InfoPedia | Stay Connected With D World

राष्ट्रीय केमिकल्स अँड फर्टिलायझर्स लि. भरती 2021

2021-06-07T07:51:00.003+05:30

राष्ट्रीय केमिकल्स अँड फर्टिलायझर्स लि. भरती 2021

पदाचे नाव: ऑपरेटर ग्रेड-I (केमिकल)

शैक्षणिक पात्रता: (1) 55% गुणांसह B.Sc. (Chemistry) [SC/ST: 50% गुण] + NCVT अटेंडंट ऑपरेटर (केमिकल प्लांट) किंवा केमिकल / अलाइड केमिकल इंजीनिअरिंग डिप्लोमा किंवा समतुल्य (2) 07 वर्षे अनुभव

वयाची अट: 31 मे 2021 रोजी 18 ते 36 वर्षे, (SC/ST: 05 वर्षे सूट, OBC: 03 वर्षे सूट)

ठिकाण: रायगड/मुंबई

फी : फी नाही.

ऑनलाईन अर्ज करण्याची शेवटची तारीख: 21 जून 2021

अधिकृत वेबसाईट : लिंक

जाहिरात : लिंक

ऑनलाईन अर्ज : लिंक

MPSC उमेदवारांना प्रोफाइल अपडेट करावं लागणार.

2021-05-29T10:08:00.007+05:30

महाराष्ट्र लोकसेवा आयोगाच्या नवीन प्रणालीची देखभाल करण्यासाठी नवीन संस्थेची नियुक्ती करण्यात आलेली आहे. नवी प्रणाली कार्यन्वित करताना उमेदवारांनी यापुर्वीच्या प्रणालीतील त्यांच्या प्रोफाइलमधील माहिती आणि खात्याचे पासवर्ड बदल करणे आवश्यक आहे.अन्यथा सुधारित ऑनलाइन प्रणालीवरील प्रोफाईल उमेदवारांना वापरता येणार नाही, असे आयोगाने प्रसिद्धीपत्रकाद्वारे सांगितले आहे. प्रोफाईल अद्यायावत करण्यासाठी कोणतीही कालमर्यादा नाही. परंतु एखाद्या भरतीच्या जाहिरातीस अनुसरून अर्ज करण्यापूर्वी उमेदवाराने पासवर्ड बदल करणे आवश्यक आहे, असे आयोगाकडून सांगण्यात आले आहे.

MPSC संकेतस्थळावर असे करा प्रोफाइल अद्यायावत

● आयोगाच्या https://mpsconline.gov.in या संकेतस्थळावर ‘नोंदणी’ वर जाऊन ‘फरगॉट/रिसेट पासवर्ड’ बटणवर क्लिक करा.

● यूजर नेम, ई-मेल आयडी किंवा मोबाईल नंबर यापैकी एक पर्याय निवडा. निवडलेल्या पर्यायानुसार आयोगाच्या नोंदणीकृत वैध युजन नेम, ई-मेल आयडी किंवा मोबाईल नंबर एंटर करावा.

● तुम्ही दिलेल्या वैध युजन नेम, ई-मेल किंवा मोबाईल नंबरवर ओटीपी येईल.- मिळालेला ओटीपी व्हेरिफाय करून घ्या.

● त्यानंतर उपलब्ध होणाऱ्या ठिकाणी आयोगाकडे नोंदणीकृत असलेली जन्मदिनांक टाका आणि सबमिट करा.

● सबमिट बटणावर क्लिक केल्यावर पासवर्ड रिसेट करा अशी स्क्रिन दिसेल. याद्वारे आपल्या पसंतीचा नवीन पासवर्ड तयार करावा.

● पासवर्ड रिसेट झाल्यावर नवीन ऑनलाइन अर्ज प्रणालीद्वारे नोंदणीकृती ई-मेल आयडी, मोबाईल क्रमांक तसेच नवीन पासवर्ड वापरून लॉग इन करता येईल.

● तांत्रिक अडचण आल्यास येथे करा संपर्कआयोगाच्या नव्या प्रणालीवर प्रोफाईल अद्यायावत करताना तांत्रिक अडचण आल्यास १८००२६७३८८९ / १८००१२३४२७५ टोल फ्री क्रमांकवर संपर्क साधावा. तसेच support-online@mpsc.gov.in ई-मेलवर संपर्क करावा.

घरबसल्या जाणून घ्या PF खात्यावरील बॅलन्स.

2021-05-23T20:20:00.003+05:30

★ मिस्ड कॉल

तुम्ही तुमच्या पीएफ अकाऊंटचा बॅलन्स एका मिस्ड कॉलने जाणून घेऊ शकता. यासाठी आपल्या अकाऊंटमध्ये रजिस्टर्ड मोबाइल नंबरवरून 011-22901406 वर एक मिस्ड कॉल द्यावा लागेल. ज्यानंतर तुम्हाला ईपीएफओकडून एक एसएमएस येईल. ज्यामध्ये तुम्हाला आपल्या पीएफ अकाऊंटमध्ये जमा रक्कमेची संपूर्ण माहिती मिळेल.

★ एसएमएस

तुम्ही एसएमएसने सुद्धा आपला पीएफ अकाऊंटचा बॅलन्स सहज जाणून घेवू शकता. तुम्हाला तुमचा युएएन माहित असायला हवा. सोबतच तो अ‍ॅक्टिव्ह असावा. एसएमएस सर्वप्रथम EPFOHO UAN HIN टाइप करून 7738299899 वर पाठवावा लागेल. ज्यानंतर तुम्हाला हिंदीमध्ये मॅसेज येईल. ज्यामध्ये तुमच्या पीएफ अकाऊंटमध्ये जमा रक्कमेची पूर्ण माहिती असेल.

★ उमंग अ‍ॅप

प्ले स्टोर वरून उमंग अ‍ॅप डाऊनलोड करा. या अ‍ॅपवर अनेक सरकारी सेवा उपलब्ध आहेत. यामध्ये ईपीएफओ ऑपशन निवडल्यानंतर एम्प्लॉई सेंट्रीक सर्व्हिस निवडा. आता युएएन नंबर टाका. यानंतर तुमच्या मोबाईल नंबरवर एक ओटीपी प्राप्त होईल. तुम्ही व्ह्यू पासबूक अंतर्गत ईपीएफ बॅलन्स चेक करू शकता.

★ वेबसाइट

तुम्ही ईपीएफओ वेबसाइटवर जाऊन सुद्धा बॅलन्स चेक करू शकता. यासाठी ईपीएफओ पासबुक पोर्टलवर जा. यूएएन आणि पासबुकने लॉगइन करा. यानंतर डाऊनलोड व्ह्यू पासबुकच्या ऑपशनवर क्लिक करा.

कोरोना इन्फेक्शन दरम्यान मुलांची काळजी

2021-05-22T13:54:00.007+05:30

माहिती स्रोत

शेतकऱ्यांना जुन्याच दराने खते.

2021-05-22T10:14:00.003+05:30

गेल्या काही दिवसात रासायनिक खतांच्या किमती वाढल्या होत्या. यावरून मोठा विरोध पाहायला मिळत होता. आता विरोधानंतर केंद्र सरकारने जुन्याच दरात खत उपलब्ध करून देण्याचा निर्णय घेतला आहे. सरकारने खतांवरील अनुदानात वाढ केल्याने आता खत जुन्याच किंमतीत मिळतील.पंतप्रधान नरेंद्र मोदी यांनी स्वतः यासंदर्भात ट्विट करत माहिती दिली आहे. सरकार शेतकऱ्यांचं जीवन चांगलं बनवण्यासाठी प्रयत्नशील आहे. यामुळे आंतरराष्ट्रीय बाजारात किंमती वाढलेल्या असतानाही सरकारनं शेतकऱ्यांना जुन्या दरानेच खत उपलब्ध करून देण्याचा निर्णय घेतला आहे. आजच्या निर्णयानंतर DAP खताचे एक पोते 2400 रुपयांऐवजी 1200 रुपयांनाच मिळणार आहे, असे मोदींनी म्हटले आहे.

