It's MalayalaM

നനവ് -ഞങ്ങളുടെ മണ്‍വീട്

2012-01-31T23:54:00.000-08:00

നനവ് -ഞങ്ങളുടെ മണ്‍വീട്

നനവ് -വിദൂരവീക്ഷണം

സ്വാഗതം

സിറ്റൌട്ട്

സിറ്റൌട്ട് -അകം

നനവ് എന്നു പേരിട്ടിരിയ്ക്കുന്ന ഞങ്ങളുടെ കൊച്ചു മണ്‍വീട് ഒരുങ്ങിയിരിയ്ക്കുകയാണ്.

വിഭവങ്ങള്‍ പരമാവധി കുറച്ചുകൊണ്ടും പ്രകൃതിയിലേയ്ക്ക് പരമാവധി തുറന്നിട്ടുകൊണ്ടും

നിര്‍മ്മിച്ചിരിയ്ക്കുന്ന നനവില്‍ ഞങ്ങള്‍ താമസിച്ചുതുടങ്ങിയിട്ട് നാല് മാസത്തോളമായി.

വ്യത്യസ്തതയാര്‍ന്ന അനുഭവങ്ങള്‍ പകര്‍ന്നുകൊണ്ട് ഞങ്ങളെ ഏറെ

സന്തോഷിപ്പിച്ചുകൊണ്ടിരിക്കുകയാണ് ഈ മണ്‍വീട്

ഹാള്‍

നല്ല ചൂടുള്ളപ്പോള്‍ പുറത്തുനിന്നും കയറിവന്നാല്‍ നല്ല തണുപ്പേകി നനവ്

ആശ്വസിപ്പിയ്ക്കും . അതിനാല്‍ ഇവിടെ ഫാനുകള്‍ ആവശ്യമില്ല. തണുത്തുവിറയ്ക്കുന്ന

മഞ്ഞു കാലത്ത് ജനവാതിലുകള്‍ അടച്ചിട്ടാല്‍ ഇളംചൂടു പകരാനും നനവിന് സാധിയ്ക്കുന്നുണ്ട് .

വീട് അടച്ചിട്ട് പോയിവന്ന് ,വാതില്‍ തുറന്നപ്പോള്‍ പുറത്തു 22 -24 ഡിഗ്രി

തണുപ്പുള്ളപ്പോള്‍ 28 -32 ഡിഗ്രീ ചൂട് പകര്‍ന്ന് ഞങ്ങളെ

അത്ഭുതപ്പെടുത്തിയിട്ടുണ്ട് നനവ്. അതിഥികള്‍ക്കുള്ള വിശ്രമസ്ഥലം

ഹാളിലെ ചുവരില്‍ ടിവീയും മറ്റും

മഴക്കാലത്താണ് അതിലേറെ രസം. നല്ല മഴ പെയ്യുമ്പോള്‍ മണ്‍ചുവരുകളും, ഓടും അല്പ്പം

കോണ്‍ക്രീറ്റും കലര്‍ന്ന മേല്‍ക്കൂരയും തണുപ്പത്രയും പിടിച്ചെടുത്ത് വീടിനെയാകെ

തണുപ്പിയ്ക്കുന്നു .കമ്പിളിയും പുതച്ച് കിടയ്ക്കാന്‍ തോന്നിപ്പിയ്ക്കുന്ന, ഊട്ടിയിലോ മറ്റൊ പോയ അവസ്ഥ.

സ്വിച്ച് ബോര്‍ഡ്

കുളിമുറി

ഇടയ്ക്കു വെയിലുദിച്ച ശേഷം മഴ വന്നാല്‍ മറ്റൊരനുഭവമായിരിയ്ക്കും.

വീടിനകത്തിരുന്നാല്‍ നേര്‍ത്ത ,തണുവാര്‍ന്ന മഴച്ചാറ്റലില്‍ നനയുംപോലെ

തോന്നുന്ന ഒരു അനുഭൂതി പകര്‍ന്ന് നനവ് വിസ്മയിപ്പിച്ചു.

ഓപ്പണ്‍ എരിയയിലെ മണ്‍കല ഫ്രിഡ്ജ്

ഇത് വര്‍ക്ക് എരിയയിലാണ്

പ്രധാനമായും ഒരു കിടപ്പുമുറിയും ,ഒരുതുറന്ന അടുക്കള ,കംപ്യൂട്ടര്‍മുറി,അതിഥിമുറി ,

ടിവി റൂം, ഹാള്‍ എന്നിവയെല്ലാം ചേര്‍ന്ന ഒരു മുറിയും സിടൌട്ടും

വര്‍ക്കിംഗ് കിച്ചാണുമാണ് നനവിനുള്ളത്.ചായം തേച്ചിട്ടില്ല .

ചുവരില്‍ അകവശത്ത് മണ്‍തേപ്പാണ്. പുറംച്ചുവരുകള്‍ തേച്ചുമിനുക്കിയിട്ടില്ല.

നിലത്തു തറയോടുകളാണ് പാകിയിരിയ്ക്കുന്നത്.ജനലഴികള്‍ തെങ്ങിതടി

ഉരുട്ടി ച്ചെത്തിയതാണ് .ഇരുമ്പിന് പകരം സിടൌട്ടിനും വര്‍ക്ക് എരിയയ്ക്കും

മരം കൊണ്ടുള്ള അഴികളാണ് .

ഓപ്പണ്‍ കിച്ചണ്‍

ഇവിടെ നിന്നാല്‍ വീടിന്റെ എല്ലാ ഭാഗത്തേയ്ക്കും ശ്രദ്ധ പതിപ്പിക്കാനാകും

നനവിലെ ആമ്പല്‍ക്കുളം

കിച്ചന്‍ സിങ്ക് -വര്‍ക്ക് ഏരിയയില്‍

കിണറിന് മണ്ണുകൊണ്ട് ആള്‍മറ

ഹാളില്‍ അതിഥി മുറിയും കമ്പ്യൂട്ടര്‍മുറിയും

വിറകടുപ്പ്

മണ്ണിന്‍റേയും മനസ്സിന്‍റെയുമീ സ്നേഹ നനവ് ഞങ്ങള്‍ ക്ക് ഒരുപാട്

പുതുമയാര്‍ന്ന അനുഭവങ്ങള്‍ തന്നുകൊണ്ടിരിയ്ക്കുകയാണ് . ഒരുപാടുപേര്‍

ഇവിടെ വന്നുകഴിഞ്ഞു . ചില സുഹൃത്തുക്കള്‍ ഇവിടെ താമസിച്ചു കഴിഞ്ഞു.

ഏവര്‍ക്കും ഏറെ ഇഷ്ടമായിട്ടുണ്ട് ഞങ്ങള്‍ മണ്ണിന്‍റെയും വാടാത്ത

സ്നേഹനനവുകൊണ്ട് കെട്ടിയുയര്‍ത്തിയ ഈ മണ്‍വീട്.....ഒരു ആശ്രമത്തിന്‍റെ

ശാന്തിയും ഹോളീഡേ കോട്ടേജിന്റെ മനോഹാരിതയും ഒത്തുചേര്‍ന്ന നനവിനെ

എന്നും നനവാര്‍ന്ന ഒരിടമാക്കി സംരക്ഷിയ്ക്കണം ഞങ്ങള്‍ക്ക്. നിങ്ങള്‍ക്കും

ഇതിനായി ഒപ്പം കൂടാം .ഔപചാരികതളേതുമില്ലാതെ ഇവിടേയ്ക്ക് വരാം...

ലോകം ശാസ്ത്രത്തിനു പിന്നാലെ ......!!!

2012-01-31T23:50:00.000-08:00

ശാസ്ത്രത്തിന്‌ ലഭ്യമായ വിവരങ്ങളനുസരിച്ച്‌, ഏതാണ്ട്‌ 1370 കോടി വര്‍ഷം മുമ്പാണത്രെ, ഈ പ്രപഞ്ചത്തിന്റെ ജനനം! നാം അധിവസിക്കുന്ന ഭൂമിയുള്‍പ്പെ ടെ ഒന്‍പത്‌ ഗ്രഹങ്ങളും, അവ വലംവെയ്ക്കുന്ന സൂര്യനും അടങ്ങുന്ന 'സൌരയൂഥം' എന്ന കുടുംബം, 'ആകാശഗംഗ' എന്ന ഗ്യാലക്സിയിലെ ചെറിയൊരു കുടുംബം മാത്രം. സൂര്യനെപ്പോലെയുള്ള ഇരുപതിനായിരം കോടിയിലേറെ നക്ഷത്രങ്ങളുണ്ട്‌ നമ്മുടെ ഗ്യാലക്സിയില്‍! ഇതു പോലുള്ള പതിനായിരം കോടിയിലേറെ ഗ്യാലക്സികളുണ്ട്‌ നമ്മുടെ പ്രപഞ്ചത്തില്‍ . തീരെ ചെറിയ നക്ഷത്രങ്ങള്‍ക്കു തന്നെ ഭൂമിയുടെ പത്ത്‌ ലക്ഷം ഇരട്ടി വലുപ്പമുണ്ടത്രേ!. പ്രപഞ്ചത്തിന്റെ വിസ്തീര്‍ണ്ണത്തെപ്പറ്റി നമുക്കൊന്നാലോചിക്കാം. ഭൂമിയുടെ തൊട്ടടുത്തുള്ള ചന്ദ്രനിലേക്കുള്ള ദൂരം നാല്‌ ലക്ഷം കിലോമീറ്റര്‍ . ഭൂമിയില്‍ നിന്ന്‌ സൂര്യനിലേക്കുള്ള ദൂരം പതിനഞ്ച്‌ കോടി കിലോമീറ്റര്‍ . സെക്കന്‍ഡില്‍ മൂന്ന്‌ ലക്ഷംകിലോമീറ്റര്‍ ദൂരം സഞ്ചരിക്കുന്ന ഒരു പ്രകാശരശ്മി ഒരു വര്‍ഷം കൊണ്ട്‌ സഞ്ചരിക്കുന്ന ദൂരമാണ്‌ ഒരു പ്രകാശവര്‍ഷം. (അതായത്‌ 94,60,80,00,00,000 കിലോമീറ്റര്‍ ) ഭൂമിയില്‍ നിന്നും പ്രപഞ്ചത്തിന്റെ ഒരു കോണിലേയ്ക്കുള്ള ദൂരം 1370 കോടി പ്രകാശവര്‍ഷമാണത്രെ! പ്രപഞ്ചത്തിന്റെ ഉല്‍ഭവസമയത്ത്‌ രൂപപ്പെട്ടതെന്നു കരുതുന്ന ഏറ്റവും പുതിയ ഗ്യാലക്സി കണ്ടെത്തിയിരിക്കുന്നത്‌ ഇത്രയും ദൂരെയാണ്‌. പ്രപഞ്ചത്തിന്റെ വളരെ ചെറിയൊരു ഭാഗം മാത്രമാണ്‌ കണ്ടെത്തിയിട്ടുള്ളതെന്ന്‌ ശാസ്ത്രം അത്ഭുതത്തോടെ സമ്മതിക്കുന്നു. അത്യന്തം വിശാലമായ ഈ പ്രപഞ്ചത്തെപ്പറ്റി ഒന്നു ചിന്തിക്കുക. പ്രപഞ്ചത്തിന്റെ ഒരു കോണില്‍ സ്ഥിതിചെയ്യുന്നു, സുന്ദരമായ ഭൂമി എന്ന ഗ്രഹം.

ജീവന്‍ നിലനില്‍ക്കാനാവശ്യമായ വായു, വെള്ളം, വെളിച്ചം ഇവയെല്ലാം ഇവിടെ തയ്യാര്‍ ചെയ്യപ്പെട്ടിരിക്കുന്നു. മൂന്നു ലക്ഷത്തിലേറെ വരുന്ന വൈവിധ്യമാര്‍ന്ന ജീവജാലങ്ങളുണ്ട്‌ ഇവിടെ. മനുഷ്യന്‍ എന്ന ജീവി ഇതില്‍ ഒന്നുമാത്രം. മനുഷ്യര്‍ തന്നെയുണ്ട്‌ 600 കോടിയിലേറെ. മനുഷ്യരുടെ അനേകമിരട്ടി വരുന്ന എത്രയോ ജീവിവര്‍ഗ്ഗങ്ങള്‍ . കരയിലുള്ളതിനേക്കാള്‍ കൂടുതല്‍ ജീവജാലങ്ങളുണ്ട്‌ കടലില്‍ . ഇവയുടെയെല്ലാം നിലനില്‍പ്പിനാവശ്യമായ ഭക്ഷണവും മറ്റു സംവിധാനങ്ങുമെല്ലാം ഒരുക്കപ്പെട്ടിട്ടുണ്ട്‌ ഇവിടെ. ഒരു മില്ലിമീറ്ററിന്റെ നൂറിലൊന്ന്‌ വലുപ്പം മാത്രമുള്ള 'കോശ'ങ്ങളാലാണ്‌ ഓരോ ജൈവവസ്തുവും സൃഷ്ടിക്കപ്പെട്ടിരിക്കുന്നത്‌. താളക്രമത്തോടെ പ്രവര്‍ത്തിച്ചു കൊണ്ടിരിക്കുന്ന ആയിരക്കണക്കിന്‌ സൂക്ഷ്മ വസ്തുക്കളുണ്ട്‌ ഒരു കോശത്തില്‍ . ഊര്‍ജ്ജം ഉല്‍പ്പാദിപ്പിക്കുന്ന പവര്‍സ്റ്റേഷനുകളും, ജീവന്റെ നിലനില്‍പ്പിനാവശ്യമായ എന്‍സൈമുകളും ഹോര്‍മോണുകളും മറ്റും ഉല്‍പ്പാദിപ്പിക്കുന്ന ഫാക്ടറികള്‍ , കോശപ്രവര്‍ത്തനങ്ങളെയും ഉല്‍പ്പന്നങ്ങളെയും പറ്റി പൂര്‍ണ്ണ വിവരങ്ങള്‍ ശേഖരിക്കപ്പെട്ടിരിക്കുന്ന ഡാറ്റാബേങ്ക്‌, സങ്കീര്‍ണ്ണമായ ഗതാഗത മാര്‍ഗ്ഗങ്ങള്‍ , സംഭരണശാലകള്‍ , ഉന്നതമായ പരീക്ഷണശാലകള്‍ , ശൂദ്ധീകരണശാലകള്‍ , ഉള്ളിലേയ്ക്ക്‌ പോകുന്നവരെയും പുറത്തേയ്ക്കു പോകുന്നവരെയും സ്വയം നിയന്ത്രിക്കുന്ന മതില്‍കെട്ട്‌ ഇവയെല്ലാമുള്ള ഒരു പട്ടണത്തോട്‌, ഒരു കോശത്തെ ഉപമിക്കാം. ഇത്തരത്തിലുള്ളഏകദേശം 100 ലക്ഷം കോടി കോശങ്ങളുണ്ടത്രെ, ഒരു മനുഷ്യശരീരത്തില്‍ . എല്ലാ ജീവകോശത്തിന്റെയും ന്യൂക്ളിയസ്സിലുള്ള ഭീമന്‍ തന്‍മാത്രയാണ്‌ DNA.

ഓരോ ജൈവ വസ്തുവിന്റെയും ഭൌതികവും ശരീര ശാസ്ത്രപരവുമായ മുഴുവന്‍ വിവരങ്ങളും ഈ ചുറ്റുഗോവണിയുടെ ആകൃതിയിലുള്ള തന്‍മാത്രയില്‍ രോഖപ്പെടുത്തപ്പെട്ടിരിക്കുന്നു. ഒരു DNA യ്ക്കകത്തെ വിവരങ്ങള്‍ മുഴുവന്‍ രേഖപ്പെടുത്തണമെങ്കില്‍ സര്‍വ്വവിജ്ഞാനകോശത്തിലെ പത്ത്‌ ലക്ഷം പേജുകള്‍ അതിനായി വേണ്ടിവരും. ഒരു ടീസ്പൂണില്‍ കൊള്ളുന്ന DNA തന്‍മാത്രകളില്‍ ലോകത്ത്‌ ഇന്നേവരെ എഴുതപ്പെട്ട പുസ്തകങ്ങളിലെ മുഴുവന്‍ വിവരങ്ങളും രേഖപ്പെടുത്താനാകും. അനേകം വന്‍കിട ഫാക്ടറികളില്‍ നടക്കുന്നത്ര സങ്കീര്‍ണ്ണ പ്രവര്‍ത്തനങ്ങളാണ്‌ നമ്മുടെ ഈ കൊച്ചു ശരീരത്തിനുള്ളില്‍ നടക്കുന്നത്‌. മിനിട്ടില്‍ 72 പ്രാവശ്യം മിടിച്ചു കൊണ്ടിരിക്കുന്ന ഹൃദയം ശരീരത്തിന്റെ എല്ലാ ഭാഗത്തുമുള്ള കോശങ്ങളിലേക്കും ഓക്സിജനും മറ്റു പോക്ഷകങ്ങളും രക്തമെത്തിക്കുന്നു. വൃക്കയിലെ ഒന്നരലക്ഷത്തിലധികം വരുന്ന അരിപ്പകള്‍ , രക്തത്തില്‍ നിന്നും മാലിന്യങ്ങള്‍അരിച്ചു മാറ്റി മൂത്രത്തിലൂടെ പുറന്തള്ളുകയെന്ന ശ്രമകരമായ ജോലിയിലേര്‍പ്പെട്ടിരിക്കുന്നു. കണ്ണിന്‌ നനവും വിശ്രമവും കൊടുക്കാനായി ഓരോ അഞ്ചു സെക്കണ്റ്റിലും കണ്‍പോളകള്‍ അടഞ്ഞു കൊണ്ടിരിക്കുന്നു. നമ്മള്‍ ഒന്നു ചിരിക്കുമ്പോള്‍ മുഖത്തെ മുപ്പത്തിരണ്ട്‌ പേശികളാണ്‌ പണിയെടുക്കുന്നത്‌. അപ്പോള്‍ നടക്കുമ്പോഴും ഓടുമ്പോഴും സംഭവിക്കുന്നതെന്താണ്‌? ഇങ്ങനെ, നമ്മുടെ ദൈനംദിന സുഗമ ജീവിതത്തിനാവശ്യമായ എത്രയോ സങ്കീര്‍ണ പ്രവര്‍ത്തനങ്ങളാണ്‌ നാമറിയാതെ ഓരോ നിമിഷവും നടക്കുന്നത്‌. അതെ, നമ്മുടെ ശരീരത്തിനുള്ളിലും നമുക്കു ചുറ്റും ഈ പ്രപഞ്ചത്തില്‍ മുഴുവനും അത്ഭുതങ്ങളാണ്‌. നമ്മെയോരോരുത്തരെയും അതിശയിപ്പിക്കുകയും ചിന്തിപ്പിക്കുകയും ചെയ്യുന്ന അത്ഭുതങ്ങള്‍ .

യഥാര്‍ത്ഥത്തില്‍ , ഇതിന്റെയെല്ലാം പിന്നില്‍ എല്ലാത്തിന്റെയും സാഷ്ട്രാവും പരിപാലകനുമായ ഒരു ശക്തിയുണ്ടോ? ഉണ്ട്‌. 'ദൈവം' എന്ന ഒരു ശക്തിയാണതെന്ന്‌ നമ്മളോരോരുത്തരുടെയും മനസ്സ്‌ മന്ത്രിക്കുന്നു. മനുഷ്യകുലത്തിന്‌ നന്‍മതിന്‍മകളെക്കുറിച്ച്‌ അറിവ്‌ നല്‍കുവാനും അവന്റെ ജീവിതലക്ഷ്യത്തെക്കുറിച്ച്‌ പഠിപ്പിക്കാനും മനുഷ്യരിലേക്ക്‌ ആഗതരായ ഒന്നേകാല്‍ ലക്ഷത്തോളം വരുന്ന പ്രവാചകരാണ്‌ നമുക്ക്‌ 'ദൈവം' എന്ന ശക്തിയുടെ ഗുണവിശേഷങ്ങളെക്കുറിച്ച്‌ അറിവ്‌ തന്നത്‌. അന്ത്യപ്രവാചകന്‍ മുഹമ്മദ്‌(സ) പറഞ്ഞു: 'പ്രപഞ്ചത്തെക്കുറിച്ച്‌ ചിന്തിക്കുന്നവന്‌ ദൈവത്തെ കണ്ടെത്താം. സ്വന്തം ശരീരത്തെക്കുറിച്ച്‌ ചിന്തിക്കുന്നവന്‌ പോലും ദൈവത്തെ കണ്ടെത്താം'. പക്ഷെ, തങ്ങള്‍ക്ക്‌ തോന്നും പോലെ ജീവിക്കാന്‍ കഴിയില്ല എന്നതു കൊണ്ട്‌ ദൈവം എന്ന ശക്തിയെ നിഷേധിക്കാന്‍ ചിലര്‍ക്ക്‌ എന്നും താല്‍പ്പര്യമായിരുന്നു. 1859 ല്‍ രൂപം കൊണ്ട ചാള്‍സ്‌ ഡാര്‍വിന്റെ 'പരിണാമ' സിദ്ധാന്തം പ്രപഞ്ചസൃഷ്ടാവിനെ പൂര്‍ണ്ണമായും നിഷേധിക്കുന്നു. ഭൂമിയിലെ വ്യത്യസ്ത ജീവവര്‍ഗ്ഗങ്ങളെല്ലാം ഒരു പൊതു പൂര്‍വ്വീകനില്‍ നിന്ന്‌ ആകസ്മികമായി പരിണമിച്ചുണ്ടായതാണ്‌ എന്നാണ്‌ ഈ സിദ്ധാന്തം സമര്‍ത്ഥിക്കുന്നത്‌. ഏകകോശ ജീവികളില്‍ നിന്ന്‌ മത്സ്യങ്ങളും, മത്സ്യങ്ങളില്‍ നിന്ന്‌ ഇഴജന്തുക്കളും, ഇഴജന്തുക്കളില്‍ നിന്ന്‌ പക്ഷികളും, പക്ഷികളില്‍ നിന്ന്‌ മനുഷ്യനുള്‍പ്പെടെയുള്ള സസ്തനികളുമുണ്ടായി എന്നാണ്‌ ഇവരുടെ വാദം. ആള്‍ക്കുരങ്ങിന്റെയും മനുഷ്യന്റെയും തലയോട്ടികള്‍ തമ്മില്‍ ചില സാമ്യങ്ങള്‍ കണ്ടു എന്നതല്ലാതെ ഈ സിദ്ധാന്തം തെളിയിക്കാനാവശ്യമായ തെളിവുകളൊന്നും തന്നെ ഇവര്‍ക്ക്‌ കിട്ടിയിട്ടില്ല.

ഉദാഹരണത്തിന്‌ ആയിരക്കണക്കിന്‌ വര്‍ഷങ്ങള്‍ നീണ്ട പരിണാമ പ്രക്രിയയിലൂടെ ഇഴജന്തുക്കള്‍ പക്ഷികളായിത്തീര്‍ന്നെങ്കില്‍ , ഇഴജന്തുവിന്റെ കുറെ ഭാഗങ്ങളും പക്ഷികളുടെ കുറെ ഭാഗങ്ങളുമുള്ള നിരവധി ജീവികള്‍ വ്യത്യസ്തകാലങ്ങളില്‍ ജീവിച്ചിരുന്നിരിക്കണം. ഇത്തരം മധ്യവര്‍ഗ്ഗങ്ങള്‍ക്ക്‌ അപൂര്‍ണ്ണമായ അവയവങ്ങളാണുണ്ടായിരിക്കേത്‌. (ഉദാ: പകുതി ചിറകുള്ള പക്ഷികള്‍). ഇത്തരം മധ്യമരൂപങ്ങളുടെ ഫോസിലുകള്‍ കണ്ടെത്തിയാലേ തന്റെ സിദ്ധാന്തം സ്ഥാപിക്കപ്പെടുകയുള്ളൂവെന്ന്‌ ഡാര്‍വിന്‍ തന്റെ പുസ്തകത്തിലെഴുതിയിരുന്നു. ഭൂമിയുടെവിവിധ ഭാഗങ്ങളില്‍ ഇന്നോളം കുഴിച്ചുനോക്കിയിട്ടും ഇത്തരം ഫോസിലുകളൊന്നും തന്നെ കണ്ടെത്തിയിട്ടില്ല. കിട്ടിയതെല്ലാം സമ്പൂര്‍ണ്ണമായ അവയവങ്ങളോടു കൂടിയ ജീവികളുടേതായിരുന്നു. ജീവശാസ്ത്രവും ജനിതക ശാസ്ത്രവും രസതന്ത്രവുമൊന്നും വികാസം പ്രാപിച്ചിട്ടില്ലാത്ത ഒരു കാലത്ത്‌ നിലവില്‍ വന്ന ഈസിദ്ധാന്തം, തെളിവുകളില്ലാത്തതിനാല്‍ ശാസ്ജ്ഞന്‍മാര്‍ തന്നെ തള്ളിക്കളയുകയാണ്‌. 'ഒരു ചവറുകൂമ്പാരത്തിലൂടെ കൊടുങ്കാറ്റടിച്ചപ്പോള്‍ അതിലെ വസ്തുക്കളെല്ലാം കൂടിച്ചേര്‍ന്ന്‌ ഒരു ബോയിംഗ്‌ 747 വിമാനമുണ്ടായി എന്നു പറയുന്നതു പോലെയാണ്‌ ജീവന്‍ ഭൂമിയില്‍ യാദൃശ്ചികമായി ഉണ്ടായി എന്ന്‌ അഭിപ്രായപ്പെടുന്നത്‌' എന്നാണ്‌ പ്രശസ്ത ഇംഗ്ളീഷ്‌ ഗണിതജ്ഞനും ഖഗോള ശാസ്ത്രജ്ഞനുമായ പ്രഫ. ഫ്രെഢോയിലിന്റെ അഭിപ്രായം. ഇന്നും തെളിയിക്കപ്പെടാത്ത ഈ സിദ്ധാന്തം പക്ഷെ, കുട്ടികള്‍ക്കുള്ള പാഠപുസ്തകങ്ങളിലെല്ലാം സ്ഥാനം പിടിച്ചിട്ടുണ്ട്‌. ഇത്‌ പഠിക്കുന്ന തലമുറ മനുഷ്യന്റെ ആദ്യപിതാവ്‌ ആദം നബി(അ) യാണോ അതോ കുരങ്ങനാണോ എന്ന സംശയത്തില്‍ ജീവിക്കുന്നു.

ഏതാണ്ട്‌ 1370 കോടി വര്‍ഷം മുമ്പ്‌ ഒരു ആദിമ അണു പൊട്ടിത്തെറിച്ചാണ്‌ പ്രപഞ്ചം ഉല്‍ഭവിച്ചതെന്ന്‌ 'മഹാവിസ്ഫോടന' സിദ്ധാന്തം (Big Bang Theory) പറയുന്നു. തുടര്‍ന്നുണ്ടായ പുകപടലങ്ങള്‍ ഘനീഭവിച്ചാണ്‌ നക്ഷത്രങ്ങളും ഗ്രഹങ്ങളുമെല്ലാം ഉണ്ടായതെന്നും പ്രപഞ്ചം ഇന്നും വികസിച്ചുകൊണ്ടിരിക്കുകയാണെന്നും ഈ സിദ്ധാന്തം അഭിപ്രായപ്പെടുന്നു. എന്നാല്‍ , ആദിമ അണു എങ്ങനെ ഉണ്ടായി? അതിനുമുമ്പുള്ള പ്രപഞ്ചത്തിന്റെ അവസ്ഥ എന്ത്‌? പൊട്ടിത്തെറിയ്ക്കുകാരണമായ ഊര്‍ജ്ജം എവിടെ നിന്നു ലഭിച്ചു? പ്രപഞ്ച ഗോളങ്ങളിലെല്ലാം തികച്ചും അന്യൂനമായ ഭ്രമണ വ്യവസ്ഥകള്‍ സ്ഥപാപിക്കപ്പെട്ടതെങ്ങനെ? മുതലായ ചോദ്യങ്ങള്‍ക്കെല്ലാം കേവലം 'യാദൃശ്ചികം' എന്ന മറുപടിയാണ്‌ ശാസ്ത്രത്തിന്‌ പറയുവാനുള്ളത്‌. ഏതാനും വര്‍ഷങ്ങള്‍ക്കു മുമ്പ്‌ മാത്രം നിലവില്‍ വന്ന ഈ സിദ്ധാന്തം പലകാര്യങ്ങളും വിശദീകരിക്കാനാവാതെ പ്രയാസപ്പെടുമ്പോള്‍ , പതിനാല്‌ നൂറ്റാണ്ടുകള്‍ക്കു മുമ്പ്‌ അവതീര്‍ണമായ 'ഖുര്‍ആന്‍' എന്ന ഗ്രന്ഥം പ്രപഞ്ചോല്‍പ്പത്തിയെക്കുറിച്ച്‌ സംശയങ്ങള്‍ക്കിടയില്ലാത്തവിധം വിശദീകരിക്കുന്നുണ്ട്‌. 'ആകാശങ്ങളും ഭൂമിയും ഒട്ടിച്ചേര്‍ന്നതായിരുന്നുവെന്നും, എന്നിട്ട്‌ നാം അവയെ വേര്‍പ്പെടുത്തുകയാണുണ്ടായതെന്നും സത്യനിഷേധികള്‍ കണ്ടില്ലേ? വെള്ളത്തില്‍നിന്ന്‌ എല്ലാ ജീവ വസ്തുക്കളെയും നാം ഉണ്ടാക്കുകയും ചെയ്തു. എന്നിട്ടും അവര്‍ വിശ്വസിക്കുന്നില്ലേ?' (ഖുര്‍ആന്‍ 21:30) 'ആകാശമാകട്ടെ നാം അതിനെ ശക്തികൊണ്ട്‌ നിര്‍മ്മിച്ചിരിക്കുന്നു. തീര്‍ച്ചയായും നാം വികസിപ്പിച്ചെടുക്കുന്നവനാകുന്നു'. (ഖുര്‍ആന്‍ 51:47)

വസ്തുതകള്‍ ഇതായിരിക്കെ, 'ദൈവം' എന്നൊന്ന്‌ ഇല്ലെന്നു വാദിക്കാന്‍ ആരും ശാസ്ത്രത്തിനെ കൂട്ടുപിടിക്കേണ്ടതില്ല. അമേരിക്കയിലെ ജോര്‍ജിയ യൂണിവേഴ്സിറ്റിയിലെ ലാര്‍സന്‍ , ശാസ്ത്രജ്ഞര്‍ക്കിടയില്‍ നടത്തിയ ഒരു സര്‍വ്വേയുടെ റിപ്പോര്‍ട്ട്‌, 1997 ഏപ്രില്‍ രണ്ടിന്‌ 'ന്യൂയോര്‍ക്ക്‌ ടൈംസ്‌' എന്ന പത്രത്തില്‍ പ്രസിദ്ധീകരിച്ചു. 'നാല്‍പ്പതു ശതമാനം ശാസ്ത്രജ്ഞന്‍മാരും ദൈവം എന്ന ശക്തിയില്‍ വിശ്വസിക്കുന്നുണ്ട്‌. കൂടാതെ, അവരെല്ലാം മനുഷ്യന്റെ അമരത്വത്തിലും വിശ്വസിക്കുന്നുണ്ട്‌' എന്നായിരുന്നു ആ റിപ്പോര്‍ട്ട്‌.

ഫേസ്ബുക്കില്‍ നിന്നൊരു കുഞ്ഞുകഥ.

