IT around

Introducing Problem Solver

noreply@blogger.com (Мөнхбаатар) — Thu, 20 Jan 2011 03:22:31 PST

Монгол хэл дээрх Online-Judge сайтуудад бодлого боддог, бодох сонирхолтой хэн бүхэнд хэрэг болж болох нэг жижиг сайт хийснээ танилцуулж байна.

Уг сайтад би өөрийн бодож чадсан бодлогуудыг шийдэлтэй холбоотой түлхүүр үгсийн хамт оруулсан байгаа. Та түлхүүр үгсийг ашиглан тухайн аль нэг бодлогыг бодоход хэрэгцээтэй онолын мэдлэг, арга техникийг баримжаалж тэдгээрийг судалснаар бодлогыг хялбарханаар бодож болно. Эсвэл та өөрийн сонирхсон аль нэг төрлийн бодлогуудыг шүүж бодож хичээллэж болно. Жишээ нь: Динамик програмчлал (DP), Бүх боломжийг шалгах (Brute force), Тооны онол (Number theory) гэх мэт.

Мөн түлхүүр үгээс гадна бодлогыг та өөрийн зохиосон юм уу сонирхсон тэстийн өгөгдөлд ямар утга буцаахыг тэстэлж үзэж болно. Энэ утгаар нь уг сайтыг "Problem Solver" гэж нэрлэсэн.

Бодлогын санг би цаг заваараа тогтмол нэмэгдүүлж байхыг чармайх болно. Мөн таны сонирхсон бодлого сайт дээр байхгүй боловч Online-Judge сайт дээрх profile дээр маань уг бодлогыг бодчихсон гэж байвал та энэ бичлэгт сэтгэгдэл үлдээх байдлаар тухайн бодлогыг сайтад нэмүүлэх хүсэлт гаргаж болно.

Мөн нэг зүйлийг нуулгүй хэлэхэд уг сайтыг uvatoolkit.com хэмээх гадаад сайтыг дууриалган хийсэн болно.

Гадаадын Online-Judge сайтуудад зориулж хэрэглэгчдийн хийсэн буюу хөндлөнгийн "3rd party" сайтууд бодлогуудыг төрлөөр нь ангилж (problemclassifier.appspot.com), суралцагчдад хүнд хөнгөнөөр нь эрэмбэлэх байдлаар замчилж тусалдаг гоё гоё сайтууд байдгийг дууриаж нутагшуулах оролдлого хийсэн маань энэ юм.

Мөн энэ дашрамд Coder.mn, Spoj.pl/CSMS, Spoj.pl/CHAMKA, Spoj.pl/RGB зэрэг Монгол хэл дээрх алгоритмын бодлогын сайтуудыг бүтээж, ажиллуулж яваа хүмүүст талархаж явдагаа илэрхийлэе.

Сайттай холбоотой алдаа, bug, санал хүсэлт, мөн хувь нэмрээ оруулах хүсэлтэй байвал дуртайяа хүлээн авах болно.

Dvorak гарын байрлалд Vim засварлагчийг нийцүүлсэн нь

noreply@blogger.com (Мөнхбаатар) — Fri, 08 Oct 2010 09:07:11 PDT

Асуудлууд

Mongolian keymap

Дворак байрлал дээр VIM ашиглахтай холбогдож гарсан нэг асуудал бол Монгол гарын байрлал байлаа. Вим дээр би Гацан ахын оруулсан Mongolian keymap-г ашиглах дуртай байдаг байлаа. Монгол хэл дээр багагүй хэмжээний текст шивэхээр болбол ВИМ дээр шивсэн нь хамаагүй давуу талтай байдаг байв. Тэгтэл QWERTY-дээр тохируулагдсан бүх keymap-ууд Dvorak байрлал руу шилжих үед буруу ажиллаад байв. QWERTY-г default байлгаад зөвхөн ВИМ-ийн keymap дээр "dvorak" гэж сонгоод ажилладаг юм бил үү ч гэж бодов. Гэхдээ энэ шал утгагүй санаа гэдэг нь хэнд ч илэрхий билээ. Ингээд бүүр Эмакс ашиглах талаар бодож үзэв. Тэгсэн боловч Дворак-тай холбоотой жижиг сажиг тохиргоог Эмакс дээр ч гэсэн хийдэг бололтой юм байна. Тэгэхлээр ВИМ-тэйгээ л учраа олсон нь дээр.

