iHamdy

structured programming (modular programming)

2012-06-05T03:31:00.000+02:00

Structured programming (sometimes known as modular programming) is a subset of procedural programming that enforces a logical structure on the program being written to make it more efficient and easier to understand and modify. Certain languages such as Ada,Pascal, and dBASE are designed with features that encourage or enforce a logical program structure.

Structured programming frequently employs a top-down design model, in which developers map out the overall program structure into separate subsections. A defined function or set of similar functions is coded in a separate module or submodule, which means that code can be loaded into memory more efficiently and that modules can be reused in other programs. After a module has been tested individually, it is then integrated with other modules into the overall program structure.

Program flow follows a simple hierarchical model that employs looping constructs such as "for," "repeat," and "while." Use of the "Go To" statement is discouraged.

Structured programming was first suggested by Corrado Bohm and Guiseppe Jacopini. The two mathematicians demonstrated that any computer program can be written with just three structures: decisions, sequences, and loops. Edsger Dijkstra's subsequent article, Go To Statement Considered Harmful was instrumental in the trend towards structured programming. The most common methodology employed was developed by Dijkstra. In this model (which is often considered to be synonymous with structured programming, although other models exist) the developer separates programs into subsections that each have only one point of access and one point of exit.

Almost any language can use structured programming techniques to avoid common pitfalls of unstructured languages. Unstructured programming must rely upon the discipline of the developer to avoid structural problems, and as a consequence may result in poorly organized programs. Most modern procedural languages include features that encourage structured programming. Object-oriented programming (OOP) can be thought of as a type of structured programming, uses structured programming techniques for program flow, and adds more structure for data to the model.

سنة اولي تدوين

2011-06-26T10:14:00.001+02:00

امبارح كان عيد ميلاد المدونة الاول .. كنت مخطط اني اكتب البوست ده امبارح بس ظروف الماتشات احالت دون ذلك وبالمناسبة مبروك للاهلاوية وهارد لك للزمالكاوية ..

ثمار اول سنة تدوين :

التجربة حلوة اوي علي الرغم اني مش بكتب كتير لكن كون ان ليك مساحة تقدر تقول فيها اللي انت عايزو حاجة حلوة اوي
اتعرفت علي ناس زي الفل من خلال متابعتي ليهم ومن خلال يوم اسكندرية اللي اتجمع فيها ناس من القاهرة وناس من اسكندرية
قبل التدوين كانت اهتماماتي متمركزة علي مجال شغلي لكن بعد كده اهتميت بحاجات تانية كتير

اتمني ان الفترة الجاية تكون احسن واقدر اكتب كتير ..

اشكركم علي وقتكم ..

إتبسط .. اوي

2010-12-09T12:36:00.000+02:00

المقال ده بتاع عمرو سلامة .. بجد تحفة عجبني اوي .. عجبتني الفكرة قولت اشارككم بيها ..

هو ببساطة بيقولك ازاي تبقي مبسوط بشتي الطرق ومفيش حاجة تضايقك مهما كانت ولو متضايق اعمل اي حاجة مختلفة او مطرقعة او مجنونة المهم النتيجة في الاخر انك تكون مبسوط ....... اسيبكم مع المقال

إشتري علبة شوكولاتة مستوردة غالية و كلها.

بص على بنت حلوة و إعرف أنها لو عرفتك كويس أكيد هتحبك.

إلعب لعبة مالعبتهاش من و إنت صغير.

إعرق و إنهج و حس إنك عايش.

إطفي نور أودتك شغل التكييف إسمع أكثر مزيكا بتحبها و إسرح معاها.

بص لأهلك و عرفهم قد إيه بتحبهم.

بص للي تحتك و إعرف قيمة كل حاجة معاك.

بص للي فوقيك و إعرف إن رغبتك إنك تبقى زيهم هي اللي مدية طعم لحياتك.

إستمتع بشمس الصيف.. بصلها و قولها إنك مش كارهها.. حتى لو عرقتك و لزقتك..

روح أقعد على البحر.. دخل رجليك في الرمل.. و خرجها.. بطل تفكير.. و إبدأ حس..

في الشتا إنزل تحت البطانية و حط كوباية الشوكولاتة السخنة جمبك.. إبتسم و غمض عينيك و نام.

إشتغل لحد ما تحس إنك مت.. نام ثاني و إشحن و روح موت نفسك ثاني.. وإعرف إنك زودت حاجة للدنيا ماحدش كان هيزودها غيرك.

إعرف إنك كائن مهم و في كل لحظة بتغير إتجاه التاريخ.