2012-01-31T23:47:00.000-08:00

ഒരു വിമാനം പറക്കാന്‍ തയാറെടുക്കുന്നു.
യാത്രക്കാര്‍ വരിവരിയായി വന്നിരുന്നു.
പരിചാരികമാര്‍ ഓരോരുത്തര്‍ക്കും സീറ്റുകള്‍ കാണിച്ചു കൊടുത്തു കൊണ്ടിരുന്നു.
കൂട്ടത്തില്‍ മദ്ദ്യവയസ്കയായാ ഒരു സ്ത്രീ തന്റെ അടുത്തിരിക്കുന്നത് ഒരു നീഗ്രോ ആണെന്ന് കണ്ട് ക്ഷുഭിതയായി.
അവര്‍ ഒരു പരിചാരികയെ വിളിച്ചു പരാതി പറഞ്ഞു:
"ഇത് കണ്ടോ.. ഒരു കറുത്തവന്റെ അടുത്താണോ എനിക്ക് സീറ്റ്?..
എനിക്കിവിടെ ഇരിക്കാനാവില്ല. എനിക്ക് വേറെ സീറ്റ് വേണം".

"മാം, എനിക്ക് അല്‍പ്പം സമയം തരൂ.. ഞാന്‍ പരിഹാരം ഉണ്ടാക്കാന്‍ ശ്രമിക്കാം"
എന്നും പറഞ്ഞു പരിചാരിക കാപ്റ്റന്റെ അടുത്തേക്ക്‌ നീങ്ങി.
അല്‍പ്പം കഴിഞ്ഞു മടങ്ങി വന്ന പരിചാരിക, യാത്രക്കാരിയോടു പറഞ്ഞു:
"മാം, എക്കണോമി ക്ലാസ്സില്‍ ഒരു സീറ്റും ഒഴിവില്ല, ഒഴിവുള്ളത് വീഐപ്പി ക്ലാസ്സില്‍ മാത്രമാണ്.
എക്കണോമി ക്ലാസ്സില്‍ ബുക്ക് ചെയ്ത യാത്രക്കാര്‍ക്ക്‌ വീഐപ്പി ക്ലാസ്സില്‍ സീറ്റ് കൊടുക്കാന്‍ സാധിക്കില്ലെന്നാണ് കാപ്റ്റന്‍ പറയുന്നത്".

ഇത്രയും പറഞ്ഞ് പരിചാരിക നീഗ്രോ യാത്രക്കാരന്റെ നേരെ തിരിഞ്ഞു കൊണ്ട് തുടര്‍ന്നു:
"എങ്കിലും സര്‍, ഏതെന്കിലും തരത്തിലുള്ള അസൌകര്യത്തോടെ താങ്കളെ യാത്ര ചെയ്യിപ്പിക്കുന്നത് ശരിയല്ലാത്തതിനാല്‍....
ദയവായി താന്കള്‍ ബാഗ്ഗെജും എടുത്തു എന്റെ കൂടെ വന്നാലും..
കാപ്റ്റന്‍ താങ്കള്‍ക്കു വേണ്ടി ഒരു വീഐപ്പി സീറ്റ് റിസര്‍വ്‌ ചെയ്തിരിക്കുന്നു".

പരിചാരിക പറഞ്ഞ് നിര്‍ത്തിയില്ല.. സംഭവം വീക്ഷിച്ചു കൊണ്ടിരുന്ന മറ്റു യാത്രക്കാര്‍
ഒന്നടങ്കം എഴുന്നേറ്റു നിന്ന് കയ്യടിക്കുകയും കറുത്ത വര്‍ഗ്ഗക്കാരനായ യാത്രക്കാരനെ അകമഴിഞ്ഞ് അനുമോദിക്കുകയും ചെയ്തു.

സ്നേഹത്തിനും സൌഹൃദത്തിനും നിറങ്ങളില്ല.
വര്‍ണ്ണവെറി എന്നും ഒറ്റപ്പെടും..

ചുംബനം ഇത്ര വലിയ പാപമോ ?

2012-01-31T23:45:00.000-08:00

സഹോദരിമാരെ ചുംബിച്ചതിന് പതിനഞ്ചു വയസുകാരനെ മൂന്നു വര്‍ഷത്തേക്ക് ദുര്‍ഗുണപരിഹാര പാഠശാലയിലേക്ക് മാറ്റുവാന്‍ കോടതി വിധിയായി. യു.എ.ഇ.യിലെ അബുദാബിയിലാണ് സംഭവം നടന്നത്. പതിമൂന്നു വയസുള്ള രണ്ടു പെണ്‍കുട്ടികളുടെ അച്ഛനാണ് യുവാവിനെ വീട്ടില്‍ സഹോദരികളുമായി ചുംബിക്കുന്നത് കണ്ടു പോലീസിനെ വിവരം അറിയിച്ചത്. പെണ്‍കുട്ടികളാണ് തന്നെ മുറിയ്ക്കുള്ളിലേക്ക് കയറാന്‍ സഹായിച്ചത് എന്ന് യുവാവ് വെളിപ്പെടുത്തുന്നത് വരെ അവന്റെ പേരില്‍ ലൈംഗിക ആക്രമണത്തിനും ഭവനഭേദനത്തിനും കേസ്‌ എടുത്തിരുന്നു.

ഞായറാഴ്ച നടന്ന ന്യായവിചാരണയില്‍ കുറ്റം ചെയ്തെന്നോ ഇല്ലെന്നോ പ്രതികരിക്കാതെ രണ്ടു പെണ്‍കുട്ടികളും മൌനം പാലിക്കുകയായിരുന്നു. ഇതിനു മുന്‍പ് നടന്ന വിചാരണയില്‍ യുവാവ്‌ ആദ്യമായല്ല പെണ്‍കുട്ടികള്‍ തന്നെ ചുംബിക്കാന്‍ ക്ഷണിക്കുന്നത് എന്ന് തുറന്നു സമ്മതിച്ചിരുന്നു. ഈ പെണ്‍കുട്ടികളെ മര്യാദ പഠിപ്പിക്കുവാന്‍ മാതാപിതാക്കളെ ഏല്പിച്ചു എന്ന് ഔദ്യോഗിക വൃത്തങ്ങള്‍ അറിയിച്ചു. ആണ്‍കുട്ടിയെ പതിനെട്ടു വയസു തികയുന്നത് വരെ ദുര്‍ഗുണപരിഹാരപാഠശാലയില്‍ തടവില്‍ വയ്ക്കും. എന്നാല്‍ അതിനു മുന്‍പ് കുട്ടി മര്യാദ പഠിക്കുകയാണെങ്കില്‍ സ്വതന്ത്രനാക്കും എന്ന് ജഡ്ജ് പറഞ്ഞു.

യു.എ.ഇ.ലോകത്തിലെ തന്നെ ഏറ്റവും കര്‍ശനമായ നിയമങ്ങള്‍ നിലവിലുള്ള രാജ്യമാണ്. ഇവിടെ മദ്യം തുടങ്ങി പല സുഖഭോഗകാര്യങ്ങള്‍ക്കും നിരോധനം ഏര്‍പ്പെടുത്തിയിട്ടുണ്ട്. ഇവിടെ കഴിഞ്ഞ വര്‍ഷമാണ് ബ്രിട്ടീഷ്‌ ദമ്പതികള്‍ ഭക്ഷണശാലയില്‍ വച്ച് ചുംബിച്ചതിന് ആറുമാസം തടവ്‌ ശിക്ഷ അനുഭവിച്ചത്. അയ്മന്‍ നജഫി(24) ചാര്ലറ്റ് ആഡംസ്(25) എന്നീ ദമ്പതികളാണ് കഴിഞ്ഞ നവംബില്‍ ഭക്ഷണശാലയില്‍ ചുംബിച്ചതിന് പിടിയിലായത്. 38 വയസുകാരിയായ ഒരു സ്വദേശിനിയായിരുന്നു ഇവര്‍ക്കെതിരെ പരാതി കൊടുത്തത്. എന്നാല്‍ കവിളില്‍ ഉമ്മ വയ്ക്കുക മാത്രമാണ് ഈ ദമ്പതികള്‍ ചെയ്തത് എന്ന് പിന്നീട് തെളിഞ്ഞു.

ഹിജിഡ-പൊതുമൂത്രപ്പുരയില് പോലും സ്ഥാനമില്ലാത്ത ഈ യഥാര്‍ത്ഥ മൂന്നാം ലോകക്കാര്‍

2012-01-23T00:16:00.000-08:00

വനവാസത്തിന് തയ്യാറെടുന്ന ശ്രീരാമനോടൊപ്പം പോകാനൊരുങ്ങി നില്ക്കുന്ന ആയിരക്കണക്കിന് പ്രജകളെക്കുറിച്ച് രാമായണത്തില് പരാമര്ശിക്കുന്നുണ്ട്. എല്ലാ സ്ത്രീകളും പുരുഷന്മാരും കുട്ടികളും പട്ടണത്തിലേക്ക് പോവുക എന്നാണ് ശ്രീരാമന് അവരോട് പറയുന്നത്. അതു കേട്ട മിക്കവരും മടങ്ങി. കുറച്ചുപേര് മാത്രം അവിടെ അവശേഷിച്ചു. അവര് ഹിജഡകളായിരുന്നു. ആണ് വര്ഗത്തിലും പെണ് വര്ഗത്തിലും ഉള്പ്പെടാത്തവര്. ഹിജഡകളെക്കുറിച്ചുള്ള ഈ കഥ അവസാനിക്കുന്നത് ഇങ്ങനെയാണ്: കാട്ടിലേക്ക് കൂടെപ്പോരാന്* സന്നദ്ധരായ ഹിജഡകളുടെ സമര്പ്പണ മനോഭാവത്തില് സന്തുഷ്ടനായ രാമന് അവര്*ക്കൊരു വരം നല്കുന്നു. ലോകത്ത് നടക്കുന്ന മംഗള കര്മ്മങ്ങളില് പങ്കെടുത്ത് അനുഗ്രഹങ്ങള്* നല്കാമെന്നായിരുന്നു അത്.

ജീവിക്കാനുള്ള എല്ലാ വഴികളും കൊട്ടിയടക്കുമ്പോള്* വരുമാനത്തിനായി ഹിജഡകള്* ലൈംഗികവൃത്തി സ്വീകരിക്കുന്നു. അതിനുള്ള ഇടങ്ങളാണ് ഹമാം. ഹമാമിന്റെ അകത്തും പുറത്തുമുള്ള ഹിജഡയുടെ ജീവിതം ചിത്രങ്ങളായി സംസാരിക്കുന്നുണ്ട്.

ഖുര്*ആനിലും 'ഖുന്*സാ' എന്ന് ഈ മൂന്നാം ലിംഗവ്യക്തിത്വങ്ങളെ പരാമര്*ശിക്കുന്നുണ്ട്. സ്ത്രീയും പുരുഷനും ആയിത്തീരുന്നത് ഒരാളുടെയും സ്വന്തം തീരുമാനത്തിലൂടെയല്ല എന്നതുപോലെ തന്നെയാണ് ഒരാള്* ഹിജഡയായിത്തീരുന്നതും. എന്നിട്ടും സമൂഹത്തിന്റെ കാരുണ്യത്തിന്റെ കണ്ണുകള്* ഇവര്*ക്ക് വേണ്ടി തുറക്കപ്പെടുന്നില്ല. തീവണ്ടികളില്* ശല്യമായി കൂട്ടത്തോടെയെത്തി പണം പിടിച്ചു വാങ്ങുന്ന ഒരു വിഭാഗമായാണ് ഇന്നും ഹിജഡകളെ കാണുന്നത്. ഇതൊന്നുമല്ലാതെ ഹൃദയവും വികാരവിചാരങ്ങളുമുള്ള ആളുകളാണ് ഇക്കൂട്ടരെന്ന് നമ്മള്‍ മനസിലാക്കണം

കടക്കണ്ണുടക്കം അരക്കെട്ടിലും...

ആകാരവടിവിലും അതിശയിപ്പിക്കുന്ന നൃത്തച്ചുവടുമുള്ളവരെ തെല്ലസൂയയോടെയാണ് മറ്റുള്ള ഹിജഡകള്* നോക്കിക്കാണുന്നത്.

ചൂടാനും ചൂടിക്കാനും...

ഹിജഡകളുടെ നിത്യജീവിതത്തിന്റെ ഭാഗമാണ് പൂക്കള്* വീട്ടിലിരുന്ന് മാല കോര്*ക്കുന്ന ഹിജഡകള്*

മഞ്ഞളണിയും രാവ്..

മുഖപടം നീക്കി, മഞ്ഞളണിഞ്ഞുള്ള നീരാടല്* ജല്*സയിലെ മുഖ്യചടങ്ങാണ്. സ്*നാനത്തിന് മുന്*പ് ശരീരമാസകലം മഞ്ഞളണിഞ്ഞ പുതുനാരികള്*

ലാവണ്യശാസ്ത്രത്തിന്റെ നിമ്*നോന്നതങ്ങള്*

സിലിക്കണ്* ശസ്ത്രക്രിയ വഴി സ്ത്രീകളുടേതിന് തുല്യമായ സ്തനങ്ങള്* ഹിജഡകള്* വെച്ച് പിടിപ്പിക്കുന്നു. സ്ത്രീത്വത്തിലേക്കുള്ള മാറ്റത്തില്* ഇതും ഒരു അഭിമാനപ്രശ്*നം തന്നെ. സ്വകാര്യ,സര്*ക്കാര്* ആശുപത്രിളില്* സ്തനവര്*ദ്ധനവിനുള്ള ശസ്ത്രക്രിയകള്* ബുദ്ധിമുട്ടേറിയ കാര്യമല്ല.

സൗന്ദര്യറാണി

സ്ത്രീകളുടെ സൗന്ദര്യമാനദണ്ഡങ്ങള്* തന്നെയാണ് ഹിജഡകളുടേതും. ഫാഷന്* മല്*സരത്തില്* പങ്കെടുക്കാനെത്തിയ ഹിജഡ.

ക്യാറ്റ് വാക്ക് ടു ലൈഫ്

സൗന്ദര്യമല്*സരങ്ങള്* ഹിജഡകള്*ക്കിടയില്* തരംഗമായി മാറിയിട്ട് കാലങ്ങളേറെയായി. സിനിമയിലേക്കും മോഡലിങ്ങിലേക്കുമുള്ള അവസരമായി അവര്* ഇതിനെ കാണുന്നു. ചെന്നെയില്* നടന്ന മിസ് ഇന്ത്യ സൗന്ദര്യമല്*സരത്തില്* നിന്ന്

അടുക്കള നേരങ്ങള്*

ഒരു കുടുംബം പോലെ ഹിജഡകള്* ഒരുമിച്ച് താമസിക്കുന്നു. ഒരേ കുടുംബത്തില്* തന്നെ ഹിന്ദുവും മുസ്ലീമും ക്രിസ്ത്യാനിയും ജീവിതം പങ്കിടുന്നു. ഒരു ഹിജഡ കുടുംബത്തിലെ അടുക്കളകാഴ്ച.

മോഹനം സ്തംഭനം

സമ്മോഹനമായ നൃത്തച്ചുവടുകള്* ജല്*സയില്* ഒഴിച്ചുകൂടാനാവാത്തതാണ്. മികവുറ്റ നര്*ത്തകികള്*ക്ക് കഴിവ് തെളിയിക്കാനുള്ള അവസരം കൂടിയാണിത്.

പൊരുതി, കൈപിടിയിലൊതുക്കി

ദീര്*ഘനാളത്തെ സമരപോരാട്ടങ്ങള്*ക്ക് ഒടുവിലാണ് തേര്*ഡ് ജെന്*ഡറിനെ തമിഴ് നാട് സര്*ക്കാര്* അംഗീകരിച്ചത്. തനിക്ക് ലഭിച്ച തിരിച്ചറിയല്* കാര്*ഡുമായി സബിത

മംഗല്യവര്ണ്ണങ്ങളില്

താലികെട്ട് ചടങ്ങിനായി വില്*പനയ്ക്ക് വെച്ച മഞ്ഞള്* പൂത്താലികള്* ഇത്തരം താലികള്* കുത്താണ്ടവര്* ക്ഷേത്രത്തില്* മംഗല്യച്ചടങ്ങുകള്*ക്ക് ഉപയോഗിക്കുന്നു.

ഭക്തലഹരി

മദ്യപാനവും പുകവലിയും ഹിജഡകള്*ക്കിടയില്* വ്യാപകമാണ്. ഇവര്* ദു:ഖങ്ങള്*ക്ക് അവധി നല്*കുന്നത് ഇത്തരം ശീലങ്ങളിലൂടെയാണ്.

പൂമുഖ പാതയില്* അന്നവും തേടീ...

ഹമാമിന് മുന്നില്* കസ്റ്റമേഴ്*സിനെ കാത്തിരിക്കുന്നവര്* . സെക്*സ് വര്*ക്ക്, ബതായി(അനുഗ്രഹം), ഭിക്ഷാടനം എന്നിവയാണ് ഹിജഡകളുടെ ജീവിതമാര്*ഗ്ഗം. മറ്റ് വഴികള്* സമൂഹം കൊട്ടിയടക്കുമ്പോള്* ലൈംഗീകവൃത്തി ഇവരുടെ പ്രഥമജീവിതചര്യയാകുന്നു. അതിനുള്ള മേച്ചില്*പ്പുറം ഹമാമുകളാണ്. ഹമാം എന്നാല്* കുളിപ്പുര. സുഖകരമായ സ്*നാനസൗകര്യങ്ങളുള്ള ഹമാമുകള്* കാലക്രമത്തില്* ലൈംഗീകവൃത്തിക്കുള്ള ഇടങ്ങളായി.

ഏയ്ഞ്ചല്* ഗ്ലാഡി

പോള്* ഗ്ലാഡിന്* എന്ന ബിരുദ വിദ്യാര്*ത്ഥി ഏയ്ഞ്ചല്* ഗ്ലാഡിയായി രൂപാന്തരം പ്രാപിച്ച ശേഷം മദ്രാസ് സര്*വ്വകലാശാലയില്* എംഎ മാസ് കമ്യൂണിക്കേഷന്* കോഴ്*സിന് ചേര്*ന്ന് പഠിക്കാനെത്തിയപ്പോള്* നെറ്റി ചുളിച്ചവര്* ഏറെ. മദ്രാസ് സര്*വ്വകലാശാലയിലെ ആദ്യട്രാന്*സ് ജെന്റര്* വിദ്യാര്*ത്ഥിയായ ഗ്ലാഡി ഇപ്പോള്* ചെന്നൈയിലെ ടിസിഎസ് എന്ന സോഫ്റ്റ്*വെയര്* കമ്പിനിയില്* ജോലി ചെയ്യുന്നു

അരവാന്റെ ഓര്*മ്മയില്* താലിചാര്*ത്ത്

കുത്താണ്ടവര്* ക്ഷേത്രത്തിലെ പൂജാരി ഹിജഡകള്*ക്ക് താലിചാര്*ത്തുന്നു. അരവനാണ് താലി കെട്ടുന്നതെന്നാണ് സങ്കല്പം.

ഗ്ലാഡിയുടെ പാഠശാല

സ്വയം പഠിക്കുന്നതിനൊപ്പം തന്റെ ചുറ്റുവട്ടത്തുള്ള സാധാരണക്കാരുടെ മക്കളെ അക്ഷരലോകത്തേക്ക് നയിക്കാനും ഗ്ലാഡി സമയം കണ്ടെത്തുന്നു. മുഖ്യാധാര സമൂഹവും ഹിജഡകളും തമ്മിലുള്ള വിടവ് നികത്താന്* ഗ്ലാഡിയെപ്പോലെ വിദ്യ ആര്*ജ്ജിച്ചവര്*ക്ക് കഴിയുന്നു.

ഒറ്റസ്നാപ്പിലൊതുങ്ങാത്ത ജീവിതം..

പ്രശസ്ത ഛായാഗ്രാഹകനും സംവിധായകനുമായ സന്തോഷ് ശിവന്* സംവിധാനം ചെയ്ത നവരസ എന്ന തമിഴ് സിനിമയിലെ മുഖ്യകഥാപാത്രത്തെ അവതരിപ്പിച്ച ഖുശ്ബു

കറുപ്പിന്റെ വെളുപ്പ്

കൂട്ടുകാരികളുടെ സന്തോഷവേള

ദേവിയെ തേടും കരങ്ങള്*

കുലദേവതയായ സന്തോഷിമാതയെ സാക്ഷി നിര്*ത്തിയാണ് ജല്*സയിലെ എല്ലാ ചടങ്ങുകളും. കോഴിപ്പുറത്തേ

സന്തോഷിമാതയാണ് സമുദായത്തിന്റെ രക്ഷക

കൂട്ടുതേടുന്ന നോട്ടം

ചെന്നൈ സംഗമയുടെ ഓഫീസില്* നടന്ന നാടകറിഹേഴ്*സല്* ക്യാമ്പില്* നിന്ന്.

നല്*കാം മുത്തം, ശമിക്കുമോ ദു:ഖം

ശസ്ത്രക്രിയയിലൂടെ സ്*ത്രൈണത കൈവരുത്താമെങ്കിലും പ്രസവശേഷി ഹിജഡകള്*ക്ക് സ്വപ്*നം മാത്രമാണ്.

കുട്ടികളെ ദത്തെടുത്തും പാവകളെ ഓമനിച്ചും ചിലര്* കാലം കഴിയുന്നു.

ഛേദിച്ച മംഗല്യം

വൈധവ്യം ഏറ്റുവാങ്ങിയ ഹിജഡകളുടെ അറുത്ത് മാറ്റിയ താലിച്ചരടുകള്*

അനുകരിക്കാനാവില്ല ഈ കൈത്താളം
പ്രത്യേകരീതിയിലുള്ള കൈകൊട്ടല്* ഹിജഡകളുടെ അര്*ത്ഥപൂര്*ണ്ണമായ മറ്റൊരു ഭാഷയാണ്.
ചില ചിഹ്നങ്ങളും സൂചനകളും അതില്* അന്തര്*ലീനമാണ്

കൗമാരത്തിന്‍റെ വഴികള്‍ കൊട്ടേഷന്‍ ടീമുകളിലേയ്ക്കോ...?

2012-01-22T23:21:00.000-08:00

ഈ ആഴ്ച്ചയില്‍ തന്നെ അടുത്തടുത്ത രണ്ടു ദിവസങ്ങളിലായി പത്രത്തില്‍ വന്ന രണ്ടു വാര്‍ത്തകള്‍ വല്ലാതെ വേദനിപ്പിക്കുന്നതായിരുന്നു. മറ്റൊന്നുമല്ല, മാറുന്ന യുവതലമുറയുടെ ചില നേര്‍ചിത്രങ്ങള്‍ കണ്‍മുന്നില്‍ നിറഞ്ഞു നിന്നപ്പോള്‍ മനസ്സ് മരവിപ്പിലമര്‍ന്നു പോയത് സ്വാഭാവികം. ഒന്നാമത്തെ വാര്‍ത്ത ഇപ്രകാരം, സേലത്ത് പഠിക്കുന്ന രണ്ട് വിദ്യാര്‍ത്ഥികളെ ട്രെയിനില്‍ വച്ച് സീനിയേഴ്സ് റാഗ് ചെയ്തു വളരെ ഗുരുതരമായി മുറിവേല്‍ക്കപ്പെട്ട കുട്ടികള്‍ ആശുപത്രിയില്‍ ചികിത്സയിലാണ്. അടുത്തത് അതിലും ദയനീയം, കൂട്ടുകാരനെ കൊല്ലാന്‍ വേണ്ടി ഗുണ്ടകള്‍ക്ക് കൊട്ടേഷന്‍ കൊടുത്ത വിദ്യാര്‍ത്ഥിനി ഏറെ നാളായി ഒളിവിലായിരുന്നു, ഒടുവില്‍ ഒരു ബന്ധു വീട്ടില്‍ നിന്ന് അവളെ പോലീസ് അറസ്റ്റ് ചെയ്തു. കുട്ടികള്‍ തന്നെയാണു രണ്ടിടത്തും വിഷയം.

സേലത്ത് എന്‍ഞ്ചിനീയറിങ്ങ് കോളേജില്‍ പഠിക്കുകയായിരുന്നു, ആ രണ്ടു വിദ്യാര്‍ത്ഥികള്‍. ഒരാള്‍ മുളന്തുരുത്തി സ്വദേശി ഗിവര്‍ഗ്ഗീസ് ജോണ്‍, മറ്റേയാള്‍ ആലപ്പുഴ സ്വദേശി അരുണ്‍ രാജ്. സേലത്തു നിന്നും ചെന്നൈ-തിരുവനന്തപുരം എക്സ്പ്രസ്സില്‍ കയറുമ്പോള്‍ ട്രെയിനില്‍ കൂടുതലും വിദ്യാര്‍ത്ഥികള്‍, തമിഴ്നാട്ടില്‍ പൊങ്കലിന്‍റെ അവധിയായതു കൊണ്ട് മറ്റു കോളേജുകളില്‍ നിന്നുള്ല വിദ്യാര്‍ത്ഥികളും ഉള്‍പ്പെട്ട ഒരു തിരക്ക്. ജനറല്‍ കംപാര്‍ട്ട്മെന്‍റില്‍ വച്ചാണ്, ചില വിദ്യാര്‍ത്ഥികള്‍ അവിടേയ്ക്ക് കയറി വന്ന് ഇരുവ്രോടും എ ടി എം കാര്‍ഡും, പൈസയും ആവശ്യപ്പെട്ടത്. ഇടയില്‍ ഒരാള്‍ കയ്യിലിരുന്ന ആയുധം കൊണ്ട് ഗിവര്‍ഗ്ഗീസിന്‍റെ ചെവി തുളച്ചു. ചെവി മാത്രമല്ല ഇരുവരുടേയും ദേഹത്തി നിറയെ മുറിവുകളായിരുന്നു ആശുപത്രിയില്‍ ഇരുവരേയും അഡ്മിറ്റ് ചെയ്യുമ്പോള്‍. മറ്റേതോ എഞ്ചിനീയറിങ്ങ് കോളേജിലെ വിദ്യാര്‍ത്ഥികളാണിതെന്ന് അവര്‍ പറയുന്നു. ഇത്തരം അതിക്രമം ഇവരുടെ സ്ഥിരം ഏര്‍പ്പാടാണെന്ന് ചില വിദ്യാര്‍ത്ഥികള്‍ സാക്ഷ്യപ്പെടുത്തുകയും ചെയ്യുന്നു. കയ്യിലിരുന്ന പൈസ വാങ്ങി ദേഹമാസകലം മുറിവുകള്‍ നല്‍കിയാണ്, ആ രണ്ടു വിദ്യാര്‍ത്ഥികളേയും അക്രമകാരികള്‍ വിട്ടത്.

അടുത്തത് ഒരു വെറൈറ്റി കഥയാണ്. പലയിടത്തും സാധാരണ ഇരകള്‍ ആകാറുള്ളത് പെണ്‍കുട്ടികളാണെങ്കില്‍ ഇവിടേ തെന്‍റ പ്രായമുള്ള ഒരു സുഹൃത്തിനെ ഇരയാക്കിയത് ഒരു പെണ്‍കുട്ടി, അതും കൌമാരം കടന്നിട്ടില്ലാത്ത ഒരു പെണ്‍കുട്ടി. ക്രിമിനല്‍ സ്വാഭാവമുള്ള, അതുമല്ലെങ്കില്‍ അക്രമത്തിലൂടെ പോരാട്ടത്തിനിറങ്ങിയ നിരവധി സ്ത്രീകള്‍ നമ്മുടെ മുന്നിലുണ്ട്, ചമ്പല്‍ക്കാട്ടിലെ ഫൂലന്‍ ദേവിയില്‍ തുടങ്ങി, നക്സലൈറ്റ് അജിതയിലൂടെ കടന്ന് പോകുന്നു അത്. പക്ഷേ ഫൂലന്‍ ദേവിയ്ക്കും അജിതയ്ക്കുമൊക്കെ പറയാന്‍ വളരെ ശക്തമായ ഒരു അടിത്തറയുണ്ടായിരുന്നു, അവരുടെ പോരാട്ടത്തെ തങ്ങളുടെ പ്രസ്ഥാനത്തിനു വേണ്ടിയുള്ള ഒരു മഹത്തായ കര്‍മ്മമക്കി അവര്‍ മാറ്റിയെടുത്തിരുന്നു, സ്വാതന്ത്ര്യം എന്ന ലക്ഷ്യത്തിനു വേണ്ടിയാകുമ്പോള്‍ പോരാട്ടം സഹജമാണ്. പക്ഷേ ഇവിടെ മിത്ര സൂസന്‍ എബ്രഹാം എന്ന വിദ്യാര്‍ത്ഥിനിയുടെ ലക്ഷ്യം എന്തായിരുന്നു. ഒരു പ്രസിദ്ധ കൊട്ടേഷന്‍ സംഘത്തിലുള്ളവര്‍ക്കു വേണ്ടി ഒരാളെ ഫോണീല്‍ വിളിച്ചു വരുത്തുക, അറിയാതെയാണെങ്കിലും അയാളുടെ കൊലപാതകത്തിന്, അവര്‍ കൂട്ടു നിന്നു എന്നു പറയണം. ഈ സംഭവം നടന്നിട്ട് ഏകദേശം അഞ്ചു മാസത്തോളമായി, ഒളിവിലായിരുന്ന ആ കുട്ടിയെ വളരെ സാഹസികമായാണ്, പോലീസ് അറസ്റ്റ് ചെയ്തത്.

ഈ വിഷയത്തെ പറ്റി ഒരു സുഹൃത്തുമായി സംസാരിക്കവേ അദ്ദേഹം അഭിപ്രായപ്പെടുകയുണ്ടായി, എന്താ പുരുഷന്‍മാര്‍ക്കു മാത്രമേ കൊട്ടേഷന്‍ ടീമില്‍ പ്രവര്‍ത്തിക്കാന്‍ പാടുള്ളോ എന്ന്.

സ്ത്രീ എന്നാല്‍ പുരുഷനേക്കാള്‍ ക്ഷമ കൊണ്ടും സ്നേഹം കൊണ്ടും ധീരയാണ്. ശാരീരികമായി ബലം പുരുഷനാണ്, കൂടുതലെങ്കില്‍ മാനസികമായി കരുത്ത് കൂടുതലെന്ന് തെളിയിച്ചത് സ്ത്രീകള്‍ തന്നെ, അപ്പോള്‍ ഒരു സ്ത്രീ ഇതു പോലെ ക്രിമിനല്‍ സ്വഭാവമായി തീരണമെങ്കില്‍ എന്താവാം അതിന്‍റെ കാരണം, നിസ്സാരമായിരിക്കില്ല എന്നുറപ്പ്. ഒന്നാമതായി കൌമാരം എന്ന പായുന്ന കുതിരയുടെ പ്രായം. അരിയാത്തതിനെ അറിയാനും, തൊടാന്‍ പാടില്ലാത്തതിനെ തൊടാനും നോക്കാന്‍ പാടില്ലാത്തതിനെ നോക്കാനും മനസ്സും ശരീരവും വെമ്പുന്ന പ്രായം. ഒരു ഇറ്റാലിയന്‍ പഴമൊഴി പറയുന്നതു പോലെ കൊച്ചുകുട്ടികള്‍ മുതിര്‍ന്നവര്‍ക്ക് തലവേദനയാണെങ്കില്‍ വലിയ കുട്ടികള്‍ ഹൃദയവേദനയാണ്.

