indru oru news

அலோபதி: மருந்துப் பெட்டியில் மரண அறிவிப்பு! ம.செந்தமிழன்

2014-02-01T19:31:00.001-08:00

Senthamizhan Maniarasan

20 October 2013 · Edited

அலோபதி: மருந்துப் பெட்டியில் மரண அறிவிப்பு!
ம.செந்தமிழன்

நாட்டில் உள்ள எண்ணற்ற ‘சர்க்கரை ஆராய்ச்சி மையங்கள்’, ‘சர்க்கரை நோய் சிறப்பு நிபுணர்கள்’, ’கணைய சிறப்பு நிபுணர்கள்’ மற்ற பிற அலோபதி அறிவாளிகள் ஆகிய அனைவரும் உங்களிடம் சொல்லியே தீர வேண்டிய உண்மை ஒன்றைப் பகிந்துகொள்ள விரும்புகிறேன்.

ஒருவேளை அவர்கள் இந்த உண்மையை உங்களிடம் சொல்லவே இல்லை என்றால், அதற்கான காரணம் என்னவாக இருக்கும் என்பதையாவது நீங்கள் சுயமாக சிந்திக்க வேண்டுகிறேன்.

சர்க்கரை நோயை அலோபதி மருந்துகள் தீர்க்காது என்பதை அலோபதி மருத்துவர்களே மிகுந்த பெருமிதத்துடனும் சற்றே ஆணவத்துடனும் அறிவித்துக் கொள்கிறார்கள். ஆனாலும், அந்த நோய்க்கென பட்டியல் பட்டியலாக பல மருந்துகளை அவர்கள் எழுதிக் குவிக்கிறார்கள். அந்த மருந்துகளில் ஒன்று பயோக்ளைடோசோன் (pioglitazone).

இந்த மருந்தினை மிக சமீபத்தில் (18/07/13) இந்திய சுகாதார அமைச்சகம் தடை செய்தது.
இந்த மருந்தைத் தொடர்ந்து உட்கொள்பவர்களுக்குப் பின்வரும் அபாயங்கள் நேரிடும் என்பது பல்வேறு ஆய்வுகளில் உறுதிசெய்யப்பட்டதுதான் காரணம். அந்த அபாயங்கள்:
1. இதயக் கோளாறுகள்
2. சிறுநீர் பை புற்றுநோய்
3. உடல் பருமன் அதிகரித்தல்
இவை தவிர வேறு பல நோய்களும் அறிவிக்கப்பட்டன.

அதாவது, தனக்கு சர்க்கரை நோய் இருக்கிறது என்பதற்காக ஒருவர் அலோபதி மருத்துவரிடம் சென்றால், அந்த மருத்துவர் எழுதிக் கொடுக்கும் மருந்து சர்க்கரை நோயைத் தீர்க்காது. ஆனால், இதயக் கோளாறு, புற்று நோய், உடல் பருமன் உள்ளிட்ட புதிய பல நோய்களை உருவாக்கிவிடும்.
இதற்குப் பெயர்தான் ’நவீன மருத்துவம்’ (modern medicine) என்பதை நினைவில் கொள்க.

இந்த பயோக்ளைடோசோன் மருந்தினை, ஏற்கெனவே சில நாடுகள் தடை செய்துள்ளன. சில நாடுகள் நிபந்தனைகளுடன் அனுமதித்துள்ளன. குறிப்பாக அமெரிக்க அரசு பயோக்ளைடோசோன் மருந்து ’மக்கள் மத்தியில் ஏற்படுத்தும் தாக்கங்கள்’ (epidemiological study) பற்றிய ஆய்வு ஒன்றை மேற்கொண்டது. ஆய்வுக் காலம் கடந்த 1997, ஜனவரி 1 முதல் 2008, ஏப்ரல் 30 வரை. பத்து ஆண்டுகள் நடந்தது இந்த ஆய்வு.

ஆய்வின் முடிவில் அமெரிக்க ’உணவு மற்றும் மருந்து நிர்வாக அமைப்பு’ வெளியிட்ட அறிக்கையின் சாரம் கீழே தரப்படுகிறது.
1. பயோக்ளைடோசோன் மருந்தினை ஒரு ஆண்டுக்கும் மேலாக உட்கொண்டு வந்தால், சிறுநீர் பை புற்று நோய் வருவதற்கான வாய்ப்புகள் அதிகரித்துள்ளன!

2. மருத்துவர்களுக்கு இதனால் அறிவிக்கப்படுவது என்னவென்றால்:
• ஏற்கனவே சிறுநீர்ப் பை புற்றுநோய் இருப்பவர்களுக்கு பயோக்ளைடோசோனைப் பரிந்துரைக்காதீர்கள்
• இரத்தத்தில் குளுகோசின் அளவைக் கட்டுப்படுத்துவதில், பயோக்ளைடோசோனின் செயல்பாட்டினை மதிப்பிடும்போது, அம்மருந்தினால் புற்றுநோய் வரும் அபாயத்தையும் கணக்கில் கொண்டு செயல்படுங்கள்.

3. நோயாளிகளுக்கு இதனால் அறிவிக்கப்படுவது என்னவென்றால்:
நீங்கள் பயோக்ளைடோசோன் உட்கொள்ளும்போது, சிறுநீர்ப் பை புற்று நோய் ஏற்படுவதற்கான வாய்ப்பு அதிகமாக உள்ளது.

பின்வரும் அறிகுறிகள் உங்களுக்கு இருந்தால் உங்கள் மருத்துவரிடம் உடனடியாகத் தெரிவியுங்கள்: சிறுநீரில் இரத்தம் அல்லது சிவப்பு வண்ணத்தில் சிறுநீர் கழிதல், சிறுநீர் கழிப்பதில் அவசர உணர்ச்சி, சிறுநீர் கழிக்கும்போது வலி, அடிவயிற்றிலும் அதற்குப் பின்புறத்திலும் வலி ஏற்படுதல்.

பயோக்ளைடோசோன் வாங்கும்போது அதனுடன் இணைக்கப்பட்டுள்ள கையேட்டினைப் படித்துப் பாருங்கள். அதில், இந்த மருந்தை உட்கொள்வதால் ஏற்படும் இடர்ப்பாடுகள் பற்றி விளக்கப்பட்டுள்ளது.

பயோக்ளைடோசோன் பற்றி அறிந்துகொள்ள விரும்பினால், உங்கள் மருத்துவரிடம் அது தொடர்பான கேள்விகளைக் கேளுங்கள்.

4. மருத்துவர்களுக்கான கூடுதல் தகவல்கள் சில:
சிறுநீர் கழிப்பதில் உள்ள அறிகுறிகள் குறித்து நோயாளிகளிடம் உரையாடுங்கள்.
பயோக்ளைடோசோன் மருந்தின் கையேட்டினைப் படிக்கும்படி நோயாளிகளுக்கு அறிவுறுத்துங்கள்.

இது அமெரிக்க அரசின் வெளிப்படையான அறிவிப்பு.

இந்தப் பின்புலத்தில்தான் இந்திய சுகாதார அமைச்சகம் 2013, ஜூலை மாதம் அம்மருந்தைத் தடை செய்து அறிவிப்பு வெளியிட்டது.

இந்தத் தடைக்கு எதிராக, மருந்து நிறுவனப் பெருமுதலாளிகளுடன் இணைந்து போர்க்கொடி உயர்த்தியவர்கள் அலோபதி மருத்துவர்கள். இவர்கள் அரசுக்குத் தொடர்ந்து அழுத்தம் கொடுத்தார்கள்.

மக்கள் என்ன செய்திருக்க வேண்டும்?

‘எங்களுக்கும் எங்கள் சந்ததிக்கும் புற்று நோயை, இதய நோயை, உடல் பருமனை இன்னும் பல நோய்களை வரவழைக்கும் அந்த மருந்தைத் தடை செய்ததுதான் சரி’ என அரசிடம் முழங்கியிருக்க வேண்டும். ’சம்பாத்தியத்தியத்தின் கணிசமான பங்கினை மருத்துவத்தின் பேரால் பிடுங்கிக் கொள்கிறீர்களே, எங்கள் உயிருக்கு உலை வைக்கும் மருந்தை ஏன் அனுமதிக்கச் சொல்லிப் போராடுகிறீர்கள்?’ என அலோபதி மருத்துவர்களிடம் கேட்டிருக்க வேண்டும். ஆனால், மக்கள் இவற்றைச் செய்யவில்லை. காரணம், இப்படி ஒரு மருந்து இருப்பதோ அதை உட்கொண்டால் விதி முடியும் அபாயம் நேர்வதோ அவர்களுக்குத் தெரியாது.

அவர்களைப் பொறுத்தவரை, ’டாக்டருக்கு எல்லாம் தெரியும். டாக்டர் என் உயிரைக் காப்பாற்றுகிறார். டாக்டர் சொன்னால் சரியாக இருக்கும். டாக்டர் எல்லாவற்றையும் பார்த்துக் கொள்வார்’.

ஆனால், இந்த டாக்டர்கள் பயோக்ளைடோசோன் போன்ற எண்ணற்ற மருந்துகளை எழுதிக் குவித்து, மறைமுகமாக தங்களை மீளா நோயாளிகளாக மாற்றிக் கொண்டிருக்கிறார்கள் என்பதை நம் சமூகம் உணரவில்லை.

இதன் விளைவாக, தடை செய்யப்பட்ட பயோக்ளைடோசோன் மருந்து வெறும் பன்னிரண்டே நாட்களில், மீண்டும் தடை நீக்கம் செய்யப்பட்டது. ஜூலை 18 ஆம் தேதி தடை செய்யப்பட்ட மருந்து, ஜூலை 31 ஆம் தேதி, மீண்டும் அனுமதிக்கப்பட்டுவிட்டது.

இந்த தடை நீக்கத்தின்போது, அரசு ஒரு நிபந்தனை விதித்தது. ’பயோக்ளைடோசோன் உறையின்/பெட்டியின் மீது இந்த மருந்தினால் விளையும் புற்றுநோய் உள்ளிட்ட அபாயங்களை அச்சிட வேண்டும்’ என்பதுதான் அந்த நிபந்தனை.

இதற்கு இந்திய மருந்து உற்பத்தியாளர் சங்கம் எதிர்ப்பு தெரிவித்தது. இதைப் பற்றி அரசுக்கு அச்சங்கம் ஒரு கடிதம் அனுப்பியது. அதில், ‘பயோக்ளைடோசோன் உறை/பெட்டி மீது எச்சரிக்கை வாசகங்கள் அச்சிடுவது நடைமுறை சாத்தியம் இல்லாதது. அதற்கு பதிலாக, அந்த எச்சரிக்கை வாசகங்களை ஒரு துண்டுத்தாளில் அச்சிட்டு மருந்துப் பெட்டியின் உள்ளே செருகி விடுகிறோம்’ என்றது அச்சங்கம்.

நீங்களோ, உங்கள் தாய் தந்தையோ பிள்ளையோ நண்பரோ மனைவியோ கணவரோ பயோக்ளைடோசோன் வாங்கி விழுங்குபவராக இருந்தால், அதனுடன் இணைக்கப்பட்டுள்ள துண்டுச் சீட்டை இதுவரை வாசித்திருக்கிறீர்களா?அந்தச் சீட்டு உங்களுடைய அல்லது உங்கள் உற்றாருடைய மரணத்தை மறைமுகமாக அறிவிப்பதை உணர்ந்திருக்கிறீர்களா?

இப்படி ஒரு துண்டுச் சீட்டு இருப்பதைப் பற்றி உங்கள் நம்பிக்கைக்குரிய அலோபதி மருத்துவர் உங்களிடம் இதுவரை தெரிவித்துள்ளாரா?

இவை மூன்றுக்குமே‘ஆம்’ என்றாலும் ‘இல்லை’ என்றாலும் விளைவு ஒன்றுதான். இது ஒரு வேதனையான சூழல் என்பதை மட்டும் என்னால் உணர முடிகிறது.

நோய் தீர்க்கும் என நம்பி நம் சமூகம் வாங்கி வாங்கி விழுங்கும் மருந்தின் பெட்டியில் மரண எச்சரிக்கை அச்சிட்டு விற்பனை செய்வதை உங்களால் ஏற்றுக் கொள்ள முடிகிறதா?

சர்க்கரை நோய்க்கு மரபுவழியில் தீர்வு உண்டு என நாம் சொல்லும்போது, இந்த அலோபதிக்காரர்களுக்கு ஏன் இவ்வளவு ஆத்திரம் வருகிறது என்று உங்களுக்குப் புரிகிறதா?
எளிதில் புரிந்துகொள்ள, ஒரு தகவலையும் தருகிறேன். இந்தியாவில், மேற்படி பயோக்ளைடோசோன் மருந்தின் ஆண்டு விற்பனை ஏறத்தாழ 700 கோடி ரூபாய்!

சரி, இந்த மருந்தினால் புற்று நோய் வந்தால், அதற்கு அலோபதியில் மருந்து உண்டா?
என நாம் கேட்டால் அவர்கள் என்ன சொல்லிவிடப் போகிறார்கள்.

‘எங்களிடமும் அதற்கு மருந்து இல்லை. உலகத்தின் எந்த மரபிலும் அதற்கு மருந்து இல்லை. ஏனென்றால், நாங்கள் நவீன அறிவியல் படித்தவர்கள். நீங்கள் எல்லாம் பிற்போக்குவாதிகள்’

எப்படி வேண்டுமானாலும் விவாதம் செய்யலாம். தவறில்லை. ஆனால், மக்களின் உயிர்களை விலைபேசுவது கொடும் பாவம். பாரதியார் மனம் நொந்து பாடினார்,
’படித்தவன் பொய் சொன்னால்
போவான் போவான்
ஐயோ என்று போவான்’ — with Engals Raja and 31 others.

enthamizhan Maniarasan 23 October 2013 ’இனிப்பு’ படத்தின் பயணத்தில் ஐயா நம்மாழ்வார்! ம.செந்தமிழன்

2014-02-01T19:29:00.001-08:00

Senthamizhan Maniarasan
27 October 2013 · Edited
இன்சுலின்: நாய்களில் துவங்கி மரபணு மாற்றம் வரை!
ம.செந்தமிழன்

உங்கள் வீட்டுத் தோட்டத்தில் ஒரு மாம்பழ விதையை ஊன்றி வைக்கிறீர்கள். மாஞ்செடியும் வளர்கிறது. சில ஆண்டுகள் கழித்து, அது மரமான பின்னர் அம்மரத்தின் கிளைகளில் ஒட்டுண்ணிக் கொடிகள் முளைக்கின்றன. அவை மரத்தின் உயிராற்றலைச் சிறிதளவு பாதிக்கும். அதை நீங்கள் வெட்டி எறிகிறீர்கள். நீங்கள் விதைத்தது முளைத்தது. அதனோடு வேறு ஒரு கொடியும் முளைத்துவிட்டது. இது பக்கவிளைவு. அதாவது நீங்கள் எதிர்பாராமல் விளைந்தது.

உங்கள் மாமரம் காய்க்கத் துவங்குகிறது. அதன் பழங்கள் எட்டிக்காய்போல் கசக்கின்றன. அதை உண்டவர்கள் சில காலத்தில் நோய்வாய்ப்பட்டு இறந்தே போகின்றனர். பின்னர்தான் தெரிகின்றது, அந்த மாம்பழங்களில் நஞ்சு கலந்துள்ளது எனும் செய்தி. இது நீங்கள் எதிர்பாராத விளைவு மட்டுமல்ல, நீங்கள் விரும்பாத விளைவு. இது பக்க விளைவு அல்ல, நேர் எதிர் விளைவு.

