Kamliam

KTP Week 2025 Guide bu zirna

noreply@blogger.com (Dawnga Chinzah) — Sun, 31 Aug 2025 16:05:00 +0000

Upa Joseph L. Chinzah (L) In

Dt. 03.06.2025 (Thawhlehni) zanah Upa Joseph L. Chinzah (L) inah Guide Book zirna a zan thum nan kan nei a, he hunah hian a vawi khatna atan kaihruaitu atana ruat ka ni. Thupui hawngtu atan Gloria Lalkhawngaihdawngi niin, zirlai 3-na "Sual simna leh Pathian rinna" tih kan zir a ni.

Upa Joseph L. Chinzah (L) In

Member kal kan thahnem hle a, a bikin KTP Junior lamte an thahnem hle a, hei hian hruaituteah phurna nasa tak pein kan tang lehzual a ni. Kum 2025 Week Guide Book zirna hi Kohhran Hall siamthat a nih avangin in lama hman a ni a, kum dangah chuan Kohhran Hall-ah kan hmang thin a ni.

Sawiho tur atana chhawp chhuahte chu hengte hi an ni :

1. Isua Krista ringtu, sual sim lovin a awm thei a ang em?

2. Baptisma hi sual sim chhinchhiahna, Isua rinna leh piantharna ang a ngaih a ni a, baptisma chang tawhte hi piangtharah kan ngai/ruat thei a ang em?

3. Piangthar tawh Isua ringtu hi a sual leh thei ang em?

4. Kristian Thalaite he engti zawngin nge Krista zuitu/ringtu tha kan nih theih ang? Sawiho ni se la.

Upa Joseph L. Chinzah (L) In

A zan thumna ka hruai zan hian KTP Junior lam an ding tha hle mai a, an huaisenna a fakawm rualin an thusawi a tha hlawm hle. Hetia naupang lam an rawn din mawlh mawlh avang hian upa lam leh hruaitute tan chona leh phurna nasa takin min pe a, kan hlawk tlang hle a ni. Kei ngei pawh chona leh phurna min pe nasa zual a; tin, programme kaihhruai pawh a nuam hle a ni.

Upa Joseph L. Chinzah (L) In

Pathian kaihhruaina changin hruaitute duhsakna Pathian kaltlangin ka dawng nasa hle a. KTP ka inhman tirh atangin Ephatha Sub-Committee (Kohhran Chanchinbu buatsaihtu) atangin bul min tantir a, tichuan eng engah emaw te chanvo min pe ve zelin, phak tawk tein, tling lo tak chungin kan ti ve zel a ni.

Kum 2025, february ni 2-ah Executive Member atana thlan ka ni ve a, hemi zan hian Rev. Vanlalmalsawmdawngkima'n Biak Inah tawngtaina min neihsak a ni.

Executive Member ka nih hma hian Mission pual fehchhuah Dt. 14.07.2023 (Pathianni) @1:30 pm Kohhran Hall-ah kaihhruaitu (Chairman)-a ruat ka ni a, thalai inkhawm Biak Inah Dt. 21.07.2023 (Zirtawp zan) ah a vawikhat nan tanna hun ka hmang bawk a ni. Kohhranpui thawhlawm chhiartu atan kum 2023, July thla chhung ruat ka ni a; tin, Sunday School, Junior Department-ah hian kum 2023, 2024 leh 2025-ah zirtirtu atana ruat ka ni bawk.

Executive Member ka nih hnua KTP thalai inkhawmnaa chair ka lak hmasak ber tum chu Dt. 13.06.2025 a ni a, ka thusawi hmasak ber chu Dt. 29.08.2025-ah thalai inkhawm Biak Inpuiah a ni. Pathian min hruaina hi ka tan a ropui hle a, kohhran bel mumal lovin thangkhat lian zet hun ka hman hnuah a mite kaltlanga rawngbawl ve theihna hun leh hmun min buatsaihsak hi ka tan a hlu em em a ni. Amaherawhchu, Pathian leh ka rawngbawlpuite hmaah tlin lohna leh fel lohna tam tak nei chungin insit tak leh inthlahrung tak chungin ka kal ve zel a, mawhphurna hlen theih loh changte hian min tichau thin a. Inthlahrunna leh insitna a lian em em thin a, chuti chungin Lalpa a tha a, min hruai zel a ni.

Kum 2025-a KTP Week puala Guide Book zirna chu a hlawhtling hlein ka hria a, mimal ina kan zir thin avangin lam hla deuha kal tumte pawh a awm a; mahse, kan kal kim tha thei hle mai a ni.


Chairman, Tual Upa Lallianthuama Hnialum, Upa Vanlaltlanchhunga In


Pu K. Lalrothara, Upa Vanlaltlanchhunga In

Upa C. Simon-a In

Chairman, Pu K. Lalrinchhana (Conductor), Upa Vanlaltlanchhunga In

Dam chhung ni chhiar dan dik

noreply@blogger.com (Dawnga Chinzah) — Sun, 31 Aug 2025 09:46:00 +0000

Sam 90:12 :

Kan dam chhûng nite chhiar dân tûr

min zirtîr ang che,

Finna thinlung kan neih phah hialna tûrin.

Tawpna Hla : KHB 338

(Lalpa ram lak tumin khawvelah hian)

Mihring dam hun chhung :

Sam 90 : 10 - Kan dam chhûng kumte chu kum sawmsarih a ni a, Chakna avângin kum sawmriat pawh a ni thei e; Nimahsela, a reina chu thawhrimna leh lungngaihna mai a ni; A ral thuai a, keini pawh kan thlâwk bo ṭhîn a nih hi.

Sam 90 na hi Mosia tawngtaina tih a ni a, kum 120 a dam a ni. Mosia hian “Kan dam chhûng kumte chu kum sawmsarih a ni a, chakna avângin kum sawmriat pawh a ni thei e” tiin a sawi a, kan Bible-ah a inziak a ni. Ethel Caterham, UK mi chu mihring dam mek zinga upa ber niin kum 116 a ni. Mi thenkhatin Sam 90 naa mihring dam chen hi kum 70 tih hi ni loin Gen. 6.3 beh chhanin kum 120 a nih zawk thu sawite pawh an awm ve bawk. Engpawh ni se, hetiang lam chu kan sawi tur a ni lo va, mihring dam chen chu engtia rei pawh ni se, kan dam chhung ni chhiar dan zawk hi a pawimawh leh tul zawk chu a ni.

Jakoba 4:14 ah chuan ‘Naktukah chuan eng nge lo awm dawn in hre si lo. In nunna chu eng nge ni? Chhum rei lo te lo langa, ral leh ta mai thin ang hi in in si a’ a ti a ni. Hei vang hian kan dam chen chu kum engtiang pawh lo ni se, chatuan nena khaikhin chuan hun rei lo te a ni.

Engkim siamtu leh remruattu Pathianin he khawvela kan cham hun chhung leh nakin – thih hnu piahlam hun tur nen lam min buatsaihsak a, kan dam chhung hun hman dan tur chu kan chhia leh tha hriatnaa innghat niin, nakin – thih hnu piahlam hun hriltu a ni. He khawvela hun kan hman dan hian kan chatuan hun a hril avangin kan chhiar thiam a tul hle a ni.

Mizo Essayist hmasa ber – Thlirtu tih ziaktu Kaphleia khan, “Kan dam rei leh kan dam rei loh te hi kum te, thla te hian a hril lo ve, kan thu leh kan thil tihin a hril ber zawk a ni” a lo ti a; ni e, dam chhung ni kan chhiar dik chuan kan thlarau khawvel mai piah lamah, he khawvela mitthi kan nih tawh hnu pawhin mite thinlungah kan nung reng dawn a ni.

Dam chhung ni chhiar dan dik :

1. Rinawm taka nun :

Thupuan 2:10 – Thih thlengin rinawmin lo awm rawh; tichuan, nunna lallukhum ka pe ang che.

Pathian thuah thupek tiamnei kan hmu a, thih thlenga atana kan rinawm chuan nunna lallukhum min pek a tiam a, a thutiama rinawm thin Pathian a nih avangin min pe ngei dawn a ni. Kan thih hun tur tumahin kan hriat lawk loh avangin inring renga kan awm a tul a. Chuvangin, kan nitin nunah leh kan thil tihna kawng engkimah rinawmna kan vawng tlat tur a ni.

Josefa kha phatsanna hunah te, saltanna hmunah te leh lung in chhungah te pawh Pathian tan a rinawm tlat a, a tawpah Pathianin a chawimawi ta a ni tih kan hria. Harsatna leh manganna hmunah pawh Pathian tana rinawm tlattu chu Pathianin a hre reng thin a ni.

Tirhkoh Paula kha Pathian tana rinawmin Chanchin Tha hril hna thih thlengin a thawk a, Rom-ah a lu tan niin, a martar a ni. Hetiangin Isua zirtirte pawh kha thih thlengin Isua tan rinawmin an martar a nih kha. Isua Krista ngei pawh khan thih thlengin Pa thuzawmin rinawm takin a tih tur a hlen a ni.

Keini thalaite hian Pathian tana kan rinawmna fiahna kawngah hlawhchham chang kan lo nei tawh thin ang; amaherawhchu, Lal Davida meuh pawh a hlawhchham ve tho a nih kha, mahse, inchhirin Lalpa lam a hawi leh a ni tih kan hmu a ni. Chuvangin, zanin atangin Lalpa tana thih thlenga rinawm thei turin kan inbuatsaih a tul hle a ni.

Kan mihringpuite chunga rinawm tur kan ni a, kan hnathawhna leh thil tihna kawngah pawh rinawm takin kan ti thin tur a ni. Hei hi Pathian tana kan rinawmna fiahtu ber pawh a ni.

2. Chhel taka nun :

Rom 5 : 3-5 - Kan hrehawmnaah pawh lawmin i awm ang u, hrehawmna chuan chhelna a siam a, chhelna chuan hriat fiahna a siam a, hriat fiahna chuan beiseina a siam tih kan hre si a.

Joba te, Nova te, Abrahama te, Josefa te, Paula te leh Isua Krista ngei pawh kha mi chhel tak an ni a, Pathian thutiam thlen theihna tura tawrhna thuah te, nghahna thuah te, Chanchin Tha hrilna kawngah te harsatna leh hrehawmna tam tak tuar chungin chhel takin Pathian tan an rinawm a ni.

Ringtu nunah chuan a hma lama kan sawi angin ‘Rinawmna’ hi kan nunpui tur a ni tih a chiang hle a, thih thlenga rinawm tura thupek pawh kan ni reng a ni. Thih thlenga rinawm tlat thei tur chuan chhelna kan neih a ngai a ni.

Vawiina ka rinawmna hi naktukah ka phatsan thei a, thlemna ka hneh theihte hian engtik niah emaw chuan min la hneh let thei bawk. Chuvangin, hun harsa leh hrehawm kan tawn hunin, Pathian tana kan rinawmnate pawh phat hial mai theihna hun – thlemna a lo thlen hunah chhel taka kan tuar a tul thin a ni. Hun harsa leh khirhkhanah te hian Lalpa hmel a lo lang fiah zawk thin a, kan hlim ni leh lawm lai niah te hian Pathian hlamchhiah a awl thin khawp mai!

Nun nghet tak nei turin chhel a tul a, chhelna siamtu hrehawmna chu fiahna a nih rualin Krista chu lungpui nghet a ni tih fiahtu a ni – amaha innghattute chuan nun nghet an neih thin avangin.

3. Midangte chunga hmangaihna lantir :

1 Johana 4:8 - Hmangaihna nei lo chuan Pathian a hre lo; Pathian chu hmangaihna a ni si a.

Pathianin khawvel a hmangaih em em a; chutichuan, a fapa mal neih chhun a pe a, tih kan Bible-ah kan hmu a, hmangaihna hi keini tan bul tanna a lo ni. Pathianin min hmangaihna chu thilpekin a lan fiahtir a, keini tan chhandamna kawng inhawnna thu a ni. Isua Krista chuan a pa thu zawmin thih thlenga rinawmin chhel takin hrehawm tinreng tuarin Kraws lerah khaikan a ni a, chhandamna hna kan tan a hlen tawh a ni.

Hmangaihten malsawmna an chan theih nan hmangaihtu’n a tuar a tul si thin.

Keini ringtute hian Pathian hmangaihna kan chhan let theihna kawng chu midangte chunga hmangaihna kan lantir ve hi a ni. Pathian chu hmangaihna a nih avangin kan chunga a thatna te hi a thlawna kan pumbilh mai a rem ti lo va, midangte hnenah pawh hmangaihna kan lantir ve hi a duhdan a ni. Kan chenpui te, kan thian te, kan hnathawhpui te leh kan rawngbawlpui te chungah hmangaihna kan lantir thin tur a ni. Hmangaihna lantir dan tur chu hetiang hian Bible-in min hrilh a ni.

Hmangaihnain a dawh thei a, ngil a nei bawk ṭhîn; hmangaihnain a îtsîk lo va; hmangaihna a infak lo va, a uang lo va, a che mawi lo lo va, mahni hma a sial lo va, a thinur duh lo va, sual lamah a ngaihtuah lo va; fel lohnaah a lâwm lo va, thutak erawh chu a lawmpui ṭhîn a; engkim a tuar hrâm hrâm a, engkim a ring a, engkim a beisei a, engkim a tuar chhuak ṭhîn.

Kan rawngbawlna kawngah hian theihtawp chhuahin, thahnemngai takin programme te ti hlawhtlingin tlingtla vek thinin, zaipawlah te telin mawi takin zai thin pawh ni ila, khawvel thiamna leh hmingthanna te pawh nei mah ila, hmangaihna kan neih si loh chuan kan thiltih eng pawh chu engmah lo mai a ni ang a, Pathian hre lo mi chauh kan ni tihna a ni dawn a ni.

A tawp berah chuan Lalpa tih hi finna bul a ni, tih ziak a nih angin, kan dam chhung ni te kan chhiarna kawngah finna thinlung kan lo neih theih nan Lalpa i tih ang u. A chunga kan sawi tak – Rinawmna, Chhelna leh Hmangaihna te hi Lalpa tihtu nunpui turte an nih angin kan dam chhung ni chhiarna kawnga min finchhuahtu atana kan nuna kan lantir turte an ni.

Lalpan a thu malsawm rawh se.

(29th August, 2025 - KTP Inkhawm (Zirtawp Zan), Biak Ina ka thusawi hmasak ber)

FIFA 15 Career Mode-a ka Squad

noreply@blogger.com (Dawnga Chinzah) — Mon, 26 Mar 2018 12:47:00 +0000

Fifa Game hi Serchhipa ka kan khelh thin lai chuan Tournament te siamin kan inkhelh chhawk thin. Zan tin deuh thaw hi kan khel a, chawlhniah te phei chuan nilengin kan khel thin. Kan khelh hi 2014 a ni a, Keyboard hlirin kan khel thin a, kan inthut chhawk zel thin. Chelsea ka hmang thin.

Tichuan, Computer kan kawl ve takah chuan Fifa 15 hi Aizawl-ah ka lei ve chawm a. Phur na men lovin ka phur a ni ber a. Chumi atang chuan ka khel ve ta thin a ni. Computer ka kawl ve tak hnuah chuan Game-Pad hmangin ka khel thin tawh thung a. A nuam zawk viauin ka hria. Manager Mode-ah hian Manchester United Club ka thlang a. Ka player duh thlang khawmin tui takin ka khel ve thin a ni.

Manager Mode-ah hian Manchester United ka hmang na a, Player thar ka lei deuh vek thung. Manchester United Player pangngai tak chu pakhat lek ka hmang a, a bak zawng chu player naupang, Potential sangho ka khawm. Tin, Free Agent atangin mi tlem te ka hmang bawk a, an tha ve fu mai. Tin, a man tlawmte hi enkawl an nuam.

A hnuaia mite hi Starting XI te an ni:

Subtitution Bench-a thu te:

Reserve Players te:

Player te hi an thu ngaihchan ve a ngai thin. Khel lova thut reng te hi an duh lo. Chutianga kan ngaihsak loh viau emaw, kan khelh that tir lohva, kan chhawr ngun viau loh chuan an lungawi loh thu hi an lo thlen thuai thin. Chutiang hnu pawha an beisei kan la tihhlawhtlin duh loh cheu chuan lungawi lovin chhuah an duh thin a, a buaithlak duh angreng viau thin. Chuvangin kim taka khelhtir thin tur a ni. Subtitution te hi siam ziah a tha. Tin, an that avanga a ngai ngawr ngawr luhtir hi a tha lo, kan chhawr rim tawngkhawng chuan an chau ve thin a, inhliam an sam em em a ni. Manager tha tak ni tur chuan Player te thu ngaihchan a, an theihna leh dinhmunte chiang taka chhut thin tur a ni.

A hnuaia Ads hi min lo click sak ve dawn nia. I vawikhat click te mai kha ka tan malsawmna a ni a; midangte tana malsawmna ni turin han click ve teh le. A harsa lo va, click zuai a, back leh nghal mai kha a ni.

SQUAD REPORT:

Goal Keepers:

Mattia Perin:

Mattia Perin hi Goal Keeper atan ka hmang a, Season tan tirah kum 22 chauha upa a ni. Potential 85 a nei a, a la naupang bawk a, hman a nuam khawp mai.

Mattia Perin

Rudy Arze:

Free Agent atangin Rudy Arze hi ka la bawk a, a chang changin ka hmang. Perin hi ka hmang rim hle, Overall pawh a in Up chho ve zel.

Rudy Arze

Attackers:

Richairo Zivkovic:

Ajax Striker, Richairo Zivkovic hi kum 19 chauha upa niin Season-ah bul a tan a, Overall hi 69 in a intan a, 85 thlengin Potential a nei. Hman a nuam khawp mai. Dribbling leh Shooting-ah a pangngai viau.

Richairo Zivkovic

Jeje Lalpekhlua:

Tin, Jeje Lalpekhlua hi ka lei ve tho bawk a. Reserve Player te zingah ka dah. A chang changin ka luhtir thin a, a khel tha ve thei fu a, Goal pawh a khung ve nual tawh nghe nghe.

Jeje Lalpekhlua

Midfielders:

Midfielder te hi ka thlang uluk a, sum pawh ka seng nasa hle a ni.

Cristiano Ronaldo:

Ronaldo hi a man a to khawp mai; mahse, Messi erawh a pha lo thung. Overall-ah hian 92 in a intan a, a kum hi a upa tawh a; kum 30 a ni. Tunah hian a Overall hi 93 ah a in up tawh a, a chak tha khawp mai. A ball a nghet tha a, Shooting hi a nei tha em em a, Pace, Dribbling leh Physical-ah te a sang hle. A tha khawp mai!

Cristiano Ronaldo

Neymar:

Neymar hian kum 23 in Season a tan a, Overall hi 89 ah tanin 91 thlengin Potential a nei. Man to pawl tak a ni. Shooting, Passing, Pace leh Dribbling a tha a, Physical-ah tlemin a hniam deuh na a, Dribbling-ah hian a tha lawr lak a ni. Dribbling Master tih te in an sawi hial thin.

Neymar

Stephan El Shaarawy:

Milan Player, El Shaarawy hian kum 22 in bul a tan a, Overall hi 78 niin 84 thlengin Potential a nei a. Dribbling, Shooting leh Pace a tha a, a dang hi chu a pangngai viau. Ka Player duh berte zinga mi a ni.

Stephan El Shaarawy

Paul Pogba:

Pogba hi a tha hle. A len ang aiin hman a nuam, a chak bawk a, thak tak a ni, tha tak. Juventus Player a ni a, ka lei hmasak berte zinga mi a ni. Kum 21 a upa in Season a tan a, Overall hi 83 ah tanin 89 thlengin Potential a nei a. Player tha tak a ni. Physical ah a sang hle a, Shooting ah a tha leh a, a dangah pawh a pangngai viau.

Paul Pogba

Cesc Fabregas:

Fabregas hi ka duh aiin a upa a, nakin lawka ka hralh turte zinga mi a ni. Kum 28 ah Season a tan a, Overall hi 85 a ni a, Potential a neih belh lovin ka hria. Hman ve chhin mai mai atana ka lei lailawk a ni. That chu a tha pangngai ve khawp.

Cesc Fabregas

Alen Halilovic:

Allen Halilovic hi kum 19 chauhvin Season a tan a, Overall-ah 65 chauhvin bul tan mah se, 86 thlengin Potential a nei. A la naupang nain a tha khawp mai. Season a kal zel ang a, a tha tulh tulh mai dawn a ni. Physical ah a hniam deuh va; mahse, Dribbling ah a tha a, a dangah pawh rual pawl tawk vel a ni.

Alen Halilovic

Lazar Markovic:

Liverpool Player, kum 20 a upa, Markovic hian Overall ah 78 in tan mah se, 87 thleng Potential a nei a, a tha ve pangngai khawp. Physical ah hniam deuh mah se Pace leh Dribbling ah a sang. Tin, a dangah pawh a rual pawl tawk vel tho a ni.

Lazar Markovic

Raheem Sterling:

Kum 19 chuaha upa, Liverpool Player, Sterling hi a tha hle. Overall ah 80 in a tan a, 89 thlengin Potential a nei. A rang em em a, a tlan chak hle bawk. Pace ah a sang hle a, Dribbling a tha a, a dang pawh a pangngai viau. Physical erawh a hniam deuh, Player hman nuam tak a ni.

Raheem Sterling

Levin Oztunali:

Werder Bremen Player, Oztunali hi kum 19 in Season a tan a, Overall ah 68 in a tan a, 86 thlengin Potential a nei. Dribbling a tha pangngai a, a dangah pawh a pangngai thawkhat viau.

Levin Oztunali

Bilal Ould-Chikh:

FC Twente Club Player, Ould-Chikh hian kum 18 ah Season a tan a, a Overall hi 67 a tanin 85 thleng Potential a nei. Player naupang tak ni mah se, a tha ve phian. Hman a nuam khawp mai. Physical ah a hniam a, Pace leh Dribbling ah chuan a pangngai ve fu.

Bilal Ould-Chikh

Patrick Roberts:

Kum 18 a upa, Overall 65 a bul tan leh 85 thlenga Potential nei, Fulham Player, Roberts hi Player naupang zualte zingah chuan hmantlak pawl tak a ni. Physical a hniam a, a dangah pawh a la hniam viau tho na in, a Potential te ngaihtuahin a tha pangngai khawp mai.

Patrick Roberts

Idir Alessandrini:

Alessandrini hi chu Free Agent atanga ka lak a ni a, sawi zui tur vak pawh a awm lo. Ka Player te an inhliam changa ka luhtir ve thin a ni. Tin, Free Agent atanga lak te hi enkawl an nuam a, an phunchiar ve lova, a hahdamthlak.

Idir Alessandrini

Defenders:

Defender te hi ka thlang uluk a, Player naupang, Potential nei sang leh tha te ka leikhawm.

Mattia De Sciglio:

De Sciglio hian kum 21 mi niin Season a tan a, Overall ah hian 76 a tanin 86 thlengin a Potential a nei. Player tha tak a ni. Diffender mah ni se, Dribbling ah pawh tha pangngai tak a ni.

Mattia De Sciglio

Aymeric Laporte:

Kum 20 niin Season a tan a, Overall ah 81 a tanin 88 thleng Potential a nei. Physical ah a tha a, a tangkai em em a ni. Defender tha leh hman nuam tak a ni a, tunah hian a Overall hi 86 ah a kai chho tawh a ni.

