இடம் : புக் பாயிண்ட் (அண்ணா சாலை ஸ்பென்சர் எதிரில்)
நேரம் : மார்ச் 9, சனிக்கிழமை மாலை 6 மணிக்கு
தொடர்புக்கு : 98406 98236

எழுத்தாளர்கள் ஆதவன் தீட்சண்யா, எஸ். ராமகிருஷ்ணன், கல்பட்டா நாராயணன், கடற்கரய், பிரபஞ்சன், இரா.முருகன்,  இயக்குநர்கள் பாலுமகேந்திரா, பாலா, ராம், கல்வியாளர் எஸ்.கே.பி. கருணா உள்ளிட்ட பலரும் நிகழ்வில் கலந்து கொள்கிறார்கள்.

விழாவில் அனைவரையும் கலந்து கொள்ள அழைக்கிறார்கள். விழா பெரும் வெற்றி பெற கட்டுரை.காம் வாழ்த்துகிறது!

Write a quick comment

இணையம் மூலமாக பழக்கமான ஒருவரின் போலி வாக்குறுதிகளை நம்பி தனது தங்கையின் குடும்பத்தினரிடம் ஷேர் மார்க்கெட்டில் பணம் போடச் சொல்லியிருக்கிறார்.

நடுத்தரத்திற்கும் கீழான நிலையில் இருந்து கடும் உழைப்பினால் முன்னேறிக் கொண்டிருக்கும் குடும்பம் அது. வாழ்நாள் உழைப்பான சுமார் ஒன்றரை லட்சத்தை ஷேர் மார்க்கெட்டில் போட்டிருக்கிறார்கள். ஷேர் மார்க்கெட் குறித்து என்ன ஏதுவென்று தெரியாத நிலையில் இந்த ‘எல்லாம் தெரிந்த ஏகாம்பரம்’ உதவி செய்கிறேன் என்று சொல்லி ஷேர் வாங்கித் தந்திருக்கிறார். சில நாட்களுக்குப் பிறகு அவர்களைத் தொடர்பு கொண்ட ஷேர் மார்க்கெட் ந(ண்)பர், “மார்க்கெட் ஏறும் போது ஷேர்களை கை மாத்தி விடுறது தான் புத்திசாலித்தனம். நிறைய பணம் பார்க்கலாம். நான் சொல்லி இந்த மாதிரி கை மாத்தி விட்டு கோடீஸ்வரன் ஆனவங்க ரொம்பப் பேரு. நான் இந்த மார்க்கெட்டிலே பழம் தின்னு கொட்டையை இன்னும் துப்பாம வெச்சிட்டிருக்கிறவன். அதனால என் பேரிலே ஷேர் வாங்கி விக்குற பவர் ஆஃப் அட்டார்னி கொடுத்திடுங்க. கொஞ்ச மாசத்திலே உங்களை ஓஹோன்னு கொண்டாந்திடுறேன் பாருங்க” என்று வாக்குறுதிகளை அள்ளித் தெளித்திருக்கிறார். அவர்களும் அதை நம்பி கையெழுத்துப் போட்டுக் கொடுத்திருக்கிறார்கள்.

அடுத்த ஓரிரு நாட்களையே அவற்றை தன் பெயருக்கு மாற்றி அவற்றை விற்கவும் செய்திருக்கிறார் அந்த நபர். அவ்வளவு தான். அதன் பிறகு இவர்கள் பக்கம் திரும்பியும் பார்க்கவில்லை. மூச்சுக்கு முன்னூறு தடவை ஃபோன் அடித்துக் கொண்டிருந்த நபர் இப்போதெல்லாம் ஃபோனை வாய்ஸ் மெயிலுக்கு டைவர்ட் செய்து விட்டு யார் யார் நம்மைத் தேடிக்கொண்டிருக்கிறார்கள் என்று மிஸ்டு கால் அலெர்ட் சர்வீஸ் மூலம் நோட்டம் விட்டுக் கொண்டிருக்கிறாராம்.

கையிருப்பு மொத்தமும் காலியாகி மீண்டும் பூஜ்யத்திலிருந்தே வாழ்க்கையைத் தொடங்க வேண்டுமே என்று கதறிக் கொண்டிருக்கிறது அந்த பரிதாபப்பட்ட குடும்பம்.

சட்ட ரீதியாக நடவடிக்கை எடுக்கலாமா என்றும் யோசித்துக் கொண்டிருக்கிறார்கள்.

உஷார் மக்களே!

Write a quick comment

நாட்டில் குண்டு வெடித்து விட்டால் போதும், நம்ம சாட்டிலைட் சானல்களுக்கு அன்று தான் தீபாவளி, பொங்கல், கிறுஸ்துமஸ், ஈத் பண்டிகை எல்லாமே!

