Hong Kong Outing

2021 Chinese New Year Special

2021-03-02T06:44:00.000-08:00

2021 is a REALLY special Chinese New Year! NO family gathering, no social meetings and no everthing.

COVID-19 resricted each table to be 2 persons. NO lai see to be given and received. To wrap up, there is really nothing happened.

But nothing is not exactly nothing. We have new family members, Marco has his son born in Aug 2020, Yoyo has her twin girls born on Feb 24, 2021. No matter what, no celebration. We can only eat 2 person per table and before 6pm. Any eating after that should be done at home. So the 3 babies has no 100-day celebration. Don't know when we can really do a family gathering.❤

2020 Chinese New Year - Special

2020-02-19T00:02:00.000-08:00

又一年了,今年我家的好消息，就是多了一位新成員：小仟悅，是Ben 和Idy的女兒。新春團拜已經有六個多月大了, 多可愛。

講到今年，香港並非好時年，2019年中到年尾有瘋狂的社會活動，好在Ｄ狂徒怕死，瘟疫來了，他們就減少活動，難為香港人到處撲口罩。

講番我地屋企，除了多了一位新成員之外，真沒有什麼好消息。先由聖誕節講起。

眼鏡失踪：花了19元買副玩具，都未玩夠24小時，就在家中失踪了！

吾多愉快的澳門遊：12月26－27日

住金麗華，搭免費車去威尼斯人行吓，迷路。地方實在太大。

吃的也只是Food Court.

心儀的葡國餐廳，晚上六時已經滿座，外面還有一條很長的人龍。無奈只有幫襯對面間豆泥餐廳，而且冇葡國餐食，心中不快。

又迷路，又冇好嘢食，次次都係Food Court。玩老虎機的時間又少，總知一句講晒：就係吾高興。

Anna 做東的聖誕大餐：點解？講出就吾高興，總之食咗就算。只要有火雞和火腿我就滿足。吾算好特式，298元一位亦吾算貴。

主菜自選三文魚。

芝士餅過得去，粟子湯就吾合格。

強顔歡笑篇：太古廣場咁靚，吾好浪費，影番幅相，但係笑得真係好免強。

得番兩姊妹做冬。因為我地係街坊然後至成事，去朱流錦食自助餐。冇辦法，交通被咗塞，條路又吾安全，大伙兒的聚餐沒了！！雖然有得食，看得出笑容並不開心。

點解元旦要去兵頭花園？又笑得咁免強？

以前重九先要登高避難，而家一有遊行，又要出錢登半山避難，已經第二次了，可憐我的銀包。唉！！！其實我作這決定已經太遲，是被Ｄ人渣逼出來的，鬼叫我住在遊行路線上。

講到強顔歡笑，這張算是極品。

雖然這個噴水池我們真的由細影到大，但元旦日如非非常時期，要影這麼一幅相當真不容易。就是因為非常時期，成個公園連三十個遊人都冇。雖然美景當前，又冇人爭位，但笑容仍是非常免強。

不過話又說回來，700多元租一間套房，都咪話吾抵。仲在中半山尊貴路段麥當勞道。已經不是第一次，上次在1號，元旦在2號。同樣是有廳有房有廚房，這般價錢去邊處搵？可憐我有家歸不得，才出此下策，鬼叫我住在遊行路線上。

麥當勞道2號　－　$760＋

2020年1月1日

麥當勞道1號　－　$1,100＋

2019年12月8日

生祭：聽落幾恐怖，如果用這個話題去請客，一定請吾到。於是借口預祝生日，兩姊妹去食番餐。事情是這樣的，我在2014年一月起病，到而家都未醫好，算算己進入第八個年頭，都仲未跳樓，我都吾明自己點解可以活到今天，事實上每天活在極度痛苦之中，生存又有什麼意義，已經寫好遺囑，遺書等，或者搵日要去聖雅各看看後事的安排。

訴完苦，講番這餐，要有HSBC信用咭才可享用，我剛好有一張。甜品是送的，因為我們順便和她們講團年的餐單，算是個大客。五個有限制的自選菜才$380元，都咪話吾抵。

2020 年 1月 10日－　翡翠江南

今年我家的聚餐與往時不同，因為年中開始持續的暴動，逢禮拜六／日就到處搗亂破壞，殺人放火堵路，莫說大團聚，就算小團聚我們都無法過海去觀唐。己近年尾，唯有想個折衷方法，選一個禮拜一，加上ＢＢ夫婦禮拜一休假，把冬節和團年一次過合辦，還算好彩過了一關，尚有後話待續。

冬節和團年合拼聚餐：2020年1月13日（星期一），翡翠拉麵小籠包

二圍，每席十人，為免麻煩，用現成十二人菜單略作修改，剛好滿足最低消費$7,600的要求，有包廳，大家都坐得舒服，吃得開心。只有晧仔一家缺席。

這是我為大家特點的賽螃蟹

代替了原本的蒸大花蟹，也因此而平了少少。剛剛meet budget.