Aymeric Laporte

Raphael Varane:

Varane hian kum 21 in Season a tan ve a, a Overall hi 81 atanga tanin 88 thlengin Potential a nei a ni. Physical leh Pacing ah a tha a, hman a nuam hle. Tin, a palian bawk a, a tangkai em em a ni.

Raphael Varane

Luke Shaw:

Ani hi Manchester Player pangngai a ni a, ani chiah hi ka hralh chhuah loh awm chhun a ni. A that em avangin ka hralh phal lo. Kum 19 a nihin Season a tan ve a, a Overall hi 75 atanga tanin 86 thlengin Potential a nei. Physical ah a pangngai a, Pacing ah a tha a; tin, Dribbling ah a tha em em bawk. Tunah hian a Overall hi 84 ah a kai chho tawh a ni.

Luke Shaw

Kurt Zouma:

Zouma hian kum 20 ah Season a tan a, 75 ah Overall tanin 85 thlengin Potential a nei a, Player tha leh chak tak a ni. Physical ah a sang hle.

Kurt Zouma

Dzhamaldin Khodzhaniyazov:

Khodzhaniyazov hi Zenit Club tan a khel a. Kum 19 ah Season a tan a, Overall hi 67 ah tanin 81 thlengin Potential a nei. Ani hi rual pawl tawka Player tha a ni.

Dzhamaldin Khodzhaniyazov

Marco Ariaudo:

Ani hi Free Agent atanga ka lak a ni a, a tha lem lo. Sawi zui vak tur pawh a awm lo. Player chau zual thlaktu atan ka hmang mai mai thin.

Marco Ariaudo

Manager Mode a khelh hian Player lar tak, thiam tak leh tha tak tak te hi an man a to thin em em a. Lei mai an harsa thin. Chuvangin Player man tlawm, naupang leh Potential nei sang si te hi zawn peih a ngai thin. Tin, enkawl an nuam a, thu an awihin an phunchiar ve lova, a hahdamthlak a ni. Player tha sa chu lungawi lohna pui hi an nei tam thin a. Game tina khelh an duh a, an duh anga kan tihpuitlin thin loh chuan an lungawi lova, Club atanga chhuah an duh mai thin. Chuvangin Player tuaitir tha bawk si te hi enkawl an nuam zawk em em a ni. Season a kal zel a, an lo upa ve tial tial a, chutiang hunah chuan Player naupang te hi an tangkai hle. Player tha sa, lar tak tak te hi chu Season a lo rei telh telh a, an upa tulh tulh a, enkawl an buaithlak thin.

Tin, hlawh chungchangah pawh Player tuaitir te hi chuan an phut sang lova, sum remchem thu hla ah a hahdamthlak a. Player lar leh Senior tawh te hi chuan an phut sang thin a, sum dinhmun vawnna ah harsatna an thlen thin.

Palak Dil lamtluang

noreply@blogger.com (Dawnga Chinzah) — Sat, 24 Mar 2018 09:53:00 +0000

Dt. 21.03.2018 (Nilaini) khan Palak Dil tlawh turin Govt, Saiha College, final semester zirlaite chu kan kal a. He trip-ah hian zirlai 14 leh zirtirtu 3 - Sir, Benjamin Francis Nohro, Sir, Vanlaltlanchhunga leh Sir, Dr. Thokchom Budha Singh te nen kan ni a, kan hlim tlang hle. He trip hi Saiha College zirlai, final semester te puala buatsaih a ni a, NSS leh Program eng eng emaw hmanga bultum niin final semester zirlai a duh apiangte tana kal theih tura ruahman a ni. Amaherawhchu, mi 17 vel chauhin hming kan thehlut a, a kal tak phei chu 14 chauh kan ni.

Dt. 21.03.2018 (Nilaini) tuk chhuak chu a thiang tha a, kan tum ram panin zinkawngah chuan hla sain kan zai a, fiamthute kan thawh hova kan hlim tlang hle. Palak Dil zinkawng kan zawh chhung hian zirlai thenkhat, kan zinga kal ve te chu an khua kan luh apiangin an chhungten thingpui tuihnai tak min lo buatsaih sak zel a, kan haw lamah pawh chutiang chuan min lo buatsaihsak leh zel bawk a, an ti ropui khawp mai.

Palak Dil hi Saiha atangin km 94 a ni a. Saiha leh Palak Dil inkara khaw awmte chu - Zero, Mobyu, Theiva, Theiri, Tipa (Tuipang), Siatlai, Zyhno, Khopai, Vahia, Kiahsi leh Phura khua te an ni. Kan kal lamah hian Siatlai thlen hma khawdai waiting shed-ah kan chawfunte chu changel chungah thetin puar el euhin kan ei a. Hosteller te siam, vawksa chhum tuihnai zet chu kan hmeh bawk a, kan puar tlang ngei mai.

Palak Dil hnaih ber khua hi Phura a ni a, Phura khuaah hian kan hnunga tlan, kan zirtirtute chuanna motor kan lo nghak a. Darkar chanve chuang zet kan nghak a ni. Phura hi tlailam dar 3 velah kan thleng a, Phura khua atang hian Palak dil chu darkar chanve vel emaw lek tlan a ni tawh.

Tlai lam dar nga bawr velah Palak dil kan thleng a, a lo nuam hle mai. Main Gate a lo awm ruau mai a, a sirah hahchawlhna nuam zet hi an lo sa bawk a.

A hnuaia Ads hi min lo click sak ve dawn nia. I vawikhat click te mai kha ka tan malsawmna a ni a; midangte tana malsawmna ni turin han click ve teh le. A harsa lo va, click zuai a, back leh nghal mai kha a ni.

Main Gate atang chuan thui lo te kan lut thla a, kawngpui sirah chuan a hnuai ami ang hi a lo intar thla thluah hlawm a.

Tichuan, ding lamah Gate pakhat a lo awm leh a. Chumi kawtah chuan kan ding a, motor pawh chu chutah chuan kan hnutchhiah ta a.

Gate pahnihna kan luh hnu chuan a hmuna chawlhbuk an sak pahnih leh choka lian tha tawk tak pakhat hi a lo awm a. Tui a hnianghnar tha a, choka sirah tuizem pangngai zet hi an siam a, a haw tha hle a ni. A piahah chuan Bathroom leh inthiarna a awm bawk.

Palak Dil riahbuk bangah chuan heti hian a lo intar a;

Pala Lake Hut

Construted Under
13th Finance Commission

Tin, choka hnunglam, a piah maiah chuan Savawm hi an lo khawi a. Thir bawmah khungin an dah a, a hmuhnawm dangdai ve angreng hle.

Mipa hi 4 kan ni a, a bak zawng chu hmeichhia an ni. Tichuan, Palak Dil-a chawlhbuk-ah chuan kan innghah fel velah hmeichheho chu an inbual fai nghal a, a mipaho erawh eirawng bawlin kan buai nghal char char thung. Kan mamawh ei tur hi kan pai lawk vek a, bungbel erawh a hmuna awm kan ring thung. Tichuan, kan eirawng bawl hlanin hmeichhe o chuan Palak Dil chu an lo tlawh a, keini erawh mawng pawh hung hman lo khawpin kan tul thung. Thing kan ek a, thuk kan siam a, thingro kan fawm bawk a, a tul tul tiin kan phe sang sang hlawm. Tichuan, ei rawng bawlin kan tul char char a, dar 9 velah zanriah kan kil thei chauh a ni.

Zanah tualah mei chhemin thingpui kan lum a, artui kan chhum bawk a. Kan guitar ken chu la chhuakin hlim takin kan zai a, kan lam a, fiamthu kan thawh a, kan nui leh dar dar thin. Kan hlim tlang hle a, dar 11 bawr velah kan mu a ni.

A tuk, Dt. 22.03.2018 (Nilai Thawh Tan) zing ni chhuak chu a mawi hle a. Dar 6 velah thovin mipaho chuan eirawng bawlin kan buai leh nghal char char a. Dar 9 velah kan peih fel thei a. Palak Dil sangha chi khat - Tilopia chu a hmuna lo awmte chuan an man sa min pe a, thul thuma kan chhuah hnuah chhum tham zet hi a la chuang a. Thul thum chu hawn turin kan siama a chuang zawng chu hmeh turin kan siam nghal a. A thente chu hem hminin kan kamram a, a tui dangdai khawp mai.

Tilopia

Tukthuan kan kil hnuah Palak Dil en tura kal turin kan inruahman a. Riahbuk awmna atang hian Palak Dil tak hi thui lo te kal a ngaia a piah lawka a awm a ni. Tukthuan kan kil laiin naupang rual thahnem tak hi Palak Dil en turin an lo kal a, Palak Dil lam pan chuan an tlang phei zel a. Keini pawh chuan muangmarin chaw kan ei a, kan eirawng bawl pawh rinai tak chuan a tui phian zel mai.

Hmeichhiate leh zirtirtute chuan choka-ah an ei ve thung a, kan ei siam chu tui an ti tlang ve hlawm khawp mai.

Tichuan, puar taka chaw kan ei hnuin Palak Dil en turin kan kal ve ta a. A panna kawng hi a nuam em em a, a phai zawl duai a, a pharh duai a ni. Sava hram hriat tur a tam em em a, a nuam hle. Tin, ramsa leh sava mawi tak tak te chu chunglai hmunah chuan a awm thu an tar thluah a, a lemte nen lam chuan an tar.

Tin, a kawng hi a fai tha a, a sir tuakah thing an phun tlar diat diat a. Hei hian a tinuam lehzual a, thlalakna atan pawh hmun mawi leh rem tak a ni.

Palak Dil hi Mara ram khawpui Saiha atangin chhim-thlang lamah, km 94 laia hla-ah a awm a. A bul hnaiah hian khaw pathum Lawngban (Pala), Tongkalong (Tokalo) leh Phura khua te an awm a. Phura tih loh khaw dang te hi chu Tlanga khaw awm a ni. Palak Dil hi Phura khua atanga chhim-thlang lam bawk km 6 vel lekah a awm a. Palak Dil pian hi Vahlah tui ang deuhva chhim leh hmar hawi zawnga sawl a ni. Palak Dil sei zawng hi metres 870 zet a ni a, a zau zawng hi metres 700 zet a ni bawk. A thuk zawng hi metres 17 atanga 25 inkar a ni. A tuichim chin hi mel khat leh a chanve bial vel a ni.

Palak Dil hian pathum a huam a, chungte chu a Pa, a Pui leh a Note tia vuahte an ni. A pa hi a Lian ber a, Palak Dil tih hming putu ber pawh hi a ni a, tuna kan sawi lai mek, Mizorama Dil lian ber hi a ni. A Pui hi a pa awmna atanga chhim-chhak lam km 3 vela hla ah a awm a. A dung sei zawng hi ft. 280 a ni a, a zau zawng hi ft. 70 a ni. A thuk zawng hi a in ang lo nual a, a thuk lai ber hi ft. 27-30 vel a ni. A Note hi a pa awmna atanga km 4 vela hla-ah a awm a. A pui ai hian a te deuh hlek a, thal vaek char lai tak chuan Dil Note-a tui awm hi chu a kang chat vek thin.

Palak Dil (Dil Pa) atang hian Mara rama lui lian pawl tak Pala Lui a luang chhuak a. He lui hi hmar lam hawi zawngin a luang a. A lui kam tawn hi ram zawl Leilet hmun, Phura zawl kan tih hi a ni a. Heng leilet te hi Mara ram ei leh bara chawmtu ber pakhat a ni.

Palak Dil lo awm tan danah hian chanchin mak tak tak leh ngaihnawm tak tak a awm a. Palak Dil hi A.D 800-1200 inkar vel, Mara fate Burma ram atanga an lo tlak thlak hun lai vel atanga lo awm tan niin sawi a ni. A hun ngaihtuah-a a rei tawh nen, Mara faten pipute atanga an inhlan chhawn dan (Oral Tradition) a danglam loh dan atang hian Palak Dil lo awm tan dan hi a dik ngei ang tih a rin theih a ni. Mara pipute atang tawh-a hriat dan tlanglawnah chuan Palak Dil lo awm tan dan chu hetiang hi a ni.

Hman lai chuan tuna Palak Dil awmna hmun phai zawlah chuan Hnychao khua a awm a, in 300 vel an ni. Hnychao tih zawmzia hi, Hny chu Hnawl or len tihna a ni a. Chao tih chu mawng or kil tawp tihna a ni a. Hnychao awmzia chu A mawng tawpa hnawl/Kil tawpa hnawl tihna a ni. A thawnthu nen pawh a inhmeh khawp mai.

He Hnychao khaw lai takah hian Lungpui lianpui a awm a. Lungpui chuan a hnuaiah kua a nei a, a kua chu a bel tlun mai a. A khat tawkin lungpui bul hnaia chhun-a naupang tualchai leh zana naupang pawnto te chu an bo leh daih thin a. Hnychao khuaa awmte chuan an awmna hmun hi phaizawl ngaw dur pui a nih avangin Ramsa leh Ramhuai-ten naupangho chu an la bo ah an ngai mai thin a ni. Mahse, tumkhat chu Mikhual Sumdawng Lasen zuar pawh zana a nula leng haw a bo tak tlat avangin a tukah chuan Khaw mipa ngaih tha lo chuan Lungpui chuan mihring la-in a dawlh thin niin an ring nghet ta a ni.

Tichuan Hnychao khaw paho leh tlangvalho zawng zawng chu chhuak khawmin, Rulpui man theih dan tur an ngaihtuah a. Nghakuai lian tawkah Ui tawktarha Rulpui chu man theih beiseiin, an nghakuaia ui tawktarh chu Rulpui kua nia an rinah chuan an thlak thla a, a hrui tawp lehlam chu Thingkung-ah an thlung a, an nghak ta a ni.

A tuk zingah chuan Tlangvalin an Nghakuai hrui chet laih laih thu leh thil awk a awm ngei thu an rawn tlangauva, tichuan a khawnawta chhuakin Paho leh Tlangval hoten Nghakuai hrui chu an pawt chhuak tan ta a ni. Rulpui lian tak mai chu a lo awk ngei mai a, an han pawt chhuak zel a, mahse Lungpui lianpui vet nga zeta sei an pawhchhuah hnu pawh chuan an la pawhchhuah zawh theihloh fo avang leh khua te a lo tlai tak avangin Tlangval hovin an pawhchhuah theih chinah chuan an sat chhum ta ringawt mai a. Dil lian takah a lo insiam ta a ni.

Palak Dil hi Mara tawng chuan Pala Tipo tih a ni. Pala tih chu lem or dawlh tihna a ni a. Tipo tih chu tui tam tak or Dil tihna a ni. Tichuan Pala Tipo tih awmzia chu “Lem Dil” or “Tui tam takin a dawlh or Chimpil” tihna a ni. He Hnychao khua atanga tlanchhuak hman ta te hi a piah lawka Tlangah awmhmun khuarin an khawsa a. A khaw hmingah pawh Pala Khih, Lem Khua or Dawlh Khua an ti nghe nghe a ni.

Palak Dil hi tun hma chuan ramngaw chhah tha takin a hual vel avangin a bul velah hian Ramsa chi hrang hrang tam tak an awm thin a. He lai ram ngaw velah hian thing lian pui pui, patling pawm rual rual leh Sai pum tiat tiat tur hi an la ding thelh thulh mai a ni. Hrui hnang chi hrang hrang, hruipui, hruitung, hruite, raichhawk, hnahbawr etc. pawh ala tam hle. Dil bul velah hian Ramsa chi hrang hrang – Sai, Sakei, Savawm, Sazuk, Sanghal, Sakhi, Zawng, Hauhuk, Ngau leh Dawr te pawh hmuh tur an la awm a ni.

Tun hma deuh chuan heng bul hnai vela Saia awm ten an thih dawnin Palak Dil hi an rawn pan thin a, chuvangin Palak Dil mawngah hian Saingho pawh tam tham fe awm tura ngaih a ni. Tin, Sava chi hrang hrang an la tam hle a, lei lama tla chi, Varihaw, Vahrit, Varung, Ramar te bakah, chunglama cheng Vapual, Vahai, Bullut leh Varte chi hrang hrang an la tam hle bawk.

Tin, Palak Dil-ah hian Sangha chi hrang hrang an awm a. A lar zualte chu, Nghameidum, Nghavawk, Nghakhing, Nghaleng leh Nghadeldul te an ni a. Heng bakah hian Kaikuang, Chakai, Chengkawl bial, Satel leh Sumsi te an awm bawk. MADC (Mara Autonomous District Council) Forest Department ten an dah Sangha khawi chi – Major carp, Common carp leh Tilopia te an awm bawk. Major carp leh Common carp te hi an pung chak vak lova, Tilopia erawh hi chu an pung chak hle thung. Heng bakah hian Dila cheng chi Sava chi hrang hrang an awm bawk. Tui varak (Aquatic Birds) phei hi chu Mizoram hmun dangah hmuh tur a awm ve meuh lo a ni awm e. - Chhawrpial

A hmun kan va thlen chuan kan chaw ei laia naupang lo va kal ta te khan Music Video an lo siam avangin Dil tak chu kan va pawh lawk thei lova, min dang ti tih deuh rih tlat a. Tichuan, kan han nghak leh rih a.

An track play te chu kan lampui leh rih a, an zawh fel hnu chuan kan tlang phei ve thei ta a. A sira lawngleng an lo dahah chuan chuangin kan inkar chhuak ve ta a. A karfung hi mau pum lian piangngai tak phel phawk a ni a, pahnih a awm a. Lawng hi thir hmanga siam a ni a, hmantlak pahnih chauh a awm a. Pakhat chu midangin an lo hmang mek a, pakhat lo chuang chu kan chang ta a ni.

A dil lai tak va pawh tur hian a chunga mi ang hian inkar phei phawt a ngai a ni. Mi pali kan chuang a, a hmalam atangin pakhatin a kar a, a hnunglamah pakhatin kan inkar chhawk ve bawk a. A tirah tak chuan ka hlau deuh va; mahse, ka chuang lui ngat a, a nuam ka ti khawp mai.

A dil lai kan va thleng chu kan hmaa kal Phura khaw mi turah ka ngai. Chung mi pathumte chuan dila lenkhang inzar chu an lo en mek a ni.

Rih Dil nen a intiah mai lo maw te ka ti rum rum. Palak Dilah hi chuan a sir hual velah hian hnim a to tlat mai a, hei hian a tui hi a khuh deuh avangin a lang zim phah em maw ni chu aw, ka ti hial a ni. A sir hual vela hnim to lo chin leh hnimin a khuh loh chin ringawt pawh hi thui tham fe a ni a, a zau tha khawp mai.

Pipute hun atangin Palak Dil hi thlarau khawvel nen inzawmna neia rinna nghet tak an lo nei a. Mitthi thlarau kalna kawng niin an ngai bawk. Hman lai hun deuh phei kha chuan inbual leh a tui khawih pawh an serh hle a. Palak Dil tinawmnahtu, zunkhum, chilchhak, lunga vawm mai mai, tawng nawmnah, tawng tlahawlh tak tak hman leh awmze neilova khawihtu chu Palak Dil Huai (Vengtu) hian a tina thin a, damlohna-in a tlak buak ngei ngei thin a, thih phah hialte pawh an awm nual tawh nia sawi a ni.

Sap hun lai khan Saheb pakhat, Mizovin Lalkaia an tih mai leh a hote chuan Mau pum hmangin Palak Dil chu an fangkual vel a. Dil lai tak an thlen chuan Saheb chuan a Ngunhnam (Sword) a titla palh ta hlauh mai a. A Sipai (Rahsi) zinga pakhat tui thiam ber chu a ngunhnam thlauh chu chhar tur chuan a tir ta a. Sipai chu Dilah chuan a liluh vang vang a. Mahse khawthim thleng pawha a rawn lan tak loh avangin tuiah a tlahlum ta niin an ngai a. Mahse, Saheb chuan “Tuiah a tla hlum a nih chuan a ruang a rawn lang tur a ni. Kan nghak rih ang,” a tih tlat avangin an hnial ngam ta lova, a ruang rawn lan hun an nghak ta ringawt mai a ni.

Mak tak maiin nithum hnuah chuan Dil chhunga Sipai lut chu Saheb ngunhnam kengin a lo chhuak ta hlawl mai a! A rui em em lehnghal a! Dil chhungah nithum lai a zu awm avang te, Zu rim a nam em em avang leh Dil chhungah zu in tur awm theia rin ngaihna an hriat loh avangin a thil hmuh leh tawn te sawi turin Saheb chuan a ti a. Sipai chuan, “I thil hmuhte hi tumah hrilh suh ang che, i sawi chuan i thi ang min ti a, ka sawi ngam lo, ka sawi chuan ka thi ang,” a ti a.

Mahse, Saheb chuan a tihluih tlat avangin a hnial ngam ta lova, a thil hmuh leh tawnte chu a hrilh ta a, “Dil mawngah khuan khaw lian tak mai a lo awm a, mihring cheng te an awm a, chungho chuan chaw tui tak takin min hrai a, Zu te min intir a, ka tui lutukin ka lo awm rei palh ta a ni. Ka lo chhoh dawn chuan min rawn thlah a, i thil hmuh leh tawn te hi tu hnenah mah sawi suh ang che, i sawi chuan i thi ngei ngei ang min ti a ni,” tiin hlau em em-in a sawi ta a ni.

A sawi ang tak tak chuan reillote-ah a thi ta mai a! Saheb thinrim chuan a hote hnenah chuan an Silai (Rifle etc.) te hmanga Dil chhung chu kap turin thu a pe ta a. Dilah chuan Silai mu tam tawk an kap lut ta a ni. Chuveleh chuan thlipui nasa tak mai hi Dil atang chuan a rawn tleh chhuak a, chunglam atangin rial lian pui puiin a deng zui nghal bawk a. Thlipui leh rial chuan Saheb leh a hote chu a chanve deuh thaw a tihlum nghe nghe niin N.E. Parry chuan a ziak (The Lakhers(Tribal Research Institute, Aizawl: Firma KLM Pvt, 1932, p.561).

Sipai hote hian Palak Dil pana an lo kal lamah Mau satin Mauli Tlang an tihah chuan an vit phun hlawm a. Palak Dil atanga an lo let leh lamah chuan Palak Dila thi ta Sipaite phun Mau te chu a let-ling zawngin a lo to ta vek mai a! Tun thleng khuan Mauli Tlanga mau te khu a chang leh a hnah te khu a letling zawng hlirin a to zel nghe nghe a ni.

Tin, tunlai thleng pawha thilmak tak chhinchhiah tlak tak awm chu Palak Dil tui hian Sen hun bik a nei thin bawk. He Dil tui sen hun hi January leh February thlaah a ni duh bik. Tun hma 1990 hma lam kha chuan hetia Dil tui sen hian a chheh vela khua Tongkalong, Phura leh Pala khua-ah te hian tlang hrileng, hritlang, luna leh mitna te an vei ngei ngei thin a ni.

Palak Dil chhung leh chungah khuan zanlai pelh hnu hian thil eng tak kal vel an hmu zeuh zeuh thin bawk a. Hei hi Rulfepnei (Dragon) chaw zawng vak vel niin an ring ber ringawt. A chhan chu, hetia eng tak kal vel a awm lai leh a eng a chhuah lai hian tumah finfiah ngam an awm loh avangin, pipute atanga an sawi leh rin dan Rulfepnei (Dragon) chaw zawng vak vel niin an ngai ta ber a ni.

