Sainath Govindan

10 second animation

2013-06-01T23:54:00.001-07:00

APPLE

2012-09-12T21:51:00.003-07:00

പെരുന്നാളിന് ബഡാ ബോസ്സിന്റെ വക ചിക്കന്‍ ബിരിയാണി ഉണ്ടായിരുന്നു.ഞാന്‍ സാധാരണ ലേഡീസ് സ്റ്റാഫിന്റെ കൂടെയാണ് ഭക്ഷണം കഴിക്കാറ് കാരണം, അവര്‍ക്ക് കൂടുതല്‍ കഴിക്കാന്‍ പറ്റില്ല.സ്വാഭാവികമായും എന്റെ സഹായം വേണ്ടി വരും.ബിരിയാണിക്ക് ശേഷം ആപ്പിള്‍ ഉണ്ടായിരുന്നു.
എല്ലാര്ക്കും ആപ്പിള്‍ വീതിച്ചപ്പോള്‍ ഒന്ന് ബാക്കി വന്നു.മൊത്തം 5 പേരും ഒരു ആപ്പിളും.ഞാന്‍ യേശുക്രിസ്തുവിനെ ഓര്‍ത്തു.അല്ലെങ്കില്‍ വേണ്ട... ഇത് എനിക്ക് തന്നെ വേണം.
യേശു ങാ കിട്ടിപ്പോയി, ഇത് വിലക്കപ്പെട്ട കനിയാ അതുകൊണ്ട് ഷെറിയും ജിനുവും ഇതു കഴിക്കണ്ട.അങ്ങനെ രണ്ടെണ്ണത്തിനെ ഒഴിവാക്കി.ചിലപ്പോ ആപ്പിളിന്റെ അകത്ത് പാമ്പോ പല്ലിയോ ഉണ്ടെങ്കില്‍ വിഷം തീണ്ടി മരിക്കും.ലക്ഷ്മിയുടെ കാര്യവും തീരുമാനമായി.പണ്ടാരം രഹീഷും കവിതയും ഉണ്ടല്ലോ !
രഹീഷേ ... നിനക്ക് ആപ്പിള്‍ വേണോ ലിഫ്റ്റിന്റെ കാര്യം എല്ലാരോടും പറയണോ?
" @#$% ഡാ തെണ്ടി ആപ്പിള്‍ നീ എടുത്തോ "
ഇനി കവിത, സോപ്പില്‍ വീഴാത്ത ചങ്ങാതിയാണ്.
ഞാന്‍ "ഒരു ബെറ്റില്‍ ഞാന്‍ തോറ്റു തന്നില്ലേ? ഇത് എനിക്ക് തന്നൂടെ?
കവിത "ഇല്ല മോനെ നിന്റെ തട്ടിപ്പൊന്നും എന്റെ അടുത്ത നടക്കില്ല"
ഞാന്‍ "വിശക്കുന്നത് കൊണ്ടാ "
കവിത "ഒരു ഫുള്‍ ബിരിയാണി തട്ടിയിട്ട് വിശപ്പോ ?"
അവള്‍ അടുത്തേക്ക് വരുന്നതിനു മുന്‍പ് ആപ്പിള്‍ ഞാന്‍ വായിലാക്കി.എന്തായാലും ഇന്നത്തെ ദിവസം നന്നായിരുന്നു.ഇതും ബ്ലോഗിലെത്തിക്കണം.എന്തെങ്കിലും എഴുതി കൂട്ടണം.എഴുതി എഴുതി വന്നപ്പോള്‍ ഒരു ആധുനിക കവിത പോലെയായി.
ഏതായാലും എല്ലാരോടും അഭിപ്രായം ചോദിച്ചു നോക്കാം.

കവിത വായിച്ചു കഴിഞ്ഞപ്പോള്‍ കൂട്ടച്ചിരിയാണ്.

"ഇത് എന്താ കല്യാണ രാമന്റെ രണ്ടാം ഭാഗമാണോ?"

ചിരിക്കാതെ ചങ്ങാതിമാരെ ഇനി ഞാന്‍ അര്‍ഥം പറഞ്ഞു തരാം...

" ഇവിടെ ആപ്പിള്‍ പഴം തന്നെ കുറിച്ചുള്ള കഥ പറയുകയാണ്‌.. , വിവിധ കാലഘട്ടങ്ങളില്‍ ആപ്പിളിന് ഉണ്ടായ അനുഭവങ്ങള്‍ , ഇന്ന് സമൂഹത്തില്‍ apple എന്താണ്, ഒരു എത്തിനോട്ടം "

ഭൂമിയുടെ ഉല്പത്തി.അതുമായി ബന്ധപ്പെട്ട വിശ്വാസങ്ങള്‍ .

ഏദന്‍ തോട്ടത്തില്‍ ഇബിലീസിന്റെ (ചിറക് ഉള്ള പാമ്പ് ) വാക്ക് കേട്ട് ആപ്പിള്‍ ഭക്ഷിച്ച

ആദവും ഹവ്വയും സാധാരണ മനുഷ്യരായി മാറി.

മാനുഷിക വികാരങ്ങള്‍ മനസിലാക്കി.എല്ലാത്തിനും കാരണക്കാരനായ

പാമ്പിന്റെ ചിറക് ദൈവം മുറിച്ചു മാറ്റുന്നു.അതിനു ശേഷമാണ്

പാമ്പുകള്‍ക്ക് ചിറക് നഷ്ടപ്പെട്ടതും അത് മണ്ണില്‍ ഇഴഞ്ഞു നടക്കാനും തുടങ്ങിയത്.

ദ്വാപര യുഗത്തില്‍ അര്‍ജുനന്റെ പൌത്രന്‍ പരീക്ഷിത്ത് രാജാവ് തക്ഷകദംശമേറ്റ് മരണമടയുന്നു.മുനിമാര്‍ രാജാവിന്‌ നല്‍കിയ പഴങ്ങളില്‍ ഒരു ആപ്പിളില്‍ തക്ഷകന്‍ ഒളിച്ചിരിക്കുകയായിരുന്നു.

ചിലപ്പോ നിങ്ങള്‍ പറയും അത് ആപ്പിള്‍ അല്ലെന്നു, കേരളക്കാര്‍ മാതളനാരങ്ങ എന്ന് പറയുമ്പോള്‍ തന്നെ ഉത്തരേന്ത്യക്കാര്‍ക്ക് അത് അനാര്‍ ആണ്. അഥവാ മാതളനാരങ്ങ തന്നെയാണെങ്കില്‍ ആസിഡ് ഗുണമുള്ള ഫലത്തിനുള്ളില്‍ നാഗത്തിന് വസിക്കാന്‍ പറ്റില്ല.മഹാഭാരതത്തില്‍ ഒരിക്കലും ആ ഫലത്തിന്റെ പേര് പറയുന്നില്ല. മഹാഭാരത കഥ നടക്കുന്നത് ഹിമാലയപശ്ചാത്തലത്തില്‍ ആയതിനാല്‍ തന്നെ ആപ്പിള്‍ ആകാനാണ് കൂടുതല്‍ സാദ്യത.

നവോഥാന കാലഘട്ടത്തിനു ശേഷം ശാസ്ത്രീയമായി തെളിയിക്കാന്‍ പറ്റുന്ന കാര്യങ്ങള്‍ക്ക് കൂടുതല്‍ വിശ്വാസ്യത കൈവന്നു.അന്ധവിശ്വാസങ്ങള്‍ മെല്ലെമെല്ലെയായി ഇല്ലാതാവാന്‍ തുടങ്ങി.ഈ സമയത്താണ് ആപ്പിളും ചങ്ങാത്തത്തിലായതും ഗുരുത്വാകര്‍ഷണ സിദ്ധാന്തം കണ്ടുപിടിച്ചതും.

5

പാശ്ചാത്യരാജ്യങ്ങളില്‍ സുലഭമായി കിട്ടുന്ന ആപ്പിളിന്റെ പോഷകഫലങ്ങളെ എടുത്ത് കാട്ടുന്നതിനാണ് ഈ ഇംഗ്ലീഷ് പഴമൊഴി.

6

ഇരുപതാം നൂറ്റാണ്ടിലേക്ക് കടന്നപ്പോള്‍ ലോകത്തിന്റെ നിയന്ത്രണം കമ്പ്യൂട്ടര്‍ ഏറ്റെടുത്തു.കമ്പ്യൂട്ടറിന്റെ നിയന്ത്രണം ആപ്പിളും. സ്റ്റീവ് ജോബ്സ് തന്റെ കമ്പനിയുടെ ചിഹ്നമായി ഒരു കഷ്ണം പോയ ഒരു അപ്പിളിനെയാണ് ഉപയോഗിച്ചത്.

ആപ്പിളിന്റെ തന്നെ മൊബൈല്‍ ഡിവൈസുകള്‍ ഇറങ്ങുമ്പോള്‍ അതിനൊക്കെ കമ്പനി
iPhone, iPad, iPod

എന്നിങ്ങനെ പേരിട്ടു. i എന്നത് ആശ്ചര്യചിഹ്നത്തിന്റെ തലകീഴായ രൂപമാണ്.
കൂടുതല്‍ വിശദീകരണം കൊടുക്കുന്നതിനു മുമ്പ് സാര്‍ വന്നു.എല്ലാവരും വേഗം അവരവരുടെ സീറ്റിലേക്ക് ഓടിപ്പോയി.ഞാന്‍ വീണ്ടും ശശി...

മഹാകവി ഞാന്‍

കുളിക്കാത്ത ഷൈനും അലക്കാത്ത ഷഡിയും

2012-09-12T02:48:00.000-07:00

കഥാപാത്രത്തിന്റെ

അഭ്യര്‍ത്ഥന മാനിച്ചു

പോസ്റ്റ്‌ ഡിലീറ്റ് ചെയ്തിരുക്കുന്നു...

An OnAm SToRy

2012-08-08T09:18:00.001-07:00

ജീവിതം ഒരു കോമഡി ഷോ പോലെ ഹൌസ് ഫുള്ളായി ഓടിക്കൊണ്ടിരിക്കുകയാണ്.ഇപ്പോ സൌത്തില്‍ വന്നിട്ട് പുതിയ കഥാപാത്രങ്ങളും കിട്ടി. ലീഗുകാരന്‍ റഷീദും, കോണ്‍ഗ്രസ്സ്കാരന്‍ മുബാഷും, RSS കാരന്‍ നന്ദുവും,കമ്മുണിസ്റ്റ്കാരന്‍ മനോജേട്ടനും.

അരാഷ്ട്രീയ വാദി ഞാനും....

എപ്പോഴും രാഷ്ട്രീയം പറഞ്ഞു വഴക്കാണ്.എല്ലാരും ഒറ്റക്കെട്ടായി എനിക്കിട്ട് താങ്ങുകയാണ്.എനിക്കാണെങ്കില്‍ തിരിച്ചൊന്നും പറയാനും വയ്യാത്ത അവസ്ഥ.ഞാന്‍ ഏതായലും രാഷ്ട്രീയത്തിലില്ല.എല്ലാര്‍ക്കും ഒരു പണി കൊടുക്കണമെന്നുണ്ട്, പക്ഷേ ഇപ്പോ സമയം വളരെ മോശമാണ്.

നാളത്തെ ചര്‍ച്ചയ്ക്ക് വേണ്ടി പഠിക്കാന്‍ പത്രം നോക്കുമ്പോഴാണ് ഇത് കണ്ടത്.

പണി കൊടുക്കാന്‍ ഇത് തന്നെ അവസരം.പക്ഷേ ഒരു ഐഡിയയും കിട്ടുന്നില്ല.മാവേലിയെ മൊത്തമായി ഒന്നു മാറ്റി പണിയണം.കുടവയറോക്കെ വച്ച് എന്തു രൂപമാണിത്.ഒന്നുമില്ലെങ്കിലും ചങ്ങായി അസുരകുലത്തില്‍ പിറന്നവനല്ലേ?

