ಕಾವ್ಯಾನುರಾಗ | KAVYANURAAGA

ಹಳ್ಳಿಯ ಗಲ್ಲಿಯಿಂದ ಜಾಗತಿಕ ಮಾರುಕಟ್ಟೆಗೆ: ಇದು ಕಾಯಕ ಯೋಗಿ ಜೀವನ್ ಪವಾರ್ ಯಶೋಗಾಥೆ!

noreply@blogger.com (ಕಾವ್ಯಾನುರಾಗ) — Sun, 5 Jul 2026 16:26:20 +0530

ಪರಿಶ್ರಮ, ಶ್ರದ್ಧೆ ಹಾಗೂ ಕಾಯಕನಿಷ್ಠೆ ಇದ್ದರೆ ಶೂನ್ಯದಿಂದಲೂ ಒಂದು ಯಶಸ್ಸಿನ ಸಾಮ್ರಾಜ್ಯವನ್ನು ಖಂಡಿತ ಮುಟ್ಟಬಹುದು ಎನ್ನುವುದಕ್ಕೆ ಸಾಕ್ಷಿಯಾಗಿ ನಿಲ್ಲುತ್ತಾರೆ ಶ್ರೀ ಜೀವನ್ ಪವಾರ್.

ಮಹಾರಾಷ್ಟ್ರದ ಪುಟ್ಟ ಹಳ್ಳಿಯೊಂದರಲ್ಲಿ ಜನಿಸಿ, ಇಂದು ಜಾಗತಿಕ ಮಟ್ಟದ ಉದ್ಯಮ ರಂಗದಲ್ಲಿ ಗುರುತಿಸಿಕೊಂಡಿರುವ ಇವರು ಪ್ರಸ್ತುತ 'ವೃತ್ತಿ ಸೊಲ್ಯೂಶನ್ಸ್ ಲಿಮಿಟೇಡ್' ಸಂಸ್ಥೆಯ 'ವೈಸ್ ಪ್ರೆಸಿಡೆಂಟ್ - ಬ್ಯುಸಿನೆಸ್ ಡೆವಲಪ್‌ಮೆಂಟ್' (ಇಂಡಿಯಾ ಅಂಡ್ ಗ್ಲೋಬಲ್ ಮಾರ್ಕೆಟ್) ಆಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.

ಸಾಯಿ ಗ್ರಾಮದ ಧೂಳಿನಿಂದ ಚಿಗುರಿದ ಕನಸು

ಮಹಾರಾಷ್ಟ್ರದ ಲಾತೂರ್ ಜಿಲ್ಲೆಯ ಲಾತೂರ್ ತಾಲ್ಲೂಕಿನ 'ಸಾಯಿ' ಎಂಬ ಪುಟ್ಟ ಹಳ್ಳಿಯ ಸಾಮಾನ್ಯ ರೈತ ಕುಟುಂಬದಲ್ಲಿ ಜೀವನ್ ಪವಾರ್ ಜನಿಸಿದರು. ತಮ್ಮ ಪ್ರಾಥಮಿಕ ಶಿಕ್ಷಣವನ್ನು ಜಿಲ್ಲಾ ಪರಿಷತ್ತಿನ ಸರ್ಕಾರಿ ಶಾಲೆಯ ಧೂಳು-ಮಣ್ಣಿನ ನಡುವೆ ಮುಗಿಸಿದ ಇವರ ಕಣ್ಣುಗಳಲ್ಲಿ ಸದಾ ಆಕಾಶದಷ್ಟೇ ಎತ್ತರದ ಕನಸುಗಳಿದ್ದವು. ಇವರ ಬಾಲ್ಯದ ಇತಿಹಾಸವನ್ನು ಹತ್ತಿರದಿಂದ ಬಲ್ಲ ಗೆಳೆಯರು ನೆನಪಿಸಿಕೊಳ್ಳುವಂತೆ, ಜೀವನ್ ಅವರು ಸಾಯಿಯ ಗಲ್ಲಿಗಳಲ್ಲಿ ಆಟ ಆಡುತ್ತಾ, ಸಹಜ ಮೋಜು ಮಸ್ತಿ ಮಾಡುತ್ತಾ ಬೆಳೆದ ಅಪ್ಪಟ 'ಚಡ್ಡಿ ದೋಸ್ತ್'. ಅಂದು ಹಳ್ಳಿಯ ಪರಿಸರದಲ್ಲೂ ಎಲ್ಲರನ್ನೂ ಪ್ರೀತಿಯಿಂದ ಒಟ್ಟುಗೂಡಿಸುವ ಅವರ 'ಮನಮಿಡಿಯುವ' ಮತ್ತು 'ಸರಳ ವ್ಯಕ್ತಿತ್ವ'ವೇ ಇಂದು ಅವರನ್ನು ಒಬ್ಬ ಯಶಸ್ವಿ ನಾಯಕನನ್ನಾಗಿ ರೂಪಿಸಿದೆ.

2001ರ ಹೋರಾಟದ ದಿನಗಳು: ಸೈಕಲ್‌ನಿಂದ ಆರಂಭವಾದ ಪಯಣ

ಉನ್ನತ ಶಿಕ್ಷಣಕ್ಕಾಗಿ ಲಾತೂರ್ ನಗರಕ್ಕೆ ಕಾಲಿಟ್ಟಾಗ ಜೀವನ್ ಪವಾರ್ ಅವರ ಅಸಾಮಾನ್ಯ ಉದ್ಯಮಶೀಲತೆಯ ಪಯಣ ಆರಂಭವಾಯಿತು. ಅದು 2001 ರ ಸಮಯ. ಲಾತೂರಿನ ಒಂದು ಸಣ್ಣ ಗಲ್ಲಿಯಲ್ಲಿ 'ಜೆಪಿ ಕಂಪ್ಯೂಟರ್ ಅಂಡ್ ಕನ್ಸಲ್ಟೆಂಟ್' ಎಂಬ ಪುಟ್ಟ ಕಂಪ್ಯೂಟರ್ ಅಂಗಡಿಯೊಂದನ್ನು ಇಟ್ಟುಕೊಂಡು ಹಗಲಿರುಳು ಬೆವರು ಹರಿಸುತ್ತಿದ್ದರು. ಆ ದಿನಗಳಲ್ಲಿ ಹಳ್ಳಿಯ ಗಲ್ಲಿಯಿಂದ ಹಿಡಿದು ನಗರದ ಅಂಗಡಿಯವರೆಗೆ ಪ್ರತಿದಿನ ಹತ್ತು ಕಿಲೋ ಮೀಟರ್ ಸೈಕಲ್ ಮೇಲೆ ಪಯಣ ಮತ್ತು ಐದು ಕಿಲೋ ಮೀಟರ್ ಗಳ ಕಾಲ್ನಡಿಗೆಯಿಂದ ಸಾಗುತಿದ್ದ ಅವರ ಬದುಕು, ಕಠಿಣ ಪರಿಶ್ರಮದ ಕಾರಣದಿಂದಾಗಿ ಇಂದು ದೇಶ-ವಿದೇಶಗಳಿಗೆ ವಿಮಾನದ ಮೂಲಕ ಹಾರಾಟ ನಡೆಸುವ ಹಂತಕ್ಕೆ ಬಂದು ತಲುಪಿದೆ! ಇದು ಸೈಕಲ್‌ನಿಂದ ಸಾಗಿದ ಸತತ ಪ್ರಯತ್ನದ ವಿಮಾನದ ಯಶೋಗಾಥೆ ಎನ್ನಬಹುದು.

ಗುರು ಮಾರ್ಗದರ್ಶನ ಮತ್ತು ಆಡಿಯೋ ಕ್ರಾಂತಿಯ ಜನ್ಮ

ಜೀವನ್ ಪವಾರ್ ಅವರ ಬದುಕಿನಲ್ಲಿ ಹೊಸ ಶಕೆ ಆರಂಭವಾಗಿದ್ದೇ ದೂರದರ್ಶಿ ಮಾರ್ಗದರ್ಶಕರಾದ ವೃತ್ತಿ ಸೊಲ್ಯೂಶನ್ಸ್ ಲಿಮಿಟೇಡ್ ನ ಸಿಇಓ ಶ್ರೀ ವೀರೇಂದ್ರ ಜಮ್ದಾಡೆ ಸರ್ ಅವರ ಭೇಟಿಯ ನಂತರ. ವೀರೇಂದ್ರ ಜಮ್ದಾಡೆ ಹಾಗೂ ಸಂಗೀತಾ ಜಮ್ದಾಡೆ ಅವರ ಅದ್ಭುತ ಬೆಂಬಲ ಮತ್ತು ಅಚಲವಾದ ವಿಶ್ವಾಸದೊಂದಿಗೆ, 2006 ರಲ್ಲಿ ಲಾತೂರ್‌ನಲ್ಲಿ ಜೀವನ್ ಪವಾರ್ ಅವರ ಪರಿಕಲ್ಪನೆಯಲ್ಲೇ ಮೊದಲ ಆಡಿಯೋ ವಾಲಾ ಬಸ್ ಸ್ಟ್ಯಾಂಡ್ ಮಾಧ್ಯಮ ಜನ್ಮತಾಳಿತು. ಪುಣೆಯ ಸ್ವಾರಗೇಟ್, ಶಿವಾಜಿನಗರ ಸೇರಿದಂತೆ ಇಡೀ ಮಹಾರಾಷ್ಟ್ರವನ್ನು ಈ ಕ್ರಾಂತಿಕಾರಿ ಮಾಧ್ಯಮದ ಮೂಲಕ ವ್ಯಾಪಿಸಿದ ಕೀರ್ತಿ ಸಂಪೂರ್ಣವಾಗಿ ಇವರಿಗೆ ಸಲ್ಲುತ್ತದೆ.

ಕನ್ನಡಾಂಬೆಯ ಮಡಿಲಿನಲ್ಲಿ ಜಾಗತಿಕ ವಿಸ್ತರಣೆ

ಛತ್ರಪತಿ ಶಿವಾಜಿ ಮಹಾರಾಜರ ಅಚ್ಚಳಿಯದ ಇತಿಹಾಸವಿರುವ ಮಹಾರಾಷ್ಟ್ರದ ಮಣ್ಣಿನಿಂದ ಬಂದ ಈ ಮಗನನ್ನು ತದನಂತರ ಹೆಮ್ಮೆಯ ಕನ್ನಡಾಂಬೆ ತನ್ನ ಮಗನನ್ನಾಗಿಸಿಕೊಂಡಳು. 2013 ರಲ್ಲಿ ಕಲ್ಯಾಣ ಕರ್ನಾಟಕದ ಹೆಬ್ಬಾಗಿಲು ಕಲಬುರಗಿಯಲ್ಲಿ ಆಗಿನ NEKRTC ಅಡಿಯಲ್ಲಿ ಮೊದಲ ಆಡಿಯೋ ಬಸ್ ಸ್ಟ್ಯಾಂಡ್ ಆರಂಭವಾಯಿತು.

"ಆಡಿಯೋವಾಲಾ ಬಸ್ ಸ್ಟ್ಯಾಂಡ್" ಪರಿಕಲ್ಪನೆಯನ್ನು ಅಕ್ಷರಶಃ ನಿಜವಾಗಿಸಿ, ಗ್ರಾಮೀಣ ಭಾರತವನ್ನು ಆಧುನಿಕ ಭಾರತದೊಂದಿಗೆ ಜೋಡಿಸುವ 'ಶುದ್ಧ ದೇಶಿ ಕಮ್ಯುನಿಕೇಶನ್ ಪ್ಲಾಟ್‌ಫಾರ್ಮ್' ಆಗಿ ಪರಿವರ್ತಿಸಿದರು. ಮುಂದೆ ಕೇವಲ ಧ್ವನಿ ಜಾಹೀರಾತಾಗಿದ್ದ ಈ ಮಾಧ್ಯಮವನ್ನು ಇಡೀ ಕರ್ನಾಟಕದ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆಗಳಲ್ಲಿ ಅದ್ಭುತ 'ಆಡಿಯೋ-ವಿಷುಯಲ್' ಕ್ರಾಂತಿಯನ್ನಾಗಿಸಿದರು. ರಾಜ್ಯದ 31 ಜಿಲ್ಲೆಗಳ ಸುಮಾರು 237ಕ್ಕೂ ಹೆಚ್ಚಿನ ಬಸ್ ನಿಲ್ದಾಣಗಳಲ್ಲಿ ಎಲ್‌ಇಡಿ ಡಿಜಿಟಲ್ ಪರದೆಗಳಲ್ಲಿ ಆಡಿಯೋವಾಲಾ ಬಸ್ ಸ್ಟ್ಯಾಂಡ್ ರಾರಾಜಿಸುತ್ತಿದೆ.

ಲಾತೂರ್‌ನಿಂದ ಪುಣೆ, ಪುಣೆಯಿಂದ ಬೆಂಗಳೂರು... ಹೀಗೆ ಸಾಗಿದ ಇವರ ಉದ್ಯಮ ಸಾಮ್ರಾಜ್ಯ ಈಗ ಕೇವಲ ಭಾರತಕ್ಕಷ್ಟೇ ಸೀಮಿತವಾಗಿಲ್ಲ. ತಮ್ಮ ಅದ್ಭುತ ಚಾಕಚಕ್ಯತೆಯಿಂದ ವ್ಯವಹಾರವನ್ನು ದೇಶದ ಗಡಿ ದಾಟಿಸಿ ವಿದೇಶಗಳಲ್ಲೂ (Global Market) ಯಶಸ್ವಿಯಾಗಿ ವಿಸ್ತರಿಸುತ್ತಿದ್ದಾರೆ.

ದಿನಕ್ಕೆ 48 ಗಂಟೆಗಳ ಹಂಬಲ ಮತ್ತು ನುಡಿದಂತೆ ನಡೆಯುವ ಛಲ

ಕೆಲಸದ ವಿಷಯದಲ್ಲಿ ಜೀವನ್ ಪವಾರ್ ಅವರು ಅಪ್ಪಟ ಬದ್ಧತೆ ಹೊಂದಿರುವ (Highly Committed) ಲೀಡರ್. ಅವರು ಒಂದು ಮಾತು ಕೊಟ್ಟರೆ, ಆಡಿದ ಮಾತಿನಂತೆ ನಡೆದೇ ತೀರುತ್ತಾರೆ. ಜೀವನ್ ಸರ್ ಅವರು ಸದಾ ಒಂದು ಮಾತು ಹೇಳುತ್ತಾರೆ: "ನನಗೆ ಕೆಲಸ ಮಾಡಲು ದಿನದ 24 ಗಂಟೆಗಳು ಸಾಲುತ್ತಿಲ್ಲ, ದಿನಕ್ಕೆ 48 ಗಂಟೆಗಳು ಇರಬೇಕಿತ್ತು!" ಕಠಿಣ ಪರಿಶ್ರಮಕ್ಕೆ ಯಾವುದೇ ಶಾರ್ಟ್‌ಕಟ್ ಇಲ್ಲ ಎಂಬುದನ್ನು ನಂಬಿದ ಇವರು, "ನಾವು ಕೇವಲ ಪರಿಶ್ರಮ ಪಡಬೇಕು, ಅದಕ್ಕೆ ವೀರೇಂದ್ರ ಸರ್ ಅವರ ಬುದ್ಧಿವಂತಿಕೆಯ ಐಡಿಯಾ ಜೊತೆಯಾಗಬೇಕು" ಎನ್ನುತ್ತಾರೆ. ತಮ್ಮ ಯಶಸ್ಸಿನ ಉತ್ತುಂಗದಲ್ಲೂ ಗುರುಗಳನ್ನು ನೆನೆಯುವ ಅವರ ವಿನಮ್ರತೆ ಪ್ರತಿಯೊಬ್ಬರಿಗೂ ಮಾದರಿ.

ಸಮಯ ಮತ್ತು ಅವಕಾಶವನ್ನು ಎಂದಿಗೂ ಬಿಟ್ಟುಕೊಡದೆ ಪ್ರತಿ ಕ್ಷಣವನ್ನೂ ಚಿನ್ನವಾಗಿಸುವ ಈ ಅದ್ಭುತ ಕಾಯಕ ಯೋಗಿ ಜೀವನ್ ಪವಾರ್ ಅವರ ಪಯಣ ಹೀಗೆಯೇ ಮುಂದುವರಿಯಲಿ, ಇವರ ಯಶೋಗಾಥೆ ಕೋಟ್ಯಂತರ ಯುವಕರಿಗೆ ಪ್ರೇರಣೆಯಾಗಲಿ ಎಂಬುದೇ ನಮ್ಮ ಆಶಯ.

-ರಾಘವೇಂದ್ರ ಎಂ. ಬೊಗಲೆ

ವೃತ್ತಿ ಪಯಣ - ಎರಡು ದಶಕ ಪೂರ್ಣ

noreply@blogger.com (ಕಾವ್ಯಾನುರಾಗ) — Sun, 5 Oct 2025 07:05:00 +0530

ಎರಡು ದಶಕಗಳ ಹಿಂದೆ ಪ್ರಾರಂಭವಾದ ಸಂಸ್ಥೆಯೊಂದು ಇಂದು ತಂತ್ರಜ್ಞಾನ, ರೂರಲ್ ಮಾರ್ಕೇಟಿಂಗ್ ಮತ್ತು ಡಿಜಿಟಲ್ ಮೀಡಿಯಾ ಕ್ಷೇತ್ರಗಳಲ್ಲಿ ಮುಂಚೂಣಿಯ ಸಂಸ್ಥೆಯಾಗಿ ಭಾರತದಲ್ಲೂ ಮತ್ತು ವಿದೇಶದಲ್ಲೂ ಬೆಳೆದು ನಿಂತಿದೆ. ಅದುವೇ ವೃತ್ತಿ ಸೊಲ್ಯೂಶನ್ಸ್ ಲಿಮಿಟೆಡ್. ಈ ಸಂಸ್ಥೆಗೀಗ ಇಪ್ಪತ್ತರ ಹರೆಯ.

ಚಿಕ್ಕ ಉದ್ಯಮಗಳಿಗೆ ತಾಂತ್ರಿಕ ನೆರವು ನೀಡಲು ಆರಂಭವಾದ ಈ ಸಂಸ್ಥೆ, ಕಾಲಕ್ರಮೇಣ ತನ್ನ ಕ್ಷೇತ್ರವನ್ನು ಅಗಲಿಸಿಕೊಂಡು ಈಗ ಮಧ್ಯಮ ಹಾಗೂ ಬೃಹತ್ ಉದ್ಯಮದ ಇಂಟಿಗ್ರೇಟೆಡ್ ಸಾಫ್ಟ್‌ವೇರ್ ಸೊಲ್ಯೂಶನ್ಸ್, ಗ್ರಾಮೀಣ ಜಾಹೀರಾತು ಮಾಧ್ಯಮ ಮತ್ತು ಬಾಹ್ಯ ಜಾಹೀರಾತು ವಲಯಗಳಲ್ಲಿ ವಿಶಿಷ್ಟ ಹೆಜ್ಜೆ ಇಡುವುದರ ಮೂಲಕ ವಿಶಾಲವಾಗಿ ಬೆಳೆದಿದೆ.

ವೃತ್ತಿ ಸೊಲ್ಯೂಶನ್ಸ್ ಲಿಮಿಟೆಡ್ ನ ಸಿಇಒ ಶ್ರೀ ವೀರೇಂದ್ರ ಜಮ್ದಡೆ, 30ಕ್ಕೂ ಹೆಚ್ಚು ವರ್ಷಗಳ ಅನುಭವದೊಂದಿಗೆ ಸಂಸ್ಥೆಯನ್ನು ಮುನ್ನಡೆಸುತ್ತ ನವೋದ್ಯಮಗಳಿಗೆ ಡಿಜಿಟಲ್ ಶಕ್ತಿ ನೀಡಿ ಸಂಸ್ಥೆಯನ್ನು ಯುಎಇ ಸೇರಿದಂತೆ ವಿದೇಶಿ ಮಾರುಕಟ್ಟೆಗೆ ಕರೆದೊಯ್ಯುವ ಮಹತ್ವದ ಪಾತ್ರ ವಹಿಸುತ್ತಿದ್ದಾರೆ.

ನಿರ್ದೇಶಕಿಯಾಗಿರುವ ಶ್ರೀಮತಿ ಸಂಗೀತಾ ಜಮ್ದಾಡೆ ಅವರು, ವೃತ್ತಿ ಸಂಸ್ಥೆಯ ಮೊದಲ ಬಿಸಿನೆಸ್ ಡೆವಲಪ್ಮೆಂಟ್ ವ್ಯಕ್ತಿಯಾಗಿ ಮಹತ್ತರ ಪಾತ್ರವನ್ನು ನಿರ್ವಹಿಸಿದ್ದಾರೆ. ಅವರು ವೃತ್ತಿ ಸೊಲ್ಯೂಶನ್ಸ್ ಲಿಮಿಟೇಡನ್ನು ವೃತ್ತಿ ಅನ್ ಲಿಮಿಟೆಡ್‌ಗೆ ಬದಲಾಯಿಸಿದ ಪ್ರಖರ ಬೆಳಕಾಗಿದ್ದಾರೆ.

ಸಹ ಸಂಸ್ಥಾಪಕರು ಹಾಗೂ ಉಪಾಧ್ಯಕ್ಷರಾಗಿರುವ ಶ್ರೀ ರಾಜೇಶ್ ರಾಧಾಕೃಷ್ಣನ್ ಅವರು ಗ್ರಾಮೀಣ ಜಾಹೀರಾತು ಕ್ಷೇತ್ರದಲ್ಲಿ ಕ್ರಾಂತಿಕಾರಿ ದೃಷ್ಟಿಕೋನದಿಂದ ಹಲವು ಬ್ರ್ಯಾಂಡ್ಗಳಿಗೆ ವೆಚ್ಚ ಕೇವಲ 1 ಪೈಸೆ ಒಬ್ಬ ವ್ಯಕ್ತಿಗೆ ಮಾತ್ರ ಎಂಬ ತಂತ್ರ ರೂಪಿಸಿ ಫೋರ್ಬ್ಸ್ ಇಂಡಿಯಾದಿಂದ 2023ರಲ್ಲಿ ಗ್ಲೋಬಲ್ ಗ್ರೋಥ್ ಕಂಪನಿಯ ಮಾನ್ಯತೆ ಲಭಿಸುವಂತೆ ಮಾಡಿದರು.

ಗ್ರಾಮೀಣ ಜಾಹೀರಾತು ಮತ್ತು ಮಾರ್ಕೆಟಿಂಗ್‌ನಲ್ಲಿ 18 ವರ್ಷಗಳ ಅನುಭವಿ ಮಾರ್ಕೆಟಿಂಗ್ ಉಪಾಧ್ಯಕ್ಷರಾಗಿರುವ ಶ್ರೀ ಶಿವಾಜಿ ಬೇದ್ರೆ ಅವರು ಸರ್ಕಾರಿ ಬಸ್ ನಿಲ್ದಾಣಗಳಲ್ಲಿ LED ಆಧಾರಿತ ಜಾಹೀರಾತು ವ್ಯವಸ್ಥೆ ಸ್ಥಾಪಿಸುವಲ್ಲಿ ಪ್ರಮುಖ ಪಾತ್ರವಹಿಸಿದವರು.

ಇವರೊಂದಿಗೆ ಇನ್ನೊರ್ವ ಉಪಾಧ್ಯಕ್ಷರಾಗಿರುವ ಶ್ರೀ ಜೀವನ್ ಪವಾರ್ ಅವರು ದಕ್ಷಿಣ ಭಾರತದ ಎಲ್ಲಾ ಯೋಜನೆಗಳ ನಿರ್ವಹಣೆಯ ಜವಾಬ್ದಾರಿಯನ್ನು ನಿಭಾಯಿಸುತ್ತಾ, "ಆಡಿಯೋವಾಲಾ ಬಸ್ ನಿಲ್ದಾಣ’" ಎಂಬ ಪರಿಕಲ್ಪನೆಯಲ್ಲಿ ವಿಶಿಷ್ಟ ಆಡಿಯೋ-ವೀಡಿಯೋ ಜಾಹೀರಾತು ಮಾದರಿಯನ್ನು ರೂಪಿಸಿ ಈಗ ಕರ್ನಾಟಕದ 237ಕ್ಕೂ ಅಧಿಕ ಬಸ್ ನಿಲ್ದಾಣಗಳಲ್ಲಿ LED ಪರದೆಗಳ ಮೂಲಕ ಜಾಹಿರಾತು ಮತ್ತು ಮಾರ್ಕೆಟಿಂಗ್‌ನಲ್ಲಿ ಹೊಸ ಮೈಲಿಗಲ್ಲನ್ನು ಸ್ಥಾಪಿಸಿದ್ದಾರೆ.

ಈ ಐದು ಆಧಾರ ಸ್ಥಂಬಗಳ ಸುಭದ್ರ ಬುನಾದಿಯಲ್ಲಿ 500 ಕ್ಕೂ ಹೆಚ್ಚಿನ ಸಿಬ್ಬಂದಿಗಳ ಶಕ್ತಿಯೊಂದಿಗೆ ವೃತ್ತಿ ಸೊಲ್ಯೂಶನ್ಸ್ ಲಿಮಿಟೆಡ್ ಈಗ ಅನ್ ಲಿಮಿಟೆಡ್ ಆಗಿ ಸಾಗುತ್ತಿದೆ.

ವೃತ್ತಿ ಸೊಲ್ಯೂಶನ್ಸ್ ಲಿಮಿಟೆಡ್ ನ ವ್ಯವಹಾರದ ಮುಖ್ಯ ಅಂಗಗಳಾಗಿರುವ Ekatm ERP, Vritti iMedia, Simplify Practice ಉತ್ಪನ್ನಗಳ ಮೂಲಕ ರಾಜ್ಯ, ರಾಷ್ಟ್ರ ಮತ್ತು ಅಂತರರಾಷ್ಟ್ರೀಯ ಮಟ್ಟದಲ್ಲಿ ಧಾಪುಗಾಲಿಟ್ಟಿದೆ.

ವೃತ್ತಿ ಸೊಲ್ಯೂಶನ್ಸ್ ಲಿಮಿಟೆಡ್ ಈಗ ಇಪ್ಪತ್ತು ಸಂವತ್ಸರಗಳನ್ನು ಯಶಸ್ವಿಯಾಗಿ ಮುಗಿಸಿ ಮುನ್ನುಗ್ಗುತ್ತಿದೆ. ಈ ಯಶಸ್ಸಿನಲ್ಲಿ ಪಾಲುದಾರರಾಗಿರುವ ವೃತ್ತಿ ಕುಟುಂಬದ ಎಲ್ಲಾ ಸದಸ್ಯರು, ಅಮೂಲ್ಯ ಗ್ರಾಹಕರು ಮತ್ತು ಸಾರಿಗೆ ನಿಗಮದ ಸಮಸ್ತರಿಗೂ ತುಂಬು ಹೃದಯದ ಧನ್ಯವಾದಗಳು.

-ರಾಘವೇಂದ್ರ ಎಂ. ಬೊಗಲೆ

World No Tobacco Day 2025: Unmasking the Appeal of the Tobacco Industry

noreply@blogger.com (ಕಾವ್ಯಾನುರಾಗ) — Thu, 5 Jun 2025 23:49:00 +0530

-Dr Suvarna V. Biradar

Every year on May 31, the world observes World No Tobacco Day—a crucial initiative led by the World Health Organization (WHO) and its global partners to raise awareness about the devastating impact of tobacco use. The theme for 2025, “Unmasking the Appeal: Exposing Industry Tactics on Tobacco and Nicotine Products,” sheds light on the manipulative strategies employed by the tobacco and nicotine industries to lure young people and perpetuate addiction.

The Hidden Dangers Behind the Glitz

Modern marketing techniques mask the true dangers of tobacco products. The industry uses attractive packaging, flavored additives, social media campaigns, and glamorized imagery to draw in a new generation of users. Studies have shown that tobacco content has been viewed over 3.4 billion times on social media platforms, normalizing and promoting a harmful addiction.

Flavorings added to products such as e-cigarettes, heated tobacco products, and nicotine pouches reduce the harshness of tobacco, making it easier to start and harder to quit. These tactics trap users in a vicious cycle of dependence, often beginning in adolescence.

What Needs to Be Done?

To curb this growing threat, a multipronged approach is essential:

Ban flavorings in tobacco and nicotine products.
Regulate product design to make them less appealing and less harmful.
Implement plain packaging to reduce the allure of tobacco brands.
Prohibit advertising, promotion, and sponsorship of all tobacco products.
Ensure tobacco and nicotine-free public spaces.
Support cessation programs and raise awareness about the health impacts.
Increase taxation to make tobacco products less affordable and accessible.
Educate the public on industry manipulation tactics and promote the benefits of quitting.

The Indian Context

In India, tobacco use remains a major public health concern. The Global Adult Tobacco Survey-2 revealed that over 28.6% of the population uses some form of tobacco—42.4% among males and 14.2% among females. Smokeless tobacco is particularly common, with khaini, gutka, and betel quid being widely used.

The Government of India has taken commendable steps, from signing the WHO Framework Convention on Tobacco Control (FCTC) to conducting national-level youth and adult tobacco surveys. Yet, the deep-rooted addiction continues to challenge public health efforts.

A Role for Health Professionals

Dental and oral health professionals play a critical role in tobacco cessation. Brief interventions using WHO-recommended 5A and 5R models should become standard practice in primary care settings.

Further, oral health education and behavioral change programs are vital to enhance public understanding of the severe consequences of tobacco use, which include:

Oral cancer
Oral submucous fibrosis
Smoker’s palate
Potentially malignant disorders like leukoplakia and erythroplakia

Severe impact on overall health

World No Tobacco Day 2025 is a reminder that tobacco use is not just a personal habit—it’s a public health crisis fuelled by a powerful industry. It is time to unmask the appeal, reveal the truth, and protect the health of future generations.

__________________________________________________________________________________

Dr Suvarna V. Biradar

Senior Lecturer, Department of Public Health Dentistry, HKE's S. Nijalingappa Institute of Dental Sciences and Research, Kalaburagi

Srirangam R. Kannan: A Maestro of Carnatic Music

noreply@blogger.com (ಕಾವ್ಯಾನುರಾಗ) — Mon, 23 Sep 2024 09:36:00 +0530

Srirangam R. Kannan was a distinguished vocalist and an eminent scholar of Carnatic music. His exceptional prowess as a performer and musicologist left an indelible mark on the world of Indian classical music. Teaching as a Professor at Banaras Hindu University, he was a beacon of Carnatic music in the Hindustani music belt, where he seamlessly blended different percussive styles into his performances. Known for his soulful renditions of "Bhakti Sangeet," Kannan captivated audiences across India, singing flawlessly in multiple languages.

Early Life

Born on June 15, 1924, in Thiruppappaliyur, Tamil Nadu, Srirangam R. Kannan was destined for a musical journey. Initiated into music at the tender age of eight by his illustrious father, Vidwan Rajam Iyengar, he chose a path of dedication and discipline over typical childhood pastimes. His rigorous training under legends like Sangeet Kalanidhi Kumbakonam Rajamanickem Pillai, Musiri Subramanya Iyer, and others at the prestigious Music Academy of Madras laid a strong foundation for his illustrious career. Supported by veteran violinists and mridangam maestros, Kannan gave his first stage performance at nineteen and never looked back.

Career

Although he established himself as a stellar performer, Srirangam R. Kannan's passion for teaching led him to Banaras Hindu University. Starting as a Lecturer and eventually becoming a Reader, he invigorated the spirit of Carnatic music among his students and peers. Kannan maintained the highest traditions of shruti (pitch) and laya (rhythm), earning admiration from experts and laymen alike. His humility and simplicity endeared him to many, making him a cherished figure in musical circles.

Kannan authored two significant works: "Tyagaraja Kruti Sangrah" and "Muthuswami Dikshita Kruti Sangrah," the latter being translated into Hindi with notations in the Bhatkhande system. A top-ranking artist of All India Radio since 1945, Kannan's radio programs and recordings like "Sangeet Vivechan" were highly popular. His contributions extended to advisory roles and numerous vocal concerts nationwide, showcasing his fluent and efficient Hindi.

Family

Srirangam R. Kannan hailed from a prestigious musical family. His father, Vidwan Rajam Iyengar, was a distinguished artist, and his mother, Smt. Rajalakshmi, was a patron of music. Married to Smt. K. Saroja, Kannan had two sons who followed in his musical footsteps. His elder son, Dr. R. K. Srinivasan, is a renowned flute artist, while his younger son, R. K. Govindrajan, is a celebrated vocalist and a leader in All India Radio's Commercial Broadcasting Service.

Awards and Recognitions

Srirangam R. Kannan's contributions to music earned him numerous accolades:

- Gold Medal in the open competition held by the Madras Music Academy in 1945.

- Best Junior Musician awarded by the Madras Sangeet Natak Academy.

- Certificate of Merit and TTK Memorial Award from the Music Academy, Madras.

- Top Rank by the Music Audition Board of All India Radio, New Delhi.

- *Cultural Scholarship from the Government of India in Carnatic Music.

- *Suswara Gana Mani Virudu awarded by His Holiness Jagatguru Kanchi Shankaracharya Swamy Jayendra Saraswati ji Maharaj.

Recordings on Media

- "Dasa-Sahitya" (1984) - Sangeetha Studio, Chennai.

- "Devi-Kriti Mala" (1986) - Sangeetha Studio, Chennai.

Srirangam R. Kannan's legacy as a maestro and a scholar of Carnatic music continues to inspire and enthrall music lovers around the world. His dedication to his craft and his ability to blend different musical traditions have left a lasting impact on the world of Indian classical music.

ಶ್ರೀರಂಗಂ ಆರ್. ಕಣ್ಣನ್: ಕರ್ನಾಟಕ ಸಂಗೀತದ ಸ್ವರ ಮಾಂತ್ರಿಕ - ಒಂದು ಸ್ಮರಣೆ

noreply@blogger.com (ಕಾವ್ಯಾನುರಾಗ) — Sun, 22 Sep 2024 18:42:00 +0530

ಕರ್ನಾಟಕ ಸಂಗೀತದ ಪ್ರಸಿದ್ಧ ವಿದ್ವಾಂಸರು "ವಾಣಿವರದ ಸುಸ್ವರಗಾನಮಣಿ" ಶ್ರೀರಂಗಂ ಆರ್. ಕಣ್ಣನ್. ಪ್ರಸಿದ್ಧ ಗಾಯಕರು ಮತ್ತು ಸಂಗೀತಶಾಸ್ತ್ರಜ್ಞರಾಗಿ, ಅವರ ಅಸಾಧಾರಣ ಸೇವೆ ಭಾರತೀಯ ಶಾಸ್ತ್ರೀಯ ಸಂಗೀತದ ಜಗತ್ತಿನಲ್ಲಿ ಅಳಿಸಲಾಗದ ಗುರುತಾಗಿದೆ. ಬನಾರಸ್ ಹಿಂದೂ ವಿಶ್ವವಿದ್ಯಾಲಯದಲ್ಲಿ ಪ್ರಾಧ್ಯಾಪಕರಾಗಿ ಬೋಧಿಸುತ್ತಿದ್ದ ಅವರು ಹಿಂದೂಸ್ತಾನಿ ಸಂಗೀತ ವಲಯದಲ್ಲಿ ಕರ್ನಾಟಕ ಸಂಗೀತದ ದಾರಿದೀಪವಾಗಿದ್ದರು. ಅಲ್ಲಿ ಅವರು ತಮ್ಮ ಸಂಗೀತ ಕಛೇರಿಗಳಲ್ಲಿ ವಿವಿಧ ತಾಳವಾದ್ಯ ಶೈಲಿಗಳನ್ನು ಸಂಯೋಜಿಸಿದರು. "ಭಕ್ತಿ ಸಂಗೀತ"ದ ಭಾವಪೂರ್ಣ ನಿರೂಪಣೆಗೆ ಹೆಸರುವಾಸಿಯಾದ ಕಣ್ಣನ್ ಅವರು ಭಾರತೀಯ ಸಂಗೀತ ಆರಾಧಕರನ್ನು ಆಕರ್ಷಿಸಿ, ಬಹು ಭಾಷೆಗಳಲ್ಲಿ ಹಾಡಿ ದೇಶದಾದ್ಯಂತ ಪ್ರಸಿದ್ಧರಾಗಿದ್ದರು.

ಆರಂಭಿಕ ಜೀವನ:

ಜೂನ್ 15, 1924 ರಂದು ತಮಿಳುನಾಡಿನ ತಿರುಪ್ಪಪ್ಪಲಿಯೂರಿನಲ್ಲಿ ಜನಿಸಿದ ಶ್ರೀರಂಗಂ ಆರ್. ಕಣ್ಣನ್ ತಮ್ಮ ಎಂಟನೇ ವಯಸ್ಸಿನಲ್ಲಿ ತಂದೆ ಪ್ರಸಿದ್ಧ ವಿದ್ವಾನ್ ರಾಜಮ್ ಅಯ್ಯಂಗಾರ್ ಅವರಿಂದ ಸಂಗೀತ ಪಾಠ ಪ್ರಾರಂಭಿಸಿದರು. ಅವರು ತಮ್ಮ ಬಾಲ್ಯವನ್ನು ಸಮರ್ಪಣೆ ಮತ್ತು ಶಿಸ್ತಿನ ಮಾರ್ಗವನ್ನಾಗಿ ಆರಿಸಿಕೊಂಡರು. ಸಂಗೀತ ಕಲಾನಿಧಿ ಕುಂಭಕೋಣಂ ರಾಜಮಾಣಿಕಂ ಪಿಳ್ಳೈ, ಮುಸಿರಿ ಸುಬ್ರಹ್ಮಣ್ಯ ಅಯ್ಯರ್ ಮುಂತಾದ ದಿಗ್ಗಜರಿಂದ ಮದ್ರಾಸ್‌ನ ಪ್ರತಿಷ್ಠಿತ ಸಂಗೀತ ಅಕಾಡೆಮಿಯಲ್ಲಿ ಕಠಿಣ ತರಬೇತಿ ಪಡೆದರು. ಇದರಿಂದ ಅವರು ತಮ್ಮ ಸಂಗೀತ ವೃತ್ತಿಜೀವನಕ್ಕೆ ಬಲವಾದ ಅಡಿಪಾಯವನ್ನು ಹಾಕಿದರು. ಹಿರಿಯ ಪಿಟೀಲು ವಾದಕರು ಮತ್ತು ಮೃದಂಗ ವಿದ್ವಾಂಸರ ಬೆಂಬಲದೊಂದಿಗೆ, ಶ್ರೀರಂಗಂ ಆರ್. ಕಣ್ಣನ್ ಹತ್ತೊಂಬತ್ತನೇ ವಯಸ್ಸಿನಲ್ಲಿ ಮೊದಲ ರಂಗ ಪ್ರದರ್ಶನವನ್ನು ನೀಡಿದರು.

ವೃತ್ತಿ ಜೀವನ:

ತಾರ ಪ್ರದರ್ಶಕರಾಗಿ ತಮ್ಮನ್ನು ತಾವು ಸ್ಥಾಪಿಸಿಕೊಂಡಿದ್ದರೂ, ಶ್ರೀರಂಗಂ ಆರ್. ಕಣ್ಣನ್ ಅವರ ಬೋಧನೆಯ ಉತ್ಸಾಹವು ಅವರನ್ನು ಬನಾರಸ್ ಹಿಂದೂ ವಿಶ್ವವಿದ್ಯಾಲಯಕ್ಕೆ ಕರೆದು ತಂದಿತು. ಉಪನ್ಯಾಸಕರಾಗಿ ವೃತ್ತಿ ಪ್ರಾರಂಭಿಸಿ, ತಮ್ಮ ವಿದ್ಯಾರ್ಥಿಗಳು ಮತ್ತು ಗೆಳೆಯರಲ್ಲಿ ಕರ್ನಾಟಕ ಸಂಗೀತದ ಉತ್ಸಾಹವನ್ನು ಉತ್ತೇಜಿಸಿದರು. ಕಣ್ಣನ್ ಅವರು ಶೃತಿ ಮತ್ತು ಲಯದ ಅತ್ಯುನ್ನತ ಸಂಪ್ರದಾಯಗಳನ್ನು ಉಳಿಸಿಕೊಂಡು, ತಜ್ಞರು ಮತ್ತು ಸಾಮಾನ್ಯರಿಂದ ಮೆಚ್ಚುಗೆಯನ್ನು ಗಳಿಸಿದರು. ಅವರ ನಮ್ರತೆ ಮತ್ತು ಸರಳತೆ ಎಲ್ಲರಿಗೂ ಅಪ್ಯಾಯಮಾನವಾಗಿತ್ತು, ಹೀಗಾಗಿ ಅವರು ಸಂಗೀತ ವಲಯದಲ್ಲಿ ಉನ್ನತ ವ್ಯಕ್ತಿಯಾಗಿದ್ದರು.

ಕೃತಿಗಳು:

ಕಣ್ಣನ್ ಅವರು ಎರಡು ಮಹತ್ವದ ಕೃತಿಗಳನ್ನು ರಚಿಸಿದ್ದಾರೆ: "ತ್ಯಾಗರಾಜ ಕೃತಿ ಸಂಗ್ರಹ" ಮತ್ತು "ಮುತ್ತುಸ್ವಾಮಿ ದೀಕ್ಷಿತ ಕೃತಿ ಸಂಗ್ರಹ", ಎರಡನೆಯದು ಭಾತಖಂಡೆ ವ್ಯವಸ್ಥೆಯಲ್ಲಿ ಸಂಕೇತಗಳೊಂದಿಗೆ ಹಿಂದಿಗೆ ಅನುವಾದಿಸಲಾಗಿದೆ. 1945 ರಿಂದ ಆಲ್ ಇಂಡಿಯಾ ರೇಡಿಯೊದ ಉನ್ನತ ಶ್ರೇಣಿಯ ಕಲಾವಿದರಾದ ಕಣ್ಣನ್ ಅವರ ಅನೇಕ ರೇಡಿಯೊ ಕಾರ್ಯಕ್ರಮಗಳು ಮತ್ತು "ಸಂಗೀತ ವಿವೇಚನ್" ನಂತಹ ಧ್ವನಿಮುದ್ರಣಗಳು ಜನಪ್ರಿಯವಾಗಿದ್ದವು.

ಕುಟುಂಬ:

ಶ್ರೀರಂಗಂ ಆರ್. ಕಣ್ಣನ್ ಅವರು ಪ್ರತಿಷ್ಠಿತ ಸಂಗೀತ ಕುಟುಂಬದಿಂದ ಬಂದವರು. ಅವರ ತಂದೆ, ವಿದ್ವಾನ್ ರಾಜಮ್ ಅಯ್ಯಂಗಾರ್, ಒಬ್ಬ ವಿಶಿಷ್ಟ ಕಲಾವಿದರಾಗಿದ್ದರು ಮತ್ತು ಅವರ ತಾಯಿ ಶ್ರೀಮತಿ ರಾಜಲಕ್ಷ್ಮಿ, ಸಂಗೀತ ಪೋಷಕರಾಗಿದ್ದರು. ಶ್ರೀಮತಿ ಕೆ. ಸರೋಜಾ ಅವರನ್ನು ವಿವಾಹವಾದರು. ಇವರಿಗೆ ಇಬ್ಬರು ಪುತ್ರರು. ಹಿರಿಯ ಮಗ ಡಾ. ಆರ್. ಕೆ. ಶ್ರೀನಿವಾಸನ್ ಅವರು ಹೆಸರಾಂತ ಕೊಳಲು ಕಲಾವಿದರಾಗಿದ್ದು, ಕಿರಿಯ ಮಗ ಆರ್. ಕೆ. ಗೋವಿಂದರಾಜನ್ ಅವರು ಪ್ರಸಿದ್ಧ ಗಾಯಕ ಮತ್ತು ಆಲ್ ಇಂಡಿಯಾ ರೇಡಿಯೋದ ವಾಣಿಜ್ಯ ಪ್ರಸಾರ ಸೇವೆಯಲ್ಲಿ ನಿವೃತ್ತರಾಗಿದ್ದಾರೆ.

ಪ್ರಶಸ್ತಿಗಳು ಮತ್ತು ಮನ್ನಣೆಗಳು:

* 1945 ರಲ್ಲಿ ಮದ್ರಾಸ್ ಮ್ಯೂಸಿಕ್ ಅಕಾಡೆಮಿ ನಡೆಸಿದ ಮುಕ್ತ ಸ್ಪರ್ಧೆಯಲ್ಲಿ ಚಿನ್ನದ ಪದಕ.

* ಮದ್ರಾಸ್ ಸಂಗೀತ ನಾಟಕ ಅಕಾಡೆಮಿ ವತಿಯಿಂದ ಅತ್ಯುತ್ತಮ ಕಿರಿಯ ಸಂಗೀತಗಾರ ಪ್ರಶಸ್ತಿ.

* ಮದ್ರಾಸ್‌ನ ಸಂಗೀತ ಅಕಾಡೆಮಿಯಿಂದ ಮೆರಿಟ್ ಪ್ರಮಾಣಪತ್ರ ಮತ್ತು ಟಿಟಿಕೆ ಸ್ಮಾರಕ ಪ್ರಶಸ್ತಿ.

* ನವದೆಹಲಿಯ ಆಲ್ ಇಂಡಿಯಾ ರೇಡಿಯೊದ ಸಂಗೀತ ಆಡಿಷನ್ ಬೋರ್ಡ್‌ನಿಂದ ಉನ್ನತ ಶ್ರೇಣಿ.

* ಕರ್ನಾಟಕ ಸಂಗೀತದಲ್ಲಿ ಭಾರತ ಸರ್ಕಾರದಿಂದ ಸಾಂಸ್ಕೃತಿಕ ವಿದ್ಯಾರ್ಥಿವೇತನ.