Palak Dil hian Mara fate tan thlarau lamah pawimawhna thuk tak a nei a. Palak Dil chu Pialral kalkawng a ni a. Mihring thlarau Pialral kal tur hian Palak Dil hi a paltlang ngei ngei thin niin pipu ten an ring a ni. Thlarau (ramhuai) awmna (chenna) hmun niin an ring bawk. - Chhawrpial

Kan lawngleng hi kan inkar chhawk a, rei vak lo chhung chu a hnung lam atangin ka kar ve a. Mahse, thlalak ka duh si avangin ka kar rei lo. Mahse, ka vanduai khawp mai! Ka phone battery a low tlat mai a, duh angin thla ka la thei ta lo a ni.

Dil lai vel tak kan thlen lai hian kan lawng chhuat pawp atangin tui a lo put a, a hma pawhin a put tawh thova; mahse, ngaihthat loh nan ka hman phah chuang lova. Ka chuanpuite erawhin engah mah an ngai lo thung. Kei erawhin ka hlau deuh ti tih a. Alkatra in an char na a, a lo put ser ser si a. A chhunga tui tling paihna tur bur pahnih an dah chuan ka paih chhuak zel a. A hlimawm hranpa ve hrim hrim.

Darkar khat dawn lai chu a ni mai thei, lawnglenga kan chuan hun chhung hi. Kan kual chhuak a, lenkhang an zarna thin chu kan en pah zel bawk a. Mahse, len an lo sut deuh vek mai a. Dil chunga lang mau reng reng chu kan en zel a. Hrui hian a in thlung a, hrui hmawrah chuan lung an thlung leh a ni. Chung hruite zinga pakhat chu kan thianpain a hlam chhin mai mai a, hlam 15 zet a ni a. Chu hrui hmawra lung chuan dil mawng a thlen leh thlen loh erawh kan hre lo thung.

Lawng hi kan kar thiam lutuk lova, a chang chuan a hnung zawngte'n kan kal a, a chang leh a sir zawngin, chu chuan kan piaha hmeichhe ho lawngleng danga chuang ve te chu a tihlim letling phian a. Keini tak pawh chu kan hlim phian. Kan inkar chhuah dawn lamah hmeichhe thenkhatte hi 'Kawrthindeng' rah chhar turin dil kamah an inkar kai ve a, khawtual miten an hruai a ni. Tichuan, kan let rual a, lawng chuan kan han um vel a, an hlim ve hle.

Tichuan, hlim taka hun kan hman hnuin chawhnu herah haw turin kan chhuak ta a. Tluang takin kan tlan a, zar dar 9 vel bawrah Saiha chu kan lo thleng leh ta a ni.

Rambuai leh Mizoram

noreply@blogger.com (Dawnga Chinzah) — Tue, 20 Feb 2018 05:06:00 +0000

Mizoram khawvel a awm ve chhung leh mizo hnahthlakte an mang hma loh zawnga mizote thinlunga riak reng tur chu rambuai kha a ni. Mizo National Front (MNF) chuan kum 1966-ah India ram atanga Mizoram inlak hran tumin independent an puang a. Kum 20 chhung, Mizoram chu rambuai a ni ta a. Rambuai lai chanchin hi keini thangtharte tan chuan hmanlai a chang tawh a, kan pi leh pu te leh kan nu leh pa te min hrilh chin chu kan hriat theih a ni a. He hun laia a taka hmalatute leh a tuartute thawkhawchang leh an lehkhabu chhuahte atangin eng emaw chen kan hre thei bawk a. Chung kan hriat ve theihna kawng hrang hrang atanga teha kan rilru luahtu ber chu tawrhna thuthang a ni.

Dan pangngai angin 1966 kum tirah chuan khawtlang inawpna leh rorelna chu a kal chhova, thlawhhma latute leh sikul naupangte pawhin an nitin nunphung pangngai zawhin hun an hmang mek a. March ni 1 a lo thlen meuh chuan MNF in Independent an puang ta mai a, Mizoram chu a rambuai a lo ni ta a ni.

MNF hian chhan hrang hrang avangin Independent hi an puang a. Chung zinga langsar zual chauhte chu han sawi ila. Assam hnuaia District Council kan nih laia min enkawl dan te, Mautam laia tam kan tawrha min chhawmdawl dan that loh avang te, Politics thila lungawilohna hrang hrang neih avang te leh MNF Party-in India sorkarah thil phut a neih te a hlawhtlin tak loh avang te in he buaina hi a inmung tan a ni.

Kum1958-ah Mizo Culture Society din a ni a. Mautam intan chhoh lai velin 1959-ah Mizo Culture Society chu Mizo National Femine Front ti a thlak a ni a. 11^th October 1961-ah Mizo National Front din a ni. 22^nd October 1961-ah MNF Party hruaitu thlan a ni a. President atan Laldenga, General Secretary atan R. Vanlawma leh Treasurer atan Rochhinga te thlan an ni. An thil tum lian ber chu ‘Mizoram leh Zofate tana zalenna’ a ni a. Ziaka an dah danah chuan “Ram rorelna chungchanga mahni duhthlanna sang ber (Political Self-Determination)” tih a ni. Mizo National Volunteer an din a, MNF Party dinna hmun apiangah Volunteer chu din zel a ni a. Tleirawl leh rawlthar, nula leh tlangval, pavalai deuh chinte chu Volunteer-ah hian an inpe zut zut a. Kum 1965 laihawlah phei chuan Volunteer-a tel ve lo nih chu thalai tan chuan thil zahthlak a tling thei hial tawh a ni, an ti. Uniform an nei a, Party thil pawimawhah an duty thin a. Tin, Volunteer ho hian sipai lam (Parade) pawh an zir tel thin.

MNF in Independent an puannaah hian Pu Laldenga, Mizo hnam Pa an tih, MNF President leh midang 60 zet hming a chuang a. Mizo Hnam Sipai (Mizo National Army) chu Mizo Pasalthate hming chawiin Battalion eng emaw zah din a ni a – Taitesena Battalion, Khuangchera Battalion, Lalvunga Battalion, Chawngbawla Battalion, Saizahawla Battalion, Vanapa Battalion, Zampuimanga Battalion leh Joshua Battalion te an ni. Hawrawp hmasa ber zel lain a sawi awlsam nan battalion hming hi kaihtawi a ni thin. A tirah tak chuan Joshua Battalion hian he hming hi a pu lo va, Manipur-a Zohnahthlak te awmna niin, Run Battalion tih a ni phawt a, chumi hnuah Tinthawnga leh Enzakhupa hming an pu leh a, East Pakistan an thlen thlak hnuah Bible Joshua hming chawiin siamthat a ni, an ti.

Tichuan, Mizo Hnam Sipai (Mizo National Army), Volunteer an tih thin te leh India sipate chu March 1, 1966 atangin an indo tan ta a, he indo hun chhung hian a awh rei hle a, kum 20 chhung zet a awh a ni. Indo hunchhung hi ‘Rambuai lai’ tih a ni a. Kum 1966 hi ‘Buai kum’ tih a ni bawk. Kum 1965-ah chuan Mizo hnam thlipui tleh chuan Mizoram a tuam chhuak vek tawh tih theih a ni a, MNF Slogan – ‘India mi kan ni lo’ tihte, ‘Mizoram Mizo Ta’ tihte leh ‘Thudikin bawih a ban ang che u’ tihte chu Zoram mipute a al hneh hle tawh a. Thalai tam zawkte chu Motor-a inbeng khat ten tawnin “India mi kan ni lo, Mizoram Mizo ta” tiin an au rual thup thup zel thin a ni. Hetih vek lai hian MNF Independent Movement hi a tir phat atangin Mizo mipuite zingah a thlawp leh thlawp lo an awm ve tho a ni.

Feb.28, 1966 zanah Mizoram zalenna sualtute chu Pu C. Rochhunga In, Mission vengah Executive Committee an thukhawm a. Chutah chuan India sorkar leh Mizoram inzawmna zawng zawng chu an chhu chat a, zan lai dar 12 leh dar 1 inkar Zero Hour-ah Mizoram Independence an puang ta a. An puan zawh rual hian hmun hrang hranga Mizo National Volunteers lo inralring tawh sa te chuan Lunglei, Champhai leh hmun pawimawh dang zawng zawngte chu an la nghal a. Armed Force Special Power Act, 1958 hmangin Mizoram chu Rambuaiah puan a ni ta a ni. March 3-ah Aizawl khawpui chhunga Assam Rifles chu an hual bet leh a. Aizawl-a Assam Rifles te chuan SOS Message India sorkar hnenah an thawn ta a, an Message India sorkarin a han hmuh velah chuan a la thutak hle a. Jet Fighter a rawn tir a. Chung Jet Fighter te chuan Aizawl khawpui chu an kap alh zuai zuai mai a, Aizawl khawpui chu senmeiah a chang ta a. Nunau naupang thlabarte chu mangang em em in an sahimna zawngin daipawn lam panin an tlanchhe nguah nguah a, kawr ruam leh luidung hniam lai nia an hriat te chu an bel chawn chawn a. In lum chhuahsan duh lova, lo tawm te chu India sipaite chuan an man khawm a, an sawisa a. Quarter Quad-ah a then an khar khip a, a then Aizal District Jail-ah an ek beng a. A thente chu Silchar, Karimganj, Shillong. Guwahati leh Nowgong Special Jail lamah an thawn liam zung zung bawk a. Armed Force Special Power Act 1958, chu hleihluak takin mizote chungah an hmang a ni.

Mizoram khawpui ber Aizawl chu India sorkar-in Jet Fighter hmanga March ni 5-a a beih thu-ah hian inhnialna a awm thin a, thu inchuh a awm tlat a. Chu chu Aizawl khawpui Bomb a nih leh nih loh thu-ah a ni. India Jet Fighter-in Aizawl a beih lai vela Indian Air Force-a Mizo Commissioned Officer awm ve, Wg.Cdr.(Rtd) Lalzawma chuan, “Jet Fighter leh Bomber ten khatih laia bomb an hman thin kha 250 Pounder, 500 Pounder, 1000 Pounder, etc. te a ni. Hetiang hi Mizoram beih nan hman a ni lo. Chuvang chuan “Aizawl Bomb” a ni tih hi thil dik lo a ni. Aizawl beitu Jet Fighter te ralthuam hman kha 60 MMRP (Rocket Propelled) a ni a. Hetiang Rocket hi tunah chuan Obsolete (Thil hlui) a ni tawh. Tin, FG (Front Gun) Machine Gun ti ila, kan hrethiam mai awm e, hengte hi hman a ni. 60 MMRP aia lian hman a ni lo, Bomb hman a ni lo.” tiin a sawi a. He thu hi Media lam atangte in mi hrang hrangin an chhang nasa hle a, Aizawl Bomb ngei thu an sawi ve thung.

March ni 5, inrinni tukah hian Khatla an kap a, Khatla Bazar phei a alh nghal duai duai a. Armed Veng leh Republic Vengte pawh an kap a. March ni 6-ah Dawrpui phei lam an bei leh a ni, tiin an sawi. Tin, Aizawl khua chauh hi Jet Fighter hmanga beih a ni lo va, khaw thenkhat pawhin beih an tawk ve tho a ni.

Keini thangtharte chuan engti takin nge kha ni-ah khan Jet Fighter khan chet a lak kan hre ve thei lo va, Aizawl khawpui erawh senmeiah a chang ngei a ni tih thu chu kan hriat dan a ni. Chuvangin ‘Bomb’ leh ‘Bomb lo’ tih vela buai hian engtiang chenin nge Mizo mipuite pumkhatah a siam ang a, ram leh hnam hmangaihna rilru engtiang takin chawk tho ang maw, tih hi zawhna a ni a. Pa fing pui pui nia kan ngaihte inhnialna ringawt hian thangtharte min fuih thar zo ngut dawn em maw ni?

Pi putena ‘Vur tla’ an tih pawh ‘Dai khang alawm’ tia sawi duh thangthar lehkhathiam inti te hian, Jet Fighter in Aizawl khawpui a beih ni kha engtin sawi ve ang maw? A hunlai hre phakin lo piang ve tawh pawh ni ta ila, he thu inchuh hi a awm tho ka ring a. Kan hriat phak ve miau loh avangin hriat thiam a har a. Engti pawhin lo bei se la, he ni Mizote thinlunga riak reng tur a ni tawh hrim hrim a ni.

He ni March ni 5, Aizawl khawpui Jet Fighter-a a beih ni hi MZP chuan ‘Zoram Ni’ tiin hun rei tak atangin a lo hmang tan tawh a. He thu-ah pawh hian mi tam tak ngaihdan a inchen lova. Mi thenkhatin an thlawp viau laiin mi thenkhat thungin tul an ti lova, thu a hrang nuaih mai a ni. ‘Zoram Ni’ hi 2008 atangin thian zaho intelkhawm leh MZP tangrualin, “Mizoram Bomb-a beih ni” hriatreng nan an hmang tan a, MNF sorkar lai a ni a, Vanapa Hall-ah hetih laia Chief Minister, Zoramthanga khuallianna hnuaiah hman a ni. Kum 2009 khan I&PR Auditorium-ah a vawihnih nan hman a ni bawk. Tum hnih zet hman a nih lai hian Mizoram chhunga Political Party leh NGO atanga dodalna thawm hriat a ni ngai lova. 2010 kumah a tum thumna atan ‘Zoram Ni’ chu hman leh tum a ni a, hetih lai hian Chief Minister, Pu. Lal Thanhawla chuan hemi hmang tura MZP-te sawmna chu a hnawl a, amah leh a Party mite tan telna chi ni lova an hriat thu ziakin an hrilh a. Heng hun laia, MZP President, VL. Kroshnehzova chuan, lemziak intihsiak naupangte tana an buatsaih tak vang leh ‘Nuai chimih’ tih tawngkam chu sorkar helh ber a nih hriatthu a sawi hial a. Tin, “Mizo History-a thil thleng lian ber, India Sorkarin a mite chunga a hmang ngai loh hmanna a ni a, min beitute rilru kan ngaihtuah lo a, kan tawrhna ni hi hnam tan rualna leh hnam hmangaih tharna ni atan i hmang ang u kan ti a ni mai a ni a, Mizo zawng zawng an leng vek a ni,” tiin a sawi bawk a.

A tira he hun hmanna tura an ruat lawk, I&PR Auditorium chu a rem vek tawh hnuin Sorkar lam atanga hman a rem leh tak loh avangin thulh leh a ni a, Central YMA Hall, Tuikhuahtlangah an sawn leh a. Tin, MZP huaihawt inziahsiak Result puanna leh lawmman semna hmuna sikul naupangte tel tir lo turin sikul Principal leh Head-te chu Mizoram sorkar Education Department chuan a hriattir bawk a.

Heti ang vel hi a ni a, ‘Remna Ni’ hman chungchangah pawh hian ngaihdan a inchen lo zul a, tha ti leh ti lem chuang lo an kat nuk a. Keini thangtharte tana ngaihdan mawl mang tak lo lut nghal thuai chu ‘Party Inbeihna leh Politics-a inchirhthehna’ tih vel hi a ni a. Tin, ‘Zoram Ni’ tih hrim hrim hi Mizorama Political Party piang hmasa ber, Mizo Union lo pianchhuahna ni 9^th, April hi ‘Zoram Ni’ tia vuahin Dist. Council Office te leh Council hnuaia sikul zawng zawngte pawhin he ni hi Holiday atan an hmang thin a. Kum a kal zel a, a hnuah chuan Pu Hrangaia hote niin an sawi, chumite chuan ‘Mizo Ni’ ti a vuahin, an hmang thin a, a ni tak pawh hi hriat zui a ni lo va. Hei pawh hi a zuihral leh ta a ni.

Buai hunchhung hian India sipaiten in tam tak an hal a, buh in te, chhek in te an hal a. Biak in te, Sikul te, mimal in te an luah lui a, man pe lovin Ar te, Kel te leh an sa ei duh apiang manin an talh a. Hmeichhe pawisawilote manin Camp-ah te an hruai a, an pawngsual bawk a. Civil mi, MNF nilo tlangval leh pa te manin an hna an thawh tir a, an nghaisa a, an kut leh ke-ah te tawnin Vawk rawh angin meikhu ten an ur a. Che thei lova phuar betin an mitah hmarcha rawt te an tat a, a letling ten banah an tawn bet a. MNF ni lo pawh, ‘MNF i ni’ tiin hmun leh hmunah an kap hlum bawk thin a, a rapthlak takzet a ni.

Khua an sawi khawm a, khaw pali, pangate khaw pakhatah an khalh khawm a. Khua chu hlawh nei lovin hnatlangin an hungchhuak vek a, a remchang laiah Gate siamin sipai an duty a; khawchhunga zana duty-te hian MNF-in an rawn kah lohna tura tih ni awm takin, an mahni sipai zingah Civil mite duty turin an hruai a, sipaite hian an himna tur an ngaihtuah ni awm tak a ni.

Heng hun, a bik takin kum 1966 atanga 1975 chhung hi rambuai pik zual lai a ni a. “Sipaiin an man a, an sawisa a, an kaphlum, an in-ambush, Curfew an puang, Movement Permit sipai leh A.O (Administrative Officer) hnenah lak a ngai, Identity Card, CID, kawku, Bari Gate, Duty, Atta, Ration, Helicopter, Parachute, LMG, Armour Car (Tank), Shaktiman (Sipai Motor lian), Jonga (Sipai Motor te), Capt., Major, Post Commander, Sipai Ui fing, Jet Fighter, Pu Laldenga, MNF, Volunteer leh Independent” tih te hi tawngkam hman lar tak te an ni.

Rambuai lai chanchin ziaktu pakhat, Pi Rebeki, Dawrpui Vengthar chuan a lehkhabuah hei hi a ziak a - Rambuai lai hian khaw thenkhatah chuan hmeichhiain lo lam an buaipui deuh ber a, mipa chuan hna an thawk hlei thei meuh tawh lo. Mizo sipai leh vai sipai hlauvin an tihna lam lamah an kawi an kawi ringawt tawh mai a ni. Kum 1968 kumah Aiduzawl-paho zawng zawng chu biak inah India sipaiin an khungkhawm a, nunau chu biak in thlang liamah an khalhkhawm a. Dam lo kal thei hlawl lo leh tar chak lo bak chu an khawm vek a. Hmeichheho chu sual tumin an pawt phar nasa hle a, nulate chu nula anga awm ngam lovin mi fate an puaksak a. Mipa biak ina an khungkhawmho chu biak in thutthleng zawng zawng chu pawnah an thiar chhuahtir vek a, chhuatah chuan an bawhkhuptir a, an hnungzangah chuan an vaw hrep a, an hnungzangte chu a duk chur a. Pakhat phei chu a hmunah a boral nghal a. Vai sipaiho chuan khawtual mi te phum pawh phal lovin tlangah pawnlang takin an phum a, vai sipai kal liam hnuah khaw mite’n thlanmualah an phum tha leh chauh a ni.

Kum 1968 March-ah chuan Pamchung khua, in 60 vel awmna chu Tualchengah khawm a ni a. Pamchung hian hemi kum hian buh an ngah hle a. India sipaite chuan Pamchung buh chu Tualchengah phur chho turin, Tualcheng mipui, Pamchung mipui leh Selam mipuite chu chhangchhe nu lamin an tir a. Lehlang tur an ni a, a thente chu an let hman a. Mahse, India sipai Kumau Regiment an lo thleng a. 1968 kum tir January thlaa India sipaiten Pamchunga an lo kal changa an awmna tur in lian tak an saktirah chuan mipuite chu an hreng vek a. Hmeichhia nausen pawmhote chu in hranah an dah a. Mipa zawng chu an in sakah chuan an dah vek a. Hmeichhia nausen pawmte chu an tap zankhua hlawm a. Zan a lo nih chuan India sipai Kumau Regiment te chuan an puakrang chuan inchhunga mipa awmho chu an kap chiam a. Thi vek awm tak an nih laiin an thi vek lo va, damchhuak an awm ve a ni.

Khaw thenkhatte chu India sipai kuli-ah an tantir a, hreawm an ti thin hle a, tumahin an hnial ngam si lo va. Khaw thenkhatah chuan India sipaiten an khua an luhin tual zawlah an khal khawm a, nausen atanga tar thlengin chaw pawh ei tha fum fe lovin an awmtir a, an tui a hal pawhin tui in tura ina luh pawh an phal lova, nilengin tual nisaah an awmtir a, riltam leh tuihalin naupang leh tar te pawh ni se an dotir nileng thin. Tin, khua an halsak nasa hlawm hle bawk. Sipai hlau reng rengi an khawsa a, heng hunlai hian Zoram hmun tinah Mizo ngei kawktu an awm ve bawk a. Chung kawktute chu vai sipaiin an kalna apiangah an hruai a, a chang phei chuan puanin an inkhuh a, tualchhung mi an kawh zeuh tawh chu vai sipaiin an man a, an sawisa hrep zel a, a then an sawisa hlum a, mi eng emaw zat ramtuileilovin an awm phah a ni.

Kum 20 chhung zet ram a han buai meuh chuan nunphung a khawlhkhang hle a. Zoram hmun tinah tawrhna thuthang a vak vel a, patling na tuar rum ri leh nu nau thlabar mangang au rawl chu a hriat tur a awm reng a. Mizo mipuite chu tuboh leh dolung karah an leng a. Vai sipai an hlauh rualin MNF sipaite pawh hlau tawk an awm a. Kha Independent Movement kha mizo mipui zawng zawngin an thlawp vek lo va, chuvangin MNF lam hlau pawh kha an awm ve tho a ni. Thisen tam tak a luang a, hmeichhiate an him lova, pawngsual an tawk nasa a. Chumi avang chuan nulate chuan mi naute an pua a, nu angin an khawsa a. An hmaiah belmangte intatin thawmhnaw chhe deuh an inbel a, bawrchhawr takin an awm lui thin. Hei hian vaiho lakah an nulatna an thup dan a ni. Tin, hmeichhia mahni chauhvin an tla ngam lo hrim hrim a, a rual leh a huho hlirin an awm khawm thin a. Hmeichhe mal tlat leh tla fal chu vai sipaiin an hmuh chuan an buan nghal mai thin a, an zuam bik a. A huhova an awm a, mizingah an awm chuan vai sipai pawh chu an tim a, an zuam loh phah ve deuh a ni. Mahse, a pawngpawrh fal deuh chuan mi zing atang pawhin hmeichhia leh nulate chu an pawt chhuak lui tho thin. He hun lai hian nula chauh an him lo a ni lo va, nutling leh pawmlai nei chenin an him lo vek a ni.

Khawkhawm tuartu pakhat chuan, “Ka duh ber chu thih a ni mai… Kan awmna Grouping Centre piah, daiah kalin Pathian hnenah ka va tawngtai thin a, ka nunna la turin ka dil thin. Khang laia ka duh ber chu thih a ni tawp,” tiin a sawi a. A rapthlak takzet a ni. Dam pawh thlahlel zo tawh lo khawpa chanchauva mihring han khawsak mai chu ngaihtuah thui ngam pawh a ni lo hrim hrim. Zoram Research Foundation (ZoRF) te buatsaih, ‘International Seminar on Grouping of Villages’ Rambuai laia khawkhawm chungchang zirhona neih atanga kan lo hriat ve atang ringawt pawhin a hrehawm turzia kan hre viai viai thei a; mahse, ngaihtuah leh sawi mai aiin a taka tawn ngei chuan a dan a tidang daih zawk ngei ang.