வீட்டில் சும்மா இருக்கும் நான்கு பேரைக் கூப்பிட்டு உட்கார வைத்து கருத்து கேட்க ஆரம்பித்து விடுவார்கள்.

அவர்களும் என்னவோ நாசா சயிண்டிஸ்டுகள் ரேஞ்சில் கருத்துகளை அள்ளித் தெளிப்பார்கள்.

அடேய்.. அமெரிக்காவிலே 9/11-க்கு அப்புறம் தான் பிரச்னையே அதிகம். “அமேரிக்காவிலே நைன் இலெவனுக்கு (9/11) அப்புறம் ஒரு பிரச்னை கூட வரலை தெரியுமா?” என்பது தான் இந்த அதிமேதாவிகள் எடுத்து வைக்கும் முக்கியமான கருத்து.
நம்ம நாட்டிலே எல்லாமே அரசியலா ஆன அப்புறம் குண்டு வெடிப்பையும் அதனால் ஏற்படும் இழப்புகளையும் அரசியலாவே தான் பார்க்கணும்.வீட்டுக்கு வெளியிலே வந்து நிம்மதியா உச்சா கூட யாரும் போக முடியலையாம். உடனே வந்து விசாரிக்க ஆரம்பிக்கிறாங்களாம்.

ஏர்போர்ட்டிலே போய் இறங்குற அத்தனை பேரையுமே தீவிரவாதின்னு தான் பாக்குறாங்க. அமெரிக்காவிலே குண்டு வெடிச்ச உடனே அங்கே போகுற எல்லா விமானங்களில் பயணிப்பவர்களுக்கும் உலகம் முழுக்க இருக்குற ஏர்போர்ட்டிலே எல்லாம் செம்மத்தியான செக்கிங். இதுவே ஒரு உதாரணத்துக்கு இந்தியாவிலே குண்டு வெடிச்சிருந்து அமெரிக்காக்காரன்கிட்ட எங்க ஊருக்கு வர ஃப்ளைட்டையெல்லாம் இந்த

மாதிரி ரொம்ப கவனமா செக் பண்ணிட்டு தான் வரணும்ன்னு உத்தரவு போட முடியுமா? அப்படியே போட்டாலும் நம்மளை மாதிரி விழுந்து விழுந்து செக் பண்ணுவானா? வேணும்னா கெஞ்சி கேட்டி கொஞ்சமா வழிக்கு கொண்டு வரலாம். அம்புட்டு தான்.

இதிலே குண்டு வெடிச்ச மறுநாள் சென்னை கிரிக்கெட் டெஸ்ட் போட்டியிலே டெண்டுல்கர் எப்படி விளையாடலாமுன்னு ஒருத்தன் கேள்வி கேட்கிறான். குண்டு வெடிச்ச உடனே நீ நியூஸ் போட்டதை நிப்பாட்டினியா? விழுந்து விழுந்து எப்படி வெடிச்சிச்சு, எங்க வெடிச்சிச்சு.. எம்புட்டு பேரு அவுட்டுன்னு செய்தி போடுறதிலே தானே கவனமா இருந்தே? அதைப் போட்டா தானே உன் வெப்சைட்டுக்கு ‘ஹிட்’ கிடைக்கும்? ‘குண்டு வெடிப்பை முன்னிட்டு நாங்கள் துக்கம் அனுஷ்டிக்கிறோம். இதே போல உலகில் எங்கு குண்டு

வெடித்தாலும் நாங்கள் துக்கம் அனுஷ்டித்து அன்று ஒரு நாள் இங்கள் இணைய தளத்திற்கு லீவு” என்று அறிவிக்க வேண்டியது தானே? டப்பா டான்ஸ் ஆடிடாது?

அப்சல்குரு, கசாப் – இவங்களையெல்லாம் தூக்கிலே போட்டதாலே குண்டு வெடிச்சிச்சாம். என்ன சொல்ல வர்றாங்க இவங்க? அங்கங்க குண்டு வெடிச்சதாலே தானேய்யா அவங்களை தூக்கிலே போட்டாங்க? கொஞ்சம் லாஜிக்கா பேசுங்கப்பா ப்ளீஸ்!

”உளவுத்துறைக்கு செய்தி கிடைத்தும் அலட்சியமாக இருந்து விட்டார்கள்” – இது லோக்கல் விஞ்ஞானிகளின் கருத்து.

உளவுத்துறைக்கு என்ன தான் தகவல் கிடைத்தாலும் அவர்களால் எந்த அளவிற்கு குண்டு வெடிப்பை இல்லாமல் செய்திருக்க முடியும்? நாடு முழுவதும் வீட்டுக்கு வீடு வாசலிலே ஒரு உளவுத்துறை ஆளை நிற்க வைத்து உள்ளே ஒட்டு கேட்க வைத்து குண்டு வெடிப்பை செயலிழக்கச் செய்ய இயலுமா?