* ಪರಮಪೂಜ್ಯ ಜಗದ್ಗುರು ಕಂಚಿ ಶಂಕರಾಚಾರ್ಯ ಸ್ವಾಮಿ ಜಯೇಂದ್ರ ಸರಸ್ವತಿ ಜಿ ಮಹಾರಾಜರಿಂದ "ಸುಸ್ವರ ಗಾನಮಣಿ" ಬಿರುದು ಪ್ರದಾನ.

ಧ್ವನಿಸುರುಳಿಗಳು:

* ದಾಸ-ಸಾಹಿತ್ಯ (1984) - ಸಂಗೀತಾ ಸ್ಟುಡಿಯೋ, ಚೆನ್ನೈ.

* ದೇವಿ-ಕೃತಿ ಮಾಲಾ (1986) - ಸಂಗೀತಾ ಸ್ಟುಡಿಯೋ, ಚೆನ್ನೈ.

ಭಾರತೀಯ ಶಾಸ್ತ್ರೀಯ ಸಂಗೀತ ಕ್ಷೇತ್ರದಲ್ಲಿ ಶ್ರೀರಂಗಂ ಆರ್. ಕಣ್ಣನ್ ಅವರ ಪರಂಪರೆಯೊಂದು ಬೆಳೆಯಿತು. ಅವರು ಕರ್ನಾಟಕ ಸಂಗೀತದ ವಿದ್ವಾಂಸರಾಗಿ ಪ್ರಪಂಚದಾದ್ಯಂತ ಅದೆಷ್ಟೋ ಸಂಗೀತ ಪ್ರೇಮಿಗಳನ್ನು ಪ್ರೇರೇಪಿಸುತ್ತದೆ ಮತ್ತು ಆಕರ್ಷಿಸುತ್ತಿದೆ. ಅವರ ಕಲೆ, ಸಮರ್ಪಣೆ ಮತ್ತು ವಿಭಿನ್ನ ಸಂಗೀತ ಸಂಪ್ರದಾಯಗಳನ್ನು ಸಂಯೋಜಿಸುವ ಅವರ ಸಾಮರ್ಥ್ಯವು ಭಾರತೀಯ ಶಾಸ್ತ್ರೀಯ ಸಂಗೀತದ ಪ್ರಪಂಚದ ಮೇಲೆ ಶಾಶ್ವತವಾದ ಪ್ರಭಾವವನ್ನು ಬೀರಿದೆ.

ಸೆ. 23 ಅವರ ಪುಣ್ಯಸ್ಮರಣೆ. ಈ ಪ್ರಯುಕ್ತ ಈ ಮಹಾನ್ ಸಂಗೀತ ಮಾಂತ್ರಿಕನಿಗೆ ನಮ್ಮೆಲ್ಲ ಭಾವಪೂರ್ಣ ನಮನಗಳನ್ನು ಸಲ್ಲಿಸೋಣ.

ಎಐ ಜಗತ್ತು: ಇಂದು ಮತ್ತು ನಾಳೆ

noreply@blogger.com (ಕಾವ್ಯಾನುರಾಗ) — Tue, 27 Aug 2024 13:26:00 +0530

ಜಗತ್ತು ಕ್ಷಿಪ್ರಗತಿಯಲ್ಲಿ ಬದಲಾಗುತ್ತಿದೆ ಮತ್ತು ತುಂಬಾ ವೇಗವಾಗಿ ಓಡುತ್ತಿದೆ. ಈ ವೇಗದ ಹಾದಿಯಲ್ಲಿ ನಾವೂ ಮುಂದೆ ಓಡಬೇಕೋ ಇಲ್ಲ ಹಿಂದೆ ಉಳಿಯಬೇಕೋ ಎಂಬ ಗೊಂದಲದಲ್ಲಿದ್ದೆವೆ. ಈ ಗೊಂದಲದ ಮೂಲವೇ "ಎಐ ಜಗತ್ತು". ಕೃತಕ ಬುದ್ಧಿಮತ್ತೆ (Artificial Intelligence) ಎಂಬ ಐತಿಹಾಸಿಕ ತಂತ್ರಜ್ಞಾನ. ಇದು ಮನುಷ್ಯ ಜೀವನದ ಎಲ್ಲ ಕ್ಷೇತ್ರಗಳಲ್ಲಿಯೂ ಕ್ರಾಂತಿ ತಂದಿದೆ. ಈ ಕ್ರಾಂತಿ ಪ್ರಗತಿಗೋ ಇಲ್ಲ ಅವನತಿಗೋ ಎಂಬ ಶಂಕೆಯಂತೂ ಖಂಡಿತಾ ಮೂಡಿಸುತ್ತಿದೆ. ಇಂತಹ ಸಂದಿಗ್ಧ ಸಮಯದಲ್ಲಿ ಎಐ ಈ ಜಗತ್ತಿನ ಮೇಲೆ ಬೀರುತ್ತಿರುವ ಪ್ರಭಾವದ ಬಗ್ಗೆ ಚರ್ಚೆ ಮಾಡುವುದು ಅತೀ ಅಗತ್ಯವಾಗಿದೆ.

ಎಐ ನಮ್ಮ ಜೀವನದಲ್ಲಿ ತಂದ ಬದಲಾವಣೆ

ಎಐ ಬಂದ ನಂತರ, ಮನುಷ್ಯನು ಮಾಡಬೇಕಾದ ಎಲ್ಲಾ ಕೆಲಸವನ್ನು ಅಷ್ಟೇ ಅಲ್ಲ, ಮನುಷ್ಯನು ಮಾಡಲಾಗದ ಕೆಲಸವನ್ನೂ ಕ್ಷಣಾರ್ಧದಲ್ಲಿ ಮಾಡಿ ಬೀಸಾಕುತ್ತಿದೆ. ಉದಾಹರಣೆಗೆ, ಆರೋಗ್ಯ ಕ್ಷೇತ್ರದಲ್ಲಿ ಎಐ ಬಳಕೆಯು ಡಯಾಗ್ನೋಸಿಸ್‌ನಲ್ಲಿ ಅತ್ಯಂತ ಪ್ರಮಾಣ ಬದ್ಧತೆಯನ್ನು ತರುತ್ತದೆ. ಇದರಿಂದ ರೋಗಿಗಳ ಜೀವಿತಾವಧಿ ವೃದ್ಧಿಸುತ್ತದೆ ಎಂದು ಹೇಳಲಾಗುತ್ತದೆ. ಎಐ ನಿಯಂತ್ರಣ ವ್ಯವಸ್ಥೆಗಳಲ್ಲಿಯೂ, ತಂತ್ರಜ್ಞಾನದಲ್ಲಿಯೂ ನಮ್ಮ ಬದುಕನ್ನು ಸುಲಭಗೊಳಿಸಿದೆ ಎಂದು ಹೇಳಲಾಗುತ್ತಿದೆ. ಗ್ರಾಹಕರಿಗೆ ವೈಯಕ್ತಿಕೀಕೃತ ಸೇವೆಗಳನ್ನು ನೀಡಲು, ಎಐ ಆಧಾರಿತ ಆನ್ಲೈನ್ ಶಾಪಿಂಗ್ ಪ್ರಕ್ರಿಯೆಯು ವೇಗವಾಗಿ ಬೆಳೆಯುತ್ತಿದೆ. ಸಿನಿಮಾ, ಕಿರುತೆರೆ, ದ್ವನಿ, ತದ್ರೂಪಿ, ಕಚೇರಿ ಕೆಲಸ, ವ್ಯವಹಾರ, ಬರವಣಿಗೆ, ಮಾರ್ಗದರ್ಶನ ಹೀಗೆ ನೀವು ಏನು ಬೇಕಾದರೂ ಊಹಿಸಬಹುದು. ಕೆಲವೊಮ್ಮೆ ಊಹಿಸಲಾಗದ ಕ್ಷೇತ್ರಕ್ಕೂ ಈ "ಎಐ" ದಾಳಿ ಇಟ್ಟಿದೆ.

ಎಐಯಿಂದ ಎದುರಾಗುವ ಸವಾಲುಗಳು

ಈ ಎಲ್ಲಾ ಸುಧಾರಣೆಗಳ ಜೊತೆಗೆ ಎಐ ಹಲವು ಸವಾಲುಗಳನ್ನು ನಮ್ಮೆದುರು ತರುತ್ತಿದೆ. ಉದ್ಯೋಗ ಕ್ಷೇತ್ರದಲ್ಲಿ ಎಐ ತಾಂತ್ರಿಕತೆಗೆ ಹೆಚ್ಚಿನ ಮಹತ್ವವನ್ನು ನೀಡಲಾಗುತ್ತಿದೆ. ಇದರಿಂದ ಪರಂಪರಾಗತ ಉದ್ಯೋಗಗಳು ಅಪಾಯಕ್ಕೆ ಈಗಾಗಲೇ ಒಳಗಾಗಿವೆ. ಒಂದು ಬದಿಯಲ್ಲಿ ಎಐ ಉತ್ಪಾದಕತೆ, ಪ್ರಕ್ರಿಯೆ, ಮತ್ತು ಕಾರ್ಯನಿರ್ವಹಣೆಯನ್ನು ಹೆಚ್ಚಿಸುತ್ತಿದೆ. ಮತ್ತೊಂದು ಬದಿಯಲ್ಲಿ, ಕೃತಕ ಬುದ್ಧಿಮತ್ತೆಯು ಮನುಷ್ಯರ ಅಗತ್ಯವನ್ನು ಕಡಿಮೆಮಾಡುತ್ತಿದೆ. ಮನುಷ್ಯನಿಗೆ ಇದ್ದ ಜ್ಞಾನ, ಅನುಭವ ಮತ್ತು ಶ್ರಮಕ್ಕೆ ತಕ್ಕ ಪ್ರಮಾಣದಲ್ಲಿ ಮೌಲ್ಯ ಇಲ್ಲವಾಗಬಹುದೇ ಎಂಬ ಅನುಮಾನ ಮೂಡಿಸುತ್ತಿದೆ.

ತಮ್ಮ ಉದ್ಯೋಗಗಳನ್ನು ಕಳೆದುಕೊಳ್ಳುವ ಭೀತಿಯಲ್ಲಿರುವ ಹಲವರು, ಎಐ ಬಂದು ತಮ್ಮ ಸ್ಥಾನವನ್ನು ಕಬಳಿಸಿಕೊಳ್ಳಲಿದೆ ಎಂಬ ಆತಂಕದಲ್ಲಿದ್ದಾರೆ. ಈ ಆತಂಕವು ಸ್ವಾಭಾವಿಕವಾದರೂ, ನಮಗೆ ಹೊಸ ಕಾಲಘಟ್ಟದಲ್ಲಿ ಹೆಜ್ಜೆಯಿಡಲು ತಂತ್ರಜ್ಞಾನವನ್ನು ಹೇಗೆ ಬಳಸಿಕೊಳ್ಳಬಹುದು ಎಂಬುದನ್ನು ತಿಳಿಯಬೇಕಾಗಿದೆ ಎನ್ನುವುದು ಗಮನಿಸಬೇಕಾದ ಅಂಶ ಎನ್ನುವವರೂ ಇದ್ದಾರೆ. ಹೊಸ ರೀತಿಯ ಉದ್ಯೋಗಗಳು, ಅವುಗಳಲ್ಲಿರುವ ಹೊಸ ಸವಾಲುಗಳು, ಮತ್ತು ಕೌಶಲ್ಯಗಳ ಅಗತ್ಯವನ್ನು ಅರಿತುಕೊಳ್ಳುವುದು, ಮತ್ತು ಅದಕ್ಕೆ ತಕ್ಕಂತೆ ನಮ್ಮನ್ನು ನಾವು ತಯಾರು ಮಾಡಿಕೊಳ್ಳುವುದು, ಮುಂದಿನ ಪೀಳಿಗೆಗೆ ಶ್ರೇಯಸ್ಕರ ಎಂದೂ ಹೇಳಲಾಗುತ್ತಿದೆ..

ಭವಿಷ್ಯದಲ್ಲಿ ಏನಾಗಬಹುದು?

ಹೀಗೆ ಮುಂದುವರೆದರೆ ಭವಿಷ್ಯದಲ್ಲಿ ಏನಾಗಬಹುದು ಎಂಬ ಪ್ರಶ್ನೆ ಉದ್ಭವಿಸುವುದು ಸಹಜ. ಈ ಪ್ರಕ್ರಿಯೆ ಮುಂದುವರಿದರೆ, ಮನುಷ್ಯರು ಕೇವಲ ತಂತ್ರಜ್ಞಾನದ ಸೇವಕರು ಮಾತ್ರ ಆಗಿ ಬಾಳಬಹುದು. ಆದರೆ, ಇದು ಅಪಾಯಕಾರಿಯೂ ಆಗಬಹುದು. ಮಾನವೀಯ ಹೃದಯ ಬುದ್ದಿಯು ಕಡಿಮೆಗೊಳ್ಳುವ ಭೀತಿ ಕೂಡ ಇದೆ. ತಂತ್ರಜ್ಞಾನದಲ್ಲಿ ಜ್ಞಾನವಿದೆ, ಆದರೆ ಮಾನವೀಯತೆ, ಮಾನವೀಯ ಹೃದಯಬುದ್ದಿ ಎಂಬುದು ಅಲ್ಲಿ ಇಲ್ಲ. ಆದ್ದರಿಂದ, ಎಐ ಮನುಷ್ಯರನ್ನು ಸಂಪೂರ್ಣವಾಗಿ ಪ್ರತಿಸ್ಪರ್ಧಿಸಲಾಗದು. ಆದರೆ, ಈ ಕ್ಷಿಪ್ರಗತಿಯ ಪಥದಲ್ಲಿ ನಾವೆಲ್ಲರೂ ಎಐಯನ್ನು ಸರಿಯಾಗಿ ಬಳಸಿಕೊಂಡು, ಮನುಷ್ಯತ್ವವನ್ನು ಉಳಿಸಿಕೊಳ್ಳಲು ಯತ್ನಿಸಬೇಕಾದ ಗುರುತರ ಜವಾಬ್ದಾರಿ ಹೋರಬೇಕಾಗಿದೆ.

ಎಐ ಪ್ರಬಲವಾಗಿ ನಮ್ಮ ಆರ್ಥಿಕ, ಸಾಮಾಜಿಕ, ಮತ್ತು ಆಧ್ಯಾತ್ಮಿಕ ಬೌದ್ಧಿಕತೆಯನ್ನು ರೂಪಿಸುತ್ತಿರುವುದರಿಂದ, ಮುಂದಿನ ಹತ್ತು ವರ್ಷಗಳಲ್ಲಿ ನಾವು ಹೇಗೆ ಬದುಕಬೇಕು ಎಂಬುದರ ಬಗೆಗೆ ಹೆಚ್ಚು ಯೋಚನೆ ಮಾಡಬೇಕಾಗಿದೆ. ಎಐಯು ನಮ್ಮ ಸಾಧನೆಗಳನ್ನು ಎತ್ತರಕ್ಕೆ ಎತ್ತುವ ಸಾಮರ್ಥ್ಯವಿದ್ದರೂ, ನಾವು ಎಐಯನ್ನು ಎಂತಹ ಮಿತಿಯಲ್ಲಿ ಬಳಸಬೇಕು ಎಂಬುದನ್ನು ನಿರ್ಧರಿಸಬೇಕಾಗಿದೆ.

ಎಐ ಭಾವಿ ಸಮಾಜದ ಮೇಲೆ ಬೀರುತ್ತಿರುವ ಪ್ರಭಾವ

ಎಐ ಮುಂದಿನ ತಲೆಮಾರಿನ ಸಮಾಜದ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ ಎಂಬುದನ್ನು ನಾವು ಕೇವಲ ಊಹಿಸಬಹುದು. ಶಾಲಾ ಶಿಕ್ಷಣದಿಂದ ಹಿಡಿದು ಉದ್ಯೋಗ ಪ್ರಾಪ್ತಿಯವರೆಗೆ, ಕೌಟುಂಬಿಕ ಸಂಬಂಧಗಳಿಂದ ಹಿಡಿದು ಸಾಮಾಜಿಕ ಜೀವನದವರೆಗೆ, ಎಲ್ಲವನ್ನೂ ಎಐ ಆವರಿಸಿಕೊಳ್ಳಲಿದೆ. ಬಹುಶಃ ನಮ್ಮ ಚಿಂತನೆಗಳು, ನಮ್ಮ ತೀರ್ಮಾನಗಳು, ಮತ್ತು ನಮ್ಮ ಅಭಿಪ್ರಾಯಗಳನ್ನೂ ಸಹ ಎಐ ರೂಪಿಸುತ್ತದೆ‌ಯೋ ಎಂಬ ಆತಂಕವಂತೂ ಇದೆ. ಆ ದಿನಗಳು ಬಹಳ ದೂರವೇನಿಲ್ಲ ಎಂಬ ಭಯ ಈಗಲೇ ಆವರಿಸುತ್ತಿದೆ.

ಆದರೆ, ನಾವು ಎಐಯನ್ನು ಹಿತಕರವಾಗಿ ಬಳಸಿದರೆ, ಇದು ಮುಂಚಿನ ಯಾವುದೇ ತಂತ್ರಜ್ಞಾನದಂತೆ ನಮ್ಮ ಜೀವನದ ಗುಣಮಟ್ಟವನ್ನು ಹೆಚ್ಚಿಸುತ್ತದೆ. ಆದರೆ, ನಾವು ಎಐಯನ್ನು ನಿಯಂತ್ರಣದಲ್ಲಿ ಬಳಸದೆ ಹೋದರೆ, ನಾವು ತಂತ್ರಜ್ಞಾನದ ಬಲೆಗೆ ಸಿಲುಕುವ ಅಪಾಯವಿದೆ ಎನ್ನುವುದನ್ನೂ ತಳ್ಳಿ ಹಾಕುವಂತಿಲ್ಲ.

ಅಂತಿಮವಾಗಿ...

ಎಐ ನಮ್ಮ ಭವಿಷ್ಯವನ್ನು ರೂಪಿಸುತ್ತದೆ, ಸುಧಾರಿಸುತ್ತದೆ, ಮತ್ತು ಪರಿಣಾಮಕಾರಿಯಾಗಿಸುತ್ತದೆ ನಿಜ. ಆದರೆ ಅದರೊಂದಿಗೆ ನಾವು ಹೇಗೆ ನಡೆದುಕೊಳ್ಳುತ್ತೇವೆ ಎಂಬುದೇ ಮುಖ್ಯ. ಎಐಯನ್ನು ನಮ್ಮ ನೆರವಿಗೆ ಬಳಸಿಕೊಂಡು, ನಮ್ಮ ಸೃಜನಶೀಲತೆ, ಮಾನವೀಯ ಮೌಲ್ಯಗಳು, ಮತ್ತು ನೆನೆಪಿನ ಶಕ್ತಿ ಉಳಿಸಿಕೊಂಡು ಮುಂದುವರಿಯುವುದು ಜಾಣತನವಾಗಿದೆ. ಅತಿ ಹೆಚ್ಚು ಆಧರಿಸದೆ, ಸಮತೋಲನದಿಂದ ಎಐಯನ್ನು ಬಳಸಿದರೆ, ಈ ತಂತ್ರಜ್ಞಾನವು ನಮ್ಮ ಜೀವನದಲ್ಲಿ ನಿಜವಾದ ಪ್ರಗತಿಯನ್ನು ತರುತ್ತದೆ.

ಈ ಎಐ ಜಗತ್ತಿನಲ್ಲಿ, ನಾವು ಪಶ್ಚಾತ್ತಾಪದಿಂದ ಬದುಕಬೇಕೋ ಅಥವಾ ಪ್ರಗತಿಯಲ್ಲಿ ಮುನ್ನುಗ್ಗಬೇಕೋ ಎಂಬ ನಿರ್ಧಾರ ನಮ್ಮ ಕೈಯಲ್ಲಿದೆ. ನಾವು ಈ ತಂತ್ರಜ್ಞಾನವನ್ನು ಹೇಗೆ ಬಳಕೆ ಮಾಡುತ್ತೇವೆ ಎಂಬುದು ಮಾತ್ರವೇ ಈ ತಂತ್ರಜ್ಞಾನ ನಮಗೆ ಆನಂದವನ್ನೇ ತರಬಲ್ಲದೆ ಅಥವಾ ಇಲ್ಲವೇ ಎಂಬುದನ್ನು ನಿರ್ಧರಿಸುತ್ತದೆ.

ಅರಳಗುಂಡಗಿಯ ಸಂತ ಶ್ರೀ ಶರಣಬಸವ

noreply@blogger.com (ಕಾವ್ಯಾನುರಾಗ) — Sun, 25 Aug 2024 21:17:00 +0530

ಶರಣರ ಬೀಡು, ದೈವತ್ವದ ಪೂಣ್ಯಭೂಮಿ ಈ ಕಲ್ಯಾಣ ಕರ್ನಾಟಕ. ಈ ಕರುನಾಡಿನ ನೆಲದಲ್ಲಿ ಜನಿಸಿದ ಅಸಂಖ್ಯ ಮಹಾತ್ಮರು ಇಡೀ ಮನುಕುಲಕ್ಕೆ ದಾರಿದೀಪವಾಗಿದ್ದಾರೆ. ಅಂಥವರಲ್ಲಿ ಒಬ್ಬರು "ಅರಳಗುಂಡಗಿಯ ಸಂತ ಶ್ರೀ ಶರಣಬಸವ."

ಶ್ರೀ ಶರಣಬಸವೇಶ್ವರರು, ಕ್ರಿ.ಶ 1746ರಲ್ಲಿ, ಕಲಬುರಗಿ ಜಿಲ್ಲೆಯ ಜೇವರ್ಗಿ ತಾಲ್ಲೂಕಿನ ಅರಳಗುಂಡಗಿ ಗ್ರಾಮದಲ್ಲಿ ಜನಿಸಿದರು. ಅವರ ತಂದೆ ಮಲಕಪ್ಪಾ ಮತ್ತು ತಾಯಿ ಸಂಗಮ್ಮ, ಜ್ಞಾನ ಮತ್ತು ಭಕ್ತಿ ತುಂಬಿದ ಪಿತೃಗಳು.

ಶರಣಬಸವೇಶ್ವರರ ದಾಸೋಹ ಕಾಯಕ:

ಶರಣಬಸವೇಶ್ವರರು ಕಾಯಕ, ದಾಸೋಹ, ಮತ್ತು ಲಿಂಗಾಯತ ತತ್ವಗಳ ಬೋಧನೆ ಮಾಡಿ, ಜನತೆಗೆ ಹೊಸ ಬದುಕಿನ ದಾರಿ ತೋರಿಸಿದರು. ಅಧ್ಯಾತ್ಮದ ಕಡೆಗೆ ಅವರ ಒಲವು ಬಾಲ್ಯದಿಂದಲೇ ಸ್ಪಷ್ಟವಾಗಿದ್ದು, ಕಲಿಕೆಯ ಹಾದಿಯಲ್ಲಿ, ಓಂ ಕಾರದ ಮಹಾತತ್ವದ ಪ್ರಶ್ನೆಯಿಂದ ಆರಂಭಿಸಿದ ಇವರ ಜೀವನ, ಅಧ್ಯಾತ್ಮಿಕ ಶೋಧನೆಯಾದರು.

ಶರಣಬಸವೇಶ್ವರರು ಹಾಗೂ ಅವರ ಗೃಹಸ್ಥ ಜೀವನ:

ಶರಣಬಸವೇಶ್ವರರು ಮಹಾದೇವಿ ಎಂಬವರನ್ನು ಮದುವೆಯಾಗಿದ್ದು, ಸಾಂಸಾರಿಕ ಜೀವನದಲ್ಲಿಯೂ ದಾಸೋಹ, ಲಿಂಗಪೂಜೆ, ಬಡವರಿಗೆ ಸೇವೆಗಳಲ್ಲಿ ತೊಡಗಿದರು. ಅವರದು ಅವಿಭಕ್ತ ಕುಟುಂಬವಾಗಿದ್ದು, ಶರಣಬಸವೇಶ್ವರರ ದಾಸೋಹ ಕಾಯಕಕ್ಕಾಗಿ, ಅವರು ಆಸ್ತಿಯಿಂದ ದೂರವಿದ್ದು, ತಮ್ಮ ಮಾರ್ಗದಲ್ಲಿ ಮುಂದುವರಿದರು.

ಪ್ರಕೃತಿಯನ್ನು ಪ್ರೀತಿಸಿ, ಬದುಕನ್ನು ಸುಧಾರಿಸಿದ ದಾರಿಹೋಕ:

ಶರಣಬಸವೇಶ್ವರರು ಕಾಯಕದಲ್ಲಿ ಹಕ್ಕಿಗಳನ್ನು ಕಾಡದಂತೆ ಬೆಳೆಗಳಿಗೆ ಅವುಗಳಿಂದಲೇ ಇಳುವರಿ ಹೆಚ್ಚಿಸಿದರು. ಗಿಡದಿಂದ ಉದುರಿ ಬಿದ್ದ ಹೂವುಗಳು, ಎಲೆಗಳು ಮತ್ತು ಹಕ್ಕಿಗಳ ಸಹಾಯದಿಂದ ತಮ್ಮ ಕೃಷಿಯನ್ನು ಯಶಸ್ವಿಯಾಗಿ ನಡೆಸಿದರು. ಅವರ ಈ ಕಾಯಕವು ಪರಿಸರ ಸಂರಕ್ಷಣೆಯ ಮಹತ್ವವನ್ನು ಸಾರುತ್ತದೆ.

ಹಸಿವಿನಿಂದ ಬಳಲಿದ ಹಸಿದ ಜನರಿಗೆ ದಾಸೋಹ:

ಶರಣಬಸವೇಶ್ವರರು, ಹಸಿವಿನಿಂದ ಬಳಲಿದ ಜನರಿಗೆ ಅನ್ನ ದಾಸೋಹ, ಆರೋಗ್ಯ ಸಮಸ್ಯೆಗಳಿಂದ ಬಳಲಿದವರಿಗೆ ಔಷಧ ಮತ್ತು ದೈವಿಕ ಶಕ್ತಿ ನೀಡಿದರು. ಅವರ ದಾಸೋಹ ಪರಂಪರೆ, ಶಿವಾನುಭವ ಮತ್ತು ಬೋಧನೆಗಳಿಂದ, ಕಳ್ಳರು ಮತ್ತು ವಂಚಕರು ಸಹ ತಮ್ಮ ದುರಾಚರಣೆಗಳಿಂದ ಹೊರಬಂದು ಶರಣರಾದರು.

ಮಹಾದಾಸೋಹಿ ಶರಣಬಸವೇಶ್ವರರ ಪಯಣ:

ಅವರ ಮಡದಿ ಮತ್ತು ಮಗನ ಅಕಾಲಿಕ ಸಾವು ಬಳಿಕ, ಶರಣಬಸವೇಶ್ವರರು ಕಲಬುರಗಿಗೆ ಪಯಣ ಬೆಳೆಸಿದರು. ಬಡವರಿಗಾಗಿ ತಮ್ಮ ಜೀವನವನ್ನು ಸಮರ್ಪಿಸಿದ ಅವರು, ದಾರಿಯಲ್ಲಿದ್ದ ಹಳ್ಳಿಗಳಲ್ಲಿ ಜನರಿಗೆ ಆಹಾರ, ನೀರು, ಮತ್ತು ಆಶ್ರಯವನ್ನು ಒದಗಿಸಿದರು.

ಶರಣಬಸವೇಶ್ವರರ ಶಿವಾನುಭವದ ಗೋಷ್ಟಿ:

ಕಲಬುರಗಿಯಲ್ಲಿ, ದೊಡ್ಡಪ್ಪಗೌಡರು ಶರಣಬಸವೇಶ್ವರರಿಗೆ ಆಶ್ರಯ ನೀಡಿದ್ದು, ಅವರು ನಿರಂತರವಾಗಿ ಶಿವಾನುಭವದ ಗೋಷ್ಟಿಗಳನ್ನು ನಡೆಸಿ, ಲಿಂಗಾಯತ ತತ್ವಗಳನ್ನು ಪ್ರಸಾರ ಮಾಡಿದರು. ಶಿವಾನುಭವದ ಮೂಲಕ ಜನರಲ್ಲಿ ಜ್ಞಾನವನ್ನೂ, ಆಧ್ಯಾತ್ಮಶಕ್ತಿಯನ್ನೂ ತುಂಬಿದರು.

ಶರಣಬಸವೇಶ್ವರರ ಲಿಂಗೈಕ್ಯ:

1822ರ ಮಾರ್ಚ್ ಹನ್ನೊಂದನೇ ತಾರೀಖು ಸೋಮವಾರದಂದು, ಶ್ರೀ ಶರಣಬಸವೇಶ್ವರರು ಲಿಂಗೈಕ್ಯರಾದರು. ಅವರ ಸಮಾಧಿಯ ಮೇಲೆ ನಿರ್ಮಿತ ಗೋಪುರ, ಇಂದಿನ ಶರಣಬಸವೇಶ್ವರ ದೇವಸ್ತಾನವಾಗಿ, ಹಲವಾರು ಭಕ್ತರಿಗೆ ಆಧ್ಯಾತ್ಮಿಕ ಶ್ರದ್ಧೆಯ ಕೇಂದ್ರವಾಗಿದೆ.

ಶರಣಬಸವೇಶ್ವರರ ಮಹತ್ವ:

ಶರಣಬಸವೇಶ್ವರರು, ಕಾಯಕ ಮತ್ತು ದಾಸೋಹದ ಮೂಲಕ, ತಮ್ಮ ಜೀವನವನ್ನು ಸಮಾಜದ ಶ್ರೇಯಸ್ಸಿಗಾಗಿ ತೊಡಗಿಸಿ, ಮೌನವಾಗಿ ತಮ್ಮ ಜೀವನತತ್ವವನ್ನು ಅನುಸರಿಸಿ ತೋರಿಸಿದರು. ಅವರು ಹೇಗೆ ಶಿವನನ್ನು ಕಂಡುಕೊಳ್ಳಬೇಕು ಎಂಬ ಸಂದೇಶವನ್ನು, ನಿಸ್ವಾರ್ಥವಾಗಿ ಬೋಧಿಸಿದರು.

ಶರಣಬಸವೇಶ್ವರ ರತೋತ್ಸವ:

ಪ್ರತಿವರ್ಷ, ಶರಣಬಸವೇಶ್ವರರ ಲಿಂಗೈಕ್ಯ ದಿನದಂದು, ಅವರ ದಾಸೋಹವನ್ನು ನೆನಪಿಸಲು ರತೋತ್ಸವ ಬಹು ವಿಜೃಂಭಣೆಯಿಂದ ನಡೆಸಲಾಗುತ್ತದೆ.

ಅಪಾರ ಪ್ರೇರಣೆ:

ಶರಣಬಸವೇಶ್ವರರ ಜೀವನದ ಪ್ರಸಂಗಗಳು, ಮೌಲಿಕ ತತ್ವಗಳು, ಅವರ ದಾಸೋಹ ಕಾರ್ಯಗಳು, ಇಂದಿಗೂ ನಮ್ಮ ಜೀವನಕ್ಕೆ ಮಾರ್ಗದರ್ಶನ ನೀಡುತ್ತಿವೆ. ಮಹಾದಾಸೋಹಿ ಶ್ರೀ ಶರಣಬಸವೇಶ್ವರರು, ತಮ್ಮ ಜೀವನ ಮತ್ತು ಕಾಯಕದ ಮೂಲಕ, ಸಮಾಜದ ಬದಲಾವಣೆಗೆ ಮತ್ತು ಆಧ್ಯಾತ್ಮಿಕ ಶ್ರೇಯಸ್ಸಿಗೆ ಮಾಡಿದ ಕೊಡುಗೆ, ನಮ್ಮೆಲ್ಲರಿಗೂ ಅಪಾರ ಪ್ರೇರಣೆಯ ಮೂಲವಾಗಿದೆ.

ಅರಳಗುಂಡಗಿಯ ಸಂತ ಶ್ರೀ ಶರಣಬಸವ ಕುರಿತು ಸಾಕ್ಷ್ಯಚಿತ್ರ ನೋಡಲಿ ಕ್ಲಿಕ್ಕಿಸಿ.

ದಕ್ಷ ಪಿ.ಎಸ್.ಐ. ಅಧಿಕಾರಿ ಚಿತ್ರಶೇಖರ್ ಎಸ್. ಹೆಬ್ಬಾಳ

noreply@blogger.com (ಕಾವ್ಯಾನುರಾಗ) — Thu, 30 Jun 2022 11:31:00 +0530

ದೇಶ ಸೇವೆ, ಜನ ಸೇವೆ ಮಾಡುವ ಪುಣ್ಯ ಎಲ್ಲರಿಗೂ ಸಿಗುವುದಿಲ್ಲ. ಸಿಕ್ಕರೂ ಉಪಯೋಗಕ್ಕಿಂತ ಸ್ವಾರ್ಥ ಸಾಧನೆಗೆ ಬಳಸಿಕೊಳ್ಳುವವರೇ ಹೆಚ್ಚು. ಆದರೆ ಪುಣ್ಯವಂತರು ಮಾತ್ರ ಸಿಕ್ಕ ಅವಕಾಶವನ್ನು ಸಂಪೂರ್ಣವಾಗಿ ಬಳಸಿಕೊಂಡು ಆ ಕೆಲಸಕ್ಕೆ, ಆ ಇಲಾಖೆಗೆ, ತಮ್ಮ ಕುಟುಂಬಕ್ಕೇ ಮೇಲಾಗಿ ಸಮಾಜಕ್ಕೆ ಮಾದರಿಯಾಗುತ್ತಾರೆ.

ಸೇವಾ ನಿಷ್ಠೆ, ಪ್ರಾಮಾಣಿಕತೆ, ಪಾರದರ್ಶಕತೆ ಮತ್ತು ಶಿಸ್ತುಬದ್ಧ ಜೀವನಕ್ಕೆ ಸಾಕ್ಷಿಯಾಗಿ ಎಲ್ಲರಿಂದ ಮೆಚ್ಚುಗೆಗೆ ಪಾತ್ರರಾಗಿ ಇಂದು ಗೌರವಪೂರ್ವಕವಾಗಿ ಸೇವಾ ನಿವೃತ್ತಿಯನ್ನು ಹೊಂದುತ್ತಿದ್ದಾರೆ ಪಿಎಸ್‌ಐ ಅಧಿಕಾರಿ ಚಿತ್ರಶೇಖರ್ ಎಸ್. ಹೆಬ್ಬಾಳ.

ಚಿತ್ರಶೇಖರ್ ಎಸ್. ಹೆಬ್ಬಾಳ ಇವರು 1962ರ ಜೂನ್ 5ರಂದು, ಸಿದ್ದಣ್ಣಾ ಎಸ್. ನಂಜಾಗೋಳ ಮತ್ತು ಅಣವೀರಮ್ಮ ಎಸ್. ನಂಜಾಗೋಳ ದಂಪತಿಗಳ ಹಿರಿಯ ಮಗನಾಗಿ ಕಲಬುರ್ಗಿ ಜಿಲ್ಲೆಯ ಚಿತ್ತಾಪುರ ತಾಲೂಕಿನ ಹೆಬ್ಬಾಳ ಗ್ರಾಮದಲ್ಲಿ ಜನಿಸಿದರು. ಇವರ ನಂತರ ಈ ದಂಪತಿಗಳಿಗೆ ಇಬ್ಬರು ಗಂಡು ಮಕ್ಕಳು ಹಾಗೂ ನಾಲ್ಕು ಜನ ಹೆಣ್ಣುಮಕ್ಕಳು ಜನಿಸುತ್ತಾರೆ.

7 ಜನ ಮಕ್ಕಳನ್ನು ಪಡೆದ ಚಿತ್ರಶೇಖರ್ ಅವರ ತಂದೆ ಸಿದ್ದಣ್ಣಾ ಎಸ್. ನಂಜಾಗೋಳ ಅವರು ಆ ಸಮಯದಲ್ಲಿ ಹೆಬ್ಬಾಳ ಗ್ರಾಮ ಪಂಚಾಯತಿಯಲ್ಲಿ ಕಾರ್ಯದರ್ಶಿಗಳಾಗಿ ಕಾರ್ಯನಿರ್ವಹಿಸುತ್ತಿದ್ದರೆ, ತಾಯಿ ಅಣವೀರಮ್ಮ ಅವರು ಗ್ರಹಿಣಿಯಾಗಿದ್ದು, ಈ ದೊಡ್ಡ ಕುಟುಂಬದ ಸಂಪೂರ್ಣ ಜವಾಬ್ದಾರಿ ಹೊತ್ತು ಮನೆ ಕೆಲಸದ ಜೊತೆಗೆ ಮಕ್ಕಳಿಗೆ ಶಿಕ್ಷಣ ಹಾಗೂ ಮುಖ್ಯವಾಗಿ ಉತ್ತಮ ಸಂಸ್ಕಾರವನ್ನು ನೀಡಿದರು.

ಇಂಥ ಸುಂದರ ಸುಸಂಸ್ಕೃತ ಮಧ್ಯಮ ವರ್ಗದ ಕುಟುಂಬದಲ್ಲಿ ಜನಿಸಿದ ಚಿತ್ರಶೇಖರ್ ಅವರು ತಮ್ಮ ಪ್ರಾಥಮಿಕ, ಮಾಧ್ಯಮಿಕ ಹಾಗೂ ಪ್ರೌಢ ಶಿಕ್ಷಣವನ್ನು ಹುಟ್ಟೂರಾದ ಹೆಬ್ಬಾಳ ಗ್ರಾಮದಲ್ಲಿ ಪೂರೈಸಿದರು. ನಂತರ ಪಿಯುಸಿ ಶಿಕ್ಷಣಕ್ಕಾಗಿ ಕಲ್ಬುರ್ಗಿ ನಗರಕ್ಕೆ ಆಗಮಿಸುತ್ತಾರೆ. ಇಲ್ಲಿನ ಪ್ರತಿಷ್ಠಿತ ಎಸ್.ಬಿ ಕಾಲೇಜಿನಲ್ಲಿ ಪದವಿ ಪೂರ್ವ ಶಿಕ್ಷಣ ಪೂರ್ಣಗೊಳಿಸಿದರು.

ಇದಾದ ನಂತರ ಕಲ್ಬುರ್ಗಿ ಜಿಲ್ಲೆಯ ಚಿಂಚೋಳಿ ತಾಲೂಕಿನ ರಟಕಲ್ ಗ್ರಾಮದ ಶಂಕ್ರಪ್ಪ ಮತ್ತು ಈರಮ್ಮ ನಾಗೂರ್ ದಂಪತಿಗಳ ಪುತ್ರಿಯಾದ ಇಂದುಮತಿಯನ್ನು 1986 ಜುಲೈ 16ರಂದು ಮದುವೆಯಾದರು. ಆಗ ಸಂಸಾರದ ಬಂಡಿ ಸಾಗಿಸಲು ಚಿತ್ರಶೇಖರ್ ಅವರು ಒಂದು ಟ್ರಾನ್ಸ್‌ಪೋರ್ಟ್‌ ಕಂಪನಿಯಲ್ಲಿ ಕೆಲಸಕ್ಕೆ ಸೇರಿಕೊಂಡರು.

ಚಿತ್ರಶೇಖರ್ ಮತ್ತು ಇಂದುಮತಿ ದಂಪತಿಗಳಿಗೆ ವಾಣಿಶ್ರೀ ಹಾಗೂ ವೀಣಾಶ್ರೀ ಎಂಬ ಇಬ್ಬರು ಹೆಣ್ಣು ಮಕ್ಕಳು ಮತ್ತು ಶಶಿಕುಮಾರ ಹಾಗೂ ಕಿರಣಕುಮಾರ್ ಎಂಬ ಇಬ್ಬರು ಗಂಡು ಮಕ್ಕಳು ಜನಿಸಿದ್ದಾರೆ. ಈ ಮಕ್ಕಳಲ್ಲಿ ಹೆಣ್ಣು ಗಂಡು ಎಂಬ ಭೇದ ಭಾವ ತೋರದೆ ಸರ್ಕಾರಿ ಹುದ್ದೆಯಿಂದ ಬರುವ ಸಂಬಳದಲ್ಲಿಯೇ ಮನೆಯ ಸಂಪೂರ್ಣ ಜವಾಬ್ದಾರಿ ನಿಭಾಯಿಸುವುದರೊಂದಿಗೆ ನಾಲ್ಕು ಜನ ಮಕ್ಕಳಿಗೂ ಇಂಜಿನಿಯರಿಂಗ ಶಿಕ್ಷಣ ನೀಡಿದರು. ಇವರ ಎಲ್ಲ ಮಕ್ಕಳು ಇಂದು ಉನ್ನತ ಹುದ್ದೆಯಲ್ಲಿ ಇದ್ದು, ಚಿತ್ರಶೇಖರ ಹಾಗೂ ಇಂದುಮತಿ ಹೆಬ್ಬಾಳ ದಂಪತಿಗಳ ಕೀರ್ತಿಗೆ ಪಾತ್ರರಾಗಿದ್ದಾರೆ.

ಹೆಣ್ಣು ಮಕ್ಕಳಾದ ವಾಣಿಶ್ರೀ ಅವರನ್ನು ಮಂಜುಕುಮಾರ್ ಇಂಡಿ ಅವರಿಗೆ ಹಾಗೂ ವೀಣಾಶ್ರೀ ಅವರನ್ನು ಹರೀಶ ಅವರಿಗೆ ಮದುವೆ ಮಾಡಿಕೊಟ್ಟಿದ್ದು, ಅಲೋಕ್, ಅನ್ವಿತಾ, ಅದಿತಿ ಹಾಗೂ ಅದ್ವಿಕ್ ಎಂಬ ನಾಲ್ಕು ಜನ ಮೊಮ್ಮಕ್ಕಳಿದ್ದಾರೆ.

ಮದುವೆಯಾದ ಎರಡು ವರ್ಷದ ನಂತರ ಚಿತ್ರಶೇಖರ್ ಅವರು ಪೊಲೀಸ್ ಇಲಾಖೆಯ ಪೇದೆ ಹುದ್ದೆಗೆ ಅರ್ಜಿ ಸಲ್ಲಿಸಿದರು. 1988 ರಲ್ಲಿ ಪೊಲೀಸ್ ಇಲಾಖೆಯಲ್ಲಿ ಕಾನ್ಸ್‌ಟೇಬಲ್ ಹುದ್ದೆಗೆ ಆಯ್ಕೆಯಾಗಿ, ಒಂದು ವರ್ಷ ಕಾಲ ಚನ್ನಪಟ್ಟಣದಲ್ಲಿ ತರಬೇತಿ ಪಡೆದರು. ನಂತರ ತಮ್ಮ ಪೊಲೀಸ್ ಕಾನ್ಸ್‌ಟೇಬಲ್ ವೃತ್ತಿಯನ್ನು ಈಗಿನ ಯಾದಗಿರಿ ಜಿಲ್ಲೆಯ ಶಹಾಪೂರ ಪಟ್ಟಣದಲ್ಲಿ ಪ್ರಾರಂಭಿಸಿದರು.

ಶಹಾಪೂರ ಪೊಲೀಸ್ ಠಾಣೆಯಲ್ಲಿ ನಾಲ್ಕು ವರ್ಷ ಸೇವೆ ಸಲ್ಲಿಸಿದ ನಂತರ ಇವರು ಶೋರಾಪೂರ ತಾಲೂಕಿಗೆ ವರ್ಗವಾಗಿ ಅಲ್ಲಿಯೂ ನಾಲ್ಕು ವರ್ಷಗಳನ್ನು ಪೂರೈಸಿ, ಗುರುಮಠಕಲ್ ಗ್ರಾಮಕ್ಕೆ ವರ್ಗಾವಣೆಗೊಂಡರು. ಅಲ್ಲಿ 7 ವರ್ಷ ಸೇವೆ ಸಲ್ಲಿಸಿ ಶಹಾಪೂರ ತಾಲೂಕಿನ ಭೀಮರಾಯನಗುಡಿ ಪೊಲೀಸ್ ಠಾಣೆಯಲ್ಲಿ ಮೂರು ವರ್ಷಗಳನ್ನು ಪೂರೈಸಿದರು.

ಸೇವಾನಿಷ್ಠೆ, ಪ್ರಾಮಾಣಿಕತೆ ಮತ್ತು ಪಾರದರ್ಶಕತೆಯಿಂದ ಪೋಲಿಸ್ ಪೇದೆಯಾಗಿ 18 ವರ್ಷಗಳನ್ನು ಪೂರ್ಣಗೊಳಿಸಿದ ನಂತರ 2006ರಲ್ಲಿ ಮುಖ್ಯ ಪೇದೆ ಹುದ್ದೆಗೆ ಬಡ್ತಿ ಹೊಂದುತ್ತಾರೆ. ಶಹಾಪೂರ ಪಟ್ಟಣ ಹಾಗೂ ವಡಗೇರಿ ಗ್ರಾಮದ ಪೋಲಿಸ್ ಠಾಣೆಗಳಲ್ಲಿ ಮುಖ್ಯಪೇದೆ ಯಾಗಿ 11 ವರ್ಷ ಸೇವೆ ಸಲ್ಲಿಸಿದರು.