Алдарт "HJKL" товчлуурууд

VIM дээрх зүг чиг заадаг товчлуурууд маань энд тэндгүй тараад байршчихсан байв. "Dvorak it" гэж тохируулга олсон боловч "NERDTREE"-тэй ажиллах үед дээшээ чиг заадаг товчлуур ("t") асуудал үүсгээд байв. Энэ ер нь биш боллоо гэж бодов. Ерөөсөө энд тэндгүй тарчихсан байгаа товчлууруудтай нь эвлэрэе. Дасчихвал болох байх гэж бодов. 2 өдөр зүтгэлээ болсонгүй. Дасахгүй юм байна. Гэнэтхэн гярхай зан гялсхийж дэмий бухимдаж суухаар өглөөний сэргэг ухаанд найдахыг илүүд үзэн компьютерээсээ холдов. Тиймээ өглөөний сэргэг ухаан бүхнийг хялбархан шийдэв ;)

Шийдсэн минь

Гацан ахын анх VIM-д оруулсан keymap-г жаахан өөрчлөөд mongolian-dvorak гэж шинэ keymap тохируулж аваад л нэг асуудал шийдэгдэв.
Дворак, ВИМ хоёрыг ашигладаг архагууд ер нь яаж тохируулсан байна гэж гүүглдэж үзээд "Dvorak it" тохиргоог архаг гарууд тохируулчихсан л байдаг юм байна. Ер нь тэдний зөв байх. Үүнтэй нь эвлэрчихье. Тиймээс бусад асуудлуудыг нь шийдэх хэрэгтэй.
Тэгээд "NERDTREE"-гийн соорсонд нь өөрчлөлт оруулаад тэндээс нь алдаатай ажиллаад байгаа товчлуурынхаа хаягийг өөрчлөв (дараа нь бүр устгачихсан :D). "Яадаг юм". Том балаг тарьчихгүй бол хааяа ч гэсэн иймэрхүү аргаар шийдэхэд буруудах юмгүй гэж бодов. Туурвил хөгжүүлэлтийн бурхан тэнгэр гэж байдаг бол миний энэ болхи үйлдлийг өршөөтүгэй ;)
Бас нэг ялихгүй асуудал байсан нь Ctrl+w+зүгчиг гэсэн байнга шахуу хэрэглэдэг товчны хослол байлаа. w товчлуур маань ашиглахад төдийлөн тохиромжгүй газар байрладаг болчихсон байв. Гоё шийдэл оллоо. ,+зүгчиг гэж цонх хооронд шилждэг болгов. Сохорсон биш завшив гэдэг нь л боллоо гэж бодоод л байгаа :)

Дворак (Dvorak) гарын байрлал руу шилжсэн минь

noreply@blogger.com (Мөнхбаатар) — Tue, 21 Sep 2010 07:31:55 PDT

The modern Dvorak Simplified Keyboard layout

Дворак(Dvorak) гарын байрлалаар бичиж сурахаар шийдээд Гацан ахаас зөвлөгөө авч урамшсандаа шууд зориглоод ажилдаа орж билээ.

Бэлтгэл ажил

Дворак байрлалаар балбадаг болохын өмнө QWERTY гарын байрлалаар шивдэг хурдаа шалгаж тэмдэглэж авч хадгалъя гэж шийдэв. Гэхдээ энэ ажлыг нэг их нүсэр болгоод яахав гэж бодоод зүгээр гялс хайж олсон веб хуудсыг ашиглав. http://www.typeonline.co.uk/typingspeed.php хаяг дээрх хурд шалгагчаар 3 удаа өөрийнхөө Англиар шивэх хурдыг шалгаж тэмдэглэж авав. Гурван удаагийн оролдлого маань 50wpm (word per minute), 53wpm, 53wpm гэсэн үзүүлэлт гарлаа. (2010-06-16-ны байдлаар) Барагцаа, тойм байхад л хангалттай байсан тул энэ мэдээлэлийг хангалттай гэж үзэв. Дараа нь Дворак байрлалаар бичиж энэ хурдтайгаа харьцуулна даа :)
(2010 оны 9-р сарын байдлаар Дворак гарын байрлалаар шивж хурдаа шалгаж үзэхэд 50-55wpm байв)

