કર્ણવ તમારી સાથે

This is another world

noreply@blogger.com (Karnav Shah) — Sat, 21 Oct 2023 13:44:00 +0000

WorldWorld. This is another world This is another world This is another world This is another world This is another world This is another world This is another world This is another world This is another world This is another world This is another world This is another world This is another world WorldWorld. This is another world This is another world This is another world This is another world This is another world This is another world This is another world This is another world This is another world This is another world This is another world This is another world This is another world WorldWorld. This is another world This is another world This is another world This is another world This is another world This is another world This is another world This is another world This is another world This is another world This is another world This is another world This is another world

This is a Test Article

noreply@blogger.com (Karnav Shah) — Sat, 21 Oct 2023 13:38:00 +0000

This is Test and Sample Article. I hope you like it. This is Test and Sample Article. I hope you like it. This is Test and Sample Article. I hope you like it. This is Test and Sample Article. I hope you like it. This is Test and Sample Article. I hope you like it. This is Test and Sample Article. I hope you like it. This is Test and Sample Article. I hope you like it. This is Test and Sample Article. I hope you like it. This is Test and Sample Article. I hope you like it.

જો બાળકો (Balko) એકલા ઊંઘવા માટે ડરે તો શું કરવું જોઈએ

noreply@blogger.com (Karnav Shah) — Thu, 19 Oct 2023 11:02:00 +0000

What to do if children are afraid to sleep alone? બાળકો (Balko) જાતે સૂઈ શકે એવું હોવું જોઈએ. પોતાની જાતને શાંત પાડવાની તેમની ક્ષમતા વિકસિત કરીને, આપણાં બાળકો (Balko) તેમના ડર ઉપર જીત મેળવી શકે છે. આ જીત, નિપુણતા અને સ્વતંત્રતા તેમના જીવનના અન્ય ભાગોમાં પણ ફેલાશે, અને તેમના વિશ્વનો (વર્તમાન અને ભવિષ્યની ચેલેન્જોનો) સામનો કરતી વખતે તેમની આત્મવિશ્વાસ અને શક્તિની ભાવનામાં ઉમેરો કરશે.

કેટલાક બાળકો (Balko) એકલા સૂતાં ડરતા હોય છે. શબ્દોના આશ્વાસન આપતા અને પલંગ પાસે આપણે હોવા છતાં, સૂવાના સમયે તમે તેની બાજુમાં ઊંધો ત્યારે જ તમારું બાળક સૂઈ શકે છે. ડર શાંત કરવા માટે તર્કનો ઉપયોગ કરવાના પ્રયત્નોથી કંઇ પ્રાપ્ત થતું નથી.

જોઇન્ટ ફેમિલીમાં અને ખૂબ જ ઈમોશનલ વાલીઓનો બાળકોનો એકાંતમાં ઊંઘવાનો આગ્રહ રાખવો એ સંઘર્ષ પેદા કરી શકે છે જેના કારણે દરેકની ધીરજ ઘણી વાર ઓગળી જાય છે. અને પછી દલીલ અને આંસુ એને અનુસરે છે. મધ્યરાત્રિએ, બાળકોનું વધુ રડવું તમને ઉઠાડી દે છે, જેનાથી વાલીઓને રાત્રીએ થોડીક તકલીફો વેઠવી પડે છે. ઇમોશનલ હોવું એ એક સારો ગુણ છે, પરંતુ અમર્યાદિત લાગણીઓ કે જે આંધળા પ્રકારની હોય એ બાળકોના વિકાસ અને સામાજિક ઉછેરને અવરોધી શકે છે.

અહીં એક સામાન્ય ઉદાહરણ પ્રસ્તુત કરું છુ. એક બાળકી તેના પોતાના પલંગ પર સૂઈ શકતી નથી. એને ડર લાગે છે. રોજ રાત્રે ઊંઘવા માટે તેણીને તેની સાથે રહેવા માટે માતાપિતાની જરૂર હોય છે. તેના માતાપિતા તેને ચિંતા ન કરવાનું કહે છે, પરંતુ તે ચિંતિત રહે છે. તે પૂછે છે, “જો ચોર અથવા ભૂત આવે તો?” તેના માતાપિતા સૂચવે છે કે તે કોઈ બીજા સારા વિચાર કરે, અને ભૂત જેવું કશું હોતું નથી. પણ તે કહે છે, “મેં એવું વિચારવાના પ્રયત્ન કર્યો અને હું હજુ પણ ડરી રહી છું.”

બાળકીના માતાપિતા કંટાળી જાય છે. તે સૂઈ જાય ત્યાં સુધી તેણી તેમની સાથે તેમના પલંગ પર સૂઈ ગઈ. મધ્યરાત્રિમાં, તે જાગૃત થાય છે અને રડે છે અને ફરી તેના માતાપિતા તેને ઉંધાડવા માટે મદદ કરે છે. બાળકના માનસિક અને ઇન્ડિપેન્ડન્ટ વિચારોના વિકાસ માટે ખોટું હોવા છતાં, માતાપિતા આખરે બાળકને તેમના પલંગ પર સૂવા દે છે. અને પછી તે દરરોજ રાત્રે માતાપિતાના પલંગ પર હોય છે.

આ સમસ્યા ખરેખર ખૂબ સામાન્ય છે. આશ્ચર્યજનક સંખ્યામાં — 7 વર્ષનાં, 9 વર્ષનાં, 12 વર્ષનાં બાળકો, આખી રાત પોતાના પલંગ પર એકલા સૂઈ શકતાં નથી.

જો તમારા ઘરમાં આવું થઈ રહ્યું છે, તો તમેં એવી ચિંતા પણ કરતા હશો અને મનમાં પ્રશ્નો થતા હશે કે તમારા બાળકને થોડી ભાવનાત્મક સમસ્યા છે, અને અસલામતી ભાવ છે. કદાચ તમને લાગે કે તમારે બાળકને તેવું ન કરાવવું જોઈએ જે તે કરવા માટે તૈયાર નથી. કદાચ આ એક ડરને પ્રતિબિંબિત કરે છે જેણે તેને ઓછો કરવાની જરૂર છે. શું તમે બાળકો માટે ક્રૂર હોઈ શકો? શું બાળકોને પોતાનાથી દૂર કરી ઊંઘડવાથી તેમની માનસિક પીડામાં વધારો નહીં થતો હોય? બાળકો માટે તેમના માતાપિતા સાથે સૂવું સ્વાભાવિક નથી?

પરંતુ કદાચ તમને એવું લાગ્યું હશે કે આ બાળકોની આ સમસ્યા કૌટુંબિક જીવનને વિક્ષેપિત કરી રહી છે – બાળક માતાપિતા સાથે ઊંઘે ત્યારે ઘણા વાલીઓ ફીલ કરે છે કે પોતાનો કિંમતી સમયથી છીનવાઈ રહ્યો છે. કદાચ પતિ અને પત્ની વચ્ચેના સંબંધમાં બાળક અજાણતાએ દખલ કરે છે, અને માતાપિતા અને બાળક વચ્ચેના સંઘર્ષનું કારણ બને છે. જો બાળકો તેમના ડરનો સામનો કરી શકે અને તે દૂર કરી શકે તો બાળક વધુ આત્મવિશ્વાસ અને આત્મનિર્ભર નહીં બને? જો આ ડર માસ્ટર કરી શકાય તો કુટુંબના દરેકને સારું ન લાગે?

આપણે ઇચ્છીએ છીએ કે આપણા બાળકો આત્મવિશ્વાસ અને સલામતતાની લાગણી અનુભવે, તેઓ સલામત છે તે જાણીને તેઓ વિકટ સ્થિતિમાં કમ્ફર્ટેબલ અને પોતાને સાંભળી શકવા સક્ષમ હોય, તેઓ ખરાબ લાગે ત્યારે મદદ મેળવવા સક્ષમ હોય, અને નાની ચિંતાઓથી પરેશાન થતાં પોતાને દિલાસો આપવા સક્ષમ હોય. આપણે ઇચ્છીએ છીએ કે આપણા બાળકો તેમની પોતાની લાગણીઓ જાણાવે, કંઇપણ ખોટી વાતોને ઓળખી શકે અને એમની સમસ્યાઓ વિશે વાત કરે. આપણને સ્વતંત્રતા અને નિકટતાનો સંતુલન જોઈએ છે. ઊંઘવાની વાત આવે ત્યારે, આપણે ઇચ્છીએ છીએ કે તેઓ જ્યારે અસ્વસ્થ ફિલ કરે ત્યારે રાત્રે માતા-પિતા પાસે ક્યારેક-ક્યારેક ઊંઘવા આવે, પણ નિયમિત ધોરણે એકલા સૂઈ જાય.

સંભવિત જોખમોની કલ્પના કરવાની ક્ષમતા, બાળકોના અનુભવ અને ઉમર વધતા વધતી જાય છે. બાળકો તે વસ્તુઓ વિશે વિચારે છે જે તેમને નુકસાન કરી શકે છે. “શું જો (What If)” વિચારસરણી નો તેમનામાં વિકાસ થાય છે. (જો કોઈ ઘરફોડ ચોરી કરનાર ઘરમાં પ્રવેશ કરે તો શું થાય? અપહરણકર્તાઓ મને મેળવવાનો પ્રયત્ન કરશે તો શું થશે?) આ કલ્પના કરવાથી તેમની નબળાઈ પ્રત્યે જાગરૂકતા વધી શકે છે. અને જ્યારે તેઓ ઊંઘે છે ત્યારે તેઓ જાગૃતતાના વિચારોના શરણે જાય છે. નિંદ્રા એ એવી અવસ્થા છે જ્યારે તેઓ નબળાઈ અનુભવે છે.

કદાચ તેઓ એક ડરામણી મૂવી જોયા પછી તેમને આવી એકલા નહિ ઊંઘવાની સમસ્યા શરૂ થયી હોય. કદાચ તેઓએ સાંભળ્યું હતું કે કોઈ પાડોશીના ઘરમાં ચોરી થઈ રહી છે, અથવા ટીવી સમાચાર પર અપહરણની અથવા જાતીયશોષણ વિષે સાંભળ્યું હોય. કદાચ બાળકના મનમાં ડર કોઈ કાર અકસ્માત પછી શરૂ થયો હોઈ શકે. અથવા કદાચ બાળક હંમેશાં બેચેન રહ્યું છે અને તે નવું ચાલવા શીખતું બાળક હતું ત્યારથી માતાપિતાની હાજરીની જરૂરત વાળું છે.

તર્કસંગત ચર્ચા શા માટે કામ કરતી નથી? બાળકની નબળાઈની આ સમસ્યાનું સમાધાન એ માતાપિતાના સંરક્ષણની શોધ કરે એમા છે. જ્યારે ડરી જાય છે, ત્યારે બધા બાળકો તેમના માતાપિતા સાથે જ આરામ મળે છે. તર્કસંગત ચર્ચા કામ કરતું નથી કારણ કે તમારું આધુનિક પુખ્ત મગજ બાળકના મગજમાં એક વ્યવહારદક્ષ પરંતુ ખૂબ પ્રાચીન મોડ્યુલ વાળા મગજ સાથે વાત કરી રહ્યું છે જે પાછલા 200,000 વર્ષોથી સુસંગત છે. જોખમનો વિચાર આવે એટલે મમ્મી-પપ્પાની નજીક જ રહો એવું વર્ષોથી બાળકો શીખતાં, જોતા આવેલા છે. બાળકો આ વિચારોને અવગણી શકતા નથી. પેઢીઓથી બાળકો માતાપિતા સાથે (અથવા ખૂબ નજીકમાં) સૂતા હતા.

આપણે સમસ્યાનું સમાધાન કેવી રીતે કરીએ?

