bbc world

ពលរដ្ឋរងគ្រោះដោយទឹកជំនន់បារម្ភអំពីបញ្ហាប្រែប្រួលអាកាសធាតុ

2013-10-14T20:55:00.001-07:00

ទឹកជំនន់កំពុងយាយីជីវភាព រស់នៅរបស់ប្រជាពលរដ្ឋ នៅតាមបណ្ដា ខេត្តចំនួន ១៥ ទូទាំងប្រទេសកម្ពុជា។ មន្ត្រីគណៈកម្មាធិការជាតិគ្រប់គ្រងគ្រោះ មហន្តរាយបង្ហាញថា ទឹកជំនន់បានបង្កឲ្យមនុស្សចំនួនជាង ១០០នាក់ស្លាប់ គិតត្រឹមថ្ងៃទី១២ ខែតុលា និងបណ្ដាលឲ្យប៉ះពាល់ដល់ស្រូវរបស់កសិករជាង ១សែនហិកតារ។

ផ្ទះរបស់ពលរដ្ឋនៅភូមិអូរតាគី ស្រុកថ្មគោល ខេត្តបាត់ដំបង ដែលរងការលិចលង់ដោយសារទឹកជំនន់។ រូបថតថ្ងៃទី១១ ខែតុលា ឆ្នាំ២០១៣

ស្ដាប់ ឬ ទាញយកសំឡេង

មួយសប្ដាហ៍ចុងក្រោយនេះមានខេត្តដែលរងផលប៉ះពាល់ធ្ងន់ធ្ងរ រួមមានខេត្តប៉ៃលិន បាត់ដំបង ខេត្តបន្ទាយមានជ័យ និងខេត្តសៀមរាប។ ពលរដ្ឋមួយចំនួនចាត់ទុកថា ទឹកជន់ឆ្នាំនេះជាបណ្ដាសាធម្មជាតិ ព្រមានប្រទេសកម្ពុជា ឲ្យយកចិត្តទុកដាក់ពីបញ្ហាបរិស្ថាន និងការប្រែប្រួលអាកាសធាតុ។

"ភូមិខ្ញុំមិនដែលមានទឹកជន់ធំបែបនេះឡើយ"៖ នេះជាសម្ដីស្ទើរគ្រប់មាត់របស់អ្នកភូមិអូរតាគី ឃុំអូរតាគី ស្រុកថ្មគោល ខេត្តបាត់ដំបង កាលពីសប្ដាហ៍មុន នៅពេលដែលកម្លាំងទឹកអាងកំពីងពួយ កំពុងជន់លិចស្រែចម្ការនិងផ្ទះសំបែងរបស់ពួកគាត់។

លើផ្លូវជាតិលេខ៥ ម្ដុំអូរតាគី ដែលរដូវប្រាំងធ្លាប់តែឃើញឡានដឹកទឹកលក់ និងធម្មតាធ្លាប់តែមានយានយន្តបើកបើមួយៗលឿន តែពេលនេះមានម៉ូតូជាច្រើនកំពុងវារគើមៗឆ្ពោះទៅមុខជម្នះនឹង កម្លាំងទឹកហូរ។ អ្នកដំណើរខ្លះរុញម៉ូតូដែលរលត់ម៉ាស៊ីនឆ្លងទឹក អ្នកខ្លះចងម៉ូតូលើត្រាក់ទ័រ អ្នកខ្លះទៀតយកម៉ូតូទៅផ្ញើនៅកន្លែងផ្ញើម៉ូតូនៅទីទួលខ្ពស់មួយ ដែលគេរៀបចំសម្រាប់ទទួលផ្ញើម៉ូតូក្នុងពេលទឹកជន់។ ឡានធំៗ មិនត្រូវបានអាជ្ញាធរអនុញ្ញាតឲ្យឆ្លងកាត់កំណាត់ផ្លូវពីក្រុង បាត់ដំបង ទៅថ្មគោលទេ។ ក្មេងៗរត់ដេញគ្នាប្រសាច ភាគច្រើនដោះអាវ ស្លៀកខោខ្លី ប្រលែងលេងនឹងទឹកហូរត្រឹមជង្គង់នៅលើថ្នល់ជាតិ ចំណែកមនុស្សធំខ្លះ បង់សំណាញ់តាមទីវាលៗមុខផ្ទះអ្នកភូមិ។

អ្នកក្រុងបាត់ដំបង ដែលទើបរួចខ្លួនពីជំនន់ស្ទឹងសង្កែ មិនបានបីថ្ងៃស្រួលបួលផងនោះ ខ្លះជិះឡាន ខ្លះជិះម៉ូតូទៅមើលទឹកម្ដុំអូរតាគី។ បើមើលពីសំបកក្រៅ ទឹកជន់លិចភូមិអូរតាគី គ្រាន់តែជាការបង្កើតតំបន់ទេសចរណ៍លេងទឹកសម្រាប់អ្នកក្រុងបាត់ដំបង និងក្មេងៗកូនអ្នកភូមិប៉ុណ្ណោះ ប៉ុន្តែនៅលើផ្ទះកណ្តាលទឹកឯណោះវិញ មានមនុស្សចាស់មិនតិចនាក់ទេដែលកំពុងដកដង្ហើមធំនិងព្រួយចិត្ត។

១៣-ឧសភា-២០១៣៖ គំនរឈើដែលក្រុមហ៊ុនអភិវឌ្ឍន៍របស់វៀតណាម កាប់រំលំដើម្បីយកដីដាំកៅស៊ូនៅតំបន់ព្រៃឡង់ ក្នុងស្រុកសណ្ដាន់ ខេត្តកំពង់ធំ។ RFA/Tin Zakariya

ក្នុងចំណោមផ្ទះដែលលិចទឹកនៅភូមិអូរតាគី ផ្ទះរបស់ស្ត្រីវ័យជិត ៧០ឆ្នាំ ឈ្មោះ ថាប់ ប៉ាច មានសភាពប្លែកពីគេ។ ទឹកបានជន់លិចដីភូមិរបស់លោកស្រី ថាប់ ប៉ាច ជាង ១ម៉ែត្រ គឺដល់ត្រឹមរនាបផ្ទះ ពេលដែលទឹកលិចផ្ទះអ្នកភូមិដទៃជាងកន្លះម៉ែត្រ។ ដើម្បីងាយស្រួលចូលផ្ទះ គ្រួសារកសិករមួយនេះបានធ្វើស្ពានពីឫស្សីតូចមួយ មានទទឹងជាង ១តឹក និងបណ្ដោយជាង ២០ម៉ែត្រ ហើយដាក់ពាងទឹកចងបណ្ដែតខាងក្រោម។ ក្នុងផ្ទះដែលមើលធ្លុះពីមាត់ទ្វារដល់ជញ្ជាំងខាងក្រោយ គេឮសំឡេងក្មេងលាន់ទ្រហឹង ខ្លះយំ ខ្លះសើច កំពុងដណ្ដើមស្ករគ្រាប់ និងនំបុ័ងដែលអ្នកក្រុងបាត់ដំបង ទើបចែកឲ្យកន្លះម៉ោងមុន។

លោកស្រី ថាប់ ប៉ាច ញញឹមដាក់ភ្ញៀវទាំងមុខជូរ ហើយប្រាប់ថា មួយថ្ងៃពេញនេះគាត់មិនបានសម្រាកទេ ព្រោះជាប់មើលចៅខ្លាចពួកគេធ្លាក់ទឹក ហើយកូនៗរបស់គាត់ចេញទៅមើលស្រែនិងរកម្ហូប។ លោកស្រីរៀបរាប់ថា ស្រូវសូម៉ាលីប្រាំងដែលកំពុងផើមជាង ៣ហិកតាររបស់គាត់ ត្រូវទឹកជន់លិចបាត់អស់ ហើយតាំងពីលិចទឹកមក ប្ដីរបស់គាត់នៅឃ្លាំមើលស្រូវរហូតមិនព្រមត្រឡប់មកផ្ទះវិញទេ។ លោកស្រីបញ្ជាក់ថា គ្រោះធម្មជាតិលើកនេះកាចសាហាវជាងឆ្នាំណាៗទាំងអស់ វាបានបំផ្លាញឆ្នាំងបាយគាត់ទាំងមូល និងអាចនាំឲ្យឈ្មួញលក់ជីរឹបអូសដីស្រែរបស់ពួកគាត់ថែមទៀត។

លោកស្រីបន្តថា គ្រួសារគាត់មិនសប្បាយចិត្តនឹងអំណោយដែលអាជ្ញាធរយកចែកឲ្យតិចតួច នោះទេ តែពួកគាត់បែរជាកំពុងតែបារម្ភថា បើទឹកជន់រួច ហើយជួបគ្រោះរាំងស្ងួតដូចឆ្នាំមុនទៀត តើពួកគាត់នឹងរស់បែបណា?

ទន្ទឹមនឹងនេះ អ្នកភូមិអូរតាគី ម្នាក់ទៀតដែលជម្លៀសគ្រួសារមករស់នៅលើចិញ្ចើមថ្នល់ជាតិ លោក មួន រឿម ប្រាប់ថា អ្នកស្រែឆ្នាំនេះរងកម្មផ្ទួនៗជាប់គ្នា។ មុននេះមួយខែអ្នកស្រែខ្ចីលុយគេទិញប្រេងបូមទឹក និងទិញជីដាក់ស្រែពេលស្រូវមូរដើម ទឹកលិចបំផ្លាញស្រូវអស់។ លោកបន្តថា លោកមិនបានដឹងថា ទឹកភ្លៀងនៅខាងលើទំនប់អាងកំពីងពួយ ខ្លាំងឬខ្សោយយ៉ាងណាទេ តែទឹកជន់ឡើងលិចផ្ទះអ្នកភូមិ គឺកើតឡើង ១ម៉ោង បន្ទាប់ពីមេភូមិដើរប្រាប់ឲ្យពលរដ្ឋប្រយ័ត្នប្រយែងប៉ុណ្ណោះ។ លោកបន្ទោសថា អាជ្ញាធរជំនាញគួរតែសិក្សាឲ្យបានគ្រប់ជ្រុងជ្រោយពីកម្លាំងទឹក និងលទ្ធភាពការពាររបស់ទំនប់។ ម្យ៉ាងទៀតទឹកជន់ឆ្នាំនេះ ជាសញ្ញាមួយប្រាប់ថា ដល់ពេលធម្មជាតិបំផ្លាញយើងវិញហើយ។

ទឹកជំនន់រដូវវស្សាឆ្នាំនេះចាប់ផ្ដើមតាំងពីដើមខែកញ្ញា។ ខេត្តរតនគិរី ជាខេត្តដែលរងគ្រោះមុនគេដោយជំនន់ទឹកភ្លៀង។ ទឹកបានហូរកាត់ផ្ដាច់ផ្លូវជាតិលេខ ៧៨ ដែលទើបសង់ថ្មី វាបានបំផ្លាញផ្ទះសំបែងរបស់ពលរដ្ឋ បំផ្លាញដំណាំកសិកម្ម និងបានបង្កឲ្យមនុស្សស្លាប់ ៤នាក់ទៀតផង។ បន្ទាប់មកគឺខេត្តកំពង់ចាម ក្រចេះ ស្ទឹងត្រែង ខេត្តកណ្ដាល និងខេត្តមួយចំនួនទៀត។

ចូលដល់ដើមខែតុលា ជំនន់ទឹកភ្លៀងបានវាយលុកខេត្តប៉ៃលិន ហើយកម្លាំងទឹកហូរខ្លាំងមិនធ្លាប់មាន វាយប្រហារលើផ្ទះនិងដីចម្ការអ្នកភូមិនៅស្រុកស្ទឹងកាច និងមួយផ្នែកនៃស្រុកកំរៀង ខេត្តបាត់ដំបង។ ពលរដ្ឋប្រាប់ថា ទឹកហូរខ្លាំងនេះជាលទ្ធផលនៃការកាប់បំផ្លាញព្រៃឈើនៅខេត្ត ប៉ៃលិន។ បន្ទាប់មកទឹកជន់ក៏បានជន់លិចខេត្តបាត់ដំបង ទាំងមូល និងបានបង្កឲ្យមនុស្សជាង ១៤នាក់ស្លាប់ គិតត្រឹមថ្ងៃទី១១ ខែតុលា។

ដើម្បីឆ្លើយតប មន្ត្រីគណៈកម្មាធិការជាតិគ្រប់គ្រងគ្រោះមហន្តរាយនិងមន្ត្រីកាកបាទ ក្រហម បានចាត់ចែងគ្នីគ្នាចុះចែកអំណោយគ្រប់ខេត្តក្រុងដែលរងការលិច លង់។ ក្រុមមន្ត្រីដាក់អាវក្នុងខោចុះចែកប្រាក់ ចែកមី អង្ករ ត្រីខកំប៉ុង និងសម្ភារៈមួយចំនួនទៀត អមទៅដោយសារនយោបាយទាក់ទាញប្រជាប្រិយភាពពីប្រជាពលរដ្ឋ ដែលមានឈ្មោះក្នុងបញ្ជីទឹកលិចរបស់មេភូមិ។

គ្រប់ស្ថានីយទូរទស្សន៍ថតផ្សាយព័ត៌មានពីការលិចលង់ និងផ្សាយពីរឿងចែកស្បៀង។ ចំណែកឯអាជ្ញាធរជំនាញឧតុនិយម ធនធានទឹក និងគណៈកម្មការគ្រប់គ្រងគ្រោះមហន្តរាយ ក៏នៅតែប្រកាន់យកទម្លាប់មិនសូវផ្ដល់ព័ត៌មានឲ្យអ្នកកាសែត និងពិបាកក្នុងការសុំយោបល់អប់រំ ដំបូន្មាន ចំណេះដឹងពីកិច្ចការគ្រោះមហន្តរាយ ដូចជាវិធីសង្គ្រោះមនុស្សលង់ទឹក វិធីសង្គ្រោះមនុស្សពស់ចឹក ឬការថែរក្សាសុខភាពអនាម័យសម្រាប់យកទៅផ្សព្វផ្សាយបន្តជូនពលរដ្ឋ ណាស់។

នៅលើគេហទំព័រគណៈកម្មាធិការជាតិគ្រប់គ្រងគ្រោះមហន្តរាយ ដែលជាស្ថាប័នជំនាញក្នុងការរៀបចំគោលនយោបាយ និងទប់ស្កាត់គ្រោះមហន្តរាយធម្មជាតិ បានត្រឹមតែបង្ហោះសេចក្ដីជូនដំណឹងរបស់លោក ហ៊ុន សែន ដែលបញ្ជាឲ្យមន្ត្រីជួយពលរដ្ឋកាលពីទឹកជន់ឆ្នាំ២០១១ ប៉ុណ្ណោះ ហើយទឹកជន់ឆ្នាំនេះគ្រាន់តែរូបភាពមួយសន្លឹកក៏មិនឃើញដាក់បង្ហោះ ដែរ។ ទឹកជំនន់បានគំរាមកំហែងខ្លាំងតាំងពីឆ្នាំ២០០០។ ប៉ុន្តែគោលនយោបាយនិងនីតិវិធីក្នុងការទប់ស្កាត់គ្រោះមហន្តរាយ មិនសូវមានប្រសិទ្ធភាពនៅឡើយ។

ទាក់ទងនឹងបញ្ហានេះ មន្ត្រីសម្របសម្រួលរបស់អង្គការទន្លេបី ដែលធ្វើការងារផ្នែកកិច្ចការពារបរិស្ថាន លោក មៀច មាន យល់ថា រាជរដ្ឋាភិបាលបានបរាជ័យរួចទៅហើយ ក្នុងការការពារគម្របព្រៃឈើ ដើម្បីរក្សាលំនឹងបរិស្ថាន។ លោកបន្តថា ទឹកជំនន់ឆ្នាំនេះមិនមែនជាមូលហេតុទាំងស្រុងដែលបង្កមកពីការ បាត់បង់ព្រៃឈើនោះទេ តែរាជរដ្ឋាភិបាលត្រូវទទួលស្គាល់ថា គោលនយោបាយអភិវឌ្ឍន៍សេដ្ឋកិច្ចតាមរយៈការផ្ដល់ដីសម្បទាន និងការសាងសង់ទំនប់វារីអគ្គីសនី បានបំផ្លាញព្រៃឈើយ៉ាងធ្ងន់ធ្ងរ។ លោកបញ្ជាក់ថា ប្រជាពលរដ្ឋក្រីក្រជាអ្នករងគ្រោះមុនគេ ដោយសារបញ្ហាប្រែប្រួលអាកាសធាតុ តែអ្នកដែលបំផ្លាញធម្មជាតិជាក្រុមឈ្មួញដែលមានលុយនិងមន្ត្រីដែល មានអំណាច។

របាយការណ៍របស់ គណៈកម្មាធិការជាតិ គ្រប់គ្រងគ្រោះមហន្តរាយបង្ហាញថា ទឹកជំនន់ឆ្នាំ ២០១១ បានធ្វើឲ្យប៉ះពាល់ដល់ រាជធានី ខេត្ត ចំនួន ១៨ និងប៉ះពាល់លើ ប្រជាជនជិត ២ លាននាក់ស្មើនឹងជាង៣សែន គ្រួសារ។ ក្នុងនោះពលរដ្ឋ ជាង២៥០ នាក់បានស្លាប់ ដែលភាគច្រើនជាកុមារ ។ ដំណាំកសិកម្ម មានស្រូវ និង ដំណាំរួមផ្សំរាប់ម៉ឺនហិកតា ហេដ្ឋារចនាសម្ព័ន្ធ ផ្លូវជាតិ ផ្លូវ ខេត្ត ផ្លូវលំ ប្រព័ន្ធធារាសាស្រ្ត សាលារៀន មណ្ឌលសុខភាព វត្តអារាម ផ្ទះសំបែងប្រជាជន បានរងការខូចខាត ដែល គិតតម្លៃជាទឹកអស់ប្រមាណ ៥០០ លានដុល្លារអាមេរិក។

មន្ត្រីសង្គមស៊ីវិលនិងពលរដ្ឋមួយចំនួនបន្ទោសថា ការកើនឡើងនៃកម្ដៅ និងគ្រោះទឹកជំនន់ឆ្នាំនេះ បណ្ដាលមកពីការវិនាសហិនហោចនៃព្រៃឈើ។ សង្គមស៊ីវិលបង្ហាញថា រាជរដ្ឋាភិបាលបានផ្ដល់ដីសម្បទានសេដ្ឋកិច្ចទូទាំងប្រទេសលើផ្ទៃដី ចំនួនជាង ២លានហិកតារដែលដីភាគច្រើនជាដីគម្របព្រៃឈើ។ ឈ្មួញឯកជនដែលទទួលសិទ្ធិបានកាប់ព្រៃលក់យកដីដាំកៅស៊ូ ដំឡូងមី និងដំណាំកសិឧស្សាហកម្មដទៃទៀត។ ក្នុងនោះដីព្រៃឡង់ ដែលព្រៃត្រូពិកនៅសេសសល់ធំជាងគេក្នុងតំបន់អាស៊ី ក៏ត្រូវរាជរដ្ឋាភិបាលផ្ដល់អាជ្ញាប័ណ្ណឲ្យក្រុមហ៊ុនឯកជនជាង ១សែនហិកតារ។ ដីព្រៃឈើនៅតំបន់ភូមិភាគឦសាន ឬតំបន់ទន្លេបី គឺទន្លេសេសាន ទន្លេស្រែពក និងទន្លេសេកុង ក៏ត្រូវបានរដ្ឋាភិបាលផ្ដល់ដីឲ្យគម្រោងអភិវឌ្ឍន៍សេដ្ឋកិច្ចចំនួន ៤៨គម្រោង ដែលទំហំព្រៃឈើធម្មជាតិស្មើនឹងជាង ១លានហិកតារ នឹងត្រូវគេកាប់រានដើម្បីយកធ្វើអាងស្តុកទឹកសម្រាប់ទំនប់ វារីអគ្គិសនី និងដំណាំកសិឧស្សាហកម្ម។

ទោះជាយ៉ាងណាក៏ដោយ កសិករនៅភូមិអូរតាគី ខេត្តបាត់ដំបង លោកស្រី ថាប់ ប៉ាច ប្រាប់ថា គាត់មិនសូវខ្វល់នឹងការបាត់បង់ព្រៃឈើនៅតំបន់ផ្សេងៗប៉ុន្មានទេ។ ប៉ុន្តែលោកស្រីគ្រាន់តែចង់ឲ្យផ្ទះខ្ទមតូចមួយរបស់គាត់មាន សេចក្ដីសុខប៉ុណ្ណោះ។ លោកស្រីបញ្ជាក់ថា អ្នកដែលត្រូវទទួលខុសត្រូវចំពោះបញ្ហាប្រែប្រួលអាកាសធាតុក្ដៅ ខ្លាំង ឬភ្លៀងខ្លាំងដើម្បីសម្រួលការរស់នៅល្អប្រសើរជូនពលរដ្ឋ គឺជាក្រុមមន្ត្រីដែលស៊ីប្រាក់ខែរាស្ត្រ និងឡើងកាន់អំណាចដោយសារសន្លឹកឆ្នោតរាស្ត្រ៕

ពលរដ្ឋនៅបន្ទាយមានជ័យជាង១ពាន់គ្រួសារត្រូវបានជម្លៀសទៅទីទួលសុវត្ថិភាព

2013-10-14T20:53:00.001-07:00

អាជ្ញាធរខេត្តបន្ទាយមានជ័យ បានជម្លៀសប្រជាពលរដ្ឋជាងមួយពាន់គ្រួសារទៅកាន់ទីទួលសុវត្ថិភាព ភ្លាមៗ កាលពីថ្ងៃទី១៣ ខែតុលា ឆ្នាំ២០១៣។ អ្នកភូមិទាំងនោះបាននាំគ្នារុះរើសម្ភារៈ ចេញពីលំនៅឋាន បន្ទាប់ពីទំនប់នៃអាងត្រពាំងថ្ម មានស្នាមប្រេះស្រុតដី រកកលចង់បាក់ធ្លាយទឹក ដោយសារកម្ពស់ទឹកនៅក្នុងនោះមានបរិមាណច្រើន និងមានទឹករលកបោកបក់ធំៗ។