കൌമാരം കഴിയാത്ത ഒരുപാട് കുട്ടികള്‍ ഇന്ന് കൊട്ടേഷന്‍ ടീമുകളില്‍ അറിയാതെ പോലും പെടുന്നുണ്ട്, മുഖ്യമായ ആകര്‍ഷണം പണം തന്നെ. വീട്ടില്‍ നിന്നുള്ള പോകറ്റ് മണി കൂടെയുള്ളവര്‍ക്ക് ഐസ്ക്രീം വാങ്ങിക്കൊടുക്കാനും, രണ്ടു പെഗ്ഗ് അടിക്കാനും തികയാതെ വരുമ്പോള്‍ പിന്നെ എന്തു ചെയ്യും. മയക്കു മരുന്നു മാഫിയയുടെ കയ്യില്‍ പെട്ട് കൂട്ടം തൈ തെറ്റിലേയ്ക്ക് വീഴുന്ന കുഞ്ഞാടുകളുമുണ്ട്. കൌമാരം ഇന്ന് ആഘോഷമാണ്, കയ്യില്‍ ഇഷ്ടം പോലെ പണം, കമ്പനി കൂടാന്‍ കൂട്ടുകാരികളും കൂട്ടുകാരന്‍മാരും, പിന്നെ എന്തു വേണം. പക്ഷേ എവിടെ വരെ പോകും ഈ വഴി എന്ന് ആരും ആലോചിക്കാറില്ല. കൌമാരത്തിന്‍റെ എടുത്തു ചാട്ടങ്ങളില്‍ പെട്ട് ജീവിതം കൈവിട്ടു പോയവര്‍ എത്ര,. ഒരിക്കല്‍ ചെന്നു പെട്ടാല്‍ തിരിച്ചു കയറാനാകാത്ത വിധം കുരുക്കിയിട്ടുണ്ടാകും ടീമിലുള്ള മറ്റുള്ളവര്‍, പിന്നെ ആ അഒരു ഒഴുക്കില്‍ പെട്ട് ഇല പോലെ നീങ്ങുക തന്നെ ഗതി.

ഒരു പരിധി വരെ സമൂഹത്തോടും സംസ്കാരത്തോടുമുള്ള നമ്മുടെ നിസ്സഹകരണ മനോഭാവമാണ്, ഈ അകല്‍ച്ചയ്ക്ക് കാരണമാകുന്നത്. സംസ്കാരം എന്ന് കേള്‍ക്കുമ്പോള്‍ തന്നെ മുഖം ചുളിയുകയും വായില്‍ നിന്ന് പുലഭ്യം വീഴുകയും ചെയ്യുന്ന ഒരു തലമുറ നമ്മുടെ ഇടയിലുണ്ട്. മറ്റു സംസ്കാരങ്ങളെ വാനോളം ഉയര്‍ത്തുകയും ചെയ്യും ഇവര്‍. പക്ഷേ അവനവന്‍റെ കയ്യിലുള്ല മാണിക്യത്തെ കാട്ടിലെറിഞ്ഞ് ചാണകക്കുഴിയിലെ കല്ലിനെ തേടുന്ന അല്‍പ്പന്‍റെ അവസ്ഥയേ പ്രതീക്ഷിക്കേണ്ടൂ. ശരിയും തെറ്റും എല്ലാ സംസ്കാരങ്ങളിലുമുണ്ട്, അതിലെ ശരികള്‍, അതും മറ്റുള്ലവരുടെ അനുഭവത്തില്‍ നിന്ന് പഠിക്കാതെ വീണ്ടും വീണ്ടും തെറ്റു ചെയ്യുന്നവര്‍ വിഡ്ഡികള്‍ എന്നേ പറയാവൂ.. അവരെ തെറ്റുകളില്‍ നിന്ന് കൈപിടിച്ചുയര്‍ത്താന്‍ മുതിര്‍ന്നവര്‍ക്ക് കഴിയും പക്ഷേ നല്ലൊരു മാതൃകയാകാന്‍ അവര്‍ക്കു കൂടി കഴിഞ്ഞാല്‍......

അമേരിക്കയുടെ സ്വന്തം ponytail

2012-01-03T01:49:00.000-08:00

അമേരിക്കൻ വനിതകളുടെ ഏറ്റവും പ്രിയപ്പെട്ട ഹെയർസ്റ്റൈൽ ഏതാണ്? പോണിടെയ്‌ൽ. അതെ, നമുക്ക് ചിരപരിചിതമായ ആ പഴയ ഹെയർ സ്റ്റൈൽ തന്നെ. ജീൻസ്, സ്‌കേർട്ട്, ഫ്രോക്ക്, പാന്റ്സ് എന്നിങ്ങനെ അല്പം മോഡേൺ ആയ ഏതു വേഷത്തിനൊപ്പവും യോജിച്ചു നിൽക്കും ഈ സ്റ്റൈൽ. നമ്മുടെ നാട്ടിൽ സ്‌കൂൾ/ കോളജ് കുട്ടികളെയാണ് അധികവും പോണിടെയ്‌ലിൽ കാണുന്നത്.

എന്നാൽ അമേരിക്കയിൽ പോണിടെയ്‌ൽ കെട്ടുന്നതിന് പ്രായം പ്രശ്നമല്ല. ഇവിടെ 56 ശതമാനം സ്‌ത്രീകൾക്കും ഏറ്റവും പ്രിയം ഈ സ്റ്റൈലാണ്. നാൽപ്പതുകളുടെ തുടക്കത്തിലുള്ള വനിതകളിൽ 68 ശതമാനത്തിനും പോണിടെയ്‌ലിനോടാണ് പഥ്യം. അമേരിക്കയിലെ ഹെയർ സ്‌റ്റൈലിംഗ് ഉത്പന്നങ്ങളുടെ പ്രമുഖ ബ്രാൻഡായ ഗൂഡിയാണ് ഈ കൗതുകകരമായ സർവേയ്‌ക്കു പിന്നിൽ.

എളുപ്പത്തിൽ മുടി കെട്ടാം എന്നതു തന്നെ ഇതിന്റെ പോപ്പുലാരിറ്റിക്കു പിന്നിൽ. എന്തായാലും ഈ സ്‌റ്റൈലിന്റെ ആരാധകർ ഒരു കാര്യം ശ്രദ്ധിക്കണം. ഇടയ്‌ക്കെങ്കിലും മറ്റു സ്‌റ്റൈലുകൾ കൂടി പരീക്ഷിക്കണം. കാരണം എപ്പോഴും ഇങ്ങനെ കെട്ടിവച്ചാൽ മുടിയിഴകൾ പൊട്ടാനുള്ള സാധ്യതയേറെയാണ്. ശരി, ഇനി എന്താണ് നിങ്ങളുടെ പ്രിയപ്പെട്ട ഹെയർസ്‌റ്റൈൽ?

സ്ലിംബ്യൂട്ടിയാകാൻ മാജിക് ഡ്രസ്

2012-01-03T01:47:00.000-08:00

ഒരു ഉടുപ്പ് ധരിച്ചാൽ മാത്രം മതി മെലിഞ്ഞു സുന്ദരിയാകാം. പട്ടിണി കിടക്കേണ്ട, വ്യായാമവും ചെയ്യേണ്ട. ഇംഗ്ലീഷ് ഫാഷൻ ഡിസൈനർ സ്‌റ്റെല്ലാ മെക്കാർട്ടിനിയുടെ ബൈകളർ ഒക്‌ടാവിയ എന്ന ഈ മാജിക് വസ്‌ത്രത്തിനു പിന്നാലെയാണ് ഹോളിവുഡ് സുന്ദരികളെല്ലാം.

കഴിഞ്ഞ മാസം വെനീസ് ഫിലിം ഫെസ്‌റ്റിവലിൽ നടി കേറ്റ് വിൻസ്‌ലറ്റ് ഈ ഉടുപ്പും ധരിച്ച് എത്തിയതോടെയാണ് ബൈകളർ ഒക്‌ടാവിയ സൂപ്പർ ഹിറ്റായത്. തടിച്ച പ്രകൃതക്കാരിയായ കേറ്റിന്റെ വണ്ണം ഡപ്പോ എന്നു കുറഞ്ഞതിന്റെ രഹസ്യം അന്വേഷിച്ചവരെല്ലാം സ്റ്റെല്ലയുടെ ഉടുപ്പ് തേടി പറന്നു. നിറം കൊണ്ടുള്ള ഒരു കൺകെട്ടാണ് സ്‌റ്റെല്ലയുടെ തന്ത്രം. രണ്ട് കോൺട്രാസ്റ്റ് നിറങ്ങളാണ് ഇതിന്. ഉടുപ്പിന്റെ ഇരുവശങ്ങളിലും ഉള്ള കറുത്ത തുണിയുടെ പീസ് കണ്ണിൽപ്പെടില്ല. Hour glass ആകൃതിയിൽ വെട്ടിയെടുത്ത എതിർ നിറത്തിലുള്ള തുണി മാത്രമേ ശ്രദ്‌ധയിൽപ്പെടൂ.

1595 ഡോളറാണ് ഈ പരമ്പരയിൽപ്പെട്ട ഉടുപ്പുകൾക്ക് സ്‌റ്റെല്ല വിലയിട്ടിരിക്കുന്നത്. ഈ വില താങ്ങാനാകാത്തവർക്കായി ഡ്യൂപ്ലികേറ്റ് ഉടുപ്പുകളും വിപണിയിൽ വന്നു കഴിഞ്ഞു. ഇവയ്‌ക്ക് 100 ഡോളറിൽ താഴെ മാത്രമാണ് വില. വ്യാജന്റെ വരവ് ബൈകളർ ഒക്‌ടാവിയയുടെ ഡിമാൻഡ് ഒട്ടും കുറച്ചിട്ടില്ല. മാർക്കറ്റിൽ എത്തുന്ന പാടെ സ്‌റ്റെല്ലയുടെ ഉടുപ്പുകൾ വിറ്റു പോവുകയാണ്.

കൊലവെറി ടീഷർട്ടും superhit

2012-01-03T01:42:00.000-08:00

ധനുഷിന്റെ കൊലവെറി പാട്ട് നെറ്റിൽ ഹിറ്റായതോടെ Why this Kolaveri D? എന്ന എഴുത്തുള്ള ടീഷർട്ടുകളും വിപണിയിൽ.

ഇന്റർനെറ്റിൽ ഈ പാട്ടിനുള്ള പ്രിയം കണ്ടിട്ടാവാം ഓൺലൈൻ കമ്പനികൾ തന്നെയാണ് കൊലവെറി ടീഷർട്ടുകൾ ആദ്യം വിറ്റു തുടങ്ങിയത്. LS everything in fashion എന്ന ഓൺലൈൻ കമ്പനി ഈ ടീഷർട്ട് വിൽക്കുന്നത് 249 രൂപയ്‌ക്കാണ്. ഈ പാട്ടിന്റെ വരികൾ മുഴുവൻ എഴുതിയ ടീ ഷർട്ടുകളും LS everything in

fashion വിൽക്കുന്നുണ്ട്.

600024.com എന്ന ഓൺലൈൻ കമ്പനിയിൽ നിന്ന് കൊലവെറി ടീഷർട്ട് വാങ്ങണമെങ്കിൽ 349 രൂപ മുടക്കണം. X tees എന്ന ഓൺലൈൻ കമ്പനിയിൽ നിന്നാകട്ടെ വെറും 149 രൂപയ്‌ക്ക് ഈ ടീഷർട്ട് വാങ്ങാം. കഴിവതും എല്ലാ ആൾക്കാരെയും കൊണ്ട് ടീ ഷർട്ട് വാങ്ങിപ്പിക്കാനാണ് വില കുറച്ചു വിൽക്കുന്നതെന്ന് X tees പറയുന്നു. White-a skin-u, girl-u. heart-u, black-u , God I am dying now, she is happy,

how? എന്നിങ്ങനെ ഈ പാട്ടിലെ മറ്റു വരികളും ഇവരുടെ ടീഷർട്ടിൽ കാണാം. അന്നാ ഹസാരെ ടീ ഷർട്ടുകളും നേരത്തെ X tees വിപണിയിലെത്തിച്ചിരുന്നു. എങ്കിലും കൊലവെറി ടീഷർട്ട് പോലെ അവയൊന്നും തന്നെ വിറ്റുപോയിട്ടില്ലത്രേ.

ഇനി എന്താണ് Why this Kolaveri D? എന്ന വരിയുടെ അർഥം. നീ എന്തിനെന്നെ കൊല്ലുന്നു എന്ന നേരിട്ടുളള അർഥം. എന്നാൽ ഈ സിനിമയിൽ കാമുകിയെ നഷ്‌ടപ്പെട്ടതിന്റെ വേദനയിൽ മദ്യപിച്ച് ധനുഷ് പാടുന്നതാണിത്, നീ എന്തിന് എന്നോടിത് ചെയ്‌തു, അല്ലെങ്കിൽ നീ എന്തിന് എന്നെ ഉപേക്ഷിച്ചു? എന്നൊക്കെയുള്ള അർഥത്തിൽ. പ്രണയവും പ്രണയപരാജയവും യുവാക്കളുടെ സ്വന്തം വിഷയമാണ്. ടീ ഷർട്ട് അവരുടെ

പ്രിയവേഷവും. പിന്നെങ്ങനെ കൊലവെറി ടീ ഷർട്ട് ഹിറ്റാകാതിരിക്കും?

അടിവിഴീതെ നോക്കണമെന്നുമാത്രം.........

2012-01-01T23:53:00.001-08:00

ദേഷ്യം അടക്കാന്‍ കഴിയാത്തവരാണ് നമ്മളില്‍ പലരും എന്തെങ്കിലും ഒരു കാര്യത്തിന് ക്ഷോഭിച്ചാല്‍ പിന്നെ ഉറഞ്ഞുതുള്ളി സര്‍വ്വതും നശിപ്പിക്കാനുള്ള ദേഷ്യമാണ്.

ചിലരുടെ ഈ ദേഷ്യം വേഗത്തില്‍ കുറയുമെങ്കിലും മറ്റുചിലരില്‍ ഇത് കുറച്ചേറെ സമയം നിലനില്‍ക്കും. ഇങ്ങനെ കലിതുള്ളി നില്‍ക്കുന്നയാള്‍ക്ക് ഒരു സ്പൂണ്‍ പഞ്ചസാര കൊടുത്തുനോക്കൂ, നോക്കിനില്‍ക്കേ അയാളുടെ ദേഷ്യം മഞ്ഞുപോലെ ഉരുകിത്തീരുന്നത് കാണാം.

പഞ്ചസാരയില്‍ അടങ്ങിയിരിക്കുന്ന ഗ്ലൂക്കോസാണത്രേ ഈ രഹസ്യത്തിന്പിന്നില്‍. പഞ്ചസാര കഴിയ്ക്കുമ്പോള്‍ മസ്തിഷ്‌കത്തിന് കൂടുതല്‍ ഊര്‍ജ്ജം ലഭിക്കുന്നു. ഇത് ആത്മസംയമനത്തിനും ദേഷ്യം

നിയന്ത്രിക്കാനും വ്യക്തികളെ സഹായിക്കുമത്രേ.

നാരങ്ങാ വെള്ളത്തില്‍ പഞ്ചസാര ചേര്‍ത്ത് കഴിയ്ക്കുമ്പോഴുണ്ടാകുന്ന സഡന്‍ എനര്‍ജി ദേഷ്യപ്പെടാനുള്ള മാനസികാവസ്ഥയെ ഇല്ലാതാക്കി. പൊസീറ്റീവ് എനര്‍ജി നല്‍കുന്നുവെന്നാണ് ഗവേഷകര്‍ പറയുന്നത്.

എന്തായാലും ഇനി വീട്ടിലാരെങ്കിലും കലിതുള്ളി നില്‍ക്കുമ്പോള്‍ ഒരു സ്പൂണ്‍ പഞ്ചസാരയുമായി ചെല്ലൂ. അത് വായിലിടുന്നതിന് മുമ്പേ അടിവിഴീതെ നോക്കണമെന്നുമാത്രം. ഒരൊറ്റ സ്പൂണ്‍ പഞ്ചസാരകൊണ്ട് എന്തൊക്കെ പ്രശ്‌നങ്ങള്‍ തീരുന്നു അല്ലേ?

സംസ്ഥാനം മുഴുവന്‍ മുങ്ങി പോയാലും ഞങ്ങളുടെ പച്ചക്കറി തോട്ടം നനയണം.

2012-01-01T23:24:00.000-08:00

ഒരു സംസ്ഥാനം മുഴുവന്‍ മുങ്ങി പോയാലും ഞങ്ങളുടെ പച്ചക്കറി തോട്ടം നനയണം. തമിഴന്റെ സ്വന്തം പച്ചക്കറി തോട്ടത്തിനോടുള്ള സ്നേഹം നമ്മള്‍ കണ്ടു പഠിക്കണം.

ഭക്ഷ്യ വസ്തുക്കള്‍ക്കായി നാം അന്യ സംസ്ഥാനങ്ങളെ ആശ്രയിക്കുന്ന സ്ഥിതിപാടേ മാറേണ്ടിയിരിക്കുന്നു. പാണ്ടിയുടെ കനിവില്‍ കനിഞ്ഞു കിട്ടുന്ന രാസവളപ്രയോഗങ്ങള്‍ ആവോളം നടത്തിയ പച്ചക്കറികള്‍ കഴിച്ച് വയറ്റില്‍ സൂക്കേടുകള്‍ വരുത്തി വെയ്ക്കുവാന്‍ നമ്മളെ തന്നെ ഒരുക്കണോ? കൈ കൊണ്ട് ഒരു ഇല പോലും പെറുക്കി മാറ്റാത്ത, ഒരു തൂമ്പ മണ്ണ് പോലും സ്വന്തം മണ്ണില്‍ നിന്നും കിളയ്ക്കാത്ത ഓണ്‍ലൈനില്‍ കൂടി ഗൃഹാതുരത്വം വിളമ്പുന്ന മലയാളികളെ ... നമ്മള്‍ ഉണരാന്‍ സമയമായി.ഇനി മേലില്‍ പച്ചക്കറികള്‍ക്കും , പാല്‍ ഉത്പന്നങ്ങള്‍ക്കും വേണ്ടി തമിഴന്റെ മുന്‍പില്‍ കൈ നീട്ടരുത്.

എന്തുകൊണ്ട് നമ്മള്‍ മലയാളികള്‍ക്ക് സ്വന്തം വീട്ടില്‍ ഒരു പച്ചക്കറി തോട്ടം തുടങ്ങികൂടാ.5 സെന്റ് ഉള്ളവനും സ്വന്തമായി അവനവന്റെ കുടുംബം പോറ്റാന്‍ എന്തെങ്കിലും ചെയ്തു കൂടെ. മിക്ക വീടുകളിലും അടുക്കളത്തോട്ടങ്ങൾ ഉണ്ടായിരുന്ന കാലം,നമ്മളെ വിട്ടകുന്നു. ഇതൊക്കെ നമ്മുടെ നഷ്ട്ടങ്ങള്‍ അല്ലെ. നമ്മുടെ വീടുകളില് പണ്ടുണ്ടായിരുന്ന അടുക്കളത്തോട്ടങ്ങള് നമുക്ക് തിരിച്ചു കൊണ്ടുവന്നെ മതിയാകു. എന്നാല് മാത്രമേ നമുക്ക് ഈ തമിഴന്റെ ഉമ്മാക്കിയില്‍ നിന്നും മോചനമുള്ളൂ. നമ്മുടെ സ്ത്രീ ജനങ്ങള്‍ ഇതിനു തയ്യാറായി ഇറങ്ങണം . കുറച്ചു പയര്‍, കുറച്ചു വെണ്ടയ്ക്ക , കുറച്ചു ചീര പിന്നെ വാഴ, കപ്പ, ചേമ്പ്, കാച്ചില്‍ എല്ലാം 4 - 5 മൂട്. ഒരു കുടുംബം ഒരുമ്പെട്ടു ഇറങ്ങില്‍യാല്‍ ഇതൊക്കെ സാധ്യമല്ലേ. ഇറങ്ങണം. മുല്ലപ്പെരിയാര്‍ സംഭവം ഇതിനൊക്കെ ഒരു തുടക്കമാകട്ടെ .

നാളെ നമ്മുടെ മക്കള്‍ , കണ്ട തമിഴന്റെ മുന്‍പില്‍ കൈയും നീട്ടി ഇരിക്കാന്‍ ഇടവരുത്താതെ , നമ്മുടെ മക്കളെയും മണ്ണിന്റെ മക്കളാക്കാന്‍ നമ്മള്‍ പഠിപ്പിക്കണം . കുഞ്ഞുങ്ങളെ മണ്ണില്‍ കളിയ്ക്കാന്‍ വിടാത്ത മല്ലു പൊങ്ങച്ചം നമ്മളെ വലിയ വിപത്തീലെക്കല്ലെ നയിക്കുന്നത് ? എനിക്കിതിനൊന്നും സമയം ഇല്ലാ എന്ന് വീമ്പിളക്കുന്ന മാന്യന്മ്മാരെ , ഇതൊന്നും ചെയ്തു ശീലമില്ല എന്ന് പറയുന്ന മടിയന്മ്മാരെ , വാള് തലയുടെ മുകളില്‍ തൂങ്ങി കിടക്കുന്നു എന്നോര്‍ക്കുക. സ്വന്തംമായി സ്വല്പം ഹൈജീനിക് ഭക്ഷണം, മക്കളുക്ക് ഉണ്ടാക്കി കൊടുക്കുവാന്‍ നിങ്ങള്ക്ക് തോന്നുന്നില്ലേ. ലോകത്തില്‍ ജനിക്കുമ്പോള്‍ ഇതൊന്നും ആരും പഠിച്ചിട്ടല്ല വരുന്നത്. ഇതൊക്കെ നമ്മുടെ ആവിശ്യമാണ് . പഠിക്കണം. പഠിച്ചാലേ മതിയാവൂ. ആഴ്ചയില്‍ വളരെ കുറച്ചു നേരം നമുക്ക് ഇതിനായി മാറി വെക്കാന്‍ പറ്റില്ലേ. പറ്റും വേണമെന്ന് വെച്ചാല്‍. ..

ഓരോ വീടിനോടും ചേര്‍ന്ന് ഒരു അടുക്കളത്തോട്ടം നിര്‍മ്മിക്കുന്നത് കുടുംബാംഗങ്ങളുടെ ആരോഗ്യത്തിനും ചില്ലറ വരുമാനത്തിനും സഹായിക്കുന്ന ഘടകമാണ്. നമ്മുടെ വീട്ടു മുറ്റത്ത്‌ ഉള്ള സ്ഥലത്ത് കുറച്ചു വെണ്ട,വഴുതന,കോവല്‍,തക്കാളി,മുളക്,പയര്‍,തുടങ്ങിയവ നട്ടു പിടിപ്പിച്ചാല്‍,വീട്ടില്‍ ഉപയോഗിക്കുന്ന പച്ചക്കറികളുടെ വേസ്റ്റും ,ചാരവും,പച്ചിലകളും,ചാണകം കിട്ടുമെങ്കില്‍ അതും ഇട്ടുകൊടുത്താല്‍ വിഷമില്ലാത്ത ജൈവ പച്ചകറികള്‍ വീട്ടില്‍ ഉണ്ടാക്കാം.അധികം അധ്വാനമില്ലാതെ കുടുംബാംഗങ്ങള്‍ ഒരുമിച്ച് വളരെ രസകരമായി രൂപപ്പെടുത്തിയെടുക്കാവുന്ന ഒന്നാണിത്. എത്ര ചെറിയ വീടിനോടു ചേര്‍ന്നും അതിനനുസരിച്ച് അടുക്കളത്തോട്ടം നിര്‍മ്മിക്കാം. വീട്ടുമുറ്റം കുറവുള്ളവര്‍ക്ക് ചാക്കില്‍ മണ്ണു നിറച്ച് ഉള്ള സ്ഥലത്ത് അവരവര്‍ക്കാവശ്യത്തിനുള്ള പച്ചക്കറികള്‍ വിളയിച്ചെടുക്കാവുന്നതാണ്. ചാക്കില്‍ എല്ലാത്തരം പച്ചക്കറികളും കിഴങ്ങുവര്‍ഗ്ഗങ്ങളും വളരെ മെച്ചപ്പെട്ട രീതിയില്‍ ഉല്പാദിപ്പിക്കാമെന്ന് പല വീട്ടമ്മമാരും തെളിയിച്ചു കഴിഞ്ഞതാണ്. വീട്ടുമുറ്റമില്ലാത്തവര്‍ക്ക് ടെറസ്സിലും വളരെ വിജയകരമായി പച്ചക്കറി കൃഷി ചെയ്യാം. വീട്ടിലേക്കാവശ്യമായ തക്കാളി, വെണ്ടയ്ക്ക, പാവയ്ക്ക, പയര്‍, പടവലങ്ങ, കോവയ്ക്ക, ചീര, വഴുതനങ്ങ, പലതരം ഇല വര്‍ഗ്ഗങ്ങള്‍, ചേന, ചേമ്പ്, കപ്പ, മുളക് എന്നിവ വളരെ മെച്ചപ്പെട്ട രീതിയില്‍ നമുക്ക് ഉല്പാദിപ്പിക്കാം.

വീട്ടിലേയ്ക്കാവശ്യമുള്ള പച്ചക്കറികള്‍ എടുത്തശേഷം ബാക്കിയുള്ളവ അയല്‍പക്കങ്ങളിലോ അടുത്ത കടയിലോ കൊടുത്താല്‍ അല്പം വരുമാനമാര്‍ഗ്ഗവുമാകും. മായമില്ലാത്ത പുതിയ പച്ചക്കറികള്‍ കിട്ടുകയെന്നത് ഏവര്‍ക്കും സന്തോഷമുള്ള കാര്യം തന്നെയാണ്.തികച്ചും ജൈവ കൃഷിയിലൂടെ ഉല്പാദിപ്പിക്കുന്ന പച്ചക്കറികള്‍ പോഷക സമ്പുഷ്ടവും ആരോഗ്യത്തിന് സഹായകവുമാണ്. ജൈവ വളങ്ങള്‍ വീട്ടില്‍ത്തന്നെ നമുക്ക് നിര്‍മ്മിച്ചെടുക്കാം. വീട്ടിലുപയോഗിക്കുന്ന പച്ചക്കറികളുടേയും മത്സ്യം, മാംസം, മുട്ട എന്നിവയുടെ അവിശിഷ്ടങ്ങള്‍, തേയില ചണ്ടി മുതലായവ കമ്പോസ്റ്റ് വളമാക്കാം. കൂടാതെ വളര്‍ത്തു മൃഗങ്ങളുടെ അവശിഷ്ടങ്ങളും ജൈവവളമായി ഉപയോഗിക്കാവുന്നതാണ്.

വീട്ടിലെ മുതിര്‍ന്നവരോടൊപ്പം കുട്ടികളെ കൂടി കൃഷികാര്യങ്ങളില്‍ പങ്കാളികളാക്കുന്നത് അവര്‍ക്ക് കൃഷിയില്‍ താല്പര്യം വര്‍ദ്ധിപ്പിക്കുന്നതിലുപരി പ്രകൃതിയെ സ്‌നേഹിക്കാനും പരിസ്ഥിതി സംരക്ഷിക്കാനും പഠിക്കുകയും ചെയ്യും. ചെറിയ ചെറിയ ജോലികള്‍ അവരെ ഏല്പിക്കുന്നത് നല്ലതാണ്. ചെടികളുടെ ചുവട്ടിലെ കളകള്‍ നീക്കം ചെയ്യുന്നതിനും ഇലപ്പുഴുവിനെ പറിച്ചെടുത്ത് നശിപ്പിക്കുന്നതിനും ജലസേചനത്തിനും മറ്റും കുട്ടികളെ ചുമതലപ്പെടുത്താം. കുടുംബാംഗങ്ങളൊന്നിച്ച് കുറച്ചുസമയം പച്ചക്കറി തോട്ടത്തില്‍ ചിലവഴിക്കുന്നതുവഴി മാനസികോല്ലാസവും വ്യായാമവും അതിലൂടെ ആരോഗ്യവും ഉന്മേഷവും വര്‍ദ്ധിക്കാന്‍ സഹായിക്കും.

ഉദ്യോഗസ്ഥകളായ വീട്ടമ്മമാര്‍ക്കും അല്പ സമയവും അഭിരുചിയുമുണ്ടെങ്കില്‍ നല്ലൊരു അടുക്കളത്തോട്ടമുണ്ടാക്കാന്‍ യാതൊരു പ്രയാസവുമില്ല. ഉദ്യോഗസ്ഥകളല്ലാത്ത വീട്ടമ്മമാര്‍ക്ക് സ്ഥലവും സമയവുമുണ്ടെങ്കില്‍ അല്പം വിപുലമായ രീതിയില്‍ തന്നെ പച്ചക്കറി കൃഷിയും മൃഗപരിപാലനവും പരീക്ഷിക്കാവുന്നതാണ്.

സ്വന്തമായി ഉണ്ടാക്കിയ പച്ചക്കറികള്‍ കഴിക്കുമ്പോള്‍ ഉണ്ടാകുന്ന സന്തോഷം നമ്മള്‍ക്ക് അനുഭവിക്കെണ്ടേ? അതൊരു അനുഭവം തന്നെ ആണ് . നമുക്ക് ഇവിടെ തുടങ്ങാം.. ഇത് വായിക്കുന്ന ഓരോ മലയാളികളും, അവരവരുടെ വീട്ടില്‍ എന്തെങ്കിലും സ്വന്തംമായി ചെയ്യും എന്ന തീരുമാനം എടുക്കണം. മറ്റുള്ളവരെ പറഞ്ഞു മനസിലാക്കണം . ഇതൊരു തുടക്കമാകട്ടെ . ഭക്ഷ്യസ്വയം പര്യാപ്തതയ്ക്കായി ഓരോവീട്ടിലും ഒരു പച്ചക്കറിത്തോട്ടം എന്ന ആശയം പ്രചരിപ്പിക്കുന്നതിനും നടപ്പാക്കുന്നതിനുമായി നമ്മള്‍ ഇറങ്ങണം . ഒത്തൊരുമിച്ചു പ്രവര്‍ത്തിച്ചാല്‍ ഭക്ഷ്യസ്വയംപര്യാപ്തത നമുക്ക് നേടിയെടുക്കാവുന്നതേയുള്ളു. അങ്ങനെ ഭക്ഷ്യക്ഷാമത്തിന് ഒരു പരിഹാരവുമാകും.

രണ്ടാനമ്മ ദക്ഷിണ ആയി ചോദിച്ചതോ "വളരെ സ്നേഹിക്കുന്ന ഓര്‍ക്കുട്ട് അമ്മയുടെ തുടിക്കുന്ന ഹൃദയം"

2011-12-27T00:45:00.000-08:00

എന്റെ മക്കളെ , എന്റെ പോന്നു മക്കളെ എന്നെ വിട്ടു പോകരുതേ, എന്നെവിട്ടു പോകരുതേ" എന്നലറി വിളിക്കുന്ന ഒരു ഓര്‍കുട്ട് അമ്മ

എന്നെ വഴിയില്‍ കളഞ്ഞിട്ടു പോകരുതേ"എന്നു ഭ്രാന്തിയെ പോലെ പുലമ്പുന്ന ഒരമ്മ . അല്പം കനിവിനായി കെഞ്ചുന്ന, കുണ്ടിൽ പോയ കണ്ണുകളിൽ പ്രത്യാശയുടെ തിളക്കം.

ശക്തി ക്ഷയിച്ചു കൊണ്ടിരിക്കുന്ന കൈകള് കൊണ്ടു എല്ലാവരെയും ചേര്‍ത്ത് നിര്‍ത്തുവാനായി ഈ അമ്മ നന്നായി കഷ്ട്ടപെടുന്നു.

നിര്‍ഭാഗ്യം എന്ന് പറയട്ടെ , മക്കള്‍ ഓരോന്നായി എന്നെ വിട്ടു പോകരുതേ” വിലപിക്കുന്ന അമ്മയെ നമസ്ക്കരിച്ച്, നന്ദി പറഞ്ഞും പറയാതെയും നടന്നകന്നു.

എങ്ങോട്ട് ?

ഫേസ് ബുക്ക്‌ എന്നാ രണ്ടാനമ്മയുടെ വലയത്തിലേക്ക് . അവരുടെ മാസ്മരിക വലയത്തിലേക്ക് , എല്ലാ മക്കളും കാല്‍ വെച്ച് കയറി.

