नई दिल्ली,२३ जून.

लोकपाल पर केन्द्र सरकार क’ प्रतिनिधि संगे नागरिक समाज क’ बैठक असफल होमय क’ बादि अन्ना हजारे ऐलान केलक कि आबि १६ अगस्त सँ अनशन आर- पार क’ हैत.लोकपाल पर देश क’ जनता क’ जे अँधेरा में राखल जाइ रहल छे. ओकर पर्दाफाश हैत.

खानपुर,(समस्तीपुर),२२ जून.

प्रमुख आ उप प्रमुख क’ दावेदार चुनावक तिथि घोषित होमय क’ पहिने सँ घमासान शुरू क’ देने अछि, जाहि लेल दावेदार दिन राति समितिक सदस्य क’ अपन पक्ष में करै लेल प्रयास तेज क’ देने अछि.

उल्लेखनीय अछि जे प्रखंड क्षेत्रक दिग्गज आ छुटभैया नेता सभ अपन चहेता क’ प्रखंड प्रमुख क’ पद पर देखे ल’ चाहे छथिन्ह. जानकारी अछि जे प्रमुख पद लेल दू टा दावेदार आमने-सामने अछि. जाहि में वीणा देवी व गीता देवी शामिल छथिन्ह.

डुमरा (सीतामढ़ी),२२  जून.

नगर पंचायत डुमरा क’ वार्ड नंबर तीन, जिला मुख्यालय क’ महत्वपूर्ण वार्ड होमय क’ बावजूद मूलभूत सुविधा सँ वंचित अछि. ई एहन वार्ड अछि जाहि में न्यायिक दंडाधिकारी, पुलिस पदाधिकारी, चिकित्सक, अधिवक्ता आ सरकारी कर्मचारी क’ आवास अछि. संगे अनेक सरकारी आ शैक्षणिक संस्थान सेहो अछि. बावजूद वार्डमे बिजली, पानी, नाला जेना मुलभूत सुविधा क’ अभाव अछि.

उल्लेखनीय अछि जे मोहल्ला क’ लोक नगर पंचायत में आवेदन देने छथिन्ह.

बेगूसराय,२२जून.

मानसूनक रिमझिम फुहार सँ जतय बढ़ी रहल तापमान सँ लोक सभ क’ राहत भेटी रहल अछि. ओतय बैक्टीरियाजनित रोग क’ कहर सेहो बढ़ी रहल अछि. जाहि सँ बच्चा सभ सबसँ ज्यादा बीमार भ’ रहल अछि.

उल्लेखनीय अछि जे मानसूनक पहिल झमाझम बारिश क’ बीच गर्मी-उमस सँ त्रस्त स्कूल जा रहल बच्चा क’ राहत त’ भेटल. मुदा बारिशमे भींग रहल बच्चा सभ क’ सर्दी-खांसी, एलर्जी, रैशेज आ फंगल इंफेक्शन क’ संगे स्कूल में टंकी क’ पानी पीने सँ डायरिया,गैस्ट्रो-पीलिया क’ शिकायत आबि रहल अछि. एकर अलावा निजी आ सरकारी अस्पतालमे मरीजक भारी भीड़ देखल जा रहल अछि.

श्रीनगर,२१ जून.

गृह मंत्री पी.चिदंबरम क’ कश्मीर पहुंचे पर राजनीतिक सरगर्मी तेज भ’ गेल अछि. हुनक कश्मीर यात्रा क’ दौरान संभावना व्यक्त कएल जाइ रहल छे कि सुरक्षा समेत राज्य क’ वर्तमान हालत पर ओ मुख्यमंत्री उमर अब्दुल्ला सँ महत्वपूर्ण चर्चा व समीक्षा करताह.

गौरतलब अछि कि गृह मंत्री यात्राक दौरान अमरनाथ यात्रा क’ ल’ के राज्य सरकार द्वारा सुरक्षाक व्यवस्था क’ भी समीक्षा करताह. संगे राजनीतिक दल क’ साथ हुनक बैठक तय अछि. जाहि मे राज्यक समस्या आ समाधान पर हुनक सभ क’ विचार सँ’ अवगत होमय क’ कोशिश भी करताह.

शिवहर,२1 जून.

शिवहर जिला राष्ट्रीय खाद्य सुरक्षा मिशनमे शामिल भ’ गेल अछि. बिहार नवनिर्माण समितिक अध्यक्ष शत्रुघ्न साहु शिवहर जिला क’ राष्ट्रीय खाद्य सुरक्षा मिशन में शामिल करै क’ मांग केने रहथिन्ह. ओहि लेल बिहार नव निर्माण समितिक केन्द्रीय महासचिव बीर प्रसाद साह केन्द्रीय मंत्री क’ पत्र लिखने रहथि. जे मांगि क’ स्वीकार करैत शिवहर जिला क’ राष्ट्रीय खाद्य सुरक्षा मिशन में शामिल क’ गेल अछि.

उल्लेखनिय अछि जे ई लेल विभिन्न सामाजिक संगठन शत्रुघ्न साहु  वीर प्रसाद साह क’ बधाई देने छथिन्ह.   संगे जिलाक अनेक लोक जाहि मे शामिल छे भूप नारायण सिंह, अधिवक्ता सतीश नंदन सिंह, गौरीशंकर भगत, नथुनी राम, प्रेम शंकर आजाद, राजेश कुमार, नारायण साह, जर्नादन प्रसाद गुप्ता, अशोक कुमार, संजय कुमार श्रीवास्तव, वीरचन्द प्रसाद  आदि साहु क’ प्रति आभार व्यक्त केलखिन.

समस्तीपुर,२1 जून.

भारतीय जनता युवा मोर्चा क’ कार्यकर्ताक बैठक रविवार क’ पार्टी कार्यालय में आयोजित भेल. जेकर अध्यक्षता करैत सुशील चौधरी कहलखिन जे भ्रष्टाचार, काला धन क’ वापसी आ दिल्ली क’ रामलीला मैदानमे भ्रष्टाचार क’ खिलाफ आंदोलन पर बैठल बाबा रामदेव आ भारत क’ सैकड़ों-हजारों भारतीय पर भेल अत्याचार क’ खिलाफ आगामी 22 जून क’ समस्तीपुर में पदयात्रा क’ कार्यक्रम आयोजित कएल जैत. ई यात्रा स्टेशन चौक पर सभा में तब्दील भ’ जैत.

उल्लेखनिय अछि आगाँ ओ कहलाह कि जे तरह सँ आधि रातिमे केन्द्र सरकारक इशारा पर दिल्ली पुलिस द्वारा बाबा रामदेव आ हजारों जनता पर बर्बरतापूर्ण कार्रवाई आ लाठी चार्ज भेल. ओ भारत क’ ६४ सालक मजबूत लोकतंत्र क’ कलंकित करे बला काम भेल रहे. ओही अवसर पर युवा मोर्चा क’ अनीश राज, विजय शर्मा, अनिल सिंह, सुनीता झा, पलटन राम, मो. बाबर अली अंसारी, जिला प्रवक्ता चुनचुन झा समेत अन्य कार्यकर्ता कार्यक्रम क’ सफलता लेल अपन विचार व्यक्त केलखिन.