ತದನಂತರ 2017ರಲ್ಲಿ ಎ.ಎಸ್.ಐ ಹುದ್ದೆಗೇರಿ ಗುರುಮಠಕಲ್ ಪೊಲೀಸ್ ಠಾಣೆಗೆ ವರ್ಗಾವಣೆಗೊಂಡರು. ಎ.ಎಸ್.ಐ. ಹುದ್ದೆಯಲ್ಲಿರುವಾಗಲೇ ಚಿತ್ರಶೇಖರ್ ಅವರು ಪಿ.ಎಸ್.ಐ ಹುದ್ದೆಗೆ ಪರೀಕ್ಷೆ ಬರೆದರು. ಮುಂದೆ ಎ. ಎಸ್.ಐ. ಹುದ್ದೆಯನ್ನು 5 ವರ್ಷ ಪೂರ್ಣಗೊಳಿಸಿದ ಬಳಿಕ ಕಳೆದ ವರ್ಷ ಅಂದರೆ 2021ರಲ್ಲಿ ಪೊಲೀಸ್ ಸಬ್ ಇನ್ಸ್ಪೆಕ್ಟರ್ ಆಗಿ ಬಡ್ತಿ ಹೊಂದಿದರು. ಮೈಸೂರಿನಲ್ಲಿ ಪೊಲೀಸ್ ಸಬ್ ಇನ್ಸ್ಪೆಕ್ಟರ್ ಹುದ್ದೆಗೆ ಒಂದು ತಿಂಗಳ ತರಬೇತಿ ಪಡೆದು, ಶೋರಾಪೂರ ಪಟ್ಟಣದ ಪೊಲೀಸ್ ಠಾಣೆಗೆ ವರ್ಗಾವಣೆಗೊಂಡು ಪಿ. ಎಸ್.ಐ. ಹುದ್ದೆಯಲ್ಲಿ ಒಂದು ವರ್ಷ ಸೇವೆ ಸಲ್ಲಿಸಿದ್ದಾರೆ.

ಚಿತ್ರಶೇಖರ್ ಅವರು ತಮ್ಮ ಸೇವಾ ಅವಧಿಯಲ್ಲಿ ಯಾವುದೇ ರೀತಿಯ ಆಸೆ ಆಕಾಂಕ್ಷೆಗಳಿಗೆ ಮನಸ್ಸನ್ನು ಕೇಂದ್ರೀಕರಿಸದೆ, ಅತ್ಯಂತ ದಕ್ಷ ಹಾಗೂ ಪ್ರಾಮಾಣಿಕವಾಗಿ ಶ್ರದ್ಧೆ ಮತ್ತು ಭಕ್ತಿಯಿಂದ ಸೇವೆ ಸಲ್ಲಿಸಿದ್ದಾರೆ.

ಸಣ್ಣಪುಟ್ಟ ಜಗಳಗಳಿಗಾಗಲಿ, ಮನೆಯ ಹಲವಾರು ಸಮಸ್ಯೆಗಳಿಗಾಗಲಿ ಸಾರ್ವಜನಿಕರು ಪೊಲೀಸ್ ಠಾಣೆ ಮೆಟ್ಟಿಲು ಹತ್ತುವುದು ಸಹಜ. ಚಿತ್ರಶೇಖರ್ ಅವರು ಕರ್ತವ್ಯದಲ್ಲಿದ್ದಾಗ ತಮ್ಮ ಬಳಿ ಅಣ್ಣ-ತಮ್ಮಂದಿರು, ಸೋದರ ಸಂಬಂಧಿಗಳು, ಕುಟುಂಬದ ಕಲಹ, ನೆರೆಹೊರೆಯವರ ಜಗಳ ಹೀಗೆ ಸಣ್ಣ ಪುಟ್ಟ ಜಗಳಗಳನ್ನು ಮಾಡಿಕೊಂಡು ಪೊಲೀಸ್ ಠಾಣೆಗೆ ಧಾವೆ ಹೂಡಲು ಬರುವ ಜನರನ್ನು ಸಮಾಧಾನಪಡಿಸಿ, ಅವರ ವಿರುದ್ಧ ಎಫ್.ಐ.ಆರ್ ದಾಖಲಿಸದೆ, ವಾದ ಪ್ರತಿವಾದಿಗಳನ್ನು ಠಾಣೆಗೆ ಕರೆಯಿಸಿ, ತಿಳುವಳಿಕೆ ಹೇಳಿ, ರಾಜಿ ಸಂಧಾನ ಮಾಡಿಸಿ ಕಳುಹಿಸುತ್ತಿದ್ದರು.

ಕೆಲವೊಂದು ಸಂದರ್ಭಗಳಲ್ಲಿ ಬಡವರು, ದೀನ ದಲಿತರು, ನಿರ್ಗತಿಕರು ಪೊಲೀಸ್ ಠಾಣೆಗೆ ಬಂದು, ಊಟಕ್ಕಾಗಿ ಅಥವಾ ತಮ್ಮ ಊರಿಗೆ ಮರಳಿ ಹೋಗಲು ಹಣವಿಲ್ಲದೆ ಪರದಾಡುತ್ತಿದ್ದರೆ, ಅಂಥವರನ್ನು ಕಂಡು ತಮ್ಮ ಜೇಬಿನಿಂದ ಹಣ ತೆಗೆದು, ಊಟೋಪಚಾರ ಮಾಡಿಸಿ, ಊರಿಗೆ ಹೋಗಲು ಬಸ್ಸಿನ ಖರ್ಚನ್ನು ಭರಿಸಿ, ಕಳುಹಿಸುತ್ತಿದ್ದರು.

ಕರೋನಾದ 2ನೇ ಅಲೆಯಿಂದ 2021ರಲ್ಲಿ ದೇಶದಲ್ಲಿ ಎರಡನೇ ಸಲ ಲಾಕ್ಡೌನ್ ಘೋಷಿಸಲ್ಪಟ್ಟಾಗ ಚಿತ್ರಶೇಖರ್ ಅವರು ಗುರುಮಠಕಲ್ ಪೊಲೀಸ್ ಠಾಣೆಯಲ್ಲಿ ಎ.ಎಸ್.ಐ ಹುದ್ದೆಯಲ್ಲಿ ಕಾರ್ಯನಿರ್ವಹಿಸುತ್ತಿದ್ದರು. ಆ ಸಂದರ್ಭದಲ್ಲಿ ಇಟಕಲ ಕ್ರಾಸ್ ಸಮೀಪದ, ಗುರುಮಠಕಲ್ ಹೈದರಾಬಾದ್ ರಸ್ತೆಯಲ್ಲಿ ಸಂಚರಿಸುವ ಪ್ರಯಾಣಿಕರನ್ನು ನಿಲ್ಲಿಸಿ ಹಣ್ಣು-ಹಂಪಲುಗಳನ್ನು ನೀಡಿ, ಮಾಸ್ಕ್ ವಿತರಿಸಿ, ಅನಗತ್ಯವಾಗಿ ರಸ್ತೆ ಮೇಲೆ ಸಂಚರಿಸಿದೆ ಮನೆಯಲ್ಲಿ ಸುರಕ್ಷಿತವಾಗಿರಿ ಎಂದು ಬುದ್ಧಿ ಮಾತು ಹೇಳಿ ಕಳುಹಿಸಿದ ಘಟನೆ ಕನ್ನಡಪ್ರಭ ದಿನಪತ್ರಿಕೆಯಲ್ಲಿ ಪ್ರಕಟವಾಗಿತ್ತು.

ಇಂಥ ಪ್ರಾಮಾಣಿಕ, ದಕ್ಷ, ಮಾನವೀಯ ಗುಣವುಳ್ಳ ಪೊಲೀಸ್ ಅಧಿಕಾರಿಯಾದ ಶ್ರೀ ಚಿತ್ರಶೇಖರ್ ಎಸ್. ಹೆಬ್ಬಾಳ ಅವರು ಪೊಲೀಸ್ ಇಲಾಖೆಯಲ್ಲಿ ತಮ್ಮ ಸುದೀರ್ಘವಾದ 34 ವರ್ಷಗಳ ಸೇವೆಯನ್ನು ಪೂರ್ಣಗೊಳಿಸಿ ನಿವೃತ್ತಿಯಾಗಿದ್ದಾರೆ. ಅವರ ಸೇವೆಗೆ ಇಂದು ನಿವೃತ್ತಿಯಾಗಿರಬಹುದು. ಆದರೆ ಅವರ ಸೇವಾ ಅವಧಿಯಲ್ಲಿ ಮಾಡಿದ ಎಲ್ಲಾ ಕೆಲಸ ಕಾರ್ಯಗಳು ನಮ್ಮೆಲ್ಲರಿಗೆ ಪಾಠವಾಗುತ್ತದೆ. ಚಿತ್ರಶೇಖರ್ ಎಸ್. ಹೆಬ್ಬಾಳ ಎಂಬ ಹೆಸರು ಕೇಳಿದ ಕೂಡಲೆ ನಾವೆಲ್ಲ ಹೆಮ್ಮೆಯಿಂದ ಬೀಗುತ್ತೇವೆ. ಅವರಂತೆ ನಾವೂ ಆಗಬೇಕೆಂಬ ಪ್ರೇರಣೆ ಸಿಗುತ್ತದೆ. ಅವರಂತಹ ಮಾನವೀಯ ಗುಣ ನಮ್ಮಲ್ಲೂ ಮೂಡುತ್ತದೆ. ಇದೇ ಅಲ್ಲವೇ ಸಾರ್ಥಕ ಬದುಕು. ಸಾಧನೆ ಬದುಕು.

ಇಂಥ ಬದುಕು ನಡೆಸಿ ಸಜ್ಜನಿಕೆ, ಪ್ರಾಮಾಣಿಕತೆ, ಪ್ರೀತಿ, ಮಾನವೀಯತೆಗೆ ಹೆಸರಾದ ಪಿ.ಎಸ್.ಐ ಅಧಿಕಾರಿ ಚಿತ್ರಶೇಖರ್ ಎಸ್. ಹೆಬ್ಬಾಳ ಅವರ ಮುಂದಿನ ನಿವೃತ್ತಿಯ ಜೀವನ ಸುಖ ಸಂತೋಷ ಸಮೃದ್ಧಿಯಿಂದ ಕೂಡಿರಲಿ. ದೇವರು ಅವರಿಗೆ ಆಯುರಾರೋಗ್ಯವನ್ನು ಕರುಣಿಸಿ ಕಾಪಾಡಲಿ ಎಂದು ನಾವು ನೀವೆಲ್ಲ ಸೇರಿ ಆ ದೇವರಲ್ಲಿ ಪ್ರಾರ್ಥಿಸೋಣ ಮತ್ತು ಹೃದಯಾಂತರಾಳದಿಂದ ಶುಭ ಹಾರೈಸೋಣ.

-ಗೋವಿಂದರಾವ್ ಎನ್. ರಾಥೋರ್

“ಸನ್ ಸಿಟಿ ಸ್ಟಾರ್” ನಿನಾಸಂ ಠಾಕೂರ್

noreply@blogger.com (ಕಾವ್ಯಾನುರಾಗ) — Tue, 14 Dec 2021 12:30:00 +0530

ಕಲ್ಯಾಣ ಕರ್ನಾಟಕ ಭಾಗದ ಕಲಬುರಗಿಯ ದೇಸಿ ಪ್ರತಿಭೆ ತುಳಜಾರಾಂಸಿಂಗ್ ಠಾಕೂರ್. “ನಿನಾಸಂ ಠಾಕೂರ್” ಎಂದೇ ಕರೆಯಿಸಿಕೊಳ್ಳುವ ಈ ಕಲಬುರಗಿಯ ಯುವಕ ಕಲ್ಯಾಣ ಕರ್ನಾಟಕದಿಂದ ೩ ರಂಗ ಪದವಿ ಪಡೆದ ಏಕೈಕ ಕಲಾವಿದ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.

ಕಲಬುರಗಿಯಲ್ಲಿ ೧೯೮೭ರಲ್ಲಿ ಜನಿಸಿದ ತುಳಜಾರಾಮ ಸಿಂಗ್ ಠಾಕೂರ್ ಓದಿದ್ದು ಪಿ.ಯು.ಸಿ. ಶಾಲಾ ದಿನಗಳಲ್ಲಿ ಕರಾಟೆ ಮತ್ತು ಹಾಡಿನ ಸ್ಪರ್ಧೆಗಳಲ್ಲಿ ಭಾಗವಹಿಸುತ್ತಾ ಕಲಾ ಪ್ರಪಂಚದ ಹವ್ಯಾಸವನ್ನ ಅಂಟಿಸಿಕೊಂಡವರು.

ತಂದೆ ತಾಯಿ ಕಟ್ಟಡ ಕಾರ್ಮಿಕರು. ಶಾಲೆ ಹೊಗಿದ್ದು ಕಡಿಮೆ ತಂದೆ ತಾಯಿಯೊಂದಿಗೆ ಕೆಲಸ ಮಾಡಿದ್ದೆ ಹೆಚ್ಚು. ಕೆಲಸ ಮಾಡುವಾಗ ಅಧಿಕಾರಿಯೊಬ್ಬರ ಮಾರ್ಗದರ್ಶನದಂತೆ ನಾಟಕ ಪ್ರಪಂಚಕ್ಕೆ ಕಾಲಿಟ್ಟರು.

ನಂತರ ರಂಗ ಶಿಕ್ಷಣ ಡಿಪ್ಲೋಮಾವನ್ನು ನೀನಾಸಂ, ಸಾಣೆಹಳ್ಳಿ ಹಾಗೂ ಎನ್‌ಎಸ್‌ಡಿ ಬೆಂಗಳೂರು ಚಾಪ್ಟರ್ ರಂಗ ಶಾಲೆಗಳಲ್ಲಿ ಸೇರಿ ಅಭಿನಯ ಮತ್ತು ರಂಗ ಪರಿಕರಗಳ ಎಲ್ಲಾ ವಿಭಾಗದ ತರಬೇತಿಯನ್ನೂ ಪಡೆದುಕೊಳ್ಳುತ್ತಾರೆ.

ನಾಟಕಗಳಲ್ಲಿ ಅಭಿನಯಿಸುತ್ತ ನಾಟಕ ನಿರ್ದೇಶಕನಾಗಿ, ತಂತ್ರಜ್ಞನಾಗಿ, ಸಿನಿಮಾ ಮತ್ತು ಧಾರವಾಹಿಗಳಲ್ಲಿ ನಟನಾಗಿ ಅಭಿನಯಿಸುತ್ತಿದ್ದಾರೆ. ಸುಮಾರು ೧೭ ವರ್ಷಗಳಿಂದ ಹವ್ಯಾಸಿ ಮತ್ತು ರಂಗಭೂಮಿಯಲ್ಲಿ ಕೆಲಸ ನಿರ್ವಹಿಸುತ್ತಿದ್ದಾರೆ.

ನಟನೆಯೊಂದಿಗೆ ಕಳಾರಿ ಯುದ್ಧ ಕಲೆ, ಮಾರ್ಶ್ಯಲ್ ಆರ್ಟ್, ಕಂಸಾಳೆ, ಕೋಲಾಟ, ಸಂಗೀತ ನಿರ್ದೇಶನ, ನಾಟಕ ನಿರ್ದೇಶನ, ಬೆಳಕಿನ ವಿನ್ಯಾಸ, ಕಾರ್ಯಕ್ರಮ ಸಂಯೋಜನೆ ಕೂಡಾ ಕರಗತ ಮಾಡಿಕೊಂದಿದ್ದಾರೆ.

೨೦೦೨-೦೩ರಲ್ಲಿ ರಾಷ್ಟ್ರೀಯ ಸಮುದಾಯ ಸಂಗೀತೋತ್ಸವ ಕಾರ್ಯಕ್ರಮದಲ್ಲಿ ಭಾಗಿ.

೨೦೦೬ರಲ್ಲಿ ಕರ್ನಾಟಕ ಜಾನಪದ ಮತ್ತು ಯಕ್ಷಗಾನ ಅಕಾಡೆಮಿ ಬೆಂಗಳೂರು ಗುಲಬರ್ಗಾದಲ್ಲಿ ನಡೆಸಿದ ಜಾನಪದ ಸಮಾವೇಶ ೨೦೦೬ ಕಾರ್ಯಕ್ರಮದಲ್ಲಿ ಜಾನಪದ ಕಲೆ ಪ್ರದರ್ಶನ.

೨೦೦೭-೦೮, ೨೦೦೮-೦೯ನೇ ಸಾಲಿನಲ್ಲಿ ಸತತವಾಗಿ ೨ ವರ್ಷಗಳ ಕಾಲ ಸಮುದಾಯ ಸಾಂಸ್ಕöÈತಿಕ ಸಂಘಟನೆ ಏರ್ಪಡಿಸಿದ “ಚಿಣ್ಣರ ಚಿನ್ಮೇಳ” ಮಕ್ಕಳ ಬೇಸಿಗೆ ಶಿಬಿರದಲ್ಲಿ ಸಂಪನ್ಮೂಲ ವ್ಯಕ್ತಿಯಾಗಿ ಭಾಗಿ.

೨೦೦೭ರಲ್ಲಿ ಭಾರತ ಸರಕಾರದ ಧ್ವನಿ ಮತ್ತು ಬೆಳಕು ವಿಭಾಗದ ವತಿಯಿಂದ ಕಲಬುರಗಿಯಲ್ಲಿ ಆಯೋಜಿಸಿದ “ಕರ್ನಾಟಕ ವೈಭವ” ಕಾರ್ಯಕ್ರಮದಲ್ಲಿ ೮ ಪ್ರಮುಖ ಪಾತ್ರಗಳಲ್ಲಿ ಅಭಿನಯ.

೨೦೦೮ರಲ್ಲಿ ಗುಲಬರ್ಗಾ ವಿಶ್ವವಿದ್ಯಾಲಯ ಹಾಗೂ ರಂಗಾಯಣ ಧಾರವಾಡ ಘಟಕ ಆಯೋಜಿಸಿದ “ಯುವರಂಗ ಸಾಂಸ್ಕöÈತಿಕ ಕಾರ್ಯಾಗಾರ”ದಲ್ಲಿ “ತಾಜಮಹಲ್ ಟೆಂಡರ್” ನಾಟಕದಲ್ಲಿ ಅಭಿನಯ.

೨೦೦೮ರಲ್ಲಿ ಕರ್ನಾಟಕ ಸರಕಾರ ವಾರ್ತಾ ಇಲಾಖೆ ಬೆಂಗಳೂರು ನಡೆಸಿದ “ಮನುಷ್ಯ ಜಾತಿ ತಾನೊಂದೇ ವಲಂ”ನ ಧ್ವನಿ-ಬೆಳಕು ದೃಶ್ಯ ವೈಭವ ಕಾರ್ಯಕ್ರಮದಲ್ಲಿ ಕೆಲಸ ನಿರ್ವಹಣೆ

೨೦೦೮ರಲ್ಲಿ ಕೇರಳದಲ್ಲಿ ನಡೆದ “ಮಳೆಬಿಲ್ಲು ಫೆಸ್ಟಿವಲ್”ನಲ್ಲಿ ನಾಟಕಗಳಿಗೆ ಬೆಳಕಿನ ನಿರ್ವಹಣೆ

೨೦೦೮ರಲ್ಲಿ ಬೆಳಗಾವಿಯಲ್ಲಿ ನಡೆದ “ಮಳೆಬಿಲ್ಲು ಫೆಸ್ಟಿವಲ್”ನಲ್ಲಿ ನಾಟಕಗಳಿಗೆ ಬೆಳಕಿನ ನಿರ್ವಹಣೆ.

೨೦೧೦ರಲ್ಲಿ ಪಾಂಡಿಚರಿಯಲ್ಲಿ ಇರುವ ಆದಿ ಶಕ್ತಿಯಲ್ಲಿ ನಡೆಸಿದ ವಿಶೇಷ ನಟನಾ ತರಬೇತಿ ಕಾರ್ಯಾಗಾರದಲ್ಲಿ ವೀಣಾ ಪಾಣಿಚಾಲ್ವಾರಿಂದ ಒಂದು ವಾರ ತರಬೇತಿ

೨೦೧೦ರಲ್ಲಿ ಶ್ರೀ ಶಿವಕುಮಾರ ಕಲಾ ಸಂಘ (ರಿ) ಮತ್ತು ರಂಗ ಪ್ರಯೋಗಶಾಲೆ ಸಾನಿಹಳ್ಳಿ ವತಿಯಿಂದ ನಡೆದ ಮಕ್ಕಳ ಹಬ್ಬ ಕಾರ್ಯಕ್ರಮದಲ್ಲಿ ಸಂಪನ್ಮೂಲ ವ್ಯಕ್ತಿ ಮತ್ತು ಬೆಳಕಿನ ವಿನ್ಯಾಸ ಕಾರ್ಯನಿರ್ವಹಿಸಿದ್ದೇನೆ.

೨೦೧೦ರಲ್ಲಿ ೨೨-೨೭ ಜೂನ್ ರಾಷ್ಟ್ರೀಯ ನಾಟಕ ಶಾಲೆ ಬೆಂಗಳೂರು ಮತ್ತು ಸಂಚಯ ಬೆಂಗಳೂರು ವತಿಯಿಂದ ನಡೆದ ಬೆಳಕಿನ ವಿನ್ಯಾಸ ತರಬೇತಿ ಶಿಬಿರದಲ್ಲಿ ತರಬೇತಿ

೨೦೧೦ರಲ್ಲಿ ರಾಷ್ಟ್ರೀಯ ನಾಟಕ ಶಾಲೆ ಬೆಂಗಳೂರು ಚಾಪ್ಟರ್ ವತಿಯಿಂದ ನಡೆದ ೩ ತಿಂಗಳವರೆಗಿನ ರಂಗ ತರಬೇತಿ (ಅಭಿನಯ) ಶಿಬಿರದಲ್ಲಿ ಭಾಗವಹಿಸಿರುತ್ತೇನೆ.

೨೦೧೧ರಲ್ಲಿ ರಾಷ್ಟ್ರೀಯ ನಾಟಕ ಶಾಲೆ ಬೆಂಗಳೂರು ಚಾಪ್ಟರ್ ವತಿಯಿಂದ ನಡೆದ ೩ ತಿಂಗಳವರೆಗಿನ ರಂಗ ತರಬೇತಿ (ರಂಗ ತಂತ್ರ) ಶಿಬಿರದಲ್ಲಿ ಭಾಗವಹಿಸಿರುತ್ತೇನೆ.

೧೧-೩೧ನೇ ಮೇ ೨೦೧೨ರಲ್ಲಿ ನೀನಾಸಂ ಹೆಗ್ಗೋಡು ಆಶ್ರಯದಲ್ಲಿ ನಡೆಸಲಾದ ಬೇಸಿಗೆ ರಂಗ ಕಮ್ಮಟ ಶಿಬಿರದಲ್ಲಿ ಭಾಗಿ.

೦೭-೧೩ ಅಕ್ಟೋಬರ್ ೨೦೧೨ರಲ್ಲಿ ನೀನಾಸಂ ಸಾಂಸ್ಕöÈತಿಕ ಶಿಬಿರದಲ್ಲಿ ಭಾಗಿ.

೨೦೧೨-೧೩ರಲ್ಲಿ ಬುದ್ಧ ವಿಹಾರ ಗುಲಬರ್ಗಾದ ಸಾಂಸ್ಕöÈತಿಕ ಕಾರ್ಯಕ್ರಮಗಳಲ್ಲಿನ ಎರಡು ನಾಟಕಗಳಿಗೆ ಬೆಳಕಿನ ವಿನ್ಯಾಸ ಮತ್ತು ನಿರ್ವಹಣೆ.

೨೦೧೩-೧೪ನೇ ಸಾಲಿನಲ್ಲಿ ಸರ್ವ ಶಿಕ್ಷಣ ಅಭಿಯಾನದ ಕಾರ್ಯಕ್ರಮಗಳಾದ ಶಾಲೆ ಬಿಟ್ಟ ಮಕ್ಕಳಿಗೆ ಶಾಲೆಗೆ ಸೇರಿಸಿ, ವಿಶೇಷ ದಾಖಲಾತಿ ಆಂದೋಲನದಂತಹ ಕಾರ್ಯಕ್ರಮಗಳಿಗೆ ಬೀದಿ ನಾಟಕಗಳ ಮುಖಾಂತರ ಜನತೆಯಲ್ಲಿ ಅರಿವು ಮೂಡಿಸಲಾಯಿತು.

೨೦೧೩-೧೪ನೇ ಜಿಲ್ಲಾ ವಿಜ್ಞಾನ ಕೇಂದ್ರ ಮತ್ತು ಡೈಯಟ್ ಕಮಲಾಪೂರ (ಗುಲಬರ್ಗಾ)ದ ಸಹಯೋಗದಲ್ಲಿ ನಡೆದ ಶಾಲಾ ಮಕ್ಕಳಿಗಾಗಿ “ವಿಜ್ಞಾನ ನಾಟಕ ಸ್ಪರ್ಧೆ” ಏರ್ಪಡಿಸಲಾಗಿತ್ತು. ತಾಲೂಕು ಮತ್ತು ಜಿಲ್ಲಾ ಮಟ್ಟದ ಸ್ಪರ್ಧೆಗಳಿಗೆ ಮುಖ್ಯ ತೀರ್ಪುಗಾರನಾಗಿ ಕಾರ್ಯ ನಿರ್ವಹಣೆ.

ನಟನಾಗಿ ಅಭಿನಯಿಸಿದ ಪ್ರಮುಖ ನಾಟಕಗಳು:

೧. “ಭಾರತ ಯಾತ್ರೆ” ನಿರ್ದೇಶಕರು: ಕೆ. ವಿ. ಅಕ್ಷರ (ಎನ್. ಎಸ್. ಡಿ)

೨. “ಉತ್ತರಾಮ ಚರಿತ್ರೆ” ನಿರ್ದೇಶಕರು: ಚಿದಂಬರ್ ರಾವ್ ಜಂಬೇ (ಎನ್. ಎಸ್. ಡಿ.)

೩. “ಕತ್ತಲೆಗೆ ಹತ್ತು ತಲೆ” ನಿರ್ದೇಶಕರು: ಚಿದಂಬರ್ ರಾವ್ ಜಂಬೇ (ಎನ್. ಎಸ್. ಡಿ.)

೪. “ಈ ಕೆಳಗಿನವರು” ನಿರ್ದೇಶಕರು: ಬಿ. ಆರ್. ವೆಂಕಟರಮಣ ಐತಾಳ

೫. “ತಾಜ್ ಮಹಲ್ ಟೆಂಡರ್” ನಿರ್ದೇಶಕರು: ಸಿ. ಬಸವಲಿಂಗಯ್ಯ (ಎನ್. ಎಸ್. ಡಿ.)

೬. “ವಿಜಯ ನರಸಿಂಹ” ನಿರ್ದೇಶಕರು: ಮಂಜು ಕೊಡಗು

೭. “ಹರೀಶ ಚಂದ್ರ ಕಾವ್ಯ” ನಿರ್ದೇಶಕರು: ಮಹಾಬಲೇಶ್ವರ (ಕೆ. ಜಿ. ಎಂ.)

೮. “ಚರಿ ಹಣ್ಣಿನ ತೋಟ” ನಿರ್ದೇಶಕರು: ಭಾರುಲ್ ಇಸ್ಲಾಂ (ಎನ್. ಎಸ್. ಡಿ.)

೯. “ಅಗ್ನಿ ಮತ್ತು ಮಳೆ” ನಿರ್ದೇಶಕರು: ಸುರೇಶ ಆನಗಳ್ಳಿ (ಎನ್. ಎಸ್. ಡಿ.)

೧೦. “ಸೀತಾ ಸ್ವಯಂವರ” ನಿರ್ದೇಶಕರು: ಮಂಜು ಬಡಿಗೇರ

೧೧. “ಶೇಕ್ಸ್ಪಿಯರ್‌ನ ಪುಟಗಳು” ನಿರ್ದೇಶಕರು: ದೇಶಿಕ್ ವಾನ್ಸಾದಿಯಾ (ಗುಜರಾತ)

೧೨. “ಮನುಷ್ಯನ ನೆರಳು” ನಿರ್ದೇಶಕರು: ತಲೇಕಾಡು ಗುರುರಾಜ

೧೩. “ಕ್ರಮ-ವಿಕ್ರಮ” ನಿರ್ದೇಶಕರು: ನಟರಾಜ ಹೊನ್ನಳಿ

೧೪. “ರಾವಿ ನದಿಯ ದಂಡೆಯಲ್ಲಿ” ನಿರ್ದೇಶಕರು: ಶಂಕ್ರಯ್ಯ ಆರ್. ಘಂಟಿ

೧೫. “ಸುಲ್ತಾನ್ ಟಿಪುö್ಪ” ನಿರ್ದೇಶಕರು: ವಾಸುದೇವ ಗಂಗೇರ

೧೬. “ಗಾಂಧಿ ಪಾರ್ಕ್” ನಿರ್ದೇಶಕರು: ಸುಷ್ಮಾ ಬೆಂಗಳೂರು

೧೭. “ಅಲೆಗಳಲ್ಲಿ ರಾಜಹಂಸ” ನಿರ್ದೇಶಕರು: ಮಹಾದೇವ ಹಡಪದ

೧೮. “ಏಕಲವ್ಯ” ನಿರ್ದೇಶಕರು: ಶಿವಶಂಕರ

೧೯. ಭೋಳೆಶಂಕರಯ್ಯ ನಿರ್ದೇಶಕರು: ಶಿವಶಂಕರ

ನಿರ್ದೇಶನ ಮಾಡಿದ ಪ್ರಮುಖ ನಾಟಕಗಳು:

೧. ಏಕಲವ್ಯ (ನೀನಾಸಂ ಠಾಕೋರ)

೨. ಬೆಪ್ಪುತಕ್ಕಡಿ ಭೋಳೆಶಂಕರ (ನೀನಾಸಂ ಠಾಕೋರ)

೩. ಸಾಕ್ರಟೆಸ್ (ನೀನಾಸಂ ಠಾಕೋರ)

೪. ಓಥೇಲೊ (ನೀನಾಸಂ ಠಾಕೋರ)

೫. ಸತ್ರು ಅಂದ್ರೆ ಸಾಯ್ತಾರ? (ನೀನಾಸಂ ಠಾಕೋರ)

೬. ಪ್ರೀತಿಯ ಕಾಳು (ನೀನಾಸಂ ಠಾಕೋರ)

ಬೆಳಕಿನ ವಿನ್ಯಾಸ ಮತ್ತು ನಿರ್ವಹಣೆ ಮಾಡಿದ ಪ್ರಮುಖ ನಾಟಕಗಳು:

೧. ಹುಟ್ಟುದ್ದು ಹೋಲೆಯುರು

೨. ಕುಲಂ

೩. ಸೀತಾ ಸ್ವಯಂವರ

೪. ಸುಜಾತಾ ಕೀ ಖೀರ್

೫. ಅಹಿಂಸಕ

೬. ಪದ್ಮಪಾಣಿ

೭. ಮಾಂಟೋನ ಕಥೆಗಳು

೮. ಏಕಲವ್ಯ

೯. ಭೋಳೆಶಂಕರ

೧೦. ಸಾಕ್ರೇಟಿಸ್

೧೧. ಸನ್ಮಾನ್ಯ ಸಚಿವರ ಸಾವು

೧೨. ಒಥೇಲೊ

೧೩. ಯುಗಾಂತರ

೧೪. ಸತ್ರು ಅಂದ್ರೆ ಸಾಯ್ತಾರ?

೧೫. ಪ್ರೀತಿಯ ಕಾಳು

೧೬. ಬೋಧಿ ಜ್ಞಾನಾಮೃತ

೧೭. ಪುಷ್ಪರಾಣಿ

೧೮. ಬೆಟ್ಟಗಳು ನಡೆದಾವ

ಕಿರುತೆರೆಯಲ್ಲಿ ಅಭಿನಯಿಸಿದ ಪ್ರಮುಖ ಧಾರಾವಾಹಿಗಳು:

೧. “ಸ್ವಾತಿ ಮುತ್ತು” ನಿರ್ದೇಶಕರು: ದಿನೇಶಬಾಬು

೨. “ರಾಘವೇಂದ್ರ ವೈಭವ” ನಿರ್ದೇಶಕರು: ಬಾಲಾ ಸುರೇಶ್

೩. ಸೀತೆ

೪. “ಸಾಯಿ ಬಾಬಾ” ನಿರ್ದೇಶಕರು: ವಾಸು

ಬೆಳ್ಳಿತೆರೆಯಲ್ಲಿ ಅಭಿನಯಿಸಿದ ಪ್ರಮುಖ ಚಲನಚಿತ್ರಗಳು:

೧. "ರಣಚಂಡಿ" ನಿರ್ದೇಶಕರು: ಆನಂದ ಪಿ. ರಾಜು

೨. "ಜ್ವಲತಂ" ನಿರ್ದೇಶಕರು: ಅಂಬ್ರೀಶ

೩. "ಜೀವನ" ನಿರ್ದೇಶಕರು: ಪ್ರವೀಣ ರಾಜ

೪. "ಶಿವಕಾಶಿ" ನಿರ್ದೇಶಕರು: ರಾಜು

೫. "ಪ್ರೇಮಂ ಚಿರಂ" ನಿರ್ದೇಶಕರು: ಶ್ರೀನಿವಾಸ

ರಣಚಂಡಿ, ಜ್ವಲತಂ, ಜೀವನ, ಶಿವಕಾಶಿ ಚಿತ್ರಗಳಲ್ಲಿ ಖಲನಟನಾಗಿ ಮತ್ತು ಪ್ರೇಮಂ ಚಿರಂ ಚಿತ್ರದಲ್ಲಿ ನಾಯಕ ನಟನಾಗಿ ಅಭಿನಯಿಸಿದ್ದಾರೆ.

ತಮ್ಮ ತಂದೆ-ತಾಯಿಯರನ್ನು ದೊಡ್ಡ ವೇದಿಕೆಯಲ್ಲಿ ನಿಲ್ಲಿಸಬೇಕೆನ್ನುವುದು ಇವರ ದೊಡ್ಡ ಆಸೆ. ಆದರೆ ತಂದೆ ಅಗಲಿ ಎರಡುವರೆ ವರ್ಷ ಆಯಿತು. ತಾಯಿಯನ್ನಾದರೂ ದೊಡ್ಡ ವೇದಿಕೆಗೆ ಕರೆದುಕೊಂಡು ಹೋಗಬೇಕೆಂಬ ಮಹಾದಾಸೆಯಿಟ್ಟಕೊಂಡು ಬಿಗ್‌ಬಾಸ್ ಸೀಸನ್ ೯ರಲ್ಲಿ ಸ್ಪರ್ಧಿಯಾಗಿ ಹೋಗಲು ಅವಕಾಶಕ್ಕಾಗಿ ಕಾಯುತ್ತಿದ್ದಾರೆ.

ರಂಗಭೂಮಿ, ಕಿರುತೆರೆ ಮತ್ತು ಬೆಳ್ಳಿತೆರೆಯಲ್ಲಿ ನಟನೆ, ನಿರ್ದೇಶನ ಮತ್ತು ವಿವಿಧ ಪ್ರಕಾರಗಳಲ್ಲಿ ಕಲಾ ಸೇವೆ ಮಾಡುತ್ತ ಕಲಿಯುತ್ತಿರುವ ವಿದ್ಯಾರ್ಥಿ ನಾನು. ನಿಮ್ಮೆಲ್ಲರ ಬೆಂಬಲ, ಪ್ರೋತ್ಸಾಹ ಮತ್ತು ಆಶೀರ್ವಾದ ಸದಾ ಹೀಗೆ ಇರಲಿ ಎಂದು ವಿನಮ್ರತೆಯಿಂದ ಹೇಳುತ್ತಾರೆ. ಇಂಥ ಅಪರೂಪದ ಕಲ್ಯಾಣ ಕರ್ನಾಟಕದ ಪ್ರತಿಭೆಗೆ ನಾವೆಲ್ಲರೂ ಬೆಂಬಲಿಸೋಣ. ಅವರ ಆಸೆ ಕನಸುಗಳು ಈಡೇರಲಿ ಎಂದು ಹಾರೈಸೋಣ.

ಹುತಾತ್ಮ ಯೋಧ ರಾಜಕುಮಾರ ಮಾವಿನರಿಗೆ ಅಂತಿಮ ವಿದಾಯ

noreply@blogger.com (ಕಾವ್ಯಾನುರಾಗ) — Fri, 6 Aug 2021 00:01:00 +0530

ತ್ರಿಪುರ ಗಡಿಯಲ್ಲಿ ನಡೆದ ಗುಂಡಿನ ಕಾಳಗದಲ್ಲಿ ವೀರ ಮರಣವನ್ನಪ್ಪಿದ ಕಲಬುರಗಿ ಜಿಲ್ಲೆಯ ಆಳಂದ ತಾಲೂಕಿನ ಚಿಂಚನಸೂರ ಗ್ರಾಮದ ವೀರ ಯೋಧ ರಾಜಕುಮಾರ ಮಾವಿನ್ ಅವರ ಅಂತ್ಯಕ್ರಿಯೆಯಲ್ಲಿ ಪಾಲ್ಗೊಂಡ ಜನಸಾಗರ ಅಶ್ರು ತರ್ಪಣವನ್ನು ಸಲ್ಲಿಸಿತು. “ರಾಜಕುಮಾರ ಮಾವಿನ ಅಮರ್ ರಹೆ” ಎಂಬ ಘೋಷಣೆಯೊಂದಿಗೆ ಮೆರವಣಿಗೆಯ ಮೂಲಕ ಸಾಗಿ ಸಕಲ ಸರಕಾರಿ ಗೌರವ ಸಲ್ಲಿಸಿ ಅಂತಿಮ ವಿದಾಯ ಹೇಳಲಾಯಿತು.

ಮಂಗಳವಾರ ಬೆಳಿಗ್ಗೆ ತ್ರಿಪುರಾದ ದಲೈ ಜಿಲ್ಲೆಯಲ್ಲಿ ಉಗ್ರರ ದಾಳಿಗೆ ಹುತಾತ್ಮರಾದ ಗಡಿ ಭದ್ರತಾ ಪಡೆಯ ಕಾನಸ್ಟೇಬಲ್ ರಾಜ್‍ಕುಮಾರ್ ಎಂ. ಮಾವಿನ್ ಅವರ ಅಂತ್ಯ ಸಂಸ್ಕಾರವನ್ನು ಗುರುವಾರ ಮಧ್ಯಾಹ್ನ ಆಳಂದ ತಾಲೂಕಿನ ಚಿಂಚನಸೂರ್‍ನಲ್ಲಿ ನೆರವೇರಿಸಲಾಯಿತು.

ಬಿಎಸ್‍ಎಫ್ ಕಾನ್‍ಸ್ಟೇಬಲ್ ರಾಜ್‍ಕುಮಾರ್ ಮಾವಿನ್ ಮೃತದೇಹವನ್ನು ಬುಧವಾರ ಮಧ್ಯರಾತ್ರಿ ಹೈದರಾಬಾದ್ ವಿಮಾನ ನಿಲ್ದಾಣದಿಂದ ಚಿಂಚನಸೂರ್‍ಗೆ ತರಲಾಯಿತು. ಅಗಲಿದ ಆತ್ಮಕ್ಕೆ ಗ್ರಾಮಸ್ಥರು ಅಂತಿಮ ನಮನ ಸಲ್ಲಿಸಲು ಅನುಕೂಲವಾಗುವಂತೆ ಗುರುವಾರ ಮಧ್ಯಾಹ್ನದ ವರೆಗೆ ದರ್ಶನಕ್ಕಾಗಿ ಇರಿಸಲಾಗಿತ್ತು.

ಕಲಬುರಗಿ-ಗ್ರಾಮೀಣ ಶಾಸಕ ಬಸವರಾಜ ಮತ್ತಿಮೂಡು ಚಿಂಚನಸೂರ್‍ಗೆ ಭೇಟಿ ನೀಡಿ ಗೌರವ ಸಲ್ಲಿಸಿದರು ಮತ್ತು ರಾಜಕುಮಾರ್ ಪ್ರತಿಮೆಯನ್ನು ಸ್ಥಾಪಿಸಲು ಸಂಪೂರ್ಣ ಜವಾಬ್ದಾರಿ ತೆಗೆದುಕೊಳ್ಳುವುದಾಗಿ ತಿಳಿಸಿದರು.

ಮಧ್ಯಾಹ್ನ ಸರ್ಕಾರಿ ಗೌರವಗಳೊಂದಿಗೆ ಅಂತಿಮ ವಿಧಿವಿಧಾನಗಳನ್ನು ನೆರವೇರಿಸಲಾಯಿತು. ಹುತಾತ್ಮ ಯೋಧ ರಾಜ್‍ಕುಮಾರ್ ಮಾವಿನ್ ಅವರ ಗೌರವಾರ್ಥವಾಗಿ ಪೊಲೀಸರು ಗಾಳಿಯಲ್ಲಿ ಮೂರು ಸುತ್ತು ಗುಂಡು ಹಾರಿಸಿದರು.

ನ್ಯಾಷನಲ್ ಲಿಬರೇಶನ್ ಫ್ರಂಟ್ ಆಫ್ ತ್ರಿಪುರಾದ ಉಗ್ರಗಾಮಿ ಗುಂಪಿನೊಂದಿಗೆ ಗುಂಡಿನ ಚಕಮಕಿ ನಡೆಸಿದ ನಂತರ ಆರ್‍ಸಿ ನಾಥ್ ಗಡಿ ಠಾಣೆ ಬಳಿ ಗಸ್ತು ತಿರುಗುತ್ತಿದ್ದಾಗ ಬಿಎಸ್‍ಎಫ್ ಸಬ್ ಇನ್ಸ್‍ಪೆಕ್ಟರ್ ಭೂರು ಸಿಂಗ್ ಮತ್ತು ರಾಜಕುಮಾರ್ ಮಾವಿನ್ ಹುತಾತ್ಮರಾಗಿದ್ದಾರೆ. ಅವರಿಗೆ ಇಡೀ ದೇಶದ ಜನತೆಯ ವತಿಯಿಂದ ಭಾವಪೂರ್ಣ ನಮನಗಳು.

ಕಾರ್ಗಿಲ್ ವಿಜಯ ದಿವಸ: ಕಾರ್ಗಿಲ್ ಕಲಿಗಳ ಒಂದು ನೆನಪು

noreply@blogger.com (ಕಾವ್ಯಾನುರಾಗ) — Mon, 26 Jul 2021 11:59:00 +0530

ಹದಿನಾರು ಸಾವಿರ ಅಡಿ ಎತ್ತರದ ಕಾರ್ಗಿಲ್ ಬೆಟ್ಟ ರಕ್ಷಣೆಗಾಗಿ ಕರುನಾಡಿನ ಹದಿನಾರು ಯೋಧರು ಪ್ರಾಣ ಚೆಲ್ಲಿದ್ದರು...! ದೇಶದ ಗಡಿ ರಕ್ಷಣೆಗಾಗಿ ದೇಶದ ಹಾಗೂ ರಾಜ್ಯದ ಯೋಧರನ್ನು ನೆನಪಿಸಿಕೊಳ್ಳುವ ದಿನ ಮತ್ತೆ ಬಂದಿದೆ. ಮೋಸದಿಂದ ಭಾರತದ ಗಡಿ ಆಕ್ರಮಿಸಿದ ಪಾಕ್ ಸೈನ್ಯವನ್ನು ಹಿಮ್ಮೆಟ್ಟಿಸಿ ವಿಜಯದ ನಗೆ ಬೀರಿದ ಭಾರತೀಯ ಸೈನಿಕರ ತ್ಯಾಗ ಸ್ಮರಣೆ ಮಾಡುವ ಕಾರ್ಗಿಲ್ ವಿಜಯ ದಿನ ಆರಂಭಗೊಂಡು ಜುಲೈ 26ಕ್ಕೆ 22 ವರ್ಷ ತುಂಬದೆ.

1999ರಲ್ಲಿ ಜಮ್ಮು-ಕಾಶ್ಮೀರದ ಉತ್ತರ ಗಡಿ ಭಾಗದಲ್ಲಿರುವ ಕಾರ್ಗಿಲ್ ಬೆಟ್ಟವನ್ನು ಯಾರಿಗೂ ಸುಳಿವು ಕೊಡದ ರೀತಿಯಲ್ಲಿ ಪಾಕಿಸ್ತಾನ ಸೇನಾಪಡೆ ವಶಪಡಿಸಿಕೊಂಡಿತು. ಬೆಟ್ಟದ ತುದಿಯಲ್ಲಿ ಬಂಕರ್ ನಿರ್ಮಿಸಿಕೊಂಡು ದೇಶದ ಸಾವಭೌಮತ್ವಕ್ಕೇ ಪ್ರಶ್ನೆ ಮಾಡಿತು. ಪಾಕ್ ಪಡೆಯನ್ನು ಹೊಡೆದೋಡಿಸುವುದು ಪ್ರತಿಕೂಲ ಹವಾಮಾನ ಸಂದರ್ಭದಲ್ಲಿ ಭಾರತೀಯ ಪಡೆಗಳಿಗೆ ಅಷ್ಟು ಸುಲಭವಾಗಿರಲಿಲ್ಲ. 60 ದಿನಗಳ ಕಾಲ ಕಾದಾಡಿದ ಭಾರತೀಯ ಯೋಧರು 1999ರ ಜುಲೈ 26ರಂದು ಪಾಕಿಸ್ತಾನ ಪಡೆಗಳನ್ನು ದೇಶದ ಗಡಿದಾಟಿಸಿ ಅಟ್ಟುವುದರಲ್ಲಿ ಯಶಸ್ವಿಯಾಗಿದ್ದರು.

ಆದರೆ ಈ ಯುದ್ಧದಲ್ಲಿ ನಮ್ಮ ಸೇನಾಪಡೆಯ 527 ಯೋಧರು ಮೃತಪಟ್ಟರು. ಸಾವಿರಾರು ಜನರು ಗಾಯಗೊಂಡರು. ದೇಶ ರಕ್ಷಣೆ ವಿಚಾರ ಬಂದಾಗ ಸದಾ ಒಂದು ಹೆಜ್ಜೆ ಮುಂದೆ ಇರುವ ಕರ್ನಾಟಕದ ಹದಿನಾರು ಮಂದಿ ಯೋಧರು ಈ ಯುದ್ಧದಲ್ಲಿ ವೀರಸ್ವರ್ಗವನ್ನು ಅಪ್ಪಿದರು.

