Hot Gossip Story's

ෆේස්බුක් හිමිකරුත් ගුගල්+ වලට ඇවිත්?

2011-07-05T19:04:00.001+09:00

පසුගියදා ගුගල් සමාගම විසින් හදුන්වා දුන් සමාජ ජාල වෙබ් අඩවිය වන ගුගල් ප්ලස් වෙත ෆේස්බුක් වෙබ් අඩවියේ හිමිකරු මාර්ක් සකර්බර්ග් ද ලියාපදිංචි වී ඇති බවට රාවයක් මේ දිනවල අන්තර්ජාලයේ පැතිර යමින් පවතිනවා.
සි නෙට් වෙබ් අඩවියේ බ්ලොග් අඩවිය ප්‍රකාශ කර සිටින්නේ මාර්ක් සුකර්බර්ග් නමින් ගිණුම් තුනක් දැනට ගුගල් ප්ලස් හි ඇති බවත් එයින් දෙකක් මේවන විට ව්‍යාජ ඒවා බවට හදුනාගෙන ඇති බවත්ය.
මාර්ක් සුකර්බර්ග් ගේ ගුගල් ප්ලස් ගිණුම 2000 කට අධික පිරිසක් විසින් තම "සර්කල්" එකට එක කරගෙන ඇත.

දුලානි නිරුවත් වීමට එකඟ වෙයි

2011-07-05T03:29:00.001+09:00

චැලෙන්ජර්ස් චිත්‍රපටය හා සෙනසුරු මාරුව චිත්‍රපට අධ්‍යක්ෂණය කිරීමෙන් පසුව නව චිත්‍රපටයක් සඳහා නිෂ්පාදකයන් සොයාගැනීමේ අපහසුතාවය නිසාම උදයකාන්ත වර්ණකුලසුරිය ඉතා ජනප්‍රියත්වයට පත් බහු භාර්යා චිත්‍රපටයේ දෙවන කොටස එලි දැක්වීමට සුදානමින් සිටිනවා.
බහුභාර්යා පලවන චිත්‍රපටයේ සංගීතා ප්‍රධාන චරිතය නිරුපනය කල අතර මෙවර උඩුකය නිරුවත් දර්ශනයක් සඳහා පෙනී සිටීමට දුලානි අනුරාධා කැමැත්ත පලකොට ඇති බව වාර්තා වේ.
ප්‍රධාන නළුවාගේ චරිතය සඳහා යොවුන් නළු හේමාල් රණසිංහ ද රංගනයෙන් දායක වීමට නියමිතයි.

දුලානි

VIEW SLIDE SHOW

DOWNLOAD ALL

ලෝඩ්ස් පිටියට කොටි විරෝධතාවයක්

2011-07-05T03:19:00.001+09:00

ඊයේ එංගලන්තයේ ලෝඩ්ස් පිටියේ පැවති එංගලන්ත - ශ්‍රීලංකා ක්‍රිකට් තරඟයට අනපේක්ෂිත ආකාරයෙන් කොටි විරෝධතාවයක් එල්ලවී තිබෙනවා.
ඒ එල්.ටි.ටි ධජය ගෙන තරුණයෙක් පිටියට කඩා වැඩිම සහ ශ්‍රී ලංකාව වර්ජනය කරන ලෙසට වායු බැලුන් ක්‍රීඩාංගනයට ඉහලින් යැවීම මගිනුයි.
ජායාරුප පහතින්

ගාල්ලේ මුතු නාඩගම

2011-07-05T03:15:00.001+09:00

ගාල්ලේ පාර්ලිමේන්තු මන්ත්‍රී නිශාන්ත මුතුහෙට්ටිගම පසුගිය මාසය පුරාවටම අපුරු නාඩගමක් රඟ දැක්වුවේය.
එය පටන් ගත්තේ විපක්ෂයට ගාල්ලේ උද්ඝෝෂණ කිරීම තහනම් කිරීමෙනි.එදා ඔහු එය සපථ කලේ "උද්ඝෝසණ කරන්න අවොත් බෙන්තර පාලමෙන් එහාට යනකන් බුදුන්පා ගහනවා" යනුවෙනි.
ඉන්පසුව අභියෝගය බාරගත් විපක්ෂය පලවනදා ඇල්පිටියේදී උද්ඝෝෂණයක් සිදු කරනබව පැවසිය.
එයට උත්තර දුන් මුතුහෙට්ටිගම පැවසුයේ එදාට හත් අටදාහක පිරිසක් සමග ඇල්පිටියට එන බවයි.
හිටපු පොලිස්පති මන්ද බුද්ධික බවත් දැන් පොලිස්පති හොඳ බැවින් එදිනට පොලිසියට නිවාඩු දෙන ලෙසත් ඔහු ප්‍රකාශ කර සිටියා.
නමුත් උද්ඝෝෂණය පැවැත්වුණු පසුගිය පලවනදා මුතුහෙට්ටිගම සිටියේවිදෙස්ගතවය.

Dayasiri Jayasekara - No more on Sajith's faction

2011-07-03T03:25:00.001+09:00

මම දැන් මධ්‍යස්ථයි - දයාසිරි

සජිත් ප්‍රේමදාසගේ පිළ දිනවීම වෙනුවෙන් ක්‍රියා කළ දයාසිරි ජයසේකර මේ වන විට මධ්‍යස්ථ මන්ත්‍රීවරයෙක් ලෙස කටයුතු කරන බව වාර්තා වෙයි. මේ වන විට එක්සත් ජාතික පක්ෂයේ කිසිදු අර්බුදයක් නොමැති බව හා පක්ෂය තුළ තනතුරු පිළිබඳව ඇති වී තිබුණු ගැටළු නිරාකරණය වී ඇති බව මන්ත්‍රීවරයා මාධ්‍ය හමුවකට පැමිණෙමින් පවසා තිබේ.
එක්සත් ජාතික පක්ෂයේ නොව රටේ මේ වන විට අර්බුද ගණනාවක් පවතින බැවින් ඒ පිළිබඳව ජනතාව නිසි ලෙස දැනුවත් කිරීම හා ආණ්ඩුවට එරෙහිව ජනතා බලවේගයක් ගොඩනැන්වීම කළ හැක්කේ එක්සත් ජාතික පක්ෂයට පමණක් බව එතුමා වැඩිදුරටත් කියා සිටියේය.
දයාසිරි මන්ත්‍රීවරයාගේ සම්පූර්ණ කතාව පහත වීඩියෝවෙන

සාලිය හා රන්ජන් ඩාන්ස් ස්ටාර් ඩාන්ස් හිදී ගැටෙයි

2011-07-03T03:21:00.001+09:00

ස්වර්ණවාහිනියේ සැලසුම්කල රියලිටිය
ස්වර්ණවාහිනී ඩාන්ස් ස්ටාර් ඩාන්ස් මගින් අප ඊයේ (01) දිනයේ ඉඟි කලාක් මෙන්ම සාලිය නිවේදන කටයුතු වලින් ඉවත්කොට ඒ වෙනුවට රන්ජන් රාමනායක නිවේදන කටයුතු සඳහා යොදා තිබේ.
සැබවින්ම සිදුව ඇත්තේ කලින් සැලසුම් කල රංගනයකි.ඒ සාලිය සත්‍යජිත් හට පෞද්ගලික හේතුවක් මත විදෙස්ගතවිමේ අවශ්‍යතායක් නිසා වැඩසටහනේ නිවේදන කටයුතු වලින් ඔහුට ඉවත් වීමට සිදුවීම හෙයිනි.
වීඩියෝව හොදින් අධ්‍යනය කිරීමේදී පෙනී යන කරුණු වන්නේ රන්ජන් රාමනයාක සාලියට තර්ජනය කරන විට රන්ජන්ගේ අනෙක් පස සිටින ජනනාත් වරකාගොඩ සිනාමුසු මුහුණින් රන්ජන් දෙස බලා සිටීමයි.
සාලියගේ පන දිවිමද හාස්‍යජනකය.ඔහු යන මග කෙතරම් ඉඩ තිබුනත් ඔහු දුවන්නේ ඉනි මගක් පටලවාගෙන හා පාරේ අයිනේ සිටින අයෙක් තල්ලු කරමිනි.
විදෙස් රටවල බොහෝ රියලිටි වැඩසටහන් විකාශය කරන්නේ සජීවීව වන අතර කලින් සැලසුම් කර පටිගත කර රියලිටිය මවාපාමින් රියලිටියේ අර්ථය නොදත් ස්වර්ණවාහිනියට රැවටෙන පිරිසද බොහෝ වේ.

