Hisham Mohamed

ரௌத்திரம் இசையமைப்பாளருடன் 'மாலை மங்கும் நேரம்'

2011-11-18T14:13:00.002+05:30

ஜீவா, ஷ்ரேயா நடித்த ரௌத்திரம் திரைப்படத்தின் இசையமைப்பாளர் பிரகாஷ் நிக்கியை கடற்கரையோர நட்சத்திர ஹோட்டல் ஒன்றில் வெற்றி TV நிகழ்ச்சிக்காக சந்தித்தோம்

Part 01

Part 02

Part 03

வாழ்க்கைக்கு வெற்றி - சுகி சிவத்துடன் சிறப்பு சந்திப்பு

2011-11-15T16:11:00.004+05:30

தென்னிந்திய பிரபல சொற்பொழிவாளர் சொல்வேந்தர் சுகி சிவத்துடன் வெற்றி தொலைக்காட்சிக்காக பதிவு செய்தது.

Part 01

Part 02

Part 03

எந்திரன் பாடல் விமர்சனமும் இன்னமும்.

2010-08-08T23:55:00.005+05:30

காலங்கள் காணாத காதல், கூகுள்கள் காணாத தேடல்கள்,
பல்லவி சரணம் துறந்த பாடல்கள் என்று பலவாறு வர்ணிக்கலாம் இரும்பு மனிதன் எந்திரனை.

பாரம்பரியம் உடைத்தார் மீண்டும் ரஹ்மான்.

விண்ணைத்தான்டி வருவாயா படத்தில் கையாண்ட சில உத்திகளோடு முக்கியமாக பல்லவி சரணமென்ற வட்டத்துக்குள் வரும் திரை இசைப்பாடல்களுக்கு குட்பாய் சொல்லத்தொடங்கியவர் எந்திரனிலும் அதை தொடர்கிறார்.
ஒவ்வொரு படைப்பிலும் ஒரு புதுமை தரனும்னு நினைக்கிற ரஹ்மான் இளம் இசையமப்பாளர்களுக்கு ஒரு நல்ல முன்னூதாரணம்.

தமிழ் திரைப்பட வரலாற்றில் மிகப்பெரும் பொருட் செலவில் வருகிறது எந்திரன் படம்.150 - 175 கோடி வரை செலவு எந்திரனுககு. ரஜினி இன்னும் சம்பளம் வாங்கல படம் ரிலீஸானதும் கொடுங்கன்னு தயாரிப்பாளர் மாறனுக்கு சொல்லியிருக்கிறார்.

அதிகம் செலவு செய்து பிரமாண்டமாக படங்களை தந்து இலாபம் உழைக்கிற உத்தி அறிந்தவர் சங்கர். தரவுகளை தூசு தட்டி பார்த்ததுல படம் வெற்றி பெற்றாலும் போட்ட முதல் வாரது சந்தேகம்னு ராமசாமி அண்ணே சொல்றார். பத்து வருடத்துக்கு முதல்ல எழுதின ஒரு கதை இப்போ பொருந்துமாங்கிறது அவரோட முதல் கேள்வி? 150கோடி தாண்டிய செலவு தமிழ் திரையால் ஜீரணிக்கக் கூடியதா? விவரம் தெரிஞ்சவங்க பதில் சொல்லுங்க.

ஜெக்கி செய்னை உலகறியச்செய்தவர் யார் தெரியுமா?

தமிழில் வரும் ஹலிவுட் என்ஜின் இந்த எந்திரன் படம். இந்த படத்துக்;காக உழைப்பவர்கள் வாங்கிய ஒஸ்கார்களின் மொத்தம் 22.

இசை வழங்கும் ரஹ்மான் 2 ஒஸ்கார்கள் வாங்கியவர்.

ஒலியமைப்பு செய்யும் ரஸுல் பூக்குட்டி ஒரு விருது வென்றவர்.

அவதார்,ஜுராஸிக் பார்க் படங்களில் கலக்கிய Visual Effects நிறுவனம் 16 ஒஸ்கார்களை அடுக்கி வைத்திருக்கிறது.

எந்திரனுக்கு ஒப்பனை செய்த Stan Winston Studio 3 ஒஸ்கார்களை வென்றிருக்கிறது.

ஜெக்கி செய்னை சர்வதேச அந்தஸதுள்ள நட்சத்திரமாக்கி பல வெற்றி படங்களின் சண்டைக்காட்சிகளால் நினைவில் நிற்கும் Yuen Woo-Ping தான் எந்திரனுக்கும் சண்டை சொல்லிக்கொடுக்கிறார்.

இப்படி எந்திரனுக்காக உழைப்பவர்கள் சர்வதேச அளவில் பெயர் மற்றும் விருது வாங்கியவர்கள்.

வைரமுத்துவின் பேரன் பெயர் உங்களுக்கு தெரியுமா?

வாரிசுகளும் வாறாங்கோ!

ரஹ்மான் தன் பிள்ளைகளை பொதுவான நிகழ்வுகளுக்கு அழைத்துவருவதுமில்லை அவர்களை பிரபலப்படுத்த விரும்புவதுமில்லை. முதன் முறையாக இசைப்புயலின் மூத்த மகள் கதீஜா புதிய மனிதா பாடலை பாடி திரை இசையுலகில் அறிமுகமாகியுள்ளார்.

அண்ணா பல்கலைகழகத்தில் பேராசிரியாரக கடமைபுரிகிறார் கார்கி இவர் வைரமுத்துவின் மகன். வைரமுத்து எழுதிய முதல் பாடல் பொன் மாலைப்பொழுது இருந்தாலும் வெளிவந்தது காளி படப்பாடல் உச்சரித்தவர் சுப்பர் ஸ்டார்;. மகன் கார்க்கியின் முதல் பாடலையும் உச்சரிக்கிறவர் அவர்தான். சிங்கப்பூரில் தயாரான குருசேஷ்த்ரம் படத்தின் மூலம் பாடலாசிரியராக அவதாரமெடுத்தவர் எந்திரனில் எழுதியது இரும்பு மனிதா மற்றும் பூம் பூம் ரோபோடா பாடல்கள். இவர் மகனுக்கு வைச்சிருக்கும் பெயர்தான வினோதமானது. மகனோட பெயர் ஹைக்கூ.(அடுத்து குழந்தைக்கு என்ன பெயர் வைப்பாரோ தெரியல..)

பாடல்கள் பற்றிய சிறு அலசல்

அரிமா என்றால் என்ன?

பல்லவி சரணமில்லா புதுவகை தமிழ் பாடல்கள் எந்திரனில். ரஜினி ரசிகர்கள் ஒவ்வொரு பாடலிலும் ஆழம் போய் அர்த்தம் தேடுகிற பணியில் இறங்கியிருப்பாங்க. எந்திரனில் தீம் இசையுடன் மொத்தம் ஏழு பாடல்கள். கேட்ட முதல் நாளே என்னோட மனசுல நின்னது ''காதல் அணுக்கள்''

01.புதிய மனிதா... (ஏழாம் அறிவை எழுப்பும் முயற்சி)

இதுதான் படத்தோட முதல் பாடலாக இருக்கோணும் ஒரு சின்ன கெசிங் ஸ்பிபி பாடியதால்.
தந்தையோடு மகள் முதல் தடவை இணைகிறார் தமிழ் இசையில் ரஹ்மானின் மகள் கதீஜா.
மாற்றம் கொண்டு வா
மனிதனை மேன்மை செய்
உனது ஆற்றலால்
உலகை மாற்று... என்று தொடர்கிறது இவர் குரல்

எனக்கு பிடித்த வரிகள்

கருவில் பிறந்த எல்லா மறிக்கும்
அறிவில் பிறந்தது
மரிப்பதே இல்லை

நான் என்பது அறிவு மொழி
ஏன் என்பது எனது வழி
வான் போன்றது எனது வெளி

ரொபோ பன்மொழிகள் கற்றாலும்
என்தந்தை மொழி
தமிழ் அல்லவா...

இதுல ஒரு வரி
நான் நளைய ஞான ஒளின்னு வரும் இதுக்கு வைரமுத்து கிட்டதான் ஆழமா விளக்கம் கேட்கனும்..

02. காதல் அணுக்கள் (விஞ்ஞானியின் காதல்)
விஜய் பிரகாஷ், ஸ்ரேயா கோஷல் நல்லா பாடியிருக்காங்கோ.
விண்ணைத்தாண்டி வருவாயா ஓமணப்பெண்ணே போல ஒரு பாட்டு. பில்ஹாரி ராகம்னு சொல்றாங்க.

எனக்கு தெரிஞ்சு முதல் முறையாக ஒரு விஞ்ஞானி காதலை சொல்லும் பாடல். நியுட்டன் அணுக்கள் என்று பாடல் நல்லா இருந்தாலும் ஏற்கனNவு வந்த பாடல் வரிகள் விஞ்ஞானப்படுத்தப்பட்டதாய் ஒரு உணர்வு.

காதல்காரா!
நேசம் வளர்க்க ஒரு
நேரம் ஒதுக்கு எந்தன்
நெஞ்சம் வீங்கி விட்டதே...

பாடல் வரிகள் வைரமுத்துவின் முதல்வனே பாடலின் கருவை ஞாபகப்படுத்துகிறது. வித்தியாசமா சிந்திச்சிருக்கார் மனுஷன்.

எனக்கு பிடிச்ச வரி

காதல்காரி!
உந்தன் இடையைபோல
எந்தன் பிழைப்பில் கூட
காதலின் நேரமும் இளைத்துவிட்டதே....

03. இரும்பிலே ஒரு இருதயம் (பிளேஸிக்கு பாட்னர் கிடைச்சாச்சு. கார்க்கிக்கு முளைத்த முதல் பாடல்)

Kash n Krissy மற்றும் ரஹ்மான் பாடும் பாடல்.
ரொபோவுக்கு பொருத்தமாக பாடல் எழுதியிருக்கிறார் கார்க்கி. ஒவ்வொரு வரியிலும் உயர் தொழிநுட்பம் புகுந்து விளையாடுது. ப்ளு டூத்தை நீல பல்லென்கிறார்.

இரும்பிலே ஒர் இருதயம் முளைக்குதோ
முதல் முறை காதல் அழைக்குதோ...

பூஜ்ஜியம் ஒன்றோடு
பூவாசம் இன்றோடு...

உன் நீலக்கண்ணோரம் மின்சாரம் பறிப்பேன்
என் நீலப்பல்லாலே உன்னோடு சிரிப்பேன்...
இவை இரண்டும் எந்திரனால் முடிந்தவை.

ஒவ்வொன்றும் இயந்திரம் கொள்கிற காதலின் அற்புத தமிழ்படுத்தல்.

எனக்கு பிடித்த வரி

கூகுள்கள் காணாத
தேடல்கள் என்னோடு
காலங்கள் காணாத காதல்.....

04. அரிமா அரிமா.. (எந்திரனுடன்(சிங்கத்துடன்) ஓரு டூயட்)
கீரவாணி ராகத்தில் கொஞ்சம் உசுரே போகுதெ புரிஞ்சுதா? ராவண் பாடலின் மிச்ச சொச்சங்கள் இங்கேயும்.

ஆண் சிங்கத்தை அழகாக அரிமான்னு அழைத்து பாட்டு எழுதியிருக்கிறார் வைரமுத்து. ஹீரோயிசத்தை காதலுடன் சொல்கிற மாதிரி ஒரு பாடல். பாடல் வரியும் இசையும் கைகொடுக்கிறது. (முதல்வனே பாடல் ஞாபகம் வருது)

பிடித்த வரி

இவன் உலகம் தாண்டிய
உயரம் கொண்டதில்
நிலவு நிலவு தலை முட்டும்...

05. கிளிமஞ்சாரோ.(ஆபாசம்.. நான் இல்ல ராமசாமி அண்ணே சொல்ல சொன்னாரு)

கரகரப்பிரியா ராகத்தில் பேருவில் படப்பிடிப்பு நடத்தப்பட்ட பாடல். இதோடதான் படப்பிடிப்பு ஆரம்பமானது. மஞ்சு பிஞ்சு என்கிற பாரம்பரிய வரலாறு கொண்ட மலை உச்சியில் எடுக்கப்பட்டது.

ஜாவிட் அலி மற்றும் முடிஞ்சா கண்டுபிடிங்கன்ற மாதிரி சின்மயி பாடிய பாடல்.

பா.விஜய் எப்படியெல்லாம் யோசிச்சிருக்காரு மனுசன்.(வயது வந்தவர்களுக்கு மட்டும்)

மலை பாம்பு போல வந்து
மான் குட்டியை பிடிய்யா
சுக்கு மிளகு தட்டி என்னை
சூப்பு வைச்சு குடிய்யா...

எப்புடி! தனி ஒரு பதிவே போடலாம் விளக்கமா யாராவது ட்ரை பன்னுங்க.

ஜந்தடி வளர்ந்த ஆட்டுச்செடி - என்னை
மேய்ந்து விடு மொத்தம்

பிடிச்ச வரி
!@#@#%@%^$^#$&&

06. பூம் பூம் ரோபோடா..(அறிஞர்களே கேளுங்கோ!)

ரத்தத்தை மின்சாரமாக பார்க்கிறார் கார்க்கி.
மின்சாரம் உடலில் ரத்தம்...
வாயுண்டு ஆனால் வயிறில்லை..
பேச்சுண்டு மூச்சில்லை..
நாடி உண்டு இருதயம் இல்லை..