डीएपी म्हणजेच डाय-अमोनियम फॉस्फेट खतांवरील अनुदानात 140% वाढ करण्यात आली आहे. आता शेतकऱ्यांना डीएपीच्या प्रत्येक पिशवीसाठी 500 रुपयांऐवजी 1200 रुपये अनुदान मिळणार आहे. शेतकऱ्यांना डीएपीची पिशवी 2400 रुपयांऐवजी 1200 रुपयांना मिळणार आहे. या अनुदानापोटी सरकार 14,775 कोटी रुपये अतिरिक्त खर्च करणार असल्याची माहिती देण्यात आली आहे.

म्युकरमायकोसीस : वाचा सविस्तर

2021-05-16T20:48:00.005+05:30

म्युकरमायकोसीस हा बुरशीजन्य आजार असून, म्युकरमायसिट्स विषाणूंच्या गटामुळे होतो. संपूर्ण वातावरणात, माती तसेच सडणारे सेंद्रिय पदार्थ(पाने, कंपोस्ट) आणि सडणारे लाकूड यामध्ये हा विषाणू आढळतो. वातावरणातील अशा बुरशीजन्य बीजाणूंच्या संपर्कात आल्याने व्यक्तीला हा आजार होऊ शकतो. ज्यांना आरोग्यविषयक गंभीर समस्या आहेत, तसेच इतर आजारांशी लढण्यासाठी जे लोक औषधे घेत आहेत त्यांना हा आजार होऊ शकतो. त्वचेवर कापलेले किंवा भाजलेले असल्यास, त्याद्वारे या विषाणूच्या बुरशीने प्रवेश केल्यानंतर त्वचेवर म्युकरमायकोसीस विकसित होऊ शकतो.

अशी आहेत लक्षणे :

डोळे किंवा नाक दुखणे, तसेच नाक किंवा डोळ्यांच्या भोवती लालसरपणा येणे.

ताप येणे.

तीव्र डोकेदुखी.

कफ होणे.

श्वास घ्यायला त्रास होणे.

रक्ताच्या उलट्या होणे.

मानसिक स्वास्थ्य बिघडणे.

कोणाला होऊ शकतो?

ज्यांचा डायबेटिस हा प्रमाणाच्या बाहेर आहे.

सतत औषधांच्या सेवनामुळे ज्यांची रोगप्रतिकारक शक्ती कमी झाली आहे.

दीर्घकाळ आयसीयू वर उपचार घेत असणारे रुग्ण.

कॅन्सरसारख्या सहव्याधी असणारे रुग्ण.

कशी घ्याल काळजी?

धुळीच्या ठिकाणी जाताना तोंडावर मास्क लावा.

बागकाम करताना पायात बूट, लाँग पँट, हातात ग्वोव्हज् घाला.

त्वचेची अॅलर्जी होऊ नये म्हणून साबण लावून स्वच्छ हात-पाय धूत रहा.

कसा ओळखाल आजार?

नाक चोंदणे, सतत नाक गळणे, गालाचे हाड दुखणे.

चेह-याच्या एका बाजूला तीव्र वेदना होणे किंवा सूज येणे.

नाकाजवळील भाग किंवा टाळूवर काळसर डाग पडणे.

दात दुखणे, दात पडणे, जबडा दुखणे.

अंधुक दिसणे, डोळे दुखणे, ताप येणे त्वचेच्या विकृती होणे.

छातीत दुखणे, त्वचेतून रक्तस्त्राव होणे, श्वसन क्रिया बिघडणे.

काय करावे?

हायपरग्लायसेमिया नियंत्रित ठेवणे.

कोरोनातून बरे झाल्यानंतर शरीरातील ग्लुकोजचे प्रमाण मोजणे.

डायबेटिस असणा-या व्यक्तींनी शरीरातील ग्लुकोजचे प्रमाण मोजणे.

डॉक्टरांच्या सल्ल्यानुसार औषधांचे योग्य डोस योग्य वेळी घेणे.

बारावीचा निकाल उद्या होणार जाहीर, महाराष्ट्र राज्य माध्यमिक व उच्च माध्यमिक परीक्षा मंडळाची माहिती.

2020-07-15T19:51:00.001+05:30

महाराष्ट्र राज्य माध्यमिक व उच्च माध्यमिक परीक्षा मंडळाच्या वतीने फेब्रुवारी-मार्च महिन्यात घेण्यात आलेल्या 12 वीच्या परीक्षेचा निकाल उद्या, 16 जुलै 2020 रोजी जाहीर होणार आहे. दुपारी 1 वाजता मंडळाच्या अधिकृत वेबसाईट्सवर हा निकाल विद्यार्थी-पालकांना पाहता येईल. याबाबतची अधिकृत माहिती नुकतीच देण्यात आली आहे. महाराष्ट्र बोर्डाच्या mahresult.nic.in या अधिकृत वेबसाइटवर बारावीचा निकाल पाहता येणार आहे.

निकालाच्या दुसर्‍या दिवसापासून परीक्षा दिलेल्या विद्यार्थ्यास विषयांमध्ये त्याने संपादित केलेल्या गुणांची पडताळणी, उत्तरपत्रिकांच्या छायाप्रत, पुनर्मूल्यांकन व स्थलांतर प्रमाणपत्रासाठी विभागीय मंडळाकडे http://verification.mh-hsc.ac.in या मंडळाच्या अधिकृत संकेतस्थळावर ऑनलाईन अर्ज करता येईल. त्याचप्रमाणे शाळा व ज्युनियर कॉलेजमध्येही अर्ज करता येणार आहे. गुणपडताळणीसाठी 17 ते 27 जुलैपर्यंत छायाप्रतीसाठी 17 जुलैपासून 5 ऑगस्टपर्यंत अर्ज ऑनलाईन पद्धतीने करता येणार आहेत.

'ही' असू शकते दहावी, बारावीच्या निकालाची तारीख ....!

2020-06-22T12:33:00.001+05:30

Image Credit

कोरोना व्हायरसमुळे यंदा पेपर घेण्यापासून ते तपासणी पर्यंत सगळ्यातच विलंब झाला होता. परिणामी आता निकालासाठी सुद्धा आणखीन वाट पाहावी लागणार असल्याचे चिन्ह आहे. अलीकडे शिक्षण मंत्री वर्षा गायकवाड यांनी दहावीचे निकाल जुलै महिन्याच्या शेवटच्या आठवड्यात लागणार असल्याचे संकेत दिले होते. सध्याची परिस्थिती पाहता साधारण 27 ते 28 जुलै पर्यंत निकाल लागू शकतो असे दिसून येत आहे.

पेपर तपासणीचे काम आता शेवटच्या टप्प्यात आहे. निकालाच्या तारखेबाबत योग्य माहिती जाणून घेण्यासाठी www.mahresult.nic.in ऑफिशियल संकेतस्थळाला भेट द्या.

10 वी, 12 वी चे ऑनलाईन निकाल कसा पाहाल?

● अधिकृत वेबसाईट mahresult.nic.in वर जा.

● या वेबसाईटवरील रिझल्ट लिंकवर क्लिक करा.

● त्यानंतर तुमचा सीट नंबर, रजिस्ट्रेशन नंबर आणि डेट ऑफ बर्थ इत्यादी माहिती टाकून एंटर करा.

● तुमचा निकाल स्क्रिनवर झळकेल. तो निकाल तुम्ही डाऊनलोडही करु शकता.

