idhyam

கனிமொழியை காப்பாற்றுவாரா ஜெயலலிதா!

noreply@blogger.com (idhyam) — Tue, 26 Jul 2011 15:16:00 +0000

பாவம் கனிமொழி!
வாய்ப்பு கனி மாதிரி கையில் வந்து விழுகிறது; அதைப் பிடிக்கும் நேரத்தில் நழுவிப்போக... பதறிப்போய் பிடிக்க முயன்றால் அது திரும்பவும் பாலில் விழுகிறது; இரட்டை சந்தோஷம் என்று மகிழ்ச்சி அடைய முடியவில்லை. சில மணி நேரங்களில் அது சேற்றில் போய் விழுந்துவிடுகிறது.

நீங்கள் நினைக்கிற கனிமொழி பற்றிய கவலை அல்ல இது! இந்த கே.கனிமொழி சமீபத்தில் பிளஸ் 2 தேர்ச்சி பெற்ற தலித் சமூக மாணவி. மருத்துவம் படிக்க வேண்டும் என்பது அவரது கனவாக இருந்தது. ஏழைக் குடும்பத்திலிருந்து முதன்முதலில் படிக்க வரும் பெண். தன் கனவை நிஜமாக்கும் முயற்சியில் நன்றாகவே படித்தார். இந்த ஆண்டு மருத்துவ சேர்க்கைக்கான கட் ஆஃப் மதிப்பெண் தாழ்த்தப்பட்ட பிரிவினருக்கு 188.50 ஆக இருந்தது.

கனிமொழி எடுத்த மதிப்பெண் 189.25. எனவே நம்பிக்கையோடு விண்ணப்பித்தார் அவர்.
ஆனால் எம்.பி.பி.எஸ். தேர்வுக்குழு வெளியிட்ட மெரிட் பட்டியலில் அவரது பெயர் இல்லை. விசாரித்தபோது, அவரது விண்ணப்பத்தோடு ஜாதி சான்றிதழ் நகல் இணைத்து இல்லாததால் நிராகரிக்கப்பட்டதாக சொல்கிறார்கள் அதிகாரிகள். ‘நான் அதையும் இணைத்தே அனுப்பினேன். அது உங்கள் அலுவலகத்தில் எடுத்துப் பார்க்கும்போது எங்காவது கழன்று தனியாக வந்திருக்கும்’ என ஒரிஜினல் ஜாதி சான்றிதழைக் காட்டி வாதாடியும் யாரும் கேட்பதாக இல்லை.

பொறியியல் சேர்க்கைக்கான கவுன்சலிங்குக்கு விண்ணப்பிக்கும் மாணவர்கள் இப்படி எதையாவது இணைக்க மறந்து விட்டிருந்தால், அவர்கள் விண்ணப்பம் நிராகரிக்கப்படும். ஆனால் சம்பந்தப்பட்ட சான்றிதழ்களை நேரில் வந்து இணைத்துக் கொடுத்தால் திரும்பவும் ஏற்றுக் கொள்கிறார்கள். ஒரே மாநிலம்; ஒரே அரசு; ஒரேமாதிரி தொழில்நுட்பக் கல்வி சேர்க்கை. ஒன்றில் தவறுகளை சரிசெய்ய வாய்ப்பு தருகிறார்கள்; இன்னொன்றில் தயவு தாட்சண்யம் இன்றி நிராகரிக்கிறார்கள். ஏன் இந்தப் பாரபட்சம் என்று நீதிமன்றத்தின் நெடிய படிக்கட்டுகளில் ஏறி நியாயம் கேட்டார் கனிமொழி. விண்ணப்பத்துடன் கொடுக்கப்பட்ட விதிமுறைகள் அடங்கிய கையேட்டில் இதற்காக விண்ணப்பத்தை நிராகரிக்கலாம் என தெளிவாக இருப்பதாக அரசு தரப்பு வாதாடியது.

ஆனாலும் விதிகளைத் தாண்டிய நியாயம் கனிமொழி பக்கம் இருப்பதை உணர்ந்தார் சென்னை உயர் நீதிமன்ற நீதிபதி ஹரிபரந்தாமன். கனிமொழியின் பெயரை மெரிட் பட்டியலில் சேர்த்து அவரை கவுன்சலிங்கில் கலந்துகொள்ள அனுமதிக்குமாறு உத்தரவிட்ட நீதிபதி, மாணவர்களின் வாய்ப்புகளை மறுக்கும் இந்த விதியையே மாற்றுமாறு மருத்துவக் கல்வித் துறைக்கு உத்தரவிட்டார்.

இந்தத் தீர்ப்பால் கனிமொழிக்குக் கிடைத்த சந்தோஷம் சில மணி நேரங்கள்கூட நீடிக்கவில்லை. ‘கனிமொழியின் விண்ணப்பத்தை ஏற்றுக்கொண்டால், இதேபோல காரணங்கள் சொல்லி ஏகப்பட்ட பேர் வழக்கு போடுவார்கள். அப்புறம் மருத்துவ அட்மிஷனே சிக்கலாகிவிடும்’ என்று உயர் நீதிமன்ற பெஞ்ச்சில் தமிழக அரசு தரப்பில் அப்பீல் செய்து இந்தத் தீர்ப்புக்குத் தடை வாங்கிவிட்டார்கள். கனிமொழியின் டாக்டர் கனவு இந்தத் தடையால் நொறுங்கிப் போய்விட்டது.

இந்த விஷயத்தில் அரசு காட்டிய அவசரம் மலைக்க வைப்பதாக இருக்கிறது. எத்தனை மாணவர்களின் எதிர்காலம் பாழாய்ப் போனாலும் பரவாயில்லை என்று ஒருபுறம் இதே நீதிமன்றத்தில் சமச்சீர் கல்வி வழக்கை இழுத்தடிக்கப் பார்த்தது. அவசரம் காட்ட வேண்டிய எத்தனையோ அவசியமான விஷயங்களைத் தள்ளிப்போடும் அரசு, ஒரு ஏழை மாணவியின் கனவை சிதைக்க மட்டும் வேகம் காட்டுவது நியாயமா? பல அப்பாவி மாணவர்களின் ஆசைகளை பொசுக்கும் அட்மிஷன் விதியை நீதிமன்றம் சொல்வதற்கு முன்பாகவே நீக்கியிருக்க வேண்டாமா?

காமராஜர் முதல்வராக இருந்தபோது ஒரு அதிகாரிகள் கூட்டம். தென்மாநிலங்களில் எங்காவது ஐ.ஐ.டி. உயர்கல்வி மையத்தை நிறுவலாம் என்று மத்திய அரசு ஆலோசனை செய்துவருவது பற்றிக் குறிப்பிட்ட காமராஜர், ‘அந்த ஐ.ஐ.டி. சென்னையில் அமைய வேண்டும். அதற்கு என்ன செய்யலாம் என்று சொல்லுங்கள்...’ என்று அதிகாரிகளிடம் கேட்டார். ‘ஐ.ஐ.டி.க்கு நிறைய இடம் தேவை. சென்னை நகருக்குள் அவ்வளவு பெரிய இடம் கிடையாது. வேறு ஏதாவது அரசுத்துறையின் இடத்தை மாற்றித் தரவும் முடியாது. விதிமுறைகளை மீறியதாகிவிடும்.

ஐ.ஐ.டி.யால் பெரிதாக ஆதாயம் ஏதுமில்லை’ என்கிறரீதியில் சொல்லி தட்டிக் கழிப்பதிலேயே அதிகாரிகள் இருந்தனர். காமராஜர் திட்டவட்டமாகச் சொன்னார்... ‘இந்தக் கூட்டம் அதை எப்படிச் செய்யலாம்னு முடிவெடுக்கத்தான். எப்படி அதை செய்யக்கூடாதுன்னு கண்டுபிடிக்கறதுக்காக இல்லை. மக்களுக்கு நன்மை செய்யறதுக்குத்தான் நாங்க ஓட்டு வாங்கி பதவிக்கு வந்திருக்கோம். நீங்களும் சம்பளம் வாங்கி வேலை செய்யறீங்க. அதை ஞாபகத்துல வச்சுக்குங்க!’

அதன்பின் கவர்னர் மாளிகை வளாகத்தில் சில ஏக்கர்கள் கையகப்படுத்தப்பட்டு ஐ.ஐ.டி. அமைந்தது. விதிமுறைகள் என்பது மனிதர்கள் தீர்மானித்தவை. அவை காலைச் சுற்றுகின்றன என்றால் வெட்டிப் போடுவதில் தப்பில்லை. இந்த சிந்தனை இப்போதைய ஆட்சியாளர்களுக்கு இல்லையே என்ற ஏக்கம்தான் எழுகிறது.

தமிழக முதல்வர் காப்பாற்றுவார கனிமொழியை!

நடவடிக்கை எடுக்குமா தமிழக அரசு!

noreply@blogger.com (idhyam) — Wed, 12 May 2010 23:35:00 +0000

தஞ்சாவூரில் பள்ளி சேர்கையின் மூலம் பண அறுவடை செய்யும் பள்ளிகளில் முதலிடத்தில் நூறு ஆண்டுகள் பழமையான "கல்யாண சுந்தரம் மேல்நிலை பள்ளி" வகித்து வந்தது, வருகிறது, வரும். இந்த ஆண்டு ஆறாம் வகுப்பு சேர்க்கை பண அறுவடையை ஆரம்பித்து விட்டது. இந்த பள்ளி தமிழக அரசு உதவி பெரும் பள்ளி.

கடந்த ஏப்ரல் மாதம் ஆறாம் வகுபிற்கான Entrance Exam நடந்தது அதில் 600 பேர்கள் கலந்துக்கொண்டார்கள் (விண்ணப்படிவம் + தேர்வு கட்டணம் = 100 மட்டும்) நேற்று Entrance Exam Roll No. 755 பெயர் R.வெங்கடேஸ்வரன் என்பவரின் தாயார் ரிசல்ட் என்ன? என தெரிந்துக்கொள்வதற்காக பள்ளிக்கு சென்று இருக்கிறார். அங்குள்ள அலுவலர்கள் மே மாதம் 5ம் தேதியே ரிசல்ட் அனுப்பிவிட்டோம். பாசானவர்களுக்கு மட்டும் தான் ரிசல்ட் அனுப்பப்பட்டது பெயிலானவர்களுக்கு அனுபவில்லை என தெரிவித்துள்ளனர். அந்த தாயார் நீங்கள் வாங்கும் ரூ100 க்கு 50 பைசா கார்டிலாவது தேர்ச்சி பெறவில்லை என அனுப்பி இருக்கலாமே என கேட்டதற்கு சரியான பதில் இல்லை.

தனது மகனை எப்படியாவது அந்த பள்ளியில் சேர்த்துவிட வேண்டும் என்ற எண்ணத்தில் அந்த பள்ளியின் உதவி தலைமை ஆசிரியர் திரு. பாண்டியராஜ் அவர்களை சந்தித்து உள்ளார்.அவர் K.H.S.S Management செல்லப்பிள்ளை. 120 சீட்க்கு 600 பேர் தேர்வு எழுதிஉள்ளனர் இதில் 60 சீட் M.P, M.L.A, Minister, Collector, Councilor recommendation என சென்று விட்டது என கூறி உள்ளார். எப்படி தான் என் மகனை உங்கள் பள்ளியில் சேர்ப்பது என கேட்டதற்கு கட்டட நிதியாக ரூ 15,000 தரவும் என கூறி உள்ளார். என்னுடைய மகன் Auxilium என்ற பள்ளியில் முதல் மார்க் மாணவன் என அவனுடைய மார்க் சீட்டை கட்டி உள்ளார். இதல்லாம் எனக்கு தேவை இல்லாதது என அந்த ஆசிரியர் கூறியதற்கு " உங்கள் பள்ளியில் தேர்ச்சி பெறவில்லை என்று தெரிந்ததில் இருந்து என் மகன் அழுத்து கொண்டு இருக்கிறான் எனவே அவன் எழுதிய வினா தாளின் பிரதியை எனக்கு கொடுத்தால் அவனிடம் காட்டி சமாதான படுத்துவேன்” என கேட்டதற்கு "பிரதி கொடுக்க வேண்டிய அவசியம் எங்களுக்கு இல்லை இது ஒன்றும் பொது தேர்வு இல்லை" என மன வேதனை அடையும் படி பேசியுள்ளார் அந்த ஆசிரியர்.

அன்புள்ள அன்பர்களே இந்த கடிதத்தை சம்பந்தப்பட்ட அரசு அதிகாரிகள் கவனத்திற்கு அனுப்பி வைக்கும்படி கேட்டுக்கொள்கிறேன். இன்று தகவல் அறியும் உரிமை சட்டத்தில் அந்த தாய் தேர்வு ரிசல்ட் பற்றி விண்ணப்பிக்கவுள்ளார். இந்த மாதிரி நிகழ்சிகளை யார் கவனத்திற்கு எடுத்து செல்ல வேண்டும் என்ற உங்கள் கருத்துகளை தெரிவிக்கவும்.

அரசியல்வாதி கமல் VS ஹீரோ பாலசந்தர்!

noreply@blogger.com (idhyam) — Thu, 17 Sep 2009 19:27:00 +0000

தானே இயக்கி, தயாரித்து நடிக்கும் அடுத்த படத்தில், அசல் அரசியல்வாதியாக மிரட்ட வருகிறாராம்

உலக நாயகன் கமல்ஹாசன். இதில், அவரை எதிர்த்து அதகளம் பண்ணுபவராக பாலசந்தரே நடிக்கிறாராம். குரு - சிஷ்யன்!

உமா சங்கர் கைது செய்ய படுவாரா?!

noreply@blogger.com (idhyam) — Sat, 05 Sep 2009 09:18:00 +0000

எந்நேரமும் உமாசங்கர் ஐ.ஏ.எஸ். மீது சொத்து குவிப்பு வழக்கு பாயலாம்என்கிறார்கள். அவர் சமீபத்தில் நெல்லைக்கு போயிருந்தார். அவர் அங்கி ருந்து கிளம்பியதும், சென்னையில் இருந்து லஞ்ச ஒழிப்புத் துறை உயர் அதிகாரி ஒருவர் நெல்லைக்கு போயிருக்கிறார். அங்கு உமாசங்கரின் சகோதரர் ஒருவர் மருத்துவமனை நடத்திவருகிறாராம். அவரைப்பற்றியும், உமாசங்கரின் குடும்பத்தினரின் சொத்துகள் பற்றியும் பத்திரப் பதிவு அலுவலகங்களுக்குப் போய் விவரங்களை சேகரித்துத் திரும்பியிருக்கிறாராம்

குமுதத்திற்கு குட்டு வைப்பாரா ஞானி?!

noreply@blogger.com (idhyam) — Fri, 21 Aug 2009 01:45:00 +0000

தமிழகத்தின் No.1 நாளிதழ் என சொல்லிக்கொள்ளும் குமுதம். நேற்றைய 26.08.2009 இதழில் 63வது சுதந்திர தினத்தை 53வது என வெளியிட்டுள்ளது.

ஊரு உலகத்துக்கே குட்டு வைக்கும் ஞானி குமுதத்திற்கு வைப்பாரா குட்டு?

நடிகர் நடிகைகளின் அந்தரங்க கதைகளை சரியாக சொல்லும் குமுதம் சுதந்திரம் பெற்ற ஆண்டை மறந்தது ஏன்?

திருப்பூரை மாற்ற முயற்சிக்கும் ஈஷா!

noreply@blogger.com (idhyam) — Tue, 18 Aug 2009 11:11:00 +0000

திருப்பூர் சாயப் பட்டறைகளில் இருந்து வெளியேற்றப்படும் கழிவு நீரின் அளவு நாள் ஒன்றுக்கு 10 கோடி லிட்டர். நாட்டுக்குப் பல நூறு கோடிகள் அந்நியச் செலாவணியை ஈட்டித் தரும் அந்த மண்ணுக்கும், அந்த ஊரின் 4 லட்சம் உழைக்கும் மக்களுக்கும் நஞ்சை மட்டுமே பரிசாகத் தருவது எவ்வகையில் நியாயம்? இந் நிலையை மாற்றி, திருப்பூரை அழிவில் இருந்து மீட்டு எடுக்க, சத்குரு ஜக்கி வாசுதேவ் 'பசுமை திருப்பூர் இயக்கம்' என்ற மக்கள் இயக்கத்தைத் தொடங்கி உள்ளார். 'ஈஷா' அமைப்பின் தன்னார்வத் தொண்டர்கள், ஆகஸ்ட் 23-ம் தேதி திருப்பூரில் 25,000 மரக் கன்றுகள் நட்டு, அடுத்த 3 வருடங்களுக்கு அதைப் பாதுகாத்து நீரூற்றி வளர்க்க இருக்கிறார்கள். ஊர் கூடித் தேர் இழுக்கும் முயற்சி இது. காலை முதல் மாலை வரை தொடரும் இந்த நிகழ்ச்சியில் பங்கேற்க அனைவரையும் அன்புடன் அழைக்கிறோம்.

இப் பசுமைக் கரங்களின் செயல்பாடுகளுக்கு நீங்கள் பங்களிக்க விரும்புகிறீர்களா? இரும்பு வேலியுடன் ஒரு செடியை நட்டு 3 வருடங்கள் நீரூற்றி வளர்க்க 600 ரூபாயும், மூங்கில் வேலியுடன் ஒரு செடியை நட்டு 3 வருடங்கள் நீரூற்றி வளர்க்க 200 ரூபாயும் செலவாகிறது. இந்தத் தொகையை நீங்கள் வழங்கினால் உங்கள் பெயரால் அந்த மரம் வளர்க்கப்படும். இதற்கான வங்கி வரைவோலை (அ) காசோலை (அ) மணியார்டரை 'isha foundation' என்ற பெயரில் எடுத்து 'பசுமைக் கரங்கள்', ஈஷா ஃபவுண்டேஷன், 15, கோவிந்தசாமி நாயுடு லே-அவுட், சிங்கநல்லூர், கோயம்புத்தூர்-641005' முகவரிக்கு அனுப்பலாம். மேலும் விவரங்களுக்கு... 94860 25000, 99444 00035, 94430 57560, 0422-2580155.

பெண் இல்லாமல் தூங்கவே முடியாது - ரஜினி 60 ஆச்சர்யங்கள்!

noreply@blogger.com (idhyam) — Thu, 13 Aug 2009 04:28:00 +0000

அபூர்வம் என்றால் ரஜினி. மயக்கத்தில் மந்திரன், இயக்கத்தில் எந்திரன், சுண்டும் ஸ்டைலில் சூப்பர் மேன். 60 வயது அபூர்வ ராகத்தின் ஆச்சர்ய கீதங்கள் இதோ..!

'எவன் ஒருவனும் உன்னை விரும்பிவிட்டால், அதை அடைவதில் இருந்து அவனை உலகின் எந்தச் சக்தியாலும் பிரிக்க முடியாது' விவேகானந்தரின் இந்தப் பொன்மொழிதான் ரஜினி வீட்டு வரவேற்பறையை அலங்கரிக்கிறது!

உலக சூப்பர் ஸ்டார் ஜாக்கிசானுக்கு அடுத்ததாக இப்போதும் ஆசியாவிலேயே அதிக சம்பளம் வாங்குவது நம்ம சூப்பர் ஸ்டார்தான்!

தமிழ்ப் படங்கள் ரஷ்ய மொழியில் டப் ஆகின்றன. முதல் படம் 'சந்திரமுகி'!

ரஜினி முன்பு தன் கையில் அணிந்திருந்த காப்பு, இப்போது நெல்லையைச் சேர்ந்த ரஜினி ரசிகர் திருமாறன் என்பவரிடம் இருக்கிறது!

25 தடவைகளுக்கு மேல் ரத்த தானம் செய்துள்ள ரசிகர்களுக்குத் தன் கையெழுத்துப் போட்ட சர்ட்டிஃபிகேட் தருவது ரஜினியின் வழக்கம்!

'தளபதி' காலத்தில் வலது கணுக்காலில் கறுப்புக் கயிறு கட்டியிருப்பார் ரஜினி. பிறகு, இடது கை கட்டை விரலில் தங்க வளையம். இப்போது, ருத்ராட்ச மோதிரம், ரஜினி ஸ்பெஷல்!

'செக்ஸ் என்பது பரமசுகம்,ஆனந்தம். வெறுத்துஒதுக்குற அளவுக்கு இதுவிஷம் இல்லை.சோஷியல் சர்வீஸ்பண்றவங்களுக்கு இதுஇடைஞ்சல்,அவ்வளவுதான். பெண்இல்லாமல் தூங்கவேமுடியாதுன்னு ஒருநிலைமை இருந்தது.இப்போ அதுகுறைஞ்சிருக்கு.எதிர்காலத்தில் எப்படிமாறுமோ?'
-1981ம் வருடம் 'சாவி'க்குரஜினி கொடுத்தபேட்டியின் சில வரிகள்இவை.

இப்போதும் பேருந்தில் ஏற நேர்ந்தால், நின்றுகொண்டே போவதுதான் ரஜினியின் வழக்கம். அதுவும் கம்பியைப் பிடிக்காமல்தான் நிற்பார். கேட்டால், 'கண்டக்டர் காலப் பழக்கம்' என்பது பதிலாக வரும்!

மத்திய அரசு இந்திய சினிமாவைப் பற்றி ஓர் ஆவணப் படம் தயாரிக்கிறது. தமிழில் ரஜினி, கமல் இருவரையும் தேர்ந்தெடுத்து அவரவர் பற்றிக் கருத்துக் கேட்டது. கமல் சொல்லிவிட்டார். ரஜினி மறுத்துவிட்டார். 'என்னைப்பற்றி நான் சொல்ல முடியாது. என் ரசிகர்களிடம்தான் கேட்க வேண்டும்' என்று சொன்னதால், ரஜினி ரசிகர்கள் சிலர் அந்த ஆவணப் படத்தில் பேசியிருக்கிறார்கள்!

ரஜினி ஃப்ரீயாக இருந்தால், அடையாளத்தை மறைக்கும் அளவுக்குச் சின்னதாக கெட்டப் சேஞ்சுடன் வெளியே கிளம்பிவிடுவார். சமீபத்தில் அப்படிப் போய் வந்த இடம்... திருப்பதி!

மாப்பிள்ளையான பிறகு, தனுஷின் ஒவ்வொரு பிறந்த நாளுக்கும் வெள்ளித் தட்டு, வெள்ளி டம்ளர் பரிசளிப்பது ரஜினியின் வழக்கம்!

திரையுலக வெளிச்சமோ, புகழ் வெளிச்சமோ படாத ரஜினியின் மிக நெருங்கிய நண்பரின் பெயர் காந்தி. அக்கவுன்ட்ஸ் ஜெனரல் ஆபீஸில் வேலை பார்க்கும் காந்திக்குக் கிட்டத்தட்ட தினமும் ஒரு தடவை ரஜினியே போன் செய்து பேசுவார்!

தனுஷ், தன் மாமனார் ரஜினியை இப்போதும் 'சார்' என்றுதான் அழைக்கிறார். ரஜினியும் தனுஷை 'தனுஷ்' என்றே அழைக்கிறார்!

'முள்ளும் மலரும்' பார்த்துவிட்டு இயக்குநர் பாலசந்தர் எழுதிய கடிதத்தை இப்போதும் பொக்கிஷமாகப் பாதுகாக்கிறார் ரஜினி!

'எந்திரன்' படத்தில் ஒரே பாடலில் 100 விதமான ஸ்டைல்களில் தோன்றுகிறார் ரஜினி. ஒவ்வொரு தோற்றத்துக்கும் ஒவ்வொரு உடை என இந்த ஒரு பாடலில் மட்டும் மொத்தம் 100 விதமான உடைகளில் வருகிறார். ரஜினியின் விருப்பத்தின் பேரில் இந்த ஒரு பாடலுக்கு மட்டும் நடனம் அமைத்து இருப்பவர் பிரபுதேவா!

ஆன்மிகம் தவிர, உலகத் தலைவர் களின் வரலாறு தொடர்பான புத்தகங் களில் ரஜினிக்கு எக்கச்சக்க ஆர்வம்!

கறுப்பு நிற உடைகளை விரும்பி அணிந்த ரஜினி பிறகு வெள்ளைக்கு மாறினார். இப்போது ஓய்வு நேரங்களில் காவி, கறுப்பு, நீலம் என கலர் வேட்டிகள் அணிகிறார்!

ரஜினி நடித்த ஒரே ஆங்கிலப் படமான Blood stone-ல் ரஜினி பேசும் முதல் டயலாக், 'Your Problem is bloodstone whereas my problem is stomach'

ரஜினியின் ஆன்மிகம் பற்றிய விமர்சனங்கள் வந்தபோது அவர் சொன்னது, 'நான் ஆன்மிகவாதிதான். ஆனால், ஒரு கன்னத்தில் அறைந்தால், இன்னொரு கன்னத்தைக் காட்டும் அளவுக்கு ஆன்மிகத்தில் இன்னும் உயரவில்லை. அந்த மாதிரியான ஆன்மிகவாதியாக ஆவதற்கு எனக்கு விருப்பமும் இல்லை!'

கிருஷ்ணகிரி அருகே உள்ள நாச்சியார்குப்பம்தான் ரஜினியின் பெற்றோரின் பூர்வீக ஊர். அங்கு இப்போது ரஜினியின் பெற்றோர் நினைவாக மண்டபம் ஒன்று கட்டப்பட்டு வருகிறது. இந்தப் பணிகளை நாச்சியார் குப்பத்துக்கு அடிக்கடி சென்று பார்வையிடுபவர் ரஜினியின் அண்ணன் சத்தியநாராயண ராவ் கெய்க்வாட்!

ரஜினிக்கு மட்டன் பிடிக்கும். குறிப்பாக தலைக்கறி!

'பைரவி' படத்தின்போது ரஜினிக்கு முதன்முதலில் 'சூப்பர் ஸ்டார்' என்ற பட்டத்தைக் கொடுத்து விளம்பரப்படுத்தியவர் கலைப்புலி தாணு!

ரஜினிக்குப் பழக்கமான வாடகை கார் டிரைவர் இருக்கிறார். இரவு நேரங்களில் திடீரென அவருக்கு போன் செய்து வரச் சொல்லி, எங்காவது கையேந்தி பவனில் சாப்பாடு வாங்கி காருக்குள்ளேயே உட்கார்ந்து சாப்பிடுவார்!

ஒரு படத்தின் சூட்டிங் முடியும்போது அந்தப் படத்தில் பணிபுரிந்த உதவி இயக்குநர்களுக்கு ஒரு தொகையைப் பரிசாகத் தருவது ரஜினியின் பழக்கம். குறைந்தது 50 ஆயிரம் ரூபாய்!

ரஜினிக்குத் தெரிந்த மொழிகள் தமிழ், ஆங்கிலம், கன்னடம், மராத்தி, மலையாளம், ஹிந்தி, தெலுங்கு!

ரஜினியின் 'பில்லா' ரீ-மேக்கைத் தொடர்ந்து 'அன்புக்கு நான் அடிமை ரீ-மேக் ஆகிறது. விரைவில் அறிவிப்பு வரும்!

மார்ல்பரோ சிகரெட்டை விரும்பிப் புகைக்கும் ரஜினி, இப்போது வில்சுக்கு மாறிவிட்டார். முன்பெல்லாம் செயின் ஸ்மோக்கராக இருந்தவர் இப்போது டென்ஷன் பொழுதுகளைத் தவிர மற்ற நேரங்களில் புகைப்பது இல்லை!

ரஜினியை வைத்து அதிகப் படங்கள் இயக்கியவர் எஸ்.பி.முத்துராமன். ரஜினி நடித்து முத்துராமன் இயக்கிய 25 படங்களில் 7 படங்கள் ஏவி.எம். தயாரிப்பு!

பொங்கல், தீபாவளி என அனைத்து விசேஷங்களிலும் இயக்குநர் எஸ்.பி.முத்துராமன் தன்னுடன் இருக்க வேண்டும் என்பது ரஜினியின் சென்டிமென்ட். அவர் வரத் தாமதமானால், 'இன்னும் வரலையா?' என்று போன் செய்துவிடுவார்!

இமயமலை மட்டும் இல்லாமல், எந்த ஆன்மிக ஸ்பாட்டுக்குச் சென்றாலும் அங்கிருந்து ருத்ராட்சம் வாங்கி வந்து சேர்த்துவைப்பது ரஜினியின் பழக்கம். இப்படிச் சேர்த்த ருத்ராட்சங்கள் வீட்டில் எக்கச்சக்கமாகக் குவிந்துகிடக்கின்றன!

ரஜினி வீட்டில் இருக்கும் நேரங்களில் அவரது அறையில் 'ஓம்' என்னும் பிரணவ மந்திரம் ஒலித்துக்கொண்டே இருக்கும்!

ராகவேந்திரா கல்யாண மண்டபத்தின் தொலைபேசிக்கு இன்னொரு இணைப்பு உண்டு. ரஜினி மண்டபத்தில் இருக்கும்போது ரசிகர்கள் யாராவது போன் பண்ணினால், அந்த இன்னொரு இணைப்பு வழியாக எல்லாவற்றையும் மௌனமாகக் கேட்டுக்கொண்டு இருப்பார். அந்த ரசிகருடன் பேச வேண்டும் என்று விரும்பினால் அவரே லைனில் வருவார்!

ரஜினி ஒரு பாத்ரூம் பாடகர். குஷி மூடில் இருந்தால் அப்போதைய ஹிட் பாடல்களை முணுமுணுக்க ஆரம்பித்துவிடுவார். அப்படி ஒரு பாடல் மனதுக்குப் பிடித்துவிட்டால், சம்பந்தப்பட்ட இசை அமைப்பாளர், பாடகருக்கு சர்ப்ரைஸாகப் போன் போட்டுப் பாராட்டுவது ரஜினி ஸ்டைல்!

50 கோடி ரூபாய் செலவில் ரஜினி, திருவள்ளுவராக நடிக்கும் படத்தைத் தயாரிப்பதற்கான பேச்சுவார்த்தை கடந்த ஆண்டு ஜூலையில் நடைபெற்றது. என்ன காரணமோ தெரியவில்லை, அது அப்படியே டிராப் ஆகிவிட்டது!

ரஜினியின் போயஸ் தோட்டத்து வீட்டின் பெயர் 'பிருந்தாவன்'. இது ரஜினியே ஆசையாக வைத்த பெயர்!

ரஜினியின் அனைத்துச் சந்திப்புகளையும் சுப்பையா என்பவர்தான் நிர்வகிக்கிறார். ரஜினியின் நம்பிக்கைக்கு உரிய ஊழியர் இவர்தான்!