பக்கத்து வீட்டிலே சந்தேகத்துக்குரியதாக தொடர்ந்து எதுவும் நடைபெற்று வந்தால் அது குறித்து உடனடியாக அருகில் உள்ள காவல் நிலையத்துக்கு தகவல் கொடுக்கும் திராணி நம்மில் எத்தனை பேருக்கு இருக்கிறது?

பாதுகாப்பு என்பதை அரசு இயந்திரங்கள் மட்டும் தான் செய்ய வேண்டும் என்பதில்லை. அமெரிக்கா பாதுகாப்பாக இருக்கிறது என்றால் அங்கே பொது மக்களுக்கும் நிறைய விழிப்புணர்வு இருக்கிறது. நம் நாட்டில் அது சாத்தியமா? அப்படி ஒரு விழிப்புணர்வை அரசியல்வாதிகள் கண்டிப்பாக உருவாக்க விழைய மாட்டார்கள். பொதுமக்கள் தாங்களாகவே விழிப்புணர்வுடன் செயல்பட பல காலமாகும்.

அரசு தப்பித்தவறி எதுவும் முன்னெச்சரிக்கை நடவடிக்கையாக கைது செய்தால் இதே நான்கு பேர் இதே சானலில் இதே நாற்காலியில் உக்கார்ந்து கொண்டு அரசு நடவடிக்கைக்கு எதிராக வக்கணையாக நொட்டை நொள்ளையும் சொல்கிறார்கள்.  மத்திய அரசாக இருந்தாலும் சரி, மாநில அரசாக இருந்தாலும் சரி.. எந்த ஒரு அரசும் தங்கள் ஆட்சிக் காலத்தில் இந்த மாதிரி குண்டு வெடிப்புகள் நிகழட்டும் என்று கண்டுகொள்ளாமல் உட்கார்ந்து விட மாட்டார்கள்.

குண்டு வெடிப்புகளைச் செய்பவர்கள் மன நோயாளிகள் என்று பலர் சொல்கிறார்கள். இல்லை.. இல்லவே இல்லை. மன நோயாளிகள் என்று சொல்லி குற்றச் செயலிலிருந்து அவர்களை சட்ட ரீதியாகவும் தப்பச் செய்யும் தந்திரம் இது.

குண்டு வெடித்தவர்கள் என்ன சாதித்து விட்டார்கள்? ஒரு பத்து பேர் உயிர்? நூறு பேர் உயிர்? ஆயிரம் பேர் உயிர்? லட்சம்?  அவர்களின் குண்டுக்கு பலியாவது அத்தனை பேரும் அப்பாவிகள். இந்த அடப்பாவிகளின் அநியாயமான எண்ணத்துக்கு அப்பாவிகள் பலியாகிறார்கள். அவர்களின் குடும்பங்கள் நிர்கதியாக நிற்கும். அத்தனை பேரின் சாபமும் தீவிரவாத நாய்களுக்குத் தான் போய் சேரும்.

உலகம் முழுதும் இருந்து சாபத்தை வாங்கிக் கட்டிக் கொண்டு அந்த நாய்கள் எப்படி நிம்மதியாக வாழ்ந்து விட முடியும்?

இப்படிப்பட்ட தீவிரவாதி உருவாவதை பார்த்துக் கொண்டு இருக்கும் அவனின் சொந்த பந்தம், சுற்றம், நட்பு அனைவரையும் தூக்கிலிட வேண்டும். அப்போது தான் எவனாவது அப்பாவிகளின் வாழ்க்கையுடன் விளையாட நினைத்தால் அருகில் உள்ளவன் போட்டுக் கொடுத்து விடுவான்.

‘காஷ்மீர் பிரச்னை இருக்கும் வரை நம்ம நாட்டிலே இப்படித்தான் நடக்கும்’  என்று இன்னும் சிலர் பிதற்றி வருகிறார்கள். அதைக் கொடுத்து விட்டால் மட்டும் விட்டு விடுவார்களா? உங்கள் பக்கத்து வீட்டுக்காரன் உங்களுடன் சண்டை போட வந்தால் உங்கள் வீட்டை அவனிடம் கொடுத்து விட்டு வேறு எங்கோ போய் விடுவீர்களா? கொசுவிற்கு பயந்து வீட்டைக் கொளுத்த முடியுமா?

‘மதச்சார்பின்மை’ என்ற போலி முகமூடியுடன் கேடுகெட்ட அரசியல்வாதிகள் அலைந்து கொண்டிருக்கும் வரை குண்டு வெடிப்புகள் தொடர்ந்து கொண்டே தான் இருக்கும். அதிலிருந்து பாடம் என்ன ஒரு புண்ணாக்கு கூட கற்றுக் கொள்ள முடியாது!