विद्यार्थ्यांना बोर्डाच्या अधिकृत वेबसाईट सोबतच mahresults.nic.in, maharashtraeducation.com, results.mkcl.org, mahahsscboard.maharashtra.gov.in, mahahsscboard.in या संकेतस्थळांवरही निकालाच्या दिवशी त्यांचे मार्क्स पाहता येतील. जुलै महिन्यात निकाल लागल्यानंतर ऑगस्ट महिन्यापासून प्रथम वर्षाच्या आणि 11 वीच्या ऑनलाईन प्रवेश प्रक्रिया सुरु होईल.

ही ५२ चिनी अ‍ॅप्स भारताच्या सुरक्षेसाठी धोकादायक; वाचा संपूर्ण यादी

2020-06-18T11:15:00.001+05:30

Image Source

भारतीय गुप्तचर यंत्रणांनी ५२ धोकादायक चिनी अ‍ॅप्ससंदर्भात इशारा दिला आहे. भारत सरकारने या अ‍ॅप्सवर बंदी घालावी किंवा देशातील नागरिकांना ही ५२ चिनी अ‍ॅप्स वापरुन नये असा इशारा यंत्रणांनी दिली आहे. ही ५२ अ‍ॅप्स सुरक्षित नसून या अ‍ॅप्सच्या माध्यमातून मोठ्या प्रमाणात भारतीयांची माहिती दुसऱ्या देशांमध्ये पाठवली जात आहे असंही यंत्रणांनी म्हटलं आहे. सुरक्षा यंत्रणांनी सरकारला पाठवलेल्या यादीमध्ये टीक-टॉकबरोबरच युसी ब्राऊझर, एक्झेण्डर, शेअरइट, क्लीन मास्टर यासारख्या अ‍ॅप्सचा समावेश आहे.

ही पाहा अ‍ॅप्सची यादी

TikTok

Vault-Hide

Vigo Video

Bigo Live

Weibo
WeChat

SHAREit

UC News

UC Browser

BeautyPlus

Xender

ClubFactory

Helo

Kwai

ROMWE

SHEIN

Zoom

NewsDog

Photo Wonder

APUS Browser

VivaVideo- QU Video Inc
Perfect Corp

CM Browser

Virus Cleaner (Hi Security Lab)

Mi Community

DU recorder

YouCam Makeup

Mi Store

360 Security

DU Battery Saver

DU Browser

DU Cleaner

DU Privacy

Clean Master - Cheetah

CacheClear DU apps studio

Baidu Translate

Baidu Map

Wonder Camera

ES File Explorer

QQ International

QQ Launcher

QQ Security Centre

QQ Player

QQ Music

QQ Mail

QQ NewsFeed

WeSync

SelfieCity

Clash of Kings

Mail Master

Mi Video call-Xiaomi

Parallel Space

परीक्षा कोणत्या वर्षाच्या, कधी आणि कश्या होतील, पुणे विद्यापीठाचे दिशानिर्देश जारी.

2020-05-17T23:06:00.001+05:30

एक्‍झाम फॉर्म भरलेल्या विद्यार्थ्यांना या परीक्षेकरीता नव्याने फॉर्म भरावा लागणार नाही. अंतीम वर्षातील व अंतीम सत्रातील एक्‍झाम फॉर्म न भरलेल्या विद्यार्थ्यांना फॉर्म ऑनलाईन स्वरूपात भरावा लागेल. त्यासाठी मंगळवार (ता.19) पासून 28 मेपर्यंत मुदत असेल. या कालावधीत विलंब किंवा अती विलंब शुल्क विद्यार्थ्यांकडून आकारले जाणार नाही. वार्षिक स्वरूपाच्या व सत्र पद्धतीच्या अभ्यासक्रमांसाठी बहुदा सर्व नियमावली सारखीच ठेवलेली आहे. वार्षिक अभ्यासक्रमांच्याही केवळ अंतीम वर्षाच्या परीक्षा घेतल्या जाणार आहेत.

◆ इतर विद्यार्थ्यांचा असा ठरेल निकाल

नेहमीच्या परीक्षेपेक्षा यंदाच्या वर्षाची परीक्षा वेगळी असेल. अंतीम वर्ष वगळता अन्य विद्यार्थ्यांची परीक्षा घेतली जाणार नाही. त्यामूळे अशा विद्यार्थ्यांचा निकाल लावतांना विद्यार्थ्यांच्या विषयाची ग्रेड ही 50 टक्‍के अंतर्गत मूल्यमापन व 50 टक्‍के मागील लगतच्या सत्रातील परीक्षेच्या गुणांवर आधारीत असेल. तसेच अंतीम वर्ष वगळता अन्य विद्यार्थ्यांच्या बॅकलॉगची परीक्षा जुलै महिन्यात होणार नाही. पुढील नवीन सत्र सुरू झाल्यानंतर 120 दिवसांच्या आत या विद्यार्थ्यांची बॅकलॉगची परीक्षा घेतली जाईल.

◆ पुढील वर्षात आश्‍वासित प्रवेश

अंतीम वर्षाचे विद्यार्थी वगळता अन्य सर्व विद्यार्थ्यांना पुढील शैक्षणिक वर्षात, सत्रात प्रवेश घेण्यासाठी पात्र समजले जाईल. ही तरतूद केवळ या शैक्षणिक वर्षापुरती असेल. मागील शैक्षणिक वर्षात अनुत्तीर्ण झालेल्या (इयर ड्रॉप) विद्यार्थ्यांना या तरतुदीनुसार पुढील शैक्षणिक वर्ष किंवा सत्रात प्रवेश घेण्यास पात्र समजले जाईल. मात्र या सर्व विद्यार्थ्यांना गैरहजर असलेल्या किंवा अनुत्तीर्ण झालेल्या विषयांच्या परीक्षा जेव्हा घेतल्या जातील, त्यात उत्तीर्ण होणे आवश्‍यक असेल.

◆ अंतीम वर्ष, अंतीम सत्रातील विद्यार्थ्यांची अशी होईल परीक्षा

अंतीम सत्रात असलेल्या विद्यार्थ्यांच्या अंतीम सत्रातील विषयांची तसेच सर्व सत्रातील बॅकलॉग विषयांची लेखी परीक्षा पारंपारीक पद्धतीने घेण्यात येईल. विशेष बाब म्हणून सर्व विद्याशाखांतील सर्व अभ्यासक्रमांच्या परीक्षांचे निकाल 50 टक्‍के अंतर्गत गुण आणि 50 टक्‍के शेवटच्या सत्रात घेतल्या जाणाऱ्या लेखी परीक्षांच्या एकत्रित मूल्यमापनावर आधारीत असतील. ही तरतूद केवळ सध्याच्या शैक्षणिक वर्षापुरता असेल. या विद्यार्थ्यांची नियमित व बॅकलॉग प्रात्यक्षिक, मौखिक परीक्षा, प्रोजेक्‍ट परीक्षा आदी व्यवहार्यता तपासून अंतर्गत मुल्यांकनाद्वारे अथवा व्हीडीओ कॉन्फरंसिंगद्वारे घेण्यात येईल.

◆ असे असेल नियोजन

- दोन वर्षीय अभ्यासक्रमांमध्ये चौथ्या सत्राचे विद्यार्थी व चौथ्या सत्राच्या ज्या विद्यार्थ्यांना सत्र 1, 2 व 3 मधील बॅकलॉगचे विषय असतील, अशा विद्यार्थ्यांच्या परीक्षा होतील.
- तीन वर्षीय अभ्यासक्रमामध्ये सहाव्या सत्रातील विद्यार्थी व सहाव्या सत्राच्या ज्या विद्यार्थ्यांना सत्र 3, 4 व 5 मधील बॅकलॉगचे विषय असतील अशा विद्यार्थ्यांच्या परीक्षा होतील.
- चार वर्षीय अभ्यसक्रमामध्ये आठव्या सत्राचे विद्यार्थी व आठव्या सत्राच्या ज्या विद्यार्थ्यांना सत्र 5, 6 व 7 मधील बॅकलॉगचे विषय असतील अशा विद्यार्थ्यांची परीक्षा होतील.
- पाच वर्षीय अभ्यासक्रमात दहाव्या सत्राचे विद्यार्थी व दहाव्या सत्राच्या ज्या विद्यार्थ्यांना सत्र 7, 8 व 9 मधील बॅकलॉगचे विषय असतील, अशा विद्यार्थ्यांची परीक्षा होईल.
- दूरशिक्षण अभ्यासक्रमाच्या प्रथम वर्ष प्रवेशित विद्यार्थ्यांची फक्‍त अंतर्गत मूल्यमापन परीक्षा ऑनलाईन पद्धतीने 50 गुणांसाठी होईल.