എനിക്കു വേണ്ടത് ഒരു സിക്സ് പാക്ക് മാവേലി.അതെ നമ്മുടെ സൂപ്പര്‍ സ്റ്റാര്‍ പ്രിഥ്വുരാജിനെ പോലെ. പിന്നെ വേറെ കാര്യം,

ടോമിനു ജെറി പോലെ

ജാക്കിന് ജൂലി പോലെ

ലാലിന് ശ്രീനി പോലെ

മാവേലിക്കും ആരെങ്കിലും വേണം.വാമനന്‍ ഓല്‍ഡ് സ്റ്റോക്കായി അത് വേണ്ട,അല്ലെങ്കില്‍ അതുതന്നെ മതി.വാമനനെ കുറച്ചു കൂടി മോഡേണ്‍ ആക്കാം.തല്‍കാലം ഇത് മതിയാകും.

പുതുമയുള്ള ആവിഷ്കരണം വേണം.ഈ പുതുമ എന്നൊക്കെ പറയുന്നതു വെറും തട്ടിപ്പാണ്.പഴമയുടെ ആവര്‍ത്തനമാണല്ലോ പുതുമ.അപ്പോ ഇനി കുറച്ചു കര്‍ടൂണ്‍സ് അരിച്ച് പെരുക്കണം.എനിക്കു ഏറ്റവും ഇഷ്ട്ടപ്പെട്ട ലേഔട്ട് ബാലഭൂമിയിലെ മീശ മാര്‍ജാരന്‍റേതാണ്.

ഇപ്പോ മലയാളം സിനിമ സംവിധായകരു പറയുന്ന പോലെ, കഥാപാത്രവും അവതരണവും റെഡി ഇനി വേണ്ടത് നാല്ല കഥയാണ്.സമകാലിക കാര്യങ്ങള്‍ തമാശ ആക്കേണ്ട ആവശ്യമില്ല.എന്നാലും ഒരു ടാബ്ലറ്റ് കിട്ടിയാലോ?
കാര്‍ടൂണില്‍ പ്രധാനമായി വേണ്ട കാര്യങ്ങള്‍

മനസില്‍ ഒരു കഥ വന്നു.അതിനെ പിക്ചറൈസു ചെയ്യണം.ലേഔട്ട് വരച്ചു.അതിനെ സീന്‍ ബേസില്‍ സേറ്റു ചെയ്തു.

വരയൊക്കെ മറന്നു തുടങ്ങിയിരിക്കുന്നു.google ഉണ്ടാവുമ്പോള്‍ എന്തു വര.ഒന്നു പോകാന്‍ പറ.എനിക്കു വേണ്ട കുറെ അനാട്ടമി പോസുകള്‍ ഡൌണ്‍ലോഡ് ചെയ്തു ലേഔട്ടില്‍ വരച്ചെടുത്തു.ഏകദേശം ഓക്കെ ആയി.

ഇനിയാണ് യഥാര്‍ത്ഥ പണി തുടങ്ങുന്നത്.ഈ കൂതറ സാധനത്തെ എനിക്കു വേണ്ട രൂപത്തില്‍ മാറ്റിയെടുക്കണം.ചുരുക്കി പറഞ്ഞാല്‍ ട്രേസിങ് . ഇത് പ്രിന്‍റ് എടുത്ത ശേഷം മുകളില്‍ പേപ്പര്‍ വച്ച് വര തുടങ്ങി.കാരികെചാര്‍ വരക്കുന്നതിലും കഷ്ടമാണ് എന്റെ വര.

അയ്യോ മടി പിടിച്ചിട്ടു വയ്യ, ഇതൊന്നു തീരുന്നുമില്ലല്ലോ.

ഇപ്പോ ശരിയാക്കിത്തരാം....

ഇത്ര മതി.ഇനി ഒരു മിനുക്കു പണി പിന്നെ ഡയലോഗ് സംഭവം സിംമ്പിള്‍ , പക്ഷേ ചെയാനാണ് പാട്.തട്ടത്തിന്‍ മറയത്തിലെ പെണ്ണിനെ പോലെ അട്ടം നോക്കിയിരുന്ന് കുറെ മിനുട്ടുകള്‍ . അവസാനം ഒരു വിധം അവസാനിപ്പിച്ചു.

ഇത് മതി. ഇനി കളര്‍ ചെയ്താല്‍ ഞാന്‍ മരിക്കും.കവറില്‍ അഡ്രെസ്സ് എഴുതി.കാര്‍ടൂണ്‍ കവറിലിട്ടു.പെട്ടന്നു എനിക്കു എന്റെ എട്ടനെ ഓര്മ്മ വന്നു.അവനും ഉണ്ടായിരുന്നെങ്കില്‍ .

ശെ, എല്ലാ മൂടും പോയി

മൂഡ് മാറ്റാന്‍ ഞാന്‍ എല്ലാരോടും എന്തൊക്കെയോ പറഞ്ഞുകൊണ്ടിരുന്നു.പിറ്റെന്നാള്‍ കത്ത് പോസ്റ്റ് ചെയ്തു തിരിച്ചു വരുമ്പോള്‍ കഞ്ഞി കടയിലെ ചേച്ചി ചോദിച്ചു.

"എന്താടാ കൊച്ചനെ ഒരു വിഷാദം?"

ചിലപ്പോ ആ ചോദ്യമായിരിക്കും എന്നെ ചിരിപ്പിച്ചത്.

mY wOrKs

2012-08-04T23:27:00.001-07:00

എന്റെ ബ്ലോഗ്‌ കണ്ടിട്ട് റഹീഷ്.
"ഡെയിലി ഡയറി എഴുതുന്നത് പോലെ ബ്ലോഗ്‌ എഴുതാന്‍, നീ ആര്? അവതാറിലെ നായകനോ?.ഡിസൈനര്‍ ആണ് പോലും പോയി പണി എടുക്കെടാ പട്ടീ..."
വീണ്ടും കുറ്റബോധം.അത് ഇടയ്ക്കിടയ്ക്ക് വരുന്നത് കൊണ്ട് ഇപ്പൊ വല്യ പ്രശ്നമില്ല.

എന്നാലും ഞാന്‍ കുറച്ചു വര്‍ക്കൊക്കെ ചെയ്തു.

എന്റെ ഫസ്റ്റ് വര്‍ക്ക്‌

വെബ്സൈറ്റ്നു വേണ്ടി ഉണ്ടാക്കിയ ലോഗോ

ഫ്ലെക്സ് പ്രിന്റിന് വേണ്ടി ചെരുപ്പുകള്‍ കൊണ്ട് ബാഗ്‌ വരച്ചത്

ലേഡീസ് ചെരുപ്പുകളുടെ ഒരു വര്‍ക്ക്‌

ലേഡീസ് ബാഗ് ഒരു പരസ്യം

ഒരു ഡിസ്കൌണ്ട് ടാഗ്

പാരിസ് ഫാഷന്‍ ട്രെന്റ് ഇന്ത്യയിലേക്കും

വാട്ടര്‍ പ്രൂഫ്‌ പ്രോടക്ടുകള്‍

നമ്മുടെ വാനിനു വേണ്ടി ഉണ്ടാക്കിയ ഇമേജ്

വിന്‍ഡോസ് 8 ഹോംസ്ക്രീന്‍ മാതൃകയില്‍ ഒരു ഫ്ലാഷ്

ശുഭയാത്ര എന്ന പരിപാടിയുടെ ലോഗോ

India trapped

2012-07-09T05:41:00.000-07:00

ഇടപ്പള്ളിയില്‍ നിന്നും സൗത്തിലേക്ക് താമസം മാറി.റൂമൊക്കെ ഒന്നു വൃത്തിയാക്കുകയായിരുന്നു.അപ്പോയാണ് ഒരു പത്രക്കഷ്ണം കിട്ടിയത്.അതും എനിക്ക് ഏറ്റവും ഇഷ്ട്ടപ്പെട്ട എടിറ്റോറിയല്‍ പേജ്.കുരുക്കില്‍ അകപ്പെട്ട ഇന്ത്യ എന്ന വിഷയം.അധികം വെടി പറയുന്നില്ല.

ഇന്ത്യ അമേരിക്കയുമായി ആസിയന്‍ കരാറില്‍ ഒപ്പ് വയ്ക്കുന്നു.
ഇന്ത്യ ചൈന ബന്ധം വഷളാകുന്നു.
പാകിസ്താന്‍ തീവ്രവാദികള്‍ താജ് ഹോട്ടല്‍ ആക്രമിക്കുന്നു.
കുറച്ചു ഇറ്റലിക്കാര്‍ വന്നു മുക്കുവന്മാരെ വെടിവച്ചു കൊന്നിട്ട് യാതൊരു കൂസലുമില്ലാതെ നടക്കുന്നു.

ഇത് എങ്ങനെയെങ്കിലും പിക്ചറൈസ് ചെയ്യണം.ഞാന്‍ റൂമിന്റെ മുകളില്‍ കയറി ആകാശത്തേക്ക് നോക്കി.അലൂമിനിയം ഷീറ്റ് മറഞ്ഞിട്ട് ആകാശം കാണുന്നില്ല.ഞാന്‍ താഴോട്ടു നോക്കി.ലക്ഷ്മി ലേഡീസ് ഹോസ്റ്റലിലെ പെണ്‍പിള്ളേര്‍ ഉണങ്ങാനിട്ട തുണികള്‍ , അതില്‍ ഒരു T Shirt ല്‍ പഴയ ഗെയിം ഭീകരന്‍ PACMAN ന്റെ പടം.ഐഡിയ കിട്ടി, അടി കിട്ടാതിരിക്കാന്‍ വേഗം അകത്തേക്ക് പൊയി വര തുടങ്ങി.

സ്കെച് ഓക്കേ, ഇനി നമ്മുടെ ഫോട്ടോഷോപ്പ് black background ല്‍ പണി തുടങ്ങി.ആദ്യം നമ്മുടെ രാഷ്ട്രത്തിന് പണി തന്ന രാജ്യങ്ങളുടെ flag ഡൌണ്‍ലോഡ് ചെയ്തു.pen tool ഉപയോഗിച്ച് PACMAN ക്യാരക്ടര്‍ വരചെടുത്തു.

പിന്നെ ശത്രുക്കള്‍ക്ക് 2 കണ്ണ് വരച്ചു കൊടുത്തു.ഗെയിം ബാക്ക്ഗ്രൌണ്ട് ലൈന്‍ ആന്‍ഡ്‌ ഡോട്സ് ഉപയോഗിച്ച് ഉണ്ടാക്കി.pacman ഫോണ്ട് ഡൌണ്‍ലോഡ് ചെയ്തു.

അനിയോജ്യമായ ഒരു അടിക്കുറിപ്പും എഴുതി കാരച്ട്ടെര്‍സ്നെ 4 ഭാഗത്തും അറേഞ്ച് ചെയ്തു.3D എഫ്ഫക്റ്റ്‌ കിട്ടാന്‍ വേണ്ടി എല്ലാവര്ക്കും bevel and emboss എഫ്ഫക്റ്റ്‌ കൊടുത്തു.ഒരു വാട്ടര്‍ മാര്‍ക്കും കൊടുത്തു.ഇപ്പൊ ശരിയായി, ഒന്നുകൂടെ ആ T Shirt ഞാന്‍ ജനലിലൂടെ എത്തിനോക്കി...

To play PACMAN GAME click HERE

My Father's Dream

2012-07-05T07:31:00.001-07:00

മൂന്നു ദിവസത്തെ അവധിക്ക് വീട്ടിലെത്തിയതാണ്.ഒരു ഡിഗ്രി വരെ ഇല്ലാതെ ഇനി നാട്ടില്‍ തലയുയര്‍ത്തി നടക്കാന്‍ വയ്യ.പണ്ടാരമടങ്ങാന്‍ ഒരു Diploma എടുത്തിട്ട് ഒന്നിനും കൊള്ളാതായി.അണ്ണാമലയി യൂനിവേര്‍സിറ്റിയില്‍ നിന്നും distance degree എടുക്കാന്‍ തീരുമാനിച്ചു.അതിനു വേണ്ടി TC യും CC യും തെരയുമ്പോഴാണ് ഈ കുറിപ്പ് കിട്ടിയത്.

