MTANDA BLOG

BLOGU YA MTANDA BLOG YASITISHA KUTOA MAUDHUI MTANDAONI

2018-06-12T15:50:00.003+03:00

Kutokana na matakwa ya kisheria ya maudhiu ya kutoa huduma za kimtandao bila kuwa na leseni iliyotolewa na mamlaka ya udhibiti wa huduma za mawasiliano tanzania (TCRA), Blogu ya MTANDA BLOG imesitisha kuchapisha habari mbalimbali za jamii kupitia njia ya mtandaoni.

Kanuni ya maudhui ya kimtandao ya mwaka 2018 inayowataka wachapishaji wa maudhui kwa njia ya Blogu na majukwaa ya kimtandao kusajiliwa TCRA na kupata leseni kulingana na gharama zilizobainishwa.

Kwa sasa huduma ya kuchapisha maudhui katika Blogu ya MTANDA BLOG imesitisha rasmi leo Juni 12/ 2018 hadi hapo taratibu za kisheria zitakapo kamilika na haijulikani ni lini itarehea kutoa huduma.

Imetolewa na Mmiliki wa MTANDA BLOG, leo Juni 12 mwaka 2018.

Asantes by.....
Juma Mtanda, Morogoro.

MAISHA YA MWANASOKA HODARI, PELE NA MAISHA NJE YA SOKA YANASIKITISHA !

2018-06-11T17:20:00.000+03:00

Na Geofrey Chambua.
Kwa watu wengi, Pele ni mchezaji bora zaidi kuwahi kushuhudiwa katika uwanja wa kandanda, na siyo bure kwamba walimpa jina la utani kama mfalme “O Rei“.

Habari isiyo njema ni kwamba gwiji huyu wa Soka kwa miongo kadhaa Duniani sasa anatembea kwa usaidizi wa kiti cha magurudumu matatu.

Pele aliiisadia Brazil kutwaa taji la soka duniani kwa mara tatu mnamo mwaka 1958, 1962 na1970.

Afya ya Pele imeendelea kudhoofika ka miaka ya karibuni na na hasa aiposhindwa kuhudhuria uzinduzi wa Michezo ya Olimpiki mnamo mwaka 2016 kutokana na kuugua.

Jina lake halisi ni Edison Arantes do Nascimento. Alicheza kama mshambuliaji wa kati. Akiwa na miaka 17 tu aliisaidia Brazili kutwaa kombe la dunia 1958 na baadaye tena 1961 na baadaye mwaka 1970.
Aliweka rekodi mwaka 1958 ya kuwa mchezaji mdogo kuliko wote duniani kucheza katika fainali ya kombe la dunia alipocheza akiwa na umri wa miaka 17.

Alivuma sana katika miaka ya 1970 duniani kote. Alifunga mabao 1,281 katika mechi 1,363 alizocheza kwa miaka 21yakiwemo mabao 77 katika mechi 91 alizoichezea Timu ya Taifa ya Brazil kabla ya kustaafu rasmi soka la ushindani

Mpaka sasa dunia imekuwa ikiwaita wachezaji hawa wafalme kwenye soka, Pele, Diego Maradona na Lionel Messi.

Hivi karibuni mbrazili Pele amesema yeye tu ndio mfalme na kwamba kama yeye ni mfalme basi Messi ni mtoto wa kiume wa mfalme ambaye ni Prince.
Wakati fulani Waingereza waijaribu kumfananisa Nahodha wao na Pele na Wabrazil wakajibu kwa dhihaka kwaba itawachukua karne nzima kumpata Pele mwingine ima ni wa kuchongesha ama wa kuumba (katuni) kwenye michezo ya Komputa.

Kwa watu wengi, Pele ni mchezaji bora zaidi kuwahi kushuhudiwa katika uwanja wa kandanda, na siyo bure kwamba walimpa jina la utani kama mfalme “O Rei“.

KUTOKA KWENYE MAGAZETI YA MICHEZO, BURUDANI NA HARDNEWS JUMATATU JUNI 11/2018 YAKIWA NA VICHWA VIKUU VYA HABARI TANZANIA

2018-06-11T10:25:00.003+03:00

TAASISI YA PAMOJA YOUTH ORGANITION YAWAFUNDA WATOTO NA VIJANA MOROGORO

2018-06-10T16:58:00.000+03:00

Mwanafunzi wa shule ya msingi ya Pamoja Youth Organization (PAYO) kutoka jijini Dar es Salaam, Mwasiti Hemes (10) akiigiza kulia katika onyesho la unyanyasahi wa watoto wakati wa uzinduzi wa uzinduzi wa kampeni maalumu ya kutetea haki za watoto na vijana iliyofanyika eneo la Areasix kata ya Kichangani leo. Picha na Juma Mtanda.

Juma Mtanda, Morogoro.
Morogoro. Watoto wa kitanzania wametakiwa kujenga ujasiri kwa kupaza sauti pindi wanapoona kuna viashiria vya unyanyasaji na vitendo vya ukatili dhidi yao kutoka kwa baadhi ya wazazi, walezi na watu wengine ili tabia hizo zisiendelee kuota mizizi.

Usiri na ukimya umekuwa ukitoa nafasi kwao kukandamizwa na kupelekea kuwarudisha nyuma kimasomo, kuathiri akili na msongo wa mawazo baada ya kutendewa matukio hayo.

Akizungumza wakati wa uzinduzi wa kampeni maalumu ya kutetea haki za watoto na vijana Manispaa ya Morogoro jana, Mkurugenzi wa idara ya shule ya taasisi ya Pamoja Youth Organization (PAYO) Dar es Salaam, Paul Gregory amesema kuwa watoto wanapaswa kuwa na ujasiri wa kufichua viashiria vya uvunjifu wa haki zao na vitendo vya ukatili.

Gregory amesema kuwa watoto wa kitanzania imefikia wakati wa kuiga kitendo cha mtoto mwenzao, Anthony Petro (10) mkazi wa Ngara aliyemzuia baba yake asiuze nyumba yao wanayoitegemea kwa kufichua jamo hilo kwa jeshi la polisi na kusaidia usitishaji wa uuzaji hivi karibuni.

“Anthony ni mwanafunzi wa darasa la kwanza kule Ngara mkoa wa Kagera na ameweza kujenga ujasiri mkubwa kwa kumzuia baba yake asiuze nyumba baada ya kwenda kituo cha polisi na kutoa taarifa ya baba yake kutaka kuuza nyumba yao wanayoitegemea.”alisema Grogory.

Grogory amesema kuwa vitendo vingi vya uvunjifu wa haki za watoto hufanywa na watu wa karibu hivyo ni vyema watoto wenyewe kuanza kupasa sauti ili jamii isaidie ikishirikiana na vyombo vya sheria kama alivyofanya Anthony.

“Siku hizi matukio mengi ya ukatili dhidi ya watoto yamekuwa yakiripotiwa kwenye luninga, redio na magazeti tofauti na zamani hivyo mkiona kuna dalili za mtu kukufanyia ukatili, kaseme jambo hilo kwa mtu mwingine atasaidia kukunusuru.”alisema Grogory.

Mwanafunzi wa darasa la nne shule ya msingi Pamoja ya Bonyoko Dar es Salaam, Mwasiti Hemes (10), amesema kuwa wana kila sababu ya watoto na vijana kuwa wajasiri hasa kwa kuwafichua watu wanaokandamiza haki zao na kuendesha vitendo vya ukatili dhidi yao.

“Ni matukio mengi wanafanyiwa watoto lakini watoto wengi wamekuwa wasiri sana hali inayopelekea matukio mengi ya ukatili, unyanyasaji na kukandamizwa kwa haki mbalimbali kutotambulika na jamii hata na vyombo vya sheria.”amesema Mwasiti.

Mwasiti ameomba serikali kutumia nafasi ya wakosaji wachache wanapelekwa kwenye vyombo vya sheria kuwachukulia hatua kali ili iwe fundisho kwa watu wengine.

Mkazi wa mtaa wa Area Six, kata ya Kichangani Manispaa ya Morogoro, Claudia Lucian amesema kuwa vitendo vya ukatili kwa watoto vimekuwa vikichangia kuporomoka kitaaluma shuleni.

Claudia amesema kuwa kuna namna ya kumwadhibu mtoto bila kumwadhiri kisaikolojia na endapo kiwango cha kuadhibu kitazidi kinatengeneza athari kuwa upande wa kiafya, kimasomo, malezi na tabia, hivyo wazazi wanapaswa kuwa waangalifu katika malezi ya watoto hasa wakati wa migogoro baina ya baba na mama.

SPIKA WA BUNGE ASHANGAZWA NA KITENDO CHA BENKI YA NBC KUIGAWIA SERIKALI FEDHA KIDOGO

2018-06-10T15:59:00.001+03:00

Dodoma. Spika wa Bunge, Job Ndugai ameiagiza Kamati ya Bunge ya Uwekezaji Mitaji (PIC) kutafuta chanzo cha Benki ya NBC kulipa gawio kidogo serikalini ukilinganisha na benki nyingine kama NMB.

Ndugai alitoa kauli hiyo jana wakati akifungua semina ya siku moja kwa kamati hiyo na uongozi wa NBC.

Spika alishtushwa na taarifa zilizotolewa kuwa katika kipindi cha miaka mitatu benki hiyo ilitoa gawio kwa Serikali Sh1 bilioni wakati wenzao wa NMB katika kipindi hicho walitoa gawio la Sh48 bilioni.