Tin, Aizawl khawpui Jet Fighter hmanga beih a nih avang khan Mizo Zirlai Pawl (MZP) Gen. Hqrs. Chuan UPA Chairperson Sonia Gandhi hnenah Memorandum an theh lut a, 2010 kumah a ni a. Central sorkar chu Aizawl khawpui Jet Fighter hmanga beihtir an nih avangin ngaihdam dil turin an phut a ni. Central sorkarin ngaihdam a dil a nih chuan he ni a vanga Mizote thinlunga ser nung awm reng chu a ziaawm deuh an beisei thute pawh he Memorandum-ah hian an tarlang a. He thil hi tihawm tak a ni a, ram hmangaihna thinlung pu tan chuan hetiang em hi chu a lutuk mah mah a ni. NSCN ten Nagaland Independent an sual a, ULFA ten Assam tan, PLA ten Manipur tan, NLFT ten Tripura tan Zalenna an sual theuh a; mahse, Jet Fighter hmangin beih an ni lo.

Kum 20 chhung zet, Mizoram chu ‘Rambuai’ a nih hnu leh, MNF-ten India ram atanga Mizoram inlak hran tuma Independent suala an rammut hnuah, June 30, 1986-ah Memorandum of Settlement ziah a ni a; inremnaah chuan MNF President, Laldenga, Union Home Secretary RD Pradhan leh Mizoram Chief Secretary Lalkhama ten hmin an ziak a ni. He inremna thuthlungah hian, MNF rammute tana inbenbelna leh chhawmdawlna pek tihte, Mizoram hnena State dinhmun pek tihte, University hranpa neihte leh State mala High Court neihte a tel a ni.

Tichuan, August 2, 1986-ah MNF sipai rammute an lo haw a, an vaiin 550 zet an ni a. Luangmual ‘Remna Run’-ah thla hnih an awm a, sorkarin inbenbel nan Rs 20000/- a pe hlawm a ni.

Blockquote dah dan

noreply@blogger.com (Dawnga Chinzah) — Tue, 13 Feb 2018 13:07:00 +0000

Blogger tam tak te zingah hian thu ziak mi tha tak tak an awm nuk a; thu leh hla tha, thu ziak hlu leh chhawrnaawm fe fe pawh hmuh tur an blog ah a tam mai! Chutiang chu a ni a. Thu tha leh chhawrnaawm, zir tham leh chhinchhiah tlak te hi mi chutiang te chuan an post zur zut reng a. Heng mite hi mi tam fe an ni. Chuvangin an thu leh hla chhunga an tawngkau chheh, tawngkam bungrua leh tawng hman te chu chhinchhiah tul fe fe a tam a; tin, kan thuchhuah turah han lakchhawn te pawh a tul hun a awm thin. Chutiang hunah chuan a sawitu leh a thu sawite chu dangdai leh mawi takin kan tar lang thei a ni. A thuhrimah, mi thusawi kan sawichhawng dawn a nih chuan a sawitu hming tarlan zel hi kan tih makmawh a ni a, mi fing nihna pawh a ni.

Blogger tan blog a thu kan chhuah changin kan thu ziah chu belhchian dawl a nih zia tarlanna atan te hian mi thusawi, fing leh belhchian dawlte chu sawichhawn a tul thin. Chutiang hunah chuan tuna kan sawi tur hi a pawimawh em em a ni. Tin, kan thu ziah laia kan ngaih pawimawh zual te chiang taka kan tarlan theihna pawh a ni.

Chutiang hunah chuan mawi leh nalh takin mi thusawi ‘Quote’ dan blogger ah hian a awm a, chu chu – ‘Blockquote’ tih a ni. A hnuaia tihdan tur kan tarlante hi uluk takin chhiar la, ‘Blockquote’ chu han hmang ve teh le.

Entirna:

Doubt thou the stars are fire, Doubt that the sun doth move. Doubt truth to be a liar, But never doubt I love. William Shakespeare

Engtiangin nge ‘Blockquote’ chu Blogger Blog ah kan dah ang?

1. Blogger Dashboard ah kal la, Theme tih kha click in Edit HTML ah lut la.

2. ]]></b:skin> tih hi Control + F hmangin zawng ang che.

3. Tichuan, a hnuaia ‘Blockquote’ kan dah te hi i duh ber thlang la, i duh ber code chu copy in ]]></b:skin> tih chungah i paste dawn nia.

4. Save Template kha click leh mai tur a ni.

5. Tichuan, blog post i siam apiangin i thu ‘quote’ duh chu select in ‘quote symbol’ hi i click mai thin dawn nia.

A hnuaia Ads hi min lo click sak ve dawn nia. I vawikhat click te mai kha ka tan malsawmna a ni a; midangte tana malsawmna ni turin han click ve teh le. A harsa lo va, click zuai a, back leh nghal mai kha a ni.

CSS BLOCKQUOTE SYLE 1

CSS BLOCKQUOTE SYLE 2

CSS BLOCKQUOTE SYLE 3

CSS BLOCKQUOTE SYLE 4

CSS BLOCKQUOTE SYLE 5

CSS BLOCKQUOTE SYLE 6

CSS BLOCKQUOTE SYLE 7

CSS BLOCKQUOTE SYLE 8

CSS BLOCKQUOTE SYLE 9

CSS BLOCKQUOTE SYLE 10

CSS BLOCKQUOTE SYLE 11

CSS BLOCKQUOTE SYLE 12

CSS BLOCKQUOTE SYLE 13

Floating Facebook Like Box Widget dah dan

noreply@blogger.com (Dawnga Chinzah) — Sat, 10 Feb 2018 14:34:00 +0000

Facebook page tihlarna leh liker pun theih nana hmanraw tangkai tak pakhat chu - “Floating Facebook Like Box Widget” hi a ni. Blogger te tana a tangkaina chhan em em chu - i blog an tlawh lai ngeiin i fb page kha a lo display dawn tihna a ni a, i blog kha an ngainat zawng a nih hlauh chuan i fb page pawh chu an like ve nghal ngeiin a rinawm a ni. Chuvangin blogger tan chuan fb page promote na tha tak a ni.
Dawnga Chinzah

A hmasa berah chuan fb page i neih a ngai a, i nei lo a nih chuan i siam hmasak phawt a ngai ang. Fb page i siam zawh hnua he widget hi i blog ah i hmang a nih ngat chuan i fb page liker pun theihna chance a sang sawt ti ila, kan uar lu lovang chu! Blogger ni bawk leh fb page enkawl lai ni bawk tan chuan he widget hi hman ngei ngei tur a ni ang. Tin, mobile atang pawhin he widget hi a hmuh theih tho a ni.

Floating Facebook Like Box Widger Install dan:

1.Blogger Dashboard ah login la, Theme > Edit HTML ah kal rawh.

2. Theme Editor chhung khawi emaw laiah vawikhat click zeuh la, Control + F hmet la.

3. </style> tih chhu-in Enter hmet rawh.

4. </style> tih chungah a hnuaia CSS hi i copy paste dawn nia.

<br />
#open-fb{background-color: #FFFFFF; border: 4px solid rgb(210, 210, 210); bottom: 0; border-bottom: 0; float:left; height: auto; margin-bottom: 0; margin-right: 5px; position: fixed; right: 0; width: auto; z-index: 10;} .close-fb{color: #333!important; position: absolute; top: 1px; right: 1px; width: 20px; height: 20px; line-height: 20px; text-align: center; font-size: 11px;} .slideUp{ animation-name: slideUp; -webkit-animation-name: slideUp; animation-duration: 1s; -webkit-animation-duration: 1s; animation-timing-function: ease; -webkit-animation-timing-function: ease; visibility: visible !important; } @keyframes slideUp { 0% { transform: translateY(100%); } 50%{ transform: translateY(-8%); } 65%{ transform: translateY(4%); } 80%{ transform: translateY(-4%); } 95%{ transform: translateY(2%); } 100% { transform: translateY(0%); } } @-webkit-keyframes slideUp { 0% { -webkit-transform: translateY(100%); } 50%{ -webkit-transform: translateY(-8%); } 65%{ -webkit-transform: translateY(4%); } 80%{ -webkit-transform: translateY(-4%); } 95%{ -webkit-transform: translateY(2%); } 100% { -webkit-transform: translateY(0%); } }<br />

5, </body> tih hi Theme Editor chhungah vek Control + F hmangin zawng leh la, a hnuaia mi hi i copy paste leh ang.

Note: Dawngachinzah tih hi pahnih a awm a, i fb page user name in i thlak ve ve dawn nia.

6. Tichuan Save Theme tih kha i click tawh ang..

Automatic Page Scroll Widget dah dan

noreply@blogger.com (Dawnga Chinzah) — Thu, 08 Feb 2018 07:55:00 +0000

Blogger Blog ah hian Auto Page scroll Effect a dah theih a. A awmzia chu hemi hmang hian i blog page kha amahin a in scroll thla dawn tih a ni. Mouse hmanga page mawng lam hrut thlak kha hemi hian a chhawk dawn che tihna a ni. Play leh Pause Button a awm a, Play Button i Click khan i blog page kha a hnuai lamah a mahin a kal thla ang a, Pause Button i hmeh hunah chauh a tawp ang.

Auto Page Scroll Blog a dah dan:

1. Blogger Dashboard ah kal la, Theme kha clik rawh.

2. Edit HTML ah kal la.

3. Control + F hmetin </body> zawng rawh.

4. </body> tih hma/chungah chiah a hnuaia code hi i paste dawn nia.

<br />
<blockquote>
<style type='text/css'>
#abt-scroll{position:fixed;z-index:9999;bottom:0;left:10px;top:380px!important;}
#abt-scroll a{display:block;float:left;width:32px;height:32px;text-indent:-999em; padding: 3px!important;}
#abt-scroll a.abt-scroll{font-family:FontAwesome;border-radius:50%;}
#abt-scroll a.abt-stop{font-family:FontAwesome;margin-left:2px;border-radius:50%;}
#abt-scroll a.abt-stop{background: url("https://blogger.googleusercontent.com/img/b/R29vZ2xl/AVvXsEhhAWw9M7Y27I99_H66dPLogtt1hY6o3Mwj3-6eahSrTfgXiNTSibq1X64-KqLrp8XBGPFyrHWTmh8UrUYS7rmGGZn6gdN-7jdOwwMQmZzTGAFXiRbnhV-4E9PUUXsBKWFow5KzDLnkxWuT/s1600/pause.png");}
  #abt-scroll a.abt-scroll{width:33px;height:33px;!important;}
 #abt-scroll a.abt-stop{width:34px;height:34px;}
#abt-scroll a.abt-scroll{background: url("https://blogger.googleusercontent.com/img/b/R29vZ2xl/AVvXsEgfmN1LLQ_0IBruPq7en7aq0seHDiC41s-HX4Bhg2d81fMJjbgCyDeM6K-sv6v2EGTObTEA8rXyRRl3t5R7rd3bPCYYnuNG4N2-beEeU9n7aj8QHm_y_kGjub1BBkcRuBD6-KzodLs8Y8M_/s1600/play.png");}
</style><br />
<script type='text/javascript'>
function autoScroll(){window.scrollBy(0,1);scrolldelay=setTimeout('autoScroll()',80)}
function stopScroll(){clearTimeout(scrolldelay)}
</script><br />
<div id='abt-scroll'>
<a class='abt-scroll' href='javascript:autoScroll();' rel='nofollow' title='Play'>Play</a><br />
<a class='abt-stop' href='javascript:stopScroll();' rel='nofollow' title='Pause'>Pause</a></blockquote>
</div>

Customization:

Scrolling speed tih san emaw tih hniam emaw i duh chuan code chhungah hian ('autoScroll()',80) tih zawng la, 80 hi i duh zatin i thlak mai dawn nia.

I Blog hmuh a lo nawm leh zual theih nan chei thin ang che. Blog dangdai leh mawi tak neih theihna tur chuan midangte Blog ang lo taka Customize hi a tul ve a, chu chuan I Blog chu midangte tana chhinchhiah awlsam bikah a siam dawn a ni. Dawnga Chinzah

Blog-a install dan:

Blogger chhawm sa te zinga ami, popular post gadget kha i hman phawt a ngai a. I hman hnuah blogger account ah i kal ang, Templae-> Edit HTML ah i lut leh ang.

Tichuan, Control + F i hmet ang a, search box a lo lang ang, ]]></b:skin> tih hi i zawng leh ang. Chumi zawh chuan ]]></b:skin> tih chungah hian a hnuaia code hi copy in i paste dawn nia. Chuan Save Template tih kha click leh mai tur.

2. Bottom to Top Button:

Hei pawh hi template thenkhat chuan a chhawm sa a, ka template hmanlaia a chhawm ve loh avangin ka dah chawp a, i duh ve chuan a hnuaia hi install dan ka dah e.

Blog-a install dan:

Blogger account ah i kal ang. Templae -> Edit HTML ah i lut ang a, <head> tih hi i zawng ang. Chumi zawhah a hnuaia code hi <head> tih hnuaiah i paste leh ang a, Save Template tih kha i click ang.

Blogger Layout ah i kal leh ang a, Add Gadget ah kalin HTML/JavaScript hi i add ang. Tichuan a content ah a hnuaia code hi i dah leh ang a, a tlar tawp lam a link - "https://blogger.googleusercontent.com/img/b/R29vZ2xl/AVvXsEjNxWloDBXvjjO2osfGw2hI9igwoBlSkL3nqOvT_1q85jWTYGUfax1wEyjRYM4Qg710p4LKFNOwOAbh07VV_LFB4lN9Fc3DDV1kuPhjRNkoqE6BMLJuxxC6fig8ROxGVbvP-4mzpmI46naW/s1600/back+to+top+.png" tih hi a hnuaia code hian i replace dawn nia. Save button kha hmet leh ang che.

3. Social Media Sharing Button:

Hei hi template thenkhat chuan a chhawm sa ve tho va, mahse; ka hmanlaiah hian a chhawm ve loh avangin ka hmang a. Tin, blog post hnuaiah chuan a lang lo thung.

Desktop ah chuan a sirah a lo tawlh a, mobile ah thung chuan a hnuai lam atangin a lo tawlh chho thung.

Blog-a install dan:

Blogger Account ah kalin Layout ah i lut ang. Add Gadget tih kha click in HTML/JavaScript kha i add ang a, a content ah a hnuaia code hi i paste dawn nia. Chuan Save button kha i hmet leh ang.

Save Arrangement kha clik in Blog i check dawn nia.

4. Stylish Labels Widget:

Hei hi mouse in a tin laiin a vir mep mep a, a dangdai a, hman a nuam ve riau!

Install dan:

Blogger Dashboard ah i kal ang a, Template ah kalin Edit HTML tihah i lut ang. Control + F hmetin ]]></b:skin> tih i zawng ang. Tichuan, ]]></b:skin> tih hnuaiah hian a hnuaia code hi i paste ang a, Save Template tih kha i click leh dawn nia.

I Blog hmuh a lo nawm leh zual theih nan chei thin ang che. Blog dangdai leh mawi tak neih theihna tur chuan midangte Blog ang lo taka Customize hi a tul ve a, chu chuan I Blog chu midangte tana chhinchhiah awlsam bikah a siam dawn a ni.

Serchhip zin

noreply@blogger.com (Dawnga Chinzah) — Thu, 01 Feb 2018 18:01:00 +0000

December 18, 2017, thawhtan zing hma takah Serchhip panin Siaha atangin ka chhuak a. Christmas leh kumthar hmang tura kal ka ni. Zing hma takah kan chhuak a, passenger kan tam lova, a hma tlarah pakhat, a lai lenah mi pahnih nge pathum ka chiang ta lo an chuang a. A hnung tlarah keimah chauhin ka ni thung. Kawng a tha lo nen ka insawh nasa hle a, dar nga rik dawnah Thenzawl kan thleng. Thenzawl atangin Serchhip chho hi dar nga-ah a awm a, chutah chuan ka chuang leh a, dar sarih bawr velah Serchhip chu ka thleng thei chauh a ni. Serchhip chho maxi cab-ah hian keimah chiah passenger ka awm a, kawng a thui tham tawh lo bawka a nuam letling phian!

A hnuaia Ads hi min lo click sak ve hram dawn nia. I vawikhat click khan pawisa in min tanpui tihna a ni a. Midangte tana malsawmna ni turin han click teh le.

2009 kum hian ka pi Ruati a boral a, a thih champha hmang tura kal ni deuh ber zawk a. Ka pute hian huan tha zet mai an nei a, Serchhip leh Thenzawl inkara awm a ni - Zuangleng tiin chulai hmun chu an sawi. Lakhuihthei leh Rubber hmun a ni ber a, sangha dil lian tawk tak a awm bawk. Christmas leh kumthar inkarah picnic-in kan kal a, pu Siamtea nen len kan deng dun a, pakhat chauh ka man. Ka man chhun pawh chu a lian zual chauh man tur an tih avangin ka chhuah leh nghe nghe. Len den hrim hrim hi ka thiam lo, duh angin ka nghawk arh thei lo. Pu Siamtea erawhin a thiam ngang mai a, sangha dil atanga kan chhuah hnuin len pho tura thlam tuala a han theh phei chu circle hi a ni ringawt mai!

A hnuaia Ads hi min lo click sak ve hram dawn nia. I vawikhat click khan pawisa in min tanpui tihna a ni a. Midangte tana malsawmna ni turin han click teh le.

Thlalatu; Bainawki

Ka piah fe a lo lang ve det det saw pu Siamtea chu a ni. A tirah tak chuan a fapa, Lalhmuna nen an denga, Lalhmuna pawh chuan rei ngial a beih hnu pawhin pakhat chu a man ve thei hram.

Thlalatu; Bainawki

Tlai lamah chaw hlui hnihah siamin changel kan phah a, kan sangha man leh kan sa ken te hmehin tlai leh puar takin ka ei.

Chaw ei khamah thalakhona neiin hun kan hman chhunzawm.

A hnuaia Ads hi min lo click sak ve hram dawn nia. I vawikhat click khan pawisa in min tanpui tihna a ni a. Midangte tana malsawmna ni turin han click teh le.

Krismas ruaitheh niah thla kan la lo, kal kilho loh avangin, Kumthar ruai theh ni erawh hluiah kan kilho thei a, thalak pawh tihian a dah theih ta a ni.

Kum te a han thar takah chuan January 16, 2018, nilaithawhtanah ka haw ve ta a ni.

Blog Design hna ka zo fel ta

noreply@blogger.com (Dawnga Chinzah) — Wed, 31 Jan 2018 16:31:00 +0000

Tunlai chu, han ti ngial ila; tunhma lam fe atang tawh zawk khan ka blog chei tha hi ka buai ve em em thin a. Ka duhthusam tak template hi ka la hmu thei lo va. Mawi tak tak chu a tam teuh mai a; mahse, duhzawng bik riau ka nei thin a, chuvang te pawh chu a ni ang; ka duhzawng tak hi ka hmu mai thin lo va. Hun rei tak chhung template tha zawnga ka buai laiin; hei, vawiin tlai chu ka duh zawng tak ka hmu hlauh mai a, ka lawm ve ang reng khawp mai!

Tunlai khaw vawt nen computer hmaa thut chu ke a na duh hle a. A vawh vang hian a natin a na tuk thei a, kut pawh chuti tho chu a ni.

Nimin atangin blog chei chu ka tan a, chawhnu atangin a ni a, ka bur deuh char char a. Vawiinah pawh chawhnu lam atang bawkin ka bur leh chat a, tlai lam dar li bawr velah tuna ka hmanlai hi ka hmu fuh ta hlauh mai a. Ka han buaipui char char a dar kua velah ka peih fel thei ta a. Duhzawng leh ngainat zawng a inang lo va, thenkhat chuan tuna ka hmanlai hi nalh inti kher lo ang a, kei erawh chuan nalh ka tiin mawi ka ti ve em em a. Mizo blogger tam zawk te hi chuan mawi tak tak leh changkang tak takin blog an thuam a, a then thung erawhin a chei lam aimah chuan a chhung thu an ngai pawimawh zawk a. Keipaw'n ka ngai pawimawh hle a. Eng teh ual chu ka ni chuang hlei law! Chuvangin blog tha leh tha lo tehna pawh a danglam hial thei awm e! Blog mawi em em, a chhung ruak leh huai si chu a dik lo ang a, chutih laiin mawi vak chuang lo, a chhunga len luh hlawhthlak fu si pawh a awm theih tho vang! A blog mawi bawk, a chhung len luh nuam leh hlawkthlak bawk phei chu tha tak a ni.

Mizo blog tam tak hi ka tlawh ve fo thin a, tlawh ngun bik pawh ka nei nual a. A then te chu vawi khat chauh tak tak ka luh a, ka tlawh leh tawh ngai miah loh hi an tam em em a. Mizo blogger te zinga an blog ka luh tam zualna pahnih han sawi ve mai mai ila; pakhat chu, Chhemdam Thlifim, TS Khupchong blog a ni a. Pakhat leh chu Hmangchang Blog tih, Muankima blog a ni. He blog pahnihte hi ka lut ngun em em a, ka chhawr dun em em a. Tin, blog dang tha tak takah pawh ka lut fo tho va; mahse, ka blog tarlan te khi chu ka ngainat zual bik te an ni.

A bikin Hmangchang Blog phei hi chu blog siam nachang ka hriatna a ni hial a, ka ngai hlu leh zual em em a. He blog hi lo hre lovin lo hmu lo palh ta hlauh ta ila chu; blog pawh hi ka nei ve lo hial mai thei a ni. Chuvangin post tharlam ka ngaihven reng thin. Tin, Chhemdam Thlifim hi post tharlam ngaihvena ka luh zinnna tak pakhat a ni ve tho va, mizohican pawh hi ka tlawh zin pawl tak a ni bawk. Ani hi chuan english vekin post a siam thinin ka hria a, inzirnan tak paw'n ka hmang tangkai hle a ni.

Mizo blog hi a tam ve thawkhat hle tawh a. A thente chuan an han siam a, an ngaihven zui tawh lem hlei lova, a awm awmin an dah satliah ve ringawt a. Kawng lehlamah chuan, post siam zung zung hi a har ve em bawk lah tak a, tu kan dem thei chuang hauh awm lo ve! Thuziah hi har tak a ni a. A dik chauh chuan blogger ho bik hi chu 'Thu leh Hla' lama tui mi an ni zualin ka hria a. Chuvangin hlawkna hi eng emaw ti zawng takin kei pawhin ka chhar ve thin chuan ka inhria. Kan dam a, Pathianin hriselna tha min pek chhunzawm zel chuan blogging hi ka ban san mai mai ka ring lo.

A nihna takah chuan tu tan pawha tangkaina leh hlawkna awm lo, a tlawh pawh an tlawh zen zen loh leh, chhiar tlak ik pawh awm lo a ni nachungin heti chen hi blogging hian kan lo dam ve tawh a, chuvangin inzirna leh intuaihriamna hmun pakhatah hmangin ka chhunzawm zel dawn a ni.

Aw le, a bangbo zawk te leh blogger tuaitir te tan blog template thlak dan kan tar lang ve mai mai ang e. Blogger in a chhawm sa hi chu awlsam takin a thlak zung zung theih a; mahse, site dang atanga download chawp a, han thlak kual vel hi a kual ve a, chuvangin kan dah ve mai mai ang e.

Btemplates: Blogger Templates atangin ka hman lai hi ka download a, iRestaurant a ni.

