Guwahati Tlangsam

GHCF Founding Day

noreply@blogger.com (Guwahati Tlangsam Editor) — Sun, 4 Sep 2011 23:36:00 -0700

Vawisun Guwahati Hmar Christian Fellowship founding day hmangna ding le in zawm in Vengbuk tin hai chun kar liemta hai a khan inruolsiek na ding hla an inchuk sup sup a. Pilangkata hai lem chun Irinni khan umni kham a ruoithe in hla inchuk na an nei ti thu lo dawng a ni bawk. Thangruolna hi hratna ani ang bawkin ei hnam sukhrattu le sukmawitu anih.

Thlanmuol ding ram inchawk ani tah

noreply@blogger.com (Guwahati Tlangsam Editor) — Sun, 4 Sep 2011 23:35:00 -0700

Hun sawt tak a inthawk a ei sawl pui,thi le thau, hun tha tamtak senga ei i buoipui, Gift Coupon hlawk a ei i suol dawk Guwahati Hmar Thlanmuol inzauna ding chu Inrinni tuk khan inchawk fel alo ni tah. Tuhin katha 8 zet a lien thlanmuol ei nei an tah. A belsa na po hi katha 3 a lien cheng nuoi 3 sengin ei inchawk anih.Gift Coupon thahnemngai a lo inchawtu hai po po chungah HWSG Chairman chun lawmthu a hril.

Welfare Secretary, Pu Lalzuithang Damnaw

noreply@blogger.com (Guwahati Tlangsam Editor) — Sun, 4 Sep 2011 23:09:00 -0700

Pu Lalzuithang, Secretary, HWSG chu hun iemani chen BP insang leia Hospitala enkawla um chu tlawma that tieng a hung pan nawk ta leiin tuhin in a in enkawl mek a nih. A natna hi a hung dam fel hlawk a, ngai a hung aw nawk vat theina dingin mipuihaiin mani mimal tawngtainaa hai lo san seng ei tiu.

Editor CCPur Inzin

noreply@blogger.com (Guwahati Tlangsam Editor) — Sun, 4 Sep 2011 23:08:00 -0700

Tv. Rosanglien Puruolte, Editor (Guwahati Tlangsam), liemtah ni 31 Thlazing khan Churachandpur panin Guwahati a lo suoksan tah. Thu lo dawng danin hi hun sung hin a nakru in hmang sukkim nawk dan ding a hang buoipui tum niin thu lo dawng a nih. A hung hlawtling ngei khawm ei beisei pui bawk a nih.

Pu Ropuithang Ina Welfare Bufak

noreply@blogger.com (Guwahati Tlangsam Editor) — Sun, 4 Sep 2011 23:07:00 -0700

Liemtah Zirtawp zan khan Pu Ropuithang Darngawn, Executive Member HWSG, chun a chengna hmun, Narengi ah HWSG thuoituhai ruoi a kilpui. Hi ruoi hi HWSG in Gift Coupon a buotsai chu hlawtling taka zo a ni lei le Guwahati anthawka transfer thut thei zing an ni ta leiin an suoksan hma ngei a HWSG thuoituhai bu fakpui a nuom reng reng leia a buoipui niin Pu Ropuithang chun a hril. Thuoitu thahnem tawk tak fekhawm in, hlim le lawm taka hi Ruoi hi kil tlang a nih. Pu Ropuithang hi Hnam le kohran thila a nei phal em em le inpe zo em em le pa entawn tlak tak a nih.

Editors Khuolinzin

noreply@blogger.com (Guwahati Tlangsam Editor) — Tue, 30 Aug 2011 03:03:00 -0700

Ei news editor Tv.Rosanglien Puruolte le Tv.Ethan Evan Ralsun hai chu sinthawna le inzawmin Tripura ah liemtah thawleni(23rd Aug) khan an hang inzin chu tuchen hin an la cham zing. Tuta kar hung let nawk dinga beisei an nih.

Ei editor bawk Pu Rochunghnung Hmar chu liemtah tarik 20 Aug, 2011 ni a a Pi in muol a lo liemsan na thu ah Bethel, Churachandpur ah a hng inzin chu zani (Inrinni) khan Guwahati alo hung chuongkai nawk tah.