“Haiwezekani labda tuelezwe vinginevyo na hapo ndipo ninapotaka muangalie, Serikali ina hisa asilimia 30 NBC na pia kwa benki ya NMB kuna hisa kama hizo lakini malipo yanatofautiana, hapa lazima kutakuwa na tatizo naomba liangaliwe,” alisema Ndugai.

Alifafanua kuwa kwa asilimia 30 ya hisa ambazo Serikali inazo kwa benki hiyo, gawio hilo ni kidogo na linatia shaka.

Alisema benki hiyo inadhihirisha kuwa haina urafiki na wananchi kutokana na kutokuwa karibu nao kwa kushindwa kufungua matawi wala kutoa mikopo kwa wananchi wa vijijini kama ilivyo kwa benki nyingine.

Aliiagiza PIC kuyapitia mashirika yote 272 ya umma ambayo Serikali ina hisa ili kujua maendeleo yake na kuagiza waende hadi katika mashirika ambayo serikali inataka kuingia mikataba ili kuondoa malalamiko yanayoweza kujitokeza siku za usoni.

Mwenyekiti wa Kamati ya PIC, Raphael Chegeni aliitaka benki ya NBC kuacha kulala na kuamka kwani ni wakati wa kufanya kazi kwa ufanisi na serikali na wadau wengine kwani ni kipindi cha ushindani.

Kaimu Mkurugenzi wa NBC, Theobald Sabi alipotakiwa kueleza chanzo cha kutoa gawio kidogo alisema hivi sasa wanasonga mbele wakiendelea kuikuza benki kwani mwaka 2,000 ilikuwa na jumla ya mtaji wa bilioni 326 leo wanazungumzia mtaji wa benki wa Sh1 trilioni.Mwananchi

Wabunge sasa wahamia katika kuosha magari Dodoma

2018-06-10T10:10:00.002+03:00

Dodoma. Ile ajira ya kuosha magari, jana ilichukuliwa kwa muda na wabunge.

Wabunge hao walikuwa wakifanya kazi hiyo ili kuchangisha fedha za ujenzi wa vyoo vya kisasa kwa watoto wa kike shuleni.

Kampeni hiyo ya wabunge kuosha magari, imeandaliwa na Chama cha Wabunge Wanawake, ambao wamedhamiria kujenga vyoo bora kwenye majimbo yote na vitagharimu zaidi ya Sh 3bilioni.

Wabunge waliosha magari leo Juni 9, katika uwanja wa Jamhuri, na kila mmoja aliosha gari na kisha kulipwa kiasi cha fedha na mmiliki wa gari hilo.

Spika wa Bunge, Job Ndugai, aliongoza shughuli hiyo na aliosha magari kadhaa likiwamo la Mussa Azzan Zungu, na kisha kulipwa Sh1milioni.

Ndugai pia aliosha gari la Mbunge wa Urambo, (CCM) Margreth Sitta na la Mbunge wa Kuteuliwa, Salma Kikwete. Ndugai alikusanya zaidi ya Sh8 milioni.

Mbunge wa kuteuliwa Salma Kikwete naye aliosha gari la Mbunge wa Viti Maalum (Chadema), Risala Kabongo, kwa gharama ya Sh1 milioni. Zungu yeye aliosha gari la mbunge wa Kigoma Kaskazini, Peter Serukamba, na akapewa na Serukamba Sh 1milioni.

KUTOKA KWENYE MAGAZETI YA MICHEZO, BURUDANI NA HARDNEWS JUMAPILI JUNI 10/2018 YAKIWA NA VICHWA VIKUU VYA HABARI TANZANIA

2018-06-10T10:03:00.002+03:00

Saa 10 za mjamzito kituo cha polisi hadi kujifungua Morogoro.

2018-06-09T13:16:00.000+03:00

Morogoro. Saa kumi ambazo Amina Mbunda, mkazi wa Morogoro, Mang’ula alitumia akiwa mahabusu ambako aliumwa uchungu na kisha kujifungua zimeibua mjadala mkubwa katika jamii.

Mjadala ulioibuka ni jinsi alivyokamatwa kwa kosa la mumewe, alivyokosa msaada pale alipoumwa uchungu hadi kujifungua kwenye majani, nje ya kituo cha polisi cha Mang’ula, alfajiri ya Juni Mosi.

Kwa maelezo yake, Amina alisema aliwekwa mahabusu Mei 31 kwa madai kuwa mumewe, Abdallah Mrisho alinunua kitanda cha wizi.

Akizungumza na mwandishi wetu aliyekwenda nyumbani kwa Amina, eneo la Kiswaswa, Kilombero juzi, mama huyo huku akiwa amekumbatia kichanga chake cha siku saba alisema siku hiyo saa saba mchana akiwa nyumbani kwake alikuja mgambo aliyemuulizia mumewe na kumjibu kuwa hakuwapo.

Alisema mgambo huyo, aliacha ujumbe kuwa atakaporudi akaripoti kituo cha polisi, “Ilipofika saa kumi na moja jioni alikuja askari anaitwa Andrew Mapunda akiwa ameambatana na Mwenyekiti wa Kijiji cha Mgudeni, Iddi Magunila na mtu mwingine ambao walitaka kufanya upekuzi.”

Amina alisema kwamba aliwaeleza kuwa mumewe yupo safarini kikazi lakini walilazimisha kuingia ndani ili kuangalia kitanda.

Alisema watu hao waliingia ndani wakiwa na mtu anayedai kuibiwa kitanda na kudai kukuta baadhi ya mbao za kitanda kilichoibwa.

“Wakaanza kukifungua na askari wakaniambia kwa kuwa mume wangu hayupo basi niende kituoni hadi atakapojitokeza. Nilimwambia naumwa na hali yangu anaiona lakini askari akasema nikikataa nitaenda kinguvu,” alisema.

Aliongeza, “Niliomba wampigie simu mume wangu na waliongea naye, akawaomba wasiondoke na mimi kwani naumwa lakini walimkatalia.”

Alisema polisi walimchukua na kwenda naye hadi kituoni na akawekwa mahabusu.

“Ilipofika saa mbili usiku alikuja mkuu wa kituo kuniona akaniuliza kwa nini wamenileta pale nikiwa katika hali ile? Mkuu wa kituo akasema, ‘bora mngemchukua mume wake, asije akazalia hapa kituoni.’ Akanipa pole na kuondoka,” alisema.

Alisema baada ya mkuu huyo kuondoka, askari wa zamu alifika kumuangalia na kumuuliza kwa nini halali, “Nikamjibu kuwa najisikia vibaya naumwa, akaniambia nilale hadi asubuhi labda ndugu zangu watakuja kunitoa.” Alisema ilipofika saa tisa usiku uchungu ulikazana akashindwa kukaa, “Nilimuita askari mmoja anaitwa Sele, nikamwambia anisaidie kunipeleka kituo cha afya. Wakati huo ilikuwa ni saa tisa usiku. Alitoka nje na kuwaambia askari wa zamu kuwa uchungu umemzidi.

“Saa tisa inaenda saa 10 wakaanza kutafuta usafiri na kunitaka nipande bodaboda lakini ilishindikana nikajifungua hapo nje kwenye majani,” alisema na kuongeza:

“Nikasema Mungu wangu kama nimenusurika mie basi tena mtoto sina maana alidondokea chini kwenye majani nilikuwa sina kitu chochote wala mtu yeyote wa kunisaidia mpaka najifungua.”

Amina ambaye ana watoto wengine wawili, alijifungua mtoto wa kike mwenye uzito wa kilo3.5.

Baada ya kuona hali imekuwa hivyo, polisi walimwamsha mwanamke mmoja anayeishi jirani na kituo cha polisi, aliyefahamika kwa jina la mama Eneriet Kipengula ili kumsaidia Amina.

“Alikuja na kumfunika mtoto kwa sababu wakati huo hatukuwa na nguo, wakanichukua na kunipeleka kwa daktari wa eneo hilo,” alisema.

Dk huyo aliyefahamika kwa jina la Lugusha aliwasaidia kufunga kitovu na akawataka waende kituo cha afya.

Alisema iliwalazimu kutumia usafiri wa bodaboda kwa kuwa alieleza kwamba gari la polisi lilikuwa bovu.

“Saa kumi na moja alfajiri tulifika kituo cha afya na kumkuta muuguzi aliyetusaidia kukata kitovu na kumchoma mtoto sindano na tukalazwa kwa siku tatu, kuanzia Juni mosi hadi tatu” alisema.

Amina alisema hali yake na ya mtoto zinaendelea vizuri isipokuwa ana maumivu makali ya kiuno.

Akizungumzia tukio hilo hilo, Mrisho ambaye ni mume wa Amina alisema, “Kuhusu kitanda ni kweli nilinunua kwa fundi kwa Sh160,000 lakini sikujua kama ni cha wizi.”

Aliiomba Serikali kuangalia kanuni za polisi za ukamataji wa raia na kutaka haki itendeke kwa kile alichofanyiwa mkewe.

Akizungumzia sakata hilo, Diwani wa Mwaya anapoishi Amina, Adamu Sungura alisema anashangazwa na askari kumpekua mama huyo bila askari wa kike kuwapo.

“Kimaadili hawakufanya vyema, pia unawezaje kumkamata mjamzito katika hali hiyo?” alisema.