2004ല്‍ കാഞ്ഞങ്ങാട് ദുര്‍ഗാ സ്കൂളില്‍ 8th ക്ളാസ്സില്‍ പഠിക്കുമ്പോള്‍ പരിസ്ഥിതി ദിനത്തിന് ഒരു പ്രസംഗ മത്സരം ഉണ്ടായിരുന്നു.വിഷയം "പ്രകൃതി" അതിനു വേണ്ടി അച്ഛന്‍ എനിക്ക് എഴുതിത്തന്ന കുറിപ്പാണ്.അതില്‍ ചെറിയ മാറ്റം വരുത്തി അന്ന് പ്രസംഗിച്ചു.ഇന്ന് ഇത് വീണ്ടും വായിച്ചപ്പോഴാണ് ഭൂമിയെ കുറിച്ച് ചിന്തിച്ചത്.

(അപ്രസക്ത ഭാഗം)ആകെ കുറ്റബോധം ചെറുപ്പത്തില്‍ ഞാന്‍ സാമുഹിക പ്രവര്‍ത്തനത്തിനും ബോധവല്‍ക്കരനതിനും ഒക്കെ പങ്കെടുത്തിരുന്നു.പിന്നീട് ജീവിതത്തിന്റെ കറുത്ത അദ്യായമായി.പല സ്ഥലങ്ങള്‍ ജോലി കൊച്ചി പിന്നെ വീണ്ടും ഇവിടെ കാസറഗോഡില്‍ ..... ഛെ ഒവറായെന്നു തോന്നുന്നു.

അച്ഛന്‍ ചിലപ്പോ മുന്‍കൂട്ടി കണ്ടതാണോ, അല്ല കൃത്യമായ പഠനത്തിലൂടെ മനസിലാക്കിയതാണോ എന്നറിയില്ല, പ്രകൃതിദുരന്തങ്ങളെ കുറിച്ച് എന്നോട് പറയാറുണ്ട്.ഗുജറാത്ത് ഭൂകമ്പവും സുനാമിയും ഒക്കെ അച്ഛന്‍ എന്നോട് മുമ്പേ പറഞ്ഞതാണ്.

"മനുഷ്യ മനസും പ്രകൃതിദുരന്തങ്ങളും ബാഹ്യശക്തികളും" എന്ന വിഷയത്തെ കുറിച്ചാണ് അച്ഛന്റെ ഇപ്പോഴത്തെ പഠനം.ഭൂമിയില്‍ മനുഷ്യര്‍ അധമപ്രവര്‍ത്തികള്‍ ചെയ്യുന്നതിനെ പ്രകൃതി തന്നെ പ്രതിരോധിക്കുന്നുണ്ട്.അത് ചിലപ്പോ ഭൂകമ്പമായും വെള്ളപ്പോക്കമായും പ്രളയങ്ങളായും ആയിരിക്കും.ഇന്‍ഡോനേഷ്യയിലെ പ്രളയവും പെറുവിലെ അഗ്നിപര്‍വത സ്പോടനവും ഇതിനു ഉദാഹരണമാണ്.അത് തെളിവ് സഹിതം അച്ഛന്‍ സമര്‍ഥിച്ച കാര്യമാണ്.

" മനുഷ്യവംശം പുരോഗമനങ്ങളിലൂടെ സഞ്ചരികുമ്പോഴും ജനസംഖ്യ ക്രമാതീതമായി വളരുമ്പോഴും, പ്രകൃതി സ്വന്തമായോ അവളുടെ സ്രിഷ്ടിയിലൂടെയോ (മനുഷ്യരാലോ) ദുരന്തങ്ങള്‍ സൃഷ്ടിക്കാറുണ്ട് "

പിന്നെ അച്ഛന്‍ പറഞ്ഞത്, വലിയ ദുരന്തങ്ങള്‍ ഉണ്ടാവുന്നതിനു മുമ്പ് ബാഹ്യശക്തികള്‍ അതിന്റെ ലക്ഷണം കാണിക്കാറുണ്ട് എന്നാണ്.അതിന്റെ ഏറ്റവും ഉദാഹരണം എന്നത് സുനാമിക്ക് മുന്‍പ് കേരളത്തില്‍ പെയ്ത ചുവപ്പുമഴയാണ്.പിന്നെ മണ്‍സൂണ്‍ കാലത്തിന്റെ വ്യതിയാനങ്ങളും, അറേബ്യന്‍ രാജ്യങ്ങളിലെ അപ്രതീക്ഷിത മഴകളും.എല്ലാം പ്രകൃതി നശീകരണത്തിന്റെ പരിണിത ഫലങ്ങളാണ്.

നാം ഓരോ മരങ്ങളും പിഴുതെറിയുമ്പോഴും, ഓര്‍ക്കണം നമ്മുടെ ഭൂമി മാതാവിനെ നഗ്നയാക്കിക്കൊണ്ടിരിക്കുകയാണെന്ന സത്യം.പ്രകൃതിയെ യാതൊരു ദാക്ഷിണ്യവും കൂടാതെ നശിപ്പിച്ചുകൊണ്ടിരിക്കുന്ന മാനവരെ,നിങ്ങളോര്‍ക്കുക..........

ഒരു വലിയ പ്രകൃതികോപത്തിന് നിങ്ങള്‍ തിരി കൊളുത്തുകയാണ്...

Unknown Artist

2012-07-03T03:19:00.000-07:00

ഇന്ന് കൊച്ചിയില്‍ നിന്നും നാട്ടിലേക്ക് "മടങ്ങി" വന്നു.മാവേലിയില്‍ മടങ്ങി ഒടിഞ്ഞു എന്നു തന്നെയാണ് ഉദേശിച്ചത്.ഇന്ത്യന്‍ റെയില്‍വേയുടെ തുറന്ന കക്കൂസില്‍ കയറിയപ്പോള്‍ നാറ്റത്തെക്കാളും എന്നെ ബുദ്ധിമുട്ടിച്ചത് ചുവരിലെ ചിത്രപണികളാണ്.എന്നാലും അതില്‍ ചിലതൊക്കെ പോര്‍ണോഗ്രാഫിക് പോസ്റ്ററുകളെ വെല്ലുന്ന വിധത്തില്‍ എക്സ്പോസ് ചെയുന്നു.human anatomy എന്ന കലയുടെ അങ്ങേയറ്റമാണ് ഈ ചിത്രകാരന്‍ എന്ന് തോന്നുന്നു..കാമാശാസ്ത്രത്തിന്റെ രചയിതാവ് വാത്സ്യായന മഹര്‍ഷി ഇത് കണ്ടിരുന്നെങ്കില്‍ ഇദ്ദേഹത്തെ ആസ്ഥാന ചിത്രകാരനാക്കിയേനെ!(മൊബൈലില്‍ എടുത്ത ഫോട്ടോ തല്‍കാലം ഇവിടെ അപ്‌ലോഡ്‌ ചെയുന്നില്ല)

ഇതൊരു നാറിയ സംഭവമായതിനാല്‍ ചിത്രകാരന് ഇവിടെ പ്രസക്തി ഇല്ല.എന്നാല്‍ ചില മഹാന്മാര്‍ ഒരു നഗ്ന ചിത്രം വരച്ചാല്‍ അത് പബ്ളിസിറ്റി ചെയാനും വാങ്ങാനും വിക്കാനും എന്തൊക്കെ പുകിലാണ്.

അജ്ഞാതരായ എത്രയോ ചിത്രകാരന്മാര്‍ ക്യാന്‍വാസിനോട് അടുക്കാന്‍ കഴിയാതെ, ചുവരിനും തെരുവിനും റോഡിനും തന്റെ മാന്ത്രികഹസ്തം കൊണ്ട് ജീവന്‍ നല്‍കുന്നു, സ്വന്തം ജീവന്‍ കാലത്തിന്റെ അടിയൊഴുക്കില്‍ നിലകിട്ടാതെ ഒഴുകുമ്പോഴും........ട്രെയിന്‍ കാഞ്ഞങ്ങാട് എത്തി.ഇറങ്ങുന്നതിനു മുന്‍പ് എന്റെ സീറ്റിന്റെ മുന്നിലുണ്ടായിരുന്ന പെണ്ണിനെ ഒന്നുകൂടെ നോക്കി.ഒരു മൈന്റും ഇല്ല.അത് പോട്ടെ...

ബസ് സ്ടാന്റിലെക്ക് നടക്കുന്ന വഴിയില്‍ NAVARANG ബാര്‍ കെട്ടിടത്തിന്റെ താഴെ ഏതോ ഒരാള്‍ വെറും ചോക്കും കറിയും ഉപയോഗിച്ച് നടത്തിയ ചിത്രപ്പണി.

ചിലപ്പോള്‍ അദ്ദേഹം ഇത് മിനുട്ടുകള്‍ കൊണ്ട് തീര്‍ത്തതായിരിക്കും.വെറും അഞ്ച് നിറങ്ങള്‍ ഉപയോഗിച്ചാണ് ഇത്രയും പെര്‍ഫെക്റ്റ്‌ ആയി അദ്ദേഹം ഷാഡോ എഫ്ഫക്റ്റ്‌ നല്‍കിയത്.അപ്പോള്‍ എനിക്ക് തോന്നി ഇവരാണ് BORN ARTIST ചിലപ്പോള്‍ ഇദ്ദേഹത്തിനു മോഡേണ്‍ ആര്‍ട്ട്, ഇമ്പ്രെഷനിസം എന്നിവയെ കുറിച്ച് യാതൊരു അറിവില്ലെങ്കിലും, എത്ര തന്മയതതോടെയാണ് ചങ്ങാതി ഒരു പട്ടണത്തെ അവതരിപ്പിച്ചിരിക്കുന്നത്.ദ്രിശ്യാവിഷ്കരണ കല കുറച്ചു സമയത്തേക്കെങ്കിലും ഇയാള്‍ക്കു മുന്നില്‍ മുട്ടുമടക്കിയിരിക്കണം.

സംഗീതിനെ പോലെ ഞാനും ഒരു ചാനല്‍ അവതാരകനാണെങ്കില്‍ ചിലപ്പോള്‍ ടിയാളെ അന്യേഷിച്ചു ഏത് പാതാളത്തിലെക്കും പോയേനെ,പക്ഷെ അതിന്റെ ആവശ്യം വന്നില്ല.പിറ്റെന്നാള്‍ സനല്‍ പറഞ്ഞതനുസരിച് ആ തെരുവുതെണ്ടി ചിത്രകാരന്‍ മൂന്നു ദിവസം മുന്നേ,നാട് വിട്ടു.

കാലം മായ്ക്കാത്ത മുറിവുകളുമായി ജീവിക്കുന്ന ഒരു കൂട്ടം കലാകാരന്മാര്‍ക്കുവേണ്ടി എന്റെ ഒരു post........

jai ganesh

2012-06-30T06:55:00.000-07:00

ഇപ്പൊ 2 ദിവസമായിട്ട് ഭയങ്കര പെന്‍സില്‍ ഡ്രോയിംഗ് ആണ്.പഴയ കളര്‍പെന്‍സിലെടുത്ത് കുത്തിവരയാണ്.ഏറ്റവും വെറൈറ്റി ഉള്ള ദൈവരൂപം ഗണേശന്‍ ആണ്.അതിനാല്‍ തന്നെ എന്റെ വക കുറച്ചു വെറൈറ്റി കൂടി കുത്തിവരക്കണം, അതിനായി ആദ്യം ചതുരത്തിലും വൃത്തത്തിലും പിന്നെ ത്രികോണത്തിലും വരച്ചു.

പിന്നെ എപ്പോഴും ചെയുന്ന പോലെ ചിത്രം കുറെ സമയം ഞാന്‍ തന്നെ നോക്കിക്കൊണ്ടിരിന്നു.നോക്കികൊണ്ടിരിക്കുമ്പോള്‍ ഇതില്‍ പുതിയതായി ഒന്നുമില്ല എന്ന് മനസിലായി.പെന്‍സിലും തീരാറായി......

ഇത് വരച്ച് കഴിയാറാകുമ്പോഴേക്കും പെന്‍സില്‍ തീര്‍ന്നു.പിന്നെ ഉണ്ടായിരുന്ന കളര്‍ ഉപയോഗിച്ച് ചിത്രം അവസാനിപ്പിച്ചു.