Мөн Дворак гарын байрлал руу шилжихээр бэлтгэж байхдаа мөн өөр Colemak хэмээх гарын байрлал байдгийг мэдэж авав. Колемак нь Дворакийг бодвол сүүлд боловсруулагдсан гарын байрлал болоод ч тэрүү QWERTY-гээс шилжихэд харьцангуй хялбар, Дворакаас илүү давуу талтай гэсэн баримт, баталгаатай тааралдав. Гэсэн ч Колемак нь хэтэрхий залуухан, одоогоор маш цөөхөн хүн хэрэглэж байгаа учраас бүх комьютер, үйлдлийн систем дээр хялбархан тохируулах боломжгүй юм байна лээ. Харин Дворак гарын байрлалын хувьд [ANSI] стандартад багтсан учир орчин үеийн бүх үйлдлийн системд дэмжлэг орсон, хялбархан тохируулагддаг учраас Колемак мэтийн харьцангуй "шилдэг байж мэдэх" гарын байрлал сонгосоноос Дворакыг сонгосон нь надад хангалттайгаас гадна найдвартай гэж үзэв.

Ингээд Дворак байрлалаар нүдэж сурахаар шийдлээ. Одоо юунаас эхлэх вэ? Windows-XP дээр лав тохируулж болж байна. Харин [Үбүнтү] дээр маань

Classic Dvorak
Dvorak
Programmer Dvorak

гэсэн гурван сонголт байх юм. Би "Dvorak" байрлалыг сонгосон бөгөөд энэ нь өргөн тархсан Dvorak Simplified гэдэг байрлал юм байна. Мөн Windows-XP дээр зөвхөн энэ сонголт нь л байсан! Classic Dvorak нь жинхэнэ Дворак үзэл санааг шингээсэн байрлал бөгөөд ялгагдах гол онцлог нь гар-хавтан дээрх тоонуудын байрлал нь дэс дарааллаараа биш хэрэглэгдэх давтамжаасаа хамааран эрэмбэлэгдэн байрласан байх юм.

The Dvorak Classic Keyboard layout

Харин Programmer Dvorak нь код бичих зориулалтын дагуу Classic Dvorak-г жаахан өөрчлөн хөгжүүлсэн хувилбар юм билээ. Ямар ч гэсэн одоохондоо үүн рүү сарвайгаад дэмий гэж бодов.

Суралцах үйл явц

Гарын дасгал хийдэг програмуудаас харьцуулж байгаад ktouch гэдэг програм суулгаад Dvorak - Auto Generated гэдэг хичээлийн (Lecture) дагуу 2 өдөр балбав. Ер ахиж өгсөнгүй. Нэг хоёр үсэгээ бүрэн эзэмшээд дараагийнх руугаа ордог байсан болохоор энэ удаад хэдхэн л үсэг ахив. Буруу замаар яваад байгаа юм байна гэж бодоод интернетээс жаал жуул юм уншив. Хэд хэдэн зөвлөгөө уншив. Шууд хүндэвтэр дасгал хийгээд эхэлчихсэн байж! Хайран 2 өдөр :P Анхан шатныханд зориулсан Dvorak - ABCD гэдэг хичээлийг үзэв. ktouch дотор маань энэ хичээл байсан байна. 3 дахь өдрөө өглөөнөөс авхуулж нүдсээр байгаад бүх үсэгнүүдтэйгаа танилцаад авав. Ер нь аминчлаад хэлэхэд гар үнэхээр их ядардаг юм билээ. Гацан ахын хэлсэн гараа байнга амрааж байх хэрэгтэй гэдэг зөвлөгөө ой той руу шууд л орж байв. Ерөнхийдөө бол би өглөө нэг хэсэг богино завсарлагатайгаар балбана, өдөр юм уу орой мөн богино завсарлагатайгаар нийтдээ өдөрт 2 удаа томоохон балбалт хийж байлаа. Бас хамгийн хэцүү зүйл нь өмнө нь 10 хуруугаа гар-хавтан дээр буруу байрлуулдаг байсанаа мэдэж түүнийгээ засах гэж их зүдэрсэн. Мөн хуучин QWERTY байрлалаар нүдэж дассан зуршил, рефлексээсээ хагацаж чадахгүй юм л болбол хуучин КВЭРТИ байрлал шигээ санаад үсэгнүүдээ дарсаар байв. Ингээд 3 дахь өдрөө Dvorak - ABCD курсыг дуусгачихсан учир дараа өдрүүдэд нь Dvorak - Auto Generated гэдэг хичээлийг дуусгав. Дворакт гарших дасгал хийж байх үед компьютэрээ бараг ашиглахгүй байлаа. Ашиглах гэхээр л QWERTY гарын хослолууд ашиглах болчих гээд хэд хоног хулгана гээч заваан юмтай (хулгана ашиглах дургүй болсон талаар дараа дурдана аа :D) их зууралдсан даа. За тэгээд хамгийн чухал зүйл болох гарын хослолууд (keyboard-shortcut)