இப்படி ஒரு காதலி காதலன் கிடைக்காதான்னு ஏங்குகிற நண்பர்களுக்கு ஒரு மேட்டரு

குட்டி குட்டி பட்டனில் வாய் மூடும்
காதலி இதுபோல் கிடையாதோ?...

யே சொல்வதெல்லாம் கேட்டுவிடும்
காதலன் இதுபோல் அமையாதோ?...

பிடித்த வரி

பவர்தான் உண்டு திமிரே இல்லை...

எரிந்தது வெற்றி FM இன் செய்திப்பிரிவு

2010-07-30T23:20:00.004+05:30

நண்பனிடம் சொல்லுங்கள் நிகழ்ச்சி முடிந்து போகும் போது இரவு 11.30இற்கு நான் பார்த்த எமது அலுவலகம் இரண்டு மணித்தியாலங்கள் கழித்து கரும் புகைமூட்டத்துடனும் பதற்றத்துடனும் காணப்பட்டது.

அலுவலக காவலாளி நெற்றி வடிய ரத்தத்தோடு நின்றுகொண்டிருந்தார். காயங்களின் வலி மறந்து தீயை அணைக்க போராடிக்கொண்டிருந்த செய்திப்பிரிவின் நண்பர்கள் இருவரோடு இன்னும் சிலரும் பாடுபட்டுக்கொண்டிருந்த நேரம் தீயணைப்பு படையினர்; வந்து சேர்ந்தனர்.

10இற்கும் மேற்பட்ட காடையர்கள் குழு அதிகாலை 1.20 அளவில் எமது செய்திப்பிரிவின் இருவரை மண்டியிடச்செய்து வைத்திருந்த துப்பாக்கிகளாலும் ஆயுதங்களாலும் தாக்கிவிட்டு பெட்ரோல் குண்டுகளை பயன்படுத்தி தீயிட்டுள்ளனர்.

பல மணிநேர போரட்டத்தின் பின்னர் தீயணைக்கும் படையினர் தீயை கட்டுப்பாட்டுக்குள் கொண்டுவரும்போது செய்திப்பிரிவு கருகிப்போயிருந்தது.

Voice of Asia Network Pvt. Ltd நிறுவனத்தின் அங்கமாக செயற்படுகிற சியத, ரியல், வெற்றி வானொலிகளும் முற்றுமுழுதாக செயலிழந்து போயிருக்கும் எமது செய்திப்பிரிவும் தொலைக்காட்சி ஒளிபரப்பும் நம்பிக்கையோடும் எம் அன்பு நேயர்களின் ஆதரவோடும் இன்னும் பல மடங்கு பலத்துடன் வரும்.

காடையர்களாலும் அவர்கள் கொளுத்தும் தீயினாலும் உயிர்காவும் ஆயதங்களாலும் சத்தியத்தை புதைத்துவிடத்தான் முடியுமா?

அவசர நேரத்தில் ஆறுதலாய் இருந்த நேயர்கள், சக ஊடக நண்பர்கள் என்றும் எம் ஞாபகத்தில் நிற்பார்கள்...

எம் பயணத்தில் பதியப்பட்ட நாளின் படங்கள் சில...

தயவு செஞ்சு க்ளிக் பன்னிடாதீங்க!

2010-07-24T22:44:00.001+05:30

ஆடிக்கொருக்கா அமாவாசைக்கொருக்காதான் நான் பதிவெழுதுவேன்.
உண்மையாக இது என் வலைபூதானா? என் பக்கத்துக்கு நான் வந்தே மாதக்கணக்காகிறது. அதுதான் இப்படியொரு சந்தேகம் எனக்கு.

இவங்கெல்லாம் என்னை மறந்திருப்பாங்களோன்னு நினைச்சிகிட்டிருந்த நண்பர்கள் நிறையபேர் பிறந்தநாள் வாழ்த்து சொல்லும்போதுதான் தெரிஞ்சுது அவங்க பளோ பன்னிகிட்டுதான் இருக்காங்கன்னு. முக்கால்வாசி பேர் கேட்டது ஏன் பதிவெழுதுறதில்லன்னு.(அதனால ஒரு மினி பதிவு)

கடைசியாக நான் இட்ட பதிவு மக்கள் தலைவன் தோன்றும் காலம். கிட்டதட்ட நானும் ஒரு அரசியல்வாதியாகிட்டேன். ''நண்பர்கள் மன்னிக்கனும்னு"" பதிவெழுதுறதும் தொடர்ந்து அஞ்சாறு பதிவெழுதுறதும் மாதக்கணக்குல காணாமல் போறதும் இயல்பாகிடிச்சில்ல.(அரசியல்ல இதெல்லாம் சகஜமப்பா.. இப்ப பதிவுலகமும் அரசியல் நடத்துது..)

அவ்வப்போது நடக்கிற சுவாரஷ்யங்களை பதியனும்னு நினைப்பேன் பிறகு மறந்துடுவேன். எல்லாத்தையும் தூக்கி சாப்பிடும் என்னோட சோம்பேறித்தனம். எல்லாத்துலயும் இல்ல டைப்பன்றதுல ம்ம்ஹ்... இன்னும் சில விசயங்கள்ல அத பிறகு பட்டியல் போட்றன். கடந்த மாதங்கள் உழைப்போடும் கொஞ்சம் (நிறைய)ஓய்வாக இருந்தது அதிகம் என்பதால் மிஞ்சியது செல்ல தொப்பைதான். இப்போ குறைக்கிறதுக்;காக ஓடிக்கிட்டிருக்கேன்.(அதுவும் ரெண்டு நாள்தான்)

35ஆவது(நண்பர்கள் சிலரின் திருப்திக்காக) பிறந்த நாளில் வாய் நிறைய வாழ்த்து சொன்ன உறவுகளுக்கு நன்றிகள் கோடி.

வெற்றி வானொலியில் நான் தொகுத்து வழங்கும் புதிய நிகழ்ச்சி பற்றிய உணர்வுகளுடனும் இன்னும் சில கப்சிப்களுடனும் சந்திப்போம்.

மக்களின் தலைவன் தோன்றும் காலம்! தவறவிடாதீர்கள்.

2010-03-23T21:33:00.008+05:30

தவறவிட்டால் இன்னும் 6 வருடங்களின் பின் தான் தரிசனம் தருவார்.

உங்களில் ஒருவன். ஏழைகளின் தோழன், வறியவர்களின் சொந்தக்காரன் எல்லாவற்றையும் தாண்டி இம்முறை ஒரு வாசகம் கேட்டேன். மக்கள் மத்தியில் தோன்றும் தெய்வம்.(டுப்பாகூரு ராமசாமி அண்ணே சொன்னாரு).

ஏப்ரல் எட்டாம் திகதிக்கு பிறகு தெய்வங்களும் தோழர்களும் தரிசனம் தருவார்களா?

எந்திரன்ல ஒரு சூப்பர் பஞ்ச் இருக்காம் '' வாழ்க்கை கொடுக்கிறவன் வாக்காளன் வாய்கரிசி போட்றவன் வேட்பாளன்'' எப்படி இப்படி சொல்லலாம்? சூப்பர் ஸ்டாரு..... நல்லா இல்ல! நம்ம ஊர்ல எல்லாம் அப்டி இல்ல தெரியுமா....!

இப்படித்தான் நம்ம ஊர்ல ரொம்ப நாளைக்கு பிறகு 'ஸாரி பாஸ்' வருடத்துக்கு பிறகு ஒரு தெய்வத்தை பாத்துட்டு தம்பி அப்பிடியே செவப்பா கலரா இருக்கீங்கன்னு சொன்னாங்களாம். ''எப்பத்தான் திருந்தப்போறிங்களோ'' நானில்லை ராமசாமி அண்ணே உங்ககிட்ட கேட்டுட்டு அப்புறாம சொல்ல சொன்னாரு.

அப்புறம் நான் நினைச்சு நினைச்சு சிரிக்கிற இந்த திருவிழா காலத்து காமெடி ஒன்னு நீங்களும் சிரிக்கலாம்.

ஒரு கட்சித்தலைவர் பிரசாரக்கூட்டத்தில் சொல்றார்.

''என்ன செஞ்சிட்டாங்க பெருசா?

மேம்பாலம் கட்டியிருக்காங்க.. பெரிய பாலம் கட்டியிருக்காங்க..

என்ன நடக்குது...

அம்மாமார் பாலத்திலிருந்து குழந்தையை களுகங்கையில போடுறாங்க..''

கடைசியா அடுத்தவாட்டி நீங்களும் களத்துல நிற்கிறதா இருந்தா சின்னதா ஒரு எட்வைஸ் பெருசா தரலாம்.

முதல்ல ஒரு நல்ல பாட்டு தெரிவுசெய்து கொள்ளுங்கோ

விஜய் பட பாட்டாக இருந்தா ரொம்ப நல்லது உதவிக்கு ரெண்டு பாட்டு சொல்றேன் ''அர்ஜுனரு வில்லு'', ''நீ எந்த ஊரு நா எந்த ஊரு''

அடுத்து ஒரு பெரிய படிக்கட்டுல இருந்து வேகமா நடந்து வாங்கோ(கவனம் எங்கயும் விழுந்திடாதீங்க)

நாலு பேரு கூட்டி வைச்சு சும்மா கை நீட்டி ஏதாவது முக்கியமா சொல்லுற மாதிரி ரியாக்ஷன் கொடுங்க. யாரோடையாவது காரை கடனா வாங்கி பந்தாவா ஏறுங்க.

அம்புட்டயும் கெமராவில பதிவு செய்து கடைசியா ஒரு வாசகம் வைத்துக்கொள்ளுங்க. (உதவிக்குறிப்பு - உலகத்தலைவன்)

முக்கியமான ஒரு விசயம் திருவிழாவுக்கு நாலு மசத்துக்கு முதல்லயும் தொடங்கலாம். செலவில்லாம ஆடு அல்லது மாடு தையல் இயந்திரம் போன்றவற்றை ஒரு ரெண்டு மூணு பேருக்கு கொடுத்துட்டு அப்படியே போஸ் கொடுத்து பேப்பர்ல போடுங்க. குடும்பதுல அல்லது தெரிஞ்சவங்களா தெரிவு செய்தால் திருப்பி வாங்கி இன்னும் ரெண்டு மூணு பேருக்கு கொடுக்கலாம்.

நான் பொழுது போகலயேன்னு சும்மாதான் எழுதினேன். ஏதும் சீரியஸா எடுத்துக்காதீங்கோ.

'ஸாரி பாஸ்'

படைத்தவனையா சந்தேகப்படுவது?

2010-03-21T15:13:00.006+05:30

யாரையும் எந்த அமைப்பையும் புண்படுத்துவதற்காக எழுதும் பதிவல்ல,

இது அன்புள்ள நண்பனுக்காக,

மதங்கள் மனிதனை நல்வழிப்படுத்தவே. எந்த மதமாக இருந்தாலும் அத்தனையும் சொல்கிற ஒரு உண்மை இறைவன் ஒருவன் என்பதே. அவன் தேவையற்றவன், உலகத்தை படைத்தான் மனிதனுக்கு பகுத்தறிவை கொடுத்தான். பகுத்தறிவை கொடுத்தவனையே சமூதாயம் சந்தேகத்தோடு ஆராயத்தொடங்கிவிட்டது.

ஒரு நல்ல நண்பனின் அறியாமையை அறிய விளையும் பயணத்தில் அவனை சந்திந்தபோது வந்தது இந்த பதிவு. வாடா என்று விழிக்கும் அளவுக்கு நெருங்கிய நண்பன். அவன் கொள்கைகளுக்கு நான் என்றும் உடன் பட்டதில்லை. வழக்கமாக நாம் ஞாயிற்றுகிழமைகளில் சந்தித்து அரட்டையடிப்பதுண்டு. நல்ல ஒரு புத்தகப் பிரியன், புத்தகங்களுக்குள்ளே தன்னை தொலைத்துவிடுவான். இன்னைக்கு தெரியாம ஒரு புத்தகம் தா வாசிச்சிட்டு தாரேன்னு கேட்டேன். அவன் புத்தகங்களை காட்டிய பிறகு கேட்டதற்காக வருத்தப்பட்டுக்கொண்டேன். அவன் காட்டிய புத்தகங்களில் ஒன்று ''குருவைத்தேடு'' மற்றயது ''கடவுளை நம்பலாமா வேண்டாமா''

கடவுள் இல்லை என்று சொல்பவர்களில் இவனும் ஒருவன். இப்படிப்பட்டவர்கள் பல வழிகளில் செல்வார்கள். கடவுள் இல்லை என்று ஆராய்ச்சி செய்பவர்கள் ஒரு வகை. இருந்தா என்ன இல்லைன்னா என்ன என்று இருப்பவர்கள் சிலர். ஒரு விஷயம் சொல்லுவாங்க கடவுள் இல்லை என்கிறவனையும் நம்பலாம் இருக்குங்கிறவனையும் நம்பலாம் நான்தான் கடவுள்னு சொல்றானே அவனை நம்பவே கூடாதும்பாங்க. ஆனால் என்ன பொறுத்தவரையில இல்லைங்கிறவனையும் நம்ப கூடாது நான்தான கடவுள்ங்கிறவனையும் நம்ப கூடாது. மதங்கள் வழிகாட்ட வந்தவைன்னு சொல்றோம் அப்போ அதை மறுக்கிறவர்கள் வழிகேட்டில்தானே இருக்கனும்.

