
ശ്രീലങ്ക തോറ്റതിന്നങേക്കു വേണ്ടിയാ

കോടിക്കണക്കിന് ഹൃദയങ്ങള്‍ ഇന്നിതാ
പുളകമണിഞ്ഞു പോയ്‌ ഇന്ത്യ ജയിച്ചിതാ
ആയിരം സൂര്യന്റെ പ്രഭയുള്ള കപ്പിന്നു
ധോണിയും സംഘവും ഇന്ത്യക്ക് നല്‍കുമ്പോള്‍

ഇന്നിവിടെ ഓരോരോ പുല്‍ക്കൊടി തുമ്പിലും
ഉയരുന്ന വാക്കുകളിലെല്ലാം ഒരേ സ്വരം
പ്രാണനേക്കാള്‍ പ്രിയങ്കരമായോരെന്‍
ഭാരതഭൂവിനി എന്നും ജയിക്കട്ടെ .. .!!!

വീണ്ടും ഒരു രാമ രാവണ യുദ്ധം

2011-04-02T00:05:00.000-07:00

ഇനി യുദ്ദകാണ്ഡം

ഇപ്പോള്‍ വിജയ മുഹുര്‍ത്തകാലം പടയ് -
കുത്പന്നമോദം പുറപ്പെടുകേവരും
നക്ഷത്രമുത്തമതും വിജയ പ്രദം
രക്ഷോജനര്ഷ മാം മുലംഹത്തി പ്രദം
ദക്ഷിണനേത്രസ് ഫുരണവുമുണ്ടു മേ
ലക്ഷണമെല്ലാം നമുക്കു ജയപ്രദം
സൈന്യമെല്ലാം പരിപാലിച്ചുകൊള്ളണം
സൈന്യാധിപനായ നീലന്‍ മഹാ ബാലന്‍
മുന്‍പും നടുഭാഗവുമിരു ഭാഗവും
പിന്‍പടയും പരിപാലിച്ചു കൊള്ളുവാന്‍
വമ്പരാം വാനരന്‍മാരെ നിയോഗിക്ക
രംഭ പ്രമാഥി പ്രമുഖരായുള്ളവര്‍
മുന്‍പില്‍ ഞാന്‍ മാരുതി കണ്‍oവുമേറി മത് -
പിന്‍പേ സുമിത്രാത്മജനംഗദോപരി
സുഗ്രീവനെന്നെപ്പിരിയാതിരിക്കവേ
നിര്‍ഗ്ഗമിച്ചീടുക മറ്റുള്ള വീരരും

രാവണ നിഗ്രഹത്തിനു പോകുവാന്‍ തുടങ്ങും മുന്‍പ് ശ്രീ രാമന്‍ ലക്ഷ്മനനോട് പറഞ്ഞ ഈ വാക്കുകള്‍ ഇന്നിതാ ഒരിക്കല്‍ കൂടി അശരീരിയായി ഭാരത മക്കളുടെ മനസ്സില്‍ മാറ്റൊലി കൊള്ളുന്നു