அலோபதி மருத்துவத்தில் ஒரு சொல்லை வெகு தந்திரமாகப் பயன்படுத்திக் கொண்டிருக்கின்றனர். ’பக்க விளைவு’ (side effect) எனும் சொல் அது. ஒரு நோய்க்காக அலோபதி மருந்தினை உட்கொண்டால், ஒன்று அந்த நோய் முற்றிலும் தீர வேண்டும் அல்லது அந்த மருந்தினால் வேறு எதிர்விளைவுகள் நேராமலாவது இருக்க வேண்டும். அலோபதி மருந்துகள் பெரும்பாலான நோய்களைத் தீர்ப்பதே இல்லை. ஆனால், எதிர் விளைவுகளை உருவாக்கிவிடுகின்றன. அலோபதிக்காரர்கள் அழகாக இந்த எதிர்விளைவுகளை ‘பக்கவிளைவுகள்’ என்பார்கள். இது வார்த்தைகளால் நடத்தப்படும் அரசியல். உண்மையில் அவை எதிர்விளைவுகள்.

பயோக்ளைடோசோன் எனும் மருந்தினை சர்க்கரை நோய்க்காக உட்கொண்டால், அம்மருந்து சர்க்கரை நோயை குணப்படுத்துவதில்லை. ஆனால், அதே மருந்து புற்று நோயையும், இதய நோய்களையும், உடல் பருமனையும் விளைவிக்கிறது. இதன் பெயர் பக்க விளைவு என்றால், அது மோசடி அல்லவா.

இந்தப் புரிதலோடு இன்சுலினைப் பற்றியும் உங்களோடு உரையாட விரும்புகிறேன்.

இன்சுலினும் நாய்களும்:
நாய்களுக்கும் இன்சுலினுக்கும் மிக நெருங்கிய உறவு உண்டு. முதன்முதலில் இன்சுலினைப் பற்றிய ‘ஆராய்ச்சியை’ அலோபதிக்காரர்கள் துவங்கியது நாய்களை வைத்துத்தான். 1889 ஆம் ஆண்டு, ஆஸ்கர் மின்கோவ்ஸ்கி, ஜோசப் வான்மெரிங் ஆகிய இருவரும் ஒரு நாயின் வயிற்றைக் கிழித்து அதன் கணையத்தை மட்டும் அறுத்து எடுத்து மீண்டும் நாயின் வயிற்றைத் தைத்து விட்டார்கள். கணையம் இல்லாத நாயின் சிறுநீரைச் ‘சோதனை’ செய்து பார்க்கையில், அதில் சர்க்கரை அளவு அதிகமாக இருந்தது. அந்த நாயின் சிறுநீரை ஈக்களும் மொய்த்தன. ஆகவே, அவர்கள் ‘ஆய்வின்படி’ கணையம் இல்லாவிட்டால், சர்க்கரை அளவு அதிகரிக்கும் எனும் முடிவு எடுக்கப்பட்டது.

1916 ஆம் ஆண்டு, பேராசிரியர் நிக்கோல் பாலேசு என்பவர், கணையத்தின் திசுக்களை வெளியே வளர்த்து அவற்றின் சாரத்தை ‘சர்க்கரை நோய்’ ஏற்பட்ட நாய்களுக்குக் கொடுத்தார். இதில், நாய்களின் சர்க்கரை குறைந்தது.

1921 ஆம் ஆண்டு, மருத்துவர்கள் பிரடரிக் பான்டிங், சார்லஸ் பெஸ்ட் ஆகிய இருவரும் இணைந்து, ஒரு நாயின் கணையத்தை அகற்றி அதற்கு சர்க்கரை நோய் வரவழைத்தார்கள். பின்னர் நாயின் கணையத்தினை கூழாக அரைத்து ஊசி மூலம் அதே நாய்க்குச் செலுத்தினார்கள். இதன் வழியாக, அந்த நாயின் சர்க்கரை அளவு மட்டுப்பட்டது. இந்த தொடர் ’வெற்றிகளை’த் தொடர்ந்து மாட்டுக் (cow) கணையத்திலிருந்து ’இன்சுலின்’ முதன் முதலாக தயாரிக்கப்பட்டது.

இந்த நிகழ்வுவரை, இன்சுலின் மனிதர்கள் மீது ஆய்வு செய்யப்படவும் இல்லை; மனிதர்களின் பயன்பாட்டுக்குக் கொண்டு வரப்படவும் இல்லை என்பதைக் குறித்துக் கொள்ளுங்கள்.

1922 ஆம் ஆண்டு லியோனார்ட் தாம்சன் எனும் 14 வயதே நிரம்பிய சிறுவனுக்கு முதன் முதலாக இன்சுலின் கொடுக்கப்பட்டது. அந்தச் சிறுவன் அலோபதி முறைப்படி, முதல் வகை (type 1) சர்க்கரை நோயாளி. இவ்வகையில் ’இயற்கையாகவே உடலில் இன்சுலின் சுரப்பு இருக்காது’ என்பது அலோபதியின் கண்டுபிடிப்பு. லியோனார்ட் தாம்சனுக்குக் கொடுக்கப்பட்ட இன்சுலின் வெற்றிகரமாக வேலை செய்தது என்பது அலோபதி உலகினால் கொண்டாடப்பட்டது. அதன் பின்னர், இன்சுலினை மனிதர்களுக்கும் வழங்கத் துவங்கினார்கள்.

மனிதர்களும் இன்சுலினும்:
லியோனார்ட் தாம்சன் தொடர்ந்து இன்சுலின் ஏற்றிக் கொண்டு தனது இருபத்து ஏழாவது வயதில் மரணமடைந்தார். அதாவது, தொடர்ந்து 13 ஆண்டுகள் இன்சுலின் குத்திக்கொண்ட பின்னர் அவர் இறந்துபோனார். அவரது மரணத்திற்குக் காரணம் என்ன என்றும் அலோபதிக்காரர்கள் காரணம் கூறியிருக்கிறார்கள். அது மிக வினோதமான காரணம். லியோனார்ட் தாம்சன் ’நிமோனியா காய்ச்சல்’ வந்து இறந்துபோனார். அதாவது, சர்க்கரை நோயிலிருந்து ’காப்பாற்றப்பட்ட’ அந்தச் சிறுவன் சாதாரண ‘காய்ச்சலால்’ இறந்துபோனான்.
இப்போதும், தொடர்ந்து இன்சுலின் குத்திக்கொள்ளும் நம் சமூகத்தினர் எண்ணற்ற உடல் தொல்லைகளுக்கு ஆளாகிக்கொண்டுதான் இருக்கிறார்கள். சில ஆண்டுகள் தொடர்ந்து இன்சுலின் குத்திக்கொண்டவர்களுக்கு மரணம் நேரிடும்போது, எந்த மருத்துவராவது இந்த மரணத்திற்கு ’இன்சுலின்’ குத்திக்கொண்டது காரணம் எனக் கூறுகிறார்களா?
1996 ஆம் ஆண்டு முதல் இன்சுலின் மரபணு மாற்றம் செய்யப்பட்டு விற்பனைக்குக் கொண்டுவரப்பட்டுள்ளது. விலங்குகளில் இருந்துதான் முதலில் இன்சுலின் தயாரிக்கப்பட்டது. 1982 ஆம் ஆண்டு முதல் ’மனித இன்சுலின்’ (human insulin) உருவாக்கப்பட்டது. இதிலும் பல எதிர்விளைவுகள் கண்டறியப்பட்டதால், எலி லில்லி எனும் நிறுவனம் மனித இன்சுலினையே மரபணு மாற்றம் செய்து சந்தைக்குக் கொண்டுவந்துவிட்டது.
சாதாரண தக்காளி, கத்தரிக்காயில்கூட மரபணு மாற்றம் செய்யப்பட்டால் மிக மோசமான உடல்நலக் கேடுகள் விளையும் என்பதை நாம் உணர்ந்துவிட்டோம். ஆனால், இரத்ததில் நேரடியாகக் கலக்கும் ஒரு மருந்தை மரபணு மாற்றம் செய்து கொடுப்பதை இன்னும் அறிந்துகொள்ளாமலேயே இருக்கிறோம்.

உங்களுக்கோ உங்கள் உற்றாருக்கோ வழங்கப்படுவது, மரபணு மாற்றப்பட்ட இன்சுலினா அல்லது விலங்கு இன்சுலினா அல்லது மனித இன்சுலினா என்ற தகவலையாவது நீங்கள் அறிந்துகொள்ள வேண்டும். இன்சுலின் குறித்த தனது அறிவிப்பில் பிரிட்டன் தேசிய சுகாதார சேவை அமைப்பு (NHS),
’ The NHS has always allowed patients to have an informed choice of treatment before they make their treatment decisions and this includes information about risks and benefits. In recent years, greater emphasis has been placed on informed choice as a result of NHS policy which puts patients at the centre of care and encourages involvement in their treatment decisions so that in the ideal world, patients and their doctors make decisions jointly.
The treatment of diabetes is no exception and therefore people with insulin-requiring diabetes, whether Type 1 or Type 2 diabetes should have an informed choice of insulins and should be given information about risks and benefits.’ என்கிறது.
அதாவது, ’எந்த வகையிலான சிகிச்சை தனக்குத் தரப்படுகிறது, எந்த வகை இன்சுலின் தனக்கு பரிந்துரைக்கப்படுகிறது, தனக்குத் தரப்படும் இன்சுலின் மற்றும் பிற மருந்துகளால் விளையும் நன்மைகள், இடர்ப்பாடுகள் ஆகியவற்றைப் பற்றி ஒவ்வொரு நோயாளியும் அறிந்திருக்க வேண்டும். இந்த செயல்பாட்டில் மருத்துவர்களும் நோயாளிகளும் இணைந்துதான் முடிவெடுக்க வேண்டும்’ என்கிறது பிரிட்டன் தேசிய சுகாதார சேவை அமைப்பு.

இந்திய அரசின் சட்டங்களின்படியும் மேற்கண்ட செய்திகளை அலோபதி மருத்துவர்கள் தங்களிடம் வரும் மக்களிடம் வெளிப்படையாகக் கூற வேண்டும்.
இங்கு என்ன நடக்கிறது என்பதை நீங்களே சிந்தித்துப் பாருங்கள்!
இன்சுலின் குத்திக் கொள்ளும் அளவினை எந்த நேரமும் உன்னிப்பாகக் கவனிக்க வேண்டும் என்பதுதான் உலகளவிலான அலோபதி அமைப்புகள் செய்யும் எச்சரிக்கை. அவ்வாறு கவனிக்காமல், அளவுக்கு அதிகமான இன்சுலினை குத்திக்கொண்டால் என்னென்ன அறிகுறிகள் ஏற்படும் என்கிறது கீழேயுள்ள பட்டியல்:
”மன அழுத்தம், சோர்வு, மிகையான தூக்க உணர்ச்சி, அதீத அயற்சி, தலைவலி, பசி, எதிலும் கவனம் செலுத்த இயலாத நிலை, எரிச்சலான உணர்ச்சி, குமட்டல், நரம்புத் தளர்வு, ஆளுமையில் மாற்றம் ஏற்படுதல், அதிவேகமான இதயத் துடிப்பு, நிதானமின்மை, நிம்மதியான தூக்கமின்மை, குழறியபடி பேசுதல், வியர்வை, கூச்ச உணர்வு, நடுக்கம், செயல்பாடுகளில் / அசைவுகளில் நிதானமற்ற நிலை”
மேலே உள்ளவை பொதுவான ’இன்சுலின் அளவு அதிகரித்தால்’ ஏற்படுபவைதான். இன்சுலின் அளவு மிகவும் கூடுதலாகிவிட்டால் என்னென்ன ஏற்படும் என்பது கீழே உள்ள பட்டியல்:
”ஆழ் மயக்கம் (coma), தன்னிலையிழத்தல், தோல் வெளிறிப் போகும் நிலை, வலிப்பு”
மேற்கண்ட பட்டியல்கள் ஏதோ மரபுவழி மருத்துவர்களின் கண்டுபிடிப்பு அல்ல. பிரிட்டனில் இயங்கும் diabetes.co.uk எனும் மிகப் பெரிய நிறுவனத்தின் அதிகாரப்பூர்வ அறிக்கை.
ஒருவர் சர்க்கரை நோய்க்காக அலோபதி மருத்துவரை அணுகினால், ஒன்று அந்த நோயைத் தீர்க்கும் மருந்தைத் தர வேண்டும் அல்லது ’எங்களிடம் மருந்து இல்லை’ என்று ஒப்புக்கொள்ள வேண்டும். மாறாக, அவரது நோயையும் தீர்க்காமல், சர்க்கரையைக் காட்டிலும் மிகக் கொடுமையான எண்ணற்ற நோய்களை உருவாக்கும் மருந்துகளை எழுதிக் கொடுக்கிறார்கள் அலோபதிக்காரர்கள். இதற்குப் பெயர்தான் ‘நவீன மருத்துவம்’!
இதைக் கேள்வி கேட்பவர்கள் ‘பிற்போக்குவாதிகள்’ , ‘அறிவியலே தெரியாதவர்கள்’.
இன்சுலின், பயோக்ளைடோசோன் உள்ளிட்ட மருந்துகளினால் விளைபவை பக்க விளைவுகளா (side effects) ? நேர் எதிர் விளைவுகளா (adverse effects)? என்பதை இப்போதாவது நம் சமூகம் புரிந்துகொள்ள வேண்டும்.
மரபுவழிகளைப் பொறுத்தவரை, ’உடலின் இயற்கை ஆற்றலுக்கு மீண்டும் இன்சுலின் சுரக்கும் ஆற்றல் உண்டு’ என்பதுதான் கோட்பாடு. பெரும்பாலான மரபுவழிகள், உடலின் இயற்கை ஆற்றலைத் தூண்டும் மருந்துகளையும், செயல்முறைகளையும் மட்டும்தான் கொண்டுள்ளன. ஆகவேதான், பல ஆயிரம் ஆண்டுகளாக, நம் முன்னோர் சர்க்கரை நோயைக் கண்டு அஞ்சாமல் நீண்ட ஆயுளுடன் வாழ்ந்துவந்தனர்.
நேற்று பெய்த மழையில் இன்று முளைத்த காளான் போன்ற அலோபதி முறை, ஆலமரங்களாக நிலைத்து நிற்கும் மரபுமுறைகளை வீசி எறிய முயற்சித்து மனித உயிர்களுடன் விளையாடிக் கொண்டுள்ளது. எதற்கெடுத்தாலும் செயற்கையான வழிமுறைளைக் கண்டறிந்து, உடலின் இயற்கை ஆற்றலை, இயல்பான மனநிலையை அழித்து மரணப் பெட்டிக்கு அனுப்பும் கொள்கையுடன் இருக்கிறது அம்முறை.
ஒருபுறம் எளிய தீர்வுகள், மறுபுறம் மக்களின் உயிர்களுடன், பொருளாதாரத்துடன் சூதாட்டம் நடத்தும் மருத்துவ முறை இவை இரண்டையும் கண்டு மனம் பொறுக்காத உங்களில் நானும் ஒருவன். தீய வழிகளைப் புறக்கணித்து, எளிய தீர்வுகளை சமூகத்தின் முன்னே கொண்டு நிறுத்தும் இயற்கையின் பிள்ளைகளாக செயல்படுவோம்.
348 23 886Like · · Share
Senthamizhan Maniarasan
23 October 2013
’இனிப்பு’ படத்தின் பயணத்தில் ஐயா நம்மாழ்வார்!
ம.செந்தமிழன்

மரபுவழி மருத்துவ முறைகளால் நோய்களைத் தீர்க்க முடியும் என்பதை ஊருக்கு உரைக்கும் நமது பயணத்தில், எண்ணற்றோர் இணைந்துகொண்டுள்ளனர். அவர்களுக்கு நன்றி. இயற்கை வேளாண் மெய்யறிவாளர் நம்மாழ்வார் அவர்களும் இப்பயணத்திற்கு தமது ஆதரவை நல்கியுள்ளார்.