அறிவு ஆற்றல் ஆசை இவை ஒரு எல்லையை கடக்கும்போது முக்தி கிடைக்குமா முட்டாள் என்கிற பட்டம் கிடைக்குமா?

இறைவனின் அற்புதமான படைப்புகளை ரசிக்கலாம் அதை ஆராயலாம். அவனையே சந்தேகக்கண் கொண்டு ஆராயலாமா?

இந்த கேள்விகளுக்கு என்னிடம் பதில் இல்லை. ஆனால் இறைவனை முழுமையாக நம்புகிறேன்.

மத ரீதியானதல்ல ஒரு நல்ல பயிற்சி வகுப்பு இருக்கு வா என்று அண்மையில் வற்புறுத்தி அழைத்தான் மறுக்காமல் சென்றிருந்தேன். (அமைப்புகளையும் தங்களை தூதுவர்கள் என்று அழைத்துக்கொள்பவர்களையும் நான் நம்புவதில்லை)

600ரூபாய் கொடுத்து அப்ளிகேசன் நிரப்பிவிட்டு அமர்ந்து கொண்டோம். கோடை காலத்தில் எங்களை பாதுகாத்து கொள்வதற்கும் கவலைகளை குறைப்பதற்குமான வழிகளையும் சொல்லித்தர தொடங்கினார் குரு.

அந்த இரண்டு நாளின் அனுபவங்கள் சின்னதாய் சில விடயங்களை தந்தது. (வட போச்சேன்னு நினைக்கவும் வைச்சுது)

மப்பும் மந்தாரமுமான ஒரு மாலைப்பொழுது நானும் என் இரு நண்பர்களும் உள்ளே அமர்ந்து கொண்டோம். அதுல ஒருத்தர் நாத்திகர் மற்றவர் ஆத்திகர். ஒரு அழகான இடம், அந்த வீடு கட்டப்பட்டவிதமும் மனசுக்கு ஒரு அமைதியை தந்தது. இன்னும் பத்துபேர் வந்திருந்தாங்க.(அதனால கவலை இல்ல)

வசீகரமான ஒரு பேச்சும் ஒருவரின் மனதை வெல்லும் ஆற்றலும் பாடம் சொல்லித்தந்ந வெளிநாட்டவரிடம் நான் பார்த்தேன். மூச்சு பயிற்சியோட வகுப்பு தொடங்கியது. அது யோகா கலையின் அடிப்படையான சில முறைகள் இப்போ கூட செய்து பார்கிறேன் நல்லாதான் இருக்கு.

அடுத்து ரொம்ப இக்கட்டான ஒரு கட்டம், சிரிப்பு பயிற்சி சொல்லும்போதே அழைத்து வந்த என் நண்பனை ஒரு மாதிரி பார்த்தேன். வாய் விட்டு சிரிக்கச் சொன்னார் பரவாயில்லை சிரிச்சேன் அப்புறம் விவதாம் செஞ்சிகிட்டே சிரிங்கன்னாரு என்ன பன்ன வந்துட்டோமேன்னு சிரிச்சேன். அதுக்கு மேல முடியல விவதாம் செஞ்சிகிட்டே பக்கத்துல இருக்கவரோட சிரிக்கச்சொன்னார். என் பக்கத்துல அவன்தான் இருந்தான். சிரிச்சிக்கிட்டே சொன்னேன் 'வெளியில வாடா...'ன்னு. அப்புறம் ஏன் கேட்கிறீங்க சிங்கம் மாதிரி பூனை மாதிரி மில்க் சேக் பண்ற மாதிரி எப்படியெல்லாம் சிரிக்க முடியுமோ அவ்ளவும் பண்ணியாச்சு.

முடிச்சதும் சொன்னாரு ஒரு விடயம் சூப்பரா இருந்தது. அது நம்ம மனச ஏமாத்துற ஒரு வழி நீங்க கூட பண்ணலாம்.

சிரிக்கிறது உண்மையாவும் செய்யலாம் பொய்யாவும் செய்யலாம் அது மனசுக்கு தெரியாது உண்மையா பொய்யான்னு. எப்படி சிரிச்சாலும் உடம்பை புத்துணர்வடையச்செய்யும் ஹர்மோன் சுரக்கும் என்றார்.

காலையில எழும்பும்போதும் இரவு தூங்கும் போதும் சிரிச்சிகிட்டே இருங்கன்னாரு. அப்போ ஒருத்தர் 'யாராவது முட்டாள்னு சொல்லிட்டான்னு' ஒரு முக்கியமான கேள்வி கேட்டாரு. 'ஆமா நான் முட்டாள்தான்னு' சொல்லிட்டு நீங்க சிரிங்கன்னு ஈஸியா பதில் சொன்னார் அவர்.

அடுத்து கோடை காலத்தை சமாளிக்கிற பயிற்சி அது சொல்ல முடியாது. (அதுக்கு எனக்கிட்ட ஒ அப்ளிகேசன் இருக்கு... ஹி ஹி)

முதலாவது நாள் முடிய இரண்டாவது நாள் புதுசா ஏதாவது இருக்கும்னு நினைச்சேன் அதே படம்தான் ஸாரி பாடம்தான். அதுல நடந்த மேட்டரோட முடிச்சுகிறேன். கால்களை நீட்டி படுத்தபடி தான் சொல்வதை செய்யச்சொன்னாரு (முதல் நாளும் இது நடந்தது அனால் ஒரு பத்து நிமிடம்தான்) கண்களை மூடிக்கொண்டு ஒரு அரை மணிநேரம் படுத்தபடி பயிற்சியின் நிறைவில் மெதுவாக அமர்ந்து கண்களை மெதுவாக திறக்கச்சொன்னார். எல்லாரும் எழும்பிட்டாங்க யேன் பக்கத்துல இருந்த ஒருத்தர் தூங்கிட்டாரு (ஜயோ ஜயோ!)

மூணாவது நாள் பக்கமும் போகல. ஒரு சில நல்ல விடயங்களை படித்தேன் ஆனால் சரியான ஒரு பாடநெறியுடன் நடத்தப்பட்டால் வரவேற்கப்படும்னு நினைக்கிறேன்.

எப்படியோ இதுக்குபிறகு கூப்பிட மாட்டான்னு ஒரு சந்தோசம். உன்னிடம் இருக்கும் சொல்வளத்தை கண்டு நான் பிரமித்துப்போயிருக்கிறேன். ஒரு நல்ல நண்பனாக உனக்கு சொல்லக்கூடியது உன் தேடல்களின் திசையை மாற்று, வாழ்க்கையை நெறிமுறைகளோடு ரசிக்க பழகு அமைதி கிடைக்கும். காசு கொடுத்து சிரிக்க பழக வேண்டி இருக்காது.

இனிமேல் 600ரூபாய் கொடுத்து சிரிக்க கூப்பிட்டா மவனே!...

நிலா நீ வானம்! நான் தரை!

2010-03-06T20:13:00.007+05:30

அடேய் நல்லவனே உனக்குத்தானே ஆயிரம் விசிறிகள்

ஆரம்பமே அ(திர)டியாய் இருந்தது...

தலைநகரின் புழுக்கத்தில் தொலைத்த என்னை எங்கே தேடவா போகிறாய்?

(நிறுத்து) இனி நானே சொல்கிறேன்...

Chaட்டில் வந்து வாழ்த்தும் போதுதான் நீ அடித்த மிஸ்ட் கோல்கள் ஒன்றொன்றாய் ஞாபகத்தில் வருகிறது தோழி...

அடியே! ஏன் ரசனையை ரசிக்கும் ரசிகையே

அவ்வப்போது உன்னையும் ரசிக்கிறேன் Chaட்டில்...

ஆ! அதில் நான் உன் தீவிர ரசிகன் தெரியுமா?

நிலா நீ நட்சத்திரமில்லை ஆனால் நான் உன் ரசிகன்...

நிலா நீ நட்சத்திரமானால் ஊரே உனக்கு ரசிகர்கள்...

நான் மட்டும் இருந்துட்டுப்போறேன்...

நிலா நீ நட்சத்திரம்தான் என் வானத்திற்கு

தடுமாறும் போது வழிகாட்ட வருவாய் மறந்துவிட்டேன்

விழுந்தபோதுதான் தெரிந்தது நீ விடுமுறையில் போன கதை

ஓ! அப்போதாவது ஞாபகம் வந்ததேன்னு பெருமை படுகிறாய்

நான் அப்படியும் பட்டதில்லை

எனக்குள் கொஞ்சமும் ஈரமில்லை

என் இதயத்தில் பாசியும் படராது

சொன்னவள் நீ...

நான் சொல்கிறேன்...

இலட்சியத்தின் உச்சி தொட

கண்ணீரெல்லாம் வியர்வையாகி

நா வறண்டு போன என்னிடம் கவிதை பாடச் சொல்கிறாய்

அது எப்படிப் பாடுமம்மா?

இடையிடையே வரும் சின்னச்சின்ன சந்தோசங்களை மட்டும்தான்

என் சில்லறை உண்டியலில் சேமித்து வைத்திருக்கிறேன்.

நான் அங்கே வர நினைப்பதே கனவு

தூரத்திலிருந்தே உன்னை ரசிக்கும் ஏழை ரசிகன்

நிலா நீ எப்போது வருவாய் என் அருகே?

உன்னுடன் நிறைய பேசனும் சிரிக்கனும்

எந்த தோளில் சாய்வதென்ற குழப்பம் முன்பெனக்கு

தோளே இல்லை சாய்வதற்கு இப்போ எனக்கு

'யார் யாரோ நண்பன்' என்ற பாட்டு மட்டும் துணைக்கிருக்கு.

என் துயரம் சேர்த்து தாங்கி நீ அதிகம் துளையாகிப்போனாயோ

போதும் என் துயர் தொடர்

இன்னும் தொடர்ந்தால் Chaட்டிலும் வரமாட்டாய்

மிஸ்ட்கோலை பார்த்து நீ ஞாபகப்படுத்துகிறாய் என்கிற புன்னகை

என் உண்டியலை நிரப்பும்.

என் ஓட்டை விழுந்த இதயத்தால் உன்னை ரசித்துப்போகிறேன் இங்கே வராதே!

விண்ணைத்தாண்டி வருவாயா - என்னை அடிச்சுது இந்த காதல்.

2010-02-27T17:03:00.004+05:30

இந்த ஆண்டில்(2010) நான் எழுதும் முதல் பதிவு. திரைப்படத்துக்காக நான் எழுதும் முதல் விமர்சனம். அதை விட பதிவுலகில் காணமல் போய் இரண்டு மாதங்களுக்கு பிறகு என் முகவரி தேடி வருகிறேன்.

சகா லோஷனின் சுகயீனத்திற்கு நன்றி சொல்லி படம் பார்க்க வேண்டி ஆயிட்டு. சாரி பாஸ். ஏன்னா அவர் லீவ் போட்டதால நான் காலையிலயே வரவேண்டி ஆயிட்டு. என்னோட வழக்கமான தூக்கத்துக்கு ஆப்பு வைச்சுட்டு வந்த கவலை வேற. இருந்தாலும் நேரத்தோட வேலையை முடிச்சிட்டு விடிவி பார்க்க போயிட்டன். அதனாலதான் இந்த பதிவு.

கௌதம் மேனன் படம் என்பதால் கொஞ்சம் நம்பிக்கையோடு களம் இறங்கலாம். ஒஸ்கார் நாயகனின் இசை படத்தை பார்க்க வேண்டும் என்கிற எதிர்பார்ப்பை எனக்குள் ஏற்கனவே உருவாக்கி விட்டிருந்தது. மின்னலே படத்துக்கு பிறகு கௌதம் முழுக்க காதலை கருவாக வைத்து எடுக்கும் படம். அடிதடி இல்லாமல் வழக்கமான தமிழ் சினிமா மசாலா கலக்காத படமாகத்தான் இருக்கும்னு என்னை நினைக்க வைத்தது.

படம் வெளிவர முன் வந்த ஸ்டில்ஸ் எதிர்பார்ப்பை இன்னும் கூட்டியது. மின்சார கனவு படத்தில் வரும் வெண்ணிலவே பாடல் காட்சி போன்ற ஸ்டைலிலும் இன்னும் அலைபாயுதே, உயிரே, காக்க காக்க, கீதாஞ்சலி படத்தை மனத்திரையில் கொண்டுவரும் ஸ்டைலிலும் ஸ்டில்ஸ் வெளியாகியிருந்தது. இதில் ஒரு சிலவற்றை தவிர ஏனையவற்றை படத்தில் காணோம்.

இது தவிர மெக்கிங் ஒப் வி டி வி, அதில் கௌதம் சொன்ன இரண்டு விடயங்களை குறிப்பிட்டு சொல்லலாம். ஒன்று சிம்பவும் த்ரிஷாவும் காதலிப்பதை ரகசியமாக படம் பிடித்திருப்பதாக சொல்லியிருந்தார். இன்னுமொரு விடயம் படம் பாத்துட்டு வெளியில வாரவங்க கொஞ்சம் புன்னகையோடும் கொஞ்சம் கண்ணீரோடும் வந்தால் அதுவே இந்த படத்தோட வெற்றின்னும் சொல்லியிருந்தார். எனக்கு அது நடந்தது.