1. નિયમિત સુવાના સમયનો વિકાસ કરો.

2. સમસ્યાનું ચર્ચા કરવા અને તમે તેને કેવી રીતે હલ કરી શકો છો તેની ચર્ચા કરવા માટે કુટુંબની નિયમિત મીટિંગ રાખો.

3. બાળકોના વહેમો દૂર કરે, જ્ઞાન વધારે એવી બેડટાઈમ સ્ટોરી કહેવી.

4. બાળકોનું આર્થીક, માનસિક અને શારીરિક શોષણ અટકાવો. તમારી ભૂલ કહી શકે એવા સક્ષમ બનાવો.

5. બાળકોને ભૂત આવશે, બાવો લઈ જશે જેવા વાક્યોથી ડરાવવા નહીં.

6. બાળકોને ઊંઘવાના સમયે ખૂબ આલિંગન, વહાલ આપવો, ગુડ નાઈટ કહેવું.

7. બાળકોના રૂમ અથવા જ્યાં બાળકો ઊંઘે ત્યાં બાળકોને ગમે એવા ડેકોરેશન, લાઈટ કરવા.

8. શરૂઆતમાં રાત્રે જાતે બાળકને જોવું, જેથી એની સ્થિતિનું માપ જાણી શકાય.

9. બાળકની પ્રશંશા કરો. એમને એમાથી પ્રેરણા મળે છે. બાળકના જીવનના આ બદલાવને એને જાતે જ મેનેજ કરવા દો.

10. ગુસ્સે થવું નહીં. સંયમ જાળવી રાખવો. બાળક સહકાર ના આપે તો રુલ સ્પષ્ટ કરો, બાળક ધીરે ધીરે ઓણ શીખે જ છે. ગુસ્સો અને સંયમ ખોવો, અથવા અવાસ્તવિક અપેક્ષાઓ તમારા ગોલને બગડે છે.

11. બાળકોની હાજરીમાં બાળકોને શોભે નહિ અથવા તેમના યોગ્ય નહિ હોય એવા સમાચાર, પ્રોગ્રામો વગેરે ટીવી અને મોબાઈલમાં બાળકોની હાજરીમાં જોવા નહિ.

12. તમને શું યોગ્ય લાગે છે એમ નહીં, પણ બાળકો માટે શું આજે અને ભવિષ્યમાં શું યોગ્ય છે, એમ વિચારીને કાર્યવાહી કરવી એ જ સાચું વાલીપણું છે.

13. તમારી સફળતાનો આનંદ માણો.

શાળામાં જવાની તાણ અથવા માતાપિતાથી છૂટા થવાની ચિંતા, ખૂબ ચીડિયાપણું અને ગુસ્સે ભરાવું, શીખવાની અસમર્થતા અથવા કુટુંબિક તણાવ અને સંઘર્ષ જો બાળકોમાં સતત હોય, અને ઉપરના પ્રયોગો કર્યા પછી પણ ચાલુ હોય તો આ એક વિશિષ્ટ સમસ્યા હોઈ શકે જે તણાવ અથવા ડિપ્રેશન તરફ બાળક ને દોરી શકે છે, જે બાબતે મનોવૈજ્ઞાનિકો અને બાળકોના થેરાપીસ્ટ માર્ગદર્શન આપીને, મૂળથી સમસ્યા સુધારી શકે છે. આપ અમારા એનજીઓ Dear Cherry Kiwi – Jivanamasteya નો સંપર્કમાં રહી માહિતી મેળવી શકો છો.

આ પ્રશ્નનો જવાબ પ્રથમ વખત કર્ણવ દ્વારા ક્વોરા ઉપર અહીં લખવામાં આવ્યો હતો. મારા ઉપરોક્ત વિચારો મારા કાર્ય, અનુભવો, શિક્ષા અને ડોકટર ડેવિડ ડી ઓ’ગ્રાડી જે ક્લિનિકલ ન્યુરોસાયકોલોજિસ્ટ છે, એમના લેખોને આધારે મેળવેલ જ્ઞાન અને માહિતીના આધારે પ્રસ્તુત કરેલ છે. બાળકોને સૌથી સારી રીતે કોઈ જો સમજી શકે એમ હોય તો એ એના માતાપિતા અને વાલી હોઈ શકે.

જીઓ ફેસબુક (Jio Facebook) ડીલથી આપણને કઈ સુવિધાઓ મળશે?

noreply@blogger.com (Karnav Shah) — Thu, 19 Oct 2023 10:42:00 +0000

Jio Facebook Deal: જિયો (Jio) પ્લેટફોર્મમાં 10 ટકા હિસ્સો ખરીદવા માટે ફેસબુકે (Facebook) 5.7 અબજ ડોલર (રૂ.43,57474 કરોડ) ના રોકાણની ઘોષણા કર્યા પછી બુધવારે (May 2020) રિલાયન્સ ઇન્ડસ્ટ્રીઝના શેર્સ 10.3 ટકા ઉછળ્યાં. જેમની પાસે રિલાયન્સ ના શેર હતા એમને ક્રેશ ગયેલા શેરબજારમાં સારો નફો થયો. મારા જેવા જેને ફ્યુચર અને ઓપ્શનમાં કામ કર્યું એને ખૂબ નફો થયો.

એ બાબતમાં કોઈ શંકા નથી કે વર્તમાન મેનેજમેન્ટ ની સ્કિલ અને અનુભવ રીલાયન્સને ઘણી ઊંચાઈઓ બતાવશે. પરંતુ, તૂટતા માર્કેટમાં, તૂટતા ક્રૂડ ભાવમાં રીલાયન્સના શેર ખુબજ નીચે પડી ગયા હતા, અને ખૂબ જ ઊંચું દેવું રીલાયન્સનું ડિફોલ્ટ રિસ્ક વધારી શકે એમ છે. આ સ્થિતિમાં નિવેશકોમાં આશા જીવતી રાખવા, ભવિષ્યમાં જે નિર્ણયો લેવાના હતા, એ પડતા બજારમાં લઈને રિલાયન્સનો શેર ઉપર લાવવામાં આવ્યો. ત્યાર બાદ, મારી સમજ મુજબ દેવા ઓછા કરવા, દેવા મુક્ત થવા માટે રીલાયન્સએ રાઈટ ઇસ્યુની જાહેરાત કરી એ પણ ડિસ્કાઉન્ટ કિંમતે. શેરમાં પાછું થોડી ગતિ આવી, જે છેલ્લે નિફ્ટીને પણ ઉપર લઈ ગયુ. લોકોની માનસિકતાનો આ લાભ લેવામાં આવ્યો છે.

ઊંચા ભાવે રાઈટ શેર ઇસ્યુ કરી, આમ જનતા પાસેથી પૈસા લઈ રિલાયન્સ પોતાના દેવા અને તકલીફમાંથી બહાર આવવાના પ્રયાસ કરશે. આ પૈસા કમાવવા માટે ફેસબુકની અને સિલ્વર લેક સાથેની ભાગીદારીની જાહેરાતે જ મુકેશ અંબાણી, રિલાયન્સ અને એના શેરધારકોની ફાયદો કરવી આપ્યો, પરંતુ આ જુગાર છે, રિલાયન્સ માટે મહેનત વિનાની આવક છે. આ એક કુશળ અને રાજનૈતિક બિઝનેસ પોલિટિક્સ છે, જેને રિલાયન્સનું ધાર્યું કામ પાર પાડ્યું.

જેને રાઈટ ઇસ્યુ મળશે, અને જેણે ઊંચા ભાવે શેર લીધા હશે, હોઈ શકે પડતા બજાર અને વર્તમાન સંભવિત રિસેશન માં એમને નુકસાન ભોગવવું પડે. હું રીલાયન્સ શેરમાં નિવેશ કરવાની રાહ જોઈને બેઠો છું, પરંતુ રીલાયન્સની આ મનોવૈજ્ઞાનિક રમતમાં હું ટ્રેપ નહીં થઉ. જે દેખાયી રહ્યું છે એ કામ ચલાઉ છે, અને કુત્રિમ છે. એ પણ હું માનું છું કે લોન્ગ ટર્મ માટે રિલાયન્સ નિવેશકો માટે ખૂબ જ નફાકારક થઈ શકે.

હવે રિલાયન્સ અને જીઓ ડીલ ના ફાયદા જોઈએ:

જિઓ પ્લેટફોર્મ્સ, રિલાયન્સ રિટેલ અને વોટ્સએપ દ્વારા ક્રોસ લીવરેજ ઇકોમર્સ પ્લેટફોર્મ જિઓમાર્ટ અને વોટ્સએપ પર બંને વ્યવસાયોને વધારવા માટે એક વ્યવસાયિક કરાર પર પણ હસ્તાક્ષર કર્યા છે. રિલાયન્સ રિટેલ એ આરઆઈએલનું રિટેલ યુનિટ છે.

આરઆઇએલએ એક નિવેદનમાં જણાવ્યું છે કે, કંપનીઓ નજીકના કિરણોને પહોંચી વળવા સક્ષમ છે કે નહીં તે સુનિશ્ચિત કરવા માટે કંપનીઓ નજીકથી કામ કરશે. રિલાયન્સ ઇન્ડિયાનું એમેઝોન અને ફ્લિપકાર્ટ મોડલ એના આધુનિક રૂપમાં વિકસાવવાના પ્રયાસમાં પણ હોય એમ જણાય છે. ટૂંકમાં રિલાયન્સ પ્રયાસ કરી રહેલ છે કે ગ્રાહકો સાથે સીધુ જોડાઈ શકાય એવા બીઝનેસ મોડલો વિકસિત કરવા, અને પોતાની શાખ અને નેટવર્કનો ફાયદો એ કાર્યને પાર પાડવા ઉઠાવવો, જે જરૂરી પણ છે. જો રિલાયન્સે આ બદલાવ સ્વીકાર્ય નહીં હોતે તો, ભવિષ્યના વર્ષોમાં રિલાયન્સ પડતી તરફ જઈ શકે એમ હતી. રિલાયન્સની આ ડીલ હજી સરકાર દ્વારા તપાસ હેઠળ છે, આમ એ આયોજન પૂર્વક આગળ વધશે.

કોરોના પછી ભારતની રિકવરી ઝડપી થશે, અને બધા જ જાણે છે હવે સમય ડિજિટલ ટેક્નોલોજીનો છે, ફેસબુક સાથેની ભાગીદારી ગ્રાહકોના ઓનલાઈન અનુભવને વધુ સારો બનાવશે. એડવાન્સ ટેકનોલોજી ફેસબુક પાસેથી મેળવી, રિલાયન્સ કમ્યુનિકેશન અને ઓનલાઈન સેવાઓ અને કોમર્સ ક્ષેત્રમાં મહત્વની ભૂમિકા ભજવી શકે છે. રિલાયન્સ રિસ્ક ટેકર છે, એને સંભાવનાઓ ઉપર જોખમ લીધું છે, એની સફળતા ભવિષ્ય ઉપર આધાર રાખે છે. વર્તમાનમાં એને દેવું ચૂકવવા કશું જ કર્યા વિના રકમ મળી છે, અને પડી ગયેલા શેરો પણ હાઈ કરી દીધા છે. રિલાયન્સને જે જોઈતું હતું વર્ષોથી એ મળી ગયુ છે. કૌશલ્ય ધરાવનાર ટ્રેડર અને શેરમાં લાંબા સમય માટે રોકાણ કરાવનારને રિલાયન્સે હંમેશા લાભ જ આપ્યો હશે.

