Kathir4ever

மனிதன் எதற்காக படைக்கப்பட்டான்? - சகோ.ராஜ்குமார்.

2010-10-27T03:14:00.000-07:00

அன்பானவர்களே, படைப்பின் இரகசியங்கள் கட்டுரைத்தொடரில் இதுவரை கடவுள் யார்? அவர் எங்கே இருக்கிறார்? பிசாசு யார்? பூமியில் டினோசர்கள் போன்ற விலங்குகள் அழிக்கப்பட்டது எப்படி? மீண்டும் பூமி புதிதாக உருவாக்கப்பட்டது எப்படி? என்பவைகளைக்குறித்து பைபிள் அடிப்படையில் சுருக்கமாக அறிவியல் ஆதாரங்களோடு பார்த்தோம்.இனி இந்த பூமியில் மனிதன் எதற்காக உருவாக்கப்பட்டான் என்று அறிந்து கொள்வோம்.

மனிதன் பிசாசை வெட்கப்படுத்த கடவுளால் உண்டாக்கப்பட்டான். என்ன இவன் ஏதோ முட்டாள் தனமாக உளறுகிறான் என்று நினைத்து விடாதீர்கள் கொஞ்சம் பொறுமையாக மேலே படியுங்கள் உங்களுக்கே தெளிவாகப் புரியும்.

இன்றைய உலகில் மனிதன் விபசாரம், வேசித்தனம், அசுத்தம், காமவிகாரம், பில்லிசூனியம், பகைகள், விரோதங்கள், வைராக்கியங்கள், கோபங்கள், சண்டைகள், பிரிவினைகள், மார்க்கபேதங்கள், பொறாமைகள், கொலைகள், வெறிகள், களியாட்டுகள், ஆகியவைகளில் ஈடுபடும்போது அந்த மனிதன் சமூகத்தால் வெறுக்கப்படுகிறான். காரணம் இவைகள் பூமியில் விழுந்த சாத்தானால் உண்டாக்கப்பட்ட குணநலன்கள் ஆகும். மேலும் மேற்கண்ட குற்றங்களை ஒருவன் மறைவாகச் செய்தாலும், அவனுக்கும், அவனது சந்ததிக்கும் சாபங்கள் வந்து சேர்கிறது என்று நாம் அனைவருமே அறிவோம். மாத்திரமல்ல மறைவாக இவைகளைச் செய்யும் போது வெளித் தோற்றத்திற்கு வேண்டுமானால் அவன் மகிழ்ச்சியோடு இருப்பது போல தோண்றுமே ஒழிய அவனது மனசாட்சி அவனைப் பாடாய்ப் படுத்திக்கொண்டு இருக்கும். இதற்கு நானும் நீங்களும் கூட விதிவிலக்கு அல்ல.

இன்னும் ஒரு எளிய உதாரணம் மூலம் சொன்னால், ஒருவன் திருடும் போது சாத்தான் நீ திருடி உனக்காக வைத்துக் கொண்டால் நீ மகிழ்ச்சியாக இருக்கலாம் என்று ஆசை வார்த்தை சொல்லி ஒருவனை ஏமாற்றுவான். இதை நம்பி ஒருவன் திருடினால், அவன் சமுதாயத்தால் இகழப்படுவான். தண்டனைக்கு ஆட்படுவான். இவை எல்லாவற்றுக்கும் மேலாக சாபத்திற்கும் உள்ளாகிறான்.

ஆனால் ஒருமனிதன் அன்பு, சந்தோஷம், சமாதானம், நீடியபொறுமை, தயவு, நற்குணம், விசுவாசம், சாந்தம், இச்சையடக்கம், ஆகிய நற்பன்புகளை ஒருமனிதன் கடைபிடிக்கும் போது, இயேசு கிறிஸ்து போலவோ, அன்னை தெரசா போலவோ மதிக்கப்படுகிறான். இவைகள் கடவுளின் குணங்கள் ஆகும். இந்தகைய பண்புகளை ஒரு மனிதன் கைபிடிக்க வேண்டும் என்பதே கடவுளின் நோக்கம், இத்தகைய பன்புகளை கடைபிடிப்பதன் மூலம் பிசாசு வெட்கப்படுத்தப் படுகிறான்.

இதை ஒரு உண்மைச் சம்பவ உதாரணத்தின் மூலம் அறியலாம், நாம் அனைவரும் அறிந்த ஒரு சம்பவம் மூலமே விளக்குகிறேன்.