Write a quick comment

முன்னதாக திரைப்படத்திற்கு மத்திய திரைப்பட தணிக்கைக் குழு (சென்ஸார்) U/A சான்றிதழ் அளித்துள்ளது. சென்ஸார் கமிட்டியில் ஒரு இஸ்லாமியரும் இருந்திருக்கிறார் என்பது(ம்) குறிப்பிடத்தக்கது.

’தடி எடுத்தவரெல்லாம் தண்டல்காரன்’ என்கிற ரீதியில் திரைத்துரைக்கு அடிக்கடி இப்படி மிரட்டல்கள் எழுவதை ஒட்டு மொத்த திரையுலகமும், ரசிகர்களும், பொதுமக்களும் கண்டிக்க வேண்டிய நேரம் இது.

இது குறித்து படத்தின் திரையிடலுக்காக லாஸ் ஏஞ்சலீஸ் சென்றிருக்கும் கமல்ஹாசன் வெளியிட்டுள்ள கருத்து :

நண்பர்களே..

என்னையும், எனது திரைப்படத்தையும் ஆதரித்து பெருவாரியான குரல்கள் எழுவதைப் பார்த்து உளம் குளிர்கிறேன். அதே சமயத்தில், இந்தத் திரைப்படத்தை எப்படி ஒரு குறிப்பிட்ட சமுதாயத்தினருக்கு எதிரானது என்று திசைதிருப்பப்பட்டுள்ளது என்று யோசிக்கிறேன்.

நான் எப்போதுமே ‘நடிகர்’ என்ற நிலைப்பாடையும்  கடமைகளையும் தாண்டி மனிதாபிமான ரீதியில் தான் செயல்பட்டுவருகிறேன், குரல் கொடுத்து வருகிறேன். ஹிந்து – முஸ்லீம்களுக்கு இடையே நல்லுறவு பேணும் ‘Harmony India’ என்ற அமைப்பில் நானும் ஒரு உறுப்பினர்.

இப்போது சாட்டியுள்ள குற்றச்சாட்டுகளினால் நான் மனவேதனை அடைகிறேன். எனது உணர்வுகளையும் அவமதித்துள்ளார்கள்.

விளம்பரம் தேடும் சிறு குழுக்களால் நான் இரக்கமின்றி  கருவியாக பயன்படுத்தப்பட்டிருக்கிறேன். தான் பிரபலமாக இல்லாத போது உண்மையான பிரபலங்களை தாக்குவது  என்பது பிரபலமடைவதற்கான குறுக்கு வழியாக நினைக்கப்படுகிறது. இது மீண்டும் மீண்டும் நடந்தேறுகிறது. நடுநிலையான, நாட்டுப்பற்றுள்ள எந்த ஒரு இஸ்லாமியரும் எனது படத்தைப் பார்த்து பெருமை தான் அடைவார். அதற்காகத் தான் அந்தப் படமே தயாரிக்கப்பட்டுள்ளது.

இந்த மாதிரியான கலாசார தீவிரவாதங்கள் நிறுத்தப்படவேண்டும்.

சட்டம் தன் கடமையைச் செய்யும்.

இந்தச் சூழலில் இணையத்தில் எனக்கு ஆதரவாக திரண்டிருக்கும் அனைவருக்கும் எனது நன்றிகள்!

Write a quick comment

அப்போது இந்த கல்வியாண்டுக்கான (2012-2013) செலவினை தான் ஏற்றுக் கொள்வதாக புரவலர் ஒருவர் ஒப்புக் கொண்டிருந்தார். ஆனால் தவிர்க்க இயலாத காரணங்களினால் அவரால் அந்தத் தொகையை இந்தக் கல்வியாண்டின் போது செலுத்த இயலவில்லை. இதைத் தவிர இன்னமும் மேலும் இரண்டு கல்வியாண்டுகள் உள்ளன.

வருடத்திற்கு கல்விக்கட்டணம் மற்றும் தங்கும் விடுதிக் கட்டணமாக 35,000 ரூபாய் செலுத்த வேண்டும்.

கடந்த கல்வியாண்டுத் தேர்வுகளில் அந்த மாணவி நல்ல மதிப்பெண்கள் எடுத்திருக்கிறார்.

நாமக்கல்லில் செயல்பட்டு வரும் ‘நம்பிக்கை இல்லம்’ (முன்னாள் மதுரை மாவட்ட ஆட்சியர் சகாயம் அவர்களால் துவக்கப்பட்டது), வழியாக மேற்படி கட்டணங்கள் செலுத்தலாம்.

உதவ மனம் இருப்போர் கட்டுரை.காம் மின்னஞ்சல் முகவரியை தொடர்பு கொண்டால் (tamilkatturai@gmail.com) மேலதிக விபரங்கள் அனுப்பி வைக்கிறோம்.  தயவு செய்து கட்டுரை.காம்-க்கு கட்டணங்களை அனுப்பி வைக்க வேண்டாம்.