குறிப்பாக, ‘இனிப்பு’ ஆவணப்படத்தில் அவர் மிக முக்கியமான பங்கேற்பு ஒன்றினைச் செய்ய உள்ளார். அது என்ன என்பது படம் முடியும் வரைக்கும் கமுக்கமாகவே இருக்கட்டும்.

...See more — with Engals Raja and 38 others.

Senthamizhan Maniarasan 31 October 2013 வயது அறியாதோர் பேறுபெற்றோர்! ம.செந்தமிழன்

2014-02-01T19:28:00.001-08:00

Senthamizhan Maniarasan

31 October 2013

வயது அறியாதோர் பேறுபெற்றோர்!
ம.செந்தமிழன்

பிறந்தநாள் வாழ்த்துகள் அனுப்பிக் கொண்டிருக்கும் நண்பர்கள் அனைவருக்கும் நன்றி. இவ்வேளையில், நானறிந்த இரகசியம் ஒன்றை உங்களுக்குத் தெரிவிப்பது என் கடமை. நீண்ட ஆயுள், நிறைந்த மனம் ஆகிய இரண்டின் வேர்களைத் தேடி நான் எனது நண்பர்களுடன் மேற்கொள்ளும் எல்லாப் பயணங்களிலும் இதுவரை எனக்குக் கிடைத்தவற்றின் சாரம் இது.
மனம் நிறைந்த வாழ்க்கை வேண்டுமெனில், அறியாமை அவசியம்.வாழ்க்கைக்கு வெளியே நடப்பவற்றின் மீது கவனமே இல்லாமல் இருக்கையில், மனம் நிறைகிறது. வாழ்க்கைக்கு வெளியே இருப்பவற்றை வாழ்க்கையின் உள்ளே அனுமதிக்கும்போது, ஒப்பீடுகள் காளான்கள் போல் முளைக்கின்றன. ஒவ்வொரு கணமும், நமது ஒப்பீடுகள் மழையாய் பொழிந்து காளான்களை வளர்த்தெடுக்கின்றன. எந்த மனிதரும் தன்னுடன் பிறரை ஒப்பிடுவதும், எந்தக் குடும்பமும் தம்முடன் பிற குடும்பத்தை ஒப்பிடுவதும், ஒருபோதும் மனநிறைவுக்கான வழிகள் அல்ல.
தேவைக்கு அதிகமான பொருட்களின் மீதும், ஒப்பனைகள் மீதும் பற்று கொள்வது வாழ்வின் ஒவ்வொரு கணத்தையும் நஞ்சாக்கும் வல்லமை கொண்ட குணங்கள். எது தேவை எது ஆசை என்பதை மனம் அழகாகவே பிரித்து உணர்த்தும். மனம் ஒருபோதும் பொய் கூறுவதில்லை. மனதின் உரையாடலை உணரவே இயலாத நிலையில் பலர் இருப்பதைப் பார்க்கிறோம். அது பரிதாபகரமான நிலை.
பசி என்றால் என்ன? எனக் கேட்கும் எண்ணற்ற மனிதர்களை நகரங்களில் சந்திக்கிறேன். அவர்கள் கடிகாரம் காட்டும் நேரத்தில் உணவினை வயிற்றுக்குள் திணித்துக் கொண்டிருக்கிறார்கள். ‘பசித்துத்தான் உண்கிறீர்களா?’ எனக் கேட்டால், ‘தெரியவில்லையே. நேரத்துக்கு சாப்பிட வேண்டும் என டாக்டர் கூறியிருக்கிறார்’ என்கிறார்கள்.
மனிதர்களின் வாய்க்கும் வயிற்றுக்கும் இடையில் கூட மருத்துவ நிபுணர்கள் நுழைந்துவிட்டார்கள். பசியை, தாகத்தை, பாலுறவு உணர்வை துல்லியமாக உணர முடிந்தவர்களுக்கு, மனம் நடத்தும் மெல்லிய உரையாடல் கூட புரிகிறது. இவை மூன்றையும் ஏதோ ஒரு கட்டாயத்தினால், அட்டவணையினால் (schedule), மருத்துவப் பரிந்துரையினால் (prescription) முடிவு செய்பவர்களுக்கு மனம் ஓலமிட்டாலும் கேட்பதில்லை.
பசி, தாகம், பாலுறவு உணர்வு ஆகிய மூன்றையும் உணர்ந்து வாழும் வாழ்க்கையை இயற்கையின் பேராற்றல் மனிதர்களுக்கு வழங்கியுள்ளது. இந்த இயற்கையின் கொடையை உதாசீனம் செய்வது, நோய்களுக்கான வரவேற்பு.
நான் ஒரு நாளைக்கு ஒரு வேளை மட்டும் உண்பதும் உண்டு, மூன்று நாட்களுக்கு உண்ணாமலே இருப்பதும் உண்டு.
ஒரே நாளில் ஐந்து முறை உண்பதும் உண்டு, ஒரு சட்டி உணவை ஒரே மூச்சில் காலி செய்வதும் உண்டு. எனது உணவை என் பசியே தீர்மானிக்கிறது. எந்த மருத்துவ அட்டவணையும், எந்த விளம்பரமும், எந்த ஆய்வாளரின் அறிவுறுத்தலும் எனது வாய்க்கும் வயிற்றுக்கும் கட்டளை இட இயலாது. மனம் கேட்பவற்றைத் தட்டாமல் செய்வதும், மனம் கேட்காதவற்றைப் பிடிவாதமாக மறுப்பதும் நானறிந்த இரகசியங்களில் முக்கியமானவை.
பசி இல்லாமல் பருக்கை உணவைக்கூட உடலுக்குள் அனுமதிப்பதில்லை. தாகம் இல்லாமல், ஒரு சொட்டு நீரையும் நாவில் நனைப்பதில்லை. எனது குடும்பத்தினரும், சுற்றத்தினரும் ஏறத்தாழ இவ்விதமான உணர்வு நிலையில்தான் வாழ்கிறோம். ஆகவே, நாங்கள் மருத்துவமனைகளை வெறும் கட்டிடங்களாக மட்டும் பார்க்கிறோம். அவை எங்கள் கண்களுக்குக் கோயில்களாகவும் தெரிவதில்லை; பணம் பிடுங்கும் கொள்ளைக் கூடாரங்களாகவும் தெரிவதில்லை. இன்னும் சொல்லப் போனால், அவை எங்களுக்குத் தெரிவதே இல்லை.
மறதியை நான் போற்றி வளர்க்க விரும்புகிறேன். அறிவு சார்ந்த செய்திகளைப் பொதுவாகவே மறந்துவிடுவது என் வழக்கம். அளவு கடந்த தரவுகளை நினைவுப் பதிவுகளில் சேர்த்து வைப்பது, தொழிலுக்கு நல்லது; வாழ்க்கைக்கு தீயது. நாம், ஒரு நாளின் பெரும்பகுதியில் வாழ்க்கை வாழ்பவர்களாகவும், சிறு பகுதியில் தொழில்காரர்களாகவும் இருப்பதே பிறப்பின் மேன்மையை மதிக்கும் முறை.
பிறந்த தினத்தை மறந்தே விடுவது, நீண்ட ஆயுளுக்கான சிறந்த வழி. ‘இனிப்பு’ படத்திற்காக நீண்ட ஆயுளுடன் நோயின்றி வாழும் பழங்குடிகளைக் கண்டேன். அவர்களில் ஒருவர் கூட தமது வயதினைச் சரியாகக் கூறவில்லை. அவர்கள் வயது அவர்களுக்கு நினைவில் இல்லை. ‘பிறந்த நாளை, ஆண்டை, நட்சத்திரத்தை நாங்கள் குறித்து வைப்பதில்லை’ என்று அவர்கள் கூறினார்கள். எனது கணிப்பில் அவர்களுக்கு ஏறத்தாழ 90 வயது இருக்கும்.
புள்ளி விவரங்கள் அள்ளித் தரும் சராசரி ஆயுள் காலமான 60 – 65 ஆண்டுகளை மனதில் கொண்டு, 40 வயதிலேயே மரணத்தை எண்ணத் துவங்கிவிட்ட சமூகத்தினை நவீன யுகம் உருவாக்கிவிட்டிருக்கிறது. உங்களுக்கு நீண்ட ஆயுள் வேண்டுமெனில், நீங்கள் இந்தப் புள்ளி விவரங்களை அறியாமல் இருக்க வேண்டும். உங்களுக்கு நீண்ட ஆயுள் வேண்டுமெனில், நோய்களைப் பற்றிப் படிக்காமல், விவாதிக்காமல், நினைக்காமல் இருக்க வேண்டும்.
எதை அதிகம் மனதில் புதைக்கிறீர்களோ, அதை வளர்த்தெடுக்கிறீர்கள். மனநிறைவும், நீண்ட ஆயுளும் அடங்கிய வாழ்க்கையைப் புதைப்பதற்குப் பதிலாக, நோய்களைப் பற்றிய ஆய்வுகளையும், தேவைகளுக்கு மிஞ்சிய ஆசைகளையும் புதைத்துக் கொண்டிருந்தால், அவை வளரும்.
இன்று முதல், எனது பிறந்த நாளை மறந்துவிட விரும்புகிறேன். நீங்களும் எனது பிறந்த நாளை மறந்துவிடுங்கள். முகநூலில் இருந்து அக்குறிப்பை நீக்கிவிட்டேன். பயணம் துவங்கிய நாளை எண்ணிக் கொண்டிருப்பதைக் காட்டிலும், பயண வழியில் கிடைத்த அனுபவங்களை மட்டும் எண்ணுவது சுகமானது எனக்கு. நாள், ஆண்டு ஆகியவை வெறும் தரவுகள் (Data)தானே?
தரவுகளைச் சுமக்காமல், அனுபவங்களைச் சுமப்பதில் சுகம் காண்பவன் நான்.
ஒரு மரத்தின் சிறப்பு, அது விதைக்கப்பட்ட நாள் குறித்த கணக்கில் இல்லை; அது தரும் பழங்களின் சுவையில் உள்ளது.

Senthamizhan Maniarasan 7 November 2013 இனிப்பு: அலோபதி மருத்துவர்களுக்கு மரபு மருத்துவர்களின் வெளிப்படையான அழைப்பு! ம.செந்தமிழ

2014-02-01T19:27:00.000-08:00

Senthamizhan Maniarasan

7 November 2013

இனிப்பு: அலோபதி மருத்துவர்களுக்கு மரபு மருத்துவர்களின் வெளிப்படையான அழைப்பு!
ம.செந்தமிழன்

அலோபதி மருத்துவர்களுக்கு ஒரு வெளிப்படையன அழைப்பு. உங்களிடம் வரும் மக்களில் எவருக்கு சர்க்கரை நோய் உள்ளது என நீங்கள் ‘கண்டு பிடிக்கிறீர்களோ’, அவர்களை, இனிப்பு ஆவணப்படக் குழுவினரிடம் அனுப்புங்கள். எந்தவிதமான மருந்துகளும் கொடுக்காமல் அனுப்புங்கள். மரபு மருத்துவ முறைகளின் வழியாக அம் மக்களை முற்றிலும் நலப்படுத்தி அனுப்பும் கடமை எங்களுடையது. இந்த சிகிச்சை முறைகள் அப்படியே படமாக்கப்படும். இனிப்பு ஆவணப்படத்தில் வெளியிடப்படும். சிகிச்சை முடிந்ததும், சிகிச்சை பெற்றவர்கள், அவர்களது குடும்பத்தினர் நேர்காணல்களும் இனிப்பில் இடம்பெறும்.

இதேவேளை, அலோபதி மருத்துவத்தினைத் தொடர்ந்து மேற்கொண்டு வரும் மக்களில் சிலரது உடல்நலம் குறித்த தகவல்களை இனிப்பு படத்தில் வெளியிடுவோம். அவர்களது உடல் நிலை எதனால், இந்த நிலையை அடைந்தது என அலோபதி மருத்துவப் பிரதிநிதிகள் நேரடியாக விளக்கம் தர வேண்டும். எந்த அலோபதி மருத்துவர், எம்மிடம் சிகிச்சைக்கு மக்களை அனுப்புகிறாரோ, அதே மருத்துவர் இந்த நேர்காணலில் பங்கேற்க வேண்டும்.

இதற்காகவே, பொதுமக்கள் பிரதிநிதிகள் சிலரை சாட்சிகளாக வைத்துக் கொண்டு இந்த நேர்காணலை நடத்த நாங்கள் தயார். உங்களில் எந்தப் பெரிய நிபுணரும் இதில் பங்கேற்கலாம். அவர் எந்த நாட்டில் பட்டம் பெற்றவராகவும் இருக்கலாம்.

நீங்கள் அனுப்பும் ‘சர்க்கரை நோயாளிகள், மரபு மருத்துவ முறைகளின் வழியாக முற்றிலும் நலமாக்கப்பட்டனர்’ என நிரூபிக்கப்பட்ட பின்னர், இந்தச் சவாலில் பங்கேற்கும் அலோபதி மருத்துவர்கள் ‘இனி நான் சர்க்கரை நோய்க்கு சிகிச்சை அளிக்க மாட்டேன்’ என வெளிப்படையாக அறிவிக்க வேண்டும்.

அதேபோல, மரபு முறைகளில் அந்த மக்களை நலமாக்க முடியாமல் போனால், சிகிச்சை அளித்த மரபு மருத்துவர்கள், ‘இனி நாங்கள் சர்க்கரை நோய்க்கு சிகிச்சை அளிக்க மாட்டோம்’ என வெளிப்படையாக அறிவிக்கத் தயாராக இருக்கிறார்கள்.

எந்த வகை சர்க்கரை நோயாளிகளை அனுப்புவது என்பதை அலோபதி மருத்துவர்களே முடிவு செய்யலாம். வீணாக, எந்த வகை சர்க்கரை என என்னிடம் கேள்வி கேட்டு காலம் கடத்தத் தேவையில்லை. நீங்கள் எந்த வகை ’நோயாளியை’ வேண்டுமனாலும் அனுப்புங்கள்.

முக்கியமான நிபந்தனை, நீங்கள் அனுப்பும் நோயாளி, ஒரு முறை கூட சர்க்கரை நோய்க்காக மருந்து உட்கொண்டிருக்கக் கூடாது’. உங்கள் மருந்துகளின் நச்சுக் கழிவுகளை மனித உடலில் இருந்து நீக்குவதற்கே குறிபிட்ட காலம் ஆகிறது என மரபு மருத்துவர்கள் வருந்துகிறார்கள்.

’மரபு மருத்துவ முறைகள் எல்லாம், நிரூபிக்கப்படாதவை, அலோபதிதான் அறிவியல்பூர்வமானது’ என அலோபதிக்காரர்களும் அம்முறையின் ஆதரவாளர்களும் தொடர்ந்து பரப்புரை செய்கின்றனர். பொதுமக்களுக்கும் இவ்வித அறியாமை இருக்கிறது. அதை நேரடியாகச் சந்திக்க நாங்கள் தயார்.

இந்த அழைப்பை ஏற்க விரும்புவோர், இனிப்பு ஆவணப்படக் குழுவின் ஒருங்கிணைப்பாளர் திரு.அருள் ஒளி அவர்களைத் தொடர்பு கொள்ளலாம். அவரது தொடர்பு எண்:
7200571621.

தினசரி இரவு, 8:30 முதல் 9:30 வரை அவரிடம் பேசலாம். — with Chelliah Anand and 20 others.

