Guwahati Tlangsam

KTP FUND RAISING

noreply@blogger.com (Guwahati Tlangsam Editor) — Sun, 4 Sep 2011 23:15:00 -0700

Tarik 30th le 31st August, 2011 khan GHCF KTP hai Guwahati khawpui sungah ei fellowship member, family a um hai visit na neiin inhlawna nei anih. Inhlawna nei nasan tak chu hung tlung ding 28thSept-1st Oct,2011 sunga KTP Camp ei fellowship in abuotsai ahin thalai hai khawm fesuoka mani hlaw dawk ngei hi camp ahin thei ang tawk thang ngei a nuom el baka thalai hai lai inbuotsaina thalem aum ngei beiseia nei anih.
A nikhatni hin thalai member sawmhni vel KTP Adiviser Upa T.Varte rawiin Pillangakatta Area family paruk visitin atul angin insung sukfaina nei anih. Hi ni hin windowpane, bathroom, chair,floor, almirah, fan, tube light, le pheikawk le a dang dang hai sukfai le nawt faina nei anih. Zantieng dar 6:30 chen nei anih.
A nihni ni hin Beltola Area le Hengrabari a nei nawk ania,hi ni khawm hin thalai member thahnem tawktak sawmhni chuong zet fekhawmin sin thaw tlangna nei nawk anih. Hi ni hni sung hin fund raising/ tlangsin nisienkhawm thalai le family hai kara inlaichinna thatak le fellowship inhawitaka nei anih. Hi ni khawm hin zantieng dar7 chen inhlawna hun nei anih.
Hi nihni sunga family Nu le Pa hai thalai hai rawngbawlna lo thlawp / thangpui tu hai le fak le dawn kawnga khawm khawp le tlai taka mi lo sawm dawl tu hai popo chungah kan lawm takzet anih.
Ni hni sung iengkhawm buoina um thak lo a thalai thahnem tawktak mi thuoi khawm tu le hun tha mi petu ei LALPA hming inpakin um raw se.

TIPAIMUKH A/C CANDIDATE DR. LALLUKHUM FIMATE LE WELFARE INPAWLNA

noreply@blogger.com (Guwahati Tlangsam Editor) — Sun, 4 Sep 2011 23:05:00 -0700

August 31, 2011 zantieng khan 3 Star Hotel Kiranshree, Paltan Bazar ah tuta tuma Manipur MLA inthlang hung um dinga Tipaimukh Assembly Constituency hnuoia candidate Dr. Lallukhum Fimate le Hmar Welfare Society le HSA thuoituhai inpawlna an nei a, room inhawi takah thlaithleng tuihnai tawk tak an kil tlang nghal. Hi huna Pu Dr. Lallukhum Fimate thuhril le memberhai thuhril thenkhathai hei tarlang ei tih.

Guwahati hi North East Gateway ani leiin Hmar nauhai tadinga hmun pawimaw le chakkhai ei lakna tak anih a, hilai mipui a tamlem Tipaimukh constituency a vote neilo ni inla khawm a ram mipuihai lai iemani chenah rawl ei nei thei vena a um leiin ei pawimaw zuol anih. Chun, hilai Guwahati hmuna Welfare hai indina puitling taka rawng ei bawlna hai le mihai sawmdawltua ei thang hlak lei hin lawmum a tiin lawmthu a hril bawk. A hril peinaa chun Tipaimukh constituency hi Hmar haiin “kan tlangram hring dumduoi” ei ti, kan ram tia ei sal ngam umsun, Hmar tawng chauh inlengna, politiks le sakhuona tieng khawm Hmar ram anga ei ngai, a tamlemin ei innghatna tak, ei thanglakna ding le siemthat thei ding ‘ei ram’ ani leiin hi biela MLA - HMAR hnam thuoitu ding ei thlang ding khawm hi thlang fimkhur a tul zie a hril a. Mipui khawm ei tamna tak ani leiin thang ei lak bik a tul zie a hrilsa bawk.

Tipaimukh hi 1960s & 70s hun lai khan chu a vul nasat lai niin education tienga khawm ei insangin lekhathiem tamtak le officer ei suok rawn a. Literacy rate khawm khang hun lai khan chu Manipurah 2^nd ei ni phak a, cultural tieng khawm ei insangin ei inthang nasa hle. Agriculture tieng khawm ei hnienghnarin ei lohma tharsuokhai khawm ei fak sengnaw tieng anih. Amiruokchu tuta ei ngirhmun en chun beidawng thlak tak anih. A mipuihai khawm ei backward in a ram khawm a tawl an tah. Water supply umlo, zunin-ekin dukdak umlo bawk; damdawi in (PHC/dispensary) umsun hai function ta lo, a function umsun Parbunga mi Doctor 4 umna ding ti chu tuhin 1 chauh a um! NH 150 ei nei ve ei ti hlak chu a lam thatna po hnam dang umna an nawk pei. Sawrkar record ah tlangram khuo po po hai motorable road a siem ni ta siin motor lut thei chu khuo tlawmte chau ni si; tlangram biel khuo 40 chuong met chau sirsuok tum chun thla 1 a ngai thu dam le sawrkarin school hai a mi bawlpeka, amiruokchu teacherhai posting na hmuna um dukdak umlo le function mumal um talo, missionin school a hung siem hai thataka function tilo chu beisei a bozie thu hai a hril. Hieng a ni lei hin mi tamtak fak zawngna tieng harsat leiin an inpem hmang a, a harsa po umkhawm ang chau ei ni tah.

Hieng po po hung intan nasan iengam ning a ta? Ieng thil am ei suksuol ni tang a ta? Politics le sakhuona hi iengleia inkal anga ngai am ei na? Hienghai po po a san ni dinga inlang chu Sawrkara inthawka ei dawng tamtakhai hi a hmangtu’n ei zirnaw lei ning a tih. Sawrkara inthawka fund ei hmu hai hrim hrim hi indiktaka a nina ding taka hmang(implement) lo hi anih. Ei rama ding hin development fund tamtak hung lutin ei thatpui khawp ding sum chu sanction a ni hlak. Amiruokchu, a hmangna ding hmun tak a hin hmangin a um ngai naw lei dam hin ei politics chu tirdakumin an chang zo a, kohranin politics a thienghlim ei ti naw nasan khawm niin an lang. Hienglaizing hin ei ram hi Jiribam biela laklut tumna khawm a um ti thu hai khawm a tarlang sa bawk.