ഇന്ത്യന്‍ ക്രിക്കറ്റിന്റെ ആരാധകര്‍ കലിയുഗ രാമനായ് അഭിഷേകം ചെയ്ത മഹേന്ദ്ര സിംഗ് ധോണി നയിക്കുന്ന ഇന്ത്യന്‍ ക്രിക്കറ്റ്‌ ടീമില്‍ , ലോകം ഒറ്റയ്ക്ക് കീഴടക്കാന്‍ കഴിവുള്ള ചിരഞ്ജീവിയായ വായു പുത്രന്‍ ശ്രീ ആഞ്ജനേയനെ പോലെ ക്രിക്കറ്റ്റിലെ എല്ലാ കൊടുമുടികളിലും ആര്‍ക്കും എത്തി പിടിക്കാന്‍ കഴിയാത്ത ഉയരത്തില്‍ സ്വന്തം പേര് തങ്കലിപികളില്‍ എഴുതി ചേര്‍ത്ത ആരാധക മനസ്സിലെ ചിരഞ്ജീവി, ഇന്ത്യയുടെ സ്വന്തം സച്ചിന്‍ ടെണ്ടുല്‍ക്കര്‍ ,ലക്ഷ്മനനായി യുവരാജ് സിന്ഹും , സുഗ്രീവനായി വീരേന്ദര്‍ സേവാഗും ഉള്‍പ്പെടുന്ന സംഘം ഇന്ന് ഉച്ചക്ക് 2 .30 നു മുംബയ്ടെ സ്വന്തം വാങ്കടെ സ്റ്റേടിയത്തില്‍ നേര്‍ക്കുനേര്‍ അങ്കം കുറിക്കുന്നു ലോക ക്രിക്കറ്റ്‌ കേരീടം ചൂടുവാന്‍ ,1996 ലെ ലോക കപ്പ്‌ സെമി ഫൈനലില്‍ വിനോദ് കാംബ്ലിയുടെ കണ്ണുനീരില്‍ കുതിര്‍ന്ന തോല്‍വിയുടെ കയ്പ്പുനീര്‍ ഇന്ത്യയെ ശ്രീലങ്ക കുടിപ്പിച്ച നിമിഷം ,ആരാദക മനസുകളില്‍ ഇനിയും മരിക്കാത്ത മുറിവുകള്‍ തന്ന നിമിഷം ഇന്നതിനൊരു പ്രകാരം ചോദിയ്ക്കാന്‍ ഇന്ത്യയുടെ നീല ക്കടുവകള്‍ക്ക് കഴിയുമോ..?? കഴിയട്ടെ ....

അതെ ഇന്നിതാ വീണ്ടുമൊരു രാമ രാവണ യുദ്ദം ....

എല്ലാ അര്‍ത്ഥത്തിലും ,എല്ലാ സമാനതകളോടും കൂടി വീണ്ടുമിന്നു ഇവിടെ പുനര്‍ജനിക്കുന്നു

പണ്ട് ശ്രീ രാമന്‍ ലങ്കയില്‍ പോയാണ് രാവണനെ വധിച്ചു സീതാ ദേവിയെ വീണ്ടെടുത്തതെങ്കില്‍ ഇന്ന്

രാവണനെയും കൂട്ടരെയും ഒരങ്കത്തിനു നമുക്കിവിടെ കിട്ടിയിരിക്കുന്നു..ഇനി ശുഭ പര്യവസാനിയായ ഒരു മംഗള ഗാനം ഭാരത മണ്ണില്‍ കേള്‍ക്കാന്‍ കഴിയട്ടെ ..കാത്തിരിക്കാം നമുക്കാ നിമിഷങ്ങളെണ്ണി .....

Bleeding blue ..ഇതു സച്ചിനു വേണ്ടി

2011-03-31T03:58:00.000-07:00

ഇതു ഞങ്ങളുടെ സച്ചിന് വേണ്ടി

അങ്ങനെ കോടിക്കണക്കിനു ആരാധകരെ ആവേശത്തിന്റെ മുള്‍ മുനയില്‍ നിര്‍ത്തിയ ഇന്ത്യ /പാക്ക് സെമി ഫൈനലും കഴിഞ്ഞു .കളി തുടങ്ങും മുന്‍പേ നാവുകൊണ്ട് കളിച്ചു ജയിക്കാന്‍ നോക്കിയ അഫ്രീദിയും കൂട്ടരും വാലും ചുരുട്ടി പെട്ടിയും കിടക്കയും എടുത്തു പടിയിറങ്ങി , ഇന്ത്യയിലെയും പാക്കിസ്ഥാനിലെയും ജന മനസ്സുകളില്‍ ഒരു യുദ്ധം തന്നെ ആയിരുന്നു ആ മത്സരം , ജയിച്ചാല്‍ തോളിലേറ്റുന്ന ജനങ്ങള്‍ തന്നെ തോറ്റാല്‍ വീടിനു കല്ലെറിയും ഏതായാലും ഇന്ത്യ പാക്കിസ്ഥാനെ തോല്പ്പിച്ചല്ലോ ഇനി ചത്താലും വേണ്ടീല എന്നേ ഞാന്‍ പറയു , ഈ വേര്‍ഡ്‌ കപ്പില്‍ ഇന്ത്യക്ക് ഇതുവരെ ആകെ എടുത്തു പറയാവുന്ന ഒരേ ഒരു നേട്ടം ഈ കഴിഞ്ഞ മത്സരം ജയിച്ചത്‌ മാത്രമാണ്