അവരുടെ സൌന്ദര്യത്തില്‍ , എല്ലാ മക്കളും വീണു. അവരുടെ കഴിവിനെ എല്ലാ മക്കളും പുകഴ്ത്തി പാടാന്‍ തുടങ്ങി .

രണ്ടാനമ്മ ദക്ഷിണ ആയി ചോദിച്ചതോ "വളരെ സ്നേഹിക്കുന്ന ഓര്‍ക്കുട്ട് അമ്മയുടെ തുടിക്കുന്ന ഹൃദയം" ഒരു ഇലയില്‍ വെച്ച് നല്‍കാന്‍

എല്ലാവരും ഓടി , അവരുടെ കുടുംബ വീട്ടിലേക്കു . സ്നേഹ സ മ്പന്നയായ മാതാവിന്റെ കൊല്ലുന്നു എന്നിട്ട് സ്നേഹസമ്പന്നമായ ഹൃദയം പിടയുന്ന അമ്മയുടെ നെഞ്ചില്‍ നിന്നും പറിച്ചെടുത്തു.

അമ്മ വേദനയോടെ പറഞ്ഞു ... മക്കളെ ഓടുമ്പോള്‍ വീഴാതെ നോക്കണേ എന്ന്.

ഓര്‍ക്കുട്ട് അമ്മയെ ഇപ്പോള്‍ ആര്‍കും വേണ്ട.. അവരുടെ മുലപ്പാലിന്റെ മധുരം രുചി കൊതിതീരുവോളം അനുഭവിച്ച എല്ലാവരും ഒന്നിനും കൊള്ളാത്ത അമ്മ എന്ന് വിധിയെഴുതി

അമ്മിഞ്ഞപ്പാലിന്റെ മധുരം ആവുവോളം അനുഭവിച്ചതിന്റെ ശേഷം , മക്കള്‍ രണ്ടാനമ്മയുടെ ലഹരി നല്‍കുന്ന പാല് നുകരാന്‍ ആ അമ്മയുടെ നെഞ്ചും തകര്‍ത്തു പലരും വിട്ടകന്നു.

മാതൃസ്നേഹം ആണ് മഹത്തരം എന്ന് പറയുന്നു .... ഇതാണോ നമ്മുടെ മാതൃ സ്നേഹം ?

ചില മക്കള്‍ മാത്രം വല്ലപ്പോഴും പേരിനു മാത്രം ഈ അമ്മയെ കാണാനായി എത്തുന്നു. അപ്പോഴും ഓര്‍ക്കുട്ട് അമ്മ അവരുടെ കാലു പിടിച്ചു കരയുന്നു എന്നെ വിട്ടു പോകരുതേ, എന്നെവിട്ടു പോകരുതേ" എന്ന്.

ആര് കേള്‍ക്കാന്‍ , എല്ലാവര്ക്കും ഈ അമ്മ ഒഴിവാക്കാന്‍ കഴിയാത്ത ഒരു ഭാരമായി മാറിയിരിക്കുന്നു. ഇപ്പോള്‍ ചിറകൊടിഞ്ഞ വെറും, അധിക പറ്റു

പലര്‍ക്കും ആ അമ്മ സ്നേഹത്തോടെ നല്‍കിയ പാസ്.വേഡ് തുരുമ്പെടുത്തു. പലരും പാസ്.വേഡ് കളഞ്ഞു കുളിച്ചു. അമ്മ മരിച്ചോ എന്നറിയാന്‍ പലരും ഫോര്‍ഗോട്ട് പാസ്സ്‌വേര്‍ഡ്‌ അടിച്ചു അമ്മയെ വേദനിപ്പിക്കുന്നു

വേദനയുടെ വിങ്ങലില്‍ ജീവിക്കുന്നതിനേക്കാള്‍ നല്ലത്, ആരോരും അറിയാതെ മണ്ണടി യുന്നതാണ്... ഒറ്റപ്പെടുത്തല്‍, അകറ്റി നിര്‍ത്തല്‍ പലപ്പോഴും മരണത്തെക്കാള്‍ വേദനിപ്പിക്കുന്നു...

കഷ്ട്ടപ്പെട്ട്‌ വളര്‍ത്തുവാന്‍ ഈ അമ്മയെ എല്ലാവര്‍ക്കും വേണമായിരുന്നു ... ഇപ്പോള്‍ വെറും ഒരു പിണം... അമ്മ നെഞ്ചു തകര്‍ന്നു വിലപിക്കുകയാണ്

കാക്കയ്ക്ക് തന്‍ കുഞ്ഞു പൊന്‍ കുഞ്ഞു എന്ന് പറഞ്ഞപോലെ, ഓരോ അമ്മമാരും തന്റെ മക്കളെ ജീവനോളം എന്നുമാത്രമല്ല ജീവന്റെ അവസാന ശ്വാസം വരെ സ്നേഹിക്കും

മാതൃ സ്നേഹം ഒന്നിനും പകരം വെക്കാന്‍ സാധിക്കാത്ത ഒന്നാണ് .ലാഭേശ്ചയിലാത്ത സ്നേഹം.. അത് അമ്മയില്‍ നിന്നുമാത്രം..

'മിസ് കാള്‍ 'പ്രിയരുടെ ഇന്ത്യ

2011-12-26T21:08:00.000-08:00

ദിവസം ഒരു മിസ്ഡ് കാളെങ്കിലും തേടി വരാത്തവര്‍ ചുരുക്കം. മിസ്കാളിടുന്നവരെ നാം ശുക്കനെന്ന് വിളിക്കും. പിന്നെ ആരുമറിയാതെ നമ്മളും ഒരു മിസ്സിടും. ഇന്ത്യയിലെ മൊബൈല്‍ ഫോണ്‍ ഉപഭോക്താക്കളില്‍ പകുതിയും സന്ദേശങ്ങള്‍ കൈമാറാന്‍ മിസ്ഡ് കാള്‍ ഉപയോഗപ്പെടുത്തുന്നവരാണത്രെ. രണ്ട് വര്‍ഷം മുമ്പ് നടന്ന ഒരു പഠനത്തിലാണ് ഇക്കാര്യം പ്രതിപാദിക്കുന്നത്.

സംഗതി മിസ്സാണെങ്കിലും ഒത്തിരി സന്ദേശങ്ങള്‍ ഇത് കൈമാറുന്നു. ഓഫീസിലെത്തിയെന്നറിയിക്കാന്‍ ,ഓഫീസ് വിട്ടെന്ന് പറയാന്‍ മാത്രമോ എന്നെ മറക്കല്ലേ എന്നൊരു പ്രണയാതുരത വരെ ചില മിസ്ഡ് കാളുകള്‍ക്ക് പിന്നില്‍ ഒളിഞ്ഞിരിക്കുന്നു.

ഇന്ത്യയില്‍ ഏകദേശം തെണ്ണൂറ് കോടി മൊബൈല്‍ ഉപഭോക്താക്കളുണ്ട്. എന്നാല്‍ ഇതിനനുസരിച്ച വരവില്ലെന്നാണ് കണക്കുകള്‍ പറയുന്നത്. ഒരാളില്‍ നിന്ന് ലഭിക്കുന്ന ശരാശരി വരുമാനം വെറും 150 രൂപയാണത്രെ!. ഇന്ത്യക്കാരുടെ അഗാധമായ മിസ് കാള്‍ പ്രണയമാണത്രെ അതിന് കാരണം.

എന്തിനേറെ പറയുന്നു ബിസിനസ് നടത്തിപ്പിന് പോലും മിസ് കാള്‍ ഉപയോഗിക്കുകയാണ് ബംഗളൂരുവിലെ സിപ് ഡയല്‍ കമ്പനി. തങ്ങളുടെ സേവനം ആവശ്യമാണോ എന്ന് ഒരു മിസ്ഡ് കാളിലൂടെ അറിയിക്കാനുള്ള സൌകര്യം ഉപഭോക്താക്കള്‍ക്ക് ഒരുക്കി കൊടുത്തിരിക്കുകയാണിവര്‍. യെസ് എന്നാണ് ഉത്തരമെങ്കില്‍ ഒരു നമ്പര്‍. നൊ എന്നാണ് ഉത്തരമെങ്കില്‍ മറ്റൊരു നമ്പര്‍. മിസ്സിട്ടാല്‍ മാത്രം മതി. സഹായം വീട്ട് പടിക്കല്‍.

മൈക്രോവേവ് പാചകം ക്യാന്‍സറുണ്ടാക്കും

2011-12-22T01:21:00.000-08:00

മൈക്രോവേവ് അവന്‍ ആധുനിക അടുക്കളയുടെ അവിഭാജ്യ ഘടകമാണ്. പാചകം ചെയ്യാനും ചൂടാക്കാനും നിമിഷനേരം മതിയെന്നത് തന്നെയാണ് ഇതിന്റെ ഗുണം.

എന്നാല്‍ ഗുണത്തോടൊപ്പം ചില ദോഷങ്ങളും മൈക്രോവേവിനുണ്ട്. ഇലക്ട്രിക്, മാഗ്നറ്റിക് റേഡിയേഷനിലൂടെയാണ് മൈക്രോവേവ് പ്രവര്‍ത്തിക്കുന്നത്. ഇത് ഭക്ഷണ കണികകള്‍ക്കുള്ളിലൂടെ കടക്കുകയും അങ്ങനെ ചൂടാക്കുകയുമാണ് ചെയ്യുന്നത്. ഈ ചൂടാണ് ഭക്ഷണം വേവിക്കാനും ചൂടാക്കാനും ഉപയോഗിക്കുന്നത്. ഇത്തരം ചൂടില് വേവുന്ന ഭക്ഷണം ശരീരത്തിലെ ലൂക്കോസൈറ്റുകളെ വര്‍ദ്ധിപ്പിക്കുകയും കോശങ്ങളെ നശിപ്പിക്കുകയും ചെയ്യും. ഇത് ക്യാന്‍സര്‍ ബാധക്ക് വഴി വയ്ക്കുന്നു.

ജീന്‍ ആള്‍ട്ടറിംഗ് ടെക്‌നോളജി വഴിയാണ് മൈക്രോവേവ് പ്രവര്‍ത്തിക്കുന്നത്. ഇത് ഭക്ഷണത്തിന്റെ പോഷണം നശിപ്പിക്കുകയാണ് ചെയ്യുന്നത്.

മൈക്രോവേവിലെ റേഡിയേഷന്‍ ശരീരത്തിലെ ഹോര്‍മോണ്‍ ഉല്‍പാദനം തടയുന്നു. ഇത് നിരവധി പ്രശ്‌നങ്ങളുണ്ടാക്കുന്നു.

വയറ്റിലും ആമാശയത്തിലും ക്യാന്‍സറുണ്ടാക്കാന്‍ സാധ്യതയുള്ള കോശങ്ങള്‍ മൈക്രോവേവ് ഉണ്ടാക്കുന്നു. ശരീരത്തിന് വൈറ്റമിനുകള്‍ ആഗിരണം ചെയ്യാനുള്ള കഴിവും ഇത് കുറയ്ക്കുന്നു.

ഇത്തരം കണ്ടുപിടുത്തങ്ങള്‍ ശാസ്ത്രീയമായി തെളിയിക്കപ്പെട്ടിട്ടുള്ളതാണെന്നത് മൈക്രോവേവിലെ പാചകം പൂര്‍ണസുരക്ഷിതമാണെന്ന പറയാനാവില്ല.

മലയാളി ഹൃദയത്തിനാവശ്യം നല്ല കൊഴുപ്പ്- ബദാം മസിലുകള്‍ ബലപ്പെടുത്തും

2011-12-22T01:17:00.000-08:00

ഹൃദയാരോഗ്യത്തിന് ഭക്ഷണകാര്യത്തിലും പ്രത്യേക ശ്രദ്ധ വേണം. കൊഴുപ്പുള്ള ഭക്ഷണം ഹൃദയത്തിന് നല്ലതല്ലെന്നാണ് പറയുക. എന്നാല്‍ എല്ലാതരം കൊഴുപ്പുകളും ദോഷമില്ല. ഹൃദയത്തിന്റെ ആരോഗ്യത്തിനുതകുന്ന നല്ല കൊഴുപ്പുകളും ആരോഗ്യത്തെ ബാധിക്കുന്ന ചീത്ത കൊഴുപ്പുകളുമുണ്ട്.

സാച്ച്വറേറ്റഡ്, ട്രാന്‍സ്ഫാറ്റുകളാണ് ഹൃദയധമനികളില്‍ അടിഞ്ഞുകൂടുന്നതും കൊളസ്‌ട്രോളും ഹൃദയാഘാതവും ഉണ്ടാക്കുന്നതും.

മോണോസാച്ച്വറേറ്റഡ്, പോളി സാച്ച്വറേറ്റഡ് കൊഴുപ്പുകള്‍ കൊളസ്‌ട്രോള്‍ കുറയ്ക്കുകയും അതുവഴി ഹൃദയത്തെ സംരക്ഷിക്കുകയുമാണ് ചെയ്യുന്നത്.

ഒലീവ്, ഒലീവ് ഓയില്‍, റിഫൈന്‍ഡ് സണ്‍ഫഌവര്‍ ഓയില്‍, പീനട്ട് ഓയില്‍, ബട്ടര്‍ ഫ്രൂട്ട്, ബദാം, നിലക്കടല, കശുവണ്ടിപ്പരിപ്പ് തുടങ്ങിയവ മോണോസാച്ച്വറേറ്റഡ് കൊഴുപ്പുകളാണ്. ഇവ ഹൃദയത്തിന് നല്ലതാണ്.

ഫഌക്‌സീഡ്, ചോളം, മത്തങ്ങ, എള്ള്, സോയാബീന്‍, വാള്‍നട്ട് എന്നിവയും ട്യൂണ, മത്തി, അയല തുടങ്ങിയ മത്സ്യങ്ങളും പോളിസാച്ച്വറേറ്റഡ് ഫാറ്റ് അടങ്ങിയവയാണ്. ഇവയും ആരോഗ്യത്തിന് ഗുണം ചെയ്യും.

ബദാം മസിലുകള്‍ ബലപ്പെടുത്തും

ബദാം ദിവസവും കഴിക്കുന്നവരും ബദാമിന്റെ ഗുണത്തെക്കുറിച്ച് അധികമൊന്നും കടന്നു ചിന്തിക്കാന്‍ വഴിയില്ല. ബദാം ആരോഗ്യത്തിന് നല്ലതാണെന്ന് പറഞ്ഞു നിര്‍ത്തുന്നതായിരിക്കും പതിവ്.

കൊഴുപ്പു കുറവും കാര്‍ബോഹൈഡ്രേറ്റുകള്‍ ആവശ്യത്തിനും അടങ്ങിയ ഭക്ഷണമാണിത്. ഒരു പിടി ബദാം കഴിച്ചാല്‍ ചീത്ത കൊളസ്‌ട്രോള്‍ എന്നറിയപ്പെടുന്ന എല്‍ഡിഎല്‍ കൊളസ്‌ട്രോള്‍ തോത് 4.5 ശതമാനം വരെ കുറയും.

വൈറ്റമിന്‍ ഇ, മഗ്നീഷ്യം, ഫൈബര്‍, ഫോസ്ഫറസ്, പൊട്ടാസ്യം, കാല്‍സ്യം, അയേണ്‍ തുടങ്ങി ഇവയിലില്ലാത്ത പോഷകമില്ലെന്നു തന്നെ പറയാം. മസിലുകള്‍ വേണമെന്നുള്ളവര്‍ ബദാം കഴിക്കുന്നത് നല്ലതാണ്.

വിശപ്പു മാറാന്‍ ബദാം നല്ലതാണ്. ഇവ തൈരിലോ പാലിലോ ചേര്‍ത്തു കഴിച്ചാല്‍ ഗുണം കൂടും.

ക്യാന്‍സര്‍ തടയാനും ബദാം നല്ലതാണ്. രക്തധമനികളിലെ തടസം മാറ്റാനും ഇത് പറ്റിയ ഭക്ഷണമാണ്.

സൗന്ദര്യത്തിനും ബദാം നല്ലതാണ്. ബദാം കൊണ്ട് ഫേസ് പായ്ക്കുകള്‍ ഉണ്ടാക്കാം. ബദാം കഴിച്ചാല്‍ രണ്ടാഴ്ചക്കുള്ളില്‍ സ്ത്രീകള്‍ക്ക് ശരീരവടിവ് ലഭിക്കുമത്രെ

വാടക ഗര്‍ഭപാത്രത്തിന് പ്രതിമാസം 3000 രൂപ!

2011-12-19T11:14:00.001-08:00

ഗര്‍ഭപാത്രം വാടകയ്‌ക്കെടുത്ത് ഒരു കുഞ്ഞിനെ സ്വന്തമാക്കുകയെന്ന ഭാവന പണ്ടുമുതലേതന്നെയുണ്ട്. എന്നാല്‍ അടുത്തകാലത്തായി ഇന്ത്യയില്‍ ഈ പ്രവണത വര്‍ധിക്കുകയാണ്. വിദേശത്തുനിന്നുപോലും ആളുകളെത്തി ഇന്ത്യയില്‍ ഗര്‍ഭപാത്രം വാടകയ്‌ക്കെടുത്ത് കുഞ്ഞുങ്ങളെ സ്വന്തമാക്കുന്ന രീതി പതിവായിട്ടുണ്ട്.

ഇപ്പോഴാണെങ്കില്‍ ബോളിവുഡ് താരം അമീര്‍ ഖാനും ഭാര്യ കിരണ്‍ റാവുവും കൂടി ഈ രീതിയില്‍ കുഞ്ഞിനെ സ്വന്തമാക്കിയതോടെ ഇതില്‍ കുഴപ്പമില്ലെന്നതരത്തിലുള്ള ഒരു ചിന്ത സാധാരണക്കാരില്‍പ്പോലും ഉടലെടുത്തിട്ടുമുണ്ട്.

പലര്‍ക്കും ഈ രീതികൈക്കൊള്ളാമെന്നുണ്ടെങ്കിലും വന്‍തുക ചെലവാകുമെന്ന ചിന്തയാണ് പലരെയും തടയുന്നത്. സാധാരണഗതിയില്‍ ഗര്‍ഭിണിയാകാനും പ്രസവിക്കാനും കഴിയാത്ത സ്ത്രീകള്‍ക്കായിട്ടാണ് പല ഡോക്ടര്‍മാരും സറോഗസി നിര്‍ദ്ദേശിക്കാറുള്ളത്. ബീജവും അണ്ഡവും സംയോജിപ്പിച്ച് സറോഗേറ്റ് മദറിന്റെ ഗര്‍ഭപാത്രത്തില്‍ നിക്ഷേപിക്കുകയാണ് ചെയ്യുന്നത്.

അതുമുതലിങ്ങോട്ട് പ്രസവവും പ്രസവശുശ്രൂഷയുമുള്‍പ്പെടെയുള്ള കാര്യങ്ങളുടെ ചെലവ് ആവശ്യക്കാരാണ് വഹിക്കേണ്ടത്. സാധരണഗതിയില്‍ മാസം 3000 രൂപ എന്നരീതിയിലാണ് പലരും ഈടാക്കുന്നത്. മുംബൈയിലും മറ്റും ഗര്‍ഭപാത്രം വാടകയ്ക്ക് നല്‍കുന്നത് പതിവാക്കിയ സ്ത്രീകളുടെ കഥകള്‍ പലപ്പോഴും റിപ്പോര്‍ട്ട് ചെയ്തിട്ടുണ്ട്.

ബാംഗ്ലൂരില്‍ റിപ്പോര്‍ട്ട് ചെയ്തതനുസരിച്ച് കഴിഞ്ഞ രണ്ടുവര്‍ഷങ്ങളില്‍ 75 സ്ത്രീകളാണ് ഇത്തരത്തില്‍ സ്വന്തം ഗര്‍ഭപാത്രം വാടകയ്ക്ക് നല്‍കിയത്. പ്രതിമാസം 3000 രൂപയെന്നതാണ് ഇവരുടെ പൊതുവേയുള്ള നിരക്ക്.

ഇത്തരത്തില്‍ ഗര്‍ഭപാത്രം വാടകയ്ക്ക് നല്‍കിയ തുംകൂര്‍ ജില്ലയില്‍ നിന്നുള്ള ഒരു യുവതി പറയുന്നത് ഒരു പ്രസവത്തിന് അവര്‍ക്ക് 2.5ലക്ഷത്തോളം രൂപ ലഭിച്ചുവെന്നാണ്. ഇതുവെച്ച് കുടുംബകാര്യങ്ങള്‍ ചെയ്യുകയും സഹോദരനെ പഠിപ്പിക്കുകയുമെല്ലാം ചെയ്തുവെന്നും ഇവര്‍ പറയുന്നു.

ഗര്‍ഭപാത്രം വാടകയ്ക്ക് നല്‍കുന്ന സ്ത്രീക്ക് 10മാസത്തേയ്ക്ക് ഇന്‍ഷുറന്‍സ് പരിരക്ഷയും ലഭിയ്ക്കും.

സറോഗസിയുമായി ബന്ധപ്പെട്ട കാര്യങ്ങളില്‍ വിവരങ്ങള്‍ നല്‍കാനും ആളുകളുടെ അജ്ഞത അകറ്റാനുമായി ബാംഗ്ലര്‍ നഗരത്തില്‍ ഒരു ട്രസ്റ്റ് പ്രവര്‍ത്തിക്കുന്നുണ്ട്. കെടി ഗുരുമൂര്‍ത്തിയെന്ന എംബ്രയോളജിസ്റ്റാണ് ഈ ട്രസ്റ്റ് നടത്തുന്നത്. അണ്ഡദാതാക്കളെയും ബീജ ദാതാക്കളെയുമെല്ലാം ഏര്‍പ്പാടുചെയ്യുന്നതുള്‍പ്പെടെയുള്ള കാര്യങ്ങള്‍ ഇവിടെ ചെയ്യുന്നുണ്ട്.

ഇന്ത്യന്‍ കൗണ്‍സില്‍ ഓഫ് മെഡിക്കല്‍ റിസര്‍ച്ച് നിര്‍ദ്ദേശിച്ചിരിക്കുന്ന നിയമാവലി മുന്‍നിര്‍ത്തിക്കൊണ്ട് ബാംഗ്ലൂര്‍ നഗരത്തിലെ പ്രമുഖ ഗൈനക്കോളജിസ്റ്റുകളും മറ്റും ഗര്‍ഭപാത്രം വാടകയ്‌ക്കെടുക്കുന്നത് സംബന്ധിച്ച നിര്‍ദ്ദേശങ്ങള്‍ നല്‍കുന്നുണ്ട്.

ഇന്‍വിട്രോ ഫെര്‍ടിലൈസേഷനില്‍ക്കൂടിയും കുട്ടികളുണ്ടാകാന്‍ കഴിയാത്തവര്‍ക്കും ഗര്‍ഭധരാണത്തിന് വേണ്ട ആരോഗ്യമില്ലാത്ത ഗര്‍ഭപാത്രങ്ങളുള്ള സ്ത്രീകള്‍ക്കും ഇതൊരു നല്ല ഉപാധിയാണെന്ന് ആരോഗ്യവിദഗ്ധര്‍ ചൂണ്ടിക്കാണിക്കുന്നു.

സറോഗസി സംബന്ധിച്ച ഐസിഎംആര്‍ നിര്‍ദ്ദേശങ്ങള്‍ ഇങ്ങനെയാണ്

1 യഥാര്‍ത്ഥ അച്ഛനും അമ്മയും കുഞ്ഞിനെ നിയമപരമായി ദത്തെടുത്തിരിക്കണം.

2 നിയമങ്ങള്‍ പാലിച്ചുകൊണ്ട് സ്വമേധയാ ഗര്‍ഭപാത്രം വാടകയ്ക്ക് നല്‍കാന്‍ തയ്യാറാവുന്ന സ്ത്രീകളെ മാത്രമേ ഇതിനായി തിരഞ്ഞെടുക്കാന്‍ പാടുള്ളു. കുട്ടിയെ തിരിച്ചുതരാന്‍ അവര്‍ സന്നദ്ധയായിരിക്കണം.

3 ഗര്‍ഭധാരണം മുതല്‍ പ്രസവം വരെയുള്ള അമ്മയുടെ ചെലവുകളെല്ലാം ഗര്‍ഭപാത്രം വാടകയ്‌ക്കെടുക്കുന്നവര്‍ ഏല്‍ക്കണം. കൃത്യസമയത്ത് വാഗ്ദാനം നല്‍കിയ തുക നല്‍കുകയും വേണം. ഇതിനെല്ലാം കൃത്യമായ രേഖകള്‍ സൂക്ഷിക്കണം.

4 ഗര്‍ഭപാത്രം വാടകയ്ക്ക് നല്‍കുന്ന സ്ത്രീയ്ക്ക് 45 വയസ്സില്‍ക്കൂടുതല്‍ പ്രായമുണ്ടാകരുത്.

5 മൂന്നുതവണയില്‍ക്കൂടുതല്‍ ഒരു സ്ത്രീ ഇത്തരത്തില്‍ കുട്ടികളെ പ്രസവിച്ച് നല്‍കരുത്

ഇത് കാറോ സ്വര്‍ണ കൊട്ടാരമോ

2011-12-19T11:12:00.001-08:00

സ്വിസ് ബിസിനസുകാരനായ അന്‍ലൈക്കറിന്റെ കാര്‍ ഒന്നു കാണേണ്ടതു തന്നെയാണ്. ഇദ്ദേഹത്തിന്റെ മെഴ്‌സിഡസ് മക്‌ലാറന്‍ എസ്എല്‍ആര്‍ കണ്ടാല്‍ അത് കാറു തന്നെയാണോ എന്ന് ആരും ചോദിച്ചുപോകും. അത്രയധികം സ്വര്‍ണവും രത്‌നങ്ങളും ഉപയോഗിച്ചാണ് അന്‍ലൈക്കന്‍ സ്വന്തം കാര്‍ ആള്‍ട്ടര്‍ ചെയ്ത് എസ്‌ക്ലൂസിവ് ആക്കിയിരിക്കുന്നത്. ലോകത്ത് ഓപ്പണ്‍ മാര്‍ക്കറ്റില്‍ ലഭ്യമായ ഏറ്റവും വിലയേറിയ കാറും ഇതാണത്രെ!

ആള്‍ട്ടര്‍ ചെയ്ത ശേഷം 'അന്‍ലൈക്കര്‍ മക്‌ലാറന്‍ എസ്എല്‍ആര്‍ 999 റെഡ് ഗോള്‍ഡ് ഡ്രീം' എന്ന പേരിലാണ് ഈ വാഹനം അറിയപ്പെടുന്നത്. അന്‍ലൈക്കറിന്റെ സ്വന്തം ഇഷ്ടപ്രകാരം കാര്‍ മാറ്റിയെടുക്കുന്നതിന് 30,000 മണിക്കൂര്‍ വേണ്ടിവന്നു. ഇതിനായി ചെലവഴിച്ചതും ഒട്ടും കുറവല്ല - 55 ലക്ഷം ഡോളര്‍!

കാറിന്റെ ചക്രങ്ങള്‍, നിറം, ഇന്റീരിയര്‍ എന്തിനേറെ എഞ്ചിന്‍ വരെ അന്‍ലൈക്കര്‍ സ്വന്തം ഇഷ്ടപ്രകാരം മാറ്റിമറിച്ചു. 25 ലെയറുളള ചുവന്ന പെയിന്റാണ് കാറിന് അടിച്ചിരിക്കുന്നത്! പെയിന്റില്‍ അഞ്ച് കിലോ സ്വര്‍ണത്തരികളും ചേര്‍ത്തിരിക്കുന്നു! വീല്‍ക്കപ്പും ഹെഡ്‌ലൈറ്റും ഡോറും 24 കാരറ്റ് സ്വര്‍ണ്ണത്തില്‍ പൊതിഞ്ഞിരിക്കുന്നു. കാറിനകത്തെ ഇന്‍ഡിക്കേറ്ററുകര്‍ രത്‌ന ഖചിതമാണ്. സീറ്റുകവറും മറ്റ് ഇന്റിരിയറുകള്‍ക്കും സ്വര്‍ണ ടച്ച് നല്‍കിയിട്ടുണ്ട്. മൊത്തം 600 മാണിക്യ കല്ലുകളാണ് ഈ കാറിനെ സുന്ദരിയാക്കാന്‍ ഉപയോഗിച്ചിരിക്കുന്നത്.

എഞ്ചിനാവട്ടെ 640 ബിഎച്ച്പിയില്‍ നിന്ന് 999 ബിഎച്ച്പി ആക്കി ഉയര്‍ത്തുകയും ചെയ്തു. ഇതിന്റെ ഫലമായി കാറിന്റെ ടോപ്പ് സ്പീഡ് മണിക്കൂറില്‍ 210 മൈലായി വര്‍ദ്ധിപ്പിക്കാനായി.

സ്വപ്ന സാക്ഷാത്കാരത്തിനായി ഇത്രയധികം ചെലവഴിച്ച അന്‍ലൈക്കര്‍ ഇനി തന്റെ ഈ സ്വപ്ന വാഹനം വാങ്ങുന്നതിനായി ആരെങ്കിലും വരുമോ എന്ന കാത്തിരിപ്പിലാണ്. ആര്‍ക്കായാലും 11 ദശലക്ഷം ഡോളറില്‍ കുറച്ച് ഈ നിരത്തിലെ കൊട്ടാരം വില്‍ക്കില്ല എന്നാണ് ഉടമയുടെ തീരുമാനം. 470,000 ഡോളറായിരുന്നു കാറിന്റെ യഥാര്‍ത്ഥ വില.

ഡിലീറ്റ്

2011-12-19T10:25:00.001-08:00

റോസ് ലിന്‍ ദിവാസ്വപ്നത്തില്‍ നിന്നെന്നപോലെ ഉണര്‍ന്നു... കോളേജില്‍ പോയ മകള്‍ മറന്നു വച്ച മൊബേല്‍ കയ്യിലിരുന്നു ചിലച്ചു. ഡിസ്പ്ലേയില്‍ 'ലച്ചു' എന്ന് എഴുതി കണ്ടു... റോസ് ലിന്‍ രണ്ടു, മൂന്ന് നിമിഷം മൊബേലില്‍ അങ്ങനെ തന്നെ നോക്കിയിരുന്നു, ശേഷം കാതിലേയ്ക്ക് അടുപ്പിച്ചു.

"അമ്മേ ഇത് ഞാനാ... മൊബേല്‍ എടുക്കാന്‍ മറന്നു... അത് അവിടെ തന്നെയുണ്ടോ എന്ന് ഉറപ്പാക്കാന്‍ വിളീച്ചതാ... " പിന്നെ എന്തോ കൂടി പറഞ്ഞിട്ട്.. 'തിരക്കാണ്' എന്ന വാക്കില്‍ ഫോണ്‍ നിശബ്ദമായി.

റോസ് ലിന്‍ മകളുടെ ഫോണിലെ മസ്സേജ്ബോക്സ്സും, സേവ്ഡ് മസ്സേജും, എം. എം. എസ്സുകളും, ഫോട്ടോസ്സും എല്ലാം നോക്കിക്കാണുകയായിരുന്നു. ഭാഷയുടെ പരിമിതിയില്‍പ്പെട്ട് പല പ്രണയ, സൗഹൃദ സന്ദേശങ്ങളുടേയും അതിന്റെ കാതലായ അര്‍ത്ഥതലത്തില്‍ ചെന്നെത്തി വായിയ്ക്കുവാനായില്ല. എന്തൊക്കെയാണ് ഇന്നെത്തെ കുട്ടികള്‍ ഈ കാട്ടിവച്ചിരിയ്ക്കുന്നത്.. എന്തെല്ലാം തരത്തിലുള്ള ഫോട്ടാസ്സ്, പ്രണയ സ്ക്രാപ്പുകള്‍...... റോസ് ലിന് മകളോട് നീരസം തോന്നി... ഇന്നിങ്ങ് വരട്ടെ എന്ന് മനസ്സില്‍ വിചാരിച്ചു. മനസ്സ് കൂടുതല്‍ അസ്വസ്ഥമാകുകയാണ്... എങ്കിലും അവള്‍..??