Sawrkar thil, khawtlang thil le ei politics inkeithuoi dan thienghlimlo, ei social life, economics le culture hai siemtha nawk a, sum a nina ang taka hmanga politics thienghlim taka keithuoi ding hin mi indik, Pathien ti mi ei pawimaw hle thu a hrilsa bawk. Hieng anga ei fe zing ani chun Tipaimukh biel hi rausan a la ni ding thu a hril bawk. Hienghai po po siemthatna sin thaw ding hin Gospel taka ram thuoi a, politics an khel tum thu a hril.

Hi inkhawm huna memberhai zawna a dawnnaa chun thlangtling a ni huna a hmalak tum dan a hrilhai chu: Transport & Communication siemthat ding, hospital hai a ni ding angtaka in function tir, school hai RTI Act hmanga implement ding, excurtion/tour neipuia thalaihai moral upgrade ding, electricity, water supply hai siemthata model village siem ding tihai le thlarau tienga revival ei chang anga social revival ei chang theina dinga lampui suothai dam anih. Hi baka zawna a dawn peina a chun ramri khang tasa siemthat/sukzau nawk chu a harsat thuhai a hrila; amiruokchu mipuihai lungrila inpumkhatna ruok chun ram/hnam inpumkhatna tluontling a siem thei tihai le transfer posting thuah mani pawlhai ditsak bika midang sawnhmang tihai hi amaa inthawka a suok naw ding thu hai hrilin ram le hnamin a pawimaw ang peia a thaw ding thu hai a hrilsa bawk. Chun, hi Tipaimukh biel siemthatna dinga hma tamtak a lak ta thu hai hrilin 220 km (Parbung chen) lamlien siemna dinga a hmalakna hai leia tuta sanction a ni ta thu hai le Manipur Governor kuoma Parbung/Senvawn a ADC sie ding thu a hrilpek (Pherzawlah sie anih) hai thildang tamtak a hrilsa bawk.

Mit ngeia hmutu le tawngtu member laia mi’n a hrilna a chun Pu Dr. L. Fimate hi Hmar pasal tha indiktak a ni zie thu le tium hmuna khawm a hnam pui, a mi le sa hai a tlansan ngainaw zie thu a hung tarlang sa bawk.

Music Video Album (Mary Jones)

noreply@blogger.com (Guwahati Tlangsam Editor) — Tue, 30 Aug 2011 03:17:00 -0700

(28/08/2011)

Mary Jones in music video album mawitaka a siem hla 12 umna lenruol hlabu a chuong tamtak a sakna chu inchawk theiin tlangzar a ni tah a. Guwahati a dingin a copy dithai chun a hnuoia hmingziek hai kuomah lam thei ning a tih. A man: Rs. 150/-

Sd/Lalrintluong Kungate
Mb#9577671896
Sd/ Shalomi
Mb#9085980247

LAWMTHU HRILNA

noreply@blogger.com (Guwahati Tlangsam Editor) — Tue, 30 Aug 2011 03:13:00 -0700

(28/08/2011):
Ahmasa’n hi newsletter lo tiemtu hai po po inrengin Guwahati HSA aiin chibai vochuom ka buk cheu.
Le hun sawttaka inthawka eilo tuong chur chur HSA freshers cum Hmar Welfare Meet 2011 chu hlawtling taka ei hmangzo ni a ei hriet leiin ei lawm takzet a, chuleiin ei Pathien chun ropuina chang raw se.
Chun hi programme phuisuitaka hmang ani theina dinga mawphurna neitu hai le chanvo neituhai po po in mani hmazawn chit a nasataka thang ei lak leiin Guwahati HSA chu a lawm takzet a, lawmthu hrilseng ruollo ei hril nghal bawk anih. Hienganga inthuruol tak le thu awi taka ei thang tlangna hin lungril a chawkphur hle a, hmatieng peia khawm hi neka nasalem a thang la seng dingin lawmthu hril zing pumin ei in ngen zui nghal bawk anih. Programme puitlin na kha a chin a lien, nu le pa, pi le puhai ei thangruolna lei lieu lieu anih ti hre seng ei tiu.
Ka lawm ie. HSA dam zing raw se.
Sd/ Lalramsang Hmar
President. HSA Ghy Jt.Hqrs.

GHCF THALAI CAMP ORGANISING COMMITTEE GUWAHATI Thurel

noreply@blogger.com (Guwahati Tlangsam Editor) — Tue, 30 Aug 2011 03:06:00 -0700

(28/08/2011):
GHCF THALAI CAMP ORGANISING COMMITTEE
GUWAHATI
Ahmun :Rev Lalchawlthang Thiek, A Ni: 15 Thlazing, 2011