'விண்ணைத்தாண்டி வருவாயா' டைட்டிலை சுட்டதற்காக ரஜீவ் மேனனுக்கு(மின்சாரக்கனவு படத்தின் இயக்குனர்) நன்றி சொல்லி படம் டைட்டிலோடு தொடங்கியது.

''காதலை தேடிக்கிட்டு போக முடியாது...

அது நிலைக்கணும்...

அதுவா நடக்கணும்...

நம்மள போட்டு தாக்கணும்...

தலைகீழ போட்டு திருப்பணும்...

எப்பவுமே கூடவே இருக்கணும்...

அதான் ட்ரூ லவ்...

அது எனக்கு நடந்தது...

முன்னோட்டத்தில் வருகிற இதே வரிகள் படத்துல தொடக்கத்தில் நெரேஷனா வரும். அப்போதான் ஹீரோவை அடிக்கும் அந்த காதல். புதிதாக வாடகை வீடெடுத்து வருகிறார்கள் கார்த்திக்கும்(சிம்பு) குடும்பத்தினரும். மேல் மாடியில் குடியிருக்கிறார் உரிமையாளர். அவருடைய மகள்தான் ஜெஸி (த்ரிஷா).

சினிமாவில் இயக்குனராகும் கனவுடன் அலையும் கார்த்திக் மலையாளத்து கிறிஸ்தவப்பெண் ஜெஸீயைக் கண்டவுடன் காதல் கொள்கிறார். இங்கே கிறிஸ்தவப்பெண் என்பதை அடிக்கோடிட்டுக்கொள்ளுங்கள். கார்த்திக்கை விட ஜெஸி ஒரு வயது கூடியவள் (நிஜத்திலும் சிம்புவைவிட மூத்தவர் த்ரிஷா) இதை ஞாபகப்படுத்தவே 'உனக்கு 81 வயதாகும்போது எனக்கு 80, எனக்கு 49ஆகும் போது உனக்கு 50' என்பதை இருமுறை சொல்லிக்காட்டுவார்.

சிம்பு படம் முழுக்க அழகாகத் தெரிகிறார். ஏன் த்ரிஷாவும் கூட அழகாத்ததான் தெரியிறாங்க. ஒரு சில க்ளோஸ்அப் காட்சிகளில் ஒப்பனையில் ஒரு சின்ன குறை தெரிகிறது. படத்தில் இருவருக்கும் சாதாரணமான ஆடைகள்தான். ஆடம்பரமான ஆடைகளில் த்ரிஷாவை பார்த்தவர்களுக்கும், அடிதடி பஞ்ச் வசனங்களோடு சிம்புவை பார்த்தவர்களுக்கும் ஜனாதிபதி தேர்தலில் ஓட்டு போட்ட கதைதான். இருந்தாலும் கௌதம் ஏற்படுத்திய இந்த மாற்றம் இருவருக்கும் ப்ளஸ்பொயின்டாகத்தான் இருக்கும்.

படத்தில் வருகிற ஒரே ஒரு சண்டை காட்சியும் அவ்வப்போது வருகிற சின்னப்பஞ்சும் சிம்பு ரசிகர்களை திருப்திபடுத்தும். சாதாரண ஆடைகளாக இருந்தாலும் த்ரிஷh செக்ஸியா(சிம்பு ஸ்டைலில்) தெரிகிறார்.

அலைந்து திரியும் காதலன் கார்த்திக் திடீரென்று காதலை சொல்வதும் பிறகு நண்பர்களாவதும் என்று வித்தியாசமாக நகரும் கதையில் சிம்புவும் த்ரிஷாவும் மனதில் நிறையும் அதே நேரம் சிம்புவுடன் அனேக காட்சிகளில் ஒளிப்பதிவாளராக வரும் கணேஷ;(படத்தின் தயாரிப்பாளர்களில் ஒருவர்) தன் பங்கை சரிவர செய்திருக்கிறார். இடையிடையே இயக்குனராகவே வரும் கே.எஸ்.ரவிக்குமாரின் நக்கலை ரசிக்கலாம். கௌதம் ஸ்டைலில் தமிழ் ஆங்கிலம் கலந்த வசன நடையுன் நகரும் காதல் கதையில் விறுவிறுப்பான முதல் பாதியின் நிறைவில் ஜெஸிக்கு திருமணம் நிச்சயமாகிறது. இரண்டாவது பாதி சில இடங்களில் படம் எப்ப முடியும் என்கிற உணர்வைத்தருகிறது.

சரணம் பல்லவி என்கிற வழக்கமான இசை வடிவத்தில் மாற்றத்தை தந்த ஒஸ்கார் நாயகன் ரஹ்மானுக்கு பாராட்டுக்கள். படத்தில் டைட்டிலில் ரஹ்மான் பெயர் காண்பிக்கும் போது திரையரங்கில் இருந்த கைதட்டல் அவர் இசைக்காகவும் படம் பார்க்கிறாங்க என்பதை புரிய வைத்தது. பின்னணி இசை படத்துக்கு பக்க பலம். 'மன்னிப்பாயா', 'ஆரோமலெ', 'ஹோசானா' பாடல்கள் அற்புதம்.

தாமரையின் பாடல் வரிகள் கதையோடு பயணிக்கின்றன. ஒரு கன்னத்தில் அறைந்தால் மறு கன்னத்தை காட்டச் சொல்லும் யேசு நாதரின் தத்துவத்தை மன்னிப்பாயா பாடலில் வித்தியாசமா சொல்லியிருக்கிறார்(கண்டுபிடிங்க).

மனோஜ்ஜின் கெமரா இயல்பாக அழகை காட்டியிருக்கிறது.

இயக்குனர் யார் என்று தெரியாமல் படம் பார்த்தாலும் முடிவில் சொல்லிடலாம் இது Film by கௌதம் மேனன் என்று.

நிறையபேர் படம் பாத்திருக்க மாட்டீங்கன்னு நினைக்கிறேன். அதனால் இன்னும் சில முக்கிய விடயங்களை சொல்ல முடியாமல் விழுங்குகிறேன்.

''காதலை தேடிக்கிட்டு போக முடியாது...

அதுவா நடக்கணும்...

'என்னை அடிச்சுது இந்த காதல் உங்களையும் அடிக்கும்னு நினைக்கிறேன்.'

கௌதம் மேனன் தொடர்பான என்னுடைய பழைய பதிவு

ஆபத்தான ஆடுகளம்.

2009-12-28T00:44:00.006+05:30

இன்று (27.12.2009) ஞாயிற்றுக்கிழமை ஒரு நாள் தொலைக்காட்சி ரசிகனாக மாறி ஏமாந்த கதை! ஒரு ஊடகவியலாளன் ரசிகனாக இருக்க வேண்டியது அவசியம். அப்போதுதான் அவன் நல்ல ஊடகவியலாளனாக வர முடியும். இன்று ஒரு நாள் முழுமையாக மாறிப்பார்த்தேன்.

ஒரு சில வேலைகள் மட்டுமே இருந்ததால் இலங்கை இந்திய அணிகளுக்கிடையிலான 5ஆவது ஒரு நாள் போட்டியை ரசிக்கலாமென்று முதல் நாளே யோசித்திருந்தேன். வருடத்தின் கடைசி ஒரு நாள் போட்டி கைவிடப்படும்னு யார் நினைச்சா? நேந்து விட்ட ஆடு விஜய் படத்தை பார்க்க போற மாதிரி இப்போட்டி முடிவு தீர்மானிக்கப்பட் ஒன்று. ஏற்கனவே தொடரை 3-1 என்ற கணக்கில் கைப்பற்றி இருந்தது இந்திய அணி. இருந்தாலும் ''அது போன வாரம்'' ன்னு வடிவேலு ஸ்டைல்ல எவ்வளவு அடிச்சாலும் தாங்குறாங்களேன்னு தைரியமா பாக்கலாம்னு உட்கார்ந்தால் முதலாவது பந்திலே போல்ட் செய்யப்பட்டார் தரங்க. டில்சான் ஜயசூரிய இருந்த நம்பிக்கையில் உறுதியாக அமர்ந்திருந்தேன். மிட் நைட் மசாலா சிக்கலுக்கு நான்காவது போட்டியில் துப்புக் கொடுத்த இருவரும் இந்த போட்டியிலும் சொதப்பிருவாங்களோன்னு ஒரு சந்தேகம் வேற. அதாங்க நான்காவது போட்டிக்கு முதல் நாள் அதிகாலை இரண்டு மணி வரை இரவு விடுதியில் ஆடிப்பாடிவிட்டு வந்ததா சொன்னாங்களே. அந்த படங்கள் வலையுலகில் வட்டமடிப்பதாய் அறிந்தேன்(ஆர்வமுள்ளவங்க தேடிப்பாருங்க).

கூப்பிட்டு அடிக்கிறீங்களே நியாயமா?

தில்சான் சனத் இருவரும் சந்திந்த பந்துகள் வழக்கத்துக்கு மாறாக இருந்தன. இருவரும் இந்திய வேகப்பந்து வீச்சாளர்களின் பந்துவீச்சில் காயமில்லாமல் பந்து உடம்பில் பட்டு வேதனை கண்டது வருத்தம் தந்தது.

ஐயோ அம்மா இனி இந்த பக்கமே வரமாட்டேன்டா சாமி!

இலங்கை அணியின் விக்கட்டுக்கள் அடுத்தடுத்து சரியத் தொடங்கியது. 5 விக்கட்டுகளை இழந்து துடுப்பெடுத்தாடிக் கொண்டிருந்தது இலங்கை அணி. அப்போது தான் ஆடுகளம் தன் நிஜ ரூபத்தை வெளிப்படுத்தியது. ஆரம்ப துடுப்பாட்ட வீரர்கள் பந்துக்கு முகம்கொடுப்பதில் சிரமப்பட்டதை தொடக்கத்தில் அவாதானிக்கக் கூடியதாய் இருந்தது. ஆடுகளத்தில் பதிகிற பந்து வழக்கமாக மேலெழும்பும் அளவை விட உயரமாக வந்ததால் 23ஆவது ஓவரில் போட்டி நிறுத்தப்பட்டது. க்ளைமெக்ஸில் போட்டி நடுவர்கள், வீரர்கள், பயிற்றுவிப்பாளர்கள் எல்லாருமா கூடி என்னோட ஞாயிற்று கிழமை உல்லாசத்துக்கு கும்மியடிச்சிட்டாங்கப்பு. கொல்டா ஆடுகளம் துடுப்பாட்டத்துக்கு ஆபாத்தானதாக கருதி போட்டி கைவிடப்பட்டது.

இந்தியா தோத்துப்போனா வீரர்கள் வீட்டுக்குத்தான் கல்லடிப்போம் இப்பதான் மைதானத்துக்கு அடிக்கிறோம். ஐ ஜாலி!

கொல்டா மைதானம் மோசமான ஆடுகளம் என்று பல முறை விமர்சனத்துக்குள்ளாகியிருந்தமை குறிப்பிடத்தக்கது. 1997ம் ஆண்டு ஏற்கனவே ஒரு போட்டி கைவிடப்பட்டிருந்தது. கடந்த ஒக்டோபரில் நடந்த செம்பியன்ஸ் லீக் போட்டியின் போதும் கவுதம் கம்பீர் இம்மைதானத்தை விமர்சித்திருந்தார்.

இந்த லட்சனத்துல 2011 உலகக்கிண்ண போட்டி இங்கும் நடக்குமாம். அடுத்த சர்வதேச போட்டித் தொடர்களுக்கு முன் இந்திய கிரிக்கட் சபை மைதான ஓழுங்கமைப்புகள் தொடர்பாக கவனம் செலுத்தினால் நல்லது இல்லைன்னா திடீர்ன்னு கரன்ட் கட்டாகிடும்.

+++++

தொலைக்காட்சியில் அலைவரிசை மாற்றிக்கொண்டிருந்தேன். திடீர்னு பாத்தா ஏதோ வாக்கு வாதம் நடந்துகிட்டிருக்கு. ரிமோட் கொன்ரோலை உட்கார வைச்சிட்டு வேடிக்கை பார்த்தேன். (எங்க வீட்ல கேபிள் TV கிடையாது)

நட்சத்திர பாடகர் தெரிவாம். ஒருத்தர் பாடுறாரு அப்புறம் நிகழ்ச்சி நடத்துறவரு நடுவர் கிட்ட கேள்வி கேட்குறாரு அதுவும் எடக்கு முடக்கான கேள்வி. குறித்த ரெண்டு பேருல யாரு தெரிவாகுவாங்க? sms முடிவு வேற மாதிரி சொல்லுதே. அதுக்கு அந்த நடுவர் சொன்ன பதில் sms ஐ வைத்து முடிவு பன்றதா இருந்தா நடுவர்கள் எதற்கு?

நியாயமான கேள்வி. பாட்டு பாடுற நடுவர் ஐயா உங்க பதிலுக்கு பிறகு தானே புரிஞ்சது உங்க ட்ராமா.(இந்த படத்த ஏற்கனவே நாங்க பாத்துட்டோம்ல) ஓரிரு வாரத்துக்கு முதல்ல சிங்கள அலைவரிசை பாட்டு போட்டியிலயும் இதே மாதிரி ஒரு வாக்குவாதம் அந்த நடுவர் சொன்னதும் இதே பதில்தான் தொகுப்பாளர் கேட்டதும் இதே கேள்விதான். (ரீமேக்கா இருக்கும் போல)

வருந்தத்தக்க அணுகு முறை.