بص لشحات واقف جمبك.. ماتديلوش ولا نكلة.. بس سلم عليه و إضحكله و قوله “عامل إيه؟ تمام؟”

سلم على واحد صاحبك و خدوا بالحضن.. و زود مدة الحضن ثانية زيادة.. هتقوله حاجات كثير.. – بس إتأكد إن نيته مش وسخة و إنه عارف إنك “مستقيم” –

بص لبنت مغرورة و إضحك من جواك.

بص لبنت وحشة و عاكسها بنظراتك و إعرف إنها هترجع البيت مبسوطة.

بدون سبب إبعت رسالة لأي حد بتحبه قوله حاجة حلوة.

إفتح شباك العربية و إطلع على طريق سريع خلي الهوا “يطس” في وشك.. صرخ.. بس إتأكد إنك مش داخل على لجنة و إنك لوحدك و مافيش حد تعرفه في العربيات اللي حوليك.

إضربها جزمة.

خلى اللي يكره يكره و اللي يشتم يشتم وإعرف إنهم مضيعين وقتهم.

إتأكد إنك لو عارف إنك هتموت بكرة هتعمل نفس اللي بتعمله دلوقتي.

حب جامد قوي حتى لو حبك مش هيستمر لحد بليل.

كل أكلة حلوة قوي.. بس ماتخليهاش تشبعك.

إشرب مشروب دخلت المطبخ و إخترعته و لو ماعجبكش إرميه في الحوض و إنزل إشرب حاجة ثانية بتحبها.

ماتشربش شيشة أو سجاير.. إشرب الهوا.. إستمتع بيه.. مش هتعرف قيمته إلا لو خلوا الهوا بفلوس.. ساعتها هتستمع بيه كأنه سيجارة حشيش مغربي.

بطل خمرة و مخدرات.. و إتعلم إزاي تستمتع بحتى أوحش الحاجات حوليك.

أكسب نفسك و حب حد بيكرهك.

إكسب نفسك ثاني و حب حد بتكرهه.

إكسب نفسك ثاني و إنسى حد لسه بتحبه من غير ما تكرهه.

إتفرج على ماتش كورة لفرقتين ماتعرفهمش و شجع واحد فيهم قوي.. قوي.. حتى لو كان بيلعب زي الزمالك.

إنزل شجع مع الزملكاوية لما يكسبوا.. حتى لو إنت مش زملكاوي.

إقرا الكلام ده من غير ماتعلق عليه و لو مش عاجبك بطل قراية.

شوف فيلم الكيف و ماتتفرجش على آخر ربع ساعة فيه.

إتفرج على الناظر من أول ما بيظهر محمد سعد.

لما تقابل واحد مش فاكر إسمه و مش بتسلم عليه عادة خده بالحضن و قوله واحشني جدا يا معلم..

إقرا كتاب عن موضوع معقد مانتاش فاهمة و بعدها إنزل مع صحابك.. هتتبسط قوي.

جرب أكلة جديدة في مطعم فخم.. ثمنها يخرب بيتك.. و روح و إنت مبسوط.

شد مع عربية سيات.

إلبس أحلى لبس عندك و إنزل إمشي في الشارع و إنت فارد ظهرك.. و ماتحطش إيديك في جيبك خليهم أحرار.

إشتري ورد لواحدة تعرفها عادي.. و قولها أصلك زي أختي و بعزك قوي.. هتتجنن.

إرقص حتى لو في أودتك و إنت قافلها بالمفتاح.. ممكن تغني كمان و إنت ماسك الفرشة على إنها ميكروفون.

إفتكر قبل ما تنام كل الكلام الحلو اللي سمعت الناس بتقوله عنك.

كل ما تلاقي حد بيحكي عن مشكلة دورله عن الجانب المشرق فيها.. مهما كانت عويصة.. طلعله فيها فوايد و باركله.

كل ما حد يقولك إزيك عامل إيه؟ قوله الحمد لله مبسوط قوي.. قولها بسرعة من غير ماتفكر و إبتسم.. لوحدك هتتبسط فعلا.

شوف إيه أكبر مشكلة في حياتك.. فكر في أسوأ حاجة ممكن تحصل بسببها و هتلاقيها مش هتموتك و هتفضل برضه في الآخر فوق الأرض مش تحتها و إن الدنيا هتمشي و إحمد ربنا.

فكر في الموت كويس.. و إعرف إنه لسة ماجاش و إعرف إنه قبل ما ييجي لازم تعمل كل اللي نفسك فيه.. و لازم تتبسط و ماتضيعش لحظة مدايق مهما كان السبب.

سافر حتة ماروحتهاش قبل كده.. صورها و صور نفسك فيها.. صلي فيها.. أو بوس أرضها.. أو خد منها تذكار و إرجع ثاني نام على سريرك و عرفه إنه وحشك.