01/07/11
මේ දිනවල ස්වර්ණවාහිනියේ විකාශය වන ඩාන්ස් ස්ටාර් ඩාන්ස් සම්බන්ධ දැන්වීමක දැක්වෙන්නේ රන්ජන් හා සාලිය අතර ගැටුමක් ඇති වී රන්ජන් සාලියට පහර දීම සඳහා වේදිකාවට දිව යන ආකාරයයි.එය හෙට(02) දිනයේදී විකාශය වීමට නියමිත බවත් එම දැන්වීමේ සඳහන් වනවා.
සාලිය සහ රන්ජන් අතර සැබෑවටම ගැටුමක් ඇතිවුනේ පසුගිය මැයි මාසයේ 29 වන දින විකාශය වූ වැඩසටහනේදීය.
එහිදී අවම එස්.එම්.එස් ප්‍රමාණයක් ලබාගෙන අක්ෂා සුදාරි ද වේදිකාවේ සිටි අතර විනිශ්ච කරුවන් ගැන අදහස් දක්වද්දී සාලියද රන්ජන්ට එරෙහ්ව කරුණු දැක්වීමට පටන්ගෙන ඇත.
එහිදී කෝපයට පත් රන්ජන් වේදිකාවේ සිටින සාලියට පහරදීමට දුවගෙන යයි.
නමුත් 29 වනදා විකාශය වූ වැඩසටහනෙන් එම දර්ශන ඉවත්කොට ගැටුමේ සලකුණක්වත් නැති ආකාරයට සංස්කරණය කොට දර්ශනය කළේය.
තවත් රඟපෑමක් ?
මේ අතර ස්වර්ණවාහිනී නිල නොවන අභ්‍යන්තර ආරංචි මාර්ග සඳහන් කරන්නේ සාලිය හට සති දෙකක පමණ කාලයක් ඔහුගේ පෞද්ගලික කටයුත්තක් සඳහා ඉන්දියාව බලා යාමට නියමිත බැවින් ඉදිරියේදී වැඩසටහන මෙහෙයවීමට වෙනත් කෙනෙකු ගෙන ඒමේ ප්‍රවේශයක් ලෙස මෙය රූගත කල බවයි.

අපහාසයට ලක් කල සිසුන් දෙදෙනා පල්ලියෙන් නිදොස් කරයි

2011-07-03T03:19:00.001+09:00

නැගෙනහිර පළාතේ කට්ටන්කුඩි ප්‍රදේශයේ සිදු වූ සිදුවීමක් දෙස් විදෙස් අවධානය දිනාගැනීමට සමත්ව ඇත.සිද්ධිය සිදුව ඇත්තේ මෙසේය.
17 හැවිරිදි සිසුවියන් දෙදෙනෙක් කට්ටන්කුඩි නගරයේ ඉන්ටර්නෙට් කැෆේ එකකට ගොස් ඉන් පිටතට පැමිණෙද්දී ඉන් එක සිසුවියකගේ පියා විසින් එම සිසුවියන් දෙදෙනා අසභ්‍ය චිත්‍රපට නැරඹු බව චෝදනා කොට තිබේ.
නමුත් එම සිසුවියන් දෙදෙනා එය ප්‍රතික්ෂේපකොට ඇත.ඉන් පසු ටික වෙලාවකින් අදාළ සිසුවියන් දෙදෙනා අසභ්‍යය චිත්‍රපට නැරඹු බවට නගරය පුරා ඇති පල්ලි නවයක ශබ්ද විකාශන යන්ත්‍ර වලින් ප්‍රචාරය කර ඇත.

මුළු නගරයටම ඇසුණු ඒ පණිවිඩයෙන් නගරයේ මුස්ලිම් ජනයා අආල සිසුවියන් දෙදෙනා වටා රොක් වී ඔවුන් දෙදෙනාට චෝදනා කිරීමටත් පහරදීමටත් පටන්ගෙන ඇත.ඉන්පසු තරුණයන් පිරිසක් එම පියාගෙන් සිය දියණිය හා ඇගේ යෙහෙළිය උදුරාගෙන අසල නිවසකට ගෙන ගොස් පහර දී ඇත.
පසුව පොලිසිය මැදිහත් වී අදාළ සිසුවියන් දෙදෙනා රෝහලට ඇතුලත් කොට ඇත.
පසුව කල පරීක්ෂණ වලදී හෙළි වී ඇත්තේ සිසුවියන් දෙදෙනා අන්තර්ජාලයට ගොස් අසභ්‍යය චිත්‍රපට නරඹා නොමැති බවයි.
ඒ අනුව පසුගිය බ්‍රහස්පතින්දා නගරයම ආවරණය වන පරිද්දෙන් පල්ලි නවයක ශබ්ද විකාශන යන්තර වලින් එම සිසුවියන් දෙදෙනා නිදොස් බව ප්‍රකාශ කොට ඇත.

ලංකාවේ රජ මගුල

2011-07-03T03:17:00.001+09:00

මනෝජ් - සෙව්වන්දි අතිනත ගත් දා

ස්වර්ණවාහිනියට හදිසියේ හමුවූ යුධ අපරාධ මුල් පිටපත

2011-07-03T03:11:00.001+09:00

(01) විකාශය වූ ස්වර්ණවාහිනී පුවත් විකාශයෙන් පසුව විශේෂ පුවත් විකාශයක් ලෙස ස්වර්ණවාහිනී විකාශය කලේ ඔවුන්ට ශ්‍රීලංකාව යුධ අපරාධ කල බවට කියවෙමින් නිකුත්කළ වීඩියෝවේ මුල් පිටපත තමාට ලැබුන බවත් එය ලැබුන විගස එය විකාශය කල බවත්ය.
එය විදේශයන්ගෙන් එල්ලවන චෝදනාවලට කදිම විසදුමක් ලෙසද ඔවුන් ප්‍රකාශ කළේය.
එම වීඩියෝව චැනල් 4 නාලිකාව විසින් 2009 දී මුල් වරට ඉදිරිපත්කල අතර රජය විසින් පත්කළ කමිටුවක් මගින් එය ව්‍යාජ වීඩියෝවක් බවට සනාථ කරන ලද පසුව එය ජාත්‍යන්තරයද පිළිගනු ලැබුවේය.