காலம் சென்ற அன்னை தெரசா ஒரு சமூக சேவகி அந்தப் பென்மனி ஒரு முறை தொழு நோயாளிகளின் நலனுக்காக நிதி திரட்ட ஒரு செலவந்தரிடம் சென்றார். ஆனால் அந்த செல்வந்தர் அந்த பெண்ணை அவமானப்படுத்த வேண்டும் என்று எண்ணி சாத்தானின் குணங்களான கோபங்கள், அசுத்தம், வெறிகள், ஆகிய தன்மைகளைத் தரித்துக் கொண்டவராய் அந்த அம்மையாரின் ஏந்திய கரங்களில் உமிழ்ந்தார்.

ஆனால் அந்த அம்மையார் உணர்ச்சிவயப்படாமல் அன்பு, சமாதானம், நீடியபொறுமை, தயவு, நற்குணம், விசுவாசம், சாந்தம், இச்சையடக்கம், ஆகிய பன்புகளைத் தரித்துக் கொண்டு, உமிழ்ந்தது எனக்குப் போதும் நோயாளிகளுக்கு ஏதாவது உதவுங்கள் என்று கேட்டார்களாம். அப்போது அந்த மனிதர் தன் செயலுக்கு வெட்கப்பட்டு அந்த அம்மையாருக்கு உதவினார் என்பதாய் அந்த சம்பவம் நீள்கிறது,

அங்கே அந்த மனிதன் வெட்கப்படுத்தப் படவில்லை மாறாக அந்த மனிதனின் வாயிலாக நன்மையானதை வெட்கப்படுத்த வேண்டும் என்ற தீய சக்தியே வெட்கப்படுத்தப்பட்டது.

இப்படி தீய சக்தியை வெட்கப்படுத்தவே கடவுள் இந்த பூமியில் மனிதனை உண்ண்டாக்கினார். நாம் ஓவ்வொருவரும் நன்மையையே செய்ய விரும்புகிறோம். ஆனால் நம்மையும் மீறி பலசமயம் தீமை செய்து விடுகிறோம். எதனால் என்று யோசித்திருக்கிறீர்களா?

ஆம் அதுபற்றிதான் இனி அடுத்து வரும் கட்டுரைகளில் பார்க்க இருக்கிறோம், மாத்திரமல்ல அதில் இருந்து விடுபட்டு, நமக்கும் நம் வருங்கல சந்ததிக்கும் பாவங்களுக்கு பதிலாக எப்படி ஆசீர்வாதங்களை சம்பாதித்து வைப்பது என்பதையும் நாம் பார்க்கவிருக்கிறோம். அதுவரை காத்திருங்கள்...

பைபிளில் புதிய உடன்படிக்கை யாரோடு செய்யப்பட்டுள்ளது? - சகோ. ராஜ்குமார்

2010-10-27T01:45:00.000-07:00

அன்பானவர்களே பைபிளில் ஏற்பாடு என்ற சொல்லுக்கு உடண்படிக்கை எனபதை முந்தைய கட்டுரையில் அறிந்தோம், மேலும் பழைய உடண்படிக்கை பன்டைய மெசபடோமியா நாகரீகத்தில் வாழ்ந்து வந்த ஆபிரகாம் என்ற பக்திமானோடு செய்யப்பட்டது என அறிந்தோம், இனி புதிய ஏற்பாடு(உடன்படிக்கை) பற்றி இங்கே காண்போம்,

புதிய உடன்படிக்கை யாரால் ஏற்படுத்த‌ப்பட்டது?
நாம் பழைய உடன்படிக்கை பற்றிய முந்தைய கட்டுரையில் ஆபிரகாமுடன் கடவுள் செய்து கொண்ட ஒப்பந்ததின் படி, கடவுளின் எதிர்பார்ப்புப்படி வாழ்ந்த ஆபிரகாமின் வம்சத்தில் வந்த யூத குலத்தில் உலகமக்களின் பாவத்திற்கு பலியாகி உலகமக்களின் நல்வாழ்கையை உறுதி செய்ய அனுப்பப்பட்ட மேசியாவாகிய இயேசு கிறிஸ்துவே புதிய உடன்படிக்கைக்கான ஆதாரம், அவரே இந்தப் புதிய உடன்படிக்கையை ஏற்படுத்தினார்.