આમ જનતા જેનો રિલાયન્સે પગાર કાપ્યો છે એ અને ગ્રાહકો જે ખુશ થાય છે, એમને અત્યારે અહમ પોષવા સોશ્યલ મીડિયામાં ફોરવર્ડ કરવા જે મેસેજો મળ્યા છે એ જ લાભ. બાકી, રિલાયન્સની 4જી ઇન્ટરનેટ સેવાઓ પણ હવે કહી રહી છે મને 3જી કરતા બહેતર બનાવો. નિવેશક તરીકે હું રિલાયન્સ ઉપર દાવ હંમેશા રમી શકું, બાકી ગ્રાહક તરીકે રિલાયન્સ કોઈ ચમત્કાર નથી કરવાની, એને જે કરવું હતું, જેના માટે કરવું હતું એ કરી ચુકી છે. થોભો અને રાહ જોવો. વધુમાં રીલાયન્સ એક ડેરિંગ કંપની છે, કહીયે તો છપ્પન ની છાતી ધરાવે છે. હું રિલાયન્સની સેવાથી એટલો પ્રભાવિત નથી જેટલો એના બિઝનેસ સેન્સ અને રાજનૈતિક કૌશલતાનો ચાહક છુ. રિલાયન્સના નિવેશક તરીકે હું ખુશ અને નફાકારક છુ.

ખુલાસા: ઉપરોક્ત મારા અંગત અભિપ્રાય અને સંભવિત અંદાજ છે. હોઈ શકે કે તમારો અને મારો અભિપ્રાય અલગ હોઈ શકે. ડીલ અંગેની અમુક માહિતીઓ લિંક નીચે સામેલ છે. રાઈટ ઈશ્યુ સુધી રિલાયન્સના શેર ઊંચા રાખવા આવી જ બીજી ડિલોની પણ જાહેરાત થઈ શકે છે.

આ પ્રશ્નનો જવાબ પ્રથમ વખત કર્ણવ દ્વારા ક્વોરા.કોમ (Quora.com) ઉપર લખવામાં આવ્યો હતો. કર્ણવ શાહની ક્વોરા પ્રોફાઈલ માટે અહીં ક્લિક કરો.

ઓઇલ સેકટરમાં રીલાયન્સ ને મોટા નુકસાનનો અંદેશો હતો. વૈશ્વિક સ્તરે પણ ઓઇલ કંપનીઓને નુકસાન થયું, એમાં રીલાયન્સનો પણ સમાવેશ થાય છે. રીલાયન્સ ઘણા ટાઈમથી જાણે છે કે એને નવા વેપારમાં હાથ અજમાવો પડશે, જીઓ, રિટેલ બિઝનેસ એના જ પરિણામ છે. ફેસબુક સાથેની ભાગીદારી કરતા પણ આ ડીલના ટાઈમિંગની દાદ આપવી પડે. મુકેશ અંબાણીએ એમના પિતા જેવી જ ધંધાકીય કૌશલતા પુરવાર કરી એમ કહી શકાય. વધુમાં, સારું કહો અથવા ખરાબ પણ આ ડીલ એક બિઝનેસ નિર્ણય છે જે એક પોલિટિકલ પ્રકારનો નિર્ણય મને જણાય છે, જેમાં રીલાયન્સના ઉચ્ચ મેનેજમેન્ટ અને એના હિતોનું ધ્યાન રાખવામાં આવ્યું છે, અને લોકોની મનોવૈજ્ઞાનિક સ્થિતિનો લાભ લેવામાં આવ્યો છે.

રિલાયન્સ ઇન્ડસ્ટ્રીઝ લિમિટેડ (આરઆઈએલ) ના એકમ, જિયો પ્લેટફોર્મ્સ પર ફેસબુક રોકાણ કરશે, ખાસ કરીને તેના વોટ્સએપ યુનિટ માટે. આમાં ફાયદો રિલાયન્સ અને ફેસબુકનો છે. આ ડીલના પૈસાથી રિલાયન્સને દેવમુક્ત થવા મદદ મળશે, અને ફેસબુકની ભારતમાં જોઈએ એવી એન્ટ્રી. ફેસબુકના મારા મત મુજબ સરકાર સાથે હોવા જોઇએ એવા સંબંધો નથી અર્થાત સરકારને ધારેલા કામ પાર પાડવા રાજી કરો શકે એટલી સક્ષમ નથી, જ્યારે રિલાયન્સ સરકાર અને ગ્રાહકો બન્ને ને પ્રેરિત કરી શકે છે. રિલાયન્સની ભારતના માર્કેટમાં શાખ અને નેટવર્ક પણ ઉત્તમ છે. ફેસબુક રિલાયન્સ માટે સંકટ સમયના હનુમાન છે, જ્યારે રિલાયન્સ ફેસબુક માટે સાપસીડી છે, જેમાં સાપ નથી. એ વાતની નોંધ લેવી કે રાજનીતિમાં ઉચ્ચ હોદ્દા ઉપર બેસેલી વ્યક્તિનો પાવર, પૈસા કરતા પણ વધુ હોય છે, જે વાત ફેસબુક જાણે છે, અને રિલાયન્સ સાથેના ધંધાકીય સંબંધો, એ ફેસબુકની પોઝિટિવ ચાણક્યનીતિનું પરિણામ છે, જેથી ભારતમાં ધંધાકીય વિસ્તરણ સમયે, રાજનૈતિક પરિબળો સામે પણ ફેસબુક પોતે એના હિતોની રક્ષા કરી શકે.

Reference: (Clickable Links Included)

જીવન માં એવી કઈ વસ્તુ/વાત છે જે ક્યારેય ન કરવી જોઈએ? | Life

noreply@blogger.com (Karnav Shah) — Thu, 19 Oct 2023 10:19:00 +0000

Life-જીવન માં એવી કઈ વસ્તુ/વાત છે જે ક્યારેય ન કરવી જોઈએ, એવો પ્રશ્ન ક્વોરા.કોમ ઉપર એક વાચકે મને પૂછ્યો હતો કે જેનો મારા અનુભવને આધારે મેં આપેલ જવાબ અહીં છે, અને એ જ જવાબ નીચે પ્રસ્તુત કરું છું.

કોઈ પણ વિષયમાં, ભલે તમે સાચા હોવો કે ખોટા, મગજમારી અને કકળાટ ટાળો. તમારું માનસિક સ્વાસ્થ્ય અને મુડ જાળવવું.

અંગત સંબંધોમાં જૂઠું બોલવું નહીં. લોકો તમારા સારા ઇરાદા ને નહીં સમજી શકે. બોલવું જ પડે, તો એના જોખમોને પણ સમજવું, સ્વીકાર કરવું.

કોઈ ટીકા કરે તો બેપરવાહ રહેવું. છેલ્લે તમારું કામ જ બોલશે.

મિત્રો અને પરિવારના સદસ્યો સાથે અપેક્ષા રાખવી નહીં. અને વાતચીતમાં એમને શુ કર્યું, ના કર્યું એ વિવાદ ટાળવો.

કોઈ પણ સંજોગમાં જીભની મીઠાશ ખોવી નહીં. તમે સાચા હોવો, અને તમારો પક્ષ મુકવો જરૂરી જ હોય તો લડાઈ બુદ્ધિથી કરવી. કોઈ પણ લડાઈમાં કોઈને માનસિક પીડા થાય એવા શબ્દો નહીં, પણ સત્યની જીત થાય, અથવા તમારું હિત સચવાય એ પુરતું ધ્યાન રાખી પોઝિટિવ ડિબેટ કરવી.

માતાપિતા, ભાઈબહેન, મિત્રો અને સ્પાઉઝ ને હૂંફ અને સપોર્ટ મળે એવી ચર્ચા કરો. ટીકા તો આખું ગામ એમની કરતું હશે.

ગુસ્સે થયેલી વ્યક્તિ સાથે પ્રેમથી ચર્ચા કરો. એમને ખબર નથી હોતી કે ગુસ્સો એમનું ખૂબ નુકસાન કરે છે.

મનની શાંતિ ટકી રહે એવા સંવાદો કરો. ઈગો ટકી રહે એવા વિવાદો મનને ખૂબ હણે છે.

ધંધાકીય સંબંધોમાં તમારી પોલિસી સ્પષ્ટ રાખો. લેખિત માં રાખો. ત્યાં સંકોચ નહીં જ કરવો. અને સ્થિતિ ખરાબ થાય તો વ્યવહારિક ધોરણે કાર્યવાહી કરવી, કાયદા મુજબ.

કોઈ દુશ્મન બને એવા વાક્યો બોલવા નહીં. તમારા સાચા અને સારા હોવાથી કોઈ તમને દુશ્મન સમજે તો કોઈ ચિંતા કરવી નહીં. સફળતા માટે ટીકાકારો જરૂરી છે.

મનની શાંતિ, સંબંધોની ગરિમા જળવાઈ રહે, લોકો તમારાથી માનસિક ત્રાસ, ડર ના અનુભવે એવી વાતો, વિચાર અને વ્યવહાર રાખવો જોઈએ.

ક્વોરો.કોમ ઉપર કર્ણવની પ્રોફાઈલ અહીં વિઝીટ કરો.

તમે તમારા ભૂતકાળમાંથી શીખ્યા તેવી સૌથી આવશ્યક વસ્તુઓ કઈ કઈ છે? | Life Lesson

noreply@blogger.com (Karnav Shah) — Thu, 19 Oct 2023 09:42:00 +0000

જીવનની સૌથી જરૂરી શીખ હું તીવ્ર વેદના, અનુભવો અને સ્વાજનોને ગુમાવીને જ શીખ્યો છુ. મારી સત્ય હકીકત આ લિંક ઉપર જોઈ શકો છો: Karnav Shah (कर्णव शाह)’s answer to I want to die. I am 34, jobless and heartbroken. What should I do?

હું શું શીખ્યો અને સમજ્યો એનો સારાંશ આ મુજબ છે;

કુછ તો લોગ કહેગે, લોગો કા કામ હે કહેના. લોકો શુ કહેશે, અને કહે છે એ વિચારીને નિર્ણય નહીં લેવો જોઈએ. લોકો તમને ચોર કહે, લુચ્ચા કહે, નફ્ફટ કહે, ટીકા કરે, તમને કોઈની પરવા હોવી જોઈએ નહીં. તમે તમારી સમજશક્તિ અને બુદ્ધિનો ઉપયોગ કરી યોગ્ય નિર્ણય લઈ શકો છો. સંબંધોની ગરિમા હવે બદલાઈ રહી છે. જે લગ્ન સાત જન્મના વચનોથી પ્રારંભ થતા હતા એ સાત વર્ષમાં જ સમાપ્ત થાય તો હવે મોટી વાત નથી રહી. આથી, હું માનું છું કે લગ્નના નિર્ણયો ભાવનાત્મક નહીં પણ સમજદારીથી આર્થિક, સામાજિક, જરૂરત અને અપેક્ષાઓના ખુલાસા અને ચર્ચા કરી અને સમજીને જ લેવા જોઈએ.

દુનિયા આખી તમને સલાહ આપશે. તમારા પેરેન્ટ્સ, ભાઈ, બહેન, મિત્રો અને એડવાઈઝરો બધા તમને ધંધાકીય, સંબંધોની, બાળકો માટે, રોકાણ માટે, સ્વાસ્થ્યની સલાહો આપશે, પરંતુ એ સલાહ ઉપર ચાલીને સારું અથવા ખરાબ પરિણામ અને એમાંથી ઉદભવતા સંજોગોમાં તમારે જીવવાનું છે, આથી, તમને સ્પર્શતી કોઈ પણ વસ્તુમાં છેવટનો નિર્ણય તમારો જ હોવો જોઇએ. પૈસો જીવનમાં જરૂરી છે, પણ શાંતિ અને સારું હેલ્થ સૌથી વધુ જરૂરી છે. પૈસાથી જરૂરિયાતો પૂરી કરી શકાય છે, પરંતુ જીવનને માણવા માટે સારું હેલ્થ, સારી આદતો અને માનસિક શાંતિ ખૂબ જ જરૂરી છે, જો ના સમજાય તો તમારા શહેરના અનાથ આશ્રમ, વૃદ્ધા આશ્રમ, જેલના કેદીઓ, કોર્ટ-પોલીસ સ્ટેશનના ચકકરો કાપતા લોકો અથવા તમારા પરિવારના કોઈ અનુભવી વ્યક્તિ સાથે સમય પસાર કરી જોજો, કદાચ સમજાઈ જશે.