Senthamizhan Maniarasan 18 November 2013 இன்சுலின் மரணங்களும் மறைக்கப்படும் உண்மைகளும்! ம.செந்தமிழன்

2014-02-01T19:25:00.002-08:00

Senthamizhan Maniarasan

18 November 2013

இன்சுலின் மரணங்களும் மறைக்கப்படும் உண்மைகளும்!
ம.செந்தமிழன்

அலோபதியின் அறிவியல் மிக வினோதமானது. நோய்வாய்ப்பட்ட மக்களிடம் அம்முறை ஒரே ஒரு கேள்வியைத்தான் மறைமுகமாகக் கேட்கிறது. ‘நீ தற்கொலை செய்துகொள்ள விரும்புகிறாயா அல்லது கொலை செய்யப்பட விரும்புகிறாயா?’ என்பதே அக்கேள்வி.

’நாங்கள் வாழவே விரும்புகிறோம்’ என மக்கள் கதறினால், ‘உனக்கு வந்த நோயிலிருந்து மீண்டு உன்னால் வாழவே முடியாது. ஒன்று நோயுடன் கிடந்து நீயே செத்துப் போ. அல்லது எனது மருந்துகளால் நான் உன்னைக் கொலை செய்கிறேன்’ என்பதே அதன் மறைமுகமான பதில். எல்லா அலோபதி மருந்துகளுமே எதிர்விளைவு கொண்டவைதான். அதாவது, எந்த நோய்க்காக மருந்து கொடுக்கப்படுகிறதோ அந்த நோயையும் குணப்படுத்தாமல், சம்பந்தமே இல்லாத வேறு பல நோய்களையும் உருவாக்குபவைதான் அலோபதி மருந்துகள்.

சர்க்கரை நோய் அலோபதியின் வணிகச் சந்தையை மிக விரிவானதாக மாற்றிவிட்டிருக்கிறது. பல ஆயிரம் கோடிகள் இந்தச் சந்தையில் புழங்குகின்றன. மரபுவழி மருத்துவ முறைகளால், சர்க்கரை நோயைக் குணப்படுத்த முடியும் என்று நாம் கூறினால், தமது சந்தைக்குப் பெரும் ஆபத்து வந்து சேரும் என்ற பதட்டம் அவர்களில் சிலரை ஆட்கொள்கின்றது.
இப்போதும் சில அலோபதி மருத்துவர்கள், அவரவர் இணையப் பக்கங்களில், என்னை ‘சமூக விரோதி’ என்றே குறிப்பிட்டு எழுதிக் கொண்டுள்ளனர். ஒரு மருத்துவர் ஒருபடி மேலே சென்று தமது இயலாமையையும் ஆற்றாமையையும் வெளிப்படுத்திவிட்டார்.

’அலோபதிக்கு எதிராக எழுதப்படும் கட்டுரைகளுக்கு விருப்பம் தெரிவிக்கும் (like) நபர்களை நாங்கள் கவனித்துக் கொண்டுதான் இருக்கிறோம். அந்த நபர்கள் எங்களிடம் மருத்துவத்துக்கு வரும்போது ‘கவனித்து’ அனுப்புவோம்’ என்று எழுதியுள்ளார் அந்த ‘மருத்துவர்’.

ஒருவேளை விஷ ஊசி போட்டுக் கொன்றுவிடுவாரோ!
சரி, அப்படியே கொலை செய்தாலும் நாம் அவர்கள் மீது வழக்கு கூட தொடுக்க இயலாது. நாம்தான் அவர்கள் நீட்டும் படிவங்களில் எல்லாம் என்ன இருக்கிறது எனக் கூடப் படிக்காமல் கையொப்பம் இட்டுத்தருகிறோமே.

ஆனால், உண்மையின் வலிமைக்கு முன், உலகின் எந்தச் சக்தியும் நிற்கவும் நிலைக்கவும் முடியாது. எந்த ஊசி போட்டும் உண்மையின் குரலை ஒடுக்கிவிட முடியாது. உலகில் உண்மை பேசுவோர், அறிவையும், ஆயுதங்களையும் நம்பி அல்ல, மனசாட்சியையும் இயற்கையின் பேராற்றலின் ஆசியையும் நம்பிப் பேசுகின்றனர். ஆகவே, இந்த மிரட்டல்கள் பரிதாபத்துகுரியவையே தவிர, பயப்படத் தகுந்தவை அல்ல.

உண்மை பேசுவோர் எல்லாத் துறைகளிலும் இருக்கத்தான் செய்கின்றனர். அலோபதித்துறை எண்ணற்ற நல் மனதுக்காரர்களைக் கொண்ட துறைதான். அவர்களில் இருவரை உங்களுக்கு அறிமுக செய்ய விழைகிறேன்.

அமெரிக்காவின் பிட்ஸ்பர்க் பல்கலைக்கழகத்தில் பணியாற்றும் இரு அலோபதி மருத்துவர்கள் அவர்கள். ஒருவர், என்ரிகோ பொர்டியூஸ், MPH உதவி ஆய்வாளர். மற்றவர், பேராசிரியர். ட்ரிவர் ஆர்சர்ட், MD. இருவரும் பிட்ஸ்பர்க் பல்கலைக்கழகத்தின் தொற்றுநோயியல் துறையைச் சேர்ந்தவர்கள். இன்சுலின் பயன்படுத்தும் சர்க்கரை நோயாளிகளின் ஆயுட்காலம் பற்றிய விரிவான ஆய்வு ஒன்றினை இவர்கள் மேற்கொண்டனர்.

இன்சுலின் சிகிச்சை அறிமுகமான 1920களில் என்ன விதமான மாற்றங்கள் நடந்தன என்று அவர்கள் அறிவித்துள்ளார்கள். ’இன்சுலின் சார்ந்த சர்க்கரைநோயின் மரணங்கள்’ என்பது அவர்களது ஆய்வுநூலின் மையக் கருத்து. ஆய்வின் தொகுப்புரையை அவர்கள் பின்வருமாறு தொடங்கியுள்ளனர்:

’1920களில் இன்சுலின் அறிமுகப்படுத்தப்பட்ட பின்னர், இன்சுலின் சார்ந்த சர்க்கரை நோயாளிகள் மரணம் அடையும் விதத்தில் அதிர்ச்சியளிக்கத்தக்க மாற்றம் ஏற்பட்டது. இன்சுலினுக்கு முன்பு, சர்க்கரை நோயாளிகள் கோமா நிலைக்குச் சென்று மரணமடைந்தனர். இன்சுலிக்குப் பின்னர், அதைப் பயன்படுத்திய மக்கள், சிறுநீரகச் செயலிழப்பு மற்றும் இதய நோய் ஏற்பட்டு மரணமடைவது அதிகரித்துவிட்டது.

இன்சுலின் பயன்படுத்தும் நோயாளிகளின் மரண எண்ணிக்கை மிக அதிகமாக உள்ளது. குழந்தைப் பருவ இன்சுலின் நோயாளிகளைப் பொறுத்தவரை, தற்போது இன்சுலின் பயன்படுத்துவோரில் 15 சதவீதத்துக்கு அதிகமானவர்கள் அவர்களது 40வது வயதிலேயே மரணமடைவார்கள். அந்த நேரத்தில், நாட்டின் இறப்பு விகிதம் இப்போது உள்ளதைக்காட்டிலும் 20 மடங்குகள் அதிகமாக இருக்கும்’
மிக நீண்ட ஆய்வறிக்கையின் தொகுப்புரை (summery) இவ்வாறு துவங்கிறது.

தொடர் இன்சுலின் பயன்பாடு மனித உடலைச் சீரழிக்கும் என்பதை அமெரிக்கா, பிரிட்டன் ஆகிய நாடுகளின் அரசு சுகாதாரத் துறைகளே வெளிப்படையாக அறிவித்துக்கொண்டுதான் இருக்கின்றன. மேற்கண்ட ஆய்வறிக்கையைக்கூட அமெரிக்காவின் ’அமெரிக்க உடல் நல மற்றும் மனிதச் சேவைத் துறை’தான் வெளியிட்டுள்ளது.

பல ஆண்டுகளாக இன்சுலின் குத்திக்கொள்ளும் நம் சமூகத்தவர் சிறுநீரகச் செயலிழப்புக்கு ஆளாகி, டயாலிசிஸ் எனும் செயற்கை இரத்தச் சுத்திகரிப்புக்கு ஆட்பட்டு, சில காலத்தில் மரணமடைவதை நாம் நேரடியாகப் பார்த்துக்கொண்டுதானே இருக்கிறோம்.

மரணமடையாத மக்கள் கூட, விரும்பிய இடங்களுக்குப் போக இயலாமல் விரும்பிய உணவுகளைக்கூட உண்ண இயலாமல் நடைபிணங்களாக அலைவதையும் பார்க்கிறோம்தானே. இவை எல்லாம், சர்க்கரை நோயால் வந்தவையா? அல்லது அந்த நோய்க்கு வழங்கப்பட்ட இன்சுலினால் வந்தவையா என இந்த நாட்டின் 120 கோடி மக்களில் எவருமே கேட்கக் கூடாதா?
அப்படி எழுப்பப்படும் கேள்விகளுக்கு இதுவரை எந்த அலோபதி மருத்துவராவது நேர்மையாக பதில் கூறியுள்ளாரா?

இந்த இன்சுலின் சர்க்கரை நோயை குணப்படுத்தவும் இல்லை; நோயாளியின் உயிருக்கு உத்தரவாதம் தரவும் இல்லை. மாறாக, அந்த நோயாளி சற்றும் எதிபாராத பல உயிர் ஆபத்து நோய்களை உருவாக்குகிறது. பின்னர் எதற்கு இப்படி ஒரு ‘சிகிச்சை’ என்று மக்கள் கேட்க வேண்டும்.

மாடுகளைத் தார்க்குச்சியால் குத்தினால் கூட, குத்தியவர் மீது சட்டப்படி நடவடிக்கை எடுக்க விலங்கு நல வாரியம் இருக்கிறது. மனிதர்களுக்குக் கொடுக்கப்படும் மருந்துகளால் ஏற்படும் மரணங்களைக் கேட்கத்தான் முறையான சட்ட அமைப்புகள் இல்லை.

பிட்ஸ்பர்க் பல்கலைக்கழக ஆய்வாளர்கள் தங்கள் அறிக்கையில் கூறியுள்ள வேறு சில தகவல்களையும் பார்ப்போம்.

’ஆயுள் காப்பீடு செய்துகொண்ட மக்களின் மரணம் குறித்து நடத்தப்பட்ட ஆய்வு முடிவு இது. 1935-63 ஆண்டுகாலத்தில், இன்சுலின் எடுத்துக் கொண்ட 30 வயதுக்குக் குறைவான மக்களின் மரண எண்ணிக்கை எதிர்பார்க்கப்பட்டதைக்காட்டிலும் 6 மடங்குகள் அதிகமாக இருந்தது’

ஆயுள் காப்பீடு எடுத்துக் கொள்ளும்போது,காப்பீட்டு நிறுவனங்களுக்கு மக்களின் ஆயுள்காலம் குறித்த ஒரு கணக்கு இருக்கும் அல்லவா, அந்தக் கணக்கைக் காட்டிலும் 6 மடங்குகள் அதிகமாக மரணங்கள் இன்சுலின் நோயாளிகளுக்கு ஏற்பட்டது.

‘இந்த மரணங்கள் அனைத்திலும், இதய நோய், கழுத்துப்பட்டை நரம்பு நோய்கள் மிக அதிகளவில் இருந்தன. ஜோஸ்லின் க்ளினிக் மற்றும் வேறு சில குழுக்களில் நடத்தப்பட்ட ஆய்வுகள், அமெரிக்க மக்கள் தொகையில் ஏற்படும் பொதுவான மரண எண்ணிக்கைக்கும் இன்சுலின் நோயாளிகளின் மரணங்களின் எண்ணிக்கைக்கும் இடையிலான வேறுபாடு குறிப்பிடத்தக்க அளவில் அதிகமாக இருந்ததைக் காட்டுகிறது. 1931-59 காலத்தில் ஜோஸ்லின் க்ளினிக் நோயாளிகளின் மரண ஒப்பீட்டு ஆய்வு மசாசூசெட்ஸில் இருந்த பொதுமக்களின் வயது, பாலினம் (ஆண்/பெண்) ஆகியவற்றை அடிப்படையாகக் கொண்டு நடத்தப்பட்டது.

அதாவது, இந்த க்ளினிக்கில் இருந்த இன்சுலின் நோயாளிகள் மற்றும் மசாசூசெட்ஸ் நகரின் மக்கள் தொகையில் ஏற்பட்ட மரணங்கள் ஆகிய இரண்டையும் ஒப்பிட்டு நடத்தப்பட்டது இந்த ஆய்வு.

சர்க்கரை நோயாளிகளின் மரணம் எல்லா வயதுகளிலும் அதிகமாகவே காணப்பட்டது. 0-9 வயதில் இருந்த ஆண் குழந்தைகளில் மட்டும் இந்த எண்ணிக்கை குறைவாக இருந்தது. ஆண்களைப் பொறுத்தவரை, எதிர்பார்க்கப்பட்ட மரண விகிதத்தைவிட, 3.75 மடங்குகள் அதிகமானோர் இறந்துபோனார்கள்.’

அதாவது ’10 பேர் இறந்துபோவார்கள் எனக் கணக்கிட்டால், ஏறத்தாழ 38 பேர் இறந்தார்கள்’ என்கின்றனர் அமெரிக்க மருத்துவ ஆய்வாளர்களான என்ரிகோ பொர்டியூஸ் மற்றும் ட்ரிவர் ஆர்சர்ட் ஆகியோர்.

சர்க்கரை நோய் என்ற காரணத்திற்காக அலோபதி மருத்துவரை அணுகும் மக்களுக்கு, இரண்டு வழிகள் காட்டப்படுகின்றன. ஒன்று, அலோபதி மருந்துகளை உட்கொண்டு கொஞ்சம் கொஞ்சமாக செத்தொழிய வேண்டும். அல்லது, நோயினால் செத்தொழிய வேண்டும். ஆகக் கடைசியில், அவர் நோயைக் குணப்படுத்தும் இல்லை, எதிர்விளைவே இல்லாத மருந்துகளையும் பரிந்துரைப்பதும் இல்லை.

சர்க்கரை நோயை ‘அமைதியான கொலைகாரன் (silent killer)’ என்கிறது அலோபதி மருத்துவம். உண்மையில் ‘அமைதியாக கொலை’ செய்வது சர்க்கரை நோயா? அலோபதி மருந்துகளா? என்பதைக் கூட புரிந்துகொள்ள முடியாமல் போனால், நமக்கு வழங்கப்பட்ட வாழ்க்கையை நாம் வீணடிக்கிறோம் எனப் பொருள்.

Senthamizhan Maniarasan 15 December 2013 மருத்துவமனைக்குச் சென்று மரணம் அடைவோர்! -இந்திய அரசின் அதிகாரப்பூர்வ புள்ளிவிவரம் ம.செந்தமிழன்

2014-02-01T19:24:00.003-08:00

Senthamizhan Maniarasan

15 December 2013

மருத்துவமனைக்குச் சென்று மரணம் அடைவோர்!
-இந்திய அரசின் அதிகாரப்பூர்வ புள்ளிவிவரம்

ம.செந்தமிழன்

இத்துடன் உள்ள இணைப்பில் உள்ளது எனது கற்பனையோ காவியமோ அல்ல, இந்திய அரசின் மக்கள் தொகைக் கணக்கெடுப்புத் துறையினரின் அதிகாரப்பூர்வ புள்ளி விவரம்.

இந்தியாவில் மக்களது மரணம் குறித்த புள்ளியியல் ஆய்வில்,
மரணங்கள் நிகழும்முன், மருத்துவ சிகிச்சை மேற்கொள்ளப்பட்டதா? இல்லையா?என்பதைப் பற்றிக் குறிப்பிடப்பட்டுள்ளது.

அதன் விவரம் கீழே.

