Hend Shereen Gomaa

10 جديدة

2018-09-19T15:59:00.003+02:00

١- صاحبك الحقيقي مش موجود، المواقف بتبدل و بتغير وبتقلب الدنيا من فوق لتحت، صاحبك الحقيقي هو فترة، كل فترة فى عمرك فيه صاحب واحد حقيقي، والباقي موجودين لتكملة العدد، وكل فترة الأسامي بتتغير.

٢- الحب الحقيقي لازم يمر باختبارات كتيرة قوي عشان ينجح ويعدي، من غير اختبارات هي مجرد أحاسيس قد تكون حقيقية.

٣- الراجل اللي بجد مش اللي بيجيب هدايا ويصوصو ويقولك بحبك.

حقيقي، الراجل موقف، موقف معاكي وإنتي تعبانة، موقف مع أهلك وهما فى مشكلة، موقف مع أهله وهم محتاجينه، مواقف كتيرة بيبان فيها حب الراجل اللي بيدوم العمر كله، مش مجرد رغبته فيكي.

٤- الشغل أكبر ملهى ليلي، كل الناس فيه أصحاب، يلعبوا و يرقصوا ويضحكوا، لحد ما الفجر يطلع، وكله يروح بيته، ساعتها مش بيفضل غير كراسي فاضية.

٥- بلدك اللي فيها أصحابك، أهلك، حياتك، حبايبك، ذكرياتك.. بلدك مش بس مكان تعمل فيه فلوس وتعيش مستريح، بلدك اللي فيها حياتك.

٦- اوعى تفكر إنك ممكن تنجح بالفهلوة، حتى لو نجحت في الأول، ثق تماما إنها

beginners luck

وبعد كده تعبك ومجهودك بس هم اللي هينفعوك.

٧- أنا اشتغلت سنين طويلة قوي، عمري ما اشتغلت بواسطة ولا جالي حد طلب مني ده، ما أعرفش موجود فعلا ولا لأ، وما أعرفش تحديدا موجود في القطاع الخاص ولا لأ، بس لو موجود وقدامك فرصة، اوعى تجري وراها، فرصتك اعملها إنت، ماتخليش حد يعملهالك، عشان لو نجحت ماحدش هيصدق انك تستحق النجاح.

٨- علم الناس اللي تعرفها، علم حد معاك في الشغل، صاحبك، أخوك، علم أي حد في سكتك، واعرف كويس إنه هايجي وقت تندم قوي إنك علمت حد معين، بس أقولك، كمل طريقك وعلم اللي بعده، لسه الدنيا عايزة منك حاجة.

٩- لو اتجوزت/اتجوزتي، ما تخليش الجواز يبعدك عن أصحابك ولا أهلك، الجواز بيضيف صُحبة جديدة مهمة في حياتك، لكن مش مفروض يبدل حد بحد.

١٠- لما تيجي تتجوز، دوّر على الصحبة، المشاركة، دوّر على ونس، دوّر على حد بيدي، بلاش تتجوزوا اللي هتقعدوا جنبهم تبصوا في الموبايل طول الوقت.

افكار

2018-09-19T15:59:00.001+02:00

فيه صراع نفسي جوا كل حد فينا، بيحصل بسبب كلمة (أنا عامل اللي عليا).

كل واحد دايما حاسس إنه عامل اللي عليه، وبيبقى الإحساس ده صادق جدا على فكرة، بنبقى فعلا حاسين إننا عاملين اللي علينا، بس اللي قدامنا مش مقدر مجهودنا وتعبنا وإحساسنا بيه.

والموضوع ده بيسبب مشاكل كتيرة قوي، مشاكل مبنية على سوء الفهم، مش التفاهم.

الحالة دي موجودة بين كل الناس، وكل العلاقات، بمختلف أشكالها، ممكن تلاقيها في أب شايف إنه عامل اللي عليه مع ولاده بس همَّ مش مقدرين تعبه، أو زوجة شايفة إنها تعبانة في البيت دايما بس ما حدش حاسس بيها، الزوج اللي شايف إنه مهني مراته ومتحمل مسؤوليتها بكل طاقته بس هي مش عاجبها، الموظف اللي شايف إنه فاني عمره في شغله بس مديره مفتري، والمدير اللي شايف إنه مدلع الموظف ومديله حقوقه كلها بس هو اللي معندوش ولاء وطماع، والصاحب اللي شايف إنه جدع مع صاحبه ودايما واقف جنبه، بس صاحبه مش مقدر.... وقصص كتير قوي، كل واحد فينا مش شايف الصورة غير من ناحيته، إحنا معذورين أحيانا كتير، أصل مش سهل أبدا تبص من زاوية تانية مش زاويتك إنت.

بس المشكلة الحقيقية مش في اللي بنعمله، المشكلة في إننا فاكرين اللي بنعمله ده هو المطلوب.

كل واحد فينا بيشوف احتياج الطرف التاني من منظوره هو، وعينه هو، واحتياجه هو، وأخيرا باللي يقدر هو إنه يعمله.

وبالتالي دايما حاسس إن هو جايب آخره، ليه اللي قدامه مش مقدر تعبه ده؟! وبيبتدي الإحساس بالإحباط يوصل للي قدامك، اللي أصلا محبط منك هو كمان، لأنه برضه شايفك مش مقدر مجهوده معاك اللي إنت طبعا مش شايفه!

وبنفضل في دايرة مفرغة من التوقعات والإحباطات.

أعتقد إن الحل (الصعب جدا) إننا نحاول نشوف بعين وعقل الطرف التاني، نديله فرصه يقرر هو محتاج إيه، مش بس إنت شايف إيه، أو تقدر على إيه.

صعوبة الطريقة دي مش بس إنك تفهم وتستوعب احتياج الآخر، الصعوبة الحقيقية في التخلص من الأنانية اللي جوا كل واحد فينا، والثقة العالية قوي، إننا عارفين وفاهمين كويس قوي!

محتاجين نقبل فكرة إننا مش عارفين، أو على الأقل مش متأكدين.

الجواز

2018-09-19T15:58:00.006+02:00

ملحوظة مهمة: الكلام ده من محض خيال المؤلف وليس له أي علاقة بالواقع، وأي تشابه مع الحياة اليومية صدفة بحتة أقسم بالله ؛)

- الجواز مش حب ولا صوصوة، ولا هو حاجة معينة ليها وصف وأول من آخر، هي مجرد حالة اجتماعية ملهاش تصنيف غير إن أجيال ورا أجيال بيتكعبلوا في نفس الحفرة، بوعي وإرادة كاملة، وفي أحيان بدون ندم، ليه؟ ما أعرفش!

- الراجل اللي فاكر إنه بيتجوز واحدة عجبته على حالها كده عشان يغيرها فتبقى مناسبة أكتر ليه، ده راجل حمار براس بني آدم، لو ليها شخصية مش هتتغير، ولو ملهاش شخصية هتتغير وهتبقي مسخ مش مناسب ليك خالص يا أذكى إخواتك.

- الست اللي بتتجوز راجل عشان تخنقه وتقول له إنت رايح فين وسايبني ليه، فسّحني، خرّجني، هاتلي، دي بتخلق راجل كداب لأنه هيتفنن في اختراع القصص عشان يخلص من الزن، اعقلي كده يا ماما وسيبك منه، هيرجع مش رايح في حتة ما تخافيش، اللي خدته القرعة تاخده أم الشعور.

- يا جماعة مفيش حاجة اسمها ست نكدية وراجل نكدي، بصرف النظر إن نسبة الرجالة النكدية أكبر (همّا أصلا بؤساء بالفطرة!) بس برضه دي مش قاعدة، لأن الرجالة لما بتقعد مع بعض لوحدهم بيضحكوا، والستات لما بتقعد مع بعض لوحدهم بتبقى قعدة مسخرة والله، يبقي العيب في الميكس! دونت ميكس بقى.

- سيب مساحة وسيبي مساحة، بلاش خنقة وتلزيق الله يبارك لك منك ليها، سيبها تنزل مع أصحابها هتيجي أحلى ومنوّرة، سيبيه يفك عن نفسه مع أصحابه، هيجي فرفوش ونعنوش، مش لازم نفضل ٢٤ ساعة مع بعض مفيش حاجة ممكن تفرقنا أبدا يا عمري، ابعد حبة تزيد محبة

- لو الست والراجل بيشتغلوا، يبقي مفيش حاجة اسمها شغلته وشغلتها، هو ده بيت مشترك عملتوه مع بعض، عشان تعيشوا فيها بأحسن وضع ممكن، مش بالضرورة لازم هي اللي تطبخ وتنضف وتاخد بالها من طلبات البيت وتروح السوبر ماركت وتفتكر إيه الي ناقص في التلاجة وتراعي الولاد وتودّي التمرين وتذاكر وتربّي. فين المتعة اللي في حياتك بقى؟ المشاركة هتخليك عايش، حاسس إن ليك بصمة ولازمة لا مواخذة، مش داخل تتعلف وخارج، ومشاركتك في شرا العلف مش مجهود كفاية للأسف.

- خلينا نتفق إن لا ذوق الراجل في الشوبنج بيعجب الست ولا بطء الست في قرار الشرا بيستحمله الراجل، يبقى الأحسن كل واحد يخليه في حاله، خدي صاحبتك معاكي أفيد لك وخليك إنت مع صاحبك على القهوة أرحم لنا

- لازم يا رجالة تفهموا إن الستات مش بتسأل الراجل عايز تاكل إيه النهارده! والله ما بيحصل، ارحم نفسك من وهم إنك مخنوق من السؤال ده وموافق تاكل أي حاجة بس تترحم من إرهاق التفكير العميق في الإجابة، أقسم بالله ما عايزين نطبخ أساسا، فبلاش فرط الإحساس بالأهمية الله يكرمك.

- بص يا حبيبي، وبصي يا ست الكل، اللي ناوي فيكم يعمل حاجة زيادة وطالعة منه، يعملها وهو ساكت، مش عشان جبتي حاجة في البيت تعملي فرح، ومش عشان غسلت الحوض ولا رحت معاها مشوار، تغنّي عليه سبع سنين، اللي عايز يعمل حاجة يعملها بحب، أو الأحسن إنك ما تعملش من أصله.

- لما يا حبيبي تاخد قرار غلط، قول عادي مفيش مشكلة، إنت مش بورم يعني، مش لازم تكمل القصة للآخر عشان تثبت لنا أي حاجة، وإنتي يا عسل اقعدي ساكتة في اللحظة دي عشان لو كبرت منك الدنيا هتولع، الجلالة بتبقى وخداهم في اللحظة دي قوي!

اشتغل

2018-09-19T15:58:00.003+02:00

فكرة إني أطلب من حد يجيب لي هدية وكمان أحدد تمن وقيمة وشكل الهدية، وكل ده بمنتهي الثقة إن ده حقي، دي قمة البجاحة والرخص #شبكة

إن حد يقرر لحد شكل وحجم وتفاصيل المكان اللي هيعيش فيه عمره مع حد تاني، وموقعه على الخريطة تحديدا، دي أنانية وتحكم باسم الخوف والحب #الشقة

إن شخص يحدد لك هتفرش بيتك ازاي، وشكله إيه، ويتحكم في الحاجة اللي هتستخدمها إنت فى بيتك، شكلها وقيمتها ولونها..إلخ، ده أوسخ وأقببح مظهر للتحكم فى رأس المال ومصدر الهبة #فرش البيت

إن حدد يشوف إن تمن بنته ١٠ قروش، وإن اللي هيدفع الرقم ده أولى يشيل البضاعة، ولو رجعها بحجة عيوب في الصناعة هيدفع غرامة، ده أعلى درجات الرخص

#المهر # المؤخر

إنك تستني أو تستنى حد يجبلك و يفرشلك ويشتريلك ويعملك ويوجهك تمشي ازاي وتروح فين، و طتعيش حياتك ازاي ومع مين، دي علامة مهمة إن لسه بدري عليك! خليك/خليكي فى بيت أهلك أحسن.

اشتغل/ اشتغلي لحد ما تقدر:

تختار بنفسك

تقرر بعقلك

تشتري بإرادتك

تحب بقلبك

دستة خطوات تضمن لك الفشل السريع

2018-09-19T15:57:00.003+02:00

1. استنى مديرك يقول لك هتعمل إيه وتشتغل ازاي، اوعي تتحرك لوحدك.

2. ما تسمعش كلام حد، ولازم تفضل تشتكي كده طول اليوم، يمكن تطلعل لك بحاجة.

3. ما تبصّش غيرك عمل إيه ولا وصل لإيه.

4. خليك طول اليوم على السوشيال ميديا، شير ولايك وشات وقضّي وقت لطيف.

5. لو بتدخن دي فرصتك بقى، اطلع دخن ٥ ولا ٦ مرات كده، كل نص ساعة، ولَّع لك سيجارتين تلاتة مع كوباية القهوة، ولو حد كلّمك قل له: "إيه بشرب سيجارة ما أشربش؟"

6. يا حبذا بقى لو كان الكمبيوتر بتاعك في كورنر لطيف كده وتعرف تشغّل لك فيلم ولا كام فيديو، تروّح بيهم عن نفسك.

7. اتّكل على أي حد غير نفسك ولما يجيلك شغلانة شوف يا ابني هترميها لمين بسرعة.

8. اوعى تتعلّم حاجة جديدة، إنت جاي تشتغل دكتور عيون تخصص نني، اللي يقولك بص على القرنية افتح نافوخه.

9. أأمن طريقة عشان تحمي ضهرك إنك ما تاخدش مخاطرة، ولا تعمل أي حاجة جديدة، عشان ما تتنفخش لو غلطت، صح كده، كمّل.

10. اوعى تروح تاخد كورس، واوعى تتعلّم مهارات ملهاش علاقة بيك، فكرة الtime management والpresentation skills والكلام الفارغ ده مش تخصصك، إنت راجل تخصص نني، ما تنساش.

11. اشتغل على قد فلوسهم، حكمة هايلة اوعي ماتعملش بيها، والله عايزين أكتر يدفعوا، دي شركتهم مالك إنت؟!

12. أهم حاجة بقى، لما تيجي تسيب شغلك اوعى تدّي أي حاجة زيادة، عندك كام يوم تقضّيهم بالطول ولا بالعرض، العالم دي عمرك ما هتشوفهم تاني، إنت رايح مكان جديد بقى exit mood style.

السنة الفارقة

2018-09-19T15:53:00.002+02:00

٢٠١٧ كانت بالنسبة لي سنة طويلة قوي، تقيلة عليا فى أوقات كتير، صعبة فى أوقات أكتر، جديدة ومفاجأة فى آخرها، سنة بكذا سنة، الخلاصة من مارس ٢٠١٧ لمارس ٢٠١٨:

١- الكلمة اللي بتطلع من بقك مش بترجع تاني، ولا بتتنسي، ولا بتموت، ولا حد بيصدق إنها انفعال فى لحظة غضب، حتى لو دي الحقيقة، فخلي بالك قوي من لسانك بيقول إيه.

