Havyaka Pakashale

ಕೊತ್ತಂಬರಿ ಜೀರಿಗೆ ಹಾಲು

2012-07-11T01:29:00.002-07:00

ಒಣಕೆಮ್ಮಾದರೆ ಮೊದಲು ಮಾಡುವ "ಮನೆಮದ್ದು".ಇದನ್ನು ಒಂದು ವಾರ ಕುಡಿದರೆ ಕೆಮ್ಮು ಕಡಿಮೆ ಆಗೊತ್ತೆ ಅಂತ ಹೇಳುತ್ತಾರೆ.ಇದರಿಂದ ಯಾವುದೇ ತೊಂದರೆಯಾಗದು. ಕೆಮ್ಮೆ ಆಗ್ಬೇಕು ಅಂತೇನು ಇಲ್ಲ ಹೀಗೆ ಬೇಕಾದ್ರೂ ಮಾಡ್ಕೊಂಡು ಕುಡಿಬಹುದು.
ಬೇಕಾಗುವ ಸಾಮಗ್ರಿಗಳು:

ಕೊತ್ತಂಬರಿ ಬೀಜ 4ಚಮಚ
ಜೀರಿಗೆ 2ಚಮಚ
ಬೆಲ್ಲ ರುಚಿಗೆ
ಹಾಲು 1ಕಪ್
ನೀರು 1/2ಕಪ್

ಮಾಡುವ ವಿಧಾನ:

ಬಿಸಿನೀರಿನಲ್ಲಿ ಕೊತ್ತಂಬರಿ ಮತ್ತು ಜೀರಿಗೆಯನ್ನು 1ಗಂಟೆ ನೆನೆಸಿ.
ನಂತರ ಸ್ವಲ್ಪ ನೀರಿನೊಂದಿಗೆ ನೆನೆಸಿದ ಸಾಮಗ್ರಿಗಳನ್ನು ರುಬ್ಬಿ.
ರುಬ್ಬಿರುವದನ್ನು ಶೋಧಿಸಿ,ಅದಕ್ಕೆ ಹಾಲು ಮತ್ತು ಬೆಲ್ಲವನ್ನು ಸೇರಿಸಿ ಚೆನ್ನಾಗಿ ಕರಡಿ.
ಕೊತ್ತಂಬರಿ ಜೀರಿಗೆ ಹಾಲು ಕುಡಿಯಲು ಸಿದ್ಧ.

ಮೆಣಸಿನ ಮುಳ್ಕ

2012-07-09T07:45:00.000-07:00

ನಮ್ಮ ಮನೆಯಲ್ಲಿ ಮೆಣಸಿನ ಮುಳ್ಕ ಸಾಧಾರಣವಾಗಿ ಮಾಡುತ್ತಿರುತ್ತಾರೆ. ಎಲ್ಲರಿಗೂ ಇಷ್ಟದ ಖಾದ್ಯ.ಆದರೆ ಅದಕ್ಕೆ ಕೆಮ್ಮುಂಡೆ ಹಣ್ಣಿನ ಬಿಳಿ ಭಾಗ ಬಳಸಿ ಯಾವತ್ತು ಮಾಡಿರಲಿಲ್ಲ.ನಾನು ಮಾಡಿನೋಡಿದೆ.ರುಚಿ ಚೆನ್ನಾಗಿತ್ತು. ಮಾಡುವ ವಿಧಾನ ಕೆಳಗಿನಂತಿದೆ.

Click here for English
ಬೇಕಾಗುವ ಸಾಮಗ್ರಿಗಳು:

ಅಕ್ಕಿ 1ಕಪ್
ಕೆಮ್ಮುಂಡೆ ಹಣ್ಣಿನ ಬಿಳಿ ಭಾಗ 1/2ಕಪ್ ಹೆಚ್ಚಿದ್ದು (optional)
ಜೀರಿಗೆ 1ಚಮಚ
ಕೊತ್ತಂಬರಿ 1ಚಮಚ
ಒಣಮೆಣಸು 4-5
ಕರಿಬೇವು ಸ್ವಲ್ಪ
ಉಳ್ಳಾಗಡ್ಡೆ 1-2 ಸಣ್ಣಗೆ ಹೆಚ್ಚಿದ್ದು
ಹಸಿಮೆಣಸು 1 ಹೆಚ್ಚಿದ್ದು
ಕಾಯಿತುರಿ 2tsp
ಎಣ್ಣೆ ಕರಿಯಲು
ಉಪ್ಪು

ಮಾಡುವ ವಿಧಾನ:

ಅಕ್ಕಿಯನ್ನು 2-3ಗಂಟೆ ನೆನೆಸಿ, ನಂತರ ಅಕ್ಕಿಯ ಜೊತೆ ಕೆಮ್ಮುಂಡೆ ಹಣ್ಣಿನ ಬಿಳಿ ಭಾಗ, ಜೀರಿಗೆ, ಕೊತ್ತಂಬರಿ, ಒಣಮೆಣಸು ಮತ್ತು ಕರಿಬೇವು ಹಾಕಿ ರುಬ್ಬಿ.(ನೀರು ಬೇಕಾಗುವದಿಲ್ಲ ಕೆಮ್ಮುಂಡೆ ಹಣ್ಣಿನ ನೀರು ಸಾಕು.)
1ಹುಟ್ಟು ರುಬ್ಬಿದ ಹಿಟ್ಟು ಮತ್ತು ಅದಕ್ಕೆ 1ಕಪ್ ನೀರು ಹಾಕಿ ಕುದಿಸಿ, ಕೈ ಬಿಡದೆ ಕರಡುತ್ತಿರಿ.ಹುಗ್ಗೆ ಆದ ನಂತರ,ತಣಿಯುವ ತನಕ ಕಾಯಿರಿ.
ಎಣ್ಣೆ ಬಿಸಿಗಿಡಿ.ರುಬ್ಬಿದ ಹಿಟ್ಟಿಗೆ,ಹುಗ್ಗೆ,ಉಪ್ಪು,ಹಸಿಮೆಣಸು,ಉಳ್ಳಾಗಡ್ಡೆ ಮತ್ತು ಕಾಯಿತುರಿ ಹಾಕಿ ಚೆನ್ನಾಗಿ ಕಲಸಿ.ಕಾದ ಎಣ್ಣೆಯಲ್ಲಿ ಸಣ್ಣ ಸಣ್ಣ,ಪಕೋಡ ರೀತಿ ಬಿಡಿ.
ಸಣ್ಣ ಉರಿಯಲ್ಲಿ ಹೊಂಬಣ್ಣ ಬರುವ ತನಕ ಕರಿಯಿರಿ.
ಬಿಸಿ ಇದ್ದಾಗಲೇ ತಿನ್ನಿ.

ಸಲಹೆ:

ಕೆಮ್ಮುಂಡೆ ಹಣ್ಣಿನ ಬದಲಾಗಿ ಮೊಗೆಕಾಯಿ,ಸೌತೆಕಾಯಿ ಕೂಡ ಬಳಸಬಹುದು.
ಇದರಿಂದ ಸಿಹಿ ಮುಳ್ಕವನ್ನೂ ಮಾಡಬಹುದು.