பழமொழிகள், குட்டிக் கதைகள், பொன்மொழிகள் இவற்றுக்காகவே தனியாகப் பல நூறு புத்தகங்களை வாங்கிவைத்திருக்கிறார். அவற்றை மேடையில் பேசும்போது பயன்படுத்துவார்!

அடிக்கடி நண்பர்களின் வீடுகளுக்கு சர்ப்ரைஸ் விசிட் அடிப்பது ரஜினியின் பழக்கம். வாசலில் தலையில் மப்ளர் கட்டிக்கொண்டு நின்றபடி மலர்ந்து சிரிப்பார்!

தன்னுடன் போட்டோ எடுத்துக்கொள்ள வருபவர்களுடன் குழந்தைகள் இருந்தால், குழந்தையைத் தூக்கி வைத்துக்கொண்டு போஸ் கொடுப்பதுதான் ரஜினியின் பழக்கம்!

யார் தன்னைப் பார்க்க வந்தாலும், வயது குறைந்தவர்களாக இருந்தால்கூட எழுந்து நின்று வரவேற்பது ரஜினியின் வழக்கம். வந்தவர் அமர்ந்த பின்புதான் இவர் அமர்வார்!

'தலைவா, உங்க பிறந்த நாளன்று உங்களைச் சந்திக்க ஆசைப்படுகிறேன்' என்று ரசிகர் ஒருவர் சொன்னதற்கு, ''பிறந்த நாளன்று 'நான் ஏன் பிறந்தேன்?' என்று சிந்திக்க எனக்கு அவகாசம் தேவை. அன்றைய நாளில் என் ஃபேமிலி மெம்பர்ஸ்கூட என்னைத் தனியாக விட்டுவிடுவார்கள். அன்னிக்கு வேண்டாமே ப்ளீஸ்!'' என்று பிறந்த நாள் பற்றிய வித்தியாசமான கோணம் ஒன்றைக் கொடுத்தார் ரஜினி!

ரஜினி எந்த காரில் வருவார் என்று யாராலும் தீர்மானிக்க முடியாது. அம்பாஸடர், குவாலீஸ் என்றுதான் அதிகபட்சம் செல்வார். எந்தக் காரணம்கொண்டும் விலை உயர்ந்த பி.எம்.டபிள்யூ, பென்ஸ் போன்ற கார்களைப் பயன்படுத்த மாட்டார்!

ரஜினி சூ போடுவதை விரும்புவது இல்லை. சூட்டிங்கின்போதுகூட அவசியப்பட்டால் மட்டுமே சூ அணிவார். மற்றபடி எப்போதும் செருப்பு அணிவதுதான் தலைவரின் சாய்ஸ்!

விமானப் பயணத்தைவிட ரயில் பயணம்தான் ரஜினிக்குப் பிடித்தமானது. 'படையப்பா' வரையிலும் ரயிலில்தான் போய்க்கொண்டு இருந்தார்!

தன்னிடம் பணியாற்றும் ஊழியர்களுக்கு வெகுகாலம் முன்பே ஒரு பெருந்தொகையை ஃபிக்ஸட் டெபாசிட்டில் போட்டுவிட்டார். அந்த வட்டிப் பணத்தில்தான் அந்தக் குடும்பங்களுக்கான விழாச் செலவுகள் நடைபெறும்!

ராகவேந்திரா மண்டபத்தில் வெயில் காலத்தில் மக்களுக்கு இலவசமாக மோரும், ஐஸ் வாட்டரும் வழங்குவார்கள். இதைத் தன் அறையில் அமர்ந்து பார்த்துக்கொண்டு இருப்பார் ரஜினி!

எந்தக் காரணத்தைக் கொண்டும் கேரவனில் ஓய்வெடுக்க மாட்டார். காலையில் வந்தவர், மாலை சூட்டிங் முடியும் வரைக்கும் செட்டுக்கு உள்ளேதான் இருப்பார். மதிய இடைவேளையில் அங்கேயே துண்டை விரித்துப்போட்டு சற்றுக் கண்ணயர்வார்!

டான் - பில்லா, தீவார் - தீ, மர்த் - மாவீரன், திரிசூல் - மிஸ்டர் பாரத், குத்தார் - படிக்காதவன் உள்ளிட்ட அமிதாப் பச்சனின் 10 தமிழ் ரீ-மேக் படங்களில் ரஜினி நடித்திருக்கிறார்!

பாலசந்தர் மீது ரஜினி வைத்திருக்கும் மரியாதை அளவிட முடியாதது. பாலசந்தர் போன் பண்ணினால்கூட எழுந்து நின்றுதான் பேசுவார் ரஜினி!

பெங்களூர் ஃப்ளாட்டில் ரஜினி தனியாகவே இருப்பார். புத்தகங்கள், டி.வி.டி-க்கள் என ரஜினியின் தனிமை தவம் பெரும்பாலும் இங்கேதான்!

ரஜினியின் போயஸ் வீட்டுக்கு அருகே ஒரு காலி மனை கிடந்தது. ஐஸ்வர்யா திருமண வரவேற்பு அங்குதான் நடந்தது. இப்போது அந்த இடத்தில் ஒரு கெஸ்ட் ஹவுஸ் கட்டப்பட்டு இருக்கிறது. விருந்தினர்களை அங்குதான் சந்திக்கிறார்!

யாரிடம் பேசினாலும் யாரையும் குறை சொல்லிப் பேசவே மாட்டார். சமீப காலங்களில் இதை மேலும் தீவிரமாகக் கடைப்பிடிக்கிறார்!

கேளம்பாக்க வீட்டுக்கு ரஜினியைப் பார்க்க யார் சென்றாலும், அவர் அங்கு இருந்தாலும், இல்லை என்றாலும் முதலில் இளநீர் வந்துவிடும்!

'ஃபைன், குட்' இவைதான் ரஜினியின் உதடுகள் அடிக்கடி உச்சரிக்கும் வார்த்தைகள்!

முன்பு எல்லாம் நெருங்கிய நபர்கள் இறந்துபோனால் அவர்களின் துக்கத்துக்குப் போக மாட்டார். நடிகர் ஜெய்சங்கரின் மரணத்துக்குக்கூடப் போகவில்லை. 'அவர்களின் சிரித்த முகம்தான் எனக்கு நினைவில் இருக்க வேண்டும்' என்பதுதான் காரணம். பிற்பாடு இந்த நிலையை மாற்றிக்கொண்டார்!

ரஜினி இதுவரை நடித்ததிலேயே அவருக்கு மிகவும் பிடித்த படம் 'முள்ளும் மலரும்'!

கடந்த ஆண்டைப் போலவே இந்த ஆண்டும் பிறந்த நாளுக்குப் பிறகு தனது ரசிகர் மன்ற நிர்வாகிகளைச் சந்தித்து ஆலோசனைக் கூட்டம் நடத்தும் திட்டம் ரஜினிக்கு இருக்கிறது. இதற்கான ஆஃப் த ரெக்கார்ட் அழைப்புகள் சென்றுவிட்டன!

சிகரெட் சர்ச்சைகளுக்காக அன்புமணி ரஜினியிடம் பேசியபோது பேச்சு நீண்டு ஜாலியாக, 'புரவிப்பாளையம் என்ற ஊரில் சாமியார் ஒருவரின் சமாதி இருக்கிறது. அங்கு அவசியம் ஒருமுறை போய் வாருங்கள்' என அன்புமணிக்கு ஆலோசனை சொன்னாராம் ரஜினி!

'ஏன் இவ்வளவு சிம்பிளாக இருக்கிறீர்கள்?' என்று மகள்கள் கேட்டால், 'கண்ணா... உங்க அப்பா சூப்பர் ஸ்டார். நீங்க எப்படி வேணும்னாலும் இருக்கலாம். எங்க அப்பா சாதாரண போலீஸ்காரர். நான் இப்படித்தான் இருப்பேன்' என்பார்!

சினிமா நகைச்சுவையில் ரஜினிக்கு இஷ்டமானவர் வடிவேலு. அவ்வப்போது அவருடன் பேசிச் சிரிப்பார். 'உங்ககிட்ட பேசினா, எனக்குப் புதுசா ரீ-சார்ஜ் பண்ணின மாதிரி இருக்கு வேலு' என்பார்!

நடிகர் சூரியா இதுவரை சொல்லாதது!

noreply@blogger.com (idhyam) — Thu, 13 Aug 2009 03:55:00 +0000

அலட்சியமான கலைந்த தலையுடன் கேசுவலாக 'ஹாய்!' சொல்லி அமரும் சூர்யாவின் வயது இப்போதைக்கு ஏறாது. ''இது எங்க மாமியார் வீட்டு ஸ்வீட்!'' என்று கலர் கலர் பாம்பே லாலா ஸ்வீட் கொடுத்து உபசரிப்பவர், வசதியாகச் சாய்ந்து அமர்ந்துகொண்டு கண்கள் மூடி மனம் திறக்கிறார்...

டிரெஸ்ஸிங்: ''சினிமாவுக்கு வந்த பிறகுகூட தொப்புளுக்கு மேல பேன்ட், லூஸான சட்டைன்னுதான் திரிவேன். ஒரு தடவை கமல் சார் கிட்டத்தட்ட மிரட்டுற மாதிரி அட்வைஸ் பண்ணதும்தான் டிரெஸ்ஸிங்ல கேர் எடுத்துக்க ஆரம்பிச்சேன். 'பேக் ஸ்ட்ரீட் பாய்ஸ்' மாதிரியான ஆல்பங்கள் பார்த்து அதில் இருக்கிற காஸ்ட்யூம் டிசைனையும் டிரை பண்ணுவேன். 'டி-ஷர்ட்ல கழுத்துப் பட்டனைத் திறந்துவிடுங்க. மேன்லியா இருக்கும்'னு காதுல விழுற டிப்ஸையும் ஃபாலோ பண்ண ஆரம்பிச்சுட்டேன்!'''

கனவு: ''அடிக்கடி வரும் அந்தக்கனவு. நான்லயோலாவில் பி.காம்.,படிச்சேன். ஆனா, கனவுலநான் எம்.காம்., சேர்ந்துசெமஸ்டர் எக்ஸாமுக்குவிழுந்து விழுந்துபடிச்சுட்டுப் போவேன்.ஆனா, அன்னிக்கு வேறபேப்பருக்கு எக்ஸாம். ஒருகேள் விக்குக்கூட எனக்குப்பதில் தெரியாது.கண்ணைக் கட்டி மயக்கம்வர்ற மாதிரி இருக்கும். 'இந்தப் பேப்பரும்அரியர்டா'னு பைக்ஸ்டாண்ட்ல கண் கலங்கிநிற்பேன். 'மாட்டுனடாசூர்யா... வசமாமாட்டிக்கிட்டே!'ன்னு ஒருகுரல்பேக்ரவுண்ட்லஎன்னைக் கேலி பண்ணும்.அந்தக் குரல் கேட்டதும்கனவு கலைஞ்சிரும்.எப்போ அந்தக் கனவுலநான் எம்.காம்., பாஸ்பண்ணப் போறேன்னுதெரியலை!''

ஃபிட்னெஸ்: ''ஸ்கூல்ல என்கிளாஸ்மேட்ஸ்பொண்ணுங்களை கரெக்ட்பண்ண இன்டர்வெல்லஆர்ம் ரெஸ்லிங்லாம்பண்ணுவாங்க. காலேஜ்லஅனில் ரெட்டின்னு ஒருபையன் 50 புல்-அப்எடுப்பான். எனக்கு 15தாண்டாது. 'நந்தா'படத்துக்காகத்தான்முதல்முறையாஃபிட்னெஸ்ல கவனம்செலுத்தினேன். என்பெர்சனல் அட்வைஸ்...தயவுசெஞ்சு யாரும்சிக்ஸ்பேக் டிரைபண்ணாதீங்க.தண்ணீர்கூட நிறையக்குடிக்காம இருந்தால்தான்சிக்ஸ்பேக் வரும்.அதனால உடம்புலகால்சியம் குறைஞ்சு பல்,முடிக்கு பயங்கர பாதிப்புஏற்படும். 21 சதவிகிதமாஇருந்த என் உடல்கொழுப்பு 4.5சதவிகிதத்துக்குக்குறைஞ்சது. அந்த மாதிரிநேரத்துல சின்னதாஏதாவது நோய்வந்தாக்கூட சுருட்டிரும்!

மறக்க முடியாத நாள்: ''என் கல்யாணநாள். என் தங்கச்சிபிருந்தா கல்யாணத்துக்குஜெயலலிதா அம்மாவந்திருந்தாங்க.கிளம்புறப்போ 'உனக்குஎப்போ கல்யாணம்?'னுகேட்டாங்க. 'வீட்ல சின்னப்பிரச்னை. அப்பா, அம்மாஒப்புக்கிட்டா உடனேகல்யாணம்தான்'னுசொன்னேன். டக்குனுநின்னவங்க, 'என்னமிஸ்டர் சிவகுமார்,சீக்கிரம் கல்யாணத்துக்குரெடி பண்ணுங்க. நான்அவசியம் வர்றேன்'னுசொன்னாங்க. அப்புறம்எல்லாம் நல்லபடியாநடந்து கல்யாணம்நடந்தப்ப, சொன்னபடிஜெயலலிதா அம்மாவந்திருந்தாங்க. முதல்வர்கலைஞர் ஐயாவும்வந்திருந்தார். முன்னாள்,இந்நாள் முதல்வர்கள்கலந்துகிட்ட அபூர்வமானநிகழ்ச்சிகளில் என்கல்யாணமும் ஒண்ணு!''

சென்டிமென்ட்: ''ஒவ்வொரு படத்தின்முதல் நாள் சூட்டிங்கின்முன் காளிகாம்பாள்கோயிலுக்குப் போய்பூஜை பண்ணிட்டுவருவேன். பெரியநிம்மதியும் பெரியநம்பிக்கையும்கிடைக்கும்!''

பொக்கிஷம்: ''வேல்மணிபாட்டிதான் என் அப்பா,அம்மாவுக்குக் கல்யாணம்பண்ணிவெச்சாங்க.அவங்க என்னைஒருமுறை ஆசீர்வாதம்பண்ணி 100 ரூபாய்நோட்டு ஒண்ணுகொடுத்தாங்க. அதில் நான்அவங்க ஆட்டோகிராஃப்கேட்டு வாங்கினேன்.இப்போ வரை அந்த 100ரூபாயைப் பத்திரமாப்பாதுகாத்துட்டு வர்றேன்!''

லைஃப் லைன்: '' 'இதுவும் கடந்துபோகும்!'னு அப்பாசொன்னதுதான் என்வாழ்நாள் மந்திரம். என்நண்பனின் துரோகம்ஒண்ணு என்னைஅத்தனை வருத்தியது.ஆனா, நாளாக நாளாகஅந்தக் காயம் கொஞ்சம்கொஞ்சமா ஆறிடுச்சு.கிடைக்கிற புகழ்யாருக்கும் நிரந்தரம்கிடையாது. எனக்கு அதுஇப்போ சும்மா 'ஹாய்'சொல்லிட்டுப் போகவந்திருக்குன்னுநினைப்பேன். போரடிச்சா,நாளைக்கே வேறஒருத்தருக்கு அதுஃப்ரெண்ட் ஆயிரும்.பெரிய புகழோ, மோசமானதுக்கமோ, எல்லாமேகடந்து போகும்!''

பர்ஸில் இருக்கும் பணம்: ''ஸ்கூல் படிக்கும்போது அம்மா கொடுக்கிற 15 ரூபாய், சமோசா, புரோட்டான்னு ஒரு நாள் செலவுக்குப் போதும். காலேஜ் படிக்கும்போது அப்பப்போ 200 ரூபா கொடுப்பாங்க. அதை வெச்சு என் 15 ஃப்ரெண்ட்சுக்கும் டின்னர் வாங்கித் தர முடியாது. அதனால 'வீட்ல சாப்பிட்டேன்டா மச்சான்'னு பொய் சொல்லிட்டு, அவங்க சாப்பிடுறப்போ நான் பசியோடு காத்திருப்பேன். இப்பவும் வெளியே கிளம்பினா அம்மாகிட்டதான் பணம் வாங்கிட்டுப் போவேன். 3,000 ரூபாய் எடுத்துட்டுப் போவேன். பெரிய செலவுன்னா கிரெடிட் கார்டு வெச்சு சமாளிப்பேன்!''

மெனு: ''ஃபிட்னெசுக்கு உணவுப் பழக்கம்தான் ஆதாரம். 8 மணிக்கு டின்னர் முடிச்சு 10 மணிக்கெல்லாம் தூங்கப் போயிருவேன். காலையில பிரெட், 11 மணிக்கு ஜூஸ், மதியம் 2 சப்பாத்தி, தந்தூரி சிக்கன், சாயங்காலம் சிக்கன் சான்ட்விச், நைட் வெஜிடபிள், சிக்கன் சூப் இதுதான் என் ஒரு நாள் மெனு. இப்படிப் பிரிச்சுப் பிரிச்சு சாப்பிடுறதால எப்பவும் எனர்ஜி இருக்கும். டைஜஸ்ட் பண்ணவும் ஈஸி!''

கடைசியாக அழுதது: ''பல வருடங்கள் கழித்து 'பருத்தி வீரன்' பார்த்துட்டு தம்பி கார்த்தியைக் கட்டிப்பிடிச்சு அழுதேன். கார்த்தி ரொம்ப வசதியா, சொகுசா வளர்ந்த பையன். சூட்டிங் ஸ்பாட்ல அத்தனை அவமானங்கள், அசிங்கங்களைச் சமாளிச்சு ரெண்டு வருஷம் பல்லைக் கடிச்சு வலியும் வேதனையுமா வேலை பார்த்திருக்கான். எனக்கு அதைப் புரிஞ்சுக்க முடியும்கிறதால அவனைக் கட்டிப்பிடிச்சு அழுவதைத் தவிர வேற எதுவும் என்னால பண்ண முடியலை!''

வாழ்வின் தங்கமான தருணம்: ''தியா பிறந்தப்போ நான் டெலிவரி ரூமில்தான் இருந்தேன். தியா ரத்தமும் சதையுமா வெளியே வர்றதைப் பார்த்தேன். இந்த ரத்தம், இந்த உயிர் நானும் ஜோவும் கொடுத்ததுன்னு நெகிழ்ச்சியா இருந்தது. வீர்வீர்னு அழுதுட்டு இருந்த தியாவை என் கையில் கொடுத்தாங்க. என் குரல் கேட்டதும் உடனே அழுகையை நிறுத்திட்டு கண்ணைத் திறந்து பார்த்தா. அப்போ என் மனநிலையை வார்த்தையால் சொல்ல முடியலை. பொதுவா, லெஃப்ட் ஹேண்ட் யூஸ் பண்றவங்க சென்சிட்டிவா, இன்டெலக்சுவலா இருப்பாங்க. அப்பா, ஜோ ரெண்டு பேரும் லெஃப்ட் ஹேண்டர்ஸ். இப்போ அந்த லிஸ்ட்டில் தியாவும் சேர்ந்திருக்கா!''

பெருமை : ''நல்லவனாவே இருக்கணும்னு நினைப்பேன். ஃபாரின் போகும்போது 'நம்ம லைஃப்... என்ஜாய் பண்றதில் என்ன தப்பு?'னு ஒரு நினைப்பு மனசுக்குள் வரும். அங்கே என்னை யாருக்கும் தெரியாது. தப்பு பண்ணினாலும் வெளியே தெரியாது. ஆனா, அப்பெல்லாம் 'தப்புங்கிறது சுவத்தில் அடிக்கிற பந்து மாதிரி. உடனே திருப்பி அடிக்கும்'னு என் மனசில் ஒரு அலாரம் அடிக்கும். 'இதுவரை நல்லவனா வளர்ந்துட்டோம். இனிமேலும் அப்படியே இருப்போம்'னு அப்போ கட்டுப்பாட்டோடு இருந்துட்டேன். இப்போ அதை நினைச்சாலும் பெருமையா இருக்கும்!''

சூர்யா சீக்ரெட்: ''இதுவரை யாருக்கும் தெரியாது. சின்ன வயதில் நான் ஒரு ஜாலித் திருடன். பசங்க சேலஞ்ச் பண்ணிட்டா, திருடன் அவதாரம் எடுத்திருவேன். பந்தயம் கட்டினதுக்காகவே மயிலாப்பூர் துணிக் கடையில் ஒரு பேன்ட், சிங்கப்பூர்ல ஒரு வாட்ச் திருடி இருக்கேன். மனசாட்சி உறுத்துச்சு. அப்புறமா பணத்தைக் கொடுத்துட்டேன். அப்பவே ஜாலிக்காகக்கூடத் திருடுறது இல்லைன்னு முடிவெடுத்துட்டேன்!''

ஆசை: ''நடிகர் ஜெட்லி ஆரம்பிச்ச 'தி ஒன் ஃபவுண்டேஷன்' அவரைவிடப் பிரபலமானது. ஆரம்பக் கல்வியில் தொடங்கி பேரழிவுக் காலங்களில் மக்களைக் காப்பாத்துறது வரை ஜெட்லி ஃபவுண்டேஷனோட சேவைகள் பிரமாண்டமானது. அது மாதிரி என்னோட 'அகரம் ஃபவுண்டேஷன்' எதிர்காலத்தில் வரணும்!'

இந்தியாவின் முதல் பாஸ்போர்ட் திருநங்கை!

noreply@blogger.com (idhyam) — Thu, 06 Aug 2009 14:41:00 +0000

பரதக் கலையில் உச்சம் தொட்ட நடன நங்கைகள் யாருக்கும் வராத புதுவகை இடைஞ்சல் கள் கடந்து நடன அரங்கைத் தன்வசமாக்கிய திருநங்கை... நர்த்தகி நட்ராஜ். 'அரவாணி' என ஒதுக்கிய உலகத்தைத் தன் திறமையால் ஜெயித்துக் காட்டிய நர்த்தகியின் வாழ்க்கையில் இருந்து...

001 ''மதுரை அனுப்பானடிதான் நான் பிறந்து வளர்ந்தது. சின்ன வயசுலயே எனக்குள் இருந்த பெண்மையை உணர ஆரம்பிச்சேன். 'இத்தனை புஷ்டியா, அழகாப் பிறந்திருக்கோமே... இன்னும் நீளமா முடி வளர்த்து, சடை பின்னி, பூ, பொட்டுவெச்சு அழகு பார்க்கலாமே'ன்னு அறியாப் பருவத்திலயே என் அழகை, பெண்மையைப் பத்தி எனக்குப் பெருமை.

மதுரையில பிறந்த எல்லாரும் மீனாட்சியையும், சுந்தரேஸ்வரரையும் மனசுக்கு ரொம்ப நெருக்கமா நினைப்பாங்க. ஆனா, எனக்கு உலகத்திலேயே மதுரை யில் மட்டும் வலது பாதத்தைத் தலைக்கு மேல தூக்கி நிற்கிற நடராஜரையும் பிடிக்கும். நானும் தத்தக்காபித்தக் கான்னு எனக்குத் தெரிஞ்ச நாட்டிய பாவனைகளைச் செஞ்சுட்டு இருப்பேன். இதைச் சுத்தி இருக்கிறவங்களும் பெத்தவங்களும் புரிஞ்சுக்கவே இல்லை. 'நேரா நில்லு... நிமிர்ந்து நட'ன்னு ஒரே சித்ரவதை.

ஒவ்வொரு நாளும் நரகம். அவங்க இழுத்த இழுப்புக்கு நம்மால போக முடியாதுன்னு ஒருநாள் புரிஞ்சுது. 'இனிமே நீ இங்கே இருக்க வேணாம். எங்களால உனக்கும், உன்னால எங்களுக்கும் சங்கடம்தான். நீ வீட்டைவிட்டுப் போயிடு'ன்னு சொன்னாங்க. நானும் என் தோழி சக்தியும் வீட்டைவிட்டு வெளியேறினோம். அவளுக்கும் எனக்கு ஏற்பட்ட அதே சங்கடம் தான். எங்க வீட்டைவிட்டு இந்த அகன்று பரந்த உலகத்துக்குள் காலடி எடுத்துவெச்ச நாளின் மனநிலை இப்பவும் எனக்கு ஞாபகம் இருக்கு. இன்றைக்கு ஏதாவது பெரிய துக்கமோ, சந்தோஷமோ வந்தா அந்த நாளின் மனநிலையை மனசுக்குள் இருத்திக்கிட்டா, எதையும் கடந்து வந்துடுவேன்!''

002 ''எதிர்பார்த்த மாதிரியே உலகம் எங்களுக்கு சிவப்புக் கம்பள வரவேற்பு குடுக்கலை. எனக்குள் இருந்த பெண்மையையும் போஷிக்க முடியலை. எந்தக் கலைக்காக ஆசைப்பட்டு வந்தேனோ, அதையும் கத்துக்க முடியலை. பருவச் சிக்கல்கள் வேறு மனசையும் உடம்பையும் அலைக்கழிச்சது. தங்க இடம் இல்லாம, திங்க சாப்பாடு இல்லாம, அரவணைக்க மடி இல்லாம, நாடோடிகளா அலைஞ்சோம். 'ஏன் சக்தி இவ்வளவு கஷ்டப்படணும்? பேசாம, நமக்கான குலத் தொழிலா இந்த சமூகம் ஒதுக்கின சாக்கடையில் இறங்கிடுவோம்... வேற என்ன பண்றது?'ன்னு சக்தி மடியில விழுந்து அழுதேன்.

அந்தக் கொடுமையான நாளில் சக்திதான் என்னைத் தடுத்தாட்கொண் டாள். 'இல்லைம்மா... ஒரு வருஷம் பொறுமையா இருக்கலாம். அதுக்குப் பிறகும் எந்த நல்லதும் நடக்கலைன்னா, பார்க்கலாம். ஆனா, இந்த ஒரு வருஷமும் மிக உயர்ந்தபட்ச ஒழுக்கத்தோடு இருக்கணும்'னு சொன்னா. ஒரு வருஷம்கூடக் காத்திருக்கத் தேவை இல்லாம, கொஞ்ச நாள்லயே சின்னதா ஒரு வெளிச்சம் கிடைச்சது. அந்த நாளில் தொடங்கிய ஒழுக்கமும் சுயக் கட்டுப்பாடும்தான் இப்போ வரை எங்களைச் செலுத்திட்டு இருக்கு!''

003 ''சாம்பவனைகளுக்காக (தேவதாசி முறையில் உணவுக்காகக் கோயிலில் ஊழியம் புரிவது!) மதுரைக் கோயில்களில் ஆடிட்டு இருந்தேன். நம்மளை ஏத்துக்கிட்டாங்களேன்னு ஒரு மனசு சமாதானப்படுத்தினாலும் இன்னொரு மனசு அடங்க மறுத்துச்சு. குரு கிட்டப்பா பிள்ளைகிட்ட நடனம் கத்துக்க வந்தேன். 'மரபு முறை பரதம் கத்துக்கச் சிரமமா இருக்கும். ஆனா, அதுதான் நிலையான ஆத்மா. நவீன பரதம் கத்துக்கறதும், அதன் மூலமா பேரும் புகழும் வாங்குறதும் சுலபம். ஆனா, அது தற்காலிகம். எனக்குத் தற்காலிக ஏற்பாடுகளே பிடிக்காது. உனக்கு?'ன்னு கேட்டார். 'என் பேர் கல்வெட்டுல எழுதப்படுமான்னு எனக்குத் தெரியாது. ஆனா, வெற்றுத் தாளில் எழுதப்படுவதில் விருப்பம் இல்லை'ன்னு சொன்னேன். அரவணைச்சுக்கிட்டார். வஞ்சனை வைக்காம பரதத்தின் அத்தனை நெளிவுசுளிவுகளையும் எனக்குக் கத்துக் கொடுத்த என் ஆயுளுக்குமான ஆசான். அப்பதான் மத்திய அரசின் ஸ்காலர்ஷிப் வாய்ப்பு தேடி வந்தது. இறுதிச் சுற்று வரை வந்தேன். தேர்வுக் குழுவில் இருந்த பத்மா சுப்ரமணியம், 'ஒரு திருத்தமான பெண்ணா, தேர்ந்த நாட்டியத் தாரகையா இருக்கே. நீ தொடர்ந்து நாட்டியத்தின் மீது இதே காதலோடு இருப்பியா... இல்லை கொஞ்ச நாள் கழிச்சு 'எல்லாம் போதும்'னு செட்டில் ஆயிடுவியா?'ன்னு கேட்டாங்க. அவங்க கால்ல விழுந்த என்னை அள்ளி அணைச்சுக்கிட்டாங்க. மத்திய அரசின் அந்த ஸ்காலர்ஷிப் தான் என் பரதத் திறமைக்கான முதல் அரசு அங்கீகாரம்!''

004 ''சென்னையில் ஓர் அரங்கேற்றம். மகாபாரதத்தில் வரும் சிகண்டியின் கதையை 'அம்பை'ங்கிற பேர்ல நாட்டிய நாடகம் ஆக்குறேன். முந்தின ஜென்மத்தில் திருதராஷ்டிரனுக்காக அம்பையைத் தூக்கி வருகிறார் பீஷ்மர். ஆனா, அம்பைக்கு ஒரு காதலன் இருக்கி றான்னு தெரிஞ்சதும், திருதராஷ்டிரன் அவளை வேண்டாம்னு சொல்லிடுறான். இது தெரிஞ்சதும் அம்பையின் உண்மையான காதலனும் அவளை வேண்டாம்னு விட்டு விலக்கிடுறான். வேற வழி இல்லாம, 'என்னைத் தூக்கிட்டு வந்த நீங்களே என்னை ஏத்துக்கங்க'ன்னு பீஷ்மரிடம் கெஞ் சுறா அம்பை. அவரும் மறுத்துடுறார். நிர்க் கதிக்கு ஆளாகும் அம்பை, அடுத்த ஜென் மத்தில் சிகண்டி என்ற திருநங்கையாகப் பிறந்து அர்ஜுனனுக்குத் தேரோட்டி ஆகிறாள். அத்தனை லாகவமாகத் தேரைச் செலுத்தி பீஷ்மர் மீது அர்ஜுனன் மலை மலையாக அம்பு கள் எய்ய சிகண்டியின் மனவேதனையும் காரணம்.

சிகண்டியாக அழுது மாயும்போதும் அம்பையாக ரௌத்ரம் காட்டும்போதும் எனக் குள் ஏதோ ஓர் இனம் புரியாத சோகமும் வேகமும். அழுறேன், ஓடுறேன், உறுமுறேன். பேய் பிடிச்சுக்கிட்ட மாதிரி நானே உணர்ந்தேன். நாடகம் முடிஞ்சதும் 'இன்னிக்கு என்ன இத்தனை கோபம்... வேகம்?'னு ஒருவர் கேட்டார். 'நீங்க ஒரு நாள் அம்பையாவோ, சிகண்டியாவோ வாழ்ந்து பாருங்க, புரியும்'னு சொன்னது நான் இல்லை... எனக்குள் இருக்கும் அம்பை!''