ಬೆಳಗಾವಿಯ ದೋಂಡಿಭಾಯ್ ದೇಸಾಯಿ, ಕೊಪ್ಪಳದ ಶಿವಬಸವಯ್ಯ, ಮಡಿಕೇರಿಯ ಎಸ್.ಕೆ.ಮೇದಪ್ಪ, ಕೊಪ್ಪಳದ ಸಿ.ಎಂ.ಮಲ್ಲಯ್ಯ, ಮಡಿಕೇರಿಯ ಪಿ.ಡಿ.ಕಾವೇರಪ್ಪ, ಬೆಳಗಾವಿಯ ಯಶವಂತ ಡಿ.ಕೋಳ್ಕರ್, ಬಾಗಲಕೋಟೆಯ ದಿಲೀಪ್ ಪಿ.ಪೂತರಾಜ್, ಬೆಳಗಾವಿಯ ಭರತ್ ಮಸ್ಕಿ, ಬಸಪ್ಪ ಚೌಗಲೆ, ಬಾಗಲಕೋಟೆಯ ಶಂಕರಪ್ಪ ಕೋಟಿ, ಬೆಳಗಾವಿಯ ಬಾಹುಬಲಿ ಬರಮಪ್ಪ, ಮಂಡ್ಯದ ಬಿ.ಕೆ.ಸುಧೀರ್, ಬಾಗಲಕೋಟೆಯ ಅಶೋಕ ಭೀಮಪ್ಪ ಜಾದವ್, ಬೆಂಗಳೂರಿನ ಅಜಿತ್ ಭಂಡಾರ್ಕರ್, ಬಿಜಾಪುರದ ದಾವಲ್ಲಾ, ಮಡಿಕೇರಿಯ ಎಚ್.ವಿ.ವೆಂಕಟ ಸೇರಿದಂತೆ ಹದಿನಾರು ಮಂದಿ ಯೋಧರು 16 ಸಾವಿರ ಅಡಿ ಎತ್ತರದ ಶಿಖರವನ್ನು ಕಾಪಾಡಿಕೊಳ್ಳುವುದಕ್ಕಾಗಿ ಪ್ರಾಣ ತ್ಯಾಗ ಮಾಡಿದರು. ಉತ್ತರಕನ್ನಡ ಜಿಲ್ಲೆ ರಮಾಕಾಂತ್ ಸಾವಂತ್, ಧಾರವಾಡದ ಬಸಪ್ಪ ತಳವಾರ್, ಬೈಲಹೊಂಗಲದ ಮಲ್ಲಪ್ಪ ಮುನವಳ್ಳಿ ಸೇರಿದಂತೆ ಹಲವರು ಗಾಯಗೊಂಡಿದ್ದರು. ಇವರೆಲ್ಲರ ತ್ಯಾಗ ಬಲಿದಾನಗಳನ್ನು ಮತ್ತೆ ನೆನಪಿಸುವ ದಿನವೇ ಕಾರ್ಗಿಲ್ ವಿಜಯ ದಿವಸ್.

ದವಲಸಾಬ ಪರಾಕ್ರಮ: ಕಾರ್ಗಿಲ್ ಯುದ್ಧದಲ್ಲಿ ವೈರಿ ಪಡೆಯೊಂದಿಗೆ ಹೋರಾಡಿ ಯುದ್ಧ ಮಾಡುತ್ತಲೇ ಹುತಾತ್ಮನಾದ ಬಿಜಾಪುರ ಜಿಲ್ಲೆಯ ಮುದ್ದೇಬಿಹಾಳ ತಾಲೂಕಿನ ಬಳವಾಡ ಗ್ರಾಮದ ಯುವಕ ದಾವಲಸಾಬ ನಬಿಸಾಬ ಕಂಬಾರ(27) ಎಲ್ಲರಲ್ಲೂ ದೇಶ ಭಕ್ತಿ ಉಕ್ಕಿಸುತ್ತಾರೆ.

ದ್ವಿತೀಯ ಪಿಯುಸಿ ಪಾಸಾಗಿದ್ದ ಕಂಬಾರ ಗಡಿ ರಕ್ಷಣಾ ಪಡೆ(ಬಿಎಸ್ಎಫ್) ಸೇರಿದ್ದರು. ಸುಮಾರು 7 ವರ್ಷಗಳವರೆಗೆ ಅವರು ಕಾರ್ಗಿಲ್ ಗಡಿ ಪ್ರದೇಶದಲ್ಲಿ ಸೇವೆ ಸಲ್ಲಿಸಿದ್ದರು. ಫೈರಿಂಗ್ನಲ್ಲಿ ಚಾಣಾಕ್ಷನಾಗಿದ್ದ ದಾವಲಸಾಬನಿಗೆ ವೈರಿ ಪಡೆಗಳನ್ನು ಹೊಡೆದುರುಳಿಸುವ ಜವಾಬ್ದಾರಿಯನ್ನು ನೀಡಲಾಗಿತ್ತು. 141 ಬಿಎಸ್ಎಫ್ ಬಟಾಲಿಯನ್ನಲ್ಲಿ ಕಾನ್ಸ್ಟೇಬಲ್ ಆಗಿದ್ದ ಇವರಿಗೆ ಯುದ್ಧದ ಸಂದರ್ಭದಲ್ಲಿಯೇ ವೈರಿ ಪಡೆಗಳು ಹಾರಿಸಿದ್ದ ಗುಂಡು ಕಾಲಿಗೆ ತಗುಲಿತ್ತು. ಆದರೂ ಧೃತಿಗೆಡದೆ ಕಾಲಿಗೆ ಕರವಸ್ತ್ರ ಕಟ್ಟಿಕೊಂಡು ಮತ್ತೆ ವೈರಿ ಪಡೆಗಳತ್ತ ಗುಂಡಿನ ಸುರಿಮಳೆಗರೆದು ಮೂವರು ವೈರಿಗಳನ್ನು ಬಲಿತೆಗೆದುಕೊಂಡಿದ್ದರು. ನಂತರ ವೈರಿ ಪಡೆಯಿಂದ ಬಂದ ಗುಂಡು ದಾವಲಸಾಬನ ಕಣ್ಣು ಗುಡ್ಡೆಯ ಮೇಲ್ಭಾಗದ ಹಣೆ ಹಾಗೂ ಎದೆಗೆ ತಗುಲಿ 13-6-1999ರಲ್ಲಿ ವೀರ ಮರಣವನ್ನಪ್ಪಿದರು.

"ಪ್ರೀತಿಯ ಅಪ್ಪ, ಅಮ್ಮ ಹಾಗೂ ಅಜ್ಜಿ,

ಈ ಪತ್ರ ನಿಮ್ಮ ಕೈ ಸೇರುವ ಹೊತ್ತಿಗೆ ನಾನು ನಿಮ್ಮನ್ನು ಸ್ವರ್ಗದಿಂದಲೇ ನೋಡುತ್ತಿರುತ್ತೇನೆ. ಏನೇನೂ ಖೇದವಿಲ್ಲ. ಮತ್ತೆ ಮನುಷ್ಯನಾಗಿ ಹುಟ್ಟಿದರೆ ಭಾರತೀಯ ಸೇನೆಯನ್ನು ಸೇರಿ ದೇಶಕ್ಕೋಸ್ಕರ ಹೋರಾಡುತ್ತೇನೆ. ಸಾಧ್ಯವಾದರೆ ಒಂದು ಸಲ ಬಂದು ನಿಮ್ಮ ನಾಳೆಗಳಿಗೋಸ್ಕರ ನಾವು ಹೋರಾಡಿದ ಜಾಗವೆಂಥದು ಎಂಬುದನ್ನು ನೋಡಿ. ನನ್ನ ದೇಹದ ಯಾವ್ಯಾವ ಅಂಗಗಳನ್ನು ದಾನ ಮಾಡಲು ಸಾಧ್ಯವೋ ಅವೆಲ್ಲವನ್ನೂ ಮಾಡಿಬಿಡಿ. ಅನಾಥಾಶ್ರಮಕ್ಕೆ ದುಡ್ಡು ಕೊಡುವುದನ್ನು ಹಾಗೂ ರುಕ್ಸಾನಾಳಿಗೆ ತಿಂಗಳಿಗೆ ಐವತ್ತು ರುಪಾಯಿ ಕಳಿಸುವುದನ್ನು ಮಾತ್ರ ಮರೆಯಬೇಡಿ. ನನ್ನಿಂದ ಯಾವುದೇ ತಪ್ಪಾಗಿದ್ದರೂ ಕ್ಷಮಿಸಿ. ನಾನಿಲ್ಲವೆಂದು ದುಃಖಿಸುವ ಬದಲು ಹೆಮ್ಮೆ ಪಡಿ. ಸರಿ, ನಾನೀಗ ಹೊರಟೆ, ಎಲ್ಲರಿಗೂ ಒಳ್ಳೆಯದಾಗಲಿ. ಭರಪೂರ ಅನುಭವಿಸಿ ನೀವೆಲ್ಲರೂ ಈ ಬದುಕನ್ನು.

ನಿಮ್ಮ ರಾಬಿನ್"

ಕಾರ್ಗಿಲ್ ಯುದ್ಧದಲ್ಲಿ ತನ್ನ ತುಕಡಿಯನ್ನು ಮುನ್ನಡೆಸುತ್ತಿದ್ದ 22ರ ಹರೆಯದ ಕ್ಯಾಪ್ಟನ್ ವಿಜಯಂತ್ ಥಾಪರ್ ಯುದ್ಧಕ್ಕೆ ಹೊರಡುವ ಕೊನೆ ಘಳಿಗೆಯಲ್ಲಿ ತನ್ನ ಡೇರೆಯಿಂದ ಬರೆದ ಸಾಲುಗಳಿವು. ತಾನು ಹಿಂತಿರುಗದಿದ್ದರೆ ಮನೆಯವರಿಗೆ ಇದನ್ನು ತಲುಪಿಸಿ ಎಂದು ಇಟ್ಟು ಹೋದದ್ದು. ಮನೆಯವರ ಪಾಲಿಗೆ ಪ್ರೀತಿಯ 'ರಾಬಿನ್' ಆಗಿದ್ದ ವಿಜಯಂತ್ ಹಿಂತಿರುಗಿ ಬರಲಿಲ್ಲ. 1998ರ ಡಿಸೆಂಬರ್ನಲ್ಲಿ ಡೆಹರಾಡೂನ್ನ ಭಾರತೀಯ ಮಿಲಿಟರಿ ಅಕಾಡೆಮಿಯಲ್ಲಿ ತರಬೇತಿ ಮುಗಿಸಿದ ವಿಜಯಂತ್ ಮೊದಲು ಕಳುಹಿಸಲ್ಪಟ್ಟಿದ್ದೇ ಉಗ್ರರ ಬೀಡಾಗಿದ್ದ, ಕಾಶ್ಮೀರದ ಕುಪ್ವಾರ ಎಂಬ ಜಾಗಕ್ಕೆ. ಜೀವವನ್ನೂ ಲೆಕ್ಕಿಸದೆ ಕಾದಾಡಿ ಉಗ್ರರನ್ನು ಹತ್ತಿಕ್ಕಿದ ವಿಜಯಂತ್ಗೆ ಅಲ್ಲಿ ಸಿಕ್ಕಿದವಳು ಆರು ವರ್ಷದ ಪುಟಾಣಿ ರುಕ್ಸಾನಾ. ಕಾದಾಟವೊಂದರಲ್ಲಿ ಕಣ್ಣೆದುರೇ ತನ್ನ ಅಪ್ಪ ಹತನಾಗಿದ್ದನ್ನು ನೋಡಿ ಘಾಸಿಗೊಂಡಿದ್ದ ಆ ಮಗುವನ್ನು ಅಕ್ಕರೆಯಿಂದ ಜೋಪಾನ ಮಾಡಿದ ವಿಜಯಂತ್, ತಾನು ಅಲ್ಲಿಂದ ಹಿಂದಿರುಗಿದ ಮೇಲೂ ಆ ಮಗುವಿಗೆ ಪ್ರತಿ ತಿಂಗಳೂ 50 ರುಪಾಯಿ ಕಳಿಸುತ್ತಿದ್ದ. ಸಾಯುವ ಮುನ್ನ ಬರೆದ ಪತ್ರದಲ್ಲಿ ತನ್ನ ತಂದೆ-ತಾಯಿಗೂ ಅದನ್ನೇ ನೆನಪಿಸಿದ್ದ!

1999ರ ಜೂನ್ ತಿಂಗಳ ಮೊದಲನೇ ವಾರ. ಜಮ್ಮು-ಕಾಶ್ಮೀರದಲ್ಲಿರುವ ಶ್ರೀನಗರದಿಂದ 205 ಕಿಮೀ ದೂರವಿರುವ ಕಾರ್ಗಿಲ್ ಎಂಬ ಪಟ್ಟಣದ ನೆತ್ತಿಯ ಬೆಟ್ಟಗಳನ್ನೆಲ್ಲ, ಹೇನು-ಸೀರುಗಳಂತೆ ಕಚ್ಚಿ ಹಿಡಿದಿದ್ದರು ಪಾಕಿಸ್ತಾನದ ಸೈನಿಕರು. ಅವರನ್ನು ಹೆಕ್ಕಿ ತೆಗೆದು, ಆ ಪ್ರದೇಶಗಳನ್ನು ಮತ್ತೆ ಕೈವಶಮಾಡಿಕೊಳ್ಳಲು ಕಟಿಬದ್ಧವಾಗಿ ನಿಂತಿತ್ತು ಭಾರತೀಯ ಸೇನೆ. ಅಂಥ ಅತಿ ದುರ್ಗಮವಾದ ಬೆಟ್ಟಗಳಲ್ಲೊಂದು, ಟೊಲೋಲಿಂಗ್. ಅದನ್ನು ವಶಪಡಿಸಿಕೊಳ್ಳಲು ಅಲ್ಲಿಯವರೆಗೆ ನಡೆಸಿದ್ದ ಎಲ್ಲ ಯತ್ನಗಳೂ ವಿಫಲವಾಗಿದ್ದವು. ತನ್ನ ಕಮಾಂಡರ್ ಮೇಜರ್ ಪದ್ಮಪಾಣಿ ಆಚಾರ್ಯರೊಂದಿಗೆ ಅಲ್ಲಿಗೆ ಧಾವಿಸಿದ ವಿಜಯಂತ್, ತನ್ನ ತುಕಡಿಯೊಂದಿಗೆ ಸೇರಿ, ಪಾಕ್ ಸೈನಿಕರನ್ನು ಹೊಸಕಿಹಾಕಿದ. ಕಾರ್ಗಿಲ್ ಯುದ್ಧಕ್ಕೆ ಒಂದು ಮುಖ್ಯ ತಿರುವು ದೊರೆತದ್ದೇ ವಿಜಯಂತ್ ದೊರಕಿಸಿಕೊಟ್ಟ ಟೊಲೋಲಿಂಗ್ ಗೆಲುವಿನಿಂದ. ಈ ಯಶಸ್ಸಿನ ಗುಂಗಿನಲ್ಲಿದ್ದ ವಿಜಯಂತ್ನ ತಂಡಕ್ಕೆ ಸವಾಲಾಗಿದ್ದದ್ದು ನೋಲ್ ಎಂಬ ಮತ್ತೊಂದು ಬೆಟ್ಟ. ಟೊಲೋಲಿಂಗ್ ಮತ್ತು ಟೈಗರ್ ಹಿಲ್ಗಳ ಮಧ್ಯೆ ಇರುವ ಇದರ ಎತ್ತರ 15000 ಅಡಿ. ಇಲ್ಲಿಯ ಉಷ್ಣಾಂಶ -15 ಡಿಗ್ರಿ! ದುರದೃಷ್ಟವೆಂದರೆ ಕೆಳಗಿನಿಂದ ಹತ್ತುವವರಿಗೆ ರಕ್ಷಣೆಯಾಗಬಲ್ಲ ಯಾವ ನೈಸರ್ಗಿಕ ತಡೆಗೋಡೆಯೂ ಈ ಬೆಟ್ಟದಲ್ಲಿಲ್ಲ. ಆದ್ದರಿಂದಲೇ, ಇದನ್ನು ಹತ್ತಿ ಹೋಗಿ, ಸೂಕ್ತ ತಯಾರಿಯೊಂದಿಗೆ ಆಯಕಟ್ಟಿನ ಜಾಗಗಳಲ್ಲಿ ಅಡಗಿ ಕುಳಿತಿದ್ದ ಪಾಕ್ ಸೈನಿಕರನ್ನು ಸದೆಬಡಿಯುವ ಸಾಧ್ಯತೆ ಬಹಳ ಕಡಿಮೆ ಇತ್ತು. ಹಾಗೆಂದು ಶತ್ರುವನ್ನು ಸಹಿಸಿಕೊಂಡು ಕೈಕಟ್ಟಿ ಕುಳಿತುಕೊಳ್ಳುವ ಹಾಗೂ ಇರಲಿಲ್ಲ.

ಅಂದು 1999ರ ಜೂನ್ ತಿಂಗಳ 28ನೇ ತಾರೀಖು. ಅಂದಿಗೆ ವಿಜಯಂತ್ ಸೇನೆಯನ್ನು ಸೇರಿ ಆರು ತಿಂಗಳಾಗಿತ್ತಷ್ಟೆ. ಅಂದು ರಾತ್ರಿ ಬೆಟ್ಟವನ್ನು ಹತ್ತಿಯೇ ತೀರುವುದೆಂದು ನಿರ್ಧಾರವಾಯಿತು. ಒಮ್ಮೆ ಹತ್ತತೊಡಗಿದರೆ ಹಿಂತಿರುಗುವುದು ಸುಲಭವಲ್ಲವೆಂಬುದು ಎಲ್ಲರಿಗೂ ಗೊತ್ತಿತ್ತು. ಆದ್ದರಿಂದಲೇ ಹೊರಡುವ ಮುನ್ನ ಪತ್ರ ಬರೆದಿಟ್ಟ ವಿಜಯಂತ್. ಬೆಟ್ಟ ಹತ್ತುತ್ತಿದ್ದಂತೆ ಶುರುವಾಯಿತು ನೋಡಿ ಗುಂಡಿನ ದಾಳಿ. ಇಡೀ ತುಕಡಿ ಚೆಲ್ಲಾಪಿಲ್ಲಿಯಾಯಿತು. ಹಂಚಿ ಹೋದ ಸೈನಿಕರು ಹೋರಾಡುತ್ತಲೇ, ಇಂಚಿಂಚೇ ಮೇಲೆ ಸಾಗಿದರು. ಕಡೆಗೊಂದು ಸಲ ಎಲ್ಲರೂ ಒಟ್ಟುಗೂಡಿದಾಗ ಆಘಾತ ಕಾದಿತ್ತು. ಮೇಜರ್ ಆಚಾರ್ಯ ಹೆಣವಾಗಿದ್ದರು! ಕುದ್ದು ಹೋದ ವಿಜಯಂತ್ ಶತ್ರುವನ್ನು ಕೊಂದೇ ತೀರುವ ಹಟಕ್ಕೆ ಬಿದ್ದ. ತೀರಾ ಸನಿಹಕ್ಕೆ ಹೋಗಿ ಕೆಚ್ಚಿನಿಂದ ಕಾದಾಟಕ್ಕೆ ನಿಂತ. ಮಾಡು ಇಲ್ಲವೇ ಮಡಿ ಎಂಬುದು ಅಕ್ಷರಶಃ ಅನಿವಾರ್ಯವಾಗಿತ್ತು. ಒಂದೂವರೆ ಗಂಟೆಗಳ ಘೋರ ಕದನದ ಕೊನೆಯಲ್ಲಿ ವಿಜಯಂತ್ನ ತಲೆಗೆ ಬಡಿದ ಗುಂಡುಗಳು ಅವನ ಜೀವ ತೆಗೆದರೆ, ನೋಲ್ ನಮ್ಮದಾಗಿತ್ತು. ಶವವಾಗಿ ಬಂದ ವಿಜಯಂತ್ನನ್ನು ಕಳುಹಿಸಿಕೊಡಲು ಅವನ ಊರು ನೋಯ್ಡಾದಲ್ಲಿ ನೆರೆದಿದ್ದವರು ಒಂದು ಲಕ್ಷ ಜನ. 22ರ ಹರೆಯದ ಮೊಮ್ಮಗನ ಶೌರ್ಯಕ್ಕೆ ಪ್ರತಿಫಲವಾಗಿ ಸಿಕ್ಕ ವೀರ ಚಕ್ರವನ್ನು ಸ್ವೀಕರಿಸಿದ್ದು 82ರ ಹರೆಯದ ಅವನ ಪ್ರೀತಿಯ ಅಜ್ಜಿ. ಅವನೇನೋ ಗಟ್ಟಿಗ ಸರಿ, ಆ ಮುದುಕಿಯ ಗುಂಡಿಗೆ ಇನ್ನೆಂಥದ್ದಿರಬೇಕು?!

ಇಂಥ ನೂರಾರು ವಿಜಯಂತ್ರನ್ನು ಕಳೆದುಕೊಂಡು ಗೆದ್ದೆವು ಕಾರ್ಗಿಲ್ ಕದನವನ್ನು. ನಮ್ಮ ಗೆಲವಿಗೆ ಈಗ ಸರಿಯಾಗಿ 22 ವರ್ಷಗಳಾಗುತ್ತವೆ. ಬಹಳಷ್ಟಿರಬೇಕು ನಮ್ಮಲ್ಲಿ ಅಭಿಮಾನ ಮತ್ತು ಹರ್ಷ.

ಹಿಮಾಲಯದ ತಪ್ಪಲಿನಲ್ಲಿ ಸುಮಾರು 15ಡಿಗ್ರಿಯಷ್ಟು ತಾಪಮಾನದಲ್ಲಿ ಮೇ 4 1999 ರಿಂದ ಜುಲೈ 26 1999 ರವರೆಗೆ ನಡೆದ ಕಾರ್ಗಿಲ್ ಕದನದಲ್ಲಿ ”ಆಪರೇಷನ್ ವಿಜಯ್” ಹೆಸರಿನಭಾರತೀಯ ಸೈನಿಕರ ದಿಟ್ಟ ಕಾರ್ಯಾಚರಣೆ ಯಶಸ್ವಿಯಾಗಿತ್ತು.

ನಮ್ಮ-ನಿಮ್ಮೆಲ್ಲರ ಒಳಿತಿಗಾಗಿ ತಮ್ಮನ್ನು ತಾವು ಅರ್ಪಿಸಿಕೊಂಡ ಆ ಪುಣ್ಯಜೀವಿಗಳನ್ನು ಕಾರ್ಗಿಲ್ ವಿಜಯ ದಿನವಾದ ಇಂದು ನಾವೆಲ್ಲಾಹೃಅದಯತುಂಬಿ ಸ್ಮರಿಸಿಕೊಳ್ಳೋಣ್ವಲ್ಲವೆ? ಓ ಭಾರತದ ನವ ಜವಾನರೇ ನಿಮಗಿದೋ ನಮ್ಮ ಸೆಲ್ಯೂಟ್!

ಜೈ ಹಿಂದ್!

ಜೈ ಭಾರತಾಂಬೆ!

(ಸಂಗ್ರಹದಿಂದ)

ಹುತಾತ್ಮ ಸೈನಿಕ ತಂದೆಯ ತ್ಯಾಗ

noreply@blogger.com (ಕಾವ್ಯಾನುರಾಗ) — Sat, 26 Jun 2021 13:10:00 +0530

ಈ ದೇಶಕ್ಕಾಗಿ ನಮ್ಮ ಬದುಕು. ಎಲ್ಲದಕ್ಕೂ ಸಿದ್ಧರಾಗಿರಬೇಕು ಎಂಬ ಮಾತಿಗೆ ಲೆಫ್ಟಿನೆಂಟ್ ಕರ್ನಲ್ ಸಾಗರ್ ಸಲಾರಿಯ ಸಾಕ್ಷಿಯಾಗಿದ್ದಾರೆ.

ಅವರ ಮಗ 2ನೇ ಲೆಫ್ಟಿನೆಂಟ್ ಗುರ್ದೀಪ್ ಸಿಂಗ್ ಸಲಾರಿಯಾ. 23 ಪಂಜಾಬ್ ಎಸ್ಸಿಯಲ್ಲಿ ಕಾರ್ಯನಿರ್ವಹಿಸಿದವರು.

1996ರಲ್ಲಿ ಲೆಫ್ಟಿನೆಂಟ್ ಗುರ್ದೀಪ್ ಸಿಂಗ್ ಸಲಾರಿಯಾ ಜಮ್ಮು ಕಾಶ್ಮೀರದಲ್ಲಿ ವೈರಿಗಳೊಂದಿಗಿನ ಹೋರಾಟದಲ್ಲಿ ಹುತಾತ್ಮರಾಗುತ್ತಾರೆ.

ಅವರ ತಂದೆ ಲೆಫ್ಟಿನೆಂಟ್ ಕರ್ನಲ್ ಸಾಗರ್ ಸಲಾರಿಯ ಅವರೂ ಕೂಡಾ ಸೇನೆಯಲ್ಲಿದ್ದವರು. ಕಮಾಂಡಿಂಗ್ ಆಫೀಸರ್ ಆಗಿದ್ದ ಲೆಫ್ಟಿನೆಂಟ್ ಕರ್ನಲ್ ಸಾಗರ್ ಸಲಾರಿಯ ಅವರಿಗೆ ದೇವರು ಈಗ ತನ್ನ ಮಗ ಮತ್ತು ತನ್ನ ಮಡದಿಯನ್ನು ಕಳೆದುಕೊಂಡ ದುಃಖವನ್ನು ‌ಸಹಿಸುವ ಶಕ್ತಿ ಕೊಡಲಿ.

ಏಕೆಂದರೆ ೩ನೇ ಬಾರಿ ಕ್ಯಾನ್ಸರಿಂದ ಬಳಲಿ ಅವರ ಮಡದಿ ತೃಪ್ತಾ ಸಲಾರಿಯಾ ಕೂಡ ಈಗ ಇಹಲೋಕವನ್ನು ತ್ಯಜಿಸಿದ್ದಾರೆ.

ಲೆಫ್ಟಿನೆಂಟ್ ಕರ್ನಲ್ ಸಾಗರ್ ಸಲಾರಿಯ ಅವರು ನೇತೃತ್ವ ವಹಿಸಿದ್ದ ತುಕಡಿಯಲ್ಲೇ ಮಗ ಲೆಫ್ಟಿನೆಂಟ್ ಗುರ್ದೀಪ್ ಸಿಂಗ್ ಸಲಾರಿಯಾ ಸೈನಿಕರಾಗಿ ಕಾರ್ಯನಿರ್ವಹಿಸಿದ್ದರು.

ಇತಿಹಾಸದಲ್ಲೇ ಮೊದ‌ಲ‌ ಬಾರಿಗೆ ಇರಬೇಕು ಕಮಾಂಡಿಂಗ್ ಆಫೀಸರ್ ಆಗಿ ಮಗನ ಸಾವಿನ ಸುದ್ದಿಯನ್ನು ಪತ್ನಿಗೆ ಹೇಳಬೇಕಾದ ಅನಿವಾರ್ಯತೆ‌ ಲೆಫ್ಟಿನೆಂಟ್ ಕರ್ನಲ್ ಸಾಗರ್ ಸಲಾರಿಯ ಅವರದ್ದು.

ಹೇಗಾಗಿರಬಹುದು ಅವರಿಗೆ? ಮಗನ ದೇಹ ಹೊಕ್ಕ ಬುಲೆಟ್ ಅವರೇ ಹುಡುಕಾಡಿ ತೆಗೆದದ್ದು, ಅದು ಅವರ ಜೊತೆ ಭದ್ರವಾಗಿದೆ.

ಅದಾಗಿ ಪತ್ನಿಯ ‌ಸುದೀರ್ಘ ಆರೋಗ್ಯದ ಹೋರಾಟ. ಕೊನೆಗೆ ಲೆಫ್ಟಿನೆಂಟ್ ಕರ್ನಲ್ ಸಾಗರ್ ಸಲಾರಿಯ ಈಗ ಪತ್ನಿ ಮತ್ತು ಮಗನ ನೆನಪಲ್ಲಿ ಕಾಲ ಕಳೆಯುವ ಸ್ಥಿತಿ. ಎಂಥಾ ತ್ಯಾಗ ಇವರದ್ದು. ಈ ತ್ಯಾಗಕ್ಕೆ ಬೆಲೆ ಕಟ್ಟಲಾದಿತೆ ? ಅವರ ಸೇವೆ ಬಲಿದಾನ, ದೇಶಕ್ಕಾಗಿ ಮಾಡಿದ ಸಮರ್ಪಣೆ ಎಂಥದ್ದು...

ಸಲಾರಿಯ ಕುಟುಂಬಕ್ಕೆ ನಮ್ಮ ಸಲಾಂ.

ಅದ್ಭುತ ಪರಿಕಲ್ಪನೆಯಲ್ಲಿ ವೃತ್ತಾಕಾರ ನಗರ

noreply@blogger.com (ಕಾವ್ಯಾನುರಾಗ) — Sun, 20 Jun 2021 00:25:00 +0530

ನೀವು ಡ್ರೋನ್ ಛಾಯಾಗ್ರಹಣಕ್ಕಾಗಿ ವಿಶಿಷ್ಟವಾದ ಭೂದೃಶ್ಯವನ್ನು ಹುಡುಕುತ್ತಿದ್ದಿರಿ ಅಂದ್ರೆ ನಿಮಗೊಂದು ಅತ್ಯದ್ಭುತವಾದ ಸ್ಥಳದ ಬಗ್ಗೆ ಮಾಹಿತಿ ಕೊಡುತ್ತೇನೆ. ಆ ಸ್ಥಳವನ್ನು ನೀವೇನಾದರು ನೋಡಿದರೆ ಖಂಡಿತವಾಗಿ ಇದು ಭೂಲೋಕದ ಸ್ವರ್ಗನಾ ! ಅಂತ ಉದ್ಗಾರ ತೆಗೆಯುವುದಂತೂ ನಿಜ. ಬನ್ನಿ ಹಾಗಾದರೆ ಆ ಸ್ಥಳವನ್ನು ನೋಡಿಕೊಂಡು ಬರೋಣ. ತಮ್ಮಲ್ಲರಿಗೂ ಎವಿ ಮೀಡಿಯಾ ಯೂಟ್ಯೂಬ್ ಚಾನಲ್ಲಿಗೆ ಸ್ವಾಗತ.

ಎಲ್ಲಿ ನೋಡಿದರಲ್ಲಿ ಬರೀ ಹಸಿರುಮಯ ಹುಲ್ಲು ಹಾಸು. ತಾಜಾ ಗಾಳಿ ಬೀಸುವ ಉಲ್ಲಾಸದಾಯಕ ಅನುಭವ ನಿಮ್ಮದಾಗಬೇಕು ಅಂದರೆ ಯೂರೋಪ್ ಖಂಡದ ಡೆನ್ಮಾರ್ಕ್‌ ದೇಶದಲ್ಲಿನ ಬ್ರಾಂಡ್‌ಬಿ ಗಾರ್ಡನ್ ಸಿಟಿಗೆ ಬನ್ನಿ. ಇಲ್ಲಿ ನಿಜವಾದ ಅನನ್ಯ ಮತ್ತು ಪರಿಸರ ಸ್ನೇಹಿ ನಗರ ನಿಮ್ಮನ್ನು ಅಕ್ಷರಶಃ ಸ್ವರ್ಗದಂತೆ ಸಿಂಗಾರಗೊಂಡು ನಿಮ್ಮನ್ನು ಸ್ವಾಗತಿಸುತ್ತದೆ.

ಡೆನ್ಮಾರ್ಕ್‌ ದೇಶದ ವೃತ್ತಾಕಾರದಿಂದ ಕೂಡಿದ ಈ ಉದ್ಯಾನ ನಗರ ಬ್ರಾಂಡ್‌ಬಿ ಹ್ಯಾವ್‌ಬೈ ಸುಂದರ ಮನೆಗಳ ಸಮೂಹವಾಗಿದೆ. ಇವುಗಳನ್ನು ವಲಯಗಳ ರೂಪದಲ್ಲಿ ಆಯಕಟ್ಟಿನ ರೀತಿಯಲ್ಲಿ ಜೋಡಿಸಲಾಗಿದೆ. ಈ ನಗರದ ಅತ್ಯದ್ಭುತ ದೃಶ್ಯವನ್ನು ವೈಮಾನಿಕ ನೋಟದಲ್ಲಿ ನೋಡಿದರೆ ಬೆಕ್ಕಸ ಬೆರಗಾಗಬಹುದು.

ಈ ಬ್ರಾಂಡ್‌ಬಿ ಹ್ಯಾವ್‌ಬೈ ನಗರ ಪ್ರದೇಶದ ಸುತ್ತಮುತ್ತಲಿನ ವಿಶಾಲ ಉದ್ಯಾನಗಳು, ಇಲ್ಲಿ ಇಷ್ಟೊಂದು ಸ್ಥಳಾವಕಾಶದಲ್ಲಿ ನಿರ್ಮಿಸಿದ ಮನೆಗಳು ನೋಡಿದರೆ ಆಶ್ಚರ್ಯವಾಗುತ್ತದೆ. ಏಕೆಂದರೆ ಇಲ್ಲಿನ ನಿವಾಸಿಗಳು ಅಷ್ಟೊಂದು ದೊಡ್ಡ ಪ್ರಮಾಣದ ಭೂಮಿಯನ್ನು ಹೊಂದಿದ್ದಾರೆಯೇ ಎಂದು. ಅಲ್ಲದೆ ಇದು ಸದ್ದುಗದ್ದಲವಿಲ್ಲದ ನಗರಗಳಿಂದ ಮತ್ತು ಧಾವಂತದ ನಗರ ಜೀವನದಿಂದ ತುಂಬಾ ದೂರವಿದೆ. ಹೀಗಾಗಿ ಹಸಿರಿನಿಂದ ಸುತ್ತುವರೆದಿರುವ ವೃತ್ತಾಕಾರದ ಮನೆಗಳು, ಅವುಗಳ ಸುತ್ತಲಿನ ಉದ್ಯಾನ, ಹಚ್ಚಹಸುರಿನ ಮೈಮನ ಮರೆಸುವ ವಾತಾವರಣ, ಅಲ್ಲಿ ವಾಸ ಮಾಡುವ ನಿವಾಸಿಗಳ ಏಕಾಂತವನ್ನು ಶಾಂತಿಯುತವಾಗಿ ಆನಂದಿಸಲು ಅನುವು ಮಾಡಿಕೊಡುತ್ತದೆ.

ನಿವಾಸಿಗಳು ತಮ್ಮ ತಮ್ಮ ಹವ್ಯಾಸಗಳಲ್ಲಿ ಮತ್ತು ಈ ಪರಿಸರಕ್ಕೆ ಪೂರಕವಾದ ಕೆಲಸಗಳಲ್ಲಿ ತೊಡಗಿಸಿಕೊಳ್ಳಲು ಈ ವಾತಾವರಣ ಪ್ರೋತ್ಸಾಹಿಸುತ್ತದೆ. ಇಲ್ಲಿನ ವಿಹಂಗಮವಾದ ಸೌಂದರ್ಯಕ್ಕೆ ಇಲ್ಲಿನ ನಿಸರ್ಗವಷ್ಟೆ ಮುಖ್ಯ ಆಕರ್ಷಣೆಯಲ್ಲ ಅಥವಾ ಮುಖ್ಯ ಕಾರಣವಲ್ಲ. ಈ ಉದ್ಯಾನಗಳಿಗೆ ವೃತ್ತಾಕಾರದ ವಿನ್ಯಾಸವನ್ನು ರೂಪಿಸಲಾಗಿದೆಯಲ್ಲ ಅದುವೆ ಇದಕ್ಕೆಲ್ಲ ಮುಖ್ಯ ಕಾರಣ. ವೃತ್ತಾಕಾರದ ಆಕಾರದಿಂದ ಕೂಡಿರುವ ಈ ಉದ್ಯಾನ ನಗರದಲ್ಲಿ ವಾಸಿಸುವ ಜನರಲ್ಲಿ ಸ್ನೇಹಪರತೆ, ಸಾಮಾಜಿಕ ಸಂವಹನ, ಪರಸ್ಪರ ಸಾಮರಸ್ಯ ಹೆಚ್ಚಿಸಿ ಬದುಕು ಸಾಗಿಸಲು ಪ್ರೋತ್ಸಾಹಿಸುತ್ತದೆ. ಬಹುಶಃ ಇಂಥಹ ಉದ್ದೇಶವನ್ನು ಇಟ್ಟುಕೊಂಡೇ ಇಂಥ ನಗರವೊಂದನ್ನು ನಿರ್ಮಿಸಲಾಗಿರಬಹುದು.

ಮನೆಗಳನ್ನು ವಿಶಾಲ ಜಾಗದಲ್ಲಿ ನಿರ್ಮಿಸಿ ಇನ್ನೊಂದು ಮನೆಯಿಂದ ಮತ್ತೊಂದು ಮನೆಗೆ ಸ್ವಲ್ಪ ದೂರ ಎನ್ನುವಂತೆ ಬೇರ್ಪಡಿಸಲಾಗಿದ್ದರೂ, ವೃತ್ತಾಕಾರದ ಆಕಾರವು ನಿವಾಸಿಗಳ ನಡುವೆ ನಿಕಟ ಮತ್ತು ಸ್ನೇಹಶೀಲ ಸಾಮೀಪ್ಯವನ್ನು ಬಲಗೊಳಿಸುತ್ತದೆ. ಜೊತೆಗೆ ಬಹು ಮುಖ್ಯವಾಗಿ ಹಲವು ರಸ್ತೆಗಳ ನಿರ್ಮಾಣಕ್ಕೆ ಕಡಿವಾಣ ಹಾಕಿದೆ. ಎಲ್ಲರಿಗೂ ಒಂದೇ ರಸ್ತೆ. ಎಂಥಾ ಪರಿಕಲ್ಪನೆ ಅಲ್ಲವೇ !

ಆದ್ದರಿಂದ, ಮುಂದಿನ ಬಾರಿ ನೀವು ಡೆನ್ಮಾರ್ಕ್‌ಗೆ ಏನಾದರೂ ಪ್ರವಾಸ ಕೈಗೊಳ್ಳುವ ಯೋಜನೆ ಹಾಕಿಕೊಂಡರೆ ಬ್ರಂಡ್‌ಬಿ ಹ್ಯಾವ್‌ಬಿಯನ್ನು ನೆನಪಿನಲ್ಲಿಡಿ. ನಿಮ್ಮನ್ನು ಖಂಡಿತವಾಗಿಯೂ ಆ ಪರಿಸರ ಅಪ್ಯಾಯಮಾನವಾಗಿ ಸ್ವಾಗತಿಸುತ್ತದೆ.

ಬ್ರಾಂಡ್‌ಬಿ ಹ್ಯಾವ್‌ಬೈ ಸುಂದರ ಮನೆಗಳ ವೀಡಿಯೋ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ.

ಅಪರೂಪದ ಬಹುಭಾಷಾ ನಟ ಆಶೀಷ್ ವಿದ್ಯಾರ್ಥಿ

noreply@blogger.com (ಕಾವ್ಯಾನುರಾಗ) — Sat, 19 Jun 2021 17:00:00 +0530

ಭಾರತೀಯ ಚಿತ್ರರಂಗದಲ್ಲಿ ತಮ್ಮ ಅಮೋಘ ಅಭಿನಯದ ಮೂಲಕ ಚಿತ್ರರಸಿಕರನ್ನು ರಂಜಿಸುತ್ತಿರುವ ಅದ್ಭುತ ನಟ ಆಶೀಷ್ ವಿದ್ಯಾರ್ಥಿ ಕನ್ನಡ ಚಿತ್ರಳಲ್ಲೂ ಅಭಿನಯಿಸಿದ್ದಾರೆ ಅನ್ನೊದು ಹೆಮ್ಮೆಯೆ ವಿಷಯ. ಆದ್ರೆ ನಿಮಗೆ ಗೊತ್ತೆ ಆಶೀಷ್ ವಿದ್ಯಾರ್ಥಿ ಅವರು ಚಿತ್ರರಂಗಕ್ಕೆ ಪದಾರ್ಪಣೆ ಮಾಡಿದ್ದು ಇದೆ ಕನ್ನಡ ಚಿತ್ರದ ಮೂಲಕ ಅಂತ.

ಆಶೀಷ್ ವಿದ್ಯಾರ್ಥಿ ಅವರು ನ್ಯಾಷನಲ್ ಸ್ಕೂಲ್ ಆಫ್ ಡ್ರಾಮಾದಲ್ಲಿ ಕಲಿತು ಅನೇಕ ನಾಟಕಗಳಲ್ಲಿ ಬಣ್ಣ ಹಚ್ಚುತ್ತಾರೆ. ನಂತರ ಅವರು ಚಿತ್ರರಗಂಕ್ಕೆ ಬಂದಿದ್ದು 1992ರಲ್ಲಿ ಬಾಲಿವುಡ‍ನ ಚಲನಚಿತ್ರಗಳಾದ “ಕಾಲ್ ಸಂಧ್ಯಾ”ಮತ್ತು “1942 ಎ ಲವ್ ಸ್ಟೋರಿ” ಮೂಲಕ. ದೊಡ್ಡದಾಗಿ ಗುರುತಿಸಿಕೊಂಡಿದ್ದು ಮಾತ್ರ 1993ರಲ್ಲಿ ಬಂದ “ಸರದಾರ್”ಚಿತ್ರದ ಮೂಲಕ. ಇದು ಭಾರತದ ಉಕ್ಕಿನ ಮನುಷ್ಯ”ಸರದಾರ್ ವಲ್ಲಭಭಾಯಿ ಪಟೇಲ್”ಅವರ ಜೀವನ ಆಧಾರಿತ ಚಿತ್ರ. ಇದರಲ್ಲಿ ಆಶೀಷ್ ವಿದ್ಯಾರ್ಥಿ ಅವರು ವಿ.ಪಿ. ಮೆನನ್ ಅವರ ಪಾತ್ರ ನಿಭಾಯಿಸಿದ್ದರು. ಮರು ವರ್ಷ ಬಂದ “ದ್ರೋಹಕಾಲ್” ಚಿತ್ರದ ಅಮೋಘ ಅಭಿನಯಕ್ಕೆ ಪೋಷಕ ನಟ ರಾಷ್ಟ್ರಪ್ರಶಸ್ತಿ ಲಭಿಸುತ್ತದೆ.

ಇತ್ತೀಚಿನ ಎರಡು ಮೂರು ದಶಕದಲ್ಲಿ ದಕ್ಷಿಣ ಭಾರತದ ಚಿತ್ರರಂಗದಲ್ಲೂ ಅಭಿನಯ ಮಾಡಲು ಶುರು ಮಾಡಿದರು ಎಂದು ಎಲ್ಲರು ತಿಳಿದಿದ್ದಾರೆ. ಆದರೆ ನಿಮಗೆ ಗೊತ್ತಿರಲಿ ಆಶೀಷ್ ವಿದ್ಯಾರ್ಥಿ ಅವರು ಭಾರತದ ಒಟ್ಟು 11 ಭಾಷೆಗಳ ಚಲನಚಿತ್ರಗಳಲ್ಲಿ ಅಭಿನಯ ಮಾಡಿದ್ದಾರೆ. ಅದರಲ್ಲಿ ಕನ್ನಡ ಕೂಡಾ ಒಂದು. ಅಷ್ಟೆ ಅಲ್ಲ ಅವರು ಮೊಟ್ಟಮೊದಲ ಬಾರಿಗೆ ಸಿನಿಮಾಗಾಗಿ ಬಣ್ಣ ಹಚ್ಚಿದ್ದು ಕನ್ನಡ ಚಿತ್ರಕ್ಕಾಗಿ. ಅದೂ ಕನ್ನಡದ ಒಬ್ಬ ದೊಡ್ಡ ನಾಯಕನ ಪದಾರ್ಪಣೆಯ ಚಿತ್ರ ಕೂಡಾ ಹೌದು.

1986 ರಲ್ಲಿ ಈ ಚಿತ್ರ ತೆರೆಗೆ ಬರುತ್ತದೆ. ಅದು ದೊಡ್ಡ ಹಿಟ್ ಆಗುತ್ತದೆ. ಇದರಲ್ಲಿ ಆಶೀಷ್ ವಿದ್ಯಾರ್ಥಿ ಅವರು ಒಂದು ಚಿಕ್ಕ ಪಾತ್ರವನ್ನು ಮಾಡುತ್ತಾರೆ. ಈ ಚಿತ್ರದಲ್ಲಿ ನಾಯಕ ನಟನಾಗಿ ಅಭಿನಯಿಸಿದ ಆ ನಟ ತನ್ನ ಮುಂದಿನ ಎರಡೂ ಚಿತ್ರಗಳನ್ನು ಸೂಪರ್ ಹಿಟ್ ಮಾಡುತ್ತಾರೆ. ಇದರಿಂದ ಅವರಿಗೆ “ಹ್ಯಾಟ್ರಿಕ್ ಹೀರೋ” ಎಂಬ ಬಿರುದು ಕೂಡಾ ಬಂತು.

ಈಗ ನಿಮಗೆ ಗೊತ್ತಾಗಿರುತ್ತೆ. ಆ ನಾಯಕ ನಟ ಯಾರು ? ಅವರ ಮೊದಲ ಚಿತ್ರ ಯಾವುದು ? ಅಂತ. ಹೌದು 1986ರಲ್ಲಿ ಬಿಡುಗಡೆಯಾದ ಸೂಪರ್ ಹಿಟ್ ಚಲನಚಿತ್ರ “ಆನಂದ” ಮೂಲಕ ಆಶೀಷ್ ವಿದ್ಯಾರ್ಥಿ ಅವರು ಬೆಳ್ಳೆತೆರೆಗೆ ಪದಾರ್ಪಣೆ ಮಾಡುತ್ತಾರೆ. ಇದಾದ ಮೇಲೆ ಅವರು ಹಲವು ವರ್ಷಗಳ ವಿರಾಮದ ನಂತರ ಮತ್ತೆ ಮರಳುತ್ತಾರೆ ಹಿಂದಿ ಚಿತ್ರಗಳ ಮುಖಾಂತರ.