Marrow squash raita

2012-06-22T03:06:00.002-07:00

To read it in English click here

ಬೇಕಾಗುವ ಸಾಮಗ್ರಿಗಳು :

Marrow squash 1/2 chopped
ಕಾಯಿತುರಿ ೧ ಕಪ್
ಮೊಸರು ೧ ಕಪ್
ಹಸಿಮೆಣಸು ೧ ಸಣ್ಣಗೆ ಹೆಚ್ಚಿದ್ದು
ಈರುಳ್ಳಿ ೧/೨ ಸಣ್ಣಗೆ ಹೆಚ್ಚಿದ್ದು
ಒಣಮೆಣಸು ೧ ಕಟ್ ಮಾಡಿಟ್ಟಿದ್ದು
ಎಣ್ಣೆ ೧ ಚಮಚ
ಸಾಸಿವೆ ಕಾಳು ೧/೨ ಚಮಚ
ಇಂಗು ಚಿಟಿಕೆ
ಅರಿಶಿನ ಚಿಟಿಕೆ (optional)
ಉಪ್ಪು
ಸಕ್ಕರೆ ಚಿಟಿಕೆ

ಮಾಡುವ ವಿಧಾನ :

Marrow squash ಬೇಯಿಸಿಟ್ಟುಕೊಳ್ಳಿ.
ಕಾಯಿತುರಿಯನ್ನು ನುಣ್ಣನೆ ರುಬ್ಬಿಟ್ಟುಕೊಳ್ಳಿ.
ಬೇಯಿಸಿದ marrow squashಗೆ,ರುಬ್ಬಿದ ಮಿಶ್ರಣ,ಮೊಸರು,ಈರುಳ್ಳಿ,ಹಸಿಮೆಣಸು,ಸಕ್ಕರೆ ಮತ್ತು ಉಪ್ಪು ಹಾಕಿ,ಚೆನ್ನಾಗಿ ಕರಡಿ.
ನಂತರ ಇದಕ್ಕೆ ಎಣ್ಣೆ,ಸಾಸಿವೆ,ಇಂಗು,ಒಣಮೆಣಸು,ಅರಶಿನದ ಒಗ್ಗರಣೆ ಕೊಡಿ.
Marrow squash ಹಶಿ ಸಿದ್ಧ.

Marrow squash majjige huli

2012-06-19T01:30:00.000-07:00

Click here for English

ಬೇಕಾಗುವ ಸಾಮಗ್ರಿಗಳು:

Marrow squash 1/2 ಕತ್ತರಿಸಿದ್ದು
ಕಾಯಿತುರಿ ೧ಕಪ್
ಮಜ್ಜಿಗೆ ೧-೨ ಕಪ್
ಜೀರಿಗೆ ೧/೨ ಚಮಚ
ಕೊತ್ತಂಬರಿ ೨ ಚಮಚ
ಮೆಂತ್ಯ ೧/೪ ಚಮಚ
ಸಾಸಿವೆ ಕಾಳು ೧ಚಮಚ
ಇಂಗು
ಅರಶಿನ
ಹಸಿಮೆಣಸು೨-೩
ಎಣ್ಣೆ ೨-೩ ಚಮಚ
ಕರಿಬೇವಿನ ಎಲೆ ಸ್ವಲ್ಪ
ಉಪ್ಪು ರುಚಿಗೆ
ಸಕ್ಕರೆ ರುಚಿಗೆ

ಮಾಡುವ ವಿಧಾನ :

ಜೀರಿಗೆ,ಕೊತ್ತಂಬರಿ ,ಸಾಸಿವೆ ,ಮೆಂತೆಯನ್ನು ಸ್ವಲ್ಪ ಬೇರೆ ಬೇರೆಯಾಗಿ ಹುರಿದಿಟ್ಟುಕೊಳ್ಳಿ.
ಕಾಯಿತುರಿ,ಹುರಿದ ಸಾಮಗ್ರಿಗಳು ಮತ್ತು ಹಸಿಮೆಣಸನ್ನು ಸೇರಿಸಿ ನುಣ್ಣಗೆ ರುಬ್ಬಿಟ್ಟುಕೊಳ್ಳಿ.
ಒಂದು ಪಾತ್ರೆಯಲ್ಲಿ ಎಣ್ಣೆ ಬಿಸಿಗಿಡಿ.
ಎಣ್ಣೆ ಬಿಸಿಬಂದ ತಕ್ಷಣ ಕರಿಬೇವು,ಇಂಗು,ಅರಶಿನ marrow squash ಮತ್ತು ನೀರನ್ನು ಹಾಕಿ 10 ನಿಮಿಷ ಬೇಯಿಸಿ.
ಈಗ ರುಬ್ಬಿದ ಮಿಶ್ರಣ,ಉಪ್ಪು ಮತ್ತು ಸಕ್ಕರೆ ಹಾಕಿ ಚೆನ್ನಾಗಿ ಕುದಿಸಿ.(೫-೧೦ನಿಮಿಷ ).
ನಂತರ ಮಜ್ಜಿಗೆಯನ್ನು ಹಾಕಿ ಚೆನ್ನಾಗಿ ಕರಡಿ.(ಮಜ್ಜಿಗೆ ಹಾಕಿ ಬಿಸಿ ಮಾಡಬೇಡಿ)
ಬಿಸಿ ಅನ್ನದೊಂದಿಗೆ ಚೆನ್ನಾಗಿರುತ್ತದೆ.

Marrow squash payasa

2012-06-12T05:42:00.000-07:00

Click here for English

ಬೇಕಾಗುವ ಸಾಮಗ್ರಿಗಳು :

ಟೈಗರ್ ಕ್ರಾಸ್ marrow 1/2 ಬೌಲ್ ಸಣ್ಣಗೆ ಹೆಚ್ಚಿದ್ದು
ನೀರು 1ಬೌಲ್
ಅಕ್ಕಿ ಹಿಟ್ಟು 1ಚಮಚ
ಸಕ್ಕರೆ 5-6ಚಮಚ
ಸ್ವಲ್ಪ ಉಪ್ಪು ಬೇಕಾದರೆ
ಕಾಯಿತುರಿ 2ಕಪ್
ಏಲಕ್ಕಿ ಪೌಡರ್ 1ಚಮಚ
ಲವಂಗ 2-3
ಒಣ ದ್ರಾಕ್ಷಿ
ಗೇರುಬೀಜ
ತುಪ್ಪ

ಮಾಡುವ ವಿಧಾನ :

ಒಂದು ಪಾತ್ರೆಗೆ marrow ಮತ್ತು ನೀರನ್ನು ಹಾಕಿ 10 ನಿಮಿಷ ಕುದಿಸಿ.
ಸಕ್ಕರೆಯನ್ನು ಹಾಕಿ ಇನ್ನೂ 5 ನಿಮಿಷ ಕುದಿಸಿ ಮತ್ತು ಅಕ್ಕಿ ಹಿಟ್ಟನ್ನು ಸ್ವಲ್ಪ ನೀರಿನಲ್ಲಿ ಕರಡಿ ಸೇರಿಸಿ.(ಇಲ್ಲದಿದ್ದರೆ ಪಾಯಸ ಗಂಟು ಬರಬಹುದು)
ಕಾಯಿಯನ್ನು ರುಬ್ಬಿ ಕಾಯಿಹಾಲನ್ನು ತೆಗೆದು ಪಾಯಸಕ್ಕೆ ಸೇರಿಸಿ.
ಲವಂಗ ಮತ್ತು ಏಲಕ್ಕಿಯನ್ನು ಹಾಕಿ.
ಒಣದ್ರಾಕ್ಷಿ ಮತ್ತು ಗೇರುಬೀಜವನ್ನು ತುಪ್ಪದಲ್ಲಿ ಹುರಿದು ಪಾಯಸವನ್ನು ಅಲಂಕರಿಸಿ.
ಈ ಪಾಯಸ ದೋಸೆ ಜೊತೆ ಅಥವಾ ಹೀಗೆಯೂ ಚೆನ್ನಾಗಿರುತ್ತದೆ.