இப்படித்தான் பர்வையாளர்களை அதிகரிக்கனுமா? போட்டியாளர்களும் நடிகர்களா இருக்க மாட்டாங்களான்னு என்ன உறுதி?

முடிவு தீர்மானிக்கப்பட்ட ஒரு போட்டியா இருக்க வாய்ப்பில்லையா? sms அனுப்புகிறவர்கள் முட்டாள்களா?

நடுவர்களாக வந்தவர்கள் இலங்கை பாடகர்களா அல்லது நடிகர்களா? (நடிக்க வந்த பாடகர்களா, பாட வந்த நடிகர்களா? குழப்பமா இருந்தா விட்டுறுங்க)

இதுவும் ரொம்ப ஆபத்தான ஆடுகளம் இல்லையா?

ஏற்கனவே இந்த மாதிரியான நாடகத்தை தமிழகத்தின் அலைவரிசைகள் அரங்கேற்றி மூக்குடைந்த கதை உலகறிந்த விடயம். ஒரு அலைவரிசை சிம்ரனையும் இன்னுமொரு அலைவரிசை சிம்புவையும் வாடகைக்கு அமாத்தியது எங்களுக்கு தெரியாதா. தயவுசெய்து தொலைக்காட்சி ரசிகர்களை ஏமாற்ற வேண்டாம். சந்தையை பிடிக்க இதைவிட பல நல்ல வழிகள் இருக்கின்றன.

இருந்தாலும் இலாப நோக்கத்திற்காக சந்தையை முறை தவறி கையாளும் பலரும் நம் மத்தியில் இருக்கிறம்.

வேட்டைக்காரன் சொதப்பினால்?

2009-12-17T00:33:00.004+05:30

அழகிய தமிழ் மகன், குருவி, வில்லு மூன்று டப்பா படங்களுக்கு பிறகு இளைய தளபதி தருகிற 49வது படம் வேட்டைக்காரன். விட்ட தவறுகளை திருத்தி தன்னை நிலை நிறுத்திக்கொள்வாரா இல்லை அரைத்த மாவையே திரும்ப அரைத்து வெறுப்பை சம்பாதித்துக்கொள்வாரா. அரைச்சதத்தை பூர்த்தி செய்யப்போறவர் தோனி ஸ்டைலில் சிக்ஸ்சரோடு பூர்த்தி செய்தால் தான் பார்க்க நல்லா இருக்கும். வேட்டைக்காரனின் வெற்றி தோல்வி விஜயின் திரைத்துறையை மாத்திரமன்றி பலரையும் பாதிக்கும்னு நான் நினைக்கிறேன்.

என்னதான் ரீமேக்கோ அல்லது சும்மாவோ வந்த படங்களின் பெயரை திரும்ப வைப்பதில் எனக்கு உடன்பாடில்லை சின்ன ஒரு உதாரணம் வேட்டைக்காரன் இது MGR நடித்து வெளியான ஒரு சூப்பர் ஹிட் படம் இணையத்தில் இந்தப்படம் தொடர்பனா தகவல் தேடுபவர்கள் சிரமப்படுவார்கள். வேட்டைக்காரன் என்று டைப் செய்து ஏதாவது ஒரு தேடு பொறியில் தேடிப்பாருங்க இளைய தளபதியின் வேட்டைக்காரன் தான் முதல் 10 பக்கங்களில் வந்து நிற்கும். அதை விட வருகிற சந்ததிக்கு பழைய படம் ஞாபகத்திற்கு வராது.

எங்கேயோ ஒரு கிராமத்துல இருந்து டவுனுக்கு வாறீங்களாம் வந்தவரு பொளப்ப பார்க்காம சமூகத்துல நடக்கிற அநியாயத்தை தட்டி கேட்கிறீங்களாம். அது மட்டுமில்ல ஒரு ஆட்டோ சாரதியா வேற வாறீங்கன்னு இப்பவே நக்கலடிக்கிறாரு ராமசாமி அண்ணே. இந்த கதையை கேட்டா ரெண்டே வாரத்துல ஜெம்ஸ் கெமரூனின் அவதார் அள்ளிரும் போல இருக்கே.

தன் குரு நாதர் தரணி, குருவி படத்தில் பறக்கவிட்ட தளபதியின் புகழை கட்டிக்காக்க வந்த சிஷ்யன் இயக்குனர் பாபு சிவனுக்கு(குருவி - உதவி இயக்குனர்) இது முதல் படம். சொதப்பினால் அடுத்த படத்துக்கு ஐயா! அம்மா!

ரெண்டு படத்தில் தமிழில் அறிமுகமான அனுஸ்கா விஜய்யுடன் நடிக்கும் முதல் படம் சொதப்பினால் அருந்ததியில் கிடைத்த பெயரும் அம்போ!

40 கோடி இந்திய ரூபாய் செலவாம் அடப்பாவமே இந்தப்படத்துக்கு இவ்வளவான்னு கேட்க மாட்டேன். ம்ம்ஹ் நம்ம மஹிந்த ராஜபக்சவிற்கு கொடுத்திருந்தா போஸ்டர் ஒட்டியே முடிச்சிருப்பார்.தயாரிப்பளர்கள் பாலசுப்ரமணியமும் குருநாத்தும் வேட்டைக்காரன் புட்டுகிட்டாலும் சூப்பர்னுதான் சொல்லுவாங்க ஏன்னா முற்கூட்டியே படத்தை சன் பிக்சர்ஸ்க்கு வித்துட்டாங்களே. சொதப்பினால் சன் பிக்சர்ஸ் நிலமை வழமையைவிட(வழக்கமா இவங்க டப்பா படத்துக்கும் டெரராதான் கூப்பிடுவாங்க) அம்மா பாருங்க ஐயா பாருங்க! தம்பி பாருங்கன்னு கால பிடிக்காத குறையாதான் இருக்கும்.

விஜய் அன்ரனி புண்ணியத்துல கொஞ்சம் ஓடும்னு எதிர்பார்க்கிற நேரத்துல சின்னத்தாமரை பாடல் காட்சியில் வந்து பயமுறுத்துறாரே தளபதி. படம் வர முதல்ல இவ்வளவு சொல்லக்கூடாது இருந்தாலும் சொதப்பினால் பாவம் சதீஸ் இன்னும் நம்பிக்கிட்டிருக்கான்.

ஏற்கனவே பக்கம் பக்கமாக விமர்சனம் எழுதியவர்கள் நாளை ஊகம் சரியான சந்தோசத்தில் மிதக்கப்போகிறார்கள். படம் ஊத்திகிச்சின்னா அதை கொண்டாட காக்கா பிர்யானி வாங்கி கொடுப்பாங்க முக்கியமா நம்ம லோஷன் அண்ணா 5ருபாய்க்கும் ஆயிரம் தடவை யோசிப்பாரு இருந்தாலும் கவலையே இல்லாம யோகட் வாங்கி கொடுப்பாரு.

விஜய் அண்ணே இம்புட்டு மேட்டர் இருக்கு கவுத்துடாதீங்கோ! வேட்டைக்காரன் சொதப்பினால் சுறாவுக்கு கூட்டம் வராது.

இன்னும் வெளிவராத வேட்டைக்காரன் படத்திலிருந்து "நான் அடிச்சா தாங்க மாட்ட" பாடலை முழுமையாக ரசிக்க இங்கே சொடுக்கங்கள்

நாளை படத்தை யாராவது பார்த்தால் மறக்காமல் சொல்லுங்கோ.

இருக்கிறம் - அசிங்கம்

2009-12-10T13:39:00.002+05:30

பசியில் தவிக்கும் மாடு உணவில்லாமல் போஸ்டர் சாப்பிடும் கதையாகிவிட்டது இருக்கிறம் சஞ்சிகை.

இருக்கிறம் பகிரங்கமாக மன்னிப்பு கோர வேண்டும்!

01-15-12-2009 இதழில் 50ம் பக்கம் வந்திருக்கும் ''ஊடக மயக்கம்'' கட்டுரை இருக்கிறம் சஞ்சிகையின் நிலையை காட்டியிருக்கிறது. யாரோ ஒருவர் எழுதிக்கொடுத்தார் என்பதற்காக (உங்கள் சஞ்சிகையில் இருக்கும் ஒலி ஒனி ஊடகவியலாளர்கள் அப்படி இருக்கலாம்) ஒட்டுமொத்த இலத்திரனியல் ஊடகத்துறையும் இப்படித்தான் இருக்கும் என்று பிரசுரிக்க நீங்கள் யார்?

தூசனத்தில் எழுதிக்கொடுத்தாலும் பிரசுரிப்பீர்களா? இருக்கிறமின் கீழ்த்தரமான விற்பனை தந்திரம் இது.

வரலாற்று தவறுகளை சுட்டிக்காட்டும் அளவுக்கு எழுதியவரது அனுபவம் கேள்விக்குறியானது.

எழுதியவர் அப்படி இருந்ததற்காய் ஒட்டு மொத்த ஒலி ஒளி ஊடகத்தையும் குறி வைத்து சுடுவது பயிற்சியில்லாமல் துப்பாக்கி தொடுகிற ஒருவரின் நிலையை காட்டுகிறது.

சம்பாத்தியம் அதிகம் இல்லாவிட்டாலும், அற்ப சொற்ப சம்பாத்தியங்களுக்காக வேண்டாத வேலையைச் செய்து கொண்டிருக்கிறார்கள்

யார் செய்கிறார்கள்? பெயர் குறிப்பிட்டு சொல்லுங்கள்.

இப்போது மழைபெய்யாததற்கு இதுகூட காரணமாம் நீங்கள் வானிலை அவதான நிலையத்தில் வேலை பார்க்க வேண்டிய ஒருவர்.

அத்தனை அசிங்கங்கள். அதிலும் குறிப்பாக அறிவிப்பாளர்கள் புரியும் மாய லீலைகள், மந்திரங்கள், தந்திரங்கள் கொஞ்சமா? நஞ்சமா?

எங்கே நடக்கிறது அதையும் சொல்லியிருக்கலாமே. எழுதி கொடுங்கள் அதையும் பிரசுரிப்பார்கள்.

மீன் மலிந்தால் சந்தைக்கு வருமே அதுபோலவாம் தற்போதைய அறிவிப்பாளர்கள்

மலிந்து சந்தைக்கு வந்தது உங்கள் சஞ்சிகையில் வந்திருக்கும் குப்பைகள்தான். இலவச இணைப்பாய் தமன்னாவை காட்டிதான் உங்கள் சஞ்சிகை விற்பனையாகிறது.

வாழ்வின் ஒவ்வொரு வினாடியையும் வீணாக்கும் இந்தத் தொழில் தேவைதானா?

தேவைதான். எனக்கு தேவை அத்தனை வினாடிகளும் எனக்கும் திறமையுள்ள ஊடகவியலாளர்களுக்கும் முக்கியமானவை.

ஆடத்தெரியாத ஒருவரின் கவலையை அரங்கேற்றிய சஞ்சிகைக்கு ஆழ்ந்த அனுதாபங்கள். திறமையுள்ளவர்கள் எங்கும் நிலைத்து நிற்பார்கள்.

சக பதிவர் லோஷனின் பதிவு

http://loshan-loshan.blogspot.com/2009/12/blog-post_10.html

கியூபாவின் கண்ணீர் கனவுகள்.

2009-11-18T23:06:00.006+05:30

::யாவும் கற்பனை::

கொஞ்(ச)சும் மழை, காது நோகாம ஒரு பாட்டு, நெடுந்தூரம் யாருமில்லை கால் நீட்டி வண்டி ஓட்டுற சுகம் இதை விட வேற என்ன வேணும் மது?. ஆஹா பிராமதம்! சோடா புட்டிக்கு ரசிக்கவும் தெரியுதுன்னு சொன்னாள் மது. லூசுத்தனமா எதச் சொன்னாலும் ஆஹா போட நீ இருக்கும் போது செவேரோ சாதூயை மிஞ்சிடுவேன் பாரேன்னு பதில் சொன்னான் ராகுல்.

செவேரோ கியூபாவின் பிரபல கவிஞர்களில் ஒருவர். ராகுலுக்கு ஆறு வயது இருக்கும் போதே அவன் பெற்றோர் கியூபாவின் சென் நிக்கலோஸில் குடியேறிவிட்டார்கள். இவன் அடிப்படை கல்வியை பெற்றது இங்குதான். ஸ்பெய்னின் காலநித்துவத்தில் கசங்கிப்போன சுவடுகளில் இருந்து மீளாத கியூபாவைப்போல அவன் ரசனைகளும் பழக்க வழக்கங்களும் வருடங்கள் 19 கடந்தும் மாறவில்லை.

தாயகத்தை இன்னும் அவனுக்கு ஞாபகப்படுத்த இருக்கும் ஒரே ஒரு சொத்து மது. கம்பியில்லாமல் காற்றில் வாகனத்தை செலுத்திக் கொண்டே கதை சொல்லும் ஒரு வழக்கம் ராகுலுக்கு கார் வாங்கிய பிறகு.

''ரெண்டு மூனு நாளா உன்ன மாதிரியேதான்'' என்று வாய் திறந்தவன் மூடுவதற்குள் ''என்ன என் மாதிரியான்னு?'' கேட்டு முடித்தாள் மது. ''ம்ஹ்ஹ்; அழுது கிட்டே இருக்கு வானம்'' எப்பவும் அவளை கிண்டலடிப்பதில் அவனுக்கு அப்படி ஒரு ப்ரியம்.