સમાજ પાસેથી કશું લેવું જોઇએ નહીં, પણ સમાજ ને હંમેશા આપવું જોઇએ. તમે તમારી સ્કિલ, અનુભવ, આર્થિક સહાય, શૈક્ષણિક – ધંધાકીય – નોકરીની તકો લોકોને આપી શકો છો. મોટી ગાડી, આઈફોનથી બે મિનિટની લકઝરી મળશે, તમારા અહમને પણ અમુક લાકઝરીથી પોષી શકશો, પણ તમે કરેલી મહેનત માટે તમને સંતોષ અને મોટિવેશન ત્યારે જ મળશે જ્યારે તમે તમારી સફળતા લોકો સાથે શેર કરશો. માણસના વિકાસને પૈસાથી માપવો જોઈએ નહીં. જો તમારા માતાપિતા પૈસા કમાવા ઉપર જોર આપે, તમારા આર્થિક અને શૈક્ષણિક વિકાસને લોકોની સિદ્ધિઓ સાથે સરખાવી તમારા ઉપર અપેક્ષા અને સરખમણીનો બોજો નાખે તો પ્રેમ અને ધીરજપૂર્વક, તમારી અસહમતી દર્શાવો. બાળકો અને માતાપિતા એકબીજાને પ્રેરીત કરી શકે છે. બાળકો પ્રેરિત કરે એટલે હંમેશા એવું હોઈ ના શકે કે બાળકો ઉદ્ધત વર્તન કરે છે.

માતાપિતાને જજડ કરવા નહીં. એમને ખૂબ પ્રેમ કરો. એમની તકલીફમાં ઉભા રહો. જનરેશન ગેપ હોઈ શકે, પણ એ ગેપના કારણે તમે માતાપિતાને માનસિક પીડા અને તાણ આપો એ યોગ્ય નથી. માતાપિતાનું જાહેરમાં સ્વમાન જાળવો અને એમના હિતોની રક્ષા કરો. આ સાથે, માતાપિતાની કોઈ સલાહ અયોગ્ય લાગે, નુકસાનકારક જણાય તો તમારે યોગ્ય સમય એમને બદલાવ માટે આપવો જોઈએ. માણસ સ્વભાવને ત્વરિત બદલી શકતો નથી. પતિ અને પત્ની એકબીજાને જે ખાનગી વાત કરે, એની જાહેરાત કોઈ પણ પરિસ્થિથીમાં નહીં કરવી. ઝઘડો થાય તો પણ ખાનગી વાતો ઉખાડવી જોઈએ નહીં. જો કોઈ આવું કરે તો તમારી શીખ સમજીને બીજી વાર જીવનસાથી અને સ્વજનોને આવી વાત કરવી નહીં. આવી ચર્ચાઓથી ત્રીજી વ્યક્તિના જીવન ઉપર અથવા એની સાથેના તમારા સંબંધો ઉપર ખરાબ અસર પડી શકે છે.
દંપતિઓએ ઝઘડો થાય ત્યારે શાંતિ અને મૌન જાળવવાનો પ્રયાસ કરવો. બંન્નેના પરિવારને ઝઘડાથી અને સલાહસુચનથી દૂર રાખવા. અંગત ટિપ્પણી ટાળવી. લગ્નજીવનમાં આવેલો ખરાબ સમય એ ગૃહસ્થ જીવનની પરીક્ષા છે. તમારા લગ્નજીવનની જાહેરમાં મજાક બનાવવામાં તમારું હિત નથી, એમા માત્ર લોકોનું મનોરંજન છે. વિશ્વાસ જાળવવો એ દાંપત્ય જીવનનું સૌથી મહત્વનું કર્મ છે.

જીવનમાં બચત હંમેશા કરવી. બચત તમને બધા જ કપરા સમય માંથી બહાર કાઢશે અને વૃદ્ધવસ્થામાં સ્વનિર્ભરતા અને આઝાદી આપશે. જીવનમાં ઘણી વાર તમારું યુઘ્ધ તમારા સૌથી પ્રિય વ્યક્તિ સાથે હોઈ શકે, આ સ્થિતિમાં ભાવનાત્મક નહીં થવું જોઈએ. ભાગવત ગીતા ને શિક્ષક તરીકે લઈ, તમારો રસ્તો કાઢવો. તમારે અને મારે છેલ્લે માટીમાં મળી જવાનું છે. આજે જે પણ કઇંક છે, એ આજ થી 50 વર્ષ પછી ક્યાં હશે, શુ હશે? કશું જ નહીં હોઈ. અંતે તો પીડામુક્ત જીવન જ આદર્શ જીવન છે, એ કયાતો અનુભવે સમજાય ક્યાં તો આપણી સમજશક્તિ આપણને સમજવામાં મદદ કરી શકે. સમજશક્તિથી સમજવામાં હું શાણપણ માંનુ છુ.

અપેક્ષાઓ ઓછી કરો, મોહ માયા મર્યાદિત કરો, જે તમને દુશ્મન સમજે છે એને આદર આપો, કડવાશો ઓછી કરો. જીવનધોરણ કરી શકો એટલું સાદું રાખો. વ્યક્તિગત સપનાઓ, ઇચ્છઓ પુરી કરો. લકઝરી કમ્ફર્ટ માટે પરવડે તો ખરીદી શકાય, પરંતુ દેખાડા માટે લકઝરી વસ્તુઓ ખરીદવી એ તમારા આર્થીક હિતોનું નુકસાન છે. તમને પ્રેરિત કરે એવું વાંચન રાખો. જરૂર પડે ત્યાં માફી મંગવાનો ગુણ કેળવો. શાંત રહેવાના પ્રયાસ કરો અને કોઈ પણ સારી અને ખરાબ ઘટનાઓમાં રીએક્સન તરત આપવાનું ટાળો.

જો તમે ઘરના વડીલ હોવો અથવા મુખ્ય આર્થિક નિર્ણયો લેતા હોવા તો, તમારો અભિગમ ભાવનાત્મક નહીં પણ તર્ક અને સમજશક્તિના સંયોજનથી બનેલો હોવો જોઇએ. નકારાત્મક વિચારવું નહીં. નકારાત્મક બોલનાર, ડરાવનાર અને નૈતિક દ્રષ્ટિએ ખોટા હોય એવા વ્યક્તિઓ, સહી સમયે નહીં ઉભા રહે એવા મિત્રો અને તમને નીચા પાડે એવા પરિવારના સભ્યો સાથે વ્યવહારિક કામકાજમાં અંતર રાખવું.

જીવનમાં ખૂબ જ ગંભીર બાજુલ થાય તો સમજણથી, એક્સપર્ટની સલાહ લઈ એને સુધારવી જોઈએ. લગ્નજીવનમાં સમસ્યા થાય તો મેરેજ કાઉન્સેલર તમારા માતાપિતા અને મિત્રો કરતા વધુ સારી રીતે વાસ્તવિક સમસ્યા દર્શાવી શકે છે. જે ગૃહસ્થ જીવનમાં માત્ર બેવફાઈ, જુઠ્ઠાણું અને ઘરેલુ હિંસા સતત હોય, એવું ગૃહસ્થ જીવન ટકવા પાત્ર નથી. લગ્ન એ અપેક્ષા પૂર્તિ કરવાની સાધન નથી. લગ્ન એ નારીવાદ, નારીના અધિકારો અને પુરીશની મર્દાનગીનું પ્રદર્શન કરવાનું કોઈ પ્લેટફોર્મ નથી. લગ્ન દહેજ લઈ કુરિવાજોને પોષણ આપવાની તક નથી. લગ્ન પ્રેમ કરી તરછોડી દેવા જેવી વસ્તુ નથી. પતિપત્ની એ એકબીજા સાથે જુથ્થું બોલવું જોઈએ નહીં, અને બિનઉપયોગી દલીલો ટાળવી જોઈએ.

આજે હું બધી જ રીતે ખૂબ જ સક્ષમ છુ, પરંતુ આ સફળતા મને અનેક પીડા અને આર્થિક અને માનસિક નુક્સાન માંથી પસાર થયા પછી મળી છે. હું ઘણી ઘટનાઓ ટાળી શકતો હતો, પણ ધીરજ અને સમજના અભાવે અને વધુ પડતા ભાવનાત્મક સ્વભાવે મને ખૂબ વેદનામય અનુભવ આપ્યા છે, જેનું કંઈક અંશે આજે પણ મને દુઃખ થાય છે, પરંતુ મેં મારા જીવનને, કારકિર્દીને અને અભિગમને 360 ડિગ્રી બદલી નાખ્યું, અને આજે હું મારી જાતને અને પરિવારને સુખી, સુરક્ષતિ અને સમૃદ્ધ જોઈ રહ્યો છું.

તમારું સત્ય કહીને, પારદર્શક થવાથી, મનની શાંતિ કોઈ દિવસ ઝોખમાતી નથી, લોકો તમને સારા ખરાબ કહે એનાથી તમારૂ ભાવિ નક્કી નથી થતું. કશું જ નહીં છુપાવવાથી તમને ઊંઘ સારી આવે છે, તમારી કોઈ નબળાઈ રહેતી નથી, તમે ભયમુક્ત રહો છો, અને કોઈ તમને હરાવી અને ડરાવી નથી શકતું. વિજય એના પક્ષમાં છે જેને લાલચ નથી, પારદર્શક છે, ઈમાનદાર છે અને ખુદને કાબુમાં રાખી શકે છે. બાકી સુખ, દુઃખ અને જીવનના નાના મોટા યુદ્ધો એક જ વસ્તુ છે, ફર્ક માત્ર દૃષ્ટિકોણનો છે.

ક્વોરો.કોમ ઉપર કર્ણવની પ્રોફાઈલ અહીં વિઝીટ કરો.

વિશ્વની સૌથી વધુ બોલાતી ભાષામાં ગુજરાતી ક્યાં સ્થાને છે? | Gujarati Language

noreply@blogger.com (Karnav Shah) — Wed, 18 Oct 2023 11:22:00 +0000

Gujarati Language I વિશ્વમાં આશરે 6,500 ભાષાઓ બોલાય છે. તેમાંની દરેક વિશ્વને વૈવિધ્યસભર અને સુંદર સ્થાન બનાવે છે. ગુજરાતી ભાષાનું સ્થાન સમજતા પહેલા વર્તમાનમાં સૌથી વધુ બોલતી ભાષાઓ ને પહેલા ટૂંકમાં સમજીએ.

ચાઇનીઝ (મેન્ડેરીન) એ વિશ્વની સૌથી વધુ બોલાતી ભાષા છે જેની સંખ્યા 1.3 અબજ છે.

વસાહતીકાળ દરમિયાન સ્પેનિશ સંશોધકો અને વિજેતાઓએ તેમની ભાષાને વિશ્વભરમાં ફેલાવી હતી અને તેના કારણે 460 મિલિયનથી વધુ લોકો તેમની મૂળ ભાષા તરીકે સ્પેનિશ છે, જે વિશ્વની બીજી સૌથી વધુ બોલતી ભાષા છે. સ્પેનમાં ફક્ત 46.7 મિલિયન લોકોની વસ્તી છે, તેથી કુલ મૂળ વક્તાઓમાંથી ફક્ત 10% સ્પેનમાં રહે છે. તે મોટાભાગના દક્ષિણ અને મધ્ય અમેરિકામાં પ્રાથમિક ભાષા છે અને યુ.એસ. માં પણ ઝડપથી વધી છે.