ಬಟಾಟೆ ಅವಲಕ್ಕಿ

2012-02-09T03:53:00.000-08:00

Click here for English
ಬೇಕಾಗುವ ಸಾಮಗ್ರಿಗಳು:

ಬಟಾಟೆ ೧chopped
ಉಳ್ಳಾಗಡ್ಡೆ ೧ sliced
ಹಸಿಮೆಣಸು ೨ sliced
ದಪ್ಪ ಅವಲಕ್ಕಿ ೧ bowl ತೊಳೆದದ್ದು
ಎಣ್ಣೆ 2tsp
ಸಾಸಿವೆ ೧/೨ tsp
ಜೀರಿಗೆ ೧tsp
ಕರಿಬೇವು
ಕೊತ್ತಂಬರಿ ಸೊಪ್ಪು
ಇಂಗು
ಅರಶಿನ
ಲಿಂಬುರಸ
ಉಪ್ಪು

ಮಾಡುವ ವಿಧಾನ :

ಒಂದು ತವಾದಲ್ಲಿ ಎಣ್ಣೆ ಹಾಕಿ ಬಿಸಿಗಿಡಿ.
ಎಣ್ಣೆ ಬಿಸಿಯಾದನಂತರ,ಸಾಸಿವೆ ಮತ್ತು ಜೀರಿಗೆ ಹಾಕಿ ಸಾಸಿವೆ ಸಿಡಿಯುವ ತನಕ ಕಾದು, ನಂತರ ಹಸಿಮೆಣಸು, ಉಳ್ಳಾಗಡ್ಡೆ, ಬಟಾಟೆ ಮತ್ತು ಸಲ್ಪ ಉಪ್ಪು ಹಾಕಿ ಚೆನ್ನಾಗಿ ಹುರಿಯಿರಿ.
ಈಗ ಕರಿಬೇವು, ಇಂಗು,ಅರಶಿನ ಮತ್ತು ಕೊತ್ತಂಬರಿ ಸೊಪ್ಪು ಹಾಕಿ 30 seconds ಬಿಟ್ಟು, ಅವಲಕ್ಕಿ,ಉಪ್ಪು ಮತ್ತು ಲಿಂಬುರಸ ಹಾಕಿ ಚೆನ್ನಾಗಿ ಕಲಸಿ.

ಒಂದೆಲಗ ತಂಬ್ಳಿ

2012-01-23T11:03:00.000-08:00

ಬೇಕಾಗುವ ಸಾಮಗ್ರಿಗಳು:

ಒಂದೆಲಗ ೧/೨ cup ಕತ್ತರಿಸಿದ್ದು (whole plant)
ಕಾಳು ಮೆಣಸು ೫-೬
ಜೀರಿಗೆ 1tsp
ಕಾಯಿತುರಿ 1cup
ಉಪ್ಪು
ಬೆಲ್ಲ
ಮಜ್ಜಿಗೆ 1cup
ಎಣ್ಣೆ
ಒಣಮೆಣಸು
ಸಾಸಿವೆ ಕಾಳು

ಮಾಡುವ ವಿಧಾನ :

ಕಾಳು ಮೆಣಸು ಮತ್ತು ಜೀರಿಗೆಯನ್ನು ಹುರಿದಿಡಿ.
ಮಿಕ್ಸಿಗೆ ಕಾಯಿತುರಿ,ಹುರಿದಿಟ್ಟ ಕಾಳು ಮೆಣಸು ಮತ್ತು ಜೀರಿಗೆ ಹಾಕಿ ನುಣ್ಣಗೆ ರುಬ್ಬಿ.
ಒಂದೆಲಗವನ್ನು ಬೇರೆಯಾಗಿಯೇ ರುಬ್ಬಿ ಸೋಸಿ.
ಒಂದು ಪಾತ್ರೆ ತೆಗೆದುಕೊಂಡು ರುಬ್ಬಿದ ಕಾಯಿತುರಿ ಮಿಶ್ರಣ,ಸೋಸಿದ ಒಂದೆಲಗದ ರಸ,ಮಜ್ಜಿಗೆ,ಉಪ್ಪು,ಮತ್ತು ಬೆಲ್ಲವನ್ನು ಹಾಕಿ ಚೆನ್ನಾಗಿ ಕರಡಿ
ಎಣ್ಣೆ, ಸಾಸಿವೆ ಮತ್ತು ಒಣಮೆಣಸಿನ ಒಗ್ಗರಣೆ ಕೊಡಿ.

ಬೆಂಡೆಕಾಯಿ ಮಜ್ಜಿಗೆ ಹುಳಿ

2011-12-06T15:12:00.000-08:00

Click here for English
ಬೇಕಾಗುವ ಸಾಮಗ್ರಿಗಳು:

ಬೆಂಡೆಕಾಯಿ ೧೦-೧೨ ಉದ್ದುದ್ದಾಗಿ ಕತ್ತರಿಸಿದ್ದು
ಕಾಯಿತುರಿ ೧ಕಪ್
ಮಜ್ಜಿಗೆ ೧-೨ ಕಪ್
ಜೀರಿಗೆ ೧/೨ ಚಮಚ
ಕೊತ್ತಂಬರಿ ೨ ಚಮಚ
ಮೆಂತ್ಯ ೧/೪ ಚಮಚ
ಸಾಸಿವೆ ಕಾಳು ೧ಚಮಚ
ಇಂಗು
ಅರಶಿನ
ಹಸಿಮೆಣಸು೨-೩
ಹುಣಸೆ ರಸ ಸ್ವಲ್ಪ (optional )
ಎಣ್ಣೆ ೨-೩ ಚಮಚ
ಕರಿಬೇವಿನ ಎಲೆ ಸ್ವಲ್ಪ
ಉಪ್ಪು
ಸಕ್ಕರೆ

ಮಾಡುವ ವಿಧಾನ :

ಜೀರಿಗೆ,ಕೊತ್ತಂಬರಿ ,ಸಾಸಿವೆ ,ಮೆಂತೆಯನ್ನು ಸ್ವಲ್ಪ ಬೇರೆ ಬೇರೆಯಾಗಿ ಹುರಿದಿಟ್ಟುಕೊಳ್ಳಿ.
ಕಾಯಿತುರಿ,ಹುರಿದ ಸಾಮಗ್ರಿಗಳು ಮತ್ತು ಹಸಿಮೆಣಸನ್ನು ಸೇರಿಸಿ ನುಣ್ಣಗೆ ರುಬ್ಬಿಟ್ಟುಕೊಳ್ಳಿ.
ಒಂದು ಪಾತ್ರೆಯಲ್ಲಿ ಎಣ್ಣೆ ಬಿಸಿಗಿಡಿ.
ಎಣ್ಣೆ ಬಿಸಿಬಂದ ತಕ್ಷಣ ಕರಿಬೇವು,ಇಂಗು,ಅರಶಿನ 30second ಬಿಟ್ಟು ಬೆಂಡೆಕಾಯಿ ಹಾಕಿ ಚೆನ್ನಾಗಿ ಹುರಿಯಿರಿ.
ಈಗ ರುಬ್ಬಿದ ಮಿಶ್ರಣ,ಉಪ್ಪು ,ಸಕ್ಕರೆ ಮತ್ತು ಹುಣಸೆ ರಸ ಹಾಕಿ ಚೆನ್ನಾಗಿ ಕುದಿಸಿ.(೫-೧೦ನಿಮಿಷ )
ನಂತರ ಮಜ್ಜಿಗೆಯನ್ನು ಹಾಕಿ ಚೆನ್ನಾಗಿ ಕರಡಿ.(ಮಜ್ಜಿಗೆ ಹಾಕಿ ಬಿಸಿ ಮಾಡಬೇಡಿ)
ಬಿಸಿ ಅನ್ನದೊಂದಿಗೆ ಚೆನ್ನಾಗಿರುತ್ತದೆ.