إستحمى في نص ساعة.. خلى المية تنزل على وشك و إسمع صوتها كويس.

جيب لنفسك هدية و إستنى لحد عيد ميلادك و إديها لنفسك.

جيب هدية لحد بتحبه من غير مناسبة.. و إديهاله في عدم إهتمام كأنك ماعملتش حاجة غريبة.

إنزل من بيتك بشبشب و شورت من غير ماتسرح شعرك.. و إتأكد من جواك إنه عادي جدا.. أنا مش مهتم.. و خليك واثق من نفسك.

إشرب مية كثير.

ماتغضبش مهما حصل.

أشكر كل الناس بسبب و من غير سبب.

لو حد إتريق عليك إضحك.. حتى لو من جواك بتضحك عليه.

لو حد شتمك حط ده في تانك البنزين بتاعك علشان يبقى طاقة تحركك لقدام.

لو الناس بعدت عنك إعرف لأنكم مش زي بعض.. لا هما وحشين و لا إنت وحش.. إنتم بس مش زي بعض.. و إتبسط إنك مش بتضيع وقتك معاهم.

لو لقيت نفسك لوحدك شوية ده معناه إنك فريد و نادر من نوعك.. و مين في الدنيا يقول إن نوعك غلط أو وحش.. بس إنت تقدر تتأكد إن ده النوع المناسب ليك.. و إتبسط بيه.. و لو نفسك تغيره غيره.. مافيش حاجة بتلزق حتى إسمك و دينك.

بص لإمبارح.. و شوف إتعلمت منه قد إيه..

خطط لبكره بس إوعى تخاف منه .. إزاي تخاف من حاجة إنت اللي بتبنيها أصلا.. حاجة لسة ماحصلتش و ماحدش في الدنيا يقدر يعرف إيه اللي هيحصل فيها..

إستمتع بالنهاردة كويس.. لأن كل نهاردة هيبقى إمبارح بتاع بكرة زي ما كان بكرة بتاع إمبارح..

إسمع أغنية مدحت صالح وانا ويايا بعيش زي المليونيرات و شوفها على اليو تيوب و إضحك منها أو عليها.. بس في الحالتين هتضحك.

لما حد يحكيلك حاجة مملة علشان يبين مواهبه في الحياة إعمل نفسك متهم آخر حاجة و لما يخلص إعمل نفسك منبهر آخر حاجة برضه.. و كمان إسأله عن تكملة الحكاية.. بس ماتعملش كده كثير.. مرة كل فين و فين..

إفتكر أيام لما كنت بتصحى بدري علشان المدرسة.. و لما كنت بتذاكر فيزيا أو تاريخ.. و أهلك مانعينك من النزول و إتبسط إن ده كله خلص و مش راجع ثاني.

إتبسط.. و لو مش عايز تتبسط.. مش هتعرف تعكنن عليا.

لإن أنا مبسوط.

مصر النهاردة ....

2010-10-15T18:20:00.000+02:00

انتابني شعور سيء وانا بشوف الفيديو اللي انتشر علي الفيس بوك واليوتيوب منذ ايام والذي تستضيف فيه الاعلامية مني الشرقاوي الدكتورة نادية رضوان أستاذ علم الاجتماع جامعة بورسعيد و الدكتور جمال مختا ر خبير المعلومات والشبكات الاليكترونية، مؤلف كتاب "هل الفيس بوك عدو أم صديق" في البرنامج الشهير "مصر النهاردة" "البيت بيتك سابقا"

"موضوع الحلقة كان عن مزايا وعيوب الفيس بوك"

انا اكتشفت فعلا ان مصر فيها 80 مليون بس بين قوسين 80 مليون مفتي ..... مفيش حد بيقول معرفش لا كل واحد بيقول اي كلام في اي كلام المهم انه يقول ويثبت ذاته في الحياة انه بيعرف يتكلم .. من غير ما يتاكد ولو بنسبة واحد في المية ان كلامه صح ولا لا .

هاسيبكم للفيديو اللي جابلي الضغط وانا لسا في ريعان شبابي (وش حزين) .

ده لينك اول فيديو

http://www.youtube.com/watch?v=Vk8dT6SSVyI

وده التاني
http://www.youtube.com/watch?v=xWcst7HgqBc&feature=related

وده التالت

http://www.youtube.com/watch?v=fOkS_nu8u_k&feature=related

اتمني الناس ميكونش حصلها اللي حصلي :D

الست مني بتقول وانا طبعا هاديها لقب الست مني لان دي مينفعش تبقي مذيعة بعد السقطات اللي عملتها دي حتي لو كانت مجرد مذيعة بتقول اللي معد البرنامج عمله دي ميمنعش انها تبقي اعقل منه لو هو مجنون :

1- الفيس بوك بيلم الناس في مجموعات تقول اللي في قلبها بصراحة وتلقائية شديدة جداً وحميمية (عندها حق)

2- الفيس بوك خلاهم يحطوا صورهم وصور أقاربهم، من غير ما يعرفوا اللي هيشوفها ده مين ومن أي دولة !! (شوفي ياختي ازاي) طبعا هي متعرفش حاجة عن البريفسي بوليسي او سياسة الخصوصية ..