ස්වර්ණවාහිනියට හදිසියේ හමුවූ මෙම වීඩියෝවේ මුල් පිටපත අන්තර්ජාලයට එක් වන්නේ 2009 සැප්තැම්බර් මාසයේදීය.එය ඉන්දියාවේ රාධාන් නමැති වීඩියෝ නිෂ්පාදනාගාරයක නිපදවා තිබුණි.
මෙම සිදුවීමෙන් පෙනෙන්නේ රටක් වශයෙන් අපට නැගෙන යුධ අපරාධ චෝදනා පහසුවෙන්ම නිෂ්පල කිරීමට අප සතුව ඇතිතරම් සාක්ෂි පැවතියත් එයට වගකිවයුතු පාර්ශව නිසි ක්‍රියාමාර්ග නොගෙන අලසව බලා සිටීමයි.
කෙසේනමුත් වසර දෙකකට පසුව හෝ එම වීඩියෝව විකාශය කර ජනතාව දැනුවත් කල ස්වර්ණවාහිනිය වෙත අපගේ ප්‍රසංශාව හිමිවේ.
දෙමල බසින් ඇති මුල් වීඩියෝව

සිංහල බසට හඬ කැවුන ව්‍යාජ වීඩියෝව

Facebook vs Google+

2011-07-03T03:06:00.001+09:00

ලොව ජනප්‍රියම සෙවුම් යන්ත්‍රය වන ගුගුල් විසින් සිය අන්තර්ජාල ආධිපත්‍යය වැඩි කරගැනීම සඳහා ෆේස්බුක් වැනි සමාජ ජාල වෙබ් අඩවියක් හදුන්වා දීමට සුදානමින් සිටිනවා.
මෙය හදුන්වා ඇත්තේ ගුගුල් ප්ලස් නමිනුයි.මෙයට පෙර ගුගුල් විසින් දියත් කරන ලද විවධ ව්‍යාපෘති මගින් ෆේස්බුක් ග්‍රාහකයන් ඔවුන්වෙත උත්සාහ දැරුවත් සෘජු ලෙසම සමාජ ජාල වෙබ් අඩවියක් දියත් කල මුල් ව්‍යාපෘතිය මෙය වේ.
ගුගුල් වෙව්, ගුගුල් බස්, වැනි සේවාවන් අසාර්ථක වීමෙන් පසුව ඔවුන් මෙම පියවර ගෙන ඇත.
කෙසේ නමුත් වෙළඳ විචාරකයන්ගේ මතය වන්නේ ගුගුල් ප්ලස් ෆේස්බුක් වෙබ් අඩවියේ ප්‍රති නිර්මාණයක් බවයි.ෆේස්බුක් හි අඩංගු පහසුකම් හා වීඩියෝ චැට් වැනි අමතර විශේෂාංග ද ගුගුල් ප්ලස් සතු වේ.

විචාරකයන්ගේ මතය වන්නේ මිලියන 700 ක් පමණ වන ෆේස්බුක් ග්‍රාහකයන් ගුගුල් ප්ලස් වෙත ආකර්ෂණය කරගැනීම අසීරු කරුණක් වනු ඇතැයි යනුවෙනි.ඒ අනුව ගුගුල් සමාගම ෆේස්බුක් අභිබවා යාමට යොදාගෙන ඇත්තේ ෆෙස්බුක්හි දුර්වල ස්ථානයක් වූ පෞද්ගලිකත්වය ආරක්ෂා කිරීමයි.
ඒ සඳහා ගුගුල් වසින් "ගුගුල් සර්කල්" නමින් වැඩසටහනක් හදුන්වා දී ඇති අතර පවුලේ සාමාජිකයන් , මිතුරන් හා තමන් කැමති ඕනෑම කණ්ඩායමක් වෙනුවෙන් ගුගුල් සර්කල් එකක් ආරම්භ කිරීමට හැකියාව ඇත.එවිට ගුගුල් ප්ලස් හරහා බෙදා ගන්න දේ අදාළ "සර්කල්" එකට අදාළ පුද්ගලයන්ට පමණක් දර්ශනය වන සේ සැකසිය හැක.
විචාරකයන්ගේ මතය වන්නේ ජනප්‍රිය වෙබ් සෙවුම් යන්ත්‍රය සහ ඉ-මේල් සේවාව නිසා එමගින් ග්‍රාහකයින් මෙයට ආකර්ෂණය කරගැනීමට හැකි බවත් ඇන්ඩ්‍රෝයිඩ් තාක්ෂනය ගුගුල් වෙත තවත් රුකුලක් වනු ඇති බවයි.
කෙසේ නමුත් මේ පිලිබඳ නිවේදනයක් නිකුත් කරන ෆේස්බුක් කියා සිටින්නේ තමන් විසින් ආරම්භ කල සමාජ ජාල වෙබ් අඩවිය ඕනෑම කෙනෙක් සඳහා හොඳ වෙළඳපොළක් සකසා දී ඇති බවයි.ෆේස්බුක් හට අභියෝග කිරීමට ඩයස්පෝරා නමින් වෙබ් අඩවියක් එලි දැක්වීමටද නියමිතයි.
ගුගුල් ප්ලස් වෙබ් අඩවිය තවමත් නිල වශයෙන් ආරම්භ කර නොමැති අතර මුලින් සීමිත පිරිසක් සඳහා පමණක් ප්ලස් දියත් කිරීමට ගුගුල් සුදානමින් සිටියි.

ලංකාවේ අමුතු පෙට්‍රල් වර්ගයක්

2011-06-30T03:45:00.001+09:00

දිවයිනේ ඇතැම් ඉන්ධන පිරවුම්හල් වලින් ලබා ගත් පෙට්‍රල් යෙදීමෙන් මෝටර් රථවල ඇංජිම් දෝෂ වාර්තාවීම්,පෙට්‍රල් නිසි ලෙස දහනය නොවීම් ආදී සිදුවීම් බොහෝ වාර්තා විය.යම් කිසි රසායනික ද්‍රව්‍යයක් යොදා පෙට්‍රල් සාන්ද්‍රණය අඩුකර ඇති බවටද ඇතැමුන් චෝදනා එල්ල කරන්නට විය.මේ පිළිබඳ විධිමත් විමර්ශනයක් සිදුකිරීමට ඛනිජ තෙල් කර්මාන්ත අමාත්‍යංශය අසමත්ව ඇත.අපගේ පාඨකයෙකු ගම්පහ ප්‍රදේශයේ ඉන්ධන පිරවුම්හළකින් සිය යතුරුපැදියට ලබාගත් පෙට්‍රල් පසුව බෝතලයකට දැමූ පසු දිස්ව ඇත්තේ මේ අයුරිනි.

ඡායාරූපය විශාල කර බැලිම සදහා

“මචං“ ගේමක් දෙයි

2011-06-30T03:38:00.001+09:00

මෙරට බීර (beer) අලෙවිය වැඩිකිරීමට Carson Cumberbatch සමාගම් සමූහය අළුත් වැඩපිළිවෙලක් දියත් කරයි.මේ අනුව, සමාගම පවසා තිබෙන්නේ මෙරට බීර අලෙවි කරන සිය ශාඛා ජාලය පුළුල් කිරීමට සැලසුම් කර තිබෙන බවත් ඒ අරමුණෙන් “මචං“ යනුවෙන් නම් කළ අලෙවි සැල් ජාලයක් පිහිටුවමින් තිබෙන බවයි.