ತೆಳ್ಳವು

2011-12-01T12:09:00.000-08:00

To read it in English,click here.
ಬೇಕಾಗುವ ಸಾಮಗ್ರಿಗಳು:

ಅಕ್ಕಿ ೧ಕಪ್
ಮೆಂತ್ಯ 1tsp
ಉಪ್ಪು

ಮಾಡುವ ವಿಧಾನ:

ಅಕ್ಕಿ ಮತ್ತು ಮೆಂತ್ಯ ಕಾಳನ್ನು ನಾಲ್ಕು ಗಂಟೆ ನೆನೆಸಿ.
ನಂತರ ತೊಳೆದು ಅದನ್ನು ನುಣ್ಣಗೆ ರುಬ್ಬಿ.
ರುಬ್ಬಿದ ಹಿಟ್ಟಿಗೆ ಉಪ್ಪು ಮತ್ತು ನೀರನ್ನು ಹಾಕಿ ಚೆನ್ನಾಗಿ ಕರಡಿ.ಹಿಟ್ಟು ತೆಳ್ಳಗಿರಲಿ (ಹಾಲಿನಷ್ಟು)
ಕಾವಲಿಯನ್ನು ಬಿಸಿಗಿಡಿ.
ಕಾವಲಿ ಬಿಸಿ ಬಂದ ನಂತರ ಎಣ್ಣೆ ಹಚ್ಚಿ,ಒಂದು ಸೌಟು ಹಿಟ್ಟು ತೆಗೆದುಕೊಂಡು ಕಾವಲಿಯ ಮೇಲೆ ಸೋಕಿರಿ.
ಮುಚ್ಚಳದಿಂದ ಮುಚ್ಚಿ ೧ನಿಮಿಷದ ನಂತರ ದೋಸೆಯನ್ನು ಬಂಡುಳಿಯ ಸಹಾಯದಿಂದ ತೆಗೆಯಿರಿ.
ಈ ದೋಸೆ ಕಾಯಿಸುಳಿ ಬೆಲ್ಲ ಮತ್ತು ಚಟ್ನಿಯೊಂದಿಗೆ ಸವಿಯಲು ರುಚಿ.

ಮಾವಿನಕಾಯಿ ಅಪ್ಪೆಹುಳಿ

2011-11-26T12:31:00.000-08:00

To read it in English,click here
ಬೇಕಾಗುವ ಸಾಮಗ್ರಿಗಳು :

ಮಾವಿನಕಾಯಿ ದೊಡ್ಡದು ೧
ನೀರು ೧ ಗ್ಲಾಸ್ ನೀರು
ಉಪ್ಪು
ಸಕ್ಕರೆ ಅಥವಾ ಬೆಲ್ಲ
ಎಣ್ಣೆ ೧-೨ ಚಮಚ
ಒಣಮೆಣಸು ೧
ಹಸಿಮೆಣಸು ೨
ಬೆಳ್ಳುಳ್ಳಿ ಎಸಳು ೭-೮
ಇಂಗು
ಸಾಸಿವೆ
ಅರಿಶಿನ
ಕರಿಬೇವು

ಮಾಡುವ ವಿಧಾನ :

ಮಾವಿನಕಾಯಿಯನ್ನು ಬೇಯಿಸಿ ತಣ್ಣಗಾದ ನಂತರ ಕೈಯಿಂದ ನುರಿಯಿರಿ.ಗೊರಟೆಯನ್ನು ಏನುಮಾಡಬೇಕೆಂದು ಕೆಳಗಡೆ ಹೇಳಿರುತ್ತೇನೆ.
ಒಂದು ಪಾತ್ರೆಗೆ ನೀರನ್ನು ಹಾಕಿ,ಉಪ್ಪು ಮತ್ತು ಸಕ್ಕರೆ ರುಚಿಗೆ ತಕ್ಕಷ್ಟು ಹಾಕಿ ಚೆನ್ನಾಗಿ ಕರಡಿ.
ಒಂದು ಒಗ್ಗರಣೆ ಹುಟ್ಟಿನಲ್ಲಿ ಎಣ್ಣೆ ಬಿಸಿಗಿಡಿ.ಎಣ್ಣೆ ಬಿಸಿ ಬಂದ ನಂತರ,
ಸಾಸಿವೆ ,ಇಂಗು ,ಒಣಮೆಣಸು, ಬೆಳ್ಳುಳ್ಳಿಅರಿಶಿನ,ಹಸಿಮೆಣಸು ,ಕರಿಬೇವಿನ ಒಗ್ಗರಣೆ ಕೊಡಿ.
ಮೆಣಸನ್ನು ಕೈಯಿಂದ ನುರಿಯಿರಿ.
ಈಗ ಗೊರಟೆಯನ್ನು ಕಸದ ಡಬ್ಬಿಗೆ ಎಸೆಯಿರಿ :)
ಮಾವಿನಕಾಯಿ ಅಪ್ಪೆಹುಳಿ ಸವಿಯಲು ಸಿದ್ಧ.

ಸೌತೆಕಾಯಿ ದೋಸೆ

2011-11-17T10:32:00.000-08:00

Click here for English
ಬೇಕಾಗುವ ಸಾಮಗ್ರಿಗಳು :

ಸೌತೆಕಾಯಿ ೨ಕಪ್ ಹೆಚ್ಚಿದ್ದು
ಅಕ್ಕಿ ೨ಕಪ್
ಉಪ್ಪು
ಎಣ್ಣೆ

ಮಾಡುವ ವಿಧಾನ :

ಅಕ್ಕಿಯನ್ನು ನಾಲ್ಕು ಗಂಟೆ ನೆನೆಸಿ,ನಂತರ ತೊಳೆದು ಸೌತೆಕಾಯಿಯೊಂದಿಗೆ ನುಣ್ಣಗೆ ರುಬ್ಬಿ.(ಸೌತೆಕಾಯಿಗೆ ನೀರು ಇರುವದರಿಂದ ಬೇರೆ ನೀರು ಬೇಕಾಗುವದಿಲ್ಲ ಬೇಕಾದರೆ ಸ್ವಲ್ಪ ಬಳಸಿ )
ಹಿಟ್ಟಿಗೆ ಉಪ್ಪನ್ನು ಹಾಕಿ ಚೆನ್ನಾಗಿ ಕರಡಿ.
ದೋಸೆ ಕಾವಲಿ ಬಿಸಿಬಂದ ನಂತರ ಸೌಟಿನ ತುಂಬಾ ಹಿಟ್ಟು ತೆಗೆದುಕೊಂಡು ತೆಳ್ಳಗೆ ದೋಸೆ ಎರೆಯಿರಿ.
ಮುಚ್ಚಳವನ್ನು ಮುಚ್ಚಿ ೨ನಿಮಿಶ ಬೇಯಿಸಿ.(ಗರಿ ಗರಿ ದೋಸೆ ಬೇಕೆಂದರೆ,ಎಣ್ಣೆ ಹಚ್ಚದೆ ದೋಸೆ ಎರೆಯಿರಿ & ಸ್ವಲ್ಪ ಹೊತ್ತು ಹೆಚ್ಚು ಬಾಡಿಸಿ )

ಬಾಳೆಹಣ್ಣಿನ ಚಾಟಿ

2011-11-09T11:24:00.000-08:00

Click here for English

ಬೇಕಾಗುವ ಸಾಮಗ್ರಿಗಳು :

ಅಕ್ಕಿ ೧ಕಪ್
ಬಾಳೆ ಹಣ್ಣು ೨
ಉಪ್ಪು ರುಚಿಗೆ
ಬೆಲ್ಲ ೨-೩ ಚಮಚ
ಎಣ್ಣೆ

ಮಾಡುವ ವಿಧಾನ:

ಅಕ್ಕಿಯನ್ನು ೪ ಗಂಟೆಗಳ ಕಾಲ ನೀರಿನಲ್ಲಿ ನೆನೆಸಿಡಿ.
ನಂತರ ಅಕ್ಕಿ ತೊಳೆದು ನುಣ್ಣಗೆ ರುಬ್ಬಿ.
ಬಾಳೆ ಹಣ್ಣನ್ನು ಚೆನ್ನಾಗಿ mash ಮಾಡಿ,ಅದಕ್ಕೆ ಬೆಲ್ಲ,ಉಪ್ಪು,ಅಕ್ಕಿ ಹಿಟ್ಟನ್ನು ಹಾಕಿ ಚೆನ್ನಾಗಿ ಕಲಸಿ.
ದೋಸೆ ಕಾವಲಿಯನ್ನು ಬಿಸಿಗಿಡಿ.
ಕಾವಲಿ ಬಿಸಿ ಬಂದ ತಕ್ಷಣ ಕಾವಲಿಗೆ ಎಣ್ಣೆ ಸವರಿ ದೋಸೆ ಎರೆಯಿರಿ.
ಮುಚ್ಚಳವನ್ನು ಮುಚ್ಚಿಡಿ.ಎರಡು ಬದಿಗೂ ಬೇಯಿಸಿ.