ಆಶೀಷ್ ವಿದ್ಯಾರ್ಥಿ ಅವರು ನಂತರದಲ್ಲಿ ಕನ್ನಡ ಚಿತ್ರರಸಿಕರಿಗೆ ಹೆಚ್ಚು ಇಷ್ಟ ಆಗಿದ್ದು ಎಕೆ47 ಚಿತ್ರದಲ್ಲಿನ ದಾವೂದ್ ಪಾತ್ರದ ಮೂಲಕ. ಈಗ ಚಿತ್ರರಂಗದಿಂದ ಸ್ವಲ್ಪ ಮಟ್ಟಿನ ಅಂತರವನ್ನು ಕಾಪಾಡಿಕೊಂಡಿರುವ ಇವರು ಅಲ್ಲೊಂದು ಇಲ್ಲೊಂದು ಚಿತ್ರಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.

ಸದ್ಯಕ್ಕೆ ಆಶೀಷ್ ವಿದ್ಯಾರ್ಥಿ ಅವರು ನಮ್ಮ ಬೆಂಗಳೂರಿನಲ್ಲಿಯೇ ವಾಸವಾಗಿದ್ದಾರೆ. ಇವತ್ತು ಅವರಿಗೆ ಹುಟ್ಟುಹಬ್ಬದ ಸಂಭ್ರಮ. ಎಲ್ಲಾ ಚಿತ್ರ ರಸಿಕರ ಪರವಾಗಿ ಆಶೀಷ್ ವಿದ್ಯಾರ್ಥಿ ಅವರಿಗೆ ಹುಟ್ಟುಹಬ್ಬದ ಹಾರ್ದಿಕ ಶುಭಾಶಯಗಳನ್ನು ತಿಳಿಸೋಣ.

ಇದು ತೀರಾ ಅನ್ಯಾಯ!

noreply@blogger.com (ಕಾವ್ಯಾನುರಾಗ) — Tue, 15 Jun 2021 09:51:00 +0530

ಒಂದಷ್ಟು ವರ್ಷಗಳ ಹಿಂದಿನ ಮಾತು. ಸ್ನಾನಕ್ಕೆಂದು ಟವೆಲ್ ಉಟ್ಟು ಹೊರಟಿದ್ದೆ! ಟಿವಿಯಲ್ಲಿ ಯಾವುದೋ ಚಿತ್ರ ಬರುತ್ತಿತ್ತು. ಪಾತ್ರಧಾರಿಯೊಬ್ಬ ತನ್ಮಯನಾಗಿ ನಟಿಸುತ್ತಿದ್ದ. ನನಗೆ ಅವನ ಚಲನೆ ವಿಸ್ಮಯ ಎನಿಸತೊಡಗಿತು. ಯಾರೀ ಹುಡುಗ, ಯಾವುದೀ ಚಿತ್ರ ಅಂತ ಹುಡುಕ ತೊಡಗಿದೆ. ಚಿತ್ರ 'ದಾಸವಾಳ'.

ಆ ಹುಡುಗನ ನಂಬರ್ ಅನ್ನು ತಡಕಾಡಿ ಹುಡುಕಿ ಫೋನ್ ಮಾಡಿದೆ.

"ನಾನು ಮಂಡ್ಯ ರಮೇಶ್" ಅಂತ ಅಂದೆ.

ಅವನು ದಿಗ್ಭ್ರಾಂತನಾಗಿ "ಸರ್, ನೀವು, ಏನ್ಸಾರ್ ಇದು!" ಅಂದ. "ದಾಸವಾಳ ಚಿತ್ರ ನೋಡಿದೆ ಮಿತ್ರ, ಇವತ್ತಿನಿಂದ ನಾನು ನಿನ್ನ ಅಭಿಮಾನಿ. ಎಂಥಾ ಶ್ರೇಷ್ಠನಯ್ಯಾ ನೀನು" ಅಂತ ಮನತುಂಬಿ ಹೇಳಿದೆ. ಅವನು ತೀರಾ ಸಂತೋಷಪಟ್ಟು "ಎಂಥಾ ಶುಭ ದಿನ ಕೊಟ್ಟಿರಿ ಸರ್, ಅದು ಹಳೆಯ ಚಿತ್ರ" ಅಂದ. "ಪರ್ವಾಗಿಲ್ಲ ನಿನ್ನ ಅಭಿನಯ ನಿತ್ಯನೂತನವಾಗಿದೆ.ಇವತ್ತಲ್ಲ ನಾಳೆ ನ್ಯಾಷನಲ್ ಅವಾರ್ಡ್ ಗ್ಯಾರಂಟಿ!" ಅ೦ದೆ. ನಕ್ಕು, ಫೋನಿಟ್ಟ.

ಕೆಲವೇ ದಿನಗಳಲ್ಲಿ ಕನ್ನಡಕ್ಕೆ ಮತ್ತೊಂದು ಗರಿ ಪ್ರಕಟವಾಯಿತು. 'ವಿಜಿ ನಟಿಸಿದ "ನಾನು ಅವನಲ್ಲ

ಅವಳು" ಚಿತ್ರದ ನಟನೆಗೆ ರಾಷ್ಟ್ರ ಪ್ರಶಸ್ತಿ ದೊರಕಿತು.! ನಾನು ನನಗೇ ಪ್ರಶಸ್ತಿ ಬಂದಷ್ಟು ಸಂತೋಷದಿಂದ ಕುಣಿದಾಡಿದೆ. ಈ ಮಧ್ಯೆ ಅವನೊಂದಿಗೆ 'ಒಗ್ಗರಣೆ'ಯಲ್ಲಿ ನಟಿಸಿದೆ. ಅವನನ್ನು ಕಂಡಾಗಲೆಲ್ಲ ತೀರಾ ಆಪ್ತನೊಬ್ಬನ್ನನ್ನು ಕಂಡಷ್ಟು ಹಿತವಾಗುವುದು ಅಭ್ಯಾಸವಾಗಿಬಿಟ್ಟಿತ್ತು!.

ರಾಷ್ಟ್ರಪ್ರಶಸ್ತಿ ರೋಮಾಂಚನದಲ್ಲೇ ನಟನದ 'ರಜಾಮಜಾ' ಶಿಬಿರದಲ್ಲಿ ಅವನನ್ನು ಅವನ ಗುರು ಎನ್. ಮಂಗಳಾ ಸಮ್ಮುಖದಲ್ಲಿ ಅದ್ಧೂರಿಯಾಗಿ ಅಭಿನಂದಿಸಲಾಯಿತು.ಸಂಕೋಚದಿಂದ ಮುದುರಿ ಹೋಗಿದ್ದ!

ಹೆಗ್ಗೋಡಿನ ನೀನಾಸಂನಲ್ಲಿ "ಒಗ್ಗರಣೆ 'ವಿಶೇಷ ಪ್ರದರ್ಶನ ಮುಗಿಸಿ ರಾತ್ರಿ ಕಾರಿನಲ್ಲಿ ನಾನು, ಅವನು, ಅರವಿಂದ್ ಕುಪ್ಲಿಕರ್ ಮಾತಾಡಿದ್ದೇ ಮಾತಾಡಿದ್ದು.ತೀರಾ ಸಂತೋಷದ ಘಳಿಗೆಗಳು ಅವು! ಅಲ್ಲಿಂದಾಚೆ ಅವನು ಮೈಸೂರಿಗೆ ಬಂದಾಗಲೆಲ್ಲಾ ಶೂಟಿಂಗ್ ನಂತರ ಭೇಟಿಯಾಗಿ ನಮ್ಮ ಹುಡುಗರಿಗೆ ಕ್ಲಾಸ್ ಮಾಡಿ, ಒಳ್ಳೆ ಊಟ ಮಾಡಿ, ಸಿಕ್ಕಾಪಟ್ಟೆ ಮಾತನಾಡಿ ಹೋಗದಿದ್ದರೆ ಅವನಿಗೆ ಸಮಾಧಾನವೇ ಇರುತ್ತಿರಲಿಲ್ಲ.

ಮೊನ್ನೆ ಮೊನ್ನೆ ಮಕ್ಕಳ ಮಿನ್ಕಾಣ್ಕೆ ಶಿಬಿರ ಉದ್ಘಾಟಿಸಿ ಮಕ್ಕಳೊಂದಿಗೆ ಮಾತನಾಡಿ ರಂಗಭೂಮಿಯ ಮಹತ್ವವನ್ನು ತಿಳಿ ಹೇಳಿದ.

ಓದಿನ ಹವ್ಯಾಸ ಚೆನ್ನಾಗಿತ್ತು! ಒಳ್ಳೊಳ್ಳೇ ಬಟ್ಟೆ ಹಾಕಿ ಸುಂದರವಾಗಿ ಕಾಣುವ ಗುಣಗಳಿತ್ತು! ಜೊತೆಗೆ ಪಾತ್ರ ಆಯ್ಕೆಯಲ್ಲಿ ತೀರಾ ಚ್ಯೂಸಿಯಾಗಿದ್ದ. ಪಾತ್ರ ಮಾಡುವಾಗ ಆ ಪಾತ್ರದಲ್ಲಿ ಪೂರ್ಣ ಕರಗಿಹೋಗುವುದಕ್ಕೆಬೇಕಾದ ಎಲ್ಲ ಪೂರ್ವಸಿದ್ಧತೆಯನ್ನ ಶಿಸ್ತಿನಿಂದ ಮಾಡಿಕೊಳ್ಳುತ್ತಿದ್ದ. ಅದನ್ನೂ ಚಾಚೂ ತಪ್ಪದೆ ಅನುಸರಿಸುತ್ತಿದ್ದ.

ಅದಕ್ಕೆ ದೊಡ್ಡ ಸಾಕ್ಷಿ:

ಈಚೆಗೆ ಆತನೊಂದಿಗೆ ಅಭಿನಯಿಸಿದ 'ತಲೆದಂಡ' ಅತ್ಯಂತ ಮಹತ್ವಾಕಾಂಕ್ಷಿ ಚಿತ್ರ! ಚಿತ್ರದಲ್ಲಿ ಆತ ತೋರಿದ ಶ್ರದ್ಧೆ ,ಇಡೀ ಚಿತ್ರದಲ್ಲಿ ಆತ ನಟಿಸಿರುವ ಅಭಿನಯದ ಉತ್ಕೃಷ್ಟತೆಯ ಪರಾಕಾಷ್ಠೆ ಕಂಡು ನಾನು ಬೆರಗಾಗಿಬಿಟ್ಟಿದ್ದೇನೇ.

ಅವನ ಜೀವನದ ಮತ್ತೊಂದು ಮಹಾ ಮೈಲುಗಲ್ಲು 'ತಲೆದಂಡ' ಚಿತ್ರದ ಅಭಿನಯ!

ಜಾಗತಿಕ ಸಿನಿಮಾ, ವೆಬ್ ಸಿರೀಸ್ ಗಳ ಮುಕ್ತ ಚರ್ಚೆ ಅವನೊಂದಿಗೆ ಸಾಧ್ಯವಿತ್ತು! ಅಭಿನಯ ಪದ್ಧತಿಗಳ, ಹೊಸ ಅವಿಷ್ಕಾರಗಳ ಕುರಿತು ಸದಾ ಚಿಂತಿಸುತ್ತಿದ್ದ.ಹೇರಳವಾದ ಬದುಕಿನ ಅನುಭವ. ಅವಮಾನ, ಹೋರಾಟ, ಗೆಲುವು, ಮತ್ತೆ ಹುಡುಕಾಟ. ಈ ಹಾದಿಯಲ್ಲಿ ಇವನಷ್ಟು 'ಸಜ್ಜನಿಕೆ'ಯ ಹುಡುಗನನ್ನು ಈಚಿನ ದಿನಗಳಲ್ಲಿ ನಾನು ಕಂಡದ್ದಿಲ್ಲ! ಅಪಾರ ಜೀವನ್ಮುಖಿ. ಕೋವಿಡ್ ಕಷ್ಟಕಾಲದಲ್ಲಿ ಆತ ಸಾಮಾನ್ಯರಿಗೆ 'ಉಸಿರು' ನೀಡಲು ಉಸಿರುಗಟ್ಟಿ ಶ್ರಮಿಸುತ್ತಿದ್ದ.

"ಸಿಕ್ಕಾಪಟ್ಟೆ ಸುತ್ತಾಡ್ತಿದ್ದೀ ಮಗಾ, ಹುಷಾರು ಕಣೋ... ಬೇಗ ಮದುವೆಯಾಗಲೇ, ನಿನಗೊಂದು ಲಗಾಮು ಬೇಕು!" ಅ೦ತ ಛೇಡಿಸಿದ್ದಿದೆ. ಅಷ್ಟು ಆಪ್ತವಾಗಿದ್ದ.

ಅವನೊಂದಿಗಿನ ಅಪರೂಪದ ರಾತ್ರಿಯೂಟಗಳಲ್ಲಿ ಸಾಹಿತ್ಯ, ಸಂಗೀತ, ಅಭಿನಯ, ಸಿನಿಮಾಗಳ ಚರ್ಚೆ, ತಮಾಷೆಗಳ ಜೊತೆಗೆ ಗಂಭೀರ ಆಶಯದ ಅನೇಕ ಕನಸುಗಳನ್ನು ಕ೦ಡಿದ್ದ ಆಶಾವಾದಿ! ಸುಮಧುರ ಹಾಡುಗಾರ, ಸಹೃದಯಿ, ಅವನ ನಗುವಿನಲ್ಲಿ ಮಗುತನವಿತ್ತು. ಮುಂದಿದ್ದವರನ್ನು ಮೆಲುದನಿಯ ಮುಗುಳ್ನಗುವಿನಲ್ಲಿ ಮಾತನಾಡಿಸುತ್ತಲೇ ಮೋಹಿತರನ್ನಾಗಿ ಮಾಡುತ್ತಿದ್ದ ಮಧುರವಾದ ಯುವಕ ಆತ.

ಅವನ ಸ್ನೇಹದಲ್ಲಿ ಕೋಪ, ಅಸಹನೆ, ತಿರಸ್ಕಾರ, ವ್ಯಂಗ್ಯ ಕುಹಕ ನುಡಿ ಇಲ್ಲವೇ ಇಲ್ಲ...ತಮಾಷೆಯಿತ್ತು, ಗೇಲಿ ಇರಲಿಲ್ಲ!

ಗೆಳೆಯರನ್ನು, ಹಿರಿಯರನ್ನು ಗೌರವಿಸುವುದು ಅವನಿಗೆ ಸಹಜವಾಗೇ ಸಿದ್ಧಿಸಿತ್ತು!

ಛೇ, ಇಂಥಾ ಮೃದುಜೀವಿಗೆ ಈ ಶಿಕ್ಷೆ ನಿಜಕ್ಕೂ ಕ್ರೂರ. ನೆನೆದೊಡನೆ ಕಣ್ತುಂಬುವ ಈ ಘಳಿಗೆಗಳು ಮರುಕಳಿಸದಿರಲಿ. ದುಗುಡವಿಕ್ಕುವ ಈ ರಾತ್ರಿಗಳು ಯಾವ ಮಿತ್ರರ ಬದುಕಲ್ಲೂ ಬಾರದಿರಲಿ.

ಅಭಿನಯ- ವ್ಯಕ್ತಿತ್ವ ಎರಡರಲ್ಲೂ ಘನತೆ ತೋರಿದ ಕನ್ನಡ ಮಣ್ಣಿನ ಅಪರೂಪದ ತಮ್ಮನೊಬ್ಬ ಕಳೆದುಹೋದ ಕರಾಳ ದಿನ ಇದು!

ಕರುಳು ಕತ್ತರಿಸುವ ಈ ಕಳವಳಗಳು ಕರಗಿ ಹೋಗಲಪ್ಪ... ದೇವರೇ ಆ ಮನೆಯವರಿಗೆ ಸಂತೈಸುವ ಶಕ್ತಿಯೂ ನಮಗಿಲ್ಲದೇ ಹೋಯಿತೆ... ಛೇ!

ಎದುರಿಸುವ ಪರಿಯೇ ತೋರುತ್ತಿಲ್ಲ.

ಕ್ಷಮಿಸಿ ಬಿಡು, ಗೆಳೆಯ.

ತುಂಬ ದಿನ ಕಾಡುತ್ತಿ ನೀನು.

ನಡುವಿನ ಈ ಧಿಡೀರ್ ನಿರ್ಗಮನ ಮನಕಲಕಿದೆ ಮಿತ್ರ!

- ಮಂಡ್ಯ ರಮೇಶ್

ನಟ ಮತ್ತು ಸಂಸ್ಥಾಪಕ ಕಾರ್ಯದರ್ಶಿ,

ನಟನ ರಂಗಶಾಲೆ, ಮೈಸೂರು

ಸಂಚಾರಿ ವಿಜಯ್ ಮತ್ತೇ ಹುಟ್ಟಿ ಬರಲೆಂದು ಪ್ರಾರ್ಥಿಸೋಣ

noreply@blogger.com (ಕಾವ್ಯಾನುರಾಗ) — Mon, 14 Jun 2021 15:03:00 +0530

ಇಂದು ಅಪರಾಹ್ನದಿಂದ ಹರಿದಾಡುತ್ತಿರುವ ಸುದ್ದಿಗಳನ್ನು ಕೇಳಿ ಮನಸು ಬಹಳ ಮರುಗುತ್ತಿದೆ. ಒಮ್ಮೆಲೆ ಸಾವಿನ ಸುದ್ದಿ ಕೇಳಿ ಕುಸಿದಿದ್ದ ಆದೆಷ್ಟೋ ಮನಸುಗಳು ಮತ್ತೆ ತಮಗೇ ಜೀವ ಬಂದಂತೆ ಆಶಾಭಾವವನ್ನು ತಾಳುವಂತಾಗಿತ್ತು. ಸಂಚಾರಿ ವಿಜಯ್ ಇನ್ನು ಉಸಿರಾಡುತ್ತಿದ್ದಾರೆ. ಅವರಿನ್ನು ನಮ್ಮಿಂದ ಅಗಲಿಲ್ಲ ಎಂದು ಆಸ್ಪತ್ರೆಯ ವೈದ್ಯರು ಹೇಳಿದ್ದರು. ಸಂಜೆ ನಡೆಸುವ ಮುಖ್ಯ ಪರೀಕ್ಷೆ ನಡಿಸಿದ ಮೇಲೆ ಅಂತಿಮ ವರದಿ ಹೇಳಲಾಗುವುದು ಎಂದಿದ್ದರು.

ಅವಾಗಿನಿಂದ ಸಂಜೆ ಏಳುವರೆ ವರೆಗೆ ಅದೆಷ್ಟೋ ಜೀವಗಳು ಸಂಚಾರಿ ವಿಜಯ್ ಅವರ ಜೀವಕ್ಕಾಗಿ ಪ್ರಾರ್ಥನೆ ಸಲ್ಲಿಸಿದವರು ಮೆದುಳು ಪರೀಕ್ಷೆಯಲ್ಲಿ ಯಶಸ್ವಿಯಾಗಿ ಬರಲಿ ಎಂದು. ಆದರೆ...

ಸಂಜೆ ಅಪೋಲೋ ಆಸ್ಪತ್ರೆಯ ವೈದ್ಯರಾದ ಡಾ.ಅರುಣ ನಾಯ್ಕ್ ಮೆದುಳು ಪರೀಕ್ಷೆಯ ವರದಿ ಹೇಳಿದರು. ಅದರಂತೆ ಸಂಚಾರಿ ವಿಜಯ್ ಅವರ ಮೆದುಳು ಸಂಪೂರ್ಣ ಡೆಡ್ ಆಗಿದೆ ಎಂದು.

ಆದರೆ ಅವರ ಹೃದಯ, ಕಿಡ್ನಿ, ಲೀವರ್, ಕಣ್ಣು ಸೇರಿದಂತೆ ಉಳಿದೆಲ್ಲ ಅಂಗಗಳು ಸರಿಯಾಗಿ ಕಾರ್ಯನಿರ್ವಹಿಸುತ್ತಿವೆ. ಹೀಗಾಗಿ ಅವರ ಕಿಡ್ನಿ, ಲೀವರ್, ಕಣ್ಣು ಅಂಗಗಳನ್ನು ಅವರ ಕುಟುಂಬದವರು ದಾನ ಮಾಡಲು ಒಪ್ಪಿರುವುದರಿಂದ ಅಂಗಾಂಗ ಕಸಿ ಮಾಡಲು ವೈದ್ಯರು ಇಂದು ರಾತ್ರಿ ತಯ್ಯಾರಿ ಮಾಡಿಕೊಳ್ಳುತ್ತಿದ್ದಾರೆ. ಈ ಎಲ್ಲಾ ಪ್ರಕ್ರಿಯೆ ಮುಗಿಯಲು ಮುಂಜಾನೆ ಐದು ಗಂಟೆ ಆಗಬಹುದು.

ಇದರ ಪ್ರಕಾರ ಸಂಚಾರಿ ವಿಜಯ್ ಮುಂಜಾನೆ ಐದು ಗಂಟೆಯ ವರೆಗೆ ಮಾತ್ರ ಜೀವಂತ. ಅಲ್ಲಿಯ ವರೆಗೆ ಸಂಚಾರಿ ವಿಜಯ್ ದೇಹ ಉಸಿರಾಡುತ್ತದೆ. ಮೆದುಳು ಒಂದು ಬಿಟ್ಟು.

ಎಂಥಾ ಕಠೋರ ಗಳಿಗೆಗಳಿವು ಅವರ ಕುಟುಂಬಕ್ಕೆ ಅವರ ಅಭಿಮಾನಿಗಳಿಗೆ ಎಂದು ವಿಚಾರ ಮಾಡಿದರೆ ಕರುಳು ಕಿವುಚಿ ಬರುತ್ತದೆ. ಅವರ ಕೊನೆ ಉಸಿರೆಳೆಯುವುದನ್ನು ಕಾಯಬೇಕಲ್ಲ. ಇಷ್ಟೊಂದು ಸಮಯವಿದ್ದರೂ ಅವರನ್ನು ಉಳಿಸಿಕೊಳ್ಳಲು ಆಗದ ಅನಿವಾರ್ಯ ಪರಿಸ್ಥಿತಿ.

ಸಂಚಾರಿ ವಿಜಯ್ ಮೊನ್ನೆ ರಾತ್ರಿಯಷ್ಟೆ ರಸ್ತೆ ಅಪಘಾತದಿಂದ ತಲೆಗೆ ತೀವ್ರ ಗಾಯವಾಗಿ ಆಸ್ಪತ್ರೆಗೆ ದಾಖಲಾಗಿದ್ದರು. ಮೆದುಳು ನಿಷ್ಕ್ರೀಯಗೊಂಡಿದೆ ಅಂದು ವೈದ್ಯರು ಹೇಳಿದ್ದರು. ಅಪಾರ ಅಭಿಮಾನಿಗಳು ಅವರು ಹೇಗಾದರು ಸರಿ ಗುಣಮುಖರಾಗಿ ಬರಲಿ ಎಂದು ದೇವರಲ್ಲಿ ಪ್ರಾರ್ಥಿಸಿಕೊಂಡಿದ್ದರು.

೨೦೧೫ ರಲ್ಲಿ “ನಾನು ಅವನಲ್ಲ ಅವಳು” ಚಿತ್ರಕ್ಕೆ ರಾಷ್ಟ್ರಪ್ರಶಸ್ತಿ ಪಡೆದಿದ್ದರು ಅದ್ಭುತ ನಟ ಸಂಚಾರಿ ವಿಜಯ್. ಎಂಥಾ ದುರ್ದೈವ ಎಂದರೆ ಕೊರೋನಾದಿಂದ ಸಂಕಷ್ಟದಲ್ಲಿರುವವರಿಗೆ ಸಹಾಯ ಮಾಡಲು ಓಡಾಡುತ್ತಿರುವಾಗಲೇ ರಸ್ತೆ ಅಪಘಾತಕ್ಕಿಡಾಗಿದ್ದಾರೆ.

ಈ ಕೋವಿಡ್ ಸಂಕಷ್ಟದಲ್ಲಿ ಕಷ್ಟದಲ್ಲಿರುವ ಕಲಾವಿದರಿಗೆ ಫುಡ್ ಕಿಟ್, ಹಣ ಸಹಾಯ ಇತ್ಯಾದಿಗಳನ್ನು ಮಾಡುತ್ತಿದ್ದರು. ಮೊದಲಿನಿಂದಲೂ ಸಮಾಜಮುಖಿ ಕೆಲಸಗಳಲ್ಲಿ ತೊಡಗಿಕೊಂಡಿದ್ದ ಸಂಚಾರಿ ವಿಜಯ್ ಅವರ ತಂಡ ಕೋವಿಡ್ ಸಂಕಷ್ಟದಲ್ಲಿರುವವರಿಗೆ ಸಹಾಯ ಮಾಡುವ ಕಾರ್ಯದಲ್ಲಿ ಸಕ್ರಿಯವಾಗಿತ್ತು.

ಮೊನ್ನೆ ತಮ್ಮ ಸ್ನೇಹಿತ ನವೀನ್ ಎಂಬುವವರ ಮನೆಗೆ ಹೋಗಿ ಫುಡ್ ಕಿಟ್ ವಿತರಿಸುವ ಬಗ್ಗೆ ಮಾತುಕತೆ ನಡೆಸಿ ತಡರಾತ್ರಿ ಹೊರಟಿದ್ದರಂತೆ. ಸ್ನೇಹಿತ ನವೀನ್ ತನ್ನ ಬೈಕ್ ನಲ್ಲಿ ವಿಜಯ್ ಅವರನ್ನು ಡ್ರಾಪ್ ಮಾಡಲು ಬಂದಿದ್ದರು, ಸಂಚಾರಿ ವಿಜಯ್ ಬೈಕ್ ನಲ್ಲಿ ಹಿಂದೆ ಕುಳಿತಿದ್ದರಂತೆ. ಸ್ವಲ್ಪ ದೂರ ಹೋದ ಮೇಲೆ ಬೈಕ್ ಸ್ಕಿಡ್ ಆಗಿ ಎಡಬದಿಯಲ್ಲಿ ಕರೆಂಟ್ ಪೋಲ್ ಗೆ ಡಿಕ್ಕಿ ಹೊಡೆದಿದೆ. ಡಿಕ್ಕಿ ಹೊಡೆದ ರಭಸಕ್ಕೆ ಇಬ್ಬರೂ ಕೆಳಗೆ ಬಿದ್ದಿದ್ದಾರೆ. ಬಿದ್ದ ರಭಸಕ್ಕೆ ಹಿಂದೆ ಕುಳಿತಿದ್ದ ಸಂಚಾರಿ ವಿಜಯ್ ಅವರ ತಲೆ ಮತ್ತು ತೊಡೆಗೆ ತೀವ್ರ ಪೆಟ್ಟಾಗಿದೆ. ನವೀನ್ ಅವರೇ ಸ್ನೇಹಿತರಿಗೆ ಕರೆ ಮಾಡಿ ವಿಷಯ ತಿಳಿಸಿದ್ದರಂತೆ. ಸ್ಥಳಕ್ಕೆ ಬಂದ ಸ್ನೇಹಿತರು ಅವರಿಬ್ಬರನ್ನು ಆಸ್ಪತ್ರೆಗೆ ದಾಖಲಿಸಿದ್ದರು.

ನಿನ್ನೆ ಮಾಧ್ಯಮಗಳಿಗೆ ಪ್ರತಿಕ್ರಿಯೆ ನೀಡಿದ್ದ ಸಂಚಾರಿ ವಿಜಯ್ ಅವರ ಸೋದರ ಸಿದ್ಧೇಶ್ ಕುಮಾರ್, ವಿಜಯ್ ನಮ್ಮ ಕುಟುಂಬದ ಆಧಾರಸ್ತಂಭವಾಗಿದ್ದರು. ಅವರು ಸುಮ್ಮನೆ ಕೂರುವ ವ್ಯಕ್ತಿ ಅಲ್ಲವೇ ಅಲ್ಲ. ಲಾಕ್ ಡೌನ್ ಸಮಯದಲ್ಲಿ ಸಾಕಷ್ಟು ಸಮಾಜಮುಖಿ ಕೆಲಸ ಮಾಡುತ್ತಿದ್ದರು. ಶನಿವಾರವೂ (ಜೂನ್ 12) ಅಂತಹುದೇ ಕೆಲಸ ಮುಗಿಸಿ ಬರುವಾಗ ಅವಘಡವಾಗಿದೆ. ವೈದ್ಯರು 48 ಗಂಟೆ ಅಬ್ಸರ್ವರ್ವೇಷನ್ ನಲ್ಲಿ ಇರಿಸಿದ್ದಾರೆ. ನಾಳೆಗೆ 48 ಗಂಟೆ ಕಂಪ್ಲೀಟ್ ಆಗಲಿದೆ. ಈ ಅಪಾಯದಿಂದ ಹೊರಬರಲಿ ಎಂದು ದಯವಿಟ್ಟು ನನ್ನ ಸಹೋದರನಿಗಾಗಿ ಪ್ರಾರ್ಥಿಸಿ’ ಎಂದು ಕೇಳಿಕೊಂಡಿದ್ದರು. ಆದರೆ ಅವರ ಮತ್ತು ಎಲ್ಲರ ಕೋರಿಕೆ ದೇವರಿಗೆ ಮುಟ್ಟಲಿಲ್ಲ.

'ನಾನು ಅವನಲ್ಲ ಅವಳು ಚಿತ್ರದ ನಟನೆಗೆ ವಿಜಯ್ ರಾಷ್ಟ್ರಪ್ರಶಸ್ತಿ ಪಡೆದುಕೊಂಡಿದ್ದರು. ಒಗ್ಗರಣೆ, ದಾಸವಾಳ, ಸಿಪಾಯಿ, ಜಂಟಲ್ ಮನ್ ಸೇರಿದಂತೆ ಅನೇಕ ಚಿತ್ರಗಳಲ್ಲಿ ಅಭಿನಯಿಸಿದ್ದರು. ಮೇಲೊಬ್ಬ ಮಾಯಾವಿ, ತಲೆದಂಡ, ಆಟಕ್ಕುಂಟು ಲೆಕ್ಕಕ್ಕಿಲ್ಲ, ಅವಸ್ಥಾಂತರ ಸಿನಿಮಾಗಳು ತೆರೆಗೆ ಬರಲು ಸಿದ್ಧವಾಗಿದ್ದವು.

ಕೊರೋನಾ ಎದುರು ಸೋತ "ದಲಿತ ಕವಿ"

noreply@blogger.com (ಕಾವ್ಯಾನುರಾಗ) — Fri, 11 Jun 2021 18:49:00 +0530

ಕನ್ನಡದ ಖ್ಯಾತ ಸಾಹಿತಿ 'ದಲಿತ ಕವಿ' ಎಂದೇ ಪ್ರಸಿದ್ಧರಾಗಿದ್ದ ಸಿದ್ಧಲಿಂಗಯ್ಯನವರು ಇಂದು ಸಂಜೆ (ಶುಕ್ರವಾರ ದಿನಾಂಕ ೧೧ ಜೂನ್ ೨೦೨೧ ರಂದು) ನಿಧನರಾಗಿದ್ದಾರೆ. ದಲಿತ ಹೋರಾಟ ಮತ್ತು ಸಾಮಾಜಿಕ ಸಮಾನತೆಗಾಗಿ ಕಾವ್ಯ ರಚಿಸಿದ ಸಿದ್ದಲಿಂಗಯ್ಯ ಅವರು ಕಾವ್ಯ, ನಾಟಕ, ಪ್ರಬಂಧ, ವಿಮರ್ಶೆ, ಸಂಶೋಧನೆ, ಆತ್ಮಕಥನ ಮುಂತಾದ ಪ್ರಕಾರಗಳಲ್ಲಿ ಸಾಹಿತ್ಯ ರಚನೆ ಮಾಡಿ ಸಾಹಿತ್ಯ ಕ್ಷೇತ್ರವನ್ನು ಬೆಳಗಿಸಿದವರು. ಎರಡು ಬಾರಿ ವಿಧಾನಪರಿಷತ್ತಿನ ಸದಸ್ಯರಾಗಿದ್ದರು. ಅಧ್ಯಾಪನ-ಬರವಣಿಗೆಗಳಲ್ಲಿ ತೊಡಗಿಕೊಂಡಿದ್ದವರು.

ಮೇ ೨ ರಂದು ಕೊರೊನಾ ಸೋಂಕಿತರಾಗಿದ್ದ ಕವಿ ಸಿದ್ದಲಿಂಗಯ್ಯ ಅವರು ಅಸ್ಪತ್ರೆಗೆ ದಾಖಲಾಗಿದ್ದರು. ಮೇ ೫ ರಂದು ಮಣಿಪಾಲ್ ಆಸ್ಪತ್ರೆಗೆ ಸ್ಥಳಾಂತರಿಸಲಾಗಿತ್ತು. ಅಲ್ಲಿ ತೀವ್ರ ನಿಗಾ ಘಟಕದಲ್ಲಿ ಚಿಕಿತ್ಸೆ ಒದಗಿಸಲಾಗುತ್ತಿತ್ತು. ಒಂದು ತಿಂಗಳಿಗೂ ಅಧಿಕ ಕಾಲ ಆಸ್ಪತ್ರೆಯಲ್ಲಿದ್ದ ಅವರು, ಚಿಕಿತ್ಸೆಗೆ ಸ್ಪಂದಿಸದೆಯೇ ಮೃತಪಟ್ಟಿದ್ದಾರೆ. ಓರ್ವ ಪುತ್ರಿ, ಪುತ್ರ ಹಾಗು ಪತ್ನಿಯನ್ನು ಅಗಲಿದ್ದಾರೆ. ಇದ್ದಾರೆ. ಅವರ ಪತ್ನಿಗೂ ಕೂಡ ಕೊರೋನಾ ಸೋಂಕು ತಗುಲಿತ್ತು. ಅವರು ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದು ಚೇತರಿಸಿಕೊಂಡಿದ್ದಾರೆ.

೧೯೫೪ ರ ಫೆಬ್ರವರಿ ೩ ರಂದು ರಾಮನಗರ ಜಿಲ್ಲೆಯ ಮಾಗಡಿ ತಾಲ್ಲೂಕಿನ ಮಂಚನಬೆಲೆಯಲ್ಲಿ ಜನಿಸಿದ ಸಿದ್ದಲಿಂಗಯ್ಯ ಅವರು, ಬೆಂಗಳೂರಿನ ಸರ್ಕಾರಿ ಕಲಾ ಕಾಲೇಜಿನಲ್ಲಿ ಬಿ.ಎ. ಆನರ್ಸ್ ಪದವಿ ಪಡೆದಿದ್ದರು. ೧೯೭೬ ರಲ್ಲಿ ಬೆಂಗಳೂರು ವಿಶ್ವವಿದ್ಯಾಲಯದಿಂದ ಸ್ವರ್ಣಪದಕದೊಂದಿಗೆ ಎಂ.ಎ. ಪದವಿ, ಪ್ರೊ.ಜಿ.ಎಸ್. ಶಿವರುದ್ರಪ್ಪನವರ ಮಾರ್ಗದರ್ಶನದಲ್ಲಿ 'ಗ್ರಾಮದೇವತೆಗಳು' ಎಂಬ ಪ್ರೌಢ ಪ್ರಬಂಧದ ಮೇಲೆ ೧೯೮೯ ರಲ್ಲಿ ಪಿಎಚ್.ಡಿ. ಪದವಿಯನ್ನು ಪಡೆದಿದ್ದರು. ಬೆಂಗಳೂರು ವಿಶ್ವವಿದ್ಯಾಲಯದಲ್ಲಿ ಪ್ರಾಧ್ಯಾಪಕರಾಗಿ, ಕನ್ನಡ ಅಧ್ಯಯನ ಕೇಂದ್ರದ ನಿರ್ದೇಶಕಲಾಗಿಯೂ ಕಾರ್ಯನಿರ್ವಹಿಸಿದ್ದರು. ೧೯೭೫ ರಲ್ಲಿ ಅವರ 'ಹೊಲೆಮಾದಿಗರ ಹಾಡು' ಕವನ ಸಂಕಲನ ಪ್ರಕಟಗೊಂಡಿತು. ಬಳಿಕ 'ಸಾವಿರಾರು ನದಿಗಳು' , 'ಕಪ್ಪು ಕಾಡಿನ ಹಾಡು', 'ಮೆರವಣಿಗೆ', 'ನನ್ನ ಜನಗಳು ಮತ್ತು ಇತರ ಕವಿತೆಗಳು', 'ಆಯ್ದ ಕವನಗಳು' ಮುಂತಾದ ಕವನ ಸಂಕಲನಗಳು ಪ್ರಕಟಗೊಂಡಿವೆ. 'ಪಂಚಮ' , 'ನೆಲಸಮ' , 'ಏಕಲವ್ಯ' ಮುಂತಾದ ನಾಟಕಗಳನ್ನು ರಚಿಸಿದ್ದಾರೆ. 'ಅವತಾರಗಳು' ಪ್ರಬಂಧ ಕೃತಿಯು ೧೯೯೧ ರಲ್ಲಿ ಪ್ರಕಟಗೊಂಡಿದೆ. 'ರಸಗಳಿಗೆಗಳು' , 'ಎಡಬಲ, 'ಹಕ್ಕಿನೋಟ', 'ಜನಸಂಸ್ಕೃತಿ' ಮುಂತಾದ ಲೇಖನ ಸಂಗ್ರಹಗಳು, 'ಸದನದಲ್ಲಿ ಸಿದ್ದಲಿಂಗಯ್ಯ ಭಾಗ ೧ ಮತ್ತು ೨ ಸೇರಿದಂತೆ ವಿವಿಧ ಕೃತಿಗಳು ಪ್ರಕಟಗೊಂಡಿವೆ.

'ಊರು ಕೇರಿ' ಇದು ಸಿದ್ದಲಿಂಗಯ್ಯ ಅವರ ಆತ್ಮಕಥೆ. ಎರಡು ಭಾಗದಲ್ಲಿ ಪ್ರಕಟಗೊಂಡಿದೆ. ಬೆಂಗಳೂರು ವಿಶ್ವವಿದ್ಯಾಲಯದ ಪ್ರಸಾರಂಗಕ್ಕಾಗಿ ಅವರು 'ಸಮಕಾಲೀನ ಕನ್ನಡ ಕವಿತೆಗಳು' ಭಾಗ-೩ ಮತ್ತು ಭಾಗ-೪ನ್ನು ಸಂಪಾದಿಸಿಕೊಟ್ಟಿದ್ದಾರೆ. ಅವರ 'ಊರು ಕೇರಿ' ಆತ್ಮಕಥೆ ಇಂಗ್ಲಿಷ್ ಹಾಗೂ ತಮಿಳಿಗೂ ಅನುವಾದಗೊಂಡಿದ್ದು, ಇಂಗ್ಲಿಷ್ ಅನುವಾದವನ್ನು ಕೇಂದ್ರ ಸಾಹಿತ್ಯ ಅಕಾಡಮಿಯು ಪ್ರಕಟಿಸಿದೆ. ಅವಳ ಹಲವಾರು ಕವಿತೆಗಳು ಇಂಗ್ಲಿಷ್, ಹಿಂದಿ, ತಮಿಳು, ಬಂಗಾಳಿ, ಮಲಯಾಳಂ ಮತ್ತು ತೆಲುಗು ಭಾಷೆಗಳಲ್ಲಿ ಅನುವಾದಗೊಂಡಿವೆ.

ಸಿದ್ದಲಿಂಗಯ್ಯ ಅವರು ಚಲನಚಿತ್ರಗಳಿಗೂ ಗೀತೆಗಳನ್ನು ಬರೆದಿದ್ದಾರೆ. ಅದರಲ್ಲಿ ಪುಟ್ಟಣ್ಣ ಕಣಗಾಲರು ನಿರ್ದೇಶಿಸಿದ 'ಧರಣಿಮಂಡಲ ಮಧ್ಯದೊಳಗೆ' ಚಿತ್ರಕ್ಕೆ ಬರೆದ “ಗೆಳತಿ ಓ ಗೆಳತಿ” ಗೀತೆಗೆ ರಾಜ್ಯಪ್ರಶಸ್ತಿ ಲಭಿಸಿತ್ತು.

ಕನ್ನಡ ಸಾಹಿತ್ಯಲೋಕದಲ್ಲಿ ಬಂಡಾಯದ ಅಲೆ ಎಬ್ಬಿಸಿ ಹಲವರ ದನಿಯಾಗಿ ತಮ್ಮ ಲೇಖನಿಯನ್ನು ಬಳಸಿಕೊಂಡಿದ್ದವರು ಸಿದ್ದಲಿಂಗಯ್ಯ. ಇವರ ಅಗಲಿಕೆ ಸಾಹಿತ್ಯ ಕ್ಷೇತ್ರಕ್ಕೆ ಬಹುದೊಡ್ಡ ನಷ್ಟವೇ ಸರಿ. ಅವರ ಆತ್ಮಕ್ಕೆ ಚಿರಶಾಂತಿ ದೊರೆಯಲಿ.

ಕ್ರಾಂತಿಸಿಂಹ ರಾಮ್ ಪ್ರಸಾದ್ ಬಿಸ್ಮಿಲ್

noreply@blogger.com (ಕಾವ್ಯಾನುರಾಗ) — Fri, 11 Jun 2021 16:14:00 +0530

“ಭಾರತಾಂಬೆಯನ್ನು ದಾಸ್ಯದ ಸಂಕೋಲೆಯಿಂದ ಬಿಡಿಸಲು ನೂರುಜನ್ಮ ಪಡೆದು ಬಲಿದಾನವಾಗಲು ಸಿದ್ದ” ಎಂದು ಘರ್ಜಿಸಿದ ಕ್ರಾಂತಿಸಿಂಹ ರಾಮ್ ಪ್ರಸಾದ್ ಬಿಸ್ಮಿಲ್ ರವರ ಜಯಂತಿಯಿಂದು. ಈ ಪ್ರಯುಕ್ತ ಖ್ಯಾತ ಲೇಖಕರು ಹಾಗು ಹಿರಿಯ ಪತ್ರಕರ್ತರಾದ ಬಾಬು ಕೃಷ್ಣಮೂರ್ತಿ ರವರ ಬರಹ.

ರಾಮಪ್ರಸಾದ್ ಹುಟ್ಟಿದ್ದು 1897 ಜೂನ್ 11ರಂದು, ಸಹರಾನ್ಪುರದಲ್ಲಿ. ತಂದೆ ಮುರಳೀಧರ್. ಬಾಲ್ಯದಲ್ಲಿ ಅಜ್ಜ-ಅಜ್ಜಿಯರ ಪ್ರೀತಿ-ವಾತ್ಸಲ್ಯಗಳಲ್ಲಿ ಬೆಳೆದ. ಸ್ವಾಮಿ ದಯಾನಂದ ಸರಸ್ವತಿ ಅವರ ‘ಸತ್ಯಾರ್ಥಪ್ರಕಾಶ’ ಅವನ ಜೀವನದ ಮೇಲೆ ಹೊಸಪ್ರಕಾಶ ಬೀರಿತು. ಸ್ವಾಮಿ ಸೋಮದೇವ ಎಂಬ ಗುರು ಸಿಕ್ಕಿದ ಬಳಿಕ ಹೊಸ ಅಧ್ಯಾಯವೇ ಪ್ರಾರಂಭವಾಯಿತು. ಸಮಾಜದ ಸೇವೆಯಲ್ಲಿ ಆಸ್ಥೆ ಇಟ್ಟಿದ್ದ ಅವನಿಗೆ, ಹಿಂದೂ ಸಮಾಜದ ಉನ್ನತಿ, ರಕ್ಷಣೆಗಳಿಗೆ ಕೆಲಸಮಾಡುತ್ತಿದ್ದ ಆರ್ಯಸಮಾಜ ಒಂದು ಆಕರ್ಷಣೆಯಾಯಿತು. ಅದರ ಯುವಜನ ವಿಭಾಗದ ಕಿಶೋರಸಭಾದಲ್ಲಿ ಅವನದು ಸಕ್ರಿಯಪಾತ್ರ.