சிறு துளிகள் சேர்ந்தால் பெரு வெள்ளமாகும். வாருங்கள் உதவுவோம்

Write a quick comment

சச்சின் ரமேஷ் டெண்டுல்கர்

சுருக்கமாக ‘சச்சின்’.. கிரிக்கெட் உலகின் சூப்பர் ஸ்டார் இன்று ஒரு நாள் போட்டிகளிலிருந்து ஓய்வு பெறப்போவதாக அறிவித்திருக்கிறார்.

இந்திய கிரிக்கெட் அணி நிர்வாகம் – BCCI-க்கு அனுப்பியுள்ள கடிதத்தில் :

நான் சர்வதேச ஒரு நாள் போட்டிகளில் இருந்து ஓய்வு பெற முடிவு செய்துள்ளேன். கிரிக்கெட் உலகக் கோப்பை வெல்லும் அணியில் இருக்க வேண்டும் என்ற எனது கனவு நனவாக ஆசீர்வதிக்கப்பட்டு இருக்கிறேன். 2015ம் ஆண்டு நடக்கும் உலகக் கோப்பையை வெல்ல விரைவில் அதற்குத் தேவையான நடிவடிக்கைகளை எடுக்க வேண்டும். இந்திய அணிக்கு எனது வாழ்த்துக்கள். இத்தனை ஆண்டுகளாக என்னை ஆதரித்த அனைவருக்கும் நான் நன்றிக்கடன்பட்டவனாக உள்ளேன்

- என்று  சச்சின் குறிப்பிட்டுள்ளார்.

ஏப்ரல் 24, 1973 அன்று பம்பாயில் பிறந்த சச்சின், கிரிக்கெட் உலகில் நிகழ்த்திய சாதனைகள் ஏராளம்.

• 463 ஒருநாள் போட்டிகளில் விளையாடியுள்ள சச்சின் 18,426 ரன்கள் எடுத்துள்ளார்.
• இதில் 49 சதங்களும், 96 அரை சதங்களும் அடித்துள்ளார்.
• இவர் விளையாடிய 463 போட்டிகளில் 234 போட்டிகளில் இந்தியா அபார வெற்றி பெற்றுள்ளது.
• ஒரு நாள் போட்டிகளில் முதன்முதலாக இரட்டை சதம் அடித்து சாதனை படைத்திருக்கிறார்.
•  பந்துவீச்சிலும் கலக்கியவர் சச்சின். இது நாள் வரை சிறப்பாக செயல்பட்டு 140 விக்கெட்டுகளை சாய்த்துள்ளார். இதில் அதிகபட்சமாக 32 ரன்கள் கொடுத்து 5 விக்கெட்டுகளை கைப்பற்றியுள்ளார்.
• 73 ஒரு நாள் போட்டிகளுக்கு இந்திய அணியின் கேப்டனாக பணியாற்றியுள்ளார். இதில் 23 போட்டிகளில் இந்திய அணி வெற்றி பெற்றுள்ளது.

டிசம்பர் 18, 1989 அன்று பாகிஸ்தானுக்கு எதிராக தனது முதல் ஒரு நாள் போட்டியில் பங்கேற்க ஆரம்பித்த சச்சின் இன்று தனது ஓய்வை அறிவித்துள்ளார்.  இவர் தனது கடைசி ஒருநாள் போட்டியையும் பாகிஸ்தானுக்கு எதிராகத் தான் விளையாடினார் என்பது குறிப்பிடத்தக்கது. ( சச்சின் தனது முதல் போட்டியின் போது முதன் முதலாக கிரிக்கெட் மைதானத்தில் இறங்கச் செல்லும் போது எடுத்த புகைப்படம் இது)

உலகில் உள்ள அனைத்து கிரிக்கெட் பந்து வீச்சாளர்களுக்கும் சிம்ம சொப்பனமாக திகழ்ந்தவர் சச்சின் என்பது யாராலும் மறுக்க, மறக்க இயலாத ஒன்று.

டெஸ்ட் போட்டிகளில் தனது சாதனை வேட்டைகளைத் தொடர்வார் என்று தெரிகிறது.

Write a quick comment

என்ன தான் பாடல் வேறு, கவிதை வேறு என்றாலும் கவித்துவமில்லாமல் பாடல் இல்லை.

பாமரர் பாடல்கள், படித்தவர்களையும் கவர்ந்ததில் ஹோமர், இளங்கோவடிகள், தாந்தே, கம்பன், ஷேக்ஸ்பியர், பாரத் போன்ற மகாகவிகளும் விலக்கல்ல. ஒரு வித்தியாசம்… படித்தவர்கள் இலக்கணம் செய்து வைத்துக் கொண்டு மீறினார்கள்.