លំនៅឋានប្រជាពលរដ្ឋនៅភូមិអូរជ្រៅ ខេត្តបន្ទាយមានជ័យ ដែលរងការលិចលង់ដោយសារទឹកជំនន់មកពីប្រទេសថៃ កាលពីថ្ងៃទី៩ ខែសីហា ឆ្នាំ២០១៣។

ស្ថានភាពគ្រោះថ្នាក់ដោយសារទឹកជំនន់នៅក្នុងអាងត្រពាំងថ្ម ឋិតនៅឃុំប៉ោយចារ ស្រុកភ្នំស្រុក ខេត្តបន្ទាយមានជ័យ ដែលបានគំរាមកំហែងលំនៅឋានអ្នកស្រុកជាច្រើនពាន់គ្រួសារ ឲ្យរុះរើទ្រព្យសម្បត្តិចាកចេញពីផ្ទះទៅកាន់ទីទួលសុវត្ថិភាពជា បណ្ដោះអាសន្ន កាលពីល្ងាចថ្ងៃទី១២ ខែតុលា ឆ្នាំ២០១៣ នោះ ឥឡូវនេះមានស្ថានភាពធូរស្រាលឡើងវិញ។

មេឃុំប៉ោយចារ លោក ប៉េង ប៊ុនថារ៉ា បញ្ជាក់ឲ្យដឹងកាលពីថ្ងៃទី១៣ ខែតុលា ថា ប្រជាពលរដ្ឋចំនួន ៤ភូមិ ឋិតក្នុងឃុំប៉ោយចារ ត្រូវបានអាជ្ញាធរមូលដ្ឋានប្រកាសអាសន្នឲ្យពួកគាត់ជម្លៀសចេញពី លំនៅឋានទៅកាន់ទីទួលសុវត្ថិភាពទាំងយប់ បន្ទាប់ពីលំនៅឋានរបស់ពួកគេរងការគំរាមកំហែងដោយសារទឹកនៅក្នុងអាង ត្រពាំងថ្ម។

លោក ប៉េង ប៊ុនថារ៉ា៖ «ពេលចេញហ្នឹងមាន ៤ភូមិ គឺភូមិប៉ោយតាអុង ភូមិត្រពាំងថ្មជើង ភូមិត្រពាំងថ្មកណ្ដាល និងភូមិត្រពាំងថ្មត្បូង ទាំងអស់ជាង ១ពាន់គ្រួសារ ប៉ុន្តែខ្លះនៅឆ្ងាយពីទឹកគាត់គិតថា មិនទាន់ចេញ ដោយគិតថា លំនៅឋានរបស់គាត់រឹងម៉ាំ គាត់នៅចាំមើលអ្នកនៅចំមុខទឹក កន្លែងរកបាក់ហ្នឹងត្រូវចេញមកទាំងអស់»។

កាលពីថ្ងៃទី១៣ ខែតុលា ទំនប់អាងនៅខាងកើត និងឋិតនៅផ្នែកខាងជើងស្ពានទី១ នៃអាងត្រពាំងថ្ម មានស្នាមប្រេះ និងស្រុតដីរកលកចង់បាក់ ទើបបណ្ដាលឲ្យអាជ្ញាធរមូលដ្ឋានប្រកាសអាសន្នឲ្យប្រជាពលរដ្ឋចាកចេញពី លំនៅឋានទៅកាន់ទីទួលសុវត្ថិភាពជាបណ្ដោះអាសន្ន។ ទន្ទឹមគ្នានេះអាជ្ញាធរខេត្តបន្ទាយមានជ័យ និងមន្ត្រីជំនាញក្រសួងធនធានទឹក និងកងកម្លាំងសមត្ថកិច្ចចម្រុះជាច្រើនរយនាក់ បានចាត់វិធានការទប់ស្កាត់ជាបន្ទាន់ កាលពីល្ងាចថ្ងៃទី១៣ ខែតុលា ដើម្បីការពារ ទំនប់អាងត្រពាំងថ្ម កុំឲ្យបាក់ធ្លាយ។

ក្រុមការងារចម្រុះបានយកគ្រឿងចក្រជាច្រើនគ្រឿង ជីកដីទប់ទំនប់ អ្នកខ្លះទៀតរួមគ្នាចុះដោតឈើនៅក្រោមផ្នែកក្រោមជើងទំនប់ និងខ្លះយកដីច្រកបាវ លើកយកទៅទប់ទំនប់នៅកន្លែងដែលមានស្នាមប្រេះស្រាំ។

អភិបាលខេត្តបន្ទាយមានជ័យ លោក ទ្រី ណារិន គូសបញ្ជាក់ថា ស្ថានភាពគំរាមកំហែងរកលកចង់បាក់ទំនប់អាងត្រពាំងថ្ម នោះ ឥឡូវនេះមានស្ថានភាពធូរស្រាលឡើងវិញហើយ។ ក្រុមការងារត្រូវបានបញ្ជូនទៅប្រចាំការនៅទីនោះ ហើយបានចាត់វិធានការទប់ស្កាត់ទាន់ពេលវេលា។

លោកបញ្ជាក់ថា មូលហេតុដែលទំនប់អាងត្រពាំងថ្ម មានស្នាមប្រេះនិងស្រុតដីនោះ គឺបណ្ដាលមកពីទំនប់នោះមានរន្ធនាគ ហើយមានទឹកហូរច្រោះ៖ «មាន ការប្រេះមែន ដោយសារតែមានរន្ធនាគមួយ ប៉ុន្តែឥឡូវនេះ ឯកឧត្ដមរដ្ឋមន្ត្រីក្រសួងធនធានទឹក លឹម គៀនហោ បានបញ្ជាឲ្យធ្វើហើយតាំងពីម្សិលមិញ ទល់យប់ ឥឡូវនេះអត់មានបញ្ហាអ្វីទេ យើងទប់បាន យើងអត់ធ្វើឲ្យបងប្អូនគាត់ផ្អើលទេ បើទប់មិនបានយើងធ្វើ ប៉ុន្តែកម្លាំងយើងត្រៀមអស់ហើយសម្រាប់ជួយប្រជាពលរដ្ឋ។ យប់មិញនេះកម្លាំងត្រៀមទាំងយប់ មកដល់ម៉ោងនេះរន្ធនាគត្រូវបានយើងបិទទាំងស្រុងអត់មានបញ្ហាអី ទេ»។

លោកបន្តថា កងទ័ពចំនួន ៤០០នាក់ បានដាក់ត្រៀមការពារសន្តិសុខនៅផ្នែកខាងលើខ្នងទំនប់អាងត្រពាំងថ្ម និងបានយកគ្រឿងចក្រទំនើបៗជាច្រើនគ្រឿងទៅធ្វើសកម្មភាពកាយដីទប់ ទំនប់ពេញមួយយប់ទល់ភ្លឺ។

អាងត្រពាំងថ្ម មានប្រវែងបណ្ដោយ ១៥គីឡូម៉ែត្រ និងទទឹង ១១គីឡូម៉ែត្រ ដែលអាចផ្ទុកទឹកបានចំនួន ២០០លានម៉ែត្រគូប ប៉ុន្តែជំនន់ទឹកភ្លៀងដែលហូរមកពីខេត្តឧត្តរមានជ័យ និងប្រទេសថៃ បណ្ដាលឲ្យមានកម្ពស់កើតឡើងជាបន្តបន្ទាប់។

មេឃុំប៉ោយចារ លោក ប៉េង ប៊ុនថារ៉ា បញ្ជាក់ថា វិសាលភាពទឹកនៅក្នុងអាងត្រពាំងថ្ម មានបរិមាណច្រើននិងមានកម្រិតខ្ពស់។ លោកថា បើមានការបាក់ធ្លាយទំនប់អាងមែននោះ លំនៅឋាន ប្រជាពលរដ្ឋនឹងត្រូវដួលរលំខូចខាងទាំងស្រុង៖ «បើសិនជាបាក់ចំ ចំណុចយើងនេះ ផ្ទះប្រជាពលរដ្ឋមិនអាចគ្រប់គ្រងបានទេ វាអាចដួលរលំ ១០០% ព្រោះទំហំទឹកអាងវាខ្ពស់ ចំណុះទឹក ២០០លានម៉ែត្រគូប ប៉ុន្តែឥឡូវនេះវាមានហួសពីការកំណត់របស់យើងទៀត បើសិនយើងមិនបានប្រកាសឲ្យប្រជាពលរដ្ឋទេ អាចមានគ្រោះថ្នាក់ យើងគួរឲ្យគាត់ចេញបណ្ដោះអាសន្នទៅការទប់ស្កាត់យើងនាំគ្នាទប់»។

នៅខេត្តបន្ទាយមានជ័យ បានទទួលគ្រោះដោយសារជំនន់ទឹកភ្លៀងលិចគ្រប់ស្រុកក្រុងទាំងអស់នៅ ទូទាំងខេត្ត។ ហេដ្ឋារចនាសម្ព័ន្ធផ្លូវថ្នល់ លំនៅឋាន សាលារៀន វត្តអារាម ផលដំណាំស្រូវ ត្រូវបានទឹកជន់លិច។ អភិបាលខេត្តបន្ទាយមានជ័យ លោក ទ្រី ណារិន បញ្ជាក់ថា បច្ចុប្បន្ន ថ្វីត្បិតស្ថានភាពជំនន់ដោយសារទឹកភ្លៀងនៅខេត្តបន្ទាយមានជ័យ បានស្រកចុះទៅវិញ ជាបណ្ដើរក៏ដោយ ប៉ុន្តែខាង អាជ្ញាធរខេត្តនៅពុំទាន់អាចវាយតម្លៃពីផលប៉ះពាល់ និងការខូចខាតដោយសារទឹកជំនន់នោះបានឡើយ។

លោក ទ្រី ណារិន៖ «ផលប៉ះពាល់យើងគិតពីចំនួនបាន ប៉ុន្តែការខូចខាត នៅថ្ងៃទី១៧ ខែតុលា ប្រជុំជាមួយជំនាញទាំងអស់ ព្រោះនៅថ្ងៃទី១៧ បានទឹកស្រកទៅ។ ពាក់ព័ន្ធហេដ្ឋារចនាសម្ព័ន្ធហើយនិងដំណាំ ជាពិសេសដំណាំស្រូវបងប្អូនប្រជាពលរដ្ឋនេះ ផ្ទៃដីស្រែសាបបាន ២០ម៉ឺនហិកតារ គឺលិចទាំងស្រុង ប៉ះពាល់ប៉ុណ្ណឹង ប៉ុន្តែការប៉ាន់ស្មានប្រហែល ៥ពាន់ហិកតារ ប៉ុន្តែអត់ទាន់ច្បាស់ទេ»។
ក្រៅពីការជន់លិចដំណាំស្រូវ ជំនន់ទឹកភ្លៀងនៅខេត្តបន្ទាយមានជ័យនេះ បណ្ដាលឲ្យមនុស្ស ៥នាក់ស្លាប់។ មូលហេតុនៃការស្លាប់នោះ គឺបណ្ដាលមកពីការធ្វេសប្រហែស និងករណីប្រជាពលរដ្ឋចុះទៅរាយមងជាដើម។

លោក ទ្រី ណារិន បញ្ជាក់ថា បញ្ហាចំពោះមុខនៅពេលទឹកកំពុងស្រកចុះទៅវិញនេះ អាជ្ញាធរខេត្ត ត្រូវគិតពីបញ្ហាស្រូវពូជផ្ដល់ឲ្យកសិករ និងការស្ដារឡើងវិញនូវហេដ្ឋារចនាសម្ព័ន្ធផ្លូវថ្នល់ទាំងអស់នៅ ក្នុងខេត្តបន្ទាយមានជ័យ ដែលបានរងការខូចខាតដោយសារទឹកជំនន់៕

ស្ដាប់ ឬ ទាញយកសំឡេង

វត្តខ្មែរកាណាដាប្រមូលបច្ច័យជួយដល់ជនរងគ្រោះដោយសារទឹកជំនន់នៅកម្ពុជា

2013-10-14T20:50:00.001-07:00

វត្តខ្មែរនៅប្រទេសកាណាដា បានធ្វើបុណ្យប្រមូលបច្ច័យពីពុទ្ធបរិស័ទខ្មែរ ក្នុងទីក្រុងម៉ុងរ៉េអាល់ (Montreal) បានចំនួនជាងមួយម៉ឺនដុល្លារ ដើម្បីជួយដល់ជនរងគ្រោះដោយសារទឹកជំនន់ក្នុងប្រទេសកម្ពុជា។

២២-កញ្ញា-២០១៣៖ ប្រជាពលរដ្ឋនៅឃុំទន្លេបិទ ស្រុកត្បូងឃ្មុំ ខេត្តកំពង់ចាម ធ្វើដំណើរតាមទូកចូលគេហដ្ឋានវិញ បន្ទាប់ពីទឹកជំនន់ជន់លិចផ្លូវ។

ព្រះតេជព្រះគុណ ហុក សាវណ្ណ ដែលជាព្រះគ្រូចៅអធិការវត្តខ្មែរកាណាដា មានថេរដីកា កាលពីថ្ងៃអាទិត្យ ទី១៣ តុលា ថា ថវិកាដែលពុទ្ធបរិស័ទខ្មែរបានបរិច្ចាគនោះ នឹងជួយទៅដល់វត្តអារាមមួយកន្លែង ដែលកំពុងរងគ្រោះធ្ងន់ធ្ងរ ហើយជាពិសេសទៅទៀតនឹងជួយដល់ពលរដ្ឋខ្មែរទូទៅ ដែលកំពុងខ្វះស្បៀងអាហារដោយសារទឹកជំនន់៖ «អាត្មាបាន អំពាវនាវដល់ពុទ្ធបរិស័ទចំណុះជើងវត្ត ក្នុងទីក្រុងម៉ុងរ៉េអាល់ ប្រទេសកាណាដា បានពន្យល់ទៅឃើញគេចូលបច្ច័យចាប់កុសល ដើម្បីជួយសង្គ្រោះជាបន្ទាន់ដល់ខ្មែរយើង ដែលកំពុងរងទុក្ខវេទនា គ្មានទីជម្រក ខ្វះស្បៀងអាហារ ធ្វើម៉េចឲ្យតែរស់បានមួយពេលហ្នឹង បានជាងមួយម៉ឺនដុល្លារ»។

រហូតមកទល់ពេលនេះ មានមនុស្សជាង ១០០នាក់ បានបាត់បង់ជីវិត ក្នុងនោះមានកុមារ ៥៥នាក់។ ចំណែកវត្តអារាមជាង ៣០០កន្លែង និងស្រែស្រូវរបស់ពលរដ្ឋចំនួន ២សែន ៥ម៉ឺន ហិកតារក្នុងខេត្តក្រុងចំនួន ២០ បានជន់លិចដោយសារគ្រោះទឹកជំនន់។

ព្រះតេជព្រះគុណ ហុក សាវណ្ណ ចៅអធិការវត្តខ្មែរកាណាដា ទីក្រុងម៉ុងរ៉េអាល់។ Provided Photo

ព្រះតេជព្រះគុណ ហុក សាវណ្ណ មានថេរដីកាបន្តថា ថវិកាជាង ១ម៉ឺនដុល្លារ ដែលព្រះអង្គប្រមូលបាននឹងចាត់ចែងប្រគេនដល់ព្រះសង្ឃខ្មែរមួយចំនួន គង់នៅវត្តឧណ្ណាលោម និងវត្តស្ទឹងមានជ័យ រាជធានីភ្នំពេញ ដើម្បីនិមន្តចុះជួយសត្វលោកដែលកំពុងលង់ទឹកដោយគ្មានរើសអើង និន្នាការនយោបាយអ្វីឡើយ៖ «ជំនួយសង្គ្រោះហ្នឹងគួរខ្មែរទាំងអស់ ដែលជាអ្នកកាន់ព្រះពុទ្ធសាសនា ជាពិសេសអ្នកមានធនធានគ្រាន់បើ នៅក្នុងស្រុកក្តី នៅក្រៅស្រុកក្តី គួរបញ្ចេញជួយមួយពេល។ ហើយបើតាមសង្គហទានព្រះពុទ្ធលោក មិនឲ្យគិតថា អ្នកហ្នឹងជាបែបម៉េច គឺអត់ទេ គឺគិតតែសង្គ្រោះឲ្យរស់។ សង្គហធម៌គេអត់គិតថា អ្នកហ្នឹងមានសីលធម៌ ឬ អត់សីលធម៌ គណបក្សណា ឬ សាសនាណាទេ គេអត់ទេ គឺគិតថាធ្វើម៉េចឲ្យតែមនុស្សរស់ប៉ុណ្ណឹង។ អាហ្នឹងគេហៅថាជំនួយសង្គ្រោះ»។

ព្រះតេជគុណបានអំពាវនាវដល់ពលរដ្ឋខ្មែរទាំងអស់មេត្តាបង្កើនការជួយ ឧត្ថម្ភជាសម្ភារៈ ថវិកា និងថ្នាំសង្កូវផ្សេងៗ ដល់ពលរដ្ឋក្នុងប្រទេសកម្ពុជា ដែលកំពុងជួបគ្រោះទឹកជំនន់ដ៏ធ្ងន់ធ្ងរ។ លើសពីនេះទៅទៀត ព្រះតេជព្រះគុណ ហុក សាវណ្ណ ក៏បានក្រើនរំលឹកដល់ពលរដ្ឋទាំងអស់ឱ្យបង្កើនការប្រុងប្រយ័ត្នខ្ពស់ ចំពោះសត្វមានពិស និងភ្លើងអគ្គិសនី ដែលអាចបំពារបំពានដល់អាយុជីវិតមនុស្ស ក្នុងពេលមានគ្រោះទឹកជំនន់នេះ៕

ស្ថានភាពរស់នៅរបស់ពលរដ្ឋរងគ្រោះដោយទឹកជំនន់នៅខេត្តកំពង់ចាម

2013-10-14T20:42:00.000-07:00

ទោះបីជាស្ថានភាពទឹកជំនន់នៅតាមដងទន្លេមេគង្គ មានការស្រកថយចុះជាបណ្តើរៗក្ដី ប៉ុន្តែប្រជាជនមួយចំនួនមិនទាន់អាចវិលត្រឡប់ចូលផ្ទះរបស់ខ្លួន បាននោះទេ។ ពួកគាត់ត្រូវបន្តរស់នៅលើទីទួលសុវត្ថិភាពជាបណ្តោះអាសន្នដដែល។ ប្រជាពលរដ្ឋជាច្រើនបានរៀបរាប់ពីស្ថានភាពលំបាកក្នុងការរស់នៅ ដោយពួកគាត់ត្រូវជួបប្រទះនឹងការខ្វះខាតស្បៀងអាហារ និងមានជំងឺជាច្រើន។

ស្ថានភាពរស់នៅរបស់ពលរដ្ឋរងគ្រោះដោយទឹកជំនន់ នៅភូមិព្រែកតូច ឃុំទន្លេបិទ ស្រុកត្បួងឃ្មុំ ខេត្តកំពង់ចាម ថ្ងៃទី ១៣ ខែតុលា ឆ្នាំ២០១៣។

ទឹកនៅតាមដងទន្លេមេគង្គកាន់តែស្រក ប្រជាពលរដ្ឋមួយចំនួនធំបានវិលត្រឡប់ទៅផ្ទះរបស់ពួកគាត់ជាបណ្តើរៗ។ ប្រជាពលរដ្ឋផ្សេងទៀតនៅខេត្តកំពង់ចាម បន្តរស់នៅលើទីទួលសុវត្ថិភាព ដោយផ្ទះរបស់ពួកគាត់ទឹកមិនទាន់ស្រកផុត។

ប្រជាពលរដ្ឋរស់នៅភូមិព្រែកតូច ឃុំទន្លេបិទ ស្រុកត្បួងឃ្មុំ អ្នកស្រី ស្លេះ អាយសះ ជាជនជាតិខ្មែរ-ឥស្លាម មានប្រសាសន៍ថា អ្នកស្រីមិនទាន់អាចរើឥវ៉ាន់ពីទួលសុវត្ថិភាពទៅនៅផ្ទះរបស់ខ្លួន បាននោះទេ ពីព្រោះទឹកមិនទាន់ស្រកផុត ដូចនេះអ្នកស្រី និងក្រុមគ្រួសារត្រូវបន្តនៅលើទីទួលបន្តទៀត។ អ្នកស្រីបន្តថា តាំងពីមករស់នៅលើទីទួលមក អ្នកស្រីមិនអាចទៅរកស៊ី ឬទៅស៊ីឈ្នួលគេបាននោះទេ។

អ្នកស្រីបន្ថែមថា គាត់ជួបការលំបាកជាច្រើន ហើយថែមទាំងមានជំងឺទៀតផង ពីព្រោះអាកាសធាតុមិនសូវល្អ ដោយសារចំហាយកម្ដៅពីតង់ខាងលើ៖ «ខ្ញុំអត់ដឹងដែរមូលហេតុ ប៉ុន្តែពេលវាក្តៅៗមកតែម្ដង។ នៅអ៊ីចឹងវាក្តៅ ទាំងចាស់ទាំងក្មេង ឈឺទាំងអស់។ ...អត់ទេ! អត់មានរកអីទេហ្នឹង»។

អ្នកស្រី ស្លេះ អាយសះ ឱ្យដឹងដែរថា កន្លងមកមានខាងអាជ្ញាធរខេត្ត និងអង្គការបានចុះមកចែកជូននូវអំណោចមួយចំនួនដល់ពួកគាត់ ដើម្បីបំពេញសេចក្តីខ្វះខាតបានមួយចំណែក។