ಕೆಲದಿನಗಳು ಕಳೆಯುವುದರಲ್ಲಿ ಗುರು ಸೋಮದೇವರು ಮೃತರಾದರು. ರಾಮಪ್ರಸಾದನ ಮನಸ್ಸು ಅಧ್ಯಾತ್ಮದಿಂದ ರಾಜಕಾರಣದ ಕಡೆಗೆ ಹರಿಯಿತು. ತನ್ನ ಸ್ವಂತಮನೆ, ಹಳ್ಳಿಗಿಂತ ಒಂದು ವಿಶಾಲವಾದ ಮನೆ ಇದೆ; ಅದೇ ಮಾತೃಭೂಮಿ. ಅದು ಬಂಧನದಲ್ಲಿದೆ. ದೇಶವಾಸಿಗಳು ನರಳುತ್ತಿದ್ದಾರೆ. ನಾಡ ವಿಮೋಚನೆ ಸಂಗ್ರಾಮದಲ್ಲಿ ಮುನ್ನುಗ್ಗಬೇಕು- ಈ ಭಾವನೆಗಳು ಅವನಲ್ಲಿ ಮೈದಳೆದವು. ಅದೇ ವೇಳೆಗೆ ಲಖನೌ ಪಟ್ಟಣದಲ್ಲಿ ಕಾಂಗ್ರೆಸ್ ಅಧಿವೇಶನ ನಡೆಯಿತು. ಲೋಕಮಾನ್ಯ ಬಾಲಗಂಗಾಧರ ತಿಲಕರು ಅಲ್ಲಿಗೆ ಬರುವವರಿದ್ದರು. ಕ್ರಾಂತಿಕಾರಿಗಳು ರೈಲು ನಿಲ್ದಾಣದಿಂದ ಅವರನ್ನು ವಿಜೃಂಭಣೆಯಿಂದ ಕರೆದೊಯ್ಯಬೇಕೆಂದರೆ, ಸೌಮ್ಯವಾದಿಗಳು ಅದನ್ನು ವಿರೋಧಿಸಿದರು. ರಾಮಪ್ರಸಾದ್ ಮತ್ತು ಅವನ ತರುಣ ಗೆಳೆಯರಿಗೆ ಈ ವರ್ತನೆ ಸರಿಕಾಣಲಿಲ್ಲ. ಇವರೆಲ್ಲರೂ ರೈಲು ನಿಲ್ದಾಣಕ್ಕೆ ಹೋದರು. ರೈಲು ಬಂದಿತು, ಲೋಕಮಾನ್ಯರು ಡಬ್ಬಿಯಿಂದ ಇಳಿಯುತ್ತಿದ್ದಂತೆ ಸೌಮ್ಯವಾದಿಗಳು ಅವರನ್ನು ಮೋಟಾರ್ ಕಾರಿನಲ್ಲಿ ಕೂರಿಸಲು ಕರೆದೊಯ್ದರು. ಅಷ್ಟರಲ್ಲೇ ಜನಜಂಗುಳಿಯನ್ನು ಸೀಳಿಕೊಂಡು ಬಂದ ರಾಮಪ್ರಸಾದ್, ಕಾರಿನ ಮುಂದೆ ಹೋಗಿ ರಸ್ತೆಯ ಮೇಲೆ ಮಲಗಿಕೊಂಡ. ಅವನು ಭಾವೋದ್ವೇಗದಿಂದ ಮೂಕನಾಗಿದ್ದ. ಕಣ್ಣಿನಿಂದ ಅಶ್ರು ಉದುರುತ್ತಿತ್ತು. ಸೌಮ್ಯವಾದಿಗಳಗಳನ್ನು ಉದ್ದೇಶಿಸಿ, ‘ಬೇಕಿದ್ದರೆ ಮೋಟಾರ್ ವಾಹನವನ್ನು ನನ್ನ ಮೇಲೆ ಓಡಿಸಿ, ನಾನು ಮಾತ್ರ ಕದಲುವುದಿಲ್ಲ’ ಎಂದ.

ಮತ್ತೊಬ್ಬ ಎಲ್ಲಿಂದಲೋ ಒಂದು ಗಾಡಿಯನ್ನು ಎಳೆತಂದ. ತರುಣರೆಲ್ಲರೂ ಲೋಕಮಾನ್ಯರನ್ನು ಎತ್ತಿನಗಾಡಿಯಲ್ಲಿ ಕೂರಿಸಿ ಎಳೆಯುತ್ತ ಊರಲ್ಲೆಲ್ಲ ಮೆರವಣಿಗೆ ಮಾಡಿದರು. ಸುಮಾರು ಅದೇ ಕಾಲದಲ್ಲಿ, ತಾರುಣ್ಯದ ಕಾವಿನಲ್ಲಿದ್ದ ರಾಮಪ್ರಸಾದನ ಮನಸ್ಸಿನಲ್ಲಿ ಸಶಸ್ತ್ರಕ್ರಾಂತಿಯ ಕನಸು ಹುಟ್ಟಿಕೊಂಡಿತು.

ರಾಮಪ್ರಸಾದನಿಗೆ ಗೆಳೆಯರ ಮೂಲಕ ಕ್ರಾಂತಿಕಾರಿ ಪಂಡಿತ ಗೇಂದಾಲಾಲ್ ದೀಕ್ಷಿತರ ಪರಿಚಯವಾಯಿತು. ಒಮ್ಮೆ ಗೇಂದಾಲಾಲರ ಟೋಳಿ ಕಾಡಿನಲ್ಲಿ ಸೇರಿದ್ದಾಗ ಒಬ್ಬ ದ್ರೋಹಿಯ ಕಾರಣ ಪೊಲೀಸರು ಇವರನ್ನು ಮುತ್ತಿದರು. ಹೋರಾಟ ನಡೆಯಿತು. ಗೇಂದಾಲಾಲ್ ದಸ್ತಗಿರಿಯಾದರು. ರಾಮಪ್ರಸಾದ್ ಮಾತ್ರ ಅಲ್ಲಿಂದ ತಪ್ಪಿಸಿಕೊಂಡ.

ಆದರೆ ಪೊಲೀಸರ ಗೃಧ್ರದೃಷ್ಟಿ ಇವನ ಮೇಲೆ ಎರಗಿತು. ಅಂದಿನಿಂದ ಇವನಿಗೂ ಪೊಲೀಸರಿಗೂ ಕಣ್ಣುಮುಚ್ಚಾಲೆ ಪ್ರಾರಂಭ. ಗುಪ್ತಜೀವನ, ಬಳಿಯಲ್ಲಿ ಹಣವಿಲ್ಲ. ಹಿಂದೆ ಅನೇಕ ಬಾರಿ ಹಣ ನೀಡಿದ ತಾಯಿಯ ಸಾಸಿವೆಡಬ್ಬಿಯೂ ಹಣಕೊಡುವ ಸ್ಥಿತಿಯಲ್ಲಿರಲಿಲ್ಲ. ಅಷ್ಟರಲ್ಲಿ, ಬಿರುಸಾಗಿ ಸಾಗಿದ್ದ ಅಸಹಕಾರಿ ಆಂದೋಲನವನ್ನು ಗಾಂಧೀಜಿ ನಿಲ್ಲಿಸಿದರು. ಅದು ಯಶಸ್ವಿಯಾದೀತೆಂದು ಕಾಯುತ್ತ ಶಸ್ತ್ರಗಳನ್ನು ಕೆಳಗಿಟ್ಟಿದ್ದ ಕ್ರಾಂತಿಕಾರಿಗಳಿಗೆ ನಿರಾಶೆಯಾಯಿತು. ಮತ್ತೆ ಶಸ್ತ್ರಗಳು ಶುಭ್ರಗೊಂಡವು, ಕ್ರಾಂತಿ ಕಾರ್ಯಾಚಾರಣೆಗೆ ಶಂಖೋದ್ಘೋಷವಾಯಿತು.

ಶಚೀಂದ್ರನಾಥ ಸನ್ಯಾಲ್, ರಾಜೇಂದ್ರಲಾಹಿರಿ, ಶಚೀಂದ್ರ ಬಕ್ಷಿ, ಜೋಗೇಶಚಂದ್ರ ಚಟರ್ಜಿ ಮುಂತಾದವರು ಸೇರಿ 1923ರಲ್ಲಿ ‘ಹಿಂದೂಸ್ಥಾನ್ ರಿಪಬ್ಲಿಕನ್ ಅಸೋಸಿಯೇಷನ್’ ಎಂಬ ಕ್ರಾಂತಿಕಾರಿ ಸಂಸ್ಥೆ ಸ್ಥಾಪಿಸಿದರು. ಹಿಂದೆ ಗೇಂದಾಲಾಲರೊಂದಿಗೆ ಅನೇಕ ಕಾರ್ಯಾಚರಣೆಗಳಲ್ಲಿ ಸೆಣಸಿದ್ದ, ಶಸ್ತ್ರಪ್ರಯೋಗದಲ್ಲಿ ನುರಿತಿದ್ದ ರಾಮಪ್ರಸಾದನ ಹೆಗಲ ಮೇಲೆ ಇಡೀ ಸೈನಿಕ ವಿಭಾಗದ ಭಾರ ಬಿತ್ತು. ಸಂಸ್ಥೆ ಎಂದಮೇಲೆ ಅನೇಕ ಖರ್ಚುಗಳು. ಶಸ್ತ್ರಾಸ್ತ್ರ, ಮುದ್ರಣ, ಪ್ರವಾಸಗಳಿಗೆ, ಪೂರ್ಣಕಾಲಿಕ ಕ್ರಾಂತಿಕಾರಿಗಳ ಹೊಟ್ಟೆಬಟ್ಟೆಗೆ ಸಾಕಷ್ಟು ಹಣದ ಆವಶ್ಯಕತೆ ಇತ್ತು. ಅದನ್ನು ಒದಗಿಸುವ ಜವಾಬ್ದಾರಿ ಸೈನಿಕ ವಿಭಾಗದ್ದು, ಅಂದರೆ ರಾಮಪ್ರಸಾದನದು. ಅದಕ್ಕಾಗಿ ಆತ ಒಂದು ಯೋಜನೆ ತಯಾರಿಸಿದ. 1925ರ ಆಗಸ್ಟ್ 9ರ ರಾತ್ರಿ ಲಖನೌ ಬಳಿಯ ಕಾಕೋರಿ ಎಂಬಲ್ಲಿ ರೈಲು ನಿಲ್ಲಿಸಿ ಸರ್ಕಾರಿ ಖಜಾನೆ ಲೂಟಿಮಾಡಿದ. ತನ್ನ ಜತೆಗೆ 9 ಕ್ರಾಂತಿಕಾರಿ ಗೆಳೆಯರನ್ನು ಸೇರಿಸಿಕೊಂಡು ವಿದೇಶಿ ಸರ್ಕಾರಕ್ಕೆ ಸವಾಲು ನೀಡಿದ. ದರೋಡೆ ಅಲ್ಲ ಅದು. ಬ್ರಿಟಿಷರಿಗೆ ಭಾರತ ಹೊಡೆದ ಸೆಡ್ಡು! ಆ ಸಪ್ಪಳಕ್ಕೆ ಸರ್ಕಾರ ಬೆಚ್ಚಿತು. ಮೈಕೊಡವಿಕೊಂಡಿತು. ಎಲ್ಲ ಕಡೆಗಳಲ್ಲೂ ಗುಪ್ತಚರ ಜಾಲವನ್ನು ಬೀಸಿತು. ಆ ಜಾಲದಲ್ಲಿ ಅನೇಕ ಕ್ರಾಂತಿಕಾರಿಗಳು ಸಿಕ್ಕಿಬಿದ್ದರು.

ಕಾಕೋರಿ ಘಟನೆ ನಡೆದು ಕೆಲದಿನಗಳು ಕಳೆದಿದ್ದವು. ಒಂದು ರಾತ್ರಿ ರಾಮಪ್ರಸಾದ್ ಗೆಳೆಯನೊಬ್ಬನ ಮನೆಯಿಂದ ಹಿಂದಿರುಗುತ್ತಿದ್ದ. ಹಿಂದೆ ಗುಪ್ತಚಾರರು ಬೆನ್ನಟ್ಟಿದ್ದರು. ರಾತ್ರಿ ಏನೂ ಘಟಿಸಲಿಲ್ಲ. ರಾಮಪ್ರಸಾದ್ ಮಲಗಿ ಬೆಳಗ್ಗೆ 4 ಗಂಟೆಗೆ ಎದ್ದು ಪ್ರಾತರ್ವಿಧಿ ಮುಗಿಸಿ ಆಚೆ ಬರುತ್ತಿದ್ದಾಗ ಬಾಗಿಲ ಬಳಿ ಬಂದೂಕಿನ ಸರಪಳಿ ಶಬ್ದವಾಯಿತು. ಬಾಗಿಲು ತೆಗೆಯುತ್ತಿದ್ದಂತೆ ಇವನಿಗಾಗಿ ಕಾಯುತ್ತಿದ್ದ ಪೊಲೀಸರ ಬೇಡಿಗಳು! ಅವನ ನಿರಂತರ ಚಟುವಟಿಕೆಗಳಿಗೆ ಪೂರ್ಣವಿರಾಮ! ಸರ್ಕಾರ ಅವನ ಮೇಲೆ ಮೊಕದ್ದಮೆ ಹೂಡಿತು. ಸಾಮ್ರಾಟರ ವಿರುದ್ಧ ಯುದ್ಧಘೊಷಣೆ, ಷಡ್ಯಂತ್ರ, ಕೊಲೆ ಮತ್ತು ದರೋಡೆ ಮುಂತಾದವು ಅವನ ಮೇಲಿನ ಆಪಾದನೆಗಳು. ಮೊಕದ್ದಮೆ 18 ತಿಂಗಳು ನಡೆಯಿತು. ತೀರ್ಪು ಎಣಿಸಿದ್ದಂತೆಯೇ. ರಾಮಪ್ರಸಾದನಿಗೆ ನೇಣಿನ ಪುರಸ್ಕಾರ!

ರಾಮಪ್ರಸಾದ್ ನೈಷ್ಠಿಕ ಬ್ರಹ್ಮಚಾರಿ, ಕಠೋರ ಸಾಧಕ. ‘ಯತ್ರ ನಾರ್ಯಸ್ತು ಪೂಜ್ಯಂತೇ ರಮಂತೇ ತತ್ರ ದೇವತಾಃ’ ಎಂಬ ಉಕ್ತಿಯಲ್ಲಿ ಅವನಿಗೆ ಅಪಾರ ನಂಬಿಕೆ. ದರೋಡೆ ವೇಳೆ ಸ್ತ್ರೀಯರ ಕೂದಲೂ ಕೊಂಕಕೂಡದೆಂಬುದು ಅವನ ಉಗ್ರನಿಯಮವಾಗಿತ್ತು. ಅವನು ಬರಹಗಾರ, ಕವಿ. ಸ್ವಾತಂತ್ರ್ಯವೀರ ಸಾವರ್ಕರ್ರಂತೆ ‘ವ್ಯಕ್ತಿತ್ವ, ಕವಿತಾಶಕ್ತಿ, ಲೇಖನಕಲೆ’ ಎಲ್ಲವನ್ನೂ ಮಾತೃಭೂಮಿಯ ಮಡಿಲಿಗೇ ಹಾಕಿದ್ದ. ಅವನ ಕವಿತೆಗಳಲ್ಲಿ ಒಂದೊಂದರಲ್ಲೂ ಎದ್ದುಕಾಣುವ ಗುಣ- ಪ್ರಖರ ದೇಶಭಕ್ತಿ. ಮಾತೃಭೂಮಿಯ ಪದತಲದಲ್ಲಿ ಜೀವನದ ಸಂಪೂರ್ಣ ಸಮರ್ಪಣೆ. ‘ತಲೆಯನ್ನು ಮಾತೃದೇವಿಯ ಅಡಿಗಳಲ್ಲಿ ಕಡಿದಿರಿಸಿ ಅರ್ಚಿಸುವ ಆಕಾಂಕ್ಷೆ ಹೃದಯದಲ್ಲಿ ಎದ್ದಿದೆ. ತೋಳ್ಬಲದ ಪರೀಕ್ಷೆಯ ಸಮಯ ಬಳಿಸಂದಿದೆ’- ಇದು ಕವಿತೆಯೊಂದರ ಪಲ್ಲವಿಯ ಭಾವನೆ. ಇನ್ನೊಂದರಲ್ಲಿ ‘ಅಮ್ಮಾ! ನಿನ್ನ ಸೇವೆ ಮಾಡುವಾಗ ಕೈಗಳಿಗೆ ಬೀಳುವ ಕೋಳಗಳ ಸಪ್ಪಳವೇ ನನಗೆ ವೀಣಾನಾದ. ಕಾರಾಗೃಹದ ಬಾಗಿಲುಗಳೇ ಸ್ವರ್ಗದ್ವಾರ’ ಎಂದಿದ್ದಾನೆ. ಅವುಗಳ ಸಂಗೀತಬದ್ಧ ರೂಪ ತರುಣರಿಗೆ ಸ್ಪೂರ್ತಿಯ ಗಂಗೋತ್ರಿ. ಅವನು ಅನೇಕ ಗ್ರಂಥಗಳನ್ನು ಬರೆದಿದ್ದಾನೆ. ಹಿಂದಿಯಲ್ಲಿ ‘ಬಿಸ್ಮಿಲ್’ ಎಂಬ ಛಂದಸ್ಸನ್ನೇ ನಿರ್ವಿುಸಿದ್ದಾನೆ. ಆದ್ದರಿಂದಲೇ ಅವನ ಹೆಸರಿಗೆ ‘ಬಿಸ್ಮಿಲ್’ ಎಂಬ ಕಾವ್ಯನಾಮ ಅಂಟಿಕೊಂಡಿತು. ರಾಮಪ್ರಸಾದನ ಆತ್ಮಕತೆ ಜೈಲುಗೋಡೆಗಳ ಮಧ್ಯದಿಂದ ಬರೆದಿರುವ ಜಗತ್ತಿನ ಶ್ರೇಷ್ಠಕೃತಿಗಳಲ್ಲೊಂದು. ಸದಾ ಸುತ್ತುವರಿದಿರುತ್ತಿದ್ದ ಪೊಲೀಸರ ಕಣ್ಣುತಪ್ಪಿಸಿ, ಅಲ್ಲಿ-ಇಲ್ಲಿಂದ ಸಂಪಾದಿಸಿದ ಚಿಕ್ಕಪುಟ್ಟ ಕಾಗದಗಳ ಮೇಲೆ ನೇಣುಗಂಬ ಹತ್ತುವ ಮುಂಚಿನ 3 ದಿನಗಳವರೆಗೂ ಬರೆದು, ಗುಪ್ತವಾಗಿ ಹೊರಸಾಗಿಸಿದ. ಇದು ಹಿಂದಿ ಸಾಹಿತ್ಯದ ಕೃತಿರತ್ನ.

ನ್ಯಾಯಾಲಯದ ತೀರ್ಪಿನಂತೆ 1926ರ ಡಿ.19ರಂದು ನೇಣುಗಂಬ ಹತ್ತಿಸುವ ನಿಶ್ಚಯವಾಯಿತು. ಅದಕ್ಕೆ ಕೆಲವೇ ದಿನ ಮೊದಲು ಗೆಳೆಯನೊಬ್ಬನಿಗೆ ಪತ್ರ ಬರೆದ ರಾಮಪ್ರಸಾದ್- ‘19ನೆಯ ತಾರೀಖು ನಡೆಯಲಿರುವುದಕ್ಕೆ ಸಿದ್ಧನಾಗಿದ್ದೇನೆ. ಅದಾದರೂ ತಾನೆ ಏನು? ಕೇವಲ ಶರೀರದ ಬದಲಾವಣೆ. ನನಗಂತೂ ಪೂರ್ಣನಂಬಿಕೆ ಇದೆ, ನನ್ನ ಆತ್ಮ ತನ್ನ ಮಾತೃಭೂಮಿಯ ಮತ್ತು ಆಕೆಯ ದೀನಸಂತತಿಯ ಸೇವೆಗಾಗಿ ಮತ್ತಷ್ಟು ಪಟ್ಟು ಹೆಚ್ಚು ಉತ್ಸಾಹ ಓಜಸ್ಸುಗಳಿಂದ ಕೆಲಸಮಾಡಲು ಶೀಘ್ರವೇ ಹಿಂದಿರುಗುವುದು’. ‘ನನ್ನ ನಾಡಿಗಾಗಿ ನಾನು ಸಾವಿರಾರು ಬಾರಿ ಬಲಿದಾನ ನೀಡಬೇಕಾಗಿ ಬಂದರೂ ಅದನ್ನು ನಾನೆಂದಿಗೂ ಕಷ್ಟವೆಂದು ಪರಿಗಣಿಸುವುದಿಲ್ಲ’. ‘ಹೇ ದೇವ! ಈ ಭಾರತ ವರ್ಷದಲ್ಲಿ ನೂರು ಬಾರಿ ನನ್ನ ಜನನವಾಗಲಿ…’ ‘ದೇಶಕ್ಕೆ ಉಪಕಾರ ಮಾಡುವುದೇ ಅದರ ಉದ್ದೇಶವಾಗಲಿ’. ‘ಬಿಸ್ಮಿಲ್, ಅಶ್ಪಾಕ್, ರೋಶನ್, ಲಾಹಿರಿ ಅತ್ಯಾಚಾರಕ್ಕೆ ತುತ್ತಾಗಿ ಪ್ರಾಣ ನೀಗುವುದರಿಂದ ತೊಟ್ಟಿಕ್ಕುವ ಅವರ ನೆತ್ತರ ಕಣಕಣದಿಂದ ಕೋಟ್ಯನುಕೋಟಿ ವೀರರು ಜನಿಸುವರು…’ ‘ಅವರುಗಳ ಮಹಾಪರಾಕ್ರಮದಿಂದ ದೇಶದ ಉದ್ಧಾರವಾಗುವುದು, ದೇಶದ ಶೋಕ-ದುಃಖಗಳು ನಾಶವಾಗುವುವು. ಎಲ್ಲರಿಗೂ ನನ್ನ ಪ್ರಣಾಮಗಳನ್ನು ತಿಳಿಸಿ’.

19ರಂದು ನಿತ್ಯನಿಯಮದಂತೆ ಸ್ನಾನ, ಸಂಧ್ಯಾವಂದನೆ ಮುಗಿಸಿದ. ತನ್ನ ತಾಯಿಯ ಹೆಸರಿಗೆ ಒಂದು ಪತ್ರ ಬರೆದು ದೇಶವಾಸಿಗಳಿಗೆ ಅಂತಿಮ ಸಂದೇಶ ನೀಡಿದ. ನಂತರ ಸ್ಥಿತಪ್ರಜ್ಞನಂತೆ ನೇಣಿನ ಘಳಿಗೆಯನ್ನು ಎದುರುನೋಡುತ್ತ ಕುಳಿತ. ಸ್ವಲ್ಪ ಸಮಯ ಕಳೆಯಿತು. ಪೊಲೀಸರು ಬಂದರು. ಅವರನ್ನು ಕಂಡು ಚಟುಮ್ಮನೆ ಮೇಲೆದ್ದು ನಿಂತು ಪೂರ್ಣ ಉಸಿರೆಳೆದು ಎದೆಯುಬ್ಬಿಸಿ ಗಟ್ಟಿಯಾಗಿ ಗರ್ಜಿಸಿದ- ‘ವಂದೇ ಮಾತರಂ! ಭಾರತ್ ಮಾತಾ ಕೀ ಜೈ!’ ಅವನನ್ನು 18 ತಿಂಗಳು ತನ್ನಲ್ಲಿಟ್ಟುಕೊಂಡಿದ್ದ ಆ ಜೈಲುಕೋಣೆ ಅಂತಿಮ ವಿದಾಯ ಹೇಳಿತು. ಅವನು ನೇಣುಗಂಬದ ವೇದಿಕೆಯನ್ನು ಹತ್ತಿ ನಿಂತು ದೃಢದನಿಯಲ್ಲಿ ತಾನು ಸ್ವೀಕರಿಸಿದ್ದ ಧ್ಯೇಯವನ್ನು ಮತ್ತೊಮ್ಮೆ ಸ್ಪಷ್ಟಪಪಡಿಸಿದ- ‘ನಾನು ಬ್ರಿಟಿಷ್ ಸಾಮ್ರಾಜ್ಯದ ನಾಶ ಬಯಸುತ್ತೇನೆ’. ತಲೆಯ ಮೇಲೆ ನೇಣುಕುಣಿಕೆ ತೂಗಾಡುತ್ತಿತ್ತು. ಗಂಭೀರ ಕಂಠದಿಂದ ವೇದಘೊಷ ಮಾಡಿದ- ‘ವಿಶ್ವಾನಿ ದೇವ ಸವಿತುರ್ದುರಿತಾನಿ ಪರಾಸುವ ಯದ್ಭದ್ರಂ ತನ್ನ ಅಸುವಾ…’ ರಾಮಪ್ರಸಾದ್ ನಿಂತಿದ್ದ ಕಾಲ ಕೆಳಗಿನ ಹಲಗೆ ಸರಿಯಿತು. ದೇಹ ತೂಗಾಡಲಾರಂಭಿಸಿತು. ಆತ್ಮ ದೇಹವನ್ನು ಬಿಟ್ಟು, ಅವನ ಇಚ್ಛೆಯಂತೆ ಮಾತೃಭೂಮಿಯ ಸೇವೆಗಾಗಿ ಇನ್ನೊಂದು ದೇಹವನ್ನು ಹುಡುಕಿಕೊಂಡು ಹೊರಟಿತು.

ಮತ್ತೊಂದು ವಿಷಯ ಸ್ನೇಹಿತರೇ ನೇಣುಗಂಬವೇರುವ ಸ್ವಲ್ಪ ಸಮಯದ ಮುಂದೆ ರಾಮ್ ಪ್ರದಾಸರಿಗೆ ಒಂದು ಲೋಟ ಹಾಲು ಕುಡಿಯಲು ಕೊಟ್ಟರಂತೆ ಆಗ ರಾಮ್ ಪ್ರಸಾದರು ಜೈಲರ್ ಗೇ ಈ ರೀತಿ ಹೇಳಿದರಂತೇ "ಓ ಹೋ ಕೆಲವೇ ಕ್ಷಣದಲ್ಲಿ ನೇಣುಗಂಬವೇರುವ ನನಗೇಕೆ ಈ ಹಾಲು?ನನ್ನ ಮಾತೃದೇವಿಯ ಎದೆಹಾಲನ್ನೇ ಕುಡಿಯಹೊರಟಿರುವೆ ನಾ" ಎಂದು ಗರ್ಜಿಸಿ ಮುನ್ನಡೆಯಿಟ್ಟಾಗ, ಜೈಲರ್ ಕ್ರಾಂತಿಕಾರಿ ಮಾತಿಗೆ ತಲೆತಗ್ಗಿಸಿ ನಿಂತ.

ಯದಿ ದೇಶಹಿತ್ ಮರ್ನಾ ಪಡೆ

ಮುಝುಕೋ ಸಹಸ್ರೋಂ ಬಾರ್ ಭೀ

ತೋ ಭೀ ನ ಮೈ ಇಸ್ ಕಷ್ಟಕೋ

ನಿಜ ಧ್ಯಾನ್ ಮೇ ಲಾವೂ ಕಭೀ

ಹೇ ಈಶ್, ಭಾರತವರ್ಷ ಮೇ

ಶತ್ ಬಾರ್ ಮೇರಾ ಜನ್ಮ ಹೋ

ಕಾರಣ್ ಸದಾ ಹೀ ಮೃತ್ಯು ಕಾ

ದೇಶೋಪಕಾರಕ್ ಕರ್ಮ ಹೋ

ಮರ್ ತೇ ಬಿಸ್ಮಿಲ್, ರೋಶನ್, ಲಾಹಿರಿ

ಅಶ್ಫಾಕ್ ಅತ್ಯಾಚಾರ್ ಸೇ

ಹೋಂಗೇ ಪೈದಾ ಸೈಕಡೋ

ಉನಕೇ ರುಧಿರ್ ಧಾರ್ ಸೇ

ಉನಕೇ ಪ್ರಬಲ್ ಉದ್ಯೋಗ್ ಸೇ

ಉದ್ಧಾರ್ ಹೋಗಾ ದೇಶ್ ಕಾ

ತಬ್ ನಾಶ್ ಹೋಗಾ ಸರ್ವದಾ

ದುಂಖ್ ಶೋಕ್ ಕೆ ಲವಲೇಶ್ ಕಾ.

ಎಂತಹ ಅದ್ಭುತ ಸಾಲುಗಳು ಹಿಂದೂಸ್ಥಾನದ ವೀರಪುತ್ರ ರಾಮ ಪ್ರಸಾದ್ ಬಿಸ್ಮಿಲ್ ರವರು ಸೆರೆಮನೆವಾಸದಲ್ಲಿ ಬರೆದ ಕ್ರಾಂತಿ ಕವಿತೆ. ಸಾವು ಮುಂದಿರುವಾಗಲು ಸಿಂಹಗರ್ಜನೆ ಮಾಡಿದ ಭಾರತಾಂಬೆಯ ವೀರಪುತ್ರ ಮಹಾತ್ಮಾ ರಾಮ್ ಪ್ರಸಾದ್ ಬಿಸ್ಮಿಲ್ ರವರ ಜಯಂತಿಯಿಂದು.

ಹಿಂದೂಸ್ಥಾನ್ ಕಂಡ ಶ್ರೇಷ್ಠ ಕ್ರಾಂತಿರತ್ನರಲ್ಲಿ ಒಬ್ಬರಾದ ಚಂದ್ರಶೇಖರ್ ಆಜಾದ್ ಇವರ ಶಿಷ್ಯರೇ! ಹಾಗೂ ಹಿಂದೂ ಮುಸ್ಲಿಂ ಸ್ನೇಹ ಮತ್ತು ಭಾವೈಕ್ಯತೆಗೆ ಮತ್ತೊಂದು ಹೆಸರು ಮಹಾತ್ಮ ಕ್ರಾಂತಿಕಾರಿ ಬಲಿದಾನದಲ್ಲೂ ಒಂದಾದ ಅಶ್ಫಾಕುಲ್ಲಾ ಖಾನ್ ರು ರಾಮ್ ಪ್ರಸಾದ್ ರ ಸ್ನೇಹ ಮರೆಯಲಾದಿತೇ. ಹಾಗೆ ಭಗತ್, ಸುಖದೇವ್ ಮತ್ತು ರಾಜಗುರು ರವರು ಹಾಡಿದ "ಸರ್ಫರೋಷ್ ಕೀ ತಮನ್ನಾ" ಕವಿತೆ ಬರೆದವರು ರಾಮ್ ಪ್ರಸಾದ್ ಬಿಸ್ಮಿಲ್ ರವರೇ !!!

ಮಹಾತ್ಮನಾದ ರಾಮ್ ಪ್ರಸಾದ್ ಬಿಸ್ಮಿಲ್ ರಿಗೆ ಸಕಲ ರಾಷ್ಟ್ರಭಕ್ತರ ಪರವಾಗಿ ಜಯಂತಿಯ ಶುಭಾಶಯಗಳು .

ಅಗಲಿದ “ಹಾರೈಕೆ ಕವಿಗೆ” ನುಡಿ ನಮನ

noreply@blogger.com (ಕಾವ್ಯಾನುರಾಗ) — Fri, 4 Jun 2021 13:08:00 +0530

ಕಲ್ಯಾಣ ಕರ್ನಾಟಕ ಭಾಗದ ಸಾಹಿತ್ಯಲೋಕದ ಅಚ್ಚಳಿಯದ ನಕ್ಷತ್ರವೊಂದು ಕಳಚಿ ಬಿದ್ದಿದೆ . ಈ ಭಾಗದ ಸಾಹಿತ್ಯ ವಲಯದ ಎಲ್ಲಾ ಮಗ್ಗುಲುಗಳಲ್ಲಿ ಗುರುತಿಸಿಕೊಂಡು ಹಲವು ಯುವ ಸಾಹಿತ್ಯಾಸಕ್ತರಿಗೆ ಮಾರ್ಗದರ್ಶಿಯಾಗಿ ಇದ್ದ ಹಿರಿಯ ಜೀವವೊಂದು ಕಣ್ಮರೆಯಾಗಿದೆ.

ಅಕ್ಷರಶಃ ಈ ಭಾಗ ಇವರಿಲ್ಲದೇ ಅನಾಥ ಪ್ರಜ್ಞೆಯನ್ನು ಅನುಭವಿಸುತ್ತಿದೆ. ಪ್ರೋ. ವಸಂತ ಕುಷ್ಟಗಿ ಅವರು ಇಂದು (ಶುಕ್ರವಾರ) ನಸುಕಿನ ಜಾವ ಕೊನೆಯುಸಿರೆಳೆದಿದ್ದಾರೆ. ವಯೋಸಹಜ ಕಾಯಿಲೆಯಿಂದ ಬಳಲುತ್ತಿದ್ದ ಅವರನ್ನು ಇತ್ತೀಚೆಗಷ್ಟೆ ಕಲಬುರಗಿಯ ಖಾಸಗಿ ಆಸ್ಪತ್ರೆಗೆ ಸೇರಿಸಲಾಗಿತ್ತು. ಆದರೆ ಇಂದು ಚಿಕಿತ್ಸೆ ಫಲಕಾರಿಯಾಗದೆ “ಹಾರೈಕೆ ಕವಿ” ಅಸ್ತಂಗತರಾಗಿದ್ದಾರೆ.

ಎಂಥ ವಿಪರ್ಯಾಸವೆಂದರೆ ಇಂದು ಆಕಾಶವಾಣಿಯಲ್ಲಿ ಕಾರ್ಯಕ್ರಮ ವಿವರಣೆಯ ಸಂದರ್ಭದಲ್ಲಿ ನಾನು ಅವರದ್ದೆ ಕಾರ್ಯಕ್ರಮದ ಉದ್ಯೋಷಣೆ ಮಾಡಿದ್ದೆ “ಇಂದು ಬೆಳಿಗ್ಗೆ 9 ಗಂಟೆ 30 ನಿಮಿಷಕ್ಕೆ ಗಾಂಧಿಸ್ಕೃತಿ ಪ್ರಸಾರವಾಗಲಿದೆ, ಪ್ರೋ. ವಸಂತ ಕುಷ್ಟಗಿ ಅವರಿಂದ” ಎಂದು. ಅವರ ಕಾರ್ಯಕ್ರಮವೇನೋ ಸರಿಯಾದ ಸಮಯಕ್ಕೆ ಬಿತ್ತರ ಮಾಡಿದೆ. ಆದರೆ ಅದಾಗಲೇ ಅವರು ಈ ಲೋಕದಿಂದ ನಿರ್ಗಮನ ಮಾಡಿದ್ದರು. ಸಹುದ್ಯೋಗಿ ಮಿತ್ರ ದತ್ತಾತ್ರೇಯ ಪಾಟೀಲ್ ಕರೆ ಮಾಡಿ “ರಾಘು, ಪ್ರೋ. ವಸಂತ ಕುಷ್ಟಗಿ ಸರ್ ಅವರ ಗಾಂಧಿಸ್ಕೃತಿ ಕಾರ್ಯಕ್ರಮ ಇದೆ ಅಂತೇನೋ ಹೇಳಿದ್ರಿ ಆದ್ರೆ ಅವರು ಆಗಲೇ ಹೋಗಿಬಿಟ್ರಂತೆ” ಎಂದು ಹೇಳಿದಾಗ ಆಘಾತವಾಯಿತು.

ಪ್ರತಿ ಶುಕ್ರವಾರ ಕಲಬುರಗಿ ಆಕಾಶವಾಣಿ ಕೇಂದ್ರದಿಂದ ಮೂಡಿಬರುವ ಗಾಂಧಿಸ್ಕೃತಿ ಕಾರ್ಯಕ್ರಮದಲ್ಲಿ ತಮ್ಮ ದೃಷ್ಟಿಕೋನದಲ್ಲಿ ಗಾಂಧಿಜಿಯವರ ಜೀವನ ವೃತ್ತಾಂತಗಳನ್ನು ಅತ್ಯಂತ ಮಾರ್ಮಿಕವಾಗಿ ಹೇಳುತಿದ್ದವರು ಪ್ರೊ. ವಸಂತ ಕುಷ್ಟಗಿ. ಅದರಂತೆಯೇ ಗಾಂಧಿಜಿಯವರ ತತ್ವ ಆದರ್ಶಗಳನ್ನು ಜೀವನ ಪರ್ಯಂತ ಅಳವಡಿಸಿಕೊಂಡು ಬಂದವರು. ತಮ್ಮ ಇಡೀ ಜೀವನದುದ್ದಕ್ಕೂ ಗಾಂಧಿಜಿಯವರು ಹೇಳಿದಂತೆ ಖಾದಿ ವಸ್ತ್ರಗಳನ್ನೇ ತೊಟ್ಟವರು. ನಡೆಯಲು ಎಷ್ಟೇ ಕಷ್ಟವಾದರೂ ಸಹ ತಾವೇ ಸ್ವತಃ ಆಕಾಶವಾಣಿ ಸ್ಟುಡಿಯೋಗೆ ಆಗಮಿಸಿ ಕಳೆದ ಕೊರೋನಾ ಮಹಾಮಾರಿ ಆಗಮನಕ್ಕೂ ಮುಂಚಿನ ವರೆಗೆ ಗಾಂಧಿಸ್ಕೃತಿ ಕಾರ್ಯಕ್ರಮಕ್ಕಾಗಿ ಧ್ವನಿಮುದ್ರಣ ಮಾಡಿ ಹೋಗುತ್ತಿದ್ದರು. ಆದರೆ ಇನ್ನು ಮುಂದೆ ಆಕಾಶವಾಣಿ ಕೇಂದ್ರಕ್ಕೆ ಅವರ ಆಗಮನ ಇಲ್ಲ ಎಂದಾಗ ಬಹಳಷ್ಟು ನೋವಾಗುತ್ತದೆ. ಆದರೆ ಅವರ ಧ್ವನಿ ಮಾತ್ರ ನಮ್ಮ ಆಕಾಶವಾಣಿಯಲ್ಲಿ ಪ್ರತಿಧ್ವನಿಸುತ್ತಲೇ ಇರುತ್ತದೆ. ನಮ್ಮ ಧ್ವನಿ ಮುದ್ರಣ ಭಂಡಾರದಲ್ಲಿ ಅವರದ್ದೆಷ್ಟೋ ಕಾರ್ಯಕ್ರಮಗಳು ಆಕಾಶವಾಣಿ ಇರುವ ವರೆಗೂ ಕೇಳುಗರಿಗೆ ನೆನಪಾಗುತ್ತಲೇ ಇರುತ್ತಾರೆ. ಆಕಾಶವಾಣಿಯ ಕೇಳುಗರ ಪರವಾಗಿ ಸಾಹಿತ್ಯಲೋಕದ ಎಲ್ಲರ ಪರವಾಗಿ ಪ್ರೋ. ವಸಂತ ಕುಷ್ಟಗಿ ಅವರ ಆತ್ಮಕ್ಕೆ ಶಾಂತಿ ಕೋರುತ್ತೇನೆ.

"ಹಾರೈಕೆ ಕವನ ವಸಂತ ಕುಷ್ಟಗಿ ವಾಚನ" ವೀಡಿಯೋಗಾಗಿ ಇಲ್ಲಿ ಕ್ಲಿಕ್ಕಿಸಿ

ಪ್ರೋ. ವಸಂತ ಕುಷ್ಟಗಿ ಅವರ ಪರಿಚಯ:

ಸಾಹಿತಿಗಳಾಗಿ, ಸಾಹಿತ್ಯ ಸಂಘಟಕರಾಗಿ ಕಲಬುರ್ಗಿಯ ಸಾಹಿತ್ಯ ಪ್ರಿಯರಿಗೆ ಸಾಹಿತ್ಯಿಕ, ಶೈಕ್ಷಣಿಕ ವಿಷಯಗಳನ್ನು ತಮ್ಮ ಚಟುವಟಿಕೆಗಳ ಮುಖಾಂತರ ಪರಿಚಯಿಸುತ್ತಿರುವ ವಸಂತ ಕುಷ್ಟಗಿಯವರು ಹುಟ್ಟಿದ್ದು ಚಾಲುಕ್ಯರ ರಾಜಧಾನಿಯಾಗಿದ್ದ ಬಾದಾಮಿಯಲ್ಲಿ (ಬಾಗಲಕೋಟೆ ಜಿಲ್ಲೆ) ೧೯೩೬ ರ ಅಕ್ಟೋಬರ್ ೧೦ ರಂದು. ತಂದೆ ರಾಘವೇಂದ್ರ ಕುಷ್ಟಗಿಯವರು ನಿಜಾಂ ಆಡಳಿತದ ಜಿರಾಯತ್‌ (ವ್ಯವಸಾಯ) ಖಾತೆಯಲ್ಲಿ ಮದದ್‌ಗಾರರಾಗಿ (ಸಹಾಯಕರಾಗಿ) ಕೆಲಸ ಮಾಡಿದವರು, ತಾಯಿ ಸುಂದರಾಬಾಯಿ.

ಯಾದಗಿರಿಯಲ್ಲಿ ಪ್ರಾರಂಭಿಕ ಶಿಕ್ಷಣ. ಉಪಾಧ್ಯಾಯರಾಗಿ ದೊರೆತ ಶಂಕರರಾವ್‌ ಕುಲಕರ್ಣಿಯವರ ಮೇಲ್ವಿಚಾರಣೆಯಲ್ಲಿ ಕಲಿತ ಉರ್ದುಭಾಷೆ. ‘ಮಕ್ಕಳ ಸ್ಕೂಲು ಮನೇಲಲ್ವೆ’ ಎನ್ನುವಂತೆ ತಾಯಿ ಸುಂದರಾಬಾಯಿಯವರಿಂದ ಕಲಿತ ಕನ್ನಡಭಾಷೆ. ತಂದೆಗೆ ಆಗಾಗ್ಗೆ ವರ್ಗವಾಗುತ್ತಿದ್ದುದರಿಂದ ಮಾಧ್ಯಮಿಕ ಶಾಲಾಭ್ಯಾಸ ಶಹಾಪೂರದಲ್ಲಿ. ಗುಲಬರ್ಗಾದ ನೂತನ ವಿದ್ಯಾಲಯದಲ್ಲಿ ಕಲಿತದ್ದು ಪ್ರೌಢಶಾಲೆಯವರೆಗೆ. ಸರಕಾರಿ ಕಾಲೇಜಿನಲ್ಲಿ ಇಂಟರ್ ಮೀಡಿಯೆಟ್‌ ಓದಿದ ನಂತರ ಹೈದರಾಬಾದಿನ ಉಸ್ಮಾನಿಯಾ ವಿಶ್ವವಿದ್ಯಾಲಯದಿಂದ ಪ್ರಥಮ ದರ್ಜೆಯಲ್ಲಿ ಪಡೆದ ಎಂ.ಎ. ಪದವಿ. ಉಪನ್ಯಾಸಕರಾಗಿ ಸೇರಿದ್ದು ಬೀದರಿನ ಎಚ್‌.ಕೆ.ಇ. ಸೊಸೈಟಿಯ ಟಿ.ವಿ. ಭೂಮರೆಡ್ಡಿ ಕಾಲೇಜಿನಲ್ಲಿ. ನಂತರ ಶಹಾಬಾದಿನ ಎಸ್‌.ಎಸ್‌.ಎಂ. ಕಾಲೇಜಿನಲ್ಲಿ ಉಪನ್ಯಾಸಕರಾಗಿ, ರೀಡರಾಗಿ, ಪ್ರಾಧ್ಯಾಪಕರಾಗಿ ಕಲಬುರ್ಗಿಯ ಎಂ.ಎಸ್‌.ಐ. ಕಾಲೇಜು, ಮತ್ತು ಶಹಾಬಾದಿನ ಎಸ್‌.ಎಸ್‌.ಎಂ. ಕಾಲೇಜುಗಳಲ್ಲಿ ಪ್ರಾಂಶುಪಾಲರಾಗಿ ಸೇವೆ ಸಲ್ಲಿಸಿದ್ದಲ್ಲದೆ ನಿವೃತ್ತಿಯ ನಂತರವೂ ಸ್ವಾಮಿ ರಾಮಾನಂದ ತೀರ್ಥ ಸಂಶೋಧನ ಸಂಸ್ಥೆಯಲ್ಲಿ ಗೌರವ ನಿರ್ದೇಶಕರಾಗಿ, ಗುಲಬರ್ಗಾ ವಿ.ವಿ. ಸ್ಥಾಪನೆಯಾದಾಗ (೧೯೮೦ – ೮೨) ಉಪಕುಲಪತಿಯಾಗಿ, ಪ್ರಸಾರಾಂಗದ ನಿರ್ದೇಶಕರಾಗಿ ಕಾರ್ಯನಿರ್ವಹಿಸಿದ್ದಾರೆ.

ತಾಯಿ ಸುಂದರಾಬಾಯಿಯವರು ಅಕ್ಷರಾಭ್ಯಾಸ ಮಾಡಿಸಿದರೆ ತಂದೆ ರಾಘವೇಂದ್ರ ಕುಷ್ಟಗಿಯವರು ಸಾಹಿತ್ಯದ ಬಗ್ಗೆ ಒಲವು ಮೂಡುವಂತೆ ಮಾಡಿದರು. ತಂದೆಯು ವರ್ಗವಾಗಿ ಹೋದೆಡೆಯಲ್ಲೆಲ್ಲಾ ಸಾಹಿತಿಗಳ ಸ್ನೇಹ ಸಂಪಾದಿಸಿ ನಡೆಸುತ್ತಿದ್ದ ಸಾಹಿತ್ಯಕೂಟದಲ್ಲಿ ಬೇಂದ್ರೆ, ಆಲೂರು ವೆಂಕಟರಾಯರು, ಗೋಕಾಕ್‌, ಸಿಂಪಿಲಿಂಗಣ್ಣ, ಮುಗಳಿ ಮುಂತಾದವರೆಲ್ಲರೂ ಹಾಜರಿರುತ್ತಿದ್ದರು.

ವಸಂತ ಕುಷ್ಟಗಿ ಅವರು ಹಲವಾರು ನಾಟಕಗಳನ್ನು ಬರೆದುದಲ್ಲದೆ ರಂಗನಟರಾಗಿಯೂ ಪಾಲ್ಗೊಳ್ಳುತ್ತಿದ್ದರು. ಹೀಗೆ ಸಾಹಿತ್ಯದ ವಾತಾವರಣದಲ್ಲೇ ಬೆಳೆದ ವಸಂತ ಕುಷ್ಟಗಿಯವರು ‘ನನ್ನ ಮನೆ ಹಾಲಕೆನೆ’ ಎಂಬ ಕವಿತೆಯನ್ನು ಐದನೆಯ ತರಗತಿಯಲ್ಲಿದ್ದಾಗಲೇ ಬರೆದಿದ್ದರು. ಹೈದರಾಬಾದಿನ ಉಸ್ಮಾನಿಯ ವಿಶ್ವವಿದ್ಯಾಲಯದಲ್ಲಿದ್ದಾಗ ಕಾಲೇಜಿನ ಪತ್ರಿಕೆಗೂ ಬರೆಯ ತೊಡಗಿದ್ದರು. ಗಳಗನಾಥರಂತಹವರು ತಮ್ಮ ಪುಸ್ತಕಗಳನ್ನು ಗೋಣಿ ಚೀಲದಲ್ಲಿ ಹೊತ್ತು, ಮಾರಾಟಮಾಡಲು ಬರುತ್ತಿದ್ದುದನ್ನು ಕಂಡ ಕುಷ್ಟಗಿಯವರು ಈ ರೀತಿ ನನ್ನ ಪುಸ್ತಕವೂ ಮಾರಾಟವಾಗುವುದು ಯಾವಾಗ ಎಂದು ಯೋಚಿಸುತ್ತಿದ್ದವರು.