3- الفيس بوك تبع شركة جوجل العالمية (الله اكبر.. اول مرة اعرف بصراحة).

4- وهو حجرة من حجيرات شركة جوجل وان جوجل دي شركة كبيرة جدا بتعتبر دولة داخل امريكا (كلام متنقي فعلا .. انا هاروح ارشح نفسي في دولة جوجل :D)

5- اللي بيحط صورة ويرجع يشيلها هي بتتشال من قدامو لكن هو ما يعرفش انها بتفضل موجودة عندهم فوق :D:D (يا عم فوق بقي )

بعد كده دخلت في نقاش مع الضيوف الكرام ..

والحاجة التانية بتقولها الفيس بوك انا زعلانه منه جدا (طب ما نصالحكم علي بعض) راحت مني قايلالها انا عمري ما دخلت علي الفيس بوك ده (طب ازاي بتنتقديه وانتي عمرك ما دخلتي عليه ) ودي سقطة اخري .

وبعدين دخلت مع الدكتور في حوار اخر كان هيودينا في داهية اما دخل في السياسة وغسيل الاموال (وش مستغرب ) والكورة (دكتور دكتور يعني)..

في الفيديو التاني فيه كلام عن 6 ابريل اللي هي حركة تخريبية والشات رومز والجروبز اللي اسرائيل بتتفرج علينا فيها وبنقول ايه عليها ..

بعد كده قال الدكتور اللذيذ ده احنا نعمل وصايا عشر للتعامل مع الفيس بوك (:D) (والله فكرة بردو).

بعد كده في الفيديو التالت مني بتقول ان الفيس بوك هيعمل تمويل مادي للمؤسسات اللي بتتعامل من خلال الفيس بوك (والله كويس انا هاتعامل انا كمان واخد التمويل ده)..

بمناسبة موضوع الناس اللي بتفتي دي كان حصلي حاجة ظريفة كده بتاكد بردو ان انا مينفعش اقول معرفش لا هاقول واللي يحصل يحصل

ايه هي بقي ؟؟

كنت رايح عزاء انا واتنين صحابي في عربية واحد صاحبي في مكان اول مرة نروحو المهم جينا في مكان مفترق طرق ومش عارفين نمشي شمال ولا يمين المهم لاقينا اتنين واقفين علي جنب كده فراح صاحبي سالهم لو سمحتوا هو منين يودي علي المكان الفلاني

وعينك ما تشوف الا النور !!

كل واحد ودا دراعه في مكان واحد قال شمال وواحد قال يمين علي الرغم انهم من المنطقة والمفروض انهم يكونوا عارفين وبالتالي يكونوا متفقين علي اتجاه واحد لكن لايمكن كل واحد لازم يعبر عن ذاته بطريقته :D

طبعا ساعتها كنا هنموت من الضحك وبعدين استنينا حد تالت يقولنا علي الطريق ويمكن تكون التالتة تابتة وكانت المفاجاة !!

الحد التالت قلنا علي طريق تالت خالص غير الاتنين الاولانيين :D

انتهي ..

الفســــاد السيـــــاسى

2010-10-13T23:48:00.001+02:00

ذات مرة سأل طفل والده : ما معنى "الفســــاد السيـــــاسى" ؟؟

فأجابه : لن اخبرك يابنى لأنه صعب ولكن .. دعنى اقرب لك الموضوع بمثال بسيط :-

انا اصرف علي البيت اذا انا امثل الرأسمالية ،،

امك تنظم شئون البيت لذلك فهى تمثل الحكومة ،،

انت يابنى تحت تصرفها اذا فأنت الشعب ،،

واخيك الصغير يمثل المستقبل ،،

اما الخادمة فهى تمثل الطبقة الكادحة.

والآن اذهب اذا وفكر لعلك تتوصل الى نتيجة.

فذهب الطفل و فى الليل لم يستطع ان ينام ..

فنهض من نومه قلقا على سماع بكاء اخيه الصغير..

فذهب ليخبر أمه..

فوجدها مستغرقة فى النوم ..

ولم تستيقظ ..

ولن تستيقظ!

فتعجب الطفل من ان والده ليس نائما بجوارها..

فذهب باحثا عن ابيه

فوجده فى غرفة الخادمة نائم معها!