காலையில் எழுந்து கடன் தீர்த்து அலுவலகம் செல்வதும் மாலை வீடு திரும்புவதும் தவிர ராகுலுக்கு இருக்கும் ஒரே ஒரு தனிமை கில்லர் மது. அலுவலகத்திற்கும் வீட்டிற்கும் இடையிலான தூரம் 40 நிமிடங்கள். இந்த இடை வெளியில் அவன் கொட்டித்தீர்க்கும் வார்த்தைகள் ஏராளம்.

''எனக்கென்ன கவலை மது ஓபீஸ் - வீடு - ஓபீஸ் வீடுபோனால் என்னை காதலிக்க டீட் டீட் டீட் டீட '' தொடர்பு துண்டிக்கப்பட்டது.

மீண்டும் அழைத்தால் ஸ்பெனிஸ் மொழியில் ஒரு பெண் குரல்.

''நீங்கள் அழைத்த வாடிக்கையாளருடன் தொடர்பினை ஏற்படுத்த முடியவில்லை''

தொடரும்....

யார் நாயகன்? கமல், மணி, ராஜா

2009-11-10T00:11:00.005+05:30

ரொம்ப நாளைக்கு பிறகு ஏற்கனவே பலமுறை பார்த்த நாயகன் படத்தை மீண்டும் பார்த்து முடித்தேன். எல்லா படங்களையும் பல தடவை பார்க்க முடியாது ஆனால் சில படங்களை எத்தனை தடவை வேண்டுமானாலும் புதிதாய் பார்க்கலாம் (பாட்ஷா,முதல் மரியாதை, படையப்பா). அப்படியொரு படம் இது.

நாயகன் படத்த ஒவ்வொரு தடவை பார்க்கும் போதும் புதுசா ஏதாவது தோணும். அந்த காலத்தில் மும்பை தாரவியில் வாழ்ந்த வரதராஜ முதலியார் என்கிற ஒருவரின் உண்மைக் கதையாம் நாயகன் தெரிந்தவர்கள் சொன்னார்கள்

நாயகன் திரைப்படம் கமல் நடிப்பை சிறப்பாக வெளிக்காட்டிய படம் அல்லது மணிரத்னம், கமலுக்குள் இருந்த நடிப்பை வெளிக்கொண்டு வந்த படம் எப்படியும் சொல்லலாம்.

நாயகன் படத்தில் வாலிபனாகவும் முதுமை பருவத்திலுமான இரண்டு தோற்றத்திலும் நடிப்பிலும் சரி பொடி லெங்க்வேஜிலும் சரி வேலு நாயகராக வாழ்ந்திருக்கிறார் கமல்ஹாசன்.

கமல்ஹாசன், மணிரத்னம் இவர்களோடு சரிசமமாக நாயகன் படத்துக்கு பின்னணி இசையாலும் பாடல்களாலும் பங்களிப்பு செய்த இளையராஜா பாராட்டப்பட வேண்டியவர்.

டைம்ஸ் இதழின் சிறந்த 100 படங்களில் இடம் பிடித்த நாயகன் படத்தை இன்னுமொருமுறையும் பார்க்கலாம்.

இப்படிப்பட்ட ஒரு படத்தில் எப்படி ஒரு நாயகனை தேடுவது...

நான் ரசித்த சில காட்சிகள்

# பொலிஸ் அதிகாரி கமல் மீது தண்ணீரை பாய்ச்சும்போது தனி ஆளாக நிற்பது. பிறகு பொலிஸ்காரர் அடிக்கப்போறியான்னு கேட்கும் போது அதற்கு கமல் ''நான் அடிச்சா நீ செத்துருவ''ன்னு சொல்வது

# க்ளைமெக்ஸில் கமலின் பேரன் நீங்க நல்லவரா கெட்டவரான்னு கேட்பான் அதுக்கு ''தெரியலேயப்பா''ன்னு வேலு நாயக்கர் சொல்வார்.

வேலுநாயக்கரை சாரு கேள்வி கேட்கும் காட்சி

# நீங்க யாரு எது தப்பு எது சரின்னு பார்த்து தண்டனை கொடுக்கன்னு மகள் கேட்க வாக்குறுதி கொடுத்துட்டேன்பாரு வேலுநாயக்கர்.

# தப்பில்ல, நாலு பேர் சாப்பிட ஒதவும்னா எதுவுமே தப்பில்ல..

# நிறுத்தவே மாட்டீங்களா? நிறுத்துறேன் அவங்கள நிறுத்தச்சொல் நான் நிறுத்துறேன்...........

நீங்க ரசித்ததையும் சொல்லுங்கோ.........

ஐயோ நானில்லை மழைத்துளி !

2009-11-08T15:01:00.005+05:30

ஞாயிறு மாலை ஜன்னலோரத்தில்

(கவிதை எழுத) தெரியாமல் ஒரு கவிதை எழுதுகிறேன்

மழையுடன் மப்பும் மந்தாரமுமாய் வானம்

என் வீட்டுச்சாலையோரம் எங்கும் ஒரே அமைதி

ரசிப்பதற்கு ஒன்றுமில்லை பஞ்சவர்ண குடைகளும் கூட

திரும்பும் போது ஒரு மழைத்துளி என் முகத்தில்

தேடினேன் எங்கிருந்து வந்ததென்று

ஆ! அங்கே ஒரு மின் கம்பம்

கம்பி நெடுவே தப்பிப் பிழைத்த சில துளிகளும்

தற்கொலை செய்து கொள்கின்றன

என்னை தேடி வந்த மழைத்துளி என்ன சொல்ல வந்தது?

நீ சொல்லாத ஒன்றை கேட்டுக்கொண்டிருக்கிறேன்.

நியாயமில்லாமல் காரணமில்லாமல் கனவுகள் ஆயிரம்

யாருக்கு தெரியும் யார் கண்பட்டதோ

இந்த நகரத்தில் இனி எனக்காக யார்

காதல் செய்ய யாருமில்லை

வலிகள் ன ந ப

க ந வாக்குறுதி

ன மௌனம் அ

தடுமாறிப்போனேன் மழைத்துளியா இது !

குறிப்பு :- மழைத்துளி எழுதியதால் காய்ந்து போயிருக்கும் தேட வேண்டாம்.

இது ஜிஹாதா? கோழைத்தனமா?

2009-11-07T21:10:00.007+05:30

Fort Hood பாதுகாப்பு தளத்தில் ஹஸனின் துப்பாக்கி முனையில் 13 பேர் பலியான நிகழ்வு ஆட மேடை தேடியவனுக்கு வழி அமைத்து கொடுத்துவிட்டது.

அமெரிக்க பாதுகாப்பு தளங்களில் ஒன்றான Fort Hood இல் பாதுகாப்பு உத்தியோகத்தராக கடமை புரியும் நிடால் மலிக் ஹசன் சக பாதுகாப்பு அதிகாரிகள் மீது மேற்கொண்ட ஆத்திரத்தின் வெளிப்பாடு. கட்டியெழுப்பபடும் நல்லிணக்கப்பாடுகளை சீர்குலைக்கும் இன்னுமொரு செப்டம்பர் 11.

பாதுகாப்பு தளத்தில் நுழைந்த ஹசன் தான் சொந்தமாக வாங்கிய துப்பாக்கியில் சம்பவ தினம் மருத்து பரிசோதனைக்காகவும் இன்னும் பல காரணங்களுக்காகவும் வந்திருந்த பாதுகாப்பு வீரர்கள் மீது '' இறைவன் மிகப் பெரியவன்'' எனக் கோசமிட்டபடி வேட்டுக்களை தீர்த்தான். 13 பேர் தளத்தில் பலியானதுடன் 30 பேர் படுகாயமடைந்தனர். கண்மூடித்தனமான தாக்குதலை பலரும் இஸ்லாமிய தீவிரவாதம் அல்லது ஜிஹாத் என்று பெயர் வைத்து கருத்து சொல்வது வேதனைக்குரியது.

ஜிஹாத் என்றால் என்ன? நிராயுதபாணிகளையும் பெண்களையும் கொலை செய்வதா?

சமயத்தோடு தீவிரவாதத்தை தொடர்பு படுத்துவது சரியானதா?

இப்படி பல கேள்விகளும் வேதனைகளும் உள்ளே புதைந்து போய் கிடந்தாலும், உன் போனற மந்த புத்தியுள்ளவாகளால் அவை வெளிக்காட்டப்படும் விதம் ஒட்டு மொத்த சமூகத்தின் மீதான வெறுப்புக்கு கதவு திறக்கிறது.

சம்பவத்திற்கு பிறகு ...

வெள்ளிக்கிழமை பிரார்த்தனைகளின் போது பள்ளிகளுக்கருகில் அதிக பாதுகாப்பு ஏற்பாடுகள்...

உண்மையான முஸ்லிம் அமைப்புகளுக்கு ஈமெயில் மூலமாக மரண அச்சுறத்தல்களும் கசப்பான கடிதங்களும் குவிந்துள்ளன...

அமெரிக்க பாதுகாப்பு பிரிவில் கடமை புரியும் 3572 முஸ்லிம்கள் எந்த கோணத்தில் நோக்கப்படுவார்கள்...

ஹசனின் துணிவு ஒரு கோழையின் செயல்.
அமெரிக்க முஸ்லிம்களின் வருங்காலம் இருளில்

நான் அடிச்சா தாங்க மாட்ட!

2009-09-28T23:03:00.006+05:30

வருகிற சோதனைகளும் வேதனைகளும் இன்னுமொருவருக்கு சொல்லி அழுவதற்கல்ல. அதன் மூலம் வாழ்க்கையை படித்து அடுத்த தேர்வுக்கு தயாராக வேண்டும்.

எனக்குத்தான் யாருமில்ல எனக்குத்தான் எல்லா கஷ்டமும் இப்படி நினைப்பவர்கள் நம்மில் பலர். இவர்கள் என்னை பொறுத்தவரை வாழத்தெரியாத கோழைகள்.

எதுக்கெடுத்தாலும் அடுத்தவன் முதுகு சொறியனும்னு எவ்வளவு காலத்துக்கு பாத்துக்கிட்டு இருக்க போறோமோ? சிந்தனைகளையும் அறிவுரைகளையும் விட, நம்ம உள்ளங்கை ரேகைகளைவிட, நெற்றியிலிருந்து வழிந்து விழும் வியர்வை துளி பலமானது நம்புங்க. இத விட்டுட்டு நான் அடிச்சா தாங்க மாட்டென்னு மொக்கை சிந்தனை சொல்ற பாடல்களை கேட்டு கெட்டுப்போயிடாத அப்பு அப்பிடீன்னு ராமசாமி அண்ணே சொல்ல சொன்னாரு. சொல்லிட்டேனுங்கண்ணா..

மொக்கைன்னு சொல்லும் போது ஞாபகத்தில் வந்ததை தட்டிவிடுகிறேன். கொஞச்காலம் நம்ம ஊர் பதிவர்கள் சிலருக்கு ப்ளக் புளு தாக்கிடுச்சி பாருங்க எதுக்கெடுத்தாலும் அடுத்த தேசத்து தாக்கம் லொட்டு லொசுக்குன்னு ஆயிரம் கருத்து. உங்க குமுறல்களை சொல்லி நல்லா போய்க்கிட்டிருக்கிற தமிழ் பதிவுலகத்திலயும் கும்மியடிச்சிடாதீங்க. தமிழ் தானாக வளரும் அதை விட்டுட்டு உங்க ஊர் தமிழ் உங்க தேசத்து தமிழ் எதுக்கு? நம்ம பதிவுகளில 75 சதவீதத்துக்கு மேல அடுத்த தேசத்து சொத்தைதான் விமர்சிக்கிறோம் இல்லைன்னு சொல்ல முடியுமா?

''பதிய வந்ததை விட்டுட்டு ஏதேதோ தட்டிக்கிட்டிருக்க.. ஓ இப்ப இது கூட பேஷன் தானே கோவிந்தன் வீட்டு நாய் வயசுக்கு வந்தாலும் பதிவு போடுறாங்கப்பு'' - ராமசாமி அண்ணே

Nick Vujicic - 4th Dec 1982 (Melbourne, Australia)

மருத்துவர்களாலும் தீர்வு சொல்ல முடியாமல் போன நிக்கின் கதை சாதிக்க பிறந்த ஒவ்வொருவருக்கும் நல்ல உதாரணம். பிறக்கும் போதே கை கால்களற்றவறாக பிறந்தவர் நிக். மருத்துவ ரீதியில் நிக்கின் பிறப்பிற்கான காரணம் இன்னும் மர்மமானதாகவே உள்ளது. ஆனாலும் அவருடைய சகோதரரும் சகோதரியும் ஆரோக்கியத்துடன் பிறந்தவர்கள்.

''வாழ்க்கைல அதிஷ்டம்னு ஒன்னும்மில்லை. சந்தர்ப்பங்களும் எதிர்பாரா நிகழ்வுகளும்தான் மோசமான விடயங்களை தீர்மானிக்கின்றன. கடவுள் நம்ம வாழ்க்கையில எதையும் தப்பா கொடுக்க மாட்டாரு ஏதாவது காரணத்தோடுதான் எதையும் செய்வார். எனக்கு இப்போ 23 வயசாகுது வர்த்தகத்துறையிலும் நிதித்துறையிலும் பட்டம் வாங்கினாலும் சமூகத்துக்கு சிந்தனை சொல்லும் பேச்சாளராக இருக்கிறதுதான் எனக்கு பிடிக்கும். மாணவர்களை சந்தித்து அவர்களை ஊக்கப்படுத்தி சவால்களை எதிர்கொள்ளும் மனவலிமையை உண்டுபன்னனும்.'' என்கிறார் நிக்.