得番兩姊妹團年：2020年1月24日，新戶方

都因為我們是街坊才成事。這餐館雖然貴，但每逢做節我們都喜歡來。點解？因為不是廣東菜，沒有廣東菜館那麼迫人，食得舒服，是我的首要要求。今次略作改變，食套餐，可以多吃幾個項目。菜色還有三色小頭盤，炒黑團肉，小龍包和高力豆沙。二位用$648加一，算合理。

宋嫂魚羮

勳蛋

三鮮煮豆乾絲

雪菜肉絲湯拉麵

聰明的決定：有得食變冇得食，應該不高興，但今年與往年不同，世界變了，妹妹不再攪聖誕大食會，不知何時開始，澤仔請我們看電影和吃飯，差不多成了傳統，今年卻絕口不提，因為大家都明白，社會條件不容許，一月初，溫疫來了，不單嚇怕暴徒，也把整個社會嚇怕，好彩我們襯溫疫來之前吃了一餐團年／冬至合併餐和初一做了一次團拜，往年的過海互拜則因為溫疫取消了，而晧仔的健康狀態也不佳，沒聲沒色的就過了一個新年。

2019 Chinese New Year - Cinema Dinner

2019-02-10T00:20:00.000-08:00

初五的節目　－　２月９日

西人去睇戲食飯是盛事，我們也來一次。但不知何時，新年去睇戲成了我們的傳統，是澤仔始創的。今年一行九人去時代廣場睇廉政風雲，睇完去樓下的鐘廚食晚飯，由澤仔夫婦做東，很豐盛的大餐，難得酒樓吾收茶介加一，大家都食得好開心。

用鐵板上的义燒，我都係第一次食，好好味。

中意食就來個痛快，食完义燒，再來燒雞和燒鵝。

有兩個頭盤，ＳＩＺＥ　都算合適。

冰鎮咕嚕肉，外脆內軟，好食。

炸鮮魷

炒牛肉粒

炒帶子

金銀蛋蔬菜

炒飯面是少不了的

甜品也有很多花款

2019 Chinese New Year

2019-02-08T01:55:00.000-08:00

2019 的大年初一在 2 月5日。
照慣例，團拜後影番張全家褔。可惜有些人行得快，只影倒十三人。雖說姪女似姑娘，睇睇吓ＢＢ同我機乎一個樣。連髮型都一樣。

每逢年晚新春都是大吃大喝的時候，以下由初一開始倒序。

年初一團拜午飯去潮褔

平日人少少都污厘單刀，但人多反為妥妥當當。有利是逗，工作態都吾同Ｄ。

年初一晚

由珠仔做東，也是潮褔，早晚都在這裏吃。６人套餐。

由於有７個人，加了一隻帶子。

我雖然由細食魚食到大，但這條大龍躉可說是大開眼界。由條尾的ＳＩＺＥ看，成條魚可能有一米多，三四十斤都吾出奇。食落去好大塊肉，吾怕骨。酒樓煮到滾熱辣，是難得的好菜。

有半隻雞

發財好市少不了。

湯丸雖然來得慢，但是熱的，也很好吃。

２月４日晚－　姊妹團年　－　會展新滬坊

先來兩客頭盤，醉雞和素鵝。

然後每人有自己的湯，再有嫩雞煨面。

咸肉百頁小棠菜，好食又健康。

團年吃湯丸少不了。是擂沙湯丸。

姊妹揰衫是平常事。團年飯又發生了。每人出了３８５元。

１月２７日　－　大伙兒的團年飯

每人科款３００，尾數由呀姊包。由此推算，新春團拜便是她做東了。

有燒鵝也有雞。

蒸魚是指定菜色

發財好市，炒花膠

煎蝦碌－　笑哈哈也。

蔬菜和炒飯

甜品有桂花糕。

2018 Year End - Boxing Day Party

2019-01-01T01:50:00.000-08:00

Boxing Day Party - 26 Dec 2018
at Karen's House

聖誕大食會豈可沒有火雞，聽說大會沒有安排，所以我們便動手做起火雞火腿小食，雖然是第一次，但賣相吾錯而且幾好食。

火雞小食是姊妹二人合作做的。

乳豬成了聖誕大食會的主角。

日本小食肯定是澤民的至愛。

論受歡迎程度，蔬菜竟居首位。

藕餅也很好吃。

雪糕火煱對我來說是新鮮事物。

瑋琪加了些點子，每人多了一頂聖誕帽和襟花。

不單如此，姑侄倆成了這個樣子。

第二天，姊妹倆到太古廣場拍了老少飛俠，倒也唯肖唯妙。

2018 Year End - Christmas Lunch

2019-01-01T01:06:00.001-08:00

Christmas Lunch - 25 December 2018
Wanchai Stadium

聖誕節正日到我家樓下的酒吧吃聖誕午餐，菜單是這樣的：意大利葡萄汽酒，南瓜湯，蜜瓜火腿，火雞火腿，米飯布甸。標準西餐是也。酒吧日間沒有太多客，我點明要訂中間的廂座，坐得舒服，服務員又友善，非常樂意為我們拍照。每位$338免加一。都算是一個快樂聖誕。

聖誕午餐

先來個互祝聖誕快樂!