ចំណែកឯប្រជាពលរដ្ឋរស់នៅភូមិដដែលនោះ លោក ទិន អីទ្រេស ក៏បានបង្ហាញពីការលំបាកក្នុងការរស់នៅ ពីព្រោះលោកកំពុងតែមានជំងឺផ្តាយសាយធំ ហើយពិបាកមួយទៀត ដោយសារលោកមានចិញ្ចឹមសត្វ ដូចនេះពិបាករកចំណីឱ្យពួកវាស៊ី៖ «ពិបាក នឹងកន្លែង ពិបាកនឹងការហូបចុកហ្នឹងហើយ។ រឿងអ្វីផ្សេងទៀតដូចមិនមានការលំបាក ប៉ុន្តែពិបាកនឹងការហូបចុក ថ្នាំពេទ្យអីហ្នឹង»។

ចំណែកឯប្រជាពលរដ្ឋរស់នៅឃុំទន្លេបិទលើ អ្នកស្រី ហួន ចន្ថា ដែលទើបតែរើពីទីទួលសុវត្ថិភាពទៅស្នាក់នៅផ្ទះរបស់ខ្លួនវិញបាន ចំនួន ២ថ្ងៃ បានឱ្យដឹងថា ស្ថានភាពរស់នៅរបស់អ្នកស្រីនិងគ្រួសារនៅតែជួបការលំបាក ដោយសារផ្លូវ និងបរិវេណផ្ទះរបស់អ្នកស្រី ទឹកមិនទាន់ស្រកផុត ហើយកូនអ្នកស្រីចំនួន បីនាក់សុទ្ធតែឈឺទាំងអស់៖ «មកថ្នល់វាគោកហើយ លែងពិបាកជញ្ជូនមកពូអើយ! ឥឡូវមកនៅនឹងផ្ទះពិបាករស់នៅ នៅនឹងភក់ ឥឡូវពិបាកមែនទែន។ ឥឡូវ ផ្តាស់សាយផង ឈឺភ្នែកហ្នឹងផង»។

ឆ្លើយតបនឹងការត្អូញត្អែរបស់ប្រជាពលរដ្ឋខាងលើ អភិបាលរងស្រុកត្បូងឃ្មុំ លោក រ៉ាន សុភា មានប្រសាសន៍ថា ស្ថានភាពរបស់ប្រជាពលរដ្ឋដែលបានជម្លៀសដោយទឹកជំនន់នាពេលកន្លងទៅ អាជ្ញាធរស្រុកតែងតែយកចិត្តទុកដាក់ជានិច្ច ពិសេសពាក់ព័ន្ធអនាម័យ និងសុខភាព។ លោកបន្តថា ពេលនេះមានប្រជាពលរដ្ឋមួយចំនួនធំបានវិលត្រឡប់ទៅលំនៅឋានរបស់ពួក គាត់វិញហើយ។

ចំពោះបញ្ហាអនាម័យ និងសុខភាពនេះដែរ ប្រធានមន្ទីរសុខាភិបាលស្រុកត្បូងឃ្មុំ លោក សាយ ហេង មានប្រសាសន៍ថា ខាងមន្ទីរសុខាភិបាលតែងតែយកចិត្តទុកដាក់ចំពោះប្រជាពលរដ្ឋ ដែលមិនទាន់អាចវិលត្រឡប់ទៅលំនៅឋានទាំងនោះជាប្រចាំ៖ «នៅខាងស្រុករបស់ខ្ញុំនៅខាងទីទួលសុវត្ថិភាព ប្រជាពលរដ្ឋគាត់ត្រឡប់ទៅផ្ទះវិញភាគច្រើនហើយ នៅសល់តិចតួចទេហ្នឹងហើយ! សល់តិចតួចទេ ហើយបុគ្គលិកយើងបានទៅជួបគាត់មើលមួយថ្ងៃ ២ដងកន្លែងទួលហ្នឹង។ មានបញ្ហាអី គាត់រាយការណ៍មក យើងនឹងចុះធ្វើអន្តរាគមន៍»។

លោកបន្តថា ចំពោះប្រជាពលរដ្ឋ ដែលបានវិលត្រឡប់ទៅលំនៅឋានវិញ គប្បីមានការប្រុងប្រយ័ត្នបន្ថែមទាក់ទងនឹងអនាម័យ ហើយត្រូវពិសារទឹកឆ្អិនជាប្រចាំ ពិសេសត្រូវមានការការពារពីមូសផ្សេងៗ ព្រោះទឹកស្រកមិនទាន់ដាច់អាចមានមូសច្រើន។

ការយកចិត្តទុកដាក់ចំពោះប្រជាពលរដ្ឋនាពេលទឹកស្រកនេះ អភិបាលខេត្តកំពង់ចាម លោក លន់ លឹមថៃ ក៏ធ្លាប់មានប្រសាសន៍ដែរថា អាជ្ញាធរខេត្តនឹងតាមដានមើលពីស្ថានភាពរស់នៅរបស់ប្រជាពលរដ្ឋបន្តទៀត ដើម្បីបង្កភាពងាយស្រួលដល់ពួកគាត់ក្នុងការរស់នៅ៕

ដាប់ ឬ ទាញយកសំឡេង

ព្រះមហាក្សត្រយាងចែកអំណោយដល់អ្នករងគ្រោះដោយទឹកជំនន់

2013-10-14T20:37:00.000-07:00

ព្រះករុណាព្រះបាទសម្ដេចព្រះបរមនាថ នរោត្ដម សីហមុនី ទ្រង់យាងចុះចែកព្រះរាជអំណោយដល់ប្រជាពលរដ្ឋរងគ្រោះដោយសារទឹក ជំនន់ប្រមាណជា ៥០០គ្រួសារ មកពីឃុំចំនួន២ គឺឃុំកំពង់ត្រឡាច និងឃុំអំពិលទឹក នៃស្រុកកំពង់ត្រឡាច ខេត្តកំពង់ឆ្នាំង។

ព្រះករុណា ព្រះបាទសម្ដេចព្រះបរមនាថ នរោត្ដម សីហមុនី ប្រទានព្រះរាជអំណោយដល់ពលរដ្ឋរងគ្រោះដោយសារទឹកជំនន់ នៅឃុំកំពង់ត្រឡាច ស្រុកកំពង់ត្រឡាច ខេត្តកំពង់ឆ្នាំង នៅថ្ងៃទី១៣ ខែតុលា ឆ្នាំ២០១៣។

អាជ្ញាធរភូមិមួយចំនួនបញ្ជាក់ថា ប្រជាពលរដ្ឋដែលបាន មកទទួលព្រះរាជអំណោយនៅព្រឹកថ្ងៃទី១៣ ខែតុលា មានទឹកចិត្តសប្បាយរីករាយ។ ដោយឡែកប្រជាពលរដ្ឋរងគ្រោះមួយចំនួនទៀត ដែលមិនបានមកទទួលព្រះរាជអំណោយរបស់ព្រះមហាក្សត្រនៅពេលនេះ នឹងកើតទុក្ខមិនសុខចិត្ត ហើយបានស្ដីបន្ទោសអាជ្ញាធរភូមិ។

មេភូមិឪម៉ាល់ ឃុំអំពិលទឹក លោក ឈឹម សំអឿន មានប្រសាសន៍នៅព្រឹកថ្ងៃទី១៣ ខែតុលា ថា លោកបានបើកទូកដឹកប្រជាពលរដ្ឋរងគ្រោះដោយសារទឹកជំនន់នៅក្នុងភូមិ ចំនួន ១៥គ្រួសារ ក្នុងចំណោមជាង ២០គ្រួសារ មកបើកអំណោយពីព្រះមហាក្សត្រ។

លោក ឈឹម សំអឿន៖ «ក្រៅពីហ្នឹងវាលិចដែរ ប៉ុន្តែគេឲ្យតែ១៥ អ៊ីចឹងយើងបានតែ ១៥ ឲ្យគាត់ខ្វះ ១០ទៀត។ បើតាមពិតមិនមែនខ្វះ ១០ទេ វាខ្វះដែរ បន្តគ្នា ប៉ុន្តែក្នុងហ្នឹងយើងមើលអាណាដែលពិបាកជាងគេយើងឲ្យទៅគាត់»។

ចំណែកមេភូមិខ្លាគ្រហឹម លោក ជា ហុំ បញ្ជាក់ថា នៅក្នុងភូមិរបស់លោកមានប្រជាពលរដ្ឋសរុប ៣២៧គ្រួសារ ក្នុងនោះមាន ៣០គ្រួសារ បានរងផលប៉ះពាល់ពីគ្រោះទឹកជំនន់ ក៏ប៉ុន្តែគ្រួសារដែលបានមកទទួលព្រះរាជអំណោយនៅថ្ងៃនេះមានចំនួន ១៧គ្រួសារ។

លោកបន្តថា ក្រោយពីការចែកអំណោយម្ដងៗ ប្រជាពលរដ្ឋតែងតែរិះគន់ ឬស្ដីបន្ទោសដាក់អាជ្ញាធរ៖ «អ្នក ដែលលិចទឹកនេះ លិចមុនរាយការណ៍មកមុន អានេះលើកទីមួយហើយ តាំងពីលិចមក។ មានការត្រេកអរចំពោះបងប្អូនយើងដែលមានបញ្ហាការលំបាកបានសម្ដេច យកអំណោយមកឲ្យនេះ ត្រេកអរពិសេសហើយ»។

ទាក់ទងនឹងបញ្ហានេះអភិបាលស្រុកកំពង់ត្រឡាច លោក ហ៊ុល ចាន់ថូ ថ្លែងថា នៅស្រុកកំពង់ត្រឡាច មានឃុំចំនួន២ ដែលមានផលប៉ះពាល់ពីគ្រោះទឹកជំនន់ ហើយចំនួនគ្រួសារដែលបានមកទទួលព្រះរាជអំណោយរបស់ព្រះមហាក្សត្រ គឺអាជ្ញាធរកំណត់យកតែគ្រួសារណាដែលរងផលប៉ះពាល់ធ្ងន់ធ្ងរ៖ «ការ ចែកនេះភាគច្រើនគឺខាងរដ្ឋអំណាច អាជ្ញាធរ លោកមើលទៅលើអ្នកដែលជាក់ស្ដែង និយាយរួមទៅគឺថា អ្នកដែលគាត់អត់ គាត់ក្រីក្រ ព្រោះនៅក្នុងចំណោមលិចទឹកទាំងអស់វាលិចដូចគ្នា ប៉ុន្តែគ្រាន់ថា ប្រជាពលរដ្ឋមានអ្នកមានអ្នកក្រ»។

ប្រជាពលរដ្ឋរងគ្រោះដោយសារទឹកជំនន់ នៅឃុំកំពង់ត្រឡាច ស្រុកកំពង់ត្រឡាច ខេត្តកំពង់ឆ្នាំង កំពុងអង្គុយ ក្បែរព្រះរាជអំណោយ រង់ចាំការយាងមកដល់របស់ព្រះមហាក្សត្រ នៅថ្ងៃទី១៣ ខែតុលា។ RFA/Chin Chetha

ព្រះករុណា ព្រះបាទសម្ដេចព្រះបរមនាថ នរោត្ដម សីហមុនី ទ្រង់បានយាងតាមព្រះទីន័ងនាវា មកដល់ភូមិសំរឹទ្ធិជ័យ ឃុំកំពង់ត្រឡាច ស្រុកកំពង់ត្រឡាច ខេត្តកំពង់ឆ្នាំង នៅវេលាម៉ោង ៨ និង ៣០នាទី ព្រឹកថ្ងៃទី១៣ ខែតុលា ដើម្បីចែកព្រះរាជអំណោយដល់ប្រជាពលរដ្ឋដែលរងផលប៉ះពាល់ដោយសារគ្រោះ ទឹកជំនន់ ហើយនៅក្នុងអំឡុងពេលនៃព្រះរាជពិធីចែកអំណោយនោះ ក៏មានភ្លៀងធ្លាក់មួយមេផងដែរ។
ព្រះរាជអំណោយដែលព្រះមហាក្សត្រ ទ្រង់យាងចុះចែកនោះក្នុងមួយគ្រួសារបានទទួលរួមមាន អង្ករ ៥០គីឡូក្រាម កៅស៊ូតង់ ១ មុង ១ ភួយ ១ ក្រមា ១ សារុង ១ អាវយឺត ១ មី ១កេស ត្រីខ ១០កំប៉ុង និងថវិកាចំនួន ១០ម៉ឺនរៀល។

ព្រះរាជអំណោយរបស់ព្រះមហាក្សត្រ សម្រាប់ចែកដល់ប្រជាពលរដ្ឋរងគ្រោះ នៅឃុំកំពង់ត្រឡាច និងឃុំអំពិលទឹក នៅថ្ងៃទី១៣ ខែតុលា ឆ្នាំ២០១៣។ RFA/Chin Chetha

វិទ្យុអាស៊ីសេរីមិនអាចទាក់ទងអភិបាលខេត្តកំពង់ឆ្នាំង លោក ឈួរ ច័ន្ចឌឿន និងទេសរដ្ឋមន្ត្រី និងជាអនុប្រធានទី១ នៃគណៈកម្មាធិការជាតិគ្រប់គ្រងគ្រោះមហន្តរាយ លោក ញឹម វណ្ណដា ដើម្បីសុំការអត្ថាធិប្បាយជុំវិញស្ថានភាពទឹកជំនន់ និងផលប៉ះពាល់របស់ប្រជាពលរដ្ឋបានទេ នៅល្ងាចថ្ងៃទី១៣ ខែតុលា៕

ស្ដាប់ ឬ ទាញយកសំឡេង

អង្គការសង្គមស៊ីវិល និស្សិត និងព្រះសង្ឃ លើកអនុសាសន៍សុំបង្កើតច្បាប់គ្រប់គ្រងគ្រឿងស្រវឹង

2013-10-14T20:30:00.002-07:00

អង្គការសង្គមស៊ីវិល និស្សិត និងព្រះសង្ឃ ចូលរួមក្នុងវេទិកានៅថ្ងៃទី១៤ ខែតុលា ឆ្នាំ២០១៣ ដើម្បីសុំឲ្យព្រឹទ្ធសភា រដ្ឋសភា និងក្រសួងស្ថាប័នពាក់ព័ន្ធបង្កើតជាច្បាប់គ្រប់គ្រងគ្រឿងស្រវឹង។

គ្រឿងស្រវឹងកំពុងក្លាយទៅជាបញ្ហាចោទធ្ងន់ធ្ងរ សំរាប់ប្រទេសកម្ពុជាបច្ចុប្បន្ន ដែលអង្គការក្រៅរដ្ឋាភិបាល និងសមាគមយុវជន ជួបប្រជុំប្រមូលយកអនុសាសន៍ ពីវេទិកានៅថ្ងៃទី១៤ ខែតុលា ដើម្បីសុំឲ្យព្រឹទ្ធសភា រដ្ឋសភា និងក្រសួងស្ថាប័នពាក់ព័ន្ធបង្កើតជាច្បាប់គ្រប់គ្រងគ្រឿងស្រវឹង។

មនុស្សប្រមាណ១០០នាក់ ភាគច្រើនជានិស្សិត ព្រះសង្ឃ បុគ្គលិកអង្គការក្រៅរដ្ឋាភិបាល និងមន្រ្តីក្រសួងស្ថាប័នរដ្ឋាភិបាល ប្រជុំគ្នាក្នុងវេទិកា ផ្តល់យោបល់ ស្តីពីវិធានការកាត់បន្ថយការប្រើប្រាស់គ្រឿងស្រវឹង ដើម្បីប្រមូលអនុសាសន៍ បញ្ជូនទៅរដ្ឋសភា ព្រឹទ្ធសភា សុំបង្កើតច្បាប់គ្រប់គ្រង គ្រឿងស្រវឹង។

នាយកប្រតិបត្តិអង្គការចលនា ដើម្បីសុខភាពកម្ពុជា វេជ្ជបណ្ឌិត មុំ គង់ ថ្លែងថា អនុសាសន៍ប្រមូលបានពីវេទិកាផ្តល់អនុសាសន៍ ស្តីពីវិធានការកាត់បន្ថយគ្រឿងស្រវឹង នៅថ្ងៃទី១៤ ខែតុលានេះ នឹងបញ្ជូនទៅក្នុងកិច្ចប្រជុំរបស់ព្រឹទ្ធសភា រដ្ឋសភា និងក្រសួងស្ថាប័នពាក់ព័ន្ធ នៅល្ងាចថ្ងៃដដែល ដើម្បីឈានទៅបង្កើតគោលនយោបាយកាត់បន្ថយ ការប្រើប្រាស់គ្រឿងស្រវឹង នៅកម្ពុជា៖ «ល្ងាចនេះ មានការចូលរួមប្រជុំ ពីសភា ព្រឹទ្ធសភា ហើយនិងក្រសួងដែលពាក់ព័ន្ធនឹង គឺមានគោលបំណង ពិភាក្សាគ្នាថា តើប្រទេសកម្ពុជាយើង គួរធ្វើគោលនយោបាយអ្វីមុនគេ ដើម្បីកាត់បន្ថយ ការប្រើប្រាស់គ្រឿងស្រវឹង។ ពីព្រោះតាមរយៈវិធានការ សកល របស់អង្គការសុខភាពពិភពលោក បានលើកឡើងនូវវិធានការ៤ ដែលមានប្រសិទ្ធិភាព ដើម្បីកាត់បន្ថយការប្រើប្រាស់គ្រឿងស្រវឹង៖ ទី១ គឺការតម្លើងពន្ធ លើផលិតផលគ្រឿងស្រវឹង ទី២ គឺវិធានការទៅលើ ការផ្សាយពាណិជ្ជកម្មគ្រឿងស្រវឹង ទី៣ គឺកំណត់នូវកន្លែងលក់គ្រឿងស្រវឹង និងទី៤ ពាក់ព័ន្ធនឹងអាយុនៃអ្នកអាចទិញគ្រឿងស្រវឹងបាន។»

មន្រ្តីបច្ចេកទេសនៃអង្គការសុខភាពពិភពលោក ទទួលបន្ទុកការងារថ្នាំជក់ និងគ្រឿងស្រវឹង វេជ្ជបណ្ឌិត យឹល ដារ៉ាវុធ ថ្លែងថា អនុសាសន៍កាត់បន្ថយ ការប្រើប្រាស់គ្រឿងស្រវឹង ត្រូវតម្លើងពន្ធ ផលិតផលគ្រឿងស្រវឹង ហាមផ្សាយពាណិជ្ជកម្មគ្រឿងស្រវឹងតាមប្រព័ន្ធផ្សព្វផ្សាយ កំណត់កន្លែង

លក់គ្រឿងស្រវឹង និងកំណត់អាយុអ្នកប្រើប្រាស់គ្រឿងស្រវឹង។ អនុសាសន៍ទាំង៤នេះ ត្រូវបញ្ជូនភ្លាមៗ ឲ្យតំណាងរាស្រ្តអាណត្តិទី៥ ពិចារណា ដើម្បីឈានទៅបង្កើតច្បាប់គ្រប់គ្រងគ្រឿងស្រវឹង៖ « គួរតម្លើងពន្ធទៅលើគ្រឿងស្រវឹង។ ពន្ធឥឡូវនេះទាបណាស់ មានតែ២៥% នៃ តម្លៃលក់រាយ ដែលទាបនៅក្នុងបណ្តាប្រទេស នៅតំបន់អាស៊ានយើង។ អីចឹងពន្ធទាបនេះហើយ ជាហេតុផលធ្វើឲ្យយុវតី និងយុវបុរសយើង គឺអាចមានលទ្ធភាពទិញគ្រឿងស្រវឹងបាន ហើយខ្មែរយើងនិយាយឲ្យចំទៅ គឺផឹកគ្រឿងស្រវឹងខុសប្លែកពីគេ គឺថាគាត់ផឹកៗយកតែម៉ាឈ្នះតែម្តង ម្នាក់កន្លះកែសអីចឹង អានេះ វាធ្វើឲ្យប៉ះពាល់សុខភាពធ្ងន់ធ្ងរណាស់ អីចឹងបញ្ហាថ្លើម ដូចគេមានជំនឿថា ផឹកគ្រឿងស្រវឹងធ្វើឲ្យជួយបេះដូងតិចតួច ប៉ុន្តែគេភ្លេចគិតថា គ្រឿងស្រវឹងប្រឈមមុខទៅនឹងថ្លើមខ្លាំងក្លា ហើយមហារីកដទៃទៀត។ ស្រ្តីដែលប្រើប្រាស់គ្រឿងស្រវឹងប្រឈមមុខនឹងមហារីកដោះមហារីកមាត់ ស្បូន អីចឹងជាបញ្ហាសំខាន់។ អីចឹងទី១ គឺការតម្លើងពន្ធឲ្យខ្ពស់ ទៅលើផលិផលគ្រឿងស្រវឹង ដែលរដ្ឋក៏បានប្រមូលលុយច្រើន អាចធ្វើឲ្យអត្រានៃការប្រើប្រាស់គ្រឿងស្រវឹងអាចថយចុះ ព្រោះថាលទ្ធភាពទិញស្រា គឺថាមិនអាចទិញបានច្រើនទេ ព្រោះថាតម្លៃថ្លៃ។»

ប្រធានមជ្ឈមណ្ឌលភីឌីភី លោក យ៉ង់ គឹមអេង ថ្លែងថា របាយការណ៍ របស់ក្រសួងសុខាភិបាល កាលពីឆ្នាំ២០១១ បង្ហាញថា គ្រោះថ្នាក់ ចរាចរណ៍បណ្តាលមកពីគ្រឿងស្រវឹងនៅប្រទេសកម្ពុជាធ្វើឲ្យមនុស្សជាង ២ពាន់នាក់ ស្លាប់ របួស និងខូចខាតទ្រព្យសម្បត្តិ គិតជាថវិកា ប្រមាណ៤៤លានដុល្លារ។ លោកថា បច្ចុប្បន្ន ប្រព័ន្ធផ្សព្វផ្សាយលក់គ្រឿងស្រវឹងកំពុងបង្ហាញតាមទូរទស្សន៍ អំពីរង្វាន់ ដែលផ្តល់ទៅអ្នកផឹក។ ការឃោសនានោះ ទាក់ទាញកុមារ និងយុវជនជំទង់ ចង់ផឹកសាក ដើម្បីឈ្នះ