005 ''இந்தியாவிலேயே திருநங்கை என முத்திரையுடன் முதல் பாஸ்போர்ட் வாங்கியது நான்தான். அதுவே ஒரு பெரும் போராட்டம். முதல் பயணமாக அமெரிக்கா போய் இறங்குறோம். வரவேற்க வந்தவங்களுக்கு அப்பதான் நான் ஒரு திருநங்கைன்னு தெரிஞ்சது. அதிர்ந்துட்டாங்க. என்ன பண்றதுன்னு தெரியாம, வேண்டாத விருந்தாளி மாதிரி அழைச்சுட்டுப் போறாங்க. ரெண்டு வார நிகழ்ச்சி ஒரு நாள் நிகழ்ச்சியா மாற்றப்பட்டது. காரணம் புரிஞ்ச அன்னிக்கு ராத்திரி நான் தூங்கலை. விடிஞ்சது. நான் ஆடும் நேரம் வந்தது.

'பம்பை பறை அதிரக் கொட்டு முரசொலிக்க தமிழர் திருநாளாம்... சிலம்பு சிலுசிலுக்க சலங்கை சலகலக்க ஆனந்தத் திருநாளாம்... இது அமெரிக்கத் திருநாளாம்!'னு உணர்வுகள் கொப்பளிக்கும் குரலில் பாடிக்கிட்டே முழு உத்வேகத்துடன் ஆடத் தொடங்கினேன். பரதத்தில் அமெரிக்க வாழ் தமிழர்களின் கலாசாரத்தையும் கலந்து ஆடினேன். அது எனக்கே புதுசு. அவங்களுக்கு ரொம்பவே புதுசு. நான் ஆடி முடிச்சதும் என்னைத் தலையில் தூக்கிவெச்சுக் கொண்டாடாத குறை. ஒரே நாளில் கிளம்புங்கன்னு சொன்னவங்க, ரெண்டு மாசம் அமெரிக்காவின் பல இடங்களில் நிகழ்ச்சிகள் நடத்தவெச்சுட்டுத்தான் என்னை இந்தியா திரும்ப அனுமதிச்சாங்க!''

006 ''ஐரோப்பாவில் வேறொரு அனுபவம். அங்கே டாங்கோ வகை நடனம் பிரபலம். நான் நம்ம பாரம்பரியப் பரதத்தோடு டாங்கோவின் சில அம்சங்களையும் ஒரு ஃப்யூஷன் மாதிரி கலந்து கொடுத்தேன். நல்லாவே ரசிச்சாங்க. ஆனா, நிகழ்ச்சி முடிந்ததும் ஒரு அம்மணி என்கிட்டே வந்து, 'நல்லாதான் ஆடுனீங்க. ஆனா நான் உங்கக்கிட்ட எதிர்பார்த்து வந்தது இந்தியப் பாரம்பரிய நடனத்தைதான். இந்த ஊர் டாங்கோ டான்ஸை ஆட இந்தியாவி லேர்ந்து எதுக்கு உங்களை வரச் சொல்லப் போறோம்... நான் சொல்றது உங்களுக்குப் புரிஞ்சிருக்கும்னு நினைக்கிறேன்'னு சொன் னாங்க.

இதே கலாசாரக் கலவையை அமெரிக்காவில் வரவேற்றாங்களே... இந்த அம்மா இப்படிச் சொல்றாங்களேன்னு கொஞ்சம் குழப்பமா இருந்துச்சு. ஆனா, யோசிக்க யோசிக்க... நான் பண்ண தப்பு புரிஞ்சது. எந்த விஷயத்தை எங்கே செய்யலாம்னு தெரிஞ்சா மட்டும் போதாது... எதை எங்கே செய்யக் கூடாதுன்னும் தெரிஞ்சுக்கணும்!''

007''நாம நினைச்சது ஒவ்வொண்ணா நடந்து முடிஞ்சதும் அடுத்து என்னன்னு ஒரு கேள்வி எழும். ஏதோ வெற்றிடத்தில் நிற்கிற மாதிரி இருக்கும். வெற்றிகளுக்குப் பிறகு அந்த வெற்றிடம் ஏற்படுவது சகஜம்தான். அந்த வெற்றிகள் தந்த தைரியமும் நம்பிக்கையும்தான் நம்ம அடுத்தகட்ட பயணத்துக்கான எரி பொருள். இப்ப சமீபத்துல என் சிஷ்யை ஒருத்தியின் நடன அரங்கேற்றத்தை நடத்தி முடிக்கிறதுக்குள்ள ஏகப்பட்ட சிக்கல்கள். ஆனா, இத்தனை வருஷத்துல எனக்குள் குடிகொண்ட தைரிய மும் நம்பிக்கையும்தான் என் சிஷ்யையை அரவணைச்சுப் பதற்றப் படாம அவளோட அரங்கேற்றத்தை நடத்தவெச்சது. அடுத்து என்னங்கிற கேள்விக்கும் விடை தெரிஞ்சது!

விகடன் சனிப்பெயர்ச்சி பலன்கள் 2009 பாகம் 2

noreply@blogger.com (idhyam) — Wed, 05 Aug 2009 08:04:00 +0000

முதல் ஏழு ராசிகளுக்கான சனிப்பெயர்ச்சி பலன் காண http://idhyamonline.blogspot.com/2009/08/2009.html

விருப்பு வெறுப்பு இல்லாமல் செயல்படுபவர் நீங்கள். இதுவரை 10-ஆம் வீட்டில் நின்ற சனி பகவான், 26.09.2009 முதல் 21.12.2011 வரை லாப வீட்டில் அமர்ந்து உங்களை ஆளப் போகிறார்.

உங்களின் உழைப்புக்கு ஏற்ற வகையில், பாராட்டும் பதவி உயர்வும் கிடைக்கும். வேலைகளில் மன நிறைவு கிடைக்கும். செலவுகள் கட்டுக்குள் வரும். குடும்ப வருமானத்தை உயர்த்தும் முயற்சியில் இறங்குவீர்கள். தாயாரின் உடல் நிலை மேம்படும். தடைப்பட்டிருந்த வீடு கட்டும் பணிகள் முழுமையடையும். கணவன்- மனைவிக்கு இடையே சந்தேகங்கள் விலகும்; அந்நியோன்யம் அதிகரிக்கும்.

எப்போதும் கெட்ட செய்திகளும் கனவுகளும் வந்து உங்களை அலைக்கழித்து வந்த நிலை மாறும்; மங்களகரமான செய்திகள் தேடி வரும். காரியங்கள், முதல் முயற்சியிலேயே வெற்றி பெறும். சொத்து வாங்குவீர்கள். வி.ஐ.பி-கள் அறிமுகமாவர். எனினும் சனி பகவான் உங்கள் ராசியைப் பார்ப்பதால் முன்கோபம், எரிச்சல் மற்றும் தலைசுற்றல் ஆகியன வந்து நீங்கும்.

சனி பகவானின் நட்சத்திர சஞ்சாரம்:

26.09.2009 முதல் 19.09.2010 வரை உங்களின் தசம ஸ்தானாதிபதியான சூரியனின் உத்திர நட்சத்திர சாரத்தில் சனி பகவான் செல்கிறார். இந்தக் காலகட்டத்தில் உங்களின் நிர்வாகத்திறன் கூடும். நாடாளுபவர்கள் உதவுவர். வழக்கில் நல்ல தீர்ப்பு கிடைக்கும். புது வேலை அமையும். எனினும், 10.1.2010 முதல் 8.05.2010 வரை வக்ரத்தில் செல்வதால், அதிகம் உழைக்க வேண்டி வரும். மறைமுக பகைகள் அதிகரிக்கும்.

உங்களின் பாக்கிய அதிபதியான சந்திரனின் அஸ்த நட்சத்திர சாரத்தில், 20.09.2010 முதல் 14.10.2011 வரை சனி பகவான் செல்வதால் திடீர் பணவரவு உண்டு. பிதுர் ராஜ்ய சொத்துகள் வந்து சேரும். புண்ணியத் தலங்களுக்குச் சென்று வருவீர்கள். பொன்- பொருள் சேரும். எனினும் 23.01.2011 முதல் 15.06.2011 வரை வக்ரத்தில் செல்வதால், தந்தையுடன் கருத்துமோதல், வீண் செலவுகள் வந்து நீங்கும்.

உங்கள் ராசிநாதனான செவ்வாயின் சித்திரை நட்சத்திர சாரத்தில், 15.10.2011 முதல் 21.12.2011 வரை சனி பகவான் செல்வதால் அழகு- அறிவு கூடும். அந்தஸ்து உயரும். குடும்பத்தில் மகிழ்ச்சி தங்கும்.

உங்களது பூர்வபுண்ய ஸ்தானத்தை, சனி பார்ப்பதால் படிப்பு, உத்தியோகத்தின் பொருட்டு பிள்ளைகளைப் பிரிய நேரிடலாம். அவர்களது நடவடிக்கைகளை கண்காணிப்பது நல்லது. உடன் பிறந்தவர்கள் உறுதுணையாக இருப்பர். சகோதரியின் திருமணம் கோலாகலமாக நடந்தேறும். எதிரிகளும் நண்பராவர்.

ஆவணங்களில் கையெழுத்து இடும்போது கவனம் தேவை. ஆன்மிகத்தில் நாட்டம் அதிகரிக்கும். சொந்த ஊர் விழாக்களுக்கு தலைமை தாங்குவீர்கள். சமூக சேவையில் ஈடுபாடு அதிகரிக்கும். உணவு விஷயத்தில் கவனம் தேவை. லாகிரி வஸ்துகளைத் தவிர்க்கவும். நண்பர்கள்- உறவினர்களிடையே மரியாதை கூடும். அக்கம்பக்கத்தாரின் கழுகுப் பார்வை இனி கனிவுப் பார்வையாக மாறும்.

வியாபாரத்தில், கையை சுட்டுக் கொண்ட நிலை மாறும். கொடுக்கல்- வாங்கல் பிரச்னைகள் தீரும். வேலையாட்கள் பொறுப்புடன் நடந்து கொள்வர். எலக்ட்ரிக்கல்ஸ், பெட்ரோ கெமிக்கல், புரோக்கரேஜ் வகைகளால் லாபம் உண்டு. கூட்டுத்தொழிலில், புதியவர்களை பங்குதாரர்களாக சேர்ப்பீர்கள்.

உத்தியோகத்தில், இழந்த சலுகைகளை கேட்டுப் பெறுவீர்கள். உங்களது திறமைக்கேற்ப பதவி- சம்பள உயர்வு கிடைக்கும். அயல்நாட்டுத் தொடர்புடைய நிறுவனங்களில் இருந்தும் புதிய வாய்ப்புகள் தேடி வரும்.

கன்னிப் பெண்களே! விரைவில் கெட்டிமேளம் உண்டு. பணி நிரந்தரமாகும். மாணவர்களே! ஆசிரியர்கள் பாராட்டும்படி நடந்து கொள்வீர்கள். உயர்கல்வியில் வெற்றியுண்டு. மதிப்பெண் உயரும். கலைஞர்களே! உங்களை அலைக்கழித்த நிறுவனமே புதிய வாய்ப்புகளைக் கொடுக்கும். மூத்த கலைஞர்கள் நட்புறவாடுவர். உங்கள் படைப்புகள் பெரிதும் பேசப்படும்.

பொதுவில் இந்த சனிப் பெயர்ச்சி, உங்களை தன்மானத்துடன் தலைநிமிரச் செய்வதாக அமையும்

தன்மானத்துடன் சுதந்திரக் காற்றை சுவாசிக்க விரும்புபவர் நீங்கள். இதுவரை ராசிக்கு 9-வது வீட்டில் அமர்ந்து, உங்களின் சிந்தனை மற்றும் செயல்திறனை மழுங்கடித்த சனி பகவான் 26.09.2009 முதல் 21.12.2011 வரையில் 10-வது வீட்டுக்குள் அமர்ந்து நற்பலன்களை தரப்போகிறார்.

கைக்கு எட்டியது வாய்க்கு எட்டாமல் போய்விட்டதே என வருந்திய நிலை மாறும். அனைத்து விஷயங்களிலும் இதுவரை இருந்து வந்த தடைகள் நீங்கும். குடும்பத்தாருடன் மனம் விட்டுப் பேசி குறை நிறைகளை அலசி ஆராய்வீர்கள். குடும்பத்துக்குள் அமைதி திரும்பும். எதிரும் புதிருமாக எதிலும் இருந்த கணவன்- மனைவியிடையே பிணக்குகள் தீரும். தந்தையுடனான கருத்து மோதல்களும் அவருக்கான மருத்துவச் செலவுகளும் நீங்கி அவர் உடல்நிலை சீராகும். பிள்ளைகளின் கூடாப் பழக்கங்கள் விலகும். அவர்களின் வருங்காலத்துக்காக சேமிப்பீர்கள். மகளுக்கு நல்ல வரன் அமையும். வரவேண்டிய பணம் வந்து சேரும்.

சனி பகவானின் நட்சத்திர சஞ்சாரம்:

26.09.2009 முதல் 19.09.2010 வரை உங்களின் பாக்கியாதிபதியான சூரியனின் உத்திர நட்சத்திர சாரத்தில் சனி பகவான் செல்கிறார். இந்தக் கால கட்டத்தில் எதையும் சாதிப்பீர்கள். வீடு- வாகனம் வாங்குவீர்கள். அரசாங்கத்தால் அனுகூலம் உண்டு. பெரிய பதவிக்கு தேர்ந்தெடுக்கப்படுவீர்கள். எனினும் 10.1.2010 முதல் 8.05.2010 வரை வக்ரத்தில் செல்வதால், பொருள் இழப்பு, வழக்குகள் வந்து நீங்கும்.

உங்களின் அட்டமாதிபதியான சந்திரனின் அஸ்த நட்சத்திர சாரத்தில், 20.09.2010 முதல் 14.10.2011 வரை சனி பகவான் செல்வதால் திடீர் பயணங்கள், செலவுகள் வந்து போகும். எனினும் 23.01.2011 முதல் 15.06.2011 வரை வக்ரத்தில் செல்வதால் எதிர்பாராத வெற்றி, பண வரவு, அயல்நாட்டில் இருப்பவர்களால் ஆதாயம் உண்டாகும்.

உங்களின் பூர்வ புண்ய- விரயாதிபதியான செவ்வாயின் சித்திரை நட்சத்திர சாரத்தில், 15.10.2011 முதல் 21.12.2011 வரை சனி பகவான் செல்வதால் பிள்ளைகளுக்கு திருமணம் கூடி வரும். சொத்துகள் சேரும்.

சனி பகவான் 4-ஆம் வீட்டை பார்ப்பதால், தாயாரின் உடல் நிலை பாதிக்கும். தாய்வழி உறவினர்களுடன் உரசல்கள் வந்து நீங்கும். தாய்வழிச் சொத்துகளை கவனமாகக் கையாளவும். சகோதர வகையில் உதவிகள் கிடைக்கும். ஆடை- ஆபரணங்களை வாங்குவீர்கள். எந்த வேலையையும் நீங்களே செய்வது நல்லது. புகழும், கௌரவமும் ஒரு படி நன்றாகவே உயரும். அதிகார பதவியில் இருப்பவர்களது நட்பு கிடைக்கும். ஆன்மிகம் மற்றும் தர்ம காரியங்களில் ஆர்வம் பிறக்கும்.

சனி 12-ஆம் வீட்டைப் பார்ப்பதால் தூக்கம் குறையும். சாதுக்கள், சன்னியாசிகளின் தொடர்பு கிடைக்கும். 7-ஆம் வீட்டை பார்ப்பதால் மனைவியின் உடல்நிலையில் பாதிப்பு நேரலாம்.

வியாபாரத்தில் கணிசமான லாபம் உண்டு. புதிய துறைகளில் கால் பதிப்பீர்கள். புதிய யுக்திகளால், போட்டியாளர்களை திகைக்கச் செய்வீர்கள். வேலையாட்களை விட்டுப் பிடியுங்கள்; நிச்சயம் லாபம் கிடைக்கும். பங்குதாரர்கள் ஒத்துழைப்பர். கமிஷன், கன்சல்டன்ஸி மற்றும் உணவு வகைகளால் ஆதாயம் உண்டு.

சனி 10-ஆம் வீட்டில் நிற்பதால், உத்தியோகத்தில் தானுண்டு தன் வேலையுண்டு என்று இருந்தாலும் சில நேரங்களில் சின்னச் சின்ன பிரச்னைகளை சந்திக்க நேரிடும். சக ஊழியர்களிடம் கவனமாகவே பழகுங்கள். மேலதிகாரியின் உதவி கிடைக்கும். அவர்கள் மூலம் முக்கிய பொறுப்புகள் உங்களைத் தேடி வரும். எதிர்பார்த்திருந்த பதவி உயர்வு தாமதமாகக் கிடைக்கும்.

கன்னிப் பெண்களே, கூடாப் பழக்கங்களிலிருந்து விடுபடுவீர்கள். தவறிய பாடத்தில் தேறி, புது வேலையில் சேர்வீர்கள். சர்ப்ப தோஷங்கள் நீங்கி கல்யாணம் முடியும். மாணவ- மாணவிகள் கடுமையாக உழைக்க வேண்டும். ஆசிரியரின் ஒத்துழைப்பு கிடைக்கும். கலைஞர்கள் மீதான வீண் பழிச் சொற்கள் நீங்கும்; புகழ் சேரும்.

பொதுவில் இந்த சனிப் பெயர்ச்சி, சோர்ந்து கிடந்த உங்களைத் தூக்கி நிறுத்துவதுடன், சமூகத்தில் நல்ல அந்தஸ்தைப் பெற்றுத் தருவதாக அமையும்

இதயத்தால் பேசும் நீங்கள், எல்லா வேலைகளையும் இழுத்துப் போட்டுக்கொண்டு செய்பவர். இதுவரை அஷ்டமத்தில் நின்று, கஷ்டம் கொடுத்து உங்களை அலற வைத்த சனி பகவான் 26.09.2009 முதல் 21.12.2011 வரை 9-ஆம் வீட்டில் அமர்ந்து நல்லதைச் செய்யப் போகிறார்.

அனைத்துக் கஷ்டங்களையும் மனதுக்குள் வைத்து மருகிய துன்ப நிலை இனி இல்லை. உள்ளுக்குள் புழுங்கித் தவித்த நிலையிலிருந்து விடுபடுவீர்கள். உங்களைப் பார்த்தாலே எழுந்து நின்று கை கட்டி மரியாதை செய்தவர்கள் எல்லாம் உங்கள் மீது கை ஓங்குமளவுக்குப் போனதே! அவர்களுக்கெல்லாம் இனி நீங்கள் பதிலடி தருவீர்கள்.

ஏமாற்றங்கள், இழப்புகள் இனி நேராது. கடன் பிரச்னை முடிவுக்கு வரும். சகோதரர்கள் உங்களைப் புரிந்து கொள்வர். கணவன்-மனைவிக்குள் அந்நியோன்யம் பிறக்கும். வீடு- மனை வாங்க வேண்டும் என்ற உங்களது விருப்பம் நிறைவேறும். வெளி வட்டாரத்தில் மதிப்பு கூடும். எதையும் திட்டமிட்டு செய்வீர்கள்.

சனி பகவானின் நட்சத்திர சஞ்சாரம்:

உங்களின் அட்டமாதிபதியான சூரியனின் உத்திர நட்சத்திர சாரத்தில், 26.09.2009 முதல் 19.09.2010 வரை சனி பகவான் செல்கிறார். இந்தக் காலகட்டத்தில் எதிலும் வெற்றி உண்டு. தடைப்பட்ட வேலைகள் முழுமை அடையும். வழக்குகள் சாதகமாகும்.

எனினும் 10.1.2010 முதல் 8.05.2010 வரை வக்ரத்தில் செல்வதால், இந்தக் காலகட்டத்தில் சிறு சிறு விபத்துகளும் மன உளைச்சல்களும் ஏற்படலாம்.

உங்களின் சப்தமாதிபதியான சந்திரனின் அஸ்த நட்சத்திர சாரத்தில், 20.09.2010 முதல் 14.10.2011 வரை சனி பகவான் செல்வதால், உங்களுக்குள் உறங்கிக் கிடந்த திறமைகள் வெளிப்படும். வாகன வசதிகள் வந்து சேரும். சுப நிகழ்ச்சிகளால் வீடு களை கட்டும். மனைவிக்குப் பிடித்த உயர்ரக ஆடை- ஆபரணங்கள் வாங்கித் தருவீர்கள். எனினும் 23.01.2011 முதல் 15.06.2011 வரை வக்ரத்தில் செல்வதால் மனைவி வழியில் செலவுகளும் உடல்நலத் தொந்தரவுகளும் ஏற்படலாம்.

உங்களின் சுக- லாபாதிபதியான செவ்வாயின் சித்திரை நட்சத்திர சாரத்தில், 15.10.2011 முதல் 21.12.2011 வரை சனி பகவான் செல்வதால், பெரிய பதவிகள் தேடி வரும். புது வீட்டுக்குக் குடி புகுவீர்கள்.

பாதை தடுமாறிச் சென்ற பிள்ளைகளை நினைத்து கவலைப்பட்டீர்களே! இனி உங்கள் ஆலோசனைகளைக் கேட்டு அவர்கள் நல்ல வழிக்குத் திரும்புவார்கள். மகளுக்கு நல்ல வேலை கிடைக்கும்; திருமணமும் இனிதே நடந்தேறும். மகனின் தனித் திறமைகளைக் கண்டுபிடித்து ஊக்கப்படுத்துவீர்கள். நிம்மதியாகச் சாப்பிடக்கூட முடியவில்லையே என்று நீங்கள் புலம்பிய காலம் மாறி, இனி மன நிம்மதி பிறக்கும்.

உங்களை அலைக்கழித்த முன்கோபம் நீங்கும். சகோதரர்கள் உங்களைப் புரிந்து கொள்வர். உங்களிடம் பணம் வாங்கிக் கொண்டு தராமல் ஏமாற்றியவர்களிடம் இருந்து பணம் வரும். அரசியல்வாதிகள் இழந்த பதவியை மீண்டும் பெறுவர்.

வியாபாரத்தில், உங்களின் தொலை நோக்கு சிந்தனையால் லாபம் கூடும். ஸ்டேஷனரி, ஹோட்டல், ஏற்றுமதி- இறக்குமதி மற்றும் வாகன வகைகளால் லாபம் உண்டு. அனுபவம் வாய்ந்த வேலையாட்கள் கிடைப்பார்கள். வாடிக்கையாளர்கள் அதிகரிப்பதால் கடையை அழகுபடுத்துவீர்கள். உத்தியோகத்தில், உயரதிகாரிகள் உங்களைப் புரிந்து கொள்வர். உங்களுக்குக் கிடைக்க வேண்டிய பதவி உயர்வை வேறொருவர் தட்டிச் சென்றாரே... இனி இந்த நிலை மாறும்.

கன்னிப் பெண்களே, உங்களை கலங்கப்படுத்திய சொந்தங்களுக்கு தக்க பதிலடி தருவீர்கள். மாதவிடாய்க் கோளாறு, ஒற்றைத் தலைவலி விலகும். உயர் கல்வியில் வெற்றி பெறுவீர்கள். நல்ல வேலை கிடைக்கும்.

மாணவ- மாணவிகளுக்கு படிப்பில் ஆர்வம் பிறக்கும். கெட்ட நண்பர்களிடமிருந்து விடுபடுவீர்கள். கலைஞர்கள் பிரபலமாவார்கள்.

பொதுவில் இந்த சனிப் பெயர்ச்சி, அஸ்திவாரமாக அழுந்திக் கிடந்த உங்களை கோபுரமாக நிமிரச் செய்யும்

எதிர்மறை எண்ணம் கொண்டவரையும் நேர்வழியில் அழைத்துச் செல்பவர் நீங்கள். இதுவரை, உங்கள் ராசிக்கு 7-வது வீட்டில் இருந்து, தோல்விகளையும், தனிமையையும் தந்த சனி பகவான் 26.09.2009 முதல் 21.12.2011 வரை அஷ்டமத்துச் சனியாக இருந்து செயல்படப் போகிறார்.

'அஷ்டமத்துச் சனியா? இனி தினந்தோறும் அவஸ்தைதான்! அகப்பட்டவனுக்கு அஷ்டமத்துச் சனி என்பார்களே! இனி வீண் பழி எல்லாம் வருமே' இப்படி எல்லாம் நீங்களாகவே எண்ணிக்கொண்டு மனம் கலங்க வேண்டாம். உங்கள் ராசி நாதனான சனி பகவான், நட்புக் கிரகமான புதனின் வீட்டில் அமர்வதாலும், அவ்வப்போது குருவின் பார்வையைப் பெற இருப்பதாலும் நல்லதே நடக்கும்.

தாழ்வு மனப்பான்மை, சேமிக்க முடியாமை, தொடர்ந்து நஷ்டங்கள்... இப்படியாக இருந்துவந்த நிலை இனி மாறும். உங்களை வாட்டி வதைத்த நெஞ்சு வலி, மூட்டு வலி, மற்றும் வயிற்று வலி ஆகியன நீங்கும். கணவன்-மனைவி இருவரும் பரஸ்பரம் புரிந்துகொண்டு அன்புடன் நடந்து கொள்வீர்கள். மனைவியின் ஆரோக்கியம் மேம்படும். பணப் புழக்கம் அதிகரிக்கும். கைமாற்றாக வாங்கிய கடனை அடைப்பீர்கள். எனினும் ஆடம்பரச் செலவுகளை குறைக்கப் பாருங்கள்.

சனி பகவானின் நட்சத்திர சஞ்சாரம்:

உங்களின் சப்தமாதிபதியான சூரியனின் உத்திர நட்சத்திர சாரத்தில், 26.09.2009 முதல் 19.09.2010 வரை சனி பகவான் செல்கிறார். இந்தக் காலகட்டத்தில் எதிர்ப்புகள் நீங்கும். நாடாள்பவர்களின் நட்பு கிடைக்கும். மனைவி வழி உறவினருடன் இருந்துவந்த மனக் கசப்புகள் நீங்கும். எனினும் 10.1.2010 முதல் 8.05.2010 வரை வக்கிரத்தில் செல்வதால், இந்தக் காலகட்டத்தில் தந்தையுடன் கருத்துமோதல்களும் செலவுகளும் ஏற்படக்கூடும்.

உங்களின் சஷ்டமாதிபதியான சந்திரனின் அஸ்த நட்சத்திர சாரத்தில், 20.09.2010 முதல் 14.10.2011 வரை சனி பகவான் செல்வதால் வயிற்றுவலி, சைனஸ் தொந்தரவு மற்றும் கடன் பிரச்னைகள் ஏற்படலாம். எனினும் 23.01.2011 முதல் 15.06.2011 வரை வக்ரத்தில் செல்வதால் வழக்கில் வெற்றி, பண வரவு ஆகியவை உண்டு.

உங்களின் திருதிய- ஜீவனாதிபதியான செவ்வாயின் சித்திரை நட்சத்திர சாரத்தில், 15.10.2011 முதல் 21.12.2011 வரை சனி பகவான் செல்வதால், தைரியமாக சில முக்கிய முடிவுகளை எடுப்பீர்கள். பிள்ளைகளின் பிடிவாத குணம் விலகும். அவர்கள் இனி பொறுப்பை உணர்ந்து நடந்துகொள்வார்கள். நல்ல வேலை கிடைக்கும். மகனுக்கு நல்ல மணப்பெண் அமைவார். புது வாகனம் வாங்குவீர்கள். வசதியான வீட்டில் குடி புகுவீர்கள். கடன் மூலம், சொந்த வீடு வாங்குவீர்கள்.

உங்களின் வாக்கு ஸ்தானத்தை சனி பார்ப்பதால் மற்றவர்களை எதிரிடையாக விமர்சிக்க வேண்டாம். வாகனங்களில் செல்லும்போது கவனம் தேவை. சிறு சிறு விபத்துகள் ஏற்படக்கூடும். நண்பர்கள் மற்றும் உறவினர் சிலர் பணம் கேட்டு உங்களை நச்சரிப்பர். முக்கியமான பொறுப்புகள் உங்களைத் தேடி வரும். எனினும் எதற்கும் நன்கு யோசித்து முடிவு எடுக்கவும். அரசு விஷயங்களில் அலட்சியம் காட்ட வேண்டாம். வழக்குப் பிரச்னைகளில், வழக்கறிஞரின் ஆலோசனை இன்றி நீங்களாக எந்த முடிவையும் எடுக்காதீர்கள். அரசியல்வாதிகள், தலைமையை விமர்சிக்க வேண்டாம்.

வியாபாரத்தில், பண உதவி கிடைக்கும். தொழிலை விரிவுபடுத்த வாய்ப்புகள் உண்டு. புது ஒப்பந்தங்கள் கையெழுத்தாகும். உணவுப் பொருட்களால் ஆதாயம் உண்டு. உத்தியோகத்தில், நல்ல பெயர் கிடைக்கும். பதவி மற்றும் சம்பள உயர்வும் உண்டு.

கன்னிப் பெண்களே, சில தருணங்களில் கை-கால்கள் மரத்துப் போனதாக உணர்ந்தீர்களே... இனி, உடல் நிலை மேம்படும். உற்சாகம் தங்கும். கல்யாணம் சிறப்பாக நடந்து முடியும். மாணவ-மாணவியருக்கு நினைவாற்றல் அதிகரிக்கும். தெரியாததை, ஆசிரியரிடம் கேட்டுத் தெரிந்து கொள்ளுங்கள். கலைஞர்கள், சோகத்தில் இருந்து விடுபடுவர். புதிய வாய்ப்புகளால் பரபரப்புடன் காணப்படுவார்கள்.

பொதுவில் இந்த சனிப்பெயர்ச்சி, உங்களை உற்சாகப் படுத்தி உருவேற்றுவதாக அமையும்

காலத்தால் அழியாத காரியங்களைச் செய்வதில் வல்லவர் நீங்கள். இதுவரை, உங்கள் ராசிக்கு 6-வது வீட்டில் அமர்ந்து, அடிப்படை வசதிகளையும், அதிகாரப் பதவியில் இருப்பவர்களுடன் நெருக்கமாகப் பழகும் வாய்ப்பையும் தந்தார் சனி பகவான். 26.09.2009 முதல் 21.12.2011 வரை, உங்கள் ராசிக்கு 7-வது வீட்டில் நுழைந்து பலன் தரப் போகிறார் அவர்.