மரணத்துக்கு முந்தைய மருத்துவ உதவி குறித்த சதவீதம்

1. நிறுவனம் சார்ந்த / மருத்துவமனைகளில் மருத்துவம் வழங்கப்பட்டு இறந்தோர்:

நகரங்களில்: 37.1%
கிராமங்களில்: 18.3%

2. நிறுவனம் சாராத வகைகளில் / கிளினிக்குகள் உள்ளிட்ட பல சிகிச்சை மையங்களில் மருத்துவம் வழங்கப்பட்டு இறந்தோர்:

நகரங்களில்: 58.3%
கிராமங்களில்: 67.2%

3. எந்த வகையிலும் மருத்துவமே மேற்கொள்ளாமல் மரணமடைந்தோர்:

நகரங்களில்: 4.6%
கிராமங்களில்: 14.6%

அதாவது, மருத்துவமனைக்கோ, கிளினிக்கிற்கோ செல்லாதவர்கள் அல்லது வேறு எந்தவகையிலும் மருந்துகள் உட்கொள்ளாதவர்கள்தான், மரணத்தின் பிடியிலிருந்து பெருமளவில் தப்புகிறார்கள்.

நவீன மருத்துவம், நவீன அறிவியல் ஆகிய நாகரிகமான பெயர்களுக்குப் பின்னால் ஒளிந்துகொண்டிருப்பது தேவதைகளா சாத்தான்களா என்பதைப் புரிந்துகொள்ளும் அறிவும் திறனும் இதை வாசிக்கும் அனைவருக்கும் இருக்கும் என நம்புகிறேன்.

http://censusindia.gov.in/vital_statistics/Vital_Rates/Vital_rates.aspx — with Saravanan Karate and 18 others.

செந்தமிழன் பதிவு

2014-02-01T19:24:00.000-08:00

Senthamizhan Maniarasan

2 January

நம்மாழ்வார் முன்னிலையில் உறுதிமொழிகள்!

நம்மாழ்வார் ஐயா உருவாக்கிய வானகம் வாழ்வியல் பண்ணையில் நேற்று ஐயாவின் உடல் அடக்கம் செய்யப்பட்டது. ஐயாவின் உடல் முன்பு, பல்லாயிரம் மக்கள் ஏற்ற உறுதிமொழிகள் இவை.

உறுதி மொழிகள்

இயற்கையின் உண்மையான பிள்ளையாக, தமிழர்களின் வழிகாட்டியாக, வேளாண்மையின் ஒளிவிளக்காக வாழ்ந்து மறைந்த ஐயா நம்மாழ்வார் அவர்களின் பேரால் இந்த உறுதிமொழிகளை ஏற்கிறோம்.
1. நஞ்சுகளே இல்லாத வேளாண்மை முறையை, இயற்கை வழி வேளாண் முறையை வாழ்க்கையாக்குவோம்.

2. இயற்கை ஒருபோதும் தவறு செய்யாது. இயற்கையின் அங்கமான மனித உடலும் தவறு செய்யாது. ஆகவே, இயற்கை வழி வாழ்வியலின் மூலம் மருந்தே இல்லாத மருத்துவ முறைகளைக் கடைப்பிடிப்போம். மருந்தில்லா மருத்துவமுறையை வாழ்க்கையாக்குவோம்.

3. இயற்கை வளங்களையும் மனித ஆற்றலையும் சுரண்டுவதற்காகத்தான் இன்றைய கல்விமுறை உருவாக்கப்பட்டுள்ளது. ஒவ்வொரு மனிதரும் தமக்குள் இருக்கும் சுய தன்மையை உணருவதே உண்மையான கல்வி. “தொட்டனைத் தூறும் மணற்கேணி” என்பதுபோல தமக்குள் ஆழ்ந்து சிந்திப்பவர்களுக்கே, அறிவு ஊற்றெடுக்கிறது. இதுவே இயற்கை நியதி. சுய ஆற்றலை மேம்படுத்தும் கல்வி முறையை உருவாக்குவோம், கடைபிடிப்போம்.

4. இயற்கை எல்லா உயிர்களுக்கும் பொதுவானது. இயற்கை எல்லா உயிர்களின் தாய். மனித குலம் தம் அறிவைக் கொண்டு இயற்கையைச் சுரண்டி, கொள்ளையடிக்கிறது. பெரும் நிறுவனங்களின் வணிகத்திற்காகவும் சில முதலாளிகளின் இலாபத்துக்காகவும் இயற்கை அன்னை துன்புறுத்தப்படுகிறாள்.
இயற்கை வளங்களைச் சூறையாடும் எந்தத் திட்டத்தையும் நாம் எதிர்க்க வேண்டும். மனிதர்களின் வாழ்க்கைத் தேவைகளை இயற்கை வழியில் நிறைவேற்றிக் கொள்ள வேண்டும்.

இயற்கையின் உண்மையான பிள்ளைகளாக நாம் வாழ வேண்டுமெனில் இயற்கைக்கு எதிரான திட்டங்களை எதிர்த்துப் போராடித்தான் தீர வேண்டும்.

முழக்கங்கள்

1. இராசயனமே இல்லாத இயற்கை வழி வேளாண் முறைகளைக் கடைபிடிப்போம்.
2. மருந்தே இல்லாத மருத்துவ முறைகளை வாழ்க்கையாக்குவோம்.
3. சுய ஆற்றலை மேம்படுத்தும் கல்வி முறையை உருவாக்குவோம்.
4. இயற்கை வளங்களைப் பாதுகாப்பது நம் கடமை. இதற்காகப் போராடுவது நமக்கு இயற்கை வழங்கிய உரிமை. போராடுவோம் இயற்கை வளங்களைப் பாதுகாப்போம்.

வானகம் ஒருங்கிணைப்பாளர் திரு. லெ.ஏங்கெல்ஸ் ராஜா முன்மொழிந்த பணித் திட்டம்:

ஐயா நம்மாழ்வாரின் நான்கு விருப்பங்களில் இயற்கை வழி வேளாண்மை, மருந்தில்லா மருத்துவம், இயற்கை வளங்களைக் காப்பதற்காகப் போராடுதல் ஆகிய மூன்று விருப்பங்கள் நிறைவேறத் தொடங்கிவிட்டன. இந்த மூன்று விருப்பங்களையும் பேசியதோடு நில்லாமல், அவர் கடைப்பிடித்தார். சமூகத்திலும் இந்த விருப்பங்கள் நல்ல முறையில் வளர்ச்சியடைந்து நடைமுறைப்படுத்தப்படுகின்றன. ஆனாலும் சுய ஆற்றலை மேம்படுத்தும் கல்வி முறையை உருவாக்க வேண்டும் என்ற அவரது ஒரு விருப்பம் இன்றைய நிலையிலும் செயல்வடிவம் பெறாமல் உள்ளது.

ஐயாவின் மறைவுக்குப் பின்னர் இந்தப் பணியை நமது முதல் பணியாக மேற்கொள்ள வேண்டியது நம் கடமை.

ஐயா வலியுறுத்திய புதிய கல்விமுறைக்கு ’நம்மாழ்வார் கல்வி முறை’ எனப் பெயரிடுவோம். ஐயாவின் பிறந்த நாளாக வரும் ஏப்ரல் 6ஆம் தேதி இந்தக் கல்வி முறைக்கான திட்டப் பணிகளைத் துவங்க இருக்கிறோம். இந்தப் பணிக்கும் ஐயாவின் வழியில் முன்னெடுக்கப்படும் எல்லாப் பணிகளுக்கும் உங்கள் அனைவரின் ஒத்துழைப்புகளையும் வேண்டுகிறோம்.

இனிப்பு by செந்தமிழன்

2014-02-01T19:22:00.003-08:00

Senthamizhan Maniarasan

6 January

இனிப்பு புத்தகம்!

நண்பர்களே,
இனிப்பு, ஆவணப்படம் தயாரிப்பு நிலையில் உள்ளது. இந்நிலையில் இனிப்பு, புத்தகம் வெளியாகிறது. புத்தகத் திருவிழாவில் கிடைக்கும்.
சர்க்கரை நோயைப் புரிந்துகொள்ளவும், அலோபதியை நிராகரிக்கவும், நோயிலிருந்து விடுபடவும் தேவையான செய்திகளை இந்த நூலில் பதிவு செய்துள்ளேன். — with Healer R Balamurugan.

உணவு விழா

2014-02-01T19:21:00.003-08:00

Senthamizhan Maniarasan

30 January · Edited

ஐம்பூத விழா!
’நெருப்பு’ குறித்த உரையும், மரபு உணவுகளும்.

நண்பர்களே,
பூவுலகின் நண்பர்கள் நடத்தும் ஐம்பூத சுற்றுச் சூழல் விழாவில், ‘நெருப்பு’ எனும் பூதம் குறித்துப் பேசுகிறேன். பிற நான்கு பூதங்கள் குறித்து வேறு பல வல்லுனர்கள் உரையாற்றுகிறார்கள். வரும் ஞாயிறு காலை 10 மணிக்குக் கருத்தரங்கம் துவங்குகிறது.

மாலையில், மரபு உணவுத் திருவிழா. கருத்தரங்கத்தில் அனைவரும் கலந்துகொள்ளலாம், கட்டணம் இல்லை.

உணவு விழாவிற்கு மட்டும், நபர் ஒருவருக்கு ரூ.250/- கட்டணம் விதிக்கப்படுகிறது.
வாய்ப்புள்ளோர் பங்கேற்கலாம்.
இடம்: சென்னை இலயோலா கல்லூரி
நாள்: 02/02/14

தொடர்புகளுக்கு:
https://www.facebook.com/poovulagu?fref=ts

இனிப்பு ஒரு முன்னோட்டம் by செந்தமிழன்

2014-02-01T19:20:00.004-08:00

INIPU - COMPLETE CURE FOR DIABETES

இனிப்பு - முன்னோட்டம்!

ம.செந்தமிழன்

நண்பர்களே, ’இனிப்பு’ ஆவணப் படத்தின் முன்னோட்டம் இத்துடன் வெளியிடப்படுகிறது. படத்தை முழுமையாக்க இன்னும் பல பணிகள் உள்ளன. இந்த முன்னோட்டம் ஒரு சிறிய துவக்கமே. என்னுடன் இப்பணியில் இணைந்துள்ள என் குழுவினருக்கும், இனிப்பு பணிகளைச் சுமந்து பறந்து கொண்டுள்ள உங்கள் அனைவருக்கும் நன்றிகளைச் சமர்ப்பிக்கிறேன்.

இனிப்பு, ஆங்கிலத்திலும் தயாராகிறது. அதற்கான ஆங்கில ட்ரெய்லர் விரைவில் வெளியாகும்.
எல்லாம் வல்ல இயற்கையின் பேராற்றலின் அன்பினால் மக்கள் நோய்களில் இருந்தும், அலோபதியில் இருந்தும் விடுபட்டு, சுதந்திரமாக வாழ வேண்டுகிறேன்.

ஒளிப்பதிவு: Paul Gregory
படத் தொகுப்பு: Richard Srd
இணை இயக்குனர்: Sathish Jegadeeshwaran

செம்மை குழு:
Ravi Nagaii
Niyas Ahmed
Gandhimathi Senthamizhan
Vijayan Kathirvel
கலாநிதி பவேஸ்வரன்
Santhosh Narayanan

மாவீரன் அருள் ஒளி
Tamizh Selvan
Edison Cdm
@Natarajan Natarajan Parasuraman

சிறப்பு நன்றிகள்:
Priyadharshini Vara
Engals Raja
பாக்கியராசன் சே
Sankara Subramanian

தயாரிப்புக் குழு:
வெ.இளங்கோவன், ஈரோடு Ilangovan Erode
செந்திரள், தஞ்சாவூர் Sendheral Venkatesan

https://www.youtube.com/watch?v=YUFUNfLkTck

— with Engals Raja and 29 others

மருத்துவம் via facebook

2014-02-01T09:43:00.000-08:00

Karuppa Samy shared Dr. G Nammalvar, Organic Agriculturist'sphoto.

” அசத்தல் செல்போன் வைத்தியரம்மா “ உணவே மருந்து : ” கூட்டு குடும்ப முறை “ நம் கலச்சாரத்தின் மையப்பகுதியாக இருந்த காலத்தில் வீட்டில் யாருக்காவது உடல் உபாதைகளோ அல்லது தீராத நோய்களோ கஷ்டப்படுத்திக் கொண்டிருந்த போது ஆபாத்பாந்தவனாக நம் வீட்டில் ஒரு “ பாட்டி “ கண்கண்ட நாட்டு மருந்துகளை கைப்பக்குவத்தில் நமக்கு செய்து கொடுத்து, மருத்துவமனையே செல்லாமல், நோய்களை வந்த இடம் தெரியாமல் ஓட வைத்துக் கொண்டிருந்தார்கள். இன்றைக்கு அந்த பாட்டிகளில் பலபேரை முதியோர் இல்லத்துக்கு ஓட வைத்து விட்ட்தனாலும் அல்லது மருமகள் டார்ச்சர் தாங்க முடியாமல் எல்லாம் தெரிந்தும் ” வாய் மூடி மெளனிகளாகவே “ வாழ்ந்து வருகிறார்கள். அந்தப் பாட்டிகளின் வழித்தோன்றலாக (ஜீன்கள் மாறாமல் ) நம் நாட்டில் இன்னும் சில பேர் வாழ்ந்து கொண்டிருக்கிறார்கள். அவர்களில் ஒருவர் தான் கொங்கு மண்டலத்தை ( கோவையை) சேர்ந்த தொப்பம் பட்டியில் வசித்து வரும் ” என்.எம். மயூரி “ அவர்கள். இந்த நவீன மையமாக்கல் உலகில் ஆங்கிலம் தெரியாமல் கூட ஆங்கிலத்தை வெறும் பந்தவுக்காக பேசி வருபவர்கள் மத்தியில், இன்னமும் தன் மண்ணின் மொழியான கொங்கு தமிழையே தன் பேச்சில் மாறாமல் பேசிவதோடு , அந்த சிறப்பான ” பாரம்பரிய பாட்டி வைத்திய சேவையை ” தன் வீட்டோடு மட்டும் நிறுத்திக் கொள்ளாமல் தொலைபேசி வாயிலாக ஆண், பெண் என அனைவருக்கும் எந்த வித வணிக நோக்கமுமில்லாமலும் ” இலவசமாக இயற்கை வாழ்வியல் நுட்பங்களையும், மருத்துவ ஆலோசனைகளையும் சொல்லி சரியான வழி காட்டியாக விளங்குகிறார் இந்த வைத்தியரம்மா . குழந்தை பேறு இல்லாமல் நித்தமும் மருந்து , மாத்திரை, ஆப்ரேசன், ஊசி, டெஸ்ட் டியூப், ஸ்கேன் என அனைத்துக்கும் செலவழித்ததோடு மட்டுமில்லாமல், அதன் பக்கவிளைவுகளால் அன்றாடும் அல்லல் பட்டுக் கொண்டிருக்கும் பலர் இவரை ( மயூரி ) நேரில் கூட பார்த்த்தில்லை . தொலைபேசியிலே அனுகி இவர் கூறும் எளிய ” இயற்கை வாழ்வியல் நுட்பங்களை “ ( உணவே மருந்து ) கடைபிடித்து இன்று தாய்மை பேறு அடைந்துள்ளனர். அது மட்டுமில்லாமல் இன்று உலகை அச்சுறுத்திக் கொண்டிருக்கும் “ அதிகப் படியான உடல் எடையையும் ( கொழுப்பு) “ அதனால் உண்டாகும் சர்க்கரை, இருதய, மன அழுத்தம், மூட்டுவலி… என அனைத்துக்குமே நோயின் ஆதி மூலத்தை அறிந்து அதை உணவின் மூலமே சரி செய்தும் வருகிறார். மேலும் முடி கொட்டி ஷாம்பு, சோப்பு, ஆயில் என்று தலையை பிய்த்துக் கொண்டிருக்கும் மகளிருக்கு நம் மண்ணின் மூலிகையான கருவேப்பில்லை சாறு, நெல்லிக்காய் சாறு, கரிசலாங்கனி கீரை சாறு, மூடக்கத்தான் கீரை சூப் என குடிக்க சொல்லி அதன் மூலமே தீர்த்து வருகிறார். மேலும் நஞ்சில்லா சிறுதானிய உணவுகளில் செய்யப் படும் அடை, இட்லி, தோசை… மட்டும் பல இயற்கை உணவுகள் செய்வது பற்றிய செய்முறை விளக்கங்களையும் அளித்துவருகிறார். அதை சொல்வதொடு மட்டுமில்லாமல் போனிலே சரியாக பின்பற்றுகிறார்களா? என கேட்டுக் கொண்டேயும் இருக்கிறார். இதன் பலனாய் பலர் தன் நோய்களை சரி செய்து விட்டு அதற்காக நன்றி தெரிவித்து கடிதங்களையும், சரியான மருத்துவ ரிப்போர்டடுகளையும் அனுப்பி வைக்கின்றனர். தன் சேவைக்கு சிவகாசியை சேர்ந்த பிரபல “ அடுப்பில்லா சமையல் நிபுணரும் ” சிவகாசியில் தாய் வழி இயற்கை உணவகம் என்னும் மூலிகை உணவகத்தை நடத்தி தொலைபேசி வாயிலாக பலரது நோய்களைப் போக்கி, சமூக சேவை ஆற்றி வரும் ” திரு. மாறன். ஜி “ அவர்களே முன்மாதிரி என கூறி அதற்கான நன்றியையும் மனதார கூறுகிறார் மயூரி அம்மா அவர்கள். இந்த மனித நேய சேவையை செய்ய எப்போதும் தயாராக காத்து கொண்டிருக்கிறார். நீங்களும் அழைக்க .. தொப்பம்பட்டி மயூரியம்மா – Cell : 98650 49013, 73055 81359. சிவகாசி திரு. மாறன். ஜி cell : 93674 21787

விவசாயம்

2014-02-01T09:41:00.004-08:00

Jrubella Carolin shared Pasumai Vikatan's photo.

