HEMCHEA TV

លោក សម រង្ស៊ី ទាមទារឱ្យមានដំណោះស្រាយនយោបាយនៅកម្ពុជា តាមសំណើសហភាពអឺរ៉ុប

2019-11-13T08:09:00.000+07:00

ប្រភពពីwww.rfa.org/khmer

Can Cambodia's opposition keep pressure on PM Hun Sen?

2019-11-13T07:51:00.000+07:00

ប្រភពពីwww.aljazeera.com

សហរដ្ឋអាមេរិកដោះដៃពីសង្គ្រាមនៅស៊ីរី។ តើមានអ្វីកើតឡើង?

2019-11-12T22:58:00.000+07:00

ប្រភពពី PNNTV

សហគមន៍អន្តរជាតិនឹងដាក់ទណ្ឌកម្មរដ្ឋាភិបាលលោក ហ៊ុន សែន នៅចុងខែកុម្ភៈ

2018-02-01T13:06:00.003+07:00

(ពីស្ដាំ) លោក ហ្វីល រ៉ូប៊ឺតសុន (Phil Robertson) នាយករងនៃអង្គការឃ្លាំមើលសិទ្ធិមនុស្សអន្តរជាតិ យូមែន រ៉ៃត៍ វ៉ច្ឆ (Human Rights Watch) ប្រចាំតំបន់អាស៊ី លោក មុខគុណដា ខាត់ថេល (Mukunda Kattel) នាយកអង្គការForum Asia អ្នកស្រី កេតថៀ ឈៀស្សី (Katia Chirzzi) នាយករងនៃឧត្តមស្នងការសហប្រជាជាតិសិទ្ធិមនុស្សប្រចាំការិយាល័យតំបន់អាស៊ីអាគ្នេយ៍ និងលោក ឃីងស្លី អាបុត្ត (Kingsley Abbott) ទីប្រឹក្សាច្បាប់នៃគណៈកម្មការអ្នកច្បាប់អន្តរជាតិ (ICJ) និងធ្លាប់ធ្វើមន្ត្រីច្បាប់ក្នុងសាលាក្ដីខ្មែរក្រហម ក្នុងសន្និសីទមួយ ក្នុងក្លឹបអ្នកឆ្លើយឆ្លងសារព័ត៌មានបរទេស (FCCT) នៅទីក្រុងបាងកក កាលពីថ្ងៃទី១៨ ខែតុលា ឆ្នាំ២០១៧។

ក្រុមអ្នកឃ្លាំមើលនិយាយថា សហគមន៍អឺរ៉ុប និងព្រឹទ្ធសភាសហរដ្ឋអាមេរិក នឹងប្រើវិធានការបន្ថែមគឺដាក់ទណ្ឌកម្មសេដ្ឋកិច្ច ដល់រដ្ឋាភិបាលកម្ពុជានៅចុងខែកុម្ភៈខាងមុខ ដើម្បីឆ្លើយតបទៅនឹងការបំផ្លាញលទ្ធិប្រជាធិបតេយ្យនៅកម្ពុជា។

នាយករងទទួលបន្ទុកកិច្ចការតំបន់អាស៊ីរបស់អង្គការឃ្លាំមើលសិទ្ធិ មនុស្ស អន្តរជាតិ យូមែន រ៉ៃត៍ វ៉ច្ឆ (Human Rights Watch) លោក ហ្វីល រ៉ូបើតសិន (Phil Robertson) បានប្រាប់អាស៊ីសេរីតាមទូរស័ព្ទថា ប្រទេសចំនួន ២៨ ក្នុងសហគមន៍អឺរ៉ុបនឹងចេញសេចក្ដីសម្រេចមួយ នៅចុងខែកុម្ភៈ ខាងមុខ ក្នុងទីក្រុងប្រ៊ូចសែល (Brussels) ប្រទេសប៊ែលហ្សិក (Belgium) ដើម្បីប្រើវិធានការក្ដៅក្នុងការដាក់ទណ្ឌកម្មខាងវិស័យកាត់ដេរ ទៅលើរដ្ឋាភិបាលលោក ហ៊ុន សែន។ លោកបន្តថា ចំណែកខាងសហរដ្ឋអាមេរិកឯណោះវិញ ក្រុមសមាជិកព្រឹទ្ធសភា របស់ប្រទេសមហាអំណាចមួយនេះវិញ ក៏នឹងបញ្ចេញច្បាប់មួយដើម្បីដាក់ទណ្ឌកម្មដល់កម្ពុជាដែរ៖ «អ្វីដែលខ្ញុំបានដឹងនៅពេលនេះគឺក្រុមសមាជិកព្រឹទ្ធសភាអាមេរិកាំង ទាំងពីរគណបក្សរួមមានលោក ចន ម៉ាកឃែន (John MacCain) លោក ប៊ែន ខាដិន (Ben Cardin) និងលោក ឌីក ឌឺប៊ិន (Dick Durbin) នឹងធ្វើច្បាប់ពិសេសមួយដើម្បីដាក់ទណ្ឌកម្មដល់លោក ហ៊ុន សែន។ ច្បាស់ណាស់ទៅហើយ លោក ហ៊ុន សែន គ្មានប្រជាប្រិយភាព ហើយក៏គ្មានសម្ពន្ធមិត្តណាមួយក្នុងរដ្ឋសភានោះទេ ដោយបុរសម្នាក់ នេះគាត់ជាជនផ្ដាច់ការ ជាជើងកាង ជាមេរំលោភសិទ្ធិមនុស្ស ហើយបុរសម្នាក់សមនឹងទទួលនូវទណ្ឌកម្ម។ ចំណែកសហគមន៍អឺរ៉ុបវិញ ក៏កំពុងរៀបចំវិធានការជាក់លាក់ទៅរដ្ឋាភិបាលកម្ពុជាដែរ។ ក្រុមប្រឹក្សាអចិន្ត្រៃយ៍របស់សហគមន៍អឺរ៉ុបនឹងចេញសេចក្ដីសម្រេចរបស់ខ្លួនមួយ នៅចុងខែកុម្ភៈខាងមុខ ដែលជាវិធានការក្ដៅទៅលើរដ្ឋាភិបាល លោក ហ៊ុន សែន តែម្ដង»។

មន្ត្រីជាន់ខ្ពស់របស់រដ្ឋាភិបាលកម្ពុជានៅមិនទាន់អាចឆ្លើយតបទៅនឹងគម្រោងដាក់ទណ្ឌកម្មរបស់សហគមន៍អន្តរជាតិនៅឡើយទេ។

ប៉ុន្តែលោក ហ៊ុន សែន កន្លងមកធ្លាប់បង្ហាញមោទនភាពថា លោកមិនខ្វល់អំពីការដាក់ទណ្ឌកម្មណាមួយរបស់អន្តរជាតិមកលើរដ្ឋាភិបាលរបស់លោកនោះទេ៖ «អស់លោកសង្ឃឹមណាស់ថា បន្តិចទៀតរដ្ឋបាលភ្នំពេញនឹងគាំងងាប់ហ្មង។ សូមផ្ដាំទៅអាពៅ សម័យដើម ស៊ីបាយធ្វើការដូរអង្ករ។ ហែងហ៊ុមព័ទ្ធអញ អញរស់បាន។ រឿងអីមកដល់ប៉ុណ្ណឹងហើយរស់មិនបាន»។

ទោះជាយ៉ាងណាក៏ដោយ ក្រុមសហជីពកម្មករព្រមានថា ប្រសិនបើ កម្ពុជាទទួលរងទណ្ឌកម្មទាំងពីសហរដ្ឋអាមេរិក និងសហគមន៍អឺរ៉ុបមែន នោះវានឹងប៉ះទង្គិចខ្លាំងដល់កម្មករខ្មែរ ជាង ៤សែននាក់ និងអាចធ្វើឲ្យសេដ្ឋកិច្ចរបស់ប្រទេសរងគ្រោះមហន្តរាយធ្ងន់ធ្ងរ។ ប្រធានសហជីពស៊ីខៅឌូ លោក អាត់ ធន់ បានសម្ដែងក្ដីបារម្ភចំពោះ កម្មកររាប់ម៉ឺននាក់នឹងបាត់បង់ការងារធ្វើ ហើយលទ្ធភាពនៃការនាំទំនិញរបស់កម្ពុជាទៅលក់នៅទីផ្សារបរទេសនឹងជួបវិបត្តិធំ៖ «ចំពោះខ្ញុំ ខ្ញុំមានការបារម្ភនៅពេលណាមានការគំរាមដាក់ទណ្ឌកម្ម ពាក់ព័ន្ធនឹងការនាំចេញ ឬពាណិជ្ជកម្មផ្សេងៗ ដោយសារពេលបច្ចុប្បន្នហ្នឹងការនាំចេញភាគច្រើនគឺវិស័យកាត់ដេរ ហើយនាំហ្នឹងទៅ សហគមន៍អឺរ៉ុប និងសហរដ្ឋអាមេរិកហ្នឹងគឺច្រើនជាងគេ។ បើយើងគិតទៅប្រហែល ជា ៧០ ទៅ៨០ ភាគរយទៅហើយ អញ្ចឹងបើសិនជាមាន ការដាក់ទណ្ឌកម្មហ្នឹង គឺខ្ញុំមានការបារម្ភមែនទែនអំពីលទ្ធភាពនៃការ រកការងារសម្រាប់កម្មករ»។

ពាក់ព័ន្ធទៅនឹងការដាក់សំពាធរបស់សហគមន៍អន្តរជាតិមកលើរដ្ឋាភិបាលកម្ពុជានេះ កាលពីថ្ងៃទី២៤ ខែមករា ក្រុមសមាជិកព្រឹទ្ធសភាអាមេរិកាំង បានសរសេរលិខិតមួយច្បាប់ ទៅឯកអគ្គរដ្ឋទូតរបស់ខ្លួនប្រចាំនៅអង្គការសហប្រជាជាតិអ្នកស្រី នីគី ហាលី (Niki Haley) ដើម្បីឲ្យបង្កើនការដាក់សម្ពាធលើរដ្ឋាភិបាលកម្ពុជា ចំពោះការរំលោភសិទ្ធិមនុស្ស ការប្រើប្រាស់ប្រព័ន្ធយុត្តិធម៌ខុសច្បាប់ ការរំលាយបក្សប្រឆាំង ការចាប់មេបក្សប្រឆាំងដាក់ពន្ធនាគារ ព្រមទាំងហាមមិនឲ្យមន្ត្រីបក្សប្រឆាំងជាង ១០០នាក់ ធ្វើនយោបាយទៀតផង។ ពួកគេជំរុញឲ្យអ្នកស្រី នីគី ហាលី ប្រើឥទ្ធិពលរបស់អាមេរិកក្នុងការដាក់លោក ហ៊ុន សែន ឲ្យនៅឯក្រៅពីពិភពលោក៕អត្ថបទ និង រូបភាព RFA

កម្ពុជាកំពុងដឹកនាំទៅរករបបយោធាផ្ដាច់ការនិយាមនិងគ្រួសារនិយម

2018-01-26T12:58:00.000+07:00

លោកនាយករដ្ឋមន្ត្រី ហ៊ុន សែន (ឆ្វេង) និងកូនប្រុសរបស់លោក គឺលោក ហ៊ុន ម៉ាណែត ក្នុងពិធីមួយនាការដ្ឋានកងទ័ពជើងគោកនៃកងយោធពលខេមរភូមិន្ទ។ រូបឯកសារ

អ្នកឃ្លាំមើលសង្គមអះអាងថា លោក ហ៊ុន សែន ដឹកនាំកម្ពុជា បច្ចុប្បន្នគឺជាការដឹកនាំបែបយោធានិយម ផ្ដាច់ការ និងជាការដឹកនាំមួយដែលក្រុមយោធាព្យាយាមដំឡើងបុណ្យសក្ដិទាយាទរបស់ខ្លួនឲ្យស្នងតំណែងបន្ត ដើម្បីការពារអំណាចទ្រព្យសម្បត្តិ និងផលប្រយោជន៍ផ្ទាល់ខ្លួនរបស់ពួកគេ។ ប៉ុន្តែមន្ត្រីជាន់ខ្ពស់របស់គណបក្សកាន់អំណាចបដិសេធការចោទប្រកាន់នេះ។

ក្រុមអ្នកវិភាគវាយតម្លៃថា កម្ពុជាកំពុងបោះជំហានដ៏ធំរបស់ខ្លួនទៅរកវណ្ណៈយោធាផ្ដាច់ការនិយមមួយដែលកំពុងចាក់ឫសជ្រៅទៅក្នុងស្រទាប់សង្គមដ៏ស្មុគស្មាញញាំញីទៅដោយគ្រួសារនិយម បក្ខពួកនិយម ក្នុងបុព្វហេតុការពារអំណាច ទ្រព្យសម្បត្តិ និងការក្ដោបក្ដាប់សេដ្ឋកិច្ចរបស់ប្រទេសទាំងមូល។

អ្នកវិភាគឯករាជ្យលោកបណ្ឌិត ឡៅ ម៉ុងហៃ ថ្លែងថា ក្រុមយោធាជាតិបានចាប់ផ្ដើមរំលោភភារកិច្ចរបស់ក្រសួងមហាផ្ទៃ ដូចជាករណីរៀបចំសណ្ដាប់សាធារណៈជាជាងកិច្ចការព្រំដែន និងបានចាប់ផ្ដើមចេញមុខស៊ើបអង្កេតក្នុងហេតុផលប្រឆាំងនឹងបដិវត្តន៍ពណ៌។ នៅស្របគ្នានេះ ដឹកនាំយោធាក៏បានចាប់ផ្ដើមប្រញាប់ប្រញាល់តែងតាំងទាយាទ និងសាច់ញាតិរបស់ខ្លួនជាបន្តបន្ទាប់ដែរ៖ «របបយោធានេះមិនមែនមានទម្រង់តែរបបយោធាធម្មតាទេ ប៉ុន្តែវាជារបបយោធាតពូជ។ គឺក្នុងគ្រួសារមួយចេះតែតគ្នាអ៊ីចឹងទៅ»។

ការតែងតាំងក្រុមទាយាទរបស់មន្ត្រីយោធាជាន់ខ្ពស់ ធ្វើឡើងរាប់ចាប់តាំងពីកូនៗរបស់លោកនាយករដ្ឋមន្ត្រី ហ៊ុន សែន រហូតដល់មន្ត្រីយោធាគ្រាក់ៗមួយចំនួនទៀត។

លោក ហ៊ុន សែន បានតែងតាំងកូនប្រុសច្បងរបស់លោក គឺលោក ហ៊ុន ម៉ាណែត ឲ្យមានតួនាទីជាច្រើននៅក្នុងជួរកងទ័ព ក្នុងនោះតែងតាំងទៅជាឧត្ដមសេនីយ៍ឯកផ្កាយមាស៣ កាន់តំណែងជាអគ្គមេបញ្ជាការរងកងទ័ពជើងគោក ជាមេបញ្ជាការរងកងអង្គរក្ស ជាមេបញ្ជាការកម្លាំងពិសេសប្រឆាំងភេរវកម្ម និងជានាយរងសេនាធិការចម្រុះនៃកងយោធពលខេមរភូមិន្ទ។

បន្ទាប់មក នៅឆ្នាំ២០១៧ លោក ហ៊ុន សែន បានតែងតាំងកូនប្រុសទីពីររបស់លោក គឺលោកឧត្ដមសេនីយ៍ទោ ហ៊ុន ម៉ានិត ឲ្យធ្វើជាប្រធាននាយដ្ឋានស្រាវជ្រាវខាងផ្នែកចារកិច្ច។ ក្រោយមកទៀត នៅខែចុងខែធ្នូ ឆ្នាំ២០១៧ លោក ហ៊ុន សែន បានតែងតាំងក្មួយប្រុសបង្កើតរបស់លោក គឺលោក ហ៊ុន ជា ពីឋានន្តរសក្ដិជាឧត្ដមសេនីយ៍ទោ ទៅជាឧត្ដមសេនីយ៍ឯកផ្កាយមាសបី នៃក្រសួងការពារជាតិ។ ក្នុងរយៈពេលមិនដល់មួយខែផង គឺនៅពាក់កណ្ដាលខែមករា ឆ្នាំ២០១៨ លោកនាយករដ្ឋមន្ត្រី ហ៊ុន សែន បានតែងតាំងកូនប្រសារបស់លោក គឺលោក ឌី វិជ្ជា ឱ្យធ្វើជាអគ្គស្នងការរងនគរបាលជាតិ។

នេះនៅមិនទាន់គិតដល់កូនមន្ត្រីសមត្ថកិច្ចកំពូលៗជាច្រើនផ្សេងទៀត ដូចជាកូនប្រុសពីរនាក់របស់រដ្ឋមន្ត្រីក្រសួងមហាផ្ទៃ លោក ស ខេង គឺលោក ស សុខា និង ស រដ្ឋា ត្រូវបានតែងតាំងពីថ្នាក់ឧត្ដមសេនីយ៍ត្រី ផ្កាយមាសមួយ ទៅជាឧត្ដមសេនីយ៍ទោ ផ្កាយមាសពីរ។ លោក ស សុខា ក្រៅពីមានតួនាទីជាសមាជិកគណៈកម្មាធិការកណ្ដាលគណបក្សប្រជាជនកម្ពុជា លោកក៏មានតួនាទីជាតំណាងរាស្ត្រមណ្ឌលខេត្តព្រៃវែង។