Death Well

2012-06-27T07:27:00.000-07:00

If you not interest in blog,please read link end of this post...

ഇന്നലെ മാമംഗലം പള്ളിയില്‍ നിന്നിറങ്ങി, അഞ്ചുമന ക്ഷേത്രത്തിലും കയറി റൂമിലേക്ക് പോകവേ വായനശാലയില്‍ TV യുടെ ശബ്ദം കേട്ട് കയറിയതാണ്."വാര്‍ത്തയെങ്കില്‍ വാര്‍ത്ത" കുറച്ചു സമയം കണ്ടിട്ട് പോകാം.

ഇന്നത്തെ വിഷയം കുഴിയാണ്. CID കുഴി അല്ല.ഇത് സാക്ഷാല്‍ മരണക്കുഴി.ഹരിയാനയിലെ മനെസറില്‍ മാഹി എന്ന അഞ്ചു വയസുകാരി കുഴല്‍കിണറില്‍ വീണിരിക്കുന്നു.അവളെ രക്ഷിക്കാന്‍ ശ്രമിക്കുന്ന രക്ഷാപ്രവര്‍ത്തകര്‍ പോലീസ് നാട്ടുകാര്‍ കഴുകന്‍ കണ്ണുകളുമായി ചാനലുകാര്‍ പിന്നെ കരയുന്ന കുട്ടിയുടെ വീട്ടുകാര്‍

പിറന്നാള്‍ ആഘോഷത്തിനിടയില്‍ ഓടിക്കളിക്കുമ്പോള്‍ കാലുതെറ്റി വീഴുകയായിരുന്നു.സംഭവം കഴിഞ്ഞ് കുറച്ചു വൈകിയാണെങ്കിലും പോലീസും രക്ഷാപ്രവര്‍ത്തകരും എത്തി.കുഴല്‍കിണറില്‍ ഓക്സിജന്‍ പംബ് ചെയ്തു.ഡ്രില്‍ ചെയ്‌താല്‍ കുട്ടിയുടെ ജീവന്‍ ആപത്താകും എന്നതിനാല്‍ തന്നെ, കുഴിക്ക് അടുത്തായി മറ്റരു കിണര്‍ കുഴിച്ചു അതില്‍ നിന്നും തുരംഗം ഉണ്ടാക്കിയാണ് കുട്ടിയെ പുറത്തെടുക്കാന്‍ ശ്രമിക്കുന്നത്.ശ്രമം വിജയിക്കാന്‍ പ്രാര്‍ഥിച്ച് ഞാന്‍ റൂമിലേക്ക് നടന്നു.

ഒരു FLASHBACK സംഭവം കാസറഗോഡ്.

2006 ഞാന്‍ +1 ല്‍ ആയിരിക്കുമ്പോള്‍ .രാവിലെ മനോജ്‌ ഫോണ്‍ വിളിച്ചു."എടാ സായി......ജില്ലാ ആസ്പത്രിയുടെ അടുത്തു ഒരു കുട്ടി കുഴല്‍ കിണറില്‍ വീണിട്ടുണ്ട്.നമ്മോ എത്താറായി,നീ വേഗം വാ ...."

കാല്‍ മണിക്കൂറിനകം ഞാനും അവിടെ എത്തി.പഞായത്ത് പ്രസിഡന്റും എല്ലാവരും വന്നിട്ടുണ്ട്.ആകെ ഒച്ചപ്പാടും ബഹളവും

എല്ലാവരും കുട്ടിക്ക് ഒന്നും സമ്പവിക്കരുതേ എന്ന് പ്രാര്‍തിച്ചുകൊണ്ടിരുന്നു.അവന്റെ ശവശരീരം പുറത്ത് കാണും വരെ!

കുറച്ചു ദിവസം വല്യ കോലാഹലങ്ങള്‍, പിന്നെ എല്ലാം പഴയത് പോലെ...
മനോജിന്റെ നിര്‍ബന്തം കാരണം ദുര്‍ഗാ സ്കൂളിന്‍റെ പിന്നിലെ അങ്ങനവാടിയിടെ borwellന്‍റെ നു മുകളില്‍, നമ്മളെല്ലാവരും ചേര്‍ന്ന് ഒരു വലിയ മരപ്പലക വച്ചു മൂടി.പിന്നെ രണ്ടാഴ്ച്ചത്തേക്ക് ഞങ്ങളാണ് നാട്ടിലെ താരങ്ങള്‍!

റൂമിലെത്തി gprs വഴി കുഴികളെ കുറിച്ച് ഒരു പഠനം നടത്തി.തുറന്നിരിക്കുന്ന കുഴല്‍കിണര്‍ മറവുചെയാന്‍ ഏറ്റവും ചെലവ് കുറഞ്ഞ മാര്‍ഗം നോക്കി.ഇത് വ്യക്തികള്‍ സ്വയം ചിന്തിക്കേന്ടതാണ് .കുഴല്‍കിണര്‍ കുഴിച്ചതിനു ശേഷം തൊഴിലാളികള്‍ കാശും വാങ്ങി പൊടിയും തട്ടി പോകുന്നു.
"കിണറിനു വരെ ആള്‍മറയില്ല, അപ്പോഴാണ്‌ അവന്‍ കുഴല്‍കിണറിനു വാര്‍ക്കപ്പണിയുമായി വന്നിരിക്കുന്നത്........പൊയ് പണിയെടുത്ത് നാല് കാശുണ്ടാക്കാന്‍ നോക്ക്"ശമീറിക്ക ഇങ്ങനെ പറഞ്ഞപ്പോള്‍ ഞാന്‍ മനസ്സില്‍ അയാളുടെ തന്തക്ക് വിളിച്ചു.പിന്നെ ചിന്ടിച്ചപ്പോഴാണ് ആ ടയലോഗിലും എന്തോ ഉണ്ടെന്നു തോന്നിയത്.

കുഴല്‍കിണറിനു മുകളിലായി ഒരു സ്ല്ലാബ് ഉണ്ടാക്കണമെങ്കില്‍ കൂടിയത് 500 രൂപയെ ചിലവുള്ളൂ.സിമെന്റും ജില്ലിയും ഉപയോഗിച്ച് ആര്‍ക്കും ഇത് ചെയ്യാം.പിന്നെ എന്തിനാണ് കുറച്ചു പണം ലാഭിക്കാന്‍ വേണ്ടി കുറെ പേരുടെ ജീവനെടുക്കുന്നത്. ഞാന്‍ സജേഷിനെ വിളിച്ച് കാര്യങ്ങള്‍ സംസാരിച്ചു."കുറച്ചു കോണ്ക്രീറ്റ് സ്ലാബ് ഉണ്ടാക്കണം,ആവശ്യക്കാര്‍ക്ക് എത്തിച്ചു കൊടുക്കണം,മാത്രമല്ല ബോധവല്‍ക്കരണവും വേണം."
അവന്‍ സപ്പോര്‍ട്ട് തന്നു.പക്ഷെ ഇപ്പൊ കാസര്‍ഗോഡ്‌ മാത്രമേ സപ്ലൈ ചെയാന്‍ പറ്റും എന്ന് പറഞ്ഞു.

ഞാന്‍ ഭക്ഷണം കഴിച്ച് TV വച്ചപ്പോള്‍ ഹരിയാനയിലെ കുഴല്‍കിണര്‍ മരണകിണര്‍ ആയിരുന്നു.

നിങ്ങളുടെ പ്രദേശത്തും ഇത്തരം മരണക്കുഴികള്‍ ഉണ്ടെങ്കില്‍,സൗജന്യ സഹായത്തിനായി ബന്ധപ്പെടുക.....Click here

2 Symbols of Hindu mythology

2012-06-27T06:49:00.003-07:00

കഷ്ടകാലത്തിനാണ് ഡാവിഞ്ചി കോഡ് സിനിമ കണ്ടത്.ഇപ്പൊ എന്ത് കണ്ടാലും ഭയങ്കര നിരീക്ഷണമാണ്.വൈകുന്നേരം കളി കഴിഞ്ഞ് വിനായകന്റെ വീട്ടില്‍ വെള്ളം കുടിക്കാന്‍ കയറിയപ്പോളാണ്, വാതിലില്‍ ഞാന്‍ ഈ ചിഹ്നങ്ങള്‍ ശ്രദ്ധിച്ചത്.

വിനായകന്റെ അച്ഛന്‍ ഷേണായി മാമനോട് ഇതിന്റെ അര്‍ഥം ചൊദിച്ചു.

"അറിയില്ല എന്റെ അമ്മ ദിവസവും വരയ്ക്കും, അമ്മ മരിച്ചതിനു ശേഷം ഞാന്‍ വരയ്ക്കുന്നു.അര്‍ത്ഥമൊന്നും അറിയില്ല."

ഞാന്‍ "നല്ലത്"

വീട്ടില്‍ എത്തിയപ്പോള്‍ അച്ഛനോട് ചോദിച്ചു

അച്ഛന്‍ "ഇതില്‍ രണ്ടാമത്തേത് RSS ന്റെ ചിഹ്നമാണ് സ്വസ്തിക്.ഇതിന്റെ അര്‍ഥം സത്യം എന്നാണ്.അതുകൊണ്ടാണ്, നമ്മുടെ പതാകയില്‍ ഈ ചിഹ്നം വച്ചിരിക്കുന്നത്."

ഞാന്‍ "സത്യമേവ ജയതേ എന്നത് നാല് സിംഹം നില്‍ക്കുന്ന ചിഹ്ന്നമല്ലേ?"

അച്ഛന്‍ "അത് അശോകസ്തംഭം, സ്വസ്തിക് അതിലും മുമ്പേ ഉണ്ട്.നീ വേണമെങ്കില്‍ നെറ്റില്‍ അടിച്ചു നോക്ക്"

നെറ്റില്‍ അടിച്ചു നോക്കിയാല്‍ അതിനൊരു ത്രില്‍ ഇല്ല.ഏതായാലും നാളെ Sunday അല്ലെ അന്യേഷിച്ചു കണ്ടെത്താം.വീട്ടില്‍ ഉള്ള പുരാണപുസ്തകത്തിലൊന്നും കാണുന്നില്ല.നാളെ ഏതായാലും തറവാട്ടില്‍ പോകുന്നുണ്ട്, അമ്മാവനോട് ചോദിക്കാം.
രണ്ടാം ദിവസം.അമ്മാവനും കാര്യമായിട്ട് അറിയില്ല, എന്നാലും ഹനുമാന്‍ സ്വാമിയുമായി ബന്ടമുന്ടെന്നു പറഞ്ഞു.പിന്നെ എനിക്ക് വാശി ആയി.ഇന്റര്‍നെറ്റിന്‍റെ സഹായം ഇല്ലാതെ ഇത് കണ്ടെത്തിയേ പറ്റും.വൈകുന്നേരം കാഞ്ഞങ്ങാട് നിത്യാനന്ദ ആശ്രമത്തില്‍ പോകാം, അവിടെ ചിലപ്പോള്‍ പ്രേമാനന്ദ സ്വാമി വരാന്‍ സാധ്യത ഉണ്ട്.കണ്ടാല്‍ അയാളോട് ചോദിക്കാം.
ഭാഗ്യം സ്വാമി വന്നിട്ടുണ്ട്.കാര്യം ചോദിച്ചു ചങ്ങായി വിശദമായി പറഞ്ഞു തന്നു.

സ്വസ്തിക് ചിഹ്നം: ഇത് ഹനുമാന്‍ മൃതസഞ്ജീവനി മലയുമായി പറക്കുമ്പോള്‍ ഉള്ള രംഗത്തെ അനുസ്മരിക്കാന്‍ ഹനുമല്‍ ഭക്തന്‍മാര്‍ ഉപയോഗിക്കുന്ന ചിന്ഹം.പിന്നീട് ശ്രീ രാമന്റെ കാലത്തിനു ശേഷം ഇത് ഹൈനവര്‍ ആത്മീയ ചിഹ്ന്നങ്ങളില്‍ ഉള്‍പെടുത്തി.