PM किसान चे २००० रुपये जमा होत नसतील तर हे करा ...!

2020-05-15T13:24:00.000+05:30

Image Credit

तुम्ही थेट कृषी मंत्रालयाकडून देण्यात आलेल्या तक्रार निवारण हेल्पलाइनवर संपर्क साधू शकता. पीएम किसान हेल्पलाइन नंबर - १५५२६१, पीएम किसान टोल फ्री - १८००११५५२६, पीएम किसान लँडलाइन नंबर ०११-२३३८१०९२, २३३८२४०१ त्यासोबत pmkisan-ict@gov.in या ईमेल आयडीवर संपर्क करु शकता.

जर आपण या योजनेचा लाभ घेण्यासाठी अर्ज केला असेल आणि आता लाभार्थ्यांच्या यादीमध्ये आपले नाव पाहायचं असेल तर सरकारने आपल्यासाठी आता ही सुविधा ऑनलाइन देखील प्रदान केली आहे.

पंतप्रधान किसान सन्मान निधी योजना २०२० ची नवीन यादी अधिकृत संकेतस्थळ pmkisan.gov.in वर तपासली जाऊ शकते.

शेतकऱ्यांना त्यासाठी pmkisan.gov.in वेबसाइटवर लॉग इन करावे लागेल. यामध्ये आपल्याला दिलेल्या फार्मर कॉर्नर टॅबवर क्लिक करावे लागेल. या टॅबमध्ये शेतकर्‍यांना पंतप्रधान किसान योजनेंतर्गत नावनोंदणी करण्याचा पर्याय देण्यात आला आहे. जर आपण यापूर्वी अर्ज केला असेल आणि आपला आधार योग्य प्रकारे अपलोड केला गेला नसेल किंवा काही कारणास्तव आधार क्रमांक चुकीचा नोंद झाला असेल तर त्याची माहिती देखील त्यात दिसून येईल

ज्या लाभार्थी शेतकऱ्यांना या योजनेचा लाभ मिळाला असेल त्यांची नावेही राज्य / जिल्हावार / तहसील / गावानुसार पाहता येतील. यात शासनाने सर्व लाभार्थ्यांची संपूर्ण यादी अपलोड केली आहे. फक्त एवढेच नाही तर आपल्या अर्जाची स्थिती काय आहे याचीही माहिती मिळू शकेल.

याबाबत आधार क्रमांक / बँक खाते / मोबाइल नंबरद्वारेही शेतकर्‍यांना माहिती मिळू शकते. याखेरीज पंतप्रधान किसान योजनेसंदर्भात स्वत: ला अद्ययावत ठेवायचे असेल तर त्यांची लिंकही देण्यात आली आहे. या लिंकच्या माध्यमातून आपण गुगल प्ले स्टोअरवरुन पंतप्रधान किसान मोबाइल अँप डाउनलोड करू शकता.

शेतकरी असूनही या योजनेचा लाभ मिळाला नाही का?

मोदी सरकारने सर्व शेतकऱ्यांसाठी पंतप्रधान-किसान योजना लागू केली असेल पण काही लोकांसाठी योजनेत अटी घालण्यात आल्या आहेत. जे लोक या योजनेचा गैरफायदा घेण्याचा प्रयत्न करतील ते आधार पडताळणीतून उघड होईल. योजनेसाठी सर्व १४.५ कोटी शेतकरी कुटुंबे यासाठी पात्र आहेत. पती-पत्नी आणि १८ वर्षांपर्यंतची मुले एकच गणली जातील. ज्यांची नावे १ फेब्रुवारी २०१९ पर्यंत भूमी अभिलेखात सापडतील ते योजनेस पात्र असतील.

खासदार, आमदार, मंत्री आणि महापौरांना याचा लाभ मिळणार नाही. भलेही ते शेती करत असतील म्हणून त्यांनी अर्ज केला असेल तर पैसे येणार नाहीत. मल्टी टास्किंग स्टाफ / चतुर्थ श्रेणी / ड वर्ग कर्मचाऱ्यांव्यतिरिक्त केंद्र किंवा राज्य सरकारमधील कोणताही अधिकारी किंवा कर्मचाऱ्याला लाभ मिळणार नाही. जर अशा लोकांना फायदा झाला तर आधारमधून ते उघडकीस येईल.

व्यावसायिक, डॉक्टर, अभियंते, सीए, वकील, आर्किटेक्ट जे शेती करत असतील तर त्यांनाही लाभ मिळणार नाही. इन्कम टॅक्स भरणारे आणि १० हजारांपेक्षा जास्त पेन्शन मिळते त्यांना योजनेचा फायदा मिळणार नाही. जर कोणत्याही आयकर दात्याने योजनेचे दोन हप्ते घेतले असतील तर तो तिसऱ्यावेळी तो पकडला जाईल. कारण आधार पडताळणी होत आहे.

जग सारे इथे थांबली वाट ते - लेखणी

2020-05-13T16:15:00.001+05:30

जग सारे इथे थांबली वाट ते
भोवताली इथे Corona दाटले...
अश्रूही वाढले मृत लोकांचे ही
जगणाऱ्याला ही आता भीती किती...
हालचाल ही स्तब्ध झाली अशी
त्या ऐका विशाणूने केली ही स्थिती...
वाईट ही वेळ कोनावरी येईल
Corona सारखा त्याला रोग होईल...
आता लढायचे नाही रडायचे
घरी थांबूनी त्याला हरवायचे......
साथ एकमेकांची देऊनिया आपण
प्रार्थना ही करू देवाला सारेजण...

★ सानिका प्रमोद कुराडे

पत्ता : १७०८ बी वर्ल्ड,

शिंदे गल्ली, मंगळवार पेठ,

कोल्हापूर - ४१६०१२

परराज्यातील मजुरांना बसने मूळगावी जाण्यासाठी एक खिडकी कक्ष

2020-05-13T00:16:00.001+05:30

अहमदनगर जिल्हयात अडकलेल्या

परराज्यातील मजुरांना त्यांच्या मुळगावी जाण्याकामी तारकपूर बसस्थानक

अहमदनगर, पारनेर, श्रीरामपूर व कोपरगांव बसस्थानक या चार ठिकाणी एक खिडकी कक्ष. महसुल, मोटारवाहन विभाग, एस.टी. महामंडळ,आरोग्य विभाग विभागाच्या अधिकाऱ्यांची समिती: जिल्हाधिकारी

चालू शैक्षणिक वर्षांपासून पहिली व सहावीत मराठी सक्तीची

2020-05-11T20:33:00.001+05:30

राज्यात २०२०-२१ या शैक्षणिक वर्षांपासून पहिली व सहावीत या वर्गासाठी सर्व माध्यमांच्या शाळांतून मराठी भाषा विषय शिकविणे सक्तीचे केले जाणार आहे. मराठी भाषा मंत्री सुभाष देसाई व शिक्षण मंत्री वर्षां गायकवाड यांनी या संदर्भातील कार्यवाहीचा आढावा घेतला.

