inmigrazioa

-ETORKINAK ETA LAN MUNDUA-

2009-02-03T06:48:00.000-08:00

Youtubetik ateratako bideo interesgarria. Etorkinak eta lan mundu erlazionatzen ditu bertan, bereziki, portugaldarren egoeraz mintzo da.

-BLOGAREKIN ERLAZIONATUTAKO BESTE BI BITAKORA INTERESGARRI-

2009-02-03T02:49:00.000-08:00

Hona hemen, nire blogarekin erlazionatutako beste bi bitakora interesgarri.

Lehenengoak haur etorkinei buruz hitz egiten digu, etorkinen kolektibo espezifiko horretan zentratzen da batez ere, eta hezkuntzarekin loturiko informazio ugari ematen digu. Blogaren izenburua "Haur etorkina" da.

Bigarren honetan, aldiz, inmigrazioa gai nagusia da eta hezkuntzari buruz, emakumeari buruzko...informazioa ematen digu. Aurrekoa ez bezala, hau ez da etorkinen kolektibo batean bakarrik finkatzen, gai globalagoa jorratzen du. Blog honen izenburua "Hezkuntza gizarteari begira" da.

-ITSASOAN ITOTZEN DIRA ILUSIOAK-

2009-02-01T09:45:00.000-08:00

Giza eskubideak errespetatzea Thailandiako gizartearen ezaugarri nagusietakoa da», dio Abhisit Vejjachiva Thailandiako lehen ministroak. Baina errealitatea beste bat da NBE Nazio Batuen Erakundeak salatu duenez.

Urtero milaka etorkin itsasoan murgiltzen dira Thailandiara edo Malaysiara iritsi eta bizimodu berri bati ekiteko asmoz. Militarrek horietako asko Thailandiako uretan atxilotu eta torturatu egiten dituztela salatu dute Nazio Batuen Erakundeko ordezkariek: «Torturatu ostean, itsasoan uzten dituzte, motorrik gabeko txalupetan, jatekorik gabe, eta eskuak lotuta batzuetan». Militarrek ukatu egin dituzte akusazio horiek, eta komunikabideei leporatu diete beren izena zikindu nahi izatea.

Etorkinak Poliziaren esku geratzen direnean, aldiz, auzipetu eta jatorrizko herrialdera bidaltzen dituzte. Myanmarrera itzultzea ez da irtenbide egokiena izaten, ordea, amesgaiztoaren hasierara bueltatzea, baizik.

Etorkinen eskubideak ez direla errespetatzen ohartarazi du Nazio Batuen Erakundeak, eta horiek jasaten duten egoera ikertzeko eskatu dio Thailandiako Gobernuari. Thailandiak zin egin du ikerketari ekingo diola, baina NBE ez da fidatzen Bangkoken jarrerarekin. Izan ere, behin baino gehiagotan eskatu dio Thailandiako Poliziak atxilotuak dituen etorkinak ikusten uzteko, baina Bangkokeko gobernuak uko egin die eskakizun horiei.

http://www.berria.info/

Giza eskubideak errespetatzen direla badiote, kontu askorik ez dutela nabarmentzekoa da, eta gobernuaren interesak atzetik izkutatuta daudela ohartaraztekoa da, izan ere, ez dira prest egon Nazio Batuen kontrolari aurre egiteko, beraz, erakutsi nahi ez duten zerbait dagoela pentsatzera eraman gaitzake.

Hemen ere, batzuen ongizatea besteen kalteekin mantentzen delakoaren adibidea dugu, pertsonak errealitatean aukera eta baldintza berberak ez ditugula konturatzera eramango gaitu. Giakien nortasunaren miseria.

-XXI. MENDEKO OKUPAK-

2009-02-01T09:03:00.000-08:00

CAMPO FARNIA 100

Erromako periferian kokatutako eraikina dugu Campo Farnia 100. Bertan, lau kontinente desberdinetako 200 pertsona inguru bizi dira okupa gisa eraikinak dituen bederatzi solairuetatik bananduta. Orain dela hogei bat urteetatik erabili gabeko bulegoak dira eta gaur egun Babelgo Dorrea bezala izenpetua izan da.