പല ചിന്തകളില്‍ മനസ്സ് കൂടുതല്‍ സംഘര്‍ഷഭരിതമായി.... ഒടുവില്‍ ഭര്‍ത്താവിനോട് പറയാം എന്ന തീരുമാനത്തില്‍ വീട്ടിലെ ലാന്റ് ലൈനില്‍ നിന്നും ചെറിയാച്ചന്റെ മൊബേലിലേയ്ക്ക് വിളിച്ചു. മറുതലയ്ക്കല്‍ ചെറിയാച്ചന്റെ ശബ്ദം.... റോസ് ലിന്‍ ഒന്നറച്ചു, പിന്നെ "തിരക്കിലാണോ...?" എന്ന് ചോദിച്ചു.

"ഇല്ല, പറഞ്ഞോളു"

"അതു പിന്നെ.... നമ്മുടെ മോളിന്ന് ഫോണും മറന്നു വച്ചാ കോളേജില്‍ പോയേക്കുന്നത്..."

"അതിനെന്ത..?"

"അതല്ല.... ഞാന്‍ വെറുതെ ആ ഫോണ്‍ മൊത്തത്തില്‍ ഒന്ന് നോക്കി"...

"നല്ല കാര്യം" ചെറിയാച്ചന്‍ തമാശ രൂപത്തില്‍ ചിരിച്ചു പറഞ്ഞു.

"ഉം.. നല്ല കാര്യങ്ങള്‍... ഇന്നത്തെ പിള്ളേര്‍ എന്തൊക്കയാ ഈ കാണിച്ച് വച്ചിരിയ്ക്കുന്നത് എന്നറിയോ..?"

"ഇല്ല എനിയ്ക്കറിയില്ല... " വീണ്ടും ചിരികൊണ്ടുള്ള മറുപടി...

"ചിരിച്ചോ.. ചിരിച്ചോ... ഞാന്‍ പറഞ്ഞത് പിന്നീടേ മനസ്സിലാക്കൂ..." റോസ് ലിന്‍ പരിഭവിച്ചു.

"റോസ്... നിനക്കറിയില്ല... ഇന്നിന്റെ കൗമാരവും, പ്രണയവും..."

ചെറിയാച്ചന്‍ ഒരു നിമിഷം നിശബ്ദനായി...

"റോസ്... നമ്മുടെ മോളുടെ എല്ലാ കാര്യങ്ങളിലും എന്റെ ശ്രദ്ധയുണ്ട്... അവളുടെ സൗഹൃദങ്ങള്‍ മുതല്‍ മൊബേല്‍ വരേയ്ക്കും, ഞാന്‍ ഇതൊക്കെ നേരത്തെ കണ്ടതാണ്... ഇതിലൊന്നും വലിയ കാര്യങ്ങളില്ല. ഇന്നിന്റെ പ്രണയവും, സൗഹൃദവും ഇങ്ങനെയൊക്കയാ... നീ ആ മൊബേലിലെ ഓപ്ഷന്‍ സ്വിറ്റ്ച് കണ്ടോ..? "ഡിലിറ്റ്" എന്നെഴുതിയിരിയ്ക്കുന്നത്.... ഒരു തവണ പ്രസ്സ് ചെയ്താല്‍ മതി എല്ലാം മാഞ്ഞുപോകും... അത്രമാത്രമേയുള്ളു ഇന്നിന്റെ ഹൃദയ ബന്ധങ്ങള്‍. വീണ്ടും നമുക്ക് എന്തൊക്കെ വേണമെങ്കിലും 'സേവ്' ചെയ്യാം. അല്ലാതെ എന്നേം, നിന്നേം പോലെ ഓര്‍മ്മകളുടെ, ബന്ധങ്ങളുടെ, പ്രണയത്തിന്റെ, സൗഹൃദങ്ങളുടെ പഴയ പെട്ടിയും നെഞ്ചില്‍ ചേര്‍ത്ത് പിടിച്ച് ഇന്നത്തെ തലമുറ ഉറക്കമൊഴിയാറില്ല."

റോസ് ലിന്‍ നിശബ്ദയായിരുന്നു....

ചെറിയാച്ചന്റെ മനസ്സിലെ ആശങ്കകള്‍ക്ക് കൂടുതല്‍ കനംവച്ചു....

"തല്‍ക്കാലം മകളോട് ഒന്നും ചോദിയ്ക്കരുത്" എന്ന് പറഞ്ഞ് ചെറിയാച്ചന്‍ ഫോണ്‍ കട്ടു ചെയ്തു.

റൊസ് ലിന്‍ ചിന്തകളിലേയ്ക്ക് വഴുതുകയായിരുന്നു....

ഭൂതകാലത്തിലേയ്ക്കുള്ള വര്‍ണ്ണാഭമായ ഓര്‍മ്മകളെ ഇന്നും നിറം മങ്ങാതെ സൂക്ഷിച്ച് വച്ചിട്ടുണ്ട്.... മനസ്സിലും, റൂമിലെ സൈഡ് ഷൈഡിന്റെ മൂലയിലെ പഴയ പെട്ടിയിലും. അന്നെത്തെ ആശംസാകാര്‍ഡുകള്‍ എത്ര നിറമുറ്റതായിരുന്നു. അതില്‍ എന്തെല്ലാം സ്വപ്നങ്ങളാണ് ചിറകു വിടര്ത്തി നിന്നിരുന്നത്.. പ്രണയപ്പൂക്കളുടെ വസന്തങ്ങള്‍ ഹൃദയത്തില്‍ എത്രയാണ് പൂത്തുവിടര്‍ന്നത്... ഓര്‍മ്മകള്‍ക്ക് നിറം മങ്ങിവരുന്ന ഏകാന്തതകളില്‍ ആ പഴയ പെട്ടി തുറക്കപ്പെടുന്നു. ആയിരം നിറമുള്ള ശലഭങ്ങള്‍ പറന്നുയര്‍ന്ന് മനസ്സിനെ മായികമായ ലോകത്തെത്തിയ്ക്കുന്നു. അവിടെ മലാഖമാരുടെ, മണവാട്ടിയുടെ കുപ്പായമിട്ട് കൈയ്യില്‍ കടുംചുവപ്പ് നിറമുള്ള റോസാപ്പൂക്കളുമായി ചുവന്ന പരവതാനി വിരിച്ച വഴിയിലൂടെ.....

റോസ് ലിന്‍ തന്റെ മനസ്സിലെ,പഴയ പെട്ടിയ്ക്കുള്ളിലെ ഓര്‍മ്മകളുടെ വസന്തത്തിലേയ്ക്ക്...... വിടവാങ്ങലിന്റെ വേളയില്‍ പ്രിയപ്പെട്ട ആരോ എഴുതിയ രണ്ട് വരികളിലേയ്ക്ക്...

" നീ നിന്നിലേക്കൊതുങ്ങുമ്പോള്‍

ഓര്‍ക്കുക ഞാനും, നീയായിരുന്നെന്ന്.."

സംസാരിക്കുന്ന ചിത്രങ്ങള്‍...

2011-12-19T10:18:00.000-08:00

നമ്മള്‍ കാണാനിഷ്ടപ്പെടാത്ത ചിത്രങ്ങള്‍

ഫോട്ടോകളും എഴുത്തും: മധുരാജ്

എന്‍ഡോസള്‍ഫാന്‍ ദുരന്തമേഖലയില്‍ മധുരാജ് എന്ന ഫോട്ടോഗ്രാഫര്‍ വീണ്ടും എത്തുന്നു. 2001-ലും 2006-ലും നടത്തിയ കാസര്‍കോട് യാത്രകളുടെ തുടര്‍ച്ച. കഴിഞ്ഞ പത്തുവര്‍ഷങ്ങള്‍ എന്‍ഡോസള്‍ഫാന്‍ ഏരിയല്‍ സ്‌പ്രേയിങ് നിര്‍ത്തിവെച്ച കാലഘട്ടം കൂടിയാണ്. പക്ഷേ, ഇവിടത്തെ മനുഷ്യജീവിതങ്ങള്‍ക്ക് കാര്യമായ ഒരു മാറ്റവും സംഭവിച്ചിട്ടില്ല എന്നതിന്റെ തെളിവാണ് ഈ ചിത്രങ്ങള്‍. മനുഷ്യന്റെ ജനിതകഘടനയെത്തന്നെ മാറ്റിമറിക്കുന്ന ദുരന്തങ്ങള്‍ വരുംതലമുറകളിലും ആവര്‍ത്തിക്കുമെന്ന സൂചനകളാണിത്. പ്രഖ്യാപിക്കപ്പെട്ട നഷ്ടപരിഹാരങ്ങളുടെ പൊള്ളത്തരങ്ങള്‍ ഇവിടെ തുറന്നുകാട്ടപ്പെടുന്നു. തങ്ങളുടെ ദുരിതത്തിനുകാരണം എന്‍ഡോസള്‍ഫാന്‍ എന്ന മാരകകീടനാശിനിയാണെന്ന യാഥാര്‍ഥ്യം അറിയാത്ത അനേകര്‍ ഇപ്പോഴും ഇവിടെയുണ്ട്. ഒരു സര്‍വേകളിലും ഇവരുള്‍പ്പെട്ടിട്ടില്ല. കാസര്‍കോട് ജില്ലയില്‍ ഏരിയല്‍ സ്‌പ്രേയിങ് നടന്ന 11 ഗ്രാമപ്പഞ്ചായത്തുകളില്‍ നാലെണ്ണത്തിലാണ് മധുരാജ് ഫോട്ടോസര്‍വേ നടത്തിയത്. ദുരന്തത്തിന്റെ വ്യാപ്തി ഇതിലും എത്രയോ വലുതാണ്. പാലക്കാട്ടെ കാര്‍ഷികമേഖലയായ മുതലമടയിലും ഇടുക്കിയിലെ കട്ടപ്പനയിലും മധുരാജ് നടത്തിയ യാത്രകളുടെ ചിത്രങ്ങളും ഒപ്പമുണ്ട്. കീടനാശിനി പ്രയോഗം വ്യാപകമായ ഈ പ്രദേശങ്ങളില്‍നിന്നുള്ള വളരെ കുറച്ച് ചിത്രങ്ങള്‍, ദുരന്തമലയുടെ അറ്റം മാത്രമാണിത് എന്ന തിരിച്ചറിവോടെ ഞങ്ങള്‍ അവതരിപ്പിക്കുന്നു.

ദുരന്തത്തിന്റെ ദൂരയാത്രകള്‍

കാസര്‍കോട്: കശുമാവിന്‍തോട്ടങ്ങളും ഇടയ്ക്കുള്ള വീടുകളും വിജനമായ പാറനപ്രദേശങ്ങളും കടന്ന് നീങ്ങവെയാണ് മുഹമ്മദ് റഫീഖിനെ (12) കാണുന്നത്. ക്രച്ചസില്‍ നടക്കുന്ന റഫീഖിന്റെ വീട് തൊട്ടടുത്താണ്.
റഫീഖിന്റെ കഥ ഇങ്ങനെ: ചെങ്ങളായി പഞ്ചായത്തിലെ പുണ്ടൂര്‍കോടിമൂല ഒരു പ്ലാന്റേഷന്‍ ഏരിയയാണ്. ഉമ്മ ഫാത്തിമത്ത് സുഹറ. ഉപ്പ കൂലിപ്പണിക്കാരനായ മൊയ്തീന്‍. മൊയ്തീന്റെ വീടാണ് പുണ്ടൂര്‍കോടിമൂലയിലുള്ളത്. അഞ്ചാംക്ലാസു മുതലാണ് റഫീഖിന് കാലുവേദന തുടങ്ങിയത്. പിന്നീട് വലിഞ്ഞ് നടക്കാന്‍ തുടങ്ങി. കുറേക്കാലം ആശുപത്രിയില്‍ കിടന്നു. കാസര്‍കോട് ഡോ. രാജയുടെ കീഴില്‍ ഒരു ശസ്ത്രക്രിയയും കഴിഞ്ഞു. രോഗം എന്താണെന്നു മാത്രം വ്യക്തമായില്ല. ഒരു വര്‍ഷമായി കുട്ടി സ്‌കൂളില്‍ പോകുന്നില്ല.
വിഷംതീണ്ടിയ ഗ്രാമങ്ങളിലൂടെയുള്ള യാത്രകളില്‍ എത്രയോ നിഷ്‌കളങ്കരായ മനുഷ്യരെ കണ്ടുമുട്ടുന്നു. അവര്‍ കടന്നുപോകുന്ന ദുരന്തത്തെക്കുറിച്ചറിവില്ലാത്ത പാവങ്ങള്‍. ഈ യാത്രയില്‍ അത്തരക്കാരുടെ പട്ടികയിലേക്ക് കുറിച്ചിടാന്‍ ഒരു ബാലന്റെ പേരുകൂടി.'

കാഴ്ചയ്‌ക്കൊരു ബലി

കാസര്‍കോട്: പ്ലാന്റേഷന്‍ തൊഴിലാളിയായിരുന്ന വി. അമ്പുവിന്റെ മകളാണ് കാര്‍ത്ത്യായനി. ഇപ്പോള്‍ 31 വയസ്സുള്ള കാര്‍ത്ത്യായനി പത്താം ക്ലാസ്സില്‍ പഠിക്കുമ്പോഴാണ് കാഴ്ച കുറഞ്ഞുവരുന്നത് ശ്രദ്ധയില്‍ പെടുന്നത്. പ്രീഡിഗ്രിക്ക് പഠിക്കുമ്പോള്‍ പൂര്‍ണമായും അന്ധയായി. പിന്നീട് അര്‍ബുദത്തിന്റെ തേരോട്ടമായിരുന്നു ആ ശരീരത്തില്‍. വലത്തേ മാറിടം നീക്കംചെയ്തപ്പോള്‍ വയറ്റില്‍ ക്യാന്‍സര്‍ വന്‍ മുഴയായി വന്നു. അത് കഴുത്തിലേക്ക് പടരുകയാണ്. തല പിളരുന്ന വേദന. അമ്മ വെള്ളച്ചിക്ക് ഈ വേദന കണ്ടുനില്ക്കാന്‍ വയ്യ. അവിവാഹിതയായ ഈ പെണ്‍കുട്ടിക്ക് ആശ്വാസമായി അമ്മ മാത്രം. 1964-ല്‍ വെള്ളച്ചിയെ കല്യാണം കഴിക്കുമ്പോള്‍ അമ്പു പ്ലാന്റേഷനിലെ തൊഴിലാളിയായിരുന്നു. 1990-ല്‍ 55-ാം വയസ്സില്‍ മരിച്ചു. 50 വയസ്സ് മുതല്‍ ഗുരുതരമമായ പക്ഷാഘാതം വന്ന് കിടപ്പിലായിരുന്നു. അച്ഛനോടൊപ്പം ജോലിചെയ്ത പല തൊഴിലാളികളും, അവരുടെ മക്കളും രോഗികളാണെന്ന് കാര്‍ത്ത്യായനി പറയുന്നു.
അമ്മ വെള്ളച്ചിക്ക് രണ്ടുകണ്ണിനും സുഖമില്ല. ആദ്യം പ്രഷര്‍ എന്നുപറഞ്ഞാണ് ചികിത്സ തുടങ്ങിയത്. പിന്നീടത് തിമിരമെന്നായി. പുറത്തേക്ക് നോക്കിയാല്‍ കണ്ണ് വട്ടംചുറ്റും. പൊട്ടിത്തെറിക്കുമ്പോലെ വേദനിക്കും.
കൃഷിചെയ്തും പശുവിനെ വളര്‍ത്തിയും കുടുംബം താങ്ങിനിര്‍ത്തുന്നത് ഈ സാധുസ്ത്രീയാണ്.
വെള്ളച്ചിയുടെ മൂന്നു മക്കളില്‍ രണ്ടാമത്തേതാണ് കാര്‍ത്ത്യായനി. മൂത്ത മകള്‍ രുഗ്മിണിയെ വിവാഹംചെയ്തത് നീലേശ്വരത്താണ്. വിദ്യാര്‍ഥികളായ രണ്ടു കുട്ടികളുണ്ട്. ആതിരയും നീതുവും. ഇളയവളായ നീതുവിന് അപസ്മാരം വിട്ടുമാറുന്നില്ല. ആതിരയുടെ കാലിന്റെ പാദങ്ങള്‍ പൊട്ടിക്കീറിയ അവസ്ഥയിലാണ്. രണ്ടു കുട്ടികളും നീലേശ്വരത്തായതിനാല്‍ അധികൃതര്‍ നടത്തിയ ഒരു സര്‍വേയിലും പെട്ടിട്ടില്ല. ജില്ലമാറി ദുരിതം തിന്നുന്ന എത്രയോ കേസുകള്‍ ഈയിടെ പത്രങ്ങളില്‍ റിപ്പോര്‍ട്ടു ചെയ്യപ്പെട്ടിട്ടുണ്ട്. തലശ്ശേരി വെസ്റ്റ് പൊന്നിയത്തുള്ള രാഘവന്റെയും പ്രീതയുടെയും മകന്‍ അമിത് (22) ഒരുദാഹരണം.
മൂന്ന് തലമുറയെ വേട്ടയാടുന്ന ഭീകരതയുടെ ചിത്രമാണ് ഇത്.

മഴ നനഞ്ഞ പൂമ്പാറ്റ

കാസര്‍കോട്: ബോവിക്കാനത്ത് ആലൂരിലാണ് ആയിഷത്ത് ഷാഹിന (15) യുടെ വീട്. മലഞ്ചെരിവിലൂടെ ഇറങ്ങുന്ന ദുര്‍ഘടപാത. കൂലിപ്പണിക്കാരനായ അബ്ദുള്‍റഹ്മാന്റെ ആറു മക്കളില്‍ നാലാമത്തവളാണ് ഷാഹിന. മൂത്ത സഹോദരന്‍ അഷ്‌റഫ് (22) അജ്ഞാതരോഗം വന്ന് മരിച്ചു. പത്തു വയസ്സുവരെ ആരോഗ്യവാനായിരുന്നു അവന്‍. തളര്‍ച്ചയും വിറയലും നടക്കാന്‍ വയ്യാത്ത അവസ്ഥയുമായിരുന്നു തുടക്കം. പിന്നീട് ശരീരം ക്ഷീണിക്കാന്‍ തുടങ്ങി. നെഞ്ച് വീര്‍ത്തു. വിടര്‍ന്ന കണ്ണുകള്‍ ചെറുതായി കോങ്കണ്ണായി. വൈകാതെ സ്‌കൂളില്‍ പോകാനാകാതെ കിടപ്പിലായി. അവസാനനാളുകളില്‍ കാഴ്ചയും പോയി. ഭക്ഷണം കഴിക്കാനാകാതെ, ഉറങ്ങാനാകാതെ....
''പ്ലാന്റേഷനില്‍ മരുന്ന് തളിക്കുന്നകാലത്ത് വീടിനു മുകളില്‍ ഹെലികോപ്റ്റര്‍ വന്ന് ഇങ്ങനെ കറങ്ങും. മഞ്ഞ് പരക്കുംപോലെ മരുന്ന് (എന്‍ഡോസള്‍ഫാന്‍) വന്ന് മുറ്റത്ത് വീഴും. അക്കാലത്ത് ആലൂരിലെ പല വീടുകളിലെയും കാലികളും ആടുകളും ചത്തിരുന്നു.'' ഷാഹിനയുടെ ഉപ്പ അബ്ദുള്‍ ഖാദര്‍ ഓര്‍ക്കുന്നു.
ആറാംവയസ്സിലാണ് ഷാഹിനയെയും അജ്ഞാതരോഗം പിടികൂടിയത്. ആദ്യം കണ്ണിനു മാറ്റംവരാന്‍ തുടങ്ങി. കൈയും കാലും വിറയ്ക്കാനും. കൈപിടിക്കാതെ ഇപ്പോള്‍ നടക്കാന്‍ വയ്യ. ഷാഹിനയുടെ ദുരിതകഥ മാധ്യമങ്ങളിലൂടെ പുറംലോകമറിഞ്ഞ് കാലമേറെയായെങ്കിലും പഞ്ചായത്ത് നല്കിയ സൈക്കിളും വികലാംഗപെന്‍ഷനും മാത്രമാണ് ഇതേവരെ കിട്ടിയ സര്‍ക്കാര്‍ സഹായം.
സ്‌നേഹവും കരുതലുംകൊണ്ട് എല്ലാ ദുഃഖങ്ങളെയും അതിജീവിക്കുകയാണ് ഈ നിര്‍ധനകുടുംബം. വീട്ടുമുറ്റത്തെത്തുന്ന ഓട്ടോവിലേക്ക് സഹോദരങ്ങളുടെ കൈത്താങ്ങില്‍ വീല്‍ചെയറിലെത്തുന്ന ഷാഹിന ബോവിക്കാനം യു.പി.എസ്സിലെ ഏഴാം ക്ലാസ് വിദ്യാര്‍ഥിനിയാണ്. അവള്‍ സഹോദരങ്ങളുടെ സഹായത്തോടെ സ്‌കൂളില്‍ പോകുന്ന ചിത്രങ്ങള്‍ ക്യാമറയില്‍ പകര്‍ത്തി ഇറങ്ങാന്‍ തുടങ്ങവെ ഷാഹിന ചോദിച്ചു: ''എന്റെ കുറച്ച് ചിത്രങ്ങള്‍ എടുത്തുതരുമോ?'' എന്തിനാണ് എന്ന ചോദ്യത്തിന്, ''വെറുതെ, എന്റെ സ്‌കൂളിലെ കുട്ടികളെ കാട്ടാനാണ്.'' നാണം കലര്‍ന്ന ചിരിയോടെ അവള്‍ പറഞ്ഞു. വീട്ടുമുറ്റത്തേക്കിറങ്ങുന്ന കല്ലൊതുക്കില്‍ ഇരുത്തി അവളുടെ ഒരു പോര്‍ട്രെയ്റ്റ് എടുത്തു. ചേട്ടനും അനുജത്തിയും അവളെ ആശ്ലേഷിക്കുന്ന ചിത്രവും.
പഠിക്കാന്‍ മിടുക്കിയായ ഷാഹിനയ്ക്ക് കവിത വായിക്കുന്നതും എഴുതുന്നതും ഇഷ്ടമാണ്.
'പൂമ്പാറ്റ' എന്ന ഒരു കവിത എഴുതി ടീച്ചര്‍ക്ക് കൊടുത്ത കാര്യം ഞങ്ങളോട് പറയുമ്പോള്‍
ലജ്ജപുരണ്ട ഒരു ചിരി ആ മുഖത്ത് പരക്കുന്നു.'

കാര്‍ത്ത്യായനി - കാസര്‍കോട് യാത്രയെക്കുറിച്ചുള്ള കുറിപ്പുകള്‍ തയ്യാറാക്കുന്നതിനിടയില്‍ ബുധനാഴ്ച രാവിലെ (15.12.2010) എന്‍ഡോസള്‍ഫാന്‍ സമരനായികയായ ലീലാകുമാരി യമ്മയുടെ ഒരു ഫോണ്‍കോള്‍ വന്നു. അയല്‍വാസിയായ കാര്‍ത്ത്യായനി മരിച്ചു എന്ന ദുരന്തവാര്‍ത്ത അറിയിക്കാന്‍.

അമ്മയെ ഉറക്കാത്തവന്‍

കാസര്‍കോട്: കണ്ണു കീറാത്ത, മലദ്വാരമില്ലാത്ത കുഞ്ഞിനെയാണ് കടിഞ്ഞൂല്‍പ്രസവം ഫൗസിയയ്ക്ക് നല്കിയത്. ''കാഞ്ഞങ്ങാട്ടെ മന്‍സൂര്‍ ഹോസ്‌പിറ്റലില്‍വെച്ചായിരുന്നു പ്രസവം. ദിവസങ്ങള്‍ക്കകമുള്ള ഓപ്പറേഷന്‍കൊണ്ട് മലദ്വാരമുണ്ടായി. തലച്ചോറിനും ബുദ്ധിക്കും തീരെ വളര്‍ച്ചയില്ല. മംഗലാപുരത്ത് ചികിത്സയ്ക്ക് കൊണ്ടുപോയിട്ടും കാര്യമില്ല എന്ന് ഡോക്ടര്‍ പറഞ്ഞു.'' ഫൗസിയ ഓര്‍ക്കുന്നു.
ഫായിസിന് കണ്ണുകാണില്ല, കേള്‍ക്കില്ല, സംസാരിക്കില്ല. കശുവണ്ടിയുടെ രൂപമാണ് ഫായിസിന്റെ തലയ്ക്ക്. അത്യുത്‌പാദന സാങ്കേതികവിദ്യ ഇവര്‍ക്ക് നല്കിയ 'സമ്മാനം'.
''പകല്‍ മുഴുവന്‍ ഉറക്കമാണ്. രാത്രിയില്‍ തീരെ ഉറങ്ങില്ല. ഇരുട്ടത്ത് എന്തൊക്കെയോ ശബ്ദമുണ്ടാക്കി നടക്കും. മറ്റാര്‍ക്കും ഉറങ്ങാനും പറ്റില്ല. ഒരു മാസം ആയിരം രൂപയോളം മരുന്നിന് ചെലവാകും.'' ഫായിസിന്റെ പിതാവ് ഷെരീഫ് പറയുന്നു. ഓട്ടോ ഡ്രൈവറാണ് ഷെരീഫ്.
മൂന്ന് മക്കളുണ്ട്. ഫൗസിയ-ഷെരീഫ് ദമ്പതിമാര്‍ക്ക്. പുല്ലൂര്‍-പെരിയ പഞ്ചായത്തിലെ പുളിക്കല്‍ മൂന്നാംകടവില്‍ സോളിഡാരിറ്റി പ്രവര്‍ത്തകര്‍ വെച്ചുനല്കിയ വീട്ടിലാണ് ഇവരുടെ താമസം. 250 രൂപ വികലാംഗ പെന്‍ഷന്‍ മാത്രമാണ് ഇവര്‍ക്കു കിട്ടുന്ന സര്‍ക്കാര്‍ സഹായം.
ഫായിസിന്റെ ഉമ്മ ഫൗസിയ നാലുവരെ പഠിച്ചത് പെരിയയിലെ ഇംഗ്ലീഷ് മീഡിയം സ്‌കൂളായ നവീന്‍ ബാലവിദ്യാഭവനിലായിരുന്നു. പ്ലാന്റേഷനു നടുവിലാണ് സ്‌കൂള്‍. യു.പി.യും ഹൈസ്‌കൂള്‍ വിദ്യാഭ്യാസവും കഴിഞ്ഞത് പ്ലാന്റേഷന്‍ മേഖലയിലെ പെരിയ ഗവണ്‍മെന്റ് എച്ച്.എസ്.എസ്സിലാണ്. വിവാഹംചെയ്ത് എത്തിയതും പ്ലാന്റേഷന്‍ മേഖലയായ മൂന്നാംകടവില്‍.'

പൂത്തുമ്പി

കാസര്‍കോട്: മുഹമ്മദ് ഫായിസിന്റെ വീട്ടിനു മുന്നിലെ റോഡ് മുറിച്ചുകടന്നാല്‍ മുത്താടുക്കം അങ്കണവാടിയായി. അങ്കണവാടിയില്‍ പാറിനടക്കുന്ന പൂമ്പാറ്റകള്‍ക്കിടയില്‍ ആരെയും ആകര്‍ഷിക്കുന്ന ഓമനത്തമുള്ള മുഖമാണ് ഷഹാനയുടേത്. പഠനം അങ്കണവാടിയിലാണെങ്കിലും വയസ്സ് 8 ആയി. ശരീരത്തിന് ഒരു കൊച്ചുകുഞ്ഞിന്റെ പ്രകൃതം. എന്തു ചോദിച്ചാലും ഉത്തരം കുസൃതിയുള്ള ചിരി മാത്രം. കൂടുതല്‍ ചോദിച്ചാല്‍ അവള്‍ക്കുമാത്രം അറിയുന്ന ഭാഷയില്‍ മറുപടിതരും. ഫായിസിന്റെ വീടിന്റെ 100 മീറ്റര്‍ ചുറ്റളവിലുള്ള അബ്ദുള്ളയുടെയും ബീബിയുടെയും അഞ്ചു മക്കളില്‍ ഇളയവളാണ് ഷഹാന.
ഷഹാനയെക്കുറിച്ച് അമ്മ പറയുന്നു: ''ഒരു സ്ഥലത്തും ഓള് അടങ്ങിയിരിക്കില്ല. വീട്ടിലെന്തെങ്കിലും വെച്ചാല്‍, മറ്റ് കുട്ടികളുടെ പുസ്തകമോ പെന്‍സിലോ, അവള്‍ക്കിഷ്ടമുള്ളതെന്തും ഒളിപ്പിച്ചുവെക്കും. അല്ലെങ്കില്‍ പുറത്തുകളയും. സ്‌കൂളില്‍ ഉച്ചവരെ അടങ്ങിയിരിക്കും. ഉച്ചയ്ക്കുശേഷം ഇരിക്കില്ല. കുപ്പായമിട്ടുകൊടുത്താല്‍ ഊരിക്കളയും. പ്രാഥമിക കാര്യങ്ങള്‍ക്കുപോലും പരസഹായം വേണം. പറഞ്ഞാല്‍ ഒന്നും അനുസരിക്കില്ല. മറുപടിയുമുണ്ടാകില്ല.'' ബീബി ഭാഗ്യവതിയാണ്. കാരണം ഷഹാന ആകെ വിളിക്കുന്നത് 'ഉമ്മ' എന്നു മാത്രമാണ്. അതിനുപോലും ഭാഗ്യമില്ലാത്ത നിര്‍ഭാഗ്യവതികളായ അമ്മമാരുടെ നാട്ടില്‍ ഭാഗ്യവതി.
ഷഹാനയ്ക്ക് സര്‍ക്കാറില്‍നിന്ന് കിട്ടുന്നത് മാസംതോറുമുള്ള വികലാംഗപെന്‍ഷന്‍ മാത്രം.'
ഷഹാനയുടെ അയല്‍വീട്ടിലെ കുട്ടിയാണ് അബു ഷാമില്‍. ഷഹാനയുടെ കളിക്കൂട്ടുകാരന്‍. ടിപ്പര്‍ലോറി ഡ്രൈവറായ മുഹമ്മദ്കുഞ്ഞിയുടെയും താഹിറയുടെയും രണ്ടു കുട്ടികളില്‍ മൂത്തവന്‍.
ജനിക്കുമ്പോഴേ ഷാമില്‍ ഹൃദ്‌രോഗിയായിരുന്നു. മൂന്നാമത്തെ വയസ്സില്‍ നാട്ടുകാരുടെ സഹായത്തോടെ ലക്ഷങ്ങള്‍ മുടക്കി ഒരു ഓപ്പറേഷന്‍ കഴിഞ്ഞു. മൂന്നുലക്ഷത്തോളം രൂപ ചെലവുവരുന്ന ഒരു ശസ്ത്രക്രിയകൂടി ഷാമിലിനു നടത്തണം. മിടുക്കനായ ഷാമില്‍ അങ്കണവാടിയില്‍ പഠിക്കുന്നു. നടക്കാനും ഓടാനും വിഷമമാണ്. എങ്കിലും ആരെയും മോഹിപ്പിക്കുന്ന പെരിയയിലെ മഞ്ഞപ്പുല്‍വിരിച്ച മൈതാനം അവന്റെ കാലുകള്‍ക്ക് ചിറകുനല്കും. ഷഹാനയുടെ കൂടെ അവനും പാറിനടക്കും. പ്രാര്‍ഥനയോടെ നോക്കിനില്ക്കാനേ നിര്‍ധനരായ ഈ ദമ്പതിമാര്‍ക്ക് പറ്റൂ. സര്‍ക്കാര്‍വക യാതൊരു ധനസഹായവും ഇതുവരെ കിട്ടിയിട്ടില്ലെന്ന് മുഹമ്മദ്കുഞ്ഞി പറയുന്നു.