រង្វាន់។ បញ្ហាទាំងនេះ ទើបយុវជន សិស្ស និស្សិត ព្រះសង្ឃ នាំគ្នាប្រមូលអនុសាសន៍ចំនួន៤ សំខាន់ គឺការតម្លើងពន្ធលើផលិតផលគ្រឿងស្រវឹង ដែលអាចនាំឲ្យប្រទេសកម្ពុជាមានចំណូលខ្ពស់ ហើយអ្នកខ្លះ ដែលចង់ផឹកគ្រឿងស្រវឹង មិនអាចរកទិញគ្រឿងស្រវឹងមកផឹកបានងាយ។ មួយវិញ

ទៀត កំណត់កន្លែងលក់គ្រឿងស្រវឹង និងអាយុអ្នកផឹកគ្រឿងស្រវឹង និងបិទការផ្សាយពាណិជ្ជកម្មជាដើម ទើបមានប្រសិទ្ធភាពក្នុងការកាត់បន្ថយអ្នកប្រើប្រាស់គ្រឿងស្រវឹង។

គ្រឿងស្រវឹងនេះទៀត គឺជាមូលហេតុបណ្តាលឲ្យមានអ្នកស្លាប់ លើពិភពលោកប្រមាណ២,៥លាននាក់ ក្នុងមួយឆ្នាំៗ និង

បង្កឲ្យមានជំងឺ ជាង២០០មុខ ដូចជា មហារីកបំពង់អាហារ មហារីកថ្លើម ជំងឺស្ទះសរសៃឈាម ជំងឺដាច់សរសៃឈាមបេះដូង ដាច់សរសៃខួរក្បាល ជំងឺក្រិនថ្លើម រលាកលំពែង និងវិកលវិបល្លាសជាដើម។ លោកថាសង្គមស៊ីវិលជម្រុញឲ្យរដ្ឋាភិបាលអាណត្តិថ្មី ចាំបាច់ត្រូវបង្កើតច្បាប់

គ្រប់គ្រងគ្រឿងស្រវឹង៖ «ខាងសភា ខាងព្រឹទ្ធសភា មានជំហរមួយឯកភាពគ្នា គឺថាជម្រុញឲ្យមានគោលនយោបាយគ្រឿងស្រវឹងនឹង ឲ្យបានឆាប់ នៅក្នុងអាណត្តិទី៥នេះ ក៏ប៉ុន្តែសង្គមស៊ីវិលក៏ខំប្រឹងដែរ គឺប្រឹងរុញ។ ប៉ុន្តែក្នុងនោះដែរ យើងនឹងរៀបចំឲ្យមានក្រុមពិសេសមួយ ដើម្បីធ្វើការជាមួយ គាត់(សភា ព្រឹទ្ធសភា ក្រសួងស្ថាប័នពាក់ព័ន្ធ) ដើម្បី ពន្លឿននូវគោលនយោបាយគ្រឿងស្រវឹងនឹង។

ប៉ុន្តែយើងឃើញថា អ្វីដែលសំខាន់នឹង គឺក្រសួងសុខាភិបាល យើងឃើញថា នៅមានការយឺតយ៉ាវ ចំពោះការរុញបញ្ហាគ្រឿងស្រវឹងនឹងឲ្យចេញឆាប់។ យើងឃើញថា មកដល់ពេលនេះ ទើបនឹងមានផែនការយុទ្ធសាស្រ្ត៥ឆ្នាំ អីចឹងយើងអត់ទាន់បានឈានទៅដល់ការធ្វើសេចក្តីព្រាងគោលនយោបាយទេ នេះជាបញ្ហា។»

ព្រះសង្ឃមួយអង្គនិមន្តពីវត្តនន្ទមុន្នី សង្កាត់ស្ទឹងមានជ័យ មកចូលរួមក្នុងវេទិកានោះ មានថេរដីកាបន្ថែមថា ដើម្បីកាត់បន្ថយការសេពគ្រឿងស្រវឹង រដ្ឋាភិបាលគួរបង្កើតផលិតផលជំនួសគ្រឿងស្រវឹងវិញ៖ «ពេលណាមាន អ្នកទៅទិញ ឧបមាថាទិញផ្លែប៉ោម ពេលណាគ្មានផ្លែប៉ោម គេនឹងប្តូរចិត្ត ទៅទិញផ្លែសារីវិញម្តង ដើម្បីទទួលទាន។ នេះគឺជាលទ្ធផលជំនួស។ ទាក់ទងគ្រឿងស្រវឹង ក៏អីចឹងដែរ។»

យុវនារីមួយរូបផ្តល់យោបល់ថា បាវចនារបស់ប្រទេសកម្ពុជា មានជាតិ សាសនា និងព្រះមហាក្សត្រ។ ក្នុង៣នោះ គឺបាវចនាជាតិ កំពុងត្រូវបានអ្នកឃោសនាគ្រឿងស្រវឹងយកទៅផ្សព្វផ្សាយ ហើយអ្នកទិញ គ្រឿងស្រវឹងផឹក កំពុងតែយកពាក្យបាវចនាជាតិនោះ ទៅលេងសើច៖ «ហេតុអីបានជាជាតិរបស់យើង នៅលើកំប៉ុងប៊ីយែ នៅលើអីចឹង? បេះដូងខ្ញុំមិនមែនលើកំប៉ុងប៊ីយែទេ បេះដូងខ្ញុំនៅកន្លែងផ្សេងទេ ហើយមោទនភាពខ្ញុំក៏មិនមែននៅលើធុងប៊ីយែដែរ។ អីចឹងខ្ញុំមិនដឹង ថាតើនៅក្នុងគោលនយោបាយ ឬក៏វិធានការ អនុសាសន៍អីនឹងយើងអាចដាក់បញ្ចូលតែមួយឃ្លា ហើយតើយើងគួរមានបទប្បញ្ញត្តិ ក្នុងការកំរិតការដាក់ឈ្មោះ និងពាក្យស្លោកទាក់ទងទៅនឹងជាតិនិយមនឹងដែរ ឬអត់!។»

របាយការណ៍វេទិកាផ្តល់យោបល់ស្តីពីវិធានការ កាត់បន្ថយការប្រើប្រាស់គ្រឿងស្រវឹង បង្ហាញថា នៅក្នុងប្រទេសកម្ពុជា ឧស្សាហកម្មគ្រឿងស្រវឹង តែងតែលើកឡើងថា ការវិនិយោគទុនគ្រឿងស្រវឹងផ្តល់ដល់រដ្ឋាភិបាល នូវប្រាក់ចំណូលពន្ធច្រើន។ ប៉ុន្តែប្រទេសជាច្រើនលើពិភពលោក សុទ្ធតែបាន អះអាងថា ចំណូលពន្ធពីគ្រឿងស្រវឹង គឺមានចំនួនតិចជាងការខាតបង់ទ្រព្យសម្បត្តិ ដែលបង្កដោយអ្នកប្រើប្រាស់គ្រឿងស្រវឹង។ ជាក់ស្តែងនៅប្រទេសថៃ ការប្រមូលពន្ធពីគ្រឿងស្រវឹង បាន៧០ពាន់ លានបាតនៅឆ្នាំ២០០៦។ ប៉ុន្តែប្រទេសនោះ ត្រូវចំណាយទៅលើការដោះស្រាយ បញ្ហាដែលបង្កដោយអ្នកប្រើប្រាស់គ្រឿងស្រវឹង ដល់ទៅ១៥០ពាន់លានបាត គឺក្នុង១ឆ្នាំ ប្រទេសថៃខាតថវិកា៨០ពាន់លានបាត ដោយសារបញ្ហាគ្រឿងស្រវឹង។

ចំណែកនៅប្រទេសកម្ពុជា ការចំណូលពន្ធពីផលិតផលគ្រឿងស្រវឹង មិនបានប្រកាសជាសាធារណៈ ហើយអ្នកអនុវត្តច្បាប់ចរាចរណ៍ផ្លូវគោក មិនបានត្រួតពិនិត្យ អ្នកបញ្ជាយានយន្ត មានជាតិស្រវឹង ឬអត់ ទើបបង្កឲ្យមានអ្នកស្លាប់ ក្នុង១ថ្ងៃៗ ច្រើនជាង៥នាក់ និងអ្នករបួសច្រើននាក់ផ្សេងទៀត៕

ស្ដាប់ ឬ ទាញយកសំឡេង

យុវជន១ក្រុមគ្រោងហែក្បួនដាក់ញត្តិទាមទារយុត្តិធម៌ជូនអ្នកស្លាប់នៅក្បាលថ្នល់

2013-10-14T20:26:00.002-07:00

ក្រុមយុវជនស្ម័គ្រចិត្ត មកពីសាកលវិទ្យាល័យនានា បានជួបជុំគ្នាបង្ហាញ គោលជំហររបស់ខ្លួន ថា នឹងទាមទារឲ្យតុលាការរាជធានីភ្នំពេញ រកយុត្តិធម៌ដល់ពល រដ្ឋម្នាក់ដែលបានស្លាប់ដោយគ្រាប់កាំភ្លើងក្នុង ព្រឹត្តិការណ៍ហិង្សា នៅក្បែរស្ពានអាកាសក្បាលថ្នល់ កាលពីយប់ថ្ងៃទី១៥ ខែកញ្ញា ជាថ្ងៃធ្វើមហាបាតុកម្មដែលដឹកនាំដោយគណបក្សសង្គ្រោះជាតិ។

ក្រុមយុវជនស្ម័គ្រចិត្តមកពីសាកលវិទ្យាល័យមួយចំនួន ធ្វើសន្និសីទកាសែតដែលរៀបចំដោយយុវជនស្ម័គ្រចិត្តនៅថ្ងៃទី១៤ ខែតុលា ឆ្នាំ២០១៣ នារាជធានីភ្នំពេញ។

យុវជនខ្មែរមួយក្រុម គ្រោងហែក្បួនដែលមានអ្នកចូលរួមប្រមាណ ២០០នាក់ពីរមណីយដ្ឋានវត្តភ្នំ យកញត្តិស្នាមមេដៃទៅដាក់នៅសាលាដំបូងរាជធានីភ្នំពេញ ឲ្យស៊ើបអង្កេតករណីបាញ់សម្លាប់ពលរដ្ឋម្នាក់ និងអ្នករបួស ១ចំនួនទៀតនៅក្នុងព្រឹត្តិការណ៍បិទផ្លូវស្ពានអាកាសក្បាលថ្នល់ ច្បារអំពៅ នៅថ្ងៃធ្វើមហាបាតុកម្ម។

នៅក្នុងសន្និសីទកាសែតដែលរៀបចំដោយយុវជនស្ម័គ្រចិត្តនៅថ្ងៃទី ១៤ ខែតុលា យុវជន ហេង សំណាង បានថ្លែងថា កាលពីថ្ងៃទី១១ ខែតុលា ពួកគេបានដាក់លិខិតជូនដំណឹងរៀបចំពិធីសម្ដែងមតិនៅរមណីយដ្ឋានវត្ត ភ្នំ ហើយហែញត្តិទៅសាលាដំបូង ប៉ុន្តែមន្ត្រីពីសាលារាជធានីអះអាងថា ពួកគេមានកំហុសផ្នែករដ្ឋបាល មិនអាចទទួលយកលិខិតទាំងនោះបាន។

យុវជនដដែលបានបន្តថា ទោះជាយ៉ាងណាពួកគាត់នៅតែធ្វើពិធីនេះ ដើម្បីស្វែងរកយុត្តិធម៌ជូនជនរងគ្រោះម្នាក់ដែលបានស្លាប់ និងជាង ២០នាក់ទៀតរងរបួស ក្នុងព្រឹត្តិការណ៍បិទផ្លូវស្ពានអាកាសក្បាលថ្នល់ច្បារអំពៅ នៅថ្ងៃធ្វើមហាបាតុកម្មរបស់គណបក្សសង្គ្រោះជាតិ។

នាយកទីចាត់ការនៃសាលារាជធានីភ្នំពេញ លោក ឡុង ឌីម៉ង់ បានបដិសេធថា សាលារាជធានីនៅពុំទាន់បានឃើញការស្នើសុំហែក្បួនរបស់ក្រុមយុវជន នោះទេ។ លោកថា បើមានការស្នើសុំលោកនឹងពិនិត្យសុំគោលការណ៍ពីថ្នាក់ដឹកនាំ។

កាលពីថ្ងៃទី១៧ ខែកញ្ញា អង្គការឃ្លាំមើលសិទ្ធិមនុស្ស យូមិន រ៉ៃថ៍ វ៉ច្ឆ (Human Rights Watch) នៅទីក្រុងញីវយ៉ក សហរដ្ឋអាមេរិក ក៏បានជំរុញឲ្យរដ្ឋាភិបាលកម្ពុជា បើកការស៊ើបអង្កេតបន្ទាន់មួយនិងដោយឥតលំអៀងចំពោះករណីបាញ់សម្លាប់ ប្រជាពលរដ្ឋឈ្មោះ ម៉ៅ សុខចន្ទ និងករណីបាញ់ឲ្យរបួសប្រជាពលរដ្ឋប្រមាណ ២៤នាក់ទៀត ពីសំណាក់កងកម្លាំងប្រដាប់អាវុធរបស់រដ្ឋាភិបាល កាលពីយប់ថ្ងៃទី១៥ កញ្ញា ក្នុងអំពើហិង្សារវាងអ្នកតវ៉ាបក្សប្រឆាំង និងអ្នកធ្វើដំណើរឆ្លងកាត់ស្ពានអាកាស និងសមត្ថកិច្ចដែលដាក់រនាំងលួសបន្លាបិទផ្លូវស្ពានអាកាសក្បាល ថ្នល់ច្បារអំពៅ។

អ្នកស្រាវជ្រាវការអភិវឌ្ឍសង្គម លោក កែម ឡី បានកោតសរសើរ និងគាំទ្រយ៉ាងពេញទំហឹងចំពោះគំនិតផ្ដួចផ្ដើមរបស់យុវជននេះ។ លោកបានលើកទឹកចិត្តឲ្យយុវជនបន្តធ្វើសកម្មភាពដើម្បីសង្គមរបៀបនេះ បន្តទៀត ដើម្បីដាស់សតិអារម្មណ៍ដល់យុវជននិងបញ្ញវន្តទូទាំងប្រទេស។ លោកថានេះជាការសម្ដែងសុឆន្ទៈរបស់យុវជន។

នៅថ្ងៃប៉ះទង្គិចរវាងអ្នកធ្វើដំណើរឆ្លងកាត់ស្ពានអាកាសជាមួយ សមត្ថកិច្ចដែលដាក់រនាំងលួសបន្លាបិទផ្លូវស្ពានអាកាសក្បាលថ្នល់ ប្រជាពលរដ្ឋ ៦នាក់ ត្រូវបានចាប់ខ្លួន ដោយតុលាការចោទប្រកាន់ពីបទហិង្សាដោយចេតនា និងបទធ្វើឲ្យខូចខាតដោយចេតនា។

នៅថ្ងៃទី១១ ខែតុលា តុលាការបានប្រកាសដោះលែង ៤នាក់ ឲ្យនៅក្រៅឃុំ ប៉ុន្តែនៅសល់មនុស្ស ២នាក់ទៀតដែលមិនទាន់ដោះលែង។ ទាក់ទងការឃុំខ្លួនប្រជាពលរដ្ឋនៅសល់ពីរនាក់ក្នុងពន្ធនាគារនេះ នៅថ្ងៃទី១៤ តុលា មេធាវីការពារក្ដីរបស់ប្រជាពលរដ្ឋទាំងនោះ បានប្ដឹងទៅឧទ្ធរណ៍ដើម្បីជំទាស់ទៅនឹងការសម្រេចរបស់សាលាដំបូង រាជធានីនេះ៕

ស្ដាប់ ឬ ទាញយកសំឡេង

from:http://www.rfa.org/

អ្នកគាំទ្របក្សប្រឆាំងតវ៉ាទាមទារស្លាកសញ្ញាបក្សពីអាជ្ញាធរស្រុកសូទ្រនិគម

2013-10-14T20:22:00.000-07:00

អាជ្ញាធរស្រុកសូទ្រនិគម ដែលនៅចម្ងាយជាង ៣០គីឡូម៉ែត្រ ភាគខាងកើតពីទីរួមខេត្តសៀមរាប បានប្រើអំណាចទៅកាត់ផ្ដាច់ស្លាកសញ្ញាគណបក្សសង្គ្រោះជាតិ ១ផ្ទាំងធំ ដែលដាក់តាំងនៅជិតការិយាល័យសុខាភិបាលប្រតិបត្តិស្រុក ហើយបានដឹកយកចេញពីកន្លែងដើម កាលពីយប់ថ្ងៃទី១៣ ខែតុលា កន្លងទៅ។

១៤-តុលា-២០១៣៖ សកម្មជនគណបក្សសង្គ្រោះជាតិ នាំគ្នាសែងស្លាកសញ្ញាចេញពីសាលាស្រុកសូទ្រនិគម មករកកន្លែងថ្មី ដើម្បីលើកតាំងជាបន្តទៀត។

សកម្មជននិងអ្នកគាំទ្រគណបក្សសង្គ្រោះជាតិ ប្រមាណ ២០០នាក់ បានលើកគ្នាទៅស្រែកតវ៉ានៅមុខសាលាស្រុកសូទ្រនិគម កាលពីព្រឹកថ្ងៃច័ន្ទ ទី១៤ តុលា ដើម្បីទាមទារឱ្យមន្ត្រីសាលាស្រុកនោះប្រគល់ស្លាកសញ្ញាគណបក្ស ១ផ្ទាំងមកឱ្យពួកគេវិញ។

ការលើកគ្នាទៅស្រែកទាមទារនោះ បន្ទាប់ពីមានជនមិនស្គាល់មុខបានយកធូបអគ្គិសនីទៅកាត់ផ្ដាច់ជើង ដែករបស់ស្លាកសញ្ញាគណបក្សសង្គ្រោះជាតិ ១ផ្ទាំង ទំហំ ២ម៉ែត្រ គុណនឹង ២ម៉ែត្រកន្លះ ហើយដឹកចេញទៅបាត់នៅពេលយប់ ក៏ប៉ុន្តែក្រោយមកគេដឹងថា ស្លាកនោះបានយកទៅដាក់នៅក្នុងបរិវេណសាលាស្រុកសូទ្រនិគម។

ប្រធានក្រុមប្រឹក្សាស្រុកសូទ្រនិគម នៃគណបក្ស សម រង្ស៊ី គឺលោក ហេង លី។ លោកបានមានប្រសាសន៍កាលពីព្រឹកថ្ងៃច័ន្ទ ទី១៤ ខែតុលា ថា ស្លាកសញ្ញានោះត្រូវជនមិនស្គាល់មុខកាត់ដឹកយកទៅនៅពេលយប់ បន្ទាប់ពីមន្ត្រីសាលាស្រុកបានទូរស័ព្ទប្រាប់មកលោកឱ្យទៅរុះរើ ចេញជាច្រើនដងមក។

តំណាងរាស្រ្តមណ្ឌលសៀមរាប អ្នកស្រី កែ សុវណ្ណរតន៍ បានហៅសកម្មភាពកាត់ផ្ដាច់ជើងដែក ហើយយកស្លាកសញ្ញាគណបក្សចេញទៅដោយក្រុមអាជ្ញាធរស្រុកសូទ្រនិគម នោះ ថាជាអំពើលួច។

អ្នកស្រី កែ សុវណ្ណរតន៍ បានបញ្ជាក់ថា អាជ្ញាធរស្រុកសូទ្រនិគម ធ្វើរបៀបនេះ គឺជាអំពើខុសច្បាប់ ហើយអ្នកស្រីនឹងដាក់ពាក្យប្ដឹងទៅតុលាការ៖ «ភាពមិនស្មើគ្នា រវាងគណបក្សកាន់អំណាចនេះ ដែលលើកស្លាកប្រើប្រាស់រហូតដល់ប៉ាណូធំៗ ដែលក្រុមហ៊ុនគេជួល ត្រូវបង់ថវិកាចូលជាតិ គឺគណបក្សប្រជាជនប្រើប្រាស់តែឯង។ ហេតុអ្វីក៏មិនមានភាពត្រឹមត្រូវដូចគណបក្សដទៃទៀត។ អ៊ីចឹងអ្វីដែលបានធ្វើនៅថ្ងៃនេះ គឺខុសច្បាប់ទាំងស្រុង។ ខ្ញុំនឹងដាក់ពាក្យបណ្ដឹងដើម្បីជាការព្រមាន ក៏ដូចជាការប្រាប់ទៅតំណាងផ្សេងៗទៀត របស់គណបក្សកាន់អំណាចឱ្យបញ្ឈប់អំពើគំរាមកំហែង»។

អ្នកស្រី កែ សុវណ្ណរតន៍ បានបញ្ជាក់បន្ថែមថា ស្លាកសញ្ញាគណបក្សសង្គ្រោះជាតិ មួយផ្ទាំងដែលដាក់នៅទីសាធារណៈ ជិតការិយាល័យសុខាភិបាលប្រតិបត្តិស្រុកសូទ្រនិគមនោះ គឺមិនមានអ្វីខុសច្បាប់ទេ នៅពេលដែលស្លាកសញ្ញាគណបក្សដទៃទៀតអាចដាក់បាន។

វិទ្យុអាស៊ីសេរី មិនបានជួបជាមួយលោក ឌិត ដន ជាអភិបាលស្រុកសូទ្រនិគម ដើម្បីសុំការពន្យល់អំពីបញ្ហានោះបានយ៉ាងណាឡើយ។