ವಸಂತ ಕುಷ್ಟಗಿ ಅವರ ಮೊದಲ ಕವನ ಸಂಕಲನ ‘ಭಾವದೀಪ್ತಿ’ ಪ್ರಕಟವಾದದ್ದು ೧೯೭೦ರಲ್ಲಿ. ನಂತರ ಬಂದ ಕವನ ಸಂಕಲನಗಳು ಹೊಸಹೆಜ್ಜೆ, ಗಾಂಧಾರಿಯ ಕರುಣೆ, ದಿಬ್ಬಣದ ಹಾಡು, ಬೆತ್ತಲೆಯ ಬಾನು, ಹಾರಯಿಕೆ ಮುಂತಾದ ೯ ಕವನ ಸಂಕಲನಗಳು. ನಂತರ ಗದ್ಯಸಾಹಿತ್ಯದಲ್ಲಿಯೂ ಹಲವಾರು ಕೃತಿ ರಚಿಸಿರುವ ವಸಂತ ಕುಷ್ಟಗಿಯವರು ಬರೆದ ಮೊದಲ ಕೃತಿ ಭಕ್ತಿಗೋಪುರ. ಮುಂಡರಗಿ ಭೀಮರಾಯ, ಮದನಮೋಹನ ಮಾಳವೀಯ, ಕಲಬುರಗಿಯ ಶ್ರೀ ಮಹಾದೇವಪ್ಪ ರಾಂಪುರೆ ಮುಂತಾದ ವ್ಯಕ್ತಿ ಚಿತ್ರ ಕೃತಿಗಳು; ಜಗನ್ನಾಥ ದಾಸರ ಹಿರಿಮೆ, ದಾಸ ಸಾಹಿತ್ಯದ ಹಾದಿಯಲ್ಲಿ, ವಿಜಯನಗರ ಸಾಮ್ರಾಜ್ಯದ ಪತನಾ ನಂತರದ ಹರಿದಾಸ ಸಾಹಿತ್ಯ ಮುಂತಾದ ದಾಸ ಸಾಹಿತ್ಯದ ಕೃತಿಗಳು; ಹೊತ್ತಿಗೆಗಳ ಸೊಗಡು, ಓದಿ ಪುಸ್ತಕ ಓದು, ಅಸಂಗತ ಸ್ವಗತ ಮೊದಲಾದ ಸಾಹಿತ್ಯ ಪರಿಚಯಾತ್ಮಕ ಕೃತಿಗಳೂ ಸೇರಿ ಸುಮಾರು ೨೦ ಕ್ಕೂ ಹೆಚ್ಚೂ ಕೃತಿಗಳನ್ನು ರಚಿಸಿದ್ದಾರೆ. ಕೃತಿ ಸಂಪಾದನೆಯ ಕಾರ್ಯದಲ್ಲಿಯೂ ತೊಡಗಿಸಿಕೊಂಡಿರುವ ಕುಷ್ಟಗಿಯವರು ಕಾವ್ಯಶ್ರೀ, ತೊದಲು, ಅಜ್ಜಿಹೇಳಿದ್ದು ಮೊಮ್ಮಕ್ಕಳು ಬರೆದದ್ದು ಶ್ರೀರಾಘವೇಂದ್ರ ಮಹಿಮೆ, ಕಂದಗಲ್‌ ಕೃತ ಶ್ರೀ ಚಂದ್ರಲಾ ಪರಮೇಶ್ವರಿ ನಾಟಕ ಮುಂತಾದ ವಿವಿಧ ಪ್ರಕಾರಗಳ ಸುಮಾರು ೧೫ ಕೃತಿಗಳ ಜೊತೆಗೆ ಇತರರೊಡನೆ ಸೇರಿ ಸುಮಾರು ೨೦ ಕ್ಕೂ ಹೆಚ್ಚು ಕೃತಿಗಳನ್ನು ಸಂಪಾದಿಸಿದ್ದಾರೆ.

ತಮ್ಮದೇ ಬತೇರೇಶ ಪ್ರಕಾಶನದಡಿಯಲ್ಲಿ ತಮ್ಮದಲ್ಲದೆ, ಇತರ ಸಾಹಿತಿಗಳ ಕೃತಿಗಳೂ ಸೇರಿ ಸುಮಾರು ೨೫ ಕ್ಕೂ ಹೆಚ್ಚು ಕೃತಿಗಳನ್ನು ಪ್ರಕಟಿಸಿದ್ದಾರೆ. ಕರ್ನಾಟಕ ಸಾಹಿತ್ಯ ಅಕಾಡಮಿ, ಇತಿಹಾಸ ಅಕಾಡಮಿ, ಹೈದರಾಬಾದಿನ ಶಿಕ್ಷಣ ಸಂಸ್ಥೆ, ಕರ್ನಾಟಕ ವಿ.ವಿ.ದ ಸೆನೆಟ್‌, ಗುಲಬರ್ಗಾ ವಿ.ವಿ.ದ ಸೆನೆಟ್‌, ಕೋಲ್ಕತ್ತಾದ ಏಷಿಯಾಟಿಕ್‌ ಸೊಸೈಟಿ ಆಫ್‌ ಇಂಡಿಯಾ ಮುಂತಾದ ಹಲವಾರು ಸಂಘ ಸಂಸ್ಥೆಗಳು, ಶಿಕ್ಷಣ ಸಂಸ್ಥೆಗಳ ಸದಸ್ಯರಾಗಿ ದುಡಿಯುತ್ತಿರುವ ಕುಷ್ಟಗಿಯವರಿಗೆ ಕಡೆಂಗೋಡ್ಲು ಕಾವ್ಯ ಪ್ರಶಸ್ತಿ, ಗೊರೂರು ಸಾಹಿತ್ಯ ಪ್ರಶಸ್ತಿ, ವಾರಂಬಳ್ಳಿ ಪ್ರಶಸ್ತಿ, ರತ್ನಾಕರವರ್ಣಿ ಮುದ್ದಣ – ಆನಾಮಿಕ ದತ್ತಿ ಪ್ರಶಸ್ತಿ, ಭಾರತ ರತ್ನ ಸರ್. ಎಂ.ವಿ. ಪ್ರತಿಷ್ಠಾನ ಪ್ರಶಸ್ತಿ, ಉಡುಪಿ ಜಿಲ್ಲೆಯ ಬೇಲಾಡಿ ಮಾರಣ್ಣ ಮಾಡ ಪ್ರಶಸ್ತಿ, ಕರ್ನಾಟಕ ರಾಜ್ಯ ಸಾಹಿತ್ಯ ಅಕಾಡಮಿ ಪ್ರಶಸ್ತಿಗಳಲ್ಲದೆ ಬಾದಾಮಿ ತಾಲ್ಲೂಕು ಪ್ರಥಮ ಕನ್ನಡ ಸಾಹಿತ್ಯ ಸಮ್ಮೇಳನಾಧ್ಯಕ್ಷತೆ, ಮೇದಕ್ಕಿಯಲ್ಲಿ ನಡೆದ ಗಡಿನಾಡು ಕನ್ನಡ ಸಾಹಿತ್ಯ ಸಮ್ಮೇಳಾನಧ್ಯಕ್ಷತೆ, ಕಲಬುರ್ಗಿ ಜಿಲ್ಲಾ ೯ನೇ ಸಾಹಿತ್ಯ ಸಮ್ಮೇಳನಾಧ್ಯಕ್ಷತೆ ಮತ್ತು ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ, ಗುಲಬರ್ಗಾ ವಿ.ವಿ.ದ ಗೌರವ ಡಾಕ್ಟರೇಟ್‌ ಮುಂತಾದ ಗೌರವಗಳು ದೊರೆತಿವೆ.

ವಸಂತ ಕುಷ್ಟಗಿ ಅವರ ಸಾಹಿತ್ಯ ಮತ್ತು ವ್ಯಕ್ತಿ ಪರಿಚಯದ ‘ಹಾರಯಿಕೆಯ ಕವಿ ಪ್ರೊ. ವಸಂತ ಕುಷ್ಟಗಿ’ ಕೃತಿಯು ೨೦೧೦ರಲ್ಲಿ ಪ್ರಕಟಗೊಂಡಿದೆ. ಪ್ರೊ. ವಸಂತ ಕುಷ್ಟಗಿಯವರ ಜೀವನ ಮತ್ತು ಕಾವ್ಯ: ಒಂದು ಅಧ್ಯಯನ ಸಂಪ್ರಬಂಧಕ್ಕೆ ಶ್ರೀಮತಿ ರೂತಾ ಎಸ್‌. ಪ್ರಭುಶಂಕರ ರವರಿಗೆ ಗುಲಬರ್ಗಾ ವಿಶ್ವವಿದ್ಯಾಲಯದಿಂದ ಎಂ.ಫಿಲ್‌. ಪದವಿ ದೊರೆತಿದೆ.

ನಾ ಕಂಡಂತೆ ಮಾರುತಿ ಬೊಗಲೆ-ಶಶಿಕಲಾ ಎಸ್. ಪಾಟೀಲ

noreply@blogger.com (ಕಾವ್ಯಾನುರಾಗ) — Mon, 31 May 2021 23:44:00 +0530

ಜೂನ್ 1 ನನ್ನ ತಂದೆ, ನನ್ನ ದೇವರು ಮಾರುತಿ ಬೊಗಲೆ ಅವರ 62ನೇ ಜನ್ಮದಿನ. ಈ ಸಂದರ್ಭದಲ್ಲಿ ಒಂದು ಅಪರೂಪದ ಲೇಖನವಿದು. ನನ್ನ ತಂದೆಯ ಜೊತೆ ಕಾರ್ಯ ನಿರ್ವಹಿಸಿದ್ದ ಶ್ರೀಮತಿ ಶಶಿಕಲಾ ಎಸ್. ಪಾಟೀಲ ಅವರು ಬರೆದು ಕಳುಹಿಸಿದ್ದು. ನಮ್ಮ ತಂದೆಯವರ ಪ್ರಥಮ ಪುಣ್ಯಸ್ಮರಣೆಯ ಪ್ರಯುಕ್ತ ದಿನಾಂಕ 24-01-2021 ರಂದು ಹಮ್ಮಿಕೊಂಡಿದ್ದ ಕಾರ್ಯಕ್ರಮದ ಬಗ್ಗೆ ಗೊತ್ತಾಗಿ ಅಂದು ತಮ್ಮ ಮನದಲ್ಲಿ ಮೂಡಿದ ಭಾವನೆಗಳನ್ನು ಈ ಬರಹದಲ್ಲಿ ವ್ಯಕ್ತಪಡಿಸಿದ್ದಾರೆ.

ದಿನಾಂಕ 24-01-2021 ರಂದು ಬೆಳಿಗ್ಗೆ 9.30 ಗಂಟೆಗೆ ನನ್ನ ಮಗಳು ಮೇಘಾಳ ಫೋನ್ ರಿಂಗಣಿಸಿತು. ಕರೆ ಸ್ವೀಕರಿಸಿದಾಗ "ಈ ದಿನ ರಾಘವೇಂದ್ರ ಬೊಗಲೆ ಅವರ ತಂದೆ ಶ್ರೀ ಮಾರುತಿ ಬೊಗಲೆ ಅವರ ಪುಣ್ಯಸ್ಮರಣೋತ್ಸವ” ಇರೋದು ಗೊತ್ತಾಯಿತು. ತಕ್ಷಣ ನಾನು 2012 ರ ವರ್ಷಕ್ಕೆ ವಾಪಸ್ ಹೋದೆ. ಆ ದಿನಗಳ ಚಿತ್ರಗಳು ಒಂದು ಕ್ಷಣ ನನ್ನ ಮನಃ ಪಟಲದ ಮೇಲೆ ಮೂಡಿದವು. ಅವು ನನ್ನ ಬದುಕಿನಲ್ಲಿ ಎಂಥ ಅದ್ಭುತ ದಿನಗಳಾಗಿದ್ದವು ! ಎನಿಸಿತು.

ಹುಮನಾಬಾದ ತಾಲೂಕಿನ ಸೀತಾಳಗೇರಾ ವಲಯದ ಸಿಆರ್‌ಪಿ ಕೆಲಸಕ್ಕೆ ನಾನು ಹಾಜರಾಗಿದ್ದೆ, ಶ್ರೀ ಮಾರುತಿ ಬೊಗಲೆಯವರು ಸೀತಾಳಗೇರಾ ಮಾದರಿ ಶಾಲೆಯಲ್ಲಿ ಸಹ ಶಿಕ್ಷಕರಾಗಿ ಕಾರ್ಯನಿರ್ವಹಿಸುತ್ತಿದ್ದ ಕಾಲವದು. ಅವರ ಆ ಶಾಂತ ಮುಖ ನನ್ನ ಕಣ್ಣ ಮುಂದೆ ಬಂದು“ ನಮಸ್ಕಾರ ಮೇಡಂ ಬರಿ” ಎಂದಂತೆ ಭಾಸವಾಗಿ ಕಣ್ಣು ತೇವಗೊಂಡವು.

ಹೌದಲ್ವೇ... ಮನುಷ್ಯ ಶರೀರ ನಶ್ವರ... ಆದರೆ ಅವರ ಆದರ್ಶಗಳು ಮಾತ್ರ ಶಾಶ್ವತ.

ಅವರು ಪ್ರತಿಯೊಂದು ವಿಷಯವನ್ನು ಮಕ್ಕಳಿಗೆ ಮನದಟ್ಟು ಮಾಡುವ ರೀತಿಯೇ ಅದ್ಭುತ ! ಒಂದೊಂದು ಅಂಶ ನೆನಪಿಟ್ಟುಕೊಳ್ಳಲು ಒಂದೊಂದು ಸೂತ್ರವೇ ಹೇಳಿಕೊಡುವವರು. ಹೀಗೆ ಒಂದು ಸಲ ಅವರ ತರಗತಿ ವೀಕ್ಷಣೆಗೆ ಹೋಗಿದ್ದೆ. ಅವರು ಮಕ್ಕಳಿಗೆ “ದಿಕ್ಕುಗಳು” ಪರಿಚಯ ಮಾಡಿಕೊಡುತಿದ್ದರು. ಕೆಲವೊಂದು ಪಾಠೋಪಕರಣಗಳನ್ನು ಬಳಸಿಕೊಳ್ಳುತ್ತ ಮಕ್ಕಳೊಳಗೆ ಒಂದಾಗಿದ್ದರು. ಕಪ್ಪು ಹಲಗೆ ಮೇಲೆ ಈ ಕೆಳಗಿನ ಚಿತ್ರ ಬರೆದು...

ಇದನ್ನು ಅವರು ಮೊದಲು ರಾಗವಾಗಿ ಹಾಡಿನ ರೂಪದಲ್ಲಿ ಹೇಳಿ ನಂತರ ಮಕ್ಕಳಿಂದ ಹೇಳಿಸುತ್ತಿದ್ದರು. ವಾ ಉ ಈ ಹೂ... ಆ ದ ನೈ ಪ . ಇದು ಅವರ ಸೂತ್ರ. ನನಗೆ ಮೈ ರೋಮಾಂಚನಗೊಂಡಿತು. ಎಂಥ ಉತ್ತಮ ತಂತ್ರ ! ಮಕ್ಕಳು ಅವರ ರಾಗಕ್ಕೆ ತಾಳ ಹಾಕುತ್ತ ದಿಕ್ಕುಗಳ ರಾಗ ಮೆಲಕು ಹಾಕುತ್ತ ಸಂತೋಷವಾಗಿ ಕುಣಿಯುತ್ತಿದ್ದರು.

ಎಷ್ಟು ಜನ ಶಿಕ್ಷಕರಿದ್ದಾರೆ ಹೇಳಿ, ಈ ರೀತಿಯ ಕಲಿಕೆ ಉಂಟು ಮಾಡುವಲ್ಲಿ ಕಾಯಾ ವಾಚಾ ಮನಸಾ ದುಡಿಯುವವರು ? ಆ ದಿನ ನಾನು ಅವರಿಗೆ ಏನೂ ಹೇಳಲಿಲ್ಲ. ಬದಲಿಗೆ ನನ್ನ ಡೈರಿಯಲ್ಲಿ ಅವರ ಸೂತ್ರದ ಚಿತ್ರವನ್ನು ಬಿಡಿಸಿಕೊಂಡಿದ್ದೆ . ವಾ ಉ ಈ ಹೂ... ಆ ದ ನೈ ಪ... ಎಂಬ ರಾಗ ಬಾಯಲ್ಲಿ ಗುನುಗಿದ್ದೆ.

ಅಂದು ನಾನು ಶ್ರೀ ಮಾರುತಿ ಬೊಗಲೆ ಅವರಿಂದ ಒಂದು ಹೊಸ ಪಾಠ ಕಲಿತೆ. ಅಂದಿನಿಂದ ನನಗೆ ಕಠಿಣ ಎನಿಸಿದ ವಿಷಯಗಳ ಕುರಿತು ಅವರೊಂದಿಗೆ ಚರ್ಚಿಸುತ್ತಿದ್ದೆ. ಇದು ಒಂದು ಉದಾಹರಣೆ ಮಾತ್ರ ಅವರಲ್ಲಿ ಅಗಾಧ ವಿದ್ವತ್ ಶಕ್ತಿ ಇತ್ತು. ಆದರೆ ಅವರು ಯಾವತ್ತೂ ಅದನ್ನು ಪ್ರದರ್ಶನ ಮಾಡುತ್ತಿರಲಿಲ್ಲ. ಅವರ ಸಂಪರ್ಕಕ್ಕೆ ಬಂದಾಗ ಮಾತ್ರ ಅವರ ವಿದ್ವತ್ಥರ್ಶನವಾಗಿತ್ತು.

ನನಗೂ ಅಂದು ವೀಕ್ಷಣೆಗೆ ಹೋದಾಗಲೇ ಅರಿವಿಗೆ ಬಂದಿದ್ದು , ಅವರ ಪಾಠದ ಪರಿ ಅವರಿಗರಿವಿಲ್ಲದೆ ವೀಕ್ಷಿಸುತಿದ್ದೆ. ಅವರ ಪಾಠ ಮುಗಿದ ನಂತರವೇ ಅವರು ನನ್ನ ಬರುವು 'ಅರಿತದ್ದು. ಕೈಮುಗಿದು“ ಏನು ಹೇಳಿ ಮೇಡಂ, ಎಲ್ಲಿ ತಿದ್ದಿಕೊಳ್ಳಲಿ” ಎಂದರು ಶಾಂತಮೂರ್ತಿಯಾಗಿ. ಅದಕ್ಕೆ ನಾನು “ಸರ್ ನಾನು ತುಂಬಾ ಅದೃಷ್ಟವಂತೆ. ತಮ್ಮಿಂದ ಒಂದು ಹೊಸ ನೀತಿ ಕಲಿತೆ. ತಮ್ಮ ಕಲಿಕಾ ತಾಂತ್ರಿಕತೆ ನನ್ನನ್ನು ಮಂತ್ರಮುಗ್ಧಳನ್ನಾಗಿಸಿತು. ಧನ್ಯಳಾದೆ ” ಎಂದೆ. ಇದು ಶ್ರೀ ಮಾರುತಿ ಬೊಗಲೆ ಅವರ ಬೋಧನೆಯ ಒಂದು ಪಕ್ಷಿನೋಟ.

“ವಲಯ” ಅಂದ ಮೇಲೆ ವಾರದಲ್ಲಿ ಒಂದಾದರೂ ಕಾರ್ಯಕ್ರಮ ನಡಿಯಲೇ ಬೇಕು. “ಸರ್ವಶಿಕ್ಷಣ ಅಭಿಯಾನ” ಶೈಕ್ಷಣಿಕ ಕಾರ್ಯಕ್ರಮಗಳ ಮೂಟೆಯ ಹೊತ್ತು ತಂದಿತು. ಶಿಕ್ಷಕ ವೃಂದಕ್ಕೆ ಆ ದಿನಗಳಲ್ಲಿ ನಿದ್ರಿಸುವಂತಿರಲಿಲ್ಲ. ಅಷ್ಟೊಂದು ಕೆಲಸ.

ಕಾರ್ಯಕ್ರಮ ಎಂದಾಕ್ಷಣ ಕಾರ್ಯಕ್ರಮದ ರೂಪರೇಷೆ ತಯಾರಿಸುವ ಶ್ರೀ ಮಡೆಪ್ಪ ಕುಂಬಾರ, ವೇದಿಕೆ ನಿರ್ಮಾಣ ಹಾಗೂ ನಿರೂಪಣೆ ಮಾಡುವ ಶ್ರೀ ಸುಭಾಷ ಗಂಗಾ, ಶ್ರೀ ಮಲ್ಲಿಕಾರ್ಜುನ ಶಕ್ಕರಗಂಜ ಬಂದವರಿಗೆ ಊಟದ ವ್ಯವಸ್ಥೆಗೆ ಅಣಿಗೊಳಿಸುವ ಶ್ರೀ ಮಲ್ಲಿಕಾರ್ಜುನ ಹೆಜ್ಜೆ, ಬೋಧನೆಗೆ ಬೇಕಾಗುವ ಡ್ರಾಯಿಂಗ್ ಶೀಟ್ - ಚಾರ್ಟ್‌ಗಳನ್ನೆಲ್ಲ ತಯ್ಯಾರಿಸುವ ಶ್ರೀ ರಾಮನಗೌಡ್ರು, ಮಂಜುನಾಥ, ಯೂಸೂಫ್, ಸುದರ್ಶನ್, ಶೇಖರ್, ರಾಜೇಂದ್ರ, ಅಲ್ಲದೇ ಈ ವಲಯದಲ್ಲಿ ಏನು ನಡೆದಿದೆ ಎಂಬುದನ್ನು ಜನತೆಗೆ ಪರಿಚಯಿಸುವ 'ವಾರ್ತಾ ಮತ್ತು ಪ್ರಚಾರ ಇಲಾಖೆ' ಎಂದೇ ಪ್ರಸಿದ್ಧಿ ಪಡೆದಿರುವ ಶ್ರೀ ಕುಪೇಂದ್ರ ಶಾಸ್ತ್ರೀ.

ಇದರೊಂದಿಗೆ ಕಾರ್ಯಕ್ರಮದ ದಿನ ಕಪ್ಪು ಹಲಗೆಯ ಮೇಲೆ ತಮ್ಮ ಮುದ್ದಾದ ದುಂಡಾದ ಅಕ್ಷರಗಳಿಂದ ಬರೆದ...

ಶಿಕ್ಷಕರ ಅಂತರ್ ಸಮಾಲೋಚನಾ ಸಭೆ

ವಲಯದ ಅರ್ಧ ಶಿಕ್ಷಕರ ಅನುಭವ ಹಂಚಿಕೆ ಕಾರ್ಯಾಗಾರ

ಸರ್ವರಿಗೂ ಆದರದ ಸ್ವಾಗತ

ಎಂಬ ಶ್ರೀ ಮಾರುತಿ ಬೊಗಲೆ ಅವರ ಬರವಣಿಗೆ ಸಾಲುಗಳು ಎಲ್ಲಾ ಗುರು ವೃಂದಕ್ಕೆ ಕೈಬೀಸಿ ಕರೆಯುತ್ತಿತ್ತು. ಇದು ಅವರ ಕ್ರಿಯಾಶೀಲತೆಯನ್ನು ಎತ್ತಿ ತೋರಿಸುತ್ತಿತ್ತು.

ಈ ಎಲ್ಲವೂ ಒಂದು ಕ್ಷಣದಲ್ಲಿ ನನ್ನ ಮನದ ಪರದೆಯ ಮೇಲೆ ತೇಲಿ ಹೋಯಿತು. ಎಂಥಾ ಕ್ರಿಯಾಶೀಲ ಶಿಕ್ಷಕರು ! ಎಷ್ಟೊಂದು ಆತ್ಮೀಯತೆ !! ಹೃದಯ ಧನ್ಯತೆಯಿಂದ ಬಾಗಿತು. ಎಲ್ಲಾ ಶಿಕ್ಷಕರು ಮಾರುತಿ ಸರ್ ತರಹ ಆದರೆ ಎಷ್ಟೊಂದು ಚೆನ್ನ ! ನಮಗೆ ಮಾದರಿ. ಅವರ ಬದುಕಿನ ಒಂದೊಂದು ಹೆಜ್ಜೆಯೂ ನಮಗೆ ದಾರಿದೀಪ, ಮಾರ್ಗದರ್ಶಿ.

ಎಷ್ಟೋ ಸಲ ಬಸ್ಸುಗಳು ಬರದೆ ಹೋದಾಗ ಸುಮಾರು 10 ಕಿ.ಮೀ. ದೂರದ ಸೀತಾಳಗೇರಾಕ್ಕೆ ನಡೆದುಕೊಂಡು ಹೋಗಿಯೇ ಸಮಯ ಪಾಲನೆ ಮಾಡಿದ ಮಹಾನ್ ಶಿಕ್ಷಕರು ಶ್ರೀ ಮಾರುತಿ ಬೊಗಲೆಯವರು. 2013-14 ರಲ್ಲಿ “ವಲಯದ ಕ್ರೀಯಾಶೀಲ ಶಿಕ್ಷಕರು” ಎಂಬ ಪ್ರಶಸ್ತಿಗೆ ಭಾಜನರಾದವರು ಕೂಡಾ.

ತನ್ನ ಬದುಕಿನ ಜಂಜಾಟ ಏನೇ ಇದ್ದರೂ ಅದನ್ನು ತನ್ನ ಸರಕಾರಿ ಕೆಲಸದಲ್ಲಿ ತಂದವರೇ ಅಲ್ಲ. ಈ ಬದುಕು ಆ ಭಗವಂತ ನಮಗಿತ್ತ ಅಮೂಲ್ಯ ಕಾಣಿಕೆ. ಅದನ್ನು ನಾವು ಹೇಗೆ ನಿರ್ವಹಿಸುತ್ತೇವೆ ಎಂಬುದು ಅತ್ಯಂತ ಮುಖ್ಯ. ನಾವು ಎಷ್ಟು ದಿನ ಬದುಕಿದೇವು ಎನ್ನುವುದಕ್ಕಿಂತ 'ಹೇಗೆ' ಬದುಕಿದೇವು ಎಂಬುದು ಅತ್ಯಂತ ಚಿಂತನಾಶೀಲ ವಿಷಯ.

ಬಡತನದಲ್ಲಿಯೇ ಹುಟ್ಟಿ ಬಡತನದಲ್ಲಿಯೇ ಬೆಳೆದು ಅತ್ಯಂತ ಪ್ರಾಮಾಣಿಕವಾಗಿ ಬದುಕಿ “ಏಜ್ ವಿಥ್ ಮೆರಿಟ್” ನಲ್ಲಿ ಶಿಕ್ಷಕ ವೃತ್ತಿಗೆ ಸೇರಿಕೊಂಡು ತಮಗೆ ಸಿಕ್ಕ ಅಲ್ಪ ಸಮಯದಲ್ಲಿಯೇ ಶರೀರ ಅಳಿದರೂ ನೆನಪು ಶಾಶ್ವತವಾಗಿ ಉಳಿಯುವಂಥಹ ಕೆಲಸವನ್ನು ಮಾಡಿದವರು ಶ್ರೀ ಮಾರುತಿ ಬೊಗಲೆಯವರು.

‘ಗುರು' ಯಾವತ್ತೂ ಮಾಜಿಯಾಗುವುದಿಲ್ಲ . ‘ಗುರು' ಸಾಯುವುದೂ ಇಲ್ಲ. ಆತ ನಿತ್ಯ ನೂತನ. ಸದಾ ಚೇತನ.

ನಾನು ಕಂಡಂತೆ ಶ್ರೀ ಮಾರುತಿ ಬೊಗಲೆಯವರು ಒಬ್ಬ ಆದರ್ಶ ಹಾಗು ತತ್ವಜ್ಞಾನಿ ಶಿಕ್ಷಕ, ಸದಾ ತಾತ್ವಿಕವಾಗಿ ಯೋಚಿಸುವವರು. ಎಂದೂ 'ಸಾವು' ಕಾಣದ ನಿತ್ಯ ಚೈತನ್ಯ ಶಕ್ತಿ ಎಂದೇ ಭಾವಿಸಿದ್ದೇನೆ. ಏಕೆಂದರೇ ರಾಘವೇಂದ್ರ ಬೊಗಲೆಯಂಥಹ ಮಕ್ಕಳನ್ನು ಸಮಾಜಕ್ಕೆ ಕಾಣಿಕೆಯಾಗಿ ಕೊಟ್ಟದ್ದು ಅವರ ವೃತ್ತಿ ಬದುಕಿನ ಸಾರ್ಥಕತೆ ಎಂದೇ ತಿಳಿದಿದ್ದೇನೆ. ಮಕ್ಕಳು ಸೇರಿ ತಂದೆಯ ನೆನಪಿಗೋಸ್ಕರ ಆಯೋಜಿಸುತ್ತಿರುವ ಇಂಥ ಕಾರ್ಯಕ್ರಮ ಅವರ ನಿಸ್ವಾರ್ಥ ಸೇವೆಗೆ ಹಿಡಿದ ಕನ್ನಡಿ. ಆ ಚೈತನ್ಯದ ಹೊಳಪಿನ ಮಹಾ ಬೆಳಕಿನೊಳಗೆ ಇಂಥ ಚಟುವಟಿಕೆಗಳು ಸದಾ ನಡೆಯುತ್ತಿರಲಿ . ಶ್ರೀ ಮಾರುತಿ ಬೊಗಲೆಯವರ ಆತ್ಮಜ್ಯೋತಿ ಸದಾ ಬೆಳಗುತ್ತಿರಲಿ ಎಂಬ ಪದ ಪುಷ್ಪಗಳನ್ನು ಅವರ ಅಡಿದಾವರೆಗೆ ಅರ್ಪಿಸಬಯಸುತ್ತೇನೆ. ಓಂ ಶಾಂತಿ.

ಶ್ರೀಮತಿ ಶಶಿಕಲಾ ಎಸ್ . ಪಾಟೀಲ

ಬಿಆರ್‌ಪಿ ಹುಮನಾಬಾದ,

ಸಮೂಹ ಸಂಪನ್ಮೂಲ ವ್ಯಕ್ತಿಗಳು,

ಸೀತಾಳಗೇರಾ, ತಾ. ಹುಮನಾಬಾದ ಜಿ. ಬೀದರ

ಕೋವಿಸೆಲ್ಫ್ ಕಿಟ್ ನಿಂದ ಕೋವಿಡ್ ಸ್ವಯಂ ಪರೀಕ್ಷೆ ಹೇಗೆ ?

noreply@blogger.com (ಕಾವ್ಯಾನುರಾಗ) — Fri, 21 May 2021 16:07:00 +0530

ಕೊರೊನಾ ಎರಡನೇ ಅಲೆಯಿಂದ ದಿನೇ ದಿನೆ ಸೊಂಕಿತರ ಸಂಖ್ಯೆ ಹೆಚ್ಚುತ್ತಿದ್ದು, ಎಲ್ಲರಲ್ಲಿಯೂ ಭಯ ಮನೆ ಮಾಡಿದೆ. ಸಣ್ಣ ಜ್ವರ, ನೆಗಡಿ, ಗಂಟಲು ಕರಕರ ಅಂದರೆ ಸಾಕು ನನಗೂ ಕೊರೋನಾ ಬಂತನೋ ಎಂಬಂತೆ ನಡುಗಿ ಬಿಡುತ್ತೇವೆ. ಹಾಗಂತ ಪಟ್ಟಂತ ಹೋಗಿ ಕೋವಿಡ್ ಟೆಸ್ಟ್ ಮಾಡಿಕೊಳ್ಳಲೂ ಭಯಪಡುತ್ತೇವೆ. ಹೀಗಾಗಿ ಅದೇಷ್ಟೋ ಜನ ಟೆಸ್ಟ್ ಮಾಡಿಕೊಳ್ಳದೇ ಕೋವಿಡ್ ಇದೇಯೋ ಇಲ್ಲವೋ ಎಂಬ ಗೊಂದಲದಲ್ಲಿಯೇ ಮಾನಸಿಕ ವೇದನೆಯಿಂದ ಒದ್ದಾಡುತ್ತಿದ್ದಾರೆ.

ಅಂಥವರಿಗೆ ಕೊರೋನಾ ಟೆಸ್ಟ್‌ನ ಮತ್ತೊಂದು ಗೇಮ್ ಚೇಂಜರ್ ಸಾಧನ ಈಗ ಮಾರುಕಟ್ಟೆಗೆ ಬಂದಿದೆ. ಅದನ್ನು ಮನೆಯಲ್ಲಿ ಸ್ವತಃ ತಾವೇ ಪರೀಕ್ಷೆ ಮಾಡಿಕೊಂಡು ತಮಗೆ ಕೊರೋನಾ ಸೋಂಕು ತಗುಲಿದನಾ ಇಲ್ಲವಾ ಎಂದು ತಿಳಿದುಕೊಳ್ಳಬಹುದಾಗಿದೆ. ಅದುವೆ ಈ ಹೋಂ ಟೆಸ್ಟಿಂಗ್ ರಾಪಿಡ್ ಆ್ಯಂಟಿಜೆನ್ ಪರೀಕ್ಷಾ ಕಿಟ್ “ಕೋವಿಸೆಲ್ಫ್”. ಇದಕ್ಕೆ ಐಸಿಎಂಆರ್ ಹಸಿರು ನಿಶಾನೆ ತೋರಿಸಿದೆ. ಸರಕಾರದ ಮಾನ್ಯತೆಯೂ ಲಭ್ಯವಾಗಿದೆ. ಈಗ ಬಿಡುಗಡೆಯಾಗಿದ್ದು ಇನ್ನನು ಎಲ್ಲರಿಗೂ ಸಿಗಲಿದೆ.

ಇದು ಪ್ರೆಗ್ನೆನ್ಸಿ ಪರೀಕ್ಷೆ ಮಾದರಿಯ ಹೋಂ ಕಿಟ್ ಆಗಿದ್ದು ಸರಳ ಮತ್ತು ಸುಲಭವಾಗಿದೆ. ಆದರೆ ಇದರ ಪ್ರತಿ ಆಗು ಹೋಗಿನ ಮೇಲೆ ಐಸಿಎಂಆರ್ ಆ್ಯಪ್ ಮೂಲಕ ನಮ್ಮ ಮೇಲೆ ನೇರ ನಿಗಾ ಇಟ್ಟಿರುತ್ತದೆ. ಕೊರೋನಾ ವೈರ ರೋಗದ ಲಕ್ಷಣಗಳನ್ನು ಹೊಂದಿರುವವರು ಮನೆಯಲ್ಲೇ ಸ್ವಯಂ ಪರೀಕ್ಷೆ ಮಾಡಿಕೊಳ್ಳಲು ಸಹಾಯವಾಗುವಂಥ ಟೆಸ್ಟ್ ಕಿಟ್ ಮೆಡಿಕಲ್ ಸ್ಟೋರ್‌ಗಳಲ್ಲಿ ಈಗ ಲಭ್ಯವಿದೆ.

ಪುಣೆಯ ಮೈಲಾಬ್ ಡಿಸ್ಕವರಿ ಸಲ್ಯೂಷನ್ಸ್ ಅಭಿವೃದ್ಧಿಪಡಿಸಿದ ಹೋಂ ಟೆಸ್ಟಿಂಗ್ ರಾಪಿಡ್ ಆ್ಯಂಟಿಜೆನ್ ಪರೀಕ್ಷಾ ಕಿಟ್ ಕೋವಿಸೆಲ್ಫ್ ಬಳಕೆಗೆ ಐಸಿಎಂಆರ್ ಅನುಮೋದನೆ ನೀಡಿದೆ. ಕಿಟ್ ಬಳಸಿ, 2 ನಿಮಿಷದಲ್ಲಿ ಜನರು ತಮ್ಮ ಗಂಟಲು ದ್ರವವನ್ನು ಸಂಗ್ರಹಿಸಿ, ಗರಿಷ್ಠ 15 ನಿಮಿಷಗಳಲ್ಲಿ ತಮ್ಮ ಫಲಿತಾಂಶವನ್ನು ತಾವೇ ನೋಡಿಕೊಳ್ಳಬಹುದಾಗಿದೆ.

ಕೋವಿಸೆಲ್ಫ್ ಕಿಟ್‌ನಿಂದ ಕೋವಿಡ್ ಟೆಸ್ಟ್ ಹೇಗೆ ಮಾಡುವುದು ಎಂಬುದನ್ನು ತೋರಿಸುವ ವೀಡಿಯೋ ನೋಡಲು ಇಲ್ಲಿ ಕ್ಲಿಕ್ಕಿಸಿ.

ಕೋವಿಸೆಲ್ಫ್ ಕಿಟ್‌ನಿಂದ ಕೋವಿಡ್ ಟೆಸ್ಟ್ ಹೇಗೆ ಮಾಡುವುದು ?

ಮೈ ಲ್ಯಾಬ್ ಆ್ಯಪ್ ಅನ್ನು ಗೂಗಲ್/ಆಪಲ್ ಪ್ಲೇ ಸ್ಟೋರ್‌ನಿಂದ ಡೌನ್ಲೋಡ್ ಮಾಡಿಕೊಳ್ಳಬೇಕು.
ಆಪ್ ಅನ್ನು ಡೌನ್ಲೋಡ್ ಮಾಡಿದ ಬಳಿಕ ಹೆಸರು, ಮೊಬೈಲ್ ನಂಬರ್ ಇತ್ಯಾದಿ ರಿಜಿಸ್ಟ್ರೇಷನ್ ಮಾಡಿಕೊಳ್ಳಬೇಕು.
ರಿಜಿಸ್ಟ್ರೇಷನ್ ಆದ ಬಳಿಕ ಫೋಟೋ ಅಪ್ಲೋಡ್ ಮಾಡಬೇಕು. ಆಪ್‌ನಲ್ಲಿ ರಿಜಿಸ್ಟ್ರೇಷನ್ ಮಾಡಿದ ಬಳಿಕ ಟೆಸ್ಟ್ ಕಿಟ್‌ನಲ್ಲಿರೋ ಫೋಟೋ ತೆಗೆದು ಕಳುಹಿಸಬೇಕು. ಅತಿ ಮುಖ್ಯವಾಗಿ ಸ್ಕ್ಯಾನಿಂಗ್ ಬಾರ್ ಕೋಡ್ ಫೋಟೋ ಕಳಿಸಬೇಕು.
ಟೆಸ್ಟ್ ಕಿಟ್ ಓಪನ್ ಮಾಡಿದ ಬಳಿಕ ಟೆಸ್ಟ್ ಕಿಟ್‌ನಲ್ಲಿರೋ ಕಡ್ಡಿ ಮೂಲಕ ಮೂಗಿನಲ್ಲಿ ಹಾಕಿ ಸ್ವಾಬ್ ತೆಗೆಯಬೇಕು.
ಟೆಸ್ಟ್ ಕಿಟ್‌ ಒಳಗಡೆ ಸ್ವಾಬ್ ಹಾಕಿ ಕಿಟ್‌ ಪ್ರತ್ಯೇಕವಾಗಿ ಇಡಬೇಕು.
ಮೂಗಿನ ಸ್ವಾಬ್ ಅನ್ನು ಕಿಟ್ ಒಳಗಡೆ ಹಾಕಿದಾಗ ಸ್ಕ್ಯಾನ್ ಮಾಡಿ ಪಾಸಿಟಿವ್ ಆಥವಾ ನೆಗಟಿವ್ ಅಂತ ಐಸಿಎಂಆರ್‌ಗೆ ಹೋಗಲಿದೆ.
ಸೆಲ್ಸ್ ಟೆಸ್ಟ್ ಕಿಟ್‌ನಲ್ಲಿ ಪಾಸಿಟಿವ್ ದೃಢಪಟ್ಟರೆ ಮೈ ಲ್ಯಾಬ್ ಆ್ಯಪ್‌ನಲ್ಲಿನ ನಿಮ್ಮ ಮಾಹಿತಿ ಐಸಿಎಂಆರ್‌ಗೆ ಹೋಗಲಿದೆ . ಐಸಿಎಂಆರ್ ರಾಜ್ಯದ ಆರೋಗ್ಯ ಇಲಾಖೆಗೆ ಮಾಹಿತಿ ನೀಡಲಿದೆ ಅಂತ ಹೇಳಲಾಗಿದೆ.

ಕೋವಿಸೆಲ್ಫ್ ಕಿಟ್‌ನಲ್ಲಿ ಸೆಲ್ಫ್ ಟೆಸ್ಟ್ ಮಾಡಿದ ಮೇಲೆ ಟೆಸ್ಟ್ ವಿಷಯದಲ್ಲಿ ಕಳ್ಳಾಟ ನಡೆಯಲ್ಲ. ನಿಮ್ಮ ರಿಪೋರ್ಟ್ ಏನೇ ಬರಲಿ ಅದರ ಫಲಿತಾಂಶ ಮುಚ್ಚಿಡಲು ಆಗಲ್ಲ. ಯಾಕಂದರೆ ನಿಮ್ಮ ರಿಪೋರ್ಟ್ ಬಾರ್‌ಕೋಡ್ ಆಗಲೇಬೇಕು. ಬಾರ್‌ಕೋಡ್ ಆದ ಮೇಲೆ ನೀವು ಎಲ್ಲೇ ಇದ್ದರೂ ನಿಮ್ಮನ್ನು ಹುಡುಕಿಕೊಂಡು ಸಂಬಂಧಿತ ಅಧಿಕಾರಿಗಳು, ಸಿಬ್ಬಂದಿ ಬರುತ್ತಾರೆ.

ಕೋವಿಸೆಲ್ಫ್ ಕಿಟ್‌ನಿಂದ ಕೋವಿಡ್ ಪಾಸಿಟಿವ್/ನೆಗೆಟಿವ್ ಗೊತ್ತಾಗುವುದು ಹೇಗೆ ?

ಮೂಗಿನ ಸ್ವಾಬ್ ಆಧರಿಸಿ ಪಾಸಿಟಿವ್/ನೆಗೆಟಿವ್ ಗೊತ್ತಾಗಲಿದೆ
ಟೆಸ್ಟ್ ಕಾರ್ಡ್ನ ಕ್ವಾಲಿಟಿ ಕಂಟ್ರೋಲ್ ಮೇಲೆ ಗೊತ್ತಾಗಲಿದೆ
'ಸಿ' ಬಳಿ 1 ಗೆರೆ ಬಿದ್ದರೆ ನೆಗೆಟಿವ್ ಎಂದರ್ಥ
'ಸಿ' ಮತ್ತು ' ಟಿ ' ಅಕ್ಷರದ ಪಕ್ಕ 2 ಗೆರೆ ಬಂದರೆ ಪಾಸಿಟಿವ್ ಇದೆ ಎಂದರ್ಥ
ಈ ಸೆಲ್ಫ್ ಟೆಸ್ಟ್ ಕಿಟ್‌ನ ಬೆಲೆ 250 ರೂ . ಮಾತ್ರ
ಎಲ್ಲ ಮೆಡಿಕಲ್ ಸ್ಟೋರ್ ಗಳಲ್ಲಿ ಈ ಕಿಟ್ ಸಿಗಲಿದೆ

ಸೂರ್ಯ ನಮಸ್ಕಾರ

noreply@blogger.com (ಕಾವ್ಯಾನುರಾಗ) — Wed, 19 May 2021 15:16:00 +0530

ನಮ್ಮ ಸನಾತನ ತತ್ವಶಾಸ್ತ್ರದಲ್ಲಿ ಪ್ರಸ್ತಾಪವಾಗುವ ಯೋಗದ ಪ್ರಮುಖ ಶಾಖೆಗಳೆಂದರೆ ರಾಜ ಯೋಗ, ಕರ್ಮ ಯೋಗ, ಜ್ಞಾನ ಯೋಗ, ಭಕ್ತಿ ಯೋಗ, ಮತ್ತು ಹಠ ಯೋಗ. ಪತಂಜಲಿಯ ಯೋಗಸೂತ್ರಗಳಲ್ಲಿ ಪ್ರಸ್ತಾಪವಾಗಿರುವ ಹಾಗೂ ಹಿಂದೂ ತತ್ವಶಾಸ್ತ್ರದ ಸಂದರ್ಭದಲ್ಲಿ ಸರಳವಾಗಿ ಯೋಗ ಎಂದೆನಿಸಿಕೊಳ್ಳುವ ರಾಜ ಯೋಗವು ಸಾಂಖ್ಯ ಸಂಪ್ರದಾಯಕ್ಕೆ ಸೇರಿದ್ದು. ಅನೇಕ ಇತರ ಹಿಂದೂ ಗ್ರಂಥಗಳು ಉಪನಿಷತ್ತುಗಳು, ಭಗವದ್ಗೀತೆ, ಹಠಯೋಗ ಪ್ರದೀಪಿಕಾ, ಶಿವಸಂಹಿತೆ ಮತ್ತು ಅನೇಕ ತಂತ್ರಗಳು ಸೇರಿದಂತೆ ಯೋಗದ ವಿವಿಧ ಮುಖ, ಮಗ್ಗಲುಗಳನ್ನು ಚರ್ಚಿಸುತ್ತವೆ.