ഈ ചിഹ്നത്തിന്റെ പേര് ഓര്‍മ്മ കിട്ടുന്നില്ല:കരുത്തിന്റെ പര്യായമായ ഹനുമാന്‍, വ്യായാമം ചെയുന്നതിനെ സൂചിപ്പിക്കുന്നതാണ് ഈ സിംബല്‍.ശക്തിയുടെ പര്യായമായി ഈ ചിനഹം ഹൈനവര്‍ ഉപയോഗിക്കുന്നു.

എല്ലാം കഴിഞ്ഞു വീട്ടില്‍ എത്തി നെറ്റില്‍ നോക്കിയപ്പോള്‍, പല സൈറ്റിലും പല വിവരങ്ങള്‍.ആകെ വട്ടു പിടിച്ചു.ഞാന്‍ അന്യേഷണത്തോട് GOOD BYE പറഞ്ഞ് കിടന്നുറങ്ങി.

ശുഭം

Enosulfan

2012-06-18T07:20:00.002-07:00

കാസര്‍ഗോഡിന്‍റെ വിവിധ പ്രദേശങ്ങളെ കാര്‍ന്നുതിന്ന എന്‍ഡോസള്‍ഫാന്‍ എന്ന ഭൂതത്തെ കുപ്പിയില്‍ അടച്ചെങ്ങിലും അവന്‍ ഇതുവരെ ഉണ്ടാക്കിയ മാരകമായ വിപത്തും, അവന്‍റെ പുകമറവില്‍ ഇനി ഉണ്ടാകാന്‍ പോകുന്ന അപകടങ്ങളും അതിലേറെ വെളിപ്പെടുത്തലുകള്‍ പുറത്തു കൊണ്ടുവരുമെന്ന് പാറയേണ്ടതില്ല.

1976 മുതല്‍ 2000 വരെ ആണ് വോര്‍ക്കാടി(മഞ്ചേശ്വരം) മുതല്‍ ഇളംബിച്ചി(തൃക്കരിപൂര്‍) വരെ കാസറഗോഡിനെ വിഷമയമാക്കിയ എന്‍ഡോസള്‍ഫാന്‍, കശുവണ്ടി പ്ലാന്‍റേഷനുകളില്‍ ഉപയോഗിച്ചിരുന്നത്.മഞ്ചേശ്വരം എണ്‍മകജെയിലും,ബദിയട്ക,പുല്ലൂര്‍ പെരിയ,അജാനുര്‍,ചീമേനി എന്നീ പ്രദേശങ്ങളിലെ മനുഷ്യജീവികള്‍ ഇന്നും ശാരീരികവും മാനസികവുമായി ദുരിതത്തിന്റെ ദുര്‍ഘടമായ പാതയിലാണ്.

എന്‍ഡോസള്‍ഫാന്‍ നിരോധിക്കണം എന്ന ശക്തമായ ആവശ്യം നിറവേറിക്കഴിഞ്ഞപ്പോള്‍ തൊടുത്തുവിട്ട ശരം പാതിവഴിയില്‍ എത്തിയതെയുള്ളൂ എന്ന യാദാര്‍ഥ്യം എല്ലാരും മറന്നു.എന്‍ഡോസള്‍ഫാന്‍ നിരോധനത്തിലൂടെ വലിയൊരു ലക്ഷ്യം സാക്ഷാല്‍ക്കരിക്കാനായി എന്നു പറഞ്ഞ വിവിധ സാമൂഹ്യ രാഷ്ട്രീയ പ്രവര്‍ത്തകര്‍ പ്ലാന്‍റേഷനിലെ രാസവസ്തു ശേഖരത്തിനൊപ്പം അപ്രത്യക്ഷമാവുകയാണ് ചെയ്തത്.

അങ്ങിങ്ങായി ചിലര്‍ ശബ്ദമുയര്‍ത്തുന്നുണ്ടെങ്കിലും അതൊന്നും ആരും ചെവിക്കൊള്ളുന്നില്ല.ദുരന്ദനിവാരണത്തിനായി പണവും മറ്റ് സഹായങ്ങളും എത്ര ശതമാനം ഫലവത്തായി ഉപയോഗിക്കാന്‍ കഴിഞ്ഞു എന്നത് പുനപ്പരിശോധിക്കേണ്ട അവസ്ഥയിലാണ്.(കഴിഞ്ഞ ചില വര്‍ഷങ്ങളില്‍ സാംസ്കാരിക കേന്ദ്രങ്ങളിലും വിവിധ കൂട്ടായിമകളിലേക്കും ട്രെസ്റ്റുകളില്‍ നിന്നും, ട്രെസ്റ്റുകളിലേക്കും ഒഴുകിയത് കോടികളാണ്). ദുരിതാശ്വാസത്തിന് വേണ്ടി ജില്ല കളക്ടറുടെ പേരില്‍ SBI യില്‍ ഒരു സഹായനിധി വരെ ഒരുക്കി.എന്നാല്‍ അതും ഫലവത്തായി ഉപയോഗിക്കാന്‍ സര്‍ക്കാരിന് കഴിഞ്ഞില്ല.

ഒരു ഏകദേശക്കണക് പറയട്ടെ 20,000 ത്തോളം പേര്‍ താമസിക്കുന്ന മഞ്ജേശ്വരം താലൂക്കിലെ എണ്‍മകജെയിലെ പ്ലാന്‍റേഷനിലെ അമിതമായ കീടനാശിനിപ്രയോഗം മൂലം ആയിരങ്ങളാണ് ഈ പത്തുവര്‍ഷത്തിനിടെ മരണപ്പെട്ടത്. ജീവിച്ചിരിക്കുന്നവരുടെ അവസ്ഥ അതിലും കഷ്ടം.പത്രവാര്‍ത്തകളും ചിത്രങ്ങളും ആവര്‍ത്തിക്കാന്‍ താല്പര്യപ്പെടുന്നില്ല.ബദിയട്കയിലും പെരിയയിലും പാണത്തൂരും ചീമേനിയിലും ഇതിന്റെ പകര്‍പ്പ് തന്നെയാണ്.

അതൊക്കെ പോട്ടെ ചില കാര്യങ്ങള്‍ പറയട്ടെ,

ദുരിതബാദിതരുടെ പുനരധിവാസം എന്തുകൊണ്ട് മന്ദഗതിയിലായി.
ക്ലബ്ബുകളും ട്രസ്റ്റുകളും വ്യക്തികളും സമാഹരിച്ച ഫണ്ടുകള്‍ യ്കൃത്യമായി വിനിയോഗിക്കുന്നില്ല.
ദുരിതബാധിതരെ മാറ്റി പാര്‍പ്പിക്കാതെ അവിടെ തന്നെ പുതിയ പാര്‍പ്പിടങ്ങള്‍ വച്ചുകൊടുത്തും സാമ്പത്തിക സഹായം മാത്രം നല്‍കിയിട്ടും എന്താണ് കാര്യം.
ദുരിതാശ്വാസ നിധി, ഫണ്ട് വിനിയോഗം കൂടുതല്‍ സുതാര്യമാക്കണം.
ബാക്കിയുള്ള കീടനാശിനികള്‍ ശാസ്ത്രീയമായ രീതിയില്‍ നശിപ്പിക്കണം.
അനധികൃതമായി ധനസഹായം കൈപ്പറ്റുന്നവര്‍ക്ക് ശിക്ഷ കൊടുത്ത്,ദുരിതാശ്വാസപ്രവര്‍ത്തനം കൂടുതല്‍ മേഖലകളിലേക്ക് വ്യാപിപ്പിക്കുക.

എന്‍ഡോസള്‍ഫാന്‍ നിരോധിച്ചെങ്കിലും അതിനോടു മല്‍സരിക്കുന്ന കീടനാശിനികള്‍ വിപണിയില്‍ വരുന്നത് തടയണം.ജൈവകൃഷി പരിപോഷിപ്പിക്കുന്ന വിദത്തിലുള്ള പ്രവര്‍ത്തനങ്ങള്‍ കൃഷി വകുപ്പിന്റെ ഭാഗത്തുനിന്ന്‍ ഉണ്ടാകണം.മേല്‍പ്പറഞ്ഞതോക്കെ പ്രാവര്‍ത്തികമാക്കാന്‍ സാധിച്ചാല്‍ കാസര്‍ഗോഡിനെ ബാധിച്ച കാന്‍സറിനെ നമുക്ക് തുരത്തി ഓടിക്കാം.

എന്‍ഡോസള്‍ഫാന്‍ നിരോധനത്തിന് കൂടെയുണ്ടായിരുന്ന എല്ലാ കൂട്ടായിമകളും ഇനിയുള്ള പ്രവര്‍ത്തനങ്ങള്ക്കും കൂടെയുണ്ടാകണം.വിവിധ മാര്‍ഗങ്ങളിലൂടെ സേവനങ്ങളും ധനസഹായവും ഉപദേശങ്ങളും സ്വീകരിച്ച് വിഷമയമായ കാസര്‍ഗോഡിനെ വീണ്ടും നമുക്ക് ജീവമായമാക്കം എന്ന ലക്ഷ്യത്തോടെ...

മതസൌഹാര്‍ദം എന്ന മിഥ്യാസ്വപ്നം

2012-06-14T06:02:00.002-07:00

ആശയദാരിദ്ര്യം ബാധിച്ച് നട്ടപ്രാന്ത് പിടിച്ചപ്പോള്‍ ഒന്നു അമ്പലത്തില്‍ കയറിയതാണ്.ഇടത്തെ കാല് പടിക്കല്‍ വച്ചതും ചക്ലി വിനോദിന്റെ അച്ഛന്‍ അസിസ്റ്റന്‍റ് പൂജാരി.
"നീയൊക്കെ ദൈവത്തെയും പുച്ഛിച്ച് നടന്നോ, അതാ ഗുണം പിടിക്കാത്തത്."
ദിവസവും അമ്മയുടെ കയീന്നു ഇത് പതിവായത് കൊണ്ട് വല്ല്യ പ്രശ്നമുണ്ടായില്ല.
നേരെ മുന്നിലോട്ട് നടന്നാല്‍ എവിടെയെങ്കിലും അച്ഛന്‍ ഉണ്ടെങ്കില്‍ പണി കിട്ടും.

ഞാന്‍ "വിനോദിന്റെ അച്ഛാ, എന്റെ അച്ഛനെ കണ്ടിനോ?"

ഉത്തരത്തിന് പകരം ഉപദേശം.

"നിന്റെ അച്ഛനെ കണ്ട് പഠിക്ക്, രമേഷ് ചെന്നിത്തലയുടെ മതസൌഹാര്‍ദ സമ്മേളനത്തിന് കസര്‍ഗോഡ് പ്രശ്നം ആയി. അത് സോള്‍വ് ആക്കാന്‍ പോയിട്ടുണ്ട്."

പ്രശ്നം സോള്‍വ് ആക്കാന്‍ പോയത് ആര്‍‌എസ്‌എസ്ന്റെ കാര്യവാഹകന്‍ അച്ഛനും,മുസ്ലിം ലീഗിന്റെ പ്രതിനിധി ജാബീറിന്‍റെ അച്ഛനും.എന്നാ പിന്നെ പുകിലായി മിക്കവാരും ഇന്നു വീട്ടിലേക്ക് തറവാട്ടിന്നു ആള്‍ വരും(പൌലൊസ് ഛേ... പോലീസ്).

ചിത്രം വരക്കാന്‍ ആശയം കിട്ടിപ്പോയി.തിരിച്ചു അമ്പലത്തിലേക്കു തന്നെ തിരിച്ചു പോയി പഴയ ഏതോ കലശത്തിന്റെ നോട്ടീസിന്‍റെ പിന്നില്‍ വര തുടങ്ങി.നല്ല ഒരു പിക്ചര്‍ വേണം.