Gift Coupon Result:

noreply@blogger.com (Guwahati Tlangsam Editor) — Tue, 30 Aug 2011 03:00:00 -0700

(28/08/2011):
1st Prize – FORD FIGO:
Winner: Rev. H. Chungthang Thiek
Coupon Number: 55982
2nd Prize – PULSAR 180 CC:
Winner: Solomon Hmar
Coupon Number: 36607
3rd Prize #1 – WASHING MACHINE:
Winner: North East Motors
Coupon Number: 24284
3rd Prize #2 – WASHING MACHINE:
Winner: Deepanjali
Coupon Number: 14831
Consolation Prizes (10) – MICRO OVEN:
Winner: Subhaji
Coupon Number: 25834
Winner: Manoj Sandeep Jalan
Coupon Number: 21761
Winner: Mary
Coupon Number: 32584
Winner: North East Motor
Coupon Number: 25410
Winner: North East Motor
Coupon Number: 24347
Winner: Lalneihnieng Khobung
Coupon Number: 52224
Winner: Debojit Bora
Coupon Number: 56014
Winner: Ravi Chakraborty
Coupon Number: 55737
Winner: CR Arjun
Coupon Number: 17480
Winner: Sandeep CA
Coupon Number: 36053

HSA Thuoitu Tharhai

noreply@blogger.com (Guwahati Tlangsam Editor) — Tue, 30 Aug 2011 02:59:00 -0700

(28/08/2011):Tarik 22 Aug, 2011 khan Shilpgram, Guwahati hmunah Welfare Meet -cum- HSA Freshers’ Meet ropuitaka hmangzo alo ni tah. Hi ni hin news hming declare na, website hawngna, meritorious award inhlanna hai le HSA thuoitu thar thlangna nei an bawk a, Gift Coupon draw ani bawk. HSA thuoitu thlang tlinga umhai chu:-
President: Tv David Keivom
Secretary: Tv Elvis Gangte
Office Bearers:
Tv. Rosanglien Puruolte
Tv. Civvy Lalneisang Hmar
Nk.Rotlingpui Khobung
Nk.Mary V.Ralsun
Tv.L.R.Joy Tuolor
Tv.Roger L.Faihriem
Tv.Vanlalbel Joute
Tv.John L.Joute
Nk.Vanlalngai Thiek

MA IInd Class a zo

noreply@blogger.com (Guwahati Tlangsam Editor) — Tue, 30 Aug 2011 01:44:00 -0700

(14/08/2011):Nk. Mary Ralsun, Treasurer, HSA, chun MA(Politcal Science) chu Second Class a a pass ti thu lo dawng anih. HWSG News chun a hlawtlingna hi a lawmpui hle. Chun a dang hriet hmei pal ei um chun lunginsiet tak a Editors hai hung inhriettir ding in ei in ngen tak meu a nih.

Pu Rothangkhum Welfare meet hung hmang ding

noreply@blogger.com (Guwahati Tlangsam Editor) — Tue, 30 Aug 2011 01:40:00 -0700

(14/08/2011):Pu Rothangkhum Sungte, khawm thu lo dawng dan in Welfare Meet le Gift Coupon draw a thang ding le mi hung uop mawi ve dingin aizawl a inthawk in a hung tum ti a chanchin lo dawng a nih. Tlung in khawm an vai naw hle thu lo dawngsa bawk a nih.

Welfare thuoitu Shillong Inzin

noreply@blogger.com (Guwahati Tlangsam Editor) — Tue, 30 Aug 2011 01:39:00 -0700

(14/08/2011):Welfare Gift Coupon le inzawm in, Welfare thuoitu hai le Gift Coupon incharge hai chun liemtah Inrinni khan inlan in Shillong a Gift Coupon zawrna an hang nei ni in mi ringum tak an thawk in thu ei lo dawng. An hang hlawtling ngei ei beisei.

One day Market

noreply@blogger.com (Guwahati Tlangsam Editor) — Tue, 30 Aug 2011 01:38:00 -0700

(14/08/2011): Liemtah Inrinni khan GHCF, Nuhmeipawl hai huoi hawtna hnuoi a “One day Market” chu Pilangkata, hmun a nei a nih. A hlawtling in inhawi an ti tlang hle ni in ei thu dawngna chun a hril.