在我家樓下，酒吧名叫Wanchai Stadium

意大利葡萄汽酒，是暖的。

蟹肉南瓜湯

36個月橡果伊比利亞火腿伴蜜瓜

烤火雞拼蜜汁火腿伴薯蓉配火雞汁

米布甸

2018 Year End - Winter Solstice Family Dinner

2018-12-31T02:14:00.000-08:00

2018年冬節聚餐　－　12月23日

因為時間甲吾啱，所以做節要在冬節第二日，亦事有奏考，訂到兩席平靚正。全包只是$1,688，每位二百尚有少許盈餘。要記呀姊一功。

我家樓下的潮褔一般都是平平，但這一餐卻滿意得無話可說。由坐位安排到上菜冇甩漏，碟碟都好妥當，連生日桃包都送埋。可惜呀姨因健康問題冇來，瑋瑤和家焯出差，其他所有人都出席。

炸子雞

D皮脆到而家都記得，真係好好食！

黃金海鮮卷

大蝦伊面

龍躉兩味　－　炒球

詳細菜單

乳豬全體

蝦球面

花膠菜胆翅

海鮮卷

龍躉兩味

豪皇螺鮑扖翡翠

燒雞

生炒糯米飯

桃包

水果

HK$1,688 全包

2018 Year End - Macau Winter Solstice

2018-12-31T01:20:00.000-08:00

澳門兩天遊- 12月21-22日

每逢年尾都是家人團聚，吃喝玩樂的時候，今年的節目由澳門兩日一夜遊展開序幕。由於聖誕節有其他活動，所以今年的澳門遊畧為提早。

仍然住金麗華，酒店番新有成效，猶其 wifi 強勁，值得一讚。一到步當然是食葡國餐，吾知點解，當年吃的廚師沙律覺得好好，今次卻平平。

葡國午餐

港珠澳大橋

碼頭有免費接駁巴士，可是感覺荒涼，人流很少，也見不到大橋的形狀，在邊檢大樓走走看，拍拍照就算數。

酒店晚餐

酒店住客有八折，所以不假外求，就地揾食。實行預祝冬節。三道菜兩個人就食得飽飽。

特色蒜泥白肉　和　做節少不了的一隻雞

素菜紅燒豆付

金沙買一送一自助餐

是日冬節，金沙自助餐買一送一，是碼頭宣傳單張上的點子，咁＜筍＞，想話吾＜貪＞都吾得。

實在又真係幾抵食，MOP 262 兩人全包。而且又真係好多嘢食。

我覺得這張相好靚。人靚景靚。好嘢！

食完自助午餐，就坐金沙的免費巴士去巴黎人參觀。名為參觀，實在有些＜貪＞的成份。也是碼頭宣傳單張的點子，有免費魚蛋食和可以去巴黎鐵塔觀景層參觀。問題來了，魚蛋對現，可觀景台的免費票只得一張，商量下我一人上去參觀，以免浪費。

不知是有意定無心，有其他遊客都是二人得一張免費票。

鐵塔當然是假的，但係都假得幾真。

別以為有免費午餐。大會為我免費拍照，又拍得鬼咁靚，結果破費二百多元。

其他節目包括出市中心睇夜景，食薑汁撞奶，買手信，玩玩老虎機等等。

Tin Shui Wai - 2018

2018-07-03T02:41:00.001-07:00

Retirement Tour #3 - Tin Shui Wai
June 14-16, 2018

Sri Lanka Tour - 2018

2018-06-04T01:57:00.000-07:00

My Retirement Tour #1 - Sri Lanka
April 28 - May 2, 2018

Hokaiddo Tour 2018

2018-06-04T01:47:00.002-07:00

My Retirement Tour #2 - Hokaiddo, Japan
May 23-27, 2018

2018復活節

2018-04-02T03:16:00.000-07:00

周身病痛，原來好耐冇寫BLOG，襯住復活節，又收咗D股票利息，出來活動吓。

第一天，三月30日，去朱流感酒店食番個平價brunch buffet，然後襯住天氣好，去君悅酒店花園逛逛。

第二天，三月31日，去中環展城館看香港攝影展，有意外收獲，拍了兩張合成照，你看如何？

另外一個意外收獲　－　龍和道－　是佔領中環和示威者的天堂，首次來這裏，才知道是如此人間美景。

看這麼可愛的一條路，好有外國 feel，風景好，天氣又好，難得冇人，就算腳痛都要試吓行。

想吾影番張相留念都吾得。擺番個靚 post。

時時都和示威相連的建築物　－　立法會大樓和特首辦，我雖然住在香港，也是首次來這裏。話又說回來，雖在鬧市，可是如果不駕車來，搭巴士就不知特特首如何返工。

由大會堂行到金鐘，不知行了幾耐，冇所謂啦，反正慢慢行，又冇人逼，又吾趕時間，輕輕鬆鬆的行，去到金鐘搭巴士回家，還可以睡個午覺才去晚飯。

收咗Ｄ中電利息，去合和中心的新酒樓北京老家試吓。

涼伴小木耳，健康小食。

清炒萵筍

一塊塊，不是一條條，但也很好食。

炒刀削面

沒有廚子做刀削示範，但也很好味。

清炒蝦仁

北京沒有海岸線，應該是河蝦。

北京填鴨，主角出場。只要了半隻，留番個肚食其他東西。

餃子白白的沒有拍照。講你都吾信，６道菜五分鐘之內到齊，奇就奇在碟碟都熱辣辣（除餃子外），弄得要食快餐，好清走一些吉碟，已免枱面太逼。呀妹做東，三嫂，朱仔和呀姊都來。

第三天，四月1日，是朱仔退休十周年，三嫂做東，仍是我們四人，去灣仔舊屋對面的社企餐廳食泰國菜，聲稱是由泰廚主理，都幾好食，人好少，服務週到。也不算太貴。

泰國無骨海南鷄

咸魚炒介蘭

海鮮冬隂功

窩燒烏頭，由盲曹替代，因烏頭最近有污染。

波羅炒飯

沙爹豬和鷄各半打

上菜沒有昨天那麼快，有時間慢慢品嚐各種美食。之後仲有甜品送。

歲晚新年食譜 - 2016-2017

2017-01-28T04:26:00.000-08:00

時近年尾, 聖誕,冬至,新年都是大吃大喝的好時機,加上收了一份額外的花紅，所以大吃大喝由請Pinky去德國餐廳開始,點解係Pinky?因為我介紹咗佢入我公司做,所以我收了一份三千元美金的介紹費.