'7-வது வீட்டுக்கு சனி வருகிறாரே?' என்ற பதட்டம் வேண்டாம். எதையும் திட்டமிட்டுச் செய்யுங்கள். தம்பதிக்கு இடையே சிறு சிறு சந்தேகங்கள் தலை தூக்கலாம். பணம் வரும்; வீண் செலவுகளைத் தவிர்த்து சேமிக்கப் பாருங்கள். பிள்ளைகளால் செலவுகளும், அலைச்சலும் வரும். மகனுக்கு வெளிநாட்டில் வேலை கிடைக்கும். நீங்களும் அயல்நாடு சென்று வருவீர்கள். மகளின் கல்யாணத்தை போராடி முடிப்பீர்கள். பூர்வீக சொத்துப் பிரச்னைகள் தலை தூக்கும்.

சனி பகவானின் நட்சத்திர சஞ்சாரம்:

26.09.2009 முதல் 19.09.2010 வரை உங்களின் சஷ்டமாதிபதியான சூரியனின் உத்திர நட்சத்திர சாரத்தில் செல்கிறார் சனி பகவான். இந்தக் காலகட்டத்தில் பணப் பற்றாக்குறை, வீண் அலைச்சல், நெஞ்சுவலி, வீண்பழி ஆகியன ஏற்படலாம். எனினும் 10.1.2010 முதல் 8.05.2010 வரை வக்ரத்தில் செல்கிறார். இந்த நாட்களில் வழக்கில் வெற்றி, சித்தர்கள் தொடர்பு, வெளிநாட்டுப் பயணங்கள் வரக்கூடும்.

உங்களின் பூர்வ புண்யாதிபதியான சந்திரனின் அஸ்த நட்சத்திர சாரத்தில், 20.09.2010 முதல் 14.10.2011 வரை சனி பகவான் செல்வதால் குழந்தை பாக்கியம், பண வரவு உண்டு. சொத்து வாங்குவீர்கள். பிள்ளைகளுக்கு நல்ல வருங்காலத்தை அமைத்துத் தருவீர்கள். எனினும் 23.01.2011 முதல் 15.06.2011 வரை வக்ரத்தில் செல்வதால் வீண் அலைச்சல், சிறு நஷ்டங்கள் வந்து செல்லும்.

உங்களின் தன- பாக்யாதிபதியான செவ்வாயின் சித்திரை நட்சத்திர சாரத்தில், 15.10.2011 முதல் 21.12.2011 வரை சனி பகவான் செல்வதால், குடும்பத்தில் மகிழ்ச்சியும் விருந்தினர் வருகையும் உண்டு. உடன் பிறந்தவர்கள் உதவுவர்.

சனி பகவான் உங்கள் ராசியைப் பார்ப்பதால் சர்க்கரை நோய், ரத்த அழுத்தம் அதிகரித்தல், இரும்பு- சுண்ணாம்புச் சத்து குறைவு ஏற்படக்கூடும். மெடி-க்ளைம் எடுத்துக் கொள்ளுங்கள். உதவியாக இருக்கும்.விலை உயர்ந்த பொருட்களை கவனமாகக் கையாளுங்கள்; மறதியால் பொருட்களை இழக்க நேரிடும். வெளியூர் செல்வதற்கு முன் வீட்டில் பாதுகாப்பு ஏற்பாடுகளை கவனமாகச் செய்யுங்கள்! வராது என்றிருந்த பணம் கைக்கு வரும். எதிலும் சாட்சிக் கையெழுத்துப் போட வேண்டாம். வெளிவட்டாரத்தில் மதிப்பு உயரும். எதிர்த்துப் பேசியவர்களும் நட்பு பாராட்டுவர். வி.ஐ.பி-கள் தக்க நேரத்தில் உதவுவர். நெருங்கிய உறவினர் அல்லது நண்பரது இழப்பு வாட்டும். நேரம் கடந்து சாப்பிடுவதைத் தவிருங்கள். லேசாக கால் வலி, உடல் அசதி, தோலில் நமைச்சல் வந்து நீங்கும். புது வாகனம் வாங்குவீர்கள்.

வியாபாரத்தில், மற்றவர்களை நம்பி புதிய முதலீடுகள் வேண்டாம். அயல்நாட்டுத் தொடர்புடைய நிறுவனங்களால் லாபம் உண்டாகும். வேலையாட்கள் முரண்டு பிடிப்பார்கள். பங்குதாரர்களை அனுசரித்துச் செல்லுங்கள். கமிஷன், கன்சல்டன்ஸி மற்றும் கட்டட உதிரி பாகங்களால் ஆதாயம் உண்டு.

உத்தியோகத்தில் ஆர்வம் அதிகரிக்கும். வெளி நிறுவனங்களில் இருந்தும் வாய்ப்புகள் தேடி வரும். மேலதிகாரிகள் வற்புறுத்தினாலும், நீங்கள் நேர்வழியில் செல்வது நல்லது. உயர் அதிகாரிகளை விமர்சிக்க வேண்டாம். சக ஊழியர்களின் ஆதரவு கிடைக்கும்.

கன்னிப் பெண்களுக்கு, பெற்றோருடன் கருத்து வேறுபாடுகள் ஏற்படலாம். அயல்நாட்டில் வேலை கிடைக்கும். மாணவ-மாணவியரே... கணிதம்- வேதியியல் பாடங்களில் அலட்சியம் வேண்டாம். விளையாட்டில் சாதிப்பீர்கள். உயர் கல்வியில் போராடி வெற்றி பெறுவீர்கள். கலைஞர்கள், தனி நபர் விமர்சனத்தைத் தவிர்க்கவும். மூத்த கலைஞர்கள் பாராட்டுவர்.

பொதுவில் இந்த சனிப்பெயர்ச்சி, அலைச்சலையும் செலவையும் தந்தாலும், அனுபவ அறிவையும், செல்வாக்கையும் பெற்றுத் தருவதாக அமையும்.

விகடன் சனிப்பெயர்ச்சி பலன்கள் 2009 பாகம் 1

noreply@blogger.com (idhyam) — Mon, 03 Aug 2009 17:43:00 +0000

விரோதி வருடம் புரட்டாசி 10-ஆம் தேதி (26.9.2009) சனிக்கிழமை சுக்ல பட்சத்து அஷ்டமி திதி, மூல நட்சத்திரம் நடைபெறும் நாளில், சௌபாக்கிய நாம யோகம், பாலவ நாமகரணம், சித்தயோகத்தில் சூரிய உதயநேரம் போக மதியம் மணி 3:18-க்கு சிம்ம ராசியில் இருந்து கன்னி ராசிக்குள் நுழைகிறார் சனி பகவான்.

சிம்ம ராசியில் அமர்ந்திருந்த சனி பகவான் தயவு தாட்சண்யம், கனிவு மற்றும் கலகலப்பான பேச்சுக்கு சொந்தக்காரரான புதனின் வீடான கன்னியில் அமர்கிறார். இதனால் நாட்டில் நல்லதே நடக்கும். மக்கள் அதிகம் யோசிப்பர்.

சுயநலம் அதிகரிக்கும். சிலர், சொந்த பந்தங்களை விட்டு பிரிந்து, பிறகு ஒன்று சேருவர். கூட்டு முயற்சிகள் வெற்றி பெறும்.

குக்கிராமத்தில் இருப்பவரின் உரிமைக் குரலுக்கும் அங்கீகாரம் கிடைக்கும். ஊனமுற்றவர்கள் மற்றும் மன நலம் குன்றியவர்களின் முன்னேற்றத்துக்கு அரசு புதிய சட்ட- திட்டங்களை இயற்றும்.

வித்யாகாரகனான புதனின் வீட்டில் சனி அமர்வதால், கல்வி- பாடத்திட்டங்களில் மாற்றங்கள் நிகழும். மாணவர்களுக்கு தேர்வு பயம் நீங்கும். செயல்முறை கல்வி நடைமுறைக்கு வரும். பள்ளி- கல்லூரி கட்டடங்கள் நவீனமயமா கும். மாணவர்களிடையே விழிப்பு உணர்வு அதிகரிக்கும். யோகாசனம், தியானம் ஆகியன புத்துயிர் பெறும். கிராமியக் கலைகள் மேம்படும்.

இந்தியாவின் கடக ராசிக்கு 3-ஆம் வீட்டில் சனி அமர்வதால் பொருளாதாரம் செழிக்கும். வங்கிகள் கடனை வாரி வழங்கும்.

அமெரிக்காவுடனான அணு ஆயுத ஒப்பந்தம் தொடர்பாக நடைமுறை சிக்கல்களும் போராட்டங்களும் அதிகரிக்கும்.

குஜராத், மத்திய பிரதேசம், உத்தரபிரதேசம், மகாராஷ்டிரா, மேற்கு வங்கம் ஆகிய மாநிலங்கள் பாதிப்புக்கு உள்ளாகும். சிறுபான்மை மக்கள் முன்னேறுவர். தீவிரவாதம் கட்டுக்குள் வந்தாலும் வேறு வகையில் முளைக்கும்!

பாகிஸ்தான் அடிபணியும். சீனாவால் அச்சுறுத்தல் அதிகரிக்கும். இலங்கையில் மீண்டும் உரிமைக் குரல் எழும். அரசு நிறுவனங்களின் பங்குகள் அதிகமாக விற்கப்படும். அரசு நிறுவனங்கள் சில, தனியார் மயமாகும். மேல்தட்டு மக்கள் அரசுக்கு நெருக்கம் ஆவார்கள். பங்குச் சந்தையில் ஏற்ற இறக்கம் நிலவும். தங்கம் மற்றும் டீசல் விலை உயரும்.

சனி பகவான் கடல் வீடான மீனத்தை பார்ப்பதால், கடல்வாழ் உயிரினங்களுக்கு ஆபத்து ஏற்படும். கடல் நீர்மட்டம் உயரும்! கம்பு, சோளம், கோதுமை போன்ற தானியங்களின் விளைச்சல் குறையும். நிலத்தின் விலை குறையும்; கட்டுமானப் பொருட்களின் விலையோ அதிகரிக்கும். நரம்புக் கோளாறு, தூக்கமின்மை, மன உளைச்சல் போன்ற பாதிப்புகள் ஏற்படும். இரட்டைக் குழந்தைகளுக்கு ஆபத்து, குழந்தைகளை பாதிக்கும் புதிய நோய்கள் தோன்றலாம்.

விபரீத ராஜயோகம் யாருக்கு?

மேஷ ராசிக்காரர்களுக்கு இந்த சனிமாற்றம் திடீர் யோகம் மற்றும் செல்வாக்கை அள்ளித் தரும். சர ராசியில் பிறந்தவர்களுக்கு 11-ஆம் வீட்டுக்கு உரிய கிரகம் பாதக அதிபதியாகிறார். அந்த வகையில் சர ராசியான மேஷ ராசியில் பிறந்தவர் களுக்கு, பாதக அதிபதியான சனி பகவான் 6-ஆம் வீட்டில் அமர்கிறார். இதனால் 'கெட்டவன் கெட்டிடில் கிட்டிடும் ராஜயோகம்...' எனும் அடிப்படையில் யோகம் உண்டாகும். திருமணம், குழந்தை பாக்கியம், வாகன வசதி, சொத்து சேர்க்கை ஆகியவை உண்டாகும்.

அஷ்டமத்துச் சனி அலைக்கழிக்குமா?

இந்த முறை கும்ப ராசிக் காரர்களுக்கு அஷ்டமத்துச் சனி! புதன் வீட்டில் சனி அமர்வதாலும் சுமார் 780 நாட்கள் அஷ்டமத்தில் இருக்கப் போகும் சனிபகவானை, 428 நாட்கள் குரு பகவான் பார்க்க இருப்பதாலும் அஷ்டமத்துச் சனியால் அதிக பாதிப்புகள் இருக்காது!

- கணித்தவர் கே.பி. வித்யாதரன்

12 ராசிக்குமான பரிகாரங்கள்

மேஷம்: ஸ்ரீஅனுமன், சஞ்சீவி மலையை தூக்கிச் சென்றபோது சற்று ஓய்வெடுத்த தலம், அய்யங்கார்குளம்- ஸ்ரீசஞ்சீவி ராயர் ஆலயம். காஞ்சிபுரம் அருகே உள்ள, பழைமையான இந்த தலத்தின் ஸ்ரீசஞ்சீவிராயரை வணங்குங்கள். எல்லா வளமும் கிட்டும். ஏழை மாணவனின் கல்வி கட்டணத்தை செலுத்துங்கள்.

ரிஷபம்: வேலூருக்கு அருகில் உள்ளது சேண்பாக்கம். இங்கே, ஸ்ரீஆதிசங்கரரால் ஸ்ரீசக்ர பிரதிஷ்டை செய்யப்பட்டதும், 11 சுயம்பு விநாயகர்கள் அருள் புரிவதுமான ஆலயம் உள்ளது.காஞ்சி மகா பெரியவரால் ஆராதிக்கப்பட்ட இந்த ஆலயத் தின் ஸ்ரீசெல்வ விநாயகரை வணங் குங்கள். விதவைப் பெண்ணுக்கு பொருளுதவி செய்யுங்கள்.

மிதுனம்: பாளையங்கோட்டை - ஸ்ரீராஜகோபால ஸ்வாமி கோயிலில் அருள்பாலிக்கும், அர்ஜுனனால் பூஜிக்கப்பட்ட ஸ்ரீவேதவல்லி- குமுதவல்லி சமேத ஸ்ரீவேத நாராயண பெருமாளை வணங்குங்கள். தொழு நோயாளிக்கு உதவுங்கள்.

கடகம்: தஞ்சாவூர்- திருக் கண்டியூர் சாலையில் உள்ள தலம் திருச்சோற்றுத்துறை. இங்கே சுயம்பு மூர்த்தியாக ஜொலிக்கும் ஸ்ரீஅன்னபூரணி சமேத ஸ்ரீஓதனவனேஸ்வரரை வணங்குங்கள். கர்ப்பிணி பெண்ணுக்கு உதவுங்கள்.

சிம்மம்: திண்டிவனம் அருகே உள்ள திருவக்கரை சென்று ஸ்ரீவக்ரகாளி, ஸ்ரீசந்திரசேகரரை தரிசிப்பதுடன், தனிச் சந்நிதியில் அருள்பாலிக்கும் ஸ்ரீகுண்டலேகி சித்தரின் ஜீவசமாதியில் தியானம் செய்யுங்கள். பசுக்களுக்கு உணவு அளியுங்கள்.

கன்னி: பதினெட்டு சித்தர்களை 18 படிகளாக கொண்டு, அஷ்டமா ஸித்தியை அருளும் சபரிமலை ஸ்ரீசுவாமி ஐயப்பனை, முறைப்படி மாலை அணிந்து 48 நாள் விரதமிருந்து வணங்குங்கள். உழவாரப் பணி செய்யுங்கள்.

துலாம்: ஆந்திர மாநிலம்- கடப்பாவில் இருந்து சுமார் 130 கி.மீ தொலைவில் உள்ளது அகோபிலம். திருமங்கையாழ்வாரால் கொண்டாடப்பட்ட இந்தத் தலத்தில் அருள் பாலிக்கும் நவ நரசிம்மர்களையும் வணங்குங்கள். தாயை இழந்த பிள்ளைக்கு உதவுங்கள்.

விருச்சிகம்: கும்பகோணத்தில் இருந்து சுமார் 13 கி.மீ. தொலைவில் உள்ளது அம்மன்குடி. ராஜராஜசோழன், அவருடைய அமைச்சர் பிரம்மராயர் ஆகியோர் வழிபட்ட தலம் இது! இங்கே, மகிஷனை வதம் செய்த கோலத்துடன் அருள்பாலிக்கும் ஸ்ரீஅஷ்டபுஜ துர்கையை வணங்குங்கள். பார்வையற்றவர்களுக்கு உதவுங்கள்.

தனுசு: பஞ்ச பூதங்களில் நிலத்துக்கு உரிய தலம் காஞ்சி புரம். பார்வதிதேவி மாமரத்தின் அடியில் தவம் செய்த தலம்; பார்வதி தேவியை சிவனார் மணம் புரிந்த தலம்... இப்படி பல பெருமைகள் கொண்ட காஞ்சி ஸ்ரீஏகாம்பரேஸ்வரரை வணங்குங்கள். தந்தையை இழந்தவர்களுக்கு உதவுங்கள்.

மகரம்: ஆழ்வார்கள் மற்றும் மன்னர்கள் பலரும் துதித்த தலம்; ஸ்ரீமத் ராமானுஜரால் ஆராதிக்கப்பட்ட தலம்... திருவேங்கடம் எனும் திருப்பதி! இங்கு அருளும் ஸ்ரீவேங்கடாசலபதி மற்றும் அருகிலேயே அருள் பாலிக்கும் ஸ்ரீவராகர் ஆகியோரை வணங்குங்கள். சுமை தூக்கும் தொழிலாளிக்கு உதவுங்கள்.

கும்பம்: கும்பகோணத்தில் இருந்து சுமார் 10 கி.மீ. தொலைவில் உள்ளது ஆவூர். தசரதர் வழிபட்ட இந்த தலத்தில் அருள்பாலிக்கும் ஸ்ரீபசுபதீஸ்வரர் மற்றும் ஆலயத்தில் உள்ள பஞ்ச பைரவர்கள் ஆகியோரை வணங்குங்கள். ஏழைப் பெண்ணின் திருமணத்துக்கு உதவுங்கள்.

மீனம்: நினைத்தாலே முக்தி தரும் அற்புத திருத்தலம்... திருவண்ணாமலை. இந்த தலம் சென்று, ஸ்ரீஉண்ணா முலையம்மை சமேத ஸ்ரீஅருணா சலேஸ்வரரை தரிசித்து மலையடிவாரத்தில் ஜீவசமாதி கொண்டு அருள் புரியும் ஸ்ரீரமண மகரிஷி, ஸ்ரீசேஷாத்ரி சுவாமிகள், யோகி ராம்சுரத்குமார் ஆகியோரது ஆஸ்ரமத்துக்குச் சென்று வணங்கி வழிபடுங்கள். காது கேளாதவர்களுக்கு உதவுங்கள்

மனிதநேயமும் மண்ணாளும் யோகமும் தவறுகளை தட்டிக் கேட்கும் நெஞ்சுரமும் கொண்டவர்களே! இதுவரை உங்களின் புத்தி வீடான 5-ஆம் வீட்டில் அமர்ந்து கொண்டு உங்களை அலைக்கழிய வைத்த சனி பகவான் 26.09.2009 முதல் 21.12.2011 வரை விபரீத வீடான 6-ஆம் வீட்டில் அமர்ந்து திடீர் யோகங்களையும், வசதி வாய்ப்புகளையும் அள்ளித்தரவுள்ளார்.

இதுவரை இருந்த காரியத்தடை, வீண் மன உளைச்சல், குடும்பத்தில் சண்டை- சச்சரவு ஆகியவை மாறும். பிரிந்திருந்த தம்பதி ஒன்று சேருவர். மாதவிடாய்க் கோளாறு, கர்ப்பச்சிதைவு ஆகிய பிரச்னைகள் மாறி, மனைவியின் தேக ஆரோக்கியம் கூடும். பிள்ளைகளின் எதிர்காலத்துக்காக சேமிக்கத் துவங்குவீர்கள். தள்ளிப் போன மகளின் திருமணம் நடந்தேறும். பெற்றோரின் உடல் நிலை சரியாகும். தாயார் வழி உறவினர்களுடன் இருந்த மோதல் போக்கு விலகும்.

சனி பகவானின் நட்சத்திர சஞ்சாரம்:

உங்களின் பூர்வபுண்யாதிபதியான சூரியனின் உத்திர நட்சத்திர சாரத்தில் 26.09.2009 முதல் 19.09.2010 வரை சனி பகவான் செல்வதால், செல்வாக்கு மற்றும் புகழ் கூடும். பழைய கடனை பைசல் செய்வீர்கள். பங்காளிப் பிரச்னை தீரும். வழக்கில் வெற்றி கிட்டும். அரசு பதவிகள் தேடி வரும். எனினும் 10.1.2010 முதல் 8.05.2010 வரை வக்கிரத்தில் செல்வதால் பிள்ளைகளுடன் கருத்துமோதல் ஏற்படும். எதிலும் நிதானம் தேவை.

உங்களின் சுகாதிபதியான சந்திரனின் அஸ்த நட்சத்திர சாரத்தில் 20.09.2010 முதல் 14.10.2011 வரை சனி பகவான் செல்வதால் வீடு, மனை வாங்குவது-விற்பது லாபம் தரும். சொத்து சேரும். தாயாருக்கு இருந்த நோய் விலகும். தர்ம காரியங்கள் செய்வீர்கள். 23.01.2011 முதல் 15.06.2011 வரை வக்கிரத்தில் செல்வதால் சிறு விபத்து, மன உளைச்சல், தாயாருக்கு மருத்துவச் செலவு ஆகியன வந்து நீங்கும்.

உங்களின் ராசிநாதனான செவ்வாயின் சித்திரை நட்சத்திர சாரத்தில் 15.10.2011 முதல் 21.12.2011 வரை சனி பகவான் செல்வதால் உங்களது திறமை வெளிப்படும். தோற்றப் பொலிவு கூடும். பிரிந்த சகோதரர்கள் சேருவர்.

பேச்சில் தெளிவு பிறக்கும். பூர்வீகச் சொத்தில் இருந்த பிரச்னை நீங்கும். வி.ஐ.பி-களின் துணையுடன் முக்கிய பிரச்னைக்கு தீர்வு காண்பீர்கள். குழந்தை பாக்கியம் உண்டாகும். புதிய வீடு, வாகனம் வாங்குவீர்கள். பாதியில் நின்ற வீடு கட்டும் பணி முழுமையடையும். ஆடை- ஆபரணங்கள் சேரும். கௌரவப் பதவிகள் தேடி வரும். நல்லவர் யார், கெட்டவர் யார் என அறிவீர்கள். அயல்நாடு செல்வதற்கு விசா கிடைக்கும். அரசு காரியங்களில் இருந்த பின்னடைவு விலகும். ஒதுங்கிச் சென்றவர்கள் வலிய வந்து உறவாடுவர். வேற்று இனத்தவரால் பயன் உண்டு. வெளி மாநில புண்ணியத் தலங்களுக்குச் செல்வீர்கள்.

வியாபாரத்தில் இருந்த தேக்க நிலை மாறும். பேச்சு சாமர்த்தியத்தில் பாக்கியை வசூல் செய்வீர்கள். நல்ல பணியாட்கள் கிடைப்பர். கெமிக்கல், இரும்பு, சிமெண்ட், மருந்து மற்றும் துணி வகைகளால் லாபம் அடைவீர்கள். பங்குதாரர்கள் உங்களின் பேச்சுக்கு தலையசைப்பர். வாடிக்கையாளர்களுக்கு சலுகைகளை அறிமுகப்படுத்துவீர்கள்.

உத்தியோகத்தில் மனப் போராட்டம் ஓயும். சக ஊழியர்கள் நட்புக் கரம் நீட்டுவர். மேலதிகாரியும் பரிவுடன் நடந்து கொள்வார். சம்பளம் உயரும். திறமைக்கு ஏற்ற பாராட்டு, பதவி உயர்வு தேடி வரும். வெளிநாட்டு நிறுவனங்களில் இருந்து வாய்ப்புகள் வரும்.

பெண்களின் திருமணப் பேச்சுவார்த்தையில் முன்னேற்றம் ஏற்படும். கண் எரிச்சல், முகப்பரு, அடிவயிற்றில் வலி ஆகியன நீங்கும். தடைப்பட்ட கல்வியைத் தொடருவீர்கள். பெற்றோரின் ஒத்துழைப்பு அதிகரிக்கும்.

மாணவர்கள், உயர்கல்வியில் அதிக மதிப்பெண்ணுடன் வெற்றி பெறுவீர்கள். விளையாட்டுப் போட்டிகளில் பரிசு பெறுவீர்கள். கலைஞர்களது திறமைக்கு மதிப்பு கிடைக்கும். வீண் வதந்தி விலகும். அரசால் கௌரவிக்கப்படுவீர்கள்.

இந்த சனிப்பெயர்ச்சி முன்னேற்றப் பாதைக்கு உங்களை அழைத்துச் செல்லும்; பிரபலங்களின் பட்டியலில் இடம் பிடிக்க வைக்கும்.

அழுத்தமான கொள்கைவாதியான நீங்கள், பகைவருக்கும் உதவும் பரந்த மனம் கொண்டவர்கள். இதுவரை உங்கள் ராசிக்கு 4-ஆம் வீட்டில் அமர்ந்து கொண்டு உங்களை நாலாபுறத்திலும் துரத்தியடித்த சனி பகவான், இப்போது 26.09.2009 முதல் 21.12.2011 வரை உள்ள காலகட்டங்களில் 5-ஆம் வீட்டில் அமர்வதால் தாழ்வு மனப்பான்மை மற்றும் பயம் விலகும்.

திறமை வெளிப்படும். புதிய முயற்சியில் ஈடுபடுவீர்கள். குடும்பத்தில் கலகலப்பு கூடும். சந்தேகம் மற்றும் ஈகோவால் பிரிந்த தம்பதி ஒன்று சேருவர். தாயாரின் மருத்துவச் செலவு குறைந்து ஆரோக்கியம் கூடும்.

பிள்ளைகள் ஸ்தானத்தில் சனி அமர்வதால் பிள்ளைகளிடம் அதிக கண்டிப்பு காட்ட வேண்டாம். அவர்களது நட்பு வட்டத்தை உற்று கவனியுங்கள்! உங்களின் விருப்பத்துக்காக அவர்கள் விரும்பாத பாடத்தில் சேரும்படி வற்புறுத்தாதீர்கள். மகளுக்கு வரன் பார்ப்பதில் கூடுதல் கவனம் தேவை. குழப்பம் மற்றும் சிக்கலை ஏற்படுத்தியவர்களை இனம் கண்டு கொள்வதுடன், அவர்களைப் புறந்தள்ளுவீர்கள். நெஞ்சு வலி மற்றும் தலைச்சுற்றல் ஆகியன விலகும். எதிலும் பக்குவமாக நடந்து கொள்வீர்கள்.

சனி பகவானின் நட்சத்திர சஞ்சாரம்:

உங்களின் சுகாதிபதியான சூரியனின் உத்திர நட்சத்திர சாரத்தில் 26.09.2009 முதல் 19.09.2010 வரை சனி பகவான் செல்வதால் வாகனம் வாங்குவீர்கள். பாதியில் நின்ற வீடு கட்டும் பணி முழுமை பெறும். 10.1.2010 முதல் 8.05.2010 வரை வக்கிரத்தில் செல்வதால் தாயாரின் உடல்நிலை லேசாக பாதிக்கும். வாகனத்தில் செல்லும்போது நிதானம் தேவை.

உங்களின் தைரிய ஸ்தானாதிபதியான சந்திரனின் அஸ்த நட்சத்திர சாரத்தில் 20.09.2010 முதல் 14.10.2011 வரை சனி பகவான் செல்வதால் இளைய சகோதரர்களால் ஆதாயம் உண்டு. பெரிய பதவி தேடி வரும். ஆடை- ஆபரணம் சேரும். 23.01.2011 முதல் 15.06.2011 வரை வக்கிரத்தில் செல்வதால் வீண் செலவு மற்றும் அலைச்சல் உண்டு.

உங்களின் சப்தம விரய ஸ்தானாதிபதியான செவ்வாயின் சித்திரை நட்சத்திர சாரத்தில் 15.10.2011 முதல் 21.12.2011 வரை சனி பகவான் செல்வதால் மனைவி வழி உறவினர்கள் மதிப்பார்கள். சொத்து சேரும்.

சனி பகவான் 7-ஆம் வீட்டைப் பார்ப்பதால் அந்தரங்க விஷயங்களை எவரிடமும் சொல்லாதீர்கள். வாக்கு ஸ்தானத்தையும் பார்ப்பதால் எவரையும் கடுமையாக விமர்சிக்க வேண்டாம். வெளிவட்டாரத்தில் எவரையும் நம்பாதீர்கள்.

அரசியல்வாதிகள், தலைமையை அனுசரித்துப் போவது நல்லது. சொத்துப் பிரச்னையில் நல்ல மாற்றம் ஏற்படும். பழைய சொத்தினை விற்று புதிய சொத்து வாங்குவீர்கள். உறவினர்களிடம் இடைவெளியுடன் பழகுங்கள். யோகா மற்றும் உடற்பயிற்சி ஆகியவற்றில் ஈடுபடுங்கள். குலதெய்வக் கோயிலுக்குச் செல்வீர்கள். அக்கம் பக்கத்தாரை அனுசரித்துப் போவது நல்லது.

வியாபாரத்தில் இருந்த தடுமாற்றம் நீங்கும். போட்டி மற்றும் சூழ்ச்சிகளை சமாளிப்பீர்கள். வேலையாட்கள் ஒத்துழைப்பர். வராத கடனும் வந்து சேரும். புதிய யுக்தியின் மூலம் வாடிக்கையாளர்கள் அதிகரிப்பர். பங்குதாரர்கள் அனுசரித்துப் போவார்.

உத்தியோகத்தில் உங்களைக் குறை கூறிய நிலை மாறும். உயர் பதவி தேடி வரும். சக பணியாளர்கள் உதவுவர். சம்பளம் உயரும். இழந்த சலுகையை மீண்டும் பெறுவீர்கள். மேலதிகாரி உங்களின் திறமையை மதிப்பார்.

பெண்களின் திருமணப் பேச்சுவார்த்தையில் முன்னேற்றம் ஏற்படும். மாணவர்கள் விடுபட்ட பட்டப் படிப்பைத் தொடர்வர். அவர்களின் மந்த நிலை மாறும். மறதி விலகும். சுறுசுறுப்பாகச் செயல்படுவார்கள். தேர்வில் அதிக மதிப்பெண் எடுப்பார்கள். கலைஞர்களுக்கு வாய்ப்புகள் தேடி வரும். பரிசு- பாராட்டு கிடைக்கும்.

இந்த சனிப்பெயர்ச்சி அலைக்கழிப்பு, அவமானம் மற்றும் கடன் பிரச்னைகளில் இருந்து உங்களை மீளச் செய்யும். வெற்றிப் பாதையில் வீறுநடை போடுவீர்கள்.

மனம் விட்டுப் பேசும் நீங்கள், தயாள குணம் கொண்டவர்கள். இதுவரை உங்கள் ராசிக்கு 3-ஆம் வீட்டில் அமர்ந்து, பல பிரச்னைகளையும் சமாளிக்கும் சக்தியையும் தந்த சனி பகவான், இப்போது சுக வீடான 4-ஆம் வீட்டில் 26.09.2009 முதல் 21.12.2011 வரை வந்து அமர்கிறார். எனவே 'அர்த்தாஷ்டமச் சனி அல்லல்படுத்துமே...' என்று வருந்தாதீர்கள்.