و فى صباح اليوم التالى

ذهب الى والده وقال له : لقد عرفت معنى "الفســـــــــاد السيـــــــــاسى" يا ابى.

قال الوالد: وماذا عرفت؟

قال الطفل : عندما تلهو الرأسمالية بالقوى القادحة .. وتكون الحكومة نائمة فى سبات عميق .. فيصبح الشعب قلقا تائها مهملا تماما.. ويصبح المستقبل غارقا فى القذارة.

منقول..

حكمت المحكمة .. يحيا العدل ..

2010-09-30T19:22:00.001+03:00

من كام يوم حكمت المحكمة علي هشام طلعت مصطفي رئيس مجلس ادارة شركات طلعت مصطفي بالسجن 15 سنة وعلي السكري ظابط امن الدولة السابق 25 سنة في قضية مقتل المطربة اللبنانية سوزان تميم

يعني عمنا هشام خد 15 سنة * 9 شهور (سنة السجن ب 9 شهور) يعني 135 شهر يعني تقريبا 11 سنة وكسر وطبعا هيخرج بعد نص المدة (او تلات ارابع المدة مش عارف بالظبط ) حسن سير وسلوك يعني تقريبا 6 سنين الا كام شهر .. قضي منهم سنتين يعني هيخرج بعد 4 سنين الا كام شهر وممكن يخرج في اي مناسبة من المناسبات الحكومية بعفو رئاسي .. وده بدل ما كان محكوم عليه بالاعدام ..

وهي دي نزاهة القضاء ..

المفروض ان هشام مكنش خد كده خالص لان ممدوح اسماعيل صاحب العبارة الشهيرة السلام 98 قتل ييجي 1050 واحد ومخدتش غير 7 سنين فده بصراحة ظلم كبير اوي لهشام اللي يادوب حرض علي قتل واحدة وخد 15 سنة ..

بقي عادي اوي ان لو حد معاه فلوس يقدر يقتل في الناس وبعد كده يعيش يومين في السجن ودمتم ..

الجميل كمان ان هشام مش هيقعد في سجن عادي .لا ده هيكون بمثابة فرع جديد لشركات طلعت مصطفي فرع سجن مزرعة طره المعروف بسجن المشاهير من رجال الاعمال واصحاب اكبر الشركات واشهر المحامين واشهر الفنانين اللي مش هينفع بوست واحد او اتنين انو ياخد اسماء الناس دي كلها ..

وهيقدر الحاج هشام انو يدير شركته عادي خالص ويقدر كمان ياخد اراضي تانية من الدولة اللي المتر فيها ب 5 قروش ويعمل كومبوندز جديدة واحنا مش عارفين ناخد متر واحد من الدولة (هو احنا هشام طلعت ولا ايه)..

تصدقوا بردو هشام ممكن يعمل كومبوند جديد اسمه كومبوند طرة واهو يبقي بدل السجن للناس اللي بالي بالك بحيث ان اي حد منهم اتخنق من حد يقتلو ويروح يقضي يومين في كومبوند طره ...

وده جزء من مقال كنت قريته ايام محاكمة هشام طلعت مصطفي في احدي الجرائد

"وآخر المشاهير الذي تم ايداعه في سجن طره كان رجل الأعمال هشام طلعت مصطفي المتهم الثاني في قضية مقتل سوزان تميم.. والحق يقال فقد راعت الداخلية مكانة الرجل السياسية والاجتماعية والمالية تأكيداً لحديث الرسول الكريم «أنزلوا الناس منازلهم» حتي ولو داخل السجن وذلك لأن الحكمة الساندة تقول «أرحموا عزيز قوم ذل». ومن هذا المنطلق سمحت إدارة سجن ليمان طره لهشام طلعت مصطفي بجهاز تكييف وتليفزيون وجهاز كمبيوتر مزود بفاكس كما سمحوا لسكرتيره الخاص أن يزوره يومياً من العاشرة صباحاً إلي السادسة مساء للأطمئنان علي سير العمل في مجموعة طلعت مصطفي في سوق العقارات والاصلاح علي تقارير البورصة المصرية كما تفضلت الداخلية بمنحة مكتباً خاصاً مزود بكل وسائل الاتصالات لمباشرة أعماله الانشائية والتجارية. كما أشارت تقارير صحفية أن إدارة سجن ليمان طره منحت هشام طلعت مصطفي غرفة مجهزة بها مكتب وثير ومجموعة من المقاعد حتي يطمئن ويطلع علي حجم التعاقدات الجديدة وكذلك الذين انسحبوا من المجموعة بعد اتهام كبيرهم في تلك القضية الشائكة".