រីឯកូនប្រុសរបស់លោក ទៀ បាញ់ ឈ្មោះ ទៀ សីហា វិញក៏មានឋានន្តរសក្ដិមិនតូចនោះដែរ។ លោក ទៀ សីហា ក្រៅពីមានតួនាទីជាឧត្ដមសេនីយ៍ទោ ពាក់ផ្កាយមាសពីរ ខាងផ្នែកយោធាហើយនោះ លោកក៏ត្រូវបានតែងតាំងជាអភិបាលរងខេត្តសៀមរាប ថែមទៀត។

រីឯមន្ត្រីយោធាតស៊ូការពារនៅតាមព្រំដែនវិញ ដែលគ្មានសែរយៈធំៗ កម្រឃើញមានការតែងតាំងឲ្យឡើងតួនាទី ឋានៈ បានខ្ពង់ខ្ពស់ដូចកូនមន្ត្រីធំៗបែបនេះណាស់។ កងកម្លាំងយោធាខ្លះទៀត បានពលីជីវិតនៅក្នុងសមរភូមិ បន្សល់ទុកនូវប្រពន្ធកូនក្រលំបាក តោកយ៉ាកក៏មាន។ យោធាខ្លះរងគ្រោះពិការដៃ ដាច់ជើង ហើយធ្លាក់ខ្លួនជាអ្នកសុំទានដើម្បីចិញ្ចឹមក្រពះប្រចាំថ្ងៃថែមទៀត។

អ្នកវិភាគនយោបាយបណ្ឌិត ឡៅ ម៉ុងហៃ កត់សម្គាល់ថា ការតែងតាំងមុខតំណែងមន្ត្រីជាន់ខ្ពស់ក្នុងក្របខ័ណ្ឌសន្តិសុខជាតិ និងវិស័យការពារជាតិនៅកម្ពុជា បច្ចុប្បន្ន ធ្វើឡើងតាមរយៈសាច់សាលោហិត និងបក្ខពួកនិយម ច្រើនជាងគុណបំណាច់ និងសមត្ថភាពជាក់ស្ដែងរបស់យោធាមួយចំនួនធំទៀត ដែលខំតស៊ូបម្រើជាតិរាប់សិបឆ្នាំមកនោះ។ លោកថា ការធ្វើបែបនេះជាសញ្ញាបង្ហាញថា កម្ពុជាកំពុងក្លាយជាប្រទេសដែលផ្ដាច់ការយោធានិយម និងគ្រួសារនិយម។

ចំណែកប្រធានអង្គការសម្ព័ន្ធគណនេយ្យភាពសង្គមកម្ពុជា លោក សន ជ័យ ធ្លាប់មានប្រសាសន៍ថា ដើម្បីដោះស្រាយបញ្ហាគ្រួសារនិយម និងបក្ខពួកនិយម កម្ពុជាគួរមានច្បាប់មួយស្ដីពីទំនាស់ផលប្រយោជន៍ ដែលត្រូវចែងឱ្យបានច្បាស់អំពីការតែងតាំងមុខតំណែង និងតួនាទីរបស់កូនចៅ និងសាច់សាលោហិតរបស់មេដឹកនាំទាំងនោះ។

លោក សន ជ័យ៖ «ប្រសិនបើមានមន្ត្រីផ្សេងៗដែលបានបំពេញការងារយូរមកហើយ ជាពិសេសមន្ត្រីដែលមានវ័យចំណាស់ដែលពួកគាត់មិនបានឡើងបុណ្យសក្ដិ តែអ្នកផ្សេងដែលមានជាប់សែស្រឡាយរបស់ថ្នាក់ដឹកនាំបែរជាបានឡើងបុណ្យសក្ដិ នោះហើយគឺជាការឈានទៅរកគ្រួសារនិយម។ ក៏ប៉ុន្តែពេលវេលានៃការឡើងបុណ្យសក្ដិនេះ មិនមែនកើតឡើងចំពោះតែក្រុមគ្រួសារលោកនាយករដ្ឋមន្ត្រី ហ៊ុន សែន ហ្នឹងតែមួយនោះទេ វាក៏មានការដំឡើងឋានៈដល់មន្ត្រីផ្សេងៗទៀតនៅក្នុងជួរកងកម្លាំងប្រដាប់អាវុធហ្នឹងដែរ។ បើយើងមិនទាន់មានច្បាប់ស្ដីពីទំនាស់ផលប្រយោជន៍ និងមានការចែងឱ្យច្បាស់ពីទំនាស់ផលប្រយោជន៍នេះទេ ខ្ញុំគិតថា សង្គមកម្ពុជា យើងនឹងត្រូវបានគេមើលឃើញរបៀបនេះតទៅទៀត»។

អ្នកនាំពាក្យគណបក្សប្រជាជនកម្ពុជា លោក សុខ ឥសាន បានចោលការចោទប្រកាន់ទាំងឡាយដែលថា កម្ពុជាជាប្រទេសកំពុងមានការដឹកនាំបែបយោធាផ្ដាច់ការនិយម និងគ្រួសារនិយមនោះ។ លោកអះអាងថា ការតែងតាំងមុខតំណែងកូនៗរបស់ថ្នាក់ដឹកនាំរដ្ឋាភិបាលកម្ពុជា អោយមានតំណែងខ្ពស់នោះ គឺជាការសក្ដិសមបំផុតដោយសារពួកគេមានសមត្ថភាពពិតប្រាកដ។

មន្ត្រីនាំពាក្យគណបក្សកាន់អំណាចរូបនេះអះអាងថា ប្រសិនបើកម្ពុជា កាន់អំណាចផ្ដាច់ការមែននោះ អំណាចរបស់លោកនាយករដ្ឋមន្ត្រី ហ៊ុន សែន មិនបានស្ថិតស្ថេររហូតមកដល់សព្វថ្ងៃនេះឡើយ៖ «ប្រសិនបើរបបយោធានិយមមែន វាអត់ស្ថិតស្ថេររហូតដល់ ៣០ ៤០ឆ្នាំអ៊ីចឹងទេ»។

ទោះជាយ៉ាងណាក៏ដោយ មន្ត្រីជាន់ខ្ពស់របស់អង្គការឃ្លាំមើលសិទ្ធិមនុស្សអន្តរជាតិ បានស្នើអោយលោក សុខ ឥសាន គួរតែផ្លាស់ទៅរស់នៅពិភពព្រះអង្គារវិញទៅប្រសើរជាង ប្រសិនមន្ត្រីបក្សប្រជាជនកម្ពុជា រូបនេះ មើលមិនឃើញថា ប្រទេសកម្ពុជា កំពុងតែរំលោភអំណាច រំលោភសិទ្ធិមនុស្ស និងបំផ្លាញលទ្ធិប្រជាធិបតេយ្យទេនោះ។

នាយកប្រតិបត្តិទទួលបន្ទុកកិច្ចការតំបន់អាស៊ីរបស់អង្គការឃ្លាំមើលសិទ្ធិមនុស្សអន្តរជាតិ យូមែន រ៉ៃត៍ វ៉ច្ឆ (Human Rights Watch) លោក ប្រ៊ែដ អាដាម (Brad Adams) បានប្រាប់អាស៊ីសេរី តាមទូរស័ព្ទកាលពីថ្ងៃទី២៥ ខែមករា ថា ប្រទេសដែលកាន់របបប្រជាធិបតេយ្យគឺគ្មានការរំលាយគណបក្សប្រឆាំង គ្មានចាប់ខ្លួនមេដឹកនាំបក្សប្រឆាំង គ្មានការបិទស្ថាប័នសាព័ត៌មានឯករាជ្យ គ្មានការចាប់ខ្លួនអ្នកកាសែត និងគ្មានការហាមអ្នកនយោបាយមិនឲ្យធ្វើនយោបាយនោះឡើយ៖ «ប្រទេសដែលប្រកាន់លទ្ធិប្រជាធិបតេយ្យ គេមានតុលាការឯករាជ្យ គេមានបណ្ដាញសាព័ត៌មានឯករាជ្យ គេមាននគរបាល ប្រព័ន្ធយុត្តិធម៌ និងយោធាដែលមានវិជ្ជាជីវៈ។ ជាងនេះទៅទៀត ប្រទេសដែលប្រកាន់លទ្ធិប្រជាធិបតេយ្យគឺមានការបោះឆ្នោតដោយសេរី ត្រឹមត្រូវ និងយុត្តិធម៌ ដោយគ្មានការប្រើអំពើហិង្សា ការគំរាមកំហែង និង ការបំភិតបំភ័យ។ ជនណាដែលនិយាយថា កម្ពុជាជាប្រទេសប្រកាន់របបលទ្ធិប្រជាធិបតេយ្យ ជននោះកំពុងកុហកខ្លួនឯង និងកុហកដល់មហាជនទូទៅ។ ម្យ៉ាងទៀតដោយសារជននោះបានទទួលប្រាក់ខែពីលោក ហ៊ុន សែន បើមិនអ៊ីចឹងទេ ក៏ជននោះមិននិយាយសម្ដីបែបឆ្កួតលីលាដូច្នេះទេ»។

ក្រុមអ្នកវិភាគនិយាយថា មេដឹកនាំផ្ដាច់ការជាច្រើននៅលើពិភពលោក បានប្រើវិធីស្រដៀងគ្នាទៅនឹងមេដឹកនាំនៃប្រទេសកម្ពុជាដែរ ក្នុងការតែងតាំងកូនៗរបស់ខ្លួនឲ្យមានតួនាទីធំៗនៅក្នុងជួរកងទ័ព ជាពិសេស លោក សាអាឌី កាដាហ្វី (Saadi Gaddafi) កូនប្រុសរបស់លោក មូអាមើ ហ្កាដាហ្វី (Muammar Gaddafi) អតីតមេដឹកនាំប្រទេសលីប៊ី (Libya) ធ្លាប់ត្រូវបានឪពុករបស់លោកតែងតាំងជាមេបញ្ជាការនៃកងកម្លាំងពិសេសរបស់ប្រទេសលីប៊ី កាលពេលលោកនៅមានអំណាច។

ក្រោយមក លោក សាអាឌី ត្រូវបានកាត់ទោសប្រហារជីវិតពីបទឧក្រិដ្ឋកម្មទៅលើប្រជាជនលីប៊ី។ រីឯអតីតមេដឹកនាំប្រទេសអ៊ីរ៉ាក់ (Iraq) លោក សាដាម ហ៊ូសេន (Saddam Hussein) ក៏ធ្លាប់តែងតាំងកូនប្រុសរបស់លោកមួយចំនួនអោយមានតំណែងកំពូលក្នុងជួររដ្ឋាភិបាលរបស់លោកដែរ ដូចជាលោក អ៊ូដា ហ៊ូសេន (Uday Hussein) ត្រូវបានតែងតាំងជាអគ្គមេបញ្ជាការដែលមានអំណាចលើកម្លាំងប៉ូលិស យោធា និងស្ថាប័នមួយចំនួនរបស់រដ្ឋាភិបាល។ កូនប្រុសរបស់លោក សាដាម ហ៊ូសេន ម្នាក់ទៀតឈ្មោះ ឃូស៊យ ហ៊ូសេន (Qusay Hussein) ក៏ត្រូវបានលោក សាដាម ហ៊ូសេន តែងតាំងជាបញ្ជាការកំពូលខាងផ្នែកកងទ័ពជើងទឹក និងជើងអាកាសថែមទៀត។

ទោះអ្នកវិភាគលើកឡើងថា ទោះបីជាលោក ហ៊ុន សែន ដឹកនាំប្រទេសដោយប្រើវិធីសាស្ត្រផ្ដាច់ការ និងតែងតាំងកូនចៅរបស់ខ្លួនឲ្យកាន់មុខតំណែងនៅក្នុងជូរកងទ័ពយ៉ាងច្រើនស្អេកស្កះដូច្នេះក្តី ប៉ុន្តែបរិបទពិភពលោកបច្ចុប្បន្ន ប្រទេសដែលដឹកនាំបែបផ្ដាច់ការនេះ មិនបានស្ថិតស្ថេរយូរអង្វែងនោះឡើយ ជាក់ស្ដែងអំណាចផ្ដាច់ការនៅតាមបណ្ដាប្រទេសក្នុងតំបន់មជ្ឈិមបូព៌ាកំពុងដួលរលំជាបន្តបន្ទាប់៕ អត្ថបទ និង រូបភាព RFA

លោក សម រង្ស៊ី ព្រមានថាបើរដ្ឋាភិបាលមិនពន្យារពេលបោះឆ្នោតអំពើហិង្សានឹងផ្ទុះឡើង

2018-01-18T09:57:00.000+07:00

លោក សម រង្ស៊ី អតីតប្រធានគណបក្សសង្គ្រោះជាតិ ដែលកំពុងរស់នៅដោយនិរទេសខ្លួនឯងនៅបរទេស កាលពីថ្ងៃពុធ ទី១៧ ខែមករា បានលើកឡើងថា ប្រសិនបើរដ្ឋាភិបាលមិនពន្យារពេលការបោះឆ្នោត ខែកក្កដា ឆ្នាំ២០១៨ ខាងមុខនេះទេ អំពើហិង្សានឹងកើតមានឡើង ហើយកម្ពុជា ក៏នឹងត្រូវសហគមន៍អន្តរជាតិ មិនទទួលស្គាល់ទៀតផង។
លោក សម រង្ស៊ី តាមរយៈបណ្តាញសង្គមទ្វីធឺ (tweeter) របស់លោក បានដាក់សំណើទៅលោកនាយករដ្ឋមន្ត្រី ហ៊ុន សែន ឲ្យពន្យារពេលបោះឆ្នោតខែកក្កដា ឆ្នាំ២០១៨ ខាងមុខ រហូតដល់លោក និងលោក ហ៊ុន សែន អាចធានាបានថា ការបោះឆ្នោតនៅពេលខាងមុខយ៉ាងហោចណាស់ក៏អាចមានលក្ខណៈអប្បបរមាតាមស្តង់ដារអន្តរជាតិដែរ ដើម្បីជៀសវាងអំពើហិង្សា និងការមិនទទួលស្គាល់កម្ពុជា ពីសំណាក់សហគមន៍អន្តរជាតិ។
សំណើរបស់លោក សម រង្ស៊ី នៅពេលនេះ ធ្វើឡើងក្រោយប៉ុន្មានថ្ងៃតែប៉ុណ្ណោះ បន្ទាប់ពីលោក និងមន្ត្រីជាន់ខ្ពស់គណបក្សសង្គ្រោះជាតិ ជាច្រើននាក់ទៀត បានបង្កើតចលនាសង្គ្រោះជាតិ ដែលមានមូលដ្ឋាននៅសហរដ្ឋអាមេរិក ដើម្បីទាមទារការដោះលែងលោក កឹម សុខា អ្នកទោសមនសិការ និងការបោះឆ្នោតដោយសេរី និងយុត្តិធម៌។
ទោះបីសហគមន៍អន្តរជាតិ រួមមាន អាមេរិក និងសហគមន៍អឺរ៉ុប បានដាក់ទណ្ឌកម្មលើមន្ត្រីរដ្ឋាភិបាលកម្ពុជា និងផ្អាកជំនួយការបោះឆ្នោតក្តី ពលរដ្ឋ និងសកម្មជនគណបក្សសង្គ្រោះជាតិ មិនទាន់ហ៊ានងើបឡើងប្រឆាំងការរំលាយគណបក្សសង្គ្រោះជាតិ កាលពីខែវិច្ឆិកា ឆ្នាំ២០១៧ នៅឡើយទេ។
មន្ត្រីនាំពាក្យទីស្ដីការគណៈរដ្ឋមន្ត្រី លោក ផៃ ស៊ីផាន ត្រូវបានទីភ្នាក់ងារ រ៉យទ័រ (Reuters) ដកស្រង់សម្ដីថា លោក សម រង្ស៊ី កំពុងបង្កើតបរិយាកាសភ័យខ្លាច។ លោកបញ្ជាក់ថា កម្ពុជាមិនចាំបាច់ពន្យារពេលនៃការបោះឆ្នោតនោះទេ។ ដោយ RFA

អតីតប្រធានគណបក្សសង្គ្រោះជាតិ លោក សម រង្ស៊ី ផ្ដល់បទសម្ភាសន៍ដល់អាស៊ីសេរី នាការិយាល័យនៅរដ្ឋធានីវ៉ាស៊ីនតោន សហរដ្ឋអាមេរិក កាលពីថ្ងៃទី៧ ខែតុលា ឆ្នាំ២០១៦។

លោក កឹម សុខា ត្រូវសមត្ថកិច្ចបញ្ជូនទៅឃុំខ្លួននៅពន្ធនាគារត្រពាំងផ្លុង

2017-09-03T16:46:00.000+07:00

ប្រធានគណបក្សសង្គ្រោះជាតិ លោក កឹម សុខា លើកម្រាមដៃជ្រលក់ទឹកខ្មៅបង្ហាញ ក្រោយលោកចេញពីបោះឆ្នោតជ្រើសរើសក្រុមប្រឹក្សាឃុំ-សង្កាត់ នៅមណ្ឌលក្នុងសង្កាត់ចាក់អង្រែលើ នៅថ្ងៃទី៤ មិថុនា ឆ្នាំ២០១៧។ RFA/Rann Samnang