Write a quick comment

பயிற்சி முடித்து விடை பெறும் ஆசிரிய-மாணவி ஒருவர், ஆசிரியர்கள் எல்லாருக்கும் இனிப்பு & காரம் கொடுத்துக் கொண்டு வந்தவர் எங்கள் முதல்வரிடம் கொடுத்துக்கொண்டே, “அப்படியே கையெழுத்தும் போட்டுவிடுங்க சார்” என்று சொல்லவும், வழக்கமாக இதற்கெல்லாம் கோபப்படும் அவர் இப்போது என்னவோ சிரித்துவிட்டு, “ஓ! அதுக்குத்தான் இந்த இனிப்பா?” என்று சிரித்துக் கொண்டே கேட்கவும்தான் அந்தப் பெண்ணிற்குப் புரிந்தது போல… “சாரி சார் தெரியாம கேட்டுட்டேன்“ என்றார்.

“இப்படி அப்பாவியா இருக்கியேம்மா..” .என்று எனது கவலையைப் பகிர்நது கொண்டேன். நான் அவருக்கு வழிகாட்டி ஆசிரியர் என்பதால், ஒரு “அன்பளிப்பு“ பொட்டலத்தை நீட்டினார். “கிப்ட்”ஆம்!

நான் சிரித்துக்கொண்டே “நன்றிம்மா“ நா இதெல்லாம் வாங்கிறதில்ல” என மறுக்கவும் அவர் நம்புவதாகத் தெரியவில்லை!

“அட நிஜம்தாம்மா”  என்று சொல்லி அவரை உட்காரச் சொல்லி அண்மையில் வந்திருக்கும் “டெட்” (ட்டி.இ.ட்டி) தேர்வு பற்றிச் சொல்லி ”இதன் சாராம்சம் என்னன்னு தெரியுமா?” எனக் கேட்க, அப்பாவியாய் அவர், ”தெரியலியே” சார்… என்றார். உடன் அவருடன் பயிற்சிக்கு வந்திருக்கும் 7, 8பேர் சேர்ந்து என் முகத்தைப் பார்க்கவும் எல்லாரிடமும் பேசினேன்.

’பாவம், அவர்களுக்கு விஷயமே தெரியவில்லை’ என்று தெரிந்து கொண்டேன்.

அண்மையில் தமிழ்நாடு அரசு கொண்டுவந்திருக்கும் “ஆசிரியர் தகுதித் தேர்வு” வழியாக, பணியமர்த்தும் முறை மற்றும் “அக்ரிகேட் மார்க்” முறையில் தற்போது தனியார் ஆசிரியப் பயிற்சிக் கல்லூரிகளில் -பி.எட். மற்றும் “இடைநிலை ஆசிரியர் பயிற்சி“ படித்துக் கொண்டிருக்கும் யாருக்கும் இன்னும் பத்தாண்டு ஆனாலும் வேலை கிடைக்கப் போவதில்லை எனும் செய்தி,அவர்களுக்கே தெரியவில்லை என்பது எனக்கு அப்போதுதான் தெரிந்தது!

அதிர்ந்து போனதுபோல அவர்கள் நிற்கவும் நிலையை விளக்கிச் சொன்னேன். “நல்ல மதிப்பெண் எடுத்திருந்தால் அரசு ஆசிரியப் பயிற்சி நிறுவனத்தில் சேர்நதிருப்பீர்கள், அது இல்லாததால், 50 ஆயிரம் முதல் ஒரு லட்சம் ரூபாய் வரை நன்கொடை கொடுத்துத் தனியார் நிறுவனங்களில்
படிக்கிறீர்கள். ஆனால், தற்போது அரசு அறிவிப்பால், 12ஆம் வகுப்பு, இளநிலைப் பட்டப்படிப்பு மற்றும் ஆசிரியப்பயிற்சிக்கான மதிப்பெண்களையும் சேர்த்துத்தான் டி.இ.டி தேர்வுக்குப் பின் (அக்ரிகேட்) மதிப்பெண் போடுகிறார்கள் எனவே நீங்கள் என்ன செய்வதாக இருக்கிறீர்கள்?“ என்று கேட்ட போது உண்மையிலேயே அதிர்ச்சியடைந்தவர்களாக நின்றுவிட்டார்கள்.