અંગ્રેજી જે ત્રીજા નંબરે છે, કદાચ વિશ્વની સાર્વત્રિક ભાષા હોઈ શકે, પરંતુ જ્યારે મૂળ ભાષા બોલવાની વાત આવે છે, ત્યારે ફક્ત 937 મિલિયન લોકો તેમની પ્રથમ ભાષા તરીકે અંગ્રેજી હોય છે, જ્યારે મોટાભાગના યુનાઇટેડ સ્ટેટ્સ અને યુનાઇટેડ કિંગડમના હોય છે. જો તમે આ વાંચી રહ્યાં છો, તો તમે સંભવત વિશ્વના ઘણા લોકોમાંથી એક છો, જેમણે અંગ્રેજીને બીજી ભાષા તરીકે શીખ્યું છે.

જ્યારે હિન્દી (ચોથા નંબરે) એ મૂળ ભાષા બોલવાની વાત આવે છે ત્યારે તે વિશ્વની સૌથી વધુ બોલાતી ભાષાઓ છે. તે ઉત્તર ભારત અને પાકિસ્તાનના કેટલાક ભાગોમાં પ્રાથમિક ભાષા છે. જેમ જેમ ભારતની વસ્તી વધશે, વિશ્વ વધુ હિન્દી ભાષીઓ જોશે. વર્તમાન વડા પ્રધાન નરેન્દ્ર મોદી પણ દેશમાં ભાષાને ફેલાવવા અને તેની સ્થિતિ અને ઉપયોગ વધારવા માગે છે. ભારતમાં હાલમાં 23 સત્તાવાર ભાષાઓ છે, જેમાં ગુજરાતી ભાષાનો સમાવેશ થાય છે, અને હિન્દી ભારતની સૌથી વધુ બોલાતી ભાષાઓ છે.

ચાઇનીઝની જેમ જ, અરબી ભાષા (છઠ્ઠા નંબરે) ખરેખર એક જ ભાષા નથી, પરંતુ સ્થાનિક જાતોવાળી સંબંધિત ભાષાઓનો જૂથ છે. આ સ્ક્રિપ્ટમાં આધુનિક સ્ટાન્ડર્ડ અરેબીક વધુ અથવા ઓછા સમાન છે જે શાસ્ત્રીય અરબી જેવા છે, જે કુરાનમાં જોવા મળે છે, પરંતુ જ્યારે ભાષણની વાત આવે છે, ત્યારે અરબીના કેટલાક સ્વરૂપો એટલા અલગ હોઈ શકે છે કે બે અલગ અલગ દેશોના બે વક્તાઓ એક બીજાને સંપૂર્ણ રીતે સમજી શકતા નથી. લગભગ 319 મિલિયન લોકો આ ભાષા બોલે છે.

બંગાળી (સાતમા નંબરે) ભારતની કોલકાતાની મુખ્ય ભાષા છે, તેમ જ બંગાળીને તેમની પહેલી ભાષા તરીકે બોલતા 228 મિલિયન બાંગ્લાદેશીઓ. અહીંની વસ્તી વૃદ્ધિ ઝડપથી વધી રહી છે, તેથી નજીકના ભવિષ્યમાં, બંગાળી ભાષીઓ ઘણી હશે.

આમ,

સાતમા નંબરે: પોર્ટુગીઝ, મૂળ વક્તા: 154 મિલિયન

આઠમા નંબરે: રશિયન, મૂળ વક્તા: 154 મિલિયન

નવુંમા નંબરે: જાપાની, મૂળ વક્તા: 128 મિલિયન

દસમા નંબરે: પંજાબી / લહંડા, મૂળ વક્તા: 119 મિલિયન

ભારત અને પાકિસ્તાનના ભાગોમાં પંજાબી ભાષા બોલાય છે. લહન્દા એ ફક્ત પાકિસ્તાની પંજાબી છે, અને આ ભાષા વિશે રસપ્રદ વાત એ છે કે તે ફક્ત વિશ્વની સૌથી વધુ બોલાતી ભાષાઓમાંની એક છે, પરંતુ તે પણ એ હકીકત છે કે ભારતમાં 50% કરતા વધારે ચાર્ટ-ટોપર્સ પંજાબીમાં ગવાય છે.

અંગ્રેજી - બોલવાની કુલ સંખ્યા દ્વારા વિશ્વમાં સૌથી વધુ બોલાતી ભાષા છે. સંખ્યા જુદી જુદી હોય છે, પરંતુ 146 કરતા વધુ દેશોમાં અંગ્રેજી બીજી ભાષા તરીકે બોલાય છે, અને વિશ્વવ્યાપી અંગ્રેજી શીખનારા લોકોની સંખ્યા હજી વધી રહી છે. અંગ્રેજી લાંબા સમય સુધી વિશ્વની સૌથી પ્રભાવશાળી ભાષા રહેવાની સંભાવના છે.

અંગ્રેજી મુખ્યત્વે વસાહતી (કોલોનીઅલ) સમય દરમિયાન ફેલાયેલું હતું અને યુનાઇટેડ કિંગડમની સાથે સદીઓથી યુનાઇટેડ સ્ટેટ્સ વિશ્વની મહાસત્તા છે તે હકીકતને કારણે મહત્વનું રહ્યું છે.

કુલ સ્પીકર્સની સંખ્યા દ્વારા વિશ્વની સૌથી વધુ બોલાતી ભાષાઓની સૂચિ:

1.અંગ્રેજી

2. ચાઇનીઝ

3. હિન્દી

4. સ્પૅનિશ

5. ફ્રેન્ચ

6. અરબી

7. રશિયન

8. બંગાળી

9. પોર્ટુગીઝ

10. ઇન્ડોનેશિયન

ગુજરાતી ભાષા (Gujarati Language)

ગુજરાતી ભારત-આર્યન ભાષા છે જે ભારતના ગુજરાત રાજ્યની મૂળ ભાષા છે અને ગુજરાતી લોકો દ્વારા મુખ્યત્વે બોલાય છે.

ભારતમાં, તે ગુજરાત રાજ્યની સત્તાવાર ભાષા છે, સાથે સાથે દાદરા અને નગર હવેલી અને દમણ અને દીવના કેન્દ્ર શાસિત પ્રદેશમાં, સત્તાવાર ભાષા છે. ૨૦૧૧ સુધીમાં, ગુજરાતી 5 મિલિયન સ્પીકર્સ દ્વારા બોલાતી, મૂળ ભારતીય ભાષાઓની સંખ્યા દ્વારા ભારતમાં છઠ્ઠી સૌથી વધુ વ્યાપક રીતે બોલાતી ભાષા છે, જે કુલ ભારતીય વસ્તીના આશરે 4.5% જેટલી છે. The World's 100 Largest Languages in 2007 મુજબ મૂળ ભાષા બોલનારાઓની સંખ્યા પ્રમાણે તે વિશ્વમાં 26 મી સૌથી વધુ વ્યાપક રીતે બોલાતી ભાષા છે. લગભગ 56 મિલિયન (2011, Gujarati language - Wikipedia મુજબ) લોકો ગુજરાતી ભાષા બોલે છે.

સંખ્યાઓ ઘણાં બદલાઇ શકે છે કારણ કે માહિતી સામાન્ય રીતે વિવિધ સ્રોતો અને તારીખો દ્વારા એકત્રિત કરવામાં આવી છે. મોટાભાગની રાષ્ટ્રીય વસ્તી ગણતરીઓ મૂળ વક્તાઓ અને બીજી ભાષા બોલનારા પર આંકડા એકત્રિત કરતી નથી. તેથી, સંખ્યાઓ ફક્ત અનુમાન છે, અને આ રીતે કેટલાક ટકા ઉપર અથવા નીચે થઈ શકે છે. તે સાથે, ક્યારે કોઈને કોઈ ભાષાના વક્તા તરીકે શામેલ કરી શકાય ત્યારે તે માટે રેખા દોરવી પણ મુશ્કેલ છે. ફક્ત અસ્ખલિત વક્તાઓની ગણતરી કરવી જોઈએ? અથવા શું તમારે એવા લોકો શામેલ કરવા જોઈએ જે લગભગ અસ્ખલિત રીતે બોલી શકે છે જે વિવિધ વિષયો પર દૈનિક વાતચીત કરવામાં સક્ષમ છે?

એક અન્ય રસપ્રદ બાબત એ છે કે ઝડપથી વસ્તી વૃદ્ધિવાળા દેશો પણ છે, જેનો અર્થ છે કે કેટલીક ભાષાઓમાં ભવિષ્યમાં કુલ સંખ્યામાં વધુ વક્તાઓ મળશે, અને તે પછી વૈશ્વિક વર્ચસ્વમાં ફેરફાર થશે જ્યાં ચીની અને સ્પેનિશ આધારો લઈ રહ્યા છે. ઇંગલિશ હજી પણ સાર્વત્રિક ભાષા છે, વધુ અને વધુ ચિની અને સ્પેનિશ શીખે છે. મારો અંદાજ એ છે કે સ્પેનિશ વધુ વ્યાપક મહત્વ મેળવશે કારણ કે તે આટલી વ્યાપક ભાષા છે, અને યુ.એસ. વસ્તીના મોટા ભાગના કારણે અંગ્રેજીની સાથે સ્પેનિશ તેમની માતૃભાષા છે. અને પછી આપણી પાસે એવી પરિસ્થિતિ છે કે જ્યારે ચીન વિશ્વભરમાં, ખાસ કરીને આફ્રિકા અને એશિયામાં તેમની શક્તિ અને પ્રભાવમાં વધારો કરી રહ્યું છે. ચીન પૃથ્વી પરનો સૌથી વધુ વસ્તી ધરાવતો દેશ છે જેમાં ૧.4 અબજ વસ્તીઓ છે, અને દેશને એક ભાષાથી એક કરવા માટે સરકાર પ્રયાસો કરી રહી છે. ભારતમાં વર્તમાન સરકાર પણ પોતાનું વૈશ્વિક પ્રભુત્વ અને હિન્દી ભાષાનો પ્રસાર વધારી રહ્યું છે. આમ રેન્કિંગ માં સુધારા વધારા થયી શકે છે, હોઈ શકે છે.

95 મિલિયન દ્વારા બોલાતી જર્મન ભાષા પણ યુરોપની ઉભરતી ભાષા છે, જેમાં હવે યુવાનો પણ રસ લઈ રહ્યા છે.

વધુ વાંચો:

Featured Image Source: Times of India

શું દિવસે દિવસે આપણો સમાજ (Samaj - society) વધુ હિંસક (violent) બની રહ્યો છે? કેમ?

noreply@blogger.com (Karnav Shah) — Wed, 18 Oct 2023 10:58:00 +0000

Samaj - Society: આપણો સમાજ એટલે કે માનવી પહેલેથી જ હિંસક રહ્યો છે. રોમન ઇતિહાસ, ઇસ્લામિક, યહૂદી અને મોડર્ન હિસ્ટ્રી ના સંદર્ભે જોવામાં આવે તો માણસ હંમેશા હિંસક જણાઈ આવેલ છે. ત્યારબાદ ધર્મના વિચારો અને પ્રચારોને કારણે ઈશ્વરનો ડર અને માનવીય લાગણીનો જન્મ થયો. કદાચ ધર્મની રચના જ હિંસા રોકવા માટે થઈ હશે, અથવા ધર્મનો અહિંસામાં મોટો ફાળો હશે એવું મારુ માનવું છે.