លោក កឹម សុខា ប្រធានគណបក្សសង្គ្រោះជាតិ ត្រូវបានសមត្ថកិច្ចបញ្ជូនទៅឃុំខ្លួននៅពន្ធនាគារត្រពាំងផ្លុង ខេត្តត្បូងឃ្មុំ។ នេះបើតាមអ្នកនាំពាក្យក្រសួងមហាផ្ទៃ លោក ខៀវ សុភ័គ ឲ្យអាស៊ីសេរីដឹងយ៉ាងខ្លីបន្ទាប់ពីកងកម្លាំងសមត្ថកិច្ចចាប់ខ្លួនលោក កឹម សុខា និងកងអង្គរក្ស ៨នាក់ទៀតដល់ផ្ទះរបស់លោក កឹម សុខា នៅយប់រំលងអធ្រាត្រចូលថ្ងៃទី៣ កញ្ញា ដោយគ្មានដីកាចាប់ខ្លួន។
ទីប្រឹក្សារបស់លោក កឹម សុខា និងជានាយខុទ្ទកាល័យគណបក្សសង្គ្រោះជាតិ លោក មុត ចន្ថា មានប្រសាសន៍ថា លោក កឹម សុខា ប្រធានគណបក្សសង្គ្រោះជាតិ និងអង្គរក្សចំនួន ៨នាក់ទៀត ត្រូវសមត្ថកិច្ចចាប់ខ្លួនដល់គេហដ្ឋានរបស់លោក កឹម សុខា ស្ថិតនៅផ្ទះលេខ៩៧ ផ្លូវ៣១៣ សង្កាត់បឹងកក់២ ខណ្ឌទួលគោក។
លោកបន្តថា ការចាប់ខ្លួនមេដឹកនាំបក្សប្រឆាំងរូបនេះ គឺជាស្ថានការណ៍ដ៏ធំមួយដែលនាំឲ្យប៉ះពាល់ដល់ដំណើរការប្រជាធិបតេយ្យនៅកម្ពុជា និងការបោះឆ្នោតជាតិនៅពេលខាងមុខ។ លោកថា មេធាវីរបស់គណបក្សនឹងពិនិត្យមើលចំពោះបញ្ហានេះ។
ភ្លាមៗក្រោយការចាប់ខ្លួនប៉ុន្មាននាទី រដ្ឋាភិបាលអំពាវនាវឲ្យពលរដ្ឋរក្សាភាពស្ងៀមស្ងាត់ ហើយទុកឲ្យករណីចាប់ខ្លួនមេបក្សប្រឆាំងលោក កឹម សុខា ដើម្បីអោយតុលាការចាត់ការតាមច្បាប់។ សេចក្ដីថ្លែងការណ៍របស់រដ្ឋាភិបាលអះអាងថា ករណីចាប់ខ្លួននេះ មន្ត្រីនគរបាលផ្អែកហេតុផលថាជាករណីជាក់ស្ដែងទៅតាមក្រមនីតិវិធីព្រហ្មទណ្ឌ។
រដ្ឋាភិបាលបញ្ជាក់ទៀតថា តាមរយៈវីដេអូឃ្លីបដែលផ្សព្វផ្សាយដោយបណ្ដាញផ្សាយព័ត៌មានកម្ពុជា ដែលហៅខ្លីថា ស៊ីប៊ីអិន (Cambodian Broadcasting Network) មានប្រភពនៅប្រទេសអូស្ត្រាលី (Australia) និងភស្តុតាងដទៃទៀត អាជ្ញាធរចោទថាលោក កឹម សុខា មានផែនការសម្ងាត់ឃុបឃិតជាមួយបរទេសដែលធ្វើអោយប៉ះពាល់ដល់ព្រះរាជាណាចក្រកម្ពុជា។ រដ្ឋាភិបាលចាត់ទុកការឃុបឃិតនេះថាជាអំពើក្បត់ជាតិដែលជាបទល្មើសមានចែងក្នុងមាត្រា៤៤៣ ក្នុងក្រមព្រហ្មទណ្ឌ៕ ប្រភពពី www.rfa.org/khmer

បទវិភាគ: អាស៊ីអាគ្នេយ៍នៅចន្លោះមហិច្ឆតារបស់ចិន និងមហិច្ឆតារបស់អាមេរិក

2017-08-02T16:31:00.000+07:00

ប្រភពពី PNNTV

2017-07-29T16:58:00.000+07:00

រដ្ឋសភាអនុម័តទាំងស្រុងលើវិសោធនកម្មច្បាប់ស្តីពីគណបក្សនយោបាយ ដោយគ្មានការចូលរួមពីគណបក្សប្រឆាំង

នៅទីបំផុតទៅ វិសោធនកម្មច្បាប់ស្ដីពីគណបក្សនយោបាយ ដែលហាមឃាត់មិនឲ្យបក្សនយោបាយពាក់ព័ន្ធជាមួយនឹងទណ្ឌិត ត្រូវបានប្រមុខរដ្ឋស្ដីទីចុះហត្ថលេខាប្រកាសឲ្យប្រើប្រាស់ហើយនៅថ្ងៃទី២៨កក្កដាម្សិលមិញ។ ការចូលជាធរមាននៃច្បាប់នេះ ធ្វើឡើងចំពេលដែលសង្គមស៊ីវិលជិត២០ស្ថាប័ន បានចេញសេចក្ដីថ្លែងការណ៍រួម សម្ដែងក្ដីព្រួយបារម្ភថា វិសោធនកម្មច្បាប់ដែលផ្ដល់អំណាចទូលំទូលាយហួសហេតុដល់រដ្ឋាភិបាលនេះ នឹងជះឥទ្ធិពលដល់ការបោះឆ្នោតជាតិនៅឆ្នាំក្រោយ។

វិសោធនកម្មលើកទី២នៃច្បាប់ស្ដីពីគណបក្សនយោបាយ អាចនឹងធ្វើឲ្យប៉ះពាល់ដល់លទ្ធិប្រជាធិបតេយ្យ រំលោភបំពានបទបញ្ញត្តិនៃរដ្ឋធម្មនុញ្ញ និងរំលោភសិទ្ធិមនុស្ស។ នេះគឺជាការអះអាងរបស់សង្គមស៊ីវិលយ៉ាងហោចណាស់១៩ស្ថាប័ន នៅក្នុងសេចក្ដីថ្លែងការណ៍មួយ ចុះថ្ងៃទី២៨កក្កដា។ ជាថ្ងៃតែមួយដែលសេចក្ដីស្នើវិសោធនកម្មច្បាប់ស្ដីពីគណបក្សនយោបាយ ត្រូវបានប្រមុខរដ្ឋស្ដីទីចុះហត្ថលេខាដាក់ឲ្យប្រើប្រាស់ជាផ្លូវការ។

គួរជម្រាបថា នេះគឺជាការធ្វើវិសោធនកម្មលើកទី២ហើយសម្រាប់ច្បាប់ស្ដីពីគណបក្សនយោបាយ។ ហើយក្រុមសង្គមស៊ីវិលបានកត់សម្គាល់ឃើញថា ការធ្វើវិសោធនកម្មលើកទី២នេះ គំរាមកំហែងធ្ងន់ធ្ងរដល់លទ្ធិប្រជាធិបតេយ្យសេរីពហុបក្ស ដូចមានចែងក្នុងមាត្រា១ និងមាត្រា៥១នៃរដ្ឋធម្មនុញ្ញ និងកិច្ចព្រមព្រៀងទីក្រុងប៉ារីសឆ្នាំ១៩៩១។ នេះបើតាមក្រុមសង្គមស៊ីវិល។

បើធៀបទៅនឹងការធ្វើវិសោធនកម្មលើកទី១ សង្គមស៊ីវិលសរុប១៩ស្ថាប័ន កត់សម្គាល់ថា វិសោធនកម្មលើកទី២នេះ បានពង្រីកអំណាចរបស់រដ្ឋាភិបាលច្រើនបន្ថែមទៀត ក្នុងការរំលាយគណបក្សណាមួយយ៉ាងមានប្រសិទ្ធភាព ប្រសិនបើរដ្ឋាភិបាលមានមូលដ្ឋានណាមួយដើម្បីវិនិច្ឆ័យតាមបែបមិនច្បាស់លាស់និងអត្តនោម័ត។

សម្រាប់ក្រុមសង្គមស៊ីវិល ច្បាប់ស្ដីពីវិសោធនកម្មច្បាប់គណបក្សនយោបាយនេះ គឺជាច្បាប់ចុងក្រោយបង្អស់ក្នុងចំណោមច្បាប់ជាច្រើនផ្សេងទៀតដែលមានលក្ខណៈរឹតត្បិតមិនសមហេតុផលទៅលើសិទ្ធិសេរីភាពខាងសមាគម និងសេរីភាពខាងបញ្ចេញមតិរបស់ប្រជាពលរដ្ឋ។ ការចូលជាធរមាននៃច្បាប់ និងការអនុវត្តច្បាប់នេះ ត្រូវបានសង្គមស៊ីវិលចាត់ទុកថា ជះឥទ្ធិពលមិនល្អយូរអង្វែងលើគណបក្សនយោបាយ។ ក្រុមសង្គមស៊ីវិលដដែលជឿថា ការអនុវត្តវិសោធនកម្មច្បាប់ថ្មីនេះ នឹងបង្កើតឲ្យមានមន្ទិលសង្ស័យច្រើន អំពីភាពសេរី យុត្តិធម៌ និងត្រឹមត្រូវ នៃការបោះឆ្នោតជ្រើសរើសតំណាងរាស្ត្រអាណត្តិទី៦ នៅឆ្នាំ២០១៨ខាងមុខ៕ប្រភពពី www.khmer.rfi.fr

លោក កឹម សុខា ហាក់ចង់ឲ្យលោក សម រង្ស៊ី វិលចូលស្រុកវិញ

2016-10-12T12:35:00.000+07:00

អនុប្រធានគណបក្សសង្គ្រោះជាតិ លោក កឹម សុខា ថ្លែងនៅក្នុងទីស្នាក់ការគណបក្សនាសង្កាត់ចាក់អង្រែលើ កាលពីថ្ងៃទី៣០ ខែឧសភា ឆ្នាំ២០១៦។

អនុប្រធានគណបក្សសង្គ្រោះជាតិ លោក កឹម សុខា ហាក់មានបំណងចង់ឲ្យលោក សម រង្ស៊ី វិលត្រឡប់ចូលមកស្រុកខ្មែរក្នុងកាលៈទេសៈនេះវិញ ព្រោះលោកយល់ថា មេដឹកនាំគណបក្សប្រឆាំងនៅជាមួយគ្នាពីរនាក់ល្អជាងនៅម្នាក់ឯង។ រីឯអ្នកវិភាគនយោបាយគាំទ្រការលើកឡើងរបស់លោក កឹម សុខា ប៉ុន្តែចង់ឃើញមានការសម្របសម្រួលនយោបាយមុននឹងលោក សម រង្ស៊ី វិលចូលស្រុកដើម្បីបញ្ចៀសការប៉ះទង្គិចគ្នារវាងកម្លាំងមហាជន និងកងកម្លាំងរដ្ឋាភិបាល។

លោក កឹម សុខា នៅតែប្រកាសជំហរថា រូបលោក និងលោក សម រង្ស៊ី គឺមិនបែកបាក់គ្នានោះទេ បើទោះបីជាប្រធានគណបក្សសង្គ្រោះជាតិ រូបនេះ កំពុងគេចខ្លួននៅក្រៅប្រទេសក្តី ក៏ប៉ុន្តែលោក កឹម សុខា ហាក់ដូចជាចង់ឲ្យលោក សម រង្ស៊ី វិលមកតស៊ូជាមួយគ្នានៅស្រុកខ្មែរវិញក្នុងកាលៈទេសៈនេះ៖ «បើលោក សម រង្ស៊ី មកនៅជាមួយខ្ញុំ ល្អជាងខ្ញុំនៅម្នាក់ឯង ប៉ុន្តែបើគាត់សម្រេចចិត្តមិនមក នៅតែយើងដឹកនាំបក្សទៅមុខបាន ព្រោះដឹកនាំតាមប្រព័ន្ធយន្តការគណបក្ស»។

ការបញ្ចេញទស្សនៈនេះ ធ្វើឡើងក្នុងពេលលោក កឹម សុខា ផ្ដល់បទសម្ភាសន៍ជាមួយបណ្ដាញសារព័ត៌មានសិង្ហបុរី ឆេនណល ញូវ អេស៊ា (Channel News Asia) ដែលចេញផ្សព្វផ្សាយនៅថ្ងៃទី១១ ខែតុលា ឆ្នាំ២០១៦។

ប្រធានស្ដីទីគណបក្សសង្គ្រោះជាតិ រូបនេះ កំពុងឃុំខ្លួនឯងនៅទីស្នាក់ការបក្សជាង ៤ខែហើយនោះ បានបញ្ជាក់ថា ទោះបីជាលោកមានការលំបាកបាត់បង់សេរីភាពក៏ដោយ តែវាជាការលើកទឹកចិត្តអ្នកគាំទ្រឲ្យនៅរឹងមាំជាមួយលោក ប្រសើរជាងលោករត់ទៅក្រៅប្រទេស៖ «ប្រសិនបើមានការចាប់ខ្ញុំ គឺប្រជាពលរដ្ឋនឹងតវ៉ាទាមទារហើយ ដូច្នេះខ្ញុំជឿលើប្រជាពលរដ្ឋ។ បើមានការចាប់ខ្ញុំដោយរំលោភបែបនេះ គឺប្រទេសកម្ពុជា នឹងមានបញ្ហាមានវិបត្តិ ព្រោះប្រជាពលរដ្ឋមិនយល់ព្រម។ អ៊ីចឹងវាអស្ថិរភាព»។

កាលពីថ្ងៃទី២៦ ខែកញ្ញា លោក សម រង្ស៊ី បានផ្ដល់បទសម្ភាសន៍ឲ្យប្រព័ន្ធផ្សព្វផ្សាយអង់គ្លេស ប៊ី.ប៊ី.ស៊ី (BBC News) ថា លោកគ្រោងនឹងវិលចូលកម្ពុជា វិញក្នុងរយៈពេលពីរ ឬបីសប្ដាហ៍ មុនការបោះឆ្នោតជ្រើសតាំងតំណាងរាស្ត្រអាណត្តិទី៦ ខាងមុខ ទោះជាមិនមានការលើកលែងទោសដូចលោកធ្លាប់បានធ្វើមុនការបោះឆ្នោតកាលពីឆ្នាំ២០១៣ ក៏ដោយ។

អ្នកជំនាញផ្នែកវិទ្យាសាស្ត្រនយោបាយ លោក សូ ចន្ថា មានប្រសាសន៍ថា ក្នុងពេលបច្ចុប្បន្ននេះ ប្រសិនបើលោក សម រង្ស៊ី និងលោក កឹម សុខា កៀកស្មាគ្នា ធ្វើការជាមួយគ្នាក្នុងប្រទេសកម្ពុជា នោះប្រជាហែលជាល្អជាងការដែលលោក សម រង្ស៊ី បន្តស្នាក់នៅក្រៅប្រទេស ព្រោះពលរដ្ឋចង់ឃើញមេដឹកនាំមានភាពក្លាហាន និងនៅជិតប្រជាពលរដ្ឋ។

ទោះយ៉ាងណាក្ដី លោកមើលឃើញថា ប្រសិនបើលោក សម រង្ស៊ី វិលចូលកម្ពុជា ដោយគ្មានដំណោះស្រាយនយោបាយនោះ នឹងបណ្ដាលឲ្យមានការចាប់ចង ដូច្នេះនឹងបណ្ដាលឲ្យមានការតវ៉ា និងប្រឈមមុខដាក់គ្នារវាងកម្លាំងអ្នកគាំទ្រគណបក្សសង្គ្រោះជាតិ និងកងកម្លាំងរដ្ឋាភិបាល៖ «មុននឹងលោក សម រង្ស៊ី ត្រឡប់មកវិញ អាចនឹងមានការសម្របសម្រួលនយោបាយច្រើនជាងការដែលលោកសម្រេចចិត្តចូលមកដោយគ្មានការសម្របសម្រួល ដោយគ្មានការជជែកគ្នាជាមុន។ អ៊ីចឹងហើយសម្រាប់ខ្ញុំ និងប្រជាពលរដ្ឋទូទៅ ចង់ឃើញអ្នកនយោបាយជជែកគ្នា ចរចាគ្នា ដោះស្រាយបញ្ហាទាំងអស់នោះ ហើយធ្វើយ៉ាងណាឲ្យប្រជាពលរដ្ឋខ្មែរមានទំនុកចិត្តលើអ្នកនយោបាយ ជាជាងធ្វើឲ្យប្រជាពលរដ្ឋនឿយណា ហើយគិតថានយោបាយសុទ្ធតែជារឿងគ្រោះថ្នាក់ទាំងអស់នោះ»។

លោក សម រង្ស៊ី បាននិរទេសខ្លួនទៅប្រទេសបារាំង កាលពីឆ្នាំ២០១៥ នៅក្រោយពីលោកឧបនាយករដ្ឋមន្ត្រី ហោ ណាំហុង បានសើរើបណ្ដឹងចាស់កាលពីឆ្នាំ២០០៨ ពីបទបរិហារកេរ្តិ៍ជាសាធារណៈ និងញុះញង់ឲ្យមានការរើសអើង។ ក្រៅពីនេះទៀត សាលាដំបូងរាជធានីភ្នំពេញ កាលពីថ្ងៃទី២៨ ខែកក្កដា បានសម្រេចដោយកំបាំងមុខពិន័យប្រាក់ពីលោក សម រង្ស៊ី ចំនួន ១០លានរៀលចូលថវិការដ្ឋ និងសំណងជំងឺចិត្តដល់លោក ហេង សំរិន ចំនួន ១៥០លានរៀល ពីបទបរិហារកេរ្តិ៍តាមបណ្ដឹងរបស់លោក ហេង សំរិន ប្រធានរដ្ឋសភា។

បណ្ដឹងប្រឆាំងលោក សម រង្ស៊ី មួយទៀត គឺជាបណ្ដឹងរបស់លោកនាយករដ្ឋមន្ត្រី ហ៊ុន សែន ពីបទបរិហារកេរ្តិ៍ជុំវិញការចោទប្រកាន់លោក ហ៊ុន សែន ថា ជាអ្នកនៅពីក្រោយខ្នងនៃការសម្លាប់លោកបណ្ឌិត កែម ឡី។ នៅថ្ងៃទី១១ ខែតុលា នេះដែរ អាស៊ីសេរី ក៏ទទួលបានដីកាកោះហៅលោក សម រង្ស៊ី ឲ្យចូលខ្លួនបំភ្លឺនៅតុលាការនៅថ្ងៃទី២១ ខែតុលា ខាងមុខ ដើម្បីសាកសួរពីដំណើររឿងញុះញង់ បង្កចលាចលប៉ះពាល់ដល់សន្តិសុខសង្គម កាលពីថ្ងៃទី១១ ខែកញ្ញា កន្លងមក។

ទោះបីជាតុលាការមានចំណាត់ការលើបក្សប្រឆាំងជាបន្តបន្ទាប់ក្ដី លោក កឹម សុខា នៅតែប្រកាន់ជំហរឃុំខ្លួននៅក្នុងទីស្នាក់ការបក្សដដែល ក្នុងរូបភាពតស៊ូនយោបាយ ឬធ្វើកូដកម្មនយោបាយ ដើម្បីទាមទារឲ្យមានភាពប្រក្រតីនយោបាយឡើងវិញ និងដើម្បីប្រឆាំងនឹងប្រព័ន្ធតុលាការដែលរំលោភអភ័យឯកសិទ្ធិតំណាងរាស្ត្រ ប្រឆាំងនឹងរដ្ឋធម្មនុញ្ញ ហើយលោកចង់ប្រាប់ទៅមតិអន្តរជាតិថា អ្វីដែលគេកំពុងធ្វើនេះ គឺរំលោភធ្ងន់ធ្ងរលើគោលការណ៍ប្រជាធិបតេយ្យ សិទ្ធិសេរីភាព ជាពិសេសប៉ះពាល់ដល់ការបោះឆ្នោត៕

ប្រភពពី RFA Khmer

តើស្រីលង្កាមានសារៈសំខាន់អ្វីនៅក្នុងភូមិសាស្រ្តនយោបាយអាមេរិក?