මේ වනවිටත්, සමහර ස්ථානවල මෙම නමින් බීර අලෙවිසැල් පිහිටුවා තිබෙන අතර ඉදිරියේදී එම ජාලය තවත් පුළුල් කිරීමට අදහස් කර ඇත.මේ බව සමාගම සිය වාර්ෂික වාර්තාවෙන් කොටස් කරුවන්ට දැනුම් දී තිබෙන අතර යුද්ධය අවසන් කිරීමෙන් පසුව ඇතිවී තිබෙන සාමකාමී වාතාවරණය බීර අලෙවිය වැඩිවීමට හේතුවී ඇතිබව පවසා තිබේ.යුද්ධය අවසන් කිරීමෙන් පසුව උතුරු-නැගෙනහිර වෙළඳ පොළවල්ද විවෘතවීම නිසා මෙසේ බීර අලෙවිය වැඩිවී තිබෙන බව සඳහන්ය.

ලෝකයේ අඩුම දුරකතන ගාස්තුවලින් ලංකාව තුනවන තැනට

2011-06-30T03:34:00.001+09:00

විදුලි සංදේශ නියාමන කොමිෂන් සභාව විසින් විනාඩියකට රුපියල් 1.50ක් දක්වා ඇමතුම් ගාස්තු පහත හෙළීමට අවසර දීමත් සමඟ අඩුම දුරකථන ගාස්තු ලෝකයේ ප‍්‍රමුඛ රටවල් 3 වන රට බවට ශී‍්‍ර ලංකාව පත් වී තිබෙව බව වාර්තා වේ.

ලංකාවටත් වඩා අඩු මිලට දුරකථන ඇමතුම් ලබා දෙන අනෙක් රටවල් දෙක වන්නේ භූතානය සහ බංග්ලාදේශයයි. එම රටවල්ද දකුණු ආසියානු රටවල් වීම විශේෂත්වයකි. එක්සත් ජාතීන්ගේ සංවිධානයට අනුබද්ධ ජාත්‍යන්තර විදුලි සංදේශ සංගමය විසින් මෙම වර්ගීකරණය සිදු කර ඇති අතර ජංගම දුරකතන, ස්ථාවර දුරකථන සහ ස්ථාවර බ්‍රෝඞ්බ‍්‍රෑන්ඞ් ගාස්තු ද සලකා බලමින් මෙම වර්ගීකරණය සිදු කර තිබේ.

2008 වසරට සාපේක්ෂව 2010 වසරේදී දුරකතන ගාස්තු ලෙස ශී‍්‍ර ලංකාවේ ජනතාවට දැරීමට සිදුව ඇති වියදම 67.4% කින් අඩු වී ඇතැයිද එම වර්ගීකරණය මඟින් අණාවරණය කර තිබේ.

Gayan Wickramathilaka (Saliya) - I am disappointed

2011-06-30T03:19:00.001+09:00

මම කලකිරීමෙන් ඉන්නේ - බොඳ මීදුම් සාලිය
පසුගිය දිනයක ගයාන් වික්‍රමතිලකට මහත් අකරතැබ්බයකට මුහුණ දෙන්නට සිදුවුණා. ඒ ඔහු සංගීත ප්‍රසංගයකට සහභාගී වෙන්න නුවර ගැටඹේ ක්‍රීඩාංගණයට ගොස් සිටියදී යම්කිසි පිරිසකගේ පහරකෑමට ලක්වීමයි. මෙම සිදුවීමෙන් පසුව ගයාන් තරමක් කලකිරීමකින් සිටින බැව් දැනගන්නට ලැබේ. මේ පිළිබඳව ගයාන් තම අදහස් ප්‍රකාශ කළේ මෙසේයි.

මේ සිද්ධියෙන් පස්සේ මම කළකිරීමෙන් ඉන්නේ. මින් ඉදිරියට කවදාවත් ප්‍රේක්ෂකයන් ඉදිරියට යන්නේ නැහැ. මගේ හිතේ බයක් හා සැකයක් ඇතිවෙලා තියෙනවා. මේ වගේ සිදුවීම්වලින් අන්තිමට වන්ඳි ගෙවන්න වෙන්නේ මගේ පවුලේ අයට. මට වෙන කවුරුත් උදව් කරන්නේ නැහැ කියලාත් තේරුම් ගත්තා.
අනෙත් එක කලාකරුවෙක්ට එහෙම දෙයක් වුණාම සොයාබැලිය යුතුයි. මගේ පෞද්ගලික ගමනක් නෙවෙයි ගියේ. ප්‍රේක්ෂකයින් සතුටු කරන්න ගිය ගමනක්. ඒ ගැන කවුරුත් සොයා බලන්න ආවේ නැහැ. මින් ඉදිරියට මේ වගේ වැඩවලදී පැත්තකට වෙලා ඉන්න එක තමයි හොඳම දෙය.
මේ වගේ හීනමානයකින් ඉන්න ප්‍රේක්ෂකයන්ගෙන් එස් එම් එස් එකක් ගහගන්න යන කලාකරුවොත් මේ රටේ ඉන්නවා. එවිට මිනිස්සු හිතනවා අපි තමයි ඔවුන්ව ජීවත් කරවන්නේ කියලා. එතකොට උන් හදනවා කලාකරුවන් පාලනය කරන්න. එස් එම් එස් එකක් ගැහැවුවම ඔවුන් හිතනවා ඔවුන් කියන විදියට සිටිය යුතුයි කියලා. මම ජීවිතයට කාගෙන්වත් එස් එම් එස් ඉල්ලලත් නැහැ. ඉල්ලන්නෙත් නැහැ.
මේ පිළිබඳව මට අන්තිමටම කියන්න තියෙන්නේ මම ලංකාවේ මහ පොරක් නෙවෙයි. සාමාන්‍ය මනුස්සයෙක්. මට වඩා සෑහෙන්න දක්ෂයින්ට මොනවාහරි උනහම ඒ මිනිස්සු තනිවෙලා තියෙනවා. මම ඒ ගැන වැඩිය හිතන්නේ නැත්තේ ඒකයි. ප්‍රවීණයන්ට එහෙම වෙනවානම් මට උණු සිදුවීම ගැන එතරම් දුකක් නැහැ. අනිත් එක තමයි මම ජීවිතේට රංඟනයෙන් ඉවත් වන්නේත් නැහැ.

ලන්ඩන් නුවර අහසේ පියාඹන පිරිසි

2011-06-30T03:10:00.001+09:00

ලන්ඩන් නුවර බි.බි.සි ගොඩනැගිල්ල ආසන්නයේ ඉහල අහසේ ගමන් කල හදුනා නොගත් ආකාශ වස්තුන් තුනක් වීඩියෝගත කර අන්තර්ජාලයට මුදාහැරීමත් සමග පියාඹන පිරිසි පිලිබඳ කරුණු සොයන්නන්ගේ උද්යෝගය වැඩිවී තිබෙනවා.
විශේෂයෙන්ම මෙම දර්ශනය පටිගතකරන්න විසින් කැමරාවට හසුකරගෙන ඇත්තේ අහම්බෙනි.
කැමරාව සක්‍රිය කරගෙන පාර දිගේ පැමිණෙන කැමරාකරුට ජංගම දුරකථන මගින් ඉහල අහස යමක් පටිගත කරනු පෙනී ඒ අනුව ඔහුද ඉහල අහසට කැමාරාව යොමු කරනවා.

එවිට ඉහල අහසේ වේගයෙන් ගමන් කරන කුඩා තිත් තුනක් වැනි වස්තුන් තුනක් දර්ශනය වේ.

ඉන් පසුව කැමරාකරු විසින් "මව් යානාව"නමින් හදුන්වන් පෙර දර්ශනය වස්තුන්ට සාපේක්ෂව විශාල වස්තුවක්(පියාඹන පිරිසියක හැඩය ගත්) එකවර දර්ශනය වී නොපෙනී යනවා.