٢- فكرة إن الفرصة مش بتيجي فى الحياة غير مرة واحدة، اتقالت غالبا من واحد مات تاني يوم، لأن الفرصة بتيجي تاني و تالت ورابع، عادي جدا، لو ضيعت فرصة، دور على اللي وراها.

٣- الصحاب، الصحاب، الصحاب، اوعي تنسي إن خسارتهم ملهاش تمن، ولا كنوز الدنيا تعوض صاحب جدع.

٤- لما تيجي ترتبط بشخص، اعرف إن لا الفلوس، ولا الطلبات، ولا الخروجات والسفر ولا كل الأمور دي هاتنفعك ولا هتكمل معاك، ارتقي بمستوى تطلعاتك.

٥- العناد، الأمور المادية، عدم الاحترام، مثلث خراب أي علاقة.

٦- امسك فى الناس العزاز بإيدك الاتنين، اوعي تفرط فيهم مهما حصل، كل حاجة بتتنسي إلا خسارة الناس دي.

٧- لازم أصحابك يبقوا أعمار مختلفة، الكبير هتتعلم منه، والصغير هيحسسك دايما بالحياة، واللي فى سنك هو اللي فاهمك صح.

٨- إنك تتقبل الآخر وتقبل تصرفاته مهما كانت مختلفة معاك، دي مش حاجة سهلة أبدا، يمكن أصعب اختبار ممكن يمر عليك، ونجاحك فيه إنجاز.

٩- إصرارك على النجاح والاختلاف، محتاج ناس معاك فى المشوار ده، عمرك ما هتقدر عليه لوحدك، اختار الناس دي كويس، لأنهم هيكونوا سبب قوي فى نجاحك فى الآخر.

١٠- مساعدة الناس اللي حواليك نعمة كبيرة قوي، لازم تعرف إن أنت أكتر المستفيدين منها.

١١- فى أوقات كتير هتحتاج تكبر دماغك فيها، أوقات تطنش، تعمل مش واخد بالك، برضه ده صعب قوي، بس لو عملته هتستريح.

١٢- كلنا بنقول كلام رزل لبعض، من غير قصد صحيح، لكنه بيوجع، بس اللي بيوجع أكتر الكلام الجد اللي بيتقال بشكل هزار وتريقة، ده بيوجع أكتر والله.

١٣- سوء التفاهم بيمثل ٩٠٪ من المشاكل، يمكن لو فهمنا بعض صح من الأول، كنا وفرنا كتير.

١٤- السوشيال ميديا دي على قد ما قربت الناس فى الظاهر، لكن بعدت القريبين قوي، إنك تكتفي بسؤال عن صاحبك على الشات، ولا إنك تقول له كل سنة وإنت طيب ولا مبروك على الفيس بوك، دي أسوأ العلاقات على الإطلاق.

١٥- بلاش أي نقاش مهم يحصل على الشات، بلاش والنبي، ودانا فى داهية كتير، صوتك وشكلك وإحساسك وإنت بتقول كلام حتى لو وحش أهون ميت مرة وإنت بتكتبه وإحساسك مش واصل للي قدامك.

١٦- كل شيء فى وقته حلو، حتى لو متأخر، اعتبر ده وقته، عيش كل وقت كإنه جاي فى وقته.

17 نصيحة

2018-09-19T15:52:00.002+02:00

١- الثقة سلعة غاليه قوي، لما حد يديها لك ما تفرطش فيها.

٢- مش كل الناس تتعاشر، فيه ناس تعرفها وناس تعاشرها.

٣- الحب ليه 100 شكل، وألف طريقة، مش مهم تشوفه زي ما إنت عايزه، المهم إنه موجود.

٤- مش كل حاجة ليها نفس النهاية اللي إنت عايزها وشايفها، فيه نهايات ما تخطرش على بالك، وحاجات ملهاش نهاية.

٥- الكلمة اللي بتطلع منك ليها تمن غالي قوي، ما تستهترش بيها، يمكن بكلمة تغيير حياة شخص، وبكلمة تنهي علاقة، وبكلمة تفقد ثقة، وبكلمة تكسب قلب.

٦- فيه ناس ما يتفرطش فيهم، مهما عملوا فيك سامحهم، لأن قيمتهم في حياتك أهم من غضبك منهم.

٧- فيه ناس من أقل موقف هتحتاج تبعد عنهم، لأن سمّهم ملوش علاج.

٨- مواجهة أي مشكلة أقصر طريق لحلها، وتجاهلها أسرع طريق علشان تبقى مرض مزمن ملوش علاج.

٩- الشغل، الفلوس، الحب، مثلث خسارة الناس، خلى بالك منهم.

١٠- الرزق فعلا مش كله فلوس، الرزق صحة، شغل، سعادة، حب الناس ليك، حبيب يدعي لك من غير ما تعرف، أصحاب جدعة، لو عندك رزق منهم، حافظ عليه.

١١- فيه فرق كبير بين الكبر والعند والكرامة، فرَّق بينهم كويس وما تخليش عِندك يخسّرك ناس غالية عندك.

١٢- السكوت مش دايما من دهب، فيه سكوت بيموّت حاجات كتير، وفيه سكوت بيظلمك.

١٣- مش دايما المرض اللي بيموّت الناس، الحزن بيموّت أكتر، خلّي بالك، ما تزعلش قوي.

١٤- ما تسيبش حد واخد على خاطره منك ليلة، ولا تقول بُكره، ممكن ما تلحقش بُكره ده.

١٥- الشغل نعمه كبيرة، ما تشتكيش منها وحافظ عليها.

١٦- خلّي عندك حاجة تصحي من النوم عشانها.

١٧- الصداقة حاجة، والصحوبية حاجة، وعشرة العمر حاجة تانية خالص.

الشغل

2018-09-19T15:45:00.000+02:00

ما تقدمش في شغلانة إنت مش قدها، ده مش طموح، ده غباء!

ما تقدمش في شغلانة إنت مش ناوي تروح الإنترفيو بتاعها، ما تفتكرش إنها هتعدّي، السوق أصغر من بلكونة بيتكم.

اكتب CV عدل وشكله نضيف ومن غير أخطاء إملائية الله يكرمك، إحنا مش ناقصين بلاوي

لو ملكش في الإنجيليزي مفيش مشكلة، ما حدش فينا ابن ملكة إنجلترا، فبلاش تفتي الله يخليك.

مش علشان عملت لك كارت معايدة لابن أختك، ولا نزّلت ويندوز لصاحبك تبقى مبرمج كمبيوتر ولا آرت دايركتور، أقسم بالله الشغلانة دي محتاجة شوية حاجات تانية.

لما تقدم على شغلانة، لازم تشوف همّ محتاجين إيه وسنين الخبرة إيه، وإنت إيه، إحنا مش بنكتب الكلام ده فراغ، ولا جبر خواطر، فيه أم سبب للـjob description والنعمة.

لما تقدم على وظيفة، ابقي افتكر إنت قدمت فين، الحكاية مش ناقصة نكلمك تقول لا مش فاكر والله أصلي مقدم في أماكن كتير، فكّرني كده!

لا ما حدش هيفكرك وأنت اصلا black listed خلاص، مش فاكر مقدم فين، هتفتكر تيجي!

أقسم بالله الإنترفيو ده معمول علشان الناس تيجي، مش علشان بنمسّي عليك، لما تتفق إنك رايح ميعاد إنترفيو لازم تروح، هو مش ميعاد على القهوة مع أصحابك، فيه حد قاعد مستنيك ومفضّي نفسه لجنابك، فخلّي عندك دم، ولو مش ناوي تيجي تقول من الأول ما حدش هيضربك على إيدك!

لازم تفهم كويس إن خبرتك الـ٦ شهور على عيني وراسي، بس دي يا دوبك تقوم بيها الماكنة، مفيش أي مجال للتناكة يا ابني.

فكرة إنك تروح تعمل إنترفيو علشان تسعّر نفسك وتشوف إنت بكام دلوقتي، فكرة شمال قوي، إنت أصلك مش عربية مستعملة تنزل بيها السوق تشوف تجيب كام دلوقتي! ولا علشان تاخد offer تروح بيه شركتك تزوّدك قرشين، مش حلوة في حقك، وافتكر برضه موضوع بلكونة بيتكم اللي فوق.

لعبة الكراسي الموسيقية

2018-09-19T15:09:00.000+02:00

بعد ما اتخرجت في الجامعة، وبداية من ١٥ أكتوبر ٢٠٠٠ لحد يونيو ٢٠١٤ يعني حوالي ١٤ سنة، كنت موظفة، ١٤ سنة دون انقطاع، حتى عمري ما خلصت أجازاتي السنوية أبدا، من شغل لشغل ومن مكان لمكان.

كان حظي إلى حد كبير حلو مع المديرين بتوعي، معظم الناس اللي اشتغلت معاهم حبّتهم وحبّوني، وكانت حتى العلاقة بشكل شخصي وإنساني جميلة.

اتعلمت من كل حد اشتغلت معاه حاجات كتير حلوة، لسّه بفتكرها كل يوم، من يحيى ياسين اللي علّمني تقريبا ٩٠٪ من كل حاجة عرفتها في شغلي، لأشرف توكل اللي كان مدرسة في الـproducts وأحسن tech updates في الدنيا، لأحمد حمدان الي كان راجل أعمال حقيقي ناجح.

عمري ما نسيت فضل كل واحد وكل مكان اشتغلت فيه عليا.

وكنت إلى حد كبير محبوبة من معظم الناس، أو على الاقل مش مكروهة.

لحد لما شاء القدر إني أبقى صاحبة شركة وتيم كامل، في الأول ولفترة كبيرة، ورغم إني كنت manager قبل ما أبقى صاحبة شركة لفترة كبيرة، كنت فاكرة إن الوضع واحد، من manager ل manager مفيش فرق.

بجيب الناس اللي بتشتغل معايا اللي إلى حد كبير متوافقين مع بعض ومعايا، علشان أنا مؤمنة إن العلاقات القوية والإنسانية في الشغل هي سبب نجاح أي مكان، اتعلمت في أماكن كتير اشتغلت فيها ازاي to invest in people ، وإن همَّ دول القيمة الحقيقية لأي شركة، ومن غيرهم، لو كان عندك أحسن product او service في الدنيا، إنت ولا حاجة من غير team بيحبك، وبيحب المكان، وعنده استعداد يعمل أي حاجة علشان يكبَّر المكان ده.

لكن مع الوقت ابتديت أشوف حاجات كتير تخلّيني أفهم إن مهما عملت، عمرك ما هتكون موظف زيهم، إنت صاحب شركة، وإنك هتفضل في نظر الموظفين، مهما كنت كويس أو وحش: "المدير" أو صاحب الشغل من الآخر.

هيفضل فيه تضارب في المصالح كتير من الأوقات، هتفضل المدير اللي بيتقال عليك نكت على فيسبوك، واللي عمر ما حد هيرضى عنك ١٠٠٪.

يمكن إنت في قرارة نفسك فاكر إنك كويس وcute ومش بتزعّل حد، بس الحقيقة مش دايما اللي إنت فاهمها.

يمكن الفرق اللي ممكن تعمله، إنك دايما تبقى fair مع كل الناس، وتديهم حقهم، بس برضه هتفضل دايما باصص من ناحيتك انت، ووجهة نظرك اللي ممكن تبقى مش مفهومة أو مش مقنعة لبعض الناس.

وأهم حاجة اتعلمتها إن مش ممكن تقدر تتحكم أو to customize طريقة تفكير الناس، وحكمهم على شغلك وعلى المكان، يمكن يكون ده شيء مؤلم في أوقات كتير، بس للأسف، دي ضريبة إنك غيَّرت الكرسي بتاعك لما الموسيقي ابتدت، وأخدت كرسي جديد في لعبة الكراسي الموسيقية، والله أعلم، الموسيقى هتشتغل تاني وتغيّر مكانك تاني ولا لأ!

حتى اذا بلغ اشده وبلغ الأربعين

2018-09-19T15:04:00.000+02:00

محتاجة تعرفي ايه في أول ٤٠ سنة من حياتك :)