2016-09-15T16:06:00.000+07:00

លោក ចន ឃែរី ពេលចូលជួបប្រធានាធិបតីស្រីលង្កា លោក Maithripala Sirisena ថ្ងៃសៅរ៍ ២ឧសភា ២០១៥

លោក ចន ឃែរី រដ្ឋមន្រ្តីការបរទេសអាមេរិកបានចាប់ផ្តើមទស្សនកិច្ចជាផ្លូវការនៅក្នុងប្រទេសស្រីលង្កា នៅថ្ងៃសៅរ៍នេះ។ ជាដំណើរទស្សនកិច្ច ដើម្បីស្តារទំនាក់ទំនងនឹងគ្នាឡើងវិញ ក្រោយពីឆ្លងកាត់នូវភាពប្រេះឆា អស់រយៈពេលជាច្រើនឆ្នាំកន្លងទៅនេះ។ សម្រាប់អាមេរិក ដែលមាននយោបាយការបរទេសផ្តោតអាទិភាពចម្បងនៅអាស៊ី ស្រីលង្កាគឺជាប្រទេសដ៏មានសារៈសំខាន់មួយ។

អស់រយៈពេលជាច្រើនឆ្នាំមកហើយ ដែលទំនាក់ទំនង អាមេរិក-ស្រីលង្កា ត្រូវឆ្លងកាត់នូវភាពចម្រូងចម្រាសខ្លាំង ដោយសារតែបញ្ហាសិទ្ធិមនុស្ស។ សហរដ្ឋអាមេរិក ក៏ដូចជាបណ្តាប្រទេសលោកខាងលិចជាច្រើនផ្សេងទៀត ហើយបូករួមទាំងអ.ស.បផងសុទ្ធតែបាននាំគ្នារិះគន់របៀបដឹកនាំរបស់លោកអតីតប្រធានាធិបតីស្រីលង្កា Mahinda Rajapakse ដែលគេមើលឃើញថា ជាការដឹកនាំតាមបែបផ្តាច់ការ និងពោរពេញទៅដោយអំពើពុករលួយ។ លើសពីនេះទៅទៀត គេក៏បាននាំគ្នារិះគន់ផងដែរ អំពីអំពើហិង្សារបស់រដ្ឋាភិបាលលោក Rajapakse នៅក្នុងសង្រ្គាមប្រឆាំងនឹងក្រុមឧទ្ទាមខ្លាំតាមិល និងភាពយឺតយ៉ាវក្នុងដំណើរការផ្សះផ្សាជាមួយក្រុមជនជាតិភាគតិចតាមិល នៅក្រោយពេលសង្រ្គាមស៊ីវិលត្រូវបញ្ចប់ កាលពីឆ្នាំ២០០៩។

នៅពេលនេះ លោក Rajapakse ត្រូវចាកចេញពីអំណាច ក្រោយពីចាញ់ឆ្នោត កាលពីដើមឆ្នាំ២០១៥ ហើយស្រីលង្កាកំពុងតែបោះជំហានទៅរកលទ្ធិប្រជាធិបតេយ្យ ទើបសហរដ្ឋអាមេរិកប្រញាប់ប្រញាល់វិលត្រឡប់មកផ្សាភ្ជាប់ទំនាក់ទំនងជាមួយនឹងស្រីលង្កាឡើងវិញ។

ស្រីលង្កាជាប្រទេសតូចតាចនិងក្រីក្រដែលមិនសូវមានអ្នកណាស្គាល់ ក៏ប៉ុន្តែ តាមពិតជាប្រទេសដែលមានសារៈសំខាន់ខាងភូមិសាស្រ្តនយោបាយ ហើយដែលប្រទេសមហាអំណាចសំខាន់ៗចំនួន៣ នាំគ្នាប្រជែងដណ្តើមឥទ្ធិពល គឺ ចិន ឥណ្ឌា និងសហរដ្ឋអាមេរិក។

លក្ខណៈពិសេសរបស់ស្រីលង្កា គឺ ទីតាំងភូមិសាស្រ្ត។ ស្រីលង្កាមានទីតាំងស្ថិតនៅជាប់នឹងមហាសមុទ្រឥណ្ឌា ដែលជាច្រកផ្លូវដឹកជញ្ជូនតាមផ្លូវសមុទ្រដ៏សំខាន់ តភ្ជាប់ពីអឺរ៉ុប កាត់តាមមជ្ឈិមបូព៌ា អាស៊ីខាងត្បូង និងអាស៊ីអាគ្នេយ៍ ចាក់ចេញទៅ ចិន និងជប៉ុន នៅអាស៊ីបូព៌ា។ បច្ចប្បន្ននេះការដឹកជញ្ជូនទំនិញតាមកប៉ាល់ប្រហែលជា ៥០% និងការដឹកជញ្ជូនប្រេងប្រហែលជា ៧០% នៃចរាចរណ៍ផ្លូវសមុទ្រសរុបនៅទូទាំងពិភពលោក គឺត្រូវឆ្លងកាត់តាមមហាសមុទ្រឥណ្ឌា ក្បែរប្រទេសស្រីលង្កា។ ដូច្នេះ ប្រទេសមហាអំណាចណា ដែលចង់ត្រួតត្រាមហាសមុទ្រឥណ្ឌា គឺសុទ្ធតែចង់ពង្រឹងឥទ្ធិពលនៅស្រីលង្កា។

កន្លងមក គេសង្កេតឃើញថា ការប្រកួតប្រជែងគ្នាខ្លាំងជាងគេ នៅស្រីលង្កា គឺរវាងចិន និងឥណ្ឌា។ ជាទូទៅ ឥណ្ឌាតែងតែចាត់ទុកស្រីលង្កាថាជាដែនឥទ្ធិពលផ្តាច់មុខរបស់ឥណ្ឌា។ ចំណែកចិនវិញ ក៏កំពុងតែវាយលុកពង្រឹងឥទ្ធិពលនៅស្រីលង្កានេះយ៉ាងខ្លាំងដែរ ពីព្រោះស្រីលង្កាគឺជាផ្នែកមួយនៃយុទ្ធសាស្រ្តរបស់ចិន ដែលគេឲ្យឈ្មោះថា “Collier de Perles” (ជាភាសាខ្មែរ "ខ្សែ ក គុជខ្យង”) គឺការពង្រឹងវត្តមាននាវារបស់ចិន តាមរយៈការទិញ ជួល ឬការផ្តល់លុយដើម្បីសាងសង់កំពង់ផែ នៅតាមប្រទេសមួយចំនួន ដែលនៅជាប់ឆ្នេរសមុទ្រ ចាប់តាំងពីសមុទ្រចិនខាងត្បូង កាត់តាមមហាសមុទ្រឥណ្ឌា រហូតដល់តំបន់ដើមបូព៌ា។ យុទ្ធសាស្រ្តនេះ មានគោលដៅរក្សាសុវត្ថិភាពនាវាចរណ៍របស់ចិនផង និងជាយុទ្ធសាស្រ្ត ដើម្បីឡោមព័ទ្ធឥណ្ឌាផងដែរ។

ប៉ុន្មានឆ្នាំកន្លងទៅនេះ គេឃើញថា នៅពេលដែលរដ្ឋាភិបាលរបស់លោក Rajapakse ទទួលរងនូវការរិះគន់ពីអាមេរិក និងប្រទេសលោកខាងលិច រដ្ឋាភិបាលក្រុងកូឡុំបូបានងាកទៅរកចិន ហើយរដ្ឋាភិបាលក្រុងប៉េកាំងបានពង្រីកឥទ្ធិពលយ៉ាងខ្លាំងនៅស្រីលង្កា តាមរយៈការផ្តល់ជំនួយ និងការបោះទុនវិនិយោគរាប់ពាន់លានដុល្លារ។ ជាថ្នូរមកវិញចិនបានទទួលសិទ្ធិប្រើប្រាស់កំពង់ផែដ៏ធំលំដាប់ទី២របស់ស្រីលង្កា ហើយបច្ចុប្បន្នបានទទួលសិទ្ធិវិនិយោគលើកំពង់ផែកាន់តែធំមួយទៀត នៅទីក្រុងកុឡុំបូ។ តាមគម្រោងជាយុទ្ធសាស្រ្តរយៈពេលវែង ចិនចង់បង្កើតមូលដ្ឋានទ័ពជើងទឹកនៅឯកំពង់ផែស្រីលង្កានេះតែម្តង។

សម្រាប់សហរដ្ឋអាមេរិក ការស្តារឡើងវិញនូវទំនាក់ទំនងជាមួយស្រីលង្កា គឺជាចំណុចគន្លឹះមួយ ដើម្បីធ្វើយ៉ាងណាចៀសវាងកុំឲ្យស្រីលង្កាត្រូវរបូតទៅក្នុងដៃចិន ដែលអាចនឹងបង្កបញ្ហាដល់យុទ្ធសាស្រ្តអាមេរិក នៅអាស៊ី៕

អ្នកនយោបាយជើងចាស់មួយរូបស្នើអន្តរាគមន៍បន្ទាន់ពីព្រះមហាក្សត្រចំពោះស្ថានការណ៍នយោបាយកម្ពុជា

2016-09-15T16:03:00.000+07:00

លោក លឺ ឡាយស្រេង អតីតឧបនាយករដ្ឋមន្ត្រីពីខាងគណបក្សហ្វ៊ុនស៊ិនប៉ិច និងជាអ្នកនយោបាយជើងចាស់មួយរួប ក្នុងបន្ទប់ផ្សាយអាស៊ីសេរី នៅថ្ងៃទី១៥ ខែកញ្ញា ឆ្នាំ២០១៦។ RFA/Cheu Sideth

អតីតឧបនាយករដ្ឋមន្ត្រីពីខាងគណបក្សហ្វ៊ុនស៊ិនប៉ិច និងជាអ្នកនយោបាយជើងចាស់មួយរូប គឺលោក លឺ ឡាយស្រេង សុំព្រះរាជអន្តរាគមន៍បន្ទាន់ពីព្រះមហាក្សត្រ ដោះស្រាយស្ថានការណ៍នយោបាយកម្ពុជា ដែលកំពុងតានតឹង។

នៅម៉ោង១១ព្រឹក ថ្ងៃទី១៥ កញ្ញា លោក លឺ ឡាយស្រេង បានដាក់លិខិតសុំព្រះរាជអន្តរាគមន៍នេះថ្វាយទៅព្រះមហាក្សត្រ ព្រះករុណា ព្រះបាទ សម្ដេច នរោត្ដម សីហមុនី ហើយ តាមរយៈទីប្រឹក្សាព្រះរាជខុទ្ទកាល័យ ព្រះមហាក្សត្រី ព្រះនរោត្ដម មុនីនាថ គឺលោក អ៊ុំ ដារ៉ាវុធ។

ក្នុងលិខិតសុំព្រះរាជអន្តរាគមន៍នេះ លោក លឺ ឡាយស្រេង ទូលថ្វាយព្រះមហាក្សត្រថា ស្ថានការណ៍នយោបាយកម្ពុជាសព្វថ្ងៃ កំពុងតានតឹង ហើយនឹងអាចក្លាយជាព្រឹត្តិការណ៍មួយដ៏អាក្រក់បំផុត។

លិខិតនោះដដែល បន្តថា ប្រជារាស្ត្រ មានការតក់ស្លុតរន្ធត់យ៉ាងខ្លាំង ដោយបានឮថា កងកម្លាំងប្រដាប់អាវុធរបស់លោកនាយករដ្ឋមន្ត្រី ហ៊ុន សែន នឹងប្រើចុងអាវុធបង្ហូរឈាមអ្នកមកធ្វើមហាបាតុកម្មអហិង្សា ដែលមានតែបាតដៃទទេ។

កាលពីថ្ងៃទី១៤ កញ្ញា បញ្ជាការដ្ឋានកងទ័ពជើងគោកនៃកងយោធពលខេមរភូមិន្ទ ប្រកាសអនុវត្តអនុសាសន៍របស់លោក ហ៊ុន សែន ដែលបានដាក់បញ្ជាឲ្យកងកម្លាំងប្រដាប់អាវុធទាំងអស់ ត្រៀមខ្លួនបង្ក្រាបមហាបាតុកម្មរបស់គណបក្សសង្គ្រោះជាតិ ដែលលោកចាត់ទុកថាជាឧទ្ទាមកម្មនៅក្នុងទីក្រុង។ ខណៈគណបក្សប្រឆាំងនៅរក្សាជំហរធ្វើមហាបាតុកម្មនៅពេលខាងមុខនេះ។

កាលពីកាលពីថ្ងៃទី១៤ កញ្ញា នេះដែរ ប្រទេសចំនួន៣៦ ដែលជាសមាជិកនៃសហភាពអឺរ៉ុប សហរដ្ឋអាមេរិក និងប្រទេសមួយចំនួនទៀត ក៏បានចេញសេចក្ដីប្រកាសរួមគ្នាមួយបង្ហាញពីកង្វល់លើស្ថានភាពសិទ្ធិមនុស្សនៅកម្ពុជា ដោយលើកឡើងថា ការធ្វើទុក្ខបុកម្នេញរបស់រដ្ឋាភិបាលលើបក្សប្រឆាំង និងការរឹតត្បិតលើសិទ្ធិសេរីភាពក្នុងការសម្ដែងមតិរបស់ពលរដ្ឋ សិទ្ធិធ្វើការប្រមូលផ្ដុំគ្នាដោយសន្តិភាពនៅក្នុងឆ្នាំនេះ កាន់តែមានស្ថានភាពធ្ងន់ធ្ងរ។

យ៉ាងណាក៏ដោយ លិខិតរបស់លោក លឺ ឡាយស្រេង ក៏បង្ហាញការបារម្ភ ខ្លាចក្រែងមាន ភាគីទី៣ ណាមួយ ចេញមកបង្កចលាចល ហើយកងកម្លាំងប្រដាប់អាវុធ របស់លោក ហ៊ុន សែន ស្មានថា ជាសកម្មភាពរបស់គណបក្សប្រឆាំងជាអ្នកធ្វើ ហើយក៏កេះកៃកាំភ្លើង សម្លាប់ខ្មែរគ្នាឯង។

សូមរង់ចាំអាន និងស្ដាប់ព័ត៌មានព័ត៌មាន...

ប្រភពពី RFA

ឆ្នាំ២០១៦ ចៅកែវេចបង្វិចរត់ចោលកម្មករ ចំនួន១៥រោងចក្រកាត់ដេរ ខណៈដែលរដ្ឋមន្ត្រីថា មានតែមួយរោងចក្រប៉ុណ្ណោះ!