بس مش عارف ليه نسيوا يجيبولوا دي في دي :D

حسبي الله ونعم الوكيل ...

من وحي المسلسلات الرمضانية ..

2010-09-06T22:22:00.000+02:00

على الرغم من كثرة المسلسلات في رمضان هذا العام والتي وصل عددها إلى 50 مسلسلا او اكثر تكلفت 750 مليون جنيه مصري، إلا أن القليل منها فقط هو ما يستحق المشاهدة لا لشئ إلا لأنها اقتربت ولو قليلا من آلام الناس وما يعانونه في الحياة اليومية من منغصات.

وهناك عناوين وأسماء مختلفة لهذه المسلسلات تنطبق على واقعنا المعاش حاليا في مصر المحروسة، فمثلا يمكننا أن نطلق على حكومة الدكتور أحمد نظيف اسم (العار) بسبب فشلها في توفير أقل حقوق للمواطنين في أي دولة بالعالم وهي الغذاء والماء والكهرباء والسجاير ال (كليوباترا) والعلاج ووسيلة مواصلات آمنة مثل (الشيكروباص) تنقلهم إلى بيوتهم وأعمالهم لا إلى الدار الآخرة.

وعندما يشكو الشعب من المعاناة تجد الوزراء يخرجون عليك بتصريحات مستفزة تدعي أن الشعب المصري يعيش في (مملكة الجبل ) علي (ريش نعام) وأن هذا العصر هو أزهى عصور البصمجية والكفتجية والمهلبية و(الفوريجي)ـة. وجاءت أزمة انقطاع الكهرباء والمياه الأخيرة كـ (شاهد إثبات) على أن هؤلاء الوزراء لا يشعرون بما يعانيه الشعب المصري من آلام وكأنهم يعيشون داخل (العتبة الحمرا) ولكن (بره الدنيا) التي يكتوي فيها المصريون من حرارة الجو ولهيب الأسعار.

ألا تستحي هذه الحكومة من كثرة شكاوى الناس منها؟ فقد سألني صديق ذات مرة لماذا لا تقدم الحكومة في بلادنا استقالتها لعجزها عن حل مشاكل الناس؟ فأجبته بأن الوزراء افتكروا أن الوزارة هي (بيت العيلة) لا يستطيعون الخروج منه، وإلا تاهوا، فمن أين سيجدون ذلك النعيم الذي يعيشون فيه بعد خروجهم منها بعدما سألوا "مجرب" وأخبرهم بأن نار الوزارة ولا جنة الركنة والخروج منها. والأمر يتطلب تدخل الرئيس مبارك شخصيا لمحاسبة هؤلاء الوزراء عن ذلك التقصير في أداء مهام وزاراتهم بقرار بـ(الشمع الأحمر) بإقالة هذه الحكومة حتي يقول كل من تسول له نفسه (حرمت يا بابا)، عندها سيخرج الدكتور نظيف إلى القرية الذكية(حيث اعمل انا علي فكرة) ـ التي بالطبع سيتم إسناد أي منصب فيها له بعد خروجه من الوزارة ـ وهناك سيكتب (مذكرات سيئة السمعة) عن الفترة العصيبة التي قضاها في رئاسة الحكومة، وسيعترف فيها بأن الوزراء كانوا (مش فريندز) وكانوا عاملين فيها زي (اللص والكتاب <-الكلاب)ولهذا فشلت الحكومة في نيل رضا الناس، وأن خروجه من الحكومة كان (بفعل فاعل)، وأنه دائما ما كان يبحث عن (طوق نجاه) للبلد من أزماتها ولكن (السائرون نياماً) حالوا دون الوصول بالسفينة لبر الأمان فكان (موعده مع الوحوش) على مقهى (كابتن عفت) في (الحارة). وذات مرة سألتني (الجماعة) ـ يعني المدام ـ وهي طبعا عندي (اغلي من حياتي ) أليست هناك أية حلول لما يعانيه هذا البلد من أزمات، (أزمة سكر)، وأزمة عيش، وأزمة كهرباء، وأزمة مياه، وأزمة سكن، وأزمة ضمير وأخلاق، وغيرها الكثير؟،.. لقد كرهنا المعيشة في هذا البلد الذي يهان فيه الناس كل يوم للحصول على أبسط متطلباتهم. فقلت لها إن (أهل كايرو) هم سبب هذه الأزمات بسكوتهم على حقوقهم ورضاهم بما هم فيه وإلهائهم في لقمة العيش، وطوابير العيش الذي أصبح الحصول عليه إنجازاً وأكله إعجازاً. ولن يجدي اي شيء حتي ولو تم انتخاب( شيخ العرب همام ) في انتخابات الرئاسة المقبلة وفي الأخير لا أملك إلا أن أقول حسبنا الله ونعم الوكيل.. ولك الله يا مصر

للامانة جزء منقول وقمت انا بتكملته علي حد علمي ببعض اسماء المسلسلات الاخري بما يتماشي مع الاحداث..........