மிகச் சிறந்த மதிப்பெண் எடுத்த, மிகச்சிறந்த அறிவுக் கூர்மையுள்ள ஆசிரியர்கள் தமிழ்நாட்டு மாணவர்க்குக் கிடைப்பது நல்லதுதான். ஆனால், இவர்களைப் போல மதிப்பெண் இல்லாமல் (1200க்கு 500, 600மதிப்பெண் எடுத்து),  அதனாலேயே தனியாரிடம் பணம் கொட்டித் தற்போது 2012-2013 கல்வியாண்டில் ஆசிரியப் பயிற்சியைப் படித்துக்கொண்டிருக்கும் மாணவர்களின் எதிர்காலம் என்னவாகும்?  இவர்கள் “டெட்” தேர்வில் நல்ல மதிப்பெண் எடுத்தாலும் “அக்ரிகேட்” மதிப்பெண் கிடைக்காது!  இதேபோல, 10-15ஆண்டுகளுக்கு  முன் கல்லூரிகளில் படித்து நல்ல மதிப்பெண் எடுத்தவர்களுக்கும் “டெட்” தேர்வில் இளைஞர்களோடு போட்டி போட முடியாமல் தேர்வாக முடியாது!  அவர்களின் நிகழ்காலமே கேள்விக்குறியாக இருக்கும்போது எதிர்காலம் என்னவாகும்?

தகுதி,திறமை இளமை எல்லாம் சரிதான்! லட்சக்கணக்கானவர்களின் வாழ்க்கை,  கனவு என்னவாகும் என்னும் கேள்வியை அவ்வளவு எளிதாக ஒதுக்கிவிட முடியாது என்றே தோன்றுகிறது. இது ஒரு சமூகப் பிரச்சினை என்பதை ஏன் யாரும் புரிந்துகொள்ள மறுக்கிறார்கள்? இவர்களின் இந்த நியாயத்தைப் புரிந்து கொண்டு வழக்கு மன்றம் சென்றால் நீதி கிடைத்து  இவர்களுக்கான “அக்ரிகேட்” மதிப்பெண் மாற வாய்ப்பிருப்பதாகவும்தான் எனக்குத் தோன்றுகிறது.

தகுதி, திறமை என சமூகப் பிரச்சினைகளைச் சரியாகப் புரிந்து கொள்ளாத தலைவர்களைத்தான் தந்தை பெரியார் சிந்தனைச் சாட்டை கொண்டு சொடுக்கி எடுத்து அண்ணல் அம்பேத்கர் கொண்டுவந்த அரசியல் சட்டத்தை முதன் முதலாகத் திருத்தம் செய்ய வைத்த வரலாறு எல்லாருக்குமே மறந்துவிட்டதா? இப்போது “புதிய ரிசர்வேஷன்“ மறைமுகமாக நடைமுறையாகிக் கொண்டிருக்கிறதா?  கொஞ்சம் யோசியுங்கள் புரியும்!

மாணவர்கள் நன்றாக இருக்க ஆசிரியர்களும் நன்றாக இருக்க வேண்டுமல்லவா? இதில் அவசரப் படுவது இருவருக்குமே கேடாக முடிந்துவிடக் கூடாது அல்லவா?

என்ன நாஞ்சொல்றது சரிதானுங்களா?

கட்டுரையாளரின் வலைப்பக்கம் - http://valarumkavithai.blogspot.in/

Write a quick comment

12-12-12 அன்று 63-வது பிறந்த தினத்தைக் கொண்டாடும்
தமிழ்த் திரையுலகின் தன்னிகரில்லாத் தலைவன்
சூப்பர் ஸ்டாருக்கு
இதயம் கனிந்த இனிய பிறந்த நாள் நல்வாழ்த்துகள்!

Write a quick comment

தமிழ் இணையச் சூழலில் ஆரம்பம் முதலே அநாகரிக இணைய தளங்கள் எல்லாம் இருந்தாலும், பொதுவில் படு கேவலமாக தாக்குதல் நிகழ்த்தி, புதிதாக தமிழ் இணையத்தில் நுழைய முற்படுகிறவர்களை ஆரம்பத்திலேயே அடித்துத் துரத்தி சிதறடித்த பெருமை மலேஷியாவில் வசித்து வந்த மூர்த்தி என்ற ஆபாசப் பேர்வழியைத் தான் சேரும். ‘போலி டோண்டு’ என்ற கூகுளிட்டுப் பார்த்தீர்களானால், அண்ணாரின் அருமை பெருமைகள் பக்கம் பக்கமாக கூகுள் கதறித் தீர்க்கும்.  தமிழில் வலைப்பூக்கள் ஆரம்பித்த நேரத்தில் ஒரு ஏழெட்டு வருடங்களுக்கு முன் நடந்தேறிய கதை அது. அப்போதைக்கு நம்மூரிலும் சைஃபர் சட்டங்கள் அவ்வளவாக இல்லாததால், கையும் களவுமாக ஆள் பிடிபட்டாலும் பெரிய அளவில் நடவடிக்கை எடுக்க முடியாமல் போனது. ஆனால் அதன் பிறகு இது நாள் வரை அவன் தனது வாலை சுருட்டி வைத்துக் கொண்டிருப்பதாகத் தான் தெரிகிறது. அவன் செய்த அட்டூழியங்கள் கொஞ்சநஞ்சமல்ல.