2016-09-09T09:57:00.000+07:00

នៅឆ្នាំ២០១៦នេះ សហជីពសេរីកម្មនៃព្រះរាជាណាចក្រកម្ពុជា បានបញ្ជាក់ថា ចៅកែរោងចក្រកាត់ដេរ ចំនួន១៥ បានបិទទ្វារ និងវេចបង្វិចរត់ចោលកម្មករ។

នៅឆ្នាំ២០១៦នេះ សហជីពសេរីកម្មនៃព្រះរាជាណាចក្រកម្ពុជា បានបញ្ជាក់ថា ចៅកែរោងចក្រកាត់ដេរ ចំនួន១៥ បានបិទទ្វារ និងវេចបង្វិចរត់ចោលកម្មករ។ ចំណែករដ្ឋមន្ត្រីក្រសួងការងារ បានសរសេរថ្មីៗក្នុងហ្វេសបុកផ្លូវការរបស់ខ្លួនថា មានតែមួយរោងចក្រប៉ុណ្ណោះ ដែលបិទទ្វារលែងដំណើរការ។

អនុប្រធានសហជីពសេរីកម្ម លោក ម៉ាន់ សេងហាក់ បានបញ្ជាក់ប្រាប់វិទ្យុបារាំងថា របាយការណ៍ដែលជាក់ស្តែង គឺមានចំនួន១៥រោងចក្រ ដែលចៅកែ បិទទ្វាររោងចក្រ និងវេចបង្វិចរត់ចោលកម្មករតែម្តង។ ហើយកាលពីឆ្នាំមុន គឺមានដល់ទៅ ២៤ រោងចក្រ ដែលបានធ្វើដូច្នេះដែរ។

ជុំវិញរឿងនេះ អ្នកនាំពាក្យក្រសួងការងារ មិនអាចទាក់ទងសុំការបំភ្លឺបានទេ នៅព្រឹកថ្ងៃសុក្រទី ១៩សីហា ដោយទូរសព្ទគ្មានអ្នកទទួល។ ក៏ប៉ុន្តែបើតាមហ្វេសបុកផ្លូវការរបស់ រដ្ឋមន្ត្រីក្រសួងការងារ បានសរសេរពីថ្ងៃទី១៦សីហា បញ្ជាក់ថា គិតមកត្រឹមខែកក្កដា មានសហគ្រាសគ្រឹះស្ថាន បិទទ្វារលែងដំណើរការ ចំនួន៨ ក្នុងនោះ មានរោងចក្រកាត់ដេរ ១។

ដូច្នេះ តួលេខរោងចក្របិទទ្វារ គឺមានចំនួនខុសគ្នាច្រើន។

ទោះយ៉ាងនេះក្តី លោកអនុប្រធានសហជីពសេរីកម្ម ពន្យល់ថា ការបិទទ្វារដូច្នេះ គឺដើម្បីគេចវេសពីការផ្តល់សំណង ប្រាក់ខែ និងប្រាក់រង្វាន់ ព្រមទាំងប្រាក់អតីតភាពការងារ ដែលបញ្ហានេះ បណ្តាលឲ្យប៉ះពាល់ធ្ងន់ធ្ងរដល់កម្រិតជីវភាពរបស់ក្រុមកម្មករ និងក្រុមគ្រួសាររបស់ពួកគេ។

តាមការអះអាងរបស់លោកអនុប្រធានសហជីពសេរីកម្ម ក្នុងចំណោមរោងចក្រទាំង១៥នោះ គឺមានរោងចក្រខ្លះ បានបើកឡើងវិញ ដោយប្តូរឈ្មោះថ្មី។ ការពាក់ឈ្មោះថ្មីនេះ គឺអាចអនុគ្រោះពន្ធ ពិសេសគឺពន្ធនាំចូលវត្ថុធាតុដើម គឺកំណាត់តែម្តង ដែលមិនបង់ពន្ធ។

សូមបញ្ជាក់ថា ហ្វេសបុករបស់ រដ្ឋមន្ត្រីក្រសួងការងារ បង្ហាញថា នៅខែកក្កដា ឆ្នាំ២០១៦ ក៏មានសហគ្រាសគ្រឹះស្ថាន បើកថ្មី ចំនួន ៥៧ ក្នុងនោះ មានរោងចក្រកាត់ដេរ និងផលិតស្បែកជើង ចំនួន ២០ ដែលបង្កើតការងារថ្មី បាន ៧.៥០០ កន្លែង។

ប្រភពពីសហជីពសេរីកម្ម បានពញ្ញាក់ស្មារតីថា អាជ្ញាធរមានសមត្ថកិច្ច មិនគួរបណ្ដែតបណ្តោយឲ្យចៅកែរត់ចោលកម្មករ និងបិទទ្វាររោងចក្រដូច្នេះ ហើយមិនត្រូវឲ្យរឿងកើតមានទៀតទេ។ ចំពោះរោងចក្រដែលបិទទ្វាររួចហើយ គួរតែត្រូវមានវិធានការចាំបាច់ជាបន្ទាន់ ហើយរិះរកដំណោះស្រាយសងសំណង និងការខូចខាតផ្សេងៗដល់កម្មករ៕

ប្រភពពី RFI

លោក ហេង រតនា៖ ភ្នាក់ងារបរទេសខ្លះ បានកាត់បន្ថយជំនួយលើវិស័យដោះមីននៅកម្ពុជា

2016-09-09T09:54:00.000+07:00

កម្ពុជាកំពុងធ្វើយុទ្ធនាការជំរុញអោយសមាជិកអាស៊ានផ្តល់សច្ចាប័នចូលរួមក្នុងអនុសញ្ញាមីនប្រឆាំងមនុស្ស

នៅក្នុងឆ្នាំ២០១៦នេះ ភ្នាក់ងារបរទេសមួយចំនួន បានកាត់បន្ថយជំនួយផ្នែកថវិកានៅក្នុង វិស័យដោះមីនរបស់កម្ពុជា។ លោក ហេង រតនា នាយកមជ្ឈមណ្ឌលសកម្មភាពកំចាត់មីនកម្ពុជា ហៅកាត់ថា ស៊ីម៉ាក់(CMAC( ពន្យល់ថាមូលហេតុ ដែលជំនួយត្រូវបានកាត់បន្ថយដោយសារតែស្ថានការណ៍ពិភពលោក និងគោលនយោបាយរបស់ប្រទេសខ្លះមានការប្រែប្រួល។

លោក ហេង រតនា នាយកមជ្ឈមណ្ឌលសកម្មភាពកំចាត់មីនកម្ពុជាហៅកាត់ថា ស៊ីម៉ាក់CMAC មិនបានបង្ហាញឲ្យបានលម្អិតថា ភ្នាក់ងារបរទេសរបស់ប្រទេសណាមួយ ជាអ្នកកាត់បន្ថយជំនួយលើវិស័យដោះមីននៅកម្ពុជានោះ។ ប៉ុន្តែលោកបានលើកឡើងដោយសង្ខេបថា មានប្រទេសធំៗមួយចំនួននៅតែមានការប្ដេជ្ញាចិត្តខ្ពស់ ក្នុងការជួយជ្រោមជ្រែងលើវិស័យដោះមីននៅកម្ពុជា។ ប្រទេសទាំងនោះរួមមាន៖ ជប៉ុនជាប្រទេសមួយនាំមុខក្នុងការផ្ដល់ជំនួយច្រើនជាងគេលើការដោះមីន បន្ទាប់មកសហរដ្ឋអាមេរិក អាល្លឺម៉ង់ និងណ័រវេស ជាដើម។

ដោយឡែកសម្រាប់ប្រទេសកាណាដា មានកញ្ចប់ថវិកាជួយដល់វិស័យដោះមីននៅកម្ពុជា ចំនួនជាង ១០លានដុល្លារក្នុងរយៈពេលបី ៣ឆ្នាំ។ នេះបើផ្អែកតាមលទ្ធផលនៅក្នុងជំនួបរវាង លោក ហេង រតនា និងលោក Stephane Dion រដ្ឋមន្ត្រីការបរទេសកាណាដាកាលថ្ងៃសៅរ៍ទី០៣កញ្ញា។ សូមបញ្ជាក់ថា កាណាដា ជាប្រទេសកំណើតនៃអនុសញ្ញាអូតាវ៉ាអន្តរជាតិស្ដីពី ការហាមប្រាមការប្រើប្រាស់គ្រាប់មីនប្រឆាំងមនុស្ស។ ហើយកម្ពុជាក៏ជារដ្ឋភាគីនៃអនុសញ្ញានេះផងដែរ។

លោក ហេង រតនា បានថ្លែងការពារថា ស្ថានការណ៍នយោបាយនាពេលបច្ចុប្បន្ននេះ មិនមានជាប់ពាក់ព័ន្ធនិងការកាត់បន្ថយជំនួយពីប្រទេសទាំងនោះឡើយ។ ប្រឈមនិងការកាត់បន្ថយជំនួយនេះ លោក ហេង រតនា គូសបញ្ជាក់ថា វិស័យដោះមីននឹងជួបការលំបាក់ដោយមិនអាចបំពេញទាន់តម្រូវការដែលបានកំណត់ ទោះបីប្រទេសធំៗនៅតែបន្តផ្ដល់ជំនួយក៏ដោយ។ ប៉ុន្តែយ៉ាងណាក៏ដោយនៅក្នុងឆ្នាំ២០១៦ វិស័យដោះមីនកម្ពុជាទទួលបានជំនួយជាថវិកានិង សំភារៈគិតជាទឹកប្រាក់ប្រមាណជា២២លានដុល្លារ។

ក្រៅពីប្រឈមនៅក្នុងការកាត់បន្ថយជំនួយនេះហើយ វិស័យដោះមីនកម្ពុជាក៏បានជួបប្រទះបញ្ហាកើតមាននៅក្នុងស្រុកដែរ ពោលគឺបុគ្គលិកស៊ីម៉ាក់ប្រឈមនៅពេលពួកគេចុះប្រតិបត្តិការក្នុងតំបន់សំបូរទៅដោយព្រៃក្រាស និង គ្រាប់មីន។ ដោយឡែកក្នុងរយៈពេល៧ខែក្នុងឆ្នាំ២០១៦នេះ មានមនុស្សស្លាប់និងរបួសដោយសារគ្រប់មីនចំនួន ៥៩ នាក់។ ហើយផ្ទៃដីដែលនៅសេសសល់ទាំងគ្រាប់មីននិងយុទ្ធភណ្ឌមិនទាន់ផ្ទុះមានចំនួនជាង ២ពាន់ម៉ែត្រក្រឡា៕

ប្រភពពី RFI

GMAC៖ ប្រាក់ឈ្នួលអប្បបរមា២០១៧ អាចឡើងបន្ថែមបាន ៤ដុល្លារ

2016-09-09T09:51:00.000+07:00

ការតវ៉ារបស់សហជីព នាពេលកន្លងមក

សមាគមរោងចក្រកាត់ដេរនៅកម្ពុជាបានជម្រាបមកកាន់ក្រសួងការងារថា ប្រាក់ឈ្នួលអប្បបរមាសម្រាប់ឆ្នាំ២០១៧ គឺអាចដំឡើងបានត្រឹម ៤ដុល្លារប៉ុណ្ណោះ គឺមិនអាចលើសពី១៤៤.២ដុល្លារបាននោះទេ។ សហជីពនៅកម្ពុជាបានបដិសេធមិនទទួលយកការដំឡើងនេះឡើយ។

សមាគមរោងចក្រកាត់ដេរអះអាងថា អត្រាប្រាក់ឈ្នួលអប្បបរមាថ្មីសម្រាប់ឆ្នាំ២០១៧ មិនអាចឡើងលើស ១៤៤.២ដុល្លារបាននោះទេ។ ភ្លាមៗក្រុមសហជីពនៅកម្ពុជាប្រកាសទាត់ចោលចំនួននេះ ហើយថាក្រុមសហជីពមានជំហររួមគ្នា គឺប្រមាណ ១៨០ដុល្លារសម្រាប់ប្រាក់ឈ្នួលឆ្នាំ ២០១៧។ ប៉ុន្តែសមាគមរោងចក្រកាត់ដេរនៅកម្ពុជា បានលើកទឡ្ហីករណ៍យ៉ាងហោច ៤ ដែលមិនអាចដំឡើងលើសពី ១៤៤.២ដុល្លារនោះទេ។

នោះគឺ ការធ្លាក់ចុះនូវតម្លៃបញ្ជាទិញពីអ្នកបញ្ជាទិញ ឬម្ចាស់ម៉ាក ទី២ ការធ្លាក់ចុះនូវផលិតភាពការងារ ទី៣ អត្រាកំណើននៃទឹកប្រាក់នាំចេញធ្លាក់ចុះ និងទី៤ អត្រាកំណើនរោងចក្រថ្មីមានការធ្លាក់ចុះ ខណៈដែលចំនួនរោងចក្របិទទ្វារមានការកើនឡើង។ យ៉ាងណាក៏ដោយក្រុមសហជីពនៅកម្ពុជាបានទាត់ចោលការអះអាងរបស់សមាគមរោងចក្រកាត់ដេរ ហើយថាទិន្នន័យនោះ គឺមិនពិតសោះឡើយ។

លោកអាត់ ធន់ សម្ព័ន្ធសហជីពCCAWDU(ស៊ីខៅឌូ) បានលើកឡើងថា ផលិតភាពការងារបានកើនឡើង កម្លាំងពលកម្មក៏បានកើនឡើង ទន្ទឹមនឹងចំនួនរោងចក្របើកថ្មីបានកើនឡើងប្រមាណជាង ១០០រោងចក្រ ខណៈដែលរោងចក្របានប្រកាសបិទ មានចំនួន៨រោងចក្រ ហើយរោងចក្រព្យួមានចំនួន ១០៣រោងចក្រ។ មិនត្រឹមតែប៉ុណ្ណោះ ការធ្វើបាតុកម្ម និងកូដកម្មរបស់កម្មករក៏បានថយចុះប្រមាណ ៥០%ផងដែរ។

សូមបញ្ជាក់ថាជារៀងរាល់ឆ្នាំ អ្នកពាក់ព័ន្ធក្នុងវិស័យវាយនភណ្ឌកាត់ដេរ និងផលិតស្បែកជើង តែងតែជួបប្រជុំគ្នា ដើម្បីស្វែងរកចំណុចសមមូលនៃការតំឡើងប្រាក់ឈ្នូលអប្បបរមាសម្រាប់កម្មករ។ កម្មករដែលតែងតែប្រើប្រាស់យន្តការធ្វើបាតុកម្ម ដើម្បីបានប្រាក់ឈ្នួលសមរម្យ។ តួយ៉ាងកាលពីឆ្នាំ ២០១៤ កន្លងទៅ បាតុកម្មដើម្បីទាមទារប្រាក់ឈ្នួលអប្បបរមា ១៥០ ដុល្លារ បានបណ្តាលឱ្យកម្មករយ៉ាងហោច ៥នាក់បានស្លាប់ និងរងរបួសជាច្រើននាក់ផ្សេងទៀតផងដែរ។

យ៉ាងណាក៏ដោយ លោកហេង សួរ អ្នកនាំពាក្យក្រសួងការងារ ដែលជាអ្នកសម្របសម្រួលការចរចាប្រាក់ឈ្នួលបានលើកឡើងថា គ្រប់គូភាគីនៃការចរចាមានសិទ្ធិក្នុងការដាក់តួរលេខរៀងៗខ្លួនដើម្បីចរចា។

ទោះបីជាបែបណាក៏ដោយ ក្រុមសហជីពនៅកម្ពុជាបានអះអាងថា ការដំឡើងត្រឹមតែ ៤ដុល្លារ២កាក់សម្រាប់ឆ្នាំ២០១៧ គឺមិនអាចទទួលយកបានទេ សម្រាប់ក្រុមសហជីព។ ក្រុមសហជីពដែលអំពាវនាវឱ្យរដ្ឋាភិបាលត្រូវតែផ្តល់ប្រាក់ឈ្នួលសមរម្យសម្រាប់កម្មករ ដោយមិនចាំបាច់កម្មករទាមទារដោយការធ្វើបាតុកម្មនោះទេ៕

ប្រភពពី RFI

លីកាដូ រកឃើញប៉ុស្តិ៍ត្រួតពិនិត្យច្រើនកន្លែងមុនថ្ងៃបើកសវនាការលើ លោក កឹម សុខា

2016-09-09T09:47:00.000+07:00

រូបថត៖ ប្លង់ដែលបង្ហាញដោយអង្គការលីកាដូ នៅថ្ងៃទី ៨ កញ្ញានេះ

នៅថ្ងៃទី ៨ កញ្ញានេះ អង្គការលីកាដូបានរកឃើញប៉ុស្តិ៍ត្រួតពិនិត្យជាច្រើនកន្លែងទាំងនៅតាមបណ្ដាលខេត្តនិងផ្លូវជាច្រើនចូលមករាជធានីភ្នំពេញ។ អង្គការលីកាដូ បានហៅសកម្មភាពនេះថា ធ្វើឡើងមុនមួយថ្ងៃនៃការបើកសវនាការលើសំណុំរឿង លោក កឹម សុខា ដើម្បីរាំងខ្ទប់មិនឲ្យសកម្មជនគណបក្សសង្គ្រោះជាតិចូលមកក្នុងក្រុង ខណៈពួកគេមានគម្រោងជួបជុំគ្នានាថ្ងៃស្អែក។ ប៉ុន្តែសាលារាជធានីភ្នំពេញច្រានចោលការលើកឡើងនេះដោយអះអាងថា ជាសកម្មភាពអនុវត្តច្បាប់ចរាចរណ៍។

លោក អំ សំអាត មន្ត្រីជាន់ខ្ពស់ផ្នែកស៊ើបអង្កេតរបស់អង្គការលីកាដូឲ្យដឹងថា នៅខេត្តស្វាយរៀង និង កំពត អាជ្ញាធរក៏បានធ្វើការឃាត់រថយន្តរបស់សកម្មជនគណបក្សសង្គ្រោះជាតិមិនឲ្យចូលមករាជធានីភ្នំពេញផងដែរ ខណៈពួកគេមានគម្រោងមកធ្វើការជួបជុំគ្នានៅថ្ងៃស្អែកនាទីស្នាក់គណបក្សសង្គ្រោះជាតិ។

លោក អំ សំអាត បន្ថែមថា សកម្មភាពដាក់ប៉ុស្តិ៍ត្រួតពិនិត្យនេះធ្វើឡើងនៅច្រើនកន្លែងទាំងនៅផ្លូវចូលមករាជធានីភ្នំពេញនិងនៅតាមបណ្ដាលខេត្តមួយចំនួន។ ហើយសកម្មភាពនេះធ្វើឡើងខុសពីសព្វមួយដងដែលមិនមែនជាការអនុវត្តការត្រួតពិនិត្យច្បាប់ចរាចរណ៍នោះទេ។