ក៏ប៉ុន្តែអភិបាលរងស្រុកសូទ្រនិគម អ្នកស្រី ងិន ម៉ុម បានមានប្រសាសន៍ថា ការកាត់ស្លាកសញ្ញាគណបក្សសង្គ្រោះជាតិ ចេញនោះ គឺជាបញ្ជារបស់លោកអភិបាលស្រុកតែម្ដង បន្ទាប់ពីប្រធាន ការិយាល័យសុខាភិបាលប្រតិបត្តិស្រុកបានដាក់ពាក្យបណ្ដឹងឱ្យរុះរើ ចេញ៖ «ដោយលោកអភិបាលស្រុក បានធ្វើលិខិតជូនដំណឹងទៅគណបក្សសង្គ្រោះជាតិនោះហើយ ថាឱ្យរើស្លាកនោះចេញ ព្រោះពាក្យបណ្ដឹងរបស់ការិយាល័យស្រុកប្រតិបត្តិសូទ្រនិគមនេះ គាត់ត្រូវការលើកស្លាកបង្ហាញសុខភាពប្រជាជននៅមុខកន្លែងគាត់។ អត់បញ្ហាទេ ប្រសិនបើគាត់ដាក់ពាក្យប្ដឹង ក៏ដាក់ទៅមិនព្រួយបារម្ភទេ»។

អាជ្ញាធរស្រុកសូទ្រនិគម បានឱ្យដឹងថា ចាប់តាំងតែពីថ្ងៃទី២៥ ខែមិថុនា រហូតដល់ថ្ងៃទី៩ ខែតុលា គឺគេបានជូនដំណឹងឱ្យគណបក្សសង្គ្រោះជាតិ រុះរើស្លាកសញ្ញាចេញពីមុខការិយាល័យសុខាភិបាល ប្រតិបត្តិស្រុកចំនួន ៣លើកមកហើយ។

ក្រុមអង្គការសិទ្ធិមនុស្សក្រៅរដ្ឋាភិបាលបានចាត់ទុកការប្រើ អំណាចរបស់អាជ្ញាធរស្រុកសូទ្រនិគម ទៅរុះរើស្លាកសញ្ញាគណបក្សសង្គ្រោះជាតិនោះ គឺជាការមិនត្រឹមត្រូវទេ ពីព្រោះកន្លែងដាក់ស្លាកសញ្ញា គឺជាដីសាធារណៈរបស់រដ្ឋដែលមិនចាំបាច់សុំការអនុញ្ញាតអ្វីឡើយ៕

ស្ដាប់ ឬ ទាញយកសំឡេង

from: http://www.rfa.org/khmer/

ស្រីស្អាតម្នាក់ព្រមានប្តឹងអ្នកយករូបថតនិងឈ្មោះរបស់នាងបង្កើតAccount Facebook បង្កាច់បង្ខូចថា នាងប្រកាសលក់ខ្លួន

2013-10-14T05:22:00.000-07:00

ស្រីស្រស់ក្មេងម្នាក់ឈ្មោះ ចិន្តា បានធ្វើការព្រមានថា នាងនឹងប្តឹងអ្នកដែលយករូបថតនិងឈ្មោះរបស់នាងមកបង្កើតជា Account Facebook ដោយ Post រូបនាងភ្ជាប់ជាមួយនឹងរូបភាពអាសអាភាស ព្រមទាំង Post មួលបង្កាច់ថា នាងបានប្រកាសលក់ខ្លួននៅក្នុងបណ្តាញសង្គម Facebook ។

នាង ចិន្តា បានឲ្យដឹងថា នារយៈពេលកន្លងមក និងទល់បច្ចុប្បន្ននេះ មានជនខិលខូចបានលួចយករូបថតនិងឈ្មោះពិតប្រាកដរបស់នាងមកបង្កើតជា Account Facebook ដោយ Post រូបនាងភ្ជាប់ជាមួយនឹងរូបភាពអាសអាភាស ដើម្បីឲ្យអ្នកលេង Facebook យល់ច្រឡំថា ជាសកម្មភាពលើគ្រែរបស់នាង ។ លើសពីនេះ ជនកំហូចនោះបាន Post មួលបង្កាច់ទៀតថា នាងបានប្រកាសលក់ខ្លួនរួមភេទក្នុងមួយយប់ចំនួន២០ដុល្លារអាមេរិ កផងដែរ ។

ស្រីស្រស់ ចិន្តា បានប្រាប់ឲ្យដឹងថា រូបភាពអាសអាភាសដែលជាសកម្មភាពលើគ្រែ ត្រូវបានគេយកមក Post ក្នុង Facebook ភ្ជាប់ជាមួយរូបថតនាងពិតប្រាកដនោះ មិនមែនជារូបនាងទេ ប៉ុន្តែមានជនខិលខូចតាមឈ្នានីសព្យាបាទនាង ដើម្បីឲ្យនាងខ្មាសគេក្នុង Facebook ខណៈដែលនាងឈប់លេង Facebook ជាយូរមកហើយ ។

នាង ចិន្តា បានរៀបរាប់ថា កាលនាងដាក់ពាក្យសុំចូលធ្វើការនៅក្រុមហ៊ុនមួយ គឺនាងបានស្គាល់គ្នាជាមួយបុរសម្នាក់ ហើយបុរសនោះសុំស្នេហ៍នាង តែនាងមិនព្រម ធ្វើឲ្យបុរសនោះមានអារម្មណ៍អាក់អន់ស្រពន់ចិត្តនឹងរូបនាង ។ នាពេលនោះ នាងមាន Account Facebook ហើយនាងតែង Post រូបថតនាងក្នុង Timeline របស់នាងជារឿយៗ ដោយមិននឹកស្មានថា រូបថតទាំងនោះរបស់នាងត្រូវបានជនខិលខូចយកមកប្រើប្រាស់ Post ភ្ជាប់ជាមួយរូបភាពអាសអាភាសបែបនេះសោះ ។ នាងបានកំណត់មុខសញ្ញាថា ជនខិលខូចកំពុងតាមព្យាបាទឈ្នានីសនាងតាម Facebook គឺជាបុរសដែលសុំស្នេហ៍នាងមិនបាននោះហើយៗគេសងសឹកនាងតាមវិធី ថោកទាបបែបនេះ ។

ស្រីស្រស់ ចិន្តា បានប្រាប់ឲ្យដឹងបន្ថែមថា នាងរកបានរូបថតពិតប្រាកដរបស់បុរសកំហូចរូបនោះហើយៗនាងក៏បានប្តឹង បង្ការទុកទៅសមត្ថកិច្ចរួចជាស្រេច ក្នុងករណីបុរសកំហូចនោះនៅតែប្រព្រឹត្តអំពើថោកទាបបែបនេះទៀត ។

ព័ស្តុតាងបានបង្ហាញថា នៅក្នុង Timeline នៃបណ្តាញសង្គម Facebook ដែលមានដាក់ Cover និង Profile ជារូបថតនាង ចិន្តា នោះ ឃើញមាន Post នូវរូបភាពអាសអាភាសដែលជាសកម្មភាពសិចលើគ្រែរបស់នារីរូបស្រស់ ម្នាក់ជាច្រើនសន្លឹក និងបាន Post បញ្ជាក់ថា នាងចិន្តាប្រកាសលក់ខ្លួនរួមភេទក្នុងមួយយប់ចំនួន២០ដុល្លារអាមេ រិក ព្រមទាំងថា នាងចូលចិត្តបៀមលិង្គទៀតផង ។

សូមរំលឹកជូនដែរថា កាលពីថ្ងៃទី០៦ ខែតុលា ឆ្នាំ២០១៣កន្លងទៅថ្មីៗនេះ មាន Account អនាមិកមួយដោយដាក់ឈ្មោះថា San Chhay បានយករូបថតនាង ចិន្តា ទៅ Post នៅក្នុង Group មួយឈ្មោះ Life education ដោយភ្ជាប់ជាមួយនឹងរូបភាពអាសអាភាសដែលជាសកម្មភាពសិចលើគ្រែរបស់ ស្ត្រីម្នាក់យ៉ាងស្រើបស្រាលជាច្រើនសន្លឹក ។ ប៉ុន្តែបន្ទាប់ពីមានការចុះផ្សាយរបស់គេហទំព័រសារព័ត៌មានដើមត្នោត “DTN7.COM”រួចមក Account ឈ្មោះ San Chhay ក៏រលាយខ្លួនពីក្នុង Facebook បាត់ទៅ និងរូបភាពនៅក្នុង Group Life education ដែលមានសមាជិកជាង១ម៉ឺននាក់នោះ ក៏រលាយបាត់ទៅជាមួយគ្នាដែរ ៕

____________________
ប្រភពព័ត៌មានពី៖ ដើមត្នោត

គង់ វង្សយ៉ាទី មិនទាន់បាត់ចំហាយរិះគន់ រឿងពាក់អាវវៀលក្លៀកចូលវត្ត

2013-10-14T05:21:00.000-07:00

ភ្នំពេញៈ ពិធីការិនីរាងតូចច្រឡឹង ប្រចាំនៅស្ថានីយទូរទស្សន៍ ស៊ីធីអិន កញ្ញា គង់ វង្សយ៉ាទី ក្រោយពីចាប់ផ្តើម មានភាពលេចធ្លោ នៅក្នុងវិស័យសិល្បៈ ផ្នែកពិធីការិនីរួចមក គេសង្កេតឃើញ សន្ទុះកេរ្តិ៍ឈ្មោះ របស់នាង ហក់ឡើងគួរឲ្យកត់សម្គាល់ ប៉ុន្តែនៅក្នុងការរិះគន់យ៉ាងចាស់ដៃ ពីទស្សនិកជនលើ ការស្លៀកពាក់របស់នាង ក៏ច្រើនលើក ច្រើនសារដូចគ្នា ។ ជាស្ដែងកាលពីថ្មីៗ នេះនាងក៏ត្រូវបាន ទស្សនិកជន ធ្វើការរិះគន់ជាថ្មីម្តងទៀត ពីរឿងស្លៀកពាក់សិចស៊ី ជ្រុលហួសហេតុពេក ។ នៅក្នុងពិធីបុណ្យប្រពៃណីខ្មែរ គេតែងតែឃើញ វត្តមានស្ត្រីខ្មែរស្លៀក សម្លៀកបំពាក់ បែបស្រគត់ស្រគំ ស័កិ្តសមជានារីខ្មែរ ដោយមា នអាវប៉ាក់ហូលផាមួង ឬក៏ពាក់អាវសរ សំពត់បិទជាដើម។ ប៉ុន្តែដោយឡែក ពិធីការិនី និងជាតារាសម្តែង កញ្ញា គង់ វង្សយ៉ាទី បែរជាត្រូវមហាជន ធ្វើការរិះគន់ ដោយមិនសំចៃមាត់ ទៅលើនាង ក្រោយពីនាងបានពាក់ អាវសវៀលក្លៀក ចូលវត្តរាប់បាត្រ ហើយត្រូវបានគេយករូបនោះមក បង្ហោះនៅលើ Facebook ។ ស្រីស្រស់ គង់ វង្សយ៉ាទី នាពេលកន្លងមកធ្លាប់ ត្រូវបានទស្សនិកជនធ្វើការរិះគន់ ទៅលើការថតរូប អត់ពាក់អាវក្នុង ស្រាប់តែមិន ទាន់ស្ងប់ស្ងាត់ស្រួលបួលផង នាងក៏ទទួលបាន ការរិះគន់បន្តពី មួយទៅមួយទៀត ក្រោយពីនាង បានរំលេចរូបថត ពាក់អាវមិនសមរម្យ (អាវដៃតូច) ចូលក្នុងទីធ្លាវត្ត ដោយមើលទៅហាក់មិនមែន ជាសុភាពនារីខ្មែរនោះទេ។

ម្យ៉ាងការស្លៀកពាក់របស់នាង ក៏មិនដូចតារាស្រីដទៃផ្សេងទៀត ដែលគេគ្រង សម្លៀកបំពាក់ប្រពៃណី យ៉ាងសមសួន ឆ្លុះបញ្ចាំងពីប្រពៃណីខ្មែរ ។ ប្រភពព័ត៌មានទម្លាយប្រាប់ថា នេះមិនមែនជាលើកទី១ទេ ដែលតារាស្រីរូបនេះ បង្ហាញពីភាពសិចស៊ី និងការបង្ហោះរូបមិនពាក់អាវ ក្នុងការសម្ញែងភាព សិចស៊ីបង្អួតដើមទ្រូង ។ តែរូបថតពាក់អាវដៃតូចសិចស៊ី ចូលវត្តអារាម ដែលខុសពីប្រពៃណី នាពេលកន្លងមក ត្រូវគេគិតថា មិនធ្លាប់មាន សិល្បការិនីណាម្នាក់ ស្លៀកពាក់បែបនេះ ចូលវត្តដូចនាងឡើយ ។ ជាមួយគ្នានេះ ទស្សនិកជន ក៏បានផ្ញើរសារទៅដល់ តារាស្រីមួយដួងនេះថា “ មុននឹងសម្រេចចិត្តចូល រួមកម្មវិធីណាមួយ គួរតែគិត មើលឲ្យច្បាស់ជា មុនសិនកុំឲ្យឆ្គងភ្នែក ទស្សនិកជន ដែលសម្លឹងមើលនាង និងមានយុវវ័យមួយចំនួន ក៏យកជាគំរូក្នុងនាមជាអ្នកសិល្បៈ គួរណាស់តែធ្វើជាគំរូល្អ ចូលរួមចំណែកលើកស្ទួយ ប្រពៃណីវប្បធម៌ខ្មែរ ឲ្យមានភាពលេចធ្លោកាន់តែខ្លាំង ” ។ LookingTODAY មិនទាន់អាចទាក់ទង ទៅស្រីស្អាតរូបនេះ ដើម្បីឲ្យនាងបកស្រាយ ពាក់ព័ន្ធបញ្ហានេះបានទេ នៅថ្ងៃទី១៤ ខែតុលា ឆ្នាំ២០១៣ នេះ ៕

លោក កឹម សុខា៖ អាជ្ញាធរមិនអនុញ្ញាតឲ្យគណបក្សប្រឆាំង ទៅគោរពព្រះវិញ្ញាណក្ខន្ធ របស់សម្តេចព្រះ នរោត្តម សីហនុ ទេ

2013-10-14T05:12:00.000-07:00

ភ្នំពេញ: ក្នុងពិធីបង្សុកូល គោរពព្រះវិញ្ញាណក្ខន្ធ សម្តេចព្រះ នរោត្តម សីហនុ នៅទីស្នាក់ការកណ្តាល របស់គណបក្សសង្គ្រោះជាតិ នៅព្រឹកថ្ងៃទី១៤តុលានេះ លោក កឹម សុខា ប្រធានស្តីទីគណបក្សសង្គ្រោះជាតិ បានឲ្យដឹងថា អាជ្ញាធរ មិនអនុញ្ញាតឲ្យគណបក្សប្រឆាំងរបស់លោក ទៅគោរពព្រះវិញ្ញាណក្ខន្ធរបស់ព្រះអង្គ នៅវិមានព្រះបរមរូប សម្តេចព្រះ នរោត្តម សីហនុ លើសួនច្បារ ខាងកើតវិមានឯករាជ្យ នៅរសៀលថ្ងៃនេះទេ។

លោក កឹម សុខា បន្តថា នៅព្រឹកថ្ងៃទី១៥ ខែតុលា ឆ្នាំ២០១៣ ក៏អាជ្ញាធរ មិនអនុញ្ញាតឲ្យក្រុមមេដឹកនាំគណបក្សសង្គ្រោះជាតិ ចូលក្នុងព្រះបរមរាជវាំង ដើម្បីចូលរួមប្រារព្ធព្រះរាជពិធីរម្លឹកខួបគម្រប់ ១ ឆ្នាំ របស់សម្តេចព្រះ នរោត្តម សីហនុ ផងដែរ។

លោក កឹម សុខា លើកឡើងថា អាជ្ញាធរ អះអាងថា ទាល់តែពិធីផ្លូវការ នៃការគោរពព្រះវិញ្ញាណក្ខន្ធរបស់ព្រះករុណា ព្រះបាទ សម្តេចព្រះ នរោត្តម សីហនុ នៅថ្ងៃទី១៥ ខែតុលា រួចរាល់ ទើបគេអនុញ្ញាតឲ្យគណបក្សប្រឆាំង ទៅគោរពព្រះវិញ្ញាណក្ខន្ធព្រះអង្គ នៅទីតម្កល់ព្រះបរមរូប។

លោក កឹមសុខា បានប្រាប់អ្នកកាសែត ថា លោកនឹងដាក់លិខិតទៅអាជ្ញាធរ ដើម្បីស្នើសុំ ដឹកនាំគណៈប្រតិភូបក្សប្រឆាំង ទៅគោរពព្រះវិញ្ញាណក្ខន្ធ ព្រះករុណា ព្រះបាទសម្តេចព្រះ នរោត្តម សីហនុ៕

___________________
ប្រភពព័ត៌មានពី៖ CEN

ចង់ផ្លាស់ប្តូរបរិយាកាសឬទប់តម្រេកមិនបាន នាំគ្នារួមរ័ក្សក្នុងអាងហែលទឹកយ៉ាងរំជួល

2013-10-14T05:08:00.000-07:00

ប្រទេសសិង្ហបុរី ៖ ដោយទំនងជា មានតម្រេកតណ្ហា ពុះកញ្ជ្រោលទប់មិនជាប់ ឬក្រោមហេតុផល នៃការផ្លាស់ប្តូរបរិយាកាស គូស្នេហ៍មួយគូបានរួមរ័ក្សគ្នា យ៉ាងរំជើបរំជួល នៅក្នុងអាងហែលទឹក Bukit Timah Condoនៃប្រទេស សិង្ហបូរី នាំឲ្យមានការរិះគន់យ៉ាងខ្លាំង។

តាមប្រភពព័ត៌មាន បានឲ្យដឹងថា គូស្នេហ៍មួយគូនេះ បានរួមរ័ក្សគ្នា កាលពីថ្ងៃទី២៩ ខែមីនា មកម្លេះ ប៉ុន្តែគេទើបតែទទួល បានវីដេអូ ដែលបានថតជាប់ ក្នុងកាមេរ៉ា សុវត្ថិភាព។ វីដេអូមួយខ្សែនេះ ត្រូវបានបញ្ជូនឲ្យទូរទស្សន៍ CCTV របស់ចិន ដើម្បីធ្វើការរិះគន់ ចំពោះសកម្មភាព មិនសមទំនងរបស់ពួកគេទាំង២នាក់។

ក្នុងអត្ថបទព័ត៌មាន ក៏បានបញ្ជាក់ផងដែរថា ពេលនោះជាថ្ងៃដែលពួកគេ មានសេចក្តីសុខស្រួលបំផុត ខណៈដែលមិនមានមនុស្ស មកហែលទឹកឡើយ ព្រោះ វាមិនជាថ្ងៃឈប់សម្រាក ហើយគ្រប់គ្នាជាប់រវល់ ធ្វើការ ក៍ដូចជាទៅរៀនផងដែរ។ សកម្មភាពបែបនេះ សូមប្រជាពលរដ្ឋខ្មែរ កុំយកតម្រាប់តាម គូស្នេហ៍នេះឲ្យសោះ៕

និស្សិតសាកលវិទ្យាល័យមេគង្គកម្ពុជា បែកគំនិតប្រើដាវដេញកាប់ គូជម្លោះតាមដងផ្លូវ

2013-10-14T05:04:00.000-07:00

រាជធានីភ្នំពេញ ៖ និស្សិតសាកលវិទ្យាល័យ មេគង្គកម្ពុជា ២ នាក់ ត្រូវបានសមត្ថកិច្ច ប៉ុស្ដិ៍នគរបាលអូរឫស្សីទី៤ ឃាត់ខ្លួនខណៈដែលពួកគេបាន ដេញវាយកាប់ចាក់គ្នា ជាមួយគូជម្លោះ តាមដងផ្លូវសាធារណៈ យ៉ាងអនាធិបតេយ្យ កាលពីវេលាម៉ោង ៩និង១០ នាទីយប់ ថ្ងៃទី១២ ខែតុលា ឆ្នាំ២០១៣ នៅតាមផ្លូវលេខ១៨២ កែងនិងផ្លូវលេខ១០៥ ស្ថិតក្នុងសង្កាត់ អូរឫស្សីទី៤ ខណ្ឌ៧មករា រាជធានីភ្នំពេញ ។

និស្សិតដែលត្រូវឃាត់ខ្លួន មានឈ្មោះ ជ្រឹង រ៉ូស្សា អាយុ ២០ ឆ្នាំ ជាសិស្សពេទ្យឆ្នាំទី២ ស្នាក់នៅម្តុំផ្សារជិនជូរី និងម្នាក់ទៀតមានឈ្មោះ ម៉េង ស្រ៊ី អាយុ ២១ ឆ្នាំ ស្នាក់នៅម្តុំ ម៉ុងឌីយ៉ាល់ ជាសិស្ស ឆ្នាំទី១ នៅសាកលវិទ្យាល័យមេគង្គកម្ពុជា។ ឈ្មោះ ជ្រឹង រ៉ូស្សា បានឲ្យដឹងថា មុនពេលកើតហេតុខ្លួន និងមិត្តភក្ដិបានជិះម៉ូតូម៉ាកសេ១១០ ពណ៌ខ្មៅ ពាក់ស្លាកលេខភ្នំពេញ 1BI-8012 ជិះដើរលេង។

ខណៈមកដល់ មុខវត្តឧណ្ណាលោម ក៏មានក្រុមក្មេងស្ទាវ មួយក្រុមទៀត មានគ្នាជាង ១០ នាក់ជិះម៉ូតូ៥ គ្រឿង បានហូតខ្សែក្រវាត់ វាយមកលើពួកគេ មិនដកដៃបណ្ដាលឲ្យ រងរបួស បែកមុខបែកមាត់។ ភ្លាមៗនោះពួកគេក៏បាន ទាញដាវមួយដើម ដេញកាប់តបវិញ រហូតផ្អើលដល់សមត្ថកិច្ច ចុះមកអន្តរាគមន៍ ដេញបង្ក្រាបតែម្តង៕
ប្រភពពី វត្តភ្នំ