Ka download na hmun atang vek hian emaw, i site duh duhna hmun atang pawhin i template duh zawng i download thei a. A tlangpuiin Zip File in an dah thin. Zip File chu download in i duhna hmunah i extract mai dawn nia.

Tichuan i extract hnuah a hnuaia file ang hi a lo awm ang.

www.blogger.com ah kalin Theme ah i lut ang a, chumi zawh chuan a hnuai ami ang hi a lo lang ang. Backup/Restore tihah hian lut lehin, i file extract kha i upload tawh mai dawn nia.

Mahse i file extract atang khan a file type-a XML Document tih chauh kha upload tur a ni.

Tichuan template nalh tak tak, i duh zawng apiang i upload thei tawh mai dawn a ni. I upload hnuah pawh duh ang tawkin i la chei leh thei ang.

Rihdil lamtluang

noreply@blogger.com (Dawnga Chinzah) — Fri, 01 Sep 2017 07:59:00 +0000

2012, May thla khan Govt. Serchhip College-a ka kal ve laiin Rih Dil en in kan kal tawh a, Serchhip MZP huaihawt a ni nghe nghe. Chumi tum chuan kan han kal ve tawp hi a ni a, a nawm phei zawng a nuam viau a, kan hlim tlang hle bawk tho na in ziaka han chhinchhiah kha ka nei lol hrim hrim a, a kim lo riau in ka hria a. Tin, 2010, October thla khan Tamdilah ‘Study Tour’ neiin Govt. Serchhip College, Science Student te chuan hun kan hmang leh a. Hemi tum hian zan khawthim hnuaiah dil kama Uchang te chu vaiin kan buai hle. Kei hi ka vanduai ka ti dawn nge ni ang, Govt. Serchhip College-ah hian kum ka tluan thei lova, ‘Nerve’ natna avangin 3^rd Semester ka zawm thei lo a ni. Tin, Semester anga a kal hma, Year anga a kal laiin B.Sc hi ka zawm tawh a, 2010 a ni a. Hemi kuma ka chawlh avang hian a kum leh 2011-a zawm tha leh ka ni na a, sawi tawh angin ‘Nerve’ natna avangin ka chawlhsan leh a, khumbetin kum khat dawn chu ka mu a ni. Tlai khawhnu, 2015 kumah Govt. Saiha College ka zawm tha leh chauh a ni.

Govt. Saiha College-a ka kal lai hian Rih Dil kalna hun remchang ka tawng leh hlauh a, ka lawm em em a ni. Kan Professor Dr. Chawngkhuma Chawngthu leh Lecturer, Lalzawmliana te kaihhruaina hnuaiah, zirlai 20 chuangin Dt.7-12, Feb. 2017 chhungin Govt Saiha College zirlaite chuan ‘Educational Tour’ hlimawm leh chhinchhiahtlak zet mai kan hmang a, kan hlawkpuiin zirna kawngah min pui nasa em em a ni. Kan zin velnaa min phurtu Motor hi Colney Bus – MZ-01N2464 a ni a, a khalhtu hi Ricky-a niin zuanzang leh fel tak mai a ni. He tour-ah hian Fresher an tel lova, 4^th leh 6^th Semester zirlaite kan ni hlawm. He Programme tum ber chu, Mizo pipu sulhnu leh hmun hmingthang tak tak te a tak ngeia hmuh a, a hmun ngeia tlawh a ni a. Chung chuan zirlaite tan an zirna kawngah puitu tha tak a nih beiseina a ni.

February 7, 2017 (Teusday) zing dar 6:00 ah New Siaha atangin kan chhuak a, zirlai thenkhat leh Sir Zawma ten College veng, pump bulah min lo hmuak a, thawmhnaw leh mutbu ilo te kan hlan fel hnuah kan kal leh a, a piah lawkah zirlai lo lawn an awm a. Meisatla vengah pawh zirlai thenkhat min lo changtu an awm leh a, reilote chawlin hming ziah felna kan nei lawk a. Chumi hnu chuan ding tawh lovin tawngtaina hmun thleng kan tlan a, Sir Chawngkhuma’n tawngtaina hun a hmang a, zunram thiarin kan chawl hlek a, kan chhuak leh ta luai luai a. Kawlchaw kan thlenin thingpui dawrah kan inhnawhpuar a, zirlai pakhat a lo lawn ve leh bawk a. Tawipuiah tukthuan kan ei a, zirlai thenkhat chuan Hotel-ah man chawiin an ei a, a thente chuan chawfun kan pai bawk a. Hlim takin zinkawng kan zawh zel a, harsatnain min tlak lem lova, kan tluang khawp mai.

Rih Dil lamtluang kan zawhna kawnga hmun pawimawh leh sulhnu chhinchhiahtlak tak tak te chu a hmatiamin Sir Chawngkhuma’n min kawhhmuhin a hrilhfiah zel a, a pa len angin a luhruh pawh a ring tha a, a fiah thei thin khawp. Tin, pa thil hria leh chhinchhiah peih mi tak niin ka hria. Lirthei chungah darkar engemaw zah kan chuan hnuin zan dar 9:00 velah East Lungdar khua kan thleng a, YMA runah kan innghat a, zanriah min lo buatsaih sak vek bawk a, a hahdamthlak hle. Dar 10:00 hnulamah zanriah kan kil thei chauh va, mutna kan siam a, kan insilfai hnuah a then an mu nghal a, a thente erawhin tualah mei chhemin kan thu khawmuang a. Meilum kan ai pui, East Lungdar khawpa hnenah chuan, “In khua hi a nuam khawp mai a, khual thuthang ka lo hriat danah, tlang nuam tak, khawthlir leh len vel nuam em em mai, ‘Ngei Ngei Tlang’ in nei niin ka lo hria a. Khua han chuan a chakawm hle mai” tiin, titi phungleng ka sawi a. Ani chuan ‘Ngei Ngei Tlang’ ti’a a khawmiten an sawi ve loh thu te, tlawh ve ngei tura min duhsak thu leh, a awmna hmun te min hrilh bawk a.

A tuk, Feb.8, 17 (Wednesday) kan tho chhuak chuan East Lungdar khaw nuam leh fai em em chu chiang takin kan hmu thei a, an sawi tlang nuam tak chu tlawh turin kan thawkchhuak nghal a. Khawchungah alo awm a, a nuam hle a, kan hlim tlang hle bawk a. Kan rem hriat ang anga insiamrem velin thla te kan la mawlh mawlh a, zing boruak thiang kek kawk chu, chu tlang thengthaw nuam takah chuan kan han hip tak vawng vawng a, khawthlir a nuam em em a, lunglen a tho thei hial dawn mai zuk nia!

East Lungdar

Tlang/mual a chawr lek luk a, sang lutuk lo leh bir lutuk lovin a pawng thleh thluah a, phul a to tlim hmar bawk a. Kan kal hunlai hian phul alo ro tawh a, a mual a mualin a buang thur mai a ni.

East Lungdar

Tukthuan kan ei hnuah Farkawn ban tumin kan chhuak leh a. Lungdar atanga km 5 vel, Biate khaw lam kawng bulah chuan ‘Lung Vando’ a lo ding a. Hei hi lung mum pel pul, Ft 7 ½ (sarih leh a chanve) – a sang a ni. A bulah hian a bung nimai awma mawi lung a awm bawk. A laia hawlh tlangin feet khat leh inches sawm a ni. He ‘Lung Vando’ phun a nih dan, ‘Serchhip District chhunga Pipu sulhnu leh hmun hmingthangte’ tih lehkhabu, Serchhip District Academy of Letters, 2009, buatsaiha a lan dan chu, hetiangin;

‘Pu Chawngkunga Ex-Minister chuan British leh Burma indo lai vel Second Burmese War 1824-1826 tawpah khan British hi chak zawkin Treaty of Yandaboo 1826-ah (inremna) an ziak a. Chumi ang chuan ramri lung an phun ta a. Chuta an lungphun chu niin an sawi. Hemi chungchangah hian Lungdar pitar thil hre ber, Pi Chhunhnuaii kum 1986-a thi ta khan ti hian a sawi bawk, “Kan naupan laia ka piin mi hrilh dan chuan Lungvando phun tute chu Kawlho (Burmese) an ni a. Sai tam tak an hruai a. Heng lung te hi sai chu an hnuhtir thin…” a ti.’

Lungvando

Biate khua kan han luha rilrua lo lang hmasa ber chu ‘Thingpui Huan’ a ni a. Biate khua hian an Lal Kairuma fapa tlangchang, Thangchuanga hmalakna in kum 1918 bawr chho atang khan thingpui chin an lo buaipui tan tawh a ni, an ti. Kum 1935 khan mi tam zawkin thingpui an chin theihna turin Biate khaw hnuai dai ‘Halzawl Mual’ an tih chu theh a ni a, kum 1943 ah ‘Tuilut Mual’ an tih chu an theh belh leh a ni. Kum 1995 atangin sorkar hmalakna hnuaiah phuisui zawka kalpui a ni chho ta a ni. Biate khawdaia ‘Thingpui Huan’ chu hmuhnawm tham a tling a, kan thlir dauh dauh hlawm mai a ni. Tin, Biate khua hi faina kawngah khaw entawntlak tak an ni a. An khawlai a fai em em a, bawlhhlawh hmuh tur a awm lo tih theih a ni a. Hmawmsawm kawr tuala let mai mai hmuh tur awm lova, kuhva eina ilo leh chil chhahna bal kai a awm lo tih theih a ni bawk. Vantlang inthiarna hmun te chu a thinghlim em em a, damdawi bur ruak leh zial bung let hmuh tur a awm lo a ni.

Farkawn pana zinkawng kan zawh hian, Khawbung leh Dungtlangah kan chawl a. Khawbung hi chhun lai tak dar 12:00 bawr velah kan lut a, ‘Mizo Hlakungpui Mual’ kan en a, a ropui takzet a ni. ‘Hla Kungpui Mual’ hi Khawbung bula Mizo hlaphuah thiam ropuite puala lungphun a ni.

He hmunah hian Mizo hlaphuah thiam leh thu ziak thiam mual liam tawh mi eng emaw zat hriatrengna lungphun a ni a. A hmunhma a nuamin a fai tha hle a, lungphun tinah chuan thu leh hla lama thangchhuahte hlimthla chu nemkai a ni a. An chanchin tawi a inziak vek bawk a. Hla Kungpui Mualah hian lungphun 36 a ding a ni. Mual dung zuiin kawng zau tak a kal a, a sir tuakah Lung te chu phun tlar an ni a, veihvahna kawng hi ft. 6 dawna zau a ni ang.

A tawpah chuan lungphun lian zet, hmai thum nei hi a lai takah a ding lurh a. A hmai pakhatah chuan hetiangin a inziak a;

Hla Kungpui Muala lungphun hmaithum nei chu

KHAWBUNG

Din tan kum 1903

Mi nuntlang, Sakhaw rawngbawltu,

Hla phuah thiam, Thu ziakmi

Kut themthiam leh Zir mite hringtu,

Vul reng rawh se.

Tiin, a phun kum, ni leh thla; Ni 7 April, 1986 a inziak a. A phuntu, Khawbung YMA (Din kum 1946) leh a khawchhuakte, tiin a hnuaiah a inziak bawk a ni.

A hmai pang dang pahnihah te chuan, Khawbung khawchhuak hla phuah thiam pahnih, Patea (1894 – 1950) leh Damhauhva (1909 – 1972) te hlimthla nemkai a ni a. Patea hian hla 55 a phuah a, Damhauhva hian hla 51 a phuah a ni.

Hla Kungpui Mual han luha dinglam sirah chuan ‘Hlakungpuimual Robawm’ a awm a. Hei hi Concrete Building chhawnga sak a ni. A luhka chungah chuan hawrawpuiin ‘HLAKUNGPUIMUAL ROBAWM’ tih inziak a awm a. A chhungah chuan hla kungpui muala sengluhte chanchin leh an bungraw hluite an dah a. An thlalak te chu mawi takin an tar hlawm a, ‘Gallery’ ropui tak a ni. A chhawng hnuaiah chuan hmanlai mizote bungrua leh hmanraw hluite dahkhawm a ni a. Awmze nei taka rem an ni a, hmuhnawm tham zet a ni.

Thla te kan han la zova, Dungtlang lam panin kan tlan leh ta a.

Tlai lam dar 2:30 velah ‘Lianchhiari Lunglentlang’ kan thleng a. Dungtlang lal fanu Lianchhiari’n lungleng taka Chawngfianga te khua a thlirna thin tlang chu Dungtlang khaw chungah alo awm a. Lianchhiari Lunglentlang hi tlangchhip thlen hma deuh hleka lung tohlawt awm a ni. Chumi hmun tak thlen hma chuan Lianchhiari thlan a lo awm a, hetiangin thuziak a intar a.

DUNGTLANG 7000 LAL FANU HMELTHA HMINGTHANG LEH HLA PHUAHTHIAM LIANCHHIARI THLAN.

VUI NI:_._.2014

VUI TU: DUNGTLANG MIPUI

(Vui ni hi a thuziah a reh tawh vangin ka dah awl ta mai a ni.)

Lianchhiari Lunglentlang atang chuan khua kan thlir vel a, a sang tha hle mai a, kei phei chu ka khur titih hial a. Lianchhiari thutna thin, Lung tohlawt tak chu a hmawr a bung then tawh a, a uiawm takzet a ni. Thlalak bawk chu kan hna pui ber a ni leh a, thla la chuan kan buai leh ta mup mup mai a ni. Hetih lai hian Lianchhiari Lunglentlanga reilote chhung han thut mai pawh chuan eng emaw ti tak hian lunglen a thova, ngaih bik sawi tur hre si lovin khua a har titih mai a ni. Tin, ‘Lianchhiari Lunglentlang’ bulthutah hian Zo Khaw hlui a awm a. Hmanlai in leh Zawlbuk a ding a. Zawlbuka ‘Bawhbel’ ah chuan keipawh ka bawk liam nasa mai a, a tliang tha a, a nal tha bawk a, a nuam dangdai hle a ni.

Lianchhiari Lunglentlang
Lianchhiari Lunglentlang atanga hlaloteah chuan ‘Thangchhuah Mual’ a awm bawk a. He ‘Thanchhuah Mual’ ah hian Mizote zinga mi hmingtha; ‘Politics,’ ‘Zirna,’ emaw ‘Literature’ lamah pawh, chu’ng mite chawimawina lungphun chu a ni a. Tin, Mizote zinga a hmasa ber te chawimawina lungphun pawh a ni tho a ni. Lungphun hi 50 chuang a awm a, Pu Lal Thanhawla CM, Mizoram chawimawina lungphun pawh a awm a, he muala chawimawite zinga dam lai awm chhun a ni.

Thangchhuah Muala lungphunte

Lungphunte hi awmze nei taka rem an ni a, ft. 3 dawna sang an ni ang. Chawimawina Lungphun ni lo pahnih a hmalamah a awm a. A dinglam zawkah chuan hetiangin a inziak a;

THANGCHHUAH MUAL A

MIZO MI ROPUI

THANGCHHUAH TE

CHAWIMAWINA LUNG HI

MIZORAM LEH HNAM RO

ATAN DUNGTLANG

MIPUIIN KAN PHUN A NI.

PHUN NI: 9.4.1997

Tin, veilam ami zawkah chuan hetiangin a inziak a;

THANGCHHUAH MUAL

(MIZO MI ROPUITE)

CHAWIMAWINA LUNGPHUN

Hawngtu

Pu Lal Thanhawla CM

Mizoram

Hawn ni: 9.4.1997

Tichuan, Dungtlang lal fanu hmeltha Lianchhiari lunglenna tlang chu hnuchhawnin lirthei chungah kan chuang leh a, zinkawng hlimawm tak kan zawh chhunzawm leh ta a. Farkawn khaw lam panin kan tlan leh ta ngar ngar a ni.

Samthang khua kan lut a, he khua hi Ex CM, Mizoram, Pu Zoramthanga pianna hmun a ni a. Farkawn khua tak kan luh hma hian ‘Fiara Tui’ leh ‘Thasiama Se No Neihna’ hmun enin hun kan hmang bawk a. Thasiama se no neihna hi tlangbawk sang tak, khawkrawk tak leh mihring tan pawh kal harsa khawp a ni a, Vaphai khawdaia awm a ni. He tlangbawk chhhipah hian Thasiama sial (Mithun) chuan no a nei a, sial chu sawi loh mihring tan pawha kal harsa tak a ni. Thawnthua a lan dan chuan hetianga mihring pawh kal theih mang lohna hmuna sialin no a han neih theihna chhan chu Thasiama hi Lasi (Fairy) nula Chawngtinleri’n seno tam tak nei turin mal a sawm a, chuvang chuan he sial pawh hi Chawngtinlerhi hruai a ni an ti. Thasiama sialin no a han neihna hmunah chuan kan lawn a, a kawng chu a te in a bir chho em em a, ke chheh sual palha lumna thui tak tur a ni. A chung zawl a dung thui angreng a, a zau vak lo thung. Khawthlir a nuam tham em em a, tlang leh mual inkhawh zui maite chu thui tak leh tam tham tak hmuh theih a ni a. Tan Tlang te pawh a hmuh theih a ni.

Thasiama Seno Neihna hmun

Zanah Farkawn khuaah chuan kan tum a, Sikulah kan innghat a, Farkawn khaw YMA ten zanriah min lo buatsaih sak leh a, khualtha ang maiin min lo lawm a, a nuam hle a ni. Min lo hmuaktute eirawngbawlna hmunah meilum aiin kan thianho kan kal a, tleirawl hmeltha tak tak an lo awm a. An lo lai angreng khawp a. Thuk mei hnungpuaka kan awm laiin an hruaitute an lo kal a, remchang lain an khaw hming put chhan kan zawt a. An ni chuan, Far thing an ngah vanga an khawhmingkoha hmang an nih thu min hrilh a. Tin, pipute hunlai, Lal lal lai hunah khan an khaw lal chuan, “Kan khuaa far thing suat zo vek thei hnenah ka fanu ka phal e,” tiin alo sawi hial a ni awm e.

February 9, 2017 (Thursdsay) Zing ni lo chhuak leh chuan kan hmabak la awm chu min rawn hrilh ni awma mawiin Farkawn khaw tlangkarah chuan alo herchhuak a. Kan tho sang sang a, thingpui te kan in hnuin Farkawn khuaa pipute sulhnu hmun pawimawh tak tak te chu fang turin kan chhuak a. Farkawn khua hi ‘Mizo Historical Village’ ti’a hriat leh sawi a ni thin a. Kan pi leh pute sulhnu ropui leh dangdai, langsar tak tak te leh pawimawh tak tak te chu he khuaah hian hmuh tur a tam em em a. Kan hun neihin a zir loh avang erawhin kan tlawh kim vek seng lova, a pawimawh zual erawh kan hmaih loh thung. An khaw pa rawn, kum 80 mi, hmanlai pawl 6 pass ngat (A hming ka chhinchhiah hman lova) chuan min hruai a, kan hmunhma tlawh chu a sawifiah zel bawk a. Farkawn khua atanga km 1 zet kan kal hnuin far thing thelh sungna hmun kan thleng hlawl a. Gate lianpui, thinga siam hi a lo awm a, kan hawng a, kan chhuk leh det a, Chhura chi rawt lung hi a lo ding ruau mai a. Thira hung a ni a, a chung siam a ni bawk. Tin, Chhura lem inziak tar a awm bawk a. ‘Chhura Chi Rawt Lung’ hi a rem dan ang angin kan teh ve bawk a, a san lam chu fit 4 dawn lai a ni a, a mum tul mai a, a len lam hi fit 3 hawlh tlang chu a ni ngei bawk ang. Art & Culture Department-in duat taka a enkawl a ni.

Kan chhuk leh zel a, Mizo tlangval hmeltha hmingthang, a hmelthatzia sawi nana ‘Lui kawi sarih a en thei’ an tih, Farzawl lal hmeltha ‘Lalvunga’ meuh pawhin a lal nihna nen pawha a tluk loh, a kalna apianga nula leh mi nu chenina an buaipui Lianchia ngei mai ina ral a venna hmun; ‘Lianchia Ral Ven Buk’ an tih chu kan hmu ta a. Hemi hmunah hian thah a ni an ti. Tin, ‘Lianchia Ral Ven Buk’ thlang lawkah chuan ‘Lungkeiphawtial’ a awm a. ‘Lungkeiphawtial’ hi Mizo pipu ten hmanraw tha an neih hmaa Mizo hnam zia lantir thei tura thi leh dar, mihring lu leh Se lu leh thil dang lem mumal taka lungpheka ker/ziak, tun thlenga hmuh theiha la awm a ni a. Farkawn atanga khaw chhak lam km 2-a hlaa awm a ni. Min hruaitupa’n a sawi hmangin chulai hmun chu tunhmain lo atana neih a lo ni thin a, mei leh mihring kuthnu a lo tawrh thin tawh avangin a hmelhem deuh tawh a, tunah chuan kan humhalh tawh a ni, a ti.

‘Lungkeiphawtial’ hi lungpher sei tak leh hlai zet mai hmunawiha awm, bawk zui mai a ni a; a awih angreng hle a. A chung siam a ni thla zui a, bang erawh siam a ni lo. A rel velah te chuan a tlawh tawhtuten hming an ziak rang nuai a, keini pawhin kan ziak ve a, Govt. Saiha College zirlaite sulhnu a awm ve tihna a ni reng mai. Thla te kan lak hnuah kan let chho leh a, Lianchia thlan kan tlawh leh a, a kawng chu tunhma kan pipute lungrem vek a lo ni a, a ngai ngaiin a la awm a ni. Lianchia thlan pawh chu lung lian leh hlai tak tak pathuma khuh a ni a, pipute sulhnu tho a ni; lunglian pui pui, hlai leh mak tak tak chu a thlan mawnglamah chuan a inrem churh bawk. ‘Lungkeiphawtial’ leh ‘Chhura chi rawt lung’ inkar lai taka awm a ni a, Farkawn atanga km 1 a hlaa awm a ni. Art & Culture Dept. lam atanga thlan chhinchhiahna leh Mizoram Upa Pawl, Farkawn Unit in lung an phun a awm bawk. ‘Lianchia hi ‘Chhangte’ hnam niin an sawi a, a hmelthat vanga nulate buai thinzia chu mizo pipu nunhlui leh thawnthuaah te kan hre theuh awm e.

Tukthhuan kan ei hnuin Vaphai khaw lam panin kan chhuak leh a, Vaphai khaw ‘Fiara Tui’ kan en leh a. Vaphai khaw ‘Fiara Tui’ panna kawngah chuan ‘Lamsial’ khawhlui alo awm a, Lal in te, Zawlbuk te leh hmanlai in ding hmuh tur a awm a, Lalin kawtah chuan ‘Seluphan’ a awm a, Lalin bangah te chuan salu chi hrang hrang hi a inkhai tiarh tuarh mai a. A zat ka chhiar lo na in 30 dawn chu a ni ang. Chung salu te chu ka hriat theih chinah, Savawm, Sanghal, Sakhi, Sazuk, Sakhi, Zawng, Ngau leh adt… an ni. Lamsial khawhlui atang chuan kan chho ngar ngar a, km 1 emaw 2 vela hlaah ‘Fiara Tui’ chu a lo awm a. Lung lianpui ding ruau mai hnuaiah hian tui a put a, a putna hmunah chuan fit. 2 emaw 3 biala zau hian khur thuk vak lovin a awm a, tahchuan tui vawt zet hi a tling pam mai a ni.