महाराष्ट्रात मराठी भाषा अनिवार्य करणे हा कायदा मागील अर्थसंकल्पीय अधिवेशनात एकमताने दोन्ही सभागृहांनी मंजूर केला आहे. या कायद्याची अंमलबजावणी आगामी शैक्षणिक वर्षापासून सुरू होईल, असे आश्वासन मराठी भाषा विभागमंत्री सुभाष देसाई व शालेय शिक्षणमंत्री वर्षा गायकवाड यांनी अधिवेशनात दिले होते. त्याच अनुषंगाने होत असलेल्या कार्यवाहीचा आज आढावा घेण्यात आला. या संदर्भात शिक्षण आयुक्त विश्वास सोळंकी यांच्या मार्गदर्शनाखाली व्हिडिओ कॉन्फरन्सद्वारे आज बैठक घेण्यात आली. या बैठकीस शालेय शिक्षण विभागाच्या अतिरिक्त मुख्य सचिव वंदना कृष्णा, मराठी भाषा विभागाच्या सचिव प्राजक्ता लवंगारे, अल्पसंख्याक आयोगाचे अध्यश्र श्री. अभ्यंकर, शिक्षण संचालक आणि बालभारतीचे संचालक उपस्थित होते.

सर्वप्रथम बालभारतीतर्फे राजीव पाटोळ यांनी अनिवार्य मराठीसाठी वर्गवार अभ्यासक्रम आणि पाठ्य़पुस्तके या संदर्भातील पूर्वतयारीबाबत सादरीकरण केले. शिक्षण विभागाने सर्व अभ्यासक्रमांच्या शाळांसाठी मराठी सक्तीने शिकविण्यासाठी केलेल्या पूर्वतयारीबद्दल मराठी भाषा मंत्री श्री. देसाई यांनी शालेय शिक्षणमंत्री आणि अधिकाऱ्यांचे आभार मानले. तसेच आगामी शैक्षणिक सत्र सुरू होण्यापूर्वी मराठी भाषेचा वर्गवार अभ्यासक्रम, इयत्ता पहिली व सहावीसाठी पाठ्य़पुस्तके आणि प्राशिक्षण साहित्य, तयार करण्याबाबत सूचना केली. तसेच २०२०-२१ च्या प्रथम सत्रापासून सर्व माध्यमांच्या शाळांनी मराठी विषय सक्तीने शिकविण्याच्या कायद्याचे अनुपालन करण्यासाठी शालेय शिक्षण विभागाने अधिसूचना निर्गमित करावी, असेही सूचविले.

या संदर्भातील शासन निर्णय निर्गमित करणे, मसुदा तयार करणे आदी बाबीवर यावेळी चर्चा करण्यात आली.

शालेय शिक्षणमंत्री वर्षा गायकवाड यांनी कायद्याच्या अमंलबजावणीसाठी क्षेत्रिय अधिकाऱ्यांची बैठक घेतल्याचे आणि नियमावली तयारी करण्यासाठी एका कार्यबल गटाची स्थापना केल्याचे सांगितले. या कार्यबल गटात मराठी भाषा विभागाच्या प्रतिनिधींचा समावेश करण्याची सूचना श्री. देसाई यांनी केली.

Whatsapp चे सर्वात मोठे फिचर येत आहे...

2020-05-10T12:43:00.001+05:30

Source

येत्या काळात व्हॉटसअॅप वेबवर मेसेंजर रूम्सचं फीचर दिलं जाईल. ज्यामधून 50 लोकांना एकाच वेळी व्हिडिओ कॉल करता येईल.

मेसेंजर रूम्स एक असं फीचर आहे ज्यामध्ये प्रायव्हेट लिंक शेअर करून व्हिडिओ कॉलिंग करता येईल. एवढंच नाही तर जे लोक फेसबुक वापरत नाहीत त्यांनाही व्हिडिओ कॉलमध्ये सहभागी होता येईल. फेसबुकने जाहीर केलं आहे की, व्हॉटसअॅपमध्ये एक शॉर्टकट दिला जाईल ज्याचं अँड्रॉइड बीटा व्हर्जन 2.20.139 वर टेस्टिंग सुरू केलं आहे. लवकरच हे फीचर iOS अॅपसाठी दिलं जाईल.मात्र याचा शॉर्टकट सध्या व्हॉटसअॅप वेबसाठी देण्यात आला आहे.

व्हॉटसअॅप वेबवर मेसेंजर रूमचा शॉर्टकट Attach च्या ऑप्शनमध्ये मिळेल. तो सिलेक्ट केल्यानंतर युजरला इंट्रोडक्शन पर्याय दिसेल. याशिवाय मेसेंजर रूमचा दुसरा पर्याय मेन मेन्यूमध्ये दिला जाईल. युजर्सना 'new group', 'Archeived' 'Starred' पर्याय जिथं दिले जातात त्याच ठिकाणी हा ऑप्शन मिळेल. मेसेंजर रूम क्रिएट करताना व्हॉटसअॅप तुम्हाला मेसेंजर ओपन करण्यासाठी विचारते. सध्या या फीचरची चाचणी सुरु आहे. अद्याप हे कधी लाँच करण्यात येईल हे सांगण्यात आलेलं नाही.

नौकरी गेली....; मोदी सरकारच्या या योजनेतून मिळणार दोन वर्षे पगार

2020-05-09T10:53:00.001+05:30

दोन वर्षांपर्यंत आर्थिक मदत

मोदी सरकारच्या या योजनेचे नाव 'अटल बीमित व्यक्ती कल्याण' योजना असे आहे.

ही आर्थिक मदत प्रत्येक महिन्याला मिळेल. मागील 90 दिवसांच्या सरासरी उत्पन्नाच्या 25 टक्के रक्कम बेरोजगार व्यक्तीला मिळेल. या योजनेचा लाभ संघटित क्षेत्रातील तेच व्यक्ती उचलू शकतात ज्यांना ESIC विमा मिळतो आहे आणि दोन वर्षांपेक्षा कमी काळ ज्यांनी नोकरी केली आहे. त्याशिवार डेटा बेसशी आधार आणि बँक डिटेल्स संलग्न असणं गरजेचं आहे.

योजनेसाठी अशी करा नोंदणी

जर तुम्ही या योजनेचा लाभ घेऊ इच्छिता तर तुम्हाला ESIC च्या वेबसाइटवर जाऊन अटल बीमित व्यक्ती कल्याण योजनेसाठी नोंदणी करावी लागेल. अधिक माहिती या लिंकवर तुम्हाला सविस्तर माहिती मिळू शकते

या व्यक्तींना लाभ मिळणार नाही

चुकीच्या वर्तणुकीमुळे कंपनीतून काढून टाकले असल्यास त्या व्यक्तींना या योजनेचा लाभ मिळणार नाही. त्याशिवाय फौजदारी खटला दाखल झाला असल्यास किंवा कर्मचाऱ्याने स्वेच्छानिवृती (VRS) घेतली असल्यास अशा व्यक्तींना देखील या योजनेचा लाभ मिळणार नाही.

उच्च व तंत्र शिक्षणमंत्री उदय सामंत यांचा आज महाविद्यालयीन विद्यार्थ्यांशी परीक्षेसंदर्भात संवाद

2020-05-08T11:21:00.001+05:30

मुंबई : उच्च व तंत्र शिक्षणमंत्री श्री. उदय सामंत हे आज, शुक्रवार दिनांक ८ मे २०२० रोजी दुपारी १ वा. राज्यातील महाविद्यालयीन विद्यार्थ्यांशी परीक्षेसंदर्भात फेसबुक लाईव्हच्या माध्यमातून संवाद साधणार आहेत.

लाईव्ह प्रसारण पाहण्यासाठी क्लिक करा – https://www.facebook.com/MahaDGIPR/

ड्रायव्हिंग लायसन, इन्शुरन्स, पीयुसीची मुदत संपली, संपणार आहे; तर ही बातमी तुमच्यासाठी..