Welfare News Special Issue News Items contribute thei

noreply@blogger.com (Guwahati Tlangsam Editor) — Mon, 8 Aug 2011 08:59:00 -0700

(7/8/2011):

Tarik 22 August, 2011 a Welfare Meet nei hunah ei chanchinbu a hming inbukin Special Issue siem ei tuma, chutaka ding chun Article/Sermon/Letter to Editor le nuom nuom insuo ding nei hai chun tarik 17 August, 2011 chenah hung the lut thei ning atih

Gift Coupon Lucky draw

noreply@blogger.com (Guwahati Tlangsam Editor) — Mon, 8 Aug 2011 08:58:00 -0700

(7/8/2011):

Tuta ei gift coupon fe mek hi hung tlungding tarik 22nd Thlazing Thawtani Welfare Meet nei hun ah draw ei nei ding anta a, chutaka prize ding hai khawm Thawlenni Thlazing Ni 9 khin inchawk na nei ani ta ding thu Gift coupon buaipuitu hai anthawk chanchin lo dawng ani, hi thil hi ei Thlanmuol inchawk belsa na dinga project ei siem ani a, tu hin ei thuoitu hai in Liemta tarik 22nd thlahmur khan ram nei tu hai le in bie rem in Advance khawm cheng singhni le sang nga lo pek ani ta bawk, ei thlanmuol ei in chawk belsa thei ngei dinga an lang lei in lawm a um tak zet, ei hlawtling na chu pathien le mipui kuta in nghat ani lei in, mitin ei thangkhawm theina ding huntha a um lai hin thangtlang a mitin student le sinthawna nei, nu le pa mi tuel khawm a tlawmtawp a pakhat bek Gift coupon inchaw seng ding in a thar in ei hang in ngen nawn ni raw se.

Welfare sports final

noreply@blogger.com (Guwahati Tlangsam Editor) — Mon, 8 Aug 2011 08:54:00 -0700

(7/8/2011):

Tarik ni 6th Thlazing Inrini khan Hmar welfare society in a buatsei Welfare sport a vawithumna le a tawpna chu Noonmati Sector-2 ground ah hlimtaka hmang zo alo nita, hi ni hin mipui 170 vel fe khawm ani a, sport Item chi dangdang khawmuol/boruok inhawitak hnuoi ah final hun hmang ani, mipui fe khawm hai an hlimtlang hle a hriet ani, chun mi tlawmngai thenkhatin inphal taka an hung thawlawm refreshment item Tui, Artui, bread , butter le Theitui hnienghnar tak el fak le dawn ani bawk,Hi ni a ei Gruond hmang a thlawn der a min hmang tirtu Pu. L L Khuongsai Sr. Deputy Manager (IOC) chunga ei lawmtak zet ani, chu el khel a hi ni a inthuruol tak le thuawi taka mipui fekhawm hai popo chunga Games organizing Committee hai in ei chanchin bu fe thleng in mipui chunga lawm thu an hril bawk.

Gift Coupon submit ta ding

noreply@blogger.com (Guwahati Tlangsam Editor) — Mon, 1 Aug 2011 06:20:00 -0700

(31/7/2011):Inhriettrna lo siem ta ang in ei gift Coupon zawrhai submit a lo hun ta leiin agent tin hai khan mani mawphurna seng hlen a mawphurtuhai kuom a fel tak a submit tawl seng dingin Incharge hai in inhriettirna an siem ang in ei hang puongthar nawk a nih. Pathienni hin Guwahati sung a mi chu dawlna an nei nghal ding ni in thu lo dawng bawk a nih.Mawphurtu hai an fel in inpak an um tak zet.

BVSc 1st class zo

noreply@blogger.com (Guwahati Tlangsam Editor) — Mon, 1 Aug 2011 06:19:00 -0700

(31/7/2011):Ei member Jarry Ramnieng Zote BVSc 1st class (70.8%) a zovin, Indian Council of Agriculture Research(ICAR) le JNU ah admission a hmu ve ve a,ICAR a thlang lem leiin tuhin Ludhiana a admission a lo lak fel ta.ei lawmpui em em.An chuknaa thlawtling pei dingin ditsakna insangtak ei inhlan.