Magunila alikiri kwenda nyumbani kwa Amina kwa ajili ya kumtafuta Mrisho, “Kivumbi ilikuwa pale kwenye kuondoka kwani mama kwa hali yake aliomba kutoondoka lakini askari aligoma. Mimi nilichukua jukumu la kumpigia mumewe na kumweleza hali halisi.”

Magunila alisema baada ya polisi kushinikiza kuondoka na Amina, alimwambia (Amina) aepushe shari na akubali kwenda kituoni.

Kamanda: Sheria haizuii
mjamzito kukamatwa lakini...
Akizungumzia suala hilo, Kamanda wa Polisi Mkoa wa Morogoro, Ulrich Matei alisema hakuna sheria inayokataza mjamzito asiende kituoni au mahakamani. Hata hivyo, akasema polisi walitakiwa kuangalia mazingira.

“Ila ukielewa mazingira ya tukio unaweza kumruhusu akaendelea na shughuli zake kulingana na hali ilivyo wakati anakamatwa,” alisema kamanda.

Hata hivyo, Kamanda Matei alisema baada ya Amina kuonyesha dalili za uchungu, askari walimsaidia kumpeleka kituo cha afya kwa usafiri wa pikipiki kwa sababu gari la polisi ni bovu.Mwananchi

KESI YA KIWANGA, LIJUALIKALI YASOGEZWA MBELE, KUSIKILIZA MASHAHIDI JULAI 5 MORO

2018-06-09T09:01:00.002+03:00

Juma Mtanda, Morogoro.
Morogoro. Kesi ya jinai inayowakabili wabunge wa Mlimba, Suzan Kiwanga, Peter Lijualikali wa jimbo la Kilombero na wenzao 11 imeahilishwa hadi Julai 5 mwaka huu.

Kesi hiyo imeahilishwa kufuatia wakili upande wa utetezi, Peter Kibatala kuwasilisha barua ya kuomba kesi hiyo isogezwe mbele inayosikilizwa katika mahakama ya hakimu mkazi mkoa wa Morogoro na, Ivan Msack kutokana na majukumu mengine.

Akizungumza na wafuasi, wanachama na ndugu wa washtakiwa nje ya mahakama hiyo juzi, Mbunge wa jimbo la Mlimba, Suzan Kiwanga aliwaeleza kuwa mahakama ilipanga kusikiliza kesi hiyo leo kwa mashahidi upande wa jamhuri kutoa ushahidi lakini kesi imeghailishwa hadi Julai 5.

Tayari mashahidi wawili wametoa ushahidi kwa mashtakiwa hao kati ya mashahidi 20 wa upande wa mashtaka.

Kiwanga alisema kuwa kesi hiyo itasikilizwa mfululizo Julai 5, 6 mwaka huu huku upande wa mashtaka ikipeleka mashahidi sita.

“Niwaombe ndugu zangu muonyeshe moyo wa kutusapoti kwa kuja mahakamani tena Julai 5 na 6 ambao itasikilizwa tena mfululizo kwa mashahidi upande wa jamhuri kutoa ushahidi lakini wakili wetu, Peter Kibatala amewasilisha barua mahakamani ya kuomba kughailisha na imeridhia hadi tarehe iliyopangwa.”alisema Kiwanga.

Hata hivyo, upande wa mashtaka umeomba mahakama kuridhia ombi lao la kuongeza mashataka mengine nane baada ya awali nane na sasa yamefikia mashtaka16.

Mahakama hiyo tayari imesikiliza ushahidi wa mashahidi wawili ambao ni Mkurugenzi wa Halmashahiri ya Malinyi, Maseline Ndimbwa na afisa Mtendaji kata ya Sofi.

Ushahidi wa kwanza katika kesi hiyo ilianza kusikilizwa Mei 18 mwaka huu huku ikipangwa kusikiliza tena leo Juni 7.

NYARAKA ZA MAASKOFU LAIHENYESHA SERIKALI

2018-06-08T13:27:00.002+03:00

NI kaa la moto. Ndivyo unavyoweza kusema baada ya Serikali kuyaandikia barua makanisa ya Kanisa la Kiinjili la Kilutheri Tanzania (KKKT) na Romani Katoliki, kuyataka kuomba radhi na kufuta nyaraka zao walizotoa wakati wa Pasaka.

Mjadala kuhusu nyaraka hizo, jana uliibuka bungeni baada ya Mbunge wa Vunjo, James Mbatia (NCCR-Mageuzi), kutaka maelezo ya Serikali kuhusu hatua ya Wizara ya Mambo ya Ndani ya Nchi, kuyataka makanisa hayo kufuta nyaraka hizo na kuomba radhi.

Hata hivyo, swali hilo la Mbatia liligonga mwamba baada ya Naibu Spika wa Bunge, Dk. Tulia Ackson, kulifuta na kumtaka Waziri Mkuu kutolijibu.

Baada ya kipindi cha maswali, Kambi Rasmi ya Upinzani Bungeni, ilitangaza siku kumi kuanzia jana kuishinikiza Serikali bungeni kufuta barua zake kwenda KKKT na Baraza la Maaskofu Tanzania (TEC).

Wamesema kuanzia sasa watahakikisha wanatumia mbinu mbalimbali ndani ya Bunge, kuitaka Serikali kutoa majibu ya kina kuhusu barua hizo.

Pia kambi hiyo imeitaka KKKT na TEC kutojibu barua hizo hadi Serikali itakapowaomba radhi.

Katika hilo, Naibu Spika, alisema hata Spika Job Ndugai aliwahi kuzuia kiongozi huyo wa Serikali kujibu masuala yanayohusu imani.

“Mtakumbuka Mheshimiwa Kubenea (Mbunge wa Ubungo, Saed Kubenea) aliwahi kumwuliza hapa Waziri Mkuu kuhusu mambo ya dini na Mheshimiwa Spika alizuia suala la kiimani lisijibiwe,” alisema Naibu Spika.

Katika swali hilo, Mbunge wa Vunjo, James Mbatia (NCCR-Mageuzi) alihoji: “Kuna barua wamepewa KKKT na TEC wakitakiwa kufuta nyaraka zao za Kwaresma. Je, Serikali ina lengo gani na inatoa kauli gani kuhusiana na hili?”

MSIMAMO WA WAPINZANI
Akizungumza na waandishi wa habari kwa niaba ya wabunge wa upinzani, Mbatia alisema Waziri Mkuu ndiye msimamizi na mdhibiti wa shughuli za Serikali bungeni na swali alilouliza lilitaka kupata majibu kuhusu hatima ya KKKT na TEC.

Alisema swali kwa Waziri Mkuu lilitaka kupata majibu kwa kuwa makanisa hayo yameandikiwa barua ya kupewa siku kumi kufuta waraka wa Pasaka wa KKKT na wa TEC uliotolewa kipindi cha Kwaresma.

“Sisi tunawaomba KKKT na TEC wasiwajibu Serikali halafu waone Serikali itachukua hatua gani kwani nchi hii si mali ya Serikali.

“Waumini wako katika hamaki, viongozi hawa wa dini ni Watanzania na wana haki ya kutoa maoni, Serikali inapaswa kuwaomba radhi waumini.

“Kwa sababu hawa ni wadau wakubwa wa maendeleo ya kijamii, kiuchumi na amani ya taifa letu. Ukiwatikisa hawa leo hii hofu ya usalama ni kubwa sana.

“Waumini wako katika hamaki, viongozi hawa wa dini ni Watanzania na wana haki ya kutoa maoni, Serikali inapaswa kuwaomba radhi waumini. Mamlaka zilizotoa nyaraka hizi ni mamlaka za Bibilia na kama Serikali hii inataka kukanyaga basi,” alisema.

Kwa upande wake, Kaimu Kiongozi wa Upinzani Bungeni, Abdallah Mtolea, alisema wameamua kuyasema hayo kwa kuwa ni wazi kwamba yatakwenda kuivuruga nchi, kwa sababu taasisi hizo zinaongozwa na viongozi wa kiroho wanaoaminika kuliko wao wanasiasa.Mtanzania

KUTOKA KWENYE MAGAZETI YA MICHEZO, BURUDANI NA HARDNEWS IJUMAA JUNI 08/2018 YAKIWA NA VICHWA VIKUU VYA HABARI TANZANIA

2018-06-08T08:09:00.002+03:00

WEMA SEPETU AFANYIWA UPASUAJI WA KITABIBU MWILINI

2018-06-07T15:22:00.002+03:00

Dar es Salaam. Mwigizaji Wema Sepetu, amerejea kutoka nchini India ambapo alienda kwa matibabu.

Meneja wa mlimbwende huyo ambaye amewahi kutwaa taji la Miss Tanzania 2006, Martin Kadinda amesema amerejea juzi, baada ya kufanyiwa upasuaji mdogo.

“Wema amerejea lakini kwa sasa hawezi kuzungumza kwenye simu anahitaji kupumzika, amefanyiwa upasuaji mdogo na anaendelea vizuri,” amesema Kadinda.

Alipoulizwa kuhusu upasuaji huo, hakuwa tayari kuzungumzia kwa kina badala yake alijibu ni mambo ya wanawake.

“ Ninachoweza kukwamba ni kwamba ni upasuaji mdogo, ndiyo maana alikwenda pekee yake, tena natumia nafasi hii kuwajulisha mashabiki wake kuwa Wema anaendelea vizuri kiafya,” amesema Kadinda.