បើតាមប្លង់របស់អង្គការលីកាដូ ដែលបង្ហាញនៅលើទំព័រហ្វេសប៊ុក គឺមានផ្លូវជាតិចំនួន៦ខ្សែត្រូវបានដាក់ប៉ុស្តិ៍ត្រួតពិនិត្យ។ ផ្លូវជាតិលេខ១ នៅស្រុកគៀនស្វាយ និងខណ្ឌច្បារអំពៅ ។ ផ្លូវជាតិលេខ២ នៅចំណុចខាងមុខសាលាក្រុងតាខ្មៅ និងស្រុកកណ្ដាលស្ទឹង។ ផ្លូវជាតិលេខ៣ នៅចំណុចជិតទំនប់ ៧មករា និង ក្នុងសង្កាត់ពងទឹក ខណ្ឌដង្កោ។ ផ្លូវជាតិលេខ៤ នៅចំណុចជិតរដ្ឋបាលព្រៃឈើ ស្រុកអង្គស្នួល។ ផ្លូវជាតិលេខ៥ នៅចំណុចជិត វត្តសុវណ្ណវារី ស្រុកពញាឮ។ ផ្លូវជាតិលេខ៦នៅចំណុចឃុំព្រែកអញ្ចាញ ស្រុកមុខកំពូល។

លោក អំ សំអាត បានហៅសកម្មភាពនៃការដាក់ប៉ុស្តិ៍ត្រួតពិនិត្យនេះថា ជាការបំភ័យប្រជាពលរដ្ឋ។ ព្រោះថា រាល់សកម្មភាពរបស់អាជ្ញាធរមិនបានជូនដំណឹងទៅពលរដ្ឋដូចជាៈ ករណីធ្វើសមយុទ្ធកាលពីកន្លងមកជុំវិញទីស្នាក់គណបក្សសង្គ្រោះជាតិ និងការបិទផ្លូវកាលពីថ្ងៃទី៥កញ្ញា គ្រាដែលគណបក្សសង្គ្រោះជាតិយកញត្តិទៅដាក់នៅតាមបណ្ដាលស្ថានទូតនានា។

ប៉ុន្តែយ៉ាងណាក៏ដោយ លោក មាន ចាន់យ៉ាដា អ្នកនាំពាក្យសាលារាជធានីភ្នំពេញអះអាងថា សកម្មភាពនៃការដាក់ប៉ុស្តិ៍ត្រួតពិនិត្យនៅលើផ្លូវជាតិសំខាន់ៗចូលមករាជធានីភ្នំពេញជាការអនុវត្តច្បាប់ចរាចរណ៍។ លោកបដិសេធដាច់ខាតថា មិនមានជាប់ពាក់ព័ន្ធនឹងការចូលរួមរបស់សកម្មជនគណបក្សសង្គ្រោះជាតិក្នុងការឡើងមកជួបជុំនាថ្ងៃស្អែកនោះទេ។ លោកក៏បានស្នើឲ្យភាគីពាក់ព័ន្ធរងចាំមើលចំណាត់ការនៃការដាក់ប៉ុស្តិ៍ត្រួតពិនិត្យនេះជាបន្តទៀតដោយមិនមែនធ្វើតែថ្ងៃនេះទេ៕ប្រភពពី RFI

ការបរិភោគតាមរបបអាហារអាចទទួលបានផលអាស្រ័យតាមហ្សែនរបស់មនុស្ស

2016-09-09T08:44:00.000+07:00

ការគ្រប់គ្រងរបបអាហារ ជាមួយនឹងអាហារដែលមានផលល្អសម្រាប់សុខភាប អាចជួយអ្នកក្នុងការសម្រកទម្ងន់បាន។

ស្ទើរតែរាល់សប្តាហ៍ គេឃើញមានវិធីកំណត់របបអាហារថ្មី ដែលធានាថានឹងធ្វើឲ្យស្រកទម្ងន់ និងមានសុខភាពល្អ។ ចំណីអាហារនៅតំបន់មេឌីទែរ៉ាណេ ឬអាហារមានជាតិស្ករទាប ដែលជារបបអាហារជប៉ុននោះ គឺគ្រាន់តែជាការនិយមមួយក្នុងពេលថ្មីៗនេះប៉ុណ្ណោះ។ បច្ចុប្បន្ន ការសិក្សាថ្មីមួយបានរកឃើញថា ហ្សែនរបស់អ្នកអាចដើរតួនាទីសំខាន់នៅក្នុងការបញ្ជាក់ថាតើរបបអាហារបែបណាដែលត្រូវនឹងអ្នក។
វ៉ាស៊ីនតោន —
ក្រុមអ្នកស្រាវជ្រាវបានធ្វើពិសោធទៅលើរបបអាហារដែលគេនិយមផ្សេងៗ ដោយប្រើពពួកសត្វកណ្តុរបង្កាត់ពូជពិសេស ដើម្បីឲ្យដឹងថារបបអាហារណាខ្លះមានប្រសិទ្ធភាពឬគ្មានប្រសិទ្ធភាព ហើយថាតើរបបអាហារជាក់លាក់ណាមួយដែលនាំឲ្យប៉ះពាល់ដល់សុខភាព។
ក្រុមអ្នកស្រាវជ្រាវបានប្រើកណ្ដុរពូជពិសេសចំនួនបួនប្រភេទដែលបង្កាត់ចេញពីហ្សែនតំណាងឲ្យពូជកណ្តុរទូទៅ។
ក្រុមអ្នកអង្កេតបានរកឃើញថា របបចំណីអាហារខ្លះអាចធ្វើឲ្យកណ្ដុរមួយចំនួនស្រកទម្ងន់ ប៉ុន្តែ សម្រាប់កណ្ដុរមួយចំនួនទៀត របបអាហារនោះមិនមានផលអ្វីសោះ ឬធ្វើឲ្យសុខភាពកាន់តែចុះខ្សោយទៅវិញ។
លោក William Barrington ជាអ្នកពន្ធុសាស្រ្តនៃសាកលវិទ្យាល័យរដ្ឋ North Carolina ដែលបានជួយធ្វើការស្រាវជ្រាវនេះ បាននិយាយថា៖ «ភាគច្រើន យើងបានមើលលើរបបអាហារដ៏ទូលំទូលាយក្នុងផ្លូវតែមួយ អស់រយៈពេលមួយរយឆ្នាំមកហើយ ដោយសន្មតថាមានរបបអាហារដ៏ល្អប្រសើរមួយ។ ប៉ុន្តែ អ្វីដែលយើងបានរកឃើញនោះគឺថា ផលប៉ះពាល់នៃរបបអាហារមួយអាស្រ័យទៅតាមហ្សែនរបស់បុគ្គលដែលបរិភោគអាហារនោះ»។
«អញ្ចឹងហើយ នៅពេលដែលមិត្តភក្តិរបស់អ្នកប្រាប់អ្នកថា ខ្ញុំបានព្យាយាមយករបបអាហារដ៏ល្អនេះ ហើយវាល្អខ្លាំងណាស់សម្រាប់ខ្ញុំ។ ឯងគួរតែញ៉ាំសាកទៅ។ ប៉ុន្តែជាក់ស្តែងវាអាចនឹងអាចមានផលប៉ះពាល់ផ្សេងសម្រាប់អ្នកទៅវិញ»។
ការពិសោធលម្អិត
អស់រយៈពេលប្រាំមួយខែ កណ្តុរពិសេសនីមួយៗដែលប្រហាក់ប្រហែលគ្នាទទួលរបបចំណីជាក់លាក់មួយគឺ៖ មួយប្រភេទទទួលចំណីបែបបស្ចិម ដែលសម្បូរជាតិខ្លាញ់ច្រើន មួយប្រភេទទៀតត្រូវឲ្យរបបចំណីនៅតំបន់មេឌីទែរ៉ាណេ មួយទៀតតាមអាហារជប៉ុន ដែលមានបាយច្រើន និងតែបៃតង ហើយក្រុមចុងក្រោយ ទទួលបានចំណីដែលមានជាតិស្ករទាប តែមានជាតិខ្លាញ់ច្រើន ដែលគេហៅថា Ketogenic។
ក្រុមកណ្ដុរដែលនៅក្រោមការពិនិត្យតាមដាន បានទទួលរបបចំណីតាមបទដ្ឋាន សម្រាប់ការប្រៀបធៀប។
នៅគ្រប់ករណីទាំងអស់ ពពួកសត្វកកេរទាំងនេះ ត្រូវគេឲ្យស៊ីឲ្យច្រើនតាមដែលវាចង់ នៅខណៈពេលដែលអ្នកស្រាវជ្រាវចាំតាមដានពីបរិមាណដែលពួកវាស៊ី និងលក្ខណៈនៃសុខភាពទូទៅ រួមទាំង សញ្ញានៅមុនពេលកើតទឹកនោមផ្អែម មានជំងឺធាត់ និងជំងឺក្តៅខ្លាញ់រុំថ្លើម។
អ្វីដែលក្រុមអ្នកស្រាវជ្រាវរកឃើញបានធ្វើឲ្យពួកគេមានការភ្ញាក់ផ្អើល។ មានកណ្តុរមួយប្រភេទបានទទួលរងឥទ្ធិពលយ៉ាងអាក្រក់ពីរបបអាហារនៃបស្ចិមប្រទេស ខណៈដែលរបបអាហារនេះមានផលប៉ះពាល់តិចតួច ឬគ្មានទាល់តែសោះចំពោះកណ្ដុរប្រភេទផ្សេងៗទៀត។
លោក Barrington មាននិយាយថា៖ «មានកណ្ដុរមួយចំនួនដែលយើងបានពិសោធឃើញថា ចំណីអ្វីក៏ដោយដែលពួកវាស៊ី មិនបានផ្លាស់ប្តូរស្ថានភាពសុខភាពរបស់ពួកវាឡើយ... ពួកវាឡើងធាត់បន្តិច មិនថាវាស៊ីចំណីអ្វីទេ។ ដូច្នេះ ក្នុងករណីខ្លះ វាហាក់ដូចជាថា ឥទ្ធិពលនៃរបបអាហារមិនសូវប៉ះពាល់ខ្លាំងទេចំពោះបុគ្គលមួយចំនួន»។
របបអាហារតាមបុគ្គល
លោក Barrington បានបញ្ជាក់ថា ការឲ្យរបបអាហារជាក់លាក់មួយទៅឲ្យបុគ្គលមួយចំនួនដើម្បីទទួលបានលទ្ធផលជោគជ័យនោះ អាចនឹងទៅរួចនៅថ្ងៃណាមួយ។
«ការរកឃើញនេះ ពិតជាជំរុញឲ្យយើងកំណត់ពីកត្តាហ្សែនអ្វីដែលត្រូវនឹងរបបអាហារសមស្រប ហើយថាតើយើងអាចព្យាករណ៍បុគ្គលដែលអាចទទួលលទ្ធផលល្អប្រសើរទៅនឹងរបបអាហារខុសៗគ្នាទាំងនោះដោយវិធីណា»។
វាជាទស្សនៈមួយដែលគេហៅថា អាហារូបត្ថម្ភជាក់លាក់ ដោយលើកឡើងថា នៅថ្ងៃណាមួយ ក្រុមវេជ្ជបណ្ឌិតនឹងអាចប្រើធ្វើតេស្តលើហ្សែនដើម្បីបញ្ជាក់ថាតើអ្វីដែលអ្នកបរិភោគនឹងធ្វើឲ្យអ្នកស្រកទម្ងន់ និងមានសុខភាពល្អឬទេ។
ការរកឃើញនេះ ត្រូវបានបង្ហាញនៅស្ថាប័នពន្ធុសាស្រ្តអាមេរិក (Genetics Society of America)។
ប្រែសម្រួលដោយ សើ សាយ្យាណា
ប្រភពពី VOA Khmer

ឥណ្ឌូនេស៊ីត្រួតពិនិត្យរកមេរោគ Zika ស្របពេលដែលការឆ្លងមានការកើនឡើងនៅសិង្ហបុរី

2016-09-09T08:42:00.000+07:00

មន្រ្តីរបស់ទីភ្នាក់ងារបរិស្ថានជាតិជូនដំណឹងដល់ពលរដ្ឋនៅក្នុងបរិវេណដែលមានករណីឆ្លងមេរោគ Zika នៅក្នុងប្រទេសសិង្ហបុរី កាលពីថ្ងៃទី២៩ ខែសីហា ឆ្នាំ២០១៦។

ប្រទេសឥណ្ឌូនេស៊ីបានធ្វើការត្រួតពិនិត្យអ្នកធ្វើដំណើរមកពីប្រទេសសិង្ហបុរី ដែលជាប្រទេសក្បែរខាងខ្លួន ដើម្បីធ្វើយ៉ាងណាឲ្យច្បាស់ថា អ្នកធ្វើដំណើរទាំងនោះមាន ឬមិនមានផ្ទុកមេរោគ Zika។ ប្រទេសឥណ្ឌូនេស៊ីចេញវិធានការដូចនេះ ដោយសារតែប្រទេសសិង្ហបុរីបានរាយការណ៍អំពីចំនួននៃអ្នកឆ្លងមេរោគ Zika នេះមានការកើនឡើង។

អ្នកនាំពាក្យក្រសួងសុខាភិបាលឥណ្ឌូនេស៊ីលោក Oscar Primadi បាននិយាយនៅថ្ងៃព្រហស្បតិ៍នេះថា មន្ត្រីសុខាភិបាលបានស្នើឲ្យក្រសួងការបរទេសចេញនូវការណែនាំដល់អ្នកធ្វើដំណើរទាំងឡាយ ជាពិសេស ស្ត្រីមានផ្ទៃពោះ កុំឲ្យធ្វើដំណើរទៅកាន់ប្រទេសសិង្ហបុរី ប្រសិនបើមិនមានការចាំបាច់។

ប្រទេសសិង្ហបុរី កាលពីថ្ងៃពុធម្សិលមិញ បានបញ្ជាក់ថា មានការឆ្លងជំងឺ Zika ថ្មីចំនួន២២ករណីនៅក្នុងតំបន់មួយនៅក្នុងទីក្រុង ហើយករណីឆ្លងដំបូងគឺការឆ្លងលើស្ត្រីមានផ្ទៃពោះ។

សម្រាប់អ្នកជំងឺ Zika ភាគច្រើន មេរោគនេះជះឥទ្ធិពលតិចតួចប៉ុណ្ណោះចំពោះពួកគេ ប៉ុន្តែគ្រូពេទ្យជឿជាក់ថា ការឆ្លងក្នុងពេលមានផ្ទៃពោះ អាចបណ្ដាលឲ្យទារកកើតមកមានក្បាលតូចខុសធម្មតា និងការអភិវឌ្ឍរបស់ទារកមិនប្រក្រតីដ៏ធ្ងន់ធ្ងរ។

គិតមកត្រឹមថ្ងៃពុធម្សិលមិញ ប្រទេសសិង្ហបុរីមានការឆ្លងជំងឺ Zika នេះចំនួន១៥៥ករណីរួចមកហើយ។

មជ្ឈមណ្ឌលដើម្បីការគ្រប់គ្រង និងការការពារជំងឺរបស់សហរដ្ឋអាមេរិក បានធ្វើការណែនាំដល់អ្នកធ្វើដំណើរដែលធ្វើដំណើរទៅប្រទេសសិង្ហបុរី ឲ្យមានការប្រយ័ត្នប្រយែង ដូចជាការការពារខ្លួនពួកគេកុំឲ្យមូសខាំជាដើម។ ហើយដោយសារតែមេរោគនេះឆ្លងតាមការរួមភេទផងដែរ មជ្ឈមណ្ឌលនេះបានណែនាំឲ្យប្រើស្រោមអនាម័យ ក្នុងពេលរួមភេទ។

គិតមកទល់ពេលនេះ មិនទាន់មានការរាយការណ៍ណាមួយថា មានការឆ្លងមេរោគ Zika នេះនៅក្នុងប្រទេសឥណ្ឌូនេស៊ីនៅឡើយទេ៕ ប្រភពពី VOAKhmer

ចិនសប្បាយចិត្ត ពេលសេចក្ដីថ្លែងការណ៍ប្រធានអាស៊ានគ្មានសាលក្រមតុលាការអន្តរជាតិ

2016-09-09T08:31:00.000+07:00

កិច្ចប្រជុំអាស៊ានលើកទី២៨ និងលើកទី២៩ ដែលប្រទេសឡាវធ្វើជាម្ចាស់ផ្ទះ បានបញ្ចប់ហើយ។ នាយករដ្ឋមន្ត្រីឡាវ ថងលូន ស៊ីសូលីត ដែលជាប្រធានប្ដូរវេន បានចេញសេចក្ដីថ្លែងការណ៍ពាក់ព័ន្ធនឹងលទ្ធផលផ្លែផ្កានៃកិច្ចប្រជុំនេះ។ យ៉ាងណាក្ដី សេចក្ដីថ្លែងការណ៍ប្រធានអាស៊ាន មិនបានលើកឡើងពីសេចក្ដីសម្រេចរបស់តុលាការអន្តរជាតិលើសំណុំរឿងសមុទ្រចិនខាងត្បូងទេ ដែលវាច្បាស់ណាស់ថា ចិន ពិតជាសប្បាយចិត្តខ្លាំងមិនខានឡើយ។