રાજકારણ અને રાજકીય મહત્વાકાંક્ષાઓ અને ધાર્મિક આધિપત્યની લાલચમાં ધર્મ પણ અનેક હિંસક યુદ્ધોનું કારણ બન્યું છે. આજે પણ આવા યુદ્ધો ચાલુ છે.

આંતકવાદ પછી ભલે એ સીરિયામાં હોય, ભારતમાં હોય, ઇરાક-અફઘાનિસ્તાનમાં હોય કે અન્ય કોઈ પણ જગ્યાએ હોય એ આધુનિક શારીરિક હિંસાનું વિકૃત ઉદાહરણ છે. આવા કોઈ પણ આંતકવાદી હિંસા એ.સી ઓફિસમાં બેસેલા રાજકીય નેતા અને જેને આ હિંસાથી લાભ થઈ શકે છે (હથિયાર બનાવનારી કંપની વગેરે…) એમના સહકાર વિના અશક્ય છે.

શું તમને કોલ્ડ વોર (શીત યુદ્ધ) વિષે માહિતી છે?

કોલ્ડ વોરનો સમય ગાળો આશરે 1947 થી 1991 સુધીનો રહ્યો. શીત યુદ્ધ એ યુનાઇટેડ સ્ટેટ્સ (અમેરિકા) અને સોવિયત યુનિયન (આજનું રશિયા) અને તેમના સંબંધિત સાથીઓ વચ્ચે એક પ્રકારની રાજકીય હરીફાઈ હતી જે બીજા વિશ્વ યુદ્ધ પછી વિકસિત થઈ હતી. બંને મહાસત્તાઓ વચ્ચેની આ દુશ્મનાવટનું નામ જ્યોર્જ ઓરવેલ દ્વારા સૌ પ્રથમ 1945 માં પ્રકાશિત એક લેખમાં આપવામાં આવ્યું હતું. શીત યુદ્ધ એ રાષ્ટ્રો વચ્ચેના સંઘર્ષની સ્થિતિ છે જેમાં સીધી લશ્કરી કાર્યવાહીનો સમાવેશ થતો નથી, પરંતુ મુખ્યત્વે આર્થિક અને રાજકીય ક્રિયાઓ, પ્રચાર, જાસૂસીના કાર્યો દ્વારા ચલાવાયેલ પ્રોક્સી યુદ્ધ દ્વારા કરવામાં આવે છે.

અમેરિકાનો હંમેશા મિડલ ઈસ્ટના દેશોમાં ઓઈલ માટેનો રસ (ઇંટ્રેસ્ટ) રહેલ છે. જેની પાસે ઓઈલ એ વિશ્વનો રાજા. આ રાજા બનવાની દોડમાં એ સમયનું સોવિયેત યુનિયન પણ હતું. વિશ્વનો રાજા એક જ હોઈ શકે. વધુમાં, અમેરિકા મૂડીવાદી દેશ રહેલ છે, જયારે સોવિયેત યુનિયન સમાજવાદી અભિગમ ધરાવે છે. આથી, બન્ને દેશોની મૂળભૂત રહેણીકરણી, વિચારો જ પરસ્પર વિરોધના છે. જયારે પણ અમેરિકા અફઘાનિસ્તાન, ઇરાક ઉપર પોતાનું વર્ચસવ વધારતું આવેલ, એ સમયે રશિયાએ (ત્યારના સોવિયત યુનિયને) અરાજકતત્વોને ફન્ડીંગ કરેલ અને મિડલ ઈસ્ટમાં હંમેશા સિવિલ વૉર અને યુદ્ધને પ્રોત્સાહન પૂરું પાડેલ છે. આજ મુજબ ઇરાકને ઈરાન સામે લાડવા માટે અમેરિકાએ પ્રોત્સાહન પૂરું પડેલું. ઈરાનમાં પણ આજ સ્થિતિ રહે છે, અમેરિકા ઈરાનને દુશમન માને છે, જયારે રશિયા એના સપોર્ટમાં છે. આ રીતે સત્તાનું બેલેન્સ રહે છે, પોલિટિકલ અભિમાન પ્રેરિત હરીફાઈ ચાલે છે પણ લખો બાળકો, સ્ત્રી, પુરુષો અને પરિવારના મૃત્યુની કોઈ જવાબદારી નથી લેતું. ઓસામા બિન લાદેન પણ આજ શીત યુદ્ધનું પ્રોડક્ટ હતું. આમ, આપણે જે હિંસા દેખી રહ્યા છીએ, એને સળગાવનાર કહેવાતા બૌદ્ધિકો પણ હોઈ શકે છે. અહીંયા ધર્મનો મનફાવે એમ ખોટો ઉપયોગ કરી લોકોને ઉશ્કેરવામાં આવે છે. ભારતમાં હિન્દુ મુસ્લિમોનું તૃષ્ટિકરણ પણ એક ગંદી રાજનીતિ છે, જેને હું માનસિક વિકૃતિ અને માનસિક હિંસા કહીશ.

જન્મ ક્યાં લેવો એ આપણા હાથમાં નથી. આપણા વિચારો, આપણી ક્રિયાઓ આપણે સુધારી શકીએ છીએ, જે આપણે સમજતા હોવા છતાં પણ સુધારી નથી રહ્યા, કારણ કે આપણે બધા જ સ્વાર્થી છીએ, જેમાં કશું ખોટું નથી. સ્વાર્થીપણું એ માનવીના હોવાપણાનું જ એક લક્ષણ છે. પરંતુ, જે હિંસા આપણા બાળકોના ભવિષ્યને ખતમ કરી રહી છે, એ હિંસાને આપણે રોકવી ના જોઈએ?

ધર્મના નામે યહૂદીઓએ અત્યન્ત ક્રૂરતા સહન કરી છે. હોલોકોસ્ટ, જેને શોઆહ તરીકે પણ ઓળખવામાં આવે છે, તે યુરોપિયન યહૂદીઓનો બીજા વિશ્વ યુદ્ધનો નરસંહાર હતો. 1941 થી 1945 ની વચ્ચે, જર્મન કબજે કરેલા યુરોપમાં, નાઝી જર્મની અને તેના સહયોગીઓએ યુરોપની યહૂદી વસ્તીના બે-તૃતીયાંશ લોકોની આસપાસ, લગભગ છ મિલિયન યહૂદીઓની હત્યા કરી હતી. મારા પરિવારની મારી નજર સામે હત્યા થાય તો એની પીડા, માનસિક પીડા કેવી હશે એ વિચાર માત્રથી મારા રૂવાંટા ઉભા થઈ જાય છે. જો તમે હિંસક નાઝીઓના સમુહમાં પણ માનવતા અને સાહસ કરી અનેક યહૂદીઓની જાન બચાવનાર વ્યક્તિ વિષે જાણવા માંગતા હોવો તો સ્ટીવન સ્પીલબર્ગનું મુવી ઘી સિન્ડલર લિસ્ટ ખાસ જોવું. આ માનવ ઇતિહાસમાં બનેલું સર્વશ્રેષ્ઠ મુવી છે, જે સત્યઘટના આધારિત છે.

આપણું સમાજ (samaj) હંમેશા હિંસક રહ્યું છે. પરંતુ, હવે એ માનસિક ત્રાસ-ક્રુરતામાં પણ માહિર થઈ રહ્યું છે. બે વ્યક્તિઓ એકબીજા સાથે કડવા શબ્દો, બેવફાઈ, ચીટિંગ જેવા કાર્યો કરી વિચિત્ર પ્રકારની મનોવેદના ઉભી કરે છે. ટીવી ન્યૂઝના એન્કર રાજનેતાઓ ઉપર આરોપ લગાવે છે, અને આજ રાજનેતાઓ બીજા પક્ષના નેતાઓ ઉપર આરોપ લગાવે છે, એ એમના પરિવારના સભ્યોના મનમાં માનસિક ત્રાસ ઉભો કરતો હશે.

પોલીસ સ્ટેશનમાં ફરિયાદ આપ્યા પછી, પોલીસ અધિકારી દ્વારા પણ સન્માન વિનાનો થતો વ્યવહાર એક માનસિક ક્રૂરતા છે. કોલ સેન્ટર પર ગ્રાહક કોલ કરીને સેવા માંગે છે ત્યારે ગોખેલા જવાબ આપનાર કંપનીના કર્મચારી પણ માનસિક વેદનાને જન્મ આપે છે. કોરોના કાળમાં હોસ્પિટલોના અમાનવીય બીલો પણ એક ક્રૂરતા છે. પતિ પત્ની અને પરિવારના સભ્યો વચ્ચે અપેક્ષાઓ અપૂર્ણ રહેતા સંબંધો ઉપર જે તિરાડો અથવા પૂર્ણવિરામ પડે છે, એ પેઢીઓ સુધી ચાલનારી માનસિક હિંસા છે. વચન આપીને ફરી જનારી સરકાર, મિત્રો, અને ભાગીદારો પણ માનસિક ક્રૂરતા આચરે છે. જે બાળકો અને મહિલાઓ ઉપર બળાત્કાર ગુજારવામાં આવે છે એમની શારીરિક વેદના કરતા વધુ ક્રૂર માનસિક હિંસા હોય છે જે આજીવન એમને માનસીક પીડા આપે છે. લોકલ સરકાર તમારું કામ ના કરે, શાળામાં એડમિશન નહી મળે ત્યારે, સામાન્ય માણસે ઉચ્ચ નેતા, સરકાર અથવા અધિકારી પાસે મદદની ભીગ મંગાવી પડે એ માનસિક ક્રૂરતા છે. તમારી પાસે બધાજ કાગળો હોવા છતાં પોલીસ તમને રસ્તામાં ઉભી રાખી ડરાવે, એ પણ માનસિક ભય ઉભો કરતી ક્રૂરતા છે.

તમારી જ પત્ની તમારા ઉપર ખોટા કેશો કરશે, એવા નજીકના સંબંધોમાં ઉભી થતી અસુરક્ષત્તા પણ એક માનસિક વેદના છે. સ્ત્રીને સક્ષમ હોવા છતાં પણ પુરુષ સાથે નિષ્કારણ સરખાવી, ઓછું માન આપવામાં આવે છે, પ્રમોશનમાં ભેદભાવ રાખવામાં આવે છે એ સ્ત્રીઓ ઉપર કરવામાં આવતી કોર્પોરેટ હિંસા છે. આ હિંસા માટે આપણો સમાજ જવાબદાર છે. આપણે આજ સમાજના (Samaj) સભ્યો હોવાથી, આ માટે આપણે પણ કઈંકે અંશે જવાબદાર છીએ.

આથી, હું અનુભવે માનતો થયો છું કે શારીરિક હિંસા કરતા માનસિક હિંસા વધુ તીવ્ર હોય છે, અને આપણા સમાજમાં (Samaj) આ હિંસા દરેક ઘરમાં વત્તા ઓછા પ્રમાણમાં થઈ રહી છે. માનસિક હિંસાનું કોઈ સ્વરૂપ હોતું નથી. તમારું પ્રિય વ્યક્તિ મૃત્યુ પામે છે, ત્યારે જે શૂળ તમારા હૃદયમાં અને મનમાં ઉત્પન્ન થાય છે એ માનસિક વેદના છે. સુશાંત સિંહ રાજપૂત એ જે પણ કોઈ કારણોસર આત્મહત્યા કરી, એની પાછળની પીડા શારીરિક નહિ પરંતુ માનસિક રહી હશે. આપનો સમાજ માનસિક ક્રૂરતાના વિષયમાં સામુહિક રીતે હિંસક બની રહ્યો છે. આજ સમાજના લીડરશીપ ધરાવતા સ્ત્રી-પુરુષની જવાબદારી બને છે કે, સમાજના મૂળભૂત રૂઢિવાદ વિચારો, અપેક્ષાઓને તેઓ એક ક્રાંતિ દ્વારા બદલે.