Fiara Tui, Vaphai

Fiara Tui, Vaphai tui lo putna lungpui

‘Fiara Tui’ chungchangah hian inhnialna a chhuak nasa hle a, khawi hmuna awm zawk hi nge ‘Fiara Tui’ dik tak chu tiin mithiam pui puite pawh an inhnial nasa thin hle a ni. Keini ang duangin kan han en mai chuan Vaphaia ‘Fiar Tui’ hi a awm ang fu zawk mai a. Farkawn khua ami hi chu ko atanga tui hnamchhuak a ang mai a, a in khur ve tho nain a holam riau mai a ni. Mahse, awmang leh holam tih mai mai vanga ngaihdan lo siam ve ngawt chu a thiang lo a ni. Farkawn khuaa ‘Fiara Tui’ hi, Survey of India Map te, INTAC record-ah te leh The Mizoram Gazzete Extra Ordinary Issue No. 17 – Vol. XXXVIII dt 23.1.2009-ah te chiang taka tarlan a ni a. Art & Culture Department, Government of Mizoram pawhin a humhalh a, lung pawh a phun a ni.

Tin, ‘Kungawrhi Kua’ leh ‘Lamthuamthum’ kan en bawk a. Lamthuamthum hi ‘Lurh Tlang’ leh ‘Tan Tlang’ inkara kawn, Farkawn khua atanga 1 km vela awm a ni. Muallung, Lamsial leh Chawngtui kawng pathum panna kawn a ni a. Ramhuai te, Lasi te leh Phung hote kawng an ti bawk. Kungawrhi kua hi Lamthuamthum tanga hnaiteah a awm a, kal thui a ngai hran tawh lo a ni. An sawi hmangah, tunhma lamah chuan helai bul vel hi lo atana neih a nih thin avangin bawlhhlawh a lut thin a. Hei hian a tihmelhem tawh a, a nihphung a hloh nasa tawh ang reng an ti.

Kungawrhi Kua

Lamthuamthum

Zokhawthar khuaah chuan kan thim lut leh a, an khaw ‘Middle School’ ah kan innghat a, boruak a vawt tha kher mai. Zanriah kan kil hnuin sikul tualah mei kan chhem a, Sir Chawngkhuma leh Sir Zawma te hovin titi khawchang sawiin reilote kan thukhawm a, ‘Literature’ te leh ‘Politics’ lam te an sawi a, a bengvarthlak piah lamah a nuam hle a ni. Mut alo hun a, mahni hmun theuh panin tui takin kan muhil leh bawrh bawrh a.

February 10, 2017 (Friday) A tuk khua lo varah chuan Mizoram leh Burma ram inrina lui, ‘Tiau’ chu kan hmu thei ta. ‘Rih Dil’ hmuh ngei tuma Siaha tlang atanga thawkchhuak ta chu phur namen lovin kan phur a. Rih Dila thlalak hlan mawlh chu kan nghakhlel a ni. A thenin ‘Selfie’ ngei tumin an ‘Phone’ te leh ‘Selfie Stick’ te chu an phawrh lawk a, thawmhnaw pangngai kan ha hlawm tawh bawk a, keimahni tawkah chuan kan mawi tlang hlawm khawp mai. Tukthuan ei khamah Zokhawthar atangin kan chhuak a, ‘Tiau Lei’ kan zawh chhuak chiah tihah Burma lama vengtuten min lo tiding a, Sir Chawngkhuman an tifel zung zung a, harsatna awm lovin kan tlan leh a. Zing dar 9:30 velah ‘Rih Dil’ chu kan thleng ta a ni. Thla kan la chuai chuai a, kan nui awr awr a, dil kamah te chuan kan tei kual vel a. Dil tui cham put mai chuan eng emaw ti zawng takin rilru a khawih a, hmanlai mizo pipute sakhua, rilru kalna leh lunglenna tawp entirtu ber pawh a ni a. An nun leh ngaihtuahna ram, a lang thei lo lama awm, a zau zawng hriat loh, Hringlang tlang leh Lunglohtui luanna Hawilopar vulna ram te chu rilruah a lo tho a.

Rihdil kamah

‘Ainawn Bu Thar’ tih lehkhabu, B.A zirlaia hla, thu & thawnthu tawi awmna-ah chuan ‘Essay’ pakhat a awm a. ‘Rih dil leh Mizoram’ tih a ni a, Siamkima Khawlhring ziah a ni. Chu ‘Essay’ te chu rilruah a lo lang iarh iarh a, a bikin hla thu a han tarlan tawite;

Hringhniag an liamna thlafam khua chu e,

Ka thlir ngam lo Hawilopar thliak a,

Lunglohtui an dawn tur ka ngai ngam love.

tih te chu a lo lang bawk a. Mahse, chutiang lamah ngaihtuahna kan seng hman lo a ni ber. ‘Camera’ in rilru a lo luah thuai zawk a, mitin hmunrem deuh lai a melh reng a, a rem lai deuhah chuan thla kan la thuai thuai zel zawk a ni. Rih Dilah chuan ‘Lawng te’ a lo awm a, chuan man erawh chhiar a ni thung. Sir Chawngkhuman lawnga chuan dan tur a rel zel a, a inchhawkin kan chuang zel a. Tumkhatah 5 bawr vel kan chuang zel a ni.

Rihdil

Chutiang chuan a chuang ngam te chu kan chuan kim vek hnuah, dil kama hmawmsawm dawrah chuan kan inhnawhpuar a, kan muangmar deuh tawh a, hlim takin an sawi ‘Rih Dil’ kamah chuan hun kan hmang a ni. Rih Dil chhak lam hla vakloah chuan lim a ding a, ‘Rul fep nei’ niin an sawi.

Rih dila hun eng emaw chen kan hman hnuin tih tur dang awm tawh hek lo, zin kawng a tawp a ni ta ber a. Tichuan hlim takin haw kawng zawh leh turin bus-ah kan chuang leh a. Kan kal lama kan tlawh hman tak loh, ‘Vangchhe Khua’ chu Vaphai khawdai atangin kan ral thlir vauh vauh a, ‘Vangchhe Khua’ chuan, “Govt. Saiha College zirlaite u, hun tha in neih leh tik velah min lo tlawh ve ngei tawh dawn nia” ti niawma mawiin min lo thlir ve niin a hriat a, thlalakna nei tha zualten an tin tak ang vawng vawng a, an hmet de zawk zawk a. Tichuan, rilrua vei urh nei hran tawh lovin kan liam leh tak vawn vawn a. Keifanga riah tum kan ni na a, Saitualah kan tlang daih thung a. Keifang kan luh dawn khawdaiah chuan kan motor hmalama eng chhit chu kan tlan laiin a mit thut a, motor dang lo kal loh lai leh kawng kawi ulh lutuk a nih loh avangin eng em kan tawk lova. Hetih hunah hian khua a thim tawh a, kawnglaiah kan ding ta ngawt a. Driver in a siam that leh hnuah kan tlan leh a, Saitualah kan lut ta a. Tourist Lodge-ah kan innghat a ni.

February 11, 2017 (Saturday) zing ni chhuak chu a thiang tha a, kan bungruate kan hlang fel a, tichuan Saitual chu kan chhuahsan leh a. Tam dil lam panin kan liam thla ta a ni. Tam dil hi Saitual khaw bula awm a ni a, khua atangin rei tlan a ngai em em lo a ni. Zing boruak chu Tam dilah chuan kan hip tak vawng vawng a, a nuam khawp mai.

Tamdil

Rei erawh kan awm lova, kan kal leh thuai a.Sellingah tukthuan eiin kan inhnawhpuar hnuah kan tlan leh ngar ngar a. Baktawng khuaah kan chawl leh a, Chhuanthar Run leh Chhuanthar Stadium te kan en leh a ni. Chhuanthar Runa an choka chu a lian em em a, bungbel lian pui pui leh thuk lian pui a awm ruau a. Choka-a hna thawka buai pawh nu ho an tam khawp mai a, ka thianpa nen kan en a, an chhun thingpui tur leh a hmeh te siamin an lo buai hle a ni. Thlalak ka han dil a, an rem ti hlauh a. Ka thianpa nen chuan thla kan la nghe nghe a ni.

Pu Chanate chhungkaw choka

Chhuanthar chhungkua hi khawvela chhungkaw lian ber an ni a. An chhungkaw member hi 170 lai an ni. An pa ber chu Zion-a a ni a, nupui 38 lai a nei a ni.

Chhuan Thar Run Chhungkaw thlalak

Chhuanthar run sirah chuan lungphun dangdai leh ropui zet hi a ding a. Lungphun chungah chuan Sakei lim a ding vung a, tha taka hung a ni bawk.

Lungphunah chuan hetiangin a inziak a;

NUNHLUN KAWNG

A MIN HRUAITU STAR

ROPUI CHUAN A MI TE

CHENNA PLANET MIN

HERLIAM SAN TA.

DT. 27. 2.’97.10:45 PM

Chhuan Thar Run

Tichuan kan tlan leh ngar ngar a, tlai lamah Serchhip khua kan lut a, thingpui in in kan inhnawhpuar a, rei vak lo kan chawlh hnuah kan chhuak leh a. Thenzawlah kan chawl zawk tih loh chu kan ding tawh mang lova. Zan khuain kan tlan a, driver chau tawngkhawng chu reilote chhing sekin khaw kar kawngah kan ding a ni awm e. A tuk February 12, 2017 (Sunday) zingah him takin Siaha chu kan lo lut leh ta a ni.

Essay (Thusep) Inziahsiaknaah Pathumna!

noreply@blogger.com (Dawnga Chinzah) — Sat, 09 Jul 2016 17:52:00 +0000

2016, Remna Ni puala Mara Students Organization (MSO), Saiha te buatsaih, Essay (Thusep) inziahsiaknaah lâwmman pathumna ka dawng ve hlauh mai a, ka lâwm tâwk a tling ve hle a ni. He intihsiaknaah hian a thupui atân "Value of Peace" tih hman a ni a, words limit hi 1000-1300 a ni bawk. Tin, he intihsiakna hi HSSLC leh College zirlaite puala buatsaih a ni.

English hian thuziah ka thiam lo hle a, Mizo tawng pawhin ka thiam chuang hek lo. Amaherawchu thuziah hi nuam ka ti hrim a, Mizo tawng hi chuan ka ziak ve fo thin. He intihsiakna pawh hi ka huphurh khawp mai a, tunlaiah School tha tak tak atangin thiam tak tak an chhuak tawh a, English nâl tak tak te pawh an tam tawh mai a. Keini ang duang tân chuan han el phâk loh túr vek an ni tawh mai si! Mahse, tawnhriat atân leh chona atân tiin ka tel ve thâwr mai a ni. Mizo tawnga buatsaih ni zâwk se la chu zia tak tur zâwk hi a ni a, kan ziak ve duah thei maithei a ni.

He intihsiakna hi 27th, Jun, 2016 (Monday) a buatsaih a ni a, Result hi 30th, Jun, 2016 ah Remna Ni lawmna puala inkhawm buatsaihah puan a ni. Result puanna hmunah hian lâwmman sem nghal a ni bawk.

Beiseina ka neih sân loh êm avângin Result puan ni ah hian ka tel ve ngam lova, kan inhmun sâmfaiin hun ka hmang daih a. A zânah WhatsApp lamah he intihsiakna a tel ve tho, College lama ka hmelhriat hnên atangin Result hi ka hre ve chauh a ni. A tûkah ka thianpa nên MSO Office atangin lâwmman chu kan la a, ka mamawh lei nân ka hmang nual a, a bâng la awm chu ka nu ka pe bawk.

Ziaka intihsiaknaah hian ka vawikhat telna a ni a, ka thlen chinah hian ka lungâwi mai piah lamah ka lawm em em bawk a ni. Hmasâwnna túr tam tak ka nei tih ka hriatna ringawt pawh hi ka tân chuan, hlawkna tam tak a ni tawh hrim hrim. Higher kan zir lai ni ta in ka hria, tumkhat chu kan School-ah lemchan tâwi hmanga intihsiakna buatsaih a ni a. Kan School naupang zawng zawngte hi Group 4 a then kan ni a, kan Group pawh chu kan inbuatsaih nasa khawp mai. Kan Group lemchan tur; thawnthu riruang (Plot) leh lemchangte inbiakna (Dialogue) buatsaih chu ka kovah an nghat hmiah mai a. English veka ziah a ngâi bawk si a, ka huphurh em em a, mahse, ka pha ngam bawk si lo. Harsa tak chungin ka duang zo ve mai a, kan hlim tlâng ve khawp mai. Tin, kan vannei khawp a, pakhatna kan ni ve hlauh mai a, kan lawm tlang teh asin aw!

Ka thianpa, Valentin-a te inah ka lâwmman dawn pawisa fai hi thla kan lâkpui ve a nih hi.

Kungpui a tliak ta!

noreply@blogger.com (Dawnga Chinzah) — Sun, 27 Mar 2016 05:41:00 +0000

Ka pi, F.Zakungi, kum 84 (1933-2016) chuan he khawvela a nunkawng bumboh, harsa leh țițoh tak chu January, 09, 2016, tlâi lam 3:50 ah hnutiang chhawnin a chhandamtu hnênah min chawlhsan ta. Amah hi mi nun-tlang (straightforward) tak mai a ni a, lem chan hi a thiâm hlawl lo. Chhûngkua khâikhawma khâiding bertu a ni a, chhungkaw innghahna ban pui tak meuh a ni. A bulah chuan kan him a, kan hlim thin.

A fa la dam te

Amah avang hian tun dinhmun te pawh hi thleng ve thei niin ka inhria a. Pawl 6 - 12 ka zir chhung zawng min enkawl seilian a, duat takin min enkawl a ni. Kan sikul hian chawlh kan nei tam lo va, kum khatah thla thum tha chauh chawlh a awm. Chutiang hunah chuan phur takin a kiangah chuan ka haw ve thin.

Ka pi hi mize dangdai tak a ni a, a huat zawng leh lawm zawng thilah pawh ri phawng phawng chi a ni. A tawngkam te hi a hraw thei em em a, lawmna tur lamah chuan a lawmawm a, zahna tur lam thilah chuan zahthlak duh tak a ni. Mi a han fiamte hi a dim lo thei em em a, a chutih vang erawh chuan tu pawhin an nel thung. Thup tit tet hi a neih loh avangin a rilru hi kan hre tlang thei thin. Tumah a huphurh ngai lova, inleng te biak chhiat a nei ngai lo.

A chenpui a tu leh fa te

A fapa Hmingthanzuala leh a tunu (Hmingthanzuala fanu) Tetei

A fanu Helen Lalsangliani te chhungkua

A fanu Lalromawii te chhungkua

Thian kawmngeih em em a nei a, engtik lai pawhin an inzui chawt thin. Chu a thian kawmngeih em em leh a thiantha ber ni bawk chu pi Hmuaki a ni. Ani chu lo lam hna nei an nih avangin kar tluana ram lama riah te lo tul thin a. An tul zual chang phei chuan an inhmu lo rei ve thin hle. Chutiang hunah chuan ka pi hi a khawhar a zual em em thin a, a khawhar hnem nan lehkhaden leh checker te kan khelhpui thin.

A thiannu pi Hmuaki

Pathian malsawmna dawngin tu leh fa duhawm tak tak a nei thluah a; tin, mitin ngainat a nih avangin hmangaiha duhsaktu pawh hmun tinah a nei. Inleng tumah huphurhna mitin a melh ngai lo. Tin, a chapo lo em em a, thil tihsak te hi a nuam em em a, ka duh ang erawhin thil tam ka tihsak hman lo va, a pawi ka ti takzet a ni.

A nau Lianhrima te chhungkua

A tu leh fa te

Ani tel lo chuan chhungkaw khawsak a buai zova, a tu leh fa - hmun hrang hranga awm te kan inpawhna leh inzawmna te hi amah hian thui takin a hril a ni. Khua a lo rei ang a, ani tel lo hian engtin tak inpawh thei zel ang i maw! A la sarhu em a, engtiang takin nge a hmun ruak hian nghawng a neih dawn tih pawh hriatthiam a har a, khuareiah kan la hre chhawm zel ang chu!

Pu Manga te chhungkua leh nu Thangpui te nu fa

Lalhrilliana

Mi hriat hlawh tak mai a ni a, a vui niah pawh mi an thahnem hle. Rin phak bakin mite pawhin min tawrhpui ve a ni tih a hriat.

A chak loh zual fe tawh hnuah chauh min hrilh a, a dam loh thu hi chu ka lo hre sa tho na a, chuti vut vuta tha lo chho turah ka ngai lem lova. Phone atangin ka be thin a, ka ngaihven reng tho a ni. Tichuan, a zual thu min han hrilh tak thutah chuan mangang takin rang takin Serchhip ka pan nghal a, ka va hmuh chuan min hre thei tawh tlat lo! A tawng thei tawh lova, a cher em em a, khumah a chahthlak hun nghakin an lo mut hi a ni ber tawh a. Ka thlen thu an han hrilh a, ka hming lama an han hrilh te chuan a buai em em a, thei leh thei lovin a rilru a seng ve a, a hah phah em avangin ka be ngam ta lo a, a en pawh ka en hlei thei lo, ka lainat a ni.

A natna hi cancer a ni a, chhel takin tuar tang tang mahse a hneh ta ngang lova. January, 09, 2016, tlâi lam 3:50 ah min kalsan ta a ni.

A nau Lianhrima

Ka nunah hian ka tana mi pawimawh zual bikte hming han sawi dawn ila, ani hi a hmasa berte zinga mi a ni ve ngei ang. Chuvangin ka tan hian a pawimawh em em a, rilru na leh hrehawma ka siamna te pawh a awm ngei ka ring a, mahse, ani chuan min ngaihdam ngei ka ring.

He leiah intawng tawh dawn lo mah ila; nakinah vanah kan intawn leh ngei ka beisei.

Heti maia a liam hi kan la tiam lova, a na kan ti. "Lo kir leh rawh," tiin ko lawm lawm mah ila, Zion khawpui mawiah a chhandamtu fakin lei hrehawm ngai lovin a leng tawh thung a, hei chauh hian min thlamuan a ni. Muang takin chawl ang che aw, ka pi.

Ka lawm reuh lutuk

noreply@blogger.com (Dawnga Chinzah) — Wed, 21 Oct 2015 13:43:00 +0000

Khawtlang thenfai hnatlang kan neihna College veng-ah tuibur thlawr lai hi kan hmu a, kan en duh tlang hlawm hle.

Dî hlui

noreply@blogger.com (Dawnga Chinzah) — Sun, 11 Oct 2015 14:02:00 +0000

Ka tih tur hre lovin phone ka khal mai mai a, Facebook ka tlawh a, Whatsapp te bihin ka kual ka kual a, a tawpah Instagram-ah ka lut a. Ka phone hmai chu ka hui liam puat puat a, thlalak pakhat lo lang ka han hmuh chuan ka tawp chiang kher mai! Chu thlalak chu ngun zetin ka bih ngar ngar a, lunghlui a leng ve hial a, nunhlui te ka chhuikir phah a, a ngaih te pawh ka han ngai thar leh hle a. Chung hun ka han lehthlir chuan ka lo zei loh zia te ka han hrechhuak a, ka nuih te lam lam a za a. A lehlamah ka inthiam chawp leh a, khang huna ka kumte ka han chhutin khatianga khawsa rual mai mai tawk tur chauh kha niin ka inngai a, a zawng zawng erawhin ka inthiam thar tihna lam phei zawng a ni lo va, thil ni thei leh awm ve tho riakah ka ngai zam mai a ni. Mahse ka nuna thawnthu bung intanna hmasa ber a nih ve avangin han theihnghilh mai theih a ni lo va, ka hriatchhuah changa ka han ngaihtuah leh thin hian, ka lung tilengtu ber pakhat chu a ni hrim hrim mai.

Chu thlalaka chuang chu tudang ni lovin ka “Rawllai Di” ve kha a ni a, a hunlai na na na chuan ka vei ve em em a. Thiante zingah chuan a hming tak pawha ko phal lovin ‘Lalhmelthai’ ti ngata sawi thin kha ka ni a. Kum lamah kei aiin a u zawk deuh a, a pawl pawh a sang zawk a. High School kan kal khan ani chuan Higher a rap tawh a ni.

A mak ve ngawt lah tak a, ka ral star ve thin em em a, a hunlai khan Serchhip nula zaithiam leh hmeltha zet mai ‘Ruaisangi’ kha ka duh thei em em a. Hmeltha ka ti a, zaithiam ka tihna leh tamin a hmel khan min hneh a. Zei ka ti em em a, ka vei ve a ni ber. A fan ka ni a, a ngaizawngtu pakhat ka ni bawk. Tichuan, ‘Lalhmelthai’ hmel ka hmuh zatin ani chu ka han hrechhuak thin a, eng emaw ti hian in anna lai sawi thiam har tak si hi awm ka hria a. Chumi atang chuan ‘Lalhmelthai’ chuan ka thinlung ram chu a run a, a hneh lak tan ta a, kar lovah ka hriat hman hmain min tlawm chu a ni ta mai a. Tlawm tak te hian ka tlawm a, a zunah ka uai chu a ni ta der mai. Tichuan, ani zun phur val chu ka pai tiang tiang ta a.

Rei tawk tak chhung chu ka rilru thupin tual ka leng thin a, a ral atang chauhin ‘Lalhmelthai’ chu ka thlir thin a. A thiante zingah chuan a langsar nalh a, a nui ri te chu ka bengah a mawi bik a, a tualleng te chu zei bik riauin ka hria a, hmuhnawm ka ti em em a. Pianphungah chuan hleitling tak a ni lova, rual pawl tawka sang a ni chauh a, vun ngo lutuk tih tur a ni lova, a ngo lo phei zawng ka ti hauh lo; a tawk chauhin a eng a ni. Midang khum vaka pianthiam a ni hauh lova, rual pawl tawk chauhin a fu-ke a dik a, ka mit hian rual a pawl pha lo nge ka hre lova, ka thlirna erawhin duhthusam a hmu a ni. Nge ni ang a, “Hmangaihna mitin ka thlir tawh si a,” tiin zai hla ka zawm ve mai dawn zawk, ka hre bik lo le.

Hun a kal zel a, inthup zawh sen a ni ta lova. ‘Lalhmelthai’ te thianho chuan ka thuruk chu an hre ta a. Kawnglaka intawn changin min chhaih fiam reng a, an nui hawr hawr thin a, ka lai thin em em a, ka zak bawk si a. A tihngaihna tak pawh chu ka hre lo em em mai a. Tichuan, ngawi rengin ka awm a, a dik a dik chuan ka lawm ru tlat thung a. Khatia ‘Lalhmelthai’ nena min han dem fiam vel kha nuam ka ti tlat a, a chang phei chuan a thiante hian a awm lai pawhin min fiam an thulh chuang lova, kil khat atangin a lo nui ve sen sen thin a, huatah a la lo a ni tih ka rin avangin ka hlim viau zawk thin.