പാട്ടുവറ്റിയ വാനമ്പാടി

കാസര്‍കോട്: മുളിയില്‍ പഞ്ചായത്തിലെ ബോവിക്കാനത്ത് മല്ലംപള്ളിക്ക് സമീപമുള്ള പ്ലാന്റേഷന്‍ ഏരിയയിലെ പാരമ്പര്യവൈദ്യനായ അബ്ദുള്‍ റഹ്മാന്റെ മൂത്ത മകളാണ് ഫാത്തിമ. അഞ്ചാമത്തെ വയസ്സില്‍ കുട്ടിക്ക് ഒരു പനി വന്നു. കേള്‍വിയും മിണ്ടാട്ടവും ഇല്ലാതായി. കുറേക്കാലം ബോധമില്ലാതെ കിടപ്പിലായിരുന്നു. ഇന്ന് പരസഹായമില്ലാതെ എഴുന്നേറ്റുനില്‍ക്കാനോ പ്രാഥമിക കാര്യങ്ങള്‍ ചെയ്യാനോ വയ്യ. ''ചെറുപ്പത്തില്‍ ചുറുചുറുക്കുള്ള കുട്ടിയായിരുന്നു അവള്‍. നന്നായി പാടും.'' ഉമ്മ ഫാത്തിമ ഓര്‍ക്കുന്നു.
ജുമാനയുടെ ചുണ്ടില്‍ ഇന്ന് പാട്ടില്ല. ഉമിനീരൊഴുകുന്ന വായില്‍നിന്ന് വരുന്നത് ആര്‍ക്കും മനസ്സിലാകാത്ത ചില അപസ്വരങ്ങള്‍.
ഒരു പതിറ്റാണ്ടിലേറെയായി കിടപ്പിലായ ഫാത്തിമയ്ക്ക് കിട്ടുന്ന ഏകസഹായം സര്‍ക്കാര്‍ നല്‍കുന്ന 250 രൂപ വികലാംഗ പെന്‍ഷന്‍ മാത്രം.

മെരുങ്ങാത്ത ഉടല്‍

കാസര്‍കോട്: കൂട്ടിലടച്ച ഒരു മെരുങ്ങാത്ത മൃഗത്തെ ഓര്‍മിപ്പിക്കുന്നതാണ് ഉണ്ണികൃഷ്ണന്റെ ചേഷ്ടകള്‍. നിന്നിടത്ത് നില്‍ക്കില്ല, മിണ്ടില്ല, കേള്‍ക്കില്ല. അസ്വസ്ഥനായി കറങ്ങിക്കൊണ്ടേയിരിക്കും.
കൂലിപ്പണിക്കാരനായ കെ. ബാബുവിന്റെയും പ്രേമയുടെയും രണ്ടാമത്തെ കുട്ടിയാണ് ഉണ്ണി. ചേച്ചി സ്വാതി (13) എട്ടാംക്ലാസ് വിദ്യാര്‍ഥിനിയാണ്. ഉണ്ണികൃഷ്ണന്‍ ഒന്‍പതു വയസ്സുവരെ സംസാരിച്ചിരുന്നു. പ്ലാന്റേഷനു സമീപമാണ് ഇവരുടെ വീട്. ഗര്‍ഭംധരിച്ച നാളില്‍ വീടിനുമുകളിലൂടെ വിഷം തളിച്ചുകൊണ്ട് ഹെലികോപ്റ്റര്‍ വട്ടമിട്ടു പറന്നത് പ്രേമ ഓര്‍ക്കുന്നു.
''എന്തെങ്കിലും കഴിക്കണമെങ്കില്‍ വാരിക്കൊടുക്കണം. ഒരാള് എപ്പോഴും അടുത്ത് വേണം.'' പ്രേമ പറയുന്നു.
2005-ല്‍ യു.ഡി.എഫ്. സര്‍ക്കാര്‍ നല്‍കിയ ഡിസ്എബിലിറ്റി സര്‍ട്ടിഫിക്കറ്റ് 2009-ലും 2010-ലും എല്‍.ഡി.എഫ്. സര്‍ക്കാറിന്റെ ആരോഗ്യവകുപ്പ് നല്‍കിയ സര്‍ട്ടിഫിക്കറ്റും കൈയിലുണ്ടെങ്കിലും ഇന്നേവരെ ഒരു വികലാംഗ പെന്‍ഷന്‍പോലും
സ്വന്തം കുഞ്ഞിന്റെ പേരില്‍ കിട്ടിയിട്ടില്ല. അവന് നല്ല ചികിത്സയും കിട്ടിയിട്ടില്ല.'

മുതലപ്പാറയിലെ ജീവിതം

കാസര്‍കോട്: ബോവിക്കാനത്തുള്ള മുതലപ്പാറ എസ്.ഇ.എസ്.ടി. കോളനിയിലാണ് സുജാതയുടെ വീട്. ജയന്തിയുടെ നാലു മക്കളില്‍ മൂത്തവള്‍. എഴുന്നേറ്റ് നില്ക്കാനോ നടക്കാനോ വയ്യ. കൂലിപ്പണി ചെയ്താണ് കുടുംബം പുലരുന്നത്.
ഏക്കറുകളോളം പരന്നുകിടക്കുന്ന കുന്നിന്‍പുറമാണ് മുതലപ്പാറ. കണ്ണെത്താദൂരം പരന്നുകിടക്കുന്ന മഞ്ഞപ്പുല്ലുകൊണ്ട് മൂടിയ പാറപ്രദേശം. പട്ടികജാതിയില്‍പ്പെടുന്ന മൊകേരറാണ് കോളനിയിലെ അന്തേവാസികള്‍. കോളനി സ്ഥാപിച്ചിട്ട് 75 വര്‍ഷമായി. അത്രതന്നെ പ്രായമുണ്ട് കോളനിയിലെ പൊതുകിണറിനും.
''മരുന്നു തളിക്കുന്ന സമയത്ത് ഓലകൊണ്ട് മൂടിവെക്കും. എന്നിട്ട് എന്ത് കാര്യം?'' സുജാതയെ നോക്കി ഇളയച്ഛന്‍ ഐത്തപ്പന്‍ പറയുന്നു.
സുജാതയ്ക്ക് സര്‍ക്കാറില്‍നിന്ന് ആകെ കിട്ടുന്നത് വികലാംഗ പെന്‍ഷന്‍ മാത്രം.'

വളരുന്ന ബാല്യം വളരാത്ത ബാല്യം

കാസര്‍കോട്: 2006-ല്‍ എന്‍ഡോസള്‍ഫാന്‍ ദുരിതബാധിതരെ കാണാന്‍ ഒരു ദിവസം യാത്രചെയ്തത് ഓട്ടോയിലായിരുന്നു. യാത്രയുടെ അവസാനം ഓട്ടോഡ്രൈവറായ ഹമീദ് എന്നോട് പറഞ്ഞു. 'സാറെ എന്റെ വീട്ടിലും രോഗം വന്ന ഒരു കുഞ്ഞുണ്ട്'. മനസ്സിന് വിഷമം തോന്നിയ നിമിഷമായിരുന്നു അത്. ഒരു ദിവസം മുഴുവന്‍ ദുരിതബാധിതരുടെ വീടുകള്‍ കയറിയിറങ്ങുമ്പോള്‍ ഒരിക്കല്‍പോലും അയാള്‍ തന്റെ സ്വകാര്യദുഃഖം പങ്കുവെച്ചിരുന്നില്ല.
ഹമീദിന്റെ മകന്‍ സുഹൈലിന് അന്ന് പത്തുവയസ്സ് കാണും.
ഇത്തവണ സുഹൈലിന്റെ വീട്ടിലേക്ക് ചെല്ലുമ്പോള്‍ കൂടെ ഉപ്പ ഇല്ല. മുതലപ്പാറയിലാണ് സുഹൈലിന്റെ വീട്. സുഹൈല്‍ എന്‍മകജെയിലെ ഹര്‍ഷിതിനെയും ഉദയനെയും പോലെ എന്നെ തിരിച്ചറിഞ്ഞു. മുന്‍പ് ഫോട്ടോയെടുക്കുമ്പോള്‍ പിന്നില്‍ ഇഴഞ്ഞുനടന്ന കുഞ്ഞനുജത്തി വളര്‍ന്ന് എല്‍.കെ.ജി.യില്‍ എത്തി. സുഹൈലിന് വലിയ മാറ്റമൊന്നുമില്ല. അനുജത്തിയോടൊത്ത് കളിക്കാനും തമാശപറയാനും അവന്റെ മനസ്സ് കൊതിക്കുന്നുണ്ട്. പക്ഷേ, എന്തുചെയ്യും?
സുഹൈലിന് സര്‍ക്കാരില്‍ നിന്ന് കിട്ടുന്നത് വെറും വികലാംഗ പെന്‍ഷന്‍.'

കാലക്ഷരങ്ങള്‍

കാസര്‍കോട്: ജി.എച്ച്.എസ്.എസ്. ചീമേനിയിലെ വിദ്യാര്‍ഥിയാണ് വൈശാഖ്. പത്താംക്ലാസില്‍ പഠിക്കുന്ന വൈശാഖ് ചിത്രകാരനാണ്. പക്ഷേ, രണ്ടു കൈകളുമില്ല. നന്നായി പഠിക്കും. ഞങ്ങള്‍ സ്‌കൂളിലെത്തുമ്പോള്‍ ക്ലാസ് നടക്കുകയാണ്. ക്ലാസ്മുറിയില്‍ ഡെസ്‌കില്‍ പുസ്തകംവെച്ച് കാലുകൊണ്ട് എഴുതുകയാണ് വൈശാഖ്. വടിവൊത്ത മനോഹരമായ 'കാലക്ഷരം'. വൈശാഖ് എന്‍ഡോസള്‍ഫാനെ തോല്‌പിക്കുന്നത് ഇങ്ങനെയാണ്.

എന്‍ഡോസള്‍ഫാന്റെ കളിപ്പാട്ടങ്ങള്‍

കാസര്‍കോട്ടെ കുന്നിന്‍പരപ്പുകളില്‍ ആകാശത്തുകൂടി മരുന്നടിച്ച് ഇടയ്ക്കിടെ കടന്നുപോകുന്ന വലിയ പക്ഷിയെ (ഹെലികോപ്ടര്‍) കാണാന്‍ കൂട്ടംചേര്‍ന്ന് ആഘോഷപൂര്‍വം ഓടിപ്പോയ ഒരു തലമുറയുണ്ടായിരുന്നു... ബാല്യത്തിന്റെ കുതൂഹലങ്ങളൊഴിഞ്ഞു. ആഘോഷങ്ങളടങ്ങി. ലോഹപ്പക്ഷി വട്ടമിട്ടു പറന്ന ഇടങ്ങളില്‍ ദുരിതങ്ങളുടെ കാഹളം മുഴങ്ങുകയാണ്. അജ്ഞാത രോഗങ്ങളും മരണവുമായി അത് ഒരു തലമുറയെ മുഴുവന്‍ വേട്ടയാടുന്നു.
ബോവിക്കാനത്തിനടുത്തുള്ള മുതലപ്പാറയില്‍ പ്ലാന്റേഷന്‍ കെട്ടിടത്തിന് സമീപമുള്ള പാറപ്പരപ്പില്‍ ഹെലികോപ്ടര്‍ പറത്തിക്കളിക്കുന്ന കുട്ടികള്‍.'

സായാഹ്ന വെയില്‍

കാസര്‍കോട്: ചീമേനി ടൗണില്‍ പെട്ടിക്കട നടത്തുന്ന കുഞ്ഞിക്കണ്ണേട്ടന്റെ ചായയും കഞ്ഞിയും കുടിക്കാത്തവരില്ല. പക്ഷേ, കുഞ്ഞിക്കണ്ണന്റെ ജീവന് വെച്ചുവിളമ്പുന്ന കഞ്ഞിപോലെ കണ്ണീരിന്റെ ഉപ്പാണ്.
നാലുമക്കളില്‍ അവിവാഹിതയായ മൂത്ത മകള്‍ മിനി 2010 മെയ് 5ന് സ്തനാര്‍ബുദം വന്ന് മരിച്ചു. മകള്‍ മരിച്ച വേദനയില്‍ കഴിയവേ, ഒരുമാസം മുന്‍പ് ഭാര്യയെയും മൂത്രാശയ കാന്‍സര്‍ കീഴ്‌പ്പെടുത്തി. വീടും പറമ്പും ഉള്ളതുമുഴുവനും വിറ്റ് ചികിത്സിച്ചു. സഹായിക്കാന്‍ നാട്ടുകാര്‍ കമ്മിറ്റി രൂപവത്കരിച്ചിരുന്നു.
തുടര്‍ച്ചയായ രണ്ടു മരണങ്ങള്‍ തളര്‍ത്തിയ കുഞ്ഞിക്കണ്ണന്‍ കച്ചവടം മതിയാക്കിയെങ്കിലും ചീമേനി ടൗണില്‍ ഒരു ഷെഡ്ഡുകെട്ടി വീണ്ടുമൊരു ജീവിതത്തിലേക്ക് പിച്ചവെക്കുകയാണ്. വീട്ടില്‍ ചെറിയ ഒരു ജോലിയുമായി അച്ഛനോടൊപ്പം മകന്‍ മനോജും ഒപ്പം വിദ്യാര്‍ഥിനിയായ മകള്‍ മഞ്ജുഷയും.
ചുട്ടുപൊള്ളുന്ന ഉച്ചവെയില്‍ പിന്നിട്ട് ചീമേനിയുടെ പാറപ്പരപ്പിലെത്തുന്ന സായാഹ്നം സ്വച്ഛവും സുന്ദരവുമാണ്. എന്നാല്‍ വേദനിപ്പിക്കുന്ന ഓര്‍മകളിലാണ് കുഞ്ഞിക്കണ്ണന് ജീവിത സായാഹ്നം.'

കനമുള്ള നോട്ടങ്ങള്‍

പാലക്കാട്: മുതലമട പഞ്ചായത്തിനടുത്തുള്ള കൊല്ലങ്കോട് പഞ്ചായത്തിലെ ബംഗ്ലാവ് മേട്ടിലാണ് ശരണ്യയും (7) ജ്യേഷ്ഠന്‍ സഞ്ജുവും (14) താമസിക്കുന്നത്. വീട്ടിലെത്തുമ്പോള്‍ ശരണ്യയെ കുളിപ്പിക്കാനുള്ള തയ്യാറെടുപ്പിലായിരുന്നു അമ്മ രുഗ്മിണി. ഉടലിനേക്കാള്‍ വലിയ തലയുള്ള ശരണ്യക്ക്, ഇരിക്കാന്‍ വിഷമമാണ്. തലയുടെ ഭാരം ഉടലിന് താങ്ങാന്‍ പറ്റില്ല. അതുകൊണ്ട് കൈപൊട്ടിയ ഒരു കസേരയുടെ മേലെ ശരണ്യ ഇരിക്കുകയല്ല, കിടക്കുകയാണ്.
നാലു കുട്ടികളില്‍ മൂന്നാമത്തവളാണ് ശരണ്യ. രുഗ്

മുലയൂട്ടിയ അമ്മമാര്‍ക്കുവേണ്ടി

2011-12-19T10:16:00.001-08:00

11 വര്‍ഷമായി നിരാഹാരസമരം ചെയ്യുന്ന ഇറോം ശര്‍മ്മിള പോരാടുന്നത്‌ ഇന്ത്യന്‍ ഗ്രാമീണ സ്‌ത്രീത്വത്തിന്റെ ആത്മാഭിമാനത്തിനു വേണ്ടിയാണ്‌.

ഒന്‍പതാമത്തെ സന്താനമായി ഇറോം ശര്‍മ്മിളചാനു പിറന്നപ്പോഴേക്കും അമ്മ ഇറോം സഖീദേവിയുടെ അമ്മിഞ്ഞയില്‍ പാലൊഴിഞ്ഞിരുന്നു. ദിവസങ്ങള്‍ മാത്രം പ്രായമുള്ള കൊച്ചു ശര്‍മ്മിള അമ്മയുടെ പലചരക്ക്‌ കടയിലിരുന്ന്‌ വാവിട്ടു കരയുമായിരുന്നു. ഒരു ദിവസം കടയിലേക്ക്‌ സാധനങ്ങള്‍ വാങ്ങാനായി കൊച്ചുകുഞ്ഞിനെ ഒക്കത്തെടുത്ത്‌ വന്ന സ്‌ത്രീയോട്‌ ശര്‍മ്മിളയുടെ സഹോദരന്‍ ചോദിച്ചു. ''ഇവളെക്കൂടിയൊന്ന്‌ മുലയുട്ടാമോ.'' കൊച്ചുശര്‍മ്മിളയ്‌ക്ക് ആദ്യമായി മുലപ്പാലിന്റെ രുചി സമ്മാനിച്ചത്‌ ആ അമ്മയായിരുന്നു. പിന്നീട്‌ ആ ഗ്രാമത്തിലെ ഓരോ അമ്മമാരുടെയും അടുത്തേക്ക്‌ സഹോദരന്‍ അവളെ കൊണ്ടുപോയി. അങ്ങനെ ഒരുപാട്‌ അമ്മമാരുടെ മകളായി ശര്‍മ്മിള വളര്‍ന്നു.

''അവള്‍ കടങ്ങള്‍ വീട്ടുകയാണ്‌: മുലയൂട്ടിയ അമ്മമാരോട്‌, അവരുടെ അവകാശങ്ങള്‍ക്കുവേണ്ടി സമരം ചെയ്‌തുകൊണ്ട്‌ '' ഇറോം ശര്‍മ്മിളയുടെ സഹോദരന്‍ സിംഗ്‌ജിത്ത്‌ പറയുന്നു.

കഴിഞ്ഞ പതിനൊന്ന്‌ വര്‍ഷക്കാലമായി മണിപ്പൂരിലെ ഇറോം ശര്‍മ്മിളയെന്ന കവി സമരത്തിലാണ്‌. തന്നെ മുലയൂട്ടിയ അമ്മമാര്‍ക്കുവേണ്ടി; അമ്മമാരെ തനിക്ക്‌ പങ്കിട്ടുതന്ന മണിപ്പൂരിലെ സഹോദരീ സഹോദരന്മാര്‍ക്കുവേണ്ടി.

ഇറോം ശര്‍മ്മിള; മണിപ്പൂരിന്റെ ഉരുക്കുവനിത

ആഴ്‌ചതോറും തെറ്റാതെ നോല്‍ക്കുന്ന വ്രതത്തിലായിരുന്നു ശര്‍മ്മിള. നവംബര്‍ രണ്ട്‌ വ്യാഴാഴ്‌ചയും. അന്നത്തെ വ്രതം പിന്നെ മുടക്കിയതേയില്ല. ''ചോരയില്‍ കുളിച്ചുകിടന്ന ശവശരീരങ്ങള്‍ കണ്ട്‌ ഞാന്‍ തരിച്ചിരുന്നുപോയി. സായുധസൈന്യത്തിന്റെ നീതികേടുകള്‍ തുടരാതിരിക്കാന്‍ വേറൊരു വഴിയുമുണ്ടായിരുന്നില്ല.'' ഇറോം ശര്‍മ്മിള പറയുന്നു. നവംബര്‍ 4-ാം തീയതി വൈകുന്നേരം ശര്‍മ്മിള അമ്മയെ സന്ദര്‍ശിച്ചു. ''ജനങ്ങള്‍ക്കുവേണ്ടി എന്തെങ്കിലും ചെയ്യണം.'' അമ്മ ഇറോം സഖീദേവി മകളെ അനുഗ്രഹിച്ചു. അന്നാണ്‌ അമ്മയും മകളും അവസാനമായി കണ്ടത്‌. ''എന്റെ അമ്മയ്‌ക്ക് എന്റെ തീരുമാനങ്ങളെക്കുറിച്ച്‌ ബോധ്യമുണ്ട്‌. അവര്‍ വളരെ സാധാരണക്കാരിയാണ്‌ എങ്കിലും ഞാന്‍ തെരഞ്ഞെടുത്ത വഴിയെ അവര്‍ക്ക്‌ അംഗീകരിക്കാതിരിക്കാനാവില്ല... പക്ഷേ ഇപ്പോള്‍ അമ്മയെ കണ്ടുമുട്ടിയാല്‍ അത്‌ താങ്ങാനാവാത്ത വിഷമമായിരിക്കു; എനിക്കും അവര്‍ക്കും.'' ഏറ്റെടുത്ത ദൗത്യം പൂര്‍ത്തിയായിട്ടേ അമ്മയെ കാണുന്നുള്ളൂ എന്നാണ്‌ ശര്‍മ്മിളയുടെ തീരുമാനം.

അമ്മയുടെ അനുഗ്രഹവും മണിപ്പൂരിന്റെ പ്രാര്‍ത്ഥനയും നെഞ്ചിലേറ്റി ഇറോം നവംബര്‍ നാല്‌ മുതല്‍ മരണംവരെ നിരാഹാരസത്യാഗ്രഹമാരംഭിച്ചു. മണിപ്പൂരിലെ സ്‌ത്രീകള്‍ അങ്ങനെയാണ്‌; മനോഹരമായ ഇംഫാല്‍ താഴ്‌വരകളും മലനിരകളും അവര്‍ക്കാസ്വദിക്കാന്‍ കഴിഞ്ഞതേയില്ല. വിടര്‍ന്ന കണ്ണുകളുമായി കാഴ്‌ചകാണാന്‍ കൗമാരക്കാരികള്‍ക്ക്‌ തെരുവിലിറങ്ങാനാവില്ല. കാടന്‍ നിയമവും സൈന്യവും അവരുടെ പകല്‍സ്വപ്‌നങ്ങളില്‍പ്പോലും ഭയം വിതച്ചു.

സമരമാരംഭിച്ച നാള്‍ മുതല്‍ ഇന്നുവരെ ഇറോം ശര്‍മ്മിള മുടി കോതിയിട്ടില്ല. ഉലച്ചിട്ട ശപഥംപോലെ മുടി പാറിക്കളിക്കുകയാണ്‌. പല്ല്‌ വൃത്തിയാക്കാന്‍ ഒരു പഞ്ഞിക്കഷ്‌ണമാണ്‌ ഉപയോഗിക്കുന്നത്‌. ഒരു തുള്ളി ജലംപോലും അറിഞ്ഞുകൊണ്ട്‌ അകത്ത്‌ ചെല്ലരുതെന്ന്‌ കഠിനമായ നിര്‍ബന്ധം.

കുട്ടിക്കാലം മുതല്‍ തന്നെ സംശയങ്ങളുമായി നടക്കുകയും അതിനുള്ള ഉത്തരം കണ്ടെത്തുകയും ചെയ്യുന്നതായിരുന്നു ശര്‍മ്മിളയ്‌ക്ക് പ്രിയം. സാധാരണ പെണ്‍കുട്ടികളെപ്പോലെ വസ്‌ത്രധാരണത്തില്‍ ശ്രദ്ധിച്ചില്ല. മേയ്‌ക്കപ്പ്‌ സാധനങ്ങളോ പൗഡറോ ഉപയോഗിക്കുന്ന പ്രകൃതം തീരെയില്ല. കൗമാരം ചെലവിട്ടത്‌ യോഗാഭ്യാസത്തിനും ഭഗവത്‌ ഗീതാപഠനത്തിനുമായിരുന്നു. ഈ പഠനങ്ങള്‍ തന്ന ഉള്‍ക്കരുത്താണ്‌ തന്നെ പൊരുതി ജീവിപ്പിക്കുന്നതെന്ന്‌ അവര്‍ പറഞ്ഞു. സ്‌കൂള്‍ പഠനം പന്ത്രണ്ടാംക്ലാസുവരെ മാത്രം. ക്ലാസില്‍ ചെന്നു, പക്ഷേ പരീക്ഷയെഴുതിയില്ല. ''വായിക്കാനും എഴുതാനും പഠിക്കാനുമാണ്‌ വിദ്യാലയം, ജീവിതം പഠിക്കാന്‍ പുറത്തിറങ്ങി നോക്കണം.'' ഇറോം ശര്‍മ്മിളയുടെ വേറിട്ട വാക്കുകള്‍.

ഇംഫാല്‍ താഴ്‌വരയും മലനിരകളും ചേര്‍ന്ന പ്രകൃതി വിസ്‌മയം. മനോഹരമായ മലയടിവാരങ്ങളിലൂടെ കൊച്ചു ശര്‍മ്മിള തന്റെ സൈക്കിളില്‍ യാത്ര ചെയ്‌തു. പക്ഷേ ഈ മനോഹരദൃശ്യങ്ങളെക്കാളും മനസില്‍ കൊണ്ടത്‌ പട്ടാളത്തിന്റെ ക്രൂരതയില്‍ ഭയന്ന്‌ ജീവിക്കുന്നവരുടെ അനുഭവങ്ങളാണ്‌. കൗമാരത്തില്‍ത്തന്നെ കവിതകളെഴുതാനാരംഭിച്ചു. എല്ലാം പ്രതിരോധത്തിന്റെ വഴികളായിരുന്നു.

മരണംവരെ നിരാഹാരമാരംഭിച്ച്‌ മൂന്നു ദിവസത്തിനുശേഷം ഇറോം ശര്‍മ്മിളയെ ആത്മഹത്യാശ്രമത്തിന്‌ പോലീസ്‌ അറസ്‌റ്റുചെയ്‌തു. പക്ഷേ ജയിലിലും ആഹാരം കഴിക്കാതെ സമരം തുടര്‍ന്നുകൊണ്ടിരുന്നു. ആരോഗ്യം ദിനം ദിനം മോശമായി വന്നു. എന്നിട്ടും മണിപ്പൂര്‍ ജനത മുന്നോട്ടുവയ്‌ക്കുന്ന ആവശ്യം സര്‍ക്കാര്‍ ചര്‍ച്ച ചെയ്‌തതേയില്ല.

ആരോഗ്യസ്‌ഥിതി നന്നേ വഷളായപ്പോള്‍ ജയിലില്‍നിന്ന്‌ ശര്‍മ്മിളയെ ആശുപത്രിയിലെത്തിച്ചു. മൂക്കിലൂടെ ഒരു കുഴലില്‍ക്കൂടി ദ്രാവകരൂപത്തില്‍ നിര്‍ബന്ധിച്ച്‌ ആഹാരം നല്‍കുകയാണ്‌ പിന്നീട്‌ ചെയ്‌തത്‌. ആത്മഹത്യാശ്രമം കുറ്റകരമല്ലേയെന്ന്‌ ശര്‍മ്മിളയോട്‌ ചോദിച്ചവരോട്‌ അവര്‍ പറഞ്ഞു. ''സര്‍ക്കാര്‍ അങ്ങനെ ചിന്തിക്കുന്നുണ്ടാവും. എങ്ങനെയുള്ള സാഹചര്യത്തിലും ആത്മഹത്യ ചെയ്യാന്‍ ഞാന്‍ ശ്രമിക്കില്ല.

എന്റെ നിരാഹാരത്തിന്‌ ഒരര്‍ത്ഥമുണ്ട്‌. ഇതല്ലാതെ ശക്‌തമായി പ്രതിഷേധം ഇറോം ശര്‍മ്മിള പറഞ്ഞു. ''സ്വന്തം കൈകൊണ്ടു തന്നെ തിന്നുകയും കുടിക്കുകയും ചെയ്യണമെന്ന്‌ എനിക്കും ആഗ്രഹമുണ്ട്‌. ഇന്ന്‌ മൂക്കിലൂടെ കയറ്റിയ ട്യൂബിലൂടെയാണ്‌ എന്റെ ജീവതം നിലനില്‍ക്കുന്നത്‌. കൈകൊണ്ട്‌ കഴിക്കുന്നതും ട്യൂബിലൂടെ ഉള്ളിലേക്ക്‌ കടത്തിവിടുന്നതും തമ്മില്‍ വലിയ വ്യത്യാസമൊന്നുമില്ല, തുടര്‍ന്ന്‌ ജീവിക്കണമെങ്കില്‍ ചെയ്യാവുന്ന കാര്യങ്ങളാണത്‌. പക്ഷേ ഈ ഘട്ടത്തില്‍ എനിക്ക്‌ ആഗ്രഹത്തിനനുസരിച്ച്‌ പ്രവര്‍ത്തിക്കാന്‍ സാധ്യമല്ല. എന്റെ ദൗത്യം പൂര്‍ത്തിയാക്കുന്നതുവരെ എനിക്ക്‌ ജീവിച്ചിരുന്നേ പറ്റൂ. അതിനുള്ള ധൈര്യവും ശക്‌തിയും എനിക്ക്‌ ദൈവം തരുന്നു... സന്തോഷം നിറഞ്ഞ ലോകത്ത്‌ എനിക്കും ജീവിക്കണം.''

ഒരു സമൂഹത്തിന്റെ മുഴുവന്‍ ദൈന്യതയും മനസിലേറ്റെടുത്ത്‌ ഇറോം ശര്‍മ്മിളചാനു സമരം ചെയ്‌തുകൊണ്ടിരിക്കുന്നു. ലോകത്ത്‌ ഏറ്റവും നീണ്ട നിരാഹാരസത്യാഗ്രഹം. ഓരോ വര്‍ഷവും അവരുടെ ശിക്ഷാകാലാവധി തീരും. അന്ന്‌ മോചിപ്പിക്കുകയും ഉടനെതന്നെ അറസ്‌റ്റ് ചെയ്യുകയും ചെയ്‌ത് തമാശ കാണിക്കുകയാണ്‌ സര്‍ക്കാര്‍. തന്റെ അമ്മമാരുടെ കണ്ണീരൊപ്പി, അനുഗ്രഹിച്ച്‌ അയച്ചു. അമ്മയുടെ മടിയില്‍ തലചായ്‌ച്ചുറങ്ങാന്‍ തിരിച്ചുപോകണം എന്നാണ്‌ ശര്‍മ്മിളയുടെ ആഗ്രഹം. അതിനുവേണ്ടി കഠിനമായ പരീക്ഷണങ്ങളിലും തളരാതെ മരണംവരെ അവര്‍ ജീവിച്ചിരിക്കുകയാണ്‌.

ഓര്‍മശക്‌തിക്ക്‌ മത്സ്യവിഭവങ്ങള്‍

2011-12-04T03:24:00.001-08:00

മത്സ്യവും അനുബന്ധ വിഭവങ്ങളും ഭക്ഷണക്രമത്തില്‍ ഉള്‍പ്പെടുത്തുന്നത്‌ ഓര്‍മശക്‌തി 15 ശതമാനം വര്‍ധിപ്പിക്കുമെന്നും ഡിമെന്‍ഷ്യ തടയാന്‍ ഒരു പരിധിവരെ സഹായകമാകുമെന്നും പഠനം. മത്സ്യവിഭവങ്ങളില്‍ത്തന്നെ എണ്ണയും കൊഴുപ്പും കൂടുതലായുള്ള ചെമ്പല്ലിയും ആറ്റുമീനും പോലുള്ളവയാണു കൂടുതല്‍ ഗുണകരമാകുകയെന്നും ന്യൂസിലന്‍ഡിലെ മാസെ സര്‍വകലാശാലയിലെ ഒരുസംഘം ഗവേഷകര്‍ നടത്തിയ പഠനങ്ങള്‍ തെളിയിക്കുന്നു.