Pu L.K. Varte, Chairman Camp Organising Committee in thuhmahruoi hrilna a nei zovin, ama ko angin Rev. Lalchawlthang Thiek in Pathien kuoma tawngtaina anei zovin a hnuoia hai hi lunginruoltaka ngaituo le rel an nih.
Res No 1: Thalai Camp Hlabu siem dan ding thu ennawn a nia, Hlabu hi siem ngei tha ti anih. Hi le in zawma hma lo la dingin Meeting No. 1 a Hlabu buoipuitu dinga ruot tah Pu hai Dr. C. Chonzik le Rev. Lallienthil Sellate haiin hma lo la tan nghal hai sien tha kan tih.
Res No 2: Thalai Camp hmang hun ding (date) ennawnna nei ania, rela lo um ta sa 28th September to 1st October hi thlak danglam lo tha ti anih.
Res No 3: Thalai Camp hmangna ding hmun ennawnna nei anih. Social Forum, Kharghuli, Guwahati chu Hall Incharge haiin an hang visit a iengkhawm remnawna vawisun chenah a um naw thu Committee an hung inhriettir. Hall Incharge hai hin September 1st Week sung ngei in detailed program Social Forum, Kharghuli, Guwahati enkawltu hai lo hang pe hai sien kan tih.
Res No 4: Thalai Camp sunga mawphurna nei hai ennawnna nei anih. Mawphurna nei hai tukhawma an theinaw ding thu an hung inhriettir naw leiin Meeting No. 1 a mawphurna peka um hai kha an mawphurna an phursuok thei dinga ngai anih.
Res No 5: Thalai Camp Co-ordinator dingin Rev. Lallienthil Sellate kan ruot. Chun Thalai Camp Finance In-charge dingin Pu Donald Lalthasang kan ruot bawk.
Res No 6: Thalai Camp Registration Form ennawnna nei anih. Registration Form a hin a hnuoia hai hi detail hai Camper hai a inthawk lak tha ti anih.
a) Name b) Fathers Name
c) Present Address d) Permanent Address
e) Occupation f) Contact No.
Registration Form le hin Thalai Camp Target/Thiltum khu a hnuoia points hai khu kilde sa nisien tha kan tih.
a) Sandamna (Salvation)
b) Khawvel hung changkang ang peia nun hmang dan ding.
c) Findings God’s Will.
d) Character Building.
e) Thalai haiin Pathien rawng ei bawl thei dan ding.
f) Case study
Registration Form hi 4th September 2011 a inthawk semsuok tan nisien kan tih.
Res No 7: Thalai Camp Registration fee mi pakhat peiah Rs. 50/- lak nisien tha kan tih.
Res No 8: Thalai Camp hlawtling dan ding le Camper tam thei dan ding le Thalai hai sukphur dan ding ngaituo a nih.
Res No 9: Program in sersuon dan (sequences) ennawnna nei anih. Meeting No. 1 a lo siem ta sa hi tha ti anih.
Dt. 28th September, 2011 program chu hi a hnuoia anga siem anih.
6:00 P.M. to 7:00 P.M. : Registration
7:00 P.M. to 7:30 P.M. : Wash
7:30 P.M. to 8:30 P.M. : Dinner
8:30 P.M. to 10:30 P.M. : Inauguration Program
Singspiration : Rev. Lallienthil Selate
Conductor : Upa L. Infimate
Welcome Address : Pu L.K. Varte
Inauguration &
Introductory Speech : Dr. C. Chonzik
Message : Rev. Lalchawlthang Thiek
10:30 P.M : LIGHT OFF
Res No.10: Thalai Camp Budget a hnuoia ang hin riruong anih.
a) Official Contingency Expenses : `. 2,000/-
b) Transport : ` 4,800/-
c) Mess & Hall : ` 1,20,000/-
d) Meeting Hall with A/C : ` 15,000/-
e) Banner, Song Book etc. : ` 3,000/-
`1,44,800/-
Res No 11: GHCF AGM in Thalai Camp le inzawma Budget a mi siem pek `. 1,20,000/- kha, khi a chunga (Res. No. 10) proposed expenditure (Budget) nekin a tlawm leiin Fund Raise a hnuoia ang khun thaw tha ti anih.
Dt. 21st August 2011 Worship Service ah Organising Chairman, Pu L.K. Varte in kohran mipui hai kuoma Thalai Camp thangpuina dingin Appeal thaw sien kan tih.
Chun, hi ni ma hin Nuhmei Pawl haiin Thalai Camp thangpuina dinga `. 10,000/- Executive Committee kuomah an lo inhlan hi Organising Committee aiin Nuhmei Pawl hai kuomah lawmthu hung hril nghal sien kan tih.
Rev. Lallienthil Selate in Pathien kuomah tawngtaina a nei zovin meeting hi suktawp anih.

(L.K. VARTE)
Chairman
(C.S. DANIEL)
Secretary

NEWS AWARD WINNER

noreply@blogger.com (Guwahati Tlangsam Editor) — Tue, 30 Aug 2011 02:35:00 -0700

(22/08/2011 Issue):

HMING PHUOK: ‘GUWAHATI TLANGSAM’
AWARD DAWNGTU: Pu Ropuithang Darngawn
TLANGSAM UMZIE: Tlangram le Hmar khuo a lo cheng ta hlak hai chun aum zie hril fie ngai lo in ei hriet seng ka ringa. Tlangsam chu khuosunga a tlang au tu a nih. Khuosunga a mipui hriet ding pawimawi, lal le a khawnbawl hai in tha an ti hai thu le le hla, ro le rang, thangpui ngai hai, siet ni le that ni a um chang in Tlang an sam a tir hlak , Vengbuk tina fe in tlang an sam hlak. Chu chun Rorel tu le mipui in laichina, inthuruol, le bengvar an tlun hlak. Chulei chun Tlangsam tu hai hin khawtlang in relbawl na a hmun pawi tak an chang ve a nih.
PHUOKNA SAN: Hi ei News buotsei hin Guwahati a Hmar mi le sa a dung a vang a khawsa mek hai ientiklai kawma Tlangsam tu ang a Welfare Rorel na nisien, Inpui / HSA/ Fellowship rorel nile, inhrietirna hmangruo pawimawtak a nih ngei besei naa phuok a nih. Tlansamtun thu pawimawh mipui hriet ding a tlang a sam hlak ang hin , Hi ei news khawm hin thupawimawh dang dang inhrietir na mipui lai pe in, inlaichina tha lem, inturuolna le kawng dang dang a hmasawna kalbi tam tak Guwhati a Hmar lai chau ni lova, Hmun dang dang Hmar mi khawsa mek hai le in laichina siemtu tha tak a nih beisei nei zing pum a TLANGSAM ti a phuok a nih.
(Award hi sumfai Rs.1000/- anih a, tlawmngaia mi tum pektu Pu.L.B.Sinate chungah ei lawm em em)