Habari kuhusu matibabu ya Wema anayekabiliwa na kesi ya kutumia dawa za kulevya, zilibainishwa wiki iliyopita baada ya kushindwa kufika mahakamani Mei 29 ili kuendelea kusikiliza kesi yake.

Mama mzazi wa mwigizaji huyo, Mariamu Sepetu alifika mahakamani hapo na kuijulisha kuwa mwanaye anaumwa yupo India kwa ajili ya matibabu.

Mama huyo alilazimika kuwasilisha nyaraka za kusafiria na kuzionyesha kwenye Mahakama hiyo badala ya za matibabu.Mwananchi

SERIKALI YAWATIKISA MAASKOFU WA KKKT, KISA WARAKA WA PASAKA

2018-06-07T12:09:00.001+03:00

SERIKALI imeliandikia barua Kanisa la Kiinjili la Kilutheri Tanzania (KKKT) ikilitaka kuufuta waraka wa Pasaka uliotolewa Machi mwaka huu vinginevyo hatua kali za sheria zitachukuliwa dhidi ya kanisa hilo.

Waraka huo uliopewa jina la ‘Taifa letu amani yetu’ ulisainiwa na maaskofu 27 wa kanisa hilo.

Ulijikita kujadili masuala ya jamii, uchumi, siasa, katiba mpya na matukio ambayo yako kinyume na kile lilichokiita tunu na misingi ya Taifa.

Jana, Mtanzania ilimtafuta Kiongozi wa Kanisa hilo, Askofu Dk. William Shoo kwa njia ya simu kuzungumzia barua hiyo ya serikali lakini hakupatikana.

Pia Mtanzania lilifika ofisi za makao makuu ya KKKT mjini Arusha kuonana na katibu mkuu wa kanisa hilo ambaye hakuweza kupatikana.

Katibu muhtasi wake alisema kiongozi huyo alikuwa nje ya ofisi akihudhuria vikao nje ya ofisi.

Mwandishi aliacha mawasiliano yake ofisini hapo baada ya kushauriwa kuacha namba yake ya simu ili apigiwe baadaye baada ya kiongozi huyo kutoka kwenye vikao.

Hata hivyo hadi gazeti linakwenda mtamboni jana usiku hakuna simu yoyote iliyopigwa kwa mwandishi kutoka makao makuu ya kanisa hilo.

Alipotafutwa, mmoja wa maaskofu waliosaini waraka huo ambaye ni Askofu wa Dayosisi ya Kaskazini Mashariki, Dk. Stephen Munga, alisema hajapata taarifa yoyote kama kuna barua yoyote kutoka serikalini ikizungumzia waraka huo.Mtanzania

KUTOKA KWENYE MAGAZETI YA MICHEZO, BURUDANI NA HARDNEWS ALHAMISI JUNI 07/2018 YAKIWA NA VICHWA VIKUU VYA HABARI TANZANIA

2018-06-07T09:52:00.001+03:00

MCHUNGAJI WA KANISA AZAMISHWA MAJINI NA MAMBA WAKATI AKIWABATIZA WAUMINI ZIWANI

2018-06-06T17:22:00.001+03:00

Mchungaji wa Kiprotestanti Docho Eshete aliyekuwa akibatiza watu katika ziwa Ayaba kusini mwa Ethiopia ameuawa na mamba.

Mashambulizi yaliyo karibu na mji wa Arba Minch yanahusishwa na kupunguza idadi ya samaki ambacho ni chakula cha Mamba na hivyo kuanza kuvamia watu na kuwaua.

Mchungaji, Docho, ndo kwanza alikuwa ameanza kumbatiza mfuasi wa kwanza kati ya themanini waliokwenda kufanyiwa huduma hiyo katika ziwa Ayaba, huko Ethiopia wakati mamba aliporuka nje kutoka majini na kumchukua mchungaji huyo.

Mchungaji alijitahidi kupambana na kujiokoa na mashambulizi ya mamba huyo ambaye alikuwa amemsababishia majeraha makubwa.

Wakazi wa eneo hilo ikiwa ni pamoja na wavuvi walijaribu kutumia nyavu ili kumuokoa na mamba huyo asimwingize kwenye kina kirefu ndani ya ziwa hilo lakini hata hivyo juhudi zao hazikuweza kuokoa maisha ya mchungaji huyo na walichoweza ni kuopoa mwili wake baada ya kuwa tayari amefariki.

Watu wanaoishi karibu na ziwa hilo katika mji wa Arba Minch wanasema uvuvi uliopindukia umesababisha kupungua kwa chakula cha mamba na matokeo yake mamba wamekuwa wakionekana wakiwinda kando kando ya Ziwa

WATU 10 WAPOTEZA MAISHA BAADA YA KUTOKEA AJALI YA TRENI NA BASI LA ABIRIA KIGOMA

2018-06-06T16:37:00.000+03:00

Watu 10 wamefariki katika ajali iliyotokea baada ya basi la abiria lililogongana na treni eneo la Gungu katika manispaa ya Kigoma Ujiji, kaskazini magharibi mwa Tanzania.

Kwa mujibu wa taarifa kutoka ikulu, ajali hiyo ilitokea majira ya saa 12:15 asubuhi leo.

Basi hilo la abiria ambalo linamilikiwa na kampuni ya Prince Hamida linadaiwa kugongana na treni lilipokuwa linatoka Kigoma Mjini kwenda Tabora.

Treni hiyo ya mizigo ilikuwa ikitoka Kazuramimba kwenda Kigoma Mjini.

Rais wa Tanzania John Magufuli ametuma salamu za rambirambi na kuwtaaka „wadau wote wa usalama barabarani kuchukua hatua madhubuti za kuzuia ajali hizi."

"Vyombo husika, chukueni hatua kali kwa wote wanaokiuka sheria za usalama barabarani," amesema.

Mbunge wa Kigoma mjini Zitto Kabwe amesema eneo ilipotokea ajali hiyo hutokea ajali za aina hiyo mara kwa mara.

"Nimezungumza na Mkurugenzi Mkuu wa Shirika la Reli Tanzania ( TRC ) na tumekubaliana kuwa tuweke kizuizi ( barrier ) Katika eneo hili ambapo reli ikatiza barabara," amesema.

„ Hii itasaidia sana kupunguza ajali za namna hii. Mkurugenzi wa TRC Bwana Masanja Kadogosa amekubali ushauri huu ambao Wananchi wengi wa Kigoma Mjini wamekuwa wakiutoa."

WAZIRI NDALICHAKO AWATAKA WATANZANIA KUWAENZI MARIA NA CONSOLATA UVUMILIVU NI SILAHA KATIKA MAISHA

2018-06-06T15:00:00.002+03:00

Iringa. Waziri wa Elimu, Sayansi na Teknolojia Joyce Ndalichako aliwataka watanzania kuwaenzi pacha walioungana, Maria na Consolata Mwakikuti kwa kujituma katika kazi.

Akizungumza katika ibada ya kuaga miili ya pacha hao waliofariki dunia katika hospitali ya mkoa wa Iringa, Juni 2, 2018, Profesa Ndalichako amesema pacha hao wameifundisha jamii kuwa uvumilivu ni silaha pekee katika maisha.

Amesema jamii inapaswa kujenga utamaduni wa kuwapenda na kuwaenzi watu wenye ulemavu na kutowafichwa kwa kuwa hakuna anayeijua kesho.

"Maria na Consolata mmelala hapo mbele Mungu awape pumziko la milele, maisha yenu yamekuwa ushuhuda mkubwa kwetu," amesisitiza.

Profesa Ndalichako amesema hakuna haja ya kutengeneza mafarakano kuanzia ngazi ya familia, "Maisha yao duniani yamekuwa ya kujituma na ushuhuda mkubwa kwetu."

Kuhusu elimu yao, Profesa Ndalichako amesema Serikali iliwapatia ruzuku na sio mkopo kama ilivyo kwa wanafunzi wengine.

Kwa upande wake Naibu Waziri, Ofisi ya Waziri Mkuu anayeshughulikia Walemavu, Ikupa Alex amesema mambo mawili ya kujifunza kutoka kwa pacha hao ni kutokata tamaa na kujiamini.

“Walemavu wengi hawajiamini kwa sababu tangu kwenye familia wameandaliwa mazingira ya kutojiamini, walemavu wenzangu tujiamini," amesema ambaye pia aligusia miundombinu ya baadhi ya majengo nchini kutokuwa rafiki kwa walemavu.Mwananchi

Miili ya pacha walioungana Maria, Consolata yaanza kuagwa Iringa

2018-06-06T09:11:00.003+03:00

Miili ya pacha walioungana Maria na Consolata imewasili kwenye viwanja vya Chuo Kikuu cha Katoliki Ruaha Iringa (Rucu).

Tukio la kuagwa kwa pacha hao limetangazwa kuwa ni la kitaifa na Mkuu wa Wilaya ya Iringa, Richard Kasesela ameeleza kuwa Rais John Magufuli ni miongoni mwa walioguswa na kuhuzunishwa na vifo hivyo.

"Huu ni msiba wa kitaifa Rais angehudhuria ila amebanwa na ratiba Waziri wa Elimu, Profesa Joyce Ndalichako na Naibu Waziri Ofisi ya Rais, Sera, Bunge na Walemavu, Stella Ikupa wataudhuria hapa," amesema Kasesela.