நல்ல பேச்சாற்றாலால் இளைஞர்களை கவர்ந்த நிக்கினின் இலட்சியம் ஒரு புத்தகம் எழுதுவது. அந்த புத்தகம் இந்த வருட இறுதிக்குள் வெளிவரும் என எதிர்பார்க்கப்படுகிறது. கடவுளை மிஞ்சியவனும், கடவுளை மிஞ்சியதும் ஒன்னுமில்லைன்னு சொல்லும் நிக் தான் கைகளற்றவன் கால்களற்றவன் என்று வருந்தப்போவதில்லை என்கிறார்.

அடுத்த தடவை சோதனை மேல் சோதனை என்று நாம் வருந்த முடியாது.

ஜனாதிபதி ஆலோசகர்களுக்கு ரூபா 1.25 கோடி!! தோட்டத்தொழிலாளரின் நாள் சம்பளம் 270 ரூபா !!

2009-09-09T20:51:00.004+05:30

இலங்கை ஜனாதிபதிக்கு ஆலோசாகர்ளாக 38 பேர் கடமையாற்றுகின்றனர்.

அவர்களில் 22 பேருக்கு 2008ம் ஆண்டு வழங்கப்பட்ட சம்பளம் மாத்திரம் 1,17,29,653,36 ரூபாய் என்கிறார் அரச அமைச்சர் தினேஷ் குணவர்தன.

16 பேர் சம்பளம் பெறாமல் கடமையாற்றுகின்றனர்.( சம்பளம் பெறாமல் இவர்கள் பல சலுகைகளை அனுபவிக்கிறார்களாம் ராமசாமி அண்ணே சொல்றார்.)

இந்த ஆலோசகர்ளில் அதி கூடிய சம்பளமாக 60,000 ரூபா வாங்குபவர்களும் இல்லாமல் இல்லை.

சில ஆலோசகர்களுக்கு நான்கைந்து அரச வாகனங்கள், விமான பயணச்சீட்டுக்கள், அமைச்சர்களை விட உயர்ந்த அந்தஸ்து வழங்கபடுவது உண்மையான்னு ராமசாமி அண்ணே கேட்க சொன்னாரு.

கந்தசாமி விமர்சனம், எந்திரன் எப்ப வரும்? அத்துடன் இன்னும் பல மொக்கை பதிவுகளால் பதிவுலகம் பரபரப்பான தருணத்தில் இவர்களை பற்றியும் கொஞ்சம் சிந்திப்போம்.

அரசியல்வாதிகளும்இ சங்கங்களும் பல தடவைகள் தோட்டத்தொழிலாளர் பிரச்சினையை தட்டிக்கேட்டாலும் ஒரு சில அரசியல்வாதிகளின் தந்திரமான காய் நகர்த்தல்களால்; போராட்டங்கள் சோரம் போன கதை உண்டு ஏராளம்.

பிச்சையெடுப்பவனை விட குறைவாக் உழைக்கும் ஓர் வர்க்கம் ஊதியம் பெறுகிற கொடுமையை எங்க போய் சொல்லுவேன்.(பிச்சைக்காரனை உதாரணமாக்கியதற்கு.....)

இலங்கையில் சராசரி ஊழியர் ஒருவர் பெறும் குறைந்த மாதாந்த சம்பளம் 11700 ரூபா.

நம்மிடம் சாதாரணமாக ஒரு கேள்வி எழுப்புவோம். ஒரு நாளைக்கு நம் செலவு குறைந்தது 500 ரூபாயாவது இருக்காதா? ஆனால் இலங்கையின் அபிவருத்திக்கும் வளர்ச்சிக்கும் பங்களிப்பு செலுத்துகிற முக்கியமானவர்களுக்கு நாள் சம்பளமே 270 ரூபாய்தான்.

அவங்களுக்கு அவ்வளவு கொடுக்காதீங்கன்னு சொல்லல,(அத சொல்ல.....)

இவங்களுக்கு இவ்வளவு கொடுங்கன்னு சொல்றேன்.

தெருவிற்கு ஆயிரம் திவ்யாக்கள்.....

2009-08-24T21:05:00.005+05:30

திவ்யா என்கிற அழகான சித்திரம் இன்று கடலை கடையில்!
சொல்லப்பட்ட ஒரு உண்மைக்கதை சிந்தித்து எழுதுகிறேன்.

எங்காவது ஒரு மனநல மருத்துவமனையில் தேடிப்பாருங்கள் திவ்யாவின் மனதை...

பல வண்ணப் பட்டாம் பூச்சிகள் மனசுக்குள் சிறகடித்துப்பறக்க காலைப் பொழுதில் முதல் நாள் உத்தியோகத்திற்கு செல்ல பஸ் எடுக்கிறாள் திவ்யா. புட்போட் கைப்பிடியை இறுக்கப்பிடித்தவளுக்கு வாழ்க்கையை வாழத்தெரியாமல் போனது வேதனை.

தான் கடமை புரியப்போகும் இடம் அவளுக்குள் ஏற்படுத்திய பிரமிப்பில் தன்னை மறந்து சிந்தித்திருக்க மாட்டாளா?

புதிய இடத்துக்கு வேலைக்கு போகிறோமே !அங்க எல்லாரும் எப்படி இருப்பாங்க, தொழில் பார்க்கும் இடம் எப்படி இருக்கும் என கேள்வி எழுப்பி இருக்க மாட்டாளா?

அம்மா அப்பா உறவினர்கள இவர்களை விட நெருங்கி சொந்தம் கொண்டாட திவ்யாவுக்கு யாரும் இல்லை அவள் கடமையின் முதல் நாள் கையொப்பமிடும்வரை.

புதிய அலுவலகம் நண்பர்கள் என தன் வாழ்க்கையில் பல புதிய அத்தியாயத்திற்கான பக்கங்கள் திறக்கப்பட்ட பூரிப்பில் திவ்யாவின் நாட்கள் திறந்தன.

வீடு அலுவலகம் வீடு என வட்டமடித்தவள் மனதின் பாஸ்வார்ட் அறிந்தவன் எவனோ லொக்இன் ஆனதில் தடுமாறிப்போனாள்.

நட்போடு ஆரம்பித்த புதிய உறவு பல படிநிலைகளை கடந்து சினிமா அரங்கு வரை வளர்ந்தது.

இந்த காதல் நாடகத்தில் முழ்கிப்போயிருந்தது திவ்யாவின் மனது.

'' இவளத்தான் கட்டிக்கப்போறேன்'' என்ற போலியான வசனம் தனக்கு ஒரு முகவரி கொடுத்ததாய் நினைத்தவள் ஏமாற்றமடைந்தாள் ரயில் தண்டவாளம் புரண்டதில்.

அலுவலகத்தில் தனித்துப்போனவள் மனதுக்குள் அடக்கி வைத்ததை யாருக்கும் சொல்லவில்லை. தனிமையை விரும்பினாள், சந்தோசத்தை மறந்தாள், கடமையில் கவனம் சிதறியதால் வேலையை விட்டு தூக்கப்பட்டாள்.

இதை விட இழப்பதற்கு ஒன்றுமில்லாதது போல அலுவலக வாயில் கதவருகில் வாழ்க்கையின் அத்தனை சந்தோசங்களையும் குழி தோண்டி புதைத்துவிட்டு புறப்பட்டது திவ்யாவின் உடல்.

வீட்டிலும் இவள் நடவடிக்கைகள் வழக்கத்துக்கு மாறாகத்தான் இருந்தன. பெற்றோரிடமும் கதைப்பதில்லை தன் அறைக்குள் இருந்து வெளியே வருவதுமில்லை. தன் மனசுக்குள் இருப்பதை சொல்ல எத்தனித்ததுமில்லை. யாருக்கும் அவள் மனது தெரியாது.

அன்றொரு நாள் அதிகாலைப்பொழுதில் திவ்யாவின் அப்பா கையில் பையுடன் அவசரமாக புறப்படுகிறார். பல நாள் சவரம் செய்யாத முகத்துடன் தான் இறங்க வேண்டிய இடத்தை சொல்லி பஸ் நடத்துனரிடம் டிக்கட் வாங்கிக்கொண்டவர் ஜன்னலோரம் தலையை சாய்த்தார். யோசனைகளில் தன்னை மறந்து இறங்கும் இடத்தையும் மறந்துவிட்டார்.

'' ஐயா மனநல மருத்துவமனை வந்துட்டு இறங்குங்க '' என்றார் பஸ் நடத்துனர்.

ஒபாமாவும் நானும்.

2009-08-17T18:22:00.004+05:30

இன்று மின் காந்த அலைகளில் நான் இல்லை. ரொம்ப யோசிக்க வேணாம். வானொலி தொலைக்காட்சி எல்லாத்துக்கும்; இன்னைக்கு ஓய்வு கொடுத்து இயற்கையை சுவாசிக்கிறேன்.

ரொம்ப நாளைக்கு பிறகு இப்படி ஒரு ஓய்வு. என்ன கொஞ்சம் வேலை இருந்தது இருந்தாலும் ரிலாக்சாக முடிச்சுட்டன்.

பதிவெழுதி ரொம்ப நாளாச்சு. பதிவுலகில் நான் காணாமல் போன நாட்களில் எத்தனையோ விடயங்கள் நடந்திருக்கும். அப்புறம் நிறைய பேர் விருதுகளெல்லாம் தந்திருந்தீங்க கொஞ்ச கொஞ்சமா தேடிபிடிச்சு ஏத்துக்கிறேன் தாமதத்திற்கு மன்னிக்கனும். இன்னும் நிறைய பேசுவோம் வரும் ஞாயிறு (23) வலைப்பதிவர் சந்திப்பில்.

கொஞ்ச நாளைக்கு முதல்ல எனக்கொரு மின்னஞ்சல் வந்திருந்தது. அதுல இருந்த விடயங்கள முழுமையா படிச்சதுக்கப்புறம் அனுப்பியவருக்கு பதில் மடல் அனுப்பி அந்த உண்மைக் கதையை முழுமையாக தெரிஞ்சிக்கிட்டு எழுதி வைச்சிருக்கேன் ஒரு பதிவு. சில மாற்றங்கள் செய்து விரைவில் உங்களோடு பகிர்ந்து கொள்கிறேன் .

அது இருக்கட்டும் அப்பு ஓபாமாவை எதுக்கு கூப்பிட்டீங்க?

அது ஒன்னுமில்ல மனுசன் இப்ப குடும்பத்தோட செம ஜாலியா விடுமுறையில இருக்காரு நானும் இன்னைக்கு விடுமுறை பாருங்க அதுதான்.

பொருளாதாரம், சுகாதாரம், G20 மாநாடு என பல அலுவல்களுக்கு மத்தியில் இப்பதான் ஒபாமா கொஞசம் ஓய்வெடுக்கிறார்.

மனைவி பிள்ளைகளுடன் அமெரிக்க ஜனாதிபதி இப்போ இயற்கை தளங்களை பார்வையிடுகிறார். இறுதியாக தன்னுடைய குடும்பத்தாரோடு கிராண்ட் கெனியோன் என்கிற மலைப்பிரதேசத்திற்கு விஜயம் செய்தார் ஒபாமா.

கிராண்ட் கெனியொன் (Grand Canyon) அமெரிக்காவின் அரிஸோனா மாநிலத்தில் இருக்கும் மிகவும் பிரசித்தி பெற்ற ஒரு இடம். அமெரிக்காவில் இருக்கும் மிகப்பெரிய தேசிய பூங்காவும் இங்கேதான் இருக்கிறது.

அமெரிக்காவின் முன்னாள் ஜனாதிபதியாக இருந்த தியோடர் ரூஸ்வெல்ட்டும் தான் பதவியில் இருந்த போது ஓய்வு நேரங்களை அதிகம் கழித்தது கிராண்ட் கெனியொனின் முக்கிய இடங்களில்தான். நம்ம சூப்பர் ஸ்டார் அடிக்கடி இமயமலைக்கு போற மாதிரி அமெரிக்கர்களுக்கு கிராண்ட் கெனியொன்.

இன்னும்.........

Barack Obama Grand Canyon visit

நண்பர்கள் மன்னிக்கனும்

2009-07-26T14:55:00.001+05:30

பல நாட்கள் கழித்து பதிவுலகை திரும்பிப்பார்க்கிறேன். நலம் அறிய வந்த நண்பர்கள் மன்னிக்கனும். இருந்த வேலைகள் காரணமாகவும் மனக்கவலை காரணமாகவும் பதிவெழுதும் மனநிலையில் நான் இருக்கவில்லை.

கடந்த 24ம் திகதி என் பிறந்ததினத்தை ஞாபகம் வைத்து வாழ்த்துச்சொன்ன அத்தனை நண்பர்களுக்கும் நன்றி.

துணிச்சலோடு சவாலை சந்திக்க தயாராகிவிட்டேன் நீங்கள் கொடுத்த தைரியத்தால். சந்திக்க சவால்கள் இல்லாமல் போனால் சாதிக்க முடியாமல் போய்விடும்னு அடிக்கடி ராமசாமி அண்ணே சொல்லுவார்.