Tichuan, ani berin ka rilru a hriat takah chuan hmaichhana han hrilh ngei mai chu tha in ka hria a. Zan khat chu thianho kan ti ti a, kan insawi phur a, hmaichhana biak ngei tul ka tihna chuan min nawr kal ta a, an dorm lam chu kan pan a. Kan thianho chu pathum kan ni a, pakhatin midang a chhai ang a, keiin ‘Lalhmelthai,’ pakhat erawhin min zui satliah a. Engtin tin emaw kan ko chhuak thei hlauh a, mahse amah ka han hmuh meuh chuan ka zam chhe der ta mai a, ka let leh ta rawk rawk a. Kan thianpa erawhin a bitum chu a dinchilh nghal chat a, min zuitu kan thiana pawh kha a tlan nghal thuai a, ‘Lalhmelthai’ chu a va dinchilh ve nghal a. Kei erawh an piah fe a thim chin, lang phak si ah ka ding thung a. Ka thiante chu ka thlir reng a. Rei tawk tak hnuah chuan an lo kir leh a. Kan thiana chuan hlawhtling inti takin a hlim hle mai a. Khiang rah tla an tih ang mai hi a ni a, a khi reng a, a ka pawh zen ila min seh lovang tih tur ang hian a awm a. Pakhat zawk chu ka lo ngaihven thuaia ka lo phul hlut a. Ka phur rualin ka zam em em thung a, ka awmdan tak pawh chu ka sawi chhawng thiam lo. Tichuan, ka thu hriat tawh azawnga thu lawmawm ber mai chu min fah ta a ni. Chu thu chu hei hi a ni – ‘Lalhmelthai’ in’a min ‘Yes’ na thu ngei chu.

Hringnun chu a par vul chuk ni ber hian ka hria a, engkim hi thar ta sarh hian ka hmu a, ka thinlung chu lawmna in a khat a ni. Duhthu han sam te chu a nuam thar em em a, eng thil pawh ti ila phei chheh a zang vak mai a. Class kal a nuam a, chawei a tui a, mut lah a tui lehzual sawt a. Khawvel hi ka ta emaw ka ti a, a chhan chu a chhunga awm te zinga mawi ka tih ber leh awh ber chu ka ta a ni ti’a ka chhal theih vang a ni. Thei ta riaua inhriatna ka thinlungah a piang a, midang han ngaihsan loh riauna te chu ka nei thar hialin ka inhria. Ka khawvel kha a nuam a ni.

Mahse, a rei lo lulai em a.

Hun a liam a, nikhua a han rei ta deuh a. Keini pawh chu eng eng emaw vangin kan kar zau tial tial a, hmaichhana inhrilh si lo lovin kan inhlat tial tial a. A chhan ber ni’a ka hriat chu keimah vang a ni ber a. Khatia hlim sa-loha ka hlim lai khan hmeichhe thinlung ka lo ngaituah phak hauh lova. Ka awmna tur hmunah ka awm ngai lova, a beiseina ka tibeidawng a, innghahna tlak lohva riak ka inchhuah a, min mamawh hunah khan ka awm ngai tlat lo a ni. Chu chu ka thiamlohna a ni. Chumi vanga kan rilru kar hla avang chuan kan inthen ta hial a, mahse ka hmangaih em vangin ka um zui leh a, min lo pawm leh thei mai a. A hma ang erawh a ni thei tawh lo va, eng emaw rilrua pai ru ve ve in kan awm a, khalai kha a nawm dan a hrehawm teh asin.

Hun a liam zel a, ani chuan kan school-ah a zirlai a zawh tawh avangin school a chhuahsan a lo tul ta a. Tichuan, karah mual a lo tla a, kan inhmu khat hle a. Tumkhat chu a nu boral tumin kan va kal ve a, khami ni kha a ni na tak tak ka tuar ve ni hmasa ber chu!

Hun remchang chuhin kan inhmu thuai a, mahse ani chuan he thu hi min lo hrilh thung a, “Kan tana tha ber tura ka ngaih chu hei hi a ni – kan kar thu hi hetah hian tawp mai se ka duh a. Kum lamah kei aia nau i ni a, keia tha midang tam tak an awm a, i la tawng bawk ang. Keichu min theihnghil tum rawh. Tuanna tlang khatah kan awm si lo va, heti chung hi chuan kan tan beisei a awm lo a ni,” tiin a sawi sap sap a, a hmel ka hmu thei lo va, a kun tlat avangin. A mi den a dangin a na kher mai. Ka khaw hmuh chu chiang lo riai in ka hria a, ka hnungtawlh a, ka inher nghal a. Muangchangin ka pen a, ka thinlung chu vih ang mai a ni a. Ka hnung lam atanga ‘Lalhmelthai’ laizawnnu ina min lo kohna pawh chu ka chhang duh lova, a zawi tual tual a, ka hre thei ta lo va. Kei erawh lehhawi chu sawi loh pen khat pawha chawl lovin ka kal zel a, khum ka thlenin ka bawk thlawp a.

Lalhmeltha, “Engvang nge” tih chauh tal pawha zawhna zawt thei lo khan a thu khan min deng a, a na thlawt a, ka tliak hnawp mai a ni. Chung hunah chuan rawlthar mai chauh kha ka ni a, ka tawrh tawk piah liam hial niin ka chan chu ka ruat a. Ni, a na thlawt alawm.

Chu chu a ni, ani nena kan thawnthu tawi chu!

Tichuan, ka phone khal chu ka tui tehchiam tawh lova, nunhlui ngaihtuahin ka rilru a vak vel ruai zawk a. ‘Lalhmelthai’ chu ka han ngai thar leh em em a. Ani han ngaih thar leh chuan awmzia a nei dawn pawhin ka hre lova, mah se engtiangin nge hringnun a chhiar ve tak ang aw, tiin ka rilruah zawhna a awm a. Tichuan, a profile vel chu kan check ta nghal a, a thlalak te chu ka thlailet nasa hle a. Ka rilruah ‘Lalnunsanga’ hla “Di hlui” tih chu a lo lang iarh iarh bawk a. Lung a leng vawng vawng a.

Chutia a thlalak ka han chingleh velnaah chuan run lum nuthai changa khiangawiin val dang tawnah kumtluang then loh thu a lo tiam tawh a ni tih ka hre ta a. Fanau duhawm tak tak te neiin hlim takin a khawsa a ni tih ka han hmuh chuan ka lawm em em a. Hmana rilrua ka lo suangtuah ve rauh rauh thin te chu ka han hre chhuak a, a tak ram thleng lovin boruakah an tham ral ta vel mai mai si a, a pamhmai takzet a ni.

Ni, chutiang hun liam tawh leh sul tamin a chhilh hnu nunhluite chu, eng ti tiha han tharthawha han sawi phul hlut nge maw ka nih le! Chhawrthla eng van gem ni? A ni lo, ‘Lalhmelthai’ hlimthla vang chauh a ni.

A mak thlawt e, ti rawh u maw? Heti’a thu mu hnu han kaihthawh leh mai hi! Thinlungah rial ang dai tawha riak han ngai pawha hlimtha vang mai chauh va, sul tam chhilh tawh nunhlui mual liam hnu han tlangau pui leh mai chu! At khat chenna chen pawh awm hialin a lang mai! Mahse hei zawk hi a lo ni a, rawlthar thinlai chauh luahtu tleitir sakhmel sensiar-i emaw ka tih kha a lo ni hauh si lo va! Rawlthar hmangaihna kha rial ang chauh chuan a lo dai lo a ni ang, thamral mai tura ngaih nunhlui meuh pawh hlimthla vang mai chauhvin kan ngaih thar tak mai ni!

Rauthla-in kan sulhnu a han chhui a, kan tuanna mual leh tlang te a fang a, rawllai nun ngaihawm kha a han hmu a. Tuaitir lawma hringnun chhiar mek rawlthar khan hringnun a chhek per chi-chiai a, hlimnaa khatin a thinlung a lawm a. Chu hlimna thlentu chu a sakhming pawha a koh phal loh, ‘Lalhmelthai’ ngei chuan a ni thlen sak ni. Hmangaihna erawhin par a chhuah ta si lova, a va pamhmai tehlul em!

Hmangaihna par chhuak hman ta lo chu eng vang pawh ni se la, reilote chhung tal pawha hlimna min thlentu hringnun chu engtiang pawha chhiarin awm mah se, eng emaw ti chhung chauh pawh tal pawh khawvel ngamtua min siam ve avang tal pawhin a hringnun chu zah sakin ka lawmpui mai tur hi a ni a. Chuvang chuah chuan a ni ka hetih ni. Tuaitir ka lawm thin erawhin khiangawia thlangkhuandimin runlum nuthai a chang tawh a, fanau maltluan chawiin hlim takin hringnun a chhiar a, nunhlui ngaih vanga suihlungleng nei ve tur pawhin a mawi tawh mawlh lo. Mahse, hmana tuaitir ka lawm thin leh ka thinlung lalnu ni thin khan zun min la ban a. Khiangawi pawh chang tawh mah se, ka hre reng thin a, ka theihnghilh ve mai mai thei lo a ni.

A dai hlen ta emaw ka lo ti hmana ka hmangaihna che,

An thâmral ta emaw ka ti țhin nunhlui ngaihawm zawng pawh;

Mahse, i sakhmêl ka tawn changin kim ten an lo thar leh țhin,

I khiangawi hnu pawh hi e, Di hlui, nghilh i lo har ka ti.

Hetiang hringnun hi kan tana khuanu ruat a nih avangin a nih ang ngau ngaua pawm thiam mai a tul a. Thinlung dam lo teuh chung paw’n hringnun chhiar a tul miau si a. Hmangaihna mei mit tawh hnu han chhawm nung leh chu a mawi tawh lova, siamtu hmaa sual ‘Uirena tenawm’ a ni si! A thuhrimah ani kha chuan, ‘Hmalam panin kan kawng a hranga kan zawh a tul tawh a ni’ a tih avanga kiang kha a ni a. A kawng zawh pawh a thui tham tawh a, chunnu hial a chang tawh a. Chuti khawp thinlung putu chuan nunhlui liam tawh hnu ve mai avang khan a nunah eng a thawk lo ang a, a theihnghilh hmak tawh nghe nghe zawk ngei ang. Chuvangin khawi lo vah chhuah ni a han intawn tum pawhin “I lo dam thin maw” tih chauh lo chu sawi tur a vang hle awm e. A thuphungin ani chuan ti ti khawchang a sawi zui mai mai tawh ang a, “I ngaihawm hle mai” tih te tal chu a sawi ve mahna. Chu erawh phungthluk vanga sawi mai chauh pawh a ni ta ve ang. Mah se, kei erawh chuan ka beng pawna a hriat tham loh tur khawpa zawi siin ka rilru tak chuan, “Lalhmeltha, eng vang nge?” a la ti fo thin.

Thlangkhuandîm in kâr danah kan lêng ta si a,

Tawn châng nî pawhin biahthu hril a rem tawh lo;

I lo dam țhin maw? "aw, di hlui", "aw, di hlui", tih chauh hi ka zawt ngam a che,

Lungkim lo em em chung si hian e, hei chauh hi ka zawt țhin ang che.

Khatia tuaitir lawma hringnun am taka ka chen lai khan ka khawvel kha mawi tiin ka thlahlel em em a, hmalam hun kha ka thlir thiam lo va, ka thlir phak na hek lo. Tuktin kha ka tan ni thar duhawm leh mawi em em vek a ni a, engkim kha pangngai zel turah riak ka ngai a, ka tuaitir lawm khan min la kiansan dawn a ni tih reng ka hre pha lo. Lungmuang takin ka awm a, 'Lalhmelthai' chu ka virpilh a ni ber a. Mahse, hringnun kawng hi chu a lo chhuk chho teh thlawt e. A zal lai ringawta kal reng thu a awm si lo. Kan tana tha tur leh kan chantawk ang zelin ‘Remruatu’n’ ro a rel a, kan hriatthiam phak bakin thil tam tak a rel fo tawh reng a ni. Chutiang a nih avang chuan 'Lalhmelthai' tan khan zinkawng a sial sak a, chu chu kan tana tha zawk pawh a lo ni zawk ngei ang.

A ni, tunah chuan chhungpuinu changin fanaute tan nu tha a ni tawh a – malsawmtu, thlamuantu, venghimtu leh hualhimtu niin pasal tana nupui duhawm tak pawh a ni ang a. Chu chu khuarel pawh a ni ang. Mahse, kei erawh zawngin ani hlimthla leh sakhming avang chauh pawha nunhlui ngaih ban tik ka nei dawn lo hi ka ngaihtuah changin rawllai nun kha pamhmai ka ti a, dam chhung ni chhiar hi nunhlui ngaih a ban theih si loh chuan a sei duh awm mang e, tiin ka ngaihtuah thin.

Lenlaipâr tlâna kan hlim lai khan ințhen leh hian kan mawi lo,

Mahse chantâwk khuarel ang zâwkin kan lo ințhen ta maw;

Nunhlui leh nang ngaih a ruk hlir a ka lo tuar dai tawh tur hi,

Ka dawn khawl changin lei hringnun hi kei zawng a sei ka ti.

He khawvela inthen tawh tam tak te hi an kar thu chhiat vang a ni tlangpui thin a, nupa kawpchawi emaw nula leh tlangval inngaihzawnnaah pawh a ni. An kar thu chhiat vanglai tak te phei chuan an kawppuite chu hmelma phiar takin an phiar a, kutsil meuhvin an chungah rilru an tihrang a, an hawisan thin. Mahse, hringnun hi zawng a mak a ni e! Chutiang meuh a thlen hnuah pawh, khua a lo reiin emaw rei lem loh pawhin lungleng thar an awm leh thin a, an kawppuite chu an ngai leh em em thin. An karthu chhiat laia an tawngkam leh chet-lak reng reng chu an lunglenna chuan a chhilh tawh mai thin.

Ani nen erawh kha chuan inbiakchhiatna em em pawh kan nei lo va, a hlim hmel chauh kha a ni ka hmuh thin ni. Ka han ngaihtuaha amah ka hriatchhuah chang pawhin a nuihmel mawi tak chauh kha ka hmu thin a. Ka kiangah khan a lo hlim thin tak tak ang em, tih hi tun thlenga ka zawhna a la ni. Kei erawh ka hlim thin em avang khan ka mit a lo del te pawh a ni mahna, a thinlung kha ka chhiar thei tlat lo a ni. A mahin min hrilh ta mai kha a ni a. A kiangah kha chuan ka hlim thin em lah tak a, engtin takin nge ka lo khawsak thin ang tih pawh ka ring thiam lo. Ani lahin hlim takin min awi thin si a. A thinlung erawh lo hmu phak ila ka heti lo deuh mai tur hi a ni asin.

Engpawh ni se, lunglen ni te kan han neih a, ngaih bik kan han neih thar chang te hian kan mihrinna hi a phaw-chhuakin ka hre thin a. Lungleng theia kan han awm ngawt tak te hi hlu deuh mai a ni. Mihring kan nihna tak te pawh hi “Feelings” kan neih vang hi a ni ang. Mihrinna vang zawk taka mihring lova insiam hi a tha lova, kan chan tawka lungawi thiam hi ‘Remruattu’ duh dan pawh a nih a rinawm a, kan tana tha turin ro a rel tlat thin a ni. Keipawh ‘Lalhmelthai’ ka thinlung atanga ka thaibo theih lohna hi mihring ka nih ve vang mai a ni a, ka mihring nihna ve vang maia mihring tlak lova chhuah hi ka duh lova, ka tum lo bawk a ni. Lunglen changa han ngaih viau ni a lo thlen chang erawhin dam taka tuar thiam hi a har ve thin. Ka chan tawka ruat a nih lohnaah dem tur ka hre lova, neih hlen loh tur rau rau si-a ka lo inrawlh ve kha ka indem thin tak nangin, reilote chhung tal chauh pawh ani ka nuna a lo lang ve kha ka ngaihtuah changin vannei ka inti thar leh hial zawk thin.

Lunglai hal vanga inthen mah hian suihlung len thar ni an nei,

Duh te a țang laia pawm tawh hnu nghilhni a har an ti;

Thinlai thar chang ni te tam mahse dam tea tuar tum zawkin,

Kumtluang in e pawmlai Di tawnah rinawm i tum zawk ang.

Kei leh Tommy

noreply@blogger.com (Dawnga Chinzah) — Thu, 29 Jan 2015 16:04:00 +0000

Mi ropui leh neinung hrin ni ta lo chu naupan lai atang rengin ka inkiltawih tan tawh a. Thiante zingah pawh inthlahrung takin hun ka hmang nitin mai thin. Naupan lai chuan thiante nena intihthiam loh chang te a lo awm thin a, chuti ang hunah chuan ka pa hian ka thlavang a hauh ve ngai lova, chu a hnehin min hau ziah thin zawk a. Insual hi a rem ti lo bur a, kan thiam leh thiam lohvin a rilru a hmin lova, kutthawh hrim hrim hi a phal lo a ni. Chumi vangte chuan buai hi ka duh lo thin a, min han tihluih ngang ngang pawhin ka insum thei mai thin. Ka pa ka venthawn avangin.

Ka rualpuite leh min rual pha chiah lo te pawh chuan min zuam phah em em mai a, min chhaih lui ngat ngat tawk lah an bo hek lo. Kei lahin ka pa rilru ka vawn khiau avangin thinrim teuh chung pawhin a theih chhung chu ka dawh ve ngat ngat thin. Mahse, mihring ve tho ka nih avangin insum theih loh chang pawh a tam mai! Ka pa lahin kan buaina thu engah a ngai thin lova, hauh ka pum pelh ngai chuang lo, ka thiamthuah ngat pawh! Chu chuan min titim a, mipa naupang mah ni ila, ka insum ve thei khawp chuan ka hre thin. A thente chuan dawih te pawh min lo ti a ni awm thin a, ka pawisa vak chuang lova. Mahse, ka sikul kalna leh kan class-ah chuan a pangngai pawl tak chu ka ni ve tho thin.

Naupan zual deuh lai khan a hrehawm zual a. Kan harhvang a, kan tawng phawng phawng a, thiante han tih luihte kha a nuam thin. Chutih lai chuan keipawh hi min tilui nasa thin em em a, min chhaih awl lova. Ka pa ka venthawn avangin ngawih ka chuh mai chan a tam mai! Insum reng renga nun han hman chhoh chu eng emaw ti zawng tak chuan a lo tha hauh lova. Insum theihna hi thil tha tak pawh ni mah se, a lutuk chin chu eng thil mah a tha thei lo a ni. Inrintawkna te hi ka tlakchham phahin ka hria a, thutlukna leh ngaihdan han siam zung zung te hi ka harsat phah thin. Tin, mahni ngaihdan rin tawk lohna pawh ka neih phahin ka hria a, midangte ngaichang reng rengin hun ka hman phah thin. Chu chu ka chak lohna pakhat a ni. Midangte mitmei ven leh lutuk chuan kan tana tha leh kan duh zawng pawh kan chan phah fo thin.

Hun leh ni te liamin kumte an lo vei a. Thing delh loh lung delh loh na fam chu kan dam ve zel a. Rilru pawh a lo puitling tial tial a, taksa te pawh a han thang lian chho a, ngaihzawng neihte kan han hre tan a. Mi fa te angin hmeltha ve lo mah ila, tum tawk te chu an bo ve chuang lova. Rawllai nuna hmangaihna piang thin chu kan tawng ve a, a nuam ve ngang mai thin a. Mahse, kei erawh inkiltawih bawkin ka hun ka chhiar leh thin. Ka thanhnan tawh hial niin ka hria. Ngaihzawngte pawh han nei ve thin mah ila, natna min thlentu bak an ni leh dawn chuang lo tih hi ka thuvawn a ni a. Rilru hlim taka ngaihzawng an han nei thei te chu ka awt thin a, an kar thu chhiat vanga inthen ta te chu rilru na in ka hmu thin. Reiloteah an ngaihawh ve leh mai a, rilru tharin midang an tawng leh a, a hma ang thovin an hlim leh thei. Kei chu chutiang chuan ka awm theih ka ring lova, ka rilru zawng zawng ka pek thin avangin dan pangngaia inthen ni a lo thlenin ka tuar thiam thin lo, mite angin. Chuvangin ngaihzawng han neih te pawh chu nuam ka ti thei tak tak lova, thian pawh ka kawm em em lo. Mi pahnih khat te emaw chauh hi ka kawm bulfuk a, rilru zawng zawngin ka kawm thin thung. Ka thikthute hi a chhe em em a, a hrehawm letling zawk.

Mahnia tlat chet chet hi nuam ka ti a, a nih loh chuan ka thian kawm thin te chauh ka pawh thin. A pawng apuiin midangte kianga tal ve hi a nuam ka ti tehchiam thin lo. Rawlthar kan ni a, a lehlamah mahni chauh emaw, thian kawm bikte chauh bulah a lo khawsak theih lova, chutiang hunah chuan mi zingah ka tal ve thin tho. Thiante leh hmelhriatte chu an awm teuh lo thei lova; mahse, mahnia ka awm chet chet hi a tam zawk mah ang. A khawhar mi ka lo ni vei nen, rimawi lam hi ka ngaina chhova, zai ka ngaithla nasa em em a, ka inawm tleina pakhat a ni. Tin, lehkha chhiar hi zirlai a nih loh chuan ka ngaina ve a, mite angin kan chhiar nasa em em chuang lovang a; mahse, ka chhiar ve zeuh zeuh thin. Chutiang chuan ka khawsa a, hla han ngaihthlak te hian ka la lungrun thei em em a, a ‘Mood’ ah ka cheng thin. Tichuan, hla ka han ngaihthlak fo takah chuan he hla hi ka chhar ta nawlh mai a, chu chu - Kenny Rogers an thiam tak maia a sak ‘Coward of the County’ hla ngei mai hi a ni. He Country hla hi Roger Bowling leh Billy Ed Wheeler ten an phuah a ni a, American Country Music singer ropui Kenny Rogers sak lar tak a ni.

He hla hian a hunlai chuan Billboard Hot Country Singles Chart-ah pakhatna a hauh vang mai a. Tin, Cash Box Singles Chart-ah te pawh pakhatna dinhmun chelhin, Billboard Hot 100 Chart ah pawh pathumna a thleng pha hial. Chu mai ni lovin UK Singles Chart-ah leh zel pawh pakhatnaah a inhlangkai pha hial bawk. Tin, ram dang leh hmun dang dangah te pawh mite ngainat hlawh ber pawl a ni.

TOMMY

Wild West hunlai khan mi pakhat a awm ve a, a hming chu Tommy a ni. A khawvel chu hmuhsitna leh diriamna hmun mai a ni a, engtin hringnun hmang ve zel tak ang maw?

Mite hmuhsit rawn leh diriam, “Yellow (Dawihzep)” ti’a an chhaih thin, inthlahrung reng renga hun hmang thin Tommy chu kum 10 leka upa a nihin tan-inah a pa in a boral san a. A nunkhua chu a pa nen hmunkhatah, damchhung hun chhiarin hringnun hmang ve ila, dam man te pawh a awm deuh mah na, tiin a ngaihtuah ve rauh rauh thin ang. Mahse, khuanu remruat dan a ni si lova, hriatthiam a va har dawn teh reng em! Tommy tan ngat phei chuan. Zawhna tam tak a rilru-ah a awm ve thinin ka ring a ni. Ni e, Tommy chu vanduai tur renga ruat bik tihna em ni dawn le?