2020-05-07T07:32:00.001+05:30

देशातील ज्यांच्या ड्रायव्हिंग लायसन, वाहनाचे दस्तावेज, पीयुसी सारख्या कागदपत्रांची मुदत १ फेब्रुवारी ते ३० जून च्या कालावधीत संपत आहे, त्यांची मुदत ३० जून २०२० पर्यंत वाढविण्यात आली आहे. लॉकडाऊनमुळे या कागदपत्रांचे नुतनीकरण अशक्य आहे. मोटार वाहन अधिनियम १९८८ आणि मोटार वाहन अधिनियम १९८९ नुसार ही मुदत वाढविण्यात आली आहे.

कोणतेही वाहन चालविताना चार कागदपत्रे महत्वाची असतात. यामध्ये ड्रायव्हिंग लायसन्स, रजिस्ट्रेशन सर्टिफिकेट, इन्शुरन्स आणि पीयूसी असणे गरजेचे आहे. जर तुम्ही हार्ड कॉपी ठेवू शकत नसाल तर मोबाईल अॅपवर डिजिटल कॉपी ठेवली तरी चालणार आहे. यासाठी डिजिलॉकर किंवा एम परिवाहन हे अॅप वापरावे लागणार आहे.

राज्य सरकारचा मोठा निर्णय,सर्व दुकाने उघडण्यास मुभा...

2020-05-06T09:02:00.001+05:30

राज्य सरकारने दुकाने आणि आस्थापने उघडण्यास आता मुभा दिली आहे. गेल्या अनेक दिवसांपासून कोरोनाचा संसर्ग टाळण्यासाठी लॉकडाऊन असल्याने दुकाने आणि आस्थापना बंद होते. मात्र आता शासनाने सर्वसामान्यांना दिलासा दिला आहे.

सकाळी 7 ते रात्री 7 वाजेपर्यंत ही दुकानं सुरू राहणार सुरू राहण्यासंबंधीची परवानगी दिली आहे. सरकारने एक परिपत्रक काढून याबाबतची माहिती दिली आहे. त्यानुसार राज्यातील दुकाने आजपासून सुरू होण्याची चिन्ह आहेत.

राज्य सरकारने जरी परवानगी दिली असली तरी जिल्हा प्रशासनाला याबाबतचे अंतिम निर्णय घेता येणार आहे. प्रत्येक जिल्ह्याची कोरोना परिस्थिती पाहून ते ते जिल्हा प्रशासन आपल्या जिल्ह्यात परवानगी द्यायची की नाही, हे ठरवू शकतं.जिल्हाधिकारी आणि मनपा आयुक्त यांना तो निर्णय घेण्याचा अधिकार असेल.

प्रेरणादायी - एकेकाळी विकायचा बांगड्या, आज आहे IAS ऑफिसर

2020-05-04T16:16:00.001+05:30

परिस्थितीशी दोन हात करून IAS होण्याचं स्वप्न बांगडी विकणाऱ्या व्यक्तीनं साकार केलं आहे. परिस्थितीसमोर हार मानून गुडघे न टेकता त्यांनी मेहनतीच्या जोरावर यूपीएससी परीक्षा उत्तीर्ण केली आहे. राजेश घोलप यांनी आपल्या परिस्थितीवर मात करून यश मिळवलं आहे. आज ते अनेक तरुणांचं प्रेरणास्थान बनले आहेत. रमेश यांच्या डाव्या पायाला पोलिओ झाला होता आणि घरची परिस्थितीही बिकट होती. त्यामुळे घर चालवण्यासाठी त्यांची आई रस्त्यावर बांगड्या विकायचं काम करायची. आईसोबत त्यांनी हे काम करावं लागत होतं.

रमेश यांच्या वडिलांचं सायकलचं दुकानं होतं मात्र त्यांच्या दारू पिण्याच्या सवयीमुळे त्यांचं मोठं नुकसान झालं. वडिलांना दारूमुळे त्रास झाला आणि रुग्णालयात उपचारासाठी दाखल करावं लागलं. त्यानंतर घर चालवण्याची जबाबदारी आईवर आली आहे. त्यामुळे आईनं बांगड्या विकून घर चालवत होती. गावात आपलं शिक्षण पूर्ण करून पुढच्या शिक्षणासाठी त्यांना काकांकडे जावं लागलं.

2005 साली रमेश हे 12 वी मध्ये असताना त्यांच्या वडिलांचा मृत्यू झाला. काकांच्या गावातून त्याच्या घरी जाण्यासाठी बसने 7 रूपये खर्च करायचे पण अपंग असल्यामुळे रमेश फक्त 2 रुपये आकारत असे पण वेळ बघा, त्यावेळी रमेश यांच्याकडे 2 रुपयेही नव्हते.

रमेश हे शेजार्‍यांच्या मदतीने त्यांच्या घरी पोहोचला. रमेश यांनी 12 वी मध्ये 88.5% गुणांसह परीक्षा दिली. डिप्लोमा करण्याबरोबरच बीएची पदवीही मिळवली. त्यानंतर शिक्षक म्हणून त्यांनी नोकरी करून कुटुंबाचा खर्च चालवला. पण तरीही त्यांचं अंतिम ध्येय IAS होण्याचं होतं.

2012 मध्ये रमेश यांच्या मेहनतीला फळ मिळालं आहे. त्यांनी UPSC परीक्षेमध्ये 277 वा क्रमांक मिळवला. कोणतीही कोचिंग क्लास न लावता त्यांना मेहनतीत परीक्षेत यश मिळळवलं आहे.

चटपटीत पाणी-पुरी खुप आवडते ना, वाचा ही सोपी रेसिपी...

2020-05-03T19:54:00.001+05:30

Image Source

पाणी पुरी

★ साहित्य

● पुरीचे साहित्य

१ रवा …….. १ कप

२ मैदा ……..३ टेबल स्पून

३ बेकिंग पावडर( सोडा)……….. १/४ चहाचा चमचा

४ मीठ ………………………………१/२ चहाचा चमचा

५ तळण्याकरता तेल

● पाण्याचे साहित्य

१ चिंचेचा कोळ ……….१/२ कप

२ पाणी …………………२ कप

३ भाजलेली जिरे पूड ………२ टेबल स्पून

४ न भाजलेले जिरे …………२ टेबल स्पून

५ कोथिंबीर चिरलेली ………..१/२ कप

६ हिरव्या मिरच्या …………….३

७ पुदिन्याची पाने …………….१ कप

८ काळे मीठ ……………………१ टेबलस्पून

९ बुंदी ……………………………१ टेबल स्पून

१० चिरलेला गुळ …………………….२ टेबल स्पून

● सारणाचे साहित्य

१ उकडलेले बटाटे ………………………….. २ मध्यम

२ पांढरे वाटाणे………………………………. १/२ कप उकडून

३ हिरवी चटणी

४ चिंचेची चटणी

■ कृती

पुरी बनवणे

परातीत रवा ,मैदा, बेकिंग सोडा आणि मीठ एकत्र करावे व थोडे थोडे कोमट पाणी मिसळत घट्ट पीठ भिजवावे. नेहमीच्या पुर्यांप्रमाणेच पीठ घट्ट असावे. ओलसर कापडाने झाकून ३० मिनिटे ठेवावे .

या पीठाचे लिंबाच्या आकाराचे गोळे बनवावे. पीठ सुकू न देण्याची खबरदारी घ्यावी.

या गोळ्यांचे सुक्या मैद्याच्या सहाय्याने मोठी व पातळ पोळी/चपाती लाटावी. या चापातीतून छोट्या बिस्किट साच्याने वा छोट्या झाकणाच्या मदतीने छोट्या छोट्या पुऱ्या काताराव्या.