வலைப்பூக்களிலிருந்து சமூக வலை தளங்கள் பக்கம் நிறையப் பேர் தாவி வந்த கடந்த ஓரிரு வருடங்களில் அநாகரிகப் பேர்வழிகளும் அங்கிருந்து இங்கே தாவ மறக்கவில்லை. ஆர்குட் தமிழ்ப் பகுதி சர்வநாசமாக அழிந்து போனதற்கு இந்த மாதிரியான மன நோயாளிகள் தான் பெரும் காரணம்.

ஃபேஸ்புக், ட்வீட்டர், கூகுள் பஸ், கூகுள் ப்ளஸ் என்று சகல இடங்களிலும் இந்த அரைகுறைகள் நிரம்பி வழிந்து கிடக்கிறார்கள்.

‘கட்டற்ற சுதந்திரம்’ என்றால் கட்டுப்பாடு இல்லாத சுதந்திரம் என்று தப்பர்த்தம் செய்து கொண்டு தன் வீட்டு வாசலுக்கு அப்பால் தன் இஷ்டத்திற்கு அனைவர் மீதும் சேறு வாரித் தெளித்து கேவலப்படுத்தும் செயல்களில் பலர் உழன்று வருகிறார்கள்.

இதில் ஒரு சிலர் அரசு அலுவலகங்களிலும், சிலர் கல்லூரி துணைப் பேராசிரியர்களாகவும் கூட வேலை பார்த்து வருகிறார்கள். ஒரு சிலர் தாங்கள் வெளிநாடுகளில் இருப்பதால் இந்தியச் சட்டம் தங்களை ஒன்றும் செய்து விட முடியாது என்ற எண்ணம் வேறு.

குறிப்பிட்ட ஜாதியினரை டார்கெட் செய்து கேவலமாகப் பேசுவது – அதாவது பேசப்படுபவருக்கு தான் அது கேவலமானவை. பேசுகிறவர்களுக்கு அது இயல்பானது தான் போல!

தங்கள் வீட்டுப் பெண்களை பத்திரப்படுத்திவிட்டு வெளியில் வந்து அடுத்த பெண்களை அநாகரிகமாகப் பேசும் பயில்வான்கள் இவர்கள்.

அலுவலக நேரத்தில் சமூக வலை தளங்களில் பெருமளவு நேரத்தைச் செலவழித்துக் கொண்டு உட்கார்ந்திருக்கிறார்கள். டெக்னாலஜி எக்கச்சக்கமாக வளர்ந்து விட்டிருக்கும் இந்த நாட்களில் எந்த நேரத்தில் எந்த இடத்தில் இருந்து ட்வீட்டவோ, ஃபேஸ் புக் மெசேஜ் அனுப்பவோ செய்தார்கள் என்று கண்டுபிடிப்பது பெரிய விஷயமே அல்ல. அரசு அலுவலகமோ, தனியார் அலுவலகமோ வேலை நேரத்தில் இப்படி அநாகரிக தாக்குதல் நடத்துபவர்களைப் பற்றி ஆதாரப்பூர்வமாக குறிப்பெடுத்து மேலதிகாரிகளுக்கு தகவல் தொகுத்து அனுப்பினால் பெரிய ‘ஆப்பு’ விழும் என்பது கூடத் தெரியாமல் விளையாடிக் கொண்டிருக்கும் இந்த அதி புத்திசாலிகள், அடுத்தவர்களின் ‘பிழைத்துப் போகிறான்’ என்ற எண்ணத்தை ‘பயந்தாங்கொள்ளி’ என்று தவறாக நினைத்துக் கொள்வது தான் மீண்டும் மீண்டும் தவறு செய்வதற்குக் காரணம்.

அநாகரிகவாதிகளே.. உங்களுக்கு(ம்) உண்மையான வாழ்க்கை என்று ஒன்று இருக்கிறது. எப்போதுமே பேசாமல் போய்க்கொண்டிருப்பவர்கள் எப்போதுமே பேசாமல் போய்க் கொண்டிருக்க மாட்டார்கள். திரும்ப அடிக்க ஆரம்பித்தால் என்ன ஆகும் என்று காலம் ஒவ்வொரு முறையும் மீண்டும் மீண்டும் நிரூபித்துக் கொண்டே தான் வந்து கொண்டிருக்கிறது. அடுத்த முறை அது திரும்பவும் நிரூபிக்கும் போது இலக்கு நீங்களாக இல்லாமல் பார்த்துக் கொள்ள வேண்டியது உங்கள் கையில் தான் இருக்கிறது!

எச்சரிக்கை!

Write a quick comment