Oneday fellowship for teenagers

noreply@blogger.com (Guwahati Tlangsam Editor) — Mon, 1 Aug 2011 06:19:00 -0700

(31/7/2011):One day fellowship for teenage programme GHCF, NSSU department hai huoihawtna hnuoi a Pilangkata Fellowship hall a liemtah Irinni khan hmang a nih. Hi programme hi hlawtling tak le in hawi tak a hmang ni in thu lo dawng a nih.

Operation thaw

noreply@blogger.com (Guwahati Tlangsam Editor) — Mon, 1 Aug 2011 06:17:00 -0700

(31/7/2011):Ei News Editor Tv. Rosanglien Puruolte chuh liem tah tarik 29-07-2011 khan ..hospital a a dar lai a ..chu minor operation thaw a nih. Operation hi a hlawtling ngei ei beisei in ei nuom pui tak zet.

Welfare sport final Aug 6 ah

noreply@blogger.com (Guwahati Tlangsam Editor) — Sun, 24 Jul 2011 07:58:00 -0700

(24/7/2011):Welfare Sport 2011 a vawithum (Final)na chu, tarik 6 Thlazing 2011 khin Noonmati Sect-3 ground a nei nawk ning a tih. Hi ni hi Tukum a ei nei tawp na ding tak a ni ta lei in Hlasak thiem iem a ni zat, an khat tawk a min awi tu ding fiel ni bawk an tih. Phur a um ta hle. Programme kim chang lem issue nawk a insuo ning a tih.

Ei member hlawtlingna changhai

noreply@blogger.com (Guwahati Tlangsam Editor) — Sun, 24 Jul 2011 07:57:00 -0700

(24/7/2011):Ei Member MBBS inchuk ding a hlawtlingna changhai:- Nk. Ruth Chonzik(GMC), Nk. Lalzarzo(GMC, Nk. Ruth Khawbung(Dibrugarh). (Nk Ruth C honzik hi ei news consultant Dr. C. Chonzik nau nu a nih). An hlawtlingna hi HWSG News chun a lawmpui hle, hmatieng pei a hnam Ban pawimaw hung ni dingin ditsakna an hlan nghal bawk.

KTP Area Visit sunzawm nawk ding

noreply@blogger.com (Guwahati Tlangsam Editor) — Sun, 24 Jul 2011 07:56:00 -0700

(24/7/2011):Tarik 30-7-11 khin Thalai Pawl Area visitna programme sunzawm nawk ning a ta, Pillangkata Area a nei ning a tih. Chu hun a thuoitu ding chu Tv. Rosanglien Puruolte ning a tih. Ahmun le hun ding chu Pillangkata Area hai mawphurna ning a tih.

Nau nei thar

noreply@blogger.com (Guwahati Tlangsam Editor) — Sun, 24 Jul 2011 07:55:00 -0700

(24/7/2011):Pu. Joseph Sungte le Pi Ruth Sungte hai chun nau nuhmei lawm umtak el tarik 19/07/11 khan Agile Hospital, Beltola a an lo nei ta, ei Chanchin Bu in a lawmpui tak zet, a nu le naute hai in hriselna khawm a thapei.

SSC Combine Graduate Level Tier-I result

noreply@blogger.com (Guwahati Tlangsam Editor) — Sun, 24 Jul 2011 07:54:00 -0700

(24/7/2011):SSC Combine Graduate Level Tier-I result a lo suok nawk tah. Result suok a hin ei ni mi tam tak in hlaw tlingna an chang ni a hriet a nih, hi lai hin ei member sung a mi khawm thahnem tawk tak an um ni in ei hriet bawk. Hlawtlingna changhai hi HWSG news chun a lawmpui in, hmatieng hlawtlingna tluon tling chang ngei dingin ditsakna insang tak an hlan nghal bawk.

NEREFS LTD 8TH AGM

noreply@blogger.com (Guwahati Tlangsam Editor) — Wed, 20 Jul 2011 08:06:00 -0700

(22/5/2011):NEREFS Ltd. chun 8th Annual General Meeting and Annual Conference cum Seminar chu tarik 20-21 May sung khan NE Social Forum a nei a nih. Hi hmang ding hin India ram hmun hrang anthawk in Branches hai ai aw in palai 120 vel an fekhawm.