去德國餐廳,當然以豬手為先.亮過相後,店員幫手切開。

然後才給我們享用。其實都幾大份，加上酸椰菜，好濨味！

胆粗粗，再來一份香腸，去食德國餐，吾食香腸，如入寶山空手回。雖是小型庄，也有每款兩條，但兩個小女子仍把他吃光。

食西餐，冇飲品吾似樣，Pinky 先來一杯紅酒，我也來一大杯Mocktail.

甜品全都是家庭裝，只有Tiramisu可供兩人用，貪心的我們，竟又再下一城，這Tiramisu雖然材料豐盛，但跟傳統意大利的相去甚遠。

吃西餐過冬

今年冬至，照哥做手術不來，餘下９人，去星記點菜了事，既便宜又美味。到了冬至正日，兩姊妹相量，食中菜人多，又貴又冇服務，以往的經驗非常不妥，實行反傳統去吃西餐。灣仔區食開又有水準的，我們決定再來德國餐廳。豬手和香腸是少不了的，首先來個磨菇沙律，再換一款水燙白香腸，又是另一番口味。

至於飲品，冬天冇嘢好得過飲番杯熱嘢，所以餐後才點，否則飲到凍晒都未食完份餐。姜檸蜜龍眼熱飲，都算是新口味，暖在心頭。

聖誕前夕的火鷄午餐

聖誕前夕一般是工作天，但自從轉工之後，聖誕關門大吉，自然有時間去吃一頓悠閒的午餐。

火鷄當然是少不了的，但這pizza是意外收獲，香噴噴，熱辣辣，很是回味。

火鷄還算可以，但意粉好似柴皮咁。好失望。

與姪孫共進聖誕午餐

Karen帶大B和小B去中央圖書管, 話說那兒有玩具圖書管,既然到了港島,請兩位老人家共進午餐。地點是ＱＲＥ廿幾樓的意大利餐廳。頭盤火腿蜜瓜，精緻可愛。

主菜是意粉和Pizza,都很好吃。

萍果批只得一片，我以為是一大個，有點失望，尚算好食。

個tiramisu是非常正統的意大利做法，很香的咖啡味，很好吃。

12月30日，雖然聖誕已過，但氣紛仍在，分紅黑兩組，由waiter代影，吾錯。

更好的是這一張，可惜的是梓豐楂機，不入鏡。可喜的是一個六歲未足的小孩拍出如此水準，難得，難得啊！

自點團年飯（星記）

自己點菜有兩個好處，不用吃千篇一律的套餐，可以自己點些較清淡和懷舊的菜式，而且也較便宜。先來粟米魚肚湯。

老少平安

以前呀媽拿手的懷舊菜，好耐冇機會食過。正如其名，老人家和小朋友都啱胃口。

竹笙上素

金銀蛋浸豆苗

蝦子刺參雜菌

這菜式很受歡迎，所以要加大。

蝦干粉絲煲

這菜式也很受歡迎，所以要加大。

我們的點菜夠清淡嗎？都算健康掛！

但做節冇番Ｄ肉吾得，所以有一隻蟲草花蒸鷄。

上湯焗中蝦

都算是海鮮。

褔建炒飯

乾燒伊面

啱啱好，如果叫埋生日包，就會太飽。雖然冇房，但兩席坐大廳尚算舒服。每人科款三百，仍有餘款供新春團拜用。

２０１７年１月１５日星記

中秋聚餐2016

2016-09-11T06:05:00.004-07:00

今年因為各種原因, 中秋聚餐提早, 8月28日, 農曆計尚未進入八月, 出席的連小童只16人, 去星記訂了一席大枱, 全部人坐一圍好開心.

是晚主角為海鮮.

上湯焗海中蝦

大海班(花鬼)兩味, 先上炒球.

再來頭腩, D魚皮好滑, 但要小心骨頭

條魚足有5斤重, 甚有睇頭, 大家都話正式海魚, 好好味.

杏汁豬肺花膠湯, 好香, D湯料成坐山仔咁, 我拿了一部份回家, 再煲了兩次仍然好好味, 餘下的瘦肉煲皮蛋瘦肉粥.

咕嚕肉看似普通, 但好好食. 是菜館的招牌菜.

蓮藕炆腩仔, 好家常,但好好味, 因為自己點菜, 才有得食, 一般餐單都不會有.

做節冇番隻鷄點得? 煎咸鷄, 是餐館的招牌菜, 基乎每枱都叫, 吾蒸吾炸,這隻鷄算新款.

珍菌豆付, 也是招牌菜,限量發售, 如非預訂, 好難有得食. 我初次食已經拍爛手掌.

梅菜肉鬆蒸菜心, 店長推介, 比起日常餐單的蔬菜來得清新, 而且健康.

灣仔星記海鮮飯店

每位科款$200, 餘款及海鮮由呀妹讚助.