យាយក្រពើ សុំអង្វរនាយករដ្ឋមន្ត្រី ហ៊ុន សែន ជួយរកយុត្តិធម៌

2013-10-14T05:00:00.000-07:00

ភ្នំពេញៈ អ្នកស្រីឧកញ៉ា ឈិន សុគន្ធារីហៅយាយក្រពើប្រធានក្រុមប្រឹក្សាភិបាលក្រុមហ៊ុន ឡាយីម៉ិច ហូលឌីងគ្រុប (LAYIMEX HOLDINGS GROUP) មានទីស្នាក់ការស្ថិតនៅលើដី លេខ ០៤៦លប ផ្លូវលេខ ១៩២៨ ភូមិបាយ៉ាប សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ នៅថ្ងៃច័ន្ទ ទី១៤ តុលា២០១៣នេះ បានធ្វើការសំណូមពរ តាមរយៈសារព័ត៌មាន ទៅកាន់លោកនាយករដ្ឋមន្ត្រី ហ៊ុន សែន ដោយបានអង្វរសើ្នសុំលោកនាយករដ្ឋមន្រ្តី មេត្តាកែសម្រួលអនុក្រឹត្យលេខ ១០១ អនក្រ.បក ចុះថ្ងៃទី ១០ ខែកក្កដា ឆ្នាំ២០១២ ដែលបានចេញ ដោយរដ្ឋាភិបាលអណត្តិទី៤ ដែលបានរំលោភច្បាប់ភូមិបាលនិងរដ្ឋធម្មនុញ្ញនៃព្រះរាជាណាចក្រ កម្ពុជាយ៉ាងធ្ងន់ធ្ងរជាទីបំផុត និង បានធ្វើឲ្យរូបលោកស្រី បានបាត់បង់ដីកម្មសិទ្ធិចំនួនជាង ៣៤ ហិកតាដែលមានតម្លៃជាង ១០០ លានដុល្លាអាមេរិក រហូតទល់សព្វថ្ងៃនេះ ព្រមទាំងក្លាយខ្លួន ជាអ្នកទោស ហើយត្រូវគេតាមដេញចាប់ម្ចាស់ដាក់គុកព្រាត់ប្រាសកូនចៅយ៉ាងខ្លោច ផ្សារ។

នៅក្នុងលិខិតផ្ញើរជូនលោកនាយករដ្ឋមន្រ្តីរបស់លោកស្រីឈិន សុគន្ធារី ដែលកាសែតភ្នំពេញ ប៉ុស្តិ៍ ទទួលបាននៅថ្ងៃច័ន្ទនេះ លោកស្រីឈិន សុគន្ធារី បានជម្រាបជូនលោកនាយករដ្ឋមន្ត្រីថា៖ «នាងខ្ញុំត្រូវរាជរដ្ឋាភិបាលចេញអនុក្រឹត្យរំលោភច្បាប់ភូមិបាលនិង រដ្ឋធម្មនុញ្ញនៃព្រះរាជាណាចក្រកម្ពុជារឹបអូសយកដីដែលនាងខ្ញុំ បានកាន់កាប់ដោយស្របច្បាប់ ព្រមទាំងបានបង់ពន្ធជូនរដ្ឋរួចទៅហើយ យកទៅឲ្យក្រុមហ៊ុនមួយទៀត។ នាងខ្ញុំធ្លាប់បានដាក់ពាក្យទៅអាជ្ញាធរដោះស្រាយវិវាទដីធ្លី ក៏ប៉ុន្តែមន្ត្រីនៃអាជ្ញាធរដោះស្រាយវិវាទដីធ្លីបានបដិសេធមិន ទទួលពាក្យបណ្ដឹងរបស់នាងខ្ញុំ ដោយលើកហេតុផលថាដីនេះរាជរដ្ឋាភិបាលបានចេញអនុក្រឹត្យរួចហើយ។

ឥឡូវនេះ នាងខ្ញុំបានដាក់ពាក្យមកជូន សម្ដេច ដើម្បី សម្ដេចមេត្តាពិចារណាអនុក្រឹត្យនេះឡើងវិញ ក៏ប៉ុន្តែត្រូវបានមន្ត្រីខុទ្ទកាល័យសម្ដេចមិនទទួលពាក្យបណ្ដឹង ហើយរុញឲ្យទៅអាជ្ញាធរដោះស្រាយវិវាទដីធ្លីវិញ។ ការរុញទៅរុញមករបស់មន្ត្រីទាំងពីរស្ថាប័ននេះ បញ្ជាក់ឲ្យឃើញកាន់តែច្បាស់អំពី<ការមិនទទួលខុសត្រូវរបស់ ស្ថាប័នរដ្ឋ ព្រមទាំងរំលោភយ៉ាងកំរោលនៃរដ្ឋធម្មនុញ្ញមាត្រា ៣៥៖ ប្រជាពលរដ្ឋខ្មែរទាំងពីរភេទ មានសិទ្ធិចូលរួមយ៉ាងសកម្មក្នុងជីវភាពនយោបាយ សេដ្ឋកិច្ច សង្គមកិច្ច និងវប្បធម៌របស់ប្រទេសជាតិ។ សេចក្ដីស្នើទាំងឡាយរបស់ប្រជាពលរដ្ឋ ត្រូវបានទទួលការពិនិត្យនិងដោះស្រាយយ៉ាងហ្មត់ចត់ពីអង្គការ រដ្ឋ។ សេចក្ដីដូចបានជម្រាបជូនខាងលើ សូម សម្ដេច មេត្តាអធ្យាស្រ័យដល់នាងខ្ញុំដែលបានជូនលិខិតសំណូមពរខាងក្រោមនេះ ដល់សម្ដេចតាមរយៈសារពត៌មាន។ នាងខ្ញុំសង្ឃឹមថា សម្ដេច និងពិនិត្យដោះស្រាយសំណូមពរនេះដោយយុត្តិធម៌ជាពុំខាន»៕

គួររម្លឹកថា អ្នកស្រីឧកញ៉ា ឈិន សុគុន្ឋារី អាយុ ៥៨ឆ្នាំ ត្រូវបានសាលាដំបូងរាជធានីភ្នំពេញ កាត់ទោសកំបាំងមុខ ឲ្យជាប់ពន្ធនាគាររយៈពេល ៤ឆ្នាំ ៦ខែ និងពិន័យជាប្រាក់ចំនួន ៣០ លានរៀលទៀត ពីបទ« ធ្វើឲ្យប៉ះពាល់លើកម្មសិទ្ធិសាធារណៈ» នៅលើដីស្របច្បាប់របស់គាត់ស្ថិតនៅក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ព្រមទាំងចេញដីកាបង្គាប់ឲ្យតាមចាប់ខ្លួនទៀតផងកាលពីថ្ងៃទី២០ ខែធ្នូ ឆ្នាំ២០១២៕

ប្រភពពី ភ្នំពេញប៉ុស្តិ៍

អគ្គិភ័យលេបត្របាក់ ផ្ទះ៣ខ្នងទាំងព្រឹក នៅក្រោយវត្តនន្ទមុនី

2013-10-14T04:56:00.000-07:00

ភ្នំពេញ៖ អំណាចព្រះអគ្គិភ័យបានឆាបយក ផ្ទះប្រជាពលរដ្ឋអស់៣ខ្នងទាំងព្រឹក នៅក្រោយវត្តនន្ទមុនី ស្ថិតក្នុង ក្រុមទី៥ ភូមិដំណាក់ធំ១ សង្កាត់ស្ទឹងមានជ័យ ខណ្ឌមានជ័យ ផ្តើមចេញពីផ្ទះម្ចាស់មិននៅ សង្ស័យបណ្តាលមក ពីទុស្សេខ្សែភ្លើង។

សមត្ថកិច្ចអន្តរាគមន៍នៅកន្លែងកើតហេតុ បានឲ្យដឹងថា អគ្គិភ័យនេះ បានចាប់ផ្តើមនៅវេលាម៉ោង ៧ព្រឹកថ្ងៃទី១៤ ខែតុលា ឆ្នាំ២០១៣។ សមត្ថកិច្ចបញ្ជាក់ថា ផ្ទះចំនួន៣ខ្នង ធ្វើពីថ្មប្រក់សង្កសី រួមនិងទ្រព្យសម្បត្តិមួយចំនួនទៀត ត្រូវបានអគ្គិភ័យឆាបឆេះអស់ទាំងស្រុង។

ក្រោយកើតហេតុភ្លាមៗ កម្លាំងនគរបាលពន្លត់អគ្គិភ័យ បានបញ្ចេញរថយន្តពន្លត់អគ្គិភ័យចំនួន ៧គ្រឿងទៅកាន់ កន្លែងកើតហេតុ និងអន្តរាគមន៍ បាញ់ពន្លត់ភ្លើងឲ្យរលត់ទៅវិញទាំងស្រុងនៅវេលាម៉ោង ៨ព្រឹកថ្ងៃដដែល ដោយ មិនបណ្តាលឲ្យរាលដាលធ្ងន់ធ្ងរទៅផ្ទះអ្នកដទៃទៀតនោះឡើយ។

បើតាមសមត្ថកិច្ច អគ្គិភ័យ បានផ្តើមចេញពីផ្ទះមួយ ដែលម្ចាស់មិននៅផ្ទះ ហើយគេសង្ស័យថា បណ្តាលមកពី ទុស្សេខ្សែភ្លើង៕

ផ្តល់សិទ្ទិដោយ៖ looking today.com

លោក កឹម សុខា ស្នើឲ្យមេដឹកនាំខ្មែរ យកគំរូតា មព្រះមហាវីរក្សត្រ

2013-10-14T04:48:00.000-07:00

មេដឹកនាំគណបក្សសង្គ្រោះជាតិ បាននិមន្តព្រះសង្ឃចំនួន ៩០អង្គ ដើម្បីសូត្រមន្តបង្សុកូលគោរពឧទ្ទិសថ្វាយព្រះវិញ្ញាណក្ខន្ធ ព្រះបាទសម្ដេចព្រះ នរោត្តម សីហនុ ព្រះបរមរតនកោដ្ឋ គម្រប់ខួប ១ឆ្នាំនៃការសោយទិវង្គតរបស់ព្រះអង្គ។

អនុប្រធានគណបក្សសង្គ្រោះជាតិ លោក កឹម សុខា អុជធូបគោរពព្រះវិញ្ញាណក្ខន្ធព្រះបរមរតនកោដ្ឋ នៅក្នុងពិធីបង្សុកូលថ្ងៃទី១៤ តុលា ឆ្នាំ២០១៣។

លោក កឹម សុខា ប្រធានស្ដីទីគណបក្សសង្គ្រោះជាតិ បានយកពិធីបង្សុកូលគោរពព្រះវិញ្ញាណក្ខន្ធព្រះបាទសម្ដេចព្រះ នរោត្តម សីហនុ ព្រះបរមរតនកោដ្ឋ នៅព្រឹកថ្ងៃច័ន្ទ ទី១៤ ខែតុលា ស្នើសុំដល់ថ្នាក់ដឹកនាំប្រទេស និងអ្នកនយោបាយខ្មែរគ្រប់ៗរូប គួរយកគំរូវិជ្ជមានដើម្បីដឹកនាំប្រទេសតាមអតីតព្រះមហាក្សត្រ។

បន្ទាប់ពីកោតសរសើរស្នាព្រះហស្ត និងភាពឆ្លាតវៃរបស់សម្តេចព្រះ នរោត្តម សីហនុ លោក កឹម សុខា ក៏បានអះអាងថា គណបក្សសង្គ្រោះជាតិ នឹងលើកយកចំណុចវិជ្ជមានដឹកនាំប្រទេសតាមលំនាំរបស់សម្ដេចព្រះ នរោត្តម សីហនុ យកមកអនុវត្ត។

លោក កឹម សុខា មានជំនឿថា បើសិនជាព្រះបាទសម្ដេចព្រះ នរោត្តម សីហនុ ព្រះអង្គនៅមានព្រះជន្មនៅឡើយនោះ នោះនយោបាយជាប់គាំងរបស់រដ្ឋាភិបាលអាណត្តិទី៥នេះ ព្រះអង្គនឹងអាចផ្សះផ្សាជាតិរវាងអ្នកនយោបាយខ្មែរ និងអាចជួយស្វែងរកយុត្តិធម៌ជូនម្ចាស់ឆ្នោតដោយសន្តិវិធី៖ «យើង ចង់ទទួលបាននូវការរៀនសូត្រពីព្រះអង្គដែលផ្ដើមចេញពីឯកភាពជាតិ ហើយយើងចង់បានអ្នកដឹកនាំដទៃទៀត រួមទាំងព្រះមហាក្សត្រដទៃទៀតដែរ ធ្វើយ៉ាងណាយកឱវាទតាមព្រះអង្គ គឺឯកភាពជាតិ ផ្សះផ្សាជាតិ បង្រួបបង្រួមជាតិ»។

ក្រៅពីធ្វើពិធីបង្សុកូល នៅទីស្នាក់ការបង្សុកូលក្នុងខណ្ឌទួលគោក នៅព្រឹកថ្ងៃច័ន្ទ ទី១៤ ខែតុលា នៅម៉ោង ២រសៀលដដែល ទាំងលោក កឹម សុខា និងបេក្ខជនជាប់ឆ្នោតតំណាងរាស្ត្របក្សសង្គ្រោះជាតិ អាណត្តិទី៥ ផ្សេងទៀត ក៏មានគម្រោងទៅអុជធូបគោរពព្រះវិញ្ញាណក្ខន្ធដល់វិមានព្រះបរមរូប ព្រះបរមរតនកោដ្ឋ នាសួនច្បារខាងកើតវិមានឯករាជ្យថែមទៀត ប៉ុន្តែត្រូវខកខានដោយសារតែសមត្ថកិច្ចមិនអនុញ្ញាត។

រាជរដ្ឋាភិបាលកម្ពុជា កាលពីថ្ងៃសុក្រ ទី១១ ខែតុលា បានសម្ពោធជាផ្លូវការនៃវិមានព្រះបរមរូប ព្រះបរមរតនកោដ្ឋ ព្រះករុណាសម្ដេចព្រះ នរោត្តម សីហនុ ដោយចំណាយទឹកប្រាក់សាងសង់ចំនួនជាង ១.២លានដុល្លារសហរដ្ឋអាមេរិក។ នៅក្នុងពិធីនោះ សមាជិកសភាមកពីគណបក្សសង្គ្រោះជាតិ មិនបានចូលរួមឡើយ។

នៅក្នុងឱកាសនោះ លោកនាយករដ្ឋមន្ត្រី ហ៊ុន សែន និងជាអនុប្រធានគណបក្សប្រជាជនកម្ពុជា បានឡើងថ្លែងជាសាធារណៈ នឹងបន្តរក្សាការពាររបបរាជានិយម ការពាររាជបល្ល័ង្គ និងការពារព្រះមហាក្សត្រ។ ជាងនេះ ប្រមុខដឹកនាំបានថ្លែងរម្លឹកពីព្រះរាជបណ្តាំចុងក្រោយរបស់សម្ដេច នរោត្តម សីហនុ ពីនយោបាយបង្រួបបង្រួម និងផ្សះផ្សាជាតិខ្មែរ ហើយក៏បានថ្លែងពីគុណូបការៈសម្ដេចឪក្នុងបុព្វហេតុជាតិមាតុភូមិ។

ក្ដៅពីនេះ លោក ហ៊ុន សែន ក៏បានផ្ដាំផ្ញើដល់អ្នកបន្តវេនដែលត្រូវដឹកនាំរាជរដ្ឋាភិបាល កម្ពុជា ជំនាន់ក្រោយៗ ឲ្យចងចាំនូវគុណូបការៈរបស់ព្រះរាជបិតាជាតិខ្មែរ និងបានប្រកាសឲ្យរក្សាទុកថ្ងៃទី១៥ ខែតុលា ជារៀងរាល់ឆ្នាំ ជាថ្ងៃសម្រាប់បង្កើតឱកាសដល់ប្រជាពលរដ្ឋខ្មែរគោរពព្រះ វិញ្ញាណក្ខន្ធព្រះអង្គ។

លោក ហ៊ុន សែន៖ «ព្រះបិតាជាតិរបស់យើងមិនមែនត្រឹមតែនៅក្នុង ដំណាក់កាលនេះទេ លោកថា ផឹកទឹកត្រូវនឹកដល់ប្រភពទឹក ទទួលផ្លែឈើត្រូវនឹកដល់អ្នកដាំដើម។ ព្រះបិតាជាតិរបស់យើង គឺជាព្រះបិតាជាតិជារៀងរហូត»។

ព្រះបរមរូបព្រះបរមរតនកោដ្ឋ ព្រះករុណាសម្ដេចព្រះ នរោត្តម សីហនុ ត្រូវបានកសាងពីស្ពាន់មួយជំហរ មានកម្ពស់ ៤.៥ម៉ែត្រ ក្នុងសម្លៀកបំពាក់ខោអាវធំ អោបដៃសំយុងមកមុខ បែរព្រះភ័ក្ត្រទៅទិសខាងកើត និងបានតម្កល់លើទម្រមានកម្ពស់ ២.៧ម៉ែត្រ។ វិមានព្រះបរមរូបនេះ បានសាងសង់លើខឿនរាងចតុកោណកែង មានបណ្តោយ ៥៤ម៉ែត្រ និងទទឹង ២៧ម៉ែត្រ និងមានទីតាំងនៅលើសួនច្បារខាងកើតវិមានឯករាជ្យ ក្នុងរាជធានីភ្នំពេញ។

ការស្ថាបនានេះ ព្រះករុណាព្រះបាទសម្ដេចព្រះបរមនាថ នរោត្តម សីហមុនី និងសម្ដេចព្រះមហាក្សត្រី ព្រះវររាជមាតា នរត្តម មុនីនាថ សីហនុ បានចេញព្រះរាជសារ ចុះថ្ងៃទី១១ ខែតុលា ថ្លែងអំណរគុណលោកនាយករដ្ឋមន្ត្រី ហ៊ុន សែន និងថ្នាក់ដឹកនាំរដ្ឋាភិបាលកម្ពុជា ដែលបានកសាងវិមានព្រះបរមរូប ព្រះករុណាព្រះបរមរតនកោដ្ឋ ដ៏ស្កឹមស្កៃ និងល្អប្រណិត៕

ស្ដាប់ ឬ ទាញយកសំឡេង

form:http://www.rfa.org

ពលរដ្ឋរងគ្រោះដោយ ទឹកជំនន់បារម្ភអំពី បញ្ហាប្រែប្រួ លអាកាសធាតុ

2013-10-14T03:44:00.000-07:00

ទឹកជំនន់កំពុងយាយីជីវភាពរស់នៅរបស់ប្រជាពលរដ្ឋនៅតាមបណ្ដា ខេត្តចំនួន ១៥ ទូទាំងប្រទេសកម្ពុជា។ មន្ត្រីគណៈកម្មាធិការជាតិគ្រប់គ្រងគ្រោះ មហន្តរាយបង្ហាញថា ទឹកជំនន់បានបង្កឲ្យមនុស្សចំនួនជាង ១០០នាក់ស្លាប់ គិតត្រឹមថ្ងៃទី១២ ខែតុលា និងបណ្ដាលឲ្យប៉ះពាល់ដល់ស្រូវរបស់កសិករជាង ១សែនហិកតារ។

ស្ដាប់ ឬ ទាញយកសំឡេង

from: http://www.rfa.org/khmer

គ្រោះថ្នាក់ចរាចរណ៍នៅក្រុងប៉ោយប៉ែត ស្លាប់ប្តី ប្រពន្ធមានផ្ទៃពោះ

2013-10-12T18:38:00.000-07:00

មានហេតុការណ៍គ្រោះថ្នាក់ចរាចរណ៍ដ៏រន្ធត់មួយបានកើតឡើងនៅលើ ដងផ្លូវជាតិលេខ៥ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ កាលពីវេលាម៉ោង១៥និង៤០នាទី នាថ្ងៃទី១២ ខែតុលា ឆ្នាំ២០១៣នេះ បណ្តាលឲ្យប្តីនិងប្រពន្ធមានផ្ទៃពោះស្លាប់ភ្លាមៗយ៉ាងអាណោចអាធ័មនៅ កន្លែងកើតហេតុ ព្រមទាំងកូនស្រី២នាក់ផ្សេងទៀតរងរបួសធ្ងន់ធ្ងរ ។

សាក្សីបានឲ្យដឹងថា ហេតុការណ៍គ្រោះថ្នាក់ចរាចរណ៍ដ៏រន្ធត់នេះ គឺបណ្តាលមកពីជនរងគ្រោះជិះម៉ូតូបុកជាមួយនឹងរថយន្តកុងតឺន័រក្នុង ដំណើរស្របទិសគ្នា ធ្វើឲ្យបុរសជាប្តីឈ្មោះ ឈូក សុខហ៊ីង អាយុ៣១ឆ្នាំ និងប្រពន្ធឈ្មោះ បារាំង អាយុ២៥ឆ្នាំ មានផ្ទៃពោះប្រមាណជាង៣ខែ ស្លាប់ភ្លាមៗ យ៉ាងអាណោចអាធ័ម ព្រមទាំងកូនស្រីតូចៗចំនួន២នាក់ទៀតរងរបួសធ្ងន់ធ្ងរ ត្រូវបានដឹកយកទៅព្យាបាលនៅមន្ទីរពេទ្យបង្អែក ក្រុងប៉ោយប៉ែត ។ រីឯអ្នកបើកបររថយន្តកុងតឺន័របានរត់គេចខ្លួនបាត់ស្រមោល ។