உப்புத் தண்ணியிலும் உருப்படியான வெள்ளாமை... ஜீவாமிர்தத்தில் விளைந்த 48 டன் கரும்பு! ‘‘தண்ணி உப்பாவே இருக்கு. இதுல என்னத்த வெள்ளாமை பண்ணி... என்னத்த ஆகப்போகுது இப்படி கவலைப்பட்டுக் கொண்டிருக்கும் நபரா நீங்கள்..? கவலையேப்படாதீங்க. தண்ணி, எவ்வளவு கடினத்தன்-மையா இருந்தாலும்... அதை வெகுசுலபமா சரிபண்றதோட... நல்ல விளைச்சலையும் கட்டாயம் எடுக்கலாம்’’ என்று நம்பிக்கை ஊட்டுகிறார், கரூர் மாவட்டம், பணிக்கம்பட்டி கிராமத்தைச் சேர்ந்த கோபாலகிருஷ்ணன். இவர், சமீபத்தில் இயற்கை விவசாயச் சாதனைக்காக தமிழ்நாடு வேளாண் பல்கலைக்கழகத்திடம் வேளாண் செம்மல் விருது பெற்றிருக்கிறார் என்பது குறிப்பிடத்தக்கது. அவரைத்தேடிச் சென்றபோது... பச்சைப்பசேலென்று ஆளுயரத்துக்கு வளர்ந்து நின்ற கரும்புகள், தோகைகளை ஆட்டி வரவேற்க, அவற்றோடு நின்றபடி தானும் வரவேற்ற கோபாலகிருஷ்ணன், ‘‘எனக்குச் சொந்தமா நிறைய நிலம் இருக்கு. அதுல நான் தொடர்ந்து இயற்கை முறையில விவசாயம் செய்துகிட்டிருக்கேன். போன வருஷம், என்னோட மாமனாருக்கு சொந்தமான ரெண்டு ஏக்கர் நிலமும் என் பொறுப்புக்கு வந்துச்சு. ஆனா, இந்த ரெண்டு ஏக்கர் நிலத்துல இருக்கற கிணத்துத் தண்ணி கடுமையான உப்பு. நான் சோதனை பண்ணி பாத்தப்போ, ணி.சி. 5.7 இருந்துச்சு. இருந்தாலும், இந்தத் தண்ணியை வெச்சுதான் வெள்ளாமை பண்ண முடியும்கிற நிலைமை. மாமனார், ஏகப்பட்ட உரங்களைக் கொட்டிதான் கரும்பு, நெல், சூரியகாந்தினு விவசாயம் பாத்துகிட்டிருந்தார். ஆனா, பெரியஅளவுக்கெல்லாம் விளைச்சல் கிடைக்கல. இப்ப அதையெல்லாம் மாத்தி, இயற்கை முறை விவசாயத்தால தளதளனு கரும்பை விளைவிச்சிருக்கேன். முன்னெல்லாம் ஏக்கருக்கு 20 டன் கரும்பு மகசூலா கிடைச்சுது. இப்ப 48 டன் வரைக்கும் விளைவிச்சுருக்கேன். எல்லாம் இயற்கை வழி விவசாயத்தோட புண்ணியம்தான். இதைச் சாதிக்கறது பெரிய கம்பசூத்திரமெல்லாம் கிடையாது. எங்கயும் அலையாம சாதாரணமா எல்லோரும் சுலபமா செய்ய முடியுற தொழில்நுட்பம்தான். ஜீரோ பட்ஜெட் சுபாஷ் பாலேக்கர் சொல்ற ஜீவாமிர்தக் கரைசல்ல லேசா மாற்றம் செஞ்சு, கரும்புக்கு பயன்படுத்திப் பாத்தேன். அருமையான விளைச்சலைக் கொடுத்துடுச்சு''. -பசுமை விகடன் 10 டிசம்பர் 2009 தேதியிட்ட இதழிலிருந்து....

விவசாயி facebook

2014-02-01T09:41:00.001-08:00

Dinesh Kumar

இது ஏழை விவசாயியின் அபலக்குரல்

படிச்சவன் பாட்டைக் கெடுத்தான்!
எழுதியவன் ஏட்டைக் கெடுத்தான்னு,
சொல்லுவாங்க…
நீங்கள்ளாம் மெத்தப்படிச்சவங்க
தாய் மண்ணையும், உயிர் தண்ணியையும்
கெடுக்க வழி பாக்குறீங்க!
என்னென்னமோ கண்டுபிடிச்சீங்க,
எல்லோரும் வசதியாயிருக்கீங்க!
தினம்தினம் மண்ணோட போராடுற
எங்ககிட்ட மல்லுக்கட்டுறீங்க!
நான் மட்டும் சாப்பிடவா
ஏரை பிடிக்கறேன்?
ஊருக்கே படைக்கத்தானே
உழுது மடியறேன்!
உழுவுற நிலத்தை வளைச்சுப்போட்டு
மச்சாக்கிட்டீங்க!
இருக்குற சொச்சமும்
வீணாப் போக வேலைபாக்குறீங்க!
மழை இல்லை, தண்ணீஇல்லை
பாழாப்போன கரண்டும் இல்லை
வசதியா விவசாயம் பண்ண
எங்ககிட்ட பண்மும் இல்லை
வறண்ட பூமி வானம் பாத்துகிடக்க
அப்படி என்னதான்யா சுரண்டுறிங்க
ரசாயனத்தை கலக்குறீங்க
அது என்ன மீத்தேனோ, மலைத்தேனோ
நிலத்துல கொண்டாந்து புதைக்கிறீங்க?
பெத்த பொண்ணா பொத்திவளர்த்த
ஏங்க மண்ணை நாசமாக்கி மோசம் பண்ணிட்டீங்க
எங்க பூமி எங்களுக்கில்லைன்னு
எங்களை விரட்ட வழி பாக்குறீங்க...
ஏரோட்டீயை முடமாக்கி
சோறாக்க முடியுமா?
வேதி மாத்திரை சாப்பாட்டுக்கு
நடைப் பெணமாய் வாழுங்க!
பெத்தவங்கலையே ஒதுக்கிவைக்கிற காலத்துல
மத்தவங்களையா நினைக்க போறீங்க?
என்னமோ போங்க ...
எங்காத்தா சாகும்போது
காசு பணம் கையிலகொடுக்கல
ஒரு பிடி மண்ணைதான் சொத்தா கொடுத்தா!
அதையிம் கேக்குறீங்க்ளே!!
- கலைசெல்வி சரவணன்

முகநூல்

2014-02-01T09:40:00.002-08:00

Vinod Kumar shared Sanal Mohanan Kizhakkedathu's photo.

முகநூல்

2014-02-01T09:39:00.002-08:00

Ravi Ravindran

Saunf helps in digestion - Food Habits and Nutrition Guide in Tamil
நம்முடைய மூதாதையர்கள் சாப்பிட்ட அனைத்து உணவுப் பொருட்களுமே ஒரு வகையில் நமது உடலுக்கு ஆரோக்கியத்தை அளிக்கும் மருந்தாக இருந்தது. ஆனால் இன்றைக்கு பாஸ்ட்புட் கலாச்சாரத்தில் நாம் அதிலிருந்து விலகி... பெரும்பாலான உணவுகள் நம்முடைய ஆரோக்கியத்தை கெடுக்கும் வகையில் உள்ளன என்பதே கசப்பான உண்மை. இன்றைக்கும் ஆயுர்வேதத்தில் மருந்தாகப் பயன்படும் பெரும்பாலானவை உணவுப் பொருட்கள்தான். ஆதலால், நாம் சரியான உணவுப் பொருட்களை, சரியான விதத்தில் சமைத்து சாப்பிட்டால் நாம் மருத்துவரை அணுக வேண்டிய அவசியமில்லை. இவ்வாறு மருந்தாகப் பயன்படும் உணவுப் பொருட்களைப் பற்றிப் பார்க்கலாம்.

கீரைகளை நீரில் நன்றாகக் கழுவிவிட்டு சமைக்கவேண்டும். பழங்காலத்தில் இரவில் கீரையை சாப்பிடக்கூடாது என்பார்கள். அதற்குக் காரணம் இருந்தது. அதாவது கீரைகளில் சிறுசிறு பூச்சிகள் அதிகம். இரவு என்றால் நமக்குத் தெரியாது என்பதால் அப்படி சொன்னார்கள். கீரைகள் அனைத்துமே ரத்த விருத்தியை உண்டாக்கும்.

தூதுவளை கீரையை சாப்பிட்டால் இருமல், சளி மாறும். அகத்திக்கீரையை சாப்பிட்டால் கடுப்பு மாறும். கொத்தமல்லிக்கீரையை சாப்பிட்டால் சுக்ல விருத்தி உண்டாகும். கரிசலாங்கண்ணிக் கீரையை சாப்பிட்டால் கண்களுக்கு பலம் கிடைக்கும். சிறுகீரை சாப்பிட்டால் கண்புகைச்சல் குறையும். புதினா சாப்பிட்டால் பசியைத் தூண்டும். கீழாநெல்லியை சாப்பிட்டால் மஞ்சள்காமாலை நோய் மறையும்.

இதேபோல் பால் மற்றும் பால் பொருட்களும் நமது உடலுக்கு பலவிதத்தில் பலன் தருகின்றன.

பசும்பால் தாதுக்கள் ஆண்மையை அதிகரிக்கும். எருமைப் பால் புத்தியை மந்தம் அடையச் செய்யும். ஆட்டின் பால் சாப்பிட்டால் ரத்தப்போக்கு நோய்கள் குறையும். மோர் சாப்பிட்டால் மூலநோய் குணமாகும். வெண்ணை ஆண்மையை பெருக்கும். நெய் சாப்பிட்டால் புத்தி, ஞாபக சக்தி, ஆயுள் ஆகியவை அதிகரிக்கும். கரும்புச்சாறு ஆண்மையை உண்டாக்கும். தேன் கண்களுக்கு நல்லது. நல்லெண்ணை குளிர்த்தன்மை உடையது.

நீர் மனிதனுக்கு இன்றியமையாதது. கொதிக்க வைத்து ஆறிய நீர் மிகவும் நல்லது. குழந்தைகள், வாத நோயாளிகள், பத்தியமுள்ளவர்களுக்கு புழுங்கல் அரிசி நல்லது. அவல் பலத்தை அதிகரிக்கும். கோதுமை ஆண்மையைப் பெருக்கும். வெந்தயம் கசப்புச் சுவை உடையது. சீதக்காய்ச்சலுக்கு சிறந்தது. சர்க்கரை நோயைக் கட்டுப்படுத்தும். எள் எலும்புகளுக்கு பலம் தரும். கூந்தலுக்கு வலுவைத் தரும். இதை சாப்பிட்ட பின் குளிர்ந்த நீரை அருந்த வேண்டும்.

உளுந்து உணவுப் பொருட்களில் சிறந்தது. ஆண்மையைப் பெருக்கும். பெண்களுக்கு இடுப்புக்கு வலிமை கொடுக்கும். மாதவிலக்கை சீராக்கும். இதை சாப்பிட்டால் உடல் பருக்கும். அதேபோல் ஜவ்வரிசியும் சுக்லத்தை அதிகரிக்கும்.

பயறு வகைகள் உடலுக்கு நல்லது. தானியங்களில் பயறு சிறந்தது. பாசிப்பயறு நோயாளிகளுக்கு நல்லது. வேர்க்கடலையை வெல்லம் சேர்த்து சாப்பிட்டால் உடல் வளரும், ஆண்மை உண்டாகும். பாதாம் பருப்பு உடலுக்கு புஷ்டியைத் தந்து, ஆண்மையைப் பெருக்கும். பெருஞ்சீரகம் பசியைத் தூண்டி, வயிற்று நோயை அகற்றும். பெருங்காயம் தேக வாயுவைக் குறைத்து, வயிற்று நோய்களுக்கு மிகச் சிறந்த மருந்தாகவும் அமைகிறது. மஞ்சள் ரத்தத்தை சுத்திகரிக்கும். புண்களை ஆற்றும். மிளகு இருமல், சளியைக் குறைக்கும். தினமும் இரண்டு மிளகை சாப்பிட்டால் இருதயநோய் வராது.

சேனைக்கிழங்கை சமைத்து சாப்பிட்டால் ரத்தமில்லா மூலம் குணமாகும். இஞ்சி வயிற்றை சுத்தம் செய்யும். கத்தரிப் பிஞ்சு வயிற்று வலிக்கு நல்லது. கோவைக்காயை சமைத்து சாப்பிட்டால் வாய்ப்புண் மறையும். அதேபோல் மணத்தக்காளி கீரையை சமைத்து சாப்பிட்டால் வயிற்றுப் புண் குணமாகும். தேங்காய் குளிர்ச்சித்தன்மை உடையது. தோல் நோய்களைக் குணமாக்கும் சக்தி தேங்காய்க்கு உண்டு. வெள்ளரிப்பிஞ்சு உடலுக்கு மிகவும் நல்லது. வாழையின் அனைத்துப் பகுதிகளும் நமக்கு பயன்படுகின்றன. வாழைப்பூ ரத்த மூலத்திற்கு சிறந்தது. வாழைப்பிஞ்சு சர்க்கரை நோய்க்கு நல்லது. அனைத்து வகை காய்கறிகளும் நமது உடலுக்கு மிகவும் நல்லது.

இனிப்பு via facebook

2014-02-01T09:36:00.001-08:00

Engals Raja shared Senthamizhan Maniarasan's photo.