176 ആളുകളില്‍ ആറുമാസം നടത്തിയ പഠനത്തിനുശേഷമാണ്‌ ഗവേഷകസംഘം ഈ നിഗമനത്തിലെത്തിയത്‌. എണ്ണ കൂടുതലുള്ള മത്സ്യ ഇനങ്ങളായ അയല, ചാള, ചെമ്മീന്‍, കടുക്ക തുടങ്ങിയവ ഉള്‍പ്പെടുത്തിയ ഭക്ഷണം നല്‍കിയായിരുന്നു പരീക്ഷണം. ഒമേഗ-3 ഫാറ്റി ആസിഡായ ഡി.എച്ച്‌.എ. കൂടുതലായി അടങ്ങിയ ഇത്തരം ഭക്ഷണം നല്‍കിയ ഈ കാലയളവില്‍ ഓര്‍മശക്‌തി 15 ശതമാനത്തോളം വര്‍ധിക്കുന്നതായി തെളിവു ലഭിച്ചതായാണ്‌ കണ്ടെത്തല്‍.

മുല്ലപ്പെരിയാര്‍ എന്ന മരണപ്പെരിയാര്‍

2011-11-23T06:13:00.001-08:00

മുല്ലപെരിയാര്‍ ഡാം !

ഒരു മുല്ലച്ചെടി പോലും ബാക്കി വയ്ക്കാതെ തടയണ തകര്‍ത്ത് വെള്ളത്തിന്റെ മഹാ പ്രവാഹം പെരിയാറിനെ കൂടി വിഴുങ്ങി ആര്‍ത്തലച്ചു വരുന്ന ദുസ്വപ്നങ്ങള്‍ ഇപ്പോഴൊരു മഹാ പ്രവാഹമായി നമ്മുടെ ഉറക്കം കെടുത്തുന്നു!

ആര്‍ക്കറിയാം!!! നാളെ ഒരു പ്രഭാതം പുലരുമ്പോഴേക്കും നമ്മള്‍ ബാക്കിയുണ്ടാകുമോ എന്ന്‌? വേണ്ടപ്പെട്ടവര്‍ പ്രളയത്തില്‍ മരിച്ചാല്‍ കരയാന്‍ ബാക്കിയായ കുറെ ജന്മങ്ങള്‍ ഉണ്ടാകുമായിരിക്കും, ശവം കിട്ടിയാല്‍ ശേഷക്രിയ ചെയ്യാനും !!.

എന്നാല്‍ എറണാകുളത്തും ഇടുക്കിയിലും കോട്ടയത്തിന്റെ ചില ഭാഗങ്ങളിലും കരയാന്‍ പോലും ആരും അവശേഷിക്കില്ല. ആരും പറഞ്ഞില്ലെങ്കിലും ദുരന്തത്തിന് ശേഷം ഇരുട്ടില്‍ കഴിയുന്ന ഒരു ജനപദമായി കേരളം മാറുന്ന കാലം വിദൂരമല്ല.

ശേഷിക്കുന്നവര്‍ക്ക് കുടിവെള്ളവും വൈദ്യുതിയുമില്ലാത്ത ഇരുട്ടിന്റെ നിര്‍ബന്ധിത ഹര്‍ത്താല്‍! അന്നും നാം ഈ ഹര്‍ത്താല്‍ ആഘോഷിക്കണം.........

ഓര്‍ക്കുക...ഈ നാടിനെ നിങ്ങള്‍ രക്ഷിച്ചില്ലെങ്കില്‍ വേറെയാരും രക്ഷിക്കില്ല..........തീര്‍ച്ചയായും.... മുല്ലപ്പെരിയാറില്‍ പുതിയ അണക്കെട്ട് ഉണ്ടാക്കുന്നത്‌ വരെ വിശ്രമിക്കില്ല എന്ന് നമുക്ക് പ്രതിജ്ഞ എടുക്കാം... ഇപ്പോള്‍ കേരളത്തിന്‌ അനുകൂലമായി ഉണ്ടായിരിക്കുന്ന ഈ നിലപാട് മുതലാക്കി വേണ്ടത് ചെയ്യാന്‍ അധികാരികള്‍ തയ്യാരാവുന്നില്ലെന്കില്‍ നമുക്ക് എല്ലാവര്ക്കും മുന്നിട്ടിരങ്ങാം... കക്ഷി രാഷ്ട്രീയ ചിന്തകള്‍ ഒക്കെ വെടിഞ്ഞു പ്രാദേശിക വാദം ഒക്കെ മാറ്റിവച്ചു നമുക്ക് ഒറ്റക്കെട്ടായി പുതിയ അണക്കെട്ടിനു വേണ്ടി പോരാടാം.... കേവലം അഞ്ചു ജില്ലകളിലെ ജനത മാത്രമല്ല കേരളം മുഴുവന്‍ ഈ പോരാട്ടത്തില്‍ പങ്കെടുക്കണം... സേവ് മുല്ലപ്പെരിയാര്‍....സേവ് കേരള...

ഈ കണ്ട വെള്ളമൊക്കെ ഒരുമിച്ചു പാഞ്ഞു വന്നാല്‍ ഏറ്റവും വലിയ സുനാമിയായിരിക്കും അത്.മുല്ലപ്പെരിയാര്‍ ഡാം പൊട്ടിയാല്‍ അത് തന്നെ സംഭവിക്കും

അത് തടയേണ്ടത് അനിവാര്യമാണ് .സംഘടിക്കുക ഒരുമിച്ചു പ്രവര്‍ത്തിക്കുക

നമുക്ക് ജീവിക്കുവാനുള്ള ഈ ഭൂമി വെള്ളത്തിനടിയില്‍ ആവാതിരിക്കുവനായ്...

നമുക്ക് ജീവിക്കുവാനായി അണിചേരുക

നോഹയുടെ പെട്ടകം വീണ്ടും പണിയുവാനായി, കേരള സര്‍ക്കാര്‍ ടെണ്ടര്‍ വിളിച്ചു

2011-11-23T00:02:00.001-08:00

നോഹയുടെ പെട്ടകം വീണ്ടും പണിയുവാനായി, കേരള സര്‍ക്കാര്‍ ടെണ്ടര്‍ വിളിച്ചു

100 പെട്ടകങ്ങള്‍ ഉണ്ടാക്കനയുള്ള ടെണ്ടര്‍ ആണ് വിളിച്ചിരിക്കുന്നത്

ഗോഫർ മരംകൊണ്ടു ഒരു പെട്ടകംഉണ്ടാക്കാന്‍ ആണ് കേരള സര്‍ക്കാര്‍ കല്‍പ്പിച്ചിരിക്കുന്നത്

പെട്ടകത്തിന് അറകള്‍ ഉണ്ടാക്കി അകത്തും പുറത്തും കീല്‍ തേക്കേണം

പെട്ടകം ഉണ്ടാക്കാനുള്ള അളവും പറഞ്ഞിട്ടുണ്ട്

പെട്ടകത്തിന്റെ നീളം മുന്നൂറു മുഴം;

വീതി അമ്പതു മുഴം; ഉയരം മുപ്പതു മുഴം;

പെട്ടകത്തിന്നു കിളിവാതിൽ ഉണ്ടാക്കേണം;

മേൽനിന്നു ഒരു മുഴം താഴെ അതിനെ വെക്കേണം;

പെട്ടകത്തിന്റെ വാതിൽ അതിന്റെ വശത്തുവെക്കേണം:

താഴത്തെയും രണ്ടാമത്തെയും മൂന്നാമത്തെയും തട്ടായി അതിനെ ഉണ്ടാക്കേണം.”

ഏകദേശം 5000 ആളുകളെ ഉള്‍ക്കൊള്ളാവുന്ന രണ്ടു കോണ്‍ഫറന്‍സ് റൂമുകളും പരാതി കേള്‍ക്കുവാനായി 24 മണിക്കൂര്‍ പ്രവര്‍ത്തിക്കുന്ന സെന്റെരും ഉണ്ടായിരിക്കും .

ഏതു നിമിഷവും തകരാമെന്ന നിലയില്‍ അടി മുതല്‍ മുകള്‍ വരെ പൊട്ടിച്ചോര്‍ന്നൊലിക്കുന്ന നിലയിലാണ് മുല്ലപ്പെരിയാര്‍ അണക്കെട്ട്.

മുല്ലപ്പെരിയാര്‍ ഡാം പൊട്ടിയാല്‍, പ്രളയം ഉണ്ടാകുമ്പോള്‍ നശിക്കാതിരിക്കാന്‍ എല്ലാവരും പെട്ടകത്തില്‍ കടക്കണം.

സകല ജീവികളില്‍ നിന്നും ഒരാണിനേയും പെണ്ണിനേയും പെട്ടകത്തില്‍ കയറ്റണം

മനുഷ്യ ജീവികള്‍ക്കെല്ലാം പെട്ടകത്തില്‍ കയറാം.

ഇപ്പോള്‍ നിങ്ങള്‍ക്കും കേള്‍ക്കാനാവുന്നില്ലേ മരണത്തിന്റെ ചൂളം വിളി നിറയുന്ന ആ ഭയാനക ശബ്ദം...! മരണത്തിന്റെ തണുപ്പ് മെല്ലെ മെല്ലെ നിങ്ങളുടെ സിരകളിലേക്കരിച്ചു കയറുന്നില്ലേ ... ?

നിങ്ങളുടെ സീറ്റും ബര്‍ത്തും ഇപ്പോള്‍ തന്നെ ബുക്ക്‌ ചെയ്തു ഉറപ്പുവരുത്തുക

പ്രത്യേക അറിയിപ്പ് : ടോല്‍ പിരിവു ഉണ്ടായിരിക്കുനതാണ്

ഇത് കൂടി വായിക്കണേ .....

50 വര്‍ഷത്തെ കാലാവധി മാത്രം പറഞ്ഞ് സായിപ്പ് ഉണ്ടാക്കിയ ഒരു ഡാം ഇന്ന് 116 വര്‍ഷങ്ങള്‍ കഴിഞ്ഞിട്ടും നാം ഉപയോഗിച്ചു കൊണ്ടിരിക്കുന്നു. ജനങ്ങളുടെ ജീവനും സ്വത്തിനും ആര്‍ക്കും ഉത്തരവാദിത്വം ഇല്ലാതെ കാര്യങ്ങള്‍ വളരെ അപകടകരമായ അവസ്ഥയിലേയ്ക്ക് നീങ്ങുന്നു. സായിപ്പിന്റെ ടെക്നോളജിയുടെ ഫലമോ കീഴ് പ്രദേശങ്ങളില്‍ താമസിക്കുന്ന 2.5 മില്ല്യണ്‍ ജനങ്ങളുടെ പ്രാര്‍ത്ഥനയുടെ ഫലമോ ഇത് വരെ തകര്‍ന്നില്ല. എന്നാല്‍ ഏതു നിമിഷവും തകരാമെന്ന നിലയില്‍ അടി മുതല്‍ മുകള്‍ വരെ പൊട്ടിച്ചോര്‍ന്നൊലിക്കുന്ന നിലയിലാണ് ഈ അണക്കെട്ട്. ഒരു ചെറു ഭൂമി കുലുക്കമോ..ആര്‍ത്തലച്ച് പെയ്യുന്ന ഒരു ഇടവപ്പാതി മഴയോ മതി ഈ ജല ബോംബ് സംഹാര രുദ്രയാവാന്‍ ...! അങ്ങനെ ഇത് തകര്‍ന്നാല്‍ പണ്ട് ഹിരോഷിമയില്‍ ആറ്റം ബോബ് പൊട്ടിയപ്പോള്‍ ഉണ്ടായതിനേക്കാല്‍ 180 മടങ്ങ് വിനാശം വിതയ്ക്കും ഈ ജലബോംബ്...!!!

ഇത് നമ്മുക്ക് നമ്മള്‍ തന്നെയെഴുതി വച്ച വിധിയാണ്. ഓരോ മലയാളിക്കും ഇതില്‍ പങ്കുണ്ട്. എല്ലാവരും ഞാനെന്തു ചെയ്യാന്‍ എന്ന ഭാവത്തില്‍ തണുത്തുറഞ്ഞ് പോയതു കൊണ്ടാണ് നാളെ ആ ദുരന്തം ഉണ്ടാവാന്‍ പോകുന്നത്. അനുഭവിച്ചോളൂ

'ഞാനൊന്നും അറിഞ്ഞില്ലേ രാമാ നാരായണാ' എന്ന പേരില്‍ ഇരിക്കാന്‍ എല്ലാവര്ക്കും പറ്റും. അതല്ല ഇപ്പോള്‍ നമുക്ക് ആവശ്യം.പ്രതികരിക്കുക ... പ്രതിഷേധിക്കുക , ചുരുങ്ങിയത് സ്വജീവന് വേണ്ടിയെങ്കിലും!

ഇതില്‍ ഞാന്‍ എന്ത് ചെയ്യാനാവും ഇതൊക്കെ വേറെ ആരെങ്കിലും ചെയ്യും എന്ന് ചിന്തിക്കുന്ന പ്രിയമിത്രമേ, താങ്കള്‍ ആരുമായികൊള്ളട്ടെ ഹിന്ദുവോ , ക്രിസ്ത്യന്‍ഓ, മുസലമാനോ, പാറശാലക്കാരനോ, കാഞ്ഞിരപ്പള്ളി അച്ചയാണോ, പാലക്കാട്ടെ പട്ടരോ ആരുമായികൊള്ളട്ടെ. കേരളം എന്നാ കൂരയ്ക് കീഴില്‍ കഴിയുന്ന സ്ഥിതിക് ഇത് ഒന്ന് SHARE ചെയ്യുക!

വേഗം ഉചിതമായ തിരുമാനമെടുക്കാന്‍ സാധിക്കണേയെന്ന് നിങ്ങളുടെ ദൈവങ്ങളോട് പ്രാര്‍ത്ഥിക്കുന്നതോടൊപ്പം നിങ്ങളാലാവുന്നവിധം ഉണര്‍ന്നു പ്രവര്‍ത്തിക്കുകകൂടി ചെയ്യു

രഞ്‌ജിനിക്ക്‌ മദ്യപാന ശീലമുണ്ടെന്ന്‌ കേള്‍ക്കുന്നു

2011-11-20T22:30:00.000-08:00

അനാവശ്യം കാണിച്ചാല്‍ അടി! ‍ രഞ്‌ജിനി അങ്ങനെയാണ്‌. എന്തും മുഖത്തടിച്ചതു പോലെ പറഞ്ഞുകളയും. മനസ്സില്‍ ഒന്നുവച്ച്‌ മറ്റൊന്നു പ്രവര്‍ത്തിക്കാനറിയില്ല രഞ്‌ജിനിക്ക്‌. അതുകൊണ്ടുതന്നെ പല ബിരുദങ്ങളും ചാലിച്ചുകിട്ടിയിട്ടുണ്ടവര്‍ക്ക്‌. അഹങ്കാരി, തന്റേടി...പക്ഷേ അതിനെല്ലാമപ്പുറം ജീവിതത്തെ മറയില്ലാതെ നോക്കിക്കാണാനുളള മനസ്സും മറയില്ലാത്ത പെരുമാറ്റവും, അടുത്തിടപഴകുന്നവര്‍ക്ക്‌ രഞ്‌ജിനി ഹരിദാസെന്ന വ്യക്‌തിത്വത്തെ പ്രിയപ്പെട്ടവളാക്കിത്തീര്‍ക്കുകയും ചെയ്യും. രഞ്‌ജിനിയുമായി ചില നിമിഷങ്ങള്‍

ആദ്യമായി ടി.വി.യില്‍ മുഖം കാണിച്ചത്‌?

ജൂഡ്‌ അട്ടിപ്പേറ്റിയുടെ ശരറാന്തല്‍ എന്ന സീരിയലിനുവേണ്ടി മുന്‍വരിയിലെ പല്ലുപോയ ഒരു കൊച്ചുകുട്ടിയെ വേണമായിരുന്നു. സ്‌കൂളില്‍ പിള്ളേരെ തിരക്കിവന്ന സീരിയലിന്റെ ആളുകളുടെ മുന്നിലേക്ക്‌ പല്ലില്ലാത്ത മോണയും കാട്ടി ചിരിച്ചുചെന്ന എന്നെ യാദൃച്‌ഛികമായി തെരഞ്ഞെടുക്കുകയായിരുന്നു.

ആരാധിക്കപ്പെടുകയും അത്രയേറെ വിമര്‍ശിക്കപ്പെടുകയും ചെയ്യുന്ന സെലിബ്രിറ്റി കേരളത്തിലില്ല. എങ്ങനെ വിലയിരുത്തുന്നു. ?

ആളുകള്‍ക്ക്‌ ഒരു ധാരണയുണ്ട്‌. അതുകൊണ്ട്‌ ഇക്കാര്യങ്ങളൊന്നും എന്നെ കാര്യമായി ബാധിക്കാറില്ല. ഇടക്കാലത്തായിരുന്നെങ്കില്‍ ഇതൊക്കെ പേടിച്ചു ചിലപ്പോള്‍ കഴിയുമായിരുന്നു. ഇനി ആരെന്തു പറഞ്ഞാലും എനിക്കൊരു പ്രശ്‌നവുമില്ല.

ഇങ്ങനെ തുറന്നടിച്ചു സംസാരിക്കുന്നതാണോ പ്രശ്‌നം?

കേരളം എന്നു പറയുന്നത്‌ എല്ലാം തുറന്നടിച്ചു പറയുന്ന ഒരു സൊസൈറ്റിയല്ല. പലതും മൂടിവച്ചേ സംസാരിക്കൂ. പക്ഷേ ഞാന്‍ എല്ലാക്കാര്യവും മുഖത്തുനോക്കി പറയും. പറയുമ്പോള്‍ അത്രയും പ്രശ്‌നങ്ങള്‍ തീര്‍ന്നില്ലേ. അതുകൊണ്ടാണ്‌ എന്നെക്കുറിച്ച്‌ എഴുതുന്നത്‌. അവര്‍ തുറന്നുപറയാത്തിടത്ത്‌ ഒരു പെണ്‍കുട്ടി തുറന്നടിച്ചു പറയുന്നു എന്ന അസൂയ ഇതിന്റെ പിന്നിലുണ്ട്‌.

എന്‍ഡോസള്‍ഫാനെക്കാള്‍ മാരകമാണ്‌ രഞ്‌ജിനിയുടെ മലയാളമെന്ന്‌ പ്രശസ്‌ത നിരൂപകന്‍, ആധുനികമലയാളത്തിന്റെ അമ്മയെന്ന്‌ വേറെ ചിലര്‍... ഈ ബഹുമതികളൊക്കെ എങ്ങനെ കൊണ്ടു നടക്കുന്നു?

പരിഹാസങ്ങളാണെങ്കിലും ഞാനത്‌ ഒരു തമാശയായിട്ടേ എടുത്തിട്ടുള്ളൂ. എന്നെ അമ്മ സ്‌ഥാനത്തു നിര്‍ത്തിയിരിക്കുന്നത്‌ വലിയ കാര്യം. എഴുത്തച്‌ഛന്റെയൊക്കെ ഒരു ലവലിലല്ലേ പ്രതിഷ്‌ഠിച്ചിരിക്കുന്നത്‌. എന്നെ സംബന്ധിച്ചിടത്തോളം മറുനാട്ടില്‍ പഠിച്ചു, ജോലിചെയ്‌തു, ആശയവിനിമയത്തിന്‌ എനിക്ക്‌ ഏറ്റവും എളുപ്പമായി തോന്നുന്നത്‌ ഇംഗ്ലീഷാണ്‌. മലയാളിയായത്‌ ഒരു കുറവായി കാണുന്നയാളൊന്നുമല്ല ഞാന്‍. പക്ഷേ ഒഴുക്കോടെ മലയാളത്തില്‍ സംസാരിക്കാന്‍ എനിക്കു പറ്റില്ല. ചിലപ്പോള്‍ വാക്കുകിട്ടാതെ തപ്പിത്തടയും. പ്രോഗ്രാം ചെയ്യുമ്പോള്‍ മലയാളത്തിലാകും, ഇടയ്‌ക്ക് അറിയാതെ ഇംഗ്ലീഷിലേക്കു പോകും. അപ്പോഴാണ്‌ പെട്ടെന്ന്‌ ഓര്‍ക്കുക മലയാളം പരിപാടിയാണല്ലോയെന്ന്‌, തിരിച്ചു മലയാളത്തിലേക്ക്‌ വരും. ഒടുവിലത്‌ ഇംഗ്ലീഷായി മാറും. ഇതാണ്‌ സംഭവിക്കുന്നത്‌.

രഞ്‌ജിനിയുടെ ആരാധകരെക്കുറിച്ച്‌...?

പതിനഞ്ചുവയസില്‍ താഴെയുള്ള കുട്ടികളും അറുപതുവയസിനു മുകളിലുള്ളവരുമാണ്‌ എന്നെ ഏറ്റവും അധികം ഇഷ്‌ടപ്പെടുന്നത്‌. വളരെ ചെറിയ ആള്‍ക്കാരും വളരെ മൂത്തയാള്‍ക്കാരും പിന്ന വീട്ടമ്മമാരും. ഏതെങ്കിലും പരിപാടിയിലോ മറ്റോ കാണുകയാണെങ്കില്‍ ഈ വീട്ടമ്മമാര്‍ മലയാളത്തിലൊന്നുമല്ല ഇംഗ്ലീഷിലായിരിക്കും എന്നോട്‌ സംസാരിക്കുക. എനിക്കു മലയാളമറിയാമെന്നു പറഞ്ഞാലും അവര്‍ വിടില്ല. അവര്‍ക്കറിയാവുന്ന ഇംഗ്ലീഷൊക്കെപറഞ്ഞ്‌ എന്നെ കെട്ടിപ്പിടിക്കുകയും ഉമ്മവയ്‌ക്കുകയുമൊക്കെ ചെയ്യും.

രണ്ടുവര്‍ഷം മുന്‍പ്‌ കൂട്ടുകാരുടെകൂടെ ആലപ്പുഴ ബീച്ചില്‍ നില്‍ക്കുമ്പോള്‍ എണ്‍പതുവയസുള്ള ഒരാള്‍ ഓടിവന്നു കൈപിടിച്ചിട്ടു പറഞ്ഞു രഞ്‌ജിനിച്ചേച്ചിയെ കണ്ടതില്‍ സന്തോഷം പരിപാടിയൊക്കെ കാണാറുണ്ട്‌ ഗംഭീരമാണ്‌ എന്നൊക്കെ. സത്യം പറഞ്ഞാല്‍ ഞാനാകെ ചമ്മിപ്പോയി. എന്നെ ചേച്ചിന്നൊന്നും വിളിക്കരുത്‌, എന്റെ മുത്തച്‌ഛനെക്കാള്‍ പ്രായമുണ്ട്‌ എന്നു ഞാന്‍ പറഞ്ഞു. അങ്ങനെ പറയരുത്‌. അതു ഞങ്ങള്‍ നല്‌കുന്ന ബഹുമാനമാണ്‌ എന്നായി അദ്ദേഹം.

സ്‌റ്റാര്‍സിംഗറിന്റെ ആദ്യ സീസണിനുശേഷം ഒഴിവാക്കപ്പെട്ടതും പിന്നീട്‌ തിരിച്ചുവിളിച്ചതും...

ആദ്യ സീസണ്‍ കഴിഞ്ഞു അടുത്തത്‌ ആരംഭിക്കുന്നതിന്‌ തലേദിവസം എന്നെ വിളിച്ചുപറഞ്ഞു. പുതിയ സീസണ്‍ തുടങ്ങുകയാണ്‌, സ്‌റ്റേജില്‍ എനിക്കൊപ്പം രമ്യാരവീന്ദ്രനുംകൂടി ഉണ്ടാകുമെന്ന്‌. അതെനിക്ക്‌ ഉള്‍ക്കൊള്ളാന്‍ പറ്റിയില്ല. എന്റെ പ്രകടനം മോശമായതുകൊണ്ടാണല്ലോ മറ്റൊരാളെക്കൂടി ഉള്‍പ്പെടുത്തുന്നത്‌. മാത്രമല്ല, എന്റെ ബഹളസ്വഭാവത്തിന്‌ നേരെ വിപരീതമാണ്‌ രമ്യ. വളരെ ശാന്തമായി കോമ്പയറിംഗ്‌ നടത്തുന്നയാള്‍. ഒരുതരത്തിലും ഞങ്ങളുടെ ശൈലികള്‍ യോജിക്കില്ല.

അതുകൊണ്ട്‌ ഒഴിവാകാന്‍ തന്നെ ഞാന്‍ തീരുമാനിച്ചു. ഒരു സൂത്രം പ്രയോഗിച്ചു. എടുത്താല്‍ പൊങ്ങാത്ത പ്രതിഫലം ഞാനാവശ്യപ്പെട്ടു. പ്രതീക്ഷിച്ചതുപോലെ അതു തരാന്‍ പറ്റില്ലെന്നു പറഞ്ഞു. ഞാന്‍ വീട്ടിലിരുന്നു. പരിപാടി ഫ്‌ളോപ്പായതും പിന്നീട്‌ എന്നെ തിരിച്ചുവിളിച്ചതും നിങ്ങള്‍ക്കറിയാം. പക്ഷേ ഒഴിവായതു നന്നായി എന്നുവേണം പറയാന്‍. വീട്ടിലിരുന്ന ആ മൂന്നുമാസക്കാലയളവില്‍ ഒരു മാസം ഞാന്‍ പൂര്‍ണ്ണമായും കിടപ്പിലായിരുന്നു. നട്ടെല്ലിന്റെ അസുഖം മൂര്‍ച്‌ഛിച്ച്‌ പുറംവേദന കാരണം ഞാന്‍ കിടപ്പിലായിപ്പോയി. സ്‌റ്റേജില്‍ ഞാന്‍ കയറുമ്പോള്‍ കാലുകള്‍ കുറച്ചകറ്റിയാണ്‌ നില്‍ക്കുന്നത്‌. അതും അഹങ്കാരത്തിന്റെ ലക്ഷണമായി ചിലര്‍ വ്യാഖ്യാനിച്ചിട്ടുണ്ട്‌. നട്ടെല്ലിന്റെ പ്രശ്‌നം കാരണമാണ്‌ ഞാന്‍ അങ്ങനെ നില്‍ക്കുന്നതെന്ന്‌ അവര്‍ക്കറിയില്ലല്ലോ.

വീടിനുചേര്‍ന്ന്‌ കൃഷ്‌ണന്റെ അമ്പലം... ഭക്‌തിയൊക്കെ എങ്ങനെ?

വീട്ടുമുറ്റത്ത്‌ അമ്പലമുണ്ടായിട്ടും ഞാന്‍ ക്ഷേത്രത്തില്‍ പോയിട്ട്‌ പതിനെട്ടുവര്‍ഷമായി. അമ്മയും മുത്തശ്ശിയുമൊക്കെ എപ്പോഴും അവിടെത്തന്നെയാണ്‌. ഏഴാം ക്ലാസില്‍ പഠിക്കുന്നതുവരെ അമ്മയുടെ കൂടെ പോകുമായിരുന്നു. അമ്പലത്തില്‍ പോയിട്ടുവരുമ്പോള്‍ അമ്മ ദോശയോ വടയോ വാങ്ങിത്തരും. അതു കിട്ടാന്‍വേണ്ടി കുട്ടിയായിരുന്നപ്പോള്‍ പോയിരുന്നു. പിന്നെ അമ്മയുടെ കൂടെ പോകുമ്പോള്‍ അമ്പലത്തിനു പുറത്തു നില്‍ക്കാന്‍ തുടങ്ങി. പിന്നെ ഒട്ടും പോകാതെയായി. അല്ലെങ്കില്‍ത്തന്നെ എല്ലാവരും അവരുടെ ആവശ്യങ്ങള്‍ പറയാനല്ലാതെ അമ്പലത്തില്‍ പോകാറുണ്ടോ? ആവലാതി പറയാന്‍ മാത്രം പോകും. സന്തോഷിച്ചിരിക്കുമ്പോള്‍ ആരെങ്കിലും പോകുമോ! നമ്മെ സ്‌നേഹിക്കുന്ന ദൈവമാണെങ്കില്‍ നമ്മുടെ ആവശ്യങ്ങള്‍ അദ്ദേഹം കണ്ടറിഞ്ഞുതരും.

രഞ്‌ജിനിക്ക്‌ ഒരു പുരുഷലക്ഷണമാണെന്നാണ്‌ പലരും പറയുന്നത്‌? ഈ തന്റേടവും ധൈര്യവും എങ്ങനെ കിട്ടി?

സാഹചര്യങ്ങളാണ്‌ എന്നെ തന്റേടിയാക്കിയത്‌. എനിക്ക്‌ ഏഴുവയസുള്ളപ്പോള്‍ അച്‌ഛന്‍ മരിച്ചു. ഇളയസഹോദരന്‌ ഒന്‍പതുമാസം പ്രായം. അമ്മ വളരെ കഷ്‌ടപ്പെട്ടാണ്‌ ഞങ്ങളെ നോക്കിയത്‌. അതുകൊണ്ട്‌ ചെറുപ്പുകാലം മുതല്‍ സ്വന്തം കാലില്‍ നില്‍ക്കണമെന്ന ലക്ഷ്യമുണ്ടായിരുന്നു. കോളജുപഠനശേഷം ബാംഗ്ലൂരില്‍ ഒരു കോള്‍ സെന്ററില്‍ ഒന്നരവര്‍ഷക്കാലം ജോലി. ആ കാശുകൊണ്ടാണ്‌ പിന്നെ ഞാന്‍ ഇംഗ്ലണ്ടില്‍ എം.ബി.എയ്‌ക്ക് ചേര്‍ന്നത്‌. പഠനത്തിനൊപ്പം ലണ്ടനില്‍ പാര്‍ടൈം ജോലി ചെയ്‌താണ്‌ കഴിഞ്ഞത്‌. ചെലവുചുരുക്കാന്‍ ആപ്പിളും കഴിച്ച്‌ എന്തെങ്കിലും കുടിച്ച്‌ കഴിഞ്ഞ ദിവസങ്ങളുണ്ട്‌.

ഇപ്പോള്‍ ഒരുപാട്‌ സമ്പാദിക്കുന്നുണ്ടല്ലോ?

അങ്ങനെ സമ്പാദിക്കുന്നൊന്നുമില്ല. പണ്ടത്തെ ആള്‍ക്കാരെപ്പോലെ അടുത്തതലമുറക്കൊന്നും സമ്പാദിക്കുന്നില്ല. അടിച്ചുപൊളിച്ച്‌ ജീവിക്കുന്നു. അതാണ്‌ എന്റെ പോളിസി. ഇനി എനിക്കൊരു കുഞ്ഞു ജനിച്ചാലും പതിനെട്ടുവയസുവരെയെ ഞാന്‍ അവന്റെ കാര്യം നോക്കുകയുള്ളൂ. പിന്നെ സ്വന്തം കാലില്‍ നിന്നോളണം.

അവതാരകമാരുടെ മാര്‍ക്കറ്റുയര്‍ത്തിയ താരമാണ്‌ രഞ്‌ജിനി. ആദ്യകാലത്തെ അനുഭവങ്ങള്‍?