உங்கள் ராசிக்கு பிரபல யோகாதிபதியே சனி பகவான்தான். அவர் 4-ஆம் வீட்டுக்கு வந்தாலும் ஓரளவு நல்லதையே செய்வார். குரு பகவானின் பார்வையையும் சனி பகவான் பெறுவதால் சனியால் ஏற்படும் கெடு பலன்கள் குறையும். சனியின் பார்வை 6-ஆம் வீட்டில் விழுவதால் பழைய பிரச்னைகளுக்கு தீர்வு கிட்டும். எதிரிகள் பலவீனமடைவர். வழக்கு சாதகமாக இருக்கும். பிரபலங்களின் நட்பு கிடைக்கும். தடைப்பட்ட காரியத்தை முடிப்பீர்கள்.

சனி உங்கள் ராசியையும் பார்ப்பதால் வயிற்று வலி, மூலம் ஆகியன வந்து நீங்கும். காலில் அடிபட வாய்ப்பு உண்டு. தேமல், முகப்பரு வந்து செல்லும். பெரிய நோய்க்கான அறிகுறிகள் தெரியும். ஆனால், பயம் வேண்டாம். தம்பதிக்குள் வீண் சந்தேகம், வாக்குவாதம் மற்றும் ஈகோ பிரச்னைகள் வந்து போகும். விட்டுக்கொடுப்பது நல்லது. இளைய சகோதரர் உங்களைப் புரிந்து கொள்வார். தாயாரின் உடல்நிலையில் கவனம் தேவை. கூட்டுக் குடும்பத்தில் இருப்பவர்கள், ஒருவரை ஒருவர் அனுசரித்துப் போகவும்.

பூர்வ புண்ணிய ஸ்தானத்தின் மீது இருந்த சனியின் பார்வை விலகுவதால், குழந்தை பாக்கியம் கிடைக்கும். பிள்ளைகள் பொறுப்புடன் நடந்து கொள்வர். மகளுக்கு நல்ல வரன் அமையும். மகனுக்கு வெளிநாட்டில் படிக்கும் வாய்ப்பு தேடி வரும்.

சனி பகவானின் நட்சத்திர சஞ்சாரம்:

உங்களின் தைரிய ஸ்தான அதிபதியான சூரியனின் உத்திர நட்சத்திர சாரத்தில் 26.09.2009 முதல் 19.09.2010 வரை சனி பகவான் செல்வதால் வி.ஐ.பி-கள் அறிமுகமாவர். அரசியலில் செல்வாக்கு கூடும். எதிர்பார்த்த பணம் வரும். 10.1.2010 முதல் 8.05.2010 வரை வக்கிரத்தில் செல்வதால் எவருக்கும் ஜாமீன் போட வேண்டாம்.

உங்களின் தனாதிபதியான சந்திரனின் அஸ்த நட்சத்திர சாரத்தில் 20.09.2010 முதல் 14.10.2011 வரை சனி பகவான் செல்வதால் திடீர் பணவரவு, குடும்பத்தில் அமைதி, ஆபரணச் சேர்க்கை உண்டு. 23.01.2011 முதல் 15.06.2011 வரை வக்கிரத்தில் செல்வதால் சளி, காய்ச்சல், பல் வலி மற்றும் பார்வைக் கோளாறு ஆகியன வந்து நீங்கும்.

உங்களின் ரோக லாபாதிபதியான செவ்வாயின் சித்திரை நட்சத்திர சாரத்தில் 15.10.2011 முதல் 21.12.2011 வரை சனி பகவான் செல்வதால் சொத்து வாங்குவீர்கள். மூத்த சகோதரர்களுடன் கருத்துமோதல், கடன் பிரச்னை, சிறுசிறு விபத்து ஆகியன வரக்கூடும். வீடு- வாகன பராமரிப்புச் செலவுகள் உண்டு. புதிய வாகனம் வாங்குவீர்கள். சிலர் சொந்த வீட்டில் குடியேறுவர்.

இருப்பினும் சொத்து வாங்கும் போது கவனம் தேவை. வங்கிக் கடன் கிடைக்கும். காரம் மற்றும் அசைவ உணவை அறவே தவிர்க்கவும். கீரை மற்றும் பழ வகைகளை அதிகம் உணவில் சேருங்கள். அரசு காரியம் முன்னேற்றம் தரும். குலதெய்வக் கோயிலை புதுப்பிக்க உதவுவீர்கள்.

வியாபாரத்தில், மறைமுகப் போட்டி அதிகரிக்கும். சிலரது தவறான ஆலோசனைகளை ஏற்க வேண்டாம். கனிவாகப் பேசி பாக்கியை வசூலியுங் கள். முக்கியமான வேலைகளை மற்றவர்களிடம் ஒப்படைக்காதீர்கள். ஸ்டேஷனரி, உணவுப் பொருட்கள், ரசாயன வகை லாபம் தரும்.

உத்தியோகத்தில் பொறுப்பு அதிகரிக்கும். தானுண்டு தன் வேலையுண்டு என்று இருப்பது நல்லது. அலுவலக ரகசியங்களை எவரிடமும் சொல்லாதீர்கள். புதிய வாய்ப்புகளை பல முறை யோசித்த பிறகு பயன்படுத்துங்கள். சக ஊழியர்களுக்குள் மனஸ்தாபம் ஏற்படும். மேலதிகாரி ஆதரிப்பார்.

பெண்களின் தடைப்பட்ட திருமணம் நடந்தேறும். மாணவர்களுக்கு படிப்பில் கவனம் தேவை.

கலைஞர்கள், வீண் வதந்திகளால் மனம் தளர வேண்டாம். சமயோசித புத்தியால் சாதிப்பீர்கள். வசதி வாய்ப்புகள் பெருகும்.

இந்த சனிப் பெயர்ச்சி, வாழும் கலையைக் கற்றுத் தரும் பாடமாகவே உங்களுக்கு அமையும்.

கள்ளம் கபடமில்லாதவர் நீங்கள். இதுவரை பாதச் சனியாக அமர்ந்து உங்களை பல வழிகளிலும் பாடாய்ப் படுத்திய சனி பகவான், 26.09.2009 முதல் 21.12.2011 வரை ராஜ யோகம் தரும் வீடான 3-ஆம் வீட்டில் அமர்ந்து, திடீர் யோகங்களை அள்ளித் தரப் போகிறார்.

இதுவரை இருந்த கஷ்டம், சோகம் மற்றும் அவமானங்கள் அனைத்தும் மாறும். முகப் பொலிவு கூடும். இதுவரை எதற்கெடுத்தாலும் சண்டையிட்ட நிலை மாறி, தம்பதிக்குள் ஒற்றுமை வளரும். உங்களுக்கு தீங்கு விளைவித்தவர்களை ஓரங்கட்டுவீர்கள். கேட்ட இடத்தில் பண உதவி கிடைக்கும். எதிர்காலத்துக்காக சேமிப்பீர்கள். நெடுநாள் ஆசையான வீடு வாங்கும் திட்டம் நிறைவேறும். புதிய வீட்டில் குடியமர்வீர்கள்.

சனி பகவானின் நட்சத்திர சஞ்சாரம்:

உங்களின் தன ஸ்தானாதிபதியான சூரியனின் உத்திர நட்சத்திர சாரத்தில் 26.09.2009 முதல் 19.09.2010 வரை சனி பகவான் செல்வதால், நாடாளுபவர்கள் உதவுவார்கள். பதவிகள் தேடி வரும். பேச்சில் கம்பீரம் கூடும். குடும்பத்தில் நல்லது நடக்கும். என்றாலும் 10.1.2010 முதல் 8.05.2010 வரை வக்கிரத்தில் செல்வதால் பணப் பற்றாக்குறை, வீண்பழி, அரசு காரியங்களில் இழுபறி ஆகியன ஏற்படும்.

உங்கள் ராசிநாதனான சந்திரனின் அஸ்த நட்சத்திர சாரத்தில் 20.09.2010 முதல் 14.10.2011 வரை சனி பகவான் செல்வதால் எதிலும் வெற்றி, திடீர் பணவரவு, சொத்துச் சேர்க்கை மற்றும் அரசு மரியாதை ஆகியன ஏற்படும். 23.01.2011 முதல் 15.06.2011 வரை வக்கிரத்தில் செல்வதால் உடல்நலக் குறைவு, ஏமாற்றம், இழப்பு ஆகியன வந்து நீங்கும்.

உங்களின் யோகாதிபதியான செவ்வாயின் சித்திரை நட்சத்திர சாரத்தில் 15.10.2011 முதல் 21.12.2011 வரை சனி பகவான் செல்வதால் பிள்ளைகளால் பெருமை, சமூக அந்தஸ்து, உத்தியோக உயர்வு ஆகியன உண்டாகும். பிள்ளைகளின் போக்கில் நல்ல மாற்றம் ஏற்படும்.

மகனுக்கு வெளிநாட்டில் வேலை கிடைக்கும். மகளின் தடைப்பட்ட திருமணம் நடந்தேறும். குழந்தை இல்லாதவர்களுக்கு பிள்ளை பாக்கியம் உண்டாகும். மூத்த சகோதரி உதவுவார். தாய் மாமன், அத்தை வழி உறவுகள் இடையே இருந்த பிணக்குகள் நீங்கும்.

வெளிவட்டாரத்தில் மதிப்பு உயரும். பெரிய பதவியில் இருப்பவர்களது நட்பு கிடைக்கும், சொந்த ஊரில் திருவிழாக்களை நடத்துவீர்கள். அரசியல்வாதிகள், தலைமைக்கு நெருக்கமாவர். வெளிநாட்டுப் பயணம் தேடி வரும். அக்கம்பக்கத்தாருடன் இருந்த மனக்கசப்பு விலகும்.

வியாபாரத்தைத் தொடர முடியாமல் திணறிய நிலை மாறும். முதலீடு செய்வதற்கு பணம் கிடைக்கும். புதிய யுக்திகளைப் பயன்படுத்தி விளம்பரங்களைச் செய்வீர்கள். அதன்மூலம் வாடிக்கையாளர்களின் எண்ணிக்கை அதிகரிக்கும்.

மருந்து, உணவு, கட்டட வகைகளால் லாபம் உண்டு. முரண்பாடாகப் பேசி, நடந்து கொண்ட பணியாளர்கள் தங்களின் நிலையை மாற்றிக் கொள்வார்கள். தொழிலில் வேலையாட்கள் ஒத்துழைப்பு அதிகரிக்கும்.

பகைவர்களைப் போல் இதுவரை பாராமுகத்தோடு நடந்து கொண்ட பங்குதாரர்கள், இனி உங்களைப் புரிந்து கொள்வார்கள். வியாபார ரீதியாக புதிய ஒப்பந்தங்கள் கையெழுத்தாகும். அரசு கெடுபிடிகள் விலகும்.

உத்தியோகத்தில், நீங்கள் எந்த வேலையைச் செய்தாலும் குறை கண்டுபிடித்த நிலை மாறி, உங்களை மேலதிகாரி பாராட்டும் அளவுக்கு உயர்வீர்கள். சக ஊழியர்களும் உங்களைப் புரிந்து கொண்டு நடப்பார்கள். பதவி மற்றும் சம்பள உயர்வு உங்களைத் தேடி வரும். உத்தியோகம் தொடர்பான வழக்கில் வெற்றி கிடைக்கும்.

கன்னிப் பெண்களின் தடைப்பட்ட படிப்பு தொடரும். வாழ்வில் வசந்தம் வீசும். பெற்றோர் புரிந்து கொண்டு நடப்பார்கள். நல்ல நிறுவனத்தில் வேலை கிடைக்கும்.

மாணவர்களின் சோம்பல் மற்றும் விரக்தி விலகும். தேர்வில் அதிக மதிப்பெண் கிடைக்கும். கலைஞர்களின் படைப்புகளுக்கு விருது கிடைக்கும்.

இந்த சனிப் பெயர்ச்சி, கடைக் கோடியில் தவித்த உங்களுக்குக் கைகொடுத்து மேலேற வைக்கும்

சீர்திருத்தச் சிந்தனை அதிகம் கொண்ட நீங்கள், அடித்தட்டு மக்களுக்கு உதவும் குணம் கொண்டவர்கள். இதுவரை ஜென்மச் சனியாக இருந்து திக்கு திசை அறியாது சனி பகவான் உங்களைச் சிதறடித்தாரே! குடும்பம் இருந்தும் தனிமரம் போல் தனிமைப் பொழுது கழித்தீர்களே... அந்த நிலை மாறப் போகிறது.

26.09.2009 முதல் 21.12.2011 வரை உங்கள் ராசியை விட்டு விலகி பாதச் சனியாக அமர்ந்து உங்களை ஆளப் போகிறார். பயம் விலகி, உணர்ச்சி வசப்படாமல் அறிவு பூர்வமாக யோசிப்பீர்கள். உங்களைச் சுற்றியுள்ளவர்களது சுயரூபத்தை அறிந்து கொள்வீர்கள். தூக்கம் வராமல் தவித்த நிலை மாறும். மனைவி முகத்தில் சந்தோஷம் நிலைக்கும். குடும்பத்தில் குதூகலம் பிறக்கும்.

சனி பகவான் இப்போது 2-ஆம் வீட்டுக்கு வருவதால் தம்பதிக்குள் வாக்குவாதம், கருத்து வேறுபாடு, வீண் சந்தேகம் ஆகியன ஏற்பட வாய்ப்பு உண்டு.

வங்கிக் கணக்கில் பண இருப்பைத் தெரிந்துகொண்டு காசோலையைக் கொடுப்பது நல்லது. எதிலும் நிதானமாகவும் முன் ஜா£க்கிரதையுடனும் செயல்படுவது நல்லது. கண் வலி, பல் வலி ஆகியன வந்து போகும். காலில் அடிக்கடி அடிபடும்.

பிள்ளைகள் உங்களைப் பார்த்து திருந்தும் அளவுக்கு உங்களின் பழக்கங்களை மாற்றிக் கொள்வீர்கள். மகனது தடைப்பட்ட திருமணம் நடந்தேறும். நல்ல மணப்பெண் அமைவார். மகளது கல்வி ஆசையை நிறைவேற்றுவீர்கள்.

சனி பகவானின் நட்சத்திர சஞ்சாரம்:

உங்களின் ராசிநாதனான சூரியனின் உத்திர நட்சத்திர சாரத்தில் 26.09.2009 முதல் 19.09.2010 வரை சனி பகவான் செல்வதால், உங்களது திறமை வெளிப்படும். உங்களை எதிர்த்தவர் அடங்குவர். விலை உயர்ந்த பொருட்களை வாங்குவீர்கள். வழக்குப் பிரச்னைகள் முடிவுக்கு வரும். மகான்களது ஆசி கிட்டும். 10.1.2010 முதல் 8.05.2010 வரை வக்கிரத்தில் செல்வதால் நெஞ்சு மற்றும் முதுகில் வலி வந்து நீங்கும். பிறரை நம்பி எதிலும் முதலீடு செய்ய வேண்டாம்.

உங்களின் விரய ஸ்தானாதிபதியான சந்திரனின் அஸ்த நட்சத்திர சாரத்தில் 20.09.2010 முதல் 14.10.2011 வரை சனி பகவான் செல்வதால் பயணங்கள் அதிகரிக்கும். புண்ணிய ஸ்தலங்களை புதுப்பிக்க உதவுவீர்கள். திருமணம், சீமந்தம், கிரகப்பிரவேசம் என வீடு களை கட்டும்.

23.01.2011 முதல் 15.06.2011 வரை வக்கிரத்தில் செல்வதால் பணத் தட்டுபாடு மற்றும் நம்பிக்கை மோசடிகளை எதிர்கொள்ள நேரிடும்.

உங்களின் சுகபாக்கிய அதிபதியான செவ்வாயின் சித்திரை நட்சத்திர சாரத்தில் 15.10.2011 முதல் 21.12.2011 வரை சனி பகவான் செல்வதால் திடீர் யோகம், சொத்துச் சேர்க்கை, பெரிய பதவி ஆகியன வந்து சேரும்.

சகோதர வகையிலான மனக்கசப்பு நீங்கும். பூர்வீகச் சொத்தை தக்க வைத்துக் கொள்ள அதிகம் செலவு செய்வீர்கள். குடும்ப ரகசியங்களை எவரிடமும் சொல்ல வேண்டாம். விலையுயர்ந்த பொருட்களை எவருக்கும் இரவல் தரவோ வாங்கவோ வேண்டாம். வாகனத்தில் செல்லும்போது கவனம் தேவை. சிறு சிறு விபத்துகள் ஏற்படலாம். வாயுக் கோளாறு வந்து நீங்கும்.

வியாபார நஷ்டத்தை அனுபவ அறிவால் சரி செய்வீர்கள். தொழில் நுணுக்கங்களைக் கற்று அறிவீர்கள். பங்குதாரர்கள் உங்களைப் புரிந்துகொண்டு நடப்பார்கள். அரசுக்கு செலுத்த வேண்டிய வரியை முறையாக, முன்னதாகவே செலுத்தி விடுங்கள்.

புதிய மற்றும் நல்ல இடத்தில் வேலை கிடைக்கும். நீண்ட நாளாக எதிர்பார்த்த பதவி உயர்வு வந்து சேரும். தொல்லை தந்த மேலதிகாரி வேறு இடத்துக்கு மாற்றலாகிப் போவார்.

கன்னிப் பெண்களது மன உளைச்சல் விலகும். போலியானவர் களை நம்பியிருந்த நிலையிலிருந்து வெளியேறி தெளிவு அடைவார்கள்.

மாணவர்கள் லட்சியத்துடன் படிப்பார்கள். மறதி ஏற்படாமல் இருக்க எழுதிப் பார்த்துப் படிக்க வேண்டும். கலைஞர்கள், வீண் வதந்தி மற்றும் விமர்சனங்களில் இருந்து விடுபடுவர்.

இந்த சனிப் பெயர்ச்சி, உங்களை வெளிச்சத்துக்கு கொண்டு வரும்; கூடவே உயர்ந்த அந்தஸ்தையும் பெற்றுத் தரும்

காரியத்தில் கறாரான நீங்கள், கலை மற்றும் இலக்கியங்களில் ஈடுபாடு கொண்டவர்கள். இதுவரை உங்கள் ராசிக்கு 12-ல் அமர்ந்து கொண்டு பணத்தை வர விடாமல் தடுத்த சனி பகவான் 26.09.2009 முதல் 21.12.2011 வரை உங்கள் ராசிக்குள்ளேயே ஜென்மச் சனியாக அமர்ந்து பலன் தரப் போகிறார்.

அதிகச் செலவு, அவமானம், மன உளைச்சல் என்று இருந்த நிலை மாறப் போகிறது. குடும்பத்தில் இருந்த கூச்சல் குழப்பம் விலகும்.

தம்பதிக்குள் இணக்கமான சூழல் உருவாகும். தாம்பத்தியம் இனிக்கும். வட்டிக்கு வாங்கிய கடனை அடைப்பீர்கள். எதிர்பார்த்த பண வரவு உண்டு.

ஜென்மச் சனி என்பதால் உடல் நலனில் கூடுதல் கவனம் தேவை. மெடி-க்ளைம் பாலிசி எடுத்துக் கொள்வது நல்லது. காரம் மற்றும் அசைவ உணவுகளை அறவே தவிர்க்கவும். வாயுக் கோளாறால் நெஞ்சு வலி, செரிமானப் பிரச்னை ஆகியன ஏற்படும். மனைவி வழியில் அலைச்சல் மற்றும் செலவு உண்டு. உறவினர்களால் தொந்தரவு ஏற்படும்.

சனி பகவானின் நட்சத்திர சஞ்சாரம்:

உங்களின் விரயாதிபதியான சூரியனின் உத்திர நட்சத்திர சாரத்தில் 26.09.2009 முதல் 19.09.2010 வரை சனி பகவான் செல்வதால், செலவு மற்றும் அலைச்சல் இருக்கும். உத்திர நட்சத்திரக்காரர்களுக்கு உடல்நலன் பாதிக்கும். குடும்பத்தில் பிரச்னை வந்து நீங்கும். 10.1.2010 முதல் 8.05.2010 வரை வக்கிரத்தில் செல்வதால் பணவரவு உண்டு. பழைய பிரச்னைகளுக்கு தீர்வு கிடைக்கும். வி.ஐ.பி-கள் உதவுவர்.

உங்களின் லாபாதிபதியான சந்திரனின் அஸ்த நட்சத்திர சாரத்தில் 20.09.2010 முதல் 14.10.2011 வரை சனி பகவான் செல்வதால், வாழ்வில் எதிர்பாராத திருப்பங்கள் நிகழக் காரணமானவர்களை சந்திப்பீர்கள்.

ஆயினும், அஸ்த நட்சத்திரக்காரர்களுக்கு விபத்துகள், இழப்புகள், சளித் தொந்தரவு, மூட்டுவலி ஆகியன வந்து செல்லும்.

23.01.2011 முதல் 15.06.2011 வரை வக்கிரத்தில் செல்வதால் வர வேண்டிய பணம் வந்து சேரும். தூரத்து உறவினர்கள் உதவுவர்.

உங்களின் திருதிய, அட்டமாதிபதியான செவ்வாயின் சித்திரை நட்சத்திர சாரத்தில் 15.10.2011 முதல் 21.12.2011 வரை சனி பகவான் செல்வதால், நெருங்கிய உறவினர் மற்றும் நண்பர்களை இழக்க நேரிடும். சொத்துப் பிரச்னை மற்றும் சகோதர வகையில் மனவருத்தம் ஆகியன வந்து நீங்கும். பிள்ளைப் பேறு இல்லாதவர்களுக்கு அந்த பாக்கியம் கிட்டும். மகளது தடைப்பட்ட திருமணம் நல்லவிதமாக நடந்தேறும்.

உடன்பிறந்தோரிடம் விட்டுக் கொடுத்துப் போவது நல்லது. சொன்ன சொல்லை நிறைவேற்றுவீர்கள். நேர்த்திக்கடனை சரிவரச் செலுத்து வீர்கள். வெளிவட்டாரத்தில் உங்களின் புகழ் கூடும். அரசு அதிகாரிகளின் நட்பு கிடைக்கும். வாகனத்தை மாற்றுவீர்கள். சிறு விபத்துகள் நேரக் கூடும். கௌரவப் பதவி தேடி வரும்.

வியாபாரத்தில் சந்தை நிலவரம் அறிந்து செயல்படுவீர்கள். கேட்ட உதவி கிடைக்கும். வேலையாட்களிடம் கனிவுடன் கறாராகவும் இருங்கள். வாடிக்கையாளர்களின் தேவை அறிந்து, தொழிலில் ஈடுபடுங்கள். பங்குதாரர்களுடனான பிணக்குகள் நீங்கும். வேற்று இனத்தவர் மற்றும் வெளிநாட்டில் உள்ளவர்கள் மூலம் புதிய தொழில் துவங்குவீர்கள்.

உத்தியோகத்தில் இதுவரை உங்களை வெறுத்த மேலதிகாரி புரிந்து கொண்டு வலிய வந்து பேசுவார். உங்களது கடின உழைப்பை அறிந்து பதவி உயர்வு மற்றும் சம்பள உயர்வு ஆகியன தேடி வரும். சக ஊழியர்களின் உதவி கிடைக்கும். அலுவலக விஷயத்தை வெளியே சொல்ல வேண்டாம். புதிய வாய்ப்புகள் தேடி வரும்.

பெண்களது தடைப்பட்ட திருமணம் கூடி வரும். எதிர்பார்த்த வேலை கிடைக்கும். மாணவர்கள் சோம்பல் நீங்கி சுறுசுறுப்பாக இருப்பார்கள். உயர்கல்வியில் அதிக மதிப்பெண் எடுப்பர். கலைஞர்கள் கிடைக்கும் வாய்ப்பை பயன்படுத்திக் கொள்ளுங்கள். சம்பள பாக்கி வந்து சேரும்.

பொதுவில் இந்த சனிப் பெயர்ச்சி அலுத்துப் போயிருந்த உங்களுக்கு தன்னம்பிக்கை தரும்; பிரச்னைகளிலிருந்து விடுபட வைக்கும்!

எங்கும் எதிலும் முதலிடத்தைப் பிடிக்க நினைப்பவர் நீங்கள். இதுவரை, உங்கள் ராசிக்கு லாப வீட்டில் நின்று ஓரளவு நல்ல பலன்களை தந்த சனி பகவான், 26.09.2009 முதல் 21.12.2011 வரை விரயச் சனியாகவும் ஏழரைச் சனியின் தொடக்கமாகவும் இருந்து பலன் தருவார்.

உங்களின் பிரபல யோகாதிபதியான சனி பகவான் பாதக ஸ்தானமான 11-ஆம் வீட்டை விட்டு விலகுவது நல்லதே. இப்போது 12-ஆம் வீடான விரய வீட்டில் நுழைந்தாலும் அது நட்பு வீடாக அமைவதால் நல்லதையே செய்வார். எனவே, 'ஏழரைச் சனி தொடங்குகிறதே' என்ற கவலை வேண்டாம்.

இதுவரை உங்கள் ராசி மீது வீழ்ந்த சனியின் பார்வை இனி விலகுவதால், தைரியமும் தன்னம்பிக்கையும் அதிகரிக்கும். சோர்வு நீங்கும். திறமைகளை வெளிப் படுத்த வாய்ப்புகள் கிடைக்கும். பிள்ளைகள் ஆசைப்பட்டதை வாங்கித் தருவீர்கள். குடும்பத்தில் குதூகலம் பிறக்கும். கணவன்- மனைவிக்குள் அந்நியோன்யம் பிறக்கும். குடும்ப வருமானம் உயரும். சனி பகவான் 6-ஆம் வீட்டை பார்ப்பதால், கடனில் ஒரு பகுதியை அடைக்கும் அளவுக்கு வருமானம் வரும். மூத்த சகோதரருடனான கருத்து மோதல்கள் விலகும்.

சனி பகவானின் நட்சத்திர சஞ்சாரம்:

உங்களின் பாதகாதிபதியான சூரியனின் உத்திர நட்சத்திர சாரத்தில், 26.09.2009 முதல் 19.09.2010 வரை சனி பகவான் செல்கிறார். இந்தக் காலகட்டத்தில் தந்தையின் உடல் நிலை பாதிக்கப்படலாம். அரசு காரியங்களில் தாமதம் உண்டு. சிறு சிறு விபத்துகள் ஏற்படலாம். பாகப் பிரிவினையால் பிரச்னைகள் வந்து நீங்கும். எதிர்ப்புகள் அதிகரிக்கும். யாருக்காகவும் ஜாமீன் போட வேண்டாம். 10.1.2010 முதல் 8.05.2010 வரை வக்ரத்தில் செல்வதால் கெடுபலன்கள் குறையும்.

20.09.2010 முதல் 14.10.2011 வரை உங்களின் ஜீவனாதிபதியான சந்திரனின் அஸ்த நட்சத்திர சாரத்தில் சனி பகவான் செல்வதால், வேலை கிடைக்கும்; பண வரவு அதிகரிக்கும். பெரிய பதவிகள் தேடி வரும். கோயில்களுக்குக் கும்பாபிஷேகம் நடத்துவீர்கள். திருமணத் தடை நீங்கும். எனினும், 23.01.2011 முதல் 15.06.2011 வரை வக்ரத்தில் செல்வதால் உத்தியோகத்தில் சிறு சிறு பிரச்னைகள், வீண்பழி, உறவினர் இழப்பு வரக்கூடும்.

15.10.2011 முதல் 21.12.2011 வரை உங்களின் தன- சப்தமாதிபதியான செவ்வாயின் சித்திரை நட்சத்திர சாரத்தில் சனி பகவான் செல்வதால், மனைவிக்கு வேலை கிடைக்கும். பூமி சேர்க்கை உண்டு.

பிள்ளைகளுக்காக நேரம் ஒதுக்குவீர்கள். மகளுக்கு நல்ல வரன் அமையும். மகனுக்கு நல்ல வேலை கிடைக்கும். நகைகள் வாங்குவீர்கள். சொந்த வீடு வாங்கும் ஆசை நிறைவேறும். சிலர், தங்களது வீட்டில் கூடுதலாக ஓர் அறை கட்டுவார்கள். சனி 9-ஆம் வீட்டைப் பார்ப்பதால் தந்தைக்கு மருத்துவச் செலவுகள் உண்டு. விழா மற்றும் பொது நிகழ்ச்சிகளில் எவரையும் விமர்சிக்க வேண்டாம். பழுதான வாகனத்தை மாற்றுவீர்கள்.

வியாபாரத்தில், போட்டியாளர் களுக்கு பதிலடி கொடுப்பீர்கள். பழைய வாடிக்கையாளர்கள் தேடி வருவர். கொடுக்கல்- வாங்கலில் சிக்கல்கள் நீங்கும். கணினி உதிரிப் பாகங்கள், ரியல் எஸ்டேட் மற்றும் ஏற்றுமதி- இறக்குமதி வகைகளால் லாபம் உண்டு. வி.ஐ.பி-களுடன் கூட்டு சேர்வீர்கள்.

உத்தியோகத்தில், உங்களின் உழைப்புக்கான பலன் கிடைக்கும். பதவி உயரும். வேலைகள் அதிகரிக்கும். உங்களுக்கு எதிராக சிலர் சதித்திட்டம் தீட்டுவார்கள். ஆனாலும் நீங்களே வெற்றி பெறுவீர்கள்.

கன்னிப் பெண்கள், புதியவர்களிடம் எச்சரிக்கையுடன் பழகவும். கனவுத் தொல்லை, தூக்கமின்மை வந்து போகும். கல்யாணம் கூடி வரும்.

மாணவ- மாணவியர் படிப்பில் கவனம் செலுத்துங்கள். விளையாடும்போது சிறு சிறு காயங்கள் ஏற்படலாம். கலைஞர்களே... உங்களைப் பற்றிய வீண் வதந்திகள் மறையும். படைப்புகளுக்கு பட்டிதொட்டியெங்கும் பாராட்டு கிடைக்கும். அரசு உதவும்.

பொதுவில் இந்த சனிப் பெயர்ச்சி, பழைய பிரச்னைகளில் இருந்து உங்களை விடுவிக்கும்; அலைச்சலுடன் ஆதாயம் தருவதாக அமையும்.