للبنات بس :)
x

المذاكرة مش كل حاجة، بس فيه حاجات لو ما ركزتيش فيها في المدرسة، هتفضل منغصة عليكي حياتك طول عمرك، زي جدول الضرب واللغات، اتعلمي عربي وإنجليزي كويس قوي، وفكك من الهندسة الفراغية والجغرافيا، عمرك ما هتعملي بيهم حاجة.
اعملي أصحاب كتير، كتير قوي، على قد ما تقدري، العدد مهما كبر، بعد ما بيعدي على ستين مصفاة في حياتك، آخره بيرسي على جوزين أصحاب لو ربنا كرمك.
ما تفوتيش أي فرصة انك تصاحبي، عادي ما فيهاش حاجة، كل ما تكبري الفرص بتقل.
اوعي تتجوزي بدري، اوعي، اوعي تسيبي حفلة لسه هاتبتدي وتجري تتفرجي على مسلسل تركي متعاد.
المدرسة والكلية، أحلى سنين عمرك بلا منافس، ماتعديش يوم ما تتبسطيش فيه لآخره.
الامتحانات والنتيجة والمجموع والثانوية العامة.. كل ده شوربة بتنجان، انسي…
رحلات المدرسة والكلية، أحلى ذكريات ممكن تفضل معاكي طول عمرك، اوعي تفوتي رحلة.
الشغل ده أساسي مش اختياري ولا مؤقت ولا على ما تفرج، البداية هي الأساس، اوعي يا بنتي تستني حد يديكي مصروفك مهما حصل، هتندمي…
ما تاخديش أي خطوة في حياتك ملهاش (undo button)، حتى لو رسمة تاتوه مش بتروح، دايما سيبي خط راجعة.
الرجالة مش هتطير، ملقحين في كل حتة، ما تترميش قوي كده، كلهم نفس القطعية مع شوية تعديلات على السيستم والآبديت مش أكتر.
اوعي تستني في علاقة فاشلة، أو حتى مش بتبسطك كفاية، اجري بسرعة منها قبل ما تسيب فيكي علامة.
سافري كل ما تجيلك فرصة سفر، كل سفرية بتفتح لك عالم جديد، حتى لو لوحدك.
سافري مع أصحابك، على الأقل مرة في السنة، التجربة دي مش زي أي حاجة تانية في الدنيا.
لو نفسك تعملي أي حاجة، اعمليها النهارده مش بكره. لو نفسك تحضري حفلة لمغني بتحبيه، تقولي لحد إنه واحشك، تحضني حد، تركبي عجلة، تشتري موتوسيكل… اعملي كل اللي بيخطر في بالك دلوقتي مش بكره، بكره مش دايما بيجي في الميعاد الصح.
ما تخافيش.. ما تخافيش تحبي، ما تخافيش تقولي رأيك، ما تخافيش تسيبي شغل أو علاقة، ما تخافيش تتحركي ولا تتغيري، ما تاخفيش من أي حاجة ممكن تكون أحلى حاجة بعد كده.
حبي نفسك قبل كل حاجة ممكن تحبيها في حياتك، لازم الأول تحبي نفسك، وتحبيها قوي كمان، ودي مش أنانية ولا غرور، دي أول خطوة علشان تعرفي تحبي أي حد تاني.
استمرارك في شغل مش بتحبيه موت بطيء، موت لطموحك ونجاحك وحبك لنفسك، المكان اللي مش بيخليكي تستني الويك إند يخلص علشان ترجعي له، ده مش مكانك، حب الشغل ونجاحك فيه سر سعادتك.
أنا عارفة إن أسوأ حاجة في الدنيا هي سمعان الكلام، خصوصا كلام امك وابوكي، مش مشكلة، بس لازم تعرفي امتي لازم تسمعي كلامهم لأنه هايبقي مهم قوي، خصوصا في لقطة الجواز، اسمعي كلامهم.
كل فترة في حياتنا حلوة بشكل غير التاني، المدرسة حلوة، الجامعه حلوة، الشغل والاستقلال حلو قوي، الجواز حلو، الفرح حلو، الخلفة حلوة، والعجز كمان حلو، استمتعي بكل مرحلة وحبيها، مفيش حاجة أحلى من حاجة، إنتي اللي بتخليها حلوة أو مُرّة، إنتي بس.
فكك تماما من فكرة بنت كلب كده اسمها كلام الناس، والناس هتقول إيه، اوعي تمنعي نفسك إنك تعملي حاجة مهما كانت كبيرة أو صغيرة علشان الناس، صدقيني الثواني اللي هيتكلموا فيها ولا تسوى.
ما تشيليش حاجة من حد، الحياة قصيرة قوي، فوق ما تتخيلي قصيرة، وألم الفراق ملوش زي، اوعي تسيبي نفسك شايلة من حد بتحبيه، الدنيا ولا تسوى.
خلي بالك من شكلك، من صحتك، من شعرك، البسي ألوان حلوة ومبهجة، كل ما هتخلي بالك من نفسك، هتحبي شكلك أكتر، وهتلمعي أكتر.
ما تسبيش أمك ولا أبوكي يتصلوا بيكي وما ترديش، المكالمة دي لو راحت مش هترجع تاني.
ما تبقيش أوفر في أي حاجة، ما تشتغليش أوفر، وما تحبيش أوفر، وما تكرهيش أوفر، وما تزعليش أوفر، كل حاجة أوفر مرهقة قوي وبتاخد منك كتير.
كل فترة وقّفي الجري شوية، استوعبي اللي حصل، رتبي أولوياتك من تاني، اسألي نفسك إنتي مبسوطة ولا بتمثلي، بعد لما تجاوبي على كل أسئلتك، وقفي أي حاجة بتعمليها مضطرة أو مش من قلبك، هترتاحي.
سيبك من كل حاجة مسموحة وممنوعة، المسموح والممنوع دي فروق فردية، وكل واحد يحط قوانينه هو بطريقته.
اقبلي فكرة إن اصحابك بتوع امبارح ممكن قوي يتغيروا، مش كل الصحاب بيفضلوا على حالهم، وبلاش ولولة على اللي كانوا، اتعلمي تسيبي الدنيا تظبط لك الناس اللي إنتي محتاجاهم في كل مرحلة وبلاش العيشة في دور المصدومة الله يكرمك.
لما تتعرفي على حد، أي حد، وأيا كان نوع العلاقة، فيه حاجة واحدة لازم تعرفيها، مفيش حد بيغير طباعة… end of text
أول ما تحسي إنك محتاجة تجري، اجري بأقصي سرعة، خلي بالك الإحساس ده ٩٩٪ بيبقي صح، ولو طنشتيه ممكن ميجيش تاني، وتلبسي أحلى لبسة يا أمورة.
معرفة الناس كنوز، فبلاش قرننة على الفاضي، كل ما يبقي فيه فرصة إنك تتعرفي على ناس، اتعرفي، مش هياكلوا منك حتة.
فيه فكرة فلسفية بصدقها بتقول لك خلي بالك من أمنياتك وأحلامك، علشان الكون بيسمع لك وبيحقق لك اللي إنتي عايزاه، فخلي بالك.
ما تندميش على أي حاجة حصلت، ولا أي قرار أخدتيه في حياتك، كله حصل لسبب، يمكن تكوني لسه مش فاهمة السبب، بس ده مش معناه إنه مش موجود.
بلاش حُكم على الناس، تفاصيل حياة كل واحد فينا مرعبة بما فيه الكفاية، مش ناقصينك خالص تيجي تقولي رأيك في حد ماتعرفيش كان نايم امبارح عامل ازاي.
الجيم.. أسوأ قرار ممكن تاخديه متأخر في عمرك إنك تروحي الجيم، حاولي تعوِّدي نفسك عليه بدري أحسن يا بنتي، الكرش شكله وحش قوي في الفساتين :(
دلعي نفسك كل شوية بحاجة مختلفة، اشتري حاجة غالية لو تقدري، روحي افطري في مكان حلو في الشمس، روحي حتة جديدة أو اعملي حاجة جديدة، دلعي نفسك ما تنسيهاش.
استغلي أي فرصة علشان تضحكي، اضحكي لدرجة إن تجاعيد وشك كلها تبان، وعنيكي تقفل، وشكلك يبقي زي العيال، الابتسامة الصغيرة دي مش كفاية علشان تعالجنا، محتاجين واحدة بصوت عالي.
اعملي كل اللي تقدري عليه علشان تحسي إنك ناجحة، والنجاح ملوش تعريف محدد، كل واحدة لازم تحط لنفسها تعريفها للنجاح، ممكن يكون في شغل، أو علاقة حلوة، أو أولاد ناجحين، أو أصحاب بيحبوكي، مش مهم شكل النجاح إيه، ولا الناس اللي حواليكي مصنفاه ازاي، المهم إنك إنتي تبقي شيفاه نجاح.
ما تعمليش حدود لطموحاتك ولا أحلامك، ولا أي حاجة نفسك فيها، ما تحطيش سقف لحياتك ولا خطوط تمشي عليها، اعرفي إن كل حاجة في الدنيا ممكن تحصل، مهما كانت بعيدة، لو إنتي عايزاها هاتحصل.
ما تقارنيش نفسك بحد، أبدًا، كل واحدة ليها مجموعة من المميزات والعيوب، لو وزنتيهم كلهم هتلاقي نفسك من وجهة نظرك أحسن بكتير، اللي إنتي شيفاه على السطح ده مش لازم يكون حقيقي.
حبي عمرك وسنك، اوعي تتكسفي تقولي إنك ٤٠ ولا ٥٠ ولا ٧٠، كل دي أرقام مش أكتر، وإنتي ممكن تخليها أرقام جميلة كلها ذكريات، وممكن تخليها أرقام فاضية من جوه…

شكرًا لكل حد في حياتي خلاني أعيش لحظة سعيدة، لكل حد خلاني أحس بالحب، خصوصا أصحاب عمري.

وما زال السؤال مطروحا: إحنا ليه كده؟

2013-12-04T22:10:00.002+02:00

كتبتُ ذات مقالا بعنوان إحنا ليه كده، وها أنا ذا أسأل للمرة الثانية نفس السؤال، لأنني لم أجد إجابة عن سؤالي حتى الآن!

كلنا كانت لدينا آمال عريضة وقت قيام ثورة 25 يناير، اعتقدنا أن الوقت قد حان أخيرا لكي ننجو من المستنقع الذي سقطنا فيه منذ سنوات طويلة، سنوات من الفساد والفقر وضياع الأمل والإحساس بالوطن. لكننا أفقنا من هذا الوهم بعد فترة قصير جدا، عندما أدركنا أننا قد وقعنا -للمرة الثانية!- في الفخ، فخ ضياع الوطن للأبد باسم الدين والخلافة الإسلامية الوهمية، فثرنا ثانية يوم 30 يونيو، ظنًا منا مرة أخرى أنه الأمل الذي جاء ليمنحنا فرصة ثانية، ننقي فيها ثوبنا من الإثم العظيم الذي ارتكبناه في حق الوطن.

والسؤال الذي يطرح نفسه الآن: هل ستتحسن الحال حقا في هذا البلد؟ هل مشكلتنا الحقيقية هي الفساد؟ هل تخلصنا من المفسدين وستصفو لنا الحال؟

أعتقد أننى على وشك الوصول لإجابة لسؤالي، وليتني لا أصل!

إن هذا الشعب، شعبنا، جميعه بلا استثناء: شعب مريض مرضا مزمنا، مرضا سرطانيا، من الصعب العلاج منه، لأنه في حالة متأخرة للغاية!

إن فسادنا ليس في حكّامنا، ولكن في أنفسنا نحن، نحن الفاسدون، نحن الملومون وليس حكامنا وحدهم، قد يكونوا ساعدونا على فسادنا، ولكننا أحببنا هذا الفساد، عشقناه، أصبحنا مغرمين به، ولا نستطيع أن نحيا دونه!

فسادنا يا سادة فساد داخلي، فساد في القلوب والأرواح، حتى نربّي أطفالنا منذ طفولتهم على الفساد!

فسادنا فى خيانتنا لكل من حولنا، حتى لأنفسنا، فسادنا فى الرياء، في الكذب، في تزوير الحقيقة لترتاح ضمائرنا، أو هكذا نعتقد!

فسادنا في عملنا، فى بيوتنا، في شوارعنا، فسادنا حتى في تديّننا القشري الكاذب، فسادنا مع أزواجنا وزوجاتنا، فسادنا فى كل حياتنا!

فكيف نطلب من حكّامنا احترام شعب فاسد حتى النخاع؟ّ!

كيف نطلب منهم احترام معاقينا ونحن لا نرحمهم حتى بنظراتنا إليهم؟!

كيف نطلب منهم الرفق بفقرائنا، ونحن لا نراهم ولا نشعر بهم في حياتنا؟!

كيف نطلب التسامح مع من نختلف معهم، ونحن على استعداد تام لقتلهم في أي لحظة نتمكن فيها من القيام بذلك؟!

وكيف ننجو بوطن كل من على أرضه خائن؟!

إن الفساد منا وعلينا، يعيش داخلنا ويتغذى على عيوبنا التي لا تنتهي، ولن ننجوا من فسادنا هذا قبل أن ننقي أنفسنا أولاً !!

نحن لا نؤلّه رُسلَنا

2013-08-01T15:49:00.005+02:00

أتعجب من الأخوة المنحازين لمرسي والإخوان، ليس فقط لأنهم لا يعقلون ولا يفهمون ولا يرون ولا يدركون ولا يتدبرون ولا أي حاجة بتاتًا، فهذا الأمر عادي وطبيعي من أشخاص لا يقرؤون في الأساس، وإذا كنت لا تقرأ، وخاصة تاريخ بلدك، فلا لوم عليك لأنك جاهل! ولكن لاعتقادهم أننا مثلهم نؤله رسلنا! فإذا اهتممنا لأمر شخص معين، نظل ندافع عنه بغباء دون تفكير أو تدبر!

فاعتقد هؤلاء المغيّبون أننا سندافع عن طنطاوي وعنان عندما أخطئوا في إدارة شئون البلاد، وسوف نبكي عليهم ونولول كما يفعلون مع سادتهم وكبرائهم الذين أضلوهم السبيل، ولكننا لم نفعل.

واعتقدوا مرة أخرى أننا سندافع عن شفيق، لمجرد أنه خسر أمام مرسيهم في الانتخابات، رغم أنه وحتى الآن لا يوجد إثبات قاطع بالأوراق أنه فاسد، مجرد كلام واتهامات، لا رأس لها ولا ذيل، وظنوا أننا سوف نقيم الدنيا و نقعدها حزنًا عليه، ولكننا لم نفعل.

والآن يظنون أننا سنبكي على "البوب"، لأن السيدة "أشتون" تركته وحيدا حزينا فى المؤتمر الصحفي، لتلحق بطائرتها الملاكي، وظنوا أننا عميان وأغبياء مثلهم، سوف نعلّق صوره في كل مكان، وندافع عن البطل المغوار، بعدما أهانته ضيفته في بلده، لكن المفاجأة: أننا لن نفعل.

فنحن لا نؤله أشخاصا يا سادة، فهم بشر مثلنا، يصيبون ويخطئون، وحتى الآن لا تزال كثير من الحقائق غير متاحة لنا، أو كاملة، لذا ننتظر حتى نفهم.

وحتى الفريق السيسي الذي نحترمه جميعًا ونثق فى وطنيته، عندما فوضناه وصدّقناه، كنا نفوّض الجيش المصري فى شخصه، ونحن واثقون في وطنية خير أجناد الأرض، ولكننا لن نؤله شخصا ولن نعفيه من الخطأ، إذا أخطأ يومًا في حق الوطن.

الفرق كبير جدًا بيننا، نحن لا ندافع عن الباطل مهما أعجبنا، نحن لا ندافع عن أشخاص مهما أحببناهم، نحن ندافع عن وطن لا تعلمون عنه شيئا، نحن ندافع عن تاريخ لا تقرؤونه، نحن ندافع عن شعب لا تهتمون به.

أريحوا أنفسكم ووفّروا وقتكم الثمين في محاولة تشويه أشخاص، لا نهتم بوجودهم إذا ثبت لنا أنهم عملاء أو خونة، سبُابكم في مبارك، شفيق، البرادعي، والعالم كله، لا يعنينا في شيء، فنحنا مستمرون في مسيرتنا وطريقنا، ولن نحيد عنه مهما قتلتم، ومهما روّعتم، ومهما ولولتم على جثثكم، فنحن لن نبكي على العملاء، أما المغفلون، فلهم الله.

عقول أمة اقرأ التي لا تقرأ!

2012-10-17T11:53:00.000+02:00

كتبت منذ أيام مقالا نشر على موقع الموجز عن مشكلة زواج البنات فى سن التاسعة (المقال:هند جمعة تكتب: أيها الأطفال: تزوّجوا فى التاسعة خيرًا لكم!) ، وكيف أنها عادة وظاهرة متفشية فى المجتمع المصري منذ سنين، بسبب الجهل والفقر، ثم ذكرت أن المشكلة الكبرى فى فتاوى بعض رجال الدين (المتأسلمين برضه) فى إباحة الزواج فى هذا العمر الخطر، مع أنها متاجرة بالأطفال.