去澳門登陸

2016-07-09T04:09:00.000-07:00

影番張Ms Sixty

租間靚酒店過生日

葡式午餐

中式晚餐

雞鴨鵝都吃了

雖然是素,也都是鵝

在酒店享用

西式半自助午餐

娛樂節目

文化活動

Macau Easter 2016

2016-03-30T07:27:00.000-07:00

2016 快樂復活節第一擊 - 免費自助海鮮晚餐. 去五星級酒店CONRAD食免費自助餐, 都尾話吾棧.

事原我在聖誕節抽獎得60,000分Asia Miles, 實行換Ｄ嘢來食吓。海鮮品種話多吾多，話少吾少，但是沒有生蠔，熟的龍蝦仔是霉的。不過服務環境都一流，難得復活節假期第一天（三月廿五日）Good Friday 沒有被 blackout。

餐枱有預設的拑和剪刀，又有濕紙巾，都算幾周到。

話明係海鮮，我覺得魚生種類吾夠多。六百幾元一份餐，給幾隻帶子吃吓亦未為過。

結果這寥寥幾件就是我的海鮮餐了。戶外還有燒烤，我吃了香腸和雞亦。

2016 快樂復活節第二擊 - 免費酒店。事情亦與我在聖誕節抽獎得60,000分Asia Miles有關。食自助餐用了26,000分，換一晚澳門金麗華又用了16,950。自己出咗三百幾元船飛就可以來澳門玩。

來到澳門生活就好似熊貓一樣　－　食／玩／瞓。

同老虎比拼，兩天合共贏了$128.9。

由於腳患未好，所以觀光節目有限，只在酒店附少走一回。

講到食，自然是來澳門的重頭戲，落腳後先到金龍食番個high tea - 青菜湯和豬排包。

晚餐就去附近的玫瑰園，吾算好重份量，但是吃得開心，味道又好。這四個菜色三百多元，價錢尚算合理。

近來心血來潮，想吃日本餐，上網查得金沙的江戶日本餐食評吾錯，來個新點子去試一試，第二天去食番個brunch。我的魚生飯定食吾錯，可是呀姊的湯拉面不滿意。

這寛倘豪華的大餐廳，就只兩枱食客，我們是第一伙，服務自然周到，上菜亦快。價錢與香港差不多，魚生飯$138，拉面$88，但加入豪華環境和服務，則比香港優勝。

有好多人都計較酒店是否有免費早餐，其實我話冇仲好，因為早餐一般都好一般，吾食又吾抵，食飽又食吾到其他靚嘢，所以吾食早餐，睡個懶覺，11點左口去吃個 brunch，情況更佳。

2016 Chinese New Year

2016-02-07T23:41:00.000-08:00

2016 新春團拜,富臨,兩席, 好彩都幾好位, 又可以拍全家福. 今年真的齊人,BEN結了婚,澤仔找到另一半,全數22人.

食咗幾餐年夜飯, 昨夜是真正的除夕,為了有更好的一餐,兩姊妹出重本去會展食上海餐.因知道這間餐館食上海菜, 非主流廣東菜,所以人多極有限.

醉雞真係好香花凋味,飲得兩飲,面都紅埋.

唔知點解,來親這裏, 呀姊一定點這度菜 - 素餃

X篤鮮 - 湯底好濃好香, 有咸肉百頁和小棠菜, 好味.

咸肉菜飯, 以為係煲仔飯, 原來係炒飯, 雖然好味, 但好多油.

四度菜已經食得好飽, 不能再吃甜品,其實年夜飯應該吃湯丸和餃子, 我們吃了素餃, 所以湯丸就免了. 回程在修頓球場粗粗地行了個小形年宵.

大時大節出外食飯,時時都食得好谷氣,出貴錢又得吾到應有的服務, 昨夜去會展的新滬江, 連茶錢加一, 各人出HK$295.

雖然貴但總算是一頓安樂茶飯.

Family Dinner 2016

2016-01-25T05:42:00.000-08:00

２０１６年１月２４日－星期日，金兜記, 家中人多了, 所以要兩圍, 每枱10人,有房間,坐得舒舒服服. 今年擇得好日子, 當日天氣嚴寒,只有3度,是1959年以來的最低溫紀錄.

菜單自訂,以海鮮為主.

杏汁豬肺湯, 是餐廳招牌菜, 我地以前都食過, 好好味. 一開始就每人飲了三大碗.

煎老虎蝦, 是姊的至愛, 要用刀叉食.

這碟蒸聖子令人好失望, 凍的! 而且凍得很!

吾知係吾係每人派一隻私家碟, 派得來就凍咗. 總之就吾合格.

好彩姜葱焗桶蠔尋回水準, 好香好好味. 不過D蠔就無以前咁大隻.

吾知點解,成日都係咁. 食完一半, 就要休息, 成半個鐘頭都未有第二碟. 條龍蠆來到的時候是未完全熟的, 又是另一個失望, 不過食食吓又好似食得到, 免強食得完.

酒席好少見到滑蛋蝦仁, 對嗎? 因為餐單自訂, 想食什麼都得. 我原本想食海鮮, 點了椒鹽白飯魚, 餐館說冇, 想要椒鹽九肚魚, 又冇, 所以變成第三選擇, 滑蛋蝦仁, 粗粗地都算係海產, 至於鮮吾鮮就吾知道.

想食蟹粉豆苗, 餐館話時令不對, 沒有蟹粉, 想食海鮮, 唯有改成蟹肉豆苖, 有菜有肉, 都算均飲食, 雖然只有一碟菜, 總好過冇.

平時去飲,到尾總有飯面, 泥鯭粥亦是餐館招牌菜, 所以一於換換口味. 不過要小心魚骨.