Mkurugenzi wa Bodi ya Mikopo, Abdul-Razaq Badru ni miongoni mwa watu waliohudhuria akaeleza kusikitishwa na vifo hivyo kwa kuwa vimezuia pacha hao kutotimiza ndoto zao za kuwa wanataaluma.

Anatumia nafasi Hiyo kuwasihi wanafunzi kutambua mikopo inayotolewa ni rasilimali muhimu, Serikali inalenga kuwawezesha ili wawe wataalam watakaosaidia nchi.

KUTOKA KWENYE MAGAZETI YA MICHEZO, BURUDANI NA HARDNEWS JUMATANO JUNI 06/2018 YAKIWA NA VICHWA VIKUU VYA HABARI TANZANIA

2018-06-06T08:55:00.005+03:00

DC KILOMBERO, WALEMAVU WANA HAKI YA KUPATA ELIMU

2018-06-05T17:32:00.001+03:00

Mkuu wa wilaya ya Kilombero mkoa wa Morogoro, James Ihunyo kulia na Amon Mwambasi wakimnyanyua mwanafunzi wa darasa la tano shule ya msingi Lufulu kata ya Ching'anda, Ezra Mwambasi (12) kumweka katika baiskeli ya magurudumu matatu baada ya kupata msaada kutoka kwa mwandishi wa gazeti la Mwananchi Morogoro, Juma Mtanda kwa kushirikiana na marafiki na kutoa vifaa vya shule vyote vikiwa na thamani ya zaidi ya sh350,000 katika hafla fupi iliyofanyika shuleni.

KILOMBERO. Mwanafunzi wa darasa la tano shule ya msingi Lufulu, wilayani Kilombero ambaye ni mlemavu Ezra Amon Mwambasi, pamoja na kukabiliwa na changamoto mbalimbali za kimaisha bado ameonekana kufanya vyema kitaaluma.

Mwanafunzi huyo pamoja na kuonekana kuishi katika mazingira yasiyo rafiki, lakini bado hali imepelekea kushika nafasi ya nane kwenye matokeo ya wilaya katika mtihani wa taifa wa darasa la nne na kuingia darasa la tano kwa mwaka 2017 Kilombero mkoani Morogoro.

Akizungumza na wananchi katika hafla ya kukabidhiwa baiskeli ya magurudumu matatu kwa mwanafunzi huyo mwenye ulemavu shuleni hapo jana, Mkuu wa wilaya ya Kilombero, James Ihunyo, alisema watu wenye ulemavu wana haki ya kupata huduma mbalimbali za kijamii ikiwemo elimu.

Ihunyo aliwataka wazazi wenye watoto wenye ulemavu kuhakikisha wanawapeleka shule ili wapata elimu, na kuacha tabia ya kuwafungia majumani.

Alisema kumekuwa na tabia kwa baadhi ya wazazi kuwaficha watoto wenye ulemavu huku akiwasihi kujifunza ujasiri wa kukabiliana na mambo mbalimbali yanayotokea katika familia.

“Angalieni kama wazazi wa Ezra wangeamua kumfungia mtoto wao ingekuwaje, waliamua kumpeleka shule na leo ameonyesha kipaji kikubwa darasani licha ya changomoto zinazomkabili,”alisema Ihunyo.

Mkuu huyo wa wilaya alikabidhi baiskeli hiyo ilitolewa na mwandishi wa gazeti hili la mwananchi na vifaa vya shule kwa kushikiriana na marafiki vyenye thamani ya zaidi ya sh 350,000.

“Niwapongeze wazazi wa Ezra Mwambasi kwa kitendo chenu cha kumpeleka shule lakini niwaombe wananchi wote wa eneo hili na wilaya hii msiwe na tabia ya kuwaficha majumbani watoto wenu walemavu, ”alisema Ihunyo.

Ezra Mwambasi (12) akizungumza mara baada ya kupokea baiskeli hiyo alisema baiskeli hiyo itamsaidia kusafiri na hata kwenda shule kwa wakati, kuwatembelea marafiki na kuitumia kwenda kwenye katika mitihani ya shule ya ujirani mwema ambayo alisema alikuwa akiikosa kwa muda mrefu.

“Nashukuru Mungu kwa kuniwezesha kupata msaada huu wa baiskeli kwani itanirahisishia kutoka nyumba kwenda shule na maeneo mengine

lakini pongezi ya pekee ni kwa rafiki yangun Juma Mtanda na marafiki zake kwa kupata wazo la kuniwezesha upatikaji wa baiskeli,”alisema Ezra.

Mwalimu mkuu wa shule ya msingi Lufulu, Fadhil Mkhoi alisema kuwa mwanafunzi huyo amekuwa mwenye kuonyesha juhudi kubwa darasani kwa kufanya vyema kitaaluma tangu akiwa shule ya awali na kuendelea kushikaa nafasi ya kwanza hadi msingi.

“Kuna changamoto nyingi za kimazingira zimejitokeza ama anakabiliana nazo mwanafunzi huyu ikiwemo kutokuwepo vyoo vya maalumu lakini hilo halijawa kikwazo kwake la kumrudisha nyuma kimasomo,”alisema Mkhoi.

Kipa wa soka 'asingizia jereha' ili aweze kufungua mwezi wa Ramadhan

2018-06-05T15:26:00.002+03:00

Kikosi cha kombe la dunia cha Tunisia kimepata njia ya kukabiliana na uchovu huku wakiendelea kufunga mwezi mtukufu wa Ramadhan.

Katika mechi za kirafiki dhidi ya Ureno , aliyekuwa kipa wa Uturuki, Mouez Hassen alionekana kusingizia jeraha wakati funga hiyo ilipokamilika saa za jioni.

Alipokuwa akilala uwanjani ili kupata matibabu , wachezaji wenzake walikimbia hadi nje ya uwanja ili kunywa maji na tende.

Na hatua hiyo ilileta matokeo. Wakiwa nyuma 2-1 dhidi ya mabingwa wa Ulaya 2-1 Ureno, Tunisia walisawazisha dakika sita baada ya jeraha la Hassen na hivyobasi kumaliza mechi hiyo ikiwa 2-2.

Siku chache baadaye dhidi ya Uturuki, Hassen alisitisha mchezo kwa kulalia mgongo wake.

Kwa mara nyengine wachezaji wenzake walikula tende na kunywa maji waliyopewa na wahudumu wa kitendo cha ukufunzi . Mechi hiyo ilikwisha 2-2. Beki Ali Maaloul (L) anaonekana hapa akila tende Na baadaye anachukua tama la maji alilopewa na muhudumu wa kitengo cha ukufunzi.

Wachanganuzi nchini Tunisia kwa haraka walichunguza wakati kipa huyo aliposingizia kuumia katika mechi zote mbili katika dakika ya 58 na 47 mtawalia.

Muda huo uliingiana na muda wa Iftar ambapo Waislamu hufungua mwezi wa Ramadhan kwa kula tende na maji. Shirikisho la soka nchini Tunisia bado halijazungumzia kuhusu mapumziko hayo ya jeraha.

Lakini kipa Hassan alituma ujumbe wa Twitter: ''Niliumizwa, [akiweka emoji za kucheka]' akimjibu mchezaji mwenza Chaker Alhadhurt aliyejibu: ''Ni sawa sasa tunajua ulikuwa aukidanganya''

Haipatikani tena
Macho yote sasa yatakuwa yakimlenga kipa wa Tunisia wakati timu hiyo itakapocheza mechi nyengine ya kirafiki dhidi ya Uhispania tarehe 9 Juni.

Mechi ya kwanza ya kombe la dunia dhidi ya timu hiyo ya Afrika kaskazini itafanyika Uingereza Juni 18 wakati ambapo Ramadhana itakuwa imekamilika. Tunisia ni miongoni mwa timu tamno za Afrika katika kombe la dunia

Ramadhan ni nini?
Wakati wa Ramadhan, Waislamu hutakiwa kutokula chakula, maji na kutoshiriki katika tendo la ngono kutoka alfajiri hadi jioni.

Lengo lake ni kufanya ibada na kujizuia .Nia ya kutaka kufunga lazima ifanywe usiku kabla ya mtu kulala ama wakati wa chakula cha daku.

Inaruhusiwa kutofunga wakati wa Ramadhan miongoni mwa Waislamu iwapo mtu ana tatizo la kiakili, anahisi kiu kikali, anasafiri ama iwapo maisha yako yapo hatarani iwapo hutafungua.

SIMULIZI ILIYOJAA SIMANZII NA MACHUNGU KWA MARIA NA CONSOLATA KUTOKA HOSPITALI YA MUHIMBILI

2018-06-05T12:35:00.001+03:00

Dar/Iringa. Chanzo cha vifo vya pacha walioungana Maria na Consolata Mwakikuti ni kusinyaa kwa mapafu hivyo kusababisha kufeli kwa upumuaji wao.

Hayo yalielezwa jana na Mkuu wa Kitengo cha Magonjwa ya Ndani wa Hospitali ya Taifa Muhimbili, Dk Pauline Chale ambaye alibainisha kwamba madaktari walifahamu kuwa ugonjwa huo ungekuwa na madhara kwao.

“Kiutaalamu tulijua kwamba ipo siku presha ya mapafu itapanda na kusababisha shinikizo la moyo na mapafu ambapo hiyo ndiyo iliyosababisha kifo chao,” alisema Dk Chale ambaye ni daktari bingwa wa magonjwa ya ndani na mapafu.