पुऱ्या तळणे

पुऱ्या तळताना तेल कडकडीत तापलेले असावे अन्यथा पुऱ्या तेल पितील ,फुगणारही नाहीत व मऊ होतील. तेल पुरेसे तापले आहे किंवा नाही ते बघण्यासाठी एक पुरी तेलात टाका. ती लगेच वर आली तर तेल पुरेसे तापले आहे असे समजावे. पुरी तळाशीच राहिली तर तेल अजून तापू द्यावे.

पण तेल इतकेही तापू देऊ नये कि त्यातून धूर येऊ लागेल. असे झाल्यास पुऱ्या करपट होतील.

पुऱ्या तळण्यासाठी तेल खोलगट भांड्यात किंवा कढईत घ्यावे व पुऱ्या झार्याच्या मदतीनेच तळावे.

तळताना पुरी मधोमध झार्याच्या मदतीने थोडी दाबावी म्हणजे ती चांगली फुलेल… सर्व पुऱ्या अशा छान फुगायला हव्यात …एकदा फुगलेली पुरी पालटावी व चांगली शिजू द्यावी.

पुऱ्या करपू न देता तेलातून बाहेर काढून किचन टॉवेल वर पसराव्या व तेल निथळले व थंड झाल्या कि हवाबंद डब्यात भरून ठेवाव्या.

मसाला पाणी

कोथिंबीर, पुदिना व हिरव्या मिरच्या यांची हँड ब्लेंडर मधून बारीक पेस्ट करून घ्यावी.

पाण्यासाठीचे बाकी सर्व साहित्य व वरील पेस्ट पाण्यात मिसळावी. गुळ चांगला विरघळून घ्यावा. मसाल्याचा झणझणीतपणा व चिंचेचा आंबट पणा चवीप्रमाणे कमीजास्त करून घ्यावा.

हे तयार पाणी गाळून घेऊन फ्रीज मध्ये २ते ३ तास थंड करून घ्यावे मगच त्याचा उपयोग करावा. पाणीपुरी करायला घेण्यापूर्वी या पाण्यात बुंदी मिसळावी.

सारण करण्यासाठी

एका बाऊल मध्ये पांढरे वाटाणे, आणि कुस्करलेले बटाटे आणि मीठ घालून चांगले मिसळावे व बाजूला ठेवावे.वाढताना एक पुरी घ्यावी व तिच्या कडक बाजूला बोटाने टोचून एक भोक करावे त्यात थोडे सारण भरावे त्या सोबत हिरवी चटणी व चिंचेची चटणी ही थोडी थोडी भरावी आता फ्रीजमध्ये थंड केलेल मसाला पाणी घालावे. हे पाणी आधी चांगले ढवळून घ्यावे .

अशा तर्हेने घरी केलेल्या पाणी पुरीचा आस्वाद घ्या. पाणीपुरीला उत्तरेकडे गोलगप्पे म्हणतात तर बंगाल मध्ये पुचके म्हणतात!

ग्रीन, ऑरेंज आणि रेडझोनमध्ये कोणत्या सेवा सुरु होणार?

2020-05-03T19:23:00.001+05:30

Image Source

★ रेड झोनमध्ये काय सुरू होणार?

कंन्टेन्मेन्ट झोनबाहेरची इतर दुकानं, दारुची दुकानं

मेडीकल, छोटे क्लिनिक, दवाखाने

कंन्टेन्मेन्ट झोनबाहेर चारचाकी वाहनात चालकासह दोघांना मुभा

कंन्टेन्मेन्ट झोनबाहेर दुचाकीवर एका व्यक्तीला मुभा

सर्व वस्तुं, मालाचा पुरवठा

उद्योग, शहरी उद्योग, सिटुची बांधकामे

जीवनावश्यक सेवांची दुकानं

ई-कॉमर्स सेवेतून मिळणाऱ्या वस्तू

खासगी कार्यालयांना 33 टक्के क्षमतेसह मुभा

सरकारी कार्यालयांमध्ये 33 टक्के क्षमतेसह मुभा

सर्व कृषीविषयक व्यवहार

बँक, वित्तसंस्था सुरू राहणार

कुरियर, पोस्टल सेवा सुरू राहणार

★ ऑरेन्ज आणि ग्रीन झोनमध्ये काय सुरू होणार?

कन्टेन्मेन्ट झोनबाहेरची इतर दुकानं, दारुची दुकानं

मेडीकल, छोटे क्लिनिक, दवाखाने

स्पा, हेअर सलूनलाही परवानगी

टॅक्सी कॅब सेवेला दोन प्रवाशांसह मुभा

चारचाकी वाहनात चालकासह दोघांना मुभा

दुचाकीवर एका व्यक्तीला मुभा

सर्व वस्तुं, मालाचा पुरवठा

उद्योग, शहरी उद्योग, सिटुची बांधकामे

जीवनावश्यक सेवांची दुकानं

ई-कॉमर्स सेवेतून मिळणाऱ्या वस्तू

खासगी कार्यालयांना पूर्ण क्षमतेसह मुभा

सरकारी कार्यालयांना पूर्ण क्षमतेसह मुभा

सर्व कृषीविषयक व्यवहार

बँक, वित्तसंस्था सुरू राहणार

कुरियर, पोस्टल सेवा सुरू राहणार

पाच देशांच्या गुप्तचर यंत्रणा चीनच्या मागावर....

2020-05-03T17:53:00.001+05:30

Image Source

५ देशांच्या गुप्तचर यंत्रणांनी कोरोनाबाबत चीनच्या भूमिकेचा १५ पानांचा रिपोर्ट तयार केला आहे. या गुप्तचर यंत्रणांमध्ये अमेरिका, युके, कॅनडा, ऑस्ट्रेलिया आणि न्यूझीलंडच्या गुप्तचर यंत्रणांचा समावेश आहे. चीनने कोरोनाबाबत गुप्तता पाळणं हा जगाच्या पारदर्शकतेवर हल्ला असल्याचं या रिपोर्टमध्ये म्हटलं आहे.

● काय आहे रिपोर्टमध्ये ?

'कोरोना व्हायरस माणसातून माणसात पसरतो, हे माहिती असतानाही चीनने २० जानेवारीपर्यंत हे मान्य केलं नाही. जागतिक आरोग्य संघटनेनेदेखील हेच केलं. तायवानमधल्या काही अधिकाऱ्यांनी याबाबत ३१ डिसेंबरलाच तर ४ जानेवारीला हाँगकाँगने याबाबत प्रश्न उपस्थित केले होते.'

'कोरोना व्हायरसबाबत माहिती देणारे डॉक्टर गायब झाले. लॅबमध्ये पुरावे नष्ट करण्यात आले. कोरोनाची लस तयार करणाऱ्या शास्त्रज्ञांना सॅम्पलही देण्यात आली नाहीत. वुहानमधले डॉक्टर ली वेनलियांग यांनी पहिल्यांदा या व्हायरसबाबत त्यांच्या शाळेतल्या मित्रांना वी चॅटच्या ग्रुपवर माहिती दिली. या मेसेजचे स्क्रीनशॉट व्हायरल झाल्यानंतर ली वेनलियांग यांना अटक करण्यात आली.'

'चीनने स्वत:च्या नागरिकांच्या प्रवासावर बंधनं घातली, पण दुसऱ्या देशांवर अशी बंधनं घालण्याची गरज नसल्याचं चीनने सांगितलं. २३ जानेवारीला बिजिंगमध्ये लॉकडाऊनची घोषणा करण्याआधी वुहानमधून लाखो लोक बाहेर पडले. संपूर्ण फेब्रुवारी महिन्यात अमेरिका, इटली, भारत, ऑस्ट्रेलिया आणि चीनच्या आजूबाजूच्या देशांनी प्रवासावर बंधनं घालण्याची गरज नसल्याचं चीनकडून सांगण्यात येत होतं. पण चीनने मात्र स्वत:च्या नागरिकांवर देशांतर्गत फिरण्यावर निर्बंध लादले होते.'