புதிய உடன்படிக்கையில் என்ன சொல்லப்பட்டிருக்கிறது?
புதிய உடன்படிக்கை என்பது மனித இனத்திற்கு ஒரு மிகப்பெரிய கிடைப்பதற்கரிய ஓர் ஒப்பற்ற சொத்து ஆகும், இதில் மனிதன் சாகாமல் நித்தியமான வாழ்வு பெற்றுக்கொள்ள முடியும், எப்படி ஒன்றும் புரியவில்லையா? மேலே படியுங்கள் புரிந்துவிடும், அதாவது கடவுள் பரிசுத்தமாய்ப் படைத்த மனிதனின் வாழ்வில் பிசாசு மனித இனத்தில் பாவம் என்ற நஞ்சை விதைத்தான். இதனால் மனிதன் திருடு, பொய், சூது அன்பின்மை, விபசாரம், போன்ற பாவங்களில் விழுந்தான், அவனுடைய பாவத்தினால் மனிதன் பாவத்தின் சம்பளமான தண்டனையை அடைந்து வந்தான், இதனால் மனமிறங்கிய கடவுள் மனிதனின் பாவங்களுக்காக தானே இந்த பூமிக்கு வந்து குற்றமில்லாதவராய் வாழ்ந்து மிகவும் சித்ரவதைப்பட்டு மான்டார், ஒரு மனிதன் தன் இயல்பிலேயே உள்ள தீய குண‌ங்களினால் செய்த குற்றங்களுக்குத் தண்டனை அடைய விரும்பமாட்டான், ஆகவே அவனது பாவங்களை இயேசுவிடம் ஒப்படைத்து விட்டால் இம்மையிலும் மறுமையிலும் அவன் அடையவேண்டிய தண்டனையிலிருந்து தப்பலாம்,
மனிதன் இந்த உடன்படிக்கையில் பங்குகொள்ளச் செய்யவேண்டியது என்ன‌?
இந்த உடன்படிக்கையில் பங்குள்ளவர்களாக மாற மனிதனிடம் கடவுள் எதிர்பார்ப்பது மிகவும் சிறியதாகும் அவை:

1. தேவக் குமாரனாம் இயேசுகிறிஸ்துவிடம் தாம் தெரிந்தும் தெரியாமலும் செய்த பாவங்களைக் கூறி மன்னிப்பைப் பெற்றுக்கொள்ள வேண்டும்

2. முன் கட்டுரையில் கண்ட பத்து கட்டளையோடு நம்மில் நாம் எவ்வளவு அன்பு செலுத்துகிறோமோ அப்படியே மற்றவர்களின் தவறுகளை மன்னித்து அவர்களிடம் அன்பு செலுத்த வேண்டும் இவையே மனிதன் இந்தப் புதிய உடன்படிக்கையில் பங்கு பெறச் செய்ய வேண்டியவை ஆகும்.

புதிய உடன்படிக்கையில் பங்கு பெற்றால் என்ன நன்மை?
இந்தப் புதிய உடன்படிக்கையில் மனிதன் பங்கு பெற்றால் பிசாசினால் உண்டாகும் தீமைகளான,பரம்பரைச்சாபம், நோய்கள், பற்றாக்குறைகள், நிம்மதியின்மை, சமாதானமற்ற நிலை, தீயப்பழக்கங்களுக்கு அடிமையாதல், இன்னும் பல தீமைகளிலிருந்து விடுதலை அடைய முடியும் மேலும் இந்த உலக வாழ்வின் முடிவில் மரனமில்ல நித்திய வாழ்வை அடைய முடியும்.

நித்திய வாழ்வு என்றால் என்ன‌?
அதென்ன நித்திய வாழ்வு என நீங்கள் கேட்பது புரிகிறது நீங்கள் பாவமற்றவராய் வாழ்ந்தால் உங்கள் உடலுக்கு மட்டுமே மரனம் வரும், உங்கள் ஆத்மாவிற்கு அல்ல உங்கள் ஆத்துமா கடவுளோடு இன்பமான பரிசுத்த நிலையில் சொல்ல முடியாத சமாதானத்தோடும் மகிழ்ச்சியோடும் முடிவிள்ளா நாட்களோடு இளைப்பாரும்.

இந்தப் புதிய உடன்படிக்கையில் பங்கு பெறாவிட்டால் என்ன ஆகும்?
நாம் கடவுளின் இந்தப் புதிய உடன்படிக்கையில் பங்குபெறாவிட்டால், அல்லது குறைந்த பட்சம் நம்செயல்களிலாவது இந்த உடன்படிக்கையைக் கைக்கொள்ளாவிட்டால் நாம் பிசாசின் பிடியில் இருப்போம் அப்போது திருடுதல், பொய்சொல்லுதல், விபச்சாரம் செய்தல், பெருமை, கொலை, போன்ற பாவங்களைச் செய்து பிசாசின் மகனாய் வாழ்ந்து சாபம், நோய்கள், சமாதானமின்மை, இன்னும் பல இன்னல்களை நாமும் நம் சந்ததியும் அனுபவிப்பதோடு மட்டுமல்ல இறப்பில் நித்திய இளைப்பாறுதலுக்குச் செல்லாமல் பிசாசினோடு இனைந்து கடவுளின் நியாயதீர்ப்புக்கு ஆளாகவேண்டும்,