ONE DAY MARKET FOR MISSION

noreply@blogger.com (Guwahati Tlangsam Editor) — Tue, 30 Aug 2011 02:30:00 -0700

(22/08/2011 Issue):
Pawisa Hmuna le azat hai
1.Arkhai = 1,550
2.Medical = 910
3.Handwork = 2,600
4.Sathu le Bekanthu zawrna = 695
5.Clipper zawrna hlawk = 260
6.Gift Copoun Commission = 1,000
7.Second hand @ 20% zawrna hlawk = 4,860
8.Hotel =13,710
9.Thuomhnaw hlui zawrna = 1 ,250
10.Pillow case = 4,000
11.Canteen = 590
12.Fet = 4,355
Total Rs. 51,920
One day Market for Mission nuhmeipawl haiIn an I buotsai mi ngaipawimaw peka a tha le zung le a tul dang dang thahnem ngaitak ami hma mi la pui tu hai popo chunga ei chanchinbu fe thleng in lawmthu ei hung hril anih

Lallawmkim Neitham
Fin Secretary,Nuhmeipawl

HMAR INPUI -Inhriettirna

noreply@blogger.com (Guwahati Tlangsam Editor) — Tue, 30 Aug 2011 01:26:00 -0700

(14/08/2011 Issue):
ECONOMIC DEVELOPMENT FORUM
HMAR INPUI
(HMAR SUPREME HOUSE)
General Headquarters
Rengkai Road, Post Box-35, P.O. Churachandpur, Pin – 795128, Manipur, India.

INHRIETTIRNA LE NGENNA
Hmar Inpui chun tulai India ram politics boruok inlumlet tum mek dan hi nguntakin a thlir a, Hmar hnam le a ram ta dinga beiseina thar insangtak a mi pek niin a hriet a, chuleiin hi a hnuoia ang hin inhriettirna le ngenna a hung siem a nih.
India Hmarsak biela Hmar hnam delna ramhaia political demand nei mek abikin, Tipaimukh District Demand Committee (TDDC)-in Tipaimukh District Council, (Sixth Schedule inhumhimna hnuoiah) a ngenna, Barak Valley Hill Tribes Federation (BVHTF) in Barak Valley Hill Tribes Autonomous Council (6th Schedule inhumhimna hnuoia bawk) a ngenna le North Cachar Hills Indigenous Tribal Forum (NCHITF) N C Hills Assamah Non-Dimasa Autonomous District Council (6th Schedule hnuoi bawk) a ngenna hai hi Hmar Inpui chun a theina kawng tinrengah a thlawp a, a thlawp pei bawk ding a nih. Chuleiin, Hmar Inpui hnuoia pawl affiliated, HCLF, HYA, HSA, HWA le a dang dang hai baka mimal tin khawma mani theina zawn senga lo thlawp dingin HI GHQ chun inhriettirna le ngenna a siem a nih.

Sd/- F.Doliensung Sd/- Joseph D Hmar Jt. Secy. Vice President
Hmar Inpui Gen. Qrts.
Source: Hmasawnna Thar (Aug 12, 2011)

HMAR WELFARE SOCIETY GUWAHATI NEWS LE CBSE GUWAHATI HMAR TOPPER LE HOHLIMNA

noreply@blogger.com (Guwahati Tlangsam Editor) — Mon, 8 Aug 2011 09:35:00 -0700

ED: Editor DB:Deborah

Chibai leh, I hlawtlingna, HWSG News chun kan lawmpui tak zet che. I hlawtlingna thuah inpawlpui che kan nuoma,

a hmasa-in,

ED: I hming hi ieng tin am I ziek hlak a? Ientinam an ko hlak che?

DB: Elangbam Deborah ti in ka ziek. Deborah ti chauin an mi ko hlak.

ED: I nu le pa hming, Present le Parmanent Address I mi hril thei ding am?

DB: Ka pa hming, Elangbam Dipten Kumar Singh. Ka nu hming, Elizabeth Laltanpui Hmar. Present address:- Borbari V.I.P road. Permanent address:- Jiribam, Manipur.

ED: High School khawlai am i kai a?

DB: Little Flower School,Imphal and NPS Lokhra, Guwahati.

ED: Subject ieng zat am letter mark i hmua?

DB: Subject panga i.e Maths, Science, English, Hindi, Social Science.

ED: I Subject Combination mi hril thei i ti? College ah ieng subject am lak I tum a?

DB: Maths, Biology, Chemistry, Physic, English. College ah science stream ka lak ding.

ED: I lekha tiem dan tlangpui teh ? Inchukna kawnga i nu le pa han an thlawp vieu che in i hriet am?

DB: I calculate some hours during the 24hrs and that’ll be my study hours. My mom and dad are very modernic, they want me to be educated as much as I can, they support me and always guide me through every difficulty.

ED : Lekha tiem dan kawngah study routine tha taka siem hi tul in I hriet am? a san mi hril thei I ti?

DB: O a tul khawp el. Because as our courses increases we need to find a way to indulge and learn them in a proper way so that we can maintain balance in our study with our mental proportion so that our study hours doesn’t become boring but more interesting to us.

ED : Mi tamtakin Coaching dam nasa takin an laka, thenkhat lem chu an la hlawsam nawk nghal, anle nang te Coaching dam hi i lak am ? Hlawtlingna chang din hin iem tul takin i hrieta?

DB: Kei chu in ah tution ka lak hlak. Taking coachings and tuitions is not compulsory but if we have any difficulty in any subject we may take them so as to keep that very subject with the other subjects in balance. I took maths tuition because I knew I’ll need some outside help in that subject.

ED: I hlawtlingna thuruk iem?

DB: well, I never thought I’ll achieve this much. But its all thanks to the grace of God, my parents sacrifices and lastly but not the least my hard work.

ED: Inchukna tienga hlawtling dingin coaching hi lak tul i ti ve kher am?

DB: As I sayed earlier if you have any difficulty than you may take but if you think you can manage by yourself Than its more than enough.

ED: I hringnuna i thil ni tum mi hril thei ding am? Inchukna insang lem hi teh khaw tieng am ?