'चीनच्या प्रशासकांनी सार्स व्हेरियेशन, वुहान सीफूड मार्केट, वुहान अननोन न्यूमोनिया हे शब्द इंटरनेट सर्च इंजिनमधून हटवून टाकले होते. वुहानमधल्या शास्त्रज्ञांनी वटवाघळांना असलेल्या कोरोनावर संशोधन केलं,' अशी धक्कादायक माहिती या रिपोर्टमधून समोर आली आहे. ऑस्ट्रेलियाच्या द सॅडरडे टेलिग्राफ या वृत्तपत्रात ही माहिती आली आहे.

काही दिवसांपूर्वी युकेमधलं वृत्तपत्र असलेल्या डेली मेलने दिलेल्या वृत्तानुसार, वुहानच्या लॅबोरेटरीमध्ये प्राण्यांवर संशोधन करण्यात आलं. यासाठी संशोधकांना अमेरिकन सरकारने ३.७ मिलियन निधी दिल्याचं सांगितलं जातंय.

वुहानच्या लॅबोरेटरीमध्ये अपघात झाल्यानंतर कोरोना पसरला, याकडे दुर्लक्ष करून चालणार नाही, असं युके सरकारमधल्या सूत्रांनी सांगितल्याचं वृत्तही डेली मेलने दिलं होतं.

वटवाघळांवर संशोधन करण्यासाठी अमेरिकेच्या युएस नॅशनल इन्स्टिट्यूट ऑफ हेल्थने अर्थसहाय्य केलं होतं. वुहान लॅबोरेटरीमध्ये कोरोना असलेली रक्त फवारणी झाल्यामुळे संशोधकांना कोरोना झाल्याचं बोललं जातंय, यानंतर लॅबजवळ असलेल्या स्थानिकांनाही त्याची लागण झाल्याची चर्चा आहे, असं डेली मेलचं वृत्त आहे.

लॉक डाऊन काळात लोकं सर्वाधिक सर्च करतायत 'ही' गोष्ट.

2020-05-02T21:25:00.001+05:30

Image Source

लॉकडाऊन काळातील टॉप सर्च

बेरोजगारी अर्ज - लॉकडाऊनमध्ये सर्वात जास्त शोध होतोय बेरोजगारी अर्जासाठी.हा अर्ज शोधण्याचे प्रमाण 5600 टक्क्याने वाढले आहे. जगभरात कोरोनामुळे मोठ्या प्रमाणात बेरोजगारी वाढण्याची भिती आहे.

व्हर्च्युअल कॉन्फरन्स - लॉकडाऊन काळात बहुतांश ऑफीसचे काम घरातून व्हर्चुअल कॉन्फर्रन्सच्या माध्यमातून सुरु आहे. व्हर्चुअल कॉन्फर्रन्स कशी करावी यासाठीचा शोध 322 टक्क्याने वाढला आहे.

स्काईप - स्काईप क़ॉल कसे करावे, यासाठीच्या सर्चमध्ये 239 टक्याने वाढ

रेसीपी - घरबसल्या रेसीपी शिकण्यासाठीचा सर्च 68 टक्के वाढलाय. यामध्ये लॉकडाऊन काळात घरी एकटं सापडलेल्या पुरुषांचाही समावेश आहे.

पाणी कसं गरम करावं - अनेक व्यक्तींनी यापुर्वी आंघोळीसाठी पाणी गरम केलं नाही. मात्र लॉकडाऊनच्या काळात नाईलाजाने हे करावं लागत आहे. त्यामुळे पाणी गरम करण्यासाठी टिप्स घेणाऱ्यांच्या संख्येत 43 टक्क्यांनी वाढ झाली आहे.

ब्लू लाईट ग्लासेस - सध्या घरातील जास्त वेळ डिजीटल उपकरणे बघण्यात जास्त जातो.त्यामुळे डोळ्यांना हानी पोहोचण्याची शक्यता आहे. त्यामुळे त्यापासून बचाव करण्यासाठी ब्लू लाईट ग्लासेसचा सर्च 94 टक्के वाढला आहे.

विटामिन सी गोळ्या - कोरोनाच्या पार्श्वभूमीवर रोग प्रतिकार शक्ती वाढवण्यासंदर्भात मोठ्या प्रमाणात चर्चा झाली. त्यामुळे सी जिवन सत्व गोळ्यांबद्दल ई क़ॉमर्स साईटवर सर्च करणाऱ्यांच्या संख्येत 532 टक्क्याने वाढ झाली आहे.

टिकटॉक लाइट - लॉकडाऊन काळात टिकटॉक लाइट सर्च करणाऱ्यांच्या संख्येत 531 टक्के वाढ नोंदवली गेली. तर या काळात 100 कोटी टिकटॉक शॉर्ट व्हीडीओ एप्स डाऊनलोड झाले.

नेल किट - नेल किट शोधणाऱ्यांच्या संख्येत 431 टक्क्याने वाढ झाली आहे. ब्युटी पार्लर बंद झाल्यामुळे नेल किटचासाठीचा सर्च वाढलाय.

डंबेल्स - जिम बंद असल्यामुळे घरी व्यायाम करावा लागत आहे. त्यामुळे घरच्या घरी डंबेल्स कशे तयार करायचे याबद्दल इंटरनेटवर जोरात सर्च सुरु आहे. 30 दिवसात डंबेल्ससाठीची सर्च मोहीम 524 टक्क्यानी वाढली आहे.

शिलाई कशी करायची - घरात मास्क तयार कसे करावेत यासाठी ऑनलाईन टिप्स घेणाऱ्यांच्या संख्येत 266 टक्क्याने वाढ

ब्रेड मेकींग - ब्रेड मेकींगच्या टिप्ससाठी इंटरनेट सर्चमध्ये 288 टक्के वाढ

सिगरेट डिलीवरी - लॉकडाऊनपासून सिगरेट, पान शॉप बंद झाल्याने अस्वस्थांची संख्या वाढलीये. त्यामुळे या काळात सिगरेट डिलीवरीसाठी सर्च करणाऱ्यांच्या सख्येत 507 टक्काने वाढ झाली आहे

आयसोलेशन गाऊन - लॉकडाऊन काळात कुठलं गाऊन घालायचे याची विचारणा करणाऱ्या महिलांच्या संख्येत 555 टक्क्याने वाढ.

असे बनवा घरच्या घरी टोमॅटो लोणचे.

2020-05-02T20:55:00.001+05:30

Image Source

हे लोणचे अगदी कमी साहित्यात आपण करणार आहोत.
1) १ किलो गावठी टोमॅटो
2) १ अख्खा लसुण
3) थोडेसे आलं
4) शेंगदाणा तेल - १ पाव
5) ४ चमचे तिखट
आणि महत्वाचे मीठ जे की चवीनुसार घालायचे आहे.

आता हे साहित्य तयार असेल तर करायला घेऊयात
1) टोमॅटो धुतले असतीलच असे समजून आता ते कापावे.
2) नंतर आले व लसणाची पेस्ट करावी.
3) कढईत तेल टाकावे.

त्यानंतर जास्त गॅस न वापरता अगदी कमी गॅसवर आले व लसणाची पेस्ट घाला. आणि ही पेस्ट परतवून घ्या.
4) आता त्यात कापलेले टोमॅटो टाका.
5) चवीनुसार मीठ टाका.
6) आता जवळपास 10 मिनिटांसाठी कढईवर झाकण ठेवावे. (अधून मधून परतून घ्या)
7) 10 मिनिटे झाले असतीलच. आता त्यात 4 चमचे तिखट घाला. परत परतवून घ्या.
8) आता 10 ते 15 मिनिटे शिजू द्यावे.
आता उघडून बघा. लोणच्याला तेल सुटले असेल. म्हणजे आता तुमचे लोणचे तयार आहे.

टीप - हे लोणचे फक्त 10 ते 12 दिवस टिकते.