இனிப்பு நலக் கூடல்! தீர்வுகளை முன் வைக்காத விமர்சனங்கள் நிராகரிக்கப்பட வேண்டியவை என்பது என் அழுத்தமான நம்பிக்கை. நம் முன்னோர் ஏராளமான மருத்துவ முறைகளை இனம் கண்டார்கள், உருவாக்கினார்கள். எந்த நோயாகினும் அதை விரட்டும் வழி கண்டார்கள். இது, இன்று நேற்றல்ல, பல்லாயிரம் ஆண்டுகால மரபின் தொடர்ச்சி. 5000 ஆண்டுகளுக்கு முற்பட்ட சிந்துவெளியிலேயே, பல் மருத்துவர் இருந்தார் என்கின்றன, அகழ்வாய்வுகள். அகத்தியரிடமும், திருமூலரிடமும் தீராத நோய் ஒன்று இந்த புவியில் இருக்கும் என நான் நம்பவில்லை. அவர்கள் அணுவின் கருவைப் பற்றிப் பாடிய மேதைகள். இவ்வளவு நீண்ட, மெய்யறிவு வழிப்பட்ட மரபின் பிள்ளைகள், அற்பமான சர்க்கரை நோய்க்கு அஞ்சுவது பேதமை. தமிழ், சீன மரபுகளின் செழுமையை உள்வாங்கி வளர்ந்துள்ள தொடு சிகிச்சை முறையும், உணவியல் சிகிச்சை முறைகளும் இணைந்து சர்க்கரையை விரட்டுவதை இப்போது பரவலாகக் காண முடிகிறது. நான் கண்ட நன்மைகளை, சமூகத்துக்கு அறிவிக்கும் பொருட்டு, இனிப்பு நலக் கூடல் ஏற்பாடு செய்யப்படுகிறது. இக்கூடலில், சர்க்கரை நோய் குறித்த தர்க்கப் பூர்வமான, இயற்கை வழிப்பட்ட விளக்கம் அளிக்கப்படும். சர்க்கரை நோயாளிகளுக்குச் சிகிச்சையும் துவங்கப்படும். இந்த ஒரு முறை மட்டுமல்ல, நோய் தீரும் மட்டும், இவர்களுக்கு சிகிச்சை தருவதற்கான ஏற்பாடுகள் செய்யப்பட்டுள்ளன. அகவெளி வாழ்வியல் நடுவம், இந்நிகழ்வினை, ஒழுங்கு செய்துள்ளது. அதிக எண்ணிக்கையில், பங்கேற்றால் முறையாகவும் கவனமாகவும் அக்கறை எடுத்துக் கொள்ள இயலாது என்பதால், 50 பேர்களை மட்டுமே, இந்நிகழ்விற்காக பதிவு செய்ய உள்ளோம். நோயினால் பாதிக்கப்பட்டோரும், துணையாக ஒருவரும் மட்டும் வருக. நோய் தீர்ந்து நலம் பெறுக!

மோன்சாண்டோ

2014-02-01T09:32:00.000-08:00

மோன்சாண்டோ

2014-02-01T09:31:00.003-08:00

தமிழ்ச் செல்வன் shared his post.

நேற்று சென்னை மெரீனாவில் மான்சான்டோவிற்கு எதிரான விழிப்புணர்வு பிரசார அணிவகுப்பின் சில புகைப்படங்கள். ஏராளமானோர் பங்கேற்ற இந்த நிகழ்ச்சி வெற்றிகரமாக நடந்தது!பங்குகொண்ட அனைவரும் மான்சான்டோவிற்கு எதிரான வாசகங்கள் அடங்கிய உறுதிமொழியினை ஏற்றுகொண்டோம் ! இதனை ஏற்பாடு செய்த Safe Food Alliance Chennai அமைப்பிற்கு மிகப்பெரிய நன்றி . கூத்துப்பட்டறை யில் இருந்து நல்லதொரு விழிப்புணர்வு நாடகத்தினை அமைத்து கொடுத்த அந்த கலைஞர்களுக்கு நன்றி . மேலும் பங்கேற்ற அனைவர்க்கும் நெஞ்சார்ந்த நன்றிகள் . சென்னை மட்டுமல்லாது நேற்று உலகம் முழுவதும் பல்வேறு நகரங்களில் இவை நடந்தது. இந்த எதிர்ப்பு இதோடு நின்றுவிடாது தொடர்ச்சியாக நாம் அனைவரும் நாம் இந்த மண்ணில் இருந்து மான்சாண்டோவை அகற்றும் வரை ஒன்றுசேர்ந்து போராட வேண்டும். கடந்த நாற்பது வருடங்களாக மான்சான்டோ கம்பெனி நம் விவசாய நிலங்களையும் ,நமது விவசாயிகளையும் பாழ்படுத்தி விட்டது. மான்சாண்டோ விதைகள் ஆரம்பத்தில் நல்ல மகசூலை தந்தாலும் ,போக போகத்தான் அதன் விஷத்தன்மையை காட்ட ஆரம்பித்தது .மரபணு மாற்றப்பட்ட பயிர்களை (பி.டி.பருத்தி , பி .டி .கத்தரிக்காய் போன்ற ) பயன்படுத்தியதால் ஏற்பட்ட விளைவுகளுக்கு நம் விதர்பா விவசாயி களின் எண்ணற்ற தற்கொலைகளே சான்று ! அதுமட்டுமல்லாது தினம் தினம் நூற்றுகணக்கான மக்கள் கேன்சர் உள்ளிட்ட பலவித நோய்களுக்கு உள்ளாகிறார்கள். தமிழ்நாட்டில் மரபணு மாற்றப்பட்ட விதைகளுக்கு தடை நீடிப்பது வரவேற்குரியது . அதே சமயம் ஆந்திரா ,ஒரிசா போன்ற நாட்டின் பல மாவட்டங்களில் மான்சாண்டோ மிக வேகமாக கால் ஊன்றி வருகிறது . இப்படியே சென்றால் நம் விவசாயம் முழுவதும் மான்சாண்டோ அரக்கனுக்கு பலிகொடுக்க வேண்டிய நிலைமை ஏற்பட்டு விடும் . இந்த மண்ணில் இருந்து மரபணு மாற்றப்பட்ட விதைகளையும்,பயீர்களையும் தூக்கிஎறிந்து விட்டு ,நமது பாரம்பரிய விதைகளை விதைப்போம்! இந்த மாற்றம் நம் அனைவரிடம் இருந்தும் தொடங்க வேண்டும் ! நம்முடைய உணவு முறையில் மாற்றத்தை கொண்டுவர வேண்டும் ! மான்சான்டோ தயாரிப்புகளை அறவே தவிர்க்க வேண்டும்.அதற்கு மாற்றுவழியாகநமது முன்னோர்கள் கண்ட விவசாய வழிமுறைகளை நாம் பின்பற்ற தொடங்க வேண்டும் !இக்காலத்திற்கு அவை எல்லாம் பொருந்தாது , இவையெல்லாம் உடனே சாத்தியபடாது என கூறுவதை தவிர்த்து, இக்கால இக்கால தலைமுறைனற்கு அதன் அவசியத்தை உணர வைத்து ஒரு பெரும் மாற்றத்தை நம்மிடமிருந்து தொடங்கலாமே !

போகாதே

2014-02-01T09:29:00.002-08:00

Umesh Marudhachalam

இந்திய வனம் மற்றும் மரபியல் மரப்பேருக்கு ஆராய்ச்சி நிறுவனம்(IFGTB) உள்ள முக்கிய விஞ்ஞானி ஒருவரை சந்தித்து நீண்ட நேரம் பேசிக்கொண்டிருந்ததேன்.அவர் கூறியதாவது இன்று நம் இந்திய நாட்டில் பயின்று தன்னை வெளிநாடுகளுக்கு அடமானம் வைப்போர்தான் அதிகம் என வருத்தங்களை தெரிவித்தார்."நமது மூளைதான் உலக நாடுகள் வளர்ச்சிக்கு பெரும் மூலதனமாக திகழ்வதாக .சில சக்திகள் நேரடி வேலைவாய்ப்பு என்னும் பெயரில் படிக்கும் போதே சிறந்த மாணவர்களை திருடிக்கொண்டு போகின்றனர்.நமது நாடு பல ஆராய்ச்சியாளர்களை இழந்துகொண்டே வருகிறது,நமது நாட்டின் இந்த மோசமான நிலை மாறவேண்டும்,எனவே "உமேஷ்" நீங்களும் வெளிநாட்டு சக்திகளுக்கு விலைபோய் விடாதீர் என அறிவுரை கூறினார். என்னை அடுத்த 8-மாத காலம் இந்திய அளவில் மேற்கொண்டு வரும் "நமது பாரம்பரிய மரங்கள்"தொடர்பான மிகமுக்கிய ஆரய்ச்சியில் என்னை இணைத்துக்கொள்ள விரும்பினார்,நானும் ஆராய்ச்சியில் எனது பங்களிப்பு அவசியம் இருக்கும் என இசைவு தெரிவித்தேன்.
~இந்தியா/தமிழ் நாட்டுக்காக நமது மூச்சுள்ளவரை வாழ்வோம்~இந்தியாவும் வல்லரசாகும் ஒரு நாள்,
வல்லரசு விரும்பி இவன்,
உமேஷ் மருதாசலம்
08-11-2013

காங்கிரஸ் கோமாளி கோபண்ணா

2014-02-01T09:28:00.003-08:00

Engals Raja

கோபண்ணாவின் கோமாளித் தனம். தந்தி டிவி யில் நேற்று ஒளிபரப்பான மக்கள் முன்னால் நிகழ்ச்சியில் கோபண்ணா அவர்கள் அய்யா நம்மாழ்வாரை கோயபல்சு என்றார். இயற்கை விவசாயம் பொழுது போக்குக்குத் தான் ஒத்துவரும் அதிக விளைச்சல் தராது என்றார். நான் கேட்கிறேன் கடந்த ஆண்டு ஏக்கருக்கு 72 டன் உருளைக் கிழங்கு விளைவித்ததற்காக தேசிய விருது வாங்கியவர் ஒரு இயற்கை விவசாயி தான். இயற்கை விவசாயி புளிங்குடி அந்தோனிசாமி ரசாயன விவசாயிகளை, வேளாண்பல்கலைக்கழகம் போன்றோரை போட்டிக்கு அழைக்கிறார். தன்னை விட வாழையில் அதிக விளைச்சல் எடுத்தால் ஒரு லட்சம் பணம் தருகிறேன் என்று. யாரும் துணியவில்லை. ஏன் ரசாயன விவசாயத்தில் அதிக விளைச்சல் எடுக்க முடிவில்லை? கோயபல்சு கோபன்னாவிடம் பதில் இருக்கிறதா?

facebook மூலம்

2014-02-01T09:26:00.003-08:00

Arun Kumar shared his photo.

சத்துப்பகுதியை மாடுகளுக்குத் தீவனமாகக் கொடுத்துவிட்டு, சக்கையை மட்டுமே சாப்பிடும் விநோதப் பிறவிகள் நாம்!

பொதுவாக நெல்லில் நான்கு பகுதிகள் உண்டு - வெளியே இருக்கும் உமி (Husk); உள்ளே இருக்கும் தவிடு (Bran), கரு (EMbryo); கடைசியாக வெகு உள்ளே இருக்கும் மாவுப்பொருள் (Starch). இவற்றுள் நல்ல சத்துக்கள் அனைத்தும் வெளிப்பகுதியிலும், வெறும் சக்கை மட்டும் உள்பகுதியிலும் இருக்கின்றன. நாம் சத்துப்பகுதியை மாடுகளுக்குத் தீவனமாகக் கொடுத்துவிட்டு, சக்கையை மட்டுமே சாப்பிடும் விநோதப் பிறவிகள்! சிவப்பு நெல் மட்டும் இந்த அமைப்பில் விசேஷமானது. இதன் சத்துக்கள் அனைத்தும் மாவுப்பகுதி வரை உட்சென்று சேமிக்கப்படுவதால், இது தீட்டப்பட்ட பின்பும் அதை நாம் பெற முடியும். இப்போது நாம் பேசப்போவது... சிவப்பு அரிசியைப் பற்றி. சிவப்பு அரிசி ஓர் அற்புதமான அரிய உணவு. இதன் மருத்துவ விசேஷங்களைப் பற்றி கி.மு. 700-ல் சரகரும், கி.மு.400-ல் சுஸ்ருதரும் நிறையக் குறிப்பிட்டுள்ளார்கள்.சீனாவில் 3,000 ஆண்டுகளாக செந்நெல் பயிரிடப்படுகிறது. ஜப்பான், கொரியா, பிலிப்பைன்ஸ், இலங்கை, ஆப்பிரிக்கா உள்ளிட்ட நாடுகளிலும் சிவப்பு நெல் பயிராகிறது. சிவப்பு அரிசி...பயன்பாடு இப்போது குறைந்து போன மர்மம் என்ன? சிவப்பு நெல்லுக்கு உரம் இட்டாலும்,இடாவிட்டாலும், பூச்சிக்கொல்லி மருந்துகள் எதுவுமே இல்லாமல், பூச்சிகளை அண்டவிடாமல் அமோகமாக வளரும் தன்மை உண்டு. ரசாயன உரங்கள் மூலமும், பூச்சிக்கொல்லி மருந்துகள் மூலமும், விவசாயத்துறையில் உலகெங்கும் ஒரு ராட்சத பொருளாதார சாம்ராஜ்யத்தை உருவாக்கியுள்ள அமெரிக்கர்களுக்கு, எந்த உரங்கள், பூச்சிக்கொல்லிகளின் தேவையும் இன்றி வளர்ந்த இந்த செந்நெல் பிடிக்கவில்லை. தங்கள் தொழிலை தக்கவைத்துக் கொள்ள இதை எப்படியாவது அழிக்க வேண்டும் என்றும், சிவப்பு நிறத்தை எப்படியாவது திட்டியே தீர்ப்பதென்றும் முடிவெடுத்தனர். பல சத்துகள் நிறைந்த இந்த அரிசியை களைப்பயிர் (Weed) என்றார்கள். சிவப்பு நெல்லை சிவப்பு அரக்கன் (Red Menace) என்றும், கொழுத்த பிச்சைக் காரர்கள் (Fat beggars) என்றும் அழைத்தார்கள். 'பட்டை தீட்டப்பட்ட வெள்ளை அரிசி’ என்ற கவர்ச்சியை மக்களிடம் ஏற்படுத்தினர். நம் ஊர் மக்களும் வெள்ளை அரிசியின் நிறத்திலும், மணத்திலும் சுவையிலும் மயங்கி, சிவப்பு நெல் விவசாயத்தை 1930-க்குப் பிறகு பெருமளவில் கைவிட்டனர். தண்ணீர் அதிகம் தேவையில்லாத, உரம், பூச்சிக்கொல்லிகள் தேவையில்லாத, பல்வேறு அற்புத மருத்துவ குணங்களை உடைய, ருசியான, மலிவான சிவப்பு அரிசிக்கு நாம் ஏன் மாறக்கூடாது?!

முகநூலிலிருந்து

2014-02-01T09:25:00.002-08:00

Arun Kumar shared his photo.