សាលក្រមនៃមជ្ឈត្តកម្មតុលាការអន្តរជាតិក្រុងឡាអេ ត្រូវបានផាត់ចេញពីសេចក្ដីថ្លែងការណ៍របស់ប្រធានអាស៊ាន បន្ទាប់ពីបញ្ចប់កិច្ចប្រជុំរបស់ខ្លួន។ ដូចសព្វមួយដងនោះ សេចក្ដីថ្លែងការណ៍ប្រធានអាស៊ាន បានបង្ហាញពីការព្រួយបារម្ភជុំវិញការវិវត្តថ្មីៗនៅសមុទ្រចិនខាងត្បូង និងបានជំរុញឲ្យភាគីពាក់ព័ន្ធដោះស្រាយជម្លោះដោយសន្តិវិធី ដោយយោងតាមច្បាប់អន្តរជាតិ ជាពិសេសអនុសញ្ញាអង្គការសហប្រជាជាតិស្ដីពីច្បាប់សមុទ្រឆ្នាំ១៩៨២។

ដោយលើកឡើងពីសកម្មភាពដែលអាចនាំដល់ការរីករាលនៃជម្លោះនេះ សេចក្ដីថ្លែងការណ៍អាស៊ាន បានបញ្ជាក់ពីសារៈសំខាន់នៃសន្តិភាព ស្ថិរភាព ក៏ដូចជាសេរីភាពនៃការហោះហើរនៅក្នុងតំបន់សមុទ្រចិនខាងត្បូង។ មិនតែប៉ុណ្ណោះ មេដឹកនាំអាស៊ាន ក៏បានលើកឡើង សារៈសំខាន់នៃការមិនធ្វើយោធូបនីយកម្មនៅសមុទ្រចិនខាងត្បូង និងការបញ្ឈប់សកម្មភាពរៀងៗខ្លួន ដែលអាចនាំឲ្យស្ថានការណ៍កាន់តែស្មុគស្មាញ។

ជាមួយគ្នានេះ មេដឹកនាំអាស៊ាន ក៏គូសបញ្ជាក់ពីកិច្ចខិតខំប្រឹងប្រែងដើម្បីអនុវត្តឲ្យពេញលេញសេចក្ដីថ្លែងការណ៍សមុទ្រចិនខាងត្បូង (DOC) ក៏ដូចជាការប្រឹងប្រែងសម្រេចឲ្យបានលឿននូវក្រមប្រតិបត្តិភាគីសមុទ្រចិនខាងត្បូង (COC) ដែលជាលិខិតស្របច្បាប់រវាងចិន និងអាស៊ាន ក្នុងការដោះស្រាយជម្លោះសមុទ្រចិនខាងត្បូង។ ហើយមេដឹកនាំអាស៊ាន ក៏បានស្នើឲ្យភាគីទាំងអស់ បង្កើនការយល់ចិត្តគ្នាទៅវិញទៅមក សំដៅចៀសវាងការប្រើកម្លាំងដោះស្រាយបញ្ហា។

សេចក្ដីថ្លែងការណ៍មេដឹកនាំអាស៊ាន ដែលមិនបាននិយាយទាល់តែសោះពីការសម្រេចចិត្តរបស់តុលាការអន្តរជាតិ កំពុងតែធ្វើឲ្យចិនដែលជាភាគីជម្លោះសមុទ្រចិនខាងត្បូងធូរចិត្តខ្លាំង ដ្បិតមិនសូវរងសម្ពាធខ្លាំងពីអាស៊ាន។ ចិន ដែលទាមទារតំបន់ភាគច្រើននៃសមុទ្រចិនខាងត្បូង មិនដែលទទួលស្គាល់ការសម្រេចនេះឡើយ ហើយថែមទាំងទាមទារដោះស្រាយជម្លោះនេះ ជាទ្វេភាគីទៅទៀត។

សូមរម្លឹកដែរថា មុនកិច្ចប្រជុំអាស៊ាន ហ្វីលីពីនដែលជាដើមបណ្ដឹង បានបង្ហាញជំហរមិនលើករឿងសមុទ្រចិនខាងត្បូងក្នុងវេទិកាតំបន់នេះឡើយ ដោយលោកប្រធានាធិបតី Rodrigo Duterte អះអាងថា លោក មិនចង់បង្កើតបរិយាកាសនៅទីនោះត្រូវអាប់អួរនោះទេ។ ហើយលោក ចង់ចរចាជាមួយនឹងចិន មួយទល់មួយវិញ៕

ប្រភពពី ThmeyThmey

លោក Duterte ទទួលញញួរជាប្រធានអាស៊ានពីនាយករដ្ឋមន្ត្រីឡាវ

2016-09-09T08:27:00.000+07:00

កិច្ចប្រជុំអាស៊ានលើកទី២៨ និងលើកទី២៩ បានបិទបញ្ចប់ហើយនៅថ្ងៃទី៨ ខែកញ្ញា នៅរដ្ឋធានីវៀងចន្ទន៍ ប្រទេសឡាវ។ ក្នុងកម្មវិធីបិទកិច្ចប្រជុំ ប្រធានាធិបតីហ្វីលីពីន លោក Rodrigo Duterte បានទទួលញញួរប្រធានអាស៊ាន ដែលប្រគល់ដោយនាយករដ្ឋមន្ត្រីឡាវ ថងលូន ស៊ីសូលីត សម្រាប់ដឹកនាំសមាគមប្រជាជាតិអាស៊ីអាគ្នេយ៍ ក្នុងឆ្នាំ២០១៧។

«ឯកឧត្តមប្រធានាធិបតី Rodrigo Duterte ក្នុងឱកាសនេះ ខ្ញុំមានកិត្តិយសផ្ទេរតំណែងប្រធានអាស៊ានឲ្យហ្វីលីពីន ដោយចាប់ផ្ដើមពីថ្ងៃទី១ ខែមករា ឆ្នាំ២០១៧» ។ នេះជាសម្ដីរបស់នាយករដ្ឋមន្ត្រីឡាវ លោក ថងលូន ស៊ីសូលីត ដែលជាប្រធានអាស៊ានឆ្នាំ២០១៦ ក្នុងពិធីបិទកិច្ចប្រជុំអាស៊ាន និងកិច្ចប្រជុំពាក់ព័ន្ធ។

នាយករដ្ឋមន្ត្រីឡាវបន្តថា ឡាវ នឹងបន្តការគាំទ្ររបស់ខ្លួនដល់ហ្វីលីពីន។ បន្ទាប់ពីទទួលតំណែងប្រធានអាស៊ាន ប្រធានាធិបតីហ្វីលីពីន បានសាទរនាយករដ្ឋមន្ត្រីឡាវ ដែលដឹកនាំកិច្ចប្រជុំអាស៊ានក្នុងឆ្នាំ២០១៦ ។ លោកនិយាយថា ហ្វីលីពីន ត្រៀមខ្លួនរួចរាល់ហើយ ដើម្បីកាច់ចង្កូតអាស៊ាន និងដឹកនាំអាស៊ាន។

យោងតាមសារព័ត៌មាន Rappler លោកប្រធានាធិបតី Duterte បន្តទៀតថា៖ «ខ្ញុំទទួលបានប្រយោជន៍យ៉ាងច្រើន ពីការពិភាក្សា និងការផ្លាស់ប្ដូរយោបល់របស់យើង។ បទពិសោធទាំងនេះ ធ្វើឲ្យខ្ញុំយល់ច្បាស់ ពីការកសាងសហគមន៍របស់យើង»៕

ប៉េតង់កម្ពុជាឈ្នះមេដាយមាស និងសំរឹទ្ធពីព្រឹត្តិការណ៍វប្បធម៌នៅវៀតណាម

2016-09-09T08:24:00.000+07:00

ក្រុមប៉េតង់កម្ពុជាបានបង្ហាញភាពខ្លាំងរបស់ខ្លួននៅក្នុងព្រឹត្តិការណ៍វប្បធម៌របស់វៀតណាម នៅក្នុងទីក្រុងហូជីមិញ (The 25th Ho Chi Minh City Laboure Culture Palace Petanque International Championship) តាមរយៈការឈ្នះមេដាយមាស និងសំរឹទ្ធពីការប្រកួតនេះ។

ក្រុមប៉េតង់កម្ពុជានៅតែអាចរក្សាការឈ្នះមេដាយរបស់ខ្លួនសម្រាប់ការចូលរួមកម្មវិធីវប្បធម៌លើកទី២៥របស់វៀតណាម ដោយក្រុមនេះបានឈ្នះមេដាយមាស១គ្រឿង និងសំរឹទ្ធ១គ្រឿងពីការប្រកួតកីឡាប៉េតង់ក្នុងកម្មវិធី The 25th Ho Chi Minh City Laboure Culture Palace Petanque International Championship នៅទីក្រុងហូជីមិញ។

សម្រាប់មេដាយមាសនេះកម្ពុជាបានឈ្នះលើវិញ្ញាសាវាយយកពិន្ទុនារីអាយុ១៨-២៣ឆ្នាំ ឬឯមេដាយសំរឹទ្ធកម្ពុជាបានឈ្នះលើវិញ្ញាសាវាយជាក្រុមនារី។ ការប្រកួតកីឡាប៉េតង់ដណ្តើមជើងឯកក្នុងកម្មវិធីវប្បធម៌របស់វៀតណាមនេះមានប្រទេសចូលរួមទាំងអស់ចំនួន៥ប្រទេស គឺកម្ពុជា វៀតណាម ឡាវ ថៃ និងម៉ាឡេស៊ី៕ ប្រភពពី ThmeyThmey

តេក្វាន់ដូ ITF រៀបចំជើងឯកថ្នាក់ជាតិជាលើកដំបូងដោយមានកីឡាករ៣៣១នាក់ចូលរួម

2016-09-09T08:22:00.000+07:00

ក្រោយពីបែកចេញពីការជ្រកក្រោមដំបូលតែមួយជាមួយតេក្វាន់ដូ WTF សហព័ន្ធកីឡាតេក្វាន់ដូ ITF កម្ពុជាបានបើកយុទ្ធនាការរៀបចំការប្រកួតជ្រើសរើសជើងឯកថ្នាក់ជាតិប្រចាំឆ្នាំ២០១៦ជាលើកដំបូងរបស់ខ្លួន។ ការប្រកួតនេះនឹងប្រព្រឹត្តទៅនៅសាលដំបូលទូកក្នុងពហុកីឡដ្ឋានជាតិចាប់ពីថ្ងៃទី៨-១២ ខែកញ្ញា ខាងមុខនេះ។

កីឡាករកីឡាការិនីតេក្វាន់ដូ ITF ចំនួន៣៣១នាក់មកពីក្លិប-សមាគមចំនួន១៤ដែលមានមូលដ្ឋាននៅតាមបណ្តាខេត្តនិងរាជធានី នឹងមកជួបជុំគ្នានៅពហុកីដ្ឋានជាតិដើម្បីចូលរួមប្រកួតជ្រើសរើសជើងឯកថ្នាក់ជាតិប្រចាំឆ្នាំ២០១៦។ នេះជាលើកទី១ហើយសម្រាប់សហព័ន្ធកីឡាតេក្វាន់ដូ ITF កម្ពុជា ដែលបានរៀបចំការប្រកួតនេះដោយខ្លួនឯង បន្ទាប់ពីបែកចេញពីការជ្រកក្រោមដំបូងតែមួយជាមួយតេក្វាន់ដូ WTF។

ការប្រកួតជ្រើសរើសជើងឯកថ្នាក់ជាតិប្រចាំឆ្នាំ២០១៦របស់សហព័ន្ធកីឡាតេក្វាន់ដូ ITF នេះ នឹងប្រព្រឹត្តទៅចាប់ពីថ្ងៃទី៨ ខែកញ្ញា ហើយគ្រោងនឹងបញ្ចប់នៅថ្ងៃទី១២ ខែកញ្ញា ខាងមុខនេះ។ បើយោងតាម លោក ប៉ាល់ ជីវ័ន្ត អគ្គហិរញ្ញញឹកសហព័ន្ធកីឡាតេក្វាន់ដូ IFT កម្ពុជា កីឡាករកីឡាការិនីទាំងអស់ត្រូវមកថ្លឹងទម្ងន់នៅថ្ងៃទី៨ ខែកញ្ញា ដែលជាថ្ងៃចាប់ផ្តើមប្រកួតតែម្តង។

ក្លិប-សមាគមទាំង១៤នោះរួមមាន៖ ក្លិបសេរីភាព, ក្លិបមិត្តភាព, ក្លិបយុវជន, ក្លិបយុវជន១, ក្លិបបាក់ខែង, ក្លិបកងរាជអាវុធហត្ថភ្នំពេញ, ក្លិបសកលវិទ្យាល័យ IIC, ក្លិបសហភាពសហព័ន្ធយុវជនកម្ពុជា, ក្លិបព្រែកហូ, ក្លិបបាក់ទូក, ក្លិបពន្លឺយុវជន, ក្លិបពន្លឺយុវជន១, ក្លិបស្រីសន្ធរ និងក្លិបក្តីចាស់៕

ប្រភពពី ThmeyThmey

កីឡាករ វ៉ា់ន់ វ៉ុន រំពឹងកើនឡើងកម្រិតបច្ចេកទេសក្រោយដកពិសោធន៍ពីកីឡាករល្បីៗលំដាប់ពិភពលោក

2016-09-09T08:20:00.000+07:00

សម្រាប់ការចូលរួមប្រកួតក្នុងព្រឹត្តិការណ៍កីឡាប៉ារ៉ាឡាំពិកនៅទីក្រុង Rio ប្រទេសប្រេស៊ីល កីឡាករប៉ារ៉ាឡាំពិកកម្ពុជា វ៉ាន់ វ៉ុន មានកី្តរំពឹងថា ក្រោយការចូលរួម និងការហ្វឹកហាត់ដោយដកស្រង់បទពិសោធន៍ពីកីឡាជើងខ្លាំងលំដាប់ពិភពលោក កម្រិតបច្ចេកទេសរបស់ខ្លួននឹងមានការកើនឡើងកាន់តែខ្លាំងថែមទៀត។

អត្ថពលិកប៉ារ៉ាឡាំពិកកម្ពុជា វ៉ាន់ វ៉ុន ទោះបីវាជាការបង្ហាញវត្តមានលើកដំបូងរបស់ខ្លួនក្នុងព្រឹត្តិការណ៍កីឡាប៉ារ៉ាឡាំពិកនៅ Rio ប្រទេសប្រេស៊ីលក៏ដោយ។ ប៉ុន្តែកីឡាកររូបនេះមានក្តីសង្ឃឹមជឿជាក់យ៉ាងមុតមាំថា តាមរយៈការសិក្សា និងក៏ដូចជាដកស្រង់បច្ចេកទេសពីកីឡាករជើងខ្លាំងលំដាប់ពិភពលោក រូបគេនឹងទទួលបានបច្ចេកទេស និងបទពិសោធន៍ល្អៗ ដើម្បីអភិវឌ្ឍន៍សមត្ថភាពឲ្យកាន់តែរីកចម្រើន។

បេក្ខភាពប៉ារ៉ាឡាំពិកតំណាងកម្ពុជារូបនេះបានបញ្ជាក់ថា៖«នេះជាបទពិសោធន៍លើកទី១ ព្រោះនាពេលកន្លងខ្ញុំមិនដែលបានចូលរួមព្រឹត្តិការណ៍លំដាប់ពិភពលោកនេះទេ ហើយក៏មិនដែលបានជួបកីឡាករខ្លាំងៗដែរ។ ប៉ុន្តែខ្ញុំសង្ឃឹមថា ក្នុងរយៈពេលហ្វឹកហាត់ និងប្រកួតនៅប្រទេសប្រេស៊ីលនេះ កម្រិតបច្ចេកទេសរបស់ខ្ញុំនឹងកើនឡើងជាងនៅកម្ពុជា ដោយសារខ្ញុំបានដកស្រង់បច្ចេកទេសពីឡាករខ្លាំងៗលំដាប់ពិភពលោក»។

ទោះបីជាយ៉ាងនេះក្តីកីឡាករកម្ពុជារូបនេះមិនហ៊ានរំពឹងក្នុងការឈានដល់ដណ្តើមបានមេដាយពីព្រឹត្តិការណ៍នេះឡើយ ដោយសាររូបគេយល់ថា សមត្ថភាពនៅមានកម្រិតទាបបើប្រៀបធៀបទៅនឹងសមត្ថភាពកីឡាករជើងឯកប្រចាំព្រឹត្តិការណ៍លំដាប់ពិភពលោកមួយនេះ។

កីឡាកររូបនេះបានបញ្ជាក់ថា៖«ខ្ញុំមិនហ៊ាននិយាយថា ខ្លួនខ្ញុំអាចដណ្តើមបានមេដាយឬអត់នោះទេ ដោយសារខ្ញុំគិតថា កំណត់ត្រារបស់ខ្ញុំ និងកំណត់ត្រាពិភពលោកខ្ញុំនៅចាញ់គេ។ ដូច្នេះទាល់តែមានការប្រកួតទើបខ្ញុំហ៊ាននិយាយព្រោះអីវាជាលើកទី១ តែបើតាមការចូលរួមនាពេលកន្លងមកបើខ្ញុំហ៊ាននិយាយ គឺខ្ញុំហ៊ានធ្វើ»។

គួរបញ្ជាក់ថា កីឡាករ វ៉ាន់ វ៉ុន ជាបេក្ខភាពកម្ពុជាម្នាក់គត់ដែលទទួលបានសិទ្ធអនុគ្រោះពីគណៈកម្មាធិការជាតិប៉ារ៉ាឡាំពិកពិភពលោក និងត្រូវបានគណៈកម្មាធិការជាតិប៉ារ៉ាឡាំពិកកម្ពុជាបញ្ជូនឲ្យចូលរួមប្រកួតក្នុងព្រឹត្តិការណ៍កីឡាប៉ារ៉ាឡាំពិកនៅទីក្រុង Rio ប្រទេសប្រេស៊ីល៕