Oraingoz Italiako gobernuak onartu egin du bertako etxerik gabekoen okupazioa. Beharrizanak dituzten hiritar autoktonoak, iritsi berriekin nahasten dira baita klase ertaineko gazteekin edota esperientzia berriak bizi nahi dituzten okupekin ere. Ezaugarri antzeko tokiekin aurki gaitezke Liman, Amsterdan edota Parisen ere.

Nola bizi diren ulertzeko beriekin hitz egin behar da, beraien aurpegiei so egin, alaiak edo arduratutakoak, beraien bizitzak ezagutu, ilusioak aztertu eta beraien beldurrak deskubritu eta partekatu.

Bertan bizi direnak pertsona arruntak dira, ez dira destrukturaketa familiarra pairatzen dituztenak ez eta baztertutako drogomenpekoak. Batzuk langabezian daude eta beste batzuk duinak ez diren lanak egiten dituzte. Okerreko tokian jaiotzea tokatu zaie soilik, edota bazterketan jausi dira zorte txarrez.

Informazioa: Zazpika aldizkaria. 2009ko urtarrilak 18

-ANIZTASUNA-

2009-02-01T06:23:00.000-08:00

DIFERENCIAS COMPARTIDAS...

Si hay algo que nos identifica a todas las personas, son las diferencias. Recuerdo una vez que compartía con mis compaeros de estudios en didáctica, mis ideas sobre el valor de la diversidad.
En un intento por explicar cuán importante es valorar la diversidad de formas de pensar en la aula, dije con convicción que "si no hubiera diversidad en el salón de clases, ¡habría que crearla!"
El comentario suscitó un silencio absoluto por un instante, seguido por gestos de extrañeza, risillas y cuchicheos. Y, es que, intentar crear la diversidad es como inventar el agua tibia. ¡La diversidad existe y existirá siempre!
Por más uniformizante que sea una cultura, siempre tendremos diferencias que nos hacen únicos.
A lo largo de nuestra historia, podemos observar intentos por suprimir la diversidad. Esto ha ocurrido por miedo a lo diferente, a lo original y excéntrico.
La razón obvia: la divesidad es una manifestación de la libertad que todos tenemos de ser como somos y que equilibra poderes.
Valorar la diversidad es valorar nuestra libertad y la de otros.

Testu hau sarean aurkitu dudan blog batetik atera dut, blogaren izenburua "UN RINCÓN DE PAZ" da, eta bizitza gaur eta orain eta budismoari buruz hitz egiten du. Konkretuki testu hau Francisco Morales Folch-ek idatzia da. Espero dut zuen gustokoa izatea!!

-MULTIMEDIA-

2009-02-01T04:08:00.000-08:00

http://www.slideshare.net/secret/n5iOC6tRdKXSe

Hona hemen klasean taldeka eginiko etorkinei buruzko multimedia. Bereziki bigarren hezkuntzako lehen zikloko nerabeentzat zuzenduta dagoen power point-a da, eta helburu nagusia, migrazio mugimenduak egin behar izan dituzten pertsonen testuinguruari buruzko kontzientziazio eta interes minimo bat lortzea da.

Slideshare webgunean harpidetzeari esker, egindako aurkezpena bertara igo eta handik zuzenean gure bloggetan itsatsi ditzakegu gure lanak, horrela edoork irakur ditzan. Bestalde, Slideshare-en edozein gairen inguruan beste pertsona batzuek eginiko aurkezpenak ere aurki ditzakegu. Animatu eta Slideshare-en harpidetuz gero elkar-aldatu itzazu zure aurkezpen lanak.

Slidesharen Power pointaren Embed kodea ezin dudala erabili ipintzen didanez, horren ordez, lanaren hiperlotura ezarri dut, power pointera zuzenean joan zaitezten. Barkatu eragozpenak.

-FACEBOOK-

2009-01-31T05:14:00.000-08:00

Etorkinei, aniztasunari, berdintasunari... buruzko argazki gehiago ikusi nahi baldin badituzue facebook-en harpidetu naiz bertan argazkiak igo ahal izateko, horrela mundu osoan zehar egindako lagunak nirekin kontaktuan eta nire argazkiak ikusi ahal izango dituzte!

Facebook Mark Zuckerbergek sorturiko webgune sozial bat da. Hasiera batean Harvard Unibertsitateko ikasleentzat sortua izan zen, baina orain mundu guztiari irekia dagoen sarea da.