Гарын хослолууд

Дөнгөж л гайгүй учрыг нь олоод гарших аядаж байсан ВИМ (VIM) дээрх гарын хослолууд нь ашиглахын эцэсгүй утгагүй санагдаад эхлэв. Гонсойсон гэж жигтэйхэн. Уг нь анх Дворак руу шилжихээр бэлтгэж байх үедээ энэ бэрхшээлийн талаар судалж үзээд даваад гарч болохоор л даваа байна гэж бодсон билээ. Гэтэл яг цаг нь болсон чинь нэг л дасаж өгдөггүй. Би хэтэрхий яараад байгаа бололтой. Өглөө босоод оролдъё. Хурууны ачаалал хэтрээд стресс вибратор ажиллаад эхэлчихсэн бололтой.

Хамгийн чухал зүйл болох код бичихэд хэр асуудал гарч байгааг шалгаж үзэхээр шийдээд 1 өдөржин C хэл дээрх код хуулж бичив. Уг нь код бичиж нэг сумаар 2 туулай буудаж болох байсан боловч заримдаа нэг сумаар нэг л туулайгаа найдвартай онох тал дээр анхаарах нь дээр байдаг гэж бодоод зөвхөн хуулж бичсэн билээ ;)

Хэд хэдэн удаа сайхан чатлав, сайхан ч гэж дээ латинаар галиглаж бичсэн болохоор мэссэнжэрт мөлхөж өглөө шүү дээ. Нэг сайхан sonin yu bna daa гэж бичээд л таг :P

Ер нь эцэст нь хэлэхэд асуудал Дворак гарын байрлалд биш дассан зүйлээсээ тас зуурчихсанд л байсан юм билээ. Шинэ юманд дасах гэж зовох, зовж чармайж өөрийнхөө ягштал хуучирч байсан зуршлаа нэг гөвөөд авах сайхан л юм. Энд тэнд хүмүүсийн бичсэн эхний 14 хоног л ёстой хэцүү байсан гэдэг үнэний ортой л юм байна лээ.

КВЭРТИ-тэй харьцуулахад гол үндсэн зориулалт нь өөр болохоор ч тэр үү хэд хэдэн зүйл анзаарав.

КВЭРТИ-дээр код бичих үед олон тохиолдолд баруун гар зүгчиг, home-delete юм уу хулгана хавьцаа байдаг учраас нэг гараар ихэнх хослолуудыг дарчихдаг байсан юм байна. Тухайлбал Ctrl+C,V,Z
Харин Дворак дээр аль болох бүх зүйл дээр хоёр гар зэрэг оролцдог учраас зарим нэг гараар дарчихдаг байсан гарын хослолуудыг хоёр гараар дарах гэхээр эхэндээ дасахгүй байдаг байсан боловч удалгүй тэрэндээ дасчихсан нь бүүр ч аятай таатай сэтгэгдэл төрдөг болов. Тухайлбал QWERTY дээр би ВИМ ашиглахдаа ESC товчлуур холдоод байдаг учраас Ctrl+C товчны хослолыг ашиглах гээд ер дасаж өгөхгүй байсан бол Дворак дээр Ctrl+C товчны хослолыг дарахад маш хялбар байдгаас ВИМ дээр ESC товчлуур руу бараг сарвайхаа болисон шүү.
Дварокт ид шамдаад гарын хослолуудыг яаж шийдэх вэ гэж бодож байхдаа ихэнх програмуудын shortcut-ууд QWERTY-д зориулагдсан ЭРГОНОМИК-той байдаг байх гэж бодож өөрийнхөө гонсойж байгаад зөвтгөж байсан удаа байсан. Тэгтэл тэр нь тийм биш болж таарсан.