આપણા સમાજ (Samaj) દ્વારા થતી માનસિક હિંસાનું સૌથી વધુ જો કોઈ પીડિત હોય તો એ સ્ત્રીઓ અને બાળકો છે. આ અત્યંત કરુણ ઘટના છે. કોઈ પણ આર્થિક વિકાસ, એવોર્ડો, સન્માન આપણા આ પછાતપણા અને ક્રૂર માનસિકતાને ઢાંકી શકે એમ નથી.

કારણ વિનાની દુશમનાવટ, વડીલો દ્વારા આવીજ દુશમનાવટોને પ્રેરણા આપવું, બદલો લેવાની ભાવના, જરૂર પડે ત્યારે યુવાનોમાં માર્ગદર્શન આપનારની ગેરહાજરી, સરકારની ગંદી રાજનીતિ, હોલિસ્ટિક શિક્ષણનો અભાવ, અત્યંત સ્વાર્થીપણું, નિષ્કારણ પ્રોફેશનલિઝમ, કારણ વિનાની સ્પર્ધાઓ, પ્રોબ્લેમ સોલ્વ કરવાના અમાનવીય અભિગમો અને મૂડીવાદ તરફની આંધળી દોડ, જેવા કારણોને લીધે સમાજમાં હિંસાનું સ્તર વધી રહ્યું છે. ખોટું થઈ રહ્યું છે એનો વિરોધ નહિ કરવો એ પણ હિંસા માટેનું એક મહત્વનું કારણ છે. મીણબત્તીના દિવા, રસ્તા ઉપરના વિરોધ નહિ પણ વકીલ, ડોક્ટર, શિક્ષક, રાજકારણી બનીને સિસ્ટમના આ ભાગના હિસ્સા બનીને જ બદલાવ લાવી શકાશે.

સમાજના (Samaj) આ હિસ્સામાં જો કોઈ સંપૂર્ણ રીતે અહિંસક હોય, અને સમાજ-દુનિયાને પ્રેરણા આપી શકે એમ હોય તો એ બાળકો છે.ઉપરોક્ત વિચારો મારા વાંચન, અનુભવે રજુ કરેલ છે.

ઉપરોક્ત વિચારો મારા વાંચન, અનુભવે રજુ કરેલ છે.

આ જવાબ – લેખ પ્રથમ વખત કર્ણવ દ્વારા ક્વોરા.કોમ ઉપર અહીં લખવામાં આવેલ.

જ્યારે તમે પોતાને કેવી રીતે પ્રેમ (Prem) કરવો તે નથી જાણતા ત્યારે તમે બીજાને કેવી રીતે પ્રેમ કરી શકો?

noreply@blogger.com (Karnav Shah) — Sun, 24 Sep 2023 12:08:00 +0000

તમે પોતાને પ્રેમ (Prem, Love) કેવી રીતે કરી શકો, અને તમને કેવો પ્રેમ જોઈએ છે એ તમને બે સ્થિતિમાં ખબર પડી શકે.

(૧) જ્યારે કોઈ તમને પ્રેમ કરીને સતત દુઃખી કરે, અને છેલ્લે છોડી દે. (રિજેક્શન)

(2) જ્યારે કોઈ તમને પ્રેમ (Prem) કરે, એની સાથે તમે લગ્ન કરો અને પછી નાના મોટા એવા બનાવો બને જેમાં તમારું હૃદય કંપી ઉઠે, અને દુઃખી થાઓ.

કંઈ પણ કર્યા વિના, અને થયા વિના પોતાને અને બીજાને કેવી રીતે પ્રેમ કરવો એ જાણવાની કોશિશ એક હોર્મોનલ પ્રક્રિયા છે, સારી રીતે કહું તો ફિલોસોફી છે, કલ્પના છે અને અંદાજિત અપેક્ષા છે. વાસ્તવિક અંદાજ તો તમે કૂવામાં પડો તો જ ખબર પડે કે તમારી ક્ષમતા કેટલી છે, કમજોરી શુ છે, અને એને કઈ રીતે કામજોરીને સાક્ષમતામાં વીકસાવી શકાય.

ચોકલેટ કેક નામ એક જ છે, પણ એને બનાવવાની પ્રક્રિયા અને બન્યા પછીનો એનો સ્વાદ અલગ હોઈ શકે. તમને કયો સ્વાદ પસંદ પડશે, એ નક્કી કરવા માટે તમારે એ કેક ચાખવી પડશે, અને ત્યારબાદ તમે જાણી શકશો કે તમને કેટલો કડવો અને મીઠો સ્વાદ ભાવે છે. આમ, પ્રેમમાં અનુભવનું મહત્વ એટલુ જ છે.

પ્રેમમાં જ્યારે તમારી લાગણી દુભાય છે ત્યારે તમને તમારી જરૂરતનો અહેસાસ થાય છે, અને થોડા સમય બાદ મેચ્યોર્ડ થયા પછી, તમે જેને પ્રેમ કરો છો એની જરૂરતોને પણ સમજતા થાઓ છો, અને એકબીજાને ગમતા રહેવાની, સમજતા રહેવાની અને સાથે રહેવાની આ ઘટના જ પ્રેમ છે. આપણે પથ્થર નથી, એ વાતનો અહેસાસ પ્રેમ આપણને કરાવતો રહે છે.

આપણને કોઈ દિવસ સંપૂર્ણ પ્રેમ મળી શકે નહીં. આપણે કોઈ ને પણ સંપૂર્ણ પ્રેમ કરી શકીએ નહીં. છેલ્લે કચાશ અથવા કંઈક અધૂરું રહી જ જાય છે. પરંતુ, આપણે સંપૂર્ણ પ્રયત્નો કરી શકીએ છીએ. પ્રેમમાં પરિણામ નહીં પરંતુ ઈરાદા, વિશ્વાસ અને ઈમાનદારીનું મહત્વ છે. બધા જ એ કરી શકે છે, પરંતુ વ્યક્તિમાં સ્વાર્થ નું પ્રમાણ જેમ વધે છે એમ, શુદ્ધ પ્રેમ ઘટે છે.

પ્રેમમાં તમને જોઈએ છે એ નહીં મળે, એનો અર્થ એવો થાય છે કે તમારી અપેક્ષા અપૂર્ણ રહી ગઈ. પ્રેમમાં અપેક્ષા રાખવી એ જ દુઃખનું મૂળ કારણ છે. પ્રેમ એ તમારી આત્માના પોષણ અને સંવર્ધનનું કુદરતી સાધન છે, એને કુત્રીમતા આપવી જોઇએ નહીં. પ્રેમ હંમેશા મોટિવેટ કરે છે, ઉત્સાહિત રાખે છે, ખાસ ફિલ કરાવે છે, અને દુઃખમાં આપણને કિનારા સુધી લઈ જાય છે, અને ફરીથી ઉભા કરવાની ક્ષમતા રાખે છે.

અમારા એનજીઓમાં એવા સંબંધોનું પણ અમે કાઉન્સેલિંગ કર્યું છે જેમાં પ્રેમ લગ્ન કરી ચૂકેલા દંપતી, એકબીજાથી હતાશ હોય અને છેલ્લે અપેક્ષા પૂર્ણ નહીં થતા અથવા લાગણીઓ નહીં સંતોષતા છુટા થાય છે, સમાધાન કરે છે અથવા ઘણીવાર લગ્ન બહારના સંબંધો કરી લાગણી અથવા શારીરિક જરૂરિયાતોને પૂર્ણ કરે છે. સંબંધોમાં વધુ મહત્વકાંક્ષા અને નિર્ણયોમાં ઝડપ સારી નથી હોતી. હું લગ્ન બહારના સંબંધોના પક્ષમાં નથી, પરંતુ એવા કપલ પણ મેં જોયા છે, જ્યાં સ્થિતિ એટલી ખરાબ છે કે એવા સંબંધોનો વિરોધ કરવા મને યોગ્ય તર્ક મળેલ નથી. દરેક કાર્યમાં તર્ક શોધવું જરૂરી નથી, ઘણીવાર હું હૃદયનું પણ માનું છું. હું માનું છું કે જીવનમાં જે વસ્તુની ખામી રહી હોય, ત્યાં જરૂરી નથી કે એ ખામી, એ જ વસ્તુ મળવાથી પુરી થાય. મને મારા આખા જીવન પ્રેમની ઝંખના રહી, જ્યારે પણ પ્રેમ મળ્યો, એ ટક્યો નહીં.

પરંતુ, મેં મારા ખાલીપાને મારા સકારાત્મક કાર્યો, વિચારોથી ભરપૂર કર્યો, અને છેલ્લે જ્યાં બધુજ જતું રહ્યું હતું ત્યાં મારા જીવનમાં એ વ્યક્તિઓએ પ્રવેશ કર્યો, જેને મને ખાસ ફિલ કરાવ્યું. મને રાત્રે ઊંઘ આવવા લાગી. મનના ડર જતા રહ્યા. કારકિર્દીના વિકાસમાં ખૂબ જ ઝડપ મળી. બધા જ મારા વિરોધમાં હોય પણ એ મારી સાથે હોય. હું ખોટો હોવું તો પણ એ મારી સાથે હોય. એણે મને સમજાવ્યું, પ્રેમ જેવો છે એવો જ વ્યક્તિને સ્વીકારે છે, અને વ્યક્તિની ખામીઓને એ દૂર કરી, સારો માણસ બનાવે છે. મારા જીવનની એ ચાર વ્યક્તિ મારા બેસ્ટ જીવનસાથી છે, ચેરી, કિવિ (મારી દીકરીઓ), મારા માં અને મીરા (મારી ટોર્ચ, અરીસો, પ્રેરણા). (ઉપરોક્ત ફોટા જુઓ)

પ્રેમ એ લગ્નમાં જ પરિણામે એવું નથી હોતું. લગ્ન એટલે જ પ્રેમ એવું નથી હોતું. જ્યાં તમારા લગ્નમાં ઈમાનદારી, વિશ્વાસ અને પ્રેમ ના રહ્યો હોય અને તમારે નૈતિક ખોટું કરવું પડે, એવા લગ્ન અને પ્રેમને સુધારવા કરતા એના મૃત્યુ થવામાં જ સારાપણું છે. પ્રેમ, જીવનના કોઈ પણ તબક્કે તમને ભેટી શકે છે, લગ્ન તૂટવાથી, દિલ તૂટવાથી અને પ્રેમ છૂટવાથી સાચા પ્રેમની તમારા જીવનમાં પ્રવેશ કરવાની સંભાવનાઓને તમે જન્મ આપો છો.

અંતમાં, એવું હોઈ શકે કે તમે તમને પ્રેમ ના કરી શકો, અથવા યોગ્ય રીતે પ્રેમ ના કરી શકો. પરંતુ, જ્યારે તમને કોઈ પ્રેમ કરશે પછી એ કોઈ પણ રૂપમાં કેમ ના હોય, ત્યારે એ પ્રેમ તમને પૂર્ણ પ્રેમ કરવાની શક્તિ, પ્રેરણા અને ભાવના પુરી પાડશે. પ્રેમ તમારી છુપાયેલી શક્તિઓને ચરિત્રને યોગ્યતા પ્રાપ્ત કરાવે છે. પ્રેમ થઈ જાય છે, પછી જ ખબર પડે છે. પ્રેમ થાય પછી, એકબીજાના સુખદુઃખમાં એકબીજાની સાથે ઉભા રહેવાની સમજણ આપે છે. અને લાગણીઓના મૂળ ઊંડા રોપાય છે. બે વ્યક્તિઓ એકબીજાની ખોટ પુરી કરે છે, એકબીજાની જરૂરત પૂરી કરે છે, અને એકબીજાની કેર અને ચિંતા પણ કરાવે છે. બધું કુદરતી રીતે જ થાય છે, અને આપણે શીખીએ છીએ. આમ, આ જ પ્રેમ આપણને ખુદને અને બીજાને પ્રેમ કરતા પણ કરી દે છે.