最尾有紅棗糕和水果, 大家食飽飽, 份量啱啱好.

１．生磨杏汁猪肺湯

２．煎老虎蝦

３．清蒸沙巴龍躉

４．金銀蒜粉絲蒸聖子皇

５．薑沖焗美國桶蠔

６．滑蛋蝦仁

７．蟹肉豆苗

８．果皮泥鯭粥

９．水果甜品

每席HK$3,888, 另茶錢加一. 全數由妹贊助.

缺席: 瑤, 華, 姨

呀姊壽宴2016

2016-01-16T06:09:00.001-08:00

呀姊今年生日, 請我地去金兜記食晚飯. 有個海鮮餐好抵食. 星期一至四只售每位$198, 週末要$398, 所以雖然生日在星期日, 但係都要星期四提前做, 以便享用特價.

我地個個都鍾意食海鮮, 這個海鮮餐都真係好抵食.

首先來一個老火湯. 所有菜式都是位上, 各人食自己果碟, 無需爭食. 大概是粉葛鯪魚湯吧! 好好味.

頭盤是粟米煎魚餅

五頭鮑魚花菇

餐牌是這樣寫, 實際五頭鮑有幾大隻, 我就吾知道. 最緊要是好食. 雖然食中餐, 但係要用刀义食.

豉油皇煎老虎蝦

隻蝦好新鮮, 好彈牙. 總之好食.

軟殼蟹

平時我吾食蟹, 怕食損嘴, 但這隻吾同, 是軟殼的, 連殼食, 可增強鈣質. 有益! 而且炸得香口又脆, 好食.

粥水油麥菜

不知何時開始, 香港人食菜不配湯而配粥, 算係新配搭. 都吾錯.

金兜記炒飯

中國人請客, 最怕餓親D人客, 所以到尾一定有面飯之類.金兜記炒飯雖然看似冇匁料, 但係都好好食.講到尾, 我平時就最愛食炒飯.

蕃薯糖水

雖然普通, 但係D蕃薯煲得好'林', 加小許姜汁, 好香好味,

生日桃包

要另費15元一個. 新鮮滾熱辣的, 好食.

吾知係吾係飲咗鐵觀音的關係, 食完飯成晚眼光光, 睡不著.　

Macau Christmas 2015

2016-01-03T07:29:00.001-08:00

去澳門過聖誕是倆姊妹的傳統。今年２５號正日去，２６號返，仍是住金龍。船票加酒店約９００多元一個人。

食和玩就是焦點。話說呀妹的腳病仲未醫好，仍要計劃行程，不能過於急進。上了岸先去金龍check in, 就地吃番個brunch。是輕食，因為要留肚吃今晚的聖誕大餐。

金龍的brunch。主菜葡式海鮮燴意粉。色香味俱全，對我們來說是新菜式。小食有豬扖包。蔬菜有三文魚凱撒沙律。啱啱好，我們對自己的選擇都很滿意。

葡式海鮮燴意粉

豬扖包

三文魚凱撒沙律

下午出澳門街為巴士飛增值，順便提前吃了甜品葁汁揰奶。話說增值服務只有ＯＫ便利店提供，好辛苦尋得的來來超市不再提供有關服務，找增值服務如此之難，說起來比香港落後得多！

去玖瑰園吃聖誕大餐。預設的餐單不大合口味，而且頗貴，所以實行自己點菜。

海鮮周打湯

我個海鮮周打湯真係好多材料，而且好好味。

葡國青菜湯

青菜湯時時都飲，看來好多菜，材料十足。

廚師沙律

個廚師沙律青淡健康，沙律醬另上。

焗青口

在澳門幾間餐廳都食個這個菜，但這間餐廳是第一次，而且是最好的一次，蒜蓉焗青口，來得香噴噴，good pick!

蜜汁燒豬手

豬手不比德國餐廳的脆皮，椰菜亦切得頗粗，但整體都很美味可口，看來我們的自選餐單不但較便宜，而且較合口味，all good picks!

次日Boxing Day 去金沙繼續吃。$188的聖誕自助午餐在香港差不多不可能，但金沙都算係５星級酒店，而且又有火雞食，已經是第三年來這裏了。

火雞當然是我的首選。有火雞吃，其他就不甚重要，但火腿都很好吃。可惜冇得補給，吃完一round，12點半想再食已經沽清。好在我地來得早，12點入席，否則連火腿的影子也看不到。為了均衡飲食，每碟都要有蔬果。

來到澳門除了食之外，玩老虎機是最大的樂趣。今年我改變策略，實行低成本政策，只是輸了幾十元，作為兩天的娛樂費，一點也不貴。如果想有收獲的話，可以試１線10　credit，在贏就是贏，輸就是輸的前题下，只要一中就有10倍回報，否則買10線中１線，派２個credit，無論如何都是輸。下次可以一試。

除了吃和玩之外，也加入丁點文化氣色，到隣近的藝術中心看了幾個show，入場費５元，呀姊有長者免費。雖說隣近，對腳痛的我來說頗為吃力，唯有邊走邊休息。

Christmas Eve Lunch 2015

2016-01-02T06:20:00.000-08:00

做完冬隔咗兩日便是聖誕前夕，又是大吃大喝的好時機。今回轉食西餐，呀妹出咗利息，做東請呀姊去大力推門食聖誕大餐。不過這一餐食起上來都有Ｄ怪怪地。點解？睇吓下文你就知。