බොහෝ දෙනා මෙම වීඩියෝව සත්‍යය වීඩියෝවක් යැයි විශ්වාස කරන්නේ පෙර දර්ශනය වූ පියාඹන පිරිසි ඇතුලත් වීඩියෝ මෙන් නොව මෙය ඉතා ස්වභාවික හා අහම්බයෙන් පටිගත කෙරුණු දර්ශනයක් වීම නිසයි.
කෙසේ නමුත් ඩේලි මේල් වෙබ් අඩවිය ප්‍රකාශ කරන පරිදි මෙම වීඩියෝව මුලින්ම යු ටියුබ් වෙත එක්කල 31 වයසැති පුද්ගලයාගේ යු -ටියුබ් ගිණුමේ නාසා ආයතනයට විරුද්ධව හා පියාඹන පිරිසි සම්බන්ධව ව්ශාල වීඩියෝ ප්‍රමාණයක් ඇතුලත් වීම නිසාත්, අදාළ දර්ශනය පටිගත කර සතියකට පසු එය අන්තර්ජාලයට මුදා හැරීමත් නිසා මෙය ව්‍යාජ වීඩියෝවක් වීමට ඉඩ ඇති බවයි.
මේ සම්බන්ධයෙන් බ්‍රිතාන්‍ය ආරක්‍ෂක අමාත්‍යාංශයද මෙතෙක්‌ ප්‍රකාශයක්‌ කර නැත.

Technorati Tags: ufo,ufo in london

පෘතුවිය අසලින් විශාල ග්‍රහකයක් අද ගමන් කරය

2011-06-28T00:32:00.001+09:00

2011 MD නමින් හදුන්වන විශ්වයේ පාවෙන විශාල ග්‍රහකයක් අද (27) පෘතුවිය ආසන්නයෙන්ම ගමන් කිරීමට නියමිත බව නාසා ආයතනය පවසනවා.මෙම ග්‍රහකය පෘතුවි කක්ෂයට කිලෝමීටර් 12000 ක් ඈතින් ගමන් කරන අතර එය පෘතුවියේ ගැටුනොහොත් එහි විනාශයේ තරම පරමාණු බෝම්බයක් පිපිරිම හා සමාන වනු ඇති බව නාසා ආයතනය විස්තර කර සිටිනවා.
විද්‍යාඥයින් විසින් මෙම ග්‍රහකයා පෘතුවියේ නොගැටී පෘථිවිය පසුකර යන බවට පරීක්ෂණ මගින් තහවුරු කරගෙන තිබේ.
2011 MD ග්‍රහකය අද ග්‍රිනිච් වේලාවෙන් 17:14 ට පෘතුවිය පසුකරගෙන යන අතර එය පැහැදිලිව ගිනිබෝලයක් සේ අන්ටාක්ටිකාවට දර්ශනය වනු අතට විද්‍යාඥයින් මත පල කර සිටිනවා.2011 MD වැනි විශාල ග්‍රහයින් පෘතුවි වායුගෝලය හරහා පැමිණීමේදී දැවී අළු නොවේ.

මෙම වසරේ මෙයට පෙර ඇති වූ මෙවන් තත්වයන්
පසුගිය අප්‍රේල් 15 වනදා න්‍යෂ්ටික බෝම්බ 15ක ශක්තියක් අඩංගු ග්‍රහකයක් පෘතුවිය පසුකරගෙන ගියේ පෘතුවියට සැතපුම් 2,085, 321ක් දුරිනි(පෘතුවියේ සිට සඳට ඇති දුර මෙන් දස ගුණයක්).එය GP59 යන නමින් හැදින්විණි.
ඉදිරියේදී සිදුවීමට නියමිත තත්වයන්
2005 YU55 නැමැති දැවැන්ත ප්‍රමාණයේ ග්‍රහකයක් එළඹෙන නොවැම්බරයේදී පෘතුවිය ආසන්නයෙන්ම ගමන් ගන්නා බව නාසා ආයතනය පවසයි.මෙම ග්‍රාහකය පොළවේ ගැටුන හොත් එමඟින් න්‍යෂ්ටික බෝම්බ 65,000ක පිපිරීමක් ඇතිකිරීමට හා සැතපුම් 06ක් පළලැති අඩි 2000ක් ගැඹුරු ආවාටයක් ඇතිකිරීමටද සමත් බවද එම වාර්තා හෙළිකරයි.
ටොන් මිලියන 55ක පමණ බරකින් යුත් මෙම ග්‍රාහකය ප්‍රමාණයෙන් මීටර් 400ක විශ්කම්භයකින්යුතු වන අතර එය සඳට වඩා කිට්ටුවෙන් අප පසුකර යනු ඇතැයිද තාරකා විද්‍යාඥයෝ අනාවැකි පවසති. එළඹෙන නොවැම්බර් 08 සහ 09 දිනවල මෙලෙස මෙම ග්‍රාහකය පෘතුවිය ආසන්නයෙන්ම ගමන් කරනු විද්‍යාඥයින් මත පළකර සිටී.
කෙසේ නමුත් නාසා විද්‍යාඥයින් පවසන්නේ ඉදිරි වසර 100 තුළ ග්‍රාහකයක් පෘතුවියේ ගැටීමේ අවදානමක් නොමැති බවයි.

Technorati Tags: 2011 MD

Nehara Peiris will divorce Nirmal

2011-06-28T00:14:00.001+09:00

මම එයාගෙන් දික්කසාද වෙනවා වෙබ් අඩවිවල නොයෙක් දේවල් යනවා
ඒ කාලෙත් ප්‍රශ්න තිබුණා එයාට පාලනය කරගන්න බැරි තරහක් එනවා
මේනක මගේ හොඳම යාළුවෙක් නෙහාරා පීරිස්

වෙබ් අඩවිවල මා ගැන නොයෙකුත් කතා පළවෙනවා. නමුත් ඒ දේවල් සියයට සියයක්ම ඇත්ත නෙවෙයි. මම දික්කසාද වෙන්න අවශ්‍ය නීතිමය පියවර සකස් කරමින් ඉන්නේ. ඒක ඇත්ත.
මමයි නිර්මාලුයි අවුරුදු 2ක් ආදරය කරලා විවාහ වුණේ. ඒ කාලෙත් ප්‍රශ්න තිබුණා. විවාහ වුණාට පස්සේ කලින් තිබුණ ප්‍රශ්න එන්න එන්නම වැඩි වුණා. කීප වතාවක්ම ඩිවොස් වෙන තැනටම ආවත් ඒ වෙනකොට මා වටා විශාල ප්‍රේක්ෂක පිරිසක් හිටපු නිසා කලාකාරිණියක් හැටියට පවුලේ මොන ප්‍රශ්න තිබුණත් ආදර්ශවත් චරිතයක් වෙන්න ඕන කියලා හිතපු නිසා හැම ප්‍රශ්නයක්ම විසඳගන්න උත්සාහ කළා.