ഏകദേശം ഇത് മതിയാകും.ഇനിവീട്ടില്‍ എത്തിയിട്ട് വാട്ടര്‍ കളറില്‍ വരയ്ക്കാം.വേഗം സ്കെച്ച് ഇട്ടു പെയിന്‍റും ചെയ്തു.ആകെ മൂന്നു സാധനങ്ങള്‍ അല്ലേ ഉള്ളൂ,എല്ലാം വളരെ പെട്ടന്നു തീര്ന്നു.എന്റെ പണി കഴിഞ്ഞു അച്ഛന്‍റെ കാര്യം എന്താകുമോ ആവോ?സാധാരണ അച്ഛന്‍ വര്‍ഗ്ഗീയ പ്രശ്നം പരിഹരിക്കാന്‍ പോയാല്‍ അത് കൂടുതല്‍ ആവുകയാണ് പതിവ്.

നമ്മുടെ കാസര്‍ഗോഡില്‍ രമേഷ് ചെന്നിത്തല വന്നു സ്നേഹയാത്ര എന്ന പേരില്‍ മതസൌഹാര്‍ദ സമ്മേളനം നടത്തിയിരിക്കുന്നുപോലും.അതിന്‍റെ പേരില്‍ ഇന്നു അടി.കാസര്‍ഗോഡ് പോലെയുള്ള നാട്ടില്‍ മതസൌഹാര്‍ദം എന്നത് കരകാണാ കടലുപോലെയാണ്.ഓരോ മതങ്ങളും പ്രചരിപ്പിക്കുന്ന ആശയങ്ങള്‍ തികച്ചും വ്യത്യസ്ഥമാണ്.പിന്നെ എങ്ങനെയാണ് മതങ്ങള്‍ സൌഹാര്‍ദത്തില്‍ വരിക.

പ്രപഞ്ചസൃഷ്ടിയെപറ്റി തന്നെ എല്ലാ മതങ്ങള്‍ക്കും വെവ്വേറെ അഭിപ്രായമാണ്.ചൈനയിലെ പ്രാജീനമതമായ കണ്ഫൂഷനിസം വിശ്വസിക്കുന്നത് "ലുങ്ങു" എന്നയാളുടെ ജഡത്തില്‍ നിന്നാണ് പ്രപഞ്ചം ഉണ്ടായത് എന്നാണ്.കണ്ണ് സൂര്യനായും,അന്ദ്യനിശ്വാസം കാറ്റായും, മുടി കാടുകളായും, രക്തം നീരുറവകളായും,മൃതശരീരം ഭൂമിയായും രൂപാന്ദരപ്പെട്ടു എന്നാണ്.

അതുപോലെ തന്നെ പ്രാര്‍ഥനയിലും മുസ്ലീം ജൂത മതവിശ്വാസികാക് ഏകദൈവത്തില്‍ വിശ്വസിക്കുന്നു.എന്നാല്‍ ഇതില്‍ താനേ ജൂതന്മാര്‍ വിഗ്രഹത്തെ ആരാധിക്കുന്നവരാണ്.കൃസ്തീയന്‍ മതവിശ്വാസികള്‍ പ്രദാനമായും യേശുവിനെ പ്രാര്‍ഥിക്കുന്നെങ്കിലും മതത്തിന്‍റെ അടിസ്ഥാനം എന്നത് പിതാവ് പുത്രന്‍ പരിശുദ്ധാത്മാവ് എന്ന ത്രയത്തിലാണ്.
ഹൈന്ദവസംസ്കാരത്തിന്റെ പിന്‍ഗാമികളായ ഹിന്ദുക്കളും ത്രയത്തില്‍ വിശ്വസിക്കുന്നു.എന്നാല്‍ ക്രിസ്ത്യന്‍നില്‍ നീന്നും വ്യത്യസ്തമായി ബ്രഹ്മാവ് വിഷ്ണു ശിവന്‍ എന്ന സൃഷ്ടി സ്ഥിതി സംഹാരം എന്ന ദൈവസങ്ങള്‍പ്പത്തില്‍ വിശ്വസിക്കുന്നു.ശ്രീരാമന്‍,ശ്രീ കൃഷ്ണന്‍ എന്നിവര്‍ മഹാ വിഷ്ണുവിന്റെ അവതാരങ്ങളായി ഭൂമിയില്‍ ജനിച്ച്, സത്യം സംരക്ഷിക്കാന്‍ നിയോഗിക്കപ്പെട്ടവരാണ്.
പിന്നെ ബോധിസത്വന്‍റെ അവസാന ജന്‍മമായ ശ്രീബുദ്ധന്‍ ബുദ്ധമതം സ്ഥാപിച്ചു.ഇവരാകട്ടെ അലൌഗിക ജീവിതത്തിനു പ്രാധാന്യം നല്‍കുന്നു.
മരണത്തിനുശേഷവും മതങ്ങള്‍ വ്യത്യസ്തത പുലര്‍ത്തുന്നു.ഏകജന്‍മം മാത്രമുള്ള ഇസ്ലാം മതം, മനുഷ്യന്‍റെ ചെയ്തികള്‍ക്ക് മരണാനന്തരം ശിക്ഷ കിട്ടും എന്നു പറയുന്നു.എന്നാല്‍ ഹിന്ദുമതത്തില്‍ ഒരു ആത്മാവിന് അനേകം ജന്‍മമുള്ളതായി പറയുന്നു.പ്രതിഫലം ഇചിക്കാതെ നന്മ ചെയ്തവര്‍ സ്വര്‍ഗത്തിലും, പ്രതിഫലം ആഗ്രഹിച്ച് നന്മ ചെയ്തവര്‍ സ്വര്‍ഗത്തിനടുത്ത ഒരു ലോകത്തും, ദുഷ്കര്‍മ്മം ചെയ്തവര്‍ ഷഡ്പദങ്ങളും ഇഴജന്തുക്കളായും വീണ്ടും ജനിക്കും എന്നതാണ്.ക്രിസ്ത്യനിലെതന്നെ ഒരു വിഭാഗക്കാര്‍ പറയുന്നതു ലോകാവസാനമാകുമ്പോള്‍ യഹോവയെ മനസിലാക്കിയവരെ അദ്ദേഹം കൂടെകൊണ്ടുപോകും.
വിഭിന്നങ്ങളായ ഇത്തരം ആശയങ്ങള്‍ വച്ചുപുലര്‍ത്തുന്ന മതങ്ങള്‍ എങ്ങനെയാണ് ഒന്നിക്കുന്നത്.മുസ്ലീം ലീഗിനും ബി‌ജെ‌പി ക്കും എപ്പോഴെങ്കിലും ഒന്നാകാന്‍ പറ്റുമോ?,അതുപോലെത്തന്നെയല്ലേ ഇതും. പാരമ്പര്യമായ ആചാരങ്ങള്‍ നിലനിര്‍ത്തുന്ന ദേവാലയങ്ങളില്‍ ഇന്നും അന്യമതസ്ഥര്‍ക്ക് പ്രവേശനം ഇല്ല(ഈ ലിസ്റ്റില്‍ ഞാന്‍ ഇല്ല).അതിനാല്‍ത്തന്നെ ഇത്തരം വ്യര്‍ഥമായ മതസൌഹാര്‍ദസമ്മേളനങ്ങള്‍ അവസാനിപ്പിച്ച്,

"മതത്തിന് അദീതമായ മാനുഷികസൌഹാര്‍ദത്തിന് വേണ്ടിയുള്ള കര്‍മ്മപരിപാടികളെ കുറിച്ച് നാം ചിന്തിക്കേണ്ടിയിരിക്കുന്നു."

വാ എന്താ ഡയലോഗ്, എനിക്കു ഇത്രയൊക്കെ സാഹിത്യബോധം ഉണ്ടോ?ഡയലോഗടി നിര്‍ത്തി പടം ഫോട്ടോഷോപ്പില്‍ കേറ്റണം.

എല്ലാ ചിഹ്ന്ങ്ങളും പെന്‍ ടൂള്‍ എടുത്ത് വേരെവേറെ ലേയറില്‍ വരച്ചു.പിന്നെ എല്ലാം ഒന്നിനുമുകളില്‍ വരത്തക്കരീതിയില്‍ അനാവശ്യഭാഗങ്ങള്‍ മായിച്ചു കളഞ്ഞു.ഒടുക്കം ഇങ്ങനെ കിട്ടി.

വൈകുന്നേരം വായനോട്ടം കഴിഞ്ഞു, പ്രിന്‍റെക്സില്‍ പോയി പ്രിന്‍റ് എടുത്ത്, പൈസ കടം പറഞ്ഞു.അത് സ്ഥിരം ഏര്‍പ്പാടാണ്.വരുന്ന വഴിക്ക് ഒരു പ്രിന്റ്‌ നമ്മുടെ ക്ലബ്ബില്‍ ഒട്ടിച്ചു.രണ്ടാമത്തെ ചിത്രം വീട്ടില്‍ എത്തിയിട്ട് പ്രാര്‍ത്തനാമുറിയില്‍ ഒട്ടിച്ചു.

ഇനി അച്ഛനെ കാത്തുനിന്നാല്‍ വയറ്റില് തീ പിടിക്കും.ഞാന്‍ ഫുഡ് കഴിച്ചു കിടന്നുറങ്ങി.

രാവിലെ എണീറ്റ് പത്രം വായിച്ചപ്പോള്‍ കാസര്‍ഗോഡ് ശാന്തം.പ്രാര്‍ത്തനാമുറിയില്‍നിന്നു വരുന്ന അച്ചന്റെ മുഖം പൊലെ...

ഒരു ലോഗോ ഉണ്ടാക്കിയ കഥ

2012-06-12T04:30:00.002-07:00

എല്ലാ കാര്യത്തിലും വെറൈറ്റി കാട്ടി , ഒരു ഒപ്പ് മാറ്റിയത്തിന്‍റെ ക്ഷീണം മാറിയിട്ടില്ല,അതിനു തൊട്ട് പുറകെയാണ് ഈ ദുരന്തവും സംഭവിച്ചത്.എനിക്കു ഒരു ലോഗോ വേണം എന്നത് ഞാന്‍ചിന്തിചുകൊണ്ടിരിക്കുന്ന കാര്യമാണ് കുറെ ലോഗോ ഞാന്‍ തന്നെ വരച്ചു ഒന്നും മനസിന് ബോധിക്കുന്നില്ല.അപ്പോഴാണ് കൊച്ചിയില്‍ ഒരു ഗ്രാഫിക്സ് കമ്പനിയില്‍ ഇന്‍റര്‍വ്യു ഉണ്ടെന്ന് രാഹുല്‍ രാത്രി 12 മണിക്ക് MSG അയച്ചത്.പുതപ്പ് മാറ്റി അപ്പോ തന്നെ പെന്‍സില്‍ എടുത്ത് വര തുടങ്ങി.

ഞാന്‍ വേഗം കണക്കുപ്പെട്ടിയുടെ മുന്നില്‍ ഇരുന്നു illustrator എടുത്താല്‍ പണി കിട്ടും തല്‍ക്കാലം ഫോട്ടോഷോപ്പ് തന്നെ മതി ഏതായലും വര്‍ക്ക് നന്നായാല്‍ മതി.വരച്ചത് ഫോട്ടോ എടുത്തു ഫോഷോപ്പില്‍ കയറ്റി.oppacity 30% ആകി വച്ചു.മുകളില്‍ ഒരു layer ഉണ്ടാക്കി.

Pen tool ഉപയോഗിച്ച് ആനയുടെ തലയും ശരീരവും വാലും വേറെ വേറെ layer ഇല്‍ വരച്ചു.

പുതിയ ലേയറില്‍ ഒരു കടുകുമണി കണ്ണും വരച്ചു.”ഞാന്‍ ഗജവീരന്‍ തന്നെ തല S, ശരീരം A, വാല് I, ആരെ വാ ഗ്രേയ്റ്റ് ഐഡിയ”ഞാന്‍ തന്നെ പറഞ്ഞു.ഇനി മാറ്റമില്ല ഞാന്‍ മനസില്‍ പറഞ്ഞു.

ഇവനെ ഒന്നു മിനുക്കണം.

തല സെലക്ട് ചെയ്തു layer properties >blending option > Stroke 3 px വെള്ള കളറും,

Bevel and emboss > size 170 കൊടുത്തു.