Mihringte hian kan hma hun kan hre lawk hauh lova, kan chunga thil lo thleng te hi kan duh dan ni vek thin lo mah se, kan pawm thiam a tul thin a. Tommy pawh naupang te a nih lai atang tawhin a patea kiangah a khawsa a, a pa jail-a khung a nih avangin. Tichuan, a pa kiang lovah a thanglian a, a pa erawh a hre reng thin. Tin, a patea pawhin a duat em em a, fa tak ang maiin a enkawl a. Hun inher zelin Tommy pawh a changkang chho tawh hle a, kum sawm lai a ni ve ta a. A pa kiang lovah chuan kum tam tak a hmang tawh a, a patea pawh a ngaina hle tawh a. Mahse, a pa erawh a theihnghilh thei chuang hauh lo. Hun liam tawhin vaw let thin mah se, a patea thlazar hnuaiah lungmuan takin a thianglian chho a. A pa erawhin humsual a dai palh a, a hringnun a danglam phah hial a, a fapa nena inthenna dar a lo rik phah ta hial reng a ni.

FINAL WORDS

Hmun thim leh tihbaiawm, thiamloh changte dahkhawmna hmun chu tan-in a ni a. A ni, chu hmun ngei chu Tommy pa khawvel chu! Tommy pa chuan a hun tawp lam a hmang mek a ni tih a hai lova. A nunhlui a han chhuikir a, a biangah mittui a lo luang a. A vanglai hunah nun a lo uluk tawk lova, chu chuan a khawvel a thlak danglam sak ta a ni tih a hai lo. Inchhirna hlirin a khat a, siam that theih a ni tawh si lova. A tawrh chu tawk viauin a hria a, a fapa khawvel chu inchhirna tel lo ni se tiin duhthu a sam thin. A fapa tana tih theih a neih tlem zia a ngaihtuahin a na vawng vawng thin.

Hun tam a nei tawh loh tih a hriatin a fapa Tommy chu a ko thuai a. Chu tan-in hmun nelawm loh zet chhungah chuan a fapa nen chuan an in hmu ta a. Chu hun chu a ni kum tam a lo nghah tawh ni. Tap chungin a fapa chu a kuah a, “Ka fapa, ka hun chu a liam dawn ta, nang erawh a intan dawn chauh a ni,” tiin a phun mawlh mawlh a.

Rei fe ngawih a chuh hnuin thut hmun a rem tha a. Inti pachang lui hram hramin a fapa chu a en a, “Ka fapa, ka hun tawn ang hi tawng ve turin ka duh lo che a. Kei chu ka dam hun chhung a rei dawn ta lo. He tan-in hmun khawhar leh hrehawm hi ka khawvel a ni a. He khawvel ang chhunga min tir liamtu chu insum theihlohna hi a ni. Ka fapa, insual buaina lak ata inthiar fihlim zel hi chaklohna a ni ngai lova, insum theihna rah chhuah zawk a ni. Ka hnung rawn zui lo turin ka duh che a, mipa kan nih avangin buainaa inhnuh luh kher tur tihna a ni lo asin. Insum hram hram zel hian mi a venghim thin ngai.” Aw chhuah tur a lawi a nei ta lo. A chau takzet tawh a ni. Ni e, khami ni kha Tommy an a pa a hmuh tawpna ni a ni.

TOMMY'S LOVE WAS BECKY

Hun leh ni te lo ralin kum te a lo vei zel a, Tommy pawh a thang duang chho hle a. A pa thuchah kha a vawng tlat a. A rualpui tena bar-a zu no an dawm tlut tlut lai pawhin ani chuan hna thawkin a buai nileng thak thin a. Hunawl nei hman lo khawpin a tal buai a, a taima em em a. Ran enkawl, thlai chin leh a tul dang awm apiang phur takin a thawk mai thin a. A buai nileng nitin reng thin a ni. Rual a pawl lova, a duh bawk hek lo.

An khawtlang nunah erawh mipate chuan puakruk chelek an thiam viau tur a ni ber mai. Puakruk hmang thiam chu mi te ngaihsan an ni a, nulate ngaihzawn rawn niin, vantlang chunga leng ang mai an ni. Insual buai vel chu mipate huaisenaah an teh a, in lam hna erawh naupang leh hmeichhiate hnaah an ruat thung a.

A huaisar zualte chuan puakruk chu fual takin khelah an pai a. Bar-ah an chuangkai nitin thin. Zu leh sa nen khawvel chu an chen a, chu chu mipate nihphung tur rengah an ngai bawk a.

Chutiang khawvelah chuan Tommy te ang inlum chhuahsan ngai mang lo leh, in chhungkhura tawmim thin tlat ta chu a rualpuite chuan mipa nunphung pawh phak lo leh buaina chinfel kawnga ke pen ngam lovah ngaiin an hmusit hle a. A mipui mimir pawhin tuai lam pawlah an ruat a, an diriam hle ringawt a.

Mak tak maiin chutiang khawvel karah chuan Tommy chuan kawppui a tawng ve nawlh mai a. Tommy tan chuan a va hlu dawn tehreng em! A nih ang anga pawm thlaptu leh hmangaih em em tu chu Becky a ni. Becky hmaah chuan puakruk chelek thiam kher a tul lova, insual thiamin awmzia a nei chuang lo. Hmangaihna chauh chu a tawk a ni.

Tommy chuan Becky chu thinlung takin a hmangaih a. A tan chuan engkim a huam a ni ber. Becky paw’n a ring em em a, mi te hmuh loh phena Tommy chhelna chu chiang takin a hmu a ni. Nupa hlim thei tak pawh an ni reng bawk.

GATLIN BOYS

Hlim leh lawm taka hun an hman lai mekin ni khat chu, ran rual chaw pein Tommy chu a buai em em a. A mitthlaah erawh a hmangaih Becky nui sen sen lai a awm thung a. Khat tawkin a khi leh sak thin a. A hna a zawh fel hnu chuan hlim takin in lam a pan a. Kawngka chu a lo in hawng ruau mai a. Ngaihthat lohna pawh a nei chuang lo. A hmanruate pawnah a dah fel hnuin inchhungah a lut a. Mahse, a rin loh leh beisei loh thil a thleng ta tlat mai le! Becky chu kil khatah kawr thler hnuangin a lo tap hlawp hlawp a, chu thil chuan a thawng takzet a ni. A tlan a, Becky chu puan a sin tir thuai a. Becky chuan thil awmzia a sawi kher a tul lo. Sawi tur pawn chakna a nei bawk hek lo.

Tommy chuan aw reng a chhuah thei lova, a biang chu mittuiin a luan huh vek a. Ngawi rengin a en ngai a en tlawk tlawk ringawt a. Tha reng a nei lo bawk.

Thawk-lehkhatah silai a puak dur a, chu silai chu hmundanga puak reng a ni lo; an tualah ngei a ni a puah ni. Tlangval hawk-lak bal zeta nui ri huah huahin a zui a. Silai a puak zui nghal pawp pawp bawk a. Tommy chu ngeiawm zet zetin pawn lam atang chuan an lo chhaih nawmnah a, duhtawk an ngah hnuin sakawr rual tlan thawm a ri tuk tuk a. An kal bo ta.

Tommy chuan khang hote ngei kha an ni; a hmangaih Becky lo khuaikhem tu te chu tih a hrethiam nghal a. Um zui nghal tumin a tho vat a, a tlan thuai a. Mahse, an thuk bul a thlen chuan banglaia a pa thlalak intar a han hmuh chuan a ding chawt a, a la thla ta hial a. A mittui chu a pa thlalakah chuan a far fap fap a, lungchim takin a kuah vawng vawng a. A rilru chhungrilah chuan a pa thuchah hnuhnung kha a lo lang thar leh a. Mittui tla chungin rei fe a thlir leh hnuin in chu a chhuahsan zui ve ta a.

NOT A GATLIN BOYS WAS STANDING

Sakawr chung chuang hmanhmawh baklenga tlan khu rum rum chu bar kawtah a ding chawt a. Sakawr chung chuang chu a tum thla chhak a, bar lam chu a pan chhat chhat a. Bar kawngkhar chu a nam hawng thuai a. Bar chhungah chuan a thinrimna mitmeng hlauhawm tak mai chu a len ruai a. Kil khata thianho zu no dawm, nui hawk hawkte chu a hmu a. An ni pawh chuan an lo thlir thap a, ngeiawm tak hian an lo melh a, an nui sawng a. An ni ngei chu a ni a mi zawn tak te chu. Ding takin an lam pan chuan a kal nghal thuai a. Mahse, an zinga pakhat chu a rawn tho chhuak ve tlat mai le!

A lam panin ke a rawn pen ve nghe nghe a. Bar chhung lai takah chuan an in tawk ta a. An in hmachhawn ta riau mai le! Khuavang kal lai ang maiin bar chhungah chuan thawm reng a chhuak lova. Tu tan mah tawng ngam na chi a ni tlat lo. Dawhkan atanga lo tho chhuak pa chuan, “Tommy, min hmachhawn ngam tak tak dawn em ni? Haw leh zawk la, Becky mamawh hun lai tak i ni zawk awm si a,” ngeiawm zet hian a lo ti a. A nui kawi-sawi vel a.

Tommy chuan ngawi rengin hnuai lam a bih a, muang changin a in her a kawngka lam pan chuan a let leh ta a. Kil khata tlangval zu in ho, Becky khuaikhem tu te ngei chu an nui leh ta hawk hawk a. An vo zam ngei niin an hria a. Vo zam theih mai mai, mi dawihzep “Yellow” tiin an pawr zui em em a, an uang nasa mai a.

Mahse, Tommy erawhin an thawm chu a ngaihsak hauh lo. Kawngka lam panin a kal zel a, a ding eih lo. Chutia Tommy let leh chu bar chhunga awm te chuan an thlir thap a, mak tiin an en a ni. Kil khata tlangval thu te chuan an vo zam ngei niin an hria a, an khawngaih letling hle a. Mahse, Tommy rilru erawh tuman an hre hauh lo! Chutia kawngkhar lam pana Tommy let chhat chhat chu pawnah a chhuak awzawng lo mai! Bar kawngka chu a khar hmak zawk a, a chhung lamah a kalh nghal rap bawk a. An vona chuan chhete mahin a ti zam eih lo a ni. Bar chhunga a bitumte dawhkan lam panin a let phei leh chhat chhat a. Kum 20 chhung hrehawm a lo tawrh tawhna leh a hmangaih Becky tawrhna chu a tawngkhawng tawh a ni. A thinrimna chuan vawr tawp a thleng tawh a, chu chuan hlauh a neihtir thei tlat lo! “Mipa dik tak hi min hmachhawn zawk ta che u, in puakruk phawi ru le” a ti chang fak a. Tlangval ho zu in lai chu an ding suau a; mahse, an hmachhawn chu an hre chiang tlat lo. Tumah rengin puakruk an phawi hman lo, an khel an ban laiin ngenmu a dawng zawk a ni. An tlu thal rem rum hlawm a. Silai puak ri leh Tommy hmelmate bawksawp thawm bak ri dang a awm eih lo. Pakhat chauh a ding ta, chu pa thluak bur zawnah tak chuan Tommy puakruk chu a hawi vang a.

Tommy chuan, “Becky tan” a ti sap a, silai a puak thawt a. Tommy hmelmate chu tumah reng an ding ta lo!

“Ka pa, i thu min chah kha ka la theihnghilh hauh lo asin. I khawvel thim tak ang kha min duhsak pui lo tih ka hria e. Buaina a ta ka inthiar fihlim theih loh vang hian chak lo ta viauah min ngai lo hram rawh aw? Ka pa, min hriatthiam hram ka beisei. A chang chuan mipa kan nih angin buaina chinfel kawngah, kut kan thawh ve a ngai thin,” tiin a phun sap a.

COWARD OF THE COUNTY

Everyone considered him the coward of the county

He’d never stood one single time to prove the county wrong

His mama named him Tommy, but folks just called him yellow

Something always told me they were reading Tommy wrong

He was only ten years old when his daddy died in prison

I looked after Tommy, ‘cause he was my brother’s son

I still recall the final words my brother said to Tommy

“Son, my life is over, but yours has just begun”

“Promise me, son, not to do the things I’ve done

Walk away from trouble if you can

It won’t mean you’re weak if you turn the other cheek

I hope you’re old enough to understand

Son, you don’t have to fight to be a man”

There’s someone for everyone, and Tommy’s love was Becky

In her arms, he didn’t have to prove he was a man

One day while he was working, the Gatlin boys came calling

They took turns at Becky, n’there was three of them

Tommy opened up the door, and saw his Becky crying

The torn dress, the shattered look was more than he could stand

He reached above the fireplace, and took down his daddy’s picture

As the tears fell on his daddy’s face, he heard these words again

“Promise me, son, not to do the things I’ve done

Walk away from trouble if you can

Now, it won’t mean you’re weak if you turn the other cheek

I hope you’re old enough to understand

Son, you don’t have to fight to be a man”

The Gatlin boys just laughed at him when he walked into the barroom

One of them got up and met him halfway ‘cross the floor

When Tommy turned around they said, “hey look, old yeller’s leaving”

But you could’ve heard a pin drop when Tommy stopped and locked the door

Twenty years of crawling was bottled up inside him

He wasn’t holding nothin’ back, he let ‘em have it all

When Tommy left the barroom, not a Gatlin boy was standing

He said, “this one’s for Becky,” as he watched the last one fall

“I promised you, Dad, not to do the things you’ve done

I walk away from trouble when I can

Now please don’t think I’m weak, I didn’t turn the other cheek

And papa, I sure hope you understand

Sometimes you gotta fight when you’re a man”

Everyone considered him the coward of the county

National Unity Day

noreply@blogger.com (Dawnga Chinzah) — Fri, 31 Oct 2014 11:25:00 +0000

National Unity Day (Rashtriya Ekta Diwas) Celebration of Birth Anniversary of Sardar Vallabhbhai Patel on 31st October, 2014 (Friday) in Saiha .

March for Unity

31.10.14 (Friday)

Khawvel in Iron Man of India ti'a a hriat, Sardar Vallabhbhar Patel-a pian champhaphak lo thlengah kan sikul pawn lawm ve in, hun nuam leh hlimawm tak kan hmang ve a

Zing lam dar sarih bawr velah school hrang hrang Govt. Saiha School kawtah kan innghak khawmin, Uniform hain kawng zawhna kan nei a ni. School tinin banner an keng a, Saiha damdawi in thleng kawng kan zawh a ni. Thusawi tha tak ngaihthlakna kan nei a. Tichuan, hlim takin kan tin ta hlawm.

Kan School bik chuan he Unity Day hi khawlai tihfaina hun atan kan hmang. Zing lamah kawng zawhna kan neih hnuin School tan hun pangngai aia tlai deuh hretah naupang kim tura hriattir an ni. Tichuan, School-ah an kim leh thap hnuin, dar 10 bawr velah school kawt atanga tanin khawlai chhar faina kan nei a ni. Chawhma chhung chu vantlang hna kan thawk a ni ber mai.

Chawhnu lamah naupangte chu Football khel turin Field-ah kan hruai a, infiamna hlimawm tak kan buatsaih sak.

Science Project

noreply@blogger.com (Dawnga Chinzah) — Wed, 29 Oct 2014 04:22:00 +0000

27.10.14 Monday.

Ka zirlai naupang duhawm tak tak ten Science subject-a an confidential mark atana ka buatsaih Project Work chu an rawn keng hlawm a, an ulukin an siam thiam takzet a ni. Pahniha inkawp an ni hlawm a, Model hrang hrang an siam a ni.

Biology lam changin an siam tha zawk emaw chu aw a tih theih a. Chutih rualin Physics leh Chemistry lam changte pawhin an tichhe hran lo.

Thenkhatte phei chu ka beisei phak bakin an phur a ni ang, an inseng fu hlawm.

An Project atan hian Science lam thil bik lem (figure), frame mawi taka siam chhunga tar tur a ni a. Labelling nalh leh fel tak pek bawk tur a ni. Figure tam tham tak ka thlang chhuak a, chuta zing ami pakhat an duh ber chu mi pahnih inkawp zelin an siam a ni.

Higher-a ka zirpuite leh College ka kalpui thinte ka hriat chhuah phal hial a ni. College kan kal ve lai hian Practical kan tih hian a zo har pawl ka ni thin a, ka kawng kal lohna lam tur kha a ni ang.

Chemistry Practical hi a nuam chu ka ti a; mahse, Procedure ang thlapa ka tih pawhin result ka hmu thei mang thin lo.Zoology leh Botany Practical hi ka ning thin hle, tihfuh a har a, uluk ngai tak thil a ni.

Diagram/Figure han ziah leh siam hi ka uluk a, Practical Records Book ka nei tha thin hle.

Tunlai khawvel changkang zelah hian Science thiamna hi a pawimawh em em a,. Science thiamna hian hmasawnna min thlen nasa em em a ni.

Ka ui ngei mai!

noreply@blogger.com (Dawnga Chinzah) — Tue, 19 Aug 2014 06:33:00 +0000

Ka Lemon Tab duat em em mai, ka thianpa hnen atanga ka lei chu ka charge na hmun atangin a charger wire ka phih palh avangin a tla chawrh mai a, a key button a function thei ta lo.

A thatlai thlalak hian ka blog hi han luah ve mai mai teh se.

Gutar ka perh ve thin

noreply@blogger.com (Dawnga Chinzah) — Fri, 28 Mar 2014 06:11:00 +0000

Private School-a ka in hlawh ve thin laiin Electric Guitar man tlawm te hi ka lei ve a: mahse ka kawl rei lo khawp mai!

Pawl sawm pakhat kan zir laiin Manipur lam mi hi Chemistry Subject la turin an lo post a. Mi chut tak mai hi a ni nain rin loh deuhin guitar a lo thiam hle mai a, Computer pawh a lo thiam hle mai a, Computer Instructor atana appoint a ni hial a, a chhe siam lam thlengin a lo thiam a ni.

Tlai lam hi Game & Sport hun a ni a, a thenin computer room an pan a, chutiang zelin music ngaina ten music room an pan mai thin. Kei erawh chuan kan dorm chhak tlangah guitar ka perh thin thung.

Tlai khat chu dorm chhaka guitar ka perh laiin kan chemistry teacher chu ka bulah a lo kal a. Guitar perh min dil a, rin ai daihin a lo thiam kher mai! Rock Music kan ngainat lai a ni a, kan hla hriat ve ho kha chu a lo perh thiam zel mai a, a solo nen lam a lead thei bawk a, a mak ka ti kher mai!

Tichuan, thianhoin a quarter-ah remchang hmasa berah kan leng a, GNR - Sweet child o'mine introduction kha min zirtir ve a, kan tuipui chho ta viau mai a ni. Guitar Tab chhiar dante min zirtir a, kan hla duhzawng tab kan zawh thinte chu question paper hnung lamah min print sak ve thin. Ka note book hnung lamah hian ka hla duh tab te chu internet-a mi enin ka ziak nasa thin hle.

Ka inzir thiam hmasak ber chu "To be with you" Mr. Big solo a ni.

Vawikhat chu kan thiannu function-ah lam tura ka duh em avangin ka zai ve tawp tawh. "I zai phawt chuan ka lam ang" a tih miau avangin. Chuta ka hla sak chu Greenday hla "Macys day Parade" kha a ni. Ka thianpa nen "Ka perhkhuang zaitin thiam" tih kha hmin request tlat avangin function-ah kan sa ve tawh bawk.

GNR, Saigon Kick, Skidrow leh Tribal Power hla te hi kan sa nasa ve thin hle.

College kan rap chho ve a, thian tharte ka chhar chho ve zel a. Ka thiante nen chuan kan tui zawng a lo inang phian mai a. College Beat Contest-a tel kan duh tlang hlawm a, kan class hmeichhia zai turin kan hmin thei hlauh a, intihsiaknaah chuan hming kan thehlut ve ta ni.

Tichuan, kan Jam ta tlauh tlauha Paramore hla "Ignorance: tih kan thlang a, kan phur tlang hle. Kan band hming atan kan vocalist phuah "Rachis" tih kan hmang a ni.

Beat Contest ni chu a lo thleng ta. Mipui hmaa kan vawikhat perform na tur a nih vek hlawm avangin kan zam hlawm khawp mai. Kan hun a thleng ve ta ngei a, stage-ah min ko ta. Mipui chuan min lo lawm thiam kher mai! Stage-ah kan ding ta; mahse, vanduaina kan tawk ta tlat mai le! Sound chiangkuan loh avangin kan perform nghal thei mai lo tlat.

Zam tawh sa nak laiin Sound buaipui chhung chu minute tam fe a ni. Mipui hmaah minute tam fe zai hma hauhin kan ding tlawn zuar ringawt a nih chu! A zahthlak takzet! "A tha e" an rawn tih takah chuan chuan kan inring ta a: mahse, kan han tan dawn chiaha, a chhe leh tlat mai! Chutiang chuan a awm a awm ta a, men ngaihna pawh a awm tawh lo! A tawpa tawpah a rawn tha leh hlawl a, kan tan thei ta hlauh mai. Mahse, kan vanduaina a kaltluang kher em a, ka guitar line kha kan zai laklawh laiin a chiang lo leh ta tlat mai a, a ri ka hre thei reng reng lo a ni. Mahse, han a inthlahrunawm tawh em avangin kan tawp duh bik lo va, phuailuai takin kan tlingtla thei hram a ni. Kan zai lai hian kan Drummer lahin a symbol a lo khawng tla ve bawk a, kan zai zo chu kan zak tlang hle. Kan thian pakhatin a mobile-in lo cover a, kan en leh mai chu tah a chhuak hial.

Kamliam

KTP Week 2025 Guide bu zirna

Dam chhung ni chhiar dan dik

FIFA 15 Career Mode-a ka Squad

A hnuaia mite hi Starting XI te an ni:

Subtitution Bench-a thu te:

Reserve Players te:

SQUAD REPORT:

Goal Keepers:

Attackers:

Midfielders:

Defenders:

Palak Dil lamtluang

Rambuai leh Mizoram

Blockquote dah dan

Engtiangin nge ‘Blockquote’ chu Blogger Blog ah kan dah ang?

CSS BLOCKQUOTE SYLE 1

CSS BLOCKQUOTE SYLE 2

CSS BLOCKQUOTE SYLE 3

CSS BLOCKQUOTE SYLE 4

CSS BLOCKQUOTE SYLE 5

CSS BLOCKQUOTE SYLE 6

CSS BLOCKQUOTE SYLE 7

CSS BLOCKQUOTE SYLE 8

CSS BLOCKQUOTE SYLE 9

CSS BLOCKQUOTE SYLE 10

CSS BLOCKQUOTE SYLE 11

CSS BLOCKQUOTE SYLE 12

CSS BLOCKQUOTE SYLE 13

Floating Facebook Like Box Widget dah dan

Automatic Page Scroll Widget dah dan

Auto Page Scroll Blog a dah dan:

Customization:

Popular Post Widget dangdai leh thate

AWLSAM TAKA POPULAR POST DAH DAN:

POPULAR POST WIDGET CSS CODE DAH DAN

Blog Template cheimawi dan

Stylish Widget ka hman then khat te:

1. Popular Post:

2. Bottom to Top Button:

3. Social Media Sharing Button:

4. Stylish Labels Widget:

Serchhip zin

Blog Design hna ka zo fel ta

Rihdil lamtluang

Essay (Thusep) Inziahsiaknaah Pathumna!

Kungpui a tliak ta!

Ka lawm reuh lutuk

Dî hlui

Kei leh Tommy

TOMMY

FINAL WORDS

TOMMY'S LOVE WAS BECKY

GATLIN BOYS

(adsbygoogle = window.adsbygoogle || []).push({}); NOT A GATLIN BOYS WAS STANDING

COWARD OF THE COUNTY

National Unity Day

Science Project

Ka ui ngei mai!

Gutar ka perh ve thin

NOT A GATLIN BOYS WAS STANDING