لم أذكر اسم شيخ بعينه فى المقال، ليس خوفا من أحد، ولكن لأنه ليس شخصا واحدا (يا ريت!) بل هم شيوخ وشيوخ وشيوخ، لن يمكنني حصر عددهم أبدا.

المؤسف -والعادي فى نفس الوقت!- هو رد فعل بعض الأشخاص الذين توهّموا أنهم قرأوا المقالة، وأنا متأكدة أن أحدا منهم لم يقرأ، أو على الأقل لم يقرأ بعقله، حيث بدأوا يسنّون سكينا على رقبة تلك الكاتبة المتبرّجة -على حد تعبيرهم!- ويكيلون لها الاتهامات من كل صنف ولون، لكن الأكثر مدعاة للأسف أن بعض التعليقات السخيفة جاءت من فتيات، أى أن لدينا فى مجتمعنا بنات توافق على زواجهن أو ذويهم في سن التاسعة!

أما المثير في الأمر، أن معظم التعليقات كانت عن أشياء لا علاقة لها بموضوع المقال، حيث اتهمني بعضهم بالكذب وبأني مضللة، ووصف الإعلام بالكاذب والصحافة بالصفراء، رغم أني بالمناسبة لا صحفية ولا كاتبة، وإنما مجرد شخص يعيش فى هذا الوطن ويطرح مشكلة كبيرة للنقاش، مهما اختلفتَ أو اتفقتَ معى، ما علاقة شخصي وشكلى وزواجى وحجابى من عدمه بالمشكلة؟!

لكن -من خلال هذه التجربة- تأكدت أكثر أن المشكلة يا سادة ليست فى شكلى الشخصي، ولا فى عقل هذا الشيخ أو غيره، وإنما فى عقولنا نحن، وفى كلمة "آمين" التي لا يجب أن تقال لأي كائن لمجرد أنه بذقن ويدّعى أن عنده علما من عند الله، فيأتي ليعبث بعقولنا وأطفالنا كما شاء ويرضي غرائز مريضة تشمئز منها القلوب!

المشكلة ليست فى الفتوى، ولكن فيمن يقول "طالما الشيخ قال هذا فرأيه يحترم" (تعليق من التعليقات المريضة)!

لا يا أخى هذا الرأي لا يُحترم، نحن أمة اقرأ، وأمة اقرأ لا يجب أن تكون بهذا الجهل، فلديها من الكتب والمعارف والعلم ما يقيها الوقوع في هذا الوهم، أو الانصياع وراء أي أحد دون دراسة وتمحيص لكل كلمة يقولها، ورؤية موقعها من شرع الله عز وجل.

المشكلة ليست في الفتيات اللاتي لم يتزوجن بعد، وليست فى مشكلة العنوسة التي كان بالأحرى مناقشتها بدلا من كارثة زواج الأطفال فى سن التاسعة -كما نصحتني إحدى القارئات- ولكن في كارثة استسهال ضياع عقول بناتنا والقضاء على طفولتهن البريئة والتخلص منهن من أقصر طريق، لأنهن لن يتحملن جسديا ولا صحيا الزواج والحمل والإنجاب وتربية أطفال أصغر منهن بتسعة أعوام، كان من الممكن أن يلعبوا معهم فى نفس الشارع!

المشكلة في كارثة السمع الطاعة التي يخضع لها أغلب الشعب المصري الآن!

عملية القضاء الممنهج والمنظم جدا من قادة هذا البلد على جميع عناصر المجتمع، بداية من الأطفال بالتخلص من عار أجسادهم مبكرا، مرورا بإطفاء روح التديّن الكاذب والمقنع لشعب نصفه لا يجد أساسا قوت يومه، ليبحث عن بديل للدخل عن طريق زواج أطفاله من عجائز باسم الجوع وتحت شعار الدين (الذي يسمح بذالك فى ظنهم الخاطيء)، وأخيرا تهجير النخبة الباقية من الشعب المتعلم الذي لن يستطيع التواجد فى هذا الوطن ورؤية هذا الشذوذ حولهم أكثر من هذا، لتنتفع بعقولهم جميع بلدان العالم التى لا تهتم بأجساد الأطفال، وتقنن الاغتصاب بالقانون، بحجة التخلص من الوقوع فى الرزيلة!

وإني أسأل كل من يظن أنني أتهم الشيوخ بالباطل، أو أنني ضمن كتيبة الإعلام الكاذب المضلل، كل من يرى أن هناك أولويات كثيرة للكلام عنها أهم من مصيبة تقنين اغتصاب أطفالنا باسم الدين: هل بقى لهذا الشعب من أمل في حياة أفضل بعد كل هذا؟ هل حقا نصدق أن لنا مستقبلا نسعى اليه ونعيش من أجله بعد العبث بأجساد صغارنا؟

سؤال أخير لكل أب وأم يعيشان على أرض هذا الوطن: هل حقا ترضون لأطفالكم هذا القرف تحت أي مسمى؟

إذا كانت الإجابة بنعم، فلتسرعوا إذن بالبحث عن عجوز ما لتزوجوه لطفلتكم لتضمنوا دخول الجنة!

مقالى فى الموجز:http://almogaz.com/opinion/news/2012/10/1/413136

أيها الأطفال: تزوّجوا فى التاسعة خيرًا لكم!

2012-09-30T09:39:00.004+02:00

بجُملة ما تفرزه العقلية المتحجرة التي يتزايد حاملوها فى مصرنا المحروسة هذه الأيام، سمعنا الدعاوى التي تنادي بإباحة زواج الأطفال (أقصد البنات) فى سن التاسعة!

وإذا تجرأ أي شخص وقال: "كيف تزوجوا الأطفال فى هذا العمر؟" يرد عليه ألف متأسلم ويقول: "هكذا تزوج الرسول صلى الله عليه وسلم من السيدة عائشة" لتصمت بعدها الأفواه تماما وتقول آمين!

والمضحك فى مجتمعنا المصاب بالاسكيزوفرنيا، والمنغرس فى الوهم العظيم، أنه لا يعلم -أو يدّعي أنه لا يعلم- أن أغلب بناتنا فى الأرياف والصعيد، خاصة الفقراء منهن، يتم بيعهن فى هذه السن لأغنياء الخليج الستينيين، فهذا بالطبع أرخص لهم من تأجير عاملة فلبينية أو أندونسية، يعني حاجة ببلاش كده، وفى الحلال برضه يا عم شيخ!

أما المبكي فهو صدور فتاوى لإباحة بل وتجميل هذا الشذوذ الفكرى والجسدي من مُدّعي الدين، ممن يطلق عليهم لقب "شيوخ"، اللقب الذي كانت له هيبته ومكانته فى الماضي، ثم أصبح لقبا مفضلا لكل مريض نفسى، يحاول أن يوهمنا ويُسكتنا بكلمة فتوى وكلمة دين، حتى يخرس قلوبنا وعقولنا معاً!

ويتناسى الشيوخ ما تنقله كتب التاريخ الموثوقة بالبراهين والتواريخ التي لا يمكن التشكك فيها، أن السيدة عائشة لم تكن فى التاسعة عندما دخل بها الرسول صلى الله عليه وسلم، بل على الأرجح بين الخامسة عشرة والسابعة عشرة، وهي سن مناسبة للزواج فى هذه الفترة وتلك المجتمعات البدوية.

ولكن السؤل هنا: لماذا الإصرار العجيب على إلصاق هذا الموقف غير السوي بالرسول صلى الله عليه وسلم من الذين يحاولون إقناع العالم فى كل موقف عبيط أنهم أحبّاء الرسول وأنصار الرسول ومقاتلو الرسول والمدافعون عنه حتى الموت؟!

أليس أولى لهم بدلا من قتل شخص لأنه يحمل جنسية بلد قام أحد أبنائها بعمل فيلم مسيء للرسول، أن ينشروا على الملأ وبكل اللغات حقيقة هذا الرسول الفذ بالأدلة التاريخية التي بين أيديهم؟ وأن يقاتلوا الفكر بالفكر لرفع هذه الشبهات عن نبي الرحمة؟!

إن هذا الذى يقوم به هؤلاء المتأسلمون، لا مبرر له، سوى أنه رغبة شيطانية خفية فى قلوبهم للإساءة لرسولهم أكثر مما يمكن أن يفعل أعداؤه وهم كُثر!

وبما أننا نعيش الآن زمن هؤلاء الشيوخ، فأحب أن أخاطب أطفال مصر باسم شيوخنا الأعزاء، وأقول لهم: يا أيها الأطفال فى كل مكان، تزوّجوا فى التاسعة من عمركم ممن يكبرنكم بأربعين أو خمسين عاماً، وعيشوا طفولتكم فى قهر وشذوذ حتى يقضى الله أمره، وقولوا هذا نصيبنا!

يا أيها الآباء: زوّجوا أطفالكم فى التاسعة، استمتعوا بمراقبة شذوذ شيوخ الخليج مع أطفالكم، دافعوا عن الدين والسنّة، ارفعوا أيديكم وأعينكم أمام جهّال الدين الذين يلومونكم وقولوا بكل فخر هكذا فعل رسولنا (بالكذب) وإنا على آثاره لمهتدون، اكذبوا على أنفسكم حتى تصدّقوا كذبتكم، لكن اعلموا أنكم لن تكذبوا على الله ولن يشفع لكم رسوله صلى الله عليه وسلم فيما كذبتم به.

المقالة على موقع الموجز:

http://almogaz.com/opinion/news/2012/09/23/403021

مقلب الزبالة الكبير.. داخلنا!!

2012-08-26T13:11:00.001+02:00

لعل الكثيرين منا قد سمعوا أو رأوا المشهد المؤسف لمدعي الدين الذي سبّ إلهام شاهين، واتهمها عيانا بيانا بالزنا!!

ومع أنني لست مغرمة بإلهام شاهين فنيا، فإن ما سمعناه فى الفترة الأخيرة عقب الثورة تحديدا، يبشّر بكارثة حقيقية، فنحن على أبواب فتنة دينية قد تزلزل كيان الكثير منا، وتضعنا فى موقف تساؤل مع النفس!

فهل هذا هو ديننا؟

أهكذا أمرنا الله سبحانه وتعالى؟

أن نلعن ونسبّ ونستبيح عرض كل من لا يعجبنا؟

وإذا نطق بهذه الهلوثة إنسان عادي، غير مؤثر، فلعل أحدا لن يلتفت إليه، ولن يعيره انتباها، ولكن أن ينطق بها من يسمونه شيخاً، فتلك هي الكارثة الكبرى!

وباقي الكارثة، سوف تكتشفه عندما تقرأ تعليقات الناس على هذا الفيديو في الفيس بوك، لأنك ستشعر فورا وكأنك تتجول فى مقلب زبالة كبير!

ما كل هذه القاذورات التي تملأ عقولنا وقلوبنا؟

ما كل هذا الكره والحقد والجهل والغل الذي أصبح الشعب المصري يمتاز به؟!

ولكي تصدقوني، إليكم نماذج من هذه التعليقات!

ماشى يا طاهرة "عدد 6 إعجاب بهذا القديس"!
وإنتى يا رقاصة درجة تالتة مش عار ع الاسلام؟ "عدد 5 إعجاب"!
واحدة عريانة زيك المفروض متكلمش "عدد6 إعجاب"!
سبتوا الشريفة الطاهرة وبتتكلموا على الشيخ!
إنتى لحم رخيص يابنت شاهين!
‘نتى مانزلتيش ليه امبارح ؟؟؟ جماعة متحرشون بلا حدود كانوا مستنينيك!

لن أنكر أن هناك تعليقات أخرى محترمة، مثل هذا التعليق الذى أعجبني:
"كم من عاصٍ تاب قيل موته وأصبح من أهل الجنة، بدل ماتشتم فيها حاسب نفسك الأول، ولو إنت لا سمح الله كامل ومفيش حد كامل، أقل واجب ادعي لها بالهداية، مش بعيد إن اللى عمال يشتم ده يكون من أهل النار !!!"

فإلى المُعلّقين المرضى، اذهبوا للعلاج، هذا أرحم لكم ولنا.

وإلى هذا الشيخ: إذا لم يكن فن إلهام شاهين يعجبك، أو الفن عموما، فهذا شأنك، إذا كانت ملابسها لا تعجبك، فهذا شأنها، إذا كان عدم حجابها لا يعجبك، فتحجّب أنت أولا من الداخل، أما إذا كنت تتخيل أنك نبي الله على الأرض، فاعلم أن نبي الله نفسه لم يقل أبدا لسيدة "كم من واحد اعتلاكِ باسم الفن"!!

كفوا عن فتواكم المريضة وارحمونا، فقد وشكنا على الفتنة فى ديننا!!

2012-04-29T23:49:00.003+02:00

مصر ترجع إلى الوراء

هل جاء اليوم الذي يندم فيه كل من شارك في الثورة أو أيّدها أو فقد عزيزا فيها؟!

هل عشنا 14 يوما في رعب من النزول في الشارع، وأكثر من سنة بلا أمن على الإطلاق، ليجيء الإسلاميون فينتشلوننا من هذا الرعب المؤقت، ليفرضوا علينا رعبا أكبر بالبقاء في البيوت للأبد؟!

هل استمعنا بكل مشاعرنا لأغنية منير (وحياتك لفضل أغيّر فيكي لحد ما ترضي عليه) ليجيء هؤلاء العابثون ببلادنا ويغيروا كل ما فيها، وكل ما يمثّل شخصيتنا المصرية، فيحولوننا إلى نسخة مشوّهة من شبه الجزيرة؟

هل جاء اليوم الذي نسأل فيه أنفسنا لماذا قمنا بالثورة؟

هل تخلصنا من نظام مبارك، لندخل في عصر بلا نظام، ومحاولات مضللة لتطبيق شريعة سمحاء بريئة من أفعال من ينادون بها؟

إلى كل من انتخب الإخوان أو حزب النور: هل كنت تنتظر من انتخابهم مناقشة قضية مضاجعة الزوج للزوجة بعد موتها بـ6 ساعات؟!

أم كنت تنتظر في لهفة إلغاء قانون الخلع الذي أقرّه الأزهر الشريف!