Холбоотой материалууд

Гар тулаан http://mongolian-it.blogspot.com/2010/06/blog-post_9711.html
http://www.wikihow.com/Switch-to-a-Dvorak-Keyboard-Layout

Phpmyadmin designer mode enable Ubuntu

noreply@blogger.com (Мөнхбаатар) — Sun, 29 Aug 2010 03:24:40 PDT

Зурган дээр drupal cms-н node-той холбоотой table-уудын relationship.

Phpmyadmin-д өөрт нь байдаг designer mode-г нь ашиглачихвал их амар санагдаад байдаг. Өөр relation гаргадаг програмууд ашиглаж бараг үзээгүй л дээ :) Энэ маань болоод л байдаг юм. PDF-ээр хадгалаад авчихаж бас болдог. Phpmyadmin дээрээсээ шууд өгөгдөл оруулж туршиж үзэхэд хүртэл амар болгочихдог. Designer mode-г нь хэрхэн идэвхжүүлэх вэ гэвэл:

sudo gedit /etc/phpmyadmin/config.inc.php

гэж тохиргооны файлыг нь нээгээд доорх тохиргоонуудыг идэвтжүүлнэ.

$cfg['Servers'][$i]['host'] = ‘localhost’;
$cfg['Servers'][$i]['connect_type'] = ‘tcp’;

$cfg['Servers'][$i]['controluser'] = 'pma';
$cfg['Servers'][$i]['controlpass'] = 'yourpass';

$cfg['Servers'][$i]['pmadb'] = 'phpmyadmin';
$cfg['Servers'][$i]['bookmarktable'] = 'pma_bookmark';
$cfg['Servers'][$i]['relation'] = 'pma_relation';
$cfg['Servers'][$i]['table_info'] = 'pma_table_info';
$cfg['Servers'][$i]['table_coords'] = 'pma_table_coords';
$cfg['Servers'][$i]['pdf_pages'] = 'pma_pdf_pages';
$cfg['Servers'][$i]['column_info'] = 'pma_column_info';
$cfg['Servers'][$i]['history'] = 'pma_history';
$cfg['Servers'][$i]['designer_coords'] = 'pma_designer_coords';

Дараа нь phpmyadmin-ийн extra-нууд бүхий SQL File уншуулах: Terminal-аас доорх тушаалуудыг өгчихөд болчихно.

cd /usr/share/doc/phpmyadmin/examples
sudo gunzip create_tables_mysql_4_1_2+.sql.gz
mysql -u root -p < create_tables_mysql_4_1_2+.sql

Blogger custom domain problem

noreply@blogger.com (Мөнхбаатар) — Sat, 28 Aug 2010 21:19:31 PDT

Blogspot -ын блогийг өөрийн гэсэн домайн хаягтайгаа холбоход гардаг асуудлуудын талаар бяцхан зөвлөмж бичье гэж бодлоо. Учир нь би өөрөө энэ тал дээр жаахан асуудалтай учирж нэлээн будилсан тул хэн нэгэнд хэрэг болж магадгүй. Гэхдээ нарийн ширийн HOWTO бичихгүй.

Error: "Another blog is already hosted at this address

Юун түрүүнд google-apps үйлчилгээнд тухайн домайн нэрээрээ бүртгүүлнэ.
Google-Apps-ынхаа dashboard-наас Service Settings->Sites руу орно. "Web Address Mapping" гэсэн хэсэгт нь www.mydomain.com гэсэн хаяг нэмнэ. Хэрвээ энэ дээр бас алдаа зааж байвал Sites-ийнхаа үндсэн URL-г нь change хийгээд www.mydomain.com болгочихож болно.
(Ингэхдээ хэрвээ та энэ домайн хаяг дээрээ google-sites үйлчилгээг авсан бол болгоомжтой хандана уу?)
Google-Apps-ынхаа dashboard-наас Service Settings->Sites руу орно. Тэндээс эргээд өмнө нэмсэн www.mydomain.com -ынхоо URL-г устгана.

Ингэхлээр google-ын баазнаас www.mydomain.com гэсэн URL-ын мэдээлэлийг устгаж байгаа юм шиг байгаа юм. Одоо блоггерын тохиргооруугаа ороод үз. *Error: "Another blog is already hosted at this addres "* s гэсэн алдаа гарахгүй байх болно.