Alisema walipowapokea Februari 3 katika kitengo cha wagonjwa mahututi (ICU), Mwaisela walikofikishwa kutokana na tatizo la kupumua lililoambatana na maambukizi ya bakteria katika mfumo wa upumuaji, jopo la madaktari lilifanya kazi mbili kubwa; kuchunguza nini kilichokuwa kinasababisha homa ya mapafu na kwa nini inashindwa kupona.

“Tulianza kuchukua sampuli ya makohozi kutambua aina gani ya bakteria wanaoleta tatizo la maambukizi na kubaini ni ‘Klebsiella Pneumoniae’. Ilitusaidia kujua na kuchagua aina sahihi ya dawa, walitibiwa kwa dawa stahiki na maambukizi ya mapafu tulijiridhisha yamekwisha.”

Sababu ya upumuaji hafifu
Dk Chale alisema ili kubaini kwa nini pacha hao walikuwa na upumuaji hafifu, waliamua kufanya vipimo vya mapafu kupitia kipimo cha CT Scan ya kifua iliyoonyesha umbo la nje la kifua chao na mfumo wa njia za hewa na mapafu yenyewe ambacho kilionyesha wote wawili walizaliwa pia na ulemavu wa kifua na uti wao wa mgongo.

“Hiyo shepu ya kifua ilichangia na ushindwaji wa kupumua ambao kwao lilikuwa ni tatizo endelevu na kadri walivyokuwa wanazidi kukua, upumuaji wao ulikuwa unazidi kuwa hafifu,” alisema.

Alisema katika uchunguzi huo walibaini hata ukubwa wa mapafu ulikuwa mdogo uliobana hasa kwa Maria ambaye alikuwa chini ya mwenzake.

“Maria alikuwa na mapafu madogo sana na hata kiwango cha oksijeni kilichoingia kwenye kifua chake kilikuwa kidogo, hivyo vyote vilichangia kuendelea kusinyaa kwa mapafu yao,” alisema Dk Chale.

Alisema kutokana na hali hiyo, Muhimbili ilizungumza na familia ambayo ilitaja matatizo ambayo walizaliwa nayo tangu wakiwa wadogo. “Kwa sababu maambukizi ya mapafu yalikwishapona, tukajiridhisha wanaweza kuwachukua na kuendelea kuwatunza nyumbani, lakini inabidi wawe na vifaa maalumu vya kuweza kupumua.”

Alisema Aprili 30 waliwaruhusu lakini kutokana na maandalizi ya jinsi ya kuwafikisha Hospitali ya Mkoa wa Iringa waliondoka Mei 17 wakiongozana na muuguzi aliyebobea kuhudumia wagonjwa mahututi na daktari aliyebobea katika magonjwa ya dharura.

Dk Chale alisema kwa kipindi chote walichokuwa Iringa walikuwa wakiwasiliana na daktari bingwa, Dk Faith Kundy ambaye aliwapatia maendeleo yao.

“Daktari bingwa Dk Faith alishanipigia simu nikamwelekeza jinsi ya kufanya na aliweza kutatua kila tatizo lililotokea, lakini saa 72 kabla ya kifo chao hakukuwa na mawasiliano yoyote na kifo cha namna hiyo kinakuwa ni ghafla huwezi kujua kitakuwaje, tulijua ikifika hatua hiyo ingekuwa ni ghafla,” alisema.

Walikuwa wadadisi katika tiba
Moja ya vitu ambavyo viliwafanya madaktari wawe makini ni jinsi Maria na Consolata walivyokuwa wakifuatilia na kutaka kujua kila kitu ikiwamo kwa nini walimeza dawa ya aina fulani na kwa sababu gani.

Dk Chale alisema haikuwa kazi kubwa kuwaelewesha katika matibabu yao kwani wao pia walikuwa na juhudi kujua kuhusu afya zao. “Kwa kipindi chote walihitaji kujua matibabu yao yanakwendaje, kabla ya kufanyiwa tiba fulani kutokana na upeo waliokuwa nao walihoji na hata wakati mwingine kuomba ushauri pia nini wafanye kuepuka madhara zaidi ya kifua,” alisema.

Walichagua pa kuzikwa
Pacha hao ambao walifariki dunia Jumapili usiku mjini Iringa, watazikwa kesho kwenye makaburi ya Tosamaganga.

Akizungumzia mazishi hayo, Mkuu wa Shirika la Maria Consolata, Jane Nugi alisema uamuzi huo umefikiwa kutokana na matakwa ya pacha hao ambao katika uhai wao walichagua kuzikwa kwenye eneo wanalozikwa viongozi wa madhehebu ya Katoliki na kwamba msiba wao upo kwenye nyumba ya shirika hilo Kihesa, Iringa kwa kuwa ndio nyumbani kwao. “Wakati wakiumwa walisema wangetamani kuhifadhiwa tunakohifadhiwa sisi hivyo watazikwa kwenye makaburi ya Tosamaganga,” alisema.

Mkuu wa Wilaya ya Iringa, Richard Kasesela alisema jana kuwa pacha hao wanaandaliwa jeneza moja lenye mfumo wa watu wawili, misalaba miwili na kwamba watazikwa katika kaburi moja.

Kuhusu ratiba, Kasesela alisema wataagwa kesho katika viwanja vya Rucu ambako pia kutakuwa na ibada maalumu itakayoanza saa nne ikisimamiwa na maaskofu, Tarcisius Ngalalekumtwa wa Jimbo la Iringa na Alfred Maluma wa Jimbo Katoliki Njombe.

Makamu Mkuu wa Rucu, Pius Mgeni alisema, “Tumeshaanza maandalizi ya ujenzi wa jukwaa kwa ajili ya kuwaaga.”

Mlezi wa wanafunzi wa Ruco, Martha Magembe alisema walilazimika kuunda zamu za kulala na kushinda hospitali na pacha hao baada ya walezi waliokuwa nao Muhimbili kutakiwa kupumzika.

Walivyokabidhiwa kwa masista
Alisema walikabidhiwa watoto hao na wazazi wao mara tu walipozaliwa katika hali hiyo. Kuhusu hilo, familia ya watoto hao jana ilizungumzia ilivyoshiriki kuwalea licha ya kuwa walikuwa chini ya uangalizi wa masista.

Mama mkubwa wa pacha hao, Anna Mushumbusi alisema tangu walipozaliwa walikuwa karibu nao wakifuatilia maendeleo yao lakini hawakuweza kuwachukua kulingana na hali waliyokuwa nayo.

Kaka yao wa kwanza, David Mwakikuti alisema baada ya wazazi wao kufariki walichukuliwa na ndugu upande wa mama na kwenda kulelewa Bukoba. “Tulilelewa vizuri na kwa upendo ndio maana leo hii wote tumesomeshwa, wajomba na shangazi zetu hawakutuacha kabisa,” alisema.

Maria na Consolata ni wazaliwa watatu wakiongozwa na kaka yao David, dada yao Editha na mdogo wao wa mwisho Jackline.

David alisema wakati Maria na Consolata wakisoma Chuo Kikuu cha Kikatoliki cha Ruaha (Rucu), Editha anasoma Chuo Kikuu cha Mtakatifu Augustine (Saut) na Jackline anajiandaa kuanza masomo ya sekondari.

David ambaye alisoma Chuo Kikuu cha Dar es Salaam (UDSM) kozi ya takwimu, anafanya kazi katika shirika linalojishughulisha na masuala ya kijamii la OM lilipo Dar es Salaam.

“Hatukuwa na uwezo wa mawasiliano zaidi lakini tulikuwa tukiwaomba walezi wetu na kuja kuwatembelea ndugu zetu ambao kwa wakati wote walikuwa wanalelewa na Shirika la Maria Consolata,” alisema.

David alisema mara ya mwisho kukutana na Maria na Consolata ni wakati wakiwa wamelazwa Hospitali ya Taifa ya Muhimbili.

“Nakumbuka wakati nilipoonana na wadogo zangu waliniambia katika maisha yangu nijitahidi kuwasaidia wengine wasiojiweza hata kama nilichonacho ni kidogo, kiukweli ninayo mengi ya kujifunza kutoka kwa ndugu zangu,” alisema.

Alisema wamemfundisha kupigania ndoto zake bila kujali vikwazo vinavyoweza kumsimamisha.

Mama mkubwa, Anna alisema walikuwa wakifuatilia malezi na makuzi yao tangu walipozaliwa.

“Taarifa ya kuzaliwa kwao tuliipata siku za saba baadaye, wakati huo hakukuwa na mawasiliano kama haya ya sasa kwa hiyo niliondoka Dar es Salaam na kwenda Makete.”

Alisema alipofika na kuuliza mipango, aliambiwa tayari watoto walikuwa wamekabidhiwa kwa masista wa Shirika la Maria Consolata kulingana na hali zao.

“Tuliheshimu ridhaa ya wazazi wao waliyoitoa kuwa watoto watakuwa chini ya masista, kazi yetu ilikuwa kuja kuwaona kila tunapopata nafasi,” alisema.

Siri ya majina ya Maria na Consolata
Wengi wamekuwa na maswali kuhusu majina ya Maria na Consolata yanayofanana na shirika lililowalea. Sista Jane alisema baada ya kuzaliwa, wazazi wao waliamua kuwakabidhi kwao kulingana na hali waliyokuwa nayo na hivyo kutakiwa kuwapatia majina.