എക്കാലത്തെയും ലോക ക്രിക്കെറ്റിന്റെ ദൈവം സച്ചിന്‍ തെണ്ടുല്‍ക്കറിന്റെ സാന്നിദ്ദ്യവും ,സെവാഗ് ,ഗംഭീര്‍ ,യുവരാജ് ധോണി തുടങ്ങിയ പ്രമുഗര്‍ ഉള്ള ശക്തമായ ബാറ്റിംഗ് നിരയും ,സഹീര്‍ ഖാനെയും ഹര്‍ബജന്‍ സിങ്ങിനെയും മാറ്റി നിര്‍ത്തിയാല്‍ നേഴ്സ്റി കുട്ടികളുടെ അത്ര പോലും കളി അറിയാത്ത ബൌളിങ്ങും , കൊണ്ട് അത്രക്ക് വളരെ സന്തുലിതം എന്ന് പറയാന്‍ പറ്റാത്ത ടീം , എന്നാല്‍ ജനിച്ച അന്നുമുതല്‍ ഭാഗ്യം ധോനിയുടെ കൂടെപ്പിറപ്പായത് കൊണ്ട് ഇതാ ഇപ്പോള്‍ ഇന്ത്യ ഫൈനലില്‍ ശ്രീ ലങ്കയെ നേരിടാന്‍ പോകുന്നു .

ഇന്ത്യന്‍ ടീമിന്റെ ഇതുവരെ ഉള്ള യാത്ര നോക്കാം

ഗ്രൂപ്പ്‌ ബി യില്‍ ആറു കളികള്‍ , നാലില്‍ ജയം ,ഒരു തോല്‍വി ,ഒരു സമനില ,

ഒന്‍പതു പോയിന്റ്‌ ഉം കൊണ്ട് നേരേ നോക്ക് ഔട്ടിലേക്ക് .....

ക്വാര്‍ട്ടെര്‍ ഫൈനലില്‍ ഓസ്ട്രലിയയെ അഞ്ചു വിക്കറ്റിനു തോല്‍പ്പിച്ച നല്ലൊരു കളി കാഴ്ച വച്ച് കൊണ്ട് സെമി ഫൈനലിലേക്ക് .....

സച്ചിന്റെ കൊണ്ട് സെഞ്ച്വറി അടിപ്പിക്കില്ല എന്നും പറഞ്ഞു വന്ന ജന്മ ശത്രുക്കളെ , സെഞ്ച്വറി എടുത്തില്ലെങ്കിലും ടീമിന്റെ നേടുംതൂണായ സച്ചിന്റെ ഇന്നിങ്ങ്സും 85 റണ്‍സ് , അടുത്ത കാലത്ത് ഇന്ത്യ കണ്ട ഏറ്റവും നല്ല ഫീല്ടിങ്ങും, ടീം സ്പിരിറ്റും , സഹീര്‍ ഖാനോടൊപ്പം മറ്റുള്ള ബൌളര്‍ മാറും അവസരത്തിന് ഉണരുകയും ചെയ്തപ്പോള്‍ ആവേശവും ടെന്‍ഷനും കൊണ്ട് മുള്‍ മുനയില്‍ നിന്ന മത്സരം ആരാധകരുടെ ആരവത്തോടൊപ്പം ഇന്ത്യയില്‍ വിജയ കോടി പറപ്പിച്ചു .അഫ്രീദിയും കുട്ടാളികളും കരഞ്ഞു കാലിടറി വീണു, ഇനി നമ്മള്‍ ഫൈനലിലേക്ക്.