கிரெடிட் கார்டு பயன்படுத்துவர்களுக்கு எச்சரிக்கை!

noreply@blogger.com (idhyam) — Sun, 02 Aug 2009 09:25:00 +0000

இதுநாள் வரை கிரெடிட் கார்டைப் பயன்படுத்தி ஆன்லைனில் பல பொருட்களை நீங்கள் ஹாயாக வாங்கிக் குவித்திருக்கலாம். அதற்கு இப்போது ஒரு சின்னச் சிக்கல் வந்திருக்கிறது. இந்த ஆகஸ்ட் மாதம் முதல் கிரெடிட் கார்டைப் பயன்படுத்தி ஆன்லைனில் பொருட்களை வாங்கவேண்டுமெனில் புதிதாக வங்கியில் இருந்து ஒரு பாஸ்வேர்டு வாங்கவேண்டும். 'பாஸ்வேர்டு இல்லாவிட்டால், இனி எந்தப் பொருளையும் ஆன்லைனில் வாங்கமுடியாது' என்று ஓர் உத்தரவைப் பிறப்பித்திருக்கிறது ரிசர்வ் வங்கி.

எதற்காக இந்த புதிய பாஸ்வேர்டு? இதனால் வாடிக்கையாளர்களுக்கு ஏதாவது நன்மைகள் உண்டா? அல்லது வங்கிகள் தங்கள் வசதிக்காக வாடிக்கையாளர்களை வதக்கி எடுக்கிறார்களா? என்ற சந்தேகங்கள் குறித்து இ-காமர்ஸ் துறையில் முக்கியமான நிறுவனங்களில் ஒன்றான, 'இந்தியா பிளாசா' நிறுவனத்தின் துணை ஸ்தாபகரான வைத்தீஸ்வரனிடம் கேட்டோம்.

''இருபது ஆண்டுகளுக்கு முன்பு இந்தியாவில் கிரெடிட் கார்டு அறிமுகமானபோது மிகச் சில அடிப்படையான விதிகள் மட்டுமே இருந்தன. ஆனால், காலம் செல்லச் செல்ல கிரெடிட் கார்டை மையப்படுத்தி பலவிதமான குற்றங்கள் நடக்க ஆரம்பிக்க, அதற்கேற்றாற் போல் விதிகளையும் மாற்றினார்கள். அந்த வகையில்தான் தற்போது ஆன்லைனில் பொருட்களை வாங்கவேண்டுமெனில் புதிதாக ஒரு பாஸ்வேர்டை வங்கியில் பெறவேண்டும் என்றொரு விதியைக் கொண்டு வந்திருக்கிறது ரிசர்வ் வங்கி.

இப்போது வந்திருக்கும் உத்தரவினால் கிரெடிட் கார்டு வைத்திருப்பவர்களுக்கு எந்தவிதமான பாதிப்பும் இல்லை. சொல்லப் போனால் ஆன்லைன் மூலம் பாதுகாப்பாகவும், நிம்மதியாகவும் பொருட்களை வாங்கத்தான் இந்த விதியைக் கொண்டு வந்திருக்கிறார்கள்.

முன்பு ஒரு பொருளை ஆன்லைனில் வாங்கும் போது, உங்கள் அக்கவுன்ட்டை யாராவது மடக்கி, அதில் உள்ள பணத்தை எல்லாம் அள்ளிக் கொண்டு போய்விடுவார்களோ என்ற பயம் வரும். இப்போது வந்திருக்கும் உத்தரவின்படி, நீங்கள் ஒரு பாஸ்வேர்டு வாங்கிவிட்டால் அந்த பயத்துக்கு விடை கொடுத்துவிடலாம்.

ஆன்லைனில் பொருட்களை வாங்குவது சௌகரியமானது. ஒருமுறை அந்த வசதியை அனுபவித்தவர்கள் அதை அவ்வளவு சீக்கிரம் விட்டுக் கொடுக்கமாட்டார்கள்'' என்றார் வைத்தீஸ்வரன்.

''இப்போது வந்திருக்கும் உத்தரவினால் இ-காமர்ஸ் நிறுவனங்கள் பாதிக்கப்படும் என்று சொல்கிறார்களே?'' என்ற கேள்விக்கு,

''இ-காமர்ஸ் நிறுவனங்களுக்கு ஆரம்பத்தில் கொஞ்சம் பாதிப்பு இருக்கத்தான் செய்யும். அந்த பாதிப்புகள் எந்த அளவுக்கு இருக்கும் என்பதை இப்போது தெளிவாகச் சொல்லமுடியாது. இன்னும் ஒன்றிரண்டு மாதங்கள் கழித்துத்தான் சரியான நிலவரம் தெரியவரும்'' என்றார் அவர்.

வாடிக்கையாளர்கள் எந்த வங்கியில் கிரெடிட் கார்டு வைத்திருக்கிறார்களோ, அந்த வங்கியின் இணையதளத்துக்குச் சென்று பாஸ்வேர்டைப் பெற்றுக்கொள்ளலாம். மேலும், 'கிரெடிட் கார்டு மூலம் நேரடியாகப் பொருட்களை வாங்கும்போது புகைப்படத்துடன் கூடிய அடையாள அட்டையைக் காட்டவேண்டும்' என்றும் ரிசர்வ் வங்கி அறிவுறுத்தி யுள்ளது. காரணம், நாட்டில் ஐந்து கோடி கிரெடிட் கார்டுகளும், முப்பது கோடி டெபிட் கார்டுகளும் உள்ளன. ஒவ்வொரு மாதமும் இரண்டாயிரம் கிரெடிட் கார்டு மோசடிகள் நடப்பதாக புகார்கள் வருகின்றன. கிரெடிட் கார்டு மூலமாக 2008 ஏப்ரல் முதல் டிசம்பருக்குள் 11 கோடி ரூபாய் மோசடி நடந்துள்ளதாகத் தெரிகிறது.

இ-மெயில் மூலமாகவோ, எஸ்.எம்.எஸ். மூலமாகவோ ஐ.டி., பாஸ்வேர்டை யாரேனும் கேட்டால் பதிலளிப்பதைத் தவிர்த்துவிடவும். இது நமது பணத்துக்குக் கூடுதல் பாதுகாப்பாக அமையும். இன்றுவரை நீங்கள் புதிய பாஸ்வேர்டு வாங்கவில்லை என்றால் இனியாவது வாங்கிவிடுவது நல்லது.

பெண்களுக்கு மட்டும்!

noreply@blogger.com (idhyam) — Sun, 02 Aug 2009 08:25:00 +0000

பெண்களுக்கான சிறப்புரயில் 2009 ஆகஸ்ட்மாதம் 5ம் தேதி முதல் காலை 8:40க்கு சென்னை தாம்பரத்திலிருந்துபுறப்பட்டு கடற்கரை வரைசெல்லும். இந்த ரயில் 9 பெட்டிகளை கொண்டது.

இது தினசரி இயங்கக்கூடியது தங்களுடைய அம்மா, மனைவி மற்றும் சகோதரிகளிடம் சொல்லிவிடவும். இந்த ரயில் பெண்களுக்கு மட்டுமே! என தெற்கு ரயில்வே தெரிவித்துள்ளது.

ஜீ. விக்குத் தடை!

noreply@blogger.com (idhyam) — Sat, 01 Aug 2009 04:01:00 +0000

மத்திய அமைச்சர் ஒருவர் தொடர்பான செய்திகளை ஜூனியர் விகடனில் பிரசுரம் செய்யக்கூடாது!' என சென்னை உயர் நீதிமன்றம் கடந்த ஏப்ரல் மாதம் தடை போட்டிருந்தது. மத்திய தொலைத் தொடர்புத் துறையின் ஸ்பெக்ட்ரம் உரிமங்கள் விற்பனை சம்பந்தமாக, அடுத்தடுத்து ஜூ.வி. செய்திகள் வெளியிட்டு வந்தது.

கடந்த ஜூலை 20-ம் தேதி சென்னை உயர் நீதிமன்ற நீதிபதி சந்துரு கொடுத்த தடை நீக்கத் தீர்ப்பில், 'பொது வாழ்க்கையில் உள்ளவர்கள் தங்கள் செயல்பாடு பற்றிய விமர்சனங்களுக்குத் தடைகோர முடியாது' என்று கூறியிருந்தார்.அத்துடன், அந்த அமைச்சர் ஜூனியர் விகடனுக்கு வழக்குச் செலவாக ரூபாய் பத்தாயிரம் செலுத்த வேண்டும்' என்றும் நீதிபதி சந்துரு தன்னுடைய தீர்ப்பில் கூறியிருந்தார்.

இந்தத் தீர்ப்பை எதிர்த்து, அமைச்சர் மீண்டும் சென்னை உயர் நீதிமன்ற பெஞ்சில் அப்பீல் செய்து, நீதிபதி சந்துருவின் தீர்ப்புக்குத் தடை வாங்கியுள்ளார். இதனால் ஜூ.வி-யில் அந்த அமைச்சர் சம்பந்தப்பட்ட செய்தி களைப் பிரசுரிக்கக் கூடாது என்று அவர் ஏற்கெனவே பெற்றிருந்த தடை, மறுபடி அமலுக்கு வந்திருக்கிறது. ஜூ.வி-யின் சட்டப் போராட்டம் அடுத்த கட்டம் நோக்கி நகரும் இந்த நிலையில்... டெல்லியிலிருக்கும் மூத்த வழக்கறிஞர்கள் சிலர் நம்மிடம் பேசினார்கள். பொது வாழ்வில் உள்ளவர்கள் பத்திரிகை சுதந்திரத்துக்கு எதிரான கருத்துக் கொண்டிருப்பது குறித்தும், அதன் அபாயங்கள் குறித்தும் பல்வேறு கருத்துகளை அவர்கள் பகிர்ந்து கொண்டனர். சுப்ரீம் கோர்ட் வழக்கறிஞர் பிரஷாந்த் பூஷன் (இவர் முன்னாள் சட்ட அமைச்சர் சாந்தி பூஷனின் மகன், பல்வேறு தொண்டு நிறுவனங்களின் வழக்கறிஞர்),

''இந்த விவகாரத்தில் மீண்டும் தடை கொடுக்கப்பட்டி ருப்பது துரதிர்ஷ்டமானது.

நீதிமன்றங்கள் இது போன்ற விண்ணப்பங்களுக்கு அனுமதிகொடுத்து, பத்திரிகைகள் வெளியிடும் செய்திகளுக்குத் தடை கொடுத்தால்... அது ஊழல்வாதிகளுக்குத்தான் உதவும். இவர்களைப் பற்றிய செய்தியை மக்களுக்குக் கொண்டுபோய் உஷார் படுத்தவும் தடங்கலாக அமைந்துவிடும். இது அடிப்படை உரிமைக்கும் பொது நலனுக்கும் எதிரானது. இந்திய அரசியல் சட்டம் வழங்கியுள்ள பேச்சுரிமை மற்றும் ' எழுத்துரிமையை பறிப்பதாகும்.

ஸ்பெக்ட்ரம் விவகாரத்தில் நேர்மையற்ற 'டிரான்ஸாக் ஷன்' [transaction] நடந்துள்ளது என்று நாடறிய விவாதம் நடக்கிறது. அதன் உள்விவரங்களை அறிய மக்களுக்கு முழு உரிமை இருக்கிறது. அவற்றையெல்லாம் வெளிகொண்டு வரும், வெளியிடும் செய்தியில் தவறு இருந்தால், அதை எதிர்த்து தாராளமாக வழக்குப் போடலாம். பத்திரிகை சொன்னது சரியா, தவறா என்று நீதிமன்றம் தீர்மானித்து தீர்ப்பு வழங்கலாம். அதில் தவறில்லை. வாக்களித்த மக்கள் அறிய விரும்பும் தகவல்களை அளிக்கின்ற கடமையைத்தான் ஜூனியர் விகடன் தன்னுடைய கட்டுரைகள் மூலமாக செய்து வருகிறது. அதிலும், நாடு முழுவதும் பெரும் விவாதத்துக்கு உள்ளாகியுள்ள ஒரு விஷயத்தில் ஜூனியர் விகடன் மட்டும் செய்தி வெளியிட முடியாத வகையில் தடை போட்டிருப்பது வியப்பாக உள்ளது...'' என்றார்.

சுப்ரீம் கோர்ட்

வழக்கறிஞர் ராஜீவ் தவான் (பல்வேறு பொது நலன் வழக்குகளில் ஆஜராகி பெயர் பெற்றவர்),

''கருத்து சுதந்திரத்தின் அடிப்படையில் எழுதுபவர் களையும் பேசுபவர்களையும் ஒரு போதும் பலிகடாவாக (victimize) ஆக்கக் கூடாது. அப்படிச் செய்தால்,அவர்கள் மேற்கொண்டுள்ள லட்சியத்தில் தொடர்ந்து உறுதியாகச் செல்ல முடியாது என்பது என்னுடைய கருத்து இதைத் தான் இந்த வழக்கிலும் சொல்ல விரும்புகிறேன்!'' என்றார்.

மாநிலங்களவை உறுப்பினரும் பிரபல வழக்கறிஞரு மான ராம் ஜெத்மலானி (அகில இந்திய அளவில் வழக்குகளை எடுத்து வாதாடுபவர்),

''இது போன்ற தடைகள் வாங்குபவர்களில் பெரும் பாலானவர்கள் செல்வாக்கு பெற்றவர்கள். நேர்மையாக இல்லாத சிலர்தான் தங்களைப் பற்றி வெளியே வரக் கூடாது என்றுபதறுகிறார்கள். சிலர் தடை கேட்டு நீதிமன்றத்தை நாடுவதும் அதற்குத்தான். இந்த வழக்கைப் பொறுத்த வரையில் பல்வேறு சிக்கல்கள் இருப்பதால், விளக்கமாகப் பேசுவதில் சிக்கல் இருக்கிறது. இதனால், நடப்பதெல்லாம் சரியா... தவறா என்று என்னால் அறுதியிட்டுச் சொல்ல முடியவில்லை.

ஆனால், என்னுடைய தனிப்பட்ட கருத்தாகச் சொல்கிறேன்... நான் நீதிபதியாக இருந்தால், நிச்சயம் இப்படியரு தடை கொடுக்க மாட்டேன். இப்படியரு அப்பீலை அனுமதித்திருக்கவே கூடாது என்றே சொல்லுவேன். பத்திரிகைகள் அடுத்து என்ன எழுதப்போகிறது என்று தெரியாமலே,பொது வாழ்க்கையில் - அதுவும் மிகுந்த சர்ச்சைக்கு உள்ளான ஒருவரைப் பற்றி மேற்கொண்டு எழுத வே கூடாது என்று தடைவிதிப்பது, நீதிமன்றங்களின் பணியல்ல. கருத்துரிமை யை அனைவருக்கும் உறுதி செய்வதற்குத் தான் அரசியல் சாசனம் பக்கபலமாக உள்ளது. அடிப்படை உரிமைகளில் நீதிமன்றத் தலையீடு இருக்கலாம். ஆனால், அதனை தேவையான நேரத்தில்தான் உபயோகப்படுத்த வேண்டும். மிக அரிதான

அபூர்வமான வழக்குகளில் (rare in the rare cases) மட்டுமே இப்படிப்பட்ட தடையை நீதிமன்றம் விதிக்கலாம்.

குறிப்பிட்ட இந்த அரசியல்வாதியைப் பொறுத்த வரையில்... அவருடைய செய்திகளை வெளியிடாமல் தடை வழங்குவதற்கான அரிதான, அபூர்வமான காரணம் எதுவும் இல்லை. அதனால், தடை கொடுக்கவேண்டிய அவசியமில்லை. நாடாளுமன்றம் வரையில் புயலாக வீசும் ஒரு சர்ச்சையை மக்களுக்கு முழுமையாகக் கொண்டு சேர்க்கும் பத்திரி கைப் பணிக்கு இப்படியரு தடை விதித்திருக்க வேண்டியதில்லை!'' என்றார் ராம்ஜெத்மலானி.

வாசகர்கள் நன்கு அறிந்த அந்த மத்திய அமைச்சர், 'ஜூ.வி-யில் தன்னைப் பற்றிய செய்தி வெளிவரக் கூடாது' என வாங்கிய தடையை சென்னை உயர் நீதிமன்றம், கடந்த வாரம் நீக்கி உத்தரவு பிறப்பித்தது. இந்த நிலையில், அமைச்சரின் அப்பீல் மனுவை விசாரித்து, அந்தத் தடை நீக்கத்தை ஜூலை 29-ம் தேதியன்று ரத்து செய்தது உயர் நீதிமன்றம்..!

இதே நாளில்... வேறொரு வழக்கில் பத்திரிகை சுதந்திரத்தைக் காப்பாற்றித் தீர்ப்பளித்துள்ளது உச்ச நீதிமன்றம்..!

அந்த வழக்கு இதுதான்...

1999-ம் ஆண்டு முன்னாள்கடற்படை தளபதி நந்தா என்பவரின் பேரன் சஞ்சீவ் நந்தா என்ற இளைஞர், டெல்லியில் பி.எம்.டபிள்யூ காரை அதிகாலையில் அதிவேகமாக ஓட்டிச் சென்றார். அதனால், கார் சாலைத் தடுப்பில் மோதி, ஓரத்தில் தூங்கிக்கொண்டிருந்த ஐந்து பேர் உடல் நசுக்கிக் கொல்லப்பட்டனர்.

இந்த வழக்கு நீதிமன்றம் போக, பணக்காரக் குடும்பத்தைச் சேர்ந்த நந்தாவைக் காப்பாற்ற கீழ்க்கோர்ட்டில் வழக்கறிஞர்கள் கடுமையாக முயன்றனர்.

பாதிக்கப்பட்டவர்களை சாட்சியம் அளிக்க விடாமல் தடுத்ததோடு, அந்தக் கொடூரத் தை நேரில் பார்த்த அரசு தரப்பு சாட்சியையும் விலைக்கு வாங்கிவிட்டனர்.

முக்கிய சாட்சியான மும்பையைச் சேர்ந்த சுனில் குல்கர்னியை, நந்தாவின் வழக்கறிஞர் ஆர்.கே.ஆனந்தும், அரசு வழக்கறிஞர் ஐ.யு.கானும் சேர்ந்து பிறழ் சாட்சிகளாக்கினார்கள்.

இந்த அநியாயங்களை, என்.டி.டி.வி. தொலைக்காட்சியின் புலனாய்வு டீம், ரகசிய கேமராக்கள் மூலம் குறிப்பிட்ட அந்த சாட்சிகளிடமே விசாரித்து உண்மைகளை வெளிச்சத்துக்குக் கொண்டுவந்தது. பலத்த அதிர்வுளை ஏற்படுத்திய இந்த ஒளிபரப்புக்குப் பிறகு, டெல்லி உயர் நீதிமன்றமே தன்னிச்சையாக இந்த விவகாரத்தை விசாரணைக்கு எடுத்துக்கொண்டது.

குடிவெறியில் காரை ஓட்டி ஐந்து உயிர்களை கொன்ற சஞ்சய் நந்தா மட்டுமல்ல, அவரைக் காப்பாற்ற முயற்சித்த வழக்கறிஞர் ஐ.யு.கான் மற்றும் வழக்கறிஞர் ஆர்.கே.ஆனந்த் போன்றவர்களையும் குற்றவாளிகள் என சொல்லித் தீர்ப்பளித்தது டெல்லி நீதிமன்றம். அதற்கான தண்டனையாக அந்த வழக்கறிஞர்களுக்கு நீதிமன்றத்தில் குறிப்பிட்ட காலம் வரை வாதாடத் தடை விதித்து, மூத்த வழக்கறிஞர் என்ற அந்தஸ்தையும் ரத்து செய்தது.

ஆர்.கே.ஆனந்தும் ஐ.யு.கானும் தங்களுக்கு விதிக்கப்பட்ட தண்டனையை எதிர்த்ததோடு மட்டுமல்லாமல்... தங்களை மாட்டி விட்ட மீடியாக்களின் ரகசிய கேமரா ஆபரேஷன்களுக்கு தடை விதிக்கக் கோரி, உச்ச நீதிமன்றம் சென்றனர்.

இந்த வழக்கில்தான் பத்திரிகை சுதந்திரத்தைப் பாதுகாக்கும் ஆணித்தரமான தீர்ப்பை அளித்திருக்கிறார்கள், உச்ச நீதிமன்ற நீதிபதிகளான பி.என்.அகர்வால், ஜி.எஸ்.சீங்வி, ஆலம் ஆகியோர்.

வழக்கறிஞர் ஆர்.கே.ஆனந்தின் மனுவை நிராகரித்ததோடு, தண்டனையையும் நியாயப்படுத்தியுள்ளது உச்ச நீதிமன்றம். மேலும், அரசு வழக்கறிஞர் ஐ.யு.கான் இதில் சம்பந்தப்பட்டு இருப்பதை டெக்னிக்கலாக மறுப்பதற்கில்லை என்று சொல்லியிருந்தாலும் அவருடைய தரப்பு நியாயத்தை உயர் நீதிமன்றம் சரியாக விசாரிக்காத பட்சத்தில்... அவர் மீதான தீர்ப்பை மறுபரிசீலனை செய்யலாம் என்று உயர் நீதிமன்றத்துக்குப் பரிந்துரைத்துள்ளது.

ஆனால், இந்த விவகாரத்தில் முக்கியமான அம்சமாக தொலைக்காட்சி பத்திரிகையாளர்களின் ரகசிய கேமரா புலனாய்வு யுக்தியை உச்ச நீதிமன்றம் ஆணித்தரமாக நியாயப்படுத்தி இருப்பதுதான். அதுவும் கடந்த இதழ் ஜூ.வி-யில்தான் நாம் இதே போன்ற ரகசிய கேமரா ஆபரேஷனை நடத்தி, மத்திய அமைச்சர் ஒருவரின் பேரால் நடத்தப்படும் கோடிக்கணக்கான பேரங்களை வெளிக்கொண்டு வந்திருந்தோம்.

இந்த நிலையில், உச்ச நீதிமன்றத்தின் தீர்ப்பு மேலும் முக்கியத்துவம் பெறுகிறது.

''பி.எம்.டபிள்யூ வழக்கு சம்பந்தப்பட்ட வழக்கறிஞர்களின் நடவடிக்கைகள் ரகசிய கேமராக்கள் மூலம் எடுக்கப்பட்டுள்ளது. அந்த வழக்கறிஞர்கள் நீதிமன்ற அவமதிப்பு செய்துள்ளனர். ரகசிய கேமராக்கள் மூலம் எடுக்கப்பட்ட டிரான்ஸ்கிரிப்ட் உண்மையானவை. சாட்சியமாக இருப்பவை. இப்படி சாட்சிகளை கொடுக்கும் மீடியாக்களுக்கும் தொலைக்காட்சி சேனல்களுக்கும் நீதிமன்றம் கடிவாளம் போட முடியாது. அப்படிச் செய்தால், அந்தத் துறைக்கு அது கெடுதலை ஏற்படுத்துமே தவிர, நன்மையை ஏற்படுத்தாது!'' என்று மூன்று நபர் கொண்ட உச்ச நீதிமன்ற பெஞ்ச், சுத்தியால் அடித்துத் தீர்ப்பு கூறியுள்ளது.

மேலும், ''மீடியாக்களின் புலனாய்வு ஆபரேஷன்களுக்கு, நீதிமன்றத்தின் முன்அனுமதி பெறவேண்டும் என்பதையும் ஏற்க முடியாது. தடைகளோ கட்டுப்பாடுகளோ செய்தால், அது ''Pre-Censorship'' என்ற நிலை உருவாகிவிடும். நீதிமன்றம் தணிக்கை செய்த பிறகுதான் பத்திரிகைகள் வெளியாக வேண்டும் என்பதாகிவிடும். இது நீதிமன்றத்தின் வேலையே இல்லை. பத்திரிகை சுதந்திரத்தை இப்படிக் கையாள முடியாது. இது வெறுக்கத்தகுந்த நடவடிக்கை. மீடியாக்கள்தான் சுயக்கட்டுப்பாட்டுடன் செயல்பட வேண்டும். இதிலெல்லாம் நீதிமன்றம் தலையிட முடியாது. அரசியல் சாசனத்தின் 19(1)-ன் கீழ் பத்திரிகைகள் சுயமாகச் செயல்பட முழு உரிமை இருக்கிறது'' என்று உச்ச நீதிமன்றம் ஆணித்தரமாகத் தீர்ப்பளித்திருக்கிறது.

ஜனநாயகத்தின் நான்காவது தூணான பத்திரிகைத் துறையை முடக்க நினைப்பவர்கள், இந்தத் தீர்ப்புக்குப் பிறகாவது எண்ணத்தை மாற்றிக் கொண்டால், நல்லது!

போலி ICICI Bank site!

noreply@blogger.com (idhyam) — Fri, 31 Jul 2009 19:30:00 +0000

Please pay attention to the following

ICICI bank’s net banking has a duplicate site as details given below. Please be careful while using ICICI net banking…

------ICICI Bank Duplicate site --------

ICICI Bank Genuine Site

தமிழக முதல்வர் Vs இந்திய முதல்வர்கள்

noreply@blogger.com (idhyam) — Fri, 31 Jul 2009 03:28:00 +0000

ஒரு நல்லகாரியத்துக்கானஅடிக்கல்லை அறிவிப்பாகநாட்டியிருக்கிறார்முதல்வர் கருணாநிதி!பிற்காலத்தில் அவரதுகோபால புரம் வீட்டைஇலவச மருத்துவமனைநடத்த தானமாகக்கொடுத்திருக்கிறார். இதுஅவருக்கான தனிப்பெருமை!

இதை அறிவித்தகூட்டத்தில் கருணாநிதிஇன்னொரு தகவலையும்தந்துள்ளார். ''இந்தியாவிலேயே தனிபங்களா என்று இல்லாமல்,தெருவிலே உள்ள பலவீடுகளில் ஒன்றாக ஒருமுதலமைச்சரின் வீடுஇருப்பது என்று பார்த்தால்,அது என் வீடாகத்தான்இருக்கும் என்றுநினைக்கிறேன்.முதல்வராகப்பொறுப்பேற்கும் நேரத்தில்எல்லாம் அரசு பங்களாஒன்றில் நான் வசிக்கஏற்பாடுசெய்யப்பட்டபோது, அதைநான்ஏற்றுக்கொள்ளவில்லை.பொது வாழ்க்கை என்பதுபுனிதமானது. அது என்றும்தூய்மையானதாக இருக்கவேண்டும் என்றுநினைப்பவன் நான்''என்றும்சொல்லியிருக்கிறார்.அவர் சொல்லியிருப்பதுஅரசியலுக்கானஇலக்கணம். அதற்குஉதாரண புருஷர்களாகஇந்தியாவில் பலமுதலமைச்சர்கள்இருக்கிறார்கள் என்பதுஇந்த நாட்டுக்கு உள்ளபெருமை.

திரிபுராவின்முதலமைச்சராக மாணிக்சர்க்கார் என்று ஒருவர்இருக்கிறார். மார்க்சிஸ்ட்கட்சியைச் சேர்ந்தவர்.அவரது மொத்தச் சொத்துஎவ்வளவு தெரியுமா? ஒருலட்சம் ரூபாய்! அவர்குடியிருப்பது பங்களாவோஅல்லது தெருவில் உள்ளபல வீடுகளில்ஒன்றாகவோ அல்ல.... பலவீடுகள் இருக்கும்அபார்ட்மென்ட்டில்.இங்கெல்லாம்அமைச்சர்களுக்குத் தனித்தனி பங்களாக்கள்இருக்கின்றன.எம்.எல்.ஏ-க்களுக்கு சிறுபங்களாக்கள் அளவிலானஅபார்ட்மென்ட்டுகள்இருக்கின்றன. இது போக,சென்னையில் இரண்டரைகிரவுண்ட் இடம் கேட்டுஅவர்கள்போராடிக்கொண்டுஇருக்கிறார்கள். ஆனால்,திரிபுராவில் அமைச்சராகவருபவர்கள் குடியிருக்கஅரசு சார்பில் கட்டப்பட்டஅபார்ட்மென்ட்டுகள்தான்.அதில்தான் இன்னமும்மாணிக் சர்க்கார் வசித்துவருகிறார். நான்காவதுதடவையாகமுதலமைச்சர் அவர்.அவரது மனைவி பஞ்சலி,சமூக நலத் துறையில்வேலை பார்க்கிறார். அந்தவேலையின் மூலம் வரும்வருமானம்தான் குடும்பம்நடத்தப் பயன்படுகிறது.சொந்த நிலம், வீடு, கார்எதுவும் மாணிக்சர்க்காருக்குக் கிடையாது.அரசாங்க காரை அவர்தவிர யாரும்பயன்படுத்தக் கூடாது.ஒரே இடத்துக்குமனைவியும் செல்வதாகஇருந்தாலும், தனதுமனைவியை அரசாங்ககாரில் ஏற்ற அனுமதிக்கமாட்டாராம்.

கேரளாவின்முதலமைச்சர்அச்சுதானந்தன், 9 லட்சம்ரூபாய்க்கு சொத்துவைத்திருக்கிறார். ஆரம்பகாலத்தில் டெய்லராகஇருந்து கம்யூனிஸ்ட்கட்சிக்குள் ஐக்கியமாகி 60ஆண்டுகளுக்கு மேல்ஆகின்றன. ஆனால்,அவருக்குதிருவனந்தபுரத்தில்சொல்லிக்கொள்கிறமாதிரி சொத்து எதுவும்இல்லை. ஆலப்புழாமாவட்டம்புன்னம்புராவில் இருக்கும்வீட்டைப் பார்த்தால்'முதல்அமைச்சரின் வீடா'என்று கேட்கத் தோன்றும்.இப்போது அவர்இருப்பதென்னவோதிருவனந்தபுரத்தில் அரசுவீட்டில்தான்! ஆனால்..?ஒரு நகராட்சித்தலைவருக்கு நகராட்சிவீடு கிடைத்ததும்எவ்வளவு செலவழித்துமராமத்து பார்ப்பார் என்றுயாருக்கும் சொல்லித்தெரிய வேண்டியதில்லை.அமைச்சர்களதுபங்களாக்கள் பலலட்சங்களைஉள்வாங்கும். ஆனால்,அச்சுதானந்தனுக்குநடந்ததைப் பாருங்கள்.ஒரு நாள் கட்டிலில்படுத்திருந்தவர்,அவசரமாக எழுந்துபாத்ரூம் போனார். உள்ளேஇருந்தவருக்கு 'டமார்டிமீர்' என்று ஏதோ சத்தம்.வெளியே வந்து பார்த்தார்.கட்டிலுக்கு மேலே இருந்தசீலிங் உடைந்துநொறுங்கிக் கீழேவிழுந்திருந்தது. கொஞ்சம்தாமதித்திருந்தால், அன்றுஅச்சுதானந்தன்படுகாயப்பட்டிருப்பார்.