நம்மாழ்வார் ஐயா நம்முடனே இருக்கிறார்

வெளிவர இருக்கிற கடமையைச் செய்! பலன் கிடைக்கும் நூலின், கடமையாளர்கள் ஓர் சிறப்பு ஆய்வுக் கோர்வை அத்தியாயத்தில் இருந்து… ஒருவர் வாழும் போது தவித்த வாய்க்கு தண்ணி கொடுக்காதவர்கள், அவர் இறந்தப்பின் வாய்க்கரிசி போட்ட கதையாக, உண்மையான கடமையாளர்களை, அவர்கள் வாழும் போது, சமூகம் அ(வ்வ)ளவாக கண்டு கொள்வதில்லை. ஆனால், அவர்கள் போய் சேர்ந்தப்பின், சகல மரியாதைகளும் வழங்கப்படுகிறது. இதனால், யாருக்கென்ன பயன் என்கிற கேள்வியும், கூடவே, இக்கடமையாளர்கள் மட்டும் உலகம் உள்ளவரை வாழ இயற்கை வழி செய்யக் கூடாதா… ஆனால், அற்பர்களுக்கு தரும் வாழ்நாளை கூட, இயற்கை கடமையாளர்களுக்கு தராமல், காரியம் கைகூடி வரும் வேளையில் அழைத்துக் கொள்கிறதே என்கிற ஏக்கமும், எண்ணமும் மனதில் நேற்றுவரை இருந்தது. இதே மனநிலையில் உங்களில் பலரும் இருக்கலாம். இந்த சிந்தனை ஓடிக் கொண்டிருந்த 30-12-2013 அன்றுதாம், இயற்கை விவசாய கடமையாளர் நம்மாழ்வாரும் இயற்கை எய்தினார். இந்த நூலை எழுதி முடித்த பிறகு, முதல் வேளையாக அவரை சந்திக்க வேண்டும் என எண்ணியிருந்த எனக்கு, மேற்படி எனது எண்ணங்கள் தீவிரமானது. அதேசமயம், நடப்பதெல்லாம் நன்மைக்கே என்கிற தத்துவத்தின்படி ஆராய்ந்து பார்த்தால், நமது எண்ணங்கள் இயற்கைக்கு முரணாக இருக்கின்றனவே என்றும் தோன்றின. இறுதியில், ‘நீ செய்ய வேண்டிய கடமைகளை செய்வனே செய்து விட்டாய்; உன்னைப் போலவும், மேலாகவும் இன்னும் பலர் தத்தமது கடமையை ஆற்ற வேண்டியிருக்கிறது. நீ அவர்களுடன் இருந்தால் அவர்கள் களமிறங்கி கடமையை ஆற்ற மாட்டார்கள். உன்னையே நம்பியிருப்பார்கள். ஆதலால், நீ என்னிடம் வந்து இளைப்பாறிக் கொள், ஓய்வெடுத்துக் கொள் மகனே. உன்னை நினைத்தே, நீ விட்டு வந்த கடமையை அவர்கள் தொடரட்டும். தேவை ஏற்பட்டால், வேறொரு இளைஞராக உன்னையே (நம்மாழ்வாரையே) கூட, இளமையாக அனுப்பி வைக்கலாம் என்பதே எனது (இயற்கையின்) எண்ணம். ஏனெனில், காலம் உள்ளவரை கடமையைச் செய்வதென்பது, என்னைத் தவிர வேறு யாராலும் இயலாததே. இதுவே, நான் உயிரினங்கள் அனைத்திற்கும் வகுத்துள்ள பொது நியதி. நான் கடமை தவறினால், என்னையே நான் அழித்துக் கொள்கிறேன் என்று, உனக்கு தெரிந்தது எனக்கு தெரியாதா… என்னை காக்க அரும்பாடுபட்டவரை, நானே அரவனைத்துக் கொள்வதில், நீ என்ன அநியாயத்தை கண்டாய்? அற்பர்களுக்கு தரும் வாழ்நாளை கூட, கடமையாளர்களுக்கு தர மறுக்கிறேன் என எண்ணுகிறாயே! எப்படி வாழக் கூடாது என்பதற்கு அத்தாட்சியாகவே அற்பர்களை உங்களின் கண்முன் வைத்து, அற்புதமான கடமையாளர்களை உங்களின் மனதில் நிறுத்துகிறேன். இப்போது சொல் என்னால், யாருக்கு எ(ண்ண, ன்ன) நட்டம்…’ இதனை இந்நூலில் தெளிவுபடுத்த வேண்டிய நீயே ஏன் இப்படியெல்லாம்…. என்கிற தெளிவானதொரு உதயம், துயிலெழுந்ததுமே தோன்றிற்று. எனவே, நம்மாழ்வார் மட்டுமன்று; ஒவ்வொரு கடமையாளரும் நம்மோடே இருக்கிறார்கள் என்று எனது எழுத்துக் கடமையில் மீண்டும் மூழ்கி விட்டேன். நன்றிகள்:திரு.வாரென்ட் பாலா, சட்ட ஆராய்ச்சியாளர்,http://www.neethiyaithedy.org/?p=1036

OREO நிஜம்

2014-02-01T09:22:00.002-08:00

Ananthanarayanan Ramaswamy

ஓரியோ பிஸ்கட் ஒரு போதைபொருள் போல செயல்படுகிறது!

குழந்தைகளின் பிரிய பிஸிகெட் ஆகிவிட்டது ஓரியோ. கடைக்குப் போனால் முதலில் கண் தேடுவதும் ஓரியோ பிஸ்கட் ஆகத்தான் இருக்கிறது.

அதே பாணியை பயன்படுத்தி பல பிஸ்கெட் நிறுவனங்கள் புதிதாக கிரீம் பிஸ்கெட்களை அறிமுகப்படுத்தியுள்ளன.

ஆனால் ஓரியோ பிஸ்கெட்களை சாப்பிடும் குழந்தைகளின் மூளை கோகைன் போதைப் பொருளை உண்ட உற்சாகத்தை அடைவதாக அமெரிக்க ஆய்வாளர்கள் கண்டறிந்துள்ளனர்.

இது தொடர்பாக கனெக்டிகட் கல்லூரியைச் சேர்ந்த அறிவியல் ஆய்வாளர்கள் ஓரியோ பிஸ்கெட்டை எலிகளுக்கு சாப்பிடக் கொடுத்து ஆய்வு மேற்கொண்டனர்.

அப்போது மூளைச் செல்களில் கோகைன் உட்கொண்டது போன்ற மாற்றம் ஏற்பட்டது.

மேலும் ஓரியோ பிஸ்கட்டில் அதிக சர்க்கரையும், அதிக கொழுப்பும் அடங்கியிருப்பதாக கூறும் ஆய்வாளர்கள், இது போதைப் பொருளை ஒத்துள்ளது என்று கூறியுள்ளார்.

கண்டிப்பாக பகிரவும்!

via facebook

2014-02-01T09:21:00.002-08:00

Karthikeyan Mathan shared இயற்கை அளிக்கும் நிவாரணங்கள்'s photo.

இயற்க்கை வைத்தியம் மருத்துவ டிப்ஸ்:- மஞ்சள் காமாலை வந்தால் கீழாநெல்லியை அரைத்து பசு மோருடன் கலந்து தொடர்ந்து சாப்பிட்டு வந்தால் சரியாகிவிடும். பயணத்தின்போது அடிக்கடி வாந்தி வரும். தினசரி வெறும் வயிற்றில் நெல்லிக்காயை சாப்பிட்டு வந்தால். அப்புறம் வாந்தியாவது, ஒண்ணாவது! ஜலதோஷம் வந்தால் மாதுளம் சாப்பிட்டு வந்தால், குணமாகிவிடும். மருத்துவ டிப்ஸ் உடல்வலி குணமாக : வில்வ இலைச் சாறு, அருகம்புல் சாறு கலந்து காலை, மாலை 1 அவுன்ஸ் சாப்பிட்டு வர, குணம் பெறலாம். ஞாபக சக்தி பெருக : வல்லாரை 150 கிராம், வசம்பு 15 கிராம் பவுடராக்கி தேனில் கலந்து உண்ணலாம். முகப் பருக்கள் ஒழிய : அல்லி இதழ்களை சந்தனத்துடன் சேர்த்து அரைத்து, இரவில் முகத்தில் பூசி காலையில் குளித்து வர ஒழியும். தும்மல் நிற்க : தூதுவளைப் பொடியில் மிளகுப் பொடி கலந்து தேனில் அல்லது பாலில் சாப்பிட நிற்கும். சதைப் பெருக்கத்திற்கு : நெல்லிக்காய் தூள் அரை ஸ்பூன் பாலில் சாப்பிட்டு வர உடல் சதைப் பிடிப்பு கூடுதலாகும். புண்கள் ஆற : கருவேல இலையை அரைத்து புண்கள் மீது கட்ட ஆறும். உடல் ஊறல் அரிப்பு குணமாக : உத்தாமணி இலைச் சாற்றினைப் பூசி காய்ந்த பின் குளித்துவர தீரும். கால் ஆணி குணமாக : வெள்ளை அருகு இலையை அரைத்து வைத்துக் கட்ட குணமாகும். தோல் வியாதி குணமாக : தகரை செடியின் வேரை எலுமிச்ச சாறு விட்டு அரைத்துப் பூச குணமாகும். நமைச்சல் தடிப்பு நீங்க : வேப்பமரத்துப் பட்டையைத் தூளாக்கி உடம்பில் பூசி, அரை மணி நேரம் கழித்து குளிக்க நீங்கும். அக்கி குணமாக : ஆலம் விழுதை சாம்பலாக்கி நல்லெண்ணெயில் குழைத்து தடவி வர குணமாகும். கட்டிகள் குணமாக : அந்திமந்தாரை இலையின் மீது ஆலிவ் எண்ணெய் தடவி அனலில் சூடுகாட்டி கட்டிகள் மீது வைத்துக் கட்ட குணமாகும். முடி நன்றாக வளர : மருதாணி இலையை அரைத்து தேங்காய் எண்ணெயில் கலக்கி, பச்சை நிறம் மாறாமல் காய்ச்சித் தடவி வர நன்றாக வளரும். செம்பட்டை முடி கருப்பாக : நில ஆவார இலையுடன் மருதாணி இலையைச் சேர்த்து அரைத்து தடவி வரவேண்டும். கம்பளிப் பூச்சிக் கடிக்கு : வெற்றிலையைக் கடித்த இடத்தில் வைத்து அழுத்தித் தேய்க்க குணம் பெறலாம். எலிக்கடி விஷம் முறிய : குப்பைமேனி இலையை அரைத்து, கடித்த இடத்தில் வைத்துக்கட்ட விஷம் முறியும். முகப் பொலிவிற்கு சில குறிப்புகள் : 1. முல்தானிமெட்டி பவுடரை பன்னீர் விட்டுக் கலந்து முகத்தில் தடவி, 1 மணி நேரம் ஊறிய பின் குளிர்ந்த நீரில் கழுவ வேண்டும். 2. பன்னீர் ரோஜா இதழ்களை அரைத்து முகத்தில் தடவி, அரை மணி ஊறிய பின் தண்ணீர் விட்டு அலம்பி வந்தால் முகம் கலர் மாறும். 3. தக்காளியை அரைத்துப் பூசி, ஊறிய பின் அலம்பினால் முகம் பொலிவு பெறும். 4. கரும்புள்ளி மறைய வேப்பங் கொழுந்தையும், மஞ்சளையும் அரைத்துப் பூசி, ஊறியபின் கழுவினால் மறைந்துவிடும். 5. கண்ணிற்கு கீழ் உள்ள கருவளையம் மறைய, உருளைக்கிழங்கை ஸ்லைசாக வெட்டி கண்ணின் மீது வைத்து வந்தால் கண் குளிர்ச்சியடையும். நாளடைவில் கருவளையம் மறைந்துவிடும். 6. முகத்தில் பூனை முடி வளர்ந்திருந்தால் அதற்கு கஸ்தூரி மஞ்சள் தூளைப் பூசி ஊறவைத்து அலம்பினால் பலன்.

Is Organic Really Better?Published July 1, 2013 |

2014-02-01T09:19:00.000-08:00

Is Organic Really Better?

Published July 1, 2013 | By Ocean Robbins

By Robyn O’Brien

The American Academy of Pediatrics recently weighed in for the first time on organic food, as reported in the Wall Street Journal, suggesting that feeding kids organic fruits and veggies and organic meat just might reduce the risks of certain conditions and diseases and have some health benefits.

The President’s Cancer Panel also sounded alarm bells about chemicals and cancer, encouraging us to eat organic when we can, to reduce our exposure to pesticides and other additives being applied to our foods.

This is something I certainly didn’t do when my kids were younger, reflecting on all of the tubes of blue yogurt and packages of processed foods I’d served up.

When I first heard the term “organic” several years ago, I dismissed it. It connoted a “status” and conjured up two different images: lifestyles of the rich and famous or perhaps some alternative, hippie thing.

I was wrong.

The term “organic” actually refers to the way agricultural products are grown and produced. It legally details the permitted use (or not) of certain ingredients in these foods. When I first learned about it, I thought it was a marketing tool.

The legal details are that the U.S. Congress adopted the Organic Foods Production Act (OFPA) in 1990 as part of the 1990 Farm Bill which was then followed with the National Organic Program final rule published by the U.S. Department of Agriculture (USDA).

The standards include a national list of approved synthetic and prohibited non-synthetic substances for organic production which means that organically produced foods also must be produced without the use of:

• antibiotics
• artificial growth hormones
• high fructose corn syrup
• artificial dyes (made from coal tar and petrochemicals)
• artificial sweeteners derived from chemicals
• synthetically created chemical pesticide and fertilizers
• genetically engineered proteins and ingredients
• sewage sludge
• irradiation

Wow, who knew that conventional, non-organic food could contain these ingredients? Not many of us, since sewage sludge and artificial growth hormones aren’t on the label.

What about cloning animals or those genetically engineered salmon, hard-wired to double their weight? Those would be considered inconsistent with organic practices, too, because of the laboratory intervention required.

In other words, what we call “organic food,” our grandmothers would have simply called “food.” Because a lot of these new ingredients didn’t exist when we were younger, having only been created in laboratories, patented and then introduced into our foods in the last few decades.

LOOK FOR THE SEAL

Products labeled “100% Organic” and carrying the “USDA Organic” seal adhere to a strict legal standard: national organic standards require that organic growers and handlers be certified by third-party state or private agencies or other organizations that are accredited by USDA. Anyone who knowingly sells or mislabels as organic a product that was not produced and handled in accordance with the regulations can be subject to a civil penalty of up to $10,000 per violation.

WHY ORGANICS COST MORE

Admittedly, the high price of organic food can irritate anyone. But the scrutiny that these foods undergo is enormous and expensive, driving prices at the cash register and for those producing them on the farm. Why the costs? Because the cost structure on our food supply offers taxpayer-funded resources called subsidies to the farmers using genetically engineered seeds and saturating crops in insecticides and weed killers, while charging the organic farmers fees to prove that their crops are safe.

That’s like getting fined to wear your seat belt.

In other words, it’s an un-level playing field right now. And if we were all sitting down as a national family at our national dinner table, I don’t think that any of us would want to be using our resources this way. Wouldn’t we rather have the organic food be the one that we fund, making it cheaper, more affordable and more accessible to all Americans?

But right now, it’s not. So should you choose to opt out of our conventional, chemically-intensive food production system and try something organic, you’ll be joining a growing segment of the population and are not alone.

WHERE TO START?

The U.S. organic industry grew 21 percent overall in 2006 with organic foods and beverages continuing to be one of the fastest growing segments in the overall $598 billion food market.

Thankfully, organic foods are increasingly sold in mass market grocery stores like Wal-Mart, Costco, Kroger and Safeway which represent the largest single distribution channel, accounting for 38 percent of organic food sales in 2006. Large natural food chains, along with small natural food chains or independent natural groceries and health food stores, represented about 44 percent of organic food sales. About 2 percent of organic food is sold through farmer’s markets.

Maybe you rolled your eyes at this whole thing a few years ago, dismissing it as an expensive food fad. I did. But give yourself permission to change. Because as the science continues to mount, from the Presidents Cancer Panel to the American Academy of Pediatrics, nothing could be further from the truth. And while none of us can do everything, we can all do one thing. So the next time you are in your grocery store, consider purchasing something “organic”.

You can invest in your health with your shopping cart. And the best medicine you can take, might just be at the end of your fork.

Follow Robyn on Twitter @unhealthytruth and on Facebook. She is a former financial analyst and author.

Originally published in Prevention.