എന്റെ ആദ്യ പരിപാടികള്‍ക്കൊന്നും അഞ്ചുപൈസ പ്രതിഫലം കിട്ടിയിട്ടില്ല. സ്‌കൂളില്‍ പഠിക്കുമ്പോള്‍ ഒരു പ്രീമിയര്‍ ക്ലോക്കിന്റെ പരസ്യത്തിലഭിനയിക്കാന്‍ അവസരം കിട്ടി. ഞാനും അമ്മയും കൂടി ഇല്ലാത്ത വണ്ടിക്കുലിയൊക്കെ ഉണ്ടാക്കി കോഴിക്കോടു ചെന്ന്‌ അതില്‍ അഭിനയിച്ചു. രാത്രിയും പകലും ഷൂട്ടു ചെയ്‌തു. പോരാന്‍ നേരം രണ്ടായിരം രൂപയുടെ ചെക്കും തന്നു. വലിയ സന്തോഷത്തോടെ വന്നു ചെക്കു ബാങ്കില്‍ കൊടുത്തു. വണ്ടിച്ചെക്കായിരുന്നു. അത്‌ ആദ്യ തിരിച്ചടി. പിന്നെ കൊച്ചിയില്‍ ഒരു ഫാഷന്‍ഷോയില്‍ പങ്കെടുത്തു. അഞ്ഞൂറുരൂപയായിരുന്നു പ്രതിഫലം പറഞ്ഞിരുന്നത്‌. പരിപാടി കഴിഞ്ഞപ്പോള്‍ സംഘാടകര്‍ കൈമലര്‍ത്തി. ഫണ്ടു കുറവാണെന്നും പറഞ്ഞ്‌ അവര്‍ തടിതപ്പി. പിന്നെ ഒരു ചാന ലില്‍ 12 എപ്പിസോഡില്‍ ഒരു പരിപാടിക്കുവേണ്ടി വേഷം കെട്ടി. ഒടുവില്‍ തന്നത്‌ 1200 രൂപയുടെ ചെക്ക്‌. നിങ്ങള്‍ തന്നെ വച്ചോളാന്‍ പറഞ്ഞ്‌ ഞാന്‍ ഇറങ്ങിപ്പോന്നു. അങ്ങനെ ഒരുപാട്‌ അനുഭവങ്ങളുണ്ട്‌. എന്റെ തുടക്കകാലത്ത്‌ കോമ്പയറിംഗ്‌ ഒരു മോശം പരിപാടിയായിട്ടാണ്‌ പെണ്‍കുട്ടികള്‍ കരുതിയിരുന്നത്‌. ഇപ്പോഴാണെങ്കില്‍ പെണ്‍കുട്ടികള്‍ ഇടിച്ചുനില്‍ക്കുന്നു. ഗ്ലാമറുണ്ട്‌. പണവുമുണ്ട്‌.

നാലുവയസുകാരി മുതല്‍ തൊണ്ണൂറുകാരിവരെ പീഡിപ്പിക്കപ്പെടുന്നു. ഞരമ്പുരോഗികളുടെ നാടായി മാറുകയാണോ കേരളം?

അക്ഷരംപ്രതി ശരിയാണ്‌. എനിക്കൊരു അനുഭവമുണ്ട്‌. ഒരിക്കല്‍ തിരുവനന്തപുരത്തുനിന്ന്‌ പോരാന്‍ ട്രെയിനില്‍ കയറി ഇരിക്കുമ്പോള്‍ കുറച്ചപ്പുറത്തായി ഒരു മനുഷ്യന്‍ എന്നെ നോക്കി മുണ്ടുപൊക്കി അനാവശ്യം കാണിക്കുന്നു. സാധാരണ പെണ്ണുങ്ങളാണെങ്കില്‍ മുഖം തിരിച്ച്‌ ഇരിക്കുകയേയുള്ളൂ. അങ്ങനെയായിരിക്കും അയാളും വിചാരിച്ചത്‌. ഞാന്‍ പെട്ടെന്ന്‌ ചാടിയെണീറ്റു. പന്തിയല്ലെന്നു കണ്ട അയാള്‍ പ്ലാറ്റ്‌ഫോമിലൂടെ ഇറങ്ങിയോടി. ഞാന്‍ പിന്നാലെ. പക്ഷേ കിട്ടിയില്ല. ആള്‍ക്കൂട്ടത്തിലൂടെ ഓടി അയാള്‍ മറഞ്ഞു. ആരെങ്കിലും പിടിച്ചുനിര്‍ത്തിയിരുന്നെങ്കില്‍ ഒരടിയെങ്കിലും കൊടുക്കാമായിരുന്നു. എല്ലാവരും കാഴ്‌ചക്കാരിയായി നിന്നതേയുള്ളൂ. ഒരു പെണ്‍കുട്ടി ഒരാളെ ഓടിച്ചുകൊണ്ടുവരുമ്പോള്‍ സ്വാഭാവികമായും എന്തെങ്കിലും പ്രശ്‌നം കാണുമെന്ന്‌ ഊഹിക്കാമല്ലോ. പക്ഷേ ആര്‍ക്കും ഇടപെടാന്‍ താത്‌പര്യമില്ല. സൗമ്യയെന്ന പാവം പെണ്‍കുട്ടിക്കും ഇതുതന്നെയാണ്‌ സംഭവിച്ചത്‌. ഇടപെടാനോ പ്രതികരിക്കാനോ ഒരാളെങ്കിലും തുനിഞ്ഞിരുന്നുവെങ്കില്‍ ആ കുട്ടി ഇപ്പോള്‍ ജീവനോടെ ഉണ്ടാകുമായിരുന്നു.

രഞ്‌ജിനിയുടെ പേരില്‍ ഒരു അശ്ലീല എം.എം.എസ്‌ പ്രചരിപ്പിച്ചിരുന്നുവല്ലോ?

അതു ഞാനല്ല. ആണെങ്കില്‍ അതൊരു ബഹുമതിയായിട്ടെ ഞാന്‍ കാണു. കാരണം അതില്‍ കാണുന്ന അറബിപെണ്‍കുട്ടി എന്നേക്കാള്‍ ഹോട്ടാണ്‌. സുന്ദരിയുമാണ്‌. ആ പെണ്‍കുട്ടി അതില്‍ ചിരിക്കുന്നുണ്ട്‌. എനിക്കുമുണ്ടല്ലോ ഒരു കഴുതച്ചിരി. ആ ചിരിക്ക്‌ ഒരു സാമ്യമൊക്കെ തോന്നും അത്രമാത്രം. ഞാന്‍ തന്നെയാണ്‌ ആ എം.എം.എസ്‌. അമ്മയ്‌ക്ക് കാണിച്ചുകൊടുത്തത്‌. അമ്മയും തീര്‍ത്തു പറഞ്ഞു അതു ഞാനല്ലെന്ന്‌. അമ്മയുടെ കോടതിയില്‍ നിന്നു കിട്ടിയ ഉറപ്പിനേക്കാള്‍ വലിയ ഉറപ്പ്‌ എനിക്കാവശ്യമില്ല.

വിവാഹക്കാര്യം?

എന്റെ സ്വഭാവം അറിയാവുന്നതുകൊണ്ടാവാം എനിക്ക്‌ വിവാഹാലോചനകള്‍ വരാറില്ല. മുത്തശ്ശി അഞ്ചാറുവര്‍ഷം മുന്‍പുവരെ കല്യാണക്കാര്യം പറയുമായിരുന്നു. പിന്നെ അവരും അതുപേക്ഷിച്ചു. എന്നെ പെട്ടെന്ന്‌ ആളുകള്‍ക്ക്‌ ഉള്‍ക്കൊള്ളാന്‍ പറ്റിയെന്നുവരില്ല. എനിക്ക്‌ ഒരുപാട്‌ ആളുകളോട്‌ പ്രണയം തോന്നിയിട്ടുണ്ട്‌. അടുത്തിട്ടുണ്ട്‌. പക്ഷേ ഒന്നും മുന്നോട്ടു പോയില്ല. രണ്ടോ മൂന്നോ മാസത്തില്‍ കൂടുതല്‍ നീണ്ടുനില്‍ക്കില്ല. പ്രണയമാണെങ്കില്‍ അത്‌ ഒളിച്ചുവയ്‌ക്കുന്ന പരിപാടിയൊന്നുമില്ല. ഒരുമിച്ച്‌ യാത്ര ചെയ്യും. കോഫി ഷോപ്പില്‍ പോകും. സിനിമയ്‌ക്കു പോകും. പക്ഷേ ഞാന്‍ പ്രണയിച്ച ആരുടെയെങ്കിലും പേരെടുത്തുപറഞ്ഞ്‌ അവര്‍ക്കൊരു കോംപ്ലിമെന്റ്‌ കൊടുക്കാന്‍ ആഗ്രഹിക്കുന്നില്ല.

പ്രണയിച്ച്‌ വിവാഹം കഴിക്കാനാണോ പ്ലാന്‍? അങ്ങനെ പ്രത്യേകിച്ച്‌ പദ്ധതിയൊന്നുമില്ല. അങ്ങനെയൊരാള്‍ വന്നാല്‍ നോക്കാം പെട്ടെന്നൊന്നും ഒരാള്‍ക്ക്‌ എന്നെ കീഴ്‌പ്പെടുത്താനാവില്ല. പുരുഷനെ സംബന്ധിച്ച്‌ എന്റെ മനസില്‍ മറ്റുള്ള പെണ്‍കുട്ടികളില്‍നിന്നു വ്യത്യസ്‌തമായ കാഴ്‌ചപ്പാടാണ്‌. സാധാരണ പെണ്‍കുട്ടികള്‍ പറയുന്നതുപോലെ എന്നെ ആരും കെയര്‍ ചെയ്യേണ്ട. ജീവിതത്തെ അല്‌പം ലാഘവത്തോടെ കാണുന്നയാളായിരിക്കണം. പൂര്‍ണമായും എന്നെ മനസിലാക്കുന്ന ആളായിരിക്കണം. എന്റെ സ്വാതന്ത്ര്യത്തില്‍ കൈകടത്തരുത്‌.

ഇങ്ങനെ ഉട്ടോപ്യന്‍ നിബന്ധനകളൊക്കെവച്ചാല്‍ ആരെങ്കിലും വരുമോ?

ആരെങ്കിലും വരുമെന്നാണ്‌ പ്രതീക്ഷ. ഒറ്റയ്‌ക്കു ജീവിക്കാന്‍ വയ്യ. പിന്നെ ഇപ്പോള്‍ എനിക്ക്‌ ശരീരത്തില്‍ ചില ബയോളജിക്കല്‍ ആവശ്യങ്ങള്‍ വന്നു തുടങ്ങിയിട്ടുണ്ട്‌. ഒരമ്മയാകണമെന്ന ചിന്ത അലട്ടിത്തുടങ്ങിയിരിക്കുന്നു. പണ്ട്‌ കൊച്ചുകുട്ടികളെ അത്ര ഇഷ്‌ടമില്ലാതിരുന്ന എനിക്ക്‌ ഇപ്പോള്‍ കുഞ്ഞുങ്ങളെ കാണുമ്പോള്‍ വല്ലാത്ത സ്‌നേഹം തോന്നുന്നു.ഒരു മുപ്പത്തഞ്ചുവയസുവരെ ആരും വന്നില്ലെങ്കില്‍ ചിലപ്പോള്‍ ഒരു കുഞ്ഞിനെ ഞാന്‍ ദത്തെടുക്കും. അല്ലെങ്കില്‍ കൃത്രിമ ബീജസങ്കലനംവഴി ഒരു കുഞ്ഞിനെ സംഘടിപ്പിക്കും.

വിവാഹത്തിനു മുന്‍പുള്ള സെക്‌സിനെക്കുറിച്ച്‌ എന്താണഭിപ്രായം?

പതിനെട്ടു വയസുകഴിഞ്ഞ സ്‌ത്രീക്കും ഇരുപത്തിയൊന്നുകഴിഞ്ഞ പുരുഷനും എന്തും ചെയ്യാനുള്ള അവകാശം ഭരണഘടന നല്‍കുന്നുണ്ട്‌. സെക്‌സ് ഒരു വിലക്കപ്പെട്ട കനിയായി ഞാന്‍ കരുതിയിട്ടില്ല. എന്റെ കാര്യത്തിലാണെങ്കില്‍ അത്‌ എന്റെ മാത്രം ഇഷ്‌ടമാണ്‌. ദൈവം നമ്മെ സൃഷ്‌ടിച്ച കൂട്ടത്തില്‍ സെക്‌സും തന്നു. സെക്‌സിനുവേണ്ടി വീര്‍പ്പുമുട്ടുന്ന ഒരു സമൂഹത്തെ വെറുതെ സൃഷ്‌ടിക്കുകയാണിവിടെ. അമര്‍ത്തിവച്ച ലൈംഗികതയുടെ നാടാണ്‌ കേരളം. പ്രായപൂര്‍ത്തിയായ ഒരു സ്‌ത്രീക്കും പുരുഷനും ലൈംഗികബന്ധത്തിലേര്‍പ്പെടാനുള്ള നിയമപരമായ അനുമതി ഭാരതത്തിലുണ്ട്‌. പക്ഷേ സമൂഹം അതിന്‌ സമ്മതിക്കുന്നില്ല. വിചിത്രമെന്നല്ലാതെന്തു പറയാന്‍?

മെഡിക്കല്‍ ഷോപ്പില്‍ അവിവാഹിതരായ പെണ്‍കുട്ടികള്‍ നേരിട്ടുചെന്ന്‌ ഗര്‍ഭനിരോധന ഉറകളും ഗുളികകളും വാങ്ങുന്ന കാലമാണ്‌?

വളരെ നല്ല കാര്യമാണ്‌. അമേരിക്കയിലൊക്കെ ഒരു പ്രായം കഴിഞ്ഞാല്‍ സ്‌കൂളില്‍ പോകുന്ന പെണ്‍കുട്ടിക്ക്‌ ഉച്ചഭക്ഷണത്തോടൊപ്പം കോണ്‍ടവും കൊടുത്തുവിടും. ഇവിടെയാണെങ്കില്‍ സെക്‌സിനെക്കുറിച്ച്‌ വീട്ടിലോ സ്‌കൂളിലോ ഒരു വാക്കു മിണ്ടാന്‍ അനുവാദമില്ല. രോഗങ്ങളും അനാവശ്യഗര്‍ഭവും അബോര്‍ഷനും മറ്റും ഒഴിവാക്കാന്‍ മുന്‍കരുതലുകള്‍ എത്ര നല്ലതാണ്‌. സെക്‌സ് എഡ്യൂക്കേഷന്റെ നല്ല അഭാവം ഇവിടെയുണ്ട്‌. ചോദിക്കുന്നവര്‍ക്ക്‌ സെക്‌സിനെക്കുറിച്ച്‌ ഞാന്‍ അറിയാവുന്നതൊക്കെ പറഞ്ഞുകൊടുക്കാറുണ്ട്‌.

പാര്‍ട്ടികളില്‍ രഞ്‌ജിനി വളരെ ഹരം പിടിക്കുന്ന വേഷങ്ങളില്‍ പ്രത്യക്ഷപ്പെടുന്നു എന്നു കേള്‍ക്കുന്നു?

ഒരു കൈകണ്ടാല്‍ മലയാളികള്‍ക്ക്‌ ഹരം പിടിക്കുന്ന കാലമാണിതെന്ന്‌ എനിക്കറിയില്ലായിരുന്നു. ശരീരഭാഗങ്ങള്‍ പുറത്തു കാണുന്ന സെക്‌സിയായ വസ്‌ത്രങ്ങള്‍ ഞാന്‍ ധരിക്കാറുണ്ട്‌. വളരെ കംഫര്‍ട്ടബിള്‍ ആണ്‌. സാരി ചുറ്റി ന്യൂഡില്‍സ്‌ട്രാപ്പ്‌ ബ്ലൗസ്‌ ധരിക്കുന്നത്‌ പ്രശ്‌നമാക്കുന്നവര്‍ എന്തുകൊണ്ട്‌ മലയാള സിനിമയിലെ ചില വേഷങ്ങളെക്കുറിച്ച്‌ മിണ്ടാതിരിക്കുന്നു. ഞാന്‍ വയറും പുക്കിളും കാണിച്ച്‌ നടക്കുന്നില്ലല്ലോ. ഞാന്‍ ബിക്കിനിയും ധരിച്ച്‌ റോഡിലൂടെ നടക്കുന്നില്ലല്ലോ.

രഞ്‌ജിനിക്ക്‌ മദ്യപാന ശീലമുണ്ടെന്ന്‌ കേള്‍ക്കുന്നു?

ഞാന്‍ എല്ലാം രുചിച്ചുനോക്കിയിട്ടുണ്ട്‌. മദ്യം വലിയ ത്രില്ലാണെന്ന്‌, എനിക്ക്‌ തോന്നിയിട്ടില്ല. പാര്‍ട്ടിയില്‍ പച്ചവെള്ളം കുടിച്ചാലും അത്‌ മദ്യപാനമായി ചിത്രീകരിക്കപ്പെടുമെന്നറിയാം. രഞ്‌ജനി എവിടെയെങ്കിലും കുടിച്ചുബോധമില്ലാതെ കിടക്കുന്നതുകണ്ടാല്‍ അതു നിങ്ങള്‍ക്കെഴുതാം. മദ്യം കുടിക്കുന്നത്‌ ഒരു ക്രിമിനല്‍ കുറ്റമൊന്നുമല്ലല്ലോ. ഇഷ്‌ടമുള്ളവര്‍ കുടിക്കട്ടെ.

സിനിമയില്‍ അഭിനയിക്കാന്‍ ഒരുങ്ങുന്നതായി വാര്‍ത്തയുണ്ട്‌?

കഴിഞ്ഞ കുറെ വര്‍ഷങ്ങളായി മലയാളികള്‍ തുടര്‍ച്ചയായി എന്നെ കണ്ടുകൊണ്ടിരിക്കുകയാണ്‌. എന്റെ നടപ്പും ചലനങ്ങളും മാനറിസങ്ങളുമെല്ലാം മലയാളിക്ക്‌ മനപാഠമാണ്‌. സിനിമയില്‍ അഭിനയിച്ചാല്‍ അവര്‍ക്ക്‌ പുതുതായി ഒന്നും നല്‌കാന്‍ കഴിഞ്ഞില്ലെങ്കില്‍ അതു ബോറാകും. പക്ഷേ നല്ല വേഷങ്ങള്‍ കിട്ടിയാല്‍ തീര്‍ച്ചയായും അഭിനയിക്കും.

അധികാരിപ്പെണ്ണുങ്ങള്‍ .

2011-11-20T22:14:00.000-08:00

ഇന്ദിരാ ഗാന്ധി

അടിയന്തരവാസ്ഥ മാറ്റിനിര്‍ത്തിയാല്‍ ഇന്ദിരാ ഗാന്ധി നന്നായി ഭരിച്ചു. നാല് തവണ പ്രധാനമന്ത്രിയായി. അതില്‍ മൂന്ന് വട്ടം (1966-'77) തുടര്‍ച്ചയായി. അവരുടെ രാഷ്ട്രീയത്തെ ആരൊക്കെ എങ്ങനെ വിലയിരുത്തിയാലും, ഒരു വനിതയ്ക്ക് കടുത്ത രാഷ്ട്രീയ തീരുമാനങ്ങളെടുക്കാനാവുമെന്ന് ലോകത്തെ രണ്ടാമത്തെ മാത്രം വനിതാ പ്രധാനമന്ത്രിയായിരുന്ന ഇന്ദിര തെളിയിച്ചു. ഒരു യുദ്ധം (1971-ലെ ഇന്ത്യാ-പാക് യുദ്ധം) നടത്തി ജയിച്ചു. പൊഖ്‌റാനില്‍ ആദ്യ അണുപരീക്ഷണം നടത്തി. ഹരിത വിപ്ലവവും ധവളവിപ്ലവവും യാഥാര്‍ഥ്യമാക്കി. റിച്ചഡ് നിക്‌സന്റെ വെറുപ്പ് കണ്ടില്ലെന്ന് നടിച്ച്് സോവിയറ്റ് യൂണിയനുമായി കൈകോര്‍ത്തു. ഏതു പുരുഷനും സാധ്യമാക്കുന്നത്ര, അല്ലെങ്കില്‍ അതിലും മികച്ച നേതൃപാടവം പ്രകടിപ്പിച്ചു. മരണത്തിലേക്ക് നയിച്ച ബ്ലൂസ്റ്റാര്‍ ഓപ്പറേഷനും അടിയന്തരാവസ്ഥാ പ്രഖ്യാപനവും പോലും കടുത്ത തീരുമാനങ്ങളെടുക്കാനുള്ള ആര്‍ജവത്തിന്റെ പ്രകടനങ്ങളായി. ന

അധികാരം ആധികാരികമായി പ്രയോഗിക്കുന്ന വനിതകള്‍ ഭരണത്തിലേറുന്ന് അപൂര്‍വമാണ്. ലാറ്റിന്‍ അമേരിക്കയും യൂറോപ്പും ഇക്കാലം ഇത് സാധാരണമെന്ന് കാട്ടിത്തരുന്നു. അവിടെ വനിതകള്‍ ധാരണകളെ മാറ്റിവരച്ചുകൊണ്ടിരിക്കുകയാണ്. സാമ്പത്തിക പ്രതിസന്ധി പടിഞ്ഞാറിനെ പിടിച്ചുലക്കുമ്പോള്‍ കാര്‍ക്കശ്യത്തോടെയുള്ള തീരുമാനങ്ങളാല്‍ അതിനെ പ്രതിരോധിച്ച് മുന്നേറുന്ന രാജ്യങ്ങളുടെ അമരത്ത് വനിതകളാണ്. അര്‍ജന്റീനയില്‍ ക്രിസ്റ്റീന ഫെര്‍ണാണ്ടസ് ഡി കിര്‍ച്‌നര്‍, ബ്രസീലില്‍ ദില്‍മ റൂസഫ്, ജര്‍മനിയില്‍ ആഞ്ജല മെര്‍ക്കല്‍....

ക്രിസ്റ്റീന ഫെര്‍ണാണ്ടസ് ഡി കിര്‍ച്‌നര്‍

ഒക്ടോബറിലാണ് ഡി കിര്‍ച്‌നര്‍ അര്‍ജന്റീനയുടെ അമരത്തെത്തുന്നത്. 2002-ല്‍ പൊതുകടം 10000 കോടി ഡോളറായിരുന്ന അര്‍ജന്റീന കരകയറിവരുകയാണ് കിര്‍ചനറുടെ കൈപിടിച്ച്. അര്‍ജന്റീനയുടെ കാര്‍ഷികോത്പന്നങ്ങളില്‍ ചൈനയ്ക്കുള്ള കണ്ണും അതിനെ അനുകൂലമായി ഉപയോഗപ്പെടുത്താനുള്ള ഡി കിര്‍ച്‌നറുടെ പാടവവും രാജ്യത്തിന്റെ ഭാവി വെളിച്ചമുള്ളതാണെന്നതിന് തെളിവാകുന്നുണ്ട്. മുന്‍ പ്രസിഡന്റിന്റെ ഭാര്യയെന്നത് അവരുടെ നേട്ടത്തെ വിലിയിടിച്ചു കാട്ടാന്‍ എതിരാളികള്‍ പോലും ഉപയോഗിക്കില്ല. സാമ്പത്തിക പരിഷ്‌കാരങ്ങള്‍ക്കൊപ്പം മനുഷ്യാവകാശ പ്രശ്‌നങ്ങളെയും അഭിസംബോധന ചെയ്യുന്ന അവര്‍ ഒരു ലാറ്റിനമേരിക്കന്‍ രാജ്യത്ത് സ്വവര്‍ഗവിവാഹം നിയമവിധേയമാക്കിയ ആദ്യ ഭരണാധികാരി എന്ന നിലയ്ക്കും എന്ന ചരിത്രത്തിലിടം നേടി.

ആഞ്ജല മെര്‍ക്കല്‍

യൂറോപ്യന്‍ യൂണിയനിലെ ഉരുക്ക് വനിതയാണ് ജര്‍മന്‍ ചാന്‍സലര്‍ ആഞ്ജല മെര്‍ക്കല്‍ . ഫോര്‍ബ്‌സ് മാസിക പുറത്തിറക്കിയ കരുത്തരുടെ പട്ടികയില്‍ നാലാമതായി ഇടം നേടിയവര്‍. സ്വന്തം പ്രസിഡന്റ് നിക്കൊളാസ് സര്‍ക്കോസിയെക്കാള്‍ ഫ്രാന്‍സുകാര്‍ക്ക് പ്രിയപ്പെട്ട വ്യക്തി. പ്രതിസന്ധികാലത്ത് യൂറോ സോണില്‍ പിടിമുറുക്കിയിരിക്കുന്ന നേതാവ്്. യൂറോപ്യന്‍ കൗണ്‍സിലന്റെ പ്രസിഡന്റും ജി8-ന്റെ അധ്യക്ഷയുമായിരുന്നു. മാര്‍ഗരറ്റ് താച്ചര്‍ക്ക് ശേഷം ആ ജി-8ന്റെ അധ്യക്ഷ പദത്തിലിരുന്ന വനിത. ആ പദവിയില്‍ ഏറ്റവും കുടുതല്‍ കാലമിരുന്ന നേതാവ് എന്ന പേരും ഈ നവംബറോടെ മെര്‍ക്കലിന് സ്വന്തം.

ദില്‍മ റൂസഫ്

മുന്‍ പ്രസിഡന്റ് ലുല ഡ സില്‍വയുടെ മാനസപുത്രിയായി വന്ന് ബ്രസീലിന്റെ പ്രസിഡന്റ് പഥത്തിലേറിയതാണ് ദില്‍മ റൂസഫ്. അഴിമതിക്കെതിരെ സന്ധിയില്ലാ സമരത്തിലാണവരിപ്പോള്‍. വാള്‍സ്ട്രീറ്റ് പിടിച്ചടക്കല്‍ പ്രക്ഷോഭത്തിന്റെ മാതൃക ബ്രസീലിന്റെ തെരുവുകളിലും പടരാന്‍ തുടങ്ങിയപ്പോള്‍ തന്നെ അഴിമതിക്കാരായ അഞ്ച് മന്ത്രിമാരെ അവര്‍ പുറത്താക്കി. ബ്രസീലിന്റെ വരുമാനത്തില്‍ നല്ലൊരു പങ്ക് അഴിമതി മൂലം പലരുടെ കീശയിലേക്ക് ഒഴുകിക്കൊണ്ടിരുന്നതിനാണ് അവര്‍ തടകെട്ടുന്നത്. ഇത് അവരെ ജനകീയ ആക്കുക മാത്രമല്ല, രാജ്യത്തെ നിക്ഷേപ സൗഹൃദവുമാക്കിക്കൊണ്ടിരിക്കുന്നു.

സോണിയ ഗാന്ധി

ലൈബീരിയയും ഫിന്‍ലന്‍ഡും ഐസ്‌ലന്‍ഡും ഓസ്‌ട്രേലിലയുയും ക്രൊയേഷ്യയും കിര്‍ഗിസ്താനും കോസ്റ്റാറിക്കയും പെറുവും തായ്‌ലന്‍ഡും ബംഗ്ലാദേശമുള്‍പ്പെടെ 20 രാജ്യങ്ങളിലാണ് ഇന്ന് വനിതകള്‍ അധികാരമേറിയിരിക്കുന്നത്. ലോകം ആദരിക്കുന്ന സാമ്പത്തിക വിദഗ്ദ്ധന്‍ ഡോ. മന്‍മോഹന്‍ സിങ്ങാണ് പ്രധാനമന്ത്രിയെങ്കിലും മുഖ്യ ഭരണകക്ഷിയായ കോണ്‍ഗ്രസിന്റെയും ഭരണസഖ്യമായ യു.പി.എയുടെയും അധ്യക്ഷയായ സോണിയ ഗാന്ധിയുടെ കയ്യിലാണ് അധികാരത്തിന്റെ കടിഞ്ഞാണെന്നത് പ്രതിപക്ഷത്തിന്റെ ആരോപണം മാത്രമല്ല എന്നത് പരസ്യമായ രഹസ്യം. ഒന്നര പതിറ്റാണ്ട് കൊണ്ട് സോണിയ ഗാന്ധി ലോകത്തെ ഏറ്റവും ശക്തിയുള്ള വനിതകളുടെ ഒപ്പം പ്രതിഷ്ഠിതയായി. രാഷ്ട്രപതി സ്ഥാനത്തും ലോക്‌സഭാ സ്പീക്കര്‍ സ്ഥാനത്തും വനിതകളുള്ള ഇന്ത്യയും ഈ ഇരുപതില്‍ പെടാതെ പോകുന്നില്ല. പാര്‍ലമെന്റിലെ വനിതകളുടെ എണ്ണത്തില്‍ റുവാണ്ട മറ്റേത് രാജ്യത്തെയും കടത്തിവെട്ടും. സ്വീഡനും ഐസ്‌ലന്‍ഡും ഫിന്‍ലന്‍ഡും ബെല്‍ജിയവും നെതര്‍ലന്‍ഡും വനിതാ പാര്‍ലമെന്റേറിയന്‍മാരുടെ കാര്യത്തില്‍ ആദ്യ പത്തിലെത്തും.

തവാകെല്‍ കര്‍മാന്‍

രാജ്യത്തിന്റെ സാമ്പത്തിക രാഷ്ട്രീയ പുരോഗതി അതിന്റെ ഭരണാധിപരുടെ ലിംഗമേതെന്നതു വെച്ച് വിലയിരുത്തണമെന്നല്ല ഇപ്പറയുന്നതിനര്‍ഥം. ചൂണ്ടിക്കാട്ടാന്‍ അപവാദങ്ങള്‍ ഇവരില്‍ തന്നെയുണ്ട്. തിരഞ്ഞെടുപ്പ് കൃത്രിമം ആരോപിക്കപ്പെടുന്ന നൊബേല്‍ ജേതാവായ ലൈബീരിയന്‍ പ്രസിഡന്റ് ജോണ്‍സണ്‍ സര്‍ലീഫ്്, ക്രിമിനല്‍ കേസിലുള്‍പ്പെട്ട് തടവില്‍ കഴിയുന്ന യുക്രൈന്‍ മുന്‍ പ്രസിഡന്റ് യൂലിയ തൈമൊഷെങ്കോ, തിരഞ്ഞെടുപ്പില്‍ കൃത്രിമമാരോപിച്ച് അറസ്റ്റ് ചെയ്യപ്പെട്ട ഫിലിപ്പീന്‍സ് മുന്‍ പ്രസിഡന്റ് ഗ്ലോറിയ അരോയോ... അധികാരി വനിതയായാല്‍ ആരോപണങ്ങള്‍ക്കും വീഴ്ച്ചകള്‍ക്കും അതീതയെന്നര്‍ഥമില്ല. എങ്കിലും ഇതെല്ലാം പറയുന്ന ഒരു യാഥാര്‍ഥ്യമുണ്ട്. ചരിത്രം മാറ്റിയെഴുതപ്പെട്ട് തുടങ്ങി. അസാധ്യമെന്ന് ചിലരെങ്കിലും ഇപ്പോഴും കരുതുന്നത് യാഥാര്‍ഥ്യമായിരിക്കുന്നു. പ്രതിസന്ധികളുടെ കാലത്ത് അധികാരമേല്‍ക്കുന്ന വനിതകള്‍ എല്ലായ്‌പ്പോഴും പരാജയങ്ങളായിരിക്കില്ല. പലപ്പോഴും ഉജ്ജ്വല വിജയങ്ങളായിരിക്കുകയും ചെയ്യും.

അനുബന്ധം: ഐ.ബി.എം, പെപ്‌സികോ, ഹ്യുലെറ്റ് പക്കാഡ്, ജോണ്‍സണ്‍ ആന്‍ഡ് ജോണ്‍സണ്‍, മക്‌ഡൊണാള്‍ഡ്‌സ്, വാള്‍മാര്‍ട്ട്, ഗ്ലക്‌സോസ്മിത്‌ക്ലൈന്‍, ലോക്ഹീഡ് മാര്‍ട്ടിന്‍, ജനറല്‍ ഇലക്ട്രിക്, സോണി, ഗൂഗിള്‍. പരിചിതമായ പേരുകളാണ് ഇവയെല്ലാം. ഇവയുടെയൊക്കെ നേതൃനിരയിലും വനിതകളാണ്.

യെമനില്‍ 'അറബ്് വസന്തം' വിടര്‍ത്തിയ തവാകെല്‍ കര്‍മാന്‍, ചിലിയില്‍ വിദ്യാഭ്യാസ അവകാശത്തിനായി പോരാട്ടം നയിക്കുന്ന കാമി വലേയോ... രാജ്യങ്ങളില്‍ അവകാശപ്പോരാട്ടങ്ങളെ മുന്നില്‍ നിന്ന് നയിക്കുന്നതും വനിതകള്‍.