餐飲可以選擇紅白酒或橙汁。我們的主菜是魚，所以要了白酒。

餐單是這樣的。奇就奇在店主一開口就話冇火雞。冇火雞仲算係聖誕大餐？我地話要走，小二馬上和主廚商量，回頭便說有火雞。

至於個粟子湯又係欠奉。點解？就只有佢自己至知。我的改成龍蝦湯，呀姊的改成雜菌忌廉湯。好在這個＂二拉＂龍蝦湯都真係非常好味。

原先話冇，忽然又有的火雞火腿沙律出場了。吾錯。兩塊厚厚的火雞肉，是肉心，好味道。

主菜四選一，好彩我地要的龍蠆有，但係餐牌寫的番紅花忌廉汁吾知點解變成白色。成吋厚，啖啖肉，好彈牙，好好味。

蘋果批改成焦糖布甸。又是一宗奇事！好彩咖啡奶茶不用再改。

餐單是店主自己出的，又冇人逼佢，點解樣樣都冇？我地１１點半到，是該店的第一伙人客，雖然飲食環境比做冬果晚來得好好多，食物又好味，但不竟貨不對板，仍是美中不足。

話說聖誕前夕是工作天，因何有時間去吃大餐？因今年我換了顧主，公司由１２月２４日起休息，到第二年１月４日重開，我有一天非放不可的假期，取於１２月２３日，由做冬１２月２２日放４點起，我只用了一天大假，便放了１２天的假期。

Winter Solstice 2015

2016-01-02T05:42:00.000-08:00

去榮興做冬　－　正日２０１５年１２月２２日

到咗年尾，又係家人團聚和大吃大喝的時候。今年的吃喝由做冬講起。倆姊妹已為去小館子做冬價錢會較平，其實不然，而且壞多於好。首先，滿堂賓客，人手不足，待慢是少不了。６時１５分到，成６點半至有得坐。隔離果席又攪到天翻地覆，人多口雜，响我地身邊行來行去，坐都坐得吾安樂。所幸者，落單無失誤，總算有得食，隔離果１８人急住想我地走，好等佢地有多Ｄ位，各位，咁食法，真係冇癮.

其二，日常餐單欠奉，可供選擇的菜式就得幾味，但係粗粗地都算有海鮮餐食。

豉椒炒蟶子，熱辣辣，都算吾錯。

蒜蓉豉汁蒸大鱔，兩碟一齊來，有得食，就暫時吾追碟菜住。

為了均衡飲食，一定要有菜，上湯蟲草花小白菜，雖然遲，好在一追就有，你知我地係驚弓之鳥，雖然環境惡劣，但總算食物尚可收貨，而且有甜品送。當然啦，店主同隔離果圍都講到出口想我地走，仲吾快Ｄ上甜送客？

所以話做節出街食飯不一定是好事，今餐都算非常勉強，但係每人都要成２００元。心中有些不甘，回程不過是７點左右，仲快過去快餐店。經過茶餐廳見門可羅雀，忽發奇想，團年一於試吓去茶餐廳，點計個飲食環境都比頭先果間榮興好，而且免茶芥加一，雞鴨燒味小菜一應俱全，不訪一試。

Family Annual Dinner 2015

2015-02-20T03:39:00.002-08:00

2015 團年飯 - 2月8日

又到咗團年的時間, 今年攪新意思, 點齊人數訂咗兩圍, 可惜臨場仍然有人決席, 每席免强坐了10 人, 呀照見有位, 叫埋呀姨, 難得賞面.

新意還在於餐單方面, 酒樓把原來12位用的改成10位, 銀子酻量縮減, 兩圍仍需接近8千元找數, 今年呀妹在股票市場獲利, 連新春團拜在內, 全數讚助.

餐單按10位份量上, 把傳統的乳豬拼盆改成5小碟, 因大家都年紀不輕, 清淡一些無妨.

以下是頭盤的5小碟

蜜汁义燒

好'林', 好好食, 經常是我的至愛!

醬脆蘿蔔

蘿蔔切'隻飛', 可惜不足每人一件, 好在小碟而矣, 而且吾係人人鍾意食, 所以冇所為.

醋海蜇頭

海蜇青瓜和雲耳都是清新有益的菜色.

東北雲耳

汾酒薰蹄

數數每人有一塊, 都吾錯.

濃湯大煲翅

寫親翅都網民罵, 不知從何時開始, 實行先發制人.

梓豐同媽媽講D一條條最好食, 吾知是否指這菜色.

翡翠野菌炒帆立貝

雖然不是以海鮮號召, 但整晚都有好多個海鮮菜色, 帶子是其中之一. 好美味精

蠔皇海參伴花菰

海參雖不是'鮮', 但仍算是海產. 有人嫌D菜吾夠熱, 我卻被熱辣辣的西蘭花傷了條利, 有幸有不幸, 條利日常都痛開, 吾所為.

古法蒸沙巴龍躉

這條沙巴龍躉最為全場驚艷, 大家都覺得很子吃, 鮮甜嫩滑.
有人說龍躉閒閒地幾十斤一條, 沙巴龍躉只是名稱而已. 豈非沙巴龍躉非龍躉?

豉油皇煎老虎蝦

以前請酒這碟蝦碌是上菜, 不知現在如何. 我個人就好少買咁大雙蝦, 因為時時都食到D霉的. 但這碟卻彈牙可口.

醬油脆皮雞

脆皮雞也是我的經常至愛.