ഒരു പടി ഇന്ത്യയെക്കാള്‍ മുന്നില്‍ നില്‍ക്കുന്നു എന്ന് തോന്നിപോകുന്ന പ്രകടനങ്ങള്‍ ലങ്കക്ക് ഇത്തവണ അവകാശ പെടാം .ശ്രീലങ്കക്ക് കളിയില്‍ നിന്ന് വിരമിക്കുന്ന അവരുടെ മുത്തയ്യ മുരളീധരന് വേണ്ടി ഈ ലോക കപ്പ്‌ എടുക്കണം, എങ്കിലും ,ഫൈനല്‍ നടക്കുന്ന മുംബയിലെ വാന്ഖടെ സ്റ്റേഡിയം ഇന്ത്യയെ ചതിക്കില്ലെന്ന് കരുതാം , പോരാത്തതിനു മാസ്റ്റര്‍ ബ്ലാസ്റ്റെര്‍ സച്ചിന്റെ തെണ്ടുല്‍ക്കരിന്റെ ഹോം ഗ്രൌണ്ടും , സച്ചിന്റെ അവസാന വേര്‍ഡ്‌ കപ്പ്‌ മത്സരത്തിലെ അവസാന മത്സരവും , ക്രിക്കറ്റില്‍ മറ്റാര്‍ക്കും എത്തിപ്പിടിക്കാന്‍ പറ്റാത്തത് എല്ലാം നേടിയ സച്ചിന് ഇന്ത്യക്ക് ലോക കപ്പ്‌ നേടിത്തരുവാന്‍ ,ഒപ്പം സ്വന്തം കിരീടത്തില്‍ ഒരു പൊന്‍തൂവലും കൂടി ചാര്‍ത്താനുള്ള ഏക അവസരം ,ധോനിക്കും കൂട്ടര്‍ക്കും സച്ചിനെന്ന മഹാ ഇതിഹാസ താരത്തിന്റെ കാല്‍ക്കല്‍ വയ്ച്ചു തൊഴുവാന്‍ ,അവരുടെ പ്രിയ സച്ചിനു വേണ്ടി ,ഇന്ത്യയുടെ , ലോക ക്രിക്കറ്റിന്റെ പ്രിയ സച്ചിന്‍ രമേശ്‌ തെന്‍ണ്ടുല്‍ക്കറിനു വേണ്ടി .........ഈ ലോക കപ്പ്‌ എടുക്കണം

അതെ അത് തന്നെ ..... ഈ ലോക കപ്പ്‌ ഇന്ത്യക്ക് വേണ്ട ..അത് ഇന്ത്യയുടെ പ്രിയ സച്ചിന്‍ തെണ്ടുല്‍ക്കറിനു കൊടുത്തേക്കു ...നൂറാം അന്താ രാഷ്ട്ര സെഞ്ചുറി പൂര്‍ത്തിയാക്കി കപ്പുമായി സച്ചിന്‍ വരുന്നത് കാണുവാന്‍ എല്ലാ ഇന്ത്യാ ക്കാരും മനസുരുകി പ്രാര്‍ഥിക്കുന്നു ..ആ ഒരു നിമിഷത്തിനായി

we love u dear SACHIN

we love cricket only because of u ..

u played the key role to escalate Indian cricket up to the hill top

u are the real living god

u are the emperor

u are the hero

u are the universe

u are the one man army

u are the destroyer

u are the blood and spirit

u are the last word

u hold such a wonderful position in our heart

u have no substitute forever and ever and ever

we are proud of u

we never forget u

BLEED THE BLUE FOR INDIA IN MUMBAI ON SATURDAY

jai ho India ....

pray for INDIA ....

RAMESWARAM - രാമേശ്വരം

2011-03-29T13:28:00.000-07:00

രാമായണത്തെ സത്യമാക്കുന്ന രാമേശ്വരത്തു ഭക്തി സാന്ദ്രമായ മുന്നു പകലും രണ്ടു രാത്രിയും