هل كنا في حاجة إلى قانون لفصل السيدات عن الرجال في العمل والجامعة والمدرسة؟ أما كنا في حاجة للتوقف عن الضحك وحبس واحد ممن أضحك المصريين من القلب واتهامه بازدراء الأديان؟ لنقف صفا في انتظار فرج فودة جديد؟

هل نحن في حاجة -بعد الثورة- إلى من يعلّم المصريين دينهم؟ أو من يحاول تنحية الأقباط جانباً قبل أن يأتي اليوم اذلي نطردهم فيه نهائياً من مصر؟

هل نرى في إيران وأفغانستان والسعودية نماذج مثالية، نتمنى أن نعيشها في بلادنا، ولهذا قمنا بالثورة؟ هل نسعى لحبس النساء في المنازل لنخفف عن الرجل عبء إلقاء النظرات وعدم غضّ البصر؟

إلى كل من لم يكن إخوانيا ولا سلفيا ومع ذلك اختارهم في الانتخابات، بحجة انهم بتوع ربنا، وخلينا نجربهم، وإحنا خسرانين ايه! هل علمتهم حجم خسارتنا الآن؟

هل ناقش نائبك المحترم (بتاع ربنا) قضية مهمة من قضايا الوطن التي لا تُعد ولا تُحصي؟ هل ناقش أحد النواب الإسلاميين قضية محاكمة رموز النظام الفاسد الذين يعيشون منذ أكثر من عام الآن بين مستشفيات 5 نجوم وسجون بها كل وسائل الراحة، وفى انتظار عمليات تعطيل لا نهاية لها، حتى يأتي أمر الله؟!

هل ناقش أحد النواب المتأسلمين قانون التحرش، بدلا من مناقشة قانون حماية المتحرش..أو قضية انهيار المنظومة التعليمية كاملة، بدلا من مناقشة إلغاء تدريس اللغة الإنجليزية في المدارس (لغة الاعداء الكفرة)؟!

هل ناقش أحدهم مشكلة السياحة المتعثرة التي خربت بيوت ملايين المصريين في قطاع السياحة والتجارة والفنادق والطيران وحتى العمالة اليومية، منذ أكثر من عام و نصف وحتى الآن؟!

هل فكّرت إحدى النائبات المحترمات -باعتبارها أمّا وبتحس- أن تناقش مشكلة أطفال الشوارع والمشردين وقضية تكاثرهم بشكل مخيف، حتي اصبحت المشكلة هي مشكلة عائلات الشوارع وليس اطفال الشوارع والتي تعتبر قنبلة موقوتة في مصر، لا أحد يعلم متى تنفجر، بدلا من اتهام ثائري التحرير بتعاطي الترامادول؟!

لا للأسف، لم يقم أي من هؤلاء بمناقشة أي قضية مهمة من قضايا الوطن الكثيرة، ولا أي قضية أخرى عليها القيمة!!

لا مشكلة بنزين يختفي كل أسبوعين، ولا ارتفاع تكاليف المعيشة لأكثر من الضعف في أقل من سنة، ولا غياب الأمن، ولا ارتفاع البطالة، ولا جلد أولادنا في البلاد العربية، ولا هروب الفاسدين خارج البلاد، ولا محاولة استعادة أموالنا المهربة إلى الخارج، ولا محاسبة المتسببين في قتل الثوار، ولا غيرها من القضايا المصيرية التي تحتاج مجلدات لسردها في مصر!

حتى القضايا المهمة التي ناقشوها، لم يتجرأ أحدهم على الاقتراب منها إلا عندما وجدوا أنفسهم معرّضين للضرر منها، مثل المادة 28 التي حشدوا الناس ليلا ونهارا في مساجدهم وشوارعهم للتصويت بنعم للدستور و كفروا من قال "لا"!

ثم لم يلبثوا بعد أن قالوا "نعم" أن خرجوا عليها عندما تعارضت مع مصالحهم وشعروا بالتهديد! وحتى عندما حاولوا الخروج على حكومة الجنزوري، كان عندما وقف المجلس العسكري ضدهم فقط، أو عندما اختلفوا معه على ابتلاع مصر!

وعندما أُصدرت شروط الترشح غير الطبيعية للرئاسة، ومن ضمنها شرط الزوجة والأبوين غير الحاملين لأي جنسية غير مصرية، لم يحاول هؤلاء الكاذبون الاعتراض عليها، رغم أنها لا معنى لها، ظناً منهم أنها ستمنع زويل من الترشح، وهو من الشخصيات التي يتفق كل المصريين عليها، ولذلك صمتوا وفرحوا بها، لكن لما طالتهم في شيخهم، خروجوا حشوداً رافضين المادة والقانون الذي طالما ساندوه!

والسؤال: هل أفاق المصريون الآن أم لا؟

إلى كل من يؤمن بالحرية، بالديمقراطية الحقيقية، بالتنمية، إلى كل من يؤمن ببقاء مصر مصرية، لا عربية ولا دولة خلافة، إلى كل من يؤمن بالإسلام الدين الحق المعتدل الذي لا يفرض على أحد أو يجبر أحدا على اعتناق ما لا يؤمن به قلبه..

إلى كل مصري حر، لا يرضى بالظلم، ولا يرضي بالشذوذ الفكرى، ولا يرضى بالإهانة ولا كبت الحريات، إلى كل مواطن حر، لا يرضى بتكفير من يختلف معه..

إلى كل من شارك في الثورة، سواء بنزوله أو بقبوله الثورة بقلبه، أو حتى بصمته!

لا تدع مصر ترجع إلى الوراء، ولا تنتظر حتى تسمع عن عمليات الاغتيال تلاحقنا من جديد، وإلا سوف يكون من حقنا جميعاً الكفر بالثورة!

أخوان كاذبون

2012-04-09T19:59:00.002+02:00

سألني أحد الزملاء اليوم: إنتي قارشة ملحة الإخوان زيادة كده ليه؟

قلت له لأ مش الإخوان، أنا قارشة ملحة كل "المتأسلمين"، بمختلف أسمائهم وتسمياتهم، فكلهم كاذبون، قال لي: بس ماتعمميش، مش كلهم.. سكت وقلت عندك حق، مش كلهم، وبعد قليل من التفكير، قلت لنفسي، لأ كلهم!

لنستعد بعض الذكريات على المدى القصير جداً، ابتداء من الثورة المجيدة، عندما قال الإخوان، لن نشارك في الثورة، وبعد يومين من انطلاقها، ورؤية احتمال نجاحها من حجم المشاركين فيها، قرروا المشاركة فوراُ، ورجعوا وقالوا خلاص هنشارك.. كاذبون!

وبعد التنحي، طلع مرشد الإخوان بيان أنهم شاركوا في الثورة منذ اللحظة الأولى، بل وتمادوا في البجاحة وقالوا إنهم أعدّوا لهذا الثورة من 2004 كما جاء على لسان مرشدهم بعد الثورة، رغم أنه هو نفسه من قام في 2005 بإعلان تأييد الإخوان لمبارك، والوقوف معه ضد أيمن نور.. كاذبون!

في نفس التوقيت، طلع علينا الكثير من المتأسلمين الأكثر تشدداً، من أمثال الشيخ حسان ويعقوب والكثير من أصحاب فتوى عدم جواز الخروج على الحاكم، وحرّموا علينا الثورة، واعتبروا الثوار شوية مشاغبين، وبعد أيام من الثورة، وقرب نجاحها، رجعوا في كلامهم وغيّروا الفتوى، وقال لك حرام الخروج على الحاكم لو كان حاكما صالحا، أما إذا كان فاسدا، فهى حلال حلال، كما لو كانوا في حالة تحقيق ودراسة ليعرفوا أن مبارك وأعوانه طلعوا حكام ظالمين، ويجوز الآن الخروج عليهم، وزادت البجاحة عندما أعلنوا جميعاً أنهم كانوا مع الثورة منذ اليوم الأول..كاذبون!

ولما بدأت معركة الدستور، احتشد الإسلاميون صفا واحدا، على كلمة نعم للدستور، وكفّروا كل من يقول لا، واتهمونا بالكفر أحياناً، وبالفساد والعمالة أحياناً أخرى.. كاذبون!

ولما ثار بعض الثوار على المجلس العسكري، اتهموهم بالعمالة والخيانة، وأظهروا تأييدهم وحبهم الجامح للمجلس العسكري، وكانوا صفا واحداً مع العسكر وحكومة الجنزوري..كاذبون!

وعندما بدأت معركة انتخابات البرلمان، صرّح الإخوان أنهم لا يسعون لأكثر من 30% من التمثيل في البرلمان، وخاضوا بعد ذلك معارك ضارية للحصول على الأغلبية في مجلس الشعب..كاذبون!

وعندما بدأت معركة اللجان الفرعية بمجلس الشعب، تقاتلوا على الحصول على أغلبيتها، رغم أنهم أكدوا في البداية –كالعادة!- ـانهم لا يسعون للمغالبة ولكن المشاركة..كاذبون!

وعندما بدأت معركة الدستور، وقاتلوا مرة أخرى للسيطرة على أغلبية الأغلبية خارج وداخل البرلمان، وحاربوا كل من يهاجم أغلبيتهم في الدستور، وبدأوا اللعب على عجلة الإنتاج والغلابة وتدهور الاقتصاد، في محاولة لقلب الشعب البسيط على المنسحبين من الدستور، كما لو كانوا هم أعداء الوطن والاستقرار، وهم من يقومون بعرقلة الانتهاء من الدستور، أما الإخوان المحبون للوطن، لا ينامون ليلا ولا نهارا من أجل إتمام عملية الانتقال السلمي لهم..كاذبون!

ولما انتهي شهر العسل بينهم وبين المجلس العسكري، بسبب معركة الدستور، اتهموا العسكر بالخيانة وانقلبوا عليه وعلى الجنزوري، وحاولوا إسقاط الحكومة، واتهام من يقف في صف العسكر والحكومة بالخيانة والعمالة... كاذبون!

وقام النائب السلفي المحترم بعملية التجميل التي طالما حاربوا وكفروا كل من يقوم بها من الفنانات، بدعوى أنها تغيير في خلق الله، ثم قام النائب المتأسلم بعملية التجميل التي أحلها الآن بكل بساطة، ولم يكتف بهذا، بل ادّعى كذباً على البلطجية الشرفاء أنهم اعترضوا طريقه وسرقوه، للتعتيم على العملية التي قام بها في الخفاء، وعندما فضحه الطبيب، وقال إنه كاذب وقام بعملية تجميل في أنفه في نفس توقيت ادعائه بالسرقة، كذبه وقال لم يحدث، وزاد إصراره على الكذب، حتى افتضح أمره، وأثبتت النيابة كذبه، طلع علينا بدموع التماسيح وقال لك غلطة واغفروا لي..كاذبون!

وعندما اتهم المبجل مصطفى بكري البرادعي بالعمالة دون أي أدلة، ولم يأخذ ضده أي إجراء قانوني فى مجلسهم الموقر، قام المتأسلمون في المجلس بالتصفيق له، على الشرف العظيم الذي ناله بطعن شخصية يقف العالم لها احتراماً وتقديراً ونحن نطعن في شرفه ووطنيته بمنتهى البساطة وكله بما لا يخالف شرع الله..كاذبون!

وعندما قام نائب متأسلم آخر بالادعاء كذباً، أن الثوار يتعاطون الترمادول والمخدرات وفعل الفاحشة في خيام ميدان التحرير، بدون أي دليل على رمي المحصنات، صفق له المتأسلمون أصدقاؤه، ولم يحاسبه أحد فى المجلس الإسلامي على ذالك..كاذبون!

ولما صرح بعض الأشخاص بأن صاحب أشهر واكبر عدد من البوسترات، والدته تحمل الجنسية الأمريكية، طلع علينا بثلاثة فيديوهات، كلها لوم وعتاب وتكذيب لهذا الخبر المفتري عليه فيه، وقال مرة إن هذا الخبر لا أساس له من الصحة تماماً، ثم رجع وحكى حكاية طويلة في فيدو آخر عن أخته التي سافرت مع زوجها ووالدته التي كانت تسافر لها، وحصلت على الجرين كارد فقط، ثم رجع في فيديو آخر وقال إنه اكتشف فجأة أن والدته تحمل الباسبور الأمريكي قبل وفاتها بأيام، وهو لا يعلم بهذا الأمر على الإطلاق، ثم فوجئنا بمعلومات أن والدته التي فقط تحمل الجرين كارد، لها حق التصويت في الانتخابات الرئاسية فى أمريكا!

واتصل أحد اقاربه ببرنامج وائل الإبراشي أمس واتهم صاحب البوسترات بالكذب وقال إنه مرمغ شرف العائلة في الطين (على حد قوله) وإن والدته تحمل الجنسية الأمريكية، كل هذا الكلام، وشيخنا يصرّ على الكذب، ويطلع كل يوم بتصريحات مختلفة ومتناقضة، ويتحدى أي شخص يأتي بورقة واحدة تثبت ما ينكره، ولا أحد يعلم أين الحقيقة حتى الآن..كاذبون!

وعندما أكد الإخوان ألف مرة ومرة أنهم لن يرشحوا أحدا منهم لمنصب الرئاسة، وأنهم يبحثون عن رئيس توافقي، وفجأة طلعوا علينا بالأخ الشاطر الذي لم يكن ينتوي الترشح هو الآخر، لكن أمر الله بقى (أقصد أمر الجماعة).. كاذبون!

وبعد أن استولوا على أغلبية البرلمان، ولجان مجلس الشعب، ورئاسة الدستور، والأعضاء المؤسسين للدستور، والترشح للرئاسة (يعني استولوا على البلد كلها) لا يزالون يعلنوا أنهم لا يسعون إلى الأغلبية على الإطلاق، ولا يسعون إلى سلطة، ويرفعون راية، مشاركة وليس مغالبة..كاذبون!

وأخيرا، تذكرت أغنية الجميلة نجاة، لا لا تكذبي، إني رأيتكما معاً، فدعوا بكاء التماسيح واعترفوا انكم كاذبون!

2012-02-19T21:13:00.000+02:00

رفقاء تايا – كيف أراهم

بعد حوالي عامين من العمل في شركة ذات طابع ليبرالي، إخواني، علماني، وسلفي في بعض الأحيان، أي أنها جزء لا يتجزأ من المجتمع المصري الأصيل، وجدت أنني في حاجة إلى الكتابة عن رفقائي في هذه التجربة الجميلة، تجربة عشتها بكل حواسي ومشاعري، بكل حب وانتماء -لا يزال مستمرا حتى الآن- لكل فرد في الشركة، ابتداء من رئيس مجلس الإدارة إلى السعاة، وقد تعلمت منهم الكثير عن الحب الحقيقي والاحتواء ومعنى تقبل الآخر مهما اختلفت معه.

وقررت أن أتحدث عن كل شخص بمنتهي الصراحة، لعلّ آرائي تضيف شيئا لأي أحد.. (مع كامل الاحتفاظ بالألقاب)

وفيق: الشخص الذي يفرض احترامه وحبه على الجميع دون تمييز، الفارس الحق، في زمن لم ولن نسمع فيه عن معنى كلمة فارس ، أو "الجنتل مان" الحقيقي، هذا هو وفيق المصري القبطي، الذي تشعر معه بكل الاحتواء والحب والأمل، مع كل ابتسامة صافية وعميقة من القلب، والحنان الذي يكفي جميع البشر في وقت واحد، هذا الرجل الذي تتعلم منه كيف تتقّبل الآخر مهما اختلفتَ معه، وتتعلم معنى كلمة المصري الأصيل، بكل أخلاقه وكرمه، والأصل الذي تبحث عنه في كل البشر وبالكاد تجده عند القليل منهم، كم أحبه وأحترمه.