ಮೆಂತ್ಯ ಸೊಪ್ಪಿನ ಅನ್ನ

2011-11-03T03:21:00.000-07:00

Click here for English

ಬೇಕಾಗುವ ಸಾಮಗ್ರಿಗಳು :

ಮೆಂತ್ಯ ಸೊಪ್ಪು ೧ ಕಟ್ ಹೆಚ್ಚಿದ್ದು
ಈರುಳ್ಳಿ ೧ ಉದ್ದಕ್ಕೆ ಹೆಚ್ಚಿದ್ದು
ಹಸಿಮೆಣಸು ೨
ಕಾಯಿತುರಿ ೧/೪ ಕಪ್
ಬೆಳ್ಳುಳ್ಳಿ ೪-೫ ಎಸಳು
ಶುಂಟಿ ಸಣ್ಣ ಚೂರು
ಲವಂಗ ೩-೪
ಜೀರಿಗೆ ೧ ಚಮಚ
ಎಣ್ಣೆ ೨-೩ ಚಮಚ
ಅನ್ನ ಉದುರುದುರಾಗಿ ಬೇಯಿಸಿದ್ದು 1 ಬೌಲ್
ಉಪ್ಪು ರುಚಿಗೆ

ಮಾಡುವ ವಿಧಾನ :

ಕಾಯಿತುರಿ,ಹಸಿಮೆಣಸು,ಲವಂಗ,ಶುಂಟಿ ಮತ್ತು ಬೆಳ್ಳುಳ್ಳಿಯನ್ನು ತೆಗೆದುಕೊಂಡು ಸ್ವಲ್ಪ ನೀರಿನೊಂದಿಗೆ ನುಣ್ಣಗೆ ರುಬ್ಬಿಟ್ಟುಕೊಳ್ಳಿ.
ಒಂದು ಪಾತ್ರೆಯಲ್ಲಿ ೩ ಚಮಚ ಎಣ್ಣೆಯನ್ನು ಬಿಸಿಗಿಡಿ.ಎಣ್ಣೆ ಬಿಸಿಬಂದ ನಂತರ,ಜೀರಿಗೆಯನ್ನು ಹಾಕಿ,ನಂತರ ಈರುಳ್ಳಿ ಯನ್ನು ಹಾಕಿ ಈರುಳ್ಳಿ ಕೆಂಪಗೆ ಆಗುವ ತನಕ ಹುರಿಯಿರಿ.
ನಂತರ ಮೆಂತ್ಯ ಸೊಪ್ಪನ್ನು ಹಾಕಿ ಒಂದು ನಿಮಿಷ ಹುರಿಯಿರಿ.
ಅದಕ್ಕೆ ರುಬ್ಬಿಟ್ಟ ಮಿಶ್ರಣವನ್ನು ಹಾಕಿ ಹಸಿ ವಾಸನೆ ಹೋಗುವ ತನಕ ಕಾಯಿರಿ ನಂತರ ಅದಕ್ಕೆ ಅನ್ನ ಮತ್ತು ಉಪ್ಪನ್ನು ಸೇರಿಸಿ ಚೆನ್ನಾಗಿ ಕಲಸಿ.
ಇದು ಮೊಸರಿನೊಂದಿಗೆ ತಿನ್ನಲು ಚೆನ್ನಾಗಿರುತ್ತದೆ.

ಮಾವಿನ ಹಣ್ಣಿನ ಸಿಹಿಕರಣೆ

2011-10-28T07:11:00.000-07:00

Click here for English.
ಬೇಕಾಗುವ ಸಾಮಗ್ರಿಗಳು:

ಮಾವಿನ ಹಣ್ಣು ೧
ಕಾಯಿ ತುರಿ 1 ½ ಕಪ್
ಏಲಕ್ಕಿ ೨
ಉಪ್ಪು
ಸಕ್ಕರೆ

ಮಾಡುವ ವಿಧಾನ :

ಮಿಕ್ಸಿಗೆ ಕಾಯಿತುರಿ,ಏಲಕ್ಕಿ ಮತ್ತು ಸ್ವಲ್ಪ ನೀರು ಹಾಕಿ ನುಣ್ಣಗೆ ರುಬ್ಬಿಟ್ಟುಕೊಳ್ಳಿ.
ಮಾವಿನ ಹಣ್ಣಿನ ಸಿಪ್ಪೆ ತೆಗೆದು ಹೆಚ್ಚಿ.
ಹೆಚ್ಚಿದ ಮಾವಿನ ಹಣ್ಣಿಗೆ 5 -6 tsp ರಷ್ಟು ಸಕ್ಕರೆ, ಚಿಟಿಕೆ ಉಪ್ಪು ಮತ್ತು ರುಬ್ಬಿದ ಮಿಶ್ರಣವನ್ನು ಹಾಕಿ.
ಸ್ವಲ್ಪ ನೀರನ್ನು ಬೇಕಾದರೆ ಹಾಕಿ ಚೆನ್ನಾಗಿ ಕರಡಿ.(ದಪ್ಪದಾಗಿಯೇ ಇರಲಿ )
ಇದನ್ನು ಪುರಿ or ದೋಸೆಯೊಂದಿಗೆ ತಿನ್ನಲು ರುಚಿಯಾಗಿರುತ್ತದೆ.

ಖಾರ ಶಂಕರಪೋಳೆ

2011-10-21T09:49:00.000-07:00

Click here for English.
ಬೇಕಾಗುವ ಸಾಮಗ್ರಿಗಳು :

ಮೈದಾ ಹಿಟ್ಟು ೧ಕಪ್
ಓಮ ಕಾಳು ೧-೨ಚಮಚ
ಖಾರದ ಪುಡಿ ೩ -೪ ಚಮಚ
ಉಪ್ಪು
ಎಣ್ಣೆ
ನೀರು

ಮಾಡುವ ವಿಧಾನ :

ಒಂದು ಪಾತ್ರೆಗೆ ಮೈದಾ ಹಿಟ್ಟು,ಓಮ ಕಾಳು,ಖಾರದ ಪುಡಿ,ಉಪ್ಪು ಮತ್ತು ೨ಚಮಚ ಬಿಸಿ ಎಣ್ಣೆ ಹಾಕಿ,ಚಪಾತಿ ಹಿಟ್ಟಿನ ಹದಕ್ಕೆ ಕಲಸಿ.
ಹಿಟ್ಟಿನ ಒಂದು ಉಂಡೆಯನ್ನು ತೆಗೆದುಕೊಂಡು,ಚಪಾತಿಯನ್ನು ಲಟ್ಟಿಸಿ. ಚಪಾತಿ ಸ್ವಲ್ಪ ದಪ್ಪ ಇರಲಿ(abt2cm ).
ಶಂಕರಪೋಳೆ cutter or pizza cutter ಬಳಸಿ,dimond ಆಕಾರದಲ್ಲಿ ಕತ್ತರಿಸಿ.
ಸಣ್ಣ ಉರಿಯಲ್ಲಿ ಈ pieces ಅನ್ನು ಕಾದ ಎಣ್ಣೆಯಲ್ಲಿ ಕರಿಯಿರಿ.
ಖಾರ ಶಂಕರಪೋಳೆ ಸಿದ್ಧ .