આ પ્રશ્નનો જવાબ પ્રથમ વખત કર્ણવ દ્વારા ક્વોરા.કોમ (Quora.com) ઉપર લખવામાં આવ્યો હતો. કર્ણવ શાહની ક્વોરા પ્રોફાઈલ માટે અહીં ક્લિક કરો. અને ક્વોરા.કોમ ઉપર આ જવાબ વાંચવા અહીં ક્લીક કરો.

તમે નવા લગ્ન કરેલા દંપતીને શું સલાહ આપશો?

noreply@blogger.com (Karnav Shah) — Sun, 24 Sep 2023 07:17:00 +0000

Marriage – તમે નવા લગ્ન કરેલા દંપતીને શું સલાહ આપશો?, એવો પ્રશ્ન ક્વોરા.કોમ ઉપર એક વાચકે મને પૂછ્યો હતો કે જેનો મારા અનુભવને આધારે મેં આપેલ જવાબ અહીં છે, અને એ જ જવાબમાં મારી સલાહ મારા અનુભવ મુજબ નીચે પ્રસ્તુત કરું છું.

લગ્ન જીવન એ ૫૦:૫૦% ની ભાગીદારી નથી. દરેક વ્યક્તિએ 100% પ્રયત્નો કરવાના હોય છે.

અપેક્ષા રાખવી નહિ. એના મૂળમાં દુઃખ અને ઝઘડા હોય છે.

લગ્ન જીવનના પ્રથમ 3 થી 5 વર્ષનો તબક્કો ઘણા પડકારોથી ભરેલો હોય છે. પ્રેમ અને વિશ્વાસની આ પરીક્ષામાં જે ટકી જાય છે, આગળ જતાં આવા પતિપત્નીઓ ખૂબ ખુશ રહે છે. લગ્ન જીવનના 15 વર્ષ સક્ષમ નીકળે, અને એ સમયમાં જે વધુ યોગદાન અને બલિદાન આપે છે, એની તમામ અપેક્ષા બીજું પાત્ર યથાયોગ્ય પૂર્ણ કરે જ છે. લાગણી આ સમયમાં ખૂબ સારું કામ કરે છે.

એકબીકની શારીરિક, ભાવનાત્મક અને સામાજિક લાગણીઓની કદર કરો.

જાહેરમાં એકબીજા ઉપર મોટા અવાજથી બોલવું જોઈએ નહીં.

ઘરમાં પત્નીનું સન્માન જળવાય એવું વાતાવરણ રાખવું. પરિવારના નિયમો, માતાપિતા, બહેનની ઇચ્છા અને સમાજની અપેક્ષા પૂર્ણ કરવા પત્ની ઉપર દબાણ લાવવું જોઈએ નહીં. પત્ની ગાય જેવી હોય તો પણ રાણી ની જેમ જ રાખવી.

પત્ની દ્વારા કોઈ ભૂલ થાય અથવા એના સ્વભાવથી ઘરની શાંતિમાં ખલેલ પહોંચે તો બંધ રૂમમાં એની સાથે શાંતિથી, પ્રેમ થી ચર્ચા કરવી. એ ગમે તેટલા ઉશ્કેરે તો પણ પ્રેમથી જ. અંતે પત્નીનો ગુસ્સો, ફરિયાદ જતો રહેશે, અને સમજશે. સ્ત્રી આમ તો ખૂબ જ સમજદાર, અને ઘણા કામોમાં પુરુષ કરતા સક્ષમ હોય છે.

મેરેજમાં આત્મસન્માન જરૂરી છે. એકલદોકલ ઠીક છે, પરંતુ સતત ઘરેલું હિંસા ભલે પછી એ માનસિક, શારીરિક અથવા આર્થિક હોય, પણ એને સહન કરવી એ અયોગ્ય છે. પુરુષ અને સ્ત્રી પોતાની મર્યાદાઓને સ્વીકારી, સમજીને એકબીજાને હૂંફ, પ્રેમ અને જીવનભરનો સાથ આપવા, જીવન માણવા અને સંઘર્ષોમાં એકબીજાને સફળતાપૂર્વક ટેકો આપે, અને પરિવારનો વિકાસ કરે, એ લગ્ન સંસ્થાનો મુખ્ય સારાંશ છે.

એકબીજાની ઈચ્છા અને સ્વભાવને સ્વીકારવું. જરૂરી બદલાવ માટે સમય અને સહકાર આપવો, દબાવ અને માનસિક પીડા એ હિટલર વૃત્તિ છે.

બદલો લેવા કટુ વચનો બોલવા એ ખોટું છે. જાતે જ પોતાનું લગ્ન જીવન બગાડવાની મૂર્ખામી કરવી નહીં. તમારા આદર્શ વિચારો બીજા ઉપર થોપવા નહીં. સ્ત્રી અને પુરુષ બંને સરખી આઝાદી, વિકાસ અને પ્રેમના હકદાર છે.

તમારા ઉદાહરણમાં તમારા માતાપિતા, મિત્રો અને બહેને વગેરેનો સમાવેશ ના કરવો. ગોળ ખાવાનું બંધ કરે, એ જ ગોળ ખાવાનું બંધ કરવાનું કહી શકે.

અતિશય જૂઠું બોલવું નહીં. તમે ખોટું કરશો એ બીજા પાત્રને ખબર પડી જ જશે. એ અલગ વાત છે એ કહેવાનું ટાળશે.

તમારી ખૂબ જ ખાનગી ભૂતકાળની વાતો તમારી સમજ મુજબ શેર કરવાનું ટાળવું, નહીતો વારંવારના તાના આરોપો બનીને તમને સાંભળવામાં આવશે.

તમારા ઝઘડામાં મિત્રો અને પરિવારને મધ્યસ્થી ના બનાવો. વાતનું વતેસર ના કરવું. બહુ જરૂર પડે તો મેરેજ કાઉન્સેલરની સલાહ લેવી, એ તમારા હિતોને તટસ્થ રહી સાંભળે છે, અને નિરાકરણ માટે મદદ કરે છે.

બાળકોનો હાજરીમાં ગાળો ના બોલવી, ખરાબ વાતો, આદતો ના કરવી. હિંસા અને ઝઘડા ના જ કરવા. તમારા બાળકોને લગ્ન જીવન માટે આદર રહે, અને સેફ લાગે એવું તમારું વર્તન હોવું જોઈએ. બાળકો એ તમારા લગ્નજીવનમાં ફેવિકોલ જેવું કાર્ય કરે છે.

સમસ્યા દરેક કપલને હોય છે. તમને આના કરતા સારું પાત્ર મળી શકતે એવું વિચારવા વાળાઓએ કલ્પનાઓ માંથી બહાર આવવું જોઈએ. ખામી એ દરેક વ્યક્તિમાં હોય છે. પરિવારની સમસ્યા પણ દરેક જગ્યાએ હોય છે.

એક બીજાને ગમતા રહો, સહકાર આપો. બલિદાન આપો. હૂંફ અને સાથ આપો. સાચા ખોટામાં પણ સાથ ના છોડવો. એકબીજાને સફળ કરવા, જીતવા માટે પ્રેરણા આપો. એકબીજાના બેસ્ટ મિત્રો બનો.

માં ને માં નું સન્માન આપો. પત્નીને પ્રેમિકા અને રાણી નું સન્માન આપો. માં અને પત્ની વચ્ચે વાર્તાલાપ વધે, લાગણી વધે એવા પ્રયોગો કરો. બહેનોને ખૂબ પ્રેમ આપો, પરંતુ તમારા અંગત જીવન અને પારિવારિક મેટરોથી દુર રાખો. આમ પ્રથમ સલાહકાર તમારી પત્ની અથવા પતિ હોવો જોઈએ.

તમારા આર્થિક વ્યવહારો એકબીજાને જણાવો. તમારી હયાતી અને ભવિષ્યમાં પણ તમારી પત્ની અને પરિવાર નિરાધાર ના બને એવી સુરક્ષા આપો. પત્નીએ પણ એના આર્થિક વ્યવહારો, આવકો પતિ સાથે શેર કરવા જોઈએ. જે પણ છે એ બંન્નેનું જ છે. પારિવારિક જીવનનું નિર્વાહન કરીને કોઈ કોઈના ઊપર ઉપકાર નથી કરતું.

પત્નીના ઘર પાસે અપેક્ષા રાખવી, કે વ્યવહાર મંગવો એના કરતાં ભીખ માંગવી એ સન્માન નું કાર્ય છે. પત્નીના માતાપિતા એ તમારા નોકરો નથી. એમને તમારા જ માતાપિતા સમજો. પરંતુ જ્યાં રાખવું પડે ત્યાં સમજ મુજબ અંતર રાખવું.

દલીલોમાં ઉતરવું નહીં. હાર માની જ લેવી.

મનમાં ખરાબ અનુભવો લાંબા સમય સુધી રાખવા નહીં જોઈએ. માફ કરતા શીખો. મોટું દિલ રાખવું. જે છે એને બેસ્ટ બનાવો.

સુધારા એક દિવસમાં નથી આવતા. કોશિશ ચાલુ રાખવી જોઈએ.

આપના લગ્નજીવનની કોઈ સમસ્યા હોય, બાળકોના કોઈ પ્રશ્ન હોય અથવા પારિવારિક સમસ્યા શેર કરવા માંગતા હોવો, તો હું “લિવ મોર ફેમિલી” અને “દિયર ચેરી કિવિ”નામથી એન.જી.ઓ પ્રોજેકટ રન કરું છું, આપ મારો સંપર્ક કરી શકો છો. મારી કહાની અને અનુભવો તમે અહીંથી જાણી શકો છો. Karnav Shah (कर्णव शाह)’s answer to I want to die. I am 34, jobless and heartbroken. What should I do?

ક્વોરો.કોમ ઉપર કર્ણવની પ્રોફાઈલ અહીં વિઝીટ કરો.

This blog is permanently transferred to Registered NGO.

noreply@blogger.com (Karnav Shah) — Sat, 16 Sep 2017 14:02:00 +0000

Hey there,

It has been inspiring association with you since 2007. Yes, I have been writing on a variety of topics and issues since 2007 and you have appreciated my word and help me improve my work.

I have founded NGO namely JivanamAsteya.org and I am founder of few flagship program under the head of JivanamAsteya Organization such as ChintalesNagrik.com - resolve Complaint Online, StartupEntrepreneur.in - Start, Run and Grow your business without risk, DearCherryKiwi - Child Care, Protection and their best interest, LiveMoreFamily - focus on the family and few others.

I have gone through many ups and down in my life both personal and professional that has influence significantly on me to find and understand the purpose of my life and I have understood helping people and making them happy, safe and emotionally fulfilled is what I am born for. The peace I receive from social work is greater than the happiness I get from personal life.

It was never too easy however I have donated all my good and well profit-making business and my individual skills to an NGO for greater social and public work and reforms.

KarnavWithYou is now no more mere a blog but it is a program under the NGO that focuses on Life, Family, Couple, Relationship and Startup Coaching and Mentoring to ensure happiness, safety and emotional well-being of Individual, Couples, Groups and Small Business.

However, rest assured, the blog is not shut down but it is improved and it focuses on practical support, find the blog here and you can also refer, subscribe and read my NGO blog here.

Thank You

- Karnav shah

Find Karnav shah on Facebook