ඒ හැමතැනකදිම හරහට හිටින්නේ නිර්මාල්ගේ අධික කෝපය තමයි. පොඩි පොඩි ප්‍රශ්න ඕනම පවුලක තියෙන නිසා සාර්ථක පවුල් ජීවිතයක් ගත කරන්න තමයි මම හිතුවේ. නමුත් ටික දවසකට කලින් තමයි තීරණය කළේ අපිට එකට ජීවත් වෙන්න බැහැ කියලා. ටික දවසක ඉඳලා මම ඉන්නෙ මගේ දෙමාපියන් එක්ක. නිර්මාල් ඉන්නේ එයාගේ ගෙදර.
අපි දෙපැත්තකට වෙලා ඉන්න නිසා තාත්තා කීපවතාවක්ම මේ ගැන කතා කරන්න නිර්මාල්ට අපේ ගෙදර එන්න කිව්වත් එයා ආවේ නැහැ. ඒ නිසා මමයි තාත්තයි නිර්මාල්ගේ බාල සොහොයුරයි තව අපේ යාලුවෙකුයි නිර්මාල්ගෙ ගෙදර ගියා. ඒ වෙලාවේ පාලනය කරගන්න බැරි තරහක් ඇවිත් ඩිවොස් එක ඕනෙමයි කියලා මේසේ උඩ තිබුණු වීදුරු භාජනයකින් තාත්තාට ගැහුවේ.
මේනක මගේ හොඳම මිත්‍රයෙක්. මගේ හැම ප්‍රශ්නයකදිම ගොඩක් දේවල් ගැන කතා බහ කරන්නේ එයා එක්ක. හැම ප්‍රශ්නෙකදිම එයා මගේ ලඟින් හිටියා. එතැනින් එහාට කිසිම හිතවත්කමක් අපි අතර නැහැ.

Mervin Silva at "Kuweni Film"

2011-06-28T00:12:00.001+09:00

මර්වින් සිල්වා යක්ෂයෙකුගේ චරිතයකට

මහජන සම්බන්ධතා ඇමති ආචර්ය මර්වින් සිල්වා මහතා පසු ගිය දිනයක යක්ෂයකුගේ චරිතය නිරූපණය කර තිබේ. ඒ සුගත් සමරකෝන්ගේ “කුවේණි” චිත්‍රපටයටය. එහිදී අමාත්‍යවරයා යක්ෂ ගෝත්‍රයේ ප්‍රධාන චරිතයක් නිරූපණය කර තිබේ.

ඵැරඩසබ ීසකඩ් ්එ ,ණමඇබස,
දේශපාලනය කරන එකත් හොඳ රඟපෑමක් නිසා චිත්‍රපටවල රඟපාන එක එච්චර අසීරු වෙන්නේ නැතැයි ඇමතිවරයා ප්‍රකාශ කර තිබේ. එසේම චිත්‍රපටවල හා ටෙලිනාට්‍යවල රඟපෑමට ලැඛෙන ඕනෑම චරිතයක් භාර ගැනීමට තමන් සූදානම් යැයිද මර්වින් සිල්වා ඇමතිවරයා වැඩිදුරටත් සඳහන් කර තිබේ.
මෙම දර්ශන පෙළ ගම්පහ උද්භිද උද්‍යානයේදී කැමරා ගත කර ඇති අතර කුවේණි චිත්‍රපටයට මර්වින් සිල්වා මහතාව, වසන්ත විට්ටච්චි මහතා විසින් වේෂ නිරූපණයට භාජනය කර තිබේ. දිග කොන්ඩා සහ දිග රැවුල් පැළදීම නිසා මේ රැවුල් දැමිල්ලෙන් මට ඇලජික් වෙන්නේ නැහැ නේදැයි මර්වින් සිල්වා මහතා වේෂ නිරූපණ ශිල්පියාගෙන් විමසා තිඛෙන බවද දනගන්නට ලැබේ.

Nishantha Muthuhettigama was attacked by Three wheeler drivers

2011-06-28T00:09:00.001+09:00

මුතුහෙට්ටිගමට ත්‍රීරෝද රථ රියැදුරන්ගෙන් ප්‍රහාරයක්

ගාල්ල දිස්ත්‍රික් පාර්ලිමේන්තු මන්ත්‍රීවරයෙක් වන නිශාන්ත මුතුහෙට්ටිගම මහතාට ගාල්ල කරාපිටිය රෝහල අසලදී ත්‍රීරෝද රථ රියැදුරන් පිරිසක් විසින් පහර දී තිඛෙන බව වාර්තා වෙයි.

කරාපිටිය රෝහලේ පැවැති ඩෙංගු මර්දන වැඩසටහනකට මන්ත්‍රීවරයා සහභාගී වී තිඛෙන අතර එහිදී ප්‍රදේශයේ ත්‍රීරෝද රථ රියැදුරෙක් සමඟ බහින්බස් වී මන්ත්‍රිවරයා විසින් ඔහුට පහර දී තිබේ. ඉන්පසුව කරාපිටිය රෝහල අසල ත්‍රීරෝද රථ නැවතුම්පොළේ රියැදුරන් පිරිසක් මන්ත්‍රීවරයාට පහරදී තිඛෙන බවද වාර්තා වෙයි

නෙහාරා පිරිසගේ විව්වාහ දිවිය අර්බුධයක

2011-06-23T20:21:00.001+09:00

ජනප්‍රිය යොවුන් නිලි නෙහාරා පිරිසගේ විව්වාහ දිවිය මේ වන විට අර්බුධයකට ලක්ව ඇති වාර්තා වේ.නෙහාරා පිරිස් 2006 වසරේදී ලංකාබෙල් වෙළඳ දැන්වීමක් සඳහා පෙනී සිටිමින් ජනප්‍රියත්වයට පත්වූ අතර සෙනෙහසට ආදරෙයි නම් ටෙලි නාට්‍යයේ රශ්මි නම් හදවත් රෝගී තරුණියකගේ චරිතය නිරුපනය කරමින් රංගනයට එළඹීයාය.
නමුත් නෙහාරා වඩාත්ම ජනප්‍රියත්වයට පත්වුයේ ස්වාධින රුපවාහිනිය මගින් විකාශය කල මුතු කිරිල්ලි ටෙලි නාට්‍යය මගින්ය.
නෙහාරා විවාහ වුයේ අවරුදු 19 දී නිර්මාල් පෙරේරා සමග වන අතර ඇයට වයස අවුරුදු 16 දී රත්මලානේ ශාන්ත ජෝශප් දේවස්ථානයේදී නෙහාරා - නිර්මාල් ප්‍රේමය ආරම්භ වී ඇත.

නිර්මාල් පිලිබඳ සිය පියාට මුලින්ම පවසා ඈත්තේ නෙහාරා වන අතර නෙහාරගේ පියා විසින් නිර්මාල් පිලිබඳ හොදින් සොයා බලා විවාහයට කැමැත්ත පලකොට ඇත.
නිර්මාල් හා මිතුරුවන සමයේ නෙහාරා රංගන ශිල්පිනියක් නොවූ අතර එයට ඇයගේ පියා අකැමති විය.පසුව නෙහාරගේ කුඩා කාලයේ දක්ෂතා දකින නිර්මාල් විසින් නෙහාරාගේ පියාගෙන් අවසර ගෙන නෙහාරා රංගනයට යොමුකර ඇත.