Facebookaren bidez bertan ditugun lagunak aurkitu eta gure zerrendan sar ditzazkegu, bere zerrendan ere azalduko garelarik
Antzeko interesak dituen jendea elkartzeko erabiltzen den erreminta da.
Erabiltzaile bakoitzak horma bat du, bere lagunek horma hori ikusi dezakete, baita bertan idatzi ere; lagun batek idatzitakoa beste lagunek ikus dezaketelarik.
Erabiltzaile bakoitzak argazkiak igotzeko aukera du, nahiz eta Facebookek argazki "ez egokiak" ezabatzeko eskubidea beretzat gordetzen duen.
Erabiltzaileek beste erabiltzaileei bidali ditzazketen ikono moduko batzuk dira.

Seguraski ezaguna zaizue webgune hau, anima zaitezte eta nahi izanez gero igo itzazue zuen argazkiak eta lagun berriak egin itzazue!!

-POLIZIAK ETORKIN BAT HIL DU MELILLAN-

2009-01-02T10:03:00.000-08:00

2009-01-02
Rabat Saharaz hegoaldetik joandako 80 bat lagun muga igarotzera zihoazen Marokoko Polizia tiroka hasi zenean. Tiroketan etorkin bat larri zauritu zen, eta ospitalera bidean hil. Hamalau lagun, berriz, atxilotu egin zituzten.

http://www.berria.info/

Horrelako gertaerak dira Afrikako biztanleek pairatu behar dituztenak. Harresi batengatik erdibituta gaude eta Europako beste edozein herritar batek ez bezala, bizi baldintza hobeagoak eskuratzeko itxaropenean erdibidea gurutzatzen dute beraien bizia arriskuan ezarriz.

Pertsonalki bortizkeria itzela iruditzen zait, giza eskubideen aztarnarik ez baitut inon antzematen. Beraien herrietan presoak bailiran bizi dira, espetxeturik, urten ezinik, hala ere, beste aldean engainuz buztiriko munduarekin topo egingo dutelarik.

Pertsona guztiak berdinak garelako kontu hori ez ahal du afrikarrentzat balio??Non daude giza-eskubideak??

-LAMPEDUSARA IRITSITAKO PAPERIK GABEKO GUZTIAK KANPORATUKO DITU ITALIAK-

2009-01-02T09:50:00.000-08:00

2008-12-30

Lau egunetan paperik gabeko 1.700 etorkin inguru iritsi dira Lampedusa uharteko kostaldera.

Roberto Maroni Italiako Barne ministroak adierazi duenez, Lampedusara (Sizilia, Italia) iristen diren paperik gabeko etorkinak ahalik eta azkarren kanporatuko dituzte. Hala, Lampedusako harrera etxeak gain hartzen badu -dagoeneko topera dago-, ez dituzte herrialdeko beste etxeetara eramango. Horren ordez, Italiatik kanpo bidaliko dituzte. Izan ere, azken egunetan paperik gabeko ehunka etorkin iritsi dira Lampedusako kostaldera. Pasaden asteburuan, zehazki, 1.700 bat etorkin atzeman dituzte kostazainek. Herenegun soilik, paperik gabeko 600 lagun iritsi ziren.

http://www.berria.info/

Papelak lortzearen kontua oso zail dagoela adierazten digu berri honek, eta berriz ere, desberdintasunak egiten dira munduaren ipar eta hegoaldearen artean. Batzuek beraien oporraldiak munduko edozein tokitan egin ahal dituzten bitartean, beste batzuek beraien bizia hobetu ahal izateko bada ere, mota guztietako justifikazio eta dokumentu aurkeztu behar dituzte, pasa behar dituzten arrisku eta eraso guztiak ahaztu gabe. Ulertezina...ezta??

-LANA AURKITZEN LAGUNDUZ, ETORKINEI PAPERAK EMATEA ERRAZTU NAHI DU JAURLARITZAK-

2009-01-02T08:30:00.000-08:00

2008-12-27
Gutxienez duela bi urte heldutakoei, senideekin elkartu direnei eta paperak berritzen ari direnei eragingo die.

Paperik ez duten edo paperak galtzeko arriskuan dauden etorkinen egoera legeztatze aldera, lan mundura sartzen lagunduko die Eusko Jaurlaritzak. Bateratzen izeneko egitasmoan, trebatzen eta lana aurkitzen lagunduko diete, eta, lan kontratuaren bidez, etorkinek paperak lor ditzaten erraztuko dute.