നിരീശ്വര വാദികളെ ഇതിലേ ഇതിലേ

ധനുഷ് കോടി ഒരു സാറ്റ്ലേറ്റ് ചിത്രം

ശ്രീരാമനോടും രാമായണത്തോടും ബന്ധപെട്ടു കിടക്കുന്ന ചരിത്രം ഉറങ്ങുന്ന ദേശം അതാണ്‌ രാമേശ്വരം , ഭാരതത്തിലെ പന്ത്രണ്ടു ജ്യോതിര്‍ലിംഗ ക്ഷേത്രങ്ങളില്‍ ഒന്നാണ് ഇവിടുത്തെ പ്രസിദ്ദമായ രാമേശ്വരം ക്ഷേത്രം ഇവിടുത്തെ വിഗ്രഹം ശ്രീരാമനാല്‍ പ്രതിഷ്ട്ടിക്കപെട്ടതാണ് . ശ്രീരാമ ചരിത്രത്തിന്റെ ഒട്ടനവധി തെളിവുകള്‍ ഇനിയും രാമേശ്വരത്ത് അവശേഷിക്കുന്നു , നേരില്‍ കണ്ടു മാത്രം വിശ്വസിക്കാന്‍ പറ്റുന്ന കാര്യങ്ങള്‍ , നിരീശ്വര വാദികള്‍ പോലും തല കുനിച്ചു പോകുന്ന , ശാസ്ത്രത്തിനും പോലും അംഗീകരിക്കേണ്ടി വന്ന ധനുഷ് കോടി അഥവാ രാമാ സേതു സ്ഥിതി ചെയ്യുന്ന രാമേശ്വരം , ഇന്ത്യന്‍ മഹാ സമുദ്രവും ബംഗാള്‍ ഉള്‍ക്കടലും സന്ധിക്കുന്ന സ്ഥലം അതാണ്‌ ധനുഷ് കോടി , സാക്ഷാല്‍ ശ്രീരാമന്‍ രാവണ നിഗ്രഹത്തിനു പോകാന്‍ കടലിനു കുറുകെ ചിറ കെട്ടിയത് ഇവിടെയാണ്, , ഗന്ധമാദന പര്‍വ്വതവും ( രാമന്‍ ലങ്കയെ നോക്കി കണ്ട സ്ഥലം ) കടലിനു നടുക്കുള്ള ശുദ്ധ ജല സ്രോതസ്സും ( സീതയുടെ ദാഹം ശമിപ്പിക്കാന്‍ കടലില്‍ അമ്പ് എയ്തു സൃഷ്‌ടിച്ചതു ) വെള്ളത്തില്‍ പൊങ്ങി കിടക്കുന്ന കൂറ്റന്‍ കല്ലുകളും (രാവണനിഗ്രഹത്തിനു പോകാന്‍ കെട്ടിയ ചിറയുടെ ഇനിയും അവശേഷിക്കുന്ന കല്ലുകള്‍ )എന്നിവ തെളിവുകളാണ് . ഏഷ്യയിലെ ഏറ്റവും വലിയ ഇടന്നഴി സ്ഥിതി ചെയ്യുന്നത് രാമേശ്വരം ക്ഷേത്രത്തിലാണ് . ശ്രീ ഹനുമാന്‍ കൈലാസത്തു നിന്നും കൊണ്ട് വന്ന ശിവ ലിംഗവും സീതാ ദേവി തൃക്കയ്കളാല്‍ നിര്‍മിച്ച ശിവ ലിംഗവും ഇവിടെ പ്രതിഷ്ട്ടിച്ചിരിക്കുന്നു . നന്ദി ദേവന്റെ വലിയൊരു പ്രതിമയും ഇവിടെയുണ്ട് , കൂടാതെ ഇരുപത്തി രണ്ടു പുണ്യ തീര്‍ത്ത കുളങ്ങളും . വളരെ പ്രാദാന്യ മര്‍ഹിക്കുന്ന പാപ നാശിനി കടല്‍ രാമേശ്വരത്തിന്റെ മറ്റൊരു പ്രത്യേകതയാണ് ഇവിടെയാണ് കാശി യാത്രയുടെ അവസാനം തീര്‍ഥാടകര്‍ കുറിക്കുന്നത് .ഇവിടെ ക്ഷേത്രത്തിനു അകത്തും പുറത്തും പല ഇടങ്ങളിലും ചിത്രം എടുക്കാന്‍ അനുവദനീയമല്ല .