أشرف: المسلم الذي لا تعلم إن كان إخوانياً أم معتدلا، هذا العبقري، الذي دائماً يشعرك أنك (حمار) -لا مؤاخذة- ليس لأنك كذالك، ولكن لأنه حقيقة متقدم عنك كثيراً، الشخص الوحيد -بعد أبي رحمه الله- الذي تضحك حقاً عندما تسمع ألفاظا غريبة منه، ولن تشعر بالإهانة أبدا، لأن لديه كاريزما غريبة، تقنعك بأنك بجد حمار!

المدير الذي يشعرك أنك صاحبه، يبهدلك طول اليوم، وينزل يقعد معاك على القهوة والشيشة في آخر اليوم، كأن شيئا لم يكن، صعب إنك تزعل منه من قلبك، غرس حالة من الصداقة والحب بين الكثير من الموظفين، وبصرف النظر عن عشقه للعبقري ستيف جوبز، وبصرف النظر عن شعورك أحيانا بالملل وأحياناً بالإحباط من تاريخ ستيف جوبز لأنك بجد مش ممكن هتبقى زيه! فهو -في نفس الوقت- يشحن طاقتك إلى أقصى درجة، حتى تؤمن من داخلك، أنك تفهم أحسن من هذا الإستيف ألف مرة، يا له من شخص غريب، أدين له بالكثير مما تعلمت.

نهي: القبطية الجميلة، مُزّة المزز على حق، يخرب بيت ابتسامتها وتفاؤلها بالحياة، يعتقد أي مغفل أنها لا تواجه أي مشاكل في حياتها، وأنها في منتهي السعادة، والحقيقة غير ذلك، ولكن قدرتها على إشاعة روح الفرحة والابتسامة هي التي تخدعك دائماً، عندما أراها أتذكر صوت الجميلة وردة، التي أرى أنها المغنية الوحيدة التي تغني وهي سعيدة، فتنقل هذه السعادة إليك عند سماع أغانيها، نهى لديها قدر كبير من التسامح والمحبة والقوة القاتلة التي تلمع في عينيها، مع جملة " صباح الخير" التي تطربنا بها كل صباح، فتجد أنك بحاجة إلى سماع الجملية فيروز، لأن هذا هو الصوت الوحيد غير المحرم عليك سماعه بعد صوت نهى!

حسام: الكاتب الضاحك الباكي، يفاجئك بكل شيء وعكسه في نفس الثانية، تجده ريفيا ساذجا متسامحا وعبيطا لأقصى درجة، ثم تندهش لثقافته وتفتحه في نفس الثانية، وتجده فكاهيا لأقصي درجة، ثم تمتلئ عيناه بالدموع من حجم الآلام التي يشعر بها في قلبه في نفس الثانية أيضا، تشعر أنك تريد أن تصعقه صعقة كهربائية عنيفة حتى يفيق ويعيش على أرض الواقع، الذي يتخيله دائماً يوتوبيا، في حين أنه يدرك بكل عقله، أنه يعيش في غابة، ليس بها أي بشر..غيره، أُكنّ له كل التقدير والعرفان بالجميل، لأنه أول من اكتشف أنني أستطيع أن أكتب أي كلام فارغ يقرؤه الأغبياء، ويقول عليه: "الله كتابتك حلوة".

وسيم: القبطي الجميل، الابن الضال، على طوله وعرضه يناديني بـ"ماما"، ولا أعلم حتى الآن لماذا أشعر حقا أنه ابني! رغم أنه شحط عنده 27 سنة، ولكن يبدو أن الطفولة المرتسمة بجدارة على وجهه، مع حالة الحب الغارق في التسامح من القلب والعطف تجاه أي كلب معدي في الشارع، أيا كان نوعه، هو ما يشعرني بالأمومة معه، الشخص الوحيد الذي تشعر بجد إنك عايز تخبطة بحاجة في وشه وبعدين تحضنه، لأنه ببساطة لا يستحق إلا هذا الحضن الدافئ بكل حب!

يشعرك بالمسئولية تجاهه بالإجبار، وفي نفس الوقت هو قادر على مساعدتك والجدعنة معاك مهما كلّفه الأمر، حتى لو هيروح يجيب لك سرنجة عشان يساعدك على إدمان المخدرات بأمان، وبعد كده يضحك عليك وياخدك تتعالج عنده، يا له من جبروت وشخصية قوية لم تكتشف بعد!

ياسر: أو ابن الناس الكويسين، كما يطلق عليه الزملاء، الشخصية الأكثر غموضاً في العالم، وليس فقط في الشركة، شخصية هادئة، صامتة، يتخيل الكثير أنّه مسالم وطيب و بريء، لكن داخل هذا الشخصية بركان من الغضب أحيانا، ومن القوة أحيانا أكثر، تحتار معه، هل هي حالة من السلام الداخلي مع النفس، أم حالة من التمرد الشديد على كل شيء، أم حالة لم تُكتشف بعد، لا أحد يعلم شيئا عنه إلا القليل، حتى أكاد أزعم أنّه هو نفسه..لم يتعرف على نفسه بعد!

تامر: رفيق الدرب، من أول يوم رأيته، عرفت أنه سيكون صديقا، جدع قوي، ومجنون ساعات، أسهل واحد تصاحبه، لأنك هتعرف من أول يوم كيف تصل إليه عن طريق معدته، بيحب الأكل قوي، لدرجة أنه بياكل أكل كل الناس في الشركة بالخطأ، أو كما يدّعى أنه خطأ، مع أنني أشك في ذلك بقوة، خلي بالك من اللي بالي بالك، لو أكلت أكله تاني، ماحدش هيدافع عنك، وهتاكل علقة سخنة المرة الجاية يا برنس.

علاء بك: الإخواني الأصيل، الذي لا ينتمي إلى أي أحد ولا أي بلد، بل ينتمي للمجهول، أحبه وأكرهه في نفس الوقت، تشعر أي سيدة تتحدث معه أنها مقهورة، لا أعلم لماذا، لديه قدرة غريبة على إقناعك أنك لازم تتخانق معاه، وتضحك بأعلى صوتك من حالة الفكاهة التي يصدمك بها من غير سبب، أهو حاجة كده غربية لم أستطع اكتشافها، وغالباً لن يستطيع أحد ذلك، عندما أتحدث معه في أي موضوع لا يأتي في بالي غير شيء واحد فقط، أن أهمس "الله يكون في عون مراته!"

مي: أو خالة وسيم، كما تطلق على نفسها، شخصية غريبة في كثير من الأحيان، يملؤها حب الأمومة مع كل بني آدم، حالة الأمومة هذه تترجم إلى أشياء كثيرة، ساعات تشعر بها في كوب لبن تشربه صباحاً وأحيانا تشعر بها مع حالة توبيخ لأي شخص معدّي قدامها، بجد ماما قوي، وأحلى لحظات التأمل والضحك عندما تصر على دخول غرفة أشرف وهي مغلقة "علامة على أنه مشغول" ويبدأ الضحك على الحوار الكوميدي بينهما، خاصة عندما تقول له" بابا"، وهو ما يغضبه كثيرا على ما يبدو لشعوره أنه مش كبير قوي كده عشان يبقى بابا لمي!

نادية: شخصية هادئة، جميلة، حّبوبة، تشعر أنها على علم بكل ما يحدث، رغم مكانها في آخر حجرة في الشركة، ولكن هيهات، إنها تعلم كل شيء، وتتابع كل شيء، أحيانا كثيرة تشعرك بالنشاط والأمل، وأحيانا تشعرك أنها ساكنة جداً، على يقين أنها كانت شعلة نشاط في الماضي.

شافعي: رجل جدًا، جدع جدا، أوحش حاجة فيه إنه انتخب الإخوان، وأحلى حاجة أنه ممكن يغيّر رأيه في يوم من الأيام، أعتقد ذالك.

ريهام أو ريري: دلوعة الشركة، الروقان والأنتكة، سايبة الدنيا كلها تضرب تقلب وقاعدة تسمع مزيكا، الوحيدة التي أبكتني عندما رحلتُ، شخصية في عالم غير العالم، تعتقد بكل إيمان أن الصلاة سوف تحل كل مشاكل العالم، متفتحة أحياناً ومتعصبة في حالة واحدة فقط، إنك تجيب سيرة سيدنا بأي رأي مخالف له، تضحكني بكل حب، وتشعرك إنك برضه مسئول عنها، خصوصاً لو حد عاكسها في الشارع، لأن غالبا هتقوله، ربنا يسامحك.

دينا: متعصبة تجاه الإخوان بشدة أعرف أنها تحبني رغم اختلافنا، ولكنها لا تريد أبدا الدخول معي في أي نقاش سياسي أو ديني، لأنها ترى أن الأفضل عدم النقاش، ولها كل الحق والاحترام.

مشمش، طفلة جميلة، لن يعرف أحد من هي إلا أنا وهي، رغم قصر مدة عملها معنا، لكنها تركت أثرا قويا بداخلي، أكثر شخصية مختلفة معي في معظم آرائي، ولكنها أكثر شخصية مستمعة لي حتى آخر كلمة، ابتسامتها الناعمة تشعرك دائماً أن الأمل لن ينتهي أبدا، أشعر دائماً أن شباب مصر بخير قوي، كلما تكلمت معها، وأشعر بكل افتخار أنني تعرفت عليها.

دعاء: الوحيدة المعجبة بأغنية " قلبي ومفتاحه" للعظيم عبد الوهاب، لأ مش أنا اللي مش فاهمة حاجة في الغنا، دي هي اللي بتحب فريد الأطرش زيادة عن اللزوم!

عبده: الشخصية المرسى مطروحية الفوتوجنيكية، أجمل واحد بيطلع في الصور، لدرجة إنّه ممكن يوقّع أي مزّة بالخداع لو شافت صورته قبل ما تشوف الحقيقة المُرّة، أحسن واحد يقلش ويقول كلام رخم تضحك عليه لحد ما قلبك يوجعك من الضحك، ما تنفعش خروجه من غيره، بجد فنان.

ميمي: رغم إني مالحقتش أكتشفه قوي، لكن أعتقد إنه غالباً فنان مجنون ومغمور، مستقبله ينتظره بكل قوة، أنا الوحيدة اللي مش بيزعل منها لما تقول له ميمي.

نورا: شخصية فرقع لوزية، تلاقيها بتتنطط في كل حتة فيكي يا شركة، صعب تلاقيها قاعدة على مكتبها، رغم إنها سوسة شغل، جدعة قوي، أجدع من ميت راجل في الشغل بصراحة.

رنا: تحب تطبطب عليها من كتر طيبتها وهدوئها، مش بشوفها إلا لو كانت عايزة وسيم يطلب لها أكل من برّه، الوحيدة اللي ماعنديش مشكلة إنها تعطل وسيم عشان يجيب لها أكل، ما هو إنت لازم تساعدها بأي شكل عشان تتخن شوية مش كده!

طارق: شخصية سلفية جداً، مع إنه اشتغل معايا شهر واحد، لكنّه أثر فيا وفي كل المكتب، رغم إن الفارق بيننا في التفكير مثل الفارق بين البحر الأبيض والأحمر تقريبا، لكني أحترمه جداً، لأنه السلفي الوحيد الذي تعرفت عليه ولم يضع آراء مسبقة عليّ قبل أن يعرفني، وأعتقد أنه يحترم اختلافنا، وقد أكون غيّرت شيئا في نفسه تجاه من يختلف معه، أتمنى له التوفيق من قلبي.

فاروق ومايكل: المدة كانت قصيرة قوي، لم أتمكن من معرفتكم جيداً، ولكني أحبكم –بما لا يخالف شرع الله J- وأتمنى لكم التوفيق.

حسام الآخر وصابر: شافعي مقفل عليكم أنا عارفة، بس إنتم رجالة جدعة قوي، لو فتحت شركة في يوم من الأيام، أحب أستقطبكم للعمل معي.

تايا، المكان الوحيد بحياتي الذي أشعر فيه بدفء وحنان البيت، أفتقده بشدة...

الليبرالية ليست كفرا يا من لا تقرأ!

2011-12-11T21:18:00.000+02:00

أن تميل إلى فكر معين، سواء كان دينيا، أو ديمقراطيا أو ليبراليا أو علمانيا، فهذا ليس عيبا على الإطلاق.

أن تختلف أو تتفق مع الآخرين حول الأفكار، فهذه سنة الحياة، والرحمة في الإختلاف!

أما أن تكفّر وتسفّه من فكر أحد -مهما كان- فهذا هو التشدد، أو تدّعي أمورا ومفاهيم غير صحيحة على الإطلاق في أفكار واتجاهات الآخرين، فهذا هو الجهل بعينه!

ونحن نلمس جميعا -منذ إتاحة حرية التعبير بشكل أكبر في مصر بعد الثورة- حالة من الاختلاف الشديد في الآراء بين كل أطياف المجتمع، وهذا لا يقلقني في حد ذاته، ولكن ما يرعبني حقا هو جهل وتكفير بعض التيارات الدينية لمن يخالفها الفكر، وما يقابله من الجهل المتفشي في بعض المتعلمين كذلك!

فعندما تجد شخصا جاهلا يقول إن الليبراليين كفرة، فأنا شخصيا أعذره، لأنني أشعر أننا جميعا أسهمنا بقدر لا بأس به في جهل هذا الشخص، عندما سكتنا عن فساد الحكومات السابقة، ووافقنا ضمنيا على بقاء الجهلاء على حالهم، وقلنا لأنفسنا بشكل مباشر أوغير مباشر: "وأنا مالي"، وقد حان الآن وقت دفع ثمن جهلهم مهما كان غاليا!

لكن أن تجد متعلما -مهندسا أو طبيبا أو موظفا محترما- يقول إن الليبراليين كفرة، فتلك هي المصيبة الكبرى!

ومنذ أيام وجدت أحد الأصدقاء قد أضاف فيديو على الفيس بوك لسيدة في مجلس الشعب التونسي، وقد علقت الجلسة من أجل الصلاة، ومكتوب بلهجة تهكمية بجانب الفيديو: "هل يوافق الليبراليون في مصر على تعليق جلسة من أجل الصلاة؟!

وهذا التعليق لا معنى له إلا اعتقاد هذا الشخص –وغيره- أن الليبرالية تعني قلة أو انعدام الدين!!

والسؤال الآن: هل يعرف هؤلاء حقا معنى ومفهوم الفكر الليبرالي؟ بالطبع لا!