ಕಡ್ಲೆ ಬೇಳೆ ಹೋಳಿಗೆ

2011-10-18T12:33:00.000-07:00

Click here for English

ಬೇಕಾಗುವ ಸಾಮಗ್ರಿಗಳು :

ಕಡ್ಲೆ ಬೇಳೆ ೧ ಕಪ್
ಸಕ್ಕರೆ ೧ ಕಪ್
ಏಲಕ್ಕಿ ಪೌಡರ್ 1tsp
ಮೈದಾ ಹಿಟ್ಟು 1 ೧/೨ ಕಪ್
ಅಕ್ಕಿ ಹಿಟ್ಟು ೧ಚಮಚ
ರವೆ ೧ಚಮಚ
ಅರಿಶಿನ ಚಿಟಿಕೆ
ಉಪ್ಪು
ಎಣ್ಣೆ

ಮಾಡುವ ವಿಧಾನ :

ಕನಕ

ಮೈದಾ ಹಿಟ್ಟು ,ಅಕ್ಕಿ ಹಿಟ್ಟು ,ರವಾ,ಅರಿಶಿನ,ಎಣ್ಣೆಯನ್ನು ಹಾಕಿ,ನೀರನ್ನು ಸ್ವಲ್ಪ ಸ್ವಲ್ಪ ಬಳಸುತ್ತಾ,ಚಪಾತಿ ಹಿಟ್ಟಿನ ಹದಕ್ಕೆ ಕಲಸಿಟ್ಟುಕೊಳ್ಳಿ.(೨೦ ನಿಮಿಷ ಹಾಗೆ ಬಿಡಿ)
ನಂತರ ಉಂಡೆಯನ್ನು ಕಟ್ಟಿಟ್ಟುಕೊಳ್ಳಿ.

ಹೂರಣ

ಕಡಲೆ ಬೇಳೆಯನ್ನು ಬೇಯಿಸಿ,ಅದರಿಂದ ನೀರನ್ನು ಬೇರ್ಪಡಿಸಿ ,ಪುಡಿ ಮಾಡಿಟ್ಟುಕೊಳ್ಳಿ.
ಕಡ್ಲೆ ಪುಡಿಗೆ ಸಕ್ಕರೆ ಹಾಕಿ,ಚೆನ್ನಾಗಿ ಪಾಕ ಬರುವ ತನಕ ಕಾಯಿಸಿ.
ನಂತರ ಅದಕ್ಕೆ ಏಲಕ್ಕಿ ಪುಡಿಯನ್ನು ಹಾಕಿ ಬಿಸಿ ತಣಿಯುವ ತನಕ ಕಾದು,ನಿಂಬೆ ಆಕಾರದ ಉಂಡೆಯನ್ನು ಕಟ್ಟಿಟ್ಟುಕೊಳ್ಳಿ.

ನಂತರ ಕನಕದ ಉಂಡೆಯನ್ನು ತೆಗೆದುಕೊಂಡು ಲಟ್ಟಿಸಿ, ಅದರೊಳಗೆ ಹೂರಣದ ಉಂಡೆಯನ್ನು ತುಂಬಿ,ಅದನ್ನು ಚಪಾತಿಯಂತೆ ಲಟ್ಟಿಸಿ.(ಲಟ್ಟಿಸುವಾಗ,ಪ್ಲಾಸ್ಟಿಕ್ or ಬಾಳೆ ಎಲೆ,ಎಣ್ಣೆ ಬಳಸಿ )
ತವಾ ಬಿಸಿಯಾದ ನಂತರ, ಹೋಳಿಗೆಯನ್ನು ಎರಡೂ ಬದಿಗೂ ಚೆನ್ನಾಗಿ ಬೇಯಿಸಿ.

ಹಾಗಲಕಾಯಿ ಚಟ್ನಿ

2011-10-17T10:20:00.000-07:00

ಬೇಕಾಗುವ ಸಾಮಗ್ರಿಗಳು :

ಹಾಗಲಕಾಯಿ 1 /2 ಹೆಚ್ಚಿದ್ದು
ಕಾಯಿತುರಿ 1ಕಪ್
ಉದ್ದಿನ ಬೇಳೆ 2tsp
ಕಡಲೆ ಬೇಳೆ 2tsp
ಒಣಮೆಣಸು 6
ಕೊತ್ತಂಬರಿ 2tsp
ಅರಿಶಿನ ಚಿಟಿಕೆ
ಎಣ್ಣೆ 4tsp
ಉಪ್ಪು
ಬೆಲ್ಲ or ಸಕ್ಕರೆ

ಮಾಡುವ ವಿಧಾನ :

ಎಣ್ಣೆ ಕಾದ ನಂತರ,ಉದ್ದಿನ ಬೇಳೆ, ಕಡಲೆ ಬೇಳೆ, ಒಣಮೆಣಸು,ಕೊತ್ತಂಬರಿ, ಅರಿಶಿನ ಚಿಟಿಕೆ ೨ನಿಮಿಶ ಸಣ್ಣ ಉರಿಯಲ್ಲಿ ಹುರಿದು,ಮಿಕ್ಸಿ ಜಾರಿಗೆ ಹಾಕಿ.
ನಂತರ 2tsp ಎಣ್ಣೆಯೊಂದಿಗೆ ಹೆಚ್ಚಿದ ಹಾಗಲಕಾಯಿಯನ್ನು ಚೆನ್ನಾಗಿ ಹುರಿದು,ಅದನ್ನು ಮಿಕ್ಸಿ ಜಾರಿಗೆ ಹಾಕಿ.
ನಂತರ ಮೇಲೆ ಹಾಕಿಟ್ಟ ಮಿಶ್ರಣದೊಂದಿಗೆ,ಕಾಯಿತುರಿ, ಉಪ್ಪು,ಬೆಲ್ಲವನ್ನೂ ಮಿಕ್ಸಿ ಜಾರಿಗೆ ಹಾಕಿ ನುಣ್ಣಗೆ ರುಬ್ಬಿ.
ಹಾಗಲಕಾಯಿ ಚಟ್ನಿ ಸಿದ್ಧ.

ಲಿಂಬು ಅಪ್ಪೆಹುಳಿ

2011-10-11T08:52:00.000-07:00

Click here for English
ಬೇಕಾಗುವ ಸಾಮಗ್ರಿಗಳು :

ಲಿಂಬು ೨
ನೀರು ೧ ಗ್ಲಾಸ್ ನೀರು
ಉಪ್ಪು
ಸಕ್ಕರೆ ಅಥವಾ ಬೆಲ್ಲ
ಎಣ್ಣೆ ೧-೨ ಚಮಚ
ಒಣಮೆಣಸು ೧
ಹಸಿಮೆಣಸು ೨
ಬೆಳ್ಳುಳ್ಳಿ ಎಸಳು ೭-೮
ಇಂಗು
ಸಾಸಿವೆ
ಅರಿಶಿನ
ಕರಿಬೇವು

ಮಾಡುವ ವಿಧಾನ :

ಒಂದು ಪಾತ್ರೆಗೆ ನೀರನ್ನು ಹಾಕಿ,ಲಿಂಬು ರಸವನ್ನು ಹಿಂಡಿ.
ಉಪ್ಪು ಮತ್ತು ಸಕ್ಕರೆ ರುಚಿಗೆ ತಕ್ಕಷ್ಟು ಹಾಕಿ ಚೆನ್ನಾಗಿ ಕರಡಿ.
ಒಂದು ಒಗ್ಗರಣೆ ಹುಟ್ಟಿನಲ್ಲಿ ಎಣ್ಣೆ ಬಿಸಿಗಿಡಿ.ಎಣ್ಣೆ ಬಿಸಿ ಬಂದ ನಂತರ,
ಸಾಸಿವೆ ,ಇಂಗು ,ಒಣಮೆಣಸು, ಬೆಳ್ಳುಳ್ಳಿಅರಿಶಿನ,ಹಸಿಮೆಣಸು ,ಕರಿಬೇವಿನ ಒಗ್ಗರಣೆ ಕೊಡಿ.
ಮೆಣಸನ್ನು ಕೈಯಿಂದ ನುರಿಯಿರಿ.
ಲಿಂಬು ಅಪ್ಪೆಹುಳಿ ಸಿದ್ಧ.