Javier Madrazo Etxebizitza eta Gizarte Gaietarako sailburuak atzo azaldu zuenez, bete beharreko baldintzen arabera, hiru taldetan banatuko dira etorkinak: Hego Euskal Herrian, Katalunian, Galizian edo Espainian gutxienez bi urte eman dituztenak eta egun EAEn erroldatuta daudenak; familiarekin elkartu eta bertan bizitzeko baimena izan arren lan egiteko baimenik ez dutenak; eta paperak berritzeko prozesuan, gizarte segurantza kotizatzea ezinbestekotzat dutenak. Seniderik gabe heltzen diren etorkin adingabeak azken talde horretan sartuko lirateke, 18 urte betetzean. Jaurlaritzak 175.000 euro baliatuko ditu egitasmoa abiatzeko; besteak beste, Bilboko Udalarekiko eta Lanekintzarekiko elkarlanean bideratuko ditu lehenengo prozesuak, baina aurrerantzean beste udalekin hitzarmenak egiten saiatuko da.

Oraingoz, 650 lagunek parte hartuko dute; gutxienez, horietako 130en egoera legeztatzea espero du Madrazok. Corbachoren politikaz Espainiako Gobernuaren «eskuineko» immigrazio politika gaitzetsi du Madrazok. Celestino Corbacho Lan eta Immigrazio ministroaren politikak «arrazakeria eta xenofobia» areagotzen dituela esan du: «Arrisku gisa aurkezten dituzte etorkinak, eta ez aukera gisa. Ez baditugu elkartasunagatik hartzen, har ditzagun gurekoikeriagatik, etorkinak beharrezko ditugulako».

http://www.berria.info/

Publizitate kanpainetarako, etxebizitza eta zentru komertzialak eraikitzeko...inbertitzen duten diru guztia ikusiz, egia esan, ordua da behingoz gobernuak poltsikoan ondo gordeta duen diru guzti hori gizarte ekintzetan inbertitzeko, eta sozialki eta ez agian ekonomikoki, garatzeko ordua dela pentsatzen dut, izan ere, pertsonak gara guztiaren oinarri, batzuek dirua ezarri nahi baldin badute ere, eta guztion ongizateak ekarriko digu benetazko aberastasuna, ez diruak. Beraz, dirua ongi erabiltzen ikas dezaten.

ETORKINEN IA ERDIAK EUSKARA IKASI NAHI DUTE, BAINA %0,9K IKASTEN DU

2008-12-26T03:21:00.000-08:00

2008/12/24

Araban, Bizkaian eta Gipuzkoan bizi diren etorkinen %45ek interesa dute euskara ikasteko, nahiz eta horietatik %0,86k ikasten duten. CEAR elkarteak, Iheslariak Laguntzeko Espainiako Batzordeak, eman ditu datu horiek, Immigranteek eta iheslariek euskararekiko duten interesari eta euskararen erabilerari buruzko ikerketa lanean. Emakumeak dira euskara ikasteko borondate gehien dutenak (%52,16); gizonetan, berriz, %41,67k agertzen dute interesa. Haurrak B eta D ereduetan matrikulatzen dituzte hiru laurdenek; alegia, euskaraz eta gaztelaniaz, eta euskara hutsean, hurrenez hurren. A ereduan, ostera, laurden batek matrikulatzen ditu. Inkeska 87 herrialdetako 3.500 etorkin eta iheslariren artean egin du CEAR elkarteak.

http://berria.info/

Euskal Herrian kokatzen diren etorkinak euskaraz ikastea aurrerapauso bikaina iruditzen zait, gehienetan gaztelera maila batekin etorri izan ohi dira, edota nahitaez ikasi egien dute gazteleraz. Beraz, Euskal Herrian daudenak behintzat euskara ikastea edota euskara ikastearen borondatea erakustea pauso txiki bat bezala ikusten dut. Orain borondate hortatik ezagutzara pasa beharko lirateke, eta ezagutzarekin batera erabilerara. Bestalde, beraien seme alabak D ereduan matrikulatzeak asko balio du, haurrek erraztasun itzela baitute hizkuntzak ikasteko helduek ez bezala, eta beste edozei haur euskaldun bezalako maila lortuko baitute eskolan. Nire iritziz, haurrak dira gaur egun, gure hizkuntzaren berreskurapenerako giltza, nagusien herri nortasunaren kontzientziazioa piztu ezean.