இயேசுவை ஏற்றுக்கொண்டால் மட்டும் போதுமா?
இல்லை என்பது தான் பதில் நாம் நம் பாவங்களை இயேசு கிறிஸ்துவிடம் கொடுத்துவிட்டால் மட்டும் போதாது நம் செயலில் உடன் மேலே சொன்ன உடன்படிக்கையில் கடவுளின் எதிர்பார்ப்பையும் கட்டாயம் நிறைவேற்ற வேண்டும்.

இந்த புதிய உடன்படிக்கை யாருடன் செய்யப்பட்டுள்ளது?
இந்த உடன்படிக்கை இந்த உலகில் பிறந்த நம் ஒவ்வொருவரோடும் செய்யப்பட்டுள்ளது. சரி இதுவரை பைபிளில் இரு பெரும் பிரிவாகவுள்ள பழைய ஏற்பாடு மற்றும் பதிய ஏற்பாடு பற்றி சுருக்கமாகப் பார்த்தோம் இனி இந்த பைபிள் எப்படி யூத மக்களின் வழக்கு மொழிகளான அராமிக், எபிரெயம், கிரேக்கம், ஆகிய மொழிகளில் இருந்து உலக மொழிகளுக்கு மொழிமாற்றம் செய்யப்பட்ட மெய்சிலிர்க்க வைக்கும் வரலாற்றை அடுத்தக் கட்டுரையில் பார்க்கலாமா?

தேவனின் சமாதானம் !

2010-10-27T01:00:00.000-07:00

டாக்டர். பால் தினகரன்

""உங்களுக்கு இரக்கமும் சமாதானமும் அன்பும் பெருகக்கடவது""

(யூதா 1:2)

என் அன்பு சகோதர சகோதரிகளே! இன்றைக்கு உங்களுக்கு சமாதானத்தை கட்டளையிடப்போகிறேன் என்று இயேசு கூறுகிறார். இந்த நேரத்திலும் இந்த வார்த்தையை படிக்கிற உங்கள் ஒவ்வொருவர் வாழ்விலும் ஆண்டவர் தமது சமாதானத்தை ஊற்றப்போகிறார். ஆண்டவராகிய இயேசு, ""சமாதானத்தை உங்களுக்கு வைத்துப் போகிறேன், என்னுடைய சமாதானத்தையே உங்களுக்கு கொடுக்கிறேன்; உலகம் கொடுக்கிறபிரகாரம் நான் உங்களுக்குக் கொடுக்கிறதில்லை. உங்கள் இருதயம் கலங்காமலும் பயப்படாமலும் இருப்பதாக"" (யோவான் 14:27). ஏனெனில் அவருக்குள்ளிருக்கும் அதே சமாதானத்தை உங்கள் இருதயங்களில் வைக்கிறார். உங்களுக்குள் இயேசுவின் சமாதானம் இறங்கும். ஏசாயா 9:6-ல் அவருக்கு ஒரு பெயர் கொடுக்கப்பட்டிருக்கிறது, அது """"சமாதான பிரபு"" என்ற பெயர். யோபு 25:2-ல் அவர் தமது உன்னதமான ஸ்தலங்களில் சமாதானத்தை உண்டாக்குகிறார் என்று ஆண்டவரை குறித்து வேதம் இவ்வாறாக கூறுகிறது. பிசாசு இவ்வுலகத்திலே சமாதானத்தை கெடுத்துக் கொண்டேயிருக்கிறான். பிசாசின் கிரியைகளின் மூலம் ஒரு மனிதன் மற்றவரது சமாதானத்தை கெடுத்துக் கொண்டேயிருக்கிறான். ஆனால் ஆண்டவரோ நமக்கு சமாதானத்தை உருவாக்கிக் கொண்டேயிருக்கிறார்.