За бас болоогүй дахиад нэг алдаа бас гарж магадгүй юм. Надад лав гарсан. Блогоо холбочихсон хэрнээ www.mydomain.com гээд орохлээр 404 алдаа өгж байж магад.

Error 404

Үүнийг яаж шийдэх вэ гээд баахан CNAME тохиргоо энэ тэрээ нягталж хараад зүгээр болох байх гээд хүлээгээд байсан чинь янзлах арга нь нэлээн амархан юм байна лээ :)

Блогийнхоо хаягийг буцаагаад myblogurl.blogspot.com болгох хэрэгтэй.
Тэгээд одоо блогийнхоо хаягийг дахин www.mydomain.com болгох хэрэгтэй. Ингэнгүүт 404 алдаа өгөхөө болино.

My Firefox-Extensions

noreply@blogger.com (Мөнхбаатар) — Sun, 29 Aug 2010 07:58:59 PDT

Firefox дээр олон гоё гоё add-on байдаг боловч олныг суулгавал firefox маань удаан бас санах ойд их ачаалал өгдөг болчихдог билээ. Иймээс аль болох цөөхөн нэмэлт суулгаж байхыг эрмэлздэг. Миний хэрэглэдэг галт үнэгийн нэмэгдлүүд. Доорх нэмэлтүүд бүгд Firefox 3-дээр ажилладаг болно:

NoScript

Маш эрчимтэй хөгжиж байгаа нэмэлт. Бараг долоо хоног тутамд засвар сайжруулалт хийчихсэн шинэ хувилбараа санал болгоод зогсож байдаг. javascript, java-applet, flash, iframe зэргийг хаах нээхээ өөрөө тохируулж болдог. Үүний ачаар firefox-н хамгийн том problem болох RAM-наас ихээр иддэг явдлыг багасгаж болдог. Мөн интэрнэтийн bandwich-ээ гамнах, веб сайтуудыг маш хурдан ачаалах болон хүсээгүй рекламнаас зайлсхийх боломжтой.

Flash Block

Flash зөвшөөрөлгүй ажиллахгүй болгоно. NoScript ашиглаад Flash хаачихдаг ч гэсэн noscript-ээр зөвшөөрчихсөн хуудсууддаа flash зөвшөөрөхгүй байх тохиолдол олон байдаг.

WebDeveloper Toolbar

Маш олон төрлийн боломжтой маш сайн toolbar-extension. Веб хөгжүүлдэггүй ч гэсэн хэрэглэж болно байх гэж бодож байна. Хэрэглэдэг байсан зарим extension-уудын оронд WebDeveloper ашиглаж болох юм гээд cookie-editor, measure зэрэг extenson-уудыг хэрэглэхээ больсон.

Firebug

Саяхнаас л хэрэглэж эхэлж байна. Вебийн доторх бүтчийг детальчилж, модчилж харуулдаг нь одоогийн байдлаар нэлээн таалагдаад бас ашиглагдаж байна. Ухаж үзвэл нэлээн л юм байдаг бололтой. Веб хөгжүүлэхэд бол үнэндээ хэрэгтэй эд юм.

Foxmark (aka xmarks)

Bookmark-уудаа syncronize хийгээд интэрнэтэд хадгалчихаж болно. Мөн эргээд татаад авчихаж болно.

Colorzilla

Firefox дээр харагдаж байгаа зүйлсийн өнгөний кодыг нь мэдэж болно. Мөн color-picker буюу өнгөний код гаргагчтай.

ScreenGrab

Зөвхөн browser дээр харагдаж байгаа зүйлээс screenshot хийхэд зориулагдсан. Энгийн screenshot хийгчээс давуу тал нь гэвэл дэлгэц дээр харагдахгүй байгаа вебийн хэсгийг хүртэл screenshot хийж болно. Мөн вебийг хэсэгчилж, эсвэл бүтнээр нь хадгалах юм уу түр санах ойд сануулж болдог.

SeoQuake

SEO /Search Engine Optimization/ - той холбоотой нэлээн олон хэрэгсэлүүд байдаг. SeoBar, SeoToolbar гэсэн хоёр дэд хэрэгсэл бас байдаг. Нэмж олон plugin суулгаж тоноглох боломжтой юм билээ.