രമേശ്വരത്തിനു നാല് ചുറ്റും ആഴക്കടല്‍ ആണ് ഇന്ത്യയുമായി രാമേശ്വരത്തെ ബന്ധിപ്പിക്കുന്നത് മണ്ഡപം എന്ന സ്ഥലത്ത് നിന്നും രമേശ്വരത്തെക്കുള്ള വലിയ കടലപ്പാലം മുഖേനയാണ് ഇന്ത്യയിലെ തന്നെ വലിയ കടല്‍പ്പാലം പാമ്പന്‍ പാലമാണ് അത് .അത് കൂടാതെ പണ്ട് ബ്രിട്ടീഷ് കാര്‍ പണിത റയില്‍ പാലവും ഉണ്ട് എവിടെ അതിന്റെ നടുഭാഗം കപ്പലുകള്‍ വരുമ്പോള്‍ പോങ്ങതക്ക രീതിയില്‍ നിര്‍മ്മിച്ചിരിക്കുന്നു. മത്സ്യബന്ധനം ആണ് ആകെയുള്ള ആ നാട്ടിലെ വരുമാന മാര്‍ഗം ശംഗുകളും ചിപ്പികളും കൊണ്ടുള്ള കര കൌശല വസ്തുക്കള്‍ ഉണ്ടാക്കുക കുടില്‍ വ്യവസായം ആണ് രാമേശ്വരത്ത്, ഇന്ത്യയിലെ പല ദേശങ്ങളിലും എത്തുന്ന മത്സ്യങ്ങളില്‍ വലിയൊരു പങ്കു ഇവിടെ നിന്നാണ് , വളരെ സാദാരണക്കാരായ ജനങ്ങള്‍ ആണ് കൂടുതലും ഇവിടെ , മത്സ്യ ബന്ധനത്തിന് പോകുന്ന ഇവിടുത്തെ ആളുകളും ബോട്ടുകളും അതിര്‍ത്തി ലങ്കിച്ചതിന്റെ പേരില്‍ ശ്രീ ലങ്കന്‍ പട്ടാളത്തിന്റെയും തമിള്‍ പുലികളുടെയും കയ്യില്‍ അകപ്പെടുന്നത് സര്‍വ്വ സാദാരണം ആണ് .ഞങ്ങള്‍ അവിടെ ചെല്ലുമ്പോള്‍ ഞങ്ങളുടെ ഐജെന്റിന്റെ ഒരു ബോട്ട് രണ്ടു ദിവസം മുന്‍പ് ലങ്കന്‍ പട്ടാളം പിടിച്ചെടുത്തിരുന്നു അത്രെ .

പറയാന്‍ മറന്നു പോയ ഒരു പ്രധാന കാര്യം കൂടി .ഇന്ത്യയുടെ അഭിമാനം മുന്‍ ഇന്ത്യന്‍ പ്രസിഡന്റും സൈന്റിസ്റ്റും ശാസ്ത്രജ്ഞ്ന്‍ നും ഒക്കെ ആയ ഡോ എ .പി. ജെ . അബ്ദുല്‍കലാമിന്റെ ജന്മ ദേശവും രാമേശ്വരം ആണ്.

ഏഷ്യയെ ഇളക്കി മറിച്ച സുനാമി തിരകള്‍ ഇന്ത്യന്‍ തീരങ്ങളിലും ലങ്കന്‍ തീരങ്ങളിലും കൊടും നാശം വിതച്ചപ്പോളും ,തൊട്ടടുത്ത്‌ കിടക്കുന്ന കൊളംബോയിലും മംഗലാപുരത്തും സുനാമി അലയടിച്ചപ്പോളും ഒരു ചറിയ വെള്ളപോക്കം ഉണ്ടായാല്‍ മുങ്ങി പോകാവുന്നത്ര ചെറിയ പ്രദേശം ,അതും നാല് ചുറ്റും കടലും ആയ രാമേശ്വരത്ത് മാത്രം യാതൊന്നും സംഭവിക്കാതിരുന്നത് എന്നും അതിശയമാണ്. എല്ലാം ശുഭാമാകുന്നത് ശ്രീ രാമന്റെ അനുഗ്രഹം ഉള്ള സ്ഥലം ആയതുകൊണ്ടാണെന്നു അവിടുത്തുകാര്‍ വിശ്വസിക്കുന്നു .