الليبرالية مذهب سياسي وحركة وعي اجتماعي، تهدف لتحرير الإنسان كفرد وكجماعة من القيود السلطوية الثلاثة (السياسية والاقتصادية والثقافية)، وهى تختلف وفق أخلاق وقيم المجتمع الذي يتبناها، أي أن الليبرالية في أمريكا تختلف عنها في روسيا أو في مصر أو في أي بلد آخر، وفقا لنظام وتقاليد المجتمع الحالي.

وقد تختلف أيضا في نفس البلد الواحد على مر العصور، مثال ذلك: المجتمع المصري في الخمسينيات والستينيات مختلف عن الآن تماما، فوقتها كان طبيعيا أن ترتدي السيدة فستانا قصيرا في المواصلات العامة، ولا يقوم أي شخص بالاعتداء عليها لفظا ولا فعلا، أما الآن فهذا غير وارد على الإطلاق، نظرا لاختلاف نمط المجتمع الحالي، فمفاهيم الليبرالية تختلف من زمن لزمن.

والليبرالية أيضًا مذهب سياسي واقتصادي، ففي السياسة هي الفلسفة التي تقوم على استقلال الفرد والتزام الحريات الشخصية وحماية الحريات السياسية والمدنية بشرط عدم الإخلال بالقواعد الحاكمة للمجتمع.

ولذلك فإن الليبرالية لا تهتم بسلوك الفرد، مادام لم يخرج عن دائرته الخاصة من الحقوق والحريات، ولكنها صارمة خارج ذلك الإطار، فأن تكون منفلتا أخلاقيا فهذا شأنك، ولكن أن تؤذي بانفلاتك الآخرين فهذا ليس شأنك، وأن تكون متدينا أو ملحداً فهذا شأنك أيضا، ولكن أن تنشر دعواك المغايرة لهذا المجتمع فهذا ليس من حقك!

خلاصة القول، أن مبدأ الليبرالية هو حرية الفرد في الاعتقاد، وفي السلوك الشخصي وفي جميع أنماط الحياة الخاصة به، دون أن تتعدي على حرية وأنماط حيوات الآخرين، وفي رأيي فإن هذا هو جوهر الإسلام، فقد قال الله تعالي (من شاء فليؤمن ومن شاء فليكفر) فقمة الليبرالية تتجسد في هذا الآية القصيرة العميقة بكل معاني الكلمات!

أما أن تعتقد أن الشخص الليبرالي كافر، أو لا يصلي، أو لا يؤدي فرائض دينه، فعليك أن تصمت إلى أن تعرف وتفهم وتعي جيدا.

إن من أهم مفاهيم الليبرالية ترك الفرد وشأنه مع ربه سبحانه وتعالى، دون أن تنصب نفسك حكما على النوايا، فالله سبحانه وتعالى وحده هو الذي يحاسب على النوايا، ولذا فإن اللبرالي لا يخشى إلا الله ولا يهتم بما دون ذلك أبدا.

فعلى كل مسلم ينشر الدعاوى الكاذبة والمغايرة للحقيقة أن يقوم بتفعيل معني أول آية من آيات القران الكريم وهي "اقرأ" اقرأ قبل أن تتهم الآخرين بالباطل، وتنشر فكرا كاذبا!

2011-12-06T21:36:00.000+02:00

مبروك لمصر الديمقراطية الجديدة!

تابعت برنامج مجدي الجلاد مع حازم أبو إسماعيل -مرشح رئاسة مصر للأسف- كما تابعت الكثيرين ممن على شاكلته، مثل المدعو الشحات وغيره، وقد لاحظت تركيز هؤلاء على أهم مشكلة تواجه جمهورية مصر العربية في المرحلة الحالية، وهي "الستات"!

ولا يمكنني أن أفهم على الإطلاق مدى أهمية وخطورة حجاب المرأة من عدمه لهؤلاء الشيوخ الذين اقتحموا الحياة السياسية في مصر عنوة، وبمنتهي الجهل السياسي، إلا في ضوء معاناتهم من مشكلة نفسية مع المرأة بشكل عام!!

أيها المتأسلمين: هل سيحل الخراب علينا إذا لم تتحجب القلة القليلة الباقية من نساء مصر؟!

ألهذه الدرجة لا تؤمنون بحرية الشعوب في اختيار طريقة عيشهم وارتدائهم لملابسهم ؟!

وهل فكرتهم في غير المسلمين الذين يشاركوننا العيش في هذا الوطن؟!

ثم ما هي الفائدة العظمى التي ستعود على الإسلام إن تحجبت امرأة؟!

وما الفائدة التي قد تعود علينا كشعب، إذا تحجبت امراة وهى غير مقتنعة بهذه الخطوة وغير راضية عنها؟!

وهل يُرضي الله سبحانه وتعالى أن يؤدي فرد مسلم صلاته دون أن يشعر بها؟!

ألم يطلب الله تعالى منا في الصلاة الخشوع؟ وما معني الخشوع؟ أليست هي الحالة التي يجب أن يصل إليها المُصلي في صلاته حتى تكون خالصة لله تعالي؟

فكيف يا شيوخ الإسلام أخشع في صلاة قد أُجبرت عليها -تماما مثل الحجاب- كيف أشعر أنني ضحيت بقدر من حريتي لله تعالي وقد أجبرت على ذلك؟ هل هذا هو الإسلام؟ هل هذا هو الخشوع؟ هل هذا ما يريده الله منا؟

إن الله تعالى غنيٌ عنا جميعًا، وغنيٌ عن كل مسلم لا يطيعه بقناعة ورضا تامين، دون أي إجبار أو ضغط عليه.
قال الله تعالي في كتابه العزيز "فذكّر إنما أنت مُذكّر لست عليهم بمسيطر".
فالله سبحانه وتعالى يقول للرسول "ذكّر" و لا "تسيطر" وأنتم تسيطرون؟ فهل أنتم أفضل من الرسول صلى الله عليه وسلم؟!

وبعد يوم واحد من نجاحه في انتخابات البرلمان، طلع علينا الشحات بفتوى جديدة ورأي عبقري عظيم، حيث يرى أن أدب نجيب محفوظ يحض على الرذيلة والفُجر والدعارة !!

وأنا أراهن أن الأخ الشحات لم يقرأ رواية واحدة للأديب العظيم من قبل، وإذا كان قد قرأ فلا أعتقد أنه فهم أي سطر منها، لأنه لو كان قد فهم، لكان مستحيلا بالنسبة له أن يتفوه بمثل هذه التفاهات!!

وهو نفسه الشحات الذي وصف الديمقراطية بالكفر -الديمقراطية التي بلتنا به هو وأمثاله من مدّعي التأسلم- الشحات الذي صرّح من قبل لمن يجد تحت بيته أثرا من أثار مصر القديمة، أن يأخذه لنفسه حلالا بلالا، بشرط أن يطمس ملامحه، لأن الآثار أصنام محرمة!!

..ألا يرى الشحات وأبو إسماعيل في مصر شيئا أكثر أهمية يشغلون بالهم به غير ملابس الناسء وإباحة سرقة الآثار
أم أنهم لا يملكون من الفكر، ما هو أعمق وأهم من هذا؟

تماماً كما قام العبقري الآخر، أبو إسماعيل بقدح زناد فكره، وتفسير كلمة
pepsi على أنها اختصار لجملة "pay every penny to save Israel"!

وبدل أن يخرج لنا هؤلاء العباقرة برنامجا منظما، يشرحون فيه كيفية النهوض بمصر، وكيف سنقضي على الفقر والبطالة، وكيف سنقوّي اقتصاد البلد، وكيف ننهض بالتعليم، وكيف نقضي على الجهل، وكيف ننشط السياحة، فإنهم يشغلون أنفسهم بحجاب النساء وخطط سرقة الآثار وتغطية التماثيل في الشوارع ومعاني أسماء المياه الغازية!
فيا له من مستقبل مبهر ينتظر مصر والمصريين!

ومبروك لكل من صوّت للشحات، وسوف يصوّت لإسماعيل، وها هي الفرصة قد جاءتكم لتتجهوا فورا للمناطق الأثرية في مصر، وتنهبوها، فهي حلال حلال حلال، ولا تنسوا أن تغطوا شعور نسوانكم لأنها حرام حرام حرام!

ومرحبا بالديمقراطية الجديدة

لمّ الزبالة دي يا ابني!

2011-10-10T21:28:00.001+02:00

بالنسبة للمبادرة العالمية المصرية اللولبية الي موجودة على الفيس بوك لجمع الزبالة من الشوارع، بالطبع مش عشان نرميها في مقلب الزبالة والعياذ بالله، لا دي عشان نجمعها بالصلاة على النبي كده ونرميها قصاد الحي، قال يعني عشان نقول لهم كده عيب يا رجالة، لموا زبالتنا أول بأول والنبي!
هذه المبادرة التي لا تخرج إلا من مواطن مصري أصيل، يفهم جيدا معنى وقيمة الزبالة!

يعني فكرتوا فكرتوا وطلعتوا بالحل العبقري ده، طب جبتوه منين بالذمة؟!

وبهذه المناسبة الجليلة، أحب أنوه وأنبه لخبر لطيف قوي،لا مؤاخذة يعني صناديق الزبالة الموجودة في الشوارع لأسف مش معمولة عشان نرمي فيها زبالة بيوتنا، الخبر اللطيف إن الصناديق دي معمولة عشان نرمي فيها الزبالة بتاعتنا وإحنا ماشيين في الشارع يا سيدي، يعني علبة مناديل ولا كيس شيبسي ولا علبة سجاير، بدل ما إحنا بنطوحها كد من شباك العربية أو بنرميها في الشارع وإحنا ماشيين، رغم إنها بتبقى والله قدامنا، بس نعمل إيه بقى اتعمينا في عنينا!

والخبر الألطف بقي إن الحي ييلم الزبالة من الصناديق دي مرتين في اليوم، مرة الصبح بدري، ومرة تانية في آخر اليوم، والمعلومة دي أنا فضلت متابعاها أكتر من شهر من ساعة ما قرأت عن فكرة رمي الزبالة قصاد الحي!

والجميل بقى إن مع متابعتي لهذه العملية اليومية، وجدت إن في كل مرة يقوم الحي بجمع القمامة وكنس الشارع بعدها، لأن طبعا البهوات اللي بيرموا الزبالة أو -بيطوحوها تحديدا- بيفرشوا المنطقة كلها بزبالتهم، ولذلك يجب كنس المنطقة المجاورة للصندوق! وإن في خلال ساعات يبدأ المواطن المصري الجميل في رمي المزيد من القمامة في سرعة مبهرة، كما لو كان في سباق لرمي زبالته قبل الجيران، والألطف بقى إن الزبالة كلها بتكون زبالة البيت، وليس كيس الشيبسي اللي في إيده، أهو توفير للخمسة جنيه اللي بياخدها الزبال من لم الزبالة من البيوت!

ولو فرضنا إن العملية دي مش بتحصل في كل المناطق زي ما الأخ الفلوط اللي بيقرأ الكلام ده ما هيقول دلوقتي، ماشي موافقة بس المناطق اللي بيحصل فيها كده، إيه حجتهم بقى إن شاء الله كده؟؟؟

الزبالة يا إخوانا فينا، في دمنا، ضمن ثقافتنا اللي تعلمناها علي مر السنين، رمي الزبالة في الشوارع سمة من سمات المواطن المصري، سمة متأصلة، نتعلمها ونعلمها لأولادنا عندما نمارسها كل يوم في الشارع!

ولم نعد نكتفي الآن برمي زبالتنا اليومية في الطريق، بل تخطينا هذا الأمر وأصبحنا نقوم الآن بحمل زبالة بيوتنا على قلبنا، والنزول بها للشارع بكل فخر ورميها بجانب أقرب صندوق زبالة يقابلنا

وبكل بجاحة زعلانين من الحي وبنلومه إنه مش بيجي كل ساعة يلم زبالتنا!
إزاي صحيح يعملوا كده ولاد التيت دول؟!!

مشكلتنا مش في الحي يا مصريين يا مثقفين، يا بتوع الفيس بوك وأصحاب الفكرة الخزعبلية دي، مشكلتنا فينا إحنا، مشكلتنا إننا مش شايفين مشكلتنا، أو مش عايزين نشوفها، وبدل ما نحاول نحل المشكلة، بنعلقها على الحي الي دايما عايزين نشوفه انه فاسد ضمن منظومة فساد أكبر، وننادي جميعا بكل فخر ونقول، لم يا ابني الزبالة وجمعها قصاد الحي التيت ابن التيت ده!

مافيش فايده !

كشك السجاير اللي على الناصية

2011-09-24T18:18:00.000+02:00

شاهدنا منذ أسابيع تسلق بعض لصوص المواسير للسفارة الإسرائيلية، وللحق فإننا قد وقفنا نصفق لهم جميعا، ومع خوفي وقلقي بعد هذا الحدث، فإنني كنت أتصور أني في مأمن من اللصوص، لأن العمارة التي أسكنها ليست بها مواسير خارجية، وكنت أتصور أن ذلك كافٍ لعدم تسلق اللصوص لشقتنا، ولكن بعد ما حدث، أيقنت أن الاستعراض الخطير الذي شاهدناه جميعاً، من السهل جدا دراسته وتكراره، خاصة أن شقتنا في الدور الرابع فقط، والمخيف هو إمكانية وجود حشد من الجيران، يقف ليتابع هذا السيرك، مع احتمالية التصفيق لمرتكبه هو الآخر!!

والجديد في المرة الثانية، هو تكرار نفس المنافسة، وفى الحقيقة أعتقد أنها قد تكون مسابقة عالمية، لتحقيق مركز جديد في موسوعة جينس ريكورد للأرقام القياسية، الهدف منها الفوز باللقب الجديد، بعد فوز الشحات أو مصطفي أو أيا كان اسم المتسلق الأول!!

ولعل ما حدث أمرٌ طبيعي للغاية، خاصة بعد تكريم المحافظ للشاب الأول، وتسليمه شقة مقابل عملية التسلق الباهرة، وهو ما يعبّر مرة أخرى عن انفصام الشخصية الذي تعاني منه الحكومة المصرية، حيث إنه أمر غير مفهوم -بالنسبة لي على الأقل- أن تنتقد الحكومة والمجلس عملية إنزال العلم من على المبني، وفي نفس ذات الوقت تشجع فاعله وتقدم له شقة! ثم لا نتوقع تكرار العملية كل يوم، خاصة فى ظل أزمة السكن التي يعاني منه أغلب شباب مصر!!

والغريب أنه حين يقوم شخص آخر بمعاودة المحاولة الانتحارية، للفوز بشقة، أقصد للفوز بلقب إنزال العلم للمرة الثانية، تغضب الحكومة، وتصف المحاولة هذه المرة بالعمل غير المسئول، شيء عجيب في الحقيقة!