INIMGRAZIO ETA ZINEMA ASTEA

2008-12-26T03:11:00.000-08:00

2008/11/05

Immigrazio eta Zinema asteak «errealitatea» ezagutarazi nahi du Bilbon

Zineak balio berriak barneratzen lagun dezake. Hori da Bilboko II. Zinema eta Immigrazio asteak aurten daukan erronka. Eusko Jaurlaritzako Immigrazio sailak lagunduta, gaia jorratzen duten hamabi film luze aukeratu ditu Gozila elkarteak. Astea Juan Vicente Cordobaren 'Flores de luna' filmarekin hasiko dute Capitol zinema aretoan. Aurten, antolatzaileek «erakustaldiaren sendotzea» daukate buruan, Gozila elkarteko presidente Maria Jesus Diezen esanetan. Horretarako, «film eta emanaldi gehiago» izango ditu Asteak. Berrikuntzen artean, film laburrak egongo dira. Izan ere, igandean, haurrek egindako film laburrak izango dira ikusgai 'Nire auzoko kulturaniztasuna' izenburupean. Eusko Jaurlaritzak zinemaren aldeko apustua egin du gizartearen kontzientziatze lanean. «Pelikulak erabilgarri izan daitezke immigrazioak Araban, Bizkaian eta Gipuzkoan 2000tik hona izan duen eragina azaltzeko eta errealitate berri hori ezagutarazteko», Eusko Jaurlaritzako Immigrazio zuzendari Roberto Magroren hitzetan. Mota horretako ekimenek «estereotipoak alde batera uzten eta arrazakeria gainditzen» lagundu dezakete. Horretarako, lan esanguratsuak izan arren, merkatuan oihartzun handirik izan ez duten filmak aukeratu dituzte oraingoan: «Arrakasta komertzial txikia daukaten lanei aukera berria ematea da gure xedea. Beraz, ikusleentzat interesgarriak izan daitezkeen filmak ekarri ditugu», Diezek argitu duenez. Multicines aretoan eta Fnacen Bi gune nagusi izango ditu Zinema eta Inmigrazio asteak aurten. Film luze eta laburrak Multicines zinema aretoan emango dituzte. Filmeei buruzko argazki erakusketa, aretoaren ondoan dagoen Pandrinosen jarriko dute, hain zuzen. Fnacen, Ken Loach zuzendaria omenduko dute. Zinemagile britainiarraren lanak emango dituzte ostiraletik asteartera bitartean, eta 'Ken Loach: Emakumea eta inmigrazioa' hitzaldia han emango dute astelehenean.

Egia esan artea adierazpen mota bat da, eta ideiak, sentimenduak, errealitate ezberdinak...azaldu daitezke kamera baten bitartez. Zinemaldi honen helburua oso lagungarria izan daiteke, bertan esan bezala, balore berriak barneratzeko orduan. Iniziatiba oso interesagarria iruditzen zait benetan eta panataila batean ikusi dezakegunaz at gure pentsamendura ideia ugari jaso ditzakegu zihur.

-Power point-

2008-12-22T08:55:00.000-08:00

Slideshare zerbitzua erabiliz etorkinei buruzko power point-a aurkitu dut sarean. Bertan, Euskal Herrian eman diren migrazio mugimenduei buruzko datu interesgarri batzuk aurki ditzakegu.

Etorkinak Karla

View SlideShare presentation or Upload your own.

HERRITARREK EZ DUTE IKUSTEN INMIGRAZIAO ARAZO GISA

2008-12-18T08:07:00.000-08:00

Hona hemen 08/06/24an Berria egunkaritik atera dudan albistea.

Ikuspegi Inmigrazioaren Euskal Behatokiak Arabako, Bizkaiko eta Gipuzkoako herritarren artean egindako 2008ko azterketa aurkeztu du gaur. "Ez dute ikusten Euskadiko arazo moduan, ezta arazo pertsonal legez ere". Euskal nortasuna eta euskara ez dituzte "mehatxatuta" sentitzen etorkinak etortzeagatik.