ഉറക്കം വന്നിട്ട് തല ടാബിളില്‍ മുട്ടി. മതി ഇത് മതി. എല്ലാത്തിലും 3ഡി എഫെക്ട് വരാന്‍ size ഓരോ ലേയറിലും ചെറിയ മാറ്റം വരുത്തി.

ഇത് ഒരു ലോഗോ ആകണമെങ്കില്‍ ഒരു കറക്റ്റ് ഷെയിപ് വേണം വേഗം elliptical marquee tool ഉപയോഗിച്ച് ഒരു ദീര്‍ഘ വൃത്തം ആനയുടെ പുയകിലത്തെ ലയേറില്‍ വരച്ച്,ഒരു gradient കൊടുത്തു.

ഇനി വേണ്ടത് metal effect ആണ്.ഉള്ള ലയറിന്റെ പുറകില്‍ ഒരു ലേയര്‍ ഉണ്ടാക്കി,selection>modify>expand ഒരു 20px കൊടുത്തു.അതില്‍ gray to dark gray gradient വലത്തോട്ട് കൊടുത്തു.വീണ്ടും 5px expand ചെയ്തു താഴെ ഉണ്ടാക്കിയ ലയേറില്‍ വെള്ള കളര്‍ fill ചെയ്തു.നെക്സ്റ്റ് 20px expand ചെയ്തു gray to dark gray gradient ഇടത്തോട്ട് കൊടുത്തു.

സംഭവം ഓകെ ഇത് മതി,ഒരു shining എഫെക്ട് കൊടുക്കാം.ആനയുടെ തൊട്ട് പുറകില്‍ custom shape വരച്ചു കൊടുത്തു
പിന്നെ വട്ടത്തില്‍ ഒരു shadow ഇട്ടു കൊടുത്തു അത് വേണ്ടായിരുന്നു, എന്നാലും ഇരിക്കട്ടെ.എല്ലാ ലെയറും merge ചെയ്തു.

ഇനിയിത് എന്റെ biodata യില്‍ കയറ്റണം

ഹൊ പണി കഴിഞ്ഞു, സമയം ഒന്നര മണിയും

“എടാ ഭയങ്കരാ, ഞാന്‍ ആല് കൊള്ളാലോ!” ഞാന്‍ എന്നോടു തന്നെ പറഞ്ഞു പോയി.

ഒന്നു അവന്‍ പറഞ്ഞ mailല്‍ അയച്ചു.ഒന്നു പ്രിന്‍റ് എടുക്കാന്‍ രാഹുലിന് അയച്ചു കൊടുത്തു,ഡയമണ്ട്നെക്ലെസിലെ പാട്ടും വച്ച് ഞാന്‍ വീണ്ടും കിടന്നു.

രാവിലെ അവന്‍ വീണ്ടും വിളിച്ചു,അലക്കാത്ത ഷര്‍ട്ടിനു ഇസ്തിരി ഇടുംബോളുള്ള മണവും സഹിച്ച് എടപ്പള്ളി എത്തി,ഞാനും രാഹുലും നോര്‍ത്തില്‍ ബസ് ഇറങ്ങി.കൌണ്ടറില്‍ ബയോഡാറ്റയും കൊടുത്ത് ക്യൂവില്‍ നിന്നു അവസാനം എന്റെ നമ്പര്‍ വന്നു,അകത്തു ഇരിക്കുന്ന മാന്യനെ കണ്ട ഞാന്‍ സര്‍ഫീല്‍ ഇട്ട തുണി പോലെയായി.

ഇനി ചെറിയ ഫ്ലാഷ്ബാക്ക്.

എന്നെ ഡ്രോയിങ് പഠിപ്പിച്ച (പഠിപ്പിക്കാന്‍ ശ്രമിച്ച) സാറ്(ആനത്തടിയന്റെ പേര് വെളിപ്പെടുത്തുന്നില്ല).ഒന്നിച്ച് പഠിക്കുന്ന പെണ്‍കുട്ടിയെ ഞാന്‍ ലൈന്‍ അടിക്കുന്ന കാര്യം അമ്മയോട് പറഞ്ഞുകൊടുത്ത പണ്ഡാരം.ഞാന്‍ വിടുമോ?,

അയാള്‍ക്കിട്ടും ഒരു പണി കൊടുത്തു.തടിയനായ സാറിനെ ഗണപതിയാക്കി ബോര്‍ഡില്‍ ഒരു ചിത്രം വരച്ച്, ക്ലാസ്സിലെ ഒരു ജനാലയും തകര്‍ത്ത് “ഗുരു വന്ദനം”പറഞ്ഞ്,ഞാന്‍ എന്റെ ഡ്രോയിങ് ജീവിതം അവസാനിപ്പിച്ചു.ജനാല പൊളിച്ചത്തിന് കേസുകൊടുക്കും എന്നൊക്കെ അയാള് പറഞ്ഞതാണ്,പിന്നെ അമ്മയുടെ കണ്ണീരില്‍ കേസോക്കെ ചീറ്റി പോയി.

വീണ്ടും കഥയിലേക്ക്, ജീവിതത്തില്‍ ഒരിയ്ക്കലും കാണരുതേ എന്നു കരുതിയ കുറേ മുഖങ്ങള്‍ മുന്നില്‍.എന്റെ ബയോഡാറ്റ തടിയന്‍ സാരിന്റെ കൈയില്‍,

“സായിനാഥ് ഗോവിന്ദന്‍” കൌണ്ടറില്‍ നിന്നു എന്നെ വിളിച്ചു.
എന്റെ ഗീവര്‍ഗീസ് പുണ്യാളച്ചാ അവിടെ നാലുപേര് ഉണ്ടായിട്ടും ഈ ചങ്ങായി തന്നെ എന്നെ വിളിക്കണോ.

സാര്‍ : അല്ലാ ഇതാര്?
നമ്മളെ സായി അല്ലേ?
(നിര്‍വചിക്കാന്‍ പറ്റാത്ത ഭാവത്തില്)അപ്പോ നിനക്ക് ഇവിടെ ഒരു ജോലി വേണം, അല്ലേ ?

"ആ ദേഹം" ലോഗോയില്‍ ഒന്നു നോക്കി.
കാലി അയവിറക്കുന്നത് പോലെ അയാള്‍ എന്തോ അയവിറക്കി.

എന്റെ മനസ്സില്‍ ഒരു ലഡു പൊട്ടി.

സാര്‍ :ആ ജനാലയുടെ കാര്യം എന്തു ചെയ്യണം?

മനസ്സില്‍ രണ്ടാമത്തെ ലഡുവും പൊട്ടി.

“എന്റെ ബയോഡാറ്റ തന്നേക്കു എനിക്ക് ഈ ജോലിക്ക് താല്‍പര്യം ഇല്ല.”.ഡയലോഗ് കംപ്ലീറ്റ് ആക്കുന്നതിന് മുമ്പെ അത് എന്റെ കൈയില്‍ കിട്ടിയിരുന്നു.പെട്ടന്ന് പുറത്തിറങ്ങിയ എന്നെ നോക്കി രാഹുല്‍ ചോദിച്ചു.

“ഡാ പൈലി നിനക്ക് ഇത്ര പെട്ടന്ന് പണി(ജോലി) കിട്ടിയോ?”

എനിക്കു പറയാന്‍ അതേ ഉണ്ടായിരുന്നുള്ളൂ.

"കിട്ടി, പണി പാലുംവെള്ളത്തില്‍ കിട്ടി"

ഒരു കാമുകന്റെ പതനം

2012-06-07T07:23:00.001-07:00

കൊതി തീരും വരെ.....

ഇവിടെ പ്രേമിച്ച്.....

മരിച്ചവരുണ്ടോ?.....

ഹാ ഹാ ഹാഹാഹാ.....

ഹാഹാ ഹാച്ച്ചീ....

ഒരു കാറ്റ് വരാന്‍ കണ്ട സമയം, വിവേക് എന്താ വരാത്തത് ?ഒരു കമിറ്റ്മെന്റ് ഏറ്റെടുത്താല്‍ ഇങ്ങനെയാണോ മനുഷ്യന്‍മാര്? വേറെ ഏതെങ്കിലും വഞ്ചിക്കാരനെ എല്പ്പിക്കേണ്ടി വരുമോ?വേണ്ട അവനാണ് എന്റെ പേര്‍സണല്‍ ഫോട്ടോഗ്രാഫര്‍

ഫസ്റ്റ്‌ ഈയറില്‍ അവള്‍ വന്നപ്പോള്‍ തന്നെ നോട്ടമിട്ടതാണ്(കഥാനായിക ഇപ്പോള്‍ വിവാഹിതയായതുകൊണ്ട് പേര് വെളിപ്പെടുത്തുന്നില്ല.കഥ മുന്നോട്ട് പോകാന്‍ തല്‍ക്കാലം ശോശാമ്മ എന്നിരിക്കട്ടെ.അതുവേണ്ട തങ്കമ്മ മതി)സിവില്‍ ഡിപ്പാര്‍ട്ട്മെന്റിന്റെ അടുത്ത എത്തണമെങ്കില്‍ ടികെറ്റ് ബുക്ക്‌ ചെയേണ്ട അവസ്ഥയാണ് കോളേജില്‍,അതിനാല്‍ത്തന്നെയാണ് "പ്രണയാഭ്യര്‍ത്ഥന" രണ്ടുമാസത്തേക്ക് മാറ്റിവച്ചത്.കുറെ അവസരം കിട്ടിയതാണ്.പിന്നെ സ്വാമി ചിന്മയാനന്ദ പറഞ്ഞത് പോലെ "there is no presentation, in your disurbed mind".അവളുടെ ക്ലാസിലെ 47 പേരെ ചാക്കിട്ടു പിടിക്കുന്നതിനു പകരം അവളെ തന്നെ മുട്ടാമായിരുന്നു.എന്നാലും അസീസും നവനീതും മുട്ടിയിട്ട് വീഴാത പെണ്ണിനെ ഞാന്‍.....വേണോ.....?

എവിടെ നിന്നോ ഒരശരീരി........

i am the great

എന്നിലെ എന്നെ ഉണര്‍ത്തിയസ്വാമി ചിന്മയാനന്ദ. "സ്വാമി...... അനുഗ്രഹിക്കണം......."

"പഫാ... കള്ള കഴുവേറി ....@$%!&*^@!%@+ നിന്നോട് തോടിന്റെ കരയില്‍ നില്ക്കാന്‍ പറഞ്ഞിട്ട്, പാലത്തിന്റെ മുകളിലോ?"

ഞാന്‍ "എടാ വിവേകേ എത്തിയോ?ഞാന്‍ അവിടെ ആയിരുന്നു പിന്നെ നിലനിലാവിനെ കണ്ടപ്പോള്‍ തങ്കമ്മയെ ഓര്‍ത്തു അറിയാതെ നടന്നുപോയതാ...മാപ്പ്"

വിവേക് "കോപ്പ് നീ അണക്കെട്ടിന്റെ മുകളില്‍ നില്‍ക്കണം.ഞാന്‍ വഞ്ചി എടുത്തിട്ട് വരാം"

പകുതി നടന്ന അവന്‍ എന്തോ മറന്ന പോലെ തിരിച്ചു വന്നു.

"എന്റെ N70യില്‍ എന്ത് കാട്ടാന,നിന്‍റെ N73 താ,കിടുമം സാധനമല്ലേ മൂന്നര മെഗാപിക്സല്‍ ക്യാമറ " .ബ്രിട്നിയുടെ മെലടി പാട്ടുപോലെയുള്ള പുഴയുടെ താളത്തിനൊത്ത് അവന്‍ നടന്നു.

അവള്‍ ഇന്നലെ ബഷീറിക്കയുടെ കടയില്‍ ഒരു ഗ്രീറ്റിംഗ് കാര്‍ഡിലെ പെയിന്റിംഗ് കണ്ടു മതിമറന്ന കാര്യം അവളുടെ ഫ്രണ്ട് ഗ്രീഷ്മ പറഞ്ഞിരുന്നു,(അവളുടെ മാത്രം ഫ്രണ്ട് അല്ല എന്റെ കൂടി ഫ്രണ്ട് ആണ്)അപ്പോഴേ ഞാന്‍ കരുതിയതാ ഒരു ചിത്രം വരച്ചു കൊടുത്ത് അവളെ ഇമ്പ്രസ്സ് ചെയ്യണമെന്ന്.