විව්වාහ දිවියට එළඹීමට පෙර සිටම නෙහාරා හා නිර්මාල් අතර ගැටුම් ඇතිවී තිබේ.එම ගැටුම පිලිබඳ එක්තරා පුවත්පතකට ලබා දුන් සම්මුක සාකච්චාවක් පහත වේ.
නළුවෝ ඔයාගේ ආදරේ ඉල්ලලා නැද්ද?
තියෙනවා.එක්තරා ජනප්‍රිය නළුවෙක් මගෙයි නිර්මාල්ගෙයි සම්බන්ධතාවය දැන දැනත් මට ආදර යෝජනාවක් ගෙනාවා.එදා නිර්මාල් ඔහුට තදින්ම දොස් කිව්වා.
එදා ඔය දෙන්නා රණ්ඩු උනාද?
නිර්මාල් මගේ "ස්නුපි" කියන බලු පැටියව ඇදලා විසි කරා.එදා උගේ කකුලක් තුවාල උනා.එදා ඒ දුකට මම අරක්කු බිව්වා.
විවාහ දිවියෙන් පසුව ඇතිවූ ගැටුම මෑතකදී ඇතිවුවක් නොවූ අතර මිට වසරක කාලයක පමණ පටන් දෙදෙනා ගැටුම් ඇතිකරගෙන තිබේ.
නිර්මාල් විසින් නෙහාරව රංගනයට යොමු කලත් පසුව නෙහාරා ටෙලිනාට්‍ය වල ෂූටින් සඳහා සහභාගී වනවාට නිර්මාල් අකැමති වී ඇත.
ඒ මේනක රාජපක්ෂ සම්බන්ධ කරමින් විවිධ කටකතා ඔහුට ආරංචි වී තිබු හෙයිනි.මේනක රාජපක්ෂද විවාහකකු වන අතර මේ සම්බන්ධව රහසේ සෙවීම නිර්මාල් ආරම්භ කොට ඇත්තේ එතැන් පටන්ය.
එම සම්බන්ධය තහවුරු වූ විට නිර්මාල් - නෙහාරා බහින් බස් වී දෙදෙනා වෙන වෙනම වාසය කොට ඇත.මේ අතර නෙහාරාගේ හිතවතුන් ප්‍රකාශ කරන්නේ නිර්මාල් සමග විවාහ වූ දා පටන් නෙහාරා උපයන දෑ නිර්මාල්ගේ ප්‍රයෝජනයට ගත බවයි.
කෙසේ නමුත් මේ වෙන්ව වාසය කිරීම තවදුරටත් බල සිටිය නොහැකි වූ නෙහාරා ගේ පියා විසින් පසු ගිය පොසොන් පෝ දා නෙහාරා - නිර්මාල් හමුවක් නෙහාරාගේ නිවසේ පවත්වා ඇත්තේ දෙදෙනා සමාදාන කිරීමටය.
නමුත් නෙහාරාගේ පියා විසින් දිගින් දිගටම බහින්බස් වූ නිර්මාල් අවසානයේ සිය කෝපය පිට කර ඇත්තේ සාලයේ ඇති අළු බදුනකින් නෙහාරාගේ පියාට දමා ගැසීමෙනි.සිද්ධිය සිදුවූ වහාම නෙහාරා විසින් නිර්මාල්ට එරෙහිව මොරොටුව පොලිසියේ පැමිණිල්ලක් ගොනු කල අතර එයට ටික වෙලාවකට පසුව නිර්මාල් ද පැමිණිල්ලක් කර ඇත.
ලංකාවේ නිළියකට ඇති විශාලතම රසික පිරිසක් සහිත ෆේස්බුක් ෆෑන් පේජ් එකට හිමිකාරිත්වය දරන්නේද නෙහාරා වේ.
නමුත් දැන් ඈ ආගිය අතක් නොමැති අතර ඇයගේ රසිකයන් මේ දිනවල

Court Order to investigate Udari's case

2011-06-23T20:10:00.001+09:00

උදාරිගේ පැමිණිල්ලේ පරීක්ෂණ අවසන් කර වාර්තාවක් දෙන්න - උසාවි නියෝග

ඔඩෙල් ආයතනයේ සේවක සේවිකාවන් විසින් තමන්ට අඩන්තේට්ටම් කරමින් තමාගේ ඡායාරූප මාධ්‍ය වෙත ලබාදී ඇති බවට චෝදනා කරමින් උදාරී චාමිකා වර්ණකුලසූරිය විසින් මීට ඉහතදී පොලීසියට පැමිණිල්ලක් කර තිබුණි. එම පැමිණිල්ල සම්බන්ධයෙන් වන සියළුම පරීක්ෂණ අවසන් කර ලබන ඔක්තෝම්බර් 17 වනදාට අධිකරණයට වාර්තාවක් ලබා දෙන ලෙස කොළඹ ප්‍රධාන මහේස්ත්‍රාත් රශ්මි වෙංගප්පුලි මහතා විසින් ඊයේ (20)නියෝග කර තිඛෙන බව වාර්තා වෙයි.
ඔඩෙල් ආයතනයෙන් රෙදිපිළි සොරකම් කර ලඟ තබා ගැනීම සම්බන්ධව කුරුඳුවත්ත පොලීසිය විසින් ඇයව අත්අඩංගුවට ගෙන ඇප මත නිදහස් කර තිබුණි. කුරුදුවත්ත පොලීසිය විසින් නගා තිබූ චෝදනා පිළිගත් ඇයට වසරකට අත්හිටවනු ලැබූ සිර දඩුවමක් ලබා දෙනු ලැබිණි.

ශවේන්ද්‍ර අභීත සිංහ මෙහෙයුමක… Channel 4 කටවල් වැසේ (වීඩීයෝ)

2011-06-23T19:19:00.001+09:00

විදේශීය තානාපතිවරුන් හමුවේ චැනල් ෆෝ වීඩියෝ චිත්‍රපටය තිරගත කරමින් ශ්‍රී ලංකා හමුදාව යුද අපරාධකරුවන් කිරීම සඳහා හියුමන් රයිට්‌ස්‌ වොච්, ඇමනෙස්‌ටි ඉන්ටර්නැෂනල් සහ ක්‍රයිම් ගෘප් සොසෙයිටි නමැති එන්.ජි.ඕ. සංවිධාන සහ එකී චිත්‍රපටය නිර්මාණය කළ අධ්‍යක්‍ෂ කැල්ලම් මැක්‌රේ පෙරේදා (21 දා) දහවල් නිව්යෝර්ක්‌හි දේවස්‌ථාන මධ්‍යස්‌ථානයේ දී දැරූ උත්සාහය මේජර් ජනරාල් ශවේන්ද්‍ර සිල්වා විසින් ව්‍යර්ථ කර ඇත.මෙම සාවද්‍ය වීඩියෝ චිත්‍රපටය තිරගත වී ප්‍රශ්න අසන අවස්‌ථාවේ ජනරාල්වරයා එන්.ජී.ඕ. ක්‍රියාකාරීන්ගේ අවහිරතා නොතකා ශාලාවට අවතීර්ණ වී තිබේ.

මේ වන විට එන්.ජී.ඕ. ක්‍රියාකාරීන්ගේ ප්‍රශ්නවලට ප්‍රතිචාර දක්‌වමින් සිටි එක්‌සත් ජාතීන්ගේ නිත්‍ය නියෝජිත පාලිත කොහොන චැනල් ෆෝ චිත්‍රපටය ගැන ප්‍රතිචාර දැක්‌වීමට සුදුසුම නිලධාරියා ජනරාල් ශවේන්ද්‍ර සිල්වා යෑයි ප්‍රකාශ කර ඇත.

එම අවස්‌ථාවේදී චැනල් ෆෝ අධ්‍යක්‍ෂ කැල්ලම් මැක්‌රේ සිය චිත්‍රපටය ගැන සාවද්‍ය තොරතුරු දැක්‌වීමට සූදානම්ව සිටි අතර ජනරාල්වරයා දැකීම නිසා බරපතල අපහසුතාවකට මුහුණපා තිබේ.