“Baba yao mzazi Mwakikuti aliposhauriwa kuwabatiza baada ya kuzaliwa kutokana na hali waliyokuwa nayo aliomba masista watoe majina hivyo yule aliyekuwepo akawaita Maria na Consolata,” alisema.

Sista Jane alisema waliwalea watoto hao katika mazingira ya kiimani wamjue Mungu na kuwafundisha upendo.

Alisema walipomaliza darasa la saba katika Shule ya Msingi ya Ikonda, wilayani Makete waliwapeka Kilolo katika shule yao ya Maria Consolata walikohitimu kidato cha nne.

Alisema wakiwa huko waliwajengea nyumba na kuwaandalia mazingira mazuri ya kuishi huku wakiwa chini ya uangalizi wa viongozi wa Maria Consolata.

Alisema hadi wanamaliza kidato cha sita katika Shule ya Sekondari ya Udzungwa mpaka wanaingia Rucu walikuwa karibu nao kwa kila hatua.

KUTOKA KWENYE MAGAZETI YA MICHEZO, BURUDANI NA HARDNEWS JUMANNE JUNI 05/2018 YAKIWA NA VICHWA VIKUU VYA HABARI TANZANIA

2018-06-05T09:36:00.000+03:00

BWAWA LA KIDUNDA KUMALIZA UPUNGUFU WA MAJI KWA WAKAZI WA PWANI NA DAR, WAZIRI ATEMBELEA ENEO LA MRADI MOROGORO

2018-06-04T22:02:00.001+03:00

Waziri wa Maji na Umwagiliaji, Mhandisi Isaack Kamwelwe akimzsikiliza mbunge wa jimbo la Kusini, Omari Mgumba wakati wa ziara ya waziri huyo kushoto kutembelea eneo litakalojengwa bwawa la maji la Kidunda mkoani Morogoro. Picha zote na Juma Mtanda.

Waziri wa Maji na Umwagiliaji, Mhandisi Isaack Kamwelwe katikati na Mkurugenzi wa halmashauri ya wilaya ya Morogoro, Sudi Mpili kushoto wakizungumza mbunge wa jimbo la Morogoro kusini, Omari Mgumba.

Waziri wa Maji na Umwagiliaji, Mhandisi Isaack Kamwelwe kushoto akimsikiliza Mwenyekiti wa bodi ya Wakurugenzi Mamlaka hiyo, Profesa Felix Mtalo (katikati) wakati wa ziara ya waziri huyo kutembelea eneo litakalojengwa bwawa la maji la Kidunda mkoani Morogoro na kulia ni Afisa Mtendaji Mkuu Mamlaka ya Majisafi na Majitaka Dar es Salaam (DAWASA), Mhandishi Romanus Mwang’ingo.

Waziri wa Maji na Umwagiliaji, Mhandisi Isaack Kamwelwe akizungumza jambo katika ziara hiyo.
Waziri wa Maji na Umwagiliaji, Mhandisi Isaack Kamwelwe (Mwenye kofia ngumu) akielekezwa jambo na Profesa Filex Mtalo wakati wa ziara hiyo, wa kwanza kulia ni Afisa Mtendaji Mkuu Mamlaka ya Majisafi na Majitaka Dar es Salaam (DAWASA), Mhandishi Romanus Mwang’ingo
Kutoka kulia ni Mkuu wa wilaya ya Morogoro, Regina Chonjo, Waziri Kamwelwe (Mwenye kofia ngumu), Mkuu wa mkoa wa Morogoro, Dk Kebwe Steven na Afisa Mtendaji Mkuu Mamlaka ya Majisafi na Majitaka Dar es Salaam (DAWASA), Mhandishi Romanus Mwang’ingo wakiwa kwenye picha ya pamoja na viongozi wengine mara baada ya kumalizika kwa ziara hiyo. Waziri Kamwelwe kulia na Afisa Mtendaji Mkuu Mamlaka ya Majisafi na Majitaka Dar es Salaam (DAWASA), Mhandishi Romanus Mwang’ingo kushoto wakiondoka eneo la mto Ruvu baada ya waziri huyo kumaliza kukagua eneo hilo litakalo jengwa tuta kwa ajili ya bwawa la maji Kidunda.

Mkuu wa mkoa wa Morogoro, Dk Kebwe Steven kulia akizungumza na Waziri Isaack Kamwelwe, kushoto ni Mbunge wa jimbo la Morogoro Kusini Omari Mgumba.

Waziri wa Maji na Umwagiliaji, Mhandisi Isaack Kamwelwe kushoto akizungumza na Afisa Mtendaji Mkuu Mamlaka ya Majisafi na Majitaka Dar es Salaam (DAWASA), Mhandishi Romanus Mwang’ingo (katikati) na Mkurugenzi Mkuu wa Shirika la Taifa la Hifadhi ya Jamii (NSSF), Prof. Godius Kahyarara wakati wa ziara hiyo.

Meneja Uhusiano Jamii wa Mamlaka ya Majisafi na Majitaka Dar es Salaam (DAWASA), Neli Msuya akimweleza jambo Waziri Kamwelwe wakati wakielekea kumuonyesha jiwe lenye alama iliyowekwa mwaka 1967 na wakoloni kama sehemu ya ujenzi wa bwawa hilo. Waziri Kamwelwe wa pili kutoka kushoto akionyeshwa alama ya jiwe (Chini) katika ziara hiyo.
Waziri Mhandisi Kamwelwe akifurahia jambo na Mbunge Mgumba muda mfupi baada ya kumaliza kukagua eneo litakalojengwa bwawa la maji la Kidunda.

Sehemu ya eneo la Kidunda

Mkazi wa Kidunda akisubiria madereva waliokuwa kwenye msafara wa waziri ili kumpata fedha baada ya kutengeneza daraja kutokana na eneo hilo kuwa bovu kutokana na miundombinu ya barabara kuharibika na mvua za masika.

BWAWA LA KIDUNDA MOROGORO MKOMBOZI UPATIKANAJI WA MAJI YA UHAKIKA PWANI, DAR

Na Juma Mtanda, Morogoro.
Serikali ipo kwenye hatua nzuri ya kuanza ujenzi wa kujenga bwawa la maji la Kidunda litakalokuwa na uwezo wa kuhifadhi maji mita za ujazo 190 milioni baada kuvunwa kutokana na mvua za masika ili kuwezesha mitambo ya uzalishaji maji ya mto Ruvu isiteteleke katika kipindi cha mwaka.

Akizungumza na viongozi mbalimbali katika eneo la Kidunda mkoani Morogoro jana, Waziri wa Maji na Umwagiliaji, Mhandisi Isaack Kamwelwe alisema kuwa bwawa hilo litakuwa na nyingi ikiwemo kuzalisha umeme, upatikanaji wa maji ya uhakiki kwa wakazi wa Dar es Salaam na viwanda baada ya kukamilika ujenzi wake.

Mhandisi Kamwelwe alisema kuwa moja ya faida ya kwanza bwawa hilo litazalisha umeme wa megawati 20 na kutoa faida ya mitambo ya maji ya Ruvu kuendelea kuzalisha maji mwaka mzima bila kuteteleka kutokana na kupungua kwa kina cha maji vipindi vya kiangazi.

“Serikali imekuwa ikisisitiza kuwekeza sekta ya viwanda na vimekuwa vikitumia zaidi maji hivyo lazima tujipange kwa kutengeneza miundombinu bora ya upatikanaji maji ya uhakika lakini na umeme umekuwa sehemu ya matumizi makubwa kwenye viwanda.”alisema Mhandishi Kamwelwe.

Katika ziara hiyo, Mwenyekiti wa bodi ya Wakurugenzi Mamlaka ya Majisafi na Majitaka Dar es Salaam (DAWASA), Profesa Felix Mtalo alimweleza, Mhandishi Kamwelwe kuwa baada ya kukamilika kwa ujenzi wa bwawa hilo litakuwa na uwezo wa kuhifadhi maji lita za ujazo milioni 190.

Profesa Mtalo alisema kuwa michakato mbalimbali tayari imefanyika ikiwemo kulipa fidia wananchi wa eneo la mradi na upanuzi wa barabara kutoka eneo la barabara kuu ya Morogoro-Dar es Salaam.

“Michakato mingi imefanyika, Mhe Waziri na iliyobakia ni michache michache ambayo inaendelea kufanyiwa kazi ikiwemo kuhamisha makaburi na mambo mengine ya kitalaamu.”alisema Profesa Mtalo.

Kaimu Afisa Mtendaji Mkuu Mamlaka ya Majisafi na Majitaka Dar es Salaam (DAWASA), Mhandishi Romanus Mwang’ingo alisema kuwa mpaka sasa mamlaka hiyo tayari imelipa fedha za fidia kiasi cha sh11 bilioni kwa wananachi 2603 wa vijiji viwili ili kupisha mradi huo.

Mhandishi Mwang’ingo alisema kuwa wananchi hao waliolipwa fidia wamegawanyika katika makundi mawili ya vijiji na wale waliopisha barabara.

Alitaja vijiji vilivyopisha mradi huo kwa upande wa bwawa kuwa ni Bwila Chini yenye vitongoji vya Kwatupa, Kwagonzi, Vikonge, Kariakoo, Nyagongo na Mnambala huku kijiji cha Kiurumo kikiwa na vitongoji vya Vidwali, Mikoroshini na Mbuyuni.