رمضان حصري .....

2010-08-10T18:30:00.000+03:00

بقالي اكتر من شهر بسمع الكلمة دي علي كل القنوات الفضائية منها واللا فضائية المسموعة منها وكمان المرئية ..

وهي جملة واحدة كالتالي

رمضان حصري ...علي (التليفزيون المصري .. تليفزيون الحياة ..بانوراما دراما (هتسيب شلل في بيتك )... ميلودي دراما ...والخ الخ)

وكأن القنوات دي اشترت شهر رمضان وبقي بتاعها هي بس علشان يقول حصري ...

ويا تري ده معناه ان اللي مش هيتفرج علي القنوات دي مش هيحضر شهر رمضان ؟؟!!!!

طب مانا كمان اقدر اقول

رمضان حصري علي مدونتي واهو حصري بحصري بقي ويكش تولع ..

اللي يغيظ في الموضوع ان اصلا مفيش حاجة حصري وكل القنوات بتعرض نفس المسلسلات وبتعيدها مرة واتنين وتلاتة ويقولك حصري ..

ده كمان نفس البروموهات هي هي اللي بتتعرض علي القنوات مع تغيير شعار القناة

انا زهقت شوية من الكمبيوتر بما ان شغلي عليه ليل نهار فطلعت اتفرج علي التي في (تليفزيون يعني ) المهم لقيت قناة بتعرض بروموهات لمسلسلات وبرامج رمضان .. تخيلو قعدت حوالي ساعتين اتفرج علي البروموهات بس.. دنا كمان نمت وصحيت وهي لسا بتعرض البروموهات اومال المسلسلات هتاخد وقت اد ايه ولا الاصح نقول يا تري هتسيب وقت اد ايه للواحد ولو حتي ساعتين في اليوم يقدر يصلي فيهم ويقرا الورد بتاعه من القران مضمنش بصراحة بعد اللي شوفته

ربنا يرحمنا برحمته ويعدي رمضان علي خير والواحد يطلع من الفائزين يا رب

" اَللّهُمَّ اجْعَلْ صِيامي فيهِ صِيامَ الصّائِمينَ وَ قِيامي فيِهِ قِيامَ القائِمينَ ، وَ نَبِّهْني فيهِ عَن نَوْمَةِ الغافِلينَ ، وَهَبْ لي جُرمي فيهِ يا اِلهَ العالمينَ ، وَاعْفُ عَنّي يا عافِياً عَنِ المُجرِمينَ "

اه بالمناسبة رمضان كريم وكل سنة وانتم طيبين وعلي الحب في الله دايما متجمعين وعن المسلسلات معرضين .

رسالة الي كل شاب طموح

2010-07-03T01:38:00.001+03:00

في عام 1989 ضرب زلزال مدمر أرمينيا، وكان من أقسى زلازل القرن العشرين وأودى بحياة أكثر من خمسة و عشرين ألف شخص خلال عدة دقائق، ولقد شلت المنطقة التي ضربها تماماً وتحولت إلى خرائب متراكمة،

وعلى طرف تلك المنطقة كان يسكن فلاح مع زوجته، تخلخل منزله ولكنه لم يسقط،وبعد أن اطمأن على زوجته تركها بالمنزل وانطلق راكضاً نحو المدرسة الابتدائية التي يدرس فيها ابنه والواقعة في وسط البلدة المنكوبة، وعندما وصل وإذا به يشاهد مبنى المدرسة وقد تحول إلى حطام،

لحظتها وقف مذهولاً واجماً، لكن وبعد أن تلقى الصدمة الأولى ما هي إلا لحظة أخرى وتذكر جملته التي كان يرددها دائماً لابنه ويقول له فيها: مهما كان (سأكون دائماً هناك إلى جانبك)،

و بدأت الدموع تنهمر على وجنتيه، وما هي إلا لحظة ثالثة إلا وهو يستنهض قوة إرادته و يمسح الدموع بيديه ويركز تفكيرهونظره نحو كومة الأنقاض ليحدد موقع الفصل الدراسي لابنه وإذا به يتذكر

أن الفصل كان يقع في الركن الخلفي ناحية اليمين من المبنى، و لم تمر غير لحظات إلا وهو ينطلق إلى هناك ويجثو على ركبتيه ويبدأ بالحفر، وسط يأس وذهول الآباء والناس العاجزين.