“චැනල් ෆෝ” චිත්‍රපටයේ දර්ශනයක ගුවන් හමුදාව කැලෑවකට බෝම්බ දමන බව දැක්‌ වෙනවා. නමුත් තුවාලකරුවන් සිටින්නේ එළිමහනකයි. මේ දර්ශන එක්‌සත් ජාතීන්ගේ චන්ද්‍රිකා ඡායාරූපවලින් ලබාගත් බව පසුබිම් කථනයේ යෙදෙන තැනැත්තා පවසනවා. නමුත් දර්ශනයේ කෙළවර එම දර්ශන ශ්‍රී ලංකා ගුවන් හමුදාව මගින් ලබාගත් දර්ශන යෑයි පෙන්නුම් කරනවා. මෙය මුළුමනින්ම විකෘති කිරීමක්‌ යෑයි ජනරාල් ශවේන්ද්‍ර සිල්වා කියා සිටියේය. එසේම චැනල් ෆෝ චිත්‍රපටයේ දමිල්වානි ඥන කුමාර් නමැත්තිය යුද අපරාධ සම්බන්ධව කරන ප්‍රකාශය සාවද්‍ය යෑයි දක්‌වමින් ඇය කොටි ත්‍රස්‌තයන් සමග එක්‌ව කටයුතු කළ තැනැත්තියක්‌ යෑයි ශවේන්ද්‍ර සිල්වා මහතා සාධක සහිතව තහවුරු කර ඇත.

මේ දමිල්වානි නම් දෙකකින් පෙනී සිටියා. ඇගේ වැඩිමහල් සොයුරිය කළ ප්‍රකාශ අප සතුව තිබෙනවා. දික්‌කසාද වූ තැනැත්තියක්‌ වූ දමිල්වානි බ්‍රිතාන්‍යයෙන් අතුරුදන් වූ බව වැඩිමහල් සොහොයුරිය පවසනවා. මාස 6 ක වීසාවකින් ශ්‍රී ලංකාවට පැමිණ ඇය කොටි කඳවුරක සිටියා. කොටි රෝහලකට ඇය සිටින අයුරු දැක්‌වෙන වීඩියෝ පට අපට හමුවුණා යෑයි ජනරාල්වරයා ප්‍රකාශ කිරීම නිසා චැනල් ෆෝ අධ්‍යක්‍ෂ කැල්ලම් මැක්‌රේට කට උත්තර නැතිවී තිබේ.

මෙහිදී නැගී සිටි මැක්‌රේ “ඔබ උගත් පාඩම් හා ප්‍රතිසන්ධාන ජනාධිපති කොමිසමේ සාක්‌ෂි නුදුන්නේ මන්දැයි” ජනරාල් සිල්වාගෙන් ප්‍රශ්න කළේය.

“මම දෙවරක්‌ සාක්‌ෂි දුන්නා. ඒ සාක්‌කි අන්තර්ජාලයේ තිබෙනවා. ඔබගේ නොදන්නා කමට මට කරන්න දෙයක්‌ නැහැ. මාධ්‍ය සදාචාරය ගැන කතා කරන ඔබලා රාජ්‍ය විරෝධීන්ගේ උපක්‍රමවලට ගොදුරු වී තිබෙනවා” යෑයි ඊට ප්‍රතිචාර දැක්‌වූ ජනරාල්වරයා කියා සිටියේය.

මේ ප්‍රකාශයත් සමගම සභාවේ සිටි විදේශ තානාපතිවරු අත්පොළසන් දී ඇත. චැනල් ෆෝ අධ්‍යක්‌ෂ කැල්ලම් මැක්‌රේ ඒ සමගම නිහඬ වී තිබේ.

- සටහන දිවයින පුවත් පතින්

මෙම වීඩීයෝවේ ඇතුලත් වන්නේ ඔහුගේ කථාවේ කොටසක් පමණි….

Technorati Tags: Gossip News,political gossip

නැනෝ නිසා කට්ටිට බය වෙලා

2011-06-23T19:08:00.001+09:00

අලූතින් ආරම්භ කරන ලද නැනෝ කුලී කාර් සේවකයෙන් තම රැුකියාවට පහර නොවදින සේ වග බලාගන්නැයි කියමින් තී‍්‍රරෝද රියැදුරෝ අද උද්ඝෝෂණය කළහ.

ස්වයං රැකියා නියුක්තියකන්ගේ සංගමය කොළඹ හයිඞ්පිටියේ සිට පාගමනිකින් සංදේශයක් රැගෙන ජනපති කාර්යාලය දක්වා ගමන් කිරීම නිසා පුරහල කොම්පඤ්ඤ වීදිය හා කොටුවේ දැඩි රථවාහන තදබදයක් ඇතිවිය. කොටුව පන්සල අසලදී පෙළපාළිය නතර කැරුණු අතර නියෝජිතයෝ තිදෙනෙකු සංදේශය රැගෙන ජනාධිපති ලේකම් කාර්යාලයට ගියහ. ලියාපදිංචි තී‍්‍රරෝද රථ සංඛ්‍යාව ලක්‍ෂ හතරක් පමණ වෙයි. ඒවා අලූත්වැඩියා කරන්නත්, අමතර කොටස් අලෙවි කරන්නත්. සේවා සපයන්නන් ඇතුළුව ඉන් යැපෙන්නන් සංඛ්‍යාව විසි ලක්‍ෂය ඉක්මවයි.

ඡායාරූප සදහා

Technorati Tags: nano,Sri Lanka,tata,tata nano sri lanka,tata nano taxi sri lanka,taxi .

බළංගොඩ සිසුන්ට අසභ්‍ය දර්ශන විකුණලා

2011-06-23T19:01:00.001+09:00

බළංගොඩ ප්‍රදේශයේ පාසල් සිසුන්ගේ ජංගම දුරකථනවලට අසභ්‍ය දර්ශන ඇතුළු කර මුදල් ගත් බව කියන පුද්ගලයකු අත්අඩංගුවට ගෙන තිබේ.පොලීසිය සඳහන් කළේ, බලංගොඩ අලුත් නුවර ප්‍රදේශයේ දුරකථන සේවා මධ්‍යස්ථානයක තිබු එවැනි අන්දමේ අසභ්‍ය දර්ශන ඇතුළත් පරිගණකයක් සහ ජංගම දුරකථන කිහිපයක් ද සොයා ගැනීමට හැකි වු බවයි.කලක සිට මෙම ජාවාරම පිළිබඳව දෙමාපියන්ගෙන් සහ ඇතැම් ගුරුවරුන්ගෙන් තොරතුරු ලැබී තිබු බව ද පොලීසිය පැවසීය.සැකකරු අද බලංගොඩ මහේස්ත්‍රාත් අධිකරණයට ඉදිරිපත් කිරිමට නියමිතයි.

දුම්රියේ ගැටුණු ඇතින්නිගේ කුසේ පැටවෙක්

2011-06-21T00:45:00.001+09:00

අඹන්පොළ මී ඔය පාලම අසලදී දුම්රියක ගැටුණු තුන්පත් රෑනක් ඊයේ (18) අළුයම මියගියා. මියගිය මව් ඇතින්න ගැබ්බරව සිටි බව මියගිය ඇතින්නගේ පශ්චාත් මරණ පරීක්ෂණය සිදුකරන අවස්ථාවේදී වනජීවි නිලධාරීන් විසින් සොයාගෙන ඇත.
පහත දැක්වෙන්නේ කුසතුල සිටි එම ඇත් පැටවායි