ಯೋಗ ಸಂಸ್ಕೃತ ಪದ. ಇದು ಅನೇಕ ಅರ್ಥಗಳನ್ನು ಹೊಂದಿದೆ. ಈ ಪದವು "ನಿಯಂತ್ರಿಸು", "ಐಕ್ಯವಾಗು" ಅಥವಾ "ಒಗ್ಗಟ್ಟಾಗು" ಎಂಬರ್ಥಗಳನ್ನು ತಿಳಿಸುವ ಸಂಸ್ಕೃತ ಮೂಲ "ಯುಜ್‌,"ನಿಂದ ವ್ಯತ್ಪನ್ನವಾಗಿದೆ. "ಸೇರಿಸುವಿಕೆ," "ಜೊತೆಗೂಡುವಿಕೆ" "ಒಕ್ಕೂಟ" "ಸಂಯೋಗ," ಮತ್ತು "ನಿಮಿತ್ತ/ಉಪಕರಣ’ ಇವು ಇದರ ರೂಪಾಂತರಗಳು. ಭಾರತದ ಹೊರಗೆ, ಯೋಗ ಪದವನ್ನು ಸಾಮಾನ್ಯವಾಗಿ ಹಠ ಯೋಗ ಮತ್ತು ಅದರ ಆಸನಗಳನ್ನು ಸೂಚಿಸಲು ಅಥವಾ ವ್ಯಾಯಾಮದ ಒಂದು ರೂಪವಾಗಿ ಪರಿಗಣಿಸಲಾಗುತ್ತದೆ. ಯೋಗವನ್ನು ಅಭ್ಯಾಸ ಮಾಡುವವರು ಅಥವಾ ಯೋಗ ಸಿದ್ಧಾಂತವನ್ನು ಅನುಸರಿಸುವವರನ್ನು ಯೋಗಿ ಅಥವಾ ಯೋಗಿನಿ ಎಂದು ಕರೆಯುತ್ತಾರೆ.

ಇಂಥ ಯೋಗದ ಒಂದು ಅವಿಭಾಜ್ಯ ಅಂಗವೇ ಸೂರ್ಯ ನಮಸ್ಕಾರ. ಸೃಷ್ಟಿಯ ಸಮಸ್ತ ಜೀವಿಗಳ ಅಸ್ತಿತ್ವಕ್ಕೆ ಕಾರಣವಾಗಿರುವವನು ಸೂರ್ಯ. ಹಿಂದೂ ಧರ್ಮದಲ್ಲಿ ಸೂರ್ಯನಿಗೆ ಪ್ರಮುಖ ಸ್ಥಾನವನ್ನು ಕೊಡಲಾಗಿದೆ. ಸಕಲ ಜೀವಚರಾಚರಗಳಲ್ಲಿನ ಚೇತನವೇ ಸೂರ್ಯ. ಹೀಗಾಗಿ ಅವನಿಗೆ ನಮಿಸಿ ನಮ್ಮ ಆರೋಗ್ಯ ವೃದ್ಧಿಸಿಕೊಳ್ಳುವ ಪ್ರಕ್ರೀಯೆಯೇ ಈ ಸೂರ್ಯ ನಮಸ್ಕಾರ.

ದೈಹಿಕ, ಮಾನಸಿಕ ಮತ್ತು ಆಧ್ಯಾತ್ಮಿಕ ಆರೋಗ್ಯವನ್ನು ಸುಸ್ಥಿತಿಯಲ್ಲಿ ಇಟ್ಟುಕೊಳ್ಳಲು ನೆರವಾಗುವ ಪುರಾತನ ಭಾರತೀಯ ವ್ಯಾಯಾಮಗಳಲ್ಲಿ ಅತ್ಯಂತ ಮಹತ್ವದ ಸ್ಥಾನ ಪಡೆದಿರುವುದು ಸೂರ್ಯ ನಮಸ್ಕಾರ. ಇದಕ್ಕೆ ವೇದ ಕಾಲದಿಂದಲೂ ತನ್ನದೇ ಆದ ಮಹತ್ವವಿದೆ. ಉಸಿರಾಟದ ವಿನ್ಯಾಸಕ್ಕೆ ಅನುಗುಣವಾಗಿ ಲಯಬದ್ದ ರೀತಿಯಲ್ಲಿ ಸಂಯೋಜನೆಗೊಂಡಿರುವ ವಿಶಿಷ್ಟ ಆಸನವಾಗಿರುವ ಸೂರ್ಯ ನಮಸ್ಕಾರ ಎಲ್ಲ ಆಸನಗಳಿಗಿಂತಲೂ ಸರ್ವಶ್ರೇಷ್ಠವಾದದ್ದು. ವಿವಿಧ ಆಸನಗಳ ಬದಲಿಗೆ ಮುಂಜಾನೆ ಸೂರ್ಯ ನಮಸ್ಕಾರ ಮಾಡುವುದರಿಂದ ನಮಗೆ ಅಧಿಕ ಲಾಭವಿದೆ ಎನ್ನುತ್ತಾರೆ ತಜ್ಞರು.

ಸಮಯದ ಉಳಿತಾಯದೊಂದಿಗೆ ಉತ್ತಮ ಆರೋಗ್ಯ ಕಾಪಾಡಿಕೊಳ್ಳಲು ಸೂರ್ಯ ನಮಸ್ಕಾರ ಅತ್ಯುತ್ತಮ ಆಯ್ಕೆ. ಸೂರ್ಯ ನಮಸ್ಕಾರದ ರೂಪದಲ್ಲಿ12 ಆಸನಗಳಿವೆ. ಈ 12 ಯೋಗಾಸನಗಳ ಸರಣಿಯು ವಿಶೇಷವಾಗಿ ಹೃದಯಕ್ಕೆ ಒಳ್ಳೆಯ ವ್ಯಾಯಾಮವನ್ನು ನೀಡುತ್ತದೆ. ಈ ಆಸನಗಳು ದೇಹವನ್ನು ಸಮಸ್ಥಿತಿಯಲ್ಲಿರಿಸಲು ಮತ್ತು ಮನಸ್ಸನ್ನು ಶಾಂತವಾಗಿರಿಸಲು ಉತ್ತಮ ಮಾರ್ಗವಾಗಿವೆ. ಇದನ್ನು ಖಾಲಿ ಹೊಟ್ಟೆಯಲ್ಲಿ ಸೂರ್ಯೋದಯದ ಸಮಯದಲ್ಲಿ ಅಥವಾ ಸೂರ್ಯಾಸ್ತದ ಸಮಯದಲ್ಲಿ ಮಾಡುವುದು ಸೂಕ್ತ.

ಸೂರ್ಯ ನಮಸ್ಕಾರದ ವೀಡಿಯೋ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ

ಸೂರ್ಯ ನಮಸ್ಕಾರ ಮಾಡುವುದರಿಂದ ಉತ್ತಮ ಆರೋಗ್ಯ ಮಾತ್ರವಲ್ಲದೇ, ಈ ಭೂಮಿಯನ್ನು ತನ್ನ ಶಕ್ತಿಯಿಂದ ಜೀವಂತವಾಗಿರಿಸಿರುವ ಸೂರ್ಯದೇವನಿಗೆ ನಮ್ಮ ಕೃತಜ್ಞತೆಯನ್ನು ಅರ್ಪಿಸಲು ಕೂಡ ಒಂದು ಸದವಕಾಶ ನಮಗೆ ಸಿಕ್ಕಂತಾಗುತ್ತದೆ. ಮುಂದಿನ ೧೦ ದಿನಗಳವರೆಗೆ ಸೂರ್ಯನ ಚೈತನ್ಯದೆಡೆಗೆ ಕೃತಜ್ಞತಾಭಾವವನ್ನು ಮೂಡಿಸಿಕೊಳ್ಳುವುದರೊಂದಿಗೆ ನಿಮ್ಮ ದಿನಚರಿಯನ್ನು ಆರಂಭಿಸಿ. ೧೨ ಸುತ್ತುಗಳ ಸೂರ್ಯ ನಮಸ್ಕಾರದ ನಂತರ ಇನ್ನಿತರ ಯೋಗಾಸನಗಳನ್ನು ಮಾಡಿ, ನಂತರ ದೀರ್ಘವಾದ ಯೋಗನಿದ್ರೆಯಲ್ಲಿ ವಿಶ್ರಮಿಸಿ. ಆರೋಗ್ಯ, ಆನಂದ ಮತ್ತು ನೆಮ್ಮದಿಯನ್ನು ಕಂಡುಕೊಳ್ಳಲು ಇದು ಅತ್ಯಂತ ಸಹಾಯಕಾರಿಯಾಗಬಹುದು.

1.ಪ್ರಣಾಮಾಸನ

ಚಾಪೆಯ ತುದಿಯಲ್ಲಿ ನಿಂತುಕೊಂಡು, ನಿಮ್ಮ ಪಾದಗಳನ್ನು ಜೋಡಿಸಿ ತೂಕವನ್ನು ಸಮನಾಗಿ ಎರಡೂ ಕಾಲುಗಳ ಮೇಲೆ ಹಾಕಿ. ಎದೆಯನ್ನು ಹಿಗ್ಗಿಸಿ ಭುಜಗಳನ್ನು ಸಡಿಲಿಸಿ. ಉಸಿರನ್ನು ಒಳಗೆ ತೆಗೆದುಕೊಳ್ಳುತ್ತಾ ಎರಡೂ ಕೈಗಳನ್ನು ಮೇಲೆತ್ತಿ, ಉಸಿರನ್ನು ಹೊರಹಾಕುತ್ತಾ ಅಂಗೈಗಳನ್ನು ಜೋಡಿಸಿ ಎದೆಯ ಮುಂದೆ ತಂದು ನಮಸ್ಕಾರ ಮುದ್ರೆಯಲ್ಲಿರಿಸಿ.

2.ಹಸ್ತಉತ್ಥಾನಾಸನ

ಉಸಿರನ್ನು ಒಳಗೆ ತೆಗೆದುಕೊಳ್ಳುತ್ತಾ ತೋಳುಗಳನ್ನು ಮೇಲೆತ್ತಿ ಹಿಂದಕ್ಕೆ ಬಗ್ಗಿ, ಮೊಣಕೈಗಳನ್ನು ಕಿವಿಗಳ ಹತ್ತಿರ ತನ್ನಿ. ಈ ಭಂಗಿಯಲ್ಲಿ ಪೂರ್ಣ ಶರೀರವನ್ನು ಹಿಮ್ಮಡಿಯಿಂದ ಬೆರಳಿನ ತುದಿಯವರೆಗೂ ಸಾಧ್ಯವಾದಷ್ಟು ಹಿಗ್ಗಿಸಲು ಪ್ರಯತ್ನಿಸಿ. ಹಿಂದಕ್ಕೆ ಬಗ್ಗುವುದಕ್ಕಿಂತ ಜಠರವನ್ನು ಸ್ವಲ್ಪ ಮುಂದಕ್ಕೆ ತಳ್ಳಿ ಬೆರಳುಗಳನ್ನು ಇನ್ನಷ್ಟು ಚಾಚಿ.

3.ಹಸ್ತಪಾದಾಸನ

ಬೆನ್ನುಮೂಳೆಯನ್ನು ನೇರವಾಗಿಟ್ಟುಕೊಂಡು ಉಸಿರನ್ನು ಹೊರಗೆ ಬಿಡುತ್ತಾ ಸೊಂಟದಿಂದ ಮುಂದಕ್ಕೆ ಬಗ್ಗಿ. ಪೂರ್ಣವಾಗಿ ಉಸಿರನ್ನು ಹೊರಹಾಕಿದ ನಂತರ ಕೈಗಳನ್ನು ಪಾದದ ಪಕ್ಕಕ್ಕೆ ನೆಲದ ಮೇಲಿರಿಸಿ. ಅಗತ್ಯವಿದ್ದಲ್ಲಿ ನಿಮ್ಮ ಮಂಡಿಯನ್ನು ಬಗ್ಗಿಸಿ ಅಂಗೈಗಳನ್ನು ನೆಲದ ಮೇಲಿರಿಸಿ. ಈಗ ಮಂಡಿಯನ್ನು ನೇರವಾಗಿಸಲು ಮಿತವಾದ ಪ್ರಯತ್ನವನ್ನು ಮಾಡಿ.

4.ಅಶ್ವ ಸಂಚಲನಾಸನ

ಉಸಿರನ್ನು ಒಳಗೆ ತೆಗೆದುಕೊಳ್ಳುತ್ತಾ ನಿಮ್ಮ ಬಲಗಾಲನ್ನು ಸಾಧ್ಯವಾದಷ್ಟು ಹಿಂದಕ್ಕೆ ತಳ್ಳಿ. ಬಲ ಮಂಡಿಯನ್ನು ನೆಲಕ್ಕೆ ತಾಗಿಸಿ ಮೇಲೆ ನೋಡಿ. ಎಡಪಾದವು ಸರಿಯಾಗಿ ಅಂಗೈಗಳ ನಡುವೆ ಇರುವಂತೆ ನೋಡಿಕೊಳ್ಳಿ.

5.ದಂಡಾಸನ

ಉಸಿರನ್ನು ಒಳಗೆ ತೆಗೆದುಕೊಳ್ಳುತ್ತಾ, ಎಡ ಪಾದವನ್ನು ಹಿಂದಕ್ಕೆ ತೆಗೆದುಕೊಂಡು ಪೂರ್ಣ ಶರೀರವನ್ನು ನೇರವಾದ ರೇಖೆಯಲ್ಲಿರಿಸಿ. ತೋಳುಗಳನ್ನು ನೆಲಕ್ಕೆ ಲಂಬವಾಗಿರಿಸಿ.

6.ಅಷ್ಟಾಂಗ ನಮಸ್ಕಾರ

ನಿಧಾನವಾಗಿ ಮಂಡಿಗಳನ್ನು ನೆಲಕ್ಕೆ ತಂದು ಉಸಿರನ್ನು ಹೊರಹಾಕಿ. ಪೃಷ್ಠವನ್ನು ಸ್ವಲ್ಪ ಹಿಂದೆ ತೆಗೆದುಕೊಂಡು, ಮುಂದೆ ಜಾರಿ ಎದೆ ಮತ್ತು ಗಲ್ಲವನ್ನು ನೆಲಕ್ಕೆ ತಾಗಿಸಿ. ಹಿಂಭಾಗವನ್ನು ಸ್ವಲ್ಪ ಮೇಲೆತ್ತಿ. ಎರಡೂ ಕೈಗಳು, ಎರಡೂ ಪಾದಗಳು, ಎರಡೂ ಮಂಡಿಗಳು, ಎದೆ ಮತ್ತು ಗಲ್ಲ - ಎಂಟು ಶರೀರದ ಭಾಗಗಳು ನೆಲಕ್ಕೆ ತಾಗಿರುತ್ತವೆ.

7.ಭುಜಂಗಾಸನ

ಮುಂದಕ್ಕೆ ಜಾರಿ ಎದೆಯನ್ನು ಎತ್ತಿ ನಾಗರಹಾವಿನ ಭಂಗಿಯಲ್ಲಿ ದೇಹವನ್ನಿರಿಸಿ. ಮೊಣ ಕೈಯನ್ನು ಬಗ್ಗಿಸಬಹುದು. ತಲೆ ಮೇಲೆತ್ತಿ ಮೇಲೆ ನೋಡಿ. ಉಸಿರನ್ನು ಒಳಗೆ ತೆಗೆದುಕೊಳ್ಳುತ್ತಾ ನಯವಾದ ಪ್ರಯತ್ನದಿಂದ ಎದೆಯನ್ನು ಮುಂದೆ ತಂದು ಉಸಿರನ್ನು ಹೊರಹಾಕುತ್ತಾ ಹೊಟ್ಟೆಯ ಭಾಗ ಕೆಳಗೆ ತನ್ನಿ. ಕಾಲ್ಬೆರಳು ನೆಲದ ಮೇಲೆ ಚಪ್ಪಟೆಯಾಗಿರಿಸಿ. ನಿಮಗೆ ಸಾಧ್ಯವಾದಷ್ಟು ಮಾತ್ರ ಪ್ರಯತ್ನಿಸಿ, ದೇಹವನ್ನು ಹೆಚ್ಚು ಒತ್ತಾಯಿಸಬೇಡಿ.

8.ಪರ್ವತಾಸನ

ಉಸಿರನ್ನು ಹೊರಹಾಕುತ್ತಾ ಪೃಷ್ಠವನ್ನು ಹಾಗೂ ಹಿಂಭಾಗದ ಮೂಳೆಯನ್ನು ಮೇಲೆತ್ತಿ, ಎದೆಯನ್ನು ಕೆಳಗಿಳಿಸಿ. ಸಾಧ್ಯವಾದಲ್ಲಿ ಹಿಮ್ಮಡಿಯನ್ನು ಭೂಮಿಯ ಮೇಲಿರಿಸಿ ಹಿಂಭಾಗದ ಮೂಳೆಯನ್ನು ಮೇಲೆತ್ತುತ್ತಾ ಈ ಭಂಗಿಯನ್ನು ಗಾಢವಾಗಿಸಲು ಪ್ರಯತ್ನಿಸಿ.

9.ಅಶ್ವ ಸಂಚಲನಾಸನ

ಉಸಿರನ್ನು ಒಳಗೆ ತೆಗೆದುಕೊಳ್ಳುತ್ತಾ, ಬಲ ಪಾದವನ್ನು ಎರಡೂ ಕೈಗಳ ಮಧ್ಯೆ ತಂದು, ಎಡ ಮಂಡಿಯನ್ನು ನೆಲಕ್ಕೆ ತಳ್ಳಿ ಪೃಷ್ಠವನ್ನು ಕೆಳಗೆ ತನ್ನಿ. ತಲೆಯನ್ನು ಮೇಲೆತ್ತಿ ಮೇಲೆ ನೋಡಿ. ಎರಡೂ ಕೈಗಳ ಮಧ್ಯೆ ಸರಿಯಾಗಿ ಬಲ ಪಾದವನ್ನಿರಿಸಿ ಬಲ ಕಣಕಾಲಿನ ಹಿಂಭಾಗವನ್ನು ನೆಲಕ್ಕೆ ಲಂಬವಾಗಿರಿಸಿ. ಈ ಭಂಗಿಯಲ್ಲಿ ಪೃಷ್ಠವನ್ನು ನೆಲದ ಕಡೆಗೆ ತಳ್ಳಿ ಅನುಭವವನ್ನು ಗಾಢವಾಗಿಸಿ.

10.ಹಸ್ತ ಪಾದಾಸನ

ಉಸಿರನ್ನು ಹೊರಹಾಕುತ್ತಾ ಎಡ ಪಾದವನ್ನು ಮುಂದಕ್ಕೆ ತನ್ನಿ. ಅಂಗೈಗಳನ್ನು ನೆಲದ ಮೇಲಿರಿಸಿ. ಬೇಕಾದರೆ ಮಂಡಿಯನ್ನು ಬಗ್ಗಿಸಬಹುದು. ನಯವಾಗಿ ಮಂಡಿಗಳನ್ನು ನೇರವಾಗಿಸಿ ಸಾಧ್ಯವಾದರೆ ಮೂಗನ್ನು ಮಂಡಿಗೆ ತಾಗಿಸುವ ಪ್ರಯತ್ನವನ್ನು ಮಾಡಿ. ಉಸಿರಾಟವನ್ನು ಮುಂದುವರೆಸಿ.

11.ಹಸ್ತ ಉತ್ಥಾನಾಸನ

ಉಸಿರನ್ನು ಒಳಗೆ ತೆಗೆದುಕೊಳ್ಳುತ್ತಾ, ಬೆನ್ನೆಲುಬನ್ನು ಮತ್ತು ಕೈಗಳನ್ನು ಮೇಲೆತ್ತಿ ಹಿಂಭಾಗಕ್ಕೆ ಸ್ವಲ್ಪ ಬಗ್ಗಿ, ಪೃಷ್ಠವನ್ನು ಸ್ವಲ್ಪ ಹೊರಗೆ ತಳ್ಳಿ. ನಿಮ್ಮ ಮೊಣಕೈಗಳು ನಿಮ್ಮ ಕಿವಿಗಳ ಪಕ್ಕದಲ್ಲಿರುವಂತೆ ನೋಡಿಕೊಳ್ಳಿ.

12. ಪ್ರಣಾಮಾಸನ

ಉಸಿರನ್ನು ಹೊರಹಾಕುತ್ತಾ ಮೊದಲು ಶರೀರವನ್ನು ನೇರವಾಗಿಸಿ ನಂತರ ತೋಳುಗಳನ್ನು ಕೆಳಗೆ ತನ್ನಿ. ಮೊದಲಿನ ಪ್ರಣಾಮಾಸನ ಭಂಗಿಯಲ್ಲಿ ವಿಶ್ರಮಿಸಿ. ನಿಮ್ಮ ಶರೀರದಲ್ಲಾಗುವ ಸಂವೇದನೆಗಳನ್ನು ಗಮನಿಸಿ.

ಹೀಗೆ ಸೂರ್ಯ ನಮಸ್ಕಾರದ ಈ ೧೨ ಆಸನಗಳನ್ನು ಪುನರಾವರ್ತಿಸಿ. ಪ್ರತಿದಿನ ಅಭ್ಯಾಸ ಮಾಡುವುದುರಿಂದ ನಿಮ್ಮ ಆರೋಗ್ಯದಲ್ಲಿ ಬದಲಾವಣೆಯನ್ನು ಕಂಡುಕೊಳ್ಳಿ.

ಮನೆಯಲ್ಲಿದ್ದೆ ಕೊರೋನ ಗೆದ್ದ 94ರ ವೃದ್ಧೆ

noreply@blogger.com (ಕಾವ್ಯಾನುರಾಗ) — Tue, 18 May 2021 20:59:00 +0530

ಜೀವನದ ಬಗೆಗಿನ ಉತ್ಸಾಹ, ನಂಬಿಕೆ, ಭರವಸೆ ಮತ್ತು ಎಲ್ಲವನ್ನು ಎದುರಿಸುವೆ ಎನ್ನುವ ಅದಮ್ಯ ಧೈರ್ಯ ಜೊತೆಗಿದ್ದರೆ ಎಂಥದ್ದೇ ಗಂಡಾಂತರ ಬಂದರೂ ಸರಾಗವಾಗಿ ಎದುರಿಸಬಹುದು. ಇದನ್ನು ಅಕ್ಷರಶಃ ಸಾಬೀತು ಪಡಿಸಿ ತೋರಿಸಿದ್ದಾರೆ ಕಲಬುರಗಿ ನಗರದ ನಿವಾಸಿ ಕಲ್ಯಾಣಮ್ಮ ದುತ್ತರಗಾಂವ.

ದೇಶದಲ್ಲಿ, ರಾಜ್ಯದಲ್ಲಿ, ಜಿಲ್ಲೆಯಲ್ಲಿ ಇಷ್ಟು ಕೊರೋನಾ ಸೊಂಕಿತರಾದರು ಇಷ್ಟು ಜನ ಮರಣ ಹೊಂದಿದರು ಎಂಬ ಸುದ್ದಿ ಕೇಳಿಯೇ ಎದೆ ಒಡೆದುಕೊಳ್ಳುವವರ ನಡುವೆ ಕಲ್ಯಾಣಮ್ಮ ಮಾದರಿಯಾಗಿ ಸ್ಫೂರ್ತಿಯಾಗಿ ನಿಂತಿದ್ದಾರೆ. ಅವರನ್ನು ನೋಡಿದ ಮೇಲೆ ಎಷ್ಟೋ ಕೊರೋನಾ ಸೊಂಕಿತರ ಮುಖದಲ್ಲಿ ಭರವಸೆಯ ಮಂದಹಾಸ ಖಂಡಿತ ಮೂಡುತ್ತದೆ.

ಕಲಬುರಗಿ ನಗರದ ಬಿದ್ದಾಪುರ ಕಾಲೋನಿಯ ನಿವಾಸಿಯಾಗಿರುವ 94 ವರ್ಷದ ವೃದ್ದೆ ಕಲ್ಯಾಣಮ್ಮ ದುತ್ತರಗಾಂವ ಅವರು ಸಂಬಂಧಿಕರೊಬ್ಬರ ಅಂತ್ಯಸಂಸ್ಕಾರಕ್ಕೆ ಹೋದಾಗ ಅವರಿಗೆ ಕೊರೋನಾ ಸೋಂಕು ತಗುಲಿತ್ತು. ನಂತರ ಕುಟುಂಬ ವೈದ್ಯರ ಮಾರ್ಗದರ್ಶನದಂತೆ ಮನೆಯಲ್ಲೇ ಇದ್ದು ಸೂಕ್ತ ಚಿಕಿತ್ಸೆ ಪಡೆದುಕೊಂಡರು. ಎಲ್ಲಾ ನಿಯಮಗಳನ್ನು ಚಾಚೂ ತಪ್ಪದೆ ಕರಾರುವಕ್ಕಾಗಿ ಪಾಲಿಸಿದರು. ಜೊತೆಗೆ ಅವರಲ್ಲಿದ್ದ ಅದಮ್ಯ ಧೈರ್ಯ ಮತ್ತು ಆತ್ಮವಿಶ್ವಾಸ ಮಾಹಾಮಾರಿ ಕೊರೋನಾ ರೋಗದ ಸೋಂಕಿನಿಂದ ಪೂರ್ತಿಯಾಗಿ ಗುಣಮುಖರಾಗಲು ಸಾಧ್ಯವಾಯಿತು.

ಕೊರೋನಾ ಸೋಂಕಿನಿಂದ ಗುಣಮುಖರಾಗಲು ದೈರ್ಯ, ಸಕಾರಾತ್ಮಕ ವಿಚಾರಗಳು ಮತ್ತು ಸಕಾಲದಲ್ಲಿ ಸೂಕ್ತವಾದ ಚಿಕಿತ್ಸೆ ಪಡೆದರೆ ಯಾವುದೇ ತೊಂದರೆಯಾಗುವುದಿಲ್ಲ ಎನ್ನುತ್ತಾರೆ ಅಜ್ಜಿಯನ್ನು ಹೋಂ ಐಸ್ಕೂಲೇಶನ್‌ನಲ್ಲಿ ನೋಡಿಕೊಂಡ ಇವರ ಮೊಮ್ಮಗ ದೀಪಕ ಹೊಸಳ್ಳಿ ಮತ್ತು ಮೊಮ್ಮಗಳಾದ ನಿರ್ಮಲಾ. ಕಲ್ಯಾಣಮ್ಮ ಅವರು ಕೊರೋನಾ ಸೋಂಕನ್ನು ಸ್ವೀಕರಿಸಿದ ರೀತಿ ಸೊಂಕು ಧೃಡ ಪಟ್ಟಿದೆ ಎಂದು ಗೊತ್ತಾದಾಗ ಅದನ್ನು ಧೈರ್ಯದಿಂದ ಎದುರಿಸಿದ ರೀತಿ ಎಲ್ಲರಿಗು ಮಾದರಿ.

ನಾವು ಇವರಿಂದ ಕಲಿಯಬೇಕಾದ ಪಾಠ ಸಾಕಷ್ಟಿದೆ. ಅಜಾಗರೂಕತೆಯಿಂದ ಮಹಾಮಾರಿಗೆ ಆಹ್ವಾನ ನೀಡುವುದು ಬೇಡ. ಎಚ್ಚರಿಕೆಯಿಂದ ಇದ್ದು, ಸಾಮಾಜಿಕ ಅಂತರ ಕಾಪಾಡಿಕೊಂಡು ಕಡ್ಡಾಯವಾಗಿ ಮಾಸ್ಕ್ ಧರಿಸೋಣ. ಪ್ರತಿಯೊಬ್ಬರೂ ತಪ್ಪದೆ ಲಸಿಕೆ ಹಾಕಿಸಿಕೊಳ್ಳೋಣ. ಒಂದು ವೇಳೆ ಆಕಸ್ಮತ್ತಾಗಿ ಸೋಂಕು ತಗುಲಿದರೂ ಸಹ ಭಯಪಡದೇ ಧೈರ್ಯವಾಗಿ ಎದುರಿಸೋಣ. ಕೊರೋನಾ ಗೆದ್ದು ಬರೋಣ.

ಚೇತನಾ ಶಕ್ತಿ ಶೋಭಾ ರಂಜೋಳ್ಕರ್

noreply@blogger.com (ಕಾವ್ಯಾನುರಾಗ) — Sun, 16 May 2021 20:38:00 +0530

ಕಲ್ಯಾಣ ಕರ್ನಾಟಕ ಭಾಗದಲ್ಲಿಯೇ ಅಪರೂಪದ ಕಲಾವಿದೆಯಾಗಿ ಗುರುತಿಸಿಕೊಂಡು ಕಲಬುರಗಿ ಜಿಲ್ಲೆಯ ಕೀರ್ತಿಯನ್ನು ನಾಡಿನಾದ್ಯಂತ ಪಸರಿಸಿದ ಹಿರಿಯ ಕಲಾವಿದೆ ಶೋಭಾ ರಂಜೋಳ್ಕರ್ ಈಗ ನೆನಪು ಮಾತ್ರ. ತಮ್ಮ 67ನೇ ವಯಸ್ಸಿನಲ್ಲಿ ಹೃದಯಾಘಾತಕ್ಕೊಳಗಾಗಿ ಈ ಭಾಗದ ಕಲಾ ಹೃದಯಗಳನ್ನು ಮಮ್ಮಲ ಮರಗುವಂತೆ ಮಾಡಿದ್ದಾರೆ.

ಶೋಭಾ ರಂಜೋಳ್ಕರ್ ಚಲನಚಿತ್ರ ನಟಿಯಾಗಿ, ರಂಗ ನಿರ್ದೇಶಕಿಯಾಗಿ ಕಲಾ ರಂಗಕ್ಕೆ ಅಪಾರ ಕೊಡುಗೆಯನ್ನು ನೀಡಿದ್ದಾರೆ. ಮಡಿವಂತಿಕೆಯ ಸಮಯದಲ್ಲಿ ಹೆಣ್ಣುಮಕ್ಕಳು ಕಲಾ ರಂಗದಲ್ಲಿ ದೊಡ್ಡ ಮಟ್ಟದ ಸಾಧನೆ ಮಾಡಬಹುದು ಎಂಬುದನ್ನು ಸಾಧಿಸಿ ತೋರಿಸುವುದರ ಜೊತೆಗೆ ಅದೆಷ್ಟು ಹೆಣ್ಣುಮಕ್ಕಳು ಈ ಕ್ಷೇತ್ರದಲ್ಲಿ ಧುಮುಕಲು ಪ್ರೇರಕ ಶಕ್ತಿಯೂ ಆಗಿದ್ದಾರೆ.

ಮೂಲತಃ ತೆಲಂಗಾಣ ರಾಜ್ಯದ ಕೊಡಂಗಲ್‌ನವರಾದ ಶೋಭಾ ಅವರು ಮದುವೆಯಾಗಿ ಕರುನಾಡಿಗೆ ಬರುತ್ತಾರೆ. ಸೇಡಂನ ರಂಜೋಳದ ಇಂಜಿನೀಯರ್ ಭೀಮರಾವ್ ಕುಲಕರ್ಣಿ ಅವರ ಮಡದಿಯಾಗಿ. ಮನೆಯಲ್ಲಿ ಇವರ ಆಸಕ್ತಿಗೆ ದೊರೆತ ಪುಷ್ಟಿಯಿಂದ ಈ ಕಲಾರಂಗಕ್ಕೆ ತಮ್ಮನ್ನು ಅರ್ಪಿಸಿಕೊಳ್ಳುತ್ತಾರೆ. ರಂಗ ಮಾಧ್ಯಮ ಕಲಾ ತಂಡ ಹಾಗೂ ಸಂಗಮೇಶ್ವರ ಮಹಿಳಾ ಮಂಡಳದಿಂದ ಮೂಡಿಬಂದ ನಾಟಕಗಳಲ್ಲಿ ಬಣ್ಣ ಹಚ್ಚುತಲೇ ಎರಡು ತಂಡಗಳು ಕಲಾ ಕ್ಷೇತ್ರದಲ್ಲಿ ದೊಡ್ಡ ಹೆಸರು ಮಾಡುವಲ್ಲಿ ಶ್ರಮ ವಹಿಸುತ್ತಾರೆ. ಅನೇಕ ನಾಟಕಗಳನ್ನು ತಾವೆ ನಿರ್ಮಾಣ ಕೂಡಾ ಮಾಡುತ್ತಾರೆ.

ಕಳೆದ ವರ್ಷವಷ್ಟೆ ಕಲಬುರಗಿಯ ಡಾ. ಎಸ್.ಎಂ. ಪಂಡಿತ ರಂಗಮಂದಿರದಲ್ಲಿ ಎಲ್ಲಾ 35 ಪಾತ್ರಗಳಲ್ಲಿ ಮಹಿಳೆಯರೆ ಪಾತ್ರ ನಿರ್ವಹಿಸಿದ “ಯುದ್ಧ ಭಾರತ” ನಾಟಕವನ್ನು ಶೋಭಾ ರಂಜೋಳ್ಕರ್ ಪ್ರದರ್ಶನ ಮಾಡಿದ್ದರು. ಖರೋಖರಾ , ಆನಿ ಬಂತಾನಿ, ಹರಕೆಯ ಕುರಿ , ಕೇಳು ಜನಮೇಜಯ, ಶಾಂತತಾ ಕೋರ್ಟ್ ಚಾಲು ಆಹೆ, ಆಧುನಿಕ ದ್ರೋಣ, ಕಾಡು ಕುದುರೆ, ಶರಣು ಶರಣಾರ್ಥಿ, ನಾಪತ್ತೆಯಾದ ಪ್ರೇಮ ಪಸಂಗ, ಮಾತನಾಡುವ ಟೊಂಗೆಗಳು, ನೆಳಲೆಯ ಪ್ರಸಂಗ, ಜಯಿಸಿದ ನಾಯಕ, ಓಕಳಿ, ಅಮೈನಪುರದ ಸಂತೆ, ಗ್ರಹಣ, ಹುಲಿಯ ನೆರಲು, ಹಾಸ್ಯ ತರಂಗ, ಅಳಿಯನ ಅವಾಂತರ, ಜೀವನ ಚಕ್ರ, ಜೀವನ ಸಂಘರ್ಷ, ಲಕ್ಕವನ ನಂದಿ, ಸ್ತ್ರೀಲೋಕ ಸೇರಿದಂತೆ ಅನೇಕ ನಾಟಕಗಳಲ್ಲಿ ಅಭಿನಯಿಸಿದ್ದಾರೆ.

ನಾಟಕ ರಂಗವಷ್ಟೇ ಅಲ್ಲದೇ ಬೆಳ್ಳಿ ತೆರೆಯಲ್ಲೂ ತಮ್ಮ ಕಲಾವಂತಿಕೆಯನ್ನು ತೋರಿಸಿದ ಶೋಭಾ ರಂಜೋಳ್ಕರ್ ಅವರು ಕಲಬುರಗಿಯ ಆರಾಧ್ಯ ದೈವ ಮಹಾದಾಸೋಹಿ ಶ್ರೀ ಶರಣಬಸವೇಶ್ವರರು, ಚಂದ್ರಶೇಖರ ಕಂಬಾರ ಅವರೊಂದಿಗೆ ಬೆಳದಿಂಗಳಾಗಿ ಬಾ, ಗೌತಮ ಸೇರಿದಂತೆ ಮುಂತಾದ ಚಲನಚಿತ್ರಗಳಲ್ಲೂ ಅಭಿನಯಿಸಿದ್ದಾರೆ.

ಚಿಕ್ಕ ವಯಸ್ಸಿನಲ್ಲಿಯೇ ಈ ಕಲಾರಂಗಕ್ಕೆ ಪ್ರವೇಶ ಮಾಡಿದ್ದ ಶೋಭಾ ರಂಜೋಳ್ಕರ್ ಅವರನ್ನು ಕಲಾ ಸರಸ್ವತಿ ಸರಿಸುಮಾರು ನಾಲ್ಕು ದಶಕಗಳ ವರೆಗೆ ಬಾಚಿ ತಬ್ಬಿಕೊಂಡು ಆರೈಕೆ ಮಾಡಿದ್ದಳು. ಹೀಗಾಗಿ ರಂಗ ಕ್ಷೇತ್ರದಲ್ಲಿ ಅಪಾರ ಕೊಡುಗೆ ಸಲ್ಲಿಸಿ ತಮ್ಮದೇಯಾದ ಛಾಪನ್ನು ಮೂಡಿಸಿದ್ದಾರೆ.

ನಾಟಕ, ಸಿನಿಮಾ, ಧಾರಾವಾಹಿಗಳು ಸೇರಿದಂತೆ ಆಕಾಶವಾಣಿಯಲ್ಲಿ ಕಲಾವಿದೆಯಾಗಿ ಅದೆಷ್ಟೋ ಬಾನುಲಿ ನಾಟಕಗಳಿಗೆ ತಮ್ಮ ಮನೋಜ್ಞ ಅಭಿನಯದ ಮೂಲಕ ಜೀವಂತಿಕೆಯನ್ನು ತಂದುಕೊಟ್ಟಿದ್ದಾರೆ. ದೂರದರ್ಶನದಲ್ಲಿಯೂ ಅನೇಕ ನಾಟಕಗಳಲ್ಲಿ ಅಭಿನಯ ಮಾಡಿದ್ದಾರೆ. ಆಬಿನಯದ ಜೊತೆಗೆ ಶೋಭಾ ರಂಜೋಳ್ಕರ್ ಅವರು ಅನೇಕ ನಾಟಕಗಳನ್ನು ಸ್ವತಃ ನಿರ್ದೇಶನ ಮಾಡಿ ಅದರಲ್ಲಿಯೂ ಸೈ ಎನ್ನಿಸಿಕೊಂಡಿದ್ದಾರೆ. ಅಲ್ಲದೇ ಕನ್ನಡ ಸಾಹಿತ್ಯ ಪರಿಷತ್ತಿನ ಚಟುವಟಿಕೆಗಳಲ್ಲೂ ಸಕ್ರೀಯವಾಗಿ ಭಾಗವಹಿಸುತ್ತಿದ್ದ ಶೋಭಾ ರಂಜೋಳ್ಕರ್ ಅವರು ಸಾಹಿತ್ಯದ ಕಡೆಗೂ ಅಪಾರ ಆಸಕ್ತಿಯನ್ನು ಹೊಂದಿದವರಾಗಿದ್ದರು.

ಮಹಿಳಾ ಜಾಗೃತಿಯ ಬಗ್ಗೆ ಇವರ ಮನಸ್ಸು ಸದಾ ಮಿಡಿಯುತ್ತಿತ್ತ. ಹೀಗಾಗಿ ಕಲಬುರಗಿ ನಗರದಲ್ಲಿ ಸಂಗಮೆಶ್ವರ ಮಹಿಳಾ ಮಂಡಳದ ಮೂಲಕ ಮಹಿಳೆಯರಲ್ಲಿ ಧೈರ್ಯ ಮತ್ತು ಜಾಗೃತಿ ಮೂಡಿಸುವ ಅದೇಷ್ಟೋ ಪೇರಣದಾಯಕ ಕಾರ್ಯಕ್ರಮಗಳನ್ನು ಹಮ್ಮಿಕೊಂಡಿದ್ದರು . ಹೀಗೆ ಶೋಭಾ ರಂಜೋರ್‌ ಕೇವಲ ಒಬ್ಬ ಮಹಿಳೆಯಾಗಿರದೇ ಒಬ್ಬ ಕಲಾವಿದೆಯಾಗಿರದೇ ಒಂದು ಶಕ್ತಿಯಾಗಿ ನಿಂತಿದ್ದರು. ಆ ಮೂಲಕ ಅದೇಷ್ಟೋ ಮಹಿಳೆಯರಿಗೆ ಚೇತನವನ್ನು ನೀಡಿದ್ದಾರೆ.

ಒಂದೇ ಕಟ್ಟಿಗೆಯಲ್ಲರಳುವ ಕಲಾತ್ಮಕ ಸರಪಳಿ “ಚಂಗು”

noreply@blogger.com (ಕಾವ್ಯಾನುರಾಗ) — Sun, 16 May 2021 15:22:00 +0530

ಕಳೆದ ವರ್ಷ ಕಲಬುರಗಿಯಲ್ಲಿ ಜರುಗಿದ ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳನದಲ್ಲಿ ಇವರನ್ನು ಭೇಟಿಯಾಗುವ ಸಂದರ್ಭ ಆಕಸ್ಮಿಕವಾಗಿ ಸಿಕ್ಕಿತು. ಆಕಾಶವಾಣಿಯಲ್ಲಿ ಗೋಷ್ಠಿಗಳ ನೇರ ಪ್ರಸಾರ ನಡೆದಿತ್ತು. ಆದರೆ ನನ್ನ ನೇರ ದೃಷ್ಟಿ ಕಲಬುರಗಿಯ ಬಿರು ಬಿಸಿಲಿನಲ್ಲೂ ಹೆಗಲ ಮೇಲೆ ಕಂಬಳಿ ಹೊದ್ದುಕೊಂಡು, ತಲೆಯ ಮೇಲೊಂದು ಶಲ್ಯ ಸುತ್ತಿ ಸುಮ್ಮನೆ ಕೂತಿದ್ದ ತಾತನೊಬ್ಬನ ಮೇಲೆ ಬಿತ್ತು.

ಅವರು ರಾಯಚೂರು ಜಿಲ್ಲೆ ದೇವದುರ್ಗ ತಾಲೂಕಿನ ಚಿಂತಲಕುಂಟ ಗ್ರಾಮದ ಹಿರಿಯ ಜೀವ ಹಣಮಂತರಾ ಮಕಾಶಿ. ನನ್ನ ಗಮನ ಆ ಕಡೆ ಹೋಗಿದ್ದು ಅವರ ವೇಶ ಭೂಷಣ ನೋಡಿ ಅಲ್ಲ. ಬದಲಿಗೆ ಅವರ ಕೈಯಲ್ಲಿದ್ದ ಆ ಅಪರೂಪದ ವಸ್ತು ನೋಡಿ. ಅದೇನಿರಬಹುದು ಎಂಬ ಕುತೂಹಲ ಮೂಡಿತು. ಕೇಳೋಣ ಎಂದು ಎದ್ದು ಬಂದೆ. ಹಾಗೆ ಸುಮ್ಮನೆ ಮಾತಾಡಿಸಿ ನಾನೊಬ್ಬನೆ ಸಮಾಧಾನವಾದರೆ ಹೇಗೆ ಎಲ್ಲರಿಗೂ ಈ ತಾತನ ಕಟ್ಟಿಗೆಯ ಆ ಕಲಾಕೃತಿಯನ್ನು ತೋರಿಸಬೇಕು ಎಂದು ವೀಡಿಯೋ ಚಿತ್ರೀಕರಣ ಮಾಡಿಕೊಂಡೆ. ಇವರ ಕಲಾವಂತಿಕೆಯಲ್ಲಿ ಅರಳಿರುವ ಈ ಕಲಾಕೃತಿ (Wood Art) ಚಂಗು ಒಂದೇ ಕಟ್ಟಿಗೆಯಲ್ಲಿ ಸೂಕ್ತವಾಗಿ ಕೆತ್ತಲ್ಪಟ್ಟಿರುವ ಅತ್ಯದ್ಭುತ ಕಲಾ ವಸ್ತು.

ಈ ಕಲಾತ್ಮಕ ವಸ್ತುವನ್ನು ಕೊಡಲು ಕೇಳಿದ್ದೆ ಆದರೆ ಅದು ಅಲ್ಲಿನ ಮಠಕ್ಕಾಗಿ ಮಾಡಿ ಕೊಟ್ಟದ್ದು, ಇಲ್ಲಿ ಜನರಿಗೆ ತೋರಿಸಲಷ್ಟೆ ತಂದಿದ್ದೇನೆ, ನಿಮಗರ ಬೇಕಾದರೆ ಹೇಳಿ ಮಾಡಿ ತಂದುಕೊಡುತ್ತೇನೆ ಅಂದಿದ್ದರು. ಆದರೆ ನನಗೆ ಕೆಲಸದ ಒತ್ತಡದಲ್ಲಿ ಇದನ್ನು ಮರೆತೆ ಬಿಟ್ಟಿದ್ದೆ. ಇತ್ತೀಚೆಗೆ ಏನೋ ಹುಡುಕುವಾಗ ಈ ವಿಡಿಯೋ ಸಿಕ್ಕಿ ಅದೆಲ್ಲ ನೆನಪಾಯಿತು‌. ಇದನ್ನ ಎಲ್ಲರೊಂದಿಗೆ ಹಂಚಿಕೊಳ್ಳಬೇಕೆನಿಸಿತು.

ಈ ವಿಡಿಯೋವನ್ನು ನೋಡಿ ಖಂಡಿತ ಖುಷಿ ಮಡುತ್ತೀರಾ. ನಿಮ್ಮ ಮನೆಯಲ್ಲೂ ಈ ಅಪರೂಪದ (Wood Art) ವಸ್ತು ಶೋಭಾಯಮಾನ ಆಗಬೇಕು ಅಂದರೆ ಈ ನಂಬರಿಗೆ 7090123935 ಕರೆ ಮಾಡಿ ಆರ್ಡರ್ ಕೊಡಿ. ಪಾಪ ಇಂಥ ಸಂಕಷ್ಟದ ಸಮಯದಲ್ಲಿ ಆ ಹಿರಿಯ ಜೀವಕ್ಕೊಂದು ಕೆಲಸ ಕೊಟ್ಟಂತಾಗುತ್ತದೆ. ಜೊತೆಗೆ ಒಂದು ಅಪರೂಪದ ಕಲೆಯನ್ನು ಬೆಳೆಸಿದಂತೆಯೂ ಉಳಿಸಲು ಸಹಕರಿಸಿದಂತೆಯೂ ಆಗುತ್ತದೆ.

ಧನ್ಯವಾದಗಳು.