രാമേശ്വരം ക്ഷേത്രത്തിന്റെ ചില ദ്രിശ്യങ്ങള്‍

പ്രസിദ്ധമായ ഇടനാഴി

ധനുഷ് കോടിയിലേ ദ്രിശ്യങ്ങള്‍

പാപ നാശിനി കടല്‍

വെള്ളത്തില്‍ പൊങ്ങി കിടക്കുന്ന കല്ലുകള്‍

പാമ്പന്‍ പാലം

കടപ്പുറം

ഞാനും അവിടുത്തെ ഞങ്ങളുടെ AGENT കളും

ഞാനും എന്റെ സഹ യാത്രികനും

FOR THE MEMORY OF MY DEAR FRIEND

മുന്നു പകലുകളും രണ്ടു രാത്രിയും രാമേശ്വരത്തിന്റെ മണ്ണില്‍ അവിടുത്തുകാരോടൊപ്പം കഴിയാന്‍ സാധിച്ചു (അവിടെ ചില തമിള്‍ സുഹൃത്തുക്കള്‍ ഉള്ളതുകൊണ്ട് ) അവരാണ് കുടുതല്‍ രാമേശ്വരത്തെ കുറിച്ച് പറഞ്ഞു തന്നത് .പക്ഷെ അവിടുത്തെ ഭക്ഷണം വളരെ മോശമാണ് , ആ മുന്നു ദിവസവും വെറും പഴവും മംഗോ ടൈമും കുടിച്ചു കഴിയേണ്ടി വന്നു എനിക്ക് . എങ്കിലും എന്റെ യാത്ര രാമ കൃപയാല്‍ അസുലഭ സുരഭില സുന്ദര

.. ശുഭം ..!!

IDUKKI - ഇടുക്കി ജില്ല

2011-03-27T08:41:00.000-07:00

അണക്കെട്ടുകളുടെ നാട്

കേരളത്തിലെ രണ്ടാമത്തെ ഏറ്റവും വലിയ ജില്ല, 50 ശതമാനത്തിലധികം കാടുകളും മലകളും,കുന്നുകളും ,നിറഞ്ഞ പ്രകൃതി രമണീയമായ വിനോദ സഞ്ചാര കേന്ദ്രം, സമുദ്ര നിരപ്പില്‍ നിന്നും ഏതാണ്ട് 2000മീറ്റര്‍ ഉയരമുള്ള തീവണ്ടി പാതയില്ലാത്ത നാട്, വന്യജീവി സംരക്ഷണ,കേന്ദ്രങ്ങളും ,ആനമുടി കൊടുമുടിയും ,പെരിയാര്‍ പമ്പ നദികളും ഇതില്‍ പുണ്യപമ്പയുടെ ഉത്ഭവവും ഇവിടെ നിന്നാണ്.വൈദ്യുതി ഉത്പാദനം കൊണ്ട് പ്രശസ്തമായ ഇവിടെ അണക്കെട്ടുകളുടെ അയല്‍ക്കൂട്ടം തന്നെ കാണാന്‍ കഴിയും അവയുടെ എല്ലാം നേതാവ് ഇടുക്കി അണകെട്ട് തന്നെയാണ് .രണ്ടു വലിയ മലകള്‍ക്കിടയില്‍ ഒരു വലിയ പുഴയെ തടഞ്ഞു നിര്‍ത്തി ഈ അണക്കെട്ട് കെട്ടി ഉണ്ടാക്കിയ സായിപ്പിന് ഒരു ഹായ്,.. പറയാതെ തിരികെ പോരാന്‍ തോന്നില്ല .അത്രക്ക് മനോഹരമായ കാഴ്ച തന്നെയാണ് ഒപ്പം ആശ്ചര്യവും പേടിയും തോന്നും .അതെങ്ങാനും ഒന്ന് തകര്‍ന്നു പോയാല്‍ ആ പഴയ പരശുരാമനെ വീണ്ടും വിളിക്കേണ്ടി വരും കേരളം തിരികെ കിട്ടാന്‍ . ഹില്‍ സ്റ്റേഷനുകള്‍ ,തേയില തോട്ടങ്ങള്‍ , പീരുമീട് ,വാഗമണ്‍,രാമക്കല്‍ മേട്, ഇരവികുളം,ദേവികുളം,പരുന്തു പാറ,ചിന്നാര്‍ ,രാജമല ,മുന്നാര്‍..... ഇങ്ങനെ നീണ്ടു പോകും കാണാനുള്ള സ്ഥലങ്ങളുടെ പേരുകള്‍ . നാല് തവണ പോയിട്ടും ഞാന്‍ ഇതുവരെ മുഴുവന്‍ സ്ഥലങ്ങളും കണ്ടിട്ടില്ല, അവിടുത്തെ ജനങ്ങളുടെ പ്രധാന വരുമാനം കൃഷി തന്നെയാണ് . ഏലം കാപ്പി ,കുരുമുളക്, റബ്ബര്‍, തേയില ,വാനില തുടങ്ങിയവ . ഒരു ആറുമണി എഴൊക്കെ ആയാല്‍ റോഡുകളിലും പരിസരതുമെങ്ങും ഒരൊറ്റ മനുഷ്യ കുഞ്ഞുങ്ങളെപ്പോലും കാണാന്‍ പറ്റില്ല അവിടുതുകരോക്കെ 8 മണിക്ക് മുന്‍പേ ഉറങ്ങുന്ന സ്വഭാവക്കാരാണ് ..എത്ര പോയാലും മതിയാവില്ല അവിടെ ..