Kwa upande wa barabara ni pamoja na Matuli, Kwaba, Chanyumbu, Mkulazi na Diguzi.

“Kukamilika kwa ujenzi wa bwawa la Kidunda kutasaidia mitambo ya maji ya Ruvu kufanya kazi kipindi chote cha mwaka maana, kipindi cha kiangazi mto Ruvu umekuwa ukipungua maji na mitambo yake kuwa katika wakati mgumu wa kufanya kazi.”alisema Mhandishi Mwang’ingo.

Mradi wa ujenzi wa bwawa la Kidunda utapoanza utajengwa kwa kipindi cha miaka miatatu hadi kukamilika kwake na bwawa hilo litakuwa na maisha kwa miaka 30 huku likitarajiwa kuwa na uwezo wa kuachiliwa maji mita za ujazo 24 kwa sekunde na kuwezesha mitambo ya maji ya Ruvu kufanya kazi kipindi chote cha mwaka mzima.

Sababu za kifo cha Maria na Consolata inasikitisha

2018-06-04T15:45:00.001+03:00

"Maumbile ya Maria na Consolta ndio sababu kubwa iliyochangia kifo chao" Daktari Mseleto Nyakiloto ameeleza hayo alipozungumza na BBC.

Mseleto Nyakiloto ambaye ni daktari bingwa wa upasuaji na mganga mfawidhi wa hospitali ya Iringa ameeleza chanzo kilichopelekea wasichana hao kufariki ni tatizo la njia ya hewa.

"Mmoja alitangulia na mwingine alifariki baada ya dakika kumi,Maria ndio alikuwa ana tatizo la kiafya kwa kuwa mapafu yake yalishindwa kufanya kazi na huyu mwingine alikufa kutokana na viungo vingi katika mwili wao wanavitumia kwa pamoja".Dr.Nyakiloto aeleza.

Hata hivyo daktari huyo aliongeza kwa kusema kwamba mzunguko wa hewa na damu ndio umesababisha kifo cha cha mwingine hivyo matarajio ya mmoja kupona yasingewezekana. Maria na Consolata walikuwa wakitumia kwa pamoja baadhi ya viungo vyao.

Aidha daktari Nyakiloto amesema mapacha wa aina hii wapo wa aina nyingi ingawa muda wa maisha yao huwa unatofautina kutokana mazingira pia; kuna wale ambao hata hawafikii hatua ya kuzaliwa,wengine wanakaa muda mfupi wanafariki na wengine ndio wanajitahidi wanafikia umri mkubwa kama ya kina Maria na Consolata wameweza kufika miaka 21. Maria na Consolata walipokuwa na miaka sita

Mwaka 2004,BBC iliandika juu ya watoto hawa mapacha ambao walikuwa na miaka sita kuwa maisha yao yako kwenye mashaka.

Tatizo kubwa ambalo lilikuwa linawasumbua ilikuwa mapafu yao yana uzito mkubwa kuliko mwili wao.

Madaktari walikuwa na hofu juu ya tatizo la mmoja linaweza kusababisha mwingine kuathirika na kuwafanyia upasuaji,kutaongeza tatizo kuwa kubwa zaidi.
Maria aliwahi kula kwa ajili ya mwenzake kwa miaka mitano. Miguu yao ilikuwa sehemu kubwa ya mwili wa Maria na Consolata

Miguu yao ilikuwa imechukua sehemu kubwa ya mwili,

Kwa Maria mguu wake wa kulia ndio ulikuwa na nguvu wakati Consolatha ulikuwa wa kushoto na miguu yao mengine ilikuwa haifanyi kazi.

Walikuwa na vichwa viwili,mioyo miwili na mikono minne.

Na walikuwa wanatumia viongo vingine kwa pamoja kama tumbo,ini,sehemu ya uke na haja.

Maria alikuwa na matatizo ya kiafya tangu alipozaliwa ,alikuwa na shida ya kupumua ingawa licha ya kuwa alikuwa ana uwezo wa kula chakula zaidi ya mwenzie.

Maria alikuwa akila kwa niaba ya ndugu yake kwa takribani miaka mitano na nusu ndipo Consolata na yeye alipoanza kula mwenyewe.
Wanatumia baadhi ya viungo kwa pamoja

Dr Rainer Brandl aliiambia BBC Network Africa mwaka 2004, kuwa mapafu yao yalikuwa hayako sawa kwa namna ambayo hawawezi kuimili miili yao na hayawezi kuongezeka zaidi.

Na kilichobaki ni kuwaombea ili waendelee kuishi kwa matumaini.

Katika maisha yao kutegemeana ndio jambo la kubwa na kawaida katika maisha yao,kwa mfano Maria akitaka kwenda chooni atamjulisha mwenzie na vivyo hivyo kwa Consolata.
Maisha yao yalijawa na ndoto nyingi
Maria na Consolata wakiwa na Rais wa Tanzania,John Magufuli

Maria na Consolata walikuwa ni walikuwa katika maisha yenye matumani na walitamani siku moja kuwa walimu na waliweza kuingia chuo kikuu kusomea masomo ya ualimu.

Licha ya kuwa zamani walikuwa ndoto tofauti lakini baadae waliweza kuwa na nia moja ya kuwa walimu.

Walikuwa wanatofautiana pia katika tabia,fikra na hata kuongea.

Awali mmoja alipenda kuwa daktari na mwingine kuwa sista lakini badae wote wakapenda kuwa walimu. Kazi ya ualimu ilikuwa ndoto ya Maria na Consolata

Wanapenda vitu tofauti pia kuna ambaye alikuwa anapenda muziki wa bongo fleva na mwingine injili.

Watoto hao pia walikuwa wanagombana na kupatana .

Maisha yao yalikuwa ya neema kutokana na mazingira waliyokulia na wanafunzi wenzao waliona kuwa watoto hao walikuwa chachu katika jamii kutowatenga watoto walemavu.

Ndoto yao kuwa pia ambayo waliibainisha walipozungumza na BBC ni kwamba walikuwa wanamatumaini ya kuolewa na mume mwerevu na watayeweza kumsaidia na asione kuwa wao ni tegemezi.
Mapacha walioungana wakoje?

Mapacha walioungana huwa ni wachache sana kutokea au kuwepo ,katika watoto laki mbili wanaozaliwa kila mwaka anazaliwa mtoto mmoja tu wa aina hiyo.

Watoto wengi huwa hawawezi kuishi ,hufa mara baada ya kuzaliwa au mimba huharibika.

Watoto hawa uzaliwa katika uzao wa yai moja,hufanana na wana jinsia moja.

Kuzaliwa kwa watoto hawa huwa kuna hali ya kustaajabisha,kwa ujumla Watoto hao wanaweza kuishi wakizaliwa katika hali hiyo huwa ni kati ya asilimia 5 mpaka asilimia 25

Katika rikodi za historia zinasema kwamba mapacha wa kuungana wengi wanaoweza kuishi kwa muda mrefu ni wa kike,kwa asilimia 70
Mapacha walioungana wamegawanyika katika sehemu tatu

•73% wameunganika kuanzia kwenye kifua na tumbo

•23% wanakuwa wameunganika katika sehemu ya chini ya mapaja na miguu

•4% wanakuwa wameunganika kichwa
Mapacha walioungana waliowahi kuwa maarufu duniani Mapacha Eng na Chang

Kwa miaka mingi mapacha walioungana wameendelea kuishi kutokana na matokeo ya tafiti nyingi zilizofanywa na majaribio mengi ya upasuaji yaliyofanyika

Mapacha wa kwanza wa kuungana waliojipatia umaarufu mkubwa duniani walijulikana kama 'siamese' majina yao yalikuwa ni Eng na Chang .

Mapacha hao walizaliwa mwaka 1811 waliweza kuishi kwa miaka 63 na kufanikiwa kupata watoto 22 kutoka kwa wadada wawili ndugu waliowaoa wakiwa na umri wa miaka 21,Chang alikuwa na watoto 12 na Eng watoto 10.

Walipozaliwa jamii ilitaka kuwauwa lakini kwa kudhaniwa kuwa wataleta mikosi na walioneka kuwa nio viumbe wa ajabu.
Mapacha wa kuungana na maisha yao ya ndoa

Katika karne ya ishirini,mapacha wa kuungana walikuwa wanazuiwa kuoa au kuolewa nchini Marekani

Na hii iliibua hisia za wengi pale ambapo wanamuziki ambao ni wacheza filamu wa nchi hiyo Daisy na Violet walipotaka kuolewa. Daisy na Violet mapacha waliokuwa wacheza filamu

Watu wengi waliwaona kuwa maumbile yao hayawezi kuwaruhusu kuolewa au kupata wenza ingawa mapacha wenyewe wanajiona wamekamilika.

Kwa upande wa Chang na Eng ambao walifanikiwa kuoa, maisha yao ya ndoa yalikuwa na changamoto nyingi hasa pale ambapo wake zao walipoanza kugombana na kupelekea wake hao kuishi kwenye nyumba mbili tofauti.

Kwa maisha yao yote mapacha hao walikuwa wanaishi kwa mke mmoja siku tatu na mwingine siku tatu.

Vilevile mapacha kutoka Tanzania,Consolata na Maria ndoto yao kubwa baada ya shule ni kuolewa na mume mmoja.