發財好市唐生菜

團年少不免要些好意頭, 發財好市生財, 好到不得了.

燒汁肉絲炒台灣面

本來食到尾通常有飯面, 但這餐單卻只一碟面, 已為餐廳慳水, 但這碟搬到枱上時, 又給大家一個驚喜, 份量相當於飯+面. 味道也很好吃.

還有桂花糕和果盆

每席地而坐3,488 (10位用)

茶錢$14 (每位)

加一服務費

兩席合計$7,980

全數由呀妹讚助

新春團拜 - 2月19日
呀姨好賞面, 團年和團拜都出席, 去富臨團拜, 拿到兩圍好位, 因利成便, 更難得全數20人齊, 實行影全家福, 可惜呀媽在時我地冇影過, 現在由呀姨暫代. 人人連小童都四萬咁口, 堪稱佳作. 後來聽人說, 影全家福有效改善情緒和家人關係, Well Done!

Macau 2014

2014-12-30T06:37:00.000-08:00

2014年12月24-25日

2014年已經到咗聖誕節, 如以往一樣, 兩姊妹到澳門過聖誕, 不過今年的考慮要多一些. 點解? 說來話長.

事緣今年呀妹病足一年, 除了返工和返屋企之外, 去得最多的地方是物理治療所, 醫院和醫務所, 除此之外, 未去過屋企三條街以外, 由一月10 號病到年尾, 在家中困足一年, 襯著情況許可, 胆粗粗的實行計劃行程, 去澳門走一趟, 聲明要慢慢行, 有需要就坐, 如行不來就要打的之類. 為了腳趾公痛, 半年沒有下水, 顧意入住金麗華(前文華酒店), 試試它的暖水泳池. 暫無大礙.

不過這棵聖誕樹和去年的是同一棵, 有照片為証.

在大堂卻新加了一間葁餅屋, 我喜歡全景, 呀姊就喜歡近鏡.

在街上走走, 去舊舖懷吓舊是少不了的.

轉個彎去仁慈堂巷仔影張相都幾好.

我哋去澳門除了賭和吃之外, 還有點文化氣息, 參觀了兩個展覽. 其一是新出土的覊國文物, 此乃春秋時代的一國, 但歷代文獻沒有記載, 是近幾年考古的新發現.

另外一個展覽在文化中心, 就在文華酒店後面, 也很方便. 這個叫朱艷增華的展覽, 是與故宮合辦的, 展出乾隆時代的漆器.

不知怎的, 大部份漆器都是紅色的, 包括這首官船, 令妹想起再世紅梅記中"請辨劃船旗上幟"一語, 亦是巧合, 這照片看來亦有江上的意景.

我們來澳門<食>是很重要的一環. 可惜我們愛吃的東西不外乎幾款, 聖誕前夕, 我們吃了自點的聖誕大餐, 都是那一句, 餐廳提供的聖誕大餐不但貴, 而且不合口味, 我們最愛吃這一家餐廳的焗鴨飯. 焗青口和煙肉炒椰菜算是新點子. 甜品是送的.

Christmas Food Summary 2014

2014-12-25T23:35:00.000-08:00

2014 聖誕食物雜談

又到聖誕, 總結一下近期的美食. 首先由垃圾公司的聖誕餐講起.

12月11日星期四, 20人包起 Cafe de Paris, $25,000 +10%, 餐單如下.

火雞沙律

Chestnut Soup

主菜有兩個, 其一是意大利粉

其二有兩個選擇

這牛肉西冷是我老闆的

三文魚是我的

Citrus Chocolate Mousse

雖然presentation 算精美, 味道幾好, 而且份量夠大, 我的三文魚和這塊蛋糕足有成塊豆腐咁大, 但係價錢都幾貴, 連加一算起來要成1,350元一位, 但係包廳和特備菜單, 再加上三小時任飲, 所以好難評估.

家中的五星級火煱 - 12月16日

天氣轉冷, 在家中吃火煱最好不過. 但係洗吾洗食到咁'豪'? 事由我在垃圾公司的晚餐抽獎抽到一個咖啡機和500元Citysuper 購物券, 所以一於豪一下.

日本A5和牛肉眼, 240元100克, 這四塊和牛合計312元.

拳頭咁大隻的美國帶子, 62元100克, 這4隻帶子合共139元. 澳洲南極冰川toothfish, 7 片8折後共值88元. 這三道菜合共540元, 除了用券外, 還得自資40元, 不過人一世物一世, 用40元試試新口味, 亦未為過.

冬節家人聚餐 - 12月20日 - 寶湖金宴

因為好多菜式都拍過照, 所以今回只拍了這一碟海蔘. 全席$3,988 全包, 14人要加兩位合共300元, 結算$4,288, 比日常的聚餐都貴, 點解? 因為呀妹做咗暴發戶, 中秋節賣了股票賺了幾十萬, 所以讚助餐費, 每位出資250元, 包本餐, 團年和開年, 務求皆大歡喜.

Boxing Day 的午餐 - 12月26日

因為生了兩粒大非之, 所以呀妹選了意大利飯, 較易入口.

呀姊選了葡國焗鷄飯, 嘩好大碟!

其實Boxing Day重有好多地方賣僅聖誕大餐, 先吾講價錢, 剩係菜單都吾係好啱口味. 一開始就係杯紅(白) 酒, 再加上甜品之類, 實在會太飽, 所以重係吃一個簡單的三道菜較為上策.