ഇടുക്കിയിലെ പല സ്ഥലങ്ങളും സംരക്ഷിത മേഘലകള്‍ ആയതു കൊണ്ട് ചിത്രങ്ങള്‍ എടുക്കാന്‍ സാദിക്കില്ല , ഞാന്‍ എടുത്ത ചിത്രങ്ങളില്‍ ചിലതെല്ലാം മൊബൈലില്‍ ആയതു കൊണ്ട് അത്ര ക്ലാരിറ്റി ഉണ്ടാവില്ല എങ്കിലും കണ്ടു നോക്കു...

ALAPPUZHA -എന്റെ നാട്

2011-03-25T14:26:00.000-07:00

കിഴക്കിന്റെ വെന്നീസ്

പുഴകളും , കായലുകളും കടലില്‍ സംഗമിക്കാന്‍ ഇടം കണ്ടെത്തിയ നാട് ,
ഇന്ത്യന്‍ സ്വാതത്ര്യസമര ചരിത്രത്തില്‍ പുന്നപ്രവയലാര്‍ എന്ന് ചോരകൊണ്ടെഴുതിയ നാട് , ചുണ്ടന്‍വള്ളങ്ങളുടെയും , കെട്ടുവള്ളങ്ങളുടെയും, ചീനവലകളുടെയും നാട് , കൊയ്ത്തു പാട്ടിന്റെ ഈണത്തില്‍ കേരളത്തെ ചോറുട്ടി ഉറക്കുന്ന നാട് , വള്ളം കളികൊണ്ട്‌ ലോകപ്രശസ്തമായ വിനോദസഞ്ചാരികളുടെ പ്രീയപെട്ട നാട് , തെങ്ങിന്റെയും , കയറിന്റെയും, പഞ്ചാര മണ്ണിന്റെയും നാട് ,

വശ്യ സുന്ദര , നയന മനോഹര , പ്രകൃതി രമണീയ കിഴക്കിന്റെ വെനീസ്

എന്നു പേരുകേട്ട എന്റെ ജന്മ നാട്.

ഹാ..... ഇനി എന്ത് പറയാന്‍ ..ആലപ്പുഴ ഇനിയും കാണാത്തവര്‍ ഒട്ടും താമസിക്കണ്ട ..

ഞാന്‍ എടുത്ത കുറച്ചു ചിത്രങ്ങള്‍ കാണിക്കാന്‍ വേണ്ടി ഒരു മുഖവുര .

അങ്ങനെ കണ്ടാല്‍ മതി ...