DownThemAll

Олон хүн мэдэх байх. Firefox дахь download-manager. Татахын хувьд маш сайн. Гэхдээ username, password дэмждэггүй юм шиг байсан.

ImgLikeOpera

Интэрнэтийн хурд удаантай бол их хэрэгтэй эд. Зурагнуудыг хаах, хэсэгчлэн зөвшөөрөх. Урьд нь орсон сайтуудынхаа түгээмэл зургуудыг cache-нээс дуудах зэрэг боломжуудтай. Opera-гийн зураг хааж, нээдэгтэй яг адилхан. Firefox 2 дээрх хувилбар нь нэлээн хөгжчихсөн алдаа багатай байсан. Харин firefox 3 дээрх хувилбар нь шинэхэн болохоор нэлээн алдаа ихтэй байна лээ. Одоохондоо хэрэглэхээргүй болсон. Яваандаа хөгжөөд сайжирхаар нь хэрэглэж магадгүй :)

ieTab

Товчхондоо бол Internet Explorer-г firefox-н tab байдлаар нээж болдог. Windows дээрх Firefox дээр суудаг.

Ubuntu дээр GMobile-н интэрнэтэд холбогдох

noreply@blogger.com (Мөнхбаатар) — Sun, 29 Aug 2010 08:11:58 PDT

GMobile-н интэрнэт хэрэглэдэг юм л даа. Windows дээр бол бараг л асуудалгүй нэт-д холбогдчихоод байгаа юм. Харин Ubuntu болон linux дээр тохируулж чадахгүй байгаа хүмүүс бас байж магадгүй гээд оруулчихлаа. GMobile-ийн acces-box нь dial-up, wireless, modem, usb-modem энэ тэрийн аль нь юм бүү мэд. Аль алинаар нь оролдоод болохгүй байсан юм.

Ubuntu дээр интэрнэтэд холбогдох гээд чадахгүй болохоор нь санаа алдаад л эргээд Windows-оороо нэлээн удаан явлаа. Тэгээд нэг өдөр зориг ороод яадаг ч байсан өнөөдөр заавал УБУНТУгаасаа интэрнэтэд холбогдоно гээд үзэж нэлээн ноцолдсондоо. Өглөөнөөс аваад интэрнэт ухаж ухаж үдэш болохын алдад нэг юм болов оо хө. Бөөн баяр. Тэгээд л эргэлт буцалтгүй linux-чин болж байгаа юм даа. Нэг буянтай пакистан нөхөр яаж холбогдсоноо бичсэн байсныг нь Монголчлох товчлохын голоор хүргэе.

$ lsusb
========================================
Bus 005 Device 001: ID 0000:0000
Bus 003 Device 001: ID 0000:0000
Bus 004 Device 001: ID 0000:0000
Bus 002 Device 004: ID 05c6:3197 Qualcomm, Inc. CDMA Wireless Modem/Phone
Bus 002 Device 001: ID 0000:0000
Bus 002 Device 001: ID 0000:0000
Bus 001 Device 001: ID 0000:0000
========================================

Нэг иймэрхүү юм гарч ирнэ. Өөр ямар нэгэн юм USB-гээр холбосон бол өөр зүйл гарч ирнэ. Тэр нь гэхдээ хамаагүй.

$ sudo modprobe usbserial vendor=0x05c6 product=0x3197

Энд арын тэр үсэг тоонууд "Bus 002 Device 004: ID 05c6:3197 Qualcomm, Inc. CDMA Wireless Modem/Phone" байгаатай адилхан байх ёстой. Компьютэрээсээ хамаараад өөр өөр байна.</p>

$ dmesg

Энэ хэсэг байхгүй байсан ч болох юм шиг байна лээ. Гэхдээ юмыг яаж мэдэх бичиж уншуулаад модемтойгоо холбогдсон эсэхээ шалгачих.

$ sudo apt-get install wvdial

Энэ нь wdvial гэсэн програмыг суулгаж байгаа гэсэн үг нь ойлгомжтой. Энэ коммандыг ажиллуулангуут sudo password гэж асууна. Энэ нь super user-ын буюу root-ын нууц үгийг асууж байгаа юм.</p>

$ sudo wvdialconf /etc/wvdial.conf
========================================
Scanning your serial ports for a modem.