பல வருடங்களுக்கு முன்பு ஒரு பிரசங்கியார் ஒரு கூட்டத்தில் இறைவனுடைய ஒப்பற்ற சமாதானத்தை பற்றி பிரசங்கம் செய்தார். அப்பொழுது கூட்டத்தில் ஒருவன் எழுந்து நின்று, போதகரே, நீங்கள் பிரசங்கம் செய்வதற்கு எல்லாம் சுலபம்தான். நான் இப்பொழுது தான் என் மனைவியையும், பிள்ளைகளையும் அடக்கம் செய்துவிட்டு வருகிறேன். எனக்குள் இந்த சமாதானம் இல்லையே என்று கூச்சலிட்டான். இந்த காரியம் நடந்து சில வாரங்களுக்குள் போதகரின் மனைவி மரித்துபோனார்கள். போதகர் கலங்கிப்போனார்! மனைவியின் அடக்க ஆராதனையில் ஆண்டவருடைய பிரசன்னத்தினால் நிரம்பியிருந்தார். அப்பொழுது கூறினார், சில வாரங்களுக்கு முன்பு இதே மேடையில் நான் பிரசங்கம் செய்தபோது, ஒருவர் எழுந்து நின்று நீங்கள் இப்படிப்பட்ட சூழ்நிலைக்குள் இருப்பீர்களேயானால் பிரசங்கம் செய்யமாட்டீர்கள் என்று கூறினார், அவருக்கு நான் சொல்லுகிறேன், இன்றைக்கு நானும் அதே சூழ்நிலையில் தான் இருக்கிறேன், ஆனால் ஆண்டவருடைய பிரசன்னம், சமாதானம் என்னை நிரப்பியிருக்கிறது என்று கூறினார். அந்த சமாதானம் என்னை வாழவைக்கிறது, கூட்டத்தில் அமர்ந்திருந்த அந்த நபர் எழுந்துநின்று சமாதானத்தை அருளும் இந்த இயேசு எனக்கு வேண்டுமென்று கூறினான். அவர்தான் சால்வேஷன் ஆர்மீயை ஆரம்பித்த வில்லியம் பூத் அவர்கள்.

ஆம் பிரியமானவர்களே! ஒருவேளை நீங்கள் வாழ்க்கையில் இன்றைக்கு நொந்து போயிருக்கலாம், நான் ஒருநாள் கூட சமாதானத்தோடு இளைப்பாறியதில்லை என்று சொல்லலாம், சமாதானத்தோடு என்னால் படிக்கமுடியவில்லையே, வேலைக்குச் செல்ல முடியவில்லையே என்று வேதனைப்படுகிறீர்களா? ஆண்டவர் இயேசு இன்றைக்கு உங்களுக்கு சமாதானத்தை உருவாக்குவார். நீங்கள் பயப்படாமலும், கலங்காமலும் தைரியமாயிருங்கள்! ஒரு ஜனத்துக்காகிலும் ஒரு மனுஷனுக்காகிலும் தேவன் சமாதானத்தை அருளினால் அந்த மனுஷனை யார் கலங்கப்பண்ண முடியும் (யோபு 34:30). எவ்விதமான சூழ்நிலையிலும் நம்மை காத்து வாழவைக்க, சமாதானத்தினால் நம்மை நிரப்ப ஆண்டவர் இயேசுவால் மட்டுமே முடியும். கவலைப்படாதிருங்கள்! ""உங்களுக்கு இரக்கமும் சமாதானமும் அன்பும் பெருகக்கடவது"" (யூதா 1:2). தேவனைப் பற்றிக்கொண்டு இப்படிப்பட்ட சமாதானத்தை எனக்கும் தாருமென்று கேளுங்கள். அவர் நிச்சயமாய் பூரண சமாதானத்தினால் உங்களையும் உங்கள் குடும்பத்தாரையும் நிரப்புவார்.

ஜெபம்:

என்னை நேசிக்கும் அன்பு பரமபிதாவே,

இயேசுவின் நாமத்தில் உம்மிடம் வருகிறேன்; என் இருதயம் அடிக்கடி வழுவிப்போகிற இருதயம். அநேக நேரங் களில் சமாதானமில்லாமல் நான் உம்மைவிட்டு வழிவிலகிப்போய்விடுகிறேன். என்னை மன்னியும். இன்று உம் பாதத்தில் என்னைத் தாழ்த்தி ஒப்படைக்கிறேன். நீர் என்னை வழுவாமல் காக்க வல்லவர் என்பதை நன்கு அறிவேன். நீர் எல்லா சூழ்நிலைகளிலும் பூரண சமாதானத்தை எனக்கருளும்; என்னை மோட்சலோகம் கொண்டுபோய் சேர்க்கும்வரைக்கும் வழுவாதபடி காத்து வழிநடத்தப்போவதற்காக உமக்கு ஸ்தோத்திரம்.

இயேசுவின் நாமத்தில் ஜெபிக்கிறேன் பிதாவே.

ஆமென்.