أما الشيء الأغرب فهي عملية اقتحام كشك السجاير الموجود بالمبني، أقصد السفارة، حيث إن سهولة الاقتحام كانت تشبه سهولة اقتحام كشك سجاير في الشارع، صاحبه غايب!!

ومما لا شك فيه، أن هناك أمرا مريبا وغريبا وغير مفهوم في أحداث السفارة الأخيرة، بداية من تشجيع الحكومة لأمر اشبه بالسرقة من وجهة نظري، مهما كانت طهارة الغرض، وصولا للغضب في تكرار العملية للمرة الثانية! اشمعنى يعني؟ ولا هو الشحات كان على رأسه ريشه؟!

وأخيرا هناك شيء لا يمكن إغفاله، وهو التشابه –من حيث السهولة وتخاذل قوات الأمن- بين اقتحام السفارة واقتحام مقر أمن الدولة السابق، وفرحة الثوار بالأوراق التي وجدوها في أثناء الاقتحامين، والتي لا نعلم حتى الآن أين هي!

والسؤال الآن: أين هي الأوراق المهمة جدا –كما قالوا- التي والتي وجدها الثوار في مخزن الأوارق الخاص بالسفارة؟!!

البطل أردوغان

2011-09-11T21:49:00.002+02:00

أقرأ كثيرا هذه الأيام عن أردوغان الذي اعتبره المصريون -دون باقي العالم- بطلا، ليس لأنه أوصل بلاده إلى كل ما وصلت إليه من تكنولوجيا وقوة وعلم وعلم وعلم -والتي أعتبرها شخصيًا هي البطولة الحقيقية التي فعلها أردوغان- ولكن لأنه طرد السفير الإسرائيلي من بلاده، في الوقت الذي انتظر المصريون هذه الخطوة من حكومتهم، فلم تبلّ ريقهم وتحقق لهم حلما غاليا، وإنما أحبطتهم أشد الإحباط!!

وبصرف النظر عن السبب السياسي وراء طرد أردوغان لسفير إسرائيل من بلاده، والذي لا يعنيني الآن على الإطلاق، فإن ما أندهش له بشكل كبير، أن هؤلاء الذين يعتبرون أردوغان بطلا، ويعتبرون تركيا رمز القوة للمسلمين في هذه الفترة، هم نفس الأشخاص الذين يتهمون العلمانيين بالكفر والإلحاد كذبًا، وينسون أو يتناسون تمامًا أن تركيا بأكملها بلد علمانية 100%، ألم يفكر أحد في هذا؟

ألم يفكر أحد لماذا أصبحت تركيا بهذه القوة الآن؟

هؤلاء الذين يطالبون بتحويل مصر إلى بلد إسلامي أسوة بالسعودية وإيران، ويدّعون كذباً أيضا أن تخلفنا الاقتصادي والسياسي الآن بسبب عدم تطبيقنا الشريعة الإسلامية على حق، هؤلاء الذين يظنون أن البلاء الذي وقعنا فيه، هو ابتلاء من الله تعالي، لأننا ابتعدنا عن إسلامنا وديننا وجهادنا في سبيل الدين، وهم نفس الأشخاص الذين يمجدون أردوغان وتركيا، عجبًا!

ألم يفكر هؤلاء أن هذا الانحدار الأخلاقي والثقافي والعلمي والسياسي، ما هو إلا نتاج لتجاهلنا مبدأ العمل والعلم الذي تبنته تركيا منذ أعوام، ليست طويلة في عمر الشعوب؟

ألم يفكر هؤلاء أن القوة التي وصلت إليها تركيا الآن، القوة التي جعلتها تنافس وتحارب ليس فقط إسرائيل -فكلنا نعلم أن من يحارب إسرائيل، إنما يحارب أمريكا نفسها!- هي قوة العلم الذي وصلت إليه، والذي جعلتها تقف رأسا برأس أمام أكبر وأقوى بلدان العالم؟!

الم يتذكر أحد أن أردوغان عندما سؤال عن موقفه مما يحدث فى سوريا قال بالنص في كلمة له امام المؤتمر العام لاتحاد الغرف التجارية "نصحنا الرئيس بشار الاسد بأن يكون حذراً في مواجهة الاستفزازات وأن يتفادى استخدام القوة وتنفيذ الإصلاحات " لو حدث أن قال أحد من المجلس العسكرى أو أى شخص مصري هذا الرأي لنقلبت الدنيا عليه، وأعتبرنا موقفه ضعيف، وأتهمناه أنه فل من فلول النظام ! ولكن بالعكس لم يصف أحد موقف اردوغان بالضعيف ! وهو بالفعل ليس كذلك، بل هو موقف يعكس مصلحة بلاده ليس أكثر !

فيجب علينا جميعا أن نعلم أننا لن نحصل على قوتنا أبدا بمجرد طرد سفير أي بلد، حتى وإن كانت إسرائيل، كما لن نحصل عليها بالتنطيط أمام السفارات، ولا برشق العساكر بالطوب وتكسير الحوائط والجدران، ولا بالصراخ أمام كاميرات العالم كله، ولا عند انتظار البطل أردوغان على أبواب كل مطارات العالم!

قوتنا سوف نحصل عليها، فقط إذا اجتمعنا على كلمة سواء، وهي كلمة قوة العلم والعمل، ولن ينصت إلينا العالم كله ولن يخافنا ويهابنا إلا في هذه الحالة فقط.

وانتهى شهر العسل يا عزيزة!

2011-08-21T01:07:00.000+02:00

كتبت منذ بضعة أشهر أتساءل: هل هناك إمكانية لوجود أي نوع من التحالف أو الاتفاق بين الإسلاميين -بمختلف أسمائهم- والمجلس العسكري، لتسهيل وصول الإسلاميين للحكم في مصر بعد الثورة؟. وما كان يغذي هذا الشك باستمرار، هو الوئام و التوافق والمغازلة الدائمة من قبل الإسلاميين -والإخوان تحديداً- للمجلس العسكري، حتى إنني كنت أسأل نفسي سؤالا لا يقل أهمية: امتى بقى حد فيهم يقلب على التاني؟!

وأخيرا جاء الرد سريعاً، عندما بدأ الغضب على المجلس بسبب استدعاء الناشطة أسماء محفوظ للتحقيق معها في النيابة العسكرية، فقامت جماعة الإخوان بدعم المرشح المحتمل لرئاسة الجمهورية حازم أبو إسماعيل – اللي طبعا مش إخوان خالص!– وإعلان الحرب على المجلس العسكري!

وبصرف النظر عن قضية أسماء، وإحالة المدنيين للمحاكم العسكرية -لأنني أعتقد أن الجماعات الإسلامية والإخوان وأبو إسماعيل، لم ينتفضوا لهذا السبب على الإطلاق، بل وجدوها حجة للانتفاضة، وكسب تأيد الشارع السياسي وشباب الثورة لهم، خاصة بعد أن فقدوا الكثير من التأييد بعد مليونيتهم الماضية- فإن الانتفاضة الحقيقية هي رفضهم المبادئ فوق الدستورية، التي تبنتها جميع القوة السياسية المدنية في الأيام الماضية!

ولأن هذه المبادئ لا تصب على الإطلاق في مصلحتهم، فقد فقالوا "أهي فرصة بقي نعمل نفسنا ضد المجلس طالما سيكون هو ضدنا"!

والدليل على ذلك، عدم انتفاضهم من قبل عندما أعلن المجلس قبل ذالك أن حركة 6 إبريل ممولة من الخارج، وأنهم يعملون ضد مصلحة الوطن، وعلى الرغم من رفض هذا التصريح من قبل جميع الأطياف السياسة في ذالك الوقت، فإننا لم نر أي نوع من البيانات التي تشجب من قبل هذه الجماعات، مع أنه كان الأولى بالرفض إن شئنا الإنصاف!

يعني اشمعنى أسماء اللي زعلتهم قوي كده؟

أم أن هذا جريٌ على عرفهم، من الانتصاف للنساء وحدهم دون أي جنس آخر على كوكب الأرض، وليس "عايز أختي كاميليا" و"عايز أختي عبير" ببعيد!!!

وهل المحاكمة العسكرية للمدنيين أخطر من أن يقول المجلس إن مجموعة كبيرة من شباب الثورة ممولون من الخارج؟

وألم يئن الأوان ليفهم المصريون أن هذه الجماعات إنما تتعامل وفق أجنداتها الخاصة، ولا تسعى لغير أهدافها ومصالحها الشخصية فحسب، دون أن يفكروا ولو لحظة في مصلحة الوطن؟!

ألم يئن الأوان لنعرف من هو الممول حقا من الخارج ويعمل ضد مصلحة الوطن؟
ثم ماذا يعني أن يطالب الظواهري المصريين بإقامة حكم إسلامي في مصر؟

وماذا يعني بالحكم الإسلامي؟

أهو الحكم الذي قاموا بتطبيقه في أفغانستان؟

وهل يرى أن تجربة أفغانستان مثمرة، حتى يريد منا أن ننعم بنفس الثمار في مصر؟
ألا توجد علاقة بين طلب الظواهري وحرب أبو إسماعيل وتنديد الإخوان وتهديد المجلس العسكري؟!

وهل إذا كان المجلس قد حقق مع أسماء محفوظ، قبل أسبوعين فقط، بينما كان الجدل مشتعلا حول المبادئ فوق الدستورية، كان رد فعل الإسلاميين سيكون هو نفس ردّهم الآن؟

فإذا كانت هناك حرب، لابد من خوضها لصالح هذا البلد، فلابد أن تكون ضد هؤلاء، وليس ضد المجلس العسكري، على الرغم من بعض تصرفاته التي لا يجدها الكثيرون منا مناسبة للمرحلة.

العجوز التي سوف نحاسب عليها جميعا!!!

2011-08-04T17:32:00.000+02:00

تعودت أن أشاهدها مصادفة من حين لآخر، ترتدي نفس الجلباب الأسود، والطرحة التي لم يعد لها لون محدد الآن، فقد مرّ على ارتدائها لها سنوات طويلة، وليست كأي سنوات، ولكنها سنوات من الفقر والحرمان!

واليوم رأيتها تمر بجانب الصندوق الكبير الموجود على جانب الشارع الذي أسكن به، والذي لا يختلف حاله عن الصناديق التي تمتلئ بها شوارعنا جميعا، فهو منتفخ ومقلوب من كثرة القمامة التي تملؤه، وتفيض علي جانبيه!

كانت تتجول حوله أكثر من مرة، بتردد وبقايا كبرياء وخجل يملأ عينيها، لعله كل ما تبقى لها من أيام الزمن الجميل، تنظر للمارة من حولها، حتى تطمئن إلى أن أحدا لا يراها، وهو ما يكون صحيحا بالمناسبة، فلا أحد كان يشعر بها أو رآها، حتى لو تصادف ومر من أمامها بالفعل، لأن الشعور بها -أو بمن كان مثلها- قد أصبح رفاهية لدى بعض الناس!!

أكاد أرى عينيها الذائغتين في كل مكان، فرغم كل شيء، كانت ما تزال تخشى أن يراها أحد، ويديها الصغيرتين المرتعشتين المترددتين، وملامح وجهها التي لا شك تحمل ألمًا عظيمًا، وجوعا أعظم!في النهاية، تستجمع بقايا شجاعتها، التي تخلّفت لديها بعد أن عاشت خائفة من كل شيء، حتى ولو كانت على يقين من أنها لا تملك ما يستحق الخوف عليه، وتبدأ البحث، ليس عن شخص تعرفه هذه المرة، بل عن أي شيء يمكنها أن تأكله من هذا الصندوق الأسود الكبير!!

نعم، كانت تفتش عن أي شيء، حتى ولو كان متعفنًا، حتى ولو كان بواقي البواقي، وقد هانت عليها نفسها لدرجة لم تحاول معها أن تطرد القطة التي مرت بجوار جلبابها، وقفزت للصندوق، تشاركها البحث عن لقمة عيش، وبدت كلتاهما وجهان لعملة واحدة، عملة الفقر والعوز والوقوف خارج طابور اهتمامات أولي لأمر!ظلت السيدة العجوز تبحث طويلا في الصندوق، وتجمع في الكيس الأسود الصغير الذي تحمله، ما تلتقطه يداها من فتات الطعام، وهي تقبض عليه بقوة على الرغم من ضعفها، حتى بدا أنها جمعت ما يكفيها ليومين، فتوقفت، ولعلها كانت تخشى إن هي جمعت ما يكفي ليوم واحد، ألا تقوى في اليوم التالي على مشقة السيرة مرة أخرى للصندوق، فتموت جوعا!

كانت على وجهها الآن ملامح الرضا والامتنان للخالق الوهاب، الذي لم ينس من كانت مثلها، على ضعفه وقلة شأنها، وبينما كانت تهم بالعودة من حيث أتت، بخطواتها المتعثرة، ولهفتها على تناول الكنز الذي اكتشفته، كنت أكاد أسمعها وهي تحمد الله، وتشكره على الستر!!!

كانت عيناي الآن تدمعان، ولا تقويان على متابعة مسيرتها الصامتة أكثر من هذا، من كثرة الألم الذي كنت أشعر به، أكاد أغمضها حتى لا أرى المزيد من هذه الحياة القاسية!

بل وحاولت أن أسرع في خطواتي، حتى أتخلص من تأنيب الضمير الذي شعرت به بسببها، فأنساها بعد دقائق، ولكني لم أستطع الحركة، توقفت قدماي ولم تتمكنا من السير أكثر من بضع خطوات، ثم وجدتني ألتفت إليها مرة أخرى، أتابعها، وأتابع خطواتها الضعيفة، الرقيقة، وأكاد أذهب إليها ولو حتى لحمل الكيس الصغير عنها، ولكنني للمرة الثانية لم أستطع حتى الحركة!!

لقد كان الألم الذي أشعر به من أجلها، يمنعني حتى من إيذائها بعيني، فقد خشيت أن أجرحها، عندما تعلم أنني أشاهدها وهي تبحث في قمامتى لتسد جوعها!!!لقد قتلتني تماما، فلم أعد أقوى على النظر ناحيتها، فلن أتحمل نظرتها وهي تقول لي بعينيها "أنتم الذين تركتموني لأصل لهذه الحال، إن ضميركم وتعاطفكم معي وحدهما لا يكفيان لسد جوعي كل يوم!"

أيتها العجوز العزيزة، معك كل الحق!وسوف يحاسبنا الله سبحانه وتعالى حسابا عسيرا بسببك، وبسبب كل عجوز غفلنا عنها، حتى لم يعد أمامها من وسيلة للتشبث بالحياة إلا اللجوء لصناديق القمامة، في حين تظلين تسعين على الأرض، في شقاء ومعاناة، حتى يحين أجلك، فترحلين غير آسفة على دنيا مثل هذه، تاركة الصندوق خلفك لعجوز أخرى!!!!!!

حاسبوا انفسكم، قبل أن تحاسبوا!