பினராய் விஜயன் தனதுகட்சிக்காரர் என்பதை யும்மீறி, ஊழல் செய்தார்என்பதற்காக நடவ டிக்கைஎடுக்கலாம் என்று பச்சைக்கொடி காட்டியவர்அச்சுதானந்தன். இதுகேரளாவின்கௌரவத்தைத் தூக்கியதுஎன்பதால்தான் பொலிட்பீரோவில் இருந்து மட்டும்அச்சுதானந்தனைத் தூக்கிஆறுதல் அடைந்தஅவருடைய கட்சி,முதல்வர் பதவியில்கைவைக்கவில்லை.

மேற்கு வங்கமுதலமைச்சர் புத்ததேவ்பட்டாச்சார்யாவும்எளிமைக்குஉதாரணமானவர்.மாவோயிஸ்ட்டுகளுடன்மல்லுக்கட்டி நிற்கும் அவர்மீது அரசியல்ரீதியாகவிமர்சனங்கள்இருக்கலாம். ஊருக்குள்எந்த காரையும் விடமாட்டோம் என்றுமாநிலத்தின் சிலபகுதியில்போராட்டக்காரர்கள்கொந்தளித்துக்கொண்டுஇருந்தபோது, ஒரு ரிக்ஷாமட்டும் அமைதியாகஉள்ளே நுழைந்தது. அதில்இருந்து இறங்கியவர்புத்ததேவ்.

ஜோதிபாசுவுக்குப் பிறகுஇவர்தான் முதல்வர்.திரிபுரா மாதிரி இங்கும்அபார்ட்மென்ட்தான்.அமைச்சராக புத்ததேவ்ஆனபோது ஒரு வீடுகிடைத்தது. அங்குதான்இன்றும் இருக்கிறார்.அப்போது வைத்திருந்தபழைய கார்தான்இப்போதும். மனைவி,மகள் தவிர வீட்டில்யாரும் கிடையாது.முதல்வர் சம்பளத்தைஅப்படியே கட்சிக்குக்கொடுத்துவிடுகிறார். கட்சிதரும் சம்பளத்தைவைத்துத்தான் குடும்பம்நடக்கிறது. இத்தனைஆண்டு கால அரசியல்வாழ்க்கையில் இதுவரைசேர்த்த சொத்தாக 15லட்சம் ரூபாய்தான்தேறுமாம். மாவோயிஸ்ட்அச்சுறுத்தலைத்தொடர்ந்து முழுப்பாதுகாப்புடன் கூடியவீட்டில் அவர் குடியேறவேண்டும் என்று மத்தியஉளவுத் துறையும் மாநிலபோலீசும் சொன்னதை,இவர் இன்னும்ஏற்கவில்லை.

இன்று ஒரிஸ்ஸாமுதல்வராக இருக்கும்நவீன்பட்நாயக்கின் அப்பாபிஜூ பட்நாயக்முதல்வராக இருந்தவர்.சொந்தமாக கார்வைத்திருப்பது மாதிரி,அந்தக் காலத்தில் கலிங்காஏர்லைன்ஸ் எனஅரசியலுக்கு வருவதற்குமுன்பே சொந்தமாகவிமானம்வைத்திருந்தவர். மகன்நவீனை அமெரிக்காவில்படிக்கவைத்தார்.அப்பாவுக்குப் பிறகுஅரசியலுக்குள் நுழைந்தஃபாரின் ரிட்டர்ன்மகனுக்கு இன்றையசொத்து மதிப்பு இரண்டுகோடிகள்தான் தேறும்.மூன்றாவது முறையாகமுதல்வராக இருக்கும்நவீன் எந்தப் பாதுகாப்புபந்தாக்களும் இல்லாமல்காரில் போய்க்கொண்டுஇருந்தார். பின்னால்வேகமாக வந்த கார்ஓங்கித் தட்டியதில்முதல்வர் கார்நொறுங்கியது. உள்ளேஇருந்த நவீனுக்கும்படுகாயம். முழுமையாகஅவர் மீண்டுவர பலநாள்ஆனது.

இவரைப் போலவே எளிமையானவர், பீகாரின் நிதீஷ்குமார். முதல்வரானதும் அவர் இருப்பது அரசாங்க வீடு. ஏற்கெனவே முதல்வராக இருந்த லாலு, ரப்ரி பயன்படுத்திய வீடு அது. ஆனால், அவருக்குச் சொந்தமாக பாட்னாவில் இருப்பது சிறு அபார்ட்மென்ட் வீடு. போக்குவரத்துக்குச் சரியாக இருக்காது என்பதால் இங்கு மாறி இருக்கிறார். சொத்து மதிப்பு 55 லட்ச ரூபாய். நிதீஷ் இப்போதெல்லாம் அதிகம் இருப்பது கிராமத்தில்தான். ரிக்ஷாவில் தினமும் ஏதாவது ஒரு கிராமத்துக்குப் போய் அங்குள்ள மக்களிடம் குறைகளைக் கேட்பது, அங்கேயே தங்கிவிடுவது, மறுநாள் அடுத்த கிராமம்... இதற்கு வளர்ச்சிப் பயணம் என்று பெயர் வைத்திருக்கிறார். அவசர ஆலோசனைகள் என்று வந்து பாட்னா திரும்ப முடியாத தூரமாக இருந்தால், அமைச்சர்களைத் தான் தங்கியிருக்கும் கிராமத்துக்கே வரச் சொல்லி கேபினட்டை நடத்துகிறார். 'இந்த மாதிரி ஊருக்கெல்லாம் வந்திருக்க மாட்டீங்கள்ல' என்று மந்திரிகளிடம் கிண்டலுக் கும் குறைவில்லை.

இதே மாதிரி நகரங்களுக்குள் கலக்குபவர் மத்தியப் பிரதேச முதல்வர் சிவ்ராஜ் சவுகான். ஒன்றரைக் கோடிக்கும் குறைவான சொத்துள்ளவர். மொபைல் போன்கூட வைத்துக்கொள்வது இல்லை. திடீரென்று ஒருநாள், தனியார் டிராவல்சுக்கு போன் செய்து ஒரு காரை வாடகைக்குப் பிடித்தார். என்னுடன் போலீஸ் யாரும் வரக் கூடாது என்று கட்டளை போட்டார். அவர் மட்டும் காரில் ஏறி போபாலை வலம் வந்தார். சப்-இன்ஸ்பெக்டர் விஜய்தோரே என்பவர் அந்த நள்ளிரவு நேரத்தில் வரும் வாகனங்களை நிறுத்தி வசூல் மும்முரத்தில் இருந்தார். அவரைக் கையும் களவுமாகப் பிடித்து சஸ்பெண்ட் செய்தார். கண்ணைக் கூசும் வெளிச் சத்துடன் எதிரே ஒரு கார் வந்தது. இப்படி லைட் போட்டுச் சென்றால் விபத்துதானே நடக்கும் என்று அந்த காரை விரட்டினார். அது அரசு வாகனம். உள்ளே இருந்த அதிகாரி சஸ்பெண்ட் செய்யப் பட்டார்.

ஆந்திர முதல்வர் ராஜசேகர ரெட்டி, பணக்காரர்தான். அதில் ஒன்றும் சந்தேகமில்லை. ஆனால், வீடு என்று பார்த்தால் சொல்லுவதற்கு அவரைப் பற்றியும் மிக சுவாரஸ்யம் உண்டு. அவருக்கு கடப்பா மாவட்டம் மானபுலி வெந்தலாவில் பரம்பரை வீடு இருக்கிறது. அங்கு அவரது அம்மா இருக்கிறார். நெடுஞ்சாலைத் துறை நான்கு வழிச் சாலை அமைக்க இடைஞ்சலாக இருப்பதால் அந்த வீட்டைஇடிக்க அதிகாரிகள் முயற்சிக்க... உள்ளூர் காங்கிரஸ்காரர்கள் போராட்டத்தில் இறங்கினார்கள். ராஜசேகர ரெட்டி உடனே அதிகாரிகளை அழைத்தார். 'மக்களுக்கு நன்மை செய்வதற்காக என்னுடைய வீட்டை இடித்தாலும் பரவாயில்லை' என்றவர், நானே எனது சொந்தச் செலவில் இடித்துத் தருகிறேன் என்று இடித்தும் கொடுத்தார்.

தேர்தல் பிரசாரத்தில் இருந்தார் கர்நாடக முதல்வர் எடியூரப்பா. மைசூர் மாவட்டம் நஞ்சன் கூடுவில் அவரது கார் போய்க்கொண்டு இருந்த போது, தேர்தல் அதிகாரிகள் மறித்தார்கள். 'நான்கு கார்களுக்கு மேலே உங்களது அணிவகுப்பில் வருகிறது'' என்று கூடுதல் காரைப் பறிமுதல் செய்யப் போனார்கள். அனுமதி வாங்காத எண்ணுள்ள காரைப் பறிமுதல் செய்ய அவர்கள் முயற்சித்தபோது, உள்ளே இருந்தார் எடியூரப்பா. 'தப்பு என் மேலதாங்க' என்று எந்தக் கோபமும் இல்லாமல் இறங்கினார். இறக்கிவிட்ட அதிகாரிகள் இன்னமும் நிம்மதியாக அங்கு அதே வேலையில்தான் இருக்கிறார்கள்.

இந்திய மாநிலங்களை ஆளும் முதல்வர்கள் காட்டியுள்ள சொத்துக் கணக்குப்படி பார்த்தாலும்... ஒரு கோடி முதல் பத்துக் கோடி வரை கணக்கு காட்டியிருப்பவர்கள் 18 பேர். மற்றபடி, உ.பி. முதல்வர் மாயாவதியின் 52 கோடியுடனும், தமிழக முதல்வரின் 26 கோடியுடனும் மேலே சொன்னதில் பல முதல்வர்களின் சொத்துக் கணக்கு போட்டியிட முடியாதுதான்!

கோலிவுட் 'தல' பாலிவுட் 'தல' இணைந்து மிரட்டும் 'அசல்'!!!

noreply@blogger.com (idhyam) — Thu, 30 Jul 2009 06:08:00 +0000

தல' படத்தில் ஷாரூக்! 'அசல்' படத்தில் யாராவது படா வி.ஐ.பி-யை கெஸ்ட் ரோலில் நடிக்கவைக்கலாம் என்று எண்ணம் தோன்ற... அனைவரின் சாய்ஸ் ஷாரூக்கான். 'சாம்ராட் அசோகா'வில் உடன் நடித்த பழக்கத்தில் அஜீத் ஒரு போன்காலில் விவரம் சொல்ல, 'ஓ... யெஸ்' சொல்லி இருக்கிறாராம் ஷாரூக்.

ஜு.வி. ரகசிய கேமரா பதிவுகள்!

noreply@blogger.com (idhyam) — Wed, 29 Jul 2009 04:26:00 +0000

டி.எஸ். காயத்ரி ஸ்ரீனிவாஸ்...

ஆளுங்கட்சியான தி.மு.க-வின் மாநில தொண்டரணி இணைச் செயலாளர், தமிழ்நாடு மின்வாரிய உயர்மட்ட ஆலோசனைக் குழு உறுப் பினர் என்றும் முன்னாள் கதர் வாரிய மகளிர் கூட்டுறவு சங்க தலைவர் என்றும் இவரது கறுப்பு - சிவப்பு பெயரோடு சொல்கிறது விசிட்டிங் கார்டு'! பளிச்சென்று முதல்வர் கருணாநிதியும் துணை முதல்வர் மு.க.ஸ்டாலினும் அந்த விசிட்டிங் கார்டில் புன்னகை பூக்கிறார்கள். எம்.ஏ., எம்.ஃபில் முடித் திருப்பதாகவும் சொல்கிறது இவரது கார்டு

ஈரோடு மாவட்டம், கோபிசெட்டிப் பாளையத்தில் தான் இவருக்கு வீடு என்றாலும் காயத்ரி ஸ்ரீனிவாஸ் நமக்கு அப்பாயின்ட்மென்ட் கொடுத்திருந்தது கோவை பீளமேடு அண்ணாநகரில் உள்ளஅவருடைய பங்களாவில்!

''ஆளுங்கட்சியின் பெயரால்... மத்திய - மாநில அமைச்சர்களிடம் சொல்லி காரியத்தை முடித்துக் கொடுப்பதற்கு ஏராளமான புரோக்கர்கள் இருக்கி றார்கள். அவர்களில் டாப் மோஸ்ட் புள்ளிதான் சத்தமில்லாமல் செயல் படும் காயத்ரி ஸ்ரீனிவாஸ்...'' என்று தொடர்ந்து பல மாதங்களாக நமக்கு வந்துகொண்டிருந்த தகவல்களை உறுதிப்படுத்த எல்லா வழிகளிலும் முயன்றுகொண்டிருந்த சமயத்தில்தான், மத்திய தகவல் மற்றும் தொழில்நுட்பத் துறையில் கான்ட்ராக்ட் கள்எடுத்துக் கொடுக்கும் இடைத்தரகர் ஒருவர் நம்மைத் தொடர்பு கொண்டார்.

''அநியாயம் நடக்குதுங்க. முந்தியெல்லாம் காசு கொடுத்தா, அது போக வேண்டிய இடத்துக்கு முழுசா போயிடும். வேலையும் முடிஞ்சிடும். இப்போ நடுவில் உள்ள நந்திகளுக்கு தீனி போட்டே எங்க சொத்து அழிஞ்சுடும் போலிருக்கு. அதிலும் காயத்ரி ஸ்ரீனிவாஸ் மூலமா போனா, ரெட்டிப்பு செலவு ஆகுது. என்ன பண்றது? வேற யார் மூலமா போனாலும் காரியம் நடக்காதுனு கட்சிக்காரங்களே சொல்றாங்களே...'' என்று சலித்துக் கொண்டார் அந்த இடைத்தரகர்

அப்போதும் நாம் நம்பத் தயாராக இல்லை. ஜூ.வி-க்கு மிக நம்பகமான ஒரு நபர், ''ரகசிய வீடியோ பதிவாகவே ஒரு பேரம் நடத்திப் பார்த்துவிட்டால் என்ன?'' என்று முன்வர... அடுத்தடுத்து நடந்தன வேகமான ஏற்பாடுகள். இடைத்தரகர் அளித்த விவரங்களை மிக கவனமாக உள்வாங்கிக்

கிரகித்துக்கொண்டபின்.... இரண்டு பேராக இந்த ஆபரேஷனைச் செய்வது என்று முடிவானது. அதாவது, இடைத்தரகர் போல நடிக்க ஒருவர்.... மத்திய அரசின் கான்ட்ராக்டைப் பெற விரும்பும் ஆந்திர மாநிலத்துக் கம்பெனியின் அதிகாரியாக ஜூ.வி. நபர் ஒருவர்...!

ஆப்டிகல் ஃபைபர் கேபிள்களை சாலைகளில் பதிப்பதற்காகத் தொலைத் தொடர்புத் துறையின் - பி.எஸ்.என்.எல்-லின் டெல்லி தலைமையகம் கடந்த ஜூலை மாதம் வெளியிட்டிருந்த டெண்டர் அறிவிப்புதான் இந்த இருவர் டீமின் 'பொறி'!

காயத்ரி ஸ்ரீனிவாஸை தொடர்பு கொள்ளக்கூடியது என்று நம்மிடம் அளிக்கப்பட்ட செல்போன் நம்பரில் தொடர்பு கொண்டார் 'இடைத்தரகர்' (அதாவது இடைத்தரகராக நடிக்க முன்வந்தவர்). ஏற்கெனவே இன்னொரு நபர் மூலம் கான்ட்ராக்ட் தொடர்பான விவரங்களை காயத்ரி ஸ்ரீனிவாஸ் காதுக்கு அனுப்பி வைத்துவிட்டு... அதன்பிறகுதான் செல்போனில் விஷயத்துக்கு வந்தார். அந்த ஆடியோ பதிவு இதோ ('இடைத்தரகர் தொடர்புகொண்ட செல் நம்பர் 9442578555. தொடர்பு கொண்ட தேதி ஜூலை 23, வியாழன் மதியம் சுமார் 3 மணி) -

இடைத்தரகர்: ''மேடம்... அவங்க என்ன சொல் றாங்க... இப்ப... அதாவது... டெண்டர் டேட் ஆகஸ்ட் ஏழாம் தேதி தள்ளி வச்சிருக்காங்க.''

எதிர்முனை பெண் குரல்: ''சரி!''

இடைத்தரகர்: ''இப்ப டெண்டர் ஃபைல் எல்லாம் வந்துடுச்சு. நாளைக்கு நைட் கிளம்பி சனிக்கிழமை காலையிலே உங்களை பார்க்கட்டுமா?''

எ.மு.பெ.கு: ''எங்கே வந்து பார்க்கறீங்க?''

இடைத்தரகர்: ''கோயமுத்தூர்ல?''

எ.மு.பெ.கு: ''ரைட்டு! அவங்க (டெண்டர் எடுக்க விரும்பும்) கம்பெனியோட ஜி.எம்-மையும் ஒருதடவை அனுப்பி வைக்கிறேன்னு சொன்னாங்க. அவரு வந்து கன்ஃபார்ம் பண்ணுவாரு...''

இடைத்தரகர்: ''அவரு வந்து கன்ஃபார்ம் பண்ணு வாரு... இன்பிட்வீன் உங்களுக்கு என்ன சேரவேண்டியதோ அதை பேசிட்டு ஒரு டோக்கன் அட்வான்ஸ் மாதிரி த்ரீ டேஸ்ல குடுக்கச் சொல்லிடறேன். ஏன்னா... நாள் நெருங்கிதான் இருக்கு!''

எ.மு.பெ.கு: ''ஆகஸ்ட் ஏழுன்னா ஃபுல் டீடெயில் ஸையும் கொண்டாந்துடுங்க.. அவரு(?) சி.எம்.டி-யை (பி.எஸ்.என்.எல். அதிகாரி?) வச்சுப் பேசுவாரு. சனி, ஞாயிறு மெட்_ராஸ்ல இருப்பாருனு நினைக்கிறேன்... இல்லேன்னா ஊட்டி வந்திடுவாரு. அப்படி ஊட்டி வந்தார்னா, நீங்க கோயமுத்தூர் வரும்போது ஊட்டிக்குப் போய் பார்த்துடலாம்.''

இடைத்தரகர்: ''ஓ.கே... ஓ.கே. உங்களை முதல்ல பார்த்துட்டோம்னா அவங்களுக்கு சேட்டிஸ்ஃபை ஆயிடும்!''

எ.மு.பெ.கு: ''ரைட்டு!'

இடைத்தரகர்: ''ஏன்னா... மேடம்னாலேதான் எல்லாம் முடியும்னு நான் சொல்லி வச்சிருக்கேன்!....''

இவ்வாறாக நீளும் அந்த தொலைபேசி உரையாடலின் பதிவை முதலில் பத்திரப்படுத்திக் கொண்டோம். ''மீடி யேட்டரே இதுல கிடையாது... டைரக்டா அவரே(?)தான் பேசுவாருங்க'' என்பது போன்ற டெல்லி தொடர்புகள் தவிர, வேறு பல விஷயங்களும் அந்த உரையாடலில் பேசப்படுகின்றன. இப்போதைக்கு அவை இந்தக் கட்டுரைக்குத் தொடர்பில்லாததால் வாசகர்களின் பார்வைக்கு அளிக்கவில்லை!

ஜூலை 25-ம் தேதி, சனிக்கிழமை காலை 10.40 மணிக்கு கோவையில் பீளமேடு அண்ணாநகர் வீட்டில் காயத்ரி ஸ்ரீனிவாஸ் எதிரில் இடைத்தரகராக ஒரு நபரும் ஜூ.வி. நபரும் ஆஜராகிவிட்டார்கள். நேராக அந்த வீட்டுக்குப் போய்விட முடியவில்லை. பக்கத்துத் தெருவிலேயே நம்மை நிற்கும்படி செல்போனில் உத்தர விட்டார்கள்!

நாமும் அங்கே இனோவா காரை நிறுத்திவிட்டுக் காத்திருக்க... 'ராஜேஷ்' என்று தன்னை அறிமுகப் படுத்திக்கொண்ட ஒரு நபர் அங்கே வந்து காரில் ஏறிக்கொண்டு காயத்ரி ஸ்ரீனிவாஸ் வீட்டுக்கு வழி காட்டினார் (நமது வீடியோ கேமரா பதிவு முழுவதும் இவரும் வருகிறார். விவரமறிந்த தி.மு.க. வட்டாரத்தில் இவர் உருவத்தைக் காட்டி விசாரித்தபோது, ''ராஜேஷ்னா சொன்னாரு? இவர் பேரு சந்திரமோகனாச்சே... அருப்புக்கோட்டை பக்கத்துல பாளையம்பட்டிதான் இவரோட சொந்த ஊரு. அருப்புக்கோட்டையில் கேபிள் ஆபரேட்டரா கஷ்டப்பட்டு ஜீவனம் பண்ணிக் கிட்டிருந்தார் சந்திரமோகன்... செஞ்சியார் மத்திய அமைச்சரா இருக்கும்போது சி.பி.ஐ. வழக்கில் அவரோட உதவியாளர் பாபு மாட்டுனாரே ஞாபகம் இருக்கா..? பாபுவுக்கு ரொம்ப வேண்டப்பட்டவரா சந்திரமோகன் ஆயிட்டாருன்னு பிறகு சொன்னாங்க. இப்ப கோவை ஏரியாவில் காரு, பங்களானு ஜம்முனு இருக்கிற சந்திரமோகன், தன்னை காயத்ரி ஸ்ரீனிவாஸோட உதவி யாளர்னு சொல்லிக்கிறாரு'' என்று நமக்கு வேறுவிதமான விளக்கம் 'ராஜேஷ்' பற்றி கிடைத்தது!).

நிற்க....

'ராஜேஷ்' என்கிற சந்திரமோகன் இனோவா காரில் ஏறிக்கொண்டதோடு இடைத்தரகரிடமும் ஜூ.வி. நபரிடமும் பல்வேறு விதமான கேள்விகளைக் கேட்டு திருப்தி ஆனவுடன்தான், காயத்ரி ஸ்ரீனிவாஸின் பங்களா வுக்கு அழைத்துச் சென்றார். மேற்கொண்டு நடந்ததை ஜூ.வி. நபர் இங்கே விவரிக்கத் துவங்குகிறார் -

வீட்டுக்குள் போன 'ராஜேஷ்', அங்கிருந்த வேலைக் காரரிடம், ''பீமா எக்கட?'' (பீமா எங்கே) என்றார். கொஞ்ச நேரத்தில் கொழுகொழுவென்று ஒரு கறுப்பு நாய் ஒன்று எங்களை நோக்கி ஓடி வந்தது.

''அது எதுவும் செய்யாதுங்க. எங்க மேடமுக்கு எல்லாமே இந்த பீமாதான்'' என்றபடி எங்களை சோபாவில் அமரச் செய்த 'ராஜேஷ்' கலை நயம்மிக்க ஊஞ்சலில் அமர்ந்துகொண்டார். அந்த வீட்டு ஹாலின் ஷோகேஸில் ஸ்டாலின், ஆற்காட்டார், அன்பழகன் என தி.மு.க-வின் மூத்த தலைவர்களுடன் காயத்திரி ஸ்ரீனிவாஸ் சேர்ந்து நிற்கும் புகைப்படங்கள் அழகாக, வரிசையாக காட்சிக்கு வைக்கப்பட்டிருந்தன. தன் மகனோடு தானும் சேர்ந்து தமிழக முதல்வர் கருணாநிதியுடன் எடுத்துக் கொண்ட புகைப்படத்தை தனியாக தொங்க விட்டிருந்தார் காயத்ரி.

பீமா, ஹாலைச் சுற்றி ஒரு ரவுண்ட் அடித்து பெட் ரூமுக்குள் போனபிறகு காயத்ரி பெட்ரூமிலிருந்து ஹாலுக்கு பிரசன்னமாகி, எங்கள் எதிரில் சோபாவில் அமர்ந்துகொண்டார்.

காயத்ரி ஸ்ரீனிவாஸ்: ''என்ன மேட்டர்? செப்பண்டி!''

இடைத்தரகர் : ''ஆப்டிக்கல் ஃபைபர் கேபிள் டெண்டர்தான், மேடம்... தமிழ்நாட்டுல இருநூறு கிலோ மீட்டருக்கு கேபிள் பதிக்க (என்னைக் காட்டி) இவங்க கம்பெனி பிளான் பண்ணுது!''

காயத்ரி: ''என்ன பர்ப்பஸ்?''

காரில் அந்த வீட்டை அடையும்போதே 'ராஜேஷ்' வசம் இடைத்தரகர் முழு விவரம் சொல்லி, டெண்டர் காப்பியும் கொடுத்திருந்ததால்... அவரே காயத்ரியிடம் எல்லாம் விளக்குகிறார், தெலுங்கில்!

இடைத்தரகரைப் பார்த்து காயத்ரி: ''ராஜா(?) சேஸ்தாரு... ராஜாதான் செய்வாரு!''

இடைத்தரகர்: ''மேடம் பத்தி சொன்னாங்க. கேள்விப்பட்டுதான் உங்களைப் பிடிச்சு இந்த வேலையைச் செய்யலாமுன்னு....'

காயத்ரி: ''பை எலெக்ஷன் வருது... எப்படியும் (கட்சியில் எனக்கு) புரோக்ராம் கொடுத்துடுவாங்க. தொகுதிக்குப் போகணும். அதில்லாம பீமாவை விட்டுட்டு எங்கயும் போக மாட்டேன். டெல்லிக்கு, சென்னைக்குப் போனாலும்கூட பீமாவையும் கூட் டிட்டுப் போயிடுவேன். போன வாரம் மினிஸ்டர்(?) இங்கதான் தங்கியிருந்தாரு!''

இடைத்தரகர்: ''இந்த வீட்டுலயா?''

காயத்ரி: ''குன்னூருக்குப் போனவர், போன வேகத்துலயே இறங்கிட்டாரு. அவருக்கு குளிர் ஒத்துக் காது. கோயம்புத்தூர் வந்து ரெஸிடன்ஸியில அவரு தங்கிட்டாரு. அமைச்சரை ஹோட்டல்ல ரெஸ்ட் எடுக்க விட்டுட்டு அவங்க ஒய்ஃப் எங்க வீட்டுல தங்குனாங்க. உங்க மேட்டரை அமைச்சர்கிட்ட சொல்லிடறேன். உங்களை இந்த வேலைக்காக யார் முன்னால உட்கார வைக்கிறேங்கறதுதான் இங்க முக்கியம்! இதைப் போலத்தான் பி.எஸ்.என்.எல். கான்ட்ராக்ட் ஒண்ணை முடிச்சுக் கொடுத்தேன். இதோ இவரோட ('ராஜேஷ்' பக்கம் கைகாட்டி) ஃபிரெண்டுக்குதான் முடிச்சுக் கொடுத்தோம். அது பி.எஸ்.என்.எல். விளம்பர கான்ட்ராக்ட்...''

இடைத்தரகர்: (ஏற்கெனவே விவரம் தெரிந்தவராக) ''செஞ்சியார் பி.ஏ-வா இருந்த பாபுவுக்கா?''

காயத்ரி: ''ஆமா...!''

இடைத்தரகர்: ''ராஜாவுக்கு வேணுங்கறதை நாங்களே தரணுமா?''

காயத்ரி: ''அவர் வாங்க மாட்டார். என்ன பண்ணணுங்கறதை அவரே சொல்லுவார்!''

ராஜேஷ்: ''அதையெல்லாம் ஸ்பிளிட் பண்ணி பிரிச்சுடுவாங்க...''

காயத்ரி: ''நீங்க உங்க மேட்டரை மினிஸ்டரை வெச் சிட்டு எக்ஸ்ப்ளெய்ன் பண்ணணும். சி.எம்.டி-யெல்லாம் பழம் தின்னு கொட்டை போட்ட ஆளு. என்ன பண்ணணுமோ அதை அவர் பார்த்துக்குவாரு. (டெல்லி?) சஞ்சார் நிகம் ரிசப்ஷன்ல உங்களை உட்கார வெச்சு, மேலே அனுப்பிடுவேன். என் பேர்கூட (விசிட்டர் புக்கில்?) வராது. மினிஸ்டரே கூப்பிட்டாதான் உங்களால அந்த கட்டடத்துக்குள்ள போகமுடியும். அவரோட பி.ஏ. செந்திலியாவும் அங்கே இருப்பார். உங்களுக்கு மினிஸ்டர் பர்ஸனல் சிட்டிங் கொடுப்பார். அதுக்கெல்லாம் நான் கியாரண்டி! ஆனா ஒண்ணு.. நாங்க ஃபிளைட் சார்ஜ் போட்டு டெல்லிக்கு வர மாட்டோம். என்கூட ஒருத்தர் வருவாரு. பெரிய புராஜெக்ட்னாத்தான் மினிஸ்டர் வருவாரு...''

ராஜேஷ்: ''இந்த மாதிரி விஷயமெல்லாம் ஒரே சேனல்லதான் நீங்க மூவ் செய்யணும்!''

காயத்ரி: ''நான் ரொம்பவும் வெளியில வரமாட்டேன். தமிழ்நாட்டுல இ.பி. விவகாரங்களையெல்லாம் இவருதான் (ராஜேஷ்) பார்த்துக்குவாரு. மேட்டூர் தெர்மல் பிளான்ட்ல ஆஷ் எடுக்கறதுக்கெல்லாம் இவர்தான் போவாரு. ஸ்டேட்ல இ.பி., ஹெல்த், டிரான்ஸ்போர்ட், ஹைவேஸ் எதுனாலும் நம்ம வேலையை முடிச்சுக்கிடலாம்.''

ராஜேஷ்: ''ஆமா... நாலும் நைன்ட்டி நைன் பர்சன்ட் முடிச்சிடலாம்!'''

காயத்ரி: சாமிநாதன் (நெடுஞ்சாலைத்துறை அமைச்சர் வெள்ளக்கோவில் சாமிநாதன்?) நம்ம பையன் தான். என் சொந்த முயற்சியிலதான் மினிஸ்டர் ஆனான். இ.பி-யிலும் பெரிய லெவல்னா சொல்லுங்க. நீட்டா முடிச்சுடலாம். எங்க இருந்தாலும் என்னோட பாலிஸி என்ன தெரியுமா? சம்பந்தப்பட்ட அமைச்சரோடவே டைரக்ட் சிட்டிங் ஏற்பாடு செஞ்சிடுவேன். சக்சஸ்தான் எனக்கு முக்கியம்!''

இடைத்தரகர் ஆப்டிகல் ஃபைபர் கேபிள் பதிப்பது பற்றி சொல்லச் சொல்ல... காயத்ரி சிறு நோட்டில் குறிப்பெடுத்துக் கொண்டார்.