DB: Ever since childhood my parents always wanted me to be a doctor. So I’ll try hard to fulfill their wish. And my dream was to be an IAS or IPS so while I am doing my PG I’ll be studying for my dream as well.

ED: I lekha inchuk chanpui hai le la hung inchûk mêk hai kuoma thu incha nuom dam i nei ring a um a, ieng thu am?

DB: hmm….everyone hates studying accept some few students, and I wasn’t one of those few students. I’m lucky that I have my parents who want me to be educated and live for myself. I’m passing this message to my juniors, follow your dreams but know that education is not only for earning cash it’s the only way which will open our eyes and make you see the real view of our world. So while your young take the burden and see in the future you’ll gain something very precious and to be proud which no one can ever take away from you not even death. Trust me, I’m really happy of what I’ve achieve and there’s yet to come.

ED: Inchûkna tieng ah tuchen harsatna i tuok hai mi hril thei i ti?

DB: in Manipur I studied in little flower school. Their I studied till class 9, unluckily I cudn’t give my ninth exam due to the bandhs and blockades in imphal. Not only that but the whole decade many students and teachers had to suffer for this reason. So I came here in ghy took admission in 10 grade, with lots of hardwork I finished my matric exam.

ED: Ei news hi I lo tiem ve hlak am? I lo tiem hlak ani chun Ieng tiengpang am tiem inhawi I ti tak a?

DB: news chu kan hman chang ka tiem ah. News is something to be read so I read how much as I can. There’s nothing about likes or dislikes, it was important for me to read it so I read them.

ED: Awle, i hun hlu tak imi peka kan lawm hle el. Hmatieng khuonu’n huolhim sien che, vangneina nasa lem dawngin vawisuna i hringnun hlimna neka hlimna nasa lem chang di’n ditsakna kan hlan che. Chun, 22nd August, 2011 a Welfare Meet –cum- HSA Freshers’ Meet nei a ni ding anih a, hi huna hin ei news hi a hming inbuk in mipui hrieta tlangzarna ei nei huna hung thang ve ngei dingin ei chanchinbu hmingin ngainatakin ka fiel nghal che.

(Ei palai le Nk Deborah ho hlimna hi tawng pahni chawkpawl ani a,ei question hai a dawntun a tawng a hmang ang ang a hung tar lang el ani,Nk. Deborah hin tukum Class x CBSE hnuoi a subject po po Letter Mark a hmu vawng ani. Ed)

Letter to Editor

noreply@blogger.com (Guwahati Tlangsam Editor) — Mon, 1 Aug 2011 06:24:00 -0700

(31/7/2011):Editor Kuoma Lekhathawn
To,
Pu. Editor
Ei chanchinbu kartin suok hi ka lo tiem ve hlak a , Tiem inhawi ka ti in lawmum ka ti, a buoipuitu hai in hun tam tak seng a hnamta dinga in inpek na ka hmu in lawmum ta ka ti takzet. Ei society tadinga in thuruolna lampui a mi thuoitu le Member hai kara in hriet pawna tha lem hung indin tu ni ngei sien nuom a um takzet. Chuonglai zing chun thurawn hung siem ve met ka nuom a, Ei article/sermon hai hi a sei thei taluo a, hieng neka tawilem met hi ni thei sienla,chun Guwahati chu abikin majority thalai ei ni lei in Thalai hai inhnik na thei ding zawng article le sermon hai khawm ni thei sienla nuom a um takzet ani, Pu editor nng iengtinam i ngai a..?
HWSGNews ngainatu,
Tv Ethan Ralsun.

Dawnna:
Dear, Tv Ethan Ralsun.
A hmasan ei chanchinbu hming in chibai vochuom.! Kan buk che, ei chanchinbu i ngainat zie kan lo hriet in lawmum kan ti takzet, ei chanchinbu hi a neitu seng ei nia chuonglai a ditsakna thurawn mi hung pe tulai a hmasatak i ni lei khawm in lawmthu kan hril bawk che,
I thurawn hung siem article/sermon chungchang a, ei news phek( pages) ngaituo chun ei article hai hin hmun chu an hluo rawn deu chun an lang, sienkhawm ei news hi ei tan cho ani lei in article/sermon ziek nuom hai ta ding in thumal tiemchin ei la siem hri naw lei in tuchen a hin chu a ziektu mawphur na ah an nghat hri phawt ani, Pathien zarin ei chanchin bu in hma hungsawn pei ata, ei member hai an thawk chanchin ngainuom um tak tak ei chanchinbu phek le in mil tawk article le sermon hai khawm ei la hung nei pei ei beisei tlat ani.

( Ei chanchinbu thalem le tiem in hawi lem a hung ni pei thei na ding a thurawn nei hai chu, iengtiklai khawm lawmlut zing anih, Letter to editor ti in hmarwelfaresocietyghy@gmail.com a iengtiklai khawm thawn thei zing ning atih, indawn na hai khawm ei thei ang ang a hung dawn pei tum ning atih.

Inhriettirna

noreply@blogger.com (Guwahati Tlangsam Editor) — Mon, 1 Aug 2011 06:07:00 -0700

Hungtlung ding 22nd Thlazing 2011 ah welfare Meet cum HSA Fresher’s Meet ei nei hun a ei news hi a hming phuok a um chu hawnga ei nei ding anta a chu taka ding chun editorial board in special issue siem ding rawtna a siem a chu le in zawm chun mi tuel khawm hi hun a article/sermon, poem etc.. ziek nuom hai chun tarik 14th Thlazing,2011 chen a pek lut thei ning atih, ti in hriet tirna ei hung siem ani,

WELFARE SPORT 3RD AND FINAL ROUND FIXTURE

noreply@blogger.com (Guwahati Tlangsam Editor) — Mon, 1 Aug 2011 06:07:00 -0700

(31/7/2011):

A Hmun: Noonmati,Sector-III, A Ni : 6th Thlazing, 2011

FOOTBALL:

First Semi-Final: Royal Phunchawng v/s Sura Superkings

Second Semi-Final:Muolzavat Warrior v/s Liendo United

FINAL: 1st semi v/s 2nd semi

CRICKET:

First Semi-Final: Muolzavat Warriors v/s Royal Phunchawng

Second Semi-Final: Khuplal Braveheart v/s Saizahawl Riders

FINAL: 1st semi v/s 2nd semi

TUG OF WAR(Girls)

Second Semi Final: Nahai Challengers & Sura Superking v/s Saizahawl Riders & Lalruong

FINAL: Muolzavat & Khuplal Braveheart v/s Winner of Second Semi –Final

THROW BALL(GIRLS):

Second Semi Final: Lalruong Daredevils v/sMuolzavat Warriors

FINAL:Royal Phunchawng v/s Winner of Second Semi Final

Game hi zing dar 9:30 a tan ning atih. Mi tuelkhawm ahun taka tlung seng dingin fiel ei nih. Sports item baka hin insukhlimna special item dang dang um bawk atih. Guwahati sunga ei local artist hai khawma thang an lak mek anih.

Game Kick Off: 9:30 AM

Conductor : Chairman,Sports Organising Committee

Closing Prayer : Rev.Lallienthil Selate

Vote of Thanks : Pu Thanghlun Hmar,Chairman Hmar

Welfare Society Guwahati.

Chun Point in ang chie hai chu goal for le goal against en a final round a ding a siem an nih.

GIFT COUPON LE INZAWMA INHRIETTIRNA

noreply@blogger.com (Guwahati Tlangsam Editor) — Sun, 24 Jul 2011 07:37:00 -0700

(24/7/2011):
Ei gift coupon siem kha draw na hun a hnai ta leiin, khuol ral a inthawk a submission na ding a ti chu 20 Thlahmur, le khuosung a mihai 30 Thlahmur, ti ang in hung submit tawl ta dingin in ei inhriettir a nih. Gift coupon a khan chiengtak in anchawtu hai detail kha ziek seng ding, a draw ni a chieng tak a hmuthei nghal dingin, chun detail ieng kim computer entry vawng ding an leiin date line ei siem ang a hung submit kim seng ding in agent tinhai kha ei inhriettir in ngenna ei siem a nih. Sd/-
Gift Coupon in charge

HMAR TAWNGA THLA HMINGHAI

noreply@blogger.com (Guwahati Tlangsam Editor) — Sun, 24 Jul 2011 07:22:00 -0700

(24/7/2011):
Hmar English
Tuolbuol January
Thlavul February
Thlatau March
Thlatun April
Thalphur May
Thlado June
Thalhmur July
Thlazing August
Thlaram September
Changer October
Thlaphal November
Mimtuk Thla December

HWSG INHRIETTIRNA

noreply@blogger.com (Guwahati Tlangsam Editor) — Wed, 20 Jul 2011 08:03:00 -0700

(22/5/2011):H.W.S. Guwahati meeting chu Sunday Tarik 22.5.11 inkhawm tin, Naupanghai inkhawmna Hall ah. Agenda: ei welfare News neipei ding le ding naw, neiding chun Editor le Board Member hai insiemfel le a dang dang.

HMAR WELFARE SPORTS NIKHATNA RESULT

noreply@blogger.com (Guwahati Tlangsam Editor) — Wed, 20 Jul 2011 08:01:00 -0700

(22/5/2011):Tukum Hmar Welfare Sports nikhatna hmang zo thei a ei um leiin Pathien chungah ei lawm takzet anih.

Hi ni hin sports tan tawmin Sports hawngna hun nei anih. Tukum Welfare Sports thiltum le neina san Welfare Chairman Pu Thanghlun Hmar in chieng le feltakin hrilna anei bawk.Sports buoina um lova thataka nei ani ngei theina ding le hun hai inhlanna Pastor Lallienthil Selate in Pathien kuomah tawngtaina anei. Chun Group Leaders hai intiem kamna nei anih bawk. Game kick-off Upa L Infimate in anei zovin sports tan zui nghal anih.Hi ni hin Welfare Nuhmei Pawl haiin hmun dang a fak le dawn zo buoi lo dingin Sports neina hmun ngeia dawr buotsaiin fekhawm tu an suktlai hle bawk anih. Anni hai chungah khawmei lawm hle anih. Nikhat ni ani leiin duthusam ang takin mipui fekhawm naw inla khawm thahnem tawk tak le mawi tawk tak fekhawm anih. Hi ni hin football,cricket,throw-ball inhnel ania chun naupang hai ta dingin inhnel iemani zat boutsai pek ani nghe nghe. Nikhat na chu hlim le inhawi taka hmang zo anih. Nei nawk hun ding nghak hla aum ta khop el. Hnena la chang naw hai thang lak a hun, hnena chang ta hai khawm thlamuon ngir hmun suk hrat nawk zuol na dingin NIHNINA in ami nghak zing anih….nghak hla aum ta hle….

First day game result hieng ang hi anih.

FOOTBALL

Muolzavat Warriors- 1 v/s Saizahawl Riders -0

Lalruong Daredevils -1 v/s Liendo United -4

Sura Super Kings -2 v/s Nahai Challengers -1

Khuplal Bravehearts -1 v/s Royal Phunchawng-2

CRICKET

Royal Phunchawn v/s Sura Superkings v/s Sura Superkings haiin hnena an chang.

Nahai Challengers v/s Khuplal Bravehears V/S Khuplal Bravehearts haiin hnena an chang

Saizahawl Riders v/s Liendo United> Saizahawl Riders haiin hnena an chang

THROW-BALL (GIRLS)

Saizahawl Riders v/s Lalruong Daredevils> Lalruong Daredevils haiin hnena an chang.

Royal Phunchawn v/s Sura Superkings> Royal Phunchawng haiin hnena an chang.

Muolzavat Warriors v/s Nahai Challengers> Muolzavat Warriors haiin hnena an chang

NAUPANG

SPOON RACE RESULT

(Junior Group).