ប្រភពពី ThmeyThmey

កីឡាករ វ៉ាន់ វ៉ុន មានមោទកភាពដោយមានវាសនាលើកទង់ជាតិខ្មែរនៅប្រេស៊ីល

2016-09-09T08:17:00.000+07:00

កីឡាករប៉ារ៉ាឡាំពិកកម្ពុជា វ៉ាន់ វ៉ុន

កីឡាករប៉ារ៉ាឡាំពិកកម្ពុជា វ៉ាន់ វ៉ុន ព្រមទាំងមន្ត្រីដឹកនាំកីឡាប៉ារ៉ាឡាំពិកកម្ពុជាបានកាន់ទង់ជាតិកម្ពុជាបង្ហាញឲ្យប្រទេសជាង១០០ប្រទេសបានស្គាល់ក្នុងថ្ងៃបើកព្រឹត្តិការណ៍លំដាប់ពិភពលោកប៉ារ៉ាឡាំពិកនៅទីក្រុង Rio ប្រទេសប្រេស៊ីល កាលពីម្សិលមិញ។

ទង់ជាតិកម្ពុជាត្រូវបានបង្ហាញជាលក្ខណៈអន្តរជាតិឲ្យប្រទេសជាង១០០ប្រទេសនៅលើពិភពលោកបានស្គាល់កាលពីម្សិលមិញ។ ការបង្ហាញទង់ជាតិនេះធ្វើឡើងតាមរយៈកីឡាករប៉ារ៉ាឡាំពិកកម្ពុជា វ៉ាន់ វ៉ុន ព្រមទាំងគណប្រតិភូកីឡាកម្ពុជាដែលដឹកនាំដោយ លោក យី វាសនា អគ្គលេខាធិការនៃគណៈកម្មាធិការជាតិប៉ារ៉ាឡាំពិកកម្ពុជា ក្នុងថ្ងៃបើកការប្រកួតជាផ្លូវការនៃព្រឹត្តិការណ៍កីឡាប៉ារ៉ាឡាំពិកនៅទីក្រុង Rio ប្រទេសប្រេស៊ីល។

ទោះបីជាកីឡាករ វ៉ាន់ វ៉ុន ធ្លាប់បានបង្ហាញទង់ជាតិកម្ពុជាជាលក្ខណៈអន្តរជាតិជាច្រើនលើកក៏ដោយ ប៉ុន្តែនេះជាលើកទី១ហើយសម្រាប់កីឡាករប៉ារ៉ាឡាំពិកកម្ពុជារូបនេះដែលបានកាន់ទង់ជាតិកម្ពុជាបង្ហាញជាលក្ខណៈពិភពលោកនៅមុខប្រទេសដ៏ច្រើនសន្ធឹកសន្ធាប់ឲ្យបានស្គាល់បែបនេះ។ ការបង្ហាញជាលក្ខណៈពិភពលោកនេះ វាជាមោទកភាពរបស់ប្រទេសកម្ពុជា ក៏ដូចជាមោទកភាពសម្រាប់ខ្លួនគេផ្ទាល់ផងដែរ ព្រោះវាជាលើកទី១សម្រាប់ការចូលរួមព្រឹត្តិការណ៍កីឡាប៉ារ៉ាឡាំពិក។

គួរបញ្ជាក់ថា សម្រាប់ព្រឹត្តិការណ៍កីឡាប៉ារ៉ាឡាំពិកនៅទីក្រុង Rio ប្រទេសប្រេស៊ីល បេក្ខភាពកីឡាប៉ារ៉ាឡាំពិកកម្ពុជា វ៉ាន់ វ៉ុន នឹងប្រកួតលើវិញ្ញា១០០ម៉ែត្រក្នុងកម្រិតពិការ T54។ ការប្រកួតនេះនឹងចាប់ផ្តើមពីថ្ងៃទី៧ ខែកញ្ញា នេះ រហូតដល់ថ្ងៃទី១៨ ខែកញ្ញា។ ចំណែកកីឡាករ វ៉ាន់ វ៉ុន នឹងធ្វើការប្រកួតនៅថ្ងៃទី១៧ ខែកញ្ញា ខាងមុខនេះ៕

ប្រភពពី ThmeyThmey

ក្រុម U-19 កម្ពុជាបន្តយកឈ្នះក្រុមប៉ូលិស 2-1 មុនចេញទៅវៀតណាមថ្ងៃស្អែក

2016-09-09T08:11:00.000+07:00

បាល់ទាត់៖ ក្រុមបាល់ទាត់ជម្រើសជាតិអាយុក្រោម ១៩ឆ្នាំកម្ពុជាបានបន្តប្រកួតឈ្នះ ក្រុមអគ្គស្នងការដ្ឋាននគរបាលជាតិដោយលទ្ធផល ២-១ ជាថ្មីម្ដងទៀតហើយ នៅក្នុងជំនួបមិត្តភាពលើទីលានមជ្ឈមណ្ឌល និងសាលាបាល់ទាត់ជាតិបាទីកាលពីម្សិលមិញ មុននឹងចេញដំណើរទៅចូលរួមប្រកួតពានរង្វាន់យុវជនក្រោមអាយុ ១៩ AFF U-19 Championship 2016 នាល្ងាចថ្ងៃទី០៩ ខែកញ្ញាស្អែកនេះ។

ការប្រកួតនេះក្រុមជម្រើសជាតិអាយុក្រោម ១៩ឆ្នាំកម្ពុជារកបានគ្រាប់បាល់នាំមុខ ១គ្រាប់នៅតង់ទី១ ដែលធ្វើសម្រេចដោយកីឡាករ ឆេង ម៉ែង បន្ទាប់មកទើបកីឡាករ គន្ធា រ៉ាវ៉ាន់ បន្ថែម ១គ្រាប់ទៀតនៅតង់ទី២ មុននឹងកីឡាករ នួន បុរី របស់ក្រុមអគ្គស្នងការដ្ឋាននគរបាលជាតិរកបាន ១គ្រាប់នៅចុងម៉ោងធ្វើឲ្យក្រុមជម្រើសជាតិអាយុក្រោម ១៩ឆ្នាំកម្ពុជាយកឈ្នះ ២-១ តែម្ដង។ គួរបញ្ជាក់ថា នេះគឺជាការប្រកួតកម្ដៅសាច់ដុំលើកចុងក្រោយរបស់ក្រុមជម្រើសជាតិអាយុក្រោម ១៩ឆ្នាំកម្ពុជា បន្ទាប់ពីឆ្លងកាត់ការប្រកួត ៥លើកឈ្នះ៣ ស្មើ១ និងចាញ់១ ក្នុងនោះប្រកួតដំបូងក្រុមដឹកនាំដោយគ្រូជនជាតិជប៉ុនលោក Ohara Kazunori នេះបានប្រកួតចាញ់ក្រុម African All Stars ២-០ តែបានយកឈ្នះក្រុមបឹងកេតអង្គរ ៥-០ ឈ្នះអគ្គស្នងការដ្ឋាននគរបាលជាតិ ៣-០ មុនស្មើក្រុមណាហ្គាវើល ១-១ និងចុងក្រោយយកឈ្នះក្រុមអគ្គស្នងការដ្ឋាននគរបាលជាតិ ២-១ ម្សិលមិញ។

ទន្ទឹមជាមួយគ្នានេះដែរលោក Ohara Kazunori ក៏បានលើកឡើងជុំវិញការប្រមូលផ្ដុំហ្វឹកហាត់ជាងកន្លះខែកន្លងទៅផងដែរថា ដោយសារកីឡាករម្នាក់ៗមានសមត្ថភាពប្រហាក់ប្រហែលគ្នា លោកពិតជាមានការពិបាកជាខ្លាំង ទម្រាំជ្រើសរើសបានកីឡាករ ២៣នាក់។ ប៉ុន្តែចំពោះការត្រូវប្រឈមមុខជាមួយក្រុមខ្លាំងៗ ក្នុងពូលB នៃពានរង្វាន់យុវជនប្រចាំតំបន់អាស៊ានខាងលើ លោកក៏បានត្រៀមខ្លួនរួចជាស្រេចដែរ ដោយលោកនឹងប្រើប្រាស់ភាពខ្លាំងរបស់ក្រុមយុវជនកម្ពុជា ដើម្បីស្វែងរកជ័យជម្នះជូនប្រទេសជាតិកម្ពុជា។ គួរបញ្ជាក់ថា ពានរង្វាន់ AFF U-19 Championship 2016 នឹងចាប់ផ្ដើមប្រកួតពីថ្ងៃទី១១ ដល់ថ្ងៃទី២៤ ខែកញ្ញាខាងមុខនេះនៅទីក្រុងហាណូយប្រទេសវៀតណាម ដោយក្រុមយុវជនកម្ពុជាស្ថិតក្នុងពូល B ជាមួយក្រុមយុវជនថៃ, ឡាវ, មីយ៉ាន់ម៉ា, ឥណ្ឌូនេស៊ី និងអូស្ត្រាលី។ សម្រាប់ការប្រកួតបើកឆាកក្រុមយុវជនកម្ពុជា នឹងត្រូវជួបប្រកួតជាមួយក្រុមយុវជនអូស្ត្រាលីនៅថ្ងៃទី១២ ខែកញ្ញានេះ ហើយព្រឹត្តិការណ៍នេះដែរក្រុមការងារទូរទស្សន៍ BTV-News នឹងធ្វើការផ្សាយបន្តផ្ទាល់រហូតដល់ចប់ការប្រកួតឯណោះ៕

ប្រភពពី < a href="http://bayontv.com.kh/archives/82110" target="new">BayonTV

HEMCHEA TV

លោក សម រង្ស៊ី ទាមទារ​ឱ្យ​មាន​ដំណោះស្រាយ​នយោបាយ​នៅ​កម្ពុជា​ តាម​សំណើ​សហភាព​អឺរ៉ុប

Can Cambodia's opposition keep pressure on PM Hun Sen?

សហរដ្ឋអាមេរិកដោះដៃពីសង្គ្រាមនៅស៊ីរី។ តើមានអ្វីកើតឡើង?

សហគមន៍​អន្តរជាតិ​នឹង​ដាក់​ទណ្ឌកម្ម​រដ្ឋាភិបាល​លោក ហ៊ុន សែន នៅ​ចុង​ខែ​កុម្ភៈ

កម្ពុជា​កំពុង​ដឹកនាំ​ទៅ​រក​របប​យោធា​ផ្ដាច់ការ​និយាម​និង​គ្រួសារ​និយម

លោក សម រង្ស៊ី ព្រមាន​ថា​បើ​រដ្ឋាភិបាល​មិន​ពន្យារ​ពេល​បោះ​ឆ្នោត​អំពើ​ហិង្សា​នឹង​ផ្ទុះ​ឡើង

លោក កឹម សុខា ត្រូវ​សមត្ថកិច្ច​បញ្ជូន​ទៅ​ឃុំ​ខ្លួន​នៅ​ពន្ធនាគារ​ត្រពាំងផ្លុង

បទវិភាគ: អាស៊ីអាគ្នេយ៍នៅចន្លោះមហិច្ឆតារបស់ចិន និងមហិច្ឆតារបស់អាមេរិក

លោក កឹម សុខា ហាក់​ចង់​ឲ្យ​លោក សម រង្ស៊ី វិល​ចូល​ស្រុក​វិញ

តើ​ស្រីលង្កា​មាន​សារៈសំខាន់​អ្វី​នៅក្នុង​ភូមិសាស្រ្ត​នយោបាយ​អាមេរិក?

លោក ហេង រតនា៖ ភ្នាក់ងារ​​បរទេស​​ខ្លះ​​ បាន​​កាត់​​បន្ថយ​​ជំនួយ​​​លើ​​វិស័យ​​ដោះ​មីន​​នៅ​​កម្ពុ​ជា

GMAC៖ ប្រាក់ឈ្នួល​អប្បបរមា​២០១៧ អាច​ឡើង​បន្ថែម​បាន​ ៤ដុល្លារ

លីកាដូ រក​ឃើញ​ប៉ុស្តិ៍​ត្រួត​ពិនិត្យ​ច្រើន​កន្លែង​មុន​ថ្ងៃ​បើក​សវនាការលើ លោក កឹម សុខា

ការ​បរិភោគ​តាម​របប​អាហារ​អាច​ទទួល​បាន​ផល​អាស្រ័យ​តាម​ហ្សែន​របស់​មនុស្ស

ឥណ្ឌូនេស៊ី​ត្រួត​ពិនិត្យ​រក​មេរោគ Zika ស្រប​ពេល​ដែល​ការ​ឆ្លង​មាន​ការ​កើន​ឡើង​នៅ​សិង្ហបុរី

ចិន​សប្បាយចិត្ត ពេល​សេចក្ដីថ្លែងការណ៍​ប្រធាន​អាស៊ាន​គ្មាន​សាលក្រម​តុលាការអន្តរជាតិ​

លោក Duterte ទទួល​ញញួរ​ជា​ប្រធាន​អាស៊ាន​ពី​នាយករដ្ឋមន្ត្រី​ឡាវ

ប៉េតង់​កម្ពុជា​ឈ្នះ​មេដាយមាស និង​សំរឹទ្ធ​ពី​ព្រឹត្តិការណ៍​វប្បធម៌​នៅ​វៀតណាម​

តេ​ក្វាន់​ដូ ITF រៀបចំ​ជើងឯក​ថ្នាក់ជាតិ​ជា​លើកដំបូង​ដោយមាន​កីឡាករ​៣៣១​នាក់​ចូលរួម​

កីឡាករ វ៉ា់ន់ វ៉ុ​ន រំពឹង​កើនឡើង​កម្រិត​បច្ចេកទេស​ក្រោយ​ដក​ពិសោធន៍​ពី​កីឡាករ​ល្បីៗ​លំដាប់​ពិភពលោក

កីឡាករ វ៉ាន់ វ៉ុ​ន មាន​មោទកភាព​ដោយមាន​វាសនា​លើក​ទង់ជាតិ​ខ្មែរ​នៅ​ប្រេ​ស៊ី​ល​

ក្រុម U-19​ កម្ពុជា​បន្ត​យកឈ្នះ​ក្រុម​ប៉ូលិស 2-1 ​មុន​ចេញ​ទៅ​វៀតណាម​ថ្ងៃ​ស្អែក

លោក សម រង្ស៊ី ទាមទារឱ្យមានដំណោះស្រាយនយោបាយនៅកម្ពុជា តាមសំណើសហភាពអឺរ៉ុប

សហគមន៍អន្តរជាតិនឹងដាក់ទណ្ឌកម្មរដ្ឋាភិបាលលោក ហ៊ុន សែន នៅចុងខែកុម្ភៈ

កម្ពុជាកំពុងដឹកនាំទៅរករបបយោធាផ្ដាច់ការនិយាមនិងគ្រួសារនិយម

លោក សម រង្ស៊ី ព្រមានថាបើរដ្ឋាភិបាលមិនពន្យារពេលបោះឆ្នោតអំពើហិង្សានឹងផ្ទុះឡើង

លោក កឹម សុខា ត្រូវសមត្ថកិច្ចបញ្ជូនទៅឃុំខ្លួននៅពន្ធនាគារត្រពាំងផ្លុង

លោក កឹម សុខា ហាក់ចង់ឲ្យលោក សម រង្ស៊ី វិលចូលស្រុកវិញ

តើស្រីលង្កាមានសារៈសំខាន់អ្វីនៅក្នុងភូមិសាស្រ្តនយោបាយអាមេរិក?

លោក ហេង រតនា៖ ភ្នាក់ងារបរទេសខ្លះ បានកាត់បន្ថយជំនួយលើវិស័យដោះមីននៅកម្ពុជា

GMAC៖ ប្រាក់ឈ្នួលអប្បបរមា២០១៧ អាចឡើងបន្ថែមបាន ៤ដុល្លារ

លីកាដូ រកឃើញប៉ុស្តិ៍ត្រួតពិនិត្យច្រើនកន្លែងមុនថ្ងៃបើកសវនាការលើ លោក កឹម សុខា

ការបរិភោគតាមរបបអាហារអាចទទួលបានផលអាស្រ័យតាមហ្សែនរបស់មនុស្ស

ឥណ្ឌូនេស៊ីត្រួតពិនិត្យរកមេរោគ Zika ស្របពេលដែលការឆ្លងមានការកើនឡើងនៅសិង្ហបុរី

ចិនសប្បាយចិត្ត ពេលសេចក្ដីថ្លែងការណ៍ប្រធានអាស៊ានគ្មានសាលក្រមតុលាការអន្តរជាតិ

លោក Duterte ទទួលញញួរជាប្រធានអាស៊ានពីនាយករដ្ឋមន្ត្រីឡាវ

ប៉េតង់កម្ពុជាឈ្នះមេដាយមាស និងសំរឹទ្ធពីព្រឹត្តិការណ៍វប្បធម៌នៅវៀតណាម

តេក្វាន់ដូ ITF រៀបចំជើងឯកថ្នាក់ជាតិជាលើកដំបូងដោយមានកីឡាករ៣៣១នាក់ចូលរួម

កីឡាករ វ៉ា់ន់ វ៉ុន រំពឹងកើនឡើងកម្រិតបច្ចេកទេសក្រោយដកពិសោធន៍ពីកីឡាករល្បីៗលំដាប់ពិភពលោក

កីឡាករ វ៉ាន់ វ៉ុន មានមោទកភាពដោយមានវាសនាលើកទង់ជាតិខ្មែរនៅប្រេស៊ីល

ក្រុម U-19 កម្ពុជាបន្តយកឈ្នះក្រុមប៉ូលិស 2-1 មុនចេញទៅវៀតណាមថ្ងៃស្អែក