ಹೀರೆಕಾಯಿ ಬಜ್ಜಿ

2011-10-10T01:45:00.000-07:00

ಬೇಕಾಗುವ ಸಾಮಗ್ರಿಗಳು :

ಹೀರೆಕಾಯಿ ೧
ಕಾಯಿತುರಿ ೧ ಕಪ್
ಮೊಸರು ೧ ಕಪ್
ಹಸಿಮೆಣಸು ೧ ಸಣ್ಣಗೆ ಹೆಚ್ಚಿದ್ದು
ಈರುಳ್ಳಿ ೧/೨ ಸಣ್ಣಗೆ ಹೆಚ್ಚಿದ್ದು
ಒಣಮೆಣಸು ೧ ಕಟ್ ಮಾಡಿಟ್ಟಿದ್ದು
ಎಣ್ಣೆ ೧ ಚಮಚ
ಸಾಸಿವೆ ಕಾಳು ೧/೨ ಚಮಚ
ಇಂಗು ಚಿಟಿಕೆ
ಅರಿಶಿನ ಚಿಟಿಕೆ
ಉಪ್ಪು
ಸಕ್ಕರೆ ಚಿಟಿಕೆ

ಮಾಡುವ ವಿಧಾನ :

ಹೀರೆಕಾಯಿ ಸಿಪ್ಪೆ ತೆಗೆದು ಹೆಚ್ಚಿ,ಬೇಯಿಸಿಟ್ಟುಕೊಳ್ಳಿ.
ಕಾಯಿತುರಿಯನ್ನು ನುಣ್ಣನೆ ರುಬ್ಬಿಟ್ಟುಕೊಳ್ಳಿ.
ಬೇಯಿಸಿದ ಹೀರೆಕಾಯಿಗೆ,ರುಬ್ಬಿದ ಮಿಶ್ರಣ,ಮೊಸರು,ಈರುಳ್ಳಿ,ಹಸಿಮೆಣಸು,ಸಕ್ಕರೆ ಮತ್ತು ಉಪ್ಪು ಹಾಕಿ,ಚೆನ್ನಾಗಿ ಕರಡಿ.
ನಂತರ ಇದಕ್ಕೆ ಎಣ್ಣೆ,ಸಾಸಿವೆ,ಇಂಗು,ಒಣಮೆಣಸು,ಅರಶಿನದ ಒಗ್ಗರಣೆ ಕೊಡಿ.
ಹೀರೆಕಾಯಿ ಬಜ್ಜಿ ಅಥವಾ ಹಶಿ ಸಿದ್ಧ.

ಒಂದೆಲಗದ ಚಟ್ನಿ

2011-09-30T13:13:00.000-07:00

By guest Blogger Prabha Hebbar

ಬೇಕಾಗುವ ಸಾಮಗ್ರಿಗಳು

1 ಕಪ್ ಹೆಚ್ಚಿದ ಒಂದೆಲಗ (Centella asiatica)
1 ಕಪ್ ತೆಂಗಿನ ತುರಿ
1 ಟೀ ಚಮಚ ಜೀರಿಗೆ
1/2 ಟೀಚ ಕೊತ್ಹೊಂಬರಿ ಬೀಜ
1 ಟೀಚ ಹುಣಸೆ ಹಣ್ಣಿನ ರಸ
ಚಿಟಿಕೆ ಇಂಗು
3-4 ಒಣಮೆಣಸು
1 ಟೀಚ ಎಣ್ಣೆ
ರುಚಿಗೆ ಉಪ್ಪು

ಒಗ್ಗರಣೆಗೆ:

1 ಟೀ ಚಮಚ ಎಣ್ಣೆ
1/2 ಸಾಸಿವೆ
1 ಒಣಮೆಣಸಿನ ತುಂಡು

ವಿಧಾನ :

ಒಂದು ಬಾಣೆಲೆಯಲ್ಲಿ ಎಣ್ಣೆಯನ್ನು ಬಿಸಿ ಮಾಡಿ, ಅದಕ್ಕೆ ಕೊತ್ಹೊಂಬರಿ ಬೀಜ , ಜೀರಿಗೆ, ಒಣಮೆಣಸು ಮತ್ತು ಹೆಚ್ಚಿದ ಒಂದೆಲಗ ಹಾಕಿ 5 ನಿಮಿಷ ಬಾಡಿಸಿ.
ನಂತರ ಬಾಡಿಸಿದ ಒಂದೆಲಗವನ್ನು ತೆಂಗಿನ ತುರಿ, ಇಂಗು, ಹುಣಸೆ ರಸ, ಮತ್ತು ಉಪ್ಪಿನೊಂದಿಗೆ ಸ್ವಲ್ಪ ನೀರು ಹಾಕಿ ರುಬ್ಬಿ.
ನಂತರ ಸಾಸಿವೆ, ಒಣಮೆಣಸು ಹಾಕಿ ಒಗ್ಗರಣೆ ಹಾಕಿ. ಒಂದೆಲಗದ ಚಟ್ನಿ ಸಿದ್ದ.
ಅನ್ನ, ಉಪ್ಪಿನಕಾಯಿ ಮತ್ತೆ ಈರುಳ್ಳಿಯೊಂದಿಗೆ ಬಡಿಸಿ.

ಮೊಡಂಗಲ ಕಾಯಿ ಪಲ್ಯ

2011-09-26T14:25:00.000-07:00

ಬೇಕಾಗುವ ಸಮಯ :೧೫ ನಿಮಿಷ
2 ಜನರಿಗೆ ಸಾಕಾಗುತ್ತದೆ.
ಬೇಕಾಗುವ ಸಾಮಗ್ರಿಗಳು:

ಮೊಡಂಗಲ ಕಾಯಿ ೪ ಸಣ್ಣಗೆ ಹೆಚ್ಚಿದ್ದು
ಹಸಿಮೆಣಸು ೧ ಸಣ್ಣಗೆ ಹೆಚ್ಚಿದ್ದು
ಉಳ್ಳಾಗಡ್ಡೆ ೧ ಹೆಚ್ಚಿದ್ದು
ಕಾಯಿತುರಿ ಸ್ವಲ್ಪ
ಎಣ್ಣೆ ೩ ಚಮಚ
ಸಾಸಿವೆ ಕಾಳು
ಜೀರಿಗೆ ೧ ಚಮಚ
ಇಂಗು ಚಿಟಿಕೆ
ಅರಿಶಿನ ಚಿಟಿಕೆ
ಉಪ್ಪು
ಸಕ್ಕರೆ ಚಿಟಿಕೆ
ಹುಳಿಪುಡಿ ಚಿಟಿಕೆ

ಮಾಡುವ ವಿಧಾನ :

ಒಂದು ಪಾತ್ರೆಗೆ ಎಣ್ಣೆ ಹಾಕಿ,ಬಿಸಿ ಬಂದ ನಂತರ ಅದಕ್ಕೆ ಸಾಸಿವೆ ಕಾಳು (ಸಿಡಿಯುವ ತನಕ ಕಾಯಿರಿ),ಜೀರಿಗೆ, ಮೆಣಸು,ಇಂಗು,ಅರಶಿನ ಮತ್ತು ಈರುಳ್ಳಿ ಹಾಕಿ ಒಂದು ನಿಮಿಷ ಬಿಟ್ಟು,ಹೆಚ್ಚಿದ ಮೊಡಂಗಲಕಾಯಿ ಹಾಕಿ ಚೆನ್ನಾಗಿ ಹುರಿಯಿರಿ.
ಅದಕ್ಕೆ ಕಾಯಿತುರಿ ಸೇರಿಸಿ ಇನ್ನೊಂದು ನಿಮಿಷ ಹುರಿಯಿರಿ.
ಇದು ಅನ್ನದ ಜೊತೆ ಚೆನ್ನಾಗಿರುತ್ತದೆ.