1ST –Caleb Varte

2nd-Paul Sinate

3rd-Joseph Darngawn

Senior Group

1st –Rachel

2nd -Vivian and Abigail

3rd-Samuel Neitham

RUNNING RACE

Junior Group

1st –Sarah Darngawn

2nd-Rachel

3rd- Caleb Varte

Senior Group

1st Joseph Chonzik

2nd-Hadasa Faihriem

3rd- Vivian.

Hnam ta ding a tlawmngai hai

1. L. B. Sinate Rs. 500/-

2. Pu. Thanghlun Hmar Rs. 1000/-

3.Dr. Rebec Sinate Rs. 500/-

4. Pu. Nelson Varte Rs. 500/-

5. Pu Joseph Sungte Rs. 500/-

6. Tv. Rosanglien Puruolte.Rs.500/-

7. Pu. Lalzuithang Rs. 400/-

8. Tv Jacob Faihriem Rs. 300/-

9. Ms. Laltlanzuol Khobung Rs. 300/-

10. Tv. James NeingaiteRs. 300/-

Total Rs. 4800/-

Add: Jam hmangbang zawrna a hmu

Rs. 125/-

Total Rs. 4925/-

Less:Expenses on Refreshment

Rs. 2859/-

Add: Welfare dawr a hlawk

Rs. 1659/-

Balance Cash in HandRs.3725/-

WELFARE SPORTS LE INZAWMA TLANGSAM

noreply@blogger.com (Guwahati Tlangsam Editor) — Wed, 20 Jul 2011 07:40:00 -0700

(15/5/2011):Hun hmasataka Guwahati khawpui sunga Hmar mipui hai po po Sports organizing committee,HWSG hmingin inrengin ditsakna chibai ka buk cheu. Hung tlung ding tarik 17^th May,2011(Thawleni) khin Sector-2,Noonmati(Narengi),Ghy hmuna games & sports ursun taka hmang dinga program hai ei loin duong sa vawng ani ta a. chuleiin mipui hai ei rengin thahnem ngaitaka fea insukhlimna a hin thang seng dingin eiin ditsaktuoin ei in ngiet tak zet anih. Guwahati hi social tieng panga in hmu khawmna le hmalakna huntha hi ei nei vang khop el a; asan ni ding awma ka lo ngai chu,mani sin senga fak zawngna kawngah ei buoi seng leiin,inchuklai deu vong ei ni leiin le hieng ang mipui pung khawmna hmun le hun a tlawm lei ni deu takin an lang. ei sports thupui ‘Hmatieng Panin’ ti hi lungrila vawng tlatin mipui hai kalpen dingin eiin fiel anih. Hmatieng pan ding chun, Inthuruolna,thothangtha,hun vawngdik,thahnemngaina,inremna le hmathlir tha nei a tul anih.khawtlang thilthaw na reng renga thang ngailo hai chu pa rawnkai,hnam ta dinga tangkai le mipui ngainat an hlaw ngai noh.ei hril tak ang khan khawpuia um hai chu khawtlang thilthawna hun le hmun hi atlawma chuleiin,hieng anga khawtlang pungkhawmna le insukhlimna hun ei rawt le hma ei lakna hai hi ngaipoimawa kalpen ve dingin eiin ngainat tuo anih. Hieng ang insukhlimna hai hi taksa hriselna ta ding choa tha niloin hnam inthuruolna/inpumkhatna le inhrietpawna tha misiem pek tu anih ti hi theinghil ngainaw mei niu.

Chun, hi sports sung hin group leader hai tin in mani group hai fak le dawn(refreshment) a hnienginhnar thei tawpa sukthat pek kha thiltha tak ni dingin ei ring bawk anih.Inruolsieknaa thangtu hai po poin game spirit thatak neia inthlansiek dingin eiin fiel bawk anih. Athang naw hai chu lenglai chan ang thluka inhoia huoihawt ei tum bawk anih.

Ei program a hun taka tan le hlawtlingna chu ei renga kuta innghat anih.

Group tin flag chu sports organizing committee’n peng atih.

Games & sports conduct tu ding committee’n a ruota, tlawmngaina insuoa mawphurna hi laa hlen tum ngei dingin eiin ngentuo anih. Program tlangpui le game incharge hai:

INAUGURAL PROGRAMMEE (9:30am)

Conductor : Tv.James L.Neingaite, Chairman, Sports Organizing Committee

Inaugural Speech : Pu Thanghlun Hmar, Chairman, HWSG

Inaugural Prayer : Rev.Lallienthil Sellate,Pastor,GHCF

Oath taking : Pu Lalzuithang,Secy.HWSG

Kick off :

Games Item Incharge

Cricket : Pasal (5 overs) Tv Liberty(Jr)

(5 over per game) Tv Nathanael Ngente

Tv LR.Neingaite

Tv Lalrenlo

Tv Richard Khawbung

Tv Daniel Chonzik

Tv Ivan Sinate

Tv Jehova Lalthlamuong Hekte

Football : Pasal Tv Thomson

(45 minutes per game.5minutes break) Tv Vanlalbel Joute

Tv LR.Joy

Tv John William

Volley Ball : Pasal Tv Hranghmingthang Hmar

Pu Lalhratkam Zate

Tv Elvis Lalrenlo

Throw Ball : Nuhmei (8 players) Tv Liberty(Jr)

(3minutes per game) Tv Elvis Lalrenlo

Tv Alfred Darrosang

Tv Lalrintlu

Tv Lalrintluong Kungate

Tv Willen Varte

Tv David Keivom

Hand Ball : Nuhmei(25minutes) Tv Liberty(Jr)