தமிழ்நாட்டில் மொத்தம் 244 கிலோமீட்டருக்கு வை-மேக்ஸ் உள்ளிட்ட புதிய தொழில்நுட்பத்துக்காக ஆப்டிகல் ஃபைபர் கேபிளை பதிப்பதற்கான கான்ட் ராக்ட் என்றும், இந்த மாநிலத்தில் மட்டும் 60 கோடி ரூபாய்க்கான விவகாரம் என்றும் ராஜேஷ§டன் உரை யாடல் நடக்கிறது. 3-ஜி மற்றும் வை-மேக்ஸ் பற்றி விளக்கமாகவே கேட்டுக் கொள்கிறார் காயத்ரி.

''தமிழ்நாட்டுல மட்டும்தான் கான்ட்ராக்ட் எடுப் பீங்களா? ஆந்திரா, கர்நாடகாவுலகூட எடுக்கலாமே..?'' என்றும் என்னிடம் (ஜூ.வி. நபர்) கேட்டபடியே கையடக்க நோட்டில் விவரங்களைக் குறிப்பெடுத்துக் கொள்கிறார்.

என்னை (ஜூ.வி. நபர்) கான்ட்ராக்ட் பெற விரும்பும் கம்பெனியின் ஜி.எம். என்று அறிமுகப்படுத்தியிருந்ததால் இடையிடையே சில விவரங்களை 'ராஜேஷ்' கேட்டு செக் பண்ணிக்கொண்டே இருந்தார். உரையாடல் நடந்துகொண்டிருந்தபோதே, 'ராஜேஷ்' வைத்திருந்த செல்போனை வாங்கி யாருக்கோ டயல் செய்தார் காயத்ரி. படுஅந்நியோந்நியமாக அவர் பேசியதன் விவரம் இதுதான் -

''நான்தான் காயத்ரி ஸ்ரீனிவாஸ்! நேத்து நைட் வந்துட் டீங்களா? (இடைவெளி) ஊட்டிக்கு வர்றீங்களா? (இடை வெளி) எப்ப டெல்லிக்குப் போறீங்க? (இடைவெளி) அப்படியா, சரி நான் நேர்ல வந்து உங்களைப் பார்க் கறேன்!''

போனை கட் செய்தவர் எங்கள் பக்கம் திரும்பி, ''இந்த வீக் அவர் ஊட்டிக்கு வரலையாம். திங்கள்கிழமை டெல்லிக்குக் கிளம்புறாராம். அவர் ஊட்டிக்கு வந்தார்னா இப்பவே உங்களை இவருகூட ('ராஜேஷ்' என்கிற சந்திரமோகன்) அனுப்பி வச்சிருப்பேன்!''

இடைத்தரகர்: ''நீங்க எப்ப அரசியலுக்கு வந்தீங்க, மேடம்?''

காயத்ரி: சிரித்துக் கொண்டே.. ''ஆச்சு, இருபது வருசமாச்சு..! நான் அரசியலுக்கு வந்ததே பிஸினசுக்காகத்தான்... வேற எதுக்கும் இல்ல!''

மீண்டும், பி.எஸ்.என்.எல். ஆப்டிகல் கேபிள் பற்றி விலாவாரியாகப் பேசினார். திரும்பவும் சந்திரமோகன் டெண்டர் குறித்த விஷயங்களை காயத்ரிக்கு தெலுங்கிலும் தமிழிலுமாக விளக்கினார்.

''மொத்த கான்ட்ராக்டையும் உங்க ஒருத்தருக்கே தரமாட்டாங்க புரிஞ்சுதா?'' என்றும், ''உங்க கான்ட்ராக்டுக்குள்ளே இன்னொருத்தர் யாராச்சும் ஒரு பார்ட் எடுத்து செய்யறதா இருந்தா, அதுக்கும் நீங்க தயாரா இருக்கணும், புரிஞ்சுதா?'' என்றும் காயத்ரி எங்களிடம் கேட்டு உறுதி வாங்கிக்கொண்டார்.

இடையிடையே தி.மு.க-வின் பெருந்தலைகள், குடும்பங்கள் பற்றி சில 'புள்ளி'விவரங்கள் வந்து விழுந்தன. அவையெல்லாம் இந்த விவகாரத் தோடுதொடர்பில்லாதவை என்பதாலும், தேவையில்லாமல் யார் மனதையும் புண்படுத்தக்கூடாது என்பதாலும் இங்கே வெளியிடாமல் தவிர்க்கிறோம்.

ராஜேஷ்: ''கேபிள் பதிக்கிற கான்ட்ராக்ட் மட்டும்தான் நீங்க எடுக்கப் போறீங்களா..? இல்லாட்டி அதுக்கான கேபிளும் சப்ளை பண்ண விரும்பறீங்களா?''

இடைத்தரகர்: ''கேபிள் பதிக்கறதுக்கு மட்டும்தான் நாங்க டெண்டர் கேட்கலாமுன்னு இருக்கோம். மொத்த புராஜெக்ட் காஸ்ட் எப்படியும் இருநூறு கோடிக்கு மேல வரும்னு சொன்னாங்க...''

காயத்ரி: ''கோடின்னா அந்த வீடு(?) கண்டிப்பா உள்ளே வந்துடும், புரியுதுங்களா, அதான்... சம்பந்தப்பட்ட குடும்பம் உள்ளே வரும். (அடுத்தடுத்து ஆளுங்கட்சியில் சில பெரிய பெயர்களாகச் சொல்லி) .......... பிரஷ்ஷர் வரும். இப்படித்தான் கிரிக்கெட் போட்டி ஒளிபரப்பு சம்பந்தமா பி.எஸ்.என்.எல் விளம்பர கான்ட்ராக்டை பாபு கேட்டப்ப, அமைச்சர் தரலை. 'நீ பாகிஸ்தான் மேட்ச் வரும்போது விளம்பரம் கேளு, தர்றேன்'னாரு. சொன்னபடியே தந்தாரு. ஏன்னா எல்லாரையும் அட்ஜஸ்ட் பண்ணி அவர் போயாகணும். அவர் உட்கார்ந்திருக்கற இடம் அந்த மாதிரி. தனக்கு சிம்மாசனம் கொடுத்த(?) இடத்துக்கு ஏதாவது கொடுத்தாகணும்ங்கறது அவரோட பாலிஸி. சென்ட்ரல் கவர்ன்மென்ட்ல ஒரு இணை அமைச்சரை தனியா போட்டு இதையெல்லாம் வாட்ச் செய்வாங்க. அதிகாரிங்க ஒரு லாபி பண்ணுவாங்க. நம்ம அமைச்சர் அவங்களை மறுத்துப் பேச மாட்டார். ஏன்னு உங்களுக்குப் புரியுதா? நாமளா இருந்தா... 'நான்தான் மந்திரி! மூடிட்டு கையெழுத்துப் போடு'னு (அதிகாரிகளிடம்) சொல்லுவோம். அவர் அப்படியெல்லாம் இல்லை!''

இடைத்தரகர்: ''இவ்வளவு யதார்த்தமா பேசறீங்க... இவ்ளோ தூரம் இன்ட்ரடியூஸ் பண்றீங்க. உங்களுக்கு ஒரு ட்வென்ட்டி லேக்ஸ் (இருபது லட்சம்) வரைக்கும் கொடுக்கலாம்னு இவங்ககிட்டே (என்னைக் காட்டி) சொன்னேன், மேடம்!''

காயத்ரி: ''பணத்தை முதல்ல வாங்க மாட்டோம். முதல்ல டெல்லிக்குப் போவோம். நானும் உங்களைப் புரிஞ்சுக்கணும் இல்லையா... நீங்க டெல்லிக்கு வாங்க. அங்கே ரிசப்ஷன் எப்படி இருக்குனு பாருங்க. அப்புறமா பார்த்துக்கலாம். நீங்க இவ்வளவு தூரம் சொல்றீங்க. இந்த புராஜெக்டை சக்ஸஸ் பண்ணிக் காட்டுறேன். அப்புறம் நீங்களே பார்த்துக் கொடுங்க! அந்தக் குடும்பமே(?) தலையிட்டாலும் பரவாயில்லை. ஆற்காட்டாரை வெச்சு முடிச்சுத் தரேன்!''

ராஜேஷ்: ''இங்கதான் பெரிய குடும்பம்... பிரஷ்ஷர்னு இருக்கும். வேற ஸ்டேட்லயெல்லாம் இப்படியெல்லாம் இல்ல!''

காயத்ரி: ''மேட்டர்னு பெத்தாயின முந்தட்டுல பெட்டுத்தோம். (விஷ யத்தை பெரியவர் முன்னாடி வெப்போம்) சக்சஸ் சேஸ்தாம். நீங்க மினிஸ்டரைப் பார்க்கும்போது நல்லா விளக்கமா புரியுறமாதிரி பேசிடணும். இல்லைன்னா அவர் தன்னோட பி.ஏ-வைப் பார்க்கச் சொல்லிட்டுப் போயிடுவாரு. எப்ப டெண்டர் முடியுது? டெண்டர் போட்டுத்தான் இதைப் பண்ணணுமா? மினிஸ்டரே பண்ணிடக் கூடாதா?''

உடனே, இடைத்தரகர் முதலி லிருந்து அந்த டெண்டர் பற்றி விவரிக்கும் காட்சிகளும், அதை காயத்ரி குறிப்பெடுத்துக் கொள்வதும் நாங்கள் கொண்டு போன ரகசிய வீடியோ கேமராவில் அப்படியே பதிவாகியுள்ளது.

காயத்ரி: ''மினிஸ்டர் தொகுதிக்கு வந்தா இதைப் பத்திப் பேச முடியாது. இந்தப் பொம்பளை இங்க ஏன் வந்தாங்கன்னு தொகுதியில பார்ப்பாங்க. அவரும் நம்மளை பார்க்க மாட்டாரு. நாம் டெல்லிக்கு போய்த்தான் இந்த மேட்டரை முடிக்கணும். புதன்கிழமை டெல்லிக்குப் போயிடணும். வியாழக்கிழமை காலையில மினிஸ்டர் வீட்டுக்குப் போய் நேர்ல உங்க விஷயத்தைப் பத்திப் பேசிடுவேன். அப்புறம் நிகம் (தொலைத் தொடர்பு டெல்லி அலுவலகம்) வந்து பார்த்திடுவாரு...''

இடைத்தரகர்: (என்னைக் காட்டி) ''நான்தான் இந்த கம்பெனிக்காரங்களை உங்களுக்கு அறிமுகம் செஞ்சு வெச்சிருக்கேன். ரொம்ப நாளா உங்க அப்பாயின்ட் மென்ட் கிடைக்காம கஷ்டப்பட்டு உங்களைப் பார்க்க வெச்சிட்டேன். எனக்கு இதுல என்ன பங்குங்கறதையும் நீங்களே சொல்லிடுங்க, மேடம்...''

காயத்ரி சிரித்துக் கொண்டே தலையாட்டுகிறார்.

ராஜேஷ்: ''அம்மா யாரையும் விட்டுர மாட்டாங்க. நீங்க கேக்கவே வேண்டியதில்லை. அவங்களை

நம்புங்க...''

மீட்டிங் முடியும் தருணத்தில் திரும்பவும் அறைக்குள் இருந்து பீமா வருகிறது. நாம் கொண்டு போயிருந்த ஸ்வீட் பாக்ஸை வாயால் கவ்வி காயத்ரியிடம் கொடுக்கிறது.

காயத்ரி: ''எதுன்னாலும் இது என்கிட்டதான் கொடுக்கும். எனக்குப் பிடிச்சதை கொடுக்கும். என் மனசு இதுக்குப் புரியும்!'' என்று சொல்லிக் கொண்டிருக் கும்போதே இடைத்தரகர் தயார் செய்து எடுத்துப் போயிருந்த பி.எஸ்.என்.எல். தொடர்பான டெண்டர் கோப்புகளை பீமா சட்டென்று கவ்விக்கொண்டு ஓடவும்....

காயத்ரி: ''பார்த்தீங்களா... பீமா கவ்வியாச்சு. இந்த வேலையை பீமா செய்யச் சொல்லுது!'' என்றபடியே வாசல் வரை வந்து எங்கள் இருவருக்கும் விடை கொடுத் தார்.

அடுத்தநாள், ஜூலை 26-ம் தேதி, ஞாயிற்றுக்கிழமை 'இடைத்தரகராக' நடித்தவருக்கு போன் செய்தார் 'பிரகாஷ்' என்று அறிமுகப்படுத்திக்கொண்ட நபர். அழைப்பு வந்த செல் நம்பர் 9842299722.

''மினிஸ்டர்கிட்டே பேசியாச்சு... நாங்க அந்த கம்பெனி ஜி.எம்-கிட்டே அர்ஜென்ட்டா பேசணும். முக்கியமா மேடம்தான் பேசணும்னு சொன்னாங்க. அவரைப் பேசச் சொல்லுங்க'' என்கிற ரீதியில் அடுத்தடுத்து போன் வந்துகொண்டே இருந்தது.

'ராஜா' என்றும் 'மினிஸ்டர்' என்றும் காயத்ரி ஸ்ரீனிவாஸ் கூறுவது மத்திய அமைச்சரும், சம்பந்தப்பட்ட துறைக்கு பொறுப்பானவருமான ஆ.ராசாவை குறிப்பிட்டுத்தான் என்றே புரிந்து கொள்ள வேண்டியிருக்கிறது. அமைச்சரின் பெயரால் நடக்கும் இந்த பேரத்தின் மூலம் நிஜமாகவே கான்ட்ராக்ட்டுகளை முடிக்க முடியுமா... அப்படி இதற்குமுன் முடிக்கப்பட்டிருக்கிறதா என்பதையெல்லாம் கண்டு பிடிக்கும் பொறுப்பை மத்திய - மாநில அரசுகளிடமே ஒப்படைக்கிறோம். இந்த ஆபரேஷனுக்குப் பிறகு நமது இருவர் டீம் பதிவு செய்து கொண்ட விவரங்களையும், எந்த இடத்திலும் அளிக்கத் தயாராகஇருக்கிறோம்.

காயத்ரி ஸ்ரீனிவாஸ் என்கிற இந்தப் பெண்மணி ஆளுங்கட்சியான தி.மு.க-வைச் சேர்ந்தவர்! அவரிடம் மாநில அரசின் கட்டுப்பாட்டில் உள்ள போலீஸாரே விசாரணை நடத்தினால் எதிர்க்கட்சிகளாலும் மற்றவர்களாலும் அது ஒருதலைபட்சமாக பார்க்கப்படும் என்று முதல்வர் கருதினால்... பேசாமல் இதை சி.பி.ஐ. விசாரணைக்கேகூட விட்டுவிடலாம்.

இதுவரை காயத்ரி பேசிய தொலைபேசி எண்கள்... இதுவரை அவர்மூலம் முடிக்கப்பட்ட(?) கான்ட்ராக்ட் தொடர்பான தகவல்கள்.... அதில் சம்பந்தப்பட்ட மற்றவர்கள்.... இப்படி எல்லா விவரங்களையும் சி.பி.ஐ. மூலமாக வெளி உலகத்துக்குக் கொண்டு வந்து 'அக்னிப் பிரவேசம்' செய்ய தி.மு.க. அரசு தயங்காது என்றே நம்புவோம்!

Global Human Rights Organisation!

noreply@blogger.com (idhyam) — Tue, 28 Jul 2009 08:21:00 +0000

அன்பும், பண்பும், பாசமும் மிகுந்த வலையுலக நண்பர்களே மற்றும் வாசகர்களே உங்கள் அனைவர்க்கும் வணக்கம். கடந்த ஞாயிறு (26.07.2009) அன்று ‘நுகர்வோர் பொக்கிஷம்’ என்ற பெயரில் Free Circulation வந்தது.

அதில் Global Human Rights Organisation பற்றி 6 பக்க செய்தி வெளிவந்திருந்தது. இதன் மூலம் சாதாரண மனிதனுக்கு உள்ள அடிப்படை உரிமைகள் பற்றி தெரிந்து கொள்ளலாம். கடந்த10 ஆண்டுகளாக திரு. நடராஜன் அவர்கள் இந்த Global Rights Organisation என்ற நிறுவனத்தின் மூலம் பல பேருடைய உரிமைகளை பெற்று தந்துள்ளார். எனவே, விருப்பம் உள்ள அன்பர்கள் கிழ்கண்ட முகவரி தொடர்பு கொண்டு தங்கள் சந்தேகங்களை தீரத்து கொள்ளும்படி கேட்டுக்கொள்கிறேன்.

Mr. S. Natarajan,

National Vice President

12, Krishnasamy street,

I.O.B Upstairs,

Palavanthangal,

Chennai – 600 114.

Cell: 98410 13897, 99411 85467, 93800 61743

E_mail : nvp.globalhuman@gmail.com.com

ஆட்டோக்காரர்களுக்கு அரசு வைத்த ஆப்பு!

noreply@blogger.com (idhyam) — Tue, 28 Jul 2009 03:49:00 +0000

தமிழ் நாட்டுக்கு வரும்வெளிநாட்டவர் மற்றும்வட இந்தியர்கள்பயப்படும், வெறுக்கும்ஒரே விஷயம் நம்ஆட்டோக்காரர்களின் cheating செயல், சிலஆட்டோகாரர்கள் செய்யும்செயலால் நமதுமாநிலத்திற்கேகெட்டபெயர். கடந்தமாதம் தமிழக அரசு'ஆட்டோ புகார் அட்டை'என்ற புதிய முறையை அறிமுகம்செய்துள்ளது.

இதன் முலம் எந்தொருஆட்டோ ஓட்டுனரும்பயணிகளிடம்அவமரியாதையாகபேசினாலோ, வாடகைக்குவர மறுத்தாலோ,அதிககட்டணம்கேட்டாலோ ,அஜாக்கிரதையாகவண்டியை ஓட்டினாலோ,மீட்டர் போட மறுத்தாலோஅந்த அட்டையில்தகவலை தெரிவித்துநேரிலோ, தபால்முலமாகவோ புகார்செய்யலாம்

The Additional Commissioner of police Traffic,

Chennai Traffic police Hqs,

Kilpauk,

Chennai – 600 010.

இதில் முக்கியமான விஷயம் இரவு பயணத்தின் போது ஆட்டோகரர்கள் பகல் நேரத்தில் வசூலிக்கும் தொகையில் 25% மட்டுமே அதிகமாக வசூல் செய்யவேண்டும். இந்த புகார் அட்டை அனைத்து Traffic Police Station களில் கெடைக்கும். நேரிலும் சென்று புகார் செய்யலாம். தயவு செய்து இந்த செய்தியை உங்கள் நண்பர்கள் மற்றும் உறவினர்களுக்கு தெரியப்படுத்தி விழிப்புணர்வை ஏற்படுத்தவும்.

கலைஞர் தொலைக்காட்சியின் தமிழ் கொலை!

noreply@blogger.com (idhyam) — Fri, 24 Jul 2009 12:11:00 +0000

நேற்று கலைஞர் தொலைக்காட்சியில் பகல் 11:30 மணிக்கு இலவச காபீட்டு திட்ட தொடக்க விழா பற்றிய நிகழ்ச்சி பகல் 12 மணி செய்திகளில் இடம் பெறுகிறது. என்ற செய்தியை Flash scrolling செய்தார்கள்.

அதில் ‘தொலைக்காட்சி ‘என்பதற்கு பதிலாக 'தெலைக்காட்சி' என்று அருமை தமிழை பயன்படுத்தினார்கள். சாதாரணமாக பாதி தமிழ், பாதி ஆங்கிலத்தில் நிகழ்ச்சி தொடர்வதற்கு மத்தியில் தமிழ் கொலை ஆரம்பித்துள்ளது! வால்க தமில்!!

'கவிப்பேரரசு' செல்லப்பெயர்!

noreply@blogger.com (idhyam) — Mon, 20 Jul 2009 14:46:00 +0000

தமிழில் No.1 நாளிதழின் வார புத்தகத்தில் சில ஆண்டுகளுக்கு முன்னால் நமது "கவிப்பேரரசுவை" 'டை-மண்டு' என செல்லப்பெயரிட்டு மாதத்திற்கு மூன்று மிக மிக நல்ல செய்திகளை வெளியிடுவதை வழக்கமாக வைத்திருந்தார்கள். தற்போது அது போல் வருவதில்லை ( நாளிதழ் அலுவலகத்திற்கு ஆட்டோ சென்றதா ? வேறு ஏதாவது கொடுக்கப்பட்டதா ? தெரியவில்லை !!)

2000 ஆண்டு உதவி இயக்குனரின் திருமணத்திற்காக கவிப்பேரரசு தஞ்சை வந்திருந்தார். அவர் தஞ்சை வரும்போதெல்லாம் அவரை சுற்றி கவிதை வெறியர்கள் சுற்றியிருபர்கள் தற்போது அவர்கள் கவிப்பேரரசுவின் 'வெற்றித் தமிழர் பேரவை' உறுப்பினர்கள்!

அப்போது சில ரசிகர்கள் preview show மட்டும் முடிந்து திரைக்கு வராமல் இருந்த 'ஹேய் ராம்' படம் எப்படி இருந்தது என்றார்கள்? "

உலக தரமான தமிழ் படம். வர்த்தக ரீதியான வெற்றி கடினம்" பேரவை உறுபினர்கள் கை தட்டி மகிழ்ச்சியை தெரிவித்தனர்.

மற்றொரு ரசிகன் அப்போது வளர்ந்துவந்த யுவன் சங்கர் ராஜா இசையில் பாடல் எழுதுவீர்களா? என்றார் கவிப்பேரரசு தன்னுடைய கணீர் குரலில் அவருக்கே இசையமைக்க படங்கள் இல்லை நான் எப்படி அவர் இசையில் பாடல் எழுவது? என்றார்.

பேரவை உறுப்பினர்கள் கை தட்டி, விசில் அடித்து மகிழ்ச்சியை கொண்டாடினார்கள். அந்த நிகழ்ச்சியை தற்போது நினைக்கும்போது நாளிதழ் அவருக்கு சரியான பெயரைதான் வைத்துள்ளது 'டை-மண்டு'

பேருந்து நடத்துனரின் நல்ல ஐடியா!

noreply@blogger.com (idhyam) — Sun, 19 Jul 2009 04:16:00 +0000

சில ஆண்டுகளுக்கு முன் ஐந்து ரூபாயின் தட்டுபாடு அதிகமாக இருந்தது. தற்போது ஐம்பது பைசாவின் தட்டுபாடு அதிகமாக இருக்கிறது. சென்னையில் பேருந்து பயணம் செய்யும் பல பயணிகளுக்கும், நடத்துனருக்கும் இந்த ஐம்பது பைசவிற்காக பிரச்னை தினசரி வாடிக்கை.

சில அனுபவமுள்ள பயணிகள் நடத்துனர் அருகில் நின்று மற்றவர்களுக்கு டிக்கெட் வாங்கி கொடுத்துக்கொண்டு இருப்பார்கள். அப்போது மற்றவர்களுக்கு மீதி பாக்கி ஐம்பது பைசா இல்லை என சொல்லசொல்லுவார். அப்போது, அனுபவ பயணிகள் அந்த அம்மாவிற்கு கொடுக்க வேண்டிய ஐம்பது பைசாவுடன் என்னுடைய பாக்கி ஐம்பது பைசா சேர்த்து ஒரு ரூபாயாக வாங்கிவிடுவார்கள்.

நேற்று திருவான்மியுரிலிரிந்து பிராட்வே செல்லும் பேருந்தின் நடத்துனர் பயணிகளிடம் ஐம்பது பைசா இல்லை எனவே தாங்கள் இறங்கும் பேருந்து நிறுத்தத்திற்கு அருகில் முழு விலையுள்ள டிக்கெட் (3, 4, 5 … ) வாங்கிகொள்ளவும் என்றார். இதன்முலம் ஐம்பது பைசாவை தான் வேண்டுமென்ற வைத்துக்கொண்டு இல்லை என்பதை தவிர்த்தார். பெரும்பாலான பயணிகள் ஐம்பது பைசாவை நீங்களே வைத்துக்கொண்டு சரியான டிக்கெட் கொடுத்தால் போதும் என்று மகிழ்ச்சியுடன் சென்றார்கள்.

எனவே, தாங்கள் பயணம் செய்யும் போது நீங்கள் இறங்கும் நிறுத்தத்திற்கு அருகில் உள்ள முழு விலையுள்ள டிக்கெட் வாங்கிகொள்வதன் முலம் நடத்துனரிடம் நடக்கும் விவாதத்தை தவிர்க்கலாம்.

பத்மஸ்ரீ விவேக்கின் மறுபக்கம்!

noreply@blogger.com (idhyam) — Sat, 18 Jul 2009 00:27:00 +0000

சில ஆண்டுகளுக்கு முன் தஞ்சாவூர் அருகில் உள்ள பூண்டி புஸ்பம் கல்லுரி ஆண்டு விழாவிற்கு 'ஜனங்களின் நாயகன்' விவேக் வந்திருந்தார். அவரை நான் மற்றும் எனது நண்பர்கள் தனசேகர், சாய் சுதாகர் ஆகியோர் தஞ்சை ரயில் வே ஸ்டேஷனில் சந்தித்தோம்.

அப்பொழுது சாய் சுதாகர் ஒரு புத்தகத்தை அவருக்கு கொடுத்தான் அப்போது அவர் உங்களின் முகவரியை எழுதி கொடுங்கள் நான் புத்தகத்தை படித்து விட்டு கடிதம் போடுகிறேன் என்றார் இதுவரை எந்த தகவலும் இல்லை.

“என் சார் நீங்க இன்னும் கமல் சார் படத்தில நடிகல? என்றேன்”

"என்னை ஒரு மாதிரி பார்த்து கோபமாக இந்த கேள்விய ஏன் என்கிட்ட கேட்குறிங்க போய் அவர்கிட்ட, ஏன் விவேக்க உங்க படத்தில நடிக வைக்க மாட்டேன்கிறேங்க கேட்க சொன்னார்”

நான் அவரை சமாதான படுத்தும் நோக்கில் கரெக்ட் சார் அவர் இதுவரை ரகுவரனை கூட அவர் படத்தில பயன்படுதிக்கவில்லை என்றேன். வேகமாக சென்ற விவேக் “குட்” என்றார். மேலும் அவர் எங்களை போன்ற திறமையான நடிகர்களை பயன்படுதிக்க மாட்டார்!! என்றார்.

இந்த உலக மகா முக்கியமான விஷயத்தை நான் எதுக்கு சொல்லுறேன்னா மகா ஜனங்களே ஆடியோ ரிலீஸ், திரைப்பட வெற்றிவிழா போன்ற நிகழ்ச்சிகளின் பேசும் சில நடிகர்கள் அரசியல் வாதிகளை விட பல மடங்கு மோசமானவனுகோ! மைக் முன் ஒன்றும் மைக் இல்லாதப ஒன்றும் பேசும் கில்லாடிகோ!

இதை படிக்கும் அன்பர்கள் விவேக் E-Mail முகவரி தெரிந்தால் எனக்கு அனுப்பிவைக்கவும்!

இந்திய பணியாளர்களின் மனநிலை !

noreply@blogger.com (idhyam) — Tue, 14 Jul 2009 21:54:00 +0000

'என் வேலைக்கு உத்தரவாதம் இல்லையே..."

இப்படி ஒரு கவலைத் தோய்ந்த வாக்கியம், ஐ.டி. பணியாளர்கள் மட்டுமின்றி, வெவ்வேறு துறைகளைச் சார்ந்தவர்களின் பேச்சிலும் அதிக அளவில் வெளிவரத் தொடங்கியிருக்கின்றன!

பிரபல ஆய்வு நிறுவனமான பாஸ்டன் அனாலிடிக்ஸ்-சின் (Boston Analytics) நுகர்வோர் நம்பிக்கைக்கான மாதாந்திர அய்வும் இதையே கூறுகிறது.

இந்தியாவில் வேலை உத்தரவாதம் (Job security) குறித்து பாஸ்டன் அனாலிடிக்ஸ் நிறுவனம் சென்னை, டெல்லி, கோல்கத்தா, மும்பை உள்பட 15 முக்கிய நகரங்களில் மொத்தம் 10 ஆயிரம் பேரிடம் கருத்துக் கணிப்பை நடத்தியது.

இதில், 52 சதவீதத்தினர் தங்களது வேலை உத்தரவாதம் குறித்து கவலை தெரிவித்துள்ளனர். தங்களது வேலை எப்போது பறிபோகுமோ என்ற பயம் அவர்களிடம் இருப்பது தெரியவந்துள்ளது. உலகப் பொருளாதார நெருக்கடியின் பிரதிபலிப்பு மிகுதியாக இருந்த கடந்த ஆண்டு ஜூன் மாதத்தில் இந்த நிலை 48 சதவீதமாகவே இருந்தது குறிப்பிடத்தக்கது.

இந்தியப் பொருளாதாரம் மீண்டு வருவதாக அரசு தெரிவித்து வரும் நிலையில், வேலை உத்தரவாதம் குறித்த கவலை மேலும் அதிகரித்திருப்பது கவனத்துக்குரியது.

கடந்த ஆண்டு ஆகஸ்ட் மாதத்தில் இருந்து, 'வேலை உத்தரவாதம் இல்லை' எனப் புலம்பிக் கொண்டிருந்தவர்களில் விகிதம் அதிகபட்சமாக இருப்பது, இந்த ஜூன் மாதத்தில்தான் என்கிறது அந்த ஆய்வு!

இந்தியாவின் 9 சதவீத பொருளாதார வளர்ச்சிக்கு உறுதுணைபுரிகின்ற தகவல் தொழில்நுட்பம், கட்டுமானம், விமானப் போக்குவரத்து, நிதி சேவைகள், ரியல் எஸ்டேட் ஆகிய துறைகளில் கூட குறிப்பிடத்தக்க அளவில் ஆட்குறைப்பு செய்யப்பட்டுள்ளது.

அதேநேரத்தில் ஓட்டல் மேனேஜ்மென்ட், வங்கி, சில்லறை வணிகம், எரிசக்தி, பார்மஸி முதலிய துறைகளில் வேலைவாய்ப்பு குறிப்பிடத்தக்க வகையில் இருப்பதாக அந்த ஆய்வு தெரிவிக்கிறது.

மேலும், இந்தியப் பணியாளர்களிடையே நேர்மறை சிந்தனை மிகுதியாகியிருப்பது ஒரு பாஸிட்டிவான அம்சம்.

'ஆட்குறைப்பால் வேலை போனால் கூட, வேறு வேலையை உடனடியாகத் தேடிக் கொள்ள முடியும்,' என்று மொத்தம் 43 சதவீதம் பேர் கருத்துக் கணிப்பின் போது குறிப்பிட்டிருப்பது ஒரு வகையில் சாதகமான மனப்போக்குதான்!