ಮೊಡಂಗಲಕಾಯಿ ಬಜ್ಜಿ

2011-09-17T05:17:00.000-07:00

ಬೇಕಾಗುವ ಸಮಯ:10ನಿಮಿಷ.
2-4 ಜನರಿಗೆ ಸಾಕಾಗುತ್ತದೆ.
ಬೇಕಾಗುವ ಸಾಮಗ್ರಿಗಳು:

ಮೊಡಂಗಲಕಾಯಿ 2 ಸಣ್ಣಗೆ ಹೆಚ್ಚಿದ್ದು
ಮೊಸರು ಅಥವಾ ಮಜ್ಜಿಗೆ 1-2ಕಪ್
ಎಣ್ಣೆ 2ಚಮಚ
ಹಸಿಮೆಣಸು 1 ಕತ್ತರಿಸಿದ್ದು
ಸಾಸಿವೆ ಕಾಳು 1/2ಚಮಚ
ಅರಶಿನ ಚಿಟಿಕೆ
ಇಂಗು ಚಿಟಿಕೆ
ಉಪ್ಪು
ಸಕ್ಕರೆ ಚಿಟಿಕೆ

ಮಾಡುವ ವಿಧಾನ:

ಒಂದು ಪಾತ್ರೆಯಲ್ಲಿ ಎಣ್ಣೆಯನ್ನು ಬಿಸಿಗಿಡಿ.
ಎಣ್ಣೆ ಕಾದ ನಂತರ,ಸಾಸಿವೆ ಕಾಳು ಹಾಕಿ(ಸಿಡಿಯುವ ತನಕ ತಡೆದು),ನಂತರ ಹಸಿಮೆಣಸು,ಅರಶಿನ,ಇಂಗು ಹಾಕಿ ಒಂದು ನಿಮಿಷ ಬಿಟ್ಟು,ಮೊಡಂಗಲ ಕಾಯಿ ಹಾಕಿ ಚೆನ್ನಾಗಿ ಹುರಿಯಿರಿ.
ನಂತರ ಮೊಸರು,ಉಪ್ಪು ಮತ್ತು ಸಕ್ಕರೆ ಹಾಕಿದರೆ,ಮೊಡಂಗಲಕಾಯಿ ಬಜ್ಜಿ ಸವಿಯಲು ಸಿದ್ಧ.

ಕೋಡುಬಳೆ(Crunchy Rings)

2011-09-12T10:29:00.000-07:00

Click here for English

ತಯಾರಿಸಲು ಬೇಕಾಗುವ ಸಮಯ:15-20ನಿಮಿಷ
ಬೇಕಾಗುವ ಸಾಮಗ್ರಿಗಳು:

ಅಕ್ಕಿಹಿಟ್ಟು 1ಕಪ್
ಮೈದಾಹಿಟ್ಟು 1/2ಕಪ್
ರವೆ 1/2ಕಪ್
ಉಪ್ಪು
ಅರಿಶಿನ ಚಿಟಿಕೆ
ಖಾರದ ಪುಡಿ ೧ಚಮಚ
ಜೀರಿಗೆ 1/2 ಚಮಚ
ಎಳ್ಳು 1/2ಚಮಚ ಹುರಿದದ್ದು
ಒಮಕಾಳು ಚಿಟಿಕೆ
ಎಣ್ಣೆ ಕರಿಯಲು

ಮಾಡುವ ವಿಧಾನ:

ಎಲ್ಲ ಸಾಮಗ್ರಿಗಳನ್ನು ತೆಗೆದುಕೊಂಡು(ಎಣ್ಣೆ ಒಂದನ್ನು ಬಿಟ್ಟು) ಬಿಸಿನೀರನ್ನು,2ಚಮಚ ಬಿಸಿ ಎಣ್ಣೆ ಬಳಸಿ ಚಕ್ಕಲಿ ಹಿಟ್ಟಿನ ಹದಕ್ಕೆ ಕಲಸಿಟ್ಟುಕೊಳ್ಳಿ.
ಎಣ್ಣೆಯನ್ನು ಸಣ್ಣ ಉರಿಯಲ್ಲಿ ಬಿಸಿಗಿಡಿ.
ಒಂದು ಸ್ವಲ್ಪ ಹಿಟ್ಟನ್ನು ತೆಗೆದುಕೊಂಡು ಅದಕ್ಕೆ ಸಣ್ಣ ಬಳೆ ಆಕಾರ ಕೊಟ್ಟು,ಎಣ್ಣೆ ಬಿಸಿ ಬಂದ ನಂತರ ಅದನ್ನು ಕರಿಯಿರಿ.
ಕೋಡುಬಳೆ ಸವಿಯಲು ಸಿದ್ಧ.

ಅಕ್ಕಿ ವಡೆ(Rice Vada)

2011-09-12T10:28:00.000-07:00

Click here for English.
ತಯಾರಿಸಲು ಬೇಕಾಗುವ ಸಮಯ:20ನಿಮಿಷ
ಬೇಕಾಗುವ ಸಾಮಗ್ರಿಗಳು:

ಅಕ್ಕಿಹಿಟ್ಟು 1ಕಪ್
ಸೌತೆಕಾಯಿ 1/4 ಕಪ್ ತುರಿದದ್ದು
ಉಪ್ಪು
ಜೀರಿಗೆ
ಅರಶಿನ ಚಿಟಿಕೆ
ಎಣ್ಣೆ ಕರಿಯಲು

ಮಾಡುವ ವಿಧಾನ:

ಅಕ್ಕಿಹಿಟ್ಟು,ಸೌತೆಕಾಯಿ,ಜೀರಿಗೆ,ಉಪ್ಪು,ಅರಿಶಿನವನ್ನು ಸ್ವಲ್ಪ ಬಿಸಿನೀರು ಬಳಸಿ ಕಲಸಿಟ್ಟುಕೊಳ್ಳಿ.
ಎಣ್ಣೆಯನ್ನು ಸಣ್ಣ ಬೆಂಕಿಯಲ್ಲಿ ಬಿಸಿಗಿಡಿ.
ಒಂದು ಲಿಂಬೆ ಗಾತ್ರದ ಹಿಟ್ಟನ್ನು ತೆಗೆದುಕೊಂಡು ಅದಕ್ಕೆ ವಡೆ ಆಕಾರ ಕೊಟ್ಟು,ಎಣ್ಣೆ ಬಿಸಿ ಬಂದ ನಂತರ ಕರಿಯಿರಿ.
ಅಕ್ಕಿ ವಡೆ ಪಾಯಸದ ಜೊತೆ ಚೆನ್ನಾಗಿರುತ್ತದೆ.

ಹಲಸಿನ ಹಣ್ಣಿನ ದೋಸೆ(Jackfruit Crepes)

2011-09-12T10:27:00.000-07:00

ಬೇಕಾಗುವ ಸಾಮಗ್ರಿಗಳು:

ಅಕ್ಕಿ 1ಕಪ್
ಹಲಸಿನ ಹಣ್ಣಿನ ಸೊಳೆ 2ಕಪ್
ಉಪ್ಪು
ಬೆಲ್ಲ

ಮಾಡುವ ವಿಧಾನ:

ಅಕ್ಕಿಯನ್ನು 4-5 ಘಂಟೆಕಾಲ ನೆನೆಸಿ.
ಅಕ್ಕಿ ತೊಳೆದು,ರುಬ್ಬಿ.ನಂತರ ಹಲಸಿನ ಸೊಳೆಯನ್ನು ರುಬ್ಬಿ.
ರುಬ್ಬಿದ ಎಲ್ಲ ಹಿಟ್ಟು,ಬೆಲ್ಲ,ಉಪ್ಪು ಹಾಕಿ ಎಲ್ಲವನ್ನು ಚೆನ್ನಾಗಿ ಕಲಸಿ.
ಕಾವಲಿ ಬಿಸಿಬಂದ ನಂತರ,ತೆಳ್ಳಗಿನ ದೊಸೆ ಎರೆಯಿರಿ.
ಬೆಂದ ನಂತರ ತೆಗೆದು ಸವಿದು ನೋಡಿ ರುಚಿ.