"Arabako, Bizkaiko eta Gipuzkoako herritarrek ez dute ikusten inmigrazioa arazo gisa", Ikuspegi Inmigrazioaren Euskal Behatokiak egindako 2008ko azterketaren arabera. "Ez dute ikusten Euskadiko arazo moduan, ezta arazo pertsonal legez ere". Gaur aurkeztu du barometroa Ikuspegik, Gasteizen, eta horretarako 2.412 inkesta egin ditu aipatutako hiru lurraldeetako herritarren artean.

Langabezia, etxebizitza eta ETA dira "Euskadiko hiru arazo nagusiak", azterketa horrek dioenez, eta inmigrazioa seigarren lekuan dago; herritarren %2k baino ez dute aipatu arazo nagusi gisa.

Barometro horren arabera, Arabako, Bizkaiko eta Gipuzkoako bizilagunak "kultur aniztasunaren aldekoak" dira -%55,7k diote ona dela gizartea kultura, etnia eta erlijio desberdineko jendeak osatzea-, "baina asimilizazioan oinarritutako integrazioa proposatzen dute, iazko barometroan baino indar handiagoz".

Beste ondorio batzuk: etorkinei osasun arreta eta hezkuntza eskubideak aitortzearen aldekoak dira (iaz baino aldekoagoak), aurtengo azterketan ere ez dute euskal nortasuna eta euskara "mehatxatuta" sentitzen etorkinak etortzeagatik -baina %79,3ren ustez, etorkinek saiatu behar dute bertakoen ohiturak hartzen-, herritarren erdiek baino gehiagok uste dute etorkin gehiegi edo nahiko daudela -baita benetako portzentajea jakin eta gero ere-, onartzen dute "ekonomiak hobeto funtzio dezan" laguntzen duela inmigrazioak, eta oraindik "estereotipo faltsuak eta aurreiritzi kaltegarriak" dauzkate atzerriko inmigrazioaren aurrean.

Lan kontratua izanez gero, etorkinei EAEn sartzen uztearen aldekoak dira herritarren %81, Inmigrazioaren Euskal Behatokiaren 2008ko azterketak dioenez.

-WEBQUEST-

2008-11-13T07:56:00.001-08:00

Etorkinekin zuzenean lotura duen webquest-a aurkitu ez dudanez,bigarren eta hirugarren ziklorako zuzenduta dagoen munduko toki ezberdinetan ospatzen diren jaiei buruzko bat ezarri dut. Gurera hurbiltzen diren etorkinen ospakizunak ezagutzeko erabilgarria izan daiteke hala ere. Hiperlotura honen bitartez zuzenean egingo duzue topo "ostadarrak" sorturiko webquest-arekin. http://www.b01abando.es/ostadarra/eusk/wqjaiak.htm

-MAPA KONTZATUALA-

2008-11-13T07:09:00.000-08:00

Mapa kontzeptual hau informazio eta komunikazoaren teknologiei buruzkoa da, bertan, gaur egungo gizartean nola eragiten duen azaltzen da, bereziki hezkuntza arloan zentratuz. Teknologia berriak, geroz eta erabilgarriagoak dira hezkunta sisteman, izan ere, erraztu egiten dute ikas-irakas prozesuak, eta erraztasunaz aparte lagungarri dira oso, lana azkarrago egiten baita, irudiz eta soinuez baliatzen baikara, honek ikasleen arreta mantenduz eta irakasleen lana erraztuz.

2008-11-05T03:22:00.000-08:00

Gaur egun oso txikiak direnetik ere beraien sorterria utzi eta geuregana hurbiltzen dira munduko edozein txokotik. Bidio hontan ikus dezakegu etorkin gazteenak eskolan D ereduetan ere matrikulatzen direla. Ez ahal duzue uste beraien gizarteratzerako eta euskararen normalizaziorako abantaila bat izan daitekeela?

-Hasiera-

2008-10-24T05:09:00.000-07:00

Ongi etorri inmigrazioari buruz sortu dudan blog berri hontara!!! Sarean eskegitako txoko berri honetan gaur egun gure gizartean inmigrazioari buruz ematen ari dien albisteak ezartzen zaiatuko naiz, horrela, gurera hurbiltzen diren etorkinen errealitatea hobeto ezagutzeko aukera izango duzuen esperantzarekin.