அடுத்த பதிவில் சந்திப்போம்.

பாலை வனத்து நாட்கள்.

2009-06-21T18:27:00.003+05:30

இந்த பாலை வனத்தில் சோலை தேடி, எனக்காக பேசுகிறது என் வலைப்பூ.

நான் நிற்கும் இந்த பாலைவனத்தில் நண்பர்களைப்போல நிறைய மரங்கள்ஆனால்
அவை நிழல் தருவதில்லை. கொஞ்சம் சாய்ந்து பெருமூச்சு விட அவை இடம்
தருவதுமில்லை. வஞ்சக எண்ணம் கொண்ட அவற்றின் உடம்பெல்லாம் முட்கள்.

இங்கு நட்பு என்று நான் பல தடவை ஏமாந்துப்போய் கானல் நீரை அருந்தியதும்
உண்டு. நானே விரும்பி வந்த சுற்றுலா வெறுத்தொதிக்கி போக முடியாதுபோகவும்
மாட்டேன். முழுமையாக இதை அனுபவிக்கப்போகிறேன்.

நட்பு எனும் புனிதத்தை இனியும் இந்த பாலைவனத்திற்கு கொடுக்க எனக்கு
மனசாட்சி இல்லை.

நல்ல பசுமையான நண்பர்களின் நினைவுகள் இன்றும் என்னை விட்டுநீங்காததால்
இந்த கொடுமை என்னை ஆட்கொல்லப்போவதில்லை.

ராமசாமி அண்ணே அங்கே யாரோ நெருப்பு தேடி அலைகிறார்கள் கூப்பிடுங்கள் என்
கோபங்களை அள்ளித்தருகிறேன் ஒரு வேளை இந்த பாலை வனம்தீப்பிடித்தெரிந்தால்
அதற்கு நான் பொறுப்பில்லை.

பாலை வனத்து நாட்கள் தொடரும்....

இராணுவ வீரனால் கற்பழிக்கப்பட்ட 14 வயது சிறுமி

2009-05-30T16:23:00.003+05:30

ஈராக், ஆப்கானிஸ்தான் நாட்டு பெண்கள் அமெரிக்க பயங்கரவாதிகளால் தொடர்ந்தும் கற்பழிக்கப்படுகிறார்கள். இவற்றை நிரூபிப்பதற்கு ஆதாரங்கள் இல்லாததால் அவை சட்டத்தின் முன் செல்லாக்காசு.

ஆதாரங்களை அழித்து சட்டப்படி குற்றம் புரியும் தீவிரவாதிகளை எந்த நீதிமன்றத்தின் முன் நிறுத்த முடியும்?
எந்த நீதிமன்றத்தில் போய் நீதி கேட்க முடியும்?

தன் மகள் கற்பழிக்கப்பட்டு கொலை செய்யப்பட்டாள் என்று அலறும் தாய் பொய் சொல்கிறாள். தவறு செய்த தீவரவாதி உண்மை சொல்கிறான்.
கேட்பதற்கு இன்னும் எத்தனையோ கேள்விகள் இருந்தும் கேட்டுத்தான் என்ன பலன்.

சட்டப்படி நடத்தப்படுகிற ஆயிரக்கணக்கான கற்பழிப்புகள் கொலைகள் இன்னும் எத்தனையோ கொடூரங்கள் கணக்கில் வருவதில்லை. அவை கணக்கெடுக்கப்படுவதில்லை.

Former U.S. soldier Steven Green got life in prison after being convicted of murdering four Iraqis.

கடந்த வியாழக்கிழமை (28) 14 வயது சிறுமியை கற்பழித்து அவளையும் மூன்று குடும்ப உறுப்பினர்களையும் கொலை செய்ததற்காய் பகிரங்க மன்னிப்பு கோரினான் அமெரிக்க இராணுவ வீரன் ஸ்டீவ் க்ரீன்.

''நான் ஒரு குடும்பத்தை அழிப்பதற்குகாரணமாகிவிட்டேன். மீண்டும் அவர்களை திரும்ப பெற முடியுமென்றால் அது என்னால் முடியாது.'' என்று பயங்கரவாதி ஸ்டீவ் பகிரங்கமாக மன்னிப்பு கோரினான்.(ஸ்டீவ் க்ரீன் கோரிய மன்னிப்பு அறிக்கை) பாதிக்கப்பட்ட குடும்ப அங்கத்தவர்கள் மன்னிப்பை ஏற்றுக்கொள்ளவில்லை.

14 வயது சிறுமியை கற்பழித்து கொலை செய்தமை, அவள் பெற்றோர் மற்றும் 6 வயதான சகோதரியை கொலை செய்த குற்றத்திற்காக அமெரிக்காவின் கென்டக்கி மாவட்ட நீதிமன்றத்தினால் குற்றவாளியாக தீர்ப்பளிக்கப்பட்டான் ஸ்டீவ்.

பயங்கரவாதம் எங்கே விதைக்கப்படுகிறது? அதை விதைப்பவர்கள் யார்?
தன் மகள் கற்பழிக்கப்படுவதை கண்களால்; பார்க்கிற கொடுமையை ஒரு தந்தையாக ஒரு தாயாக இருந்து யாரும் நினைத்துக்கூட பார்க்க முடியுமா?
அத்;தனை கொடுமைகளும் இன்று ஈராக்கிலும் ஆப்கானிஸ்தானிலும் நடந்து கொண்டிருக்கின்றன.
ஸ்டீவ்வைப்போன்ற எத்தனையோ தீவிரவாதிகள் இன்னும் கடமையில் இருக்கிறார்கள்.

கடந்த செப்டெம்பர் மாதம் ஸ்டீவ்வுடன் அவனுடைய சகாக்கள் 5 பேர் அமெரிக்க இராணுவத்தால் பல குற்றச்செய்ல்கள் புரிந்த காரணத்தால் பதவீ நீக்கம் செய்யப்பட்னர். பின்பு அவர்களுக்கு அமெரிக்க நீதிமன்றம் 27 மாதம் முதல் 110 வருடங்கள் வரை சிறை தண்டனை வழங்கியமை குறிப்பிடத்தக்கது.

உன் போன்ற தீவிரவாதிகளை செருப்பால் அடித்து கொலை செய்ய வேண்டுமென்று என் மனசாட்சி உத்தரவிடுகிறது.

கிரிகோத்து காமடி

2009-05-24T13:07:00.004+05:30

IPL காய்ச்சல் தலைக்கடித்து பித்து பிடித்துப்போய் இருக்கும் தருணத்தில் சர்வதேச கிரிக்கட் போட்டிகளில் நடந்த சில விசுக்கோத்து மேட்டர்களை பார்த்து சிரிக்க ஞாயிற்றுக்கிழமை நேரம் இருக்கும்னு நம்புறன்.

சிரிச்சு முடிச்சிட்டு கொஞச்ம் சீரியசான விஷயங்களையும் நகைப்பான ரன் அவுட்களையும் பார்க்கலாமா!!
(இதுல சில ரன் அவுட்களை பார்க்கும் போது எனக்கு அரசியல்வாதிகளை ஞாபகம் வருது. உங்களுக்கு எப்படி?)

அன்னை சிந்தும் கண்ணீர்

2009-05-10T00:44:00.004+05:30

பல்வேறு கலாச்சாரங்கள் உலக நாடுகளில் அவ்வப்போது தலை தூக்கினாலும் அம்மா என்கிற அந்தஸ்தும் பாசமும் பெருகி வரும் கலாச்சாரங்களால் வெற்றி கொள்ள முடியாதவை.

ஒரு குழந்தையை பெற்றெடுத்ததற்காய் அவள் படுகிற வேதனைகளும் வலிகளும் வார்த்தைகளுக்கப்பாற்பட்டவை.

குறைந்த உதவிகளோடும் அதிக வலிகள் அழுத்தங்களோடும் தனித்து நின்று போராடுகிற மனவலிமை நீங்கள்தானம்மா.

ரேகைகள் தேயும் வரை உன்னைப்போல் யாரால் உழைக்க முடியும். அதற்காகவோ என்னவோ உன் பாதங்களின் கீழ் சுவர்க்கம் என்றார் நபிகள் நாயகம்.

ஆண்களை விட தாய்மார் சராசரியாக தம் ஆயுட் காலம் முழுதும் 2.5 தடவைகள் அதிகமாக வலிகளை அனுபவிக்கிறார்கள் கடந்த வாரம் 65 வயதுக்கு மேற்பட்டவர்கள் சிலரிடம் நடத்தப்பட்ட ஆராய்ச்சியின் முடிவு சொல்லும் உண்மை இது. இந்த வலிகள் எப்பொழுதும் அவளுக்கு வேதனையாக இருந்ததில்லை.

ஒரு தாயின் உழைப்புதான் குழந்தையின் எதிர்காலம் என்கிறார் பிரென்சுப் புரட்சியின் தளபதி நெப்போலியன் பொனபாட். ஆப்ராகாம் லிங்கனும் தன் தாய் மீது அதிக பாசம் கொண்டவர் அவர் அடிக்கடி சொல்லும் ஒரு விடயம் 'என் தாயின் பிரார்த்தனைகள் என்னை பின் தொடர்கின்றன அவை என் வாழ்வோடு பயணிக்கின்றன.

ஒரு மனிதனின் வெற்றிக்கு பெற்றோரின் பங்களிப்பு அளப்பரியது. சில சமயம் அவை மறைமுகமாக கிடைப்பதுமுண்டு. பொதுவாக ஜீன்கள்தான் மனித இயல்புகளை நிர்ணயிக்கின்றன. தந்தையிடமிருந்தும் தாயிடமிருந்தும் சம அளவு ஜீன்களை ஒரு மனிதன் பெற்றாலும் தாயின் ஜீன்கள்தான் செல்வாக்கு செலுத்துகின்றன. கர்ப காலத்தில் அவளது செயற்பாடுகள் உணவு பழக்க முறையோடு சிறுபராயத்தில் அவள் விரும்பிய உணவுவகைகள் போன்ற பல விடயங்கள் ஜீன்களின் பரிமாற்றத்தால் அவள் குழந்தையும் அதை உணர்கிறது.

சின்ஹா என்கிற ஒருவர் தன் சிறுபராயத்து நிகழ்வொன்றை mothersdayworld என்கிற தளத்தில் பதிந்திருந்தார்."சிறுவயதில் என் நண்பர்களோடு விளையாடிக்கொண்டிருந்த நேரத்தில் என் நண்பருக்கும் எனக்குமிடையில் ஏற்பட்ட வாக்குவாதம் கடைசியில் சண்டையில் பொய் முடிந்தது. என் நண்பன் என் மீது ஒரு சிறிய கல்லை வீசி எறிந்தான் அது என் வலது கண்ணுக்கு கீழ் சிறிய காயத்தை எற்படுத்தியது. ஆத்திரத்தில் அவன் முகத்தில் நான் குத்தியதில் அவன் கண்ணாடி நொருங்கியது. வேகமாக வீட்டுக்கு விரைந்தவன் தன் பெற்றோரிடம் என் மீது குற்றம் சொல்லிவிட்டான். பக்கத்து பக்கத்து வீடு என்பதால் என்ன நடக்குமோ அம்மா என்ன சொல்லுவாங்களோ என்கிற அச்சத்தோடு வீட்டுக்குள் நுழைந்தேன். என்னை நோக்கி ஓடி வந்த என் அம்மா எனக்கு எங்கேனும் அடிபட்டிருக்கிறதா என்பதை மட்டும்தான் பார்த்தாலே தவிர வேறு எதையும் கேட்கவில்லை. நடந்தவற்றை அம்மாவிடம் சொன்னேன். அதற்கு அம்மா சொன்ன பதில் என் புள்ள தப்பு பண்ண மாட்டான்னு எனக்கு தெரியும்." அன்று அவள் கொடுத்த தன்னம்பிக்கை தான் இன்றும் தன்னை ஒரு நல்ல மனிதராக வாழ வைத்திருக்கிறது என்கிறார் சின்ஹா.

பரபரப்பான இந்த யுகத்தில் தாய்க்கும் கொஞசம் ஓய்வு தேவை. தாய்மாரின் அன்றாட வாழ்நாளில் ஓய்வுக்கு கிடைப்பது ஆண்களை விட குறைந்த நேரம்தான். நாளொன்றுக்கு அமெரிக்க ஆண்கள் தாய்மாரை விட 40 நிமிடம் ஓய்வெடுக்கிறார்கள். இதுவே இத்தாலி ஆண்கள் 80 நிமிடம் ஓய்வெடுக்கிறார்கள். இன்று அன்னையர் தினம் நாம் எம் தாய்க்கு என்ன செய்யப்போகிறோம்.

பசி தூக்கம் ஓய்வு இல்லாத உன் அகராதியில் உனக்கான தினத்திலும் நீ ஓய்வெடுக்கப்போவதில்லை. அம்மா உன்னிடம் நான் கற்றுக்கொண்டது எராளம். என்னுடைய ஒவ்வொரு உயர்விலும் என்னை தாங்கி நிற்கிறாய். ஒவ்வொரு சரிவிலும் என்னை தட்டிக்கொடுக்கிறாய்.

வெற்றி மீது வெற்றி வந்து என்னைச்சேரும் அதை வாங்கித்தந்த பெருமை எல்லாம் உன்னைச்சேரும்.

என்றென்றும் நீ நீடூழி வாழ பிரார்த்திக்கிறேன்.