ក្រោយពេលកើតហេតុភ្លាមៗសមត្ថកិច្ចបានចុះធ្វើការវាស់វែងនិងធ្វើ កំណត់ហេតុ ខណៈលើដងផ្លូវជាតិលេខ៥ នៅសង្កាត់ផ្សារកណ្តាល ក្រុងប៉ោយប៉ែតមានការកកស្ទះចរាចរណ៍យ៉ាងខ្លាំង ៕

បុរសម្នាក់ត្រូវឆក់ ខ្សែភ្លើងស្លាប់ ពេលទៅតភ្លើងម៉ូទ័របូមទឹក

2013-10-12T18:35:00.000-07:00

ខេត្តកណ្តាល៖ បុរសម្នាក់ត្រូវបានខ្សែឆក់ស្លាប់ពេលទៅតភ្លើងម៉ូទ័របូមទឹក កាលពីម៉ោង៩និង០៥នាទី ថ្ងៃទី១២ ខែតុលា ឆ្នាំ២០១៣ នៅភូមិគគីរ ឃុំគគីរ ស្រុកកៀនស្វាយ ។

តាមសម្តីក្រុមគ្រួសារជនរងគ្រោះបានឲ្យដឹងថានៅមុនពេលកើតហេតុបានបាត់ជនរងគ្រោះ ហើយក្រុមគ្រួសារបាននាំគ្នាដើររកមើល ក៏ឃើញដេកស្លាប់ជាប់ម៉ូទ័របូមទឹក និងនៅជិតសាកសពមានដង្កាប់មួយនៅទីនោះ ។

លោក ព្រុំ សំណាងនាយប៉ុស្តិ៍រដ្ឋបាលឃុំគគីរបានប្រាប់ថា សាកសពជនរងគ្រោះឈ្មោះ ជា ប៊ុនណាវុធ ហៅ(ណុយ) អាយុ៥៣ រស់នៅភូម ឃុំខាងលើ មានមុខរបរលក់ដូរក្នុងផ្សារគគីរ ។
ក្រោយពេលកើតហេតុសមត្ថកិច្ចបានធ្វើការពិនិត្យ ហើយបានបញ្ជាក់ថាជនរងគ្រោះបានស្លាប់ដោយសារឆក់ខ្សែភ្លើងពិតមែន និងបានប្រគល់សាកសពទៅក្រុមគ្រួសារធ្វើបុណ្យតាមប្រពៃណី ៕

រកឃើញគ្រាប់មីន៨គ្រាប់ កប់កណ្ដាលផ្លូវជាតិលេខ៥៦

2013-10-12T18:31:00.000-07:00

ខេត្តបន្ទាយមានជ័យ៖ រាវរកឃើញគ្រាប់មីន៦គ្រាប់ និងមីនតោន២គ្រាប់ ជាបន្តបន្ទាប់ ដែលគ្រាប់មីនទាំងនោះ ត្រូវបានគេកប់នៅក្រោមទ្រូងផ្លូវជាតិលេខ៥៦ ជិតប្រាសាទបន្ទាយឆ្មារ ទល់មុខប៉ុស្តិ៍នគរបាលរដ្ឋបាលឃុំបន្ទាយឆ្មារ ស្រុកថ្មពួក។

លោក ដំ ចិត្រ មេបញ្ជាការអាវុធហត្ថស្រុកថ្មពួក បានឲ្យដឹងថា នៅថ្ងៃទី៨ ខែតុលា ឆ្នាំ២០១៣ ក្រុមហ៊ុន ស្ថាបនាផ្លូវជាតិលេខ៥៦ ពីព្រំប្រទល់ស្រុកស្វាយចេក ខេត្តបន្ទាយមានជ័យ ទៅកាន់ទីរួមខេត្តឧត្តរមានជ័យ ប្រវែង៨៤គ.ម និងបន្ថែមស្ថាបនាផ្លូវកាត់ក្បែរប្រាសាទបន្ទាយឆ្មារប្រមាណ១០គ.ម បានប្រើឧបករណ៍រាវរកឃើញគ្រាប់មីនប្រភេទ ប៉ម Z-២ ផលិតនៅសូវៀត ចំនួន៦គ្រាប់ ។ នៅថ្ងៃទី១០ ខែតុលា រកឃើញមីនតោន២គ្រាប់ទៀត ក្បែរនោះនៅ ដែលកប់ជម្រៅពី៣ទៅ ៤តឹក នៅពីក្រោមទ្រូងផ្លូវ ក្នុងភូមិស្រះជ្រៃ ឃុំបន្ទាយឆ្មារ ស្រុកថ្មពួក។

ចាប់តាំងពីបើកការដ្ឋានស្ថាបនាផ្លូវជាតិលេខ៥៦ ខាងក្រុមហ៊ុន ដែលមានក្រុមរាវរកគ្រាប់មីន បានរកឃើញគ្រាប់យុទ្ធភ័ណ្ឌមិនទាន់ផ្ទុះរាប់រយគ្រាប់ តែគ្រាប់ទាំងនោះភាគច្រើនរកឃើញនៅអមសងខាងផ្លូវ វាខុសពីគ្រាប់មីនខាងលើ ដែលកប់នៅក្នុងដីកណ្ដាលទ្រូងផ្លូវរាប់ឆ្នាំ តែមិនផ្ទុះ។

សូមបញ្ជាក់ថា ផ្លូវជាតិលេខ៥៦ គឺតភ្ជាប់ពីខេត្តបន្ទាយមានជ័យ ទៅឧត្តរមានជ័យ ជាអតីតសមរភូមិប្រយុទ្ធ។ ដូច្នេះផ្លូវនេះបានបន្សល់នូវគ្រាប់យុទ្ធភ័ណ្ឌមិនទាន់ផ្ទុះជាច្រើន នៅរាយប៉ាយពេញផ្ទៃដី បង្កឲ្យមានការគ្រោះថ្នាក់ដល់មនុស្សនិងសត្វជាញឹកញាប់៕

ប្រភពពី ANN

ស្ពាយបង្វិចដើររកបង ស្រីគ្មានគោលដៅ ដាច់បាយ ៣ ថ្ងៃដួលសន្លប់តាមផ្លូវ

2013-10-12T18:21:00.000-07:00

ខេត្តកំពង់ឆ្នាំង ៖ បន្ទាប់ពីដើររកបងស្រី ពីខេត្តមួយទៅខេត្តមួយជាច្រើនថ្ងៃ យុវជនម្នាក់ដាច់បាយ ៣ ថ្ងៃ បានដួលសន្លប់ លើផ្លូវកៅស៊ូមុខផ្ទះប្រជាពលរដ្ឋ កាលពីវេលាម៉ោង ៧និង១៥ នាទីយប់ថ្ងៃទី១១ ខែតុលា ឆ្នាំ២០១៣ ក្នុង ភូមិធម្មយុត្តិ សង្កាត់ប្អេរ ក្រុងកំពង់ឆ្នាំង ផ្អើលដល់អ្នកស្រុក នាំគ្នាមកចោមរោមមើល ដោយនឹកស្មានថា មានគ្រោះថ្នាក់ចរាចរណ៍។

យុវជនដែលគួរឲ្យអាណិតនោះ មានឈ្មោះ ខឿន សីហា អាយុ១៦ឆ្នាំ រស់នៅភូមិឆក ឃុំចុងកាល់ ស្រុកចុងកាល់ ខេត្តសៀមរាប ឪពុកម្តាយបានស្លាប់ ចោលអស់ហើយ សព្វថ្ងៃរស់នៅជាមួយបងស្រីឈ្មោះ ខឿន ផល្លី មានកូនម្នាក់ និងមានប្តីឈ្មោះ វាសនា។ ដោយសារតែ មានជីវភាពខ្វះខាត ថ្មីៗនេះបងស្រីរបស់ឈ្មោះ ខឿន សីហា បានលក់ដីអស់ ហើយបាននាំប្តីប្រពន្ធ រត់ចោលខ្លួនបាត់មិនដឹងថាទៅរស់នៅឯណាទេ។

រយៈពេលជាងកន្លះខែនេះឈ្មោះ ខឿន សីហា បានស្ពាយកាបូប ខោអាវដើររកបងស្រី ពីខេត្តមួយចូលខេត្តមួយ តែរកមិនឃើញ រហូតដល់ព្រឹកថ្ងៃទី១១ ខែតុលា បានសុំឡាននីសាន់ ជិះពីខេត្តបាត់ដំបងមកដល់ ខេត្តកំពង់ឆ្នាំង គឺដើររកបងស្រី គ្មានគោលដៅពិតប្រាកដទេ ដាច់បាយរយៈពេល ៣ ថ្ងៃ រហូតដួលសន្លប់តែម្តង៕

ប្រភពពី វត្តភ្នំ

ពិធីបុណ្យអបអរអង្ករ ផ្ការំដួលជាប់ ចំណាត់ថ្នាក់លេខ១ ខាងរសជាតិ លើពិភពលោក

2013-10-12T18:19:00.000-07:00

សហព័ន្ធ និងក្រុមហ៊ុននាំចេញអង្ករទៅបរទេស បានអះអាងថា អង្ករខ្មែរប្រភេទផ្ការំដួល បានជាប់ចំណាត់ថ្នាក់លេខ១ ខាងរសជាតិឆ្ងាញ់ដាច់គេនៅលើពិភពលោក។ មោទនភាពនេះ បានលេចឡើងបន្ទាប់ពីអង្គការអន្តរជាតិមួយ បានប្រមូលអង្ករមកពីគ្រប់ប្រទេសធ្វើការប្រឡងប្រជែង។ ដើម្បីអបអរសាទរចំពោះជ័យជម្នះអង្ករខ្មែរ គឺក្រុមហ៊ុនបានរៀបចំធ្វើពិធីបុណ្យអង្ករជាលើកដំបូង ដែលពុំធ្លាប់មានសោះនៅកម្ពុជា។

មន្ត្រីរដ្ឋាភិបាលទីភ្នាក់ងារអភិវឌ្ឍន៍អន្តរជាតិរបស់បណ្ដាប្រទេស មួយចំនួន ព្រមទាំងក្រុមហ៊ុនជាច្រើនទៀត បានរួមគ្នាប្រារព្ធធ្វើពិធីបុណ្យអង្ករមួយនៅទឹកដីខេត្តសៀមរាប។

«សំឡេងភ្លេង»

ពិធីបុណ្យដែលឧបត្ថម្ភដោយកិច្ចសហប្រតិបត្តិការហិរញ្ញវត្ថុ អន្តរជាតិ សហគមន៍អឺរ៉ុប ទីភ្នាក់ងារអភិវឌ្ឍន៍អន្តរជាតិ បារាំង ព្រមទាំងក្រសួងពាណិជ្ជកម្ម និងក្រសួងទេសចរណ៍របស់កម្ពុជា ផងនោះ គឺជាបុណ្យដំបូងដែលមិនធ្លាប់មានសោះនៅក្នុងប្រទេសកម្ពុជា។

ការប្រារព្ធពិធីបុណ្យនៅក្នុងសណ្ឋាគារ សូហ្វីតែល (Sofitel) គេបានរៀបចំបង្ហាញអ្នកទេសចរបរទេស ឱ្យដឹងអំពីការរស់នៅប្រចាំថ្ងៃរបស់ប្រជាពលរដ្ឋខ្មែរ ពីអតីតកាលផ្សារភ្ជាប់ជាមួយនឹងអង្ករ ដូចជាក្រៅពីយកទៅដាំបាយហូប គេអាចយកទៅធ្វើនំច្រើនប្រភេទ ធ្វើក្រឡានក្នុងបំពង់ឫស្សី ព្រមទាំងអាចយកស្រូវទៅបុកធ្វើជាអំបុកជាដើម។

ក្នុងនោះដែរ ឧបករណ៍ត្បាល់ និងក្ដឿងជាន់ ដែលខ្មែរបុរាណធ្លាប់ប្រើប្រាស់ក្នុងការបុកស្រូវ ឬក៏ស្រិតស្ទៃអង្ករ ដែលបានបាត់បង់ជាយូរមកហើយ ត្រូវបានគេរៀបចំបង្ហាញឱ្យឃើញឡើងវិញនៅទីនោះទាំងអស់។

«សំឡេងជាន់ក្ដឿង»

នាយកក្រុមហ៊ុន ខ្មែរ ហ៊្វូត (Khmer Foods) ដែលជាក្រុមហ៊ុនមួយក្នុងចំណោមក្រុមហ៊ុនខ្លះទៀត ដែលនាំអង្ករកម្ពុជា ចេញទៅបរទេស គឺលោកឧកញ៉ា គឹម សាវុធ។ លោកបានមានប្រសាសន៍ថា អង្ករខ្មែរបានជាប់លេខ១ ខាងរសជាតិឆ្ងាញ់ជាងគេនៅលើពិភពលោក កាលពីពេលថ្មីៗ។ លោកឧកញ៉ា បានមានប្រសាសន៍ទៀតថា រូបលោកបានស្រក់ទឹកភ្នែកដោយមិនដឹងខ្លួន ព្រោះតែការរំភើបខ្លាំងពេកនៅពេលដែលទទួលសារថា អង្ករខ្មែរជាប់ចំណាត់ថ្នាក់លេខមួយ ដែលលោកមិននឹកស្មានដល់។ លោកបញ្ជាក់ថា ដោយសារតែមោទនភាពនៃអង្ករខ្មែរនេះ ទើបលោកជាមួយនឹងដៃគូជាច្រើនទៀត រួមគ្នារៀបចំធ្វើពិធីបុណ្យអង្ករដែលពុំធ្លាប់មានសោះ។

លោកឧកញ៉ា គឹម សាវុធ៖ «និយាយឱ្យត្រង់ គឺជាមោទនភាពរបស់ជាតិយើង ជាប្រវត្តិសាស្ត្រដែលពុំធ្លាប់មានសោះពីមុនមក។ គោលបំណងដែលយើងចង់ធ្វើនេះ គឺយើងចង់បង្ហាញអង្ករកម្ពុជា ដល់ពិភពលោកតាមរយៈអ្នកទេសចរ។ អ៊ីចឹងហើយបានយើងជ្រើសរើសខេត្តសៀមរាប ដែលសម្បូរអ្នកទេសចរមកមើលប្រាសាទអង្គរ។ អ៊ីចឹង តាមរយៈគាត់មកទស្សនាប្រាសាទអង្គរ គាត់អាចឈានចូលមើល ហើយគាត់អាចភ្លក់ទៅគាត់ស្គាល់ គាត់អាចត្រឡប់ទៅវិញ គាត់ផ្សព្វផ្សាយដល់ក្រុមគ្រួសារ មិត្តភក្ដិគាត់ធ្វើឱ្យគេស្គាល់អង្ករកម្ពុជា របស់យើង»។

ក្រុមហ៊ុននៅក្នុងប្រទេសកម្ពុជា ខ្លះ បានចាប់ផ្ដើមនាំអង្ករចេញទៅកាន់ទីផ្សារបរទេស ចាប់តាំងតែពីអំឡុងឆ្នាំ២០០៥ ក៏ប៉ុន្តែ ការប្រកួតប្រជែងទីផ្សារអង្គរនៅពេលនោះ គឺកម្ពុជា មិនបានជោគជ័យទេ ដោយសារក្រុមអ្នកនាំចេញមកពីប្រទេសផ្សេងទៀត បំបាក់ទីផ្សារតាមរយៈការទម្លាក់ថ្លៃទាប។ ក៏ប៉ុន្តែ ចាប់ពីអំឡុងឆ្នាំ២០០៩ អង្ករកម្ពុជា បាននាំចេញទៅទីផ្សារបរទេសជាថ្មី ដោយសារមានការអនុគ្រោះពន្ធពីសហគមន៍អឺរ៉ុប ទើបធ្វើឱ្យអង្ករខ្មែរដណ្ដើមបានជោគជ័យរហូតមកដល់ពេលនេះ។

«សំឡេងរបាំច្រូតស្រូវ»

មិនមែនតែក្រុមហ៊ុន និងសហព័ន្ធអ្នកនាំចេញអង្ករកម្ពុជា ប៉ុណ្ណោះទេ ដែលទទួលស្គាល់ថា អង្ករខ្មែរមានរសជាតិឆ្ងាញ់ សូម្បីតែកំពូលចុងភៅនៅតាមសណ្ឋាគារផ្កាយ៥ ជាច្រើន ក្នុងប្រទេសកម្ពុជា ក៏បានឱ្យដឹងថា ភ្ញៀវទេសចរបរទេសជាច្រើនដែលស្នាក់នៅក្នុងសណ្ឋាគាររបស់គេ គឺចូលចិត្តទទួលទានបាយ ដែលដាំពីអង្ករខ្មែរ។

ប្រធានចុងភៅរបស់សណ្ឋាគារ កាំបូឌីយ៉ាណា (Cambodiana) ដែលត្រូវបានគេអញ្ជើញមកធ្វើជាអ្នកស្រង់ក្លិន និងភ្លក់រសជាតិអង្ករ លោក សុង តេង បានមានប្រសាសន៍ថា នៅសណ្ឋាគាររបស់លោកជារៀងរាល់ថ្ងៃ គឺភ្ញៀវចូលចិត្តពិសារបាយដែលដាំពីអង្ករផ្កាម្លិះ របស់ខ្មែរ ពីព្រោះអង្ករបរទេស ភាគច្រើនវាមានជាតិស្អិតតិចតួច តែអង្ករខ្មែរមានជាតិស្អិត ហើយក្រអូប។

ប្រធានចុងភៅដដែល បានបញ្ជាក់ថា នៅសណ្ឋាគារ កាំបូឌីយ៉ាណា ក្នុង១ខែៗ គឺលោកបានប្រើប្រាស់អង្ករខ្មែរសម្រាប់ដាំបាយជូនភ្ញៀវទេសចរអស់ ប្រមាណពី ៤០បាវ ឬក៏លើសពីនេះ៖ «អង្ករដែលខ្ញុំធ្វើឱ្យគេទទួល ទាន ភាគច្រើនផ្កាម្លិះ ដោយសារអង្ករហ្នឹង វាមានលក្ខណៈក្រអូប។ នៅពេលយើងដាំស្លមក វាមានពណ៌វាក្រអូប ទាក់ទាញឱ្យយើងហូប។ ដូចថា អានេះយើងយកវាមក ដើម្បីធ្វើរសជាតិអង្ករសុទ្ធ អត់មានគ្រឿងផ្សំអ្វីទេ»។

ក្រុមហ៊ុន ខ្មែរ ហ៊្វូត បានឱ្យដឹងថា បច្ចុប្បន្ន អង្ករខ្មែរបាននាំចេញទៅលក់នៅក្នុងទីផ្សារចំនួន ៥២ប្រទេសនៃពិភពលោក ហើយចាប់តាំងពីខែមករា រហូតមកដល់ខែកញ្ញា ឆ្នាំ២០១៣ គឺការនាំចេញអង្ករទៅកាន់បរទេស បានចំនួន ២៦ម៉ឺន ៧ពាន់តោន។ ក្រុមហ៊ុនមានគម្រោងនាំចេញអង្ករកម្ពុជា ទៅកាន់បរទេសរហូតដល់ដំណាច់ឆ្នាំ២០១៣ ឱ្យបានចំនួន ៤០ម៉ឺនតោន។ ក៏ប៉ុន្តែ ទន្ទឹមនឹងជំរុញការនាំចេញនេះ គឺផ្នែកឯកជនក៏ទទូចឱ្យរដ្ឋាភិបាលជួយជំរុញវិស័យដឹកជញ្ជូនឱ្យកាន់ តែមានការងាយស្រួលដែរ ពីព្រោះបច្ចុប្បន្ន វិស័យដឹកជញ្ជូននៅមានបញ្ហាជាច្រើនជាងវិស័យផ្សេងៗ។

បើទោះបីជាផ្នែកឯកជន និងរដ្ឋាភិបាលកម្ពុជា កំពុងប្រឹងប្រែងជំរុញឱ្យការនាំចេញអង្ករពីកម្ពុជា កាន់តែកើនឡើងក៏ដោយ ក៏កសិករខ្មែរដែលជាអ្នកដាំស្រូវផ្ទាល់ មិនទាន់មានមោទនភាពចំពោះរឿងនោះនៅឡើយទេ។ អ្វីដែលកសិករមិនសប្បាយចិត្ត គឺមិនមានពូជស្រូវល្អ និងតម្លៃស្រូវថោក នៅពេលផលិតបាន។

បុរសកសិករម្នាក់ រស់នៅភូមិព្រៃដង្ហើម ឃុំកែវពណ៌ ស្រុកពួក ខេត្តសៀមរាប គឺ លោក រស់ ខឿត បានមានប្រសាសន៍ថា លោកមានការសប្បាយចិត្តនៅពេលដែលឮថា អង្ករខ្មែរជាប់លេខ១ខាងរសជាតិ ក៏ប៉ុន្តែនៅមានបញ្ហាខ្លះដែលត្រូវការរដ្ឋាភិបាលជួយដោះស្រាយ ដូចជាមិនមានអ្នកជំនាញមកជួយបង្រៀនបច្ចេកទេសថ្មី ព្រមទាំងខ្វះពូជស្រូវល្អមកឱ្យកសិករផលិតជាដើម។ បញ្ហាមួយទៀត គឺរដ្ឋាភិបាលត្រូវធានានូវទីផ្សារលក់ស្រូវឱ្យបានថ្លៃ ដើម្បីកុំឱ្យកសិករខាតទុនផលិត៖ «ទាក់ទងនឹងអង្ករថា ជាប់ចំណាត់ថ្នាក់លេខ១ ប៉ុន្តែកសិករដូចលក់មិនបានថ្លៃប៉ុន្មានដូចជាបាក់ទឹកចិត្តដែរ។ ១គីឡូ បើយើងលក់ឱ្យទៅតាមផ្ទះ យើងបានតែ ១.៨០០-២.០០០រៀល។ ធ្វើឱ្យខាតទុនផលិត យើងកាត់ថ្លៃជី ថ្លៃឈ្នួលកម្មករភ្ជួររាស់អីទាំងអស់ វាអត់រួចខ្លួន។ កសិករចង់ឱ្យតែរដ្ឋាភិបាលធ្វើម៉េច ឱ្យតម្លៃឱ្យខ្ពស់សម្រាប់កសិករ»។