Modem Port Scan<*1>: S0 S1 S2 S3
WvModem<*1>: Cannot get information for serial port.
========================================

Гэсэн эхлэлтэй бичигнүүд байх ба сүүлчээсээ өмнөх мөрөнд:

========================================
Modem configuration written to /etc/wvdial.conf.
========================================

гэж байвал комманд амжилттай биелэгдсэн гэсэн үг.

$ sudo gedit /etc/wvdial.conf</pre>

Текст засварлагчаар засвар хийнэ гэсэн үг.

========================================
[Dialer Defaults]
Init1 = ATZ
Init2 = ATQ0 V1 E1 S0=0 &amp;C1 &amp;D2 +FCLASS=0
Stupid Mode = yes
ISDN = 0
Modem Type = USB Modem
New PPPD = yes
Phone = #777
Modem = цаанаасаа тохируулагдчихсан байна. өөрчлөх хэрэггүй.
Username = таны хэрэглэгчийн нэр
Password = таны нууц үг
Baud = 460800
========================================

Stupid Mode = yes гэсэн мөр зарим тохиолдолд байхгүй байж магадгүй. Минийх дээр лав байгаагүй. Үүнийг copy-paste хийгээд нэмчихээрэй.

$ sudo wvdial

Энэ коммандаар интэрнэтэд холбогдож байх болно. Terminal дээр

========================================
WvDial<*1>: WvDial: Internet dialer version 1.56
WvModem<*1>: Cannot get information for serial port.
WvDial<*1>: Initializing modem.
WvDial<*1>: Sending: ATZ
WvDial Modem<*1>: ATZ
WvDial Modem<*1>: OK
WvDial<*1>: Sending: ATQ0 V1 E1 S0=0 &amp;C1 &amp;CD2 +FCLASS=0
WvDial Modem<*1>: ATQ0 V1 E1 S0=0 &amp;CC1 &amp;CD2 +FCLASS=0
WvDial Modem<*1>: OK
WvDial<*1>: Modem initialized.
WvDial<*1>: Sending: ATDT#777
WvDial<*1>: Waiting for carrier.
WvDial Modem<*1>: ATDT#777
WvDial Modem<*1>: CONNECT
WvDial<*1>: Carrier detected. Starting PPP immediately.
WvDial<notice>: Starting pppd at Sun Feb 10 22:18:34 2008
WvDial<notice>: Pid of pppd: 7410
WvDial<*1>: Using interface ppp0
WvDial<*1>: pppd: P?[06][08]??[06][08]
WvDial<*1>: pppd: P?[06][08]??[06][08]
WvDial<*1>: pppd: P?[06][08]??[06][08]
WvDial<*1>: pppd: P?[06][08]??[06][08]
WvDial<*1>: pppd: P?[06][08]??[06][08]
WvDial<*1>: local IP address **.**.**.**
WvDial<*1>: pppd: P?[06][08]??[06][08]
WvDial<*1>: remote IP address **.**.**.**
WvDial<*1>: pppd: P?[06][08]??[06][08]
WvDial<*1>: primary DNS address ***.***.***.***
WvDial<*1>: pppd: P?[06][08]??[06][08]
WvDial<*1>: secondary DNS address ***.***.***.***
WvDial<*1>: pppd: P?[06][08]??[06][08]
========================================

гэсэн бичигнүүд гарч ирж байвал okay гэсэн үг. Ip болоод сүүийн хэдэн мөрөн дэхь текстүүд зөрж болно. Ингээд интэрнэтэд холбогдчихсон гэсэн үг. Энэ терминал-аа хаавал интэрнэт салгагдана гэсэн үг.

Дараа интернэтэд холбогдохдоо

$ sudo wvdial

гэсэн хамгийн сүүлийн коммандыг тэрминал дээр бичихэд л болно.

Hello World!

noreply@blogger.com (Мөнхбаатар) — Sat, 28 Aug 2010 03:59:10 PDT

Бодож бодож IT-ийн тусад нь блог нээе гэж бодлоо. Тэгэхгүй бол хувийн блог маань нэг л өөр тийшээгээ яваад IT энэ тэр бичиж болохоо байгаад ирж. Энэ блог дээрээ IT-ийн тухай бичиж, хэлэлцэж байх болно. Тусалж, дэмжиж, сэтгэгдлээ илэрхийлж байхыг хүсье.