" #@%!^$@#%^ മോനെ, നീ നിലാവിനെ നോക്കി നില്‍ക്ക് ഞാന്‍ 3 മീറ്റര്‍ അപ്പുറത്തുനിന്നും ഫോട്ടോ എടുക്കാം.രണ്ടാമത് എടുക്കണമെങ്കില്‍ വേറൊരു ഹാഫ് വാങ്ങി തരണം."
അണക്കെട്ടിന്റെ മുകളില്‍ കാലുറപ്പിച്ച് ഞാന്‍ വിവേകിനോട്‌ "ഓക്കേ എടുത്തോ.....കൂയി"
വിവേക് "ആക്ഷന്‍ ക്യാമറ"

Click

"ഡാ സായി മുകളിലോട്ട് നോക്കെടാ.ഗുഡ് പോസ് ഓക്കേ"
നമ്മുടെ ശബ്ദം കേട്ടിട്ടാണോയെന്നറിയില്ല, സ്നേഹയുടെ വീട്ടില്‍ ലൈറ്റ് കത്തി. വിവേക് വഞ്ചി അണക്കെട്ടിനു അടുപ്പിച്ചു.ഞാന്‍ അവനു പ്രതിഫലം കൊടുത്തു,അവന്‍ എന്റെ N73 തിരികെത്തന്നു.
"നന്‍പേന്‍ ഡാ" യാത്രയയപ്പ്.
സ്നേഹയുടെ വീട്ടിലെ വെളിച്ചം അണഞ്ഞപ്പോള്‍ ഞാനും വീട്ടിലേക്കു വിട്ടു.വീട്ടില്‍ എത്തി,അമ്മ കാണാതെ അകത്തു കയറണം.ഞാന്‍ വൈശാലിയെ (അനിയത്തി) വിളിച്ചു
"അമ്മ TV യുടെ മുന്നിലോ അടുക്കളയിലോ?" .ഉത്തരം കിട്ടുന്നതിനുമുമ്പേ അമ്മ വാതില്‍ വാതില്‍ തുറന്നു.എന്റെ നനഞ്ഞ പാന്റ് നോക്കി.
"നീ ഇന്നും പുഴയില്‍ പോയി അല്ലെ? നിന്നോട് ഞാന്‍ പലവട്ടം .................8.12pm ......!@#$%^(#)......8.20pm .......!@#$%^&*(........8.30pm .....!@#$%^&.......ഇനി നിന്റെ ഇഷ്ടം പോലെ ചെയ്തോ >:<"

ഞാന്‍ വിവേക് എടുതുതന്ന ഫോട്ടോ നോക്കിക്കൊണ്ട് അനന്തതയുടെ വിഹായസിലേക്ക്.....സാഹിത്യം വേണ്ട!.മൊബൈലില്‍ എടുത്ത ഫോട്ടോയില്‍ ഒന്നും തെളിഞ്ഞിട്ടില്ല.റഫ് പേപര്‍ എടുത്ത് ഏകദേശം സ്കെച്ച് ഇട്ടു.ചിത്രം കണ്ടാല്‍ത്തന്നെ അവള്‍ പുളകിതയാകണം
"കര്‍മ്മം ചെയ്യുക മനുഷ്യന്‍ ,കര്‍മ്മഫലം തരും ദൈവം" ചിന്മയാനന്ദ സ്വാമിയെ കൊണ്ട് തോലഞ്ഞല്ലോ!. സജേഷ് തന്ന ചിന്മയരശ്മി പുസ്തകം കാരണം മനുഷ്യന്റെ മനസ് ഒരിടത്തും നില്‍ക്കുന്നില്ല.

സ്കെച് ഏകദേശം ഓക്കേ.100% ഒറിജിനാലിറ്റി വേണം.ലയിറ്റിംഗ്,കാറ്റിന്റെ ദിശ ചന്ദ്രന്റെ പ്രകാശം എല്ലാം മനസ്സില്‍ ഉണ്ട്.ശ്രീ കൃഷ്ണനെയും വിചാരിച്ച് ഡ്രോയിംഗ് ഷീറ്റില്‍ പണി തുടങ്ങി.ശിവാജിയിലെ പാട്ട് വച്ചിട്ടുണ്ട്,ഇന്ന് ഉറങ്ങിയില്ലെങ്കില്‍ പ്രശ്നമില്ല.എന്റെ തങ്കമ്മയ്ക്ക് വേണ്ടിയല്ലേ?
12മണി..........1മണി............2മണി.............2.30മണി ............2.45..................ഹോ ചിത്രം പൂര്‍ത്തിയായി.പടം ഉണങ്ങാന്‍ വച്ചു,ഞാന്‍ ഉറങ്ങാന്‍ കിടന്നു.ഗ്രീഷ്മയ്ക് മിസ്സ്‌ അടിക്കാന്‍ മറന്നില്ല.

ഒന്നാം ദിവസം രാവിലെ നോക്കിയപ്പോള്‍ പടം ഉണങ്ങിയില്ല.നല്ല ഫ്രൈം ഉണ്ടാക്കി നാളെ അവള്‍ക്ക് കൊടുക്കാം.കോളേജില്‍ എത്തി ഇന്ന് തങ്കമ്മ ചിരിച്ചില്ലെങ്കിലും എന്നെ നോക്കിയിരുന്നു.മൌലവി ബുക്ക്‌ സ്ടാളില്‍ നിന്ന് ഫ്രൈം ആക്കാനുള്ള സാധനങ്ങളൊക്കെ വാങ്ങി പണി തുടങ്ങി.റൂമില്‍ മൊത്തം അലങ്ങോലമായി.അമ്മ ഇടയ്ക്കിടെ നോക്കുന്നുണ്ട്.

അനിയത്തി എന്നോട് "ചെമ്മീന്‍ തുള്ളിയാല്‍ മുട്ടോളം"
ഞാന്‍ "നീ പോടീ".മൊത്തം വര്‍ക്ക്‌ കഴിഞ്ഞു.പടം ഗിഫ്റ്റ് കവറില്‍ ഇട്ടുവച്ചു.

രണ്ടാം ദിവസം ഗിഫ്റ്റുമായി കോളെജിലേക്ക്.പണ്ടാരം തങ്കമ്മ ഇന്ന് ലീവ്.ഒരു ദിവസം തീരാന്‍ പെട്ട പാട്.കോളേജില്‍ കലിപ്പ് രാഹുലോടും വീട്ടില്‍ അനിയത്തിയോടും തീര്‍ത്തു.ഗ്രീഷ്മയെ വിളിക്കുമ്പോള്‍ കട്ട് ആക്കുന്നു.രാത്രി അവളുടെ കാള്‍ വന്നു,ഞാനും കട്ട്‌ ആക്കി.
മൂന്നാം ദിവസം ഇന്നലെ ചിത്രം തിരിച്ചെടുക്കാന്‍ മടിയായതുകൊണ്ട് പാര്‍വതി ടീച്ചറെ ഏല്‍പ്പിച്ചതാണ്.ടീച്ചര്‍ അത് നോക്കുമോ?നോക്കില്ല.....
കോളേജില്‍ എത്തി.ഒരു തടിമാടന്‍ ചങ്ങായി ഗ്രീഷ്മയോട് ചൂടാവുന്നുണ്ട്.അതാരാണ് ഒന്ന് കാണണമല്ലോ?.ഞാന്‍ അടുത്ത പോകുമ്പോഴേ ഗ്രീഷ്മ എന്നെ അവോയിട് ചെയ്തു.
കുറച്ചു കഴിഞ്ഞ് ഗ്രീഷ്മ എന്റെ അടുത്ത് വന്നു
"സായി നീ എന്താ ഇന്നലെ ഫോണ്‍ എടുക്കഞ്ഞിനു?
നീ എല്ലാം അറിഞ്ഞുകാണുമല്ലോ?"
ഞാന്‍ "എന്താടി ഓവര്‍ ആക്കല്ലേ..."
ഗ്രീഷ്മ "തങ്കമ്മയും ഓട്ടോക്കാരന്‍ രതീഷേട്ടനും ഇന്നലെ ഒളിച്ചോടി.കാര്യം അവള്‍ എന്നോട് പോലും പറഞ്ഞില്ലടാ.അവളെ അമ്മാവനാ ഇപ്പൊ എന്നെ ചോദ്യം ചെയ്തത്."

ഞാന്‍ വെട്ട് കൊണ്ട പട്ടിയെ പോലെയായി.

മോങ്ങണമെന്നുണ്ട്.ഇവളെന്ത് കരുതും.യാദാര്‍ത്യത്തോട് പൊരുത്തപ്പെടാന്‍ പറ്റുന്നില്ല.സമാധാനിപ്പിക്കാന്‍ ഒരു തെണ്ടിയും ഇല്ല.കളിയാക്കാന്‍ എല്ലാരും ഉണ്ടുതാനും.
ഗ്രീഷ്മ & അലമ്പ് ടീംസ് "ഡാ നിനക്ക് അവളെക്കാളും നല്ല പെണ്ണിനെ കിട്ടും"
ഞാന്‍ മെല്ലെ പാര്‍വതി ടീച്ചറെ കയ്യിന്നു എന്റെ പ്രണയത്തിന്റെ സ്മാരകശില തിരിച്ചുവാങ്ങി.

ടീച്ചര്‍ "സൂപ്പര്‍ ആയിട്ടുണ്ട്.ഞാന്‍ ഒരു ഫോട്ടോ എടുത്തു വച്ചിന് കേട്ടോ....നീ വര നിര്‍ത്തരുത് കേട്ടോ...." ഞാന്‍ "എന്നാലും, ഫോട്ടോ എടുക്കേണ്ടായിരുന്നു.ഈ പണ്ടാരം ഇനി എന്ത് ചെയ്യും"

വീണ്ടും വൈകുന്നേരം തേജസ്വിനി പുഴയുടെ തീരത്ത് ഞാനും വിവേകും എന്റെ ചിത്രവും.
വിവേക് "ബിയര്‍ അടിക്കില്ലന്നല്ലേ ഉള്ളു, നാടന്‍ കള്ളിന്റെ രുചി നോക്ക്"
ഞാന്‍ "വേണ്ടടാ എന്നാലും അവള്....."
വിവേക് "!@#$%^&*&^%$#......പന്നി........നീ അവളുടെ അമ്മായിയെ മനസ്സില്‍ വിചാരിച്ചിട്ട് ഈ കുന്തം പുഴയിലോട്ട് തട്ട് "
ഞാന്‍ മൂന്നു ഗ്ളാസ് അടിച്ചപ്പോള്‍ അവന്റെ വചനം ഗുരുവചനമായി.

ഞാന്‍ "നീ പോടീ പുല്ലേ!........എന്നാലും പറയായിരുന്നില്ലെടി........ഇനി ഇത് ആര്‍ക്കു വേണം?...."

എന്റെ മഹത്തായ സൃഷ്ടിയെ തേജസ്വിനി ഇരു കൈകളും നീട്ടി സ്വീകരിച്ചു.

കഥ അവസാനിച്ചു.

കഴിഞ്ഞ തവണ ഞാന്‍ കൊച്ചിന്നു വന്നപ്പോള്‍ ഒന്ന് കോളേജിലും കേറി.ഞാന്‍ ഫോണ്‍ വിളിക്കാത്തത് കൊണ്ട് എല്ലാര്‍ക്കും പരാതി.പാറു ടീച്ചര്‍ എന്റെ മെയില്‍ idയും ചോദിച്ചു.രാത്രി ടീച്ചറെ വക ഒരു മെയില്‍. JPEG attachment നു ഒപ്പം ഇങ്ങനെ........

ഒരു കാമുകന്റെ പതനം

The Eye

2012-06-07T07:22:00.002-07:00

Beautiful future

2012-06-07T07:21:00.000-07:00

Childhood hero

2012-06-07T07:20:00.002-07:00

Leader

2012-06-07T07:19:00.004-07:00