ការទាមទារឱ្យស្រូវមានតម្លៃខ្ពស់របស់កសិករខ្មែរនេះ គឺមិនទាន់មានការឆ្លើយតបយ៉ាងណាពីក្រុមហ៊ុននាំចេញអង្ករមួយ ចំនួននៅឡើយទេ ដោយសារតែឧបសគ្គនៅពេលខាងមុខ ក្រុមហ៊ុនខ្លះកំពុងមានការព្រួយបារម្ភទៅនឹងការប្រកួតប្រជែង ទីផ្សារអង្ករខ្ពស់ជាមួយប្រទេសមីយ៉ាន់ម៉ា (ភូមា)។ កាលពីខែមិថុនា ឆ្នាំ២០១៣ កន្លងទៅ សហគមន៍អឺរ៉ុប បានយល់ព្រមឱ្យប្រទេសមីយ៉ាន់ម៉ា ធ្វើពាណិជ្ជកម្មទំនិញដោយអនុគ្រោះពន្ធគយ បន្ទាប់ពីប្រទេសមីយ៉ាន់ម៉ា បានកំណែទម្រង់នយោបាយ និងសេដ្ឋកិច្ចមក៕

ប្រភពពី វិទ្យុអាស៊ីសេរី

ស្ថានភាពទឹកជំនន់ បន្តស្រកចុះ ខណៈអ្នកស្លាប់ បានកើនឡើងដល់១២២នាក់

2013-10-12T18:17:00.000-07:00

ស្ថានភាពគ្រោះទឹកជំនន់នៅទូទាំងប្រទេស ត្រូវបានមន្ត្រីជំនាញលើកឡើងថា ទឹកជំនន់ដែលបង្កដោយទឹកភ្លៀង និងទឹកទន្លេមេគង្គ គិតត្រឹមព្រឹកថ្ងៃទី១២តុលានេះ មានការស្រកចុះគួរឲ្យកត់ហើយ។ ប៉ុន្តែចំនួនមនុស្សស្លាប់បានកើនពីចំនួន១០៤នាក់ ដល់ ១២២នាក់ គិតត្រឹមថ្ងៃម្សិលមិញ។

លោក ញឹម វណ្ណដា ទេសរដ្ឋមន្ត្រី និងជាអនុប្រធានទី១ នៃគណៈកម្មាធិការជាតិគ្រប់គ្រងគ្រោះមហន្តរាយ ដែលកំពុងបន្តតាមដានស្ថានភាពជំនន់ទឹកភ្លៀង និងទឹកជំនន់ទន្លេមេគង្គបានថ្លែងប្រាប់ វិទ្យុបារាំងនៅព្រឹកថ្ងៃសៅរនេះថា ស្ថានភាពទូទៅនៃទឹកជំនន់ដែលបានកើតឡើងធ្ងន់ធ្ងរជាងមួយខែកន្លងទៅនេះ ចាប់ផ្តើមស្រកទៅវិញជាបណ្តើរៗហើយ។

លោកបានបន្តថា នៅតាមបណ្តាខេត្តជាប់ព្រំដែនថៃ ដូចជា ខេត្តបន្ទាយមានជ័យ ខេត្តប៉ៃលិន និងខេត្តបាត់ដំបង ដែលស្ថានភាពទឹកជំនន់មានសភាពធ្ងន់ធ្ងរជាងគេនោះ កម្រិតទឹកបានស្រកគួរឲ្យកត់សម្គាល់ លែងក្លាយជាការបារម្ភទៅជាទឹកជំនន់ទៀតហើយ។

ប៉ុន្តែ បើតាមលោក ញឹម វណ្ណា ដដែល ផ្លូវជាតិលេខ៥ចន្លោះពីឃុំអូរតាគី ស្រុកថ្មគោល រហូតដល់ស្រុកមង្គលបូរី និងក្រុងសេរីសោភ័ណ ខេត្តបន្ទាយមានជ័យ ទឹកនៅបន្តលិចផ្លូវជាតិនេះនៅឡើយ ដោយសារតែមុខទឹកត្រូវហូរពីតំបន់ផ្សេងរបស់ខេត្តទាំងអស់នោះ ធ្លាក់ចូលទៅកាន់បឹងទន្លេសាប។

គួរបញ្ជាក់ថា ទឹកជំនន់នៅក្នុងខេត្តបន្ទាយមានជ័យកាលពីថ្ងៃទី១០តុលាកន្លងទៅនេះ បានធ្វើឲ្យពន្ធនាគារខេត្តត្រូវជន់លិចកម្ពស់ចន្លោះពី ១ ម៉ែត្រកន្លះ ដល់១ម៉ែត្រ ៧។ ទឹកបានលិចចូលទៅក្នុងបន្ទប់ពន្ធនាគារ។ ស្ថានភាពនេះបានបង្ខំឲ្យអ្នកទោសជាង១០០០នាក់ត្រូវបានផ្ទេរទៅកាន់ ពន្ធនាគារខេត្តសៀមរាប និងខេត្តបាត់ដំបង។

ដោយឡែក ស្ថានភាពទឹកជំនន់នៅតាមបណ្តាខេត្តជាប់ដងទន្លេមេគង្គដូចជា ស្ទឹងត្រែង ក្រចេះ កំពង់ចាម កណ្តាល ព្រៃវែង កម្រិតទឹកជំនន់ក៏បានស្រកស្រុតជាបន្តបន្ទាប់ផងដែរ។ នេះបើតាមលោក ញឹម វណ្ណដា

ទោះយ៉ាងណា បើតាមការបញ្ជាក់របស់លោក ញឹម វណ្ណដា ស្ថានភាពទឹកអាចស្រកចុះឆាប់រហ័សក្នុងរយៈពេល២ ឫ៣ថ្ងៃខាងមុខទៀត ប្រសិនបើកម្ពុជាចៀសផុតពីឥទ្ធិពលព្យុះ និង គ្មានភ្លៀងធ្លាក់បន្តទៀតនោះ។ ប៉ុន្តែលោកបន្ថែមថា បើទោះបីជាស្ថានភាពទឹកជំនន់នៅពេលនេះបានចាប់ផ្តើមស្រក តែចំនួនអ្នកស្លាប់បានកើនចំនួនរហូតដល់ទៅ១២២នាក់ ដែលភាគច្រើនជាកុមារ។

យ៉ាងណាក៏ដោយ របាយការណ៏សរុបពីផលប៉ះពាល់នៃទឹកជំនន់នៅមិនទាន់បូកសរុបនៅឡើយទេ ខណៈដែលអាជ្ញាធរគ្រប់លំដាប់ថ្នាក់តាមខេត្តដែលប៉ះពាល់ និងមន្ត្រីកាកបាទក្រហមកម្ពុជាកំពុងតែមមាញឹកចុះផ្តល់ជំនួយជួយ សង្គ្រោះបន្ទាន់ដល់ជនរងគ្រោះដោយទឹកជំនន់ទាំងអស់នោះ៕

ប្រភពពី វិទ្យុបារាំងអន្តរជាតិ

ទិវាគ្រូបង្រៀននឹងប្រារព្ធ ធ្វើនៅទីលាន ប្រជាធិបតេយ្យ ថ្ងៃស្អែកទោះបីអាជ្ញាធរហាម

2013-10-12T18:14:00.000-07:00

សមាគមគ្រូបង្រៀនកម្ពុជាឯករាជរបស់លោក រ៉ុង ឈុន នៅតែរក្សាការប្រារព្ធពិធីជួបជុំនៅទីលានប្រជាធិបតេយ្យនៅ ថ្ងៃអាទិត្យស្អែកនេះបើទោះបីជាសាលារាជធានីភ្នំពេញមិន អនុញ្ញាតក៏ដោយ។ មនុស្ស ៦០០ នាក់ត្រូវគេអះអាងថានឹងចូលរួមក្នុងការប្រារព្ធទិវាគ្រូបង្រៀន អន្តរជាតិនេះ។ ញត្តិទាមទារដំឡើងប្រាក់ខែ និងទាមទារដោះស្រាយបញ្ហាជាច្រើនទៀតរបស់គ្រូបង្រៀននឹងដាក់ ជូនទៅរដ្ឋាភិបាលផងដែរ។

ទោះបីជាសាលារាជធានីភ្នំពេញមិនអនុញ្ញាតក៏ដោយ ក៏សមាគមគ្រូបង្រៀនកម្ពុជាឯករាជបានត្រៀមរួចរាល់ហើយដើម្បីប្រារព្ធ ទិវាគ្រូបង្រៀននៅថ្ងៃអាទិត្យស្អែកនេះនៅទីលានប្រជាធិបតេយ្យ។ លោក រ៉ុង ឈុន ប្រធានសមាគមនេះបានប្រាប់វិទ្យុបារាំងអន្តរជាតិនៅថ្ងៃនេះថា ពិធីនោះនឹងមានមនុស្សប្រមាណជា ៦០០ នាក់ចូលរួម។

សូមបញ្ជាក់ថា សាលារាជធានីភ្នំពេញបានសម្រេចកាលពីថ្ងៃទី៩តុលាមិនអនុញ្ញាតឲ្យសមាគម គ្រូបង្រៀនប្រារព្ធពិធីនេះនៅទីលានប្រជាធិបតេយ្យទេ ដោយបានសំណូមពរឲ្យសមាគមនេះរៀបចំកម្មវិធីនៅទីស្នាក់ការសមាគមវិញ។ អ្នកនាំពាក្យសាលារាជធានីភ្នំពេញ លោក ឡុង ឌីម៉ង់ បានផ្តល់ហេតុផលថា ទិវាគ្រូបង្រៀនពិភពលោក ជាទិវាអន្តរជាតិ មិនមែនជាសិទ្ធិផ្តាច់មុខរបស់លោក រ៉ុងឈុន តែម្នាក់ ដែលត្រូវប្រារព្ធទេ។

ម្យ៉ាងទៀត ចាប់ពីពេលនេះតទៅ អាជ្ញាធរកំពុងតែរវល់នឹងកិច្ចការពារសន្តិសុខ និងកិច្ចការរៀបចំព្រះរាជពិធីបុណ្យសម្ពោធវិមានព្រះបរមរូប និងព្រះរាជពិធីរម្លឹកខួបគម្រប់ ១ ឆ្នាំ នៃការយាងចូលទិវង្គតរបស់ព្រះមហាវីរក្សត្រ សម្តេចព្រះបរមរនតកោដ្ឋ នរោត្តម សីហនុ នាថ្ងៃទី១៥តុលា។ ប៉ុន្តែ សម្រាប់លោក រ៉ុង ឈុន នេះគ្រាន់តែជាលេសរបស់អាជ្ញាធរដើម្បីរារាំងការជួបជុំតែប៉ុណ្ណោះ។ លោកពន្យល់ថា ទីលានប្រជាធិបតេយ្យត្រូវបានបង្កើតឡើងសម្រាប់ឲ្យប្រជាពលរដ្ឋសម្តែង មតិ ដូច្នេះអាជ្ញាធរមិនគួរហាមឃាត់ការសម្តែងមតិឡើយ។

ក្រៅពីការសម្តែងមតិ សមាគមគ្រូបង្រៀនមួយនេះក៏ត្រៀមដាក់ញត្តិជូនរដ្ឋាភិបាលផងដែរ។ បើតាមលោក រ៉ុង ឈុន ញត្តិនោះដើម្បីទាមទារឲ្យរដ្ឋាភិបាលដោះស្រាយបញ្ហាជាច្រើនដូចជា ការទាមទារដំឡើងប្រាក់ខែគ្រូបង្រៀនឲ្យដល់មួយលានរៀលនិងអាចបើក ប្រាក់ខែតាមប្រពន្ធ័ធនាគារ ទាមទារឲ្យរដ្ឋាភិបាលលុបបំបាត់អំពើពុករលួយក្នុងវិស័យអប់រំ និងការគោរពសិទ្ធិសេរីភាពរបស់គ្រូបង្រៀនជាដើម។

កាលពីថ្ងៃព្រហស្បតិ៍ អ្នករៀបចំទិវាសិទ្ធិលំនៅដ្ឋានពិភពលោកដែលមិនទទួលបានការអនុញ្ញាត ច្បាប់នោះបានប៉ះទង្គិចជាមួយសមត្ថកិច្ចរហូតបណ្តាលឲ្យមនុស្សរងរបួស មួយចំនួន។ ពិធីជួបជុំរបស់លោក រ៉ុង ឈុន ស្អែកនេះក៏ទំនងជាមិនអាចចៀសផុតពីការប៉ះទង្គិចគ្នាដែរ៕

ប្រភពពី វិទ្យុបារាំងអន្តរជាតិ

បុរសជាប្តីវាយប្រពន្ធ ព្រោះតែខឹងមិនហៅថា “លោក”

2013-10-12T17:32:00.000-07:00

អាម៉េរិក : សារព័ត៌មានបរទេសនានា បានចុះផ្សាយឲ្យដឹងថា បុរសម្នាក់រស់នៅ ក្នុងរដ្ឋ Pennsylvania ត្រូវបានចាប់ខ្លួន ដោយរងការចោទ ពីបទប្រើអំពើហិង្សាលើប្រពន្ធ ព្រោះតែនាងបដិសេធមិនហៅខ្លួនថា “លោក”។

បុរសជាប្តីឈ្មោះ Dan Kirby Kopp អាយុ៤៥ឆ្នាំ បានវាយប្រពន្ធ ដោយគិតថា នាងមិនគោរពខ្លួន នៅចំពោះមុខកូនៗ ហើយ គេត្រូវបានប៉ូលីសចាប់ និងត្រូវតុលាការកាត់ទោស ឲ្យជាប់ពន្ធនាគារ រយៈពេល២ឆ្នាំ ដោយអនុវត្តទោសក្នុងគុក ១ឆ្នាំប៉ុណ្ណោះ ព្រមទាំង ផាកពិន័យ ៥០០ដុល្លារ និងហាមមិនឲ្យមានការទាក់ទងជាមួយប្រពន្ធឡើយ ។

តាមរយៈភស្តុតាង នៃការចាប់ខ្លួនត្រូវបានស្ត្រីជាប្រពន្ធ បានថតរូបភាព ដែលប្តីវាយ ដោយកាមេរ៉ាទូរស័ព្ទ របស់នាង៕

ផ្តល់សិទ្ទិដោយ៖ looking today.com

bbc world

ពលរដ្ឋ​រង​គ្រោះ​ដោយ​ទឹក​ជំនន់​បារម្ភ​​អំពី​បញ្ហា​​ប្រែប្រួល​អាកាសធាតុ

ពលរដ្ឋ​នៅ​បន្ទាយមានជ័យ​ជាង​១​ពាន់​គ្រួសារ​ត្រូវ​បាន​ជម្លៀស​ទៅ​ទី​ទួល​សុវត្ថិភាព

វត្ត​ខ្មែរ​កាណាដាប្រមូល​បច្ច័យ​ជួយ​ដល់​ជន​រងគ្រោះ​ដោយសារ​ទឹកជំនន់​នៅ​កម្ពុជា​

ស្ថាន​ភាព​រស់នៅ​របស់​ពលរដ្ឋ​​រងគ្រោះ​ដោយ​ទឹក​ជំនន់​​នៅ​ខេត្ត​កំពង់ចាម

ព្រះមហាក្សត្រ​យាង​ចែក​អំណោយ​ដល់​អ្នក​រង​គ្រោះ​ដោយ​ទឹក​ជំនន់

អង្គការ​សង្គម​ស៊ីវិល​ និស្សិត​ និង​ព្រះសង្ឃ​ លើក​អនុសាសន៍​សុំ​​បង្កើត​ច្បាប់​គ្រប់គ្រង​គ្រឿង​ស្រវឹង

យុវជន​១​ក្រុម​គ្រោង​ហែ​ក្បួន​ដាក់​ញត្តិ​ទាមទារ​យុត្តិធម៌​ជូន​អ្នក​ស្លាប់​នៅ​ក្បាល​ថ្នល់

អ្នក​គាំទ្រ​បក្ស​​ប្រឆាំង​​តវ៉ា​ទាមទារ​ស្លាក​សញ្ញា​បក្ស​ពី​អាជ្ញាធរ​ស្រុក​សូទ្រនិគម

គង់ វង្សយ៉ាទី មិន​ទាន់​បាត់​ចំហាយ​រិះគន់ រឿង​ពាក់អាវ​វៀល​ក្លៀក​ចូល​វត្ត

យាយ​ក្រពើ សុំ​អង្វរ​នាយក​រដ្ឋ​មន្ត្រី ហ៊ុន សែន ជួយ​រក​យុត្តិធម៌

អគ្គិភ័យលេបត្របាក់ ផ្ទះ៣ខ្នងទាំងព្រឹក នៅក្រោយវត្តនន្ទមុនី

លោក កឹម សុខា ស្នើ​ឲ្យ​មេដឹកនាំ​ខ្មែរ​ យក​គំរូ​តា ម​ព្រះ​មហា​វីរក្សត្រ

ពលរដ្ឋ​រង​គ្រោះ​ដោយ​ ទឹក​ជំនន់​បារម្ភ​​អំពី​ បញ្ហា​​ប្រែប្រួ ល​អាកាសធាតុ

គ្រោះថ្នាក់​ចរាចរណ៍​​នៅ​ក្រុង​ប៉ោយប៉ែត​ ស្លាប់​ប្តី ប្រពន្ធ​មាន​ផ្ទៃពោះ​

បុរស​ម្នាក់​ត្រូវ​ឆក់​ ខ្សែភ្លើង​ស្លាប់ ពេល​ទៅ​ត​ភ្លើង​ម៉ូ​ទ័​រ​បូមទឹក

រក​ឃើញ​គ្រាប់មីន៨គ្រាប់ ​កប់​កណ្ដាល​ផ្លូវជាតិ​លេខ៥៦

ស្ពាយ​​បង្វិច​​ដើរ​រក​​បង​ ស្រី​​គ្មាន​​គោល​ដៅ ដាច់​បាយ ៣ ថ្ងៃ​​ដួល​សន្លប់​​តាមផ្លូវ​

ពិធី​បុណ្យ​អបអរ​អង្ករ​ ផ្កា​រំដួល​ជាប់​ ចំណាត់​ថ្នាក់​លេខ​១ ​ខាង​រសជាតិ​ លើ​ពិភពលោក

ស្ថាន​ភាព​ទឹក​ជំនន់​ បន្ត​ស្រក​ចុះ ​ខណៈ​អ្នក​ស្លាប់​ បាន​កើន​ឡើង​ដល់​១២២​នាក់​

បុរសជាប្តីវាយប្រពន្ធ ព្រោះតែខឹងមិនហៅថា “លោក”

ពលរដ្ឋរងគ្រោះដោយទឹកជំនន់បារម្ភអំពីបញ្ហាប្រែប្រួលអាកាសធាតុ

ពលរដ្ឋនៅបន្ទាយមានជ័យជាង១ពាន់គ្រួសារត្រូវបានជម្លៀសទៅទីទួលសុវត្ថិភាព

វត្តខ្មែរកាណាដាប្រមូលបច្ច័យជួយដល់ជនរងគ្រោះដោយសារទឹកជំនន់នៅកម្ពុជា

ស្ថានភាពរស់នៅរបស់ពលរដ្ឋរងគ្រោះដោយទឹកជំនន់នៅខេត្តកំពង់ចាម

ព្រះមហាក្សត្រយាងចែកអំណោយដល់អ្នករងគ្រោះដោយទឹកជំនន់

អង្គការសង្គមស៊ីវិល និស្សិត និងព្រះសង្ឃ លើកអនុសាសន៍សុំបង្កើតច្បាប់គ្រប់គ្រងគ្រឿងស្រវឹង

យុវជន១ក្រុមគ្រោងហែក្បួនដាក់ញត្តិទាមទារយុត្តិធម៌ជូនអ្នកស្លាប់នៅក្បាលថ្នល់

អ្នកគាំទ្របក្សប្រឆាំងតវ៉ាទាមទារស្លាកសញ្ញាបក្សពីអាជ្ញាធរស្រុកសូទ្រនិគម

គង់ វង្សយ៉ាទី មិនទាន់បាត់ចំហាយរិះគន់ រឿងពាក់អាវវៀលក្លៀកចូលវត្ត

យាយក្រពើ សុំអង្វរនាយករដ្ឋមន្ត្រី ហ៊ុន សែន ជួយរកយុត្តិធម៌

លោក កឹម សុខា ស្នើឲ្យមេដឹកនាំខ្មែរ យកគំរូតា មព្រះមហាវីរក្សត្រ

ពលរដ្ឋរងគ្រោះដោយ ទឹកជំនន់បារម្ភអំពី បញ្ហាប្រែប្រួ លអាកាសធាតុ

គ្រោះថ្នាក់ចរាចរណ៍នៅក្រុងប៉ោយប៉ែត ស្លាប់ប្តី ប្រពន្ធមានផ្ទៃពោះ

បុរសម្នាក់ត្រូវឆក់ ខ្សែភ្លើងស្លាប់ ពេលទៅតភ្លើងម៉ូទ័របូមទឹក

រកឃើញគ្រាប់មីន៨គ្រាប់ កប់កណ្ដាលផ្លូវជាតិលេខ៥៦

ស្ពាយបង្វិចដើររកបង ស្រីគ្មានគោលដៅ ដាច់បាយ ៣ ថ្ងៃដួលសន្លប់តាមផ្លូវ

ពិធីបុណ្យអបអរអង្ករ ផ្ការំដួលជាប់ ចំណាត់ថ្នាក់លេខ១ ខាងរសជាតិ លើពិភពលោក

ស្ថានភាពទឹកជំនន់ បន្តស្រកចុះ ខណៈអ្នកស្លាប់ បានកើនឡើងដល់១២២នាក់