(8 players) Tv Elvis Lalrenlo

Tv Alfred Darrosang

Tv Lalrintlu

Tv Lalrintluong Kungate

Tv Willen Varte

Tv David Keivom

Tug of war : Nuhmei le Pasal Pu Samuel Hrangchal

(8 players) Pu Donald Sinate

Pu Rochunghnung Hmar

Tv Albert Sitlhou

Tv Albert Hmar

Needle Race : Nuhmei, Boys & Girls Nk Ruth Aiawzo

(5 players) Nk Cicilia Tuolor

Nk Lucy Thangromawi

Nk Lalnuntluangi

Tv Lalrawnlien

Spoon race :Nuhmei Nk Remzo

(5 players) Nk Phylis

Nk Jehova Hmar

Nk Convention Neingaite

Nk Esther Kholum

Balloon pumping & Tv Ethan Ralsun

Balloon bursting : Boys & Girls Nk Maria Varte

(5 players) Nk Rochongpui Faihriem

Nk Josephine Songate

Nk Lalthahnem Buongpui

Sack race :Nuhmei(5 players) Tv Vanlalremsanga Bapui

Tv Denis Faihriem

Tv CV.Lalneisang

Tv Immanuel Thuoitulien Hriler

GIFT COUPON

noreply@blogger.com (Guwahati Tlangsam Editor) — Mon, 18 Jul 2011 05:53:00 -0700

(8^th May, 2011): MIPUI KUOMA INHRIETTIRNA LE NGÊNNA

-Rothangkhum Sungte

Organising Secy. Games & Sports

Hun iemani chena inthawka ei welfare thuoitu haiin hmathlir lientak neia hma la dinga an in puocha na chu tulai hin ei bawzui meka, chu chu ‘GIFT COUPON’ zawr dawka,chu sum chun Guwahati hmuna ei thlanmuol neisa le inzawma ram hi inchawk belsa ding ti hi thiltum laia poimaw tak le sukpuitling ngei dinga ti anih. Ei ni members hai sungah chu thu hrildarna,puongdarna le inhriettirna hun poimaw le remchanga lain Infiemna(games & sports)hi ei thuoitu haiin huoihawt ngei dinga thusukthlukna siem a nih. Chu thutlukna dungzui chun games & sports organizing committee haia inthawkin group list hung siemin, mitin hmu thei dingin sem suok mekin a um tah. Hi sports hi a zawma thaw ding chi ni awmtak ana chu,remchang lem dinga ngaiin May,June le July sung hin nikhat pei nei dinga rel anih. Hi hun sung hin mitin papui, nupui, tlangval, nunghak le naupang hai ei rengin hnam inthuruolna kengkawin, ‘ka thang ngei ngei a tul anih’ ti senga hma la dingin eiin phut anih.hi hun sung hin nasatakin thang lang ei ta ei gift coupon hai khawm zawr ei ta, eiin chawk seng bawk ding anih.ei sports hi an hoi thei patawpa huoihawt ei tum anih.Lawmman hai khawm a that thei tawpa siem ei tum bawk anih.Lawmman inhlanna ruok chu welfare meet huna sem dinga ti anih.Field hai

khawm hi sum tamtak senga ei haw ani leiin, mitin a hun taka kim seng dinga ngen le inhriettir ei nih.

INTRODUCTION

noreply@blogger.com (Guwahati Tlangsam Editor) — Mon, 9 May 2011 05:34:00 -0700

(8/5/2011):Pathien malsâwmna nasatak dawng in, Guwahati Khawpuiah eini Hmâr nau um hâi kawng dang dang ah hmatieng ei pan pei niin ei hriet a, lâwm a um takzet. Fellowship, Welfare le HSA lungruoltaka ei hmazâwn seng ah thang ei lâk hi a ropui takzet. Ei member hâi lâi inlâichinna thalem le tuta ei “Gift Coupon” thiltum le ei buotsaina san hai puongdar na ding ni fâwmin News Bulletin nei tha le remti tlânga an lang leiin, trial basis in, tarik 08-05-11 anthawk hin Pathienni zât lo insuo hri phawt ning a ta, tarik 17-05-2011 Welfare Committee meeting nei huna tha le rem ei ti tlâng ani chun,Welfare Meet date 22.08.2011 ei nei hun a hawngna neiin,Editorial Board indinin hmatieng peia a bawzuitu ding hâi feltaka ruot ni bawk atih.Chu hma po a mawphurna sin tlâwmngâia mi la pêktu Kharguli Area Welfare member hâi chungah ei lâwm tak zet.Chuleiin, mi tinin ei News letter hming ding tha le âwm hrie hai chun tuta abuoipuitu hâi kuomah inhriettir nisienla lâwmum hlêng atih.Ei News letter hin inthuruolna tha lem, tlâwmngâina nasa nâwk zuol le inlâichinna thalem ahung râ suok ngêi ei beisei anih.

Chairman,HWSG

HMAR WELFARE SPORTS

noreply@blogger.com (Guwahati Tlangsam Editor) — Mon, 9 May 2011 05:33:00 -0700

(8/5/2011):Hmar Welfare Society, Guwahati chun welfare member tinhâi insukhlimna le inthuruolna thalem a um beiseina leiin infiemna chi dang dang huoihawt tumin an singsa mêk a, hi le inzawma an thurêl thenkhat pawimaw deuhai hei târlang ei tih:

A hun ding: 17.05.2011, 25.06.2011 le 23.07.2011 zing dar 10 pei a tan ding.

A hmun ding: Judges Field le SAI

Games Item:

Cricket: Pasal (5 overs)

Football:Pasal (45 mins per game-5mins break)

Volleyball: Pasal

Throw Ball: Nuhmei (3mins per game)

Handball: Nuhmei (25mins)

Tug of War: Nuhmei

Needle Race:Nuhmei, Boys&Girls

Spoon Race:

Baloon pumping & Baloon bursting: Boys & Girls

Sack Race:

Group: Group 8 a semdar anih. An hming hâi chu - Lalruong Daredevils, Liendo United, Surbur Superking, Nahai Challenger, Saizahawl Riders, Muolzavat Warriors, Khuplal Braveheart, Phunchawng Royal tihâi an nih. (Details Group List en thei anih)

Entry Fee: Rs. 500/- per team

Theme of the Game: Hmâtieng panin

Group list a hming hriet hmai pal leia lo chuong thel pal dâm ei um a ni chun,ka hming a um naw ti a lunghnuol el lo in,ka hming a la um naw ti’n Chairman/Secy, games & sport inhriettir lem ei tiu