حاول أبوان أن يجراه بعيداً قائلين له: لقد فات الأوان، لقد ماتوا، فما كان منه إلا أن يقول لهما: هل ستساعدانني؟!، واستمر يحفر ويزيل الأحجارحجراً وراء حجر، ثم أتاه رجل إطفاء يريده أن يتوقف لأنه بفعله هذا قد يتسبب بإشعال حريق، فرفع رأسه قائلاً: هل ستساعدني؟!، واستمر في محاولاته،

وأتاه رجال الشرطة يعتقدون أنه قد جن، وقالوا له: إنك بحفرك هذا قد تسبب خطراً وهدماً أكثر، فصرخ بالجميع قائلا: إما أن تساعدوني أو اتركوني، وفعلا تركوه، ويقال أنه استمر يحفر ويزيح الأحجار بدون كلل أو ملل بيديه النازفتين لمدة (37 ساعة)،

وبعد أن أزاح حجراًكبيراً بانت له فجوة يستطيع أن يدخل منها فصاح ينادي: (ارماند)، فأتاه صوت ابنه يقول: أنا هنا يا أبي، لقد قلت لزملائي، لا تخافوا فأبي سوف يأتي لينقذني وينقذكم لأنه وعدني أنه مهما كان سوف يكون إلى جانبي.

مات من التلاميذ 14، وخرج 33 كان آخر من خرج منهم (ارماند)، ولو أن إنقاذهم تأخر عدة ساعات أخرى لماتوا جميعا، والذي ساعدهم على المكوث أن المبنى عندما انهار كان على شكل المثلث، نقل الوالد بعدها للمستشفى، وخرج بعد عدة أسابيع. والوالد اليوم متقاعد عن العمل يعيش مع زوجته وابنه المهندس، الذي أصبح هو الآن الذي يقول لوالده: مهما كان سأكون دائماً إلى جانبك ...!

إن الرغبة والقدرة على تخطي الصعاب وتجاوز المحبطات والمثبطات انما هي سمة الإداري الناجح، وعليه لا بد من التمسك برغباتنا وطموحاتنا حتى تكلل بالتطبيق العملي في أرض الواقع ولو بعد حين، فما من شيء في هذه الدنيا يكون لنا بين الكاف والنون، انما علينا العمل للوصول للغاية النبيلة التي نرنوا إليها، وكلما سمت غايتك عليك مضاعفة العمل وتقوية العزيمة والإرادة أكثر فأكثر

حيث أن النجاح ما هو إلا إرادة توجهها الإدارة

أن الإرادة القوية تعني الاستعلاء على كل مظاهر الإغراء والمتع اللحظية؛ بغية الوصول إلى الهدف المرسوم..

ولأن الإرادة القوية تعني التحلِّيَ بالصبر على معوِّقات العمل التي تقابلنا في الطريق، وإيجاد الحلول المناسبة لها حتى نحقِّق مرادنا ونصل إلى أهدافنا..

ولأن الإرادة القوية تعني الاتصاف بالقدرة على تحمل الأذى، وتجاوز الأزمات حتى يتحقق المأمول ونصل إلى الهدف المنشود..

ولأن الإرادة القوية تعني التصديَ لكل عوامل الضعف وبثّ اليأس والإحباط في قلوب أصحابها؛ وهو ما لا يقدر عليه إلا الكبار..

ولأن الإرادة القوية تعني الحرمان والمشقة أثناء السير في الطريق؛ وهو ما لا يقدر عليه إلا الكبار.

إن الإرادة هي تلك النقطة الصغيرة التي تمكث في عقلك الباطن وتحركك اتجاه ما تريد وتعطيك الدافعوالحافز في اتجاه هدفك و تمكنك من تذليل الصعاب و تحدي المعوقات لإكمال طريقك وإنجاز مبتغاك مهما صعب المشوار. ..................... منقول

بسم الله مجراها ومرساها

2010-06-25T19:44:00.000+03:00

بسم الله نفتتج المدونة ويا رب تكون وشها حلو عليا وتعرفني علي ناس زي العسل لاني بصراحة دي تاني مرة اعمل مدونة.
أول مرة كانت مش كويسة بصراحة لان كان فيه ناس مفيش وراها الا انها تقول اي كلام والسلام لمجرد انها تتكلم وبس علشان كده بتمني المدونة دي تكون مش زي اللي قبلها ويارب البوستات اللي هاعملها تنال اعجاب الجميع وخاصة الناس الاهلاوية منهم لان الناس دي علي راسي من فوووووووووووووووووووووق وطبعا الزمالكاوية ليهم منا كل احترام لاننا وطن واحد ومنتخب واحد وستة واحد وتلاتة واحد (وش بيضحك) .
يلا نوفر الضحك للي جاي وطيري يا نورماندي قصدي يا مدونتي